\id EPH Sakachep: Bible Translation 1st Edition
\ide UTF-8
\ide 65001 -Unicode (UTTF8)
\h Ephesi Mingei
\toc1 EPHESI Mingei kôma Paul Lekhamuthuon
\toc2 Ephesi
\toc3 Eph
\mt1 EPHESI
\mt2 Mingei Kôma Paul Lekhamuthuon
\imt1 Chongmaruoi
\ip \bk Ephesi mingei kôma Paul lekhamuthuon\bk* hin amotontaka a minlang nuom chu “Pathien'n a mintuo invân le pilchunga a neinun sinngei nâm hih minchuna Khrista roineina nuoia aom let rang ani” (1:10). Jisua Khrista leh munkhat an ninna jâra miriemngei inruolna ranga hi neinun mintuona lien omtie min om theina rangin Pathien mingei kôma ngênna ani sa.
\ip \bk Ephesi\bk* miziek hih aphutna tieng chu a miziekpu hin inruolna hih chonglupuia mangin Pa Pathien'n a mingei a thang tie ngei, ngâidam an ni tie ngei, Nâipasal Jisua Khrista jâra an nunsienangei renga mojôk an ni tie ngei le Pathien chongkhâm hah Ratha Inthiengin khâmna a pêk tie ngei a misîr ani. A inikna chu Khrista leh munkhat an nina hah an ringnun han an minlang theina ranga aporepungei a ngênna ani.
\ip Khrista leh inzoma Pathien mingei munkhat an ninna minlangna rangin chongmintêk tamtak mang ani. Koiindang hih takpum angin ania, Khrista chu a lu ani, aninônchu in angin ania, Khrista hah akila lung ania; aninônchu Khrista hah a lômpa angin ania, male koiindang hah a lômnu angin ani. Khrista taka Pathien lungkhamna mindonnân a mulung atôn ok sikin hi lekhamuthuon chong hih ânsâng ok ani. Khrista lungkhamna, inbôlnapêk, ngâidamna, moroina, le inthiengna vâr taka han neinuntin mu thei ani.
\is1 Asûnga chongtângpuingei
\io1 Chongmaruoi \ior 1:1-2\ior*
\io1 Khrista le Koiindang \ior 1:3—3:21\ior*
\io1 Khrista taka Ringna Thar \ior 4:1—6:20\ior*
\io1 Chongkhârna \ior 6:21-24\ior*
\c 1
\s Chibaimûkna
\p
\v 1 \x - \xo 1:1: \xo*\xt Sin 18:19-21; 19:1\xt*\x* Pathien nuomlama Khrista Jisua a tîrton Paul han,
\p Ephesi\f + \fr 1:1: \fr*\fq Ephesi \fq*\ft ti hih miziek senkhata chu dôn makngei\ft*\f* taka om Pathien mingei, Khrista Jisua leh munkhata an ringnun taksônoma mang ngei.
\p
\v 2 Pathien ei Pa le Pumapa Jisua Khrista'n moroina le inngêina nangni pêk rese.
\s Khrista taka ratha satvurnangei
\p
\v 3 Pathien le ei Pumapa Jisua Khrista Pa kôm ei râisânchong mintung ei tih u! Khrista leh ên jômna sika han invânrama ratha satvurnangei nâm mi vura. 
\v 4 Rammuol insieng mân renga, Pathien'n Khrista jâra a makunga inthieng le minchâinaboi nirangin mi lei thangsai ani zoi.
\p A lungkhamna sikin 
\v 5 Pathien'n\f + \fr 1:4-5: \fr*\fv 4\fv*\fq a makunga...\fq*\fp A lungkhamna sikin; \fp*\fv 5\fv* \fq Pathien'n\fq*\ft aninônchu \ft*\fqa amakungah, male lungkhamna taka om rangin. Pathienin\fqa*\f* Jisua Khrista jâra a nâingei mi minchang rangin alei mintuosai ani, maha a râisânna le a neinunkhîn ani. 
\v 6 A lungkhamna roiinpuitak hah, a nâipasal taka han neinun manboipêk mi pêk sikin Pathien chu minpâk ei tih u! 
\v 7 Khrista inbôlna thisen sikin\f + \fr 1:7: \fr*\fq thisen sikin; \fq*\ft aninônchu \ft*\fqa Khrista thina inbôlnapêk sika hah.\fqa*\f* ei sietnangei ngâidamin, jôkin ei om zoi. Pathien moroina roiinpui tie hih,\x - \xo 1:7: \xo*\xt Kol 1:14\xt*\x* 
\v 8 minkhîna lientak mi pêk hi!
\p A vârna le a rietheina ngei nâmin 
\v 9 Pathien neinunkhîn ngei hah zoiin aoma, a lungdo inthup hah zoi ranga a lei khâm chu Khrista taka han min zoi rangin mi min riet zoi. 
\v 10 Ma a lungdo hah azora diktaka Pathien'n neinunsinngei nâm, invân le pilchunga omngei nâm minchunin Khrista han alutak ani rang. 
\v 11 Neinunngei murdi hih Pathien lungdo le a jêklam angtaka tho ania; hanchu Pathien'n aphutnataka a mintuo lam angtakin Khrista taka a mingei nirangin mi thang zoi ani. 
\v 12 Tho masikin eini Khrista lei sabei masa ngei hin Pathien roiinpuina minpâk ei tih u. 
\v 13 Sanminringna Thurchi Sa, chongtak nin riet lehan Pathien mingei nin hongni zoi. Jisua Khrista nin iema, male Pathien'n Ratha Inthieng a khâm lehan pumanina mohôr nangni nam ani. 
\v 14 Pathien'n a mingei a khâm pe ngei hah la man ei tih, ti hah ratha khâmna ania, Pathien mingei murdi zalên pharna pêk atih, ti khom mi min riet sa ani. Tho a roiinpuina minpâk ei tih u!
\s Paul chubaithona
\p
\v 15 Masikin keima khom, Pumapa Jisua nin taksôn le Pathien mingei nin lungkhamna ti ki riet renga chu, 
\v 16 Pathien kôm râisânchong ki mintung hih mong khâi mu-ung. Chubai ko thôna khom nangni ki riettit ngâi. 
\v 17 Male ei Pumapa Jisua Khrista Pathien, Pa roiinpuitak han, ama nin rietna rangin, Ratha vârna le inlârna nangni pêk rangin ke ngên ani. 
\v 18 Ama vâr nin mu theina rangin nin mulungrîlngei ân-onga, nangni a koina taka sabeina aom ngei, a mi inthieng ngei ranga a khâm satvurnangei kamâmruoi tamtak ngei le, 
\v 19 keini a iemngei kâra sinthotheina lien tie ngei hah nin riet theina rangin ke ngên ngâi ani. Hi râtna, kin chunga sin atho tit hih râtna inthieng 
\v 20 Khrista thina renga inthoinôka invânrama a chang tienga ânsung lâia a mang nanâk hah ani.\x - \xo 1:20: \xo*\xt Lap 110:1\xt*\x* 
\v 21 Khrista chu invâna roijêkpungei, rachamneipungei, sinthotheinangei, le pumangei; hi rammuol le rammuol a lahong om ranga rachamneipungei chunga riming ânchungtak a la dôn rang ani. 
\v 22 Pathien'n neinunngei murdi hih Khrista ke nuoia a dara, ma neinunngei murdi hah Pumapa ânchungtak han koiindang kôm a pêk zoi.\x - \xo 1:22: \xo*\xt Lap 8:6\xt*\x*\x - \xo 1:22,23: \xo*\xt Kol 1:18\xt*\x* 
\v 23 Koiindang chu Khrista takpum ani, mun nâma neinun murdi mikhippharpu kipna hah ani.\f + \fr 1:23: \fr*\fq mun nâma neinun murdi mikhippharpu kipna hah; \fq*\ft aninônchu \ft*\fqa Pathien renga kippharna asipin adônpu nanâk hah.\fqa*\f*
\c 2
\s Thina renga ringna
\p
\v 1 Zora vunsai han chu chongdonloi le sietnangei sikin rathatieng nin thi ani.\x - \xo 2:1-5: \xo*\xt Kol 2:13\xt*\x* 
\v 2 Mâlâia hanchu rammuola lampui saloingei nin jûia; munronga ratha sinthotheinangei, rachamneipungei chong nin don ania, atûna Pathien chongdonloingei lâia sinthotit ratha hih ani. 
\v 3 Adiktakin eini khom ei rêngin anni angin ei om ani, ei taksa ngâituina dungjûiin ei oma, ei takpum le ei mulungrîl lungdongei ei sin ngâi ani. Eini khom midangngei angin eini sikin, Pathien ningthikna tuong rang piela inzir ei leini. 
\v 4 Aniatachu, Pathien moroina hah atamin a lungkhamna hah alien ani, 
\v 5 ei chongdonloina sika rathatieng athi eini lâitak khomin ama'n Khrista leh mi minring zoi ani. Pathien moroina han kêng sanminring nin ni zoi. 
\v 6 Khrista Jisua leh ei inzomna sika han invânrama ama leh roijêk rangin ama leh mi kaithoi zoia. 
\v 7 Mangei murdi hah a lei thôna abi chu, zora lahong rang ngeia Khrista Jisua han mi lungkhamna le mi moroina alieka lien tie hah ei chunga a minlang theina ranga ani. 
\v 8 Pathien moroina sikin nin taksônna han sanminring kêng nin ni. Nangni renga suok nimaka, Pathien neinunpêk ani. 
\v 9 Sinthona sika khom nimak, masikin tute insong thei mak ngei. 
\v 10 Pathien kutsuokngei eini, Khrista Jisua han sin asa tho ranga mi sin ani, ma sin sa hah ei tho ranga a lei minsûk piel kêng ani.
\s Khrista taka pumkhatnina
\p
\v 11 Nangni, ânzir renga Jentailngei, Juda “Sertan” (maha miriemngei an takpuma an tho, a rokôkna ani) ki ni inti ngâi ngeiin “Sertanloingei” nangni an ti ngâi hah, zora vunsaia nin nina hah riettit roi. 
\v 12 Ma lâia han chu Khrista leh nin tei ani, Ramdangmingei nin nia, Pathien mi thangngei nimak cheia. Pathien'n a mingei kôma a chonginkhâm chongtung han rangtum dôn mak chei, male sabeina boi le Pathien boiin hi rammuola hin nin om ani. 
\v 13 Aniatachu, atûn chu Khrista Jisua han, nangni ala taka om ngâi ngei hah Khrista thisen\f + \fr 2:13 \fr*\fq Khrista thisen sikin; \fq*\ft aninônchu \ft*\fqa Khrista thina inbôlna sika.\fqa*\f* sikin nangni hong minnâi zoia. 
\v 14 Khrista'n, Judangei le Jentailngei hih mi inkhata sinin inngêina mi pêk zoi. An insenna le râl an inchangna banglâi hah ama takpum lelên a misim pe ngei zoi. 
\v 15 Ama han Judangei balam leh chongpêkngei le jûiruongei murdi a minboia, ama'n inik ngei hah miriem thar, inkhata sinin, inngêina a sin ani.\x - \xo 2:15: \xo*\xt Kol 2:14\xt*\x* 
\v 16 Khrosa a thina sika han, Khrista'n râl an inchangna hah a minboia, ma khros sika han jât inik ngei hah molopin takpum inkhata sinin Pathien tieng a hong mikhîr nôk ani.\x - \xo 2:16: \xo*\xt Kol 1:20\xt*\x* 
\v 17 Masikin, Khrista a juonga mingei murdi kôma inngêina Thurchi Sa hih a misîr ani, nangni Jentail Pathien leh inkârzana omngei kôm khom, Juda ama nâikik ngei kôm khom.\x - \xo 2:17: \xo*\xt Isa 57:19\xt*\x* 
\v 18 Khrista jârin ei rêngin Judangei le Jentailngei Ratha inkhatin Pa kôm ei lût thei ani.
\p
\v 19 Masikin nangni Jentailngei khom ramdangmingei le khuolmi ni khâi mak cheia, atûn chu Pathien mingei le ramkhatmi le Pathien insûngmingei kêng nin ni zoi. 
\v 20 Nangni khom tîrtonngei le dêipungei\f + \fr 2:20: \fr*\fq tîrtonngei le dêipungei lungphûm; \fq*\ft aninônchu \ft*\fqa lungphûm hah, tîrtonngei le dêipungei an ni.\fqa*\f* lungphûm chunga sinminding nin ni, akila lung kâmomtak chu Khrista Jisua lelê hah ani. 
\v 21 Ama hah a in pumpui sûra Pathien biekin inthieng minsôna Pumapa kôma minlang ngâipu ani. 
\v 22 Ama leh inzomin nangni khom midangngei leh Ratha taka, Pathien omna mun ranga sinminding nin ni.
\c 3
\s Jentailngei ranga Paul Sintho
\p
\v 1 Masikin keima Paul hin, nangni Jentailngei rang sika Khrista Jisua taka intângmi hin Pathien kôma chubai ko tho ngâi ani. 
\v 2 Nin satna ranga sintho rangin Pathien'n a moroina mi minrâk hah lei riet ngêt nin tih zoi. 
\v 3 Pathien'n a lungdo inthup hah a phuonga, keima mi minriet tie hah. (Ma roi hih abongkikin ki mizieka, 
\v 4 ma ki miziek hah nin porea anînchu Khrista chong inthup ki riet tie hah riet nin tih.)\x - \xo 3:4-6: \xo*\xt Kol 1:26-27\xt*\x* 
\v 5 Zora lei vunsaia han chu hi chong inthup hih miriemngei lei ril ni ngâi maka; nikhomrese, atûn chu Pathien'n a tîrton inthiengngei le a dêipu inthiengngei kôma Ratha Inthiengin a minlâr zoi. 
\v 6 Chong inthup chu mahih ani, Thurchisa sikin Judangei, Pathien satvur an changna han Jentailngei khom an changdelsa, takpum inkhata mi an nia, Jisua Khrista taka Pathien chonginkhâm ha munkhatin an chang thei ani. 
\v 7 A sinthotheina ranak sintit jâra mi pêk, Pathien manboipêk satak han thurchisa tîrlâmin mi sin ani.
\p
\v 8 Keima hih Pathien mingei nâm lâia achîntak nêka achîn uol ki ni, hankhoma Pathien'n sintum satak mi pêk, Jentailngei kôma Khrista neina suisuok theiloi Thurchi Sa misîr rangin, 
\v 9 male Pathien mintuo inthup kâmnânga om rangin mi nâm kôm min mu ranga sin ania. Pathien, neinunngei murdi sinpu han, kum leivunsai ngeia chong inthup inrûk a dara, 
\v 10 ma anghan atûnlâia hin, koiindang sikin, vântîrton roijêkpungei le invânrama sinthotheinangei le a vârna dadang ngei murdi an inchu theina rangin. 
\v 11 Kumtuonga alei mintuo dungjûiin Pathien'n ei Pumapa Jisua Khrista jârin thang a min suo zoi. 
\v 12 Khrista ei inzompuina sik le ama ei taksôn sikin hâitak le ngamtakin Pathien kôm ei se thei zoi ani. 
\v 13 Masikin nangni sika intak ku tuongna sika hin nin jâminzal loina rangin nangni ki ngên ani, mangei hah nin satna rang inzie ani.
\s Khrista lungkhamna
\p
\v 14 Hingei sika hin Pa makunga khûk kên bil ngâi, 
\v 15 Pa, invân le pilchunga insûngkuo murdi'n an riming diktak an manna hah. 
\v 16 Ama Ratha jâra nin sûngrîl tieng râtna nin man theina ranga a roiinpuina rochon renga sinthotheina nangni a pêk theina rangin Pathien kôm ko zong ngâi, 
\v 17 male, Khrista hah taksônna sika nin mulungrîla aom theina rang le lungkhamna han ruzung mathâka lungphûm nin nei thei rangin ku chubai sa ngâia, 
\v 18 masikin, nangni, Pathien mingei nâm lehan Khrista lungkhamna inzar tie ngei, asei tie ngei, ânsâng le ânthûk tie ngei riettheina ratha nin dôn theina rangin. 
\v 19 Nangni minriet mikhip riei thei nino khomrese, a lungkhamna hah riet thei ungla Pathien nina atakin sipmat roi.
\p
\v 20 A kôma a sinthotheina ranak einia a sintitpu han, ei zong phâkloi le ei mindon phâkloi a tho theia: 
\v 21 zoratina Pathien kôm, koiindanga le Khrista Jisua han a roiinpuina chu tuonsôt tuonsôtin om tit reseh! Amen.
\c 4
\s Inpumkhatna takpum
\p
\v 1 Hanchu, keima Pumapa sintho sika intângmi hin: Pathien'n nangni a koi lâia nangni a dar lam angtaka om rangin nangni ke ngên ani. 
\v 2 Khotiklâi khom nunnêmna, rangâiinchîna le tuongtheina ngei dôn tit ngâi roi, nin lungkhamna hah tuongdiernân inkhat le inkhat chunga minlang roi.\x - \xo 4:2: \xo*\xt Kol 3:12-13\xt*\x* 
\v 3 Inngêina han inpumkhatna nangni akhitlomna ngei sika Ratha nangni a pêk inpumna hah dôn tit rangin nin theidôr pûtrît roi. 
\v 4 Pathien'n nangni a koina taka sabeina inkhat ani anghan takpum inkhat le Ratha inkhat mamang aom. 
\v 5 Pumapa inkhat, taksônna inkhat, baptisma inkhat aoma; 
\v 6 mitinngei Pathien le Pa inkhat aoma, ama hah neinun murdi Pumapa ania, neinun murdi chunga sin a thoa, neinun murdi chunga aom ani.
\p
\v 7 Khrista'n ei rangtum mi pêk lamtakin ei sika neinun manboipêk satak ei chang ani. 
\v 8 Pathien lekhabu'n,\x - \xo 4:8: \xo*\xt Lap 68:18\xt*\x*
\q1 “Chungtieng insângtaka a kal lâihan,
\q1 suok intângngei tamtak a tuonga;
\q1 Miriemngei kôm neinunpêkngei a pêk,” ati anghan.
\p
\v 9 “Chungtieng a kal” ti hih khoimo aomzie? Pilchung\f + \fr 4:9: \fr*\fq pilchung innuoitaka; \fq*\ft aninônchu \ft*\fqa mun innuoina taka, pilchung lelê ha. \fqa*\f* innuoitaka hin a juong chum bak tina ani. 
\v 10 Masikin, a juong chumpu nanâk hah pil le invân murdia aom let theina rangin invân chunga le invân pênah a se nôk ani. 
\v 11 “Miriemngei kôma neinunpêk a pêkpu” hah ama ania, mi senkhat chu tîrtonin a phuna, senkhat chu dêipu'n a phuna, senkhat chu Thurchisa misîrpu'n a phuna, senkhat chu koiindang enkolpu'n a phuna, senkhat chu mi minchupu'n a phun ani. 
\v 12 Khrista takpum sinmindingna rangin Pathien mingei murdi Khristien sinthona taka an inchel theina rangin maha a tho ani. 
\v 13 Male Pathien Nâipasal ei rietna le ei taksônna lama han ei rêngin ma inkhatnina han ei hong intûp rang ani; mitungsuo nîng ei ta, Khrista ulien nina insângtak hah phâk ei tih zoi. 
\v 14 Hanchu miriem milaknangei, an milak mang sika midangngei minvâi ngâi ngei, minchuna dikloi sika tuilien insôn ranak le sêm inmang anga nâipang nikhâi no ih. 
\v 15 Manêkin, ratha lungkhamna chongtak misîrin Khrista ei lu tieng lamtina hong insôn ei tih u. 
\v 16 Ama enkolna nuoia takpuma abâkngei murdi minsûk khomin rolotin sin atho chit anghan, takpumpui chu a sûr minding ani; Masikin abâk chitin sin an tho rang lamtakin an tho inchu takpumpui hah lungkhamna sikin insônin ândingsuok ngâi ani. \x - \xo 4:16: \xo*\xt Kol 2:19\xt*\x*
\s Khrista taka ringna thar
\p
\v 17 Hanchu, mahih Pumapa rimingin nangni ki minriet; sonongngei angin om khâi no roi, ha ngei mindonna ha chu asenaboi ania, 
\v 18 an mulungrîlngei khom ijînga om ani. An sêt sik le an mulungrîl inngar sika han Pathien pêk ringna han rangtum dôn makngei. 
\v 19 Inzak rietnangei murdi an minmanga, hurna le neinun innim murdi an nuom dôra tho rangin an inpêk zoi. 
\v 20 Khrista roi nin inchu ha chu ma anghan nimak. 
\v 21 Ama roi nin riet zoia, ama nûkjûipu ngei anghan Jisua chongtaka aom hah minchu nin ni zoia. 
\v 22 Masikin nin mi nina muruoa, milak ôina saloia, nin lei om lam muruo asietsai hah nûksong ta roi.\x - \xo 4:22: \xo*\xt Kol 3:9\xt*\x* 
\v 23 Nin mulungrîlngei le nin mulungbôkngei sin mintharin aom ngêt rang ani, 
\v 24 male mi nina thar, Pathien angna dôna sin ringna dik minlang le ânthienga han invo ngêt roi.\x - \xo 4:24: \xo*\xt Aph 1:26; Kol 3:10\xt*\x*
\p
\v 25 Hanchu milak om khâi nonia, mitinin a iempuipu kôma chongtak ril an tih zoi, Khrista takpuma mingei eini chit sikin.\x - \xo 4:25: \xo*\xt Zak 8:16\xt*\x* 
\v 26 Nin taksi khomin ma nin taksina han nunsie tieng nangni tuonglût no senla, sûntuonin taksi pumin om no roi.\x - \xo 4:26: \xo*\xt Lap 4:4 (LXX)\xt*\x* 
\v 27 Diabol hah zorânchum pêk no roi. 
\v 28 Inru ngâipu han inru tho khâi no senla, ama rang le inriêngngei a san theina rangin sin asa hah tho ta rese. 
\v 29 Mi siet thei chong mang no ungla, nin chong rangâi ngeiin satna an man theina rangin akâmom chong mi sinminding ngâi le an nâng a pêk ngâi moroina chong vai hah mang roi. 
\v 30 Pathien Ratha Inthieng hah min ngûi no roi; asikchu Ratha hah Pathien nangni mojôk rang Nikhuoa ama ta nin nina sînthona ani. 
\v 31 Mulungkhana, ngalna, taksina, êrona, inmumâkna ngei murdi hah mâk ngêt ta roi. 
\v 32 Manêkin, lungkham inlômin le mulungbôk minmun ungla, Pathien'n Khrista sikin nangni ngâidam angin inkhat le inkhat in ngâidam inlôm roi.\x - \xo 4:32: \xo*\xt Kol 3:13\xt*\x*
\c 5
\s Avâr taka om
\p
\v 1 Pathien nâi moroitakngei nin ni sikin ama phuo rangin nin pût ngêt rang ani. 
\v 2 Khrista'n mi lungkhama, eini rangin a ringna a pêka, inbôlna neinunpêk anga mirimhoi Pathien'n a râisân anghan, nin ringna hah lungkhamnân jêk ngêt rese.\x - \xo 5:2: \xo*\xt Jôk 29:18; Lap 40:6\xt*\x*
\p
\v 3 Pathien mingei nin ni zoi sikin, nin lâia inditnasaloi ngei, inthiengloina ngei aninônchu inruôkna ngei, nin bâia nin ril luo hih adikloi ani. 
\v 4 Bâingal ngei, chongkâmboi ngei, tusiem porinche ngei khom nin mang rangin inhoi mak; ha ngei ril nêkin Pathien kôm râisânchongril roi. 
\v 5 Tutên hurindit song le inthiengloi le inruôkngei (inruôk hih mirmil biek ani) murdi'n, Khrista le Pathien Rêngrama rangtum man noni ngei ti nin riet minthâr sikin.
\p
\v 6 Tutên chongkâmboi leh nangni huong no rese ngei; ma neinunngei sikin kêng Pathien taksina hah ama chongdonloipungei chunga ajuongtung rang ani. 
\v 7 Masikin ma anga mingei lehan ite inzomkhômna dôn rangin tho no roi. 
\v 8 Nangni nanâkin ijînga lei inmangin nin om ngâia, hannirese Pumapa mingei nin hongni zoia, masikin avâra om ngâi mingei anghan nin om ngêt rang, 
\v 9 satnangei, diknangei le chongtak jâttin mara tamtak musuok hih avâr\f + \fr 5:9: \fr*\fq avâr; \fq*\ft ei ti hih miziek senkhata chu \ft*\fqa Ratha \fqa*\ft an ti ani.\ft*\f* chu ani. 
\v 10 Pumapa râisânna ngâi hah imo ani riet rangin pût roi. 
\v 11 Mingei an sin ngâi kâmnângloi neinunngei hah ite tho no roi, ijîng ta neinunngei hah. Manêkin avârna hongtuong pai ngei roi. 
\v 12 (Inrûka an tho ngâi neinunngei chungroi hih chu amisîr khom inzakpui aom sabak tatak ani.) 
\v 13 Male neinunngei murdi hi avâra hong tuongin aomin chu, an nina diktak hah ânthârin ânlang ngâia; 
\v 14 i-ih neinun khom ânthârlaka inlanga omngei ngân chu avâr ani sikin. Ma sika han kêng,
\q1 “Nangma a in meng inla,
\q2 thina renga inthoi roh,
\q1 hanchu, Khrista'n nu chunga juong êlminvâr atih,” a ti hah.
\p
\v 15 Masikin mi inmôlngei angin om loiin, mivârngei anga omin, nin om lama singthei roi. 
\v 16 Nikhuongei hih asa khâi loi sikin, zorânchum nin dôn ngei hah mang mindik ta roi. \x - \xo 5:16: \xo*\xt Kol 4:5\xt*\x* 
\v 17 Masikin moh no ungla, Pumapa'n nin sin ranga a nuomngei hah riet rangin pût ta roi. 
\v 18 Ju inrûiin om no roi, nangni vai kêng nangni asiet rang; manêkin Ratha'n sip roi. 
\v 19 Lapuingei chongbâingei, minpâkna lângei, male la inthiengngei leh inrokôk ungla; minpâkna lângei lapuingei lehan nin mulungrîlngeia Pumapa kôm minpâkna lâtho roi.\x - \xo 5:19-20: \xo*\xt Kol 3:16-17\xt*\x* 
\v 20 Neinunnâm chunga ei Pumapa Jisua Khrista rimingin, zoratin Pa Pathien kôm ngêt han râisânchongril roi.
\s Lômnungei le lômpangei
\p
\v 21 Khrista taka nin inthieng sikin inkhat le inkhat inpêklût inlôm roi. 
\v 22 Lômnungei, Pumapa kôm nin inpêklût anghan nin lômpangei kôm inpêklût roi.\x - \xo 5:22: \xo*\xt Kol 3:18; 1 Pet 3:1\xt*\x* 
\v 23 Khrista chu ama takpum, koiindang sanminringpu ania, koiindang chunga racham a nei anghan pasal khomin a lômnu chunga racham a nei ani. 
\v 24 Koiindangin Khrista chunga ânpêklût anghan lômnungei khomin an lômpangei chunga an inpêkrip rang ani.
\p
\v 25 Lômpangei, nin lômnungei lungkham roi. Khrista'n koiindang a lungkham sikin a ringna a pêk anghan.\x - \xo 5:25: \xo*\xt Kol 3:19; 1 Pet 3:7\xt*\x* 
\v 26 Koiindang hah tuia rusûk minsâia, ama chong sika han Pathien kôm a pêk theina ranga maha a tho ani. 
\v 27 Innimna koploi, demnaboi, minchâinaboi, kôknaboi le jûrnaboi le chukloina reng omloia, ama kôm nanâka koiindang hah a pêk theina rangin. 
\v 28 Ma anghan, pasalngei khomin an takpum angtakin an lômnungei an lungkham ngêt rang ani. A lômnu lungkham kai chu ama ânlungkham ani. 
\v 29 (Tutên ama takpum heng ngâi mak, a vâiin a donsûi ngâi; Khrista'n koiindang a donsûia a vâi ngâi anghan, 
\v 30 a takpum abâkngei eini sikin) 
\v 31 Pathien lekhabu'n, “Masikin pasalin a nû le a pa mâk a ta, a lômnu leh inpumkhat an ta, inik hah inkhat chang an tih,”\x - \xo 5:31: \xo*\xt Aph 2:24\xt*\x* ati anghan. 
\v 32 Ma Pathien Lekhabua han chongtak inthup inthûk minlanga om aom, maha keiman chu Khrista leh a koiindang a misîrnân ki rietthei. 
\v 33 Aniatachu nangni tieng khom mang thei ania; pasal nâmin anni angin, an lômnungei an lungkham rang ani, lômnungei nâm khomin an pasalngei mirit an tho rang ani.
\c 6
\s Nulepangei le nâingei
\p
\v 1 Nâipangngei, Pumapa taka han nin nulepangei chongdon roi, maha nin Khristien sintum tak,\f + \fr 6:1: \fr*\ft Miziek senkhat ngeia chu \ft*\fq maha nin Khristien sintum tak\fq*\ft ti hih ommak ani.\ft*\f* le neinun dik tak ani.\x - \xo 6:1: \xo*\xt Kol 3:20\xt*\x* 
\v 2 “Nin nû le pa ngei mirit tho roi,” ti hih chongpêk masataka lei khâm ani:\x - \xo 6:2,3: \xo*\xt Jôk 20:12; Bal 5:16\xt*\x* 
\v 3 “Masikin ninta rangin sâng a ta, pilchunga nin dam sôt atih.”
\p
\v 4 Nulepangei, nin nâingei ningthik rang lamin tho pe no ungla. Manêkin, Khristien rilna le minchuna han kairuoi ngei roi.\x - \xo 6:4: \xo*\xt Kol 3:21\xt*\x*
\s Suokngei le pumangei
\p
\v 5 Suokngei, Khrista sintho anghan ichi le innîk pumin mulungrîl diktakin taksa tienga nin pungei chongdon roi.\x - \xo 6:5-8: \xo*\xt Kol 3:22-25\xt*\x* 
\v 6 Nangni an modômna rangin, an mitmu kârin vai sin no ungla, Khrista suokngei anghan Pathien'n a nuomna hah nin mulungrîl murdi'n jôm roi. 
\v 7 Miriem sin vai niloia, Pumapa sintho asa anghan nin sin hah suok angin tâihieiin sin roi. 
\v 8 Mitinin suok khom suok niloi khom sin asa an tho lam angtakin Pumapa'n râisânman pêk atih, ti hih riettit roi.
\p
\v 9 Suok pumangei, nin suokngei tieng khom ha ang nanâk han tho ungla, misi ngei khâi no roi. Nangni le nin suokngei puma hah, invâna aoma, mi murdi chunga ân-angsâra roijêkpu ta nin ni, ti riettit roi.\x - \xo 6:9: \xo*\xt Bal 10:17; Kol 3:25; 4:1\xt*\x*
\s Pathien râlrovo pumpui
\p
\v 10 Anûktaka chu, Pumapa taka sinthotheina lien lehan nin ranak minding roi. 
\v 11 Diabol huongvâr saloingei nin doi zoi theina rangin, Pathien'n nangni a pêk râlrovo murdia han invo roi. 
\v 12 Ei inbuonpui ngei hih taksa le thisen nimak ngeia, invânrama ranak, ratha saloingei, roijêkpungei, rachamneipungei, hi ijîng chunga rammuola ratha saloi ranakngei hi an ni. 
\v 13 Masikin atûn Pathien râlrovo invo ta roi. Hanchu, nikhuo saloi ahong tungin, râlngei ranak song hah nin khap zoia, among dêna nin insuolpui ngei suonûk khomin lânding thei tit nin tih.
\p
\v 14 Masikin, indingdet ungla, chongtak hah kongkhit angin nin konga khit ungla, dikna hah rôpphoa mangin,\x - \xo 6:14: \xo*\xt Isa 11:5; 59:17\xt*\x* 
\v 15 inngêina Thurchi Sa misîr ranga inthokna hah kekok angin mang roi.\x - \xo 6:15: \xo*\xt Isa 52:7\xt*\x* 
\v 16 Zoratin taksônna hah pho angin mang ungla, mahan Saloi Inkhatpa renga thal kâp meichuong murdi ngei hah that thei nin tih. 
\v 17 Sanminringna hah thîr tapor angin lâk ungla, Ratha'n nangni a pêk Pathien chong hah khandai angin lâk roi.\x - \xo 6:17: \xo*\xt Isa 59:17\xt*\x* 
\v 18 Ha ngei murdi hah chubaithoa Pathien kôm ngên pumin tho roi. Khotiklâi khomin, Ratha'n nangni aruoi lam takin chubaitho ngâi roi. Masika han mâk tet loiin inning tit ungla, zoratin Pathien mingei ta rangin chubaitho sa ngâi roi. 
\v 19 Hâitakin thurchi ki misîra, thurchisa taka inthup hah ki min riet theina ranga phuong ranga kên ding tika, Pathien chong mi pêkna rangin keima rang khomin chubai ni tho pe sa ngâi roi. 
\v 20 Atûn intângina om khom inlang, ha thurchisa palâi hah ki ni. Masikin thurchisa misîrna lama ka hâi rang lam angtaka ka hâi theina rangin chubai mi tho pe sa ngâi roi.
\s Azoina chibai
\p
\v 21 Ku chungroi nin riet theina rangin Tychicus, lâibung moroitak le Pumapa sinthona taka tîrlâm taksônomtakpu han, ku thurchi anrêngin nangni lei ril a tih.\x - \xo 6:21: \xo*\xt Sin 20:4; 2 Tim 4:12\xt*\x*\x - \xo 6:21,22: \xo*\xt Kol 4:7-8\xt*\x* 
\v 22 Masik taka hin ama hah ko hongtîr ani, kin rênga kin chungroi nangni ril rang le nangni mohôk rangin.
\p
\v 23 Khristien sûngsuokngei nâm chunga, Pa Pathien le Pumapa Jisua Khrista'n taksônna lehan, inngêina le lungkhamna, nangni pêk rese. 
\v 24 Lungkhamna thiloi leh ei Pumapa Jisua Khrista lungkham titpu ngei murdi kôm han Pathien moroina hah om rese.