\id TIT Sakachep: Bible Translation 1st Edition
\ide UTF-8
\ide Unicode (UTF8)
\h Titus
\toc1 TITUS kôma Paul Lekhamuthuon
\toc2 Titus
\toc3 Tit
\mt1 TITUS
\mt2 Kôma Paul Lekhamuthuon
\imt1 Chongmaruoi
\ip Titus hah Jentail mi, Khristien a hong changa, Paul missionary sinna han a san ngâi le a thop ngâi mi ani. \bk Paul'n Titus kôma Lekhamuthuon\bk* hin Crete tuihuola a sintho san ngâi, koiindang sinngei enkol ranga amâkpu rangin a miziek ani. Hi lekhamuthuon hin abi inthum a dôn.
\ip Inkhatna, Crete mi tamtak ngei nunchan saloi tie enin, koiindang ruoipungei dôn ranga nunchan sa, Titus kôm a ril nôk ani. Inikna, Titus'n koiindanga lôm tamtak ngei, Putarngei, Pitarngei (mangei han an nuoia nupang nâipangngei minchu ngei rang an ni) ruothartengei, le suokngei minchu rang lam. Azoinataka, Khristien nunchan sa, aliekin insûk le ruolinchang anâng tie ngei le inmumâknangei, inkhalnangei, le koiindanga insennangei om loi rang roia Titus kôma a rilna.
\is1 Asûnga chongtângpuingei
\io1 Chongmaruoi \ior 1:1-4\ior*
\io1 Koiindang ulienngei \ior 1:5-16\ior*
\io1 Koiindanga pâl omngei murdi sintum \ior 2:1-15\ior*
\io1 Mohôkna le inningna \ior 3:1-11\ior*
\io1 Chongkhârna \ior 3:12-15\ior*
\c 1
\p
\v 1 Paul, Pathien tîrlâm le Jisua Khrista tîrton renga han.
\p Pathien a mi thangngei an taksônna san rang le sakhuo lama dikna tieng ruoi ngei rang le sanngei rang le, 
\v 2 kumtuong ringna sabeina chunga ânngam hah minriet ranga thang ki ni. Pathien, milak tho ngâiloi han, zora hônphut mân renga ma ringna hih ni leikhâm pea, 
\v 3 male ama han azora diktaka han a thurchi a juong minlang zoi ani. Sanminringpu Pathien chongpêk anghan phuong minzar rangin sintum pêk ki ni zoi.
\p
\v 4 Ei rêngin munkhat ei nina taksônna sika ka nâipasal diktak, Titus rang ki miziek ani.\x - \xo 1:4: \xo*\xt 2 Kor 8:23; Gal 2:3; 2 Tim 4:10\xt*\x*
\p Pa Pathien le mi sanminringpu Khrista Jisua moroina le inngêina nangni pêk rese.
\s Crete tuihuola Titus sintho
\p
\v 5 Neinunngei jêk ranga ala nângngei jêk rangin le khopui tina koiindang upangei phun pe ngei rangin, Crete tuihuola nang ka mâk ani. Nang ki rilnangei hih riettit roh: 
\v 6 \x - \xo 1:6-9: \xo*\xt 1 Tim 3:2-7\xt*\x* Upangei chu demnaboi ngêt; lômnu inkhat dônpu ngêt,\f + \fr 1:6: \fr*\fq lômnu inkhat dônpu ngêt; \fq*\ft aninônchu \ft*\fqa vêlkhat vai innei.\fqa*\f* a nâingei khom Pathien taksôn mi le hoiinhôkna lama dem theiloi le chongdonloi mi niloi ani ngêt rang ani. 
\v 7 Koiindang upa chu Pathien sin enkolpu ani sikin, demnaboi ani ngêt rang ani. Theiintum mi aninônchu ningthik bai, ju inrûi mi aninônchu rahangrât mi, aninônchu sum inruôk mi ani rang ni tet nimak. 
\v 8 Mi donsûi thei le neinun sa midit mi, indînthei mi, mi diktak, mi inthieng le mi omchan dik ani ngêt rang ani. 
\v 9 Ama han, minchuna dik taktak lehan mingei a mohôk theina rang le adoipungei khom an dikloina a min mu theina rangin, thurchi taksôn omtak, chongrin leh injûipui ngei sûrngit ngâi mi ngêt ani sa rang ani.
\p
\v 10 An omphuoloi han, midangngei hah adikna minjûiloi le huongna tieng an tuong ngâi ani, aliekin Juda sakhuo renga hong inheipu ngei hah an ni uol. 
\v 11 An bâi hîp pe ngei rang anânga, asikchu inzakpuiruoi tak sum rujûlin, an minchu loi rang ngei minchûn, an insûngmingei nâm mulungjîng an mintong ngei zoi ani. 
\v 12-13 Crete mingei lâia nanâk, an dêipungei inkhatlam, chongdik misîr ngâipu han “Crete mingei chu milakkok, rama sarângngei, thaboi rôlruokngei,” a ti lehan, ngo bit ngei roh, taksônna dik an dôn theina rangin le 
\v 14 Juda thurchimuruongei renga hong, chongtak hengpai ngâi miriem chongpêkngei jôm khâi no rese ngei. 
\v 15 Mi inthieng ngei ta rangin chu neinun nâm hih ânthieng ania; hannirese, mi innim ngei le iemloipu ngei ta rangin chu ite hih ânthieng reng om maka, an mindona le asielesarietna ten khom ânnim ani. 
\v 16 Pathien riet mi kin ni an intia, aniatachu an sintho han an saloina aminlang pe ngei ngâi ani. Mangei hah ennuôm pêlloi le chongdonloi mi, asa sin rang ti reng inhoiloi an ni.
\c 2
\s Chongrin adik minchuna
\p
\v 1 Aniatachu, nangma'n chu chongrin adik vai kêng ni minchu ngêt rang. 
\v 2 Putarngei chu hangvanga oma, roijêkthei, le indînthei; taksônna diktak dôn mi, lungkham, le tuongdierna dôn mi ni rangin minchu ngei sabak roh. 
\v 3 Ma angdên han pitarngei khom an nupang nunchan rieta, ringnun inthienga om rangin minchu ngei roh. Mi êro ngâi le ju suok nitet no rese ngei. Asa ngêt hah minchu rese ngei, 
\v 4 nuvengte avâng uol ngei hah an lômpa le an nâingei lungkham rang, ti rilminchu theina rangin, 
\v 5 indîntheina le inthârna, le insûng cherêlnu satak, an lômpangei chong nuoia omngei, hanke tutên Pathien chongngei misîr minsiet noni ngei.
\p
\v 6 Ma angdên han ruothartengei khom indînthei rangin mohôk ngei roh. 
\v 7 Nangma vâng chu neinun nâma nunchan minenna satak ni ni ngêt rang. Ni minchuna ngei han khom miritomtak le takintâitakin tho roh. 
\v 8 Chongbâi thum tak, dem theiloi chong hah mang roh, hanke na râlngei han ei chungroia ite asie ti rang dôn noni ngeia, inzak an tih.
\p
\v 9 Suokngei chu an pungei rachamtakin om rang le neinunnâma an pungei râiminsân rang ani. An pungei an makhal ngei rang reng nimaka, 
\v 10 an pungei neinun khom an muruk rang nimak. Manêkin chu, an satna le an taksônomna minlang tit ngêt rangin minchu ngei roh, hanke mi Sanminringpu ei Pathien minchuna roi luttie hih an sinthona nâma an minlang rang ani.
\p
\v 11 Mi nâmin sanminringna an man theina rangin Pathien moroina hah minlang ani. 
\v 12 Ma moroina han, Pathien minlut jôtloi le rammuol ôinangei mâkraka, hi rammuola hin indîntaka om le diktak le Pathien minlut jôta ringnun mang rangin mi rila, 
\v 13 ei lei ngâk ei Pathien roiinpuitak le Sanminringpu Jisua Khrista\f + \fr 2:13: \fr*\fq Ei Pathien roiinpuitak le Sanminringpu Jisua; \fq*\ft aninônchu \ft*\fqa Pathien roiinpuitak le mi Sanminringpu Jisua Khrista.\fqa*\f* chôiminsânga, a juong inlâr rang satvur Nikhuo ei sabei anghan. 
\v 14 Ama nanâkin eini rangin ânpêka, phuoloinangei nâm renga mi mojôka, male ama ata tatak vai ni rangin mi minthienga, sin sa tho rangin mi nuom tatak ani.\x - \xo 2:14: \xo*\xt Lap 130:8; Jôk 19:5; Bal 4:20; 7:6; 14:2; 1 Pet 2:9\xt*\x*
\p
\v 15 Ma neinunngei hih minchu ngei inla, no chong rangâi ngei hah na rachamneina nâm mangin mohôk ngei inla, ngo ngei roh. Tutên nang enminnuoi no rese ngei.
\c 3
\s Khristien nunchan
\p
\v 1 Ni mingei hah roijêkpungei le rachamneipungei jâ ngei rang, chongdon rang, le lamtina asa tho rangin inningchien tit rangin minrietnôk ngei roh. 
\v 2 Tute êro loia, inngêidîl le insûk-irin, le mi nâm chunga nunnêmtakin om tit rangin ril ngei roh. 
\v 3 Eini nanâk khom zora khat chu amotak, chongdonloi le dikloi tak ei lei nia. ôina saloi le hoiinhâinangei nâma suok changin ei lei om ani. Ei ringnun ngei hih narsasie le nunsien ei manga; mi enjôt makmea, mingeiin khom mi enjôt mak ngei. 
\v 4 Hannirese, mi Sanminringpu ei Pathien inriengmuna le lungkhamna a juong minlanga han, 
\v 5 mi mojôk zoi. Mahih eini ei rachama sin sa ei tho sika nimaka, ama mi moroina han mi mojôka, Ratha Inthieng jârin, mi rusûka suoktharna le ringna thar mi pêk zoi ani. 
\v 6 Pathien'n, Sanminringpu Jisua Khrista jârin ei chunga hin Ratha Inthieng hah a bun ok zoi. 
\v 7 A moroina sika Pathien kôm midik mi minchanga, ei lei sabei kumtuong ringna rochonluopungei ei ni thei zoi. 
\v 8 Mahi adiktaka ti ani.
\p Hi chongngei hih aliekin, lunghâng thorîtin ni misîr tit rangin nang ku nuom ani, hanke Pathien iempungei chu an zora mang han, sintho asa le mitin ta ranga mangruo sa ngei hah, tho rangin an bôk duoi thei. 
\v 9 Hannirese amo inkhal, richibulngei sûinangei, inkhalnangei, Balam roia insuolnangei chu nûksong roh; mangmunboi le kâmnângloi ani. 
\v 10 Insenna sin ngâipu hah vêlnik dôr chu inningna chong pêk inla, masuole chu ite tho pe ngei nâng khâi mak. 
\v 11 Ma anga mingei hah chu mi saloi mulungkôitak ani ti ni rieta, an sietnangei han an dikloina a minlang ngâi ani.
\s Azoina rilnangei
\p
\v 12 Artemas aninônchu Tychicus mini no kôma ko hongtîr tika chu Nicopolis taka ko kôm juong rang bôk tatak roh, asikchu ma muna han phalbi zora kai chu om rangin ko bôk ani.\x - \xo 3:12: \xo*\xt Sin 20:4; Eph 6:21-22; Kol 4:7-8; 2 Tim 4:12\xt*\x* 
\v 13 Balamtheipu Zena le Apolos hah, an chaina ngeia ite an insam loina rangin ne theidôr chu san ngei roh.\x - \xo 3:13: \xo*\xt Sin 18:24; 1 Kor 16:11\xt*\x* 
\v 14 Ei mingei hah sin sa thonân an ringnun mang ngêt rese ngei, anâng tatak ngei hah sem theia aomna rangin; ringnun kâmboiin an om rang nimak.
\p
\v 15 Ko kôma omngei nâmin chibaimûknangei nang an hong muthuon. Taksônna taka ei malngei hah chibai pêk ngei roh.
\p Pathien moroina chu nin chunga om rese.