\id ROM Sakachep: Bible Translation 1st Edition
\ide UTF-8
\ide Unicode (UTF8)
\h Romans
\toc1 ROM Mingei kôma Paul Lekhamuthuon
\toc2 Rom
\toc3 Rom
\mt1 ROM
\mt2 Mingei Kôma Paul Lekhamuthuon
\imt1 Chongmaruoi
\ip \bk Paul'n Rom taka lekhamuthuon\bk* Rom khopuia koiindang va sir rang a bôka, lampui lei sinsiem ranga hi lekha, lei rilnân hi lekha hih Korinth khopui renga a miziek ani. A khintak chu ma muna Khristien omngei an lâia idôr ten mini sinthoa anni ngei sanna leh Spain rama khom se rang a sabei ani. Khristien taksônna hih Khristienngei an ringnuna anîngtin nunchana minlangsuok rang a riet lam a miziek ani. Hi lekhabu hin Paul chong chôi pumpui misîr minthârna tak lekha ani.
\ip Rom koiindanga mingei chibai a mûka, anta rangin a chubai pe ngei ngâi tie a ril zoiin chu, Paul'n a lekhamuthuon na abipuitak hih a misîr ani: “Pathien'n mi dik a mintum nôk lam thurchisa a minlanga: ma hih abul renga among dênin taksônna sikin ani.” (1:17)
\ip Hanchu Paul'n hih chonglupui hi a ril minsei uola, miriem murdi, Judangei le Jentailngei khom Pathien mitmua thei an intum rang anâng ani, mi murdi nunsie rachamneina nuoia om zit an ni sikin, miriem ngei hih Jisua Khrista taksôn sikin Pathien mitmua thei an intum ngâia. Masuole Paul'n Khrista leh inzomkhômna ringna thar han Pathien leh inkaina thar ahong suok ani, a ti sa. A iempungei kai chu sietna le thina sinthotheina renga Pathien Ratha'n min jôkin Pathien leh inngêina an dôn ngâia. Bung 5-8 sûnga hin Pathien balam ai khit tak le a iemngei ringnuna Pathien Ratha'n roi a nei tie hih a misîr ani. Judangei Jisua an lei hengna khom hih Pathien lei mintuo inkhat chu ani, mi murdi Jisua Khrista taka hin Pathien moroina an huom thei chitna ranga ani ti hih a chongkhârna ani, Judangei hin Jisua hih heng tit no ni ngei ti hih a iem ani. Anûktaka chu Paul'n Khristien ringnun hih kho angtaka mang rang mini, midangngei leh inzom theina ranga lungkhamna lam roi a miziek ani. Ha chonglupuingei hah Pathien sin ania ram ta rang le mitin kôma Khristienngei sintum khom ania, a sielesarietna chongrekel khom ani sa, tiin a lâk ani. Ama mimal chongbe leh Pathien kôma râisânchongrilna chongin a lekha muthuon hih a min mong ani.
\is1 Asûnga chongtângpuingei
\io1 Chongmaruoi le chonglupui \ior 1:1-17\ior*
\io1 Sanminringna anâng \ior 1:18—3:20\ior*
\io1 Pathien'n a sanminring lam \ior 3:21—4:25\ior*
\io1 Khrista taka ringna thar \ior 5:1—8:39\ior*
\io1 Pathien mintuona nuoia Israelngei \ior 9:1—11:3\ior*
\io1 Khristienngei inruoina lam \ior 12:1—15:13\ior*
\io1 Chongkhârna le misang chibaimûkna \ior 15:14—16:27\ior*
\c 1
\p
\v 1 Paul renga, Jisua Khrista tîrlâm le tîrton ranga thang, Pathien'n a Thurchi Sa ngei misîr ranga koi.
\p
\v 2 Ma Thurchi Sa hah tien renga Pathien'n a dêipungei mangin a lei khâma, Lekhabu Inthieng taka miziekin. 
\v 3 Mahi a Nâipasal, ei Pumapa Jisua Khrista roi ani: Miriem nina tieng chu David richisuonpâra inzir ania; 
\v 4 ânthiengna Ratha Inthieng chu, thina renga ânthoinôkna han Pathien Nâipasal ani tie sinthotheina roiinpuitak chu a minlang ani zoi. 
\v 5 Ama sika han Pathien'n tîrton ni rangin Khrista jôtna sika sintum ni pêk ani, Ramtina mingei iema le jômna tienga ruoi ngei rangin mikhâm ani. 
\v 6 Rom taka om ngei khom nangni huomsa ani, Jisua Khrista ata nirangin nangni a koi ani.
\p
\v 7 Masikin Rom taka om Pathien lungkham ngei le ama mi ni ranga a koi ngei nâm ranga ki miziek ani:
\p Pathien ei Pa le Pumapa Jisua Khrista'n, moroina le inngêina nangni pêk rese.
\s Râisânchongrila chubaithona
\p
\v 8 Amotontaka, rammuol pumpuia nin taksônna thurchi ânthang sikin nin rênga rangin Jisua Khrista jâra ka Pathien kôm râisânna chong ki mintung bak ani. 
\v 9 Chubai ko thona ngeia nangni ki riettit ngâi ti a Nâipasal Thurchi Sa misîra ku mulung murdia sin ko tho ngâi Pathien hah ni rietpuipu ani. 
\v 10 A lungdo anînchu atûn luo nangni ko hong sir phâk theina rangin Pathien kôm ke ngên tit ngâi ani. 
\v 11 Nin dik nôk uolna rangin ratha satvurna ngei nangni min chang rangin mu rang nangni ku nuom tatak ani. 
\v 12 Maha keima le nangni hih nin taksôn han inmohôk inlôm ku nuom ani, ei insan inlôm theina rangin.
\p
\v 13 \x - \xo 1:13: \xo*\xt Sin 19:21\xt*\x* Ka lâibungngei le sarnungei, nangni hongpan rang ko bôk tit ngâia, hannirese insûkloina a om kelen ngâi ti nin riet ku nuom ani, Jentail dang ngei lâia taksôn thar ka man anghan nin lâia khom man rangin ka sabei. 
\v 14 Mitin chunga lâkâi ke nei, Greek mingei le mi môlma ngei mivârngei le mi inmôl ngei kôma khom. 
\v 15 Ma anghan nangni Rom khopuia omngei kôma khom Thurchi Sa misîr rangin inthok chakin ko om ani.
\s Thurchisa sinthotheina
\p
\v 16 \x - \xo 1:16: \xo*\xt Mk 8:38\xt*\x* Thurchisa hih inzakpui mu-ung, tukhom a iem murdi sanminringna ranga Pathien sinthotheina ania, aphuta Judangei ta rangin masuole Jentailngei ta rang khomin ahongni. 
\v 17 \x - \xo 1:17: \xo*\xt Hab 2:4\xt*\x* Thurchisa hin taksôn sik vaia Pathien'n mi thei a minchang lam aphut renga amongna tena a juong minlang ani, Pathien lekhabu'n, “Taksôn sika thei intumpu chu ring a tih,” tia ânziek anghan.\x - \xo 1:17: \xo*\xt Hab 2:4\xt*\x*
\s Miriemngei sietna
\p
\v 18 Invân renga Pathien taksina hah miriemngei Pathien lunghâng tholoina sietna le dikloina murdi chunga ajuong minlang ani, an sietna sikin chongtak hah an kal tita. 
\v 19 Pathien'n intakna a mintuong ngeia, asikchu thurchi rietruongei chu an kôma ânlang tita Pathien'n ama rengin a min riet zoi sikin. 
\v 20 Anina mita mutheiloi a kumtuong sinthotheina le a Pathien nina hah rammuol sinphut renga a neinun sin ngeia inthârin mutheiin ânlanga. Masikin anni ngei chu jôkna rang lampui ite dôn mak ngei. 
\v 21 \x - \xo 1:21: \xo*\xt Eph 4:17,18\xt*\x* Pathien an riet chakin Pathien angin chôiminsâng mak ngeia ama kôm râisânchong khom ril mak ngeia; sin kâmboi mang an mindona an mulungrîl sêt tak hah ahong jîng zoia. 
\v 22 Avâr okin an inbea hannirese an inmôl ani. 
\v 23 \x - \xo 1:23: \xo*\xt Bal 4:16-18\xt*\x* Thitheiloi Pathien chubaimûk nêkin a thithei miriemngei le vângei sângei le iring rimilngei pathien an min chang zoia.
\p
\v 24 Masikin, an mulungrîl nuomlam neinun porinchengei tho rangin Pathien'n nûk a song ngeia inzakpui omtakin an om zoi ani. 
\v 25 Pathien chongtak nêkin milak an thang uola, asinpu biek nêkin a sin ngei biekna sin an thope uola, Asinpu chu kumtuongin minpâkin om rese! Amen.
\p
\v 26 Masika han kêng Pathien'n inzak taka an hur ha phalin nûk a song ngeia. An nupangngei hah khom nunchan insiengpui angtakin om loiin an oma. 
\v 27 An pasalngei khom nupang mang ngâi lam mâksanin, hurin an in en inlôma, pasal le pasal dikloi takin an lênga. An taksa ngeia an sietna man an man ani.
\p
\v 28 Pathien rietna diktak hah an mulungrîla an nei nuom loi sikin an mindonna siet tak anga om rangin Pathien'n nûk a song ngeia, an tho loi ruo khom an tho zoia. 
\v 29 Dikloina murdi'n an sipa sietnangei, insâp râtnangei, puoloina ngei, narsana ngei, inthatna ngei, insuol inkhalna ngei, inhuongna ngei le inmumâkna ngeiin an sipa, 
\v 30 an inêroa, an indema, Pathien an henga, an indoia, an inpâka, an insonga, sietna dadang athar an min suoka, an nulepangei mirit mak ngeia. 
\v 31 A sielesarietna nei mak ngeia an inkhâmna mang mak ngeia, midang lungkhamna le inriengmuna reng dôn ngâi mak ngei. 
\v 32 Ma anga tho ngei chu Pathien'n a khâm anga thiruo anni ti riet chakin, anni an tho vai niloiin midang a tho ngei khom an nuompui sa ngâi.
\c 2
\s Pathien roijêkna
\p
\v 1 \x - \xo 2:1: \xo*\xt Mat 7:1; Luk 6:37\xt*\x* O miriem, mi jêkpu tukhom ni roh inlêmna rang reng dôn riek mak che, midang ne jêkna dêna han nangma theiloi na chang kêng, nangma a jêkpu reng khomin ma anga sin hah no tho ngâi sikin. 
\v 2 Ha anga tho ngâi mingei hah Pathien'n theiloi a min changin a jêk mindik thap ani ti ei riet. 
\v 3 Aniatachu, O miriem ma anga sin tho ngâi ngei jêkpu, nang khomin ha anga sin hah no thôn chu roijêkna piel thei rangin nên tung mo? 
\v 4 Aninônchu nang mehei rang a nuom sikin Pathien'n a moroina lien, a tuong theina le a tuongdierna hi misit mo ni ni? 
\v 5 Nangma tukdullien le mulungngar sikin Pathien taksina le roijêkna diktak juong inlang rang Nia rangin nu chunga dengtheina nu bûm ani. 
\v 6 \x - \xo 2:6: \xo*\xt Lap 62:12; Vârc 24:12\xt*\x* Pathien'n mitin an sintho lam angtakin râisânman a pêk rang sikin. 
\v 7 Tuongdiertaka sin asa thoa roiinpuina le chôiminsângna le ringna thitheiloi zong ngei kôma han kumtuong ringna pêk atih. 
\v 8 Hannirese, a rang mang zonga chongdik hengpaia dikloina an jûi theina rangin, an chunga Pathien taksina le ningthikna musum atih. 
\v 9 Adikloi sin ngei murdi chunga dengtheina le jâmzalna ngei om atih, Judangei chunga om bak a ta, Jentailngei chunga om nôk atih. 
\v 10 Hannirese, sin asa sin ngei murdi chunga chu roiinpuina, chôiinsângna le inngêina ngei Pathien'n pêk atih, Judangei pêk bak a ta masuole Jentailngei pêk a tih. 
\v 11 \x - \xo 2:11: \xo*\xt Bal 10:17\xt*\x* Pathien'n zen uol a neiloi sikin.
\p
\v 12 Jentailngei chu Moses Balam dôn mak ngeia, Balam dôn loia nunsie ngei chu balam boia inmang rang an nia, Judangei chu Balam an dôna, Balam an dônna nunsie ngei khom Balam taka an roi jêk rang ani. 
\v 13 Asikchu, Pathien makunga midika a tel chu Balam ariet ngei nimaka, ajômpu ngei kêng thei intum rang an ni. 
\v 14 Jentailngei Balam dôn no khom rese ngeia mulungrîla an insiengpuia balam sin ngei hah sinin, anni le anni Balam an changa. 
\v 15 An mulungrîla balam chongpêk inziek ani ti an nunchana an minlanga, an sielesarietna han khom ânlanga, an mindonna ngei ânjêlna, akâra thei a mintuma, akâra chu theiloi a mintum ngâi. 
\v 16 Pathien'n mi murdi mindonna inthup Jisua Khrista manga a jêk Nikhuo tika chu Thurchi Sa ki misîr angtak hin jêk a tih.
\s Judangei le balam
\p
\v 17 Hannisenla nangma Juda kini ni tia, Balam han nên beia Pathien no songa, 
\v 18 a lungdo khom ni rieta, Balam ni riet sikin sielesa khom ni riet. 
\v 19 Nangma ngêt hah mitcho ngei ruoipu ajînga om ngei êlpu. 
\v 20 Amo ngei minvâr theipu le nâipangngei minchupu ni uol takin nên bê ngâia, rietna le chongtak murdi chu Balama aom let ni riet sikin. 
\v 21 Midangngei ki minchu ngâi ni tia, ithomo nethenin nên chu loi? inru loi rangin mi ni minchu ngâia, nangma'n nên ru ngâi na? 
\v 22 Inrê no roh ni tia, ania nangma nên re ngâi mini? mirmilngei mumâkpu, nangman mirmil biekna ina neinunngei hah nu muruk ngâi mini? 
\v 23 Pathien Balam hah insong puiin balam minchâiin Pathien thang ni minsiet ngâina? 
\v 24 \x - \xo 2:24: \xo*\xt Isa 52:5\xt*\x* Pathien lekhabu'n, “Nangni sikin Pathien riming chu Jentailngei lâia rilminsiet ani,” ti ânziek anghan.
\p
\v 25 Balam hih jômin la chu ne sertana khom asêna om ok atih, Balam no jôm nônchu sertanloi angtakin ni ni rang. 
\v 26 Jentail mi hah sertanloi ania, Sertan loiin Balam chu a jôma, Pathien'n maha sertan anga a bê loi rang mini? 
\v 27 Nangni'n sertana, Balam inziek nin neia, hannirese Balam chu nin minchâi nôka, Jentail taksa sertanloi ngeiin chu Balam chong chu an jôm ngit nôka, theiloi nangni an minchang rang ani. 
\v 28 Apêntieng vaia Juda mi ki ni ti chu Juda mi taktak ni mak, taksa vaia sertan chu sertan taktak ni nôk sa mak. 
\v 29 \x - \xo 2:29: \xo*\xt Bal 30:6\xt*\x* Manêkin, mulungrîla Juda mi ni chu Juda taktak chu ania, sertan taktak khom hah mulung tienga ania balam inziek vaia niloiin Ratha tieng ani uol. Ma anga mi ha chu miriemin minpâk no khomrese Pathien'n chu minpâk atih.
\c 3
\p
\v 1 Hanchu, Juda mi ni hah Jentail mingei nêkin imo chungtuorna aom uola? sertan khom imo asena aom? 
\v 2 Lamtina asena aom ok! Amotontaka chu Pathien chongngei hi Judangei chunga juong mintung ani. 
\v 3 mi senkhatin taksônna dônloi ngei ha inmo an ni rang? an taksôn loina han Pathien taksôn omna hah an minboi thei rang mini? 
\v 4 \x - \xo 3:4: \xo*\xt Lap 51:4\xt*\x*Nitet mak! mi murdi milak ni riei khomrese ngeia Pathien chu dik tit atih, Pathien lekhabu'n,
\q1 “Nangma no chong zorân chu thei na chang ngêt rang anâng,
\q2 roijêkpea no om tika no motor theina rangin,” tia ânziek anghan.
\p
\v 5 Ei dikloina ngei hin Pathien dikna a min lang thei aninte i angin mo ei mindon? Pathien'n mi sepna a pêk inte a minchâi ei ti thei rang mini? (Miriem balama ki ril ani). 
\v 6 Nitet mak! ha anghan nirese, Pathien'n i angin mo rammuol roi a jêk thei ranga?
\p
\v 7 Aniatachu, adikloi ki nina hin a roiinpuina rang Pathien dik tie ânlang thei uolin te i rangin mo kei khom dikloia bên ka la om ranga?
\p
\v 8 Mi senkhatin, “Asa ahong suok theina rangin asie lei tho rei u,” a ti, tia min rilsiet anga han ei tho rang mini? ha mingei ha chu theiloi intum ruopiel an ni.
\s Tute midik ommak ngei
\p
\v 9 Hanchu, eini Judangei hih Jentailngei nêkin ei sa uol bak mini? nitet mak! Judangei le Jentialngei nunsie suoka om zit ei ni ti ki ril suozoi. 
\v 10 \x - \xo 3:10-12: \xo*\xt Lap 14:1-3; Lap 53:1-3 \xt*\x* Pathien lekhabu'n,
\q1 “Tute midik reng ommak ngei, inkhat luo ommak ngei,
\q2
\v 11 Tute mivâr reng ommak ngei, tute Pathien a rok reng ommak ngei,
\q1
\v 12 Pathien renga an pêt suo zoia,
\q2 dikloina tieng an se suozoi, inkhat luo asa sin reng om khâi mak ngei.
\q1
\v 13 \x - \xo 3:13: \xo*\xt Lap 5:9; \xt*\xt Lap 140:3\xt*\x* An rôl chu thân in-ong ania,
\q2 an meleiin milak an rila,
\q2 an bâi sûng renga murûl tûr asuoka,
\q2
\v 14 \x - \xo 3:14: \xo*\xt Lap 10:7\xt*\x* an bâi hah khomâksâmna le chongkhân asipa,
\q1
\v 15 \x - \xo 3:15-17: \xo*\xt Isa 59:7,8\xt*\x* an ke hah thisen min suok rangin kal achôi ânranga;
\q2
\v 16 an lampui chu inmangna le jâmzalna asipa.
\q1
\v 17 Inngêina lampui reng riet mak ngei,
\q2
\v 18 \x - \xo 3:18: \xo*\xt Lap 36:1\xt*\x* an mitmua Pathien china reng om riek mak,” tia inziek anghan.
\p
\v 19 Balam chongngei chu Balam nuoia omngei chunga mang rang ani ti ei riet, tutên ite an ti theiloina rangin le rammuol pumpui hi Pathien roijêkna nuoia aom theina rangin. 
\v 20 \x - \xo 3:20: \xo*\xt Lap 143:2; Gal 2:16\xt*\x*Masikin Balam jôm mindik sikin tute Pathien makunga dik intum theiruo nimak Balam chu miriem sietna inrietna mang kêng ani.
\s Taksônna sika Pathien kôm adik intumna
\p
\v 21 Atûn chu Pathien'n miriemngei dik a mintum lam a juong minlang zoi. Balamin ite atho rang ommak, Moses Balam le Dêipungeiin rietpuipu lei ni senla ngei khoma. 
\v 22 Jisua Khrista an taksônna sikin Pathien'n mi thei a min chang ani, tukhom a iem murdi chu inteina reng ommak. \x - \xo 3:22: \xo*\xt Gal 2:16\xt*\x* 
\v 23 Mi murdi'n nunsie an tho zita, Pathien sanminjôkna hah an chang thei khâiloi ani. 
\v 24 Nikhomsenla, Khrista Jisua râtanna jârin Pathien'n a moroina sik vaiin ke mi a manboiin thei a min chang zoi. 
\v 25-26 Pathien'n ama hah ngâihoiin a pêka, ma anghan a thisena ama an taksônna sika mi murdi nunsie ngâidam anni narangin, mîn dik an chang theina rangin Pathien'n a tho ani. Zora lei vunsai han chu tuongdierin miriemngei nunsienangei chu riet khâiloiin a min vun ani. Pathien'n ama lelê midik ani tie le Jisua iem ngei murdi dik an chang ti minthârna rangin atûn lâihin mi dik a minchang lam hah a juong minlang ani hi.
\p
\v 27 Hanchu song rang mo ei dôn? dôn makme, itho sikin mo? balam jôm sika mini? nimak, iemna sika kêng ani. 
\v 28 Masika han miriem hi Balam jôm sika Pathien kôm adik a chang niloiin, taksônna sikin kêng mîn dik an chang tiin kin min mong ani. 
\v 29 Pathien chu Judangei ta rang uol mini? Jentailngei ta khom ani loi mini? O, ani sa. 
\v 30 \x - \xo 3:30: \xo*\xt Bal 6:4; Gal 3:20\xt*\x* Pathien chu inkhat ania, Juda sertanngei chu an taksônna sikin thei min chang ngei a ta, sertanloi Jentailngei khom an taksônna sik nanâk han thei min chang ngei atih. 
\v 31 Hanchu taksônna ei misîr uol sikin Balam hah mangmunboia ei dar rak rang tina mini? Ni uol mak, Balam hah ei mindet ani.
\c 4
\s Abraham enminkhina
\p
\v 1 Hanchu, taksa tieng ei richibul Abraham hah i angin mo ei misîr rang ani zoi? Inmo a sinthona a lei intem? 
\v 2 Sintho sika thei intum nirese chu, Abraham'n song rang imini chu a dôn rang kêng, hannirese Pathien mitmua chu ni mak. 
\v 3 \x - \xo 4:3: \xo*\xt Aph 15:6; Gal 3:6\xt*\x*Pathien lekhabu'n imo ati? “Abraham'n Pathien a iema, a taksônna sika han Pathien'n midikin a pom ani,” ati. 
\v 4 Sinthopu rathaman chu lungkham pêk niloiin lâkâi anga be ani uol, an sinthona an man kêng ani. 
\v 5 Aniatachu mingei hah an sintho han midika tel nimak ngeia nunsiengei ngâidampu Pathien taksônna sikin kêng ani. 
\v 6 Mi Sintho sika niloia Pathien'n dikna a minchang ngei satvur anni tie, David khom hi anghin a ril:
\q1
\v 7 \x - \xo 4:7,8: \xo*\xt Lap 32:1,2\xt*\x* “An tho minchâinangei ngâidamin a oma,
\q2 an sietnangei mukhua aom ngei chu, satvur an ni!
\q1
\v 8 Pumapa'n sietna dôn a be loi ngei chu satvur an ni!”
\p
\v 9 Ha satvurna hah sertan ngei rang vai mo? Sertanloi ngei rang khom mo? Abraham'n taksônna sikin dikna achang ei tia. 
\v 10 A sertan mâna chong mo, a tan suole mo? nimak, sertan suole nimaka, sertan mân ani. 
\v 11 \x - \xo 4:11: \xo*\xt Aph 17:10\xt*\x*A sertan mâna a taksônna sika, Pathien'n thei a minchang minenna ranga sertan kêng ani. Hanchu sertan khom no rese iemna sika Pathien'n thei a minchang ngei ta rangin chu Abraham chu an rathatienga pa ani. 
\v 12 Sertan ngei pa khom ani, sertan anni vai sika niloiin ei pa Abraham'n a sertan mâna an taksôn angdêna iemna an nei sika ani.
\s Pathien chongkhâm taksônna sika man thei ani
\p
\v 13 \x - \xo 4:13: \xo*\xt Aph 17:4-6; 22:17,18; Gal 3:29\xt*\x* Balam jôm sik niloiin, iemna sika thei minchang a lei ni, Pathien'n Abraham kôm, ama le a jâisuon ngeiin rammuol hih la luo an tih, ti a khâm ani. 
\v 14 \x - \xo 4:14: \xo*\xt Gal 3:18\xt*\x* Balam jôm hih rochon luona anînchu, taksônna hih akorong nîng ata, chongkhâm khom hah kâmomloi ani, tina nîng a tih. 
\v 15 Balam han Pathien taksina a minsuok ngâi balam boina hanchu minchâina khom om ngâi mak.
\p
\v 16 \x - \xo 4:16: \xo*\xt Gal 3:7\xt*\x* Masikin, chongkhâm hah Abraham jâisuonngei murdi rangin balam a jôm ngei mang niloiin ama taksôn anga iempungei rang khomin Pathien manboipêk a nitie min langna rangin iemna sikin ani Abraham kôma chong a lei khâm hah, ama hah ratha tienga ei rênga ei pa ani. 
\v 17 \x - \xo 4:17: \xo*\xt Aph 17:5\xt*\x* Pathien lekhabu'n, “Nam tamtak pa'n nang ki minchang zoi” a tia, inkhâmna hah Pathien tieng chu asa ani. Hi chongkhâm hih Abraham'n ai iem Pathien mithi ngei minringnôkpu le neinun a omloi ngei min ompu kôm renga ai mu ani. 
\v 18 \x - \xo 4:18: \xo*\xt Aph 15:5\xt*\x* Abraham han sabei rang aboi tet nûk khomin ala sabei ngit sikin, “Nam tamtak ngei pa,” a hongchang zoi ani. Pathien chongin, “Na jâisuonngei ârsi dôr la nîng an tih,” ati anghan. 
\v 19 \x - \xo 4:19: \xo*\xt Aph 17:17\xt*\x* Kum raza mi ani zoia a taksa mindon nân chu mithi angdôr ani zoia, Sarah khom aching ani ti a riet chien pum khomin a taksônna chu duoi uol mak. 
\v 20 Taksônna insamin Pathien chongkhâm hah mindon kârminlak maka, a taksônna a rât uol uola Pathien a chôiminsânga. 
\v 21 Pathien'n a chongkhâm tuonmintung thei ngêt a tih, ti a riet minthâr sikin. 
\v 22 Masika han kêng, “A taksônna sika thei minchang ani,” ti ani. 
\v 23 Hi chong, “midika pom ani,” ti hih ama chungroi misîrna rang manga miziek ni maka. 
\v 24 Eini, ei Pumapa Jisua thina renga kaithoipu iemngei sika dikna intum sai ngei rang khomin miziek ani. 
\v 25 \x - \xo 4:25: \xo*\xt Isa 53:4,5\xt*\x* Jisua hah ei sietnangei sikin thatin a oma Pathien makunga dikna intum theina rangin kaithoiin a om nôk ani.
\c 5
\s Pathien makunga dik intumna
\p
\v 1 Hanchu taksônna sika dik intuma omin, ei Pumapa Jisua Khrista jârin Pathien leh inngêiin ei om zoi. 
\v 2 Ama jârin hi ei omna moroina nuoia hin taksônna ei lut zoi Pathien inlalna sabeina sikin insongin, râisânin ei om ani. 
\v 3 Mapêna ei intakna khom ei insong ani, intaknân tuongdierna asuoka, 
\v 4 Tuongdierna'n Pathien pomna amusuoka, detna han sabeina asuok ti ei riet ani. 
\v 5 Ha sabeina han ei bei mindong maka, asikchu Pathien'n Ratha Inthieng renga a lungkhamna hah ei mulung sûnga a juong vura, maha eini ranga Pathien manboipêk ani.
\p
\v 6 Asan rang boi ei ni lâitak han, azora taka Khrista chu mi nunsie ngei rangin a juong thi zoia. 
\v 7 midik ranga thi chu a nuom om khet noni ngei, misa ta rangin chu tumakhat athi ngam khom an om duoi thei. 
\v 8 Nikhomrese, Pathien'n mi lungkham tatak ti a minlang zoi, mi nunsie ei la ni lâitakin Khrista hah ei ta rangin a juong thi zoi. 
\v 9 A thisen sika han Pathien'n dik mi juong mintum zoia, a taksina renga khom ama jârin mi sanminjôk ngêt atih. 
\v 10 Pathien leh râl ei lei nia, aniatachu a nâipasal thina sikin a malngeiin mi sin zoi. Atûn chu Pathien malngei ei ni zoia, Khrista ringna sikin vângchu idôra sanminring mo ei ni rang na! 
\v 11 Ma mang hah nimaka, atûna inngêina mi pêkpu ei Pumapa Jisua Khrista jâra han Pathiena ei râiasân ani.
\s Adam le Khrista
\p
\v 12 \x - \xo 5:12: \xo*\xt Aph 3:6\xt*\x* Rammuola hin mi inkhat sikin nunsie ahong lûta, nunsie sika han thina ahong om zoia hanchu rammuola mi murdi'n nunsie an sin zoi sikin, thina han mi murdi ahuom zoi. 
\v 13 Balam aom mân khomin rammuola nunsie aom zoia, hannirese balam aom loi sikin nunsie hah nunsiea be nimak. 
\v 14 Hannirese, Adam zora renga Moses zora dênin mi murdi chunga Adamin Pathien chongpêk jômloia nunsie a tho sikin nunsie tho loi ngei chunga khom thina han racham aneia.
\p Adam hah a la juong rangpu le mintêk ani. 
\v 15 Hannirese, Pathien manboipêk hah chu Adam nunsie leh han in-ang tet mah, ha mi inkhat nunsie sika han mi tamtak an thia. Aniatachu, Pathien moroina chu alien oka male mi inkhat Jisua Khrista sika a manboipêk chu mi tamtakin an chang ani. 
\v 16 Pathien manboipêk leh mi inkhat nunsie hah in-ang riek mak, mi inkhat nunsie sikin theiloi changna ahong oma, nikhomrese, mi tamtak nunsie sikin moroinân thei inchangna ahong om nôk zoi. 
\v 17 Mi inkhat nunsiena sikin rammuola hin thina'n roi a jêka, hanchu, mi inkhat nanâk, Jisua Khrista sikin Pathien moroina lientak leh a manboipêka thei inchanga omngei han ringna changin inlaltakin roi la jêk ngêt an tih.
\p
\v 18 Ma anghan, mi inkhat nunsie sikin mi murdi theiloi intum an nia, ma angdênin mi inkhat dikna sikin mi murdi dik intumin an ring thei zoi ani. 
\v 19 Mi inkhat chong jômloina sikin mi tamtak nunsie an ni zoia, ha angdênin mi inkhat chong jôm sikin mi tamtak dik intum an tih.
\p
\v 20 Hanchu, nunsie apung nôk uol theina rangin balam ajuong oma, hannirese, nunsie apung nôk uolin Pathien moroina apung nôk uol ani. 
\v 21 Hanchu nunsie chu thina'n roi a jêka ei Pumapa Jisua Khrista jâra kumtuong ringna ei man theina rangin Pathien moroina han thei intumnân roi a jêk ani.
\c 6
\s Nunsiea thina le Khrista taka ringna
\p
\v 1 Imo ei ti rang ani zoi? Pathien moroina apung uol theina rangin nunsie ei la tho tit rang mini? 
\v 2 Nitet mak! Ei ni nunsiea thisai ngei hin i-angin mo nunsiea ei la om tit thei ranga? 
\v 3 Khrista Jisua han baptis chang murdi ngei chu a thina han baptis in ei omsa ti nin riet loi mini? 
\v 4 \x - \xo 6:4: \xo*\xt Kol 2:12\xt*\x* A thina han baptis changin, ama leh phûmin ei omsa zoi, Pa'n roiinpuitakin thina renga Khrista a kaithoi anghan ei ni khom ringna thara ei lêng theina rangin.
\p
\v 5 A thi anghan ei ni khom ama leh inzomin ei thia ma anghan ama leh inzomin kaithoiin om sâng ei tih. 
\v 6 Nunsie suoka ei om khâi loina rangin nunsie pêl taksa hih that rangin ei miriem muruo hah Khrista leh khros chunga jêmdelin aom zoi ti ei riet. 
\v 7 Tukhom a thiin chu nunsie sinthotheina renga a jôk ani. 
\v 8 Hanchu, Khrista kôma ei thisân chu a kôma ringsa nôk ei tih, ti ei iem ani. 
\v 9 Khrista hah thina renga kaithoiin a oma, thi nôk tet khâi no nih ti ei riet, thina han a chunga racham nei khâi mak. 
\v 10 Hanchu a thi sikin nunsie han a chunga racham nei khâi maka, male atûn chu a ringna ha Pathien leh inzomin aom zoi. 
\v 11 Ha anghan, nangni khom nunsie tieng athi saiin inbe ungla, Khrista Jisua han Pathien tieng a ringin inbe roi.
\p
\v 12 Masika han, nin taksa mulungbôk jôm rangin nin takpum athithei han nunsie hah minlal khâi no rese. 
\v 13 Nin takpum abâkngei khom dikloina mangruo rangin nunsie thona rangin phal no roi. Manêkin thina renga a ring nôk anghan Pathien kôm inpêk ungla, nin takpum abâkngei hah dikna mangruo rangin Pathien kôm pêk rangin phal let roi. 
\v 14 Nunsie han nin chunga racham nei khâi no nih, balam nuoia om loiin Pathien moroina nuoia nin om zoi sikin.
\s Dikna suokngei
\p
\v 15 Inmo a ni rang ani zoi? balam nuoia om loiin Pathien moroina nuoia ei om zoi sikin nunsie ei la tho tit rang mini? Nitet mak. 
\v 16 Tu kôma khom nirese an chong jôm ranga an suoka nin inpêklûta thina rang raka nunsie suok mini, dikna ranga chong jômna suok mini khom nirese a chong nin jômpu suok chu nin ni ti nin riet minthâr ani, Pathien kôm dik intumna han a minlangsuok ani. 
\v 17 Hannirese, Pathien chu minpâkin om rese, voikhat nunsie suok lei ni ta khom ungla, minchuna chongdik nin man, nin mulungrîl murdia nin jôm sikin. 
\v 18 Hanchu, nunsie suok renga chu mojôkin nin oma, dikna suokngei nin hongni zoi. 
\v 19 (Nin riet theina rangin anîngtina chong ei mang ngâi lamin ki ril ani) nin takpum abâkngei hah inthiengloina le dikloina suoka siet rangin nin lei phal ngâi anga han, atûn chu dikna suoka inthienga ring rangin hong pêk phar roi.
\p
\v 20 Nunsie suok nin ni lâihan chu dikna renga nin inkêm ani. 
\v 21 Atûna nin inzakpui tak nin lei sin ngâi hah nin inlâp pui mo? ha ngei murdi mongna hah chu thina kêng ani. 
\v 22 Atûn chu nunsie suok renga mojôka omin Pathien suokngei nin hong ni zoi. Hanchu a kôma ringna akipphar le ânthieng kumtuong ringna hah nin hong nei zoi. 
\v 23 Asikchu nunsie sin mara chu thina ania, Pathien manboipêk rêk chu ei Pumapa Jisua Khrista leh inzomin kumtuonga ringna ani.
\c 7
\s Innei roia rilna
\p
\v 1 Sûngsuokngei, balam nin riet let sikin ki misîr rang hih riet thei nin tih. Balam han mi an ringsûng kâr mang kêng an chunga roi a nei ngâi ani. 
\v 2 Dôngma hah a lômpa ringsûng kâr chu a lômpa balam han a khita, hannirese a lômpa a thi inchu a lômpa renga balamin a khit hah sûtin aom ngâi. 
\v 3 A lômpa ringsûngin midang a nei inchu a inrê ania, a lômpa thi nûkin chu balamin a khit hah a jôk ania, midang nei khom senla inrê nikhâi mak. 
\v 4 Ma angtak han ani, ku sûngsuokngei, Khrista takpum machangngei nin ni zoi sikin Balam tieng chu nin thi zoia, atûn chu thina renga kaithoia ompu ta nin ni zoi, Pathien chuonsina mangruo sa ei nina rangin. 
\v 5 Ei miriem nina muruo nuna ei lêng lâihan chu ei ngâituina saloi Balamin ânchoka han ei takpuma sin a thoa, thina amintung ngâi. 
\v 6 Atûn chu mikhit ngâipu hah ei thisan zoia, balam renga mojôkin ei om zoi, balam inziek muruo papai ang niloiin Ratha balam tharin sin ei tho ani zoi hi.
\s Balam le nunsie
\p
\v 7 \x - \xo 7:7: \xo*\xt Jôk 20:17; Bal 5:21\xt*\x* Imo ei ti rang ni zoi, Balam ha nunsie mini? nitet mak! Aniatachu balam han mi min riet no rese chu nunsie hih riet no ning. Balam han “Mi ta ôi no roh” ti no rese chu, ôi hi ki riet loi rang ani. 
\v 8 Hi chongpêk hih chuminrêna mangin sietna han ôina tamtak amin om ngâi, Balam om no rese chu nunsie hih neinun thi ani. 
\v 9 Moton han chu balam boiin ke lêng ngâia, hannirese, chongpêk hah ahong oma, nunsie hah ahong hara, 
\v 10 kei chu ki thi zoia. Ringna ranga chongpêk hah kei rangin chu thina ahong ni zoi. 
\v 11 \x - \xo 7:11: \xo*\xt Aph 3:13\xt*\x* Asikchu sietna han chongpêk hah chuminrêna mangin mi huonga mi that zoi ani.
\p
\v 12 Balam chu ânthienga, chongpêk khom ânthienga, adika asa ani. 
\v 13 Nônchu, neinun sa han kata rangin thina amintung mini? nitet mak! nunsie hin ani, nunsie ani ti minlangna rangin neinun sa mangin kata rangin thina amintunga, chongpêk sik han nunsie hah saloina inchung uolin aminlang ani.
\s Ei kâra inkalna
\p
\v 14 Balam chu rathatienga neinun ani ti ei riet, keima rêk chu athithei miriem papai nunsie suoka juor ki ni zoi. 
\v 15 \x - \xo 7:15: \xo*\xt Gal 5:17\xt*\x* Ki sintho hi rietthei mu-ung ko jôtlam tho ngâi loia, manêkin ko jôt loilam sin ngâi ki ni. 
\v 16 Ko tho nuom ngâiloi hah ko thôn chu, balam hah asa tia jôm nîng ki tih. 
\v 17 Masikin, hi sinngei hih keima a thopu ni mu-unga, nunsie keima taka om han atho ngâi ani. 
\v 18 Keima miriem nina hin neinun adik reng om mak ti ki riet adik tho nuomna nei ngâi khom inlang thothei ngâi mu-ung. 
\v 19 Neinun asa ko tho nuom hah tho loiin, neinun saloi ko tho nuomloi hah ko tho ngâi. 
\v 20 Ku nuom loi ko thôn chu a thopu hah keima ni khâi mu-unga, nunsie keima taka om han atho ngâi ani.
\p
\v 21 Masikin, hi balam hih sin atho tit ti ki riet thei zoi, neinun asa tho ku nuom ngâi nâka, neinun saloi ko tho nôk kelen ngâi. 
\v 22 Ki miriem sûngrîlin chu Pathien Balam hah a râiminsân ngâia. 
\v 23 Nikhomsenla, ka takpuma hin balam dang sin atho tit aom ti ki riet, ama han ku mulung sung balam hah adoia, nunsiena balam ka takpuma sin atho tit ngâi suok mi min chang chien ngâi. 
\v 24 I anga mi Lungkham omtak mo ki nina! hi thina mi tuong rang takpum renga hih tûn mo mi sanminjôk rang ani zoi? 
\v 25 Pathien vaiin kêng. Ei Pumapa Jisua Khrista jârin ei Pathien minpâkin om rese.
\p Hanchu ku mulungrîl takin chu Pathien Balam sin ko tho ngâia, ki miriem nina rêkin chu sietna balam sin atho ngâi.
\c 8
\s Ratha ringnun
\p
\v 1 Masika han atûn chu Khrista Jisua taka om ngei rangin chu theiloi intumna rang reng om khâi mak. 
\v 2 Khrista Jisua a ringna Ratha balam han sietna le thina balam renga mi sanminjôk zoi sikin. 
\v 3 Miriem nina rât loina sika balamin atho thei viet loi hah Pathien'n a juong thoa, miriem taksa nunsie nina pêlin a Nâipasal hah, nunsie inbôlnân Pathien'n a juongtîra, miriem nina nunsie aom hah theiloi a minchang zoia. 
\v 4 Pathien'n mahih a tho ani, taksa balama om khâiloi Ratha Balama omsai ngei, einia hin balamin aphut hah thangsuoa aom theina rangin. 
\v 5 Taksa nina balama om ngeiin chu taksa tienga neinunngei an nuoma, Ratha tienga om ngeiin chu Ratha tienga neinunngei an nuom ngâi. 
\v 6 Taksa nina tienga neinun a nuom chu thina ania, Ratha tienga neinun a nuom chu ringna le inngêina ani. 
\v 7 Taksa nina nuomlam han Pathien adoi ngâi, Pathien Balam ajôm loi sikin, jôm khom jôm thei ngâi mak. 
\v 8 Masikin taksa nina nuomlam ajôm ngeiin chu Pathien râiminsân thei mak ngei.
\p
\v 9 Hannirese, Pathien Ratha hah nin kôm aom tikin chu taksa nina mi nikhâi mak chôia, Ratha mi kêng nin ni zoi. Tukhom Khrista Ratha dôn loi chu ama mi nimak. 
\v 10 Khrista hah nangnia aomin chu nin takpum hah nunsie sikin thi khomrese Pathien kôm dik inchang nin ni sikin nin Ratha chu a ring ani. 
\v 11 \x - \xo 8:11: \xo*\xt 1 Kor 3:16\xt*\x* Thina renga Jisua kaithoi nôkpu Ratha hah nangnia han aomin chu thina renga Khrista Jisua kaithoi nôkpu han nin takpum athi thei hah nangnia han ama Ratha omin min ring atih.
\p
\v 12 Masikin, sûngsuokngei, lâkâi ei dôn, taksa nina balama omloi rangin, taksa tieng khom ni sa loiin. 
\v 13 Taksa nina balamin nin omin chu nin thi ngêt rang ani, nikhomsenla nin taksa nunsie sintho ngei hah Ratha'n nin thatin chu ring nin ti. 
\v 14 Pathien ratha iruoi ngei kaichu Pathien nâingei an ni. 
\v 15 \x - \xo 8:15-17: \xo*\xt Gal 4:5-7\xt*\x* \x - \xo 8:15: \xo*\xt Mk 14:36; Gal 4:6\xt*\x* Nin Ratha chang hah ichia om nôk ranga suokngei nina Ratha nimaka, Pathien nâingei nina Ratha kêng nin chang, ha ratha sinthotheina jâra han “Abba! Pa!” tiin Pathien kôm ei koi ngâi ani. 
\v 16 Ma Ratha nanâk han ei Ratha leh inzomin Pathien nâingei ei ni tiin amin rieta. 
\v 17 Hanchu, a nâingei ei nînchu a rochon luopungei Pathien rochon luopu ngei Khrista luopu ngei ei ni, Khrista tuongna ei tuongpuiin chu a roiinpuina khom ei changsa ngêt rang ani.
\s Sûnmotona roiinpuina
\p
\v 18 Atûn lâia tuongna ngei hih chunga roiinpuina inlanga la om rang lehan mintuk zatin be mu-ung. 
\v 19 Neinun sin murdi ngeiin Pathien nâingei hong inlang rang zora an ngâklal tatak ani. 
\v 20 \x - \xo 8:20: \xo*\xt Aph 3:17-19\xt*\x* Neinun sin murdi ngei hah an nuom sika niloiin Pathien nuom sikin mangmunboi ni rangin heng an ni zoi, nikhomsenla, sabei rang ala om. 
\v 21 Neinun sin murdi ngei khom nikhuo khat chu sietna suok renga mojôkin la om an ta, Pathien nâingei zalenna roiinpui hah la koppui an tih, ti sabeina hah ani. 
\v 22 Neinun sin murdi ngei hah atûn tena nâiha na inrûm anga inrûm ti ei riet. 
\v 23 \x - \xo 8:23: \xo*\xt 2 Kor 5:2-4\xt*\x* Maha vai niloiin ei ni Ratha mara chang masapu ngei khom hih a nâingei mi minchang rang zora ei takpum minjôk rang ngâklalin ei inrum ani. 
\v 24 Ma sabeina han kêng min ringin ei oma, nikhomsenla, mu thei tit sabeina hih sabeina tatak nimak, ei mu thei tit hah i angin mo ei la sabei tit ranga? 
\v 25 Ei muloi hah ei sabeiin chu tuongdiertakin ei ngâk zajâm ngâi ani.
\p
\v 26 Ma angdênin, Ratha'n ei rât loina mi san ngâia, i anga chubaitho rang mo ei nâng khom riet mak meh, nikhomsenla, Ratha han inrûm misîr thei loiin chubai mi thope ngâi. 
\v 27 Mi mulungrîl bôkna rietpu Pathien'n chu Ratha bôkna a rieta, asikchu Ratha'n chu Pathien a mingei ruthûlin ama nuomlam takin a ngên pe ngâi.
\p
\v 28 Hanchu Pathien'n lungkham a mupu ngei chu, a mintuo anga a koi ngei rangin chu an satna rangin neinuntin a thope ngei ngâi ti ei riet. 
\v 29 Pathien'n a lei thangsai ngei hah ama nâipasal angin om rangin a lei mintuma, masikin a nâipasal chu urêng tamtak kâra nâi lutîrtak ni theina rangin. 
\v 30 Hanchu, Pathien'n a lei thangsai ngei hah a koia, a koi ngei chu dik a mintuma, dik intum ngei chu a roiinpuina a semsa ngei ngâi ani.
\s Khrista jâra Pathien lungkhamna
\p
\v 31 Ma roia han imo ei ti rang ani zoi? Pathien eini tieng a kop inte tumo mi doi thei ranga? 
\v 32 Nitet mak, Pathien'n a Nâipasal luo manar loia ei rênga ruthûla pêkpu han neinun dang murdi khom manboiin mi pêk sa noni mo? 
\v 33 Pathien'n a thangsai mingei hah tûn mo a rilminsiet ngam ranga? adik mintumpu hah Pathien ani sikin. 
\v 34 Tu ngânin mo theiloi a mintum ranga? a thi hah Jisua Khrista ania, a thina renga ânthoinôka Pathien changtieng omin mi chongpepu hah ama nanâk kêng ani. 
\v 35 Khrista lungkhamna renga chu tûnmo mi sensâi thei ranga? Injêlna ngei mo? intakna mo, nuomlona mo, vonchâmnân mo, inriengnân mo, chi omna mo? nônchu thina'n mo, mi sensâi thei rang mini? 
\v 36 \x - \xo 8:36: \xo*\xt Lap 44:22\xt*\x* Pathien lekhabu'n,
\q1 “Nangma jârin zoratin thina rang chipumin kin oma,
\q2 Belri that rang toto, anga bên kin om ani hih,” ati anghan.
\m
\v 37 Nithei no nih, ha ngei murdi renga han lungkham mi mupu sikin roiinpui taka azoipu ngei ei ni. 
\v 38 Thina khomin, ringna khomin, vântîrton khomin, invâna rachamneina khomin, neinun a omsai le ala hong om rang khomin, sinthotheina khomin, 
\v 39 insângna khomin inthûkna khomin, neinun sin dadang ngei khomin, ei Pumapa Khrista Jisua a om Pathien lungkhamna renga chu mi sensâi thei no nih, ti ki riet minthâr ani.
\c 9
\s Pathien le a mingei
\p
\v 1 Chong diktak ki ril ani; Khrista taka kini milak ril mu ung. Ki sielesarietna Ratha Inthieng ruoina han khom milak tho mu ung ti mi minthâr ani. 
\v 2 Ku mulung dûktongna lientak le mulung nanah boi theiloi ko dôn tie ki ti zora hin, 
\v 3 Ki mingei, taksa tienga ki richibulngei ruthûla hin Pathien khomâksâmin Khrista renga minsenin om inlang chu ku nuom ngâi. 
\v 4 \x - \xo 9:4: \xo*\xt Jôk 4:22\xt*\x* Pathien mingei an nia, aman a nâingeiin a sin ngeia, an kôm a roiinpuina ngei a minlanga; chonginkhitngei\f + \fr 9:4: \fr*\fq chonginkhitngei; \fq*\ft miziek senkhat ngeia chu \ft*\fq chonginkhit.\fq*\f* a sinpui ngeia male Balam ngei a pêk ngeia; Sava diktak an dônna; Pathien chonginkhâmngei an man ani; 
\v 5 Richibulngei inthang tak Hebrew jâisuon an nia, taksa tieng roia chu Khrista reng khom hah an rûia mi ani. Jâttin chunga roijêkpu Pathien chu tuonsôtin! minpâkin om rese, Amen.
\p
\v 6 Pathien chonginkhâm hah ite asena ommak ki tina ni riek mak. Israelngei nâm hah anrêngin Pathien mi ni zit mak ngei. 
\v 7 \x - \xo 9:7: \xo*\xt Aph 21:12\xt*\x* Abraham richi murdi khom anrêngin Pathien nâingei ni let uol mak ngei, “Isaac hin nu rûi isûi nîng atih,” Pathien'n a ti pe ani. 
\v 8 Ma hah taksa lama\f + \fr 9:8: \fr*\fk Ma hah taksa lama a nâingei hah: \fk*\ft Mahi Abraham richisuonpârngei Ishmael renga, Hagar a nâipasalin (Gal 4:22-23 en roh).\ft*\f* a nâingei hah Pathien nâingei nimak ngei, chonginkhâm nâingei hah kêng Abraham richi diktaka be an ni tina ani. 
\v 9 \x - \xo 9:9 \xo*\xt Aph 18:10\xt*\x* Pathien chonginkhâm hah mahi ani “Azora taka juong nôk ka ta, Sarah'n nâipasal nei atih,” ti hi.
\p
\v 10 Ma vai hah nimaka, Rebecca han ei richibul Isaac renga nâi inphîr a neia. 
\v 11-12 \x - \xo 9:11-12 \xo*\xt Aph 25:23\xt*\x* Nâite ngei an la suok mân, sielesa an tho thei mân Pathien'n a lungdo angin inkhat lam a thang ani ti ânlang. Sintho sik ni loiin a koipu lungdo sikin Rebecca kôm, “A ulienpu'n nâipangpu sin thông atih,” Pathien'n a ti hah. 
\v 13 \x - \xo 9:13 \xo*\xt Mal 1:2,3\xt*\x* Pathien lekhabu'n, “Jacob ku lungkhama, aniatachu Esau chu ke heng,” ati anghan.
\p
\v 14 Hanchu, imo ei ti rang ani zoi? Pathien han dik zoi loina aom mini? Nitet mak. 
\v 15 \x - \xo 9:15 \xo*\xt Jôk 33:19\xt*\x* Ama han Moses kôm han, “Ku nunuom moroi ka ta, ku nunuom chunga inriengmu ki tih a ti anghan.” 
\v 16 Masikin, miriem nuom sika le sin tho sika niloiin Pathien inriengmuna sikin kêng ani. 
\v 17 \x - \xo 9:17\xo*\xt Jôk 9:16\xt*\x* Pathien lekhabu'n Pharaoh kôm, “Ki sinthotheina ki minlang theina rang le rammuol pumpuia ki riming ânthang theina rang pielin rêngin nang ku phun ani,” a ti. 
\v 18 Ma anghan Pathien'n a nuom kai inriengmuna a neia, a nuom kai a mulung a minngar ngâi ani.
\s Pathien taksina le inriengmuna
\p
\v 19 Ma anghan aninte, “Pathien'n irangin mo mi a lei dem tit rêka? A lungdo hah tumo a makhal theia?” mi nin ti thei. 
\v 20 \x - \xo 9:20\xo*\xt Isa 29:16; 45:9\xt*\x* Hannirese, O miriem, Pathien makhalpu hah tumo ni ni? bêlpil han a sinpu rekel ngâi mak, “Irangin mo hi anghin mi ni sin?” ati rang mini? 
\v 21 Bêlpil tangkhat renga bêl a lut uol, anem uola sin rangin bêl sinpu han bêlpil chunga racham a dôn nimak mo?
\p
\v 22 Ma anghan Pathien'n a tho ngâi, a taksina le a sinthotheina minlang nuom khomrese, a taksina changpu bêl inmang kelen ruo ngei chu a tuong zajâma. 
\v 23 Hanchu, a inriengmuna bêl a roiinpuina chang ranga a minsûk, eini ngei kôma hin a roiinpuina tamtak a juong vur ani. 
\v 24 Ma anga bêlngei hah eini Judangei lâia vai niloiin Jentailngei lâi renga a koi ngei khom ei ni sa. 
\v 25 \x - \xo 9:25 \xo*\xt Hos 2:23\xt*\x* Hosea lekhabua,
\q1 “Ki mi ni ngâi loi ngei hah
\q2 ‘ki mingei’ tîng ka ta.
\q1 Lungkham ku mu ngâi loi nu hah
\q2 ‘Lungkhamnu’ tîng ki tih.
\q1
\v 26 \x - \xo 9:26 \xo*\xt Hos 1:10\xt*\x* ‘Ki mingei nimak chei’ a tina mun lelê
\q2 han Pathien a ring nâingeiin bên om an tih,” tia a lei misîr anghan.
\m
\v 27 \x - \xo 9:27,28 \xo*\xt Isa 10:22,23\xt*\x* Isaiah khom han Israelngei chong hêt puiin “Israelngei hah tuikhangliena sietsai dôr tam khomrese ngei, mi tômte kêng sanminringa om rang an ni. 
\v 28 Pumapa'n pilchunga a roijêkna rang hah a jêk kelen rang sikin,” a ti hah. 
\v 29 \x - \xo 9:29\xo*\xt Isa 1:9\xt*\x* Isaiah nanâkin, “Pumapa Râtinchung han suonpâr mi lei hôih pe no rese chu, Sodom anghan nîng ei ti zoia. Gomorrah angtakin nîng ei ti zoi,” tia a lei ril anghan.
\s Israel le Thurchisa
\p
\v 30 Imo ei ti rang ani zoi? Jentailngei, Pathien taka dikna zong loi ngei hah taksônna sikin dik an hong intum zoi ani. 
\v 31 Balam jôma adik chang rang bôk Pathien mi Israelngei hanchu balam angtakin dik chang makngei. 
\v 32 Itho sikin mo? Taksônnân minngam loiin sintho nân an zong sika ani. Masikin “Inpalna rang lunga” an inpal zoia. 
\v 33 \x - \xo 9:33 \xo*\xt Isa 28:16\xt*\x* Pathien lekhabu'n,
\q1 “En roh! Keiman Ziona han lungpui ka dara
\q2 mahan mingei minpal a ta,
\q2 ma lungpui han minlet ngei atih.
\q1 Tutu khom ama iem murdi'n chu mâimôkinshakin om noni ngei,” tia inziek anghan.
\c 10
\p
\v 1 Ku sûngsuokngei Israelngei chu sanminringin om rese ngei ti hih ku nuom tak le Pathien kôma ki ngên ngâi tak ani. 
\v 2 Pathien tieng ningsietakin an om ti ki riet, aniatachu an inpêkna hah rietna diktaka inngam nimak. 
\v 3 Pathien'n mi dik a minchang lam hah riet theiloiin anni an lampui an jûi ngita, Pathien'n dik a min changna balam nuoia han inpêklût nuom mak ngei. 
\v 4 Khrista chu Balam murdi mongna ania, a iem murdi chu Pathien kôm dik intuma an om theina rangin.
\s Mi murdi ranga sanminringna
\p
\v 5 \x - \xo 10:5: \xo*\xt Bal 18:5\xt*\x* Moses han Balam jôm sika dik changna thurchi hi anghin a miziek, “Balam chongpêk a jômpu chu ring atih,” ti. 
\v 6 \x - \xo 10:6-8: \xo*\xt Bal 30:12-14\xt*\x* Taksônna sika dik changna thurchi rek chu, “Tumo invâna kal ranga?” (Mahan tumo chungtieng renga Khrista hong ruoi rang tina ani) 
\v 7 Tumo pilrîla juong se ranga? (thina renga tumo Khrista hong ruoi rang, tina ani) nin mulungrîlin ti no roi, a tia. 
\v 8 Hanchu imo a ti? “Pathien chong han, nu mûr le nu mulungrîla nang anâi ani,” ma taksônna chong hah kin misîr ani. 
\v 9 Na mûrin Jisua hah Pumapa ani tiin nu phuonga, thina renga Pathien'n a kaithoi ti nu mulungrîlin ni iemin chu sanminringin om ni tih. 
\v 10 Mulungrîla taksôn chu dik minchang an nia, mûra thop chu sanminringin an om sa ngâi. 
\v 11 \x - \xo 10:11: \xo*\xt Isa 28:16\xt*\x* Pathien lekhabu'n, “Tukhom ama iem murdi chu mâimôkinshakin om no ngei,” a ti ani. 
\v 12 Juda le Jentialngei hah ite lei teina dôn mak ngei, Pumapa inkhat hah anrênga Pumapa ania, Ama ralam ngei kai chu sat a vur ok ngâi. 
\v 13 \x - \xo 10:13: \xo*\xt Joel 2:32\xt*\x* Pathien lekhabu'n, “Tukhom Pumapa riming ralam ngei murdi chu sanminringin om an tih,” ati anghan.
\p
\v 14 Nikhomsenla, an iem loi hah i angin mo an ralam thei ranga? An rietloi hah i angin mo an iem thei ranga? Thurchi misîrpu omloiin kho angin mo an riet thei ranga? 
\v 15 \x - \xo 10:15: \xo*\xt Isa 52:7\xt*\x* Itîr niloiin kho angin mo thurchi an misîr ranga? Pathien lekhabu'n Thurchi Sa hong mintungpu ngei chu en ahoi bâk na! ati anghan. 
\v 16 \x - \xo 10:16: \xo*\xt Isa 53:1\xt*\x* Hannisenla, Thurchi Sa hah anrêngin chu pom let mak ngeia, Isaiah reng khomin, “Pumapa kin chongril tumo a iem?” a ti ani. 
\v 17 Ma anghan, taksônna hah chong riet sikin ahong oma, chong rietna hah Khrista thurchi misîrna sikin ahong om ngâi.
\p
\v 18 \x - \xo 10:18: \xo*\xt Lap 19:4\xt*\x* Hanchu, thurchi an riet loi tatak mini? an riet ngêt Pathien lekhabu'n,
\q1 “An rôl miring hah ramtina ânthanga;
\q2 An thurchi hah kôlkung dênin ânthang suo zoi,” ati anghan.
\m
\v 19 \x - \xo 10:19: \xo*\xt Bal 32:21\xt*\x* Hanchu, Israelngeiin an riet loi mini? amotontaka Moses rengin
\q1 “Nama telkhâiloi ngei hah
\q2 nangni min narsa ka ta;
\q1 Nam inmôlngei sikin
\q2 nin takminsi ki tih,” a lei ti ani.
\m
\v 20 \x - \xo 10:20: \xo*\xt Isa 65:1\xt*\x* Isaiah'n hâi uolin,
\q1 “Mi rok loi ngeiin min mua,
\q2 mi ralam loi ngei kôma kên lâr,” a lei ti sa.
\m
\v 21 \x - \xo 10:21: \xo*\xt Isa 65:2\xt*\x* Hannirese, Israelngei chungroia chu, “Hedonloi ngei le inhel mingei modôm rangin sûntuonin ka bân ka phar ngâi,” a ti.
\c 11
\s Israelngei chunga Pathien inriengmuna
\p
\v 1 \x - \xo 11:1: \xo*\xt Phili 3:5\xt*\x* Hanchu, Pathien'n a mingei a hengpai mini? Nitet mak, keima reng khom hih Israel mi, Abraham richi Benjamin rûia mi ki ni. 
\v 2 Pathien'n aphuta a thang, a mingei hah paiphar mak. Pathien lekhabu'n Elijah roi a misîr hah imo a ti nin riet. Ama han Israelngei chungroi Pathien kôm a mintunga. 
\v 3 \x - \xo 11:3: \xo*\xt 1 Rêng 19:10,14\xt*\x* “Pumapa ne dêipungei an thata, na mâichâmngei an misima; Keima vai kêng ko om zoi. Keima khom hi mi that rang an bôk,” tiin. 
\v 4 \x - \xo 11:4: \xo*\xt 1 Rêng 19:18\xt*\x* Hannirese, Pathien'n, “Baal makunga khûk lân bil ngâiloi mi isâng sari ka ta rangin ka la dar tit ani,” tiin a thuona. 
\v 5 Ma angdênin atûn hin khom Pathien'n a moroina sika a thangsuok ngei pâl atômte an la om. 
\v 6 A moroina sika a thangsuok anni an sintho sika nimak, ma anghan aninônchu moroina hih moroina tatak ni thei no nih. 
\v 7 Imo ei ti rang? Israelngeiin an rok hah man mak ngeia, Pathien thang atômte ngei vaiin an mana, midang ngei murdi chu Pathien koina han an sêt suo zoi. 
\v 8 \x - \xo 11:8: \xo*\xt Jôk 29:4; Isa 29:10\xt*\x*Pathien lekhabu'n, “Pathien'n avien sûn tena an mindonna le an mulungngei a min môl pea, an mua an riet thei loina,” a ti anghan. 
\v 9 \x - \xo 11:9,10: \xo*\xt Lap 69:22,23\xt*\x* David khomin,
\q1 “An ruolhoi thona bukhalâi hah châng le in ôkna chang senla,
\q2 An inbana le an khitrûi chang rese.
\q1
\v 10 An mu theiloina rangin an mit hong jîng senla,
\q2 an intakna puokrikin del ngei tit rese,” a tia.
\p
\v 11 Hanchu an inba sikin an inluoi phar rang mini? Ni mak! an inpal sikin Jentailngei kôma sanminringna a juong tung ani. Judangei narsana rang ani. 
\v 12 Ha anghan, Judangei an inpalna man rammuol neina ania, Judangei ratha tienga an insamna man hah Jentailngei neina a ninte, Judangei an hong kip tena vâng chu idôra satvurna mo a ni rang ani zoi.
\s Jentailngei sanminringna
\p
\v 13 Ha anghan, nangni Jentailngei kôm ki ti ani, Jentail tîrton ki ni anghan ki sinthona hih ki minlût ani. 
\v 14 Ki mingei nangni ki min narsa senkhat luo ka sanminring thei ngêt na rangin. 
\v 15 An hengpai lâihan rammuol ta ranga Pathien leh inngêi nôkna aninte, an pom nôkna tena inmo ani rang? Maha thina renga ringna nîng atih.
\p
\v 16 Vâipôl hâr ât masatak han Pathien kôm pêk minthieng anînchu apumin pêk minthieng ani. Hanchu thing khom a ruzung ânthienga anînchu amachangngei khom an inthieng ani. 
\v 17 Olive thing machang senkhat tanpaiin, nangni ram olive, an lâia zomin nin oma, ruzung asa hah nin inzompui zoi ani. Nangni Jentailngei hah ram olive angin nin nia, male atûn chu Judangei ratha râtna tienga ringna hah nin insempui ani. 
\v 18 A machang dangngei chunga insong no roi, insong khom ungla, aruzung vâipu nimak chei, aruzung in kêng nangni avâi ani. 
\v 19 Hanchu, nangman, “Zoma ko om theina ranga amachangngei hah thâk kêng an ni,” tîng ni tih. 
\v 20 Ani, an iem loina sikin thâkin an oma, nang chu na taksônna sikin zom ni ni, inpâk nônla, manêkin chi roh. 
\v 21 Pathien'n amachang taktak angati Judangei luo a manar nônchu nang khom nang manar uol no nih. 
\v 22 Masikin, Pathien sa tie le chi aomtie ei mua, ânpal ngei ta rangin chu chi a oma, a satna no omtitin chu nangma ta rangin chu asa ani. No omtit nônchu nang khom thâkpai sa nîng ni tih. 
\v 23 Male, Judangei khom an iemloina an maka anînchu zomin la om nôk an tih, Pathien'n a zom nôk thei sikin. 
\v 24 Nangni Jentailngei, ram olive machang renga thâkpai luon olive thing bâk sa taka inzomin nin om inte, nangni Judangei, olive thingkung diktak amachangngei a zom chu Pathien rangin abai pe uol ok rang ani.
\s Mi murdi chunga Pathien inriengmuna
\p
\v 25 Ka malngei hi chong inthup hih nin riet rangin ku nuom ani, aninônchu avâr intum nin tih. Isreal mingei tukdullienna hah a omjêt rang nimak. Aniatachu Jentailngei hah Pathien kôma an hong kipphar tena rang vai ani. 
\v 26 \x - \xo 11:26: \xo*\xt Isa 59:20,21\xt*\x* Hanchu, Israelngei murdi sanminringin om an tih. Pathien lekhabu'n,
\q1 “Zion renga Minringpu hah juong a ta,
\q2 Jacob jâisuonngei renga puoloinangei minboi atih.
\q1
\v 27 \x - \xo 11:27: \xo*\xt Isa 27:9\xt*\x* Mahih an kôma ko chongkhit rang chu ani,
\q2 An nunsienangei ka lâk pai tika chu,” ati anghan.
\m
\v 28 Thurchi Sa an hengpaia, nangni sikin Judangei chu Pathien râl an ni. Pathien'n a thang ngei na mindonin chu an richibulngei sikin a champui lungkhamna ngei an ni. 
\v 29 Pathien'n mi a thangna le sat a vurna lama a mulungrîl thûl ngâi mak. 
\v 30 Tienlâi han chu nangni Jentailngei chu Pathien chongjôm mak cheia, atûn chu Judangei an jômloina sikin a moroina nin chang zoi ani. 
\v 31 Ma ang nanâk han, atûn nang nin moroina nin chang sikin Judangei khomin Pathien moroina an chang sa theina rangin atûn\f + \fr 11:31: \fr*\ft Miziek senkhat ngeiin chu dôn mak ngei \ft*\fq atûn.\fq*\f* hin chu chongjômloia om an ni. 
\v 32 Asikchu anrênga chunga a inriengmuna a minlang nuom sikin Pathien'n mi murdi chongjômloina a khum zit ani.
\s Pathien minpâkin om rese
\p
\v 33 \x - \xo 11:33: \xo*\xt Isa 55:8\xt*\x* Pathien neina ngei chu idôra roiinpui mo! a vârna le a rietna khom idôra ânthûk mo! tûn mo a roijêk a rilminthâr thei ranga? tun mo a lampui a riet thei ranga? 
\v 34 \x - \xo 11:34: \xo*\xt Isa 40:13\xt*\x* Pathien lekhabu'n:
\q1 “Tun mo Pumapa mulungrîl rieta?
\q2 Tu mo rilna a pêk thei ranga?
\q1
\v 35 \x - \xo 11:35: \xo*\xt Job 41:11\xt*\x* Tumo a kôma lâkâi amin tanga,
\q2 tumo a kôm renga a man nôk rêk ngai?” ati anghan.
\m
\v 36 \x - \xo 11:36: \xo*\xt 1 Kor 8:6\xt*\x* Asikchu neinun murdi hih ama sin ania, ama sika hong om le ama ta riempet ani. Pathien kôma tuonsôtin inlalna chu om rese! Amen.
\c 12
\s Pathien chuonsina ringnun
\p
\v 1 Masikin ka malngei, Pathien inriengmuna lientak sika hin inbôlna ring le inthieng leh a khôktheiruo ni rangin nin takpum hah Pathien kôm pêk rangin nangni ki ngên ani. Maha nin biek rang lampui diktak chu ani. 
\v 2 Hi rammuol omlam anghin om no ungla, Pathien lungdo asa le a khôktheiruo le asakipdir ngei hah nin riet minthâr theina rangin nin mulungrîl minthara omin hong tei ta roi.
\p
\v 3 Pathien'n mi pêk moroina neinunpêk sika hin nangni ke ngên ani. Nin kâra tute rangâiinlut rai om no roi. Manêkin, Pathien'n mitin kôma taksônna a pêk angtakin intukpui chit mulungrîl pêl roi. 
\v 4 \x - \xo 12:4,5: \xo*\xt 1 Kor 12:12\xt*\x*Takpum inkhata amachang tamtak ei dônna ha amachangngei sintum hah aom chit. 
\v 5 Ma angdênin, eini khom tamtak ni khom inla, Khrista leh takpum inkhat ei nia, ei rêngin takpum abâk anga ânzom chit ei ni. 
\v 6 \x - \xo 12:6-8: \xo*\xt 1 Kor 12:4-11\xt*\x* Masikin Pathien moroina mi pêk angtaka hin manboia pêk adang dang ei chang chita. Pathien chongril rang anînchu ei taksônna dôn angtaka hin misîr ila. 
\v 7 Sintho rang anînchu ei sinthona hin inpêk ngit ila, mi minchu rang anînchu minchu ngit ila. 
\v 8 Mi mohôk rang anînchu mohôk ngit ila, neinun pêkpu'n phaltakin pêk senla, rachamneipu han takintâitakin tho senla, mi lungkhampu khomin râisântakin lungkham rese.
\p
\v 9 Lungkhamna chu a rothol koploiin nirese. Asie hah mumâk ungla, asa ha chu mutu tit roi. 
\v 10 Khristien sûngsuokrêng angin inkhat le inkhat inlungkham inlôm ungla, mirit inlômna minlang rang jôt tit roi. 
\v 11 Sinthona lama ningsiet ungla, nin ratha minboi no roi. Mulungrîltakin Pumapa sin tho roi. 
\v 12 Nin sabeina han nin râiminsân senla, intaknangei nin tuong khomin dier ungla, zora tina chubai tho ngâi roi. 
\v 13 Nin Khristien champui ngei insamna nin neinun insan ungla, nin ina khuolmi mintung ngâi roi.
\p
\v 14 \x - \xo 12:14: \xo*\xt Mat 5:44; Luk 6:28\xt*\x* An nuom nangni lo ngâi ngei hah khomaksâm loia satvur ngei rangin Pathien kôm ngên roi. 
\v 15 A râisân ngei râiminsân pui ungla, a chap ngei chappui roi. 
\v 16 \x - \xo 12:16: \xo*\xt Vârc 3:7\xt*\x* Mindon munkhatin om ungla, insong no roi rangâiinchîn mingei leh ruol inchang roi. Nin thetheiin avâr intum\f + \fr 12:16: \fr*\fq Mindon munkhatin om ungla; \fq*\ft aninônchu \ft*\fq rangâiinchîn mingei leh ruol inchang roi.\fq*\f* no roi.
\p
\v 17 Mingeiin nin chunga an sin minchâina hah sietna nanâkin thuon no roi. Mi murdi ranga asa hah tho rang pût roi. 
\v 18 Mi murdi leh inngêia lêng theina rangin bôk ngit roi. 
\v 19 \x - \xo 12:19: \xo*\xt Jôk 32:35\xt*\x* Ka malngei, phûba lâk tet no ungla, manêkin Pathien taksina han tho rese. Pathien lekhabu'n, “Phûba murdi chu keiman ka lâk rang ani, Keiman thuon ki tih, Pumapa'n a ti,” ati anghan. 
\v 20 \x - \xo 12:20: \xo*\xt Vârc 25:21,22\xt*\x* Manêkin, Pathien lekhabu'n ati nôka, “Na râlngei an vonachâmin chu sâk rang pêk ngei inla, an tui ânrâlin chu an nêk rang pêk ngei roh, ha anghan no thôn chu ni min zak ngei ok rang ani.” 
\v 21 Sietnân motorin om nônla, manêkin nangman sietna hah motorin satnân zoiin om roh.
\c 13
\s Rachamneipungei chunga sintumngei
\p
\v 1 Mitinin an chunga rachamneipungei chong an jôm ngêt rang ani. Pathien'n a phun ni nônchu tute rachamneipu om ngâi mak ngei, atûnlâia rachamneipungei khom hih Pathien'n a phun an ni. 
\v 2 Masikin, tukhom rachamneipu adoipu chu Pathien a phunpu an idoi ani, adoipu ngei han an chunga roijêkna tung atih. 
\v 3 Roijêkpungei hah neinun dik thopu ngei rangin chu ichi om mak ngeia, neinun dikloi thopu ngei ta rangin chu ichi an om ani. Rachamneipungei chi loia om nu nuom mo? Neinun dik tho inla hanchu nang minpâk an tih. 
\v 4 Na satna ranga Pathien tîrlâmngei kêng an ni. Hannirese, neinun dikloi no thôn chu chi roh, khandai hah an chôi papai nimak kêng. Pathien tîrlâmngei an nia, neinun dikloi tho ngei chunga taksia dûkmintongpu ngei an ni. 
\v 5 Masikin, Pathien dûkmintongna chi sik vaiin niloiin, ni sielesarietna sik khomin rachamneipungei chong no jôm ngêt rang ani. 
\v 6 \x - \xo 13:6,7: \xo*\xt Mat 22:21; Mk 12:17; Luk 20:25\xt*\x* Masika han kêng chôiruol nin chôi ngâi, rachamneipungei han an sintum asân an thôn chu Pathien sin an tho kêng ani. 
\v 7 Pêkna rang murdia pêk roi, pilman pêk rang anînchu pêk ungla, mimala le neinun man chôi rang anînchu chôi ungla, miritna le minlalna minlang pe ngei roi.
\s Urêng lungkhamna
\p
\v 8 Lungkham inmu inlômna ti loiin chu tute kôm ite intâng no roi, ei miriem champui lungkhampu han Balam a jôm mikhip zoi ani. 
\v 9 \x - \xo 13:9: \xo*\xt Jôk 20:14; Bal 5:18; \xt*\xt Jôk 20:13; Bal 5:17; \xt*\xt Jôk 20:15; Bal 5:19; \xt*\xt Jôk 20:17; Bal 5:21; \xt*\xt Och 19:18\xt*\x* Chongpêkngei, “Inrê no roh, mi that no roh, inru no roh, mita ôi no roh,” ti ngei le chongpêk dang ngei murdi hih, “Nangma nên lungkham angin nu bunga mingei lungkham roh,” ti hin a kaikhôm zit ani. 
\v 10 Mi nu lungkhamin chu an chunga asaloi tho tet no tinia, lungkhamna chu Balam pumpui jôm mikhipna ani.
\p
\v 11 Atûnlâi neinun omtie nin riet sik le a in ngei inthoi zora ani tatak zoi ti nin riet sikin maha ki ril ani, atûna hin chu ei iem phut lâia nêkin chu ei sanminringna hah anâi uol zoi. 
\v 12 Jân hih ase ok zoia, khuovâr rang kêng ani zoi. Masikin ajîng sintho ngei hah mong ei ta a avâra indoina râlrovo invo ei ti u. 
\v 13 Sûna om ngâi mingei angin enhoitakin om ei ti u, junêk omhoina le ju inrûiin om loiin hurindit le inditnasaloi songloiin, insuol le innarsân khom om loiin. 
\v 14 Pumapa Jisua Khrista râlrovongei hah lâk ungla, nin taksa nunsie nina ôina saloi ngei thangminsuo rang bôk no roi.
\c 14
\s Midangngei jêk no roh
\p
\v 1 \x - \xo 14:1-6: \xo*\xt Kol 2:16\xt*\x* Hanchu taksônna tienga râtloi mingei chu anthena an mindona hah dem loiin môdôm ngei roh. 
\v 2 Mi senkhatin an taksônna han jâttin sâk thei rangin a phal zoia, aniatachu taksônna râtloi mi han chu ansûl vai a sâk ngâia. 
\v 3 Jâttin sâk thei mi han a sâk loi mi hah dem no rese, a sâk loipu khom han a sâkpu hah jêk no rese, Pathien'n ama hah a khôk kêng ani zoi. 
\v 4 Midang tîrlâm jêkpu hah tumo ni ni? Ânding indetin mo, ânletin mo, a mindon rang chu a pu ani. Inding det ngêt atih, Pumapa a minding mindet thei sikin. 
\v 5 Hanchu, mi senkhatin nikhuo khat hah nikhuo dang nêkin a mindon minlut uol ngâia, mi dangin chu nikhuo murdi an angnatin a be ngâi. Mitinin ama mindon lam diktak nei chit rese. 
\v 6 Nikhuo khata aser-uolpu han Pumapa chôiminsângna rangin a ser ani, jâttin sâkpu han Pathien kôm râisânchong a ril baka a sâk ani sikin Pumapa a chôiminsâng ani. A sâk loipu khom hah Pathien kôma râisânchong a ril sa nôk sikin Pumapa chôiminsângna rangin a ngêi ani. 
\v 7 Tute eini ta ranga vaia ring nimak mea, tute eini ta ranga vaia thi khom nimak me. 
\v 8 Ei ringin chu Pumapa ta ranga ei ring ania, ei thi khomin Pumapa ta ranga ei thi ani. Masikin ei ring khomin ei thi khomin Pumapa ta ei ni. 
\v 9 Masikin, mi ring le mi thi Pumapa ani theina ranga Khrista hah a thia, a ring nôk zoi ani. 
\v 10 \x - \xo 14:10: \xo*\xt 2 Kor 5:10\xt*\x* Hanchu, nangma ansûl riempet sâkpun irang mo midangei ne jêk? Nônchu, nangma jâttin sâkpu irang mo iempu dangngei ne dema? Pathien roijêkna makunga ei rêngin ei lân ding pak rang kêng. 
\v 11 \x - \xo 14:11: \xo*\xt Isa 45:23\xt*\x* Pathien lekhabu'n:
\q1 “Adiktakin Keima hi Pathien ring ki ni, Pumapa han a ti, mi murdi ka makunga an minkhûk lân bil pak an ta,
\q2 Male mitinin keima Pathien ki ni la Phuong an tih,” a tia, ânziek anga han.
\m
\v 12 Ma anghan, ei rêngin Pathien makunga ei thurchi ei la misîr pak rang ani.
\s Na lâibung minba no roh
\p
\v 13 Masika han inkhat le inkhat injêk inlôm khâi no roi. Manêkin na lâibung nunsie mo, inbana mo a tho tet loina rangin no bôk rang ani. 
\v 14 Athei mamangin chu ânthiengloi neinun ite ommak ti Pumapa Jisua leh kin inzomna hin ki riet minthâr ani. Nikhomsenla, neinun senkhat chu ânthiengloi iempu rangin chu ânthiengloi ani. 
\v 15 Na sâk sâk sikin na lâibung mo na sarnu mo, mulungrîl ahoi nônchu lungkhamna lampui nu jûi khâi loi ani. A thi sika Khrista a thi pe hah na sâk sâk sikin minsiet no roh. 
\v 16 Masikin ninta ranga asa anga nin mindon hah ril min sietin om no rese. 
\v 17 Asikchu Pathien Rêngram chu sâk le nêk roi nimaka, Ratha Inthieng jâra diknangei, inngêina le râisânna ngei kêng ani. 
\v 18 Tukhom ma anga Khrista sin tho chu Pathien râiaminsâna male midangngei pomna khom a chang ngâi ani.
\p
\v 19 Masikin, inkhat le inkhat inngêina rang le min râtna rang ngei hah ei rujûl tit ngêt rang ani. 
\v 20 Na sâk sikin Pathien sintho siet no roh. Sâk murdi sâk thei ania, hannirese midang nunsie minchâina ranga sâk chu sa mak. 
\v 21 Na lâibungngei le na sarnungei inbana rang anînchu me ngei, ju ngei le neinun dadang ngei a ngêi hih asa uol.
\p
\v 22 Ni iemna hah iem chien roh, Pathien le nin kongkâra ama iemna lama theiloi intum loi chu satvur an ni. 
\v 23 Hannirese tukhomin mulungokcha pumin a sâkin chu a taksôn lam niloi a tho ani sikin Pathien'n theiloi a mintum ani. Male i-ih neinun khom taksônna chunga ânngam loi hih chu nunsie ani.
\c 15
\s Eini niloiin midangngei râiminsân rang
\p
\v 1 Eini taksônna taka râtngei hin eini râisânna rang rok loiin, râtloi ngei râtloina han ei san ngei rang ani. 
\v 2 Manêkin taksônna ei phun mindet theina rangin iempu dangei râiminsânin anni ranga neinun sa hah ei tho rang ani. 
\v 3 \x - \xo 15:3: \xo*\xt Lap 69:9\xt*\x* Asikchu Khrista khom ama râisânna rok maka. Pathien lekhabu'n, “Nang êro ngei êrona hah ku chunga achul zoi,” ati anghan ani. 
\v 4 Pathien lekhabu'n apêk ngâi sabeina renga tuongdierna le mohôkna ei nei theina rangin Pathien lekhabua lei inziek ngei murdi hah ei inchu rang ani. 
\v 5 Khrista Jisua nin jûi anghan nin lâia inngêina ratha han tuongdierna le mohôkna hah Pathien'n nangni min dôn senla. 
\v 6 Hanchu, nin rêngin rôl-ûm khatin ei Pumapa Jisua Khrista Pa le Pathien hah nin minpâk thei rang ani.
\s Jentailngei ranga Thurchisa
\p
\v 7 Pathien roiinpuina rangin Khrista'n nangni a pom angin inpom inlôm chit roi. 
\v 8 Nangni ki ril, Pathien taksônomna minlangnân an richibulngei kôma a chonginkhâm tuontungin Khrista hah Judangei ruthûlin sinthopu'n a juong oma, 
\v 9 \x - \xo 15:9: \xo*\xt 2 Sam 22:50; Lap 18:49\xt*\x* Jentailngei khomin a moroina sika Pathien an minpâk theina rangin. Pathien lekhabu'n:
\q1 “Masikin Jentailngei lâia nang minpâk ka ta,
\q2 Ni riming minpâkin uoi ki tih,” ati anghan.
\m
\v 10 \x - \xo 15:10: \xo*\xt Bal 32:43\xt*\x* Ati nôka,
\q1 “Jentailngei Pathien mingei leh râiminsân roi,” ati sa.
\m
\v 11 \x - \xo 15:11: \xo*\xt Lap 117:1\xt*\x* Male,
\q1 “Nangni Jentailngei murdi, Pumapa minpâk roi;
\q2 Mingei murdi khomin minpâk rese ngei!” ati nôka.
\m
\v 12 \x - \xo 15:12: \xo*\xt Isa 11:10\xt*\x* Male avêlin, Isaiah khomin,
\q1 “Jesse jâisuon la hong inlang a ta;
\q2 Jentailngei chunga inlal rangin la hong om a ta,
\q2 Ama chunga han an sabeina minngam an tih,” a tia.
\p
\v 13 Ratha Inthieng sinthotheina jâra sabeina nin sip theina rangin sabeina nâr Pathien han ama nin taksônna sikin, râisânna le inngêinangei nangni minsôn pe bang rese.
\s Paul'n hâitaka lekha a miziekna abi
\p
\v 14 Ku sûngsuokngei, nangni hih satna akip, rietna murdi dônna, inril inlôm thei rang nin ni tiin tak ko sônchêt ani. 
\v 15 Nikhomsenla, neinun senkhat nangni min riet nôk rangin hâitakin ma lekha hih ki miziek ania, Pathien'n mi pêk moroina sikin 
\v 16 Jentailngei sinthopu rangin Khrista Jisua tîrlâm ki ni. Jentailngei hah Ratha Inthiengin minthienga Pathien inbôlna ringa khôktheiruo min ni ranga Thurchi Sa misîrna hin ochai angin ki sin ani. 
\v 17 Masikin Khrista Jisua leh inzomin hima Pathien sinthona hin insongna ke dôn thei ani. 
\v 18 Jentailngei ruoia Pathien chong min jômna rangin Khrista'n sintho le chongrilin keima mi manga, a sinthongei pêna chu ite dang ril ngam no ninga, 
\v 19 sininkhêlngei le sin kamâmruoingei, Pathien Ratha sinthotheina han mi manga, masika han Jerusalem le akôl revêla ram renga Illyricum dênin Khrista Thurchi Sa chu ku phuong let zoia. 
\v 20 Midang lungphûm chunga sinminding ki ni loina rangin Khrista la riet loina muntina Thurchi Sa phuong hi ku lungdo ani. 
\v 21 \x - \xo 15:21: \xo*\xt Isa 52:15\xt*\x* Pathien lekhabu'n:
\q1 “A thurchi la rilna ngâi loina mingei han mûng an ta,
\q2 A koura la riet ngâi loingei han riet an tih,” tia ânziek anghan.
\s Paul'n Rom khopuilien vapan rang a bôk
\p
\v 22 \x - \xo 15:22: \xo*\xt Rom 1:13\xt*\x* Masika hah kêng ani, nin kôma hong rang ki minchâi titna ngâi. 
\v 23 Aniatachu, atûn hin hi ram revêla hin chu ki sintho ko zoia, kum tamtak nangni hong mu rang ke lei nuom ngâi anghan. 
\v 24 Spain rama se malamin nangni hong mu rang ko bôk ani. Chomola nangni le inlopkhôm zoiin, nangni sanna renga ka panna rang mun tieng se thei rangin ka sabei ani. 
\v 25 \x - \xo 15:25,26: \xo*\xt 1 Kor 16:1-4\xt*\x* Atûn tak hin chu Pathien mingei sintho rangin Jerusalema la sêng ki tih. 
\v 26 Macedonia le Achaia rama koiindang mingei han phaltakin Jerusalema Pathien mingei kâra inriengngei rangin chôiruol an tho sikin. 
\v 27 \x - \xo 15:27: \xo*\xt 1 Kor 9:11\xt*\x* Inphaltaka an tho ani, aniatachu an kôma an intâng sa piel khom ani. Asikchu, Jentailngei ratha satvurnangei Judangei an insempuiin chu rammuol neinun satvurna tieng khomin Jentailngei Judangei san rang anâng ani. 
\v 28 Ma hah ko tho zoiin, an sum ngei an kôm ka bâng let zoiin Spain rama se rangin nangni la hong lût ki tih. 
\v 29 Nin kôm ko hong tika chu Khrista satvurna akipin hong ki tih ti ki riet.
\p
\v 30 Sûngsuokngei, ei Pumapa Jisua Khrista le Ratha pêk lungkhamnân Pathien makunga chubai mi nin thopui tatak ngâi rangin nangni ki ngên. 
\v 31 Judea rama iemloingei kut renga ko jôk theina rang le Jerusalema ki sintho hih Pathien mingei khôktheiruo ani theina rangin chubai mi thope roi. 
\v 32 Pathien'n asa a tiin chu râisânna sipmata nin kôm ko honga ei har inruol theina rangin. 
\v 33 Atûn inngêina Pathien hah nin rênga nin chunga om rese, Amen.
\c 16
\s Mimal chibaimûknangei
\p
\v 1 Ei sarnu Phoebe Cenchreae koiindang mingei sinthonu hih a mêl nangni min riet ku nuom. 
\v 2 Pumapa riminga Pathien mingei anga nin lei modômna rang le asan anângna tina nin lei san theina rangin. Ama reng khom hi mi tamtak lei san ngâi ania, keima reng khom mi lei san ngâi ani.
\p
\v 3 \x - \xo 16:3: \xo*\xt Sin 18:2\xt*\x* Priscilla le Aquila, Khrista Jisua chuonsina ki sintho champui ngei hah lei chibai roi. 
\v 4 Anni han ki ringna minjôkna rangin an ringna tena lên phala an chunga ka râisân sabak ani, keima vai niloiin Jentail koiindang murdi khom an chunga an râiasân ani. 
\v 5 An ina koiindang inkhôm ngâi ngei hah chibai mi mûk pe sa roi.
\p Asia rama Khrista lei iem masatak ka mal Epaenetus hah chibai mi lei mûk pe roi. 
\v 6 Mary ninta ranga sin dûktong nu hah lei chibai roi. 
\v 7 Andronicus le Junia, ku Juda champui le intâng ina ke lei lûtpuingei hah mi lei chibai pe roi. Ma ngei hah tîrtonngei riming inthangtak le keima nêka Khrista lei iem masa an ni.
\p
\v 8 Ampliatus, Pumapa taka ku ruol miditom hah mi chibai pe roi. 
\v 9 Khrista chuonsina kin sinthopui Urbanus le ku ruol miditom Stachys hah mi chibai pe roi. 
\v 10 Khrista mi tatak ânthârlak Apelles hah mi chibai pe roi. Aristobulus insûngmingei hah mi chibai pe roi. 
\v 11 Ku Juda champui Herodion, Khristien insungmingei lâia Narcissus mi chibai pe roi.
\p
\v 12 Tryphaena le Tryphosa, Pumapa a sin ngâi hah mi chibai pe roi. Ku ruol miditom Persis, Pumapa sintho râttak nu mi chibai pe roi. 
\v 13 \x - \xo 16:13: \xo*\xt Mk 15:21\xt*\x* Pumapa chuonsina sinthopu satak, Rufus le a nû, a nâi anga mi be ngâinu hah mi chibai pe roi. 
\v 14 Asyncritus, Phlegon, Hermas, Patrobas, Hermes ngei le a kôma Khristien sungsuok dang omngei murdi hah mi chibai pe roi. 
\v 15 Philologus le Julia Nereus le a sarnu, Olympas le an kôma Pathien mi omngei murdi hah mi chibai pe roi.
\p
\v 16 Intum inthiengin inkhat le inkhatin chibai roi. Khrista koiindangngei murdi'n chibai nangni an pêk.
\s Azoinataka rilnangei
\p
\v 17 Sûngsuokngei, rilna chong nin man ha ânkâl lama nin kâra insenna le mingei taksônna minngûipu ngei renga han indîn rang le mangei hah nûksong rangin nangni ke ngên. 
\v 18 Ha mingei han ei Pumapa Khrista sintho mak ngei, an phûngpui sin kêng an tho ani. An chong hoi le an mûr thiemin mi theiloinaboi ngei an huong ngâi ani. 
\v 19 Thurchisa taka nin det tie mitinin an riet zoi masikin nin chunga kin râiasân ani. Nikhomsenla, satna tieng nin vâra sietna tieng chu theiloinaboi nin ni rang ku nuom ani. 
\v 20 Hanchu ei inngêina bulpui Pathien han Soitan hah nin kepha nuoia om rangin min nôichit lâi atih.
\p Ei Pumapa Jisua Khrista moroina hah nin kôma om rese.\f + \fr 16:20: \fr*\ft miziek senkhat ngeiin chu ma chongbâi hi an minmang.\ft*\f*
\p
\v 21 \x - \xo 16:21: \xo*\xt Sin 16:1\xt*\x* Ki sinthopui Timothy le Lucius, Jason le Sosipater ku Juda champuingeiin chibai nangni an pêk.
\p
\v 22 Keima, Tertius hi lekha miziekpu hin, Pumapa rimingin chibai nangni ke pêk.
\p
\v 23 \x - \xo 16:23 \xo*\xt Sin 19:29; 1 Kor 1:14\xt*\xt 2 Tim 4:20\xt*\x* Ku tungnapa Gaius le koiindangngei inkhômna ngâi in pumapa, khopuiliena sumrâkpu Erastus le a lâibungpa Kuartus khomin chibai nangni an pêk. 
\v 24 Ei Pumapa Jisua Khrista moroina hah nin rênga nin chunga om rese, Amen.
\s Chongkhârna
\p
\v 25 Pathien chu chôilôm ei ti u! Ama han Jisua Khrista thurchi, Thurchisa kin ril le zora sôt taka chongtak inthup lei muphuong anghin nin taksônna dettakin nangni minding thei ani. 
\v 26 Atûn chu ha chong dik hah dêipungei lekhabua ajuong inlanga, tukhomin an iema an jôm theina rangin kumtuong Pathien chongpêk angtakin namtin kâra min riet ani zoi.
\p
\v 27 Pathien inkhat mang avârtak kôma om, Jisua Khrista jâra tuonsôtin roiinpuina chu om rese! Amen.\f + \fr 16:27: \fr*\ft miziek senkhat ngeiin chu a rachangngei 25-27 mahin le masuole 14:23; adadangngei chu 14:23 suole ke an dônna; inkhat chu 15:33 suole an dôn.\ft*\f*