\id 2TH - Shikkalgar
\ide UTF-8
\h ಥೆಸಲೊನಿಕ
\toc3 2 ಥೆಸಲೊನಿಕ
\toc2 2 ಥೆಸಲೊನಿಕ
\toc1 2 ಥೆಸಲೊನಿಕವಾಲಾವೊನೆ ಬರ್ದಲ ಪತ್ರ
\mt2 ಪೌಲನು ಥೆಸಲೊನಿಕದವರಿಗೆ ಬರೆದ ಎರಡನೆಯ ಪತ್ರಿಕೆ
\mt1 2 ಥೆಸಲೊನಿಕವಾಲಾವೊನೆ ಬರ್ದಲ ಪತ್ರ
\imt ವಳಕ
\ip ಅಪೊಸ್ತಲ ಥಯಲ ಪೌಲಾಕ್ಹು ಥೆಸಲೊನಿಕವಾಲಾವೊನೆ 2 ಪತ್ರ ಬರ್ದಲ ವ್ಹೈ. \xt 1:1\xt* 1 ಥೆಸಲೊನಿಕವಾಲಾವೊನೆ ಬರ್ದಿನ ದಕ್ಹೊ ಟೈಮ ಥಯಲಪರ ಎ ಪತ್ರ ಬರ್ದ್ಯೊ ಯೆಸು ಕ್ರಿಸ್ತ ಹುಟ್ಟಿನ 51 ವರಕ್ಹ ಥಯಲಪರ ಎ ಪತ್ರ ಬರ್ದ್ಯೊ. ಪೌಲಾ ಎ ಪತ್ರನೆ ಥೆಸಲೊನಿಕ ಸಭೆನೆ ಬರ್ದಲ ಪರ ತೆ ಪೌಲಾ ಕೊರಿಂಥ್ಯಮಾ ಇನೆ ಎ ಸಭೆನೆ ಪೌಲಾ ಬೆವಾ ಮಿಶ್ನರನಾ ಪ್ರಯಾಣಮಾ ತಿಳ್ದಿಲಿದಲ ವ್ಹೈ. \xt ಅಪೊಸ್ತಲೊ 17:1-10\xt* ಅಪೊಸ್ತಲ ಕೃತ್ಯ ಬುಕ್ಮಾ ಇಮ್ಮ ಕವಸ ಎ ಸಭೆ ದಕ್ಹಾ ಯಹುದ್ಯೊ ವರಿ ಘನ್ನಾ ಗ್ರಿಕವಾಲಾವೊಕ್ಹು ಭಂದೈಯು.
\ip ಥೆಸಲೊನಿಕ ಸಭೆವಾಲಾ ಲಾಸ್ಟ ದಿನ್ನನಾ ಹುತಿ ಕ್ರಿಸ್ತ ಬೆವಾ ಸಲಾ ಆವಾನಾ ಹುತಿ ಸಂಬಂಧ ರ‍್ಹಯಲ ವಿಷಯನಾ ಹುತಿ ವಿಚಾರ ಕರಲ ರ‍್ಹೌ ತಿನಾಹುತಿ ಪೌಲಾ ಎ ಬೆ ಪತ್ರಮಾ ಇನಾ ಹುತಿ ಥೆಸಲೊನಿಕವಾಲಾವೊನೆ ಘನೊ ಬರ್ದ್ಯೊಸ. ಥೆಸಲೊನಿಕನು ಅರದು ಬುಕ್ಕ ಲಾಸ್ಟನಾ ದಿನ್ನೊನಾ ಹುತಿ ಬರ್ದಲ ಛೆ ವರಿ ಅರದು ಬುಕ್ಕ ಸ್ವಭಾವಾನಾ ಹುತಿ ಹುಷಾರಕಿ ದಿದ್ಯೊಸ ಕ್ಹಾರಾ ತ್ಯುನಾ ತ್ಯುನಾ ಅನ್ನನಾ ಹುತಿ ಕಾಮ ಕರು ಕೈನ ಹುಷಾರಕಿ ದಿದ್ಯೊಸ. \xt 3:6-10\xt*
\iot ಪಿಠಿಕೆ
\io1 1) ಪೌಲಾ ಎ ಪತ್ರ ತಿನೆ ವರಿ ತಿನಾ ಕ್ಹಾತೆ ರ‍್ಹಯಲವಾಲಾವೊನೆ ವಳಕ ಕರಾನಾ ಹುತಿ ಎ ಪತ್ರ ಖಾಸ ವಾತೊಮಾ ಎ ಪತ್ರನು ಶುರುವಾತ ಕರಸ. \ior 1:1-2\ior*
\io1 2) ಪಾಚಲ್ತೊ ಥೆಸಲೊನಿಕ ಸಭೆನೆ ಶೆಂ ಕರಿನ ಕ್ಹುದಾನೆ ಧನ್ಯವಾದ ಕತೊ ತ್ಯುನಾ ಹುತಿ ಪ್ರಾಥನಾ ಕರಸ. \ior 1:3-12\ior*
\io1 3) ಪೌಲಾ ಬೆಂವಾ ಪತ್ರಮಾ ಲಾಸ್ಟನಾ ದಿನ್ನನಾ ಹುತಿ ಕದ್ಯೊಸ. \ior 2 \ior*
\io1 4) ಪಾಚಲ್ತೊ ಸೊಮಾರಿತನನಿ ಸ್ವಭಾನು ವಿರುದ್ದ ವರಿ ಕ್ಹಾರಾ ಜ಼ನಾ ಕಾಮ ಕರು ಕೈನ ಮಾಂಗಿಲಿವಸ. \ior 3:1-15\ior*
\io1 5) ಸಭೆನೆ ನಮಸ್ಕಾರ ಕರ‍್ತೊ ಪೌಲಾ ಎ ಪತ್ರ ಪುರಾ ಕರ‍್ಯೊಸ. \ior 3:16-18\ior*
\c 1
\p
\v 1 ಮಾರೊ ಬಾ ಥಯಲ ಕ್ಹುದಾಕನ ವರಿ ಪ್ರಭು ಥಯಲ ಯೆಸು ಕ್ರಿಸ್ತಮಾ ರ‍್ಹಯಲ ಥೆಸಲೊನಿಕವಾಲಾವೊನಿ ಸಬೆನೆ ಪೌಲಾ, ಸಿಲ್ವಾನ ವರಿ ತಿಮೊತಿ ಬರ್ದಾನು ಪತ್ರ. 
\v 2 ಅಪ್ನೊ ಬಾ ಥಯಲ ಕ್ಹುದಾ ವರಿ ಪ್ರಭು ಥಯಲ ಯೆಸು ಕ್ರಿಸ್ತನಿ ಕೃಪಾ ವರಿ ಶಾಂತಿ ತುಮೊಮಾ ರ‍್ಹವಾದೆ. 
\v 3 ಮಾರಾ ಭಾಯೊ ವರಿ ಭೆನೊ ತುಮಾರಿ ವಿಷಯಮಾ ಹಮೆಶಾಬಿ ಕ್ಹುದಾನೆ ಸ್ತೊತ್ರಾ ಕಯೆಸ. ಇಮ್ಮ ಕರಾನು ಚೊ಼ಕು ವ್ಹೈ. ಕಾ ಕದ್ಯಾಮ ತುಮಾರೊ ಬರೊಕ್ಹೊ ವರಿ ಹೆಚ್ಕಿ಼ ಥಯಲ ಹುತಿ ತುಮಾರಿ ಮಯಾ ಹೆಚ್ಕಿ಼ ಥಾತಿ ರ‍್ಹವಸ. 
\v 4 ಕ್ಹುದಾನಿ ಸಭೆಮಾ ತುಮಾರಾ ಹುತಿ ಖುಶಿಕ್ಹು ಕಯೆಸ. ತುಮೊಮಾ ರ‍್ಹಯಲ ಬರೊಕ್ಹೊ ತಡ್ದಿಲಿವಾನಾ ಹುತಿ ಬಿಜಿ಼ಯೊ ಸಭೆಮಾ ಕಯೆಸ. ತುಮೆ ಕಷ್ಟ ಪಡ್ಯಾತಬಿ ವರಿಬಿ ತ್ರಾಸೊ ಖಾದ್ಯಾತಬಿ ಬರೊಕ್ಹಾಮಾ ಜಿವ್ನಾ ಕರಾಡಾಸ. 
\v 5 ಕ್ಹುದಾ ನ್ಯಾಯ ರ‍್ಹಯಲ ಫೈಸಲೊ ಕರಸ ಕೈನ ತೆಜ಼ ದೆಕಾಡಿನ ದಿವಸ ಕ್ಹುದಾನಿ ರಾಜ್ಯನೆ ತುಮೆ ಯೊಗ್ಯ ಥೈನ ತುಮೆ ತ್ರಾಸ ಖಾವಾನು ತೆ ರಾಜ್ಯನಾ ಹುತಿಜ಼ ವ್ಹೈ. 
\v 6 ಕ್ಹುದಾ ನ್ಯಾಯ ರ‍್ಹಯಲಜ಼ ಕರಸ. ತುಮೊನೆ ತ್ರಾಸ ದಿವಾನಾ ಮನಕ್ಹೊನೆ ಕ್ಹುದಾಜ಼ ತ್ರಾಸ ದಿವಸ. 
\v 7 ತೆ ತ್ರಾಸಮಾ ಪಡಲ ತುಮೊನೆ ವರಿ ಹಮೊನೆ ಸಮಾದಾನ ದಿವಸ. ಪ್ರಭು ಥಯಲ ಯೆಸು ತಿನಾ ದುತೊನಾ ಕ್ಹಾತೆ ಸ್ವರಗತೊ ಆತಾಮಾ ಎ ಸಮಾದಾನ ದಿವಸ. 
\v 8 ಪ್ರಭು ಯೆಸು ಕ್ರಿಸ್ತ ಸ್ವರಗತೊ ಆಗನಿ ಜ್ವಾಲಾನಾ ಕ್ಹಾತೆ ಆತಾಮಾ ಸುವಾರತೆನೆ ನೈ ವಿಧೆಯ ಥಯಲವಾಲಾವೊನೆ ವರಿ ಇನ್ಕಾರಲ ವಾಲಾವೊನೆ ಶಿಕ್ಷಾ ದಿವಸ. 
\v 9 ತ್ಯುನೊನೆ ಪ್ರಭುನಾ ಕ್ಹಾತೆ ರ‍್ಹವಾನೆ ತ್ಯುನೊನೆ ಮೌಕೊ ಮಳ್ತೊ ನೈ ವರಿ ಹಮೆಶಾನಿ ಶಿಕ್ಷಾ ಥಾವಾಸ. ತೆ ತಿನಿ ಮ್ಹೊಟಿ ತಾಕತನಾ ಕ್ಹಾತೆ ತ್ಯುನೊನೆ ದುರ ಮ್ಹೆಲಸ. 
\v 10 ಪ್ರಭು ಥಯಲ ಯೆಸು ದಿಕ್ಹ್ತಾಮಾ ಎ ಕ್ಹಾರು ಥಾವಸ. ತೆ ತಿನೆ ಮಳಾನು ರ‍್ಹಯಲ ವೈಭವ ಸ್ವಿಕಾರ ಕರಾನೆ ತಿನಾ ಪರಿಶುದ್ಧ ಮನಕ್ಹೊನಾ ಕ್ಹಾತೆ ದಿಕ್ಹಸ. ನಂಬಲ ಮನಕ್ಹೊ ತಿನೆ ದೆಕಿನ ಘಾಬ್ರಾ ಥಾವಸ. ಹಮೆ ಕದಲ ನಂಬಲವಾಲಾ ತುಮೆ ವಿಸ್ವಾಸಿಯೊನಾ ಕ್ಹಾತೆ ರ‍್ಹವೊಸಿ. 
\v 11 ತಿನಾಹುತಿ ಹಮೆಶಾಬಿ ತುಮಾರಾ ಹುತಿ ಚೊ಼ಕಿ ವಾಟಮಾ ತುಮೆ ಜಿವ್ನಾ ಕರು ಕೈನ ಕ್ಹುದಾ ತುಮೊನೆ ಬಲಾಯೊ, ತೆ ವಾಟಮಾ ತುಮೆ ಜಿವ್ನಾ ಕರಾನಾ ಹುತಿ ಪ್ರಾಥನಾ ಕರಿಯೆಸ. ತುಮೊಮಾ ರ‍್ಹಯಲ ಚೊ಼ಕಾ ಚೊ಼ಕಾಜ಼ ಕಾಮೊ ಕರಾನಾಹುತಿ ತುಮೊನೆ ಪ್ರೊತ್ಸಾಹ ಕರಸ. ತುಮೊಮಾ ರ‍್ಹಯಲ ಬರೊಕ್ಹೊ ತುಮಾರಾ ಮುಕಾಂತರ ಕಾಮ ಕರಸ. ಎ ಕಾಮೊ ತುಮೆ ಜಾಸ್ತಿ-ಜಾಸ್ತಿ ಕರಾನೆ ಕ್ಹುದಾ ತಿನಿ ತಾಕತಕ್ಹು ಕರಾದೆ ಕೈನ ಮಾಂಗಿಲಿಯೆಸ. 
\v 12 ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತನು ನಾಮ ತುಮೊಮಾ ಮಹಿಮೆ ಥಾವಾದೆ ಕೈನ ವರಿ ತುಮೊನೆಬಿ ತಿಮಾ ಮಹಿಮಾ ಮಳಾದೆ ಕೈನ ಹಮೆ ಪ್ರಾಥನಾ ಕರಿಯ್ಯೆಸ. ತೆ ಮಹಿಮಾ ಅಪ್ನೊ ಕ್ಹುದಾ ವರಿ ಪ್ರಭು ಯೆಸು ಕ್ರಿಸ್ತಕ್ಹುಜ಼ ಆವಸ.
\c 2
\p
\v 1 ಮಾರಾ ಭಾಯೊ ಭೆನೊ, ಯೆಸು ಕ್ರಿಸ್ತ ಆವಾನಾ ಹುತಿ ತುಮೊನೆ ದಕ್ಹಿಯೊ ವಾತೊ ಕವಾನು ಛೆ. ಅಪೆ ಕ್ಹಾರಾ ಮಳಿನ ತಿನೆ ಮಳಾನು ದಿನ್ನಾ ಹುತಿ ತುಮಾರಾ ಕ್ಹಾತೆ ಕವಾನೆ ಆಸ ಛೆ. 
\v 2 ಪ್ರಭುನೊ ದಿನ್ನ ಯಕ್ಲಾಮಾಜ಼ ಐಜ಼ ಪಡ್ಯುಸ ಕೈನ ಕುನಬಿ ತುಮೊನೆ ಕದ್ಯಾಮ ತೆಳಾಮಾಜ಼ ಕಳವಳ ಥಾವೊನಕೊ ಕುನಬಿ ತಿನಾ ಪ್ರವಾದನೆಮಾ ರ‍್ಹೈನೆಕಾ ಉಪದೆಶಮಾ ರ‍್ಹೈನೆಕಾ ತಿಮ ಕವಾನು ಸಾದ್ಯ ಛೆ. ಕುನಬಿ ಸುಳ್ಳ ಪತ್ರ ಹಮಾರಾ ನಾಮಪರ ತೆಜ಼ ಬರ್ದಿನ ತುಮಾರಾ ಕ್ಹಾಮೊ ಒದಿನ ತಿಳಸಾನೆ ಸಾದ್ಯ ಛೆ. 
\v 3 ಕುನ ಕೈ ತರಾಮಾ ತುಮೊನೆ ಮೊಸ ಕರಾನೆ ಮೌಕೊ ದಿವೊ ನಕೊ ಲಾಸ್ಟಾಮಾ ವೈರಿ ಆಯೆಲಕ್ಕಾ ವರಿ ವಿರೊದ ಉಟೆಲಕ್ಕಾ ಪ್ರಭುನೊ ದಿನ್ನ ಆತೊ ನೈ. 
\v 4 ಕ್ಹುದಾ ಕೈನ ಕವೈಲಿವಾನು ಸುಜ಼ ರ‍್ಹೈನೆಕಾ, ಮನಕ್ಹೊ ಪುಜಾ ಕರಾನು ಸುಬಿ ರ‍್ಹೈನೆಕಾ ವಿರೊಧಿ ರ‍್ಹಯಲವಾಲೊ ವಿರೊದ ಕರಿನ, ತ್ಯುನೊತಿಬಿ ತಿನಾಕ್ಹು ತೆ ಹೆಚ್ಕಿ಼ ಕವೈಲಿನ ಕ್ಹುದಾನಿ ಸನ್ನಿದಿಮಾ ಗೈನ ಬೈಟಿನ ತೆಜ಼ ಕ್ಹುದಾ ವ್ಹೈ ಕೈನ ಕವೈಲಿವಸ. 
\v 5 ಮಿ ತುಮಾರಾ ಕ್ಹಾತೆ ರ‍್ಹತಾಮಾ ಎ ಸಂಗತಿಯೊ ಥಾವಾಸ ಕವಾನು ಮಿ ತುಮೊನೆ ಪೈಲಾಜ಼ ಕದ್ಯೊಸ ಶೆ ನತ್ತಿ ಸು? 
\v 6 ಹಮ್ನಾ ವಿರೊದ ರ‍್ಹಯಲವಾಲೊ ತರಬಲ ಸು ವ್ಹೈ ಕವಾನು ತುಮೊನೆ ಗ್ವತ್ತ ಛೆ. ತೆ ಕರೆಟ್ಟ ಟೈಮ್ಮಾ ಆವಸ ಕೈನ ತಿನೆ ಹಮ್ನಾ ತರಬಲ ಛೆ. 
\v 7 ದಡಿ ರ‍್ಹಯಲ ವಿರೊದಿ ಯಕ್ಲಾಮಾಜ಼ ಜಗತ್ಮಾ ತಿನು ಕಾಮ ಕರತೊ ಛೆ. ತೆನೈಸೊ ತೆ ದಡಿ ರ‍್ಹಯಲ ಕೆಟ್ಟ ತಾಕತನಾ ವಿರೊದಿನೆ ತರಬಾನೆ ಯಕ್ಲೊ ಛೆ ತೆ ಕದ್ಯಾ ಬಗರ ತೆ ಕಾಮ ಕರತೊ ನೈ. 
\v 8 ಧರಮನೆ ವಿರೊದ ರ‍್ಹಯಲವಾಲೊ ದಿಕ್ಹಸ ಪ್ರಭು ಥಯಲ ಯೆಸು ಆತಾಮಾ ತಿನೆ ಮ್ಹೊಡಾನಾ ವಾರಾಕ್ಹು ಖಲಾಸ ಕರಿಪಾಡಸ. ತಿನಿ ದಿಕ್ಹಾನಿ ಮಹಿಮಾಕ್ಹು ತಿನೆ ಹಾಳ ಕರಸ. 
\v 9 ತೆ ವಿರೊದಿ ಸೈತಾನನಿ ಮ್ಹೊಟಿ ತಾಕತಕ್ಹು ಮಳಲ ರ‍್ಹವಸ ತೆ ಘನ್ನಿಯೊ ಮೊಸನಾ ಪವಾಡೊ ಮ್ಹೊಟಾ ಕಾಮೊ ಅದ್ಭುತ ಕಾಮೊ ಕರಸ. 
\v 10 ಕ್ಹರಿನೆ ಮಯಾ ಕರ‍್ಯಾವಾಚಿ ಚು಼ಕಿಗಯಲ ಮನಕ್ಹೊನೆ ಮೊಸ ಕರಾನೆ ತೆ ಕ್ಹಾರಾ ತರಾನಾ ತಂತ್ರ ಕರಸ. ತ್ಯುನೆ ಕ್ಹರಿ ಸು ವ್ಹೈ ಮಯಾ ತಿಳ್ದಿಲಿನಬಿ ರಕ್ಷಣೆ ಹೊಂದಿಲಿದ್ಯಾ ನೈ. 
\v 11 ತೆನೈಸೊ ತೆ ಮನಕ್ಹೊ ಕ್ಹರಿನಿ ಮಯಾ ಕರ‍್ಯಾನೈ ತಿನಾ ಹುತಿ ಕ್ಹರಿನೆ ಛೊಡಿನ ಕ್ಹರಿ ನೈ ರ‍್ಹಯಲ ಬರೊಕ್ಹೊ ಕರಾ ವರಕ್ಹು ಕರಾನು ಯಕ್ಕ ತಾಕತ ಕ್ಹುದಾ ತ್ಯುನೊಕನ ಮೊಕ್ಲಸ. 
\v 12 ಕ್ಹರಿನೆ ಬರೊಕ್ಹೊ ನೈ ಕರಾಲಾ ಪಾಪ ಕರಾಮಾ ಕ್ಹುಶಿ ರ‍್ಹವಾಲಾ ಮನಕ್ಹೊ ಶಿಕ್ಷಾನೆ ಗುರಿ ಥಾವಸ. 
\v 13 ಮಯಾನಾ ಭಾಯೊ, ಭೆನೊ, ತುಮೊನೆ ವಚಾ಼ಡಾನಾ ಹುತಿ ಕ್ಹುದಾ ತುಮೊನೆ ಆದಿಮಾ ಇನಿಲಿದ್ಯೊಸ. ತುಮೊನೆ ಪರಿಶುದ್ಧ ಕರಾನು ಪವಿತ್ರ ಆತ್ಮಾಕ್ಹು ವರಿ ಕ್ಹರಿಪರ ತುಮೊನೆ ರ‍್ಹಯಲ ಬರೊಕ್ಹಾಕ್ಹುಜ ತುಮೆ ರಕ್ಷಣೆ ಹೊಂದ್ಯಾಸ. 
\v 14 ತುಮೆ ರಕ್ಷಣೆನೆ ಹೊಂದಿಲಿದಲ ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತನಿ ಮಹಿಮಾನಿ ಪಾಲ ಲಿವಾಲಾ ಥಾವೊ ಕೈನ, ಹಮೆ ಕದಲ ಸುವಾರ್ತೆನಾ ಮುಲಕ ಕ್ಹುದಾ ತುಮೊನೆ ಬಲಾಯೊಸ. 
\v 15 ತಿನಾಹುತಿ ಮಾರಾ ಭಾಯೊ ಭೆನೊ, ಘಟ್ಟ ಥೈನ ರ‍್ಹವೊ ಹಮೆ ವಾತೊನಾ ಮುಲಕ ವರಿ ಪತ್ರನಾ ಮುಲಕ ತುಮೊನೆ ಕದಲ ಭೊದನೆ ಬರೊಕ್ಹೊ ಕರಿನ ರ‍್ಹವೊ. 
\v 16 ತುಮೆ ಕವಾನು ಚೊ಼ಕಿ ಸಂಗತಿಯೊ ವರಿ ಕರಾನು ಚೊ಼ಕು ಕಾಮೊಮಾ ತುಮೊನೆ ತಾಕತ ಆದರಣೆ ಪ್ರಭು ಥಯಲ ಯೆಸು ಕ್ರಿಸ್ತ ವರಿ ಬಾ ಥಯಲ ಕ್ಹುದಾ ತುಮೊನೆ ದಿವಾದೆ ಕೈನ ಹಮೆ ಪ್ರಾಥನಾ ಕರಿಯೆಸ. ಕ್ಹುದಾ ಹಮೊನೆ ಮಯಾ ಕರ‍್ಯೊ. ತೆ ತಿನಿ ಮರಗಾಕ್ಹು ಅಪೊನೆ ಚೊ಼ಕಿ ಆಸ ಹಮೆಶಾ ರ‍್ಹಯಲ ಆದರಣೆ ದಿದ್ಯೊ. 
\v 17 ಚೊ಼ಕು ಕಾಮೊಮಾಬಿ ಹರ ಹಮೆಶಾಬಿ ತಮ್ಮಾರಾ ಕ್ಹಾತೆ ರ‍್ಹವಾಂದೆ.
\c 3
\s ಹಮಾರಾ ಹುತಿ ಪ್ರಾಥನಾ ಕರೊ
\p
\v 1 ಲಾಸ್ಟಮಾ ಹಮಾರಾ ಭಾಯೊ ಭೆನೊ, ಹಮಾರಾ ಹುತಿ ಪ್ರಾಥನಾ ಕರೊ. ಪ್ರಭುನಿ ಉಪದೆಶ ಘನಿ ಫೈಲಿಜೌ಼ ಕೈನ ಪ್ರಾಥನಾ ಕರೊ. ತುಮಾರಾ ಲಿಂಗತ ಬಿಜಾ಼ ಮನಕ್ಹೊ ಎ ಉಪದೆಶ ಮರ್ಯಾದಿ ದ್ಯು ಕೈನ. 
\v 2 ಕೆಟ್ಟ ರ‍್ಹಯಲ ಮನಕ್ಹೊ ವರಿ ದುಷ್ಟ ರ‍್ಹಯಲ ಮನಕ್ಹೊನಾ ಹತ್ಮಾತು ಹಮೊನೆ ವಚಾ಼ಡ ಕೈನ ಕ್ಹುದಾನೆ ಪ್ರಾಥನಾ ಕರೊ. ಪ್ರಭುಮಾ ಕ್ಹಾರಾ ಮನಕ್ಹೊ ಬರೊಕ್ಹೊ ಮ್ಹೆಲ್ಯಾ ನತ್ತಿ. 
\v 3 ತೆನೈಸೊ ಪ್ರಭು ಬರೊಕ್ಹಾವಾಲೊ ವ್ಹೈ. ತೆ ತುಮೊನೆ ಘಟ್ಟ ಕರಸ ವರಿ ಕೆಟ್ಟ ಕ್ಹು ತುಮೊನೆ ವಚಾ಼ಡಸ. 
\v 4 ಮಿ ತುಮೊನೆ ಕದಲ ಸಂಗತಿಯೊ ತುಮೆ ಕರಸ ಕೈನ ಬರೊಕ್ಹೊ ಪ್ರಭುಜ಼ ಹಮೊನೆ ದಿದ್ಯೊಸ. ತುಮೆ ಇತ್ತಿ ಉಪ್ಪರ ಎ ಕ್ಹಾರು ಕರೊಶಿ ಕೈನ ಹಮೊನೆ ಗ್ವತ್ತ ಛೆ. 
\v 5 ಕ್ಹುದಾನಿ ಮಯಾನಿ ತಿಳವಳಿಕಿ ವರಿ ಕ್ರಿಸ್ತಮಾ ತಡ್ದಿಲಿವಾನೆ ತುಮಾರಾ ಗ್ಯಾನಮಾ ಪ್ರಭುಜ಼ ಅಗೊ ಚ಼ಲಾವಾದೆ ಕೈನ ಹಮೆ ಪ್ರಾಥನಾ ಕರಿಯೆಸ. 
\v 6 ಹಮಾರಾ ಭಾಯೊ ಭೆನೊ, ಕಾಮ ನೈ ಕರಾಲಾ ವಿಸ್ವಾಸಿಯೊ ಅಪ್ನೊ ಪ್ರಭು ಥಯಲ ಯೆಸುನಿ ಅದಿಕಾರಕ್ಹು ತುಮೊನೆ ಕವಾಡ್ಯಾಸ ಹಮೆ ದಿದಲ ಕ್ಹಾರಾ ಉಪದೆಶ ಲಿಂಗತ ತುಮೆ ಚಾ಼ಲೊ. 
\v 7 ಹಮೆ ಜಿವ್ನಾ ಕರಲಲಿಂಗತ ತುಮೆ ಜಿವ್ನಾ ಕರು ಕೈನ ತುಮೊನೆ ಗ್ವತ್ತ ಛೆ. ಹಮೆ ತುಮಾರಾ ಕ್ಹಾತೆ ರ‍್ಹತಾಮಾ ಮೈಗಳ ಥೈನ ನ್ಹೊತಾ. 
\v 8 ದೊಕ್ಡಾ ದಿದ್ಯಾವಾಚಿ ಕಿಕನಜ಼ ಅನ್ನ ಖಾದ್ಯಾ ನ್ಹೊತಾ. ತುಮೊಮಾ ಕಿನೆಜ಼ ತ್ರಾಸ ಥೌ ನೈ ಕೈನ ರಾತ ದಿನ್ನ ಛೊ಼ಡ್ಯಾವಾಚಿ ಕಾಮ ಕರ‍್ಯಾ. 
\v 9 "ಹಮೊನೆ ಮದದ ಕರೊ" ಕೈನ ತುಮೊನೆ ಪುಚ್ಚಾ಼ನೆ ಹಕ್ಕ ರ‍್ಹೈ. ತೆನೈಸೊ ಹಮೆ ಜ಼ತ್ತನ ಥಾವಾನಾ ಹುತಿ ಚಾ಼ಯೆ ಥಯಲ ಹಮೆಜ಼ ರಾಬ್ಯಾ, ಕಾಕದ್ಯಾಮ ತುಮೊನೆ ಹಮೆ ದೆಕಾಡಿನ ದಿದ್ಯಾಸ. 
\v 10 ಹಮೆ ತುಮಾರಾ ಕ್ಹಾತೆ ರ‍್ಹತಾಮಾ"ಕಾಮ ನೈ ಕರಾಲೊ ಅನ್ನ ಖೌ ನೈ" ಕವಾನಿಯೊ ನಿಯಮೊ ದಿದ್ಯಾ. 
\v 11 ಕಾಕದ್ಯಾಮ ತುಮೊಮಾ ದಕ್ಹಾ ಜ಼ನಾ ಕಯೊಜ಼ ಕಾಮ ಕರ‍್ಯಾವಾಚಿ ಬಿಜ಼ಾವೊನಿ ಜಿವಿತ್ಮಾ ರ‍್ಹವಸ ಕವಾನು ಐಕ್ಯಾಸ. 
\v 12 ತ್ಯುನು ಕಾಮ ತ್ಯುನೆ ದೆಕಿಲ್ಯು ಕೈನ ತ್ಯುನೊನೆ ಕವಾಡ್ಯಾಸ. ತ್ಯುನೆಜ಼ ರಾಬಿನ ತ್ಯುನು ಅನ್ನ ತಯ್ಯಾರ ಕರಲ್ಯು ಕೈನ ಪ್ರಭು ಥಯಲ ಯೆಸು ಕ್ರಿಸ್ತಮಾ ಮಾಂಗಿಲಿಯೆಸ. 
\v 13 ಹಮಾರಾ ಭಾಯೊ ಭೆನೊ, ಚೊ಼ಕು ಕರಾಮಾ ಕೆಳಾಮಾಜ಼ ಬೆಜ್ಜಾರ ಥಾವೊ ನಕೊ. 
\v 14 ಎ ಪತ್ರನಾ ಮುಲಕ ತುಮೊನೆ ಕದಲ ವಾತೊನೆ ಕಯೊಬಿ ವಿಧೆಯ ನೈ ಥಯೊಮ, ತೆ ಕುನ ವ್ಹೈ ಕವಾನು ಶೆ ಮ್ಹೆಲ್ಲಿವೊ. ತಿನಿ ಸಹವಾಸ ಕರೊ ನಕೊ. ತೆಳಾಮಾ ತೆ ಸರಮಾವಸ. 
\v 15 ತೆನೈಸೊ ತಿನೆ ದುಷ್ಮನ ವ್ಹೈ ಕೈನ ತಿಳದ್ಯಾವಾಚಿ ಕ್ರಿಸ್ತಮಾ ರ‍್ಹಯಲ ಭೈ ವ್ಹೈ ಕೈನ ಗ್ಯಾನ ಕವೊ. 
\v 16 ಶಾಂತಿ ದಾಯಕ ರ‍್ಹಯಲ ಪ್ರಭು ಕ್ಹಾರಾ ದಿನೊಮಾ ವರಿ ಕ್ಹಾರಿ ತರಾಮಾ ತುಮೊನೆ ಶಾಂತಿ ದಿವಾದೆ. ಪ್ರಭು ತುಮಾರಾ ಕ್ಹಾತೆ ರ‍್ಹವಾದೆ. 
\v 17 ಪೌಲಾ ಥಯಲ ಮಿ ಹಮ್ನಾ ಮಾರಾ ಹತಕ್ಹು ಬರ್ದಿನ ಎ ಪತ್ರ ಮುಕ್ಕತಾಯಾ ಕರಾಡ್ಯೊಸ. 
\v 18 ಮಾರಾ ಪತ್ರೊನೆ ಎಜ಼ ಮಾರಿ ವಳಕ ವ್ಹೈ. ಎಜ಼ ಮಿ ಬರ್ದಲ ವ್ಹೈ.