\id 2TH 2TES - Bible en mashi du Congo
\ide UTF-8
\toc3 2 Tes
\toc2 2 Tesalonika
\toc1 AMARUBA GA KABIRI EMWA ABATESALONIKA
\h AGA KABIRI EMWA ABATESALONIKA
\mt1 AGA KABIRI EMWA ABATESALONIKA
\imt1 Enshokolezi oku maruba ga kabiri emwa Abatesalonika
\ip Paolo agendêrîre okuderha eby’okulinda oku Kristu agaluka: «\vp 1, 6\vp* \iqt Nêci, kukwânîne obushinganyanya bwa Nyamuzinda okugalulira abà­mmulibuza amalibuko,\iqt* \vp 7\vp* \iqt n’okummuhà, mwe mudwîrhe mwalibuzibwa, okuluhûka haguma nîrhu, amango Nyakasane Yezu aciyêrekanira emalunga haguma na bamalahika b’obuhashe bwâge,\iqt* \vp 8\vp* \iqt omu ngulumira y’omuliro, mpu ahâne balya barhishi Nyamuzinda barhanayumva Emyanzi y’Akalembe ya Nnawîrhu Yezu.\iqt* \vp 9\vp* \iqt Abôla bayish’ihâbwa obuhane bw’okukagwa n’okuherêrekera ensiku n’amango kuli n’obusù bwa Nyakasane n’irenge ly’obuhashe bwâge,\iqt* \vp 10\vp* \iqt olusiku ayisha mpu akuzibwe omu batagatîfu bâge, anabè cirhangâzo omu ngasi bamuyêmîre boshi. Ninyu mwayêmîre obujà-bugo bwîrhu!\iqt* \vp 11\vp* \iqt Okwo kwo kurhuma rhurhahusa okummusengerera, nti Nyamuzinda wîrhu ammujire bantu bakwânîne eci ammuhamagaliraga, abayunjuze n’obuhashe bwâge emihigo yinyu yoshi y’okujira aminjà n’emikolo y’ohuyêmêre bwinyu;\iqt* \vp 12\vp* \iqt ntyo izîno lya Nnawîrhu Yezu likuzibwe muli mwe, ninyu muli lyo, oku lugero lw’engalo ya Nyamuzinda wîrhu na Nyakasane Yezu Kristu.»\iqt*
\ip Oku nyigîrizo z’okulinda okugaluka kwa Kristu, Paolo ayûshwîre oku rhugendêrere emikolo, rhuyâke obwôlo, abwôlo, rhuyâke akayange: «\vp 3, 6\vp* \iqt Rhummurhegesire, bene wîrhu, oku izîno lya Nyakasane Yezu Kristu, nti muyâke ngasi mwene wîrhu ôbà mwôlo n’orhashimba emigenzo rhwammusigiraga.\iqt* \vp 7\vp* \iqt Ninyu mwêne murhahabiri oku kukwânîne murhulolerekwo olwiganyo. Erhi rhuli emwinyu, rhurhabêraga buzira mukolo,\iqt* \vp 8\vp* \iqt na ntâye rhwadesire nti rhwankalya omugati gwâge busha; ci budufu na mûshi erhi kukola rhukola n’okuluha, nti lyo rhurhazidohera ndi muli mwe.\iqt* \vp 9\vp* \iqt Kurhali kuderha oku ntà buhashe rhwàli rhugwêrhe, ci nti rhummubêre lwîganyo lw’okukulikira.\iqt* \vp 10\vp* \iqt Bulya rhuli emwinyu, ka rhurhammubwîraga nti akabà omuntu arhalonza okukola, aleke n’okulya?\iqt* \vp 11\vp* \iqt Kurhi kulya rhwaciyumvirhage barhubwîra mpu baguma muli mwe bali bwôlo, mpu barhakola bici, ci kwônene erhi banacihira omu birhabayêrekiri?\iqt* \vp 12\vp* \iqt Abôla rhubarhegesire rhunabahunyire muli Nyakasane Yezu Kristu nti bakole n’omurhûla, banalye ebiryo by’omu maboko gâbo.\iqt* \vp 13\vp* \iqt Mwêhe, bene wîrhu, murharhamaga okukâjira aminjà.\iqt*»
\c 1
\s1 Omusingo
\p
\v 1 Paolo, Silvano na Timoteyo, kuli Ekleziya y’Abatesalonika\f + \fr 1, 1 \fr*\ft Abatesalonika: Banyatesalonika; Bantu b’e Tesalonika.\ft*\f* eri muli Larha Nyamuzinda na muli Nyakasane Yezu Kristu. 
\v 2 Kuli mwe enshôkano n’obuholo bwa Nyamuzinda Îshe\f + \fr 1, 2 \fr*\ft Nyamuzinda Îshe: erhi herufi a na i bibuganana, omu kusoma rhwanahubula Nyamuzind'Îshe, ci omu kuyandika rhwanayandika Nyamuzinda Îshe. \ft*\f* na Nyakasane Yezu Kristu!
\s1 Paolo avuga Nnâmahanga omunkwa. Abahà omurhima. Oluhembo luzinda
\p
\v 3 Rhukwânîne okukâvuga Nnâmahanga omunkwa ngasi mango mwe murhumire, bene wîrhu; okwo kushingânîne, bulya obuyêmêre bwinyu budwîrhe bwayûshûka bwenêne, n’obuzigire bwa ngasi muguma muli mwe oku bâbo buli bunene; 
\v 4 ciru nîrhu rhwêne rhukola rhucîkunga omu Ekleziya za Nnâmahanga erhi mwe murhuma, kulya kubà mwazibuhire mwanalanga obuyêmêre omu mababale n’omu malibuko mubona. 
\v 5 Okwôla kuyêrekana oku Nyamuzinda atwa olubanja okushingânîne n’oku mukwânîne Obwâmi bwa Nnâmahanga mudwîrhe mwaluhira.
\p
\v 6 Nêci, kukwânîne obushinganyanya bwa Nyamuzinda okugalulira abà­mmulibuza amalibuko, 
\v 7 n’okummuhà, mwe mudwîrhe mwalibuzibwa, okuluhûka haguma nîrhu, amango Nyakasane Yezu aciyêrekanira emalunga haguma na bamalahika b’obuhashe bwâge, 
\v 8 omu ngulumira y’omuliro, mpu ahâne balya barhishi Nyamuzinda barhanayumva Emyanzi y’Akalembe ya Nnawîrhu Yezu. 
\v 9 Abôla bayish’ihâbwa obuhane bw’okukagwa n’okuherêrekera ensiku n’amango kuli n’obusù bwa Nyakasane n’irenge ly’obuhashe bwâge, 
\v 10 olusiku ayisha mpu akuzibwe omu batagatîfu bâge, anabè cirhangâzo omu ngasi bamuyêmîre boshi. Ninyu mwayêmîre obujà-bugo bwîrhu!
\p
\v 11 Okwo kwo kurhuma rhurhahusa okummusengerera, nti Nyamuzinda wîrhu ammujire bantu bakwânîne eci ammuhamagaliraga, abayunjuze n’obuhashe bwâge emihigo yinyu yoshi y’okujira aminjà n’emikolo y’obuyêmêre bwinyu; 
\v 12 ntyo izîno lya Nnawîrhu Yezu likuzibwe muli mwe, ninyu muli lyo, oku lugero lw’engalo ya Nyamuzinda wîrhu na Nyakasane Yezu Kristu.
\c 2
\s1 Okuyisha kwa Nyakasane Yezu Kristu
\p
\v 1 Rhumuhûnyire, bene wîrhu, oku biyêrekîre okuyisha kwa Nnawîrhu Yezu Kristu n’okubugânana kwîrhu rhwe naye, 
\v 2 nti murhayêmêraga ba­mmufudusa omurhima erhi bammuyôbohye n’obulêbi nîsi erhi n’enderho erhi maruba, bammurhebe mpu byarhenga emwîrhu, mumanye mpu olusiku lwa Nyakasane lwahika hôfi. 
\v 3 Ntâkwo muzigage omuntu arnmurheba.
\p Burhanzi kukwânîne obugomi buyishe n’Omubî acibishûle, gwo Muhera, 
\v 4 ye Mubisha\f + \fr 2, 4 \fr*\ft Obugomi bwâlerhwe n’Omubî, gwo Muhera, ye Mubisha, erhi Anti-Kristu.\ft*\f*, olya ocîhira enyanya lya ngasi ciderhwa Nyamuzinda erhi eci bagashâniza kuhika okuj’itamala omu ka-Nyamuzinda n’okuderha mpu ye kola Nyamuzinda. 
\v 5 Ka murhacikengiri nakâg’immubwîra okwo bulya ndi e­mwinyu? 
\v 6 Murhanahabiri ecihagalisire Omubisha buno\f + \fr 2, 6 \fr*\ft 2, 6: Eco cihagalisire Omubisha càli ciyishibwi n’Abatesalonika.\ft*\f*, mpu arhaciyêrekana­ga agarhali amango gâge. 
\v 7 Nêci, kurhenga buno ihwe ly’obubî lidwîrhe lyajira omukolo gwâlyo. Omuhagalisire erhi akabà nk’acîyêgûla, 
\v 8 obwo Omubî anacîbishûla, ci Nyakasane Yezu anamuhirigise n’omûka gw’omu kanwa kâge, anamuherêrekeze n’obulangashane ayish’iyishamwo. 
\v 9 Amango ogwo Muhera gwâyisha, gurhabule kujira, n’oburhabâle bwa shetani, ebisômerîne bya ngasi lubero, n’ebimanyîso, n’ebirhangâzo by’okurhebana, 
\v 10 na ngasi burhebanyi bwoshi bw’obubî, mpu ahabûlemwo emihera, bulya erhayankiriraga obuzigire bw’okuli bwankabacizize. 
\v 11 Okwo kwo kwarhumire Nyamuzinda abalikiramwo nyandumà wabahabula anabayêmêza obu­nywesi, 
\v 12 mpu lyo bakagwa balya boshi barhayêmêraga eby’okuli, ci bananira oku bubî.
\s1 Bacîhangâne okuyôrha binjà
\p
\v 13 Rhwêhe rhukwânîne okukâvuga Nnâmahanga omunkwa ngasi mango erhi mwe murhuma, bene wîrhu bazigirwa ba Nyakasane, bulyâla Nyamuzinda acîmmwishozire kurhenga aha murhondêro, mpu ammucize, ammujire batagatîfu n’obuhashe bwa Mûka Mutagatîfu, munayôrhe muyêmîre okuli. 
\v 14 Kwo amuhamagaliraga okwo n’obugo bwîrhu bw’Emyanzi y’Akalembe, mpu lyo mubona irenge lya Nnawîrhu Yezu Kristu. 
\v 15 Ntyo, bene wîrhu, mukomere, munasêre kw’erya migenzo rhwammuyigîrizagya n’akanwa erhi omu maruba. 
\v 16 Nnawîrhu Yezu Kristu yêne na Larha Nyamuzinda orhuhà oburhûlirize burhakaheka n’obulangâlire bwinjinjà erhi nshôkano yâge erhuma, 
\v 17 barhûlirizagye emirhima yinyu banayikomeze omu ngasi cijiro cinjà n’omu ngasi luderho lwinjà.
\c 3
\p
\v 1 Nêci, bene wîrhu, murhusengerere: oluderho lwa Nyamuzinda lulande lunakundwe nk’oku luli emwinyu; 
\v 2 rhufume abantu babî n emihera; bulâla arhali boshi bayankirira obuyêmêre. 
\v 3 Nyakasane arhatwa omu kanwa kâge: yêne ammuzibuhya anammucinge oku Mubî. 
\v 4 Rhucîmmwikubagîre bwenêne muli Nyakasane nti munajire ebi rhwamurhegesire n’oku mwanayôrha mubijira: 
\v 5 Mâshi Nyakasane agenge emirhima yinyu omu buzigire bwa Nyamuzinda n’omu kusêrakwo Kristu!
\s1 Bacîlange oku bwôlo n’oku kayange
\p
\v 6 Rhummurhegesire, bene wîrhu, oku izîno lya Nyakasane Yezu Kristu, nti muyâke ngasi mwene wîrhu ôbà mwôlo n’orhashimba emigenzo rhwammusigiraga. 
\v 7 Ninyu mwêne murhahabiri oku kukwânîne murhulolerekwo olwiganyo. Erhi rhuli emwinyu, rhurhabêraga buzira mukolo, 
\v 8 na ntâye rhwadesire nti rhwankalya omugati gwâge busha; ci budufu na mûshi erhi kukola rhukola n’okuluha, nti lyo rhurhazidohera ndi muli mwe. 
\v 9 Kurhali kuderha oku ntà buhashe rhwàli rhugwêrhe, ci nti rhummubêre lwîganyo lw’okukulikira.
\p
\v 10 Bulya rhuli emwinyu, ka rhurhammubwîraga nti akabà omuntu arhalonza okukola, aleke n’okulya? 
\v 11 Kurhi kulya rhwaciyumvirhage barhubwîra mpu baguma muli mwe bali bwôlo, mpu barhakola bici, ci kwônene erhi banacihira omu birhabayêrekiri? 
\v 12 Abôla rhubarhegesire rhunabahûnyire muli Nyakasane Yezu Kristu nti bakole n’omurhûla, banalye ebiryo by’omu maboko gâbo. 
\v 13 Mwêhe, bene wîrhu, murharhamaga okukâjira aminjà. 
\v 14 Akabà hali orhalonz’iyumva enyigîrizo zirimwo agâla maruba, mumumanyîrire, muleke okukâjà ah’ali, ly’enshonyi zimûmye. 
\v 15 Kwônene mumanye mwankamulola nka mushombanyi, ci mumuhanûle kulyâla omuntu ahanûla mwene wâbo.
\s1 Obwangà n’omusingo
\p
\v 16 Nyamuzinda w’omurhûla yêne ammuhè omurhûla ngasi mango na muli byoshi! Nyakasane abè ninyu mweshi! 
\v 17 Ogu musingo guli gwa kuboko kwâni niene Paolo. Eco co cimanyîso ca ngasi maruba gâni. 
\v 18 Enshôkano ya Nnawîrhu Yezu Kristu ebè ninyu mweshi!