\id REV MAF - Bible en mashi du Congo
\ide UTF-8
\toc3 Maf
\toc2 Mafulûlo
\toc1 AMAFULÛLO
\h ECITABU C’AMAFULÛLO CA YOWANE
\mt1 AMAFULÛLO
\imt1 Enshokolezi oku citabu c’Amafulûlo
\ip Amafulûlo kwo kuderha kufulûla erhi kumanyîsa akantu kafulike, kwo kubera ihwe. Ciri citabu cirimwo ebinwa by’okumanyîsa Yezu, ebinwa by’okucîmanyîsa kwâge. Ci ebyo binwa biri bya bulêbi; co cinarhuma ecitabu c’Amafulûlo cirhabà cirembu omu kucihugûla n’okucirhimanya bwinjà, bulya obulêbi bwâco burhayalagiri bunalimwo binji byaciyisha. Amafulûlo gayandikagwa na Mutagatîfu Yowane, oku ngoma ya Domisiyano, mwâmi w’e Roma, hôfi h’omwâka gwa 95, erhi alulizîbwe oku cirhwa ca Patimosi - bilometro 70 kurhenga e Efezi -«erhi Luderho lwa Nyamuzinda n’obuhamîrize bwa Yezu birhuma» (\xt 1, 9\xt*). Eci citabu cizinda omu Bibliya buli bulêbi na buhamîrizi oku Nnâmahanga arhatwa omu muhigo gwâge. Erya Myanzi y’Akalembe, Nnâmahanga alagnyagya oku Iburha ly’Omukazi lyânacihime Shetani Njoka ya mîra (\xt Murh 3, 15\xt*), yamâyûnjulira omu kuhimana kw’Omwâna-buzi (\xt Maf 14; Maf 19—22\xt*).
\iot EBIGABI BIRIMWO
\io1 Enshula-myanzi: cigabi \ior 1, 1-20\ior*.
\io1 I. Amaruba oku Ekleziya nda z’omu Aziya: c. \ior 2, 1—3, 22\ior*.
\io1 II. Obulêbi buyêrekîre olubanja luzinda: c. \ior 4, 1—11, 19\ior*.
\io1 III. Okulibuzibwa kw’Ekleziya n’okuhima kwa Kristu: c. \ior 12, 1—20, 15\ior*.
\io1 IV. Yeruzalemu muhyâhya omu bukuze bw’empingu: c. \ior 21, 1—22, 5\ior*.
\io1 Ishwinjiro: c. \ior 22, 6-21\ior*.
\c 1
\s1 Enshula-myanzi
\p
\v 1 Okucîmanyîsa\f + \fr 1, 1 \fr*\ft Okucîmanyîsa: kumanyîsa erhi kufulûla akanwa kafulike. Kubera ihwe. Co citabu cirimwo ebinwa by’okumanyîsa ebifulike n’ebyâyisha.\ft*\f* kwa Yezu Kristu ahâbagwa na Nyamuzinda, mpu ayêreke abambali ebiri hôfi bibè. Ako kanwa akamanyîsa erhi arhumira omwambali Yowane malahika\f + \fr 1, 1 \fr*\ft Malahika: muganda ohêka omwanzi gwa Nyamuzinda.\ft*\f*. 
\v 2 Naye Yowane ye wayishirig’ihamîriza oluderho lwa Nyamuzinda n’ebinwa bya Yezu Kristu, nk’oku anabwîne kwoshi. 
\v 3 Iragi lyâge owasoma n’owayumva ebinwa by’obu bulêbi, akanabishimba oku biyandisirwemwo; bulya amango\f + \fr 1, 3 \fr*\ft Amango gali hôfi: Olusiku lw’okugaluka kwa Mwâmi Yezu.\ft*\f* gakola gali hôfi!
\ms1 I. Yowane ayandikira Ekleziya nda z’omu Aziya
\s1 Omusingo
\p
\v 4 Yowane oku Ekleziya nda ziri omu Aziya. Enshôkano n’obuholo bimmugabirwe na Nyamubâho, ye wanayôrhaga ahabà, ye wanish’iyisha, n’erya Myûka\f + \fr 1, 4 \fr*\ft Eyo Myûka nda anabà Mûka Mutagatîfu, nshôko y’enshôkano nda; kandi erhi Bamalahika nda bakulu.\ft*\f* nda ebêra embere z’entebe yâge, 
\v 5 na Yezu Kristu, muhamîrizi w’okucîkubagirwa, Nfula y’abafîre, na Mwâmi mukulu w’abâmi b’igulu. Ayâgirwe mâshi Oyo orhuzigira anashuka ebyâha bîrhu omu mukò gwâge, 
\v 6 arhuyîmika anarhujira badâhwa b’Îshe Nyamuzinda! Kuli ye irenge n’oburhegesi emyâka n’emyâka! Amen. 
\v 7 Lâba oku ayishire omu bitù, na nt’isù lirhâmubonè, ciru n’abamutumirhaga; n’amashanja g’en’igulu goshi gâmulakira. Nêci! Amen! 
\v 8 Nie Alfa\f + \fr 1, 8 \fr*\ft Alfa, yo mparafu ntanzi y’olufabè lw’ecigereki; na Omega, yo mparafu nzinda. «Nie Alfa, nie na Omega». kwo kuderha, erhi: «Nie murhanzi nie na muzinda»\ft*\f*, nie na Omega kwo Nyakasane Nyamuzinda adesire, Nyamubâho, owayôrhaga ahabà, n’owayish’iyisha, Ogala-byoshi.
\s1 Yowane arhumwa mpu ayandikire Ekleziya nda
\p
\v 9 Nie ono Yowane, mwene winyu, oshangîra ninyu amalibuko n’obwâmi, n’obuzibu muli Yezu, nabîre ndi oku cirhwa mpu co Patimosi erhi luderho lwa Nyamuzinda n’obuhamîrize bwa Yezu birhuma, 
\v 10 lwàli lwa Nyakasane, banacingurumana, nayumva izù linene, liri nka lya mushekera, lyayâkûza enyuma zâni, erhi: 
\v 11 «Ebi wâbona, obiyandike omu citabu, onabirhumire ezi Ekleziya nda: Efezi, Simirna, Pergamo, Tiyatira, Sardi, Filadelfiya na Laodiceya». 
\v 12 Nanacihindamuka nti ndole eryôla izù lyakazâg’inderhesa. Erhi mbà namâhindamuka, nabona binâra nda bya masholo, 
\v 13 n’ekarhî k’ebyo binâra nda by’amasholo, nabona oshushire Mwene-omuntu, erhi ayambîrhe ecishûli, azongîze n’omukaba gw’amasholo omu cifuba. 
\v 14 Irhwe lyâge n’emviri zâge erhi biri byêru nka bwôya bwa cibuzi cêru, nka kula olubula luyôrha; amasù gâge erhi gali nka ngulumira ya muliro; 
\v 15 amagulu gâge erhi gashushire omulinga omu cibêye, n’izù lyâge erhi liri nka mululumo gwa mîshi manji. 
\v 16 Omu kuboko kulyo àli afumbasire nyenyêzi nda, n’omu kanwa kâge mwâli mudwîrhe mwanyonyôka engôrho ya môji abiri; n’obusù bwâge erhi budwîrhe bwalangashana nka kulyâla izûba lyabasha bwenêne limoleka. 
\v 17 Erhi mmubona, nacîrhimba aha magulu gâge, nâbà nk’ofîre. Anacimpumakwo n’okulyo kwâge, ambwîra, erhi: «Orhayôbohaga: ‘nie Murhanzi, nie na Muzinda’, 
\v 18 ‘nie na Nn’obuzîne’. ‘Nal’infîre, ‘lêro niono nkola nzîne kuhika emyâka n’emyâka’; ‘n’enyigulo z’olufù n’ez’ekuzimu nie nzigwêrhe». 
\v 19 'Kuziga ebi wâbona, obiyandik’e: «ebiri buno n’ebyâbà enyuma ly’ebi». 
\v 20 Ihwe ly’enyenyêzi nda wabonaga omu kuboko kwâni kulyo n’ebinâra nda ly’eri: enyenyêzi nda bo bamalahika b’Ekleziya oku ziri nda, n’ebinâra nda zo Ekleziya nda.
\c 2
\s1 Amaruba marhanzi mpu garhumwe e Efezi
\p
\v 1 Malahika w’Ekleziya y’e Efezi omuyandikire, erhi: «Kwo adesire ntyâla olya ofumbasire nyenyêzi nda omu kuboko kwâge kulyo, okâyisha alà­mbagira ekarhî ka binâra nda bya masholo. 
\v 2 Ebijiro byâwe mbimanyire, oku oluha kwoshi n’oku ozibuha; mmanyire oku orhankahash’ilembera ababî, n’oku balya bacîderha ntumwa n’obwo barhalizo wabarhangwîre, washanga bali banywesi. 
\v 3 N’oburhwâli we nnabwo: wababîre buzira kurhama erhi izîno lyâni lirhuma. 
\v 4 Ci kwônene nkutumuzize kulya kubà walesire obuzigire wali ogwêrhe burhanzi. 
\v 5 Mâshi okengêre ngahi warhenzire wajà wahirima! Ocîyunjuze, onashubîrire olugendo lwâwe lwa burhanzi\f + \fr 2, 5 \fr*\ft Ekleziya y’e Efezi yo yali ekulîre ezabo omu Aziya. Bakabà barhacîyunjuzizi, Efezi yaheza obwo bukulu bwâyo, ciru enafanande.\ft*\f*. Akabà nanga, nâkuyishira, nshegûle ecinâra câwe aha ciri, okabula bucîyunjuza. 
\v 6 Ci nkusîmira kulya kubà orhahimwa kushomba ebijiro by’abashimbûlizi ba Nikola\f + \fr 2, 6 \fr*\ft Banyantwaza-kwâbo hakâg’ishimba engeso zirhali zo.\ft*\f*, nâni ntanabikwirirwa». 
\v 7 Ogwêrhe amarhwîri ayumve oku Mûka abwîzire Ekleziya: «Owânahime, nayamulîse oku murhi gw’obuzîne bubà omu hantu h’amasîma ga Nyamuzinda».
\s1 Amaruba ga kabiri mpu gajè e Simirna
\p
\v 8 Malahika w’Ekleziya y’e Simirna omuyandikire, erhi: «Kwo adesire ntyâla Murhanzi na Muzinda, owabàga amâfà agal’inashubiramwo omûka. 
\v 9 Mmanyire amalibuko gâwe n’obukenyi bwâwe - ci oli muhirhi! - n’ebijâci ojâcirwa na balya bacîhamba mpu Buyahudi, n’obwo barhali bo, ci ndêko ya Shetani\f + \fr 2, 9 \fr*\ft Abemêzi b’e Simirna bali bakenyi oku by’en’igulu, ci omu murhima bàlì bagale, bulya obuzîne bwa Nnâmahanga bugandâzize muli bo.\ft*\f*. 
\v 10 Orhayôbohaga ebi wayish’ibabala. Alà oku Shetani akol’ikwêba baguma muli mwe omu mpamikwa, mpu ammurhangule, mwanayûsa nsiku ikumi\f + \fr 2, 10 \fr*\ft Nsiku ikumi, kuli kuderha nsiku nsungunu.\ft*\f* erhi kurhindibuka mudwîrhe mwarhindibuka. Ozibuhe, osêre kuhika okufà, nâni nayakuhe ishungwè ly’obuzîne». 
\v 11 Ogwêrhe amarhwîri ayumve oku Mûka a­bwîzire Ekleziya: «Owânahime, olufù lwa kabiri\f + \fr 2, 11 \fr*\ft Olufù lwa kabiri: okukwêbwa omu muliro gw’ensiku n’amango.\ft*\f* lurhamujire kurhi».
\s1 Amaruba ga kasharhu mpu garhumwe e Pergamo
\p
\v 12 Malahika w’Ekleziya y’e Pergamo omuyandikire, erhi: «Kwo adesire ntyôla olya ofumbasire engôrho ya mwôji abiri. 
\v 13 Ntahabiri aha oyûbaka; ho entebe ya Shetani ebà. Izîno lyâni oligwêrhe buzibu, orhanahakanaga bwanyêmêra, ciru na mwo zirya nsiku omuhamîrizi wâni w’okunali Antipa anigira­gwa emwinyu, eyo munda Shetani ayûbaka\f + \fr 2, 13 \fr*\ft Ecishagala ca Pergamo càli cishagala cirhanzi omu kushenga n’okuharâmya abazimu.\ft*\f*. 
\v 14 Ci kwônene ngwêrhe bityanguli nkutumuzize: eyo mwâwe ogwêrheyo abashimba enyigîrizo za Balamu, olyâla wayigîrizagya Balaka okuhira omurhego omu njira ya bene-Israheli, mpu balye enyama zarherekîrwe abazimu banahushe. 
\v 15 Na ntyo ogwêrhe nâwe abakulikira enyigîrizo z’abashimbûlizi ba Nikola. 
\v 16 Nêci, obâge wacîyunjuza! Akabà nanga, nkolaga nâkuyishira, ahôla mbalwîse n’engôrho y’ekanwa kâni». 
\v 17 Ogwcerhe amarhwîri ayumve oku Mûka abwîzire Ekleziya: «Owânahime, nâmuhè amâna\f + \fr 2, 17 \fr*\ft Ago mâna bwo Bukaristiya burhuhà obuzîne burhafà.\ft*\f* gafulisirwe, nnamuhè ehibuye\f + \fr 2, 17 \fr*\ft Ehibuye hyêru: obwêru co cimanyîso c’obuzîne n’obushagaluke, nalyo ibuye liri lya kuyandikakwo.\ft*\f* hyêru hiyandisirwekwo izîno lihyâhya\f + \fr 2, 17 \fr*\ft Eryo izîno lihyâhya liri lya kumanyîsa obwôrhere buhyâhya bw’abâhimane. Omukristu arhabà muntu kwône, ci ashangîra obwôrhere bwa Nyamuzinda muli Yezu Kristu.\ft*\f*, n’eryo izîno ntà wundi oliyishi aha nyuma ly’olihâbirwe».
\s1 Amaruba ga kani mpu gajè e Tiyatira
\p
\v 18 Malahika w’Ekleziya y’e Tiyatira omuyandikire, erhi: «Kwo adesire ntyâla Mugala wa Nyamuzinda, olya ogwêrhe amasù gali nka ngulumira ya muliro, n’amagulu gashushire amarhale». 
\v 19 ‘Mmanyire olugendo lwâwe, ‘obuzigire bwâwe’, ‘obuyêmêre bwâwe’, ‘omukolo gwâwe n’obushiru bwâwe’, ntanahabiri oku ebijiro byâwe binjà byajà byayûshûka’. 
\v 20 «Ci kwônene nkugayire kulya kubà wayêmêrîre olya mukazi Yezebeli okâcîderha mulêbi-kazi’,'mpu arhebe bambali bâni anabayigîrize okuhusha n’okulya enyama zarherekîrwe abazimu». 
\v 21 Namuhîre amango nti abè acîyunjuza, ci arhalonza agokôle okuhusha\f + \fr 2, 21 \fr*\ft Okuhusha kuli kucirhenzakwo Nnâmahanga n’okushimba ebiremwa; kanji omu Ndagâno ya Mîra, kuli kuvuna irhegeko lirhanzi erhi erya kali-ndarhu. \ft*\f* kwâge. 
\v 22 Alà oku nkola nâmubêza oku ncingo\f + \fr 2, 22 \fr*\ft Amurhumire amalumwa n’endwâla.\ft*\f*, n’abîra bâge bahusha bo naye mbarhogeze omu malibuko manji, bakabà barhacîyunjuzizi ebijiro byâbo. 
\v 23 N’abâna bâge\f + \fr 2, 23 \fr*\ft abâna bâge: Abashimbûlizi bâge.\ft*\f* boshi nâbayirha, bafè; ntyo Ekleziya zoshi zimanye oku nie Nyamuzinda oyishi ebiri omu nsiko n’omu mirhima; nanayish’ilyûla ngasi muguma muli mwe nk’oku ebijiro byâge binakwânîne. 
\v 24 Ninyu mwe b’e Tiyatira, mwe murhabâmwo ebyo, mwe murhishi ago «mahwe ga Shetani»\f + \fr 2, 24 \fr*\ft Amahwe ga Shetani zo nyigîrizo z’abaganda bâge.\ft*\f*, gwârhi bône, ntà­mmubarhuze gundi muzigo; 
\v 25 ci ehi mugwêrhe\f + \fr 2, 25 \fr*\ft ehi mugwêrhe: Obuyêmêre bwinyu n’obuzîne bwa Nnâmahanga buli omu mirhima yinyu.\ft*\f*, muhigwârhe buzibu kuhika nyishe. 
\v 26 Owânahime akanankolera bwinjà kuhika olusiku luzinda, nâmuhà obuhashe bw’okurhegeka amashanja: 
\v 27 agayâbule n’ehirhi hy’ecûma, gavungunyuke nka kulya ebintu byajiragwa n’ibumba bivungunyuka! 
\v 28 Obwo buhashe nâni Larha wabumpâga. Nâmuhà n’Enyenyêzi y’esêzi\f + \fr 2, 28 \fr*\ft Enyenyêzi y’esêzi, ye Yezu Kristu yêne.\ft*\f*. 
\v 29 Ogwêrhe amarhwîri ayumve oku Mûka abwîzire Ekleziya!
\c 3
\s1 Amaruha ga karhanu mpu garhumwe e Sardi
\p
\v 1 Malahika w’Ekleziya y’e Sardi omuyandikire, erhi: «Kwo adesire ntyâla olya ojira Myûka nda ya Nyamuzinda na nyenyêzi nda. Ebijiro byâwe mbimanyire: mmanyire oku liri izîno mpu ozîne, ci oli mufù! 
\v 2 Zûka, okomeze obuzîne ocisigalîne bwàli bwamâfà; bulyâla omu masù ga Nyamuzinda wâni ebijiro byâwe ntabwîni oku biri bimâna! 
\v 3 Okengêre kurhi wahîrwe oluderho lwa Nyamuzinda na kurhi waluyumvîrhe; olubîkirire onacîyunjuze. Bulya okabà orhali masù, nâyisha nka cishambo, orhânamanye mangaci nâkurhindakwo. 
\v 4 Ci kwônene aha Sardi ogwêrheho bantu baguma barhazinzagya emyambalo yâbo. Abo, nêci, bayish’igenda haguma nâni omu myambalo myêru, bulya bakukwânîne. 
\v 5 Owânahime naye ayish’iyambikwa emyambalo myêru; n’izîno lyâge ntà mango nâlizaze omu citabu c’obuzîne; nânayish’ibà muhamîrizi wâge embere za Larha n’embere za bamalahika bâge». 
\v 6 ogwêrhe amarhwîri ayumve oku Mûka abwîzire Ekleziya!
\s1 Amaruba ga kali-ndarhu mpu gajè e Filadelfiya
\p
\v 7 Malahika w’Ekleziya y’e Filadelfiya omuyandikire, erhi: «Kwo adesire ntyâla Omwimâna, Nn’okuli, oly’ojira akahamikizo ka Daudi: ohamûla olurhankacihamikwa, onahamika olurhankacihamûlwa. 
\v 8 Ebijiro byâwe mbiyishi. Alà oku lumvi lwigule\f + \fr 3, 8 \fr*\ft Kwo kuderha oku oyêmêrîrwe okuyigîriza Emyanzi y’Akalembe hoshi hoshi buzira cihanzo. \ft*\f* mpebire embere zâwe, na ntâye wankahash’iluyigala; bulya obuhashe bwâwe buli bunji, wanabul’ilanga ebinwa byâni, n’izîno lyâni orhalihakanaga. 
\v 9 Nkolaga nakuhâkw’erya engabo ya Shetani, balyâla bacihamba mpu bali Buyahudi, n’obwo barhalibo: kubêsha babêsha. Nkolaga nabalêrha, bayish’ifukama aha magulu gâwe, banamanye oku nkurhonyize. 
\v 10 Kulya kubà walanzire akanwa nammusigiraga nti murharhamaga, nâni nkolaga nâkulanga oku mango g’amarhangulo\f + \fr 3, 10 \fr*\ft marhangulo: Ago marhangulo gayandisirwe omu bigabi 8-9 na 16.\ft*\f* gacihonda oku igulu lyoshi mpu garhangule abantu b’omu igulu. 
\v 11 Ntârham’iyisha; ehi ogwêrhe, ohigwârhe buzibu, halek’ijira owakunyaga ishungwè lyâwe. 
\v 12 Owânahime, nâmujira ashube mutungo omu luhêro lwa Nyamuzinda wâni, arhakanacihoza okugulu embuga bundi. Nâmuyandikakwo izîno lya Nyamuzinda wâni n’izîno ly’Olugo lwa Nyamuzinda wâni - Yeruzalemu muhyâhya wamanukaga emalunga emwa Nyamuzinda wâni - n’izîno lyâni lihyâhya». 
\v 13 Ogwêrhe amarhwîri ayumve oku Mûka abwîzire Ekleziya!
\s1 Amaruba ga kali-nda mpu garhumwe e Laodiceya
\p
\v 14 Malahika w’Ekleziya y’e Laodiceya omuyandikire, erhi: «Kwo adesire ntyâla Nêci-ntyo\f + \fr 3, 14 \fr*\ft Yezu Kristu ye Nêci-ntyo (Amen), bulya ye Nn’okuli, arhatwa omu kanwa kâge.\ft*\f*,'omuhamîrizi w’okuli na mwîkubagirwa, imerero ly’ebiremwa bya Nyamuzinda. 
\v 15 ‘mmanyire ebijiro byâwe’:'nyîshi oku orhali muholo orhanali mudûrhu!» 
\v 16 Ci bulya wamâbà wa bîkàngà, orhadûrhubîri orhanahoziri, nkolaga nakushala ontenge ekanwa! 
\v 17 Kàli kw’odesire, erhi: «Ndi muhirhi, ndugîrwe, na ntâco ndagîrirekwo! K’orhamanyiri oku we hanyagîre, oku oli wa kubêrwa lukogo, oli mukenyi, oli mpûrha anali mushugunu! 
\v 18 Yumva nkuhanûle! Oyîshe ongulire amasholo gacêrîre eciko\f + \fr 3, 18 \fr*\ft Ago masholo gacêrîre eciko; bwo buhirhi bw’okuli, bwo buzîne bwa Larha Nyamuzinda Kristu arhudwîrhire.\ft*\f*, ly’oshuba muhirhi, n’emyambalo myêru, oyambale, enshonyi z’obushugunu bwâwe zilek’ikubumba; ogule n’omushogolera, okamûlire omu masù, ly’obona. 
\v 19 Niehe abansîma bo nkalihira, bo nampana\f + \fr 3, 19 \fr*\ft Abansîma bo nkalihira…: \+xt Mig 3, 12\+xt*.\ft*\f*. Omalage obushiru onacîyunjuze! 
\v 20 Alà oku nyimanzire aha lumvi, nandwîrhe nakomamba. Hakajira owayumva izù lyâni akananyigulira, nanajà omu mwâge, bijingo ndîremwo haguma naye, naye alîre haguma nâni\f + \fr 3, 20 \fr*\ft Okulîra haguma ciri cimanyîso c’obwîra bw’okunali.\ft*\f*. 
\v 21 Owânahime, namuhà atamale oku ntebe yâni haguma nâni, nka kulya nâni nahimaga, naj’itamala rhwe na Larha oku ntebe yâge». 
\v 22 «Ogwêrhe amarhwîri ayumve oku Mûka abwîzire Ekleziya!»
\c 4
\ms1 II. Obulêbi
\s1 Entebe ya Nyamuzinda omu mpingu
\p
\v 1 Aha nyuma ly’ebyo nanacibona olumvi lwigule omu malunga na lirya izù narhangag’iyumva burhanzi lyanderhesa, liri nka mushekera, lyambwîra, erhi: «Yinamukira hanôla nkuyêreke ebikwânîne bibè aha nyuma ly’okwo». 
\v 2 Ho n’aho banacingurumana. Nabona entebe edêkerîzwe omu malunga, na kuli eyo ntebe nabona otamîrekwo. 
\v 3 Owali otamîre kw’eyo ntebe àli ashushire nk’ibuye lya nshangabuye nîsi erhi nka njuma ndukula; n’omutirigongo gushushire kulya enjuma y’akasi eyôrha, gwàli guzungulusire eyo ntebe. 
\v 4 Nabona zindi ntebe makumi abiri n’ini zizungulusire eyo ntebe, na Bagula makumi abiri na bâni bazibwârhîrekwo, erhi bayambîrhe emyambalo myêru n’amashungwè g’amasholo oku irhwe lyâbo. 
\v 5 Ebwa ntebe yakazâg’irhenga orhumêmè, n’amazù, n’emilazô; erhi na rhumole nda rhudwîrhe rhwagulumira embere z’e­ntebe: yo erigi erya Myûka nda ya Nyamuzinda eyo. 
\v 6 Aha mbêre z’eyo ntebe erhi hali eri nka nyanja eshushire ak’ibuye lyâgeramwo amasù. N’aha karhî k’entebe n’eburhambi bwâyo erhi hali Nsimba ini ziyunjwîre masù embere n’emugongo. 
\v 7 Ensimba ntanzi eshushîne n’entale; ensimba ya kabiri eshushîne n’akanina; ensimba ya kasharhu egwêrhe obusù buli nka bwa muntu; n’ensimba ya kani eshushîne n’enyunda edwîrhe yabalala. 
\v 8 N’ezo nsimba ini zigwêrhe ngasi nguma byûbi ndarhu, zinayunjwîre masù omu marhambi n’omu ndalâlà, zirhahusa okuderha mûshi na budufu, mpu: «Mwimâna, Mwimâna Nyakasane Nyamuzinda, Nnâmahanga Ogala-byoshi, Nyamubâho, Oyôrh’ahabà, n’Owayish’iyisha».
\p
\v 9 N’oku ezo nsimba zakâhà otamîre oku ntebe n’Ozîne emyâka n’emyâka irenge n’obukuze, zànamuvuga omunkwa, 
\v 10 balya Bagula makumi abiri na bâni bakaz’icîkwêba aha magulu g’otamîre oku ntebe, banakaz’iharâmya ozîne e­myâka n’emyâka, banakwêba amashungwè gâbo embere z’entebe n’okuderha, mpu: 
\v 11 «Nnawîrhu Nyamuzinda, oshingânîne ohâbwe irenge, n’obukuze, n’obuhashe, bulya we walemaga ebintu byoshi, n’oku bulonza bwâwe byàrhondêraga okubâho byanalemwa».
\c 5
\s1 Ecitabu cizirike
\p
\v 1 Okuhandi, omu kulyo kw’olya otamîre oku ntebe, nanacibona ecitabu ciyandike omu ndalâlà n’emugongo; erhi ciri cizirike na biziriko nda. 
\v 2 Na­bona malahika muzibu adwîrhe ayâkûza n’izù linene, erhi: «Ndi okwânîne okubungûla ecitabu, anashanûle ebiziriko bicizirisire?» 
\v 3 Oli emalunga, oli en’igulu, oli omu kuzimu, ntâye wankahash’ibungûla eco citabu, nîsi erhi okucilolakwo. 
\v 4 Nâni nanacilaka omulenge obwo, kulya kubà ntâye babwîne okwânîne okubungûla eco citabu n’okucilolakwo. 
\v 5 Okubundi muguma muli ba­lya Bagula anacimbwîra, erhi: «Orhalake: alà oku Entale y’omu mulala gwa Yûda, Mwene-Daudi, yahimire; ye wabungûla ecitabu, n’orhuhamikizo rhwâco oku rhunali nda arhuhamûle».
\p
\v 6 Okuhandi, aha karhî k’entebe n’aka zirya Nsimba ini na balya Bagula, nanacibona Omwâna-buzi ayîmanzire, ali nka munige. Ali agwêrhe mahembe nda\f + \fr 5, 6 \fr*\ft Amahembe nda gali cimanyîso c’obuhashe bwa Kristu; n’amasù nda gayêrekana obumanye bwâge burhajira lugero.\ft*\f* na masù nda; yo erya Myûka nda ya Nyamuzinda akarhuma omu igulu lyoshi. 
\v 7 Anaciyisha, ayanka ecitabu càli omu kuboko kulyo kw’olya otamîre oku ntebe. 
\v 8 Erhi abà amâyanka ecitabu, zirya Nsimba ini na balya Bagula makumi abiri na bâni bacîkwêba oku idaho embere z’Omwâna-buzi, erhi bafumbasire ngasi muguma olulanga n’orhubêhè rhw’amasholo rhuyunjwîre mavurha ga mugavu; ezo zo nsengero z’abatagatîfu. 
\v 9 Erhi banadwîrhe bayimba olwimbo luhyâhya, mpu:
\b
\q1 «Nêci, okwânîne oyanke eci citabu
\q1 onahamûle orhuhamikizo rhwâco,
\q1 bulya wanizirwe, warhucungwîre n’omukò gwâwe,
\q1 warhuhà Nyamuzinda, rhwe b’omu ngasi mulala,
\q1 n’omu ngasi lulimi luderhwa, n’omu ngasi ishanja,
\q1 n’omu ngasi cihugo,
\q1
\v 10 wanarhujira bwâmi bwa Nyamuzinda wîrhu na badâhwa bâge,
\q1 n’igulu rhwe rhwaliyîmemwo».
\b
\p
\v 11 Nashub’ibona nanayumva izù lya Ba­malahika mwandu mwandu bâli bazungulusire entebe, n’erya zirya Nsimba na balya Bagula; bâli rhulorho n’orhulorho na bihumbi n’ebihumbi, 
\v 12 banakâg’iderha n’izù linene, mpu:
\b
\q1 «Omwâna-buzi wanigagwa
\q1 akawânine ahâbwe obuhashe,
\q1 n’obuhirhi, n’obushinganyanya,
\q1 n’obuzibu, n’obukenge,
\q1 n’irenge, n’obukuze!»
\b
\p
\v 13 Na ngasi biremwa binabà omu malunga, n’en’igulu, n’omu kuzimu, n’omu nyanja, n’ebibâho byoshi byoshi, nayumva byaderha, mpu:
\b
\q1 «Otamîre oku ntebe n’Omwâna-buzi bahâbwe obukuze,
\q1 n’obukenge, n’irenge, n’obuhashe omu myâka n’emyâka!»
\q1
\v 14 Na zirya Nsimba ini zakâderha, mpu:
\b
\p «Amen!»
\b
\p N’Abagula bakâcikweba oku idaho mpu baharâmye.
\c 6
\s1 Omwâna-buzi ahamûla rhuhamikizo ndarhu
\p
\v 1 Okubundi nabona Omwâna-buzi ahamûla akahamikizo karhanzi muli rhulya nda, nanayumva Nsimba nguma mwo zirya nda yayakûza n’izù liri nka lya mulazo, erhi: «Yisha!» 
\v 2 Nanacibona eciterusi c’akêru, n’ocidahirekwo erhi afumbasire omuherho. Bamuhêreza ishungwè; agenda ahimire, mpu ashub’ij’ihimana. 
\v 3 Erhi abalaza akahamikizo ka kabiri, nyumva Ensimba ya kabiri, erhi: «Yisha!» 
\v 4 Ecindi citerusi canacihuluka, cidukula nk’isêsè, n’owali ocitamîrekwo bamuhà obuhashe mpu arhenze omurhûla omu igulu, abantu bayîrhane bône na bône; bàmuhà n’engôrho nênênè.
\p
\v 5 Erhi abalaza eciziriko ca kasharhu, nayumva Ensimba ya kasharhu, erhi: «Yisha!» Nanacibona eciterusi c’ecibogo, n’owali ocitamîrekwo erhi afumbasire omulengo omu nfune. 
\v 6 Nayumva eliri nk’izù aha karhî ka zirya Nsimba, lyaderha, erhi: «Omulengo gw’engano y’omugati gufè idinari, na mirengo isharhu y’engano y’endogomi efè idinari; amavurha n’erivayi byôhe orhabihumagakwo!» 
\v 7 Erhi ahamûla akahamikizo ka kani, nayumva izù ly’Ensimba ya kani, erhi: «Yisha!» 
\v 8 Nanacibona eciterusi c’akakumbi; owali ocitamîrekwo izîno lyâge ya Lufù, n’Okuzimu erhi kumukunjusirekwo. Babahà obuhashe kuli cihimbi ciguma ca kani c’igulu, mpu bayîrhe n’engôrho, n’ishali, n’ecihûsi, banayîrhe omu kukolêsa ebiryanyi by’en’igulu. 
\v 9 Erhi abâla­za eciziriko ca karhanu, nabona aha idako ly’olûsho emyûka y’abafîre Oluderho lwa Nyamuzinda n’obuhamîrize bwâbo. 
\v 10 Banaciyâkûza n’izù linene, mpu:
\b
\q1 «Mâshi Nyamwagirwa, Mwimâna na Nn’okuli,
\q1 kuhika mangaci wayôrha orhatwîri olubanja
\q1 orhanahôziri omukò gwîrhu oku bantu\f + \fr 6, 10 \fr*\ft Abo bantu b’igulu, go mashanja g’abapagani garhayêmîri Yezu.\ft*\f* b’igulu?»
\b
\p
\v 11 Banacibahêreza ngasi muguma ecirondo cêru, banababwîra mpu balinde hindi hisanzi hitya kuhika abâbo bashizi na bene wâbo bali buyîrhwa akâbo bahalûke. 
\v 12 Nashub’ibona: erhi abalaza eciziriko ca kali ndarhu, igulu lyageramwo omusisi munji; izûba lyashuba liru-liru nka nshoho nduke n’obwôya, n’omwêzi gwahindukirwa, gwashuba nka mukò; 
\v 13 enyenyêzi z’oku nkuba zarhibukira oku idaho nka kulya omulehe murhò gurhibula amalehe gâgwo ganaciri mabishi nk’empûsi ndârhi egukalalîre. 
\v 14 Obwo amalunga gacifunya nka kulya babunga ecitabu, na ngasi ntondo na ngasi cirhwa byashegûka. 
\v 15 Nabo abâmi b’igulu n’abaluzi, abarhambo b’abasirika n’abagale n’abagwêrhe buhashe, boshi boshi oku banali, abajà na bantagengwa, bacîfulika omu nkunda n’omu mabuye g’entondo, 
\v 16 banabwîra entondo n’amabuye, mpu: «Murhurhogerekwo. murhufulike obusù bw’odahîre oku ntebe n’obukunizi bw’Omwâna-buzi! 
\v 17 Bulya olusiku lukulu lw’obukunizi lwayishire; ndi wankacihash’iyimanga wâni?»
\c 7
\s1 Abalikwo ecimanyîso c’Omwâna-buzi barhâbè kurhi
\p
\v 1 Enyuma ly’okwo, nabona bamalahika bâni bayimanzire oku marhwêrhwè anni g’igulu, erhi bashwêsire empûsi z’igulu oku zinali ini, mpu zakanahûkiza oku cihugo, nîsi erhi oku nyanja, nîsi erhi oku murhi. 
\v 2 Okuhandi nanacibona owundi malahika wayinamukaga arhenga ebushoshôkero bw’izûba, erhi afumbasire ecimanyîso ca Nyamuzinda ozîne. Ayâkûza n’izù linene balya bamalahika bani bâli bahâbirwe obuhashe bw’okuherêrekeza igulu n’enyanja, erhi: 
\v 3 «Mumanye mwankaherêrekeza igulu, nîsi erhi enyanja, erhi emirhi, kuhika rhuhebe bambali ba Nyamuzinda wîrhu ecimanyîso emalanga». 
\v 4 Nayumva ba­nga bahebirwekwo ecimanyîso:
\b
\q1 bihumbi igana na makumi anni na bini
\q1 b’omu mûko goshi ga bene-Israheli.
\q1
\v 5 Omu bûko bwa Yûda, bihumbi ikumi na bibiri
\q1 byahebwakwo ecimanyîso;
\q1 omu bûko bwa Rubeni, bihumbi ikumi na bibiri;
\q1 omu bûko bwa Gadi, bihumbi ikumi na bibiri,
\q1
\v 6 omu bûko bw’Azeri, bihumbi ikumi na bibiri;
\q1 omu bûko bwa Nefutali, bihumbi ikumi na bibiri;
\q1 omu bûko bwa Manasè, bihumbi ikumi na bibiri;
\q1
\v 7 omu bûko bwa Simoni, bihumbi ikumi na bibiri;
\q1 omu bûko bwa Levi, bihumbi ikumi na bibiri;
\q1 omu bûko bwa Isakari, bihumbi ikumi na bibiri;
\q1
\v 8 omu bûko bwa Zabuloni, bihumbi ikumi na bibiri;
\q1 omu bûko bwa Yozefu, bihumbi ikumi na bibiri;
\q1 omu bûko bwa Benyamini, bihumbi ikumi na bibiri byahebwakwo ecimanyîso.
\s1 Abîshogwa ba Nyamuzinda bagandâza omu bwâmi bw’empingu
\q1
\v 9 Enyuma ly’okwo, nabona ehitù hy’abantu barhankaganjwa:
\q1 bâli ba ngasi cihugo,
\q1 ba ngasi bûko,
\q1 na ngasi ishanja,
\q1 na ba ngasi lulimi luderhwa.
\p Erhi bayimanzire embere ly’entebe y’Omwâna-buzi, banayambîrhe emyambalo myêru, banafumbasire amashami g’emishugushugu omu nfune. 
\v 10 Bakâyakûza n’izù linene, mpu: «Ayâgirwe Nnawîrhu Nyamuzinda otamîre oku ntebe bo n’Omwâna-buzi!». 
\v 11 Na bamalahika erhi bazungulusire entebe n’Abagula na zirya Nsimba oku ziri ini; banacikwêba oku idaho embere ly’entebe, baharâmya Nyamuzinda, mpu:
\b
\q1
\v 12 Nêci mushâna,
\q1 Nnawîrhu Nyamuzinda ayâgirwe,
\q1 aj’irenge, arhimanya,
\q1 avugwe omunkwa,
\q1 akuzibwe, aluze obuhashe n’emisî
\q1 omu myâka n’emyâka! Amen!
\b
\p
\v 13 Muguma muli balya Bagula anacijaho, a­mbwîra, erhi: «Abà bayambîrhe emyambalo myêru bo bahi, na ngahi barhenga?» 
\v 14 Nâni, nti: «Waliha, wêne omanyire». Anacimbwîra, erhi: «Abo bo ba­lya bazind’irhenga omu malibuko madârhi\f + \fr 7, 14 \fr*\ft Amalibuko abemêzi babonaga oku ngoma ya Neroni, mwâmi w’e Roma. Mwâmi Neroni arhangiraga okulibuza abakristu omu mwâka gwa 64; na Domisiyano w’omu mwâka gwa 81-96, muci wa Titusi, ye wacîderhaga Nyakasane, adesirwe Neroni muhyâhya bulya naye alibuzize abakristu.\ft*\f*; bàshusire emyambalo yâbo ba­nayiyêruhiza omu mukò gw’Omwâna-buzi. 
\v 15 Co cirhumire bali aha mbêre z’e­ntebe ya Nyamuzinda, co cinarhumire bamukolera mûshi na budufu omu luhêro lwâge; n’otamîre oku ntebe akola ayish’iyûbaka ecihando câge ekarhî kâbo. 
\v 16 Barhakacishalika barhakanaciyumva nyôrha bundi; ntà mango izûba lyacibalibuze, na ntà hidûrhu hyacibajire kurhi. 
\v 17 Bulya Omwâna-buzi, oyîmanzire aha karhî k’entebe, yêne abà lungere wâbo, anabalangûle enjira ehêka ebw’iriba ly’amîshi g’obuzîne, Na Nyamuzinda abahôrhola emirenge yoshi ebali oku masù».
\c 8
\s1 Omwâna-buzi ahamûla akahamikizo ka kali-nda
\p
\v 1 Erhi Omwâna-buzi abasa eciziriko ca kali-nda, akahwenyenye kabà omu malunga, kashinga nka cihimbi ca nsâ.
\s1 Emishekera nda
\p
\v 2 Okubundi nanacibona balya Bamalahika nda bayimanga embere za Nyamuzinda; babahà mishekera nda. 
\v 3 Obwo owundi Malahika ayisha, erhi afumbasire ehijo\f + \fr 8, 3 \fr*\ft ehijo: co cetêzo cijamwo omuliro n’obukù bw’okugashâniza.\ft*\f* hy’amasholo. Bamuhà mugavu munji, mpu aguhise haguma n’ensengero z’abatagatîfu boshi oku lûsho lw’amasholo luli aha mbêre z’e­ntebe. 
\v 4 Omugî gw’omugavu haguma n’ensengero z’abatagatîfu gwarhenga omu nfune za Malahika, gwasôkera embere za Nyamuzinda. 
\v 5 Nyamalahika anaciyanka ecetêzo, acîyunjuza muliro gw’oku luhêrero. Hanacibà emilazô, n’emikungulo, n’orhumêmè, n’igulu lyâgeramwo omusisi. 
\v 6 Balya Bamalahika nda bâli bagwêrhe emishekera nda, bacîrheganya okuyibûhamwo.
\s1 Emishekera ini mirhanzi
\p
\v 7 Okuhandi omurhanzi agubûha erhi na mushekera: lwashuba lubula n’omuliro bigushe haguma n’omukò, babikwêba oku igulu. Ecihimbi ca kasharhu c’igulu càbôyôka, ecihimbi ca kasharhu c’emirhi càsirîra, na ngasi byâsi bibishi byàhya. 
\v 8 Malahika wa kabiri naye abûha omu mushekera. Olwo eri nka ntondo nnênênè edwîrhe yagulumira yacîyôha omu nyanja, n’ecihimbi ca kasharhu c’enyanja càshuba mukò; 
\v 9 ecihimbi ca kasharhu c’ebyali omu nyanja, byalimwo obuzîne caherêrekera n’ecihimbi ca kasharhu c’amârho càherêrekera. 
\v 10 Malahika wa kasharhu aguhiramwo amarhama. Okubundi enyenyêzi nnênênè eri nka cimole càyâka yàmanuka emalunga; yarhogera ecihimbi ca kasharhu c’enyîshi n’amaliba g’amîshi. 
\v 11 Izîno ly’eyôla nyenyêzi ye Mutuzo. Ecihimbi ca kasharhu c’amîshi gwashuba mutuzo, bantu banji banacifà n’ago mîshi erhi kulula kwâgo kurhuma. 
\v 12 Naye Malahika wa kani agubûhamwo erhi na mushekera. Ecihimbi ca kasharhu c’izûba cahukulwa, n’ecihimbi ca kasharhu c’omwêzi, n’ecihimbi ca kasharhu c’enyenyêzi kwo na kwo; na ntyo ebyo byâbyo bya kasharhu byashuba mwizimya, n’omûshi gwabula cihimbi ciguma ca kasharhu c’obumoleke bwâgwo, n’obudufu kwo na kuguma. 
\v 13 Nashub’ibona, nanayumva enyunda yayisha yabalala omu nkuba-karhî, yaderha n’izù linene, erhi: «Bamâhera! bamâhera! bamâhera ababà omu igulu! Bamâhera abâyumva izù ly’enyindi mishekera balya Bamalahika basharhu bâbûhamwo!».
\c 9
\s1 Omushekera gwa karhanu
\p
\v 1 Okubundi Malahika wa karhanu abûha omu mushekera: nanacibona e­nyenyêzi\f + \fr 9, 1 \fr*\ft Eyo nyenyêzi ali malahika mubî, erhi shetani.\ft*\f* yarhengaga emalunga erhogîre oku idaho. Bayihêreza olwigulo lw’enyenga y’ekuzimu. 
\v 2 Nayo yayigula eyo nyenga y’ekuzimu. Mw’eyo nyenga mwanacirhenga ecigî ciri nka mugî gw’omu luganda lunênênè, izûba n’ecirêre byashuba mwizimya erhi ogwo mugî gw’omu nyenga gurhuma. 
\v 3 Gulya mugî gwanacifugumukamwo enzige; zàgwa oku idaho, zanahâbwa obuhashe buli aka bulya engobe\f + \fr 9, 3 \fr*\ft «engobe», ahandi rhuyidesire «ihiri-joka», ye baderha «scorpion» omu cinfaransa\ft*\f* zijira en’igulu. 
\v 4 Zabwirwa mpu zimanye zankajira byâsi by’aha nshi zahumakwo, nîsi erhi bwâsi erhi murhi, aha nyuma ly’abantu barhalikwo ecimanyîso ca Nyamuzinda oku malanga gâbo. 
\v 5 Zabwirwa mpu zirhabayirhaga, ci mpu zibalîse n’amagala myêzi irhanu; n’akababo kâzo kwo kàli nka kula engobe eluma omuntu. 
\v 6 Muli ezo nsiku obwo, abantu bakolaga bayish’ilonza olufù banalubule; banacîfinje okufà, n’olufù lubayâke! 
\v 7 N’ezo nzige owazibona kwo ankanamanya mpu biterusi byagungêza okulwa; amarhwè gâzo gàlikwo ebiri nka bimanè bya masholo; n’obusù bwâzo buli nka bantu. 
\v 8 Emviri zâzo kwo ziri nka za bakazi, n’amîno gâzo kwo gayôsire nka ga ntale. 
\v 9 Ebifuba byâzo kwo biri nka mpenzi za cûma, n’omululumo gw’amashala gâzo kwo guyôsire nka kulyâla ebiterusi byajà oku bîrha biyisha byabulula babomboro. 
\v 10 Emicira yazo erikwo orhubabo, nka kulyâla eya bacilumira-habiri enayôrha; n’omu micira yazo mwo obuhashe bwâzo bw’okuherêrekeza abantu myêzi irhanu bubà. 
\v 11 Omwâmi wazo ozikulîre, y’olya malahika w’omu nyenga; izîno lyâge omu ciyahudi ye Abadoni\f + \fr 9, 11 \fr*\ft Abadoni omu cihebraniya: Malahika w’omu nyenga, erhi w’omu kuzimu; ye Shetani; Apoliyoni omu cigereki: olêrha obuhanya, olêrha nyamanjà, kaheza.\ft*\f*, n’omu cigereki ye Apoliyoni. 
\v 12 Ibala lirhanzi eryo lyamâgera, agandi mabala abiri ago gakulikire.
\s1 Omushekera gwa kali-ndarhu
\p
\v 13 Malahika wa kali-ndarhu naye agubûhamwo erhi na mushekera. Nanaciyumva izù lyahubuka aha marhwêrhwè anni g’olûsho lw’amasholo luli e­mbêre z’amasù ga Nyamuzinda. 
\v 14 Eryôla izù lyabwîra Malahika wa kali-ndarhu, nyakubûha omushekera, erhi: «Lîka bala Bamalahika bâni bashwêkîrwe aha lwîshi lwa Efrata». 
\v 15 Balya Bamalahika oku banali bâni banacilîkwa, bakàlingûza ensà n’olusiku n’omwêzi n’omwâka bayirhamwo ecihimbi ca kasharhu c’abantu. 
\v 16 Omurhwe gw’abalwî balwîra oku biterusi gwàli gwa rhulorho\f + \fr 9, 16 \fr*\ft Ehilorho byo bihumbi cihumbi, na rhulorho cihumbi yo njavu. Rhulorho magana abiri kwo kuderha 200.000.000.\ft*\f* magana abiri: nayumvîrhe banganjira bâli banga. 
\v 17 Ntyâla kwo nabwîne ebiterusi n’ababitamîrekwo bayôsire erhi mbà ndwîrhe nabona: bâli bagwêrhe empezi ziri nka masêsè ga muliro, zinashushire omukara gw’ecibogo n’ecibiriti. Amarhwe g’ebiterusi kwo gali gayôsire nka ga ntale, n’ekanwa kâbyo yakazâg’irhenga omuliro n’omugî n’ecibiriti. 
\v 18 Abo banyamanjà oku bali basharhu bo bayîsire ecihimbi ca kasharhu c’abantu: bahungumuka n’omuliro n’omugî n’e­cibiriti byakâg’irhenga ekanwa k’ebiterusi. 
\v 19 Bulya, nêci, obuhashe bw’ebyo biterusi ekanwa bubà n’omu mucira; emicira yabyo kwo ebà nka njoka; ejira amarhwe, n’ago marhwe go enêshamwo abantu.
\p
\v 20 Ci abantu basigalaga, abarhahungumukaga n’âbo banyamanjà, barhaderhaga ciru mpu bacîyunjuze oku bijiro by’amaboko gâbo: barhalekaga okukâgashâniza abashetani n’enshushano z’amasholo, n’ez’amarhale n’emiringa, n’ez’amabuye n’emirhi, n’obwo oku ziri zirhankabona, zirhankayumva, zirhankanacishegûla. 
\v 21 Barhagokôlaga obushumûsi bwâbo, n’obukurungu bwâbo, n’okuhusha kwâbo, n’obushambo bwâbo.
\c 10
\s1 Obuhane buzinda bwahika hôfi
\p
\v 1 Okuhandi nanacibona owundi Malahika muzibuzibu amanuka emalunga, ecitù erhi cimuhundikîre, n’omutirigongo erhi gumuli oku irhwe; obusù bwâge erhi buli nk’izûba, n’amagulu gâge erhi gali nka mitungo ya muliro. 
\v 2 Ali afumbasire ehitabu bibungûle omu nfune. Anaciheba okugulu kulyo oku nyanja, n’okulembe oku idaho, 
\v 3 ayâma n’izù linene nka kulya entale eluluma. Oku anayâma ntya, Emilazô\f + \fr 10, 3 \fr*\ft Eyo Milazô nda lyo izù lya Nyamuzinda. \ft*\f* nda yagwîra yakungula. 
\v 4 Erhi eyo Milazô nda ebà yamâkungula, nankolaga ndi nti nyandike, nanaciyumwa izù lyarhenga emalunga, erhi: «Ebyôla Emilazô nda edesire, obihebekwo akahamikizo, omanye wankanabiyandika». 
\v 5 Okuhandi olya Malahika nabonaga ayîmanzire oku nyanja n’oku igulu, alambûlira okuboko kulyo emalunga, 
\v 6 alahira Ozîne omu myâka n’emyâka, owalemaga amalunga n’ebigabâmwo, n’igulu n’ebimubà, n’enyanja n’ebimubà, mpu ntà mango gacihali, 
\v 7 ci mpu e­nsiku banayumve Malahika wa kali nda abûha omu mushekera, erhi ihwe lya Nyamuzinda lyamâyunjula, nk’oku abwîraga bambali bâge abalêbi.
\s1 Mpu alyè ecitabu
\p
\v 8 Liryal’izù narhangag’iyumva emalunga, lyashub’inganîza, erhi: «Ogend’iyanka ecitabu cibungûle omu nfune za Malahika oyîmanzire oku nyanja n’oku igulu». 
\v 9 Nanacikanya, najà emunda Malahika ali, namubwîra nti a­mpêreze cirya citabu. Ambwîra, erhi: «Yankàco, onacivûgusè; cakululira hano cikuhika omu nda, ci ekanwa cakununira nka bûci». 
\v 10 Nayanka cirya citabu omu nfune za malahika, nacivûgusa; omu kanwa erhi ciri cinunu nka bûci, ci erhi mbà namacirya, canshakamiza enda. 
\v 11 Banacimbwîra, mpu: «Kukwânîne oshub’ilêbera emilala n’amashanja n’endimi na bâmi banji».
\c 11
\s1 Bahamîrizi babiri
\p
\v 1 Okuhandi bampà olusheke luli nka birhi, bambwîra, erhi: «Yimuka, oj’igera aka-Nyamuzinda\f + \fr 11, 1 \fr*\ft Olusheke lwakâg’ikolêsibwa nka lugero.\ft*\f*, n’oluhêrero\f + \fr 11, 1 \fr*\ft Ecishagala citagatîfu c’e Yeruzalemu n’aka-Nyamuzinda kâco kabamwo oluhêrero, biri bimanyîso by’Ekleziya.\ft*\f*, n’abagashânizamwo. 
\v 2 Engo eri emuhanda gw’aka-Nyamuzinda yôhe oyireke, orhayigeraga; bulya yahîrwe abapagani: bashinga myêzi makumi anni n’ibiri balabarha Olugo lutagatîfu. 
\v 3 Nkolaga nahà abahamîrizi bâni bombi obuhashe, bashinge nsiku\f + \fr 11, 3 \fr*\ft Ezo nsiku 1.260 kuli kuderha amango garhali manyi.\ft*\f* cihumbi na magana abiri na nsiku makumi gali-ndarhu balêba banacîhundikîre emibalabala». 
\v 4 Abo bahamîrizi yo erya mizêti ibiri na birya bimole bibiri biyimanzire embere za Nn’igulu. 
\v 5 Hakajira owaderha mpu abahumekwo, omuliro gunabarhenge ekanwa, gumakûze abadwîrhe obushombanyi; n’owankaderha mpu abahirekwo olûnu, naye ntyo kwo akwânîne afè. 
\v 6 Bagwêrhe obuhashe bw’okusîka amalunga, enkuba erhag’irhoga omu nsiku z’obulêbi bwâbo; n’oku mîshi bagwêrhe obuhashe bw’okugahindula gashube mukò, n’obw’okubabaza igulu nk’oku banalonzize. 
\v 7 N’amango babà bamamala obuhamîrizi bâli, cirya Ciryanyi\f + \fr 11, 7 \fr*\ft Eco Ciryanyi ye mwâmi Nero, lwîganyo lw’Anti-Kristu.\ft*\f* canyonyôka omu nyenga cikolaga cayish’ibalwîsa; cibahime, cinabanige. 
\v 8 Emirhumba yâbo elambame omu ngo y’Ecishagala cinene\f + \fr 11, 8 \fr*\ft Eco cishagala cinene, ye Babiloni erhi Roma.\ft*\f* batwa mugani mpu ye Sodomo na Mîsiri\f + \fr 11, 8 \fr*\ft Bulya cishusha Sodomo na Mîsiri omu kujira eby’enshonyi n’omu kulibuza abaganda ba Kristu.\ft*\f*, ciryâla babambiragamwo Nnawâbo oku musalaba\f + \fr 11, 8 \fr*\ft Roma, omu kulibuza abaganda ba Kristu, kwo ali aka Yeruzalemu babambiragamwo Yezu oku musalaba.\ft*\f*. 
\v 9 Abantu ba ngasi mashanja na ngasi bûko, abà ngasi lulimi na ngasi mulala bashinga nsiku isharhu\f + \fr 11, 9 \fr*\ft nsiku isharhu: Kasanzi kasungunu.\ft*\f* n’ecihimbi erhi kusinza basinza emirhumba yâbo, barhanazige yabishwa. 
\v 10 Abantu b’en’igulu bâsîme obwo, bacîshingire okufà kwâbo, banashêgulane, bulyâla abo balêbi\f + \fr 11, 10 \fr*\ft Abo balêbi barhindibuzize ab’en’igulu omu kubayêreka obubî n’obulyâlya bwâbo.\ft*\f* bombi bâli bamarhindibuza ab’en’igulu. 
\v 11 Ci erhi zirya nsiku isharhu n’ecihimbi zigera, Nyamuzinda abahiramwo omûka gw’obuzîne; banaciyîmanga, n’abakâg’ikabasinza barhungwa n’obwôba. 
\v 12 Bayumva izù linene lyarhenga emalunga, lyababwîra, erhi: «Yinamukiri eno nyanya!» Bâna­ cisôkera emalunga omu citù, n’abashombanyi bâbo bakâsinza. 
\v 13 Muli ako ka­nya, omusisi gurhali munyi gwanacigera omu igulu, ecihimbi ca kali-ikumi c’ecishagala cahirima, na bantu bihumbi biri nda bafîra muli ogwo musisi. Abasigalaga bagwârhwa n’obwôba, banacihà Nyamuzinda w’emalunga irenge. 
\v 14 Ibala lya kabiri ly’eryo lyamâcîkônya, ibala lya kasharhu eri liyiruka!
\s1 Omushekera gwa kali-nda
\p
\v 15 Okubundi Malahika wa kali-nda abûha omu mushekera; emalunga yabà ecihôgêro c’amazù manênênè, gakaz’iderha, mpu:
\b
\q1 «Obwâmi bw’igulu
\q1 bukola buli bwa Nnawîrhu
\q1 bwoshi na Kristu wâge,
\q1 anakolaga arhegeka
\q1 omu myâka n’emyâka!»
\b
\p
\v 16 Na balya Bagula makumi abiri na bâni batamîre oku ntebe zâbo embere za Nyamuzinda bahwêra oku idaho, baharâmya Nyamuzinda, mpu:
\b
\q1
\v 17 «Rhukuvuzire omunkwa,
\q1 Nyakasane, Nyamuzinda Nn’amahanga,
\q1 we Nyamubâho, we wanayôrhaga ohabà,
\q1 kulya kubà wayansire obuhashe bwâwe bunji, wanacîyîmira.
\q1
\v 18 Amashanja gàli gakunîre,
\q1 ci obukunizi bwâwe bwayisha nabwo,
\q1 n’amango abafîre batwîrwamwo olubanja nago gàyisha,
\q1 n’aga wahembamwo bambali bâwe,
\q1 abalêbi, n’abatagatîfu n’abarhînya izîno lyâwe, abarho n’abakulu,
\q1 n’aga waherêrekezamwo balya basherêza igulu».
\b
\p
\v 19 Obwo aka-Nyamuzinda, kalya kabà omu mpingu, kanaciyiguka, n’omucîmba gw’endagâno yâge gwaboneka omu ka-Nyamuzinda kâge. Okubundi hanacibà orhumêmè, n’amazù, n’emilazô, igulu lyâgeramwo omusisi, n’olubula lwarhoga lwarhalusa.
\c 12
\s1 Omukazi n’enkuba-joka
\p
\v 1 Okuhandi ecimanyîso cirhali cinyi caboneka emalunga; omukazi oyambîrhe izûba, n’omwêzi aha magulu gâge, n’ecimanè ca nyenyêzi ikumi n’ibiri omu irhwe lyâge. 
\v 2 Ali nda, adwîrhe ayâma erhi mikero erhuma n’amalumwa g’okuburha. 
\v 3 N’ecindi cimanyîso caboneka emalunga; nkuba­-joka nnênênè eshushire isêsè, ya marhwe nda na mahembe ikumi, na mashungwè nda oku marhwe gâyo. 
\v 4 N’omucira gwâyo gwayisha gwabulula ecihimbi ca kasharhu c’enyenyêzi z’omu malunga, gwanazikwêba oku igulu. Erya nkuba-joka yayîmanga embere z’olya mukazi wali buburha, yalinga mpu hano abà amâburha emulye omwâna. 
\v 5 Nyamukazi anaciburha omwâna w’oburhabana, ye wayish’iyâbula amashanja goshi n’ehirhi by’ecûma; nyamwâna banacimuka­nyanya, bamuhêka hali Nyamuzinda n’aha ntebe yâge. 
\v 6 Nyamukazi yêhe ayâkira omu irungu, ashanga Nyamuzinda amurheganyîzemwo aha abêra, mpu bamuhêreho eci alya nsiku cihumbi na magana abiri na makumi gali-ndarhu.
\p
\v 7 Okubundi entambala yanacizûka emalunga: Mikaheri\f + \fr 12, 7 \fr*\ft Mikaheri, ntyo kwo Abashi baderha MIKAEL, Mi = ndi; Ka = nka; EL = Nyamuzinda; kuligi kuderha: NDIOLIAKANYAMUZINDA; Ndi wakahima Nyamuzinda?.\ft*\f* bo na Bamalahika bâge balwîsa enkuba-joka. Wankuba-joka naye amera omu muherho boshi na Bamalahika bâge. 
\v 8 Ci bahimwa, babula n’aha bacibêzire omu mpingu. 
\v 9 Olya wankuba-joka munênênè. olya mujoka wa mîra, olya baderha mpu yo Ndyâlya, mpu ye Shetani, olyâla ohabula rubanda, bamukwêba oku igulu, bamukulikiza na Bamalahika bâge. 
\v 10 Nanaciyumva izù linene emalunga, mpu:
\b
\q1 «Lêro obucire, n’obuhashe, n’obwâmi bwa Nyamuzinda wîrhu,
\q1 n’oburhegesi bwa Kristu wâge bwamâyisha!
\q1 Bulya olya okaz’ishobeka bene wîrhu,
\q1 olyâla wakazâg’ibashobeka bwacà bwayira emunda Nyamuzinda wîrhu ali,
\q1 ajirage ajugucirwa!
\q1
\v 11 Abo bene wîrhu bàmuhimire n’omukò gw’Omwâna-buzi
\q1 n’oluderho lw’obuhamîrize bwâbo,
\q1 barhanababaliraga amagala gâbo kuhika okufà.
\q1
\v 12 Sîmagi, mwe malunga, n’abammubâmwo!
\q1 We igulu, nâwe we nyanja, mwamahera,
\q1 bulya erya Ndyâlya emwinyu yayandagalîre,
\q1 erhi enakunîre bwenêne,
\q1 kulya kubà emanyire oku ensiku zâyo ziri nganje».
\b
\p
\v 13 Erhi wankuba-joka abona bamujugucira omu igulu, ashimbûlula olya mukazi, erhi amanaburha mugala. 
\v 14 Banacihà nyamukazi byûbi bibiri bya nyunda mpu abalalire omu irungu halya hâge anabêra, mpu bamuhêmbereho kasanzi n’orhusanzi n’oluhande lw’akasanzi, kulî na wanjoka. 
\v 15 Wanjoka anacimeshera amîshi gali nka lwîshi, aganîkakwo nyamukazi, mpu olwîshi lumuhêke. 
\v 16 Ci igulu lyafungira nyamukazi, lyayâshama, lyamirangusa lulya lwîshi wankuba-joka amesheraga kurhenga ekanwa kâge. 
\v 17 Wankuba-joka anacilubira nyamukazi, akanya, aj’ilwîsa abarhengaga omu nda yâge bâli basigîre, balya bashimba amarhegeko ga Nyamuzinda, banagwêrhe obuhamîrizi bwa Yezu. 
\v 18 Anaciyimanga oku mushenyi gw’enyanja obwo.
\c 13
\s1 Eciryanyi c’omu nyanja
\p
\v 1 Okubundi nanacibona eciryanyi cayinamuka omu nyanja, erhi cigwêrhe mahembe ikumi na marhwe nda; amahembe gâco erhi galikwo mashungwè ikumi, n’amarhwe gâco erhi galikwo amazîno g’ebijâci. 
\v 2 Eco ciryanyi nabonaga càli cishushire engwi; amagulu gâco gàli nka ga mpangaza, n’akanwa kâco kàli nka ka ntale. Erya nkuba-joka yahêreza eco ciryanyi emisî yayo, n’entebe yayo na buhashe bunji. 
\v 3 Ihwe liguma erhi liyôsire nk’elirimwo ecibande, n’eco cibande càli ca lufù; ci eco cibande c’olufù bacifumya. Obwo igulu lyoshi lyanacizânwa, lyashimba cirya ciryanyi. 
\v 4 Banacigashâniza wankuba-jo­ka wahâga eciryanyi obuhashe, bagashâniza na cirya ciryanyi, mpu: «Ndi oli ak’eciryanyi? Ndi wankacija omu irhwe?» 
\v 5 Bacîhà akanwa k’okuderha ebinwa by’obucîbone n’okulogorhera Nyamuzinda, bacîhà n’obuhashe bw’okujira omukolo gwâco myêzi makumi anni n’ibiri\f + \fr 13, 5 \fr*\ft Mango garhali manyi\ft*\f*. 
\v 6 Canacibumbûla akanwa, mwarhenga ebinwa by’ebijâci kuli Nyamuzinda n’eby’okulogorhera izîno lyâge n’obwâmi bwâge, n’ababà emalunga boshi cabanogonoza. 
\v 7 Baciyêmêrera mpu cilwîse abashinganyanya cinabahime; bacîhà n’obuhashe kuli ngasi bûko, na ngasi mulala, na ngasi lulimi, na ngasi ishanja. 
\v 8 Abantu boshi b’igulu bacigashâniza, balyâla amazîno gâbo garhàli mandike kurhenga okulemwa kw’igulu omu citabu c’obuzîne c’Omwâna-buzi wabâgagwa. 
\v 9 Ogwêrhe amarhwîri ayumve! 
\v 10 Oli wa kuhêkwa bujà, ajè bujà; oli wa kunigwa n’engôrho, anigwe n’e ngôrho. Bwo buzibu n’obuyêmêre bw’abashinganyanya obwo.
\s1 Eciryanyi c’omu igulu
\p
\v 11 Okuhandi nabona ecindi ciryanyi carhenga omu idaho; erhi cigwêrhe mahembe abiri gàli nka ga mwâna-buzi, erhi cinadwîrhe caderha aka wa­nkuba-joka. 
\v 12 Erhi cishizire cirya c’ebwêru cirhanzi, cinadwîrhe cakolêsa obuhashe bwâco bwoshi; carhuma igulu n’abalibâmwo baharâmya cirya cirya­nyi cirhanzi babukaga ecibande c’olufù. 
\v 13 Cajira ebisômerîne by’enkwi n’amîshi, ciru calinda cimanula omuliro oku nkuba, gwarhogera aha nshi abantu bàsinza. 
\v 14 Carheba abantu b’igulu n’ebyôla birhangâzo càli cihîrwe mpu cijire omu masù g’eciryanyi; cabwîra abantu b’igulu mpu bajire enshushano ya cirya cirya­nyi bayagazagya n’engôrho canafuma. 
\v 15 Cahâbwa obuhashe bw’okuheba erya nshushano y’eciryanyi mw’omûka, kuhika ciru eyo nshushano yaderha, n’obw’okuyîsa ngasi boshi bakabula bwaharâmya enshushano y’eco ciryanyi. 
\v 16 Boshi boshi, abarho n’abakulu, abahirhi n’abakenyi, bantagengwa n’abajà, cabahebêsa ecimanyîso omu kuboko erhi oku malanga, 
\v 17 na ntâye wa­nkaciguzire nîsi erhi aguze arhanalikwo ecimanyîso ca nyaciryanyi, lyo izîno lyâco nîsi erhi enumero yalyo. 
\v 18 Obushinganyanya ho buli hano! Ogwêrhe amakengu akozagye numero ehi eciryanyi cigwêrhe, eri numero ya muntu; gali magana gali ndarhu na makumi gali ndarhu na ndarhu\f + \fr 13, 18 \fr*\ft Hali abaderha mpu eyo numero 666 erhenzire omu izîno lya Neroni, kuliyandika omu QAISAR NERON, buzira N linahinduke 616, bulya NERON akâg’ilibuza abakristu na ngasi mwâmi mubî ntyo akaderhwa NERON muhyâhya; aka Donisiyano. QSR NRON kandi erhi CESAR DEUS, byanahika omu cihebraniya: Q (= 100) + S (= 60) + R (= 200) + N (= 50) + R (= 200) + W (= 6) +N (= 50) = 666.\ft*\f*.
\c 14
\s1 Abêru-kwêru bàkulikira Omwâna-buzi
\p
\v 1 Nanacibona Omwâna-buzi ayîmanzire oku ntondo ya Siyoni, erhi ali boshi na barhôle bihumbi igana na makumi anni na bini, bayandisirwe aha malanga izîno lyâge n’ery’îshe. 
\v 2 Nanaciyumva emalunga izù liri nka nshalalo ya mîshi manji manji na nka kulya enkuba ekalihire elaza. Eryôla izù nayumva liyôsire nka kulyâla abazihi b’ennanga bakômera ennanga zâbo; 
\v 3 erhi badwîrhe bayimbira olwimbo luhyâhya embere z’entebe ya Nyamuzinda n’embere za zirya Nsimba oku zinali ini na balya Bagula. Na ntâye wankadesire mpu ayige olwo lwimbo aha nyuma lya birya bihumbi igana na makumi anni na bini byàcungulagwa omu igulu. 
\v 4 Abôla bo balya barhacîhemulaga\f + \fr 14, 4 \fr*\ft Abalamba erhi babîkira, haguma n’abandi bemêzi boshi bacîlanzire oku izâbyo ly’ecâha. Abo boshi bali bêru-kwêru, banakâkulikira Mwâmi Yezu ngasi hoshi omu Bwâmi bwâge.\ft*\f* n’abakazi: bâli bala­mbà. Bo bakulikira Omwâna-buzi ngasi aha anajîre hoshi. Bo balya bashomôlwîrwe omu karhî k’abandi bantu, bacîshogwa mpu babè mwâka muhyâhya gurhûzirwe Nyamuzinda bo n’Omwâna-buzi. 
\v 5 Ekanwa kâbo ntâye wankayûlubwîreyo ecinwa c’obunywesi: barhàlikwo izâbyo.
\s1 Bamalahika basharhu bamanyîsa amango g’Olubanja
\p
\v 6 Nanacibona owundi Malahika ayish’alembêra omu nkuba-karhî, erhi a­dwîrhe omwanzi gw’akalembe gw’ensiku n’amango, mpu agubwîre abantu b’igulu, na ngasi mulala, na ngasi bûko, na ngasi lulimi, na ngasi ishanja. 
\v 7 Ayâkûza n’izù linene, erhi:
\b
\q1 «Murhînye Nyamuzinda,
\q1 munamuhè irenge,
\q1 bulya amango gâge g’okutwa olubanja gahisire;
\q1 muharâmye Lulema w’amalunga n’igulu,
\q1 enyanja n’amaliba g’amîshi».
\p
\v 8 Owundi Malahika, ye wa kabiri, naye ayisha akulikîre, aderha, erhi:
\b
\q1 «Cahirimire, cahirimire cirya ci Babiloni cinênênè
\q1 canywesagya amashanja goshi idivayi
\q1 ly’omutula gw’okuhusha kwâco!»
\b
\p
\v 9 Owundi Malahika, ye wa kasharhu, naye ayisha akulikîre abâbo, ayâkûza n’izù linene, erhi:
\b
\q1 «Hakajira omuntu ogashâniza
\q1 olya w’eciryanyi n’enshushano yâge,
\q1 akanahebwa ecimanyîso câge emalanga nîsi erhi omu nfune,
\q1
\v 10 oyo anywa oku idivayi ly’obukunizi bwa Nyamuzinda,
\q1 lirya lihungulîrwe omu ka­bêhè k’omutula gwâge buzira ngushè;
\q1 omuliro n’ecibiriti byâmulîkiza amagala
\q1 omu masù ga Bamalahika batagatîfu
\q1 n’omu masù g’Omwâna-buzi.
\q1
\v 11 N’omugî gw’amalibuko gâbo
\q1 gwasôkera enyanya kuhika emyâka n’emyâka,
\q1 barhanarhamûka omûshi ciru n’obudufu
\q1 balya bagashâniza olya w’eciryanyi n’enshushano yâge,
\q1 na ngasi ojakwo ecimanyîso c’izîno lyâge».
\b
\p
\v 12 Ho bazibuhira ahôla abimâna, balya bashimba amarhegeko ga Nyamuzinda banayêmêra Yezu! 
\v 13 Okuhandi nanaciyumva izù lyarhenga emalunga, erhi:
\b
\q1 «Yandika: Iragi lyâbo abafù muli Nyakasane!
\q1 Nêci, kwo Mûka adesire,
\q1 bacîluhûkirage omu miruho yâbo;
\q1 bulya ebijiro byâbo bibakulikîre».
\b
\s1 Olubanja lwatûbwa
\p
\v 14 Nti nalola, nabona ecitù cêru, n’eco citù erhi citamîrwekwo n’oshushire Mwene-omuntu, erhi ayambîrhe ishungwè ly’amasholo oku irhwe anafumbasire ehigushu hyoji omu nfune. 
\v 15 Owundi Malahika anacihuluka omu ka-Nyamuzinda, ayâkûza olyâla wali otamîre oku citù n’izù linene, erhi: «Lîka omugushu gwâwe, orheme, bulyâla amango g’okusârûla gahisire, kulya kubà omwâka gw’igulu gukola guyêzire». 
\v 16 Nyakutamala oku citù anacirîka omugushu gwâge, igulu lyasârûlwa.
\p
\v 17 Owundi Malahika ahuluka omu ka-Nyamuzinda k’omu mpingu, naye erhi afumbasire ehigushu hyôji. 
\v 18 N’owundi Malahika apamuka omu lûsho, olya ojira obuhashe oku muliro, ayâkûza n’izù linene, abwîra owâbo wali ofumbasire omugushu mwôji, erhi: «Lîka omugushu gwâwe mwôji, otwe ebihadu by’emizâbîbu y’omu igulu, kulya kubà amalehe gâyo gakola gayêzire». 
\v 19 Nyamalahika anacilikira omugushu gwâge omu igulu, arhema emizâbîbu y’omu igulu, aheba amalehe gâyo omu mukenzi munênênè gw’obukunizi bwa Nyamuzinda. 
\v 20 Ogwo mukenzi gwakandirwa emuhanda y’olugo, na muli ogwo mukenzi mwarhenga omukò, gwacîlasha kuhika oku lukoba lushwêkîre ebiterusi aha stadi\f + \fr 14, 20 \fr*\ft Estadi nguma ziri meteri nka 180.\ft*\f* cihumbi na magana gali-ndarhu.
\c 15
\s1 Bamalahika nda na mahanya nda
\p
\v 1 Nashub’ibona ecindi cimanyîso omu malunga, cimanyîso ciri ca kurha­ngâza- Bamalahika nda badwîrhe mahanya nda. Go gakolaga mazinda gayûsa omungo gwa Nyamuzinda gwoshi. 
\v 2 Nabona n’eri nka nyanja yalangashana enali ngushe haguma n’omuliro, nabona na balya bàhimaga waciryanyi n’enshushano yâge n’enumero y’izîno lyâge, erhi bayimanzirekwo eyôla nyanja yalangashana, banafumbasire ennanga za Nyamuzinda. 
\v 3 Erhi badwîrhe bayi­mbà olwimbo lwa Mûsa mwabambali wa Nyamuzinda n’olwimbo lw’Omwâna-buzi, mpu:
\b
\q1 «Ebi wajizire biri bya kusômeza birhanali busha,
\q1 Nyakasane, Nyamuzi­nda Nn’amahanga goshi!
\q1 Enjira zâwe zishingânîne zinayumânîne,
\q1 Yâgirwa Mwâmi w’amashanja!
\q1
\v 4 Ndi orhankakurhînya, Nyakasane, akanakuza izîno lyâwe?
\q1 Bulya wêne­ne we mwimâna,
\q1 n’amashanja goshi gayish’iharâmya embere zâwe,
\q1 ku­lya kubà akanwa kâwe kâjire kamanyibwa»
\s1 Orhubêhè nda rhuyunjwîre buhanya
\p
\v 5 Erhi ebyôla bihwa, nabona engombe y’ecihando c’obuhamîrizi yayiguka omu irunga, 
\v 6 na balya Bamalahika nda bafumbasire amahanya nda hapamuka omu ngombe. Bali bayambîrhe emyambalo y’ecitâni yalangashana erhanali­ kwo izâbyo, bànali bazingîre omukaba gw’anasholo omu cifuba. 
\v 7 Nsimba nguma mwo zirya ini yahà balya Bamalahika nda rhubêhè nda rhwa masholo rhuli ekakwi n’omutula gwa Nyamuzinda oyôrha azîne omu myâka n’emyâka. 
\v 8 Okubundi eryâla ngombe yanaciyunjulirana mugî gw’oku irenge lya Nyamuzinda n’oku buhashe bwâge. Na ntâye wankahashir’ihika muli eyo ngo­mbè kuhika galya mahanya nda ga balya Bamalahika oku bali nda galinda gayunjula.
\c 16
\p
\v 1 Nanaciyumva izù lyarhenga mulya ngombe, lyayâkûza balya Bamalahika oku banali nda, erhi: «Mukanye, mugend’idubulira orhwo rhubêhè nda rhw’omutula gwa Nyamuzinda oku igulu». 
\v 2 Omurhanzi akanya, àj’idubulira akabêhè kâge oku igulu, kashuba kafinjo kabî na kadârhi oku bantu bàlikwo ecimanyîso ca cirya ciryanyi n’abakâg’igashâniza enshushano yaco. 
\v 3 Naye owa kabiri abulagira akabêhè kâge omu nyanja, yanacishuba mukò nka gwa muntu ofîre, na ngasi ciremwa ciyisa omûka omu nyanja cafà. 
\v 4 Owa kasharhu naye adubulira akabêhè kâge omu nyîshi\f + \fr 16, 4 \fr*\ft oyo wa kasharhu: Malahika murhambo w’amîshi.\ft*\f* n’omu nshôko z’amîshi, gwacîshubira mukò. 
\v 5 Nanaciyumva Malahika w’amîshi aderha, erhi:
\b
\q1 «Mushâna orhalyâlyanya we Nyamubâho,
\q1 we oyôrha ohabà, we Mwimâna, omu kutwa ntyo.
\q1
\v 6 Bulya babulazire omukò gw’abimâna n’ogw’abalêbi,
\q1 nâwe wa­bahîre omukò mpu bagunywe.
\q1 Kwo bâli bakwânîne!»
\b
\p
\v 7 Nayumva n’olûsho\f + \fr 16, 7 \fr*\ft lûsho: hala hantu bagûshira embâgwa z’enterekêro; kugûsha; lwo luhêrero.\ft*\f* lwaderha, erhi:
\b
\q1 «Nêci, Nyamwagirwa,
\q1 Nyamuzinda Nn’amahanga goshi,
\q1 ebinwa byâwe biri hy’okuli binashingânîne!»
\b
\p
\v 8 Malahika wa kani naye abulagira akabêhè kâge oku izûba, anahâbwa obuhashe bw’okuyôca abantu n’omuliro. 
\v 9 Abantu babôyôka erhi kuluga kw’idûrhu kurhuma; ci ahâli n’okucîyunjuza n’okuhà Nyamuzinda irenge, bôhe bagwîra balogorhera izîno lya Nyamuzinda ojira obuhashe kuli ago mahanya. 
\v 10 Naye Malahika wa karhanu abulagira akabêhè kâge oku ntebe ya cirya ciryanyi, obwâmi bwâco bwashuba mwizimya, n’abantu bàkaz’icîluma endimi erhi kulîsibwa n’amagala kurhuma. 
\v 11 Ci ahâli h’okuderha mpu bacîyunjuze baleke okwâbo, bôhe bagwîra balogorhera Nyamuzinda w’empingu erhi mababale gâbo n’ebibande birhuma. 
\v 12 Owa kali-ndarhu naye adubulira akabêhè kâge omu lwîshi lunene lwa Efrata; amîshi gâlwo gàgana, mpu lyo abâmi b’ebushoshôkero bw’izûba babona aha bâgera. 
\v 13 Okubundi nanacilangîra bazimu basharhu babî babî nka bikere bapamuka ekanwa k’enkuba-joka, n’ekanwa k’olya w’eciryanyi, n’ekanwa ka lirya irumbi mpu mulêbi. 
\v 14 Yo myûka y’abazimu bakâjira ebisômerîne, balya bakaz’ijà aha mwa ngasi mwâmi w’en’i­gulu lyoshi, mpu babashubûze bayish’ijà oku ntambala y’olusiku lukulu lwa Nyamuzinda Nn’amahanga goshi. 
\v 15 Alà oku kwo nyisha nka cishamb! Iragi lyâge oyôrha ali masù n’olanga emyambalo yâge, alek’ijà ashunga, acîbonese nshonyi! 
\v 16 Banacibashubûza, babugânana ahantu haderhwa Harmajedoni\f + \fr 16, 16 \fr*\ft Rhuderhe HARMAGEDONI, bulya omu cihebraniya, mayahudi, ca mîra, murhabâga herufi J. Omu mayahudi haderhwa HAR HAMEGIDO; aha ntondo Megido\ft*\f* omu mayahudi. 
\v 17 Naye Malahika wa kali-nda abulagira akabêhè kâge omu cirêre. Okuhandi izù linene lyarhenga omu ka-Nyamuzinda, aha ntebe, lyayisha, erhi: «Hoshi aho!» 
\v 18 Hanacibà orhumêmè, n’amazù, n’emilazô, n’omusisi munji munji gwagera omu igulu. Nanga, kurhenga abantu bali omu igulu, omusisi munene ntyo, mungan’aho, ntà mango gushubig’ibà bundi. 
\v 19 Lulya lugo lunênênè lwaberekamwo mpande isharhu, n’ebishagala by’amashanja byacîdîrha oku idaho. Babiloni mukulu\f + \fr 16, 19 \fr*\ft Roma oyo balibayîrika erya Babiloni mukulubulya Babiloni washabaga Aka-Nyamuzinda, ci ebi Roma wa Neroni na Domisiyano bajizire birhalusire obubî.\ft*\f* naye, Nyamuzinda, erhi: «Ntakuyibagire!» Amuhêreza akabêhè k’idivayi ly’omutula gw’obukunizi bwâge. 
\v 20 Ebirhwa byoshi byakûla amagulu, n’entondo zahirigirha. 
\v 21 Olubula lunênênè, luzirho nka mabuye, lwamanuka emalunga, lwarhogera oku bantu. Abantu banacigwîra balogorhera Nyamuzinda erhi obwo buhanya bw’olubula burhuma, mpu obwo buhanya bwamâluga okulushire.
\c 17
\s1 Babiloni ye nnina w’obubî
\p
\v 1 Okubundi muguma muli balyâla Bamalahika nda bâli bafumbasire rhubêhè nda anaciyisha, anshambâza, ambwîra, erhi: «Nj’eno nkuyêreke oku batwa olw’olya mukazi\f + \fr 17, 1 \fr*\ft Oyo mukazi ye Roma, bulyâla ago mango Roma àli ayunjulirîne bubî. Akâg’iyîrha abakristu, okwo kwakengeza Babiloni washâbaga aka-Nyamuzinda k’aha Yeruzalemu na Roma ashâba aka-Nyamuzinda ka kabirhi.\ft*\f* ohusha bwenêne, ola otamîre oku burhambi bw’amîhi manji manji. 
\v 2 Ye abâmi b’igulu bàhushagakwo, n’abantu b’igulu banywîre oku irivayi ly’okuhusha kwâge lyàbalalusa». 
\v 3 Anacimpêka omu irungu omu ciri nka cilôrho. Nabona omukazi atamîre oku ciryanyi cidukula-cidukula, erhi yêshi yêshi ayunjwîre mazîno ga bijâci, erhi anagwêrhe marhwe nda na mahembe ikumi. 
\v 4 Nyamukazi ali ayambîrhe eby’akaduku k’omukara n’emishangi midukula-dukula, erhi adwîrhe alangashana n’amasholo, n’enjuma z’olukwenyu, n’amagerha. Omu nfune zâge àli afumbasire akabêhè k’amasholo kayunjulirîne obubî bwâge haguma n’emiziro y’okuhusha kwâge. 
\v 5 N’amalanga gâge erhi gayandisirhwekwo izîno, -mahwe!- mpu: «Babiloni mukulu, nnina wa bannamuhushà n’ow’obubî bubà omu igulu». 
\v 6 Nanacibona oyo mukazi alaluka omukò\f + \fr 17, 6 \fr*\ft alaluka omukò: Erhi abakristu balibuzibwa n’okuyîrhwa e Roma oku ngoma ya Mwâmi Nero n’oku ya Mwâmi Domisiyano.\ft*\f* gw’abatagatîfu n’ogw’abahamîrizi ba Yezu. Nasômerwa bwenêne obwôla erhi mmubona. 
\v 7 Ci olya Malahika ambwîra, erhi: «Cirhumire warhangâla? Oleke nkubwîre omwanzi gw’oyo mukazi n’ogw’eco ciryanyi c’amarhwe nda na mahembe ikumi cimuhêrhe».
\s1 Amahugûlo
\p
\v 8 «Eco ciryanyi oshuba wabona, ho càli, cirhanacihabà; cinakolaga càling’iyinamuka, cirhenge omu nyenga, cinagend’iherêrekera. N’abantu b’igulu amazîno gâbo garhali mayandike omu citabu c’obuzîne kurhenga okulemwa kw’igulu, basômerwa hano bashub’ibona cirya ciryanyi càhali cirhanacihabà». 
\v 9 Ho amakengu n’obushinganyanya bukwânîne hano! Amarhwe nda zo ntondo\f + \fr 17, 9 \fr*\ft Entondo nda z’e Roma. Roma bwo burhegesi bwalihahazize mâmi manji en’igulu.\ft*\f* nda nyamukazi adahîrekwo, bona bâmi nda; 
\v 10 barhanu bàhirigisire, muguma ho aciri, n’owundi arhashubig’iyisha; n’amango ayisha, kukwânîne ashinge hisanzi hitya. 
\v 11 Naco cirya ciryanyi càhali ci cirhacihabà, ye mwâmi wa kali­-munâni, ci ali wa muli balya nda, n’ebwa Lufù ajîre. 
\v 12 Na galya mahembe ikumi wabonaga, bali bâmi ikumi barhacihâbwa obwâmi; ci bâhâbwa obuhashe bw’okurhegeka nsâ nguma nka bâmi haguma na cirya ciryanyi. 
\v 13 Boshi haguma bagereza: mpu bahêreze eco c’erubala obuhashe n’oburhegesi bwâbo. 
\v 14 Bayish’ilwîsa Omwâna-buzi, ci Omwâna-buzi âbahima, bulya ye \qt «Nyakasane wa banyakasane, ye Mwâmi w’abâmi, n’abâli boshi naye nabo bâhime, bo bahamagîrwe, bo bîshogwa, bona bemêzi»\qt*. 
\v 15 Ashub’imbwîra, erhi: «Amîshi wabonaga oyo namuhushà atamîrekwo, mashanja ago, mwandu gwa bantu ogwo, milala eyo n’endimi. 
\v 16 N’amahembe ikumi wabonaga na cirya ciryanyi, bikolaga byashomba nyamukazi namuhushà, bimutungole, bimusige mushugunu, birye enyama zâge binamuyôkere oku cîko. 
\v 17 Bulya Nyamuzinda ahebire omu mirhima yabyo emihigo y’okujira obulonza bwâge n’okufundikira haguma mpu bihêreze cirya ciryanyi obwâmi bwâbyo kuhika ebinwa bya Nyamuzinda biyunjule. 
\v 18 N’oyo mukazi wabonaga, co cirya cishagala cikulu ci­ gwêrhe obuhashe bw’okurhegeka abâmi b’igulu».
\c 18
\s1 Olwa Babiloni lwahwîre
\p
\v 1 Abà nyuma ly’okwo, nabona owundi Malahika amanuka emalunga, erhi agwêrhe buhashe bunji; amoleka igulu n’obulangashane bw’irenge lyâge. 
\v 2 Anaciyâkûza n’izù linene, erhi:
\b
\q1 «Alundusire, alundusire Babiloni mukulu!
\q1 Ashubire lûsho lwa bashetani,
\q1 ishûbûkiro lya ngasi muzimu lya ngasi muzimu mubî,
\q1 n’ishubûkiro lya ngasi kanyunyi kabî,
\q1 [ishûbûkiro lya ngasi nsimba ehumânya]
\q1 kalya karhankakwirirwa,
\q1
\v 3 kulya kubà amashanja goshi ganywîre
\q1 oku irivayi ly’omutula gw’okuhusha kwâge,
\q1 n’abâmi b’igulu bamuhushirekwo,
\q1 na bulya obulimbi bwâge burhajira lugero
\q1 bwagazize abarhunzi b’igulu».
\s1 Bambali ba Nyamuzinda babè bacikêka
\p
\v 4 Nanaciyumva erindi izù lyahubuka emalunga, erhi: «Rhengi muli ye, ngabo yâni, mwankanashangîra ebyâha byâge, mubone mwamarhogerwa n’i­bala akâge; 
\v 5 bulyâla ebyâha byâge biri nsinga ehisire emalunga, n’obubî bwâge Nyamuzinda abukengîre». 
\v 6 Mumujirire nk’oku ajiriraga abandi, mûmushubize kabiri kangana ebijiro byâge! Akabêhè agushiragamwo mumubumbireko kabiri! 
\v 7 Kulyâla akazâg’icîkuza n’okucîlimbîsa, kwo munamulîsagye n’amagala munamuhè emishîbo! Akazâg’iderha omu murhima gwâge, erhi: «K’arhali nie mwâmi-kazi, ntali mukana, na ntà mango nabone emishîbo!» 
\v 8 Okwôla kwo kwarhuma amabala gamurhogera omu lusiku luguma: «ecâhirà n’emishîbo n’ecizombo; anabôyôke n’omuliro, bulya Nyakasane Nyamuzinda wamutwîraga olubanja erhali ngonyi».
\s1 Oku igulu lyalaka, amalunga gasheka
\p
\v 9 Bamulakira banamubandire endûlù obwo balya bâmi b’igulu bakâg’ihusha bo naye n’okulimbira baguma naye, hano babona omugî gw’engulumira y’omuliro edwîrhe yamubôyôla. 
\v 10 Oku baciyimanzire kuli erhi kuyôboha amababale gâge kurhuma, baderhe, mpu:
\b
\q1 «Camahera! Camahera cirya cishagala cinênênè!
\q1 Nêci, wâni Babiloni, cishagala ciri-misî!
\q1 Kàli olwâwe omu nsâ nguma lutwîrwe!»
\b
\p
\v 11 N’abarhunzi b’igulu bâmulakira banamubandire endûlù, bulya oburhunzi bwâbo ntâye wacibagulirabwo: 
\v 12 amârho gayunjwîre masholo n’ensaranga, amabuye g’engulo ndârhi n’amagerha, emyambalo y’ecitâni n’eshushire omukò, eya swâ n’ey’akaduku; oburhunzi bw’emirhi y’obukù n’obw’ebirugu bibinje omu mahembe n’omu mirhi y’engulo ndârhi, ebirugu by’emiringa n’eby’ecûma n’eby’amabuye galabuka; 
\v 13 oburhunzi bw’ecinamomo n’amomo\f + \fr 18, 13 \fr*\ft «Ecinamomo» na «amomo» zibà mburho basîmira akisûnunu kâzo kinjà kinjà.\ft*\f*, obw’omugavu n’obukù n’enshangi, obw’idivayi n’amavurha, obw’enshâno, n’obw’enkafu n’ebibuzi, obw’ebiterusi n’engâlè, obw’abajà n’abantu… 
\v 14 «Weki amalehe omurhima gwâwe gwakazâg’icîfinja gacigendîrage, gakuyâka; bulya buhirhi bwoshi na bulya bulimbi orhakacifà wabubwîne, bwahirigisire!» 
\v 15 Abarhunzi b’ebyôla, balya bamuyungukiragakwo, bâcîyegûla, bâgend’icîyimangira kulî erhi kuyôboha amababale gâge kurhuma, bamulakire banamushîbûke, mpu:
\b
\q1
\v 16 «Camahera! Camahera cirya cishagala cinênênè!
\q1 Alà erhi càbâga ciyambîrhe emishangi y’ecitâni
\q1 n’eshushire omukò n’ey’akaduku!
\q1 Erhi càbâga camayambala amasholo,
\q1 n’enjuma z’amabuye g’engulo ndârhi, n’amagerha!
\q1
\v 17 Kàli obwo buhirhi bwoshi nsâ nguma yône
\q1 bwasingonosire­mwo!»
\b
\p Ngasi mwerekeza na ngasi murhunzi ogera omu nyanja, abashâna na balya boshi bakola omu nyanja, bàcîyegûla, bàgend’icîyimangira erhali hôfi; 
\v 18 n’erhi babona omugî gw’eyo ngulumira y’omuliro, bàkâyakûza n’okuderha, mpu: «Cindi cishagala cibî càli ak’ecishagala cinênênè wâni?» 
\v 19 Banaciyanka oluvù, bàcîheba oku irhwe\f + \fr 18, 19 \fr*\ft Okucîheba oluvù oku irhwe ciri cimanyîso ca burhè n’obucîyunjuze. \ft*\f*, bàkâyakûza banali omu mulenge n’emishîbo, mpu:
\b
\q1 «Camahera! Camahera cirya cishagala cinênênè!
\q1 Ngasi bajira amârho omu nyanja buhirhi bwâco bwabagazagya
\q1 na nsâ nguma yône cibêriremwo mushaka!»
\q1
\v 20 Simagi n’okwôla abîre, mwe malunga;
\q1 ninyu mwe bimâna, mwe ntumwa n’abalêbi, kwo na kwo;
\q1 kulya kubà ene Nyamuzinda amuyâza ammuyêzize\f + \fr 18, 20 \fr*\ft Nyamuzinda acîhôlire abemêzi bâge omu kuhana Babiloni.\ft*\f*.
\b
\p
\v 21 Okubundi Malahika muguma muzibuzibu alengeza ibuye liri nka lwanjikwa lunene, alijugucira omu nyanja, erhi: «Kwa bene oku Babiloni naye, mpu co cishagala cinênênè, ajugucirwa, arhakanacifà abonesire bundi.» 
\v 22 Izù ly’abà­zihi b’ennanga n’ery’abimbiza, ery’abazihi b’orhurhêra n’ery’abalenga b’oku­bûha omu mushekera, lirhakacifà lyayumvikînemwo bundi; ntà mango wanacibonekemwo omulenga oyîsh’ikola bushanja bulebe, na ntà lusiku wanacifè wayumvikînemwo olwanjikwa; 
\v 23 ntà mango wacifè wamolekîrwe n’obulangashane bw’akamole; izù ly’omuhya-mulune n’ery’omuhya lirhakacikuyumvikanamwo bundi, bulya abakulu b’en’igulu bo bâli barhunzi bâwe, n’obukurungu bwâwe bwarhebire amashanja goshi. 
\v 24 Ye banashanzire alimwo omukò gw’abalêbi, n’ogw’abimâna, n’ogwa ngasi boshi bananigîrwe omu igulu.
\c 19
\s1 Irenge lya Nyamuzinda lyayimbwa emalunga
\p
\v 1 Aha nyuma ly’okwo, nayumva eliri nk’izù linene lya bantu mwandu ba­dwîrhe bayâkûza emalunga, mpu:
\b
\q1 «Aleluya!\f + \fr 19, 1 \fr*\ft Aleluya: omu ciyahudi: «hallelu-Yah» kuli kuderha: «Muhè Nyamuzinda irenge.»\ft*\f*
\q1 Obucire n’irenge n’obuhashe binali bya Nnawîrhu Nyamuzinda,
\q1
\v 2 bulya oku adesire erhi kwo binali, erhi kunashingânîne;
\q1 ye watwâga olubanja lw’olya mukazi w’ecishungu
\q1 washerêzagya igulu n’okuhusha kwâge,
\q1 anacîbuka omungo gw’omukò gwa bambali bâge».
\b
\p
\v 3 Bashub’iyisha, mpu:
\b
\q1 «Aleluya!
\q1 Omugî gwâge gudwîrhe gwasôkera enyanya
\q1 kuhika ensiku n’amango!»
\b
\p
\v 4 Balya Bagula oku banali makumi abiri na bâni na zirya Nsimba ini bahwêra oku idaho, baharâmya Nyamuzinda otamîre oku ntebe, mpu:
\b
\q1 «Nêci, Amen! Aleluya!»
\b
\p
\v 5 Okubundi izù lyapamuka omu ntebe, lyayisha, mpu:
\b
\q1 «Mukuze Nnawîrhu Nyamuzinda,
\q1 mwe bambali mweshi,
\q1 ninyu mwe mumurhînya,
\q1 abarho n’abakulu».
\b
\p
\v 6 Nashub’iyumva eliri nk’izù lya bantu mwandu n’eliri nka nshalalo ya mîshi manji, n’eliri nka mukungulo gwa milazô, lyayisha, mpu:
\b
\q1 «Aleluya!
\q1 Nêci, ye yîmire Nyakasane,
\q1 Nnawîrhu Nyamuzinda,
\q1 Nn’amahanga goshi.
\q1
\v 7 Rhusîme, rhucîshinge, rhunamuhè irenge,
\q1 kulya kubà olusiku lw’obuhya\f + \fr 19, 7 \fr*\ft Obuhya bw’Omwâna-buzi: bulya bwa Mwâmi Yezu bo n’Ekleziya yâge, ye muhya wâge.\ft*\f* bw’Omwâna-buzi lwamayisha,
\q1 n’Omuhya wâge akola acîrheganyize;
\q1
\v 8 bamuhîre mpu ayambale omwambalo
\q1 mwinjinjà gw’ecitâni c’akêru,
\q1 n’ogwo mwambalo gw’ecitâni
\q1 byo birigi bijiro binjà by’abashinganyanya».
\b
\p
\v 9 Malahika anacimbwîra, erhi: «Yandika: Iragi lyâbo abahamagîrwe mpu baj’irya oku buhya bw’Omwâna-buzi!» Ashub’imbwîra, erhi: «Ebyo binwa biri bya Nyamuzinda, birhali bya bunywesi». 
\v 10 Nanacicîkwêba aha magulu gâge obwo, nti muharâmye; ci ambwîra, erhi: «Omanye wankajira ntyo! Nâni ndi mushizi akâwe n’aka bene winyu bagwêrhe obuhamîrizi bwa Yezu. Oharâmye Nyamuzinda erhi ye. Bulya obuhamîrizi bwa Yezu buli mûka gwa bulêbi».
\s1 Yezu ye himîne
\p
\v 11 Okuhandi nalangîra amalunga gali mîgule, nabona n’eciterusi c’akêru, Owali ocitamîrekwo ye «Mudarhebana», ye na «Mutabêsha», arhanalyâlyanya nk’atwa olubanja na nk’alwa entambala. 
\v 12 Amasù gâge ngulumira ya muliro, n’irhwe lyâge lirikwo mashungwè manjimanji, izîno lyâge liri liyandike, ci ntâye oliyishi aha nyuma lyâge yêne. 
\v 13 Ali ayambîrhe ecirondo cijomire n’omukò, n’izîno lyâge ye Luderho lwa Nyamuzinda. 
\v 14 Emirhwe y’abalwî b’omu malunga erhi emukunjusirekwo, n’erhi bashonyire oku biterusi byêru, banayambîrhe emyambalo myêru kwêru y’ecitâni. 
\v 15 Akanwa kâge erhi kadwîrhe ka­ nyonyokamwo engôrho ya môji abiri mpu ayirhimbe abapagani. Yêne ye wabayabula n’ehirhi hy’ecûma, ye wanakanda omukenzi gw’erivayi ly’obukunizi bwa Nyamuzinda Nn’amahanga goshi. 
\v 16 Ecirondo câge n’olurhungu lwâge biyandisirwekwo er’izîno, mpu: \qt «Mwâmi w’abâmi na Nyakasane wa Ba­nyakasane.»\qt*
\p
\v 17 Okubundi nanacibona Malahika ayîmanzire omu izûba; ayâkûza n’izù linene, abwîra ebinyunyi byàli bidwîrhe byabalala omu nkuba-karhî, erhi:
\b
\q1 «Muyishe, mulundumane oku idinie lya Nyamuzinda!
\q1
\v 18 Mulye eminyafu y’a­bâmi n’ey’abarhambo,
\q1 n’ey’entwâli, ey’ebiterusi n’ey’abalwî babirikwo,
\q1 eminyafu ya boshi, eya bantagengwa
\q1 n’ey’abajà, ey’abarho n’ey’abakulu!»
\b
\p
\v 19 Obwo nanacibona cirya ciryanyi boshi n’abâmi b’igulu haguma n’engabo zâbo, erhi balundumîne mpu baj’ilwîsa olya wali otamîre oku citerusi bo n’engabo yâge. 
\v 20 Lêro cirya ciryanyi cagwârhwa, cagwârhirwa haguma na liryâla irumbi mpu mulêbi lyakazâg’icîjirira ebisômerîne. Ebyo bisômerîne byo akâg’irhebamwo ngasi balya boshi bâli bahebirwekwo ecimanyîso c’eco ciryanyi banagashâniza enshusho yaco. Bombi oku banali babirhi babakwêba omu cîna citwanyirwe­mwo omuliro gw’ecibiriti banacizîne. 
\v 21 Abandi boshi banigwa n’engôrho y’olyâla otamîre oku citerusi, erya ngôrho yamunyonyôkaga ekanwa; n’ebinyunyi byoshi byayigurha eminyafu yâbo.
\c 20
\s1 Obwâmi bwa myâka cihumbi
\p
\v 1 Nanacibona Malahika amanuka emalunga, erhi afumbasire olwigulo lw’erya nyenga, n’obudagulè bunênênè omu nfune zâge. 
\v 2 Anacigwârha olya wankuba-joka, olya wanjoka wa mîra, yo erigi Ndyâlya, Shetani, amushwêka myâka cihumbi\f + \fr 20, 2 \fr*\ft Kwo kuderha myâka minji.\ft*\f*. 
\v 3 Anacimurhogeza omu nyenga, ayihamika anayizirika anamuli, mpu lyo irhondo arhacifâga arhebire abantu, kuhika myâka cihumbi ecìkônye. Enyuma ly’eyo myâka, kukwânîne alîkwe hisanzi hitya. 
\v 4 Nabo­na n’entebe, n’abàli bazitamîrekwo bahâbwa obuhashe b’okutwa olubanja. Nabona n’emyûka ya balya batûbagwa amarhwe erhi buhamîrizi bwa Yezu n’akanwa ka Nyamuzinda birhuma, na ngasi boshi babulaga bwagashâniza olya w’eciryanyi n’enshusho yâge banabula bwahebwa ecimanyîso câge emalanga n’omu nfune. Banacishubiramwo omûka, bayîma haguma na Kristu myâka cihumbi\f + \fr 20, 4 \fr*\ft eci cihumbi: Kurhenga abâmi b’e Roma bahà Ekleziya omurhûla kuhika okuyûrha kw’igulu n’olubanja luzinda.\ft*\f*. 
\v 5 Abandi bàfîre bôhe barhashubiragamwo omûka n’eyo myâka cihumbi erhacigera. Kwo kufûka kurhanzi okwo. 
\v 6 Owashangîra obwôla bufûke burhanzi erhi ali w’iragi erhi ali na mwimâna! Abôla olufù lwa kabiri\f + \fr 20, 6 \fr*\ft Olufù lwa kabiri: Omuliro gw’ensiku n’amango: Lolà \+xt 20, 14\+xt*.\ft*\f* lurhankabajira kurhi, ci bayish’ibà badâhwa ba Nyamuzinda na ba Kristu, banayish’iyîma bo naye myâka cihumbi.
\s1 Shetani ahimwa lwoshi
\p
\v 7 Eyo myâka cihumbi hano ebà yamâcîkônya, Shetani analîkwa arhenge omu mpamikwa yâge, 
\v 8 agend’ishumika amashanja gabà oku marhwêrhwè anni g’igulu, Gogi na Magogi\f + \fr 20, 8 \fr*\ft \+xt Eze 7, 2; 38, 2\+xt*.\ft*\f*, ajè abashûbûza mpu bajè oku bîrha. Kwo bali banji ak’omushenyi gw’omu nyanja. 
\v 9 Banacisôkera omu cihugo coshi, bagorha olugerêro lw’abimâna na cirya cishagala cirhona bwenêne\f + \fr 20, 9 \fr*\ft ecishagala cirhona bwenêne ye Yeruzalemu, lwo lwîganyo lw’Ekleziya.\ft*\f*; ci omuliro gwamanuka emalunga, gwabasingônola. 
\v 10 Naye Shetani, erya Ndyâlya yakazâg’ibashumika, àjugucirwa omu cîna c’omuliro n’ecibiriti, ashangamwo olya w’eciryanyi bo na liryâla irumbi mpu mulêbi. Omwôla mwo bayôrha balibukira bwacà bwayira omu myâka n’emyâka.
\s1 Olubanja luzinda
\p
\v 11 Okubundi nanacibona entebe nnene nyêru-nyêru, n’owali oyitamîrekwo. Amalunga bo n’igulu, erhi bamurhimbakwo amasù, bayâka, na ntâye wacimanyire aha bagerîre. 
\v 12 Obwo nanacibona abàfîre, abakulu n’abarho, erhi bayimanzire embere z’entebe. Ebitabu\f + \fr 20, 12 \fr*\ft Ebitabu biyandisirwemwo ebijiro by’abantu boshi.\ft*\f* byàbungûlwa; babungûla n’ecindi citabu, co citabu c’obuzîne. Abàfire banacitwîrwa olubanja, ngasi muguma nka kulya ebijiro byâge binakwânîne, nk’oku ebitabu byànali bidesire. 
\v 13 Enyanja yalêrha abafù bayirimwo, Walufù n’Okuzimu balîka abafù bâbo, na ngasi muguma atwîrwa olubanja nk’oku ebijiro byâge byànali bikwânîne, 
\v 14 Okuhandi Walufù n’Okuzimu bakwêbwa omu cîna c’omuliro. Eco cîna c’omuliro lwo lufù lwa kabiri olwo. 
\v 15 Na ngasi yêshi orhàli muyandike omu citabu c’obuzîne, bâmukwêba omu Cîna n’omuliro.
\c 21
\p
\v 1 Okubundi nanacibona \qt amalunga mahyâhya n’igulu lihyâhya\qt*, bulya amalunga marhanzi n’igulu lirhanzi byahirigisire, n’enyanja ntâyo ecihali. 
\v 2 Nabona Ecishagala citagatîfu, Yeruzalemu muhyâhya, camanuka emalunga, emwa Nyamuzinda, erhi ciyambîrhe nka muhya odwîrhe alinga îba. 
\v 3 Nayumva n’izù linene lyarhenga ebwa ntebe, lyaderha, erhi: «Alagi ecirâlo ca Nyamuzinda bo n’abantu: akolaga ahanda haguma nabo, babè lubaga lwâge, naye Nyamuzinda yêne abè haguma nabo\f + \fr 21, 3 \fr*\ft Endagâno mpyâhya y’ensiku n’amango: \+xt Yer 31, 31-34\+xt*; cirâlo ca nyamuzinda haguma n’abantu \+xt Eze 37, 24-28; Ywn 1, 14\+xt*: «Luderho acijizîre muntu anabêra muli rhwe.»\ft*\f*». 
\v 4 \qt Ahôrhola ngasi mulenge gubali omu masù: olufù ntâlwo lwacihabè; emishîbo n’endûlù n’amababale birhakacihabà bundi; bulya okwàli burhanzi kwahwîre\qt*.
\p
\v 5 Okuhandi olya wali otamîre oku ntebe aderha, erhi: «Loli oku byoshi namabijira bihyâhya». Ashubirira, erhi: «Yandika oku ebi binwa birhali bya bunywesi, biri by’okuli». 
\v 6 Ashub’imbwîra, erhi: «Hoshi aho! Nie Alfa, nie na Omega, nie Murhondêro, nie na Buzinda. Ogwêrhwe n’enyôrha namuhà oku iriba ly’amîshi g’obuzîne, buzira ngulo. 
\v 7 Owâhime, omwanya gwâge gw’ogu: namubêra Nyamuzinda, naye abè mugala wâni. 
\v 8 Nabo abwôba, ababula­buyêmêre, abarhankakwirirwa, ebishumûsi n’abahushi, abalozi n’abagashâniza ebiremwa, na ngasi babêshi boshi, ogwâbo mwanya omu cîna c’engulumira y’omuliro n’ey’ecibiriti guli: olwo lwo lufù lwa kabiri».
\p
\v 9 Okubundi Malahika muguma muli balyâla nda bâli bagwêrhe rhulya rhubêhè nda rhuyunjwîre mahanya nda ayisha, anganîza, ambwîra, erhi: «Yisha nkuyêreke Omuhya, omugoli w’Omwâna-buzi». 
\v 10 Anacingurumana, andengereza oku ntondo ndîrî nnênênè, anyêreka Ecishagala citagatîfu, Yeruzalemu, erhi camanuka emalunga, emwa Nyamuzinda, 
\v 11 n’erhi ciyunjwîre irenge lya Nyamuzinda. Càli cidwîrhe calangashana nk’ibuye lya ngulo ndârhi, ak’e­njuma ya yaspidi, yo egeramwo amasù. 
\v 12 Ecôgo c’eco cishagala ciri cinênênè na cirîrî; cigwêrhe mihango ikumi n’ibiri, n’eyo mihango erhi erimwo Bamalahika ikumi na babiri; amazîno gàli gayandisirwe kuli eyo mihango, galyâla mazîno ikumi n’abiri g’amûko ga bene-Israheli\f + \fr 21, 12 \fr*\ft Amûko ikumi n’abiri ga Bene-Israheli: lolà \+xt Maf 7, 5-8\+xt*.\ft*\f*. 
\v 13 Ebushoshôkero bw’izûba, mihango isharhu; emwênè, mihango isharhu; emukondwè, mihango isharhu; ebuzikiro, mihango isharhu. 
\v 14 Ecôgo c’olwo lugo cidêkerîre kuli mabuye ikumi n’abiri, na kuli ago mabuye kuli amazîno ikumi n’abiri g’entumwa ikumi n’ibiri z’Omwâna-buzi.
\p
\v 15 Owakâg’inganîza àli afumbasire olusheke lw’amasholo, mpu ageremwo ecishagala, n’emihango yaco n’ecôgo. 
\v 16 Eco cishagala enyunda zâco oku ziri ini ziyumânîne: obulî bwâco buyumânîne n’obugali bwâco. Anacigera ecishagala na lulya lusheke: ashanga ciri ca stadi bihumbi ikumi na bibiri. Obulî bwâco n’obugali n’oburherema bwâco biyumânîne. 
\v 17 Agera n’ecôgo: ashanga gali makoro igana na makumi anni n’anni -Lugero lwa bantu olwo Malahika ageragamwo.- 
\v 18 Eco côgo càli ciyûbake n’amabuye ga yaspidi, n’olugo lwàli lwa masholo gône-gône, gashushire n’enshangabuye yageramwo amasù. 
\v 19 Amabuye ecôgo c’olwo lugo càli cidêkerirekwo gàli minjinjà na ga ngulo ndârhi: ibuye lirhanzi lyàli lya yaspidi; elya kabiri lyàli lya zafiri; elya kasharhu lyàli lya kaledoni; elya kani lyàli lya sumarado; 
\v 20 Elya karhanu lyàli lya sadonidi; elya kali-ndarhu lyàli lya sadiyo; elya kali-nda lyàli lya krizoliti; elya kali-munâni lyàli lya berulo; elya kali-mwenda lyàli lya topazi; elya kali-ikumi lyàli lya krizoprazi; elya kali-ikumi na liguma lyàli lya byasinti; elya kali-ikumi na kabiri lyàli ly’ametusta. 
\v 21 Nazo enyumvi ikumi n’ibiri gàli magerha ikumi n’abiri, na ngasi lumvi lwàli lw’igerha lyâgolyâgo. Engo y’eco cishagala yali ya masholo gône-gône gakazàg’igeramwo amasù nka nshangabuye. 
\v 22 Ntabonaga muli aka-Nyamuzinda; bulya Nyakasane, Nyamuzinda Nn’amahanga goshi bo n’Omwâna-buzi, ko na ka-Nyamuzinda kamwo. 
\v 23 Eco cishagala ntabulagîrire bw’izûba nîsi erhi bw’omwêzi byacimolekera, bulya irenge lya Nyamuzinda bwo bulangashane bwâco, n’Omwâna-buzi ko kamole kâco. 
\v 24 Amashanja gayish’ilambagira omu bulangashane bwâco, n’abâmi b’igulu bayish’ilerhamwo obuhirhi bwâbo. 
\v 25 Enyumvi zâco zirhakayigalwa mûshi, -bulyâla ntà budufu bwâbamwo. 
\v 26 Mwo bakaz’iyish’ihikiza obuhirhi n’obukuze bw’amashanja. 
\v 27 Murhakajà cihemusire, murhakalabarha muntu okola ebibî erhi oderha obu­nywesi, ci balya bayandisirwe omu citabu c’obuzîne c’Omwâna-buzi bônene.
\c 22
\p
\v 1 Okubundi anacinyêreka olwîshi lulimwo amîshi g’obuzîne, erhi lushôngwîre lunadwîrhe lwageramwo amasù nka nshangabuye; mwo lwakazâg’irhenga omu ntebe ya Nyamuzinda n’Omwâna-buzi. 
\v 2 Omu kâgarhî k’engo, omu mabunda g’olwîshi gombi, muli emirhi y’obuzîne eyânakwo amalehe kal’ikumi na kabiri, ngasi mwêzi na malehe. Ebyâsi by’eyo mirhi biri bya kukaz’ibuka abapagani. 
\v 3 Ntà kucihehêrera bundi. Entebe ya Nyamuzinda n’Omwâna-buzi yânagwîkwe muli eco cishagala, na bambali ba Nyamuzinda bakâmuharâmya; 
\v 4 banabone obusù bwâge, n’izîno lyâge libajè emalanga. 
\v 5 Obudufu ntâbwo bwacihabè, na ntà bulagîrire bacîbone bw’obulangashane bw’akamole nîsi erhi bw’izûba, bulya Nyakasane Nyamuzinda ye wayish’ikabamolekera, banayish’iyîma omu myâka n’emyâka.
\p
\v 6 Anacishub’imbwîra, erhi: «Ebi binwa birhali bya bunywesi, biri by’okuli; Nyakasane Nyamuzinda okaz’ibwîriza abalêbi ye warhumaga Malahika wâge mpu ayêreke abambali ebiri hôfi h’okubà. 
\v 7 Nêci, nie oyo nyishire, ndi bûhena! Iragi lyâge owalanga ebinwa by’obulêbi biri muli eci citabu!» 
\v 8 Niene Yowane, nie nayumvagya nanabona okwo. Erhi mbà namâyumva namanabona, nacîkwêba aha magulu g’olya Malahika wanyêrekaga ebyo nti muharâmye. 
\v 9 Ci a­mbwîra, erhi; «Omanye wankajira ntyo! Nâni ndi mushizi akâwe, n’aka bene winyu b’abalêbi, n’aka balya boshi balanga ebinwa by’obulêbi buli muli eci citabu. Oharâmye Nyamuzinda erhi ye».
\p
\v 10 Ashub’imbwîra, erhi: «Omanye wankahamika ebinwa by’obulêbi bw’eci citabu; bulya amango gakola gali hôfi. 
\v 11 “Olyâlyanya ashub’ikâlyâlyanya, n’ohemusire ashub’ikâhemuka; oli mushinganyanya ashub’ikâshinganyanya, n’omwimâna ashub’ikâjira ebimâna.” 
\v 12 “Nêci, nioyo nyishire, ndi bûhena! Ndwîrhe oluhembo nahembamwo ngasi muguma nk'oku ebijiro byâge binashingânîne.” 
\v 13 “Nie Alfa, nie na Omega; nie Murhanzi, nie na Muzinda; nie Murhò­ndêro, nie na Buzinda\f + \fr 22, 13 \fr*\ft Omuntu, ciru byankabà kurhi, arhankahanza Nyamuzinda okuyunjuza emihigo yâge.\ft*\f*.”» 
\v 14 «Iragi lyâbo abashuka emyambalo yâbo, lyo balya oku murhi gw’obuzîne, bahîrwe oluhyà, banagerere omu mihango, bajè omu lugo. 
\v 15 “Embuga orhubwa, abalozi, abahushi, ebishumûsi, abagashâniza ebiremwa, na ngasi basîma okubêsha!”»
\ms1 III. Ishwinjiro ly'ebinwa
\p
\v 16 Niene Yezu nie narhumaga Malahika wâni nti ammubwîre ebyo binwa biyêrekîre ezo Ekleziya. Niono ndi muzî ndi na bûko bwa Daudi; nie nyenyêzi y’esêzi yalangashana. 
\v 17 Mûka n’Omuhya\f + \fr 22, 17 \fr*\ft Ekleziya ye Muhya wa Kristu.\ft*\f* bàdesire, mpu: «Yisha!» Oyumvîrhe naye aderhe, erhi: «Yisha!» N’oli nyôrha ayishe, n’olonzize ayanke amîshi g’obuzîne buzira kugagula. 
\v 18 Nâni mbwîzirage ngasi yêshi oyumvîrhe ebinwa by’obulêbi buli muli eci citabu, nti owabiyûshûlakwo ebindi, Nyamuzinda anamuhalûlirakwo amahanya gayandisirwe muli eci citabu. 
\v 19 N’owatwa oku binwa biri muli eci citabu c’obulêbi, Nyamuzinda anamutwa ogwâge mwanya gw’oku murhi gw’obuzîne n’ogw’omu Cishagala citagatîfu biyandisirwe muli eci Citabu. 
\v 20 Omuhamîrizi w’ebi binwa adesire, erhi: «Nêci, nyishire, ndi bûhena!» Nêci mâshi! Oyîshe, Yâgirwa Yezu! 
\v 21 Enshôkano ya Nyakasane Yezu ebè ninyu mweshi! Amen!