\id OBA ABU - Bible en mashi du Congo
\usfm 3.0
\ide UTF-8
\toc3 Abu
\toc2 Abudiya
\toc1 ABUDIYA, OVADIYA
\h Abudiya
\mt1 ABUDIYA, OVADIYA
\imt1 Enshokolezi
\ip Ecitabu ca Abudiya co cisungunu bwenêne omu bitabu by’abalêbi. Obulêbi bwa Abudiya bwabire omu njira ibirhi: okuhanwa kwa Edomu n’olusiku lwa Nyamubâho, lusiku Israheli acîhôla kuli Edomu.
\ip Edomu alinda oku Yeruzalemu ashâbûka lyo arhêra Yûda, lyo arhôla ebirugu n’obugale bw’ecihugo. Ntyo rhwanahashiderha oku eci citabu cayandikagwa amango Yeruzalemu akagilibuzibwa na Edomu.
\iot EBIRIMWO
\io1 1. Okuhanwa kwa Edomu: mulongo \ior 1-18\ior*
\io1 2. Obukuze bwa Israheli: mulongo \ior 19-21\ior*
\c 1
\s1 Izîno ly’ecitabu
\p
\v 1 Okubonekerwa kwa Abudiya e Edomu. Nayumvîrhe akanwa ka Nyakasane, omuganda alirhumire omu mashanja, erhi: «Kanya oku ntondo, rhugeze olu lubaga mwo omusisi».
\s1 Akanwa kuli Edomu
\p Ntya kwo Nyakasane adesire: 
\v 2 «K’obwîne oku nakujizire munyi omu mashanja, wangayire bwenêne!\f + \fr 1, 2 \fr*\ft Olole obulêbi bwa Yeremiya: \+xt 49, 7-22|link-href="JER 49:7-22"\+xt*.\ft*\f* 
\v 3 “Obucîbone bwâwe bwakurhebire, we bà omu lwâla, we jira amalunga cirâlo câwe, we derhera emurhima, erhi: Lêro ndi wakampira oku idaho?” 
\v 4 “Amango wakaderha mpu wazukiriza nka nyunda, erhi amango wakaderha mpu wahira ecirâlo câwe emalunga, nanakumanulayo, kwo Nyakasane adesire”».
\s1 Okuherêrekezibwa kwa Edomu
\p
\v 5 Erhi ebisbambo byankakuyishira, nîsi erhi ababisha bankakurhêra budufu, ka barhankakunyaga ebi banalonzize? Nîsi kandi erhi abahumbûza b’emizâbîbu bankakuhikira omu lukoma lwâwe, ka bankakulekera­ mwo ebirhali bihadu bisungunu byônene?
\p Oku bakunyazirage wâni! 
\v 6 Oku Ezau bamushokwîrage ebyâge byoshi! 
\v 7 Abîra bâwe bakuyongolosire banakuyeshera omukanga, abamwahumiraga haguma badwîrhe bakuhurana, mpu: «Arhacigwêrhi nda na mugongo!\f + \fr 1, 7 \fr*\ft Omulongo gwa 6 n’ogwa 7 erhuhugulire oku Edomu ashâbagwa kulusha olugero. Ebishambo byamulikwo birhamusigizagya ehibuka.\ft*\f*»
\p
\v 8 Ka muli ago mango ntâshokôle Edomu abagula\f + \fr 1, 8 \fr*\ft Omu mango ga mîra bwenêne, ecihugo c’e Edomu calijire irenge bwenêne bulya kubà càli­mwo bagula banji.\ft*\f* bâge n’abanya-bukengêre b’oku ntondo ya Ezau? Kwo Nyakasane adesire. 
\v 9 Temani we, entwâli zâwe zâgwârhwa n’omusisi, lyo ngasi muntu arhenga oku ntondo ya Ezau.
\s1 Obubî bwa Edomu
\p
\v 10 Enshombo wagwêrhe kuli mulumuna wâwe Yakôbo y’okumuniga, ebyo byoshi byâkubumba nshonyi onaherêrekere lwoshi. 
\v 11 Amango wali ocîyugwîre, olusiku ababisha bahêka ebyâge byoshi, amango abalalwe bàyikiriraga emwâge banayôca Yeruzalemu, nâwe kwo wali nka wa muli bo! 
\v 12 Orhacîshingaga amango obuhanya buli aha mwa mulumana wâwe! Orhashekeraga bene Yûda amango obuhanya bubayishire! Orhatwaga orhugani olusiku lubî! 
\v 13 Orhayikiriraga omu lubaga lwâni olusiku obuhanya buli omu nyumpa zâbo. Amango okabona obuhanya bubayishire, orhacîshingaga? 
\v 14 Orhabashokôlaga olusiku lw’obuhanya! Orhajagilingira abâyâka aha mashango g’enjira mpu obanige! Orhahânaga abacizîne olusiku lw’obuhanya! 
\v 15 Bulya olusiku Nyakasane\f + \fr 1, 15 \fr*\ft Olusiku lwa Nyakasane lwo lusiku Nnâmahanga atwîra amashanja olubanja, lwo lusiku luzinda lw’amashanja goshi g’en’igulu.\ft*\f* abâna amashanja luli hôfi; oku wajizire kwo nâwe wâjirirwe: ebijiro byâwe byâkugalukira! Orharhôlaga obuhirhi bwâbo amango bali omu malibuko.
\s1 Olusiku lwa Nyakasane, Israheli àcîhôla kuli Edomu
\p
\v 16 Nêci nka kulya wanywêrîre\f + \fr 1, 16 \fr*\ft Nka kulya wanywaga: kwo kuderha nka kulya wahanagwa.\ft*\f* oku ntondo yâni ntagatîfu, amashanja goshi gânywa buzira kurhamûka: bânywa banayîgurhe, banayôrha nk’oku barhasagiyôrha bundi! 
\v 17 Ci kwône oku ntondo ya Siyoni kwayishibà abàfumire, hayishibà hanlu hatagatîfu, n’enyumpa ya Yakôbo yâyishinyaga abàyinyazire! 
\v 18 Enyumpa ya Yakôbo gwâyishibà muliro, eya Yozefu yâyishibà ngulumira, eya Ezau, yâyishibà ya buligo. Ezo nyumpa zombi, eya Yakôbo n’eya Yozefu, zadûlika enyumpa ya Ezau muliro zinayisingônole, na ntâye warhengemwo! Nyakasane akudesire!
\s1 Ecihugo cihyâhya c’Israheli
\p
\v 19 Abantu b’e Negêbu, bânayanke entondo ya Ezau, ab’Emuhengere banayanke ishwa ly’Abafilistini, banayanke ecihugo ca Efrayimu n’eca Samâriya, na Benyamini ayanke ecihugo ca Galadi. 
\v 20 Abakage b’omu busô bw’abâna b’Israheli, bânayanke ecihugo ca Kanâni kuhika e Sarepta, n’abakage b’e Yeruzalemu bali e Sefaradi banayanke emirhundu y’e Negêbu. 
\v 21 Bânayinamuke nka ntwâli, oku ntondo ya Siyoni, mpu batwîre entondo ya Ezau olubanja, na Nyakasane âyishigandâza.