\id HEB - Shikkalgar
\ide UTF-8
\h ಇಬ್ರಿಯ
\toc3 ಇಬ್ರಿಯ
\toc2 ಇಬ್ರಿಯ
\toc1 ಇಬ್ರಿಯವಾಲಾವೊನೆ ಬರ್ದಲ ಪತ್ರ
\mt2 ಇಬ್ರಿಯರಿಗೆ ಬರೆದ ಪತ್ರಿಕೆ
\mt1 ಹಿಬ್ರಿಯವಾಲಾವೊನೆ ಬರ್ದಲ ಪತ್ರ
\imt ವಳಕ
\ip ಹಿಬ್ರಿಯವಾಲಾವೊನೆ ಬರ್ದಲ ಪುಸ್ತಕ ಯಕ್ಕ ಉತ್ತೆಜನ ದಿವಾನು ಪತ್ರ ವ್ಹೈ. ಯೆಸು ಜು಼ನ್ನಾ ವಡಂಬಡಿಕೆಮಾನು ಘನ್ನಾ ಪ್ರವಾದನೆ ಪುರಾ ಕರಾನು ದೆಕಾಡಿನ ದಿವಸ. ಆ ಬುಕ್ಕ ಪ್ರಸಂಗ ಲಿಂಗತ ಬರ್ದಲ ಛೆ. ಇಮಾ ಯೆಸು ಜು಼ನ್ನಾ ವಡಂಬಡಿಕೆಮಾ ಪ್ರವಾದನೆ ವರಿ ಯಹುದಿನೊ ಮ್ಹೊಟೊ ಯಾಜಕನಾ ಕಾಮೊ ಕಿಮ್ಮ ಪುರಾ ಕರ‍್ಯೊಸ ಕವಾನು ದೆಕೆಸ. ಕವಾನು 60 ಹೆಚ್ಕಿ಼ ಜು಼ನ್ನಾ ವಡಂಬಡಿಕೆಮಾ ಉಲ್ಲೆಖ ಛೆ. ಎ ಕ್ಹಾರಾನಾ ಹುತಿ ಸ್ಪಷ್ಠತಾಕ್ಹು ದೆಕಾಡಿನ ದಿವಸ. ಇನಾಹುತಿ ಎ ಪುಸ್ತಕ ಯಹುದಿ ವಿಸ್ವಾಶಿಯೊನೆ ಪ್ರೊಸ್ತಾಹ ದಿವಾನು ಪುಸ್ತಕ ಕವೈಲಿದಲ ರ‍್ಹವಸ. ಯೆಸು ಕಿಮ ಧರ್ಮ ಶಾಸ್ತರ ಪುರಾ ಕರ‍್ಯೊ. ತಿನಾಹುತಿ ಮನಕ್ಹೊ ಹಜು಼ನ ಕೆಳಾಮಾಜ಼ ದಿವಾನೆ ಜ಼ರುರತ್ತ ನತ್ತಿ ಕವಾನು ಹಿಬ್ರಿಯ ಪುಸ್ತಕ ದೆಕಾಡಿನ ದಿವಸ. ಕ್ಹಾರಾ ಕಾಲನಾ ಹುತಿ ಯಕ್ಕಸಕಾ ಕ್ಹಾರಾ ಪಾಪಿಯೊನೆ ಹುತಿ ಯೆಸು ಬಿಲಿ ಥಯೊ. ಕ್ಹುದಾಮಾ ಬರೊಕ್ಹೊ ಮ್ಹೆಲಾನೆ ತಿಮಾ ಮ್ಹೆಲಾನೆ ಸಾದ್ಯ ಥಾವಾನೆ ಹುತಿ ಕರಾನು ಯೆಸು ಕ್ರಿಸ್ತನೆ ಪಾಲ್ಸು ಕೈನ ಹಿಬ್ರಿಯ ಪುಸ್ತಕ ಹಮ್ನಾನಾ ದಿನ್ಮಾ ವಿಸ್ವಾಸಿಯೊನೆ ಪ್ರೊತಸ್ಆಹ ದಿವಸ. ಹಿಬ್ರಿ ಪುಸ್ಕ ಕುನ್ನ ಬರ್ದ್ಯಾಸ. ಕವಾನು ಕಿನೆಜ಼಼ ಗ್ವತ್ತ ನತ್ತಿ ವರಿಬಿ ವಿದ್ವಾಂಸೊ ಅಪೊಸ್ತಲ ಥಯಲ ಪೌಲ ಲುಕ ಬರ್ನಾಬಾಸ ವಸ ಕೈನ ಸಲಹಾ ದಿವಸ. ಎ ಬರ್ದಲ ಟೈಮಬಿ ಖಚಿತ ನತ್ತಿ. ತೆನೈಸೊ ಘನ್ನಾ ಕ್ರಿಸ್ತನು ಜನನ ಥಯಲ್ಪರ 70 ವರಕ್ಹಮ ಯೆರುಸೆಲಮ ಗಾಮ ಹಾಳ ಕರ‍್ಯಾ. ವರಿಬಿ ಬರ್ದಲವಾಲೊ ಎ ಪತ್ರಮಾ ಯೆರುಸೆಲೆಮ ನಾಶ ಕರಸ ಕವಾನು ತರಿಕಾಮಾ ಬೊಲಸ ಹಿಬ್ರಿಯ ಪುಸ್ತಕ ರೊಮಮಾ ಬರ್ದಲ\xt 13:24\xt* ವರಿ ಘನ್ನಿಸಲಾ ಸಭೆಮಾ ತೆ ಫೈಲಯುಸ.
\iot ಪಿಠಿಕೆ
\io1 1 ಬರ್ದಲವಾಲೊ ಕ್ಹುದಾನಿ ಪ್ರವಾದಿಯೊ ವರಿ ದೆವದುತೊತಿಬಿ ಶ್ರೆಷ್ಠ ವ್ಹೈ ಕವಾನು ದೆಕಾಡಿನ ದಿವಸ \ior 1:1—4:13\ior*
\io1 2 ತೆ ಥಯಲ್ಪರ ತೆ ಯೆರುಸೆಲೆಮೆ ದೆವಾಲಯಮಾ ಸೆವ ಕರ್ತೊ ರ‍್ಹಯಲ ಕ್ಹು ಯೆಸು ಮ್ಹೊಟೊ ವ್ಹೈ. ಕೈನ ದೆಕಾಡಿನ ದಿವಸ. \ior 4:14—7:28\ior*
\io1 3 ಕ್ಹುದಾ ಮೊಶೆನಾ ಮುಲಕ ತಿನಾ ಮನಕ್ಹೊನಾ ಕ್ಹಾತೆ ಕರಲ ಜು಼ನ್ನು ಒಡಂಬೆಡಿಕತಿಬಿ ಯೆಸುನು ಸೆವೆನು ಕಾಮ ಮ್ಹೊಟು ರ‍್ಹಯಲ ಕವಾನು ದೆಕಾನಿನೆ ದಿವಸ. \ior 8:1—10:31\ior*
\io1 4 ಯೆಸು ಕ್ಹಾರಿ ತರಾಮಾ ಉನ್ನತ ವ್ಹೈ ಕವಾನು ಕದಲ್ಪರ ಬರ್ದಲವಾಲೊ ಘನ್ನಿ ಪ್ರಾಯೊಗಿಕ ವಾಟೊ ದಿವಸ. \ior 10:32—13:17\ior*
\io1 5 ಲಾಸ್ಟಮಾಬರ್ದಲವಾಲೊ ದಕ್ಹಾ ಪ್ರಾತ್ಸಹಕರಾನು ವಾತೊ ಕೈನ ವಂದನೆ ಕತೊ ಪತ್ರ ಲಾಸ್ಟ ಕರಸ. \ior 13:18-25\ior*
\c 1
\s ಕ್ಹುದಾ ತಿನಾ ದಿಕ್ರಾನಾ ಮುಕಾಂತರ ಬೊಲಲ
\p
\v 1 ಪೈಲಾನಾ ದಿನ್ನೊಮಾ ಅಪ್ನಾ ಮನಕ್ಹೊನಾ ಕ್ಹಾತೆ ಪ್ರವಾದಿಯೊಕ್ಹು ಬಿಜಿ-ಬಿಜಿ ತರಾಮಾ ಕ್ಹುದಾ ಘನ್ನಿ ಸಲಾ ಬೊಲ್ಯೊ. 
\v 2 ತೆನೈಸೊ, ಎ ಲಾಸ್ಟನಾ ದಿನ್ನೊಮಾ ಕ್ಹುದಾ ಅಪ್ನಾ ಕ್ಹಾತೆ ತಿನಾ ದಿಕ್ರಾನಾ ಮುಕಾಂತರ ಬೊಲ್ಯೊಸ. ತಿನಾ ದಿಕ್ರಾಕ್ಹುಜ಼ ಕ್ಹುದಾ ಪುರಾ ದುನಿಯಾಮಾನು ಹರಯಕ್ಕ ಸೃಷ್ಟಿ ಕರ‍್ಯೊ, ವರಿ ಹರಯಕ್ಪರ ತಿನೆ ಅದಿಕಾರ ದಿದ್ಯೊ. 
\v 3 ಕ್ಹುದಾನಿ ಮಹಿಮಾ ತಿಮಾ ದಿಕ್ಹಿನ ಐ. ತೆ ಕ್ಹುದಾನಾ ಲಿಂಗತಜ ವ್ಹತ್ತೊ, ತೆ ತಿನಾ ತಾಕತ ಭರಲ ವಾಕ್ಯಾಕ್ಹು ಕ್ಹಾರಾವೊನೆ ಆಸ್ರೊ ವ್ಹತ್ತೊ. ವರಿ ತೆ ಮನಕ್ಹೊನೆ ತ್ಯುನಾ ಪಾಪೊಕ್ಹು ಶುದ್ಧ ಕರಿನ ಕ್ಹಾರಾವೊತಿ ಉಪ್ಪರ ರ‍್ಹಯಲ ಸ್ವರ್ಗಮಾ ಕ್ಹುದಾನಾ ಸಿದಾ ಬಗಲ ಬೈಟ್ಯೊ. 
\v 4 ಕ್ಹುದಾ ತಿನೆ ದೆವದುತೊನಾ ನಾಮೊತಿಬಿ ಮ್ಹೊಟು ನಾಮ ತಿನೆ ಮ್ಹೆಲ್ಯೊತೊ, ಕಾಕದ್ಯಾಮ ಕ್ಹುದಾ ತಿನೆ ದೆವದುತೊತಿಬಿ ಮ್ಹೊಟೊ ಕರ‍್ಯೊತೊ. 
\v 5 ಕಿಮ್ಮ ಕದ್ಯಾಮ ಕ್ಹುದಾ ಕಯಾಜ ದೆವದುತನೆ ಅಮ್ಮ ಕದ್ಯೊ ನತ್ತಿ, ತು ಮಾರೊ ದಿಕ್ರೊ ವ್ಹೈ ಮಿಜ಼ ತುನೆ ಹಮ್ನಾ ಪಡದಿಲಿದ್ಯೊಸ ವರಿ ಮಿ ತಿನೊ ಬಾ ಥೈನ ರ‍್ಹೌಸ ತೆ ಮಾರೊ ದಿಕ್ರೊ ಥೈನ ರ‍್ಹವಸ. 
\v 6 ತೆನೈಸೊ ಕ್ಹುದಾ ತಿನಾ ಪೈಲಾರ ದಿಕ್ರಾನೆ ದುನಿಯಾಮಾ ಫರಿನ ವಳಾತಾಮಾ, ದೆವದುತೊ ಕ್ಹಾರಾ ತಿನೆ ಆರಾಧನಾ ಕರು” ಕೈನ ಕದ್ಯೊಸ. 
\v 7 ದುತೊನಾ ಹುತಿ ಕ್ಹುದಾ ಕವಾನು ಸುವೈ ಕದ್ಯಾಮ, ಕ್ಹುದಾ ತಿನಾ ದುತೊನೆ ವಾರಾ ನಿಗಂತಬಿ ವರಿ ತಿನಾ ಸೆವಕೊನೆ ಆಗನಾ ಕೆಂಡಾ ಲಿಂಗತಬಿ ಕರ‍್ಯೊಸ. 
\v 8 ದಿಕ್ರಾನಾ ಹುತಿತೊ ಕ್ಹುದಾ, ತಾರು ಸಿಂಹಾಸನ ಯುಗೊ ಯುಗೊತಕಾ ರ‍್ಹವಸ ನ್ಯಾಯನಿ ಲಾಕಡಿಜ ತಾರಿ ರಾಜ ಕರಾನಿ ಲಾಕಡಿ ವ್ಹೈ.” 
\v 9 ತು ನ್ಯಾಯನೆ ಮಯಾ ಕರ‍್ಯೊ ವರಿ ಅನ್ಯಾಯ ದ್ವೆಶ ಕರ‍್ಯೊ. ತಿನಾಹುತಿ ತಾರೊ ಕ್ಹುದಾಜ಼, ತುನೆ ತಾರಾ ಕ್ಹಾತೆ ರ‍್ಹಯಲವಾಲವೊತಿಬಿ ಮ್ಹೊಟಿ ಜ಼ಗಾಮಾ ಬೈಟಾಡಿನ ಘನ್ನಿ ಖುಶಿನಾ ತೆಲಕ್ಹು ಅಬಿಷೆಕ ಕರ‍್ಯೊ” ಕೈನ ಕದ್ಯೊ. 
\v 10 ವರಿ ತೆನೈಸೊ ಕ್ಹುದಾ ಅಮ್ಮ ಕವಸ, ಕರ್ತಾ ಆದಿಮಾ ತು, ಜಿಮಿನನೆ ಫಾಯಾ ಘಾಲ್ಯೊಸ ವರಿ ಹಬಾಳತೊ ತಾರಾ ಹತನು ಕಾಮ ವ್ಹೈ.” 
\v 11 ತೆನೈಸೊ ಆ ಕ್ಹಾರು ಹಾಳ ಥೈ ಜ಼ಾವಸ, ಮಾತ್ರಾ ತು ಹಮೆಶಾಬಿ ರ‍್ಹಶಿ. ತೆ ಕ್ಹಾರು ವಣ್ಣಾವೊನಾ ನಿಗಂತ ಜುನ್ನು ಥಾವಸ. 
\v 12 ತೆ ಕ್ಹಾರು ಉಪ್ಪರಲ್ಯು ಅಂಗ್ಡಾನಾ ಲಿಂಗತಬಿ ವರಿ ವಣ್ಣಾವೊನಾ ಲಿಂಗತಬಿ ತು ಮಡಚಿ ಪಡಶಿ ವರಿ ತೆ ಬದಲಿ ಥಾವಸ. ತುತೊ ಕೆಳಾಮಾಜ಼ ಬದ್ಲಿ ಥಾತೊ ನೈ. ತಾರಿ ವಯಸ್ಸ ಕೆಳೆಜ಼ ಕ್ಹರತಿ ನೈ. 
\v 13 ವರಿ ಕ್ಹುದಾ ಕಯಾ ದೆವದುತನಾ ಹುತಿಬಿ ಅಮ್ಮ ಕದ್ಯೊ ನತ್ತಿ. ಮಿ ತಾರಾ ದುಶ್ಮನೊನೆ ತಾರಾ ಪಗನಾ ಹೆಟೊ ಘಾಲೆ ಲಕ್ಕಾ ತು ಮಾರಾ ಸಿದಾ ಹತ ಬಗಲ ಬೈಟ,\rq ಕಿರ್ತನೆ 110:1\rq* 
\v 14 ತೆ ದೆವದುತೊ ಕ್ಹಾರಾ ಕ್ಹುದಾನಿ ಸೆವಾ ಕರಾಲಾ ಆತ್ಮಾ ವ್ಹೈ ವರಿ ರಕ್ಷಣೆ ಹೊಂದಾಲಾ ಮನಕ್ಹೊನಿ ಮದತ ಕರಾನೆ ವಳಾಯಲವಾಲಾ ವ್ಹೈ.
\c 2
\s ಖಾಸ ರಕ್ಷಣೆ
\p
\v 1 ತಿನಾಹುತಿ ಅಪ್ನೊನೆ ಶಿಕ್ಲಾಯಲ ಸಂಗತಿಯೊನಾ ಲಿಂಗತ ಘನ್ನಾ ಹುಶಾರಕ್ಹು ಚಾ಼ಲು, ಕ್ಹರಿನಿ ವಾಟ ಛೊಡ್ಯಾ ಬಗರ ಹುಶಾರ ರ‍್ಹೌ. 
\v 2 ಕ್ಹುದಾ ತಿನಾ ದುತೊನಾ ಮುಕಾಂತರ ದಿದಲ ವಾಕ್ಯಾ ಕ್ಹರಿನಿ ವ್ಹೈ ಕೈನ ದೆಕಾಡಿನ ದಿದಲ ಶೆ. ಯಹುದ್ಯೊ ಆ ವಾಕ್ಯಾನೆ ವಿರುದ್ದ ತಪ್ಪ ಕರತಾಮಾ ವರಿ ಆ ವಾತ ನೈ ಐಕ್ತಾಮಾ ತಿನಾ ತಕ್ಕ ತ್ಯುನೊನೆ ಶಿಕ್ಷಾ ಮಳತಿತಿ. 
\v 3 ಅಪೊನೆ ದಿದಲ ಎ ಖಾಸ ರಕ್ಷಣೆ ಅಪೆ ಧ್ಯಾನ ನೈ ದಿದ್ಯಾಮ ಅಪೊನೆ ಶಿಕ್ಷಾ ಮಳಸ. ಆ ಪೈಲಾಜ಼ ಕರ್ತಾ ಕದಲ ಛೆ ವರಿ ತಿಕ್ಹು ಐಕಲವಾಲಾ ರಕ್ಷಣೆನಾ ಹುತಿ ಅಪೊನೆ ಹಜು಼ ಘಟ್ಟ್ಟ ಕರ್‍ಯಾಸ. 
\v 4 ಎನೈಸೊ ಕ್ಹುದಾ ತಿನಾ ಅದ್ಭುತ ಕಾಮುಕ್ಹು, ಸುಚಕ ಕಾರ‍್ಯೊಕ್ಹು, ಘನ್ನಾ ತರಾನಾ ಮ್ಹೊಟಾ ಕಾಮೊಕ್ಹು ವರಿ ಪವಿತ್ರ ಆತ್ಮಾನಾ ವರಾಕ್ಹು ತಿನಾ ಮನಸೆ ಆಯಲ ತಿಮ್ಮ ದಿವಾನಾ ಮುಲಕ ತೆ ದೆಕಾಡಿನ ದಿದ್ಯೊ.
\s ಮನಕ್ಹೊನೆ ರಕ್ಷಣೆ ದಿವಾನಾ ಹುತಿ ಕ್ರಿಸ್ತ ಮನಕ್ಹ ಥೈನ ಆಯೊ
\p
\v 5 ಮಿ ಹಮ್ನಾ ತುಮೊನೆ ಕವಾನು ಅಗು ಆವಾನು ನವು ಜಗತ್ನೆ ಆಳಾನೆ ಕ್ಹುದಾ ದೆವ ದುತನೆ ಇನಿಲಿದ್ಯೊ ನೈ. 
\v 6 ಎ ಪವಿತ್ರ ಗ್ರಂಥನಾ ಯಕ್ಕ ಭಾಗಮಾ - ಕ್ಹುದಾ, ತು ಮನಕ್ಹೊನೆ ಕಾ ಶೆಂ ಕರು? ತು ಮನಕ್ಹೊನಾ ಹುತಿ ಕಾ ಚಿಂತಾ ಕರು? ತೆ ತೆಕ್ಲು ಖಾಸ ವ್ಹೈ ಸು? 
\v 7 ಕ್ಹಾಲಿ ದಕ್ಹಾ ಟೈಮನಾ ಹುತಿ ತು ತಿನೆ ದೆವದುತೊತಿ ನಕ್ಕರಜ಼ ಕಮ್ಮ ಕರ‍್ಯೊಸ. ತು ತಿನೆ ಮಹಿಮಾನು ವರಿ ಮರ್ಯಾದಿ ಕವಾನು ಕಿರಿಟ ಮುಕ್ಯೊಸ. 
\v 8 ಕ್ಹಾರು ತಿನಾ ಪಗೊನಾ ಹೆಟೊ ಘಾಲಿನ ಕ್ಹಾರು ತಿನಾ ಬಸ್ಮಾ ದಿದ್ಯೊ. ಕ್ಹುದಾ ಕ್ಹಾರು ತಿನಾ ಹತ್ಮಾ ದಿನ ಯಕ್ಕಬಿ ಚಿಜ಼ ಛೊಡ್ಯಾ ಬಗರ ಹರಯಕ್ಕ ತಿನಾ ಅಧಿನಮಾ ದಿದ್ಯೊತಬಿ, ಹರಯಕ್ಕ ಚಿಜ಼ಪರ ತೆ ರಾಜ಼ ಕರಾನು ಹಮೊನೆ ಹಜು಼ನಬಿ ದೆಕಾಡಾ ನತ್ತಿ. 
\v 9 ದಕ್ಹಾ ಟೈಮ ಲಕ್ಕಾ ಯೆಸುನೆ ದೆವದುತೊತಿ ನಕ್ಕರಜ಼ ಕಮ್ಮ ಕರ‍್ಯೊ. ತೆನೈಸೊ ಯೆಸು ಸ್ವಾಮಿ ಅಪ್ನಾಹುತಿ ದುಕ್ಕ ಖೈನ ಮರಲಹುತಿಜ಼ ಅಪೊನೆ ಮಹಿಮಾನು ವರಿ ಮರ್ಯಾದಿನು ಕಿರಿಟ ಮಳ್ಯುಸ. ತಿನಾಹುತಿಜ಼ ಕ್ಹುದಾನಾ ಕೃಪಾಕ್ಹು ಯೆಸು ಸ್ವಾಮಿ ಕ್ಹಾರಾವೊನಾ ಹುತಿ ಕಷ್ಟ ಅನಭವಿಸಿನ ಮರ‍್ಯೊ. 
\v 10 ಕ್ಹಾರು ಸೃಷ್ಟಿ ಕರಲ ಕ್ಹುದಾಜ಼ ವ್ಹೈ. ಕ್ಹಾರಾ ಸೃಷ್ಟಿ ಥಯಲ ತಿನಿ ಮಹಿಮಾನಾ ಹುತಿಜ಼ ವ್ಹೈ. ಕ್ಹುದಾ ತಿನಾ ಬಚ್ಚಾವೊನಾ ಕ್ಹಾತೆ ತಿನಿ ಮಹಿಮಾ ವಾಟಿಲಿವಾನಾ ಹುತಿ ತೆ ತ್ಯುನೊನೆ ರಕ್ಷಣೆಮಾ ಚ಼ಲಾವಾನಾ ಹುತಿ ಕ್ಹುದಾ ಯೆಸು ಸ್ವಾಮಿನೆ ಕ್ಹಾರಿ ತರಾನಿ ತ್ರಾಸ ದಿವಾನಾ ಮುಕಾಂತರ ತಿನೆ ಪುರಾ ರಕ್ಷಕ ಕರ‍್ಯೊ. 
\v 11 ಮನಕ್ಹೊನೆ ಪರಿಶುದ್ಧ ಕರಾಲೊ ಯೆಸು ವರಿ ತಿನಾ ಮುಕಾಂತರ ಪರಿಶುದ್ಧ ಥಾವಾಲಾ ಮನಕ್ಹೊ ಯಕ್ಕಜ಼ ಘರವಾಲಾ ವ್ಹೈ. ತಿನಾಹುತಿ ತೆ ಮನಕ್ಹೊನೆ ಭಾಯೊ, ಭೆನೊ ಕವಾನೆ ತೆ ಸರಮಾಯೊ ನೈ. 
\v 12 ಯೆಸು ಕ್ಹುದಾನೆ ಅಮ್ಮ ಕವಸ; ಮಿ ಮಾರಾ ಮನಕ್ಹೊಕನ ತು ಮಾರಾ ಕ್ಹಾತೆ ಸು ಕರ‍್ಯೊ ಕೈನ ಕೌಸ ವರಿ ಮಿ ತ್ಯುನಾ ವಚ್ಮಾ಼ ತಾರಾ ನಾಮನಿ ಮಹಿಮಾ ಹೊಗಳುಸ. 
\v 13 ತೆ ವರಿ ಅಮ್ಮ ಕವಸ; ಮಿ ಕ್ಹುದಾಪರ ಬರೊಕ್ಹೊ ಮ್ಹೆಲುಸ. ವರಿ ಯಕ್ಕ ಸಲಾ ತೆ ಕವಸ; ಮಿ ನ್ಹ್ಯಾಛೆ. ಕ್ಹುದಾ ಮನೆ ದಿದಲ ಬಚ್ಚಾ಼ವೊನಾ ಕ್ಹಾತೆ ಛೆ. 
\v 14 ಬಚ್ಚಾ ಕಿಮ್ಮ ಅಂಗ ಹೊಂದ್ಯಾಸ ತಿನಾಹುತಿ ಯೆಸು ಸ್ವಾಮಿಬಿ ತ್ಯುನಾ ಲಿಂಗತ ಥಯೊ ತೆ ಮೌತನಾ ಮುಕಾಂತರ ಕದ್ಯಾಮ ಮೌತನಾ ಅದಿಕಾರಿ ರ‍್ಹಯಲ ಸೈತಾನನೆ ನಾಶ ಕರಾನಾ ಹುತಿ 
\v 15 ತ್ಯುನೊನೆ ಮರಾನಿ ಯಕ್ಕ ಭೆಂಕ್ಹು ಪುರಾ ಜಿಂದಗಿ ಆಳಥೈನ ರ‍್ಹಯಲವಾಲಾವೊನೆ ಛೊಡಾವಾನಾಹುತಿ ತ್ಯುನಾ ಲಿಂಗತ ಥೈನ ಆಯೊ 
\v 16 ತೆ ಸಹಾಯಾ ಕರಾನು ಅಬ್ರಹಾಮನಾ ಖಾಂದಾನಾವಾಲಾವೊನೆ ಯಕ್ಕಜ಼ ವ್ಹೈ. ದೆವದುತೊನೆ ನ್ಹವೈ. 
\v 17 ತಿನಾಹುತಿಜ ತೆ ಹರಯಕ್ಕ ವಿಷಮಾ ತಿನಾ ಭಾಯೊ ಭೆನೊನಾ ಲಿಂಗತ ರ‍್ಹವಾನು ಜರುರತ ವ್ಹತ್ತು. ಅನಾ ಲಿಂಗತ ತೆ ಮನಕ್ಹೊನೆ ಪಾಪೊಕ್ಹು ಛೊಡಾವಾನಾ ಹುತಿ ಕ್ಹುದಾನಾ ಕಾಮೊಮಾ ಮರಗಾ ದೆಕಾಡಾಲೊ ಬರೊಕ್ಹಾವಾಲೊ ಮ್ಹೊಟೊ ಯಾಜಕ ಥಯೊ. 
\v 18 ತೆ ಕಿಮ್ಮ ಶೊಧನೆಮಾ ಪಡಿನ ಕಸ್ಟ ಅನಭವಿಸ್ಯಲ ಹುತಿ ಹಮ್ನಾ ಕುನ್ನ ಶೊಧನೆಮಾ ಪಡಸ ತ್ಯುನಿ ಮದತ ಕರಾನೆ ಕಾಬಿಲ ಛೆ.
\c 3
\ms ಯೆಸು ಮೊಶೆತಿಬಿ ಮ್ಹೊಟೊ ವ್ಹೈ
\p
\v 1 ತಿನಾಹುತಿ ಮಾರಾ ಭಾಯೊ ಭೆನೊ, ಪರಿಶುದ್ಧ ರ‍್ಹವಾನಾ ಹುತಿ ಕ್ಹುದಾಕ್ಹು ಬಲೈ ಲಿದಲವಾಲಾ ಥಯಲ ತುಮೆ ಯೆಸುನಾ ಹುತಿಜ಼ ವಿಚಾರ ಕರೊ. ಕ್ಹುದಾ ತಿನೆ ಅಪೊಕನ ವಳಾಯೊ. ತೆ ಅಪೆ ಬರೊಕ್ಹೊ ಮ್ಹೆಲಲ ಖಾಸ ಯಾಜಕ ವ್ಹೈ. 
\v 2 ಕ್ಹುದಾ ಕದಲ ಕಾಮ ಕರಾನೆ ಯೆಸು ಬರೊಕ್ಹಾವಾಲೊ ವ್ಹತ್ತೊ. ಕಿಮ ಕದ್ಯಾಮ ಮೊಶೆ ಕಿಮ ಕ್ಹುದಾನಾ ಘರಮಾ ಬರೊಕ್ಹೊನೊ ವ್ಹತ್ತೊ 
\v 3 ಯಕ್ಕ ಮನಕ್ಹ ಘರ ಭಾಂದಲ ಪರ ಮನಕ್ಹೊ ಘರತಿಬಿ ತಿನೆ ಘನ್ನಿ ಮರ್ಯಾದಿ ದಿವಸ ತಿನಾ ಲಿಂಗತ ಯೆಸು ಮೊಶೆತಿಬಿ ಘನ್ನಿ ಮರ್ಯಾದಿ ಹೊಂದಿಲಿದ್ಯೊಸ. 
\v 4 ಹರ ಯಕ್ಕ ಘರ ಕುನ್ನಯಕ್ಕ ಭಾಂದಲ ರ‍್ಹವಸ. ತೆನೈಸೊ ಕ್ಹುದಾಜ಼ ಕ್ಹಾರು ಭಂದಲವಾಲೊ ವ್ಹೈ. 
\v 5 ಕ್ಹುದಾನಾ ಘರಮಾ ಮೊಶೆ ಆಳನಾ ಲಿಂಗತ ಬರೊಕ್ಹಾವಾಲೊ ವ್ಹತ್ತೊ. ಅಗು ಥಾವಾನಿ ಸಂಗತಿಯೊನೆ ತೆ ಸಾಕ್ಷಿ ಥಯೊತೊ. 
\v 6 ಕ್ರಿಸ್ತತಬಿ ದಿಕ್ರೊ ಥೈನ ಕ್ಹುದಾನಾ ಘರಮಾ ಅದಿಕಾರ ಚಲಾವಾಲೊ ವ್ಹೈ. ವಿಶ್ವಾಸಿಯೊ ಥಯಲ ಅಪೆ ಅಪೊನೆ ರ‍್ಹಯಲ ಬರೊಕ್ಹೊ ವರಿ ವಿಶ್ವಾಸ ತಿಪರ ಮ್ಹೆಲಿನ ಲಾಸ್ಟ ಲಕ್ಕಾ ಘಟ್ಟ್ಟ ಹುಬ್ರಯಾರೆ ಅಪೆ ತಿನು ಘರ ಥಯೆಸ.
\ms ಕ್ಹುದಾನಾ ಬಚ್ಚಾವೊನೆ ರ‍್ಹಯಲ ವಿಶ್ರಾಂತಿ
\p
\v 7 ತಿನಾಹುತಿ ಪವಿತ್ರ ಆತ್ಮಾ ಕದಲ ಲಿಂಗತ ತುಮೆ ಆಜ ಕ್ಹುದಾನಿ ವಾತೊನೆ ಕಾನ ದಿದ್ಯಾರೆ, 
\v 8 ಪೈಲಾನಾ ದಿನೊಮಾ ತುಮಾರಾ ಮ್ಹೊಟಾ ಮನಕ್ಹೊ ಕ್ಹುದಾನೆ ವಿರುದ್ದ ಥಯಲ ಲಿಂಗತ ತುಮಾರಾ ಮನಸೊ ಮಂಡ ಕರಿಲಿವೊ ನಕೊ. ತೆಳಾಮಾ ತ್ಯುನೆ ಉಸುಕನಿ ಜಿ಼ಮಿನ ಪರ ಕ್ಹುದಾನೆ ಪರಿಕ್ಷಾ ಕರ‍್ಯಾ. 
\v 9 ಮಿ ಉಸುಕನಿ ಜಿ಼ಮಿನ ಪರ ಚಾ಼ಳಕ್ಹ ವರಕ್ಹ ಕರಲ ತುಮಾರಾ ಬುಡಾ ಬುಡಿಯೊ ದೆಕ್ಯಾಸ. ಮನೆ ವರಿ ಮಿ ತಡ್ದಿಲಿವಾನಿ ತಾಕತನೆ ಪರಿಕ್ಷಾ ಕರ‍್ಯಾ. 
\v 10 ತಿನಾಹುತಿ ತ್ಯುನಾ ಉಪ್ಪರ ಮಿ ಶಿಟ್ಟ ಥಯೊತೊ, ತ್ಯುನು ಮನಸ ಕೆಳಾಮಾಬಿ ಭಟಕ್ತು ರ‍್ಹವಸ ಮಾರಿ ವಾಟನೆ ತ್ಯುನೆ ತಿಳ್ದಿಲಿದ್ಯಾ ನೈ” ಕೈನ ಮಿ ಕದ್ಯೊ. 
\v 11 ತಿನಾಹುತಿ ಮಿ ಶಿಟ್ಟ ಥೈನ ಆ ಮನಕ್ಹೊ ಕೆಳಾಮಾಜ, ಮಿ ಕರಲ ಅರಾಮ ಕರಾನಿ ಜ಼ಗಾಮಾ ಆತಾಜ ನೈ ಕೈನ ಕ್ಹಮ್ಮ ಘಾಲ್ಯೊ.” 
\v 12 ಭಾಯೊ ಭೆನೊ, ಜುತೊ ರ‍್ಹಯಲ ಕ್ಹುದಾಕ್ಹು ತುಮೊನೆ ದುರ ಕರಾನು ಕಯುಜ಼ ಪಾಪ ವರಿ ಬರೊಕ್ಹೊ ನೈ ರ‍್ಹವಾನು ಸುಜ಼ ತುಮಾರಾ ಮನಸೊಮಾ ಕಿನಾಮಾಜ಼ ರ‍್ಹಯಾ ಬಗರ ಹುಶಾರ ರ‍್ಹವೊ. 
\v 13 ವರಿಬಿ ಯಕ್ಲಾನೆ ಯಕ್ಲೊ ಧೈರ್ಯ ದಿವೊ, ಆಜ಼ನೊ ದಿನ್ನ ರ‍್ಹತಾಮಾಜ಼ ಎ ಕ್ಹಾರು ಕರೊ. ಪಾಪಮಾ ಅಟ್ಕಿನ ಮೊಸ ಥೈನ ಮನಸ ಮಂಡ ಕರಿಲಿದ್ಯಾವಾಚಿ ಯಕ್ನಾ ಯಕ್ಕ ಮದತ ಕರೊ. 
\v 14 ಅಪೊನೆ ರ‍್ಹಯಲ ಪೈಲಾನೊ ಬರೊಕ್ಹೊ ಲಾಸ್ಟಲಕ್ಕಾ ಅಪೆ ಘಟ್ಟ್ಟ ಧರ‍್ಯಾರೆ ಅಪೆ ಕ್ರಿಸ್ತನಾ ಹಿಸ್ಸಾಮಾ ಭಾಗಿದಾರ ಥಯೆಸ. 
\v 15 ಪವಿತ್ರ ಗ್ರಂಥ ಸು ಕವಸ ಕದ್ಯಾಮ; ತುಮೆ ಹಮ್ನಾ ಕ್ಹುದಾ ಕವಾನು ಐಕ್ಯಾಮ, ಪೈಲಾನಾ ಕಾಲ್ಮಾ ತುಮಾರಾ ಬುಡಾ ಬುಡಿಯೊ ಕ್ಹುದಾನಾ ವಿರುದ್ದ ಥಯಲ ತಿಮ್ಮ ತುಮಾರಾ ಮನಸೊ ಮಂಡ ಕರಲಿವೊ ನಕೊ. 
\v 16 ಕ್ಹುದಾನೊ ಗಳೊ ಐಕಿನಬಿ ತಿನಾ ವಿರುದ್ದ ಥಯಲ ಕುನ ವ್ಹೈ? ಮೊಶೆನಾ ಮೂಲಕ ಇಜಿಪ್ತತಾ ಬಿಡಗಡೆ ವ್ಹಂದಲವಾಲಾ ನ್ಹವೈ ಸು? 
\v 17 ಛಾ಼ಳಕ್ಹ ವರಕ್ಹ ಕ್ಹುದಾ ಕಿಪರ ಶಿಟ್ಟ ಥಯೊತೊ? ಪಾಪ ಕರಲವಾಲಾವೊನಾ ಉಪ್ಪರ ನೈವ ಸು? ತ್ಯುನಾ ಕ್ಹಾರಾ ಮುರ್ದಾ ಉಸುಕನಿ ಜಿಮಿನ್ಪರ ಪಡ್ಯಾತಾ. 
\v 18 ಸಮಾಧಾನಮಾ ತ್ಯುನೆ ಮಳ್ತಾಜ಼ ನೈ ಕ್ಹುದಾ ಕಿನಾಹುತಿ ಕ್ಹಮ ಘಾಲಿನ ಕದ್ಯೊತೊ? ತಿನಿ ವಾತ ನೈ ಐಕಲವಾಲಾ ಮನಕ್ಹೊನಾ ಹುತಿ ನ್ಹವೈ ಸು? 
\v 19 ತಿನಾಹುತಿ ಕ್ಹುದಾನಿ ಸಮಾಧಾನ ಕಾ ಮಳಿ ನೈ ಕೈನ ಕದ್ಯಾಮ, ತ್ಯುನೊನೆ ಕ್ಹುದಾಪರ ಬರೊಕ್ಹೊ ನೈ ರ‍್ಹಯಲ ಹುತಿಜ಼ ವ್ಹೈ ಕೈನ ಅಪೊನೆ ದಿಕ್ಹಿನ ಆವಸ.
\c 4
\p
\v 1 ಇಮ್ಮ ರ‍್ಹತಾಮಾ, ಕ್ಹುದಾ ತೆ ಮನಕ್ಹೊನೆ ದಿದಲ ವಾಗ್ದಾನ ಅಪೊಮಾ ಹಜು಼ನಬಿ ಛೆ. ಅಪೆ ಕ್ಹುದಾನಾ ಸಮಾಧಾನಮಾ ಜೌ಼ ಕವಾನುಜ಼ ತೆ ವಾಗ್ದಾನ ವ್ಹೈ. ತಿನಾಹುತಿ ಅಪ್ನೊಮಾ ಕುನ್ನಜ಼ ತೆ ವಾಗ್ದಾನನು ಫಲ ಲಿವಾಮಾ ನಾಕಾಮಿಯಾಬ ಥಯೆನೈಸೊ ಘನ್ನಾ ಹುಶಾರಕ್ಹು ರ‍್ಹಯೆ. 
\v 2 ರಕ್ಷಣೆನಿ ವಾಟನಾ ಹುತಿ ತ್ಯುನೊನೆ ತಿಳಸಾಯಲ ಲಿಂಗತ ಅಪೊನೆಬಿ ತಿಳಸ್ಯಾ. ತ್ಯುನೆ ತೆ ಬೊಧನೆ ಐಕ್ಯಾತಬಿ ತ್ಯುನೊನೆ ಉಪಯೊಗ ಥೈಯು ನೈ. ಕಾಕದ್ಯಾಮ ತ್ಯುನೆ ತಿನೆ ಬರೊಕ್ಹಾಕ್ಹು ಸ್ವಿಕಾರ ಕರ‍್ಯಾ ನೈ. 
\v 3 ಬರೊಕ್ಹೊ ಕರಾಲಾ ಅಪೆಜ಼ ಕ್ಹುದಾನಾ ಸಮಾಧಾನಮಾ ಜಾ಼ವಾನೆ ಲಾಯಕ ಥಯಾಸ. ಆ ಜಗತ್ತ ತಯ್ಯಾರ ಥಯಲ್ಪರ ತಿನಾ ಕಾಮೊ ಕ್ಹರಿನ ಗೈತಬಿ ಕ್ಹುದಾ, ತೆ ಮನಕ್ಹೊ ಸಮಾಧಾನಮಾ ಕೆಳಾಮಾಜ ಆತಾ ನೈ ಕೈನ ಮಿ ಶಿಟ್ಟ ಥೈನ ಕ್ಹಮ ಘಾಲ್ಯೊತೊ” ಕೈನ ಕದ್ಯೊ. 
\v 4 ಪವಿತ್ರ ಗ್ರಂಥನಾ ಯಕ್ಕ ಭಾಗಮಾ ತೆ ಅಟ್ವಾಡಾನಾ ಕ್ಹಾತ್ವಾ ದಿನ್ನನಾ ಹುತಿ ಅಮ್ಮ ಬೊಲ್ಯೊಸ; ತಿನಾಹುತಿ ಕ್ಹುದಾ ತಿನಾ ಕಾಮೊ ಕ್ಹಾರಾ ಕ್ಹರೈನ ಕ್ಹಾತ್ವಾ ದಿನ್ನೆ ಅರಾಮ ಕರ‍್ಯೊ.” 
\v 5 ಪವಿತ್ರ ಗ್ರಂಥನಾ ವರಿಯಕ್ಕ ಭಾಗಮಾ, ತೆ ಮನಕ್ಹೊ ಮಾರಾ ಸಮಾಧಾನಮಾ ಕೆಳಾಮಾಬಿ ಆತಾ ನೈ" ಕೈನ ಕದ್ಯೊಸ. 
\v 6 ತಿನಾಹುತಿ ಕ್ಹುದಾ ದಕ್ಹಾ ಜ಼ನಾವೊನೆ ತಿನಾ ಸಮಾಧಾನಮಾ ಮಳಾನೆ ಮೌಕೊ ದಿದ್ಯೊಸ. ಪೈಲಾ ಸುವಾರ್ತೆ ಐಕಲವಾಲಾ ತಿನಾ ಲಿಂಗತ ನೈ ಚಾ಼ಲಲ ಹುತಿ ತಿಪರ ನೈ ಬರೊಕ್ಹೊ ಕರಲಹುತಿ ತಿನಾ ಸಮಾಧಾನಮಾ ಮಳ್ಯಾ ನೈ. 
\v 7 ತಿನಾಹುತಿ ತೆ ವರಿ ಯಕ್ಕ ಖಾಸ ದಿನ್ನ ವಿಚಾರ ಕರ‍್ಯೊ. ತಿನೆ, ಆಜ಼” ಕೈನ ಬಲಾಯೊಸ. ತೆ ದಿನ್ನನಾ ಹುತಿ ತೆ ಘನ್ನಾ ದಿನ್ನ ಥಯಲ್ಪರ ದಾವಿದನಾ ಮುಲಕ ತಿಳಸಾಯೊ. ಪವಿತ್ರ ಗ್ರಂಥನು ಎ ಭಾಗನೆ ಹಮೆ ಪೈಲಾಜ಼ ಯಕ್ಕೆಮ ದೆಕ್ಯಾತಾ; 
\v 8 ಯೆಹುಶುವ ತೆ ಸಮಾಧಾನಮಾ ತ್ಯುನೊನೆ ಮಳಾಯೆಲ ರ‍್ಹವತ್ತೊ ಕ್ಹುದಾ ಕಾ ತೆ ದಿನ್ನನಾ ಹುತಿ ಬೊಲ್ತೊತೊ. 
\v 9 ತಿನಾಹುತಿ ಕ್ಹುದಾನಾ ಮನಕ್ಹೊನಾ ಹುತಿ ಅಟ್ವಾಡಾಮಾ ಯಕ್ಕ ದಿನ್ನ ತೆ ಅರಾಮ ಕರಾನೊ ದಿನ್ನ ವ್ಹೈ. ಕಿಮ್ಮ ಕ್ಹುದಾ ಕ್ಹಾತ್ವಾ ದಿನ್ನೆ ಅರಾಮ ಕರ‍್ಯೊ ತಿಮ್ಮಜ಼ ತೆ ದಿನ್ನಬಿ ವ್ಹೈ. 
\v 10 ಕಿಮ್ಮ ಕದ್ಯಾಮ, ಕ್ಹುದಾ ತಿನಾ ಕಾಮೊ ಕ್ಹರೈನ ಕಿಮ್ಮ ಅರಾಮ ಕರ‍್ಯೊ ತಿನಾ ಲಿಂಗತ ತಿನಾ ಅರಾಮಮಾ ಮಳಾಲೊಬಿ ತಿನಾ ಕಾಮೊ ಕ್ಹರೈನ ಅರಾಮ ಕರಸ. 
\v 11 ಕ್ಹುದಾನಾ ಅರಾಮಮಾ ಅಪೆ ಜಾ಼ವಾನಾ ಹುತಿ ಕೊಶಿಶ ಕರಿಯೆ ಅಪ್ನಾಮಾನೊ ಯಕ್ಲೊಬಿ ತೆ ಮನಕ್ಹೊನಾ ಲಿಂಗತ ತಿನಿ ವಾತ ಐಕ್ಯಾ ಬಗರ ರ‍್ಹಯಾವಾಚಿ ಘನ್ನಾ ಹುಷಾರಕ್ಹು ರ‍್ಹಯೆ. 
\v 12 ಕ್ಹುದಾನಿ ವಾಕ್ಯಾಮಾ ಜುವ ಶೆ ತೆ ಕಾಮ ಕರಾಲು ವ್ಹೈ, ವರಿ ಘನ್ನಿ ಧಾರ ರ‍್ಹಯಲ ತಲ್ವಾರತಿಬಿ ಖತರ್ನಾಕ ವ್ಹೈ, ಜ಼ಲಮ ಆತ್ಮಾವೊನೆ ಹಡಕಾ ಮಾಕ್ಹನೆ ಕಾಟ್ತು ಜಾ಼ವಸ. ಮನಸಮಾನಾ ವಿಚಾರೊನೆ ವರಿ ಉದ್ದೆಶನೆ ವಳಕಸ. 
\v 13 ಅಪೆ ಕಿನೆ ಲೆಕ್ಕೊ ವಪ್ಸಾನು ಛೆ, ತಿನಾ ಡೊಳೆ ಸುಜ಼ ಝಕಾಯಲ ನತ್ತಿ. ತಿನೆ ಕ್ಹಾರುಜ಼ ದಿಕ್ಹಸ. ತಿನೆ ಕ್ಹಾರು ಗೊತ್ತ ಛೆ ಅಪೆ ಅಪ್ನಾ ಜಿವಿತನಾ ಹುತಿ ಲೆಕ್ಕೊ ದಿವಾನು ತಿನೆ ಯಕ್ಲಾನೆಜ಼ ವ್ಹೈ.
\ms ಯೆಸು ಕ್ಹಾರಾವೊತಿ ಖಾಸ ಮ್ಹೊಟೊ ಯಾಜಕ ವ್ಹೈ
\p
\v 14 ಸ್ವರ್ಗೆ ಗಯಲ ಖಾಸ ಮ್ಹೊಟೊ ಯಾಜಕ ಯಕ್ಲೊ ಅಪೊನೆ ಛೆ. ತೆಜ಼ ಕ್ಹುದಾನೊ ದಿಕ್ರೊ ಥಯಲ ಯೆಸು ವ್ಹೈ. ತಿನಾಹುತಿ ಅಪೊನೆ ರ‍್ಹಯಲ ಬರೊಕ್ಹಾಮಾ ಘಟ್ಟ್ಟ ರೈನ ಅಗಾ ಬಡಿಯೆ. 
\v 15 ಅಪ್ನೊ ಮ್ಹೊಟೊ ಯಾಜಕ ಥಯಲ ಅಪೊನೆ ರ‍್ಹಯಲ ಕಮಜೊ಼ರಿ ವಳಕಾನೆ ತಾಕತವಾಲೊ ಛೆ ತೆ ಆ ಜಗತಮಾ ರ‍್ಹತಾಮಾ, ಕ್ಹಾರಿ ತರಾಮಾ ಅಪ್ನಾ ಲಿಂಗತಜ಼ ಶೊಧನೆಮಾ ಪಾಡ್ಯೊತಬಿ ವಟ್ಟಜ಼ ಪಾಪ ಕರ‍್ಯೊ ನೈ. 
\v 16 ತಿನಾಹುತಿ ಅಗಾ ಪಾಚಾ಼ ಕರ‍್ಯಾವಾಚಿ ತಿನಿ ಕೃಪಾ ಕವಾನಿ ಸಿಂಹಾಸನನಾ ನಜಿಕ ಧೈರ್ಯಕ್ಹು ಐಯೆ. ಅಪೊನೆ ಜರುರತ ರ‍್ಹತಾಮಾ ಅಪೊನೆ ಚಾ಼ಯೆ ಥಯಲ ಮದತ ಅಪೆ ತ್ಯಾ ಕೃಪಾ ವರಿ ಮರಗಾ ವ್ಹಂದಿಲಿಯೆಸ.
\c 5
\p
\v 1 ಹರಿಯಕ್ಕ ಖಾಸ ಯಾಜಕನೆ ಮನಕ್ಹೊಮಾತೊ ಇನಿಲಿನ ಕ್ಹುದಾನೆ ಸಂಬಂಧ ರ‍್ಹಯಲ ಕಾಮೊ ಮನಕ್ಹೊನಾ ಹುತಿ ಕರಾನೆ ಹುಬ್ರಾಡಸ. ತೆ ಯಾಜಕ ತ್ಯುನಾ ಪಾಪೊನಾ ಹುತಿ ಕ್ಹುದಾನೆ ಕಾಣಿಕೆ ವರಿ ಬಲಿಯೊ ದಿವಸ. 
\v 2 ತೆ ಕ್ಹಾರಾ ಮನಕ್ಹೊ ಲಿಂಗತ ತಾಕತ ನೈಸೊವಾಲೊ ಥಯಲ ಹುತಿ ನೈ ತಿಳ್ದಿಲಿವಾಲಾ ವರಿ ವಾಟ ಚು಼ಕಲ ಮನಕ್ಹೊನಾ ಹುತಿ ಶಾಂತಕ್ಹು ತಡ್ದಿಲಿವಾನೆ ಶಕ್ತ ಥಯೊಸ. 
\v 3 ತಿನಾಹುತಿ ತೆ ತಾಕತ ನೈಸೊವಾಲೊ ಥಯಲ ಹುತಿ ತೆ ಮನಕ್ಹೊನಾ ಪಾಪೊನಾ ಹುತಿ ಯಕ್ಕಜ಼ ನೈ ತಿನಾ ಸ್ವಂತ ಪಾಪೊನಾ ಹುತಿಬಿ ಬಲಿಯೊ ಚ಼ಡಾವಸ. 
\v 4 ಕುನ್ನಜ ತಿನಾಕ್ಹು ತೆಜ಼ ಮ್ಹೊಟೊ ಯಾಜಕ ಥಾವಾನೆ ಥಾತು ನೈ, ಕೆಳ್ಳಕಾ ಕ್ಹುದಾ ತಿನೆ ಇನಿಲೆತೊ ನೈ. ಕಿಮ್ಮ ಆರೊನನೆ ಇನಿಲಿದಲ ಲಿಂಗತ ತೆ ಮನಕ್ಹನೆ ಇನಿಲಿವಸ. 
\v 5 ಕ್ರಿಸ್ತಬಿ ಇನಾ ಲಿಂಗತ ನೆಮ್ಸಲವಾಲೊ ವ್ಹೈ. ತೆ ಖಾಸ ಯಾಜಕ ವ್ಹೈ ಕೈನ ತಿನೆ ತೆಜ಼ ಇನಿಲಿದ್ಯೊ ನೈ, ತೆನೈಸೊ ಕ್ಹುದಾ ತಿನೆ ಇನಿಲಿದ್ಯೊ. ಕ್ಹುದಾ ಕ್ರಿಸ್ತನೆ ಅಮ್ಮ ಕದ್ಯೊ; ತು ಮಾರೊ ದಿಕ್ರೊ ವ್ಹೈ. ಆಜ಼ ಮಿ ತಾರೊ ಬಾ ಥಯೊ.” \fig ಮಹಾಯಾಜಕ|alt="High priest with his priestly clothes and censer" src="hk00267c.tif" size="col" copy="Horace Knowles ©" ref="5:5"\fig*
\p
\v 6 ಪವಿತ್ರ ಗ್ರಂಥಮಾ ಬಿಜೆಕ ಬಗಲ ಕ್ಹುದಾ ಅಮ್ಮ ಕವಸ; ತು ಮೆಲ್ಕಿಜೆದಕ ಲಿಂಗತ ಹಮೆಶಾಬಿ ಮ್ಹೊಟೊ ಯಾಜಕ ಥೈನ ರ‍್ಹಸಿ.” 
\v 7 ಕ್ರಿಸ್ತ ಭುಲೊಕಮಾ ಜಿವನಾ ಕರತಾಮಾ, ಕ್ಹುದಾಕನ ಪ್ರಾಥನಾ ಕರಿನ ಮದತ ಮಾಂಗಿಲಿದ್ಯೊ. ತೆ ಘನ್ನೊ ಹಲಬ್ತೊ ಜೊ಼ರ ರೊತೊ ಕ್ಹುದಾಕನ ಪ್ರಾರ್ಥನಾ ಕರ‍್ಯೊ. ತಿನೆ ಮೌತಮಾತೊ ವಚಾ಼ಡ ಕೈನ ತಿನಾಹುತಿ ತೆ ಕ್ಹುದಾನಾ ಚಿತ್ತ ಲಿಂಗತ ತೆ ಕ್ಹಾರು ಕರಲವಾಲೊ ಥಯೊ. ವರಿ ಸ್ವಭಾವಕ್ಹು ವ್ಹಂದ್ಯೊ. ತಿನಾಹುತಿ ಕ್ಹುದಾ ತಿನಾ ಪ್ರಾರ್ಥನಾನೆ ಜವಾಬ ದಿದ್ಯೊ. 
\v 8 ತೆ ಕ್ಹುದಾನೊ ದಿಕ್ರೊ ಥಯೊತಬಿ ಕಸ್ಟ ವರಿ ತ್ರಾಸಕ್ಹು ವಚಾಡಿಲಿದ್ಯಾವಾಚಿ ತಿಮಾಜ಼ ವಿದೆಯ ಥಾವಾನು ಶಿಕ್ಕಿಲಿದ್ಯೊ. 
\v 9 ಅಮ್ಮ ತೆ ಪರಿಶುದ್ಧ ವ್ಹತ್ತೊ. ಕ್ಹುದಾನೆ ವಿದೆಯ ಥಾವಾನಾ ಕ್ಹಾರಾ ಮನಕ್ಹೊ ಹಮೆಶಾ ರ‍್ಹಯಲ ರಕ್ಷಣೆ ವ್ಹಂದಿಲಿವಾನೆ ತೆಜ಼ ಕಾರಣ ವ್ಹೈ. 
\v 10 ವರಿ ಕ್ಹುದಾ ತಿನೆ ಮೆಲ್ಕಿಜೆದೆಕ ಲಿಂಗತ ಮ್ಹೊಟೊ ಯಾಜಕ ಕರ‍್ಯೊ.
\s ಶೊಧನೆಮಾ ಪಡಾನಾ ಹುತಿ ಹುಷಾರ
\p
\v 11 ಎ ವಿಷಯನಾ ಹುತಿ ಹಮೆ ತುಮೊನೆ ಕವಾನು ಘನ್ನು ಛೆ. ತೆನೈಸೊ ತುಮೆ ಅನೆ ತಿಳ್ದಿಲಿವಾನೆ ಕೊಶಿಸ ಕರಾನಾಹುತಿ ರ‍್ಹಯಲ ಕ್ಹಾರು ಕವಾನು ಘನ್ನು ಕಷ್ಟ ಛೆ. 
\v 12 ತುಮೊನೆ ಟೈಮ ಚಾ಼ಯೆ ಥಯಲ ಅಕ್ಲು ಹಮ್ನಾಜ಼ ತುಮೆ ಉಪದೆಶ ಕರಾಲಾ ಥೌ. (ತೆನೈಸೊ ಹಜು಼ನ ತುಮೆ ಥಯಾ ನತ್ತಿ.) ಅಮ್ಮ ರ‍್ಹತಾಮಾ ಕ್ಹುದಾನಾ ಉಪದೆಶನೆ ಪೈಲಾ ಪಾಠತಾ ಜರುರತ ವ್ಹತ್ತು. ದುದ್ದ ಲಿಂಗತ ರ‍್ಹಯಲ ಉಪದೆಶ ಹಮೆ ತುಮೊನೆ ಕರಲಾ ಥೌ. ತುಮೆ ಘಟ್ಟ್ಟ ಅನ್ನ ಕ್ಹಾವಾಲಾ ನತ್ತಿ ಥಯಾ. 
\v 13 ತುಮೆ ದುದ್ದ ಪಿವಾಲಾ ಬಚ್ಚಾ಼ವೊ ಲಿಂಗತ ಛೆ. ತುಮೆ ಸುಜ಼ ತಿಳ್ದಿಲಿದ್ಯಾವಾಚಿ ಕೆಟ್ಟ ಸುವೈ ವರಿ ಚೊ಼ಕು ಸು ವ್ಹೈ ಕವಾನು ತುಮೊನೆ ಗ್ವತ್ತ ನತ್ತಿ. 
\v 14 ತೆನೈಸೊ ಘಟ್ಟ್ಟ ರ‍್ಹಯಲ ಅನ್ನ ಜಾಂಜಿಮಾನೊ ವ್ಹೈ ಬಚ್ಚಾವೊನೆ ನ್ಹವೈ, ಕದ್ಯಾಮ ಕೆಟ್ಟ ವರಿ ಚೊ಼ಕಾನೆ ಅನುಭಕ್ಹು ತಿಳ್ದಿಲಿನ, ತಿನಾ ಲಿಂಗತ ಚಾ಼ಲಾಲಾವೊನಾ ಹುತಿ ವ್ಹೈ.
\c 6
\p
\v 1 ತಿನಾಹುತಿ ಕ್ರಿಸ್ತ ಯೆಸುನಾ ಹುತಿ ಚಾಲು ಕರಲ ಪಾಠ ಅಪೆ ಮುಗಸಲವಾಲಾ ಥೌ. ಅಪೆ ಚಾಲು ಕರಲ ಪಾಠನೆ ವರಿ ಜೌ ನೈ ಅಪ್ನಾ ಪೈಲಾನಾ ಪಾಪೊನೆ ಕೆಟ್ಟ ಕಾಮೊ ಛೊಡಿನ ಕ್ಹುದಾಮಾ ಬರೊಕ್ಹೊ ಮ್ಹೆಲಿನ ಕ್ರಿಸ್ತಮಾ ಅಪ್ನೊ ಜಿವನ ಶುರು ಕರು. 
\v 2 ತೆ ಟೈಮಮಾ ಬಾಪ್ತಿಸ್ಮಾನಾ ಹುತಿ, ಮರಿನ ಉಟಾಲಾವೊನಾ ಹುತಿ ವರಿ ಹಮೆಶಾನೊ ಫೈಸಲಾನಾ ಹುತಿ ಬೊದನೆ ಕರ‍್ಯಾ. ತೆನೈಸೊ ಹಮ್ನಾ ಅಪೆ ಪುರಾಜ಼ ಗ್ಯಾನಮಾ ಜಾ಼ವಾನೆ ಜ಼ರುರತ್ತ ಛೆ. 
\v 3 ಕ್ಹುದಾನಿ ಚಿತ್ತ ರ‍್ಹೈಮ ಇಮ್ಮಜ಼ ಅಗಾ ಗೈಯೆಸ. 
\v 4 ಕ್ರಿಸ್ತನಿ ವಾಟ ಮನಕ್ಹೊ ಛೊಡಿನ ಗಯಲ್ಪರ, ತುಮೆ ತ್ಯುನಾ ಜಿವ್ನಾ ಬದಲಿ ಕರಾನೆ ಥಾವಸ ಸು ವರಿ? ಮಿ ಕ್ಹರಿಜ಼ ವಳಕಿನ ಮನಕ್ಹೊನೆ ಹುತಿ ಬೊಲಾಡೊಸ. 
\v 5 ತ್ಯುನೆ ಕ್ಹುದಾನಿ ವರಾ ಪಡ್ದಿಲಿದಲವಾಲಾ ವ್ಹೈ. ಪವಿತ್ರ ಆತ್ಮಾನೆ ವಾಟೊ ಲಿವಾಲಾ ತಯಾಸ. ಕ್ಹುದಾ ಕದಲ ಸಂಗತಿಯೊ ಐಕಲ ತ್ಯುನೆ ಕ್ಹುದಾನಿ ನವು ದುನಿಯಾನೆ ಮ್ಹೊಟಿ ತಾಕತೊನೆ ದೆಕಲವಾಲಾ ಥಯಾಸ. ತೆ ಕ್ಹಾರು ಚೊ಼ಕು ವ್ಹೈ ಕೈನ ತ್ಯುನೆ ಶಿಕ್ಯಾಸ. 
\v 6 ವರಿಬಿ ತ್ಯುನೆ ಕ್ರಿಸ್ತನಿ ವಾಟ ಛೊಡಿನ ಗಯಾ. ತ್ಯುನಿ ಜಿವಿತ ವರಿ ಬದಲಿ ಕರಲಿನ ಕ್ರಿಸ್ತಮಾ ಆವಾನೆ ಸಾದ್ಯ ನತ್ತಿ. ಕಾಕದ್ಯಾಮ ಕ್ರಿಸ್ತನೆ ಛೊಡಿನ ಗಯಲ ತ್ಯುನೆ ವರಿ ಶಿಲುಬೆನೆ ಚ಼ಡೈನ ಮೊಳಾ ಮಾರಲವಾಲಾ ಕ್ಹಾರಾ ಮನಕ್ಹೊಮಾ ತಿನೆ ಮರ್ಯಾದಿ ಕಾಡಲವಾಲಾ ಥಯಾಸ. 
\v 7 ತೆ ಮನಕ್ಹೊ ತಿಪರ ಹಗಲೆಲ್ಲಾ ಥಾವಾನಾ ಪಾನಿನೆ ಜೆಗ್ಗಿಲಿವಾನು ಜಿಮಿನ ಲಿಂಗತ ಛೆ. ತೆ ಮನಕ್ಹೊ ಅನ್ನ ದಿವಾದೆ ಕೈನ ರೈತ ತಿಮಾ ಸಾಸವಿ ಘಾಲಿನ ಬೆಳಸಸ. ತೆ ಮನಕ್ಹೊನೆ ಉಪಯೊಗ ಥಾವಾನು ಬೆಳೆ ಬೆಳಶ್ಯೊಮ, ತಿನಾಹುತಿ ಕ್ಹುದಾಕಂತೊ ಆಶಿರ್ವಾದ ಮಳಸ. 
\v 8 ತೆನೈಸೊ ತೆ ಕಾಟಾವೊನಾ ಝಾಡೊ ಬೆಳಶ್ಯೊಮ ಉಪಯೊಗ ನೈಸೊ ಥಯಲ ಕ್ಹುದಾನಿ ಕ್ಹರಾಪನೆ ಗುರಿ ಥಾವಸ. ತೆ ಜಿಮಿನ ಆಗಕ್ಹು ಬಾಳಿನ ಹಾಳ ಕರಿಪಾಡಸ. 
\v 9 ಮಯಾನಾ ದೊಸ್ತೊ, ಹಮೆ ಎ ಸಂಗತಿಯೊ ತುಮೊನೆ ಕತಾ ರ‍್ಹಯಾತಬಿ ತುಮೊಕ್ಹು ಇತ್ತಿಬಿ ಚೊ಼ಕು ರ‍್ಹಯಲ ಕಾಮೊನೆ ಆಸ ಕರಿಯೆಸ. ರಕ್ಷಣೆನೆ ಸಂಭಂದ ರ‍್ಹಯಲ ಕಾಮೊ ತುಮೆ ಕರೊಶಿ ಕೈನ ಹಮೆ ಘಟ್ಟ್ಟ ಬರೊಕ್ಹೊ ಕರ‍್ಯಾಸ. 
\v 10 ಕ್ಹುದಾ ಚೊ಼ಕೊ ಫೈಸಲೊ ಕರಾಲೊ ಥಯೊಸ. ತುಮೆ ಕರಲ ಉಪಕಾರ ವರಿ ಕ್ಹುದಾನಾ ಮನಕ್ಹೊನೆ ತುಮೆ ಕರಾನಾ ಮದದನಾ ಹುತಿ ವರಿ ಮದದ ಕರತಾಜ಼ ರ‍್ಹಯಲ ಹುತಿ ತುಮೆ ಕರಲ ಕಾಮನೆ ತೆನೈಸೊ ತುಮೆ ತಿನೆ ದೆಕಾಡಲ ಮಯಾ ತೆ ಇಕ್ಹರತೊ ನೈ. 
\v 11 ತುಮೆ ವ್ಹಂದಿಲಿದಲ ಆಸ ಪುರಾ ಥಾಯೆಲಕ್ಕಾ ತುಮೊಮಾ ಹರಿ ಯಕ್ಲೊ ಪೈಲಾನಿ ಆಸಕ್ತಿ ರ‍್ಹಯಲ ಲಾಸ್ಟ ಲಕ್ಕಾಬಿ ದೆಕಾಡಿನ ದ್ಯು ಕೈನ ಆಸ ಕರುಸ.
\s ಕ್ಹುದಾನಿ ವಾಗ್ದಾನ ಕೆಳಾಮಾಜ಼ ತಪ್ತಿ ನೈ
\p
\v 12 ತುಮೆ ಸೊಮಾರಿಯೊ ಥೈನ ರ‍್ಹೌ ನೈ ಕೈನ ಹಮಾರಿ ಆಸ ನ್ಹವೈ. ಕ್ಹುದಾನಿ ವಾಗ್ದಾನನಿ ಫಲ ಲಿವಾಲಾ ಮನಕ್ಹೊ ಲಿಂಗತ ತುಮೆ ರ‍್ಹೌ ಕೈನ ಹಮಾರಿ ಆಸ ವ್ಹೈ. ತೆ ಮನಕ್ಹೊನೆ ಬರೊಕ್ಹೊ ವರಿ ತಡ್ದಿಲಿವಾನು ರ‍್ಹಯಲ ಹುತಿ ತ್ಯುನೆ ಕ್ಹುದಾನಿ ವಾಗ್ದಾನನಾ ಲಿಂಗತ ಫಲ ಪಡ್ದಿಲಿದ್ಯಾ. 
\v 13 ಕ್ಹುದಾ ಅಬ್ರಹಾಮನೆ ಕ್ಹಾತೆ ಯಕ್ಕ ವಾಗ್ದಾನ ಕರ‍್ಯೊ. ಕ್ಹುದಾತಿ ಮ್ಹೊಟು ಕುನ್ನಜ಼ ನತ್ತಿ. ತಿನಾಹುತಿ ಕ್ಹುದಾ ತಿಪ್ಪರಜ಼ ಕ್ಹಮ ಘಾಲ್ಲಿನ ತಿನಾ ವಾತ ಲಿಂಗತಜ಼ ಕರ‍್ಯೊ. 
\v 14 ತೆ ತಿನೆ, ಮಿ ಕ್ಹರಿಮಾಜ಼ ತುನೆ ಆಶಿರ್ವಾದ ಕರುಸ. ಘನ್ನಿಯೊ ಸಂತತಿಯೊ ತುನೆ ದ್ಯುಸ” ಕೈನ ಕದ್ಯೊ. 
\v 15 ಅಬ್ರಹಾಮ ಎ ವಾತ ಪುರಾ ಥಾಯೆಲಕ್ಕಾ ತಡ್ದಿಲಿನ ರ‍್ಹಯೊ. ಪಾಚಲ್ತೊ ಕ್ಹುದಾನಿ ವಾಗ್ದಾನನು ಫಲ ಮಳ್ಯು. 
\v 16 ಮನಕ್ಹೊ ವಾಗ್ದಾನ ಕರತಾಮಾ ಕೆಳಾಮಾಬಿ ತ್ಯುನೊತಿ ಮ್ಹೊಟೊ ರ‍್ಹಯಲ ಕಿನೆಬಿ ಯಕ್ಲಾನೆ ಉಪಯೊಗ ಕರಲಿವಸ. ತ್ಯುನೆ ಕದಲ ಕ್ಹರಿ ವ್ಹೈ ಕೈನ ತೆ ವಾಗ್ದಾನ ಖಚಿತ ಕರಲಿವಸ. ಇನಾಹುತಿ ತ್ಯುನಾ ಕ್ಹಾರಾ ವಾಗ್ವಾದೊನೆ ಪುರಾ ಥಾವಸ. 
\v 17 ತೆ ಕರಲ ವಾಗ್ದಾನನೆ ಸ್ವಿಕಾರ ಕರಾಲಾವೊನೆ, ಕ್ಹುದಾ ತಿನಾ ಉದ್ದೆಶನೆ ಕೆಳಾಮಾಜ಼ ಬದಲತೊ ನೈ ಕೈನ ಸ್ಪಶ್ಟ ಕವಾನೆ ಆಸ ಕರ‍್ಯೊ; ತಿನಾಹುತಿ ತೆ ಪ್ರತಿಜ್ಞೆನೆ ವಾಗ್ದಾನಮಾ ಮಳಾಯೊ. 
\v 18 ಕ್ಹುದಾನಿ ವಾಗ್ದಾನ ವರಿ ಕ್ಹಮ ಘಟ್ಟ್ಟ ರ‍್ಹಯಲ ಬೆ ಆದಾರ ಛೆ. ಇನಾಹುತಿ ಅಪೊನೆ ಕೆಳಾಮಾಜ಼ ಮೊಸ ಥಾತು ನೈ. ಇನಾಹುತಿ ಕ್ಹುದಾನಾ ರಕ್ಷಣೆನಾ ಹುತಿ ನ್ಹಾಟಿನ ಆಯಲ ಅಪೆ ಅಪ್ನಾ ಆಸಮಾ ಘಟ್ಟ್ಟ ಥೈನ ರ‍್ಹವಾನೆ ಪ್ರೊತ್ಸಹ ಮಳ್ಯೊ. 
\v 19 ಎ ಆಸ ಅಪ್ನಿ ಆತ್ಮಾನೆ ತ್ರಾಸಮಾ ಲಿಂಜಾ಼ಯೆ ನೈಸೊ ವಚಾಡಾನಾ ಹುತಿ ಶಕ್ತಿ ಥಯಲ ಘಟ್ಟ್ಟ ರೈನ ಲಂಗರ ಲಿಂಗತ ಛೆ. ತೆ ಸ್ವರ್ಗನೊ ಆಲಯ ಹಬಾಳನಾ ಹೆಟು ದಡಿ ರ‍್ಹಯಲ ಮಹಾ ಪವಿತ್ರ ಜ಼ಗಾನಾ ಮ್ಹೈ ಪ್ರವೆಶ ಕರಸ. 
\v 20 ಅಪ್ನಾ ಹುತಿ ಯೆಸು ಅಪ್ನಾತಿ ಪೈಲಾ ತ್ಯಾ ಗಯೊಸ ವರಿ ತೆ ಮೆಲ್ಕೆಜೆದೆಕ ಲಿಂಗತ ಹಮೆಶಾಬಿ ರ‍್ಹವಾಲೊ ಮ್ಹೊಟೊ ಯಾಜಕ ಥಯೊಸ.
\c 7
\ms ಯಾಜಕ ಮೆಲ್ಕಿಜೆದಕ
\p
\v 1 ಮೆಲ್ಕಿಜೆದೆಕ ಸಾಲೆಮಿನೊ ರಾಜೊ಼ ವ್ಹತ್ತೊ ವರಿ ಕ್ಹುದಾನೊ ಯಾಜಕ ವ್ಹತ್ತೊ. ಅಬ್ರಹಾಮ ರಾಜಾ಼ವೊನೆ ಹರಾಡಿನ ಆತಾಮಾ ತೆ ಅಬ್ರಹಾಮನೆ ಮಳಿನ ಆಶಿರ್ವಾದ ದಿದ್ಯೊ. 
\v 2 ಅಬ್ರಹಾಮ ತಿನೆ ತಿಕನ ರ‍್ಹಯಲ ಕ್ಹಾರಾವೊಮಾನು ದಕ್ಹವಾನು ಯಕ್ಕ ಭಾಗ ದಿದ್ಯೊ. ಸಾಲೆಮೆನೊ ರಾಜೊ಼ ಥಯಲ ಮೆಲ್ಕಿದೆಜೆಕ ಕವಾನು ನಾಮನೊ ಬೆ ಮತ್ಲಬ ಛೆ. ಮೆಲ್ಕಿದೆಜೆಕ ಕದ್ಯಾಮ, ನಿತಿನೊ ರಾಜೊ಼” ಮತ್ಲಬ ವ್ಹೈ. ಸಾಲೆಮೆರಾಜೊ಼ ಕದ್ಯಾಮ” ಶಾಂತಿನೊ ರಾಜೊ಼ ವ್ಹೈ ಕೈನ ಮತ್ಲಬ ವ್ಹೈ. 
\v 3 ಮೆಲ್ಕಿಜೆದೆಕನಾ ಮಾ ಬಾಪ ಕುನ ವ್ಹೈ ಕೈನ ತೆ ಕಿಜಾತೊ ಆಯೊಸ ಕವಾನು ತೆ ಕೆಳಾಮಾ ಹುಟ್ಟೊಸ ಕವಾನು ತೆ ಕೆಳಾಮಾ ಮರಿಯೊಸ ಕವಾನು ಕಿನೆಜ಼ ಗೊತ್ತ ನತ್ತಿ. ತೆ ಕ್ಹುದಾನೊ ದಿಕ್ರಾ ಲಿಂಗತ ವ್ಹತ್ತೊ; ತೆ ಹಮೆಶಾಬಿ ಯಾಜಕ ಥಯೊಸ. 
\v 4 ಮೆಲ್ಕಿಜೆದೆಕ ಕೆಕ್ಲೊ ಮ್ಹೊಟೊ ವ್ಹೈ ಕವಾನು ತುಮೆ ದೆಕೊಶಿ. ಅಪ್ನೊ ಮೂಲ ಪಿತೃ ಥಯಲ ಅಬ್ರಹಾಮ, ಯುದ್ದಮಾ ಝಿತ್ತಲಮಾನು ದಕ್ಹವಾ ಯಕ್ಕ ಭಾಗ ತಿನೆ ದಿದ್ಯೊ. 
\v 5 ವರಿ ಲೆವಿ ಖಾಂದಾನನಾ ಮನಕ್ಹೊಮಾ ಅಬ್ರಹಾಮನಾ ಖಾಂದಾನವಾಲಾ ರ‍್ಹಯಾತಬಿ ಇಸ್ರಾಯೆಲನಾ ಮನಕ್ಹೊಕಂತಾ ದಕ್ಹವಾಮಾನು ಯಕ್ಕ ಭಾಗ ಲ್ಯು ಕೈನ ಧರಮಶಾಸ್ತ್ರ ಕವಸ, ಕದ್ಯಾಮ ಯಾಜಕೊ ತ್ಯುನಾ ಖಾಸ ಮನಕ್ಹೊಜ಼ ಕುಡ್ಸಸ. 
\v 6 ಮೆಲ್ಕಿಜೆದೆಕ ಲೆವಿನೊ ಘರದಾನನೊ ನ್ಹೊತೊ, ರ‍್ಹೈತುಬಿ ತೆ ಅಬ್ರಹಾಮಕ್ಹು ದಕ್ಹವಾಮಾನು ಯಕ್ಕ ಭಾಗ ಪಡ್ದಿಲಿದ್ಯೊ. ಕ್ಹುದಾಕ್ಹು ವಾಗ್ದಾನ ವ್ಹಂದಿಲಿದಲವಾಲಾನೆ ಆಶಿರ್ವಾದ ಕರ‍್ಯೊ. 
\v 7 ಖಾಸ ರ‍್ಹಯಲ ಮನಕ್ಹ ನ್ಹಾನಾ ಮನಕ್ಹನೆ ಅಶಿರವಾದ ದಿವಸ ಕವಾನು ಕ್ಹಾರಾ ಮನಕ್ಹೊನೆ ಗ್ವತ್ತ ರ‍್ಹಯಲ ವಿಚಾರ ವ್ಹೈ. 
\v 8 ಯಾಜಕೊ ದಕ್ಹವಾಮಾನು ಯಕ್ಕ ಭಾಗ ಲಿವಾಲಾ ಯಕ್ನಾ ಯಕ್ಕ ದಿನ್ನ ಮರಸ. ತೆನೈಸೊ ಅಬ್ರಹಾಮಕ್ಹು ದಕ್ಹಾವಾಮಾನು ಯಕ್ಕ ಭಾಗ ಪಡ್ದಿಲಿದಲ ಮೆಲ್ಕಿಜೆದಕ ಜಿವ್ತೊ ರ‍್ಹವಸ ಕೈನ ಪವಿತ್ರ ಗ್ರಂಥ ಕವಸ. 
\v 9 ವರಿ ದಕ್ಹವಾಮಾನು ಯಕ್ಕ ಭಾಗ ಲಿವಾಲೊ ಲೆವಿಬಿ ಅಬ್ರಹಾಮನಾ ಮುಲಕ ದಕ್ಹವಾಮಾನು ಯಕ್ಕ ಭಾಗ ದಿದಲ ಲಿಂಗತ ಥಯು. 
\v 10 ಕಾಕದ್ಯಾಮ ಲೆವಿ ಹುಜ಼ನ ಹುಟ್ಯೊ ನ್ಹೊತೊ, ತೆನೈಸೊ ಮೆಲ್ಕಿಜೆದೆಕ ತಿನೆ ಮಳಾನೆ ಆಯಲ ಟೈಮಮಾ ತಿನೊ ಪುರವಿಕ ಥಯಲ ಅಬ್ರಹಾಮನಾ ಸ್ವಭಾವಮಾ ಲೆವಿ ವ್ಹತ್ತೊ. 
\v 11 ಇಸ್ರಾಯೆಲೊನೆ ದಿದಲ ಧರಮ ಶಾಸ್ತ್ರ ಲೆವಿಯೊನಾ ಯಾಜಕತ್ವನಾ ಉಪ್ಪರ ಆಧಾರ ಛೆ. ಲೆವಿಯೊನಾ ಎ ಯಾಜಕತ್ವಕ್ಹುಜ಼ ಪುರಾ ರಡಿ ಥಾವಾನು ರ‍್ಹವತ್ತೊ, ಆರೊನನಿ ಪರಂಪರಾನೆ ನೈ ಮಳಾನಾ, ಮೆಲ್ಕಿಜೆದೆಕನಿ ಪರಂಪರಾನೆ ಮಳಲ ಬಿಜೆಕ್ಕ ಯಾಜಕ ಆವಾನಿ ಜ಼ರುರತ ಸು ವ್ಹತ್ತಿ? 
\v 12 ಬಿಜೊ಼ ಯಾಜಕ ಆಯೊಮ, ತೆಳಾಮಾ ಧರಮಶಾಸ್ತ್ರ ಬದಲಿ ಥಾವಸ. 
\v 13 ಅಪೆ ಕ್ರಿಸ್ತನಾ ಹುತಿ ಎ ಕ್ಹಾರು ಕವಾಡಾತಾ. ತೆ ಬಿಜಾ಼ ಖಾಂದಾನನೆ ಸೆರಲವಾಲೊ ವ್ಹೈ. ತೆ ಖಾಂದಾನೊಮಾ ಕುನಬಿ ರ್‍ಹೈನಕಾ ಯಾಜಕ ಥೈನ ಸೆವಾ ಕರ‍್ಯಾ ನ್ಹೊತಾ. 
\v 14 ಅಪ್ನೊ ಪ್ರಭು ಕ್ರಿಸ್ತ ಯೆಹುದ ಖಾಂದಾನಮಾತೊ ಆಯೊಸ ಕೈನ ಚೊ಼ಕಿತರಾ ಥಯುಸ. ತೆ ಖಾಂದಾನನೆ ಸೆರೆಲ ಯಾಜಕೊನಾ ಹುತಿ ಮೊಶೆ ಸುಜ಼ ಕದ್ಯೊ ನೈ.
\s ಯೆಸು ಮೆಲ್ಕಿಜೆದಕ ಲಿಂಗತ ಯಾಜಕ
\p
\v 15 ಮೆಲ್ಕಿಜೆದೆಕ ಲಿಂಗತಜ಼ ಹಜಿ ಯಕ್ಲೊ ಯಾಜಕ ಯೆಸು ಆಯಲಕ್ಹು ಆ ವರಿ ಹೆಚ್ಕಿ ಚೊ಼ಕು ಥಯುಸ. 
\v 16 ತೆ ಯಾಜಕ ಥಯೊ, ತೆ ಮನಕ್ಹೊನಾ ನಿಯಮೊ ಲಿಂಗತ ನೈಸೊ ಕೆಳಾಮಾಜ಼ ನಾಶ ಥಾಯೆ ನೈಸೊ ಜ಼ಲಮನಿ ತಾಕತನಾ ಕ್ಹಾತೆ, ಮೆಲ್ಕಿಜೆದೆಕನಾ ಲಿಂಗತ ಬಿಜೆಕ್ಕ ಯಾಜಕ ಉಟಸ ಕದ್ಯಾಮ ತೆ ಹಜು಼ನ ಚೊ಼ಕು ಥಾವಸತೊ. 
\v 17 ತಿನಾ ಹುತಿ ತು ಮಲ್ಕಿಜೆದೆಕ ಲಿಂಗತ ಹಮೆಶಾಬಿ ಯಾಜಕ ಥೈನ ರ‍್ಹಶಿ” ಕೈನ ಪವಿತ್ರ ಗ್ರಂಥಮಾ ಅಮ್ಮ ಕವಸ. 
\v 18 ಜುನ್ನಾ ನಿಯಮೊ ದುರ್ಬಲ ಕೆಟ್ಟ ಕಾಮೊ ಥಯಲಕ್ಹು ರದ್ದ ಥಯು. 
\v 19 ಮೊಶೆನೊ ಧರಮಶಾಸ್ತ್ರ ಸುಜ಼ ಸಿದ್ದ ಲಯು ನೈ. ಹಮ್ನಾ ಅಪೊನೆ ಚೊ಼ಕೊ ರ‍್ಹಯಲ ಯಕ್ಕ ಆಸ ದಿವಾಲಗಾಡ್ಯಾ. ಆ ಆಸ ಅಪೊನೆ ಕ್ಹುದಾನಾ ನಜಿಕ ಲಿಂಜಾ಼ವಸ. 
\v 20 ತಿನಾಹುತಿ, ಕ್ಹುದಾನಿ ಪ್ರತಿಜ್ಞೆ ಎಜ಼ ವ್ಹೈ. ಬಿಜಾ಼ ಮನಕ್ಹೊನೆ ಯಾಜಕೊ ಕರ‍್ತಾಮಾ ತೆವಿ ಪ್ರತಿಜ್ಞೆ ನ್ಹೊತಿ. 
\v 21 ಕ್ಹುದಾ ತಿನೆ ಕದಲ ಸುವೈ ಕದ್ಯಾಮ; ತು ಹಮೆಶಾಬಿ ಯಾಜಕ ರ‍್ಹಶಿ” ಕೈನ ಪ್ರಭು ವಾಗ್ದಾನ ಕರ‍್ಯೊ. ತಿನಾಹುತಿ ಮಿ ಕೆಳಾಮಾಬಿ ಪಶ್ಚಾತ್ತಾಪ ನೈ ಪಡತೊ ಕದ್ಯೊ. ವರಿ ಕ್ರಿಸ್ತಜ಼ ಕ್ಹುದಾನಾ ವಾಗ್ದಾನ ಲಿಂಗತ ಯಾಜಕ ಥಯೊ. 
\v 22 ಕ್ಹುದಾ ತಿನಾ ಮನಕ್ಹೊನಾ ಕ್ಹಾತೆ ಕರಿಲಿದಲ ಖಾಸ ಥಯಲ ವಡಂಬಡಿಕೆನೆ ಯೆಸುಜ಼ ಆಧಾರ ವ್ಹೈ ಕವಾನು ಅನು ಮತ್ಲಬ ವ್ಹೈ. 
\v 23 ತೆನೈಸೊ ಘನ್ನಾ ಯಾಜಕೊ ತ್ಯಾ ವ್ಹತ್ತಾ. ಕಾಕದ್ಯಾಮ ತ್ಯುನೆ ಮರ‍್ಯಾಮ ತ್ಯುನು ಕಾಮ ಅಗಾ ಬಡಾವಾನೆ ಸಾಧ್ಯ ಥಾತು ನ್ಹೊತು. 
\v 24 ತಿನಾಹುತಿ ಯೆಸು ಹಮೆಶಾಬಿ ಜ್ಯುತೊ ರ‍್ಹಯಲವಾಲೊ ಥಯೊಸ. ತೆ ಯಾಜಕ ಥೈನ ತಿನು ಕಾಮ ಬಿಜಾ಼ವೊಕನ ಜಾ಼ವಾನೆ ನೈ ದೆತೊ. 
\v 25 ತಿನಾಹುತಿ ತಿನಾ ಮುಲಕ ಕ್ಹುದಾಕನ ಆವಾಲಾ ಮನಕ್ಹೊನೆ ಯೆಸು ಕೆಳಾಮಾಬಿ ರಕ್ಷಾಕರಸ. ಕಾಕದ್ಯಾಮ ತೆ ಹಮೆಶಾಬಿ ಜ್ಯುತು ರ‍್ಹವಾಲೊ ಥಯೊಸ ವರಿ ಮನಕ್ಹೊ ಕ್ಹುದಾನಿ ಸನ್ನಿಧಿನೆ ಆಯಾಮ ಮನಕ್ಹೊನೆ ಮದತ ಕರಾನೆ ಸಿದ್ದ ಥಯೊಸ. 
\v 26 ಯೆಸು ಅಪೊನೆ ಚಾ಼ಯೆ ಥಯಲ ಪ್ರಧಾನ ಯಾಜಕ ವ್ಹೈ. ತೆ ಪಾಪ ನೈಸೊ ಪರಿಶುದ್ಧ ನಿಷ್ಕಳಂಕಿ ಪಾಪಿಯೊನಾ ಪ್ರಭಾವನೆ ಮ್ಹೈ ಥಯಲವಾಲೊ ಹಬಾಳತಿ ಉನ್ನತ ಥಯೊಸ. 
\v 27 ತೆ ಬಿಜಾ಼ ಯಾಜಕ ಲಿಂಗತ ನವ್ಹೈ. ತ್ಯುನೆ ಥಯಾಮ ಹರಯಕ್ಕ ದಿನ್ನೆ ಬಲಿ ಚಡೌ. ತ್ಯುನೆ ತ್ಯುನಾ ಸ್ವಂತ ಪಾಪೊನಾ ಹುತಿ ಬಲಿ ಚಡಾಯಲ್ಪರ ಬಿಜಾ಼ವೊನಾ ಹುತಿ ಚಡೌ. ತೆನೈಸೊ ಕ್ರಿಸ್ತ ತಿಮ್ಮ ಕರ‍್ತೊ ನೈ. ತೆ ತಿನೆಜ಼ ಬಲಿ ಚ಼ಡೈನ ಯಕ್ಕ ಸಲಾ ಕಾಮ ಕರಿನ ಮುಗ್ಸಿಪಾಡ್ಯೊ. 
\v 28 ಧರಮಶಾಸ್ತ್ರ ಮನಕ್ಹೊಮಾನಾ ಪ್ರಧಾನ ಯಾಜಕೊನೆ ಇನಿಲಿವಸ. ಇನಿಲಿದಲ ಆ ಮನಕ್ಹೊ ಮಾನವ ದೌರ್ಬಲ್ಯನೆ ವ್ಹಂದಲವಾಲಾ ಥಯಾಸ. ತಿನಾಕ್ಹು ಕ್ಹುದಾ ಧರಮಶಾಸ್ತ್ರ ಥಯಲ್ಪರ ಕರಲ ವಾಗ್ದಾನ ಕ್ಹುದಾನಾ ದಿಕ್ರಾನೆ ಪ್ರಧಾನ ಯಾಜಕ ಕರ‍್ಯೊ. ತೆ ದಿಕ್ರೊ ಹಮೆಶಾಬಿ ಸರ್ವ ಸಂಪುರ್ಣ ಥೈನ ಕರಲವಾಲೊ ಛೆ.
\c 8
\s ನವಾ ವಡಂಬಡಿಕೆನೊ ಯಾಜ಼ಕ
\p
\v 1 ಹಮೆ ಹಮ್ನಾ ಕವಾನಿಯೊ ಸಂಗತಿಯೊನಿಯೊ ಸಾರಾಂಶ ಸು ವ್ಹೈ ಕದ್ಯಾಮ; ತುಮೊನೆ ಕದಲ ಲಿಂಗತ ಸ್ವರ್ಗಮಾ ಮಹಿಮಾ ರ‍್ಹಯಲವಾಲೊ ಸಿಂಹಾಸನನಾ ಶಿದಾ ಹತಬಗಲ ಬೈಟಲ ಮ್ಹೊಟೊ ಯಾಜಕ ಅಪ್ನಾಹುತಿ ಛೆ. 
\v 2 ಎ ಪವಿತ್ರ ಜ಼ಗಾಪರ ಕದ್ಯಾಮ; ಮನಕ್ಹನಾ ಹತೆಜ಼ ಕರ್ತಾ ಘಾಲಲ ಕ್ಹರಿನು ಗುಡಾರಮಾ ಸೆವೆ ಕರಾಲೊ ಥಯೊಸ. 
\v 3 ಹರಿಯಕ್ಕ ಮ್ಹೊಟೊ ಯಾಜಕ ಕಾಣಿಕೆ ವರಿ ಬಲಿ ಚ಼ಡಾವಾನೆ ನೆಮಕ ಥಯಲ ಯಕ್ಕಜ಼ ರ‍್ಹವಸ. 
\v 4 ತೆ ಹಜು಼ನಬಿ ಜಿಮಿನಪರ ರ‍್ಹಯಲ ಹುತಿ ಯಾಜಕ ಥಾತೊ ನ್ಹೊತೊ. ಕಾಕದ್ಯಾಮ ಧರಮಶಾಸ್ತ್ರನಾ ಪ್ರಕಾರ ಕಾಣಿಕೆ ಚ಼ಡಾವಾಲಾ ವ್ಹತ್ತಾತೊ. 
\v 5 ಆ ಯಾಜಕೊ ಕರಾನಾ ಕಾಮೊ ಪರಲೊಕಮಾನಾ ಲಿಂಗತ ಸೆಮ ವರಿ ಭೌಲಾ ಲಿಂಗತ ವ್ಹತ್ತಾ. ಮೊಶೆ ಗುಡಾರ ಭಾಂದು ಕೈನ ಕತಾಮಾ, ಕ್ಹುದಾ ತಿನೆ, ದೆಕ, ಮಿ ತುನೆ ಡೊಂಗರ‍ಪರ ದೆಕಾಡಿನ ದಿದಲ ಲಿಂಗತಜ಼ ಕ್ಹಾರು ಕರು ಕೈನ ಎಚ಼್ಚರ ಕವೈ ಲಿದಲ ಲಿಂಗತಜ಼ ಥಯು. 
\v 6 ಎಜ಼ ತರಾಮಾ ಯೆಸು ತಿನಾ ಮನಕ್ಹೊನಾ ಹುತಿ ಕ್ಹುದಾಕಂತು ಲಾಯಲ ನವೊ ವಡಂಬಡಿಕೆ ಜುನ್ನಾತಿ ಚೊ಼ಕು ಛೆ. ಚೊ಼ಕಾ ಸಂಗತಿಯೊನಾ ವಾಗ್ದಾನನಾ ಆಧಾರನಾ ಉಪ್ಪರ ನವೊ ವಡಂಬಡಿಕೆ ಚಾ಼ಲು ಥಯುಸ. ತೆನೈಸೊ ಯೆಸುನೆ ದಿದಲ ಕಾಮೊ ತೆ ಯಾಜಕೊನೆ ದಿದಲ ಕಾಮತುಬಿ ಕೆಕ್ಲು ಮಹತ್ವ ಥಯುಸ. 
\v 7 ಪೈಲಾನಿ ವಡಂಬಡಿಕೆ ದೊಶ ನೈಸೊ ರ‍್ಹಯಲ ರ‍್ಹವತ್ತೊ, ಬೆವಾ ವಡಂಬಡಿಕೆನಿ ಜ಼ರುರತಜ಼ ರ‍್ಹತಿ ನ್ಹೊತಿ. 
\v 8 ತೆನೈಸೊ ಕ್ಹುದಾ ತೆ ಮನಕ್ಹೊಮಾ ತಪ್ಪ ದೆಕಾಡಿನ ಅಮ್ಮ ಕದ್ಯೊ, ‘ದೆಕೊ, ಮಿ ಇಸ್ರಾಯೆಲನಾ ಘರ್ದಾನವಾಲಾವೊನಾ ಕ್ಹಾತೆ ಯೆಹುದಿನಾ ಘರ್ದಾನಾವಾಲಾವೊನಾ ಕ್ಹಾತೆ ನವೊ ಯಕ್ಕ ಒಡಂಡಿಕೆ ಕರಿಲಿವಾನಾ ದಿನ್ನೊ ಆವಸ’ ಕೈನ ಕರ್ತಾ ಕವಸ. 
\v 9 ‘ಎ ವಡಂಬಡಿಕೆ ಮಿ ಇವ್ನಾ ಪಿತೃವೊನೆ ಹತ ಧರ್ಲಿನ ಇಜಿಪ್ತ ದೆಶತೊ ಬಲೈಲಾಯಲ ದಿನ್ನೊಮಾ ಇವ್ನಾ ಕ್ಹಾತೆ ಕರಿಲಿದಲ ವಡಂಬಡಿಕೆ ಲಿಂಗತ ನ್ಹವೈ. ಕಾಕದ್ಯಾಮ ತ್ಯುನೆ ಮಿ ಕದಲವಾತಪರ ಘಟ್ಟ್ಟ ಥೈನ ನೈ ಹುಬರಯಲ ಹುತಿ ಮಿ ತ್ಯುನೊನೆ ಲಕ್ಷಾ ಕರ‍್ಯೊ ನೈ’ ಕೈನ ಕರ್ತಾ ಕವಸ. 
\v 10 ‘ತೆ ದಿನೊ ಥಯಲ್ಪರ ಮಿ ಇಸ್ರಾಯನಾ ಘರ್ದಾನವಾಲಾವೊನಾ ಕ್ಹಾತೆ ಮಿ ಕರಿಲಿವಾನಿ ವಡಂಬಡಿಕೆ’ ಅಮ್ಮ ರ‍್ಹವಸ, ‘ಮಿ ಮಾರಿ ಆಗನ್ಯಾ ತ್ಯುನಾ ಮನಸಮಾ ಮುಕ್ಕುಸ. ಮಿ ತ್ಯುನಾ ಮನಸೊಪರ ಬರದುಸ. ಮಿ ತ್ಯುನೊ ಕ್ಹುದಾ ಥೈನ ರ‍್ಹೌಸ. ತ್ಯುನೆ ಮಾರಾ ಮನಕ್ಹೊ ಥೈನ ರ‍್ಹವಸ. 
\v 11 ಎನೈಸೊ ಹರಿ ಯಕ್ಲೊ ತಿನಾ ಬಾಜು಼ವಾಲಾನೆ ತಿನಾ ಭೈನೆಬಿ ಕರ್ತಾನೆ ವಳಕೊ ಕೈನ ಕವಾನು ರ‍್ಹತು ನೈ. ಕಾಕದ್ಯಾಮ ನ್ಹಾನಾ ರ‍್ಹಯಲವಾಲೊಬಿ ಚೊ಼ಕೊ ರ‍್ಹಯಲವಾಲಾಲಕ್ಕಾ ಕ್ಹಾರಾಜ಼ ಮನೆ ವಳಕಸ. 
\v 12 ಮಿ ತ್ಯುನಾ ಕೆಟ್ಟಕಾಮೊ ಮರ್ಗಿನ ಮಾಫ ಕರುಸ ವರಿ ತ್ಯುನಾ ಪಾಪೊ ಕೆಳಾಮಾಜ಼ ತ್ಯುನಾ ಶೆಮಾಜ಼ ಆವಾನೆ ದೆತೊ ನೈ’ ಕೈನ ಕರ್ತಾ ಕವಸ. 
\v 13 ತೆ ನವು ಕೈನ ಕವಾಮಾ ಪೈಲಾ ರ‍್ಹಯಲ ವಡಂಬಡಿಕೆನೆ ಜು಼ನ್ನು ಕರ‍್ಯೊಸ. ತೆ ಜು಼ನ್ನು ಥಾತು ಕ್ಹರಿಜಾ಼ವಾನೆ ನಜಿಕಮಾ ಛೆ.
\c 9
\s ಭುಲೊಕನಿ ವರಿ ಸ್ವರ್ಗಲೊಕನಿ ಆರಾಧನಾ
\p
\v 1 ಪೈಲಾನಿ ವಡಂಬಡಿಕೆಮಾ ಆರಾಧನೆನಾ ನಿಯೊಮೊ ವ್ಹತ್ತಾ. ವರಿ ತಿಮಾ ಮನಕ್ಹ ಕರಲ ದೆವಾಲಯನಿ ಜ಼ಗಾ ವ್ಹತ್ತಿ. 
\v 2 ಕದ್ಯಾಮ ಯಕ್ಕ ಗುಡಾರ ಭಾಂದತಾತಾ ವರಿ ತಿಮಾ ಬೆ ಭಾಗ ಕರತಾತಾ. ಪಸ್ಟಲ್ಯಾ ಭಾಗನೆ ಪವಿತ್ರ ಜ಼ಗಾ ವ್ಹೈ ಕೈನ ಕತಾತಾ. ತ್ಯಾ, ಯಕ್ಕ ದಿವ್ವಾನೊ ಖಂಬೊ ವರಿ ಯಕ್ಕ ಟೆಬಲ ವ್ಹತ್ತು. ತಿಪರ ಕ್ಹುದಾನೆ ಎಡಿ ಚ಼ಡಾವಾನೆ ರೊಕ್ಲೊ ಮ್ಹೆಲ್ತಾತಾ. \fig ಗುಡಾರನಾ ಮ್ಹೈ ಜಾ಼ವಾನಿ ವಾಟ|alt="Interior of tabernacle" src="bk00278c.tif" size="col" copy="Horace Knowles ©" ref="9:2"\fig*
\p
\v 3 ವರಿ ಬೆವಾ ಪರದಾನಾ ಪಾಚೊ಼ ಹಜಿಯಕ್ಕ ಕ್ಹೊಲಿನೆ, ಘನ್ನಿ ಪವಿತ್ರ ಜ಼ಗಾ ಕೈನ ಬಲಾತಾತಾ. 
\v 4 ಗರಭ ಗುಡಿಮಾ ಕ್ಹೊನಾನಿ ಆರತಿ ವರಿ ಕ್ಹೊನಾನಾ ಮ್ಹೈ ಭಾರಾ ಲಗಾಡಲ ವಡಂಬಡಿಕೆನು ಮಂಜುಷ ಎ ಕ್ಹಾರು ವ್ಹತ್ತು; ತೆ ಮಂಜುಷಮಾ ಎಡಿ ಮ್ಹೆಲಲ ಕ್ಹೊನಾನೊ ಥಾಳೊ ಆರೊನನಿ ಬೆಳ್ದಲ ಲಾಕಡಿ, ವಡಂಬಡಿಕೆ ಬರ್ದಲ ದಗ್ಡಾ ವ್ಹತ್ತಾ. 
\v 5 ತಿನಾ ಉಪ್ಪರ ಕೃಪಾ ಸನನೆ ಝಾಕಾನು ತೆಜಸನಾ ಕೆರುಬಿಯೊ ವ್ಹತ್ತಾ. ತೆ ಹಮ್ನಾ ಯಕ್ಕ ಯಕ್ಕ ಕವಾನೆ ಸಾದ್ಯನತ್ತಿ. 
\v 6 ಎ ಕ್ಹಾರು ತಯ್ಯಾರ ಕರಲ್ಪರ ಯಾಜಕೊ ಹಮೆಶಾಬಿ ಕ್ಹುದಾನಿ ಸೆವೆ ಕರಾಲಾ ಥೈನ ಗುಡಾರನಿ ಪೈಲಾನಾ ಭಾಗಮಾ ಜಾ಼ವಸ, ತ್ಯಾ ಕ್ಹುದಾನಿ ಸೆವೆನಾ ವಿದಿಯೊ ತಿಮ್ಮಜ಼ ಕರ‍್ತಾ ವ್ಹತ್ತಾ. 
\v 7 ತೆನೈಸೊ ಬೆವಾ ಭಾಗಮಾ ಮ್ಹೊಟೊ ಯಾಜಕ ಯಕ್ಕಜ಼ ವರಕ್ಹಮಾ ಯಕ್ಕ ಸಲಾ ಜಾ಼ತೊತೊ. ತೆ ತಿನಾ ಕ್ಹಾತೆ ರಗತ ಲಿದ್ಯಾವಾಚಿ ಜಾ಼ತೊ ನ್ಹೊತೊ. ತೆ ರಗತ ಲಿನ ತೆ ಕರಲ ವರಿ ಮನಕ್ಹೊ ಕರಲ ತಪ್ಪನಾ ಹುತಿ ಚ಼ಡಾತೊತೊ. 
\v 8 ಆ ಗುಡಾರನಿ ಪೈಲಾನು ಭಾಗ ಹಜು಼ನ ರ‍್ಹಯೆ ಲಕ್ಕಾಬಿ ಘನ್ನು ಪರಿಶುದ್ಧ ರ‍್ಹಯಲ ಜ಼ಗಾನೆ ಜಾ಼ವಾನೆ ವಾಟ ಹಜು಼ನ ಲಕ್ಕಾಬಿ ದಿಕ್ಹಿ ನತ್ತಿ ಕವಾನು ಪವಿತ್ರ ಆತ್ಮ ದೆಕಾಡಿನ ದಿವಸ. 
\v 9 ತೆ ಹಮ್ನಾನಿ ದುನಿಮಾ ದೆಕಾಡಿನ ದಿವಸ. ತೆ ಸುವೈ ಕದ್ಯಾಮ ತಿನಾ ಪದ್ದತನಾ ಪ್ರಕಾರ ಬಲಿ ಥಾವಾನಿ ಕಾಣಿಕಿಯೊ ವರಿ ಬಲಿಯೊ ಆರಾಧನಾ ಕರಾಲಾವೊನಾ ಮನಸಾಕ್ಷಿಯೊ ಪುರಾ ಕರಾನೆ ಥಯು ನೈ. 
\v 10 ತೆ ಕ್ಹಾವಾ ಪಿವಾನಾ ವರಿ ತರಾ ತರಾನು ಪಂಕ್ಶನೊನೆ ಮ್ಹೈ ರ‍್ಹಯಲ ಅಂಗ ಧವಾನು ರ‍್ಹಯಲಬಿ ಅಂಗನೆ ಯಕ್ಕಜ಼ ಸಂಬಂದ ರ‍್ಹಯಲ ನಿಯಮೊ ವ್ಹೈ. ಆ ಚೊ಼ಕಾ ರ‍್ಹಯಲ ಕಾಲ ಲಕ್ಕಾ ನೆಮಕ ಥಾವಸ.
\s ನಯಾ ವಡಂಬಡಿಕೆನಾ ಲಿಂಗತ ಆರಾಧನಾ
\p
\v 11 ತೆನೈಸೊ ಕ್ರಿಸ್ತ ಹಮ್ನಾಜ ಮ್ಹೊಟೊ ಯಾಜಕ ಥೈನ ಆಯೊಸ. ಹಮ್ನಾ ಅಪೆ ವ್ಹಂದಲ ಚೊ಼ಕಿಯೊ ಸಂಗತಿಯೊನೆ ತೆ ಮ್ಹೊಟೊ ಯಾಜಕ ಥಯೊಸ. ಬಿಜಾ಼ ಯಾಜಕೊ ಥಯಾತಬಿ ಗುಡಾರೊಮಾ ಸೆವಾ ಕರ‍್ಯಾ. ತೆನೈಸೊ ಕ್ರಿಸ್ತಬಿ ಗುಡಾರಮಾ ಸೆವಾ ಕರ‍್ಯಾವಾಚಿ ತಿನಾತಿಬಿ ಶ್ರೆಷ್ಠ ಥಯಲ ಜ಼ಗಾಮಾ ಸೆವಾ ಕರಸ ತೆ ಹಜಿ಼ ಕೆಕ್ಲು ಪುರಾ ಥಯಲ ವ್ಹೈ. ತೆ ಮನಕ್ಹ ತಯಾರ ಕರಲ ನ್ಹವೈ. ಜಗತನೆ ಸೆರಲಬಿ ನ್ಹವೈ 
\v 12 ತೆ ಯಕ್ಕಜ಼ ಯಕ್ಕ ಸಲಾ ಮ್ಹೊಟಿ ಪವಿತ್ರ ಜ಼ಗಾನೆ ಪ್ರವೆಶ ಕರ‍್ಯೊ. ತೆ ಗಾಯಿಯೊನೆ ವರಿ ಬೈಲನಾ ಬಕ್ರಾನಾ ಬಚ್ಚಾವೊನೊ ರಗತ ನೈ ಲಿನ ತಿನಾ ಸ್ವಂತ ರಗತಕ್ಹು ಮಹಾ ಪವಿತ್ರ ಜ಼ಗಾಕನ ಐನ ಹಮೊನೆ ಹಮೆಶಾ ಸ್ವಾತಂತ್ರ ಲಿನ ಐನ ದಿದ್ಯೊ. 
\v 13 ಗಾಯೊನು ವರಿ ಬೈಲೊನು ರಗತನೆ ಬೈಲೊನಾ ಬಚ್ಚಾ಼ವೊನಾ ರಾಕನೆ ವರಿ ತೆ ಆರಾದನೆನಾ ಜ಼ಗಾಮಾ ಪ್ರವೆಶ ಕರಾ ಅಕ್ಲಾ ಶುದ್ಧ ನೈ ರ‍್ಹಯಲ ಮನಕ್ಹೊನಾ ಉಪ್ಪರ ಚುಪಡತಾತಾ. ತೆ ರಗತ ವರಿ ರಾಕ ಮನಕ್ಹೊನಾ ಕ್ಹಾಲಿ ಅಂಗನೆ ಶುದ್ಧ ಕರತಾತಾ. 
\v 14 ಹಮೆಶಾಬಿ ರ‍್ಹಯಲ ಆತ್ಮಾ ತಿನಾಕ್ಹು ತೆಜ಼ ಕಯೊಜ಼ ದೊಶ ನೈಸೊ ಕ್ಹುದಾನೆ ತಿನಾಕ್ಹು ತಿನೆ ಚ಼ಡಾಯಲ ಕ್ರಿಸ್ತನು ರಗತ ಕೆಕ್ಲುಕಿ ಘನ್ನು, ಅಪೊನೆ ನೈ ಜು ರ‍್ಹಯಲ ಕಾಮೊಕ್ಹು ಛೊಡೈನ, ಅಪೆ ಜು ರ‍್ಹಯಲ ಕ್ಹುದಾನೆ ಆರಾಧನಾ ಕರಾಲಾ ಲಿಂಗತ ಅಪ್ನಾ ಮನಸನೆ ಶುದ್ಧ ಕರಸ ನೈ. ಅಪ್ನಾ ಮನಸೊ ಪರಿಶುದ್ಧ ಥಾವಸ. 
\v 15 ಕ್ಹುದಾಕು ಬಲಾಯಲ ಮನಕ್ಹೊ, ಕ್ಹುದಾನಾ ವಾಗ್ದಾನನೆ ವ್ಹಂದಿಲ್ಯು ಕೈನ ಕ್ರಿಸ್ತ ಆ ನವೊ ವಡಂಬಡಿಕೆ ಕ್ಹುದಾಕಂತೊ ಲಾಯೊ. ಕ್ಹುದಾನಾ ಮನಕ್ಹೊ ತೆ ಕ್ಹಾರು ಹಮೆಶಾಬಿ ವ್ಹಂದಿಲಿವಾನೆ ಸಾಧ್ಯ ಛೆ. ಕಾಕದ್ಯಾಮ ಪೈಲಾನು ವಡಂಬಡಿಕೆನಾ ಕಾಲಮಾ ಕರಲ ಪಾಪೊನೆ ಮನಕ್ಹೊನೆ ಬಿಡಗಡೆ ಥೌ ಕೈನ ಕ್ರಿಸ್ತಬಿ ಮರಣ ವ್ಹಂದ್ಯೊ. 
\v 16 ಯಕ್ಲೊ ಮರಾತಿ ಪೈಲಾಜ ಉಯಿಲ ಬರ್ದಿನ ಮ್ಹೆಲಸ. ತೆನೈಸೊ ಮರಲವಾಲೊ ತೆ ಉಯಿಲನೆ ಬರ್ದಲವಾಲೊ ವ್ಹೈ ಕೈನ ಮನಕ್ಹೊ ಕರಿನ ದೆಕಾಡು. 
\v 17 ತೆ ಲಿಕ್ಕಲವಾಲೊ ಹಜಿಬಿ ಜ್ಯುತೊ ರ‍್ಹಯಾಮ ತಿನೆ ಸುಜ಼ ಕಿಮ್ಮತ ನತ್ತಿ. ತಿನೆ ಬರ್ದಲವಾಲೊ ಮರಲ್ಪರ ತೆ ಉಪಯೊಗ ಥಾವಸ. 
\v 18 ತಿನಾಹುತಿ ಕ್ಹುದಾ ತಿನಾ ಮನಕ್ಹೊನಾ ಕ್ಹಾತೆ ಕರಿಲಿದಲ ಪೈಲಾನಿ ವಡಂಬಡಿಕೆಬಿ ರಗತ ನೈಸೊ ನತ್ತಿ ಹುಬ್ರಯಿ. 
\v 19 ಪೈಲಾ, ಮೊಶೆ ಕ್ಹುದಾನಾ ಹರಯಕ್ಕ ಆಗ್ಯಾನೆ ಧರಮಶಾಸ್ತ್ರನಾ ಲಿಂಗತ ಕ್ಹಾರಾ ಮನಕ್ಹೊನೆ ಕದಲ್ಪರ, ತೆ ಪಾನಿ, ಲಾಲ ಕಾಪುಕ, ಹಿಸ್ಸೊಪನಿ ಕಾಡಿ ಅನಾಕ್ಹಾತೆ ಬೈಲೊನಾ ಬಚ್ಚಾ಼ವೊನಾ ವರಿ ಗೈಯೊನಾ ಬಚ್ಚಾವೊನಾ ವರಿ ಬೈಲನು ರಗತ ಲಿನ ಸುರಳಿನಾ ಉಪ್ಪರ ಕ್ಹಾರಾ ಮನಕ್ಹೊನಾ ಉಪ್ಪರ ಛಿಪಡ್ಯೊ. 
\v 20 ಆ ಕ್ಹುದಾ ತುಮಾರಾ ಹುತಿ ಆಗ್ಯಾ ಕರಲ ವಡಂಬಡಿಕೆನು ರಗತ ಥಯುಸ ಕೈನ ಕದ್ಯೊ. 
\v 21 ತೆನೈಸೊ ದೆವಾಲಯನಾ ಉಪ್ಪರಬಿ ಕ್ಹುದಾನಾ ಸೆವೆನೆ ಚಾ಼ಯೆ ಥಯಲ ಕ್ಹಾರಾ ಸಾಮ್ನೊನಾ ಉಪ್ಪರ ತಿನಾ ಲಿಂಗತಜ಼ ರಗತ ಛಿಪಡ್ಯೊ. 
\v 22 ಧರಮಶಾಸ್ತ್ರನಾ ಲಿಂಗತಜ಼ ಪುರಾ ಕಮ ಜಾಸ್ತ ಕ್ಹಾರಾ ಸಾಮ್ನೊ ರಗತಕ್ಹು ಶುದ್ಧ ಥಾಸಕಸ ರಗತ ನೈಸೊ ಪಾಪನೆ ಮಾಫಿ ನೈ ಮಳತಿ.
\s ಯೆಸುನಿ ಯಜ್ಞ ಬಲಿ ಪಾಪೊ ಛೊಡಾವಸ
\p
\v 23 ತಿನಾಹುತಿ ಪರಲೊಕಮಾ ರ‍್ಹಯಲ ಸಾಮ್ನೊನಾ ಭೌಲಾಲಿಂಗತ ರ‍್ಹಯಲ ಸಾಮ್ನೊ ಶುದ್ಧ ಥೌ ಕೈನ ಹವಾ ಬಲಿಯೊ ಜ಼ರುರತ ರ‍್ಹಯಾಮಾ, ಪರಲೊಕಮಾ ರ‍್ಹಯಲ ಕ್ಹಾರಾನೆ ಶುದ್ಧಕರಾನೆ ಇತ್ತಿಬಿ ಚೊ಼ಕೊ ರ‍್ಹಯಲ ಯಜ್ಞ ಬಲಿಯೊನಿ ಜ಼ರುರತ ಛೆ. 
\v 24 ಕಾಕದ್ಯಾಮ ಕ್ರಿಸ್ತಬಿ ಕ್ಹರಿ ರ‍್ಹಯಲ ದೆವಾಲಯನೆ ಭೌಲು ಥೈನ ಹತ್ತಕ್ಹು ಭಾಂದಲ ಪವಿತ್ರ ಜ಼ಗಾನೆ ನೈ ಗೈನ, ಕ್ಹುದಾನಿ ಸನ್ನಿದಿಮಾ ಅಪ್ನಾಹುತಿ ಹಮ್ನಾ ಪ್ರತ್ಯಕ್ಷ ಥಾವಾನೆ ಪರಲೊಕಮಾ ಗಯೊ. 
\v 25 ತೆನೈಸೊ, ಮ್ಹೊಟೊ ಯಾಜಕ ವರಕ್ಹೆ-ವರಕ್ಹೆ ಜಾನವರನು ರಗತ ಲಿನ ಘನ್ನಿ ಪರಿಶುದ್ಧ ಜ಼ಗಾನೆ ಜಾ಼ವಾನಾ ಲಿಂಗತ ಕ್ರಿಸ್ತಬಿ ತಿನೆ ಹಗಲೆಲಾ ಅರ್ಪಿತ ಕರಾನಾಹುತಿ ತ್ಯಾ ಗಯೊ ನೈ. 
\v 26 ತಿಮ್ಮಜ ಸಮರ್ಪಿತ ಕರಾನೆ ಚಾ಼ಯೆ ಥಯಲ ಪಮಾಫ ತೆ ದುನಿಯಾತೊ ಕೆಕ್ಲಿ ಸಲಾ ತ್ರಾಸ ಕ್ಹಾವಾನೆ ಥಾತುತು. ತೆನೈಸೊ ಯಕ್ಕ ಸಲಾ, ದುನಿಯಾ ಕ್ಹರೆಲಕ್ಕಾ, ತೆ ಪಾಪ ಪರಿಹಾರ ಕರಾನಾ ಉದ್ದೆಶಕ್ಹು ತಿನಾಕ್ಹು ತೆಜ಼ ಯಜ್ಞ ಕರಿಲಿವಾನಾ ಹುತಿ ಪ್ರತ್ಯಕ್ಷ ಥಯೊ. 
\v 27 ಯಕ್ಕ ಸಲಾ ಮರಾನು ವ್ಹೈ ಪಾಚಾ಼ತು ನ್ಯಾಯ ತಿರ್ಪ ಮನಕ್ಹೊನೆ ಕಿಮ್ಮ ನೆಮಕ ಥಯಸ, 
\v 28 ತಿಮ್ಮಜ ಕ್ರಿಸ್ತಬಿ ಘನ್ನಾ ಮನಕ್ಹನಾ ಪಾಪೊನೆ ಉಚೈಲಿವಾನಾಹುತಿ ಯಕ್ಕ ಸಲಾ ಸಮರ್ಪಿತ ಥಯೊ. ತೆ ಬೆವಾ ಸಲಾ ಪ್ರತ್ಯಕ್ಷ ಥಾವಾನು ಪಾಪ ಪರಿಹಾರ ಕರಾನಾಹುತಿ ನವ್ಹೈ ತಿನೆ ನಿರಿಕ್ಷೆ ಕರಾಲಾವೊನೆ ರಕ್ಷಣೆ ದಿವಾನಾ ಹುತಿ ವ್ಹೈ.
\c 10
\s ಲಾಸ್ಟನು ಬಲಿದಾನ
\p
\v 1 ಧರಮಶಾಸ್ತ್ರ ಅಗು ಆವಾನು ರ‍್ಹಯಲ ಚೊ಼ಕಿಯೊ ಸಂಗತಿಯೊನು ಭೌಲೊ ಯಕ್ಕಜ಼ ವ್ಹೈ. ತಿನಾಹುತಿ ತೆ ಧರಮಶಾಸ್ತ್ರ ಹರಿಯಕ್ಕ ವರಕ್ಹೆ ಹಮೆಶಾಬಿ ಯಕ್ಕಜ಼ ತಾರಾನಿ ಬಲಿ ಚ಼ಡಾವೊ, ಕ್ಹುದಾನಾ ನಜಿಕ ಆವಾಲಾವೊನೆ ಕೆಳಾಮಾಜ಼ ಪರಿಪುರ್ಣ ಕರಿನ ಲಾವಾನೆ ಥಾತು ನೈ. 
\v 2 ಬಲಿನೆ ಲಾಯಲ ಕ್ಹಾರು ಹುಬರೈ ಪಡತುತು, ಕಾಕದ್ಯಾಮ ಆರಾದನಾ ಕರಾಲಾ ಯಕ್ಕ ಸಲ ಶುದಿ ಥಯಲ್ಪರ ತ್ಯುನೊನೆ ಪಾಪ ಕವಾನು ಕದ್ರಾತು ನ್ಹೊತು. 
\v 3 ಹಮ್ನಾತಬಿ ತೆ ಯಜ್ಞ ಬಲಿಯೊಕ್ಹು ಹರ ವರಕ್ಹಮಾ ಪಾಪೊ ಶೆಂ ಕರಾನು ಛೆ, 
\v 4 ಕಾಕದ್ಯಾಮ ಹೊರಿಯೊನು ವರಿ ಬಕ್ರಾವೊನು ರಗತಕ್ಹು ಪಾಪ ಪರಿಹಾರ ಕರಾನು ಸಾಧ್ಯ ನತ್ತಿ. 
\v 5 ತಿನಾಹುತಿ ಕ್ರಿಸ್ತ ಭುಲೊಕಮಾ ಆತಾಮಾ,
\p (ಕ್ಹುದಾ) ಬಲಿಯೊನು ಕಾಣಿಕೆ ತುನೆ ಪಸಂದ ನ್ಹೊತು, ತೆನೈಸೊ ಮನೆ ಯಕ್ಕ ಅಂಗ ತಯ್ಯಾರ ಕರಿನ ದಿದ್ಯೊಸ,
\p
\v 6 ಕ್ಹಾರಾ ತರಾನಿಯೊ ಬಲಿಯೊಮಾ ಪಾಪ ಪರಿಹಾರನಾ ಬಲಿಯೊಮಾ ತು ಕ್ಹುಶಿ ಥಾತೊ ನೈ.
\p
\v 7 ಮಿ ತೆಳಾಮಾ, ಹಮ್ನಾ, ಕ್ಹುದಾ, ಗ್ರಂಥನಾ ಸುರಳಿಮಾ ಮಾರಾಹುತಿ ಬರ್ದಲ ಲಿಂಗತಜ಼ ತಾರಿ ಚಿತ್ತ ಪುರಾ ಕರಾನಾ ಹುತಿ ಆಯೊಸ” ಕೈನ ಕದ್ಯೊ.
\p
\v 8 ಧರಮಶಾಸ್ತ್ರನಾ ಪ್ರಕಾರ ಚಡಾಯೆಲ ಬಲಿಯೊಮಾ, ಕ್ಹಾರಾ ತರಾನಾ ಬಲಿಯೊಮಾ ವರಿ ಪಾಪ ಪರಿಹಾರನಾ ಬಲಿಯೊ ತುನೆ ಪಸಂದ ನ್ಹೊತು. ತು ತ್ಯವಾ ಕ್ಹಾರಾಮಾ ಕ್ಹುಶಿ ಥಾತೊ ನೈ” ಕೈನ ಕದ್ಯೊಸ. 
\v 9 ತೆ ಥಯಲಪರ ತೆ ದೆಕ, ತಾರಿ ಚಿತ್ತ ಪುರಾ ಕರಾನಾ ಹುತಿ ಆಯೊಸ” ಕೈನ ಕದ್ಯೊಸ. ತೆ ಬೆವಾನು ಪುರಾ ಕರಾನಾ ಹುತಿ ಯಕ್ವಾನೆ ಕಾಡಿ ಪಡಸ. 
\v 10 ಯೆಸು ಕ್ರಿಸ್ತ ಯಕ್ಕಸಲ ತಿನು ಅಂಗ ಬಲಿ ದಿನ ಕ್ಹುದಾನಿ ಚಿತ್ತ ಪುರಾ ಕರಲ ಹುತಿಜ಼ ಅಪೆ ಶುದ್ಧ ಥಯಲವಾಲಾ ಥಯಾ. \fig ಯಜ್ಞವೆದಿ|alt="Burnt offering on an altar" src="hk00256c.tif" size="col" copy="Horace Knowles ©" ref="10:10"\fig*
\p
\v 11 ತೆನೈಸೊ ಹರಯಕ್ಲೊ ಯಾಜಕ ದಿನೆಬಿ ಸೆವೆ ಕರತೊ ಕೆಳಾಮ್ಮಾಜ ಪಾಪ ನೈ ಕಡಾವಾನು, ಯಕ್ಕ ತರಾನಾ ಬಲಿಯೊ ಹಗ್ಲೆಲಾ ಚಡಾತೊ ಹುಬ್ರಯೊಸ. 
\v 12 ತೆನೈಸೊ ಕ್ರಿಸ್ತ ಪಾಪೊನಾ ಹುತಿ ಹಮೆಶಾಬಿ ಯಕ್ಕಜ಼ ತರಾನಿ ಬಲಿ ಚಡಾಯೆಲ ಪರ ಕ್ಹುದಾನಾ ಬಾಜು಼ಮಾ ಬೈಟ್ಯೊ. 
\v 13 ತ್ಯಾತೊ ತಿನಾ ವಿರೊದಿಯೊ ತಿನಾ ಪಗೊ ಮ್ಹೆಲಾನಿ ಜ಼ಗಾ ಕರೆಲಕ್ಕಾಬಿ ತೆ ಕೈದತೊ ರ‍್ಹವಸ. 
\v 14 ತೆ ಶುದ್ಧ ಥಾವಾಲಾವೊನೆ ಯಕ್ಕಜ಼ ಸೆಮ ಹಮೆಶಾಬಿ ಪರಿಪುರ್ಣ ಕರ‍್ಯೊಸ. 
\v 15 ಪವಿತ್ರಾತ್ಮಬಿ ಅಪೊನೆ ಸಾಕ್ಷಿ ದಿವಾಲೊ ಥೈನ, 
\v 16 ತೆ ದಿನ್ನೊ ಆಯಲ ಪರ ಮಿ ತ್ಯುನಾ ಕ್ಹಾತೆ ಕರಲಿವಾನಿ ಒಂಡಬಡಿಕೆ ಅಮ್ಮ ರ‍್ಹವಸ, ಮಾರಿಯೊ ಆಗನ್ಯಾ ತ್ಯುನಾ ಮನಸೊಮಾ ಮ್ಹೆಲುಸ, ತ್ಯುನಾ ಮನಸೊಮಾ ತೆ ಕ್ಹಾರು ಬರದುಸ ಕೈನ ಕರ್ತಾ ಕವಸ. ಎಕ್ಹಾರು ಕದಲ್ಪರ ಹಜು಼ನ, 
\v 17 ತ್ಯುನಾ ಪಾಪೊ ತ್ಯುನಾ ಕೆಟ್ಟ ಕಾಮೊಕ್ಹು ಮಿ ಕೆಳಾಮಾಜ ಶೆಂ ನೈ ಮ್ಹೆಲೆತೊ” ಕೈನ ಕದ್ಯೊ. 
\v 18 ಪಾಪ ಮಾಫ ಥಯಲ ಟೈಮಮಾ ಹಜು಼ನಬಿ ತೆ ಕ್ಹಾರಾ ವಿಷಯಮಾ ಬಲಿಯೊ ದಿವಾನು ಜರುರತ ನತ್ತಿ. 
\v 19 ಇಮ್ಮ ರ‍್ಹಯಾಮಾ ಭಾಯೊ, ಯೆಸು ತಿನಾ ರಗತಕ್ಹು ತಿನಾ ಅಂಗನಾ ಮುಲಕ ಅಪೊನೆ ನಯಾ ಜ಼ಲಮನಿ ವಾಟ ಖುಲಾ ಕರಿನ ದಿದ್ಯೊಸ. 
\v 20 ತಿನಾ ಮುಲಕ ಘನು ಪರಿಶುದ್ಧ ರ‍್ಹಯಲ ಜ಼ಗಾ ಜಾ಼ವಾನೆ ಅಪೊನೆ ಭರೊಕ್ಹೊ ಮಳೊಸ 
\v 21 ವರಿ ಕ್ಹುದಾನಾ ಘರದಾನ ಪರ ಅದಿಕಾರ ರ‍್ಹಯಲ ಚೊ಼ಕೊ ಯಾಜಕ ಅಪೊನೆ ಛೆ. 
\v 22 ತಿನಾಹುತಿ ಕೆಟ್ಟ ಮನಸಾಕ್ಷಿನೆ ವಳಕಿನ ಶುದ್ಧ ಕರಲಿನ, ಪಾತಳಾ ಪಾನಿಕ್ಹು ಧ್ವೈಲಿದಲ ಅಂಗಕ್ಹು, ಯಕ್ಕಜ಼ ಮನಸಕ್ಹು, ಬರೊಕ್ಹಾಕ್ಹು ಪುರಾ ಚಿತ್ತಕ್ಹು, ಕ್ಹುದಾನಾ ನಜಿಕ ಐಯೆ. 
\v 23 ಅಪೆ ಅಪನಿ ಆಸಕ್ಹು ಕರಿಲಿದಲ ಮಾಂಗಿಲಿದಲನಾ ಹುತಿ ಚಂಚಲ ಥಯಾವಾಚಿ ಘಟ್ಟ್ಟ ಮನಸಕ್ಹು ಭಾಂದಿನ ಧರಲಿಯೆ, ಕಾಕದ್ಯಾಮ ವಾಗ್ದಾನ ಕರಲವಾಲೊ ಬರೊಕ್ಹೊವಾಲೊ ವ್ಹೈ. 
\v 24 ಅಪೆ ಯಕ್ನಾ ಯಕ್ಕ ಚಿಂತಾ ಕರಾಲಾ ಥೌ ಮಯಾ ಕರತಾ ರ‍್ಹೌ ಕೈನ ಚೊ಼ಕಾ ಕಾಮೊ ಕರು ಕೈನ ಯಕ್ನಾ ಯಕ್ಕ ಅಗು ಬಡಾವಾನು ಕೊಶಿಶ ಕರಿಯೆ. 
\v 25 ಸಬೆ ಮಳಾನಿ ರುಡಾನೆ ದಕ್ಹಾಜ಼಼ನಾ ಛೊ಼ಡಿಪಡಲ ಲಿಂಗತ ಅಪೆಬಿ ಛೊಡ್ಯಾವಾಚಿ ತೆ ದಿನ್ನ ನಜಿಕ ಆವಸ ಕೈನ ತುಮೆ ತಿಳದಿಲಿದಲಕ್ಹು ಯಕ್ನಾ ಯಕ್ಕ ವರಿ ಜಾಸ್ತಿ ಅಗು ಬಡಾನು ಕೊಶಿಶ ಕರಿಯೆ. 
\v 26 ಅಪೆ ಕ್ಹರಿನು ಗ್ಯಾನ ವ್ಹಂದಿಲಿದಲ್ಪರಬಿ ಪಾಪ ಕರ‍್ಯಾಮಾ ಪಾಪ ಪರಿಹಾರನಾ ಹುತಿ ಕೈಜ಼ ಬಲಿ ಉಗರಿ ನತ್ತಿ. 
\v 27 ತಿನಾ ಬದಲ ಘನ್ನು ಭುಚ಼ಕಾನು ರ‍್ಹಯಲ ನ್ಯಾಯನಾ ಫೈಸಲಾನಿ ಆಸ ವರಿ ಕ್ಹುದಾನಾ ವಿರೊದಿಯೊನೆ ಬಾಳಾನಿ ಘನಿ ಶಿಟ್ಟನಿ ಆಗ ರ‍್ಹವಸ. 
\v 28 ಮೊಶೆ ಧರಮಶಾಸ್ತ್ರನೆ ತಿರಸ್ಕಾರ ಕರಲವಾಲಾವೊನೆ ಬೆ ನೈತೊ ತನ್ನ ಸಾಕ್ಷಿಯೊನಾ ಉಪ್ಪರ ಮರಾಗಾ ನೈಸೊ ಮರಣನಿ ಶಿಕ್ಷಾನೆ ಥಾತುತು ತೆಕ್ಲುಜ಼. 
\v 29 ತಿಮ್ಮ ರ‍್ಹತಾಮಾ, ಕ್ಹುದಾನಾ ದಿಕ್ರಾನೆ ಕ್ಹುಂದಿನ, ತಿನಾಕ್ಹು ತೆ ಶುದ್ಧ ಕರಲಿನ ಒಂಡಬಡಿಕೆನಾ ರಗತನೆ ಅಶುದ್ಧ ವ್ಹೈ ಕೈನ, ಕ್ಹುದಾನಿ ಮರಗಾ ರ‍್ಹಯಲ ವರಾನೆ ಆತ್ಮಾನೆ ಠುಕ್ರಾವಸ ಸು, ಹಜು಼ನ ಕೆವಾ ಖತರನಾಕ ಶಿಕ್ಷಾನೆ ಗುರಿ ಥಾವಸ ಕೈನ ತ್ಯುಮೆಜ ವಿಚಾರ ಕರಿನ ದೆಕೊ? 
\v 30 ಮುಯ್ಯಿನೆ ಮುಯ್ಯಿ ಫೆಡಾನು ಮಾರು ಕಾಮ ವ್ಹೈ, ಮಿಜ಼ ಪ್ರತಿಫಲ ದಿವಾಲೊ ವ್ಹೈ ಕೈನ ಕದಲವಾಲಾನೆ ವಳಕೆಸ. ತೆನೈಸೊ ಕರ್ತಾ ತಿನಾ ಮನಕ್ಹೊನೆ ಫೈಸಲೊ ಕರಸ ಕೈನ ಕದ್ಯೊಸ. 
\v 31 ಜುತೊ ರ‍್ಹಯಲ ಕ್ಹುದಾನಾ ಹತ್ತಮಾ ಕ್ಹಾಪಡಾನು ಕೆಕ್ಲುಕಿ ಖತರನಾಕ ವ್ಹೈ. 
\v 32 ತಿಮ್ಮ ರ‍್ಹತಾಮಾ ತುಮೆ ಗ್ಯಾನನು ಉಜಾಲು ವ್ಹಂದಿಲಿದಲ ಪರ ಕಷ್ಟನಾ ಅನುಭವ ಕವಾನಿ ಘನ್ನಿ ಹೊರಾಟ ತಡದಿಲಿನ ಪಾಚ಼ಲ್ಯಾ ದಿನ್ನೊ ಶೆ ಕರಿಲಿವೊ. 
\v 33 ದಕ್ಹಾದಿನ ತುಮೆ ಮನಕ್ಹೊನಾ ಹತೆ ಕದ್ರಾವಾನು ತ್ರಾಸ ಅನುಭವಸೊ ಕದ್ರೈಲಿವಾನೆ ಗುರಿ ಥಾವೊನಕೊ. ದಕ್ಹಾದಿನ ತ್ಯೌ ಕ್ಹಾರು ಅನುಭವಿಸಲೊನಾ ಕ್ಹಾತೆ ಮಳಿನ ರ‍್ಹೈನ ತ್ಯೌ ಕ್ಹಾರು ವಾಟಿ ಲಿವಾಲಾ ಥಾವೊ ನಕೊ. 
\v 34 ತುಮೆ ಜೆಲಮಾ ರ‍್ಹಯಲವಾಲಾವೊನೆ ಮರಗಾ ದೆಕಾಡೊ ತುಮಾರಾ ಹುತಿ ಚೊ಼ಕು ಘಟ್ಟ ರ‍್ಹಯಲ ರ‍್ಹವಾನಿ ಆಸ್ತಿ ಛೆ ಕೈನ ಚೊ಼ಕಿತರಾ ತಿಳ್ದಿನ ತುಮಾರಿ ಆಸ್ತಿ ಉದಾಳಿವಾಲಾವೊನೆ ಕ್ಹುಶಿಕ್ಹು ಛೊಡಿನ ದಿದ್ಯಾಸ. 
\v 35 ತಿನಾಹುತಿ ತುಮಾರಿ ಧೈರ್ಯ ಛೊಡಿಪಾಡೊನಕೊ. ತಿನೆ ಮ್ಹೊಟಿ ಪ್ರತಿಫಲ ಛೆ. 
\v 36 ತುಮೆ ಕ್ಹುದಾನಿ ಚಿತ್ತ ಪುರಾ ಕರಲಪರ ವಾಗ್ದಾನ ವ್ಹಂದಿಲ್ಯು ಕದ್ಯಾಮ ತುಮೊನೆ ತಾಳ್ಮೆನಿ ಜ಼ರುರತ ಛೆ. 
\v 37 ಆವಾಲೊ ಬಿಜಾ಼ ದಕ್ಹಾ ಟೈಮಮಾ ಆವಸ ತಡಾ ಕರತೊ ನೈ. 
\v 38 ವರಿಬಿ ಮಾರು ರ‍್ಹಯಲವಾಲೊ ನಿತಿಕ್ಹು ವರಿ ಬರೊಕ್ಹಾಕ್ಹು ಜಿವ್ನಾ ಕರಸ, ತೆ ತಿಕ್ಹು ಪಾಚೊ಼ ಸರಕ್ಯೊಮ ತಿಮಾ ಮಾರಿ ಮೆಚಿಕೆ ರ‍್ಹತಿ ನೈ. 
\v 39 ಅಪೆತೊ ಪಾಚಾ಼ ಸರಕ್ಯಾಚಿ ರ‍್ಹೈನ ಹಾಳ ಥಾತಾ ನೈ ಬರೊಕ್ಹೊ ಕರಾಲಾ ಥೈನ ಆತ್ಮಾ ರಕ್ಷಣೆ ವ್ಹಂದಾಲಾ ಥಯಾಸ.
\c 11
\s ಬರೊಕ್ಹಾನಿ ಮಹಿಮಾ
\p
\v 1 ವಿಸ್ವಾಸ ಕದ್ಯಾಮ ಅಪೆ ಆಸ ಕರಲ ಕಾಮೊ ಬರೊಕ್ಹಾಕ್ಹು ರ‍್ಹಯಲ ಅಪ್ನಾ ಡೊಳೆ ನೈ ದಿಕ್ಹಲಜ಼ ಕ್ಹರಿ ವ್ಹೈ ಕೈನ ಕಳೈಲಿವಾನು ವ್ಹೈ. 
\v 2 ಘನ್ನಾ ದಿನ್ನಾ ಪಾಚಾ಼ ಜಿವ್ತಾ ರ‍್ಹಯಲ ಮನಕ್ಹೊಮಾ ಇನಾ ಲಿಂಗತ ಬರೊಕ್ಹೊ ರ‍್ಹಯಲ ಹುತಿ ತ್ಯುನೆ ಕ್ಹುದಾನಾ ಹುತಿ ಖುಶಿ ವ್ಹತ್ತಾ. 
\v 3 ಕ್ಹುದಾ ಕ್ಹಾಲಿ ತಿನಿಯೊ ವಾತಕ್ಹು ದುನಿಯಾ ತಯ್ಯಾರ ಕರ‍್ಯೊಸ ಕೈನ ತಿಳದಿಲಿವಾನೆ ಬರೊಕ್ಹೊಜ಼ ಅಪ್ನೊನೆ ಆಸರೊ ಕರಸ. ಕಿಮ್ಮ ಕದ್ಯಾಮ ಅಪ್ನಾ ಡೊಳೆ ದಿಕ್ಹಾನಾ ಸಾಮನಕ್ಹು ದುನಿಯಾ ತಯ್ಯಾರ ಥೈ ನೈ. 
\v 4 ಕಾಯಿನ ವರಿ ಹೆಬಲಬಿ ಕ್ಹುದಾನೆ ಬಲಿ ಚ಼ಡಾಯಾ. ತೆನೈಸೊ ಹೆಬಲಮಾ ಬರೊಕ್ಹೊ ರ‍್ಹಯಲ ಹುತಿ ತೆ ಕ್ಹುದಾನೆ ಚೊ಼ಕು ರ‍್ಹಯಲಜ಼ ಬಲಿ ಚ಼ಡಾಯೊ ತೆ ಚ಼ಡಾಯಲ ಸಾಮನಕ್ಹು ಮನೆ ಖುಶಿ ಥಯು ಕೈನ ಕ್ಹುದಾಜ಼ ಕದ್ಯೊ. ತಿಮಾ ಬರೊಕ್ಹೊ ರ‍್ಹಯಲ ಹುತಿ ಕ್ಹುದಾ ತಿನೆ ಚೊ಼ಕೊ ವ್ಹೈ ಕೈನ ಕದ್ಯೊ. ಹೆಬಲ ಮರಿಗಯೊ, ತಿಮ್ಮ ರ‍್ಹಯುತಬಿ ತಿಮಾ ಬರೊಕ್ಹೊ ರ‍್ಹಯಲ ಹುತಿ ಮನಕ್ಹೊ ತಿನಾಹುತಿ ಬೊಲಾಡಾಸ. 
\v 5 ಹನೊಕ ಮರಣ ಅನಭುಶಾವಾಚಿ ಎ ದುನಿಯಾಮಾತೊ ಉಪ್ಪರ ರ‍್ಹಯಲ ದುನಿಯಾಮಾ ಗಯೊ. ಪವಿತ್ರ ಗ್ರಂಥ ಕದಲ ತಿಮ್ಮ ತೆ ಜಾ಼ವಾತಿ ಅಗ್ದುರ ಕ್ಹುದಾನೆ ಕ್ಹರಿಮಾಜ಼ ಪಸಂದ ಆಯೊ. ತೆಳಾಮಾತೊಜ಼ ಮನಕ್ಹೊನೆ ದಿಕ್ಹ್ಯೊ ನೈ. ತಿಮಾ ರ‍್ಹಯಲ ಬರೊಕ್ಹಾಕ್ಹುಜ಼ ಕ್ಹುದಾ ತಿನೆ ತಿನಾ ಕ್ಹಾತೆ ರ‍್ಹವಾನಾ ಹುತಿ ಲಿನ ಗಯೊ. 
\v 6 ಬರೊಕ್ಹೊ ನೈಸೊ ಕ್ಹುದಾನೆ ಮೆಚಸಾನೆ ಥಾತು ನೈ. ಕ್ಹುದಾಕನ ಆವಾಲಾ ಕುನಬಿ ರ‍್ಹೈನೆಕಾ, ಕ್ಹುದಾ ಛೆ ಕೈನ ಮನಸೆ ಹುಡಕಾಲಾ ಮನಕ್ಹೊನೆ ತೆ ಪ್ರತಿ ಫಲ ದಿವಸ ಕವಾನು ಬರೊಕ್ಹೊ ಕರು. 
\v 7 ಹಜು಼ನ ಡೊಳೆ ನೈ ದಿಕ್ಹಾನಿಯೊ ಸಂಗತಿಯೊನಾ ಹುತಿ ಕ್ಹುದಾನೆ ನೊಹಾ ಹುಷಾರಕಿ ಕರ‍್ಯೊ. ನೊಹಾ ಕ್ಹುದಾಪರ ಬರೊಕ್ಹೊ ಮ್ಹೆಲ್ಯೊತೊ ವರಿ ತೆ ತಿನಿ ಭಯ ಭಕ್ತಿಮಾ ವ್ಹತ್ತೊ. ತಿನಾಹುತಿ ತೆ ತಿನಾ ಕುಟುಂಬನಾ ರಕ್ಷಣೆನಾಹುತಿ ಮ್ಹೊಟೊ ಹಡಗೊ ಭಾಂದಿನ, ಎ ದುನಿಯಾ ಕರಲ ತಪ್ಪ ದೆಕಾಡಿನ ದಿದ್ಯೊ. ಇಮ್ಮ ಬರೊಕ್ಹೊನಾ ಮುಲಕ ನಿತಿವಂತ ರ‍್ಹಯಲ ಮನಕ್ಹೊಮಾ ತೆಬಿ ಯಕ್ಲೊ ವ್ಹತ್ತೊ. 
\v 8 ಕ್ಹುದಾ ತೆ ದಿವ್ಸ ಕೈನ ಕದಲ ವಾಗ್ದಾನ ಕರಲ ಜ಼ಗಾಕನ ಜಾ಼ವಾನಾ ಹುತಿ ಅಬ್ರಹಾಮನೆ ಬಲಾಯೊ. ತೆ ಜ಼ಗಾ ಅಬ್ರಹಾಮನೆ ಕಿಜ್ಗಾ಼ ಛೆ ಕವಾನು ಗ್ವತ್ತ ನ್ಹೊತು. ಅಬ್ರಹಾಮಮಾ ಬರೊಕ್ಹೊ ರ‍್ಹಯಲಹುತಿ, ಕ್ಹುದಾನೆ ವಿಧೆಯ ಥೈನ ತೆ ಜ಼ಗಾಪರ ಜಾ಼ವಾನೆ ತಯ್ಯಾರ ಥಯೊ. 
\v 9 ಕ್ಹುದಾ ದ್ಯುಸ ಕೈನ ವಾತ ದಿದಲ ದೆಶಮಾ ರ‍್ಹವಾಲೊ ಥಯಲ ಬರೊಕ್ಹಾಕ್ಹುಜ಼ ವ್ಹೈ. ತೆಜ಼ ವಾಗ್ದಾನನೆ ಭಾದ್ಯ ಥಯಲ ಇಸಾಕ ಯಾಕೊಬಬಿ ತಿನಾಲಿಂಗತಜ಼ ದೆಶಮಾ ಜಿವನಾ ಕರ‍್ಯಾ. 
\v 10 ಕಾಕದ್ಯಾಮ ತೆ ಶಾಶ್ವತ ಥಯಲ ಅಸ್ತಿವಾರೊ ರ‍್ಹಯಲ ಗಾಮನೆ ಕದ್ಯಾಮ ಕ್ಹುದಾ ಕರಲ ಗಾಮನೆ ಕ್ಹಾಮೊ ದೆಕ್ತೊತೊ. 
\v 11 ತೆನೈಸೊ ಸಾರಳ ವಾಗ್ದಾನ ಕರಲವಾಲಾನೆ ನಂಬಿನ ತೆ ಪ್ರಾಯ ಖರಲವಾಲಿ ಥೈತಬಿ ಬರೊಕ್ಹಾಕ್ಹು ಪೆಟೆ ರ‍್ಹವಾನೆ ತಾಕತ ವ್ಹಂದಿ. 
\v 12 ಅಬ್ರಹಾಮ ಮರವಾನಿ ಯಕ್ಕಲಿ ವೈಸ ಥಯಲವಾಲೊ ರ‍್ಹಯೊತಬಿ ಹಬಾಳಮಾನಿಯೊ ಚಿಕ್ಕಿಯೊ ಲಿಂಗತ ಸಮುಂದರನಿ ದಂಡಿಪರ ರ‍್ಹಯಲ ಉಸುಕ ಲಿಂಗತ ಮೊಜಾ಼ನೆ ಥಾಯೆನೈಸೊ ಯಕ್ಲಾ ಬಚ್ಚಾ಼ ಹುಟ್ಯಾ. 
\v 13 ಎ ಕ್ಹಾರಾ ಮ್ಹೊಟಾ ದಾಣಗಾ ಮರೆಲಕ್ಕಾಬಿ ಬರೊಕ್ಹಾಮಾ ವ್ಹತ್ತಾ. ಕ್ಹುದಾ ತಿನಾ ಮನಕ್ಹೊನೆ ದಿದಲ ವಾತ ತೆ ಮನಕ್ಹೊ ಪಡ್ದಿಲಿದ್ಯಾ ನೈ. ಅಗಾ ಘನ್ನಾ ದಿನೊ ಥಯಲ್ಪರ ತೆ ಥಾವಾನು ದೆಕಿನ ತ್ಯುನೆ ಘನ್ನಾ ಖುಶಿ ಥಯಾ. ತ್ಯುನೆ ಎ ದುನಿಯಾಮಾ ಮಹಿಮಾನ ಥೈನ ರ‍್ಹೈನ ವರಿ ವಳಕ ನೈಸೊವಾಲಾ ವ್ಹೈ ಕೈನ ಒಪ್ಪಿಲಿದ್ಯಾ. 
\v 14 ತ್ಯುನೆ ಇಮ್ಮ ಒಪ್ಪಲಿದಲ ಹುತಿ ಸ್ವಂತ ದೆಶೆ ಜಾ಼ವಾನಾ ಹುತಿ ಕೈದಾಲಾ ವ್ಹೈ ಕೈನ ದೆಕಾಡಿನ ದಿದ್ಯಾ. 
\v 15 ತೆ ಮನಕ್ಹೊ ತ್ಯುನೆ ಛೊಡಿನ ಆಯಲ ದೆಶಪರ ಮನಸ ಮ್ಹೆಲಲ ರ‍್ಹವತ್ತೊ, ತ್ಯುನೆ ತ್ಯಾ ಫರಿನ ಜಾ಼ತಾತಾ. 
\v 16 ತೆನೈಸೊ ಚೊ಼ಕು ರ‍್ಹಯಲ ಸ್ವರ್ಗನಾ ಹುತಿ ಕೈದಾಡಾತಾ. ತಿನಾಹುತಿ ಕ್ಹುದಾ ತಿನೆ ತ್ಯುನೊ ಕ್ಹುದಾ ವ್ಹೈ ಕೈನ ಸರಮ್ಯಾವಾಚಿ ತ್ಯುನಾ ಹುತಿ ಯಕ್ಕ ಗಾಮ ತಯ್ಯಾರ ಕರ‍್ಯೊ. 
\v 17 ಕ್ಹುದಾ ಅಬ್ರಹಾಮನಾ ಬರೊಕ್ಹಾನೆ ಪರಿಕ್ಷಾ ಕರ‍್ಯೊ. ಇಸಾಕನೆ ಬಲಿನಾ ಬಕ್ರಾ ಲಿಂಗತ ಬಲಿ ದೆ ಕೈನ ಕ್ಹುದಾ ತಿನೆ ಕದ್ಯೊ. ಅಬ್ರಹಾಮಾ ಬರೊಕ್ಹೊ ರ‍್ಹಯಲ ಹುತಿ ವಿಧೆಯ ಥಯೊ. 
\v 18 ಕ್ಹುದಾ ತಿನೆ, ತಾರಿ ಸಂತತಿವಾಲಾ ಇಸಾಕನಾ ಮುಲಕ ಆವಸ” ಕೈನ ಪೈಲಾಜ಼ ದಿದಲ ವಾತ, ವರಿಬಿ ತಿನಾ ಯಕ್ಕಜ಼ ಯಕ್ಕ ದಿಕ್ರಾನೆ ಬಲಿ ದಿವಾನೆ ತಯ್ಯಾರ ಥಯೊತೊ. 
\v 19 ಕ್ಹುದಾ ಮರಲವಾಲಾವೊನೆ ಜಿವ್ತಾ ಕರಸ ಕೈನ ತೆ ಬರೊಕ್ಹೊ ಕರ‍್ಯೊತೊ. ಇಸಾಕನೆ ಬಲಿದೆತಾಮಾ ಕ್ಹುದಾ ತಿನೆ ತರಬತಾಮಾ, ತಿನೆ ಕ್ಹರಿಮಾಜ಼ ಇಸಾಕನೆ ಮರಣಮಾತೊ ವಾಚ಼ಲ ಲಿಂಗತ ಥಯು. 
\v 20 ಇಸಾಕ ಯಾಕೊಬನೆ ವರಿ ಎಸಾವನಿ ಭವಿಷ್ಯನೆ ಆಶಿರ್ವಾದ ದಿದ್ಯೊ. ತೆ ಗಡಿಯಾವೊನಿ ಲಾಕಡಿಲಿನ ಡ್ವಗ್ಗಿನ ಕ್ಹುದಾನೆ ಆರಾಧನಾ ಕರ‍್ಯೊ. ಇನಾಹುತಿಜ಼ ತಿಮಾ ಬರೊಕ್ಹೊ ವ್ಹತ್ತೊ. 
\v 21 ಯಾಕೊಬ ತೆ ಮೌತ ವ್ಹಂದಾನಾ ಟೈಮಮಾ ಬರೊಕ್ಹಾಕ್ಹುಜ಼ ಯೊಸೆಫನಾ ಬೆ ದಿಕ್ರಾವೊನೆ ಆರ್ಶಿವಾದ ಕರ‍್ಯೊ. ತಿನಾ ಲಾಕಡಿನಾ ಉಪ್ಪರ ಔಳಿಲಿನ ಕ್ಹುದಾನೆ ಆರಾದನಾ ಕರ‍್ಯೊ. 
\v 22 ಯೊಸೆಫ ತಿನಾ ಮರಾನಾ ಟೈಮಾ ಇಸ್ರಾಯೆಲೊ ಐಗುಪ್ತ ದೆಶತಾ ಜಾ಼ವಾನಾ ಹುತಿ ಬರೊಕ್ಹಾಕ್ಹುಜ಼ ಬೊಲಿನ ತಿನಾ ಹಡಕಾವೊನೆ ಲಿನ ಜಾ಼ವಾನಿ ವಿಷಯಮಾ ಅಪ್ಪಣೆ ದಿದ್ಯೊ. 
\v 23 ಮೊಶೆ ಹುಟ್ಟಲ್ಪರ ತಿನಾ ಮಾ ಬಾಪ ಬಚ್ಚು಼ ಚೊ಼ಕೊ ಛೆ ಕೈನ ದೆಕಿನ ರಾಜಾ಼ನಾ ಅಪ್ಪಣೆನೆ ಬುಚ್ಕೆ ನೈಸೊ ಬರೊಕ್ಹಾಕ್ಹುಜ ತಿನೆ ತನ್ನ ಮ್ಹೈನಾ ಝಾಕಿನ ಮ್ಹೆಲ್ಯಾ. 
\v 24 ಮೊಶೆ ಬೆಳ್ದಿನ ಮ್ಹೊಟೊ ಥಯೊ. ತೆ ಫರೊಹನನಿ ದಿಕ್ರಿನೊ ದಿಕ್ರೊ ವ್ಹೈ ಕವಾನು ಒಪ್ಪಿಲಿದ್ಯೊ ನೈ. 
\v 25 ತೆ ಪಾಪೊಕ್ಹು ಮಳಾನು ಸುಖನೆ ಇನಿಲಿದ್ಯೊ ನೈ. ತೆ ಸುಖಾ ಭೆಗಿನಜ಼ ಮುಗ್ದಿಜಾ಼ವಸ. ತಿನಾಹುತಿ ತೆ ಕ್ಹುದಾನಾ ಮನಕ್ಹೊನಾ ಕ್ಹಾತೆ ತ್ರಾಸ ಖಾವಾನುಜ಼ ಇನಿಲಿದ್ಯೊ. ತಿಮಾ ರ‍್ಹಯಲ ಬರೊಕ್ಹೊಜ಼ ಇನೊ ಕಾರಣ ವ್ಹೈ. 
\v 26 ಇಜಿಪ್ತನಿ ಪುರಾ ಆಸ್ತಿ ಪಡ್ದಿಲಿವಾತಿ ಕ್ರಿಸ್ತನಾ ಹುತಿ ತ್ರಾಸ ಅನುಭವಿಸಾನು ಮರಯಾದಿನು ಕಾಮ ವ್ಹೈ ಕೈನ ವಿಚಾರ ಕರ‍್ಯೊ. ಕ್ಹುದಾ ತಿನೆ ದಿವಾನಾ ಪ್ರತಿಫಲನಾ ಹುತಿ ಕೈದಾಡೊತೊ. 
\v 27 ತೆ ಇಜಿಪ್ತ ಬರೊಕ್ಹಾಕ್ಹುಜ಼ ಛೊಡಿನ ಗಯೊತೊ. ಫರೊಹನನಿ ಶಿಟ್ಟಕ್ಹು ತೆ ಭುಚ಼ಕ್ಯೊ ನೈ. ಕಿನೆಜ಼಼ ನೈ ದಿಕ್ಹಾನೊ ಕ್ಹುದಾ ತಿನೆ ದಿಕ್ಹಾಡೊಸ ಕೈನ ತೆ ಖಚಿತ ಕರಲಿದ್ಯೊ. 
\v 28 ಫಸ್ಕ ಸನ್ನ ಕರಿನ, ಬಾಕಲೊಪರ ರಗತ ಲಗಾಡ್ಯೊ. ಯೆಹುದ್ದಿಯೊನಾ ಪೈಲಾರ ಬಚ್ಚಾ಼ವೊನೆ ಮರಣನು ದುತ ಖಲಾಸ ಕರೆನೈಸೊ ರಗತ ಬಾಕಲೊಪರ ಲಗಾಡ್ಯಾ. ತಿಮಾ ರ‍್ಹಯಲ ಬರೊಕ್ಹಾಕ್ಹುಜ಼ ಇಮ್ಮ ಕರ‍್ಯೊ. 
\v 29 ಮೊಶೆಕ್ಹು ಅಗಾ ಗಯಲ ಮನಕ್ಹೊ ಲಾಲ ಸಮುಂದರನಿ ಕುಕ್ಹಿ ಜಿಮಿನಪರ ದಾಟಲ ಲಿಂಗತ ತೆ ಸಮುಂದರ ದಾಟಲ ಬರೊಕ್ಹಾಕ್ಹುಜ಼ ವ್ಹೈ. ತೆನೈಸೊ ಇಜಿಪ್ತ ದೆಶವಾಲಾ ಕೊಶಿಶ ಕರಿನ ಡುಬಿಗಯಾ. 
\v 30 ಕ್ಹುದಾನಾ ಮನಕ್ಹೊನಾ ಬರೊಕ್ಹಾಕ್ಹುಜ಼ ಜೆರಿಕೊ ಗಾಮನಿ ಗೊಡಿಯೊನಾ ಸುತ್ತೆ ಕ್ಹಾತ ದಿನ್ನ ಸುತ್ತತಾಮಾ ತೆ ಗೊಡಿಯೊ ಪಡಿಯೊ. 
\v 31 ರಹಾಬಳ ಕವಾಲಿ ಯಕ್ಕ ವ್ಯಭಿಚಾರ ಕರಾಲಿ ಇಸ್ರಾಯೆಲನಾ ಗುಡಾಚಾರಿನೆ ಬಲೈನ, ತ್ಯುನೊನೆ ದೊಸ್ತೊ ಲಿಂಗತ ದೆಕಿಲಿದಿ. ಬರೊಕ್ಹೊ ನೈಸೊ ಮನಕ್ಹೊನೆ ಖಲಾಸ ಕರಲ ಟೈಮಮಾ ತಿನೆ ಖಲಾಸ ನೈ ಕರಲ ತಿಮಾ ರ‍್ಹಯಲ ಬರೊಕ್ಹೊಜ಼ ವ್ಹೈ. 
\v 32 ಹಜು಼ನ ಮಿ ಸು ಕೌ? ಗಿದ್ಯೊನ, ಬಾರಾಕ, ಸಂಸೊನ, ಯೆಪ್ತಾಹ, ದಾವಿದ, ಸಮುವೆಲ ವರಿ ಪ್ರವಾದಿಯೊನಾ ವಿಷನಾ ಹುತಿ ಕವಾನೆ ಮನೆ ಟೈಮ ನೈ ಬಸ್ಸ ಥಾತು. 
\v 33 ತೆ ಕ್ಹಾರಾ ಮನಕ್ಹೊ ಘನ್ನಾ ಬರೊಕ್ಹಾವಾಲಾ ವ್ಹತ್ತಾ. ತೆ ಬರೊಕ್ಹಾಕ್ಹುಜ಼ ತೆ ರಾಜ್ಯನೆ ಹರಾಡ್ಯಾ. ತ್ಯುನೆ ಚೊ಼ಕಾ ರ‍್ಹಯಲಜ಼ ಕಾಮೊ ಕರ‍್ಯಾ ವರಿ ಕ್ಹುದಾ ಕರಲ ವಾಗ್ದಾನ ಪಡ್ದಿಲಿದ್ಯಾ. 
\v 34 ತ್ಯುನೊಮಾ ದಕ್ಹಾಜ಼಼ನಾ ಬರೊಕ್ಹಾಕ್ಹುಜ಼ ಸಿಂಯ್ಯಾನಾ ಮ್ಹೊಡಾ ಝಾಕ್ಯಾ; ದಕ್ಹಾಜ಼಼ನಾ ಆಗನಿ ತಾಕತ ತೊಡಿ ಪಡ್ಯಾ; ಹಜು಼ನ ದಕ್ಹಾಜ಼಼ನಾ ತಲ್ವಾರೊನಾ ಮ್ಹೊಡಾಮಾತಾ ವಾಚಿನ ಆಯಾ; ತಾಕತ ನೈ ರ‍್ಹಯಲವಾಲಾ ತ್ಯುನಾ ಬರೊಕ್ಹುಕ್ಹು ಘಟ್ಟಥಯಾ; ಯುದ್ದಮಾ ತಾಕತವರ ಥೈನ ದುಶ್ಮನೊನೆ ಹರಾಯಾ. 
\v 35 ಬಾಕ್ಡಿಯೊ ಮರಿಗಯಲವಾಲಾ ತ್ಯುನಾ ಮನಕ್ಹೊನೆ ಪುನರುತ್ಥನಕ್ಹು ವರಿ ವಚಾ಼ಡಿಲಿದ್ಯಾ. ಬಿಜಾ಼ ದಕ್ಹಾಜ಼಼ನಾ ತ್ರಾಸ ಖಾತಾಮಾಬಿ ಪುನರುತ್ಥಾನ ಥಯಲ್ಪರ ಚೊ಼ಕಿ ರ‍್ಹಯಲ ಜಿವಿತನಾ ಹುತಿ ಬಿಡುಗಡೆ ಥಾವಾನೆ ಒಪ್ಪಿಲಿದ್ಯಾ ನೈ. 
\v 36 ಬಿಜಾ಼ ದಕ್ಹಾಜ಼಼ನಾ ಬಿಜಾ಼ ಮನಕ್ಹೊನಾ ಹತೆ ಅಸೈ ಕರಿಲಿದ್ಯಾ, ಮಾರ ಖಾದ್ಯಾ, ಜೆಲ್ಮಾ ವ್ಹತ್ತಾ. 
\v 37 ದಕ್ಹಾ ಮನಕ್ಹೊನೆ ದಗ್ಡಾ ಮಾರಿನ ಖಲಾಸ ಕರ‍್ಯಾ. ದಕ್ಹಾ ಜ಼ನಾವೊನೆ ಖರಗಸ ಲಿನ ಕಾಟಿನ ಬೆ ತುಕ್ಡಾ ಕರ‍್ಯಾ. ದಕ್ಹಾ ಜ಼ನಾವೊನೆ ತಲ್ವಾರಕ್ಹು ಖಲಾಸ ಕರ‍್ಯಾ. ಇವ್ನೊಮಾ ದಕ್ಹಾಜ಼಼ನಾ ಬಕ್ರಾವೊನು ವರಿ ಬಕ್ರಾವೊನಾ ಬಚ್ಚಾ಼ವೊನಾ ಚಾ಼ಮ್ಡಾನಾ ವಣ್ಣಾ ಘಾಲ್ಲಿಲಿದ್ಯಾತಾ. ದಕ್ಹಾಜ಼಼ನಾ ಗರಿಬೊ ವ್ಹತ್ತಾ; ತ್ರಾಸಮಾ ರ‍್ಹಯಾತಬಿ ವರಿ ಮನಕ್ಹೊ ಕರಾನಾ ತ್ರಾಸಮಾ ಪಡ್ಯಾ. 
\v 38 ಇವ್ನೊನೆ ಆ ದುನಿಯಾ ಚೊ಼ಕಿ ನ್ಹೊತಿ ಇವ್ನೆ ಉಸುಕನಿ ಜ಼ಗಾ ವರಿ ಡೊಂಗ್ರೊಪರ ಜಿವ್ನಾ ಕರತಾ ಗುಹೆಮಾ ಜಿವ್ನಾ ಕರತಾತಾ. 
\v 39 ಇವ್ನೆ ಕ್ಹಾರಾ ತ್ಯುನಾ ಬರೊಕ್ಹಾಮಾ ಚೊ಼ಕು ನಾಮ ಕಮೈಲಿದ್ಯಾ, ತೆನೈಸೊ ತ್ಯುನೊಮಾನು ಕುನ್ನಜ಼ ವಾಗ್ದಾನನು ಫಲ ವ್ಹಂದಿಲಿದ್ಯು ನೈ. 
\v 40 ಕ್ಹುದಾ ಅಪೊನೆ ಚೊ಼ಕು ರ‍್ಹಯಲಜ಼ ದಿವಾನೆ ವಿಚಾರ ಕರ‍್ಯೊ. ಅಪ್ನಾ ಕ್ಹಾತೆ ತ್ಯುನೆ ಪುರಾ ಥಾವಾದೆ ಕೈನ ತೆ ವಿಚಾರ ವ್ಹೈ.
\c 12
\s ಕ್ಹುದಾಜ಼ ಅಪ್ನೊ ಬಾ ವ್ಹೈ
\p
\v 1 ತಿನಾಹುತಿ ಅಪ್ನಾ ಸುತ್ತೆಬಿ ಬರೊಕ್ಹಾಮಾ ರ‍್ಹಯಲ ಘನ್ನಾ ಮನಕ್ಹೊ ಛೆ. ಬರೊಕ್ಹೊ ಸು ವ್ಹೈ ಕವಾನು ತಿನಿ ಜಿವಿತನಿ ಸಾಕ್ಷಿಜ಼ ಕವಸ. ತಿನಾಹುತಿ ಅಪೆ ತ್ಯುನಾ ಲಿಂಗತಜ಼ ರ‍್ಹೌ. ಅಪ್ನಾ ಕ್ಹಾಮಿ ರ‍್ಹಯಲ ಗುರಿ ಮುಟ್ಟಾನೆ ನ್ಹಾಟು ವರಿ ಅಪ್ನಿ ಕೊಶಿಶ ಹುಬ್ರಾಡು ನೈ. ಅಪೊನೆ ತರಬಾನಾ ಕ್ಹಾರಿಯೊ ಸಂಗತಿಯೊ ಅಪ್ನಾ ಜಿವಿತಮಾತು ಕಾಡಿಪಾಡು. ಅಪೊನೆ ಆಸಾನಕ್ಹು ಧರ್ಲಿವಾನಾ ಪಾಪಕ್ಹು ಛೊ಼ಡೈಲ್ಯು. 
\v 2 ಅಪೆ ಹಮೆಶಾಬಿ ಯೆಸುನೆಜ಼ ಮಾದರಿ ಕರಿನ ಮ್ಹೆಲ್ಲಿದಲ ರ‍್ಹೌ. ಅಪೊನೆ ಬರೊಕ್ಹೊ ದಿವಾಲೊ ಪುರಾ ಕರಾಲೊ ತೆಜ಼ ವ್ಹೈ. ತೆ ತಿನಾ ಕ್ಹಾಮಾ ಮ್ಹೆಲಲ ಖುಶಿಕ್ಹು ಮರ್ಯಾದಿ ಅಲಕ್ಶ ಕರಿನ ಶಿಲುಬೆನು ಮರಣ ತಡ್ದಿಲಿದ್ಯೊ. ಹಮ್ನಾ ತೆ ಕ್ಹುದಾನಾ ಸಿಂಹಾಸನನಾ ಶಿದಾ ಹತ ಬಗಲ ಬೈಟ್ಯೊಸ. 
\v 3 ಯೆಸುನಾ ಹುತಿ ತುಮೆ ವಿಚಾರ ಕರೊ. ಪಾಪಮಾಜ಼ ರ‍್ಹಯಲ ಮನಕ್ಹೊ ತಿನಾ ವಿರುದ್ದ ಕೆಟ್ಟ ಕರ‍್ತಾಮಾ ತೆ ದಡ್ದಿಲಿನ ವ್ಹತ್ತೊ. ತಿನಾಲಿಂಗತಜ಼ ತುಮೆಬಿ ತಡ್ದಿಲಿನ ರ‍್ಹೌ ವರಿ ಧೈರ್ಯ ಛೊಡು ನೈ. 
\v 4 ತುಮೆ ಪಾಪನಾ ವಿರುದ್ದ ಹೊರಾಡತಾ ರ‍್ಹಯಾತಬಿ ತುಮೆ ಕರ‍್ತಾ ರ‍್ಹಯಲ ಹೊರಾಟ ತುಮೊನೆ ಮರಣನಾ ನಜಿಕ ಹಜು಼ನ ನತ್ತಿ ಲಾಯಾ. 
\v 5 ತುಮೆ ಕ್ಹುದಾನಾ ಬಚ್ಚಾ಼ ಥಯಾಸ. ತೆ ತುಮೊನೆ ಸಮಾದಾನಿಯೊ ವಾತೊ ಕವಸ. ತುಮೆ ತೆ ವಾತೊ ಇಕ್ಹರ‍್ಯಾಸ; 
\v 6 ಪ್ರಭು ತೆ ಮಯಾ ಕರಾಲಾವೊನೆಜ಼ ಶಿಕ್ಷಾ ದಿವಸ; 
\v 7 ತಿನಾಹುತಿ ಬಾಪ ದಿವಾನಿ ಶಿಕ್ಷಾ ವ್ಹೈ ಕೈನ ತುಮೆ ತಡ್ದಿಲಿವೊ. ಬಾ ಬಚ್ಚಾ಼ವೊನೆ ಶಿಕ್ಷಾದಿದಲ ಲಿಂಗತಜ಼ ಕ್ಹುದಾ ತುಮೊನೆ ಶಿಕ್ಷಾ ದಿವಸ. ಕ್ಹಾರಾ ಬಚ್ಚಾ಼ ಬಾಪಕ್ಹು ಶಿಕ್ಷಾಲಿವಸ. 
\v 8 ತುಮೊನೆ ಕೆಳಾಮಾಜ಼ ಶಿಕ್ಷಾ ನೈ ವ್ಹಂದ್ಯಾಮ ತುಮೆ ತುಮಾರಾ ಬಾಪನಾ ಕ್ಹರಿನಾ ಬಚ್ಚಾ಼ ನ್ಹವೈ. 
\v 9 ಎ ದುನಿಯಾಮಾ ತುಮೊನೆ ಕ್ಹಾರಾವೊನೆ ಶಿಕ್ಷಾ ದಿದಲ ಬಾಪೊನೆ ಅಪೊನೆ ರ‍್ಹಯಾತಬಿ ಅಪೆ ತ್ಯುನೊನೆ ಮರ್ಯಾದಿ ದಿದ್ಯಾ. ತಿನಾಹುತಿ ಅಪ್ನಿಯೊ ಆತ್ಮಾವೊನೆ ಬಾಪ ಥಯಲವಾಲಾನಾ ಹತೆ ಶಿಕ್ಷಾ ವ್ಹಂದಿಲಿವಾನು ಘನ್ನು ಖಾಸ ವ್ಹೈ. ಅಪೆ ಇಮ್ಮ ಕರ‍್ಯಾಮ ಜ಼ಲಮ ವ್ಹಂದಿಲಿಯೆಸ. 
\v 10 ಎ ದುನಿಯಾಮಾ ರ‍್ಹಯಲ ಬಾಪೊ ಅಪೊನೆ ದಕ್ಹಿಯಳ ಶಿಕ್ಷಾ ದಿದ್ಯಾ. ತ್ಯುನೆ ತ್ಯುನೊನೆ ಚೊ಼ಕು ವ್ಹೈ ಕೈನ ಕಳಲ ಲಿಂಗತ ಅಪೊನೆ ಶಿಕ್ಷಾ ದಿದ್ಯಾ. ತೆನೈಸೊ ಕ್ಹುದಾ ಅಪೆ ತಿನಾ ಪರಿಶುದ್ಧತೆಮಾ ಅಪೆ ಮಳು ಕೈನ ಅಪೊನೆ ಮದತ ಕರಾನಾ ಹುತಿ ಅಪೊನೆ ಶಿಕ್ಷಾ ದಿವಸ. 
\v 11 ಕೈಬಿ ಶಿಕ್ಷಾ ರ‍್ಹವಾದೆ ದಕ್ಹಿಯೆಳಜ಼ ಸುಖಾ ದಿನ ಹಮೆಶಾಬಿ ದುಖಜ಼ ದೆತಿಜ಼ ರ‍್ಹವಸ. ತೆನೈಸೊ ತೆ ಥಯಲ್ಪರ ತೆ ಶಿಕ್ಷಾಕ್ಹು ಅಪೆ ಶಿಕ್ಕಿನ ಯೊಗ್ಯ ರ‍್ಹಯಲ ಜಿವನ ಶುರು ಕರಾನಾ ಮುಕಾಂತರ ಅಪೊನೆ ಸಮಾಧಾನ ಮಳಸ. 
\v 12 ತುಮೆ ತಾಕತ ನೈಸೊವಾಲಾ ಥಯಾಸ. ತಿನಾಹುತಿ ತುಮೊಮಾ ತಾಕತ ಭರಲಿವೊ. 
\v 13 ತುಮೆ ಚೊ಼ಕಿ ರ‍್ಹಯಲ ವಾಟಮಾ ಜಿವ್ನಾ ಕರ‍್ತಾ ರ‍್ಹಯಾಮ ರಕ್ಷಣೆ ಮಳಸ ವರಿ ತುಮೊನೆ ಹಾಳ ಕರಾನು ರ‍್ಹಯಲ ತುಮಾರಿ ಕಮ್ಜೊ಼ರಿನೆ ಥಾತು ನೈ.
\s ಕ್ಹುದಾನಿ ಕೃಪಾನೆ ಠುಕ್ರಾವಾನಾ ಹುತಿ ಎಚ್ಚರ
\p
\v 14 ಕ್ಹಾರಾ ಮನಕ್ಹೊನಾ ಕ್ಹಾತೆ ಸಮಾಧಾನಾಕ್ಹು ವರಿ ಪರಿಶುದ್ಧ ಥೈನ ಜಿವನಾ ಕರಾನೆ ಕೊಶಿಶ ಕರೊ. ಕಯಾನು ಜಿವ್ನಾ ಪರಿಶುದ್ಧ ರ‍್ಹತು ನೈ. ಪ್ರಭು ತಿನೆ ಕೆಳಾಮಾಜ಼ ದೆಕ್ತೊ ನೈ. 
\v 15 ತುಮೊಮಾ ಕುನ್ನಜ಼ ಕ್ಹುದಾನಿ ಮರ್ಗಾ ಜ಼ವೈಲ್ಯು ನೈಸೊ ಹುಶಾರಕಿಮಾ ರ‍್ಹವೊ. ತಿನಾಕ್ಹು ತುಮಾರು ಗುಂಪಜ಼ ಹಾಳ ಥಾವಸ. 
\v 16 ಕಯೊಜ಼ ಹಾಳ ಥಾವಾಲೊ, ಎಸಾವ ಲಿಂಗತ ತುಮೊಮಾ ಕಯೊಬಿ ದುನಿಯಾಮಾ ರ‍್ಹಯಲ ತುಮೊಮಾ ರ‍್ಹಯೆ ನೈಸೊ ಹುಶಾರಕಿಮಾ ರ‍್ಹವೊ. ತೆ ಎಸಾವ ಯಕ್ಕಜ಼ ಯಕ್ಕ ಖಾವಾನಾ ಅನ್ನನ ಹುತಿ ತಿನು ಮ್ಹೊಟಾಪನ್ನನು ಹಕ್ಕ ಇಕ್ಕಿಪಾಡ್ಯೊ. 
\v 17 ತುಮೊನೆ ಗ್ವತ್ತ ಲಿಂಗತ ತೆ ಥಯಲ್ಪರ ತಿನಾ ಬಾನೊ ಆಶಿರ್ವಾದ ಪಡ್ದಿಲಿವಾನೆ ಘನ್ನೊ ರ‍್ವಯೊ. ಎಸಾವ ತೆ ಕರಲ ಬದಲಿ ನೈ ಥಯಲ ಹುತಿ ಬಾನೊ ಆಶಿರ್ವಾದ ತಿನೆ ಮಳ್ಯೊ ನೈ. 
\v 18 ತುಮೆ ನೈ ಜ಼ಗಾಪರ ಆಯಾಸ. ತೆ ಜ಼ಗಾ ಇಸ್ರಾಯಲನಾ ಮನಕ್ಹೊ ಆಯಲ ಡೊಂಗರ ಪರಲಿ ಜ಼ಗಾ ನ್ಹವೈ. ಮುಟ್ಟಾನೆ ಥಾವಾನೆ ವರಿ ಆಗ ಲಾಗಲ ಡೊಂಗರ ಪರ ಆಯಾ ನತ್ತಿ. ತುಮೆ ಘನ್ನು ಅಂದಾರು ರ‍್ಹಯಲ ಜ಼ಗಾ ವರಿ ತುಫಾನನಾ ವಾರಾಕನ ನತ್ತಿ ಆಯಾ. 
\v 19 ತುಮೆ ಪೊಂಗಾವೊನಾ ನಜಿಕ ರ‍್ಹವಾದೆ ಅಪೊನೆ ಬೊಲಾನಿ ಅವಾಜ಼ಕನ ಆಯಾ ನತ್ತಿ. ಮನಕ್ಹೊ ಅವಾಜ಼ ಐಕ್ತಾಮಾ, ಬಿಜೆಕ ವಾತ ಹಮೊನೆ ಕೌ ನೈ ಕೈನ ಮಾಂಗಿಲಿದ್ಯಾ. 
\v 20 ತೆ ಡೊಂಗರನೆ ಮುಟ್ಟಾನು ಸುಬಿ ರ‍್ಹೈನೆಕಾ ತೆ ಯಕ್ಕ ಜಾನ್ವರಬಿ ರ‍್ಹೈನೆಕಾ ತಿನೆ ದಗ್ಡಾ ಮಾರಿನ ಖಲಾಸ ಕರಿಪಾಡೊ ಕವಾನಿ ಆಗನ್ಯಾ ಐಕಾನೆ ಮನಸ ಕರ‍್ಯಾ ನೈ. 
\v 21 ತೆ ಮನಕ್ಹೊ ತೆಳಾಮಾ ದೆಕಲ ಘನ್ನು ಖತರನಾಕ ರ‍್ಹಯಲ ಹುತಿ ಮೊಶೆ, ಮಿ ಭುಚ಼ಕಿನ ಕಾಪಾಡೊಸ” ಕದ್ಯೊ. 
\v 22 ತೆನೈಸೊ ತುಮೆ ಚಿಯೊನ್ ಡೊಂಗರನೆ, ಜ಼ಲಮ ರುಪಮಾ ರ‍್ಹಯಲ ಕ್ಹುದಾನು ಗಾಮ ಥಯಲ ಪರಲೊಕನಾ ಯೆರುಸಲೆಮನೆ, ಉತ್ಸವ ಸಂಘಮಾ ಮಳಲ ಕೊಟಿ-ಕೊಟಿ ದೆವದುತೊ ಕನ, 
\v 23 ಸ್ವರ್ಗಮಾ ನಾಮ ಬರ್ದೈ ಲಿದಲ ಚೊಚ್ಚಲ ಬಚ್ಚಾ಼ವೊನಿ ಸಭೆನೆ, ಕ್ಹಾರಾವೊನೆ ನ್ಯಾಯಾದಿಪತಿ ಥಯಲ ಕ್ಹುದಾಕನಬಿ, ರೆಡಿಮ್ಮಾ ಆಯಲ ನಿತಿಂವತ ಆತ್ಮಕನಬಿ, 
\v 24 ನವು ಒಡಬಂಡಿಕೆನೆ ವಚಮ್ಮಾ ಥಯಲ ಯೆಸು ಕನಬಿ, ಹೆಬಲನಾ ರಗತ ತುಬಿ ಚೊ಼ಕು ಬೊಲಾನಾ ಪ್ರೊಕ್ಷಣ ರಗತ ಕನಬಿ ಆಯಾಸ. 
\v 25 ಬೊಲ್ತಾ ರ‍್ಹಯಲವಾಲಾನೆ ತುಮೆ ಬೆಜಾರ ಕರ‍್ಯಾವಾಚಿ ದೆಕಿಲಿವೊ. ಕಾಕದ್ಯಾಮ ಜಿಮಿನಪರ ದೈವೊಕ್ತಿ ಕವಾಲಾವೊನೆ ಬೆಜಾರ ಕರಲವಾಲಾ ಶಿಕ್ಷಾಕ್ಹು ಚು಼ಕೈ ನೈಲೆತಾ ಕದ್ಯಾಮ, ಸ್ವರ್ಗಲೊಕತೊ ಬೊಲಾಲಾನೆ ಛೊಡಿನ ದುರ ಅಪೆ ಗಯಾಮ ಶಿಕ್ಷಾಕ್ಹು ಕಿಮ್ಮ ಚು಼ಕೈಲಿನ ಜಾ಼ಸಕೆಸ? 
\v 26 ತಿನು ಆವಾನು ಆವಾಜ಼ ತೆ ದಿನ್ನೊಮಾ ಜಿಮಿನನೆ ಹಲಾತುತು; ಹಮನಾಬಿ ತೆ ಹಜೆಕ ಸಲಾಬಿ ಮಿ ಜಿಮಿನನೆ ಯಕ್ಕನೈ ಪರಲೊಕನೆಬಿ ಹಲ್ಲಾಡುಸ ಕೈನ ವಾತ ದಿದ್ಯೊಸ. 
\v 27 ಹಜೆಕ ಸಲಾ, ಕವಾನಿ ಎ ವಾತ ವಿಚಾರ ಕರ‍್ಯಾಮ, ಹಲ್ಲಾಡ್ಯಲ ಸಾಮನೊ ಶಿದಾ ಥಾವಾಕ್ಹು ಕಾಡಿನ ನಕಾವಸ ಕೈನ ಘಟ್ಟ ಥಯು. ತೆಳಾಮಾ, ನೈ ಹಲ್ಲಾಯಲ ಸಾಮನೊ ಶಿದಾ ಥೈನ ಹುಬ್ರ್ಯವಸ. 
\v 28 ತಿನಾಹುತಿ ಕುನ್ನಜ಼ ಹಲ್ಲಾಡಲ ನೈ ಥಯಲ ರಾಜ್ಯ ಪಡ್ದಿಲಿವಾಲಾ ಥಯಲ ಅಪೆ ಕೃತಜ್ಞನಾವಾಲಾ ಥೈನ, ತಿನೆ ಪಸದ ಆಯಲ ಆರಾಧನಾನೆ ಭಕ್ತಿಕ್ಹು ವರಿ ಭುಚ಼ಕಕ್ಹು ಕರಿಯೆ; 
\v 29 ಕಾಕದ್ಯಾಮ ಅಪ್ನೊ ಕ್ಹುದಾ ಘನ್ನಿ ಮ್ಹೊಟಿ ಆಗ ಥಯೊಸ.
\c 13
\s ಕ್ಹುದಾನೆ ಕಿಮ ಮೆಚ್ಚಿಸು
\p
\v 1 ಕ್ರಿಸ್ತನಮಾ ಭಾಯೊ ಭೆನೊ ಥಯಲ ತುಮೆ ಯಕ್ಕನೆ ಯಕ್ಕ ಮಯಾ ಕರೊ ವರಿ ಅತಿಧಿ ಸತ್ಕಾರ ಕರೊ. 
\v 2 ಅತಿಥಿ ಸತ್ಕಾರ ಕರಾನು ಇನ್ಕಾರ ಕರೊ ನಕೊ. ಕಾಕದ್ಯಾಮ ತೆ ಕರಾಮಾ ದಕ್ಹಾ ಜ಼ನಾ ಕಳ್ಯಾವಾಚಿ ದೆವದುತೊನೆ ಸತ್ಕಾರ ಕರ‍್ಯಾಸ. 
\v 3 ಜೆಲಮಾ ರ‍್ಹಯಲ ಮನಕ್ಹೊನೆ ಶೆಂ ಕರಿಲಿವೊ. ತುಮೆ ತ್ಯುನಾ ಕ್ಹಾತೆ ರ‍್ಹೈನ ಜೆಲಮಾ ರ‍್ಹಯಲವಾಲಾ ವ್ಹೈ ಕೈನ, ತ್ಯುನೊನೆ ಥಯಲ ಶರಿರನು ತ್ರಾಸ ತುಮೊನೆಬಿ ಥಯುಸ ಕೈನ ತಿಳ್ದಿನ, ತ್ಯುನೊನೆ ಶೆಂ ಕರಿಲಿವೊ. 
\v 4 ಕ್ಹಾರಾ ಜ಼ನಾ ಹಿವಾನೆ ಚೊ಼ಕು ವ್ಹೈ ಕೈನ ಮರ್ಯಾದಿದ್ಯು ವರಿ ಮಾಟಿ ಬೈಕೊನು ಸಂಬಂಧ ಕಯುಜ಼ ದಾಗ ನೈಸೊ ರ‍್ಹೌ. ಲೈಂಗಕ ಪಾಪ ಕರಾಲಾವೊನೆಬಿ ವರಿ ವ್ಯಬಿಚಾರ ಕರಾಲಾವೊನೆಬಿ ಕ್ಹುದಾ ಫೈಸಲೊ ಲಿವಾನೊ ದಿನ್ನ ಆವಸ ಕೈನ ತಿಳ್ದಿಲಿವೊ. 
\v 5 ದೊಕ್ಡಾನಾ ಉಪ್ಪರ ತುಮೊನೆ ರ‍್ಹಯಲ ಆಸಕ್ಹು ದುರ ರ‍್ಹವೊ. ತುಮೊನೆ ರ‍್ಹಯಲ ತೆಕ್ಲಾಮಾ ತ್ರಪ್ತಿಕ್ಹು ರ‍್ಹವೊ. ಮಿ ತುಮೊನೆ ಕೆಳಾಮಾಜ಼ ಹತ್ತ ನೈ ಛೊಡತೊ, ಕೆಳಾಮಾಜ಼ ಛೊಡತೊ ನೈ ಕೈನ ಕ್ಹುದಾಜ಼ ಕದ್ಯೊಸ. 
\v 6 ತಿನಾಹುತಿ, ಕರ್ತಾ ಮಾರೊ ಸಹಾಯಕ ವ್ಹೈ ಮಿ ಭುಚ಼ಕ್ತೊ ನೈ, ಮನಕ್ಹ ಮನೆ ಸು ಕರಸ? ಕೈನ ಅಪೆ ಧೈರ್ಯಕ್ಹು ಕೆ ಸಕೆಸ. 
\v 7 ತುಮೊನೆ ಕ್ಹುದಾನಿ ವಾಕ್ಯಾ ಕದಲ ತುಮಾರಾ ಸಬೆನಾ ಭೊದಕನೆ ಶೆಂ ಕರಿಲಿವೊ. ತ್ಯುನೆ ತ್ಯುನಿ ಜಿವನಮಾ ಕಿಮ್ಮ ಚಾ಼ಲಿನ ಗಯಾ ಕೈನ ತುಮೆ ಶೆಂ ಕರಿಲಿನ ತ್ಯುನಾ ಬರೊಕ್ಹಾನಾ ಲಿಂಗತ ಚಾ಼ಲಿನ ಜಾ಼ವೊ. 
\v 8 ಯೆಸು ಕ್ರಿಸ್ತ ಕಾಲ ರ‍್ಹಯಲ ತಿಮ್ಮ, ಆಜ಼ಬಿ, ಹಮೆಶಾಬಿ ರ‍್ಹವಸ. 
\v 9 ಬಿಜಾ಼ ಬಿಜಾ಼ ಉಪದೆಶೊನಾ ಬಲಿಮಾ ಖಾಪಡೊ ನಕೊ. ಕಾಕದ್ಯಾಮ ಕ್ಹುದಾನು ಕೃಪಾಕ್ಹು ಮನಸ್ಸ ಘಟ್ಟ ಕರಿಲಿವಾನು ಚೊ಼ಕುಜ಼ ವ್ಹೈ. ಕ್ಹಾವಾನಾ ಚಿಜೊ಼ನಾ ಹುತಿ ರ‍್ಹಯಲ ನಿಯಮೊ ಕರಾಲಾವೊನೆ ಸುಜ಼ ಫೈದೊ ನತ್ತಿ. 
\v 10 ಅಪನೊನೆ ಯಕ್ಕ ಯಜ್ಞವೆದಿ ಛೆ ಎ ಯಜ್ಞವೆದಿನಾ ಚಿಜೊ಼ ಕ್ಹಾವಾನೆ ಗುಡಾರಮಾ ಸೆವೆ ಕರಾಲಾವೊನೆ ಹಕ್ಕ ನತ್ತಿ. 
\v 11 ಪ್ರಧಾನಯಾಜಕ ಪಾಪ ಪರಿಹಾರನಾ ಬಲಿ ಜಾನವರೊನಾ ರಗತನೆ ಲಿನ ಪವಿತ್ರ ಜ಼ಗಾಪರ ಜಾ಼ವಸ, ತೆನೈಸೊ ತೆ ಜಾನವರೊನಾ ಅಂಗೊ ಪಾಳಿನಾ ಭಾರಾ ಬಾಳಾ ಲಗಾಡಸ. 
\v 12 ತಿನಾ ಲಿಂಗತ ಯೆಸುಬಿ ಸ್ವಂತ ರಗತಕ್ಹು ತಿನಾ ಮನಕ್ಹೊನೆ ಶುದ್ಧ ಕರಾನಾ ಹುತಿ ಗಾಮನಾ ಭಾರೊ ಮರ‍್ಯೊ. 
\v 13 ತಿನಾಹುತಿ ಅಪೆ ತಿನಾ ಮುಲಕ ಥಯಲ ತ್ರಾಸಮಾ ತಡ್ದಿಲಿವಾಲಾ ಥೈನ, ಪಾಳಿನಾ ಭಾರಾ ತಿಕನ ಗೈಪಡೆ. 
\v 14 ಕಾಕದ್ಯಾಮ ಎ ದುನಿಯಾಮಾ ಹಮೆಶಾ ರ‍್ಹವಾನು ಗಾಮ ಅಪೊನೆ ನತ್ತಿ. ಭವಿಷ್ಯಮಾ ಆವಾನಾ ಗಾಮನೆ ಅಗಾ ದೆಕ್ತಾ ಛೆ. 
\v 15 ತಿನಾಹುತಿ ಯೆಸುನಾ ಮುಲಕಜ಼ ಕ್ಹುದಾನೆ ಸ್ತೊತ್ರಾ ಕವಾನಿ ಬಲಿ ಛೊಡ್ಯಾವಾಚಿ ಕಯೆ, ತಿನೆ ಅಪೆ ಕರ್ತಾ ಕೈನ ಬರೊಕ್ಹೊ ಕರಿನ ಮ್ಹೊಡಾಕ್ಹು ಅರಿಕೆ ಕರಾನುಜ಼ ಅಪೆ ದಿವಾನಿ ಬಲಿ ವ್ಹೈ. 
\v 16 ಎನೈಸೊ ಉಪಕಾರ ಕರಾನು, ಬಿಜಾ಼ವೊನೆ ಮದತ ಕರಾನು ಇಕ್ಹರೊ ನಕೊ. ಎಜ಼ ಕ್ಹುದಾನೆ ಪಸಂದ ರ‍್ಹಯಲ ಬಲಿಯೊ ವ್ಹೈ. 
\v 17 ತುಮಾರಾ ಸಭಾನಾಯಕೊನಾ ವಾತ ಐಕೊ, ತ್ಯುನೊನೆ ಅದಿನ ಥೈನ ರ‍್ಹವೊ. ತ್ಯುನೆ ಲೆಕ್ಕೊ ದಿವಾಲಾ ಥಯಲ ಹುತಿ ತುಮಾರಿಯೊ ಆತ್ಮಾವೊನೆ ಕೈದಾಲಾ ಥಯಾಸ. ತ್ಯುನೆ ದುಖ ಥಯಾವಾಚಿ ಕ್ಹುಶಿಕ್ಹು ಎ ಕರಾನೆ ಥಾಯೆ ಲಿಂಗತ ದೆಕಿಲಿವೊ. ಕಾಕದ್ಯಾಮ ತ್ಯುನೆ ಯಕ್ಕ ತರಾ ರ‍್ಹವಾನು ತುಮೊನೆ ಫೈದೊ ನತ್ತಿ.
\p
\v 18 ಹಮಾರಾ ಹುತಿ ಪ್ರಾಥನಾ ಕರೊ. ಹಮೆ ಕ್ಹಾರಿಯೊ ವಿಷಯನಾ ಹುತಿ ಚೊ಼ಕಿತರಾ ಚಾ಼ಲಿಲಿನ ಜೌ಼ ಕೈನ ಚೊ಼ಕಿ ಮನಸನಿ ಸಾಕ್ಷಿ ವ್ಹಂದಿಲಿದ್ಯಾಸ ಕೈನ ಫೈಸಲೊ ಕರಿಲಿದ್ಯಾಸ. 
\v 19 ವರಿ ಮಿ ಘನ್ನೊ ಜಲ್ದಿ ಫರಿನ ತುಮೊಕನ ಆಯೆ ಲಿಂಗತ ತುಮೆ ಪ್ರಾಥನಾ ಕರು ಕೈನ ಮಿ ತುಮೊನೆ ಘನ್ನ ಮಾಂಗಿಲ್ಯುಸ.
\s ಪ್ರಾಥನಾ ಮುಗಸಾವಾನು
\p
\v 20 ಹಮೆಶಾ ರ‍್ಹಯಲ ವಡಂಬಡಿಕೆನೆ, ರಗತಕ್ಹು ಪುರಾ ಕರಾನಾ ಹುತಿ, ಸಭೆ ಕವಾನು ಹಿಂಡನೆ ಮ್ಹೊಟೊ ಪಾಲಕ ಥಯಲ ಅಪ್ನೊ ಕರ್ತಾ ಥಯಲ ಯೆಸುನೆ ಮರಲವಾಲಾಮಾತೊ ಆವಾಲಗಾಡ್ಯಲ, ಶಾಂತಿದಾಯಕ ಥಯಲ ಕ್ಹುದಾ, 
\v 21 ತುಮೆ ತಿನಿ ಚಿತ್ತ ಪುರಾ ಕರಾನೆ ಘನ್ನಾ ಚೊ಼ಕಾ ಕಾಮೊನೆ ಚಾ಼ಯೆ ಥಯಲ ಅನುಕುಲ ತುಮೊನೆ ದಿವಾದೆ, ತೆ ಯೆಸು ಕ್ರಿಸ್ತನಾ ಮುಲಕ ತಿನೆ ಪಸಂದ ಆಯಲಜ಼ ಅಪೊಮಾ ಪುರಾ ಕರಾದೆ. ಹಮೆಶಾಬಿ ತಿನೆ ಸ್ತೊತ್ರಾ ಆಮೆನ. 
\v 22 ಭಾಯೊ, ಆ ಗ್ಯಾನನಾ ವಾತೊ ಸಹಿಸಿಲ್ಯು ಕೈನ ತುಮೊಕನ ಮಾಂಗಿಲ್ಯುಸ. ತುಮೊನೆ ಪುರಾ ಬಿಡಸಿನ ಬರದ್ಯೊಸ. 
\v 23 ಮಾರೊ ಭೈ ಥಯಲ ತಿಮೊಥಿನೆ ಬಿಡುಗಡೆ ಥೈಸ ಕೈನ ತುಮೊನೆ ಗೊತ್ತ ರ‍್ಹವಾದೆ. ತೆ ಜಲ್ದಿ ಆಯೊಮ ಮಿ ತಿನಾ ಕ್ಹಾತೆ ಐನ ತುಮೊನೆ ದಿಕ್ಹುಸ. 
\v 24 ತುಮಾರಾ ಕ್ಹಾರಾ ಸಭಾನಾಯಕೊನೆ ವರಿ ಪರಿಶುದ್ದ ಕ್ಹುದಾನಾ ಮನಕ್ಹೊನೆ ವಂದನೆ ಕವೊ. ಇಟಲಿ ದೆಶತಾ ಆಯಲವಾಲಾ ತುಮೊನೆ ವಂದನೆ ಕವಸ. 
\v 25 ಕ್ಹುದಾನಿ ಕೃಪಾ ತುಮಾರಾ ಕ್ಹಾರಾವೊನಾ ಕ್ಹಾತೆ ರ‍್ಹವಾದೆ.