\id TIT - Bible en mashi du Congo
\ide UTF-8
\toc3 Tit
\toc2 Tito
\toc1 AMARUBA EMWA TITO
\h MARUBA EMWA TITO
\mt1 AMARUBA EMWA TITO
\imt1 Enshokolezi
\ip Muli aga maruba, Paolo agendêrîre okuhanûla balungere b’ecinyabuguma c’abemêzi; Yumvagi ihano ahâga Tito, erhi: «\vp 1, 5\vp* \iqt Nakusigaga e Kreta nti oyunjuze omukolo gucisigîre, onayîmike abadâhwa omu ngasi cishagala nka kulya nakurhegekaga.\iqt* \vp 6\vp* \iqt owalonza okubà mudâhwa akwânîne abè muntu mwêru-kwêru, owajire omu buhya liguma lyône, abâna bâge babè bemêzi, abarhankashobekwa îralà nîsi erhi obugoma.\iqt* \vp 7\vp* \iqt Bulya, nêci, lungere akwânîne abè muntu mwêru-kwêru, nk’oku bishingânîne omurhindisi w’enyumpa ya Nyamuzinda; arhabaga wa bucîbone erhi wa bukunizi, arhabaga mulalwè erhi mulwî, arhanabaga wa kulonza obunguke bubî;\iqt* \vp 8\vp* \iqt ci abè muntu oyîsh’ihandisa ebigolo, mwîra w’abantu nkana, murhondêza, mushinganyanya, mwimâna na muntu wa lugero muli byoshi;\iqt* \vp 9\vp* \iqt acishwêkere oku kanwa k’okuli, kalya kashingânîne enyigîrizo ayigîrizibwe, na ntyo ahash’ihanûla abantu omu kubahugûla enyigîrizo nyinjà, n’abankaderha mpu bamujisa kadali, abayagîrize.»\iqt*
\ip Kandi amubwîra oku acîlange oku Buyahudi b’obunywesi barheba abantu, erhi: \vp 1, 10\vp* \iqt Nêci, abagomi n’abakaderha obusha, n’abakarheba abâbo bali banji, bwenêne omu bakembûle.\iqt* \vp 11\vp* \iqt Abôla bantu, kukwânîne okubahulisa; banakâsherêza milala minji n’okuyigîriza ebirhashingânîni erhi bunguke burhali bwo burhuma. \iqt*\vp 12\vp* \iqt Muguma wa muli bo, omulêbi wâbo ye na nnêne, adesire, mpu: «Abakreta, abà banywesi b’ensiku n’amango, by’erubala bibî, nda nyôlo.\iqt* \vp 13\vp* \iqt Obwo buhamîrizi buli bw’okunali. Co cirhumire, okâbakalihira bwenêne, lyo bayôrha bantu nkana omu buyêmêre,\iqt* \vp 14\vp* \iqt banalek’iyêmêra emigani y’Abayahudi n’amarhegeko g’abantu bahindulîre okuli omugongo.\iqt* \vp 15\vp* \iqt Byoshi biri bicêse oku bacêse; ci oku bazinzire n’oku barhajira buyêmêre, ntà cicêse, bulya obukengêre bwâbo n’omurhima gwâbo bizinzire.\iqt* \vp 16\vp* \iqt Banakâderha mpu bayishi Nnâmahanga, ci erhi banadwîrhe bamuhakana omu bijiro byâbo; abantu ba bene abo bali mihera, bagomi, na ntà kwinjà kuci bankacihash’ijira.»\iqt* Buzinda Paolo ahâna amahano oku bashosi, oku bagikulu, emisole, ciru n’abajà. alalisire abemêzi boshi bakenge Tito. Boshi baleke engeso mbî, baleke enshombo, ci bacîshingire okubà Nyamuzinda arhubabalire muli Omugala Muciza wîrhu, anarhuha Mûka Mutagatîfu orhujira bantu bahyâhya (cig. 2 na cig. 3).
\c 1
\s1 Omusingo
\p
\v 1 Paolo, mwambali wa Nnâmahanga, ntumwa ya Yezu Kristu, mpu lyo nyêreka abîshoge ba Nyamuzinda enjira y’obuyêmêre n’ey’obumanye bw’okuli bulêrha obukombêdu omu bya Nyamuzinda, 
\v 2 erhi kulangâlira obuzîne bw’ensiku n’amango kurhuma, nk’oku Nnâmahanga orhankarhebana a­rhulaganyagya kurhenga ensiku n’amango, 
\v 3 n’erhi ensiku atwaga yêne zihika, amanyîsa akanwa kâge, akayigîriza, anantegeka mpu mbè mujà-bugo wako, ye Nyamuzinda Muciza wîrhu, 
\v 4 kuli Tito, mugala wâni w’okuli omu buyêmêre bwîrhu rhweshi: enshôkano n’obuholo bikugabirwe na Nyamuzinda Îshe n’O­muciza Kristu Yezu!
\s1 Abadâhwa
\p
\v 5 Nakusigaga e Kreta nti oyunjuze omukolo gucisigîre, onayîmike abadâhwa omu ngasi cishagala nka kulya nakurhegekaga. 
\v 6 owalonza okubà mudâhwa akwânîne abè muntu mwêru-kwêru, owajire omu buhya liguma lyône, abâna bâge babè bemêzi, abarhankashobekwa îralà nîsi erhi obugoma. 
\v 7 Bulya, nêci, lungere akwânîne abè muntu mwêru-kwêru, nk’oku bishingânîne omurhindisi w’enyumpa ya Nyamuzinda; arhabâga wa bucîbone erhi wa bukunizi, arhabaga mulalwè erhi mulwî, arhanabaga wa kulonza obunguke bubî; 
\v 8 ci abè muntu oyîsh’ihandisa ebigolo, mwîra w’abantu nkana, murhondêza, mushinganyanya, mwimâna na muntu wa lugero muli byoshi; 
\v 9 acishwêkere oku kanwa k’okuli, kalya kashingânîne enyigîrizo ayigîrizibwe, na ntyo ahash’ihanûla abantu omu kubahugûla enyigîrizo nyinjà, n’abankaderha mpu bamujisa kadali, abayagîrize.
\s1 Okulwîsa abîgîriza b’obunywesi
\p
\v 10 Nêci, abagomi n’abakaderha obusha, n’abakarheba abâbo bali banji, bwenêne omu bakembûle. 
\v 11 Abôla bantu, kukwânîne okubahulisa; banakâsherêza milala minji n’okuyigîriza ebirhashingânîni erhi bunguke burhali bwo burhuma. 
\v 12 Muguma wa muli bo, omulêbi wâbo ye na nnêne, adesire, mpu: «Abakreta, babà banywesi b’ensiku n’amango, by’erubala bibî, nda nyôlo». 
\v 13 Obwo buhamîrizi buli bw’okunali. Co cirhumire, okâbakalihira bwenêne, lyo bayôrha bantu nkana omu buyêmêre, 
\v 14 banalek’iyêmêra emigani y’Abayahudi n’amarhegeko g’abantu bahindulîre okuli omugongo. 
\v 15 Byoshi biri bicêse oku bacêse; ci oku bazinzire n’oku barhajira buyêmêre, ntà cicêse, bulya obukengêre bwâbo n’omurhima gwâbo bizinzire. 
\v 16 Banakâderha mpu bayishi Nnâmahanga, ci erhi banadwîrhe bamuhakana omu bijiro byâbo; abantu ba bene abo bali mihera, bagomi, na ntà kwinjà kuci bankacihash’ijira.
\c 2
\s1 Amahano oku bemêzi
\p
\v 1 Ci wêhe okâyigîriza ebishingânîne enyigîrizo z’okuli. 
\v 2 Abashosi barhabâga badambye, ci bakacîkenga, babè bîrhonzi, bazibuhe omu buyêmêre, omu buzigire n’omu kulembera amalibuko. 
\v 3 Abagikulu nabo kwo na kwo, obabwîre bakâyôrha nk’oku bikwânîne abatagatîfu: barhakâg’inywerhera abandi, barhabâga baluganywa, ci babè bahanûzi binjà; 
\v 4 ntyo bayigîrize abahya okuzigira bîba n’abâna bâbo, 
\v 5 okubà barhondêza na bacêse b’omurhima, okukakombêra enyumpa zâbo n’okukâkenga bibà, lyo akanwa ka Nyamuzinda karhag’ijâcirwa. 
\v 6 Ohanûle emisole nayo babè barhondêza muli byoshi; 
\v 7 nâwe wêne obè lwîganyo omu bijiro binjà: e­nyigîrizo zâwe zirhahushikanaga, banakâzikenga; 
\v 8 oluderho lwâwe lubè luderho nkana n’olw’okuli, ly’abashombanyi, hano babula eci bankarhushobeka, e­nshonyi zibagwârha. 
\v 9 Obwire abajà bakâkenga bannawâbo muli byoshi, bakâlonza okubasimîsa, banakâyâka okubajîsa kadali; 
\v 10 bamanye barhabâzi­mbaga kantu, ci bacîyêrekane bashizi bakwânîne okucîkubagirwa lwoshi, lyo muli byoshi abantu bakâkenga enyigîrizo z’Omuciza wîrhu Nyamuzinda.
\s1 Okuleka engeso mbî za mîra n’okuhinduka bantu bahyâhya
\p
\v 11 Bulya enshôkano ya Nyamuzinda, lyo iriba ly’obuyôkoke bw’ahantu boshi, yaciyêrekîne; 
\v 12 erhuyigîriza okujahika obubî n’amagene g’eby’en’igulu, lyo rhubà n’olugero muli byoshi, obushinganyanya n’obukombêdu omu bya Nnâmahanga muli aga mango rhuciri en’igulu, 
\v 13 oku rhudwîrhe rhwalinga okubona lirya iragi rhulangalîre n’okucîyêrekana kw’irenge lya Kristu Yezu, Nyamuzinda wîrhu mukulu bwenêne na Muciza wîrhu, 
\v 14 wacîhânaga yêne rhwe rhurhumire, mpu arhucize omu ngasi bubî, na hano abà amârhucêsa, a­rhujire mulala gwâge gukombêra okujira aminjà. 
\v 15 Kwo wakaderha ntyo, kwo wanakâyigîriza n’okuhanûla n’obuhashe wahîrwe bwoshi. Ntâye oderhage mpu akugayaguza.
\c 3
\s1 Enyigîrizo zikwânîne abakristu boshi
\p
\v 1 Okengêze boshi oku bakwânîne bakâkenga abarhambo n’abarhegesi; babè bumvi, babè bo barhanzi omu ngasi bijiro; 
\v 2 barhajâciraga ndi, bayâke ennongwè, ci babè batûdu banalembere abantu boshi. 
\v 3 Bulya mîra nîrhu rhwàli bahwinja, bagomi, mihera, bajà b’amîru mabî n’îralà lya ngasi lubero; rhwàli rhushayire omu bubî n’omu bwâgalwa, rhwàli bashombe rhwanakâg’ishombana. 
\v 4 Ci erhi olukogo lwa Nyamuzinda, Muciza wîrhu, n’obuzigire bwâge oku bantu biciyêrekana, 
\v 5 arhalolaga ebijiro by’obushinganyanya rhwajizire, ci bwonjo bwâge bwône bwarhumire arhuciza omu Lugero rhuburhwamwo obwa kabiri, erhi rhuhinduka bantu bahyâhya muli Mûka Mutagatîfu. 
\v 6 N’oyo Mûka Mutagatîfu amuyunjuzize emirhima yîrhu erhi Omuciza wîrhu Yezu Kristu orhuma, 
\v 7 mpu lyo hano rhubà rhwamâcêsibwa n’enshôkano ya Kristu, rhubona oku rhwalangâlira okuyish’iyîma omu kalamo k’ensiku n’amango.
\s1 Ahanûla Tito yêne
\p
\v 8 Aka kanwa kali k’okuli, nnanonzize obasêzeko omu murhima, lyo balya bayêmîre Nyamuzinda basîma okulusha abandi omu kukola aminjà. Okwôla kwo kwinjà kwo kunalêrhera abantu akamalo. 
\v 9 Ci amadôso g’obuhwinja, eci­nyamulala c’amâburhwa, ennongwè n’akadali oku Marhegeko, obiyâke; bulya biri bya busha na ntà kamalo kâbyo. 
\v 10 Naye nyantwâzakwâge, okamukalihira liguma erhi kabiri, onamuyâke. 
\v 11 Omanyire oku omuntu wa bene oyo ali muhera na munya-byâha, n’oku yêne ocikaga.
\s1 Amahano mazinda, omusingo n’obwangà
\p
\v 12 Hano nkurhumira Artema nîsi erhi Tikiko, obiduhe, onshimâne e Nikopolo\f + \fr 3, 12 \fr*\ft Nikopolo, kandi rhwanamuderha Nikopoli bulya omu cigereki ali Nikopolis\ft*\f*, bulya yo mpizire nti nagezeza amango g’empondo. 
\v 13 Hano okola washanira Zena, omulenga omu marhegeko, n’Apolo eby’okuhêka omu majira, omanye barhajiraga eci bâbula. 
\v 14 Abirhu nabo bacîhangâne okurhwâliha omu kujira aminjà, lyo babona ebikwânîne omu malagîrire, barhag’ibà ba­nyakubura. 
\v 15 Abarhuli rhweshi mpu nkulamuse. Olamuse balya barhuzigira omu buyêmêre. Enshôkano ya Nyamuzinda ebè ninyu mweshi!