\id JAS - Shikkalgar
\ide UTF-8
\h ಯಾಕೊಬ
\toc3 ಯಾಕೊಬ
\toc2 ಯಾಕೊಬ
\toc1 ಯಾಕೊಬ ಬರ್ದಲ ಪತ್ರ
\mt2 ಯಾಕೊಬನು ಬರೆದ ಪತ್ರಿಕೆ
\mt1 ಯಾಕೊಬ ಬರ್ದಲ ಪತ್ರ
\imt ವಳಕ
\c 1
\s ಕಷ್ಟನಾ ಹುತಿ ವರಿ ಕೆಟ್ಟ ಪ್ರೆರಣೆನಾ ಹುತಿ
\p
\v 1 ಕ್ಹುದಾನೆಬಿ ವರಿ ಯೆಸು ಕ್ರಿಸ್ತನೆಬಿ ದಾಸ ಥಯಲ ಯಾಕೊಬ ಬಿಜಾ಼ ದೆಶಮಾ ಫೈಲಿಗಯಲ ಇಸ್ರಾಯೆಲೊನಾ ಬಾರಾ ಖಾಂದಾನವಾಲಾವೊನೆ ಬರ್ದಾನು ಸು ವ್ಹೈ ಕದ್ಯಾಮ, ತುಮೊನೆ ಚೊ಼ಕು ಥಾವಾದೆ. 
\v 2 ಮಾರ ಭಾಯೊ ಭೆನೊ, ತುಮೆ ಬಿಜಾ಼-ಬಿಜಾ಼ ತರಾನಾ ಕಷ್ಟ ಖಾತಾಮಾ ತೆ ಕ್ಹಾರು ಚೊ಼ಕುಜ಼ ವ್ಹೈ ಕೈನ ತಿಳಿದಿಲಿವೊ. 
\v 3 ಕಾಕದ್ಯಾಮ ತುಮಾರಾ ಬರೊಕ್ಹಾನೆ ಥಾವಾನಿ ಪರಿಕ್ಷಾ ತುಮೊಮಾ ತಾಳ್ಮೆ ಹುಟ್ಸಾವಸ ಕೈನ ತುಮೆ ತಿಳಿದಿಲಿವೊ. 
\v 4 ತೆ ತಾಳ್ಮೆ ತುಮೊಮಾ ಪುರಾ ಥಾವಾದೆ, ತೆಳಾಮಾ ತುಮೆ ಪುರಾ ಚೊ಼ಕಿಯೊ ಚಾಳಿಯೊವಾಲಾ, ಪುರಾ, ಕಿಮಾಜ಼ ಸು ಕಮ್ಮ ನೈಸೊವಾಲಾ ಥಾವೊಶಿ. 
\v 5 ತುಮೊಮಾ ಕಿನೆಬಿ ಗ್ಯಾನ ಕಮ್ಮ ರ‍್ಹಯಾಮ ತೆ ಕ್ಹುದಾಕನ ಮಾಂಗಿಲಿವಾದೆ, ತೆ ತ್ಯುನೊನೆ ಮಳಸ. ಕಾಕದ್ಯಾಮ ಕ್ಹುದಾ ಹಟಕ್ಯಾ ಬಗರ ಕ್ಹಾರಾವೊನೆ ಉದಾರ ಮನಸಕ್ಹು ದಿವಾಲೊ ಥಯೊಸ. 
\v 6 ಮಾತ್ರ ಕ್ಹುದಾಕನ ಮಾಂಗಾಲೊ ನಕ್ಕರಬಿ ಸಂಶೊ ಕರ‍್ಯಾ ಬಗರ ಬರೊಕ್ಹಾಕ್ಹು ಮಾಂಗಾದೆ. ಸಂಶೊ ಕರಾಲೊ ವಾರಾಕ್ಹು ಹೈತಿ ಜಾ಼ವಾನಾ ಸಮುಂದರನಾ ಧಡ್ಕಿಯೊ ಲಿಂಗತ ವ್ಹೈ. 
\v 7 ಅಮ್ಮ ಸಂಶೊ ಕರಾಲೊ ತೆ ಕರ್ತಾಕನ ಮಾಂಗಿಲಿದಲ ಮಳಸ ಕೈನ ವಿಚಾರ ಕರ‍್ಯಾ ಬಗರ ರ‍್ಹವಾದೆ. 
\v 8 ಕಾಕದ್ಯಾಮ ತೆ ಬೆ ಮನಸವಾಲೊ ವ್ಹೈ, ಯಕ್ಕ ಜ಼ಗಾ ಹುಬ್ರಾವಾಲೊ ನ್ಹವೈ. 
\v 9 ಘನ್ನಿ ಕೆಟ್ಟ ಸ್ಥಿತಿಮಾ ರ‍್ಹಯಲವಾಲೊ ಭೈ ತೆ ಯಕ್ಕ ಚೊ಼ಕಾ ಸ್ಥಾನಮಾ ಹುಬ್ರಯೊಸ (ಉಪ್ಪರ ಆಯೊಸ) ಕೈನ ಖುಶಿ ಥಾವಾದೆ. 
\v 10 ಸೌಕಾರ ರ‍್ಹಯಲವಾಲೊ ಭೈ ತೆ ಹೆಟೊ ಆಯೊಸ ಕೈನ ಖುಶಿ ಥಾವಾದೆ; ಕಾಕದ್ಯಾಮ ಸೌಕಾರ ರ‍್ಹಯಲವಾಲೊ ಚಾ಼ರಾನು ಫುಲ್ಲ ವರಾಯಲ ಲಿಂಗತ ವರೈ ಜಾ಼ವಸ. 
\v 11 ಸುರ್ಯೊ ಆಯಲ್ಪರ ಕಿಮ್ಮ ತಿನಾ ತಡಕಾಕ್ಹು ಝಾಡ ವರೈ ಜಾ಼ವಸ, ಕಿಮ ಫುಲ್ಲ ಝಡೈನ ತಿನಿ ಕ್ಹುಬಸುರತಿ ಹಾಳ ಥಾವಸ; ತಿನಾ ಲಿಂಗತಜ ಸೌಕಾರ ಕರಾನಾ ಕ್ಹಾರಾ ಕೊಶಿಶೊಮಾ ಹಾರಿಜಾ಼ವಸ. 
\v 12 ಕುನ್ನ ಕಷ್ಟ ತಡ್ದಿಲಿವಸ ಕ್ಹಾವಸ ತೆ ಆಶಿರ್ವಾದ ವ್ಹಂದಿಲಿದಲವಾಲೊ ವ್ಹೈ. ತೆ ಪರಿಕ್ಷಾಮಾತೊ ಬ್ಹಾರೊ ಆಯಲ್ಪರ ಕರ್ತಾ ತಿನೆ ಮಯಾ ಕರಲವಾಲಾವೊನೆ ಕದಲ ಲಿಂಗತಜ಼ ಹಮೆಶಾನು ಜ಼ಲಮನು ಕಿರಿಟ ವ್ಹಂದಿಲಿವಸ. 
\v 13 ಕುನ್ನಬಿ ಶೊದನೆಮಾ ಪಡ್ತಾಮಾ ತೆ ಪರಿಕ್ಷಾ ಕ್ಹುದಾಕಂತಿ ಐಸ ಕೈನ ಕೌ ನೈ. ಕಾಕದ್ಯಾಮ ಕ್ಹುದಾ ಕಿನೆಬಿ ಕೆಟ್ಟ ಕರಾನೆ ಕತೊ ನೈ. ವರಿ ತೆ ಕಿನೆಜ಼ ಪಾಪ ಕರಾನೆ ಕೈನ ಪರಿಕ್ಷಾ ಕರತೊ ನೈ. 
\v 14 ತೆನೈಸೊ ಹರಯಕ್ಲೊ ತಿನಾ ಕ್ಹುದನಾ ಆಸೊಮಾ ಡುಬಿನ ಮೊಸ ಥೈನ ಪರಿಕ್ಷಾಮಾ ಪಡಸ. 
\v 15 ತೆ ಆಸೊ ಪುರಾ ಪಾಪ ಕರಾನೆ ಲಿನ ಜಾ಼ವಸ. ತೆ ಪಾಪೊ ಜಾಸ್ತ ಥಾತಾ ಮರಣನೆ ಲಿಂಜಾ಼ವಸ. 
\v 16 ಮಾರಾ ಮಯಾನಾ ಭಾಯೊ ಭೆನೊ, ಮೊಸಮಾ ಪಡೊ ನಕೊ. 
\v 17 ಎ ಕ್ಹಾರಾ ಚೊ಼ಕಾ ವರಾ ವರಿ ಸುಜ಼ ಕಮ್ಮ ನೈ ರ‍್ಹಯಲ ವರಾ ಉಪ್ಪರತಾ ಆಯಲ ವ್ಹೈ, ತೆ ಕ್ಹಾರಾ ಚೊ಼ಕಾ ಕಾಮೊನೆ ಕಾರಣ ಥಯಲ ಕ್ಹುದಾ ಕಂತಾ ಆವಸ. ತೆ ಭೌಲಾ ಲಿಂಗತ ಬದಲಿ ಥಾವಾಲೊ ನವೈ, ಕೈನ ಫರಿ ಜಾ಼ವಾಲೊಬಿ ನವೈ. 
\v 18 ಕ್ಹುದಾ ತಿನಾ ಚೊ಼ಕಾ ಚಿತ್ತನಾ ಲಿಂಗತ ಕ್ಹರಿನಾ ವಾಕ್ಯಾಕ್ಹು ಅಪ್ನೊಮಾ ಜ಼ಲಮ ದಿದಲ ಹುತಿ ತೆ ಕರಲ ಹರಯಕ್ಕ ಚಿಜ಼ಮಾ ಅಪೆಜ಼ ಪೈಲಾ ಫಲ ಥಯಾ.
\s ಕ್ಹುದಾನಿ ವಾಕ್ಯಾ ಐಕಿನ ತಿನಾ ಲಿಂಗತ ಚಾಲಾನೊ ತರಿಕೊ
\p
\v 19 ಮಾರಾ ಮಯಾನಾ ಭಾಯೊ ಭೆನೊ, ತುಮೆ ಆ ವಾತ ಚೊ಼ಕಿತರಾ ತಿಳ್ದಿಲಿವೊ, ಹರಯಕ್ಲೊ ಕಾನದಿನ ಐಕಾಮಾ ಚುರುಕ ರ‍್ಹವಾದೆ, ಬೊಲಾಮಾ ರ‍್ಹೈನಕಾ ಶಿಟ್ಟ ಕರಾಮಾ ರ‍್ಹೈನಕಾ ತಾಳ್ಮೆಕ್ಹು ವರಿ ನಿದಾನ ರ‍್ಹವಾದೆ. 
\v 20 ಕಾಕದ್ಯಾಮ ಮನಕ್ಹ ಶಿಟ್ಟಮಾ ರ‍್ಹತಾಮಾ ಕ್ಹುದಾ ಕವಾನಾ ಚೊ಼ಕಾ ಕಾಮೊ ಕರಾನೆ ಥಾತುಜ಼಼ ನೈ. 
\v 21 ತಿನಾಹುತಿ ಕ್ಹಾರಾ ಕೆಟ್ಟ ಕಾಮೊ ರ‍್ಹೈನಕಾ ಕ್ಹಾರಾ ಮೊಸನಾ ಕಾಮೊ ರ‍್ಹೈನಕಾ ಛೊಡಿನ ಅಪ್ನಾ ಮನಸೊಮಾ ಬೆರ ಘಾಲಲ ಕ್ಹುದಾನಿ ವಾಕ್ಯ ಘನ್ನಾ ಚೊ಼ಕಾ ಮನಸಕ್ಹು ವಪ್ಪಿಲಿವೊ. ತೆ ತುಮಾರಾ ಆತ್ಮಾವೊನೆ ವಚಾ಼ಡಾಯಕ್ಲಿ ತಾಕತವರ ಛೆ. 
\v 22 ಕ್ಹುದಾನಿ ವಾಕ್ಯನಾ ಲಿಂಗತ ಚಾ಼ಲಾಲಾ ಥೈನ ರ‍್ಹವೊ, ತೆ ಕ್ಹಾಲಿ ಐಕಾಲಾ ಯಕ್ಕಜ಼ ರ‍್ಹೈನ ತುಮೊನೆ ತುಮೆಜ಼ ಮೊಸ ಕರಲಿವೊ ನಕೊ. 
\v 23 ಕುನ್ನಬಿ ವಾಕ್ಯಾ ಕ್ಹಾಲಿ ಐಕಾಲೊ ರ‍್ಹೈನ ತಿನಾ ಲಿಂಗತ ನೈ ಚಾ಼ಲ್ಯೊಮ ತೆ ತಿನು ಮ್ಹೊಡು ಅರಕ್ಹಾಮಾ ದೆಕಾಲಾ ಮನಕ್ಹನಾ ಲಿಂಗತ ವ್ಹೈ. 
\v 24 ಕಾಕದ್ಯಾಮ ತೆ ತಿನೆ ದೆಕಿನಬಿ ಪಾಚಲ್ತೊ ತೆ ಕಿಮ್ಮ ಶೆ ಕೈನ ತೆಳಾಮಾಜ಼ ಇಕ್ಹರಿ ಪಡಸ. 
\v 25 ತೆನೈಸೊ ಅಪೊನೆ ಬಿಡುಗಡೆ ಕರಾನಿ ವಾಕ್ಯಾನೆ ಧ್ಯಾನದಿನ ಒದಿನ, ಶೆಂ ಕರಿಲಿನ ತಿನಾ ಲಿಂಗತ ಚಾ಼ಲಾಲೊ, ವಾಕ್ಯಾ ಐಕಿನ ಇಕ್ಹರ‍್ಯಾ ಬಗರ ತಿನಾ ಲಿಂಗತ ಚಾ಼ಲ್ತೊ ತಿನಿ ನಡತೆಕ್ಹು, ವರಿ ತಿನಾ ಕಾಮೊಕ್ಹು ಧನ್ಯ ಥಾವಸ. 
\v 26 ತಿನೆ ತೆ ಚೊ಼ಕೊ ಭಕ್ತ ವ್ಹೈ ಕೈನ ಕವೈಲಿವಾಲೊ ಕಯೊಬಿ ತಿನಿ ಜಿಬ್ಬ ತಿನಾ ಹತೊಟಿಮಾ ಮುಕ್ಕಿಲಿದ್ಯಾ ಬಗರ ತಿನಾ ಮನಸನೆ ಮೊಸ ಕರಲೆತೊ ರ‍್ಹಯಾಮ ತಿನಿ ಭಕ್ತಿ ಶಾನಾ ಕಾಮನಿ ನವೈ. 
\v 27 ಕಸ್ಟಮಾ ರ‍್ಹಯಲ ಕುನ್ನಜ ನೈಸೊವಾಲಾವೊನೆ, ರಾಂಡಿ ಬಾಕ್ಡಿಯೊನೆ ಧೈರ್ಯ ದಿನ ತಿನೆ ಆ ದುನಿಯಾಮಾ ಕಯುಜ಼ ದಾಗ ಲಾಗ್ಯಾ ಬಗರ ದೆಕಿಲಿವಾನುಜ಼ ಅಪ್ನೊ ಬಾ ಥಯಲ ಕ್ಹುದಾನಾ ಸನ್ನಿದಿಮಾ ಶುದ್ಧ, ಚೊ಼ಕಿ ರ‍್ಹಯಲ ಭಕ್ತಿ ವ್ಹೈ.
\c 2
\s ಭೆದ ಭಾವನಾ ಹುತಿ
\p
\v 1 ಮಾರ ಭಾಯೊ ಭೆನೊ, ಮಹಿಮಾ ರ‍್ಹಯಲ ಅಪ್ನೊ ಕರ್ತಾ ಥಯಲ ಯೆಸು ಕ್ರಿಸ್ತನಾ ಉಪ್ಪರ ಬರೊಕ್ಹೊ ಮ್ಹೆಲಲವಾಲಾ ತುಮೆ ಯಕ್ಲಾನೆ ಹೆಟಾ ಯಕ್ಲಾನೆ ಉಪ್ಪರ ದೆಕಾಲಾ ರ‍್ಹೌ ನೈ. 
\v 2 ಕಿಮ್ಮ ಕದ್ಯಾಮ ಯಕ್ಲೊ ಮನಕ್ಹ ಕ್ಹೊನಾನಿ ಇಟ್ಟಿಯೊ ವರಿ ಚೊ಼ಕಾ ರ‍್ಹಯಲ ವಣ್ಣಾ ಘಾಲ್ಲಿನ ತುಮಾರಾ ಸಬೆಮಾ ಆತಾಮಾ ವರಿ ಯಕ್ಕ ಗರಿಬ ಮನಕ್ಹ ಚೊ಼ಕಾ ನೈ ರ‍್ಹಯಲ ವಣ್ಣಾ ಘಾಲ್ಲಿನ ಆತಾಮಾ, 
\v 3 ತುಮೆ ಚೊ಼ಕಾ ದಿಕ್ಹಾನಾ ವಣ್ಣಾ ಘಾಲ್ಲಿದಲವಾಲಾನೆ ಮರ್ಯಾದಿಕ್ಹು ದೆಕಿನ ತಿನೆ - ಆ ಉಪ್ಪರ ಬೈಟಾ ವರಿ ಗರಿಬನೆ ದೆಕಿನ ತು ತ್ಯಾ ಬೈಟ, ನೈತೊ ಹೆಟೊ ಬೈಟ ಕೈನ ಕದ್ಯಾಮ, 
\v 4 ತುಮೆ ತುಮಾರಾ ತುಮಾರಾಮಾಜ಼ ಭೆದ ಭಾವ ಕರಾಲಾ ಥೈನ, ಯಕ್ಲಾನೆ ಅಮ್ಮ ಯಕ್ಲಾನೆ ತಿಮ್ಮ ಕೈನ ವಿಚಾರ ಕರಾಲಾ ಥಾವೊಶಿ ಸು ನೈ? 
\v 5 ಮಾರಾ ಮಯಾನಾ ಭಾಯೊ ಭೆನೊ, ಐಕೊ ಕ್ಹುದಾ ಆ ದುನಿಯಾಮಾ ರ‍್ಹಯಲ ಗರಿಬೊನೆ ಬರೊಕ್ಹಾಮಾ ಸೌಕಾರ ವರಿ ತಿನೆ ಮಯಾ ಕರಾಲಾವಾಲಾವೊನೆ ತೆ ಕದಲ ತಿಮ್ಮ ತಿನಾ ರಾಜ್ಯಮಾ ಕೆಳಾಮಾಬಿ ರ‍್ಹವಾನೆ ಇನಿಲಿದ್ಯೊಸ ಸು ನೈ? 
\v 6 ತುಮೆತೊ ಗರಿಬೊನೆ ಮರ್ಯಾದಿ ನೈಸೊ ಕರ‍್ಯಾ. ತುಮೊನೆ ತ್ರಾಸ ಕರಿನ ಫೈಸಲೊ ಕರಾನಿ ಜ಼ಗಾ ಎಳದಿನ ಲಿನ ಜ಼ಾವಾಲಾ ಸೌಕಾರೊ ನವೈ ಸು? 
\v 7 ತುಮೊನೆ ಬಲಾಯಲ ತೆ ಕ್ಹಾರವೊತಿ ಉಪ್ಪರ ರ‍್ಹಯಲ ನಾಮನೆ ಕ್ಹರಾಪಾಲಾ ನವೈ ಸು? 
\v 8 ರ‍್ಹೈತಬಿ ಪವಿತ್ರ ಗ್ರಂಥಮಾ ರ‍್ಹಯಲ ಲಿಂಗತ ತಾರಾ ಬಾಜು಼ ಘರವಾಲಾನೆ ತು ತುನೆ ಕಿಮ್ಮ ಮಯಾ ಕರಶಿ ತಿನಾ ಲಿಂಗತ ಮಯಾ ಕರು ಕೈನ ಕವಾನಿ ಮ್ಹೊಟಿ ಆಗ್ಯಾನಾ ಲಿಂಗತ ಚಾ಼ಲ್ಯಾರೆ, ತುಮೆ ಚೊ಼ಕು ಕರಾಲಾ ಥಾವೊಶಿ. 
\v 9 ತೆನೈಸೊ ತುಮೆ ಆ ಛೊಡಿನ ಯಕ್ಲಾನೆ ಉಪ್ಪರ ಯಕ್ಲಾನೆ ಹೆಟಾ ದೆಕ್ಯಾಮ ಪಾಪ ಕರಾಲಾ ಥೈನ ವರಿ ತುಮೆ ಅಪರಾದಿ ವ್ಹೈ ಕೈನ ಪವಿತ್ರ ಗ್ರಂಥನಾ ಲಿಂಗತ ತುಮೊನೆ ಫೈಸಲೊ ಥಾವಸ. 
\v 10 ಕಾಕದ್ಯಾಮ ಯಕ್ಲೊ ಪವಿತ್ರ ಗ್ರಂಥಮಾ ರ‍್ಹಯಲ ಪುರಾ ಚಾ಼ಲಿನ ಗೈನ ಕ್ಹಾಲಿ ಯಕ್ಕಮಾ ಚು಼ಕ್ಯೊಮ ತೆ ಕ್ಹಾರಾ ವಿಶಯಮಾ ಅಪರಾದಿ ಥಾವಸ. 
\v 11 ಕಾಕದ್ಯಾಮ ವ್ಯಬಿಚಾರ ಕರು ನೈ ಕೈನ ಕದಲವಾಲೊಜ಼ ಯಕ್ಲಾನೆ ಖಲಾಸ ಕರು ನೈ ಕೈನಬಿ ಕದ್ಯೊಸ. ತಿನಾಹುತಿ ತು ವ್ಯಬಿಚಾರ ಕರ‍್ಯಾ ಬಗರ ರ‍್ಹೈತಬಿ ಯಕ್ಲಾನೆ ಖಲಾಸ ಕರಲ ರ‍್ಹಯಾರೆ ಪವಿತ್ರ ಗ್ರಂಥನಾ ವಿರುದ್ದ ಗಯಲ ಲಿಂಗತ ವ್ಹೈ. 
\v 12 ತುಮೆ ಅಪೊನೆ ವಚಾಡಾನಾ ಪವಿತ್ರ ಗ್ರಂಥನಾ ಲಿಂಗತ ಫೈಸಲೊ ವ್ಹಂದಿಲಿವಾಲಾವೊನೆ ತ್ಯುನಾ ಲಿಂಗತಜ಼ ಬೊಲೊ ವರಿ ವಿಧೆಯ ಥಾವೊ. 
\v 13 ಕಾಕದ್ಯಾಮ ಮರಗಾ ನೈ ದೆಕಾಡಾಲಾನೆ ಫೈಸಲಾನಾ ದಿನ್ನೆ ಮರಗಾ ನೈ ದೆಕಾಡತಾ. ಮರಗಾ ನ್ಯಾಯ ಫೈಸಲಾನಾ ದಿನ್ನನಾ ಉಪ್ಪರ ಝಿತ್ತಸ.
\s ಬರೊಕ್ಹೊ ಯಕ್ಕಜ಼ ನೈ ಚಾ಼ಲ್ತೊ ತಿನಾ ಲಿಂಗತ ಚಾಲು ಕವಾನಿ ಬೊದನೆ
\p
\v 14 ಮಾರಾ ಭಾಯೊ ಭೆನೊ, ಯಕ್ಲೊ ತಿನೆ ಬರೊಕ್ಹೊ ಛೆ ಕೈನ ತಿನಾ ಲಿಂಗತ ತಿಮಾ ಕ್ರಿಯೆ ನೈ ರ‍್ಹಯರೆ ಸು ಉಪಯೊಗ ವ್ಹೈ? ತೆ ಬರೊಕ್ಹೊ ತಿನೆ ವಚಾ಼ಡಸ ಸು? 
\v 15 ತುಮೊಮಾ ಯಾಕ್ಲಾ ಭೈನೆ ನೈತೊ ಯಕ್ಲಿ ಭೆನನೆ ಘಾಲ್ಯಾನೆ ವಣ್ಣಾ ವರಿ ತೆ ದಿನ್ನನು ಅನ್ನ ಚಾ಼ಯೆ ಥಯಲ ವಕ್ಹತಮಾ, 
\v 16 ತುಮೊಮಾನೊ ಯಕ್ಲೊ ತಿನೆ ತೆ ಕ್ಹಾರು ದಿದ್ಯಾ ಬಗರ ಸಮಾಧಾನಕ್ಹು ಜಾ಼ವೊ, ಆಗ ಶೆಕಿಲಿವೊ, ಪೆಟ ಭರಿನ ಕ್ಹಾವೊ ಕೈನ ಕದ್ಯಾಮ ಸು ಉಪಯೊಗ ವ್ಹೈ? 
\v 17 ತಿನಾ ಲಿಂಗತ ಕ್ರಿಯೆ ನೈಸೊ ಬರೊಕ್ಹೊ ಮರಲ ಲಿಂಗತಜ಼ ವ್ಹೈ. 
\v 18 ರ‍್ಹೈತಬಿ ಯಕ್ಲೊ; ತುನೆ ಬರೊಕ್ಹೊ ಛೆ ವರಿ ಮಾರಾಮಾ ಕ್ರಿಯೆ ಛೆ ತು ತಾರಾಮಾ ಕ್ರಿಯೆ ನೈಸೊ ಬರೊಕ್ಹೊ ದೆಕಾಡ. ಮಿ ಮಾರಾ ಕ್ರಿಯೆಕ್ಹು ಬರೊಕ್ಹೊ ದೆಕಾಡುಸ ಕೈನ ಕತೊ ನೈ ಸು? 
\v 19 ಕ್ಹುದಾ ಯಕ್ಲೊಜ಼ ವ್ಹೈ ಕೈನ ತು ಬರೊಕ್ಹೊ ಕರಶಿ ಸು? ತು ಬರೊಕ್ಹೊ ಕರಲ ಕರೆಟ್ಟ ವ್ಹೈ. ಮಾತ್ರಾ ಭುತ್ಡಾಬಿ ತಿನಾ ಲಿಂಗತಜ ತಿಳ್ದಿನ ಬುಚ್ಕಿನ ಕಾಪಸ. 
\v 20 ಗ್ಯಾನ ನೈಸೊವಾಲಾ, ಕ್ರಿಯೆ ನೈಸೊ ಬರೊಕ್ಹೊ ಶಾನಾಜ಼ ಕಾಮೆ ಆತೊ ನೈ ಕೈನ ತುನೆ ಸಾಬಿತ ಕರು ಸು? 
\v 21 ಅಪ್ನೊ ಪಿತೃ ಥಯಲ ಅಬ್ರಹಾಮ ತಿನೊ ದಿಕ್ರೊ ಥಯಲ ಇಸಾಕನೆ ಬಲಿ ದೆತಾಮಾ ಕ್ಹರಿಕ್ಹು ರ‍್ಹಯಲವಾಲೊ ವ್ಹೈ ಕೈನ ಕೈಲಿದಲ ತಿನಾ ಕ್ರಿಯೆಕ್ಹುಜ಼ ವ್ಹೈ ಸು ನೈ? 
\v 22 ತಿನೊ ಬರೊಕ್ಹೊ ಕ್ರಿಯೆಕ್ಹುಜ಼ ಕಾಮ ಕರ‍್ಯುತು ವರಿ ತಿನಾ ಕ್ರಿಯೆಕ್ಹುಜ಼ ತಿನಾ ಬರೊಕ್ಹಾನು ಉದ್ದೆಶ ಪುರಾ ಥಯು ಕೈನ ದೆಕೆಸತೊ. 
\v 23 ಅಬ್ರಹಾಮ ಕ್ಹುದಾಪರ ಬರೊಕ್ಹೊ ಕರ‍್ಯೊ, ತೆ ಬರೊಕ್ಹೊಜ಼ ತಿನಾ ಹಿಸಾಬಮಾ ನಿತಿ ವ್ಹೈ ಕೈನ ಕವೈಲಿವಾ ವರಕ್ಹು ಛೆ ಕವಾನು ಪವಿತ್ರ ಗ್ರOಥಮಾ ಬರ್ದಲ ತಿಮ್ಮ ಪುರಾ ಥಯು. ತಿನಾಹುತಿ ಅಬ್ರಹಾಮ ಕ್ಹುದಾನೊ ದೊಸ್ತ ವ್ಹೈ ಕೈಲಿದ್ಯೊ. 
\v 24 ತಿನಾಹುತಿ ಮನಕ್ಹ ತೆ ಚಾ಼ಲಾಕ್ಹು, ತಿನಾ ಕಾಮೊಕ್ಹು ಚೊ಼ಕೊ ವ್ಹೈ ಕೈನ ಕವೈಲಿವಸ. ಕ್ಹಾಲಿ ಬರೊಕ್ಹಾಕ್ಹು ಯಕ್ಕಜ಼ ನ್ಹವೈ ಕೈನ ದೆಕೊಶಿ 
\v 25 ತಿನಾ ಲಿಂಗತಜ಼ ಕೆಟ್ಟ ಕಾಮೊ ಕರಾಲಿ ರಾಹಾಬ ಕ್ಹಬಿರಿಯೊನೆ ತಿನಾ ಘರ್ಮಾ ಬಲೈಲಿನ ಮ್ಹೆಲಿನ, ತ್ಯುನೊನೆ ಬಿಜಾ಼ ವಾಟತಿ ವಳೈನ ತಿನಾ ತೆ ಕಾಮೊಕ್ಹುಜ಼ ಚೊ಼ಕಿ ವ್ಹೈ ಕೈನ, ತಿನೆ ಫೈಸಲೊ ಥಯೊ ನ್ಹೊತೊ ಸು? 
\v 26 ಆತ್ಮಾ ನೈಸೊ ಕಿಮ್ಮ ಅಂಗ ಮರ‍್ಯುಸ ತಿನಾ ಲಿಂಗತ ಕಾಮ ನೈಸೊ ಬರೊಕ್ಹೊ ಮರಲ ಲಿಂಗತ ವ್ಹೈ.
\c 3
\s ಜಿಬ್ಬ
\p
\v 1 ಮಾರಾ ಭಾಯೊ ಭೆನೊ, ಭೊದಕ ಥಯಲ ಹಮೊನೆ ಘನ್ನು ಖತರನಾಕ ಫೈಸಲೊ ಥಾವಸ ಕೈನ ತುಮೆ ತಿಳ್ದಿಲಿನ ಘನ್ನಾ ಜ಼ನಾ ಬೊದಕ ಥಾವೊ ನಕೊ. 
\v 2 ಅಪೆ ಕ್ಹಾರಾ ಜ಼ನಾ ಘನ್ನಾ ವಿಶಯಮಾ ತಪ್ಪ ಕರಾಲಾ ಥಯಾಸ. ಯಕ್ಲೊ ವಾತಮಾ ತಪ್ಪ ಕರ‍್ಯಾವಾಚಿ ನೈ ಚಾ಼ಲ್ಯೊಮ ತೆ ಕ್ಹಾರಿ ತರಾಮಾ ಚೊ಼ಕೊ ರ‍್ಹಯಲವಾಲೊ ತಿನಿ ಪುರಾ ಅಂಗನೆ ಹತೊಟಿಮಾ ಮುಕ್ಕಿಲಿವಾನೆ ಯೊಗ್ಯ ಥಯೊಸ. 
\v 3 ಘೊಡಾ ಅಪ್ನಿ ಇಚ್ಛಾ ಲಿಂಗತ ಚಾ಼ಲಾನೆ ತ್ಯುನಾ ಮ್ಹೊಡಾನೆ ಲಗಾಮ ಘಾಲೆಸ. ತೆಳಾಮಾ ತ್ಯುನಾ ಪುರಾ ಅಂಗನೆ ಅಪೊನೆ ಚಾ಼ಯೆ ಥಯಲ ಜ಼ಗಾಯೆ ಫರಾವಾನೆ ಥಾವಸ. \fig ಘೊಡಾನಿ ಸವಾರಿ|alt="Rider on a horse" src="lb00035c.tif" size="col" copy="Horace Knowles ©" ref="3:3"\fig*
\p
\v 4 ಹಡಗಾನೆಬಿ ದೆಕೊ. ತೆ ಘನ್ನಾ ಮ್ಹೊಟಾ ರ‍್ಹಯಾತಬಿ ಜೊ಼ರ ವಾರಾಕ್ಹು ವಾಟ ಚು಼ಕಸ. ರ‍್ಹೈತಬಿ ಹಡಗಾನೆ ಚ಼ಲಾವಾಲೊ ಘನ್ನಿ ನ್ಹಾನಿ ಚುಕ್ಕಾಣಿಕ್ಹು ತೆ ಜಾ಼ವಾನಿ ಜ಼ಗಾಕನ ಫರಾವಸ. 
\v 5 ತಿನಾ ಲಿಂಗತಜ಼ ಜಿಬ್ಬಬಿ ಅಪನು ಶರಿರಮಾನು ನ್ಹಾನು ಅಂಗ ರ‍್ಹೈತಬಿ ಘನ್ನಾ ಮ್ಹೊಟಾ ವಾತೊ ಬೊಲಸ, ಮಿಜ಼ ವ್ಹೈ ಕೈನ ಕವಸ. ಆಗನಿ ನ್ಹಾನಿ ಚಿಣಕಿ ಮ್ಹೊಟಾ ರಾನನೆ ಬಾಳಸ. 
\v 6 ಜಿಬ್ಬಬಿ ಆಗಜ಼ ವ್ಹೈ. ಜಿಬ್ಬ ಧರಮ ನೈ ರ‍್ಹಯಲ ಲೊಕನಾ ಲಿಂಗತ ಅಪ್ನಾ ಅಂಗೊನಾ ವಚ್ಮಾ಼ ಮ್ಹೆಲಲ ಛೆ. ತೆ ಪುರಾ ಅಂಗನೆ ಹಾಳ ಕರಸ. ತೆಜ಼ ನರಕ ಕವಾನಿ ಆಗ ಲಗಾಡಿಲೆತಿ ಪುರಾ ಜಿಂದಗಿನೆ ಆಗ ಲಗಾಡಸ. 
\v 7 ಜಂಗಲಿ ಜಾನವರೊ, ಪಕ್ಷಿಯೊ, ಫರಾನಾ ಕಿಡಾ ವರಿ ಮಚ್ಲಿಯೊನೆ ಅಪೆ ಮನಕ್ಹೊ ಕ್ಹಾರಾ ತರಾನಾ ಜಾನವರೊನೆ ಹತೊಟಿಮಾ ಕರ‍್ಯಾಸ ವರಿ ಕರ ಸಕೆಸ. 
\v 8 ತೆನೈಸೊ ಜಿಬ್ಬನೆ ಕಯೊ ಮನಕ್ಹ ಹತೊಟಿಮಾ ನೈ ಲಾತೊ. ತೆ ಗಪ್ಪ ನೈ ರ‍್ಹವಾನು ಕೆಟ್ಟ ಥಯುಸ, ಅಂಗ ಥಯುಸ. ತೆ ಮರಣನಾ ಜಹೆರಕ್ಹು ಭರ‍್ಯುಸ. 
\v 9 ತೆಜ಼ ಜಿಬ್ಬಕ್ಹು ಅಪ್ನೊ ಪ್ರಭು ವರಿ ಬಾನೆ ಕೊಂಡಾಡೆಸ, ತಿನಾಹುತಿಜ಼ ಕ್ಹುದಾನಾ ಲಿಂಗತ ಸೃಷ್ಟಿ ಕರಲ ಮನಕ್ಹೊನೆ ಅಪೆ ಕ್ಹರಾಪೆಸ. 
\v 10 ತೆಜ಼ ಮ್ಹೊಡಾಕ್ಹು ಸ್ತುತಿ ವರಿ ಕ್ಹರಾಪ ಭಂಬಿ ಆವಸ. ಮಾರ ಭಾಯೊ ಭೆನೊ, ಇಮ್ಮ ಥೌ ನೈ. 
\v 11 ಯಕ್ಕಜ಼ ಇರಮಾತಾ ಗಳು ಪಾನಿ ವರಿ ಕಡು ಪಾನಿ ಭಂಬಿ ಆ ಸಕಸ ಸು. 
\v 12 ಮಾರಾ ಭಾಯೊ ವರಿ ಭೆನೊ, ಉಂಬ್ರೊನು ಝಾಡ ಆಲಿವ ತೆಲನಾ ಝಾಡೊನು ಫಲೊ ದಿವಸ ಸು? ದ್ರಾಕ್ಷಿಯೊನು ಝಾಡ ಉಂಬ್ರೊನಾ ಫಲೊ ದಿವಸ ಸು? ತಿಮ್ಮಜ಼ ಮಿಟ್ಟಾನಾ ಪಾನಿನಾ ಇರಮಾತು ಗಳು ಪಾನಿ ಆತು ನೈ. 
\v 13 ಅಪ್ನಾಮಾ ಶಾಣ್ಯೊ ವರಿ ಗ್ಯಾನಿ ಕುನ್ನ ವ್ಹೈ? ಕುನ್ನಬಿ ರ‍್ಹಯಾಮ ತೆ ತಿನಾ ಚಾಳಿಯೊಕ್ಹು ದೆಕಾಡಾದೆ. ಸಮಾದಾನ ಶಾಂತಿಕ್ಹು ನ್ಹಾನೊ ಥೈನ ಜಾ಼ವಾನುಜ಼ ಶಾಣ್ಯಾನಿ ಚಾಳಿ ವ್ಹೈ. 
\v 14 ತಿನಾಹುತಿ ತುಮಾರಾ ಮನಸೊಮಾ ಮತ್ಸರ, ಸ್ವಾರ್ಥ, ತುಮಾರಾಜ಼ ಹುತಿ ವಿಚಾರೊ ಭರಲಿದ್ಯಾರೆ ತುಮೊನೆ ತುಮೆ ಶ್ಯಾನಾ ವ್ಹೈ ಕವೊ ನಕೊ, ಕ್ಹರಿನೆ ವಿರುದ ರ‍್ಹಯಲ ಸುಳ್ಳ ಬೊಲಿನ ಹೊಗಳಿ ಲಿವೊ ನಕೊ. 
\v 15 ತೆ ತುಮೊಕಂತು ಆಯಲ ಗ್ಯಾನ ನ್ಹವೈ. ತೆ ಲೊಕನೆ ಸಂಬಂದ ರ‍್ಹಯಲ ವ್ಹೈ, ಲೌಕಿಕ ರ‍್ಹಯಲ ವ್ಹೈ, ಭುತ್ಡಾವೊನೆ ಸಂಬಂದ ರ‍್ಹಯಲ ವ್ಹೈ. 
\v 16 ಮತ್ಸರ, ಸ್ವಾರ್ಥ ರ‍್ಹವಾನಿ ಜ಼ಗಾ ಲಡೈಯ್ಯೊ, ವರಿ ಘನ್ನಾ ತರಾನಾ ಕೆಟ್ಟ ಕಾಮೊ ರ‍್ಹವಸ. 
\v 17 ತೆನೈಸೊ ಉಪ್ಪರತಿ ಆವಾನಿ ಗ್ಯಾನ ಪೈಲಾ ಪರಿಶುದ್ದ ರ‍್ಹಯಲ ವ್ಹೈ ವರಿ ಸಮಾಧಾನ ರ‍್ಹಯಲ ವ್ಹೈ, ವಿನಯ ರ‍್ಹಯಲ ವ್ಹೈ, ವಿದೆಯತೆಕ್ಹು ರ‍್ಹಯಲ ವ್ಹೈ, ಮರ್ಗಾ ವರಿ ಚೊ಼ಕಾ ಫಲೊಕ್ಹು ಭರಲ ವ್ಹೈ, ಬೆದ ಭಾವ ನೈ ರ‍್ಹಯಲ ವ್ಹೈ, ಇಮಾಂದಾರಿಕ್ಹು ರ‍್ಹಯಲ ವ್ಹೈ ಕೈನ ಕ್ಹುಶಿಕ್ಹು ವಪ್ಪಿಲಿವಾನು ಥಯುಸ. 
\v 18 ಸಮಾದಾನ ಕರಾಲಾ ಸಮಾದಾನ ಕವಾನಾ ಬಿಯ್ಯಾನೆ ಬಿತ್ತಿನ ನಿತಿ ಕವಾನು ಫಲ ಕಾಟಸ.
\c 4
\p
\v 1 ತುಮೊಮಾ ಲಡೈಯ್ಯೊ, ಕಿತ್ತಾನು ಕಿಜಾ಼ಂತು ಆವಸ? ತುಮಾರಾ ಇಂದ್ರಿಯೊಕ್ಹು ಆವಾನು ಹೊರಾಡಾನಾ ವಿಚಾರೊಕ್ಹು ಘನ್ನಿ ಆಸಕ್ಹು ಆವಸ. 
\v 2 ತುಮೆ ಆಸ ಕರಲ ಪಡ್ದಿಲಿದ್ಯಾ ನತ್ತಿ. ತುಮೆ ಖಲಾಸ ಕರ‍್ಯಾತಬಿ, ಸಂಗಟ ಘಾಲಿಲಿದ್ಯಾತಬಿ ಆಸ ಕರಲ ಲಿದ್ಯಾವಾಚಿ ಛೆ; ತುಮೆ ಕಿತ್ತಾ - ಕಿತ್ತ ಕರೊಶಿ, ಲಡೈ ಕರೊಶಿ. ತೆನೈಸೊ ತುಮೆ ಕ್ಹುದಾಕನ ನೈ ಮಾಂಗಿಲಿದಲಕ್ಹು ತುಮೊನೆ ಸುಜ಼ ಲಿವಾನೆ ಥಾವಾಡು ನತ್ತಿ. 
\v 3 ತುಮೆ ಮಾಂಗಿಲಿದ್ಯಾತಬಿ ಮಾಂಗಿಲಿದಲ ತುಮಾರಾ ದುನಿಯಾಮಾನಿ ಆಸನಾ ಹುತಿ ಕೆಟ್ಟ ಉಪಯೊಗ ಕರಿಲ್ಯು ಕವಾನಿ ಕೆಟ್ಟ ಉದ್ದೆಶಕ್ಹು ಮಾಂಗಿಲಿವಾನಾ ಹುತಿ ತುಮೊನೆ ಮಳಾಡು ನತ್ತಿ. 
\v 4 ವ್ಯಭಿಚಾರಿಯೊ, ಎ ದುನಿಯಾನಿ ದೊಸ್ತಿ ಕ್ಹುದಾನೆ ದುಶ್ಮನ ವ್ಹೈ ಕವಾನು ತುಮೊನೆ ಗ್ವತ್ತ ನತ್ತಿ ಸು? ತಿನಾಹುತಿ ದುನಿಯಾನೆ ದೊಸ್ತ ಥೈನ ರ‍್ಹೌಸ ಕವಾಲೊ ತಿನೆ ಕ್ಹುದಾನೊ ವಿರೊದಿ ಥೈನ ಕರಿಲಿವಸ. 
\v 5 ಕ್ಹುದಾ ಅಪೊಮಾ ಮ್ಹೆಲಾನಿ ಪವಿತ್ರ ಆತ್ಮಾ ಅಭಿಮಾನ ಆಸನಾ ಕ್ಹಾತೆ ಅಪ್ನಾಹುತಿ ಆಸ ಕರಸ ಕವಾನಿ ವಾತ ಸುಳ್ಳ ವ್ಹೈ ಕೈನ ಪವಿತ್ರ ಗ್ರಂಥ ಕವಸ ಕೈನ ತಿಳ್ದಿಲಿವೊ ನಕೊ. 
\v 6 ತೆ ಅಪೊನೆ ಘನ್ನಿ ಕೃಪಾ ದಿವಸ. ತಿನಾಹುತಿ, ಕ್ಹುದಾ ಅಹಂಕಾರಿಯೊನೆ ವಿರುದ್ದ ಥಯೊಸ, ದಿನ ರ‍್ಹಯಲವಾಲಾವೊನೆ ಕೃಪಾ ದಿವಸ ಕೈನ ಧರಮಶಾಸ್ತ್ರ ಕವಸ. 
\v 7 ಇಮ್ಮ ರ‍್ಹತಾಮಾ ಕ್ಹುದಾನೆ ಅದಿನ ಥೈನ ರ‍್ಹೈನ ಸೈತಾನನೆ ಭುಚ್ಕಾಡೊ, ತೆಳಾಮಾ ತೆ ತುಮೊನೆ ಛೊಡಿನ ನ್ಹಾಟಿ ಜಾ಼ವಸ. 
\v 8 ಕ್ಹುದಾನಾ ನಜಿಕ ಆವೊ, ತೆಳಾಮಾ ತೆ ತುಮಾರಾ ನಜಿಕ ಆವಸ. ಪಾಪಿಯೊ, ತುಮಾರಾ ಹತೊ ಶುದ್ದ ಕರಿಲಿವೊ; ಬೆ ಮನಸೊ ರ‍್ಹಯಲವಾಲಾ, ತುಮಾರಾ ಮನಸೊ ಚೊ಼ಕಾ ಕರಿಲಿವೊ. 
\v 9 ದುಖ ಥಾವೊ, ಗೊಳಾಡೊ, ಡೊಳಾಮಾನು ಪಾನಿ ಕಾಡೊ; ತುಮಾರು ಅಕ್ಹಾನು ಛೊಡಿನ ಪ್ರಭುನಿ ಕೃಪಾನಾ ಹುತಿ ಗೊಳಾಡಿನ ಮಾಂಗಿಲಿವೊ. ತುಮಾರಿ ಲೌಕಿಕ ಕ್ಹುಶಿನೆ ಛೊಡಿನ ಪ್ರಭುನೆ ಪಡ್ದಿಲಿವಾನು ಕೊಶಿಶ ಕರೊ. 
\v 10 ಪ್ರಭುನಾ ಕ್ಹಾಮಾ ತುಮೊನೆ ತುಮೆ ತಗಸಿಲಿವೊ; ತೆ ತುಮೊನೆ ಉಪ್ಪರ ಉಚಾವಸ. 
\v 11 ಭಾಯೊ ವರಿ ಭೆನೊ, ಯಕ್ಕನೆ ಯಕ್ಕ ದುಖ ಕರೊ ನಕೊ. ಕುನ್ನತುಬಿ ತಿನಾ ಭೈನೆ ದುಖ ಕರ‍್ಯಾಮ ನೈತೊ ತಿನಾ ಭೈನಾ ವಿಷಯನಾ ಹುತಿ ತಿರ್ಪ ಕರ‍್ಯೊಮ ತೆ ಧರಮಶಾಸ್ತ್ರನೆ ದುಖ ಕರಿನ ಧರಮಶಾಸ್ತ್ರನಾ ವಿಷಯಮಾ ತಿರ್ಪ ಕರಲ ಲಿಂಗತ ಥಾವಸ. ತೆನೈಸೊ ತು ಧರಮಶಾಸ್ತ್ರನಾ ವಿಷಯಮಾ ತಿರ್ಪ ಕರ‍್ಯೊಮ ತು ನ್ಯಾಯಾದಿಪತಿ ವ್ಹೈ ಕೈನ ಕವೈಲೆಶಿ ತೆನೈಸೊ ತಿನೆ ಚಾ಼ಲಿನ ಜಾ಼ವಾಲೊ ಥಾತೊ ನೈ. 
\v 12 ಧರಮಶಾಸ್ತ್ರ ದಿದಲ ನ್ಯಾಯಾದಿಪತಿ ಯಕ್ಕಜ಼ ವ್ಹೈ; ತೆಜ಼ ವಚಾ಼ಡಾನೆಬಿ ವರಿ ನಾಶ ಕರಾನೆಬಿ ತಾಕತವಾಲೊ ವ್ಹೈ. ಇಮ್ಮ ರ‍್ಹತಾಮಾ ತಾರಾ ಬಾಜು಼ನಾ ಮನಕ್ಹನಾ ವಿಷಯಮಾ ತಿರ್ಪ ಕರಾನೆ ತು ಕುನ್ನ ವ್ಹೈ? 
\v 13 ಹಮ್ನಾ ನೈತೊ ವಂತಾ ಅಪೆ ಹೆವಾ ಗಾಮೆ ಗೈನ ತ್ಯಾ ಯಕ್ಕ ವರಕ್ಹ ರ‍್ಹೈನ ವ್ಯಾಪಾರ ಕರಿನ ಫೈದೊ ಕರಿಲಿಯೆಸ ಕವಾಲಾ ಐಕೊ. 
\v 14 ವಂತಾ ಸು ಥಾವಸ ಕವಾನು ತುಮೊನೆ ಗ್ವತ್ತ ನತ್ತಿ. ತುಮಾರಿ ಜಿವ್ನಾ ಕೆವಿ ವ್ಹೈ? ತುಮೆ ದಕ್ಹಿಯೆಳ ದಿಕ್ಹಿನ ಪಾಚ಼ಲ್ತಾ ನೈ ದಿಕ್ಹಾನಿ ಠಾರ ಲಿಂಗತ ಥಯಾಸ. 
\v 15 ತಿನಾಹುತಿ ತುಮೆ ತ್ಯವಾ ವಾತೊ ಛೊಡಿನ ಕ್ಹುದಾನಿ ಚಿತ್ತ ರ‍್ಹಯುಮ ಅಪೆ ಜಿವ್ತಾ ರ‍್ಹೈನ ಎ ಕಾಮ ರ‍್ಹವಾದೆ ತೆ ಕಾಮ ರ‍್ಹವಾದೆ ಕರ ಸಕೆಸ ಕೈನ ಕೌ. 
\v 16 ತೆನೈಸೊ ತುಮೆ ತುಮಾರಾ ಅಹಂಕಾರಕ್ಹು ತುಮಾರಾಹುತಿ ಹೊಗಳಿ ಲಿವಾಡಾಸ. ತ್ಯವಿ ಹೊಗಳಕಿ ಕ್ಹಾರಿ ಕ್ಹುದಾನಾ ಕ್ಹಾಮಿ ಕೆಟ್ಟಜ಼ ವ್ಹೈ. \fig ವ್ಯಾಪಾರ ಕರಾಲೊ ವರಿ ಲಿವಾಲೊ ವರಿ ತಿನಾ ಸಾಮನೊ.|alt="Customer, merchant with his wares" src="hk00172c.tif" size="col" copy="Horace Knowles ©" ref="4:13"\fig* 
\v 17 ಇಮ್ಮ ರ‍್ಹಯಲಕ್ಹು ಚೊ಼ಕು ಕರು ಕವಾನು ಗ್ವತ್ತ ರ‍್ಹಯುತಬಿ ತೆ ನೈ ಕರಾಲೊ ಪಾಪ-ಪಾಪ ಕರಾಲೊ ಥಯೊಸ.
\c 5
\p
\v 1 ಸೌಕಾರೊ, ತುಮೊನೆ ಆವಾನಾ ತ್ರಾಸೊನಾ ಹುತಿ ರವೊ, ಗೊಳಾಡೊ. 
\v 2 ತುಮಾರಿ ಆಸ್ತಿ, ದೌಲತ ನಾಶ ಥೈಸ. ತುಮಾರಾ ವಣ್ಣಾವೊನೆ ನುಶಿ ಲಾಗಿಸ. 
\v 3 ತುಮಾರು ಕ್ಹೊನು, ರುಪ್ಪು ಜಂಗ ಲಾಗಿನ ಮಾತಿನೆ ಸಂವಾ ಥಯಾಸ. ತ್ಯುನು ಜಂಗ ತುಮೊನೆ ವಿರುದ್ದ ಸಾಕ್ಷಿ ಥೈನ, ಆಗ ಲಿಂಗತ ತುಮಾರಾ ಮಾಕ್ಹನೆ ಬಾಳಿ ಪಡಸ. ಅಂತ್ಯ ಕಾಲ ಅಯುತುಬಿ ಆಸ್ತಿ ಜ಼ಮಾ ಕರಿಲಿನ ಮ್ಹೆಲಿ ಲಿದ್ಯಾಸ. 
\v 4 ದೆಕೊ, ತುಮಾರಾ ಖೆತರೊಮಾ ಕಾಮ ಕರಲವಾಲಾವೊನೆ ಹಮಾಲಿ ದಿದ್ಯಾಬಗರ ಮೊಸ ಕರ‍್ಯಾಸ. ತೆ ಹಮಾಲಿನು ಅವಾಜ಼ ವರಿ ಕಾಮ ಕರಲವಾಲಾವೊನು ಅವಾಜ಼ ಸ್ವರ್ಗನಾ ಸೈನ್ಯನೊ ಸೆನಾದಿಶ್ವರ ಥಯಲ ಕರ್ತಾನಾ ಕಾನೊಪರ ಗೈನ ಮುಟ್ಟಿಸ. 
\v 5 ಭುಲೊಕಮಾ ತುಮೆ ಸುಖಾ ಕ್ಹಾವಾನಾ ಹುತಿ ತುಮೊನೆ ಪಸಂದ ಆಯಲ ತಿಮ್ಮ ಜಿವ್ನಾ ಕರಾಡಾಸ; 
\v 6 ಪೌಲ ಚೊ಼ಕ ಮನಕ್ಹೊ ಶಿಕ್ಷಾ ಥಯಾಸ ನೈ ದಿವ. ತ್ಯುನೆ ತಮನೊನೆ ವಿರುದ ನೈ ತೆನ ನೈ ತ್ಯುನೊನೆ ಕ್ಹ ತ್ಯುನೆ ಕರಿ. 
\v 7 ಭಾಯೊ ಭೆನೊ ಕೈನ ತಾಳ್ಮೆ ರ‍್ಹ ಪ್ರಭು ಕರಲ ಯೆಸು ಆವಾನು ಛೆ ಕೈನ. ತೆ ತಿನಾಹುತಿ ತ್ಯ ಲಕ್ಕಾ ಕೈನ ತಾಳ್ಮೆ ರ‍್ಹ ತಿನಾ ನಾ ಬೆಳೆ ಜಿಮಿನ ಆವಸ ರೈತ ಕೈನ ಕಾಯಿದ. ಪೈಲಾ ವರಿ ಲಾಸ್ಟ ಪಾನಿ ತಿನಾ ಬೆಳೆ ರೈತ ಕಾಯಿದ. 
\v 8 ಪೌಲ ತಾಳ್ಮೆ ತೆನ. ಪೌಲ ಆದರಣೆ ಅಪೆ ಐನ ನೈ ನಕೊ. ಪ್ರಭು ಯೆಸು ಪಾಟೆ ಆವಾನು ಛೆ ಕೈನ. 
\v 9 ಭಾಯೊ ಭೆನೊ, ಯಕ್ ಉಪ್ಪರ ತಪ್ಪ ನೈ ಕೌ ನಕೊ. ಪೌಲ ಮಯಾ ಕರಾ ಚೊಡ ರ‍್ಹಯಲ ನೈ, ಗುಣ ಕೈನ ಅಪ್ನ ಫೈಸಲ ದಿದ. ಫೈಸಲ ಹಮೊನೆ ತ್ಯುನೊನೆ ತಿನಾಹುತಿ ವ್ಹಂದಿಲಿವ ಥಯೊಸ. 
\v 10 ಭಾಯೊ ಭೆನೊ, ಪ್ರಭು ವಿಷಯಮಾ ಕವಾನು ಪ್ರವಾದ ತಮನೊನೆ ಉದಾಹರಣ ಕೈನ ರ‍್ಹ. ತ್ಯುನೆ ಮರ್ಯಾದಿ ಅಗು ದುಖ ಕ್ಹ ಸಮಾಧಾನ ರ‍್ಹ. 
\v 11 ತಾಳ್ಮೆ ರ‍್ಹ ಅಪೆ ಕೈನ ಕವಾನು ನೈ. ಯೊಬ ಕೈನ ಹುತಿ ತಮನೊನೆ ಕವಾನು. ಯೊಬ ಕ್ಹಾರ ತರಾನಿಯೊ ದುಕ ಕ್ಹ ಪರ ತ್ಯುನೊನೆ ಪ್ರಭು ನೈ ತಿನೆ ಮದತ ಕರಾ. ಪ್ರಭು ಮರ್ಗ ವರಿ ಮರಗ ಭರಿ ಬಲೈ ಜ಼ಗಾ ಕೈನ ತೆ ತಮನೊನೆ ದಿದ. 
\v 12 ಮಾರ ಭಾಯೊ ಭೆನೊ, ಪೆಟ ನಾಮ ನಕೊ ಉಪಯೊಗ. ವ್ಹೈ ರ‍್ಹ "ವ್ಹೈ "ನೈ ಕೌ ಕರಾ ನೈ-ನೈ ಕೌ. ಪೌಲ ಥಯಾಸ ಕರಾ ತಮನೊನೆ ದ್ವೆಶ ವ್ಹೈ ಕೈನ ಫೈಸಲ ನೈ ಕರಿ. 
\v 13 ತಾರ ದುಕ ಮ್ಹೈ ಕರಲ ಪ್ರಾರ್ಥ ಕರಾ. ತಾರ ಕ್ಹ ಕರಸ ಕೌ. 
\v 14 ತುಮೊಮಾ ಅರಾಮ ನೈಸೊವಾಲೊ ಛೆಸು? ತೆ ಸಭೆಮ ಮ್ಹೊಟಾ ರ‍್ಹಯಲವಾಲಾವೊನೆ ಬಲೈ ನೈಕಾ ತ್ಯುನೆ ಕರ್ತಾನಾ ನಾಮಪರ ಪ್ರಾಥಾನಾನು ತೆಲ ಲಗಾಡಿನ ತಿನಾ ಹುತಿ ಕ್ಹುದಾನೆ ಪ್ರಾಥನಾ ಕರಾದೆ. 
\v 15 ಬರೊಕ್ಹಾಕ್ಹು ಕರಾಲ ಪ್ರಾಥನಾ ರೊಗಿನೆ ಅರಾಮ ಕರಸ ವರಿ ಕರ್ತಾ ತಿನೆ ವಚಾ಼ಡಸ ತೆ ಪಾಪ ಕರ‍್ಯೊತುಬಿ ಕ್ಹುದಾ ತೆ ಕ್ಹಾರಾ ಪಾಪೊನೆ ಮಾಫ ಕರಸ. 
\v 16 ಪೌಲ ಕರಲ ಪಾಪ ಯಕ್ ಕೆಳಾಂಬಿ ತಿಳಶ್ಯಾ. ತೆ ತಿನಾಹುತಿ ಯಕ್ ಪ್ರಾರ್ಥ ಕರಾ. ಪೌಲ ಥಯಾಸ ಕರಾ, ಕ್ಹುದಾ ತಮನೊನೆ ಬಿಡುಗಡೆ ಕರಸ. ನಿತಿ ಬಡ್ಡಿಕ್ಹು ಕರಲ ಪ್ರಾರ್ಥನಾ ತಾಕತ ರ‍್ಹ. 
\v 17 ಎಲಿಯ ಅಪ್ನ ಯಕ್ ಮನಕ್ಹ ವ್ಹತ. ಪಾನಿ ನೈ ಐನ ತೆ ಪ್ರಾರ್ಥ ಕರತ ಕ್ಹಡಾ ಲಕ್ಕಾ ತೆ ಗಾಮ ಪಾನಿ ನೈ ಐನ! 
\v 18 ತೆಳಾಮ ಎಲಿಯ ಆವಾನು ಪ್ರಾರ್ಥ ಛೆ ಕೈನ ತ್ಯ ಸ್ವರ್ಗ ಪಾನಿ ಐನ ಜಿಮಿನ ಪರ ತ್ಯುನೊನೆ ವರಿ ಬೆಳೆನೆ ಪೈಲಾ ದಿವ. 
\v 19 ಮಾರ ಭಾಯೊ ಭೆನೊ, ತಾರ ಯಕ್ ದುರ ಕೈನ ನೈ ತಿನೆ ಮದತ ನೈ ಕರಾ ನೈ ತಿನೆ ಕ್ಹರಿ ರ‍್ಹಯಲ ವಾಟ ಪಾಚ. 
\v 20 ತೆ ಶೆ ಜ಼ಗಾ ಯಕ್ ಪಾಪ ತಪ್ಪ ರ‍್ಹಯಲ ವಾಟ ಕ್ಹರಿ ರ‍್ಹಯಲ ವಾಟ ಆವಾಡ್ಯೊತೊ ತೆ ಪಾಪ ಆತ್ಮಾ ಮರಲ ನೈಸೊ ನೈ ಕಿಮ ಪಾಪ ಕೈನ ನೈ ಥೈಯುಸ.