\id JHN -Shikkalgar
\ide UTF-8
\h ಯೊಹಾನ
\toc3 ಯೊಹಾನ
\toc2 ಯೊಹಾನ
\toc1 ಯೊಹಾನ ಬರ್ದಲ ಯೆಸುನಿ ಸುವಾರ್ತಾ
\mt2 ಯೊಹಾನನು ಬರೆದ ಯೆಸುವಿನ ಸುವಾರ್ತೆ
\mt1 ಯೊಹಾನ ಬರ್ದಲ ಯೆಸುನಿ ಸುವಾರ್ತಾ
\imt ವಳಕ
\ip ಯೊಹಾನ ಬರ್ದಲ ಸುವಾರ್ತೆ ನವಾ ವಡಂಬಡಿಕೆಮಾ ಚಾರಮಾ ಯಕ್ಕ ಥಯುಸ ವರಿ ಎ ಸುವಾರ್ತೆ ಯೆಸುನಿ ಜಿವನನಿ ಚರಿತ್ರೆನಾ ಹುತಿ ಕವಸ. ಎ ಕ್ಹಾರಾ ಬುಕ್ಕೊ ಸುವಾರ್ತೆ ಕೈನ ಕವೈಲಿದ್ಯಾಸ. ಸುವಾರ್ತೆ ಕದ್ಯಾಮ ಚೊ಼ಕಿ ವಾತೊ ಎ ಸುವಾರ್ತೆ ಬುಕ್ಕೊ ಯೆಸು ಮರಲ ಪರ ಮತ್ತಾಯ, ಮಾರ್ಕ, ಲುಕ, ಯೊಹಾನ ಇವ್ನಾಕ್ಹು ಬರ್ದಲ ವ್ಹೈ. ಯೊಹಾನ ಬರ್ದಲ ಸುವಾರ್ತೆ ಯೆಸು ಹುಟ್ಟಿನ 90 ವರಕ್ಹ ಥಯಲ ಪರ ಅಪೊಸ್ತಲ ಥಯಲ ಯೊಹಾನ ಬರ್ದಲ ವ್ಹೈ. ಎ ಬುಕ್ಕ ಯೊಹಾನ ಬರ್ದ್ಯೊಸ ಕವಾನು ನೈ ದೆಕಾಡಿನ ದೆತು. ತೆನೈಸೊ ಬರ್ದಲ ತರಿಕೊ 1 ಯೊಹಾನ 2 ಯೊಹಾನ 3 ಯೊಹಾನ ಪತ್ರಿಕೆಮಾ ಘನ್ನಿಯೊ ಕದಲ ಛೆ ಜು಼ನ್ನಾ ಬರ್ದಲವಾಲೊ ಎ ಟೈಮ್ಮಾ ಯೊಹಾನ ಎಫಿಷಿಮಾ ಎ ಸುವಾರ್ತೆ ಬರ್ದಲ ವರಿ ಜಿವ್ನಾ ಕರ್ತೊ ವಸೆ ಕೈನ ಕವಸ.
\ip ಯೊಹಾನನಿ ಎ ಸುವಾರ್ತೆನೆ ಖಾಸ ಉದ್ದೆಶ ಸು ವ್ಹೈ ಕದ್ಯಾಮ ಮನಕ್ಹೊ ಯೆಸು ಕ್ರಿಸ್ತ ಜಿವ್ತೊ ರ‍್ಹಯಲ ಕ್ಹುದಾನೊ ದಿಕ್ರೊ ವ್ಹೈ ಕೈನ ಬರೊಕ್ಹೊ ಕರಾನೆ ಸಹಾಯ ಥಾವಾನಾ ಹುತಿ ಎ ಬರೊಕ್ಹೊ ಕರಾನಾ ಮುಕಾಂತರ ತಿನಾ ನಾಮಪರ ಅಪ್ನೊ ಜ಼ಲಮ ಛೆ. ದೆಕ ಎ ಸುವಾರ್ತೆ ಯಹುದ್ಯೊಪರ ವರಿ ಯೆಹುದಿ ನೈಸೊವಾಲಾವೊನಾ ಬರ್ದಲ ವ್ಹೈ. ಯೊಹಾನನಿ ಸುವಾರ್ತೆ ಬಿಜಿಯೊ ತನ್ನ ಸುವಾರ್ತೆ ತಿಬಿ ಫರಕ ಛೆ. ಕಾಕದ್ಯಾಮ ಯೊಹಾನ ಯೆಸು ಕರಲ ಅದ್ಭುತನಾ ಹುತಿ ಧ್ಯಾನ ದಿದ್ಯೊಸ ವರಿ ತಿನು ಸಾಮ್ಯನಾ ಹುತಿ ತೆಕ್ಲು ಬರ್ದ್ಯೊ ನತ್ತಿ. ವರಿ ಎ ಸುವಾರ್ತೆ ಖಾಸ ಸಂಗತಿಯೊ ಯೆಸುನಿ ಬಾಪ್ತಿಸ್ಮ ವರಿ ಯೆಸುನು ಉಸುಕನಿ ಜಿಮಿನಪರ ಥಯಲ ಪರಿಕ್ಷಾನಾ ಹುತಿ ಬರ್ದ್ಯೊ ನತ್ತಿ.
\iot ಪಿಠಿಕೆ
\io1 1. ಯೊಹಾನೆ ಸುವಾರ್ತೆ ಮಾ ಶುರು ಕರ‍್ಯೊಸ \ior 1:1-18 \ior*
\io1 2. ತೆ ಥಯಲ್ಪರ ಯೆಸು ಕರಲ ಘನ್ನಾ ಅಧ್ಭುತನಾ ಹುತಿ ಬರ್ದಲ ಛೆ \ior 1:19; 12:50\ior*
\io1 3. ತೆ ಥಯಲ್ಪರ ಯೆಸುನಾ ಜಿವನ್ನಾ ಹುತಿ ಥಯಲ ಘನ್ನಿಯೊ ಸಂಗತಿಯೊ ವರಿ ತಿನು ಮರಣನಾ ಹುತಿ ವರಿ ಪುನಾರುತ್ಥಾನಾ ಹುತಿ ತಿಳಸೈನ ದಿದ್ಯೊಸ \ior 13:1—20:31\ior*
\io1 4. ಯೊಹಾನ 21 ಅದ್ಯಾಯಮಾ ಯೆಸು ಪುನರುತ್ಥಾನ ಥೈನ ಮನಕ್ಹೊನೆ ದಿಕ್ಹಲ ವರಿ ಎ ಪುಸ್ತಕನೊ ಉದ್ದೆಶ ಸು ವ್ಹೈ ಕೈನ ಎ ಸುವಾರ್ತೆ ಪುರಾ ಕರಸ \ior 21:1-25 \ior*
\c 1
\s ಜ಼ಲಮ್ನಿ ವಾಕ್ಯಾ
\p
\v 1 ಶುರುತಿ ಪೈಲಾಜ ದುನಿಯಾಮಾ ವಾಕ್ಯಾ ವ್ಹತ್ತಿ. ತೆ ಕ್ಹುದಾನಾ ಕ್ಹಾತೆ ವ್ಹತ್ತೊ. ತೆಜ಼ ಕ್ಹುದಾ ವ್ಹತ್ತೊ. 
\v 2 ಕ್ಹಾರು ಶುರು ಥಾವಾತಿ ಪೈಲಾಜ ತೆ ಕ್ಹುದಾನಾ ಕ್ಹಾತೆ ವ್ಹತ್ತೊ. 
\v 3 ಕ್ಹುದಾ ಕ್ಹಾರುಜ ತಿನಾ ಮುಕಾಂತರ ತಯ್ಯಾರ ಕರ‍್ಯೊ. ತೆನೈಸೊ ಸುಜ಼ ತಯ್ಯಾರ ಥಯು ನೈ. 
\v 4 ತಿಮಾ ಮುಲ ಜ಼ಲಮ ವ್ಹತ್ತೊ. ತೆ ಜ಼ಲಮ ಮನಕ್ಹೊನೆ ಉಜಾಲು ಥೈನ ವ್ಹತ್ತು. 
\v 5 ಉಜಾಲು ಅಂದಾರಾಮಾ ಉಜಾಲು ದಿದ್ಯು. ತೆನೈಸೊ ಅಂದಾರು ಉಜಾಲಾನೆ ವಳಕ್ಯು ನೈ. 
\v 6 ಕ್ಹುದಾ ಸಂದೆಶ ಕವಾಲಾ ಯಕ್ಕ ಮನಕ್ಹನೆ ಮೊಕಲ್ಯೊ ತಿನು ನಾಮ ಯೊಹಾನ ವ್ಹತ್ತು. 
\v 7 ಯೊಹಾನ ಉಜಾಲಾನಾ ಹುತಿ ಮನಕ್ಹೊಕನ ಆಯೊ. ತಿನಾ ಮುಕಾಂತರ ಕ್ಹಾರಾ ಮನಕ್ಹೊ ತೆ ಸಂದೆಶ ಐಕಿನ ತಿನೆ ನಂಬು ಕೈನ ಆಯೊ. 
\v 8 ಯೊಹಾನಜ ತೆ ಕ್ಹರಿನು ಉಜಾಲು ನ್ಹೊತು 
\v 9 ಕ್ಹರಿನು ಉಜಾಲು ವ್ಹತ್ತು. ಎ ದುನಿಯಾಮಾ ಆವಾನು ವ್ಹತ್ತು. ತೆಜ಼ ಕ್ಹರಿನು ಉಜಾಲು ಕ್ಹಾರಾ ಮನಕ್ಹೊ ಪರ ಚಮಕಸ. 
\v 10 ವಾಕ್ಯಾ ಕವಾಲೊ ತೆಳಾಮಾಜ಼ ದುನಿಯಾಮಾ ವ್ಹತ್ತೊ. ವರಿ ಕ್ಹುದಾ ತಿನಾ ಮುಕಾಂತರ ದುನಿಯಾ ತಯ್ಯಾರ ಕರ‍್ಯೊ. ವರಿಬಿ ತಿನೆ ಎ ದುನಿಯಾವಾಲಾ ವಳಕ್ಯಾ ನೈ. 
\v 11 ತೆ ತಿನಾ ಸ್ವಂತ ದೆಶೆ ಆಯೊ. ತೆನೈಸೊ ತಿನಾ ಸ್ವಂತ ಮನಕ್ಹೊ ತಿನೆ ವಪ್ಪಿಲಿದ್ಯಾ ನೈ. 
\v 12 ತೆನೈಸೊ ಕುನ್ನ-ಕುನ್ನ ತಿನೆ ವಪ್ಪಿಲಿದ್ಯಾ ಕದ್ಯಾಮ ತಿನಾ ನಾಮ ಪರ ಬರೊಕ್ಹೊ ಕರ‍್ಯಾ ತ್ಯುನೊನೆ ತೆ ಕ್ಹುದಾನಾ ಬಚ್ಚಾ ಥಾವಾನೆ ಹಕ್ಕ ದಿದ್ಯೊ. 
\v 13 ಇವ್ನೆ ರಗತಕ್ಹು ರ‍್ಹೈನೆಕಾ ಅಂಗನಾ ಆಸಕ್ಹು ರ‍್ಹೈನೆಕಾ ದಾಣ್ಗಾನಾ ಆಸಕ್ಹು ರ‍್ಹೈನೆಕಾ ಹುಟ್ಟಲ ನ್ಹವೈ. ತೆ ಇವ್ನೆ ಕ್ಹುದಾಕ್ಹುಜ ಹುಟ್ಟಲ ವ್ಹೈ. 
\v 14 ವಾಕ್ಯಾ ಕವಾಲೊ ಮನಕ್ಹನೊ ರುಪತಾಳಿನ. ತೆ ಪುರಾ ಕೃಪಾಕ್ಹು ವರಿ ಕ್ಹರಿಕ್ಹು ಭರ‍್ಯೊತೊ. ಅಪ್ನಾ ಕ್ಹಾತೆ ಜಿವ್ನಾ ಕರ‍್ಯೊ ಅಪೆ ತಿನಿ ಮಹಿಮಾ ದೆಕ್ಯಾ. ತೆ ಮಹಿಮಾ ಬಾನೊ ಯಕ್ಲೊಜ ದಿಕ್ರೊ ರ‍್ಹಯಲ ತಿನೆ ಮಹಿಮಾ ವ್ಹತ್ತಿ. 
\v 15 ಯೊಹಾನ ತಿನಾಹುತಿ ಸಾಕ್ಷಿ ದಿನ್ನ ವರಿ ವದ್ರಿನ ಕದ್ಯೊ" ಎ ತೆಜ಼ ವ್ಹೈ ಕಿನಾಹುತಿ ಮಿ ಕದ್ಯೊ, ತೆ ಮಪರ್ತೊ ಆವಸ, ಮುಪರತೊ ಆವಾಲೊ ಯಕ್ಲೊ ಮುತ್ತಿ ಮ್ಹೊಟೊ ವ್ಹೈ. ತೆ ಮಿ ಹುಟ್ಟಾತಿ ಪೈಲಾಜ ಕಾಕದ್ಯಾಮ ತೆ ಅಸ್ತಿತ್ವಮಾ ವ್ಹತ್ತೊ. 
\v 16 ತಿನಿ ಕರುಣಾ ವರಿ ಪರಿಪುರ್ಣ ಕೃಪಾಕ್ಹು ಭರಲ ವ್ಹತ್ತೊ. ತಿನಾಕ್ಹುಜ ಅಪೆ ಕ್ಹಾರಾ ಮನಕ್ಹೊ ಆಶಿರ್ವಾದ ಪರ ಆಶಿರ್ವಾದ ವ್ಹಂದ್ಯಾ. 
\v 17 ಕ್ಹುದಾ ಮೊಶೆನಾ ಮುಲಕ ನಿಯಮೊ ದಿದ್ಯೊತೊ. ತೆನೈಸೊ ಕೃಪಾ ಕ್ಹರಿ ಯೆಸು ಕ್ರಿಸ್ತನಾ ಮುಲಕ ಆಯು. 
\v 18 ಕ್ಹುದಾನೆ ಕುನ್ನಜ ಕೆಳಾಮಾಜ ದೆಕ್ಯಾ ನತ್ತಿ. ತೆನೈಸೊ ಯಕ್ಲೊಜ ದಿಕ್ರೊ ತೆ ಕ್ಹುದಾನ ಲಿಂಗತ ಛೆ ವರಿ ಬಾನಾ ಬಾಜು಼ಮಾ ಛೆ. ತೆ ದಿಕ್ರೊ ಕ್ಹುದಾನೆ ಅಪೊನೆ ದೆಕಾಡಿನ ದಿದ್ಯೊಸ.
\s ಬಾಪ್ತಿಸ್ಮ ದಿಲಾವಾಲಾ ಯೊಹಾನನು ಸಂದೆಶ
\r (ಮತ್ತಾಯ 3:1-12; ಮಾರ್ಕ 1:2-8; ಲುಕ 3:15-17)
\p
\v 19 ತು ಕುನ್ನ ವ್ಹೈ? ಕೈನ ಯೊಹಾನನೆ ಪುಚ್ಚಾನಾ ಹುತಿ ಯೆರುಸಲೆಮನಾ ಯಹುದ್ಯೊನಾ ಅದಿಕಾರಿಯೊ ಯೊಹಾನಕನ ದಕ್ಹಾ ಯಾಜಕೊನೆ ವರಿ ಲೆವಿಯೊನೆ ಮೊಕಲ್ಯಾ. 
\v 20 ಯೊಹಾನ ಝಾಕ್ಯಾವಾಚಿ"ಮಿ ಕ್ರಿಸ್ತ ನ್ಹವೈ" ಕೈನ ಕ್ಹಾರಾವೊನಾ ಕ್ಹಾಮೊ ಕದ್ಯೊ. 
\v 21 ವರಿ ತ್ಯುನೆ ತಿನೆ"ತಿಮ್ಮ ರ‍್ಹಯುಮ ತು ಕುನ್ನ ವ್ಹೈ? ತು ಎಲಿಯಾ ವ್ಹೈಸು ಕೈನ ಪುಚ್ಯಾ. ತೆ"ನ್ಹವೈ, ಮಿ ಎಲಿಯಾ ನ್ಹವೈ ಕೈನ ಕದ್ಯೊ. ವರಿ ತ್ಯುನೆ"ತು ಪ್ರವಾದಿ ವ್ಹೈಸು? ಕೈನ ಪುಚ್ಯಾ. ಯೊಹಾನ"ನ್ಹವೈ, ಮಿ ಪ್ರವಾದಿ ನ್ಹವೈ ಕೈನ ಕದ್ಯೊ. 
\v 22 ತಿಮ್ಮ ರ‍್ಹಯುಮ"ಹಮೊನೆ ಕೆ ತು ಕುನ್ನ ವ್ಹೈ. ಹಮೊನೆ ವಳಾಯಲವಾಲಾವೊನೆ ಹಮೆ ಸು ಕೈಯೆ. ತಾರಾ ಹುತಿ ತು ಸು ಕಶಿ? 
\v 23 ತೆ ವಾತೆ ಯೊಹಾನ,ಪ್ರವಾದಿ ಥಯಲ ಯೆಶಾಯ ಕದಲ ತಿಮ್ಮ ಕದ್ಯೊ. "ಪ್ರಭು ಆವಾನಾ ಹುತಿ ವಾಟ ಸಿದಾ ತಯ್ಯಾರ ಕರೊ ಕೈನ ರಾನ್ಮಾ ವದ್ರಾನು ಅವಾಜ಼ ಮಿ ವ್ಹೈ" 
\v 24 ವಳಾಯಲ ವಾಲಾವೊಮಾನಾ ದಕ್ಹಾ ಜ಼ನಾ ಪರಿಸಾಯರೊ ವ್ಹತ್ತಾ. 
\v 25 ತ್ಯುನೆ ಯೊಹಾನನೆ ಪುಚ್ಯಾ"ತು ತಾರಾ ಹುತಿ"ಮಿ ಕ್ರಿಸ್ತ ಬಿ ನ್ಹವೈ ಕವಾನು ರ‍್ಹಯುಮ, ಎಲಿಯಾಬಿ ನ್ಹವೈ, ಪ್ರವಾದಿಬಿ ನ್ಹವೈ ಕೈನ ಕವಾಡ್ಯೊಸ. ಇಮ್ಮ ರ‍್ಹಯುಮ ತು ಮನಕ್ಹೊನೆ ಕಾ ಬಾಪ್ತಿಸ್ಮ ಕರಾವಾಡೊಸ? 
\v 26 ಯೊಹಾನ ಕದ್ಯೊ"ಮಿ ಮನಕ್ಹೊನೆ ಪಾನಿಕ್ಹು ಬಾಪ್ತಿಸ್ಮ ಕರೌಸ. ತೆನೈಸೊ ತುಮೊನೆ ಗ್ವತ ನೈ ರ‍್ಹಯಲವಾಲೊ ನ್ಹ್ಯಾ ಛೆ. 
\v 27 ಮಾರಾ ಪಾಚೊ಼ ಆವಾಲೊ ತೆಜ಼ ವ್ಹೈ. ತಿನಿಯೊ ಚಪ್ಲೊನಿಯೊ ದೊರಿಯೊ ಖೊಲಾನೆ ಮಿ ಯೊಗ್ಯ ನತ್ತಿ ಕೈನ ಕದ್ಯೊ. 
\v 28 ಯೊರ್ದನ ನದಿನಾ ತಿನಾ ಪುರ್ವ ದಿಕ್ರಾನಾ ಬಗಲ ರ‍್ಹಯಲ ಬೆಥನಿ ಕವಾನಾ ಗಾಮಮಾ ಎ ಸಂಗತಿಯೊ ಥಯ್ಯೊ. ಯೊಹಾನ ಮನಕ್ಹೊನೆ ಬಾಪ್ತಿಸ್ಮ ಕರಾನು ನ್ಹ್ಯಾಜ ವ್ಹೈ.
\s ಬಕ್ರಾನು ಬಚ್ಚು಼
\p
\v 29 ಮರ್ನಾ ದಿನ್ನೆ ಯೊಹಾನ, ತಿಕನ ಆವಾನಾ ಯೆಸುನೆ ದೆಕ್ಯೊ ದೆಕಿನ "ದೆಕೊ, ಕ್ಹುದಾನು ಬಕ್ರಾನು ಬಚ್ಚು಼. ತೆ ಎ ದುನಿಯಾನಾ ಪಾಪೊ ಕಾಡಸ. 
\v 30 ಮಿ ಗಯಲ್ಪರ ಯಕ್ಕ ಮನಕ್ಹ ಆವಸ. ತೆ ಮಾರಾತಿಬಿ ಮ್ಹೊಟೊ ವ್ಹೈ. ಕಾಕದ್ಯಾಮ ತೆ ಮಾರಾತಿಬಿ ಪೈಲಾ ಹುಟ್ಟಿನ ಅಸ್ತಿತ್ವಮಾ ರ‍್ಹಯಲವಾಲೊ ವ್ಹೈ ಕೈನ ಮಿ ಕವಾನು ಇನಾಜ ವ್ಹೈ. 
\v 31 ತೆ ಕುನ್ನ ವ್ಹೈ ಕವಾನು ಮನೆಬಿ ಗ್ವತ ನ್ಹೊತು. ತೆನೈಸೊ ತಿನೆ ಇಸ್ರಾಯಲೊನೆ ತಿಳ್ಸಾನಿ ಹುತಿ ಮಿ ಮನಕ್ಹೊನೆ ಪಾನಿಕ್ಹು ಬಾಪ್ತಿಸ್ಮ ದಿಲಾವಾಡ್ಯೊತೊ" ಕೈನ ಕದ್ಯೊ. 
\v 32 ಯೊಹಾನ ಸಾಕ್ಷಿ ದಿನ್ನ ಕದ್ಯೊ ತೆ ಕುನ್ನ ವ್ಹೈ ಕೈನ ಮನೆಬಿ ಗ್ವತ ನ್ಹೊತು. ತೆನೈಸೊ ಮನಕ್ಹೊನೆ ಬಾಪ್ತಿಸ್ಮ ದಿವಾನೆ ಮನೆ ವಳಾಯಲವಾಲೊ ಮನೆ ಪವಿತ್ರ ಆತ್ಮಾ ಸ್ವರ್ಗತು ಉತ್ರಿನ ಐನ ಯಕ್ಕ ಮನಕ್ಹನಾ ಉಪ್ಪರ ಆವಾನು ತು ದೆಕ್ಷಿ. 
\v 33 ಪವಿತ್ರ ಆತ್ಮಾಕ್ಹು ಬಾಪ್ತಿಸ್ಮ ದಿಲಾವಾಲೊ ತೆಜ಼ ಮನಕ್ಹ ವ್ಹೈ "ಕೈನ ಕದಲ ಎ ಥಾವಾನು ಮಿ ಡೊಳಾ ಕ್ಹಾಮೊ ದೆಕ್ಯೊಸ. ಪವಿತ್ರ ಆತ್ಮಾ ಸ್ವರ್ಗತೊ ಕ್ಹಬುತರನಾ ರುಪಮಾ ಉತ್ರಿನ ಐನ ತಿನಾ ಉಪ್ಪರ ಆವಾನು ಮಿ ದೆಕ್ಯೊ. 
\v 34 ತಿನಾಹುತಿ "ಮಿ ಸು ದೆಕ್ಯೊಸ ತೆಜ಼ ಮಿ ಕೌಸ. ತೆಜ಼ (ಯೆಸು) ಕ್ಹುದಾನೊ ದಿಕ್ರೊ ವ್ಹೈ ಕೈನ ಮಿ ಮನಕ್ಹೊನೆ ತಿಳ್ಸುಸ "ಕದ್ಯೊ.
\s ಯೆಸುನೊ ಪಸ್ಟಲ್ಯೊ ಶಿಷ್ಯಾ
\p
\v 35 ಮರ್ನಾ ದಿನೆ ವರಿ ಯೊಹಾನ ತಿನಾ ಬೆ ಶಿಷ್ಯಾವೊನೆ ಕ್ಹಾತೆ ತ್ಯಾ ರ‍್ಹತಾಮಾ, 
\v 36 ನಜಿಕ್ಮಾ ಚಾಲ್ತೊ ರ‍್ಹತಾಮಾ ಯೆಸುನೆ ದೆಕ್ಯೊ ತೆಳಾಮಾ ಯೊಹಾನ ಕದ್ಯೊ ಎ ಕ್ಹುದಾನು ಬಕ್ರಾನು ಬಚ್ಚು಼, 
\v 37 ಯೊಹಾನನಾ ಎ ವಾತೊ ಐಕಿನ ತೆ ಬೆ ಶಿಷ್ಯಾ ಯೆಸುನಾ ಪಾಚಾ಼ ಗಯಾ. 
\v 38 ಯೆಸು ಪಾಚೊ಼ ಫರಿನ ದೆಕ್ಯೊ ತ್ಯುನೆ ಪಾಚಾ಼ ಆವಾನು ದೆಕಿನ ತುಮೊನೆ ಸು ಚಾ಼ಯೆ? ಕೈನ ಪುಚ್ಯೊ. ತೆ ಬೆ ಜ಼ನಾ, ತಿನೆ ಉತ್ತರ ದಿದ್ಯಾ" ರಬ್ಬಿ, ತು ಕಿಜ್ಗಾ ರ‍್ಹಯೊಸ? ಕೈನ ಪುಚ್ಯಾ. ರಬ್ಬಿ" ಕದ್ಯಾಮ" ಗುರು" ಇನೊ ಮತ್ಲಬ ವ್ಹೈ. 
\v 39 ಯೆಸು ತ್ಯುನೊನೆ "ಮಾರಾ ಕ್ಹಾತೆ ಆವೊ, ತೆಳಾಮಾ ತುಮೆಜ಼ ದೆಕೊಶಿ" ಕೈನ ಕದ್ಯೊ. ತಿನಾಹುತಿ ತೆ ಬೆಜ಼ನಾ ಗೈನ ಯೆಸು ರ‍್ಹಯಲ ಜ಼ಗಾ ದೆಕಿಲಿದ್ಯಾ. ತೆಳಾಮಾ ಕ್ಹಾಂಜ಼ನಾ ಟೈಮ್ಮಾ ಚಾರ ವಾಜಾ಼ತಾ ತೆ ದಿನೆ ತ್ಯುನೆ ತ್ಯಾಜ ಕ್ಹಾರೊ ತಿನಾ ಕ್ಹಾತೆ ವ್ಹತ್ತಾ. 
\v 40 ತೆ ಬೆ ಜ಼ನಾ ಯೊಹಾನನಿಯೊ ವಾತೊ ಐಕಿನ ಯೆಸುನಾ ಪಾಚಾ಼ ಗಯಲ ಬೆ ಶಿಷ್ಯಾಮಾ. ಸಿಮೊನ ಪೆತ್ರಾನೊ ನ್ಹಾನೊ ಭೈ ಥಯಲ ಅಂದ್ರೆಯ ಇವ್ನೊಮಾ ಯಕ್ಲೊ ವ್ಹತ್ತೊ. 
\v 41 ಪೈಲಾ, ತೆ ತಿನೊ ಭೈ ಥಯಲ ಸಿಮೊನೆ ಮಳಿನ ಕದ್ಯೊ" ಅಪೊನೆ ಮಸಿಹಾ ಮಳ್ಯೊಸ ಕದ್ಯೊ. (ಮಸ್ಸಿಹಾ ಕದ್ಯಾಮ ಕ್ರಿಸ್ತ ವ್ಹೈ) 
\v 42 ತೆ ಸಿಮೊನನೆ ಯೆಸುಕನ ಬಲೈ ಲಾಯೊ. ಯೆಸು ಸಿಮೊನನೆ ದೆಕಿನ"ಯೊಹಾನನೊ ದಿಕ್ರೊ ರ‍್ಹಯಲ ತಾರು ನಾಮ ಸಿಮೊನ ವ್ಹೈ. ತು ಕೆಫ ಕೈನ ಕವೈಲೆಸಿ" ಕೈನ ಕದ್ಯೊ. ಕೆಫ ಕದ್ಯಾಮ ಮ್ಹೊಟೊ ದಗ್ಡೊ ವ್ಹೈ.
\s ಯೆಸು ಫಿಲಿಪ್ಪನೆ ವರಿ ನಥಾನಿಯೆಲನೆ ಬಲಾಯಲ
\p
\v 43 ಮರ್ನಾ ದಿನೆ ಯೆಸು ಗಲಿಲಾಯೆ ಜೌ಼ಸ ಕೈನ ನಿರ್ದಾರ ಕರ‍್ಯೊ. ಯೆಸು ಫಿಲಿಪ್ಪನೆ ದೆಕಿನ ತಿನೆ"ಮಾರಾ ಪಾಚೊ಼ ಆ" ಕೈನ ಕದ್ಯೊ. 
\v 44 ಅಂದ್ರೆಯಾ ವರಿ ಪೆತ್ರಾ ಲಿಂಗತ ಫಿಲಿಪ್ಪಬಿ ಬೆತ್ಸಾಯಿ ಗಾಮವಾಲಾ ವ್ಹತ್ತಾ. 
\v 45 ಫಿಲಿಪ್ಪ ನತಾನಿಯೆಲನೆ ಮಳಿನ ತಿನೆ"ಕಿನಾಹುತಿ ಮೊಶೆ ಧರಮಶಾಸ್ತ್ರಮಾ ಬರ್ದ್ಯೊ ವರಿ ಪ್ರವಾದಿಯೊ ಬರ್ದ್ಯಾ, ತೆ ಹಮೊನೆ ಮಳ್ಯೊಸ. ತೆ ಯೊಸೆಫನೊ ದಿಕ್ರೊ ಯೆಸು ನಜರೆತವಾಲೊ ವ್ಹೈ ಕೈನ ಕದ್ಯೊ. 
\v 46 ತೆನೈಸೊ ನತಾನಿಯೆಲ ಫಿಲಿಪ್ಪನೆ"ನಜರೆತತೊ ಚೊ಼ಕು ರ‍್ಹಯಲ ಸುಬಿ ಆವಸ ಸು? ಕೈನ ಪುಚ್ಚೊ. ಫಿಲಿಪ್ಪ"ಐನ ದೆಕ" ಕೈನ ಜವಾಬ ದಿದ್ಯೊ. 
\v 47 ಯೆಸು ತಿಕನ ಆವಾನಾ ನತಾನಿಯೆಲನೆ ದೆಕಿನ ತಿನಾ ಹುತಿ"ಎ ಕ್ಹರಿನೊ ಇಸ್ರಾಯಲ ವ್ಹೈ. ಇನಾಮಾ ಕಪಟ ನತ್ತಿ" ಕೈನ ಕದ್ಯೊ. 
\v 48 ನತಾನಿಯೆಲ"ತು ಮನೆ ಕಿಮ್ಮ ವಳಕ್ಯೊ? ಕೈನ ಪುಚ್ಚೊ. ಯೆಸು"ಫಿಲಿಪ್ಪ ತುನೆ ಬಲಾವಾತಿ ಅಗ್ದುರಜ಼ ತು ಉಂಬ್ರೊನಾ ಝಾಡನಾ ಹೆಟೊ ರ‍್ಹತಾಮಾ ಮಿ ತುನೆ ದೆಕ್ಯೊ" ಕೈನ ಕದ್ಯೊ. 
\v 49 ತೆಳಾಮಾ ನತಾನಿಯೆಲ ತಿನೆ"ಗುರು, ತುಜ಼಼ ಕ್ಹುದಾನೊ ದಿಕ್ರೊ ವ್ಹೈ. ತು ಇಸ್ರಾಯಲನೊ ರಾಜೊ಼ ವ್ಹೈ" ಕೈನ ಕದ್ಯೊ. 
\v 50 ಯೆಸು ತಿನೆ"ತು ಉಂಬ್ರೊನಾ ಝಾಡನಾ ಹೆಟೊ ಬೆಟಲ ದೆಕ್ಯೊಸ. ಅಮ್ಮ ಮಿ ಕದಲಕ್ಹು ತು ಮಪರ ಬರೊಕ್ಹೊ ಕರ್ಸಿ ಸು? ತೆನೈಸೊ ತಿತ್ತಿಬಿ ಘನ್ನಾ ಮ್ಹೊಟಾ ಕಾಮೊ ತು ದೆಕ್ಷಿ" ಕೈನ ಕದ್ಯೊ. 
\v 51 ತೆನೈಸೊ ಯೆಸು ತ್ಯುನೊನೆ"ಮಿ ತುನೆ ಕ್ಹರಿಜ ಕೌಸ. ಸ್ವರ್ಗ ಖುಲ್ಲಾ ಕರಲನೆ ಮನಕ್ಹನಾ ದಿಕ್ರಾನಾ ಉಪ್ಪರ ದೆವ ದುತೊ ಉಪ್ಪರ ಜಾ಼ವಾನು ಹೆಟು ಆವಾನು ತುಮೆ ದೆಕೊಶಿ ಕೈನ ಕದ್ಯೊ.
\c 2
\s ಕಾನಾ ಕವಾನಾ ಗಾಮ್ಮಾ ಹಿವಾ
\p
\v 1 ಬೆ ದಿನ್ನ ಥಯಲ್ಪರ ಗಲಿಲಾಯನಾ ಕಾನಾ ಕವಾನಾ ಗಾಮಮಾ ಯಕ್ಕ ಹಿವಾ ವ್ಹತ್ತೊ. ಯೆಸುನಿ ಯಾ ಬಿ ತ್ಯಾ ವ್ಹತ್ತಿ. 
\v 2 ಯೆಸುನೆ ವರಿ ತಿನಾ ಶಿಷ್ಯಾವೊನೆಬಿ ಹಿವಾನೆ ಬಲಾಯಾತಾ. 
\v 3 ಹಿವಾಮಾ ದ್ರಾಕ್ಷಿಯೊನು ರಕ್ಹ ಕ್ಹರಲ್ಪರ. ಯೆಸುನಿ ಯಾ ತಿನೆ"ತ್ಯುನೊಕನ ದ್ರಾಕ್ಷಿಯೊನು ರಕ್ಹಜ ನತ್ತಿ "ಕೈನ ಕದಿ.
\p
\v 4 ಯೆಸು"ಬೈ, ತು ಮನೆ ಕಾ ಕವಾಡಿಸ? ಮಾರು ಟೈಮ ಹಜನ ಆಯೊ ನತ್ತಿ" ಕೈನ ಜವಾಬ ದಿದ್ಯೊ.
\p
\v 5 ಯೆಸುನಿ ಯಾ ಸೆವಕೊನೆ"ತೆ ತುಮೊನೆ ಸು ಕವಸ ತೆ ಕರೊ" ಕದಿ.
\p
\v 6 ದಗ್ಡಾಕ್ಹು ಕರಲ ಛೆ ಮ್ಹೊಟಿಯೊ ಡೊಣಿಯೊ ತ್ಯಾ ವ್ಹತ್ತಿಯೊ. ಯಹುದಿಯೊನಿ ಪದ್ದತ ಲಿಂಗತ ಶುದ್ಧಾಚಾರಿಯೊನೆ ಎ ದಗ್ಡಾನಿಯೊ ಡೊಣಿಯೊ ಉಪಯೊಗ ಕರ್ತಾತಾ. ಹರಿ ಯಕ್ಕ ಡೊಣಿಯೊಮಾ ಕಮ್ಮಶಿ ಕಮ್ಮ 80 ತು 120 ಲಿಟರ ಪಾನಿ ಧರ್ತುತು. 
\v 7 ಯೆಸು ಸೆವಕೊನೆ"ತೆ ಡೊಣಿಯೊಮಾ ಪಾನಿ ಭರೊ" ಕೈನ ಕದ್ಯೊ. ತಿನಾಲಿಂಗತಜ಼ ಸೆವಕೊ ತೆ ಡೊಣಿಯೊಮಾ ಪಾನಿ ಕಂಟಾ ಲಕ್ಕಾ ಭರ‍್ಯಾ. \fig ದಗ್ಡಾಕ್ಹು ಕರಲ ಭರಣಿಯೊಮಾ ಪಾನಿ ಭರಿನ ಮುಕ್ಕಾನು |alt="Filling water in the stone jars" src="lb00135c.tif" size="col" copy="Horace Knowles ©" ref="2:7"\fig*
\p
\v 8 ಯೆಸು ಸೆವಕೊನೆ"ತೆ ಡೊಣಿಯೊಮಾನು ದಕ್ಹು ಪಾನಿ ಕಾಡಿನ ತೆ ಗೈನ ಅನ್ನ ಕರಾಲಾವೊನಾ ಮ್ಹೊಟಾನೆ ದಿವೊ" ಕೈನ ಕದ್ಯೊ ತಿನಾಲಿಂಗತಜ಼ ತ್ಯುನೆ ತೆ ಲಿನ ಗಯಾ. 
\v 9 ಅನ್ನ ಕರಾಲಾವೊಪರ ಮ್ಹೊಟೊ ರ‍್ಹಯಲವಾಲೊ ಪಾನಿ ದ್ರಾಕ್ಷಿಯೊನು ರಕ್ಹ ಬದಲಿ ಥಯಲ ಪಾನಿನು ಸವಾದ ದೆಕ್ಯೊ. ಕಿಜ್ಗಾಂತು ದ್ರಾಕ್ಷಿಯೊನು ಆಯುಸ ಕವಾನು ತಿನೆ ಗ್ವತ್ತ ನ್ಹೊತು. ತೆನೈಸೊ ಪಾನಿ ಕಾಡಲ ತೆ ಸೆವಕೊನೆ ಗ್ವತ್ತ ವ್ಹತ್ತು. ಅನ್ನ ಕರಾಲಾವೊ ಪರ ಮ್ಹೊಟೊ ರ‍್ಹಯಲವಾಲೊ ನೌರಾನೆ ಬಲಾಯೊ, 
\v 10 "ಮನಕ್ಹೊ ಚೊಕೊಜ ರ‍್ಹಯಲ ಮನಕ್ಹೊನೆ ದ್ರಾಕ್ಷಿಯೊನು ರಕ್ಹ ವಾಟಸ. ಅತಿಥಿಯೊ ಪಿನ ತೃಪ್ತ ಥಯಲ್ಪರ ಸಾದಾ ರ‍್ಹಯಲ ದ್ರಾಕ್ಷಿಯೊನು ರಕ್ಹ ದಿವಸ. ತೆನೈಸೊ ತು ಚೊಕೊಜ ರ‍್ಹಯಲ ದ್ರಾಕ್ಷಾರಸ ಇವ್ನೊನೆ ಮುಕ್ಯೊಸ" ಕೈನ ಕದ್ಯೊ.
\p
\v 11 ಕಾನಾ ಕವಾನಾ ಗಾಮ್ಮಾ ಯೆಸು ಕರಲ ಪೈಲಾನು ಅದ್ಭುತ ಕಾಮ ವ್ಹೈ. ತೆ ತಿನಿ ಮಹಿಮಾ ತ್ಯಾ ದೆಕಾಡಿನ ದಿದ್ಯೊ. ತಿನಾ ಶಿಷ್ಯಾ ತಿಪರ ಬರೊಕ್ಹೊ ಮ್ಹೆಲ್ಯಾ.
\p
\v 12 ತೆ ಥಯಲ್ಪರ ಯೆಸು ತಿನಿ ಮಾ, ಭಾಯೊ ವರಿ ತಿನಾ ಶಿಷ್ಯಾವೊನಾ ಕ್ಹಾತೆ ಕಪೆನೌರ್ಮ ಕವಾನಾ ಗಾಮೆ ಗಯೊ. ವರಿ ತ್ಯುನೆ ತ್ಯಾ ದಕ್ಹಾ ದಿನ್ನ ವ್ಹತ್ತಾ..
\s ದೆವಾಲಯಮಾ ಯೆಸು
\r (ಮತ್ತಾಯ 21:12,13; ಮಾರ್ಕ 11:15,17; ಲುಕ 19:45-46)
\p
\v 13 ತೆಳಾಮಾ ಯೆಹುದಿಯೊನು ಫಸ್ಕ ಸನ್ನ ನಜಿಕ ವ್ಹತ್ತು. ತಿನಾಹುತಿ ಯೆಸು ಉಪ್ಪರ ಯೆರುಸಲೆಮೆ ಗಯೊ. 
\v 14 ದೆವಾಲಯಮಾ ಮನಕ್ಹೊ ಬೈಲೊ, ಬಕ್ರಾ, ವರಿ ಕ್ಹಬುತರೊ ಇಕ್ಕಾನು ಯೆಸು ದೆಕ್ಯೊ. ವರಿ ದಕ್ಹಾ ಮನಕ್ಹೊ ಟೆಬ್ಲೊಕನ ಬೈಟಿನ ದೊಕ್ಡಾ ಬದಲಿ ಕರಾನು ವರಿ ವ್ಯಾಪಾರ ಕರಾಡಾತಾ. 
\v 15 ಯೆಸು ದಕ್ಹಾ ರಾಕ್ಹೊನಾ ತುಕ್ಡಾಲಿನ ತ್ಯುನೊಕ್ಹು ಬಾರಕೊಲ ಕರಿನ ವರಿ ಕ್ಹಾರಾ ಜಾನ್ವರೊನೆ ದೆವಾಲಯತೊ ಭಾರೊ ಖಾದ್ಯೊ, ಬೈಲೊ ವರಿ ಬಕ್ರಾ ಭಂಬಿನೆ ಮಾರಿನ ವರಿ ದೊಕ್ಡಾ ಬದಲಿ ಕರಾಲಾ ಮನಕ್ಹೊನೆ ವರಿ ತ್ಯುನಾ ದೊಕ್ಡಾ ನಾಕಿಪಾಡ್ಯೊ. 
\v 16 ಕ್ಹಬುತರೊ ಇಕ್ಕಾಲಾವೊನೆ"ಎ ಕ್ಹಾರು ಭಾರಾ ಲಿನ ಜಾವೊ! ಮಾರಾ ಬಾನು ಘರ ವ್ಯಾಪಾರ ಕರಾನು ಜ಼ಗಾ ಕರೊ ನಕೊ" ಕೈನ ಕದ್ಯೊ. 
\v 17 ತಾರಿ ಆಲಯಪರ ರ‍್ಹಯಲ ಮಯಾ ಮಾರಾಮಾ ಆಗ ಲಿಂಗತ ಬಳಸ. (ಕಿರ್ತನೆ 69:9) ಕೈನ ಪವಿತ್ರ ಗ್ರಂಥಮಾ ಬರ್ದಲ ವಾಕ್ಯಾ ತಿನಾ ಶಿಷ್ಯಾ ಶೆ ಕರಲಿದ್ಯಾ. ಯಹುದ್ಯೊ ಯೆಸುನೆ"ಯಕ್ಲು ಕ್ಹಾರು ಕರಾನು ತುನೆ ಕುನ್ನ ಅದಿಕಾರ ದಿದ್ಯುಸ ಹಮೊನೆ ಸಬುತ ದೆಕಾಡ? ಕೈನ ಪುಚ್ಯಾ.
\p
\v 18 ಯೆಹುದಿಯೊನಾ ಅದಿಕಾರಿಯೊ ತಿಕನ ಐನ ತು ಹಮೊನೆ ಕಯು ಅದ್ಭುತ ಕಾಮನು ವಳಕ ದೆಕಾಡಶಿ? ತಿಕ್ಹು ತು ಸು ಕರಾಯೊಸ ತೆ ಕರಾನೆ ತುನೆ ಅದಿಕಾರ ಛೆ ಕವಾನು ಸಬುತ ದೆಕಾಡಾನಾ ಹುತಿ ಪುಚ್ಚ್ಯಾ.
\p
\v 19 ಯೆಸು"ಎ ದೆವಾಲಯ ಪಾಡಿಪಾಡೊ, ಅಗಲ್ಯಾ ತನ್ನ ದಿನ್ಮಾ ವರಿ ಫರಿನ ತೆ ಭಾಂದುಸ" ಕೈನ ಕದ್ಯೊ.
\p
\v 20 "ತಿನಾಹುತಿ ಯಹುದ್ಯೊ ತಿನೆ, ಎ ದೆವಾಲಯ ಭಾಂದಾನೆ ಚಾಳಕ್ಹಪರ ಛೆ ವರಕ್ಹ ಲಾಗ್ಯಾಸ! ವರಿ ತು ತನ್ನ ದಿನ್ಮಾ ಎ ಫರಿನ ಭಾಂದಶಿ ಸು? ಕೈನ ಪುಚ್ಯಾ.
\p
\v 21 ತೆನೈಸೊ ಯೆಸು ಕೈ ದೆವಾಯಲನಾ ಹುತಿ ಕವಾಡೊತೊ ತೆ ತಿನಾ ಸ್ವಂತ ಅಂಗನಾ ಹುತಿಜ ಕವಾಡೊತೊ. 
\v 22 ಯೆಸು, ಮರಲವಾಲಾವೊಮಾತೊ ಜಿವ್ತೊ ಥೈನ ಉಟಿನ ಆತಾಮಾ ತಿನಾ ಶಿಷ್ಯಾ ತಿನಿಯೊ ವಾತೊ ಶೆ ಕರಿನ, ತ್ಯುನೆ ಪವಿತ್ರ ಗ್ರಂಥ ವರಿ ತೆ ಕದಲ ವಾತೊಪರ ಬರೊಕ್ಹೊ ಕರ‍್ಯಾ.
\s ಮನಕ್ಹನಿ ನಡತೆನಾ ಹುತಿ ಯೆಸುನು ಗ್ಯಾನ
\p
\v 23 ಯೆಸು ಫಸ್ಕ ಸನ್ನಾ ಹುತಿ ಯೆರುಸಲೆಮ್ಮಾ ವ್ಹತ್ತೊ. ತೆ ಕರಲ ಅದ್ಭುತೊ ಮನಕ್ಹೊ ದೆಕಿನ ತಿಪರ ಬರೊಕ್ಹೊ ಕರ‍್ಯಾ. 
\v 24 ತೆನೈಸೊ ಯೆಸು ತಿನೆ ತೆಜ಼ ತ್ಯುನಾ ಬರೊಕ್ಹಾಪರ ಛೊಡಿನ ದಿದ್ಯೊ ನೈ. ಕಾಕದ್ಯಾಮ ತೆ ತ್ಯುನೊನೆ ವಳಕ್ಯೊತೊ. 
\v 25 ಕುನ್ನಜ ಮನಕ್ಹೊನಾ ಹುತಿ ತಿನೆ ಕವಾನೆ ಸುಜ಼ ಜರುರತ ನ್ಹೊತಿ. ಮನಕ್ಹನಾ ಮನಸ್ಮಾ ಸು ಛೆ ಕವಾನು ಯೆಸುನೆ ಗ್ವತ್ತ ವ್ಹತ್ತು.
\c 3
\s ಯೆಸು ವರಿ ನಿಕೊದೆಮ
\p
\v 1 ಯಕ್ಲೊ ಯಹುದಿಯೊನೊ ಅದಿಕಾರಿ ವ್ಹತ್ತೊ ತಿನು ನಾಮ ನಿಕೊದೆಮ ವ್ಹತ್ತು. ತೆ ಫರಿಸಾಯರ ಗುಂಪನೊ ಸದಸ್ಯ ವ್ಹತ್ತೊ. 
\v 2 ಯಕ್ಕ ರಾತೆ ನಿಕೊದೆಮ ಯೆಸುಕನ ಆಯೊ. ನಿಕೊದೆಮ"ಗುರು, ತು ಕ್ಹುದಾ ವಳಾಯಲ ಮಾಸ್ತರ ವ್ಹೈ ಕೈನ ಮನೆ ಗ್ವತ್ತ ಛೆ. ತು ಕರಾನಾ ಆ ತರಾನಾ ಅದ್ಭುತೊ ಕ್ಹುದಾನೊ ಆಸ್ರೊವಾಚಿ ಕುನ್ನಜ ನೈ ಕರತು "ಕೈನ ಕದ್ಯೊ.
\p
\v 3 ಯೆಸು"ಮಿ ತುನೆ ಕ್ಹರಿಜ ಕೌಸ. ಯಕ್ಲೊ ನವೊ ಥೈನ ಹುಟ್ಟುಜ. ಯಕ್ಲೊ ನವೊ ಥೈನ ನೈ ಹುಟ್ಯೊಮ ತೆ ಕ್ಹುದಾನಿ ರಾಜ್ಯ ನೈ ದೆಕತೊ "ಕೈನ ಉತ್ತರ ದಿದ್ಯೊ.
\p
\v 4 ನಿಕೊದೆಮ"ಮನಕ್ಹೊ ಗಡಿಯೊ ಥಯಲ್ಪರ ಹುಟ್ಟಾನು ಕಿಮ್ಮ? ಯಕ್ಲೊ ತಿನಿ ಯಾನಾ ಪೆಟ್ಮಾ ವರಿಯಕ್ಕೆಮ ಜಾ಼ವಾನೆ ಸಾಧ್ಯ ಛೆಸು? ಕೈನ ಪುಚ್ಚೊ.
\p
\v 5 ತಿನೆ ಯೆಸು"ಮಿ ತುನೆ ಕ್ಹರಿಜ ಕೌಸ. ಯಕ್ಲೊ ಪಾನಿಕ್ಹು ಆತ್ಮಾಕ್ಹು ಹುಟ್ಟುಜ. ನೈತೊ ತೆ ಕ್ಹುದಾನಿ ರಾಜ್ಯನೆ ನೈ ಜಾತೊ. 
\v 6 ಅಂಗ ಯಕ್ಕ ಮನಕ್ಹೊ ಶರಿರಮಾ ತಿನಾ ಮಾ ಬಾ ಕ್ಹು ಹುಟ್ಯೊಸ. ತೆನೈಸೊ ಆತ್ಮಿಕಮಾ ತೆ ಆತ್ಮಾ ಕ್ಹು ಹುಟ್ಯೊಸ. 
\v 7 "ತು ನವೊ ಥೈನ ಹುಟ್ಟುಜ "ಕೈನ ಮಿ ಕದಲ ಕ್ಹು ಘಾಬ್ರೊ ಥೌ ನಕೊ. 
\v 8 ವಾರೊ ತಿನೆ ಮನಸ ಆಯಲ ಜ಼ಗಾ ಜಾ಼ವಸ. ವಾರೊ ಆವಾನು ಆವಾಜ ತು ಐಕ್ಸಿ. ತೆನೈಸೊ ವಾರೊ ಕಿಜ್ಗಾತೊ ಆವಾಡ್ಯೊಸ ವರಿ ಕಿಜಾ಼ ಜಾ಼ವಸ ತುನೆ ಗ್ವತ ನೈ ಥಾತು. ಆತ್ಮಾಕ್ಹು ಹುಟ್ಟಲ ಹರಿ ಯಕ್ಲೊ ತಿನಾಲಿಂಗತ ಛೆ "ಕೈನ ಕದ್ಯೊ.
\p
\v 9 ನಿಕೊದೆಮ"ಎ ಕ್ಹಾರು ಕಿಮ್ಮ ಸಾಧ್ಯ ಛೆ? ಕೈನ ಪುಚ್ಚೊ.
\p
\v 10 ಯೆಸು"ತು ಇಸ್ರಾಯಲನೊ ಮಾಸ್ತರ ವ್ಹೈ. ತೆನೈಸೊ ತುನೆ ಎ ಸಂಗತಿಯೊ ಹಜು಼ನ ಗ್ವತ್ತ ನತ್ತಿ ಥಯು ಸು? 
\v 11 ಮಿ ತುನೆ ಕ್ಹರಿಜ ಕೌಸ. ಅಪೊನೆ ಗ್ವತ್ತ ರ‍್ಹಯಲನಾ ಹುತಿ ಅಪೆ ಬೊಲಿಯೆಸ. ಅಪೆ ದೆಕಲನೆ ಸಾಕ್ಷಿ ದಿಯೆಸ. ತೆನೈಸೊ ಹಮೆ ಕವಾನು ತುಮೆ ಸ್ವಿಕಾರ ಕರ್ಲೆತಾ ನೈ. 
\v 12 ಮಿ ಎ ದುನಿಯಾನಿ ಸಂಗತಿಯೊನಾ ಹುತಿ ಸು ಕದ್ಯೊತಬಿ ತುಮೆ ಬರೊಕ್ಹೊ ನೈ ಕರ್ತಾ. ಇಮ್ಮ ರ‍್ಹಯೊಮ ಮಿ ಸ್ವರ್ಗನಿ ಸಂಗತಿಯೊನಾ ಹುತಿ ಕದ್ಯೊಮ ತುಮೆ ಕಿಮ ಬರೊಕ್ಹೊ ಕರೊಶಿ? 
\v 13 ಸ್ವರ್ಗತೊ ಉತ್ರಿನ ಆಯಲ ಮನಕ್ಹನೊ ದಿಕ್ರೊ ಯಕ್ಲೊಜ ವ್ಹೈ. ತೆನೈಸೊ ಬಿಜು಼ ಕುನ್ನಜ ಸ್ವರ್ಗನೆ ಗಯು ನತ್ತಿ.
\p
\v 14 "ಮೊಶೆ ಉಸುಕನಾ ಗಾಮಮಾ ತಾಂಬಾನಾ ಕ್ಹಾಪನೆ ಉಚ್ಚು ರ‍್ಹಯಲ ಖಾಂಪರ ಮ್ಹೆಲ್ಯೊ. ತಿನಾಲಿಂಗತಜ಼ ಮನಕ್ಹನಾ ದಿಕ್ರಾನೆಬಿ ಉಚೈನ ಉಚ್ಚು ರ‍್ಹಯಲ ಖಂಬಾಪರ ಮ್ಹೆಲಸ. 
\v 15 ತಿನಾಹುತಿ ತಿಪರ ಬರೊಕ್ಹೊ ಮ್ಹೆಲಾಲೊ ಹರಿ ಯಕ್ಲೊ ಹಮೆಶಾನೊ ಜ಼ಲಮ ಹೊಂದಿಲಿವಸ" ಕೈನ ಕದ್ಯೊ. 
\v 16 ಹೊ, ಕ್ಹುದಾ ದುನಿಯಾನೆ ಕೆಕ್ಲಿಕೆ ಮಯಾ ಕರಿನ ತಿನಾ ಯಕ್ಕಜ಼ ದಿಕ್ರಾನೆ ದಿದ್ಯೊ; ತಿನೆ ಬರೊಕ್ಹೊ ಕರಾಲೊ ಯಕ್ಲೊಬಿ ಹಾಳ ಥಯಾವಾಚಿ ಕ್ಹಾರಾ ಜ಼ನಾ ಹಮೆಶಾನೊ ಜ಼ಲಮ ವ್ಹಂದಿಲ್ಯು ಕೈನ ತಿನೆ ದಿದ್ಯೊ. 
\v 17 ಕ್ಹುದಾ ತಿನಾ ದಿಕ್ರಾನೆ ಎ ದುನಿಯಾಮಾ ವಳಾಯಲ, ತಿನಾ ಮುಲಕ ಎ ದುನಿಯಾನಾ ಮನಕ್ಹೊನೆ ಅಪರಾದಿ ವ್ಹೈ ಕೈನ ಫೈಸಲೊ ಕರಾನೆ ನ್ಹವೈ. ತೆನೈಸೊ ರಕ್ಷಣೆ ವ್ಹಂದಿಲ್ಯು ಕೈನ ಕ್ಹುದಾ ತಿನೆ ವಳಾಯೊ.
\p
\v 18 ಕ್ಹುದಾನಾ ದಿಕ್ರಾಪರ ಬರೊಕ್ಹೊ ಮ್ಹೆಲಾವಾಲಾನೆ ಫೈಸಲೊ ನೈ ಥಾತೊ. ತೆನೈಸೊ ನೈ ಬರೊಕ್ಹೊ ಕರಾಲಾನೆ ತೆಳಾಮಾಜ಼ ಫೈಸಲೊ ಥಯೊಸ. ಕಾಕದ್ಯಾಮ ತೆ ಕ್ಹುದಾನೊ ಯಕ್ಲೊಜ ದಿಕ್ರಾಪರ ಬರೊಕ್ಹೊ ಮ್ಹೆಲ್ಯೊ ನೈ. 
\v 19 ತೆ ನ್ಯಾಯನೊ ಫೈಸಲೊ ಅಮ್ಮ ರ‍್ಹವಸ ಉಜಾಲು ದುನಿಯಾಮಾ ಆಯು ವರಿಬಿ ಮನಕ್ಹೊ ಉಜಾಲಾನಾ ಬದಲ ಅಂದಾರಾನೆ ಮಯಾ ಕರ‍್ಯಾ ಕಾಕದ್ಯಾಮ ತಿನಾ ಕಾಮೊ ಕೆಟ್ಟ ವ್ಹೈ. 
\v 20 ಕೆಟ್ಟ ಕರಾಲೊ ಹರಯಕ್ಲೊ ಉಜಾಲಾನೆ ಇನ್ಕಾರಸ. ತೆ ಉಜಾಲಾಮಾ ಆತೊ ನೈ. ಕಾಕದ್ಯಾಮ ತ್ಯುನೆ ಕರ‍ಲ ಕೆಟ್ಟ ಕಾಮೊ ಕ್ಹಾರಾ ಉಜಾಲಾಮಾ ದಿಕ್ಹು ಕೈನ ಮನಸ ರ‍್ಹತು ನೈ.. 
\v 21 ತೆನೈಸೊ ಕುನ್ನ ಕ್ಹರಿನಿ ಕಾಮ ಕರಸ ತೆ ಉಜಾಲಾನಾ ನಜಿಕ ಆವಸ. ಕಾಕಾದ್ಯಾಮ ಉಜಾಲು ತ್ಯುನು ಕಾಮ ದಿಕ್ಹಾದೆ ಕೈನ ತ್ಯುನೆ ಸು-ಸು ಕರ‍್ಯಾಸ ತೆ ಕ್ಹಾರು ಕ್ಹುದಾನಾ ಮುಲಕ ಕರಾಯಲ ಛೆ.
\s ಯೆಸು ವರಿ ಬಾಪ್ತಿಸ್ಮ ದಿಲಾವಾಲೊ ಯೊಹಾನ
\p
\v 22 ಎ ಥಯಲ್ಪರ, ಯೆಸು ವರಿ ತಿನಾ ಶಿಷ್ಯಾ ಯುದೆಯ ಕವಾನಾ ಪ್ರಾಂತ್ಯನೆ ಗಯಾ. ತ್ಯಾ ಯೆಸು ತಿನಾ ಶಿಷ್ಯಾವೊನಾ ಕ್ಹಾತೆ ದಕ್ಹಾ ದಿನ್ನ ರ‍್ಹೈನ, ಮನಕ್ಹೊನೆ ಬಾಪ್ತಿಸ್ಮ ಕರಾಯೊ. 
\v 23 ಯೊಹಾನಬಿ ಸಲಿಮನಾ ನಜಿಕ ರ‍್ಹಯಲ ಐನೊನ ಗಾಮ್ಮಾ ಬಾಪ್ತಿಸ್ಮ ಕರಾವಾಡ್ಯೊತೊ. ಕಾಕದ್ಯಾಮ ತ್ಯಾ ಘನ್ನು ಪಾನಿ ರ‍್ಹಯಲಕ್ಹು ಯೊಹಾನ ತ್ಯಾ ಮನಕ್ಹೊ ತ್ಯಾ ಐನ ಬಾಪ್ತಿಸ್ಮ ಕರೈಲಿವಾಡಾತಾ. 
\v 24 (ತೆಳಾಮಾ ಯೊಹಾನೆ ಹಜು಼ನ ಜೈಲಮಾ ಘಾಲ್ಯಾ ನ್ಹೊತಾ)
\p
\v 25 ಯೊಹಾನನಾ ಶಿಷ್ಯಾವೊನಾ ದಕ್ಹಾ ಜ಼ನಾವೊನೆ ಯಕ್ಲಾ ಯೆಹುದಿಯೊನಾ ಪದ್ದತನಿ ಶುದ್ಧಾಚಾರನಾ ಹುತಿ ವಾದ-ವಿವಾದ ಚಾ಼ಲಾಡ್ಯುತು. 
\v 26 ತಿನಾಹುತಿ ಶಿಷ್ಯಾ ಯೊಹಾನ ಕನ ಐನ"ಗುರು, ತುನೆ ಶೆ ಛೆಸು? ತೆ ಮನಕ್ಹ ಯೊರ್ದನನಿ ಪುರ್ವ ದಿಕ್ಮಾ ತಾರಾ ಕ್ಹಾತೆ ವ್ಹತ್ತೊ ವರಿ ತು ತಿನಾ ಹುತಿ ಕದ್ಯೊತೊತೊ? ತೆ ಮನಕ್ಹೊನೆ ಬಾಪ್ತಿಸ್ಮ ದಿಲಾವಾಡ್ಯೊಸ. ಘನ್ನಾ ಮನಕ್ಹೊ ತಿಕನ ಚಾ಼ಲ್ಯಾಸ "ಕೈನ ಕದ್ಯಾ.
\p
\v 27 ಯೊಹಾನ, ಕಯಾಜ ಮನಕ್ಹನೆ ತ್ಯಾಲಕ್ಕಾ ಮಳತು ನೈ, ಕಿಜಾ಼ ಲಕ್ಕಾ ತಿನೆ ಕ್ಹುದಾ ದೆತೊ ನೈ. 
\v 28 ತುಮೆ ಕ್ಹಾರಾ ಸಾಕ್ಷಿ ಥಯಾಸ ಮಿ ಕದ್ಯೊತೊ; ಮಿ ಕ್ರಿಸ್ತ ನ್ಹೈ. ತೆನೈಸೊ ಮನೆ ತಿನಾತಿ ಪೈಲಾ ವಳಾಯಲ ವ್ಹೈ. 
\v 29 ನೌರಿ ನೌರಾನಿಜ ವ್ಹೈ. ನೌರಾನೆ ಸಹಾಯ ಕರಾಲೊ ದೊಸ್ತ ನೌರೊ ಆವಾನಾ ಹುತಿ ಕೈದತೊ ರ‍್ಹವಸ ವರಿ ತೆ ಬಲಾವಸ ಕೈನ ಕಾನ ದಿನ್ನ ಐಕ್ತೊ ರ‍್ಹವಸ. ನೌರಾನೊ ಗಳೊ ಐಕ್ತಾಮಾ ತೆ ದೊಸ್ತ ಘನ್ನೊ ಖುಶಿ ಥಾವಸ. ತೆಜ಼ ಮಾರಿ ಖುಶಿ ಪುರಾ ಥಯು. 
\v 30 ತೆ ಮ್ಹೊಟೊ ಥೌ ವರಿ ಮಿ ನ್ಹಾನೊ ಥೌ.
\s ಎ ಸ್ವರ್ಗತೊ ಆಯಲವಾಲೊ ವ್ಹೈ.
\p
\v 31 "ಉಪ್ಪರ್ತೊ ಆವಾಲೊ ಯಕ್ಲೊ ಬಿಜಾ಼ ಕ್ಹಾರಾ ಮನಕ್ಹೊತಿಬಿ ಮ್ಹೊಟೊ ವ್ಹೈ. ಕುನ್ನ ದುನಿಯಾವಾಲೊ ವ್ಹೈ ತೆ ದುನಿಯಾನೆ ಸಂಭಂದ ರ‍್ಹಯಲವಾಲೊ ವ್ಹೈ. ತೆ ದುನಿಯಾನಾನಿ ಸಂಗತಿಯೊನಾ ಹುತಿ ಬೊಲಸ. ಕುನ್ನ ಸ್ವರ್ಗತು ಆವಸ ತೆ ಕ್ಹಾರಾವೊತಿ ಮ್ಹೊಟೊ ಥಯೊಸ. 
\v 32 ತೆ ದೆಕಲ ಕ್ಹಾರಾನಾ ಹುತಿ ವರಿ ಐಕಲ ಕ್ಹಾರಾನಾ ಹುತಿ ಸಾಕ್ಷಿ ದಿವಸ. ತೆನೈಸೊ ತಿನಿ ಸಾಕ್ಷಿನೆ ಮನಕ್ಹೊ ಸ್ವಿಕಾರ ನೈ ಕರ‍್ತಾ. 
\v 33 ತೆನೈಸೊ ತಿನಿ ಸಾಕ್ಷಿನೆ ಕುನ್ನ ಸ್ವಿಕಾರ ಕರಿಲಿವಸ ತೆ ಅಮ್ಮ ಕರಾಕ್ಹು ಕ್ಹುದಾಜ ಕ್ಹರಿ ವ್ಹೈ ಕೈನ ದೆಕಾಡಿನ ದಿವಸ. 
\v 34 ಕಾಕದ್ಯಾಮ ಕ್ಹುದಾ ಕಿನೆ ಮೊಕ್ಲ್ಯೊಸ ತೆ ಕ್ಹುದಾನಿಯೊ ವಾತೊ ಬೊಲಸ. ಕಾಕದ್ಯಾಮ ಕ್ಹುದಾ ತಿನೆ ಪರಿಪುರ್ಣ ಆತ್ಮಾ ದಿದ್ಯೊಸ. 
\v 35 ಬಾ ದಿಕ್ರಾನೆ ಮಯಾ ಕರಸ. ಬಾ ದಿಕ್ರಾನೆ ಹರಯಕ್ಕ ಪರ ಅದಿಕಾರ ದಿದ್ಯೊಸ. 
\v 36 ಕುನ್ನ ದಿಕ್ರಾ ಪರ ಬರೊಕ್ಹೊ ಮ್ಹೆಲಸ ತಿನೆ ಹಮೆಶಾನೊ ಜ಼ಲಮ ಮಳಸ. ತೆನೈಸೊ ದಿಕ್ರಾನೆ ವಿಧೆಯ ನೈ ಥಾತೊ ತಿನೆ ತೆ ಜ಼ಲಮ ಕೆಳಾಮಾಜ ಮಳ್ತೊ ನೈ. ಕ್ಹುದಾನಿ ಶಿಟ್ಟ ತಿನಾ ಉಪ್ಪರ ರ‍್ಹವಸ" ಕೈನ ಉತ್ತರ ದಿದ್ಯೊ.
\c 4
\s ಯೆಸು ವರಿ ಸಮಾರ್ಯಾ ಬಾಕ್ಡಿ
\p
\v 1 ತೆ ಯೊಹಾನತಿಬಿ ಹೆಚ್ಕಿ ಶಿಷ್ಯಾ ಕರಲಿನ ತ್ಯುನೊನೆ ಬಾಪ್ತಿಸ್ಮ ಕರಾವಾಡ್ಯೊಸ ಕೈನ ಕವಾನಿ ಸುದ್ದಿ ಫರಿಸಾಯರೊನೆ ಗ್ವತ್ತ ಥಯುಸ ಕೈನ ಯೆಸುನೆ ಗ್ವತ್ತ ಥಯು. 
\v 2 ಕ್ಹರಿಮಾಜ಼ ಮನಕ್ಹೊನೆ ಬಾಪ್ತಿಸ್ಮ ದಿಲಾಯಲ ಯೆಸು ನ್ಹವೈ. ತಿನಾ ಶಿಷ್ಯಾಜ಼ ದಿಲಾಯಾ. 
\v 3 ಮನಕ್ಹೊ ಸು ಕವಾಡ್ಯಾಸ ಕವಾನು ಯೆಸು ಐಕಿನ ತೆ ಯುದಾಯ ಛೊಡಿನ ವರಿ ಗಲಿಲಾಯಯೆ ಗಯೊ. 
\v 4 ತೆ ಸಮಾರ್ಯಾ ಪ್ರಾಂತ್ಯಮಾತೊಜ ಗಲಿಲಾಯೆ ಜಾ಼ವಾನಿ ವಾಟ ದಾಟಿನ ಜಾ಼ವಾನು ವ್ಹತ್ತು.
\p
\v 5 ಯೆಸು ಸಮರ್ಯಾ ಕವಾನೆ ಗಾಮ್ಮಾ ರ‍್ಹಯಲ ಸುಖಾರ ಕವಾನಿ ಜ಼ಗಾಪರ ಆಯೊ. ಯಾಕೊಬ ತಿನಾ ದಿಕ್ರಾ ಯೊಸೆಫನೆ ದಿದಲ ಜ಼ಗಾನಾ ನಜಿಕ ಎ ಗಾಮ ಛೆ. 
\v 6 ಯಾಕೊಬನಿ ಇರ ತ್ಯಾಜ ವ್ಹತ್ತಿ. ಯೆಸು ಘನ್ನು ದುರತೊ ಚಾಲ್ತೊ ಆಯಲ ಹುತಿ ತೆ ಸುಸ್ತ ಥಯೊತೊ. ತಿನಾಹುತಿ ತೆ ಇರಕನ ಬೈಟ್ಯೊ. ತೆಳಾಮಾ ಕಮ್ಸಿ ಕಮ ದುಪ್ಪಾರ ಥೈತಿ.
\p
\v 7 ಸಮಾರ್ಯಾವಾಲಿ ಯಕ್ಕ ಬಾಕ್ಡಿ ಪಾನಿ ಲಿವಾನೆ ತೆ ಇರಕನ ಐ. ಯೆಸು ತಿನೆ"ಮನೆ ಪಿವಾನೆ ದಕ್ಹು ಪಾನಿ ದೆಶಿ ಸು? ಕೈನ ಪುಚ್ಯೊ. 
\v 8 ಯೆಸುನಾ ಶಿಷ್ಯಾ ಖಾವಾನಾ ಹುತಿ ಇಕ್ಕಾತು ಅನ್ನಲಾವಾನೆ ಗಾಮೆ ಗಯಾತಾ.
\p
\v 9 ಸಮಾರ್ಯಾವಾಲಿ ತೆ ಬಾಕ್ಡಿ ತುತೊ ಯಹುದಿ ವ್ಹೈ. ಮಿತೊ ಸಮಾರ್ಯಾವಾಲಿ ವ್ಹೈ" ಪಿವಾನೆ ಪಾನಿ ತು ಮಕನ ಪುಚ್ಚಾನು ಕಾ? ಕದಿ. ಯೆಹುದಿಯೊನಾ ಮನಕ್ಹೊ ಸಮಾರ್ಯಾವಾಲಾನಾ ಕ್ಹಾತೆ ಕಯುಜ಼ ಸಂಭಂದ ಮ್ಹೆಲ್ತಾ ನ್ಹೊತಾ..
\p
\v 10 ಯೆಸು ತಿನೆ"ಕ್ಹುದಾ ಸು ದಿವಸ ಕವಾನು ತುನೆ ಗ್ವತ್ತ ನತ್ತಿ ಪಾನಿ ಪುಚ್ತಾಮಾ ಮಿ ಕುನ್ನ ವ್ಹೈ ಕವಾನು ತುನೆ ಗ್ವತ್ತ ನತ್ತಿ. ತುನೆ ಎ ಕ್ಹಾರು ಗ್ವತ್ತ ರ‍್ಹವತ್ತೊ, ತು ಮಕನ ಮಾಂಗಿಲೆತಿತಿ, ವರಿ ಮಿ ತುನೆ ಜಿವ ಜಲ ದೆತೊತೊ "ಕದ್ಯೊ.
\p
\v 11 ತೆ ಬಾಕ್ಡಿ ಅಯ್ಯಾ, ತೆ ಜಿವ ಜಲ ತುನೆ ಕಿಜ್ಗಾ ಮಳಸ? ಇರ ಘನ್ನಿ ಉಂಡಿ ಛೆ ವರಿ ತಿಮಾತು ಪಾನಿ ಕಾಡಾನೆ ತುಕನ ಸುಜ಼ ಸಾಮನ ನತ್ತಿ. 
\v 12 ಹಮೊನೆ ಆ ಇರ ಯಾಕೊಬ ದಿದ್ಯೊಸ. ತೆಬಿ ಎಜ಼ ಪಾನಿ ಪಿದ್ಯೊ. ತೆನೈಸೊ ತಿನಾ ಬಚ್ಚಾಬಿ ಎಜ಼ ಇರನು ಪಾನಿ ಪಿದ್ಯಾ ತಿನಾ ಜಾನ್ವರೊಬಿ ಎಜ಼ ಇರಮಾನು ಪಾನಿ ಪಿತಾತಾ. ಹಮಾರೊ ಪಿತೃ ಥಯಲ ಯಾಕೊಬತಿಬಿ ತು ಮ್ಹೊಟೊ ವ್ಹೈಸು? ಕೈನ ಕದಿ.
\p
\v 13 ಯೆಸು, ಎ ಪಾನಿ ಪಿವಾಲಾ ಹರಿ ಯಕ್ಲಾನೆ ಫರಿನ ತರಕ್ಹ ಲಾಗಸ, 
\v 14 ವರಿ ಮಿ ದಿವಾನು ಪಾನಿ ಕುನ್ನ-ಕುನ್ನ ಪಿವಸ ತ್ಯುನೊನೆ ಫರಿನ ತರಕ್ಹ ಲಾಗ್ತಿಜ ನೈ. ಮಿ ದಿವಾನು ಪಾನಿ ತ್ಯುನಾ ಮ್ಹೈತು ಜ಼ಲಮ ದಿವಾನು ಪಾನಿನು ಝರಿಲಿಂಗತ ರ‍್ಹವಸ. ವರಿ ತೆ ತ್ಯುನೊನೆ ಹಮೆಶಾನೊ ಜ಼ಲಮ ದಿವಸ" ಕೈನ ಕದ್ಯೊ.
\p
\v 15 ತೆ ಬಾಕ್ಡಿ ಯೆಸುನೆ"ಗುರು, ತೆ ಪಾನಿ ಮನೆ ದೆ! ತೆಳಾಮಾ ಮನೆ ವಟ್ಟಜ ತರಕ್ಹ ಲಾಗ್ತಿ ನೈ. ಪಾನಿ ಲಿನ ಜಾ಼ವಾಲಾನೆ ಮಿ ನ್ಯ್ಹಾ ವರಿ ಆವಾನೆ ಜರುರತ್ತ ರ‍್ಹತಿ ನೈ" ಕೈನ ಕದಿ.
\p
\v 16 ಯೆಸು ತಿನೆ"ತು ಗೈನ ತಾರಾ ಮಾಟಿನೆ ಬಲೈ ಲಿನ ಫರಿನ ಆ "ಕದ್ಯೊ.
\p
\v 17 ತೆ ಬಾಕ್ಡಿನೆ "ಮನೆ ಮಾಟಿ ನತ್ತಿ" ಕದಿ.
\p ಯೆಸು ತಿನೆ"ತಾರೊ ಮಾಟಿ ನತ್ತಿ ಕೈನ ಕ್ಹರಿ ಕದಿ. 
\v 18 ಕ್ಹರಿಮಾಜ಼ ತುನೆ ಪಾಂಚ಼ ಜ಼ನಾವೊನಾ ಕ್ಹಾತೆ ಹಿವಾ ಥಯಾತಾ. ವರಿಬಿ ತು ಹಮ್ನಾ ಕಿನಾ ಕ್ಹಾತೆ ಛೆ ತೆ ಕ್ಹರಿಮಾಜ಼ ತಾರೊ ಮಾಟಿ ನ್ಹವೈ. ತು ಮನೆ ಕ್ಹರಿಜ ಕದಿ" ಕೈನ ಕದ್ಯೊ.
\p
\v 19 ತೆ ಬಾಕ್ಡಿ, ಗುರು, ತು ಪ್ರವಾದಿ ವ್ಹೈ ಕೈನ ಮನೆ ದಿಕ್ಹಾಡ್ಯೊಸ. 
\v 20 ಹಮಾರಾ ಸಮಾರ್ಯಾನಾ ಪಿತ್ರೊ ಆ ಡೊಂಗರಪರ ಆರಾಧನಾ ಕರ್ತಾತಾ ತೆನೈಸೊ ಮನಕ್ಹೊ ಆರಾಧನಾ ಕರಾನಿ ಜ಼ಗಾ ಯೆರುಸಲೆಮ ವ್ಹೈ ಕೈನ ಯೆಹುದಿಯೊ ಥಯಲ ತುಮೆ ಕವೊಶಿ" ಕದಿ.
\p
\v 21 ಯೆಸು ತಿನೆ"ಎ ಬಾಕ್ಡಿಮನೆ ನಂಬ! ತು ಹಬ್ದಾತಿ ಕೆಳಾಮಾಜ ಬಾನೆ ಯೆರುಸಲೆಮಾ ರ‍್ಹೈನೆಕಾ ಆ ಡೊಂಗರಪರ ರ‍್ಹೈನೆಕಾ ಆರಾಧನಾ ಕರಾನೆ ನೈ ಥಾತು. 
\v 22 ತುಮೆ ಸಮಾರ್ಯಾವಾಲಾ ಕಿನೆ ಆರಾದನಾ ಕರಾಡಾಸ ತುಮೊನೆ ಗ್ವತ್ತ ನತ್ತಿ. ತೆನೈಸೊ ಹಮೆ ಯಹುದಿಯೊ ಕಿನೆ ಆರಾದನಾ ಕರಿಯೆಸ ಕೈನ ಹಮೊನೆ ಗ್ವತ್ತ ಛೆ. ಕಾಕದ್ಯಾಮ ಬಿಡುಗಡೆ ಯೆಹುದಿಯೊಕ್ಹುಜ಼ ಆವಸ. 
\v 23 ಕ್ಹರಿಕ್ಹು ಆರಾಧನಾ ಕರಾಲಾ ಬಾನಿ ಆರಾಧನಾ ಆತ್ಮಾಕ್ಹು ವರಿ ಕ್ಹರಿಕ್ಹು ಕರಾನೊ ಟೈಮ ಆವಸ. ತೆ ಟೈಮ ಹಮ್ನಾಜ ಆಯೊಸ. ವರಿ ತೆವಾಜ ಆರಾಧನಾ ಕರಾಲಾವೊನೆ ಬಾ ಹುಡ್ಕಸ. 
\v 24 ಕ್ಹುದಾ ಆತ್ಮಾ ವ್ಹೈ. ತಿನಾ ಹುತಿ "ಕ್ಹುದಾನೆ ಆರಾಧನಾ ಕರಾಲಾ ಆತ್ಮಾಕ್ಹು ಕ್ಹರಿಕ್ಹು ಆರಾಧನಾ ಕರು" ಕೈನ ಕದ್ಯೊ.
\p
\v 25 ತೆ ಬಾಕ್ಡಿ ಮಸ್ಸಿಹಾ ಆವಸ ಕವಾನು ಮನೆ ಗ್ವತ್ತ ಛೆ. ತೆ ಆತಾಮಾ ಮನೆ ಹರಿ ಯಕ್ಕ ಕವಸ ಕೈನ ಕದಿ. ಮಸ್ಸಿಹಾ ಕದ್ಯಾಮ ಕ್ರಿಸ್ತ ವ್ಹೈ.
\p
\v 26 ತೆಳಾಮಾ ಯೆಸು ತಿನೆ, ತಾರಾ ಕ್ಹಾತೆ ಬೊಲಾಲೊ ಮಿಜ಼ ತೆ ವ್ಹೈ ಕೈನ ಕದ್ಯೊ.
\p
\v 27 ತೆ ಟೈಮ್ಮಾ ತಿನಾ ಶಿಷ್ಯಾ ಫರಿನ ಆಯಾ. ಯೆಸು ಯಕ್ಕ ಬಾಕ್ಡಿನಾ ಕ್ಹಾತೆ ಬೊಲಾನು ದೆಕಿನ ಘನ್ನಾ ಘಾಬ್ರಾ ಥಯಾ. ತೆನೈಸೊ ತ್ಯುನೆ, ತುನೆ ಸು ಚಾ಼ಯೆ? ಕೈನ ತು ತಿನಾ ಕ್ಹಾತೆ ಸು ಬೊಲಾಡೊಸ? ಕೈನ ತ್ಯುನೆ ಕುನ್ನಜ ತ್ಯುನೊನೆ ಪುಚ್ಯಾ ನೈ.
\p
\v 28 ಪಾಚಾ಼ತಿ ತೆ ಬಾಕ್ಡಿ, ತಿನೊ ಪಾನಿನೊ ಘಡೊ ತ್ಯಾಜ ಛೊಡಿನ ಗಾಮ್ಮಾ ಫರಿನ ಗೈನ ಮನಕ್ಹೊಕನ, 
\v 29 "ಮಿ ನ್ಯ್ಹಾ ಲಕ್ಕಾಬಿ ಕರಲ ಹರಿ ಯಕಬಿ ಯಕ್ಕ ಮನಕ್ಹ ಮನೆ ಕದ್ಯೊ. ಐನ ತುಮೆ ತಿನೆ ದೆಕೊ. ತೆಜ಼ ಕ್ರಿಸ್ತ ವಸೆ ಸು? ಕೈನ ಕದಿ. 
\v 30 ತಿನಾಹುತಿ ಮನಕ್ಹೊ ತಿನೆ ದೆಕಾನೆ ಗಾಮ್ಮಾತಾ ಭಾರಾ ಆಯಾ.
\p
\v 31 ತೆಕ್ಲಾಮಾಜ಼ ಯೆಸುನಾ ಶಿಷ್ಯಾ "ಗುರು, ಅನ್ನ ಖಾ ಕೈನ ತಿನೆ ಘನ್ನಾ ಕದ್ಯಾ.
\p
\v 32 ತೆ ವಾತೆ ಯೆಸು, ಮಕನ ಖಾವಾನೆ ಅನ್ನ ಛೆ. ತೆ ಅನ್ನನಾ ಹುತಿ ತುಮೊನೆ ಗ್ವತ್ತ ನತ್ತಿ ಕದ್ಯೊ.
\p
\v 33 ತಿನಾಹುತಿ ಶಿಷ್ಯಾ, ಕುನ್ನಬಿ ತಿನೆ ಪೈಲಾಜ ಅನ್ನ ಲೈನ ದಿದ್ಯಾ ವಸೆ ಸು? ತ್ಯುನೊ-ತ್ಯುನೊಮಾಜ಼ ಬೊಲ್ಲಿದ್ಯಾ.
\p
\v 34 ಯೆಸು ತ್ಯುನೊನೆ, ಮನೆ ಮೊಕ್ಲಲವಾಲೊ ಮಿ ಸು ಕರು ಕೈನ ಆಸ ಕರಸ ತೆ ಕರಾನುಜ ಮನೆ ಅನ್ನ ವ್ಹೈ. ತೆ ಮನೆ ದಿದಲ ಕಾಮ ಪುರಾ ಕರು. 
\v 35 ಸುಗ್ಗಿನೆ ಹಜು಼ನ ಚಾರ ಮ್ಹೈನಾ ಕೈದು, ಕೈನ ತುಮೆ ಕವೊಸಿ. ತೆ ಮಿ ತುಮೊನೆ ಕವಾಡ್ಯೊಸ, ತುಮಾರಾ ಡೊಳಾ ಖುಲ್ಲಾ ಕರೊ. ಖೆತರನಾ ಸುತ್ತೆ ದೆಕೊ, ತೆ ಕಾಟಾನೆ ತಯ್ಯಾರ ಥಯಾಸ.. 
\v 36 ಹಮ್ನಾಬಿ, ಬೆಳಿ ಕಾಟಾಲಾವೊನೆ ಕುಲಿ ಮಳಸ. ತೆ ಬೆಳಿ ಹಮೆಶಾ ರ‍್ಹವಾನೆ ಜ಼ಲಮನಾ ಹುತಿ ಮಳಾವಸ. ತಿನಾ ಹುತಿ ಬಿತ್ತಾಲಾ ವರಿ ಕಾಟಾಲಾ ಮಳಿನಜ ಖುಶಿ ಥಾವಸ. 
\v 37 ಯಕ್ಲೊ ಬಿತ್ತಸ, ಯಕ್ಲೊ ತೆ ಬೆಳೆನೆ ಕಾಟಸ. ಕವಾನಿ ಯಕ್ಕ ಕಹಾವತ ಕ್ಹರಿ ವ್ಹೈ. 
\v 38 ತುಮೆ ನೈ ರಾಬಲ ಬೆಳಿ ಕಾಟಾನೆ ತುಮೊನೆ ಮೊಕ್ಲಾಡ್ಯೊಸ. ಬಿಜಾ಼ ರಾಬ್ಯಾ, ತೆನೈಸೊ ತ್ಯುನೆ ರಾಬಲ ಹುತಿ ತುಮೆ ಫೈದೊ ಖಾವೊಸಿ" ಕೈನ ಕದ್ಯೊ.
\p
\v 39 ತೆ ಗಾಮನಾ ಘನ್ನಾ ಸಮಾರ್ಯಾವಾಲಾ ಮನಕ್ಹೊ ಯೆಸುನೆ ನಂಬ್ಯಾತಾ. ಕಾಕದ್ಯಾಮ ತೆ ಬಾಕ್ಡಿ ತಿನಾಹುತಿ ತ್ಯುನೊನೆ"ಮಿ ಕರಲ ತೆಕ್ಲುಬಿ ಮನೆ ತೆ ಕದ್ಯೊತೊ" ಕೈನ ಕದಿತಿ. 
\v 40 ಸಮಾರ್ಯಾವಾಲಾ ಯೆಸುಕನ ಐನ ಹಮಾರಾ ಕ್ಹಾತೆ ರ‍್ಹೆ ಕೈನ ಕೈಲಿದ್ಯಾತಾ. ತಿನಾಹುತಿ ತೆ ತ್ಯಾ ಬೆ ದಿನ್ನ ವ್ಹತ್ತೊ.
\p
\v 41 ತೆ ಕದಲ ವಾತೊ ತ್ಯಾನಾ ಮನಕ್ಹೊ ಘನ್ನಾ ನಂಬ್ಯಾತಾ. 
\v 42 ತ್ಯುನೆ ತೆ ಬಾಕ್ಡಿ ತೆ ಕದಲ ವಾತೊಕ್ಹು ಹಮೆ ಯೆಸುನೆ ನಂಬ್ಯಾತಾ. ತಿನಾ ಹುತಿ ಹಮೆಜ಼ ಖುದ್ದ ದೆಕಿನ ಹಮೆ ನಂಬಿಯೆಸ. ಕ್ಹರಿಮಾಜ಼ ಎಜ಼ ದುನಿಯಾನೆ ವಚಾ಼ಡಾಲೊ ವ್ಹೈ ಹಮ್ನಾ ಹಮೊನೆ ಗ್ವತ್ತ ಥಯುಸ ಕೈನ ಕದ್ಯಾ.
\s ಯೆಸು ಅದಿಕಾರಿನಾ ದಿಕ್ರಾನೆ ಅರಾಮ ಕರಲ
\r (ಮತ್ತಾಯ 8:5-13; ಲುಕ 7:1-10)
\p
\v 43 ಬೆ ದಿನ್ನ ತ್ಯಾ ರ‍್ಹಯಲ್ಪರ ಯೆಸು ತ್ಯಾಂತೊ ಗಲಿಲಾಯೆ ಗಯೊ. 
\v 44 ಪ್ರವಾದಿನೆ ತಿನಾ ಸ್ವಂತ ಗಾಮ್ಮಾ ಮರ್ಯಾದಿ ನತ್ತಿ ಖುದ್ದನಾ ಹುತಿ ಯೆಸುಜ ಕದ್ಯೊ. 
\v 45 ತೆ ಗಲಿಲಾಯಯೆ ಆತಾಮಾ, ತ್ಯಾನಾ ಮನಕ್ಹೊ ತಿನೆ ಬಲೈ ಲಿದ್ಯಾ. ಕಾಕದ್ಯಾಮ ತೆ ಫಸ್ಕ ಸನ್ನನಾ ಟೈಮ್ಮಾ ಯೆಸು ಕರಲ ಕ್ಹಾರಾ ಕಾಮೊ ದೆಕ್ಯಾತಾ. ತೆ ಸನ್ನಮಾ ತೆ ಕ್ಹಾರಾ ಮನಕ್ಹೊ ಗಲಿಲಯಾಯೆ ಗಯಾತಾ.
\p
\v 46 ಯೆಸು ಗಲಿಲಾಯನಾ ಕಾನಾ ಗಾಮೆ ವರಿ ಯಕ್ಕೆಮ ಆಯೊ. ತೆ ಪಾನಿಕ್ಹು ದ್ರಾಕ್ಷಿಯೊನು ರಕ್ಹ ಕರಲ ತೆ ಗಾಮ್ಮಾ ವ್ಹೈ. ತೆಜ಼ ಗಾಮ್ಮಾ ಯಕ್ಕ ಮ್ಹೊಟೊ ಅದಿಕಾರಿ ಕಪೆನೌರ್ಮಿಮಾ ರ‍್ಹತೊತೊ. ತಿನಾ ದಿಕ್ರಾನೆ ಅರಾಮ ನ್ಹೊತು. 
\v 47 ಯೆಸು ಯುದೆಯತೊ ಐನ ಗಲಿಲಾಯಮಾ ಛೆ ಕೈನ ಸುದ್ದಿ ತೆ ಐಕ್ಯೊ. ತಿನಾ ಹುತಿ ತೆ ತಿಕನ ಗೈನ ತಿನಾ ದಿಕ್ರಾನೆ ಅರಾಮ ಕರಾನಾಹುತಿ ತಿನೆ ಕಪೆನೌರ್ಮಿ ಔ ಕೈನ ತಿಕನ ಕೈಲಿದ್ಯೊ. ತಿನೊ ದಿಕ್ರೊ ಮರ್ವಾನಿ ಪರಸ್ತಿತಿಮಾ ವ್ಹತ್ತೊ. 
\v 48 ಯೆಸು ತಿನೆ"ಸುಚಕ ಕಾಮೊ ವರಿ ಘಾಬ್ರಾಥಾವಾನಾ ಕಾಮೊ ದೆಕ್ಯಾವಾಚಿ ಮನೆ ನಂಬತಾಜ಼ ನೈ" ಕೈನ ಕದ್ಯೊ.
\p
\v 49 ತೆ ಮ್ಹೊಟೊ ಅದಿಕಾರಿ"ಸ್ವಾಮಿ, ಮಾರೊ ದಿಕ್ರೊ ಮರಾತಿ ಪೈಲಾಜ ತು ಔ" ಕೈನ ಮಾಂಗಿಲಿದ್ಯೊ.
\p
\v 50 ಯೆಸು ತಿನೆ"ಜಾ಼ ತಾರೊ ದಿಕ್ರೊ ವಾಚಸ "ಕೈನ ಕದ್ಯೊ.
\p ಯೆಸುನಿ ವಾತ ನಂಬಿನ ತೆ ತಿನಾ ಘರೆ ಗಯೊ. 
\v 51 ತೆ ಘರೆ ಜಾ಼ತಾಮಾ ತಿನಾ ಆಳೊ ತಿಕನ ಐನ"ತಾರೊ ದಿಕ್ರೊ ಅರಾಮ ಥಯೊಸ "ಕೈನ ಕದ್ಯೊ.
\p
\v 52 ತೆ, ಮಾರಾ ದಿಕ್ರಾನೆ ಕೆಳಾಮಾ ಅರಾಮ ಥಯು ಕೈನ ಪುಚ್ಚೊ. ತೆಳಾಮಾ ತೆ ಆಳೊ "ತಾರಾ ದಿಕ್ರಾನೆ ಕಾಲ ದುಪಾರೆಜ ಯಕ್ಕ ವಾಸ್ತಾ ತಿನೆ ರ‍್ಹಯಲ ತೌ ಛೊಡಿನ ಗೈ ಪಾಡ್ಯೊಸ" ಕೈನ ಕದ್ಯಾ. 
\v 53 ತಾರೊ ದಿಕ್ರೊ ವಾಚಸ" ಕೈನ ಯೆಸು ಕದಲ ಎಜ಼ ಟೈಮೆ ವ್ಹೈ ಕೈನ ತೆ ದಿಕ್ರಾನಾ ಬಾನೆ ಗ್ವತ್ತ ವ್ಹತ್ತು. ತಿನಾಹುತಿ ತೆ ವರಿ ತಿನಾ ಘರವಾಲಾ ಕ್ಹಾರಾ ಯೆಸುನೆ ನಂಬ್ಯಾತಾ.
\p
\v 54 ಯೆಸು ಯುದೆಯತೊ ಗಲಿಲಾಯಯೆ ಆಯಲ್ಪರ ಎ ಬೆಂವಾ ಸುಚಕ ಕಾರ್ಯ ವ್ಹೈ.
\c 5
\s ವ್ಹಂಡಮಾ ಅರಾಮ ಥಾವಾನು
\p
\v 1 ಎ ಥಯಲ್ಪರ ಯೆಸು ಯೆಹುದಿಯೊನಾ ಯಕ್ಕ ಸನ್ನನಾ ಹುತಿ ಯೆರುಸಲೆಮೆ ಗಯೊ. 
\v 2 ಯೆರುಸಲೆಮಾ ಪಾಂಚ಼ ಮಂಟಪೊ ಮಳಲ ಯಕ್ಕ ವ್ಹಂಡ ಛೆ. ಯಹುದಿಯೊನೆ ವಾತೊಮೊ ತಿನೆ "ಬೆತ್ಸಥ" ಕೈನ ಕವಸ. ಎ ವ್ಹಂಡ "ಬಕ್ರಾನು ಬಾಕಲ" ಕವಾನಿ ಜ಼ಗಾನಾ ನಜಿಕ ಛೆ. 
\v 3 ವ್ಹಂಡಕನ ರ‍್ಹಯಲ ಮಂಟಪಮಾ ಘನ್ನಾ ರೊಗಿಯೊ ಪಡಲ ರ‍್ಹತಾತಾ. ತ್ಯುನಾಮಾ ದಕ್ಹಾ ಜ಼ನಾ ಕುಡ್ಡಾ ವ್ಹತ್ತಾ. ದಕ್ಹಾ ಜ಼ನಾ ಲಂಗ್ಡಾ ವ್ಹತ್ತಾ, ವರಿ ದಕ್ಹಾ ಜ಼ನಾ ಲಕ್ವೊ ಮಾರಲವಾಲಾ ವ್ಹತ್ತಾ. ತ್ಯುನೆ ಪಾನಿ ಹಲ್ಲೆಲಕ್ಕಾ ಕೈದತಾ ರ‍್ಹತಾತಾ, 
\v 4 ಕಾಕದ್ಯಾಮ ಹರಿಯಕ್ಕಸಲಾ ದಕ್ಹೊ ಟೈಮ್ಮ ಥಯಲ್ಪರ ಪ್ರಭುನೊ ದುತ ಹೆಟೊ ಉತ್ರಿನ ಐನ ತೆ ವ್ಹಂಡಮಾನು ಪಾನಿ ಹಲಾತೊತೊ ಅರಾಮ ನೈಸೊವಾಲೊ ಕಯೊಬಿ ಮನಕ್ಹ ಪಾನಿ ಹಲ್ತಾಮಾ ಪೈಲಾ ಗೈಯಾಮ ತೆ ಕಯಾಬಿ ರೊಗ್ಮಾ ರ‍್ಹಯೊತಬಿ ಅರಾಮಾ ಥಾತೊತೊ. \f + \fr 5:4 \fr*\ft 3 ವರಿ 4 ಎ ವಚನೊ ಪಾಚ಼ಲ್ಯಾ ಘನ್ನಾ ಜು಼ನ್ನಾ ವರಿ ಚೊ಼ಕ ಪತ್ರಿಕೆ ಹಸ್ತ ಪ್ರತಿಮಾ ನೈ ದಿಕ್ಹಿನ ಆತಾ. \ft*\f* 
\v 5 ಮುವತ್ತಪರ ಆಟ ವರಕ್ಹತೊ ರೊಗ್ಮಾ ರ‍್ಹಯಲವಾಲೊ ಯಕ್ಲೊ ತ್ಯಾ ಪಡಲ ವ್ಹತ್ತೊ. 
\v 6 ಯೆಸು ತಿನೆ ದೆಕ್ಯೊ. ತೆ ಘನ್ನಾ ದಿನ್ನತೊ ರೊಗ್ಮಾ ರ‍್ಹಯಲ ತಿನೆ ಗ್ವತ್ತ ವ್ಹತ್ತೊ. ತಿನಾಹುತಿ ತೆ ತಿನೆ"ಅರಾಮ ಥಾವಾನೆ ಮನಸ ಛೆ ಸು? ಕೈನ ಪುಚ್ಯೊ.
\p
\v 7 ತೆ ರೊಗಿ"ಅಯ್ಯಾ, ಪಾನಿ ಭರ್ತಾಮಾ ಉತಾರಾನೆ ಮನೆ ಕುನ್ನಜ ಆಸ್ರೊ ಕರ್ತು ನೈ. ಮಿ ಕ್ಹಾರಾವೊತಿ ಪೈಲಾಜ ಪಾನಿಮಾ ಉತ್ರಾನೆ ಕೊಶಿಶ ಕರುಸ. ತೆನೈಸೊ ಹರಯಕ್ಕ ಸಲಾ ಮತ್ತಿಬಿ ಪೈಲಾಜ ಉತ್ರಿಪಡಸ ಕೈನ ಕದ್ಯೊ.
\p
\v 8 ತೆಳಾಮಾ ಯೆಸು"ಉಟಿನ ಹುಬ್ರೆ! ತಾರು ವಚ್ಚಾ಼ನು ಉಚೈನ ಲಿನ ಜಾ಼" ಕೈನ ಕದ್ಯೊ.
\p
\v 9 ತೆಳಾಮಾಜ಼ ತೆ ಮನಕ್ಹ ಅರಾಮ ಥೈನ ತಿನಾ ವಚ್ಚಾನ ಲಿನ ಚಾಲ್ಯೊ. ಎ ಕ್ಹಾರು ಥಯಲ ಸಬ್ಬತನಾ ದಿನ್ನಮಾ ವ್ಹೈ. 
\v 10 ತಿನಾಹುತಿ ಯೆಹುದಿಯೊನಾ ಅದಿಕಾರಿಯೊ ಅರಾಮ ಥಯಲ ತೆ ಮನಕ್ಹನೆ"ಆಜ ಸಬ್ಬತನೊ ದಿನ್ನ ವ್ಹೈ. ತು ವಚ್ಚಾ಼ನಾ ಉಚೈಲಿನ ಜಾ಼ವಾನು ಅಪ್ನಾ ಧರಮಶಾಸ್ತ್ರನಾ ವಿರುದ್ದ ವ್ಹೈ" ಕದ್ಯಾ.
\p
\v 11 ತೆಳಾಮಾ ತೆ"ಮನೆ ಅರಾಮ ಕರಲವಾಲೊ ಮನಕ್ಹ "ತಾರು ವಚ್ಚಾ಼ನು ಲಿನ ಜಾ಼" ಕದ್ಯೊ ಕೈನ ಉತ್ತರ ದಿದ್ಯೊ. 
\v 12 ತಿನೆ ತ್ಯುನೆ"ತಾರು ವಚ್ಚಾ಼ನು ಉಚೈಲಿನ ಜಾ಼ವಾನೆ ತುನೆ ಕದಲವಾಲು ಕುನ್ನ ವ್ಹೈ? ಕೈನ ಪುಚ್ಯಾ.
\p
\v 13 ತೆನೈಸೊ ಅರಾಮ ಥಯಲ ಮನಕ್ಹನೆ ಯೆಸು ಕುನ್ನ ವ್ಹೈ ಕವಾನು ಗ್ವತ್ತ ನ್ಹೊತು. ತೆ ಜ಼ಗಾಪರ ಘನ್ನಾ ಮನಕ್ಹೊನು ಗುಂಪ ವ್ಹತ್ತು. ಯೆಸು ತೆ ಜ಼ಗಾತೊ ತ್ಯುನೊಕಂತೊ ಗಪ್ಪ ಗೈಪಡ್ಯೊ.
\p
\v 14 ತೆ ಥಯಲ್ಪರ ಯೆಸು ತೆ ಮನಕ್ಹನೆ ದೆವಾಲಯಮಾ ದೆಕಿನ ತಿನೆ, ಐಕ ಹಮ್ನಾ ತು ಅರಾಮ ಥಯೊಸ. ತೆನೈಸೊ ಪಾಪ ಕರಾನು ಛೊಡಿಪಾಡ. ತಿನಾಹುತಿ ತುನೆ ಕಯುಜ಼ ಕೆಟ್ಟ ಥೌ ನೈ! ಕದ್ಯೊ.
\p
\v 15 ತೆಳಾಮಾ ತೆ ಮನಕ್ಹ ತೆ ಯಹುದ್ಯೊನಾ ಅದಿಕಾರಿಯೊ ಕನ ಗೈನ ತಿನೆ ಅರಾಮ ಕರಲವಾಲೊ ಯೆಸು ವ್ಹೈ ಕೈನ ಕದ್ಯೊ. 
\v 16 ತಿನಾಹುತಿ ತ್ಯುನೆ ಯೆಸು ಎ ಕಾಮೊ ಸಬ್ಬತ ದಿನ್ನೊಮಾ ಕರಲಹುತಿ ತ್ಯುನೆ ತಿನೆ ತ್ರಾಸ ಕರಾನು ಶುರು ಕರ‍್ಯಾ. 
\v 17 ತೆನೈಸೊ ಯೆಸು ತ್ಯುನೊನೆ "ಮಾರೊ ಬಾ ತಿನಾ ಕಾಮೊ ಕೆಳಾಮಾಬಿ ಕರ್ತೊಜ ರ‍್ಹವಸ. ತಿನಾಹುತಿ ಮಿಬಿ ಕಾಮ ಕರ್ತೊಜ" ಕೈನ ತಿನಾಹುತಿ ಕದ್ಯೊ.
\p
\v 18 ಎ ವಾತ ಯೆಹುದಿನಾ ಅದಿಕಾರಿಯೊ ತಿನೆ ಖಲಾಸ ಕರುಜ ಕೈನ ಫೈಸಲೊ ಕರಾ ವರ್ಕ್ಹು ಥಯು, ತೆಕ್ಲುಜ ನೈಸೊ ತೆ ಕ್ಹುದಾನಿ ಸಬ್ಬತನು ನಿಯಮ ತೊಡ್ಯೊ ನ್ಹೊತೊ, ತೆನೈಸೊ ತೆ ಕ್ಹುದಾ ತಿನೊ ಸ್ವಂತ ಬಾ ವ್ಹೈ ಕೈನ ಕದ್ಯೊ ವರಿ ಇನಾಲಿಂಗತ ತಿನಾಕ್ಹು ತಿನೆ ಕ್ಹುದಾ ಲಿಂಗತ ಕರಿಲಿದ್ಯೊತೊ.
\s ದಿಕ್ರಾನಾ ಅದಿಕಾರನಾ ಹುತಿ
\p
\v 19 ತಿನಾಹುತಿ ಯೆಸು ತ್ಯುನೊನೆ"ಮಿ ತುಮೊನೆ ಕ್ಹರಿಜ ಕೌಸ. ದಿಕ್ರೊ ತಿನಾಕ್ಹು ತೆ ಸುಜ಼ ನೈ ಕರತೊ, ಬಾ ಕರಾನು ದೆಕಿನ ತೆಬಿ ತಿಮ್ಮಜ ಕರಸ. ಬಾ ಕರಾನಾ ಕಾಮೊಜ ದಿಕ್ರೊಬಿ ಕರಸ. 
\v 20 ಬಾ ದಿಕ್ರಾನೆ ಮಯಾ ಕರಸ ವರಿ ತೆ ಕರಾನಾ ಕ್ಹಾರಾ ಕಾಮೊ ದಿಕ್ರಾನೆ ದೆಕಾಡಸ. ಇತ್ತಿಬಿ ಹೆಚ್ಕಿ ಕಾಮೊ ಬಾ ದಿಕ್ರಾನೆ ದೆಕಾಡಸ. ತೆಳಾಮಾ ತುಮೆ ಕ್ಹಾರಾ ಘಾಬ್ರಾ ಥಾವೊಶಿ. 
\v 21 ಬಾ ಮರಲವಾಲಾವೊನೆ ಉಟಾಡಿನ ತ್ಯುನೊನೆ ಜ಼ಲಮ ದಿವಸ. ತಿನಾಲಿಂಗತ ದಿಕ್ರೊಬಿ ತಿನೆ ಚಾ಼ಯೆ ಥಯಲವಾಲಾವೊನೆ ಜ಼ಲಮ ದಿವಸ. 
\v 22 "ಎನೈಸೊ ಬಾ ತಿನಾಕ್ಹು ತೆ ಕಿನೆ ಫೈಸಲೊ ಕರ‍್ತೊ ನೈ ತೆನೈಸೊ ಬಾ ಪೈಸ್ಲೊ ಕರಾನು ಪುರಾ ಅದಿಕಾರ ದಿಕ್ರಾನೆ ದಿದ್ಯೊಸ. 
\v 23 ತಿನಾಹುತಿ ಕ್ಹಾರಾ ಜ಼ನಾ ಬಾನೆ ಮರ್ಯಾದಿ ದಿದಲ ಲಿಂಗತ ದಿಕ್ರಾನೆಬಿ ಮರ್ಯಾದಿ ದ್ಯುಕೈನ ಕ್ಹುದಾ ಇಮ್ಮ ಕರ‍್ಯೊ. ಕುನ್ನ ದಿಕ್ರಾನೆ ಮರ್ಯಾದಿ ನೈ ದೆತು ತೆ ತಿನೆ ಮೊಕ್ಲಲವಾಲೊ ಬಾನೆ ಮರ್ಯಾದಿ ನೈ ದೆತೊ.
\p
\v 24 "ಮಿ ತುಮೊನೆ ಕ್ಹರಿಜ ಕೌಸ. ಮಾರಿ ವಾತ ಐಕಿನ ಮನೆ ಮೊಕ್ಲಲವಾಲಾನೆ ನಂಬಾಲೊ ಹಮೆಶಾನೊ ಜ಼ಲಮ ವ್ಹಂದಿಲಿದ್ಯೊಸ. ತಿನೆ ಫೈಸಲೊ ಥಾತೊ ನೈ. ತೆನೈಸೊ ತೆ ಹಮ್ನಾಜ ಮರಣ ದಾಟಿನ ಜ಼ಲಮಮಾ ಆಯೊಸ. 
\v 25 ಮಿ ತುಮೊನೆ ಕ್ಹರಿಜ ಕೌಸ ಮರಲವಾಲಾ ಕ್ಹುದಾನಾ ದಿಕ್ರಾನು ಅವಾಜ಼ ಐಕಾನೊ ದಿನ್ನ ಆವಸ. ತೆ ಹಮ್ನಾಜ ಆಯುಸ. ಕುನ್ನ ಐಕಸ ತ್ಯುನೆ ಜ಼ಲಮ ವ್ಹಂದಿಲಿವಸ. 
\v 26 ಬಾ ಜ಼ಲಮ ದಿವಾನಿ ತಾಕತ ತೆ ವ್ಹಂದಲಲಿಂಗತ ದಿಕ್ರಾನೆ ಜ಼ಲಮ ದಿವಾನಿ ತಾಕತ ದಿದ್ಯೊಸ, 
\v 27 ವರಿ ಕ್ಹಾರಾ ಮನಕ್ಹೊನೊ ಫೈಸಲೊ ಕರಾನು ಅದಿಕಾರ ಬಾ ದಿಕ್ರಾನೆ ಬಿ ದಿದ್ಯೊಸ. ಕಾಕದ್ಯಾಮ ತೆ ದಿಕ್ರೊ ಮನಕ್ಹೊನೆ ದಿಕ್ರೊ ಥಯೊಸ. 
\v 28 "ತಿನಾಹುತಿ ಘಾಬ್ರಾ ಥಾವೊ ನಕೊ. ಕಾಕದ್ಯಾಮ ಮರಲವಾಲಾ ಕ್ಹಾರಾ ತಿನೊ ಅವಾಜ಼ ಐಕಾನೊ ದಿನ್ನ ಆವಸ. 
\v 29 ವರಿ ತ್ಯುನೆ ತಿವ್ನೊ ಮಾತೊ ಉಟಿನ ಆವಸ; ಕುನ್ನ ಚೊ಼ಕು ಕರಲ ರ‍್ಹವಸ ತ್ಯುನೆ ಜಿವ್ತಾ ಥೈನ ಉಟಸ, ವರಿ ಕುನ್ನ ಕೆಟ್ಟ ಕರ‍್ಯುಸ ಜಿವ್ತಾ ಥೈನ ತ್ಯುನೊನೆ ಪೈಸ್ಲೊ ಥಾವಸ.
\s ಯೆಸುನಾ ಹುತಿ ಸಾಕ್ಷಿಯೊ
\p
\v 30 "ಮಾರಾಕ್ಹು ಮಿಜ಼ ಸುಜ಼ ಕರತೊ ನೈ. ಕ್ಹುದಾ ಕದಲ ತಿಮ್ಮಜ ಮಿ ಐಕಿನ ಫೈಸಲೊ ಕರುಸ. ತಿನಾಹುತಿ ಮಾರೊ ಫೈಸಲೊ ಕರೆಟ್ಟ ವ್ಹೈ. ಕಾಕದ್ಯಾಮ, ಮಾರಿ ಮರ್ಜಿ ಲಿಂಗತ ಕರಾಡ್ಯೊ ನತ್ತಿ. ಮನೆ ವಳಾಯಲವಾಲಾನಿ ಮರ್ಜಿ ಲಿಂಗತ ಕರುಸ.
\p
\v 31 "ಮಾರಾ ಹುತಿ ಮಿಜ಼ ಸಾಕ್ಷಿ ದಿದ್ಯೊಮ, ತೆ ಸಾಕ್ಷಿ ಕ್ಹರಿನಿ ನ್ಹವೈ. 
\v 32 ತೆನೈಸೊ ಮಾರಿ ಹುತಿ ಸಾಕ್ಷಿ ದಿವಾಲೊ ಯಕ್ಕ ಮನಕ್ಹ ಛೆ. ತೆ ದಿವಾನಿ ಸಾಕ್ಷಿ ಕ್ಹರಿಜ ವ್ಹೈ ಕೈನ ಮನೆ ಗ್ವತ್ತ ಛೆ. 
\v 33 "ತುಮೆ ಯೊಹಾನ ಕನ ಸಂದೆಶ ಕವಾಲಾವೊನೆ ಮೊಕ್ಲ್ಯಾ. ತೆ ತುಮೊನೆ ಕ್ಹರಿನಾ ಹುತಿ ಸಾಕ್ಷಿ ದಿದ್ಯೊಸ. 
\v 34 ತೆನೈಸೊ ಮಾರಾ ಹುತಿ ಮನಕ್ಹೊನೆ ಕವಾನಾ ಹುತಿ ಮನೆ ಮನಕ್ಹನಿ ಸಾಕ್ಷಿನಿ ಜರುರತ್ತ ನತ್ತಿ. ತೆನೈಸೊ ತುಮೊನೆ ಬಿಡುಗಡೆ ಥಾವಾನಾ ಹುತಿ ಮಿ ಎ ಸಂಗತಿಯೊ ಕವಾಡ್ಯೊಸ. 
\v 35 ಯೊಹಾನ ದಿವ್ವೊ ಲಾಗಲಲಿಂಗತ ವ್ಹತ್ತೊ ತೆ ಉಜಾಲು ದಿದ್ಯೊ, ವರಿ ತುಮೆ ತಿನು ಉಜಾಲಾನೆ ದಕ್ಹಾ ಟೈಮ ಖುಶಿಕ್ಹು ಅನುಭವ ಲಿವಾನೆ ದೆಕ್ಯಾ. 
\v 36 ತೆನೈಸೊ ಮಾರಿ ಸಾಕ್ಷಿ ಯೊಹಾನತಿಬಿ ಮ್ಹೊಟಿ ಸಾಕ್ಷಿ ಛೆ. ಮಿ ಕರಾನಾ ಕಾಮೊಜ ಮಾರಿ ಸಾಕ್ಷಿಯೊ ಥಯೊಸ. ಬಾ ಮನೆ ದಿದಲ ಎ ಕಾಮೊಜ, ಬಾ ಮನೆ ವಳಾಯೊಸ ಕೈನ ದೆಕಾಡಸ. 
\v 37 ವರಿ ಮನೆ ವಳಾಯಲ ಬಾ ಮಾರಾ ಹುತಿ ಸಾಕ್ಷಿ ದಿದ್ಯೊಸ. ತೆನೈಸೊ ತುಮೆ ತಿನಿ ಆವಾಜ ಕೆಳಾಮಾಜ ಐಕ್ಯಾ ನೈ. ತೆ ಕಿಮ್ಮ ಛೆ ಕೈನ ತುಮೆ ಕೆಳಾಮಾಜ ದೆಕ್ಯಾ ನೈ. 
\v 38 ವರಿ ತುಮೆ ಬಾನು ಉಪದೆಶನೆ ಬರೊಕ್ಹೊ ಕರ‍್ಯಾ ನೈ. ಕಾಕದ್ಯಾಮ ಬಾ ವಳಾಯಲವಾಲಾನೆ ತುಮೆ ಬರೊಕ್ಹೊ ಕರ‍್ಯಾ ನೈ. 
\v 39 ತುಮೆ ಪವಿತ್ರ ಗ್ರಂಥೊ ಅಬ್ಯಾಸ ಕರೊಶಿ. ಕಾಕದ್ಯಾಮ ತೆ ಪವಿತ್ರ ಗ್ರಂಥ ತುಮೊನೆ ಹಮೆಶಾನೊ ಜ಼ಲಮ ದಿವಸ ಕವಾನು ತುಮಾರಿ ವಿಚಾರ ವ್ಹೈ ತೆನೈಸೊ ತೆಜ಼ ಪವಿತ್ರ ಗ್ರಂಥೊಮಾ ಮಾರಾ ಹುತಿ ತಿಳ್ಸಾವಸ! 
\v 40 ತೆನೈಸೊ ಜ಼ಲಮ ವ್ಹಂದಿಲಿವಾನೆ ತುಮೆ ಮಕನ ಆವಾನೆ ಮನಸ ಕರ‍್ತಾ ನೈ.
\p
\v 41 ಮನಕ್ಹತಿ ಆವಾನಿ ಹೊಗಳಿಕೆ ಮನೆ ನಕೊ. 
\v 42 ತೆನೈಸೊ ತುಮೆ ಕೆವಾ ಮನಕ್ಹೊ ವ್ಹೈ ಕೈನ ಮನೆ ಗ್ವತ್ತ ಛೆ. ವರಿ ಕ್ಹುದಾನಾ ಉಪ್ಪರ ತುಮೊನೆ ಮಯಾ ನತ್ತಿ ಕೈನ ಮನೆ ಗ್ವತ ಛೆ. 
\v 43 ಮಿ ಮಾರಾ ಬಾನಾ ಅದಿಕಾರನಾ ಕ್ಹಾತೆ ಆಯೊಸ. ತೆನೈಸೊ ತುಮೆ ಮನೆ ಸ್ವಿಕಾರ ನೈ ಕರಿಲೆತಾ. ತೆನೈಸೊ ಕುನ್ನಬಿ ಯಕ್ಲೊ ತಿನಾ ಸ್ವಂತ ಅದಿಕಾರಕ್ಹು ಆಯಾಮ ತುಮೆ ತಿನೆ ಸ್ವಿಕಾರ ಕರೊಶಿ. 
\v 44 ತುಮೆ ಯಕ್ನೆ ಯಕ್ಕ ಸನ್ಮಾನ ದ್ಯು ಕೈನ ಆಸ ಕರೊಶಿ. ತೆನೈಸೊ ಯಕ್ಕಜ಼ ಕ್ಹುದಾತಿ ಆವಾನಿ ಸನ್ಮಾನ ಲಿವಾನೆ ತುಮೆ ಕೆಳಾಮಾಜ ಕೊಶಿಶ ನೈ ಕರ‍್ತಾ. ಇಮ್ಮ ರ‍್ಹಯುಮ ತುಮೆ ಮನೆ ಕಿಮ್ಮ ಬರೊಕ್ಹೊ ಕರೊಶಿ? 
\v 45 ಮಿ ಬಾನಾ ಕ್ಹಾಮೊ ಹುಬ್ರೈನ ತುಮೊನೆ ತಪ್ಪ ಕರಲವಾಲಾ ವ್ಹೈ ಕೈನ ಕೌಸ ಕೈನ ತುಮೆ ವಿಚಾರ ಕರೊ ನಕೊ. ತುಮೊನೆ ವಚಾ಼ಡಸ ಕೈನ ತುಮೆ ಆಸ ಕರಲ ಮೊಶೆ ತುಮಾರಾ ಉಪ್ಪರ ಸಾಕ್ಷಿ ಕವಸ. 
\v 46 ತುಮೆ ಕ್ಹರಿಬಿ ಮೊಶೆನೆ ಬರೊಕ್ಹೊ ಕರಲ ರ‍್ಹವತೊ, ಮಪರಬಿ ಬರೊಕ್ಹೊ ಕರ‍್ತಾತಾ. ಕಾಕದ್ಯಾಮ ತೆ ಮಾರಾ ಹುತಿಜ ಬರ್ದ್ಯೊಸ. 
\v 47 ತೆನೈಸೊ ಮೊಶೆ ಬರ್ದಲ ತುಮೆ ಬರೊಕ್ಹೊ ನೈ ಕರ‍್ತಾ ಇಮ್ಮ ರ‍್ಹಯುಮ ಮಿ ಕವಾನಿಯೊ ವಾತೊಪರ ತುಮೆ ಕಿಮ್ಮ ಬರೊಕ್ಹೊ ಕರ ಸಕೊಶಿ?
\c 6
\s ಯೆಸು ಪಾಂಚ಼ ಹಜಾ಼ರ ಮನಕ್ಹೊನೆ ಅನ್ನ ಖಲಾಯಲ
\r (ಮತ್ತಾಯ 14:13-21; ಮಾರ್ಕ 6:30-44; ಲುಕ 9:10-17)
\p
\v 1 ತೆಳಾಮಾ, ಯೆಸು ಗಲಿಲಾಯ ಸಮುಂದರ ದಾಟಿನ ಬಿಜಿ ದಂಡಿಯೆ ಗಯೊ. ತೆ ಸಮುಂದರನೆ ತಿಬೆರಿಯ ಸಮುಂದರಬಿ ಕವಸ. 
\v 2 ಘನ್ನಾ ಮನಕ್ಹೊ ಯೆಸುನಾ ಪಾಚಾ಼ ಗಯಾ. ಕಾಕದ್ಯಾಮ ತ್ಯುನೆ ಯೆಸುನಾ ಮುಲಕ ರೊಗಿಯೊನೆ ಅರಾಮ ಕರಾನು ಅದ್ಭುತ ದೆಕ್ಯಾತಾ. 
\v 3 ತೆಳಾಮಾ ಯೆಸು ಡೊಂಗರ ಚ಼ಡಿನ ತಿನಾ ಶಿಷ್ಯಾವೊನಾ ಕ್ಹಾತೆ ಬೈಟ್ಯೊ. 
\v 4 ಯಹುದ್ಯೊನಾ ಫಸ್ಕ ಸನ್ನ ಘನ್ನು ನಜಿಕ ವ್ಹತ್ತು. 
\v 5 ಯೆಸು ಡೊಳಾ ಉಚೈನ ದೆಕ್ತಾಮಾ, ತಿಕನ ಆವಾನು ಮನಕ್ಹೊನು ಮ್ಹೊಟು ಗುಂಪನೆ ದೆಕಿನ ತಿನಾಹುತಿ ಫಿಲಿಪ್ಪನೆ"ಎ ಕ್ಹಾರಾ ಮನಕ್ಹೊನೆ ಚಾ಼ಯೆ ಥಯಲ ತೆಕ್ಲು ಅನ್ನ ಅಪೆ ಕಿಜ್ಗಾ ಲಿಯೆ? ಕೈನ ಪುಚ್ಯೊ. 
\v 6 ಫಿಲಿಪ್ಪನೆ ಪರಿಕ್ಷಾ ಕರಾಹುತಿ ತೆ ಅಮ್ಮ ಪುಚ್ಯೊ. ತೆನೈಸೊ ಕ್ಹರಿಮಾಜ಼ ತೆ ಸು ಕಾಮ ಕರು ಕವಾನು ತಿನೆ ಪೈಲಾಜ ಗ್ವತ್ತ ವ್ಹತ್ತು
\p
\v 7 ಫಿಲಿಪ್ಪ "ನ್ಹ್ಯಾ ರ‍್ಹಯಲ ಹರಿ ಯಕ್ಲಾನೆ ರೊಕ್ಲಾನು ಯಕ್ಕ ತುಕ್ಡೊ ದ್ಯು ಕದ್ಯಾಮ, ಬೆಕ್ಹೊ ರುಪ್ಪಾನಾ ಬಿಲ್ಲಾ ತಿಬಿ ಜಾಸ್ತಿ ಚಾ಼ಯೆ" ಕೈನ ಕದ್ಯೊ.
\p
\v 8 ಯೆಸುನೊ ಬಿಜೆಕ್ಲೊ ಶಿಷ್ಯೊ ರ‍್ಹಯಲ ಸಿಮೊನ ಪೆತ್ರಾನೊ ಭೈ ಅಂದ್ರೆಯಾ ಕದ್ಯೊ, 
\v 9 "ನ್ಹ್ಯಾ ರ‍್ಹಯಲ ಯಕ್ಲಾ ಪಟ್ಟಾಕನ ಘ್ಹೌನಾ ಪಾಂಚ಼ ರೊಕ್ಲಾ ವರಿ ಬೆ ನ್ಹಾನಿಯೊ ಮಚ್ಲಿಯೊ ಛೆ. ತೆನೈಸೊ ಕ್ಹರಿಮಾಜ಼ ತೆ ಎ ಮನಕ್ಹೊನಾ ಗುಂಪನೆ ಬಸ್ಸ ಥಾತು ನೈ" ಕೈನ ಕದ್ಯೊ.
\p
\v 10 ಯೆಸು"ಮನಕ್ಹೊನೆ ಬೈಟಾನೆ ಕವೊ" ಕೈನ ಕದ್ಯೊ. ತೆ ಜ಼ಗಾಪರ ಚಾರೊ ಘನ್ನೊ ಬೆಳದ್ಯೊತೊ ತ್ಯಾ ಬೈಟಲವಾಲಾವೊಮಾ ಕಮ್ಸೆ ಕಮ ಪಾಂಚ಼ ಹಜಾರ ದಾಣ್ಗಾಜ ವ್ಹತ್ತಾ. 
\v 11 ಪಾಚಲ್ತೊ ಯೆಸು ತೆ ರೊಕ್ಲಾ ಲಿನ ಕ್ಹುದಾನೆ ಸ್ತೊತ್ರಾ ಕರಿನ, ಬೈಟಲ ಮನಕ್ಹೊನೆ ವಾಟ್ಯೊ. ತೆ ಮಚ್ಲಿಯೊನೆಬಿ ತಿನಾಲಿಂಗತ ಕರ‍್ಯೊ. ಕ್ಹಾರಾ ಜ಼ನಾ ತ್ಯುನೊನೆ ಚಾ಼ಯೆ ಥಯಲ ತೆಕ್ಲು ಕೈನ ತೃಪ್ತ ಥಯಾ. 
\v 12 ತ್ಯುನೆ ಕ್ಹಾರಾ ಕೈನ ತೃಪ್ತ ಥಯಲ್ಪರ ಯೆಸು ತಿನಾ ಶಿಷ್ಯಾವೊನೆ"ಉಗ್ರಲ ತುಕ್ಡಾ ಕ್ಹಾರಾ ಜಮಾ ಕರೊ. ಕಯುಜ಼ ಹಾಳ ಕರೊ ನಕೊ ಕೈನ ಕದ್ಯೊ. 
\v 13 ವರಿ ಶಿಷ್ಯಾ ಮನಕ್ಹೊನೆ ವಾಟಲ ಪಾಂಚ಼ ರೊಕ್ಲಾಮಾ ಉಗ್ರಲ ತುಕ್ಡಾವೊಕ್ಹು ಬಾರಾ ಟೊಪ್ಲಿಯೊ ಭರ‍್ಯಾ.
\p
\v 14 ಯೆಸು ಕರಲ ಎ ಅದ್ಭುತ ಕಾಮ ದೆಕಲ ಕ್ಹಾರಾ ಮನಕ್ಹೊ"ಎ ದುನಿಯಾಮಾ ಆವಾನೊ ರ‍್ಹಯಲ ಪ್ರವಾದಿ ಕ್ಹರಿಮಾಜ಼ ಎಜ಼ ವ್ಹೈ" ಕೈನ ಕವಾಡಾತಾ. 
\v 15 ತಿನೆ ಜಬರದಸ್ತಿಕ್ಹು ರಾಜೊ಼ ಕರಾನೆ ಮನಕ್ಹೊ ವಿಚಾರ ಕರಾಡಾಸ ಕೈನ ಯೆಸುನೆ ಗ್ವತ್ತ ಥೈಯುತು. ತಿನಾಹುತಿ ತ್ಯಾಂತೊ ತೆ ಯಕ್ಲೊಜ ಡೊಂಗರಪರ ವರಿ ಗಯೊ.
\s ಯೆಸು ಪಾನಿಪರ ಚಾ಼ಲಲ
\r (ಮತ್ತಾಯ 14:22-27; ಮಾರ್ಕ 6:45-52)
\p
\v 16 ತೆ ದಿನ್ನಾ ಖಾಂಜೆ ಯೆಸುನಾ ಶಿಷ್ಯಾ ಸಮುಂದರನೆ ಗಯಾ. 
\v 17 ತಿನಾಹುತಿ ಶಿಷ್ಯಾ ಹಡ್ಗೊ ಚ಼ಡಿನ ಸಮುಂದರನಾ ತಿನಾ ದಂಡಿತಾ ಕಪೆನೌರ್ಮಿಯೆ ಚಾ಼ಲ್ಯಾತಾ. ತೆಳಾಮಾ ಅಂದಾರು ಥಯುತು. ಯೆಸು ತ್ಯುನೊಕನ ಹಜು಼ನ ಆಯೊ ನ್ಹೊತೊ. 
\v 18 ತೆಳಾಮಾ ವಾರೊ ಘನ್ನೊ ಜೊ಼ರ ಆವಾಡ್ಯೊತೊ. ಸಮುಂದರನಾ ಧಡ್ಕಿಯೊ ಮ್ಹೊಟಿಯೊ ಥಾವಾಡ್ಯಾತಾ. 
\v 19 ತ್ಯುನೆ ಹುಟ್ಟ ಘಾಲತಾ ತನ್ನ ನೈತೊ ಚಾರ ಮೈಲ ಯಕ್ಕ ಹಡಗಾನೆ ಚಲಾಯಲ ಪರ ಯೆಸುನೆ ದೆಕ್ಯಾ. ತೆ ಪಾನಿ ಪರ ಚಾಲ್ತೊ ಹಡಗಾನಾ ನಜಿಕ ಆವಾನು ದೆಕಿನ ತ್ಯುನೆ ಭುಚ್ಕ್ಯಾ. 
\v 20 ಯೆಸು ತ್ಯುನೊನೆ"ಭುಚ಼ಕೊ ನಕೊ, ಮಿಜ಼ ವ್ಹೈ" ಕೈನ ಕದ್ಯೊ. 
\v 21 ತೆಳಾಮಾ ತ್ಯುನೆ ಯೆಸುನೆ ಹಡಗಾಮಾ ಬಲೈಲ್ಯು ಕೈನ ಕರ‍್ಯಾತಾ. ತೆಕ್ಲಾಮಾಜ಼, ತ್ಯುನೆ ಜೌ ಕೈನ ರ‍್ಹಯಲ ಜ಼ಗಾನಿ ದಂಡಿಯೆ ಹಡ್ಗೊ ಆಯೊ.
\s ಮನಕ್ಹೊ ಯೆಸುನೆ ಹುಡ್ಕಲ
\p
\v 22 ಮರ್ನಾ ದಿನ್ನೆ ಬಿಜಿ ದಂಡಿಯೆ ರ‍್ಹಯಲ ಮನಕ್ಹೊನಾ ಗುಂಪನೆ ತ್ಯಾ ಯಕ್ಕಜ಼ ಹಡ್ಗೊ ವ್ಹತ್ತೊ ಕೈನ ಗ್ವತ್ತ ವ್ಹತ್ತು. ಯೆಸು ಶಿಷ್ಯಾವೊನಾ ಕ್ಹಾತೆ ಗಯೊ ನ್ಹೊತೊ ಕೈನ ತ್ಯುನೊನೆ ಗ್ವತ್ತ ವ್ಹತ್ತು. ಕಾಕದ್ಯಾಮ ತ್ಯುನೆ ತಿನೆ ಪಾಚಾ಼ ಛೊಡಿನ ಗಯಾತಾ. 
\v 23 ತೆಳಾಮಾ ಬಿಜಿಯೊ ಹಡಗಾ ತಿಬೆರಿಯಸ ಸಮುಂದರಮಾತಾ ಕರ್ತಾನೆ ಸ್ತೊತ್ರಾ ಕದಲ್ಪರ ದಿದಲ ರೊಕ್ಲಾ ಮನಕ್ಹೊನು ಗುಂಪ ಖಾದಲ ಜ಼ಗಾನಾ ನಜಿಕ ದಂಡಿಯೆ ಐನ ಮುಟ್ಯಾ. 
\v 24 ಯೆಸು ವರಿ ತಿನಾ ಶಿಷ್ಯಾ ತ್ಯಾ ನೈ ರ‍್ಹಯಲ ಮನಕ್ಹೊ ದೆಕಿನ ಹಡಗಾ ಚ಼ಡಿನ ಯೆಸುನೆ ಹುಡ್ಕತಾ ಕಪೆನೌರ್ಮಿಯೆ ಗಯಾ.
\s ಯೆಸುಜ ಜ಼ಲಮನೊ ರೊಕ್ಲೊ
\p
\v 25 ಮನಕ್ಹೊ ಯೆಸುನೆ ಸಮುಂದರನಿ ಬಿಜಿ ದಂಡಿಪರ ದೆಕ್ಯಾ. ತ್ಯುನೆ ತಿನೆ"ಗುರು ತು ನ್ಹ್ಯಾ ಕೆಳಾಮಾ ಆಯೊ? ಕೈನ ಪುಚ್ಯಾ.
\p
\v 26 ತೆಳಾಮಾ ಯೆಸು ತ್ಯುನೊನೆ, ಮಿ ತುಮೊನೆ ಕ್ಹರಿಜ ಕೌಸ ತುಮೆ ಮನೆ ಮಿ ಕರಲ ಅದ್ಭುತ ಕಾಮೊ ದೆಕಲಕ್ಹು ಹುಡಕಾಡ್ಯಾ ನತ್ತಿ ತೆನೈಸೊ ರೊಕ್ಲೊ ಪೆಟ ಭರಿನ ಖಾದಲ ಹುತಿ ಹುಡ್ಕಾಡ್ಯಾಸ. 
\v 27 ಹಾಳ ಥಾವಾನು ರ‍್ಹಯಲ ಅನ್ನನಾ ಹುತಿ ರಾಬೊ ನಕೊ ತೆನೈಸೊ ಹಮೆಶಾನಾ ಜ಼ಲಮ ದಿವಾನು ಅನ್ನನಾಹುತಿ ರಾಬೊ. ತೆ ಮನಕ್ಹನೊ ದಿಕ್ರೊ ದಿವಸ. ತಿಪರ ಬಾ ಥಯಲ ಕ್ಹುದಾ ಅದಿಕಾರನೊ ಶಿಕ್ಕೊ ಮಾರ‍್ಯೊಸ.
\p
\v 28 ಮನಕ್ಹೊ ಯೆಸುನೆ"ಹಮೆ ಕಯಾ ಕಾಮೊ ಕರು ಕೈನ ಕ್ಹುದಾ ಆಸ ಕರಸ? ಕೈನ ಪುಚ್ಯಾ.
\p
\v 29 ಯೆಸು ತ್ಯುನೊನೆ"ಕ್ಹುದಾ ಮೊಕ್ಲಲವಾಲಾನೆ ತುಮೆ ನಂಬು ಎ ಕಾಮಜ ಕ್ಹುದಾ ತುಮೊಕ್ಹು ಆಸ ಕರಸ" ಕೈನ ಕದ್ಯೊ.
\p
\v 30 ತಿನಾಹುತಿ ಮನಕ್ಹೊ" ಕ್ಹುದಾ ಮೊಕ್ಲಲವಾಲೊ ತುಜ಼಼ ವ್ಹೈ ಕೈನ ದೆಕಾಡಾನಾ ಹುತಿ ತು ಕಯು ಅದ್ಭುತ ಕಾಮ ಕರಶಿ? 
\v 31 ಅಪ್ನಾ ಪಿತೃವೊನೆ ಕ್ಹುದಾ ಉಸುಕನಿ ಜಿಮಿನಪರ ದಿದಲ ಮನ್ನಾ ಖಾದ್ಯಾ. ಪವಿತ್ರ ಗ್ರಂಥಮಾ ಬರ್ದಲ ಛೆ "ಕ್ಹುದಾ ತ್ಯುನೊನೆ ಖಾವಾನೆ ಸ್ವರ್ಗತೊ ರೊಕ್ಲಾ ದಿದ್ಯೊ "ಕೈನ ಕದ್ಯಾ.
\p
\v 32 ಯೆಸು"ಮಿ ತುಮೊನೆ ಕ್ಹರಿಜ ಕೌಸ ತುಮಾರಾ, ಮನಕ್ಹೊನೆ ಸ್ವರ್ಗತೊ ರೊಕ್ಲೊ ದಿದಲವಾಲೊ ಮೊಶೆ ನ್ಹವೈ. ತೆನೈಸೊ ಮಾರೊ ಬಾ ತುಮೊನೆ ಸ್ವರ್ಗತೊ ಕ್ಹರಿನೊ ರೊಕ್ಲೊ ದಿವಸ. 
\v 33 ಕ್ಹುದಾ ದಿವಾನೊ ತೆ ರೊಕ್ಲೊ ಸ್ವರ್ಗತೊ ಉತ್ರಿನ ಆಯೊಸ ವರಿ ದುನಿಯಾನೆ ಜ಼ಲಮ ದಿವಸ. ತೆಜ಼ ಕ್ಹುದಾ ದಿವಾನೊ ರೊಕ್ಲೊ ವ್ಹೈ.
\p
\v 34 ಮನಕ್ಹೊ ತಿನೆ"ಗುರು, ತೆ ರೊಕ್ಲೊ ಹಮೊನೆ ಹಮೆಶಾಬಿ ದೆ" ಕದ್ಯಾ.
\p
\v 35 ಯೆಸು ತ್ಯುನೊನೆ"ಮಿಜ಼ ಜ಼ಲಮ ದಿವಾನೊ ರೊಕ್ಲೊ ವ್ಹೈ. ಮಕನ ಆವಾಲಾನೆ ಕೆಳಾಮಾಜ ಭುಕ್ಕ ಲಾಗ್ತಿ ನೈ. ಮಪರ ಬರೊಕ್ಹೊ ಮ್ಹೆಲಲ ವಾಲಾವೊನೆ ಕೆಳಾಮಾಜ ತರಕ್ಹ ಲಾಗ್ತಿ ನೈ. 
\v 36 ಮಿ ತುಮೊನೆ ಪೈಲಾಜ ಕದಲ ಲಿಂಗತ, ತುಮೆ ಮನೆ ದೆಕ್ಯಾ ತಬಿ ಹಜು಼ನಬಿ ತುಮೆ ಬರೊಕ್ಹೊ ಕರಾಡ್ಯಾ ನತ್ತಿ. 
\v 37 ಮಾರೊ ಬಾ ದಿವಾನಾ ತೆ ಕ್ಹಾರಾ ಮನಕ್ಹೊ ಮಕನ ಆವಸ. ವರಿ ಕುನ್ನ ಮಕನ ಆವಸ ತ್ಯುನೊನೆ ಮಿ ಕೆಳಾಮಾಜ ಢಕ್ಲಿಪಾಡ್ತೊ ನೈ. 
\v 38 ಕಾಕದ್ಯಾಮ ಮಿ ಸ್ವರ್ಗತೊ ಮಾರಿ ಚಿತ್ತ ಲಿಂಗತ ಕರಾನೆ ಆಯೊಸ ಕೈನ ತಿಳ್ದೊ ನಕೊ. ತೆನೈಸೊ ಕುನ್ನ ಮನೆ ವಳಾಯೊಸ ತಿನಿ ಚಿತ್ತ ಪುರಾ ಕರಾನೆ ಆಯೊಸ. 
\v 39 ವರಿ ಮನೆ ಮೊಕ್ಲಲವಾಲಾನಿ ಮರ್ಜಿ ಅಮ್ಮ ವ್ಹೈ ಕ್ಹುದಾ ಮೊಕ್ಲಲವಾಲಾನೆ ಮಿ ಕಿನೆಜ಼ ಜವೈ ಲ್ಯು ನೈ ವರಿ ಲಾಸ್ಟನಾ ದಿನೊಮಾ ಜಿವ್ತೊ ಕರಿ ಉಟಾಡು. 
\v 40 ದಿಕ್ರಾನೆ ದೆಕಿನ ತಿಪರ ಬರೊಕ್ಹೊ ಮ್ಹೆಲಾಲೊ ಹರಿ ಯಕ್ಲೊ ಹಮೆಶಾನೊ ಜ಼ಲಮ ವ್ಹಂದ್ಯೊಸ. ಲಾಸ್ಟನಾ ದಿನ್ಮಾ ಮಿ ತೆ ಮನಕ್ಹನೆ ಜಿವ್ತೊ ಕರಿನ ಉಟಾಡುಸ ಮಾರೊ ಬಾ ಆಸ ಕರಾನು ಎಜ಼ ವ್ಹೈ" ಕದ್ಯೊ.
\p
\v 41 ಯಹುದ್ಯೊ ಯೆಸುನಾ ಹುತಿ ಗುಣ ಗುಟ್ಟಾಡಾತಾ. ಕಾಕದ್ಯಾಮ"ಸ್ವರ್ಗತೊ ಉತ್ರಿನ ಆವಾಲೊ ರೊಕ್ಲೊಜ ಮಿ ವ್ಹೈ ಕವಾಡೊತೊ. 
\v 42 ಯಹುದ್ಯೊ, ಎ ಯೊಸೆಫನೊ ದಿಕ್ರೊ ಯೆಸು ನ್ಹವೈ ಸು? ಇನಾ ಮಾ ಬಾಪ ಅಪೊನೆ ಗ್ವತ್ತ ಛೆ" ಮಿ ಸ್ವರ್ಗತೊ ಉತ್ರಿನ ಆಯೊಸ ಕೈನ ಎ ಕಿಮ್ಮ ಕವಾಡ್ಯೊಸ? ಕದ್ಯಾ.
\p
\v 43 ತೆ ವಾತೆ ಯೆಸು"ತುಮೆ ಗುಣ ಗುಟ್ಟಾನು ಹುಬ್ರಾಡೊ. 
\v 44 ಕುನ್ನಜ ಕಿಜಾ಼ ಲಕ್ಕಾ ನೈ ಆತಾ ಕದ್ಯಾಮ ಮನೆ ಮೊಕ್ಲಲ ಬಾ ತ್ಯುನೊನೆ ನೈ ಮೊಕಲ್ತೊ. ಬಾ ಮನೆ ಮೊಕ್ಲೊಸ ವರಿ ಬಾ ಮಕನ ಮನಕ್ಹೊ ಬಲೈ ಲಾವಸ. ಲಾಸ್ಟನಾ ದಿನೊಮಾ ತೆ ಮನಕ್ಹೊನೆ ಜಿವ್ತೊ ಕರಿನ ಉಟಾಡುಸ. 
\v 45 "ಪ್ರವಾದಿಯೊನಾ ಪುಸ್ತಕೊಮಾ ಅಮ್ಮ ಬರ್ದ್ಯಾಸ ವರಿ ತ್ಯುನೆ ಕ್ಹಾರಾ ಕ್ಹುದಾಕ್ಹು ಶಿಕ್ಕಲವಾಲಾ ರ‍್ಹವಸ. ಕುನ್ನ ಬಾ ಕ್ಹು ಐಕಿನ ಶಿಕ್ಕಿನ ತೆ ಮಕನ ಆವಸ. 
\v 46 ಬಾ ಕ್ಹು ಆಯಲವಾಲೊ ಯಕ್ಕಜ಼ ಬಾನೆ ದೆಕಲವಾಲೊ ವ್ಹೈ. ಬಿಜೊ ಕಯೊಜ ಬಾನೆ ಕೆಳಾಮಾಜ ದೆಕ್ಯಾ ನತ್ತಿ. 
\v 47 "ಮಿ ತುಮೊನೆ ಕ್ಹರಿಜ ಕೌಸ. ನಂಬಲವಾಲೊ ಹಮೆಶಾನೊ ಜ಼ಲಮ ವ್ಹಂದಸ. 
\v 48 ಮಿಜ಼ ಜ಼ಲಮ ದಿವಾನೊ ರೊಕ್ಲೊ ವ್ಹೈ. 
\v 49 ತುಮಾರಾ ಪಿತ್ರೊ ತ್ಯುನೊನೆ ಕ್ಹುದಾ ಉಸುಕನಿ ಜಿಮಿನ್ಮಾ ದಿದಲ ಮನ್ನಾ ಖಾದ್ಯಾತಾ ರ‍್ಹೈತುಬಿ ತ್ಯುನೆ ಮರಿ ಗಯಾ. 
\v 50 ತೆನೈಸೊ ಸ್ವರ್ಗತೊ ಉತ್ರಿನ ಆವಾನೊ ರೊಕ್ಲೊ ಕುನ್ನ ಖಾವಸ ತೆ ನೈ ಮರ್ತೊ. 
\v 51 ಸ್ವರ್ಗತೊ ಉತ್ರಿನ ಆಯಲ ಜ಼ಲಮ ರ‍್ಹಯಲ ರೊಕ್ಲೊ ಮಿಜ಼ ವ್ಹೈ. ಎ ರೊಕ್ಲೊ ಖಾವಾಲೊ ಹಮೆಶಾಬಿ ಜಿವ್ತೊ ರ‍್ಹವಸ. ಎ ರೊಕ್ಲೊಜ ಮಾರು ಅಂಗ ವ್ಹೈ. ಎ ದುನಿಯಾನೆ ದ್ಯುಸ ಕಾಕದ್ಯಾಮ‍ ತ್ಯುನೆ ಜಿವ್ತಾ ರ‍್ಹೌ.
\p
\v 52 ತೆಳಾಮಾ ಯಹುದ್ಯೊ"ಎ ಮನಕ್ಹ ತಿನಾ ಅಂಗನೆ ಅಪೊನೆ ಖಾವಾನೆ ಕಿಮ್ಮ ದಿವಾನೆ ಥಾವಸ? ಕೈನ ತ್ಯುನೊ ತ್ಯುನೊಮಾ ಶಿಟ್ಟಕ್ಹು ವಾದ-ವಿವಾದ ಕರ್ತಾ ಪುಚ್ಯಾ.
\p
\v 53 ಯೆಸು"ಮಿ ತುಮೊನೆ ಕ್ಹರಿಜ ಕೌಸ. ತುಮೆ ಮನಕ್ಹನಾ ದಿಕ್ರಾನು ಅಂಗ ಖಾದ್ಯಾವಾಚಿ ತಿನು ರಗತ ಪಿದ್ಯಾವಾಚಿ. ತುಮೊಮಾ ಜ಼ಲಮ ರ‍್ಹತೊ ನೈ. 
\v 54 ಕುನ್ನ ಮಾರು ಅಂಗ ಖಾವಸ ವರಿ ಕುನ್ನ ಮಾರು ರಗತ ಪಿವಸ ತೆ ಹಮೆಶಾನೊ ಜ಼ಲಮ ವ್ಹಂದಿಲಿವಸ. ವರಿ ಮಿ ತಿನೆ ಹಮೆಶಾನೊ ಜ಼ಲಮ ವ್ಹಂದಿಲಿದ್ಯೊಸ. ಲಾಸ್ಟನಾ ದಿನ್ನೆ ಮಿ ತೆ ಮನಕ್ಹನೆ ಜಿವ್ತೊ ಕರುಸ. 
\v 55 ಮಾರು ಅಂಗ ಕ್ಹರಿನು ಅನ್ನ ಥಯೊಸ. ಮಾರು ರಗತ ಕ್ಹರಿನು ಪಾನಿ ಥಯೊಸ. 
\v 56 ಕುನ್ನ ಮಾರು ಅಂಗ ಖಾವಸ ವರಿ ಕುನ್ನ ಮಾರು ರಗತ ಪಿವಸ ತೆ ಮಾರಾಮಾ ರ‍್ಹವಸ ಮಿ ತಿನಾಮಾ ರ‍್ಹೌಸ. 
\v 57 "ಜಿವ್ತೊ ರ‍್ಹಯಲ ಬಾಜ ಮನೆ ವಳಾಯೊ. ವರಿ ತಿನಾಕ್ಹುಜ ಮಿ ಜಿವ್ತೊ ರ‍್ಹೌಸ, ತಿನಾಹುತಿ ಕುನ್ನ ಮನೆ ಖಾವಸ ತೆ ಮಾರಾಕ್ಹುಜ ಜಿವ್ತೊ ರ‍್ಹವಸ. 
\v 58 ಎ ಸ್ವರ್ಗೊ ಉತ್ರಿನ ಆಯಲ ರೊಕ್ಲೊ ವ್ಹೈ ತುಮಾರಾ ಪತೃ ಮನ್ನಾ ಖಾದ್ಯಾ ವರಿ ಮರಿಗಯಾ, ತೆನೈಸೊ ಕುನ್ನ ಎ ರಕ್ಲೊ ಖಾವಾಸ ತೆ ಹಮೆಶಾಬಿ ಜಿವ್ತೊ ರ‍್ಹವಸ. 
\v 59 ಯೆಸು ಕಪೆನೌರ್ಮಿಮಾ ಸಬಾಮಂದಿರಮಾ ಉಪದೆಶ ಕರ್ತಾಮಾ ಎ ಕ್ಹಾರಾ ಕದ್ಯೊ.
\s ಹಮೆಶಾನಾ ಜ಼ಲಮ್ನಿಯೊ ವಾತೊ
\p
\v 60 ಎ ಐಕಲ ತಿನಾ ಶಿಷ್ಯಾವೊನಾ ಘನ್ನಾ ಜ಼ನಾ"ಎ ಉಪದೆಶ ಕಠಿಣ ಛೆ. ಇನೆ ಕುನ್ನ ವಪ್ಪಿಲಿವಸ? ಕದ್ಯಾ.
\p
\v 61 ತಿನಾ ಶಿಷ್ಯಾ ಆಸ ಕರಾನು ತಿಳ್ದಿಲಿದಲ ಯೆಸು"ಎ ಉಪದೆಶಕ್ಹು ತುಮೊನೆ ತ್ರಾಸ ಥಾವಾಡುಸ ಸು? 
\v 62 ಯಕ್ಕೆಳೆ ತುಮೆ ಮನಕ್ಹನಾ ದಿಕ್ರೊ ಪೈಲಾ ಕಿಜಾ಼ ವ್ಹತ್ತೊ ವರಿ ಫರಿನ ತ್ಯಾಜ ಜಾ಼ವಾನು ದೆಕ್ಯಾಮ ತುಮೆ ಸು ಕರೊಶಿ? 
\v 63 ಜ಼ಲಮ ದಿವಾನು ಕ್ಹುದಾನಿ ಆತ್ಮಾ ವ್ಹೈ. ಮನಕ್ಹನಿ ಸಾಮರ್ಥನು ಸುಜ಼ ನತ್ತಿ. ಮಿ ತುಮೊನೆ ಕಯ್ಯೊ ವಾತೊ ಕದ್ಯೊತೊ ತೆ ಕ್ಹುದಾನಿ ಆತ್ಮಾ ವ್ಹೈ ವರಿ ತೆ ಜ಼ಲಮ ದಿವಸ. 
\v 64 ವರಿಬಿ ತುಮಾರಾವೊಮಾ ದಕ್ಹಾ ಜ಼ನಾ ಬರೊಕ್ಹೊ ನೈ ಕರ‍್ತಾ" ಕೈನ ಕದ್ಯೊ. ತಿನೆ ಬರೊಕ್ಹೊ ನೈ ಕರಲವಾಲಾ ಕುನ್ನ-ಕುನ್ನ ವ್ಹೈ ಕೈನ ತಿನೆ ಮೊಸ ಕರಾಲು ಕುನ್ನ ವ್ಹೈ ಕವಾನು ಯೆಸುನೆ ಪೈಲಾತುಜ಼ ಗ್ವತ್ತ ವ್ಹತ್ತು. 
\v 65 ಯೆಸು ಬೊಲ್ತೊಜ ಮಿ ಇನಾಹುತಿ ತುಮೊನೆ ಇನಾಲಿಂಗತ ಕದಲ "ಬಾನಿ ಇಜಾಜತ ನೈಸೊ ಕುನ್ನಜ ಮಕನ ನೈ ಆಸಕ್ತೊ.
\p
\v 66 ಎ ವಾತನಾ ಹುತಿ ಯೆಸುನಾ ಪಾಚಾ಼ ಜಾ಼ವಾಲಾ ಘನ್ನಾ ಜ಼ನಾ ತಿನೆ ಛೊಡಿನ ಗಯಾ ವರಿ ಕೆಳಾಮಾಜ ತಿನಾ ಪಾಚಾ಼ ಆಯಾ ನೈ. 
\v 67 ಯೆಸು ತಿನಾ ಬಾರಾ ಶಿಷ್ಯಾವೊನೆ"ತುಮೆಬಿ ಮನೆ ಛೊಡಿನ ಜೌ ಕೈನ ಕರ‍್ಯಾಸ ಸು? ಕೈನ ಪುಚ್ಚೊ.
\p
\v 68 ಸಿಮೊನ ಪೆತ್ರಾ ಯೆಸುನೆ"ಪ್ರಭು, ಹಮೆ ಕಿಕನ ಗಯ್ಯೆ? ಹಮೆಶಾನೊ ಜ಼ಲಮ ದಿವಾನಾ ವಾತೊ ತಾರಾಮಾ ಛೆ. 
\v 69 ಹಮೆ ತುಪರ ಬರೊಕ್ಹೊ ಕರಿಯೆಸ. ತು ಕ್ಹುದಾಕಂತೊ ಆಯಲ ಪರಿಶುದ್ಧ ವ್ಹೈ ಕೈನ ಹಮೊನೆ ಗ್ವತ ಛೆ "ಕೈನ ಉತ್ತರ ದಿದ್ಯೊ.
\p
\v 70 ಪಾಚಲ್ತೊ ಯೆಸು ಕದ್ಯೊ ಸು ಮಿ ತುಮೊನೆ ಬಾರಾ ಜ಼ನಾವೊನೆ ಇನಿಲಿದ್ಯೊ ನತ್ತಿ ಸು? ವರಿಬಿ ತುಮೊಮಾ ಯಕ್ಲೊ ಸೈತಾನ ಛೆ. 
\v 71 ಯೆಸು ಸಿಮೊನ ಇಸ್ಕರಿಯುತನಾ ದಿಕ್ರೊ ಯುದನಾ ಹುತಿ ಬೊಲಾಡ್ಯೊತೊ. ಯುದಾ ಬಾರಾ ಜ಼ನಾ ಅಪೊಸ್ತಲೊಮಾ ಯಕ್ಲೊ ವ್ಹತ್ತೊ. ತೆನೈಸೊ ಅಗೊ ಯೆಸುನೆ ಮೊಸ ಕರಾಲೊ ಎಜ಼ ವ್ಹೈ.
\c 7
\s ಯೆಸು ವರಿ ತಿನಾ ಭಾಯೊ
\p
\v 1 ಎ ಥಯಲ್ಪರ, ಯೆಸು ಗಲಿಲಾಯ ಪುರಾ ಗಾಮಮಾ ಫರ‍್ಯೊ. ಕಾಕದ್ಯಾಮ ಯುದೆಯಮಾ ಜಾ಼ವಾನೆ ಯೆಸುನೆ ಮನಸ ನ್ಹೊತು. ತ್ಯಾನಾ ಯಹುದ್ಯೊ ತಿನೆ ಖಲಾಸ ಕರಾನೆ ಕೈದಾಡಾತಾ. 
\v 2 ತೆಳಾಮಾ ಯಹುದ್ಯೊನಾ ಗುಡಾರಮಾ ಅನ್ನ ಕರಿನ ಖಾವಾನೊ ಸನ್ನನೊ ಟೈಮ ಥಯೊತೊ. 
\v 3 ತಿನಾಹುತಿ ಯೆಸುನಾ ಭಾಯೊ ತಿನೆ"ತು ನ್ಹ್ಯಾಂತೊ ಯುದೆಯನೆ ಜಾ಼. ತೆಳಾಮಾ ತ್ಯಾ ರ‍್ಹವಾನಾ ತಾರಾ ಹಿಂಬಾಲಕೊ ತು ಕರಾನಾ ಅದ್ಭುತ ಕಾಮೊ ದೆಕಸ. 
\v 4 ಕಯೊಬಿ ಮನಕ್ಹ ಮನಕ್ಹೊನಾ ಕ್ಹಾಮೊ ಪ್ರಸಿದ್ದಿನೆ ಆವಾನೆ ಕರಸ ತೆ ತಿನಾ ಕಾಮೊ ದಡೈನ ಕರ‍್ತೊ ನೈ. ಕಾಕದ್ಯಾಮ ತು ಅದ್ಭುತ ಕಾಮೊ ಕರ್ಸಿ ತಿನಾಹುತಿ ದುನಿಯಾಮಾ ತುನೆ ತುಜ಼಼ ದೆಕಾಡಿನ ದೆ. 
\v 5 ಯೆಸುನಾ ಭಾಯೊ ಬಿ ತಿನೆ ಬರೊಕ್ಹೊ ಕರ‍್ತಾ ನ್ಹೊತಾ.
\p
\v 6 ಯೆಸು ತಿನಾ ಭಾಯೊನೆ"ಮನೆ ಕರೆಟ್ಟ ಟೈಮ ಹಜು಼ನ ನತ್ತಿ ಆಯೊ. ತುಮೊನೆ ತುಬಿ ಜಾ಼ವಾನೆ ಕ್ಹಾರೊ ಟೈಮ ಕರೆಟ್ಟ ಛೆ. 
\v 7 ಎ ದುನಿಯಾ ತುಮೊನೆ ದುಶ್ಮನಿ ನೈ ಕರ‍್ತು. ತೆನೈಸೊ ಎ ದುನಿಯಾ ಮನೆ ದೊಶ ಕರಸ. ಕಾಕದ್ಯಾಮ ಮಿ ಎ ದುನಿಯಾನಾ ಮನಕ್ಹೊನೆ, ತ್ಯುನೆ ಕರಾನಾ ಕೆಟ್ಟ ಕಾಮೊ ವ್ಹೈ ಕೈನ ಕೌಸ್ತೊ. 
\v 8 ತಿನಾಹುತಿ ತುಮೆ ಸನ್ನ ಕರಾನೆ ಜಾವೊ ಮಿ ಎ ಸನ್ನ ಕರಾನೆ ನೈ ಜಾತೊ. ಮನೆ ಕರೆಟ್ಟ ಟೈಮ ಹಜು಼ನ ಆಯೊ ನತ್ತಿ" ಕದ್ಯೊ. 
\v 9 ಯೆಸು ಇಮ್ಮ ಕೈನ ಗಲಿಲಾಯಮಾ ರ‍್ಹಯೊ.
\s ಯೆಸು ಗುಡಾರನಾ ಸನ್ನಮಾ
\p
\v 10 ತಿನಾಹುತಿ ಯೆಸುನಾ ಭಾಯೊ ಸನ್ನನಾ ಹುತಿ ಗಯಾ. ತ್ಯುನೆ ಗಯಲ್ಪರ ತೆಬಿ ಮನಕ್ಹೊನೆ ದಿಕ್ಹ್ಯಾವಾಚಿ ದಡಿನ ಗಯೊ. 
\v 11 ಸನ್ನಮಾ ಯಹುದ್ಯೊನಾ ಅದಿಕಾರಿಯೊ"ಯೆಸು ಕಿಜ್ಗಾ ಛೆ" ಕೈನ ಪುಚ್ತಾ ತಿನೆ ಹುಡ್ಕಾಡಾತಾ.
\p
\v 12 ತ್ಯಾ ಮನಕ್ಹೊನು ಮ್ಹೊಟು ಗುಂಪ ವ್ಹತ್ತು. ತೆ ಮನಕ್ಹೊಮಾ ಘನ್ನಾ ಜ಼ನಾ ಯೆಸುನಾ ಹುತಿ ಯಕ್ಕನೆ ಯಕ್ಕ ಕುಚು-ಕುಚು ಬೊಲ್ಲಿವಾಡ್ಯಾತಾ" ತೆ ಚೊ಼ಕೊ ವ್ಹೈ" ಕೈನ ದಕ್ಹಾ ಜ಼ನಾ ಕದ್ಯಾ. ಬಿಜಾ಼ ದಕ್ಹಾ ಜ಼ನಾ"ನ್ಹವೈ, ತೆ ಮನಕ್ಹೊನೆ ಮೊಸ ಕರಾಡ್ಯೊಸ" ಕೈನ ಕವಾಡಾತಾ. 
\v 13 ತೆನೈಸೊ ಯೆಸುನಾ ಹುತಿ ಕೆಟ್ಟ ಬೊಲಾನೆ ತೆ ಮನಕ್ಹೊಮಾ ಕಿನೆಜ಼ ತೆಕ್ಲು ದಮ್ಮ ನ್ಹೊತು. ಕಾಕದ್ಯಾಮ ಮನಕ್ಹೊ ಯಹುದ್ಯನಾ ನಾಯಕೊನೆ ಭುಚಿ಼ಕಿನ ವ್ಹತ್ತಾ. 
\v 14 ಕಮ್ಮಶಿ ಕಮ್ಮ ಸನ್ನನು ಅರ್ದು ಭಾಗ ಕ್ಹರಿ ಗೈತು. ತೆಳಾಮಾ ಯೆಸು ದೆವಾಲಯನೆ ಗೈನ ಉಪದೆಶ ಕರಾನು ಶುರು ಕರ‍್ಯೊ. 
\v 15 ಯಹುದ್ಯೊನಾ ಅದಿಕಾರಿಯೊ ಘಾಬ್ರಾ ಥಯಾ" ಎ ಮನಕ್ಹ ಕೆಳಾಮಾಜ ಎ ಕಿಜಾಜ ಅಬ್ಯಾಸ ನತ್ತಿ ಕರ‍್ಯೊ. ಎ ಅಕ್ಲು ಕ್ಹಾರು ಕಿಮ್ಮ ಶಿಕ್ಯೊ? ಕೈನ ಪುಚ್ಚಿ ಲಿವಾನು ಶುರು ಕರ‍್ಯಾ.
\p
\v 16 ಯೆಸು ತ್ಯುನೊನೆ"ಮಿ ಉಪದೆಶ ಕರಾನಾ ಸಂಗತಿಯೊ ಮಾರಿಯೊ ಸ್ವಂತ ನ್ಹವೈ. ತೆನೈತೊ ಮಾರು ಉಪದೆಶ ಮನೆ ವಳಾಯಲವಾಲಾತು ಕ್ಹುದಾ ಕಂತು ಆವಸ. 
\v 17 ಕ್ಹುದಾ ಆಸ ಕರಾನು ಕರಾಲಾನೆ ಮಾರು ಉಪದೆಶ ಕ್ಹುದಾತಿ ಆಯುಸ ತೆನೈಸೊ ಮಾರು ಸ್ವಂತ ನ್ಹವೈ ಕೈನ ಗ್ವತ್ತ ಥಾವಸ. 
\v 18 ಕುನ್ನ ತಿನಾ ಸ್ವಂತ ಅದಿಕಾರಕ್ಹು ಬೊಲಸ ತಿನಾಕ್ಹು ತಿನೆ ಮಹಿಮಾ ಕರ್ಲಿವಸ. ತೆ ನಯಸೊ ಕುನ್ನ ತಿನೆ ಮೊಕ್ಲುಸ ತಿನಿ ಮಹಿಮಾ ಕರಾನೆ ಆಸ ಕರಸ. ತೆ ಕ್ಹರಿನೊ ವ್ಹೈ ವರಿ ತಿನಾಮಾ ಕಯುಜ಼ ತರಾನು ಸುಳ್ಳ ನತ್ತಿ. ತಿ 
\v 19 ಮೊಶೆ ತುಮೊನೆ ಧರಮಶಾಸ್ತ್ರ ದಿದ್ಯೊ ನತ್ತಿ ಸು? ವರಿ ತುಮೆ ತಿಮಾನಿಯೊ ನಿಯೊಮೊ ಲಿಂಗತ ಚಾ಼ಲ್ತಾ ನೈ ಕರ‍್ತಾ ಕಾ ತುಮೆ ಮನೆ ಮಾರಾನೆ ಕೊಶಿಶ ಕರೊಶಿ?
\p
\v 20 ಮನಕ್ಹೊ ಕದ್ಯಾ"ತುನೆ ಭುತಡು ಧರ‍್ಯುಸ. ತುನೆ ಕುನ್ನ ಮಾರಾನೆ ಕೊಶಿಶ ಕರಾಡ್ಯುಸ ಕದ್ಯಾ.
\p
\v 21 ಯೆಸು ತ್ಯುನೊನೆ"ಮಿ ಕರಲ ಯಕ್ಕ ಅಧ್ಭುತ ಕಾಮ ಕರ‍್ಯೊತೊ ತುಮೆ ಕ್ಹಾರಾ ಘಾಬ್ರಾ ಥಯಾಸ. 
\v 22 ಮೊಶೆ ತುಮೊನೆ ಸುನ್ನತಿ ಹುತಿ ಆಗನ್ಯಾ ದಿದ್ಯೊತೊ. ತೆನೈಸೊ ಕ್ಹರಿನಿಜ ಸುನ್ನಿತಿ ಕವಾನಿ ಸಂಸ್ಕಾರ ತುಮೊನೆ ದಿದಲವಾಲೊ ಮೊಶೆ ನ್ಹವೈ. ತಿತ್ತಿಬಿ ಪೈಲಾಜ ರ‍್ಹಯಲ ತುಮಾರಾ ಪಿತೃಕ್ಹು ಎ ಸಂಸ್ಕಾರ ಆಯುಸ. ತಿನಾಹುತಿ ಕೆಳಾಮಾಬಿ ಯಕ್ಕೆಮ ತುಮೆ ಸಬ್ಬತ ದಿನ್ಮಾ ಬಚ್ಚಾವೊನೆ ಸುನ್ನತಿ ಕರಾವೊಸಿ. 
\v 23 ಇಮ್ಮ ರ‍್ಹಯುಮ ರಾಮ ಕರಾನಾ ದಿನ್ಮಾ ಕಿನೆಬಿ ರ‍್ಹೈನೆಕಾ ಸುನ್ನತಿ ಇನಾಹುತಿ ಕರಸ ಕದ್ಯಾಮ ಮೊಶೆನು ನಿಯಮ ತೊಡು ನೈ ಕದ್ಯಾಮ ಇಮ್ಮ ರ‍್ಹಯುಮ ಯಕ್ಕ ಮನಕ್ಹ ಮೊಶೆನಿ ಆಗನ್ಯಾನೆ ವಿಧೆಯ ಥಾವಾನಾ ಹುತಿ ಸಬ್ಬತ ದಿನ್ಮಾ ಸುನ್ನತಿ ಕರೈಲೆಸಕಸ ಕವಾನು ಎ ದೆಕಾಡಿನ ದಿವಸ. ಇಮ್ಮ ರ‍್ಹತಾಮಾ, ಸಬ್ಬತ ದಿನ್ಮಾ ಯಕ್ಲಾನು ತಿನು ಪುರಾ ಅಂಗ ಅರಾಮ ಕರಾನಾಹುತಿ ತುಮೆ ಕಾ ಶಿಟ್ಟ ಥಯಾಸ? 
\v 24 ಭಾರೊ ದೆಕಾಡಾನಾ ಹುತಿ ಫೈಸಲೊ ಕರ‍್ಯಾವಾಚಿ ಕರೆಟ್ಟ ಫೈಸಲೊ ಕರೊ" ಕೈನ ಕದ್ಯೊ.
\s ಯೆಸುಜ ಕ್ರಿಸ್ತ ವ್ಹೈ ಸು?
\p
\v 25 ಪಾಚಲ್ತೊ, ಯೆರುಸಲೆಮಮಾ ರ‍್ಹಯಲ ದಕ್ಹಾ ಮನಕ್ಹೊ"ಅದಿಕಾರಿಯೊ ಕಲಾಸ ಕರಾನೆ ಕೊಶಿಶ ಕರಾನು ಎಜ಼ ಮನಕ್ಹನೆ ವ್ಹೈ ಸು? 
\v 26 ತೆನೈಸೊ ದೆಕೊ ಎ ಕ್ಹಾರಾ ಮನಕ್ಹೊನಾ ಕ್ಹಾಮೊಜ಼ ಬೊಲ್ತೊ ರ‍್ಹವಸ. ವರಿ ತೆ ಮನಕ್ಹೊ ತಿನಾ ವಿರುದ್ದ ಸುಜ಼ ಬೊಲಾಡ್ಯಾ ನತ್ತಿ. ಯಕ್ಕ ಟೈಮ ಎಜ಼ ಕ್ಹರಿನೊ ಕ್ರಿಸ್ತ ವ್ಹೈ ಕವಾನಾ ವಳಕ್ಯಾಸು? 
\v 27 ವರಿಬಿ ಎ ಮನಕ್ಹ ಕಿಜಾತೊ ಆಯೊಸ ಕವಾನು ಹಮೊನೆ ಗ್ವತ್ತ ಛೆ. ತೆನೈಸೊ, ಕ್ರಿಸ್ತ ಆತಾಮಾ, ತೆ ಕಿಜಾತೊ ಆಯೊಸ ಕೈನ ಕಿನೆಜ಼ ಗ್ವತ್ತ ನತ್ತಿ. ಕೈನ ಬೊಲ್ಲಿದ್ಯಾ.
\p
\v 28 ಯೆಸು ದೆವಾಲಯಮಾ ಹಜು಼ನ ಉಪದೆಶ ಕರ‍್ತಾಮಾ ತೆಳಾಮಾ ತೆ ಜೊ಼ರ ವದ್ರಿನ "ಹೊ, ತುಮೊನೆ ಮಾರಾ ಹುತಿ ಗ್ವತ್ತ ಛೆ. ಮಿ ಕಿಜಾತೊ ಆಯೊಸ ಕವಾನು ತುಮೊನೆ ಗ್ವತ್ತ ಛೆ. ತೆನೈಸೊ ಮಿ ಆಯಲ ಮಾರಾ ಸ್ವಂತ ಅಧಿಕಾರಕ್ಹು ನ್ಹವ್ಹೈ. ಮನೆ ಮೊಕ್ಲ್ಯೊಸ ತೆ ಕ್ಹರಿನೊ ವ್ಹೈ. ತುಮೊನೆ ತಿನಾಹುತಿ ಗ್ವತ್ತ ನತ್ತಿ. 
\v 29 ತೆನೈಸೊ ಮಿ ತಿನೆ ವಳಕ್ಯೊಸ. ವರಿಬಿ ಮಿ ತಿನಾಕ್ಹುಜ ಆಯೊಸ. ವರಿ ತೆಜ಼ ಮನೆ ಮೊಕ್ಲ್ಯೊಸ" ಕದ್ಯೊ.
\p
\v 30 ಎ ಐಕಿನ ಮನಕ್ಹೊ ತಿನೆ ಧರಾನೆ ಕೊಶಿಶ ಕರ‍್ಯಾ. ತೆನೈಸೊ ಯೆಸುಪರ ಕಿನೆಜ಼ ಹತ ಘಾಲಾನೆ ಸಾದ್ಯ ಥಯು ನೈ. ಕಾಕದ್ಯಾಮ ಯೆಸುನೆ ಹಜು಼ನ ಕರೆಟ್ಟ ಟೈಮ ಆಯೊ ನ್ಹೊತೊ. 
\v 31 ತೆನೈಸೊ ಗುಂಪಮಾನಾ ಘನ್ನಾ ಮನಕ್ಹೊನು ಯೆಸುಪರ ಬರೊಕ್ಹೊ ಮ್ಹೆಲ್ಯಾ. ವರಿ ಕದ್ಯಾ ತ್ಯುನೆ"ಕ್ರಿಸ್ತ ಆವಾಡ್ಯೊಸ ಕೈನ ಹಮೆ ದೆಕಾಡ್ಯಾಸ. ಕ್ರಿಸ್ತ ಆತಾಮಾ ಎ ಮನಕ್ಹ (ಯೆಸು) ಕರ‍ಲತಿಬಿ ಹೆಚ್ಕಿ ಸುಚಕ ಕಾಮೊ ಕರಾಲೊ ವ್ಹೈ ಸು? ನ್ಹವೈ! ತಿನಾಹುತಿ ಎಜ಼ ಕ್ರಿಸ್ತ ವಸೆ" ಕದ್ಯಾ.
\s ಯೆಸುನೆ ಧರಾನೆ ಕೈದಾಲಾವೊನೆ ವಳಾಯಲ
\p
\v 32 ಯೆಸುನಾ ಹುತಿ ಮನಕ್ಹೊನು ಗುಂಪ ಕುಚು಼-ಕುಚು಼ ಬೊಲನು ಪರಿಸಾಯರೊ ಐಕ್ಯಾ. ತಿನಾಹುತಿ ಖಾಸ ಯಾಜಕೊ ವರಿ ಫರಿಸಾಯರೊ ಯೆಸುನೆ ಧರಾನಾ ಹುತಿ ದಕ್ಹಾ ಕೈದಾಲಾವೊನೆ ಜ಼ನಾವೊನೆ ಮೊಕಲ್ಯಾ. 
\v 33 ತೆಳಾಮಾ ಯೆಸು"ಹಜು಼ನ ದಕ್ಹಾ ಟೈಮ ಮಿ ತುಮಾರಾ ಕ್ಹಾತೆ ರ‍್ಹೌಸ. ಪಾಚಲ್ತೊ ಮನೆ ಮೊಕ್ಲಲವಾಲಾಕನ ಜೌ಼ಸ. 
\v 34 ತುಮೆ ಮನೆ ಹುಡಕೊಸಿ, ವರಿಬಿ ಮನೆ ವಳಕ್ತಾಜ ನೈ. ವರಿ ಮಿ ರ‍್ಹಯಲ ಜ಼ಗಾ ತುಮೆ ಆತಾ ನೈ" ಕೈನ ಕದ್ಯಾ.
\p
\v 35 ಯಹುದ್ಯೊನಾ ಅದಿಕಾರಿಯೊ ತ್ಯುನೊ ತ್ಯುನೊಮಾಜ಼"ಇನೆ ಅಪೆ ವಳಕೆ ನೈಸೊ ಎ ಕಿಜಾ಼ ಜಾ಼ವಸ? ಅಪ್ನಾ ರ‍್ಹಯಲ ಗ್ರಿಕ ಮನಕ್ಹೊನಾ ಗಾಮ್ಮಾ ಗೈನ ಗ್ರಿಕ ವಾಲಾವೊನೆ ಉಪದೆಶ ಕರಸ ಸು? 
\v 36 ಎ "ತುಮೆ ಮನೆ ಹುಡ್ಕೊಶಿ ತೆನೈಸೊ ತುಮೆ ಮನೆ ಹುಡಕ್ತಾ ನೈ ಕವಸ ತೆನೈಸೊ ಎ ಮಿ ಕಿಜಾ಼ ಚಾಲ್ಯೊಸ ತುಮೆ ನೈ ಆತಾ ಕೈನ ಕವಸ. ಇನು ಮತ್ಲಬ ಸು ವ್ಹೈ? ಕೈನ ಯಕ್ಕನೆ ಯಕ್ಕ ಬೊಲ್ಲಿದ್ಯಾ.
\s ಜ಼ಲಮ ದಿವಾನಾ ಪಾನಿನಿ ಝರಿ
\p
\v 37 ಸನ್ನನು ಲಾಸ್ಟ ದಿನ್ನ ಐಯುತು. ತೆ ಕ್ಹಾರಾತಿ ಕಾಸ ದಿನ್ನ ಐಯು ತೆ ದಿನ್ನೆ ಯೆಸು ಹುಬ್ರೈನ, ಜೊ಼ರ ವದ್ರಿನ "ಕಿನೆಬಿ ತರಕ್ಹ ಲಾಗಲ ರ‍್ಹಯಮ ತೆ ಮಕನ ಐನ ಪಿವಾದೆ. 
\v 38 ಮಾರಾ ಉಪ್ಪರ ಬರೊಕ್ಹೊ ಮ್ಹೆಲಲವಾಲಾನಾ ಪೆಟಮಾತು ಜ಼ಲಮನು ಪಾನಿನಿ ಝರಿಯೊ ವೈನ ಜಾ಼ವಸ. ಪವಿತ್ರ ಗ್ರಂಥ ತಿಳ್ಸಾವಾನು ಎಜ಼ ವ್ಹೈ "ಕೈನ ಜೊ಼ರ ವದ್ರಿನ ಕದ್ಯೊ. 
\v 39 ಯೆಸು ಪವಿತ್ರಾ ಆತ್ಮಾನಾ ಹುತಿ ಎ ಕುನ್ನ ತಿಪರ ಬರೊಕ್ಹೊ ಮ್ಹೆಲಲವಾಲಾನೆ ತೆ ತ್ಯುನೆ ಪಡ್ದಿಲಿವಾನು ವ್ಹತ್ತು. ತೆಳಕ್ಕಾ ಪವಿತ್ರ ಆತ್ಮಾ ದಿದಲ ನ್ಹೊತಿ ಕಾಕದ್ಯಾಮ ಹಜುಬಿ ಯೆಸು ಮಹಿಮಾತು ಜಿವ್ತೊ ಥೈನ ಉಟ್ಯೊ ನ್ಹೊತೊ. ಕದ್ಯೊತೊ ತಿನೆ ಬರೊಕ್ಹೊ ಕರಲವಾಲಾ ವ್ಹಂದಿಲಿವಾನು ಪವಿತ್ರ ಆತ್ಮಾನಾ ಹುತಿ ಕದ್ಯೊ. ತೆ ಹಜು಼ನ ತಿನಿ ಮಹಿಮಾ ನೈ ವ್ಹಂದಿಲಿದಲಕ್ಹು ಪವಿತ್ರ ಆತ್ಮಾ ಹಜು಼ನ ದಿದ್ಯೊ ನ್ಹೊತೊ.
\s ಮನಕ್ಹೊನಾ ವಚ್ಮಾ ಬೆ ಭಾಗ
\p
\v 40 ಎ ಸಂಗತಿಯೊ ಐಕಲ ಮನಕ್ಹೊನಾ ಗುಂಪಮಾನಾ ದಕ್ಹಾ ಜ಼ನಾ"ಎ ಮನಕ್ಹ ಕ್ಹರಿಬಿ ಪ್ರವಾದಿ ವ್ಹೈ" ಕದ್ಯಾ. 
\v 41 ದಕ್ಹಾ ಜ಼ನಾ"ತೆ ಮಸ್ಸಿಹಾ ವ್ಹೈ" ಕವಸ. ಬಿಜಾ಼ ದಕ್ಹಾ ಜ಼ನಾ"ಮಸ್ಸಿಹಾ ಗಲಿಲಾಯತೊ ನೈ ಆತೊ! ಕವಸ. 
\v 42 ಕ್ರಿಸ್ತ ದಾವಿದನಾ ಕುಟುಂಬತೊ ದಾವಿದ ರ‍್ಹಯಲ ಬೆತ್ಲೆಹೆಮ ಗಾಮತೊ ಆವಸ ಕೈನ ಪವಿತ್ರ ಗ್ರಂಥ ಕವಸ್ತೊ" ಕದ್ಯಾ. 
\v 43 ಇಮ್ಮ ಯೆಸುನಾ ಹುತಿ ಮನಕ್ಹೊನಾ ಗುಂಪಮಾ ಭಾಗೊ ಥಯಾ. 
\v 44 ದಕ್ಹಾ ಜ಼ನಾ ಯೆಸುನೆ ಧರು ಕೈನ ವ್ಹತ್ತಾ. ತೆನೈಸೊ ಕುನ್ನಜ ತಿಪರ ಹತ್ತ ಉಚೈಯು ನೈ.
\s ಬರೊಕ್ಹೊ ನೈಸೊವಾಲಾ ಯೆಹುದಿಯೊ
\p
\v 45 ದೆವಾಲಯನೆ ಕೈದಾಲಾವೊನಾ ಪಾಚಾ಼ ಫರಿನ ಗಯಲ ಪರ, ಖಾಸ ಯಾಜಕೊ ವರಿ ಪರಿಸಾಯರೊ ತ್ಯುನೊನೆ"ತುಮೆ ತಿನೆ ಕಾ ಧರಿನ ಲಾಯಾ ನೈ? ಕೈನ ಪುಚ್ಯಾ.
\p
\v 46 ದೆವಾಲಯನೆ ಕೈದಾಲಾ"ಹಜು಼ನ ಲಕ್ಕಾಬಿ ತೆ ಬೊಲಲ ಲಿಂಗತ ಕುನ್ನಜ ಬೊಲ್ಯು ನತ್ತಿ ಕೈನ ಉತ್ತರ ದಿದ್ಯಾ.
\p
\v 47 ಪರಿಸಾಯರೊ"ಇಮ್ಮ ರ‍್ಹಯುಮ, ಯೆಸು ತುಮೊನೆಬಿ ಮರಳ ಕರ‍್ಯೊಸ! 
\v 48 ಅದಿಕಾರಿಯೊಮಾ ನೈತೊ ಫರಿಸಾಯರೊಮಾ ಯಕ್ಲೊ ತಬಿ ತಿಪರ ಬರೊಕ್ಹೊ ಕರ‍್ಯಾಸು? 
\v 49 ತೆನೈಸೊ ಎ ಮನಕ್ಹೊನೆ ಧರಮಶಾಸ್ತ್ರನಾ ಹುತಿ ಸುಜ಼ ಗ್ವತ್ತ ನತ್ತಿ. ತ್ಯುನೆ ಕ್ಹುದಾನಾ ಶ್ರಾಪನೆ ಮ್ಹೈಥಯಾಸ" ಕೈನ ಕದ್ಯಾ.
\p
\v 50 ತೆನೈಸೊ ತ್ಯುನೊಮಾ ನಿಕೊದೆಮ ವ್ಹತ್ತೊ. ಪೈಲಾ ಯೆಸುನೆ ದೆಕಾನೆ ಗಯೊತೊ. 
\v 51 ನಿಕೊದೆಮ"ಯಕ್ಕ ಮನಕ್ಹನಿ ವಾತ ಐಕ್ಯಾವಾಚಿ ಫೈಸಲೊ ಕರಾನಾ ಅಪ್ನು ಧರಮಶಾಸ್ತ್ರ ಇಜಾಜತ ನೈ ದೆತು. ತೆ ಕರಲ ಹಮೆ ತಿಳದಿಲಿಯೆ ಲಕ್ಕಾ ತಿನೆ ಫೈಸಲೊ ಕರಾನೆ ನೈ ಥಾತು" ಕೈನ ಕದ್ಯೊ.
\p
\v 52 ತ್ಯುನೆ ತಿನೆ"ತು ಗಲಿಲಾಯನೊ ವ್ಹೈ ಸು? ಪವಿತ್ರ ಗ್ರಂಥ ಅಬ್ಯಾಸ ಕರ. ಗಲಿಲಾಯತೊ ಕಯೊ ಪ್ರವಾದಿ ನೈ ಆತೊ ಕೈನ ತೆಳಾಮಾ ತುನೆ ಗ್ವತ್ತ ಥಾವಸ" ಕೈನ ಉತ್ತರ ದಿದ್ಯಾ. 
\v 53 ಪಾಚಾ಼ತಾ ತ್ಯುನೆ ಕ್ಹಾರಾ ತ್ಯುನಾ-ತ್ಯುನಾ ಘರೆ ಗಯಾ.
\c 8
\s ಯಕ್ಕ ಬಾಕ್ಡಿ ವ್ಯಬಿಚಾರ ಕರ್ತಾಮಾ ಕ್ಹಾಪಡಲ
\p
\v 1 ಯೆಸು ಒಲಿವ ಝಾಡೊನೊ ಡೊಂಗರಪರ ಗಯೊ. 
\v 2 ವರಿ ತ್ಯಾಂತೊ ಹೆಟೊ ಉತ್ರಿನ ತೆ ದೆವಾಲಯ ಫರಿನ ಗಯೊ. ಕ್ಹಾರಾ ಮನಕ್ಹೊ ಯೆಸುಕನ ಮಳಿನ ಸುತ್ತೆ ಹುಬ್ರಯಾ. ತೆ ಬೈಟಿನ ಮನಕ್ಹೊನೆ ಉಪದೆಶ ಕರ‍್ಯೊ. 
\v 3 ಧರ್ಮೊಪದೆಶ ಕರಾಲಾ ವರಿ ಪರಿಸಾಯರೊ ಯಕ್ಕ ಬಾಕ್ಡಿನೆ ತ್ಯಾ ಲಿನ ಆಯಾ. ತೆ ಬಾಕ್ಡಿ ವ್ಯಭಿಚಾರ ಕರ‍್ತಾಮಾ ಕ್ಹಾಪಡಿತಿ. ತ್ಯುನೆ ತೆ ಬಾಕ್ಡಿನೆ ಮನಕ್ಹೊನಾ ಗುಂಪನಾ ಕ್ಹಾಮಾ ಲೈನ ಹುಬ್ರಾಡ್ಯಾ, 
\v 4 ತೆಳಾಮಾ ಯೆಸುನೆ ಮನಕ್ಹೊ"ಗುರು, ಎ ಬಾಕ್ಡಿ ವ್ಯಭಿಚಾರ ಕರ‍್ತಾಮಾ ಕ್ಹಾಪಡಿಸ. 
\v 5 ಹವಾ ಕಾಮೊ ಕರಾಲಿ ಹರಿ ಯಕ್ಕ ಬಾಕ್ಡಿನೆ ದಗ್ಡಾ ಮಾರಿನ ಖಲಾಸ ಕರು ಕೈನ ಮೊಶೆನಾ ಧರಮಶಾಸ್ತ್ರಮಾ ಆಗನ್ಯಾ ದಿದ್ಯೊಸ. ಇನಾಹುತಿ ತು ಸು ಕಶಿ? ಕೈನ ಪುಚ್ಯಾ. 
\v 6 ಯೆಸುನೆ ವಾತೊಮಾ ಕ್ಹಾಪಡೈನ ತಿಪರ ತಪ್ಪ ಘಾಲಾನೆ ಥಾವಸ ಕೈನ ತೆ ವಾತ ಪುಚ್ಯಾ. ತೆನೈಸೊ ಯೆಸು ಹೆಟೊ ಬೈಟಿನ ಹತನಾ ಬೊಟಕ್ಹು ಜಿಮಿನಪರ ಬರ್ದಾನು ಶುರು ಕರ‍್ಯೊ. 
\v 7 ತ್ಯುನೆ ತೆಜ಼ ಪ್ರಶ್ನೆ ವರಿ ಪುಚ್ಯಾ. ತೆಳಾಮಾ ಯೆಸು ಸಿದಾ ಬೈಟಿನ"ತೊಮೊಮಾ ಪಾಪ ನೈ ಕರಲವಾಲೊ ತಿನೆ ಪೈಲಾ ದಗ್ಡೊ ಮಾರಾದೆ" ಕೈನ, 
\v 8 ವರಿ ತೆ ಡ್ವಗ್ಗಿನ ಜಿಮಿನಪರ ಬರ್ದ್ಯೊ. 
\v 9 ಯೆಸುನಿಯೊ ಎ ವಾತೊ ಐಕಿನ ಪೈಲಾ ತ್ಯಾ ರ‍್ಹಯಲ ಶಾನಾತಿ ಧರಿನ ಹರಿ ಯಕ್ಲಾ ಮನಕ್ಹೊ ಗೈಪಡ್ಯಾ. ಲಾಸ್ಟೆ ತ್ಯಾ ಹುಬ್ರಯಲ ಯೆಸು ಯಕ್ಲೊಜ ವ್ಹೈ. ವರಿ ತೆ ಬಾಕ್ಡಿ ತಿನಾ ಕ್ಹಾಮಿ ಹುಬ್ರೈತಿ. 
\v 10 ಯೆಸು ಸಿದಾ ಹುಬ್ರೈನ"ಬೈ, ತ್ಯುನೆ ಕ್ಹಾರಾ ಕಿಜಾ಼ ಛೆ? ತುಪರ ತಪ್ಪ ಘಾಲಲವಾಲಾ ಯಕ್ಲಾಬಿ ನತ್ತಿ ಸು? ಕೈನ ಪುಚ್ಯೊ.
\p
\v 11 ತೆ ಬಾಕ್ಡಿ"ಸ್ವಾಮಿ, ತ್ಯುನೊಮಾನೊ ಯಕ್ಲೊಬಿ ನತ್ತಿ" ಕದಿ.
\p ಯೆಸು ತಿನೆ"ಮಿ ತುಪರ ತಪ್ಪ ನೈ ಘಾಲ್ತೊ. ತು ಹಮ್ನಾ ಜಾ಼, ಹಬ್ದಾತಿ ತು ಪಾಪ ಕರು ನಕೊ" ಕೈನ ಕದ್ಯೊ.
\s ಯೆಸುಜ ದುನಿಯಾನೆ ಉಜಾಲು ಥಯೊಸ
\p
\v 12 ಪಾಚಾ಼ತಾ, ಯೆಸು ವರಿ ಮನಕ್ಹೊನಾ ಕ್ಹಾತೆ ಬೊಲ್ತೊ"ಮಿಜ಼ ಎ ದುನಿಯಾನೆ ಉಜಾಲು ವ್ಹೈ. ಮಾರಾ ಪಾಚೊ಼ ಆವಾಲೊ ಯಕ್ಲೊಬಿ ಅಂದಾರಾಮಾ ಕೆಳಾಮಾಜ ಚಾಲ್ತೊನೈ. ತೆ ಜ಼ಲಮ ದಿವಾನು ಉಜಾಲು ವ್ಹಂದಿಲಿದಲವಾಲೊ ಥಾವಸ ಕದ್ಯೊ.
\p
\v 13 ಫರಿಸಾಯರೊ ಯೆಸುನೆ"ತು ತಾರಾ ಹುತಿ ಸಾಕ್ಷಿ ದಿವಾಡೊಸ. ತೆನೈಸೊ ಎ ಸಾಕ್ಷಿ ಕ್ಹರಿ ನ್ಹವೈ" ಕೈನ ಕದ್ಯಾ.
\p
\v 14 ಯೆಸು, ಹೊ"ಮಿಜ಼ ಮಾರಾ ಹುತಿ ಕವಾನಿ ಎ ಸಾಕ್ಷಿ ಕ್ಹರಿ ಛೆ. ಕಾಕದ್ಯಾಮ ಮಿ ಕಿಜಾತೊ ಆಯೊಸ ಕವಾನು ಮಿ ಕಿಜಾ಼ ಜೌ಼ಸ ಕವಾನು ಮನೆಜ ಗ್ವತ್ತ ಛೆ. ತೆನೈಸೊ ಮಿ ಕಿಜಾತೊ ಆಯೊಸ ಮಿ ಕಿಜಾ಼ ಜೌ಼ಸ ಕವಾನು ತುಮೊನೆ ಗ್ವತ್ತ ನತ್ತಿ" 
\v 15 ತುಮೆ ಮನಕ್ಹೊ ಕರಲ ಲಿಂಗತ ಫೈಸಲೊ ಕರಾಡಾಸ. ತೆನೈಸೊ ಮಿ ಕಿನೆಜ಼ ಫೈಸಲೊ ಕರ್ತೊ ನೈ. 
\v 16 ತೆನೈಸೊ ಯಕ್ಕೆಳೆ ಮಿ ಫೈಸಲೊ ಕರ‍್ಯೊಮ ತೆ ಕ್ಹರಿನೊ ರ‍್ಹವಸ. ಕಾಕದ್ಯಾಮ ಮಿ ಯಕ್ಲೊಜ ನತ್ತಿ ಮನೆ ವಳಾಯಲವಾಲೊ ಮಾರೊ ಬಾ ಮಾರಾ ಕ್ಹಾತೆ ರ‍್ಹವಸ. 
\v 17 ತುಮಾರಾ ಧರ್ಮ ಶಾಸ್ತ್ರಮಾ ಅಮ್ಮ ಬರ್ದಲ ಛೆ ಬೆ ಜ಼ನಾ ಕದಲ ಸಾಕ್ಷಿ ಕ್ಹರಿ ವ್ಹೈ. 
\v 18 ಮಾರಾ ಹುತಿ ಸಾಕ್ಷಿ ಕವಾಲೊ ಮಿ ಯಕ್ಲೊ ವರಿ ಮನೆ ವಳಾಯಲವಾಲೊ ಮಾರೊ ಬಾ ವರಿ ಯಕ್ಕ ಸಾಕ್ಷಿ ಥಯೊಸ "ಕೈನ ಉತ್ತರ ದಿದ್ಯೊ.
\p
\v 19 ತೆಳಾಮಾ ತ್ಯುನೆ"ತಾರೊ ಬಾ ಕಿಜಾ಼ ಛೆ? ಕೈನ ಪುಚ಼್ಚಾ.
\p ಯೆಸು ತ್ಯುನೊನೆ "ತುಮೊನೆ ಮಿ ರ‍್ಹೈನೆಕಾ ಮಾರೊ ಬಾ ರ‍್ಹೈನೆಕಾ ಗ್ವತ್ತ ನತ್ತಿ. ಯಕ್ಕೆಳೆ ತುಮೆ ಮನೆ ತಿಳ್ದಿಲಿದಲ ರ‍್ಹವತ್ತೊ, ಮಾರಾ ಬಾನೆಬಿ ತಿಳ್ದಿಲಿದಲ ರ‍್ಹತಾತಾ" ಕೈನ ಕದ್ಯೊ.
\p
\v 20 ಯೆಸು ದೆವಾಲಯಮಾ ಕಾಣಿಕೆನಿ ಪೆಟಕಿ ಕನ ಹುಬ್ರೈನ ಉಪದೆಶ ಕರ್ತಾಮಾ ಎ ವಾತೊ ಕದ್ಯೊ. ತಿಮ್ಮ ರ‍್ಹಯುತಬಿ ತಿನೆ ಧರ‍್ಯು ನೈ ಕಾಕದ್ಯಾಮ ತಿನೆ ಧರಾನೊ ಟೈಮ ಹಜು಼ನ ಆಯೊ ನ್ಹೊತೊ.
\s ಮಿ ಕಿಜಾ಼ ಚಾಲ್ಯೊಸ ತ್ಯಾ ತುಮೊನೆ ಜಾ಼ವಾನೆ ನೈ ಥಾತು
\p
\v 21 ವರಿ ಯೆಸು ತ್ಯುನೊನೆ"ಮಿ ಚಾಲ್ಯೊಸ ತುಮೆ ಮನೆ ಹುಡ್ಕೊಶಿ. ತೆನೈಸೊ ತುಮೆ ತುಮಾರಾ ಪಾಪೊಮಾಜ ಮರೊಶಿ. ಮಿ ಜಾ಼ವಾನಿ ಜ಼ಗಾ ಪರ ತುಮೆ ನೈ ಆಸ್ತಾ" ಕೈನ ಕದ್ಯೊ.
\p
\v 22 ಎ ಯಹುದಿಯೊನೆ ತೆ ತಿನೊಜ ಜ಼ಲಮ ಲಿವಸ ಸು? ತಿನಾಹುತಿ ತೆ ಮಿ ಕಿಜಾ಼ ಜೌ಼ಸ ತ್ಯಾ ತುಮೊನೆ ಆವಾನೆ ನೈ ಥಾತು ಕೈನ ಕವಾಡ್ಯೊಸ ಸು? ಕೈನ ತ್ಯುನಾ-ತ್ಯುನಾಮಾ ಬೊಲ್ಲಿವಾ ವರ್ಕ್ಹು ಥಯು.
\p
\v 23 ತೆನೈಸೊ ಯೆಸು"ತುಮೆ ಹೆಟಲ್ಯಾ ವ್ಹೈ ಮಿ ಉಪ್ಪರಲ್ಯೊ ವ್ಹೈ. ತುಮೆ ಎ ದುನಿಯಾನಾ ವ್ಹೈ ತೆನೈಸೊ ಮಿ ಎ ದುನಿಯಾನೊ ನ್ಹವ್ಹೈ. 
\v 24 ತಿನಾಹುತಿ ಮಿ ಕದಲ ವ್ಹೈ ತುಮೆ ತುಮಾರಾ ಪಾಪೊಮಾ ಕರೊಶಿ ಕೈನ ವರಿ ತುಮೆ ಮಿ ಕುನ್ನ ವ್ಹೈ ಕೈನ ಮಿಜ಼ ತೆ ವ್ಹೈ ಕೈನ ಬರೊಕ್ಹೊ ನೈ ಕರ‍್ಯಾಮ ತುಮೆ ತುಮಾರಾ ಪಾಪೊಮಾಜ ಮರೊಶಿ" ಕೈನ ಕದ್ಯೊ.
\p
\v 25 ತೆಳಾಮಾ ತ್ಯುನೆ"ತು ಕುನ್ನ ವ್ಹೈ? ಕೈನ ಪುಚ್ಯಾ.
\p ಯೆಸು ತ್ಯುನೊನೆ"ಮಿ ಕುನ್ನ ವ್ಹೈ ಕವಾನು ತುಮೊನೆ ಪೈಲಾತೊ ಕತೊ ಆಯೊತೊ, ತೆಜ಼ ಮಿ ವ್ಹೈ. 
\v 26 ತುಮಾರಾ ಹುತಿ ಫೈಸಲಾನಾ ಹುತಿ ಕವಾನೆ ಘನ್ನು ಛೆ. ತೆನೈಸೊ ವಳಾಯಲವಾಲೊ ಕ್ಹರಿನೊ ವ್ಹೈ ವರಿ ಮಿ ತಿಕಂತೊ ಸು ಐಕ್ಯೊಸ ತೆಜ಼ ದುನಿಯಾನೆ ಕೌಸ.
\p
\v 27 ಯೆಸು ಕಿನಾಹುತಿ ಬೊಲಾಡೊಸ ಕವಾನು ಮನಕ್ಹೊ ತಿಳ್ದಿಲಿದ್ಯಾ ನೈ. ಯೆಸು ತ್ಯುನೊನೆ ಬಾನಾ (ಕ್ಹುದಾ) ಹುತಿ ಕವಾಡೊತೊ. 
\v 28 ತಿನಾಹುತಿ ತೆ ತ್ಯುನೊನೆ"ಕೆಳಾಮಾ ತುಮೆ ಮನಕ್ಹನಾ ದಿಕ್ರಾನೆ ಉಪ್ಪರ ಚಡಾವೊಶಿ, ತೆಳಾಮಾ ತೆಜ಼ ಮಿ ವ್ಹೈ ಕವಾನು ತುಮೊನೆ ಗ್ವತ್ತ ಥಾವಸ ವರಿ ಮಿ ಕರಾನು ಮಾರಾ ಸ್ವಂತ ಚಿತ್ತಕ್ಹು ನ್ಹವ್ಹೈ. ತೆನೈಸೊ ಮಾರೊ ಬಾ ಕದಲ ತಿಮ್ಮ ಮಿ ಶಿಕ್ಲಾವಾಡೊಸ ಕೈನ ಕದ್ಯೊ. 
\v 29 ಮನೆ ವಳಾಯಲವಾಲೊ ಮಾರಾ ಕ್ಹಾತೆ ಛೆ. ತೆ ಮನೆ ಯಕ್ಲಾನೆಜ ಛೊಡಿನ ದಿದ್ಯೊ ನೈ. ತಿನಾಹುತಿ ಮಿ ಕೆಳಾಮಾಬಿ ತಿನೆ ಪಸಂದ ರ‍್ಹಯಲಜ ಕರುಸ "ಕೈನ ಕದ್ಯೊ.
\p
\v 30 ಯೆಸು ಎ ಸಂಗತಿಯೊ ಕತಾಮಾ, ಘನ್ನಾ ಮನಕ್ಹೊ ತಿಪರ ಬರೊಕ್ಹೊ ಮ್ಹೆಲ್ಯಾ.
\s ಕ್ಹರಿ ತುಮೊನೆ ಬಿಡುಗಡೆ ಕರಸ
\p
\v 31 ತಿನಾಹುತಿ ಯೆಸು ತಿಪರ ಬರೊಕ್ಹೊ ಮ್ಹೆಲಲ ಯಹುದಿಯೊನೆ"ತುಮೆ ಮಾರಾ ಉಪದೆಶನೆ ವಿಧೆಯ ಥಯಲ ರ‍್ಹವತ್ತೊ, ತುಮೆ ಕ್ಹರಿಬಿ ಮಾರಾ ಪಾಚಾ಼ ಆವಾಲಾ ಥಯಾಸ. 
\v 32 ತುಮೆ ಕ್ಹರಿನೆ ತಿಳ್ದಿಲಿವೊಸಿ. ವರಿ "ತೆ ಕ್ಹರಿ ತುಮೊನೆ ಸ್ವತಂತ್ರ ಕರಸ" ಕೈನ ಕದ್ಯೊ.
\p
\v 33 ತೆಳಾಮಾ ತ್ಯುನೆ, ಹಮೆ ಅಬ್ರಹಾಮನಾ ಸಂತತಿವಾಲಾ ವ್ಹೈ. ಹಮೆ ಕೆಳಾಮಾಜ ಕಿನಾ ಗುಲಾಮೊ ನ್ಹೊತಾ. ಇಮ್ಮ ರ‍್ಹಯುತಬಿ"ಹಮೊನೆ ಸ್ವತಂತ್ರ ಥಾವಾಸ ಕೈನ ತು ಕವಾನು ಶಾನೆ? ಕದ್ಯಾ.
\p
\v 34 ಯೆಸು"ಮಿ ತುಮೊನೆ ಕ್ಹರಿಜ ಕೌಸ. ಪಾಪ ಕರಾಲೊ ಹರಿ ಯಕ್ಲೊಬಿ ಪಾಪನೆ ಗುಲಾಮ ಥಯಾಸ. 
\v 35 ಗುಲಾಮ ಯಕ್ಕ ಘರಮಾ ಹಮೆಶಾ ರ‍್ಹತೊ ನೈ. ತೆನೈಸೊ ದಿಕ್ರೊ ಕುಟುಂಬಮಾ ಹಮೆಶಾ ರ‍್ಹಯಲವಾಲೊ ವ್ಹೈ. 
\v 36 ತಿನಾಹುತಿ ದಿಕ್ರೊ ತುಮೊನೆ ಸ್ವತಂತ್ರ ಕರ‍್ಯೊಮ, ತುಮೆ ಕ್ಹರಿಮಾಜ಼ ಸ್ವತಂತ್ರ ಥಯಾಸ. 
\v 37 ತುಮೆ ಅಬ್ರಹಾಮನಾ ಸಂತತಿವಾಲಾ ವ್ಹೈ ಕೈನ ಮನೆ ಗ್ವತ್ತ ಛೆ. ತೆನೈಸೊ ತುಮೆ ಮನೆ ಖಲಾಸ ಕರಿಯೆ ಕೈನ ಕೈಲಿದ್ಯಾಸ. ಕಾಕದ್ಯಾಮ ಮಿ ಕವಾನಾ ವಾತೊ ವಪ್ಪಿಲಿವಾತಾ ನೈ. 
\v 38 ಮಾರೊ ಬಾ ದೆಕಾಡಲಜ ಮಿ ತುಮೊನೆ ಕೌಸ. ತುಮೆತೊ ತುಮಾರೊ ಬಾ ತುಮೊನೆ ಕದಲ ಕರೊಶಿ" ಕೈನ ಕದ್ಯೊ.
\p
\v 39 ತ್ಯುನೆ"ಅಬ್ರಹಾಮ ಹಮಾರೊ ಬಾ ವ್ಹೈ" ಕೈನ ಕದ್ಯಾ.
\p ಯೆಸು"ತುಮೆ ಕ್ಹರಿಮಾಜ಼ ಅಬ್ರಹಾಮನಾ ಬಚಚಾ ರ‍್ಹಯಾಮ ಅಬ್ರಹಾಮ ಕರಲ ಕಾಮೊಜ ಕರ್ತಾತಾ. 
\v 40 ಮಿ ಕ್ಹುದಾಕ್ಹು ಐಕಲ ಕ್ಹರಿಜ ತುಮೊನೆ ಕವಾಲೊ ಮನಕ್ಹ ಮಿ ಥಯೊಸ. ತೆನೈಸೊ ತುಮೆ ಮನೆ ಖಲಾಸ ಕರಾನೆ ಕೊಶಿಶ ಕರಾಡಾಸ. ಅಬ್ರಹಾಮ ತೆವೊ ಸುಜ಼ ಕರ‍್ಯೊ ನೈ.
\p
\v 41 ತಿನಾಹುತಿ ತುಮಾರೊ ಸ್ವಂತ ಬಾ ಕರಲಜ ತುಮೆ ಕರಾಡಾಸ ಕೈನ ಕದ್ಯೊ. ತೆನೈಸೊ ತ್ಯುನೆ"ಹಮೆ ವ್ಯಭಿಚಾರಕ್ಹು ಹುಟ್ಟಲ ನ್ಹವೈ. ಕ್ಹುದಾ ಯಕ್ಲೊಜ ಹಮೊನೆ ಬಾ ವ್ಹೈ. ವರಿ ಹಮೆ ತಿನಾ ಕ್ಹರಿನಾ ಬಚಚಾ ಥಯಾಸ "ಕೈನ ಕದ್ಯಾ.
\p
\v 42 ಯೆಸು ತೆ ಯಹುದಿಯೊನೆ"ಕ್ಹುದಾ ಕ್ಹರಿಮಾಜ಼ ತುಮಾರೊ ಬಾ ರ‍್ಹಯೊಮ, ತುಮೆ ಮನೆ ಮಯಾ ಕರ್ತಾತಾ. ಕಾಕದ್ಯಾಮ, ಮಿ ಕ್ಹುದಾ ಕಂತೊ ಆಯೊಸ ವರಿ ಮಿ ನ್ಹ್ಯಾ ಛೆ. ಮಿ ಆಯಲ ಮಾರು ಸ್ವಂತ ಅದಿಕಾರಕ್ಹು ನ್ಹವೈ. ಕ್ಹುದಾಜ ಮನೆ ಮೊಕ್ಲ್ಯೊಸ. 
\v 43 ಮಿ ಕವಾನಿಯೊ ಎ ಸಂಗತಿಯೊ ತುಮೆ ಕಾ ಕಳೈ ಲೆತಾ ನೈ? ಕಾಕದ್ಯಾಮ ಮಿ ಕದಲ ವಾತೊ ತುಮೊನೆ ತಡ್ದಿಲಿವಾನೆ ಥಾತು ನೈ. 
\v 44 ಸೈತಾನಜ ತುಮಾರೊ ಬಾ ವ್ಹೈ. ತುಮೆ ತಿನಾಜ ಸಂತಾನ ವ್ಹೈ. ವರಿ ತುಮಾರಾ ಬಾ ಲಿಂಗತ ಚಾಲಾನೆ ಮನಸ ಕರೊಶಿ. ತೆ ಪೈಲಾತೊಬಿ ಖಲಾಸ ಕರಾಲೊ ರ‍್ಹಯಲ ಹುತಿ ಕ್ಹರಿನೆ ವಿರೊಧಿ ವ್ಹೈ. ತಿಮಾ ಕ್ಹರಿ ಕವಾನು ನತ್ತಿಜ ತೆ ಸ್ವಭಾವ ಲಿಂಗತ ಸುಳ್ಳ ಬೊಲಸ. ತೆ ಸುಳ್ಳ ಕವಾಲು ವ್ಹೈ ತೆ ಸುಳ್ಳನೊ ಬಾ ವ್ಹೈ. 
\v 45 ತೆನೈಸೊ ಮಿ ಕ್ಹರಿಜ ಕೌಸ ತಿನಾಹುತಿ ತುಮೆ ನಂಬ್ತಾ ನೈ. 
\v 46 ಮಾರಾಮಾ ಪಾಪ ದೆಕಾಡಿನ ದಿವಾಲೊ ತುಮೊಮಾ ಕುನ್ನಬಿ ಛೆ ಸು? ತೆನೈಸೊ ಮಿ ಕ್ಹರಿ ಕದ್ಯೊಮ ತುಮೆ ಕಾ ನಂಬ್ತಾ ನೈ? 
\v 47 ಕುನ್ನ ಕ್ಹುದಾನೊ ವ್ಹೈ ತೆ ಕ್ಹುದಾ ಕವಾನಿಯೊ ವಾತೊ ಐಕಸ. ಇನಾಹುತಿ ತುಮೆ ಮಾರಿ ವಾತೊ ನೈ ಐಕ್ತಾ. ಕಾಕದ್ಯಾಮ ತುಮೆ ಕ್ಹುದಾನಾ ನ್ಹವ್ಹೈ "ಕದ್ಯೊ.
\s ಯೆಸು ವರಿ ಅಬ್ರಹಾಮ
\p
\v 48 ಯಹುದ್ಯೊ ತಿನೆ, ಸು ಹಮೆ ಕವಾನು ಕರೆಟ್ಟ ನ್ಹೊತು ಸು ತು ಸಮಾರ್ಯವಾಲೊ ವ್ಹೈ ಕೈನ ತಾರಾಮಾ ಕೆಟ್ಟ ಆತ್ಮಾ ಛೆ "ಕೈನ ಕದ್ಯಾ.
\p
\v 49 ಯೆಸು ತ್ಯುನೊನೆ"ಮಾರಾಮಾ ಕೆಟ್ಟ ಆತ್ಮಾ ನತ್ತಿ. ಮಿ ಮಾರಾ ಬಾನೆ ಮರ್ಯಾದಿ ದ್ಯುಸ, ವರಿಬಿ ತುಮೆ ಮನೆ ಮರ್ಯಾದಿ ದೆತಾ ನೈ. 
\v 50 ಮನೆ ಮರ್ಯಾದಿ ಮಳು ಕೈನ ಮಿ ಕೊಶಿಶ ಕರಾಡ್ಯೊ ನತ್ತಿ. ಮನೆ ಮರ್ಯಾದಿ ಮಳು ಕೈನ ಕವಾಲೊ ಬಿಜೆಕ್ಲೊ ಛೆ. ತೆಜ಼ ನ್ಯಾಯಾದಿಪತಿ ವ್ಹೈ. 
\v 51 ಮಿ ತುಮೊನೆ ಕ್ಹರಿ ರ‍್ಹಯಲಜ ಕೌಸ. ಮಾರಿ ವಾಕ್ಯಾನೆ ವಿಧೆಯ ಥಾವಾಲೊ ಕೆಳಾಮಾಜ ಮರತೊ ನೈ" ಕೈನ ಕದ್ಯೊ.
\p
\v 52 ಯೆಹುದಿಯೊ ತಿನೆ"ಕ್ಹರಿಮಾಬಿ ತಾರಾಮಾ ಕೆಟ್ಟ ಆತ್ಮಾ ಛೆ ಕೈನ ಹಮ್ನಾ ಹಮೊನೆ ಗ್ವತ್ತ ಥಯು! ಅಬ್ರಹಾಮಬಿ ಮರ‍್ಯೊ ವರಿ ಪ್ರವಾದಿಯೊಬಿ ಮರಿಗಯಾ ತೆನೈಸೊ ವರಿಬಿ "ಮಾರಿ ಉಪದೆಶನೆ ವಿಧೆಯ ಥಾವಾಲೊ ಕೆಳಾಮಾಜ ಮರ್ತೊಜ ನೈ ಕೈನ ತು ಕವಾಡ್ಯೊಸ. 
\v 53 ಹಮಾರೊ ಬಾ ಥಯಲ ಅಬ್ರಹಾಮತೊ ತು‍ ಮ್ಹೊಟೊ ವ್ಹೈ ಕೈನ ಕೈಲಿದ್ಯೊ ಸು? ಅಬ್ರಹಾಮಬಿ ಮರ‍್ಯೊ ವರಿ ಪ್ರವಾದಿಯೊಬಿ ಮರಿ ಗಯಾ ಇಮ್ಮ ರ‍್ಹತಾಮಾ, ತಾರಾಕ್ಹು ತು ಕುನ್ನ ವ್ಹೈ ಕೈನ ತಿಳ್ದಿಲಿದ್ಯೊಸ? ಕೈನ ಪುಚ್ಯಾ.
\p
\v 54 ಯೆಸು ತ್ಯುನೊನೆ"ಮಾರಾಕ್ಹು ಮಿಜ಼ ಮಹಿಮಾ ಕರ್ಲಿದ್ಯೊಮ, ತೆ ಮಹಿಮಾನೆ ಕಯುಜ಼ ಕಿಮ್ಮತ ನತ್ತಿ. ಮಾರೊ ಬಾಜ ಮನೆ ಮಹಿಮಾನೆ ಕರಾವಸ. ತುಮೆ ಕಿನೆ ತುಮಾರೊ ಬಾ ಕವೊಶಿ ತೆ ಕ್ಹುದಾಜ ವ್ಹೈ. 
\v 55 ತೆನೈಸೊ ತುಮೆ ತಿನೆ ಕ್ಹರಿಮಾಜ಼ ವಳಕ್ಯಾ ನತ್ತಿ. ತೆನೈಸೊ ಮಿ ತಿನೆ ವಳಕ್ಯೊಸ. ಮಿ ತಿನೆ ವಳಕ್ಯೊ ನತ್ತಿ ಕದ್ಯಾಮ ತುಮಾರಾ ಲಿಂಗತ ಸುಳ್ಳ ಕವಾಲೊ ಥೌಸ. ಮಿ ತಿನೆ ವಳಕ್ಯೊಸ. ತೆನೈಸೊ ಮಿ ತಿನಿ ವಾಕ್ಯಾನೆ ವಿಧಯ ಥೌಸ. 
\v 56 ಮಿ ಆವಾನೊ ದಿನ್ನ ತೆ ದೆಕಸ ಕೈನ ತುಮಾರೊ ಬಾ ಥಯಲ ಅಬ್ರಹಾಮ ಘನ್ನೊ ಖುಶಿ ಥಯೊ. ತೆ ದಿನೊ ದೆಕ್ಯೊ ವರಿ ತೆ ಘನ್ನೊ ಖುಶಿ ಥಯೊ ಕೈನ ಕದ್ಯೊ. 
\v 57 ತ್ಯುನೆ ಯೆಸುನೆ, ತು ಹಜು಼ನ ಐವತ್ತ ವರಕ್ಹನೊಬಿ ನತ್ತಿ ತು ಅಬ್ರಹಾಮನೆ ದೆಕಿ ಪಾಡ್ಯೊ ಸು? ಕೈನ ಕದ್ಯಾ. 
\v 58 ಯೆಸು ತ್ಯುನೊನೆ"ಮಿ ತುಮೊನೆ ಕ್ಹರಿಜ಼ ಕೌಸ. ಅಬ್ರಹಾಮ ಹುಟ್ಟಾತಿ ಪೈಲಾಜ ಮಿ ಛೆ" ಕೈನ ಕದ್ಯೊ.
\p
\v 59 ಎ ಐಕಲ ಬರೊಬ್ಬರ ಮನಕ್ಹೊ ತಿನೆ ನಾಕಾನೆ ದಗ್ಡಾ ಲಿದ್ಯಾ. ತೆನೈಸೊ ಯೆಸು ದಡಿ ರ‍್ಹೈನ ದೆವಾಲಯಮಾತೊ ಗೈಪಡ್ಯೊ.
\c 9
\s ಯೆಸು ಹುಟ್ತಾಮಾತೊಜ ಕುಡ್ಡೊ ರ‍್ಹಯಲ ವಾಲಾನೆ ಅರಾಮ ಕರಲ
\p
\v 1 ಯೆಸು ಚಾಲ್ತೊ ಜಾ಼ತಾ ಟೈಮ್ಮಾ ಯಕ್ಕ ಹುಟ್ಟತೊಜ ಕುಡ್ಡೊ ರ‍್ಹಯಲ ವಾಲಾನೆ ದೆಕ್ಯೊ. 
\v 2 ಯೆಸುನಾ ಶಿಷ್ಯಾ ತಿನೆ"ಗುರು ಆ ಮನಕ್ಹ ಕುಡ್ಡೊ ಥೈನ ಹುಟ್ಟಾನೆ ಕಿನು ಪಾಪ ಕಾರಣ ವ್ಹೈ? ತೆ ಕರಲ ಪಾಪ ವ್ಹೈ ಸು ತಿನಾ ಮಾ ಬಾಪ ಕರಲ ಪಾಪ ವ್ಹೈ? ಕೈನ ಪುಚ್ಯಾ.
\p
\v 3 ಯೆಸು ತ್ಯುನೊನೆ"ತಿನು ಪಾಪ ರ‍್ಹೈನೆಕಾ ತಿನಾ ಮಾ ಬಾಪ ಕರಲ ಪಾಪ ರ‍್ಹೈನೆಕಾ ಕಾರಣ ನವೈ. ಕ್ಹುದಾನು ಕಾಮ ತಿಮಾ ದಿಕ್ಹು ಕೈನ ಇಮ್ಮ ಥಯುಸ. 
\v 4 ಮನೆ ವಳಾಯಲವಾಲಾನು ಕಾಮ ಅಪೆ ದಿನ್ನ ರ‍್ಹತಾಮಾಜ ಕರು. ರಾತ ಆವಸ. ತೆಳಾಮಾ ಕುನ್ನಜ ಕಾಮ ನೈ ಕರತು. 
\v 5 ಮಿ ಆ ದುನಿಯಾಮಾ ರ‍್ಹತಾಮಾ, ಮಿಜ಼ ಆ ದುನಿಯಾನೆ ಉಜಾಲು ಥಯೊಸ" ಕದ್ಯೊ.
\p
\v 6 ಯೆಸು ಎ ವಾತ ಕದಲ್ಪರ ಜಿಮಿನ್ಪರ ಥುಕ್ಕಿನ ತಿಕ್ಹು ಚುಕೊಲ ಕರಲಿನ ತೆ ಮನಕ್ಹನಾ ಡೊಳಾವೊನೆ ಲಗಾಡ್ಯೊ. 
\v 7 ಯೆಸು ತೆ ಮನಕ್ಹನೆ"ಗೈನ ಸಿಲೊವಾ ತಳಾಮಾ ಧ್ವಲೆ" ಕೈನ ಕದ್ಯೊ. ಸಿಲೊವಾ ಕದ್ಯಾಮ "ವಳಾಯಲವಾಲೊ" ತಿನಾಲಿಂಗತ ತೆ ಗೈನ ಧ್ವಲಿದ್ಯೊ. ತೆಳಾಮಾ ತೆ ಆತಾಮಾ ಡೊಳಾ ದಿಕ್ಹ್ಯಾ.
\p
\v 8 ವರಿ ಎ ಮನಕ್ಹ ಪೈಲಾ ಭಿಕ ಮಾಂಗ್ತೊತೊ ದೆಕಲ ದಕ್ಹಾ ಜ಼ನಾ ವರಿ ತಿನಾ ಆಜು಼ ಬಾಜುವಾಲಾ"ದೆಕಿನ! ಹಮೆಶಾಬಿ ಭಿಕ ಮಾಂಗ್ತೊ ಬೈಟಾಲೊ ಎಜ಼ ನ್ಹವೈ ಸು ಕೈನ ಪುಚ್ಯಾ.
\p
\v 9 ದಕ್ಹಾ ಮನಕ್ಹೊ"ಹೊ ತೆಜ಼ ವ್ಹೈ ಕೈನ ಕದ್ಯಾ. ಎ ದಕ್ಹಾ ಜ಼ನಾ"ನ್ಹವೈ ಎ ತೆ ಮನಕ್ಹ ನ್ಹವೈ. ಎ ತಿನಾ ಲಿಂಗತಜ಼ ಛೆ ಕದ್ಯಾ. ತಿನಾಹುತಿ ತೆ ಮನಕ್ಹ "ಮಿಜ಼ ತೆ ವ್ಹೈ" ಕೈನ ಕದ್ಯೊ. 
\v 10 ಮನಕ್ಹೊ ತುನೆ"ತುನೆ ದಿಕ್ಹಾನು ಕಿಜಾ಼ ಮಳ್ಯು? ಕೈನ ಕದ್ಯಾ. 
\v 11 ತೆ ಮನಕ್ಹ ತ್ಯುನೊನೆ "ಯೆಸು ಕವಾಲೊ ದಕ್ಹು ಚುಕೊಲ ಕರಿನ ಮಾರಾ ಡೊಳೆ ಲಗಾಡಿನ ಸಿಲೊವಾ ಇರಮಾ ಧ್ವಲೆ ಕೈನ ಕದ್ಯೊ. ತಿನಾಲಿಂಗತಜ಼ ಮಿ ಗೈನ ಧ್ವಲಿದ್ಯೊ. ಹಮ್ನಾ ಮನೆ ದಿಕ್ಹಸ ಕೈನ ಕದ್ಯೊ. 
\v 12 ಪರಿಸಾಯರೊ ತೆ ಮನಕ್ಹನೆ, ತೆ ಮನಕ್ಹ ಹಮ್ನಾ ಕಿಜ್ಗಾ ಛೆ? ಕೈನ ಪುಚ್ಯಾ.
\p ತೆ ಮನಕ್ಹ "ಮನೆ ಗ್ವತ್ತ ನತ್ತಿ "ಕೈನ ಕದ್ಯೊ. ಪಾಚಾ಼ತಾ ಮನಕ್ಹೊ ತೆ ಮನಕ್ಹನೆ ಪರಿಸಾಯರೊ ಕನ ಬಲೈ ಲಾಯಾ. ಪೈಲಾ ಕುಡ್ಡೊ ರ‍್ಹಯಲ ಎಜ಼ ವ್ಹೈ.
\s ಅರಾಮ ಥಯಲ ಮನಕ್ಹನೆ ಫರಿಸಾಯರೊ ಪುಚ಼ಲ
\p
\v 13 ಯೆಸು ಮಾತಿ ಲಿನ ಚುಕೊಲ ಕರಿನ ತಿನಾ ಡೊಳಾ ಅರಾಮ ಕರ‍್ಯೊ. ಯೆಸು ಎ ಕಾಮ ಕರಲ ಸಬ್ಬತ ದಿನ್ಮಾ ವ್ಹೈ. ತಿನಾಹುತಿ ತ್ಯುನೆ ತೆ ಮನಕ್ಹನೆ "ಕಿಮ ದಿಕ್ಹಾಡ್ಯು" ಕೈನ ಪುಚ್ಯಾ. ತೆ ಮನಕ್ಹ"ತೆ ಮಾರಾ ಡೊಳಾನೆ ಚುಕೊಲ ಲಗಾಡ್ಯೊ. ಮಿ ಧ್ವಲಿದ್ಯೊ. ಹಮ್ನಾ ಮನೆ ಡೊಳಾ ದಿಕ್ಹಾಡ್ಯಾಸ ಕೈನ ಕದ್ಯೊ. 
\v 14 ಯೆಸು ಚುಕೊಲ ಕರಿನ ತಿನಾ ಡೊಳಾವೊನೆ ಅರಾಮ ಕರ‍್ಯೊ. ಯೆಸು ಎ ಕಾಮ ಕರಲ ಸಬ್ಬತ ದಿನ್ನಮಾ ವ್ಹೈ. 
\v 15 ತಿನಾಹುತಿ ಫರಿಸಾಯರೊ ತೆ ಮನಕ್ಹನೆ ವರಿ ಯಕ್ಕೆಮ, ತುನೆ ಡೊಳಾ ಕಿಮ್ಮ ಆಯಾ? ಕೈನ ಪುಚ಼್ಚಾ. ತೆ ಮನಕ್ಹ"ತೆ ಮಾರಾ ಡೊಳಾವೊನೆ ಚುಕೊಲ ಲಗಾಡ್ಯೊ. ಮಿ ಧ್ವಲಿದ್ಯೊ. ಹಮ್ನಾ ಮನೆ ಡೊಳಾ ದಿಕ್ಹಾಡಾಸ" ಕೈನ ಉತ್ತರ ದಿದ್ಯೊ.
\p
\v 16 ಫರಿಸಾಯರೊಮಾ ದಕ್ಹಾ ಜ಼ನಾ"ಎ ಮನಕ್ಹನೆ ಕ್ಹುದಾ ಕಂತೊ ಆಯಲವಾಲೊ ನ್ಹವ್ಯ. ಕಾಕದ್ಯಾಮ ಎ ಅರಾಮ ಕರಾನಾ ದಿನ್ನನೆ ಪಾಲನ ಕರ್ತೊ ನೈ "ಬಿಜಾ಼ ಮನಕ್ಹೊ"ಎ ಪಾಪಿ ರ‍್ಹಯೊಮ ಹವಾ ಅಧ್ಭುತ ಕಾಮೊ ಕಿಮ ಕರಸ? ಕದ್ಯಾ. ಇಮ್ಮ ತ್ಯುನೊ ತ್ಯುನೊಮಾ ವಾದ-ವಿವಾದ ಥಯು. 
\v 17 ಫರಿಸಾಯರೊ ವರಿ ಯಕ್ಕೆಮ, ಅರಾಮ ಥಯಲವಾಲಾವೊನೆ"ತೆ ಮನಕ್ಹ ತುನೆ ಡೊಳಾ ದಿಕ್ಹೆ ಲಿಂಗತ ಕರ್ಯೊ ತೆನೈಸೊ ತಿನಾಹುತಿ ತುನೆ ಸು ಕಶಿ? ಕೈನ ಪುಚ್ಯಾ. ತೆ ವಾತೆ "ತೆ ಯಕ್ಕ ಪ್ರವಾದಿ" ಕೈನ ಕದ್ಯೊ. 
\v 18 ಎ ಮನಕ್ಹ ಪೈಲಾ ಕುಡ್ಡೊ ವ್ಹತ್ತೊ. ಹಮ್ನಾ ತಿನಾ ಡೊಳಾ ದಿಕ್ಹಾಡಾಸ ಕೈನ ಯೆಹುದಿಯೊನಾ ನಾಯಕೊ ತಿನಾ ಮಾ ಬಾಪನೆ ಬಲೈ ಲಾಯೆ ಲಕ್ಕಾ ನಂಬ್ಯಾ ನೈ. 
\v 19 ತ್ಯುನೆ ತಿನಾ ಮಾ ಬಾಪನೆ"ಆ ತುಮಾರೊ ದಿಕ್ರೊ ವ್ಹೈ ಸು? ಎ ಹುಟ್ತಾಮಾತೊಜ ಕುಡ್ಡೊ ವ್ಹೈ ಕೈನ ಕವೊಶಿ ತಿಮ್ಮ ರ‍್ಹಯುಮ ಹಮ್ನಾ ಇನೆ ಕಿಮ ದಿಕ್ಹಾಡ್ಯುಸ? ಕೈನ ಪುಚ್ಯಾ.
\p
\v 20 ತಿನಾ ಮಾ ಬಾಪ"ಆ ಹಮಾರೊ ದಿಕ್ರೊ ವ್ಹೈ ಕವಾನು ಹಮೊನೆ ಗ್ವತ್ತ ಛೆ. ವರಿ ಎ ಹುಟ್ತಾಮಾತೊಬಿ ಕುಡ್ಡೊ ಛೆ ಕವಾನು ಹಮೊನೆ ಗ್ವತ್ತ ಛೆ. 
\v 21 ತೆನೈಸೊ ಕುನ್ನ ಮಾತಿ ಲಗಾಡಿನ ತಿನೆ ದಕ್ಹಾ ವರಕ್ಹು ಕರ‍್ಯು ಕವಾನು ಹಮೊನೆ ವರಿ ಇನೆ ಕಿಮ್ಮ ದಿಕ್ಹಾಡುಸ ಕವಾನು ಹಮೊನೆ ಗ್ವತ್ತ ನತ್ತಿ. ತಿನೆಜ ಪುಚ್ಚೊ. ತೆ ತಿನಾ ಹುತಿ ಕವಾಯಕ್ಲೊ ಹಜು಼ನ ಜಾಂಜಿಮಾನ ಛೆ" ಕದ್ಯಾ. 
\v 22 ತಿನಾ ಮಾ ಬಾಪ ಗಿನೆ ಯೆಹುದಿಯೊನಾ ನಾಯಕೊನೆ ಭುಚ್ಕಲ ಹುತಿ ಇಮ್ಮ ಕದ್ಯಾ. ಕಾಕದ್ಯಾಮ ತ್ಯುನೆ ಪೈಲಾತಾಜ ವಿಚಾರ ಕರ್ಲಿದ್ಯಾತಾ ಕುನ್ನ ಯೆಸುನೆ ಕ್ರಿಸ್ತ ವ್ಹೈ ಕೈನ ಕವಸ ತಿನೆ ಸಭಾಮಂದಿರಮಾತಾ ಭಾರಾ ಘಾಲಿಯೆಸ ಕೈನ ಯಹುದ್ಯೊನಾ ನಾಯಕೊ ಕದ್ಯಾತಾ. 
\v 23 ತಿನಾ ಹುತಿಜ ತಿನಾ ಮಾ ಬಾಪ"ತೆ ಮ್ಹೊಟೊ ಥಯೊಸ ತಿನೆ ಪುಚ್ಚೊ" ಕೈನ ಕದ್ಯಾ. 
\v 24 ಯಹುದಿಯೊನಾ ನಾಯಕೊ, ಕುಡ್ಡೊ ರ‍್ಹಯಲ ತೆ ಮನಕ್ಹನೆ ಬೆಂವಾ ಸಲಾ ಮ್ಹೈ ಬಲೈನ, ವರಿ "ತು ಕ್ಹುದಾನಾ ಕ್ಹಾಮೊ ಕ್ಹರಿ ಬೊಲ. ತುನೆ ಡೊಳಾ ದಿದಲ ಮನಕ್ಹ ಪಾಪಿ ವ್ಹೈ ಕೈನ ಹಮೊನೆ ಗ್ವತ ಛೆ" ಕದ್ಯಾ.
\p
\v 25 ತೆ ಮನಕ್ಹ "ತೆ ಪಾಪಿ ವ್ಹೈ ಸು ನ್ಹವೈ ಮನೆ ಗ್ವತ್ತ ನತ್ತಿ. ತೆನೈಸೊ ಮಿ ಕುಡ್ಡೊ ವ್ಹತ್ತೊ; ಹಮ್ನಾ ಮಿ ದಿಕಾಡೊಸ ಕವಾನು ಮನೆ ಗ್ವತ್ತ ಛೆ ಕದ್ಯೊ"
\p
\v 26 ಯಹುದಿಯೊನಾ ನಾಯಕೊ" ತೆ ತುನೆ ಸು ಕರ‍್ಯೊ? ತೆ ತಾರಾ ಡೊಳಾವೊನೆ ಕಿಮ ಅರಾಮ ಕರ‍್ಯೊ? ಕೈನ ಪುಚ್ಯಾ.
\p
\v 27 ತೆ ಮನಕ್ಹ ತ್ಯುನೊನೆ"ತೆಳಾಮಾಜ಼ ತುಮೊನೆ ಕದ್ಯೊಸ್ತೊ. ತೆನೈಸೊ ತುಮೆ ಮನೆ ಕಾನ ದಿದ್ಯಾನೈ. ಹಮ್ನಾ ತೆ ವರಿ ಕಾ ಪುಚ್ಚಾಡ್ಯಾಸ? ತುಮೆಬಿ ತಿನಾ ಶಿಷ್ಯಾ ಥೌಸ ಕೈ ಕೈಲಿದ್ಯಾಸು? ಕೈನ ಕದ್ಯೊ. 
\v 28 ತ್ಯುನೆ ತೆ ಮನಕ್ಹನೆ ಕದ್ರೈನ"ತು ತಿನಾ ಪಾಚಾ಼ ಜಾ಼ವಾಲೊ ಥಾವಾಡ್ಯೊಸ. ಹಮೆ ಮೊಶೆನಾ ಪಾಚಾ಼ ಜಾ಼ವಾಲಾ ವ್ಹೈ. 
\v 29 ಕ್ಹುದಾ ಮೊಶೆನಾ ಕ್ಹಾತೆ ಬೊಲ್ಯೊಸ ಕವಾನು ಹಮೊನೆ ಗ್ವತ್ತ ಛೆ. ತೆನೈಸೊ ಎ ಮನಕ್ಹ ಕಿಜಾತೊ ಆಯೊಸ ಕವಾನುಬಿ ಹಮೊನೆ ಗ್ವತ್ತ ನತ್ತಿ "ಕೈನ ಕದ್ಯಾ.
\p
\v 30 ತೆ ಮನಕ್ಹ"ಎ ಘನ್ನು ಘಾಬ್ರಾ ಥಾವಾನು ಸಂಗತಿ ವ್ಹೈ. ತೆ ಕಿಜಾತೊ ಆಯೊಸ ಕವಾನು ತುಮೊನೆ ಗ್ವತ್ತ ನತ್ತಿ. ತೆನೈಸೊ ತೆ ಮನೆ ಡೊಳಾ ದಿದ್ಯೊ. 
\v 31 ಕ್ಹುದಾ ಪಾಪಿಯೊನೆ ನೈ ಐಕ್ತೊ ಕೈನ ಅಪೊನೆ ಕ್ಹಾರಾವೊನೆ ಗ್ವತ್ತ ಛೆ. ತೆನೈಸೊ ಕ್ಹುದಾ ತಿನೆ ಭಕ್ತಿಮಾ ರ‍್ಹವಾಲಾವೊನೆ ವರಿ ತಿನಿ ಆಸ ಲಿಂಗತ ಕರಲಾವಾಲಾವೊನಿ ಐಕಸ. 
\v 32 ಪೈಲಾತಾ ಕುನ್ನಬಿ ಕುಡ್ಡೊ ರ‍್ಹಯಲವಾಲಾನೆ ಡೊಳಾ ದಿದಲ ಕೆಳಾಮಾಜ ಐಕ್ಯಾ ನತ್ತಿ. 
\v 33 ಎ ಮನಕ್ಹ ಕ್ಹುದಾ ಕಂತೊ ನೈ ಆಯಲ ರ‍್ಹವತ್ತೊ ಇಕನ ಸುಜ಼ ಕರಾನೆ ಥಾತು ನ್ಹೊತು" ಕೈನ ಕದ್ಯೊ. 
\v 34 ತ್ಯುನೆ ತಿನೆ"ಪಾಪಮಾಜ ಹುಟ್ಟಿನ ಬೆಳದಲವಾಲೊ ತು ವ್ಹೈ! ಹಮೊನೆ ಶಿಕ್ಲಾವಾಡೊಸ ಸು? ಕೈನ ಉತ್ತರ ದಿದ್ಯಾ. ವರಿ ತ್ಯುನೆ ತಿನೆ ಸಭಾಮಂದಿರಮಾತಾ ಭಾರಾ ಢಕಲ್ಯಾ.
\s ಆತ್ಮಿಕಮಾ ಕುಡ್ಡಾ
\p
\v 35 ತ್ಯುನೆ ತೆ ಮನಕ್ಹನೆ ಭಾರಾ ಘಾಲ್ಯಲ ಯೆಸುನೆ ಗ್ವತ್ತ ಥಯು. ಯೆಸು ತೆ ಮನಕ್ಹನೆ ಮಳಿನ"ತು ಮನಕ್ಹನಾ ದಿಕ್ರಾಪರ ಬರೊಕ್ಹೊ ಕರಶಿ ಸು? ಕೈನ ಪುಚ್ಚೊ.
\p
\v 36 ತೆಳಾಮಾ ತೆ ಮನಕ್ಹ ತಿನೆ"ಸ್ವಾಮಿ, ತೆ ಮನಕ್ಹನೊ ದಿಕ್ರೊ ಕುನ್ನ ವ್ಹೈ? ಮನೆ ಕೆ. ಕಾಕದ್ಯಾಮ ಮಿ ತಿಪರಜ ಬರೊಕ್ಹೊ ಕರೆ ಲಿಂಗತ ಥಾವಾದೆ" ಕೈನ ಕದ್ಯೊ.
\p
\v 37 ಯೆಸು"ತು ತಿನೆ ದೆಕ್ಯೊಸ. ವರಿ ಹಮ್ನಾ ತಾರಾ ಕ್ಹಾತೆ ಬೊಲಾಜೊಜ಼ ತೆಜ಼ ವ್ಹೈ" ಕೈನ ಕದ್ಯೊ.
\p
\v 38 ತೆ ಮನಕ್ಹ"ಹೊ ಪ್ರಭು, ಮಿ ಬರೊಕ್ಹೊ ಕರುಸ" ಕೈನ ಕದ್ಯೊ. ಪಾಚಲ್ತೊ ತೆ ತಿನಾ ಕ್ಹಾಮೊ ಅಡ್ಡ ಪಾಡ್ಯೊ.
\p
\v 39 ಯೆಸು"ಎ ದುನಿಯಾನೆ ಫೈಸಲೊ ಕರಾನೆ ಆಯೊಸ. ವರಿ ಕುಡ್ಡಾ ದೆಕೆ ಲಿಂಗತ ಥೌ ಕೈನ ಡೊಳಾ ರ‍್ಹಯಲವಾಲಾ ಕುಡ್ಡಾ ಥೌ ಕೈನ ಮಿ ಆಯೊ" ಕೈನ ಕದ್ಯೊ.
\p
\v 40 ಯೆಸುನಾ ಕ್ಹಾತೆ ರ‍್ಹಯಲ ದಕ್ಹಾ ಫರಿಸಾಯರೊ ಎ ಐಕಿನ"ಕ್ಹರಿಮಾಜ಼ ತು ಹಮೆಬಿ ಕುಡ್ಡಾ ವ್ಹೈ ಕೈನ ಕವಾಡ್ಯೊಸ ಸು? ಕೈನ ಸವಾಲ ಕರ‍್ಯಾ.
\p
\v 41 ಯೆಸು ತ್ಯುನೊನೆ"ತುಮೆ ಕ್ಹರಿಬಿ ಕುಡ್ಡಾ ರ‍್ಹಯಮ ಪಾಪ ಕವಾನಾ ಅಪರಾದನೆ ಗುರಿ ಥಾತಾ ನ್ಹೊತಾ. ತೆನೈಸೊ ತುಮೆ"ಹಮೊನೆ ಡೊಳಾ ದಿಕ್ಹಸ ಕೈನ ಕವೊಶಿ. ತಿನಾಹುತಿ ತುಮೆ ಪಾಪಿಯೊಜ ಥಯಾಸ" ಕೈನ ಕದ್ಯೊ.
\c 10
\s ಕುರಬುರ‍್ಯಾನಿ ಸಾಮ್ಯ
\p
\v 1 ಯೆಸು"ಮಿ ತುಮೊನೆ ಕ್ಹರಿಜ ಕೌಸ. ಬಕ್ರಾನಿ ಹಕ್ಕಿಮಾ ಬಾಕಲಮಾತೊ ಆಯವಾಚಿ ಬಿಜಿ ಬಗಲ್ತೊ ಗೊಡಿ ಉಡಿನ ಆವಾಲೊ ಚ್ವಟ್ಟೊಜ ವರಿ ಕಾಳ್ಳಿನ ಜಾ಼ವಾಲೊ ವ್ಹೈ. 
\v 2 ಕುನ್ನ ಬಾಕಲಮಾತೊ ಆವಸ ತೆ ಮನಕ್ಹ ಕುರಬುರ‍್ಯೊ ವ್ಹೈ. 
\v 3 ಕೈದಾಲೊ ಕುರಬುರ‍್ಯಾನೆ ಬಾಕಲ ಕಾಡಸ. ವರಿ ಬಕ್ರಾ ತಿನಾ ಅವಾಜ಼ ಐಕಸ. ತೆ ಬಕ್ರಾವೊನೆ ನಾಮ ಲಿನ ಬಲಾತಾಮಾ ಬಕ್ರಾ ತಿನಿ ಅವಾಜ಼ ಐಕಸ. ವರಿ ತೆ ತ್ಯುನಾ ಅಗು ಚಾಲ್ತೊ ಪಾಚೊ಼ ಬಲೈ ಲಿನ ಜಾ಼ವಸ. 
\v 4 ಕೆಳಾಮಾ ತೆ ತಿನಾ ಕ್ಹಾರಾ ಬಕ್ರಾವೊನೆ ಭಾರೊ ಬಲೈ ಲಿನ ಜಾ಼ವಸ ತೆಳಾಮಾ ತೆ ಅಗೊ-ಅಗೊ ಜಾ಼ವಸ ತಿನಾ ಬಕ್ರಾ ತಿನಾ ಪಾಚಾ಼-ಪಾಚಾ಼ ಜಾ಼ವಸ. ಕಾಕದ್ಯಾಮ ತೆ ಬಕ್ರಾ ತಿನಿ ಸ್ವರ ವಳಕಸ.. 
\v 5 ತೆನೈಸೊ ಬಕ್ರಾ ತ್ಯುನೊನೆ ನೈ ಗ್ವತ್ತ ರ‍್ಹಯಲ ಮನಕ್ಹನಾ ಪಾಚಾ಼ ಕೆಳಾಮಾಜ ನೈ ಜಾ಼ತಾ. ತಿನಾಹುತಿ ತ್ಯುನೆ ತೆ ತಿಕಂತಾ ದುರ ಜಾ಼ವಸ. ಕಾಕದ್ಯಾಮ ತ್ಯುನೆ ನೈ ಗ್ವತ್ತ ರ‍್ಹಯಲ ಮನಕ್ಹನೊ ಅವಾಜ಼ ವಳಕ್ತಾ ನೈ "ಕೈನ ಕದ್ಯೊ.
\p
\v 6 ಯೆಸು ಕದಲ ಎ ಸಾಮ್ಯ ತ್ಯುನೊನೆ ಕದ್ಯೊ. ತೆನೈಸೊ ಇನು ಮತ್ಲಬ ತ್ಯುನೊನೆ ಗ್ವತ್ತ ಥಯು ನೈ.
\s ಯೆಸು ಚೊ಼ಕೊ ಕುರಬುರ‍್ಯೊ ವ್ಹೈ
\p
\v 7 ತಿನಾಹುತಿ ಯೆಸು ವರಿ"ಮಿ ತುಮೊನೆ ಕ್ಹರಿಜ ಕೌಸ. ಮಿಜ಼ ಬಕ್ರಾವೊನೆ ಬಾಕಲ ವ್ಹೈ. 
\v 8 ಮಿ ಆವಾತಿ ಪೈಲಾ ಆಯಲವಾಲಾ ಚವಟ್ಟಾ ವ್ಹತ್ತಾ ವರಿ ಉದಾಳ್ಳಿವಾಲಾ ವ್ಹತ್ತಾ. ಬಕ್ರಾ ತ್ಯುನು ಐಕ್ಯಾ ನೈ. 
\v 9 ಮಿಜ಼ ಬಾಕಲ ವ್ಹೈ. ಕುನ್ನ ಮಾರಾ ಮುಲಕ ಮ್ಹೈ ಜಾ಼ವಸ ತೆ ಬಿಡುಗಡೆ ವ್ಹಂದಿಲಿವಸ. ತೆ ಮ್ಹೈ ಆ ಸಕಸ. ಭಾರೊಬಿ ಜಾ಼ ಸಕಸ ವರಿ ತಿನೆ ಚಾರೊ ಮಳಸ. 
\v 10 ಚ್ವಟ್ಟೊ ಚೊ಼ರಿ ಕರಾನೆ ಖಲಾಸ ಕರಾನೆ ಹಾಳ ಕರಾನೆಜ ಆವಸ. ಮಿತೊ ಜ಼ಲಮ ದಿವಾನೆ ಆಯೊಸ ತೆ ಪರಿಪುರ್ಣ ಜ಼ಲಮ ವ್ಹೈ.\fig ಬಕ್ರಾ ಚ಼ರಾವಾಲಾ ಬಕ್ರಾವೊನಾ ಕ್ಹಾತೆ ಬಕ್ರಾನಾ ಹಟ್ಟಿಮಾ|alt="Shepherd with his sheep in sheepfold" src="lb00014c.tif" size="col" copy="Horace Knowles ©" ref="10:7"\fig*
\p
\v 11 "ಮಿಜ಼ ಚೊ಼ಕೊ ಕುರಬುರ‍್ಯೊ ವ್ಹೈ. ಚೊ಼ಕೊ ಕುರಬುರ‍್ಯೊ ಬಕ್ರಾವೊನೆ ಹುತಿ ತಿನು ಜ಼ಲಮ ದಿವಸ. 
\v 12 ಕುಲಿ ಆಳ ಕುರಬುರ‍್ಯೊ ನ್ಹವೈ ವರಿ ಬಕ್ರಾ ಕುಲಿ ಆಳನಾ ಸ್ವಂತನಾ ನ್ಹವೈ. ತಿನಾಹುತಿ ಕುಲಿ ಆಳ ತೊಳ ಆವಾನು ದೆಕಿನ ಬಕ್ರಾವೊನೆ ಛೊಡಿನ ನ್ಹಾಟಿ ಜಾ಼ವಸ. ತೆಳಾಮಾ ನರಿಯೊ ಬಕ್ರಾವೊಪರ ಹಮ್ಲೊ ಕರಿನ ತ್ಯುನೊನೆ ಜುದಾ ಕರಿ ಪಡಸ. 
\v 13 ತೆ ಮನಕ್ಹ ನ್ಹಾಟಿ ಜಾ಼ವಸ. ಕಾಕದ್ಯಾಮ ತೆ ಖಾಲಿ ಕುಲಿ ಆಳ ವ್ಹೈ. ತೆ ಬಕ್ರಾವೊನೆ ಹುತಿ ಕ್ಹರಿಮಾಜ಼ ಚಿಂತಾ ನೈ ಕರ‍್ತೊ. 
\v 14 "ಮಿ ಚೊ಼ಕೊ ಕುರಬುರ‍್ಯೊ ವ್ಹೈ. ತಿಮ್ಮ ಮಿ ಮನೆ ಬಾ ತಿಳ್ದಿಲಿದ್ಯೊಸ ತಿಮ್ಮ ಬಾನೆ ಮಿ ತಿಳ್ದಿಲಿದ್ಯೊಸ. ತಿನಾ ಲಿಂಗತಜ ಮಿ ಮಾರಾ ಬಕ್ರಾವೊನೆ ವಳಕುಸ ವರಿ ತೆ ಮನೆ ವಳಕಸ. ವರಿ ಮಿ ಮಾರಾ ಬಕ್ರಾವೊನಾ ಹುತಿ ಜ಼ಲಮ ದಿವಾನೆ ತಯ್ಯಾರ ಛೆ. 
\v 15 ಮನೆ ಬಿಜಾ಼ ಬಕ್ರಾಬಿ ಛೆ. ತೆ ನ್ಹ್ಯಾ ರ‍್ಹವಾನಾ ಆ ಹಕ್ಕಿಮಾ ನತ್ತಿ. ಮಿ ತೆ ಬಕ್ರಾವೊನೆಬಿ ಮ್ಹೈ ಲೌಜ. 
\v 16 ತೆ ಬಕ್ರಾ ಮಾರಿ ಸ್ವರ ಐಕಸ. ತೆಳಾಮಾ ಯಕ್ಕಜ಼ ಗುಂಪ ರ‍್ಹವಸ ವರಿ ಯಕ್ಲೊಜ ಕುರಬುರ‍್ಯೊ ರ‍್ಹವಸ.
\p
\v 17 ಬಾ ಮನೆ ಮಯಾ ಕರಸ. ಕಾಕದ್ಯಾಮ ಮಿ ಮಾರೊ ಜ಼ಲಮ ವರಿ ವ್ಹಂದಿಲಿವಾನಾ ಹುತಿ ದಿವ್ಸ. 
\v 18 ಮಾರೊ ಜ಼ಲಮ ಮಕಂತೊ ಕುನ್ನಜ ನೈ ಉದಾಳೆ ಲೆಸಕ್ತು; ಮಿಜ಼ ತಿನೆ ಮಾರಿ ಇಷ್ಟಾಕ್ಹು ದಿವ್ಸ. ಮಾರೊ ಜ಼ಲಮ ದಿವಾನೆಬಿ ವರಿ ತಿನೆ ವಾಪಸ ಲಿವಾನೆಬಿ ಮನೆ ಹಕ್ಕ ಛೆ. ಇಮ್ಮ ಕರು ಕೈನ ಬಾಜ ಮನೆ ಆಗನ್ಯಾ ದಿದ್ಯೊಸ "ಕೈನ ಕದ್ಯೊ.
\p
\v 19 ವರಿ ಎ ಸಂಗತಿಯೊ ಐಕಿನ ಯೆಹುದಿಯೊಮಾ ವರಿ ಭೆದ ಹುಟ್ಯು. 
\v 20 ತ್ಯುನೊಮಾ ಘನ್ನಾ ಜ಼ನಾ"ತಿನಾಮಾ ಭುತಡು ಛೆ. ಎ ಪಿಸಾಳೊ ಛೆ. ತಿನು ಕಾ ಐಕಾಡಾಸ? ಕೈನ ಕದ್ಯಾ. 
\v 21 ತೆನೈಸೊ ಬಿಜಾ಼ ಮನಕ್ಹೊ"ಎ ವಾತೊ ಭುತಡು ಧರಲ ಮನಕ್ಹನಿಯೊ ವಾತೊ ನ್ಹವ್ಯೆ. ಕುಡ್ಡಾವೊನಾ ಡೊಳಾ ದಿವಾನೆ ಭುತಡಾಕ್ಹು ಥಾವಸ ಸು? ಕೈನ ಕದ್ಯಾ.
\s ಯೆಸುನೆ ಇನ್ಕಾರ ಕರಲ
\p
\v 22 ಯೆರುಸಲೆಮಮಾ ದೆವಾಯಲನೆ ಕರಾನಿ ಪ್ರತಿಷ್ಟೆನು ಸನ್ನ ಚಾಲಾಡ್ಯುತು. ತೆಳಾಮಾ ಥಂಡನಾ ದಿನ್ನೊ ವ್ಹತ್ತಾ. 
\v 23 ಯೆಸು ದೆವಾಲಯಮಾ ಸೊಲೊಮೊನನಾ ಮಂಟಪ ಕನ ಫರಾಡೊತೊ. 
\v 24 ತೆಳಾಮಾ ಯೆಹುದಿಯೊನಾ ಅದಿಕಾರಿಯೊ ಯೆಸುನಾ ಅಗಾ ಪಾಚಾ಼ ಹುಬ್ರಯಾ. ತ್ಯುನೆ ತಿನೆ"ಹಜು಼ನ ಕೆಕ್ಲಿ ಯೆಳ ತಾರಾ ಹುತಿ ಹಮೊಕ್ಹು ಕೆಕ್ಲಾ ದಿನ್ನ ಝಾಕಿನ ಮ್ಹೆಲ್ಸಿ? ಕ್ಹರಿ ಸು ಛೆ ಖುಲ್ಲಾ ಕೆ. ತು ಕ್ರಿಸ್ತ ವ್ಹೈ ಸು? ಕೈನ ಪುಚ್ಯಾ.
\p
\v 25 ತೆ ವಾತೆ ಯೆಸು "ಮಿ ತೆಳಾಮಾಜ಼ ತುಮೊನೆ ಕದ್ಯೊ. ತೆನೈಸೊ ತುಮೆ ಬರೊಕ್ಹೊ ಕರ‍್ಯಾ ನೈ. ಮಿ ಮಾರಾ ಬಾನಾ ಅದಿಕಾರಕ್ಹು ಕರಾನಾ ಅದ್ಭುತ ಕಾಮೊ ಮಾರಾಹುತಿ ಸಾಕ್ಷಿ ದಿವಸ. 
\v 26 ತೆನೈಸೊ ತುಮೆ ಬರೊಕ್ಹೊ ನೈ ಕರ‍್ತಾ. ಕಾಕದ್ಯಾಮ ತುಮೆ ಮಾರಾ ಬಕ್ರಾ ನ್ಹವ್ಹೈ. 
\v 27 ಮಾರಾ ಬಕ್ರಾ ಮಾರಿ ಆವಾಜನೆ ಐಕಸ. ಮಿ ತ್ಯುನೊನೆ ತಿಳ್ದಿಲಿದ್ಯೊಸ ವರಿ ತೆ ಬಕ್ರಾ ಮಾರಾ ಪಾಚಾ಼ ಆವಸ. 
\v 28 ಮಾರಾ ಬಕ್ರಾವೊನೆ ಮಿ ಹಮೆಶಾನೊ ಜ಼ಲಮ ದಿವ್ಸ. ತ್ಯುನೆ ಕೆಳಾಮಾಬಿ ಮರ್ತಾ ನೈ, ವರಿ ತ್ಯುನೊನೆ ಕುನ್ನಜ ಮಕಂತಾ ಉದಾಳಿನ ದುರ ಕರಾನೆ ಥಾತು ನೈ. 
\v 29 ತ್ಯುನೊನೆ ಮಾರೊ ಬಾಜ ಮನೆ ದಿದ್ಯೊ. ತೆ ಕ್ಹಾರಾವೊತಿಬಿ ಮ್ಹೊಟೊ ವ್ಹೈ. ತ್ಯುನೊನೆ ಮಾರಾ ಬಾನಾ ಹತ್ತಮಾತಾ ಕುನ್ನಜ ನೈ ಉದಾಳಿ ಲೆಸಕ್ತು. 
\v 30 ಬಾ ವರಿ ಮಿ ಯಕ್ಕಜ಼ ವ್ಹೈ "ಕೈನ ಉತ್ತರ ದಿದ್ಯೊ. 
\v 31 ತೆಳಾಮಾ ವರಿ ಯಹುದ್ಯೊ ಯೆಸುನೆ ಮಾರಾನಾ ಹುತಿ ದಗ್ಡಾ ಇನಿಲಿದ್ಯಾ. 
\v 32 ತೆನೈಸೊ ಯೆಸು ತ್ಯುನೊನೆ"ಮಿ ಬಾಕಂತೊ ಘನ್ನಾ ಚೊ಼ಕಾ ಕಾಮೊ ಕರಿನ ದೆಕಾಡ್ಯೊಸ. ವರಿ ಎ ಚೊ಼ಕಾ ಕಯಾ ಕಾಮ್ನಾ ಹುತಿ ತುಮೆ ಮನೆ ದಗ್ಡಾಲಿನ ಮಾರಾನೆ ದೆಕಾಡ್ಯಾಸ? ಕೈನ ಪುಚ್ಯಾ.
\p
\v 33 ಯಹುದ್ಯೊ"ಹಮೆ ತುನೆ ದಗ್ಡಾಲಿನ ಮಾರಾನು ತು ಕರಲ ಕಯಾಜ ಕಾಮೊಕ್ಹು ನ್ಹವೈ. ತು ಕರಾನಾ ಕ್ಹುದಾನಿ ದುಷಣೆನಾ ಹುತಿಜ ವ್ಹೈ. ತು ಖಾಲಿ ಯಕ್ಕ ಮನಕ್ಹ ರ‍್ಹೈನ ತುನೆ ತುಜ಼಼ ಕ್ಹುದಾಜ ವ್ಹೈ ಕೈನ ಕೈಲಿವಾಡ್ಯೊಸ! ಕೈನ ಉತ್ತರ ದಿದ್ಯಾ.
\p
\v 34 ತಿನೆ ಯೆಸು "ತುಮಾರಾ ಧರಮಶಾಸ್ತ್ರಮಾ" ಮಿ ತುಮೆ ಕ್ಹುದಾವೊ ಕೈನ ಕದಲ "ಬರ್ದಲ ನತ್ತಿ ಸು? ಕೈನ ಉತ್ತರ ದಿದ್ಯೊ. 
\v 35 ಯಕ್ಕೆಳೆ ತೆ ತ್ಯುನೊನೆ ಕ್ಹುದಾವೊ ವ್ಹೈ ಕೈನ ಕ್ಹುದಾನಿ ವಾತೊ ಐಯೊಸ ತ್ಯುನೊನೆ ಕ್ಹುದಾವೊ ವ್ಹೈ ಕೈನ ಬಲಾವಾನು ರ‍್ಹಯುಮ ಪವಿತ್ರ ಗ್ರಂಥನೆ ಸುಳ್ಳ ಕವಾನೆ ಥಾತು ನೈ. 
\v 36 ಇಮ್ಮ ರ‍್ಹವಾನು ರ‍್ಹಯುಮ ಬಾ ತಿನಾ ಸ್ವಂತವಾಲಾ ವ್ಹೈ ಕೈನ ಇನಿಲಿನ ದುನಿಯಾಮಾ ಮೊಕ್ಲಲವಾಲಾನ ಹುತಿ ಕಿ ರ‍್ಹಸ? ಮಿ "ಕ್ಹುದಾನೊ ದಿಕ್ರೊ ವ್ಹೈ" ಕೈನ ಕದಲ ಹುತಿ ತುಮೆ ಮಿ ದುಷಣೆ ಕರಾಡ್ಯೊಸ ಕೈನ ಕವಾನು ಕಾ? 
\v 37 ಮಾರೊ ಬಾ ಕಾಮೊ ಮಿ ನೈ ಕರ‍್ಯಾಮ, ಮಿ ಕವಾನು ಬರೊಕ್ಹೊ ಕರೊ ನಕೊ. 
\v 38 ತೆನೈಸೊ ಮಿ ತಿಮ್ಮ ಕರಾನು ರ‍್ಹಯುಮ ತಿಮ್ಮ ರ‍್ಹಯುತಬಿ ತುಮೆ ಮನೆ ನಂಬಾಡ್ಯಾ ನತ್ತಿ. ಅದ್ಭುತನೆ ನಂಬೊ ಇಮ್ಮ ಬಾ ಬಿ ಮಾರಾಮಾ ಛೆ ವರಿ ಮಿ ತಿಮಾ ಛೆ ಕೈನ ತುಮೊನೆ ಗ್ವತ್ತ ಥಾವಸ.
\p
\v 39 ಯೆಸುನೆ ಧರಾನೆ ಯಹುದ್ಯೊ ವರಿ ಕೊಶಿಶ ಕರ‍್ಯಾ. ತೆನೈಸೊ ಯೆಸು ತ್ಯುನಾಕ್ಹು ಚುಕೈಲಿದ್ಯೊ.
\p
\v 40 ಪಾಚಲ್ತೊ ಯೆಸು ಯೊರ್ದನ ನದಿನಾ ಬಿಜಿ ದಂಡಿಯೆ ಫರಿನ ಗಯೊ. ಯೊಹಾನ ಪೈಲಾ ಬಾಪ್ತಿಸ್ಮ ಕರಾವಾನಿ ಜ಼ಗಾಯೆ ಯೆಸು ಗೈನ ತ್ಯಾಜ ರ‍್ಹಯೊ. 
\v 41 ತೆಳಾಮಾ ಘನ್ನಾ ಮನಕ್ಹೊ ತಿಕನ ಆಯಾ" ಯೊಹಾನ ಕೆಳಾಮಾಜ ಅದ್ಭುತ ಕಾಮೊ ಕರ‍್ಯೊ ನೈ. ತೆನೈಸೊ ಯೊಹಾನ ಎ ಮನಕ್ಹನಾ ಹುತಿ ಕದಲ ಹರ ಯಕ್ಕ ಕ್ಹರಿ ವ್ಹೈ "ಕೈನ ಕದ್ಯಾ. 
\v 42 ವರಿ ತ್ಯಾ ಘನ್ನಾ ಮನಕ್ಹೊ ಯೆಸುಪರ ಬರೊಕ್ಹೊ ಕರ‍್ಯಾ.
\c 11
\s ಲಾಜ಼ರನು ಮರಣ
\p
\v 1 ಲಾಜರ ಕವಾಲೊ ಯಕ್ಲೊ ಅರಾಮ ನೈಸೊ ವ್ಹತ್ತೊ. ತೆ ಬೆಥಾನ್ಯ ಕವಾನಾ ಗಾಮಮಾ ವ್ಹತ್ತೊ. ಮರಿಯಳ ವರಿ ತಿನಿ ಭೆನ ರ‍್ಹಯಲ ಮಾರ್ಥಳ ಎಜ಼ ಗಾಮ್ಮಾ ವ್ಹತ್ತಾ. 
\v 2 ಪ್ರಭುನೆ (ಯೆಸುನೆ) ಬಾಸನು ತೆಲ ಲಗಾಡಿನ ತಿನಾ ಪಗೊನೆ ತಿನಾ ಮಾತಾನಾ ಬಾಲೊಕ್ಹು ನುಚಚಲವಾಲಿ ಎ ಮರಿಯಳ ವ್ಹೈ. ಅರಾಮ ನೈ ರ‍್ಹಯಲ ಲಾಜರ ಮರಿಯಳನೊ ಭೈ ವ್ಹತ್ತೊ. 
\v 3 ತಿನಾಹುತಿ ಭಂಬಿ ಭೆನೊ ಯೆಸುನೆ"ಪ್ರಭು, ತಾರೊ ಮಯಾನೊ ದೊಸ್ತ ಥಯಲ ಲಾಜರ ಅರಾಮ ನೈಸೊ ಪಾಡ್ಯೊಸ" ಕವಾನು ಸಂದೆಶ ಮೊಕ್ಲಿಯೊ.
\p
\v 4 ಯೆಸು ಎ ಐಕಿನ"ಎ ರೊಗ ಕ್ಹುದಾನಿ ವರಿ ಕ್ಹುದಾನಾ ದಿಕ್ರಾನೆ ಮಹಿಮಾನಾ ಹುತಿ ಐಸ ತೆನೈಸೊ ಮರಾನಾ ಹುತಿ ನ್ಹವೈ" ಕೈನ ಕದ್ಯೊ
\p
\v 5 ಯೆಸು ಮಾರ್ಥಳ, ತಿನಿ ಭೆನನೆ ವರಿ ಲಾಜರನೆ ಮಯಾ ಕರ್ತೊತೊ. 
\v 6 ಲಾಜರ ಅರಾಮ ನೈಸೊ ಛೆ ಕವಾನಿ ವಾತ ತೆ ಐಕಲ್ಪರಬಿ ತೆ ರ‍್ಹಯಲ ಜ಼ಗಾಜ ಹಜು಼ನ ಬೆ ದಿನ್ನ ಲಕ್ಕಾ ರ‍್ಹಯೊ. 
\v 7 ಪಾಚಲ್ತೊ ತೆ ತಿನಾ ಶಿಷ್ಯಾವೊನೆ"ಅಪೆ ಯುದೆಯನೆ ಫರಿನ ಗಯ್ಯೆ" ಕೈನ ಕದ್ಯೊ.
\p
\v 8 ಶಿಷ್ಯಾ ತಿನೆ"ಗುರು, ದಕ್ಹಾ ಪೈಲಾಜ ಯೆಹುದಿಯೊ ತುನೆ ದಗ್ಡಾವೊಕ್ಹು ಕಲಾಸ ಕರಾನೆ ದೆಕ್ಯಾ. ಹಮ್ನಾ ತು ವರಿ ತ್ಯಾ ಜೌ ಕೈನ ಕವಾಡ್ಯೊಸ ತೊ? ಕೈನ ಉತ್ತರ ದಿದ್ಯಾ.
\p
\v 9 ಯೆಸು ತ್ಯುನೊನೆ "ದಿನ್ಮಾ ಬಾರಾ ಘಂಟಾ ರ‍್ಹವಸ ವ್ಹೈ ಸು ನೈ? ದಿನ್ನಮಾ ಚಾಲಾಲೊ ಪಡತೊ ನೈ. ಕಾಕದ್ಯಾಮ ಎ ದುನಿಯಾನಿ ಉಜಾಲಾಕ್ಹು ತೆ ದೆಕಸ. 
\v 10 ತೆನೈಸೊ ರಾತಮಾ ಚಾಲಾಲೊ ಟೆಕ್ಹ ಲಾಗಿನ ಪಡಸ. ಕಾಕದ್ಯಾಮ ದೆಕಿನ ಚಾಲಾನೆ ತಿನೆ ಕಯುಜ಼ ಉಜಾಲು ನೈ ರ‍್ಹತು" ಕೈನ ಉತ್ತರ ದಿದ್ಯೊ. 
\v 11 ಯೆಸು ಎ ಸಂಗತಿ ಕದಲ ಪರ"ಅಪ್ನೊ ದೊಸ್ತ ಥಯಲ ಲಾಜರ ಹಮ್ನಾ ಕ್ಹುರಯೊಸ. ತಿನೆ ಉಟಾಡಾನೆ ಮಿ ತ್ಯಾ ಚಾಲ್ಯೊಸ" ಕೈನ ಕದ್ಯೊ.
\p
\v 12 ಶಿಷ್ಯಾ ತಿನೆ"ಪ್ರಭು, ತೆ ನಿಂದರ ಕರತೊ ರ‍್ಹಯಲ ಅರಾಮ ಥಾವಸ" ಕೈನ ಉತ್ತರ ದಿದ್ಯಾ.
\p
\v 13 ಲಾಜರ ಮರಿ ಗಯೊಸ ಕವಾನಾ ಮತ್ಲಬಮಾ ಯೆಸು ಕದ್ಯೊ. ತೆನೈಸೊ ಲಾಜರ ಕ್ಹರಿಮಾಜ಼ ಕ್ಹುರಯೊಸ ಕವಾನಾ ಮತ್ಲಬಮಾ ಯೆಸು ಕದ್ಯೊಸ ಕೈನ ಶಿಷ್ಯಾ ತಿಳ್ದಿಲಿದ್ಯಾ. 
\v 14 ತಿನಾಹುತಿ ಯೆಸು ತ್ಯುನೊನೆ ಕರೆಟ್ಟ"ಲಾಜರ ಮರಿ ಗಯೊಸ ಕೈನ ಕದ್ಯೊ. 
\v 15 ತೆನೈಸೊ ತುಮಾರಾ ಹುತಿ ಮಿ ತ್ಯಾ ನೈ ರ‍್ಹಯಲ ಹುತಿ ಖುಶಿ ಥೌಸ. ಕಾಕದ್ಯಾಮ, ತೆಳಾಮಾ ತುಮೆ ಮಪರ ಬರೊಕ್ಹೊ ಕರೊಶಿ. ಆವೊ, ತಿಕನ ಗಯ್ಯೆ" ಕೈನ ಕದ್ಯೊ.
\p
\v 16 ತೆಳಾಮಾ ಔಳಿ ಜೌಳಿ ಕವಾಲೊ ತೊಮ, ಆವೊ "ಅಪೆಬಿ ಗುರುನಾ ಕ್ಹಾತೆ ತ್ಯಾ ಗೈಯೆ ವರಿ ತಿನಾ ಕ್ಹಾತೆ ಮರಿಯೆ" ಕೈನ ಕದ್ಯೊ.
\s ಯೆಸುಜ ಪುನರುತ್ಥಾನ ವರಿ ಜ಼ಲಮ
\p
\v 17 ಯೆಸು ಬೆಥಾನಿಯೆ ಆಯೊ. ಹಮ್ನಾ ತುಬಿ ಲಾಜರ ಮರಿನ ಮಜಾರಮಾ ರ‍್ಹೈನ ಚಾರ ದಿನ್ನ ಥಯಾ ಕೈನ ಗ್ವತ್ತ ಥಯು. 
\v 18 ಬೆಥಾನ್ಯ ಯೆರುಸಲೆಮತಿ ಕಮ್ಸೆ ಕಮ್ಮ ಬೆ ಮೈಲ ದುರ ವ್ಹತ್ತು. 
\v 19 ಘನ್ನಾ ಯಹುದ್ಯೊ ಮಾರ್ಥಾ ವರಿ ಮರಿಯಳಕನ ಆಯಾತಾ. ತ್ಯುನೊನೆ ತ್ಯುನೊ ಭೈ ಥಯಲ ಲಾಜರನಾ ಮರಣನಾ ಹುತಿ ಸಮಾದಾನ ಕರಾನೆ ತ್ಯುನೆ ಆಯಾತಾ.
\p
\v 20 ಯೆಸು ಆವಾಡ್ಯೊಸ ಕೈನ ಐಕಿನ ಮಾರ್ಥಳ ತಿನೆ ಮಳಾನೆ ಭಾರಿ ಗೈ. ತೆನೈಸೊ ಮರಿಯಳ ಘರ್ಮಾಜ ವ್ಹತ್ತಿ. 
\v 21 ಮಾರ್ಥಳ ಯೆಸುನೆ"ಪ್ರಭು, ತು ನ್ಹ್ಯಾ ರ‍್ಹವತ್ತೊ, ಮಾರೊ ಭೈ ಮರ್ತೊ ನ್ಹೊತೊ. 
\v 22 ತೆನೈಸೊ ಹಮ್ನಾಬಿ ತು ಸುಬಿ ಕ್ಹುದಾನೆ ಪುಚ್ಚೊ ತುಬಿ ತೆ ತುನೆ ದಿವಸ ಕವಾನು ಮನೆ ಗ್ವತ್ತ ಛೆ" ಕೈನ ಕದಿ.
\p
\v 23 ಯೆಸು ತಿನೆ"ತಾರೊ ಭೈ ವರಿ ಜಿವ್ತೊ ಥೈನ ಉಟಿನ ಆವಸ" ಕೈನ ಕದ್ಯೊ. 
\v 24 ಮಾರ್ಥಳ ತಿನೆ"ಪುನರುತ್ಥಾನ ಥಾವಾನಾ ಲಾಸ್ಟನಾ ದಿನ್ನೆ ತೆ ವರಿ ಉಟಿನ ಆವಸ ಕೈನ ಮನೆ ಗ್ವತ್ತ ಛೆ" ಕೈನ ಉತ್ತರ ದಿದಿ. 
\v 25 ಯೆಸು ತಿನೆ"ಮಿಜ಼ ಪುನರುತ್ಥಾನ ವ್ಹೈ ವರಿ ಮಿಜ಼ ಜ಼ಲಮ ವ್ಹೈ. ಮಪರ ಬರೊಕ್ಹೊ ಕರಾಲೊ ತೆ ಮರಲಪರಬಿ ವರಿ ಜಿವ್ತೊ ಥಾವಸ. 
\v 26 ವರಿ ಜಿವ್ತೊ ರ‍್ಹೈನ ಮಪರ ಬರೊಕ್ಹೊ ಕರಾಲೊ ಕೆಳಾಮಾಬಿ ಮರ್ತೊಜ ನೈ. ತು ಎ ಬರೊಕ್ಹೊ ಕರಶಿ ಸು? ಕದ್ಯೊ. 
\v 27 ತೆಳಾಮಾ ಮಾರ್ಥಳ"ಹೊ ಪ್ರಭು, ತು ಕ್ರಿಸ್ತ ವ್ಹೈ ಕೈನ ಮಿ ಬರೊಕ್ಹೊ ಕರುಸ, ಕ್ಹುದಾನೊ ದಿಕ್ರೊ ಥಯಲ ಎ ದುನಿಯಾನೆ ಆವಾಲೊ ತುಜ಼಼ ವ್ಹೈ" ಕೈನ ಉತ್ತರ ದಿದಿ.
\s ಯೆಸು ರವಾನು
\p
\v 28 ಮಾರ್ಥಳ ಇಮ್ಮ ಕದಲ ಪರ, ತಿನಿ ಭೆನ ಥಯಲ ಮರಿಯಳ ಕನ ಫರಿನ ಗೈ. ತೆ ತಿನಾ ಕ್ಹಾತೆ ಬೊಲಿನ"ಗುರು ತುನೆ ಬಲಾವಾಡೊಸ" ಕೈನ ಕದಿ. 
\v 29 ಎ ಐಕಲ ಬರೊಬ್ಬರ ಮರಿಯಳ ಉಟಿನ ಯೆಸು ಮಳಾನೆ ಗೈ. 
\v 30 ಯೆಸು ಹಜನ ಗಾಮನಾ ಮ್ಹೈ ಆಯೊ ನ್ಹೊತೊ. ಮಾರ್ಥಳ ತಿನೆ ಮಳಲ ಜ಼ಗಾಪರ ತೆ ವ್ಹತ್ತೊ. 
\v 31 ಯಹುದ್ಯೊ ಮರಿಯಳನಾ ಕ್ಹಾತೆ ಘರಮಾ ವ್ಹತ್ತಾ. ತ್ಯುನೆ ತಿನೆ ಸಮಾದಾನ ಕರಾಡಾತಾ. ಮರಿಯಳ ಉಟಿನ ಜಲ್ದಿ ಜಾ಼ವಾನು ತ್ಯುನೆ ದೆಕ್ಯಾ. ತೆ ರವಾನಾ ಹುತಿ ಮಜಾರ ಕನ ಚಾ಼ಲಿಸ ಕೈನ ತ್ಯುನೆ ತಿಳ್ದಿಲಿನ ತಿನಾ ಪಾಚಾ಼ ಗಯಾ. 
\v 32 ಯೆಸು ರ‍್ಹಯಲ ಜ಼ಗಾಯೆ ಮರಿಯಳ ಗೈ. ತೆ ಯೆಸುನೆ ದೆಕಲ ಬರೊಬ್ಬರ ತಿನಾ ಪಗೊನೆ ಅಡ್ಡ ಪಡಿನ"ಪ್ರಭು, ತು ನ್ಹ್ಯಾ ರ‍್ಹವತ್ತೊ, ಮಾರೊ ಭೈ ಮರತೊ ನ್ಹೊತೊ" ಕೈನ ಕದಿ. 
\v 33 ಮರಿಯಳ ವರಿ ತಿನಾ ಕ್ಹಾತೆ ಆಯಲ ಯೆಹುದಿಯೊನು ರವಾನು ಯೆಸು ದೆಕಲ ಪರ, ತಿನಾ ಮನಸೆ ಲಾಗಿನ ಘನ್ನೊ ದುಖ ಥಯೊ. 
\v 34 ಯೆಸು ತ್ಯುನೊನೆ"ತಿನೆ ಕಿಜಾ಼ ಮ್ಹೆಲ್ಯಾಸ? ಕೈನ ಪುಚ್ಚೊ. ತಿನೆ ತ್ಯುನೆ"ಪ್ರಭು, ಐನ ದೆಕ" ಕದ್ಯಾ. 
\v 35 ಯೆಸು ರ‍್ವಯೊ. 
\v 36 ತೆಳಾಮಾ ಯಹುದ್ಯೊ"ದೆಕೊ! ಎ ಲಾಜರನೆ ಕೆಕ್ಲೊ ಮಯಾ ಕರಸ" ಕದ್ಯಾ. 
\v 37 ತೆನೈಸೊ ದಕ್ಹಾ ಯಹುದ್ಯೊ"ಯೆಸು ಕುಡ್ಡಾವೊನಾ ಡೊಳಾ ಅರಾಮ ಕರ‍್ಯೊತೊ ನೈ; ಲಾಜರನೆಬಿ ಸಹಾಯ ಕರಿನ ತಿನೆ ಮರಣಕ್ಹು ಚುಕೌಸು ನೈ? ಕೈನ ಕದ್ಯಾ.
\s ಲಾಜರ ಮರಿನ ಜಿವ್ತೊ ಥಯಲ
\p
\v 38 ಯೆಸು ತಿನಾ ಮನಸ್ಮಾ ವರಿ ಘನ್ನೊ ದುಖ ಥೈನ, ಲಾಜರ ರ‍್ಹಯಲ ಮಜಾರಕನ ಆಯೊ. ತೆ ಮಜಾರ ಯಕ್ಕ ಗವಿ ವ್ಹತ್ತಿ. ತಿನಾ ಮ್ಹೊಡಾನೆ ಮ್ಹೊಟೊ ದಗ್ಡೊ ಝಾಕ್ಯಾತಾ. 
\v 39 "ತೆ ದಗ್ಡೊ ಕಾಡಿ ಪಾಡೊ "ಕೈನ ಯೆಸು ಕದ್ಯೊ. ತೆಳಾಮಾ ಲಾಜರನಿ ಮ್ಹೊಟಿ ಭೆನ ಮಾರ್ಥಳ"ಲಾಜರ ಮರಿನ ಚಾರ ಥೈ ಗೈಯಾಸ. ತಿನಾಹುತಿ ತ್ಯಾ ಕೆಟ್ಟ ಬಾಸ ಛೆ" ಕೈನ ಕದಿ. 
\v 40 ತೆ ವಾತೆ ಯೆಸು, ಮಾರ್ಥಳನೆ ಮಿ ತುನೆ ಕದಲ ಶೆ ಕರ್ಲೆಶಿಸು? ತು ಬರೊಕ್ಹೊ ಕರಿಮ ಕ್ಹುದಾನಿ ಮಿ,ಹಿಮಾ ದೆಕಸಿ ಕೈನ ಮಿ ತುನೆ ಕದ್ಯೊತೊ "ಕೈನ ಕದ್ಯೊ. 
\v 41 ತಿನಾ ಹುತಿ ಸಮಾದಿನಿ ಝಾಕಲ ದಗ್ಡೊ ಕಾಡ್ಯಾ. ತೆಳಾಮಾ ಯೆಸು ಡೊಳಾ ಉಚೈನ ಸ್ವರ್ಗನೆ ದೆಕಿನ ಬಾ ಮಾರಿ ಪ್ರಾಥನಾ ಐಕಲ ಹುತಿ ಮಿ ತುನೆ ಕೊಂಡಾಡುಸ. 
\v 42 ತು ಹಮೆಶಾಬಿ ಮಿ ಕವಾನು ಐಕಸಿ ಕವಾನು ಮನೆ ಗ್ವತ್ತ ಛೆ. ವರಿಬಿ ಮಾರಾ ಸುತ್ತೆ ಮುತ್ತೆ ಮನಕ್ಹೊನಾ ಹುತಿ ಮಿ ಎ ಕ್ಹಾರು ಕವಾಡ್ಯೊಸ. ತು ಮನೆ ಮೊಕ್ಲಲಲ ಹುತಿ ತ್ಯುನೆ ಬರೊಕ್ಹೊ ಕರುಜ ಕೈನ ಮಿ ಆಸ ಕರುಸ. ಕೈನ ಕದ್ಯೊ. 
\v 43 ಎ ಕ್ಹಾರು ಕದಲ್ಪರ ಯೆಸು ಜೊ಼ರ ಆವಾಜಕ್ಹು"ಲಾಜರ, ಭಾರೊ ಆ" ಕೈನ ಬಲಾಯೊ. 
\v 44 ಮರಿ ಗಯಲ ತೆ ಮನಕ್ಹ ಭಾರೊ ಆಯೊ. ತಿನಾ ಹತೊ ಪಗೊ ಫಡ್ಕಾಕ್ಹು ಭಾಂದಲ ವ್ಹತ್ತಾ. ತಿನು ಮ್ಹೊಡು ಫಡಕಾಕ್ಹು ಸುತ್ತಲ ವ್ಹತ್ತು. ತೆಳಾಮಾ ಯೆಸು ತ್ಯುನೊನೆ"ತಿನೆ ಖೊಲೊ ವರಿ ಜಾ಼ವಾನೆ ದಿವೊ.
\s ಯೆಸುನಾ ವಿರುದ್ದ ದಂಗೊ
\p
\v 45 ಮರಿಯಳನೆ ಮಳಾನೆ ಆಯಲ ಘನ್ನಾ ಯಹುದ್ಯೊ ತ್ಯಾ ವ್ಹತ್ತಾ. ಯೆಸು ಕರಲ ಎ ಕಾಮ ದೆಕಿನ ಇವ್ನಾಮಾ ಘನ್ನಾ ಜ಼ನಾ ತಿನಾ ಉಪ್ಪರ ಬರೊಕ್ಹೊ ಮ್ಹೆಲ್ಯಾ. 
\v 46 ತೆನೈಸೊ ದಕ್ಹಾ ಜ಼ನಾ ಫರಿಸಾಯರೊ ಕನ ವಾಪಸ ಗೈನ ಯೆಸು ಕರಲ ಕದ್ಯಾ. 
\v 47 ತೆಳಾಮಾ ಯಾಜಕೊ ವರಿ ಫರಿಸಾಯರೊ ಯಹುದಿಯೊನಾ ವಿಚಾರ ಕರಾನಾ ಸಭೆಮಾ ಬಲೈನ"ಹಮೆ ಸು ಕರಿಯೆ? ಎ ಮನಕ್ಹ ಘನ್ನಾ ಸುಚಕ ಕಾಮೊ ಕರಾಡ್ಯೊಸ. 
\v 48 ಎ ಕಾಮೊ ಕರಾನೆ ಹಮೆ ತಿನೆ ಮೌಕೊ ದಿದ್ಯಾಮ ಮನಕ್ಹೊ ಕ್ಹಾರಾ ಇನಾ ಉಪ್ಪರ ಬರೊಕ್ಹೊ ಕರಸ. ತೆಳಾಮಾ ರೊಮನಾ ರಾಜ್ಯವಾಲಾ ಐನ ಅಪ್ನಾ ದೆವಾಲಯನೆ ಅಪ್ನಾ ದೆಶನೆ ಹಾಳ ಕರಸ" ಕದ್ಯಾ. 
\v 49 ತ್ಯುನಾಮಾ ಕಾಯಫ ಕವಾಲೊ ಯಕ್ಲೊ ವ್ಹತ್ತೊ. ತೆ ವರಕ್ಹ ಖಾಸ ಯಾಜಕ ಥಯೊತೊ. ತೆ"ತುಮೊನೆ ಸುಜ಼ ಗ್ವತ್ತ ನತ್ತಿ! 
\v 50 ಇಡಿ ಜನಾಂಗ ಹಾಳ ಥಾವಾತಿ ಯಕ್ಲೊ ತ್ಯುನಾ ಹುತಿ ಮರಾನು ಚೊ಼ಕು ವ್ಹೈ. ತೆನೈಸೊ ತುಮೆ ಇನೆ ತಿಳ್ದಿಲಿವಾಡ್ಯಾ ನತ್ತಿ" ಕೈನ ಕದ್ಯೊ. 
\v 51 ಎ ಕಾಯಫನು ಸ್ವಂತ ವಿಚಾರ ನ್ಹೊತಿ. ತೆ ವರಕ್ಹನೊ ಖಾಸ ಯಾಜಕ ವ್ಹತ್ತೊ. ತಿನಾ ಹುತಿ ಯೆಹುದಿಯೊನಾ ಹುತಿ ಯೆಸು ಮರಾಡ್ಯೊಸ ಕೈನ ತೆ ಪ್ರವಾದನೆ ಕರ‍್ಯೊ. 
\v 52 ಹೊ, ಯೆಹುದಿಯೊನಾ ಹುತಿ ಕ್ಹಾರಿ ದುನಿಯಾಮಾ ಜುದಾ ಥಯಲ ಕ್ಹುದಾನಾ ಕ್ಹಾರಾ ಬಚ್ಚಾವೊನೆ ಮಳೌ ಕೈನ ತೆ ಮರಾಲೊ ವ್ಹತ್ತೊ. 
\v 53 ತೆಳಾಮಾತಾಜ ಯೆಹುದಿಯೊನಾ ನಾಯಕೊ ಯೆಸುನೆ ಖಲಾಸ ಕರಾನೆ ವಿಚಾರ ಕರಾನು ಶುರು ಕರ‍್ಯಾ. 
\v 54 ಯೆಸು ಯುದಾಯಾ ಪ್ರಾಂತ್ಯಮಾ ನಾಯಕೊ"ಪಾಪಮಾಜ ಹುಟ್ಟಿನ ಬೆಳದಲವಾಲೊ ತು ವ್ಹೈ! ಹಮೊನೆ ಉಪದೆಶ ಕರಶಿ ಸು? ಕೈನ ಉತ್ತರ ದಿದ್ಯಾ. ತೆನೈಸೊ ತ್ಯುನೆ ತಿನೆ ಜಬರದಸ್ತಿಕ್ಹು ಭಾರಾ ಘಾಲ್ಯಾ. 
\v 55 ತೆಳಾಮಾ ಯೆಹುದಿಯೊನು ಪಸ್ಕ ಸನ್ನ ನಜಿಕ ವ್ಹತ್ತು. ಪಸ್ಕ ಸನ್ನನಾ ಪೈಲಾಜ ತ್ಯುನಾ ಗಾಮೊತಾ ಘನ್ನಾ ಮನಕ್ಹೊ ಯೆರುಸಲೆಮೆ ಗಯಾತಾ. ಖಾಸ ರ‍್ಹಯಲ ಕಾಮೊ ಕರಿನ ಪಸ್ಕ ಸನ್ನನೆ ತ್ಯುನೊನೆ ಖುದ್ದ ಕರಿಲ್ಯು ಕೈನ ತ್ಯುನೆ ಗಯಾತಾ. 
\v 56 ತ್ಯುನೆ ತ್ಯಾ ಯೆಸುನೆ ಹುಡ್ಕಾಡಾತಾ ವರಿ ತ್ಯುನೆ ದೆವಾಲಯಮಾ ತ್ಯುನೆ ಯಕ್ಕ ಜ಼ಗಾ ಮಳಿನ, ತುಮಾರಿ ವಿಚಾರ ಸು ವ್ಹೈ? ತೆ ಕ್ಹರಿಮಾಜ಼ ಆ ಸನ್ನನೆ ನೈ ಆತೊ ಸು? ಕೈನ ಯಕ್ನೆ ಯಕ್ಕ ಪುಚ್ಚಾಡಾತಾ. 
\v 57 ಖಾಸ ಯಾಜಕೊ ವರಿ ಫರಿಸಾಯರೊ, ಯೆಸು ಕಿಜಾ಼ ಛೆ ಕವಾನು ಕಿನೆತಬಿ ಗ್ವತ್ತ ಥಯುಮ ತ್ಯುನೊನೆ ಕೌ ಕೈನ ಆಗನ್ಯಾ ದಿದ್ಯಾತಾ. ತ್ಯುನೆ ತಿನೆ ಧರು ಕೈನ ವ್ಹತ್ತಾ.
\c 12
\s ಬೆಥಾನಿಮಾ ಯೆಸುನಿ ಅಭಿಶೆಕ
\p
\v 1 ಪಸ್ಕ ಸನ್ನೆ ಹಜು಼ನ ಛೆ ದಿನ್ನ ರ‍್ಹತಾಮಾಜ ಯೆಸು ಬೆಥಾನಿಯೆ ಗಯೊ. ಲಾಜರ ರ‍್ಹಯಲ ಗಾಮಜ ಬೆಥಾನ್ಯ ವ್ಹೈ. ಯೆಸು ಮರಲವಾಲಾವೊಮಾತೊ ಉಟಾಡಲ ಮನಕ್ಹಜ ಲಾಜರ ವ್ಹೈ. 
\v 2 ತ್ಯುನೆ ಯೆಸುನೆ ರಾತನು ಅನ್ನ ತಯ್ಯಾರ ಕರ‍್ಯಾ. ಮಾರ್ಥಳ ಅನ್ನ ಘಾಲಿನ ದಿವಾಡಿತಿ. ಯೆಸುನಾ ಕ್ಹಾತೆ ಅನ್ನ ಖಾವಾಲಾವೊಮಾ ಲಾಜರಬಿ ವ್ಹತ್ತೊ. 
\v 3 ತೆಳಾಮಾ ಮರಿಯಳ ಜಟ ಮಾಂಸಕ್ಹು ಕರಲ ಘನ್ನು ಮೊಗು ರ‍್ಹವಾನು ಬಾಸನು ತೆಲನಿ ಭರಣಿ ಲಿನ ಯೆಸುನಾ ಪಗೊಪರ ರಿಚೈ. ವರಿ ತಿನಾ ಮಾತಾನಾ ಬಾಲೊಕ್ಹು ತಿನಾ ಪಗೊ ನುಚ್ಚಿ. ತೆ ಬಾಸನು ತೆಲನಿ ಚೊ಼ಕಿ ಬಾಸ ಕ್ಹಾರಾ ಘರಮಾ ಫೈಲಿ ಗೈತಿ. \fig ಧೊಳಾ ಡಗ್ಡಾನಾ ಭರಣಿಯೊ|alt="Alabaster jars" src="hk00142c.tif" size="col" copy="Horace Knowles ©" ref="12:3"\fig*
\p
\v 4 ಇಸ್ಕರಿಯೊತ ಯುದ ತ್ಯಾ ವ್ಹತ್ತೊ. ತೆ ಯೆಸುನಾ ಶಿಷ್ಯಾವೊಮಾನೊ ಯಕ್ಲೊ ವ್ಹತ್ತೊ. ಅಗೊ, ಯೆಸುನೆ ಮೊಸ ಕರ‍ಲವಾಲೊ ಎಜ಼ ವ್ಹೈ. 
\v 5 ತೆ"ತೆ ಬಾಸನು ತೆಲನಾ ಕಿಮ್ಮತ ತನ್ನ ಕ್ಹೊ ರುಪ್ಪಾನಾ ಬಿಲ್ಲಾ ಕ್ಹು ಇಕ್ಕಿನ ತೆ ದೊಕ್ಡಾ ಗರಿಬೊನೆ ಕಾ ದಿದಿ ನೈ. ಕೈನ ಪುಚ್ಚೊ. 
\v 6 ತೆನೈಸೊ ಯುದನೆ ಗರಿಬೊನಾ ಹುತಿ ಕ್ಹರಿಬಿ ಚಿಂತಾ ನ್ಹೊತಿ. ತೆ ಚವಟ್ಟೊ ರ‍್ಹಯಲಕ್ಹು ತಿಮ್ಮ ಕದ್ಯೊ. ಶಿಷ್ಯಾವೊನಿ ಗುಂಪನಾ ಹುತಿ ರ‍್ಹಯಲ ದೊಕಡಾವೊನಿ ಗಲ್ಲೊ ತಿಕನ ವ್ಹತ್ತಿ. ತೆ ತೆಳಾಮಾ-ತೆಳಾಮಾ ತೆ ಪೆಟಗಿಮಾನಾ ದೊಕ್ಡಾ ಕಾಳೆತೊತೊ. 
\v 7 ಯೆಸು ತಿನೆ"ತಿನೆ ತರಬು ನಕೊ. ಮನೆ ಶವಸಂಸ್ಕಾರಮಾ ಕರಾನಿ ಪದ್ದತ ತೆ ಹಮ್ನಾ ಕರಾಡಿಸ. 
\v 8 ಗರಿಬೊ ಕೆಳಾಮಾಬಿ ತುಮಾರಾ ಕ್ಹಾತೆ ರ‍್ಹವಸ ತೆನೈಸೊ ಮಿ ತುಮಾರಾ ಕ್ಹಾತೆ ಹರ ಹಮೆಶಾ ನೈ ರ‍್ಹತೊ" ಕೈನ ಉತ್ತರ ದಿದ್ಯೊ.
\s ಲಾಜರನಾ ವಿರುದ್ದ
\p
\v 9 ಯೆಸು ಬೆಥಾನಿಮಾ ಛೆ ಕವಾನಿ ಸುದ್ದಿ ಘನ್ನಾ ಯಹುದ್ಯೊ ಐಕಿನ ತಿನೆ ವರಿ ಮರಿನ ಜಿವ್ತೊ ಥಯಲ ಲಾಜರನೆ ದೆಕು ಕೈನ ತ್ಯಾ ಗಯಾ. 
\v 10 ತೆನೈಸೊ ಖಾಸ ಯಾಜಕೊ ಲಾಜರನೆಬಿ ಖಲಾಸ ಕರಾನೆ ವಿಚಾರೊ ಕರ‍್ಯಾ. 
\v 11 ಲಾಜರಕ್ಹು ಘನ್ನಾ ಯಹುದ್ಯೊ ತ್ಯುನಾ ನಾಯಕೊಕ್ಹು ದುರ ಥೈನ ಯೆಸುನಾ ಉಪ್ಪರ ಬರೊಕ್ಹೊ ಮ್ಹೆಲಾಡತಾ. ತಿನಾ ಹುತಿಜ ಯೆಹುದಿಯೊನಾ ನಾಯಕೊ ಲಾಜರನೆಬಿ ಖಲಾಸ ಕರು ಕೈನ ವ್ಹತ್ತಾ.
\s ಜೆರುಸೆಲಿಮ್ಮಾ ಯೆಸು ಆಯಲ
\p
\v 12 ಮರ್ನಾ ದಿನ್ನೆ ಯೆಸು ಯೆರುಸಲೆಮೆ ಆವಾಡ್ಯೊಸ ಕವಾನಿ ಸುದ್ದಿ ತ್ಯಾನಾ ಮನಕ್ಹೊನಾ ಮ್ಹೊಟಾ ಗುಂಪನೆ ಗ್ವತ್ತ ಥಯು. ಪಸ್ಕ ಸನ್ನನಾ ಹುತಿ ಆಯಲ ಘನ್ನಾ ಜ಼ನಾ ತ್ಯಾ ವ್ಹತ್ತಾ. 
\v 13 ಮನಕ್ಹೊ ಖಜುರನಾ ಗರಿಯೊ ಲಿನ ಯೆಸುನೆ ಮಳಾನೆ ಗಯಾ ವರಿ ಹೊಸನ್ನಾ ಕೈನ ಜೊ಼ರ ವದ್ರಾಡ್ಯಾ. ಧನ್ಯ ವ್ಹೈ ತೆ ಪ್ರಭುನಾ ನಾಮಪರ ಆವಾಡ್ಯೊಸ. ಧನ್ಯ ವ್ಹೈ ಇಸ್ರಾಯಲನೊ ರಾಜಾ಼ನೆ ಕ್ಹುದಾ ಆಶಿರ್ವಾದ ದಿವಾದೆ. 
\v 14 ಯೆಸುನೆ ತ್ಯಾ ಯಕ್ಕ ಗದಡು ಮಳ್ಯು, ತಿನಾ ಉಪ್ಪರ ಬೈಟಿನ ಚಾಲ್ಯೊ. ಪವಿತ್ರ ಗ್ರಂಥ ಕದಲ ಲಿಂಗತ ಎ ಥಯು; 
\v 15 "ಸಿಯೊನಾನಾ ಮನಕ್ಹೊ, ಭುಚಕು ನಕೊ! ತುಮಾರೊ ರಾಜೊ಼ ಗದಡಾನಾ ಬಚ್ಚಾನಾಪರ ಬೈಟಿನ ಆವಾಡ್ಯೊಸ. 
\v 16 ಯೆಸುನಾ ಶಿಷ್ಯಾ ತೆ ಟೈಮಮಾ ಎ ತಿಳ್ದಿಲಿದ್ಯಾ ನೈ. ತೆನೈಸೊ ಯೆಸು ಮಹಿಮಾತೊ ಉಟಿನ ಆತಾಮಾ, ಎ ಸಂಗತಿಯೊ ತಿನಾ ಹುತಿ ಧರ್ಮ ಶಾಸ್ತ್ರಮಾ ಬರ್ದಲ ಛೆ ಕವಾನು ಶಿಷ್ಯಾವೊನೆ ಶೆ ಆಯಿ; ವರಿ ಮನಕ್ಹೊ ತಿನಾ ಕ್ಹಾತೆ ಅಮ್ಮ ಕರ‍್ಯಾತಾ. 
\v 17 ಯೆಸು ಲಾಜರನೆ ಮರಣಮಾತೊ ತಿನೆ ಜಿವ್ತೊ ಕರಿನ ಉಟಾಡಲ ಪರ ಘನ್ನಾ ಮನಕ್ಹೊ ಯೆಸುನಾ ಕ್ಹಾತೆ ವ್ಹತ್ತಾ. ತ್ಯುನೆ ತಿನಿ ಸಾಕ್ಷಿ ವ್ಹತ್ತಾ.. 
\v 18 ಯೆಸು ಕರಲ ಎ ಅದ್ಭುತ ಕಾಮ ಐಕಿನ, ಘನ್ನಾ ಮನಕ್ಹೊ ಯೆಸುನೆ ಮಳಾನೆ ಚಾ಼ಲ್ಯಾತಾ. 
\v 19 ತಿನಾಹುತಿ ಫರಿಸಾಯರೊ ಕದ್ಯಾ "ದೆಕೊ! ಅಪ್ನಿ ವಿಚಾರ ಉಪಯೊಗ ನೈಸೊ ಥೈ. ಮನಕ್ಹೊ ತಿನೆಜ ಹಿಂಬಾಲಕೊ ಥಾವಾಡ್ಯಾಸ" ಕೈನ ಯಕ್ಕನೆ ಯಕ್ಲಾ ಬೊಲಿಲಿದ್ಯಾ.
\s ಜ಼ಲಮ ವರಿ ಮೌತನಾ ಹುತಿ ಯೆಸುನು ಉಪದೆಶ
\p
\v 20 ಫಸ್ಕ ಸನ್ನನೆ ಹುತಿ ಆರಾಧನಾ ಕರಾನೆ ಆಯಲವಾಲಾವೊಮಾ ದಕ್ಹಾ ತ್ಯಾ ಗ್ರಿಕನಾ ಮನಕ್ಹೊಬಿ ವ್ಹತ್ತಾ. 
\v 21 ತೆ ಗ್ರಿಕ ಮನಕ್ಹೊ ಫಿಲಿಪ್ಪ ಕನ ಗಯಾ. (ಫಿಲಿಪ್ಪ ಗಲಿಲಾಯನೊ ಬೆತ್ಸಾಯಿ ಕವಾನಾ ಗಾಮ ವ್ಹತ್ತೊ) ತ್ಯುನೆ"ಸಾಬ, ಹಮೆ ಯೆಸುನೆ ದೆಕು" ಕೈನ ತಿಕನ ಮಾಂಗಿಲಿದ್ಯಾ. 
\v 22 ತೆ ಥಯಲ್ಪರ ಫಿಲಿಪ್ಪ ಅಂದ್ರೆಯ ಕನ ಗೈನ ಎ ವಿಚಾರ ಕದ್ಯೊ. ಪಾಚಲ್ತೊ ಅಂದ್ರೆಯ ವರಿ ಫಿಲಿಪ್ಪ ಮಳಿನಜ ಯೆಸು ಕನ ಗೈನ ಎ ವಿಷಯ ಕದ್ಯಾ. 
\v 23 ಯೆಸು ತ್ಯುನೊನೆ"ಮನಕ್ಹನಾ ದಿಕ್ರಾನೆ ತಿನಿ ಮಹಿಮಾ ವ್ಹಂದಿಲಿವಾನೊ ಟೈಮ ಹಮ್ನಾ ಆಯೊಸ ಕೈನ ಜವಾಬ ದಿದ್ಯೊ. 
\v 24 ಮಿ ತುಮೊನೆ ಕ್ಹರಿಬಿ ಕೌಸ. ಕಿದಾ ಲಕ್ಕಾ ಘೌನೊ ಬಿಯ್ಯೊ ಜಿಮಿನ ಪರ ಪಡಿನ ಮರತೊ ನೈ ತೆ ಲಕ್ಕಾ ತೆ ಯಕ್ಕಜ಼ ರ‍್ಹವಸ. ವರಿ ತೆ ಕೆಳಾಮಾ ಮರಸ ತೆಳಾಮಾ ತೆ ಮೊಜಾನೆ ಥಾಯೆ ನೈಸೊ ಯಕ್ಲು ಘೌನಾ ಕಾಳೊಥಾವಸ. 
\v 25 ಕುನ್ನ ತಿನಾ ಸ್ವಂತ ಜ಼ಲಮನೆ ಮಯಾ ಕರಸ ತೆ ತಿನೆ ಜವೈಲಿವಸ. ಕುನ್ನ ತಿನಾ ಜ಼ಲಮನೆ ದ್ವೆಶ ಕರಸ ತೆ ತಿನೆ ಹಮೆಶಾನೊ ಜ಼ಲಮನಾ ಹುತಿ ಕೈದಸ.
\p
\v 26 ಕುನ್ನ ಮಾರಿ ಸೆವೆ ಕರು ಕೈನ ಛೆ ತೆ ಮಾರಾ ಪಾಚೊ಼ ಔ. ವರಿ ಮಿ ಕಿಜಾ಼ ರ‍್ಹೌಸ ತ್ಯಾ ಮಾರಾ ಸೆವಕೊಬಿ ರ‍್ಹವಸ ವರಿ ಮಾರೊ ಬಾ ಮಾರಿ ಸೆವಾ ಕುನ್ನ ಕರಸ ತ್ಯುನೊನೆ ಮರ್ಯಾದಿ ದಿವಸ ಕದ್ಯೊ.
\s ಖುದ್ದನಿ ಮೌತನಾ ಹುತಿ ಯೆಸು ಕದಲ
\p
\v 27 ಯೆಸು ವಾತ ಅಗಿ ಬಡೈನ"ಹಮ್ನಾ ಮಾರು ಜ಼ಲಮ ಬುಚ್ಕಾಡ್ಯುಸ. ಮಿ ಸು ಕೌ? ಸು ಅಮ್ಮ ಕೌಸು"ಬಾ, ಎ ಟೈಮ ಮಪರ ಆವಾನೆ ನಕೊ ದ್ಯು? ನ್ಹವೈ! ತೆನೈಸೊ ಇನಾಹುತಿಜ ಮಿ ಆಯೊಸ. ಕಾಕದ್ಯಾಮ ತ್ರಾಸನಾ ಟೈಮ್ಮಾತೊಜ ಜೌ. 
\v 28 ಬಾ, ತಿನಾ ನಾಮನೆ ಮಹಿಮಾ ಕರ್ಲಿವಾದೆ ತೆಳಾಮಾ ಹಬಾಳಮಾತಿ ಆಕಾಶವಾಣಿ ಥೈ ಮಿ ಇನಿ ಮಹಿಮಾ ಕರ‍್ಯೊಸ ವರಿಬಿ ಮಿ ಇನಿ ಮಹಿಮಾ ಕರುಸ. 
\v 29 ತ್ಯಾ ಹುಬ್ರಯಲ ಮನಕ್ಹೊನು ಗುಂಪ ಎ ಆವಾಜ ಐಕಿನ "ತೆ ಗುಡುಗ ವ್ಹೈ" ಕದ್ಯಾ. ತೆನೈಸೊ ಬಿಜಾ಼ ಮನಕ್ಹೊ"ಕ್ಹುದಾನೊ ದುತ ಯಕ್ಲೊ ಯೆಸುನಾ ಕ್ಹಾತೆ ಬೊಲ್ಯೊ" ಕದ್ಯಾ. 
\v 30 ಯೆಸು ಮನಕ್ಹೊನೆ"ತೆ ಆವಾಜ ಆಯಲ ಮಾರಾ ಚೊ಼ಕಾನಾ ಹುತಿ ನ್ಹವೈ ತುಮಾರಾ ಚೊ಼ಕಾನಾ ಹುತಿ ವ್ಹೈ. 
\v 31 ಎ ದುನಿಯಾನೆ ಫೈಸಲೊ ಥಾವಾನೊ ಟೈಮ ಹಮ್ನಾ ಆಯೊಸ.. ಹಮ್ನಾ ಎ ದುನಿಯಾನೊ ಅದಿಪತಿನೆ ಭಾರಾ ಕಾಡಸ. 
\v 32 ಮಿ ಜಿಮಿನ ಪರತೊ ಕೆಳಾಮಾ ಉಪ್ಪರ ಜೌ಼ಸ. ತೆಳಾಮಾ ಮಿ ಕ್ಹಾರಾ ಮನಕ್ಹೊನೆ ಮಕನ ಯಳ್ದಿ ಲ್ಯುಸ" ಕೈನ ಕದ್ಯೊ. 
\v 33 ತೆ ಮರಾನಾ ತರಿಕಾನೆ ಯೆಸು ಎ ವಾತನಾ ಮುಲಕ ದೆಕಾಡ್ಯೊ. 
\v 34 ಮನಕ್ಹೊ"ಕ್ರಿಸ್ತ ಹರ ಹಮೆಶಾ ಜಿವ್ತೊ ರ‍್ಹವಸ ಕೈನ ಹಮಾರು ಧರಮಶಾಸ್ತ್ರ ಕವಸ. ಇಮ್ಮ ರ‍್ಹತಾಮಾ"ಮನಕ್ಹನೊ ದಿಕ್ರೊ ಉಪ್ಪರ ಜಾ಼ವಸ "ಕೈನ ತು ಕವಾನು ಶಾನೆ? ಎ ಮನಕ್ಹನೊ ದಿಕ್ರೊ ಕುನ್ನ ವ್ಹೈ? ಕೈನ ಪುಚ್ಯಾ. 
\v 35 ತಿನೆ ಯೆಸು"ಹಜು಼ನ ದಕ್ಹಿಯೆಳ ಉಜಾಲು ತುಮಾರಾ ಕ್ಹಾತೆ ರ‍್ಹವಸ. ತಿನಾಹುತಿ ಉಜಾಲು ತುಮಾರಾ ಕ್ಹಾತೆ ರ‍್ಹತಾಮಾಜ ಚಾ಼ಲೊ. ತೆಳಾಮಾ ಅಂದಾರು ತುಮೊನೆ ಸುತ್ತಿ ಲೆತು ನೈ. ಕಾಕದ್ಯಾಮ ಅಂದಾರಾಮಾ ಚಾಲಾಲಾನೆ ತೆ ಕಿಜಾ಼ ಚಾಲ್ಯೊಸ ಕವಾನು ಗ್ವತ್ತ ನೈ ಥಾತು. 
\v 36 ತಿನಾಹುತಿ ತುಮೊಕನ ಉಜಾಲು ಹಜು಼ನ ರ‍್ಹತಾಮಾಜ ತಿಪರ ಬರೊಕ್ಹೊ ಮ್ಹೆಲೊ. ತೆಳಾಮಾ ತುಮೆ ಉಜಾಲಾನಾ ಬಚ್ಚಾ ಥಾವೊಶಿ" ಕೈನ ಕದ್ಯೊ. ಎ ಸಂಗತಿಯೊ ಕದಲ ಪರ ಯೆಸು ತ್ಯಾಂತೊ ಗೈನ, ತಿನೆ ಮನಕ್ಹೊ ನೈಸೊ ಹುಡಕಾನಿ ಜ಼ಗಾಯೆ ಗಯೊ.
\s ಮನಕ್ಹೊನು ಅವಿಶ್ವಾಸ
\p
\v 37 ಯೆಸು ಘನ್ನಾ ಮ್ಹೊಟಾ ಕಾಮೊ ಕರ‍್ಯೊ. ಮನಕ್ಹೊ ತೆ ಕಾಮೊ ಕ್ಹಾರಾ ದೆಕ್ಯಾತಬಿ ತಿಪರ ಬರೊಕ್ಹೊ ಮ್ಹೆಲ್ಯಾ ನೈ. 
\v 38 ಇನಾಹುತಿ, ಪ್ರವಾದಿ ಥಯಲ ಯೆಶಾಯ ಕದಲ ವಾತೊ ಪುರಾ ಥಾವಾನು. ತೆ ಸು ವ್ಹೈ ಕದ್ಯಾಮ "ಪ್ರಭು, ಅಪೆ ಕದಲ ಸಂದೆಶಪರ ಕುನ್ನ ಬರೊಕ್ಹೊ ಕರ‍್ಯುಸ? ಪ್ರಭುನಿ ತಾಕತ ಕಿನೆ ಗ್ವತ್ತ ಥಯು? ಯೆಶಾಯ 53:1 
\v 39 ತಿನಾಹುತಿಜ ಮನಕ್ಹೊ ಬರೊಕ್ಹೊ ಕರ‍್ಯಾ ನೈ. ಕಾಕದ್ಯಾಮ ಯೆಶಾಯ ವರಿ ಯಕ್ಕ ಜ಼ಗಾ ಅಮ್ಮ ಕದ್ಯೊಸ; 
\v 40 "ತ್ಯುನಾ ಡೊಳಾವೊಕ್ಹು ನೈ ದಿಕ್ಹೆ ಲಿಂಗತ ತ್ಯುನಾ ಮನಸೊಕ್ಹು ನೈ ತಿಳ್ದಿಲಿದಲ ಲಿಂಗತ ಬದ್ಲಿ ಥೈನ ಅರಾಮ ನೈ ಥಾಯೆ ಲಿಂಗತ ತೆ ತ್ಯುನೊನೆ ಕುಡ್ಡಾ ಕರ‍್ಯೊಸ, ತ್ಯುನಾ ಮನಸೊನೆ ದಗ್ಡಾ ಕರ‍್ಯೊಸ" ಯೆಶಾಯ 6:10 
\v 41 ಯೆಶಾಯ ಎ ಕದಲ ತೆ ತಿನಿ ಮಹಿಮಾ ದೆಕ್ಯೊತೊ ವರಿ ತಿನಾಹುತಿ ಬೊಲ್ಯೊತೊ. 
\v 42 ತೆನೈಸೊ ಘನ್ನಾ ಮನಕ್ಹೊ ಯೆಸು ಪರ ಬರೊಕ್ಹೊ ಮ್ಹೆಲ್ಯಾ. ಘನ್ನಾ ಯೆಹುದಿಯೊನಾ ನಾಯಕೊಬಿ ಯೆಸು ಪರ ಬರೊಕ್ಹೊ ಮ್ಹೆಲ್ಯಾ. ತೆನೈಸೊ ತ್ಯುನೆ ಫರಿಸಾಯರೊನೆ ಭುಚಿ಼ಕಿನ ತ್ಯುನೊ ಬರೊಕ್ಹೊ ದೆಕಾಡಿನ ದಿದ್ಯಾ ನೈ. ತ್ಯುನೊನೆ ಫರಿಸಾಯರೊ ಸಭಾಮಂದಿರತಾ ಭಾರಾ ಘಾಲಸ ಕೈನ ಭುಚುಕ ತ್ಯುನೊನೆ ವ್ಹತ್ತು. 
\v 43 ಎ ಮನಕ್ಹೊ ಕ್ಹುದಾನಿ ಮಹಿಮಾತಿಬಿ ಮನಕ್ಹೊನಿ ಹೊಗಳಿಕೆನಾ ಹುತಿಜ ಘನ್ನಿ ಮಯಾ ವ್ಹತ್ತಿ.
\s ಯೆಸುನಾ ವಾತಕ್ಹುಜ಼ ಫೈಸಲೊ
\p
\v 44 ಪಾಚಲ್ತೊ ಯೆಸು ಜೊ಼ರ ಅಮ್ಮ ಕದ್ಯೊ; "ಕುನ್ನ ಮಪರ ಬರೊಕ್ಹೊ ಕರಸ ತೆ ಕ್ಹಾಲಿ ಮಪರ ಯಕ್ಕಜ಼ ಬರೊಕ್ಹೊ ನೈ ಕರ್ತೊ ಮನೆ ವಳಾಯಲವಾಲಾಪರಬಿ ಬರೊಕ್ಹೊ ಕರಸ. 
\v 45 ಕುನ್ನ ಮನೆ ದೆಕಸ ತೆ ಮನೆ ವಳಾಯಲವಾಲಾನೆಬಿ ದೆಕಸ. 
\v 46 ಮಿ ದುನಿಯಾಮಾ ಉಜಾಲು ಥೈನ ಆಯೊ. ಕಾಕದ್ಯಾಮ ಕುನ್ನ ಮಪರ ಬರೊಕ್ಹೊ ಮ್ಹೆಲಸ ತೆ ಅಂದಾರಾಮಾ ರ‍್ಹೌ ನೈ. 
\v 47 "ಮಿ ಎ ದುನಿಯಾಮಾ ಆಯಲ ಮನಕ್ಹೊನೆ ಫೈಸಲೊ ಕರಾನೆ ನ್ಹವೈ. ಎ ದುನಿಯಾಮಾ ರ‍್ಹವಾನಾ ಮನಕ್ಹೊನೆ ಉದ್ದಾರ ಕರಾನೆ ಆಯೊಸ. ತಿನಾ ಹುತಿ ಮಾರಿ ವಾತೊ ಐಕಿನಬಿ ನೈ ಬರೊಕ್ಹೊ ಕರಾಲಾ ಮನಕ್ಹೊನೆ ಫೈಸಲೊ ಕರಾಲೊ ಮಿ ನ್ಹವೈ. 
\v 48 ಮಾರಾ ಉಪ್ಪರ ಬರೊಕ್ಹೊ ನೈ ಕರಾಲಾನೆ ವರಿ ಮಿ ಕವಾನು ಇನ್ಕಾರಾಲಾವೊನೆ ಫೈಸಲೊ ಕರಾನು ಮಿ ಕದಲ ವಾತೊಜ ವ್ಹೈ. ಲಾಸ್ಟನಾ ದಿನ್ನೆ ತೆಜ಼ ತಿನೆ ಫೈಸಲೊ ಕರಸ. 
\v 49 ಎ ಕ್ಹರಿ ವ್ಹೈ ಮಿ ಕದಲ ಕಾಕದ್ಯಾಮ, ಮಾರಾ ಅದಿಕಾರಕ್ಹು ಸುಜ಼ ಕದ್ಯೊ ನತ್ತಿ ಮನೆ ಕುನ್ನ ಮೊಕಲ್ಯುಸ. 
\v 50 ಬಾನಿ ಆಗನ್ಯಾ ಹಮೆಶಾನಾ ಜ಼ಲಮ ಕನ ಚ಼ಲಾವಸ ಕೈನ ಮನೆ ಗ್ವತ್ತ ಛೆ. ತಿನಾಹುತಿ ಬಾ ಮನೆ ಕದಲ ಸಂಗತಿಯೊಜ ಮಿ ಕೌಸ"
\c 13
\s ಯೆಸು ತಿನಾ ಶಿಷ್ಯಾವೊನಾ ಪಗೊ ಧ್ವಯಲ
\p
\v 1 ಫಸ್ಕ ಸನ್ನ ಯಕ್ಕ ದಿನ್ನ ಪೈಲಾನು ದಿನ್ನ ಐಯುತು. ತೆ ಎ ಜಗತ ಛೊಡಿನ ಬಾ ಕನ ಜಾ಼ವಾನೊ ಟೈಮ ನಜಿಕ ಆಯುಸ ಕವಾನು ಯೆಸುನೆ ಗ್ವತ್ತ ಥಯು. ಎ ಲೊಕಮಾ ರ‍್ಹಯಲ ತಿನಾ ಮನಕ್ಹೊನೆ ತೆ ಹಮೆಶಾಬಿ ಮಯಾ ಕರ್ತೊತೊ. ವರಿ ತೆ ತ್ಯುನೊನೊಪರ ರ‍್ಹಯಲ ಘನ್ನಿ ಮಯಾ ದೆಕಾಡ್ಯೊ. 
\v 2 ಯೆಸು ವರಿ ತಿನಾ ಶಿಷ್ಯಾ ರಾತೆ ಖಾವಾನಾ ಹುತಿ ಬೈಟ್ಯಾತಾ. ಯೆಸುನೆ ಮೊಸ ಕರು ಕೈನ ಸೈತಾನ ಇಸ್ಕರಿಯುತ ಯುದನೆ ವಿಚಾರ ಘಾಲ್ಯು. ಯುದ ಸಿಮೊನನೊ ದಿಕ್ರೊ ವ್ಹೈ. 
\v 3 ಬಾ ಹರ ಯಕ್ಕಪರ ತಿನೆ ಅದಿಕಾರ ದಿದ್ಯೊಸ ಕವಾನು ಯೆಸುನೆ ಗ್ವತ್ತ ವ್ಹತ್ತು. ತೆನೈಸೊ ತೆ ಕ್ಹುದಾ ಕಂತೊ ಆಯಲ ವರಿ ಹಮ್ನಾ ಕ್ಹುದಾ ಕನ ಫರಿನ ಜಾ಼ವಾನಾ ಹುತಿ ತಿನೆ ಗ್ವತ್ತ ವ್ಹತ್ತು. 
\v 4 ತ್ಯುನೆ ಅನ್ನ ಖಾತಾಮಾ ಯೆಸು ಉಟಿನ ತಿನು ಉಪ್ಪರಲ್ಯು ಅಂಗ್ಡು ಕಾಡಿನ ಮ್ಹೆಲ್ಯೊ; ವರಿ ಯಕ್ಕ ಟುವಾಲ ಲಿನ ತಿನಾ ಕಂಬರೆ ಭಾಂದಿಲಿದ್ಯೊ. 
\v 5 ಪಾಚಲ್ತೊ ಯಕ್ಕ ತಾಂಬ್ಯಾಮಾ ಪಾನಿ ಭರ‍್ಯೊ. ಶಿಷ್ಯಾವೊನಾ ಪಗೊ ಧ್ವಯಿನ ತೆ ಭಾಂದಿಲಿದಲ ತೆ ಫೆರ್ಲಿದಲ ಟುವಾಲಕ್ಹು ತ್ಯುನಾ ಪಗೊ ನುಚ್ಯೊ. 
\v 6 ತೆ ಸಿಮೊನ ಪೆತ್ರಾಕನ ಆಯಲ ಪರ ಪೆತ್ರಾ"ಪ್ರಭು, ಹಮಾರಾ ಪಗೊ ತು ಧ್ವೌ ನೈ" ಕದ್ಯೊ. 
\v 7 ಯೆಸು"ಹಮ್ನಾ ಮಿ ಸು ಕರಾಡ್ಯೊಸ ಕವಾನು ತುಮೊನೆ ಗ್ವತ್ತ ನತ್ತಿ. ತೆನೈಸೊ ಅಗು ತುನೆ ಗ್ವತ್ತ ಥಾವಸ" ಕೈನ ಉತ್ತರ ದಿದ್ಯೊ. 
\v 8 ಪೆತ್ರಾ ತಿನೆ"ನೈ! ಮಾರಾ ಪಗೊ ತು ಕೆಳಾಮಾಜ ಧ್ವೌ ನೈ" ಕೈನ ಕದ್ಯೊ. ಯೆಸು "ತಾರಾ ಪಗೊ ಮಿ ನೈ ಧ್ವಯೊಮ ತು ಮಾರೊ ಶಿಷ್ಯೊ ಕೆಳಾಮಾಜ ಥಾತೊ ನೈ" ಕದ್ಯೊ. 
\v 9 ತೆಳಾಮಾ ಸಿಮೊನ ಪೆತ್ರಾ, ಪ್ರಭು, ಮಾರಾ ಪಗೊ ಯಕ್ಕಜ಼ ನೈಸೊ ಮಾರಾ ಹತೊ ವರಿ ಮಾತು ಧೊ" ಕೈನ ಮಾಂಗಿಲಿದ್ಯೊ. 
\v 10 ಯೆಸು ತಿನೆ "ಅಂಗ ಧ್ವಯಲವಾಲಾನು ಅಂಗ ಕ್ಹಾರು ಶುದ್ಧ ರ‍್ಹವಸ. ತೆ ತಿನಾ ಪಗೊ ಧ್ವೈಲಿದ್ಯಮ ಬಸ್ಸ. ತುಮೆಬಿ ಶುದ್ಧ ಥಯಾಸ, ತೆನೈಸೊ ತುಮೊಮಾ ಹರ ಯಕ್ಲೊ ಶುದ್ಧ ನತ್ತಿ. 
\v 11 ತಿನೆ ಮೊಸ ಕರಾಲೊ ಕುನ್ನ ವ್ಹೈ ಕೈನ ತಿನೆ ಗ್ವತ್ತ ವ್ಹತ್ತು. ತಿನಾಹುತಿ ತೆ"ತುಮಾರಾಮಾ ಹರ ಯಕ್ಲೊ ಶುದ್ಧ ನತ್ತಿ" ಕೈನ ಕದ್ಯೊ. 
\v 12 ಯೆಸು ತ್ಯುನಾ ಪಗೊ ಧ್ವಯಲ ಪರ ತಿನು ಉಪ್ಪರಲ್ಯು ಅಂಗ್ಡು ಘಾಲಿನ ವರಿ ತಿನಿ ಜ಼ಗಾಪರ ಬೈಟ್ಯೊ. ವರಿ ಅಮ್ಮ ಕದ್ಯೊ; "ಹಮ್ನಾ ಮಿ ಸು ಕರ‍್ಯೊ ತೆ ತುಮೊನೆ ಗ್ವತ್ತ ಥಯು ಸು? 
\v 13 ತುಮೆ ಮನೆ"ಗುರು ವರಿ ಪ್ರಭು ಕೈನ ಬಲಾವೊಸಿ. ತುಮೆ ಇಮ್ಮ ಬಲಾವಾನು ಕರೆಟ್ಟ ವ್ಹೈ. ಕಾಕದ್ಯಾಮ ಮಿ ತೆಜ಼ ವ್ಹೈ. 
\v 14 ತಿನಾಹುತಿ ಪ್ರಭು ವರಿ ಗುರು ಥಯಲ ಮಿ ತುಮಾರಾ ಪಗೊ ಸೆವಕ ಲಿಂಗತ ಧ್ವಯೊಸ. ಕಾಕದ್ಯಾಮ ತುಮೆಬಿ ಬಿಜಾ಼ವೊನಾ ಪಗೊ ಧೌ. 
\v 15 ಎ ಕಾಮೊನೆ ಮಿಜ಼ ಸಾಕ್ಷಿ ಥಯೊಸ. ಕಾಕದ್ಯಾಮ ಮಿ ತುಮೊನೆ ಕರಲ ತಿಮ್ಮಜ಼ ತುಮೆಬಿ ಬಿಜಾ಼ವೊನಾ ಕ್ಹಾತೆ ಕರು. 
\v 16 ಮಿ ತುಮೊನೆ ಕ್ಹರಿಜ ಕೌಸ. ಸೆವಕ ಮಾಲಕ್ತಿ ಮ್ಹೊಟೊ ನ್ಹವೈ. ತಿನಾಹುತಿ ಸಂದೆಶ ಹುತಿ ಆಯಲವಾಲೊ ಮೊಕ್ಲಲವಾಲಾತಿ ಮ್ಹೊಟೊ ನ್ಹವೈ. 
\v 17 ತುಮೆ ಎ ಸಂಗತಿಯೊ ತಿಳದಿಲಿನ ಇನಾಲಿಂಗತ ಚಾ಼ಲಿಲಿನ ಗಯಾಮ ಖುಶಿಕ್ಹು ರ‍್ಹವೊಸಿ. 
\v 18 "ಮಿ ತುಮಾರಾ ಕ್ಹಾರಾವೊನಾ ಹುತಿ ಬೊಲಾಡ್ಯೊ ನತ್ತಿ. ಮಿ ಇನಿಲಿದಲ ಮನಕ್ಹೊನಾ ಹುತಿ ಮನೆ ಗ್ವತ್ತ ಛೆ. ತೆನೈಸೊ "ಮಾರಾ ಕ್ಹಾತೆ ಖಾದಲವಾಲೊ ಮನೆ ಮೊಸ ಕರ‍್ಯೊ "ಕವಾನಿ ಎ ಪವಿತ್ರ ಗ್ರಂಥಮಾನಿ ವಾತ ಪುರಾ ಥೌ. 
\v 19 ತೆ ಪುರಾ ಥಾತಾಮಾ ಮಿಜ಼ ಕ್ರಿಸ್ತ ವ್ಹೈ ಕೈನ ತುಮೆ ಬರೊಕ್ಹೊ ಕರು ಕೈನ, ತೆ ಪುರಾ ಥಾವಾತಿ ಪೈಲಾಜ ಎ ತುಮೊನೆ ಕವಾಡ್ಯೊಸ. 
\v 20 ಮಿ ತುಮೊನೆ ಕ್ಹರಿಜ ಕೌಸ ಮಿ ಮೊಕ್ಲಲ ಕಿನೆಬಿ ವಪ್ಪಿಲಿವಾಲೊ ತೆ ಮನೆ ವಪ್ಪಿಲಿವಾಲೊ ಥಯೊಸ. ಮನೆ ವಪ್ಪಿಲಿದಲವಾಲೊ ಮನೆ ಮೊಕ್ಲಲವಾಲಾನೆ ವಪ್ಪಿಲಿದವಾಲೊ ಥಯೊಸ"
\s ಯೆಸು ತಿನೆ ಧರಿನ ದಿವಾಲಾನಾ ಹುತಿ ಪೈಲಾಜ ಕದಲ
\p
\v 21 ಯೆಸು ಎ ಸಂಗತಿಯೊ ಕದಲ್ಪರ ಮನಸ್ಮಾ ದುಖ ಥೈನ"ಮಿ ತುಮೊನೆ ಕ್ಹರಿಜ ಕೌಸ ತುಮೊಮಾನೊ ಯಕ್ಲೊ ಮೊಸ ಕರಾನೆ ಚಾಲ್ಯೊಸ" ಕೈನ ಖುಲ್ಲಾಜ ಕದ್ಯೊ. 
\v 22 ಯೆಸುನಾ ಶಿಷ್ಯಾ ಕ್ಹಾರಾ ಯಕ್ಲಾನೆ ಯಕ್ಲೊ ದೆಕಾನು ಚಾಲು ಕರ‍್ಯಾ. ತೆ ಕಿನಾ ಹುತಿ ಕವಾಡ್ಯೊಸ ಕವಾನು ತ್ಯುನೊನೆ ಗ್ವತ್ತ ಥಯು ನೈ. 
\v 23 ಶಿಷ್ಯಾವೊಮಾನೊ ಯಕ್ಲೊ ಯೆಸುನಾ ಬಾಜು಼ಮಾ ವ್ಹತ್ತೊ. ತಿನೆ ಯೆಸು ಘನ್ನೊ ಮಯಾ ಕರ್ತೊತೊ. 
\v 24 ಸಿಮೊನ ಪೆತ್ರಾ ಎ ಶಿಷ್ಯಾನೆ "ಕಿನಾ ಹುತಿ ಕವಾಡ್ಯೊಸ ಕೈನ ಪುಚ್ಚಿನ ತಿಳ್ದಿಲಿವಾನೆ ಇಶಾರೊ ಕರ‍್ಯೊ. 
\v 25 ತೆ ಶಿಷ್ಯೊ ಯೆಸುನಾ ಬಗಲ ಡ್ವಗ್ಗಿನ"ಪ್ರಭು, ತೆ ಕುನ್ನ ವ್ಹೈ? ಕೈನ ಪುಚ್ಯೊ. 
\v 26 ಯೆಸು"ಮಿ ಎ ರೊಕ್ಲೊ ಥಾಳಾಮಾ ಡುಬೈನ ಕಿನೆ ದ್ಯುಸ ತೆಜ಼ ಮನೆ ಮೊಸ ಕರಸ ಕೈನ ರೊಕ್ಲಾನೊ ತುಕ್ಡೊ ಲಿನ ತೆ ಥಾಳಾಮಾ ಡುಬೈನ ಇಸ್ಕರಿಯೊತ ಸಿಮೊನನೊ ದಿಕ್ರೊ ಥಯಲ ಯುದನೆ ದಿದ್ಯೊ. 
\v 27 ಯುದ ತೆ ರೊಕ್ಲಾನೊ ತುಕ್ಡೊ ಲೆತಾಮಾಜ಼ ಸೈತಾನ ತಿನಾಮಾ ವ್ಹಕ್ಯೊ. ಯೆಸು ಯುದನೆ"ತು ಸು ಕರಾನು ಛೆ ತೆ ಭೆಗಿನ ಕರ" ಕೈನ ಕದ್ಯೊ. 
\v 28 ತೆನೈಸೊ ಯೆಸು ಯುದನೆ ತೆ ಇಮ್ಮ ಕಾ ಕದ್ಯೊ ಕೈನ ಖಾವಾನೆ ಬೈಟಲವಾಲವೊಮಾನಾ ಕಿನೆ ಕಳ್ಯು ನೈ. 
\v 29 ಶಿಷ್ಯಾನಿ ಸಮುದಾಯನಿ ದೊಕ್ಡಾನಿ ಪಿಶಿನಿ ಜವಾಬ್ದಾರಿ ಯುದನಾ ಹತ್ಮಾ ವ್ಹತ್ತಿ. ತಿನಾಹುತಿ ಸನ್ನನೆ ಚಾ಼ಯೆ ಥಯಲ ದಕ್ಹಾ ಸಾಮನೊ ಲಿನ ಆವಾನಾ ಹುತಿ ಗರಿಬ ಮನಕ್ಹೊನೆ ದಿವಾನಾ ಹುತಿ ಯೆಸು ತಿನೆ ಕದ್ಯೊ ವಸೆ ಕೈನ ದಕ್ಹಾ ಶಿಷ್ಯಾ ತಿಳದಿಲಿದ್ಯಾ. 
\v 30 ಯೆಸು ದಿದಲ ರೊಕ್ಲೊ ಲಿದಲ ಬರೊಬ್ಬರ ಯುದ ತ್ಯಾಂತೊ ಗೈಪಡ್ಯೊ. ತೆಳಾಮಾ ರಾತ ಥೈ ಗೈತಿ.
\s ನಯಿ ಆಗನ್ಯಾ
\p
\v 31 ಯುದ ಗಯಲ್ಪರ ಯೆಸು"ಹಮ್ನಾ ಮನಕ್ಹನಾ ದಿಕ್ರಾನೆ ಮಹಿಮಾ ಥೈ. ವರಿ ತಿನಾ ಮುಲಕ ಕ್ಹುದಾನೆ ಮಹಿಮಾ ಥೈಸ. 
\v 32 ಯಕ್ಕೆಳೆ ತಿನಾ ಮುಲಕ ಕ್ಹುದಾನಿ ಮಹಿಮಾನಾ ಹುತಿ ಥಾವಾನಿ ರ‍್ಹಯುಮ ಕ್ಹುದಾ ತಿನಾಮಾಜ಼ ದಿಕ್ರಾನೆ ಮಹಿಮಾ ಕರಸ. ವರಿ ತೆ ತೆಕ್ಲಾಮಾಜ಼ ತಿನೆ ಮಹಿಮಾ ಕರಸ ಕದ್ಯೊ. 
\v 33 ಯೆಸು "ಮಾರಾ ದಿಕ್ರಾವೊ, ಹಜು಼ನ ದಕ್ಹೊ ಟೈಮ ಮಿ ತುಮಾರಾ ಕ್ಹಾತೆ ರ‍್ಹೌಸ. ತುಮೆ ಮನೆ ಹುಡ್ಕೊಶಿ. ವರಿ ಮಿ ಯಹುದಿಯೊನೆ ಕದಲಜ಼ ತುಮೊನೆ ಕೌಸ. ಮಿ ಕಿಜಾ಼ ಚಾಲ್ಯೊಸ ತುಮೊನೆ ತ್ಯಾ ಆವಾನೆ ಥಾತು" 
\v 34 ಮಿ ತುಮೊನೆ ಯಕ್ಕ ನಯಿ ಆಗನ್ಯಾ ದ್ಯುಸ" ತುಮೆ ಯಕ್ಕನೆ ಯಕ್ಕ ಮಯಾ ಕರೊ. ಮಿ ತುಮೊನೆ ಕಿಮ್ಮ ಮಯಾ ಕರು ತುಮೆಬಿ ತಿನಾ ಲಿಂಗತ ಮಯಾ ಕರುಜ. 
\v 35 ಯಕ್ಕೆಳೆ ತುಮೆ ಯಕ್ನಾ ಯಕ್ಕ ಮಯಾ ಕರ‍್ಯಾಮ, ತುಮೆ ಮಾರಾ ಶಿಷ್ಯಾ ವ್ಹೈ ಕವಾನು ಕ್ಹಾರಾವೊನೆ ಗ್ವತ್ತ ಥಾವಸ ಕೈನ ಕದ್ಯೊ.
\s ಪೆತ್ರಾ ಯೆಸುನೆ ಇನ್ಕಾರಲ
\p
\v 36 ಸಿಮೊನ ಪೆತ್ರಾ ಯೆಸುನೆ "ಪ್ರಭು, ತು ಕಿಜಾ಼ ಚಾಲ್ಯೊಸ? ಕೈನ ಪುಚ್ಯೊ. ಯೆಸು "ಮಿ ಜಾ಼ವಾನಿ ಜ಼ಗಾ ಹಮ್ನಾ ತು ಮಾರಾ ಪಾಚ಼ೊ ನೈ ಆಸಕ್ತೊ. ತೆನೈಸೊ ತು ಅಗೊ ಮಾರಾ ಪಾಚೊ಼ ಆಶಿ" ಕೈನ ಕದ್ಯೊ. 
\v 37 ಪೆತ್ರಾ"ಪ್ರಭು, ಹಮ್ನಾ ಮಿ ತಾರಾ ಪಾಚೊ಼ ಆವಾನೆ ಕಾ ನೈ ಥಾತು? ಮಿ ತಾರಾ ಹುತಿ ಮರಾನೆಬಿ ತಯ್ಯಾರ ಛೆ" ಕೈನ ಕದ್ಯೊ. 
\v 38 ಯೆಸು"ತು ಮಾರಾಹುತಿ ಕ್ಹರಿಮಾಜ಼ ಮರಾನೆ ತಯ್ಯಾರ ಛೆ ಸು? ಮಿ ತುನೆ ಕ್ಹರಿಜ ಕೌಸ. ಕುಕ್ಡೊ ಬಾಂಗ ದಿವಾತಿ ಪೈಲಾಜ ತು ತನ್ನ ಸಲಾ ಮಾರಾ ಹುತಿ ಮಿ ತುನೆ ವಳಕ ನತ್ತಿ ಕೈನ ಕಶಿ" ಕದ್ಯೊ.
\c 14
\s ಯೆಸುಜ ಬಾ ಕನ ಜಾ಼ವಾನಿ ವಾಟ ವ್ಹೈ
\p
\v 1 ಯೆಸು ತ್ಯುನೊನೆ "ತುಮಾರು ಮನಸ ಕಳವಳ ಕರಿಲಿವೊ ನಕೊ. ಕ್ಹುದಾ ಪರ ವರಿ ಮಪರಬಿ ಬರೊಕ್ಹೊ ಮ್ಹೆಲೊ. 
\v 2 ಮಾರಾ ಬಾನಾ ಘರಮಾ ಘನ್ನಾ ಖೊಲಿಯೊ ಛೆ. ತೆ ನೈ ರ‍್ಹಯಲ ರ‍್ಹವತ್ತೊ, ಮಿ ಗೈನ ತ್ಯಾ ಜ಼ಗಾ ತಯ್ಯಾರ ಕರುಸ ಕೈನ ಕತೊ ನ್ಹೊತೊ. 
\v 3 ಮಿ ಗೈನ ತುಮಾರಾ ಹುತಿ ಜ಼ಗಾ ತಯ್ಯಾರ ಕರಲ್ಪರ ವರಿ ಐನ ತುಮೊನೆ ಮಾರಾ ಕ್ಹಾತೆ ಬಲೈಲಿನ ಜೌ಼ಸ. ಇಮ್ಮ ಮಿ ರ‍್ಹಯಲ ಜ಼ಗಾ ತುಮೆ ರ‍್ಹವೊಶಿ. 
\v 4 ಮಿ ಜಾ಼ವಾನಿ ಜ಼ಗಾ ತುಮೊನೆ ಗ್ವತ್ತ ಛೆ" ಕೈನ ಕದ್ಯೊ. 
\v 5 ತೊಮ ಯೆಸುನೆ"ಪ್ರಭು, ತು ಜಾ಼ವಾನು ಕಿಜಾ಼ ವ್ಹೈ ಕೈನ ಹಮೊನೆ ಗ್ವತ್ತ ನತ್ತಿ. ಇಮ್ಮ ರ‍್ಹತಾಮಾ ತೆ ವಾಟ ಹಮೆ ಕಿಮ್ಮ ತಿಳ್ದಿಲಿವಾನೆ ಥಾವಸ? ಕದ್ಯೊ. 
\v 6 ಯೆಸು "ಮಿಜ಼ ವಾಟ ವರಿ ಕ್ಹರಿ ವರಿ ಜ಼ಲಮ ಥಯೊಸ. ಕಿನೆಬಿ ಮಾರಾ ಮುಲಕ ನೈಸೊ ಬಿಜಾ಼ ಕಿನಾಜ ಮುಲಕ ಬಾಕನ ಆವಾನೆ ನೈ ಥಾತು. 
\v 7 ಯಕ್ಕೆಳೆ ತುಮೆ ಮನೆ ಕ್ಹರಿಬಿ ತಿಳ್ದಿಲಿದಲ ರ‍್ಹಯಮ, ಮಾರಾ ಬಾನೆಬಿ ಚೊ಼ಕಿ ತರಾ ತಿಳ್ದಿಲೆತಾತಾ. ತೆನೈಸೊ ಹಮ್ನಾತಾ ತುಮೆ ಬಾನೆ ತಿಳ್ದಿಲಿದ್ಯಾಸ ವರಿ ದೆಕ್ಯಾಸ "ಕೈನ ಕದ್ಯೊ. 
\v 8 ಫಿಲಿಪ್ಪ ಯೆಸುನೆ "ಪ್ರಭು, ಹಮೊನೆ ಬಾನೆ ದೆಕಾಡ ತೆಕ್ಲುಜ಼ ಬಸ" ಕೈನ ಕದ್ಯೊ. 
\v 9 ಯೆಸು "ಫಿಲಿಪ್ಪ ಮಿ ಅಕ್ಲಾ ಟೈಮತೊ ತುಮಾರಾ ಕ್ಹಾತೆ ರ‍್ಹೈತಬಿ ತು ಮನೆ ತಿಳ್ದಿಲಿದ್ಯೊ ನತ್ತಿ ಸು? ಮನೆ ದೆಕಲವಾಲೊ ಬಾನೆಬಿ ದೆಕಲವಾಲೊ ವ್ಹೈ. ತಿನಾಹುತಿ "ಬಾನೆ ಹಮೊನೆ ದೆಕಾಡ, ಕೈನ ಕಾ ಪುಚ್ಚಾಡಾಸ? ಕೈನ ಉತ್ತರ ದಿದ್ಯೊ. 
\v 10 ಮಿ ಬಾ ಮಾ ಛೆ ವರಿ ಬಾ ಮಾರಾಮಾ ಛೆ ಕೈನ ತುಮೆ ಕ್ಹರಿಬಿ ಬರೊಕ್ಹೊ ನೈ ಕರ‍್ತಾ ಸು? ಮಿ ತುಮೊನೆ ಕವಾನಿ ಸಂಗತಿಯೊ ಮಾರಾಕ್ಹು ಆಯಲ ನ್ಹವೈ. ತೆನೈಸೊ ತೆ ಮಾರಾಮಾ ರ‍್ಹವಾನಾ ಬಾನಾ ವ್ಹೈ ವರಿ ತೆ ತಿನು ಕಾಮ ಕರಾಡ್ಯೊಸ. 
\v 11 ಮಿ ಬಾಮಾ ಛೆ ವರಿ ಬಾ ಮಾರಾಮಾ ಛೆ ಕವಾನಿ ಮಾರಿ ವಾತ ಪರ ಬರೊಕ್ಹೊ ಕರೊ. ತೆನೈಸೊ ಮಿ ಕರಲ ಅದ್ಭುತ ಕಾಮೊಕ್ಹು ತಬಿ ಮಪರ ಬರೊಕ್ಹೊ ಕರೊ. 
\v 12 "ಮಿ ತುಮೊನೆ ಕ್ಹರಿಜ ಕೌಸ. ಮಪರ ಬರೊಕ್ಹೊ ಮ್ಹೆಲಾಲೊ ಮಿ ಕರಲಜ ಕಾಮೊ ಕರಸ. ತೆ ಮಿ ಕರಾನಾ ಕಾಮೊತಿಬಿ ಮ್ಹೊಟಾ ಕಾಮೊ ಕರಸ. ಕಾಕದ್ಯಾಮ ಮಿ ಬಾ ಕನ ಚಾ಼ಲ್ಯೊಸ. 
\v 13 ವರಿ ತುಮೆ ಮಾರಾ ನಾಮ ಪರ ಸುತಬಿ ಮಾಂಗಿಲಿದ್ಯಾರೆ, ಮಿ ತುಮಾರಾ ಹುತಿ ತೆ ಕರುಸ. ತಿನಾಹುತಿ ದಿಕ್ರೊ ಬಾನೆ ಮಹಿಮಾ ಲಾವಸ. 
\v 14 ತುಮೆ ಮಾರಾ ನಾಮ ಪರ ಸುತಬಿ ಮಾಂಗಿಲಿದ್ಯಾರೆ, ಮಿ ತೆ ಕರುಸ.
\s ಪವಿತ್ರ ಆತ್ಮಾನಾ ಹುತಿ ವಾಗ್ದಾನ
\p
\v 15 "ಯಕ್ಕೆಳೆ ತುಮೆ ಮನೆ ಮಯಾ ಕರಾಲಾ ಥಯಲ ರ‍್ಹಯಮ, ಮಾರಾ ಆಗನ್ಯಾನೆ ವಿಧೆಯ ಥೈನ ಚಾಲೊಶಿ. 
\v 16 ಮಿ ಬಾನೆ ಮಾಂಗಿಲಿವಸ. ತೆಳಾಮಾ ತೆ ಬಿಜಾ಼ ಯಕ್ಲಾ ಸಹಾಯಕನೆ ತುಮೊನೆ ದಿವಸ. ತೆ ಸಹಾಯಕ ಹಮೆಶಾಬಿ ತುಮಾರಾ ಕ್ಹಾತೆ ರ‍್ಹವಸ. 
\v 17 ಕ್ಹರಿನೊ ಆತ್ಮಾಜ಼಼ ತೆ ಸಹಾಯಕ ವ್ಹೈ. ಎ ದುನಿಯಾ ತಿನೆ ಸ್ವಿಕಾರ ನೈ ಕರತು. ಕಾಕದ್ಯಾಮ ದುನಿಯಾ ತಿನೆ ದೆಕ್ತಾ ನೈ, ತಿಳ್ದಿಲೆತಾಬಿ ನೈ. ತೆನೈಸೊ ತುಮೆ ತಿನೆ ತಿಳ್ದಿಲಿದ್ಯಾಸ. ತಿನಾಹುತಿ ತೆ ತುಮಾರಾ ಕ್ಹಾತೆ ಜಿವ್ನಾ ಕರಸ ವರಿ ತುಮಾರಾಮಾ ರ‍್ಹವಸ. 
\v 18 "ಮಿ ತುಮೊನೆ ಪರ್ದೆಶಿ ಲಿಂಗತ ಛೊಡಿನ ನೈ ಜಾತೊ. ಮಿ ತುಮೊಕನ ಔಸ. 
\v 19 ಹಜು಼ನ ದಕ್ಹಿ ಯೆಳ ಥಯಲ್ಪರ ಎ ದುನಿಯಾ ಮನೆ ದೆಕ್ತಿ ನೈ. ತೆನೈಸೊ ತುನೆ ಮನೆ ದೆಕೊಶಿ. ಕಾಕದ್ಯಾಮ ಮಿ ಜಿವ್ತೊ ರ‍್ಹೌಸ ವರಿ ತುಮೆಬಿ ಜಿವ್ತಾ ರ‍್ಹವೊಶಿ. 
\v 20 ತೆ ದಿನ್ನೆ ತುಮೆ ಮಿ ಮಾರಾ ಬಾ ಮಾ ರ‍್ಹವಾನು, ತುಮೆ ಮಾರಾಮಾ ರ‍್ಹವಾನು ವರಿ ಮಿ ತುಮಾರಾಮಾ ರ‍್ಹವಾನು ತಿಳ್ದಿಲಿವೊಶಿ. 
\v 21 ಯಕ್ಲೊ ಮಾರಿ ಆಗನ್ಯಾವೊನೆ ಸ್ವಿಕಾರ ಕರಿನ ತಿನಾ ಲಿಂಗತ ಚಾಲ್ಯೊಮ, ತೆ ಮನೆ ಮಯಾ ಕರಾಲೊ ಥಯೊಸ. ಕುನ್ನ ಮನೆ ಮಯಾ ಕರಸ ತಿನೆ ಮಾರೊ ಬಾ ಬಿ ಮಯಾ ಕರಸ ವರಿ ಮಿ ತಿನೆ ಮಯಾ ಕರುಸ. ವರಿ ಮಿ ತಿನೆ ಮನೆಜ ದೆಕಾಡಿನ ದಿವ್ಸ" ಕೈನ ಉತ್ತರ ದಿದ್ಯೊ. 
\v 22 ತೆಳಾಮಾ ಯುದ ಎ ಇಸ್ಕರಿಯುತ ಯುದ ನ್ಹವೈ. ತೆನೈಸೊ "ಪ್ರಭು, ತು ತುನೆ ಎ ದುನಿಯಾನೆ ನೈ ದೆಕಾಡ್ಯಾವಾಚಿ ಹಮೊನೆ ದೆಕಾಡುಸ ಕವಾನು ಶಾನೆ? ಕೈನ ಪುಚ್ಚೊ. 
\v 23 ಯೆಸು ಅಮ್ಮ ಜವಾಬ ದಿದ್ಯೊ; ಮನೆ ಮಯಾ ಕರಾಲೊ ಮಾರಾ ಉಪದೆಶನೆ ವಿಧೆಯ ಥಾವಸ. ಮಾರೊ ಬಾ ತಿನೆ ಮಯಾ ಕರಸ. ಹಮೆ ಭಂಬಿ ಜ಼ನಾ ತಿಕನ ಐನ ತಿನಾ ಕ್ಹಾತೆ ರ‍್ಹಯೆಸ. 
\v 24 ಕುನ್ನ ಮನೆ ನೈ ಮಯಾ ಕರ‍್ತೊ, ತೆ ಮಾರಿ ಉಪದೆಶನೆ ವಿಧೆಯ ನೈ ಥಾತೊ. ತುಮೆ ಐಕಾನಿ ಎ ಉಪದೆಶ ಮಾರಿ ನ್ಹವೈ, ಮನೆ ವಳಾಯಲ ಮಾರಾ ಬಾನು ವ್ಹೈ. 
\v 25 "ಹಜು಼ನ ಮಿ ತುಮಾರಾ ಕ್ಹಾತೆ ರ‍್ಹತಾಮಾಜ ಎ ಸಂಗತಿಯೊ ಕ್ಹಾರಾ ತುಮೊನೆ ಕದ್ಯೊಸ. 
\v 26 ತೆನೈಸೊ ಬಾ ಮಾರಾ ನಾಮ ಪರ ವಳೈನ ದಿವಾನು ಪವಿತ್ರ ಆತ್ಮಾ ತುಮೊನೆ ಹರಿ ಯಕ್ಕಬಿ ಉಪದೆಶ ಕರಸ. ವರಿ ಮಿ ತುಮೊನೆ ಕದಲ ಕ್ಹಾರಾ ಸಂಗತಿಯೊ ತುಮೊನೆ ಶೆ ದಿಲಾವಸ. 
\v 27 "ಮಿ ಶಾಂತಿ ದಿವ್ಸ. ಮಾರಿ ಶಾಂತಿ ತುಮೊನೆ ದಿವ್ಸ. ಮಿ ಎ ದುನಿಯಾ ದಿದಲಲಿಂಗತ ತುಮೊನೆ ದೆತೊ ನೈ. ತಿನಾಹುತಿ ತುಮಾರು ಮನಸೊ ಕಳವಳ ಥೌ ನೈ ವರಿ ತುಮೆ ಭುಚ಼ಕೊ ನಕೊ. 
\v 28 ಮಿ ಜೌ಼ಸ. ತೆನೈಸೊ ತುಮೊಕನ ಫರಿನ ಔಸ "ಕೈನ ಮಿ ತುಮೊನೆ ಕವಾನು ತುಮೆ ಐಕ್ಯಾಸ. ತುಮೆ ಮನೆ ಮಯಾ ಕರಾಲಾ ರ‍್ಹಯಮ, ಮಿ ಬಾಕನ ಜಾ಼ವಾಕ್ಹು ಖುಶಿ ಥಾತಾತಾ. ಕಾಕದ್ಯಾಮ ಬಾ ಮಾರಾತಿ ಮ್ಹೊಟೊ ವ್ಹೈ. 
\v 29 ಎ ಥಾವಾತಿ ಪೈಲಾ ಮಿ ತುಮೊನೆ ಕದ್ಯೊಸ. ಇಮ್ಮ ರ‍್ಹತಾಮಾ, ಎ ಥಾತಾಮಾ ತುಮೆ ಬರೊಕ್ಹೊ ಕರೊಶಿ. 
\v 30 "ಮಿ ತುಮಾರಾ ಕ್ಹಾತೆ ಹಜು಼ನ ಘನಿಯೆಳ ಬೊಲ್ತೊ ನೈ. ಎ ದುನಿಯಾನೊ ಅದಿಪತಿ ಆವಾಡ್ಯೊಸ. ತಿನೆ ಮಾರಾ ಉಪ್ಪರ ಕಯುಜ಼ ಅದಿಕಾರ ನತ್ತಿ. 
\v 31 ತೆನೈಸೊ ಮಿ ಬಾನೆ ಮಯಾ ಕರುಸ ವರಿ ಮಿ ಮಾರೊ ಬಾ ಆಗನ್ಯಾ ಕರಲ ತಿಮ್ಮಜ ಕರಾಡ್ಯೊಸ ಕೈನ ದುನಿಯಾ ತಿಳ್ದಿಲ್ಯುಜ "ಆವೊ ಅಪೆ ನ್ಹ್ಯಾಂತಾ ಗಯ್ಯೆ"
\c 15
\s ಯೆಸುಜ ಕ್ಹರಿನಿ ದ್ರಾಕ್ಷಿಯೊನು ಬಳ್ಳಿ ವ್ಹೈ
\p
\v 1 ಮಿ ಕ್ಹರಿನು ದ್ರಾಕ್ಷಿಯೊನಿ ಬಳ್ಳಿ ವ್ಹೈ. ವರಿ ಮಾರೊ ಬಾ ಖೆತರವಾಲೊ ವ್ಹೈ. 
\v 2 ಮಕನ ರ‍್ಹಯಲ ಫಲ ನೈ ದಿವಾನು ಹರಯಕ್ಕ ಜಡನೆ ತೆ ಕತ್ರಿನ ನಾಕಸ. ಫಲ ದಿವಾನು ಠೊಂಗಿ ಹಜು಼ನ ಹೆಚ್ಕಿ ಫಲಾ ದಿಯೆ ಲಿಂಗತ ತಿನೆ ಶುದ್ಧ ಕರಸ. 
\v 3 ಮಿ ತುಮೊನೆ ಕದಲ ಉಪದೆಶ ಕ್ಹು ತುಮೆ ಹಮ್ನಾಜ ಶುದ್ಧ ಥಯಾಸ. 
\v 4 ತುಮೆ ಮಾರಾಮಾ ಮ್ಹೈ ಥೈನ ರ‍್ಹವೊ, ತೆಳಾಮಾ ಮಿ ತುಮೊಮಾ ಮ್ಹೈ ಥೈನ ರ‍್ಹೌಸ. ಕಯು ಠೊಂಗಿ ತಿನಾಕ್ಹು ತೆ ಫಲ ನೈ ದೆತು. ತೆ ದ್ರಾಕ್ಷಿಯೊನಿ ಬಳ್ಳಿಮಾ ಮ್ಹೈ ಥೈನ ರ‍್ಹೌ. ತೆ ತುಮೊನೆಬಿ ಲಾಗು ಥಾವಸ. ತುಮಾರಾಕ್ಹು ತುಮೆ ಫಲ ನೈ ದೆಸಕ್ತಾ. ತುಮೆ ಮಾರಾಮಾ ಮ್ಹೈ ಥೈನ ರ‍್ಹವೊ. 
\v 5 "ಮಿಜ಼ ದ್ರಾಕ್ಷಿಯೊನಿ ಬಳ್ಳಿ ವ್ಹೈ ತುಮೆ ಠೊಂಗಿಯೊ ವ್ಹೈ. ಯಕ್ಲೊ ಮಾರಾಮಾ ಮ್ಹೈ ಥೈನ ರ‍್ಹಯೊಮ ವರಿ ಮಿ ತಿನಾಮಾ ಮ್ಹೈ ಥೈನ ರ‍್ಹಯೊಮ, ತೆಳಾಮಾ ತೆ ಘನ್ನು ಫಲ ದಿವಸ. ತೆನೈಸೊ ತೆ ಮನೆ ಛೊಡಿನ ಸುಜ಼ ನೈ ಕರಸಕ್ತಾ. 
\v 6 ಮಾರಾಮಾ ರ‍್ಹಯಲವಾಲೊ ವರಾಯಲ ಠೊಂಗಿ ಲಿಂಗತ ರ‍್ಹವಸ. ತಿನೆ ಜಮಾ ಕರಿನ ಆಗಮಾ ಘಾಲಸ. ತೆ ಆಗಮಾ ಪಡಿನ ಮರಿ ಜಾ಼ವಸ. 
\v 7 ತುಮೆ ಮಾರಾಮಾ ಮಾರಿ ವಾಕ್ಯಾ ತು ಮಾರಾಮಾ ರ‍್ಹಯುಮ ಸು ಚಾ಼ಯೆ ತೆ ಮಾಂಗಿಲಿವೊ, ತೆ ತುಮೊನೆ ಮಳಸ. 
\v 8 ತುಮೆ ಘನ್ನು ಫಲ ದಿನ್ನ, ಮಾರಾ ಬಾನಿ ಮಹಿಮಾ ದೆಕಾಡೊ. ಇನಾಹುತಿ ತುಮೆ ಮಾರಾ ಶಿಷ್ಯಾ ಥಾವೊಶಿ. 
\v 9 "ಕಿಮ್ಮ ಬಾ ಮನೆ ಮಯಾ ಕರಸ ತಿಮ್ಮಜ ಮಿ ತುಮೊನೆ ಮಯಾ ಕರುಸ. ಮಾರಿ ಮಯಾಮಾ ರ‍್ಹವೊ. 
\v 10 ಯಕ್ಕೆಳೆ ತುಮೆ ಮಾರಿ ಆಗನ್ಯಾವೊನೆ ವಿಧೆಯ ಥಯಾಮ, ತುಮೆ ಮಾರಿ ಮಯಾಮಾ ಮ್ಹೈ ಥೈನ ರ‍್ಹವೊಶಿ. ಮಿ ಮಾರಾ ಬಾನಾ ಆಗನ್ಯಾನೆ ವಿಧೆಯ ಥೌಸ ವರಿ ತಿನಿ ಮಯಾಮಾ ಛೆ. 
\v 11 ಮನೆ ರ‍್ಹವಾನಿ ಖುಶಿ ತುಮೆ ವ್ಹಂದಿಲಿವ ಕೈನ ಮಿ ತುಮೊನೆ ಎ ಸಂಗತಿಯೊ ಕದ್ಯೊಸ. ತುಮಾರಿ ಖುಶಿ ಪರಿಪುರ್ಣ ಖುಶಿ ಥೈನ ರ‍್ಹೌ ಕೈನ ಕದ್ಯೊ. 
\v 12 ಮಿ ತುಮೊನೆ ಮಯಾ ಕರಲ ಲಿಂಗತ ತುಮೆ ಯಕ್ಕನೆ ಯಕ್ಕ ಮಯಾ ಕರು ಕವಾನು ಮಿ ತುಮೊನೆ ದಿವಾನಿ ಆಗನ್ಯಾ ವ್ಹೈ. 
\v 13 ದೊಸ್ತೊನಾ ಹುತಿ ತಿನು ಸ್ವಂತ ಜ಼ಲಮ ದಿವಾನಾ ಮಯಾತಿಬಿ ಬಿಜಿ ಮಯಾ ಕೈಜ಼ ನತ್ತಿ. 
\v 14 ಮಿ ದಿದಲ ಆಗನ್ಯಾ ಲಿಂಗತ ಚಾ಼ಲ್ಯಾಮ, ತುಮೆ ಮಾರಾ ದೊಸ್ತೊ ವ್ಹೈ. 
\v 15 ಹಮ್ನಾತೊ ಮಿ ತುಮೊನೆ ಮಾರಾ ಸೆವಕೊ ಕೈನ ಬಲಾತೊ ನೈ. ಕಾಕದ್ಯಾಮ ಮಾಲಕನಾ ಕಾಮೊ ಸೆವಕನೆ ಗ್ವತ್ತ ನೈ ರ‍್ಹತಾ. ತೆನೈಸೊ ಹಮ್ನಾ ಮಿ ತುಮೊನೆ ಮಾರಾ ದೊಸ್ತೊ ಕೈನ ಬಲೌಸ. ಕಾಕದ್ಯಾಮ ಮಾರಾ ಬಾ ಕಂತು ಐಕಲ ಹರಯಕ್ಕ ಮಿ ತುಮೊನೆ ಕದ್ಯೊಸ. 
\v 16 "ತುಮೆ ಮನೆ ಇನಿಲಿದ್ಯಾ ನತ್ತಿ; ಮಿ ತುಮೊನೆ ಇನಿಲಿದ್ಯೊಸ. ತುಮೆ ಗೈನ ಘನ್ನು ಫಲ ದ್ಯು. ಎಜ಼ ಮಿ ತುಮೊನೆ ದಿದಲ ಕಾಮ ವ್ಹೈ. ತೆ ಕೆಳಾಮಾಬಿ ರ‍್ಹವಾನು ಫಲ ವ್ಹೈ. ಇಮ್ಮ ರ‍್ಹತಾಮಾ, ತುಮೆ ಮಾರಾ ನಾಮ ಪರ ಸುಬಿ ಪುಚ್ಯಾ ತಬಿ ಬಾ ತೆ ತುಮೊನೆ ದಿವಸ. 
\v 17 ತುಮೆ ಯಕ್ನೆ ಯಕ್ಕ ಮಯಾ ಕರು ಕವಾನುಜ ಮಾರಿ ಆಗನ್ಯಾ ವ್ಹೈ.
\s ದುನಿಯಾನು ದ್ವೆಶ
\p
\v 18 "ಎ ದುನಿಯಾ ತುಮೊನೆ ದ್ವೆಶ ಕರ‍್ಯಾಮ, ತೆ ಪೈಲಾ ಮನೆ ದ್ವೆಶ ಕರಲ ಶೆ ಕರೊ. 
\v 19 ತುಮೆ ಎ ದುನಿಯಾನೆ ಮಳಲವಾಲಾ ರ‍್ಹಯುಮ, ಎ ದುನಿಯಾ ತಿನಾ ಸ್ವಂತ ಮನಕ್ಹೊನೆ ಮಯಾ ಕರಲ ಲಿಂಗತ ತುಮೊನೆ ಮಯಾ ಕರಸ. ತೆನೈಸೊ ಮಿ ತುಮೊನೆ ಎ ದುನಿಯಾತೊ ಇನಿಲಿದ್ಯೊಸ. ತಿನಾಹುತಿ ತುಮೆ ಎ ದುನಿಯಾನೆ ಮಳಲವಾಲಾ ನ್ಹವೈ. ತಿನಾಹುತಿ ಎ ದುನಿಯಾ ತುಮೊನೆ ದ್ವೆಶ ಕರಸ. 
\v 20 "ಸೆವಕ ತಿನಾ ಮಾಲಕತಿ ಮ್ಹೊಟೊ ನ್ಹವೈ "ಕೈನ ಮಿ ತುಮೊನೆ ಕದಲ ವಾತ ಶೆ ಕರಿಲಿವೊ. ಮನಕ್ಹೊ ಮನೆ ತ್ರಾಸ ಕರಲ ಲಿಂಗತ ತುಮೊನೆ ತ್ರಾಸ ಕರಸ ವರಿ ಮಾರಿ ಉಪದೆಶನೆ ವಿಧೆಯ ಥಯಾಮ ತುಮಾರಾ ಉಪದೆಶನೆ ವಿಧೆಯ ಥಾವಸ. 
\v 21 ಮನಕ್ಹೊ ಮಾರಾ ರ‍್ಹಯಲ ಹುತಿ ಎ ಕ್ಹಾರು ತುಮೊನೆ ಕರಸ. ಮನೆ ವಳಾಯಲವಾನೆ ತ್ಯುನೆ ತಿಳ್ದಿಲಿದ್ಯಾ ನತ್ತಿ. 
\v 22 ಮಿ ಐನ ಎ ದುನಿಯಾನಾ ಮನಕ್ಹೊನೆ ನೈ ಬೊಲ್ಯಲ ರ‍್ಹವತ್ತೊ, ತ್ಯುನೊನೆ ತ್ಯುನೆ ಕಯಾಜ಼ ಪಾಪ ಕರಲವಾಲಾ ವ್ಹೈ ಕೈನ ಕವಾನೆ ಥಾತು ನ್ಹೊತು. ತೆನೈಸೊ ಮಿ ತ್ಯುನಾ ಕ್ಹಾತೆ ಬೊಲ್ಯೊಸ. ತಿನಾಹುತಿ ಹಮ್ನಾ ತ್ಯುನಾ ಪಾಪೊನೆ ತ್ಯುನೊನೆ ಕಯು ಅರು ನತ್ತಿ. 
\v 23 "ಮನೆ ದ್ವೆಶ ಕರಾಲೊ ಮಾರಾ ಬಾನೆ ದ್ವೆಶ ಕರಾಲೊ ಥಯೊಸ. 
\v 24 ಯಕ್ಕೆಳೆ ಮಿ ತ್ಯುನಾ ವಚ್ಮಾ ತೆ ಕಾಮೊ ನೈ ಕರತೊ ವರಿ ತೆ ಕಾಮೊ ಕುನ್ನಜ಼ ನೈ ಕರಲ ರ‍್ಹವತ್ತೊ, ತ್ಯುನೆ ಪಾಪ ಕರಲವಾಲಾ ಥಾತಾ ನ್ಹೊತಾ. ಹಮ್ನಾ ತ್ಯುನೆ ಎ ದೆಕ್ಯಾಸ ರ‍್ಹೈತುಬಿ ತ್ಯುನೆ ಮನೆ ವರಿ ಮಾರಾ ಬಾನೆ ದ್ವೆಶ ಕರಸ. 
\v 25 "ತ್ಯುನೆ ಮನೆ ಕಾರಣ ನೈಸೊ ದ್ವೆಶ ಕರ‍್ಯಾ "ಕೈನ ತ್ಯುನಾ ಧರಮಶಾಸ್ತ್ರಮಾ ಬರ್ದಲ ವಾತ ಕ್ಹರಿ ಥೌ ಕೈನ ಇಮ್ಮ ಥಯು. 
\v 26 "ಯಕ್ಕ ಸಹಾಯಕ ಆವಸ. ತೆ ಪವಿತ್ರ ಆತ್ಮಾ ವ್ಹೈ. ವರಿ ಕ್ಹುದಾನಿ ಕ್ಹರಿನೆ ದೆಕಾಡಿನ ದಿವಸ ವರಿ ತೆ ಬಾ ಕಂತೊ ಆವಸ. ಮಿ ತಿನೆ ಕ್ಹುದಾ ಕಂತೊ ವಳೌಸ ವರಿ ತೆ ಮಾರಾ ಹುತಿ ಸಾಕ್ಷಿ ದಿವಸ. 
\v 27 ವರಿ ತುಮೆಬಿ ಮಾರಾ ಸಾಕ್ಷಿ ದಿವೊಶಿ. ಕಾಕದ್ಯಾಮ ಪೈಲಾತಾಬಿ ತುಮೆ ಮಾರಾ ಕ್ಹಾತೆ ಛೆ.
\c 16
\p
\v 1 "ಮಿ ಎ ಸಂಗತಿಯೊ ಕ್ಹಾರಾ ತುಮೊನೆ ಕದ್ಯೊಸ. ಕಾಕದ್ಯಾಮ ತುಮೆ ಬರೊಕ್ಹೊ ಛೊಡು ನೈ ಕೈನ ಕದ್ಯೊ. 
\v 2 ತ್ಯುನೆ ತುಮೊನೆ ಸಭಾಮಂದಿರೊಮಾತಾ ಭಾರಾ ಘಾಲಸ. ವರಿ ಯಕ್ಕ ಟೈಮ ಆವಾಡೊಸ ತ್ಯುನೆ ತುಮೊನೆ ಮಾರಸ ವರಿ ತ್ಯುನೆ ಅಮ್ಮ ವಿಚಾರ ಕರಸ ತ್ಯುನೆ ಕ್ಹುದಾನಿ ಸೆವಾ ಕರ‍್ಯಾಸ ಕೈನ. 
\v 3 ಮನಕ್ಹೊ ಬಾನೆ ವರಿ ಮನೆ ನೈ ತಿಳ್ದಿಲಿದಲ ಹುತಿ ಎ ಕ್ಹಾರು ಕರಸ. 
\v 4 ತೆನೈಸೊ ಹಮ್ನಾ ಮಿ ತುಮೊನೆ ಎ ಕ್ಹಾರಾ ಸಂಗತಿ ಕದ್ಯೊಸ. ಇಮ್ಮ ರ‍್ಹತಾಮಾ, ಎ ಕ್ಹಾರಾ ಸಂಗತಿಯೊ ಪುರಾ ಥಾವಾನೊ ಟೈಮ ಆಯಲ ಪರ ತೆಳಾಮಾ ತ್ಯುನಾ ಹುತಿ ತುಮೊನೆ ಪೈಲಾಜ ಕದಲ ಶೆ ಮ್ಹೆಲೊ" ಮಿ ಎ ಸಂಗತಿಯೊ ಕ್ಹಾರಾ ತುಮೊನೆ ಪೈಲಾತೊ ತಿಳ್ಸಾಯೊ ನೈ. ಕಾಕದ್ಯಾಮ, ತೆಳಾಮಾ ಮಿ ತುಮಾರಾ ಕ್ಹಾತೆ ವ್ಹತ್ತೊ. 
\v 5 ಹಮ್ನಾ ತುಬಿ, ಮನೆ ವಳಾಯಲವಾಲಾ ಕನ ಮಿ ಚಾಲ್ಯೊಸ. ತೆನೈಸೊ ತುಮೊಮಾ ಯಕ್ಲೊ ತುಬಿ"ತು ಕಿಜಾ಼ ಚಾಲ್ಯೊಸ? ಕೈನ ಮನೆ ಪುಚ್ಯಾ ನೈ. 
\v 6 ಮಿ ತುಮೊನೆ ಎ ಸಂಗತಿಯೊ ಕ್ಹಾರಾ ಕದಲ ಹುತಿ ತುಮಾರಾ ಮನಸೊ ದುಖಕ್ಹು ಭರಿ ಗಯಾಸ. 
\v 7 ತೆನೈಸೊ ಮಿ ತುಮೊನೆ ಕ್ಹರಿಜ ಕೌಸ. ಮಿ ಜಾ಼ವಾನು ತುಮಾರಾ ಚೊ಼ಕಾನಾ ಹುತಿಜ ವ್ಹೈ ಕಾಕದ್ಯಾಮ ಮಿ ಗೈನ ಸಹಾಯಕನೆ ತುಮೊಕನ ವಳೌಸ. ಮಿ ನೈ ಗಯೊಮ, ಸಹಾಯಕ ತುಮೊಕನ ನೈ ಆತೊ. 
\v 8 "ತೆ ಕೆಳಾಮಾ ಆವಸ ಪಾಪ, ನಿತಿ, ನ್ಯಾಯನೊ ಫೈಸಲೊ ಎ ವಿಷಯನಾ ಹುತಿ ದುನಿಯಾನಿ ಶಕ್ಕ ದುರ ಕರಸ. 
\v 9 ಮನೆ ನೈ ಬರೊಕ್ಹೊ ಕರಾಕ್ಹು ಮನಕ್ಹೊಮಾ ಪಾಪ ಛೆ ಕೈನ ತೆ ಸಹಾಯಕ ದೆಕಾಡಿನ ದಿವಸ. 
\v 10 ಮಿ ಬಾಕನ ಜಾ಼ವಾನು ನಿತಿನಾ ಹುತಿ ತೆ ಮನಕ್ಹೊನೆ ದೆಕಾಡಿನ ದಿವಸ. ಇತ್ತಿ ಉಪ್ಪರ ಮನೆ ತುಮೆ ದೆಕ್ತಾ ನೈ 
\v 11 ಕ್ಹರಿನಾ ಫೈಸಲಾನಾ ಹುತಿ ಕ್ಹರಿನೊ ತೆ ಸಹಾಯಕ ಎ ಜಗತ್ನೆ ದೆಕಾಡಿನ ದಿವಸ, ಕಾಕದ್ಯಾಮ ಎ ಜಗತ್ನಾ ಅದಿಪತಿನೆ ಫೈಸಲೊ ಥೈಗಯೊಸ. 
\v 12 ಮಿ ತುಮೊನೆ ಕವಾನಿಯೊ ಸಂಗತಿಯೊ ಹಜು಼ನ ಘನಿಯೊ ಛೆ. ವರಿಬಿ ತೆ ಸಂಗತಿಯೊ ತುಮೆ ಸಹಿಸಿ ನೈ ಲೆತಾ. 
\v 13 ವರಿ ತೆ ಸತ್ಯನಿ ಆತ್ಮಾ ಆತಾಮಾ, ತುಮೊನೆ ತೆ ಹರಿ ಯಕ್ಕ ಟೈಮ್ಮಾ ಕ್ಹರಿಕ್ಹು ಅಗೊ ಚ಼ಲಾವಸ. ಸತ್ಯನಿ ಆತ್ಮಾ ಬೊಲಾನು ತಿನು ನ್ಹವೈ. ತೆ ಐಕಲಜ ತೆ ಕವಸ. ಥಾವಾನಿಯೊ ಸಂಗತಿಯೊಜ ತುಮೊನೆ ಕವಸ. 
\v 14 ಕ್ಹರಿನಿ ಆತ್ಮಾ ಮಾರಿಯೊಜ ವಾತೊ ಐಕಿನ ತುಮೊನೆ ಕವಾನಾ ಮುಲಕ ಮನೆ ಮಹಿಮಾ ಕರಸ. 
\v 15 ಮಾರಾ ಬಾನೆ ರ‍್ಹಯಲ ಕ್ಹಾರುಜ ಮಾರು ವ್ಹೈ. ತಿನಾಹುತಿ, ಪವಿತ್ರ ಆತ್ಮಾ ಮಾರಿಯೊಜ ವಾತೊ ಐಕಿನ, ತುಮೊಕನ ಕವಸ ಕೈನ ಕದ್ಯೊ.
\s ದುಖ ವರಿ ಖುಶಿ
\p
\v 16 ದಕ್ಹಿಯೆಳ ಥಯಲ್ಪರ ತುಮೆ ಮನೆ ದೆಕ್ತಾ ನೈ. ತೆ ಥಯಲ್ಪರ ದಕ್ಹು ಟೈಮ ಥಯಲ್ಪರ ತುಮೆ ಮನೆ ವರಿ ದೆಕೊಶಿ" 
\v 17 ಶಿಷ್ಯಾವೊನಾ ದಕ್ಹಾ ಜ಼ನಾ"ದಕ್ಹಿಯೆಳ ಪರ ತುಮೆ ಮನೆ ನೈ ದೆಕ್ತಾ. ತೆನೈಸೊ ಪಾಚಾ಼ತಾ ದಕ್ಹು ಟೈಮ ಥಯಲ್ಪರ ಮನೆ ವರಿ ದೆಕೊಶಿ. ಕಾಕದ್ಯಾಮ ಮಿ ಬಾಕನ ಚಾಲ್ಯೊಸ "ಕೈನ ತೆ ಕದಲನು ಮತ್ಲಬ ಸು ವ್ಹೈ? ಕೈನ ಯಕ್ನೆ ಯಕ್ಕ ಬೊಲಿ ಲಿವಾನು ಶುರು ಕರ‍್ಯಾ. 
\v 18 ಶಿಷ್ಯಾ"ದಕ್ಹಿಯೆಳ ಕದ್ಯಾಮ ಸು ವ್ಹೈ? ತಿನಿ ವಾತ ಅಪೊನೆ ಗ್ವತ್ತ ನತ್ತಿ ಥಾವಾಡು" 
\v 19 ಶಿಷ್ಯಾ ಇನಾಹುತಿ ತಿನೆ ಪುಚ್ಚಸ ಕೈನ ಯೆಸುನೆ ಗ್ವತ್ತ ವ್ಹತ್ತು. ತಿನಾಹುತಿ ತೆ"ದಕ್ಹಿಯೆಳ ಥಯಲ್ಪರ ತುಮೆ ಮನೆ ನೈ ದೆಕ್ತಾ. ತೆನೈಸೊ? ಪಾಚಾ಼ತಾ ದಕ್ಹು ಟೈಮ ಥಯಲ್ಪರ ಮನೆ ದೆಕೊಶಿ "ಕೈನ ಮಿ ಕದಲನು ಮತ್ಲಬ ಸು ವ್ಹೈ ಕೈನ ತುಮೆ ಯಕ್ನೆ ಯಕ್ಕ ಪುಚ್ಚಾಡ್ಯಾಸ ಸು? 
\v 20 ತುಮೊನೆ ಕ್ಹರಿಜ ಕೌಸ. ತುಮೆ ರವೊಶಿ, ಗೊಳಾಡೊಶಿ. ತೆನೈಸೊ ದುನಿಯಾ ಖುಶಿ ಥಾವಸ. ತುಮೆ ದುಖಿ ಥಾವೊಶಿ, ತೆನೈಸೊ ತುಮಾರು ದುಖ ಖುಶಿ ಥಾವಸ. 
\v 21 ಪೆಟೆ ರ‍್ಹಯಲ ಬಾಕ್ಡಿ ಜನ್ನಾನೊ ಟೈಮ ಆತಾಮಾ ತ್ರಾಸ ಖಾವಸ. ಬಚ್ಚು಼ ಹುಟ್ಟಲ ಪರ, ದುನಿಯಾಮಾ ಯಕ್ಕ ಬಚ್ಚು಼ ಹುಟ್ಯು ಕೈನ ಖುಶಿಕ್ಹು ತೆ ತಿನೆ ಥಯಲ ತ್ರಾಸ ಇಕ್ಹರಿ ಪಾಡಸ. 
\v 22 ಎ ತುಮೊನೆಬಿ ಲಾಗು ಥಾವಸ. ಹಮ್ನಾ ತುಮೆ ದುಖಮಾ ಛೆ. ತೆನೈಸೊ ತುಮೆ ನೆ ವರಿ ದೆಕಲ್ಪರ ಖುಶಿ ಥಾವೊಶಿ. ತೆ ಖುಶಿನೆ ಕುನ್ನಜ ತುಮೊ ಕಂತು ನೈ ಕಾಳೆತು. 
\v 23 ತೆ ದಿನೊಮಾ ತುಮೆ ಮನೆ ಸುಜ಼ ಪುಚತಾ ನೈ. ಮಿ ತುಮೊನೆ ಕ್ಹರಿಜ ಕೌಸ. ತುಮೆ ಮಾರಾ ನಾಮಪರ ಸು ಪುಚ್ಯಾ ತಬಿ ಬಾ ತುಮೊನೆ ದಿವಸ. 
\v 24 ಹಜು಼ನ ಲಕ್ಕಾ ತುಮೆ ಮಾರಾ ನಾಮಪರ ಸು ಮಾಂಗಿಲಿದ್ಯಾ ನೈ, ಮಾಂಗೊ ವರಿ ತೆಳಾಮಾ ತುಮೊನೆ ಮಳಸ. ವರಿ ತುಮಾರಿ ಖುಶಿ ಪುರಾ ಥಾವಸ.
\s ದುನಿಯಾ ಪರ ಝಿತ್ತ
\p
\v 25 "ಮಿ ತುಮೊನೆ ಎ ಸಂಗತಿಯೊ ಕಾನಿಯೊನಾ ಮುಕಾಂತರ ಕದ್ಯೊ. ವರಿ ಟೈಮ ಆವಸ. ತೆಳಾಮಾ ಮಿ ಕಾನಿ ಕದ್ಯಾವಾಚಿ ಮಾರಾ ಬಾನಾ ಹುತಿ ಸಿದಾ ವಾತೊಮಾ ಕೌಸ. 
\v 26 ತೆಳಾಮಾ ತುಮೆ ಮಾರಾ ನಾಮಪರ ಬಾಕನ ಮಾಂಗಿಲಿವೊಸಿ. ತೆಳಾಮಾ ಮಿ ತುಮಾರಾ ಹುತಿ ಬಾನೆ ಮಾಂಗಿಲಿವಾನು ಜರುರತ್ತಜ ರ‍್ಹತಿ ನೈ. 
\v 27 ಹೊ, ಬಾಜ ಕ್ಹುದ್ದ ತುಮೊನೆ ಮಯಾ ಕರಸ. ತುಮೆ ಮನೆ ಕಯಾ ಕರಲ ಹುತಿ ವರಿ ಮಿ ಕ್ಹುದಾ ಕಂತೊ ಆಯೊಸ ಕೈನ ತುಮೆ ಬರೊಕ್ಹೊ ಕರಲ ಹುತಿ ತೆ ತುಮೊನೆ ಮಯಾ ಕರಸ. 
\v 28 ಮಿ ಬಾಕಂತೊ ಎ ದುನಿಯಾಮಾ ಆಯೊ. ಹಮ್ನಾ ಮಿ ಎ ದುನಿಯಾ ಛೊಡಿನ ಬಾಕನ ವರಿ ಚಾಲ್ಯೊಸ "ಕೈನ ಕದ್ಯೊ. 
\v 29 ತೆಳಾಮಾ ಶಿಷ್ಯಾ"ಹಮ್ನಾ ತು ಮಾರಾ ಕ್ಹಾತೆ ಕರೆಟ್ಟ ಬೊಲಾಡೊಸ. ನೈ ಕಳಾನು ಕಠಿನ ವಾತೊ ತು ಉಪಯೊಗ ನತ್ತಿ ಕರಾಡ್ಯೊ ನತ್ತಿ. 
\v 30 ತುನೆ ಕ್ಹಾರಿಯೊ ಸಂಗತಿಯೊ ಕಳಿಯೊಸ ಕೈನ ಹಮೊನೆ ಹಮ್ನಾ ಕಳಿಯೊ. ಯಕ್ಲೊ ಪ್ರಶ್ನೆ ಪುಚ್ಚಾತಿ ಪೈಲಾಜ ತು ತಿನಾ ಪ್ರಶ್ನೆನೆ ಜವಾಬ ದೆಶಿ. ಇನಾಹುತಿ, ತು ಕ್ಹುದಾಕಂತೊ ಆಯೊಸ ಕೈನ ಹಮೆ ಬರೊಕ್ಹೊ ಕರಿಯೆಸ" ಕೈನ ಕದ್ಯಾ. 
\v 31 ಯೆಸು ತ್ಯುನೊನೆ"ಸು ತುಮೆ ಹಮ್ನಾ ಬರೊಕ್ಹೊ ಕರೊಶಿ? 
\v 32 ಮನೆ ಐಕೊ ತುಮೆ ಜುದಾ ಥಾವಾನೊ ಟೈಮ ಆಯೊಸ. ತುಮೊಮಾ ಹರಿ ಯಕ್ಲೊ ತಿನಾ ಸ್ವಂತ ಘರೆ ಜಾ಼ವಸ. ತುಮೆ ಮನೆ ಯಕ್ಲಾನೆಜ ಛೊಡಿನ ಜಾವೊಸಿ. ತೆನೈಸೊ ಕ್ಹರಿಮಾಜ಼ ಮಿ ಕೆಳಾಮಾಜ ಯಕ್ಲೊ ನತ್ತಿ. ಕಾಕದ್ಯಾಮ ಬಾ ಮಾರಾ ಕ್ಹಾತೆ ಛೆ. 
\v 33 "ತುಮೊನೆ ಮಾರಾಮಾ ಶಾಂತಿ ಮಳಾದೆ ಕೈನ ಮಿ ತುಮೊನೆ ಎ ಕ್ಹಾರಿಯೊ ಸಂಗತಿಯೊ ಕದ್ಯೊಸ. ಎ ದುನಿಯಾಮಾ ತುಮೊನೆ ತ್ರಾಸ ದಿವಸ. ವರಿಬಿ ಧೈರ್ಯಕ್ಹು ರ‍್ಹವೊ! ಕಾಕದ್ಯಾಮ ಮಿ ಎ ದುನಿಯಾನೆ ಝಿತ್ಯೊಸ" ಕೈನ ಕದ್ಯೊ.
\c 17
\s ಯೆಸು ತಿನಾ ಶಿಷ್ಯಾವೊನಾ ಹುತಿ ಪ್ರಾಥನಾ ಕರಲ
\p
\v 1 ಎ ಕ್ಹಾರಾ ಸಂಗತಿಯೊ ಕದಲ್ಪರ ಯೆಸು ಸ್ವರ್ಗ ಬಗಲ ದೆಕಿನ ಅಮ್ಮ ಪ್ರಾಥನಾ ಕರ‍್ಯೊ; "ಬಾ, ಟೈಮ ಆಯೊಸ. ತಾರಾ ದಿಕ್ರಾನೆ ಮಹಿಮಾ ಕರ. ತಿನಾಹುತಿ ತೆ ದಿಕ್ರೊ ತುನೆ ಮಹಿಮಾ ಕರಾದೆ. 
\v 2 ಕಾ ದ್ಯಾಮ ಕ್ಹಾರಾ ಮನಕ್ಹೊ ಪರ ತು ತಿನೆ ಅದಿಕಾರ ದಿದ್ಯೊಸ. ಅಮ್ಮ ತೆ ತು ತಿನೆ ದಿದಲ ಕ್ಹಾರಾವೊನೆ ಹಮೆಶಾನೊ ಜ಼ಲಮ ದಿವಾದೆ. 
\v 3 ಯಕ್ಲೊಜ ಕ್ಹರಿನೊ ಕ್ಹುದಾ ರ‍್ಹಯಲ ತುನೆ ವರಿ ತು ವಳಾಯಲ ಯೆಸು ಕ್ರಿಸ್ತನೆ ತಿಳ್ದಿಲಿವಾನುಜ ಹಮೆಶಾನೊ ಜ಼ಲಮ ವ್ಹೈ. 
\v 4 ತು ಮನೆ ದಿದಲ ಕಾಮ ಮಿ ಪುರಾ ಕರ‍್ಯೊ. ಮಿ ಜಿಮಿನ ಪರ ಮಹಿಮಾ ದೆಕಾಡ್ಯೊ. 
\v 5 ಹಮ್ನಾ, ಬಾ, ತು ತಾರಾ ಸನ್ನಿದಿಮಾ ಮಾರಿ ಮಹಿಮಾ ಕರ. ಎ ದುನಿಯಾ ಸೃಷ್ಟಿ ಥಾವಾತಿ ಪೈಲಾ ಮಿ ತಾರಾ ಕ್ಹಾತೆ ಹೊಂದಿಲಿದಲ ಮಹಿಮಾ ಮನೆ ದೆ. 
\v 6 "ತು ಎ ದುನಿಯಾನಾ ಮನಕ್ಹೊನೆ ಮನೆ ದಿದ್ಯೊ ಮಿ ತ್ಯುನೊನೆ ತುನೆ ದೆಕಾಡಿನ ದಿದ್ಯೊ. ತ್ಯುನೆ ತಾರಾ ವ್ಹತ್ತಾ, ತೆನೈಸೊ ತು ತ್ಯುನೊನೆ ಮನೆ ದಿದ್ಯೊ ವರಿ ತ್ಯುನೆ ತಾರಿ ಆಗನ್ಯಾವೊನೆ ವಿಧೆಯ ಥಯಾ. 
\v 7 ತು ಮನೆ ದಿದಲ ಹರಯಕ್ಕಬಿ ತಾರಾಕ್ಹು ಆಯುಸ ಕವಾನು ಇವ್ನೊನೆ ಹಮ್ನಾ ಗ್ವತ್ತ ಥಯು. 
\v 8 ತು ಮನೆ ದಿದಲ ಸಂದೆಶ ಮಿ ಇವ್ನೊನೆ ದಿದ್ಯೊಸ. ಇವ್ನೆ ತೆ ಸಂದೆಶ ಸ್ವಿಕಾರ ಕರಿಲಿದ್ಯಾಸ. ಮಿ ಕ್ಹರಿಬಿ ತುಕಂತೊ ಆಯೊಸ ತ್ಯುನೊನೆ ಗ್ವತ್ತ ಛೆ. ತುಜ಼಼ ಮನೆ ವಳಾಯಲ ವ್ಹೈ ಕೈನ ಇವ್ನೆ ಬರೊಕ್ಹೊ ಕರ‍್ಯಾಸ. 
\v 9 ಮಿ ಇವ್ನಾ ಹುತಿ ಪ್ರಾಥನಾ ಕರುಸ. ಎ ದುನಿಯಾಮಾ ರ‍್ಹವಾನಾ ಮನಕ್ಹೊನಾ ಹುತಿ ಮಿ ಪ್ರಾಥನಾ ಕರಾಡೊ ನತ್ತಿ. ತೆನೈಸೊ ತು ಮನೆ ದಿದಲ ಇವ್ನಾ ಹುತಿ ಪ್ರಾಥನಾ ಕರಾಡ್ಯೊಸ. ಕಾಕದ್ಯಾಮ ಇವ್ನೆ ತಾರಾ ವ್ಹೈ. 
\v 10 ಮಾರಾಮಾ ರ‍್ಹವಾನು ಕ್ಹಾರು ತಾರುಜ ವ್ಹೈ ವರಿ ತುಕನ ರ‍್ಹವಾನು ಕ್ಹಾರು ಮಾರುಜ ವ್ಹೈ. ಇನಾಹುತಿ ಮನೆ ಮಹಿಮಾ ಥೈಸ. 
\v 11 "ಹಮ್ನಾ ಮಿ ತುಕನ ಆವಾಡ್ಯೊಸ. ಹಜು಼ನ ಮಿ ಎ ದುನಿಯಾಮಾ ರ‍್ಹತೊ ನೈ. ವರಿಬಿ ಇವ್ನೆ ಹುಜನ ಎ ದುನಿಯಾಮಾ ರ‍್ಹವಸ. ಪವಿತ್ರ ಥಯಲ ಬಾ, ತು ಮನೆ ತಾರಾ ನಾಮನಿ ತಾಕತಕ್ಹು ಇವ್ನೊನೆ ಕೈದಿನ ವಚಾಡ. ತೆ ನಾಮನೆ ಮಿ ಹಮೆಶಾ ಮ್ಹೆಲು. ತುಬಿ ಮಿ ಮಳಿನ ರ‍್ಹಯಲ ಲಿಂಗತ ಇವ್ನೆ ಯಕ್ಕ ಥೈನ ರ‍್ಹವಾನೆ ತೆಳಾಮಾ ಥಾವಸ. 
\v 12 ಮಿ ಇವ್ನಾ ಕ್ಹಾತೆ ರ‍್ಹತಾಮಾ ತಾರಾ ನಾಮನಿ ತಾಕತ ಕ್ಹು ಇವ್ನೊನೆ ಕೈದಿನ ವಚಾ಼ಡ್ಯೊ. ತೆ ನಾಮ ಮನೆ ತು ದಿದ್ಯೊತೊ. ಪವಿತ್ರ ಗ್ರಂಥಮಾ ರ‍್ಹಯಲ ಪುರಾ ಥಾವಾನಾ ಹುತಿ ಮಿ ತ್ಯುನೊನೆ ವಚಾಡು ವರಿ ತ್ಯುನೊಮಾನೊ ಯಕ್ಲೊಬಿ ಹಾಳ ಥಯೊ ನೈ. ವಿನಾಶನೊ ದಿಕ್ರೊ ಥಯಲವಾಲಾನೆ ಛೊಡಿನಜವೈ ಜಾ಼ವಾನೆ ಇನಿಲಿದಲ (ಯುದ ಕವಾಲೊ) ಯಕ್ಕಲೊಜ ಇವ್ನೊಮಾ ಹಾಳ ಥಯೊ. 
\v 13 "ಹಮ್ನಾ ಮಿ ತುಕನ ಆವಾಡ್ಯೊಸ. ವರಿಬಿ ಮಿ ಎ ದುನಿಯಾಮಾ ರ‍್ಹತಾಮಾಜ ಎ ಸಂಗತಿಯೊನಾ ಹುತಿ ಪ್ರಾಥನಾ ಕರುಸ. ಎ ಮನಕ್ಹೊ ಮಾರಿ ಖುಶಿ ವ್ಹಂದಿಲ್ಯು ಕೈನ ವರಿ ಮಾರಿ ಖುಶಿ ಪುರಾ ರ‍್ಹೌ ಕೈನ ಎ ಸಂಗತಿಯೊ ಕವಾಡ್ಯೊಸ. 
\v 14 ಮಿ ಇವ್ನೊನೆ ತಾರಿ ವಾಕ್ಯಾ ದಿದ್ಯೊಸ. ಎ ದುನಿಯಾ ಇವ್ನೊನೆ ಶಿಟ್ಟ ಮ್ಹೆಲಸ. ಮಿ ಎ ದುನಿಯಾನೆ ಕೈ ತರಾ ಮಿ ನತ್ತಿ ಮಳ್ಯೊ. ತಿನಾ ಲಿಂಗತಜ ಇವ್ನೆ ಎ ಲೊಕನೆ ಮಳಲ ವಾಲಾ ನ್ಹವೈ. ತಿನಾಹುತಿ ಎ ದುನಿಯಾ ಇವ್ನೊನೆ ಶಿಟ್ಟ ಮ್ಹೆಲಸ. 
\v 15 "ತು ಇವ್ನೊನೆ ಎ ದುನಿಯಾಮಾತೊ ಕಾಳ್ಯು ಕೈನ ಮಿ ಪುಚ್ಚಾಡೊ ನತ್ತಿ. ತೆನೈಸೊ ಇವ್ನೊನೆ ಕೆಟ್ಟಕ್ಹು ವಚ್ಚಾಡಿನ ಚೊ಼ಕಿ ಥರಾ ರ‍್ಹೌ ಕೈನ ಮಿ ಪ್ರಾಥನಾ ಕರಾಡ್ಯೊಸ. 
\v 16 ಮಿ ಎ ದುನಿಯಾಮಾ ಕಿಮ ನತ್ತಿ ಮಳ್ಯೊ ತಿನಾ ಲಿಂಗತಜ ಇವ್ನೆ ಎ ದುನಿಯಾನಾ ನ್ಹವೈ. 
\v 17 "ತಾರಿ ಕ್ಹರಿನಾ ಮುಲಕ ತು ಇವ್ನೊನೆ ತಾರಿ ಸೆವೆನೆ ಸಮರ್ಪಣೆ ಕರಿ ಲೆ. ಕ್ಹರಿನಾ ಹುತಿ ತಾರಾ ವಾತೊ ಕ್ಹರಿಜ ವ್ಹೈ. 
\v 18 ತು ಮನೆ ಎ ದುನಿಯಾಮಾ ವಳಾಯಲ ಲಿಂಗತ ಮಿ ಇವ್ನೊನೆ ಎ ದುನಿಯಾಮಾ ಮೊಕ್ಲೊಸ. 
\v 19 ಇವ್ನೆ ಕ್ಹರಿಮಾಜ಼ ತಾರಿ ಸೆವೆನೆ ಒಪ್ಸಿನ ದಿವ್ ಕೈನ ಮನೆ ಮಿಜ಼ ತುನೆ ಒಪ್ಸಿನ ದಿದ್ಯೊಸ. 
\v 20 "ಮಾರಿ ಪ್ರಾಥನಾ ಇವ್ನಾ ಹುತಿ ಯಕ್ಕಜ಼ ನ್ಹವೈ ತೆನೈಸೊ ಇವ್ನಿಯೊ ವಾಕ್ಯಾಕ್ಹು ಮಪರ ಬರೊಕ್ಹೊ ಮ್ಹೆಲಾಲಾ ಕ್ಹಾರಾ ಮನಕ್ಹೊನಾ ಹುತಿ ಪ್ರಾಥನಾ ಕರುಸ. 
\v 21 ಬಾ, ಮಪರ ಬರೊಕ್ಹೊ ಮ್ಹೆಲಾಲಾ ಕ್ಹಾರಾ ಮನಕ್ಹೊ ಯಕ್ಕಜ಼ ಥೌ. ಕಿಮ್ಮ ತು ಮಾರಾಮಾ ಛೆ ವರಿ ಮಿ ತಾರಾ ಛೆ. ತ್ಯುನೆಬಿ ಅಪ್ನಾಮಾ ಯಕ್ಕ ಥಾವಾದೆ ತಿನಾಹುತಿ ದುನಿಯಾ ತುಜ಼಼ ಮನೆ ವಳಾಯೊಸ ಕೈನ ಬರೊಕ್ಹೊ ಕರಾದೆ. 
\v 22 ತು ಮನೆ ದಿದಲ ಮಹಿಮಾ ಮಿ ಎ ಮನಕ್ಹೊನೆ ದಿದ್ಯೊಸ. ಇನಾಹುತಿ ತ್ಯುನೆ ಯಕ್ಕ ಥಾವಾವೆ ಕಿಮ್ಮ ತು ವರಿ ಮಿ ಯಕ್ಕ ಛೆ. 
\v 23 ಮಿ ಇವ್ನೊಮಾ ರ‍್ಹೌಸ ವರಿ ತು ಮಾರಾಮಾ ಛೆ. ಇಮ್ಮ ತ್ಯುನೆ ಪುರಾಜ ಯಕ್ಕ ಥೈನ ರ‍್ಹವಸ. ತುಜ಼಼ ಮನೆ ಮೊಕ್ಲಲ ಹುತಿ ತು ಮನೆ ಮಯಾ ಕರಲ ಲಿಂಗತ ಎ ಮನಕ್ಹೊನೆಬಿ ಮಯಾ ಕರಶಿ ಕೈನ ಎ ದುನಿಯಾ ವಳಕಸ. 
\v 24 "ಬಾ, ತು ಮನೆ ದಿದಲ ಇವ್ನೆ, ಮಿ ರ‍್ಹವಾನಿ ಕ್ಹಾರಿ ಜ಼ಗಾ ಮಾರಾ ಕ್ಹಾತೆ ರ‍್ಹೌ ಕೈನ ವರಿ ಮಾರಿ ಮಹಿಮಾ ದೆಕು ಕೈನ ಆಸ ಕರುಸ. ಎ ದುನಿಯಾ ತಯ್ಯಾರ ಥಾವಾತಿ ಅಗ್ದುರಜ಼ ತು ಮನೆ ಮಯಾ ಕರಲ ಹುತಿ ತುಜ಼಼ ಎ ಮಹಿಮಾ ದಿದ್ಯೊ. 
\v 25 ನಿತಿ ಕ್ಹು ರ‍್ಹಯಲ ಬಾ, ಎ ದುನಿಯಾ ತುನೆ ವಳಕಿ ನತ್ತಿ ವರಿಬಿ ಮಿ ತುನೆ ವಳಕ್ಕಯೊಸ. ವರಿ ತುಜ಼಼ ಮನೆ ಮೊಕ್ಕಲ್ಯೊಸ ಕವಾನು ಎ ಮನಕ್ಹೊನೆ ಗ್ವತ್ತ ಛೆ. 
\v 26 ಮಿ ತಾರು ಕ್ಹರಿನು ರುಪ ಇವ್ನೊನೆ ವಳಕ ಲಗಾಡ್ಯೊಸ. ಮಿ ತಾರು ರುಪ ವರಿ ಇವ್ನೊನೆ ದೆಕಾಡುಸ. ತೆಳಾಮಾ ತಾರಿ ಮಯಾ ಮಪರ ಕಿಮ್ಮ ಛೆ, ತೆಜ಼ ಮಯಾ ಇವ್ನೊಮಾ ರ‍್ಹವಸ ವರಿ ಮಿ ಇವ್ನೊಮಾ ರ‍್ಹೌಸ"
\c 18
\s ಯೆಸುನೆ ಧರ‍ಲ
\p
\v 1 ಯೆಸು ಪ್ರಾಥನಾ ಕರಲ ಪರ ತಿನಾ ಶಿಷ್ಯಾವೊನಾ ಕ್ಹಾತೆ ಗಯೊ. ತ್ಯುನೆ ಕಿದ್ರೊನ ಕಣವಿ ದಾಟಿನ ಗಯಾ. ಯಕ್ಕ ಮಳಾಮಾ ಗಯೊ. 
\v 2 ಯೆಸುನೆ ಮೊಸ ಕರಲ ಯುದನೆಬಿ ಎ ಜ಼ಗಾ ಗ್ವತ್ತ ವ್ಹತ್ತಿ. ಕಾಕದ್ಯಾಮ ಯೆಸು ತಿನಾ ಶಿಷ್ಯಾವೊನಾ ಕ್ಹಾತೆ ತೆಳಾಮಾ-ತೆಳಾಮಾ ಆತೊತೊ. 
\v 3 ಯುದ ಸೈನಿಕೊನು ಯಕ್ಕ ಗುಂಪ ಖಾಸ ಯಾಜಕ ವರಿ ಫರಿಸಾಯರೊನಾ ಕೈದಾಲಾ ದಕ್ಹಾ ಮನಕ್ಹೊನೆ ಬಲೈ ಲಿನ ಮಳೊ ಆಯೊ. ತ್ಯುನೆ ಬರಚಿಯೊ, ಅಯುದೊಕ್ಹು ತಯ್ಯಾರ ಥೈನ ಆಯಾತಾ. 
\v 4 ತಿನೆ ಥಾವಾನು ಹರಯಕ್ಕ ಯೆಸುನೆ ಗ್ವತ್ತ ವ್ಹತ್ತು. ತೆ ಅಗೊ ಗೈನ"ತುಮೆ ಕಿನೆ ಹುಡಕಾಡಾಸ? ಕೈನ ಪುಚ್ಚೊ. 
\v 5 ತ್ಯುನೆ ತಿನೆ "ನಜರೆತನಾ ಯೆಸುನೆ" ಕೈನ ಉತ್ತರ ದಿದ್ಯಾ. ತೆ "ತೆ ಮಿಜ಼ ವ್ಹೈ" ಕದ್ಯೊ. ಯೆಸುನೆ ಮೊಸ ಕರಲ ಯುದ ತ್ಯಾ ತ್ಯುನಾ ಕ್ಹಾತೆ ಹುಬ್ರಯೊತೊ. 
\v 6 ತೆ"ತೆ ಮಿಜ಼ ವ್ಹೈ" ಕದಲ ಪರ ತ್ಯುನೆ ಪಾಚಾ಼ ಸರಕಿನ ಜಿಮಿನ ಪರ ಪಡ್ಯಾ. 
\v 7 ಯೆಸು ತ್ಯುನೊನೆ ವರಿ "ತುಮೆ ಕಿನೆ ಹುಡಕಾಡಾಸ? ಕೈನ ಪುಚ್ಚೊ. ತ್ಯುನೆ"ನಜರೆತನಾ ಯೆಸುನೆ" ಕೈನ ಕದ್ಯಾ. 
\v 8 ಯೆಸು, ತೆಳಾಮಾ ಕದಲ ತಿಮ್ಮ "ತೆ ಮಿಜ಼ ವ್ಹೈ ಕೈನ ತುಮೊನೆ ಕದ್ಯೊಸ್ತೊ. ತುಮೆ ಮನೆ ಹುಡುಕತಾ ರ‍್ಹಯುಮ, ಉಗ್ರಲ ಇವ್ನೊನೆ ಜಾ಼ವಾನೆ ದಿವೊ" ಕೈನ ಕದ್ಯೊ. 
\v 9 "ತು ಮನೆ ದಿದಲ ಮನಕ್ಹೊಮಾ ಮಿ ಜವೈಲಿದ್ಯೊ ನೈ" ಕೈನ ಯೆಸು ಪೈಲಾಜ ಕದಲ ವಾತ ಅಮ್ಮ ಕ್ಹರಿ ಥೈ. 
\v 10 ಸಿಮೊನ ಪೆತ್ರಾಕನ ಯಕ್ಕ ತಲ್ವಾರ ವ್ಹತ್ತು. ತೆ ತಿನಿ ತಲ್ವಾರ ಕಾಡಿನ ಖಾಸ ಯಾಜಕನಾ ಸೆವಕನೊ ತಿನೊ ಸಿದಾ ಬಗಲನೊ ಕಾನ ಕತ್ರಿ ಪಾಡ್ಯೊ. ತೆ ಸೆವಕನು ನಾಮ ಮಾಲ್ಕುಸ ವ್ಹತ್ತು. 
\v 11 ಯೆಸು ಪೆತ್ರಾನೆ"ತಾರಿ ತಲ್ವಾರ ಮ್ಯಾನಮಾ ಘಾಲ! ಬಾ ಮನೆ ದಿದಲ ತ್ರಾಸನೊ ತಾಂಬ್ಯೊ ಮಿ ತೆ ಸ್ವಿಕಾರ ಕರು" ತು ಇಮ್ಮ ಸೊಚತೊ ಸು? ಕೈನ ಕದ್ಯೊ.
\s ಅನ್ನಾನಾ ಕ್ಹಾಮೊ ಯೆಸು
\p
\v 12 ಪಾಚಾ಼ತಾ ತೆ ರೊಮನಾ ಸೈನಿಕೊ, ತ್ಯುನಾ ಸೆನಾದಿಪತಿ ವರಿ ಯಹುದಿಯೊನೆ ಕೈದಾಲಾ ಯೆಸುನೆ ಧರಿನ ಭಾಂದಿನ, ಲಾಯಾ. 
\v 13 ಅನ್ನಸಕನ ಲಾಯಾ. ತೆ ವರಕ್ಹ ಕಾಯಫ ಖಾಸ ಯಾಜಕ ವ್ಹತ್ತೊ. ಅನ್ನ ಕಾಯಫನೊ ಮಾಮೊ ವ್ಹೈ. 
\v 14 ಕ್ಹಾರಾ ಮನಕ್ಹೊನಾ ಹುತಿ ಯಕ್ಲೊಜ ಮರಾನು ಚೊ಼ಕು ವ್ಹೈ ಕವಾನು ಯೆಹುದಿನಾ ಅದಿಕಾರಿಯೊನೆ ಸಲಹೆ ದಿದಲವಾಲೊ ಎಜ಼ ಕಾಯಫ ವ್ಹೈ.
\s ಪೆತ್ರಾ ಯೆಸುನೆ ಇನ್ಕಾರಲ
\p
\v 15 ಸಿಮೊನ ಪೆತ್ರಾ ವರಿ ಯೆಸುನಾ ಶಿಷ್ಯಾವೊನಾ ಬಿಜೆಕ್ಲೊ ಯೆಸುನಾ ಪಾಚಾ಼ ಗಯಾ. ತೆ ಬಿಜೆಕ್ಲಾ ಶಿಷ್ಯಾನೆ ಖಾಸ ಯಾಜಕನಿ ವಳಕ ವ್ಹತ್ತಿ. ತಿನಾಹುತಿ ತೆ ಖಾಸ ಯಾಜಕನಾ ಘರನಾ ಅಂಗಳ ಕನ ಗಯೊ. 
\v 16 ತೆನೈಸೊ ಪೆತ್ರಾ ಭಾರಲ್ಯಾ ಬಾಕಲನಾ ನಜಿ಼ಕ ಹುಬ್ರಯೊ. ಖಾಸ ಯಾಜಕನಿ ವಳಕ ರ‍್ಹಯಲ ವರಿ ಯಕ್ಕ ಶಿಷ್ಯೊ ಭಾರೊ ಐನ ದ್ವಾರನು ಬಾಕಲ ಕೈದಾಲಿ ಕನ ಐನ ತಿನಾ ಕ್ಹಾತೆ ಬೊಲಿನ ಪೆತ್ರಾನೆ ಮ್ಹೈ ಬಲೈಲಿನ ಗಯೊ. 
\v 17 ದ್ವಾರನು ಬಾಕಲ ಕೈದಾಲಿ ಪೆತ್ರಾನೆ"ತೆ ಮನಕ್ಹನಾ ಕ್ಹಾತೆ ರ‍್ಹಯಲ ಶಿಷ್ಯಾವೊಮಾನೊ ತುಬಿ ಯಕ್ಲೊ ನ್ಹವೈಸು? ಕೈನ ಪುಚ್ಚಿ. ಪೆತ್ರಾ"ನ್ಹವೈ, ಮಿ ನ್ಹವೈ" ಕೈನ ಕದ್ಯೊ. 
\v 18 ತೆಳಾಮಾ ಥಂಡ ರ‍್ಹಯಲ ಹುತಿ ಕೈದಾಲಾ ವರಿ ಸೆವಕೊ ಆಗ ಲಗಾಡಿನ ತಿನಾ ಸುತ್ತೆ ಹುಬ್ರೈನ ತ್ಯುನೆ ಶೆಕಿಲಿವಾಡ್ಯಾತಾ. ಪೆತ್ರಾ ತ್ಯುನಾ ಕ್ಹಾತೆ ತ್ಯಾ ಗೈನ ಹುಬ್ರೈನ ಶೆಕಿಲಿವಾಡೊತೊ.
\s ಖಾಸ ಯಾಜಕ ಯೆಸುನೆ ಪ್ರಶ್ನೆ ಪುಚಚಲ
\p
\v 19 ಖಾಸ ಯಾಜಕ ಯೆಸುನೆ ತಿನಾ ಶಿಷ್ಯಾವೊನಾ ಹುತಿ ತೆ ಉಪದೆಶ ಕರಲ ಸಂಗತಿಯೊನಾ ಹುತಿ ಪ್ರಶ್ನೆ ಪುಚ್ಯೊ. 
\v 20 ತಿನಾ ಹುತಿ ಯೆಸು "ಮಿ ಮನಕ್ಹೊನಾ ಕ್ಹಾತೆ ಬೊಲ್ಯೊಸ" ಹಮೆಶಾಬಿ ಸಬಾಮಂದಿರೊಮಾ ವರಿ ದೆವಾಲಯಮಾ ಬೊದನೆ ಕರ‍್ಯೊಸ. ಯಹುದ್ಯೊ ಕ್ಹಾರಾ ತ್ಯಾ ಮಳಿನ ಆತಾತಾ. ಮಿ ಕಯುಜ಼ ಝಾಕಿನ ಕದ್ಯೊ ನತ್ತಿ. 
\v 21 ಇಮ್ಮ ರ‍್ಹತಾಮಾ, ತು ಮನೆ ಪ್ರಶ್ನೆ ಪುಚ್ಚಾನು ಕಾ? ಮಾರು ಉಪದೆಶ ಐಕಲ ಮನಕ್ಹೊನೆ ಪುಚ್ಚೊ ಮಿ ಕದಲ ತ್ಯುನೊನೆ ಗ್ವತ್ತ ಛೆ ಕೈನ ಕದ್ಯೊ. 
\v 22 ಯೆಸು ಇಮ್ಮ ಕದಲ ಬರೊಬ್ಬರ, ತ್ಯಾ ಹುಬ್ರಯಲ ಕೈದಾಲಾವೊಮಾನೊ ಯಕ್ಲೊ ಯೆಸುನೆ ಛಕ್ಕಡ ಮಾರಿನ"ತು ಖಾಸ ಯಾಜಕನಾ ಕ್ಹಾತೆ ತಿಮ್ಮ ಬೊಲಾನೆ ಕಕ್ಲಿ ಧೈರ್ಯ ಛೆ" ಕದ್ಯೊ 
\v 23 ಯೆಸು ತಿನೆ, ಯಕ್ಕೆಳೆ "ಮಿ ತಪ್ಪ ಬೊಲ್ಯಲ ರ‍್ಹಯಮ ಮಿ ಕದಲ ತಪ್ಪ ವ್ಹೈ ಕೈನ ಕ್ಹಾರಾವೊನೆ ಕ್ಹಾಮೆ ಕೆ ಮಿ ಸು ತಪ್ಪ ಕದ್ಯೊ. ತೆನೈಸೊ ಮಿ ಕದಲ ಕರೆಟ್ಟ ಕದಲ ರ‍್ಹಯುಮ ತು ಮನೆ ಮಾರ‍್ಯೊ ಶಾನೆ? ಕೈನ ಉತ್ತರ ದಿದ್ಯೊ. 
\v 24 ತೆಳಾಮಾ ಅನ್ನಸ ಯೆಸುನೆ ಭಾಂದಿನ, ಖಾಸ ಯಾಜಕ ಥಯಲ ಕಾಯಫ ಕನ ವಳೈನ ದಿದ್ಯೊ.
\s ಪೆತ್ರಾ ವರಿಯಕ್ಕ ಸಲಾ ಇನ್ಕಾರಲ
\p
\v 25 ಸಿಮೊನ ಪೆತ್ರಾ ತ್ಯಾಜ ಹುಬ್ರೈನ ಶೆಕಿಲಿವಾಡೊತೊ. ತ್ಯಾಂತಾ ತ್ಯುನೆ ಪೆತ್ರಾನೆ"ತೆ ಮನಕ್ಹನಾ ಶಿಷ್ಯಾವೊನಾ ತುಬಿ ಯಕ್ಲೊ ವ್ಹೈ ನೈ? ಕೈನ ಪುಚ್ಯಾ. ತೆನೈಸೊ ಪೆತ್ರಾ"ನ್ಹವೈ, ಮಿ ನ್ಹವೈ" ಕೈನ ಕದ್ಯೊ. 
\v 26 ಖಾಸ ಯಾಜಕನಾ ಸೆವಕೊಮಾ ಯಕ್ಲೊ ಪೆತ್ರಾ ಕಾನ ಕಾಟಲ ಸೆವಕನೊ ಸಂಬದಿಕ ವ್ಹತ್ತೊ. ತೆ ಸೆವಕ"ತು ಮಳಾಮಾ ತಿನಾ ಕ್ಹಾತೆ (ಯೆಸುನಾ ಕ್ಹಾತೆ) ರ‍್ಹಯಲ ಮಿ ದೆಕಲ ಲಿಂಗತ ಛೆ" ಕೈನ ಕದ್ಯೊ. 
\v 27 ತೆನೈಸೊ ಪೆತ್ರಾ ವರಿ"ನ್ಹವೈ, ಮಿ ತಿನಾ ಕ್ಹಾತೆ ನ್ಹೊತೊ" ಕದ್ಯೊ. ತೆಳಾಮಾಜ಼ ಕುಕ್ಡೊ ಬಾಂಗ ದಿದ್ಯೊ.
\s ಪಿಲಾತನನಾ ಕ್ಹಾಮೊ ಯೆಸು
\p
\v 28 ಪಾಚಾ಼ತಾ ಯಹುದ್ಯೊ ಯೆಸುನೆ ಕಾಯಫನಾ ಘರತಾ ರೊಮ ರಾಜ್ಯಪಾಲನಾ ಭವನ ಕನ ಲಿನ ಆಯಾ. ತೆಳಾಮಾ ಪಾಟ ಥೈತಿ. ಯಹುದ್ಯೊ ಭವನನಾ ಮ್ಹೈ ಗಯಾ ನೈ. ತ್ಯುನೆ ಪಸ್ಕ ಸನ್ನನು ಅನ್ನ ಚಾ಼ಯೆ ಕೈನ ರ‍್ಹಯಲ ಹುತಿ ತ್ಯುನೊನೆ ಅಶುದ್ಧೊ ಥೈನ ಕರಿಲಿವಾನೆ ಪಸಂದ ಕರ‍್ಯಾ ನೈ. 
\v 29 ತಿನಾಹುತಿ ಪಿಲಾತನ ತೆ ಯಹುದ್ಯೊ ಕನ ಐನ"ಎ ಮನಕ್ಹನಾ ಉಪ್ಪರ ತುಮೆ ಘಾಲ್ಯಲ ಅಪರಾದ ಸು ವ್ಹೈ? ಕೈನ ಪುಚ್ಚೊ. 
\v 30 ಯಹುದ್ಯೊ"ಎ ಯಕ್ಕ ಕೆಟ್ಟ ಮನಕ್ಹ ವ್ಹೈ. ತಿನಾಹುತಿ, ಹಮೆ ಇನೆ ತುಕನ ಬಲೈನ ಲಾಯಾಸ" ಕೈನ ದಿದ್ಯಾ. 
\v 31 ಪಿಲಾತನ ಯಹುದಿಯೊನೆ"ಯಹುದ್ಯೊ ಥಯಲ ತುಮೆಜ಼ ಅನೆ ಬಲೈ ಲಿನ ಗೈನ ತುಮಾರಾ ಧರಮಶಾಸ್ತ್ರನಾ ಲಿಂಗತ ಫೈಸಲೊ ಕರೊ" ಕೈನ ಕದ್ಯೊ. ಯಹುದ್ಯೊ"ತೆನೈಸೊ ಯಕ್ಲಾನೆ ಮೌತನೊ ಫೈಸಲೊ ಕರಾನೆ ಹಮಾರು ಕಾನುನ ಮೌಕೊ ನೈ ದೆತು" ಕೈನ ಉತ್ತರ ದಿದ್ಯಾ. 
\v 32 ತಿನೆ ಮರಾನಾ ತರಿಕಾನಾ ಹುತಿ ಯೆಸು ಕದಲ ವಾತ ಇಮ್ಮ ಕ್ಹರಿ ಥಾವಾನಾ ಹುತಿ ಇಮ್ಮ ಥಯು. 
\v 33 ಪಾಚಲ್ತೊ ಪಿಲಾತನ, ಭವನಮಾ ಫರಿನ ಗೈನ, ಯೆಸುನೆ ಬಲೈನ"ತು ಯಹುದ್ಯೊನೊ ರಾಜೊ಼ ವ್ಹೈ ಸು? ಕೈನ ಪುಚ್ಚೊ. 
\v 34 ಯೆಸು"ಎ ತಾರು ಸವಾಲ ವ್ಹೈ ಸು? ತೆನೈಸೊ ಮಾರಾ ಹುತಿ ಬಿಜಾ಼ ಮನಕ್ಹೊ ತುನೆ ತಿಳಸ್ಯಾ ಸು? ಕದ್ಯೊ. 
\v 35 ತೆಳಾಮಾ ಪಿಲಾತನ ಕದ್ಯೊ"ಮಿ ಯಹುದ್ಯನೊ ನ್ಹವೈ! ತಾರಾ ಸ್ವಂತ ಮನಕ್ಹೊ ವರಿ ತ್ಯುನಾ ಖಾಸ ಯಾಜಕೊ ತುನೆ ಬಲೈನ ಐನ ಮಾರಾ ಕ್ಹಾಮಾ ಹುಬ್ರಾಡ್ಯಾಸ. ತು ಸು ಕರ‍್ಯೊ? ಕೈನ ಪುಚ್ಚೊ. 
\v 36 ಯೆಸು"ಮಾರಿ ರಾಜ್ಯ ಎ ದುನಿಯಾನೆ ಮಳಲ ನ್ಹವೈ. ತೆ ಎ ದುನಿಯಾನೆ ಮಳಲ ರ‍್ಹವತ್ತು ಯಹುದ್ಯೊನಾ ಹತ್ಮಾ ಕ್ಹಾಪಡ್ಯಾವಾಚಿ ಮಿ ಕ್ಹಾಪಡೆ ನೈಸೊ ಮಾರಾ ಸೆವಕೊ. ತೆನೈಸೊ ಮಾರಿ ರಾಜ್ಯ ನ್ಹ್ಯಾನು ನ್ಹವ್ಹೈ" ಕದ್ಯೊ 
\v 37 ಪಿಲಾತನ"ತಿಮ್ಮ ರ‍್ಹಯುಮ ತು ರಾಜೊ಼ ವ್ಹೈ ಸು? ಕದ್ಯೊ. ಯೆಸು ತಿನೆ"ತುಜ಼಼ ಮನೆ ರಾಜೊ಼ ವ್ಹೈ ಕೈನ ಕವಾಡ್ಯೊಸ. ಮಿ ಮನಕ್ಹೊನೆ ಕ್ಹರಿ ಹುತಿ ಕವಾನೆ ಮಿ ಎ ದುನಿಯಾಮಾ ಹುಟ್ಯೊಸ. ಕ್ಹರಿಮಾ ರ‍್ಹಯಲ ಹರಿ ಯಕ್ಲೊ ಮಿ ಕದಲ ಐಕಸ ಕೈನ ಕದ್ಯೊ. 
\v 38 ಪಿಲಾತನ "ಕ್ಹರಿ ಕದ್ಯಾಮ ಸುವ್ಹೈ? ಕೈನ ಪುಚ್ಚಿನ ವರಿ ಯಹುದ್ಯೊಕನ ಭಾರೊ ಆಯೊ. ತೆ ಯಹುದಿಯೊನೆ"ಎ ಮನಕ್ಹಪರ ಅಪವಾದ ಘಾಲಾನೆ ಮನೆ ಸುಜ಼ ದಿಕ್ಹಾಡ್ಯು ನತ್ತಿ.
\s ಪಿಲಾತನ ಯೆಸುನೆ ಮರ್ವಾನಿ ಶಿಕ್ಷಾ ದಿದಲ
\p
\v 39 ವರಿಬಿ ಫಸ್ಕ ಸನ್ನಮಾ ಮಿ ತುಮಾರಾ ಹುತಿ ಕೈದಿಯೊಮಾನಾ ಯಕ್ಲಾನೆ ಬಿಡುಗಡೆ ಕರಾನು ಹಮಾರಿ ಪದ್ದತ ವ್ಹೈ. ಮಿ ಯಹುದ್ಯೊನಾ ರಾಜಾ಼ನೆ ಬಿಡುಗಡೆ ಕರುಕೈನ ತುಮಾರಿ ಆಸ ಛೆಸು? ಕೈನ ಪುಚ್ಯು. 
\v 40 ಯಹುದಿ "ನೈ ತಿನೆ ನ್ಹೈ" ಬರಬ್ಬನೆ ಬಿಡುಗಡೆ ಥಾವಾದೆ" ಕೈನ ವದ್ರ್ಯಾ. ಬರಬ್ಬ ಯಕ್ಲೊ ಹೊರಾಟ ಕರಾಲೊ ವ್ಹೈ.
\c 19
\p
\v 1 ಪಾಚಾ಼ತಾ, ಯೆಸುನೆ ಧರಿನ ಲಿನ ಗೈನ, ಬಾರಕೊಲ ಕ್ಹು ಮಾರು ಕೈನ ಪಿಲಾತನ ಆಗನ್ಯಾ ದಿದ್ಯೊ. 
\v 2 ಸೈನಿಕೊ ಕಾಟಾವೊನಾ ಝಾಕ್ರಾಕ್ಹು ಯಕ್ಕ ಕಿರಿಟ ಕರಿನ ಯೆಸುನಾ ಮಾತಾ ಪರ ಮ್ಹೆಲ್ಯಾ. ಪಾಚಾ಼ತಾ ಸೈನಿಕೊ ಯೆಸುನೆ ಜಾಂಬಳಾನು ಕಲರ ರ‍್ಹಯಲ ಮ್ಹೊಟು ಅಂಗ್ಡು ಘಾಲ್ಯಾ. 
\v 3 ಸೈನಿಕೊ ಹಗ್ಲೆಲ್ಲಾ ಯೆಸು ಕನ ಐನ"ಯಹುದ್ಯೊನಾ ರಾಜಾ಼ ತು ಘನ್ನಾ ಕಾಲ ಜಿವ್ತೊ ರ‍್ಹವಾದೆ" ಕೈನ ಕತಾ ತಿನಾ ಗಾಲೊಪರ ಮಾರ‍್ಯಾ. 
\v 4 ಪಿಲಾತನ ವರಿ ಭಾರೊ ಐನ, ಯಹುದಿಯೊನೆ"ದೆಕೊ ಮಿ ಯೆಸುನೆ ತುಮೊಕನ ಲಾವಾಡ್ಯೊಸ. ಮನೆ ತಿಮಾ ಕಯುಜ಼ ಅಪರಾದ ದಿಕ್ಹ್ಯು ನೈ ಕವಾನು ತುಮೊನೆ ಗ್ವತ್ತ ರ‍್ಹವಾದೆ ಕೈನ ಕದ್ಯೊ. 
\v 5 ತೆಳಾಮಾ ಯೆಸು ಭಾರೊ ಆಯೊ. ತಿನಾ ಮಾತಾಪರ ಕಾಟಾನು ಕಿರಿಟ ಘಾಲ್ಯಾತಾ ವರಿ ಜಾಂಬಳಾನು ಕಲರನು ಅಂಗ್ಡು ತಿನೆ ಘಾಲ್ಯಾ. ಪಿಲಾತನ ಯಹುದಿಯೊನೆ"ದೆಕೊ, ಎಜ಼ ಮನಕ್ಹ ವ್ಹೈ" ಕೈನ ಕದ್ಯೊ. 
\v 6 ಖಾಸ ಯಾಜಕೊ ಯಹುದಿಯೊನೆ ದೆವಾಲಯ ಕೈದಾಲಾ ಯೆಸುನೆ ದೆಕಿನ"ತಿನೆ ಶಿಲುಬಿಪರ ಘಾಲ ತಿನೆ ಶಿಲುಬಿಪರ ಗಾಲ" ಕೈನ ವದ್ರ್ಯಾ. ತೆನೈಸೊ ಪಿಲಾತನ"ತುಮೆಜ಼ ತಿನೆ ಲಿನ ಗೈನ ಶಿಲುಬೆಪರ ಘಾಲೊ ಮನೆ ತಿಮಾ ಕಯುಜ಼ ಅಪರಾದ ದಿಕ್ಹ್ಯು ನೈ ಕೈನ ಕದ್ಯೊ. 
\v 7 ಯೆಹುದಿಯೊ "ಹಮೊನೆ ಯಕ್ಕ ನಿಯಮ ಛೆ ತಿನಾಲಿಂಗತ ಇನಿ ಮರವಾನಿ ಶಿಕ್ಷಾ ಥೌಜ. ಕಾಕದ್ಯಾಮ ಎ ತಿನೆ ಕ್ಹುದಾನೊ ದಿಕ್ರೊ ವ್ಹೈ ಕೈನ ಕೈಲಿದ್ಯೊಸ ಕೈನ ಕದ್ಯೊ. 
\v 8 ಎ ಕವಾನು ಪಿಲಾತನ ಐಕಿನ ಘನ್ನೊ ಭುಚಿ಼ಕಿನ, 
\v 9 ವರಿ ಭವನಮಾ ಗೈನ ಯೆಸುನೆ"ತು ಕಿಜಾತೊ ಆಯೊಸ? ಕೈನ ಪುಚ್ಯೊ. ತೆನೈಸೊ ಯೆಸು ಸುಜ಼ ಕದ್ಯೊ ನೈ? 
\v 10 ಪಿಲಾತನ"ಮಾರಾ ಕ್ಹಾತೆ ಬೊಲ್ತೊ ನೈಸು? ತುನೆ ಛೊಡಾವಾನೆ ಅದಿಕಾರ ತುನೆ ಶಿಲುಬಿ ಪರ ಘಾಲಾನು ಅದಿಕಾರಬಿ ಮನೆ ಛೆ ಕವಾನು ತುನೆ ಗ್ವತ್ತ ಛೆ ಸು? ಕೈನ ಕದ್ಯೊ. 
\v 11 ಯೆಸು ತಿನೆ "ಮಪರ ತುನೆ ರ‍್ಹಯಲ ಅದಿಕಾರ ಛೆ. ತೆ ಕ್ಹುದಾಜ ತುನೆ ದಿದಲ ಅದಿಕಾರ ವ್ಹೈ. ತಿನಾಹುತಿ ಮನೆ ತಾರಾ ಹತ್ಮಾ ದಿದಲವಾಲಾವೊನೆ ಘನ್ನು ಪಾಪ ದೊಶ ರ‍್ಹವಸ ಕೈನ ಕದ್ಯೊ. 
\v 12 ಎ ಥಯಲ್ಪರ ಯೆಸುನೆ ಬಿಡುಗಡೆ ಕರಾನೆ ಪಿಲಾತನ ಕೊಶಿಶ ಕರ‍್ಯೊ. ತೆನೈಸೊ ಯೆಹುದಿಯೊ"ತಿನಾಕ್ಹು ತಿನೆ ರಾಜೊ಼ ವ್ಹೈ ಕೈನ ಕೈಲಿವಾನು ಕಯೊಬಿ ಮನಕ್ಹ ರ‍್ಹೈನಕಾ ಸಿಸರನೊ ವಿರೊಧಿ ವ್ಹೈ. ತಿನಾಹುತಿ ತು ಎ ಮನಕ್ಹನೆ ಬಿಡುಗಡೆ ಕರ‍್ಯೊಮ ತು ಸಿಸರನೊ ದೊಸ್ತ ನ್ಹವೈ ಕೈನ ತಿನೊ ಮತ್ಲಬ ವ್ಹೈ ಕೈನ ವದ್ರ್ಯಾ. 
\v 13 ಯಹುದಿಯೊ ಕದಲ ಐಕಿನ ಪಿಲಾತನ ಯೆಸುನೆ ಭಾರೊ ಬಲೈನ ಹಾಸುಗಲ್ಲ ಕವಾನು ಕಟ್ಟಾಕನ. ರ‍್ಹಯಲ ಫೈಸಲಾನಿ ಜ಼ಗಾಪರ ಬೈಟ್ಯೊ. ಇಬ್ರಿಯ ವಾತೊಮಾ ತಿನು ನಾಮ ಗಬ್ಬಥ ವ್ಹೈ 
\v 14 ತೆ ಪಸ್ಕ ಸನ್ನನು ತಯ್ಯಾರನೊ ದಿನ್ನ ವ್ಹೈ. ವರಿ ತೆಳಾಮಾಜ಼ ದುಪಾರ ಥೈಗೈತಿ ಪಿಲಾತನ ಯೆಹುದಿಯೊನೆ"ದೆಕೊ, ತುಮಾರೊ ರಾಜೊ಼" ಕೈನ ಕದ್ಯೊ. 
\v 15 ಯಹುದಿಯೊನೆ"ಲಿವೊ, ತಿನೆ ಶಿಲುಬಿಪರ ಘಾಲೊ" ಕೈನ ವದ್ರ್ಯಾ. ಪಿಲಾತನ ಯಹುದಿಯೊನೆ"ತುಮಾರಾ ರಾಜಾ಼ನೆ ಶಿಲುಬಿಪರ ಘಾಲು ಕೈನ ಆಸ ಕರೊಶಿ ಸು? ಕೈನ ಕದ್ಯೊ. ಖಾಸ ಯಾಜಕ"ಹಮೊನೆ ಸಿಸರನೆ ಛೊಡಿನ ಬಿಜೊ ಕಯೊ ರಾಜೊ಼ ನತ್ತಿ" ಕೈನ ಕದ್ಯಾ. 
\v 16 ತೆಳಾಮಾ ಪಿಲಾತನ ಯೆಸುನೆ ಶಿಲುಬಿಪರ ಘಾಲಾನೆ ತಿವ್ನಾ ಹತ್ಮಾ ದಿದ್ಯೊ. ಸೈನಿಕೊ ಯೆಸುನೆ ಬಲೈಲಿನ ಗಯಾ.
\s ಯೆಸುನೆ ಶಿಲುಬಿಪರ ಘಾಲ್ಯಲ
\p
\v 17 ಯೆಸು ತಿನಿ ಸ್ವಂತ ಶಿಲುಬಿ ಉಚೈಲಿನ ಭಾರೊ ಆಯೊ. ಕಪಾಲ ಕವಾನಿ ಜ಼ಗಾಪರ ಗಯೊ. ಯಹುದಿಯೊನಿ ವಾತೊಮಾ ಎ ಜ಼ಗಾನು ನಾಮ ಗೊಲ್ಗೊಥಾ" ವ್ಹೈ. 
\v 18 ತ್ಯುನೆ ತ್ಯಾ ಯೆಸುನಿ ತಿನಾ ಕ್ಹಾತೆ ಬಿಜಕ್ಲಾ ಬೆ ಜ಼ನಾವೊನೆ ಶಿಲುಬಿಪರ ಘಾಲ್ಯಾ. ತ್ಯುನೆ ಭಂಬಿಜ಼ನಾ ಆಜು಼ ಬಾಜು಼ಮಾ ಘಾಲಿನ, ಯೆಸುನೆ ತ್ಯುನಾ ವಚ್ಮಾ ಘಾಲ್ಯಾ. 
\v 19 ಪಿಲಾತನ ಯಕ್ಕ ಫಳಿಪರ ಬರ್ದಿನ ಶಿಲುಬೆನಾ ಉಪ್ಪರ ಲಗಾಡ್ಯೊ. ತೆ ಫಳಿಪರ"ನಜರೆತನೊ ಯೆಸು ಯಹುದಿಯೊನಾ ರಾಜ಼ೊ ಕವಾನು ಬರ್ದ್ಯೊತೊ. 
\v 20 ತೆ ಫಳಿಪರ ಇಬ್ರಿಯ ವಾತೊಮಾ ಲ್ಯಾಟಿನ ವರಿ ಗ್ರಿಕ ವಾತೊಮಾ ಬರ್ದಲ ವ್ಹತ್ತು. ಫಳಿಪರ ಬರ್ದಲ ಘನ್ನಾ-ಘನ್ನಾ ಮನಕ್ಹೊ ಒದ್ಯಾ. ಕಾಕದ್ಯಾಮ ಯೆಸು ಶಿಲುಬಿಪರ ಘಾಲ್ಯಾತಾ ತೆ ಜ಼ಗಾ ಗಾಮನಾ ನಜಿಕ ವ್ಹತ್ತು. 
\v 21 ಖಾಸ ಯಾಜಕೊ ಪಿಲಾತನನೆ ತೆ ಯಹುದಿಯೊನೊ ರಾಜ಼ೊ ವ್ಹೈ ಕೈನ ಬರ್ದೊ ನಕೊ. ತೆನೈಸೊ"ಎ ತಿನೆ ಯಹುದಿಯೊನೊ ರಾಜೊ಼ ಕೈನ ಕೈಲಿದ್ಯೊಸ "ಬರ್ದೊ. 
\v 22 ಪಿಲಾತನ"ಮಿ ಬರ್ದಾಯಲ ಬದಲಿ ಕರಾನೆ ಥಾತು ನೈ ಕೈನ ಕದ್ಯಾ. 
\v 23 ಸೈನಿಕೊ ಯೆಸುನೆ ಶಿಲುಬಿಪರ ಘಾಲ್ಯಲಪರ ತಿನಾ ವಣ್ಣಾ ಚಾರ ಭಾಗ ಕರಿನ ಯಕೆಕ್ಲೊ ಯಕೆಕ ಭಾಗ ವಾಟಿಲಿದ್ಯಾ. ತ್ಯಾಂತಾ ತೆನೈಸೊ ತಿನು ಮ್ಹೈನು ಅಂಗ್ಡುಬಿ ಕಾಡಿಲಿದ್ಯಾ. ತೆ ಹೊಲಗಿ ನೈಸೊ ಉಪ್ಪರತಾ ಶಿಯಲ ವ್ಹತ್ತು. 
\v 24 ತಿನಾಹುತಿ ಸೈನಿಕೊ"ಅಪೆ ಅನೆ ಫಾಡಿನ ಪಾಲ ಕರು ನೈ. ಅಪೆ ಚಿಟಿ ಘಾಲಿನ ತೆ ಕಿನೆ ಆವಸ ದೆಕೆ" ಕೈನ ಬೊಲಿನ ಅಮ್ಮ ಕರ‍್ಯಾ" ತ್ಯುನೆ ಮಾರಾ ವಣ್ಣಾ ತ್ಯುನಾಮಾ ಪಾಲ ಕರಿಲಿದ್ಯಾ" ಮಾರಾ ಅಂಗ್ಡಾನಾ ಹುತಿ ಚಿಟಿ ಘಾಲ್ಯಾ" ಕಿರ್ತನೆ 22:18 ಕೈನ ಪವಿತ್ರ ಗ್ರಂಥಮಾ ಬರ್ದಲ ವಾತ ಅಮ್ಮ ಪುರಾ ಥೈ. 
\v 25 ಯೆಸುನಿ ಯಾ, ಯಾನಿ ಭೆನ, ಕ್ಲೊಪನನಿ ಬೈಕೊ ಥಯಲ ಮರಿಯಳ ವರಿ ಮಗ್ದಲನಿ ಮರಿಯಳ ಶಿಲುಬಿ ಕನ ಹುಬ್ರಯಾತಾ. 
\v 26 ಯೆಸು ತಿನಿ ಯಾನೆ ತ್ಯಾ ಹುಬ್ರಯಲ ತಿನಾ ಮಯಾನೊ ಶಿಷ್ಯಾನೆ ದೆಕಿನ ತಿನಿ ಯಾನೆ"ಯಾ ದೆಕ, ತಾರೊ ದಿಕ್ರೊ" ಕೈನ ಕದ್ಯೊ. 
\v 27 ಪಾಚಲ್ತೊ ಯೆಸು ತೆ ಶಿಷ್ಯಾನೆ"ದೆಕ, ತಾರಿ ಯಾ" ಕದ್ಯೊ. ತೆ ದಿನ್ನತೊ ತೆ ಶಿಷ್ಯೊ ತಿನೆ ಬಲೈಲಿನ ಗೈನ ತಿನಾ ಘರಮಾ ಮ್ಹೆಲಿದ್ಯೊ.
\s ಯೆಸುನು ಮರಣ
\p
\v 28 ಎ ಥಯಲ್ಪರ ಕ್ಹಾರು ಪುರಾ ಥಯು ಕೈನ ತಿಳ್ದಿಲಿನ ಪವಿತ್ರ ಗ್ರಂಥನಿ ವಾತ ಪುರಾ ಕರಾನಾ ಹುತಿ ತೆ"ಮನೆ ತರಕ್ಹ ಲಾಗಿಸ" ಕೈನ ಕದ್ಯೊ. 
\v 29 ತ್ಯಾ ಖಾಟು ರಕ್ಹ ಭರಲ ಹಂಡೊ ವ್ಹತ್ತು. ಸೈನಿಕೊ ಸ್ಪಂಜ ಖಾಟಾ ರಕ್ಹಮಾ ಡುಬೈನ ಹಿಸ್ಸೊಪ್ ಕವಾನಾ ಝಾಡನಿ ಲಾಕ್ಡಿನೆ ಟಂಗೈನ ತಿನೆ ಉಪ್ಪರ ಉಚೈನ ಯೆಸುನಾ ಮ್ಹೊಡಾನೆ ಲಗಾಡ್ಯಾ. 
\v 30 ಯೆಸು ಖಾಟು ರಕ್ಹನೆ ಸುರ್ಕಿನ"ಪುರಾ ಥಯು" ಕೈನ ಮಾತು ಜು಼ಕೈನ ಜ಼ಲಮ ಛೊಡ್ಯೊ.
\s ಯೆಸುನಾ ಪಾಕ್ಹಳಿಮಾ ಬರ್ಚಿ
\p
\v 31 ತೆ ದಿನ್ನ ತಯ್ಯಾರಿನು ದಿನ್ನ ವ್ಹತ್ತು. ಮರ್ನಾ ದಿನ್ನೆ ಖಾಸ ಸಬ್ಬತ ದಿನ್ನ ವ್ಹತ್ತು. ಸಬ್ಬತ ದಿನ್ನೆ ಅಂಗೊ ಶಿಲುಬಿ ಪರ ಚಡಾನು ಯಹುದಿಯೊನೆ ಪಸಂದ ನ್ಹೊತು. ತಿನಾಹುತಿ ತ್ಯುನಾ ಪಗೊನೆ ತೊಡಿನ ಜಲ್ದಿ ಖಲಾಸ ಕರಾನು ಆಜ್ಞಾ ದಿವ ಕೈನ ತ್ಯುನೆ ಪಿಲಾತನ ಕನ ಮಾಂಗಿಲಿದ್ಯಾ. 
\v 32 ತಿನಾಹುತಿ ಸೈನಿಕೊ ಐನ ಯೆಸುನಾ ಕ್ಹಾತೆ ಶಿಲುಬಿ ಪರ ಚ಼ಡಾಯಲ ಬೆ ಜ಼ನಾವೊನಾ ಪಗೊ ಭಾಗಿ ಪಾಡ್ಯಾ. 
\v 33 ಪಾಚಾ಼ತಾ ತ್ಯುನೆ ಯೆಸುನಾ ನಜಿಕ ಆಯಲ ಪರ ತೆ ತೆಳಾಮಾಜ಼ ಮರ‍್ಯಲ ದೆಕಿನ ತಿನಾ ಪಗೊ ತೊಡ್ಯಾ ನೈ. 
\v 34 ತೆನೈಸೊ ಸೈನಿಕೊಮಾನೊ ಯಕ್ಲೊ ತಿನಿ ಬರ್ಚಿಕ್ಹು ಯೆಸುನಾ ಪಾಖಳಿಮಾ ಚೊಟ್ಯೊ. ಪಾಖಳಿಮಾತು ರಗತ ವರಿ ಪಾನಿ ಭಾರು ಐಯು. 
\v 35 ಎ ದೆಕಲವಾಲೊ ಇನಾಹುತಿ ಕದ್ಯೊಸ. ತುಮೆಬಿ ಬರೊಕ್ಹೊ ಕರು ಕೈನ ತೆ ತುಮೊನೆ ಎ ತಿಳ್ಸಾಯೊಸ. ತೆ ಕವಾನಿ ಸಂಗತಿಯೊ ಕ್ಹರಿಜ ವ್ಹೈ. ತೆ ಕವಾನು ಕ್ಹರಿ ವ್ಹೈ ಕೈನ ತಿನೆ ಗ್ವತ್ತ ಛೆ. 
\v 36 ಪವಿತ್ರ ಗ್ರಂಥಮಾ ಬರ್ದಲ"ತಿನಾ ಹಡಕಾವೊಮಾ ಯಕ್ಕಬಿ ನೈ ತೊಡಸಕ್ತಾ" ಕವಾನಿ ವಾತ ಇಮ್ಮ ಪುರಾ ಥೈ. 
\v 37 ಪವಿತ್ರ ಗ್ರಂಥನಾ ವರಿ ಯಕ್ಕ ಜ಼ಗಾ"ಮನಕ್ಹೊ ತ್ಯುನೆ ಬರ್ಚಿಕ್ಹು ಚೊಟೈ ಲಿದ್ಯಲಕ್ಹು ತಿನೆಜ ಡೊಳಾ ಫಾಡಿನ ದೆಕಸ" ಕೈನ ಬರ್ದಲ ಛೆ.
\s ಯೆಸುನು ಸಿದ್ಕಿ ಭಾಂದಾನು
\p
\v 38 ಪಾಚಾ಼ತಾ, ಅರಿಮಥಾಯ ಗಾಮನೊ ಯೊಸೆಫ ಕವಾಲೊ ಯೆಸುನು ಅಂಗ ತಿನೆ ದೆ ಕೈನ ಪಿಲಾತನ ಕನ ಮಾಂಗಿಲಿದ್ಯೊ. ಯೊಸೆಫ ಯೆಸುನೊ ಯಕ್ಕ ಅನುಯಾಯಿ ವ್ಹತ್ತೊ. ತೆನೈಸೊ ತೆ ಯೆಹುದಿಯೊನಾ ಅದಿಕಾರಿಯೊನೆ ಭುಚಿ಼ಕಿನ ರ‍್ಹಯಲಕ್ಹು ತಿನಾ ಹುತಿ ಮನಕ್ಹೊನೆ ಕದ್ಯೊ ನ್ಹೊತೊ. ಯೆಸುನು ಅಂಗ ಲಿನ ಜಾ಼ವಾನೆ ಪಿಲಾತನ ತಿನೆ ಅಪ್ಪಣೆ ದಿದ್ಯೊ. ತಿನಾಹುತಿ ತೆ ಐನ ಯೆಸುನು ಅಂಗ ಲಿನ ಗಯೊ. 
\v 39 ನಿಕೊದೆಮ ಯೊಸೆಫನಾ ಕ್ಹಾತೆ ಗಯೊ. ಪಾಚೊ಼ ಯಕ್ಕೆಮ, ರಾತೆ ಯೆಸು ಕನ ಐನ ತಿನಾ ಕ್ಹಾತೆ ಬೊಲಲವಾಲೊಜ ನಿಕೊದೆಮ ವ್ಹೈ. ತೆ ಮುವತ್ತ ಕಿಲೊ ತೆಕ್ಲು ಬಾಸನು ತೆಲ ಲಿನ ಆಯೊ. ತೆ ಬಾಸನು ತೆಲ ರಕ್ತಬೊಳ ವರಿ ಅಗರು ಮಳೈನ ಕರಲ ವ್ಹೈ. 
\v 40 ಎ ಭಂಬಿ ಜ಼ನಾ ಯೆಸುನು ಅಂಗ ಲಿನ ತಿನೆ ಬಾಸನು ತೆಲ ಲಗಾಡಿನ ಖಾದಿನಾ ಫಡಕಾಕ್ಹು ಸುತ್ಯಾ. ಯಹುದ್ಯೊ ಪದ್ದತ ಲಿಂಗತಜ ಸಮಾದಿ ಕರಾನೆ ತಯ್ಯಾರ ಕರ‍್ಯಾ. 
\v 41 ಯೆಸುನೆ ಶಿಲುವಿ ಪರ ಘಾಲ್ಯಲ ಜ಼ಗಾ ಯಕ್ಕ ಕ್ಹೆತರ ವ್ಹತ್ತು. ತೆ ಕ್ಹೆತರಮಾ ಯಕ್ಕ ನಯಿ ಮಜಾರ ವ್ಹತ್ತಿ. ತಿಮಾ ಕೆಳಾಮಾಜ ಕಿನೆ ಸಮಾದಿ ಕರ‍್ಯಾ ನ್ಹೊತಾ. 
\v 42 ತೆ ಸಬ್ಬತನು ತಯ್ಯಾರನು ದಿನ್ನ ಶುಕ್ರಾರ ವ್ಹತ್ತು. ವರಿ ಸಮಾದಿ ಘನ್ನಿ ನಜಿಕ ವ್ಹತ್ತಿ. ತಿನಾಹುತಿ ತ್ಯುನೆ ಯೆಸುನೆ ತಿಮಾ ಮ್ಹೆಲ್ಯಾ.
\c 20
\s ಕ್ಹಾಲಿ ಮಜಾರ
\p
\v 1 ಐತ್ವಾರ ಪಾಟೆ ಮಗ್ದಲನಿ ಮರಿಯಳ ಯೆಸುನಾ ಅಂಗ ರ‍್ಹಯಲ ಮಜಾರ ಕನ ಐ. ತೆಳಾಮಾ ಹಜು಼ನ ಅಂದಾರು ವ್ಹತ್ತು. ಮಜಾರನಾ ಬಾಕಲನೆ ಝಾಕಲ ಮ್ಹೊಟೊ ದಗ್ಡೊ ತ್ಯಾಂತೊ ಸರಕಾಯಲ ದೆಕಿನ ಮರಿಯಳ 
\v 2 ಸಿಮೊನ ಪೆತ್ರಾ ವರಿ ಯೆಸು ಮಯಾ ಕರಾನಾ ವರಿಯಕ್ಲಾ ಶಿಷ್ಯಾ ಕನ ನ್ಹಾಟಿನ ಐನ"ತ್ಯುನೆ ಮಜಾರಮಾತಾ ಪ್ರಭುನೆ ಲಿನ ಗಯಾಸ, ತಿನೆ ಕಿಜಾ಼ ಮ್ಹೆಲ್ಯಾಸ ಕವಾನು ಹಮೊನೆ ಗ್ವತ್ತ ನತ್ತಿ" ಕೈನ ಕದಿ. 
\v 3 ತಿನಾಹುತಿ ಪೆತ್ರಾ ವರಿಯಕ್ಕ ಶಿಷ್ಯೊ ಮಜಾರ ಕನ ಗಯಾ. 
\v 4 ತ್ಯುನೆ ಭಂಬಿ ಜ಼ನಾ ನ್ಹಾಟತಾ ಗಯಾ. ತೆನೈಸೊ ತೆ ವರಿಯಕ್ಕ ಬಿಜೊ ಶಿಷ್ಯೊ ಪೆತ್ರಾತಿಬಿ ಜೊ಼ರ ನ್ಹಾಟತೊ ಮಜಾರ ಕನ ಗೈನ ಪೈಲಾ ಮುಟ್ಯೊ. 
\v 5 ತೆ ಶಿಷ್ಯೊ ಡೊಗ್ಗಿನ ಮ್ಹೈ ದೆಕ್ಯೊ. ತ್ಯಾ ಫಡಕಾನಾ ತುಕ್ಡಾ ಪಡ್ಯಾತಾ ತೆನೈಸೊ ತೆ ಮ್ಹೈ ಗಯೊ ನೈ. 
\v 6 ಪಾಚಲ್ತೊ ಆಯಲ ಪೆತ್ರಾ ಸಿದಾ ಮಜಾರನಾ ಮ್ಹೈ ಹೊಕ್ಯೊ. ಖಾದಿನಾ ಫಡಕಾ ತ್ಯಾ ಪಡಲ ತೆ ದೆಕ್ಯೊ. 
\v 7 ಪಸ್ಟ ನ್ಹಾಟಿನ ಗಯಲ ತೆ ಶಿಷ್ಯೊಬಿ ಮ್ಹೈ ಗಯೊ. ವರಿ ದೆಕ್ಯೊ, ವರಿ ಬರೊಕ್ಹೊ ಕರ‍್ಯೊ. ತೆ ಪ್ಹಡಕು ಸುತ್ತಲ ರ‍್ಹೈನ, ಬಿಜಾ಼ ಖಾದಿನಾ ಫಡಕಾವೊತಿ ಜ಼ುದು ಥೈನ ಪಡ್ಯುತು. 
\v 8 ಪಾಚಲ್ತೊ ತೆ ವರಿಯಕ್ಕ ಶಿಷ್ಯೊ ಮ್ಹೈ ಗಯೊ. ಮಜಾರ ಪೈಲಾ ಗೈನ ಮುಟ್ಯಲವಾಲೊ ತೆ ಶಿಷ್ಯೊ ವ್ಹೈ. ತೆ ಥಯಲ ಕ್ಹಾರು ದೆಕಿನ ಬರೊಕ್ಹೊ ಕರ‍್ಯೊ. 
\v 9 ತೆ ಮರಿನ ವರಿ ಜಿವ್ತೊ ಥೈನ ಆವಸ ಕವಾನು ಪವಿತ್ರ ಗ್ರಂಥಮಾ ಬರ್ದಲ ಎ ಶಿಷ್ಯಾವೊನೆ ಹಜು಼ನ ಗ್ವತ್ತ ನ್ಹೊತು.
\s ಮರಿಯಳನೆ ಯೆಸು ದರ್ಶನ ದಿದಲ
\m
\v 10 ಪಾಚಾ಼ತಾ ಶಿಷ್ಯಾ ಪಾಚಾ಼ ಫರಿನ ಘರೆ ಗಯಾ. 
\v 11 ತೆನೈಸೊ ಮರಿಯಳ ರೊತಿ ಮಜಾರನಾ ಭಾರಿ ಹುಬ್ರೈತಿ. ತೆ ರೊತಿ ಡೊಗ್ಗಿನ ಮಜಾರಮಾ ದೆಕ್ತಾಮಾ, 
\v 12 ಧೊಳಾ ವಣ್ಣಾ ಘಾಲ್ಲಿದಲ ಬೆ ಕ್ಹುದಾನಾ ದುತೊ ದೆಕಿ. ಯೆಸುನು ಅಂಗ ಮ್ಹೆಲಲ ಜ಼ಗಾ ಕನ ತ್ಯುನೊಮಾ ಯಕ್ಲೊ ಯೆಸುನಾ ಮಾತಾ ಕನ ವರಿ ಯಕ್ಲೊ ಪಗೊ ರ‍್ಹಯಲ ಜ಼ಗಾ ಕನ ಬೈಟ್ಯೊತೊ. 
\v 13 ಕ್ಹುದಾನಾ ದುತೊ ಮರಿಯಳನೆ"ಬೈ, ಕಾ ರವಾಡಿಸ? ಕೈನ ಪುಚ್ಯಾ. ಮರಿಯಳ"ಮಾರಾ ಪ್ರಭುನು ಅಂಗ ದಕ್ಹಾ ಜ಼ನಾ ಲಿನ ಗಯಾಸ. ತ್ಯುನೆ ತಿನೆ ಕಿಜಾ಼ ಮ್ಹೆಲ್ಯಾಸ ಕವಾನು ಮನೆ ಗ್ವತ್ತ ನತ್ತಿ" ಕೈನ ಉತ್ತರ ದಿದಿ. 
\v 14 ಮರಿಯಳ ಇಮ್ಮ ಕೈನ ಪಾಚಿ ಫರತಾಮಾ ಯೆಸು ತ್ಯಾಜ ಹುಬ್ರಯಲ ದೆಕಿ. ತೆನೈಸೊ ತೆ ಯೆಸುಜ ವ್ಹೈ ಕವಾನು ತಿನೆ ಗ್ವತ್ತ ನ್ಹೊತು. 
\v 15 ಯೆಸು ತಿನೆ"ಬೈ, ಕಾ ರವಾಡಿಸ? ತು ಕಿನೆ ಹುಡಕಾಡಿಸ? ಕೈನ ಪುಚ್ಚೊ. ತೆ ಕ್ಹೆತರ ದೆಕಿಲಿವಾಲೊ ವಸೆ ಕೈನ ಮರಿಯಳ ತಿಳ್ದಿಲಿನ ತಿನೆ"ಬಾ, ತು ಯೆಸುನೆ ಲಿನ ಗಯೊಸ ಸು? ತಿನೆ ಕಿಜಾ಼ ಮ್ಹೆಲ್ಯೊಸ, ಮನೆ ಕೆ. ಮಿ ಗೈನ ತಿನೆ ಲಿನ ಔಸ" ಕೈನ ಕದಿ. 
\v 16 ಯೆಸು ತಿನೆ"ಮರಿಯಳ" ಕದ್ಯೊ. ಮರಿಯಳ ಯೆಸು ಕನ ಫರಿನ, ಇಬ್ರಿಯ ಭಾಶಾಮಾ "ರಬ್ಬುನಿ" ಕದಿ. ರಬ್ಬುನಿ ಕದ್ಯಾಮ "ಗುರು ವ್ಹೈ" 
\v 17 ಯೆಸು ತಿನೆ ಮನೆ ಮುಟ್ಟು ನಕೊ. ಮಿ ಬಾಕನ ಹಜು಼ನ ಫರಿನ ಗಯೊ ನತ್ತಿ. ತೆನೈಸೊ ಮಾರಾ ಭಾಯೊಕನ (ಶಿಷ್ಯಾ) ಗೈನ ಮಾರೊ ಬಾ ತುಮಾರೊ ಬಾ ಮಾರೊ ಕ್ಹುದಾ ತುಮಾರೊ ಕ್ಹುದಾ ಥಯಲವಾಲೊ ಮಿ ಫರಿನ ಚಾಲ್ಯೊಸ. ಕವಾನು ತ್ಯುನೊಕನ ಕೆ ಕೈನ ಕದ್ಯೊ. 
\v 18 ಮಗ್ದಲನಿ ಮರಿಯಳ ಶಿಷ್ಯಾವೊಕನ ಗೈನ ಮಿ ಪ್ರಭುನೆ ದೆಕಿಶಿ ಕೈನ ಕದಿ ತೆ ಕ್ಹಾರಿಯೊ ಸಂಗತಿಯೊ ಕದಿ.
\s ಶಿಷ್ಯಾವೊನೆ ಯೆಸು ದರ್ಶನ ದಿದಲ
\p
\v 19 ತೆ ದಿನ್ನ ಐತ್ವಾರ ವ್ಹತ್ತೊ. ತೆ ದಿನ್ನಾ ಕ್ಹಾಂಜೆ ಶಿಷ್ಯಾ ಕುಡಿನ ವ್ಹತ್ತಾ. ಯೆಹುದಿಯೊನಾ ಅದಿಕಾರಿಯೊನೆ ಭುಚಿ಼ಕಿನ ಬಾಕಲೊ ಘಾಲ್ಲಿನ ಘರನಾ ಮ್ಹೈ ವ್ಹತ್ತಾ. ತೆಳಾಮಾ ಯೆಸು ತ್ಯುನಾ ವಚ್ಮಾ ಐನ ಹುಬ್ರೈನ ತ್ಯುನೊನೆ ಶಾಂತಿ ತುಮೊಮಾ ರ‍್ಹವಾದೆ ಕೈನ ಕದ್ಯೊ. 
\v 20 ಯೆಸು ಇಮ್ಮ ಕದಲ್ಪರ ತಿನಾ ಹತೊ ವರಿ ಪಾಕ್ಹಳಿ ದೆಕಾಡ್ಯೊ. ಪ್ರಭುನೆ ದೆಕಿನ ತ್ಯುನೆ ಘನ್ನಾ ಖುಶಿ ಥಯಾ. 
\v 21 ಪಾಚಲ್ತೊ ಯೆಸು ವರಿ ಶಾಂತಿ ತುಮೊಮಾ ರ‍್ಹವಾದೆ ಬಾ ಮನೆ ಮೊಕಲ್ಯೊ. ತಿನಾ ಲಿಂಗತಜ ಮಿ ತುಮೊನೆ ಮೊಕಲಾಡೊಸ. ಕೈನ ಕದ್ಯೊ. 
\v 22 ಯೆಸು ಇಮ್ಮ ಕದಲ್ಪರ ಶಿಷ್ಯಾವೊಪರ ಯೆಸು ಪ್ಹುಕ್ಕಿನ ಪವಿತ್ರ ಆತ್ಮಾನೆ ಸ್ವಿಕಾರ ಕರೊ. 
\v 23 ತುಮೆ ಕಿನಾ ಪಾಪ ಮಾಫ ಕರೊಶಿ ತ್ಯುನಾ ಪಾಪೊ ಮಾಫ ಕರಸ. ತುಮೆ ಕಿನಾ ಪಾಪೊ ಮಾಫ ನೈ ಕರತಾ ತ್ಯುನಾ ಪಾಪೊ ಮಾಫ ನೈ ಕರತಾ. ತ್ಯುನಾ ಪಾಪೊನೆ ಮಾಫಿ ನೈ ಮಳ್ತಿ ಕೈನ ಕದ್ಯೊ.
\s ತೊಮಾನೆ ಯೆಸು ದರ್ಶನ ದಿದಲ
\p
\v 24 ಯೆಸು ಆತಾಮಾ ಔಳಿ ಜೌಳಿ ಕವಾಲೊ ತೊಮ ಶಿಷ್ಯಾವೊನಾ ಕ್ಹಾತೆ ನ್ಹೊತೊ. ಬಾರಾ ಶಿಷ್ಯಾವೊಮಾನಾ ತೊಮ ಕವಾಲೊ ಯಕ್ಲೊ ವ್ಹತ್ತೊ. 
\v 25 ಉಗ್ರಲ ಶಿಷ್ಯಾ ತೊಮಾನೆ ಹಮೆ ಪ್ರಭುನೆ ದೆಕ್ಯಾ ಕೈನ ಕದ್ಯಾ. ವರಿಬಿ ತೊಮಾ ತಿನಾ ಹತೊಮಾ ರ‍್ಹಯಲ ಮೊಳಾ ಮಾರಲ ದುಕಪರ ವರಿ ಪಾಕ್ಹಳಿಯೊನು ದುಖಪರ ಹತ ಮ್ಹೆಲಿನ ದೆಕೆ ಲಕ್ಕಾ ಮಿ ನಂಬತೊ ನೈ ಕೈನ ಕದ್ಯೊ. 
\v 26 ಯಕ್ಕ ಹಪ್ತೊ ಥಯಲಪರ ಕ್ಹಾರಾ ಶಿಷ್ಯಾ ಯಕ್ಕ ಘರಮಾ ಮಳ್ಯಾತಾ. ತೊಮಾ ತ್ಯುನ ಕ್ಹಾತೆ ವ್ಹತ್ತೊ. ಪುರಾ ಬಾಕಲೊ ಘಾಲ್ಯಾತಾ ತೆಳಾಮಾ ಯೆಸು ಐನ ತ್ಯುನಾ ವಚ್ಮಾ ಹುಬ್ರೈನ ತ್ಯುನೊನೆ ಶಾಂತಿ ತುಮೊಮಾ ರ‍್ಹವಾದೆ ಕೈನ ಕದ್ಯೊ. 
\v 27 ಪಾಚಲ್ತೊ ಯೆಸು ತೊಮಾನೆ ತಾರೊ ಬೊಟ ಘಾಲಿನ ಮಾರಾ ಹತೊ ದೆಕ. ತಾರೊ ಹತ ಮಾರಿಯೊ ಪಾಕ್ಹಳಿಮಾ ಘಾಲ ಸಂಶೊ ಕರ‍್ಯಾವಾಚಿ ಮನೆ ನಂಬಾಲೊ ಥಾ. ಕೈನ ಕದ್ಯೊ. 
\v 28 ತೊಮಾ ಯೆಸುನೆ "ಮಾರಾ ಪ್ರಭು ಮಾರಾ ಕ್ಹುದಾ "ಕೈನ ಕದ್ಯೊ. 
\v 29 ಯೆಸು ತುತೊ ಮನೆ ತು ದೆಕಿನ ನಂಬ್ಯೊ ಮನೆ ದೆಕ್ಯಾವಾಚಿ ನಂಬಾಲಾ ‍ಕ್ಹರಿಮಾಜ಼ ಧನೈ ವ್ಹೈ. ಕೈನ ಕದ್ಯೊ.
\s ಎ ಬುಕ್ಕ ಬರ್ದಲ ಉದ್ದೆಶ
\p
\v 30 ಯೆಸು ಹಜು಼ನ ತಿನಾ ಶಿಷ್ಯಾವೊನಾ ಕ್ಹಾಮೊ ಅದ್ಭುತ ಕಾಮೊ ಕರ‍್ಯೊ. ಎ ಅದ್ಭುತ ಕಾಮೊ ಪುಸ್ತಕಮಾ ಬರ್ದ್ಯಾ ನತ್ತಿ. 
\v 31 ಯೆಸು ಹಜು಼ನ ಬಿಜಾ಼ ಅದ್ಭುತ ಕಾಮೊ ತಿನಾ ಶಿಷ್ಯಾನಾ ಕ್ಹಾಮೊ ಕರ‍್ಯೊಸ. ತೆನೈಸೊ ಎ ಬುಕ್ಮಾ ನತ್ತಿ ಬರ್ದ್ಯಾ. ವರಿ ಅಕ್ಲು ಕ್ಹಾರು ಬರ್ದಲ ಛೆ. ಕಾಕದ್ಯಾಮ ತುಮೆ ತಿಪರ ಬರೊಕ್ಹೊ ಮ್ಹೆಲು ಕೈನ ಎ ಕ್ಹಾರು ಬರ್ದಲ ವ್ಹೈ.
\c 21
\s ಯೆಸು ಕ್ಹಾತ ಶಿಷ್ಯಾವೊನೆ ದಿಕ್ಹಲ
\p
\v 1 ತೆ ಥಯಲ್ಪರ, ವರಿ ಯಕ್ಕಸಲಾ ಯೆಸು ತಿನಾ ಶಿಷ್ಯಾವೊನೆ ತಿಬೆರಿಯಾ ಸಮುಂದರಕನ ದಿಕ್ಹ್ಯೊ. ತೆ ಅಮ ಥಯು; 
\v 2 ದಕ್ಹಾ ಶಿಷ್ಯಾ ತ್ಯಾ ಮಳಿನ ವ್ಹತ್ತಾ. ತ್ಯುನೆ ಕುನ್ನ ವ್ಹೈ ಕದ್ಯಾಮ, ಸಿಮೊನ ಕವಾಲೊ ಪೆತ್ರಾ, ದಿದುಮ ಕವಾಲೊ ತೊಮ, ಗಲಿಲಾಯನೆ ಮಳಲ ಕಾನಾ ಗಾಮವಾಲೊ ನತಾನಿಯೆಲ, ಜೆಬೆದಾಯನಾ ಭಂಬಿ ದಿಕ್ರಾನೆ ವರಿ ಬೆ ಜ಼ನಾ ಶಿಷ್ಯಾ. 
\v 3 ಪೆತ್ರಾ, ತ್ಯುನೊನೆ "ಮಿ ಮಚ್ಲಿಯೊ ಧರಾನೆ ಚಾಲ್ಯೊಸ "ಕದ್ಯೊ. ಉಗ್ರಲ ಶಿಷ್ಯಾ "ಹಮೆಬಿ ತಾರಾ ಕ್ಹಾತೆ ಐಯೆಸ ಕೈನ ಕದ್ಯಾ. ತಿಮ್ಮ ಕತಾಮಾ ಕ್ಹಾರಾ ಶಿಷ್ಯಾ ಮಳಿನ ಹಡಗಾಮಾ ಚಡ್ಯಾ. ತ್ಯುನೆ ಕ್ಹಾರಿ ರಾತ ಸಮುಂದರಮಾ ಬಲಿಯೊ ಘಾಲ್ಯಾ. ಯಕ್ಕಬಿ ಮಚ್ಲಿ ಮಳಿ ನೈ. 
\v 4 ತೆ ದಿನ್ನೆ ದಿನ್ನ ನಿಕ್ಹಳ್ತಾಮಾ, ಯೆಸು ದಂಡಿಪರ ಹುಬ್ರಯೊತೊ. ತೆನೈಸೊ ತೆಜ಼ ಯೆಸು ವ್ಹೈ ಕೈನ ವಳಕ್ಯಾ ನೈ. 
\v 5 ತೆಳಾಮಾ ತೆ ತಿನಾ ಶಿಷ್ಯಾವೊನೆ "ದೊಸ್ತೊ, ತುಮೊನೆ ಮಚ್ಲಿಯೊ ಮಳಿಯೊ ಸು, ಕೈನ ಪುಚ್ಯೊ. ಶಿಷ್ಯಾ"ನತ್ತಿ" ಕೈನ ಕದ್ಯಾ. 
\v 6 ಯೆಸು "ತುಮಾರೊ ಹಡಗನಾ ಸಿದಾ ಹತ ಬಗಲ ತುಮಾರಿಯೊ ಬಲಿ ನಾಕೊ ತ್ಯಾ ದಕ್ಹಿಯೊ ಮಚ್ಲಿಯೊ ಮಳಸ, ಕೈನ ಕದ್ಯಾ. ಶಿಷ್ಯಾ ಕದಲ ತಿಮ್ಮಜ ಕರ‍್ಯಾ. ಘನ್ನಿಯೊ ಮಚ್ಲಿಯೊ ಬಲಿಮಾ ಕ್ಹಾಪ್ಡಲ ಹುತಿ ತ್ಯುನೆ ಬಲಿಯೊ ಹಡಗಾಮಾ ಜಗ್ಗಾನೆ ಥಯು ನೈ. 
\v 7 ಯೆಸುನೊ ಮಯಾನೊ ಶಿಷ್ಯಾನೆ"ತೆ ಮನಕ್ಹನೆ ಪ್ರಭು, ಕೈನ ಕದ್ಯೊ. ತೆಳಾಮಾಜ಼ ಪೆತ್ರಾ ತಿನು ಅಂಗ್ಡು ಘಾಲ್ಲಿನ ಪಾನಿಮಾ ಉಡ್ಯೊ. ಪೆತ್ರಾ ಪೈಲಾಜ ತಿನು ಅಂಗ್ಡು ಕಾಡಿನ ಮ್ಹೆಲ್ಯೊತೊ. 
\v 8 ಉಗ್ರಲ ಶಿಷ್ಯಾ ಹಡಗಾಮಾ ಚ಼ಡಿನ ಗೈಪಡ್ಯಾ. ತ್ಯುನೆ ಬಲಿಯೊ ಭರಿನ ಮಚ್ಲಿಯೊ ದಂಡಿಯೆ ಜಗ್ಗಿಲಿನ ಗಯಾ. ತ್ಯುನೆ ದಂಡಿತಾ ಘನ್ನಾ ದುರ ನ್ಹೊತಾ ಕ್ಹಾಲಿ 300 ಪುಟ ಯಕ್ಲಾ ದುರ ವ್ಹತ್ತಾ. 
\v 9 ಶಿಷ್ಯಾ ಹಡಗಾಮಾತಾ ಉತ್ರಿನ ದಂಡಿಪರ ಜಾ಼ತಾಮಾ ಆಗನಾ ಕಂಡಾ ದೆಕ್ಯಾ. ಆಗ ಪರ ಮಚ್ಲಿಯೊ ವ್ಹತ್ತಿಯೊ. ವರಿ ದಕ್ಹಾ ರೊಕ್ಲಾಬಿ ವ್ಹತ್ತಾ. 
\v 10 ಪಾಚಲ್ತೊ ಯೆಸು"ತುಮೆ ಧರಲ ಮಚ್ಲಿಯೊಮಾ ದಕ್ಹಿಯೊ ಲಿನ ಆವೊ" ಕೈನ ಕದ್ಯೊ. 
\v 11 ಪೆತ್ರಾ ಹಡಗಾಮಾ ಗೈನ ಬಲಿ ದಂಡಿಯೆ ಜಗ್ಗಿಲಿನ ಆಯೊ. ಬಲಿ ಮ್ಹೊಟಿಯೊ ಮಚ್ಲಿಯೊಕ್ಹು ಭರಿ ಗೈತಿ. ತಿಮಾ 153 ಮಚ್ಲಿಯೊ ವ್ಹತ್ತಿಯೊ. ತೆ ಘನ್ನಿಯೊ ವಜ್ಜಿಯೊ ರ‍್ಹೈತಬಿ ಬಲಿ ಪ್ಹಾಟಿ ನ್ಹೊತಿ. 
\v 12 ಯೆಸು ತ್ಯುನೊನೆ "ಐನ ಖಾವೊ" ಕೈನ ಕದ್ಯೊ. ಶಿಷ್ಯಾವೊಮಾನಾ ಯಕ್ಲೊಬಿ "ತು ಕುನ್ನ ವ್ಹೈ? ಕೈನ ತಿನೆ ಪುಚ್ಯಾ ನೈ. ತೆ ಪ್ರಭು ವ್ಹೈ ಕೈನ ತ್ಯುನೊನೆ ಗ್ವತ್ತ ವ್ಹತ್ತು. 
\v 13 ಯೆಸು ನಜಿಕ ಐನ ರೊಕ್ಲಾ ಲಿನ ವರಿ ತ್ಯುನೊನೆ ದಿದ್ಯೊ. ಇನಾಲಿಂಗತಜ಼ ಮಚ್ಲಿಯೊಬಿ ಲಿನ ಇಮ್ಮಜ ಕರ‍್ಯೊ. 
\v 14 ಯೆಸು ಪುನರುತ್ಥಾನ ಥಯಲ್ಪರ ತಿನಾ ಶಿಷ್ಯಾವೊನೆ ದಿಕ್ಹಲ ಎ ತನ್ವಾ ಸಲಾ ವ್ಹೈ.
\s ಯೆಸು ವರಿ ಪೆತ್ರಾ
\p
\v 15 ತ್ಯುನೆ ಖಾದಲ್ಪರ ಯೆಸು ಪೆತ್ರಾನೆ "ಯೊಹಾನನೊ ದಿಕ್ರಾ ಸಿಮೊನ, ನ್ಹ್ಯಾ ರ‍್ಹಯಲ ಇವ್ನೆ ಮನೆ ಮಯಾ ಕರಾತಿಬಿ ತು ಮನೆ ಜಾಸ್ತಿ ಮಯಾ ಕರಶಿ ಸು? ಕೈನ ಪುಚ್ಯೊ. ಪೆತ್ರಾ "ಹೊ ಪ್ರಭು ಮಿ ತುಪರ ಮಯಾ ಛೆ ಕವಾನು ಕದ್ಯೊ. ಯೆಸು ಪೆತ್ರಾನೆ "ಮಾರಾ ಬಕ್ರಾವೊನೆ ಚರಾ ಕೈನ ಕದ್ಯೊ. 
\v 16 ವರಿ ಬೆವಾ ಸಲಾ ಯೆಸು ಪೆತ್ರಾನೆ "ಯೊಹಾನನಾ ದಿಕ್ರಾ ಥಯಲ ಸಿಮೊನ ತು ಮನೆ ಮಯಾ ಕರಶಿ ಸು? ಕೈನ ಪುಚ್ಯೊ. ಪೆತ್ರಾ "ಹೊ, ಪ್ರಭು ಮಿ ತುಪರ ಮಯಾ ಛೆ ಕವಾನು ತುನೆ ಗ್ವತ್ತ ಛೆ" ಕದ್ಯೊ. ಯೆಸು ಪೆತ್ರಾನೆ "ಮಾರಾ ಬಕ್ರಾವೊನೆ ಕೈದಶಿ ಸು? 
\v 17 ಯೆಸು, ತನ್ವಾ ಸಲಾ "ಯೊಹಾನನಾ ದಿಕ್ರಾ ಸಿಮೊನ ತು ಮನೆ ಮಯಾ ಕರಶಿ ಸು? ಕೈನ ಪುಚ್ಯೊ. ಯೆಸು "ತು ಮನೆ ಮಯಾ ಕರಶಿ ಸು? ಕೈನ ತನ ಸಲಾ ಪುಚ್ತಾಮಾ ಪೆತ್ರಾನೆ ದುಖ ಥಯು. ಪೆತ್ರಾ "ಪ್ರಭು, ತುನೆ ಹರಿ ಯಕ್ಕ ಗ್ವತ್ತ ಛೆ. ಮಿ ತುಪರ ಮಯಾ ಮ್ಹೆಲ್ಯೊಸ ಕವಾನು ತುನೆ ಗ್ವತ್ತ ಛೆ ಕದ್ಯೊ. ಯೆಸು ಪೆತ್ರಾನೆ "ಮಾರಾ ಬಕ್ರಾವೊನೆ ಚರಾ. 
\v 18 ಮಿ ತುನೆ ಕ್ಹರಿಜ ಕೌಸ. ತು ಜಾಂಜಿಮಾನ ರ‍್ಹತಾಮಾ ಕಂಬರ ಭಾಂದಲಿನ ತುನೆ ಮನಸ ರ‍್ಹಯಲ ಜ಼ಗಾ ಗಯೊ. ವರಿಬಿ ತು ಗಡಿಯೊ ಥಾತಾಮಾ ತಾರಿ ಮರ್ಜಿಲಿಂಗತ ಹತೊ ಅಗೊ ನೈ ಕರತೊ ಕರಶಿ ವರಿ ಬಿಜಕ್ಲೊ ತಾರಿ ಕಂಬರ ಭಾಂದಿನ ತುನೆ ಮನಸ ನೈ ರ‍್ಹಯಲ ಜ಼ಗಾ ಲಿನ ಜಾ಼ವಸ. 
\v 19 ಕ್ಹುದಾ ಮಹಿಮಾ ಕರಿಲಿವಾನಾ ಹುತಿ ಪೆತ್ರಾ ಕೈ ತರಾ ಮರಸ ಕವಾನು ದೆಕಾಡಾ ಹುತಿ ಯೆಸು ಇಮ್ಮ ಕದ್ಯೊ. ಪಾಚಲ್ತೊ ಯೆಸು ಪೆತ್ರಾನೆ "ಮಾರಾ ಪಾಚೊ಼ ಆ"
\s ಯೆಸು ವರಿ ಬಿಜೆಕ ಶಿಷ್ಯೊ
\p
\v 20 ಪೆತ್ರಾ ಪಾಚೊ಼ ಫರಿನ ದೆಕ್ತಾಮಾ ಯೆಸುನೊ ಮಯಾನೊ ಶಿಷ್ಯೊ ತ್ಯುನಾ ಪಾಚಾ಼ ಆವಾನು ದೆಕ್ಯಾ. ರಾತೆ ಖಾವಾನಾ ಟೈಮ್ಮಾ ಯೆಸುನಾ ಛಾತಿಪರ ಲಾಗಿನ"ಪ್ರಭು, ತುನೆ ಮೊಸ ಕರಾಲೊ ಕುನ್ನ ವ್ಹೈ? ಕೈನ ಪುಚಲ ಶಿಷ್ಯೊ ಎಜ಼ ವ್ಹೈ. 
\v 21 ಪೆತ್ರಾ ತ್ಯುನಾ ಪಾಚಾ಼ ಆತಾ ರ‍್ಹಯಲ ಎ ಶಿಷ್ಯಾನೆ ದೆಕ್ತಾಮಾ "ಪ್ರಭು, ಇನಾಹುತಿ ಸು ವ್ಹೈ? ಕೈನ ಪುಚ್ಚೊ. 
\v 22 ಯೆಸು "ಮಿ ಆಯೆಲಕ್ಕಾ ತೆ ಜಿವ್ತೊ ರ‍್ಹೌ ಕೈನ ಮನೆ ಮನಸ ರ‍್ಹಯುಮ ತಿನಾ ಹುತಿ ತುನೆ ಸು ವ್ಹೈ? ತು ಮಾರಾ ಪಾಚೊ಼ ಆ ಕೈನ ಕದ್ಯೊ. 
\v 23 ಇನಾಹುತಿ ಶಿಷ್ಯೊ ಮರ್ತೊಜ಼ ನೈ ಕೈನ ವಾತ ಕ್ಹಾರಾ ಭಾಯೊಮಾ ಫೈಲಿ ಗೈ. ತೆ ನೈಸು ಯೆಸು ತೆ ಮರ್ತೊಜ಼ ನೈ ಕೈನ ತಿನೆ ಕದ್ಯೊ ನತ್ತಿ. ಮಿ ಆಯೆಲಕ್ಕಾ ತೆ ರ‍್ಹೌ ಮನೆ ಮನಸ ರ‍್ಹಯೊಮ ತೆ ತುನೆ ಕಾ? ಕೈನ ತೆ ಕದ್ಯೊಸ. 
\v 24 ಎ ಸಂಗತಿಯೊ ಹಮ್ನಾ ಬರ್ದಲ ವರಿ ಇನಾಹುತಿ ಹಮ್ನಾ ಸಾಕ್ಷಿ ಕವಾಲೊ ಎಜ಼ ವ್ಹೈ. ತೆ ಕವಾನು ಕ್ಹರಿ ವ್ಹೈ ಕೈನ ಹಮೊನೆ ಗ್ವತ್ತ ಛೆ.
\s ಮುಗದ್ಯು
\p
\v 25 ಯೆಸು ಹವಾ ಘನ್ನಾ ಕಾಮೊ ಕರ‍್ಯೊ. ತಿಮಾನು ಕ್ಹಾರುಜ಼ ಬರ್ದು ಕದ್ಯಾಮ ಬರ್ದಾನು ಪುಸ್ತಕಮಾ ಕ್ಹಾರಿ ಜಗತ್ತಜ ನೈ ಪುರ್ತಿ ಕೈನ ಮಿ ನೆಣಸುಸ.