\id EPH EFZ - Bible en mashi du Congo
\ide UTF-8
\toc3 Efz
\toc2 Befezi
\toc1 AMARUBA EMWA ABEFEZI
\h Emwa Abefezi
\mt1 AMARUBA EMWA ABEFEZI\f + \fr 1, 0 \fr*\ft Abanya-Efezi; Bantu b'Efezi, Abahubukaga e Efezi\ft*\f*
\imt1 Enshokolezi oku maruba emwa Abefezi
\ip Nnâmahanga warheganyagya ebinja rhulimwo buno. Kurhenga mîra erhi ajira omuhigo gw’okuciza abantu n’okuhà ebintu byoshi mwâmi muguma, ye Kristu. Muli ye, Abayahudi n’abarhali Buyahudi bakola baguma: \vp 2,13\vp* \iqt « Lêro buno, muli Kristu, mwe mwâli kuli mîra, omukò gwa Kristu gwammushegezize hôfi.\iqt* \vp 14\vp* \iqt Nêci ye buholo bwîrhu, ye wajiraga ago mashanja gombi okubà liguma, ashâba ecisîka c’obushombanyi cakâg’ibaberûla;\iqt* \vp 15\vp* \iqt omu mubiri gwâge arhenza irhegeko haguma n’ebirhegesirwemwo n’ebigabi byâlyo, mpu lyo abo babiri abahindula muntu muguma muhyâhya muli ye, na ntyo alêrhe omurhûla;\iqt* \vp 16\vp* \iqt na bombi abajire mubiri muguma, anabagalule omu bwîra bwa Nnâmahanga omu kuyîrha obushombanyi bwâbo muli ye oku musalaba.\iqt* \vp 17\vp* \iqt Anaciyish’ihubuliza omurhûla kuli mwe, mwe mwâli kulî, n’obuholo kuli balya bâli hôfi.\iqt* \vp 18\vp* \iqt Nêci, oku rhulibabiri ye rhuhisa hali Îshe muli Mûka muguma yêne»\iqt*.
\ip Eco cinyabuguma cihyâhya c’abemêzi yo Ekleziya. Kristu ye Irhwe yêne wakerekaga emikolo y’oburhumisi (cig. 4) abarhumisi bagwâsirwe ngasi muguma alonze obunguke bwa boshi. Kristu yêne arhuhîre olwiganyo ly’obuzigire burhashuba nyuma. Acîshwêkire oku Ekleziya anayicêsa. Mpu obuhya bw’abakristu burhôlere olwiganyo aho, bunabè cimanyîso cihamîriza oburhahemuka bwa Kristu (cig. 5). Okubêra kwinjà kuli Kristu eri ntambala rhwalwa, ci rhurhalwisagya abirhu ci galya mahashe mabî shetani akolêsa mpu arhuyêgûle kuli Kristu (cig. 6).
\c 1
\s1 Omusingo
\p
\v 1 Paolo, Ntumwa ya Yezu Kristu oku bulonza bwa Nyamuzinda, oku batagatîfu n’abemêzi muli Kristu Yezu bali e Efezi. 
\v 2 Kuli mwe engalo n’omurhûla gwa Larha Nnâmahanga na Nyakasane Yezu Kristu.
\ms1 I. Ihwe ly’obucunguzi n’ery'Ekleziya
\s1 Kurhenga amango goshi erhi Nyamuzinda alonza okurhujira bâna bâge
\q1
\v 3 Ayâgirwe Nyamuzinda n’Îshe wa Nnawîrhu Yezu Kristu, owarhugishaga, arhuhà obwangà bw’obunya-mûka bwa ngasi lubero, bwangà buhubu­ka omu mpingu muli Kristu!
\q1
\v 4 Ntyo kwo acîrhwishozire muli ye embere igulu liremwe mpu rhubè batagatîfu na bêru-kwêru embere zâge omu buzigire,
\q1
\v 5 oku bulonza gwâge yêne arhulondôla mpu rhuyish’ibà bâna bâge balere erhi Yezu Kristu orhuma,
\q1
\v 6 oku bukuze bw’irenge ly’engalo yâge arhushobôzagya muli Omugala Muzigirwa.
\q1
\v 7 Muli ye rhubona obuyôkoke, mukò gwâge gurhumire, obwonjo oku byâha, nk’oku obuhirhi bw’engalo yâge bunali,
\q1
\v 8 eyo ngalo Nnâmahanga arhushobôzagya omu bushinganyanya n’omu bumanye.
\q1
\v 9 Arhumanyîsa ihwe ly’obulonza gwâge, gulya muhigo gwâge gw’olukogo ali erhi ahizire muli Kristu,
\q1
\v 10 mpu lyo, hano amango gayunjula, aguyukiriza: okushubûliza ebintu byoshi muli Mwâmi muguma, yerigi Kristu, ebiri emalunga n’en’igulu.
\q1
\v 11 Muli ye kandi rhwacishozirwe mpu rhubè mîmo, rhwagoshôlwa kurhenga mîra oku bulonza bw’Olya ojira byoshi nk’oku alonzize yêne,
\q1
\v 12 mpu lyo rhwe\f + \fr 1, 12 \fr*\ft Rhwe: Bo Buyahudi abo; bakristu b’oku bûko, b’oku ishanja ly’Abayahudi.\ft*\f* rhwàli erhi rhulangâlira Kristu kurhenga mîra, rhubà bukuze bw’irenge lyâge.
\q1
\v 13 Ninyu\f + \fr 1, 13 \fr*\ft Ninyu: kwo kuderha abapagani abo; bakristu b’omu mashanja, bûko burhali bwa Buyahudi.\ft*\f* kwo na kwo, erhi muyûs’iyumva oluderho lw’okuli, yo Myanzi y’Akalembe k’obuyôkoke bwinyu, n’erhi mubà mwamâyêmêra, muli ye mwahirwakwo ecimanyîso ca Mûka Mutatagatîfu mwalaganyibagwa.
\q1
\v 14 Oyo Mûka Mutatagatîfu co cikinja c’akashambala kîrhu, ye narheganya obucunguzi bw’olubaga Nyamuzinda acizagya, mpu lubè bukuze bw’irenge lyâge.
\s1 Kristu ye Mwâmi mukulu w’ebintu byoshi
\p
\v 15 Co cirhumire, nâni erhi nyumva obuyêmêre bwinyu muli Nyakasane Yezu n’obuzigire bwinyu oku batagatîfu boshi, 
\v 16 ntacihusa okuvuga omunkwa mwe murhumire nka nammukengêra omu nsengero zâni, 
\v 17 nti Nyamuzinda wa Nnawîrhu Yezu Kristu, Îshe w’irenge, ammuhè omurhima gw’obushinganyanya anammufulûlire amahwe gâge, lyo mumumanya bwinjà. 
\v 18 Mâshi a­mmumolekere amasù g’omurhima, mubone bulangâlire buci mwahamagalîrwe na buhirhi buci bw’irenge akashambala kâge kammubîkîre omu karhî k’abatagatîfu, 
\v 19 mubone na bukulu buci burhajira Lugero obuhashe bwâge bwarhuhîre, rhwe bemêzi. Obwo buhashe bw’emisî yâge 
\v 20 abuyêrekîne muli Kristu erhi amufûla omu bafù anamubwârhaza ebwa kulyo kwâge omu mpingu, 
\v 21 enyanya bwenêne kulusha ngasi Bwâmi, ngasi Burhegesi, ngasi Buhashe na ngasi Burhwâli, na kulusha ngasi izîno liderhwa, arhali hano igulu hône, ci n’omu igulu lyâyisha. 
\v 22 \qt Byoshi abihizire aha magulu gâge, amujira kasongêro k’ebintu byoshi, amujira irhwe ly’Ekleziya\qt*, 
\v 23 \qt gwo mubiri gwâge, lyo n’ishwinjiro ly’olya oyunjuzize byoshi byoshi muli ngasi kantu\qt*.
\c 2
\s1 Kristu arhucungula buzira makwânane gîrhu
\p
\v 1 Ninyu\f + \fr 2, 1 \fr*\ft Ninyu: mwe bakristu mwarhenganga omu mûko garhali ga Buyahudi, mpu bo bapagani.\ft*\f* mwe mwâli mufîre n’obubî n’ebyâha binyu 
\v 2 mwalimwo mîra erhi mukashimba obugende bw’eri igulu n’okukashimba omuluzi w’obwâmi bw’omu cirêre, ye muzimu ntalikirira entumva… 
\v 3 Câbà mushâna nîrhu\f + \fr 2, 3 \fr*\ft Nîrhu: rhwe bakristu barhengaga omu mûko g’Abayahudi, mpu bakâg’ilinda Masiya kurhenga mîra\ft*\f* rhweshi rhwàli ba Lugero luguma nabo mîra omu kushimba amîru gîrhu mabî, omu kukolera iralà ly’omubiri n’enyifinjo mbî, n’oku bwôrhere bwîrhu rhwàli bâna ba bukunizi ak’abandi.
\p
\v 4 Ci Nyamuzinda ntahwa-lukogo, obuzigire bwâge bunji arhuzigiremwo burhumire, 
\v 5 n’obwo rhwàli mifîriri erhi byâha bîrhu birhuma, arhufûla haguma na Kristu, -enali nshôkano yâge yammucizagya-; 
\v 6 arhufûla haguma naye, anarhubwârhaza omu mpingu muli Kristu Yezu, 
\v 7 mpu ayêrekane omu myâka yayisha obuhirhi burhajira Lugero bw’engalo yâge n’o­bwinjà bwâge kuli rhwe muli Kristu Yezu. 
\v 8 Bulya, nêci, nshôkano yâge, kuhirakwo obuyêmêre, yammucizagya. Obwo bucire, arhali omu misî yinyu burhenga, ci eri ngalo ya Nyamuzinda. 
\v 9 Arhali omu bijiro burhenga, mpu lyo halek’ibà owacîkuza. 
\v 10 Bulya rhuli mulimo gwâge, rhwalemirwe muli Kristu Yezu mpu rhujire ebijiro binjà Nyamuzinda arhurheganyizagya okukola.
\s1 Abayahudi n’abarhali Bayahudi omu cinyabuguma ca Kristu
\p
\v 11 Kengêri amango ga mîra, mwe bapagani, -mwâli bo omu mubiri gwinyu, mwa mwakâg’iderhwa bantakembûlwa na balya bacîderha bakembûle, erhi banali bo omu mubiri gwâbo gwakembûlagwa n’abantu-; 
\v 12 kengêri oku ago mango murhagwêrhe Kristu, mwâli bakagwa omu ishanja ly’Israheli, ntà cigabi mwagwêrhe omu ndagâno Nnâmahanga\f + \fr 2, 12 \fr*\ft Abapagani bagwêrhe bazimu banji, ci barhayishigi Nyamuzinda w’okuli.\ft*\f* alagânaga, mwâli mbula-bulangâlire na mbula-Nyamuzinda en’igulu. 
\v 13 Lêro buno, muli Kristu, mwe mwâli kulî mîra, omukò gwa Kristu gwammushegezize hôfi.
\p
\v 14 Nêci ye buholo bwîrhu, ye wajiraga ago mashanja gombi\f + \fr 2, 14 \fr*\ft Ago mashanja gombi: Abayahudi n’abapagani.\ft*\f* okubà liguma, ashâba ecisîka c’obushombanyi cakâg’ibaberûla; 
\v 15 omu mubiri gwâge arhenza irhegeko\f + \fr 2, 15 \fr*\ft Irhegeko lya Mûsa lyàli cisîka ekarhî k’Abayahudi n’abandi bantu.\ft*\f* haguma n’ebirhegesirwemwo n’ebigabi byâlyo, mpu lyo abo babiri abahindula muntu muguma muhyâhya muli ye, na ntyo alêrhe omurhûla; 
\v 16 na bombi abajire mubiri muguma, anabagalule omu bwîra bwa Nnâmahanga omu kuyîrha obushombanyi bwâbo muli ye oku musalaba. 
\v 17 Anaciyish’ihubuliza omurhûla kuli mwe, mwe mwâli kulî, n’obuholo kuli balya bâli hôfi. 
\v 18 Nêci, oku rhuli babiri\f + \fr 2, 18 \fr*\ft Oku rhuli babiri: Abayahudi n’abapagani.\ft*\f* ye rhuhisa hali Îshe muli Mûka muguma yêne.
\p
\v 19 Na ntyo murhaciri b’embuga nîsi erhi bigolo, ci mukola ba mulala muguma n’abatagatîfu na bâna b’omu nyumpa ya Nyamuzinda. 
\v 20 Entumwa n’abalêbi co ciriba muyûbakîrwekwo, na Kristu Yezu Yenênè ye ibuye-kaboko ka nyumpa. 
\v 21 Muli ye mwo ngasi bûbake busîmbana bunashunjûka, bubè ka-Nyamuzinda katagatîfu muli Nyakasane. 
\v 22 Muli ye ninyu mwajîre omu bûbake mpu muhinduke ka-Nyamuzinda muli Mûka Mutagatîfu.
\c 3
\s1 Paolo mujà-bugo w’ihwe lya Kristu
\p
\v 1 Co irhumire, nie ono Paolo, ndi mushwêke wa Kristu Yezu mwe bapagani murhumire. 
\v 2 Bulya nkabaga mwayumvîrhe kurhi Nyamuzinda anshobôzagya enshôkano yâge mpu mmuhise kuli yo, 
\v 3 n’oku anfulûliraga ery’ihwe, nk’okûla mmuyandikîre omu nderho nsungunu. 
\v 4 Omu kusoma ebi mmuyandikîre ninyu mwêne mwaciyumviza obumanye njira bw’ihwe lya Kristu. 
\v 5 Ery’ihwe lirhàli lisag’ibwîrwa abantu ba mîra nk’oku likola limanyirwe n’entumwa zâge ntagatîfu n’abalêbi muli Mûka Mutagatîfu: 
\v 6 Abapagani bakola bayêmêrîrwe okuyish’ihâbwa kashambala kaguma, bakola babà birumbu bya mubiri muguma, banakola bashangira eciragâne muli Kristu Yezu erhi Myanzi y’Akalembe erhuma\f + \fr 3, 6 \fr*\ft Ababatizibwe boshi, bakabà bapagani erhi Buyahudi, bali bâna ba Nnâmahanga.\ft*\f*. 
\v 7 Nahindusire mujà-bugo w’eyo Myanzi y’Akalembe erhi nshôkano y’engalo Nyamuzinda anshobôzagya erhuma, ayêrekana obuhashe bw’okuboko kwâge. 
\v 8 Nie munyi omu bakristu boshi, nie nashobwîre enshôkano y’okumanyîsa abapagani obuhirhi bwa Kristu burhajira Lugero 
\v 9 n’okuyêreka abantu boshi lirya ihwe lyàli lifulike kurhenga emyâka n’emyâka muli Nyamuzinda, Mulemi w’ebintu byoshi. 
\v 10 Obwo bushinganyanya bwa Nyamuzinda burhajira oku bwankagerwa, ciru n’Amâmi n’Amahashe\f + \fr 3, 10 \fr*\ft Amâmi n’Amahashe g’omu mpingu, bo bamalahika.\ft*\f* g’omu mpingu, erhi gabona Ekleziya lyo gabumanyire. 
\v 11 Ntyo kwo Nnâmahanga àli alâlîre kurhenga emyâka n’emyâka okuyish’ijira muli Nnawîrhu Kristu Yezu. 
\v 12 Ye rhuhà, akabà rhuyêmîre, oburhwâli bw’okuyegera Nyamuzinda buzira bwôba. 
\v 13 Ntyo mmuhûnyire nti murharhemukaga erhi malibuko gâni garhuma, bulya lyo irenge linyu.
\s1 Omusengero gwa Paolo
\p
\v 14 Co cirhumire nfukama embere za Nyamuzinda Îshe, 
\v 15 y’Îshe wa ngasi mubusi oli empingu n’igulu, 
\v 16 nti ahume omu buhirhi bw’irenge lyâge, a­mmukomeze n’obuzibu bwa Mûka Mutagatîfu, ly’omuntu muhyâhya\f + \fr 3, 16 \fr*\ft Oyo muntu muhyâhya, bwo buzîne Mûka Mutatagatîfu arhuhà omu bubatizo.\ft*\f* ommulimwo ayûshûka, 
\v 17 lyo na Kristu abêra omu mirhima yinyu erhi buyêmêre bwinyu burhuma. Mumere emizî omu buzigire, munasêre omu buzigire, 
\v 18 lyo muhash’iyumva, mwe n’abemêzi boshi, obugali n’obulî, oburherema n’obwandagala\f + \fr 3, 18 \fr*\ft Okwo kwoshi kuli kuderha oku ihwe lya Nnâmahanga lirhajira Lugero.\ft*\f*, 
\v 19 munamanye obuzigire bwa Kristu, ciru bukabà bulushire ngasi bukengêre, na ntyo muyunjule obuhirhi bwa Nnâmahanga bwoshi. 
\v 20 Kuli Oyo ogwêrhe obuhashe bw’okurhujirira ngasi kantu rhwankashenga erhi kugerêre­za, ciru analushîse, Oyo obushashe bwâge bukola omu mirhima yîrhu, 
\v 21 kuli Ye irenge omu Ekleziya na muli Kristu Yezu, kuhika amango goshi n’emyâka n’emyâka! Amen!
\c 4
\ms1 II. Amahano g’okushwinja
\s1 Okuyumvanya n’okubêra omu cinyabuguma
\p
\v 1 Mmuhûnyire, nie mushwêke muli Nyakasane, nti olugendo lwinyu lulingânane n’obwôrhere mwahamagirwemwo. 
\v 2 Mubè bîrhôhye na batûdu, munalemberane; muyumvanye omu buzigire, 
\v 3 munacîsêze okulanga obuguma bwa Mûka Mutagatîfu omu murhûla gw’ecinyabuguma. 
\v 4 Omubiri guli muguma na Mûka Mutatagatîfu ali muguma; n’obulangâlire mwahamagirwemwo na­bwo buli buguma. 
\v 5 Nyakasane ali muguma Yêne, n’obuyêmêre buli buguma, n’obubatizo buli buguma. 
\v 6 Nyamuzinda ali muguma, y’Îshe w’abantu boshi, ye kulîre boshi, akola muli boshi, anabà muli boshi. 
\v 7 Ci kwônene ngasi muguma muli rhwe ahâbirwe eyâge ngalo nk’oku anatwîragwa n’enshôkano ya Kristu. 
\v 8 Kwo Amandiko gadesire, mpu\x - \xo 4, 8 \xo*\xt Lul 68, 18.\xt*\x*: \qt Arheremîre emalunga, ahêka abà­bôhe, agabira abantu enshôkano\qt*. 
\v 9 \qt «Arheremîre», kwo kuderha kurhi? Ka kurhali kuderha oku ali arhanzir’iyandagalira omu kuzimu?\qt* 
\v 10 \qt Oyo wayandagalaga, ye wanarheremaga, arhaluka amalunga goshi, mpu abè ishwinjiro ly’ebintu byoshi\qt*. 
\v 11 Kandi ye washobôzagya: baguma okubà ntumwa, abandi okubà balêbi erhi bajà-bugo b’Emyanzi y’Akalembe, n’abandi okubà balungere erhi bayigîriza, 
\v 12 akeresa ntyo abemêzi omu mukolo gw’oburhumisi, mpu lyo ayûbaka omubiri gwa Kristu, 
\v 13 kuhika rhweshi haguma rhuhike omu cinyabuguma c’obuyêmêre n’ec’okumanya Mugala wa Nnâmahanga, rhulinde rhubà muntu mwimâna, rhuhike oku Lugero lukwânîne\f + \fr 4, 13 \fr*\ft Ekleziya lyo ishwinjiro ly’omubiri gwa Kristu, na ngasi babatizibwe byo birumbu by’o­gwo mubiri. Ngasi muguma muli rhwe kukwânîne acîsêze okubà mwimâna, okubà Mutagatîfu, lyo Ekleziya ehika oku Lugero lukwânîne ishwinjiro ly’omubiri gwa Kristu.\ft*\f* ishwinjiro ly’omubiri gwa Kristu. 
\v 14 Ntyo lêro rhurhaciyôrhe nka bâna ba birhabà bayêhûlwa eyi n’eyi na ngasi mpûsi y’enyigîrizo zarhenga omu bunywesi bw’abantu n’omu bulyâlya bwâbo bw’okurhebana. 
\v 15 Ci omu kujira eby’okuli omu buzigire, rhwayûshûka omu ngasi njira, rhuyegere irhwe, ye Kristu. 
\v 16 Ye hà omubiri gwoshi okusimbana n’okusêra haguma oku burhabâle bw’enungo zoshi zigulisa n’omukolo gwa ngasi cirumbu; na ntyo kwo kushunjûka n’okucîyûbaka gwône omu buzigire.
\s1 Obuzîne buhyâhya muli Kristu
\p
\v 17 Lêro mâshi, mmubwîzire nnammugashire muli Nyakasane, nti murhacikâg’iyôrha nka bapagani bakashimba enkengêro zâbo za busha. 
\v 18 Obukengêre bwâbo buyunjwîre mwizimya, n’obuhwinja bw’omurhima gwâbo guhûsire bwarhumîre barhabona obuzîne bwa Nyamuzinda. 
\v 19 Bàcibêrire bacikala-nshonyi, bashimba engeso mbî y’okuhusha, bagwîra okukâjira eby’enshonyi bya ngasi lubero. 
\v 20 Ci mwêhe arhali ntyo kwo mwayigîrizibwe Kristu, 
\v 21 akabà mwamuyumvîrhe n’akabà mwayigîrizibwe muli ye nka kulyâla binali muli Yezu.
\p
\v 22 Mwayigîrizibwe oku murhegesirwe okuleka obwôrhere bwinyu burhanzi n’okuhogola omuntu wa mîra\f + \fr 4, 22 \fr*\ft Omuntu wa mîra y’olya wali omu bujà bw’ebyâha, n’omuhyâhya y’olya waburhagwa omu mîshi g’obubatizo.\ft*\f*, olya ojà wabola omu kushimba enyifinjo mbî, 
\v 23 lyo muhinduka bahyâhya omu murhima n’omu nkengêro zinyu, 
\v 24 munacîhundikire omuntu muhyâhya, olya Nyamuzinda alemaga oku nshusho yâge omu bushinganyanya n’omu butagatîfu bw’okunali. 
\v 25 Lêro ntà kucikaz’inywerha, ci ngasi muguma akabwîra abâbo eby’okuli, bulya rhweshi rhubà ngasi muguma birumbu by’abâbo. 
\v 26 Mukunire, ci murhajiraga câha: izûba lirhazikaga n’obukunizi bucimmugwêrhe\x - \xo 4, 26 \xo*\xt Lul 4, 5.\xt*\x*. 
\v 27 Mumanye mwankahà hishetani engwârhiro. 
\v 28 Ngasi wali cishambo agokôle; akole n’amaboko gâge erhikwo nk’oku bishingânîne, ciru ahash’irhabâla ab’obuligo. 
\v 29 Ntà luderho lubî lurhengage omu kanwa kinyu; mukaderha ebiwa binjà byône, birya byankabà lwingayo lwinjà oku bandi amango gakwânîne, n’okulêrhera ababiyumva akamalo. 
\v 30 Mumanye murhajiraga Mûka Mutatagatîfu gwa Nyamuzinda burhè\f + \fr 4, 30 \fr*\ft Ngasi câha cijira Mûka Mutagatîfu burhè, bwenêne ebyâha bisherêza ecinyabuguma c’Ekleziya.\ft*\f*, ye wammuhiragakwo ecimanyîso c’olusiku lw’obucunguzi\f + \fr 4, 30 \fr*\ft olusiku ly’obucunguzi: Aha kuyûrha kw’igulu lyo rhwacunguka lwoshi, olusiku rhwarhengamwo olu lubanda lw’emirenge.\ft*\f*. 
\v 31 Omujina, ennongwè, obukunizi, akadali, ebijâci, ebyôla byoshi birhenge ekarhî kinyu, haguma na ngasi coshi ciderhwa cibî. 
\v 32 Muciyêrekane binjà erhikwo na ba lukogo baguma oku bandi, omu kubabalirana mwêne na nnene nka kulya Nnâmahanga ammubabaliraga muli Kristu.
\c 5
\p
\v 1 Nêci, mucîsêze okushusha Nnâmahanga nka bâna bâge bazigirwa. 
\v 2 Mukâyôrha muzigirîne nka kulya Kristu ammuzigiraga, acîhâna yêne erhi rhwe rhurhuma mpu abè ntûlo na nterekêro y’okusîmîsa Nyamuzinda. 
\v 3 Obugonyi bôhe na ngasi bindi by’enshonyi n’amagene g’eby’en’igulu, ciru amazîno gâbyo garhakag’iderhwa ekarhî kinyu: ntyo kwo kushingânîne abatagatîfu. 
\v 4 Ntà kuganîra eby’enshonyi, nîsi erhi okuderha ebirhagwêrhi nda na mugongo, erhi okushesa abandi n’ebinwa bibî: ebyôla byoshi birhakwânîni; mukaz’ivuga Nnâmahanga omunkwa erhikwo. 
\v 5 Mumanye kwinjà oku ntà mugonyi, ntà mûmaguza, na ntâye ohubira eby’en’igulu, -kwo kuli kufukamîra ebiremwa-, ntâye muli abo boshi wanalabarhe omu Bwâmi bwa Kristu na Nnâmahanga. 
\v 6 Harhajiraga owammurheba n’ebinwa by’obunywesi: ebyo byo bihamagala obukunizi bwa Nyamuzinda oku bamugomera. 
\v 7 Mumanyage mwankashangîra obubî bwâbo.
\p
\v 8 Mîra mwâli omu mwizimya, buno lêro mukò­la muli bulangashane muli Nyakasane; muyôrhe nka bâna ba bumoleke. 
\v 9 Na ngasi hiri hinjà, ngasi hishingânîne, na ngasi hiri hy’okuli, yo mburho y’obulangashane. 
\v 10 Mulongereze ebisimîsize Nyakasane; 
\v 11 munamanye mwankashangîra emikolo y’omwizimya erhajira kamalo, ci muyêrekane obubî bwâyo erhi­kwo. 
\v 12 Bulya ebi abo bantu bajira bufundafunda, ziri nshonyi okubiderha. 
\v 13 Ci ebiyêrekanwa byoshi kubonekana bibonekana n’obwâlagale; na ngasi coshi cibonekana n’obwâlagale bubà bumoleke. 
\v 14 Co cirhuma baderha, mpu: «Tulûka, weri îrò, zûka omu bafù, Kristu âkumolekera». 
\v 15 Ntyo mumanye bwinjà olugendo lwinyu; murhahimbaga nka bingolongolo, ci mubè barhimanya; 
\v 16 Mukolêse bwinjà amango muhîrwe, bulya zino nsiku ziri mbî. 
\v 17 Kuziga murhabâga bahalanjisi, ci mucîsêze okumanya cici Nyakasane alonza. 
\v 18 Murhahîra mukalaluka amamvu, bulya ly’iriba ly’eby’enshonyi; ci muyunjule Mûka Mutagatîfu. 
\v 19 Mukazibwîrana ennanga, ebîtakîro n’enyimbo z’obunya-Mûka; mukâyimba n’okukuza Nyakasane n’omurhima gwinyu gwoshi. 
\v 20 Ngasi mango n’oku ngasi kantu mukaz’ivuga Nyamuzinda Îshe omunkwa, oku izîno lya Nnawîrhu Yezu Kristu.
\s1 Oku abakristu bakwânîne okuyôrha omu mwa bâbwè
\p
\v 21 Mukaz’ikengana mwêne na nnene erhi kurhînya Kristu kurhuma. 
\v 22 Kukwânîne abakazi bayumve bibà nk’oku bankayumva Nyakasane; 
\v 23 bulya omu­lumè ye nnawâbo omukazi, nka kula Kristu ye nnawâbo Ekleziya, ye Muciza w’omubiri. 
\v 24 Kulya Ekleziya eyumva Kristu, kwo n’abakazi bakwânîne okuyumva bibà muli byoshi. 
\v 25 Mwe balume, muzigire bakinywi nka kula Kristu azigira Ekleziya; acîhânyire yo erhumire, 
\v 26 mpu ayijire ntagatîfu anayicêse omu kuyishuka n’amîshi haguma n’oluderho\f + \fr 5, 26 \fr*\ft Amîshi n’enderho z’obubatizo, ebyo bàdesire.\ft*\f*. 
\v 27 Bulya alonzagya Ekleziya yâge ebè cirangashana, erhagwêrhi izâbyo, erhi migunye-migunye, nîsi erhi bindi bya bene ebyo, ci ntagatîfu na nyêru-kwêru.
\p
\v 28 Abalume nabo bakwânîne bazigire bakâbo nka mibiri yâbo bône. Ozigira mukâge erhi yêne ocizigire. 
\v 29 Ntâye osag’ishomba omubiri gwâge; ci kugulîsa omuntu agulîsa n’okuguge­nderera kwinjà, nka kula Kristu ajirira Ekleziya; 
\v 30 Bulya rhuli birumbu by’o­mubiri gwâge. 
\v 31 \qt Co cirhuma omuntu aleka îshe na nnina, acîshwêkerekwo mukâge, banabè oku bali babiri mubiri muguma\qt*\x - \xo 5, 31 \xo*\xt Murh 2, 24; Mat 19, 5.\xt*\x*. 
\v 32 Liri ihwe likulu elyo: nalonza okuderha oku luli lwîganyo lwa Kristu n’Ekleziya. 
\v 33 Ntyo ngasi muguma muli mwe azigîre mukâge nk’oku acîzigira yêne, n’omukazi akenge îba.
\c 6
\p
\v 1 Bâna, mukaz’iyumva ababusi binyu muli Nyakasane: okwo kushingânîne. 
\v 2 \qt Okaz’ikenga sho na nyoko\qt*, -ly’irhegeko lirhanzi lirimwo eciragâne-, 
\v 3 \qt ly’obona iragi onalame myâka minji en’igulu\qt*\x - \xo 6, 3 \xo*\xt Lub 20, 12.\xt*\x*. 
\v 4 Ninyu, mwe babusi, murhakâg’isholoshonza abâna binyu, ci omu kubalera, mubayigîrize munabahanûle muli Nyakasane.
\p
\v 5 Bashizi, mukaz’iyumva ba nnâhamwinyu b’en’igulu, mubarhînye munabakenge n’omurhima gurhalimwo bulyâlya, nka kulya mwa­nkajirira Kristu. 
\v 6 Murhakâg’ikakolera isù nk’abalonz’isimîsa abantu, ci nka barhumisi ba Kristu bajira obulonza bwa Nnâmahanga n’omurhima gwoshi. 
\v 7 N’omurhima gwinyu gwoshi murhumikire Nyakasane, ci arhali abantu. 
\v 8 Murhahabiri oku ngasi muntu, akabà mushizi, akabà ntagengwa, ayishihâbwa na Nyakasane oluhembo lw’aminjà ajizire.
\p
\v 9 Ninyu, mwe bashigwa, mukabajirira nk’okwo. Muleke okukâbayôbohya, murhanayibagiraga oku Nnawâbo na Nnawinyu omu mpingu abà, n’oku arhajira kanânà.
\s1 Emirasano y’omukristu
\p
\v 10 Cabuzinda-zinda, musimike muli Nyakasane n’omu buhashe bw’emisî yâge. 
\v 11 Muyambale emirasano ya Nyamuzinda, lyo muhash’ihima obwengehusi bwa shetani. 
\v 12 Bulya ababisha rhulwîsa gurhali mubiri na mukò, ci Mâmi, n’Amahashe, n’Amarhegesi g’eri igulu ly’omwizimya; rhulwîsa abazimu babî babêra omu cirêre\f + \fr 6, 12 \fr*\ft Ababisha bîrhu barhali b’en’igulu, ci Shetani yenênè.\ft*\f*. 
\v 13 Kuziga muyambale emirasano ya Nyamuzinda, ly’omu mango mabî muhashihagalika omushombanyi, muhimane, munayôrhe muzibuhire. 
\v 14 Muyimangire kuli gombi! Okuli bubè gwo mukaba gwinyu, obushinganyanya ebè yo mpenzi yinyu, 
\v 15 n’obushibirizi bw’okulumîza Emyanzi y’Akalembe zibè zo nkwêrho zinyu. 
\v 16 Muyôrhe mufumbasire empenzi y’o­buyêmêre, yo mwakahazamwo emyampi-kamole y’omubî\f + \fr 6, 16 \fr*\ft Omubî kwo kuderha shetani.\ft*\f* yoshi. 
\v 17 Muyambale n’ensirha y’obucire n’engôrho ya Mûka gwa Nnâmahanga, lwo Luderho lwa Nnâma­hanga. 
\v 18 Muyôrhe muharâmya n’okushenga ngasi mango muli Mûka Mutagatîfu; mukâyîza burharhama, munasengerere abatagatîfu boshi. 
\v 19 Munsengere nâni, lyo mbona oku nabumbûla akanwa, nderhe nampanûle n’oburhwâli ihwe ly’Emyanzi y’Akalembe; 
\v 20 yo ndi mujà-bugo wayo muno nkoba. Mâshi mbone oburhwâli bw’okuyiderha nk’oku ekwânîne!
\s1 Emyanzi ya Paolo n’omusingo
\p
\v 21 Nnonzize nti ninyu mumanye emyanzi yâni n’oku nyôsire; mwene wîrhu muzigirwa Tikiko, muganda okwânîne okucîkubagirwa muli Nyakasane, â­mmubwîra byoshi. 
\v 22 Mmurhumireye nti ammuhè emyanzi yîrhu anammurhûlirize emirhima. 
\v 23 Nyamuzinda Îshe na Nyakasane Yezu Kristu bashobôze bene wîrhu omurhûla, obuzigire n’obuyêmêre. 
\v 24 Enshôkano ya Nnâmahanga ebè haguma na balya boshi bazigira Nnawîrhu Yezu Kristu omu kalamo karhaheka!