\id PHM FLM - Bible en mashi du Congo
\ide UTF-8
\toc3 Flm
\toc2 Filemoni
\toc1 AMARUBA EMWA FILEMONI
\h MARUBA EMWA FILEMONI
\mt1 AMARUBA EMWA FILEMONI
\imt1 Enshokolezi oku maruba emwa Filemoni
\ip Oyo mulume mushigwa Filemoni aligwêrhe omujà, ye wali Onezimo. Filemoni abatizibwa ahinduka mukristu. Omujà ayâka Nnawâbo n’obwo okwo kwàli kucîhira omu kâga. Lêro erhi acirhigâna Paolo, Onezimo ayêmêra Yezu anabatizibwa. Bulya Paolo akengaga obubatizo burhujira bantu bahyâhya, agerêreza erhi: «Oyu wali mujà akola mwene wîrhu erhi bubatizo burhuma; kandi akola mwene wâbo Filemoni na ntyo Filemoni naye ali mwene wîrhu.» Nkaba akengêra birya ayandikiraga Abagalasiya (3, 27-29), halya adesire oku ababatizibwe barhacirimwo kabôlo ekarhî K’Omuyahudi n’Omugereki, kwo kuderha orhali Muyahudi, ntagengwa n’omujà, omulume n’omukazi. Go mango ayandikire Filemoni aga maruba. Mofi ci galimwo emyanzi.
\c 1
\s1 Omusingo
\p
\v 1 Paolo, mubohe wa Kristu Yezu, na mwene wîrhu Timoteyo, kuli Filemoni, murhabâzi wîrhu muzigirwa, 
\v 2 na mwâli wîrhu Afiya\f + \fr 1, 2 \fr*\ft Afiya: Nkaba mukà Filemoni oyo. \ft*\f*, n’owîrhu rhulwa entambala rhweshi naye, Arkipo\f + \fr 1, 2 \fr*\ft Arkipo: Nkaba mugala wa Filemoni.\ft*\f*, haguma n’endêko y’abemêzi babugânana aha mwâwe: 
\v 3 enshôkano n’obuholo bimmugabirwe na Larha Nyamuzinda na Nyakasane Yezu Kristu!
\s1 Paolo avuga omunkwa
\p
\v 4 Ntahusa kuvuga Nyamuzinda wâni omunkwa nka nakukengêra omu nsengero zâni, 
\v 5 bulya nankâyumva baderha obuzigire n’obuyêmêre bwâwe kuli Nyakasane Yezu n’oku batagatîfu boshi. 
\v 6 Owabona ecinyabuguma c’obuyêmêre bwâwe ciyôrha cikanyire cinakurhabâle okumanya aminjà goshi rhwankahash’ijira erhi Kristu orhuma! 
\v 7 Nêci okuli, mwene wîrhu, nsîmire bwenêne nanayumva oburhûlirize erhi buzigire bwâwe burhuma, bulya warhulirîze emirhima y’abatagatîfu.
\s1 Paolo alagira Onezimo
\p
\v 8 Co cirhumire, ciru akabà ngwêrhe obuhashe muli Kristu bw’okukurhegeka ebi okwânîne okujira, 
\v 9 nnonzize nkuyinginge erhi kwo erhi buzigire burhuma. Nie Paolo, olya mushosi Paolo, oli buno mubohe wa Kristu Yezu! 
\v 10 Nsengerîre mugala wâni naburhiraga omu mpamikwa\f + \fr 1, 10 \fr*\ft Naburhiraga omu mpamikwa: Erhi Paolo amyigîriza Onezimo enjira y’obuyêmêre, amuburha iroho.\ft*\f*, oyûla Onezimo. 
\v 11 Mîra ntâco akukwânîne, ci lêro bunôla akola âkukwânana bwenêne, ana­nkwânine nâni. 
\v 12 Y’oyo nkurhumîre; ye murhima gwâni. 
\v 13 Nankasîmire mmuyôrhane, nti antabâle ahâli hâwe muno nkoba ndimwo erhi Myanzi y’Akalembe erhuma; 
\v 14 ci naderha nti ntankajira akantu ntanakudôsizi, nti lyo orhasêzibwa okujira ecinjà, ci ocikole oku bulonza bwâwe. 
\v 15 Nkaba Onezimo arhanzir’ikubunga mango masungunu mpu muyish’ibêra naye ensiku n’amango, 
\v 16 ci arhaciri nka mujà wâwe, ci kulusha omujà: nka mwene winyu muzigirwa. Ali ye lwoshi lwoshi kuli nie; kanga kulusha abà ye kuli we oku mubiri na muli Nyakasane! 
\v 17 Lêro akabà oyêmîre oku rhuyinjibana rhwembi, omuyankirire nk’oku wankanyankirira. 
\v 18 N’akabà akujirîre kubî, nîsi erhi akabà akubà omu mwenda, abage erhi nie oyîsh’idôsa. 
\v 19 Niene Paolo nkuyandikîre n’okuboko kwâni: nie nâkulyûle. Ntanarhama nakubwîra oku nâwe ondi omu mwenda, n’ogwo mwenda oli w’oyo wênene. 
\v 20 Nêci, mwene wîrhu, onjirire okwo muli Nyakasane! Orhûlirize omurhima gwâni muli Kristu! 
\v 21 Nkuyandikîre n’obulangalire nti wanyumva, nnamanyire oku wajira ciru n’ebilushire ebi mpûnyire.
\s1 Akanwa kazinda, omusingo n’obwangà
\p
\v 22 Onteganyize n’ecirâlo, bulya ndangâlîre nti n’oburhabâle bw’ensengero zinyu nammugalulirwa. 
\v 23 Epafra rhubà rhweshi babohe muli Kristu Yezu akulamusize, 
\v 24 bo na Marko, Aristarko, Dema, na Luka, bo barhabâzi bâni. 
\v 25 Enshôkano ya Nyakasane Yezu Kristu ebêre omu mirhima yinyu.