\id HAB - Bible en mashi du Congo
\ide UTF-8
\toc3 Hab
\toc2 Habakuki
\toc1 HABAKUKI, HAVAKUK
\h Habakuki
\mt1 HABAKUKI, HAVAKUK
\imt2 Enshokolezi
\ip Omulêbi Habakuki aganîra na Nyamuzinda. Amulakira kabirhi, naye Nyamuzinda amushuza kabirhi. Ebyo byoshi byàbâga omu cigabi cirhanzi c’ecitabu ca Habakuki. Omu cigabi ca kabirhi, Nyamuzinda ahehêrera nyankolamaligo karhanu. Omu cigabi ca kasharhu, omulêbi ayimba omu lulanga okuhimana kwa Nyamuzinda.
\ip Habakuki ayigîrizagya omu Yûda omu mwâka gwa 600 embere ly’okuburhwa kwa Kristu, amango ga Yehoyakimu, mwâmi w’e Yûda. Nyamuzinda arhuma Abakaldeyi okuhana olubaga lwâge; ci kwône nabo bayish’ihanwa erhi kukola amaligo kurhuma.
\ip Habakuki abà ayêmîre oku Yûda avunyire irhegeko lya Nnâmahanga. Adôsa Nnâmahanga ecirhumire ankacîshoga Abakaldeyi babà bapagani mpu bacîhôlere ye; cirhumire ankahana omubî n’owundi mubî kulusha; cirhumire okukola amaligo kwankayîma omw’igulu kurhanashinganini?
\ip Nyamuzinda amushuza, erhi: «Aha buzinda okuli kwayish’ihima byoshi. Omushinganyanya ayish’ilamira oku buyêmêre bwâge» (\xt 2, 4\xt*). Paolo Ntumwa ahizire ebyo binwa omu buhamîrizi bwâge bw’obuyêmêre (\xt Rom 1, 17; Gal 3, 11\xt*).
\iot EBIRIMWO
\io1 1. Omulêbi Habakuki ashambâla na Nyamuzinda: cigabi ca \ior 1\ior*
\io1 2. Nyamuzinda ahehêrera abantu babî: cigabi \ior 2, 5-20\ior*
\io1 3. Omulêbi ahûna Nyamuzinda oburhabâle: cigabi ca \ior 3\ior*
\c 1
\s1 Izîno ly’ecitabu
\p
\v 1 Aka kali kanwa Nyamuzinda afulûliraga omulêbi Habakuki\f + \fr 1, 1 \fr*\ft Omulêbi Habakuki ali ayâkûza Nyamuzinda mpu ntà bushinganyanya buciri omu cihugo. Omu mulongo gwa 5 kuhika 11 amâlêba obuhanya bwayish’ìrhogera ababisha.\ft*\f*.
\ms I. Omulêbi aganîra na Nyamuzinda wâge
\s1 Omulêbi àhamagala Nyamuzinda mpu arhabâle
\p
\v 2 Mâshi Nyakasane, kuhika mangaci, nieki nahamagala nti oyîshe ongwâse orhanayumve. Ka kwo nayakûzagya emunda oli nti: «Mâshi wampâna, wampâna», orhanalikûze? 
\v 3 Carhuma wanyêreka obulyâlya, ogal’ilolêreza obubisha? Ntacidwîrhi nabona oburhali buhagwe n’akamene. Ekola ntambala n’enongwe byône bigandâzize. 
\v 4 Irhegeko lyàcîfîrîre n’obwinjà bwahwîre! Bulya nyankola-maligo ashimbulîre omushinganyanya, n’obucîranuzi ntâbo!
\s1 Ishuzo lya Nyamuzinda: Okurhêra kw’Abakaldeyi
\p
\v 5 Mulole amashanja, enshonyi zimmugwârhe. Oku mucihali, nacijira ebirhangâzo ebi murhankayêmîre erhi bakammuganirire byo. 
\v 6 Nêci! Mumanye oku nashûbûza Abakaldeyi, lula lubaga luminya lw’ebishwankegerhe? Olujà lwacinagira omu bishagala byoshi by’ecihugo mpu luje lwanyaga amashwa ga bene. 
\v 7 Omurhwe gwâbo gwo nyandumà, gwo gubuka abantu ifumufumu, emisî yagwo yo eguhà n’obukulu bwâgwo. 
\v 8 Ebiterusi byâgwo byo bikanya kulusha akakiri, byo bigesha kulusha e­mpangaza z’ebijingo. Abarhabâzi bâbo bayisha bacinagira, barhenga erhali hôfi, kwo bahalala nka kula ikozi linashiha omunyama gwâlyo. 
\v 9 Boshi bayishîre obuhagwe; bamêsize amasù nka mpûsi y’ebushoshôkero bw’izûba, bayisha bashûkuza ebigorogo nka mushenyi gw’oku nyanja. 
\v 10 Ogwo murhwe gwo gushekera abâmi, gubona abaluzi gushekere oku kabwajiko. Ebyôgo bizibuzibu bibà busha kuli gwo. Gunacinge emibarhabarha y’idaho gubulibiduha! 
\v 11 Abo bantu banagere nka kalemêra bacibirindike handi; emisî yâbo kwo banayibona oku ye na nyamuzinda wâbo.
\s1 Okushub’icîduza kw’omulêbi
\p
\v 12 Kurhenga mîra we Nyakasane, we Nyamuzinda wâni, Mutagatîfu orhankafà. Nyakasane, we Kabuye nyâkiraho, wacîshozire olu lubaga wanaluzibuhya, mpu lyo lurhurhûlakwo obuhane bwâwe. 
\v 13 Ci kwône amasù gâwe gabà mimâna bwenêne g’okurhalembera okubona oku mabî, orhankanayêmêra wabà ndolêrezi y’okubona obuhanya. Cirhumirage oyêmêra walola ebi ezi ndyâlya z’abantu zidwîrhe zajira okanacihulikira? Cirhumire ohulika amango endyâlya zidwîrhe zarhindagira abazilushire bushinganyanya? 
\v 14 Cirhumire abantu obahira cihembe ciguma n’enfî n’eminyole\f + \fr 1, 14 \fr*\ft eminyole byo binyagâsi\ft*\f* byo birhajira murhambo? 
\v 15 Abakaldeyi bali bagwârha abantu nka kula enfî zigwârhwa oku lulobo banabahire omu rhwêshe rhwâbo. Okwôla kwabayunjuzize mwishingo. 
\v 16 Bakola bakaz’irhûla orhwêshe rhwâbo enterekêro\f + \fr 1, 16 \fr*\ft Bakola bakaz’irhûla orhwêshe rhwâbo: kwo kuderha oku Abakaldeyi bo bakâg’irhûla orhwêshe rhwâbo emunda abazimu bâbo bâbo bali.\ft*\f*, bulya orhwo rhwêshe rhwo rhurhuma nabo balabula oku biryo binjà binjà byankanaderhwa. 
\v 17 Ka barhakacihusa okulabaganya engôrho zâbo mpu lyo bajà bahungumula ezindi mbaga buzira lukogo?
\c 2
\p
\v 1 Niehe nkolaga nacibêrera ah’ilâbiro lyâni, nalinda nka mulangûza oli aha busongerwe bw’entondo, lyo mmanya kurhi Nyamuzinda ambwîra, na kurhi ashuza oku mulenge gwâni.
\s1 Ishuzo lya Nyamuzinda: omushinganyanya na kaheza
\p
\v 2 Nyakasane anacinshuza, aderha erhi: «Yandika ebi nkufulûlîre, obisiribe oku rhupaho lyo bikaz’imany’isomwa n’obwâlagale. 
\v 3 “Ebyo nkufulûlîre amango byabâmwo garhacihika, ci kwône byâyish’iyalagala omu mango gâbyo. Obilinde kwône onabilembere ciru wa­nkabona nka bilegamire: ebi ndesire byâyisha ho n’aho buzira kulega­ma”. 
\v 4 “Oyandike ntya: Omuntu w’entimanya mbî kushanguka anashanguka, ci omushinganyanya yêhe alama buyêmêre bwâge burhumire\f + \fr 2, 4 \fr*\ft Omushinganyanya yêhe âlama buyêmêre bwâge burhumire: lolà muli \+xt Rom 1, 17; Hbr 10, 37\+xt*.\ft*\f*.”»
\s1 II. Okuhehêrerwa kw’omubisha
\s1 Omurhondêro
\p
\v 5 Nêci, obuhashe abà nyammanjà, abantu bacîbonyi barhadêkerera, kwo bahuba nka nshinda, kwo balonza ngasi mango nka lufù, banajè banyaga ishanja oku lindi, bagahire goshi idako ly’oburhegesi bwâbo. 
\v 6 Ebihugo byàhimirwe byâlungana haguma, bibalerenganyekwo ebijâci. Byayish’iderha, erhi:
\s1 Mahanya arhanu
\iex I
\p «Muli bahanya mwe mugalira okuzimba, n’okurhôla ebirugu bya bene oku cikinja! 
\v 7 “Mwâgwârhirwa emumiro, abà mubà omu myenda yâbo bâjalabuka caligumiza bammugezemwo omusisi, nabo babè bo bammuhagula”. 
\v 8 “Mwahagwîre mashanja manji bwenêne, nago agandi mashanja gasigîre gakolaga gammuhagula, erhi omukò mwabulazire gurhuma, haguma n’obubî mujirira ebihugo, ebishagala na benebyo!”»
\iex II
\p
\v 9 «Buhanya bwinyu! Munakaz’iyômeka obunguke bubî bw’emwa balungu binyu, mugalicîkebwa mpu mulengerîre bwenêne b’okufulumuka nyandumà w’obuhanya. 
\v 10 “Emihigo yinyu ebà ya kubonêsa balungu binyu nshonyi: muli okwo kuhungumula mbaga nyinji, kali kalamo kâwe ako wahizire omu mbaka”. 
\v 11 “Ciro n’amabuye g’oku byôgo gayâma ganammushobeke, n’emirhi y’oburhungiri eyankirire izù lyâgo.\f + \fr 2, 11 \fr*\ft Lolà muli \+xt Luk 19, 40\+xt*.\ft*\f*”»
\iex III
\p
\v 12 Buhanya bwinyu! Mwe muyûbakira okuyôloloka kw’ebishagala oku mu­ko haguma n’okurhindagira abandi. 
\v 13 Co cirhumire omukolo gw’amashanja gukola guhwêra eciko, n’embaga zikola zirhindibukira obusha. K’ebyo byoshi burhali bulonza bwa Nyakasane w’Emirhwe? 
\v 14 Nêci, obushinganyanya bwa Nyakasane w’irenge bwayunjula ecihugo lwoshi lwoshi nka kula amîshi ganayunjula enyanja.
\iex IV
\p
\v 15 Buhanya bwinyu! Mwe muhungulira abinyu muyumanîne ecinyôbwa ci­kali nka bwôge, mpu lyo cibalalusa bayambale obushugunu, okubundi mubabonêse nshonyi omu kulola obushugunu bwâbo. 
\v 16 Mwenene mucîbonesa ezo nshonyi ci lirhabà irenge: Ninyu munywâge munacîyêrekane bashugunu! Nyakasane ammusêza mushongôze aka­bene k’obukunizi bwâge. Irenge linyu lyahinduka nshonyi zinyu. 
\v 17 Emyônè yakolagwa e Libano ekolaga yammugalukira; mwahungumwireyo ebintu, ebintu nabyo bikolaga byâmmujugumya. Okwo kwoshi kwâbà erhi omukò mwabulazire gurhuma, haguma n’amaligo mujirira ebihugo, ebishagala na benebyo.
\iex V
\p
\v 18 «Kamalo kaci okubinja ensalamu kujira? Binabà bintu bya cûma bya kurhebana kwône. Cankarhuma omuntu acîkubagira abo banyamuzinda barhankahash’iderha na yênene wabatulaga? 
\v 19 “Buhanya bwinyu! Mwe mukaz’ibwîra ecihimbi c’omurhi, mpu: Zûka!, n’ensinga y’akaduma y’ibuye, mpu: Yimanga!, n’obwo arhankammufulûlira mwanzi muci. Ciru akabà mpu bibà bishizirwe amasholo n’amarhale, ntà buzîne bubibâmwo!” 
\v 20 “Ci Nyakasane yêhe mwo abà omu ndâro yâge ntagatîfu. Ngasi yêshi onabà oku igulu ahulike embere zâge!”»
\c 3
\ms1 III. Okuhamagala Nyamuzinda mpu arhabâle
\s1 Omusengero gwa Habakuki n’ishuzo lya Nnâmahanga
\p
\v 1 Ogu gwo musengero omulêbi Habakuki ayêrekezagya Nnâmahanga guli nka kulaka mulenge\f + \fr 3, 1 \fr*\ft Olu lwimbo lushushire olulanga 67, 75 na 96; lolà muli \+xt Mik 1, 3-4\+xt*. 3, 3: Temani na Parani biri bishagala biri oku njira erhengerîre oku ntondo ya Sînayi, omu cihugo c’e Edomu. Eyo munda yo Abayahudi bageraga erhi barhenga e Mîsiri bayisha bayâka baj’e Kanâni.\ft*\f*.
\q1
\v 2 Yâgirwa, Nyakasane, nayumvîrhe bashambâla emikolo yâwe y’okurhangâza nieshi nayunjula bwôba.
\q1 Mwa gano mango g’akalamo kîrhu oshub’izûsa emikolo ya bene eyo, oyimanyîse oku bantu.
\q1 Ciru akabà mpu ogwêrhe ecirhumire wakunira, oshub’irhuyêrekeza olukogo lwâwe.
\s1 Okuyisha kwa Nyamuzinda
\q1
\v 3 Nyamuzinda ayishire kurhenga e Temani,
\q1 Nyamuzinda Mwimâna ayishire ebwa ntondo za Parani.
\q1 Obukuze bwâge bubwikire amalunga,
\q1 n’igulu lyoshi liyunjwîre irenge lyâge.
\b
\q1
\v 4 Ayishire amoleka n’obulangashane,
\q1 emyonzi y’obulangashane edwîrhe yarhenga omu maboko gâge,
\q1 mwo obuhashe bwâge bucîfulika.
\q1
\v 5 Ecihûsi cimushokolire, endwâla zimugumire omu cirali.
\pb
\p
\v 6 Akayimanga, igulu linadirhimane,
\p amâlola oku mashanja gamâgeramwo ogwa nyugunyu.
\p Entondo z’ensiku n’amango zamârhembagana,
\p orhurhondo rhwa mîra rhwahahanyusire,
\p zo zàli njira akâg’igeramwo burhanzi.
\b
\q1
\v 7 Nabwîne amalibuko g’abantu b’e Kushani,
\q1 n’ecôbà c’abantu bayûbaka e Madiyani\f + \fr 3, 7 \fr*\ft Kushani na Madiyani: gàli mashanja abirhi gayûbakaga olunda lw’e buzûka-zûba lw’e Sînayi. \ft*\f*.
\s1 Obukunizi bwa Nyakasane
\q1
\v 8 Ka nyîshi Nyakasane, ka nyîshi zirhumire wakunira?
\q1 Ka nyanja erhumire omutula gwâwe gudubuka.
\q1 Wamâshonera oku bitù nka kuno ojà oku ngâlè edwîrhwe n’ebiterusi byakuhêka ebwa kuhimana.
\q1
\v 9 Wamâgoka omuherho gwâwe, olugè lwâgwo olubumbire bisonga, zo ndahiro w’ebinwa byâwe: lgulu lyafûnuka n’enyîshi zahulula.
\q1
\v 10 Erhi entondo zikubona, zanajuguma, enkuba y’ecihonzi yayunjuza igulu, enyanja nênênè yakûngula n’empimbi z’omulaba zakaz’ilwîra emalunga.
\q1
\v 11 Igulu n’omwêzi byamayimanzibwa n’obumoleke bw’emyampi yâwe yajà yabalala, bilibisire embere ly’okulangashana kw’itumu lyâwe.
\q1
\v 12 Omu burhè bwâwe igulu walilabarha, n’amashanja wagahinaga omu bukunizi bwâwe.
\q1
\v 13 Wahulusire mpu oj’ifungira olubaga lwâwe, n’okufungira Omushîgwa wâwe, washâba oburhungiri bw’enyumpa y’omubî, wayikundula eciriba coshi kuhika oku mabuye\f + \fr 3, 13 \fr*\ft Lolà muli \+xt Lub 13—15; 27, 8-9; Hbr 11, 26\+xt*.\ft*\f*.
\q1
\v 14 Amatumu gâwe garhulungula amarhwe g’entwâli zâge, ezaliyishire mpu zirhushandabanye n’orhuhababo rhw’omwîshingo nka rhwa bantu balonza okuyîrha omukenyi bwifulikwè.
\q1
\v 15 Enyanja haguma n’empimbi zâyo z’emilaba, wayilabarha n’ebiterusi byâwe.
\s1 Okuyôboha Nyamuzinda gw’omurhondêro g’obuyêmêre
\q1
\v 16 Nayumvîrhe okwo, obulà bwâni bwajuguma, eryo izù lyarhuma akanwa kandirhimana; akafinjo kangera omu rhuvuha, obwôba bwantwa enjingo z’amagulu. Ndwîrhage nalingûza n’omwîshingo olwo lusiku lw’ebihamba, olwâyishira ishanja likaz’irhulibuza.
\q1
\v 17 Bulya omulehe gurhâciyâse, omuzâbîbu gurhâcijekwo malehe. Omuzêti gwâkaz’ileheka burhaleheka, amashwa garhâcibonekanemwo biryo. Ebyôgo byâhwamwo ebibuzi, ntà nkâfu zâcibonekana ebulambo.
\q1
\v 18 Ci kwône niehe nahama n’omwîshingo muli Nyakasane, nâcîshingira muli Nyamuzinda Muyôkozi wâni.
\q1
\v 19 Nyakasane Nyamuzinda, ye misî yâni, ye mpà okubiduha nka mbogo, ye ngeza ahalengerîre. Oku mukulu w’abimbiza\f + \fr 3, 19 \fr*\ft Olu lulanga lwa Habakuki lwakazâg’iyimbwa omu mango g’obugashânize bw’omu ka Nyamuzinda. Na ntyo omukulu w’abimbiza analuyankirira. Co cirhumire bayandika oku luli lwâge.\ft*\f*. Oku nzihwa y’okusalikwa y’emirya.