\id JON YÔN - Bible en mashi du Congo
\ide UTF-8
\toc3 Yôn
\toc2 Yônà
\toc1 YÔNÀ
\h Yônà
\mt1 YÔNÀ
\imt1 Enshokolezi
\ip Ecitabu ca Yônà cimanyisa akalamo k’omulêbi Yônà wali mwabiranyi. Burhanzi alonza okuleka omukolo gwâge na buzinda avuga Nyamuzinda omunkwa bulya omukolo gwâge gwâgezire bwinjà.
\ip Eci citabu cilonza Yônà abè lwîganyo kuli Israheli walahiraga okuyunjuza omukolo gwâge gw’okuyigîriza amashanja g’abapagani Akanwa ka Nnâmahanga. Eci citabu cirhuyêresire muntu muguma waderhagwa Yônà, Nyamuzinda arhumaga mpu abè mwigîriza omu cishagala cinene c’abapagani ciderhwa Ninive. Yônà alahira okujira ogwo mukolo.
\ip Amashanja g’abapagani gayishihamagalwa na Nnâmahanga lyo gacungulwa. Ab’omu Ninive, abayishirhenga omu bugoma n’okuhungama ebyâha byâbo bali lwîganyo lw’amashanja g’abapagani gayishigalukira Nyamuzinda w’okuli.
\ip Yônà agaywa na Nyamuzinda. Ci kwône amuhà olwiganyo lw’omurhi gumera n’okuyûma duba duba, lyo akengêra obwonjo bunene bwa Nnâmahanga.
\iot EBIRIMWO
\io1 1. Okuhamagalwa kwa Yônà n’okushenga kwâge: cigabi \ior 1, 1—2, 11\ior*
\io1 2. Okuhongoka kwa Ninive n’obwonjo bwa Nnâmahanga: cigabi \ior 3, 1-10\ior*
\io1 3. Okucîduduma kwa Yônà n’ishuzo lya Nnâmahanga: cigabi \ior 4, 1-11\ior*
\c 1
\s1 Yônà àrhenguha omukolo gwâge
\p
\v 1 Akanwa ka Nnâmahanga kanacirhindakwo Yônà mwene Amitayi, erhi: 
\v 2 «Yimuka, ojè e Ninive, cishagala cinene, obabwîre oku obubî bwâbo bwahisire emunda ndi». 
\v 3 Yônà ayimuka, àgwârha enjira, y’okuyâkira Nnâmahanga erhali hôfi, e Tarsisi. Anaciyandagalira e Yope, àbugâna obwârho bwajà e Tarsisi; abahyulira enjira, ajà omu bwârho boshi nabo kuhika e Tarsisi\f + \fr 1, 3 \fr*\ft Yônà ayâsire bulya arhalisimire Nnâmahanga abêre abantu b’e Ninive obwonjo. Obu bulêbi bwoshi bwalonza okurhuyigîriza oku ngasi muntu yêshi oyêmera Nnâmahanga n’okuciyuûnjuza ebyâha byâge, Nyamuzinda anamubêre obwonjo. Yônà yêhe alimanyire mpu erhi ankajà e Tarsisi, Nnâmahanga arhankacimubandâna, arhankanacimurhuma mpu ajiyigîriza e Ninive. - «Tarsisi»; emw’Abahebraniya kuli kuderha «ebuhwero bw’igulu».\ft*\f*, kulî na Nnâmahanga. 
\v 4 Ci Nnâmahanga azûsa omuhûsi n’omulaba munene omu nyanja, ciru obwârho bwalinzitwîkamwo. 
\v 5 Abashâna bagera­ mwo omusisi, ngasi muguma acikumba omuzimu w’emwâbo, bànarhogeza emishoko yâbo omu nyanja mpu lyo bayanguha. Ci larha wâni Yônà erhi anayandagalîre aha nteberhebe y’obwârho, agwîshîre, aj’îrò. 
\v 6 Omukulu w’o­ bwârho anacimuyegêra, amuzûsa, amubwîra erhi: «Cirhumire ogweshîre? Zûka, ocîkumbe Nyamuzinda wâwe\f + \fr 1, 6 \fr*\ft 5-6: Abo bashâna bàkâgiharâmya ba-nyamuzinda b’obwîhambi. Yônà, yeki, àkàgiharâmya Nyamuzinda w’okuli: Nyamubâho.\ft*\f*. Nkaba Nyamuzinda arhukengêra, rhurhagifà.» 
\v 7 Okubundi babwîrana, mpu: «Rhuyeshe ecigole, lyo rhumanya ndi odwîrhe obu buhanya». Bàyesha ecigole, n’ecigole cagwârha Yônà. 
\v 8 Okubundi bàmubwîra, mpu: «Rhubwîre ihanja lici olikwo, ngahi warhenga, oli wa ngahi, oli wa mulala muci?» Anacibashuza, erhi: 
\v 9 «Ndi Muyahudi, Nyamuzinda mparâmya, Lulema w’empingu n’igulu, owalemaga enyanja n’obudaka.»
\p
\v 10 Aho, abashâna bayôboha, bamudôsa, mpu: «Bici ebyo wajizire!» Balikola bamanyire oku kuyâka ajayâka Nyamuzinda, bulya àli erhi amabarhondêreza emyanzi yâge. 
\v 11 Bàmudôsa, mpu: «Kurhi rhwakujiraga obwo lyo eyi nyanja erhûla?» Bulya amîshi gàlikola gali gayimukanana kulusha. 
\v 12 Abashuza, erhi: «Muntôle, munkwêbe omu nyanja, lyo enyanja erhûza. Bulya mmanyire oku nie ntumire ogu mulaba munene gwazûka.» 
\v 13 Abashâna bavugama obwârho mpu bajè oku burhambi; ci kwabà kurhamira busha, bulya enyanja erhazigaga bayîsa, emivumba yaluga kulusha. 
\v 14 Okubundi bashenga Nyamuzinda, baderha, mpu: «Waliha Nyamuzinda, kurhi rhwankafulumuka olufù-nyanja rhulekifà enyanya ly’oyu muntu! Orharhubarhuzagya empanga nyêru-kwêru, bulya wêne, we Nyamuzinda, oku olonzize kwo onajira.» 
\v 15 Bàgwârha Yônà, bamukwêba omu nyanja, okuhandi enyanja yarhûza. 
\v 16 Abo bantu banacirhungwa n’obwôba embere za Nyamuzinda, bamurherekêra enterekêro banahiga emi­gabo.
\s1 Yônà àcunguka
\p
\v 17 Nnâmahanga anacirhuma omufi munênênè, amirangusa Yônà. Yônà àjira nsiku isharhu na madufu asharhu omu nda y’enfî. 
\c 2
\p
\v 1 Mw’eyo nda y’enfî, Yônà ayâkûza Nnâmahanga Nyamuzinda wâge, aderha, erhi:
\q1
\v 2 Amango nalihanyagire, nayakûzize Nyamuzinda, ananshuza. Amango nali ekuzimu, nayakûzize, wanayumva izù lyâni.
\q1
\v 3 Walinkwêbire omu ntuli, omu muhengere gw’enyanja, emivumba y’enyanya yàlingosire. Emilala yâwe yoshi n’endimi zâwe byanyandagalira­kwo.
\q1
\v 4 Go mango nadesire, nti: «Namarhenga omu masù gâwe, kurhigi nacilolêreze akà-Nyamuzinda kâwe kimâna?»
\q1
\v 5 Amîshi galingosire kuhika emumiro, entuli yalingosire, emihulula y’erwîshi yalinfukafusire irhwe.
\q1
\v 6 Emuhengere nalinyadagalîre, nahamikirwa ekuzimu. Ci kurhenga omu bulumba washubinyinamula, Nnâmahanga Nyamuzinda wâni.
\q1
\v 7 Oku omurhima gwâni guli gwashûbuka nakengêra Nyamuzinda, n’omusengero gwâni gwahika emunda oli, omu burhwâli bwâwe bwimâna.
\q1
\v 8 Bala barherekêra abazimu, bône bacihegeza iragi lyâbo.
\q1
\v 9 Ci niehe kuyimba nâyimba omwîshingo gwâni, nâyunjuliza ebiragâne nakujirîre. Bulya we Nyakasane Muciza wâni.
\p
\v 10 Buzinda Nnâmahanga arhegeka wanfî okugendishalira Yônà oku cikwi c’enyanja.
\c 3
\s1 Ab’e Ninive bàciyûnjuza na Nyamuzinda àbababalira
\p
\v 1 Akanwa ka Nnâmahanga kanacirhindakwo Yônà obwa kabirhi, erhi: 
\v 2 «Yimuka, ojè e Ninive, cishagala cinene, obabwîre ebi nîkubwîra.» 
\v 3 Yônà anaciyimuka, ajà e Ninive nk’oku Nnâmahanga analidesire. Omanyage oku Ninive ali munene: olurhali lugendo lwa nsiku isharhu lurhankarhumire omuntu amuyûsa amugeramwo. 
\v 4 Yônà anacihira njira, alambagira omulegerege gwoshi. Akajahamagaza n’okuderha, erhi: «Hacisigîre nsiku makumi anni, Ninive ahongoke.» 
\v 5 Engabo ya Ninive yanaciyêmêra Nnâmahanga, yahuluza n’okulâlika okucîshalisa, yanayambala sunzu, kurhenga oku mukulu kuhika oku murhò. 
\v 6 Omwanzi gwahikakwo mwâmi w’e Ninive, azikûka oku ntebe yâge, ahogola ecishâli câge, acîbwîka sunzu, acîbwâlika n’omu luvù\f + \fr 3, 6 \fr*\ft 5-6: Ebyo binwa birhuyêresire okurhashushana kwa bene Israheli barhaciyunjuzagya n’abantu b’e Ninive. Bôhe bacîyunjuzize amango bayumvagya enyigîrizo za Yônà. Okuyambala sunzu n’okuciîbwâlika omu luvù: cimanyîso ca buciyûnjuze.\ft*\f*. 
\v 7 Okuhandi balâlika muli Ninive yêshi, oku irhegeko lya mwâmi haguma n’abarhambo, mpu: «Abantu boshi, n’ebintu ntâye okozagye amîshi erhi biryo ekanwa. 
\v 8 Muyambale sunzu, muharâmye munashenge Nyamuzinda obwonjo oku byâha binyu, muleke okuhimba kwinyu kubî, muleke ebigalugalu by’amaboko ginyu. 
\v 9 Ndi omanyire erhi Nnâmahanga arhankashukira ashube okuboko, aleke obukunizi bwâge arhuyôkole?» 
\v 10 Nnâmahanga abona oku badwîrhe batabataba mpu lyo bahindula engeso zâbo. Lêro ashukira, arhacibarhumiraga obuhanya àli amâhiga oku âbarhumira.
\c 4
\s1 Ecifufu ca Yônà n’ishuzo lya Nyamuzinda
\p
\v 1 Erhi Nnâmahanga àbà amâbabalira Ninive, ebyo byashologorha Yônà hôfi kucîniga n’oburhè. 
\v 2 Anaciyâkûza, erhi: «Ntarhenga omu iderhero, waliha! K’arhali birya naderhaga erhi nciri omu cihugo cîrhu ebi! Co cànarhumaga ncîlibirhira kuhika e Tarsisi, bulya nalinyôsire mmanyire oku we Nyamuzinda w’obwonjo n’ow’olukogo, orharukûza, we mugale mwimâna, Orhakwîrirwa bubî. 
\v 3 Mâshi Yâgirwa, mpêka buno, yanka guno mûka, bulya olufù lwo lukulu aha kalamo emwâni buno». 
\v 4 Nnâmahanga amushuza erhi: «Cici cirhumire wakaliha okungan’aho?» 
\v 5 Yônà arhenga muli cirya cishagala, aciyungulira ebushoshôkero bw’izûba, ayûbakayo ecifumba, adêkerera, alingûsa ebyâbà omu cishagala. 
\v 6 Okuhandi, Nnâmahanga àmumezaho olubonobono, lwakula, lwakâmujirira ecîhôho, lwakâmucikirira omu malibuko. Yônà asîma bwenêne olwo lubonobono. 
\v 7 Ci kwône erhi bugendica sêzi, lukula arhanda, Nnâmahanga àgeza shumbwe muli lulya lubonobono, lwanaciyûma. 
\v 8 E­erhi izûba lishoshôka, Nyamuzinda azûsa empûsi yâyôca, lirya izûba lyabasha­ kwo Yônà, okuhandi ajogonokerwa. Kandi acîfinja olufù, aderha, erhi: «Aye! Okufà kwo kukulu aha kulama ntya». 
\v 9 Nnâmahanga àmushuza, erhi: «Cankarhuma wadwîra omu nda nk’ihiri, olwo lubonobono obêrîre burhè, ka lwâwe?» Naye, erhi: «Yâgirwa, kurhi ntankabà burhè mâshi!» 
\v 10 Nnâmahanga ashubîrira, amubwîra, erhi: «W’oyu, olubonobono orhakoleraga, orhanaluyuhiriraga, luli lwakuvuna, budufu buguma lwameraga, budufu buguma lwayumire. 
\v 11 Nâni nie obwînage oku ntankafà mungo kuli Ninive, ecishagala cinene cirimwo bihumbi igana na makumi abirhi, ciru na kulusha, ga bantu barhishi okulyo kwâbo, barhishi okulembe kwâbo, cirimwo n’obusò bw’ebintu!»