\id 2PE 2PET - Bible en mashi du Congo
\usfm 3.0
\ide UTF-8
\toc3 2 Pet
\toc2 2 Petro
\toc1 AMARUBA GA KABIRI GA PETRO
\h MARUBA GA KABIRI GA PETRO
\mt1 AMARUBA GA KABIRI GA PETRO
\c 1
\s1 Omusingo
\p
\v 1 Simoni Petro, mwambali na ntumwa ya Yezu Kristu, kuli boshi basho­bwîre obuyêmêre buguma bw’ecitwîro cidârhi akîrhu erhi obushinganyanya bwa Nyamuzinda wîrhu n’omucunguzi Yezu Kristu burhuma. 
\v 2 Mâshi mugabirwe enshôkano n’omurhûla munji omu kumanya Nyamuzinda na Nnawîrhu Yezu!
\s1 Okubà n’olugendo lushingânîne. Obwôrhere bwîrhu bwa bene-Nnâmahanga
\p
\v 3 Nêci, obuhashe bwâge bwa Nyamuzinda bwarhushobôzize ngasi byoshi bikwânîne obuzîne n’obushîbirizi, omu kurhumanyîsa Olya warhuhamagalaga n’irenge n’emisî yâge. 
\v 4 N’ebyôla\f + \fr 1, 4 \fr*\ft Ebyôla: irenge n’emisî ya Kristu.\ft*\f* byo byarhumire rhuhâbwa aminjà nkana ga citwîro cidârhi rhwalaganyibagwa, kushangira obwôrhere bwa Nyamuzinda, mubà mwamârhenga omu bubî bw’iralà lisherêza igulu. 
\v 5 Okwo kwo kunarhumage mwacîsêza kulusha okuyûshûla e­nkômedu nyinjà oku buyêmêre, obumanye oku bulembêdu, 
\v 6 olugero\f + \fr 1, 6 \fr*\ft Olugero omu kulya n’okunywa n’omu gandi masîma g’omubiri; obukombêdu omu kurhumikira Nnâmahanga.\ft*\f* oku bumanye, obulembêdu oku lugero, obukombêdu oku bulembêdu, 
\v 7 ecinyabuguma oku bukombêdu, n’obuzigire oku cinyabuguma. 
\v 8 Erhi mwankabà mugwêrhe ago makômezi minjà, erhi gankagandâza muli mwe, garhankammuleka mwayôrha maboko mûmu na buzira emburho omu kumanya Nnawîrhu Yezu Kristu. 
\v 9 Orhagwêrhi ago makômezi, guli muhûrha, arhabona ebirhali birazirazi, arhacikengêra oku àshukagwa ebyâha byâge bya mîra. 
\v 10 Kuziga mucîhangânage, bene wîrhu, okuzibuha omu kuhamagalwa n’omu kucîshogwa kwinyu; erhi mwankakajira ntyo ntà mango mwânahirime. 
\v 11 Ntyôla mwahâbwa buzira kugererwa okuyish’ijà omu Bwâmi bw’ensiku n’amango bwa Nnawîrhu n’omucunguzi wîrhu Yezu Kristu.
\s1 Obuhamîrizi bwa Petro
\p
\v 12 Eco co cirhumire nakayôrha mmukengêza ebyo binwa, ciru mukabà mubimanyire munasêzire buzibu omu nyigîrizo z’okuli. 
\v 13 Nêci, mbwîne oku guli mukolo gwâni, amango nciri mwo cino cihando\f + \fr 1, 13 \fr*\ft Cino cihando: Mwo guno mubiri.\ft*\f*, okummukengêza nti muyôrhe muli masù. 
\v 14 Bulya mmanyire oku ndi hôfi h’okurhengamwo eci cihando câni, nk’oku Nnawîrhu Yezu Kristu amanyisagya. 
\v 15 Ci kwônene nakolêsa emisî yâni yoshi, lyo hano mbà nagenzire muyish’ikakengêra ebi binwa. 
\v 16 Bulya rhurhakolêsagya migani y’obwenge erhi rhummumanyisa obuhashe n’okuyisha kwa Nnawîrhu Yezu Kristu, ci kulya kubà rhwêne rhwabwîne n’amasù gîrhu obulangashane bw’irenge lyâge\f + \fr 1, 16 \fr*\ft Erhi Yezu ahinduka obusù oku ntondo ya Tabora.\ft*\f*. 
\v 17 Anacihâbwa na Nyamuzinda Îshe irenge liyunjwîre bulangashane erhi limuyandagalirakwo, erhi: Oyu ye Mugala wâni muzigirwa, ye ncishingirammo\f + \fr 1, 17 \fr*\ft Lolà okuhinduka obusù kwa Yezu n’obubatizo bwâge.\ft*\f*. 
\v 18 N’eryo izù, rhwaliyumvîrhe rhwêne lyahubuka emalunga erhi rhuli rhwe naye oku ntondo ntagatîfu\f + \fr 1, 18 \fr*\ft Bulya erhi Kristu ahinduka obusù, ayêreka entumwa oku ebi abalêbi baderhaga biri by’okuli.\ft*\f*.
\s1 Akanwa k’abalêbi
\p
\v 19 Ntyo rhusêzire kulusha oku kanwa k’abalêbi\f + \fr 1, 19 \fr*\ft Oku ntondo kwàli Iliya na Mûsa bakâg’ishambâla na Yezu, byo bimanyîso oku Yezu ye wayishir’iyunjulisa ebinwa by’Amarhegeko n’Abalêbi\ft*\f*, kunali kwinjà mukalole nka kamole kamoleka ahantu hali omwizimya, kuhika lukula arhande n’enyenyêzi y’esêzi\f + \fr 1, 19 \fr*\ft Eyo nyenyêzi y’esêzi, ye Kristu wayisha alangashana olusiku ayish’irhutwîra olubanja luzi nda aha kuyûrha kw’igulu.\ft*\f* elangashane omu mirhima yinyu. 
\v 20 Kulusha byoshi mumanye oku ntà bulêbi bw’omu Mandiko buhugûlwa nk’oku omuntu alonzize; 
\v 21 bulya ntà mango obulêbi busâg’ilêbwa oku bulonza bw’omuntu, ci abantu bàrhumirwe na Nyamuzinda mpu baderhe, kuderhesibwa bakâg’iderhesibwa na Mûka Mutagatîfu.
\c 2
\s1 Abîgîriza b’obunywesi
\p
\v 1 Ci kwônene hali n’abalêbi b’obwîhabe omu lubaga, nk’oku n’omu kâgarhî kinyu hayish’ibà abîgîriza b’obunywesi, balêrhe emilala mibî, bahakane ciru Nnahamwâbo wabacungulaga, na ntyo barhakalegam’icîlêrhera bône obuhanya. 
\v 2 Banji banâbashimbe omu lugendo lwâbo lw’okujira eby’enshonyi, n’enjira y’okuli yayish’ilogorherwa erhi bo bàrhuma. 
\v 3 Omu magene gâbo g’eby’en’igulu, bammulonzakwo obunguke n’ebinwa by’obwengehuza. Ci olubanja lwâbo mîra lwatûbagwa, n’okuhera kwâbo kuli kurheganye. 
\v 4 Bulya, akabà, Nyamuzinda arhababaliraga bamalahika bàgomaga, ci abaloha omu kuzimu, anabakwêba omu nyenga ziyunjwîre mwizimya, mpu balingiremwo olubanja\f + \fr 2, 4 \fr*\ft Abashetani mîra bahâbagwa obuhane bwâbo bw’ensiku n’amango: ci olusiku lw’olubanja lyo bayâgirizibwa bwinjinjà, banyagwe obuhashe bajira bw’okulibuza ebindi biremwa n’okushumika abantu.\ft*\f*, 
\v 5 akabà arhababaliraga abàli mîra, ci alanga Nûhu yênene, ye mujà-bugo w’obushinganyanya, bo na bandi bantu nda, okubundi anacilikira ecihonzi muli abo bantu babî; 
\v 6 akabà engo za Sodomo na Gomora àzijizire luvù anaziherêrekeza, mpu abagomi bayish’ibà bo babonerakwo olwiganyo; 
\v 7 akabà acizize omushinganyanya Loti wakâg’ishologorhwa n’olugendo lubî lw’abo banyankola-maligo barhajiraga lugero omu kuhusha, 
\v 8 bulya oyo mushinganyanya wayûbakaga ekarhî kâbo akâg’iyumva ababîre omu murhima gwâge mwêru-kwêru erhi ebijiro byâbo bibî akazâg’ibona n’okuyumva birhuma, 
\v 9 kuli kuderha oku Nyakasane agwêrhe obuhashe bw’okulîkûza abantu binjà omu malibuko, n’okuleka ababî mpu bayish’ihanwa olusiku lw’olubanja 
\v 10 bwenêne balya bashimba iralà ly’omubiri omu kujira eby’enshonyi banagayaguza obukulu bwa Nyakasane.
\s1 Obuhane ababî banâhâbwe
\p Ci ebyo bikàkà bicîbonyi birhayôboha okulogorhera ebiremwa b’irenge, 
\v 11 n’obwo bamalahika babalushire emisî n’obuhashe barhabiderha kubî omu kubijâcira embere za Nyakasane. 
\v 12 Ci abôla bôhe kwo banacîyôrhera nka nsimba zirhajira bukengêre, zaburhiragwa okugwârhwa n’okuyirhwa; ebi barhamanyiri banabilogorherere; kwo banâherêrekere ak’ezo nsimba, 
\v 13 na ntyo bâhâbwe obuhane, bubè luhembo lw’obubî bwâbo. Balongeza iragi omu masîma ga kasanzi kasungunu. Abo bantu bayunjwîre izinga n’obulema, banakammurheba n’iralà lyâbo omu kulya amadinie haguma ninyu. 
\v 14 Amasù gâbo gayunjwîre bugonyi, na ntà mango amîru gâbo g’ecâha gayigurha; banagwârhire abantu barhazibuhiri omu mirhego yâbo, n’emirhima yâbo magene g’eby’en’igulu byône eyishi, bali mihera! 
\v 15 Erhi bàrhenga omu njira eyumânîne, bàhabuka, bashimba enshando za Balamu, mwene Bozori, owasîmaga okuhemberwa obubî bwâge. 
\v 16 Ci ayâgîrizibwa oku bubî bwâge: ecihêsi cirhankahash’iderha, carhengamwo izù ly’omuntu, cahanza isirhe ly’oyo mulêbi! 
\v 17 Abôla bantu gali maliba garhalimwo mîshi, biri bitù byayehûlwa n’akalemera; omwizimya n’omwizizi bidwîrhe byabalinga. 
\v 18 N’ebinwa byâbo by’obucîbone birhagwêrhi nda na mugogo, banakashumika abacirhenga omu by’obunywesi, balonze okubashubiza omu iralà ly’omubiri n’omu by’enshonyi. 
\v 19 Banabalanganye mpu babà ntagengwa, n’obwo bône bali bajà b’obubî bwâbo; bulya omuntu abà mujà w’omuhimire: 
\v 20 Obûla bàrhenzire omu bubî bw’igulu omu kumanya Nyakasane n’Omucunguzi Yezu Kristu erhi bankacîrikirira n’okubushubîrira, obwôrhere bwâbo bwa buzinda erhi bukola buhindusire bubî kulusha obw’oburhanzi. 
\v 21 Bulya kwankabire kukulu kuli bo okurhamanya enjira y’obushinganyanya ah’okuyimanya na buzinda bagal’ileka eryôla irhegeko litagatîfu bahâbagwa. 
\v 22 Lêro kulyâla ogu nugani gw’okuli gudesire kwanacibayishira, mpu\x - \xo 2, 22 \xo*\xt Mig 26, 11.\xt*\x*: «Akabwa kashubîrire ebishaliza byâko» n’ogu gundi, mpu: «Engulube yacirheng’icîshuka yashub’icîvumvuza omu bijondo».
\c 3
\s1 Ensiku nzinda n’okuyûrha kw’igulu
\p
\v 1 Bîra bâni, aga maruba gakola maruba ga kabiri mmurhumira. Muli gombi oku ganali mmukengêzize nti muzûse omurhima nkana gummulimwo. 
\v 2 Nnonzize mukengêre ebinwa byalêbagwa n’abalêbi batagatîfu, n’irhegeko lya Nyakasane n’Omucunguzi mwabwîrizibagwa n’entumwa zinyu.
\s1 Abîgîriza bw’obunywesi
\p
\v 3 Kulusha byoshi, mumanye oku omu nsiku nzinda hâyisha abantu basîma okugayaguza abâbo n’okubashekera, bakashimba iralà lyâbo, 
\v 4 n’okuderha, mpu: «Ngahi cirigi cirya ciragâne c’okuyisha kwâge? Kali balarha mîra bafâga, na byoshi kwo binaciri kulya byàli kurhenga okulemwa kw’igulu!» 
\v 5 Abo bantu kuyibagira bayibagira n’oluhinzo oku kurhenga mîra erhi amalunga ho gabà n’igulu oluderho lwa Nyamuzinda lwarhenzagya omu mîshi, lizonzirwe n’amîshi, 
\v 6 n’oku olwo luderho lwo lwanarhumaga igulu lya muli ago mango lyamirwa n’amîshi, lyaherêrekera! 
\v 7 Nago amalunga n’igulu biriho buno, olwo luderho lwo lunabilanga muhako, lubibîkîre omuliro oku lusiku lw’olubanja n’olw’okuherêrekera kw’abantu babî. 
\v 8 Ci kwônene, bîra bâni, alagi ebinwa murhakwânîni muhabe\x - \xo 3, 8 \xo*\xt Lul 90(89), 4|link-href="PSA 90:4."\xt*\x*: \qt omu masù ga Nyakasane lusiku luguma kwo kuli nka myâka cihumbi, na myâka cihumbi kw’eri nka lusiku luguma\qt*. 
\v 9 Nyakasane arhalegerîri okuyunjuza eciragâne câge, nk’oku baguma bakagerêreza mpu alegamire; lukogo olwo ammubêra, kulya kubà arhalonza hajire owahera, ci alonza boshi bacîyunjuze. 
\v 10 Kwônene Olusiku lwa Nyakasane kwo lwâyishe nka cishambo. Olwo lusiku amalunga gahirigirhe n’omululumo munene, ebire­mwa bijonge n’idûrhu, n’igulu lisingônoke haguma n’ebiribamwo.
\s1 Okucîsêza okubà bakristu bimâna. lshwinjiro ly’ebinwa
\p
\v 11 Akabà ebi byoshi kujonga byanajonge, ka murhakwânîni okubà batagatîfu omu lugendo lwinyu lwoshi n’okukâyôrha mwagashâniza Nnâmahanga, 
\v 12 omu kulinga n’omu kucîfinja okuyisha kw’Olusiku lwa Nyamuzinda, olusiku amalunga gâgulumire ganasingônoke, n’ebiremwa bijonge n’idûrhu! 
\v 13 Ci erhi rhunadwîrhe rhwalinga, nka kulya arhulaganyagya, amalunga mahyâhya n’igulu lihyâhya mwayish’ibà obushinganyanya.
\p
\v 14 Co cirhumire, bazigirwa bâni, omu kulinga ebyo, mucîsêze ayish’immushimâna omu murhûla, buzira ishembo na bêru-kwêru. 
\v 15 Nêci mumanye oku olukogo lwa Nnawîrhu lubà lwa kulonza okurhuciza, nka kulya mwene wîrhu muzigirwa Paolo naye ammuyandikiragakwo omu bushinganyanya àhâbirwe. 
\v 16 Câba ntyo kwo anaderha omu maruba gâge goshi ayigîrizamwo ebyo binwa. Muli ago maruba gâge muli binwa biguma bizibu okuyumva, n’abahwinja barhajira ntege banakabihindula, nka kulya bajira agandi Mandiko, na ntyo bacîlerhere nyamanjà.
\p
\v 17 Mw’abo mukola mumanyire, bîra bâni: mubè masù, mulek’irhebwa n’obunywesi bw’ezo ntumva, obone mwamahirima n’okurhêra obuzibu bwinyu. 
\v 18 Muyûshûke erhikwo omu nshôkano n’omu bumanye bwa Nnawîrhu n’Omucunguzi Yezu Kristu. Kuli ye irenge, buno na kuhika olusiku lw’emyâka n’emyâka! Amen!