\id 2JN 2YWN - Bible en mashi du Congo
\ide UTF-8
\toc3 2 Ywn
\toc2 2 Yowane
\toc1 AMARUBA GA KABIRI GA YOWANE
\h MARUBA GA KABIRI GA YOWANE
\mt1 AMARUBA GA KABIRI GA YOWANE
\c 1
\s1 Omusingo
\p
\v 1 Nie ono, kamîra, nyandikîre Omugoli mwîshogwa n’abâna bâge nzigira omu kuli - arhanali nienene, ci na ngasi boshi bamanyire okuli, - 
\v 2 okwo kuli kubà muli rhwe kwanayôrha kubà nîrhu ensiku n’amango kurhumire. 
\v 3 Omugisho, n’obwonjo, n’obuholo bigabwa na Larha Nyamuzinda na Yezu Kristu, Mugala wa Nyamuzinda Îshe, byâbà nîrhu omu kuli n’omu buzigire.
\s1 Irhegeko ly’obuzigire
\p
\v 4 Nasîmire bwenêne erhi mbugâna omu bâna bâwe muli abashimba enjira y’okuli nka kulya Larha anarhurhegekaga. 
\v 5 Lêro bunôla, ewe Mugoli, - ciru akabà lirhali irhegeko lihyâhya eryo nkuyandikîre, ci lirya rhwayôrhaga rhujira kurhenga aha murhondêro, - nkuhûnyire nti rhuzigirane. 
\v 6 Obuzigire bubà omu kushimba amarhegeko gâge. N’irhegeko lirhanzi, nka kulya mwabwîra­gwa kurhenga aha murhondêro, kuli kuyôrha muzigirana.
\s1 Abashombanyi ba Kristu
\p
\v 7 Bulya igulu lyazûsiremwo bakanywesi mwandu, barhayêmêra oku Yezu Kristu acîjizire muntu. Y’oyo ye Kanywesi, ye na Antikristu! 
\v 8 Mucîlange, mulek’irhuma ebi rhwakolîre byafabusha, ci muyish’ihâbwa oluhembo luna­kwânîne. 
\v 9 Ngasi yêshi orhananîra oku nyigîrizo za Kristu, akazirhalusa, oyo erhi arhali na Nyamuzinda. Osêra kuli ezo nyigîrizo, oyôla yeri na Nyamuzinda Îshe n’Omugala. 
\v 10 Erhi hankajira owammuyishira arhanadwîrhi ezi nyigîrizo, murhamuyankiriraga aha mwinyu, munamanye mwankamulamusa. 
\v 11 Bulya owamulamusa erhi amashangîra ebijiro byâge bibî.
\s1 Ishwinjiro ly’ebinwa
\p
\v 12 Binji ncigwêrhe nankammubwîzire, ci naderha nti ntakolêsa akaradasi n’obwîno. Nangâlîre nti nâyisha emwinyu, rhushambâle n’akanwa ly’obushagaluke buyûshûka. 
\v 13 Abâna ba Mwâli winyu Mwîshogwa bamulamusize.