\id COL Sakachep: Bible Translation 1st Edition
\ide UTF-8
\ide Unicode (UTF8)
\h Kolossa Mingei
\toc1 KOLOSSA Mingei kôma Paul Lekhamuthuon
\toc2 Kolossa
\toc3 Kol
\mt1 KOLOSSA
\mt2 Mingei Kôma Paul Lekhamuthuon
\imt1 Chongmaruoi
\ip \bk Kolossa Mingei kôma Tîrton Paul Lekhamuthuon\bk* hih Asia Te sûnga khopui inkhat, Ephesi nisuotienga om Kolossa koiindang kôma miziek ani. Hi koiindang hih Paul'n a lei phun chu nimaka, hannirese Asia rama Roman ramhuola khopui munpuitak, Ephesi renga sinthopungei a tîr anghan Paul sinpêlna mun sûnga om ani. Kolossa koiindanga hin minchupu dikloingei an oma, mangei han Pathien riet theina rang le sanminringna akipdira dôn theina rangin chu “rathatienga roijêkpungei le rachamneipungei” chubaimûk ngêt rang ani, tiin dikloi takin mi an minchu ngâi hih Paul'n a lei riet ani. Mapêna, hi minchupungei hin, sertan balama inpêklût ngêt rang ani ti le sâk nêk roia le neinun dangngeia khom balam ngartak an jôm ngêt rang ani an ti sa ngâi.
\ip Paul'n hi minchunangei hih Khristien chongbe adiktak leh doi rangin a miziek ani. A thuona mulungbôk tak chu Jisua Khrista'n sanminringna akipin a pêk theia, adiktakin hi iemna dangngei le balam dangngei hih ama renga a ruoi minmang thei ani. Khrista jârin Pathien'n rammuol a sina, ama jârin a tieng a tuong nôk ani. Khrista leh inzom vaiin kêng rammuol ranga sanminringna sabeina aom thei ani. Paul'n hi minchuna roiinpuingei hih a iempungeiin an ringnuna an mang thei rang lamin a sin pe ngei ani.
\ip Mahih riet ranga alut ania, Kolossa mingei kôma Paul lekhamuthuon chôipu Tychicus hih suok Onesimus, ruthûla Paul'n, \bk Philemon\bk* kôma lekha a miziek pepu'n a sepui sa ani.
\is1 Asûnga chongtângpuingei
\io1 Chongmaruoi \ior 1:1-8 \ior*
\io1 Khrista nina le a chuonsin \ior 1:9—2:19\ior*
\io1 Khrista taka ringna thar \ior 2:20—4:6\ior*
\io1 Chongkhârna \ior 4:7-18 \ior*
\c 1
\p
\v 1 Paul, Pathien lungdoa Khrista Jisua tîrton le ei lâibungpa Timothy ngei renga han,
\p
\v 2 Kolossa sûnga Pathien mingei kôm, Khrista leh inzoma taksônomtak kin lâibungngei le sarnungei:
\p Pathien ei Pa'n moroina le inngêina nangni pêk rese.
\s Râisânchongril chubaithona
\p
\v 3 Nin ta ranga chubai kin tho racham, zoratin Pathien, ei Pumapa Jisua Khrista Pa kôm han râisânchong kin misîr bang ngâi. 
\v 4 Khrista Jisua taka nin taksônna le Pathien mingei murdi ranga nin lungkhamna hah kin lei riet sikin. 
\v 5 Thurchi Sa, chongtak nin kôm ahong phut masa lâihan, sabeina a pêk ngâi thurchi hah nin riet zoi. Masikin nin taksônna le lungkhamna ngei hah nin sabeina chunga ânngama, ma hah nangni rangin invâna hôiin dar ani zoi. 
\v 6 Nin lâia thurchisa ahong tung masa nia Pathien moroina roi nin lei riet mindik anghan rammuol pumpuia satvurnangei hong mintungin le phuong minzarin aom zoi ani. 
\v 7 \x - \xo 1:7: \xo*\xt Kol 4:12; Philm 23\xt*\x*Epaphras, kin tîrlâm champui moroitak, kin\f + \fr 1:7: \fr*\fq kin; \fq*\ft ti hih miziek senkhat ngeia chu \ft*\fq nin \fq*\ft tiin an dôn.\ft*\f* ruthûla Khrista sinthopu taksônomtak renga Pathien moroina nin inchu ani. 
\v 8 Ama han Ratha'n lungkhamna nangni pêk hah khom mi ril zoi ani.
\p
\v 9 Masika hin, nin chungroi kin riet renga chu zoratin ninta rangin kin chubai ngâi. Ama Ratha'n vârna le riettheina murdi nangni pêka, ama lungdo rietna leh nin hong sip theina rangin Pathien kôm kin ngên ngâi ani. 
\v 10 Hanchu Pumapa nuomlam anghan nin om theina rang le zoratina a râisânruo nin tho theina rangin. Nin ringnun han sin asa ngei murdi musuokin, male Pathien nin rietna han nin insôn rang ani. 
\v 11-12 Masikin neinun murdi diertaka nin tuongdier theina rangin a sinthotheina roiinpuitak renga hong râtnangei lehan a râtin nangni sin rese. Male rêngram avârna han Pathien'n a mingei ta ranga rangtum a hôi pe ngei hah nin chang theina ranga\f + \fr 1:11-12: \fr*\fq tuongdierna leh. Male râisânna leh a kôm râisânchongril roi; \fq*\ft aninônchu \ft*\fq tuongdierna le râisânna leh. Male a kôm râisânchong mintung roi.\fq*\f* ânhoiin nangni sinpu Pa kôm mulung râisântakin râisânchongril roi. 
\v 13 Ama'n ijîng sinthotheina renga mi kêlsuoa, a Nâipasal moroitak rêngrama han mi sanminjôkin mi hong tuong lût zoia, 
\v 14 ama'n mi mojôka, maha, ei sietnangei hah mi ngâidam zoi ani. \x - \xo 1:14: \xo*\xt Eph 1:7\xt*\x*
\s Khrista sintho le anina
\p
\v 15 Khrista muthei hih mutheiloi Pathien in-angpui ani. Ama hih Nâipasal masatak ania, neinun sinngei murdi nêka ânchungtak ani. 
\v 16 Ama jârin Pathien'n invâna neinunngei murdi le pilchunga neinunngei murdi a sina, muthei le mutheiloi neinunngei; le ratha sinthotheinangei, pumangei, roijêkpungei, rachamneipungei khom minlûtsa ani. Rammuol pumpui hih Pathien'n ama jârin a sin ania, ama ta rang ani. 
\v 17 Khrista chu neinunngei murdi om mân a lei omsai piel ania, ama leh inzomin neinunngei murdi an omna mun diktaka an om ani. 
\v 18 \x - \xo 1:18: \xo*\xt Eph 1:22,23\xt*\x*Ama hih a takpum, koiindang lu ania; ama hih takpuma ringna bulpui ani. Ama hih Nâipasal masa, neinunngei murdi chunga ama vai hih mun masatak a chang theina rangin thina renga kaithoiin aompu hah ani. 
\v 19 Pathien nina akipdira Nâipasal sûnga om hah Pathien'n ama nanâkin a lungdoa roimasat ani. 
\v 20 \x - \xo 1:20: \xo*\xt Eph 2:16\xt*\x* Hanchu, Nâipasal jârin Pathien'n rammuol pumpui ama tieng nanâk hong tuong nôk rangin a masat zoi. Pathien'n a Nâipasal khros chunga a thisen\f + \fr 1:20: \fr*\fq a Nâipasal thisenin; \fq*\ft aninônchu \ft*\fq a Nâipasal thina inbôlna.\fq*\f* jârin inngêina a sina, masikin pilchung le invâna om neinunngei murdi ama nanâkin anruonin a kôm ahong tuong mikhîr nôk ngei zoi ani.
\p
\v 21 Zora khat chu nangni khom neinun saloingei nin sin sik le nin mindon sikin Pathien renga alazanna omin a râlngei nin lei ni. 
\v 22 Aniatachu atûnhin, a Nâipasal taksa thina sikahan a malngeiin nangni sinin a makunga ânthieng, demnaboi le minchâinaboia nangni tuong theina rangin. 
\v 23 Hannirese nin indingna han taksônomin le dettakin nin om bang ngêt rang ani. Thurchisa nin rieta sabeina nin manna renga han nangni nanâkin inthînpai rangin nin inphal tet rang nimak. Hi thurchisa hih rammuola mitin kôm misîr ani zoia; keima Paul hih ma thurchisa tîrlâm ko hongni zoi ani.
\s Koiindang tîrlâm anga Paul sinthona
\p
\v 24 Atûn nangni ranga ku dûktongnangei roia hin ka râiasân. Taksân ku dûktongnangei sika hih Khrista'n a takpum koiindang ruthûla a dûktongnangei aminieng alaomngei zoi ranga ka sanna ani. 
\v 25 Nin satna ranga sin minlang ranga mi pêkpu Pathien'n koiindang tîrlâmin mi sin zoi ani. Hi sin hih a thurchisa misîr mikhip rang hih ania, 
\v 26 ma Pathien chong hah zora vunsai ngei han chu munisi jâtngei renga thupin aom ngâia, aniatachu atûnhin chu a mingei kôm a minlang zoi. 
\v 27 Mi murdi ta ranga chonginthup anei le roiinpuitak a dôn hih a mingei min riet hih Pathien mintuo ani. Ma chonginthup ha chu Khrista nangnia a om sika Pathien roiinpuina nin chang sa rang hah ani. 
\v 28 Masikin mimal tinin Khrista leh inzomin Pathien makunga mitungsuo anghan kin hong tuong theina rangin vârna murdia rilin, minchûn, mitin kôm Khrista thurchisa kin misîr ngâi ani. 
\v 29 Ma sintho rang han Khrista râtna inchungtak mi pêk ngâi le ku sûnga sintho ngâi hih mangin asân ranak songin ki sin ngâi ani.
\c 2
\p
\v 1 Nangni le Laodikea sûnga omngei rang le midang ki misanga mi la rietloingei nâm rangin idôrtak mo sintho ranak ko songtie hih nangni ril rong. 
\v 2 Hima hih ko thona abi chu mulungrîl hâinân an hong sipa, male lungkhamnân munkhatin an inchunna, riettheina adikin an dôn ngâi rietminthârna akipdir an dôn theina rangin ani. Ma anghan Pathien chonginthup hah hong riet an ta, ma Khrista nanâk hah ani.\f + \fr 2:2: \fr*\fq Pathien chonginthup, maha Khrista nanâk hah ania; \fq*\ft miziek senkhat ngeia chu \ft*\fq Pathien chonginthup; \fq*\ft adangngeiin \ft*\fq Pathien chonginthup Khrista Pa; \fq*\ft adang nôkchu \ft*\fq Pathien le Pa, male Khrista chonginthup: \fq*\ft tiin an dôn ani.\ft*\f* 
\v 3 Ama hih Pathien vârna le rietna rochon inthupngei mo-ongna châbi ani.
\p
\v 4 Hanchu, nangni ki ril, tutên inkhalna dikloiin nangni huong no rese ngei, idôra asa angin khom inlang rese ngeia ite nimak ngei. 
\v 5 Taksân nin kôm om khom no ronga, hannom ratha'n chu nin kôm ko om tit ngâi, male Khrista taksônna lehan munkhatin nin inding detna inruol hah ku mu anghan ka râiasân ani.
\s Khrista taka ringna akipdirna
\p
\v 6 Khrista Jisua hah Pumapa'n nin lei pomsai anghan, ama leh inzomin om tit roi. 
\v 7 Ama han ruzung inthûk mathâk ungla, nin ringna hah ama chunga sinminding ungla, male nin taksônna han hong rât uol roi, minchua nin om anghan. Râisân chongrilna leh sip sa roi.
\p
\v 8 Hanchu, tutên Khrista renga niloiin miriem kuta pêk, minchunangei renga le rammuol ratha saloingei roijêkna renga miriem vârna sika huongna kâmnângloi suokin nangni an sin loina rangin indîn roi. 
\v 9 Khrista, miriem nina sûnga han Pathien nina akipin aoma, 
\v 10 male nangni khom ama leh nin inzomna han ringna akipin pêkin nin om zoi. Ama chu rathatienga roijêkpungei le rachamneipungei nâm chunga Rachamneipu lientak ani.
\p
\v 11 Khrista leh nin inzomna han sertan nin ni zoi, miriemngei sertan an tho anghan niloiin, Khrista sertana leh hi taksa nunsie sinthotheina renga sanminjôkna lehin. 
\v 12 \x - \xo 2:12: \xo*\xt Rom 6:4\xt*\x*Baptis nin chang han Khrista leh phûmin nin om zoia, male ma baptisma nanâk han thina renga a kaithoipu Pathien sinthotheina hah taksônna nin dôn sikin Khrista leh kaithoiin nin om sa zoi. 
\v 13 \x - \xo 2:13: \xo*\xt Eph 2:1-5 \xt*\x* Moton han chu nin sietnangei sikin le Jentail Balam boi nin ni sikin rathatienga thi nin lei ni. Aniatachu Pathien'n atûn chu Khrista leh nin inzomna han nangni a minring zoi. Pathien'n ei sietnangei murdi mi ngâidam zoia; 
\v 14 \x - \xo 2:14: \xo*\xt Eph 2:15 \xt*\x* ei lâkâi intângngei lungkhamna chang phâkloi ranga mizieka omngei leh balam mikhit ngâi ngei hah khâi paiin Khrosa peret leh jêmdelin a minhek suozoi ani. 
\v 15 Ma khros chunga han Khrista'n ratha roijêkpungei le rachamneipungei\f + \fr 2:15: \fr*\fq Khrista'n ratha roijêkpungei le rachamneipungei sinthotheina renga ama nanâkin jôkpaiin; \fq*\ft aninônchu\ft*\fq Khrista hah rathatienga roijêkpungei le rachamneipungei an sinthotheina a lâkpai pe ngei zoi.\fq*\f* sinthotheina renga ama nanâkin jôkpaiin; ma a menênangei hah mitin mu rangin a minlang zoi ani.
\p
\v 16 \x - \xo 2:16: \xo*\xt Rom 14:1-6\xt*\x* Masikin nin sâk, nin nêk roia, aninônchu nikhuo inthieng ngei roia aninônchu Tha Thar Khohoia aninônchu Sabbathni roia mini, tutên roineina nangni dôn pe no rese ngei. 
\v 17 Ma anga neinunngei murdi hah chu sûnmotona neinun hongom rang ngei rilîm vai kêng an nia; atatak chu Khrista ani. 
\v 18 Tukhom inlârna adangviek ngei mu sikin ânchungtak ni ranga, misîra, nunnêmna dikloi dôn rang le vântîrtonngei chubaimûk rang ti ngei han theiloi nangni minchang rangin nangni nanâkin inphal no roi. Mangei hah ite ni uol makngei, ma anga mingei hah chu an miriem mindonân ânpâk an nia 
\v 19 \x - \xo 2:19: \xo*\xt Eph 4:16\xt*\x* male mangei han takpum lu Khrista hah mutu khâi mak ngei. Khrista enkolna nuoia takpumpui hah asân donsuiin, rolo le ratharûi inchunna ngei le ânzomna ngei hah munkhata minchunin, Pathien'n ânsôn ranga a nuom anghan ânsôn ngâi ani.
\s Khrista leh thina le ringna
\p
\v 20 Khrista leh nin thia hi rammuol rathangei renga nin jôksaipiel hah, ithomo rammuol mingei anghan nin la om bang? Ithomo hi balamngei, 
\v 21 “Mang no roh,” “Sâk no roh,” “Tôn no roh,” ti ngei hih nin jôma? 
\v 22 Mangei hah chu miriemngei an sin balamngei le minchunangei an nia; vêlkhat mang suonûkin chu kâmnângloi neinunngei kêng an ni. 
\v 23 Hi rangrâta vântîrtonngei chubaimûk rang ti mo, nunnêmna dikloi dôn rang ti mo, takpum dûkmintong rang ti ngei mo hi vârna chunga ânngamin inlang khom rese ngeia; taksa ôinangei enkolna rangin chu alutna diktak dôn mak ngei ani.
\c 3
\p
\v 1 \x - \xo 3:1: \xo*\xt Lap 110:1\xt*\x* Khrista leh aringin kaithoiin nin om zoi, masikin Pathien kut changtienga Khrista insungna rêngsukmuna neinunngei chunga khin nin mulungngei dar roi. 
\v 2 Hi pilchunga neinunngei chunga niloiin, chungtienga neinunngei khin nin mulungrîlngei minngamphar roi. 
\v 3 Nin thi zoia, nin ringna hah Khrista leh Pathien kôm thupin aom zoi. 
\v 4 Nin ringna tatak chu Khrista ania, a juong inlâr tika chu nangni khom ama leh inlâr nin ta, a roiinpuina chang sa nin tih.
\s Ringna muruo le thar
\p
\v 5 Hanchu, nin pilchung ôinangei nin sûnga sinthongei, inditnasaloingei, ominthiengloi, ôinasaloingei, hurporinchengei, inruôknangei (inruôknangei ti hih mirmil biek ani), ma anga ngei hih nin that ngêt rang ani. 
\v 6 Ma neinunngei sikin kêng Pathien taksina a chong donloipu ngei chunga\f + \fr 3:6: \fr*\ft Miziek senkhata chu \ft*\fq chongdonloipu ngei chunga \fq*\ft ti hih dôn mak ngei\ft*\f* ajuong tung rang ani. 
\v 7 Nangni nanâk khom moton han chu ma ôinangei han nin chunga roi ajêk lâihan chu ma dungjûiin nin om ngâia.
\p
\v 8 Aniatachu, atûn hi neinunngei murdi: taksina, ngalna, inmûmâkna ngei hih nin mâk ngêt rang ani. Inêronangei, chongbâingalngei hih nin bâingei renga suok khâi no rese. 
\v 9 \x - \xo 3:9: \xo*\xt Eph 4:22\xt*\x* Inkhat le inkhat inhuong inlôm no roi, miriem muruo leh a thobaisingei hah nin khekpaia, 
\v 10 \x - \xo 3:10: \xo*\xt Aph 1:26; Eph 4:24 \xt*\x* miriem tharin nin invo zoi sikin. Ama rietna akip nin dôn theina rangin ma miriem thar hah Pathien, a Sinpu, rimil angin sinminthar bangin aom ngâi ani. 
\v 11 Ma ringna thara han chu Jentialngei le Judangei, sertan le sertanloingei, amolmangei, pentienga mingei, suokngei le suokniloi ateina reng om khâi mak, Khrista chu anrêngin anileta, anrênga sûnga aom let ani.
\p
\v 12 \x - \xo 3:12-13: \xo*\xt Eph 4:2\xt*\x* Pathien mingei nin ni zoia; nangni lungkhama, male ama ta ni rangin nangni a thang zoi ani. Masikin inkaninlômna, inriengmuna, nunnêmnangei, rangâiinchînangei, tuongdiernangei leh nangni nanâkin nin invo ngêt rang ani. 
\v 13 \x - \xo 3:13: \xo*\xt Eph 4:32\xt*\x* Tukhomin tu chunga makhat roi bâiinkham nin dôn zora khomin tuongthei roi, Pumapa'n nangni a ngâidam anghan inkhat le inkhat inngâidam inlôm ngêt roi. 
\v 14 Ma nina ngei murdi chunga han lungkhamna bôk sa roi, maha neinunngei murdi inruolna achuka khitlompu ani. 
\v 15 Khrista inngêina nangni pêk hah inruolna nin sinna han nangni kairuoi rang ani; Ma inngêina chang rangin Pathien'n takpum inkhata munkhata om rangin nangni a koi ani. Nin râiminsân roi. 
\v 16 \x - \xo 3:16-17: \xo*\xt Eph 5:19-20\xt*\x* Khrista chong chu aneinangei nâm leh nin mulungrîlngeia om rese. Vârna murdi ngei leh inril inlômin, inchû inlôm roi. Nin mulungrîla Râisânchongril pumin Pathien minpâkna Lapuingei, minpâkna lângei, lâ inthiengngei tho pe roi. 
\v 17 Male nin sinna le nin tina ngei nâma, Khrista jâra Pa, Pathien kôm râisânchongril pumin Pumapa Jisua rimingin nin tho ngâi rang ani.
\s Ringna thara misang inkainangei
\p
\v 18 \x - \xo 3:18: \xo*\xt Eph 5:22; 1 Pet 3:1\xt*\x* Lômnungei, nin lômpangei kôm inpêklût roi, maha Khristienngei nin ni anghan nin tho rang piel ani.
\p
\v 19 \x - \xo 3:19: \xo*\xt Eph 5:25; 1 Pet 3:7\xt*\x* Lômpangei, nin lômnungei lungkham ngei ungla, an chunga nin nunminsie no roi.
\p
\v 20 \x - \xo 3:20: \xo*\xt Eph 6:1\xt*\x* Nâipangngei, zoratin nin nulepangei chong don roi, maha nin Khristien sintum ranga Pathien nuomlam ani.
\p
\v 21 \x - \xo 3:21: \xo*\xt Eph 6:4\xt*\x* Nulepangei, nin nâingei min nuor no roi, jâmzalin hong om ni ngei.
\p
\v 22 \x - \xo 3:22-25: \xo*\xt Eph 6:5-8\xt*\x* Suokngei, neinunngei murdia taksa tienga nin pungei chongdon roi, nangni an pomna rang nuomin an mitmu kâr vai jôm no ungla; Pumapa mân nin thona sikin mulungrîla takintâitakin don roi. 
\v 23 I-ih khom nin tho ngei murdi chu miriem ta rang anghan sin loiin, Pumapa ta rang anghan nin mulungrîl murdi'n sin roi. 
\v 24 Khrista hih Puma tatak ani tia, sin nin tho sikin a mingei ta ranga râisânman a darsai hah Pumapa'n nangni a pêk rang tiin riettit roi. 
\v 25 \x - \xo 3:25: \xo*\xt Bal 10:17; Eph 6:9\xt*\x* Neinun dikloi thopu ngei chu an neinun dikloi thona aman man an ta, Pathien'n mitin chunga ân-angsarin roi a jêk ngâi sikin.
\c 4
\p
\v 1 \x - \xo 4:1: \xo*\xt Eph 6:9\xt*\x* Pumangei, nangni khom invâna Puma nin dôn ti rietitin, suokngei nin dôna han asadimin le adiktakin dôn ngei roi.
\s Rilnangei
\p
\v 2 Chatloiin chubaitho ngâi ungla, male chubai nin tho anghan inningchienin, Pathien kôm râisânchongril ngâi roi. 
\v 3 Ma angdên han Khrista chonginthup misîrna rangin Pathien'n zorânchum mi pêk theina rangin keini rang khom chubai mi tho pe sa roi. Atûna intânga ko om sika hin. 
\v 4 Hanchu, ki misîr rang anghan ânthârtaka ki misîr theina rangin chubai mi tho pe sa roi.
\p
\v 5 \x - \xo 4:5: \xo*\xt Eph 5:16\xt*\x* Iemloipungei chunga nin singinsana han vârtakin om ungla, zorânchum nin dôn murdi asadimin mang roi. 
\v 6 Mitin kôm chong diktaka nin thuon theina rangin zoratin nin chongbâisuok hah chonghoi le mulunglût om ni tit rese.
\s Azoina chibaimûknangei
\p
\v 7 \x - \xo 4:7: \xo*\xt Sin 20:4; 2 Tim 4:12\xt*\x* \x - \xo 4:7,8: \xo*\xt Eph 6:21,22\xt*\x* Pumapa sinthona taka taksônomtak le kin tîrlâm champui, kin lâibungpa moroitak Tychicus, hin ku chungroi murdi nangni ril a tih. 
\v 8 Hima sik taka hin ama hih nin kôm ko hongtîr ani, kin rêngin kho angin mo kin omlam nangni a rila nin tâi theina rangin. 
\v 9 \x - \xo 4:9: \xo*\xt Philm 10-12\xt*\x* Ama leh lâibungpa moroitak le taksônomtak, nin pâla mi Onesimus khom a hong sa. Anni ngei han hi tienga neinun hongtungngei murdi nangni ril an tih.
\p
\v 10 \x - \xo 4:10: \xo*\xt Sin 12:12,25; 13:13; 15:37-39; \xt*\xt Sin 19:29; 27:2; Philm 24 \xt*\x* Keima leh intâng ina ompu Aristarchus hin chibai nangni a hong muthuon; male Mark, Barnabas lâibungpa khom hin chibai nangni ahong muthuon sa. (Lamdon ranga rilna nin mansai anghan ahongin chu lei phâm roi.) 
\v 11 Joshua, Justus tiin khom an koi sa ngâi, ama khomin chibai nangni a hong muthuon sa. Juda iempungei lâia chu hi mi inthum ngei vai kêng keima leh Pathien Rêngrama sintho an ni, male anni ngei hin min san tatak ngâi ani.
\p
\v 12 \x - \xo 4:12: \xo*\xt Kol 1:7; Philm 23\xt*\x* Nin pâla midang inkhat Epaphras, Khrista Jisua tîrlâm renga khom chibai nangni a pêk. Ama hin Pathien lungdo nin jôm mikhipa mitungsuo le Khristien dingmuna nin inding detna rangin zoratin Pathien kôm chubaithôn nangni a ngên pe bang ngâi ani. 
\v 13 Nin ta rang le Laodikea le Hierapolis mingei ta ranga a sintho ranak songtie hih keima misang rengin ki rietpui ani. 
\v 14 \x - \xo 4:14: \xo*\xt 2 Tim 4:11; Philm 24; \xt*\xt 2 Tim 4:10; Philm 24\xt*\x* Ei moroitak doctor Luke, le Demas ngeiin chibai nangni an hong muthuon ani.
\p
\v 15 Laodikea sûnga lâibungngei le sarnungei, nupangnu Nympha le a ina\f + \fr 4:15: \fr*\fq Nympha … amanu ina; \fq*\ft miziek senkhat ngei chu \ft*\fq Nymphas … a ina\fq*\f* koiindang inkhôm ngâi ngei hah kin chibai satak pêk ngei roi. 
\v 16 Hi lekhamuthuon hih nin pore suole chu Laodikea koiindanga khom pore sa ngêt nirse duo. Ma angdênin, Laodikea sûnga lâibungngei le sarnungei, lekhamuthuon nangni an muthuon rang khom hah nin pore sa rang ani. 
\v 17 \x - \xo 4:17: \xo*\xt Philm 2\xt*\x* Male Archippus kôm han, “Pumapa sinthona taka sinruo nang pêka om hah no zoi ngêt rang kêng,” tipe roi.
\p
\v 18 Mahi keima ku kut lelên ki miziek ani: \sig Paul renga chibaimûknangei.\sig* Ku kut khitna zingjirûi hih mingil no roi duo!
\p Pathien moroina hah nin kôm om rese.