\id 3JN - BLANK based on TPB 99
\ide UTF-8
\ide 
\rem 
\rem 
\h 
\toc3 3 Yo
\toc2 3 Yo
\toc1 3 Yoni
\mt2 Xoka Xeimore Nakau
\mt Yonie xayawotai
\imt Akeretai Kuna
\ip Kire Yesusure xonikisuwoteneai xuiapu nikau tumue mua kuna xayawoyai. Nue nakau xayauna Kaiusu xosa xesauwotai. Nue Kaiusupo wenumu xouroretai, pa amure, nue kireu apimie Yesusu tairouneri tianikirouna. Kire apupo wenumu Tiotrepes, Kaiusue nu atina tuworopinaure kawotai.
\c 1
\ms Sini Xoiteupo saina teteneai apimini kutu tianikepu
\p
\v 1 Ye\x - \xo 1.1 \xo*\xt YT 10.29;Ro 16.23;1 Ko 1.14;2 Yo 1\xt*\x* Yesusure xonikisurouneri nikau tumue, mua nakau ne Kaiusu xosa xayaune, ne yeu xataini kutu. Ye suauni kutu kunaune, ye ne xiri xoienine.
\p
\v 2 Waukia, ye Xoiteu xosa kunikuniti nei, xokupa sapi kakitiai asinaku xatia, naki rania asinaku purowai. Neu xonikemu asinakuni kutu purati, ye sipauweitiai. 
\v 3 Ekime\x - \xo 1.3 \xo*\xt 2 Yo 4\xt*\x* kireu xataimanae kou xekeyerineri ipaki kunauneri, nei suau kunani kutu tairoune xeneai. Yei pa kuna iyeserine nimaririxitiai. Ye sipa, ne sipesi suau kunapu kapiarei texiroune. 
\v 4 Yeu nonomie suau kuna taiwori kuna iyesine paiya\x - \xo 1.4 \xo*\xt 1 Ko 4.15;Pm 10\xt*\x*, ye xiri nimaririxiti pa nimaririe yeu kireu xetau nimariri oronikina.
\s Kaiusue asinaku saina tina
\p
\v 5 Waukia, ne suau kunapu kapia ati taine Yesusu taiwoteneai xatasikimana xeika ne sipa xuweu xatasikimana xeika rania tianikepure asinaku saina tiroune. 
\v 6 Nei xonikemu tinikiyai kapiaure, kireu xatasikimana\x - \xo 1.6 \xo*\xt Ta 3.13\xt*\x* paiye Yesusure xonikisuwoteneai xuiapu kanikieneai. Pa xati nini ninipo imerei pani xowopure xeria, ne xiyerixinau kireu xuru tinikau tineri xowopineri sie paiya xiri asinaku. Xoiteue xouwewotai nanunanu sieni tianikewai. 
\v 7 Yesusupo saina tepure nanunanuworineri\x - \xo 1.7 \xo*\xt 1 Ko 9.12; 9.15\xt*\x* xokupa saina teteneaina pana, xukumi apimi xosa kire sapiara tirouwori xana xuwe. 
\v 8 Sini panumu apimi tianikepu. Panumu kapiarei Xoiteupo suau kunapu saina sokisokiwopure sini ninipo saina emenikimana sainuku.
\s Tiotrepesie xoxi kapia kaketeai
\p
\v 9 Yesusure xonikisuwoteneai xuimiapimi xosa kireu kuna xayauyai. Pana Tiotrepesie ninipo akereki puropure, sinipo kuna iyesirouwati xana xuwe. 
\v 10 Pa xati ikoe tini xosa kounei sie mua, nue pa kapia kireni kaketai kapiaure tini katikepine. Nue sinire xoxixoxi kuna kunauxanaurouna. Nue pa kapia kireni kakatixe. Xuwe. Xatasikimana nupo atoro soniki xourouwati xana xuwe. Kireu apimie ninipo atoro soniki xowopure xeria, nue taiyerinikinani pani Yesusure xonikisurouneri apimi kini xosaupo xesanikirouna.
\s Temitriusue asinaku kapia kaketai
\p
\v 11 Asinaku\x - \xo 1.11 \xo*\xt Siri 37.27;Ais 1.16-17;1 Pi 3.11;1 Yo 3.6-10\xt*\x* xatai ne kakixanau xoxi kapia taiwou. Xuwe. Ne asinaku kapiani kutu taiwo. Apue asinaku kapia kaketai paiya, nu Xoiteupo apu. Pana apue xoxi kapia kaketai paiya, nu Xoiteu xekoyaixe.
\p
\v 12 Xokupa\x - \xo 1.12 \xo*\xt Yo 19.35; 21.24;1 Ti 3.7\xt*\x* apimie Temitriusupo asinaku kapiaure kunauxanaurouneri. Kakeri Xoiteupo suau kunae rania nupo asinaku kapiaure kunauxanaurouna. Pa xati sinie rania nupo asinaku kapiaure kunaurounukuna, ne sipa, siko kuna paiya suau.
\s Yonie Kaiusi xekopurexetai
\p
\v 13 Xokupa\x - \xo 1.13 \xo*\xt 2 Yo 12\xt*\x* kuna ne xosa xayawopine itouna pana, kireni nakau xosa mua kuna iyarepi xiraxine. 
\v 14 Xenene xuwena ye utune xekenitia xirini kunakunawaxauxi nanune.
\p
\v 15 Neu xonikemu yoro puropina. Xatasikimanae kuso kuna xesarininerina, nei xokupa xatanimana yeu kuso kuna tinike.