\id ACT - Shikilagar
\ide UTF-8
\h ಅಪೊಸ್ತಲೊ
\toc3 ಅಪೊಸ್ತಲೊ
\toc2 ಅಪೊಸ್ತಲೊ
\toc1 ಅಪೊಸ್ತಲ ಕರಲ ಕಾಮೊ
\mt2 ಅಪೊಸ್ತಲರ ಕೃತ್ಯಗಳು
\mt1 ಅಪೊಸ್ತಲೊ ಕರಲ ಕಾಮೊ
\imt ವಳಕ
\ip ಅಪೊಸ್ತಲ ಕೃತ್ಯನು ಪುಸ್ತಕ ಸಭೆ ಕಿಮ್ಮ ಶುರು ಥಯು ವರಿ ಸಭೆ ಕಿಮ ಯೆರುಸಲೆಮ, ಯುದಾಯ, ಸಮಾರ್ಯಾ, ವರಿ ತಿನಾ ಆಜು಼ ಬಾಜು಼ಮಾ ಫೈಲಿಸ ಕವಾನು ಕ್ಹರಿ ರ‍್ಹಯಲ ಕಾನಿನಾ ಹುತಿ ಇಮಾ ಬರ್ದಲ ಛೆ. ಯೆಸು ಪರಲೊಕೆ ಜಾ಼ವಾತಿ ಅಗ್ದುರ ಕದಲ ತರಿಕಾಮಾ 1.8 ಎ ಪುಸ್ತಕ ಲುಕಾ ಬರ್ದ್ಯೊಸ. ವರಿ ಲುಕಾನಿ ಸುವಾರ್ತೆ ಪುಸ್ತಕಬಿ ಬರ್ದ್ಯೊಸ. ಎ ಡಾಕ್ಟರ ವ್ಹತ್ತೊ. ವರಿ ಘನ್ನಿ ಹುಶಾರಕಿ ಕ್ಹು ದಾಖಲೆ ಕರೆಟ್ಟ ಕರಿನೆ ದಿದ್ಯೊಸ. ಲುಕಾನಾ ಎ ಬೆ ಪುಸ್ತಕೊ ರ‍್ಹಯಲ ಲಿಂಗತ ಅಪೊಸ್ತಲ ಕೃತ್ಯ ವರಿ ಲುಕಾನಿ ಸುವಾರ್ತೆ ಗ್ರಿಕವಾಲೊ ರ‍್ಹಯಲ ಥಿಯೊಫಿಲನ "ಕವಾನು ಬರ್ದ್ಯೊಸ. ವಿಸ್ವಾಸಿಯೊನೆ ಉದ್ದೆಶ ಕರಿನ ಬರ್ದ್ಯೊಸ. 1:1 ಯೆಸು ಕ್ರಿಸ್ತತ ಹುಟ್ಟಲ ಕಮ್ಸಿ ಕಮ್ಮ 60-64 ವರಕ್ಹ ಥಯಲ್ಪರ ಬರ್ದಲ ಛೆ. ಪೌಲ ಜೆಲಮಾತೊ ಬಿಡುಗಡೆ ಥಾವಾನಿ ವಿಶಯ ಧರಿನ ಖಲಾಸ ಥಾವಸ. ಕಾಕದ್ಯಾಮ ಪೌಲಾನೆ ಜೆಲ್ಮಾತಾ ಛೊಡಲ್ಪರ ಅಂತ್ಯ ಥಯುಸ. ಲುಕಾಬಿ ಪೌಲಾನಾ ಕ್ಹಾತೆ ಪ್ರಯಾಣ ಕರ‍್ಯೊಸ. ಎ ಅಪೊಸ್ತಲ ಕೃತ್ಯ ಪುಸ್ತಕ ಅಂತ್ಯಯೊಕ್ಯ ಗಾಮ್ಮಾ ಬರ್ದ್ಯೊಸ. ಅಪೊಸ್ತಲ ಪುಸ್ತಕ, ಲುಕಾ ಬರ್ದಲ ಸುವಾರ್ತೆ ಅಗು ಬಡಲ ಪುಸ್ತಕ ವ್ಹೈ. ಕಾಕದ್ಯಾಮ ಎ ಪುಸ್ತಕ ಯೆಸು ಪರಲೊಕೆ ಜಾ಼ವಾನಿಯೊ ಸಂಗತಿಯೊ ಶುರು ಥಯುಸ. ಲುಕಾ ಬರ್ದಲ ಎ ಪುಸ್ತಕನು ಉದ್ದೆಶ ಬರ್ದಲ ಲುಕ ಸುವಾರ್ತೆನು ಉದ್ದೆಶ ಯಕ್ಕಜ಼ ವ್ಹೈ. ತೆ ಥಿಯೊಫಿಲನೆ ವರಿ ಆಗಾ ಬಡ್ತಾ ರ‍್ಹಯಲ ವಿಸ್ವಾಸಿಯೊನೆ ಬಲಾಯಲ ಹುತಿ ವರಿ ಯೆಸುನು ಜಿವನ ವರಿ ಕ್ರೈಸ್ತತ್ವ ಕಿಮ ಫೈಲ್ಯು ಕೈನ ಕವಾನಾ ಹುತಿ ಶಿಕ್ಲಾವಾನಾ ಹುತಿ ಬರ್ದ್ಯೊಸ. ಅಪೊಸ್ತಲೊ ಕೃತ್ಯ ಪುಸ್ತಕ ಪೈಲಾನಿ ಸಭೆನೆ ಉದಾಹರಣೆ ದಿವಸ. ವರಿ ಕೈ ತರಾಮಾ ಯೆಸುಪರ ಬರೊಕ್ಹೊ ಮ್ಹೆಲ್ಯಾ ಕಿಮ ರ‍್ಹೌ ಕವಾನು ದೆಕಾಡಿನ ದಿವಸ. ಸುವಾರ್ತೆನು ಸಂದೆಶ ಬಿಜಾ಼ವೊನೆ ಪವಿತ್ರ ಆತ್ಮಾಪರ ಅವಲಂಬನೆ ಥೈನ ಸುವಾರ್ತೆ ಕಿಮ ಫೈಲ್ಯು ಕೈನ ದೆಕಾಡಿನ ದಿವಸ.
\ip ಅಪೊಸ್ತಲ ಕೃತ್ಯ ಪುಸ್ತಕ ಸಭೆ ಕಿಮ್ಮ ಶುರು ಥಯು ವರಿ ಸಭೆ ಕೈ ತರಾಮಾ ಯೆರುಸೆಲಿಮತಿ ಯುದಾಯ, ಸಮಾರ್ಯಾ, ವರಿ ತಿನಾ ಆಜು಼ ಬಾಜು಼ಮಾ ಫೈಲಿಸ ಕವಾನು ಕ್ಹರಿ ರ‍್ಹಯಲ ಕಾನಿನಾ ಹುತಿ ಇಮಾ ಬರ್ದಲ ಛೆ. ಯೆಸು ಪರಲೊಕೆ ಜಾ಼ವಾತಿ ಅಗ್ದುರ ಕದಲ ತರಿಕಾಮಾ 1:8 ಎ ಪುಸ್ತಕ ಲುಕಾ ಬರ್ದ್ಯೊಸ. ವರಿ ಲುಕಾನಿ ಸುವಾರ್ತೆ ಪುಸ್ತಕಬಿ ಬರ್ದ್ಯೊಸ. ಎ ಡಾಕ್ಟರ ವ್ಹತ್ತೊ. ವರಿ ಘನ್ನಿ ಹುಶಾರಕಿ ಕ್ಹು ದಾಖಲೆ ಕರೆಟ್ಟ ಕರಿನೆ ದಿದ್ಯೊಸ. ಲುಕಾನಾ ಎ ಬೆ ಪುಸ್ತಕೊ ರ‍್ಹಯಲಲಿಂಗತ ಅಪೊಸ್ತಲ ಕೃತ್ಯ ವರಿ ಲುಕನಿ ಸುವಾರ್ತೆ ಗ್ರಿಕವಾಲೊ ರ‍್ಹಯಲ ಥಿಯೊಫಿಲನ "ಕವಾನು ಬರ್ದ್ಯೊಸ. ವಿಸ್ವಾಸಿಯೊನೆ ಉದ್ದೆಶ ಕರಿನ ಬರ್ದ್ಯೊಸ. 1:1 ಯೆಸು ಕ್ರಿಸ್ತತ ಹುಟ್ಟಲ ಕಮ್ಸಿ ಕಮ್ಮ 60-64 ವರಕ್ಹ ಥಯಲ್ಪರ ಬರ್ದಲ ಛೆ. ಪೌಲ ಜೆಲಮಾತೊ ಬಿಡುಗಡೆ ಥಾವಾನಿ ವಿಶಯ ಧರಿನ ಖಲಾಸ ಥಾವಸ. ಕಾಕದ್ಯಾಮ ಪೌಲಾನೆ ಜೆಲ್ಮಾತಾ ಛೊಡಲ್ಪರ ಅಂತ್ಯ ಥಯುಸ. ಲುಕಾಬಿ ಪೌಲಾನಾ ಕ್ಹಾತೆ ಪ್ರಯಾಣ ಕರ‍್ಯೊಸ. ಎ ಅಪೊಸ್ತಲ ಕೃತ್ಯ ಪುಸ್ತಕ ಅಂತ್ಯಯೊಕ್ಯ ಗಾಮ್ಮಾ ಬರ್ದ್ಯೊಸ. ಅಪೊಸ್ತಲ ಪುಸ್ತಕ, ಲುಕಾ ಬರ್ದಲ ಸುವಾರ್ತೆ ಅಗು ಬಡಲ ಪುಸ್ತಕ ವ್ಹೈ. ಕಾಕದ್ಯಾಮ ಎ ಪುಸ್ತಕ ಯೆಸು ಪರಲೊಕೆ ಜಾ಼ವಾನಿಯೊ ಸಂಗತಿಯೊ ಶುರು ಥಯುಸ. ಲುಕಾ ಬರ್ದಲ ಎ ಪುಸ್ತಕನು ಉದ್ದೆಶ ಬರ್ದಲ ಲುಕ ಸುವಾರ್ತೆನು ಉದ್ದೆಶ ಯಕ್ಕಜ಼ ವ್ಹೈ. ತೆ ಥಿಯೊಫಿಲನೆ ವರಿ ಬೆಳತ್ತಾ ರ‍್ಹಯಲ ವಿಸ್ವಾಸಿಯೊನೆ ಬಲಾಯಲ ಹುತಿ ವರಿ ಯೆಸುನು ಜಿವನ ವರಿ ಕ್ರೈಸ್ತತ್ವ ಕಿಮ ಫೈಲ್ಯು ಕವಾನು ಕವಾನಾ ಹುತಿ ಶಿಕ್ಲಾವಾನಾ ಹುತಿ ಬರ್ದ್ಯೊಸ. ಅಪೊಸ್ತಲೊ ಕೃತ್ಯ ಪುಸ್ತಕ ಪೈಲಾನಿ ಸಭೆನೆ ಉದಾಹರಣೆ ದಿವಸ. ವರಿ ಕೈ ತರಾಮಾ ಯೆಸುಪರ ಬರೊಕ್ಹೊ ಮ್ಹೆಲ್ಯಾ ಕಿಮ ರ‍್ಹೌ ಕವಾನು ದೆಕಾಡಿನ ದಿವಸ. ಸುವಾರ್ತೆನು ಸಂದೆಶ ಬಿಜಾ಼ವೊನೆ ಪವಿತ್ರ ಆತ್ಮಾಪರ ಅವಲಂಬನೆ ಥೈನ ಸುವಾರ್ತೆ ಕಿಮ ಫೈಲಾಯಾ ಕೈನ ದೆಕಾಡಿನ ದಿವಸ.
\iot ಪಿಠಿಕೆ
\io1 1) ಪೈಲಾ ಪವಿತ್ರ ಆತ್ಮಾ ಶಿಶ್ಶಾವೊಪರ ಆವಸ ವರಿ ಬೆಳವಣಿಗೆ ಥಾವಸ \ior 1:1-8\ior*
\io1 2) ಪಾಚಾ಼ತು ಸಭೆನೆ ತ್ರಾಸ ಕರಸ ವರಿ ಯೆರುಸಲೆಮ್ನಾ ಆಜು಼ ಬಾಜು಼ಮಾ ಶುರು ಥಾವಸ \ior 8:2; 12:23 \ior*
\io1 3) ಪಾಚಲ್ತೊ ಪೌಲಾ ಪಸ್ಟಲಿ ಸೆವೆನಾ ಹುತಿ ಪ್ರಯಾಣಕರಾನಾ ಹುತಿ ಜಾ಼ವಸ \ior 12:24—14:28\ior*
\io1 4) ಯೆರೊಸಲಿಮಾ ಮಳಿನ ನವಾ ವಿಸ್ವಾಸಿಯೊನೆ ಸು ಜ಼ರುರತ್ತ ಛೆ ಕೈನ ನಿರ್ಧಾರ ಕರ‍್ಯಾ \ior 15:1-35\ior*
\io1 5) ಪಾಚಲ್ತೊ ಪೌಲಾ ಬೆವಾ ಸೆವೆನಾ ಹುತಿ ಪ್ರಯಾಣ ಕರಸ \ior 15:36—18:22\ior*
\io1 6) ಪಾಚಲ್ತೊ ಪೌಲಾ ತನ್ವಾ ಮಿಶನರಿನೆ ಪ್ರಯಾಣ ಕರಸ \ior 18:23—20:38\ior*
\io1 7) ಪಾಚಲ್ತೊ ಪೌಲಾ ಯೆರುಸಲಿಮಮಾ ಬಂದಿ ಥಯೊ \ior 21—26\ior*
\io1 8) ಲಾಸ್ಟಮಾ ಪೌಲಾನೆ ರೊಮನೆ ಮೊಕ್ಲಿಪಾಡಸ \ior 27—28\ior*
\c 1
\p
\v 1 ಮಯಾನಾ ಥೆಯೊಫಿಲ, ಯೆಸು ಕರಲ ಕಾಮೊನಾ ಹುತಿ ವರಿ ದಿದಲ ಬೊಧನೆನಾ ಹುತಿ ಹರಿಯಕ್ಕ ಮಿ ಮಾರಾ ಪೈಲಾನಾ ಬುಕ್ಮಾ ಬರ್ದ್ಯೊಸ. 
\v 2 ಮಿ ಯೆಸುನಾ ಪುರಾ ಜಿವ್ನಾನಾ ಹುತಿ ಕದ್ಯಾಮ ತೆ ಸ್ವರ್ಗನೆ ಗಯೆ ಲಕ್ಕಾ ಥಯಲ ಕ್ಹಾರಿ ಸಂಗತಿಯೊ ಬರ್ದ್ಯೊ. ಯೆಸು ಸ್ವರ್ಗನೆ ಜಾ಼ವಾತಿ ಪೈಲಾ, ತೆ ಇನಿಲಿದಲ ಅಪೊಸ್ತಲೊನಾ ಕ್ಹಾತೆ ಬೊಲ್ಯೊ; ತ್ಯುನೆ ಸು ಕಾಮ ಕರಾನು ಹೊತ್ತು ಪವಿತ್ರ ಆತ್ಮಾನಿ ಮದತಕ್ಹು ತ್ಯುನೊನೆ ತಿಳಶ್ಯೊ. 
\v 3 ಎ ತಿನಿ ಮೌತ ಥಯಲ್ಪರ ಥಯಲ ಸಂಗತಿಯೊ ವ್ಹೈ. ತೆ ಜಿವ್ತೊ ರ‍್ಹಯಲ ತೆ ಅಪೊಸ್ತಲೊನೆ ದೆಕಾಡಿನ ದಿದ್ಯೊ ವರಿ ತಿನಿ ತಾಕತಕ್ಹು ಘನ್ನಾ ಅದ್ಭುತ ಕಾಮೊ ಕರಾಕ್ಹು ತೆ ದೆಕಾಡಿನ ದಿದ್ಯೊ. ಯೆಸು ಜಿವ್ತೊ ಥೈನ ಉಟಿನ ಆಯಲ್ಪರ ಚಾ಼ಳಕ್ಹ ದಿನ್ನ ಲಕ್ಕಾ ಅಪೊಸ್ತಲೊ ತಿನೆ ಘನ್ನಿ ಸಲಾ ದೆಕ್ಯಾ. ಯೆಸು ಕ್ಹುದಾನಾ ರಾಜ್ಯನಾ ಹುತಿ ಅಪೊಸ್ತಲೊನಾ ಕ್ಹಾತೆ ಬೊಲ್ಯೊ. 
\v 4 ಯಕ್ಕ ಸಲಾ, ಯೆಸು ತ್ಯುನಾ ಕ್ಹಾತೆ ಅನ್ನ ಖಾತಾಮ, ಯೆರುಸಲೆಮ ಛೊಡಿನ ಜೌ಼ ನೈ ಕೈನ ತ್ಯುನೊನೆ ಕದ್ಯೊ" ಬಾ ತುಮೊನೆ ಯಕ್ಕ ವಾಗ್ದಾನ ಕರ‍್ಯೊಸ. ಮಿ ಪೈಲಾಜ಼ ತಿನಾ ಹುತಿ ತುಮೊನೆ ತಿಳ್ಸಾಯೊಸ. ಎ ವಾಗ್ದಾನನು ವರ್ದಾನ ಲಿವಾನಾ ಹುತಿ ಯೆರುಸಲೆಮಮಾ ಕೈದತ್ತಾ ರ‍್ಹವೊ. 
\v 5 ಯೊಹಾನ ಮನಕ್ಹೊನೆ ಪಾನಿಮಾ ಬಾಪ್ತಿಸ್ಮ ಕರಾಯೊ, ತೆನೈಸೊ ಹಜು಼ನ ದಕ್ಹಾ ದಿನೊಮಾ ತುಮೊನೆ ಪವಿತ್ರ ಆತ್ಮಾಮಾ ಬಾಪ್ತಿಸ್ಮ ಥಾವಸ" ಕದ್ಯೊ. 
\v 6 ಅಪೊಸ್ತಲೊ ಕ್ಹಾರಾ ಮಳ್ತಾಮಾ, ತ್ಯುನೆ ಯೆಸುನೆ"ಪ್ರಭು, ತು ಇಸ್ರಾಲಯನಾ ಮನಕ್ಹೊನೆ ತ್ಯುನಿ ರಾಜ್ಯ ಫರಿನ ದಿವಾನು ಎಜ಼ ಟೈಮಮಾ ವ್ಹೈಸು? ಕೈನ ಪುಚ಼್ತಾಮಾ. 
\v 7 ಯೆಸು ತ್ಯುನೊನೆ, ಕೆಳೆ ಕಿನೆ ಸು ದ್ಯು ಕಯಾ ಟೈಮಮಾ ದ್ಯು ಕವಾನಾ ಅದಿಕಾರ ರ‍್ಹಯಲ ಬಾನೆ ಯಕ್ಕಜ಼ ವ್ಹೈ. ತುಮೆ ತೆ ಕ್ಹಾರು ತಿಳ್ದಿಲಿವಾನೆ ನೈ ಥಾತು. 
\v 8 ತೆನೈಸೊ ಪವಿತ್ರ ಆತ್ಮಾ ತುಮೊಪರ ಆಯಲ ಟೈಮಮಾ ತಾಕತ ವ್ಹಂದಿಲಿನ ಯೆರುಸಲೆಮಮಾ ಪುರಾ ಯುದೆಯಮಾಬಿ ಸಮರ್ಯಾಮಾಬಿ ವರಿ ಭುಲೊಕಮಾ ಹರ ಜ಼ಗಾ ಸಾಕ್ಷಿ ಥೈನ ರ‍್ಹವೊಶಿ" ಕದ್ಯೊ. 
\v 9 ಯೆಸು ಎ ಸಂಗತಿಯೊ ಅಪೊಸ್ತಲೊನೆ ಕದಲ್ಪರ ಅಪೊಸ್ತಲೊ ದೆಕ್ತಾ ರ‍್ಹತಾಮಾಜ಼ ಹಬಾಳ ಪರ ಯೆಸುನೆ ಉಚೈ ಲಿದ್ಯಾ. ಮ್ಹಾಡ ತಿನೆ ಜಾ಼ಕಿಪಾಡಲ ಹುತಿ ತ್ಯುನೆ ತಿನೆ ದೆಕ್ಯಾ ನೈ. 
\v 10 ಯೆಸು ಜಾ಼ತಾಮಾ ಅಪೊಸ್ತಲೊ ಹಬಾಳನೆಜ಼ ದೆಕ್ತಾ ಹುಬ್ರಯಾತಾ. ತೆಳಾಮಾ, ಧೊಳಾ ವಣ್ಣಾ ಘಾಲ್ಲಿದಲ ಬೆ ಜ಼ನಾ ದಾಣ್ಗಾ ತ್ಯುನಾಕ್ಹು ತ್ಯುನೆ ತಿನಾ ಬಾಜು಼ಮಾ ಹುಬ್ರೈನ,
\s ಯುದನಿ ಜ಼ಗಾ ವರಿ ಯಕ್ಲೊ
\p
\v 11 "ಗಲಿಲಾಯವಾಲಾ ಕಾ ಹಬಾಳನೆಜ಼ ದೆಕ್ತಾ ಹುಬ್ರಯಾಸ? ಯೆಸು ತುಮಾರಾ ಡೊಳಾವೊನಾ ಕ್ಹಾಮೊ ಸ್ವರ್ಗನೆ ಕಿಮ್ಮ ಗಯೊ ತಿನಾ ಲಿಂಗತಜ಼ ವಾಪಸ ಆವಸ" ಕೈನ ಕದ್ಯಾ. 
\v 12 ಪಾಚಾ಼ತಾ ಅಪೊಸ್ತಲೊ ಆಲಿವ ಝಾಡೊನಾ ಡೊಂಗರತಾ ಯೆರುಸಲೆಮನೆ ವಾಪಸ ಗಯಾ. 
\v 13 ಅಪೊಸ್ತಲೊ ಗಾಮಮಾ ಐನ ತ್ಯುನೆ ರ‍್ಹಯಲ ಜ಼ಗಾಯೆ ಗಯಾ. ತೆ ಉಪ್ಪರಲ್ಯಾ ಮಹಡಿ ಪರ ವ್ಹತ್ತು. ತೆ ಅಪೊಸ್ತಲೊ ಕುನ್ನ-ಕುನ್ನ ವ್ಹೈ ಕದ್ಯಾಮ; ಪೆತ್ರಾ, ಯೊಹಾನ, ಯಾಕೊಬ, ಅಂದ್ರೆಯ, ಫಿಲಿಪ್ಪ, ತೊಮ, ಬಾರತೊಲೊಮಾಯ, ಮತ್ತಾಯ, ಯಾಕೊಬ (ಅಲ್ಫಾಯನೊ ದಿಕ್ರೊ) ದೆಶನೊ ಮಯಾ ಥಯಲ ಸಿಮೊನ ವರಿ ಯಾಕೊಬ್ನೊ ದಿಕ್ರೊ ಯುದ. 
\v 14 ಅಪೊಸ್ತಲೊ ಕ್ಹಾರಾ ಮಳಿನ ವ್ಹತ್ತಾ. ತ್ಯುನೆ ಯಕ್ಕಜ಼ ಉದ್ದೆಶಕ್ಹು ಛೊಡ್ಯಾವಾಚಿ ಪ್ರಾಥನಾ ಕರಾಡಾತಾ. ದಕ್ಹಿಯೊ ಬಾಕ್ಡಿಯೊನೆ ಯೆಸುನಿ ಯಾ ಮರಿಯಳ ತಿನಾ ಭಾಯೊ ಅಪೊಸ್ತಲೊನಾ ಕ್ಹಾತೆ ವ್ಹತ್ತಾ. 
\v 15 ದಕ್ಹಾ ದಿನ್ನ ಥಯಲ್ಪರ ವಿಸ್ವಾಸಿಮಾ ಭಾಯೊ ಥಯಲ ಸಭೆ ಥೈನ ಮಳ್ಯಾತಾ. ತ್ಯಾ ಕಮ್ಸಿ ಕಮ್ಮ ಯಕ್ಹೊನ ಇಕ್ಹ ಜ಼ನಾ ವ್ಹತ್ತಾ. ಪೆತ್ರಾ ಉಟಿನ ಹುಬ್ರೈನ ಅಮ್ಮ ಕದ್ಯೊ; 
\v 16 "ಭಾಯೊ ಭೆನೊ, ಪವಿತ್ರ ಆತ್ಮಾ ದಾವಿದನಾ ಮುಲಕ ಪವಿತ್ರ ಗ್ರಂಥಮಾ ಪೈಲಾಜ಼ ಕದಲ ಸಂಗತಿಯೊ ಪುರಾ ಥಾವಾನು ವ್ಹತ್ತು. ಅಪ್ನಾ ಸ್ವಂತ ಗುಂಪಮಾನೊ ಯುದನ ಹುತಿ ದಾವಿದ ಕದ್ಯೊಸ. 
\v 17 ಯುದ ಅಪ್ನಾ ಕ್ಹಾತೆ ಸೆವೆ ಕರ‍್ಯೊ. ಯೆಸುನೆ ಧರೆಲಕ್ಕಾ ಯುದ ವಾಟ ದೆಕಾಡಾಲೊ ಥಾವಸ ಕೈನ ಪವಿತ್ರ ಆತ್ಮಾ ತಿಳಸಾಯೊತೊ" 
\v 18 ಎ ಮೊಸನು ಕಾಮ ಕರಾನೆ ಯುದನೆ ದೊಕ್ಡಾ ದಿದ್ಯಾತಾ. ತೆ ದೊಕ್ಡಾಕ್ಹು ಯಕ್ಕ ಖೆತರ ತಿನಾಹುತಿ ಲಿದ್ಯಾ. ತೆನೈಸೊ ಯುದ ಮಾತು ಹೆಟು ಕರಿನ ಪಡಲ್ಪರ ತಿನು ಪೆಟ ಫುಟಿ ಗೈಯು. ತಿನಾ ಕ್ಹಾರಾ ಅತ್ತೊಡಾ ಭಾರಾ ಆಯಾ. 
\v 19 ಆ ಕ್ಹಾರು ಯೆರುಸಲೆಮನಾ ಕ್ಹಾರಾ ಮನಕ್ಹೊನೆ ಗ್ವತ್ತ ಥೈಯು. ತಿನಾಹುತಿ ತ್ಯುನೆ ತೆ ಖೆತರನೆ ಅಕೆಲ್ದಮಾ ಕೈನ ನಾಮ ಮ್ಹೆಲ್ಯಾ. ತ್ಯುನಾ ವಾತೊಮಾ ಅಕೆಲ್ದಮಾ ಕದ್ಯಾಮ ‘ರಗತನು ಹೊಂಡ’ ಕದಲ ಲಿಂಗತ ವ್ಹೈ. 
\v 20 ತಿನು ಘರ ಹಾಳ ಥಾವಾದೆ! ತ್ಯಾ ಕುನ್ನಜ಼ ರ‍್ಹಯಲ ನೈಸೊ ಥಾವಾದೆ. ಕಿರ್ತನೆ. 69:25 ಕೈನ ಕಿರ್ತನೆನಾ ಪುಸ್ತಕಮಾ ಯುದನಾ ಹುತಿ ಲಿಕ್ಕಲ ಛೆ ತೆನೈಸೊ ಬಿಜೆಕ್ಲೊ ತಿನು ಕಾಮ ಲಿವಾದೆ’ ಕಿರ್ತನೆ. 109:8 ಕೈನ ಬರ್ದಲ ಛೆ. 
\v 21 ತಿನಾಹುತಿ ಬಿಜೆಕ್ಲೊ ಹಮಾರಾ ಕ್ಹಾತೆ ಮಳಿನ, ಯೆಸುನು ಪುನರುತ್ಥಾನನೆ ಸಾಕ್ಷಿ ಥೌ. ಪ್ರಭು ಥಯಲ ಯೆಸು ಅಪ್ನೊಕನ ರ‍್ಹತಾಮಾ ತೆ ಅಪ್ನಾ ಗುಂಪಮಾ ರ‍್ಹಯಲ ವಾಲಾವೊಮಾನೊ ಯಕ್ಲೊ ರ‍್ಹೌ. 
\v 22 ಯೊಹಾನ ಬಾಪ್ತಿಸ್ಮ ದಿವಾನಾ ಶುರು ಕರಲ ದಿನ್ನತೊ ಧರಿನ ಯೆಸು ಅಪ್ನೊಕಂತೊ ಸ್ವರ್ಗನೆ ಗಯಲ ದಿನ್ನ ಲಕ್ಕಾ ಅಪ್ನಾ ಕ್ಹಾತೆ ರ‍್ಹಯಲವಾಲೊ ರ‍್ಹೌ" 
\v 23 ಅಪೊಸ್ತಲೊ ಬೆ ಜ಼ನಾವೊನೆ ಸಭೆನಾ ಕ್ಹಾಮಾ ಹುಬ್ರಾಡ್ಯಾ. ಯಕ್ಲೊ ಬಾರಸಬ ಕವಾಲೊ ಯೊಸೆಫ. ಅನೆ ಯುಸ್ತ ಕೈನ ಬಲಾತಾತಾ. ವರಿ ಯಕ್ಲೊ ಮತ್ತೀಯ. 
\v 24 ಮತ್ತಿಯವಾವೊನೆ ಬೆ ಜ಼ನಾವೊ ಹುಬ್ರಾಡಿನ ಪ್ರಾರ್ಥನೆ ಕರತ್ತೊ,ಕರ್ತಾ ಕ್ಹಾರಾವೊನಾ ಮನಸ್ಸ ವಳಾಕಾವಾಲೊ ಯುದ ಅಪೊಸ್ತಲ ಕವಾಲೊ ತೆ ಸೆವಾ ಜ಼ಗಾಕ್ಹು ಹಾಳ ಥೈನ ತೆ ನೈಜಾ಼ವಾನು ಜ಼ಗಾಕನ ಗಯೆಲಕ್ಹು ತೆ ಸ್ಥಾನ ಹೊಂದಾನಾಹುತಿ ತೆ ಬೆಜ಼ನಾವೊಮಾ ತು ಇನಿಲಿದಲ ದೆಕಾಡಿನ ದ್ಯುಕೈನ ಪ್ರಾರ್ಥಾನಾ ಕರ‍್ಯಾ. 
\v 25 ತೆಳಾಮಾ ತ್ಯುನೆ ಅಮ್ಮ ಪ್ರಾಥನಾ ಕರ‍್ಯಾ" ಪ್ರಭು ತು ಕ್ಹಾರಾ ಮನಕ್ಹೊನು ಮನಸ್ಸ ತಿಳ್ದಿಲಿದ್ಯೊಸ. ಎ ಕಾಮ ಕರಾನಾ ಹುತಿ ಎ ಬೆ ಜ಼ನಾವೊಮಾ ತು ಕಿನೆ ಇನಿಲಿದ್ಯೊಸ ಕವಾನು ಹಮೊನೆ ದೆಕಾಡ. ಯುದ ಎ ಕಾಮನೆ ವಿರುದ್ದ ಥೈನ ತೆ ಕಿಜಾ಼ ಜಾ಼ವಾನು ವ್ಹತ್ತು ತ್ಯಾ ಗಯೊ. ಪ್ರಭು, ತಿನಿ ಜ಼ಗಾಪರ ಅಪೊಸ್ತಲ ಕುನ್ನ ಥೌ ಕೈನ ಹಮೊನೆ ದೆಕಾಡ" 
\v 26 ಪಾಚಾ಼ತಾ ಅಪೊಸ್ತಲೊ ತ್ಯುನಾ ಬೆ ಜ಼ನಾವೊಮಾ ಇನಿಲಿವಾನೆ ಚಿಟಿ ಘಾಲ್ಯಾ. ಚಿಟಿ ಮತ್ತಿಯನೆ ಆಯಲ ಹುತಿ ಗ್ಯಾರಾ ಜ಼ನಾವೊನಾ ಕ್ಹಾತೆ ತೆಬಿ ಅಪೊಸ್ತಲ ಥಯೊ.
\c 2
\s ಪವಿತ್ರ ಆತ್ಮಾ ಆವಾನು
\p
\v 1 ಪಂಚಾಶತ್ತಮ ಸನ್ನಮಾ ತ್ಯುನೆ ಕ್ಹಾರಾ ಜ಼ನಾ ಯಕ್ಕ ಜ಼ಗಾ ಮಳಿನ ಆಯಾ ತೆಳಾಮಾ, ಯಕ್ಕ ದುಮ್ಮ ಹಬಾಳಮಾತು ಯಕ್ಕ ಆವಾಜ಼ ಐಯು. 
\v 2 ತುಫಾನ ಆವಾಡುಸ ಕೌ ತಿಮ್ಮ ವ್ಹತ್ತು ತೆ ಆವಾಜ಼. ತ್ಯುನೆ ಬೈಟಲ ಘರಮಾ ಪುರಾ ತೆ ಆವಾಜ಼ ಭರಿ ಗಯುತು. 
\v 3 ತೆನೈಸೊ ಆಗ ಲಿಂಗತ ರ‍್ಹಯಲ ಸುಯಕ್ಕ ತ್ಯುನೆ ದೆಕ್ಯಾ. ತೆ ಆಗ ಜು಼ದಿ ಥೈನ ತ್ಯಾ ರ‍್ಹಯಲ ಹರಯಕ್ಕ ಮನಕ್ಹ ಪರ ಗೈನ ಹುಬ್ರಯು. 
\v 4 ತ್ಯುನೆ ಕ್ಹಾರಾ ಪವಿತ್ರ ಆತ್ಮಾಕ್ಹು ಭರ‍ಲ ವ್ಹತ್ತಾ ವರಿ ಬಿಜಾ಼-ಬಿಜಾ಼ ಭಾಶಾಮಾ ಬೊಲಾನು ಶುರು ಕರ‍್ಯಾ. ಪವಿತ್ರ ಆತ್ಮಾಜ಼಼ ತ್ಯುನೊನೆ ತೆ ತಾಕತ ದಿದ್ಯುತು.
\p
\v 5 ಘನ್ನಾ ಧಾರಮಿಕೊ ಘನ್ನಾ ಯೆಹುದಿಯೊ ತೆ ಟೈಮಮಾ ಯೆರುಸಲೆಮಮಾ ವ್ಹತ್ತಾ. ತ್ಯುನಾಮಾ ಜಗತನಾ ಹರಯಕ್ಕ ದೆಶತಾ ಆಯಲ ಮನಕ್ಹೊ ವ್ಹತ್ತಾ. 
\v 6 ತೆ ಆವಾಜ಼ ಐಕಿನ ತೆ ಮನಕ್ಹೊ ಗುಂಪ ಥೈನ ಮಳಿನ ಐನ ಅಪೊಸ್ತಲೊ ಬೊಲಾನು ಹರ ಯಕ್ಲಾನೆ ತ್ಯುನಿ ತ್ಯುನಿ ಭಾಶಾಮಾ ಐಕು ಆವಾನು ದೆಕಿನ ತ್ಯುನೆ ಘಾಬ್ರಾ ಥಯಾ. 
\v 7 ಎ ದೆಕಲ ಕ್ಹಾರಾ ಜ಼ನಾ ಘಾಬ್ರಾ ಥಯಾ. ಇಮ್ಮ ಕರಾನೆ ಅಪೊಸ್ತಲೊನೆ ಕಿಮ್ಮ ಸಾಧ್ಯ ಥಯು ಕೈನ ತ್ಯುನೊನೆ ಗ್ವತ್ತ ಥಯು ನೈ" ಬೊಲ್ತಾ ರ‍್ಹಯಲ ಎ ಮನಕ್ಹೊ (ಅಪೊಸ್ತಲೊ) ಗಲಿಲಾಯನಾ ನ್ಹವೈಸು. 
\v 8 ತೆನೈಸೊ ಇವ್ನೆ ಅಪ್ನಿ ಸ್ವಂತ ಭಾಶಾಮಾ ಬೊಲಲ ಲಿಂಗತ ಐಕಾಡಾಸ್ತೊ, ಎ ಕಿಮ್ಮ ಸಾಧ್ಯ ಛೆ? ಅಪೆ ಬಿಜಿ಼ ಬಿಜಿ಼ ಜ಼ಗಾನಾ ವ್ಹೈ. 
\v 9 ಅಪ್ನೊಮಾ ಪಾರಥ್ಯರೊ, ಮೆದ್ಯರೊ, ಎಲಾಮ್ಯರೊ, ಮೆಸೊಪೊತಾಮ್ಯರೊ, ಯುದಾಯರೊ, ಕಪ್ಪದೊಕ್ಕಯರೊ, ಪೊಂತ, ಆಸ್ಯ, ಫ್ರುಗ್ಯ, ಪಂಫುಲ, 
\v 10 ಫ್ರಿಜಿನಾ ಮನಕ್ಹೊ,ಪಾಂಫಿಲಿನಾ ಮನಕ್ಹೊ,ಇಜಿಪ್ತನಾ ವರಿ ಸಿರೆನಾ ಕ್ಹಾಮಾ ಲಿವಿನಾ ಕ್ಹಾಂದಾನಾ ರೊಮ್ನಾ ಮನಕ್ಹೊ ವ್ಹತ್ತಾ. 
\v 11 ಧರಮನೆ ಚಾ಼ಲಾಲಾ ಕ್ರೆತ್ಯವಾಲಾ ವರಿ ಅರಬಿ ದೆಶನಾ ಛೆ. ಅಪೊಮಾ ದಕ್ಹಾ ಜ಼ನಾ ಹುಟ್ಟಲತಾಬಿ ಯೆಹುದಿಯೊ ವ್ಹೈ. ಬಾಕಿನಾ ಪರಿವರ್ತನ ವ್ಹಂದಲವಾಲಾ ವ್ಹೈ. ಅಪೆ ಬಿಜಾ಼ ಬಿಜಾ಼ ದೆಶನಾ ವ್ಹೈ. ತೆನೈಸೊ ಎ ಮನಕ್ಹೊ ಬೊಲಾನು ಅಪ್ನಿ ಸ್ವಂತ ಭಾಶಾಮಾ ಅಪೊನೆ ಐಕು ಆವಾಡುಸ! ತ್ಯುನೆ ಕ್ಹುದಾನಾ ಹುತಿ ಕವಾನಿ ಮ್ಹೊಟಿಯೊ ಸಂಗತಿಯೊ ಅಪೊನೆ ಕ್ಹಾರಾವೊನೆ ಗ್ವತ್ತ ಥಾವಾಡುಸ" ಕೈನ ಕದ್ಯಾ. 
\v 12 ಕ್ಹಾರಾ ಘಾಬ್ರಾ ಥಯಾ. ತ್ಯುನೆ "ಎ ಸು ಥಾವಾಡುಸ? ಕೈನ ಯಕ್ಕನೆ ಯಕ್ಕ ಪುಚ್ಚಾ಼ಡಾತಾ.
\p
\v 13 ದಕ್ಹಾಜ಼಼ನಾ ಅಪೊಸ್ತಲೊನೆ ದೆಕಿನ ಅಕ್ಹಾತಾ"ಇವ್ನೆ ಘನ್ನು ದ್ರಾಕ್ಷಾ ರಕ್ಹ ಪಿನ ಅಮ್ಮ ಕರಾಡಾಸ" ಕೈನ ಕದ್ರಾಯಾ.
\s ಪೆತ್ರಾನು ಸಂದೆಶ
\p
\v 14 ತೆಳಾಮಾ ಪೆತ್ರಾ ಗ್ಯಾರಾ ಜ಼ನಾ ಅಪೊಸ್ತಲೊನಾ ಕ್ಹಾತೆ ಉಟಿನ ಹುಬ್ರಯೊ. ಕ್ಹಾರಾ ಮನಕ್ಹೊನೆ ಘಟ್ಟ ಆವಾಜ಼ಕ್ಹು ಅಮ್ಮ ಕದ್ಯೊ "ಯೆಹುದ್ಯೊ, ಯೆರುಸಲೆಮಮಾ ರ‍್ಹವಾನಾ ಕ್ಹಾರಾ ಮನಕ್ಹೊ, ಮಿ ಕವಾನು ಕಾನ ದಿನ ಐಕೊ. ತುಮೆ ತಿಳ್ದಿಲಿವಾನಿಯೊ ಸಂಗತಿಯೊ ಮಿ ತುಮೊನೆ ಕೌಸ. 
\v 15 ತುಮೆ ತಿಳ್ದಿಲಿದಲ ಲಿಂಗತ ಎ ಮನಕ್ಹೊ ನಶಾಮಾ ರ‍್ಹಯಲವಾಲಾ ನ್ಹವೈ. ಹಮ್ನಾ ಪಾಟ್ನಾ ನೌ ವಾಜಾಸ. 
\v 16 ತೆನೈಸೊ ಆ ಟೈಮಮಾ ನ್ಹ್ಯಾ ಥಾವಾನಿಯೊ ಸಂಗತಿಯೊನಾ ಹುತಿ ಪ್ರವಾದಿ ಥಯಲ ಯೊವೆಲ ಅಮ್ಮ ಬರ್ದ್ಯೊಸ; 
\v 17 ಕ್ಹುದಾ ಅಮ್ಮ ಕವಸ; ಲಾಸ್ಟನಾ ದಿನೊಮಾ ಮಾರಿ ಆತ್ಮಾ ಖಾರಾವೊಪರ ಆವಸ ತೆನೈಸೊ ತುಮಾರಾ ಕ್ಹಾತೆ ರ‍್ಹಯಲ ದಾಣ್ಗಾ ವರಿ ಬಾಕ್ಡಿಯೊ ಪ್ರವಾದನೆ ಕರಸ ವರಿ ಜಾಂಜಿಮಾನೊನೆ ದರ್ಶನ ಥಾವಸ ತುಮಾರಾ ಮ್ಹೊಟಾ ಮನಕ್ಹೊನೆ ಕ್ಹಪನೊ ಪಡಸ 
\v 18 ತೆನೈಸೊ ತೆ ದಿನೊಮಾ ಮಿ ಮಾರಾ ದಾಸ ದಾಸಿಯೊನಾ ಉಪ್ಪರ ಮಾರಿ ಆತ್ಮಾ ಘಾಲುಸ. ತ್ಯುನೆ ಪ್ರವಾದನೆ ಕರಸ. 
\v 19 ಮಿ ಹಬಾಳ ಪರ ಅದ್ಭುತ ಕಾಮೊ ಕರಿನ ದೆಕಾಡುಸ, ಜಿಮಿನಪರ ಮ್ಹೊಟಾ ಕಾಮೊ ದೆಕೊಶಿ, ರಗತ ಆಗನು ವಾಪಲಿಂಗತ ಧವಾಂಡೊ ದೆಕೊಸಿ 
\v 20 ಸುರ‍್ಯೊ ಅಂದಾರೊ ಥಾವಸ,ಚಂದಪ್ಪಾ ರಗತನಾ ರಂಗನೊ ಥಾವಸ
\q1
\v 21 ತೆನೈಸೊ ಕರ್ತಾನು ನಾಮ ಕೈಲಿವಾಲಾವೊನೆ ರಕ್ಷಣೆ ಥಾವಸ. \rq ಯೊವೆಲ 2:28-32\rq*
\p
\v 22 ಇಸ್ರಾಯಲನಾ ಮನಕ್ಹೊ ಎ ವಾತೊ ಐಕೊ ಕ್ಹುದಾನಜರೆತನಾ ಯೆಸುನಾ ಮುಲಕ ಕರಲ ಮ್ಹೊಟಾ ಕಾಮೊ ವರಿ ಅದ್ಭುತ ಕಾಮೊನಾ ಮುಲಕ ತೆ ಚೊ಼ಕಿ ತರಾ ದೆಕಾಡಿನ ದಿದ್ಯೊಸ. ಎ ಸಂಗತಿಯೊ ತುಮೆ ಕ್ಹಾರಾ ಜ಼ನಾ ದೆಕ್ಯಾಸ. ತಿನಾಹುತಿ ಎ ಕ್ಹಾರು ಕ್ಹರಿಜ಼ ವ್ಹೈ ಕೈನ ತುಮೊನೆ ಗ್ವತ್ತ ಛೆ. 
\v 23 ಯೆಸುನೆ ತುಮೊಕನ ವಪ್ಸಾಯಾ. ತುಮೆ ಕೆಟ್ಟ ಮನಕ್ಹೊನಾ ಮದತಕ್ಹು ತಿನೆ ಶಿಲುಬಿ ಪರ ಘಾಲ್ಯಾ. ತೆನೈಸೊ ಎ ಕ್ಹಾರು ಥಾವಸ ಕವಾನು ಕ್ಹುದಾನೆ ಗ್ವತ್ತ ವ್ಹತ್ತು. ಎ ಕ್ಹುದಾನಿ ಚಿತ್ತ ವ್ಹತ್ತಿ. ಘನ್ನಾ ಟೈಮನಾ ಪಾಚೊ಼ಜ಼ ಎ ಫೈಸ್ಲೊ ಥಯಲ ವ್ಹತ್ತೊ. 
\v 24 ಯೆಸು ಮೌತನೊ ತ್ರಾಸ ಖಾದ್ಯೊ. ತೆನೈಸೊ ಕ್ಹುದಾ ತಿನೆ ಛೊಡಾಯೊ. ಕ್ಹುದಾ ಯೆಸುನೆ ಮರಲವಾಲಾವೊಮಾತೊ ಜಿವ್ತೊ ಕರಿನ ಉಟಾಡ್ಯೊ. ಮೌತನೆಬಿ ಯೆಸುನೆ ಧರಲಿವಾನೆ ಥಯು ನೈ.
\q1
\v 25 ದಾವಿದ ಯೆಸುನಾ ವಿಷಯನಾ ಹುತಿ ಅಮ್ಮ ಕದ್ಯೊಸ ಕರ್ತಾ ಹಮೆಶಾಬಿ ಮಾರಾಖಾತೆ ಛೆ ಮಿ ಕೆಳೆಜ ಪಡು ನೈಕೈನ ತೆ ಮಾರಾ ಬಾಜು಼ಮಾ ಛ.
\q1
\v 26 ತಿನಾಹುತಿ ಮಾರಾ ಮನಸ್ಮಾ ಖುಶಿ ಥಾವಸ. ಮಾರಿ ಜಿಬ್ ಕೆಳಾಮಾಬಿ ಜೊಸಖು ತಿನೆ ಸ್ತೊತ್ರ ಕವಸ ಮಾರು ಅಂಗ ಕೆಳಾಮಾಬಿ ನಿರಾಸೆ ನೈ ಥಾತು.
\q1
\v 27 ಕಾಕದ್ಯಾಮ ತು ಮಾರಿ ಜಿವ ಆತ್ಮಾನೆ ಪಾತಾಳಮಾ ಛೊಡತೊ ನೈ. ತಾರಾ ಮಯಾನಾ ಆಳನೆ ಪಡೆಲ ಜ಼ಗಾ ಪಡಾನೆ ದಿನ ಕ್ಹಡಾನೆ ದಿದ್ಯೊ ನೈ.
\q1
\v 28 ತು ಮನೆ ಜ್ಯು ಮಳಾನಿ ವಾಟ ದೆಕಾಡಿನ ದಿದ್ಯೊ ತಾರಾ ಪ್ರಸನ್ನತೆಮಾ ಕ್ಹುಶಿ ಕರೊ. \rq ಕಿರ್ತನೆ 16:8-11\rq*
\p
\v 29 "ಮಾರಾ ಭಾಯೊ ಭೆನ, ಅಪ್ನೊ ಮುಲ ಪಿತೃ ಥಯಲ ದಾವಿದನಾ ವಿಷಯಮಾ ಮಿ ತುಮೊನೆ ಕ್ಹರಿಜ಼ ಕೌಸ. ತೆ ಮರಿ ಗಯೊ ವರಿ ತಿನಿ ಸಮಾದಿ ಥೈ. ತಿನಿ ಸಮಾದಿ ಅಪ್ನಾ ವಚ್ಮಾ಼ ಎ ದಿನ್ನ ಲಕ್ಕಾ ಛೆ. 
\v 30 ದಾವಿದ ಯಕ್ಕ ಪ್ರವಾದಿ ವ್ಹತ್ತೊ ವರಿ ‘ತಾರಾ ಘರನಾ ಯಕ್ಲಾನೆ ತಾರಾ ಲಿಂಗತ ರಾಜೊ಼ ಕರುಸ’ ಕೈನ ಕ್ಹುದಾ ತಿನೆ ಕ್ಹಮ್ಮ ಘಾಲಿನ ವಾಗ್ದಾನ ಕರಲ ತಿನೆ ಗ್ವತ್ತ ವ್ಹತ್ತು.
\q1
\v 31 ತೆ ಥಾವಾತಿ ಪೈಲಾಜ಼ ದಾವಿದನೆ ಗ್ವತ್ತ ಥಯುತು.
\q2 ತಿನಾಹುತಿ ದಾವಿದ ಮೌತಮಾತೊ ಜಿವ್ತೊ ಥಾವಾನಾ ಕ್ರಿಸ್ತನಾ ಹುತಿ ತಿನೆ ಪಾತಾಳಮಾ ಛೊಡತಾ ನೈ ತಿನು ಅಂಗ ನೈ ಕ್ಹಡತು ಕೈನ ಕದ್ಯೊ.
\p
\v 32 ತಿನಾಹುತಿ ಕ್ಹುದಾ ಮರಲವಾಲಾವೊಮಾತೊ ಜಿವ್ತೊ ಕರಿನ ಉಟಾಡಲ ಯೆಸುನೆಜ಼ ಅಪೆ ಕ್ಹಾರಾ ಜ಼ನಾ ಸಾಕ್ಷಿಯೊ ಥಯಾಸ. 
\v 33 ಯೆಸು ಸ್ವರ್ಗನೆ ಗಯೊ. ಹಮ್ನಾ ಯೆಸು ಕ್ಹುದಾನಾ ಕ್ಹಾತೆ ಛೆ, ಕ್ಹುದಾನಾ ಸಿದಾ ಬಗಲ ಛೆ. ಹಮ್ನಾ ಬಾ (ಕ್ಹುದಾ) ಪವಿತ್ರ ಆತ್ಮಾ ಯೆಸುನೆ ದಿದ್ಯೊಸ. ಪವಿತ್ರ ಆತ್ಮಾ ದಿವ್ಸ ಕೈನ ಕ್ಹುದಾ ವಾಗ್ದಾನ ಕರ‍್ಯೊತೊ. ತಿನಾಹುತಿ ಯೆಸು ಹಮ್ನಾ ತೆ ಆತ್ಮಾನೆ ದಿದ್ಯೊಸ. ತುಮೆ ದೆಕಾನು ವರಿ ಐಕಾನು ಆಜ ವ್ಹೈ. 
\v 34 ಸ್ವರ್ಗನೆ ಗಯಲವಾಲೊ ದಾವಿದ ನ್ಹವೈ, ಯೆಸುಜ಼ ವ್ಹೈ. ದಾವಿದಜ಼ ಇನಾ ಹುತಿ ಕವಸ, 
\v 35 ಮಿ ತಾರಾ ವಿರೊಧಿಯೊನೆ ತಾರಾ ಪಗನು ಥಳ ಕರೆಲಕ್ಕಾ ತು ಮಾರಾ ಬಾಜು಼ಮಾ ಬೈಟಶಿ ಕೈನ ಕ್ಹುದಾ ಥಯಲ ಕರ್ತಾ ಮಾರಾ ಕರ್ತಾನೆ ಕದ್ಯೊ’ ಕೈನ. 
\v 36 "ತಿನಾಹುತಿ ಯೆಹುದಿಯೊ ಕ್ಹಾರಾ ಎ ಕ್ಹರಿಬಿ ತಿಳದಿಲಿವ. ಕ್ಹುದಾ ಯೆಸುನೆ ಪ್ರಭು ಥೈನ ಕ್ರಿಸ್ತ ಥೈನ ಕರ‍್ಯೊಸ. ತುಮೆ ಶಿಲುಬಿ ಪರ ಘಾಲ್ಯಲ ಮನಕ್ಹಜ಼ ತೆ ವ್ಹೈ" 
\v 37 ಎ ಐಕಲ ಪರ ತ್ಯಾನಾ ಪುರಾ ಮನಕ್ಹೊ, ತ್ಯುನಾ ಮನಸ್ಸೊಮಾ ಮ್ಹೆಲಿದ್ಯಲವಾಲಾ ಥೈನ ಪೆತ್ರನೆ ವರಿ ತಿನಾ ಕ್ಹಾತೆ ರ‍್ಹಯಲ ಅಪೊಸ್ತಲೊನೆ "ಭಾಯೊ, ಹಮ್ನಾ ಹಮೆ ಸು ಕರು? ಕೈನ ಪುಚ್ಯಾ. 
\v 38 ಪೆತ್ರಾ ತ್ಯುನೊನೆ"ತುಮೊಮಾನೊ ಹರಯಕ್ಲೊ ತುಮಾರಾ ಪಾಪೊನಾ ಹುತಿ ಪಶ್ಚಾತಾಪ ಪಡಿನ ಕ್ಹುದಾನಾ ಬಗಲ ಫರೊ ಯೆಸು ಕ್ರಿಸ್ತನಾ ನಾಮಮಾ ಬಾಪ್ತಿಸ್ಮ ಕರೈಲಿವೊ. ತೆಳಾಮಾ ಕ್ಹುದಾ ತುಮಾರಾ ಪಾಪೊ ಮಾಫ ಕರಸ. ತೆನೈಸೊ ಕ್ಹುದಾ ವಾಗ್ದಾನ ಕರಲ ಪವಿತ್ರ ಆತ್ಮಾನೆ ವ್ಹಂದಿಲಿವೊಶಿ. 
\v 39 ತೆ ವಾಗ್ದಾನ ತುಮೊನೆ ತುಮಾರಾ ಬಚ್ಚಾವೊನೆ ದುರ ರ‍್ಹಯಲ ಮನಕ್ಹೊನೆಬಿ ದಿದಲ ಛೆ. ಅಪ್ನೊ ಕ್ಹುದಾ ಥಯಲ ಪ್ರಭು ತಿಕನ ಬಲಾವಾನಾ ಹರ ಯಕ್ಲಾನೆ ಎ ವಾಗ್ದಾನ ದಿದ್ಯೊಸ" ಕೈನ ಕದ್ಯೊ.
\p
\v 40 ಪೆತ್ರಾ ಹಜು಼ನ ಘನ್ನಾ ವಾತೊಕ್ಹು ತ್ಯುನೊನೆ ಹುಶಾರ ಕರಿನ"ಎ ಕೆಟ್ಟ ಸಂತತಿವಾಲಾಕ್ಹು ಚು಼ಕೈಲಿವೊ" ಕೈನ ಮಾಂಗಿಲಿದ್ಯೊ. 
\v 41 ಪೆತ್ರಾನಿ ವಾತೊನೆ ವಪ್ಪಿಲಿದ್ಯಲವಾಲಾ ಬಾಪ್ತಿಸ್ಮ ಕರೈಲಿದ್ಯಾ. ತೆ ದಿನ್ನ ತನ್ನ ಹಜಾ಼ರ ಮನಕ್ಹೊ ತ್ಯಾ ಮಳ್ಯಾತಾ. 
\v 42 ಇವ್ನೆ ಅಪೊಸ್ತಲೊನಿ ಬೊಧನೆ ಐಕಾಮಾಬಿ ಭಾಯೊನಾ ಕ್ಹಾತೆ ರೊಕ್ಲೊ ತೊಡಾಮಾಬಿ ಪ್ರಾಥನಾ ಕರಾಮಾ ವ್ಹತ್ತಾ.
\s ವಿಸ್ವಾಸಿಯೊನಾ ಕ್ಹಾತೆ ಜಿವ್ನಾ
\p
\v 43 ಅಪೊಸ್ತಲೊ ಘನ್ನಾ ಚೊ಼ಕಾ ವರಿ ಅದ್ಭುತ ಕಾಮೊ ಕರಾಡಾತಾ; ವರಿ ಹರ ಯಕ್ಲಾನೆ ಕ್ಹುದಾ ಪರ ಭೆ ಐಯು. 
\v 44 ಕ್ಹಾರಾ ವಿಶ್ವಾಸಿಯೊ ಮಳಿನ ರ‍್ಹವಾಡಾತಾ. ತ್ಯುನೆ ಹರ ಯಕ್ಕ ವಾಟಿ ಲಿವಾಡಾತಾ. 
\v 45 ತ್ಯುನಾ ತ್ಯುನಾ ಆಸ್ತಿಯೊ ಇಕ್ಕಿನ ಆಯೆಲ ದೊಕಡಾಕ್ಹು ಕ್ಹಾರಾವೊನೆ ತ್ಯುನಾ ತ್ಯುನಾ ಜರುರತ್ತಕ್ಹು ವಾಟಿಲಿವಾಡಾತ್ತಾ. 
\v 46 ಹರಯಕ್ಕ ದಿನ್ನ ದೆವಾಲಯನೆ ಮಳಿನ ಆತಾತಾ. ತ್ಯುನಾ ಕ್ಹಾರಾವೊನು ಉದ್ದೆಶ ಯಕ್ಕಜ಼ ವ್ಹತ್ತು. ತ್ಯುನೆ ತ್ಯುನಾ ಘರೊಮಾನಾ ರೊಟ್ಲೊ ತೊಡಿನ ಮಳಿನ ಖಾತಾತಾ. ತ್ಯುನಾ ಮನಕ್ಹೊ ಖುಶಿಕ್ಹು ಭರಲವ್ಹತ್ತಾ. 
\v 47 ತ್ಯುನೆ ಕ್ಹುದಾನೆ ಸ್ತುತಿ ಕತಾರ‍್ಹತಾತಾ ವರಿ ಕ್ಹಾರಾ ಮನಕ್ಹೊ ತಿನೆ ಪಸಂದ ಕತಾರ‍್ಹತಾತಾ ದಿನ್ನೆಬಿ ಘನ್ನಾ-ಘನ್ನಾ ಮನಕ್ಹೊ ರಕ್ಷಣೆ ವ್ಹಂದಿಲೆತಾತಾ; ಪ್ರಭು ತ್ಯುನೊನೆ ಕ್ಹಾರಾವೊನೆ ಸಭೆನೆ ಮಳಾತೊತೊ.
\c 3
\s ಹುಟ್ಟತೊಜ಼ ಲಂಗಡೊ ರ‍್ಹಯಲವಾಲೊ ಚಾ಼ಲಲ
\p
\v 1 ಯಕ್ಕ ದಿನ್ನ ಪೆತ್ರಾ ವರಿ ಯೊಹಾನ ದುಪ್ಪಾರನಾ ಟೈಮೆ ತನ್ನ ವಾಸ್ತಾ ಚ಼ಾಲಾನೆ ಪ್ರಾಥನಾನಾ ಹುತಿ ದೆವಾಲಯನೆ ಆಯಾ. 
\v 2 ದೆವಾಲಯಮಾ ಜ಼ಾವಾಲಾವೊಕಂತೊ ಭಿಕ ಮಾಂಗಾನಾಹುತಿ ತಿನೆ ದೆವಾಲಯನಾ ಸುಂದರ ದ್ವಾರಬಾಕಲಕನ್ನ ದಿನ್ನೆ ಬೈಟಾಡತಾತಾ. 
\v 3 ತೆ ದೆವಾಲಯಮಾ ಜ಼ಾವಾಲಾ ಪೆತ್ರಾ ವರಿ ಯೊಹಾನನೆ ದೆಕಿನ ಭಿಕ ದಿವೊ ಕೈನ ಪುಚ಼್ತಮಾ. 
\v 4 ಪೆತ್ರಾ ವರಿ ಯೊಹಾನ ಭಂಬಿಜ಼ನಾ ತಿನೆ ಯಕ್ಕಸಂವಾ ದೆಕಿನ. ಪೆತ್ರಾ "ಹಮೊನೆ ದೆಕ"ಕದ್ಯೊ. 
\v 5 ತೆ ತ್ಯುನೊಕ್ಹು ಸುಬಿ ಮಳಸ ಕೈನ ತ್ಯುನೊನೆ ದೆಕ್ಯೊ. 
\v 6 ತೆಳಾಮಾ ಪೆತ್ರಾ ಕ್ಹೊನು ರುಪ್ಪುತೊ ಮಕನ ನತ್ತಿ, ಮಕನ ರವಾನು ತುನೆ ದ್ಯುಸ. ನಜರೆತನಾ ಯೆಸು ಕ್ರಿಸ್ತನಾ ನಾಮಪರ ಚಾ಼ಲ ಕದ್ಯೊ 
\v 7 ತಿನೆ ಸಿದಾಹತ್ತ ಧರಿನ ಉಟಾಡ್ಯೊ. ತೆಳಾಮಾಜ಼ ತಿನಾ ಪಗೊಮಾ ವರಿ ಗುಡ್ಗಾವೊಮಾ ತಾಕತ ಐ; 
\v 8 ತೆ ಜಿ಼ಗ್ದಿನ ಹುಬ್ರೈನ ಚ಼ಾಲ್ಯೊ; ಚ಼ಾಲ್ತೊ ಉಡತೊ ಕ್ಹುದಾನೆ ಸ್ತುತಿ ಕರ‍್ತೊ ತ್ಯುನಾ ಕ್ಹಾತೆ ದೆವಾಲಯಮಾ ಗಯೊ. 
\v 9 ತೆ ಚ಼ಾಲಾನು ವರಿ ಕ್ಹುದಾನೆ ‍ಸ್ತುತಿ ಕರಾನು ರ‍್ಹಯಲ ಕ್ಹಾರಾ ಮನಕ್ಹೊ ದೆಕಿನ. 
\v 10 ಎ ದೆವಾಲಯನಾ ಸುಂದರ ದ್ವಾರಬಾಕಲಕನ ಬೈಟಿನ ಭಿಕ ಮಾಂಗಾಲೊ ವ್ಹೈ. ಕೈನ ವಳಕಿನ. ತಿನೆ ಥಯಲ ಅದ್ಭುತ ದೆಕಿನ ಘನ್ನಾ ಘಾಬ್ರಾ ಥಯಾ. ಪೆತ್ರಾನು ದೆವಾಲಯಮಾ ಸಂದೆಶ 
\v 11 ತೆ ಪೆತ್ರಾ ವರಿ ಯೊಹಾನನೆ ಧರ್ಲಿನಜ಼ ರ‍್ಹತಾಮಾ ಘಾಬ್ರಾ ಥಯಲ ತೆ ಮನಕ್ಹೊ ಕ್ಹಾರಾ ತ್ಯುನೊಕನ ಸೊಲೊಮೊನ ಕವಾನಾ ಮಂಟಪಕನ ರ‍್ಹಯಲ ಪೆತ್ರಾ ವರಿ ಯೊಹಾನಕನ ಗುಂಪ ಗುಂಪ ಥೈನ ನ್ಹಾಟಿನ ಆಯಾ. 
\v 12 ಪೆತ್ರಾ ತಿನೆ ದೆಕಿನ ಇಸ್ರಾಯಲನಾ ಮನಕ್ಹೊ, ತುಮೆ ಕಾ ತಿಕ್ಹು ಘಾಬ್ರಾ ಥಾವೊಶಿ? ತುಮೆ ಹಮೊನೆ ಯಕ್ಕಸಂವಾ ದೆಕಾನು ಶಾನೆ ವ್ಹೈ. ಹಮೆ ಸ್ವಂತ ತಾಕತಕ್ಹು ರ‍್ಹವಾದೆ ಕ್ಹುದಾಪರ್ಲಿ ಭಕ್ತಿಕ್ಹು ಇನೆ ಚ಼ಾಲೆಲ ಲಿಂಗತ ಕರ‍್ಯಾಸ ಕೈನ ತಿಳ್ದಿಲಿವೊ ನಕೊ. 
\v 13 ಆ ಕಾರ್ಯ ಕರಲ ಹಮೆ ನ್ಹವೈ ಕ್ಹುದಾ ವ್ಹೈ. ಅಬ್ರಹಾಮನೊ ಕ್ಹುದಾ, ಇಸಾಕನೊ ಕ್ಹುದಾ, ವರಿ ಯಾಕೊಬ್ನೊ ಕ್ಹುದಾ. ತೆಜ಼ ಅಪ್ನಾ ಕ್ಹಾರಾ ಪಿತೃವೊನೊ ಕ್ಹುದಾ ವ್ಹೈ. ತೆ ತಿನೊ ಖಾಸ ಸೆವಕ ಥಯಲ ಯೆಸುನೆ ಮಹಿಮಾ ಕರೆಯೆಸ. ತೆನೈಸೊ ತುಮೆ ಯೆಸುನೆ ಖಲಾಸ ಕರಾನೆ ವಪ್ಸಿನ ದಿದ್ಯಾ. ಯೆಸುನೆ ಛೊಡಾನೆ ಪಿಲಾತನ ಫೈಸ್ಲೊ ಕರ‍್ಯೊತೊ. ತೆನೈಸೊ ಪಿಲಾತನನೆ, ಹಮೊನೆ ಯೆಸು ನಕೊ ಕೈನ ಇನ್ಕಾರ‍ ಕರ‍್ಯಾ. 
\v 14 ಯೆಸು ಪರಿಶುದ್ಧ ವ್ಹತ್ತೊ ವರಿ ಚೊ಼ಕು ವ್ಹತ್ತೊ. ತೆನೈಸೊ ತುಮೆ ತಿನೆ ಇನ್ಕಾರ‍್ಯಾ. ತಿನಾ ಬದ್ಲಿ ಕಲಾಸ ಕರಲವಾಲಾನೆ ಛೊಡು ಕೈನ ಪಿಲಾತನ ಕನ ಮಾಂಗಿಲಿದ್ಯಾ. 
\v 15 ಇಮ್ಮ ತುಮೆ ಜ಼ಲಮ ದಿವಾಲಾನೆ ಖಲಾಸ ಕರಾಯಾಸ! ತೆನೈಸೊ ಕ್ಹುದಾ ತಿನೆ ಮರಲವಾಲಾವೊಮಾತೊ ಉಟಾಡ್ಯೊ. ಇನೆ ಹಮೆಜ಼ ಸಾಕ್ಷಿಯೊ ವ್ಹೈ. 
\v 16 "ತುಮಾರಾ ಡೊಳಾ ಕ್ಹಾಮು ರ‍್ಹವಾನು ಇನಿ ವಳಕ ತುಮೊನೆ ಕ್ಹಾರಾವೊನೆ ಛೆ. ಎ ಅರಾಮ ಥಯಲನೆ ಎ ಯೆಸುನಾ ನಾಮ ಪರ ಮ್ಹೆಲಲ ಬರೊಕ್ಹೊಜ಼ ಕಾರಣ ವ್ಹೈ. ತೆ ನಾಮಜ಼ ಅನೆ ತಾಕತಕ್ಹು ಭರ‍್ಯು. ತಿನಾ ಮುಲಕ ಥಯಲ ಬರೊಕ್ಹೊಜ಼ ಇನೆ ತುಮಾರಾ ಕ್ಹಾಮೊ ಅರಾಮ ಕರ‍್ಯು.
\p
\v 17 "ಭಾಯೊ ತುಮೆ ಕರಲ ರ‍್ಹವಾದೆ, ತುಮೆ ಗ್ವತ್ತ ವಾಚಿ ಯೆಸುನೆ ಇಮ್ಮ ಕರ‍್ಯಾಸ ಕೈನ ಮನೆ ಗ್ವತ್ತ ಛೆ. ತುಮಾರಾ ನಾಯಕೊಬಿ ತಿಳ್ದಿಲಿದ್ಯಾ ನೈ. 
\v 18 ಕ್ರಿಸ್ತ ತ್ರಾಸ ಖೈನ ಮರಸ ಕೈನ ಕ್ಹುದಾ ತಿನಾ ಪ್ರವಾದಿಯೊನಾ ಮುಲಕ ಪೈಲಾಜ಼ ಕದಲ ಇಮ್ಮ ಪುರಾ ಕರ‍್ಯೊಸ. 
\v 19 ತಿನಾಹುತಿ ತುಮೆ ತುಮಾರಾ ಪಾಪೊನಾ ಹುತಿ ಪಶ್ಚಾತ್ತಾಪ ಪಡಿನ ಕ್ಹುದಾ ಬಗಲ ಫರೊ. ತೆಳಾಮಾ ತೆ ತುಮಾರಾ ಪಾಪೊ ಮಾಫ ಕರಸ. 
\v 20 ತೆಳಾಮಾ ಪ್ರಭು ತುಮೊನೆ ಆತ್ಮಿಕನಿ ತಾಕತ ದಿವಸ. ತೆ ಕ್ರಿಸ್ತ ಕೈನ ಇನಿಲಿದಲ ಯೆಸುನೆಜ಼ ತುಮೊನೆ ದಿವಸ. 
\v 21 "ತೆನೈಸೊ ಕ್ಹಾರು ಸಿದಾ ಕರಾನೊ ದಿನ್ನ ಆಯೆ ಲಕ್ಕಾ ಯೆಸು ಸ್ವರ್ಗಮಾಜ಼ ರ‍್ಹೌ. ಕ್ಹುದಾ ಘನ್ನಾ ದಿನ್ನನಾ ಪಾಚೊಜ಼ ತಿನಾ ಪವಿತ್ರ ಪ್ರವಾದಿಯೊನಾ ಸಂದೆಶನಾ ಮುಲಕ ಬೊಲಲ ಪರ, ಎ ಕಾಲನಾ ಹುತಿ ಕದ್ಯೊ. 
\v 22 ತಿನಾಹುತಿ ಮೊಶೆ ಅಮ್ಮ ಕದ್ಯೊಸ "ತುಮಾರೊ ಕ್ಹುದಾ ಥಯಲ ಪ್ರಭು ತುಮೊನೆ ಯಕ್ಕ ಪ್ರವಾದಿ ದಿವಸ. ತುಮಾರಾ ಭಾಯೊನಾ ವಚ್ಮಾತೊಜ಼ ತೆ ಪ್ರವಾದಿ ಆವಸ. ತೆ ಮಾರಾ ಲಿಂಗತಜ಼ ರ‍್ಹವಸ. ತೆ ಪ್ರವಾದಿ ಕವಾನಿ ಹರಯಕ್ಕನೆಬಿ ತುಮೆ ವಿಧೆಯ ಥೌ. 
\v 23 ತಿನೆ ನೈ ವಿಧೆಯ ಥಯಲವಾಲಾ ಕ್ಹುದಾನಾ ಮನಕ್ಹೊಕ್ಹು ಜು಼ದೊ ಕರಿನ ಹಾಳ ಕರಸ. 
\v 24 "ಸಮುವೆಲ ವರಿ ತಿಪರ್ತಾ ಆಯಲ ಪ್ರವಾದಿಯೊ ಎ ದಿನೊಮಾ ಥಾವಾನಾ ಹುತಿ ಪೈಲಾಜ ಕದ್ಯಾಸ. 
\v 25 ತೆ ಪ್ರವಾದಿಯೊ ಕದಲ ಸಂಗತಿಯೊ ತುಮೆ ಸ್ವಿಕಾರ ಕರಿಲಿದ್ಯಾಸ. ಕ್ಹುದಾ ತುಮಾರಾ ಪಿತೃವೊನಾ ಕ್ಹಾತೆ ಬೊಲಲ ವಾತೊ ತುಮೆ ಸ್ವಿಕಾರ ಕರಿಲಿದ್ಯಾಸ. ಕ್ಹುದಾ ತುಮಾರೊ ಪಿತೃ ಥಯಲ ಅಬ್ರಹಾಮನೆ, ‘ತಾರಿ ಸಂತತಿಕ್ಹು ಜಿಮಿನಪರ ರ‍್ಹಯಲ ಕ್ಹಾರಾ ಮನಕ್ಹೊ ಆಶಿರ್ವಾದ ವ್ಹಂದಿಲಿವಸ’ ಕೈನ ಕದ್ಯೊ. 
\v 26 ಕ್ಹುದಾ ತಿನಾ ಖಾಸ ಸೆವಕನೆ ಮೌತಮಾತೊ ಉಟಾಡಿನ ಪೈಲಾ ತುಮೊಕನ ವಳಾಯೊ. ತುಮೊನೆ ಆಶಿರ್ವಾದ ದಿವಾನಾ ಹುತಿ ಕ್ಹುದಾ ಯೆಸುನೆ ವಳಾಯೊ. ತೆ ತುಮೊನೆ ತುಮಾರಾ ಕೆಟ್ಟಕಾಮೊಕ್ಹು ದುರ ಕರಿನ ಆಶಿರ್ವಾದ ಕರಸ"
\c 4
\s ಪೆತ್ರಾ ವರಿ ಯೊಹಾನ ನ್ಯಾಯ ಸಭೆನಾ ಕ್ಹಾಮಾ
\p
\v 1 ಪೆತ್ರಾ ವರಿ ಯೊಹಾನ ಮನಕ್ಹೊನಾ ಕ್ಹಾತೆ ಬೊಲ್ತಾಮಾ, ದಕ್ಹಾ ಮನಕ್ಹೊ ತ್ಯುನೊಕನ ಆಯಾ. ತ್ಯಾ ದಕ್ಹಾ ಯಾಜಕೊ ವ್ಹತ್ತಾ. ದಕ್ಹಾ ಸದ್ದುಕಾಯರೊ ವ್ಹತ್ತಾ ವರಿ ದೆವಾಲಯ ಕೈದಾಲಾ ಸೈನಿಕೊನೊ ಅಧಿಪತಿ ವ್ಹತ್ತೊ. 
\v 2 ಎ ಭಂಬಿ ಅಪೊಸ್ತಲೊ ಮನಕ್ಹೊನೆ ಉಪದೆಶ ಕರಾನು ದೆಕಿನ ತ್ಯುನೆ ಶಿಟ್ಟ ಥಯಾತಾ. ಯೆಸುನಿ ತಾಕತಕ್ಹು ಮನಕ್ಹೊ ಪುನರುತ್ಥಾನ ಥಾವಸ ಕೈನ ಪೆತ್ರಾ ವರಿ ಯೊಹಾನ ಕವಾಡಾತಾ. 
\v 3 ಯೆಹುದಿಯೊನಾ ನಾಯಕೊ ಪೆತ್ರಾ ವರಿ ಯೊಹಾನನೆ ಧರಿನ ಮರ್ನಾ ದಿನ್ನ ಲಕ್ಕಾ ಜೆಲ್ಮಾ ಘಾಲ್ಯಾ. 
\v 4 ತೆನೈಸೊ ಪೆತ್ರಾ ವರಿ ಯೊಹಾನನಿ ಬೊಧನೆ ಐಕಿನ ಘನ್ನಾ ಮನಕ್ಹೊ ಬರೊಕ್ಹೊ ಕರ‍್ಯಾ. ತೆಳಾಮಾ ತೆ ಪಂಚಾತಿಮಾ ವಿಶ್ವಾಸಿಯೊ ಥಯಲ ದಾಣ್ಗಾವೊನಾ ಇಸಾಬ ಪಾಂಚ಼ ಹಜಾ಼ರನೆ ಚ಼ಡ್ಯು.
\p
\v 5 ಮರ್ನಾ ದಿನ್ನೆ ಯೆಹುದಿ ನಾಯಕೊ, ಯೆಹುದಿನಾ ಮ್ಹೊಟಾ ಶಾನಾ ನಾಯಕೊ ವರಿ ಧರಮ ಶಿಕ್ಲಾವಾನಾ ಯೆರುಸಲೆಮಮಾ ಸಭೆ ಥೈನ ಮಳ್ಯಾತಾ. 
\v 6 ತ್ಯಾ ಮ್ಹೊಟೊ ಯಾಜಕ ಅನ್ನಸ, ಕಾಯಫ,ಯೊಹಾನ ವರಿ ಅಲೆಕ್ಸಾಂಡರ ವ್ಹತ್ತಾ. ಮ್ಹೊಟಾ ಯಾಜಕನಾ ಘರವಾಲಾ ಕ್ಹಾರಾ ಜ಼ನಾ ತ್ಯಾ ವ್ಹತ್ತಾ. 
\v 7 ತ್ಯುನೆ ಪೆತ್ರಾ ಯೊಹಾನನೆ ತ್ಯಾ ರ‍್ಹಯಲ ಕ್ಹಾರಾ ಮನಕ್ಹೊನಾ ಕ್ಹಾಮಾ ಹುಬ್ರಾಡ್ಯಾ. ಯೆಹುದಿ ನಾಯಕೊ ತ್ಯುನೊನೆ "ತುಮೆ ಎ ಲಂಗ್ಡಾನೆ ಕಿಮ್ಮ ಅರಾಮ ಕರ‍್ಯಾ? ತುಮೆ ಕೈ ತಾಕತ ಉಪಯೊಗ ಕರ‍್ಯಾ? ಎ ಕಿನಾ ಅದಿಕಾರಕ್ಹು ಕರ‍್ಯಾಸ? ಕೈನ ಪುಚ್ಯಾ.
\p
\v 8 ತೆಳಾಮಾ ಪೆತ್ರಾ, ಪುರಾ ಪವಿತ್ರ ಆತ್ಮಾಕ್ಹು ಭರ‍್ಯೊ. ತೆ ತ್ಯುನೊನೆ "ಮನಕ್ಹೊಪರ ಮ್ಹೊಟಾ ರ‍್ಹಯಲವಾಲಾ ವರಿ ಶಾನಾವೊ, 
\v 9 ಎ ಲಂಗ್ಡಾನೆ ಥಯಲ ಚೊ಼ಕಾನಾ ಹುತಿ ತೆ ಕಿಮ ಅರಾಮ ಥಯೊ ಕೈನ ತುಮೆ ಹಮೊನೆ ಪುಚಾ಼ಡಾಸ ಸು, 
\v 10 ನಜರೆತನಾ ಯೆಸು ಕ್ರಿಸ್ತನಾ ನಾಮಕ್ಹು ಎ ಮನಕ್ಹನೆ ಅರಾಮ ಥಯುಸ ಕವಾನು ತುಮೆ ವರಿ ಇಸ್ರಾಯೆನಾ ಕ್ಹಾರಾ ಮನಕ್ಹೊ ತಿಳ್ದಿಲಿವ ಕೈನ ಮಿ ಆಸ ಕರುಸ! ತುಮೆ ಯೆಸುನೆ ಶಿಲುಬಿ ಪರ ಘಾಲ್ಯಾ. ಕ್ಹುದಾ ತಿನೆ ಮರಲವಾಲಾವೊಮಾತೊ ಜಿವ್ತೊ ಕರಿನ ಉಟಾಡ್ಯೊ. ಎ ಮನಕ್ಹ ಲಂಗ್ಡೊ ವ್ಹತ್ತೊ, ತೆನೈಸೊ ಹಮ್ನಾ ಎ ಅರಾಮ ಥಯೊಸ ವರಿ ಯೆಸುನಾ ನಾಮಕ್ಹು ತುಮಾರಾ ಕ್ಹಾಮೊಜ಼ ಹುಬ್ರಯೊಸ! 
\v 11 ಘರ ಭಾಂದಾಲಾ ತುಮೆ ನಕೊ ಕೈನ ಛೊಡ್ಯಲ ದಗ್ಡೊಜ಼ ಯೆಸು ವ್ಹೈ. 
\v 12 ರಕ್ಷಣೆ ಯೆಸುಕ್ಹುಜ಼ ವ್ಹೈ ಬಿಜಾ಼ ಕಿಕನಜ಼ ನೈ ಮಳ್ತು. ತಿನಾ ನಾಮಕ್ಹುಜ಼ ನೈಸೊ ಹಬಾಳನಾ ಹೆಟಾ ರ‍್ಹಯಲ ಮನಕ್ಹೊನೆ ದಿದಲ ಬಿಜಾ಼ ಕಯಾ ನಾಮಕ್ಹುಬಿ ಅಪೊನೆ ರಕ್ಷಣೆ ನೈ ಥಾತು" ಕೈನ ಕದ್ಯೊ.
\p
\v 13 ಪೆತ್ರಾ ವರಿ ಯೊಹಾನನೆ ಖಾಸ ಕಯಿಬಿ ತರಬೆತಿ ಗ್ಯಾನ ರ‍್ಹವಾದೆ ನತ್ತಿ ಕವಾನು ಯೆಹುದಿಯೊನಾ ನಾಯಕೊನೆ ಗ್ವತ್ತ ವ್ಹತ್ತು. ತೆನೈಸೊ ತ್ಯುನೆ ಭುಚಕ್ಯಾವಾಚಿ಼ ಬೊಲಾನುಬಿ ನಾಯಕೊ ದೆಕಾಡಾತಾ. ತಿನಾಹುತಿ ಎ ನ್ಯಾಯಕೊ ಘನ್ನಾ ಘಾಬ್ರಾ ಥಯಾ. ಪೆತ್ರಾ ವರಿ ಯೊಹಾನ ಯೆಸುನಾ ಕ್ಹಾತೆ ವ್ಹತ್ತಾ ಕಾವಾನು ಎ ಥಯಲಪರ ಗ್ವತ್ತ ಥಯು. 
\v 14 ಎ ಭಂಬಿ ಅಪೊಸ್ತಲೊನಾ ಬಾಜು಼ಮಾ ಹುಬ್ರಾಯಲ ಅರಾಮ ಥಯಲ ಲಂಗ್ಡಾನೆ ತ್ಯುನೆ ದೆಕ್ಯಾ. ತಿನೆ ಅರಾಮ ಥಯಲ ತ್ಯುನೆ ದೆಕ್ಯಾ. ತಿನಾಹುತಿ ಅಪೊಸ್ತಲೊನಾ ವಾತೊನಾ ವಿರುದ್ಧ ತ್ಯುನೆ ಸುಜ಼ ಕವಾನೆ ಥಯು ನೈ. 
\v 15 ಯೆಹುದಿ ನಾಯಕೊ ಅಪೊಸ್ತಲೊನೆ ಸಭೆತಾ ಭಾರಾ ಮೊಕ್ಲಿನ, 
\v 16 "ಇವ್ನೊನೆ ಅಪೆ ಸು ಕರಿಯೆ? ಇವ್ನೆ ಮ್ಹೊಟಾ ಅದ್ಭುತ ಕಾಮೊ ಕರಾನು ಯೆರುಸಲೆಮಮಾ ರ‍್ಹಯಲ ಹರಯಕ್ಕನೆ ಗ್ವತ್ತ ಛೆ. ಎ ಅದ್ಭುತ ಕಾಮೊ ಕರೆಟ್ಟ ರ‍್ಹಯಲ ಹುತಿ ತಿನೆ ಮಾಂಡ್ಯಾ ವ್ಹೈ ಕೈನ ಕವಾನೆ ನೈ ಥಾತು. 
\v 17 ತೆನೈಸೊ ತೆ ಮನಕ್ಹನಾ ಹುತಿ ಮನಕ್ಹೊನೆ ಕಯೆ ನೈಸೊ ಅಪೆ ತ್ಯುನೊನೆ ಭುಚ್ಕಾಡು. ತೆಳಾಮಾ ಎ ಸಮಾಚಾರ ಮನಕ್ಹೊನಾ ವಚ್ಮಾ಼ ಫೈಲ್ತಿ ನೈ" ಕೈನ ತ್ಯುನೆ ಬೊಲಿಲಿದ್ಯಾ.
\p
\v 18 ತಿನಾಹುತಿ ಯೆಹುದಿ ನಾಯಕೊ ಪೆತ್ರಾ ವರಿ ಯೊಹಾನನೆ ಮ್ಹೈ ಬಲೈನ, ಯೆಸುನಾ ನಾಮಪರ ಸುಜ಼ ಕೌ ನೈ ಕೈನ, ಸುಜ಼ ಬೊದನೆ ಕರು ನೈ ಕೈನ ತಾಕಿತ ಕರ‍್ಯಾ. 
\v 19 ತಿಮ್ಮ ಕತಾಮಾ ಪೆತ್ರಾ ವರಿ ಯೊಹಾನ ತ್ಯುನೊನೆ "ಹಮೆ ತುಮೊನೆ ವಿದೆಯ ಥಯೆ ಸು ಕ್ಹುದಾನೆ ವಿದೆಯ ಥಯೆ? ಇಮಾ ಕಯು ಕ್ಹುದಾನೆ ಚಾ಼ಯೆ ಥಯಲ ವ್ಹೈ? ತುಮೆಜ಼ ಕವೊ. 
\v 20 ಹಮೆತೊ ಗಪ್ಪ ನೈ ರ‍್ಹೆ ಸಕ್ತಾ. ಹಮೆ ದೆಕಲ ವರಿ ಐಕಲ ಸಂಗತಿಯೊನಾ ಹುತಿ ಮನಕ್ಹೊನೆ ಕೌಜ಼" ಕೈನ ಉತ್ತರ ದಿದ್ಯಾ. 
\v 21 ಯೆಹುದಿ ನಾಯಕೊನೆ ಅಪೊಸ್ತಲೊನೆ ಶಿಕ್ಷಾ ದಿವಾನೆ ಕಯಿಜ಼ ವಾಟ ದಿಕ್ಹಿ ನೈ, ಕಾಕದ್ಯಾಮ, ಥಯಲ ಕಾಮೊನಾ ಹುತಿ ಮನಕ್ಹೊ ಕ್ಹಾರಾ ಕ್ಹುದಾನೆ ಸ್ತುತಿ ಕರಾಡಾತಾ. 
\v 22 ಎ ಸುಚಕ ಕಾಮೊಕ್ಹು ಅರಾಮ ಥಯಲ ಮನಕ್ಹೊನಿ ವೈಸ ಚಾ಼ಳಕ್ಹತಿಬಿ ಜಾಸ್ತ ವೈಸ ವ್ಹತ್ತಿ! ತಿನಾಹುತಿ ಯೆಹುದಿ ನಾಯಕೊ ಅಪೊಸ್ತಲೊನೆ ವರಿ ತಾಕಿತ ಕರಿನ ವಳೈ ಪಡ್ಯಾ.
\s ಧೈರೈನಾ ಹುತಿ ವಿಶ್ವಾಸಿಯೊ ಪ್ರಾಥನಾ ಕರಲ
\p
\v 23 ಪೆತ್ರಾ ವರಿ ಯೊಹಾನ ಯೆಹುದಿಯೊನಾ ನಾಯಕೊ ತ್ಯುನೊನೆ ಛೊಡ್ತಾಮಾ ತ್ಯುನೆ ಸಭೆತಾ ಗೈನ ತ್ಯುನಿ ಸಮುದಾಯನೆ ಗಯಾ. ಮ್ಹೊಟಾ ಯಾಜಕೊ ವರಿ ಯೆಹುದಿಯೊನಾ ಶಾನಾ ನಾಯಕೊ ತ್ಯುನೊನೆ ಕದಲ ಹರಯಕ್ಕ ತ್ಯುನೆ ತ್ಯುನಿ ಸಮುದಾಯಮಾ ತಿಳ್ಸಾಯಾ. 
\v 24 ಎ ಐಕಲಪರ ವಿಶ್ವಾಸಿಯೊ ಯಕ್ಕ ಮನಸ್ಸಕ್ಹು ಕ್ಹುದಾನೆ ಝೊರ ಪ್ರಾಥನಾ ಕರ‍್ಯಾ; "ಮಾಲಕ, ಹಬಾಳನೆ ಜಿಮಿನನೆ ಸಮುಂದರನೆ ವರಿ ದುನಿಯಾಮಾ ರ‍್ಹವಾನು ಹರಯಕ್ಕನೆ ಸೃಷ್ಟಿ ಕರಲವಾಲೊ ತುಜ಼಼ ವ್ಹೈ. 
\v 25 ಹಮಾರೊ ಪಿತೃ ಥಯಲ ದಾವಿದ ತಾರೊ ಸೆವಕ ವ್ಹತ್ತೊ. ತೆ ಪವಿತ್ರ ಆತ್ಮಾನಾ ಮದತಕ್ಹು ಎ ವಾತೊ ಬರ್ದ್ಯೊಸ; 
\v 26 ಭುಲೊಕನಾ ರಾಜಾ಼ ಜಾ಼ವಾನೆ ತಯ್ಯಾರ ಛೆ; 
\v 27 ಕ್ಹರಿಬಿ ತಿನಾ ಲಿಂಗತ ಥಯು ಹೆರೊದನೊ ರಾಜೊ಼, ಪೊಂತಿಯಸ ಪಿಲಾತನ, ಸಂತತಿಯೊ ವರಿ ಇಸ್ರಾಯಲ ಗಾಮತಾ ಕ್ಹಾರಾ ಮಳಿನ ಯೆಸುನೆ ವಿರೊದ ಕರಲ ಪರ ಎ ಸಂಗತಿಯೊ ಕ್ಹರಿಜ಼ ಥಯಾ. ಕ್ರಿಸ್ತ ಥಯಲ ಯೆಸು ತಾರೊ ಪವಿತ್ರ ಸೆವಕ ಥಯೊಸ. ತು ತಿನೆ ಅಭಿಷೆಕ ಕರ‍್ಯೊಸ. 
\v 28 ಯೆಸುನೆ ವಿರುದ್ಧ ಥೈನ ಮಳಿನ ಆಯಲ ಎ ಮನಕ್ಹೊ ತಾರಿ ವಿಚಾರ ಪುರಾ ಥಾಯೆ ಲಿಂಗತ ಕರ‍್ಯಾ. ತಾರಿ ತಾಕತಕ್ಹು ತಾರಿ ಚಿತ್ತಕ್ಹು ಎ ಥಯು. 
\v 29 ಪ್ರಭು, ತ್ಯುನೆ ಕವಾನು ಐಕ. ತ್ಯುನೆ ಹಮೊನೆ ಭುಚ್ಕಾಡಾನೆ ಕೊಶಿಶ ಕರಾಡಾಸ! ಪ್ರಭು ಹಮೆ ತಾರಾ ಸೆವಕೊ ವ್ಹೈ. ತಾರಿ ವಾಕ್ಯಾ ಭೆ ವಾಚಿ ಕವಾನೆ ತುಜ಼಼ ಹಮೊನೆ ಮದತ ಕರ. 
\v 30 ತಾರೊ ಹತ್ತ ಅಗೊ ಕರಿನ ಯೆಸುನಾ ನಾಮನಾ ಮುಲಕ ರೊಗಿಯೊನೆ ಅರಾಮ ಕರ; ಸುಚಕ ಕಾಮೊ ಅದ್ಭುತ ಕಾಮೊ ಕರ" ಕೈನ ತ್ಯುನೆ ಪ್ರಾಥನಾ ಕರ‍್ಯಾ. 
\v 31 ಇಮ್ಮ ವಿಶ್ವಾಸಿಯೊ ಪ್ರಾಥನಾ ಕರ‍್ತಾಮಾ, ತ್ಯುನೆ ಸಭೆ ಮಳಲ ಜ಼ಗಾ ಹಲ್ಯು. ತ್ಯುನೆ ಕ್ಹಾರಾ ಪವಿತ್ರ ಆತ್ಮಾಕ್ಹು ಭರಿನ ವರಿ ಕ್ಹುದಾನಿ ವಾಕ್ಯಾ ಭೆ ವಾಚಿ ಕದ್ಯಾ. 
\v 32 ವಿಶ್ವಾಸಿಯೊನು ಮನಸ್ಸ ಜ಼ಲಮ ಯಕ್ಕಜ಼ ವ್ಹತ್ತು. ಸಮುದಾಯಮಾ ರ‍್ಹಯಲ ಕುನ್ನಬಿ ರ‍್ಹೈನಕಾ ತಿಕನ ರ‍್ಹಯಲ ಕ್ಹಾರು ತಿನು ವ್ಹೈ ಕೈನ ಕವಾಡಾ ನ್ಹೊತಾ. ತಿನಿ ಜ಼ಗಾ, ತ್ಯುನೆ ಹರಯಕ್ಕನೆ ವಾಟಿಲಿವಾಡಾತಾ. 
\v 33 ಪ್ರಭು ಥಯಲ ಯೆಸು ಕ್ಹರಿಬಿ ಮರಲವಾಲಾವೊಮಾತೊ ಜಿವ್ತೊ ಥೈನ ಉಟಿನ ಆಯೊಸ ಕೈನ ಅಪೊಸ್ತಲೊ ಘನ್ನಾ ಜೊ಼ರೆ ಮನಕ್ಹೊನೆ ಕವಾಡಾತಾ. ಕ್ಹುದಾ ವಿಶ್ವಾಸಿಯೊ ಕ್ಹಾರಾವೊನೆ ಘನ್ನೊ ಆಶಿರ್ವಾದ ಕರ‍್ಯೊ. 
\v 34 ತ್ಯುನೆ ಕ್ಹಾರಾವೊನಾ ಜ಼ರುರತೊ ಪುರಾ ಥಾವಾಡಾತಾ. ಜ಼ಗಾ ವರಿ ಘರೊ ರ‍್ಹಯಲ ಹರಯಕ್ಲಾ ತೆ ಇಕ್ಕಿನ, 
\v 35 ಆಯಲ ದೊಕ್ಡಾ ಅಪೊಸ್ತಲೊನಾ ಹತೊಮಾ ದೆತಾತಾ.. ಪಾಚಾ಼ತಾ ತೆ ಹರಯಕ್ಲಾನೆ ತಿನಾ ತಿನಾ ಜ಼ರುರತ ಲಿಂಗತ ವಾಟಿಲೆತಾತಾ. 
\v 36 ತೆ ವಿಶ್ವಾಸಿಯೊಮಾ ಯೊಸೆಫ ಕವಾಲೊ ವ್ಹತ್ತೊ. ಅಪೊಸ್ತಲೊ ತಿನೆ ಬಾರ್ನಬ ಕೈನ ಬಲಾತಾತಾ. ಬಾರ್ನಬ ಕದ್ಯಾಮ ‘ಧೈರೈವಾಲೊ’ ಸೈಪ್ರಸ್ಮಾ ಹುಟ್ಟಲ ಎ ಲೆವಿ ವ್ಹತ್ತೊ. 
\v 37 ಯೊಸೆಫನೆ ಯಕ್ಕ ಖೆತರ ವ್ಹತ್ತು. ತೆ ತಿನೆ ಇಕ್ಕಿನ ಆಯಲ ದೊಕ್ಡಾ ಅಪೊಸ್ತಲೊನಾ ಹತೊಮಾ ಮ್ಹೆಲ್ಯೊ.
\c 5
\p
\v 1 ಅನನಿಯ ಕವಾಲೊ ಯಕ್ಲೊ ವ್ಹತ್ತೊ. ತಿನಿ ಬೈಕೊನು ನಾಮ ಸಫೈರಳ ವ್ಹೈ. ಅನನಿಯ ತಿಕನ ರ‍್ಹಯಲ ದಕ್ಹಿ ಜಿಮಿನ ಇಕ್ಯೊ. 
\v 2 ತೆನೈಸೊ, ಆಯಲ ದೊಕ್ಡಾಮಾ ಯಕ್ಕ ಭಾಗ ತೆ ಅಪೊಸ್ತಲೊನಾ ಪಗೊ ಕನ ಮ್ಹೆಲ್ಯೊ. ತೆ ದಕ್ಹಾ ದೊಕ್ಡಾ ತಿನಾಹುತಿ ಝಾಕಿನ ಮ್ಹೆಲ್ಯೊ. ತಿನಿ ಬೈಕೊನೆ ತೆ ಕ್ಹಾರು ಗ್ವತ್ತ ವ್ಹತ್ತು. ತಿನೆ ತೆ ವಪ್ಪಿಲಿದಿತಿ. 
\v 3 ಪೆತ್ರಾ"ಅನನಿಯ, ತಾರು ಮನಸ್ಸ ಆಳಾನೆ ತು ಸೈತಾನನೆ ವಪ್ಸಿನ ಕಾ ದಿದ್ಯೊಸ? ತು ಸುಳ್ಳ ಕೈನ, ಪವಿತ್ರ ಆತ್ಮಾನೆ ಮೊಸ ಕರಾನೆ ಕೊಶಿಶ ಕರ‍್ಯೊಸ. ತು ತಾರಿ ಜಿಮಿನ ಇಕ್ಯೊ, ತೆನೈಸೊ ಆಯಲ ದೊಕ್ಡಾಮಾ ಯಕ್ಕ ಭಾಗ ತು ತಾರಾ ಹುತಿ ಮ್ಹೆಲಿದಲ ಕಾ ವ್ಹೈ? 
\v 4 ತು ಜಿಮಿನ ಇಕಾತ್ತಿ ಅಗ್ದುರಜ಼ ತೆ ತಾರಿ ಥೈತಿ. ತು ಇಕ್ಕಲ ಪರಬಿ ಆಯಲ ದೊಕ್ಡಾ ತಾರಾ ಥಯತಾ. ಎ ಕೆಟ್ಟ ಕಾಮೊ ಕರಾನೆ ತು ಕಾ ವಿಚಾರ ಕರ‍್ಯೊ? ತು ಸುಳ್ಳ ಕದಲ ಕ್ಹುದಾನೆ ವ್ಹೈ ಮನಕ್ಹೊನೆ ನ್ಹವೈ ಕದ್ಯೊ. 
\v 5 ಅನನಿಯಾ ಆ ಐಕಲ ಪರಬಿ ತೆಳಾಮಾ ಹೆಟೊ ಪಡಿನ ಮರಿ ಗಯೊ. ಎ ಸುದ್ದಿ ಐಕಿನ ಹರಿಯಕ್ಕಲೊ ಭುಚ್ಕಾ಼ ವರಕ್ಹಾ ಥಯಾ. 
\v 6 ದಕ್ಹಾ ಜಾಂಜಿಮಾನೊ ಐನ ತಿನು ಅಂಗ ಪ್ಹಡ್ಕಾಮಾ ಸುತ್ತಿನ ತ್ಯುನೆ ತೆ ಅಂಗನೆ ಉಚೈಲಿನ ಮಜಾ಼ರಮಾ ಮ್ಹೆಲ್ಯಾ. 
\v 7 ಕಮ್ಸೆ ಕಮ ತನ್ನ ವಾಸ್ತಾ ಥಯಲ ಪರ ತಿನಿ ಬೈಕೊ ಥಯಲ ಸಪೈಲರ ಮ್ಹೈ ಐ. ಥಯಲ ಸಂಗತಿಯೊನಾ ಹುತಿ ಸಪೈಲರ ನೆ ಗೊತ್ತ ನೊತು. 
\v 8 ಪೆತ್ರಾ ತಿನೆ "ತುಮಾರಿ ಜ಼ಮಿನಕ್ಹು ತುಮೊನೆ ಕೆಕ್ಲಾದೊಕ್ಡಾ ಆಯಾತಾ. ಕ್ಹರಿಮಾಜ಼ ಅಕ್ಲಾಜ಼ ದೊಕ್ಡಾ ವ್ಹೈಸು? ಕದ್ಯೊ. ಸಫೈಲರ "ಹೊ, ತೆಕ್ಲಾಜ಼ ವ್ಹೈ ಕದಿ. 
\v 9 ತೆಳಾಮಾ ಪೆತ್ರಾ ತಿನೆ ತು ವರಿ ತಾರೊ ಮಾಟಿ ಪ್ರಬುನಿ ಆತ್ಮನೆ ಪರಿಕ್ಷಾ ಲಿವಾನೆ ಕಾ ವಪ್ಪಿಲಿದ್ಯಾ? ದೆಕ ತಾರಾ ಮಾಟಿನೆ ಸಮಾದಿ ಕರಿನ ಐಯಲ ಮನಕ್ಹೊ ಬಾಕಲ ಕನ ಆಯಾಸ ತ್ಯುನೆ ತುನೆ ತಿನಾ ಲಿಂಗತಜ಼ ಉಚೆ಼ಲಿನ ಜಾ಼ವಸ ಕದ್ಯೊ. 
\v 10 ತೆಳಾಮಾಜ಼ ಸಫೈಲರ ತಿನಾ ಪಗೊಕನ ಪಡಿನ ಜ಼ಲಮ ಛೊಡಿ ತೆ ಜಾ಼ಂಜಿಮಾನೊ ಮ್ಹೈ ಐನ ದೆಕ್ತಾಮಾ ತೆ ಮರಿ ಗೈತಿ ತ್ಯುನೆ ತಿನೆ ಉಚೈಲಿನ ಗೈನ ತಿನಾ ಮಾಟಿನಾ ಬಾಜು಼ಮಾ ಬುರ‍್ಯಾ. 
\v 11 ಎ ಸಂಗಯೊತಿನಾ ಹುತಿ ಸಬೆನಾ ಕ್ಹಾರಾ ಮನಕ್ಹೊ ವರಿ ಐಕಲ ಕ್ಹಾರಾಜ಼ನಾ ಭುಚ್ಕಾ಼ ವರಕ್ಹಾ ಥಯಾ. 
\v 12 ಅಪೊಸ್ತಲೊ ಕೆಕ್ಲಾಕಿ ಸುಚಕ ಕಾಮೊ ಅಬ್ದುತ ಕಾಮೊ ಕರ‍್ಯಾ ಮನಕ್ಹೊ ಕ್ಹಾರಾ ತೆ ಕಾಮೊ ದೆಕ್ತಾತಾ. ವರಿ ಅಪೊಸ್ತಲೊ ಮಳಿನ ಸೊಲೊಮೊನಾ ಮಂಟಪಮಾ ರ‍್ಹತಾತಾ. 
\v 13 ತ್ಯುನಾ ಕ್ಹಾತೆ ಹುಬ್ರವಾನೆ ಬಿಜು಼ ಕಿನೆಜ಼ ಧೈರ್ಯ ಥೈ ನೈ ರ‍್ಹೈತಬಿ ಮನಕ್ಹೊ ಕ್ಹಾರಾ ಅಪೊಸ್ತಲೊನಾ ಹುತಿ ಚೊ಼ಕಿಯೊ ಸಂಗತಿಯೊ ಕವಾಡಾತಾ. 
\v 14 ತೆನೈಸೊ ಘನ್ನಾ ಮನಕ್ಹೊ ಗುಂಪಮಾ ಮಳಿನ ಆತಾತಾ ವರಿ ದಾಣ್ಗಾ ಬಾಕ್ಡಿಯೊ ಕರ್ತಾಪರ ಬರೊಕ್ಹೊ ಮ್ಹೆಲಿನ ತ್ಯುನಾ ಕ್ಹಾತೆ ಶಾಮಿಲ ಥಯಾ. 
\v 15 ಇಮ್ಮ ರ‍್ಹತಾಮಾ ಅಪೊಸ್ತಲೊನಿ ಸುದ್ದಿ ಐಕಿನ ಮನಕ್ಹೊ ಕ್ಹಾರಾ ಅರಾಮ ನೈಸೊ ವಾಲಾವೊನೆ ಪಲಂಗನಾ ಕ್ಹಾತೆ ವರಿ ವಚ್ಚಾನಾನಾ ಕ್ಹಾತೆಜ಼ ಉಚೈ ಲೈನ ತ್ಯುನಿ ಜಾ಼ವಾನಿ ವಾಟಪರ ಲೈ ಪಡತಾತಾ ಕಾಕದ್ಯಾಮ ಪತ್ರಾನಿ ಛೌಲಿ ಪಡ್ಯಾಮ ಅರಾಮ ಥಾವಸ ಕೈನ ತ್ಯುನೊನೆ ಬರೊಕ್ಹೊ ವ್ಹತ್ತೊ.. 
\v 16 ಜೆರುಸಲೆಮನಾ ಸುತ್ತೆ ಮುತ್ತೆನಾ ಗಾಮೊ ಮಾತಾ ಮನಕ್ಹೊ ಆವಾಡಾತಾ. ತ್ಯುನೆ ರೊಗ್ಯೊನೆ ಭುತ್ಡಾ ದರಲ ವಾಲಾವೊನೆ ಉಚೈಲಿನ ಆವಾಡಾತಾ. ಎ ಕ್ಹಾರಾ ಮನಕ್ಹೊನೆ ಅರಾಮ ಥಯ್ಯೊ. 
\v 17 ಪ್ರದಾನ ಯಾಜಕೊ ವರಿ ತ್ಯುನಾ ದೊಸ್ತೊ ಕ್ಹಾರಾ ಸದ್ದುಕಾಯೊ ಅಪೊಸ್ತಲೊ ಕಾಮೊನಾ ಹುತಿ ಸಂಗಟ ಘಾಲಿದ್ಯಾ ವರಿ ತ್ಯುನೊನೆ ಸುಬಿ ಕರು ಕೈನ ವಿಚಾರ ಕರಲಿದ್ಯಾ 
\v 18 ತ್ಯುನೆ ಅಪೊಸ್ತಲೊನೆ ಧರೈನ ಜೆಲಮಾ ಘಾಲ್ಯಾತಾ. 
\v 19 ತೆನೈಸೊ ಕರ್ತಾನೊ ದುತ ರಾತೆ ಜೆಲನಾ ಬಾಕ್ಲೊ ಖುಲ್ಲಾ ಕರಿನ ತ್ಯುನೊನೆ ಭಾರೊ ಬಲೈಲೈನ, 
\v 20 "ಗೈನ ದೆವಾಲಯಮಾ ಹುಬರೈನ. ಯೆಸುಮಾ ರ‍್ಹಯಲ ಎ ನವಿ ಜಿವಿತನಾ ಹುತಿ ಹರಿ ಯಕ್ಕ ಮನಕ್ಹೊನೆ ಕವೊ" ಕದ್ಯೊ. 
\v 21 ತೆನೈಸೊ ತ್ಯುನೆ ಪಾಟ್ಟೆ ದೆವಾಲಯನೆ ಗೈನ ಉಪದೆಶ ಕರಾಡಾತಾ. ತ್ಯುನೆ ಉಪದೆಶ ಕರಾನು ಐಕಿನ ಮಹಾ ಯಾಜಕೊ ವರಿ ತ್ಯುನಾ ಕ್ಹಾತೆ ರ‍್ಹಯಲ ಸಬೆನಾ ಮ್ಹೊಟಾ ಮನಕ್ಹೊ ಸಬೆನೆ ವರಿ ಇಸ್ರಾಯೆಲನಾ ಶ್ಯಾನಾವೊನೆ ಮಳೈನ ತ್ಯುನೊನೆ ವರಿ ಜೆಲಮಾತಾ ಬಲೈಲೌ ಕೈನ ಜೆಲೆ ವಳಾಯಾ. 
\v 22 ಸಿಪಾಯೊ ಅಪೊಸ್ತಲೊ ಜೆಲಮಾ ನೈ ರ‍್ಹಯಲ ದೆಕಿನ ಕವಾನೆ ಫರಿನ ಆಯಾ. 
\v 23 ಜೆಲನಾ ಕ್ಹಾರಾ ಬಾಕಲೊ ಘಾಲೆಲ ವ್ಹತ್ತಾ ವರಿ ಜೆಲನೆ ಕಾಯ್ದಾಲಾ ಘನ್ನಾ ಹುಶಾರಕ್ಹು ವ್ಹತ್ತಾ ಸಿಪಾಯೊ ಜೆಲನಾ ಬಾಕಲೊ ಕಾಡ್ತಾಮಾ ತ್ಯಾ ಯಕ್ಲೊಬಿ ನ್ಹೊತೊ ಕೈನ ಐನ ಕವಸ. 
\v 24 ದೆವಾಲಯನಾ ಅದಿಕಾರಿಯೊ ವರಿ ಮಹಾಯಾಜಕೊ ಆ ಕ್ಹಾರು ಐಕಿನ ಸು ಥೈಯು ಗಯುಸ ಕೈನ ಘಾಬ್ರಾ ಥಾಯಾ. 
\v 25 ಪಾಚಾ಼ ತು ಬಿಜೆಕ್ಲೊ ಐನ ತ್ಯುನೊನೆ"ಐಕಿನ! ತುಮೆ ಸೆರೆಮನಿಮಾ ಘಾಲಲ ಮನಕ್ಹೊ ದೆವಾಲಯಮಾ ಅಂಗಳಾಮಾ ಹುಬ್ರಯಾಸ. ತುನೆ ಮನಕ್ಹೊನೆ ಉಪದೆಶ ಕರಾಡಾತಾ" ಕದ್ಯೊ. 
\v 26 ತೆಳಾಮಾ ದಳಪತಿ ವರಿ ತ್ಯಾನಾ ಮನಕ್ಹೊ ಕನ ಅಪೊಸ್ತಲೊನೆ ಫರಿನ ಬಲಾಯಾ. ವರಿಬಿ ಸೈನಿಕೊ ಜ಼ಬರದಸ್ತಿ ಕರ‍್ಯಾನೈ ಕಾಕದ್ಯಾಮ ತುನೆ ಮನಕ್ಹೊ ಬುಚೆ಼ಕ್ಯಾ. ಮನಕ್ಹೊ ಶಿಟ್ಟ ಥೈನ ಮುಕಲ್ಯಾ ತ್ಯುನೊನೆ ಖಲಾಸ್ಸ ಕರಸ ಕೈನ ತುನೆ ಬುಚೆ಼ಕೈ. 
\v 27 ತ್ಯುನೆ ಅಪೊಸ್ತಲೊನೆ ಸಭೆನೆ ಬಲೈಲಿನ ಐನ ಯೆಹುದಿ ನಾಯಕೊನೆ ಕ್ಹಾಮಾ ಹುಬರಾಡ್ಯಾ. ಪ್ರಧಾನ ಯಾಜಕೊ ಅಪೊಸ್ತಲೊನೆ. 
\v 28 "ಎ ಮನಕ್ಹನು ವಾಸ್ತರ ತುಮೆ ಬೊದನೆ ಕರುನೈ ಕೈನ ಹಮೆ ತುಮೊನೆ ಅಪ್ಪಣೆ. ವರಿಬಿ ತುಮೆ ರ‍್ಹಯಲ ಸುವೈ? ತುಮೆ ಜೆರುಸೆಲಿಮಾ ತುಮಾರಿ ಉಪದೆಶನೆ ಕರಿಪಾಡ್ಯಾಸ. ಎ ಮನಕ್ಹನೆ (ಯೆಸುನಾ) ಮೌತನೆ ಜವಾಬ್ದಾರ ತಯಿನ ತುಮೆ ಕೊಶಿಶ" ಕದ್ಯಾ. 
\v 29 ಪೆತ್ರಾ ವರಿ ಉಗ್ರಲ ಅಪೊಸ್ತಲೊ"ಹಮೆ ವಿದೆಯತೆ ಕೈನ ಕ್ಹುದಾನೆ ವ್ಹೈ ತುಮೊನೆ ನ್ಹವೈ! 
\v 30 ತುಮೆ ಯೆಸುನೆ ಶಿಲುವಿಪರ ಘಾಲಿನ ಖಲಾಸ ಕರ‍್ಯಾ. ವರಿಬಿ ಕ್ಹುದಾ ಯೆಸುನೆ ಮರಲವಾಲಾವೊನೆ ಮಾತೊ ಜುತೊ ಕರ‍್ಯೊ! 
\v 31 ಕ್ಹುದಾ ತಿನೆ ಇಸ್ರಾಯೆಲ ಮನಕ್ಹೊನೆ ಪಾಪ ಮಾಫ ಕರಾನಾಹುತಿ ತಿನೆ ಪ್ರಭು ಥೈನ, ರಕ್ಷಕ ಥೈನ ತಿನಾ ಶಿದಾ ಹತ್ತ ಬಗಲ ಉನ್ನತ ಸ್ಥಾನಪರ ಉಟಾಡ್ಯೊ. 
\v 32 ತೆ ಕಾಮ್ಮೊನೆ ಹಮೆ ಸಾಕ್ಷಿ ವ್ಹೈ ಕ್ಹುದಾ ತಿನೆ ನಂಬಿನ ಚಾಲಿದೆಲವಾಲಾವೊನೆ ದಿದಲ ಪವಿತ್ರಾತ್ಮಜ ಸಾಕ್ಷಿ ವ್ಹೈ ಕೈನ ಕದ್ಯಾ. 
\v 33 ಮ್ಹೊಟಾ ಮನಕ್ಹೊ ತೆ ವಾತೊ ಐಕಿನ ಶಿಟ್ಟ ಥೈನ ತ್ಯುನೊನೆ ಖಲಾಸ ಕರು ಕೈನ ವಿಚಾರ ಕರ‍್ಯಾ. 
\v 34 ತಿನಾಹುತಿ ಕ್ಹಾರಾ ಮನಕ್ಹೊಕ್ಹು ಮರ್ಯಾದಿ ದಿದೆಲ ಧರಮಶಾಸ್ತ್ರಿ ಥಯಲ ಗಮಲಿಯೆಲ ಕವಾಲೊ ಯಕ್ಕ ಫರಿಸಾಯ ಮ್ಹೊಟಾ ಸಬೆಮಾ ಉಟಿನ ಹುಬ್ರೈನ ತೆ ಮನಕ್ಹೊನೆ ದಕ್ಹಿಯೆಳ ಭಾರಾ ಜೌವು ಕೈನ ಅಪ್ಪಣೆ ಕರ‍್ಯೊ. 
\v 35 ತೆಳಾಮಾ ಸಬೆವಾಲಾವೊನೆ,ಇಸ್ರಾಯೆಲನಾ ಮನಕ್ಹೊ ತಮೆ ತೆ ಮನಕ್ಹೊನಾ ವಿಷಮಾ ಲಿವಾನು ನಿರ್ಧಾರನಾ ಹುತಿ ಹುಶಾರ ರ‍್ಹವೊ. 
\v 36 ಇನಾಹುತಿ ಪೈಲಾ ಥೈಯಲ ಕವಾಲೊ ಯಕ್ಲೊ ಉಟಿನ ತೆ ಯಕ್ಲೊ ಮಹಾಪುರುಷ ಕವಾನು ಕಲಿದ್ಯೊ. ತಿನಾ ಪಮಾಫ ಕಮ್ಸೆ ಕಮ್ಮ ಕ್ಹೊ ಮನಕ್ಹೊ ಮಳೆಲಿದ್ಯಾ,ತೆ ಮಾರಿ ಪಡ್ಯಾ,ವರಿ ತಿನೆ ನಂಬಾವಾವೊನೆ ಇಕ್ಹರಿನ ನೈಸೊವಾಲಾ ಥಯಾ. 
\v 37 ತಿನಾ ತೆಳಾಮಾ ಜನಗಣತಿನಾ ಕಾಲಮಾ ಗಲಿಲಾಯನೊ ಯುದಾ ಫರಿನ ಪಡಾನಾಹುತಿ ಉಟಿನ ಮನಕ್ಹೊ ತಿನಾ ಪಮಾಫ ಮಳೆಲಿವಾನಾಹುತಿ ಘನ್ನಾ ಮನಕ್ಹೊ ತಿನೆ ಕದ್ಯಾ. ತೆ ನಾಶ ಥಯೊ ವರಿ ತಿನೆ ನಂಬಲವಾಲಾವೊನೆ ಚದರಿನ ಗಯಾ. 
\v 38 ಇಮ್ಮ ರ‍್ಹತಾಮಾ ಮಿ ತಮನೊನೆ ಸು ಕೌ ಕದ್ಯಾಮ ತಮೆ ತೆ ಮನಕ್ಹೊನಾ ಕ್ಹಾತೆ ಜಾವೊ ನಕೊ,ತ್ಯುನೊನೆ ಚ್ಹೊಡೊ. ಕಾಕದ್ಯಾಮ ತೆ ವಿಚಾರ ತೆನೈಸೊ ಇ ಕಾಮ್ಮ ಮನಕ್ಹೊಕ್ಹು ಥಯಲ ತೆಜ಼ ಕೆಟ್ಟಸ; 
\v 39 ತೆ ಕ್ಹುದಾಕ್ಹು ಥಯಲ ತಿನೆ ಕೆಟ್ಟಾನಾಹುತಿ ತಮೊಕ್ಹು ನೈ ಥಾತು; ತಮೆ ಯಕ್ಕ ಸಲಾ ಕ್ಹುದಾನಾ ವಿರುದ್ದ ಯುದ್ದ ಕರಾಲಾ ಥೈನ ದೆಕಾಡಿನ ದಿವೊ ಕೈನ ಕದ್ಯಾ. 
\v 40 ತ್ಯುನೆ ತಿನಾ ವಾತೊನೆ ಒಪ್ಪಿನ ಅಪೊಸ್ತಲಾ ಬಲೈನ ಮಾರಿನ ಯೆಸುನು ನಾಮಲಿನ ಬೊಲುಜ಼ ನೈಕೈನ ಅಪ್ಪಣೆ ದಿನ ತ್ಯುನೊನೆ ಛೊಡಿ ಪಾಡ್ಯಾ. 
\v 41 ಅಪೊಸ್ತಲೊ ತ್ಯುನೆ ಯೆಸುನು ನಾಮಕ್ಹು ಮರ್ಯಾದಿ ಕಾಡಾನಾಹುತಿ ಯೊಗ್ಯ ನತ್ತಿ ಕೈನ ಕ್ಹುಶಿ ಥಯಾ. 
\v 42 ಮ್ಹೊಟಾ ಸಭೆನಾ ಕ್ಹಾಮಾ ಗೈನ, ಹರಯಕ್ಕ ದಿನ ಚು಼ಕ್ಯಾವಾಚಿ ದೆವಾಲಯಮಾ ಬಿ ವರಿ ಘರ ಘರಮಾ ಉಪದೆಶ ಕರತ್ತಾ ಕ್ರಿಸ್ತ ಥಯಲ ಯೆಸುನಾ ಹುತಿ ಚೊ಼ಕು ಸುರ್ವಾತ್ತಾ ಕತ್ತಾ ವ್ಹತ್ತಾ.
\b
\c 6
\p
\v 1 ಯೆಸುನಾ ಶಿಷ್ಯಾ ಹೆಚ್ಕಿ಼ ಥಾವಾಡಾತಾ. ತೆನೈಸೊ ತೆ ಟೈಮಮಾ ಗ್ರಿಕನಾ ಮನಕ್ಹೊ ವರಿ ಇಬ್ರಿಯನಾ ಶಿಷ್ಯಾ ಚಾ಼ಡಿ ಕದ್ಯಾ. ತೆ ಸು ವ್ಹೈ ಕದ್ಯಾಮ ತ್ಯುನೆ ಮಾಟಿಮರಲವಾಲಿಯೊನೆ ಆರಾಕಿ ಶಿದಾ ನೈ ಕರತಾ ಕೈನ ವರಿ ತಿವ್ನೊ ವಾಟೊ ತ್ಯುನೊನೆ ನೈ ದೆತಾ ಕೈನ ಬೊಲ್ಯಾಡಾತಾ. 
\v 2 ತೆಳಾಮಾ ಬಾರಾ ಅಪೊಸ್ತಲೊ ಕ್ಹಾರಾ ಶಿಷ್ಯಾವೊನಾ ಗುಂಪನೆ ಸಭೆನೆ ಬಲೈನ ತ್ಯುನೊನೆ ಕ್ಹುದಾನಿ ವಾಕ್ಯಾ ಭೊಧನೆ ಕರಾನಾ ಅಪ್ನು ಕಾಮ ವ್ಹೈ. ತೆ ಹುಬ್ರೈ ಪಡಾನು ಚೊ಼ಕು ನ್ಹವೈ! ಅಪೆ ಮನಕ್ಹೊನೆ ಅನ್ನನಿ ಮದತ ಕರಾತಿಬಿ ಹೆಚ್ಕಿ ಕ್ಹುದಾನಿ ವಾಕ್ಯಾ ಉಪದೆಶ ಆಗು ಬಡಾವಾನು ಚೊ಼ಕು ವ್ಹೈ. 
\v 3 ತಿನಾಹುತಿ, ಭಾಯೊ, ಪವಿತ್ರಾತ್ಮಖು ಭರಲ ವರಿ ಗ್ಯಾನಖು ಭರಲ ತಿವ್ನಿ ಸಾಕ್ಷಿನಿ ಜಿವ್ನಾ ಚೊ಼ಕಿ ರ‍್ಹೌ ವರಿ ತ್ಯುನೆ ಬರೊಕ್ಹಾನಾ ಲಾಯಕ ರ‍್ಹೌ ತ್ಯವಾ ಕ್ಹಾತ ಜ಼ನಾವೊನೆ ಇನಿಲಿವೊ ಹಮೆ ತ್ಯುನೊನೆ ಆ ಕಾಮ ಒಪ್ಸಿನ ದಿಯೆಸ 
\v 4 ತೆಳಾಮಾ ಹಮ್ನೊನೆ ಕ್ಹಾರೊ ಟೈಮ ಪ್ರಾಥನಾನೆ ವರಿ ಉಪದೆಶ ಕವಾನೆ ಥಾವಸ ಕೈನ ಕದ್ಯಾ. 
\v 5 ತೆಳಾಮಾ ಕ್ಹಾರಾ ವಿಶ್ವಾಸಿಯೊ ಎ ವಿಚಾರನೆ ವಪ್ಪಿಲಿದ್ಯಾ. ತಿನಾಹುತಿ ತ್ಯುನೆ ಪವಿತ್ರತ್ಮಾಕ್ಹು ಭರಲ ವರಿ ಬರೊಕ್ಹಾನಾ ಲಾಯಕ ರ‍್ಹಯಲ ಸ್ತೆಫನ, ಫಿಲಿಪ್ಪ, ಪ್ರೊಖೊರ, ನಿಕೊನೊರ ತಿಮೊನ ಪರ್ಮೆನ ವರಿ ನಿಕೊಲಾಯ ಮತಾಂತರ ಥೈನ ಯಹುದಿ ಥೈನ ಎ ಅಂತಿಯೊಕ್ಯಯವಾಲೊ ಥಯೊತೊ ಇವ್ನೊನೆ ಇನಿಲಿದ್ಯಾ. 
\v 6 ತೆ ಥಯಲ್ಪರ ಅಪೊಸ್ತಲೊ ತ್ಯುನೊನೆ ಖಾಮಾ ಬಲೈನ ತಿವ್ನಾ ಮಾತಾಪರ ಹತೊ ಮುಕ್ಕಿನ ಪ್ರಾರ್ಥನಾ ಕರಿನ ತೆ ಕಾಮನಾ ಹುತಿ ನೆಮಶ್ಯಾ. 
\v 7 ವರಿ ಕ್ಹುದಾನಿ ವಾಕ್ಯಾ ಘನ್ನಾ ಮನಕ್ಹೊಕನ ಫೈಲತಿ ಗೈ, ಯೆರುಸೆಲೆಮಾ ರ‍್ಹಯಲ ಶಿಷ್ಯಾವೊನು ಗುಂಪ ಮ್ಹೊಟು ಥಾತು ಚಾ಼ಲ್ಯು. ಘನ್ನಾ ಯೆಹುದಿಯೊನಾ ಯಾಜಕೊ ಯೆಸು ಕ್ರಿಸ್ತಪರ ಬರೊಕ್ಹೊ ಮುಕ್ಯಾ. 
\v 8 ಸ್ತೆಫಾನ ಕ್ಹುದಾನಿ ಕೃಪೆ ವರಿ ತಾಕತಕ್ಹು ಭರಲವಾಲೊ ಥೈನ ಮನಕ್ಹೊನಾ ವಚ್ಮಾ ಅದ್ಬುತ ಕಾಮೊ ವರಿ ಸುಚಕ ಕಾಮೊ ಕರತೊ ವ್ಹತ್ತೊ. 
\v 9 ತೆನೈಸೊ ದಕ್ಹಾ ಯೆಹುದಿಯೊ ಐನ ತಿನಾಕ್ಹಾತೆ ವಾದ ವಿವಾದ ಕರಾಡ್ಯಾ. ಇವ್ನೆ ಸಭಾಮಂದಿರನಾ ವ್ಹತಾ. ಸಿರೆನ ವರಿ ಅಲೆಕ್ಸಾಂಡ್ರಿಯಾತಾ ಆಯಲ ಯೆಹುದಿಯೊನಾ ಹುತಿ ತೆ ಸಭಾಮಂದಿರ ವ್ಹತ್ತಿ. ಸಿಲಿಸಿನಾ ವರಿ ಎಶ್ಯಾತಾ ಆಯಲ ಯೆಹುದಿಯೊ ತ್ಯುನಾ ಕ್ಹಾತೆ ವ್ಹತ್ತಾ. 
\v 10 ತಿನಾಹುತಿ ವಿವೆಕಕ್ಹು ಬೊಲಾನೆ ಪವಿತ್ರ ಆತ್ಮಾ ತಿನೆ ಮದತ ಕರಿತಿ. ಸ್ತೆಫನನಾ ವಾತೊ ಘನ್ನಿ ಶಕ್ತಿ ರ‍್ಹಯಲಕ್ಹು ತಿನಾ ಕ್ಹಾತೆ ವಾದ ವಿವಾದ ಕರಾನೆ ತ್ಯುನೊನೆ ಸಾದ್ಯ ಥಯು ನೈ. 
\v 11 "ಸ್ತೆಫಾ ಮೊಶೆನಾ ವರಿ ಕ್ಹುದಾನಾ ವಿರುದ್ದ ಕೆಟ್ಟ ವಾತೊ ಬೊಲ್ಯೊಸ "ಕೈನ ಕವೊ ಕೈನ ದಕ್ಹಾಜ಼಼ನಾವೊನೆ ದೊಕ್ಡಾ ದಿನ ಶಿಕ್ಲಾಯಾ. 
\v 12 ಇಮ್ಮ ತ್ಯುನೆ ಮನಕ್ಹೊನೆ ವರಿ ಶ್ಯಾನವೊನೆ ಧರ್ಮೊಪದೆಶಕೊನೆ ಭಡಕಾಯಾ. ತ್ಯುನೆ ಆ ವಾತ ಐಕಿನ ಘನ್ನಾ ಶಿಟ್ಟ ಥೈನ ಸ್ತೆಫನನೆ ಧರಲೈನ ಯೆಹುದಿಯೊನಾ ಮ್ಹೊಟಾ ಮನಕ್ಹೊನಾ ಸಭೆನೆ ಲಿನ ಗಯಾ. 
\v 13 ತೆಳಾಮಾ ತ್ಯುನೆ ದಕ್ಹಾ ಸುಳ್ಳ ಸಾಕ್ಷಿ ಕವಾಲಾವೊನೆ ಬಲೈ ಲೈನ "ಎ ಮನಕ್ಹ ದೆವಾಲಯನಾ ವರಿ ಮೊಶೆನಾ ನಿಯೊಮೊನಾ ವಿರುದ್ದ ಹಮೆಶಾಬಿ ಕೆಟ್ಟ ಬೊಲಸ ಕೈನ ಕವಾಲಗಾಡ್ಯಾ. 
\v 14 ನಜೆರೆತನೊ ಯೆಸು ಎ ದೆವಾಲಯ ಪಾಡಿನ ಮೊಶೆನಾ ನಿಯೊಮೊನೆ ಬದಲಿ ಕರಸ ಕೈನ ಕವಾನು ಹಮೆ ಐಕ್ಯಾಸ "ಕೈನ ಕದ್ಯಾ. 
\v 15 ಸಭೆಮಾ ಬೈಟಲವಾಲಾ ಕ್ಹಾರಾ ಸ್ತೆಫನನೆ ಯಕ್ಕಜ಼ ಸಂವಾ ದೆಕ್ತಾಮಾ ತಿನು ಮ್ಹೊಡು ದೆವದುತ ಲಿಂಗತ ದಿಕ್ಹಾಡುತು.
\c 7
\p
\v 1 ತೆಳಾಮಾ ಮ್ಹೊಟೊ ಯಾಜಕ ಸ್ತೆಫನನೆ"ಎ ಸಂಗತಿಯೊ ಕ್ಹರಿ ವ್ಹೈಸು? ಕೈನ ಪುಚ್ಯೊ. 
\v 2 ತೆ ವಾತೆ ಸ್ತೆಫನ ಅಮ್ಮ ಉತ್ತರ ದಿದ್ಯೊ; "ಮಾರಾ ಬಾವೊ, ಭಾಯೊ, ಮಿ ಕವಾನು ಧ್ಯಾನ ದಿನ್ನ ಐಕೊ. ಅಪ್ನೊ ಪಿತೃ ಥಯಲ ಅಬ್ರಹಾಮನೆ ಸ್ವರ್ಗಮಾತೊ ಕ್ಹುದಾ ದಿಕ್ಹ್ಯೊ. ಅಬ್ರಹಾಮ ಹಾರಾನಮಾ ರ‍್ಹವಾತಿ ಅಗ್ದುರ ಮೆಸಪೊಟೆಮಾ ವ್ಹತ್ತೊ. 
\v 3 ಕ್ಹುದಾ, ಅಬ್ರಹಾಮನೆ ತಾರು ದೆಶ ತಾರಾ ಮನಕ್ಹೊನೆ ಛೊಡಿನ ಮಿ ತುನೆ ದೆಕಾಡಾನಾ ದೆಶೆ ಜಾ಼’ ಕೈನ ಕದ್ಯೊ. 
\v 4 ತಿನಾಹುತಿ ಅಬ್ರಹಾಮನೆ ಖಾಲ್ದಿಯಾ ದೆಶ ಛೊಡಿನ ಹಾರಾನ ಕವಾನಾ ಗಾಮೆ ಗೈನ ರ‍್ಹವಾನೆ ಗಯೊ. ವರಿ ತಿನಬಾ ಮರೆಲಪರ ತುಮೆ ರಹವಾನಿ ಜ಼ಗಾ ಬಲೈ ಲಾಯೊ 
\v 5 ನ್ಯ್ಹಾತಿನೆ ಪಗ ಮ್ಹೆಲಾ ಅಕ್ಲಿಬಿ ಜ಼ಗಾ ಕ್ಹುದಾ ತಿನಾ ಹಕ್ಮಾ ದಿದ್ಯೊ ನೈ. ತುಪರತೊ ತಾರಿ ಸ್ವಂತ ಸಂತತಿನೆ ದ್ಯುಸ ಕವಾನಿ ವಾಗ್ದಾನ ಯಕ್ಕಜ಼ ವ್ಹತ್ತಿ. ತೆಳಾಮಾ ಅಬ್ರಹಾಮನೆ ಬಚ್ಚಾ಼ಬಿ ನ್ಹೊತಾ. 
\v 6 ತೆನೈಸೊ ಕ್ಹುದಾ ಅಬ್ರಹಾಮನೆ, ತಾರಾ ಸಂತತಿಯೊ ಬಿಜಾ಼ ದೆಶಮಾ ಜಾ಼ವಸ ವರಿ ತ್ಯುನಾ ಗುಲಾಮೊ ಥಾವಸ ವರಿ ಚ್ಯಾರಕ್ಹೊ ವರಕ್ಹ ತ್ಯಾನಾ ಮನಕ್ಹೊ ತ್ಯುನೊನೆ ಘನ್ನಾ ತ್ರಾಸ ಕರಸ. 
\v 7 ತೆನೈಸೊ ತ್ಯುನೊನೆ ಗುಲಾಮ ಕರಿಲಿವಾಲಾ ಜ಼ನಾಂಗನೆ ಮಿ ಶಿಕ್ಷಾ ದ್ಯುಸ. ತ್ಯಾಂತಾ ತ್ಯುನೆ ಭಾರಾ ಐನ ಮನೆ ತೆ ಜ಼ಗಾಪರ ಆರಾಧನಾ ಕರಸ ಕೈನ ಕದ್ಯೊ. 
\v 8 ಕ್ಹುದಾ ಅಬ್ರಹಾಮನಾ ಕ್ಹಾತೆ ಯಕ್ಕ ವಡಂಬಡಿಕೆ ಕರ್ಲಿದ್ಯೊ. ತೆ ವಡಂಬಡಿಕೆ ವಳಕ ಖತ್ನಾ ವ್ಹೈ. ಇಮ್ಮ ರ‍್ಹತಾಮಾ ಅಬ್ರಹಾಮನೆ ಯಕ್ಕ ಪಟ್ಟೊ ಥಯೊ. ತೆ ಪಟ್ಟಾನೆ ಆಟ್ವಾ ದಿನ್ನೆ ಖತ್ನಾ ಕರ‍್ಯಾ. ತಿನಾ ದಿಕ್ರಾನು ನಾಮ ಇಸಾಕ ವ್ಹೈ. ಇಸಾಕಬಿ ತಿನಾ ದಿಕ್ರಾನೆ ಖತ್ನಾ ಕರ‍್ಯೊ. ವರಿ ಯಾಕೊಬ ತಿನಾ ಕ್ಹಾರಾ ಪಟ್ಟಾವೊನೆ ಖತ್ನಾ ಕರಾಯೊ. ಎಜ಼ ಬಾರಾ ಪಟ್ಟಾವೊಖು ಬಾರಾ ಕ್ಹಾಂದಾನೊ ಥಯಾ. 
\v 9 ಯಾಕೊಬನಾ ದಿಕ್ರಾ ಯೊಸೆಫಪರ ಸಂಗಟ ಘಾಲ್ಲಿನ ತಿನೆ ಇಜಿಪ್ತವಾಲಾವೊನೆ ಇಕ್ಕಿಪಾಡ್ಯಾ. ತೆನೈಸೊ ಕ್ಹುದಾ ಯೊಸೆಫನಾ ಕ್ಹಾತೆ ವ್ಹತ್ತೊ. 
\v 10 ಯೊಸೆಫನೆ ತ್ಯಾ ಘನ್ನೊ ತ್ರಾಸ ಆಯೊ. ವರಿಬಿ ಕ್ಹುದಾ ತೆ ಕ್ಹಾರಾ ತ್ರಾಸೊಕ್ಹು ತಿನೆ ವಚಾ಼ಡ್ಯೊ. ತೆಳಾಮಾ ಫರೊಹನ ಇಜಿಪ್ತನೊ ರಾಜೊ಼ ವ್ಹತ್ತೊ. ಕ್ಹುದಾ ಯೊಸೆಫನೆ ದಿದಲ ಗ್ಯಾನಕ್ಹು ಫರೊಹನ ಯೊಸೆಫನೆ ತಿನಾ ರಾಜ್ಯಪರ ಅದಿಕಾರಿ ವರಿ ಘರನಾ ಮನಕ್ಹೊಪರಬಿ ಅದಿಕಾರಿ ಕರ‍್ಯೊ. 
\v 11 ಇಜಿಪ್ತ ವರಿ ಕಾನಾನಮಾ ಬರಗಾಲ ಆತಾಮಾ ಮನಕ್ಹೊ ತ್ರಾಸೊಮಾ ಪಡ್ಯಾ ಅಪ್ನಾ ಪುರವಿಕೊಬಿ ಅನ್ನ ಮಳೆ ನೈಸೊ ಭುಕ್ಕಾ ರ‍್ಹೈ ಗಯಾ. 
\v 12 ಇಜಿಪ್ತ ದೆಶಮಾ ಅನಾಜ಼ ಛೆ ಕವಾನು ವಳಕಿನ ಯಾಕೊಬ ತಿನಾ ದಿಕ್ಕರಾವೊನೆ ಪಸ್ಟ ಸಲಾ ತ್ಯಾ ಮೊಕಲ್ಯೊ. 
\v 13 ತೆ ಥಯಲ್ಪರ ತ್ಯುನೆ ತ್ಯಾ ಬೆವಾ ಸಲಾ ಗಯಾ. ಎ ಸಲಾ ತೆ ಕುನ್ನ ವ್ಹೈ ಕೈನ ಕವಾನು ಯೊಸೆಫ ತಿನಾ ಭಾಯೊನೆ ಕದ್ಯೊ. ವರಿ ಯೊಸೆಫನಾ ಘರದಾನಾ ಹುತಿ ಫರೊಹನನೆ ಗ್ವತ್ತ ಥಯು. 
\v 14 ಪಾಚಲ್ತೊ ಯೊಸೆಫ ತಿನೊ ಬಾ ಥಯಲ ಯಾಕೊಬನೆ ವರಿ ತಿನಾ ಪುರಾ ಘರದಾನಾವಾಲಾ ವರಿ ಸತ್ತರಪರ ಪಾಂಚ಼ ಜ಼ನಾವೊನೆ ಇಜಿಪ್ತನೆ ಬಲೈಲಿದ್ಯೊ. 
\v 15 ತಿನಾಹುತಿ ಯಾಕೊಬ ಇಜಿಪ್ತೆ ಐನ ತೆ ವರಿ ತಿನಾ ಬಚ್ಚಾ಼ ಮರೆ ಲಕ್ಕಾ ತ್ಯಾಜ಼ ವ್ಹತ್ತಾ. 
\v 16 ತ್ಯುನಾ ಮುರ್ದಾವೊನಾ ಹಡ್ಕಾ ಫರಿನ ಶೆಕೆಮನೆ ಲಿನ ಗಯಾ. ತ್ಯಾ ಹಮೊರ ಕವಾಲಾನಾ ಬಚ್ಚಾ಼ವೊಕ್ಹು ಅಬ್ರಹಾಮ ರೊಪ್ಪೊ ಲಿದಲ ಮಜಾ಼ರೊಮಾ ಮ್ಹಲ್ಯಾ. 
\v 17 "ಕ್ಹುದಾ ಅಬ್ರಹಾಮನೆ ದಿದಲ ವಾಗ್ದಾನ ಪುರಾ ಥಾವಾನು ದಿನ್ನ ನಜಿಕ ಆಯು. ಯಕ್ಲಾಮಾಜ಼ ಇಜಿಪ್ತ ದೆಶಮಾ ಅಪ್ನಾ ಮನಕ್ಹೊನಿ ಸಂಖ್ಯಾ ಘನ್ನಿ ಬೆಳದಿತಿ. 
\v 18 ಲಾಸ್ಟಮಾ ಯೊಸೆಫನಿ ವಳಕ ನೈ ರ‍್ಹಯಲ ರಾಜೊ಼ ಇಜಿಪ್ತ ಆಳಾನೆ ಶುರು ಕರ್ಯೊ 
\v 19 ಎ ರಾಜೊ಼ ಹಮಾರಾ ಮನಕ್ಹೊನೆ ಮೊಸ ಕರ‍್ಯೊ. ತೆ ಅಪ್ನಾ ಪಿತೃವೊನೆಬಿ ಕೆಟ್ಟ ಕರ‍್ಯೊ. ತ್ಯುನಾ ನ್ಹಾನಾ ಬಚ್ಚಾ಼ ಮರು ಕೈನ ತ್ಯುನೊನೆ ಭಾರೊ ನಾಕ್ಯೊ. 
\v 20 ಎಜ಼ ಟೈಮಾ ಮೊಶೆ ಹುಟ್ಯೊತೊ. ತೆ ದೆಕಾನೆ ಘನ್ನೊ ಚಂದ ವ್ಹತ್ತೊ. ವರಿ ತೆ ತನ್ನ ಮ್ಹೈನಾ ಲಕ್ಕಾ ಘರಮಾಜ಼ ಬೆಳದ್ಯೊತೊ. 
\v 21 ಪಾಚಾ಼ತಾ ತಿನೆ ಘರ್ಮಾತಾ ಭಾರಾ ಮ್ಹೆಲ್ತಾಮಾ, ರಾಜಾ಼ನಿ ದಿಕ್ರಿ ತೆ ಪಟ್ಟಾನೆ ಲಿನ ತಿನಾ ಸ್ವಂತ ದಿಕ್ರಾ ಲಿಂಗತ ಜ಼ತ್ತನ ಕರಿ. 
\v 22 ತೆ ಇಜಿಪ್ತ ರಾಜ್ಯನಿ ಕ್ಹಾರಿಜ಼ ವಿದ್ಯಾ ಶಿಕ್ಯೊ. ವರಿ ಮನಕ್ಹೊನಾ ಕ್ಹಾಮೊ ಬೊಲಾನೆ ವರಿ ತಿವ್ನಾ ಕ್ಹಾತೆ ರ‍್ಹವಾನೆ ಘನ್ನೊ ಶಾಣ್ಯೊ ಥಯೊ. 
\v 23 ಮೊಶೆ ಚಾ಼ಳಕ್ಹ ವರಕ್ಹನೊ ಥಯಲ್ಪರ ತೆ ತಿನಾ ಭಾಯೊನೆ ಮಳು ಕೈನ ಮನಸ ಕರ‍್ಯೊ. 
\v 24 ತೆಳಾಮಾ ತ್ಯಾ ಯಕ್ಲೊ ಇಜಿಪ್ತವಾಲಾನಾ ಹತೆ ಘನ್ನೊ ತ್ರಾಸ ಖಾವಾನು ಮೊಶೆ ದೆಕಿನ ತಿನೆ ಮದದ ಕರಾನೆ ಗೈನ ಶೆಡ ಮ್ಹೆಲ್ಲಿನ ಇಜಿಪ್ತವಾಲಾನೆ ಖಲಾಸ ಕರಿ ಪಾಡ್ಯೊ. 
\v 25 ತಿನಾ ಸ್ವಂತ ಮನಕ್ಹೊನೆ ಕ್ಹುದಾ ತಿನೆ ನೆಮಶ್ಯೊಸ ಕೈನ ತಿನಾ ಮನಕ್ಹೊ ವಳಕಿ ಲೆಸ ಕೈನ ಮೊಶೆ ತಿಳ್ದಿಲಿದ್ಯೊತೊ. ತೆನೈಸೊ ತ್ಯುನೆ ತಿನೆ ತಿಳ್ದಿಲಿದ್ಯಾ ನೈ. 
\v 26 ಮರ್ನಾ ದಿನ್ನೆ ಇಸ್ರೆಲನಾ ಬೆ ಜ಼ನಾ ಲಡೈ ಕಾಡಾನು ಮೊಶೆ ದೆಕ್ಯೊ. ತ್ಯುನೊನೆ ಸಮಾಧಾನ ಕರಾನೆ ಕೊಶಿಶ ಕರ‍್ಯೊ. ತ್ಯುನೊನೆ ಭಾಯೊ ತುಮೆ ತುಮೆ ಅನಾ ಲಿಂಗತ ಲಡೈ ಕಾಡಾನು ತುಮೊನೆ ಚೊ಼ಕುಲಾಗ ಸು? 
\v 27 ತೆನೈಸೊ ತ್ಯುನೊಮಾನೊ ಅನ್ಯಾಯ ಕರಾಲೊ ಯಕ್ಲೊ ಮೊಶೆನೆ ಪಾಚೊ಼ ಢಕ್ಲಿನ ಹಮಾರೊ ಫೈಸ್ಲೊ ಕರಾನೆ ಅದಿಕಾರ ಕುನ್ನ ದಿದ್ಯುಸ? ಕೈನ ಪುಚ್ಯೊ. 
\v 28 ವರಿ ತೆ ಕಾಲ ಇಜಿಪ್ತವಾಲಾನೆ ಖಲಾಸ ಕರಲಲಿಂಗತ ಮನೆ ಬಿ ಖಲಾಸ ಕರು ಕೈನ ಛೆ ಸು? ಕೈನ ಪುಚ್ಯೊ. 
\v 29 ಎ ಕದಲ ಐಕಿನ ಮೊಶೆ ಇಜಿಪ್ತ ಛೊಡಿನ ನ್ಹಾಟಿನ ಗೈನ ಮಿದ್ಯಾನ ಕವಾನಾ ಗಾಮ್ಮಾ ಗೈನ ಬಿಜಾ಼ ದೆಶವಾಲಾ ಲಿಂಗತ ರ‍್ಹವಾಡ್ಯೊ. ತ್ಯಾ ತಿನೆ ಬೆ ಪಟ್ಟಾ ಹುಟ್ಯಾ. 
\v 30 ಚಾಳಕ್ಹ ವರಕ್ಹ ಥಯಲ್ಪರ ಯಕ್ಕ ದಿನ್ನ ಮೊಶೆನೆ ಸಿನಾಯಿ ಕವಾನಾ ಡೊಂಗರಪರ ಝಾಡಮಾ ಆಗ ಲಾಗಲ ದೆಕ್ಯೊ ವರಿ ತಿಮಾ ಯಕ್ಕ ದೆವ ದುತ ದಿಕ್ಹ್ಯೊ 
\v 31 ಎ ಕ್ಹಾರು ಮೊಶೆ ದೆಕಿನ ಆಶ್ಚರ್ಯ ಥೈನ ತಿನೆ ನಜಿಕ ಗೈನ ದೆಕು ಕೈನ ಜಾ಼ತಾಮಾ ತ್ಯಾ ಪ್ರಭು ಝೊರ ಅವಾಜ಼ಕ್ಹು; 
\v 32 ‘ಮಿ ತಾರಾ ಪಿತೃವೊನೊ ಕ್ಹುದಾ ವ್ಹೈ; ಅಬ್ರಹಾಮ, ಇಸಾಕ ವರಿ ಯಾಕೊಬ್ನೊ ಕ್ಹುದಾ ವ್ಹೈ’ ಕೈನ ಕತಾಮಾ ಮೊಶೆ ಥರ ಥರ ಕಾಪ್ತೊ ಪಾಚೊ಼ ಸರಕಿ ಗಯೊ ವರಿ ಡೊಳಾ ಉಚೈನ ದೆಕ್ಯೊಬಿ ನೈ. 
\v 33 ಕರ್ತಾ ತಿನೆ"ತು ಘಾಲ್ಲಿದಲ ಕಾರಮಲಿಯೊ ದುರ ಮ್ಹೆಲ. ಕಾಕದ್ಯಾಮ ತು ಹುಬ್ರಯಲ ಜ಼ಗಾ ಪವಿತ್ರ ವ್ಹೈ. 
\v 34 ಇಜಿಪ್ತಮಾ ರ‍್ಹಯಲ ಮಾರಾ ಮನಕ್ಹೊನಿ ಕೆಟ್ಟ ಸ್ತಿತಿ ಮನೆ ಗ್ವತ್ತ ಛೆ. ತ್ಯುನೆ ನೆಳ್ಳಾನು ದೆಕಿನ ತ್ಯುನೊನೆ ಬಿಡುಗಡೆ ಕರಾನೆ ಹೆಟೊ ಉತ್ರಿನ ಆಯೊಸ. ಆ, ಮಿ ತುನೆ ಇಜಿಪ್ತೆ ಮೊಕ್ಲುಸ ಕದ್ಯೊ. 
\v 35 ಅಪ್ನೊ ಫೈಸ್ಲೊ ಕರಾನೆ ಅದಿಕಾರ ತುನೆ ಕುನ್ನ ದಿದ್ಯೊಸ? ಕೈನ ಇಸ್ರಾಯಲೊಕ್ಹು ತಿರಸ್ಕಾರ ಥಯಲಜ಼ ಎ ಮೊಶೆ ವ್ಹೈ. ಆಗ ಲಾಗಲ ಝಾಡಮಾ ದಿಕ್ಹಲ ದುತನಾ ಮುಲಕ ಕ್ಹುದಾ ಅದಿಪತಿ ಕರಿನ ವಿಮೊಚ಼ಕ ಕರಿನ ನೆಮ್ಸಲ ಇನೆಜ಼ ವ್ಹೈ. 
\v 36 ಇಜಿಪ್ತಮಾ ಲಾಲ ಸಮುಂದರಮಾ ಚಾ಼ಳಕ್ಹ ವರಕ್ಹ ಉಸುಕನು ಗಾಮ್ಮಾ ಅದ್ಭುತ ಕಾಮೊ ವರಿ ಸುಚಕ ಕಾಮೊ ಕರಿನ ಇಸ್ರೆಯಲೊನೆ ಬಿಡುಗಡೆ ಕರಲವಾಲೊಜ಼ ಎ ವ್ಹೈ. 
\v 37 ಕ್ಹುದಾ ಮನೆ ಮೊಕ್ಲಲ ಲಿಂಗತ ತುಮಾರಿ ಜನಾಂಗ್ತೊಜ಼ ಯಕ್ಕ ಪ್ರವಾದಿನೆ ಮೊಕಲ್ಯೊಸ ಕೈನ ಇಸ್ರೆಲೊನೆ ತಿಳಸಲ ಎಜ಼ ಮೊಶೆ ವ್ಹೈ. 
\v 38 ಇಸ್ರಾಯಲೊ ಉಸುಕನಾ ಗಾಮ್ಮಾ ಸಬೆ ಮಳ್ತಾಮಾ ತ್ಯುನಾ ಕ್ಹಾತೆ ರ‍್ಹೈನಜ಼ ಸಿನಾಯಿ ಡೊಂಗರಪರ ಬೊಲಲ ದೆವ ದುತನಾ ಕ್ಹಾತೆ ಅಪ್ನಾ ಪಿತೃವೊನಾ ಕ್ಹಾತೆ ಸಂಭಾಶಣೆ ಕರಲ ವಾಲೊಜ಼ ಎಜ಼ ವ್ಹೈ. ಜ಼ಲಮ ರ‍್ಹಯಲ ತೆ ವ್ಹಂದಿಲಿನ ಅಪೊನೆ ದಿದ್ಯೊ. 
\v 39 ತೆನೈಸೊ ಅಪ್ನಾ ಪಿತೃವೊ ತಿನೆ ವಿದೆಯ ಥಾವಾನೆ ಇನ್ಕಾರ‍್ಯಾ. ವರಿ ತ್ಯುನೆ ಇಜಿಪ್ತ ದೆಶ ಜಾ಼ವಾನೆ ಮನಸ ಕರ‍್ಯಾ. 
\v 40 ಅಪ್ನಾ ಪಿತೃವೊ ಆರೊನನೆ, ‘ಮೊಶೆ ತುಮೊನೆ ಇಜಿಪ್ತ ದೆಶತೊ ಲಿನ ಆಯೊ. ತೆನೈಸೊ ತಿನೆ ಸು ಥೈಯು ಹಮೊನೆ ಗ್ವತ್ತ ನತ್ತಿ. ತಿನಾಹುತಿ ಹಮಾರಾ ಕ್ಹಾಮೊ ಜಾ಼ವಾನೆ ವರಿ ಹಮೊನೆ ಚ಼ಲಾವಾನೆ ದಕ್ಹಾ ದೆವಸ್ಥಾನೊ ಕರ’ ಕದ್ಯಾ. 
\v 41 ತಿನಾಹುತಿ ಮನಕ್ಹೊ ಬೈಲನಾ ಬಚ಼್ಚಾನು ಯಕ್ಕ ಮುರ್ತಿ ಕರಿನ, ತಿನೆ ಬಲಿ ದಿದ್ಯಾ. ತೆ ಮನಕ್ಹೊ ತ್ಯುನಾ ಹತೊಕ್ಹು ಕರಿಲಿದಲ ಮುರ್ತಿನಾ ವಿಷಯಮಾ ಘನ್ನಾ ಖುಶಿ ಕರ‍್ಯಾ! 
\v 42 ತೆನೈಸೊ ಕ್ಹುದಾ ತ್ಯುನೊನೆ ವಿರುದ್ದ ಥೈನ, ಹಬಾಳನಾ ರ‍್ಹಯಲ ಸುರ‍್ಯಾನೆ ವರಿ ಚ಼ಂದಪ್ಪಾನೆ ಚುಕ್ಕಿಯೊನೆ ಪುಜಾ ಕರೆ ಲಿಂಗತ ತ್ಯುನೊನೆ ಛೊಡಿ ಪಾಡ್ಯೊ. ಇನಾಹುತಿ ಪ್ರವಾದಿಯೊನಾ ಪುಸ್ತಕೊಮಾ ಅಮ್ಮ ಬರ್ದಲ ಛೆ; ಕ್ಹುದಾ ಅಮ್ಮ ಕವಸ, ‘ಯೆಹುದಿನಾ ಮನಕ್ಹೊ ಥಯಲ ತುಮೆ ಚ಼ಾಳಕ್ಹ ವರಕ್ಹ ಲಕ್ಕಾ ಉಸುಕನಾ ಗಾಮಮಾ ರ‍್ಹತಾಮಾ ಮನೆ ಯಜ್ಞ ದಿದ್ಯಾ ನೈ? 
\v 43 ತುಮೆ ತುಮಾರಾ ಕ್ಹಾತೆ ಮೊಲೊಖನ ಗುಡಾರ ವರಿ ತುಮಾರಾ ರೆಫಾ ದೆವಸ್ಥಾನ ಚಿಕ್ಕಿನು ರುಪ ಉಚೈಲಿನ ಗಯಾ ಪುಜಾ ಕರಾನಾ ಹುತಿ ತುಮೆ ಕರಿಲಿದಲ ಮುರ್ತಿಯೊ ಎಜ಼ ವ್ಹೈ. ತಿನಾಹುತಿ ಮಿ ತುಮೊನೆ ಬಾಬಿಲೊನನಾ ಹತ್ಮಾ ದಿಪಾಡುಸ. ಅಮ್ಮೊಸಾ 5:25-27 
\v 44 ಕ್ಹುದಾ ಅಪ್ನಾ ಪಿತೃವೊನಾ ಕ್ಹಾತೆ ಕಯಾ ಗುಡಾರಮಾ ಬೊಲ್ಯೊತೊ ತೆ ಗುಡಾರ ಎ ಯೆಹುದಿಯೊನಾ ಕ್ಹಾತೆ ಉಸುಕನಾ ಗಾಮಮಾ ವ್ಹತ್ತು. ಎ ಗುಡಾರ ತಯ್ಯಾರ ಕರಾನಿ ನಿಯಮ ಕ್ಹುದಾ ಮೊಶೆನೆ ಕೈನ ದಿದ್ಯೊ. ಕ್ಹುದಾ ತಿನೆ ದೆಕಾಡಲ ರುಪ ಲಿಂಗತ ಮೊಶೆ ತೆ ತಯ್ಯಾರ ಕರ್ಯೊ. 
\v 45 ಪಾಚಲ್ತೊ ಬಿಜಾ಼ ಜನಾಂಗನಾ ಗಾಮೊನೆ ವಶಮಾ ಕರಿಲಿವಾನೆ ಯೆಹುಶುವಾ ಅಪ್ನಾ ಪಿತೃವೊನೆ ಅಗೊ ಚ಼ಲಾಯೊ. ಅಪ್ನಾ ಮನಕ್ಹೊ ತೆ ದೆಶೊನೆ ಗಯಲ ಪರ, ಕ್ಹುದಾ ಬಿಜಾ಼ ಮನಕ್ಹೊನೆ ತ್ಯಾಂತೊ ವಳೈ ಪಾಡ್ಯೊ. ಅಪ್ನಾ ಮನಕ್ಹೊ ತೆ ನವಾ ದೆಶಮಾ ಗಯಲ ಪರ ಎ ಗುಡಾರ ತ್ಯುನಾ ಕ್ಹಾತೆ ಲಿನ ಗಯಾ. ಅಪ್ನಾ ಮನಕ್ಹೊ ಎ ಗುಡಾರನೆ ತ್ಯುನಾ ಪಿತೃವೊ ಕಂತು ಸ್ವಿಕಾರ ಕರಿಲಿನ ದಾವಿದನಾ ಕಾಲ ಲಕ್ಕಾ ತೆ ಮ್ಹೆಲ್ಲಿದ್ಯಾತಾ. 
\v 46 ಕ್ಹುದಾ ದಾವಿದನೆ ಘನ್ನೊ ಮೆಚ಼್ಚೊ. ‘ಯಾಕೊಬನಾ ಕ್ಹುದಾ ಥಯಲ ತಾರಾ ಹುತಿ ಯಕ್ಕ ಆಲಯ ಭಾಂದಾನೆ ಮನೆ ಮೌಕೊ ದೆ’ ಕೈನ ದಾವಿದ ಕ್ಹುದಾ ಕನ ಮಾಂಗಿಲಿದ್ಯೊ. 
\v 47 ತೆನೈಸೊ ಪ್ರಾಥನಾನಿ ಆಲಯ ಭಾಂದಲ ದಾವಿದನೊ ದಿಕ್ರೊ ಸೊಲೊಮೊನಜ಼ ವ್ಹೈ. 
\v 48 "ತೆನೈಸೊ ಮನಕ್ಹೊ ತ್ಯುನಾ ಹತೊಕ್ಹು ಕರಲ ಘರೊಮಾ ಮಹೊನ್ನತ ರ‍್ಹತೊ ನೈ. ಪ್ರವಾದಿ ಅಮ್ಮ ಬರ್ದ್ಯೊಸ; 
\v 49 ಪ್ರಭು ಅಮ್ಮ ಕವಸ, ಸ್ವರ್ಗ ಮಾರಿ ಸಿಂಹಾಸನ ವ್ಹೈ. ಜಿಮಿನ ಮಾರಿ ಪಗೊ ಮ್ಹೆಲಾನಿ ಜ಼ಗಾ ವ್ಹೈ. ತುಮೆ ಮಾರಾ ಹುತಿ ಕಯಾ ತರಾನಿ ಘರ ಭಾಂದ ಸಕೊಶಿ? ಮಿ ಅರಾಮ ಕರಾನಿ ಜ಼ಗಾ ಕಿಜ್ಗಾ ಛೆ? 
\v 50 ಶೆಂ ರ‍್ಹವಾದೆ, ಎ ಸಾಮನೊ ಕ್ಹಾರು ಕರಲವಾಲೊ ಮಿಜ಼ ವ್ಹೈ! ಯೆಶಾಯ 66:1-2 
\v 51 ಜಿದ್ದಕರಾಲಾವೊ, ತುಮಾರು ಮನಸ್ಸ ವರಿ ಹತೊ ಚೊ಼ಕಾ ನೈ ರ‍್ಹಯಲಕ್ಹು ತುಮೆ ತಿನಿ ವಾತ ನೈ ಐಕಲಖು ವರಿ ಪವಿತ್ರಾತ್ಮ ತಮನೊನೆ ತಿಳಸಾವಾನಿ ವಿಷಯಮ್ಮಾ ತುಮೆ ಕೆಳಾಮಾಬಿ ವಿರುದ್ದ ಥೈನ ವ್ಹತ್ತಾ. ತಮಾರಾ ಪಿತೃವೊ ಅಮ್ಮಜ಼ ಕರ‍್ಯಾ ವರಿ ತುಮೆ ತ್ಯುನಾಲಿಂಗತ ಛೆ! 
\v 52 ಜುವತ್ತಾ ರ‍್ಹಯಲ ಪ್ರವಾದಿಯೊಮಾ ಹರಯಕ್ಲಾನೆ ತಮಾರಾ ಪಿತೃವೊ ತ್ರಾಸ ಕರ‍್ಯಾ. ನಿತಿವಾಲೊ ಯಕ್ಲೊ ಆವಸ ಕೈನ ಘನ್ನಾ ಟೈಮನಾ ಪಚಾ಼ಜ಼ ತೆ ಪ್ರವಾದಿಯೊ ಕದ್ಯಾ. ತಿನಾಹುತಿ ತಮಾರಾ ಪಿತೃವೊ ತೆ ಪ್ರವಾದಿಯೊನೆ ಖಲಾಸ ಕರಿ ಪಾಡ್ಯಾ. ಹಮ್ನಾ ತಿನಾಲಿಂಗತ ಸುಜ಼ ತಪ್ಪ ನೈ ಕರಲವಾಲಾ ಯೆಸು ಕ್ರಿಸ್ತನಾ ವಿರುದ್ದ ಥೈನ ತಿನೆಬಿ ಖಲಾಸ ಕರಿ ಪಡ್ಯಾ. 
\v 53 ಕ್ಹುದಾ ತಿನಾ ದುತೊನಾ ಮುಕಾಂತರ ದಿದಲ ಮೊಶೆನು ಧರಮಶಾಸ್ತ್ರ ಲಿನ ತುಮೆಜ಼ ತಿನೆ ವಿಧೆಯ ಥಾತಾ ನೈ! 
\v 54 ಸ್ತೆಫನಾ ಆ ವಾತೊ ಐಕಿನ ತೆ ಯೆಹುದಿಯೊನಾ ಮ್ಹೊಟಾ ಶ್ಯಾನ್ಯಾ ಘನ್ನಾ ಶಿಟ್ಟ ಥಯಾ. ತ್ಯುನೆ ಶಿಟ್ಟಕ್ಹು ಸ್ತೆಫಾನಾ ಉಪ್ಪರ ದಾತೊ ಕ್ಹಾವಾಡಾತ್ತಾ. 
\v 55 ತೆನೈಸೊ ಸ್ತೆಫನ ಪವಿತ್ರಾತ್ಮಕ್ಹು ಭರಿನ ತೆ ಸ್ವರ್ಗನೆ ದೆಕಿನ ಕ್ಹುದಾನಿ ಮಹಿಮಾ ವರಿ ಕ್ಹುದಾನಾ ಬಾಜು಼ಮಾ ಬೈಟೆಲ ಯೆಸುನೆ ದೆಕ್ಯೊ, 
\v 56 ದೆಕೊ ಸ್ವರ್ಗ ಖುಲ್ಲಾ ಥಯಲ ಮನಕ್ಹನೊ ದಿಕ್ರೊ ಕ್ಹುದಾನಾ ಶಿದಾ ಬಗಲ ಹುಬ್ರಯೆಲ ಮಿ ದೆಕಾಡೊಸ! ಕದ್ಯೊ. 
\v 57 ತೆಳಮಾ ಯೆಹುದಿಯೊನಾ ನಾಯಕೊ ಜೊ಼ರ ವದ್ರಿನ, ತ್ಯುನಾ ಕಾನೊ ಹತ್ತೊಕ್ಹು ಝಾಕಿಲಿದ್ಯಾ. ತ್ಯುನೆ ಕ್ಹಾರಾ ಸ್ತೆಫನ ಕನ ಮಳಿನ ನ್ಹಾಟತ್ತಾ, 
\v 58 ತಿನೆ ಗಾಮ್ತಾ ಭಾರಾ ಎಳದಿನ ಲೈನ ತೆ ಮರೆಲಕ್ಕಾ ತಿನಾ ಉಪ್ಪರ ದಗ್ಡಾ ನಾಕ್ಯಾ ಸ್ತೆಫಾನೆ ವಿರುದ್ದ ಥೈನ ಸುಳ್ಳ ಕದಲ ಮನಕ್ಹೊ ತ್ಯುನಾ ಅಂಗ್ಡಾ ಕಾಡಿನ ಸೌಲಾ ಕವಾಲಾನೆ ದಿನ, 
\v 59 ಸ್ತೆಫನನೆ ದಗ್ಡಾ ನಾಕ್ಯಾ ತೆನೈಸೊ ಸ್ತೆಫನ ಪ್ರಾರ್ಥನಾ ಕರತೊ "ಪ್ರಭು ಥಯಲ ಯೆಸು ಮಾರಿ ಆತ್ಮಾನೆ ಒಪ್ಸುಸ" ಕದ್ಯೊ. 
\v 60 ತೆ ಉಂದಾಘುಡಗಾ ಘಾಲಿನ "ಪ್ರಭು ಆ ಪಾಪ ತ್ಯುನಾ ಉಪ್ಪರ ಘಾಲು ನಕೊ! ಕೈನ ಜ಼ಲಮ ಛೊಡ್ಯೊ.
\c 8
\p
\v 1 ಸೌಲಾನೆ ತಿನೆ ಖಲಾಸ ಕರಲ ತಿನೆ ಪಸಂದ ಐಯು. ತೆ ದಿನಮಾ ಯೆರುಸಲೆಮಾ ರ‍್ಹಯಲ ಸಭೆನೆ ಘನ್ನು ತ್ರಾಸ ಥಯು. ಅಪೊಸ್ತಲೊನೆ ಛೊಡಿನ ಬಿಜಾ಼ ಕ್ಹಾರಾ ವಿಶ್ವಾಸಿಯೊ ಯುದಾಯಮಾ, ಸಮಾರ್ಯಮಾ ಬಿಕರೈಗಯಾ. 
\v 2 ತೆನೈಸೊ ಸೌಲಾ ಘರೊ ಘರೊಮಾ ಗೈನ ಮನಕ್ಹೊನೆ ಯಳ್ದಿಲೈನ ಕ್ಹಾರಾವೊನೆ ಜೆಲ್ಮಾ ಘಲೈನ ರ‍್ಹಯಲ ಸಭೆನೆ ಹಾಳ ಕರಾಡೊತೊ 
\v 3 ವಿಸ್ವಾಸಿಯೊ ಜೆರುಸಲೆಮ ಛೊಡಿನ ಗೈ ಪಡಾಡಾತಾ. ಅಪೊಸ್ತಲೊ ಯಕ್ಕಜ಼ ತ್ಯಾಜ ವ್ಹತ್ತಾ. ವಿಸ್ವಾಸಿಯೊ ಜುದೆಯ ವರಿ ಸಮಾರ್ಯನಾ ಬಿಜಿ-ಬಿಜಿ ಜ಼ಗಾ ಗಯಾ. 
\v 4 ತಿಮ್ಮ ಝುದಾ ಥಯಲ ಮನಕ್ಹೊ ತ್ಯಾ ತ್ಯಾ ಗೈನ ಸುವಾರ್ತೆ ಕವಾಡಾತಾ. 
\v 5 ಪಿಲಿಪ್ಪ ಸಮಾರ್ಯಾ ಕವಾನಾ ಗಾಮೆ ಗೈನ ಕ್ರಿಸ್ತನಾ ಹುತಿ ತ್ಯಾ ರ‍್ಹಯಲ ಮನಕ್ಹೊಕನ ಸುವಾರ್ತೆ ಕವಾಡೊತೊ. 
\v 6 ಗುಂಪ ಥೈನ ಕುಡಿನ ರ‍್ಹಯಲ ಮನಕ್ಹೊ ಫಿಲಿಪ್ಪ ಕವಾನಿಯೊ ವಾತೊ ಐಕಿನ ತೆ ಕರಲ ಸುಚಕ ಕಾಮೊ ದೆಕಿನ ತೆ ಕದಲ ಸಂಗತಿಯೊನೆ ಧ್ಯಾನ ದಿನ ಐಕ್ಯಾ. 
\v 7 ತ್ಯಾ ಘನ್ನಾ ಮನಕ್ಹೊಮಾತಾ ಭುತ್ಡಾ ವದ್ರಿನ ಭಾರಾ ಆಯಾ, ವರಿ ಘನ್ನಾ ಜ಼ನಾ ಲಕ್ವೊ ಮಾರಲವಾಲಾ ರೊಗಿಯೊನೆ ವರಿ ಹತೊ ಪಗೊ ವಾಕಾ ರ‍್ಹಯಲವಾಲಾ ಮನಕ್ಹೊ ಅರಾಮ ಥಯಾ. 
\v 8 ತಿನಾಹುತಿ ತೆ ಗಾಮನಾ ಮನಕ್ಹೊ ಘನ್ನಾ ಖುಶಿ ಥಯಾ. 
\v 9 ತೆನೈಸೊ ಘನ್ನಾ ದಿನತೊ ತೆ ಗಾಮ್ಮಾ ರ‍್ಹಯಲ ಸಿಮೊನ ಕವಾಲೊ ತೆ ಯಕ್ಕ ಮ್ಹೊಟೊ ಮನಕ್ಹ ವ್ಹೈ ಕೈನ ಕೈಲಿನ ಮಾಟಾ ಮಂತ್ರಾ ಕರ್ತೊ ಸಮರ್ಯಾಮಾ ರ‍್ಹಯಲ ಮನಕ್ಹೊಮಾ ಭೆ ಘಾಲ್ಯೊತೊ. ವರಿ ಮಿಜ಼ ವ್ಹೈ ಕೈನ ಘನ್ನು ಹೊತ್ತು ತಿಮಾ. 
\v 10 ನ್ಹಾನಾ ಮನಕ್ಹೊತಿ ಮ್ಹೊಟಾ ಮನಕ್ಹೊ ಕ್ಹಾರಾ, ಇಕನ ಮ್ಹೊಟಿ ಕ್ಹುದಾನಿ ತಾಕತ ಛೆ ಕೈನ ಕವೈಲೆತೊ ತಿನಿ ತೆ ಕದಲಜ಼ ತಿಮ್ಮ ಐಕ್ತಾತಾ. 
\v 11 ಘನ್ನಾ ದಿನ್ತಾ ತೆ ಕರಾನಾ ಮಾಟಾ ಮಂತ್ರಾಮಾ ರ‍್ಹಯಲ ಮನಕ್ಹೊ ತೆ ಕದಲ ತಿಮ್ಮಜ಼ ಐಕ್ತಾತಾ. 
\v 12 ತೆನೈಸೊ ಫಿಲಿಪ್ಪ ಕ್ಹುದಾನಿ ರಾಜ್ಯನಾ ಹುತಿ ವರಿ ಯೆಸು ಕ್ರಿಸ್ತನಾ ಹುತಿ ಚೊ಼ಕಿಯೊ ವಾತೊ ಕವಾಕ್ಹು ದಾಣ್ಗಾ ವರಿ ಬಾಕ್ಡಿಯೊ ಬರೊಕ್ಹೊ ಕರಿನ ಬಾಪ್ತಿಸ್ಮ ಕರೈಲಿದ್ಯಾ. 
\v 13 ತೆಳಾಮಾ ಸಿಮೊನಬಿ ಬರೊಕ್ಹೊ ಕರಿನ ಬಾಪ್ತಿಸ್ಮ ಕರೈಲಿದ್ಯೊ ಫಿಲಿಪ್ಪನಾ ಕ್ಹಾತೆ ಹಮೆಶಾ ರ‍್ಹೈನ ಸುಚಕ ಕಾಮೊ ಮ್ಹೊಟಾ ಕಾಮೊ ಥಾವಾನು ದೆಕಿನ ಘಾಬ್ರೊ ಥಾತೊತೊ. 
\v 14 ಸಮರ್ಯಾ ಗಾಮವಾಲಾ ಕ್ಹುದಾನಿ ವಾಕ್ಯಾ ಸ್ವಿಕಾರ ಕರಲ ವಾತ ಯೆರುಸೆಲೆಮಾ ರ‍್ಹಯಲ ಅಪೊಸ್ತಲೊ ಐಕಿನ, ಪೆತ್ರಾನೆ ವರಿ ಯೊಹಾನೆ ತ್ಯುನೊಕನ ಮೊಕಲ್ಯಾ. 
\v 15 ತ್ಯುನೆ ತೆ ಮನಕ್ಹೊಕನ ಐನ ತ್ಯುನೊನೆ ಪವಿತ್ರ ಆತ್ಮಾ ಮಳಾದೆ ಕೈನ ತ್ಯುನಾ ಹುತಿ ಪ್ರಾಥನಾ ಕರ‍್ಯಾ. 
\v 16 ಕಾಕದ್ಯಾಮ ತ್ಯುನೊಮಾ ಕಿನೆಜ಼಼ ಹಜು಼ನಬಿ ಪವಿತ್ರ ಆತ್ಮಾ ಮಳಿ ನ್ಹೊತಿ. ತ್ಯುನೆ ಕ್ಹಾಲಿ ಯೆಸು ಕ್ರಿಸ್ತನಾ ನಾಮಪರ ಬಾಪ್ತಿಸ್ಮ ಯಕ್ಕಜ಼ ಕರೈಲಿದ್ಯಾತಾ. ತಿನಾಹುತಿಜ ಯೊಹಾನ ವರಿ ಪೆತ್ರಾ ತ್ಯಾ ಪ್ರಾರ್ಥನಾ ಕರ‍್ಯಾ. 
\v 17 ಅಪೊಸ್ತಲೊ ತೆ ಮನಕ್ಹೊನಾ ಮಾತಾಪರ ಹತೊ ಮ್ಹೆಲ್ತಾಮಾ ತ್ಯುನೊಪರ ಪವಿತ್ರ ಆತ್ಮಾನಿ ವರಾ ಮಳಿ. 
\v 18 ಪೆತ್ರಾ ವರಿ ಯೊಹಾನ ಮನಕ್ಹೊನಾ ಮಾತಾಪರ ಹತ ಮ್ಹೆಲ್ತಾಮಾ ಪವಿತ್ರ ಆತ್ಮಾ ಮಳಾನು ಸಿಮೊನೆ ದೆಕಿನ ದೊಕ್ಡಾಲೈನ ಅಪೊಸ್ತಲೊನಾ ಕ್ಹಾಮೊ ಮುಕ್ಕಿನ, 
\v 19 ವರಿ "ಮಿ ಕಿನಾ ಮಾತಾಪರ ಹತ ಮ್ಹೆಲುಸ ತ್ಯುನೆ ಪವಿತ್ರ ಆತ್ಮಾನಿ ವರಾ ಮಳು ಕೈನ ಮನೆ ತೆವೊ ಅದಿಕಾರ ದಿವೊ ಕೈನ ತ್ಯುನೊನೆ ಕದ್ಯೊ. 
\v 20 ತೆಳಾಮಾ ಪೆತ್ರಾ ತಿನೆ, ತಾರು ರುಪ್ಪು ತಾರಾ ಕ್ಹಾತೆಜ಼ ಹಾಳ ಥೈನ ಜಾ಼ವಾದೆ. ಕ್ಹುದಾ ದಿವಾನಿ ವರಾ ದೊಕ್ಡಾ ದಿನ್ನ ಇಕ್ಕಾತು ಲಿವಾನು ವ್ಹೈ ಕೈನ ತಿಳ್ದಿಲಿದ್ಯೊಸ? 
\v 21 ಎ ಕಾಮಮಾ ತುನೆ ವಾಟೊಜ಼ ನತ್ತಿ ಕಾಕದ್ಯಾಮ ತಾರು ಮನಸ ಕ್ಹುದಾನಾ ಕ್ಹಾಮು ಚೊ಼ಕು ನತ್ತಿ. 
\v 22 ತಿನಾ ಹುತಿ ತು ತುಕನ ರ‍್ಹಯಲ ಕೆಟ್ಟತನಾ ಛೊಡಿನ ತು ಕರಲ ಪಾಪೊನೆ ಪಶ್ಚಾತಾಪ ಪಡಿನ ಕ್ಹುದಾ ಬಗಲ ಫರ ಕರ್ತಾ ತಾರಾ ಮನಸ್ಮಾ ರ‍್ಹಯಲ ವಿಚಾರೊನೆ ಮಾಫ ಕರಸ ತಿಕನ ಮಾಂಗಿಲೆ. 
\v 23 ತು ಘನ್ನಾ ಕೆಟ್ಟ ವಿಚಾರೊಕ್ಹು ಭರ‍್ಯೊಸ ವರಿ ಪಾಪ ತುಪರ ರಾಜ ಕರಸ, ಕೈನ ಕದ್ಯಾ. 
\v 24 ತೆ ವಾತೆ ಸಿಮೊನ, ತುಮೆ ಕದಲ ವಾತೊ ಲಿಂಗತ ಕಯುಜ಼ ಮಪರ ರ‍್ಹಯೆ ನೈಸೊ ಮಾರಾ ಹುತಿ ಕರ್ತಾಕನ ಮಾಂಗಿಲಿವೊ ಕೈನ ಕದ್ಯೊ. 
\v 25 ಇಮ್ಮ ರ‍್ಹೈನ ತ್ಯುನೆ ಕರ್ತಾನಿ ವಾಕ್ಯಾ ತ್ಯುನೆ ರ‍್ಹಯಲ ಕ್ಹಾರಿ ಜ಼ಗಾ ಕದಲ್ಪರ ಯೆರುಸೆಲೆಮ ಫರಿನ ಐನ ಸಮರ್ಯಾಮಾ ರ‍್ಹಯಲ ಮನಕ್ಹೊನಾ ಗಾಮೊಯೆ ಗೈನ ಸುವಾರ್ತೆ ಕದ್ಯಾ. 
\v 26 ಕರ್ತಾನೊ ದುತ ಫಿಲಿಪ್ಪನೆ ತು ಉಟಿನ ದಕ್ಷಿಣನಾ ಕ್ಹಾಮೊ ರ‍್ಹಯಲ ಜೆರುಸೆಲಿಮ್ಮಾ ಗಾಜನೆ ಜಾ಼ವಾನಿ ವಾಟೆ ಜಾ಼ ತೆ ವಾಟ್ಮಾ ಕುನ್ನಜ಼ ಆತು ಜಾ಼ತು ನೈ ಕೈನ ಕದ್ಯೊ. 
\v 27 ತಿನಾ ಲಿಂಗತಜ಼ ಫಿಲಿಪ್ಪ ದುತ ಕದಲ ಲಿಂಗತಜ ಗಯೊ ತೆ ವಾಟ್ಮಾ ಇಥೊಪಿಯಾನೊ ಯಕ್ಲೊ ಮನಕ್ಹ ದಿಕ್ಹೊ ತೆ ಮನಕ್ಹ ಇಥಿಯೊಪಿಯಾನಾ ಕಂದಾಕೆ ಕವಾಲಿ ರಾಣಿನಾ ದರಬಾರಮಾ ಯಕ್ಕ ಅದಿಕಾರಿ ವ್ಹತ್ತೊ. ತೆ ತಿನಾ ದೊಕ್ಡಾ ಕ್ಹಮಾಳಾವಾಲೊ ವ್ಹೈ. ತೆ ಮನಕ್ಹ ಜೆರುಸಲೆಮನೆ ಕ್ಹುದಾನಿ ಆರಾಧನಾ ಕರಾನೆ ಗಯೊತೊ. 
\v 28 ತೆ ತಿನಾ ಗಾಮೆ ಫರಿನ ರಥಮಾ ಬೈಟಿನ ಯೆಶಾಯನು ಬುಕ್ಕ ಒದತೊ ಚಾ಼ಲ್ಯೊತೊ. 
\v 29 ಪವಿತ್ರ ಆತ್ಮಾ ಫಿಲಿಪ್ಪನೆ, ತು ಅಗೊ ಗೈನ ರಥಾನಾ ಕ್ಹಾಮೊ ಹುಬ್ರೆ" ಕದ್ಯೊ. 
\v 30 ತಿನಾ ನಿಗಂತಜ ಫಿಲಿಪ್ಪ ಅಗೊ ಗೈನ ತೆ ಯೆಶಾಯನಿ ಪ್ರವಾದನೆ ಒದಾನು ಐಕ್ಯೊ. ತು ಒದಾನು ತುನೆ ಗ್ವತ್ತ ಥಾವಾಡ್ಯುಸು? ಕೈನ ತಿನೆ ಪುಚ್ಯೊ. 
\v 31 ತೆ ಅದಿಕಾರಿ ತಿನೆ ಮಿ ಒದಾನು ಕುನ್ನಬಿ ತಿಳಶ್ಯಾವಾಚಿ ಮನೆ ಕಿಮ ಗ್ವತ್ತ ಥಾಸ? ಕೈನ ಕದ್ಯೊ. ರಥಾ ಚ಼ಡಿನ ಬೈಟಾ ಕೈನ ಫಿಲಪ್ಪನೆ ತೆ ಅದಿಕಾರಿ ಬಲಾಯೊ. 
\v 32 ತೆ ಒದಾನು ಪ್ರವಾದನೆ ಅಮ್ಮ ವ್ಹತ್ತಿ; ಕತ್ರಾನಿ ಜ಼ಗಾಪರ ನಿಂಜಾಯಲ ಬಕ್ರಾ ಲಿಂಗತ ತೆ ವ್ಹತ್ತೊ. ಬಕ್ರು ಕಿಮ ಬಾಲೊ ಕತ್ರಾಲಾನಾ ಕ್ಹಾಮು ಗಪ್ಪ ರ‍್ಹವಸ ತಿನಾ ಲಿಂಗತಜ಼ ತೆ ಗಪ್ಪ ವ್ಹತ್ತೊ. ತೆ ವಟ್ಟಜ ಮ್ಹೊಡು ಖೊಲ್ಯೊ ನೈ. 
\v 33 ತಿನಿ ಮರ್ಯಾದಿ ಕಾಡ್ಯಾ ತಿನೆ ನ್ಯಾಯ ಮಳ್ಯೊ ನೈ ಲಾಸ್ಟೆ ತಿನೊ ಜಲಂಬಿ ಕಾಡಿ ಪಡ್ಯಾ ತಿನಾ ಖಾಂದಾನನಾ ಹುತಿ ಕುನ್ನ ಬೊಲಸಕಸ \rq ಯೆಶಾಯ 53:7-8\rq* 
\v 34 ತೆ ಮನಕ್ಹ ಪಿಲಿಪನೆ ಎ ಪ್ರವಾದಿ ಕಿನಾ ಹುತಿ ಕವಾಡ್ಯೊಸ. ತಿನಾ ಹುತಿಜ಼ ವ್ಹೈ ಸು? ಸು ಬಿಜಾ಼ ಪ್ರವಾದಿನಾ ಹುತಿ ವ್ಹೈ ಸು? ಮನೆ ಕೆ ಕೈನ ಫಿಲಿಪ್ಪನೆ ಕೈಲಿದ್ಯೊ. 
\v 35 ತಿನಾಹುತಿ ಫಿಲಿಪ್ಪ ತಿನೆ ಯೆಶಾಯನಾ ಬುಕ್ಕಕಂತೊ ಧರಿನ ಯೆಸು ಸ್ವಾಮಿನಾ ವಿಷಯಮಾ ಹರಿಯಕ್ಕ ತಿಳಸಾಯೊ. 
\v 36 ತ್ಯುನೆ ವಾಟ್ಮಾ ಜಾ಼ತಾಮಾ ಯಕ್ಕ ತಳಾನಾ ನಜಿಕ ಆಯಾ. ತೆಳಾಮಾ ತೆ ಮನಕ್ಹ ದೆಕ ನ್ಹ್ಯಾ ಪಾನಿ ಛೆ ಬಾಪ್ತಿಸ್ಮ ಲಿವಾನೆ ಮನೆ ಸುಬಿ ಅಡ್ಡ ಛೆಸು? ಕೈನ ಫಿಲಿಪ್ಪನೆ ಪುಚ್ಯೊ಼. 
\v 37 ತೆ ವಾತೆ ಫಿಲಿಪ್ಪ ತಾರಾ ಮನಸ ಕ್ಹರಿನೆ ನಂಬಾನೊ ರ‍್ಹಯೊಮ ಬಾಪ್ತಿಸ್ಮ ಕರೈಲೆ ಸಕಸ ಕೈನ ಕದ್ಯೊ. ತೆ ವಾತೆ ಯೆಸು ಕ್ರಿಸ್ತನೆ ಕ್ಹುದಾನೊ ದಿಕ್ರೊ ವ್ಹೈ ಕೈನ ಮಿ ಬರೊಕ್ಹೊ ಕರುಸ ಕೈನ 
\v 38 ರಥಾ ಹುಬ್ರಾಡಾನೆ ಆಗ್ಯಾ ದಿದ್ಯೊ" ತೆಳಾಮಾ ಅದಿಕಾರಿ ವರಿ ಫಿಲಿಪ್ಪ ಪಾನಿಮಾ ಉತ್ರ್ಯಾ ಫಿಲಿಪ್ಪ ಅದಿಕಾರಿನೆ ಬಾಪ್ತಿಸ್ಮ ದಿಲಾಯೊ. 
\v 39 ತ್ಯುನೆ ಪಾನಿಮಾತಾ ಭಾರಾ ಆತಾಮಾ ಕರ್ತಾನಿ ಆತ್ಮಾ ಫಿಲಿಪ್ಪನೆ ಲಿನ ಗೈ ಅದಿಕಾರಿನೆ ತೆಳಾಮಾತೊ ತೆ ದಿಕ್ಹ್ಯೊಜ಼ ನೈ. ತೆ ಜಾ಼ವಾನಿ ವಾಟೆ ಜಾ಼ತಾಮಾ ಖುಶಿಮಾಜ಼ ಗಯೊ. 
\v 40 ತೆ ಥಯಲ್ಪರ ಫಿಲಿಪ್ಪ ಅಜೊತಿಮಾ ದಿಕ್ಹಿನ ತ್ಯಾಂತೊ ಕೈಸೆರೆ ಆಯೆಲಕ್ಕಾ ಕ್ಹಾರಾ ಗಾಮೊಮಾ ಸುವಾರ್ತೆ ಕತೊಜ಼ ಗಯೊ.
\c 9
\s ಸೌಲಾ ಯೆಸುನೊ ಶಿಷ್ಯೊ ಥಯಲ
\p
\v 1 ಸೌಲಾ ಕರ್ತನಾ ಶಿಷ್ಯಾವೊನೆ ಭುಚ್ಕಾ಼ಡತೊ ವರಿ ತ್ಯುನೊನೆ ಖಲಾಸ ಕರು ಕೈನ ಕೊಶಿಶ ಕರಾಡೊತೊ. ತಿನಾಹುತಿ ತೆ ಮ್ಹೊಟಾ ಯಾಜಕಕನ ಗೈನ, 
\v 2 ಪ್ರಭುನಾ ಉಪ್ಪರ ಬರೊಕ್ಹೊ ಮ್ಹೆಲಲ ದಾಣ್ಗಾ ರ‍್ಹಯಾತಬಿ ಬಾಕ್ಡಿಯೊ ರ‍್ಹಯ್ಯೊತಬಿ ತೆ ತ್ಯುನೊನೆ ಭಾಂದಿನ ಯೆರುಸೆಲೆಮೆ ಲೌ ಕೈನ ದಮಸ್ಕಮಾ ರ‍್ಹಯಲ ಬಿಜಿಯೊ ಸಭಾಮಂದಿರೊಮಾ ರ‍್ಹಯಲವಾಲಾವೊನೆ ಚಿಟಿಯೊ ದ್ಯು ಕೈನ ತಿಕನ ಮಾಂಗಿಲಿದ್ಯೊ. 
\v 3 ತಿನಾಹುತಿ ತೆ ದಮಸ್ಕನೆ ಜಾ಼ತಾ ಟೈಮಾ ತಿನಾ ಕ್ಹಾಮು ಮ್ಹೊಟ್ಟೊ ಉಜಾಲು ಹಬಾಳಮಾತು ಉತ್ರಿನ ಐಯು. 
\v 4 ತೆಳಾಮಾ ತೆ ಜಿಮಿನ್ಪರ ಪಡ್ತಾಮಾ -ಸೌಲಾ ಸೌಲ, ತು ಮನೆ ಕಾ ತ್ರಾಸ ಕರಾಡ್ಯೊಸ ಕೈನ ಯಕ್ಕ ಆವಾಜ ಐಕ್ಯೊ. 
\v 5 ತೆಳಾಮಾ ತೆ, ಪ್ರಭು ತು ಕುನ್ನ ವ್ಹೈ” ಕೈನ ಪುಚ಼ತಾಮಾ ತು ಕಿನೆ ತ್ರಾಸ ಕರಾಡೊಸ ದೆಕ ತೆ ಯೆಸುಜ಼ ಮಿ ವ್ಹೈ. 
\v 6 ತೆ ವಾತೆ ಕರ್ತಾ ತಿನೆ ತು ಉಟಿನ ಗೈನ ಗಾಮ್ನಾ ಮ್ಹೈ ಜಾ಼, ತ್ಯಾ ತು ಸುಕರು ಕೈನ ಮಿ ತುನೆ ತಿಳಸೌಸ. 
\v 7 ತಿನಾ ಕ್ಹಾತೆ ಆಯಲವಾಲಾ ಕ್ಹಾಲಿ ಅವಾಜ಼ ಯಕ್ಕಜ಼ ಐಕ್ಯಾ ತ್ಯಾ ಕುನ್ನಜ ನೈ ರ‍್ಹಯಲ ದೆಕಿನ ಘನ್ನಾ ಘಾಬ್ರಾ ಥಯಾ. 
\v 8 ಸೌಲಾ ಜಿಮಿನ್ಪರ್ತೊ ಉಟಿನ ಡೊಳಾ ಕಾಡಿನ ದೆಕ್ತಾಮಾ ಕುನ್ನಜ಼ ದಿಕ್ಹು ನೈ. ತೆಳಾಮಾ ತಿನಾ ಕ್ಹಾತೆ ಆಯಲ ಮನಕ್ಹೊ ತಿನೊ ಹತ್ತ ಧರಿನ ದಮಸ್ಕ ಗಾಮೆ ಲಿನ ಗಯಾ; 
\v 9 ತಿನೆ ತನ್ನ ದಿನ್ನ ಲಕ್ಕಾಬಿ ಡೊಳಾ ದಿಕ್ಹ್ಯಾ ನೈ ವರಿ ತೆ ತನ್ನ ದಿನ್ನ ಲಕ್ಕಾಬಿ ಅನ್ನ ಖಾದ್ಯೊನೈ ಪಾನಿಬಿ ಪಿದ್ಯೊ ನೈ. 
\v 10 ದಮಸ್ಕ ಗಾಮಮಾ ಅನನಿಯ ಕವಾಲೊ ಯೆಸು ಸ್ವಾಮಿನೊ ಯಕ್ಕ ಶಿಶ್ಶೊ ವ್ಹತ್ತೊ; ಕರ್ತಾ ತಿನೆ ದರ್ಶನಮಾ, ಅನನಿಯಾ ಕೈನ ಬಲಾತಾಮಾ ತೆ ಪ್ರಭು ಮಿ ನ್ಹ್ಯಾ ಛೆ” ಕದ್ಯೊ. 
\v 11 ಪ್ರಭು ಅನನಿಯನೆ, ತು ಉಟಿನ ಮಿ ಕದಲ ವಾಟೆ ಜಾ಼ ತುನೆ ತ್ಯಾ ಯುದನು ಘರ ಮಳಸ ತೆ ಘರಮಾ ಗೈನ ತ್ಯಾ ತಾರ್ಸತೊ ಆಯಲ ಸೌಲನಾ ಹುತಿ ಪುಚ್ಚ ತೆ ಹಮ್ನಾ ತ್ಯಾ ಪ್ರಾರ್ಥನಾ ಕರಾಡೊಸ. 
\v 12 ಪೌಲ ಯಕ್ಕ ದರ್ಶನ ದೆಕ್ಯೊಸ ತೆ ಸು ವ್ಹೈ ಕದ್ಯಾಮ; ಅನನಿಯ ಕವಾಲೊ ಯಕ್ಕ ಮನಕ್ಹ ಮ್ಹೈ ಐನ ತಿನಾ ಮಾತಾಪರ ಹತ ಮ್ಹೆಲಸ ತೆಳಾಮಾ ಫರಿನ ತಿನೆ ಡೊಳಾ ದಿಕ್ಹಸ ಕೈನ ಕದ್ಯೊ. 
\v 13 ತೆ ವಾತೆ ಅನನಿಯಾ - ಪ್ರಭು, ತೆ ಮನಕ್ಹ ಯೆರುಸೆಲಿಮಮಾ ತಾರಾ ಪರಿಶುದ್ಧ ಮನಕ್ಹೊನೆ ಕೆಕ್ಲು ಕೆಟ್ಟ ಕರ‍್ಯೊಸ ಕವಾನು ಮಿ ಮನಕ್ಹೊನಾ ಮ್ಹೊಡಾತೊ ಐಕ್ಯೊಸ. 
\v 14 ತೆ ಹಮ್ನಾ ದಮಸ್ಕ ಗಾಮೆ ಆಯೊಸ ವರಿ ತುಪರ ಬರೊಕ್ಹೊ ಮ್ಹೆಲಾವಾಲಾ ಮನಕ್ಹೊನೆ ಜೆಲಮಾ ಘಾಲಾನು ಅದಿಕಾರ ಮ್ಹೊಟಾ ಯಾಜಕೊ ತಿನೆ ದಿದ್ಯಾಸ ಕೈನ ಕದ್ಯೊ. 
\v 15 ತೆನೈಸೊ ಕರ್ತಾ ತಿನೆ, ತು ಜಾ಼; ಮ್ಹೊಟಾ ಕಾಮನಾ ಹುತಿ ಮಿ ಸೌಲಾನೆ ಇನಿಲಿದ್ಯೊಸ. ತೆ ಮಾರಾ ಹುತಿ ರಾಜಾ಼ವೊನೆ ಯಹುದಿಯೊನೆ ವರಿ ಬಿಜಾ಼-ಬಿಜಾ಼ ಮನಕ್ಹೊವೊನೆಬಿ ತಿಳಸು ಕೈನ ಛೆ. 
\v 16 ತೆ ಮಾರಾ ನಾಮಪರ ಕೆಕ್ಲೊ ತ್ರಾಸ ಖೌ ಕೈನ ತಿನೆ ಮಿಜ಼ ದೆಕಾಡಿನ ದ್ಯುಸ ಕೈನ ಕದ್ಯೊ. 
\v 17 ತೆಳಾಮಾ ಅನನಿಯಾ ಪೌಲಾ ರ‍್ಹಯಲ ಘರ್ಮಾ ಗೈನ ತಿನಾ ಮಾತಾಪರ ತಿನಾ ಹತೊ ಮ್ಹೆಲಿನ, ಮಾರಾ ಭೈ, ತು ಆಯಲ ವಾಟ್ಮಾ ತುನೆ ದಿಕ್ಹಲ ಪ್ರಭು ಥಯಲ ಯೆಸು ತುನೆ ಡೊಳಾ ದಿಕ್ಹಾ ವರಕ್ಹು, ತು ಪವಿತ್ರ ಆತ್ಮಾಕ್ಹು ಭರು ಕೈನ ಮನೆ ತುಕನ ಮೊಕ್ಲ್ಯೊಸ ಕೈನ ಕದ್ಯೊ. 
\v 18 ತೆಳಾಮಾ ತಿನಾ ಡೊಳಾಮಾತು ಪರಿ ಲಿಂಗತ ಸು ಯಕ್ಕ ಪಡಿನ ತಿನಾ ಡೊಳಾ ದಿಕ್ಹ್ಯಾ. ತೆಳಾಮಾ ತೆ ಬಾಪ್ತಿಸ್ಮ ಕರೈಲಿದ್ಯೊ. 
\v 19 ತೆಳಾಮಾ ತೆ ಅನ್ನ ಖಾದ್ಯೊ. ತೆ ದಮಸ್ಕಮಾ ರ‍್ಹಯಲ ಯೆಸು ಸ್ವಾಮಿನಾ ಶಿಷ್ಯಾವೊನಾ ಕ್ಹಾತೆ ತ್ಯಾಜ ದಕ್ಹಾ ದಿನ್ನ ವ್ಹತ್ತೊ. 
\v 20 ತೆ ತೆಳಾಮಾಜ಼ ಸಬಾಮಂದಿರೊಮಾ ಯೆಸುನಾ ಹುತಿ ತೆಜ಼ ಕ್ಹುದಾನೊ ದಿಕ್ರೊ ವ್ಹೈ ಕವಾನು ಶುರು ಕರ‍್ಯೊ. 
\v 21 ತೆ ಐಕಲವಾಲಾ ಕ್ಹಾರಾ ಮನಕ್ಹೊ ಗಾಬ್ರಾ ಥೈನ ಕ್ರಿಸ್ತನು ನಾಮ ಕವಾಲಾವೊನೆ ಯೆರುಸೆಲೆಮಮಾ ಖಲಾಸ ಕರಾಲೊ ಎಜ಼ ನ್ಹವ್ಹೈ ಸು? ಯೆಸುನಾ ಶಿಷ್ಯಾವೊನೆ ಬೆಡಿಯೊ ಘಾಲಿನ ಖಾಸ ಯಾಜಕೊಕನ ಲಿನಜಾ಼ವಾದೆ ಕೈನ ನ್ಹ್ಯಾ ಆಯೊಸ ಸು ಕೈನ ಬೊಲ್ಲಿದ್ಯಾ. 
\v 22 ಸೌಲಾ ವರಿ ಯೆಸುಜ಼ ಕ್ರಿಸ್ತ ವ್ಹೈ ಕೈನ ಘನ್ನಾ ಬರೊಕ್ಹಾಕ್ಹು ಜೊ಼ರ-ಜೊ಼ರ ಕವಾಡೊತೊ. ತೆ ಕವಾನಾ ವಾತೊ ಕ್ಹರಿ ರ‍್ಹಯಲಕ್ಹು ದಮಸ್ಕಮಾ ರ‍್ಹಯಲ ಯೆಹುದಿಯೊ ತಿನೆ ಸುಜ಼ ಬೊಲ್ಯಾ ನೈ. 
\v 23 ಘನ್ನಾ ದಿನ್ನೊ ಥಯಲ್ಪರ ಯಹುದಿಯೊ ಸೌಲನೆ ಖಲಾಸ ಕರು ಕೈನ ವಿಚಾರ ಕರಿಲಿದ್ಯಾ. 
\v 24 ತಿನೆ ಖಲಾಸ ಕರಾನಾ ಹುತಿ ತ್ಯುನೆ ದಿನ್ನ ರಾತ ಗಾಮ್ನಾ ಬಾಕಲನಾ ಕ್ಹಾಮಾ ತ್ಯುನೆ ಕೈದತಾತಾ. ತೆನೈಸೊ ತ್ಯುನೆ ವಿಚಾರ ಕರಿಲಿದಲ ಸೌಲಾನೆ ಗ್ವತ್ತ ಥಯು. 
\v 25 ತೆನೈಸೊ ಸೌಲಾನೆ ಯೆಸು ಸ್ವಾಮಿನಾ ಶಿಷ್ಯಾ ರಾತನಾ ಟೈಮಮಾ ತಿನೆ ಬಲೈ ಲಿನ ಗೈನ, ಯಕ್ಕ ಟೊಪ್ಲಾಮಾ ಬೈಟಾಡಿನ ಗೊಡಿನಾ ಸಂದಿಮಾ ಉತಾರ‍್ಯಾ. 
\v 26 ತೆ ಯೆರುಸಲೆಮೆ ಐನ ಶಿಷ್ಯಾವೊನಾ ಕ್ಹಾತೆ ಮಳು ಕೈನ ಕೊಶಿಶ ಕರ‍್ತಾಮಾ ತ್ಯಾ ರ‍್ಹಯಲವಾಲಾ ತಿನೆ ಯೆಸುನಾ ಶಿಷ್ಯೊ ನ್ಹವೈ ಕೈನ ನಂಬಿನ ಭುಚ಼ಕ್ಯಾ. 
\v 27 ತೆನೈಸೊ ಬಾರ್ನಬ ತಿನಿ ಮದತ ಕರನಾ ಹುತಿ ಅಪೊಸ್ತಲೊಕನ ಬಲೈಲಿನ ಗೈನ ತೆ ದಮಸ್ಕನಿ ವಾಟ್ಮಾ ಕರ್ತಾನೆ ದೆಕಲ ವರಿ ತಿನಾ ಕ್ಹಾತೆ ಬೊಲಲ ದಮಸ್ಕಮಾ ಯೆಸುನಾ ನಾಮಪರ ಧೈರ‍್ಯಕ್ಹು ಕೈನ ತ್ಯುನೊನೆ ತಿಳಸೈನ ದಿದ್ಯೊ. 
\v 28 ತೆ ಥಯಲ್ಪರ ಸೌಲಾ ಯೆರೊಸೆಲಿಮಾ ರ‍್ಹೈನ ತ್ಯುನೊಕನ ಆತಾ ಜಾ಼ತಾ ರ‍್ಹಯಲವಾಲಾವೊನ ಪ್ರಭುನಾ ನಾಮಪರ ಧೈರ್ಯಕ್ಹು ಭೊದನೆ ಕರ‍್ತೊ ವ್ಹತ್ತೊ. 
\v 29 ವರಿ ಗ್ರಿಕಮಾ ಬೊಲಾಲಾ ಯಹುದಿಯೊನಾ ಕ್ಹಾತೆ ವಾದ-ವಿವಾದ ಕರ‍್ತೊತೊ. ತೆನೈಸೊ ತ್ಯುನೆ ತಿನೆ ಖಲಾಸ ಕರು ಕೈನ ಕೊಶಿಶ ಕರ‍್ತಾತಾ. 
\v 30 ಕ್ರಿಸ್ತಮಾ ಭಾಯೊ ರ‍್ಹಯಲವಾಲಾವೊನೆ ಎ ಕ್ಹಾರು ಗ್ವತ್ತ ಥಾತಾಮಾ ತ್ಯುನೆ ತಿನೆ ಕೈಸರೈಯೆ ಲಿನ ಗೈನ, ತ್ಯಾಂತಾ ತಾರ್ಸನೆ ಮೊಕಲ್ಯಾ. 
\v 31 ಇಮ್ಮ ರ‍್ಹತಾಮಾ ಯುದಾಯ ವರಿ ಗಲಿಲಾಯ ಸಮಾರ್ಯಾ ಸಿಮೆಮಾ ರ‍್ಹಯಲ ಸಬೆ ಸಮಾಧಾನ ವ್ಹಂದ್ಯು ವರಿ ಕರ್ತಾನಿ ಭೆಮಾ ಪವಿತ್ರ ಆತ್ಮಾ ಕ್ಹು ಪ್ರೊತ್ಸಾಹ ಹೊಂದಿನ ಬೆಳದತು ಆಯು. 
\v 32 ಪೆತ್ರಾ ಕ್ಹಾರಿ ಬಗಲ ಫರಿನ ಆತಾಮಾ ಲುದ್ದಮಾ ರ‍್ಹಯಲ ಕ್ಹುದಾನಾ ಮನಕ್ಹೊಕನ ಆಯೊ. 
\v 33 ತ್ಯಾ ಲಕ್ವೊ ಮಾರಲವಾಲಾನೆ ಆಟ ವರಕ್ಹತೊ ವಚ್ಚಾ಼ನಾಪರ ಪಡಲ ಐನೆಯ ಕವಾಲೊ ಯಕ್ಲಾ ಮನಕ್ಹನೆ ದೆಕ್ಯೊ. 
\v 34 ಪೆತ್ರಾ ತಿನೆ ಐನೆಯಾ ಯೆಸು ಕ್ರಿಸ್ತ ತುನೆ ಅರಾಮ ಕರಸ ತು ಉಟಿನ ತಾರು ವಚ್ಚಾ಼ನು ತುಜ಼಼ ಮಡಚ಼ ಕೈನ ಕದ್ಯೊ. ತೆಳಾಮಾಜ಼ ತೆ ಉಟ್ಯೊ. 
\v 35 ವರಿ ಲುದ್ದಮಾ, ಶಾರೊನಮಾ ರ‍್ಹವಾಲಾ ಕ್ಹಾರಾ ಮನಕ್ಹೊ ತಿನೆ ದೆಕಿನ, ತ್ಯುನೆ ಕರ್ತಾಕನ ಫರ‍್ಯಾ. 
\v 36 ಯೊಪ್ಪ ಗಾಮಾಮಾ ತಬಿಥಾ ಕವಾಲಿ ಯಕ್ಕ ವಿಸ್ವಾಸಿ ವ್ಹತ್ತಿ. ತೆ ನಾಮನೆ ಗ್ರಿಕಮಾ ಭಾಶಾಮಾ ದೊರ್ಕ ಕದ್ಯಾಮ ಚಿಗರಿ ವ್ಹೈ. ತೆ ಚೊ಼ಕಾ ಕಾಮೊ ವರಿ ದಾನ ಧರ್ಮ ಘನ್ನಾ ಕರತಿತಿ. 
\v 37 ತೆ ಕಾಲಮಾ ತೆ ರೊಗ ಲಾಗಿನ ಮರಿಗೈ. ತಿನಾ ಮರಲ ಅಂಗನೆ ಧ್ವಯಿನ ಉಪ್ಪರಲ್ಯಾ ಅಂಟಾಪರ ಖೊಲಿಮಾ ಮ್ಹೆಲ್ಯಾ. 
\v 38 ಯೊಪ್ಪನಾ ನಜಿಕ ರ‍್ಹಯಲ ಹುತಿ ಪೆತ್ರಾ ತ್ಯಾ ಛೆ ಕೈನ ಶಿಷ್ಯಾ ಐಕಿನ ಬೆ ಮನಕ್ಹೊನೆ ತಿಕನ ಮೊಕಲ್ಯಾ. ತಡಾ ಕರ‍್ಯಾವಾಚಿ ಹಮೊಕನ ಔ ಕೈನ ಮಾಂಗಿಲಿದ್ಯಾ. 
\v 39 ಪೆತ್ರಾ ಉಟಿನ ತ್ಯುನಾ ಕ್ಹಾತೆ ಗಯೊ. ತೆ ಆಯಲಬರೊಬ್ಬರ ತ್ಯುನೆ ತಿನೆ ಅಂಟಾಪರ ರ‍್ಹಯಲ ಖೊಲಿಮಾ ಬಲೈಲಿನ ಗಯಾ ತ್ಯಾ ಮಾಟಿ ಮರಲವಾಲಿಯೊ ರವಾಡಿಯೊತ್ಯೊ. ತೆ ನಜಿಕ ಹುಬ್ರೈನ ದೊರ್ಕಳ ತ್ಯುನಾ ಕ್ಹಾತೆ ರ‍್ಹತಾಮಾ ಕರಿನ ದಿದಲ ಪೆರಿಲಿವಾನಾ ವಣ್ಣಾ ಪೆತ್ರಾನೆ ದೆಕಾಡಿಯೊ. 
\v 40 ಪೆತ್ರಾ ತ್ಯುನೊನೆ ಕ್ಹಾರಾವೊನೆ ಭಾರೊ ಮೊಕಲಿನ ಉಂದಾಗುಡಗಾ ಘಾಲ್ಲಿನ ಪ್ರಾಥನಾ ಕರಿನ ಮುರ್ದಾ ಬಗಲ ಫರಿನ ತಬಿಥಾ ಉಟ್ಟ ಕದ್ಯೊ. ತೆ ಡೊಳಾ ಕಾಡಿನ ಪೆತ್ರಾನೆ ದೆಕಿನ ಉಟಿನ ಬೈಟಿ. 
\v 41 ತೆ ತಿನೊ ಹತ ಧರಿನ ಉಟಾಡಿ ಮಾಟಿ ಮರಲವಾಲಿಯೊಕನ ವರಿ ಕ್ಹುದಾನಾ ಮನಕ್ಹೊಕನ ಲಿನ ಗೈನ ಜಿವಿತಿ ಥಯಲವಾಲಿನೆ ತ್ಯುನಾ ಕ್ಹಾಮೊ ಹುಬ್ರಾಡ್ಯೊ. 
\v 42 ಎ ಸಂಗತಿ ಯೊಪ್ಪಮಾ ಫೈಲಿನ ಘನ್ನಾ ಜ಼ನಾ ಪ್ರಭು ಪರ ಬರೊಕ್ಹೊ ಮ್ಹೆಲ್ಯಾ. 
\v 43 ತೆ ಥಯಲ್ಪರ ಪೆತ್ರಾ ಯೊಪ್ಪಮಾ ಚಾ಼ಮ್ಡಾನು ಕಾಮ ಕರಾಲೊ ಸಿಮೊನ ಕವಾಲಾನಾ ಘರಮಾ ವ್ಹತ್ತೊ.
\c 10
\p
\v 1 ಕೈಸರೈಯ ಗಾಮಮಾ ಕೊರ್ನೆಲಿಯ ಕವಾಲೊ ವ್ಹತ್ತೊ. ರೊಮನಾ ಸೈನ್ಯನೆ ಮಳಲ ‘ಇಟಲಿನಾ ದಳ’ ಮಾ ತೆ ಅದಿಕಾರಿ ವ್ಹತ್ತೊ. 
\v 2 ಕೊರ್ನೆಲಿಯ ಕ್ಹುದಾನೊ ಭಕ್ತ ವ್ಹತ್ತೊ. ತೆ ವರಿ ತಿನಾ ಘರಮಾ ರ‍್ಹಯಲ ಬಿಜಾ಼ ಕ್ಹಾರಾ ಜ಼ನಾ ಕ್ಹರಿನಾ ಕ್ಹುದಾನೆ ಆರಾಧನಾ ಕರ‍್ತಾತಾ. ತೆ ಗರಿಬೊನೆ ದೊಕ್ಡಾವೊನಿ ಮದತ ಕರ್ತೊತೊ. ಕೆಳಾಮಾಬಿ ಕ್ಹುದಾನೆ ಪ್ರಾಥನಾ ಕರ್ತೊತೊ. 
\v 3 ಯಕ್ಕ ದಿನ್ನ ದುಪ್ಪಾರೆ ತನ್ನ ವಾಸ್ತಾನಾ ಸುಮಾರೆ ಕೊರ್ನೆಲಿಯನೆ ಯಕ್ಕ ದರ್ಶನ ಥಯು. ತೆ ತಿನೆ ಯಕ್ಕಜ಼ ಸಂವಾ ದೆಕ್ಯೊ. ತೆ ದರ್ಶನಮಾ ಕ್ಹುದಾನೊ ದುತ ಯಕ್ಲೊ ತಿಕನ ಐನ"ಕೊರ್ನೆಲಿಯ "ಕೈನ ಬಲಾಯೊ. 
\v 4 ಕೊರ್ನೆಲಿಯ ಕ್ಹುದಾನಾ ದುತನೆ ದೆಕಿನ ಭೆಂಕ್ಹು "ಸ್ವಾಮಿ, ಆ ಸುವೈ? ಕೈನ ಪುಚ್ಯೊ. ತೆ ಕ್ಹುದಾನೊ ದುತ ತಿನೆ "ಕ್ಹುದಾ ತಾರಿ ಪ್ರಾಥನಾ ಐಕ್ಯೊಸ. ತು ಗರಿಬೊನೆ ದಿದಲ ಕ್ಹಾರು ದೆಕ್ಯೊಸ. 
\v 5 ಹಮ್ನಾ ಸಿಮೊನ ಕವಾಲಾ ಮನಕ್ಹನೆ ಬಲೈಲಿನ ಆವಾನಾ ಹುತಿ ತು ಮನಕ್ಹೊನೆ ಯೊಪ್ಪ ಗಾಮೆ ವಳಾ. ಸಿಮೊನನೆ ‘ಪೆತ್ರಾ’ ಕೈನ ಬಲಾವಸ. 
\v 6 ಸಿಮೊನ ಚಾ಼ಮ್ಡಾನು ಕಾಮ ಕರಾಲಾನಾ ಘರಮಾ ಛೆ. ತಿನು ಘರ ಸಮುಂದರನಾ ದಂಡಿಯೆ ಛೆ "ಕೈನ ಕದ್ಯೊ. 
\v 7 ಕೊರ್ನೆಲ್ಯನ ತಿನಾ ಕ್ಹಾತೆ ಬೊಲಲ ದೆವದುತ ಗಯಲ್ಪರ, ತಿನಾ ಘರ್ಮಾ ರ‍್ಹಯಲ ಆಳೊಮಾ ಬೆ ಜ಼ನಾ ವರಿ ತಿನಾ ಕ್ಹಾಮಾ ಕೆಳಾಮಾಬಿ ರ‍್ಹವಾಲಾ ಸಿಪಾಯಿಯೊಮಾ ಯಕ್ಕ ಕ್ಹುದಾನಾ ಭಕ್ತನೆ ಬಲೈನ, 
\v 8 ಕೊರ್ನೆಲಿಯ ತೆ ತನ್ನೆ ಜ಼ನಾವೊನೆ ಹರಯಕ್ಕ ಕದ್ಯೊ. ಪಾಚಲ್ತೊ ತ್ಯುನೊನೆ ಯೊಪ್ಪ ವಳಾಯೊ. 
\v 9 ಮರ್ನಾ ದಿನ್ನೆ ಎ ಮನಕ್ಹೊ ಯೊಪ್ಪನಾ ನಜಿಕ ರ‍್ಹತಾಮಾ ದುಪ್ಪಾರ ಥೈತಿ. ತೆ ಟೈಮಮಾ ಪೆತ್ರಾ ಪ್ರಾಥನಾ ಕರಾನಾ ಹುತಿ ಘರ್ನಾ ಉಪ್ಪರ ಗಯೊ. 
\v 10 ಪೆತ್ರಾನೆ ಭುಕ್ಕ ಲಾಗಿನ ಅನ್ನ ಖೌ ಕೈನ ಲಾಗ್ಯುತು. ತ್ಯಾ ತಿನೆ ಅನ್ನ ಕರಾಡಾತಾ. ತ್ಯಾ, ಪೆತ್ರಾನೆ ಯಕ್ಕ ದರ್ಶನ ಥಯು. 
\v 11 ಖುಲ್ಲಾ ಥಯಲ ಹಬಾಳಮಾತು ಕಯುಬಿ ಯಕ್ಕ ಚಿಜ಼ ಉತ್ರಿನ ಆವಾನು ತೆ ದೆಕ್ಯೊ. ತೆ ಮ್ಹೊಟೊ ಥಾಳೊ ಲಿಂಗತ ವ್ಹತ್ತು. ತಿನಾ ಚಾರೆ ಮುಲಾವೊನೆ ರಾಖೊಕ್ಹು ಭಾಂದಿನ ಜಿಮಿನ ಪರ ಉತಾರಾಡಾತಾ. 
\v 12 ತಿಮಾ ಕ್ಹಾರಾ ತರಾನಾ ಜಾನವರೊ ವ್ಹತ್ತಾ. ಕದ್ಯಾಮ ಚಾ಼ಲಾನಾ ಜಾನವರೊ ಫರಾನಾ ಕಿಡಾ ವರಿ ಉಡಾನಾ ಪಕ್ಷಿಯೊ ವ್ಹತ್ತಾ. 
\v 13 ತೆಳಾಮಾ ಯಕ್ಕ ಅವಾಜ಼"ಪೆತ್ರಾ, ಉಟ್ಟ! ಕಾಟಿನ ಖಾ "ಕೈನ ಕದ್ಯೊ. 
\v 14 ತೆನೈಸೊ ಪೆತ್ರಾ"ಪ್ರಭು, ಮಿ ತಿಮ್ಮ ನೈ ಕರಸಕ್ತೊ! ಪವಿತ್ರ ನೈ ರ‍್ಹಯಲನೆ ವರಿ ಶುದ್ಧ ನೈ ರ‍್ಹಯಲನೆ ಮಿ ಕೆಳಾಮಾಜ಼ ಖಾದಲವಾಲೊ ನ್ಹವೈ "ಕೈನ ಕದ್ಯೊ. 
\v 15 ತೆನೈಸೊ ತೆ ಅವಾಜ಼ ತಿನೆ"ಕ್ಹುದಾ ಎ ಕ್ಹಾರು ಶುದ್ಧ ಕರ‍್ಯೊಸ. ಎ ಕ್ಹಾರಾನೆ ಪವಿತ್ರ ನ್ಹವೈ ಕೈನ ಕೌ ನಕೊ "ಕೈನ ವರಿ ಕದ್ಯು. 
\v 16 ಇಮ್ಮ ತನ್ನ ಸಲಾ ಥಯು. ಪಾಚಾ಼ತು ತೆ ಪರಾತನೆ ಹಬಾಳಮಾ ವಾಪಸ ಲಿವಾ ಲಗಾಡ್ಯು. 
\v 17 ಪೆತ್ರಾ ತೆ ದೆಕಲ ಎ ದರ್ಶನನು ಮತ್ಲಬ ಸು ವಸೆ ಕೈನ ಘಾಬ್ರೊ ಥಯೊ. ತೆಕ್ಲಾಮಾಜ಼಼, ಕೊರ್ನೆಲಿಯ ವಳಾಯಲ ಮನಕ್ಹೊ ಸಿಮೊನನು ಘರ ಗ್ವತ್ತ ಕಳಿ ಲಿದ್ಯಾ. ತ್ಯುನೆ ಗೆಟಕನ ಹುಬ್ರೈನ, 
\v 18 "ಸಿಮೊನ ಪೆತ್ರಾ ನ್ಹಾ ರ‍್ಹವಸ ಸು? ಕೈನ ಪುಚ್ಯಾ. 
\v 19 ಎ ದರ್ಶನನಾ ಹುತಿ ಪೆತ್ರಾ ಹಜು಼ನ ಸೊಚಾ಼ಡೊತೊ. ತೆನೈಸೊ ಪವಿತ್ರ ಆತ್ಮಾ ತಿನೆ"ಸಿಮೊನ, ತುನೆ ತನ್ನ ಜ಼ನಾ ಹುಡಕ್ತಾ ಆಯಾಸ. 
\v 20 ತು ಉಟಿನ ಹೆಟೊ ಗೈನ ತ್ಯುನಾ ಕ್ಹಾತೆ ಜಾ಼ವಾ ಹುತಿ ಪಾಚೊ಼ ಸರಕು ನಕೊ. ಮಿಜ಼ ತ್ಯುನೊನೆ ತುಕನ ವಳಾಯೊಸ "ಕೈನ ಕದ್ಯೊ. 
\v 21 ತಿನಾಹುತಿ ಪೆತ್ರಾ ಹೆಟೊ ಉತ್ರಿನ ತ್ಯುನೊ ಕನ ಗೈನ"ತುಮೆ ಹುಡ್ಕಾನೊ ಮನಕ್ಹ ಮಿಜ಼ ವ್ಹೈ, ತುಮೆ ನ್ಹ್ಯಾ ಕಾ ಆಯಾಸ? ಕೈನ ಪುಚ್ಯೊ. 
\v 22 ತೆ ಮನಕ್ಹೊ "ಕೊರ್ನೆಲಿಯ ಕವಾನಾ ಯಕ್ಕ ಶತಾದಿಪತಿ ಛೆ. ತೆ ಧಾರ್ಮಿಕ ಮನಕ್ಹ ವ್ಹೈ. ತೆ ಕ್ಹುದಾನೆ ಆರಾಧನಾ ಕರಸ. ಯೆಹುದಿ ಮನಕ್ಹೊ ಕ್ಹಾರಾ ತಿನೆ ಮರ್ಯಾದಿ ದಿವಸ. ತುನೆ ತಿನಾ ಘರೆ ಬಲಾವಾನೆ ಕರಿನ ತು ಕವಾನಿಯೊ ಸಂಗತಿಯೊ ಐಕು ಕೈನ ಕ್ಹುದಾನೊ ದುತ ಯಕ್ಲೊ ಕೊರ್ನೆಲಿಯನೆ ಕದ್ಯೊಸ "ಕೈನ ಕದ್ಯಾ. 
\v 23 ಪೆತ್ರಾ ತ್ಯುನೊನೆ ಮ್ಹೈ ಬಲೈನ, ತೆ ರಾತ ತ್ಯಾಜ಼ ರ‍್ಹೌ ಕೈನ ಮಾಂಗಿಲಿದ್ಯೊ. ಮರ್ನಾ ದಿನ್ನೆ ಪೆತ್ರಾ ತಯ್ಯಾರ ಥೈನ, ತೆ ತನ್ನೆ ಜ಼ನಾವೊನಾ ಕ್ಹಾತೆ ಗಯೊ. ಯೊಪ್ಪನಾ ವಿಸ್ವಾಸಿಯೊಮಾ ದಕ್ಹಾ ಜ಼ನಾ ತಿನಾ ಕ್ಹಾತೆ ಗಯಾ. 
\v 24 ಮರ್ನಾ ದಿನ್ನೆ ತ್ಯುನೆ ಗಾಮೆ ಕೈಸರೈಯ ಮುಟ್ಯಾ. ಕೊರ್ನೆಲಿಯ ತ್ಯುನಾ ಹುತಿ ಕೈದಾಡೊತೊ. ತೆ ತಿನಾ ಸಂಬಂದಿಕೊನೆ ವರಿ ಖಾಸ ದೊಸ್ತೊನೆ ಪೈಲಾಜ಼ ತಿನಾ ಘರೆ ಬಲೈ ಲಿದ್ಯೊತೊ. 
\v 25 ಪೆತ್ರಾ ಘರ ಆತಾಮಾ ಕೊರ್ನೆಲಿಯ ತಿನೆ ಮಳಿನ ಕೊರ್ನೆಲಿಯ ಪೆತ್ರಾನಾ ಪಗೆ ಪಡಿನ ನಮಸ್ಕಾರ ಕರ‍್ಯೊ. 
\v 26 ತೆನೈಸೊ ಪೆತ್ರಾ ತಿನೆ ಉಪ್ಪರ ಉಟಾಡಿನ"ಉಟಿನ ಹುಬ್ರೆ! ಮಿ ತಾರಾ ಲಿಂಗತಜ಼ ಯಕ್ಕ ಮನಕ್ಹ ವ್ಹೈ "ಕೈನ ಕದ್ಯೊ. 
\v 27 ಪೆತ್ರಾ ಕೊರ್ನೆಲಿಯನಾ ಕ್ಹಾತೆ ವಾತೊ ಬೊಲ್ತಾಮಾ. ಪಾಚಲ್ತೊ ಪೆತ್ರಾ ಮ್ಹೈ ಗಯಲ್ಪರ, ತ್ಯಾ ಬಲಾವಾನೆ ಕರಲ ಮನಕ್ಹೊನು ಮ್ಹೊಟು ಗುಂಪನೆ ದೆಕ್ಯೊ. 
\v 28 ಪೆತ್ರಾ ತ್ಯುನೊನೆ"ಯಕ್ಲೊ ಯೆಹುದಿ ಬಿಜಾ಼ ಮನಕ್ಹೊನಾ ಕ್ಹಾತೆ ಸಂಬಂಧ ಮ್ಹೆಲ್ಯಾನು ರ‍್ಹವಾದೆ ತ್ಯುನೊನೆ ಮಳಾನು ರ‍್ಹವಾದೆ ಅಪ್ನಾ ಯೆಹುದಿ ಧರಮಶಾಸ್ತ್ರನಾ ವಿರುದ್ದ ವ್ಹೈ ಕೈನ ತುಮೊನೆ ಗ್ವತ್ತ ಛೆ. ತೆನೈಸೊ ಕಯಾಬಿ ಮನಕ್ಹನೆ ಪವಿತ್ರ ನೈ ರ‍್ಹಯಲ ವ್ಹೈ ಕೈನ ಶುದ್ಧ ನೈ ರ‍್ಹಯಲ ವ್ಹೈ ಕೈನ ಬಲೌ ನೈ ಕೈನ ಕ್ಹುದಾ ಮನೆ ದೆಕಾಡಿನ ದಿದ್ಯೊಸ. 
\v 29 ತಿನಾಹುತಿ, ಮನೆ ನ್ಹ್ಯಾ ಔ ಕೈನ ಬಲಾಯಲ ಮನಕ್ಹೊನಾ ಕ್ಹಾತೆ ಮಿ ವಾದ-ವಿವಾದ ಕರ‍್ಯೊ ನೈ. ತೆನೈಸೊ ತುಮೆ ಮನೆ ಕಾ ಬಲಾಯಾಸ ಕೈನ ಹಮ್ನಾ ತುಬಿ ಕವೊ? ಕದ್ಯೊ. 
\v 30 ತೆಳಾಮಾ ಕೊರ್ನೆಲಿಯ, ತನ್ನ ದಿನ್ನನಾ ಪಾಚೊ಼, ಮಿ ಮಾರಾ ಘರಮಾ ಪ್ರಾಥನಾ ಕರಾಡೊತೊ. ತೆಳಾಮಾ ದುಪ್ಪಾರನಾ ತನ್ನ ವಾಜ್ಯಾತಾ. ತಿನಾಕ್ಹು ತೆ ಯಕ್ಕ ಮನಕ್ಹ ಮಾರಾ ಕ್ಹಾಮೊ ಹುಬ್ರಯೊ. ತೆ ಘಾಲ್ಲಿದಲ ವಣ್ಣಾ ಘನ್ನಾ ಚಮ್ಕಾಡಾತಾ. 
\v 31 ತೆ ಮನಕ್ಹ, ‘ಕೊರ್ನೆಲಿಯ! ಕ್ಹುದಾ ತಾರಿ ಪ್ರಾಥನಾ ಐಕ್ಯೊಸ. ತು ಗರಿಬೊನೆ ದಿದಲ ಕ್ಹಾರು ದೆಕ್ಯೊಸ. 
\v 32 ತಿನಾಹುತಿ ದಕ್ಹಾ ಮನಕ್ಹೊನೆ ಯೊಪ್ಪ ಗಾಮೆ ವಳೈನ ಸಿಮೊನ ಕವಾಲಾ ಪೆತ್ರಾನೆ ಆ ಕೈನ ಮಾಂಗಿಲೆ. ಪೆತ್ರಾ ಚಾ಼ಮ್ಡಾನು ಕಾಮ ಕರಾಲಾನಾ ಸಿಮೊಮನ ಕವಾಲಾನಾ ಘರಮಾ ರ‍್ಹಯೊಸ. ತಿನು ಘರ ಸಮುಂದರನಾ ದಂಡಿಕನ ಛೆ’ ಕದ್ಯೊ. 
\v 33 ತಿನಾಹುತಿ, ಮಿ ತೆಳಾಮಾಜ಼ ತುನೆ ಬಲಾವಾನೆ ಕರ‍್ಯೊ. ತು ನ್ಹ್ಯಾ ಆಯಲ ಉಪಕಾರ ಥಯು. ಹಮೊನೆ ತಿಳಸಾ ಕೈನ ಪ್ರಭು ತುನೆ ಆಜ್ಞಾ ಕರಲ ಹರಯಕ್ಕ ಐಕಾನೆ ಹಮೆ ಕ್ಹಾರಾ ಕ್ಹುದಾನಿ ಸನ್ನಿದಿಮಾ ಮಳ್ಯಾಸ "ಕೈನ ಕದ್ಯೊ. 
\v 34 ಪೆತ್ರಾ ಬೊಲಾನು ಶುರು ಕರಿನ ಅಮ್ಮ ಕದ್ಯೊ; "ಕ್ಹುದಾನೆ ಕ್ಹಾರಾ ಜ಼ನಾ ಯಕ್ಕಜ಼ ವ್ಹೈ ಕೈನ ಮನೆ ಹಮ್ನಾ ಕ್ಹರಿಜ಼ ಗ್ವತ್ತ ಥಯು. 
\v 35 ತಿನೆ ಆರಾಧನೆ ಕರಾಲಾ ನಿತಿವಂತ ಕುನ್ನಬಿ ರ‍್ಹೈನಕಾ ತ್ಯುನೊನೆ ಕ್ಹುದಾ ಸ್ವಿಕಾರ ಕರಿ ಲಿವಸ. ತೆ ಕೈ ಜಾ಼ತನಾ ಮನಕ್ಹೊ ವ್ಹೈ ಕವಾನು ಖಾಸ ನ್ಹವ್ಹೈ. 
\v 36 ಕ್ಹುದಾ ತಿನು ಸಂದೆಶ ಇಸ್ರಾಯೆಲನಾ ಮನಕ್ಹೊಕನ ಮಕಲ್ಯೊ. ಯೆಸು ಕ್ರಿಸ್ತನಾ ಮುಲಕ ಶಾಂತಿ ಐಸ ಕವಾನಿ ಸುವಾರ್ತೆನೆ ಕ್ಹುದಾ ತ್ಯುನೊನೆ ವಳಾಯೊ. ಯೆಸು ಕ್ಹಾರಾ ಮನಕ್ಹೊನೆ ಪ್ರಭು ಥಯೊಸ! 
\v 37 ಯುದೆಯ ಪ್ರಾಂತ್ಯ ಸು ಥಯುಸ ಕವಾನು ತುಮೊನೆ ಗ್ವತ್ತ ಛೆ. ಗಲಿಲಾಯಮಾ ಯೊಹಾನ ಬಾಪ್ತಿಸ್ಮನಾ ಹುತಿ ಮನಕ್ಹೊನೆ ಬೊದನೆ ಕರಲ್ಪರ ತೆ ಶುರು ಥಯು. 
\v 38 ನಜರೆತನಾ ಯೆಸುನಾ ಹುತಿ ತುಮೊನೆ ಗ್ವತ್ತ ಛೆ. ಕ್ಹುದಾ ತಿನೆ ಪವಿತ್ರ ಆತ್ಮಾನೆ ತಾಕಾತನೆ ದಿವಾನಾ ಮುಲಕ ತಿನೆ ಅಭಿಶೆಕ ಕರ‍್ಯೊ. ತೆ ಕ್ಹಾರಿ ಜ಼ಗಾ ಮನಕ್ಹೊನೆ ಚೊ಼ಕು ವರಿ ಅರಾಮ ಕರ್ತೊ ಫರ‍್ಯೊ. ಭುತ್ಡಾವೊಕ್ಹು ತ್ರಾಸ ಖಾವಾಲಾವೊನೆ ಯೆಸು ಅರಾಮ ಕರ‍್ಯೊ. ಕ್ಹುದಾ ಯೆಸುನಾ ಕ್ಹಾತೆ ವ್ಹತ್ತೊ ಕವಾನು ತೆ ದೆಕಾಡಿನ ದಿದ್ಯು. 
\v 39 "ಯುದೆಯಾ ಪ್ರಾಂತ್ಯ ವರಿ ಯೆರುಸಲೆಮಮಾ ಯೆಸು ಕರಲ ಕ್ಹಾರಾ ಕಾಮೊ ಅಪೆ ದೆಕ್ಯಾ. ತೆ ಕಾಮೊನೆ ಹಮೆ ಸಾಕ್ಷಿಯೊ ಥಯಾಸ. ತೆನೈಸೊ ಯೆಸುನೆ ಖಲಾಸ ಕರ‍್ಯಾ. ತ್ಯುನೆ ತಿನೆ ಶಿಲುಬಿ ಪರ ಮಾರ್ಯಾ ವರಿ ತಿಪರ ಚ಼ಡಾಯಾ. 
\v 40 ತೆನೈಸೊ, ಕ್ಹುದಾ ತಿನೆ ತನ್ವಾ ದಿನ್ನೆ ಮೌತಮಾತೊ ಜಿವ್ತೊ ಕರಿನ ಉಟಾಡ್ಯೊ! ಯೆಸುನೆ ದೆಕಾನೊ ಮೌಕೊ ಕ್ಹುದಾ ದಿದ್ಯೊ. 
\v 41 ತೆನೈಸೊ ಯೆಸು ಕ್ಹಾರಾ ಮನಕ್ಹೊನೆ ದಿಕ್ಹ್ಯೊ ನೈ. ಕ್ಹುದಾ ಪೈಲಾಜ಼ ಸಾಕ್ಷಿ ಥೈನ ಇನಿಲಿದಲ ಮನಕ್ಹೊ ತಿನೆ ದೆಕ್ಯಾ! ಯೆಸು ಜಿವ್ತೊ ಥೈನ ಉಟಿನ ಆಯಲ್ಪರ ಹಮೆ ತಿನಾ ಕ್ಹಾತೆ ಖಾದ್ಯಾ ವರಿ ಪಿದ್ಯಾ. 
\v 42 "ಮನಕ್ಹೊನೆ ಬೊದನೆ ಕರು ಕೈನ ಯೆಸು ಹಮೊನೆ ಅಪ್ಪಣೆ ದಿದ್ಯೊ. ಜಿವ್ತಾ ರ‍್ಹಯಲ ಮನಕ್ಹೊನೆಬಿ ವರಿ ಮರಲ ಮನಕ್ಹೊನೆಬಿ ಕ್ಹುದಾಕ್ಹು ನ್ಯಾಯಾದಿಪತಿ ಥೈನ ಇನಿಲಿದಲ ಮನಕ್ಹ ತೆಜ಼ ವ್ಹೈ ಕವಾನು ಮನಕ್ಹೊನೆ ತಿಳ್ಸಾವೊ ಕೈನ ತೆ ಹಮೊನೆ ಕದ್ಯೊ. 
\v 43 ಯೆಸು ಪರ ಬರೊಕ್ಹೊ ಮ್ಹೆಲಾಲಾ ಹರಯಕ್ಕನಾ ಪಾಪೊ ತಿನಾ ನಾಮನಾ ಮುಲಕ ಮಾಫ ಕರಸ. ಎ ಕ್ಹರಿಜ಼ ವ್ಹೈ ಕೈನ ಪ್ರವಾದಿಯೊ ಕದ್ಯಾಸ "ಕದ್ಯೊ. 
\v 44 ಪೆತ್ರಾ ಹಜು಼ನ ತಿಮ್ಮ ಕತಾಮಾಜ಼, ತಿನು ಸಂದೆಶ ಐಕಾಲಾವೊನಾ ಉಪ್ಪರ ಪವಿತ್ರ ಆತ್ಮಾ ಉತ್ರಿನ ಆಯೊ. 
\v 45 ಪೆತ್ರಾನಾ ಕ್ಹಾತೆ ಆಯಲ ಯೆಹುದಿನಾ ವಿಶ್ವಾಸಿಯೊ ಥಂಡಾ ಥಯಾ. ಯೆಹುದಿ ನೈಸೊ ಮನಕ್ಹೊನೆಬಿ ಪವಿತ್ರ ಆತ್ಮಾನಿ ವರಾ ಉತ್ರಿನ ಆಯಲ ದೆಕಿನ ತ್ಯುನೆ ಘಾಬ್ರಾ ಥಯಾ. 
\v 46 ಕಾಕದ್ಯಾಮ ತ್ಯುನೆ ಬಿಜಿ಼ ಬಿಜಿ಼ ಭಾಶಾಮಾ ಬೊಲ್ತಾ ಕ್ಹುದಾನೆ ಸ್ತೊತ್ರಾ ಕರಾನು ತೆ ಯೆಹುದಿನಾ ವಿಶ್ವಾಸಿಯೊ ಐಕ್ಯಾ. ಪಾಚಲ್ತೊ ಪೆತ್ರಾ ಬೊಲ್ತೊ 
\v 47 "ಪಾನಿಮಾ ಬಾಪ್ತಿಸ್ಮ ನೈ ಲಿಯೆ ಲಿಂಗತ ಅಪೆ ಎ ಮನಕ್ಹೊನೆ ಅಡ್ಡ ಕರಾನೆ ಸಾಧ್ಯ ನತ್ತಿ. ಅಪೆ ಹೊಂದಿಲಿದಲ ಲಿಂಗತ ಇವ್ನೆ ಪವಿತ್ರ ಆತ್ಮಾ ಹೊಂದಿಲಿದ್ಯಾ "ಕೈನ, 
\v 48 ತಿನಾಹುತಿ ಯೆಸು ಕ್ರಿಸ್ತನಾ ನಾಮಪರ ಬಾಪ್ತಿಸ್ಮ ಕರೈ ಲಿವಾನೆ ತ್ಯುನೊನೆ ಅಪ್ಪಣೆ ದಿದ್ಯೊ. ಪಾಚಾ಼ತಾ ತ್ಯುನೆ ತ್ಯುನಾ ಕ್ಹಾತೆ ದಕ್ಹಾ ದಿನ್ನ ಲಕ್ಕಾ ರ‍್ಹೌ ಕೈನ ಪೆತ್ರಾ ಕನ ಮಾಂಗಿಲಿದ್ಯಾ.
\c 11
\p
\v 1 ಯೆಹುದಿ ನೈಸೊ ವಿಸ್ವಾಸಿಯೊ ಕ್ಹುದಾನಿ ವಾಕ್ಯಾನೆ ಸ್ವಿಕಾರ ಕರ‍್ಯಾಸ ಕವಾನು ಅಪೊಸ್ತಲೊನೆ ಯುದೆಯನಾ ವಿಸ್ವಾಸಿಯೊನೆ ಗ್ವತ್ತ ಥಯು. 
\v 2 ತೆನೈಸೊ ಪೆತ್ರಾ ಯೆರುಸಲೆಮೆ ಆಯಲ್ಪರ ದಕ್ಹಾ ಯೆಹುದಿನಾ ವಿಶ್ವಾಸಿಯೊ ಖತ್ನಾ ಕರೈಲ್ಯು ಕೈ ಕವಾಲಾ ತಿನಾ ಕ್ಹಾತೆ ವಾದ ವಿವಾದ ಕರ‍್ಯಾ. 
\v 3 ತ್ಯುನೆ"ಯೆಹುದಿ ನೈಸೊ ರ‍್ಹಯಲ ವರಿ ಖತ್ನಾ ನೈ ಕರೈ ಲಿದಲವಾಲಾವೊನಾ ಘರೊನೆ ತು ಗಯೊ! ತು ತ್ಯುನಾ ಕ್ಹಾತೆ ಅನ್ನಬಿ ಖಾದ್ಯೊ"ಕದ್ಯಾ. 
\v 4 ತಿನಾಹುತಿ ಪೆತ್ರಾ ಥಯಲ ಸಂಗತಿಯೊ ಕ್ಹಾರಾ ತ್ಯುನೊನೆ ತಿಳ್ಸಾಯೊ. 
\v 5 ಪೆತ್ರಾ ತ್ಯುನೊನೆ"ಮಿ ಯೊಪ್ಪ ಗಾಮಮಾ ವ್ಹತ್ತೊ. ಮಿ ಪ್ರಾಥನಾ ಕರ‍್ತಾಮಾ ಮನೆ ಯಕ್ಕ ದರ್ಶನ ಥಯು. ತೆ ದರ್ಶನಮಾ, ಹಬಾಳತು ಉತ್ರಿನ ಆವಾನು ಯಕ್ಕ ಚಿಜ಼ ದೆಕ್ಯೊ. ತೆ ಮ್ಹೊಟೊ ಥಾಳೊ ಲಿಂಗತ ವ್ಹತ್ತು. ತಿನಾ ಚಾರೆ ಮುಲಾವೊನೆ ರಾಕ್ಹೆ ಭಾಂದಿನ ತೆ ಉತ್ರಿನ ಐನ ಮಾರಾ ನಜಿಕ ಹುಬ್ರಯು. 
\v 6 ಮಿ ತಿಮಾ ದೆಕ್ಯೊ. ತಿಮಾ ಜಾನವರೊ ಖತರ್ನಾಕ ಜಾನವರೊ ಇಶಾಡಾನಾ ಜಾನವರೊ ಉಡಾನಾ ಪಕ್ಷಿಯೊ ವ್ಹತ್ತಾ. 
\v 7 ತೆಳಾಮಾ, ‘ಪೆತ್ರಾ, ಉಟ್ಟ! ಇಮಾ ರ‍್ಹಯಲ ಕಿನೆಬಿ ಖಲಾಸ ಕರಿನ ಖಾ! ಕೈನ ಮನೆ ಕವಾನಿ ಅವಾಜ಼ ಐಕ್ಯೊ. 
\v 8 "ತೆನೈಸೊ ಮಿ, ‘ಪ್ರಭು, ಮಿ ತಿಮ್ಮ ನೈ ಕರಸಕ್ತೊ! ಪವಿತ್ರ ನೈ ರ‍್ಹಯಲ ವರಿ ಶುದ್ಧ ನೈ ರ‍್ಹಯಲ ಸುಬಿ ರ‍್ಹವಾದೆ ಮಿ ಕೆಳಾಮಾಜ಼ ನತ್ತಿ ಖಾದ್ಯೊ’ ಕೈನ ಕದ್ಯೊ. 
\v 9 "ತೆನೈಸೊ, ‘ಎ ಕ್ಹಾರಾನೆ ಕ್ಹುದಾ ಶುದ್ಧ ಕರ‍್ಯೊಸ. ಎ ಕ್ಹಾರು ಶುದ್ಧ ನ್ಹವೈ ಕೈನ ಕೌ ನಕೊ! ಕೈನ ತೆ ಅವಾಜ಼ ಮನೆ ಜವಾಬ ದಿದ್ಯು. 
\v 10 "ಇಮ್ಮ ತನ್ನ ಸಲಾ ಥಯು. ಪಾಚಾ಼ತು ತೆ ಪುರಾ ಚಿಜ಼ ಹಬಾಳೆ ವಾಪಸ ಲಿದ್ಯಾ. 
\v 11 ತೆಜ಼ ಟೈಮಮಾ ಮಿ ರ‍್ಹಯಲ ಘರೆ ತನ್ನ ಜ಼ನಾ ಆಯಾ. ಎ ತನ್ನೆ ಜ಼ನಾವೊನೆ ಸೆಜರೆಯ ಗಾಮತಾ ವಳಾಯಾತಾ. 
\v 12 ಶಕ್ಕ ಕರ‍್ಯವಾಚಿ ತ್ಯುನಾ ಕ್ಹಾತೆ ಜಾ಼ ಕೈನ ಪವಿತ್ರ ಆತ್ಮಾ ಮನೆ ಕದ್ಯೊ. ನ್ಹ್ಯಾ ರ‍್ಹವಾನಾ ಎ ಛೆ ಜ಼ನಾ ಭಾಯೊ ಮಾರಾ ಕ್ಹಾತೆ ಆಯಾ. ಹಮೆ ಕೊರ್ನೆಲಿಯನಾ ಘರೆ ಗಯಾ. 
\v 13 ತಿನಾ ಘರಮಾ ಕ್ಹುದಾನು ದುತ ಯಕ್ಲೊ ಹುಬ್ರಯಲ ತೆ ದೆಕಲ ಕೊರ್ನೆಲಿಯ ಮನೆ ಕದ್ಯೊ. ತೆ ಕ್ಹುದಾನೊ ದುತ ಕೊರ್ನೆಲಿಯನೆ, ‘ದಕ್ಹಾ ಮನಕ್ಹೊನೆ ಯೊಪ್ಪ ಗಾಮೆ ವಳಾ. ಸಿಮೊನ ಪೆತ್ರಾನೆ ಬಲಾವಾನೆ ಕರಿನ ತುಮೊಕನ ಬಲಾವಾನು ಕರಲೆ. 
\v 14 ತೆ ತುಮೊಕನ ಸಂದೆಶ ಲಾವಸ. ತೆ ಸಂದೆಕ್ಹು ತುನೆ ತಾರಾ ಘರವಾಲಾವೊನೆ ರಕ್ಷಣೆ ಕರಸ’ ಕೈನ ಕದ್ಯೊ. 
\v 15 ಮಿ ಮಾರಿ ಉಪದೆಶ ಶುರು ಕರಲ್ಪರ, ಶುರುವಾತಮಾ ಪವಿತ್ರ ಆತ್ಮಾ ಅಪ್ನಾ ಉಪ್ಪರ ಆಯಲ ಲಿಂಗತ ತ್ಯುನಾ ಉಪ್ಪರಬಿ ಆಯೊ. 
\v 16 ತೆಳಾಮಾ ಮಿ ಪ್ರಭುನಾ ವಾತೊ ಶೆಂ ಕರ‍್ಯೊ. ‘ಯೊಹಾನ ಮನಕ್ಹೊನೆ ಪಾನಿಮಾ ಬಾಪ್ತಿಸ್ಮ ಕರಾಯೊ, ತೆನೈಸೊ ತುಮೆ ಪವಿತ್ರ ಆತ್ಮಾಮಾ ಬಾಪ್ತಿಸ್ಮ ಲಿವೊಶಿ. ಕೈನ ಪ್ರಭು ಕದ್ಯೊತೊ. 
\v 17 ಪ್ರಭು ಥಯಲ ಯೆಸು ಕ್ರಿಸ್ತಮಾ ಬರೊಕ್ಹೊ ಮ್ಹೆಲಲ ಅಪೊನೆ ದಿದಲ ವರಾನೆಜ಼ ಕ್ಹುದಾ ಎ ಮನಕ್ಹೊನೆ ದಿದ್ಯೊ. ಇಮ್ಮ ರ‍್ಹತಾಮಾ ಮಿ ಕ್ಹುದಾನು ಕಾಮ ಹುಬ್ರಾಡಾನೆ ಸಾಧ್ಯ ನ್ಹೊತು "ಕದ್ಯೊ. 
\v 18 ಯಹುದ್ಯ ವಿಶ್ವಾಸಿಯೊ ಎ ಸಂಗತಿಯೊ ಐಕಲ್ಪರ ವಾದ-ವಿವಾದ ಹುಬ್ರಾಡೊ, ಕ್ಹುದಾನೆ ಸ್ತುತಿ ಕರ್ತಾ"ತಿಮ್ಮ ರ‍್ಹಯಮ ಅಪ್ನಾ ಲಿಂಗತಜ಼ ತ್ಯುನಾ ಮನಸೊ ಫರೈಲಿನ ಜ಼ಲಮ ಹೊಂದಿಲಿವಾನೆ ಕ್ಹುದಾ ಯೆಹುದಿ ನೈ ರ‍್ಹಯಲವಾಲಾವೊನೆ ಮೌಕೊ ದಿದ್ಯೊಸ "ಕದ್ಯೊ. 
\v 19 ಸ್ತೆಫನನೆ ಖಲಾಸ ಕರ‍ಲ್ಪರ ಥಯಲ ತ್ರಾಸಕ್ಹು ವಿಶ್ವಾಸಿಯೊ ದುರ ದುರ ಥಯಾ. ವಿಶ್ವಾಸಿಯೊಮಾ ದಕ್ಹಾ ಜ಼ನಾ ಘನ್ನಾ ದುರ ರ‍್ಹಯಲ ಫೆನಿಶ್ಯ, ಸೈಪ್ರಸ್ ವರಿ ಅಂತಿಯೊಕ್ಯನೆ ಗಯಾ. ವಿಶ್ವಾಸಿಯೊ ಎ ಜ಼ಗಾವೊಮಾ ಸುವಾರ್ತೆ ತಿಳಸಾಯಾ. ತೆನೈಸೊ ತ್ಯುನೆ ಯೆಹುದಿಯೊನೆಜ಼ ತಿಳಸಾಯಾ. 
\v 20 ಎ ವಿಶ್ವಾಸಿಯೊಮಾ ದಕ್ಹಾ ಜ಼ನಾ ಸೈಪ್ರನ್ ವರಿ ಸಿರೆನ್ ಜ಼ಗಾವಾಲಾ ವ್ಹತ್ತಾ. ಎ ಮನಕ್ಹೊ ಅಂತಿಯೊಕ್ಯನೆ ಆಯಲ್ಪರ ತ್ಯುನೆ, ಪ್ರಭು ಥಯಲ ಯೆಸುನಿ ವಿಷಯಮಾ ರ‍್ಹಯಲ ಸುವಾರ್ತೆ ತ್ಯಾನಾ ಗ್ರಿಕ ಮನಕ್ಹೊನೆಬಿ ತಿಳಸಾಯಾ. 
\v 21 ಪ್ರಭು ವಿಶ್ವಾಸಿಯೊನೆ ಮದತ ಕರಾಡೊತೊ. ಮನಕ್ಹೊ ಘನ್ನಾ ಸಂಖ್ಯೆಮಾ ಪ್ರಭುನೆ ಬರೊಕ್ಹೊ ಕರಿನ ಚಾ಼ಲಾನು ಶುರು ಕರ‍್ಯಾ. 
\v 22 ಅಂತಿಯೊಕ್ಯಮಾ ರ‍್ಹಯಲ ಎ ನವಾ ವಿಶ್ವಾಸಿಯೊನಾ ಹುತಿ ಯೆರುಸಲೆಮನೆ ಸಬೆವಾಲಾವೊನೆ ಗ್ವತ್ತ ಥಯು. ತಿನಾಹುತಿ ಜೆರುಸಲೆಮನಾ ವಿಶ್ವಾಸಿಯೊ ಬಾರ್ನಬನೆ ಅಂತಿಯೊಕ್ಯನೆ ವಳಾಯಾ. 
\v 23 ಬಾರ್ನಬ ಚೊ಼ಕೊ ಮನಕ್ಹ ವ್ಹತ್ತೊ. ತೆ ಪವಿತ್ರ ಆತ್ಮಾಕ್ಹು ಭರಲ ವ್ಹತ್ತೊ ವರಿ ಪುರಾ ಬರೊಕ್ಹೊ ರ‍್ಹಯಲವಾಲೊ ವ್ಹತ್ತೊ. ಬಾರ್ನಬ ಅಂತಿಯೊಕ್ಯನೆ ಗಯಲ್ಪರ, ಕ್ಹುದಾ ತೆ ಮನಕ್ಹೊನೆ ಘನ್ನೊ ಆಶಿರ್ವಾದ ಕರಾನು ದೆಕ್ಯೊ. ಇಕ್ಹು ಬಾರ್ಬನನೆ ಘನ್ನಿ ಖುಶಿ ಥಯು. ಅಂತಿಯೊಕ್ಯಮಾ ರ‍್ಹವಾಲಾ ವಿಶ್ವಾಸಿಯೊನೆ ಕ್ಹಾರಾ ತೆ ಪ್ರೊತ್ಸಾಹ ಕರ‍್ಯೊ. 
\v 24 ತೆ ಚೊ಼ಕೊ ವ್ಹೈ. ಪವಿತ್ರ ಆತ್ಮಾ ಕ್ಹು ಭರಲವಾಲೊ ವರಿ ಬರೊಕ್ಹಾಕ್ಹು ಭರಲವಾಲೊ ವ್ಹತ್ತೊ. ತಿನಾಹುತಿ ತ್ಯಾ ಐನ ಕ್ಹುದಾನು ಕೃಪಾನಾ ಕಾಮೊ ದೆಕ್ತಾಮಾ ಘನ್ನೊ ಖುಶಿ ಥಯೊ. ತುಮೆ ಘಟ್ಟ ಮನಸಕ್ಹು ಕರ್ತಾಮಾ ಹುಬ್ರೊ ಕೈನ ತ್ಯುನೊನೆ ಗ್ಯಾನ ಕದ್ಯೊ. 
\v 25 ಪಾಚಲ್ತೊ ಬಾರ್ನಬ ಸೌಲಾನೆ ಹುಡಕ್ತೊ ತಾರ್ಸ ಗಾಮೆ ಗಯೊ. 
\v 26 ಬಾರ್ನಬ ತ್ಯಾ ಸೌಲಾನೆ ಮಳಿನ ತಿನೆ ಅಂತಿಯೊಕ್ಯನೆ ಬಲೈಲಿನ ಗಯೊ. ಸೌಲಾ ವರಿ ಬಾರ್ನಬ ಅಂತಿಯೊಕ್ಯಮಾ ಯಕ್ಕ ವರಕ್ಹ ಪುರಾ ಸಭೆನಾ ಅನ್ಯುನ್ಯತೆಮಾ ರ‍್ಹೈನ ಘನ್ನಾ ಮನಕ್ಹೊನೆ ಬೊದನೆ ಕರ‍್ಯಾ. ಯೆಸುನಾ ಹಿಂಬಾಲಕೊನೆ "ಕ್ರೈಸ್ತರೊ "ಕವಾನು ನಾಮ ಆಯಲ ಅಂತಿಯೊಕ್ಯಮಾಜ಼ ವ್ಹೈ. 
\v 27 ತೆ ಕಾಲಮಾ ದಕ್ಹಾ ಪ್ರವಾದಿಯೊ ಯೆರುಸಲೆಮತಾ ಅಂತಿಯೊಕ್ಯನೆ ಗಯಾ. 
\v 28 ಎ ಪ್ರವಾದಿಯೊಮಾ "ಅಗಬ "ಕವಾಲೊ ಯಕ್ಲೊ ವ್ಹತ್ತೊ. ಅಗಬ ಅಂತಿಯೊಕ್ಯಮಾ ಪವಿತ್ರ ಆತ್ಮಾನಿ ಪ್ರೆರಣೆಕ್ಹು"ಪುರಾ ದುನಿಯಾನೆ ಮ್ಹೊಟಿ ಬರಾ ಆವಾನಿ ಛೆ "ಕದ್ಯೊ. ಎ ಬರಗಾಲ ಕ್ಲಾಡಿಯಸ್ ಚಕ್ರವತಿನಾ ಕಾಲಮಾ ಐಯುತು. 
\v 29 ಯುದೆಯಮಾ ರ‍್ಹವಾನಾ ಭಾಯೊ ಭೆನೊನೆ ಮದತ ಕರಾನೆ ವಿಶ್ವಾಸಿಯೊ ನಿರ್ಧಾರ ಕರ‍್ಯಾ. ವಿಶ್ವಾಸಿಯೊಮಾ ಹರಯಕ್ಲಾ ತ್ಯುನೊನೆ ಥಯಲ ತೆಕ್ಲು ತ್ಯುನೊನೆ ವಳೈನ ದಿವಾನೆ ವಿಚಾರ ಕರ‍್ಯಾ. 
\v 30 ತ್ಯುನೆ ದೊಕ್ಡಾ ಮಳೈನ ಬಾರ್ನಬ ವರಿ ಸೌಲಾನೆ ದಿದ್ಯಾ. ಪಾಚಾ಼ತಾ ಬಾರ್ನಬ ವರಿ ಸೌಲಾ ತಿನೆ ಲೈನ ಯುದೆಯಮಾ ರ‍್ಹಯಲ ಸಭೆನಾ. ಮ್ಹೊಟಾವೊನೆ ದಿದ್ಯಾ.
\c 12
\p
\v 1 ತೆ ಕಾಲಮಾ ರಾಜೊ಼ ಹೆರೊದ ಸಭೆವಾಲಾವೊಮಾ ದಕ್ಹಾ ಜ಼ನಾವೊನೆ ತ್ರಾಸ ಕರಾನೆ ಶುರು ಕರ‍್ಯೊ, 
\v 2 ಯೊಹಾನನಾ ಭೈನೆ ಯಾಕೊಬನೆ ತಲ್ವಾರಕ್ಹು ಖಲಾಸ ಕರಾ ಲಗಾಡ್ಯೊ. ಯಾಕೊಬ ಯೊಹಾನನೊ ಮ್ಹೊಟೊ ಭೈ ವ್ಹೈ. 
\v 3 ಯೆಹುದಿಯೊ ಅನೆ ಮೆಚ್ಚಿ ಲಿದ್ಯಾಸ ಕವಾನು ಹೆರೊದನೆ ಗ್ವತ್ತ ಥಯು. ತಿನಾಹುತಿ ತೆ ಪೆತ್ರಾನೆ ಧರಿನ ಎ ಥಯಲ ಯೆಹುದಿಯೊನಾ ಪಸ್ಕ ಸನ್ನನಾ ಕಾಲಮಾ ಜೈಲಮಾ ಘಾಲಾ ಲಗಾಡ್ಯೊ. 
\v 4 ಕ್ಹೊಳಾ ಜ಼ನಾ ಸಿಪಾಯೊ ಪೆತ್ರಾನೆ ಕೈದಾಡಾತಾ. ಪಸ್ಕ ಸನ್ನನು ಕಾಲ ಕ್ಹರಲ ಪರ ಪೆತ್ರಾನೆ ಮನಕ್ಹೊನಾ ಕ್ಹಾಮಾ ಹುಬ್ರಾಡು ಕೈನ ವ್ಹತ್ತೊ. 
\v 5 ಇಮ್ಮ ಪೆತ್ರಾ ಜೈಲಮಾ ರ‍್ಹತಾಮಾ ಸಭೆವಾಲಾ ತಿನಾಹುತಿ ಮನಸೆ ಕ್ಹುದಾನೆ ಪ್ರಾಥನಾ ಕರಾಡಾತಾ. 
\v 6 ಪೆತ್ರಾ ಬೆ ಸೈನಿಕೊನಾ ವಚ್ಮಾ ನಿಂದರ ಕರಾಡೊತೊ. ತಿನೆ ಬೆ ಕಾಕ್ಹಳಿಕ್ಹು ಭಾಂದ್ಯಾತಾ. ಘನ್ನಾ ಸೈನಿಕೊ ಜೈಲನಾ ಬಾಕಲ ಕನ ಕೈದಾಡಾತಾ. ತೆಳಾಮಾ ರಾತ ಥೈತಿ. ಮರ್ನಾ ದಿನ್ನೆ ಪೆತ್ರಾನೆ ಮನಕ್ಹೊನಾ ಕ್ಹಾಮಾ ಲೌ ಕೈನ ಹೆರೊದ ವಿಚಾರ ಕರ‍್ಯೊತೊ.\fig ಜೆಲನಾ ಗೊಡಿಪರ ಅಟ್ಕಾಯಲ ಕಾಕ್ಹಳಿಯೊ|alt="Chains embedded in prison wall" src="hk00204c.tif" size="col" copy="Horace Knowles ©" ref="12:7"\fig* 
\v 7 ಅಚಾನಕ ಪ್ರಭುನೊ ದುತ ಯಕ್ಲೊ ತ್ಯಾ ಹುಬ್ರಯೊ. ಉಜಾಲು ಖೊಲಿಮಾ ದಿಕ್ಹ್ಯು. ಕ್ಹುದಾನು ದುತ ಪೆತ್ರಾನಿ ಪಾಕ್ಹಳಿನೆ ಧರಿನ ತಿನೆ ಉಟಾಡಿನ "ಭರ್ನೆ ಉಟ್ಟ" ಕದ್ಯೊ. ತೆಳಾಮಾಜ಼ ಕಾಕ್ಹಳಿಯೊ ಪೆತ್ರಾನಾ ಹತೊಮಾತಾ ತುಟಿನ ಪಡ್ಯಾ. 
\v 8 ಕ್ಹುದಾನೊ ದುತ ಪೆತ್ರಾನೆ "ವಣ್ಣಾ ಘಾಲ್ಲೆ, ಪಗೊಮಾನಿಯೊ ಘಾಲ್ಲೆ "ಕದ್ಯೊ. ತಿನಾ ಲಿಂಗತಜ಼ ಪೆತ್ರಾ ಕರ‍್ಯೊ. ಪಾಚಲ್ತೊ ಕ್ಹುದಾನೊ ದುತ"ತಾರು ಉಪ್ಪರ್ಲ್ಯು ಅಂಗ್ಡು ಭಾಂದಿಲಿನ ಮಾರಾ ಪಾಚೊ಼ ಆ" ಕದ್ಯೊ. 
\v 9 ಕ್ಹುದಾನೊ ದುತ ಭಾರೊ ಗಯೊ. ಪೆತ್ರಾ ತಿನಾ ಪಾಚೊ಼ ಗಯೊ. ಕ್ಹುದಾನೊ ದುತ ಕ್ಹರಿಮಾಜ಼ ಇಮ್ಮ ಕರಾಡ್ಯೊಸ ಕವಾನು ಪೆತ್ರಾನೆ ಗ್ವತ್ತ ನ್ಹೊತು. ತೆ ಕ್ಹಪನ ದೆಕಾಡೊ ವಸೆ ಕೈನ ತೆ ತಿಳ್ದಿಲಿದ್ಯೊತೊ. 
\v 10 ಪೆತ್ರಾ ವರಿ ಕ್ಹುದಾನೊ ದುತ ಪಸ್ಟನು ವರಿ ಬೆವಾನು ಕೈದಾನಿ ಜ಼ಗಾ ದಾಟ್ಯಾ. ಪಾಚಾ಼ತಾ ತ್ಯುನೆ ತ್ಯುನೊನೆ ಗಾಮ ಕನ ಲಿನ ಜಾ಼ವಾನಾ ಲ್ಹೊಡಾನಾ ಬಾಕಲೆ ಆಯಾ. ತೆ ಬಾಕಲ ತ್ಯುನೊನೆ ತಿನಾಕ್ಹು ತೆಜ಼ ಕಡೈಯು. ಪೆತ್ರಾ ವರಿ ತೆ ಕ್ಹುದಾನೊ ದುತ ತೆ ಬಾಕಲನಾ ಮುಲಕ ಭಾರಾ ಐನ ಯಕ್ಕ ಒಣಿ ದಾಟ್ಯಾ. ತೆಳಾಮಾ ಅಚಾನಕ ತೆ ಕ್ಹುದಾನೊ ದುತ ತಿನೆ ಛೊಡಿನ ಗಯೊ. 
\v 11 ಥಯಲ ಸಂಗತಿ ತೆಳಾಮಾ ತಿಳ್ದಿಲಿದಲ ಪೆತ್ರಾ "ಪ್ರಭು ಮಕನ ತಿನಾ ದುತನೆ ಕ್ಹರಿಮಾಜ಼ ವಳಾಯೊ ಕೈನ ಹಮ್ನಾ ಮನೆ ಗ್ವತ್ತ ಥಯು. ತೆ ಮನೆ ಹೆರೊದನಾ ಹತ್ಮಾತೊ ಪಾರ ಕರ‍್ಯೊ. ಮನೆ ಸುಬಿ ಥಾವಸ ಕೈನ ಯೆಹುದಿವಾಲಾ ವಿಚಾರ ಕರ‍್ಯಾತಾ. ತೆನೈಸೊ ಪ್ರಭು ಮನೆ ತೆ ತ್ರಾಸಕ್ಹು ವಚಾ಼ಡ್ಯೊ "ಕೈನ ಕೈಲಿದ್ಯೊ. 
\v 12 ಪಾಚಲ್ತೊ ಪೆತ್ರಾ ಮರಿಯಳನಾ ಘರೆ ಗಯೊ. ತೆ ಯೊಹಾನನಿ ಯಾ ವ್ಹೈ. ಯೊಹಾನನೆ ಮಾರ್ಕ ಕೈನ ಬಲಾತಾತಾ. ಘನ್ನಾ ಮನಕ್ಹೊ ತ್ಯಾ ಮಳ್ಯಾ. ತ್ಯುನೆ ಕ್ಹಾರಾ ಪ್ರಾಥನಾ ಕರಾಡಾತಾ. 
\v 13 ಪೆತ್ರಾ ಭಾರ್ಲ್ಯು ಬಾಕಲ ವಜಾ಼ಡ್ಯೊ. ಕುನ ವ್ಹೈ ಕೈನ ಪುಚ್ಚಾ಼ನೆ ರೊದೆ ಕವಾನಿ ಸೆವಕಿ ಐ. 
\v 14 ರೊದೆ ಪೆತ್ರಾನಿ ಅವಾಜ಼ ವಳಕಿ. ತಿನೆ ಘನ್ನಿ ಖುಶಿ ಥೈ. ಬಾಕಲ ಕಾಡಾನು ತೆ ಇಕ್ಹರಿನ, ಘರೆ ಆಯಲ ಮನಕ್ಹೊ ಕನ ನ್ಹಾಟಿನ ಗೈನ "ಪೆತ್ರಾ ಬಾಕಲ ಕನ ಹುಬ್ರಯೊಸ" ಕದಿ. 
\v 15 ತೆ ವಿಶ್ವಾಸಿಯೊ ತಿನೆ ತುನೆ ಪಿಸಾಳು ಲಾಗ್ಯುಸ! ಕದ್ಯಾ. ತೆನೈಸೊ ತೆ ಕವಾನು ಕ್ಹರಿಜ಼ ವ್ಹೈ ಕೈನ ಕದಿ. ತಿನಾಹುತಿ ತ್ಯುನೆ"ತೆ ಪೆತ್ರಾನೊ ದುತ ರ‍್ಹೌ "ಕೈನ ಕದ್ಯಾ. 
\v 16 ತೆನೈಸೊ ಪೆತ್ರಾ ಬಾಕಲ ವಜಾ಼ಡತೊಜ಼ ವ್ಹತ್ತೊ. ತೆ ವಿಶ್ವಾಸಿಯೊ ಬಾಕಲ ಕಾಡಲ ಪರ ತ್ಯುನೆ ಪೆತ್ರಾನೆ ದೆಕಿನ ಘಾಬ್ರಾ ಥಯಾ. 
\v 17 ಪೆತ್ರಾ ತ್ಯುನೊನೆ ಗಪ್ಪ ರ‍್ಹೌ ಕೈನ ಇಶಾರೊ ಕರ‍್ಯೊ. ಪ್ರಭು ತಿನೆ ಜೈಲಮಾತೊ ಛೊಡಾಯಲ ತರಿಕಾನೆ ತೆ ತ್ಯುನೊನೆ ಕೈನ "ಯಾಕೊಬನೆಬಿ ವರಿ ಭಾಯೊನೆಬಿ ಎ ಸಂಗತಿ ಕವೊ" ಕೈನ ಕದ್ಯೊ. ಪಾಚಲ್ತೊ ಪೆತ್ರಾ ಬಿಜೆಕ್ಕ ಜ಼ಗಾನೆ ತ್ಯಾಂತೊ ಗಯೊ. 
\v 18 ಮರ್ನಾ ದಿನ್ನೆ, ಪೆತ್ರಾ ಸು ಥಯೊ ಕೈನ ಸೈನಿಕೊನಾ ವಚ್ಮಾ ಮ್ಹೊಟಿ ಗದ್ದಲ ಉಟಿತಿ. 
\v 19 ಹೆರೊದ ಕ್ಹಾರಿ ಜ಼ಗಾ ಹುಡಕಿತಬಿ ಪೆತ್ರಾ ಮಳ್ಯೊ ನೈ. ತಿನಾಹುತಿ ಹೆರೊದ ಕೈದಾಲಾವೊನೆ ಪುಚ್ಚಿನ ತ್ಯುನೊನೆ ಖಲಾಸ ಕರಾನಿ ಶಿಕ್ಷಾ ದಿವಸ.. ಪಾಚಲ್ತೊ ಹೆರೊದ ಯುದೆಯತೊ ಸೆಜರೆಯ ಗಾಮೆ ಐನ ತ್ಯಾಜ಼ ದಕ್ಹಾ ದಿನ್ನ ವ್ಹತ್ತೊ. 
\v 20 ಟೈರ ವರಿ ಸಿದೊನ ಗಾಮೊಮಾ ಮನಕ್ಹೊನಾ ಉಪ್ಪರ ಹೆರೊದ ಘನ್ನೊ ಶಿಟ್ಟ ಥಯೊತೊ. ತೆ ಮನಕ್ಹೊ ಕ್ಹಾರಾ ಹೆರೊದನೆ ಮಳಾನೆ ಕ್ಹಾರಾ ಜ಼ನಾ ಮಳಿನ ಗಯಾ. ತ್ಯುನೆ ಬ್ಲಾಸ್ತನ ತ್ಯುನೊಕನ ವಲಸಿ ಲಿದ್ಯಾ. ಬ್ಲಾಸ್ತನ ರಾಜಾ಼ನೊ ಖಾಸ ಸೆವಕ ವ್ಹತ್ತೊ. ತೆ ಮನಕ್ಹೊ ತ್ಯುನಾ ಕ್ಹಾತೆ ಶಾಂತಿ ಸಮಾಧಾನ ಕರಿಲ್ಯು ಕೈನ ಹೆರೊದನೆ ಮಾಂಗಿಲಿದ್ಯಾ. ಕಾಕದ್ಯಾಮ ತ್ಯುನಾ ಗಾಮೆ ಹೆರೊದ ಗಾಮತೊ ಆಹಾರ ಮಂಗೈಲಿವಾನೊ ವ್ಹತ್ತೊ. 
\v 21 ತ್ಯುನೊನೆ ಮಳಾನಾ ಹುತಿ ಹೆರೊದ ಯಕ್ಕ ದಿನ್ನೆ ಸೊಚಿನ ಮ್ಹೆಲ್ಯೊ. ತೆ ದಿನ್ನೆ ಹೆರೊದ ಸುಂದರ ರ‍್ಹಯಲ ರಾಜವಸ್ತ್ರ ಘಾಲ್ಲಿದ್ಯೊತೊ. ತೆ ತಿನಿ ಸಿಂಹಾಸನನಾ ಉಪ್ಪರ ಬೆಟಿನ ಮನಕ್ಹೊನೆ ಶಿಕ್ಲಾಯೊ. 
\v 22 ತೆ ಮನಕ್ಹೊ"ಎ ಆವಾಜ಼ ಮನಕ್ಹನಿ ನ್ಹವ್ಹೈ, ಕ್ಹುದಾನಿಜ಼ ವ್ಹೈ" ಕೈನ ಅಡ್ಡ್ಯಾ. 
\v 23 ಹೆರೊದ ಎ ಹೊಗಳಿಕೆ ತೆಜ಼ ಸ್ವಿಕಾರ ಕರಿಲಿದ್ಯೊ. ಕ್ಹುದಾನೆ ಮಹಿಮೆ ಕರ‍್ಯೊ ನೈ. ತಿನಾಹುತಿ ತೆಜ಼ ಕ್ಷಣಮಾ, ಪ್ರಭುನೊ ಯಕ್ಕ ದುತ ತಿನೆ ರೊಗ ಲಾಯೊ. ತಿನಾ ಅಂಗನಾ ಮ್ಹೈನಾ ಭಾಗನೆ ಕಿಡಾ ಖಾದಲಕ್ಹು ತೆ ಮರಿ ಗಯೊ. 
\v 24 ಕ್ಹುದಾನಿ ಸಂದೆಶ ಫೈಲಾಡಿತಿ ವರಿ ಘನ್ನಾ ಘನ್ನಾ ಮನಕ್ಹೊನಾ ಉಪ್ಪರ ಪ್ರಭಾವ ಪಡಾಡುತು. ಇಕ್ಹು ವಿಶ್ವಾಸಿಯೊನು ಸಮುದಾಯ ಮ್ಹೊಟು ಥಾವಾನು ಶುರು ಥಯು. 
\v 25 ಬಾರ್ನಬ ವರಿ ಸೌಲಾ ಯೆರುಸಲೆಮಮಾ ತ್ಯುನು ಕಾಮ ಕ್ಹರಾಯಲಪರ ಅಂತಿಯೊಕ್ಯನೆ ಫರಿನ ಗಯಾ. ಮಾರ್ಕ ಕವಾಲೊ ಯೊಹಾನ ತ್ಯುನಾ ಕ್ಹಾತೆ ವ್ಹತ್ತೊ.
\c 13
\p
\v 1 ಅಂತಿಯೊಕ್ಯನಾ ಸಭೆಮಾ ದಕ್ಹಾ ಪ್ರವಾದಿಯೊ ವರಿ ಉಪದೆಶ ಕರಾಲಾ ವ್ಹತ್ತಾ. ತ್ಯುನೆ ಕುನ್ ವ್ಹೈ ಕದ್ಯಾಮ; ಬಾರ್ನಬ, ಸಿಮೆಯೊನ್ ಇನೆ ನಿಗರ ಕೈನಬಿ ಬಲಾತಾತಾ. ಲುಸಿಯಸ ಸಿರೆನ ಗಾಮ ವಾಲೊ ವ್ಹೈ. ಮೆನಹೆನ ಹೆರೊದ ರಾಜಾ಼ನಾ ಕ್ಹಾತೆ ಬೆಳದಲವಾಲೊ ವರಿ ಸೌಲಾ ವ್ಹೈ. 
\v 2 ಇವ್ನೆ ಕ್ಹಾರಾ ಪ್ರಭುನಿ ಸೆವೆ ಕರಾಡಾತಾ ವರಿ ಉಪಾಸ ಕರಾಡಾತಾ. ಪವಿತ್ರ ಆತ್ಮಾ ತ್ಯುನೊನೆ"ಮಿ ಖಾಸ ರ‍್ಹಯಲ ಕಾಮೊನಾ ಹುತಿ ಬಾರ್ನಬ ವರಿ ಸೌಲಾನೆ ಇನಿಲಿದ್ಯೊ. ತೆ ಕಾಮೊನಾ ಹುತಿ ತ್ಯುನೊನೆ ಪ್ರೊತ್ಸಾಹ ಕರೊ "ಕೈನ ಕದ್ಯೊ. 
\v 3 ತಿನಾಹುತಿ ಸಭೆವಾಲಾ ಉಪಾಸ ರ‍್ಹೈನ ಪ್ರಾಥನಾ ಕರ‍್ಯಾ. ತ್ಯುನೆ ಬಾರ್ನಬ ವರಿ ಸೌಲಾನಾ ಉಪ್ಪರ ಹಸ್ತಾರ್ಪಣೆ ಕರಿನ ತ್ಯುನೊನೆ ವಳೈನ ದಿದ್ಯಾ. 
\v 4 ಬಾರ್ನಬ ವರಿ ಸೌಲಾನೆ ಪವಿತ್ರ ಆತ್ಮಾಜ಼಼ ವಳೈನ ದಿದ್ಯೊ. ತ್ಯುನೆ ಸೆಲುಸಿಯಾ ಗಾಮೆ ಗಯಾ. ಪಾಚಾ಼ತಾ ತ್ಯುನೆ ಸೆಲುಸಿಯಾತಾ ಸೈಪ್ರಸ ದ್ವಿಪೆ ಹಡಗಾಮಾ ಪ್ರಯಾಣ ಕರ‍್ಯಾ. 
\v 5 ಬಾರ್ನಬ ವರಿ ಸೌಲಾ ಸಲಾಮಿಸ ಗಾಮೆ ಆಯಲ್ಪರ ಯೆಹುದಿನಾ ಸಭಾ ಮಂದಿರಮಾ ಕ್ಹುದಾನಿ ಸಂದೆಶ ಕದ್ಯಾ. ಮಾರ್ಕ ಕವೈಲಿವಾಲೊ ಯೊಹಾನ ಮದತ ಕರಾನಾ ಹುತಿ ತ್ಯುನಾ ಕ್ಹಾತೆ ವ್ಹತ್ತೊ. \fig ಯೆಹುದಿಯೊನೊ ಸಭೆನು ಕ್ಹಾಮುಲು ಭಾಗ|alt="Front view of a synagogue" src="lb00246c.tif" size="col" copy="Horace Knowles ©" ref="13:5"\fig*
\p
\v 6 ತ್ಯುನೆ ತೆ ದ್ವಿಪಮಾ ಪ್ರಯಾಣ ಕರ‍್ತಾ ಪಾಫೊಸ್ ಕವಾನಾ ಗಾಮೆ ಗಯಾ. ಮಂತ್ರ ತಂತ್ರ ಕರಾಲಾ ಯಕ್ಕ ಯೆಹುದಿವಾಲಾನೆ ತ್ಯುನೆ ಪಾಫೊಸಿಮಾ ದೆಕ್ಯಾ. ತಿನು ನಾಮ "ಬಾರ್ ಯೆಸು" ತೆ ಯಕ್ಕ ಸುಳ್ಳ ಪ್ರವಾದಿ ವ್ಹೈ. 
\v 7 ಸೆರ್ಗ್ಯ ಪೌಲಾ ರಾಜ್ಯಪಾಲನಾ ನಜಿಕಜ಼ ತೆ ಕೆಳಾಮಾಬಿ ರ‍್ಹತೊತೊ. ಸೆರ್ಗ್ಯಪೌಲಾ ಗ್ಯಾನಿ ವ್ಹತ್ತೊ. ತ್ಯುನೆ ಕ್ಹುದಾನಿ ವಾಕ್ಯಾನೆ ಐಕಾನೆ ಬಾರ್ನಬ ವರಿ ಸೌಲಾನೆ ಬಲಾವಾನೆ ಕರ‍್ಯೊ. 
\v 8 ತೆನೈಸೊ ಮಾಟಾ ಮಂತ್ರಾ ಕರಾಲೊ ರ‍್ಹಯಲ ಎಲಿಮ ಬಾರ್ನಬ ವರಿ ಸೌಲಾನೆ ವಿರುದ್ಧ ವ್ಹತ್ತೊ. ಗ್ರಿಕ ಭಾಶಾಮಾ ಎಲಿಮ ಕೈನ ಬಲಾತಾತಾ. ರಾಜ್ಯಪಾಲ ಯೆಸುಪರ ಬರೊಕ್ಹೊ ನೈ ಮ್ಹೆಲೆ ಲಿಂಗತ ಕರಾನೆ ಎಲಿಮ ಕೊಶಿಶ ಕರಾಡೊತೊ. 
\v 9 ತೆನೈಸೊ ಪೌಲಾ ಸೌಲಾನು ವರಿಯಕ್ಕ ನಾಮ ಪೌಲಾ ವ್ಹೈ. ಪವಿತ್ರ ಆತ್ಮಾಕ್ಹು ಭರ‍್ಯೊ. ಪೌಲಾ ಎಲಿಮನೆ ಡೊಳಾ ಫಾಡಿನ ದೆಕಿನ, 
\v 10 ತಿನೆ, ತು ಸೈತಾನನೊ ದಿಕ್ರೊ ವ್ಹೈ! ಹರಯಕ್ಕ ಚೊ಼ಕಾನೆ ತು ದುಶ್ಮನ ವ್ಹೈ! ತು ಕೆಟ್ಟ ತಂತ್ರೊಕ್ಹು ಸುಳ್ಳಕ್ಹು ಭರಲ ಛೆ. ಪ್ರಭುನಿ ಸತ್ಯನೆ ಸುಳ್ಳ ಕೈನ ಬದಲಾನೆ ತು ಕೊಶಿಶ ಕರಾಡ್ಯೊಸ! 
\v 11 ಐಕ, ಪ್ರಭುನೊ ಹತ್ತ ತಾರಾ ವಿರುದ್ದ ಉಚಾಯೊಸ.. ತು ಕುಡ್ಡೊ ಥೈನ ದಕ್ಹಿಯೆಳ ಸುಜ಼ ದೆಕ್ತೊ ನೈ; ಸುರ್ಯಾನು ಉಜಾಲುಬಿ ನೈ ದೆಕ ಸಕ್ತೊ "ಕದ್ಯೊ. ತೆಳಾಮಾ ಎಲಿಮನೆ ಕ್ಹಾರು ಅಂದಾರು ಥಯು. ತಿನೆ ಕುನ್ನತಬಿ ಹತ್ತ ಧರಿನ ಚ಼ಲಾವೊ ಕೈನ ತೆ ಕಾಪ್ತೊ ಸುತ್ತೆ ಚಾ಼ಲ್ಯೊ. 
\v 12 ಇನೆ ದೆಕಲ ರಾಜ್ಯಪಾಲ ಪ್ರಭುನೆ ಬರೊಕ್ಹೊ ಕರ‍್ಯೊ. ಪ್ರಭುನಿ ವಿಶಯ ಥಯಲ ಉಪದೆಶ ಐಕಿನ ಘಾಬ್ರೊ ಥಯೊ. 
\v 13 ಪೌಲಾ ವರಿ ತಿನಾ ಕ್ಹಾತೆ ರ‍್ಹಯಲವಾಲಾ ಪಾಫೊಸಿನತಾ ನೌಕಾಯಾನ ಕರ‍್ಯಾ. ಪಾಂಫಿಲಿನಾ ಪ್ರಾಂತ್ಯಮಾ ರ‍್ಹಯಲ ಪೆರ್ಗ ಕವಾನಾ ಗಾಮೆ ತ್ಯುನೆ ಆಯಾ. ತೆನೈಸೊ ಮಾರ್ಕ ಕವೈಲಿವಾಲೊ ಯೊಹಾನ ತ್ಯುನೊನೆ ಛೊಡಿನ ಯೆರುಸಲೆಮೆ ಫರಿನ ಗಯೊ. 
\v 14 ತ್ಯುನೆ ತ್ಯುನು ಪ್ರಯಾಣ ಪೆರ್ಗತಾ ಅಗಾ ಬಡೈನ, ಪಿಸಿದಿ ಗಾಮನಿ ರ‍್ಹಯಲ ಅಂತಿಯೊಕ್ಯನೆ ಗಯಾ. ತ್ಯುನೆ ಅಂತಿಯೊಕ್ಯನೆ ಸಬ್ಬತ ದಿನ್ನೆ ಯೆಹುದಿನಾ ಸಭಾ ಮಂದಿರಮಾ ಗೈನ ಬೆಟ್ಯಾ. 
\v 15 ಮೊಶೆನಾ ಧರಮಶಾಸ್ತ್ರ ವರಿ ಪ್ರವಾದಿಯೊನಾ ಗ್ರಂಥೊ ಒದ್ಯಾ. ಪಾಚಾ಼ತಾ ಸಭಾ ಮಂದಿರನಾ ನಾಯಕೊ ಪೌಲಾ ಬಾರ್ನಬನೆ, ಭಾಯೊ, ನ್ಹ್ಯಾ ರ‍್ಹವಾನಾ ಮನಕ್ಹೊನೆ ಮದತ ಥಯೆ ಲಿಂಗತ ಸು ತುಬಿ ತುಮೆ ಕವಾನು ರ‍್ಹಯಮ ಕವೊ "ಕವಾನು ಸಂದೆಶ ವಳಾಯಾ. 
\v 16 ಪೌಲಾ ಉಟಿನ ಹುಬ್ರೈನ ತಿನಾ ವಾತೊ ಐಕು ಕೈನ ಮನಕ್ಹೊನೆ ಹತೆ ಇಶಾರೊ ಕರಿನ ಅಮ್ಮ ಕದ್ಯೊ; "ಮಾರಾ ಯೆಹುದಿನಾ ಭಾಯೊ, ಕ್ಹರಿನಾ ಕ್ಹುದಾನೆ ಆರಾಧನಾ ಕರಾಲಾ ಬಿಜಾ಼ ಮನಕ್ಹೊ, ಮಿ ಕವಾನು ಐಕೊ! 
\v 17 ಇಸ್ರಾಯೆಲನೊ ಕ್ಹುದಾ ಅಪ್ನಾ ಪಿತೃವೊನೆ ಇನಿಲಿದ್ಯೊ. ಇಜಿಪ್ತಮಾ ಪ್ರವಾಸಿಯೊ ಥೈನ ರ‍್ಹವಾಲಾ ತಿನಾ ಮನಕ್ಹೊನೆ ಕ್ಹುದಾ ಮದತ ಕರಿನ ಅಭಿವೃದ್ದಿ ಕರ‍್ಯೊ. ಕ್ಹುದಾ ತಿನಿ ಮ್ಹೊಟಿ ತಾಕತ ಕ್ಹು ತ್ಯುನೊನೆ ತೆ ದೆಶತೊ ಚ಼ಲಾಯೊ. 
\v 18 ಉಸುಕನಾ ಗಾಮಮಾ ತ್ಯುನೊನೆ ಚಾ಼ಳಕ್ಹ ವರಕ್ಹ ತ್ಯುನೊನೆ ತಡ್ದಿಲಿದ್ಯೊ. 
\v 19 ಕಾನಾನ್ ಕ್ಹಾತ ಪ್ರಾಂತ್ಯನೆ ಹಾಳ ಕರಿನ ತಿನಾ ಮನಕ್ಹೊನೆ ತೆ ದೆಶ ಸ್ವಾದಿನ ಕರಿನ ದಿದ್ಯೊ. 
\v 20 ಎ ಕ್ಹಾರು ಕ್ಹೊನೈವತ್ತ ವರಕ್ಹ ಲಕ್ಕಾ ಚಾ಼ಲ್ಯು" ಎ ಥಯಲ್ಪರ ಪ್ರವಾದಿ ಥಯಲ ಸಮುವೆಲನಾ ಕಾಲ ಲಕ್ಕಾ ಕ್ಹುದಾ ಅಪ್ನಾ ಮನಕ್ಹೊನೆ ನ್ಹಾಯಸ್ಥಾಪಕೊನೆ ದಿದ್ಯೊ. 
\v 21 ಪಾಚಾ಼ತಾ ಮನಕ್ಹೊ ತ್ಯುನೊನೆ ರಾಜೊ಼ ಚಾ಼ಯೆ ಕೈನ ಮಾಂಗಿಲಿದ್ಯಾ ಕ್ಹುದಾ ತ್ಯುನೊನೆ ಕಿಶನನೊ ದಿಕ್ರೊ ರ‍್ಹಯಲ ಸೌಲಾನೆ ದಿದ್ಯೊ. ಸೌಲಾಬೆನ್ಯಾನಿನ್ ಘರ್ದಾನನೊ ವ್ಹೈ. ತೆ ಚಾ಼ಳಕ್ಹ ವರಕ್ಹ ಲಕ್ಕಾ ರಾಜೊ಼ ಥಯೊತೊ. 
\v 22 ಕ್ಹುದಾ ಸೌಲಾನೆ ಕಾಡಲ ಪರ ದಾವಿದನೆ ತ್ಯುನೊ ರಾಜೊ಼ ಥೈನ ಕರ್ಯೊ. ‘ಇಶಯನನೊ ದಿಕ್ರೊ ಥಯಲ ದಾವಿದ ಮನೆ ಮೆಚ್ಚಿಗೆ ಥಯಲವಾಲೊ ವ್ಹೈ. ತೆ ಮಾರಿ ಆಸ ಲಿಂಗತ ಕಾಮೊ ಕರಸ’ ಕೈನ ಕ್ಹುದಾ ತೆ ದಾವಿದನಾ ಹುತಿ ಕದ್ಯೊಸ. 
\v 23 "ಕ್ಹುದಾ ತಿನಾ ವಾಗ್ದಾನನಾ ಲಿಂಗತ ದಾವಿದನಾ ಸಂತಾನಮಾನೊ ಯಕ್ಲಾನೆ ಇಸ್ರಾಯೆಲ ರಕ್ಷಕ ಥೈನ ವಳೈನ ದಿದ್ಯೊಸ. ತೆಜ಼ ಯೆಸು ವ್ಹೈ. 
\v 24 ಯೆಸು ಆವಾತಿ ಪೈಲಾ ಬಾಪ್ತಿಸ್ಮಾ ದಿಲಾವಾಲೊ ಯೊಹಾನ ಯೆಹುದಿನಾ ಕ್ಹಾರಾ ಮನಕ್ಹೊನೆ ‘ತುಮಾರಾ ಪಾಪೊನಾ ಹುತಿ ಪಶ್ಚಾತಾಪ ಪಡಿನ ಕ್ಹುದಾ ಕನ ಫರಿನ ಬಾಪ್ತಿಸ್ಮ ಕರೈ ಲಿವೊ’ ಕೈನ ಬೊದನೆ ಕರ‍್ಯೊ. 
\v 25 ‘ಮಿ ಕುನ್ನ ವ್ಹೈ ಕೈನ ಸೊಚೊ಼ಶಿ ತುಮೆ? ಮಿ ಕ್ರಿಸ್ತ ನ್ಹವ್ಹೈ. ತೆ ಮಾರಾ ಪಾಚೊ಼ ತೆ ಆವಸ. ತಿನಾ ಚಪ್ಪಲನಿ ದೊರಿಯೊಬಿ ಖೊಲಾನೆ ಮಿ ಯೊಗ್ಯ ನ್ಹವ್ಹೈ’ ಕೈನ ಯೊಹಾನ ತಿನು ಕಾಮ ಕರಿನ ಪುರಾ ಕರ್ತಾಮಾ ಕೈಲಿದ್ಯೊಸ. 
\v 26 "ಮಾರಾ ಭಾಯೊ, ಅಬ್ರಹಾಮನಾ ಕುಟುಂಬನಾ ಬಚ್ಚಾ಼, ಕ್ಹರಿನಾ ಕ್ಹುದಾನೆ ಆರಾಧನಾ ಕರಾಲಾ ಯೆಹುದಿಯೊ ನೈ ರ‍್ಹಯಲವಾಲಾ, ಐಕೊ! ಎ ರಕ್ಷಣೆನಾ ಸಂದೆಶನೆ ವಳಾಯಲ ಅಪ್ನಾ ಹುತಿಜ಼ ವ್ಹೈ. 
\v 27 ಯೆರುಸಲೆಮಮಾ ರ‍್ಹಯಲ ಯೆಹುದಿಯೊ ವರಿ ಯೆಹುದಿನಾ ನಾಯಕೊ ಯೆಸುಜ಼ ರಕ್ಷಕ ವ್ಹೈ ಕವಾನು ತಿಳ್ದಿಲಿದ್ಯಾ ನೈ. ಪ್ರವಾದಿಯೊ ಯೆಸುನಾ ಹುತಿ ಬರ್ದಲ ವಾತೊ ಹರ ಸಬ್ಬತ್ತನಾ ದಿನ್ನೆ ಒದತಾತಾ. ತೆನೈಸೊ ತ್ಯುನೆ ತಿಳ್ದಿಲಿದ್ಯಾ ನೈ. ತೆ ಯೆಹುದಿಯೊ ಯೆಸುನೆ ಅಪರಾದಿ ವ್ಹೈ ಕೈನ ಪೈಸ್ಲೊ ಕರ‍್ಯಾ. ಇಮ್ಮ ಕರಾನಾ ಮುಲಕ ತ್ಯುನೆ ಪ್ರವಾದಿ ಕದಲ ಪುರಾ ಕರ‍್ಯಾ! 
\v 28 ಯೆಸು ಮರುಜ಼ ಕವಾನೆ ಕರೆಟ್ಟ ಕಾರಣ ತ್ಯುನೆ ಕಂಡ ಧರಾನೆ ನೈ ಥಯು ತುಬಿ ಯೆಸುನೆ ಖಲಾಸ ಕರೌ ಕೈನ ಪಿಲಾತನ ಕನ ಮಾಂಗಿಲಿದ್ಯಾ. 
\v 29 "ಪವಿತ್ರ ಗ್ರಂಥಮಾ ಬರ್ದಲ ಲಿಂಗತ ಯೆಸುನೆ ಥಾವಾನು ರ‍್ಹಯಲ ಕ್ಹಾರು ಕೆಟ್ಟ ಯಹುದಿಯೊ ತಿನೆ ಕರ‍್ಯಾ. ಪಾಚಾ಼ತಾ ತ್ಯುನೆ ಯೆಸುನೆ ಶಿಲುಬಿತಾ ಹೆಟಾ ಉತಾರಿನ ಮಝಾರಮಾ ಮ್ಹೆಲ್ಯಾ. 
\v 30 ತೆನೈಸೊ ಕ್ಹುದಾ ತಿನೆ ಮರಲವಾಲಾವೊಮಾತೊ ಜಿವ್ತೊ ಕರಿನ ಉಟಾಡ್ಯೊ! 
\v 31 ಎ ಥಯಲ್ಪರ ಗಲಿಲಾಯತಾ ಯೆಸುನಾ ಕ್ಹಾತೆ ಯೆರುಸಲೆಮೆ ಆಯಲವಾಲಾ, ಘನ್ನಾ ದಿನ್ನ ಲಕ್ಕಾ ತಿನೆ ದೆಕ್ಯಾ. ಹಮ್ನಾ ತ್ಯುನೆಜ಼ ಮನಕ್ಹೊನೆ ಸಾಕ್ಷಿಯೊ ಥಯಾಸ. 
\v 32 "ಕ್ಹುದಾ ಅಪ್ನಾ ಪಿತೃವೊನೆ ಕರಲ ವಾಗ್ದಾನನಾ ವಿಷಯಮಾ ರ‍್ಹಯಲ ಸುವಾರ್ತೆ ಹಮೆ ತುಮೊನೆ ಕೈಯೆಸ. 
\v 33 ಹಮೆ ತ್ಯುನಾ ತ್ಯುನಾ ಸಂತತಿವಾಲಾ ಥಯಾಸ. ಕ್ಹುದಾ ಯೆಸುನೆ ಮರಲವಾಲಾವೊಮಾತೊ ಜಿವ್ತೊ ಕರಿನ ಉಟಾಡಾನಾ ಮುಲಕ ತೆ ವಾಗ್ದಾನ ಅಪ್ನಾ ಹುತಿ ಪುರಾ ಕರ‍್ಯೊಸ. ಇನಾ ಹುತಿ ಬೆಂವಾ ಕಿರ್ತನೆಮಾ ಅಮ್ಮ ಬರ್ದಲ ಛೆ, ತುಜ಼಼ ಮಾರೊ ದಿಕ್ರೊ ವ್ಹೈ. ಆಜ಼ಜ಼ ಮಿ ತುನೆ ಪಡ್ದಿಲಿದ್ಯೊ. ಕಿರ್ತನೆ 2:7 
\v 34 ಕ್ಹುದಾ ಯೆಸುನೆ ಮರಲವಾಲಾವೊಮಾತೊ ಜಿವ್ತೊ ಕರಿನ ಉಟಾಡಲ ಹುತಿ ತೆ ವರಿ ಕೆಳಾಮಾಜ಼ ಸಮಾದಿಮಾ ಗೈನ ಖಡ್ತು ನೈ ಕವಾನಿ ವಿಷಯಮಾ ಕ್ಹುದಾ ಅಮ್ಮ ಕದ್ಯೊಸ. ‘ಮಿ ದಾವಿದನೆ ಕರಲ ಕ್ಹರಿ ಪವಿತ್ರ ರ‍್ಹಯಲ ವಾಗ್ದಾನೊ ತುನೆ ದಿವ್ಸ. ಯೆಶಾಯ 55:3 
\v 35 ತೆನೈಸೊ ವರಿಯಕ್ಕ ಜ಼ಗಾ ಪರ ಕ್ಹುದಾ ಇಮ್ಮ ಕವಸ. ‘ತು ತಾರು ಪರಿಶುದ್ಧ ಅಂಗನೆ ಸಮಾದಿಮಾ ಖಡಾನೆ ಛೊಡತೊ ನೈ. ಕಿರ್ತನೆ 16:10 
\v 36 "ದಾವಿದ ತಿನಿ ಜಿವಿತಮಾ ಕ್ಹುದಾನಿ ಚಿತ್ತ ಲಿಂಗತ ಜಿವ್ನಾ ಕರ‍್ಯೊ. ಪಾಚಲ್ತೊ ತೆ ಮರ‍್ಯೊ. ದಾವಿದನೆ ತಿನಾ ಪಿತೃವೊನಾ ಕ್ಹಾತೆ ಸಮಾದಿ ಕರ‍್ಯಾ. ತಿನು ಅಂಗ ಸಮಾದಿಮಾ ಕ್ಹಡಿ ಗಯು! 
\v 37 ತೆನೈಸೊ ಕ್ಹುದಾಕ್ಹು ಜಿವ್ತೊ ಥೈನ ಉಟಾಡಲ ಯೆಸುನು ಅಂಗ ಸಮಾದಿಮಾ ಕ್ಹಡ್ಯು ನೈ. 
\v 38 ಭಾಯೊ ಭೆನೊ, ಎ ತುಮೊನೆ ಗ್ವತ್ತ ರ‍್ಹವಾದೆ; ತಿನಾ ಮುಲಕ ತುಮಾರಾ ಪಾಪೊನೆ ಮಾಫಿ ಮಳಸ. ಮೊಶೆ ಧರಮಶಾಸ್ತ್ರನೆ, ತುಮೊನೆ ತುಮಾರಾ ಪಾಪೊಕ್ಹು ಛೊಡಾವಾನೆ ಥಯು ನೈ. ತೆನೈಸೊ ಯೆಸು ಪರ ಬರೊಕ್ಹೊ ಮ್ಹೆಲಾಲೊ ಹರಯಕ್ಲೊ ತಿನಾ ಮುಲಕ ತಿನಾ ಕ್ಹಾರಾ ಪಾಪೊಕ್ಹು ಛುಟಸ. 
\v 39 ತಿನಾಹುತಿ ಪ್ರವಾದಿಯೊ ತಿಳಸಾಯಲ ಎ 
\v 40 ಪ್ರವಾದಿಯೊನಾ ದಕ್ಹಾ ಸಂಗತಿಯೊ ತುಮೊಮಾ ಕ್ಹರಿ ಥಾಯೆ ನೈಸೊ ಹುಶಾರ ರ‍್ಹವೊ. 
\v 41 ಕದ್ರಾವಾಲಾ, ಘಾಬ್ರಾ ಥಾತಾ ಹಾಳ ಥೈನ ಜಾ಼ವೊ. ತುಮೆ ನೈ ಬರೊಕ್ಹೊ ಕರಾನು ಯಕ್ಕ ಕಾಮ ಮಿ ಕರುಸ. ಬಿಜೊ಼ ಯಕ್ಲೊ ತುಮೊನೆ ತೆ ವಿವರಣೆ ಕರ‍್ಯೊ ತುಬಿ ತುಮೆ ನೈ ಬರೊಕ್ಹೊ ಕರ‍್ತಾ (ಹಬಕ್ಕುಕ 1:5) 
\v 42 ಪೌಲಾ ವರಿ ಬಾರ್ನಬ ಸಭಾಮಂದಿರತಾ ಜಾ಼ತಾಮಾ, ಎ ಸಂಗತಿಯೊನಾ ಹುತಿ ಹಜು಼ನ ಜಾಸ್ತ ತಿಳ್ಸಾನಾ ಹುತಿ ಅಗಲ್ಯಾ ಸಬ್ಬತ್ ದಿನ್ನೆ ವರಿ ಔ ಕೈನ ಮನಕ್ಹೊ ತ್ಯುನೊ ಕನ ಮಾಂಗಿಲಿದ್ಯಾ. 
\v 43 ಸಭೆ ಕ್ಹರಲ ಪರ ಘನ್ನಾ ಯಹುದಿಯೊ ಪೌಲಾ ಬಾರ್ನಬನೆ ತೆ ಜ಼ಗಾತಾ ಪಾಚಾ಼ ಲಾಗ್ಯಾ. ಯೆಹುದಿಯೊನಾ ಧರ್ಮನೆ ಮಳಲ ಘನ್ನಾ ಬಿಜಾ಼ ಮತನಾ ತೆ ಯೆಹುದಿಯೊನಾ ಕ್ಹಾತೆ ವ್ಹತ್ತಾ. ಧರ್ಮ ಬದ್ಲಿ ಕರಲ ಇವ್ನೆಬಿ ಕ್ಹರಿನಾ ಕ್ಹುದಾನೆ ಆರಾಧನೆ ಕರಾಡಾತಾ. ಪೌಲಾ ಬಾರ್ನಬ ತ್ಯುನಾ ಕ್ಹಾತೆ ಬೊಲಿನ, ಕ್ಹುದಾನಿ ಕೃಪೆಮಾ ಬರೊಕ್ಹೊ ಮ್ಹೆಲಿನ ಅಗು ಬಡು ಕೈನ ಪ್ರೊತ್ಸಾಹ ಕರ‍್ಯಾ. 
\v 44 ಅಗಲ್ಯಾ ಸಬ್ಬತ ದಿನ್ನೆ, ಪ್ರಭುನಿ ವಾಕ್ಯಾ ಐಕಾನಾ ಹುತಿ ಘನ್ನಾ ಗಾಮನಾ ಕ್ಹಾರಾ ಮನಕ್ಹೊ ತ್ಯಾ ಆಯಾ. 
\v 45 ಇನೆ ದೆಕಿನ ಯಹುದಿಯೊನೆ ಘನ್ನು ಅಸೈ ಥಯು. ತ್ಯುನೆ ಪೌಲಾನಾ ವಾತಾ ದೊಶ ಕರಿನ ತಿನೆ ವಿರುದ್ದ ವಾದ-ವಿವಾದ ಕರ‍್ಯಾ. 
\v 46 ತೆನೈಸೊ ಪೌಲಾ ಬಾರ್ನಬ ಘನ್ನಾ ಧೈರ್ಯಾಕ್ಹು ಬೊಲಿನ"ಹಮೆ ಕ್ಹುದಾನಿ ವಾಕ್ಯಾ ಯೆಹುದಿಯೊ ಥಯಲ ತುಮೊನೆ ಪೈಲಾ ಕೌ. ತೆನೈಸೊ ತುಮೆ ತುಮೊನೆ ಹಮೆಶಾನು ಜ಼ಲಮನೆ ಪಾತ್ರ ನ್ಹವೈ ಕೈನ ತಿರಸ್ಕಾರ ಕರಾಡಾಸ. ತಿನಾಹುತಿ ಹಮೆ ಬಿಜಾ಼ ಧರ್ಮವಾಲಾವೊ ಕನ ಗೈಯೆಸ! 
\v 47 ಕಾಕದ್ಯಾಮ ಪ್ರಭು ಹಮೊನೆ ದಿದಲ ಆಜ್ಞಾ ಅಮ್ಮ ಛೆ ದುನಿಯಾನಾ ಲಾಸ್ಟ ಲಕ್ಕಾ ಕ್ಹಾರಾ ಮನಕ್ಹೊನೆ ತು ವಚಾ಼ಡಾಲೊ ಥೌ ಕೈನ ಮಿ ತುನೆ ಬಿಜಾ಼ ಜನಾಂಗೊನೆ ಉಜಾಲು ಕರ‍್ಯೊಸ. (ಯೆಶಾಯ 49:6) 
\v 48 ಪೌಲಾ ಎ ವಾತೊ ಐಕಿನ ಯೆಹುದಿ ನೈಸೊ ಮನಕ್ಹೊ ಘನ್ನಾ ಖುಶಿ ಥೈನ ಪ್ರಭುನಿ ಸಂದೆಶನಾ ಹುತಿ ಸ್ತುತಿ ಕರ‍್ಯಾ. ಹಮೆಶಾನು ಜ಼ಲಮ ವ್ಹಂದಿಲಿವಾನೆ ಇನಿಲಿದಲ ಕ್ಹಾರಾ ಬರೊಕ್ಹೊ ಕರ‍್ಯಾ. 
\v 49 ಪ್ರಭುನಿ ಸಂದೆಶ ತೆ ಕ್ಹಾರಾ ಗಾಮಮಾ ಕದ್ಯಾ. 
\v 50 ತೆನೈಸೊ ಯೆಹುದಿಯೊ ದಕ್ಹಾ ಧಾರ್ಮಿಕ ಬಾಕ್ಡಿಯೊನೆ ಗಾಮನಾ ನಾಯಕೊನೆ ಪ್ರೊತ್ಸಾಹ ಕರಿನ, ಪೌಲಾ ಬಾರ್ನಬನಾ ಉಪ್ಪರ ತ್ಯುನೆ ಶಿಟ್ಟ ಥಾಯೆ ಲಿಂಗತ ತ್ಯುನೊನೆ ವಿರೊದಿಯೊ ಥಾಯೆ ಲಿಂಗತ ಕರಿನ ಪೌಲಾ ಬಾರ್ನಬನೆ ಗಾಮತಾ ಭಾರಾ ಘಾಲ್ಯಾ. 
\v 51 ತಿನಾಹುತಿ ಪೌಲಾ ಬಾರ್ನಬ ತ್ಯುನಾ ವಿರುದ್ದ ಥೈನ ತ್ಯುನಾ ಪಗೊನು ಧುಳ್ಳ ಝಾಡ್ಸಿನ, ಇಕೊನಿಯಾ ಗಾಮೆ ಗಯಾ. 
\v 52 ತೆನೈಸೊ ತಂತ್ಯಯೊಕ್ಕನಾ ವಿಸ್ವಾಸಿಯೊ ಖುಶ ಥಯಾತಾ ವರಿ ಪವಿತ್ರ ಆತ್ಮಾಕ್ಹು ಭರ‍್ಯಾತಾ.
\c 14
\p
\v 1 ಪೌಲಾ ಬಾರ್ನಬ ಇಕೊನಿಯಾ ಗಾಮೆ ಗಯಾ. ಹರಯಕ್ಕ ಗಾಮಮಾಬಿ ತ್ಯುನೆ ಬೊಲಲ ಲಿಂಗತ ನ್ಹ್ಯಾಬಿ ಯೆಹುದಿಯೊನಾ ಸಭಾಮಂದಿರಮಾ ಗೈನ ಮನಕ್ಹೊನೆ ಬೊಧನೆ ಕರ‍್ಯಾ. ಪೌಲಾ ಬಾರ್ನಬನಿ ಚೊ಼ಕಿ ಬೊದನೆ ಐಕಿನ ಘನ್ನಾ ಯೆಹುದಿಯೊ ವರಿ ಗ್ರಿಕವಾಲಾ ಬರೊಕ್ಹೊ ಕರ‍್ಯಾ. 
\v 2 ತೆನೈಸೊ ಯೆಹುದಿಯೊಮಾ ನೈ ಬರೊಕ್ಹೊ ಕರಲ ದಕ್ಹಾ ಯೆಹುದಿ ನೈಸೊವಾಲಾವೊನೆ ಮನಸ ಭಾಯೊನೆ ವಿರುದ್ದ ಥೈನ ಮನಕ್ಹೊನೆ ಕದ್ರೈನ ಕೆಡ್ಸಿ ಪಡ್ಯಾ. 
\v 3 ತೆನೈಸೊ ಪೌಲಾ ಬಾರ್ನಬ ಇಕೊನಿಯಾಮಾ ಘನ್ನಾ ದಿನ್ನ ರ‍್ಹೈನ ಪ್ರಭುನಾ ಹುತಿ ಧೈರ್ಯಕ್ಹು ಬೊಲ್ಯಾ. ಪ್ರಭು ತ್ಯುನಾ ಮುಲಕ ಸುಚಕ ಕಾಮೊ ವರಿ ಅದ್ಭುತ ಕಾಮೊ ಕರಿನ ತಿನಿ ಕೃಪಾನಿ ಸಂದೆಶ ದೆಕಾಡಿನ ದಿದ್ಯಾ. 
\v 4 ತೆನೈಸೊ ತೆ ಗಾಮನಾ ಮನಕ್ಹೊ ಬೆ ಭಾಗ ಥಯಾ ದಕ್ಹಾ ಜ಼ನಾ ಯೆಹುದಿವಾಲಾ ಕಂತಾ ಥಯಾ ದಕ್ಹಾ ಮನಕ್ಹೊ ಅಪೊಸ್ತಲೊಕನ ಥಯಾ. 
\v 5 ಯೆಹುದಿಯೊ ನೈಸೊಲಾವಾವೊಮಾ ವರಿ ಯೆಹುದಿಯೊಮಾ ದಕ್ಹಾ ತ್ಯುನಾ ನಾಯಕೊನಾ ಕ್ಹಾತೆ ಮಳಿನ ಅಪೊಸ್ತಲೊನೆ ದಗ್ಡಾ ನಾಕಿನ ಖಲಾಸ ಕರು ಕೈನ ವ್ಹತ್ತಾ. 
\v 6 ಎ ಗ್ವತ್ತ ಥಯಲ ಪೌಲಾ ಬಾರ್ನಬ ತೆ ಗಾಮ ಛೊಡಿನ ಲುಕವೊನಿಯಾನಾ ಗಾಮೊ ರ‍್ಹಯಲ ಲುಸ್ತ್ರ ವರಿ ದರ್ಬೆನೆ ವರಿ ತೆ ಗಾಮೊನಾ ಸುತ್ತಮುತ್ತ ರ‍್ಹಯಲ ಜ಼ಗಾವೊನೆ ಗಯಾ. 
\v 7 ತ್ಯುನೆ ತ್ಯಾಬಿ ಸುವಾರ್ತೆ ಕದ್ಯಾ. 
\v 8 ಲುಸ್ತ್ರಮಾ ಯಕ್ಕ ಮನಕ್ಹ ವ್ಹತ್ತೊ. ತಿನಾ ಪಗೊಮಾ ತಾಕತ ನ್ಹೊತಿ. ಹುಟ್ಯಲ ತೆಳತೊ ಲಂಗ್ಡೊ ವ್ಹತ್ತೊ ತೆ ಕೆಳಾಮಾಜ಼ ಚಾ಼ಲ್ಯೊ ನ್ಹೊತೊ. 
\v 9 ಎ ಮನಕ್ಹ ತೆ ಬೆಟಲ ಜ಼ಗಾಜ಼ ಪೌಲಾನಿ ವಾತೊ ಐಕಾಡೊತೊ. ಪೌಲಾ ತಿನೆ ಡೊಳಾ ಕಾಡಿನ ದೆಕ್ಯೊ. ಕ್ಹುದಾ ಅರಾಮ ಕರಸ ಕವಾನೊ ಬರೊಕ್ಹೊ ತಿನಾಮಾ ರ‍್ಹಯಲ ಪೌಲಾ ದೆಕಿನ, 
\v 10 ತಿನೆ"ಉಟ್ಟ, ತಾರಾ ಪಗೊಪರ ಹುಬ್ರೆ" ಕೈನ ಜೊ಼ರ ಕದ್ಯೊ. ತೆಳಾಮಾಜ಼ ತೆ ಮನಕ್ಹ ಜಿಗ್ದಿನ ಹುಬ್ರೈನ ಚಾ಼ಲಾನು ಶುರು ಕರ‍್ಯೊ. 
\v 11 ಪೌಲಾ ಕರಲ ಎ ಕಾಮ ದೆಕಲ ಮನಕ್ಹೊ ತ್ಯುನಾ ಸ್ವಂತ ಲುಕವೊನಿ ಬಾಶಾಮಾ "ದಿವಸ್ತಾನೊ ಮನಕ್ಹನು ರುಪ ಲಿನ ಅಪೊಕನ ಉತ್ರಿನ ಆಯಾಸ" ಕೈನ ಕದ್ಯಾ. 
\v 12 ಮನಕ್ಹೊ ಬಾರ್ನಬನೆ "ಜೆಯುಸ "ಕ್ಹುದಾ ಕೈನ ಖಾಸ ಬೊದಕ ಥಯಲ ಪೌಲಾನೆ "ಹೆರ್ಮೆ "ಕ್ಹುದಾ ಕೈನ ಬಲಾಯಾ. 
\v 13 ಜೆಯುಸನಿ ಗುಡಿ ಗಾಮನಾ ನಜಿಕಮಾ ವ್ಹತ್ತಿ. ಎ ಗುಡಿನೊ ಪುಜಾರಿ ದಕ್ಹಾ ಗೈಯೊ ವರಿ ಫುಲ್ಲೊ ಗಾಮನಾ ಬಾಕಲ ಕನ ಲಿನ ಆಯೊ. ತೆ ಪುಜಾರಿ ವರಿ ಮನಕ್ಹೊ ಪೌಲಾ ಬಾರ್ನಬನೆ ಬಲಿ ದಿನ ತ್ಯುನೊನೆ ಆರಾಧನಾ ಕರು ಕೈನ ವ್ಹತ್ತಾ. 
\v 14 ಎ ಐಕಿನ ಅಪೊಸ್ತಲ ಥಯಲ ಪೌಲಾ ಬಾರ್ನಬ ತ್ಯುನಾ ವಣ್ಣಾ ಫಾಡಿ ಲಿನ ಮನಕ್ಹೊನಾ ಗುಂಪಮಾ ಗೈನ ಅಮ್ಮ ವದ್ರಿನ ಕದ್ಯಾ; 
\v 15 "ಮನಕ್ಹೊ ತುಮೆ ಎ ಕಾಮೊ ಕರಾನು ಶಾನೆ? ಹಮೆ ಕ್ಹುದಾವೊ ನ್ಹವ್ಹೈ. ಹಮೆ ತುಮಾರಾ ಲಿಂಗತ ಮನಕ್ಹೊಜ಼ ವ್ಹೈ. ತುಮೊನೆ ಸುವಾರ್ತೆ ಕವಾನಾ ಹುತಿ ಹಮೆ ಆಯಾಸ. ವ್ಯರ್ಥ ರ‍್ಹಯಲ ಕಾಮೊ ತುಮೆ ಛೊಡಿ ಪಡೊ; ಜಿವ ಸ್ವರುಪ ಥಯಲ ಕ್ಹುದಾ ಕನ ಫರೊ. ಹಬಾಳನೆ ಜಿಮಿನನೆ ಸಮುಂದರನೆ ವರಿ ತೆ ಕ್ಹಾರಾವೊಮಾ ರ‍್ಹವಾನು ಹರಯಕ್ಕನೆ ತಯ್ಯಾರ ಕರಲವಾಲೊ ತೆಜ಼ ವ್ಹೈ. 
\v 16 "ಪೈಲಾನಾ ಕಾಲಮಾ ಕ್ಹುದಾ ಕ್ಹಾರಾ ಜನಾಂಗೊನೆ ತ್ಯುನಿ ಇಶ್ಟಾ ಲಿಂಗತ ಚಾ಼ಲಾನೆ ಛೊಡಿನ ದಿದ್ಯೊ. 
\v 17 ತೆನೈಸೊ ತೆ ಯಕ್ಲೊಜ಼ ಕ್ಹರಿನೊ ಕ್ಹುದಾ ವ್ಹೈ ಕವಾನು ತೆ ತಿನಾ ಚೊ಼ಕಾ ಕಾಮೊಕ್ಹು ದೆಕಾಡಾಡೊಸ. ತೆ ತುಮೊನೆ ಹಬಾಳಮಾತೊ ಪಾನಿ ತುಮಾರಾ ಅನ್ನನಾ ಹುತಿ ಹಮೆಶಾಬಿ ಸುಗ್ಗಿ ಕಾಲ ದಿನ್ನ ತುಮಾರಾ ಮನಸೊ ಖುಶಿಕ್ಹು ಭರಾಡೊಸ" 
\v 18 ಪೌಲಾ ಬಾರ್ನಬ ಅಕ್ಲು ಕ್ಹಾರು ಕದ್ಯಾ ತುಬಿ ಯಜ್ಞ ದಿನ್ನ ಆರಾಧನಾ ಕರೆ ನೈಸೊ ಮನಕ್ಹೊನೆ ಹುಬ್ರಾಡಾನೆ ಘನ್ನಾ ಕೊಶಿಶ ಕರು ಲಾಗ್ಯು. 
\v 19 ಪಾಚಾ಼ತಾ ದಕ್ಹಾ ಯೆಹುದಿಯೊ ಅಂತಿಯೊಕ್ಯತಾ ವರಿ ಇಕೊನಿಯತಾ ಐನ ಪೌಲಾನೆ ವಿರುದ್ದ ಮನಕ್ಹೊನೆ ಭಡಕೈನ ಪೌಲಾನೆ ದಗ್ಡಾ ನಾಕಿನ, ತೆ ಮರ‍್ಯೊ ಕೈನ ತಿಳ್ದಿಲಿನ ಗಾಮತಾ ಭಾರಾ ಜಗ್ಗಿನ ಕಾಡ್ಯಾ. 
\v 20 ತೆನೈಸೊ, ಯೆಸುನಾ ಶಿಷ್ಯಾ ತಿನಾ ಸುತ್ತೆ ಆತಾಮಾ ತೆ ಉಟಿನ ಗಾಮಮಾ ಗಯೊ. ಮರ್ನಾ ದಿನ್ನೆ ತೆ ವರಿ ಬಾರ್ನಬ ದರ್ಬೆ ಗಾಮನೆ ಗಯಾ. 
\v 21 ಪೌಲಾ ಬಾರ್ನಬ ದರ್ಬೆ ಗಾಮಮಾಬಿ ಸುವಾರ್ತೆ ಕದ್ಯಾ. ಘನ್ನಾ ಮನಕ್ಹೊ ಯೆಸುನಾ ಶಿಷ್ಯಾ ಥಯಾ. ಪೌಲಾ ಬಾರ್ನಬ ಲುಸ್ತ್ರ, ಇಕೊನಿಯ ವರಿ ಅಂತಿಯೊಕ್ಯ ಗಾಮೊಯೆ ಫರಿನ, 
\v 22 ಯೆಸುನಾ ಶಿಷ್ಯಾವೊನೆ ಘಟ್ಟ ಕರಿನ, ಬರೊಕ್ಹಾಮಾ ಘಟ್ಟ ಥೈನ ರ‍್ಹವಾನೆ ತ್ಯುನೊನೆ ಪ್ರೊತ್ಸಾಹ ಕರ‍್ಯಾ"ಹಮೆ ಕ್ಹುದಾನಿ ರಾಜ್ಯನೆ ಘನ್ನಾ ತ್ರಾಸೊನಾ ಮುಲಕ ಜಾ಼ವಾನಾ ಛೆ "ಕೈನ ಬೊದನೆ ಕರ‍್ಯಾ. 
\v 23 ಪೌಲಾ ಬಾರ್ನಬ ಹರ ಯಕ್ಕ ಸಭೆನೆ ಮ್ಹೊಟಾವೊನೆ ಇನಿ ಲಿದ್ಯಾ. ತ್ಯುನೆ ಎ ಮ್ಹೊಟಾವೊನಾ ಹುತಿ ಉಪಾಸ ರ‍್ಹೈನ ಪ್ರಾಥನಾ ಕರಿನ ತ್ಯುನೊನೆ ಪ್ರಭುನಾ ಹತ್ಮಾ ವಪ್ಸಿನ ದಿದ್ಯಾ. 
\v 24 ಪೌಲಾ ಬಾರ್ನಬ ಪಿಸಿದಿ ಗಾಮತಾ ಪಾಂಪಿಲಿಯ ಗಾಮೆ ಆಯಾ. 
\v 25 ತ್ಯುನೆ ಕ್ಹುದಾನಿ ಸಂದೆಶನೆ ಪೆರ್ಗ ಗಾಮಮಾ ಬೊದನೆ ಕರಿನ, ತ್ಯಾಂತಾ ಅತ್ತಾಲಿಯ ಗಾಮೆ ಆಯಾ. 
\v 26 ತ್ಯಾಂತಾ ತ್ಯುನೆ ಸಿರಿಯಾಮಾ ಅಂತಿಯೊಕ್ಯನೆ ನೌಕಾಯಾನ ಕರ‍್ಯಾ. ಹಜು಼ನ ಲಕ್ಕಾ ಕರಿನ ಕ್ಹರಾಯಲ ಸೆವಾನಾ ಕಾಮನಾ ಹುತಿ ಕ್ಹುದಾನಾ ಹತ್ಮಾ ವಪ್ಸಿನ ದಿದಲವಾಲಾ ಎ ಗಾಮನಾ ವಿಶ್ವಾಸಿಯೊಜ಼ ವ್ಹೈ. 
\v 27 ಪೌಲಾ ಬಾರ್ನಬ ನ್ಹ್ಯಾ ಆಯಲ್ಪರ, ಸಭೆವಾಲಾ ಕ್ಹಾರಾವೊನೆ ಮಳೈನ, ಕ್ಹುದಾ ತ್ಯುನಾ ಕ್ಹಾತೆ ರ‍್ಹೈನ ಕರಲ ಕ್ಹಾರಾ ಕಾಮೊನಾ ಹುತಿ ತ್ಯುನೊನೆ ಕದ್ಯಾ. ವರಿ "ಬಿಜಾ಼ ಜನಾಂಗವಾಲಾಬಿ ಬರೊಕ್ಹೊ ಕರೆ ಲಿಂಗತ ಕ್ಹುದಾ ಬಾಕಲ ಕಾಡ್ಯೊಸ" ಕೈನ ತಿಳ್ಸಾಯಾ. 
\v 28 ತ್ಯಾ ಪೌಲಾ ಬಾರ್ನಬ ಶಿಷ್ಯಾವೊನಾ ಕ್ಹಾತೆ ಘನ್ನಾ ದಿನ್ನ ವ್ಹತ್ತಾ.
\c 15
\p
\v 1 ಪಾಚಾ಼ತಾ ದಕ್ಹಾ ಮನಕ್ಹೊ ಯುದೆಯತಾ ಅಂತಿಯೊಕ್ಯನೆ ಆಯಾ" ತುಮೆ ಸುನ್ನತಿ ನೈ ಕರಾಯಾಮ ತುಮೊನೆ ಬಿಡುಗಡೆ ಥಾತು ನೈ. ಸುನ್ನತಿ ಕರೈಲ್ಯು ಕೈನ ಮೊಶೆ ಕದ್ಯೊಸ "ಕೈನ ತ್ಯುನೆ ಯೆಹುದಿಯೊ ನೈ ರ‍್ಹಯಲ ವಿಸ್ವಾಸಿಯೊನೆ ಉಪದೆಶ ಕರಾನು ಶುರು ಕರ‍್ಯಾ. 
\v 2 ಪೌಲಾ ಬಾರ್ನಬ ಎ ಉಪದೆಶನೆ ತ್ಯುನಾ ವಿರುದ್ದ ದೆಕಾಡಿನ ತ್ಯುನಾ ಕ್ಹಾತೆ ವಾದ ಕರ‍್ಯಾ. ಎ ಸಮಸ್ಯಾನಾ ಹುತಿ ಅಪೊಸ್ತಲೊನಾ ಕ್ಹಾತೆ ವರಿ ಬಿಜಾ಼ ಶಾನಾವೊನಾ ಕ್ಹಾತೆ ಚರ್ಚಾ ಕರಾನೆ ಪೌಲಾ ಬಾರ್ನಬನೆ ವರಿ ಬಿಜಾ಼ ದಕ್ಹಾ ಜ಼ನಾವೊನೆ ಯೆರುಸಲೆಮೆ ವಳಾವಾನೆ ಸಭೆ ಮಳಾನೆ ಫೈಸ್ಲೊ ಕರ‍್ಯಾ. 
\v 3 ತಿನಾಲಿಂಗತ ಸಭೆವಾಲಾ ಇವ್ನೊನೆ ಸಭೆ ವಳೈಯು. ಇವ್ನೆ ಫೆನಿಶ್ಯ ವರಿ ಸಮಾರ್ಯ ವಾಟತಾ ಗಯಾ. ಯೆಹುದಿ ನೈಸೊ ಮನಕ್ಹೊ ಕ್ಹರಿನೊ ಕ್ಹುದಾ ಕನ ಫರಲನಾ ಹುತಿ ಎ ಗಾಮೊಮಾ ಕದ್ಯಾ. ಎ ಐಕಿನ ಭಾಯೊನೆಬಿ ಘನ್ನಿ ಖುಶಿ ಥೈ. 
\v 4 ಪೌಲಾ ಬಾರ್ನಬ ವರಿ ಬಿಜಾ಼ ಯೆರುಸಲೆಮ ಮುಟ್ಯಾ. ಅಪೊಸ್ತಲೊ, ಶಾನಾ ವರಿ ಸಭೆವಾಲಾ ಇವ್ನೊನೆ ಸ್ವಾಗತ ಕರ‍್ಯಾ. ಕ್ಹುದಾ ತ್ಯುನಾ ಕ್ಹಾತೆ ರ‍್ಹೈನ ಕರಲ ಕ್ಹಾರಾ ಕಾಮೊನಾ ಹುತಿ ಪೌಲಾ ಬಾರ್ನಬ ವರಿ ಬಿಜಾ಼ ಕದ್ಯಾ. 
\v 5 ಯೆರುಸಲೆಮಮಾ ರ‍್ಹಯಲ ವಿಶ್ವಾಸಿಯೊಮಾ ದಕ್ಹಾ ಜ಼ನಾ ಫರಿಸಾಯರೊನಾ ಗುಂಪನೆ ಮಳಲವಾಲಾ ವ್ಹತ್ತಾ. ತ್ಯುನೆ ಉಟಿನ ಹುಬ್ರೈನ, ಯೆಹುದಿಯೊ ನೈ ರ‍್ಹಯಲವಾಲಾ ವಿಶ್ವಾಸಿಯೊ ಸುನ್ನತಿ ಕರೈಲಿವ ಮೊಶೆನಾ ಧರಮಶಾಸ್ತ್ರನೆ ವಿಧೆಯ ಥೌ ಕೈನ ಅಪೆ ತ್ಯುನೊನೆ ಕೌ "ಕೈನ 
\v 6 ಪಾಚಾ಼ತಾ ಅಪೊಸ್ತಲೊ ವರಿ ಶಾನಾ ಎ ಸಮಸ್ಯಾನೆ ಪರಿಕ್ಷಾ ಕರಾನೆ ಮಳಿನ ಆಯಾ. 
\v 7 ಘನ್ನಿ ಚರ್ಚಾ ಥೈ. ಪಾಚಾ಼ತಾ ಪೆತ್ರಾ ಉಟಿನ ಹುಬ್ರೈನ ತ್ಯುನೊನೆ"ಮಾರಾ ಭಾಯೊ, ತುಮೊನೆ ಗ್ವತ್ತ ರ‍್ಹಯಲ ತಿಮ್ಮ, ಯೆಹುದಿ ನೈಸೊ ಮನಕ್ಹೊನೆ ಸುವಾರ್ತೆ ಕವಾನಾ ಹುತಿ ತುಮಾರಾ ವಚ್ಮಾ಼ತೊ ಕ್ಹುದಾ ಮನೆ ಘನ್ನಾ ದಿನ್ನಾ ಪಾಚೊ಼ ಇನಿಲಿದ್ಯೊ. ತ್ಯುನೆ ಮಾರಾಕ್ಹು ಸುವಾರ್ತೆ ಐಕಿನ ಬರೊಕ್ಹೊ ಕರ‍್ಯಾ. 
\v 8 ಕ್ಹಾರಾ ಮನಕ್ಹೊನಾ ವಿಚಾರೊ ಗ್ವತ್ತ ರ‍್ಹಯಲ ಕ್ಹುದಾ ಯೆಹುದಿ ನೈಸೊ ಮನಕ್ಹೊನೆ ಸ್ವಿಕಾರ ಕರಿಲಿದ್ಯೊ. ಕ್ಹುದಾ ಹಮೊನೆ ಪವಿತ್ರ ಆತ್ಮಾ ದಿದಲ ಲಿಂಗತಜ಼ ತ್ಯುನೊನೆಬಿ ಪವಿತ್ರ ಆತ್ಮಾ ದಿನ್ನ ಎ ಕ್ಹರಿ ದೆಕಾಡ್ಯೊಸ. 
\v 9 ಕ್ಹುದಾ ದೃಶ್ಟಿಮಾ ತ್ಯುನೊನೆಬಿ ಹಮೊನೆಬಿ ಕಯು ಫರಕ ನತ್ತಿ. ತ್ಯುನೆ ಬರೊಕ್ಹೊ ಕರಲ್ಪರ, ಕ್ಹುದಾ ತ್ಯುನಾ ಮನಸೊ ಶುದ್ಧ ಕರ‍್ಯೊ. 
\v 10 ಇಮ್ಮ ರ‍್ಹತಾಮಾ, ಯೆಹುದಿಯೊ ನೈಸೊವಾಲಾ ಭಾಯೊನಾ ಖಾಂದಾನಾ ಉಪ್ಪರ ವಜ಼್ಜು ಕಾ ಘಾಲೊಶಿ? ತುಮೆ ಕ್ಹುದಾನೆ ಶಿಟ್ಟ ಕರು ಕೈನ ಕೊಶಿಶ ಕರಾಡಾಸು? ಹಮೊನೊ ರ‍್ಹಂದೆ ಹಮಾರಾ ಪಿತೃನೆ ರ‍್ಹಂದೆ ತೆ ವಜ್ಜು ಉಚಾವಾ ವರಕ್ಹು ತಾಕತ ನ್ಹೊತಿ! 
\v 11 ತಿನಾಹುತಿ ಹಮೆ ರ‍್ಹಂದೆ ತ್ಯುನಾಹುತಿ ರಕ್ಷಣೆ ಹೊಂದಾನಾ ಹುತಿ ಪ್ರಭು ಥಯಲ ಯೆಸುನಾ ಮರಗಾಕ್ಹು ಕೈನ ಹಮೆ ನಂಬ್ಯೆಸ! ಕದ್ಯೊ. 
\v 12 ತೆಳಾಮಾ ಕ್ಹಾರಿ ಸಭಾ ಗಪ ವ್ಹತ್ತಿ. ತ್ಯುನೆ ಪೌಲಾ ವರಿ ಬಾರ್ನಬನೆ ಕಾನ ದಿನ್ನ ಐಕ್ಯಾ. ಯೆಹುದಿ ನೈಸೊ ಮನಕ್ಹೊನಾ ವಚಾಮಾ ಕ್ಹುದಾ ತಿನಾ ಮುಕಾಂತರ ಕರಲ ಕ್ಹಾರಾ ಅದ್ಭುತ ಕಾಮೊ ವರಿ ಸುಚಕ ಕಾಮೊನಾ ಹುತಿ ಪೌಲಾ ಬಾರ್ನಬ ಕದ್ಯಾ. 
\v 13 ತೆನೈಸೊ ಯಾಕೊಬ, ಮಾರಾ ಭಾಯೊ ಮನೆ ಕಾನ ದಿನ್ನ ಐಕೊ. 
\v 14 ಯೆಹುದಿ ನೈಸೊ ಮನಕ್ಹೊ ಕ್ಹುದಾ ತಿನಿ ಮಯಾ ಕಿಮ್ಮ ದೆಕಲಾಡ್ಯೊ ಸಿಮೊನ ಹಮನೊನೆ ತಿಳಸಾಯೊ ಪೈಲಾಜ ಹಮನಾಜ, ಕ್ಹುದಾ ಯೆಹುದಿಯೊ ನೈಸೊ ಮನಕ್ಹೊನೆ ಮಳೆಲಿದ್ಯಾಸ. ತ್ಯುನೊನೆ ತ್ಯುನಾ ಮನಕ್ಹೊ ವ್ಹೈ ಕೈನ ಕರಲಿದ್ಯೊ. 
\v 15 ಪ್ರವಾದಿಯೊನಾ ವಾತೊಬಿ ತಿನೆ ಸಾಮರಸ್ಯ ಥೈಯುಸ. 
\v 16 ತೆ ಥಯಲಪರ ಅಪೆ ಪಾಚಾ಼ ಪ್ಹರ‍್ಯಾ. ಮಿ ದಾವಿದನು ಘರ ವರಿ ಭಾಂದೆಯೆಸ ತೆ ಪಡಿ ಗಯುಸ. ತಿನಾಹುತಿ ತುಟಿ ಗಯೆಲ ತಿನು ಘರನಾ ತುಕಡಾ ಮಿ ವರಿ ಯಕ್ಕ ಕರುಸ. ಮಿ ತಿನು ಘರ ನವು ಕರುಸ. 
\v 17 ತೆನೈಸೊ ಬಿಜಾ಼ ಮನಕ್ಹೊ ಪ್ರಭುನಾ ಹುತಿ ಹುಡಕಸ. ಯೆಹುದಿಯೊ ನೈಸೊ ಮನಕ್ಹೊ ಕ್ಹಾರಾ ವರಿ ಮಾರಾ ಮನಕ್ಹೊ ಥೈಯಾಸ. ಪ್ರಭು ಯೆ ಕದ್ಯೊಸ. ತೆ ಕ್ಹಾರಾ ಕಾಮೊ ಕರಾಲೊ ತೆಜ಼ ವ್ಹೈ. 
\v 18 ಪೈಲಾತೊಜ ಯೆ ಕ್ಹಾರಾ ಕಾಮೊ ತಿಳಸಾಡೊಸ. 
\v 19 ತಿನಾಹುತಿ, ಕ್ಹುದಾ ಕನ ಫರಿನ ಯೆಹುದಿಯೊ ನೈಸೊ ಭಾಯೊನೆ ಅಪೆ ತರಾಸ ದ್ಯುನೈ. 
\v 20 ತಿನಾಹುತಿ ಅಪೆ ತ್ಯುನೊನೆ ಯಕ್ಕ ಪತ್ರ ಲಿಕಿನ ತೆ ವಿಷಯೊ ಕ್ಹಾರಾ ತಿಳಸಯೆ ಮುರ್ತಿನೆ ಚಡಾಯೆಲ ಅನ್ನ ಖಾವೊ ನಕೊ. ತೆ ಅನ್ನ ಅಶುದ್ಧ ವ್ಹೈ. ಕೈಯುಜ ಲೈಂಗಿಕ ಪಾಪ ಕರೊ ನಕೊ. ರಗತ ಖಾವೊ ನೈಕೊ. ನಡ್ಡಿ ಚಿಕಲಿನ ಜಾನವರೊನು ಮಾಕ್ಹ ಕ್ಹಾವೊ ನೈಕೊ. 
\v 21 ತ್ಯುನೆ ತೆ ಕ್ಹಾರು ಕರು ನೈ. ಕಾಕದ್ಯಾಮ ಮೊಶೆನಾ ಧರಮಶಾಸ್ತ್ರನೆ ಬೊಧಿಸ ಕರಲ ಮನಕ್ಹೊ ಹರಯಕ್ಕ ಗಾಮ್ಮಾ ಹಜುಬಿ ಛೆ. ಘನ್ನಾ ವರಕ್ಹತ್ತಾ ಹರಯಕ್ಕ ಸಬ್ಬತ ದಿನಮಾ ಮೊಶೆನಾ ವಾತೊ ಒದತ್ತಾ ಕೈನ ಕದ್ಯೊ. 
\v 22 ತೆಳಾಮಾ ಅಪೊಸ್ತಲೊ, ಸಭೆನಾ ಮ್ಹೊಟಾ ಮನಕ್ಹೊ ವರಿ ಕ್ಹಾರಿ ಸಬೆನಿ ಇಜಾಜತ ಲಿನ ತ್ಯುನಾಮಾ ದಕ್ಹಾಜ಼಼ನಾ ವೊನೆ ಇನಿಲಿನ ಪೌಲಾ ವರಿ ಬಾರ್ನಬನಾ ಕ್ಹಾತೆ ದಕ್ಹಾ ಮನಕ್ಹೊ ಅಂತಿಯೊಕ್ಯನೆ ವಳಾವಾನು ಚೊ಼ಕು ವ್ಹೈ ಕೈನ ನಿರ್ದಾರ ಕರ‍್ಯಾ. ತಿನಾಹುತಿ ಭಾಯೊಮಾ ಖಾಸ ವ್ಹೈ ಕೈನ ಕವೈಲಿವಾಲೊ ಬಾರಬನ ಕೈನ ಕವೈಲಿವಾಲಾ ಯುದನೆ ವರಿ ಶಿಲಾನೆ ಇನಿಲಿನ 
\v 23 ತ್ಯುನಾ ಹತ್ತಮಾ ಪತ್ರನೆ ದಿನ ವಳಾಯಾ. ತೆ ಪತ್ರಮಾ ಅಮ್ಮ ಲಿಕ್ಯಾತ್ತಾ. ಭಾಯೊ, ಅಪೊಸ್ತಲೊ ವರಿ ಶಾನಾ, ಅಂತಿಯೊಕ್ಯ,ಸಿರಿಯ,ಕಿಲಿಕ್ಯ ರ‍್ಹವಾಲಾ ಯೆಹುದ್ಯ ನೈ ರ‍್ಹಯಲ ಭಾಯೊನೆ ನಮಸ್ಕಾರ. 
\v 24 ಹಮಾರಾ ಸಮುದಾಯನಾ ತಮನೊ ಕನ ಆಯೆಲ ದಕ್ಹಾಜ಼಼ನಾ ತಮನೊನೆ ದಕ್ಹಾ ಸಂಗತಿಯೊ ಕವಾನಾಹುತಿ ತಮನೊನೆ ತ್ರಾಸನೆ ಘನು ಕರಿನ ತಮಾರಾಮಾ ಗಲಿಬಿಲಿ ಕರಾನಾಹುತಿ ಸುದ್ದಿ ಹಮನೊನೆ ಗ್ವತ್ತ ಥಯು. ತಿನಾಹುತಿ ಇಮ್ಮ ಕರಾನಾಹುತಿ ಹಮೆ ತ್ಯುನೊನೆ ಕದ್ಯಾನ್ಹೊತ್ತಾ. 
\v 25 ತಿನಾಹುತಿ ಹಮೆಕ್ಹಾರಾ ದಕ್ಹಾ ಜ಼ನಾ ಸರ್ವಾನುಮತಕ್ಹು ಇನಲಿನ ತಮನೊ ಕನ ವಳಾವಾನೆ ಫೈಸಲೊ ಕರ‍್ಯಾ. ಮಾರಾ ಮಯಾನಾ ಭಾಯೊ ಥಯಲ ಬಾರ್ನಬ ವರಿ ಪೌಲಾನಾ ಕ್ಹಾತೆ ತ್ಯುನೆ ಆವಾಡಾಸ. 
\v 26 ಬಾರ್ನಬ ವರಿ ಪೌಲಾ ಹಮಾರೊ ಪ್ರಭು ಥಯಲ ಯೆಸು ಕ್ರಿಸ್ತನಾ ಸೆವಾನಾ ಹುತಿ ಹಮಾರಾ ಜ಼ಲ್ಮೊ ದಿದ್ಯಾಸ. 
\v 27 ತಿನಾಹುತಿ ಹಮೆ ಯುದಾನೆ ವರಿ ಸಿಲನೆ ತ್ಯುನಾ ಕ್ಹಾತೆ ವಳಾಯೊಸ. ಹೆಟ್ಟಾ ಮ್ಹೆಲೆಲ ಸಂಗತಿಯೊ ಕ್ಹಾರಾ ತ್ಯುನೆ ತಮನೊನೆ ತಿಳಸಾವಸ. 
\v 28 ತಮನೊನೆ ಹಜು ಘನು ವಜ್ಜು ರ‍್ಹವಾಂದೆ ಕೈನ ಪವಿತ್ರಾತ್ಮನಿ ನಿರ್ಧಾರ ತಿನೆ ಹಮೆ ಒಪ್ಪಿಲಿದ್ಯಾ. ತಮೆ ತೆ ನಿಯಮೊನೆ ಯಕ್ಕಜ಼ ಅನುಸರಿಸಸ. 
\v 29 ಅನಾಕ್ಹು ಹೆಚ್ಚಗಿ ವಜು ತಮಾರಾ ಉಪ್ಪರ ಉಚೈವು ನೈ ಕೈನ ಪ್ರವಿತ್ರಾತ್ಮನೆ ಬಿ ಅಪನೊನೆ ಬಿ ಚೊ಼ಕು ದಿಕ್ಹು;ತಮೆ ಹುಶಾರಕ್ಹು ರ‍್ಹೈನ ತ್ಯುನಾ ಕ್ಹಾತೆ ನೈ ಗಯಾಮಾ ತಮ್ಮನೊನೆ ಬಿ ಚೊ಼ಕು ಥಾವಸ. 
\v 30 ತ್ಯುನೆ ಅಮ್ಮ ಅಪ್ಪಣೆ ಲಿನ ಅಂತಿಯೊಕ್ಯನೆ ಐನ ಸಭೆನೆ ಮಳೈನ ತೆ ಪತ್ರನೆ ತ್ಯುನೊನೆ ಒಪ್ಪಸ್ಯಾ. 
\v 31 ತ್ಯುನೆ ಒದಿನ ತ್ಯುನಾಕ್ಹು ಧೈರ್ಯ ಲಿನ ಕ್ಹುಶಿ ಥಯಾ. 
\v 32 ಯುದಾ, ಸಿಲಾ ತ್ಯುನೆಜ ಪ್ರವಾದಿಯೊ ಥಯಲಕ್ಹು ಭಾಯೊನೆ ಘನ್ನಾ ವಾತೊಕ್ಹು ಕೈನ ಘಟ್ಟ ಕರಿನ ಕದ್ಯಾ. 
\v 33 ತ್ಯಾ ದಕ್ಹಾ ದಿನ ರ‍್ಹಯೆಲ ಪರ ತ್ಯುನೊನೆ ವಳಾಯೆಲವಾವೊ ಕನ ವರಿ ಜೌಕೈನ ಭಾಯೊಕ್ಹು ಅಪ್ಪಣೆ ಲಿದ್ಯಾ. 
\v 34 ತಿನಾಹುತಿ ಸಿಲಾನೆ ತ್ಯಾಜ ರ‍್ಹವಾನು ಚೊ಼ಕುಜ ವ್ಹೈ ಕೈನ ದಿಕ್ಹು. 
\v 35 ತಿನಾಹುತಿ ಪೌಲಾ ವರಿ ಬಾರ್ನಬ ಅಂತಿಯೊಕ್ಯಮಾ ಹುಬ್ರೈನ ಬಿಜಾ಼ ದಕ್ಹಾಜ಼಼ನಾವೊನಾ ಕ್ಹಾತೆ ಉಪದೆಶ ಕರತ್ತಾ ಕರ್ತಾ ವಾಕ್ಯ ಕವಾನು ಸುವಾರ್ತೆ ಕತ್ತಾ ವ್ಹತ್ತಾ. 
\v 36 ದಕ್ಹಾ ದಿನೊ ಥಯಲ ಪರ ಪೌಲಾ ಬಾರ್ನಬ; ಅಪೆ ಕರ್ತಾನಿ ವಾಕ್ಯ ಕೈನ ಕ್ಹಾರಾ ಗಾಮ್ಮೊನೆ ವರಿ ಗೈನ ತ್ಯಾ ರ‍್ಹಯಲ ಭಾಯೊ ಕಿಮ್ಮ ಛೆ ಕೈನ ದೆಕಾನೆ ಆ ಕೈನ ಕದ್ಯೊ. 
\v 37 ತಿನಾಹುತಿ ಬಾರ್ನಬ ಮಾರ್ಕ ಕವೈಲಿವಾಲೊ ಯೊಹಾನನೆ 
\v 38 ತ್ಯುನಾ ಕ್ಹಾತೆ ಬಲೈಲಿನ ಜೌವು ಕತ್ತಾಮಾ ಪೌಲಾ; ಹಮಾರಾ ಕ್ಹಾತೆ ಸವೆ ನೈಸೊ ಪಂಫುಲ್ಯಮಾ ಹಮ್ಮನೊನೆ ಚ್ಹೊಡಿಪಾಡೆಲ ಬಲೈ ಲೌವು ಕೈನ ಜಾ಼ವಾನಾ ಹುತಿ ಚೊ಼ಕು ನ್ಹವೈ ಕೈನ ಶೆ ಕರಲಿದ್ಯಾ. 
\v 39 ತೆ ವಿಷಯಮಾ ಘನ್ನು ವಾಗ್ವಾದ ಥಯಲಕ್ಹು ತ್ಯುನೆ ಯಕ್ನಾ ಯಕ್ಕ ಲಡಾಡಾತ್ತಾ. ಬಾರ್ನಬ ಮಾರ್ಕನೆ ಬಲೈಲಿಂಗೈನ ಸಮುಂದರನಿ ವಾಟತ್ತಾ ಕುಪ್ರದ್ವಿಪನೆ ಗಯಾ. 
\v 40 ಪೌಲಾ ಸಿಲಾನೆ ಇನಲಿನ ಭಾಯೊಕ್ಹು ಕರ್ತಾನಾ ಕೃಪಾ ಆಶ್ರಮನೆ ವಳೈ ಲಿವಾಲೊ ಥೈನ ತ್ಯಾತ್ಯಾ 
\v 41 ಗೈನ ಸಿರಿಯಾ ವರಿ ಕಿಲಿಕ್ಯ ಸಿಮೆಮಾ ಜಾತ್ತಾ ಕ್ಹಾರಾ ಸಭೆನೆ ಘಟ್ಟ ಕರಾಡಾತ್ತಾ.
\c 16
\p
\v 1 ಪೌಲಾ ದರ್ಬೆ ವರಿ ಲುಸ್ತ್ರ ಗಾಮೊಯೆ ಗಯೊ. ತಿಮೊಥಿ ಕವಾಲೊ ಕ್ರಿಸ್ತನೊ ಶಿಷ್ಯೊ ತ್ಯಾ ವ್ಹತ್ತೊ. ತಿನಿ ಯಾಬಿ ವಿಸ್ವಾಸಿ ವ್ಹತ್ತಿ. ತಿನೊ ಬಾ ಗ್ರಿಕವಾಲಾ ವ್ಹತ್ತೊ. 
\v 2 ಲುಸ್ತ್ರ ವರಿ ಇಕೊನಿಯ ಗಾಮ್ನಾ ವಿಸ್ವಾಸಿಯೊ ತಿಮೊಥಿನೆ ಮರ್ಯಾದಿ ದೆತಾತಾ; ವರಿ ತಿನಾ ಹುತಿ ಚೊ಼ಕುಜ಼ ಕತಾತಾ. 
\v 3 ಪೌಲಾ ತಿಮೊಥಿನೆ ತ್ಯುನಾ ಕ್ಹಾತೆ ಬಲೈಲಿಂಜಾ಼ವಾನೆ ಮನಸ ಕರ‍್ಯೊ. ತೆನೈಸೊ ತಿಮೊಥಿನೊ ಬಾ ಗ್ರಿಕವಾಲೊ ವ್ಹೈ ಕೈನ ತ್ಯಾನ ಕ್ಹಾರಾ ಮನಕ್ಹೊನೆ ಗ್ವತ್ತ ವ್ಹತ್ತು. ತಿನಾಹುತಿ ಪೌಲಾ ಯೆಹುದಿಯೊನಾ ಮನಕ್ಹೊನೆ ಮೆಚ್ಸಾನಾ ಹುತಿ ತಿಮೊಥಿನೆ ಸುನ್ನಿತಿ ಕರಾಯೊ. 
\v 4 ತೆ ಥಯಲ್ಪರ ಪೌಲಾ ವರಿ ತಿನಾ ಕ್ಹಾತೆ ರ‍್ಹಯಲವಾಲಾ ಬಿಜಾ಼ ಗಾಮೊಯೆ ಗಯಾಸ, ಯೆರೊಸೆಲಿಮಾನಾ ರ‍್ಹಯಲ ಅಪೊಸ್ತಲೊ ವರಿ ಶಾನಾ ಮನಕ್ಹೊ ತ್ಯುನೊನೆ ವಿಧೆಯ ಥೌ ಕೈನ ಕದ್ಯಾ. 
\v 5 ಇನಾಹುತಿ ಸಭೆ ಬರೊಕ್ಹೊಮಾ ತಾಕತವರ ಥಯಾ ವರಿ ಸಂಖ್ಯಾಮಾ ದಿನೆ ದಿನೆ ಜಾಸ್ತಿ ಥಾವಾಡ್ಯಾ. 
\v 6 ಪೌಲಾ ವರಿ ಕ್ಹಾತೆ ರ‍್ಹಯಲವಾಲಾ ಫ್ರಿಜಿಯಾ ವರಿ ಗಲಾತ್ಯ ಪ್ರಾಂತ್ಯನಾ ಮುಲಕ ಗಯಾ. ಎಶ್ಯಾ ಸಿಮೆಮಾ ಸುವಾರ್ತೆ ಕೌ ನೈಸೊ ಪವಿತ್ರ ಆತ್ಮಾ ತ್ಯುನೊನೆ ತರ್ಬ್ಯೊ. 
\v 7 ಪೌಲಾ ತಿಮೊಥಿ ಮುಸಿಯಸಸ ನಾಡನಾ ನಜಿಕ ಗಯಾ. ತ್ಯುನೆ ಬಿಥೊನಿಯಾ ನಾಡಮಾ ಜೌ಼ ಕೈನ ವ್ಹತ್ತಾ. ತೆನೈಸೊ ಯೆಸುನಿ ಆತ್ಮಾ ತ್ಯುನೊನೆ ತ್ಯಾ ಜೌ಼ ನೈಸೊ ತಡದಿ. 
\v 8 ತಿನಾಹುತಿ ತ್ಯುನೆ ಮುಸಿಯಸಸ ನಾಡಪರ್ತಾ ಶಿದಾ ತ್ರೊವಾ ಗಾಮೆ ಆಯಾ. 
\v 9 ತೆ ದಿನ್ನಾ ರಾತೆ ಪೌಲಾನೆ ಯಕ್ಕ ದರ್ಶನ ಥಯು. ತೆ ಸು ವ್ಹೈ ಕದ್ಯಾಮ 
\v 10 ಪೌಲಾನೆ ಎ ದರ್ಶನ ಥಯಲ ತೆಳಾಮಾಜ಼ ತೆ ಮನಕ್ಹೊನೆ ಚೊ಼ಕು ಸಂದೆಶ ಕವಾನೆ ಕ್ಹುದಾ ಹಮೊನೆ ಬಲಾಯೊಸ ಹಮೆ ತಿಳ್ದಿಲಿನ ಮೆಕೆದೊನಿಯಾನೆ ಜ಼ವಾನೆ ತಯ್ಯಾರ ಥಯಲ ಥಯಾ. 
\v 11 ಹಮೆ ತ್ರೊವಾಮಾ ಹಡಗೊ ಚ಼ಡಿನ ಸಮುಂದರಮಾತಾ ಸಿದಾ ಐನ ಸಮೊಥ್ರಾನೆ ಆಯಾ. ಮರ್ನಾ ದಿನ್ನೆ ನೆಯಪೊಲ ಮುಟ್ಟಿನ 
\v 12 ತ್ಯಾಂತಾ ಮೆಕೆದೊನಿಯಾನೆ ಖಾಸ ಗಾಮ ರ‍್ಹಯಲ ಪಿಲಿಪ್ಪಿನೆ ಆಯಾ. ಎ ರೊಮವಾಲಾವೊನೆ ಪ್ರವಾಸನೆ ಜ಼ಗಾ ಥಯುಸ. 
\v 13 ನದಿನಾ ದಂಡಿಯೆ ರ‍್ಹಯಲ ಕ್ಹುದಾನಿ ಪ್ರಾಥನಾ ಕರಾನಿ ಜ಼ಗಾ ಛೆ ಕೈನ ತಿಳ್ದಿನ ಸಬ್ಬತ ದಿನ್ಮಾ ಗಾಮ್ನಾ ಭಾರಾ ಗೈನ ತ್ಯಾ ಮಳಿನ ಆಯಲ ಬಾಕ್ಡಿಯೊನಾ ಕ್ಹಾತೆ ಬೈಟಿನ ಬೊಲ್ಯಾ. 
\v 14 ಹಮಾರಿಯೊ ವಾತೊ ಐಕಲವಾಲಾವೊಮಾ ಲುದ್ಯ ಕವಾಲಿ ಬಾಕ್ಡಿ ವ್ಹತ್ತಿ. ತೆ ಜಾ಼ಂಬ್ಳಾನೊ ಕಲರ್ನು ವಣ್ಣಾ ಇಕ್ಕಾಲಿ ಥುವತೈರ ಕವಾನಿ ಗಾಮವಾಲಿ ಕ್ಹುದಾನಿ ಪೌಲಾ ಕವಾನಿಯೊ ವಾತೊನೆ ಧ್ಯಾನ ದಿವಾಹುತಿ ಕರ್ತಾ ತಿನೆ ಮನಸ ಖುಲ್ಲಾ ಕರ‍್ಯೊ. 
\v 15 ತಿನಾ ಘರವಾಲಾ ಬಾಪ್ತಿಸ್ಮ ಕರೈಲಿದಲಪರ ತೆ ಕರ್ತಾನೆ ಬರೊಕ್ಹೊ ಕರಾಲಿ ವ್ಹೈ ಖಯನ ತುಮೆ ಮಾರಾ ಹುತಿತಿಳ್ದಿಲಿದಲ ರ‍್ಹವಾಮಾ ಮಾರಾ ಘರ್ಮಾ ಐನ ರ‍್ಹೌ ಕೈನ ಮಾಂಗಿಲಿನ ಹಮೊನೆ ವತ್ತಾಯ ಕರ‍್ಯೊ. 
\v 16 ತೆ ತಯಲ್ಪರ ಪ್ರಾಥನಾ ಥಾವಾನಿ ಜ಼ಗಾಪರ ಅಪೆ ಜಾ಼ತಾಮಾ ಸಕ್ಣಾ ಕವಾಲಿ ಯಕ್ಕ ಹೆಣ ಮನಕ್ಹ ತ್ಯುನಾ ಕ್ಹಾಮಿ ಐ. ತೆ ಬಾಕ್ಡಿ ಸಕಾಣಾ ಕವಾಕ್ಹು ತಿನಾ ಮಾಲಕನೆ ಘನ್ನಿ ಆದಾಯಾ ಥಾತಿತಿ. 
\v 17 ಹಮೆ ಜಾ಼ತಾಮಾ ತೆ ಬಾಕ್ಡಿ ಹಮಾರಾ ಪಾಚಿ಼ ಐನ ಎ ಮನಕ್ಹೊ ಪರಾತ್ಪರ ಥಯಲ ಕ್ಹುದಾನಾ ಸೆವಕೊ ವ್ಹೈ; ತುಮೊನೆ ರಕ್ಷಣೆನು ಮಾರ್ಗ ದೆಕಾಡಾತಾ ರ‍್ಹವಸ. ಕೈನ ವದ್ರಿನ ಕತಿತಿ. 
\v 18 ತೆ ಘನ್ನಾ ತಿನತಿಬಿ ಇಮ್ಮಜ಼ ಕರತಿ ರ‍್ಹಯಲ ಹುತಿ ಪೌಲಾ ಘನ್ನೊ ಬೆಜ್ಜಾರ ಥಯೊ. ತಿನಾ ಪಾಚೊ಼ ಫರಿನ ತಿಮಾ ರ‍್ಹಯಲ ಕೆಟ್ಟ ಆತ್ಮಾನೆ; ತಿನೆ ಛೊಡಿನ ಜಾ಼ ಕೈನ ಯೆಸು ಕ್ರಿಸ್ತನಾ ನಾಮಪರ ತುನೆ ಆಗನ್ಯಾ ದ್ಯುಸ. ಕದ್ಯೊ. ತೆಳಾಮಾಜ಼ ತೆ ಕೆಟ್ಟ ಆತ್ಮಾ ತಿಮಾತಿ ಚೊ಼ಡಿನ ಗೈಪಡಿ. 
\v 19 ತಿನಾ ಮಾಟಿಯೊ ತ್ಯುನಿ ಆಸ್ತಿನು ಕೈದಾನು ತಪ್ಪೆಲ ನ್ಹವೈ ಕೈನ ತಿಳ್ದಿನ ಪೌಲಾನೆ ವರಿ ಸಿಲಾನೆ ಧರಿನ ಬಾಜಾರಮಾ ಅದಿಕಾರಿಯೊ ಕನ ಯಳದಿಲಿನ ಗಯಾ. 
\v 20 ತ್ಯುನೊನೆ ಅದಿಕಾರಿಯೊ ಕನ ಲೈನ ;ತೆ ಮನಕ್ಹೊ ಹಮಾರಾ ಗಾಮ್ನೆ ಘನ್ನಾ ಹಾಳ ಕರಾಡಾಸ; 
\v 21 ತ್ಯುನೆ ಯಹುದ್ಯೊ ಥೈನ ರೊಮವಾಲಾ ಥಯಲ ಹಮೆ ಅವಲಂಬನೆ ಕರಿನ ನೈ ಕರಾನಾ ಪದ್ದತಿಯೊ ನೈ ಕರು ಕೈನ ಕವಾಡಾಸ. 
\v 22 ತೆಳಾಮಾ ಮನಕ್ಹೊ ಕ್ಹಾರಾ ಗುಂಪ ಕರಿನ, ತ್ಯುನೊನೆ ವಿರುದ್ದ ಥೈನ ಮಳಿನ ಉಟ್ಯಾ. ವರಿ ಅದಿಕಾರಿಯೊ; ತ್ಯುನಾ ವಣ್ಣಾ ಫಾಡಿನ, ಕಾಡಿನ, ಬಾರಕೊಲಕ್ಹು ಮಾರು ಕೈನ ಅಪ್ಪಣೆ ದಿದ್ಯಾ. 
\v 23 ತ್ಯುನೊನೆ ಘನ್ನಾ ಮಾರೊ ಕ್ಹಲೈನ ಜೆಲಮಾ ಘಾಲಿನ, ತ್ಯುನೊನೆ ಘನಿ ಹುಶಾರಕ್ಹು ಕೈದು ಕೈನ ಜೆಲನಾ ಮಾಲಿಕನೆ ಆಜ್ಞೆ ದಿದ್ಯಾ. 
\v 24 ತೆ ಅಪ್ಪಣೆ ಹೊಂದಿನ ತ್ಯುನೊನೆ ಜೆಲನಾ ಮ್ಹೈನಿ ಖೊಲಿಮಾ ಘಾಲಿನ ತ್ಯುನಾ ಹತ್ತೊ ಪಗೊನೆ ರಾಕ್ಹ ಭಾಂದಿನ ಬಿಗದ್ಯಾ. 
\v 25 ಅರದಿ ರಾತೆ ಪೌಲ ವರಿ ಸಿಲಾ ಪ್ರಾರ್ಥನಾ ಕರ್ತಾಮಾ ಕ್ಹುದಾನೆ ಸ್ತುತಿನಾ ಗಿದ್ದೊ ಕವಾಡ್ಯಾತಾ; ಜೆಲಮಾ ರ‍್ಹಹೆಲವಾಲಾ ಕ್ಹಾರಾ ಲಕ್ಷ ದಿನ ಐಕಾಡಾತ್ತಾ. 
\v 26 ಯಕ್ಕದುಮ್ಮ ಮ್ಹೊಟು ಭುಕಂಪ ಥೈಯು; ಜೆಲನಾ ಗೊಡಿಯೊ ಹಲ್ಲಿಯೊ. ತೆಳಾಮಾಜ಼ ಬಾಕಲೊ ಕ್ಹುಲಿ ಗಯಾ, ಕ್ಹಾರಾವೊನಾ ಬೆಡಿಯೊ ಚ್ಹುಟಿ ಗಯಾ. 
\v 27 ಜೆಲನೊ ಮಾಲಿಕ ನಿಂದರಕ್ಹು ಹುಶಾರ ಥೈನ ಜೆಲನಾ ಬಾಕಲೊ ಕ್ಹುಲಾನು ದೆಕಿ ಜೆಲಮಾ ರ‍್ಹಹೆಲವಾಲಾ ಕ್ಹಾರಾ ನ್ಹಾಟಿ ಗಯಾಸ ಕೈನ ಕೈಲಿನ ತಲವಾರಕ್ಹು ಆತ್ಮಹತ್ಯೆ ಕರಲಿವಾಡೊತ್ತೊ. 
\v 28 ತಿನಾಹುತಿ ಪೌಲಾ ಮ್ಹೊಟಿ ಆವಾಜಕ್ಹು ಅಡ್ಡಿನ ತಿನೆ ತು ಸುಜ಼ ಕರಲ್ಯು ನಕೊ,ಹಮೆ ಕ್ಹಾರಾ ಯ್ಹಾಜ ಛೆ ಕೈನ ಕದ್ಯಾ. 
\v 29 ತೆಳಾಮಾ ತೆ; ದಿವೊ ಲೌವು ಕೈನ ಅಡ್ಡಿನ ಮ್ಹೈ ಉಡಿನ ಬುಚುಕ್ಹು ಕಾಪತ್ತೊ ಪೌಲ ವರಿ ಸಿಲನಾ ಕ್ಹಾಮೊ ಅಡ್ಡ ಪಾಡ್ಯೊ. 
\v 30 ವರಿ ತ್ಯುನೊನೆ ಭಾರೊ ಬಲೈನ ಸ್ವಾಮಿಯೊ, ಹಮೆ ರಕ್ಷಣೆನಾ ಹುತಿ ಸು ಕರು ಕೈನ? ಪುಚ್ಚಾ಼ನೆ, 
\v 31 ತ್ಯುನೆ ಕರ್ತಾ ಥಯಲ ಯೆಸುನಾ ಉಪ್ಪರ ಬರೊಕ್ಹೊ ಮ್ಹೆಲ,ತೆಳಾಮಾ ತು ರಕ್ಷಣೆ ಹೊಂದಶಿ, ತಾರಾ ಘರನಾ ಕ್ಹರಾ ರಕ್ಷಣೆ ಥಾವಸ ಕೈನ, 
\v 32 ತಿನೆಬಿ, ತ್ಯುನಾ ಘರಮಾ ರ‍್ಹಹೆಲವಾಲಾ ಕ್ಹಾರಾವೊನೆ ಕ್ಹುದಾನಿ ವಾಕ್ಯಾ ತಿಳಸೈನ ದಿದ್ಯಾ. 
\v 33 ತೆಳಾಮಾ ತೆ ರಾತ್ತನಾ ತೆಜ಼ ಟೈಮ್ಮಾ ತ್ಯುನೊನೆ ಬಲೈಲಿನ ಗೈನ ತ್ಯುನಾ ದುಕೊ ಕ್ಹಾರಾ ನುಚಿನ ತೆಳಾಮಾ ತೆ ತ್ಯುನಾ ಕ್ಹಾರಾವೊನಾ ಕ್ಹಾತೆ ಮಳಿನ ಬಾಪ್ತಿಸ್ಮ ಲಿದ್ಯೊ. 
\v 34 ತೆಳಾಮಾ ತ್ಯುನೊನೆ ತಿನಾ ಘರೆ ಬಲೈಲಿನ ಗೈನ ಅನ್ನ ಕ್ಹಲಾಯೊ ತೆ ವರಿ ತಿನಾ ಘರವಾಲಾವೊನಾ ಕ್ಹಾತೆ ಕ್ಹುದಾನೆ ನಂಬಿನ ಕ್ಹುಶಿ ಥಯಾ. 
\v 35 ಪಾಟ ಥಯಲ ಪರ ಅಧಿಕಾರಿಯೊ; ತೆ ಮನಕ್ಹೊನೆ ಚ್ಹೊಡಿಪಾಡ ಕೈನ ಸಿಪಾಯೊನೆ ಕೈನ ವಳಾವೊ. 
\v 36 ಜೆಲನೊ ಮಾಲಿಕ ತೆ ವಾತೊ ಕ್ಹಾರಾ ಪೌಲಾನೆ ಕವೊ;ಅಧಿಕಾರಿಯೊ ತಮನೊನೆ ಚ್ಹೊಡಿಪಾಡು ಕೈನ ವಳಾಯಾಸ,ತಿನಾಹುತಿ ಹಮ್ನಾ ತಮೆ ಸಮಾಧಾನಕ್ಹು ಜಾವೊ ಕೈನ ಕದ್ಯೊ. 
\v 37 ತಿನಾಹುತಿ ಪೌಲಾ ತ್ಯುನೊನೆ "ಹಮನೊನೆ ಶಿಕ್ಷಾ ದಿವಾ ವರಕ್ಹು ಕೈಯುಜ ಅಪರಾದ ಹಮೆ ನತ್ತಿ ಕರ‍್ಯಾ. ತೆನೈಸೊ ಹಮೆ ರೊಮವಾಲಾ ವ್ಹೈ. ತೆನೈಸೊ ಹಮನೊನೆ ಮ್ಹೈನಾ ಮ್ಹೈ ಛಡಿಕ್ಹು ಮಾರ‍್ಯಾ ಲಗಡ್ಯಾ. ಜೆಲಮಾ ಘಾಲ್ಯಾ; ಹಮ್ನಾ ಗುಪ್ತಕ್ಹು ಹಮನೊನೆ ವಳೈಪಡುಸ ಕದ್ಯಾ? ನತ್ತಿ,ತೆ ಸಾಧ್ಯನತ್ತಿ. ನ್ಯಾಯಾಧಿಪತಿ ತ್ಯುನಾಕ್ಹು ತ್ಯುನೊ ಔ ಕೈನಹಮನೊನೆ ಬಿಡುಗಡೆ ಕರಾದೆ" ಕದ್ಯೊ. 
\v 38 ಜವಾನೊ ತೆ ವಾತೊ ಕ್ಹಾರಾ ನ್ಯಾಯಾಧಿಪತಿನೆ ವರದಿ ಕರ‍್ಯಾ. ತ್ಯುನೊ ಪೌಲಾ ವರಿ ಸಿಲಾ ರೊಮನಾ ಪೌಲಾ ವ್ಹೈ ಕೈನ ಭುಚ಼ಕ್ಯಾ. 
\v 39 ತಿನಾಹುತಿ ತ್ಯುನೆ ಐನ ಮಾಫಿ ಮಾಂಗಿನ,ಜೆಲಮಾತ್ತಾ ಬಿಡುಗಡೆ ಕರಿನ ಗಾಮ್ಮ ಛೊಡಿನ ಜೌಕೈನ ಮಾಂಗಿಲಿದ್ಯಾ. 
\v 40 ಪೌಲಾ ವರಿ ಸಿಲ ಜೆಲಮಾತ್ತಾ ಗೈನ ಲಿಡಿಯಳನಾ ಘರೆ ಗಯಾ. ಭಕ್ತ ವಿಸ್ವಾಸಿಯೊನೆ ಸಂಧಿಸಿನ ತ್ಯುನೊನೆ ಪ್ರೊತ್ಸಾಹನಾ ವಾತೊ ಕೈನ ತ್ಯಾಂತ್ಯಾ ಗಯಾ.
\c 17
\p
\v 1 ಪೌಲ ವರಿ ಸಿಲ ಅಗಾ ಪ್ರಯಾಣ ಕರಿ ಅಂಪಿಪೊಲಿ ವರಿ ಅಪೊಲೊನ್ಯ ಕವಾನಾ ಗಾಮೊ ದಾಟಿನ ಥೆಸಲೊನಿಕನೆ ಆಯಾ. ತ್ಯಾ ಯಹುದ್ಯೊನಿ ಸಬಾಮಂದಿರ ವ್ಹತ್ತಿ. 
\v 2 ಪೌಲ ತಿನಿ ಪದ್ದತನಿಂತ ತ್ಯಾ ರಹೆಲ ಮನಕ್ಹೊಕನ ಗೈನ ತನ ಐತವಾರೊ ಕ್ಹುದಾನಾ ವಾತೊ ತ್ಯುನಾ ಕ್ಹಾತೆ ವಾದಸಿನ 
\v 3 ತೆ ವಾಕ್ಯನು ಅರ್ಥ ತಿಳಸಾಯಾ. ಕ್ರಿಸ್ತ ತರಾಸ ಕ್ಹಯಿನ ಮರಿನ ಉಟಿನ ಆವಾನು ಜ಼ರುರತ ಛೆ ಕೈನ ಮಿ ತಮನೊನೆ ಪ್ರಸಿದ್ದಿಪಡಿಸಾನಾ ಹುತಿ ಯೆಸು ತೆ ಕ್ರಿಸ್ತ ವ್ಹೈ ಕೈನ ಸ್ಥಿರಪಡಿಸ್ಯಾ. 
\v 4 ತಿಮಾ ದಕ್ಹಾಜ಼಼ನಾ ಕ್ಹುದಾನಾ ಭಕ್ತೊ ಥೈಯೆಲ ಗ್ರಿಕನು ಮ್ಹೊಟು ಗುಂಪ ವರಿ ಪ್ರಮುಖ ಬಾಕಡಿಯೊಮಾ ದಕ್ಹಜ಼ನಾ ವಾದಸಿನ ಪೌಲ ವರಿ ಸಿಲಾನೆ ಮಳೆಲಿದ್ಯಾ. 
\v 5 ನಂಬೆಲವಾಲ ಯಹುದ್ಯೊ ಸಂಗಟ ಪಡಿನ ಬಾಜಾ಼ರಮಾ ಫರಾವಾಲಾ ದಕ್ಹಾಜ಼಼ನಾ ಪಾಲತು ಮನಕ್ಹೊನೆ ಬಲೈನ ಗುಂಪ ಕರಿನ ಗಾಮ್ಮಾ ಗದ್ದಲ ಕರಿನ ಪೌಲ ವರಿ ಸಿಲನೆ ಗಾಮಾನಾ ಸಬೆನಾ ಕ್ಹಾಮಾ ಲೌ ಕೈನೈ ತ್ಯುನೊನೆ ಹುಡಕತ್ತಾ ಯಾಸೊನಾ ಘರಕನ ಐನ ಮುಟ್ಯಾ. 
\v 6 ತ್ಯುನೆ ಮಳೆವಾಚಿ ಗಯೆಲುಕ್ಹು ತೆ ಮನಕ್ಹೊ ಭಾಯೊನೆ ಯಾಸೊನೆ ವರಿ ದಕ್ಹಾ ಮನಕ್ಹೊನೆ ಗಾಮಾನಾ ಅದಿಕಾರಿಯೊ ಕನ ಯಳ್ದಿನ ಲೈನ ದುನಿಯಾನೆ ಅಲೊಲ್ಲಕಲ್ಲೊಲ ಕರಲ ಮನಕ್ಹೊ ನ್ಹ್ಯಾಬಿ ಆಯಾತಾ. 
\v 7 ಯಾಸೊನ ತುನೊತೆ ಮಳೆಲಿದ್ಯೊತೊ, ತ್ಯುನೆ ಕ್ಹಾರಾಜ಼ನಾ ಯೆಸು ನಾಮನೊ ಬಿಜೆಕ್ಲೊ ರಾಜೊ಼ ಛೆಕೈನ ಚಕ್ರವರ್ತಿನಾ ಆಗನ್ಯೆ ವಿರುದ್ದ ಥೈನ ಚಾಲಾಡಾಸ ಕೈನ ವದರ್ಯಾ. 
\v 8 ಗಾಮ್ಮವಾಲಾ ವರಿ ಗಾಮ್ಮನಾ ಅದಿಕಾರಿಯೊ ಆ ವಾತೊ ಐಕಿನ ಘಾಬ್ರಾ ಥೈಯಾ. 
\v 9 ವಿಸ್ವಾಶಿಯೊನೆ ವರಿ ಬಿಜಾ಼ ಮನಕ್ಹೊನೆ ಜಾಮಿನ ಪರ ಛೊಡ್ಯಾ. 
\v 10 ತೆಳಾಮಾ ತೆ ಭಾಯೊ ರಾತಮಾ ಪೌಲಾ ವರಿ ಸಿಲಾನೆ ಬೆರೆಯೊನನೆ ಮೊಕ್ಲಾಯಾ. ತ್ಯುನೆ ತ್ಯಾ ಗೈನ ಯಹುದ್ಯೊನಾ ಸಬಾಮಂದಿರಮಾ ಗಯಾ. 
\v 11 ತೆ ಸಬೆವಾಲಾ ಕ್ಹುದಾನಿ ವಾಕ್ಯನೆ ಸ್ವಚ್ಚ ಮನಸೆ ಒಪಿಲಿನ ತ್ಯುನೆ ಕದಲ ವಾತೊ ವ್ಹೈಸು ನ್ಹವೈ ಕೈನ ವಪಿಲಿವಾನಹುತಿ ದಿನ್ನೆಬಿ ಪವಿತ್ರ ಗ್ರಂಥ ಪರಿಕ್ಷಾ ಕರಾನಾ ಹುತಿ ತುನೆ ಥೆಸೆಲೊನಿಕ ಸಬೆವಾಲೊತಿ ಚೊ಼ಕಾ ವ್ಹತಾ. 
\v 12 ತಿಮ್ಮ ರ‍್ಹತಾಮಾ ತ್ಯುನಾಮಾ ಘನ್ನಾ ಜ಼ನಾ ನಂಬ್ಯಾತಾ, ತೆನೈಸೊ ಕಾಮ ಕರಾಲಾ ಗ್ರಿಕನಾ ಬಾಕ್ಡಿಯೊಮಾ ದಾಣ್ಗಾಮಾ ಘನ್ನಾ ಜ಼ನಾ ನಂಬ್ಯಾ. 
\v 13 ವರಿ ಪೌಲಾ ಬೆರೆಯೊಮಾಬಿ ಕ್ಹುದಾನಿ ವಾಕ್ಯ ಪ್ರಸಿದ್ದಿಪಡಿಸಾನಾಹುತಿ ವರ್ತಮಾನಬಿ ಥೆಸೆಲೊನಿಕನಾ ಯಹುದಿಯೊನೆ ಗ್ವತ್ತ ಥಾತಾಮಾ ತ್ಯುನೆ ತ್ಯಾ ಐನ ಮನಕ್ಹೊನಾ ಗುಂಪನೆ ಪ್ರಚೊದ ಕರಿನ ತಡಾಯಾತಾ. 
\v 14 ತೆಳಾಮಾ ಭಾಯೊ ಪೌಲಾನೆ ಸಮುಂದರ ಕನ ಜಾ಼ವಾನೆ ತಿನೆ ವೈಳೈನ ದಿದ್ಯಾ. ತೆಳಾಮಾ ಸಿಲಾ ವರಿ ತಿಮೊಥಿ ತ್ಯಾಜ಼ ಹುಬ್ರಯಾ. 
\v 15 ಪೌಲಾನೆ ವಳೈಲವಾಲಾ ತಿನೆ ಅಥೆನೆತಕ ಬಲೈಲಿನ ಗಯಾ ಸಿಲಾ ವರಿ ತಿಮೊಥಿನೆ ಭೆಟಿ ಥಯಲ ಪರ ಭರನೆಜ ತಿಕನ ಆವಾನೆ ಅಪ್ಪಣೆ ಲಿನ ಪೌಲಾ ಕಂತೊ ಗಯೊ. 
\v 16 ಪೌಲ ತ್ಯುನಾ ಹುತಿ ವಾಟ ದೆಕತಾ ಟೆಮಾ ತೆ ಗಾಮ್ಮಾ ತ್ಯಾ ತ್ಯಾ ಮೊರ್ತಿಯೊ ದೆಕಿನ ತಿನು ಮನಸ ಬಳಾಡ್ಯುತು. 
\v 17 ತಿನಾಹುತಿ ತೆ ಸಬಾಮಂದಿರಮಾ ಯಹುದ್ಯೊ ವರಿ ಭಕ್ತನಾ ಕ್ಹಾತೆ ವರಿ ತ್ಯಾ ಮಳೆಲ ಮನಕ್ಹೊನಾ ಕ್ಹಾತೆ ವರಿ ದಿನ್ಯೆಬಿ ಬಾಜಾರಮಾ ವರಿ ತ್ಯಾ ದಿಕ್ಹೆಲ ಮನಕ್ಹೊನೆ ವಾದಾ ಕರಾಡೊತೊ. 
\v 18 ತೆನೈತೊ ಎಪಿಕೊರಿಯೊನೆ ಸ್ತೊಯಿಕರೊನೆ ಕವಾಲಾ ತತ್ವ ವಿಚಾರವಾಲಾ ದಕ್ಹಾಜ಼಼ನಾ ತಿನಾ ಕ್ಹಾತೆ ವಾದಾ ಕರಾಡಾತಾ. ತ್ಯಾ ರಹೆಲ ದಕ್ಹಜ಼ನಾ ತೆ ಸು ವಾತ ಕವಾನೆ ಕೊಶಿಶ ಕರಾಡ್ಯೊಸ ಕೈನ ಕದ್ಯಾ. ತೆ ಯೆಸುನಾ ಹುತಿ ವರಿ ಮರಿನ ಜುತೊ ಥಯಲ ಹುತಿ ಕವಡೊಸ ಕೈನ ವರಿ ತೆ ಭಾರ ಗಾಮಾನಾ ದೆವಸ್ಥಾನವೊನಾ ಬಗೆ ಪ್ರಚಾರ ಕರಾವಾಲೊ ದಿಕ್ಹಾಡೊಸ ಕೈನ ಬಿಜಾ಼ ದಕ್ಹಾಜ಼಼ನಾ ಕವಾಡ್ಯಾತಾ. 
\v 19 ತೆ ಮನಕ್ಹೊ ತಿನೆ ಧರ್ಲಿನ ಅರಿಯೊಪಾಯ ಗಾಮ್ನೆ ಗಯಾ ವರಿ ತಿನೆ ಕದ್ಯಾ ತು ಕವಾನು ಆ ನೈ ಉಪದೆಶ ಹಮೆಬಿ ತಿಳದಿ ಲಿಯೆಸು. 
\v 20 ವಿಚಿತ್ರ ಥಯಲ ಸಂಗತಿಯೊನೆ ಹಮನೊನೆ ತಿಳಸಾಯಲಕ್ಹು ತಿನಾ ಬಗೆ ಹಮನೊನೆ ತಿಳದಿ ಲಿವಾನೆ ಹಮನೊನೆ ಅಪೆಕ್ಷ ಛೆ ಕದ್ಯಾ. 
\v 21 ಅಥೆನೆಯೊನೊ ರಹೆಲ ಗಾಮ್ಮಾ ಬಿಜಾ಼ ಗಾಮಾವಾಲಾ ನವಾ ನವಾ ಸಂಗತಿಯೊ ಕವಾನು ವರಿ ಐಕಾನು ಛೊಡಿನ ವರಿ ಬಿಜಾ಼ ಕಾಮನೆ ಟೈಮ ನೈ ದೆತಾತಾ. 
\v 22 ಪೌಲ ಅರಿಯೊಪಾಯಮಾ ವಚ಼ಮಾ ಹುಬರೈನ ಕದ್ಯೊ ಅಥೆನೆಯೊನಾ ಮನಕ್ಹೊ ತಮೆ ಕ್ಹಾರಾಮಾಜ ಘನ್ನಾ ಕ್ಹುದಾನೆ ನಂಬಾವಾಲಾ ವ್ಹೈ ಕೈನ ಮನೆ ದಿಕ್ಹಾಡುಸ. 
\v 23 ಮಿ ತಮಾರಾ ಗಾಮ್ಮಾ ಮಿ ಫರತಾಮಾ ಮನೆ ತಮೆ ಪೊಜಾ ಕರಾನಾ ದೆವಸ್ಥಾನೊ ಮೊರ್ತಿಯೊ ದೆಕ್ತಾಮಾ ತಿಮಾ ಮನೆ ಎಕ ಬಲಿಪಿಟ ಡೊಳಾನೆ ಪಡ್ಯು ತಿನಾ ಉಪ್ಪರ ‘ಅಜ್ಞಾತ ರ‍್ಹಯಲ ದೆವಸ್ಥಾನ ಕೈನ ಲಿಕ್ಯಾತಾ. ತಿನಾ ಹುತಿ ತಮೆ ಸುಜ಼ ತಿಳದ್ಯಾವಾಚಿ ಪುಜಾಕರಾನು ತಮನೊನೆ ತಿಳಸಿನ ಕವಾನೆ ಆಯೊಸ ಕದ್ಯೊ. 
\v 24 ಜಗತ್ಮಾ ವರಿ ತಿಮಾ ಕ್ಹಾರು‍ ಸೃಷ್ಟಿ ಕರಲ ಜಿಮಿನ ಆಕಾಶನೊ ಒಡೆಯೊ ಥೈಯೆಲ ತೆ ಹತೆ ಬಾಂದೆಲ ಗುಡಿಯೊಮಾ ವಾಸ ನೈ ಕರತೊ. ತೆಜ಼ ಕ್ಹಾರಾವೊನೆ ಉಸುಲ ಜಿವಸಾವೊನೆ ಕ್ಹಾರು ದಿವಾಲೊ ಮನಕ್ಹೊನ ಹತೆ ಮದತ ಕರಲೆವಾಲೊ ನ್ಹವೈ. 
\v 25 ತೆಜ಼ ಕ್ಹಾರಾವೊನೆ ಉಸುಲ ಜಿವಸಾವೊನೆ ಕ್ಹಾರು ದಿವಾಲೊ ಛೆ ಕೈಜ಼ ಜರುತ ನೈಸೊ ಮನಕ್ಹೊನ ಹತೆ ಮದತ ಕರಲೆವಾಲೊ ನ್ಹವೈ. 
\v 26 ಕ್ಹುದಾ ಎಕ ಮನಕ್ಹು ಕ್ಹಾರಾ ಜನಾಂಗನೆ‍‍‍ ಸೃಷ್ಟಿ ಕರಿನ ತ್ಯುನಾ-ತ್ಯುನಾ ರಹೆಲತೆ ವ್ಹಕತನೊ ತ್ಯುನಾ-ತ್ಯುನಾ ರಹೆಲ ಜ಼ಗಾನೆ ತಯಾರ ಕರಿನ ತ್ಯಾ ಮ್ಹೆಲ್ಯೊ. 
\v 27 ಎಕ ಟೈಮ್ಮಾ ತ್ಯುನೆ ತಡಾ ಕರ್ಯಮ ತಿನೆ ದೆಕಾನ ಹುತಿ ತ್ಯುನೊನೆ ಧುಂಡಾ ಲಗಾಡ್ಯೊ. ತೆ ಹಮನೊನೆ ತಿನಾಕ್ಹು ದುರ ಕರ್ಯೊನೈ. 
\v 28 ಕಾಕದ್ಯಾಮ ತಿಮಾ ಅಪೆ ಜಿವಿಸೆಸ ಚಾಲಿಯೆಸ ವರಿ ರಹೆಸ ತಮಾರಾ ಕವಿಯೊ ದಕ್ಹಾ ಜ಼ನಾ ಹಮೆ ತಿನಾ ಸಂತಾನಾ ವ್ಹೈ ಕೈನ ಕದ್ಯಾ. 
\v 29 ಹಮೆ ಕ್ಹುದಾ ಸಂತಾನಾ ಥಯಲ ಪರ ಕ್ಹುದಾ ಮನಕ್ಹುನು ಗ್ಯಾನಕ್ಹು ವರಿ ವಿಚಾರಕ್ಹು ಕೆತೆಲ ರುಪು ಕ್ಹೊನು ವರಿ ದಹಡಾವೊನೆ ಸಮಾನ ವ್ಹೈ ಕೈನ ಅಪೆ ಭಾವಿಸಾನೆ ಜವುನೈ. 
\v 30 ತೆ ಗ್ಯಾನ ನೈಸೊ ದಿನೊನೆ ಕ್ಹುದಾ ಲೆಕಾಮಾ ಲಿದ್ಯೊನೈ. ಕ್ಹುದಾ ಹಮ್ನಾ ಬಿ ಚಾರ ದಿಕೊಮಾ ಮನಕ್ಹೊನೆ ಪಚಾತಾಪ ಪಡಿನ ಮಕನ ಪ್ಹರೊ ಕೈನ ಕ್ಹುದಾ ಅಪ್ಪಣೆ ಕರ್ಯೊ. 
\v 31 ಕಾಕದ್ಯಾಮ ತೆ‍ಸೃಷ್ಟಿ ಕರಲ ದಾಣಗಾನೊ ಹತಕ್ಹೊ ನಿತಿಕ್ಹು ಭುಲೊಕಮಾ ಫೈಸಲೊ ಕರನಾ ಹುತಿ ಎಕ ದಿನ್ನ ಗೊತ ಕರ್ಯೊ. ತಿನೆ ಮರೆಲ ಮಾತೊ ಜುತೊ ಕರಲ ವ್ಹೈ ಕೈನ ನಂಬಾ ಹುತಿ ಕ್ಹಾರಾವೊನೆ ಆ ಕಾನಿ ದಿದೊಸ ಕೈನ ಕದ್ಯೊ. 
\v 32 ಮರೆಲ ಮಾತೊ ಜುತೊ ಥೈಲ ತ್ಯುನಾಹುತಿ ಐಕಿ ದಕ್ಹಾಜ಼಼ನಾ ಪೌಲಾನೆ ಹಿನಾಯಾ ತಿಮಾನಾ ದಕ್ಹಾಜ಼಼ನಾ ಕದ್ಯಾ ತು ಕದಲ ವಾತೊ ಹಮೆ ಹಜಿ ಎಕ ಸಲಾ ಐಕಿಯೆಸ ಕೈನ. 
\v 33 ಇಮ್ಮ ರ್‍ಹತಾಮಾ ಪೌಲಾ ತ್ಯುನಾ ವಚಮಾತೊ ಗೈ ಪಾಡ್ಯೊ. 
\v 34 ಬಿಜಾ಼ ದಕ್ಹಾಜ಼಼ನಾ ತಿನೆ ಮಳೆಲಿನ ನಂಬಾ ನಂಬೆಲವಾಲಾ ದಕ್ಹಾಜ಼಼ನಾ ಅರಿಯೊಪಾಯನಿ ಸಬೆಮಾ, ದಿಯೊನುಸ, ದಾಮರಿಯೆ ಕವಾಲಿ ವರಿ ದಕ್ಹಾಜ಼಼ನಾ ತ್ಯಾ ವ್ಹತ್ತಾ.
\c 18
\p
\v 1 ಎ ಥಯಲ್ಪರ ಪೌಲಾ ಅಥೆನೆ ಛೊಡಿನ ಕೊರಿಂಥನೆ ಗಯೊ. 
\v 2 ಪೊಂತಮಾ ಕವನಾ ಗಾಮಮಾ ಹುಟ್ಟಲ ಅಕ್ವಿಳ ಕವಾನಾ ಯಕ್ಕ ಯೆಹುದಿನೆ ಪೌಲಾ ದೆಕ್ಯೊ. ಯೆಹುದಿಯೊ ಕ್ಹಾರಾ ರೊಮಾಪುರ ಛೊಡಿನ ಜೌ ಕೈನ ಕ್ಲೌದಿಯನೊ ಚಕ್ರವರ್ತಿ ಆಗನ್ಯಾ ದಿದಲ ಶಾನಾಹುತಿ ಕದ್ಯಾಮ ಅಕ್ವಿಳನೆ ತಿನಿ ಬೈಕೊ ಪ್ರಿಸ್ಕಿಳ ದಕ್ಹಾ ದಿನ್ನ ಪೈಲಾಜ಼ ಇತ್ಯಾಳ ದೆಶತಾ ಆಯಾತಾ. 
\v 3 ಕಾ ಕದ್ಯಾಮ ಪೌಲಾ ತ್ಯುನಾ ಘರೆ ಗೈನ ತ್ಯುನೆಬಿ ವರಿ ತೆಬಿ ಯಕ್ಕಜ಼ ವ್ಹೈ ಕೈನ ತ್ಯುನಾ ಕ್ಹಾತೆ ರ‍್ಹೈನ ಕಾಮ ಕರಾಡೊತೊ; ಗುಡಾರ ಕರಾನು ತ್ಯಯುನು ಕಾಮ ವ್ಹತ್ತು. 
\v 4 ತ್ಯುನೆ ಹರಿ ಯಕ್ಕ ಸಬ್ಬತ ದಿನೆ ಸಬಾಮಂದಿಮಾ ಚರ್ಚೆ ಕರಿನ ಗ್ರಿಕವಾಲಾವೊನೆ ಯೆಹುದಿಯೊನೆ ಕೈನ ದೆತೊತೊ. 
\v 5 ಸಿಲಾ ವರಿ ತಿಮೊಥಿ ಮೆಕೆದೊನಿಯೆ ಆತಾಮಾ ಪೌಲಾ ಕ್ಹುದಾನಿ ವಾಕ್ಯಾ ಕವಾಮಾ ಡುಬಿನ ಯೆಸುಜ಼ ಕ್ರಿಸ್ತ ವ್ಹೈ ಕೈನ ಯೆಹುದಿಯೊನೆ ಖಾಸ ಸಾಕ್ಷಿ ದಿದ್ಯೊ. 
\v 6 ತ್ಯುನೆ ಎದುರಿಸಿನ ದೊಶ ದಿನ ತೆ ತಿನಾ ವಣ್ಣಾ ಝಾಡ್ಸಿನ ತ್ಯುನೊನೆ ತುಮೆ ಹಾಳ ಥಾವಾನೆ ತುಮೆಜ಼ ಕಾರಣ ವ್ಹೈ. ಮಿ ಶುದ್ಧ ವ್ಹೈ. ಮಿ ಆಜ಼ತೊಜ಼ ಬಿಜಾ಼ ಮನಕ್ಹೊಕನ ಜೌ಼ಸ. ಕೈನ, 
\v 7 ತೆ ಜ಼ಗಾ ಛೊಡಿನ ಕ್ಹುದಾಕ್ಹು ಭುಚ್ಕಾ಼ಲೊ ತಿತ ಯುಸ್ತ ಕವಾಲಾನಾ ಘರೆ ಗಯೊ. ತಿನು ಘರ ಸಭಾಮಂದಿರನಾ ಬಾಜು಼ಮಾ ವ್ಹತ್ತು. 
\v 8 ಸಭಾಮಂದಿರನೊ ಅದಿಕಾರಿ ರ‍್ಹಯಲ ಕ್ರಿಸ್ಪನ ತಿನಾ ಘರಲ್ಯಾ ಕ್ಹಾರಾ ಮನಕ್ಹೊ ಕರ್ತಾಪರ ಬರೊಕ್ಹೊ ಮ್ಹೆಲ್ಯೊ. ವರಿ ಕೊರಿಂಥೆಮಾ ಘನ್ನಾ ಮನಕ್ಹೊ ಪೌಲಾ ಕದಲ ಐಕಿನ ಬರೊಕ್ಹೊ ಮ್ಹೆಲಿನ ಬಾಪ್ತಿಸ್ಮ ಕರೈಲಿದ್ಯಾ. 
\v 9 ತೆನೈಸೊ ಕರ್ತಾ ಪೌಲಾನೆ ಯಕ್ಕ ದಿನ್ನ ರಾತೆ ದರ್ಶನ ದಿನ ತು ಭುಚ್ಕು಼ ನಕೊ; ಗಪ್ಪ ರ‍್ಹಯಾವಾಚಿ ಸುವಾರ್ತೆ ಮನಕ್ಹೊಕನ ಕತೊಜ಼ ರ‍್ಹೆ, 
\v 10 ಕಾಕದ್ಯಾಮ ಮಿಜ಼ ತಾರಾ ಕ್ಹಾತೆ ಛೆ; ಕುನ್ನಜ಼ ತಾರಾ ಕ್ಹಾತೆ ಕೆಟ್ಟ ಕರ್ತು ನೈ; ಎ ಗಾಮ್ಮಾ ಮನೆ ಘನ್ನಾ ಮನಕ್ಹೊ ಛೆ ಕೈನ ಕದ್ಯೊ. 
\v 11 ತೆ ತ್ಯಾ ಯಕ್ಕ ವರಕ್ಹ ಛೆ ಮ್ಹೈನಾ ತ್ಯಾಜ಼ ರ‍್ಹೈನ ತೆ ಮನಕ್ಹೊನೆ ಕ್ಹುದಾನಿ ವಾಕ್ಯಾ ಶಿಕ್ಲಾತೊ ವ್ಹತ್ತೊ. 
\v 12 ಗಲ್ಲಿಯೊನಾ ಅಖಾಯಾ ಪ್ರಾಂತ್ಯನೆ ಅದಿಪತಿ ರ‍್ಹತಾಮಾ ಯೆಹುದಿಯೊ ಮಳಿನ ಪೌಲಾಪರ ಪಡಿನ ತಿನೆ ಫೈಸ್ಲೊ ಕರಾನಿ ಜ಼ಗಾ ಲಾಯಾ. 
\v 13 ಎ ಕ್ಹುದಾನೆ ಧರಮಶಾಸ್ತ್ರನಾ ವಿರುದ್ದ ಮನಕ್ಹೊನೆ ಪ್ರೊತ್ಸಾಹಾ ಕರಾಡ್ಯೊಸ. ಕೈನ ಕದ್ಯಾ. 
\v 14 ಪೌಲಾ ಪ್ರತಿವಾದ ಕರು ಕತಾಮಾ ಗಲ್ಲಿಯೊನ ಯೆಹುದಿಯೊನೆ ಎ ಯಹುದಿಯೊ, ಅನ್ಯಾಯ, ದುಶ್ಕರ್ಮೊ ಹೆವು ಸುಬಿ ರ‍್ಹಯುಮ ಮಿ ತುಮಾರಿಯೊ ವಾತೊ ಸಮಾಧಾನಕ್ಹು ಐಕಾನು ನ್ಯಾಯ ವ್ಹೈ ಸು? 
\v 15 ತೆನೈಸೊ ತುಮೆ ಕರಾನಾ ವಿವಾದ ಭೊದನೆನಾ ನಾಮೊ, ತುಮಾರಾ ಧರಮಶಾಸ್ತ್ರನಾ ಹುತಿ ತಿನಾಹುತಿ ತುಮೆಜ಼ ದೆಕಿಲಿವು. ಹಯ್ಯೊ ವಿಚಾರಣೆ ಕರಾನಾ ಹುತಿ ಮನೆತೊ ಮನಸ ನತ್ತಿ ಕೈನ. 
\v 16 ತ್ಯುನೆ ನ್ಯಾಯ ಕರಾನಿ ಜ಼ಗಾಕಂತಾ ಮೊಕ್ಲಿಪಾಡ್ಯೊ. 
\v 17 ತೆಳಾಮಾ ಕ್ಹಾರಾ ಮನಕ್ಹೊ ಸಭಾ ಮಂದಿರನೊ ಅದಿಕಾರಿ ಥಯಲ ಸೊಸ್ಥೆನೆ ಧರಿನ ನ್ಯಾಯಲಯನಾ ಕ್ಹಾಮಾಜ಼ ಮಾರ‍್ಯಾ. ಗಲ್ಲಿಯೊನನ ತ್ಯುನೊಮಾ ನಕ್ಕರ ಬಿ ಧ್ಯಾನ ದಿದ್ಯೊ ನೈ.
\s ಅಂತ್ಯಯೊಕ್ಯಮಾ
\p
\v 18 ಪೌಲಾ ಹಜು಼ನ ದಕ್ಹಾ ದಿನೊ ಲಕ್ಕಾ ತ್ಯಾ ರ‍್ಹೈನ ತೆ ಥಯಲ್ಪರ ಭಾಯೊಕ್ಹು ಅಪ್ಪಣೆ ಲಿನ ತಿನೆ ದಿಕ್ಷೆ ರ‍್ಹಯಲ ಹುತಿ ಕೆಂಖ್ರೆಯ ಗಾಮಮಾ ಬಾಲೊ ಕಟ್ಟ ಕರೈಲಿವಾನೆ ಹಡ್ಗೊ ಚ಼ಡಿನ ಸಿರಿಯಾ ಗಾಮೆ ಚಾ಼ಲ್ಯೊ. ಕಾಕದ್ಯಾಮ ತೆ ಕ್ಹಮ ಘಾಲ್ಯೊತೊ. ಪ್ರಿಸ್ಕಿಳ ವರಿ ಅಕ್ವಿಳನಾ ತಿನಾ ಕ್ಹಾತೆ ಗಯೊ. 
\v 19 ಎಫೆಸೆಯೆ ಆತಾಮಾ ತ್ಯುನೊನೆ ತ್ಯಾಜ಼ ಛೊಡಿನ ತೆ ಸಭಾಮಂದಿರ್ಮಾ ಮ್ಹೈ ಗೈನ ಯಹುದಿಯೊನಾ ಕ್ಹಾತೆ ವಾದ ವಿವಾದ ಕರ‍್ಯೊ. 
\v 20 ತ್ಯುನೆ ತಿನೆ ಹಜು಼ನ ದಕ್ಹಾ ದಿನ್ನ ತ್ಯುನಾ ಕ್ಹಾತೆ ರ‍್ಹೆ ಕೈನ ಕೈಲೆತಾಮಾ ತೆ ವಪ್ಯಾವಾಚಿ಼, 
\v 21 ತಿನಾಹುತಿ ತ್ಯುನೊನೆ ಕದ್ಯೊ ಕ್ಹುದಾನಿ ಚಿತ್ತ ರ‍್ಹೈ ಕದ್ಯಾಮ ಮಿ ತುಮೊಕನ ವರಿ ಹಜಿಯಕ್ಕ ಸಲಾ ಔಸ ಕೈನ. ತೆ ಥಯಲ್ಪರ ಎಫೆಸತೊ ಸಮುಂದರಪರ್ತೊ ಪ್ರಯಾಣ ಕರಿನ ಚಾ಼ಲ್ಯೊತೊ. 
\v 22 ತೆ ಕೈಸರೈನೆ ಐನ ಮುಟ್ಟಲ ಪರ ಯೆರೊಸೆಲಿಮೆ ಗೈನ ಸಭೆನೆ ವಂದನೆ ಕರಿನ ತೆಳಾಮಾ ಅಂತಿಯೊಕ್ಯನೆ ಆಯೊ. 
\v 23 ಪೌಲಾ ಅಂತಿಯೊಕ್ಯಮಾ ದಕ್ಹಾ ದಿನ್ನ ರ‍್ಹೈನ ವರಿ ತ್ಯಾಂತೊ ಗೈನ ಗಲಾತ್ಯ ಸಿಮೆಮಾ ಫ್ರಗ್ಯಮಾ ಸಂಚಾರ ಕರ್ತಾ ಕ್ಹಾರಾ ವಿಶ್ವಾಸಿಯೊನೆ ಘಟ್ಟ ಕರ‍್ಯೊ. 
\v 24 ತೆಕ್ಲಾಮಾಜ಼಼ ಅಲೆಕ್ಸಾಂಡ್ರಿಯಾಮಾ ಹುಟ್ಟಲ ಅಪೊಲೊಸ ಕವಾಲೊ ಯಕ್ಲೊ ಯೆಹುದ್ದಿ ಆಯೊ. ತೆ ವಾತೊಮಾ ಹುಷಾರ ವ್ಹತ್ತೊ ಧರಮಶಾಸ್ತ್ರಮಾ ಪ್ರವಿಣ ವ್ಹತ್ತೊ. 
\v 25 ತೆ ಕರ್ತಾನಿ ವಾಟನಾ ಹುತಿ ಉಪದೆಶ ವ್ಹಂದಲವಾಲೊ ವ್ಹತ್ತೊ. ವರಿ ಆಸಕ್ತಿನೊ ಮನಸವಾಲೊ ವ್ಹತ್ತೊ. ಯೊಹಾನ ದಿವಾನು ಬಾಪ್ತಿಸ್ಮಾನು ಯಕ್ಕಜ಼ ವಳಕಲ ರ‍್ಹಯೊತಬಿ ಯೆಸು ಕರಾಲ ಸಂಗತಿಯೊನೆ ಸುಕ್ಷಮಕ್ಹು ಕೈನ ಉಪದೆಶ ಕರ‍್ತೊತೊ. 
\v 26 ತೆ ಸಭಾಮಂದಿರಮಾ ಧೈರ್ಯಕ್ಹು ಬೊಲಾನು ಶುರು ಕರ‍್ಯೊ. ತಿನಿಯೊ ವಾತೊ ಪ್ರಿಸ್ಕಿಳ ವರಿ ಅಕ್ವಿಳ ಐಕಿನ ತಿನೆ ತಿನಾ ಘರೆ ಬೈಲಿನ ಗೈನ ಕ್ಹುದಾನಿ ವಾಟನಾಹುತಿ ತಿನಿ ಸುಕ್ಷಮ ಕ್ಹು ದೆಕಾಡಿನ ದಿದ್ಯೊ. 
\v 27 ತೆ ಥಯಲ್ಪರ ಅಖಾಯಾನೆ ಜೌ಼ ಕೈನ ತಿನು ಮನಸ ಥಾತಾಮಾ ಭಾಯೊ ತಿನೆ ಪ್ರೊತ್ಸಾಹ ಕರಿನ ತ್ಯಾ ರ‍್ಹಯಲ ವಿಶ್ವಾಸಿಯೊ ಇವ್ನೊನೆ ಮಳೈ ಲ್ಯು ಕೈನ ಪತ್ರಿಕೆ ಬರ್ದಿನ ದಿದ್ಯಾ. 
\v 28 ಕಾಕದ್ಯಾಮ ತೆ ತ್ಯಾ ಗಯೆಲ ಪರ ಯೆಸುಜ಼ ಕ್ರಿಸ್ತ ವ್ಹೈ ಕೈನ ಕ್ಹುದಾನಿ ವಾಕ್ಯಾ ಕ್ಹು ಯೆಹುದಿಯೊನೆ ದೆಕಾಡಿನ ದಿನ್ನ ಕ್ಹಾರಾವೊನಾ ಕ್ಹಾಮೊ ಧರಮಶಾಸ್ತ್ರಾನಿ ತಾಕತಕ್ಹು ಇನಾಹುತಿ ದೆಕಾಡಿನ ದೆತಾ ಯೆಹುದಿಯೊನೆ ಖಂಡನೆ ಕರಿನ ಕ್ಹುದಾನಿ ಮರ್ಗಾಕ್ಹು ಬರೊಕ್ಹೊ ಕರಲವಾಲವೊನೆ ಘನ್ನೊ ಮದತ ಕರ‍್ಯೊ.
\c 19
\m
\v 1 ಅಪೊಲೊಸ ಕೊರಿಂಥಮಾ ರ್‍ಹತಾಮಾ ಪೌಲ ಬ್ಹಾರಲ್ಯಾ ಗಾಮ್ಮಾ ಫರಿನ ಎಪೆಸಮಾ ಐನ ದಕ್ಹಾಜ಼಼ನಾ ಶಿಷ್ಯಾವೊನೆ ದೆಕಿನ. 
\v 2 ತುಮೆ ನಂಬೆಲಪರ ಪವಿತ್ರ ಆತ್ಮಾನಿ ವರ ವ್ಹಂದಿಲಿದ್ಯಾಸು? ಕೈನ ತ್ಯುನೊನೆ ಪುಚ಼ತಾಮಾ ತ್ಯುನೆ ಕದ್ಯಾ ನತಿ ಕೈನ ಕದ್ಯಾ ಪವಿತ್ರ ಆತ್ಮಾ ಕವಾನು ಹಮೆ ಐಕ್ಯಾ ನತ್ತಿ ತ್ಯುನೊನೆ ಛೆ ಕೈನ ಗ್ವತ್ತ ನತಿ ಕೈನ. 
\v 3 ತೆ ತ್ಯುನೊನೆ ತಮೆ ಕೈ ತರಾನಿ ಬಾಪ್ತಿಸ್ಮ ಲಿದ್ಯಾಸ. ಕೈನ ಪುಚ಼ತಾಮಾ ತ್ಯುನೆ ಕದ್ಯಾ ಯೊಹಾನನು ಬಾಪ್ತಿಸ್ಮ ಕರಲಿದ್ಯಾಸ ಕದ್ಯಾ 
\v 4 ತಿನಾಹುತಿ ಪೌಲಾ ಯೊಹಾನ ಪಶ್ಚಾತ್ತಾಪ ಪಡಿನ ಕ್ಹುದಾ ಕನ ಫರಿನ ಬಾಪ್ತಿಸ್ಮ ಕರೈನ ಕದ್ಯೊ ತಿನ್ಯಾ ಐನ ವರಿ ತಿಪರ ಬರೊಕ್ಹೊ ಕರಾವಾಲಾ ಮನಕ್ಹೊವೈ ಕದ್ಯೊ. 
\v 5 ತ್ಯುನೆ ತೆ ವಾತೊ ಐಕಿನ ಕರ್ತಾ ಥಯಲ ಯೆಸು ನಾಮಪರ ಬಾಪ್ತಿಸ್ಮ ಕರಲಿದ್ಯಾ. 
\v 6 ಪೌಲಾ ತ್ಯುನೊಪರ ಹತ ಮ್ಹೆಲೆಲಪರ ಪವಿತ್ರಾತ್ಮ ತ್ಯುನಾ ಉಪ್ಪರ ಐಯ್ಯೊ. ವರಿ ತ್ಯುನೆ ಬಿಜಿಯೊ-ಬಿಜಿಯೊ ವಾತೊ ಬೊಲ್ಯಾ,ಕ್ಹುದಾನು ಸಂದೆಶ ಕತಾ ಚಾ಼ಲ್ಯಾ. 
\v 7 ತ್ಯುನೆ ಕಮಸೆ ಕಮ ಬಾರಾ ಜ಼ನಾ ದಾಣ್ಗಾ ವ್ಹತ್ತಾ. 
\v 8 ತೆ ಗಾಮ್ಮಾ ಪೌಲಾ ಸಬಾಮಂದಿರಮಾ ಗೈನ ತನ ಮ್ಹೈನಾ ತ್ಯಾ ಕ್ಹುದಾನಿ ರಾಜ್ಯನಾ ಹುತಿ ಕವಾಡೊತೊ. ಮನಕ್ಹೊನೆ ಧೈರ್ಯಕ್ಹು ಬೊಲ್ಯೊ. 
\v 9 ದಕ್ಹಾ ಮನಕ್ಹೊ ತ್ಯುನಾ ಮನಸಮಾ ಕಟಿನ ಕರಲಿನ ವರಿ ನಂಬ್ಯಾ ನೈ ಗುಂಪ ಕರಿನ ಮನಕ್ಹೊನ ಕ್ಹಾಮಾ ಆ ವಾಟ ಕೆಟ್ಟ ಛೆ ಕವಾನೆ ತಿನಾಹುತಿ ಪೌಲಾ ತ್ಯುನೊನೆ ಛೊಡಿನ ಗೈನ ಶಿಷ್ಯಾವೊನೆ ಬಿಜಾ಼ ಕರಿನ ತುರನ್ನ ಕವಾನಿ ಶಿಕ್ಲಾವೊನಿ ಕ್ಹೊಲಿಮಾ ತಿನಾಹುತಿ ತರ್ಕಸಾಲಿಮಾಕದ್ಯೊ 
\v 10 ತೆ ಬೆ ವರಕ್ಹತು ಥಯಲ ಅಸ್ಯಸಿಮೆಮಾ ಕ್ಹಾರಾ ಯೆಹುದಿಯೊ ವರಿ ಯೆಹುದಿಯೊ ನೈಸೊ ಮನಕ್ಹೊ ಗ್ರಿಕವಾಲಾ ಪ್ರಭು ಯೆಸುನು ಸಂದೆಶ ಐಕ್ಯಾ. 
\v 11 ಕ್ಹುದಾ ಪೌಲಾನಾ ಹತಕ್ಹು ಖಾಸ ಅದ್ಭುತ ಕರತಾ ರ‍್ಹತಾಮಾ 
\v 12 ತಿನಾಹುತಿ ಪೌಲಾನಾ ಉಪ್ಪರಲ್ಯಾ ವಣಾ ವರಿ ನ್ಹಾನು ಟುವಾಲ ಮನಕ್ಹೊ ಲಿನ ರೊಗಿಯೊನಾ ಉಪ್ಪರ ಘಾಲ್ತಾಮಾ ತ್ಯುನಾ ರೊಗೊ ವಾಸಿ ಥಯಾ ವರಿ ಭುತ್ಡಾ ಛೊಡಿನ ಜಾತ್ತಾತ್ತಾ. 
\v 13 ಭುತ್ಡಾ ಛೊಡಾವಾಲಾ ಗಾಮೊ-ಗಾಮೊ ಪ್ಹರ್ತಾ ರ‍್ಹಯಲ ದಕ್ಹಾ ಯೆಹುದಿಯೊ ಯೆಸುನು ನಾಮ ಕೈನ ಭುತ್ಡಾ ಛೊಡಾವಾನೆ ಕೊಶಿಶ ಕರ್ತಾತಾ ದಕ್ಹಾ ಕೆಟ ಆತ್ಮವೊನಾ ಉಪ್ಪರ ಪೌಲಾ ಕವಾನು ಯೆಸುನು ಕ್ಹಮ್ಮ ಕೈನ ಕರ್ತಾ ಥಯಲ ಯೆಸು ನಾಮ್ಮಪರ ಪ್ರಯೊಗ ಕರಾನೆ ಗಯಾ. 
\v 14 ಖಾಸ ಯಾಜಕ ಸ್ಕೆವ ಕವಾಲೊ ಎಕ ಯಹುದಿ ವ್ಹತೊ. ತಿನಾ ಕ್ಹಾತ ಬಚ್ಚಾ಼ ವ್ಹತಾ. ತ್ಯುನೆ ಬಿ ಅಮ್ಮಜ಼ ಕರತಾ ಥಾ. 
\v 15 ತೆನೈಸೊ ದುರಾತ್ಮ ತ್ಯುನೊನೆ ಕದ್ಯು ಯೆಸುನು ವಳಕ ಮನೆ ಛೆ ವರಿ ಪೌಲಾ ಬಿ ಮನೆ ಗೊತ್ತ ಛೆ. ತೆನೈಸೊ ತ್ಯುನೊನೆ ಗೊತ್ತಚ್ಹೆ ಕೈನ. 
\v 16 ವರಿ ಕೆಟ ಆತ್ಮ ಧರಲವಾಲಾ ತೆ ಮನಕ್ಹೊ ಪರ ತೆ ಆಕ್ರಮಣ ಕರಿನ ತ್ಯುನೊನೆ ಸೊಲಸಿನ ಘಾಬ್ರಾ ಥೈನ ದುಕ ಕರಲಿನ ಭೊಗಳಾ ಥೈನ ತಿನಾ ಘರಮಾ ನ್ಹಾಟಿನ ಗಯಾ. 
\v 17 ತೆ ಸಂಗತಿಯೊ ಎಪೆಸಮಾ ರಹೆಲ ಕ್ಹಾರಾ ಯೆಹುದಿಯೊನೆ ವರಿ ಗ್ರಿಕರೊನೆ ತಿಳ್ದಿನ ಆತಾಮಾ ತ್ಯುನೆ ಘನಾ ಭುಚ಼ಕಿ ಗಯಾ ವರಿ ಕರ್ತಾ ಯೆಸುನು ನಾಮ ಘನ್ನು ಉಚ್ಚು಼ ಥಯು. 
\v 18 ತ್ಯುನೊಮಾ ನಂಬೆಲವಾಲಾ ಐನ ಘನಾಜ಼ನಾ ಕ್ಹಾಮಾ ತ್ಯುನೆ ಕರಲ ಕಾಮೊ ಒಪಿಲಿದ್ಯಾ. 
\v 19 ತೆನೈತೊ ಮಾಟಾ ಮಂತ್ರಾ ಕರೆಲವಾಲಾ ದಕ್ಹಾ ಜ಼ನಾ ತ್ಯುನಾ ಮಾಟಾ ಮಂತ್ರಾನಾ ಬುಕೊ ಲೈನ ಬಾಳಿ ಪಾಡ್ಯಾ. ತಿನಿ ಕಿಮ್ಮತ ಹಿಸಾಬ ಕರಿನ ಐವತ್ತ ಹಜಾರ ರುಪ್ಪಾನಾ ಬಿಲ್ಲಾ ಥಯಾ ಕೈನ ಕೈಲಿದ್ಯಾ. 
\v 20 ತೆ ರಿತಿಮಾಜ಼ ಕರ್ತಾನಿ ವಾಕ್ಯ ಘನಿ ಬಡತಿ ತಾಕತವರ ಥೈ. 
\v 21 ಎ ಸಂಗತಿ ಥಯಲ ಪರ ಪೌಲಾ ಬಿ ಮಕೆದೊನ್ಯಮಾ ಅಖಾಯಾಮಾ ಸಂಚಾರ ಕರಿನ ಯೆರುಸಲೆಮೆ ಜೌ ಕೈನ ಮನಸ್ಸಮಾ ಸೊಚ಼ಾಡೊ ಥೊ. ತ್ಯಾ ಗಯೆಲ ಪರ ರೊಮಾಪುರವಾಲಾವೊಬಿ ದೆಕು ಕೈನ ಕದ್ಯೊ. 
\v 22 ತೆನೈಸೊ ತೆ ತಿನಾಮಾ ಸೆವೆ ಕರಾವಾಲಾ ಬೆ ಜ಼ನಾ ತಿಮೊಥಿ ವರಿ ಎರಸ್ತನ ಮಕೆದೊನ್ಯನೆ ವಳೈನ ತೆ ಆಸ್ಯಸಿಮೆಮಾ ದಕ್ಹಾ ದಿನ್ನ ವ್ಹತ್ತಾ. 
\v 23 ತೆ ದಿನೊಮಾ ತೆ ವಾಟನಾ ಪರ ಘನು ಧಾಂದಲ ಉಟಿತಿ. 
\v 24 ಕಿಮ್ಮ ಕದ್ಯಾಮ ದೆಮೈತ್ರಿ ಕವಾಲೊ ಎಕ ಅಕ್ಕಸಾಲಿಗಾ ರುಪಾಕ್ಹು ಅರ್ತೆಮಿನಿ ದೆವಿನಿ ಗುಡಿಯೊಕ್ಹು ನ್ಹಾನಾ ನ್ಹಾನಾ ಗುಡಿಯೊ ಕರಾವಾಲೊ ತೆ ಕಾಮ್ಮ ಕರಾಲಾ ಮನಕ್ಹೊನೆ ಘನು ಫಯದೊ ದೆತೊತೊ. 
\v 25 ತೆ ತ್ಯುನೊನೆ ವರಿ ತೆ ಕುಸುಬಿಯೊನೆ ಸಂಬಂಧ ರ‍್ಹಯಲ ಕಾಮವಾಲಾವೊನೆ ಎಕ ದಮ್ಮ ಬಲೈನ ತ್ಯುನೊನೆ ಕದ್ಯೊ ಮನಕ್ಹೊ ಆ ಕಾಮಕ್ಹು ಅಪೆ ಘನ್ನಾ ಸೌಕಾರ ಥೈಯೆಸ ಕೈನ ತಮನೊನೆ ಗ್ವತ್ತ ರ‍್ಹೌ ಕದ್ಯಾ. 
\v 26 ತೆ ನೈಸೊ ಹತಕ್ಹು ಕರಲ ಮೂರ್ತಿಯೊ ದೆವಸ್ಥಾನ ನ್ಹವೈ ಕೈನ ತೆ ಪೌಲಾ ಕೈನ ಎಪೆಸಮಾ ಎಕಜ಼ನೈ ಕಮ್ಮಸೆ ಕಮ್ಮ ಆಸ್ಯಸಿಮೆಮಾ ಘನಾ ಮನೊಕ್ಹೊನೆ ದೆಕಾಡಿನು ದಿವಾನು ಪ್ಹರೈಪಾಡ್ಯೊ ಕೈನ ತುಮೆ ದೆಕೊಶಿಬಿ ವರಿ ಐಕೊಶಿಬಿ. 
\v 27 ತಿನಾಹುತಿ ಹಮಾರಾ ಕಾಮನೆ ಲುಕ್ಸಾನ ನೈ ಆತು ಕೈನ ಅರ್ತೆಮಿನಾ ಮಹಾದೆವಿ ದೆವಸ್ಥಾನೆ ಲೆಕ್ಕಾನೆ ನೈ ಆವಾನಾ ಹುತಿ ತಿನಾ ಹುತಿ ಕ್ಹಾರಾ ಆಸ್ಯಸಿಮೆ ವಾಲಾ ಜಗತ್ನೆ ಪುಜಾ ಕರಾಲಾ ದೆವಿನು ಶೃಂಗಾರನೆ ಲುಕ್ಸಾನ ಥೈ ಕೈನ ತ್ರಾಸ ಥಾವಸ ಕದ್ಯೊ. 
\v 28 ತ್ಯುನೆ ಆ ವಾತೊ ಐಕೆಲ ಮನಕ್ಹೊನು ಗುಂಪ ಶಿಟ ಥೈನ ಎಪೆಸೊನಾ ಅರ್ತೆಮಿ ದೆವಿ ಮಹಾದೆವಿ ಕೈನ ವದ್ರ್ಯಾ. 
\v 29 ತೆಳಾಮಾ ಗಾಮ್ಮಾ ಪುರಾ ಗಲಿಬಿಲಿ ಥೈ. ಪ್ರಯಾಣಮಾ ಪೌಲಾನಾ ಕ್ಹಾತೆ ಮಕೆದೊನ್ಯ ಗಾಯೊಸೆನೆ ವರಿ ಅರಿಸ್ತಾರ್ಕನೊನೆ ಮನಕ್ಹೊ ಧರ್ಲಿನ ಮಳಿನ ನಾಟಕ ಸಾಲಿಮಾ ಹೊಕ್ಯಾ. 
\v 30 ಪೌಲಾ ಮನಕ್ಹೊನಾ ಗುಂಪನಾ ಕ್ಹಾಮೊ ಜಾ಼ತಾಮಾ ವಿಶ್ವಾಸಿಯೊ ತಿನೆ ಛೊಡ್ಯಾ ನೈ. 
\v 31 ತೆ ನೈಸೊ ಆಸ್ಯಸಿಮೆನಾ ಅದಿಕಾರಿಯೊಮಾ ದಕ್ಹಾಜ಼಼ನಾ ಪೌಲಾನಾ ದೊಸ್ತೊ ಥಯಲ ಕ್ಹು ತಿಕನ ಮನಕ್ಹೊನೆ ವಳೈನ ತು ನಾಟಕ ಸಾಲಿನಮಾ ನಕೊ ಜೌ಼ ಕೈನ ಮಾಂಗಿಲಿದ್ಯಾ. 
\v 32 ಮನಕ್ಹೊಮಾ ಗಲಿಬಿಲಿ ಥೈ ಕೈನ ದಕ್ಹಾಜ಼಼ನಾ ಎಕ ತರಾಮಾ ಅಡ್ಯಾಮ ಬಿಜಾ಼ ದಕ್ಹಾಜ಼಼ನಾ ಹಜೆಕ ತರಾಮಾ ಅ‍ಡ್ಡಾಡ್ಯಾ ಥಾ. ಘನಾ ಜ಼ನಾ ತ್ಯಾ ಮಳಿನ ಆಯೆಲ ಕಾರಣ ಗ್ವತ್ತ ನ್ಹೊತು 
\v 33 ಯೆಹುದಿಯೊ ಅಲೆಕ್ಸಾಂಡರನೆ ಅಗಾ ಢಕಲ್ತಾಮಾ ಗುಂಪಮಾ ದಕ್ಹಜ಼ನಾ ತಿನೆ ಸುಚನೆ ದಿದ್ಯಾ. ತೆಳಾಮಾ ಅಲೆಕ್ಸಾಂದ್ರನೆ ಇಶಾರೊ ಕರಿನ ಶಾಂತ ಕರಸ. ಮಳೆಲ ಮನಕ್ಹೊನೆ ಪ್ರತಿವಾದ ಕರುಕೈನ ವ್ಹತೊ. 
\v 34 ತೆಳಾಮಾ ತೆ ಯಹುದ್ಯೊ ವ್ಹೈ ಕೈನ ತಿಳದ ತಾಮಾ ಕ್ಹಾರಾಜ಼ನಾ ಎಕ ಅವಾಜಕ್ಹು ಎಫೆಸೊನಿ ಅರ್ತೆಮಿದೆವಿ ಮಹಾದೆವಿ ವ್ಹೈ ಕೈನ ಬೆ ಘಂಟಾ ವದ್ರ್ಯಾ. 
\v 35 ಲಾಸ್ಟಮಾ ಗಾಮನೊ ಮಾಲಕ ಮನಕ್ಹೊನಾ ಗುಂಪನೆ ಸಮಾಧಾನ ಕರಿನ ವರಿ ಎಪೆಸೆವಾಲಾ ಎಪೆಸ ಗಾಮ್ಮವಾಲಾ ಅರ್ತೆಮಿ ಮಹಾದೆವಿ ದೆವಸ್ಥಾನೆ ಹಬಾಳಮ್ಯಾತು ಪಡೆಲ ತಿನಾ ಮೂರ್ತಿನೆ ಮಾ ಬಾಪ ಥಯಾಸ ಕೈನ ತಿಳದಲವಾಲೊ ಮನಕ್ಹ ಕುನ ವ್ಹೈ? 
\v 36 ಎ ಸಂಗತಿಯೊ ನ್ಹವೈ ಕವಾನಾ ಹುತಿ ಕಿನೆಕ್ಹುಜ಼ ನೈ ಥಯಲಕ್ಹು ತುಮೆ ಶಾಂತಿಕ್ಹು ರ‍್ಹವೊ. ಗಡಬಡ ಕರಿನ ಸುಜ಼ ಕರುನೈ. 
\v 37 ತುಮೆ ದ್ಹರಲಿನ ಆಯೆಲ ಆ ಮನಕ್ಹೊ ಗುಡಿಮಾ ಚೊ಼ರಿ ಕರಾಲಾ ನ್ಹವೈ ಹಮಾರಿ ದೆವಿನೆ ದುಷಿಕವಾಲಾ ನ್ಹವೈ. 
\v 38 ತಿಮ್ಮ ರ‍್ಹಯಲಕ್ಹು ದೆಮೆತ್ರಿಯೊನೆ ತ್ಯುನಾ ಬಗಲ ರಹೆಲವಾಲಾ ಕಾಮ ಕರಾವಾವೊನೆ ಕುನಬಿ ತಿಪರ ತಪೊ ರ‍್ಹಯಾಮಾ ಫೈಸಲಾನಿ ಜ಼ಗಾವೊ ಅಧಿಪತಿಯೊ ಛೆ ಎಕನಾ ಉಪ್ಪರ ಎಕ ಅಪವಾದ ಘಾಲ್ಲಿವಾನು. 
\v 39 ಸುಬಿ ಘನು ವಿಚಾರಣೆ ಚಾ಼ಯೆ ಥಯು ತೆ ನ್ಯ ಫೈಸಲೊಕ್ಹು ಸಬೆಮಾ ತಿರ್ಮಾನ ಕರಸ. 
\v 40 ತೆ ದಿನೊಮಾ ಫೈಸಲೊಕ್ಹು ಸುಜ಼ ಕಾರಣ ನೈಸೊ ಆಯೆಲ ಮನಕ್ಹೊನಾ ವಿಷಯಮಾ ತೆ ಎಕ ದಂಗೊ ಹಮಾರಾ ಉಪ್ಪರ ತಪ್ಪ ಘಾಲಾನೆ ಕಾರಣ ಥಯು. ತೆ ತಪನಾ ಹುತಿ ವಿಚಾರ ಕರ್ಯಾಮ್ಮ ಹಮನೊಕ್ಹು ಜವಾಬ ದಿವಾನೆ ಥಾತು ನೈ ಕೈ ಕದ್ಯೊ. 
\v 41 ತೆ ಥಯಲ ಪರ ವಾತೊ ಐಕಿನ ಪಂಚಾತಿ ಮುಗಶ್ಯಾ.
\c 20
\s ಮೆಕೆದೊನ ವರಿ ಗ್ರಿಸ ದೆಶಮಾ ಪೌಲಾನಿ ಸೆವೆ
\p
\v 1 ಗದ್ದಲ ಹುಬ್ರಯಲ್ಪರ ಪೌಲಾ ವಿಶ್ವಾಸಿಯೊನಾ ಕ್ಹಾತೆ ಬಲೈನ ಯಕ್ಕ ಜ಼ಗಾ ದೈರ್ಯದಿನ ತ್ಯುನೊಕಂತೊ ಅಪ್ಪಣೆ ಲಿನ ಮಕೆದೊನಿಯಾನೆ ಗಯೊ. 
\v 2 ತೆ ಗಾಮ್ಮಾ ಫರಿನ ತ್ಯಾ ರ‍್ಹಯಲ ಮನಕ್ಹೊನೆ ಘನ್ನಾ ಸಂದೆಶ ದಿನ್ನ ಧೈರ್ಯದಿನ ಗ್ರಿಸ ದೆಶೆ ಆಯೊ. 
\v 3 ತ್ಯಾ ತನ್ನ ಮ್ಹೈನಾ ಥಯಲ್ಪರ ಸಿರಿಯಾ ದೆಶೆ ಸಮುಂದರನಿ ವಾಟತೊ ಜೌ಼ ಕೈನ ಕೈಲೆತಾಮಾ ತಿನಾ ವಿರುದ್ದ ಯೆಹುದಿಯೊ ಪ್ಲಾನ ಕರಲ ತಿನೆ ಗ್ವತ್ತ ಥಯಲ ಹುತಿ ತೆ ಮೆಕೆದೊನಿಯಾನಿ ವಾಟತೊ ಪಾಚೊ಼ ಪ್ಹರಿನ ಜಾ಼ವಾನೆ ಫೈಸಲೊ ಕರ‍್ಯೊ. 
\v 4 ಪುರ್ರನೊ ದಿಕ್ರೊ ಥಯಲ ಬೆರೊಯೊ ಗಾಮವಾಲೊ ಸೊಪತ್ರನು, ಥೆಸಲೊನಿಕ ಅರಿಸ್ತಾರ್ಕ, ಸೆಕುಂದನದೆರ್ಬೆ ಥೆಸಲೊನಿಕ ಗಾಮವಾಲೊ ಗಾಯೊಸನೊ,ತಿಮೊಥಿಯೊನ, ಆಸ್ಯಸಿಮೆಮಾ ರ‍್ಹಯಲವಾಲಾ ಮನಕ್ಹೊ ತುಖಿಕನ, ತ್ರೊಫಿಮನೊ, ಆಸ್ಯಸಿಮೆ ಲಕ್ಕಾ ತಿನಾ ಕ್ಹಾತೆ ಗಯಾ. 
\v 5 ತ್ಯುನೆ ಪೈಲಾಜ಼ ಗೈನ ಹಮಾರಾ ಹುತಿ ತ್ರೊವಾಮಾ ಕೈದಾಡ್ಯಾತಾ. 
\v 6 ನೈ ಫುಗ್ಗಲ ರೊಕ್ಲಾನಾ ಸನ್ನನಾ ದಿನೊಮಾ ಪುರಾ ಥಯಲ್ಪರ ಹಮೆ ಪಿಲಿಪ್ಪಮಾತಾ ಹಡಗಾಮಾ ಪಾಂಚ಼ ದಿನೊಮಾ ತ್ರೊವಾಮಾ ಐನ ತ್ಯುನಾ ಕ್ಹಾತೆ ಮಳ್ಯಾ. ತ್ಯಾ ಕ್ಹಾತ ದಿನ್ನ ವ್ಹತ್ತಾ.
\s ಯುತಿಕನೆ ಜಿವದಾನ
\p
\v 7 ಹಪ್ತಾನಾ ಪಸ್ಟಲ್ಯಾ ದಿನ್ಮಾ ರೊಕ್ಲೊ ತೊಡಿನ ಖಾವಾನಾ ನಿಯಮನಾ ಹುತಿ ಮಳಿನ ಆತಾಮಾ ಪೌಲಾ ತ್ಯಾ ಮಳಿನ ಆಯಲ ವಿಸ್ವಾಸಿಯೊನೆ ಭೊದನ ಕರ್ತೊ ಅರ್ದಿ ರಾತಲಕ್ಕಾ ಉಪನ್ಯಾಸ ದಿದ್ಯೊ. 
\v 8 ಹಮೆ ಮಳಿನ ರ‍್ಹಯಲ ಅಂಟಾನಾ ಘರ್ಪರ ಘನ್ನು ಉಜಾಲು ದಿವಾನಾ ದಿವ್ವಾ ವ್ಹತಾ. 
\v 9 ಯುತಿಕ ಕವಾಲೊ ಯಕ್ಲೊ ಜಾಂಜಿಮಾನ ಖಿಡ್ಕಿಕನ ಹುಬ್ರೈನ ನಿಂದರ್ಮಾ ಜ಼ುಕತ್ತೊ ರ‍್ಹವಸ. ಪೌಲಾ ಭೊದನೆ ಕರ್ತೊ ರ‍್ಹತಾಮಾ ತೆ ಜಾಂಜಿಮಾನ ತನ್ನ ಮಹಡಿ ಮ್ಹಾಡಿಪರ್ತೊ ಹೆಟೊ ಪಡಿಗಯೊ; ತಿನೆ ಉಟಾಡಾನೆ ಜಾ಼ತಾಮಾ ತೆ ಮರಿಗಯೊತೊ. 
\v 10 ತೆನೈಸೊ ಪೌಲಾ ಹೆಟೊ ಉತ್ರಿನ ಗೈನ ತಿಪರ ಪಡಿನ ತಿನೆ ಔಳಗಿಲಿನ; ಚಿಂತಾ ನಕೊ ಕರೊ, ತೆ ಜಿವ್ತೊ ಛೆ ಕೈನ ಕದ್ಯೊ. 
\v 11 ತೆಳಾಮಾ ತೆ ಉಪ್ಪರ ಗೈನ ರೊಕ್ಲೊ ತೊಡಿನ ಖೈನ ದಿನ್ನ ನಿಕ್ಹಳೆ ಲಕ್ಕಾಬಿ ತಿನಾ ಕ್ಹಾತೆ ಬೊಲಿನ ಗೈಪಡ್ಯೊ. 
\v 12 ತ್ಯುನೆ ತೆ ಜಿವ್ತೊ ಥಯಲ ಪಟ್ಟಾನೆ ಘರೆ ಬಲೈಲಾತಾಮಾ ತ್ಯುನೊನೆ ಘನ್ನು ಸಮಾಧಾನ ಥಯು.
\s ಪೌಲಾ ಮಿಲೆತ ದ್ವಿಪನೆ ಗಯಲ
\p
\v 13 ಅಪೆ ತ್ಯಾ ಪೈಲಾಜ಼ ಗೈನ ಅಸ್ಸೊಸಿಮಾ ಪೌಲಾನೆ ತ್ಯುನಾ ಕ್ಹಾತೆ ಚ಼ಡೈಲ್ಯು ಕೈನ ವ್ಹತ್ತಾ. ಸಮುಂದರನಿ ವಾಟತ್ತಾ ಪ್ರಯಾಣ ಕರ‍್ಯಾ. ಪೌಲಾ ತಿಮ್ಮಜ಼ ಅಪ್ಪಣೆ ದಿನ ಚಾ಼ಲ್ತೊ ಜೌ಼ ಕೈನ ಮನಸ ಕರ‍್ಯೊ. 
\v 14 ಅಸ್ಸೊಸಿಮಾ ತೆ ಅಪ್ನಾ ಕ್ಹಾತೆ ಮಳ್ತಾಮಾ ಹಮೆ ಹಮಾರಾ ಕ್ಹಾತೆ ಹಡಗಾಮಾ ತಿನೆ ಮಳೈಲಿನ ಮಿತಿಲಿನ ಗಾಮೆ ಚಾ಼ಲ್ಯಾ. 
\v 15 ತ್ಯಾಂತಾ ಗೈನ ಮರ್ನಾ ದಿನ್ನೆ ಖಿಯೊನ ದ್ವಪನಾ ಕ್ಹಾಮಾ ಐನ ವರಿ ತಿನಾ ಮರ್ನಾ ದಿನ್ನೆ ಸಾಮೊಸಿನನಾ ನಜಿಕ ಆಯಾ. ಮರ್ನಾ ದಿನ್ನೆ ಮಿಲೆತಕ್ಕಮಾ ಆಯಾ. 
\v 16 ಪೌಲಾ ಮನೆ ಸಾದ್ಯಥಯುಮ ಪಂಚಾಶತಮನಾ ಸನ್ನನೆ ಯೆರುಸೆಲಿಮಮಾ ರ‍್ಹೌ ಕೈನ ಗಡಬಡ ಕರ್ತೊ ರ‍್ಹತಾಮಾ ಆಸ್ಸಿಸಿಮಾ ರ‍್ಹವಾನೆ ಮನಸ ನೈಸೊ ಎಫೆಸ ಗಾಮ ದಾಟಿನ ಜೌ಼ ಕೈನ ವಿಚಾರ ಕರ್ಲಿದ್ಯೊ.
\s ಪೌಲಾನು ಎಫೆಸ ಸಭೆನಾ ಮ್ಹೊಟಾ ಮನಕ್ಹೊನೆ ಕದಲ ಲಾಸ್ಟ ವಾತ
\p
\v 17 ತೆ ಮಿಲೆತತೊ ಎಫೆಸೆಯೆ ಮೊಕ್ಲಿನ ತ್ಯಾನಾ ಸಭೆಮಾ ಮ್ಹೊಟಾವೊನೆ ಬಲಾವಾನಾಹುತಿ ಸಂದೆಶ ವಳಾಯೊಸ. 
\v 18 ತ್ಯುನೆ ತಿಕನ ಆತಮಾ ತ್ಯುನೊನೆ ತೆ ಸು ಕದ್ಯೊ ಕದ್ಯಾಮ; ಮಿ ಆಸ್ಯಸಿಮೆಮಾ ಪ್ರಾಂತ್ಯ ಪಗ್ಗ ಮ್ಹೆಲಲ ಪೈಲಾ ದಿಂತಾ ತುಮಾರಾ ವಚ್ಮಾ಼ ಕ್ಹಾರಾ ಕಾಲೊಮಾ ಕಿಮ ಚಾ಼ಲಿಲಿನ ಗಯೊ ಕವಾನು ತುಮೊನೆಜ಼ ಗ್ವತ್ತ ಛೆ. 
\v 19 ಯೆಹುದಿಯೊನು ತ್ಯುನೆ ಮ್ಹೈನು ವಿಚಾರ ಕಸ್ಟೊಮಾ ಮಿ ಘನ್ನೊ ನಮ್ರೆತೆಕ್ಹು, ಡೊಳಾನಾ ಪಾನಿಕ್ಹು ಕರ್ತಾನಿ ಸೆವೆ ಕರಾಡ್ಯೊಸ. 
\v 20 ಮಿ ತುಮಾರಿ ಮನಕ್ಹೊನಾ ಕ್ಹಾಮೊ ತಮನೊನೆ ಚೊ಼ಕಾನಿಕ್ಹು ಕವಾಕ್ಹು, ಘರ ಘರಮಾ,ಐನ ತಮನೊನೆ ಸಹಾಯ ಕರಾನು ಉಪದೆಶ ಕವಾನಿಕ್ಹು ಪಾಚೊ಼ ಸರಕ್ಯಾವಾಚಿ 
\v 21 ಯೆಹುದಿಯೊನೆ ವರಿ ಗ್ರಿಕವಾಲಾಬಿ ಪಶ್ಚಾತಾಪ ಪಡಿನ ಕ್ಹುದಾ ಬಗಲ ಫರು ಕೈನ, ಅಪ್ನೊ ಕರ್ತಾ ಥಯಲ ಯೆಸುಪರ ಬರೊಕ್ಹೊ ಮ್ಹೆಲು ಕೈನ ಮಿಜ಼ ಕದ್ಯೊ. 
\v 22 ದೆಕೊ, ಮಿ ಹಮ್ನಾ ಪವಿತ್ರ ಆತ್ಮಾಕ್ಹು ಬಂದನಮಾ ರ‍್ಹೈನ ಯೆರುಸೆಲೆಮೆ ಚಾಲ್ಯೊಸ. ತ್ಯಾ ಮಾರಾಕ್ಹಾತೆ ಸು ತಾವಸ ಮನೆ ಗ್ವತ್ತ ನತ್ತಿ. 
\v 23 ತುನೆ ಜೆಲಮಾ ಬೆಡಿಯೊ ವರಿ ತ್ರಾಸೊ ಕೈದಾಡ್ಯಾಸ. ಕೈನ ಪವಿತ್ರ ಆತ್ಮಾ ಹರಯಕ್ಕ ಗಾಮೊಮಾ ಮನೆ ಎಚ್ಚರಿಕೆ ದಿದ್ಯೊಸ ಕವಾನು ಮಿ ವಳಕ್ಯೊಸ. 
\v 24 ತೆನೈಸೊ ಜ಼ಲಮ ವಚಾ಼ಡಿಲಿವಾನು ಶ್ರೆಷ್ಠೆ ವ್ಹೈ ಕೈನ ಮಿ ವಿಚಾರ ಕರ್ತೊ ನೈ; ಕ್ಹುದಾನಿ ಮರ್ಗಾನಾ ಹುತಿ ಸುವಾರ್ತೆ ಆಸಕ್ತಿ ಕ್ಹು ಸಾಕ್ಷಿನಾ ರೊಪಮಾ ಕವಾನು ನಿಯೊಗ ಕರ್ತಾ ಥಯಲ ಯೆಸುಕ್ಹು ಮಿ ವ್ಹಂದ್ಯೊಸ. ಎಜ಼ ನಿಯೊಗ ಉಪಯೊಗ ಕರಾನು ಮಾರಿ ಆಸ ವ್ಹೈ. 
\v 25 ದೆಕೊ, ಯಕ್ಲಾ ದಿನ್ನ ತುಮೊಕನ ಐನ ಕ್ಹುದಾನಿ ರಾಜ್ಯನ ಹುತಿ ಉಪ್ಪರ ತುಮೆ ಮಾರು ಮ್ಹೊಡು ಯಕ್ಲೊಬಿ ದೆಕ್ತಾ ನೈ ಕೈನ ಮನೆ ಗ್ವತ್ತ ಛೆ. 
\v 26 ತಿನಾಹುತಿ ಹಮ್ನಾ ಕ್ಹರಿಜ಼ ಕೌಸ, ತುಮೊಮಾ ಕುನಬಿ ಹಾಳ ಥಯಾಮ ತೆ ಮಾರಾ ತಪ್ಪಕ್ಹು ನ್ಹ ವ್ಹೈ. 
\v 27 ಕಾಕದ್ಯಾಮ ಯಕ್ಕಬಿ ಝಾಕ್ಯಾವಾಚಿ ಕ್ಹುದಾನಿ ಕ್ಹಾರಿ ವಿಚಾರ ತುಮೊನೆ ಕದ್ಯೊಸ. 
\v 28 ಕರ್ತಾ ತಿನಾ ಸ್ವಂತನು ರಗತಕ್ಹು ಕಮಾಯಲ ಕ್ಹುದಾನಿ ಸಬೆವಾಲಾ ಪಾಲನ ಕರಾನಾಹುತಿ ಪವಿತ್ರ ಆತ್ಮಾ ತುಮೊನೆ ಎ ಗುಂಪಮಾ ಸಭಾದಕ್ಷ ಕರಿನ ಮ್ಹೆಲಲ ಹುತಿ ತುಮಾರಾ ಹುತಿ, ಕ್ಹಾರಿ ಗುಂಪನಾ ಹುತಿ ಹುಷಾರಮಾ ರ‍್ಹವೊ. 
\v 29 ಮಿ ಗಯಲ್ಪರ ಘನ್ನಾ ಕ್ರುರ ರ‍್ಹಯಲ ರಾನ್ನಾ ಕುತ್ರಾ ತುಮೊಮಾ ಆವಸ ಕೈನ ಮನೆ ಗ್ವತ್ತ ಛೆ; ತೆ ಹಿಂಡನೆ ಮರಗತಾ ನೈ. 
\v 30 ಎನೈಸೊ ತುಮೊಮಾ ದಕ್ಹಾಜ಼಼ನಾ ಉಟಿನ ಸುಳ್ಳ ರ‍್ಹಯಲ ಭೊದನೆ ಕರಿನ ಶಿಷ್ಯಾವೊನಾ ತ್ಯುನಾ ಬಗಲ ಜಗ್ಗಿಲಿವಸ. 
\v 31 ತಿನಾಹುತಿ ಮಿ ಡೊಳಾಮಾನು ಪಾನಿ ಕಾಡ್ತೊ ತನ್ನ ವರಕ್ಹ ದಿನ್ನ ರಾತ ಛೊಡ್ಯಾವಾಚಿ ಹರಿ ಯಕ್ಲಾನೆ ಗ್ಯಾನ ಕದ್ಯೊಸ ಕವಾನು ತುಮೆ ಶೆ ಕರ್ಲಿನ ಹುಶಾರ ಥೈನ ರ‍್ಹವೊ. 
\v 32 ಮಿ ಹಮ್ನಾ ತುಮೊನೆ ವರಿ ಕ್ಹುದಾನೆ, ತಿನಾ ಕೃಪಾನಿ ವಾಕ್ಯಾಕ್ಹು ವಪ್ಸಿನ ದ್ಯುಸ. ತೆ ತುಮೊಮಾ ಭಕ್ತಿವೃದ್ದಿ ಕರಾನೆ, ಪರಿಶುದ್ಧನಾ ಕ್ಹಾತೆ ತುಮಾರಾ ಹಕ್ಕ ಅನುಗ್ರಹ ದಿವಾನೆ ಹಕ್ಕ ಥಯೊಸ. 
\v 33 ಮಿ ಕಿನು ಕ್ಹೊನು ರುಪ್ಪು ರ‍್ಹೈನೆಕಾ ಫೆರಾವಡಾನೆ ರ‍್ಹಯನೆಕಾ ಆಸ ಕರ‍್ಯೊ ನೈ. 
\v 34 ಮಿ ಮಾರಾ ಸ್ವಂತ ಹತೊಕ್ಹು ಕಾಮ ಕರಿನ, ಮನೆ ಕಮಿ ರ‍್ಹಯಲ ಮಾರಾಕ್ಹಾತೆ ರ‍್ಹಯಲವಾಲಾವೊನೆ ಚಾ಼ಯೆ ಥಯಲ ಪುರಾ ಕರ‍್ಯೊಸ ಕವಾನು ತುಮೊನೆ ಗ್ವತ್ತ ಛೆ. 
\v 35 ಕ್ಹಾರಿ ವಿಷಯಮಾ ಮಿ ತುಮೊನೆ ವಾಟ ದೆಕಾಡ್ಯೊಸ. ತುಮೆ ತಿಮ್ಮಜ಼ ರಾಬಿನ ತಾಕತ ನೈಸೊವಾಲಾವೊನೆ ಮದತ ಕರು; ವರಿ; ಪಡ್ದಿಲಿವಾತಿಬಿ ದಿವಾನುಜ಼ ಹೆಚ್ಕಿ಼ ಆಶಿರ್ವಾದ ವ್ಹೈ, ಕರ್ತಾ ಥಯಲ ಯೆಸು ಕ್ರಿಸ್ತ ತೆಜ಼ ಕದಲ ವಾತೊ ಶೆ ಮ್ಹೆಲ್ಯು ಕೈನ ಕದ್ಯೊ. 
\v 36 ಎ ವಾತೊ ತ್ಯುನೆ ಕದಲ್ಪರ ಉಂದಾ ಗುಡ್ಗಾ ಘಾಲ್ಲಿನ ತ್ಯುನಾ ಕ್ಹಾತೆ ಪ್ರಾಥನಾ ಕರ‍್ಯಾ. 
\v 37 ತ್ಯುನೆ ಕ್ಹಾರಾ ರೊಯಾ ತೆ ಥಯಲ್ಪರ ಪೌಲಾ; ತುಮೆ ಮಾರು ಮ್ಹೊಡು ಹಬ್ದಾತಾ ದೆಕ್ತಾ ನೈ ಕತಾಮಾ, ತ್ಯುನೆ ಕ್ಹಾರಾ ದುಖಿ ಥೈನ, ರೊತಾ ತ್ಯುನೊನೊ ಔಳ್ಗಿಲಿನ ತಿನೆ ಮಟ್ಟಿ ಲಿದ್ಯಾ. 
\v 38 ತ್ಯುನೆ ಘನ್ನಾ ದುಖ ಕರಲಿನ ತೆ ಥಯಲ್ಪರ ತ್ಯುನೆ ಹಡಗಾ ಲಕ್ಕಾ ತಿನಾ ಕ್ಹಾತೆ ಗೈನ ತಿನೆ ಮೊಕ್ಲಿನ ಆಯಾ.
\c 21
\s ಯೆರುಸೆಲಿಮೆ ಪೌಲಾನಿ ಲಾಸ್ಟ ಪ್ರಯಾಣ
\p
\v 1 ಹಮ್ಮೆ ತ್ಯುನೊನೆ ಛೊಡಿನ ಹಡ್ಗೊ ಚ಼ಡಲಪರ ಶಿದಾ ಐನ ಕೊಸ ದ್ವಿಪನೆ ಐನ ಮುಟ್ಯಾ. ಮರನಾದಿನ್ನೆ ರೊದ ದ್ವಿಪನೆ ಗೈನ ತ್ಯಾತಾ ಪತರ ಗಾಮೆ ಗಯಾ. 
\v 2 ತ್ಯಾ ಫೊಯಿನಿಕೆನೆ ಜಾ಼ವಾಲೊ ಎಕ ಹಡಗನೆ ದೆಕ್ಯಾ. ತಿನಾ ಕ್ಹಾತೆ ಜಾ಼ವಾನು ಅಗಾ ಬಡಾಯಾ. 
\v 3 ಅಗಾ ಕುಪ್ರದ್ವಿಪ ದೆಕಿನ ರೊಡಾಬಗಲ ಚ್ಹೊಡಿ ಸಿರಿಯದೆಶನೆ ಬಗಲ ಗೈನ ತುರ ಗಾಮೆ ಐನ ಉತರ‍್ಯಾ. ಕಾಕದ್ಯಾಮ್ಮ ತ್ಯಾ ಸಾಮನ ಉತಾರಾನು ವ್ಹತ್ತು. 
\v 4 ತ್ಯಾ ವಿಶ್ವಾಯೊನೆ ಹುಡಕಿನ, ದೆಕಿನ ಕ್ಹಾತ ದಿನ್ನ ತ್ಯಾ ವ್ಹತ್ಯಾ. ತ್ಯುನೆ ಪವಿತ್ರಾತ್ಮನಿ ಪ್ರೆರಣಾಕ್ಹು ಪೌಲಾನೆ ತು ಯೆರುಸಲೆಮಾ ಪಗ ನಕೊ ಮ್ಹೆಲು ಕೈನ ಕದ್ಯಾ. 
\v 5 ತೆ ದಿನೊ ಕ್ಹರೆಲಿನ ಹಮೆ ಜಾ಼ತಾಮಾ ತ್ಯುನೆ ಕ್ಹಾರಾ ತುನಾ ಬಾಕಡ್ಯೊ ಬಚ್ಚಾವೊನಾ ಕ್ಹಾತೆ ಹಮ್ನೊನೆ ಗಾಮ್ತಾ ಭಾರಾ ಐನ ವಳೈನ ದಿದ್ಯಾ. ಹಮ್ಮೆ ಸಮುಂದರನಿ ದಂಡಿಪರ ಐನ ಉಂದಾಘುಡಗಾ ಘಾಲಿನ ಪ್ರಾರ್ಥನಾ ಕರಿನ. 
\v 6 ಎಕನಾ ಎಕ ವಂದನೆ ಕರಿನ ಹಡ್ಗೊ ಚಡ್ಯಾ. ತ್ಯುನೆ ಪಾಚಾ಼ ಫರಿನ ತ್ಯುನಾ ತ್ಯುನಾ ಘರೆ ಗಯಾ. 
\v 7 ಹಮ್ಮೆ ತುರ ಗಾಮ್ಮಾತಾ ಗೈನ ಪ್ತೊಲೆಮಾಯನೆ ಮಳ್ಯಾ ಸಮುಂದರ ಪ್ರಯಾಣ ಕರಿನ ಕ್ಹರೆಲಿದ್ಯಾ. ತ್ಯಾತಾ ವಿಸ್ವಾಸಿಯೊನೆ ವಂದಸಿನ ತ್ಯುನಾ ಮಳತ್ತಾ ಎಕ ದಿನ್ನ ರ‍್ಹೈನ, 
\v 8 ಮರನಾದಿನೆ ಗೈನ ಕೈಸರೈನೆ ಐನ ಸುವಾರ್ತಿಕ ಥಯಲ ಪಿಲಿಪ್ಪನಾ ಘರೆ ಗೈನ ತಿಕನ ವ್ಹತ್ತಾ. ತೆ ತೆ ಯೆರುಸಲೆಮಾ ಸಹಾಯ ಕರಾನಾಹುತಿ ತೆ ಕ್ಹಾತ ಜ಼ನಾವೊಮಾ ಯಕ್ಲೊ ವ್ಹತ್ತೊ. 
\v 9 ತಿನೆ ಜಾಂಜಿಮಾನ ಥಯಲ ಚಾ಼ರ ಪಟ್ಟಾ ವ್ಹತ್ತಾ. ತ್ಯುನೆ ಕ್ಹುದಾನು ಪ್ರವಾದನೆ ಕರಾವಾಲಾ ವ್ಹತ್ತಾ. 
\v 10 ಹಮೆ ತ್ಯಾ ದಕ್ಹ ದಿನ ರ‍್ಹಯೆಲ ಪರ ಅಗಬ ನಾಮನೊ ಕವಾಲೊ ಎಕ ಪ್ರವಾದಿ ಯುದಾಯತೊ ಐಯೊ. 
\v 11 ತೆ ಹಮನೊ ಕನ ಐನ ಪೌಲಾನೊ ಕಂಬರ ಪಟ್ಟೊ ಕಾಡಿನ ತಿನಾ ಹತೊಪಗೊ ಭಾಂದಿನ ತೆ ಕಂಬರಪಟ್ಟೊ ಕಿನೊವೈ ತಿನೆ ತೆಜ಼ ರಿತಿಮಾ ಯೆರುಸಲೆಮಾ ಯೆಹುದಿಯೊ ನೈಸೊ ಮನಕ್ಹೊಕನಾ ಹತ್ತಮಾ ಒಪಸಿನ ದಿವಾನು ಕೈನ ಪವಿತ್ರಾತ್ಮ ಕವಾಡೊಸ ಕೈನ ಕದ್ಯೊ. 
\v 12 ಕೆಳಮಾ ತೆ ವಾತೊ ಐಕ್ತಾಮಾ ಹಮೆ ವರಿ ತೆ ಜ಼ಗಾವಾಲಾ ವ್ಹೈ. ತು ಯೆರುಸಲೆಮಿನೆ ನೈ ಜೌ ಕೈನ ಪೌಲಾನೆ ಮಾಂಗಿಲಿದ್ಯಾ. 
\v 13 ತೆನೈಸೊ ಪೌಲಾ, ತುಮೆ ದುಖ ಕರಲಿನ ಕಾ ಮನೆ ಛಾತಿ ಪ್ಹುಟಾ ವರಕ್ಹು ಕರಾಡಾಸ? ಮಿ ಕರ್ತಾ ಥಯಲ ಯೆಸು ನಾಮ್ಮಹುತಿ ಯೆರುಸಲೆಮಾ ಬೆಡಿಯೊ ಘಲ್ಯಾನಾಹುತಿ ಎಕ ನೈ ಮರಾನೆಬಿ ತಯಾರ ಛೆ ಕದ್ಯೊ. 
\v 14 ತೆ ನೈ ಒಪ್ಪಲಕ್ಹು ತಿನಾಹುತಿ ಕರ್ತಾನಿ ಮರ್ಜಿ ಥಾವಾದೆ ಕೈನ ತ್ಯುನೆ ಗಪ ಬೈಟ್ಯಾ. 
\v 15 ತೆ ದಿನೊ ಥಯಲಪರ ಹಮೆ ತಯ್ಯಾರ ಥೈನ ಯೆರುಸಲೆಮನೆ ಚಾ಼ಲ್ಯಾ. 
\v 16 ಕೈಸರೈನಕ್ಹು ದಕ್ಹಾ ಶಿಷ್ಯಾ ಹಮಾರಾ ಕ್ಹಾತೆ ಐನ ಹಮೆ ರ‍್ಹವಾಲಾನಾ ಘರಮಟ್ಟಾ ಹಮ್ನೊನೆ ಬಲೈಲಿನ ಗಯಾ ತೆ ಘರವಾಲಾ ಪೈಲಾ ಶಿಷ್ಯಾಮಾ ಎಕಲೊ ಥಯಲ ಮ್ನಾಸೊನ ಕವಾಲೊ.
\s ಪೌಲಾ ಯಾಕೊಬನೆ ಮಳಲ
\p
\v 17 ಹಮೆ ಯೆರುಸಲೆಮಿನೆ ಆತಾಮಾ ವಿಸ್ವಾಸಿಯೊ ಹಮೊನೆ ಖುಶಿಕ್ಹು ಮಳೈಲಿದ್ಯಾ. 
\v 18 ಮರನ್ನಾ ದಿನ್ನೆ ಪೌಲಾ ಹಮನೊನೆ ಬಲೆಲಿನ ಯಾಕೊಬನೆ ದೆಕಾನಾಹುತಿ ಗಯಾ ತ್ಯಾ ಸಭೆನಾ ಮ್ಹೊಟಾ ಮನಕ್ಹೊ ವ್ಹತ್ತಾ. 
\v 19 ಪೌಲಾ ತ್ಯುನೊನೆ ವಂದನೆ ಕರಿನ ಕ್ಹುದಾ ಕರಲ ಕಾಮಮೊ ಯೆಹುದಿಯೊ ನೈಸೊ ಮನಕ್ಹೊ ಕನ ಹಂಚಿಲಿದ್ಯೊ. 
\v 20 ತ್ಯುನೆ ಕ್ಹಾರಾ ತೆ ಐಕಿನ ಕ್ಹುದಾನಿ ಸ್ತುತಿ ಕರ‍್ಯಾ. ತೆಳಾಮಾ ತ್ಯುನೆ ತಿನೆ ; ಹಜಾರೊ ಯೆಹುದಿಯೊ ಮನಕ್ಹೊ ವಿಸ್ವಾಸಿ ಥಯಾಸ ಕೈನ ತಮೆ ದೆಕಾಡಾತ್ತಾ. ತ್ಯುನೆ ಕ್ಹಾರಾ ಧರಮಶಾಸ್ತ್ರಮಾನಾ ಮನಕ್ಹೊ ಥಯಾಥಾ. 
\v 21 ತುಮೆ ಯೆಹುದಿಯೊ ನೈಸೊ ಮನಕ್ಹೊನಾ ವಚ್ಮಾ಼ ರ‍್ಹಯಲಕ್ಹು ಯಹುದಿಯೊನೆ ತುಮೆ ತಮಾರಾ ಬಚಾವೊನೆ ಖತ್ನಾ ಕರೊನಕೊ. ತಮಾರಿ ಪದ್ದತಿ ಕರಿನ ನಕೊ ಚಾ಼ಲೊ ಕೈನ ಕದ್ಯೊ ಮೊಶೆನಾ ಧರಮಶಾಸ್ತ್ರನೆ ಕೆಡಸೊ ನಕೊಕೈನ ಬೊದನೆ ಕರಾಡೊತೊ ಕೈನ ಕದ್ಯಾ. 
\v 22 ತು ಆಯೊತೊ ಕೈನ ತ್ಯುನೆ ಕಿಮ್ಮ ವಳಕ್ಯಾ. ತಿಮ್ಮ ರ‍್ಹಯುಮ ಹಮೆ ಸು ಕರೆಯೆ? 
\v 23 ತಿಮ್ಮ ರ‍್ಹಯುಮ ಹಮೆ ಕದಲ ಕಾಮ ಕರ. ಹಮೊಮಾ ಕ್ಹಮ ಘಾಲಲವಾಲಾ ಚಾರ ಜ಼ನಾ ಛೆ. 
\v 24 ತು ತ್ಯುನೊನೆ ಬಲೈಲಿನ ಗೈನ ತ್ಯುನಾಕ್ಹಾತೆ ತುನೆಬಿ ಶುದ್ಧಕರಲಿನ ತ್ಯುನೆ ತಿನಾ ಕ್ಷೌರನಿ ಕ್ಹಮ್ಮ ಪುರಾ ಕರಾಹುತಿ ಥಾವೊನಾ ಖರ್ಚೊ ತುಬಿ ದ್ಯು. ತಿಮ್ಮ ಕರ‍್ಯಾಮ ಕ್ಹಾರಾ ತಾರಾ ವಿಷಯಮಾ ತ್ಯುನೆ ಐಕೆಲ ಸುದ್ದಿ ಕ್ಹರಿ ನ್ಹವೈ ಕೈನ ತು ಮೊಶೆನು ಧರಮಶಾಸ್ತ್ರನೆ ಕೈದಿನ ಚಾ಼ಲಾಲೊ ಕೈನ ತಿಳಿಲಿದ್ಯಾತ್ತಾ. 
\v 25 "ಯೆಹುದಿಯೊ ನೈಸೊ ಮನಕ್ಹೊಮಾ ಯೆಸು ನೆ ನಂಬಲವಲಾನಾಹುತಿ ಬಿ ಮುರ್ತಿನೆ ಚಡಾಯೆಲ ರಗತ, ಗರದನ ಚಿಕಲಿನ ಖಲಾಸ ಕರಲ ಜಾನವರ ಕೌ ನಕೊ ಕೈನ ವ್ಯಬಿಚಾರಕ್ಹು ವರಿ ಅನೈತಿಕ ಸಂಬಂಧಕ್ಹು ಛೊಡಿನ ದುರ ರ‍್ಹೌ ಕೈನ ಕವಾನಾ ಹುತಿ ಫೈಸಲೊ ಕರಲ ಪದ್ದತೊ ಬರ್ದಿನ ಮೊಕಲ್ಯಾಸ್ತೊ ಕದ್ಯಾ. 
\v 26 ತೆಳಾಮಾ ಪೌಲಾ ಮರ್ನಾ ದಿನೆ ತೆ ಚಾರ ಜನ್ನಾನಾ ಕ್ಹಾತೆ ಗೈನ ಶುದ್ಧ ರ‍್ಹಯಲ ಪದ್ದತೊ ಪುರಾ ಕರ‍್ಯೊ. ತೆಳಾಮಾ ಶುದ್ಧಚಾರನ್ಯೊ ಪದ್ದತಿಯೊ ಖಲಾಸ ಥಾವಾನಾ ದಿನ್ನಾ ಹುತಿ ಕವಾನಾ ಹುತಿ ದೆವಾಲಯಮಾ ಗಯೊ. ತ್ಯುನೊಮಾ ಹರಯಕ್ಕಲಾನಾ ಹುತಿ ಕೆಳಾಮಾ ಬಲಿ ದ್ಯುಕೈನ ತ್ಯುನೊನೆ ಕೈನ ದಿದ್ಯೊ. 
\v 27 ತೆ ಕ್ಹಾತ ದಿನೊ ಕ್ಹರತಾ ಟೈಮ್ಮಾ ಅಸ್ಯಸಿಮ್ಮೆತೊ ಆಯೆಲ ಯೆಹುದಿಯೊ ಪೌಲಾನೆ ದೆವಾಲಯಮಾ ದೆಕಿನ ತ್ಯಾ ಗುಂಪ ಥಯಲ ಮನಕ್ಹೊನೆ ಸರಕೈನ ತಿನ್ನೆ ಧರಿನ; 
\v 28 ಇಸ್ರಾಯೆಲನಾ ಮನಕ್ಹೊ, ಮನೆ ಮದತ ಕರೊ, ಅಪಾನಾ ಮನಕ್ಹೊನೆ, ಧರಮಶಾಸ್ತ್ರನೆ, ಯೆ ಆಲಯನಾ ವಿರುದ್ದ ಕ್ಹಾರಿ ಜ಼ಗಾ ಕ್ಹರವೊನೆ ಭೊದನೆ ಕವಾನು ಮನಕ್ಹ ಎಜ಼ ವ್ಹೈ. ಎನೈಸೊ ಗ್ರಿಕವಾಲಾವೊನೆ ದೆವಾಲಯಮಾ ಬಲಲೈನ ಯೆ ಪರಿಶುದ್ಧ ಜ಼ಗಾನೆ ಹೊಲಸ ಕರ‍್ಯೊಸ ಕೈನ ವದ್ರ್ಯಾ. 
\v 29 ಪೈಲಾ ತ್ಯುನೆ ಎಫೆಸನಾ ತ್ರೊಫಿಮ ತಿನಾ ಕ್ಹಾತೆ ಗಾಮ್ಮಾ ದೆಕಲ ಹುತಿ ತಿನೆ ಪೌಲಾ ದೆವಾಲಯಮಾ ಬಲೈನ ಆಯೊಸ ಕೈನ ತಿಳ್ದಿಲಿದ್ಯಾ. 
\v 30 ತೆಳಾಮಾ ಗಾಮಾ ಗದ್ದಲ ಉಟಿನ ಕ್ಹಾರಿ ಬಗಲ ಫೈಲಿ ಜಾ಼ವಸ. ಕ್ಹಾರಿ ಬಗಲ್ತಾ ಮನಕ್ಹೊ ಐನ ತ್ಯಾ ಮಳ್ಯಾ. ಪೌಲಾನೆ ಧರಿ ದೆವಾಲಯನಾ ಭಾರಾ ಯಳ್ದಿಲೈನ ಆಯೆಲ ಪರ ಬಾಕ್ಲೊ ಝಾಕ್ಯಾ. 
\v 31 ತ್ಯುನೆ ತಿನೆ ಖಲಾಸ ಕರಾನಾ ಹುತಿ ಕೊಶಿಸ ಕರ್ತಾಮಾ ಯೆರುಸೆಲಮಮಾ ಗಲಿಬಿಲ ಥೈನ ಕೈನ ಪಟಾಲಿನ ಅದಿಕಾರಿನೆ ಸುದ್ದಿ ಐ. 
\v 32 ತೆಳಾಮಾ ತೆ ಸಿಪಾಯಿಯೊನೆ ಶತಾದಿಪತಿಯೊನೆ ಲಿನ ಮನಕ್ಹೊ ಮಳಲ ಜ಼ಗಾ ಆಯೊ. ತ್ಯುನೆ ತೆ ಅದಿಕಾರಿನೆ ಸಿಪಾಯಿಯೊನೆ ದೆಕಿನ ಪೌಲಾನೆ ಮಾರಾನು ಛೊ಼ಡ್ಯಾ. 
\v 33 ತೆ ಸೆನಾದಿಪತಿ ತಿನಾ ನಜಿಕ ಐನ ತಿನೆ ಧರಿನ ಬೆಡಿಯೊ ಘಾಲೊ ಕೈನ ಅಪ್ಪಣೆ ದಿದ್ಯೊ; ವರಿ ಎ ಕುನ ವ್ಹೈ? ಸು ಕರ‍್ಯೊಸ? ಕೈನ ಕದ್ಯೊ. 
\v 34 ಕೈನ ಪುಚ್ತಾ಼ಮಾ ದಕ್ಹಾ ಜ಼ನಾ ಅಮ್ಮ ದಕ್ಹಾ ಜ಼ನಾ ತಿಮ್ಮ ಅಡ್ತಾಮಾ ಗದ್ದಲನಾ ಹುತಿ ಕ್ಹರಿನಿ ವಾತ ಗ್ವತ್ತ ನೈಸೊ ತಿನೆ ಕೊಟೆಮಾ ಬಲೈಲಿನ ಜಾ಼ವೊ ಕದ್ಯೊ. 
\v 35 ಕಾಕದ್ಯಾಮ ಪೌಲಾ ಪೌಟಂಗಿಯೊಪರ ರ‍್ಹತಾಮಾ ಮನಕ್ಹೊ ಢಕ್ಲಾನಾ ಹುತಿ ಸಿಪಾಯಿಯೊ ತಿನೆ ಉಚೈಲಿನ ಗಯಾ. 
\v 36 ಗುಂಪ ಥೈನ ಮನಕ್ಹೊ ಪಾಚಾ಼ತಾ ಐನ; ತಿನೆ ಖಲಾಸ ಕರೊ ಕೈನ ವದರ್ತಾ ತಿನಾ ಪಾಚಾ಼ ಆವಾಡಾತಾ. 
\v 37 ಪೌಲಾನೆ ಕೊಟೆಮಾ ಬಲೈನ ಲಿನ ಜೌ಼ ಕೈನ ಕತಾಮಾ ತೆ ಅದಿಕಾರಿನೆ ತಾರಾ ಕ್ಹಾತೆ ಯಕ್ಕ ಬೊಲಾನೆ ಮನೆ ಅಪ್ಪಣೆ ದೆಶಿಸು ಕೈನ ತೆ; ಗ್ರಿಕ ಭಾಷಾ ತುನೆ ಆವಸ್ಸು? 
\v 38 ದಕ್ಹಾ ದಿನ್ನ ಪಾಚಾ಼ ದಂಗೊ ಉಟಲ ತೆ ಚಾರ ಹಜಾ಼ರ ಕೆಟ್ಟ ಮನಕ್ಹೊನೆ ರಾನ್ಮಾ ಬಲೈಲಿನ ಗಯಲ ತೆ ಇಜಿಪ್ತ ತುಜ಼಼ ವ್ಹೈಸು ಕೈನ ಪುಚ್ಯೊ. 
\v 39 ತೆ ವಾತೆ ಪೌಲಾ ಉತ್ತರ ದಿದ್ಯೊ "ಮಿ ಯಹುದಿ, ತಾರ್ಸಮಾ ಹುಟ್ಟವಾಲೊ ವ್ಹೈ. ಕಿಲಿಕ್ಯ ಸಿಮೆನೊ ಪ್ರಖ್ಯಾತ ರ‍್ಹಯಲ ಗಾಮವಾಲೊ ವ್ಹೈ. ಎ ಮನಕ್ಹೊನೆ ದಕ್ಹಿಯೊ ವಾತೊ ಕವಾನೆ ಮನೆ ಮರಗಿನ ಅಪ್ಪಣೆ ಥೌಕೈನ ಮಾಂಗಿಲ್ಯುಸ ಕೈನ ಕದ್ಯೊ. 
\v 40 ಸೆನಾಧಿಪತಿ ಅಪ್ಪಣೆ ದೆತಾಮಾ, ಪೌಲಾ ಪೌಟಂಗಿಯೊಪರ ಹುಬ್ರೈನ, ಮನಕ್ಹೊನೆ ಹತ ಕರಿನ ದೆಕಾಡಿನ. ಗದ್ದಲ ಘನ್ನಿಯಳಪರ ಶಾಂತ ಥಯಲ್ಪರ ತೆ ಹಿಬ್ರಿಯ ಭಾಶಾಮಾ ಬೊಲಾನು ಶುರು ಕರ‍್ಯೊ"
\c 22
\p
\v 1 "ವಿಶ್ವಾಸಿಯೊ ವರಿ ಬಾಪೊ, ಹಮ್ನಾ ಮಿ ಕವಾನಿ ಸಮರ್ಥನೆನಿ ವಾತ ವ್ಹೈ ಕೈನ ಕದ್ಯೊ. 
\v 2 ತೆ ತ್ಯುನಾ ಕ್ಹಾತೆ ಹಿಬ್ರಿಯ ಭಾಶೆಮಾ ಬೊಲಾನು ಐಕೊ ತ್ಯುನೆ ವರಿ ಶಾಂತ ಥೈಗೈಯಾ. ತೆಳಾಮಾ ತೆ ಸು ಕದ್ಯೊಮ; 
\v 3 ಮಿ ಯಹುದಿ ವ್ಹೈ. ಕಿಲಿಕ್ಯನಿ ತಾರ್ಸಮಾ ಹುಟ್ಟಲ ವ್ಹೈ,ತೆನೈಸೊ ಎ ಗಾಮ್ಮಾ ಬೆಳದಲವಾಲೊ. ಗಮಲಿಮಾ ಪಾದ ಸನ್ನಿದಿಮಾ, ಅಪ್ನಾ ಪಿತೃವೊನಾ ಧರಮಶಾಸ್ತ್ರಮಾ ಪುರಾ ಶಿಕ್ಷಣ ಲಿದ್ಯೊ; ತುಮೆ ಕ್ಹಾರಾ ಹಮ್ನಾ ಕ್ಹುದಾನಾ ಹುತಿ ಅಭಿಮಾನ ರ‍್ಹಯಲವಾಲಾವೊಲಿಂಗತ, ಮಿಬಿ ಅಭಿಮಾನಿ ಥಯೊಸ. 
\v 4 ಎ ವಾಟಮಾ ರ‍್ಹಯಲವಾವೊನೆ ತ್ರಾಸ ದಿವಾಲೊ ಥೈನ ದಾಣ್ಗಾವೊನೆ ವರಿ ಬಾಕ್ಡಿಯೊನೆ ಬೆಡಿಯೊ ಘಾಲಿನ, ತ್ಯುನೊನೆ ಜೆಲ್ಮಾ ಘಲಾತೊ ವ್ಹತ್ತೊ, ಖಲಾಸ ಕರಾನೆಬಿ ಪಾಚೊ಼ ಸರಕ್ತೊ ನ್ಹೊತೊ ತೆಕ್ಲೊ ತ್ರಾಸ ದೆತೊತೊ. 
\v 5 ಇನಾಹುತಿ ಮಾಹಾ ಯಾಜಕ, ಮ್ಹೊಟಿ ಸಬೆವಾಲಾ ಮನಕ್ಹೊ ಸಾಕ್ಷಿಯೊ ಥಯಾಸ; ತ್ಯುನಾ ಹುತಿಜ಼ ಮಿ ದಮಸ್ಕಮಾ ರ‍್ಹಯಲ ವಿಶ್ವಾಸಿಯೊನೆ ಪತ್ರೊ ಕಾಳ್ಳಿನ, ತ್ಯಾ ಗಯಲವಾಲಾವೊನೆ ಬೆಡಿಯೊಕ್ಹು ಭಾಂದಿನ ಶಿಕ್ಷಾನಾ ಹುತಿ ಯೆರೊಸೆಲಿಮೆ ಲೌ ಕೈನ ಜಾ಼ವಾಲೊ 
\v 6 ಮಿ ಪ್ರಯಾಣ ಕರ್ತೊ ದಮಸ್ಕನಾ ನಜಿಕ ಆತಾಮಾ ದುಪಾರ ಥೈತಿ ತೆಳಾಮಾ ಹಬಾಳಮಾತು ಯಕ್ಕ ಮ್ಹೊಟು ಉಜಾಲು ಮಾರಾ ಸುತ್ತೆ ಫೈಲಿ ಗಯು. 
\v 7 ಮಿ ಜಿಮಿನಪರ ಪಡ್ಯೊ ತೆಳಾಮಾ, ಸೌಲಾ, ಸೌಲಾ ಮನೆ ಕಾ ತ್ರಾಸ ದಿವಾಡ್ಯೊಸ? ಕದಲ ಮಿ ಆವಾಜ಼ ಐಕ್ಯೊ. 
\v 8 ತಿನಾಹುತಿ ತೆ ಉತ್ತರ ದಿದ್ಯೊ; ಕರ್ತಾ, ತು ಕುನ ವ್ಹೈ? ಕೈನ ಪುಚ್ತಾ಼ಮಾ ತೆ; ತು ತ್ರಾಸ ದಿವಾನು ನಜ಼ರೆತನೊ ಯೆಸು ಮಿಜ಼ ಕೈನ ಕದ್ಯೊ. 
\v 9 ಮಾರಾ ಕ್ಹಾತೆ ರ‍್ಹಯಲವಾಲಾ ಹುಜಾಲು ಯಕ್ಕಜ಼ ದೆಕ್ಯಾ, ಮರಾ ಕ್ಹಾತೆ ಬೊಲಲವಾಲಾನು ಅವಾಜ಼ ಐಕ್ಯಾ ನೈ. 
\v 10 ತೆಳಾಮಾ ಮಿ; ಕರ್ತಾ, ಮಿ ಸು ಕರು? ಕೈನ ಪುಚ್ತಾ಼ಮಾ ಕರ್ತಾ ಮನೆ; ತು ಉಟಿನ ದಮಸ್ಕಮಾ ಜಾ಼. ತು ಸು ಕರು ಕೈನ ಕವಾನು ತುನೆ ತ್ಯಾ ಕವಸ ಕದ್ಯೊ. 
\v 11 ತೆ ಉಜಾಲಾನಿ ಮಹಿಮಾಕ್ಹು ಮನೆ ಡೊಳಾ ನೈ ದಿಕ್ಹಲ ಹುತಿ ಮನಾರಾ ಕ್ಹಾತೆ ರ‍್ಹಯಲವಾಲಾ ಮಾರೊ ಹತ ಧರಿನ ದಮಸ್ಕನಾ ಗಾಮ್ಮಾ ಹತ ಧರಿನ ಲಿನ ಗಯಾ. 
\v 12 ತೆ ಗಾಮಮಾ ಅನನಿಯ ಕವಾಲೊ ಯಕ್ಕ ತ್ಯಾ ಧರಮಶಾಸ್ತ್ರನೆ ಕರೆಟ್ಟ ಚಾ಼ಲಾಲಾ, ತೆ ಜ಼ಗಾನಾ ಕ್ಹಾರಾ ಯಹುದಿಯೊಕ್ಹು 
\v 13 ಚೊ಼ಕೊ ವ್ಹೈ ಕೈನ ಕವೈಲಿದಲ ನಾಮ ಅನ್ಯನಿಯ ಕವಾಲೊ ಮನಕ್ಹ ವ್ಹತ್ತೊ. ಹುಬ್ರೈನ; ಭೈ ಥಯಲ ಸೌಲಾ ತಾರಾ ಡೊಳಾ ದಿಕ್ಹಾದೆ. ತೆಳಾಮಾಜ಼ ಮಾರಾ ಡೊಳಾ ದಿಕ್ಹ್ಯಾ, ಮಿ ತಿನೆ ದೆಕ್ಯೊ. 
\v 14 ತೆಳಾಮಾ ತೆ; ಹಮಾರಾ ಪಿತೃವೊನೊ ಬಾ, ತಿನಿ ಚಿತ್ತ ತು ತಿಳ್ದಿಲಿವಾನೆ, ತೆ ಕ್ಹರಿ ರ‍್ಹಯಲವಾಲಾನೆ ದೆಕಾನೆ ತಿನಾ ಮ್ಹೊಡಾಮಾತಿಯೊ ಆವಾನಿಯೊ ವಾತು ಐಕಾನೆ ಮನೆ ನೆಮಶ್ಯೊಸ. 
\v 15 ತು ದೆಕಿನ ಐಕಲ ಕ್ಹಾರ ಮನಕ್ಹೊನಾ ಕ್ಹಾಮೊ ತು ಸಾಕ್ಷಿ ಕೌ 
\v 16 ಹಮ್ನಾ ತು ಕಾ ತಡಾ ಕರಡ್ಯೊಸ? ಉಟಿನ ಕರ್ತಾನು ನಾಮ ಕೈಲಿವಾಲೊ ಥೌ ಕೈನ ಬಾಪ್ತಿಸ್ಮ ಕರೈಲಿನ ತಾರು ಪಾಪ ಧವೈಲೆ ಕೈನ ಕದ್ಯೊ ತಿನಾಹುತಿ ಪ್ರಾರ್ಥನಾ ಕರ‍್ಯೊ. 
\v 17 ತೆ ಥಯಲ್ಪರ ಮಿ ಯೆರುಸಲಿಮೆ ಫರಿನ ಐನ ದೆವಾಲಯಮಾ ಪ್ರಾಥನಾ ಕರ್ತಾಮಾ ಯಕ್ಕ ದರ್ಶನ ಥೈಯು. 
\v 18 ಮಿ ಪ್ರಭುನೆ ದೆಕ್ಯೊ ತೆ; ತು ಭೆಗಿನ ಯೆರುಸೆಲಿಮಾತೊ ಗೈಪಡ ಮರಾಹುತಿ ತು ಕವಾನಿ ಸಾಕ್ಷಿ ತ್ಯುನೆ ವಪ್ಪಿಲೆತಾ ನೈ ಕದ್ಯೊ. 
\v 19 ತಿನಾಹುತಿ ಮಿ,ಕರ್ತಾ, ಕ್ಹಾರಾ ಸಭಾಮಂದಿರಮಾ ತಾರಾ ಉಪ್ಪರ ಬರೊಕ್ಹೊ ಮ್ಹೆಲಾವಾಲಾವೊನೆ, ಮಿ ಜೆಲ್ಮಾ ಘಲಾತೊ ವರಿ ಮಾರ ಕ್ಹಲಾತಾಮಾ 
\v 20 ವರಿ ತುನೆ ಸಾಕ್ಷಿಥಯಲ ಸ್ತೆಫನು ರಗತ ನಾಕತಾ ಟೈಮ್ಮಾ, ಮಿ ಕ್ಹಾಮೊ ಹುಬರೈನ ತೆ ಸಮ್ಮತಿಸಿ,ತಿನೆ ಮಾರೆಲವಾಲಾನಾ ವಣಾ ಕಾಯಿದಾಡೊತೊ. ಕವಾನು ತ್ಯುನೆ ಗೊತ್ತಥಯಲವಾಲಾ ವ್ಹತ್ತಾ. 
\v 21 ತೆಳಾಮಾ ಪ್ರಭು ಮನೆ ಕದ್ಯೊ; ತು ಜಾ಼,ಮಿ ದುರ ಯೆಹುದಿಯೊ ನೈಸೊ ಮನಕ್ಹೊ ಕನ ವಳಾವಸ ಕೈನ ಕದ್ಯೊ. 
\v 22 ತ್ಯಾ ಲಕ್ಕಾ ಪೌಲಾನಿಯೊ ವಾತೊ ಕತಾಮಾ ವಾತೊನೆ ಕಾನ ದಿನ್ನ ಐಕ್ಯಾ ಐಕಿನ ಚಾಲಾಡಾ ತಾ. ತೆಳಾಮಾ ತಿನೆ ಜಿಮಿನಮಾತಾ ಭಾರಾಕಾಡಿಪಡು. ತೆ ಜಿತೊ ರ‍್ಹವಾನೆ ಯೊಗ್ಯ ನತಿ ಕೈನ ವದರಿವ ಕದ್ಯಾ. 
\v 23 ತ್ಯುನೆ ಅಡತಾ ತ್ಯುನಾ ವಣಾ ಪ್ಹಾಡಿಲೆತಾ ಮಾತಿ ಭಿರಕಾತಾ 
\v 24 ರೊಮ್ಮನಾ ಶತಾದಿಪತಿ ಆಗನ್ಯೆ ದಿವಸ ಮನಕ್ಹೊ ಪೌಲಾನೆ ವಿರುದ್ದ ಥೈನ ವದರತ್ತಾ ರ‍್ಹತಾಮಾ ಅದಿಕಾರಿ ತಿಳಿದಿಲಿನ ಆತ್ತಾಮಾ ತಿನೆ ಕೊಟೆಮಾ ಲೈನ ಬಾರಕೊಲಕ್ಹು ಮಾರಿನ ವಿಚಾರಣೆ ಕರಿಯೆ ಕೈನ ಅಪ್ಪಣೆ ದಿದ್ಯೊ. 
\v 25 ತ್ಯುನೆ ಪೌಲಾನೆ ಬಾರಕೊಲಕ್ಹು ಭಾಂದಿನ ತಿಕನ ಹುಬರೈಲ ಶತಾದಿಪತಿನೆ ; ರೊಮಾಪುರನೊ ಮನಕ್ಹ ನ್ಯಾಯ ವಿಚಾರ ಕರೆವ್ಯಾಚಿ ಬಾರಕೊಲಕ್ಹು ಮಾರಾ ಲಗಾಡಾನು ಕಯು ನ್ಯಾಯ ವ್ಹೈ? ಕದ್ಯೊ. 
\v 26 ಶತಾಧಿಪತಿ ತೆ ವಾತೊ ಐಕಿನ ಅದಿಕಾರಿಕನ ಗೈನ "ತು ಸು ಕರುಕೈನ ಛೆ? ತೆ ಮನಕ್ಹ ರೊಮಾಪುರವಾಲೊ ವ್ಹೈ. 
\v 27 ತೆಳಾಮಾ ಅದಿಕಾರಿ ಪೌಲಾನಾ ಕ್ಹಾಮೊ ಐನ. ತು ರೊಮಾಪುರನೊ ಹಕ್ಕದಾರ ವೈಸು "ಮನೆ ಕೆ ಕೈನ ತಿನೆ ಪುಚ್ಯೊ ತೆ ಹೊ ಕೈನ ಕದ್ಯೊ. 
\v 28 ತೆಳಾಮಾ ತೆ ಅದಿಕಾರಿ ಕದ್ಯೊ, ಮಿ ಘನ್ನಾ ದೊಕಡಾ ದಿನ್ನ ತೆ ಹಕ್ಕ ಮಿ ಲಿದ್ಯೊಸ ಕತಾಮಾ ಪೌಲಾ ಮಿತೊ ರೊಮಾಪುರ ಹಕ್ಕದಾರ ಥೈನ ಹುಟೆಲವಾಲೊ ವ್ಹೈ ಕದ್ಯೊ. 
\v 29 ತಿನೆ ಮಾರಿನ ವಿಚಾರ ಕರಿನ ಆಯೆಲ ಪರ ತೆಳಾಮಾ ತಿನೆ ಛೊಡಿಪಾಡ್ಯಾ. ತೆನೈಸೊ ತೆ ರೊಮಾಪುರನೊ ಹಕ್ಕದಾರ ವ್ಹೈ ಕೈನ ತಿಳ್ದಿನ ಆತ್ತಾಮಾ ತೆ ತಿನೆ ಭಾಂದಿನ ಘಾಲತ್ತಾಮಾ ಸೆನಾಧಿಪತಿ ನೆ ಬುಚುಕು ಹುಟ್ಯು. 
\v 30 ಮರ್ನಾ ದಿನೆ ಪಾಟೆ ಪೌಲಾನೆ ವಿರುದ್ದ ಯೆಹುದಿಯೊ ಕೈಜ಼ ತಪ್ಪಘಾಲಾನಾ ವಿಷಯಮಾ ಕ್ಹರಿನಿಜ಼ ಸಂಗತಿ ತಿಳದಿಲಿವಾನಾ ಹುತಿ ಅದಿಕಾರಿ ಮರ್ನಾದಿನ್ನೆ ತೆ ತಿನಾ ಬೆಡಿಯೊ ಕಾಡಿನ ಖಾಸ ಯಾಜಕ, ಯೆಹುದಿಯೊನಾ ಮ್ಹೊಟಾ ಸಬೆವಾಲಾ ಕುಡಿನ ಆವಾನಾ ಹುತಿ ಅಪ್ಪಣೆ ದಿನ ಪೌಲಾನೆ ಬಲೆಲಿನ ಗೈನ ತ್ಯುನಾ ಕ್ಹಾಮೊ ಹುಬಾರಾಡ್ಯೊ.
\c 23
\m
\v 1 ತೆಳಾಮಾ ಪೌಲಾ ಫೈಸಲಾ ಕರಲ ಸಬೆವಾಲಾಮಾ ಎಕ್ಕಸವಾ ದೆಕಿನ; ಭಾಯೊ ಮಿ ಆ ದಿನೊಮಾ ಚೊ಼ಕಿ ಸಾಕ್ಷಿಕ್ಹು ಕ್ಹುದಾನಾ ಕ್ಹಾಮೊ ಚಾ಼ಲಿಲಿದ್ಯೊ. ಕದ್ಯೊ. 
\v 2 ತಿನಾಹುತಿ ಮಹಾಯಾಜಕ ಅನನಿಯ; ತಿನಾ ಮ್ಹೊಡಾಪರ ಮಾರೊ ಕೈನ ಕ್ಹಾಮಾ ಹುಬರೈಲ ವಾಲಾವೊನೆ ಅಪ್ಪಣೆ ದೆತ್ತಾಮಾ ಪೌಲಾ ತಿನೆ; 
\v 3 ಚು಼ನ್ನೊ ಮಾರಲ ಗೊಡಿ, ಕ್ಹುದಾ ತುನೆ ಮಾರಸ. ತು ಧರಮಶಾಸ್ತ್ರನಿಂಗತ ಮನೆ ಪೌಸಲೊ ಕರಾನೆ ಬೈಟಿನ ಧರಮಶಾಸ್ತ್ರನಾ ವಿರುದ್ದ ಮನೆ ಮಾರಾನಾ ಹುತಿ ಅಪ್ಪಣೆ ದೆಶಿಸು? ಕದ್ಯೊ 
\v 4 ಕ್ಹಾಮಾ ಹುಬರೆಲವಾಲಾ; ಕ್ಹುದಾ ನೆಮ್ಸಲ ಮಹಾಯಾಜಕನೆ ತು ಗಾಳೊ ದಿವಾಡ್ಯೊಸು? ಕತಾಮಾ 
\v 5 ಪೌಲಾ; ಭಾಯೊ ಮಹಾಯಾಜಕಕೊ ಮನೆ ತಿಳದ್ಯಾನ್ಹೊತ್ತಾ. ತಮಾರಾ ಮನಕ್ಹೊಮಾ ಅದಿಪತಿ ಥಯಲ ವಿಷಯಮಾ ಕೆಟ್ಟನು ಬೊಲು ನೈ ಕೈನ ಬರ್ದ್ಯಾಸ ಕದ್ಯೊ. 
\v 6 ಸಬೆಮಾ ಮನಕ್ಹೊನೆ ದೆಕತ್ತಾಮಾ ದಕ್ಹಾ ಜ಼ನಾ ಸದ್ದುಕಾಯಿವಾಲಾ,ವರಿ ದಕ್ಹಾ ಜ಼ನಾ ಫರಿಸಾಯರೊ,ರಹೆಲ ಪೌಲಾ ದೆಕಿನ; ಮಿ ಪರಿಸಾಯನೊ, ಪರಿಸಾಯನೊ ದಿಕ್ರೊ; ಮರೆಲವಾಲಾ ಪುನರುತಾನ ಥಾವಸ ಕೈನ ಆಸನಾ ಹುತಿ ಫೈಸೊಲೊ ಕರ‍್ಯೊಸೊ. ಕೈನ ವದರ‍್ಯೊ. 
\v 7 ತೆ ಇಮ ಕತಾಮಾ ಫರಿಸಾಯರೊನೆ, ಸದ್ದುಕಾಯವಲೊನೆ ಬಿ ವಾದ ವಿವಾದ ಹುಟ್ಯು; ಸಬೆಮಾ ಭೆದ ಹುಟ್ಯು. 
\v 8 ಕಾಕದ್ಯಾಮ, ಪುನರುತ್ಥಾನ ರ‍್ಹವಾದೆ , ದೆವದುತ ರ‍್ಹವಾದೆ, ಅಂಗನೈಸೊ ಆತ್ಮಾ ರ‍್ಹವಾದೆ, ನತಿ ಕೈನ ಸದುಕಾಯವಾಲಾ ಕವಾಲಾ. ತೆನೈಸೊ ಎ ಭಂಬಿ ಛೆ ಕೈನ ಫರಿಸಾಯರೊ ವಪ್ಪಿಲಿವಸ. 
\v 9 ತೆಳಾಮಾ ಮ್ಹೊಟಿ ಗದ್ದಲ ಥೈ. ಫರಿಸಾಯರನಾ ಬಗಲ್ತಾ ರಹೆಲವಾಲಾ ಶಾಸ್ತ್ರಿಯೊಮಾ ದಕ್ಹಾಜ಼಼ನಾ ಉಟಿನ"ತೆ ಮನಕ್ಹಮಾ ಹಮ್ಮನೊನೆ ಕೆಟ್ಟ ಸುಜ಼ ದಿಕ್ಹ್ಯು ನತ್ತಿ”, ಆತ್ಮಾ ರ‍್ಹವಾದೆ ದೆವದುತ ರ‍್ಹವಾದೆ ತಿನಾ ಕ್ಹಾತೆ ಬೊಲ್ಯಾತಬಿ ಬೊಲ್ಯೊವಸ ಕೈನ ವಾದಿಸ್ಯಾ, 
\v 10 ಲಡಯಿ ಘನಿ ಥಾತಾಮಾ ತ್ಯುನೆ ಪೌಲಾನೆ ಯಳ್ದಿನ ಚುರ-ಚುರ ಕರಸ ಕೈನ ಅದಿಕಾರಿ ಬುಚಕಿನ ಸಿಪಾಯೊನೆ ತುಮೆ ಗೈನ ತ್ಯುನಾ ವಚ಼ಮಾತ್ತಾ ತಿನೆ ಝಬರದಸ್ತಿ ಕರಿನ ಧರಲೈನ ಕೊಟೆಮಾ ಘಾಲುಕೈನ ಅಪ್ಪಣೆ ಕರ‍್ಯೊ. 
\v 11 ಕೈನ ತೆ ರಾತೆ ಕರ್ತಾ ಪೌಲಾನಾ ಕ್ಹಾತೆ ಹುಬರೈನ "ಧೈರ್ಯಕ್ಹು ರ‍್ಹೊ; ತು ಯೆರುಸೆಲಿಮ್ಮಾ ಮಾರಾ ಸಂಗತಿಯೊ ಸಾಕ್ಷಿಯೊ ಥೈಯೆಲ ಕ್ಹು ರೊಮಾಪುರಮಾ ಬಿ ಸಾಕ್ಷಿ ಥೌ ಕೈನ ಕದ್ಯೊ.
\s ಪೌಲಾನೆ ಖಲಾಸ ಕರಾನಿ ಕೊಶಿಶ
\p
\v 12 ಪಾಟ ಥಯಲಪರ ಯೆಹುದಿಯೊ ಮ್ಹೈ ವಿಚಾರ ಕರಿನ ಹಮೆ ಪೌಲಾನೆ ಖಲಾಸ ಕರೆಲಕ್ಕಾ ಅನ್ನ ಪಾನಿ ನೈ ಮುಟತ್ತಾ ಕರಿನ ಕ್ಹಮ ಘಾಲ್ಯಾ. 
\v 13 ಅಮ್ಮ ಕರೆಲವಾಲಾ ಚಾಳಾಕ್ಹತಿ ಹೆಚ್ಚಕಿ ಮಂದಿ ವ್ಹತ್ತಾ. 
\v 14 ತೆ ಮುಖ್ಯಯಾಜಕ ವರಿ ಮ್ಹೊಟಾ ಮನಕ್ಹೊ ಕನ ಗೈನ; ಹಮೆ ಪೌಲಾನೆ ಮಾರೆ ಮಟ್ಟಾ ಮ್ಹೊಡಾಮಾ ಸುಜ಼ ನೈ ಘಾಲ್ಲೆತಾ ಕೈನ ಕ್ಹಮ್ಮ ಘಾಲ್ಯಾಸ ಕದ್ಯಾ. 
\v 15 ತಿನಾಹುತಿ ತುಮೆಬಿ ವರಿ ನ್ಯಾಯ ಸಭೆವಾಲಾ ರೊಮನ ಶತಾಧಿಪತಿ ಕನ ಗೈನ ಪೌಲಾನಿ ಸಂಗತಿನೆ ಹಜು಼ನ ನಿಧಾನಕರಿನ ಪರಿಶಿಲನೆ ಕರಿನ ತಿನೆ ಕೊಟೆಮಾ ತುಕನ ಬಲೈನ ಔಕೈನ ಮಾಂಗಿಲಿದ್ಯಾ. ಹಮೆತೊ ತಿನಾ ಕ್ಹಾಮಾ ಆವಾತಿ ಪೈಲಾ ತಿನೆ ಮಾರಾನೆ ತಯ್ಯಾರ ಥಯಾಸ ಕೈನ ಕದ್ಯಾ. 
\v 16 ತ್ಯುನೆ ವಿಚಾರ ಕರಲ ಪೌಲಾನೊ ಭೆನನೊ ದಿಕ್ರೊ (ಭತ್ರಿಜೊ಼) ಐಕಿನ ಕೊಟೆಮಾ ಗೈನ ಪೌಲಾನೆ ಎ ಸುದ್ದಿ ಕದ್ಯೊ. 
\v 17 ಪೌಲಾ ಅದಿಕಾರಿಯೊಮಾನಾ ಯಕಲಾನೆ ಬಲೈನ ;ಆ ಜಾಂಜಿಮಾನನೆ ಅದಿಕಾರಿ ಕನ ಬಲಲಿನ ಜಾ಼; ತಿನೆ ತಿಳಸಾವೊನಿ ಯಕ್ಕ ವಾತ ಛೆ ಕೈನ ಕದ್ಯೊ. 
\v 18 ತಿನೆ ಅದಿಕಾರಿ ಕನ ಲಿನಗೈನ ಜೆಲಮಾ ರ‍್ಹಯೆಲ ಪೌಲಾ ಮನೆ ಬಲೈನ ಕದ್ಯೊ ಆ ಜಾಂಜಿಮಾನ ತುಕನ ಬಲೆಲಿನ ಜಾ಼ ಕೈನ ಮಾಂಗಿಲಿದ್ಯೊ. ತುನೆ ಕವಾನಿ ಯಕ್ಕ ವಾತ ಛೆ ಕೈನ ಕದ್ಯೊ. 
\v 19 ಅದಿಕಾರಿ ತಿನೆ ಹತ್ತಧರಲಿನ ಕುನಜ ನೈಸೊ ಜ಼ಗಾ ಬಲೆಲಿಂಗನ "ತು ಮನೆ ಕವಾನು ಸುವೈ ಕನ ಪುಚ್ಯೊ. 
\v 20 ತೆ ಯೆಹುದಿಯೊ ಪೌಲಾನಾ ಹುತಿ ಹಜು಼ನಬಿ ಚೊ಼ಕಿತರಾ ಒಳಕಿನ ನೆವಾ ಕೈನ ತುಮೆ ವ್ಹಂತಾ ತಿನೆ ನ್ಯಾಯಸಭೆನಾ ಕ್ಹಾಮಾ ಬಲೆ ಲೌಕೈನ ಪುಚ್ಚು಼ ಕೈನ ಒಪ್ಪಂದ ಕರಲಿದ್ಯಾಸ. 
\v 21 ತುಮೆ ತ್ಯುನಾ ವಾತೆ ಒಪಿಲ್ಯು ನಕೊ ಕಾಕದ್ಯಾಮ್ಮ ಚಾಳಕ್ಹತಿ ಹೆಚ್ಚಗಿ ಯೆಹುದಿಯೊನಾ ಮನಕ್ಹೊ ತಿನೆ ಖಲಾಸ ಕರೆ ಮಟಾ ಅನ್ನ ಪಾನಿ ಸುಬಿ ನೈ ಮುಟತ್ತಾ ಕೈನ ಕ್ಹಮ ಘಾಲಿನ ತಿನಾ ಹುತಿ ಪ್ಲಾನ ಕರ‍್ಯಾಸ. ತ್ಯುನೆ ತುಮಾರಾ ಪೈಸಲಾನಾ ಹುತಿ ಐಕಾನೆ ತಯಾರ ಥಯಾಸ ಕದ್ಯೊ. 
\v 22 ತೆಳಾಮಾ ತೆ ಅದಿಕಾರಿ ತೆ ಜಾಂಜಿಮಾನೆ ಕದ್ಯೊ ಆ ಸಂಗತಿಯೊ ಮನೆ ಗೊತ್ತ ಥಯಲ ತು ಕಿಕನಜ಼ ಕೌನಕೊ ಕೈನ ಅಪ್ಪಣೆ ದಿನ್ನ ಕೈನ ತಿನೆ ಮೊಕ್ಲಿಪಾಡ್ಯೊ. 
\v 23 ತೆ ಥಯಪರ ತೆ ಶತಾದಿಪತಿಮಾನಾ ಬೆ ಜ಼ನಾವೊನೆ ಬಲಲಿನ ರಾತ್ತೆ ನೌವಸ್ತಾ ಕೈಸರ ಲಕ್ಕಾ ಜೌಕೈನ ಬೆಕ್ಹೊ ಜ಼ನಾ ಸಿಪಾಯಿನೊ ಸತ್ತರಜ಼ನಾ ಘೊಡಾಪರ ಬೈಟವಾಲಾವೊನೆ ಬೆಕ್ಹೊಜ಼ನಾ ಇಟಿ ದ್ಹರಲ ಸೈನಿಕೊನೆ ತಯಾರ ಕರೊ. 
\v 24 ವರಿ ಘೊಡಾವೊನೆ ಸಿದ್ದಕರ‍್ಯೊ,ಪೌಲಾನೆ ಚಡೈನ, ದೆಶಾದಿಪತಿ ಥಯಲ ಫೆಲಿಕ್ಸ ಕನ ಸುರಕ್ಷಿತಕ್ಹು ಬಲಿನ ಜೌ ಕೈನ ಅಪ್ಪಣೆ ದಿದ್ಯೊ. 
\v 25 ಸೆನಾದಿಪತಿ ತೆ ಇನಾನಿಂಗತ ಯಕ್ಕ ಪತ್ರ ಬರ್ದ್ಯೊ" 
\v 26 ಮ್ಹೊಟೊ ಪ್ರತಾಪಿ ರಹೆಲ ಫೆಲಿಕ್ಸ ರಾಜ್ಯಪಾಲನೆ ಕ್ಲೌದಿಯೊಸ ಲಿಸಿಯಸನೆ ನಮಸ್ಕಾರ" 
\v 27 ಯೆಹುದಿಯೊ ತೆ ಮನಕ್ಹನೆ ಧರಿನ ಕಲಾಸ ಕರು ಕೈನ, ಮಿ ಸಿಪಾಯಿನಾ ಕ್ಹಾತೆ ಗೈನ ತಿನೆ ರೊಮಾಪುರನೊ ಹಕ್ಕದಾರ ವ್ಹೈ ಕೈನ ತಿನೆ ತಪಿಸ್ಯಾ. 
\v 28 ತೆನೈಸೊ ತಿನಾ ಉಪ್ಪರ ತಪ್ಪ ಘಾಲೆಲ ಕಾರಣ ತಿಳಸಾನಾ ಹುತಿ ತಿನೆ ತ್ಯುನಾ ನ್ಯಾಯ ಸಭೆನೆ ಬಲೈಲಿನ ಗಯಾ. 
\v 29 ತ್ಯಾ ತ್ಯುನೆ ಧರಮಶಾಸ್ತ್ರಾನಾ ವಿಷಯ ಧರ್ಲಿನ ತಿನಾ ವಿರುದ್ದ ತಪ್ಪ ಯಕಜ ಘಾಲ್ಯಾ ತೆನೈಸೊ ಮಾರಾನಿ ಶಿಕ್ಷಾ ರ‍್ಹೈನೆಕಾ ಬೆಡಿಯೊಕ್ಹು ಭಾಂದಾನು ರ‍್ಹೈನೆಕಾ ತಿನಾ ತಕ ಕಯುಜ಼ ಅಪರಾದ ರ‍್ಹೈನೆಕಾ ಘಾಲಾನೆ ಸ ಮನೆ ಧಿಕ್ಹಿನ ಐಯು. 
\v 30 ತೆ ಮನಕ್ಹನಾ ವಿರುದ್ದ ಥೈನ ಮ್ಹೈ ಪ್ಲಾನ ಘಾಲಾನಾ ಹುತಿ ಮನೆ ತಿಳ್ದಿನ ಆತ್ತಾಟೆಮ್ಮಾ, ಮಿ ತಿನೆ ತುಕನ ವಳಾಯಾಸ, ತಿನಾ ವಿರುದ್ದ ತಪ್ಪ ಘಲಾವಾಲಾ ತಾರಾ ಕ್ಹಾಮಾ ತಿನಾ ವಿರುದ್ದ ಥಯಲ ಒಪಿಲಿವಾಲಾನಿಂತ ಅಪ್ಪಣೆ ದಿದ್ಯೊ ಕೈನ. 
\v 31 ಸಿಪಾಯಿಯೊ ತ್ಯುನೊನೆ ಅಪ್ಪಣೆ ಥಯಲ ರಾತಮಾ ಪೌಲಾನೆ ಅಂತಿಪತ್ರಿನಾ ಗಾಮೆ ಬಲೆಲಿನ ಗಯಾ. 
\v 32 ಮರನಾದಿನೆ ತ್ಯುನೆ ಸವಾರನೆ ತಿನಾ ಕ್ಹಾತೆ ಜಾ಼ವಾ ವರಕ್ಹು ಕರಿನ,ತ್ಯುನೆ ಪಾಚಾಫರಿನ ಕೊಟೆಮಾ ಆಯಾ. 
\v 33 ಕೈಸರೈನೆ ಐನ ದೆಶಾದಿಪತಿನೆ ಪತ್ರ ಒಪಸಿನ, ಪೌಲಾನೆ ತಿನಾ ಕ್ಹಾಮಾ ಹುಬರಾಡ್ಯಾ. 
\v 34 ದೆಶಾದಿಪತಿ ತೆ ಕಾಗತ ಒದಿನ ಪೌಲಾ ಕಯೊ ಸಿಮೆನೊ ವ್ಹೈ? ಕೈನ ಪುಚಿ಼ನ ತೆ ಕಿಲಿಕ್ಯವಾಲೊ ವ್ಹೈ ಕೈನ ತಿಳ್ದಿನ; 
\v 35 "ತುಪರ ತಪ್ಪ ಕದಲವಾಲಾ ಆಯೆಲ ಪರ, ತಾರು ಕಾರ್ಯ ಪುರಾ ವಿಚಾರ ಕರುಸ ಕೈನ ಕದ್ಯೊ, ತಿನೆ ಹೆರೊದನಾ ಜೆಲಮಾಘಾಲಿನ ಕೈದು ಕೈನ ಅಪ್ಪಣೆ ದಿದ್ಯೊ.
\c 24
\s ಫೆಲಕ್ಸಾನಾ ಕ್ಹಾಮು
\p
\v 1 ಪಾಂಚ಼ ದಿನ್ನ ಥಯಲ್ಪರ ಮ್ಹೊಟೊ ಯಾಜಕ ಥಯಲ ಅನನಿಯಾ ಶಾನಾವೊಮಾ ದಕ್ಹಾಜ಼಼ನಾವೊಮಾ ತೆರ್ತುಲ ಕವಾಲೊ ಯಕ್ಕ ವಕಿಲನೆ ಬಲೈಲೈನ, ಪೌಲಾನಾ ವಿರುದ್ದ ದೆಶಾದಿಪತಿನೆ ದುರ ಕದ್ಯಾ. 
\v 2 ಪೌಲಾನೆ ಬಲಾಯಲ್ಪರ ತೆರ್ತುಲ್ಯ ತಿಪರ ತಪ್ಪ ಘಾಲಾನೆ ಶುರು ಕರಿನ ಅಮ್ಮ ಕದ್ಯೊ"ಮ್ಹೊಟೊ ಶ್ರೆಷ್ಠ ರ‍್ಹಯಲ ಫೆಲಿಕ್ಸ, ತಾರಾ ಮುಲಕ ಹಮೊನೆ ಘನ್ನು ಸಮಾಧಾನ ಹುಟ್ಟಸ ಕೈನ, ತಾರಿ ಅಗ್ಲಿ ವಿಚಾರನಾ ಹುತಿ ಎ ದೆಶನಾ ಮನಕ್ಹೊನೆ ಕ್ಹಾರಿ ತರಾಮಾ ಕ್ಹಾರಿ ಜ಼ಗಾಮಾ, ತುಟ್ಟಿ ಗಯೆಲ ಸಂಗತಿಯೊನೆ ಸುಧಾರಣೆ ಥಾವಾನಾ ಹುತಿ 
\v 3 ಹಮೆ ಎ ಉಪಕಾರ ಕೃತಜ್ಙತೆಕ್ಹು ವಪ್ಪಿಲಿಯೆಸ. 
\v 4 ತೆನೈಸೊ ತುನೆ ಬೆಜ್ಜಾರ ಕರಾನು ಹಮೊನೆ ಮನಸ ನೈಸೊ ಹಮೆ ಖುಲ್ಲಾ ಕವಾನಿಯೊ ವಾತೊ ಮರ್ಗಾಕ್ಹು ಐಕು ಕೈನ ಮಾಂಗಿಲಿಯೆಸ. 
\v 5 ಎ ಮನಕ್ಹಮಾ ಅಪಾಯ ದೆಕ್ಯಾ. ದುನಿಮ್ಮಾ ಕ್ಹಾರಿ ಜ಼ಗಾ ರ‍್ಹಯಲ ಯೆಹುದಿಯೊಮಾ ದಂಗೊ ಉಟಾಡಸ ಕವಾನು, ನಜರೆನ ಕವಾನು ಪಂಥನೊ ನಾಯಕ ವ್ಹೈ ಕೈನ ದೆಕ್ಯಾಸ. 
\v 6 ಯಕ್ಲುಜ಼ ನೈಸೊ ತೆ ಮನಕ್ಹ, ದೆವಾಲಯಮಾ ಹೊಲಸ ಕರಾನೆ ಕೊಶಿಶ ಕರ‍್ಯೊ. ತಿನಾಹುತಿ ಹಮೆ ತಿನೆ ಧರಿನೆ ಘ್ಯಾಲ್ಯಾಸ. 
\v 7 ತೆನೈಸೊ ಸಹಸ್ರಾದಿ ಪತಿ ಥಯಲ ಲುಸ್ಯನ ವಚ್ಮಾ಼ ಐನ ಜ಼ಬರದಸ್ತಿ ಕರಿನ ತಿನೆ ಹಮಾರಾ ಹತೊಮಾತೊ ಛೊಡೈಲಿನ ಗಯೊ. 
\v 8 ಇನೆ ತುಜ಼಼ ವಿಚಾರ ಕರ‍್ಯೊಮ, ಹಮೆ ಇನಾ ಉಪ್ಪರ ಘಾಲಲ ತಪ್ಪೊ ಕ್ಹರಿ ವ್ಹೈ ಸು ಸುಳ್ಳ ವ್ಹೈಸು ಇನಾಕ್ಹು ವಳಕಿಲಿಯೆಸ ಕೈನ ಕದ್ಯೊ. 
\v 9 ತೆಳಾಮಾ ಯಹುದಿಯೊ ವಕಿಲನಾ ಕ್ಹಾತೆ ಮಳಿನ ಸಂಗತಿಯೊ ಕ್ಹರಿ ವ್ಹೈ ಕೈನ ತ್ಯುನೆ ತೆ ದೊಶಾರೊಪಣೆ ಕರಾಲಾವೊನಾ ಕ್ಹಾತೆ ಮಳ್ಯಾ. 
\v 10 ದೆಶಾದಿಪತಿ ಪೌಲಾನೆ, ತು ಬೊಲಸಕ್ಸಿ ಸ್ವನ್ನಿ ಕರ್ತಾಮಾ, ತೆ ಫರಿನ ಉತ್ತರ ಸು ದಿದ್ಯೊ ಕದ್ಯಾಮ; ತು ಘನ್ನಾ ವರಕ್ಹತೊ ಎ ದೆಶನಾ ಮನಕ್ಹೊನೆ ನ್ಯಾಯಾದಿ ಪತಿ ಥೈನ ರ‍್ಹೌ ಕೈನ, ಕೈನ ತಿಳದಿಲಿನ ಮಿ ಖುಶಿಕ್ಹು ಪ್ರತಿವಾದ ಕರಾಡ್ಯೊಸ. 
\v 11 ಮಿ ಕ್ಹುದಾನಿ ಅರಾಧಾನಾ ಕರಾನಾಹುತಿ ಯೆರುಸೆಲೆಮೆ ಗೈನ, ಕ್ಹಾಲಿ ಬಾರಾ ದಿನ್ನ ಥಯಾಸ ಕೈನ ತು ತಿಳ್ದಿಲೆಸಕ್ಸಿ. 
\v 12 ತ್ಯಾ ದೆವಾಲಯಮಾ ರ‍್ಹೈನೆಕಾ, ಸಭಾಮಂದಿರಮಾ ರ‍್ಹೈನೆಕಾ, ಗಾಮ್ಮಾ ರ‍್ಹೈನೆಕಾ, ಯೆಹುದಿನಾ ಕ್ಹಾತೆ ವಾದಾ ಕರಾನು, ನೈತೊ ಮನಕ್ಹೊನು ಗುಂಪ ಮಳಾವಾನು ಇವ್ನೆ ದೆಕ್ಯಾ ನತ್ತಿ. 
\v 13 ಎನೈಸೊ ಇವ್ನೆ ಮಪರ ಘಾಲಾನು ತಪ್ಪೊ ಸಾಬಿತ ಕರಾನಾಹುತಿ ತಾರಾ ಕ್ಹಾಮಾ ತುನೆ ದೆಕಾಡಿನ ದೆತಾ ನೈ. 
\v 14 ಯಕ್ತೊ ತಾರಾ ಕ್ಹಾಮೊ ವಪ್ಪಿಲ್ಯುಸ, ತೆ ಸು ವ್ಹೈ ಕದ್ಯಾಮ;ಇವ್ನೆ ಮನೆ ಧರ್ಮನೊ ವಿರೊದಿ ವ್ಹೈ ಕೈನ ಕವಾನು, ಮಿತೊ ಮಾರಾ ಪಿತೃ ಆರಾಧನ ಕರಾನಾ ಕ್ಹುದಾನೆಜ಼ ಮಿ ಆರಾದಾನಾ ಕರಾಲೊ ಥಯೊಸ. ಮೊಶೆನು ಧರ್ಮ ಶಾಸ್ತ್ರನಾ ಲಿಂಗತ ರ‍್ಹಯಲ ವರಿ ಪ್ರವಾದಿಯೊನಾ ಗ್ರಂಥೊಮಾ ಬರ್ದಲ ಕ್ಹಾರಿ ವಿಷಯನಾ ಹುತಿ ಬರೊಕ್ಹೊ ಕರಿಯೆಸ. 
\v 15 ತೆನೈಸೊ ನಿತಿವಂತವಾಲಾವೊನೆ ವರಿ ಅನಿತಿವಂತವಾಲಾವೊನೆ ಪುನರುತ್ಥಾನ ಥಾವಾಸ ಕೈನ ಇನ್ವೆ ಕ್ಹುದಾಪರ ಬರಿಕ್ಹೊ ಮ್ಹೆಲಲ ಲಿಂಗತಜ಼ ಮಿಬಿ ಆಸ ಮ್ಹೆಲಲವಾಲೊ ಥಯೊಸ. 
\v 16 ಇನಾಹುತಿ ಕ್ಹುದಾನಾ ಕ್ಹಾಮಾ ಶುದ್ಧ ಮನಸಕ್ಹು ರ‍್ಹವಾನೆ ಮನಸಾಕ್ಷಿಲಿಂಗತ ಮಿ ಕೆಳಾಮಾಬಿ ಮನೆ ಥಾವಾಕ್ಲು ಕೆಳಮ್ಮಾನಿ ಕೊಶಿಷ ಕರುಸ. 
\v 17 ದಕ್ಹಾ ವರಕ್ಹ ಥಯಲ್ಪರ, ಯೆರುಸಲೆಮ್ಮಾ ರ‍್ಹಹೆಲವಾಲಾವೊನೆ ದೊಕಡಾ ವರಿ ಕಾಣಿಕೆ ಯಜ್ಞನೆ ಒಪ್ಪಿಸಾನಾಹುತಿ ಆಯೊ. 
\v 18 ಮಿ ಶುದ್ಧಿಕರಿಲಿದಲ ಲಿಂಗತ, ತೆ ವಪಸ್ತಾಮಾ,ತ್ಯುನೆ ಮನೆ ದೆವಾಲಯಮಾ ದೆಕ್ಯಾ, ತೆಳಾಮಾ ಮಾರಾಕ್ಹಾತೆ ಮನಕ್ಹೊನು ಗುಂಪ ನ್ಹೊತು. ಗದ್ದಲಬಿ ನ್ಹೊತಿ. ಮನೆ ದೆಕಲವಾಲಾ. 
\v 19 ಆಸ್ಯಸಿಮೆತ್ತಾ ಆಯೆಲವಾಲಾ ದಕ್ಹಾ ಯೆಹುದಿಯೊ ವ್ಹೈ. ಮಾರಾ ವಿರುದ್ದ ತ್ಯುನೊನೆ ಸುಬಿ ರ‍್ಹೈಯುಮ, ತ್ಯುನೆ ಕ್ಹಾಮಾ ಅಪರಾದ ಘಾಲಾನಾ ಹುತಿ ನ್ಹ್ಯಾ ಆವಾನ ವ್ಹತು. 
\v 20 ನೈರ‍್ಹತಾಮ್ಮಾ ಮಿ ನ್ಯಾಯ ಸಬೆನಾ ಕ್ಹಾಮೊ ಹುಬ್ರೆತಾಮಾ, ಮಾರಾಮಾ ಅಪರಾದ ದಿಕ್ಹ್ಯುಮ ಇವ್ನೆಜ಼ ಕವಾದೆ. 
\v 21 ಮಿ ಇವ್ನಾ ವಚ್ಮಾ಼ ಹುಬ್ರ್ಯೆನ; ಮರಿನ ಪುನರುತ್ಥಾನ ಥಾವಸ ಕೈನ ನಂಬಾನಾಹುತಿ ತುಮೊಕ್ಹೊ ಮನೆ ವಿಚಾರಣೆನೆ ಗುರಿ ಥಾವಾಸ’ ಕೈನ ಜೊ಼ರ ವದ್ರಿನ ಕದಲ ಹುತಿ ಕೌ ಯಕ್ಕಜ಼ ತೆನೈಸೊ ಬಿಜು಼ ಸುಜ಼ ಕತಾ ನೈ ಕೈನ ಕದ್ಯೊ. 
\v 22 ಫೆಲಿಕ್ಸ ಎ ವಾಟ, ತಕ್ಕ ಟೈಮ್ಮ ತಿಳದಿಲಿದಲ ರ‍್ಹಯೊತಬಿ ತ್ಯುನೊನೆ; ತಿರ್ಮಾನ ಕರುಸ ಕೈನ, ಫೈಸ್ಲೊ ಕರಾನೆ ನಿರ್ಧಾರ ಕರ‍್ಯೊ. 
\v 23 ತೆ ಥಯಲ್ಪರ ಪೌಲಾನೆ ಕಾವಲಮಾ ಮ್ಹೆಲು ಕೈನ, ಆದರೆ ಕಟ್ಟು ನಿಟ್ಟ ನಕೊ ಚಾ಼ಯೆ ಕೈನ, ತಿನೆ ರ‍್ಹಯೆಲ ದೊಸ್ತೊನೆ ತಿನೆ ಉಪಚಾರ ಕರಾನು, ಅಡ್ಡಿಕರು ನೈ ಕೈನ ಶತಾದಿಪತಿನೆ ಅಪ್ಪಣೆ ಕರ‍್ಯಾ. 
\v 24 ದಕ್ಹಾ ದಿನ್ನ ಥಯಲ್ಪರ ಫೆಲಿಕ್ಸ, ಯಹುದಿಯೊನೆ ರ‍್ಹಯಲ ದ್ರೊಸಿಲ್ಲ ಕವಾಲಿ ಬಾಕ್ಡಿ ತಿನಾ ಕ್ಹಾತೆ ಐನ, ಪೌಲಾನೆ ಬಲೈನ ಕ್ರಿಸ್ತ ಯೆಸುಮಾ ಮ್ಹೆಲಾನಾ ಬರೊಕ್ಹಾನಾ ಹುತಿ ತೆ ಕವಾನಿ ವಾತೊ ಐಕ್ಯೊ. 
\v 25 ತಿನಾಹುತಿ ತ್ಯಾಂತೊ ಗೈನ ಪೌಲಾ ಸ್ವ ನಿಯಂತ್ರಣ ವರಿ ಅಗು ಥಾವಾನು ಚೊ಼ಕಾನಾಹುತಿ ಚೆರ್ಚಾ ಕರಿನಾಹುತಿ ಇವ್ನಾ ಹುತಿ ಕತಾಮಾ ಫೆಲಿಕ್ಸ ಭುಚಿ಼ಕಿನ ತಿನೆ; ತೆ ಕವಸ ಹಮ್ನಾ ತು ಜಾ಼; ಮಿ ತುನೆ ಟೈಮ ಮಳಲಪರ ತುನೆ ಬಲೌಸ ಕೈನ ಕದ್ಯೊ. 
\v 26 ತೆಜ಼ ಟೈಮ್ಮಾ ತೆ ಪೌಲಾನೆ ಸುಬಿ ತಿನೆ ಸುಬಿ ದೊಕ್ಡಾ ದೆಸ ಕೈನ ಆಸ ಕರಿನ, ತೆಳಾಮಾ ತಿನೆ ಬಲೈನ ತಿನಾ ಕ್ಹಾತೆ ಸಲ್ಲಾಪ ಕರ್ತೊತೊ. 
\v 27 ಬೆ ವರಕ್ಹ ಥಯಲ್ಪರ ಫೆಲಿಕ್ಸನಿ ಜ಼ಗಾಪರ ಪೊರ್ಕಿಯ ಪೆಸ್ತನ ಕವಾನೊ ರಾಜ್ಯಾಪಾಲ ಆಯೊ. ಫೆಲಕ್ಸ ಯಹುದಿಯೊನಿ ಮಯಾ ಗಳಸು ಕೈನ ಪೌಲಾನೆ ಜೆಲ್ಮಾಜ಼ ಮ್ಹೆಲಿನ ಗಯೊ.
\c 25
\m
\v 1 ಫೆಸ್ತಾ ಅದಿಕಾರ ಹೊಂದೆಲ ಪರ ತನ ದಿನ್ನ ಥಯಲಪರ ಕೈಸರೈತೊ ಯೆರುಸಲೆಮ್ಮೆ ಗಯೊ. 
\v 2 ತ್ಯಾ ಖಾಸ ಯಾಜಕವೊ, ಯೆಹುದಿಯೊನಾ ಮ್ಹೊಟಾ ತಿನೆ ಪೌಲಾನಾ ಉಪ್ಪರ ತಪ್ಪಕೈನ ಯೆರುಸಲೆಮ್ಮಾ ವಳೌ ಕೈನ ಫೆಸ್ತ ಕನ ಮಾಂಗಿಲಿದ್ಯಾ, 
\v 3 ಕಾಕದ್ಯಾಮ್ಮಾ ಯೆರುಸಲೆಮ್ಮಾ ಜಾತ್ತಾಮ್ಮಾ ರಸ್ತಾಮ್ಮಾ ತಿನೆ ಮಾರಾನಾ ಹುತಿ ವಿಚಾರ ಕರ‍್ಯಾತ್ತಾ. 
\v 4 ಫೆಸ್ತ ಅಮ್ಮ ಕದ್ಯೊ;ಪೌಲಾ ಕೈಸರೈನಾ ಜೆಲಮ್ಮಾ ಛೆ,ಮಿ ತ್ಯಾ ಜಲದಿ ಜೌ ಕೈನ ಛೆ. 
\v 5 ತಿನಾಹುತಿ, ತಮಾರಾಮ್ಮಾ ಖಾಸ, ಮಾರಾಕ್ಹಾತೆ ಕೈಸರೈಮ್ಮಾ ಐನ ತೆ ಮನಕ್ಹಮಾ ಅಪರಾದ ಕೈಬಿ ರ‍್ಹೈಮ್ಮ ತಿನಾ ಉಪ್ಪರ ತಪ್ಪ ಘಾಲಾಂದೆ ಕದ್ಯಾ. 
\v 6 ತೆ ಯೆರುಸಲೆಮ್ಮಾ ಆಟ ದಕ್ಹತಿ ಹೆಚ್ಕಿ ದಿನೊ ಹುಬರಯಾವಾಚಿ ಕೈಸರೈನೆ ಗೈನ ಮರನಾದಿನೆ ಫೆಸ್ತ ಫೈಸಲಾನಿ ಜ಼ಗಾ ಬೈಟಿನ, ಪೌಲಾನೆ ಬಲೆಲಿನ ಆವೊ ಕೈನ ಅಪ್ಪಣೆ ದಿದ್ಯೊ. 
\v 7 ತೆ ಆತ್ತಾ ಟೆಮ್ಮಾ ಯೆರುಸಲೆಮಾತ್ತಾ ಆಯೆಲ ಯೆಹುದಿಯೊ, ತಿನಾ ಸುತ್ತೆ ಹುಬರೈನ ತ್ಯುನೆ ಸಾಬಿತ ನೈಥಯಲ ಘನ್ನಾ ಮ್ಹೊಟಾ ಮ್ಹೊಟಾ ತಪ್ಪೊ ಘಾಲತ್ತಾ ಟೆಮ್ಮಾ, ತ್ಯುನೊನೆ ತೆ ಯಕ್ಕಬಿ ಸಾಬಿತ ಕರಾನೆ ಥೈಯು ನೈ. 
\v 8 ತೆನೈಸೊ ಪೌಲಾ;ಯೆಹುದಿಯೊ ಧರಮಶಾಸ್ತ್ರನಾ ವಿಷಯಮ್ಮಾ ರ‍್ಹಂದೆ ದೆವಾಲಯನಿ ವಿಷಯಮ್ಮಾ ಥಾವಾಂದೆ, ಚಕ್ರವರ್ತಿನಾ ವಿಷಯಮ್ಮಾ ಥಾವಾಂದೆ, ಮಿ ಸುಜ಼ ತಪ್ಪ ನತಿ ಕರ‍್ಯೊ ಕೈನ ಉತ್ತರ ದಿದ್ಯೊ. 
\v 9 ತೆನೈಸೊ ಫೆಸ್ತಾ ಯೆಹುದಿಯೊನಿ ಮಯಾ ಗಳಸಿಲ್ಯು ಕೈನ ಆಸ ಮ್ಹೆಲಿನ ಪೌಲಾನೆ; ತು ಯೆರುಸಲೆಮನೆ ಜಾ಼ವಾವು ಕೊಶಿಶ ಕರತ್ತಾಮ್ಮಾ ತ್ಯಾ ಆ ಕಾಮನಾ ವಿಷಯಮ್ಮಾ ಮಾರಾ ಕ್ಹಾಮೊ ವಿಚಾರ ಕರಾನೆ ತುನೆ ಮನಸಚೆ? ಕೈನ ಪುಚತ್ತಾಮ್ಮಾ, ಪೌಲಾ; 
\v 10 ಮಿ ಪೌಲಾ ಕದ್ಯೊ ಚಕ್ರವರ್ತಿ ಥಯಲ ಕೈಸರೈನಾ ಫೈಸಲಾನಿ ಜ಼ಗಾನಾ ಕ್ಹಾಮೊ ಹುಬರಯೊಸ; ನ್ಹ್ಯಾಜ಼ ಮಾರು ವಿಚಾರಣೆ ಥೌ. ಯೆಹುದಿಯೊನೆ ಮಿ ಅನ್ಯಾಯ ನತಿ ಕರ‍್ಯೊ; ತೆ ತುನೆಬಿ ಚೊ಼ಕಿತರಾ ಗೊತ್ತ ಛೆ. 
\v 11 ಮಿ ಧರಮಶಾಸ್ತ್ರಾನೆ ವಿರೊದ್ದ ಥಯೊಮ್ಮ ಮೌತ್ತನಿ ಶಿಕ್ಷಾನೆ ಕಾರಣ ಥಯಲ ಸುಬಿ ಕರಲ ರ‍್ಹಯುಮ ಮೌತ್ತನಿ ಶಿಕ್ಷಾನೆ ಇನಾಕಾರತೊ ನೈ. ವರಿ ತ್ಯುನೆ ಮಾರಾ ಉಪ್ಪರ ಘಾಲೆಲ ತಪ್ಪೊ ತಾಕತ ನೈಸೊ ಪಕ್ಷಮ್ಮಾ,ಕುನಬಿ ಮನೆ ತ್ಯುನಾ ಹತೆ ಒಪಸಾನೆ ನೈ ಥಾತು. ಮಿ ಕೈಸರನಾ ಕ್ಹಾಮೊ ಕೈಲ್ಯುಸ ಕದ್ಯೊ. 
\v 12 ತೆಳಾಮಾ ಫೆಸ್ತಾನೆ ತ್ಯುನಾ ಸಭೆವಾಲಾವೊನಾ ಕ್ಹಾತೆ ಕ್ಹಾರು ವಿಚಾರ ಕರಲ ಪರ ಪೌಲಾನೆ; ತು ಕೈಸರನಾ ಕ್ಹಾಮೊ ಕೈಲ್ಯುಸ ಕದ್ಯೊ ತೊ ತಿನಾ ಹುತಿ ಕೈಸರ ಕನ ಜೌ ಕೈನ ಕದ್ಯೊ. 
\v 13 ದಕ್ಹಾದಿನೊ ಥಯಲ ಅಗ್ರಿಪ್ಪ ರಾಜೊ಼, ಬೆರ್ನಿಕೆರಾಣಿ, ಫೆಸ್ತಾನೆ,ಮಳಾನೆ ಸ್ವಾಗತ ಕರಾನೆ ಕೈಸರೈನೆ ಆಯಾ. 
\v 14 ತ್ಯುನೆ ದಕ್ಹಾ ದಿನ್ನ ತ್ಯಾ ರ‍್ಹತ್ತಾಮ್ಮಾ ಫೆಸ್ತಾ ಪೌಲಾನಿ ಸಂಗತಿಯೊ ರಾಜಾ಼ನೆ ತಿಳಸಿ ಕದಲ ; ಫೆಲಿಕ್ಸ ಛೊಡಿನ ಗಯೆಲ ಎಕ ಜೆಲಮ್ಮಾನೊ ಮನಕ್ಹ ವ್ಹತ್ತೊ. 
\v 15 ಮಿ ಯೆರುಸಲೆಮ್ಮಾ ರ‍್ಹತ್ತಾಮ್ಮಾ ಯೆಹುದಿಯೊನಾ ಖಾಸ ಯಾಜಕೊ, ಮ್ಹೊಟಾ ಮನಕ್ಹೊ ತಿನಾ ವಿಷಯಮ್ಮಾ ಮನೆ ತಪ್ಪ ಕೈನ ತಿನೆ ವಿರುದ್ದ ಥೈನ ಫೈಸಲೊ ಥಾನಾದೆ ಕೈನ ಮಾಂಗಿಲಿದ್ಯಾ. 
\v 16 ಮಿ ತ್ಯುನಾ ಪ್ರಾವಾದಿಯೊ ವಾದಾ ಕರಾವಾಲಾ ವೊನೆ ತ್ಯುನಾ ಕ್ಹಾಮಾಜ಼ ಹುಬರೈನ ತಿಪರ ಘಾಲೆಲ ದೊಷನಾ ಹುತಿ ಪ್ರತಿವಾದ ಕರಾನೆ ದಿದ್ಯಾವಾಚಿ ತಿನೆ ಒಪ್ಪನಿ ದಿವಾನೆ ರೊಮ್ಮಾವಲೊನಿ ಪದ್ದತ ನ್ಹೊವೈ ಕೈನ ಕದ್ಯೊ. 
\v 17 ತ್ಯಾ ತ್ಯುನೆ ಮಳಿನ ಮಿ ದಕ್ಹಿಯೆಳ ಬಿ ತಡಾ ಕರೆವಾಚಿ ಮರ್ನಾ ದಿನೆ ಫೈಸಲಾನಿ ಜ಼ಗಾಪರ ಬೈಟಿನ ತೆ ಮನಕ್ಹನೆ ನಿನೌ ಕೈನ ಅಪ್ಪಣೆ ದಿದ್ಯೊ, 
\v 18 ಯೆಹುದಿಯೊ ತ್ಯಾ ಹುಬರೈನ ತಿನಾ ಉಪ್ಪರ ತಪ್ಪ ಘಾಲ್ಯಾ. ತಿನಾಹುತಿ ಮಿ ವಿಚಾರ ಕರಲ ತ್ಯುನೆ ಅಪರಾಧಮಾ ಯಕಬಿ ತಿನಾ ಉಪ್ಪರ ಘಾಲ್ಯಾ ನೈ. 
\v 19 ತ್ಯುನೆ ಕದಲ ಸಂಗತಿಯೊ ತ್ಯುನಾ ಧರಮಶಾಸ್ತ್ರನಾ ಪ್ರಕಾರ ಜಿವ್ನಾ ಕರಾಡೊತೊ ಕೈನ, ಪೌಲಾ ಕವಾನು ಮರಿಗಯೆಲ ಯೆಸು ಜಿವಾಸಾಡೊಸ ಕೈನ ಯಕ್ಲಾನಾ ವಿಚಾರಮಾ, ತಿನಾ ಉಪ್ಪರ ದಕ್ಹಾ ವಿವಾದ ಥವಾನು ವಾತೊ ಬೊಲ್ಯಾ. 
\v 20 ಹವಾ ಕಾಮೊ ಕಿಮ್ಮ ವಿಚಾರ ಕರು ಕೈನ ಮನೆ ಕಳೆ ನೈಸೊ. ತು ಯೆರುಸಲೆಮೆ ಗೈನ ತಾರಾ ಅಪರಾಧನಾ ವಿಷಯಮಾ ವಿಚಾರ ಕರಾನಾಹುತಿ ಕೊಶಿಶ ಕರಾನೆ ಮನಸ ಛೆ ಸು? ಕೈನ ಮಿ ಪುಚ್ಯೊ಼. 
\v 21 ತಿನೆ ಪೌಲಾ ಚಕ್ರವರ್ತಿ ಥಯಲ ಕೈಸರನಾ ಕ್ಹಾಮೊ ಹುಬರೈನ ಕದೆಮಟಾ, ಮಾರಾ ಹುತಿ ಕೈದು ಕೈನ ಮಾಂಗಿಲೆತ್ತಾಮ್ಮಾ ಮಿ ಕೈಸರ ಕೈನ ಮೊಕಲೆ ಲಕ್ಕಾ ತಿನೆ ಕೈದಾನಾ ಹುತಿ ಅಪ್ಪಣೆ ದಿದ್ಯೊ ಕೈನ ಕದ್ಯೊ" 
\v 22 "ತಿನೆ ಅಗ್ರಿಪ್ಪ; ತೆ ಮನಕ್ಹ ಕಲಿವಾನು ಕತ್ತಾಮ್ಮಾ ಮನೆಬಿ ಮನಸ್ಸ ಛೆ ಕೈನ ಪುಚತ್ತಾಮ್ಮಾ ಫೆಸ್ತಾ ಉತ್ತಾರಾ ದಿದ್ಯೊ ವಂತಾ ಪುಚಸಕಸಿ ಕದ್ಯೊ" 
\v 23 ಮರಾನಾ ದಿನೆ ಅಗ್ರಿಪ್ಪ ರಾಜೊ಼,ಬೆರ್ನಿಕೆರಾಣಿ ಘನ್ನಾ ವತಡಕ್ಹು ಐನ ಅದಿಕಾರಿಯೊ ವರಿ ಗಾಮನಾ ಖಾಸ ಮನಕ್ಹೊನಾ ಕ್ಹಾತೆ ಸಭಾಮಂದಿರಮ್ಮಾ ಮಳಿನ ಆತ್ತಾಮ್ಮಾ ಫೆಸ್ತಾ ಅಪ್ಪಣೆ ದೆತಾಮ್ಮಾ ಪೌಲಾನೆ ಬಲೆಲಿನ ಆಯಾ. 
\v 24 ತೆಳಾಮಾ ಫೆಸ್ತಾ; ಅಗ್ರಿಪ್ಪ ರಾಜೊ಼,ಹಮ್ಮಾರಾ ಕ್ಹಾತೆ ಮಳಿನಾಯೆಲ ಕ್ಹಾರಾ ಮನಕ್ಹೊ, ಆ ಮನಕ್ಹನೆ ದೆಕೊಶಿನೈ,ಅನಾ ವಿಷಯಮ್ಮಾ ಯೆಹುದಿಯೊ ಆ ಅಬಾದಾತೊ ಜಿವ್ನಾ ಕರುನೈ ಕೈನ ವದರತ್ತಾ ಯೆರುಸಲೆಮ್ಮಾ ವರಿ ಯ್ಹಾಬಿ ಮನೆ ಮಾಂಗಿಲಿದ್ಯಾ. 
\v 25 ತೆ ಮಾರಾನೆ ದಂಡನೆ ಕಾರಣಾ ಥಾವಾನೆ ಸು ನತ್ತಿ ಕರ‍್ಯೊಕೈನ ಮನೆ ದಿಕ್ಹಿನ ಐಯು. ತೆಜ಼ ಕೈಸರನೆ ಮಾಂಗಿಲೆತ್ತಾಮ್ಮಾ ತಿನೆ ಕೈಸರಕನ ವಳಾವಾನೆ ಫೈಸಲೊ ಲಿದ್ಯೊ. 
\v 26 ತೆನೈಸೊ ತಿನಾಹುತಿ ಕೈಸರ ಆವಾನೆ ಕೈಜ಼ ಕಾರಣ ದಿಕ್ಹಿನ ಆಯು ನೈ. ಜೆಲಮ್ಮಾರಹೆಲವಾಲಾನಾ ಹುತಿ ಆರೊಪ ಘಾಲೆಲ ತಪ್ಪ ದಿಕ್ಹೆವಾಚಿ, ತಿನೆ ವಳಾವಾನು ಚೊ಼ಕು ನ್ಹವೈ ಕೈನ ಮನೆ ದಿಕ್ಹಿ ಐ ನೈ. 
\v 27 ತಿನಾಹುತಿ ವಿಚಾರ ಕರಲ ಪರ ಸುಬಿ ಲಿಕಾನೆ ಮಳಸ ಕೈನ ತಿನೆ ತಾರಾ ಕ್ಹಾಮಾ ಖಾಸ ಕರಿನ ಅಗ್ರಿಪ್ಪ ರಾಜಾ಼ ತಾರಾ ಕ್ಹಾಮಾ ಲಾಯಾಸ ಕೈನ ಕದ್ಯೊ.
\c 26
\p
\v 1 ತೆಳಾಮಾ ಅಗ್ರಿಪ್ಪನೆ, ಪೌಲಾನೆ ತು ತಾರಾ ಪರಾ ಬೊಲಸಕ್ಸಿ ಕತಾಮಾ, ಪೌಲಾ ಹತ ಉಚೈನ, ಪ್ರತಿವಾದ ಸು ಕರ‍್ಯೊ ಕದ್ಯಾಮ. 
\v 2 ಅಗ್ರಿಪ್ಪ ರಾಜಾ಼, ಯೆಹುದಿಯೊ ಮಪರ ಆರೊಪ ದಿವಾನು ಕ್ಹಾರಾ ಆರೊಪನಾ ಹುತಿ ತಾರಾ ಕ್ಹಾಮೊ ಮಿ ಹಮ್ನಾಜ಼ ಪ್ರತಿವಾದ ಕರಾನು ರ‍್ಹಯಲ ಹುತಿ, ಮನೆ ಧನ್ಯ ವ್ಹೈನ ಕವೈಲ್ಯುಸ. 
\v 3 ಕಾಕದ್ಯಾಮ, ಯೆಹುದಿಯೊಮಾ ರ‍್ಹಯಲ ಕ್ಹಾರಿಯೊ ಪದ್ದತಿಯೊ, ವಿವಾದೊ ತು ಘನ್ನೊ ಬಲ್ಲಲವಾಲೊ ರ‍್ಹಶಿ. ಮಾರಿಯೊ ವಾತೊ ತಾಳ್ಮೆಕ್ಹು ಐಕು ಕೈನ ಮಾಂಗಿಲ್ಯುಸ. 
\v 4 ಮಿ ನ್ಹಾನೊ ರ‍್ಹತಾಮಾತೊ, ಯೆರುಸೆಲಿಮಮಾ ಮಾರಾ ಸ್ವಂತ ದೆಶನಾ ಮನಕ್ಹೊನಾ ಕ್ಹಾತೆ ರ‍್ಹೈನ, ಜಿವ್ನಾ ಕರಲ ತರಿಕೊ ಕ್ಹಾರಾ ಯಹುದಿಯೊನೆ ಗ್ವತ್ತ ರ‍್ಹಯಲಜ಼ ಛೆ. 
\v 5 "ಮಿ ಮಾರಾ ಧರ್ಮಮಾ ಘನ್ನು ಕಟ್ಟ ನಿಟ್ಟ ಕರಾನು ಪದ್ದತ ಫರಿಸಾಯರ ಪಾಳಿಮಾ ಕರಲ ಲಿಂಗತ ಫರಿಸಾಯರ ಲಿಂಗತ ಚಾ಼ಲಿಲಿನ ಗಯೊಸ ಕೈನ, ಶುರುತೊಬಿ ತ್ಯುನೊನೆ ಗ್ವತ್ತ ಛೆ ಸಾಕ್ಷಿ ಕವಾನು ಮನಸ ರ‍್ಹಯುಮ ತ್ಯುನೆ ಕೆ ಸಕಸ" 
\v 6 ಹಮ್ನಾಬಿ ಕ್ಹುದಾ ಹಮಾರಾ ಪಿತೃವೊನೆ, ದಿದಲ ವಾತ ಪುರಾ ಥಾವಸ ಕವಾನು ಆಸನಾ ಹುತಿಜ಼, ಹಮೆ ಹಮ್ನಾ ಫೈಸಲಾನಾ ಹುತಿ ನ್ಹ್ಯಾ ಹುಬ್ರಯಾಸ. 
\v 7 ಅಪ್ನಾ ಬಾರಾ ಖಾಂಧಾವಾಲಾ ದಿನ್ನ ರಾತ ಆಸಕ್ತಿಕ್ಹು ಕ್ಹುದಾನೆ ಆರಾದಾನಾ ಕರ್ತಾ ತೆ ವಾತನಿ ಫಲ ಮಳಾನಾ ಹುತಿ ಆಸ ಕರ್ತಾ ಛೆ. ರಾಜಾ಼, ತೆಜ಼ ಆಸನಾ ಹುತಿ ಯೆಹುದಿಯೊ, ಮಾರಾ ವಿರುದ್ದ ದೊಶಾರೊಪಣೆ ಕರಾಡಾಸ. 
\v 8 (ಮಲಾಕಿ 7:9) ಕ್ಹುದಾ ಮರಲವಾಲಾವೊನೆ ಉಟಾಡಲ ಬರೊಕ್ಹೊ ಕರಾನೆ ಅಸಾದ್ಯ ವ್ಹೈ ಕೈನ ತುಮೆ ಕಾ ಫೈಸ್ಲೊ ಕರೊಶಿ? 
\v 9 ಯಕ್ಕ ಕಾಲ್ಮಾ ನಜೆರೆತನಾ ಯೆಸುನಾ ನಾಮನೆ ವಿರುದ್ದ ಘನ್ನಾ ಕಾರ‍್ಯೊ ಕರು ಕೈನ ಹಮೆ ವಿಚಾರ ಕರ್ಲಿದ್ಯಾಸ. 
\v 10 ಯೆರುಸೆಲಿಮಮಾ ತಿಮ್ಮಜ಼ ಕರ‍್ಯೊತೊ. ಖಾಸ ಯಾಜಕ ಕ್ಹು ಅದಿಕಾರ ಪಡ್ದಿನ ಕ್ಹುದಾನಾ ಮನಕ್ಹೊಮಾ ಘನ್ನಾ ಜ಼ನಾವೊನೆ ಜೆಲ್ಮಾ ಮುಕ್ಕಿನ, ತ್ಯುನೊನೆ ಮರ್ವಾನಿ ಶಿಕ್ಷಾ ಥಯಲ್ಪರ, ಮಿ ತಿನೆ ಸಮ್ಮತಿ ಕರೊಸ. 
\v 11 ಕ್ಹಾರಿಯೊ ಸಬಾ ಮಂದಿರೊಮಾ, ಮಿ ತ್ಯುನೊನೆ ಘನ್ನಿ ಸಲಾ ತ್ಯುನೊನೆ ಶಿಕ್ಷಾ ದಿನ್ನ ತ್ಯುನೊಕ್ಹು ಕ್ಹುದಾನಾ ವಿರುದ್ದ ವಾತೊ ಬೊಲಾನಿಯೊ ಕೊಶಿಶ ಕರ‍್ಯೊ. ತೆನೈಸೊ ತ್ಯುನೊಪರ ಘನ್ನೊ ಶಿಟ್ಟ ಥೈನ ಬಿಜಾ಼ ಗಾಮ ಲಕ್ಕಾ ಗೈನ ತ್ಯುನೊನೆ ತ್ರಾಸ ಕರ‍್ಯೊ. 
\v 12 ಎ ಉದ್ದೆಶಕ್ಹು ಮಿ ಖಾಸ ಯಾಜಕ ಕ್ಹು ಅದಿಕಾರ, ಆದೆಶ ವ್ಹಂದಿನ ದಮಸ್ಕ ಗಾಮೆ ಜಾ಼ವಾನಿ ವಾಟ್ಮಾ ರಾಜಾ಼, 
\v 13 ದುಪಾರ್ನಾ ವಕ್ಹತ್ಮಾ ಆಕಾಶತೊ ಯಕ್ಕ ಉಜಾಲು ಮಾರಾ ಸುತ್ತೆ ವರಿ ಮಾರಾ ಕ್ಹಾತೆ ಆವಾಲಾವೊನಾ ಸುತ್ತೆ ಸುರ್ಯಾನು ಉಜಾಲಾ ಲಿಂಗತ ಘನು ಮಿಂಚಾ಼ನು ಮಿ ದೆಕ್ಯೊ. 
\v 14 ಹಮೆ ಕ್ಹರಾ ಜಿಮಿನ್ಪರ ಪಡ್ತಾಮಾ, ಸೌಲಾ, ಸೌಲಾ, ತು ಮನೆ ಕಾ ತ್ರಾಸ ಕರಾಡ್ಯೊಸ? ಕಾಟಾನಾ ಝಾಡೊನೆ ವದ್ದ್ಯೊಮ ತುನೆಜ಼ ತ್ರಾಸ ನ್ಹವೈ ಸು? ಕೈನ ಹಿಬ್ರಿನಿ ಭಾಶಾಮಾ ಕವಾನಿ ವಾತ ಐಕ್ಯೊ. 
\v 15 ತೆಳಾಮಾ ಮಿ, ಕರ್ತಾ, ತು ಕುನ ವ್ಹೈ? ಕತಾಮಾ ಕರ್ತಾ "ತು ತ್ರಾಸ ಕಾರಾನೊ ಯೆಸುಜ಼ ಮಿ ವ್ಹೈ. 
\v 16 ತು ಉಟಿನ ತಾರಾ ಪಗೊಪರ ಹುಬ್ರೆ ತುನೆ ಮಾರೊ ಸೆವಕ ಕರಿನ ಸಾಕ್ಷಿನಾ ಹುತಿ ನೆಮಸಾನಾ ಹುತಿ ತುನೆ ದಿಕ್ಹ್ಯೊಸ ಹಮ್ನಾಬಿ ಅಗೊಬಿ ತುನೆ ದೆಕಾಡಾನು ದರ್ಶನೊಮಾ, ತುನೆ ದಿಕ್ಹಲನಾ ಹುತಿ ತು ಮಾರಿ ಸಾಕ್ಷಿ ಥೈನ ರ‍್ಹೌ. 
\v 17 ಮಿ ತಾರಾ ಇಸ್ರಯೆಲ ಸ್ವಂತ ಮನಕ್ಹೊಕಂತೊ, ಯೆಹುದಿಯೊ ನೈಸೊ ಮನಕ್ಹೊಕ್ಹು ತ್ಯುನೊಕನ ತುನೆ ವಳೌಸ ಕದ್ಯೊ. 
\v 18 ತ್ಯುನೆ ಅಂದಾರಾಮಾತಾ ಉಜಾ಼ಲಾನೆ, ಸೈತನನಾ ಹತ್ಮಾತಾ ಕ್ಹುದಾಕನ ಫರಿನ, ಮಪರ ಬರೊಕ್ಹೊ ಮ್ಹೆಲಲಕ್ಹು ಪಾಪನಿ ಮಾಫಿ, ಪರಿಶುದ್ಧ ರ‍್ಹಯಲವಾಲಾವೊನಾ ಕ್ಹಾತೆ ತ್ಯುನು ಹಕ್ಕ ವ್ಹಂದಿಲಿವಾನಾ ಹುತಿ, ತ್ಯುನಾ ಡೊಳಾ ಕ್ಹುಲು ಕೈನ ಮಿ ತುನೆ ತ್ಯುನೊಕನ ವಳೌಸ” ಕದ್ಯೊ. 
\v 19 ತಿನಾಹುತಿ "ರಾಜಾ಼ ಥಯಲ ಅಗ್ರಿಪ್ಪ,ಮನೆ ಮಳೆಲ ಮಿ ಪರಲೊಕನು ದರ್ಶನ ದೆಕಲಪರ ತಿನೆ ಅವಿಧೆಯ ನೈ ಥೈನ. 
\v 20 ತೆಳಾಮಾ ದಮಸ್ಕಮ್ಮಾ ಬಿ ವರಿ ಯೆರುಸಲೆಮ್ಮಾ ಬಿ ಯುದಾಯಮ್ಮಾಬಿ ಕ್ಹಾರಾ ಸಿಮೆ ರ‍್ಹಹೆಲವಾಲಾವೊನೆ ಬಿ ಮನಕ್ಹೊನೆ"ತುಮಾರಾ ಪಾಪೊನಾ ಹುತಿ ಪಶ್ಚಾತಾಪ ಪಡಿನ 
\v 21 "ತೆ ತಿನಾಹುತಿ ಯೆಹುದಿಯೊ ದೆವಾಲಮ್ಮಾ ಮನೆ ಧರ್ಲಿನ ಖಲಾಸ ಕರು ಕೈನ ಕೊಶಿಶ ಕರ‍್ಯಾ. 
\v 22 ತೆಳಾಮಾ ಕ್ಹುದಾ ಮನೆ ಮದತ ಕರ‍್ಯೊ. ತೆ ಹಮನಾತೊ ಹಮನೊನೆ ಮದತ ಕರಾಡ್ಯೊಸ. ತಿನಾಹುತಿ ಹಮ್ನಾ ಯ್ಹಾ ಹುಬರಯೊತೊ ವರಿ ಮಿ ದೆಕೆಲ ಸಂಗತಿಯೊನಾ ಹುತಿ ಮನಕ್ಹೊನೆ ಸಾಕ್ಷಿ ಕವಾಡೊತೊ. ತಿನಾಹುತಿ ಮಿ ಕೈಜ಼ ನವು ಕದೆವಾಚಿ, ಮೊಶೆ ವರಿ ಪ್ರವಾದಿಯೊನಾ ಕ್ಹಾಮೊ ನೆರವೆರಸ ಕೈನ ಕದಲ ಸಂಗತಿಯೊ ಕತೊವ್ಹತ್ತೊ. 
\v 23 ಕ್ರಿಸ್ತಾ ದುಕ ಕರಲಿನ ಮರಿನ ಮರೆಲಮಾತೊ ಪೈಲಾನೊ ಥೈನ ಉಟಿನ ಐನ ಯೆಹುದಿಯೊನೆ ವರಿ ಯೆಹುದಿಯೊನೆ ನೈಸೊ ಮನಕ್ಹೊ ಕ್ಹಾರಾ ರಕ್ಷಣೆ ಉಜಾಲು ಲಾವಸ ಕೈನ ಪ್ರಸಿದ್ದಿ ಕರಾವಾಲೊ ಥಾಶಿ ಕೈನ" 
\v 24 ಇಮ್ಮ ಪೌಲಾ ತಿನಾಕ್ಹು ವಾದ ಕರೊತ್ತೊ ಕತ್ತಾಮ್ಮಾ ಫೆಸ್ತಾ. ಪೌಲಾ ತುನೆ ಪಿಸಾಳೊ ಧರ‍್ಯುಸು, ಘನು ಒದಾನು ತುನೆ ಪಿಸಾಳು ಕರಿಪಡಸ, ಕೈನ ವದರಿನ ಕದ್ಯೊ. 
\v 25 ತಿನಾಹುತಿ ಪೌಲಾ ಮಹಾರಾಜಾ಼ ಥಯಲ ಫೆಸ್ತಾ. ಮಿ ಪಿಸಾಳೊ ನ್ಹೈವೈ ಮಿ ಕವಾನು ಕ್ಹರಿನಾ ವಾತೊ ಛೆ ಕದ್ಯೊ. 
\v 26 ರಾಜೊ಼ ಥಯಲ ಅಗ್ರಿಪ್ಪನೆ ತೆ ಸಂಗತಿಯೊ ಗೊತ್ತ ಛೆ. ತಿನಾಹುತಿ ತಿನಾ ಕ್ಹಾಮೊ ಮಿ ಧೈರ್ಯಕ್ಹು ಬೊಲುಸಕೈ. ತೆ ಸಂಗತಿಯೊಮ್ಮಾ ಯಕ್ಕಬಿ ಜ್ಹಾಕಿಲಿದೆಲ ನತ್ತಿ ನಂಬಾನು ಸುವೈ ಕದ್ಯಾಮ, ಕಾಕದ್ಯಾಮ್ಮಾ ತೆ ಯಕ್ಕ ಮೂಲಾಮ್ಮಾ ಥಯಲ ಕಾಮ್ಮ ನ್ಹವೈ. 
\v 27 ರಾಜೊ಼ ಅಗ್ರಿಪ್ಪ, ಪ್ರವಾದಿಯೊನೆ ತು ನಂಬಶಿಸು? ಮನೆ ಗೊತ್ತಛೆ ಕೈನ ಕದ್ಯೊ" 
\v 28 "ತಿನಾಹುತಿ ಅಗ್ರಿಪ್ಪ ರಾಜೊ಼ ಉತ್ತರಾ ದಿದ್ಯೊ ; ದಕ್ಹಿ ಕೊಶಿಶಕ್ಹು "ಮನೆ ಆಸಾನಕ್ಹು ಕ್ರಿಸ್ತ ಥವಾನಾಹುತಿ ಒಂಡಬಡಿ ಸು ತು? ಕೈನ ಕತ್ತಾಮ್ಮಾ" 
\v 29 ಪೌಲಾ ಚೊ಼ಕು ವೈಸು ಕಟ್ಟವೈ ತೆ ಮನೆ ಖಾಸ ನ್ಹವೈ. ತು ಯಕ್ಲೊಜ಼ ನ್ಹವೈ ತೆಳಾಮಾ ಮನೆ ಕರಾನು ಹರಯಕ್ಲೊ ಮಾರಾನಿಂತ ಥೌ ಕೈನೆ ಮಿ ಕ್ಹುದಾನೆ ಪ್ರಾರ್ಥನಾ ಕರುಸ. ತಿನಾಹುತಿ ತೆ ಸಂಕೊಲೆಯೊ ಯಕ್ಕಜ಼ ತಮನೊನೆ ನಕೊ ಕೈನ ಕದ್ಯೊ. 
\v 30 ರಾಜೊ಼ ಅಗ್ರಿಪ್ಪ,ರಾಜ್ಯಪಾಲ ಫೆಸ್ತಾ,ಬೆರ್ನಿಕೆ ವರಿ ತ್ಯುನಾಕ್ಹಾತೆ ಬೈಟೆಲ ಮನಕ್ಹೊ ಕ್ಹಾರಾ ಹುಬರೈನ. 
\v 31 ತ್ಯಾತಾ ಭಾರಾ ಆಯಾ ತ್ಯುನೆ ಯಕ್ಕನೆ ಯಕ್ಕ ತೆ ಮನಕ್ಹನೆ ಮೌತನಿ ಶಿಕ್ಷಾ ದ್ಯು ನೈ ಕೈನ ವರಿ ಜೆಲಮ್ಮಾ ಘಾಲು ನೈ ಕೈನ ತೆ ಕ್ಹರಿ ಕೆಟ್ಟನು ಸುಜ಼ ನತಿ ಕರ‍್ಯೊ ಕೈನ ಕದ್ಯಾ. 
\v 32 ತೆಳಾಮಾ ಅಗ್ರಿಪ್ಪ ಫೆಸ್ತಾನಾ, ತೆ ಸಿಸರನೆ ಮಾಂಗಿ ನೈ ಲಿದ್ಯೊಮ್ಮ,ಅನೆ ಚೊಡಾನಿ ವಾತ್ತ ವ್ಹತ್ತಿ ಕೈನ ಕದ್ಯೊ.
\c 27
\p
\v 1 ಅಪೆ ಇಟಲಿನೆ‍ ಹಡಗಾಮಾತಾ ಜೌ಼ ಕೈನ ಫೈಸ್ಲೊ ಥಯೊ. ಪೌಲಾನಾ ವರಿ ಬಿಜಾ಼ ಕೈದಿಯೊನೆ ಜುಲಿಯಸ ಕವಾಲೊ ಸೆನಾಧಿಕಾರಿ ಕೈದಾಲು ವ್ಹತ್ತೊ. ರೊಮ್ಮನೊ ಶತಾದಿಪತಿ ಥಯಲ ಜೊಲಿಯಸ ಚಕ್ರವರ್ತಿನಾ ಸೈನ್ಯಮಾ ಸೆವೆ ಕರಾಲೊ ವ್ಹತ್ತೊ. 
\v 2 ಹಮೆ ತೆ ಹಡ್ಗೊ ಚ಼ಡಿನ ತ್ಯಾಂತಾ ಚಾ಼ಲ್ಯಾ. ತೆ ಹಡ್ಗೊ ಅದ್ರಮಿತ್ತ ಗಾಮ್ತೊ ಆಯೊತೊ ವರಿ ಎಶ್ಯಾಮಾ ರ‍್ಹಯಲ ಬಿಜಾ಼ ಬಿಜಾ಼ ಗಾಮೊಯೆ ಜಾ಼ವಾನೆ ತಯ್ಯಾರ ವ್ಹತ್ತೊ. ಅರಿಸ್ತರ್ಕಬಿ ಹಮಾರಾ ಕ್ಹಾತೆ ಆಯೊ. ತೆ ಮೆಕೆದೊನಿಯಾನೆ ಮಳಲ ಥೆಸಲೊನಿಕ ಗಾಮವಾಲೊ ವ್ಹತ್ತೊ. 
\v 3 ಮರ್ನಾ ದಿನ್ನೆ ಹಮೆ ಸಿದೊನ ಗಾಮೆ ಆಯಾ. ಜೊಲಿಯಸ ಪೌಲಾನೆ ಮರಗತೊತೊ. ದೊಸ್ತೊನೆ ಗೈನ ಮಳಾನಾ ಹುತಿ ತೆ ಪೌಲಾನೆ ಅನುಮತಿ ದೆತೊತೊ. ದೊಸ್ತೊ ಪೌಲಾನೆ ಚಾ಼ಯೆ ಥಯಲ ಕ್ಹಾರುಜ಼ ದೆತಾತಾ. 
\v 4 ಹಮೆ ಸಿದೊನ ಗಾಮ್ತಾ ಚಾ಼ಲ್ಯಾ. ಹಮಾರಾ ವಿರುದ್ದ ವಾರೊ ಛುಟಲಹುತಿ ಹಮೆ ಸೈಪ್ರಸ ದ್ವಿಪನಾ ನಜಿಕ ನೌಕಾಯಾನ ಕರ‍್ಯಾ. 
\v 5 ಸಿಲಿಸಿಯಸನೆ ಪಾಂಫಿಯಾನೆ ಕ್ಹಾಮು ರ‍್ಹಯಲ ಸಮುಂದರ ದಾಟ್ಯಾ. ತೆ ಥಯಲ್ಪರ ಹಮೆ ಲುಸಿಯಾ ಪ್ರಾಂತ್ಯಮಾ ರ‍್ಹಯಲ "ಮುರ "ಕವಾನಾ ಗಾಮೆ ಆಯಾ. 
\v 6 ಅಲೆಕ್ಸಾಂಡ್ರಿಯಾತೊ ಆಯಲ ಹಡಗೊ "ಮುರ "ಮಾ ರ‍್ಹಯಲ ಸೆನಾದಿಕಾರಿ ದೆಕ್ಯೊ. ಎ ಹಡ್ಗೊ ಇಟಲಿಯೆ ಚಾ಼ಲ್ಯೊತೊ. ತಿನಹುತಿ ತೆ ಹಮೊನೆ ತೆ ಹಡಗಾಮಾ ಚ಼ಡಾಯೊ. 
\v 7 ಹಮೆ ನಿಧಕ್ಹು ಘನ್ನಾ ದಿನ್ನ ಲಕ್ಕಾ ಪ್ರಯಾಣ ಕರಾತ್ತಾ ಘನಾ ಕಷ್ಟ ಖಾತಾ ಸ್ನಿಡ ಗಾಮೆ ಮೂಟ್ಯಾ. ವಾಟ್ಮಾ ಹಜು಼ನ ಅಗಾ ಜಾ಼ವಾನೆ ಥಯು ನೈ. ತಿನಾಹುತಿ ಹಮೆ ಸಾಲ್ಮೊನೆಯ ನಜಿಕ್ಮಾ ರ‍್ಹಯಲ ಕ್ರೆಟ ದ್ವಿಪ ದಕ್ಷಿಣ ಭಾಗಮಾ ನೌಕಾಯಾನ ಕರ‍್ಯಾ. 
\v 8 ಹಮೆ ತ್ರಾಸ ಕ್ಹು ಕರಾವಳಿಮಾ ನೌಕಾಯಾನ ಕರ‍್ಯಾ. ತೆ ಥಯಲ್ಪರ ಹಮೆ ಚೊ಼ಕಿ ತರಾರೆವು ಕವಾನಾ ಜ಼ಗಾಪರ ಆಯಾ. ಲಸಾಯಾ ಗಾಮ ತಿನಾ ನಜಿಕ ವ್ಹತ್ತು. 
\v 9 ತೆನೈಸೊ ಘನ್ನೊ ವಕ್ಹತ ಥೈಗೈಯೊತೊ. ಹಮ್ನಾ ನೌಕಾಯಾನ ಕರಾನು ಘನ್ನು ಖತರ್ನಾಕ ವ್ಹತ್ತು. ಕಾಕದ್ಯಾಮ ಯೆಹುದಿಯೊನು ಉಪವಾಸನೊ ದಿನ್ನ ತೆಳಾಮಾಜ಼ ಥೈಗಯೊತೊ. 
\v 10 ತಿನಾಹುತಿ ಪೌಲಾ ತ್ಯುನೊನೆ"ಮನಕ್ಹೊ, ಎ ಪ್ರಯಾಣಮಾ ಹಮೊನೆ ಘನ್ನೊ ತ್ರಾಸ ಛೆ ಕೈನ ಮನೆ ತಿಳದಾಡ್ಯುಸ. ಹಡ್ಗೊ ವರಿ ತಿಮಾರ‍್ಹಯಲ ಸಾಮನ ಹಾಳ ಥಾವಸ. ಅಪ್ನೊ ಜ಼ಲಮಬಿ ಹಾಳ ಥೈ ಜಾ಼ಸ! ಕೈನ ಹುಷಾರ ಕರ‍್ಯೊ. 
\v 11 ವರಿಬಿ ಹಡಗಾನೊ ನಾಯಕ ವರಿ ಹಡಗಾನೊ ಮಾಲಕ ಪೌಲಾ ಕದಲನೆ ವಪ್ಯಾ ನೈ. ತಿನಾಹುತಿ ಸೆನಾದಿಕಾರಿ ಪೌಲಾನಿ ವಾತ ಐಕ್ಯಾವಾಚಿಹಡಗಾನಾ ಮಾಲಕನಿ ವರಿ ಹಡಗಾನಾ ನಾಯಕನಿ ವಾತ ಐಕ್ಯೊ. 
\v 12 ತೆ ರೆವು ಥಂಡಾನಾ ದಿನೊಮಾ ಹುಬ್ರವಾನೆ ಚೊ಼ಕಿ ನ್ಹೊತಿ. ತಿನಾಹುತಿ ಹಡ್ಗೊ ತ್ಯಾಂತೊ ಲಿನ ಜಾ಼ಜ಼ ಕೈನ ಘನ್ನಾ ಮನಕ್ಹೊ ಕದ್ಯಾ. ಹಮೆ ಫೆಲಿಕ್ಸನೆ ಮುಟ್ಟಿಯೆಸ ಕೈನ ತ್ಯುನಿ ಆಸ ವ್ಹತ್ತಿ. ಥಂಡನಾ ದಿನೊಮಾ ಹಡ್ಗೊ ತ್ಯಾ ರ‍್ಹವಾನು ವ್ಹತ್ತು. ಫೆನಿಕ್ಸ ಕ್ರೆಟ ದ್ವಿಪನು ಬಂದರ ತೆ ವ್ಹಂದ್ಯುತು. ಇಶ್ಯಾನನಾ ದಿಕ್ಕನೆ ಆಗ್ನೆಯಾ ದಿಕ್ಕನೆ ಕ್ಹಾಮು ರ‍್ಹಯಲ ಮ್ಹೊಡು ಕರಿನ ವ್ಹತ್ತು. 
\v 13 ತೆ ಥಯಲ್ಪರ ಚೊ಼ಕೊ ವಾರೊ ದಕ್ಷಿಣ ಬಗಲ್ತಾ ಛುಟಾನು ಚಾಲು ಥಯೊತೊ. ಹಡಗಾಮಾ ರ‍್ಹಯಲ ಮನಕ್ಹೊ, ಅಪೊನೆ ಚಾ಼ಯೆ ಥಯಲ ಎಜ಼ ವಾರೊ ವ್ಹೈ, ಹಮ್ನಾ ತೆ ಹಮೊನೆ ಮಳ್ಯೊ! ಕೈನ ವಿಚಾರ ಕರ್ಲಿದ್ಯಾ. ತಿನಾ ಹುತಿ ತ್ಯುನೆ ಹಡಗಾನಾ ಲಂಗತ ಉಪ್ಪರ ಯಳದ್ಯಾ. ಹಮೆ ಕ್ರೆಟ ದ್ವಿಪನಾ ಕರಾವಾಳಿಮಾ ನೌಕಾಯಾನ ಕರ‍್ಯಾ. 
\v 14 ತೆನೈಸೊ ಇಶಾನ್ಯ ಮಾರುತ ಕವಾನಿಬಿರುಗಾಳಿ ದ್ವಿಪಮಾ ಛುಟ್ಯೊ. 
\v 15 ಹಡ್ಗಗಾನೆಬಿ ಲಾಗ್ಯು ಹಡ್ಗೊ ತಿನಾ ವಿರುದ್ದ ಜಾ಼ವಾನೆ ಥಯು ನೈ. ತಿನಾ ಹುತಿ ವಾರೊ ಐನ ಹಮ್ಮಾರಾ ಹಡ್ಗೊ ಲಿನ ಗಯಾ. 
\v 16 ಅಪೆ "ಕಾವ್ದ "ಕವಾನಿ ದ್ವಿಪ ಮೆರೆಮಾತಾ ಗಯಾ ತೆಳಾಮಾ ಅಪೆ ಹಡಗಾಮಾ ರಯೆಲ ನ್ಹಾನಿ ದ್ವಿಪ ಲಿವಾನಾಹುತಿ ಹಮೊನೊಕ್ಹು ಥೈಯು ನೈ. 
\v 17 ತೆಳಾಮಾ ಡೊಣಿಮ್ಮಾ ತುಟು ನೈ ಕೈನ ಹಡಗಮ್ಮಾ ಸುತೆ ರಾಕ್ಹೊ ಭಾಂದಿನ. ತೆಳಾಮಾ ಸುರ್ತಿಸ ಕವಾನು ಕಳ್ಳುಸುಬಿಮ್ಮಾ ಹಡಗೊ ಕಿಲಗಾ ಅಟಕೆಲ ಕೈನ ತ್ಯುನೊನೆ ಬುಚುಕ ವಾಟ್ಯು. ತಿನಾಹುತಿ ತ್ಯುನೆ ಪ್ಹಡಕಾನೆ ಉತರಾಡಿನ ಡೊಣಿನೆ ಲಾಗಿನ ಜಾ಼ವಾನೆ ವಾರಾನೆ ಮೌಕೊ ಕರಿನ ದಿದ್ಯಾ. 
\v 18 ಬಿರುಗಾಳಿ ವರಿ ಪಾನಿ ಹಮನೊನೆ ಜೊ಼ರಕ್ಹು ಚ್ಹುಟಾಕ್ಹು ಮನಕ್ಹೊ ಹಡಗಮ್ಮಾ ದಕ್ಹಜ಼ನಾ ಸಾಮಾನೊ ಒಗದಿಪಡ್ಯಾ. \fig ತುಫಾನಮಾ ಫುಟಿಗಯಲ ಹಡ್ಗೊ|alt="Ship being wrecked in a storm" src="lb00219c.tif" size="col" copy="Horace Knowles ©" ref="27:18"\fig* 
\v 19 ತಿನಾ ಮೆರ್ನಾ ದಿನ ಥಯಲ ಪರ ಹಡಗನಾ ಸಾಮಾನೊ ತ್ಯುನಾ ಹತೊಕ್ಹು ನಾಕಿ ಪಡ್ಯಾ. 
\v 20 ಘನ್ನಾ ದಿನೊಪರ ಹಮೆ ಸುರ್ಯನೆ ಥಾವಾದೆ ನಕ್ಷತ್ರವೊನೆ ಥಾವಾದೆ ದೆಕ್ಯಾನೈ. ಮ್ಹೊಟೊ ವಾರ‍್ಯೊ ಭಿಕರ ಥಯೊತೊ. ಹಮೆ ಜ಼ಲಮ್ಮಕ್ಹು ವಾಚು ಕೈನ ನಿರಿಕ್ಷೆ ಜುನೈ ಗೈ. 
\v 21 ತೆ ಮನಕ್ಹೊ ಗನಾದಿನ ತಕ್ಕ ಕ್ಹಾದ್ಯಾ ನ್ಹೊತ್ತಾ. ತೆಳಾಮಾ ಯಕ್ಕ ದಿನ್ನ ಪೌಲಾ ಉಟಿನ ಹುಬರೈನ ತ್ಯುನೊನೆ ಮನಕ್ಹೊ ಕ್ರೆಟ ದ್ವಿಪಕಂತ್ತಾ ನಕೊ ಜಾವೊ ಕೈನ ಮಿ ತಮನೊನೆ ಕದ್ಯೊ. ತಮೆ ಮಾರಿ ವಾತ್ತ ಐಕಾನು ವ್ಹತ್ತು. ತೆಳಾಮಾ ತಮನೊನೆ ದುಖ ರ‍್ಹವಾದೆ ಲುಕ್ಸಾನ ರ‍್ಹವಾದೆ ನೈ ಆತುತು. 
\v 22 ಹಮ್ನಾ ತಬಿ ತುಮೆ ಧೈರ್ಯಕ್ಹು ರ‍್ಹೈ ಕೈನ ತಮನೊನೆ ಕವಾಡೊಸ. ತಮನೊಮ್ಮಾ ಯಕ್ಲೊಬಿ ನೈ ಮರತೊ. ತೆನೈಸೊ ಹಡ್ಗೊ ಹಾಳ ಥೈನ ಜಾ಼ವಸ. 
\v 23 ಕಾಕದ್ಯಾಮ ಮಿ ಕಿನೊ ವ್ಹೈ ಕೈನ, ಕಿನೆ ಸ್ತುತಿ ಕರಶಿ ತೆ ಕ್ಹುದಾಕ್ಹು ಆಯೆಲ ಯಕ್ಕ ದುತ ಗಯೆಲ ರಾತ್ತಮ್ಮಾ ಮಾರಾಕ್ಹಾತೆ ಹುಬರೈನ 
\v 24 ಪೌಲಾ ಬುಚಕು ನಕೊ ತು ಕೈಸರನಾ ಕ್ಹಾಮೊ ಹುಬರೌ ತೆನೈಸೊ ತಾರಾ ಕ್ಹಾತೆ ತೆ ಹಡಗಮ್ಮಾ ಪ್ರಯಾಣ ಕರಾವಾ ವಾಲಾವೊನೆ ಜ಼ಲಮ್ಮ ಕ್ಹುದಾ ತುಪರ ರ‍್ಹಯಲ ಮರಗಾ ಕ್ಹು ವಚಾಡ್ಯೊಸ ಕೈನ ಮಾರಾ ಕ್ಹಾತೆ ಬೊಲ್ಯೊ. 
\v 25 ತಿನಾಹುತಿ, ಮನಕ್ಹೊ ಧೈರ್ಯಕ್ಹು ರವೊ ಮನೆ ಕದಲ ಲಿಂಗತ ಥಾವಸ ಕೈನ ಕ್ಹುದಾನೆ ನಂಬೆಸೊ. 
\v 26 ತಿನಾಹುತಿ, ಮಿ ಕೈಜ಼ ಯಕ್ಕ ದ್ವಿಪನಿ ದಂಡಿ ಮುಟು ಕೈನ ಕದ್ಯೊ" 
\v 27 ಚ಼ೌದಾ ರಾತ್ತೊ ರಾತೆ ಹಮೆ ಆದ್ರಿಯ ಸಮುಂದರಮಾ ಹೈತಾ ತಿತಾ ಹಲ್ತಾ ಅಗಾ ಬಡ್ಯಾ. ಹಮೆ ಜಿಮಿನ್ನಾ ನಜಿಕ ವ್ಹತ್ತಾ ಕೈನ ಹಡಗಾಮಾ ರ‍್ಹಯಲವಾಲಾ ವಿಚಾರ ಕರ‍್ಯಾ. 
\v 28 ತ್ಯುನೆ ಅಳತಿ ಕರಾನು ಗುಂಡ ರಾಕ್ಹನಾ ತುದಿಯೆ ಭಾಂದಿನ ರಾಕ್ಹ ಪಾನಿಮಾ ಘಲಿನ ಪಾನಿ ಕ್ಹೊನ ಇಕ್ಹ ಅಡಿ ಉಂಡು ವ್ಹತ್ತು. ತ್ಯುನೆ ವರಿ ನಕ್ಕರ ದುರ ಗೈನ ರಾಕ್ಹ ಪಾನಿಮಾ ಗಾಲಿನ ತ್ಯಾ ಪಾನಿ ನವ್ವದ ಅಡಿ ಉಂಡು ವ್ಹತ್ತು. 
\v 29 ಹಡ್ಗೊ ದಗ್ಡಾನೆ ಲಾಗ್ಸ ಕೈನ ಹಡ್ಗೊ ಚಹಲಾವಾಲಾ ಭುಚ಼ಕ್ಯಾ. ತಿನಾಹುತಿ ತ್ಯುನೆ ಚಾರ ಲಂಗುರು ಪಾನಿಮಾ ಉತಾರ‍್ಯಾ. ತೆ ಥಯಲ್ಪರ ತ್ಯುನೆ ದಿನ್ನ ನಿಕ್ಹಳಾದೆ ಕೈನ ಪ್ರಾಥನಾ ಕರ‍್ಯಾ. 
\v 30 ಯಕ್ಕ ಸಲಾ ಹಡ್ಗೊ ಚ಼ಲಾವಾಲಾ ತೆ ದಕ್ಹಾಜ಼಼ನಾ ತೆ ಹಡ್ಗೊ ಛೊಡಿನ ಜೌ಼ ಕೈನ ಕೈಲಿವಾಡ್ಯಾತಾ. ತ್ಯುನೆ ಹಡಗೊ ಪಾನಿಮಾ ಉತಾರಿನ ಹಡಗಾನಾ ಕ್ಹಾಮಲ್ಯಾ ಹಿಸ್ಸಾಮಾ ಹಜು಼ನ ದಕ್ಹಾ ಲಂಗುರೊ ಪಾನಿಮಾ ಉತಾರಾನಾ ಲಿಂಗತ ನಾಟಕ ಕರ‍್ಯಾ. 
\v 31 ತೆ ಲಾಮಾ ಪೌಲಾ ಶತಾದಿಪತಿನೆ ವರಿ ಸಿಪಾಯಿಯೊನೆ; ತ್ಯುನೆ ಹಡಗಾಮಾ ಉಗರ‍್ಯಾಮ್ಮಾ ತುಮಾರು ಜ಼ಲಮ್ಮ ನೈ ವಾಚತು ಕೈನ ಕದ್ಯೊ. 
\v 32 ತೆಳಾಮಾ ಸಿಪಾಯಿಯೊ ಹಡಗನಾ ರಾಕ್ಹೊ ಕಟ್ಟ ಕರಿನ ತೆ ಪಡಿನ ಜೌವರಕ್ಹು ಕರ‍್ಯಾ. 
\v 33 ಪಾಟ ಥಾತಾಟೆಮ್ಮಾ ಪೌಲಾ ಸುಬಿ ಕ್ಹಾವಾನೆ ಲ್ಯು ಕೈನ ಕ್ಹಾರಾವೊನೆ ಮಾಂಗಿಲೆತೊ. ಹಮನಾತೊ ತಮೆ ಚ಼ೌದಾ ದಿನತ್ತಾ ಕೈದಿನ ಕ್ಹಾವಾನೆ ಲಿದೆವಾಚಿ ಬುಖಾಜ಼ ವ್ಹತ್ತಾ. 
\v 34 ತಿನಾಹುತಿ, ಕ್ಹಾವಾನೆ ಸುಬಿ ಲ್ಯುಕೈನ ತಮನೊನೆ ಮಾಂಗಿಲ್ಯುಸ. ತೆ ತಮನೊನೆ ಜ಼ಲಮನೆ ಜ಼ರುರತ ಛೆ. ತಮಾರಾಮ್ಮಾ ಕುನಜ ಮಾತ್ತಾಮಾತು ಯಕ್ಕ ಬಾಲಬಿ ನೈ ಉದರತ್ತು ಕೈನ ಕದ್ಯೊ. 
\v 35 ಅಮ್ಮ ಕೈನ ಪೌಲಾ ರೊಕ್ಲೊ ಲಿನ ಕ್ಹಾರಾವೊನಾ ಕ್ಹಾಮೊ ಕ್ಹುದಾನೆ ಸ್ತೊತ್ರ ಕರಿನ ತೆ ತೊಡಿನ ಕ್ಹಾವಾನು ಶುರು ಕರ‍್ಯೊ. 
\v 36 ತೆಳಾಮಾ ಕ್ಹಾರಾ ಜ಼ನಾ ಧೈರ್ಯ ಕರಲಿನ, ತ್ಯುನೆಬಿ ಅನ್ನ ಕ್ಹಾದ್ಯಾ. 
\v 37 ತೆಳಾಮಾ ಹಡಗಮ್ಮಾ ರಹೆಲವಾಲಾ ಹಮೆ ಕ್ಹಾರಾಜ಼ನಾ ಬೆಕ್ಹೊನ ಸತ್ತರಪರ ಕ್ಹಾತ್ತಜ಼ನಾ ವ್ಹತ್ತಾ. 
\v 38 ಬಸಥೈಯೆಲಕುನ ಕ್ಹಾದೆಲ ಪರ, ಉಗರೆಲ ಘ್ಹೈ ಸಮುಂದರಮ್ಮಾ ನಾಕಿನ ಹಡ್ಗೊ ಹಲಕು ಕರ‍್ಯಾ. 
\v 39 ಪಾಟ ಥಯಲ ಪರ ತೆ ದೆಶನು ವಳಕ ನೈಸೊ ಉಸುಬಿನಾ ದಡ ಕವಾನು ಯಕ್ಕ ಕೊಲ್ಲಿ ದೆಕಿನ ತೆ ದಡಮ್ಮಾ ಹಡ್ಗೊ ಜಾಸ ಕೈನ ಯೊಚನೆ ಕರ‍್ಯಾ. 
\v 40 ತ್ಯುನೆ ಲಂಗುರೊ ಕಾಡಿನ ಸಮುಂದರಮ್ಮಾ ಛೊಡಿನ ಚುಕ್ಕಾಣಿನಾ ಕಟ್ಟೊ ಚ್ಹಡಿನ, ಮ್ಹೊಟಾ ಹಾಯಿಯೊ ವಾರಾನೆ ಉಟಿನ ಭಾಂದಿನ ಡೊಣಿನೆ ತೆ ದಡನೆ ಚಾ಼ಲ್ಯಾತಾ. 
\v 41 ತಿನಿಹುನಾ ಹಡ್ಗೊ ವಚಮ್ಮಾತ್ಯುನೊನೆ ಮಾತಿನಿ ವಾಟ ಮಳಾತ್ತಾಮ್ಮಾ ತೆಳಾಮಾ ಹಡ್ಗೊ ಚಡ್ಯಾ. ಕ್ಹಾಮಲ್ಯು ಭಾಗ ದಿಣ್ಣೆನೆ ಲಾಗಿನ ಹಲೆವಾಚಿ ಹುಬರೈತು. ಪಾಚಲು ಭಾಗ ಹುಚ್ಚು ಅಲೆಕ್ಹು ಮಾರಕ್ಹು ಟುಟಿನ ಚುರ ಥೈಗೈಯು. 
\v 42 ಜೆಲಮ್ಮಾನಾ ದಕ್ಹಜ಼ನಾ ಚುಕೈಲಿದ್ಯಾಸ ಕೈನ ಸಿಪಾಯಿಯೊ ತ್ಯುನೊನೆ ಮಾರು ಕೈನ ಯೊಚನೆ ಕರಾಡಾತ್ತಾ. 
\v 43 ತೆಳಾಮಾ ಶತಾದಿಪತಿ ಪೌಲಾನೆ ವಚಾಡು ಕೈನ ವಿಚಾರ ಕರಿನ ತ್ಯುನೆ ಯೊಚನೆನೆ ನೊ ಕೈನ, ಇಜತ್ತಾ ನೈ ಕೈನ ಹಡಗಮ್ಮಾತ್ತಾ ಡುಕಲಿನ ಪೈಲಾ ದಂಡಿನೆ ಜೌ ಕೈನ 
\v 44 ಅಪೆ ಕ್ಹಾರಾ ಉಗರೆಲಮ್ಮಾ ದಕ್ಹಜ಼ನಾ ಹಲಿಗ್ಯೊನಾ ಉಪ್ಪರ, ದಕ್ಹಜ಼ನಾ ಡೊನಿನಾ ತುಕಡಾಪರ ಜೌ ಕೈನ ಅಪ್ಪಣೆ ದಿದ್ಯೊ. ತೆ ರಿತಿಕ್ಹು ಕ್ಹರಾಜ಼ನಾ ಚೊ಼ಕಿ ತರಾ ದಂಡಿ ಪೊಂಚಾ.
\c 28
\s ಪೌಲಾ ಮೆಲಿತೆ ದ್ವಿಪಮಾ
\p
\v 1 ಹಮ್ಮೆ ಸುರಕ್ಷಿತಕ್ಹು ದಂಡಿ ಮುಟ್ಟೆಲಪರ, ತೆ ಉಪರತೊ ದಿವೊ ಉತರಿನ ಆಯೊ. 
\v 2 ಬಿಜಾ಼ವಾತೊನಾ ತೆ ದ್ವಿಪವಾಲಾ ಹಮೊನೆ ವಿಶೆಷ ಸನಾಹುಬುತಿ ದೆಕಾಡ್ಯಾ. ತೆಳಾಮಾಜ಼ ಪಾನಿ ಐನ ಥಂಡ ಲಾಗಾಕ್ಹು, ತ್ಯುನೆ ಆಗ ಲಗಾಡಿನ ಹಮೊನೆ ಕ್ಹಾರಾ ಜ಼ನಾವೊನೆ ಮಳೆಲಿದ್ಯಾ. 
\v 3 ಪೌಲಾ ಯಕ್ಕ ಗುಂಪ ಲಾಕ್ಡಾ ಮಳೈನ,ಲೈನ ತೆ ಆಗಮ್ಮಾ ಘಾಲಕ್ಹು, ತೆ ಕೌವಕ್ಹು ಯಕ್ಕ ಕ್ಹಾಪ ಭಾರು ಐನ, ತಿನಾ ಹತೆ ಘಟ್ಟ ಧರಲಿದ್ಯುತು. 
\v 4 ತೆ ತಿನಾ ಹತತೊ ಜೊತಾಡುನು ದ್ವಿಪವಾಲಾ ದೆಕಿನ ; ತೆ ಮನಕ್ಹೊನೆ ಖಲಾಸ ಕರಾವಾಲೊ ವ್ಹೈ ಕದ್ಯಾ. ಸಮುಂದರ ಕಂತಾ ತಪಸಿನ ಆಯಾ ಫೈಸ್ಲಾನಿ ದೆತಾ ತ್ಯುನೊನೆ ವಾಚಾನೆ ನೈದೆತಿ ಕೈನ ತ್ಯುನಾ ತ್ಯುನಾಮ್ಮಾ ಬೊಲಿದ್ಯಾ. 
\v 5 ತೆನೈಸೊ ಪೌಲಾ ಕ್ಹಾಪನೆ ಆಗಮ್ಮಾ ನಾಕಿ ಪಾಡ್ಯೊ; ತಿನೆ ಸುಜ಼ ಅಪಾಯ ಥನೈ. 
\v 6 ತ್ಯುನೆ ; ತಿನು ಅಂಗ ಹಮ್ಮನಾ ಫುಗಸ, ತೆನೈಸೊ ತೆ ಗಪಕ್ನೆ ಮರಿ ಪಡಸ ಕೈನ ತ್ಯುನೆ ಕಾಯಿದಾಡಾತ್ತಾ ಕೆಕಲಿಕೆ ತ್ಯುನೆ ಕಾಯಿದಾಡಾತ್ತಾ. ತಿನೆ ಸುಜ಼ ಹಾನಿ ಥಯು ನೈ. ತೆ ದೆಕಿನ ತ್ಯುನೆ ತ್ಯುನೆ ವಿಚಾರ ಬದಲಿನ ತೆ ಯಕ್ಲೊ ಕ್ಹುದಾ ಕೈನ ಕಲಿದ್ಯಾ. 
\v 7 ತೆ ದ್ವಿಪನೊ ಖಾಸ ಥಯಲ ಪೊಪ್ಲಿನಾ ಕ್ಹೆತರೊ ಮಿ ರಹೆಲ ಜ಼ಗಾಮಾ ನಜಿಕಮ್ಮಾ ವ್ಹತ್ತಾ. ತೆ ಹಮನೊನೆ ಸ್ವಾಗತ ಕರಿನ ತನ್ನ ದಿನ ತಕ್ಕಾ ಘನ್ನಾ ಇಜತ್ತಕ್ಹು ವರಿ ಮರ್ಯಾದಿ ದಿದ್ಯಾ. 
\v 8 ತ್ಯುನೊ ಬಾಪ ತೌಕ್ಹು ವರಿ ರಕ್ತಬೆದಿಕ್ಹು ವಚಾನು ಧರ‍್ಯೊತೊ. ಪೌಲಾ ತಿಕನ ಗೈನ ಪ್ರಾರ್ಥಾನಾ ಕರಿನ ತಿನಾ ಹತೊ ಮ್ಹೆಲಿನ ತಿನೆ ಅರಾಮ ಕರ‍್ಯೊ. 
\v 9 ತೆ ಥಹೆಲ ಪರ ತೆ ದ್ವಿಪಮ್ಮಾ ಉಗರೆಲ ರೊಗಿಯೊ ಪೌಲಾ ಕನ ಐನ ಆರಾಮ್ಮ ಥಯಾ. 
\v 10 ತ್ಯುನೆ ಹಮನೊನೆ ಘನ್ನಾ ಮರ್ಯಾದಿ ದಿನ್ನ ಹಮೆ ತ್ಯಾತಾ ಹಮ್ಮಾರು ಪ್ರಯಾಣ ಅಗಾ ಬಡಾಯೆಲ ಪರ ಹಮನೊನೆ ಚಾಯೆಲ ಥಯಲ ಕ್ಹಾವಾನು ಲೈನ ಹಡಗಮ್ಮಾಮ್ಹೆಲಾ. 
\v 11 ಎ ಥಯಲ ಪರ ಅಲೆಕ್ಸಾಂಡ್ರಿಮ್ಮಾತ್ತಾ ಐನ ತೆ ದ್ವಿಪಮ್ಮಾ ಥಂಡನೊ ದಿನ್ನ ದಾಟಿನ ತ್ಯಾ ರಹೆಲ ಯಕ್ಕ ಹಡ್ಗೊ ಚ಼ಡಿನ ಚಾ಼ಲ್ಯಾ. ತೆ ಹಡಗನೆ ಅಶ್ವಿನಿ ದೆವಸ್ಥಾನ ಕವಾನು ಯಕ್ಕ ವಳಕ ವ್ಹತ್ತು. 
\v 12 ಹಮ್ಮೆ ಸುರಕುಸಿನೆ ಗೈನ ತ್ಯಾ ತನ್ನ ದಿನ್ನ ವ್ಹತ್ತಾ. 
\v 13 ತ್ಯಾತಾ ಅಗಾ ಗೈನ ರೆಗಿನ ಗಾಮ್ಮೆ ಗಯಾ. ಯಕ್ಕ ದಿನ ಥಯಲ ಪರ ತೆಂಕಣ ವಾರೊ ಆಯೆಲಕ್ಹು ಬೆವಾ ದಿನ್ನೆ ಪೊತಿಯೊಲನೆ ಗಾಮೆ ಗಯಾ. 
\v 14 ತ್ಯಾ ವಿಸ್ವಾಸಿಯೊ ಮನಕ್ಹೊನೆ ದೆಕ್ಯಾ. ತ್ಯುನೆ ಹಮನೊನೆ ತ್ಯುನೊ ಕೈನ ಬಲೆಲಿನ ಕ್ಹಾತ ದಿನ ರ‍್ಹೈವು ಕೈನ. ಮಾಂಗಿಲಿದ್ಯಾ ತೆಳಾಮಾ ರೊಮಾಪುರನೆ ಆಯಾ. 
\v 15 ತ್ಯಾ ರಹೆಲ ಭಾಯೊ ಹಮ್ಮಾರು ಸಮಾಚಾರ ಐಕಿನ ಹಮ್ಮನೊನೆ ಮಳಾನೆ ದಕ್ಹಜ಼ನಾ ಅಪ್ಪಿಯಪೆಟೆಲಕುನ ವರಿ ದಕ್ಹಾಜ಼಼ನಾ ತ್ರಿ ಛತ್ರಕವಾನು ಜ಼ಗಾಮಟಾ ಆಯಾ. ಪೌಲಾ ತ್ಯುನೊನೆ ದೆಕಿನ ಕ್ಹುದಾನೆ ಸ್ತೊತ್ರಾ ಕರಿನ ಧೈರ‍್ಯಕ್ಹು ರ‍್ಹಯೊ. 
\v 16 ಹಮ್ಮೆ ರೊಮಾಪುರನೆ ಆಯಲ್ಪರ, ಪೌಲಾ ತಿನೆ ಕೈದಾಲಾ ಸಿಪಾಯಿನಾ ಕ್ಹಾತೆ ಜ಼ುದೊ ಥೈನ ರ‍್ಹೌ ಕೈನ ಅಪ್ಪಣೆ ಹೊಂದಿಲಿದ್ಯೊ. \fig ರೊಮವಾಲಾವೊನು ಗಾಮ|alt="Street scene of The Roman city" src="hk00242c.tif" size="col" copy="Horace Knowles ©" ref="28:16"\fig* 
\v 17 ತನ ದಿನ್ನ ಥಯಲ್ಪರ ಯೆಹುದಿಯೊನೊ ಖಾಸ ಮನಕ್ಹೊನೆ ತಿಕನ ಬಲೈಲಿದ್ಯೊ. ತ್ಯುನೆ ಆತಾಮಾ ತೆ ತ್ಯುನೊನೆ; ಭಾಯೊ, ಮಿ ಮಾರಾ ಮನಕ್ಹೊನೆ, ಮಾರಾ ಪಿತೃವೊನೆ ಪದ್ದತಿಯೊನಾ ವಿರುದ್ದ ಥೈನ ಸುಜ಼ ಕರಾವಾಲೊ ನೈಸೊಜ಼ ಯೆರುಸಲೆಮತೊ ರೊಮವಾಲಾವೊನಾ ಹತೊಮಾ ಜೆಲಮ್ಮಾ ರ‍್ಹವಾಲೊ ಥೈನ ಒಪ್ಪಸಿ ದಿದ್ಯಾ. 
\v 18 ತ್ಯುನೆ ಮನೆ ವಿಚಾರಣೆ ಕರಿನ, ಮಾರಾವಾನಿ ದಂಡನೆನೆ ಕಾರಣ ಸು ನೈಸೊ ಮನೆ ಚ್ಹೊಡೌ ಕೈನ ವ್ಹತ್ತಾ. 
\v 19 ತಿನಾಹುತಿ ಯೆಹುದಿಯೊ ವಿರುದ್ದ ಕರಲಕ್ಹು, ಮಿ ಕೈಸರನಾ ಕ್ಹಾಮೊ ಕಲಿದ್ಯುಸ ಕೌವ ಕೈನ ಐಯು. ಮಾರಾ ಸ್ವಂತ ದೆಶವಾಲಾವೊನಾ ಉಪ್ಪರ ದೊಷಾರೊಪಣೆ ಘಾಲುನಾ ಮನಸ ಕ್ಹು ತೆ ಕದ್ಯೊ ನೈ. 
\v 20 ಎ ಕಾರಣನಾ ಹುತಿ ಮಿ ತುಮನೊನೆ ದೆಕಿನ ಬೊಲು ಕೈನ ಬಲೆಲಿದ್ಯೊ. ಇಸ್ರಾಯೆಲ ಮನಕ್ಹೊನಾ ಕೈದಾನಾ ಹುತಿ ಎ ಬೆಡಿಯೊಕ್ಹು ಭಂದಿ ಥಯೊಸ ಕೈನ ಕದ್ಯೊ. 
\v 21 ತಿನಾಹುತಿ ತ್ಯುನೆ ತಿನೆ; ತಾರಾ ವಿಷಯಮಾ ಹಮೊನೆ ಯುದಾಯತಿ ವರದಿ ಐ ನೈ, ಭಾಯೊಮಾ ಯಕ್ಲೊ ಐನ ತಾರಾ ವಿಷಯಮಾ ಕೆಟ್ಟ ರ‍್ಹಯಲ ಸುಬಿ ಕದೊನೈ. ಸುಜ಼ ಬೊಲ್ಯಾ ಬಿ ನೈ. 
\v 22 ತೆನೈಸೊ, ತಾರಾ ವಿಚಾರಮಾ ತಾರಾಕ್ಹುಜ಼ ಐಕು ಕೈನ ಹಮೊನೆ ಚೊ಼ಕು ವ್ಹೈ ಕೈನ ದಿಕ್ಹಸ. ತೆ ಗುಂಪನಾ ವಿಷಯಮಾ ಮನಕ್ಹೊ ಕಜ಼ಾ ಕಜಾ಼ ಕಿಜ಼ ವಿರುದ್ದ ಥೈನ ಬೊಲಸ ಕರಿನ ಕೈನ ಯಕಜ಼ ಹಮೊನೆ ಗ್ವತ್ತ ಛೆ ಕದ್ಯಾ”. 
\v 23 ತ್ಯುನೆ ತಿನೆ ಯಕ್ಕದಿನ್ನ ಪೌಲಾ ಗ್ವತ್ತ ಕರಾಯಲಕ್ಹು, ಘನ್ನಾ ಜ಼ನಾ ತಿನಾ ಝುಪ್ಡಾಮಾ ತಿಕನ ಆಯಾ. ತೆ ಪಾಟತೊ ಧರಿನ ಕ್ಹಾಂಜ ಮಟಾ ಕ್ಹುದಾನಾ ರಾಜ್ಯನಾ ಹುತಿ ಕ್ಹರಿಮ್ಮಾಜ಼ ಸಾಕ್ಷಿ ಕೈನ ಮೊಶೆನಾ ಧರಮಶಾಸ್ತ್ರನೆ ಪ್ರವಾದಿಯೊನಾ ಗ್ರಂಥತೊನೆ ಆದಾರ ಕರಲಿನ ಯೆಸುನಾ ವಿಷಯಮಾ ತ್ಯುನೊನೆ ಕತೊ ವ್ಹತ್ತೊ. 
\v 24 ತೆ ಕದಲ ವಾತೊ ದಕ್ಹಾಜ಼಼ನಾ ಐಕ್ಯಾ; ದಕ್ಹಾಜ಼಼ನಾ ನಂಬ್ಯಾವಾಚಿ ಗಯಾ. 
\v 25 ತ್ಯುನೆ ವಾದ ಕರಿನ ತ್ಯಾಂತಾ ಜ಼ಾವಾನೆ ತಯಾರ ಥಯಲ ಟೈಮಮಾ ಪೈಲಾ ತ್ಯುನೊನೆ ಅಮ್ಮ ಕದ್ಯೊ; ಪವಿತ್ರಾತ್ಮಾ ಪ್ರವಾದಿ ಥಯಲ ಯೆಶಾಯನಾ ಮ್ಹೊಡಾಕ್ಹು
\q1
\v 26 ತಮ್ಮಾರಾ ಪಿತೃವೊನೆ ತಿಳಸೈನ ಕದಲ ಸವೈ ಕದ್ಯಾಮ; ‘ತು ತೆ ಮನಕ್ಹೊಕನ ಗೈನ ತ್ಯುನೊನೆ ಕದ್ಯೊ ತಮೆ ಕಾನೊ ಐಕ್ಯಾತಬಿ ತಿಳದಿಲೆತ್ತಾ ನೈ. ಡೊಳಾ ರ‍್ಹೈನ ದೆಕೆವಾಚಿ ರ‍್ಹವೊಸಿ ಕದ್ಯೊ. 
\v 27 ಕಾಕದ್ಯಾಮ ತೆ ಮನಕ್ಹೊನು ಮನಸಮ್ಮಾ ಘಟ್ಟ ಥಯಾಸ; ತ್ಯುನಾ ಕಾನೊ ಕ್ಯುಡಾ ಥಯಾಸ; ತ್ಯುನೆ ಡೊಳಾ ಝಾಕಿ ಲಿದ್ಯಾಸ ;ತ್ಯುನೆ ಡೊಳಾಕ್ಹು ದೆಕಿ, ಕಾನೊಕ್ಹು ಐಕಿನ ಮನಸ್ಸ ತಿಳಿದಿಲಎತ್ತು ಮಕನ ಫರ‍್ಯಾಮ್ಮಾ ಮಾರಾಕ್ಹು ಅರಾಮ ಕಿಮ್ಮ ಹೊಂದಿಲ್ಯು ಕೈನ ಕ್ಹುದಾ ಕ್ಹದ್ಯೊ.
\p
\v 28 ತಿನಾಹುತಿ ಪೌಲಾ ಥಯಲ ತೆ ಕ್ಹುದಾಕ್ಹು ರಕ್ಷಣೆ ಬಿಜಾ಼ ಮನಕ್ಹೊ ಕೈನ ವಳಾಯೊ ಕೈನ ತಮನೊನೆ ಚೊ಼ಕಿ ತಂಗ ಗೊತ್ತ ರ‍್ಹವಾದೆ; ತ್ಯುನೆ ತಬಿ ಐಕಸ ಕೈನ ಕದ್ಯೊ. 
\v 29 ತೆ ವಾತೊ ಕದಲ ಪರ ತ್ಯುನೆ ಗೈಪಡ್ಯಾ. 
\v 30 ತೆ ಥಯಲ ಪರ ಪೌಲಾ ಬಾಡಿಗೆ ಲಿದೆಲ ಘರಾಮ್ಮಾ ಬೆ ವರಕ್ಹ ತ್ಯಾ ರ‍್ಹೈನ ತಿಕ ಆವಾವಾ ಲಾವೊನೆ ಮರ್ಯಾದಿನ ಬಲಾವುನು ಕರ‍್ಯೊ. 
\v 31 ಕೈಜ಼ ಅಡ್ಡಿ ನೈಸೊ, ಘನೊ ಧೈರ್ಯಕ್ಹು ಕ್ಹುದಾನಿ ರಾಜ್ಯನಾ ಹುತಿ ಬೊದನೆ ಕರತೊ, ಕರ್ತಾ ಥಯಲ ಯೆಸುಕ್ರಿಸ್ತನಾ ವಿಷಯಮ್ಮಾ ಉಪದೆಶ ಕರತೊ ವ್ಹತ್ತೊ.