\id 3JN - Shikkalgar
\ide UTF-8
\toc3 3 ಯೊಹಾನ
\toc2 3 ಯೊಹಾನ
\toc1 3 ಯೊಹಾನ ಬರ್ದಲ ಪತ್ರ
\mt2 ಯೊಹಾನನು ಬರೆದ ಮೂರನೆಯ ಪತ್ರಿಕೆ
\mt1 3 ಯೊಹಾನ ಬರ್ದಲ ಪತ್ರ
\c 1
\p
\v 1 ಸಭೆಮಾ ಮ್ಹೊಟೊ ಥಯಲ ಮಿ ಕ್ಹರಿಕ್ಹು ಮಯಾ ಕರಲ ಮಯಾನಾ ಭೈನೆ ಗಾಯನನೆ ಬರ್ದಾನು ಸುವೈ ಕದ್ಯಾಮ ; 
\v 2 ಮಯಾನಾ, ತು ತಾರಾ ಆತ್ಮನಾ ವಿಷಯಮಾ ಅಭಿವೃದ್ದಿ ಥಯಲ ನಿಂಗತ, ಕ್ಹಾರಾ ವಿಷಯಮಾ ಅಭಿವೃದ್ದಿ ಹೊಂದಿನ ಚೊ಼ಕೊ ಥೈನ ರ‍್ಹೌ ಕೈನ ಮಿ ಪ್ರಾರ್ಥನಾ ಕರುಸ. 
\v 3 ಭಾಯೊ ತೆಳಾಮಾ-ತೆಳಾಮಾ ಮಕನ ಐನ, ತುಕನ ರ‍್ಹಯಲ ಕ್ಹರಿನಾ ವರಿ ತು ಕ್ಹರಿಕ್ಹು ಚಾ಼ಲಿನ ಜಾ಼ವಾನಾ ಹುತಿ ಮಕನ ಕತಾಮಾ ಮಿ ಖುಶಿ ಥೌಸ. 
\v 4 ಮಾರಾ ಬಚ್ಚಾ ಕ್ಹರಿ ಲಿಂಗತ ಚಾ಼ಲಿನ ಜಿವ್ನಾ ಕರಾಡಾಸ ಕೈನ ಐಕಿನ ಥಯಲ ಖುಶಿ ಯಕ್ಲಿ ಬಿಜಿ ಖುಶಿ ನತ್ತಿ.
\s ಗಾಯನ
\p
\v 5 ಮಯಾನಾ, ವಳಕ ನೈಸೊ ವಾಲಾ ಭಾಯೊನೆ ತು ಮರ್ಯಾದಿ ದಿವಾನೆ ಬರೊಕ್ಹೊ ಕರಾಲಾನೆ ಯೊಗ್ಯ ಥೈನ ರ‍್ಹಶಿ. 
\v 6 ತ್ಯುನೆ ಸಭೆನಾ ಕ್ಹಾಮ್ಮಾ ತು ದೆಕ್ಲಾಡೆಲ ಮಯಾನಾ ಹುತಿ ಸಾಕ್ಷಿ ಕದ್ಯಾ. ತ್ಯುನೊನೆ ತು ಕ್ಹುದಾನಾ ಸೆವಕೊನೆ ಯೊಗ್ಯ ರ‍್ಹಯಲ ತರಿಕಾಮಾಜ ಅಗು ಬಡಾವಾನು ಚೊ಼ಕು ರ‍್ಹವಸ. 
\v 7 ಕಾ ಕದ್ಯಾಮ ತ್ಯುನೆ ಕ್ರಿಸ್ತನಾ ನಾಮನೆ ಪ್ರಚಾರ ಕರಾನಾ ಹುತಿ ಚಾ಼ಲ್ಯಾಸ. ಬಿಜಾ ಮನಕ್ಹೊ ಕಂತ್ತಾ ಸುಜ಼ ಲಿವಾಲಾ ನ್ಹೈ. 
\v 8 ತಿನಾಹುತಿ, ಹಮೆ ಕ್ಹರಿಜನೆ ಸಹಾಕಾರಿ ಥೈವ ಕೈನ ತೆವಾವೊನೆ ಮಳಲಿವಾನು ಮುಲಾಜಾಮ್ಮಾ ಛೆ.
\s ದಿಯೊತ್ರೆಫ ವರಿ ದೆಮೆತ್ರಿಯ
\p
\v 9 ತೆ ನೈಸೊ ಸಭೆಮಾ ಮ್ಹೊಟೊ ಥೈನ ರ‍್ಹೌಸ ಕವಾಲೊ ದಿಯೊತ್ರೆಫನ ಹಮಾರಿಯೊ ವಾತೊ ವಪ್ಪಿಲೆತೊ ನೈ. ತಿನಾಹುತಿ ಮಿ ಆಯೊಮ ತೆ ಕರಾನಾ ಕಾಮೊನಾ ಹುತಿ ಕ್ಹಾರಾವೊನೆ ಶೆ ದಿಲೌಸ. 
\v 10 ತೆ ಫಾಲತು ಕಾಮ ಕರಾಲೊ, ಹಮಾರಾ ವಿಷಯಮಾ ಕೆಟ್ಟ ಪ್ರಚಾರ ಕರಾಡ್ಯೊಸ. ಯಕ್ಲುಜ ನೈಸೊ ತೆ ತಿನಾ ಭಾಯೊನಾ ತಿನಾ ಕ್ಹಾತೆ ರ್xಔ ಕವಾಲಾವೊನೆ ಅಡ್ಡ ಕರಿನ ಸಭೆಮಾತೊ ಬಾರೊ ಕಾಡಸ. ಮಯಾನಾ ತು ಕೆಟ್ಟ ಚಾಳಿ ಪಾಲ್ಶಾವಾಚಿ ಚೊ಼ಕಿ ಚಾಳಿಯೊ ಪಾಲಸ. 
\v 11 ಚೊ಼ಕು ಕರಾಲೊ ಕ್ಹುದಾಕ್ಹು ಹುಟ್ಟಲವಾಲೊ ವ್ಹೈ. ಕೆಟ್ಟ ಕರಾಲೊ ಕ್ಹುದಾನೆ ದೆಕಲವಾಲೊ ನ್ಹ ವ್ಹೈ. ದೆಮೆತ್ರಿ ಭೊಳೊ ವ್ಹೈ ಕೈನ ಕ್ಹಾರಾವೊನಾ ಕ್ಹಾಮೊಜ಼ ಸಾಕ್ಷಿ ಥಯೊಸ. 
\v 12 ಹಮೆ ಬಿ ತುಮೊನೆ ಆ ವಿಷಯಮಾ ಸಾಕ್ಷಿ ದಿವಾಲಾ ವ್ಹೈ; ಹಮಾರಿ ಸಾಕ್ಷಿ ಕ್ಹರಿ ವ್ಹೈ ಕೈನ ತುಮೆ ಗೊತ್ತ ಛೆ.
\s ವಂದನಾ
\p
\v 13 ಮಿ ಬರ್ದಾನಿಯೊ ಸಂಗತಿಯೊ ಘನಿಯೊ ಛೆ. ತೆ ನೈಸೊ ಮಶಿಲಿನ ಬರ್ದಾನಾ ಯಕ್ಲಿ ಮಸಿಲಿನ ಬರ್ದಾನೆ ಮನೆ ಮನಸ ನತ್ತಿ. 
\v 14 ಮಿ ಭೆಗಿನ ಐನ ದೆಕುಸ ಕೈನ ಆಸ ಮ್ಹೆಲುಸ. ತೆಳಾಮಾ ಅಪೆ ಕ್ಹಾಮಾಜ಼ ಬೊಲಿಯೆ. 
\v 15 ತುನೆ ಸಮಾಧಾನ ರ‍್ಹವಾದೆ. ದೊಸ್ತೊ ತುನೆ ವಂದನೆ ಕರ‍್ಯಾಸ. ತ್ಯಾ ರ‍್ಹಯಲ ಕ್ಹಾರಾ ದೊಸ್ತೊನೆ ವಂದನೆ ಕೆ.