\id 1TI 1TIM - Bible en mashi du Congo
\ide UTF-8
\toc3 1 Tim
\toc2 1 Timoteyo
\toc1 AMARUBA MARHANZI EMWA TIMOTEYO
\h AMARUBA EMWA TIMOTEYO
\mt1 AMARUBA MARHANZI EMWA TIMOTEYO
\imt1 Enshokolezi oku maruba emwa balungere 1 Tim; 2 Tim; Tit
\is Enshokolezi oku marhanzi emwa Timoteyo
\ip Amaruba emwa Timoteyo gombi n’amaruba emwa Tito gaderhwa Maruba emwa Balungere. Gayêrekîre kurhi owahîrwe ecinyabuguma arhambula akwânîne ayôrhe na bici akwânîne akajira. Gayêrekîre obuhabûzi bw’Ekleziya lungere ahâbirwe: «\vp 1, 18\vp* \iqt Ly’irhegeko nkuhîre eryo, mwâna wâni Timoteyo; lilingânîne amalêbi bakulêbagakwo. Kukwânîne ago malêbi gakuzibuhye, ly’olwa entambala nyinjà,\iqt* \vp 19\vp* \iqt onayôrhe ogwêrhe obuyêmêre n’omurhima nkana; bulya erhi babirikirira, baguma bâlohama omu by’obuyêmêre.\iqt* \vp 20\vp* \iqt Muli bo muli Himeneyo na Alexandro, nakwêbaga Shetani, nti lyo irhondo barhacishub’ilogorha.»\iqt*
\ip «\vp 3, 14\vp* \iqt Nkuyandikire okwo erhi nanangalire nti nayisha emwâwe duba.\iqt* \vp 15\vp* \iqt Ci nkayish’ilegama okuyisha, nnonzize omanye kurhi okwânîne okukâyôrha omu nyumpa ya Nyamuzinda, yo Ekleziya ya Nnâmahanga ozîne, gwo mutungo co na ciriba c’okuli.»\iqt*
\ip \iqt Lungere w’ecinyabuguma agwasirwe acîkenge anakengese emirhwe n’empiriri ziri omu Ekleziya: ab’episkopi, abadâhwa, abashamasi, abacifinja okubà balungere, abalume n’abakazi, abakana n’enfûzi na ngasi murhwe, abayigîriza nkana n’abanywesi; abajà na ba nnawâbo.\iqt*
\ip « \vp 4, 13\vp* \iqt Omu kulinda oku nayisha, ocîsêzagye okukâsoma, okukâhanûla n’okukâyigîriza.\iqt* \vp 14\vp* \iqt Orhabulaga kwashîbirira enshôkano ekulimwo, erya nshôkano wahâbagwa n’abalêbi, bulya endêko y’abadâhwa ekulambulirakwo amaboko.\iqt* \vp 15\vp* \iqt Okwo okunanîrize omu murhima; ocîshwêkerekwo wêshi wêshi. Lyo boshi babona oku odwîrhe wajà embere. 16 Ocîmanye wêne, omanye n’enyigîrizo zâwe; onazisêrekwo. Okâjira ntyo, wacîciza wêne, onacize abakuyumvirhiza.»\iqt*
\is Enshokolezi oku maruba ga kabiri emwa Timoteyo
\ip Aga maruba ga kabiri agendêrîre enyigîrizo za Paolo kuli Timoteyo. Paolo amubwîzire oku ali omu mpamikwa na banji omu bakâg’imulusa bamusizire yêne omu mazibu ci arhatwîsiri murhima bulya Nyakasane amuyimangîre.
\ip Paolo abwîzire Timoteyo oku ensiku mbî ziyîruka ci arharhâga murhima. Abantu bayish’icishwêkera oku mabî ci mpu Timoteyo amanye arharhibaga obuhamîrizi bw’Emyanzi y’Akalembe: «\vp 3, 1\vp* \iqt Kandi omanye oku omu nsiku nzinda amango mabî gânayishe\iqt*. \vp 2\vp* \iqt bulya abantu bayish’ikacilongeza bônene, bayish’ihira omurhima gwâbo omu birugu, bayish’ikacikunga bône, bayish’ibà bacîbonyi, bakashobeka abandi busha, bayish’ibà bigamba, bantu barhish’ivuga omunkwa, bayunjulirîne bubî;\iqt* \vp 3\vp* \iqt bayish’ibà baminya, barhakababalira ndi; babè badesi b’obunywesi, bantu barhajira lugero, barhayumva lukogo, bashombanyi b’abantu binjà;\iqt* \vp 4\vp* \iqt bayish’ibà ndyâlya, bizùzù, mihûrha erhi bucîbone bwâbo burhuma, abâsîma iralà libî ahâli h’okusîma Nnâmahanga;\iqt* \vp 5\vp* \iqt embuga bayish’ikayôrha nk’abakombêra ebya Nyamuzinda, ci erhi banahakanyire emisî yâbyo. Abôla nabo obayâke.\iqt* \vp 6\vp* \iqt Muli bo kukwânîne okuganja balya bakasheshera omu nyumpa za bene, bahêke obukazi bukâyêrûlwa n’iralà libî lya ngasi lubero,\iqt* \vp 7\vp* \iqt burhanahusa okucîyigîriza, ci ntà mango bwânahike oku bumanye bw’okuli.\iqt* \vp 8\vp* \iqt Na nka kulyâla Yane na Yambure balwîsagya Mûsa, kwo n’okwo, nabo badwîrhe balwîsa okuli, abo bantu b’emirhima ehûsire, eyo mihera omu by’obuyêmêre.\iqt* \vp 9\vp* \iqt Ci kwônene barhahike ngahi, bulya isirhe lyâbo lirhayimang’imanyikana kuli boshi, nka kulya lirya lya balya babiri lyabaga.\iqt* \vp 10\vp* \iqt Ci wêhe wasêzire oku nyigîrizo zâni, oku lugendo lwâni, oku mihigo yâni, oku buyêmêre bwâni, oku buzigire bwâni, oku bulembêdu bwâni,\iqt* \vp 11\vp* \iqt oku malibuko n’oku malumwa naboneraga e Antiyokiya, n’e Ikoniya n’e Listra. Malibuko maci ntabonaga wâni! Na muli goshi Nyakasane anyôkola! \iqt*\vp 12\vp* \iqt Nêci, ngasi boshi balonza okulama bwinjà omu bukombêdu muli Kristu Yezu, bâbone amalibuko.\iqt* \vp 13\vp* \iqt Abantu babî bôhe n’endyâlya, kushâya bâshaye omu bubî, bârhebane banarhebwe.\iqt* \vp 14\vp* \iqt Ci w’oyo osêre kw’ebi wayigîrizîbwe wanayêmêra buzira kurhindira. Na­we orhahabiri bandi bakuyigîrizagyabyo,\iqt* \vp 15\vp* \iqt n’oku kurhenga eburhò bwâwe erhi oyishi Amandiko Matagatîfu; ganahash’ikuhà obushinganyanya buhisa oku bucire n’oburhabâle bw’obuyêmêre bubà muli Kristu Yezu.\iqt* \vp 16\vp* \iqt Amandiko goshi Nyamuzinda wajiraga mpu gayandikwe, ganakwânana kwinjà oku kuyigîriza, n’oku kuhamûla, n’oku kuhabûla abahabusire, n’oku kuherha abantu omu bushinganyanya;\iqt* \vp 17\vp* \iqt na ntyo omuntu wa Nyamuzinda abè mwimâna, anashingânane okujira ngasi cijiro cinjà»\iqt*.
\is Enshokolezi oku maruba emwa Tito
\ip Muli aga maruba, Paolo agendêrîre okuhanûla balungere b’ecinyabuguma c’abemêzi; Yumvagi ihano ahâga Tito, erhi: «\vp 1, 5\vp* \iqt Nakusigaga e Kreta nti oyunjuze omukolo gucisigîre, onayîmike abadâhwa omu ngasi cishagala nka kulya nakurhegekaga.\iqt* \vp 6\vp* \iqt owalonza okubà mudâhwa akwânîne abè muntu mwêru-kwêru, owajire omu buhya liguma lyône, abâna bâge babè bemêzi, abarhankashobekwa îralà nîsi erhi obugoma.\iqt* \vp 7\vp* \iqt Bulya, nêci, lungere akwânîne abè muntu mwêru-kwêru, nk’oku bishingânîne omurhindisi w’enyumpa ya Nyamuzinda; arhabaga wa bucîbone erhi wa bukunizi, arhabaga mulalwè erhi mulwî, arhanabaga wa kulonza obunguke bubî;\iqt* \vp 8\vp* \iqt ci abè muntu oyîsh’ihandisa ebigolo, mwîra w’abantu nkana, murhondêza, mushinganyanya, mwimâna na muntu wa lugero muli byoshi;\iqt* \vp 9\vp* \iqt acishwêkere oku kanwa k’okuli, kalya kashingânîne enyigîrizo ayigîrizibwe, na ntyo ahash’ihanûla abantu omu kubahugûla enyigîrizo nyinjà, n’abankaderha mpu bamujisa kadali, abayagîrize».\iqt*
\ip Kandi amubwîra oku acîlange oku Buyahudi b’obunywesi barheba abantu, erhi: «\vp 1, 10\vp* \iqt Nêci, abagomi n’abakaderha obusha, n’abakarheba abâbo bali banji, bwenêne omu bakembûle»\iqt*. \vp 11\vp* \iqt Abôla bantu, kukwânîne okubahulisa; banakâsherêza milala minji n’okuyigîriza ebirhashingânîni erhi bunguke burhali bwo burhuma.\iqt* \vp 12\vp* \iqt Muguma wa muli bo, omulêbi wâbo ye na nnêne, adesire, mpu: «Abakreta, abà banywesi b’ensiku n’amango, by’erubala bibî, nda nyôlo».\iqt* \vp 13\vp* \iqt Obwo buhamîrizi buli bw’okunali. Co cirhumire, okâbakalihira bwenêne, lyo bayôrha bantu nkana omu buyêmêre,\iqt* \vp 14\vp* \iqt banalek’iyêmêra emigani y’Abayahudi n’amarhegeko g’abantu bahindulîre okuli omugongo.\iqt* \vp 15\vp* \iqt Byoshi biri bicêse oku bacêse; ci oku bazinzire n’oku barhajira buyêmêre, ntà cicêse, bulya obukengêre bwâbo n’omurhima gwâbo bizinzire.\iqt* \vp 16\vp* \iqt Banakâderha mpu bayishi Nnâmahanga, ci erhi banadwîrhe bamuhakana omu bijiro byâbo; abantu ba bene abo bali mihera, bagomi, na ntà kwinjà kuci bankacihash’ijira.\iqt* Buzinda Paolo ahâna amahano oku bashosi, oku bagikulu, emisole, ciru n’abajà. alalisire abemêzi boshi bakenge Tito. Boshi baleke engeso mbî, baleke enshombo, ci bacîshingire okubà Nyamuzinda arhubabalire muli Omugala Muciza wîrhu, anarhuha Mûka Mutagatîfu orhujira bantu bahyâhya (\xt 2—3\xt*).
\c 1
\s1 Omusingo
\p
\v 1 Paolo, ntumwa ya Yezu Kristu oku irhegeko lya Nyamuzinda, Muciza wîrhu, n’erya Kristu Yezu, bulangâlire bwîrhu, 
\v 2 kuli Timoteyo, mugala w’okuli omu buyêmêre: enshôkano, obwonjo n’obuholo bikugabirwe na Nyamuzinda Îshe na Nnawîrhu Kristu Yezu!
\s1 Okucîlanga oku bigîriza b’obunywesi
\p
\v 3 Bulya njà e Macedoniya, nakuhûnyire nti osigale e Efezi, lyo ohanza balya bandi okukâyigîriza ezago-zago nyigîrizo, 
\v 4 n’okuyêmêra emigani nêci­nyamulala c’amâburhwa garhaheka. Ebyo byoshi kavange bilêrha ahâli h’okurhabâla omukolo gwa Nyamuzinda gw’obuyêmêre. 
\v 5 Omu kurhegeka ntyo, kulonza nnonzize okulêrha obuzigire burhenga omu murhima gucîre, n’omu nkengêro nkana, n’omu buyêmêre burhalimwo bulyâlya. 
\v 6 Erhi baleka eyo njira, baguma bahabusire, bahinduka bakadebende; 
\v 7 bo balya balonza oku badwîrhe bahamîriza, bayigîriza b’Amarhegeko, n’obwo barhamanyiri ebi badwîrhe baderha n’ebi ba­dwîrhe bahamîriza.
\s1 Omukolo gw’okunali gw’Irhegeko
\p
\v 8 Nêci, Irhegeko liri linjà likakolêsibwa okushingânîne\f + \fr 1, 8 \fr*\ft Irhegeko lya Mûsa.\ft*\f*. 
\v 9 Kukwânîne oku­manya oku Irhegeko lirhajiriragwa bashinganyanya, ci byâbi\f + \fr 1, 9 \fr*\ft byâbi lyajiriragwa: bulya omukolo gw’Irhegeko kuli kuhanza obubî n’okuhana ababî.\ft*\f* lyajiriragwa n’abagoma, emihera na banya-byâha, abarhakenga Nyamuzinda n’abamulogorhera, abayîrha bîshe na bannina, n’ebishumûsi, 
\v 10 abagonyi n’entazi, abarhunzi b’abantu n’abanywesi, abalahira ebîra n’abajira ngasi kantu karhashingânîni enyigîrizo z’okuli 
\v 11 zo zirya nyigîrizo zibà omu Myanzi y’Akalembe y’irenge lya Nyamuzinda w’obukuze nabîsibagwa.
\s1 Paolo ali mwîshogwa
\p
\v 12 Mvuzire Nnawîrhu Kristu omunkwa, owampaga emisî, kulya kubà aci­nyikubagîre, ampamagala mpu mbè mujà-bugo wâge, 
\v 13 n’obwo nakâg’imulogorhera burhanzi, nakâlibuza abaganda bâge nanakabajâcira. Ci kwônene a­nfîre lukogo, bulya omu buhwinja najiraga okwo, erhi ntagwêrhi buyêmêre. 
\v 14 N’enshôkano ya Nnawîrhu yanacigandâza muli nie haguma n’obuyêmêre n’obuzigire buli muli Kristu Yezu. 
\v 15 Aka kanwa kali k’okuli kanakwânîne okuyêmêrwa lwoshi: Kristu Yezu ayishire en’igulu mpu acize abanya-byâha, nie na wa burhanzi muli bo. 
\v 16 N’akabà nabêrîrwe obwonjo, kwàli kuderha mpu, muli nie wa burhanzi, Yezu Kristu ayêrekane olukogo lwâge lwoshi, mpu nambè lwîganyo lw’abâmuyêmêre lyo babona obuzîne bw’ensiku n’amango. 
\v 17 Kuli Mwâmi w’ensiku n’amango, Mwâmi orhankafà, orhanabonekana, Nyamuzinda muguma dolodolo, obukuze n’irenge emyâka n’emyâka! Nêci ntyo!
\s1 Mpu Timoteyo asêre omu buyêmêre
\p
\v 18 Ly’irhegeko nkuhîre eryo, mwâna wâni Timoteyo; lilingânîne amalêbi bakulêbagakwo. Kukwânîne ago malêbi gakuzibuhye, ly’olwa entambala nyinjà, 
\v 19 onayôrhe ogwêrhe obuyêmêre n’omurhima nkana; bulya erhi babirîkirira, baguma bâlohama omu by’obuyêmêre. 
\v 20 Muli bo muli Himeneyo na Aleksandro, nakwêbaga Shetani, nti lyo irhondo barhacishub’ilogorha.
\c 2
\s1 Okusengerera abantu boshi
\p
\v 1 Kulusha byoshi, mpûnyire nti bashenge, baharâmye, basengere, banavugire abantu boshi omunkwa: 
\v 2 abâmi n’abarhegesi boshi, lyo rhubona akalamo k’omurhûla buzira kavulindi, omu bukombêdu n’omu bugula. 
\v 3 Okwo kuli kwinjà kunasîmîsa Omuciza wîrhu Nyamuzinda, 
\v 4 olonza abantu boshi bacunguke banahash’imanya eby’okuli. 
\v 5 Bulya Nyamuzinda abà muguma yêne; n’omwimangizi ekarhî ka Nyamuzinda n’abantu naye abà muguma, anali muntu, ye Kristu Yezu, 
\v 6 wacîhânaga yêne mpu abè mpongano\f + \fr 2, 6 \fr*\ft mpongano oku bantu boshi: Olufù lwa Yezu Kristu co cimanyîso cirhuyêreka oku Nyamuzinda alonza abantu boshi bacunguke.\ft*\f* oku bantu boshi. Obwo bwo buhamîrizi Nnâmahanga yêne ahânaga omu mango ali erhi atwîre, 
\v 7 bwo nanarholeragwa mpu mbè mujà-bugo na ntumwa yâbo, -ndesire okuli, ntanywêrha-, mpu nyigîrize abapagani obuyêmêre n’okuli. 
\v 8 Nêci, nnonzize abalume bakâshenga hoshi hoshi, bakâlambûlira amaboko gâbo gacîre e­nyanya, buzira karhinda na buzira nnongwè.
\s1 Oku abakazi bakwânîne okuyôrha
\p
\v 9 Abakazi nabo bayambale emyambalo ebakwânîne, babè n’obukenge n’o­lugero; baleke okukâhunga emviri zâbo n’okukâyambala amasholo nîsi erhi amagerha n’emishangi y’engulo ndârhi; 
\v 10 Ci bakaz’ishîbirira ebijiro binjà, nka kulya kunashingânîne abakazi bacîderha bakombêdu. 
\v 11 Amango g’enyigîrizo, kukwânîne omukazi ahulike n’obukenge. ­ 
\v 12 Ntahiri omukazi obuyêmêre bw’okuyigîriza erhi okurhegeka omulume; ahulike. 
\v 13 K’arhali Adamu ye warhangag’ilemwa, na Eva akulikira? 
\v 14 Arhanali Adamu warhebagwa; ci omukazi erhi abà amarhebwa, ahirima omu câha. 
\v 15 Ci kwônene ayish’icunguka omu kubà muzîre, caziga ayôrhe ali mucêse omu buyêmêre n’omu buzigire n’omu butagatîfu.
\c 3
\s1 Lungere erhi Nnâbadahwa
\p
\v 1 Olu luderho luli lw’okuli: erhi omuntu ankacîfinja okubà lungere, erhi mukolo mwinjà acîfinjire. 
\v 2 Lungere akwânîne abè muntu mwêru-kwêru, owajire omu buhya liguma lyône; arhabaga mudâdà, ci abè murhondêza na mukengwa; abè muntu oyîsh’ihandîsa ebigolo n’owankahash’ibiyigîriza; 
\v 3 arhabaga mulalwè, nîsi erhi mulwî, ci abè mutûdu; arhabaga wa nnongwè, arhanabaga wa magene g’eby’en’igulu. 
\v 4 Amany’irhegeka bwinjà enyumpa yâge, analere abâna bâge omu bukenge n’omu bwôrhere nkana. 
\v 5 Bulya, omuntu orhish’irhegeka eyâge nyumpa, kurhi ankahash’ishîbirira Ekleziya ya Nnâmahanga? 
\v 6 Arhabaga mukristu muhyâhya, ly’arharhunda n’obucîbone, obone amahirima mwo cirya câha Shetani ahirimagamwo. 
\v 7 Kukwânîne aderherwe obuhamîrizi bwinjà n’abantu b’embuga, lyarhagayaguzibwa arhanag’igwa omu mirhego ya Shetani.
\s1 Abashamasi
\p
\v 8 Abashamasi nabo kwo na kwo, babè bantu bakengwa, barhabaga ba kuderha kubiri, babè ba lugero omu kunywa amamvu, barhabaga bantu ba kulonza obunguke bubî. 
\v 9 Balange ihwe ly’obuyêmêre omu murhima gucîre. 
\v 10 Nabo ku­kwânîne barhang’ibarhangula, n’akabà ntâco bababwînekwo, bayêmêrwe omu mukolo gw’obushamasi. 
\v 11 Abakazi nabo\f + \fr 3, 11 \fr*\ft Abakazi nabo: nkaba bak’abashamasi, erhi bashamasi-kazi.\ft*\f* kwo na kuguma, babè bakengwa, barhabâga ba kalimi, barhabaga badambye, bakwânane okucîkubagirwa muli byoshi. 
\v 12 Abashamasi babè bantu bàjîre omu buhya liguma lyône, bamany’ilera kwinjà abâna bâbo n’okurhegeka enyumpa zâbo. 
\v 13 Bulya abajira kwinjà omukolo gwâbo gw’obushamasi, bayish’ikwânana ecikono c’okukengwa n’okubà ntwâli omu buyêmêre buli muli Yezu Kristu.
\s1 Ihwe rhugashâniza omu Ekleziya
\p
\v 14 Nkuyandikire okwo erhi nanangâlîre nti nayisha emwâwe duba. 
\v 15 Ci nkayish’ilegama okuyisha, nnonzize omanye kurhi okwânîne okukâyôrha omu nyumpa ya Nyamuzinda, yo Ekleziya ya Nnâmahanga ozîne, gwo mutungo co na ciriba c’okuli. 
\v 16 Nêci, ntâye wankakulahira, liri likulu ihwe\f + \fr 3, 16 \fr*\ft Eryo ihwe ye Yezu Kristu.\ft*\f* rhugashâniza: Lyabonekîne omu mubiri\f + \fr 3, 16 \fr*\ft Erhi Yezu afûka omu bafîre, ayêrekana oku anali Mugala wa Nyamuzinda ogwêrhe obuhashe bunene bwa kuli Mûka Mutagatîfu (\+xt Rom 1, 4\+xt*: Erhi afûka n’erhi arheremera omu mpingu).\ft*\f*, lyayêra muli Mûka Mutagatîfu, lyabonwa na bamalahika, lyamanyîsibwa omu mashanja, lyayêmêrwa omu igulu, lyahêkwa omu irenge.
\c 4
\s1 Abigîriza b’obunywesi
\p
\v 1 Mûka Mutagatîfu akudesire n’obwâlagale oku, omu nsiku nzinda, baguma bâhakana obuyêmêre, bashimbe abazimu b’okurhebana n’enyigîrizo za shetani; 
\v 2 bârhebwa n’abanywesi balyâlya, bananisirwe ecûma c’omuliro\f + \fr 4, 2 \fr*\ft Nka kulya bakâg’ijira abajà omu mubiri gwâbo erhi baderhaga mpu bayâka.\ft*\f* omu murhima gwâbo.
\p
\v 3 Bâkâhanza obuhya: n’ebiryo Nyamuzinda alemaga mpu abemêzi n’abayîshi okuli bakabilya omu kuvuga omunkwa. 
\v 4 Bulya ngasi kantu Nyamuzinda alemire kali kinjà, na ntâco cankahanzibwa nka cikolêsibwe omu kuvuga omunkwa; 
\v 5 kulya kubà cicêsîbwe n’oluderho Lwa Nnâmahanga n’omusengero. 
\v 6 Omu kurhondêreza bene wîrhu ebyo, wâbà murhumisi nkana wa Kristu Yezu, waleragwa n’ebinwa by’obuyêmêre n’eby’enyigîrizo nyinjà wasêzirekwo. 
\v 7 Ci emigani erhagwêrhi nda na mugongo n’ebijalîzi by’abagikulu, okabiyâka; ci okaz’ikombêra oburhumisi bwa Nnâmahanga erhikwo. 
\v 8 Bulya okushîbirira emisî y’omubiri kurhagwêrhi kamalo kanene; ci okukombêra oburhumisi bwa Nnâmahanga kukwânana muli byoshi, bulyâla kwalaganyizibwe obuzîne bwa bunôla n’obwaciyisha. 
\v 9 Ako kanwa kali k’okuli kanakwânîne okuyêmêrwa lwoshi. 
\v 10 Okwôla kwo kurhuma rhulibuka n’okulwa entambala, bulya rhulangâlire Nyamuzinda ozîne, ye Muciza w’abantu boshi, ci bwenêne ow’abemêzi. 
\v 11 Kwo wakâhanûla ntyo n’okuyigîriza.
\p
\v 12 Ntâye ogayaguzagye obusole bwâwe; ci obè lwîganyo oku bemêzi omu nderho, omu lugendo, omu buzigire, omu buyêmêre, n’omu bucêse bw’omurhima. 
\v 13 Omu kulinda oku nayisha, ocîsezagye okukâsoma, okukâhanûla n’okukâyigîriza. 
\v 14 Orhabulaga kwashîbirira enshôkano ekulimwo\f + \fr 4, 14 \fr*\ft Eyo nshôkano, lyo inêma ly’obudâhwa.\ft*\f*, erya nshôkano wahâbagwa n’abalêbi\f + \fr 4, 14 \fr*\ft Lolà \+xt 1, 18\+xt* (Aga maruba marhanzi mut. Paolo ayandikiraga Timoteyo).\ft*\f*, bulya endêko y’abadâhwa ekulambûlirakwo amaboko\f + \fr 4, 14 \fr*\ft Eyo ndêko y’abadâhwa, bo bagula n’abacigofu bahâga Timoteyo isakrarnenta ly’obudâhwa omu kumulambûlirakwo amaboko.\ft*\f*. 
\v 15 Okwo okunanîrize omu murhima; ocîshwêkerekwo wêshi wêshi, lyo boshi babona oku odwîrhe wajà embere. 
\v 16 Ocîmanye wêne, omanye n’enyigîrizo zâwe; onazisêrekwo. Okajira ntyo, wacîciza wêne, onacize abakuyumvirhiza.
\c 5
\s1 Oku Timoteyo akwânîne okukâyôrha n’abemêzi
\p
\v 1 Orhakazâg’ikalihira omushosi, ci omuhanûle nka sho, n’emisole nka balumuna bâwe; 
\v 2 abagikulu nka bazîre bâwe, n’abahya nka bâli binyu, omu bucêse bwoshi.
\s1 Abakana
\p
\v 3 Okâkenga abakana\f + \fr 5, 3 \fr*\ft Okâkenga abakana: Hali mbero isharhu z’abakana: abakana bagwêrhe omulala gwâbo; ntà bulagîrire bw’okurhabâlwa na Ekleziya bagwêrhe; abakana b’okunali balya bali bônene en’igulu; abakana bacîhânyire emwa Nnâmahanga, ciru akabà barhalagiriri kurhabâlwa n’Ekleziya.\ft*\f*, abâli bakana b’okunali. 
\v 4 Ci erhi omukana akabà a­gwêrhe abâna erhi abinjikulu, kukwânîne burhanzi bayigîrizibwe okukâkombêra omulala gwâbo n’okuyêreka ababusi bâbo omunkwa. Okwôla kwo kusîmîsa Nnâmahanga. 
\v 5 Omukana w’okunali, olya oli yênene en’igulu, Nyamuzinda ye ahiramwo obulangâlire bwâge, na budufu na mûshi erhi kushenga ashenga n’okuharâmya. 
\v 6 Ci orhîshi cindi agarhali masîma, ciru akabà azîne, erhi mîra afaga. 
\v 7 Okwo nakwo obabwîrekwo, lyo bayôrha bali bêru-kwêru. 
\v 8 Omuntu orhashîbirira abâge, bwenêne abà omu mwâge, oyo erhi alahîre obuyêmêre bwâge; alushire omupagani obubî. 
\v 9 Ntà mukazi oganjira­gwa omu bakana arhanaj’iyunjuza myâka makumi gali ndarhu, anabè mukazi orhajaga omu mwa balume babiri. 
\v 10 Kukwânîne abè amanyikîne oku bijiro byâge binjà, abè alezire kwinjà abâna bâge, abè ahandisize ebigolo n’okushuka abatagatîfu amagulu\f + \fr 5, 10 \fr*\ft Okushuka ecigolo amagulu càli cimanyîso c’okuciyankirira bwinjà.\ft*\f*, abè arhabîre abâli omu malibuko, anabè ajizire aminjà ga ngasi lubero. 
\v 11 Ci abakana baciri ba misole, orhabayêmêraga. Bulya bakayumva amîru garhashingânîni Kristu, banalonze okushub’iyankwa, 
\v 12 obone bakola bacîhamagalira obuhane, kulya kubà bavunyire eciragâne\f + \fr 5, 12 \fr*\ft Eciragâne c’okucîhà Nnâmahanga lwoshi.\ft*\f* câbo ca burhanzi. 
\v 13 Kandi, bulyâla barhajira mukolo, banakajà bageragera omu ngasi nyumpa. Ciru acibâga bwôlo bwône! Ci n’akalimi; n’okubà mwanzi, n’okuderha ebirhashingânîni. 
\v 14 Ntyo nnonzize abakana baciri barhò bajè omu buhya, baburhe abâna, barhegeke kwinjà enyumpa zâbo, barhag’ihà omushombanyi igwârhiro ly’okubaderha kubî. 
\v 15 Bulya, nêci, hali baguma bacîhizire omu baganda-kazi ba shetani. 
\v 16 Erhi omukazi mwemêzi akabà agwêrhe abakana b’omu mulala gwâge, kukwânîne abarhabâle, arhamûle Ekleziya, lyo ehash’ishîbirira abakana b’okunali.
\s1 Abadâhwa
\p
\v 17 Abadâhwa bajira kwinjà ecikono câbo c’okurhegeka, bali ba kuhembwa kabiri, bwenêne balya baluhira Emyanzi y’Akalembe n’enyigîrizo. 
\v 18 Bulya Amandiko gadesire, mpu\f + \fr 5, 18 \fr*\ft Empanzi ehûla emburho…: \+xt Lush 25, 4; 1 Kor 9, 9\+xt*.\ft*\f*: \qt Empanzi ehûla emburho orhayishwêkaga akanwa\qt*; na kandi, mpu\f + \fr 5, 18 \fr*\ft Omukozi akwanine oluhembo lwâge: \+xt Luk 10, 7\+xt*.\ft*\f*: \qt Omukozi akwânîne oluhembo lwâge\qt*. 
\v 19 Irhondo omanye wa­ nkayêmêra olubanja oku mudâhwa, akabà abahamîrizi barhali babiri erhi basharhu. 
\v 20 Erhi bakajira kubî, obakalihire embere za boshi, lyo abandi bayôboha. 
\v 21 Nkulahirîze embere za Nnâmahanga, n’embere za Kristu Yezu, n’ez’e­ntôle zâge bamalahika: oshimbe ebi binwa buzira kabôlo na buzira kanânà. 
\v 22 Ntâye olambûliragekwo amaboko duba-duba, onamanye wankashangîra ebyâha bya bene. Ocîlange mucêse.
\p
\v 23 Orhacikâg’inywa amîshi gône gône; okanywa idivayi lisungunu olurholero lwâwe n’endwâla zikâkuhunyanga ngasi mango birhumire. 
\v 24 Hali abantu ebyâha byâbo bibonekana embere batwîrwe olubanja; haligi n’abandi ebyâbo nyuma bigalagala. 
\v 25 Ebijiro binjà nabyo kubonekana bibonekana, n’e­biri kundikundi birhankahash’iyôrha biri bifulike.
\c 6
\p
\v 1 Ngasi boshi bali omu mushigo gw’obujà bamanye oku bannâhamwâbo bakwânîne obukenge bwoshi; ntyo izîno lya Nyamuzinda n’enyigîrizo zâge birhag’ijâcirwa. 
\v 2 Balya bashiga abemêzi, barhakâg’ibagayaguza mpu okwenge bali bene wâbo, ci bakabarhumikira bwinjà kulusha, bulya abo bakolera bali bemêzi na bazigirwa ba Nnâmahanga. Kwo wakâyigîriza ntyo, kwo wanakahanûla.
\s1 Omwigîriza w’okuli n’omwigîriza w’obunywesi
\p
\v 3 Owanayigîrize bindi-bindi, abule bucîshwêkera oku binwa nkana, byo binwa bya Nnawîrhu Yezu Kristu n’oku nyigîrizo zâge zilingânîne n’obukombêdu bwîrhu, 
\v 4 oyo muntu erhi guli muhûrha gw’obucîbone, erhi cingolo­ngolo, erhi mulwâla wajà walonza ebya bushabusha n’orhudali rhw’ebinwa. N’ebyôla byo bilêrha obwâgalwa, akavulindi, ebijâci, okucîkebwa abandi busha, 
\v 5 ennongwè zirhatwîkanuka z’abantu b’emirhima ehûsire, abarhishi okuli, balya balongeza obunguke omu kushîbirira ebya Nnâmahanga. 
\v 6 Nêci, okukombêra ebya Nnâmahanga eri njira y’okubona obunguke bunji kwo balya basîma ebi bagwêrhe. 
\v 7 «Bulya ntà kantu rhwadwîrhe en’igulu, na ntâko rhwankahash’irhenzayo». 
\v 8 Nka kuno rhugwêrhe ecirhwâlya n’eci rhwâyambala, rhusîme. 
\v 9 Nabo balya balonza okubona amahirhi, kuhirima bahirima omu mashumi, n’omu murhego, n’omu iralà lya ngasi lubero ly’obuhwinja n’obuhanya, n’eryo iralà lyo lirhuma abantu bashâya, bahere, banasherêre. 
\v 10 Bulya ecisisi c’amabî goshi gabà magene g’ebirugu. Erhi kubishwira kurhuma, baguma bahabusire, baheza obuyêmêre, banacifunda malumwa manji omu murhima.
\s1 Mpu Timoteyo acîsêze okuyôrha ali mujà-bugo nkana
\p
\v 11 Ci wêhe, we muntu wa Nnâmahanga, oyâke ebyo byoshi. Olongereze obushinganyanya, obukombêdu, obuyêmêre, obuzigire, obulembedu, n’obutûdu. 
\v 12 Olwe bwinjà entambala y’obuyêmêre; ogwârhe obuzîne bw’ensiku n’amango wahamagaliragwa, n’obuwajiriraga obuhamîrizi\f + \fr 6, 12 \fr*\ft Nkaba erhi Timoteyo abatizibwa, nîsi erhi ahâbwa obudâhwa.\ft*\f* bwâwe bwinjà bw’obuyêmêre embere za ba-càli-ho banji. 
\v 13 Nkurhegesire embere za Nyamuzinda oshobôza ebintu byoshi obuzîne n’embere za Kristu Yezu waderhaga obuhamîrizi\f + \fr 6, 13 \fr*\ft Erhi Yezu ahamîriza embere za Bilato oku ali mwâmi; n’erhi afà oku musalaba.\ft*\f* nkana embere za Ponsiyo Bilato: 
\v 14 olange amarhegeko buzira izâbyo na buzira ishembo kuhika olusiku Nnawîrhu Yezu Kristu ayisha. 
\v 15 Olwo lusiku, amango ensiku zâlwo zahika, aluyêrekana yêne, ye Nnakuno, Nn’iragi n’obuhashe bwoshi, Mwâmi w’abâmi na Nyakasane wa banyakasane; 
\v 16 yêne dolodolo ye jira akalamo karhayûrha, ye ba omu bumoleke burhankahikwakwo, ye rhasâg’ibonwa na muntu, na ntà muntu wankahash’imubona. Kuli ye obukuze n’obuhashe ensiku n’amango! Amen.
\s1 lhano oku bagale
\p
\v 17 Obwîre abahirhi ba mw’er’igulu barhakâg’icîbona, bamanye bakahira obulangâlire bwâbo omu mahirhi ga nsiku nsungunu, ci bacîkubagire Nyamuzinda, orhugabira ebintu byoshi mpu rhubikolêse. 
\v 18 Bacîhangâne okukâjira aminjà, bahirhire omu bijiro binjà; bakâhâna n’omurhima mwinjà, banakâshangîra ebirugu byâbo n’abandi. 
\v 19 Na ntyo bacîbikire omuhako mwinjà oku mango gayisha, lyo bayish’ibona akalamo k’okunali.
\s1 lhano lizinda n’omusingo
\p
\v 20 Mâshi Timoteyo, olange omuhako wabîsibagwa. Okâyâka ebinwa bya ntya-ntya n’ebibî, n’orhudali rhw’obumanye bw’obwîhambe\f + \fr 6, 20 \fr*\ft Omuhako Timoteyo abîsibagwa: bwo buyêmêre.\ft*\f*. 
\v 21 Kali baguma erhi bàshimba obumanye bwa bene obwo lyo bàhabusire, bàrhêra obuyêmêre. Enshôkano ya Nyamuzinda ebè haguma ninyu!