\id MIC MIK - Bible en mashi du Congo
\ide UTF-8
\toc3 Mik
\toc2 Mikeyo
\toc1 MIKEYO, MIKHA
\h Mikeyo
\mt1 MIKEYO, MIKHA
\imt1 Enshokolezi
\ip Omulêbi Mikeyo aburhiragwa omu cishagala ca Moresheti omu Yûda. Ali muhinzi na mungere akà Amosi.
\ip Mikeyo ayigîrizagya amango g’abâmi Yotamu, Akazi na Ezekiyasi, kwo kuderha kurhenga omu mwâka gwa 753 kuhika omu mwâka gwa 700 embere Yezu Kristu aburhwe. Muli ago mango abalêbi Hozeya na Izaya bajâga bayigîriza.
\ip Omukolo murhanzi ahâbagwa na Nyamuzinda gwàli gwa kumanyîsa abantu oku obuhanya bwayishibagwârha (\xt 2, 6-11; 3, 5-8\xt*). Nyamubâho atwîra olubaga lwamugayisagya olubanja. Lwakagiharâmya ensanamu, lwanali lwamaleka akalamo kw’obushinganyanya. Mikeyo akalihire bwenêne abagale banyaga abakenyi, abalî b’emyenda barhalonza kujuha, abarhunzi bakazizimba, emilala erhayumvanya, abadâhwa n’abalêbi balibuza bambali bâbo, abazuzi b’okugulwa. Ebyo byoshi birhaliganini n’ebi Nyamuzinda azigira. Alonza abantu babè bashinganyanya, babè n’omurhima gw’obuzigire banamushimbe n’obwîrhôhye.
\ip Nyamuzinda ayishitwîra olubaga lwâge olubanja n’okuluhana. Omulêbi Mikeyo amanyîsa oku Samâriya n’ebishagala by’ecihugo c’omu lubanda lw’idako ly’e Yeruzalemu bayishilibuzibwa. Yeruzalemu ayishibà cirundo ca bisigaliza.
\ip Cikwône Mikeyo ashubirilangaliza okucungulwa. Abayishisigala bayishicungulwa. Amanyîsa kandi oku omwâmi w’omurhûla ayishiburhirwa e Betelehemu. Oyo mwâmi ayishilisa olubaga oku buhashe bwa Nyakasane.
\iot EBIRIMWO
\io1 1. Israheli atwîrwa olubanja: cigabi \ior 1, 1—3, 12\ior*
\io1 2. Okulaganyibwa kwa Siyoni: cigabi \ior 4, 1—5, 14\ior*
\io1 3. Israheli acitwîrwa olubanja: cigabi \ior 6, 1—7, 7\ior*
\io1 4. Obulangâlire kuli Nnâmahanga: cigabi \ior 7, 8-20\ior*
\c 1
\p
\v 1 Aka kali kanwa ka Nyakasane kàyishiraga Mikeyo, muntu w’e Moresheti, omu nsiku za Yotamu, na Akazi, na Ezekiyasi\f + \fr 1, 1 \fr*\ft Ahaz na Hezekiyahu abo ecigereki n’enfarasè byahindwîre: Akazi na Ezekiyasi. Ntyo kwo ngasi lulimi luhindula amazîno g’emahanga, rhulole Les langues entre elles*. Endimi zisôma, http:/ /www.nyabangere.com (23.01.2021)\ft*\f*, bâmi b’e Yûda. Abonekerwa ebiyêrekîre Samâriya na Yeruzalemu.
\ms1 I. Olubanja lwa Israheli
\s1 Samâriya atwîrwa olubanja
\p
\v 2 Muyumvîrhize mwe lubaga. Nâwe w’lgulu n’ebikubamwo byoshi, rhega okurhwiri. Nyakasane Nyamuzinda yêne amubêra muhamîrizi, Nyakasane yênene kurhenga omu nyumpa yâge nyimâna. 
\v 3 Loli oku Nyamuzinda ayishire arhenga aha mwâge, ali bwandagala, alabarha amarhwerhwe g’igulu. 
\v 4 Entondo alabasirekwo zamâjonga, n’emmanda zamâboneka nka kula omuhomo gujonga n’omuliro, nka kula amîshi gahona oku mâla. 
\v 5 Bubî bwa Yakôbo burhumire ebyo byoshi byâbà, n’ebindi birhumire: mabî g’enyumpa y’Israheli. Obubî bwa Yakôbo bo buhi? K’arhali Samâriya? Ho ngahi aho marhwerhwè ga Yudeya? K’arhali Yeruzalemu? 
\v 6 Samâriya nâmujira nk’ishwa lya bigûkà, nka ngo ya kurhwêrwamwo emizâbîbu. Amabuye gâge nâgakwêba omu lubanda, ebiriba byâge mbisige bwerûle. 
\v 7 Ensalamu zâge zoshi zavungunyulwa, n’ensaranga ehembwa zoshi zasingônolwa n’omuliro; ensalamu zâge zoshi nâjira zisherêzibwe. Bulya e­nsaranga ahembwa omu bubaraga bwâge zo àzigulagamwo, zo zanashubibà luhembo lw’obubaraga bwâge.
\s1 Obuhanya bwarhogera kuli Yeruzalemu
\p
\v 8 Niono Mikeyo, nâlaka nandakûle, nâgenda buzira nkwêrho emagulu erhi nandi bushugunu, buzira mwambalo. Nâlaka nka nyambwe, nyâme nka nyunda. 
\v 9 Bulya ebibande bya Samâriya birhali bya kufuma. Byahisire ciru n’omu bihugo bya Yûda n’omu mihango ya Yeruzalemu. 
\v 10 Murhabimanyisagya e Gati. N’e Ako murharhozagya emirenge yinyu! E Bet-Leafra, mucivuruvunze omu katulo. 
\v 11 Geri mwe bantu b’e Shafiri erhi munali bushugunu munagwêrhwe n’e­nshonyi. Olubaga lw’e Saanâni lurhacihuluka omu cishagala. Emishîbo ya Beti-Eseli yâmmuyîma aha mwayâkira. 
\v 12 Abantu b’e Maroti badwîrhe bajugumira ebinja byâbo. Obuhanya Nyakasane arhumire bwahika oku muhango gwa Yeruzalemu. 
\v 13 Shwêkera eciterusi oku ngâlè z’ebîrha, we oyûbaka e Lakishi! (Go gwàli murhondêro gw’ecâha ca mwâli wa Siyoni, bulya we ôbà nshôko y’a­mabî g’Israheli.) 
\v 14 Co cirhumire okwânîne ohâne engulo kuli Moresheti-Gati. Enyumpa za Beti-Akzibu zâyish’iyabira abâmi b’Israheli. 
\v 15 Nâyish’ikulêrhera kandi omuhaguzi, we oyûbaka e Maresha! Obukuze bw’Israheli bwahika e Adulami\f + \fr 1, 15 \fr*\ft 10-15: Ecihugo Yûda cibwizirwe oku cahanwa erhi bunji bwa byâha byâco burhuma. Ciru cirhacirhamagya mpu calangâlira oburhabâle bw'ebihugo b’ihanga. Obuhane bwâco kuli kuhêkwa e mahanga.\ft*\f*. 
\v 16 Mucigugunyule emviri, mucîmôme omukungu, mwe bantu b’e Yeruzalemu, irhwe linyu libè luhala nka nyunda, mulakire abâna binyu bazigirwa, bulya bakola bahêkwa bujà kulî ninyu.
\c 2
\s1 Abakolêsa obukulu bwâbo kubî
\p
\v 1 Bali bahanya abalalira n’okuhiga ebibî oku ncingo zâbo, erhi buca sêzi babiyunjuze, bulya biri omu buhashe bw’amaboko gâbo. 
\v 2 Bacîfinje amashwa banaganyâge, banyâge enyumpa zicîbêre zâbo. Banarhambule omuntu n’enyumpa yâge, ciru n’omuntu n’akashambala kâge àyîmagamwo. 
\v 3 Co cirhumire Nyakasane akolaga adesire, erhi: «Yumvagi, ndâlîre okujirira eyi nyumpa kubî, muli okwo, murhâkulemwo amagosi ginyu, murhanagende n’obucîbone bulya gali mango mabî. 
\v 4 “Olwo lusiku mwatwîrwakwo omugani. Mwayimbirwakwo enkumbu, bâyishikâderha mpu: Mwanyazirwe lwoshi lwoshi. Ebirugu by’olubaga lwa Nyakasane bikola omu maboko g’abandi. Israheli bamuhivire omu ishwa lyâge, lidwîrhe lyagabirwa abapagani”. 
\v 5 “Co cirhumire omu ndêko ya Nyakasane harhacibè ciru n’omuntu muguma w’okulambulira omugozi oku cihimbi c’ebirugu bya Nyakasane”».
\s1 Omulêbi w’obuhanya
\p
\v 6 Murhalêbaga, kwo badwîrhe baderha. Barhalêbaga kwa bene okwo\f + \fr 2, 6 \fr*\ft Murhalêbaga: kwo kuderha oku Abayahudi barhacilonzìzî okuyumva ebinwa by’okubarhemula omulêbi ali ababwîra. Barhacilonzizi bayêmêre ebinwa bya mwêne ebyo.\ft*\f*! E­nshonyi zirhârhugwârhe. 
\v 7 K’enyumpa ya Yakôbo yahehêrîrwe? Ka Nyamuzinda arhacibà bushiru b’okulinda? Ka ntyôla yo ebà nkomêdu y’ebijiro byâge? 
\v 8 Mwe muli mwayimanga nka bashombayi b’olubaga lwâni. Orhalikwo bubî buci mudwîrhe mwamunyaga ecirondo. N’odesire mpu arhûlwîre, mudwîrhe mwamuhondakwo obuhanya bw’ebîrha. 
\v 9 Mwakûzire bambali-kazi bâni omu mwabâbwe; abâna bâbo barhò mwabakûlakwo obukuze bwâni ensiku n’amango. 
\v 10 Yimuki, mugende! Harhaciri ha kurhamukira aha. Okuhemuka kwinyu kwârhuma mwârhindibuka bwenêne. 
\v 11 Hamayisha owageremwa, asinge obunywesi erhi: «Nâkulêbera ogw’idivayi n’ogw’amamvu». Ye wankakwânana okubà mulêbi w’olwo lubaga.
\s1 Eciragâne c’okukubûla
\p
\v 12 Nêci nâkushûbûza wêshi, wâni Yakôbo, nashûbûza omusigala gwa Israheli. Nâbahira haguma nka bibuzi biri omu côgo, nka busô buli omu bulambo. Baberegeza bwenêne kulî n’abantu. 
\v 13 Omushâbi abashokolîre, bashâba, bagera omu muhango, gwo bahulukiramwo. Mwâmi wâbo abagera emalanga, erhi na Nyakasane abashokolîre.
\c 3
\s1 Oku bakulu barhindibuza olubaga
\p
\v 1 Kandi namâderha nti: «Muyumvagye, mwe barhambo b’enyumpa ya Yakôbo, ninyu mwe barhegesi b’omu nyumpa ya Israheli! 
\v 2 “Ka murhàli mukwânîne mumanye okutwa olubanja? 
\v 3 Badwîrhe balya abantu bâni nyama, badwîrhe babakûlakwo oluhù, bali babavuna orhuvuha. Bali babatwa rhuhimbi-rhuhimbi nka kuno kubahira aha nyungu, nka nyama y’aha kanoga”. 
\v 4 “Lusiku luguma bâhamagala Nyakasane, ci kwône arhâbashuze. Olwo lusiku abafulike amalanga gâge erhi bibî bàjizire birhuma”».
\s1 Ebyâha by’abalêbi
\p
\v 5 Ntya kwo Nyakasane aderhîre abalêbi bahabula\f + \fr 3, 5 \fr*\ft Oku bilâbire oluhembo oku balêbi, lolà muli \+xt 2 Sam 9, 7-8; 1 Bâm 14, 3; 2 Bâm 4, 42; 5, 15.22; 8, 8-9; Amo 7, 12\+xt*. Mikeyo arhalahiri okubonekerwa kw’abo balêbi, ci abashobesire okulongereza obunguke.\ft*\f* olubaga lwâni: nka hali eci bavubasire banakaziyakûza mpu: «murhûla»! Ngasi muntu orhabahiri ebi balya banamubwîre, mpu: «Wâhya, entambala nyimâna eno.» 
\v 6 Co cirhumire, ahâli h’okumolekerwa, bwâmmubêra budufu; n’omwizizi gummubêre ahâli h’okulêba. Izûba lyâzikira abalêbi, olusiku lwâbayiruhira. 
\v 7 Bâja babona ebyânayishe, bâbona enshonyi, n’abalaguzi bâbulabula, bu­lya Nyamuzinda arhâcibashuze. 
\v 8 Ci kwône, niehe\f + \fr 3, 8 \fr*\ft Niehe: kwo kuderha omulêbi Mikeyo, mulêbi w’okunali, arhalonzizi ashushe abo banamwiza buzîne.\ft*\f*, nyunjwîre misî (na Mûka gwa Nyamuzinda) nyunjwîre misî y’obushinganyanya n’obushiru bw’okumanyîsa Yakôbo obubî bwâge, mmanyîse na Israheli ecâha câge.
\s1 Oku bimangizi: omanyîse okuhera kwa Siyoni
\p
\v 9 Yumvi ebi mâshi, mwe bakulu b’omu nyumpa ya Yakôbo, mwe mukulîre enyumpa y’Israheli, mwe mutwa emmanja, mubulikubya ebishingânîne, 
\v 10 mwe mudwîrhe mwayûbaka Siyoni n’omukò, na Yeruzalemu oku mabî! 
\v 11 Abarhambo bamwo barhatwa lubanja buzira kuhongerwa, abajinji bamwo barhayigîriza buzira kuhâbwa luhembo; abalêbi bamwo balêbere ensaranga. Kurharhuma barhashegema Nyamuzinda bakaziderha mpu: «Ka Nyamuzinda arhali ekarhî kîrhu? Obuhanya burharhurhindekwo!» 
\v 12 Co cirhumire, obubî bwinyu bwârhuma Siyoni ahinduka ishwa lya kuhingwa, Yeruzalemu abà bigûkà, n’entondo y’akà-Nyamuzinda lyâbà irango lya muzirhu.
\c 4
\ms1 II. Ebi Siyoni alaganyibagwa
\s1 Nyamuzinda ayishiyîma e Siyoni
\p
\v 1 Amango gayiruka omu nsiku za buzinda, mwâcibone entondo y’akà-Nyamuzinda eri enyanya ly’ezindi elîhe kulusha ezindi ntondo zoshi. Lyo amashanja goshi gâshagamukira emunda eri, 
\v 2 igulu lyoshi lyayishilibirhirayo linaderhe mpu: «Yishi rhuyinamukire oku ntondo ya Nyakasane, yishi rhujè omu ka-Nyamuzinda ka Yakôbo. A­rhuyigîrize enjira zâge, lyo nîrhu rhuyishimba. Bulya e Siyoni yo erhenga irhegeko, n’e Yeruzalemu erhenge akanwa ka Nyakasane»! 
\v 3 Ayishiyîma ekarhî ka mashanja manji, ânatwîre amashanja madârhi e­mmanja. Engôrho zâbo bâzitulamwo enfuka, n’amatumu gâbo bâjira­mwo emigushu. Ntà lubaga lwâcilengereze olundi engôrho, barhakaciciyigîriza okulwa amatumu\f + \fr 4, 3 \fr*\ft 1-3: Ebi binwa binashubibonekana muli \+xt Iz 2, 2-4\+xt*. Ensiku za buzinda. Kwo kuderha ensiku z’okuyisha kwa Masiya.\ft*\f*. 
\v 4 Ci ngasi muguma akazitamala aha murhi gwâge gw’omuzâbîbu, n’aha idako ly’omurhi gwâge gw’omuzêti, ntâye wâcibakange. Ntyo kwo aka­nwa ka Nyamuzinda w’Emirhwe kadesire. 
\v 5 Bulya embaga zoshi zilambagira ngasi muguma oku izîno lya nyamuzinda wâge, ci rhwêhe rhwâkazilambagira oku izîno lya Nyakasane Nyamuzinda wîrhu w’ensiku n’amango.
\s1 Okugaluka kw’obusò bushandabîne aha Siyoni
\p
\v 6 Olwo lusiku, kwo Nyakasane adesire, nâshûbûza ebibuzi\f + \fr 4, 6 \fr*\ft Nyamuzinda abwîzire Israheli oku ashûbûza olubaga lwâge hano ayûsimuhana. Ashimanyanya abasigîre omu mimo nka kula lungere mwinjà anajira. Lolà muli \+xt Eze 34, 1\+xt*.\ft*\f* biyagalisire, nâshimanyanya ebyâhabusire n’ebi nalibuzize. 
\v 7 Ebikunagizi byo najiramwo omusigala, n’ebikagwa nabijira ishanja liguma lya misî. N’ago mango Nyamuzinda abà mwâmi wâbo oku ntondo ya Siyoni, kurhenga buno kuhika ensiku n’amango. 
\v 8 Nâwe we munâra gw’obusò, irango lya mwâli wa Siyoni, obukulu bwâwe bwa mîra bwâkushubirakwo, bwo bwâmi bwa mwâli wa Yeruzalemu\f + \fr 4, 8 \fr*\ft Omunâra gw’obusò: kwo kuderha Yeruzalemu.\ft*\f*.
\s1 Okurhêrwa, olubungo n’okuyagaluka kwa Siyoni
\p
\v 9 Na buno, bicigi birhumire wayâma? K’emwâwe erhacibà mwâmi? K’abahanûzi bâwe bahezire obu wagwârhwa n’emikero nka mukazi walonziburha? 
\v 10 Ogâyagâyage onayâne wâni mwâli wa Siyoni, aka omukazi waburha, bu­lya okola warhenga ekà ojihanda erubala; wahika e Babiloni, n’eyo yo wayôkolerwa. Eyo yo Nyakasane akucungulira, akukûle omu nfune z’abashombanyi bâwe. 
\v 11 Bunôla, mashanja manji gakushimbire caligumiza. Gadwîrhe gaderha mpu: «Mâshi Siyoni azire n’amasù gîrhu gamulole.» 
\v 12 Cikwône barhamanyiri emihigo ya Nyakasane, barhanamanyiri bwinjà omulâli gwâge, bulya yêne wabashûbûzagya kula bashûbûza emîha y’e­ngano aha yakubirhirwa. 
\v 13 Yimuka! Ovungunyule emburho mwâli wa Siyoni! Bulya amahembe gâwe nagajira ga cûma\f + \fr 4, 13 \fr*\ft Amahembe g’ecûma: kwo kuderha emisî yâwe ya mîra.\ft*\f*, n’ebisenyi byâwe mbijire bya mulinga, ntyo ovungunyule mbaga nyinji. Omunyago wabarhôla ogurhûle Nyakasane, n’ebi­rugu byâbo obihe Nyamuzinda w’igulu lyoshi.
\c 5
\s1 Obuhanya n’irenge ly’obûko bwa Daudi
\p
\v 1 Shûbûzagya engabo zâwe buno, wâni mwâli wa ntwâli! Barhugosire. Bâshûrha omucîranuzi w’Israheli emikoba omu irhama.
\p
\v 2 Nâwe wâni Betelehemu Efrata\f + \fr 5, 1 \fr*\ft 5, 1: Mîra mîra Betelehemu akazâgiderhwa Efrata. Omucunguzi aburhiragwa e Betelehemu omu cishagala ca Daudi. Lolà muli \+xt Mat 2, 4\+xt*.\ft*\f*, ciru okaba we munyi omu milala ya Yûda, emwâwe yo yantengera owarhambula Israheli. Ecisiki câge ciri ca kurhenga mîra, kurhenga ensiku n’amango. 
\v 3 Co carhuma Nyamuzinda âbaleka, kuhika amango g’okuburha kw’olya oli buburha\f + \fr 5, 2 \fr*\ft Olya oli buburha: Lolà muli \+xt Iz 7, 14\+xt*.\ft*\f*; ago mango lyo omusigala gw’abalumuna gwâshubira kuli bene Israheli. 
\v 4 Ayimanga, âkerêrheza obusò bwâge omu kukolêsa obuhashe bwa Nyaka­sane, omu kukolêsa obukuze bw’izîno lya Nyakasane Nyamuzinda wâge. Bâgandâza bulya akolaga âbà mukulu kuhika oku buzinda bw’igulu.
\s1 Omuntu wâyishiyanka ecihugo ca Asûru
\p
\v 5 Oyo muntu ye wâbà murhûla gwîrhu. Asûru akarhêra ecihugo cîrhu, akalabarha eno mwîrhu rhwanamunikakwo bangere nda, na barhambo munâni\f + \fr 5, 4 \fr*\ft «Ndà», kukulikiza ho «munâni»: kwo kuderha «banji».\ft*\f*. 
\v 6 Bâyabula ecihugo ca Asûru n’engôrho; ecihugo ca Nimrodi n’akêre. Arhuyôkola kuli Asûru hano ajà omu cihugo cîrhu, hano analabarha olubibi lw’emwîrhu.
\s1 Omukolo g’omusigala gwa Bene Yakôbo
\p
\v 7 Ago mango, omusigala\f + \fr 5, 6 \fr*\ft Omusigala gwa bene Yakôbo: kwo kuderha oku omu Buyahudi hali abâsigala; arhali boshi barhâgûkumuke.\ft*\f* gwa bene Yakôbo gwâyôrha nka lumè lurhenzire kuli Nyakasane ekarhî k’embaga nyinji, nka kula enkuba eyôrha oku lubala, era erhalinda ndi erhanacîkubagira bantu. 
\v 8 Omusigala gwa Yakôbo gwabêra omu mbaga, omu karhî k’embaga nyinji, nka ntale eri omu nsimba z’emuzirhu, nka mwâna wa ntale omu busô bw’ebibuzi: ngasi ah’agera erhi na kulabarha n’okuvungunyula, na ntâye wamufulumuka.
\s1 Nyamubâho aherêrekeza ngasi bagwêrhe emihigo mibî
\p
\v 9 Mâshi okuboko kwâwe kulambûkire oku bashombanyi bâwe, lyo abakushomba boshi bahirigirha. 
\v 10 Alagi ebyâbà muli olwo lusiku, kwo Nyakasane adesire! Nârhenza ebiterusi byâwe omu mwâwe, nâshanda engâlè zâwe. 
\v 11 Nârhenza ebishagala by’omu cihugo câwe, n’ebyôgo byâwe bizibu byoshi nâbihongola. 
\v 12 Nâkukûla abafumu omu nfune, orhakaciba n’abashonga. 
\v 13 Nârhenza ensalamu zâwe z’okubinjwa, ntenze n’emitungo yâwe, lêro orhakacigashâniza omukolo gw’amaboko gâwe. 
\v 14 Ago mango lyo nâkûla emitungo-nyamwegemerwa omu cihugo câwe, nsherêze n’ebishagala byâwe. 
\v 15 Omu bukunizi bwâni, n’omu mutula gwâni, nacihôla oku mbaga zirhanyumvagya.
\c 6
\ms1 III. Israheli ashubitwîrwa olubanja
\s1 Olubanja lwa Nnâmahanga n’olubaga lwâge
\q1
\v 1 Yumvagi oku Nyakasane adesire: Yimuka, ojîse entondo lubanja, n’amalango goshi gayumve izù lyâwe.
\q1
\v 2 Ewe mwe mirhezi muyumve olubanja lwa Nyakasane, ninyu mwe biriba bizibuzibu by’igulu, bulya Nyakasane ali lubanja bo n’olubaga lwâge, akwâmire Israheli.
\q1
\v 3 Yâga lubaga lwâni, kurhi nakujizire? Bici nakurhamizekwo! Onshuze nâni.
\q1
\v 4 Bulya nakurhenzize omu cihugo c’e Mîsiri; nakucungwîre nakurhenza omu nyumpa y’obujà, embere zinyu narhumayo Mûsa, na Aroni na Miriyamu.
\q1
\v 5 Ewe lubaga lwâni, kengêragi eyali mihigo ya Balaka, mwâmi w’e Mowabu, mukengêre n’oku Balaamu mwene Beori àmushuzize. Kengêra olugendo lwa Shitimu omu Gilgali, lyo omanya eby’obushinganyanya Nyakasane akola\f + \fr 6, 5 \fr*\ft Lolà omu \+xt Mib 22—24\+xt*.\ft*\f*.
\q1
\v 6 «Bici nayisha ndwîrhe embere za Nyakasane, nyuname n’emalanga ga Nyamuzinda w’Enyanya? Ka najà emalanga gâge mpêrhe enterekêro nyinji, n’amanina ga mwâka muguma?
\q1
\v 7 Ka Nyakasane âsimîsibwa n’ebihumbi by’engandabuzi b’ebintaganjwa by’emigezi y’amavurha? Ka mbâge erhi nfula yâni yo mpâna oku bubî najizire, ka nâhânaga emburho y’omu nda oku câha c’omurhima gwâni?»\f + \fr 6, 7 \fr*\ft Mîra Nyamuzinda amanyîsagya obulonza bwâge, ciru n’abalêbi bashokoleraga Mikeyo bàrhumanyisizebo: \ft*\fp okubà mushinganyanya (Amosi), \fp*\fp okusîma okufà obwonjo (Hozeya), \fp*\fp okucîrhohya embere za Nnâmahanga (Izaya).\fp*\f*
\p
\v 8 We muntu, wabwîzirwe ebikwânîne, ebi Nyakasane akuhunyire by’ebi: okujira obushinganyanya, okusîma okubà muntu wa lukogo, n’okugenda n’obwîrhôhye haguma na Nyamuzinda wâwe.
\s1 Okukalihira endyâlya z’omu Yeruzalemu
\p
\v 9 Izù lya Nyakasane lidwîrhe lyayâkûza omu cishagala: Yumvagi mwe bûko bwa Yûda, ninyu mwe ndêko y’abagula b’ecishagala! 
\v 10 Ka nanahasha okuyêmêra endyâlya zihake eby’obushambo omu nyumpa zâbo? 
\v 11 Ka nanalola nka mushinganyanya omuntu okolêsa eminzâni y’okulenganya; n’abahêka emilengo erhashingânîni omu nshoho zâbo? 
\v 12 Abagale b’omu cishagala bakalihire ibala, n’abantu bamwo kunywerha kwône kwône bayishi. 
\v 13 Bwobu nâni nkolaga nârhondêra okukuha obuhane, nâkushabira erhi byâbà byâwe birhuma. 
\v 14 Wakazirya ci orhayigurhe, bakazilaka ishali aha mwâwe. Wâbikira ebirugu byâwe halya hazibu ci birhafumè; n’ebi wamanya mpu byo wafumize, nâbirîkira engôrho. 
\v 15 Wâmîra emburho ci orhasârûle. Wâyenga amalehe g’omuzêti n’obwo orhacîshîge amavurha gâyo. Wâkanda emizâbîbu ci orhânywe oku idivayi lyâmwo.
\s1 Olwiganyo lwa Samâriya
\p
\v 16 Bulya wakulikire olwiganyo lw’amarhegeko ga Omuri, na ngasi ngeso z’omu nyumpa ya Ahabu; mudwîrhe mwayiganya okwâbo kwoshi kwoshi; kwarhuma nakuhindula bigûkà, n’abantu bâwe bashube ba kuhâbwa olwôho. Lyo mwabarhula ebijâci abantu bâni bajâcîrwe.
\c 7
\s1 Obulyâlya bwa boshi
\q1
\v 1 Namâlagîrira! bulya kwo nkola ndi nk’owahumbûlaga amalehe canda, nka malehe ga mizâbîbu gàhumbûlagwa enyuma ly’okusârûla; ntà cihadu cankacirîbwa, ciru mpâga irehe ly’omutini ndi nacifinja!
\q1
\v 2 Abantu ba Nnâmahanga barhaciboneka omu cihugo; ntà mushinganyanya ciru n’omuguma omu bantu. Boshi bàcîkwendesirage bayunja oku bahuma omukò, ngasi muguma adwîrhe arhega mwene wâbo akasirha\f + \fr 7, 2 \fr*\ft Akasirha eri nshoho ngali ya bintamanzi eshushire akêshe, ekolêsibwa omu kurhega ensimba emuzirhu.\ft*\f*.
\q1
\v 3 Ebijiro amaboko gâbo galengeha okujira ganali mabî gônene. Omurhambo adwîrhe alinga ecituliro; n’omucîranuzi adwîrhe alinga empyûlo lyo atwa olubanja. Omukulu adwîrhe aderha ebigalugalu n’oku omurhima gunamuhire.
\q1
\v 4 Omwinja mulibo, anali nka lukererhè n’omushinganyanya nka lugurhu lwa mishûgi. Loli, olusiku lw’obuhane abalanzi bâwe baderhaga luyîruka, mukolaga mwasômerwa.
\q1
\v 5 Mumanye murhalangaliraga omwîra murhacikubagiraga ecìrongôzi. Omanye ciru orhashagalaga akanwa embere za mukâwe.
\q1
\v 6 Bulya omwânarhabana ali ajâcira îshe, omwânanyere ali ahagalika nnina. Omuhya-kazi ali ayimanganwa na nnazâla; ngasi muntu ashombirwe n’ab’omu mwâge.
\q1
\v 7 Cikwône niehe ngalamîre Nyakasane, ndagalîre Nyamuzinda w’oku­nciza, Nyamuzinda wâni ânyumva\f + \fr 7, 7 \fr*\ft Muli ogu mulongo, omulêbi ayêrekinemwo obuhamîrizi bw’obucire nkana acîkubagira; nkaba ho anali ashwinjîre olwandiko lwâge. Okwo kwayishihâna omukâba gw’enjira oku bitakîro by’obulangâlire, byaciyishiriyûshûlwa buzinda. Biri nka bya kurhenga amango g’olubungo.\ft*\f*.
\ms1 IV. Obulangâlire n’omusengero gw'olubaga
\s1 Siyoni ajacirwa n’omushombanyi wâge
\q1
\v 8 Orhacishinge erhi nie ntuma, wâni mushombanyi\f + \fr 7, 8 \fr*\ft Oyo mushombanyi anahashibà Edomu erhi Asûru.\ft*\f* wâni, akabà nahirimire, nâzûka; akabà ntamîre omu mwizimya, Nyakasane ye bulangashane bwâni.
\q1
\v 9 Nâlembera obukunizi bwa Nyakasane bulya namugomîre, kuhika ansa­mbîse, antwîre olubanja. Bulya ampulusa, ampire ahâli obulangashane, mbone obushinganyanya bwâge.
\q1
\v 10 Hano omushombanyi wâni abona okwo, enshonyi zimubumbe; olya wa­mbwîraga erhi: «Ngahi Nyamuzinda wâwe aligi?». Amasù gâni gamu­lolà hano akola adwîrhe alabarhwa nka bijondo omu njira.
\q1
\v 11 Olusiku lw’okuyûbaka ebyôgo byâwe luyîruka! Olwo lusiku bâgalihya ishwa lyâwe.
\q1
\v 12 Ago mango bene winyu bayâgaluka kurhenga e Asûru, kuhika omu bishagala by’e Mîsiri; kurhenga e Tiri kuhika oku lwîshi\f + \fr 7, 12 \fr*\ft Lwîshi: kwo kuderha Eufrati.\ft*\f*, kurhenga oku nyanja kuhika oku yindi, na kurhenga oku ntondo kuhika oku yindi.
\q1
\v 13 Ciru akabà ntyo, ecihugo câbà bigûkà erhi ba nnaco bàrhuma, erhi bijiro byâbo bibî birhuma.
\s1 Omusengero oku mashanja g’abashombanyi
\q1
\v 14 Mâshi Nyakasane, yâbula olubaga lwâwe n’akarhi kâwe, obusò bw’o­mwîmo gwâwe, bala balamire buhumba omu muzirhu; omu mashaka g’e Karmeli. Bashubikera nka kulya byàli mîra omu Bashani n’omu Galadi.
\q1
\v 15 Nka kulya mwa zirya nsiku warhurhenzagya omu cihugo c’e Mîsiri oshubigirhuyêreka ebirhangâzo.
\q1
\v 16 Amashanja gabone enshonyi zigabumbe, ciru akabà gacibona misî, gâgwârha oku kanwa, gafuke n’amarhwîri.
\q1
\v 17 Bâmima oluvù nka njoka, nka ngasi biyandala oku idaho. Barhulubuka omu malîngiriro gâbo bayishe bajuguma, n’ebikango, n’obwôba embere zâwe.
\s1 Okushenga obwonjo bwa Nyamuzinda
\q1
\v 18 Ndi wundi Nyamuzinda akâwe, obabalira amabî, ozaza ecâha, orhabika bukunizi ensiku n’amango ci okunda okufà bwonjo n’okubabalira?
\q1
\v 19 Kandi oshubirhufa bwonjo, olabarhe amabî gîrhu, ebyâha bîrhu byoshi obikwêbe emuhengere.
\q1
\v 20 Oyêreke Yakôbo obudahemuka bwâwe, n’Abrahamu omubêre lukogo lulya wacîgashiraga balarha kurhenga mîra\f + \fr 7, 20 \fr*\ft Okucungulwa kwa Israheli, kuli kuyûkiriza eciragâne Nnâmahanga ajiraga bône bashakulûza. Eyo ndagâno n’eco ciragâne, co cìsiki ca ngasi bulangâlire, lyo igwârhiro ly’obuyêmêre bw’olubaga lwîshogwa.\ft*\f*.