\id 1TH 1TES - Bible en mashi du Congo
\usfm 3.0
\ide UTF-8
\toc3 1 Tes
\toc2 1 Batesalonika
\toc1 AMARUBA MARHANZI EMWA ABATESALONIKA
\h AMARHANZI EMWA ABATESALONIKA
\mt1 AMARHANZI EMWA ABATESALONIKA
\imt1 Enshokolezi oku maruba marhanzi emwa Abatesalonika
\ip Muli gano maruba marhanzi-rhanzi Paolo ayandikiraga Abanya-Tesalonika omu mwâka gwa 52, ababwire, erhi: « \vp 1, 9\vp* \iqt Ntâho barhadwîrhi baganîra oku mwarhuyankiriraga, n’oku mwalekaga abazimu binyu, mpu mushimbe Nnâmahanga munashige Nyamuzinda w’obuzîne n’ow’okunali,\iqt* \vp 10\vp* \iqt munalinge oku Omugala agaluka kurhenga ­empingu, olya Mugala afûlaga omu bafù, ye Yezu, orhuciza obukunizi bwayisha.\iqt*»
\ip Paolo ashib’ibwîra abatesalonika, erhi: «Bundi bulangâlire buci rhugwêrhe, gandi masîma maci rhwâbone, lindi ishungwè lihi lyârhulêrhere irenge embere za Nnawîrhu Yezu olusiku âgaluka, aha nyuma zinyu? Nêci, mw’oyo mwe irenge lîrhu, mwe na busîme bwîrhu» (\xt 2, 19\xt*).
\ip Paolo ali akengeza abakristu kurhi bakwânîne okulama omu kulinda oku Yezu agaluka; ebi Nnâmahanga alonza kuhika amango Omugala galuka kuli kurhujira batagatîfu (\xt 5, 1; 2, 19; 3, 13; 4, 15; 5, 2; 5, 23\xt*). Co cirhumire enyigîrizo nkulu z’amaruba kuli kubwîra abakristu kurhi balinda olwo lusiku: kulama omu butagatîfu, bayâke eby’enshonyi, banalame omu buzigire (\xt 5, 7-8\xt*). Na ntâye omanyire olusiku n’amango Nnâhamwîrhu agaluka (\xt 5, 1\xt*).
\c 1
\s1 Omusingo
\p
\v 1 Paolo, Silvano na Timoteyo, kuli Ekleziya y’Abatesalonika\f + \fr 1, 1 \fr*\ft Batesalonika; Banya-Tesalonika; Bantu b’e Tesalonika\ft*\f* eri muli Nyamuzinda Îshe na muli Nyakasane Yezu Kristu. Kuli mwe enshôkano n’obuholo!
\s1 Avuga Nnâmahanga omunkwa anabasîma
\p
\v 2 Rhurhahusa okuvuga Nnâmahanga omunkwa ngasi mango mwe mweshi murhumire n’okummukengêra omu nsengero zîrhu. 
\v 3 Ngasi kasanzi, embere za Larha Nnâmahanga, erhi kugerêreza rhugerêreza ebijiro by’obuyêmêre bwinyu, n’emikolo y’obuzigire bwinyu, n’obulangâlire bwinyu bukomîre, muli Nnawîrhu Yezu Kristu.
\p
\v 4 Rhurhahabiri, bene wîrhu bazigirwa ba Nnâmahanga, oku muli nshâgi zâge. 
\v 5 Bulya Emyanzi y’Akalembe rhwamudwîrhîre birhali binwa byône, ci yali eyegemîre obuhashe\f + \fr 1, 5 \fr*\ft Buhashe bw’okujira ebisômerîne.\ft*\f*, na Mukà Mutagatîfu, n’oburhwâli burhalimwo bwôba\f + \fr 1, 5 \fr*\ft oburhwâli burhalimwo bwôba: bijiro by’okumanyîsa oku Mûka Mutagatîfu ye wakâg’ikolêsa Paolo.\ft*\f*. Ninyu mwêne mumanyire kurhi rhwàli rhuyôsire muli mwe nti lyo rhummukwânana. 
\v 6 Ninyu mwarhulolerakwo olwiganyo, mwacîsêza okushusha Nyakasane, mwayankirira Oluderho\f + \fr 1, 6 \fr*\ft Oluderho, yo Myanzi y Akalembe.\ft*\f* n’enshagali ya Mûka Mutagatîfu, n’obwo mwâli omu malibuko manji, 
\v 7 na ntyo mwabà lwingayo oku bemêzi boshi b’e Macedoniya n’e Akaya. 
\v 8 Nêci, kurhenga emwinyu Oluderho lwa Nyakasane lwayumvîkîne, arhali omu Macedoniya n’omu Akaya mwône, ci na hoshi hoshi obuyêmêre bwinyu muli Nyamuzinda bwajîre irenge, na ntyo ntacicîrhamya nakuderha. 
\v 9 Ntâho barhadwîrhi baganîra oku mwarhuyankiriraga, n’oku mwalekaga abazimu binyu, mpu mushimbe Nnâmahanga munashige Nyamuzinda w’obuzîne n’ow’okunali, 
\v 10 munalinge oku Omugala agaluka kurhenga empingu, olya Mugala afûlaga omu bafù, ye Yezu, orhuciza obukunizi bwayisha.
\c 2
\s1 Oku Paolo ayôrhaga erhi ali e Tesalonika
\p
\v 1 Ninyu mwêne murhahabiri, bene wîrhu, oku rhurharhamiraga busha erhi rhuyisha emwinyu. 
\v 2 Erhi rhubà rhwamâlibuzibwa n’okujâcira e Filipi\x - \xo 2, 2 \xo*\xta Lolà \xta*\xt Ebj 16, 19-40.\xt*\x*, nk’oku mumanyire, Nyamuzinda wîrhu arhuhà oburhwâli bw’okummuyigîriza Emyanzi y’Akalembe yâge omu ntambala ndârhi la. 
\v 3 Enyigîrizo zîrhu zirhali za bunywesi, nîsi erhi za bugalugalu erhi bulyâlya. 
\v 4 Ci kulya kubà Nyamuzinda abwîne oku rhukwânîne, arhufumbasize Emyanzi y’Akalembe yâge; nîrhu nka rhwahanûla, rhurhalonza okusîmîsa abantu, ci Nyamuzinda yêne oyishi ebi­rhuli emurhima. 
\v 5 Na ntà mango rhusâg’iderha ebinwa by’okulimîriza, ninyu mwêne murhakuhabiri, erhi okujira akantu kankafulika amagene g’eby’en’igulu; Nyamuzinda ye muhamîrizi wâni muli okwo. 
\v 6 N’oli emwinyu, oli ahandi, ntasâg’ibona rhwalonza okukuzibwa n’abantu, 
\v 7 n’obwo rhwankahashire okummuyêreka obuhashe bwîrhu, kulya kubà rhuli ntumwa za Kristu.
\p Ci rhwacijira banyinyi ekarhî kinyu, rhwayôrha nka muzîre walîsa abâna bâge n’okubashîbirira. 
\v 8 Omu buzigire bwîrhu kuli mwe, rhwankalonzize rhummuhè, arhali Emyanzi y’Akalembe ka Nyamuzinda yône, ci n’obuzîne bwîrhu ciru, bulya mwâli murhonyire bwenêne emunda rhuli! 
\v 9 Mucikengîre, bene wîrhu, emirimo n’emiluho yîrhu: rhwakâg’immuyigîriza Emyanzi y'Akalembe ya Nnâmahanga omu kukola budufu na mûshi nti lyo rhurhazidohera ndi muli mwe. 
\v 10 Mw’oyo na Nyamuzinda mwanahamîriza kurhi rhwàli batagatîfu, bashinganyanya na bêru-kwêru kuli mwe bemêzi. 
\v 11 Muyishi bwinjà oku rhwajirîre ngasi muguma muli mwe nka kula omubusi ajirira abâna bâge: 
\v 12 rhwakazir’immuhanûla, rhwakammuhà omurhima, rhwanakammulahiriza nti olugendo lwinyu luyôrhe lukwânana Nnâmahanga wammuhamagalaga omu Bwâmi bwâge n’omu irenge lyâge.
\s1 Obuyêmêre n’obushîbirizi bw’Abatesalonika
\p
\v 13 Co c’irhumire oku bwîrhu rhwêhe, rhurhahusa okuvuga Nyamuzinda omunkwa, bulya erhi mubà mwamayumva Oluderho lwâge rhwammumanyîsagya, murhaluyankiriraga nka kanwa ka muntu, ci, nk’oku lunali, mwaluyankirira nka Luderho lwa Nnâmahanga. Olwo Luderho kukola muli mwe, mwe bemêzi. 
\v 14 Nêci, bene wîrhu, mwayankîre olwiganyo oku Ekleziya za Nyamuzinda ziri omu Yudeya muli Kristu Yezu; kulya kubà ninyu mwalibuzîbwe n’abà­ntu b’omu cihugo cinyu nk’oku ezo Ekleziya zalibuzibagwa n’Abayahudi, 
\v 15 balyâla bayîrhaga Nyakasane Yezu n’abalêbi; bâbo bo bàrhulibuzagya; barhasîmîsa Nnâmahanga, banali bashombanyi b’abantu boshi. 
\v 16 Banakarhuhanza okuyigîriza abapagani mpu lyo barhacunguka; na ntyo barhahusa okuyûshûla olugero lw’ebyâha byâbo. Ci lêro obukunizi bwa Nyamuzinda mîra bwabarhindagakwo.
\p
\v 17 Rhwêhe, bene wîrhu, kurhenga rhujira nsiku rhurhabonana n’amasù, ci arhali omu murhima, rhwayumva rhukola rhucîfinjire okushub’ibona obusù bwinyu, rhwanayumva rhummuduzire bwenêne. 
\v 18 Rhwanacilalira okujà e­mwinyu; nie ono Paolo nakuhizire kanji, ci shetani akarhutwîra omu majira. 
\v 19 Bundi bulangâlire buci rhugwêrhe, gandi masîma maci rhwâbone, lindi ishungwè lihi lyârhulêrhere irenge embere za Nnawîrhu Yezu olusiku âgaluka, aha nyuma zinyu? 
\v 20 Nêci, mw’oyo mwe irenge lîrhu, mwe na busîme bwîrhu.
\c 3
\s1 Paolo arhuma Timoteyo e Tesalonika
\p
\v 1 Erhi rhubona rhurhacihashiri, rhwahiga okuyôrha rhwêne Atena; 
\v 2 rhwarhuma Timoteyo, mwene wîrhu na murhumisi wa Nyamuzinda omu kulumîza Emyanzi y'Akalembe ya Kristu, nti ammuzibuhye anammukomeze omu buyêmêre bwinyu, 
\v 3 lyo harhag’ijira owarhà omurhima muli ago malibuko\f + \fr 3, 3 \fr*\ft Amalumwa n’amalibuko co cimanyîso c’omukristu osêzire omu buyêmêre en’igulu.\ft*\f*. Ninyu mwêne murhahabiri oku eco co cigabi cîrhu. 
\v 4 Bulya rhuli emwinyu, rhwakâg’immurhonda oku kukwânîne rhubone amalibuko; kwo byanayishirig’ibà, murhakuhabiri. 
\v 5 Erhi mbona ntacihashiri nanacimurhuma nti adôse emyanzi y’obuyêmêre bwinyu nti kwankanabà Omushumisi\f + \fr 3, 5 \fr*\ft Omushumisi ye Shetani.\ft*\f* mîra ammushumikaga, n’omukolo gwîrhu gubè gwafîre busha.
\s1 Avuga omunkwa oku myanzi Timoteyo amudwîrhîre
\p
\v 6 Ci buno Timoteyo arhuhandîre, arhenga emwinyu, arhudwîrhîre emyanzi minjà y’obuyêmêre bwinyu n’obuzigire bwinyu; arhubwîzire oku kudula muci­rhudula, n’oku mucîfinja bwenêne okushub’irhulolakwo nk’oku nîrhu rhucîfinja okushub’immubonakwo. 
\v 7 Ntyo, bene wîrhu, omu malumwa n’omu malibuko gîrhu ga ngasi lubero, obuyêmêre bwinyu bwarhuhîre omurhima. 
\v 8 Nêci, rhuyumvîrhe rhukola rhugwêrhe emisî bulya mukomîre muli Nyakasane. 
\v 9 Rhubwîragi nîrhu kurhi rhwankahash’ivuga Nyamuzinda omunkwa kuli mwe kw’aga masîma goshi rhudwîrhe rhwayumva embere za Nnâmahanga erhi mwe murhuma? 
\v 10 Budufu na mûshi erhi kushenga rhumushenga burhahusa, nti rhushub’ibona obusù bwinyu, rhunayûshûle ebibulikîne omu buyêmêre bwinyu. 
\v 11 Mâshi Nyamuzinda yêne, Larha na Nnawîrhu Yezu, barhufukûlire enjira y’okuhika emwinyu! 
\v 12 Ninyu Nyakasane ammuyôlolose anammujire bimâna omu kuzigirana mwêne na nnene n’omu kuzigira abantu boshi nk’oku rhummuzigira! 
\v 13 Na ntyo akomeze emirhima yinyu; ayijire myêru-kwêru omu butagatîfu embere za Larha Nyamuzinda, amango nnawîrhu Yezu ayisha bo n’abatagatîfu bâge boshi.
\c 4
\s1 Amahano: obutagatîfu n’obuzigire
\p
\v 1 Nêci bene wîrhu, rhummuhûnyire rhunammuyinginzire muli Nyakasane Yezu nti mushimbe erya njira rhwammuyigîrizaya, erya njira emmuyêreka kurhi mukwânîne okuyôrha lyo musimîsa Nnâmahanga. Câbà kwo munakola muyôsire ntyo. Muhirage njira, mujè embere. 
\v 2 Mumanyire bwinjà marhegeko maci rhwammuhîre oku izîno lya Nyakasane Yezu. 
\v 3 Obulonza bwa Nnâmahanga b’obu: muhinduke batagatîfu; muleke eby’enshonyi; 
\v 4 ngasi muguma muli mwe amany’ilanga omubiri gwâge omu butagatîfu n’omu bukenge, 
\v 5 arhacicîrîkiriraga omu kuhêkwa n’amîru mabî ak’abapagani barhishi Nyamuzinda. 
\v 6 Muli okwo harhajiraga owasârhaza mwene wâbo erhi okumujira buligo; bulya Nyakasane anacîhôle kw’ebyo byoshi, nka kulya rhwammubwiragakwo rhwanakuhamîriza 
\v 7 Birhali bya nshonyi Nyamuzinda arhuhamagaliraga, ci butagatîfu. 
\v 8 Na ntyo owagayaguza ago marhegeko, erhi arhali muntu agayaguzize, ci Nyamuzinda yêne, owammushobôzagya Omûka gwâge Mutagatîfu.
\p
\v 9 Oku biyêrekîre okuzigirana, ntà bulagîrire mugwêrhe bw’okuyandikirwa, kulya kubà Nyamuzinda yêne wammuyigîrizagya okuzigirana mwêne na nnene, 
\v 10 erhi kwo munayôrha mujirira bene wîrhu boshi b’omu Macedoniya yoshi. Rhummuhûnyire nti muyûshûle okujà embere, bene wîrhu. 
\v 11 Mucîsêze okukarhûza, na ngasi muguma ashîbirire omulimo gwâge, munakole n’amaboko ginyu, nka kulya rhwammurhegekaga. 
\v 12 Ntyo olugendo lwinyu luyôrhe lushingânîne omu masù g’abâli embuga\f + \fr 4, 12 \fr*\ft Abâli embuga, bo balya bahali b’omu mulala gwîrhu gw’abemêzi (\+xt 1 Kor 15, 12\+xt*).\ft*\f*, na ntâye mwalagîrirakwo.
\s1 Abazîne n’abafîre olusiku Nyakasane agaluka
\p
\v 13 Bene wîrhu, rhurhalonza muhabe olw’abafîre, lyo murhag’ifà mutula ak’abandi barhajira bulangâlire\f + \fr 4, 13 \fr*\ft Abandi barhajira bulangâlire; bo bapagani abo.\ft*\f*. 
\v 14 Akabà rhuyêmîre oku Yezu afîre anafûka, ntyo kwo abafîre muli Yezu nabo banayish’ibà: Nyamuzinda anabahêke bo naye. 
\v 15 Okûla rhummubwîzirekwo n’obuhashe b’Oluderho lwa Nyakasane: rhwe rhucizîne, rhwe rhwâbè rhuciriho amango Nyakasane agaluka, rhurhakashokolera abafîre. 
\v 16 Bulya, oku cimanyîso, oku izù lya Malahika mukulu n’oku mushekera gwa Nyamuzinda, Nyakasane yêne anayandagale, kurhenga empingu, n’abafîre muli Kristu bo bâfûke barhanzi. 
\v 17 Okubundi nîrhu, rhwe nabo omu bitù, rhuj’ishimânana na Nyakasane omu malunga; na ntyo rhwâbêre na Nyakasane ensiku zoshi. 
\v 18 Mukaz’irhûlirizanya n’ebyo binwa.
\c 5
\s1 Okubà masù omu kulinga okuyisha kwa Nyakasane
\p
\v 1 Oku nsiku n’amango, bene wîrhu, ntà bulagîrire mugwêrhe bw’okubiyandikirwa. 
\v 2 Ninyu mwêne mukumanyire bwinjà: Olusiku lwa Nyakasane kwo luyisha nka cishambo c’omu budufu\f + \fr 5, 2 \fr*\ft Lolà \+xt Mat 24, 36.43\+xt*.\ft*\f*. 
\v 3 Amango abantu baderhe mpu: «Murhûla na kalembe», lyo obuhanya bwâbahonere oku caligumiza, kula emikero mibishi enarhogera omukazi oli izîmi, barhakanabona oku bayâka. 
\v 4 Mwêhe, bene wîrhu, murhali omu mwizimya, mpu olwo lusiku lummurhibukirekwo nka cishambo. 
\v 5 Mweshi muli bâna b'obumoleke n’ab’omûshi\f + \fr 5, 5 \fr*\ft Abakristu balemeragwa obumoleke n’omûshi: okuyôrha rhuli omu bumoleke n’omu bulangashane bw’omûshi bwo bwôrhere bwîrhu.\ft*\f*. Rhurhali bâna ba budufu nîsi erhi ba mwizimya. 
\v 6 Kuziga rhurhajaga îrò ak’abandi, ci rhubè masù erhikwo, rhurhanabaga badâdà. 
\v 7 Abajà îrò, budufu balijà, n’abalaluka, budufu balaluka. 
\v 8 Ci rhwêhe, rhwe b’omûshi, rhurhabaga badâdà; rhuyôrhe rhufumbasire empenzi\f + \fr 5, 8 \fr*\ft rhuyôrhe rhufumbasire empenzi: Lolà \+xt Efz 6, 14-17\+xt*.\ft*\f* y’obuyêmêre n’obuzigire, rhuyambale n’ensirha y’obulangâlire bw’obucire. 
\v 9 Bulya Nyamuzinda arharhulemeraga bukunizi, ci mpu rhubone obucire Nnawîrhu Yezu Kristu orhumire. 
\v 10 Arhufîrire mpu rhukabà rhuzîne erhi rhukabà rhurhazîni\f + \fr 5, 10 \fr*\ft Rhukabà rhuli bagumagumà erhi rhukafà.\ft*\f*, rhulame rhulungîne naye. 
\v 11 Ntyo mukaz’irhûlirizanya mwêne na nnene, munakahânana olwiganyo lwinjà, nk’okûla munajira.
\s1 Oku ababà haguma bakwânîne okuyôrha
\p
\v 12 Rhummuhûnyire, bene wîrhu, nti mukâkenga balya bammuluhira, abammukulîre muli Nyakasane, banakammuhanûla. 
\v 13 Mubazigire kwâgo-kwâgo omukolo gwâbo gurhumire. Mubè n’omurhûla ekarhî kinyu. 
\v 14 Mâshi, bene wîrhu rhummuhûnyire nti muhanûle abalerha akavulindi, muhè abwôba omurhima, muzibuhye engonyi, munakalembera abantu boshi. 
\v 15 Mumanye hankajira owagalulira omuntu obubî oku bubî; ci ngasi mango mucihangâne okujirirana aminjà mwêne na nnene, mugajirire n’abantu boshi. 
\v 16 Mukâyôrha mushagalusire ensiku zoshi. 
\v 17 Mukâshenga oburhahusa. 
\v 18 Oku ngasi kantu mukaz’ivuga omunkwa, bulya ntyo kwo Nnâmahanga alonza kuli mwe, muli Kristu Yezu. 
\v 19 Murhazimagya\f + \fr 5, 19 \fr*\ft Okuzimya Mûka kwo kujira akantu kankahanza omukolo gwa Mûka Mutagatîfu omu mirhima yîrhu.\ft*\f* Mûka Mutagatîfu; 
\v 20 murhagayaguzagya e­nshôkano y’obulêbi; 
\v 21 ci mulole bwinjà ngasi kantu, n’ebiri binjà byo muyôrhanage. 
\v 22 Mucîlange oku ngasi coshi ciderhwa cibî.
\s1 Obwangà n’omusingo
\p
\v 23 Nyamuzinda w’omurhûla yêne ammujire batagatîfu lwoshi Lwoshi, alange emyûka n’emirhima n’emibiri yinyu buzira izâbyo kuhika olusiku Nnawîrhu Yezu Kristu ayisha. 
\v 24 Ommuhamagire arhatwa omu kanwa kâge, yêne ye wajira okwo. 
\v 25 Murhusengerere nîrhu, bene wîrhu. 
\v 26 Mulamuse bene wîrhu boshi n’ehinûnugurho hitagatîfu. 
\v 27 Mmuhûnyire bwenêne muli Nyakasane nti aga maruba gasomerwe bene wîrhu boshi. 
\v 28 Enshôkano ya Nnawîrhu Yezu Kristu ebè ninyu!