\id 2TH Sakachep: Bible Translation 1st Edition
\ide UTF-8
\ide Unicode (UTF8)
\h 2 Thessalonika
\toc1 THESSALONIKA Mingei kôma Paul Lekhamuthuon Inikna
\toc2 2 Thessalonika
\toc3 2 Thes
\mt1 THESSALONIKA
\mt2 Mingei Kôma Paul Lekhamuthuon Inikna
\imt1 Chongmaruoi
\ip Khrista juong nôkna rang chungroia mindon injêlna han Thessalonika koiindanga bâiinkhamnangei ala suok banga. \bk Thessalonika mingei kôm Paul Lekhamuthuon Inikna\bk* hin a rilsensâi chu Pumapa juong nôkna nikhuo chu atung sai piel kêng ani zoi ti iemna hih ani. Paul'n hima injêlna hah a mindik pe ngeia, Khrista a juong nôk mân, “Puoloi Inkhat” (2.3), ruoipunina nuoia misîrtheiloi saloi le puoloina ânsangtakna dên a ta, ama han Khrista doi atih, tiin a rilminthâr pe ngeia.
\ip Tîrton'n a lekhamuthuon le aporengeiin intakna le dûktongna kâra khom an taksônna det tita, Paul le a sintho champuingei an tho ngâi anghan an ringna rang sin an tho anâng tie le asa tho rangin tuongdierna an nâng tie hih lunghâng a tho ani.
\is1 Asûnga chongtângpuingei
\io1 Chongmaruoi \ior 1:1-2\ior*
\io1 Minpâkna le rilminsana \ior 1:3-12\ior*
\io1 Khrista juong nôkna roia rilnangei \ior 2:1-17\ior*
\io1 Khristien nunchan ranga mohôkna \ior 3:1-15\ior*
\io1 Chongkhârna \ior 3:16-18 \ior*
\c 1
\p
\v 1 Paul, Silas, le Timothy ngei renga,\x - \xo 1:1: \xo*\xt Sin 17:1\xt*\x*
\p Pathien ei Pa le Pumapa Jisua Khrista ta, Thessalonika koiindanga mingei kôm:
\p
\v 2 Pathien ei Pa le Pumapa Jisua Khrista'n moroina le inngêina nangni pêk rese.
\s Khrista juong tika roijêkna
\p
\v 3 Kin lâibungngei le sarnungei, nangni rangin zoratin Pathien kôm râisânchong kin ril ngêt rang ani. Hi anga tho hih keini rangin adik ani, nin taksônna hah asân ânsôna, midangngei nin lungkhamna khom ahong lien uol sikin. 
\v 4 Masika han keini nanâkin Pathien koiindangngei lâia nin chungroia nangni kin song ngâi ani. nuomlonangei le dûktongnangei nin tuonglâi khomin iemnân nin dier tit ngâi sikin nangni kin song ngâi ani.
\p
\v 5 Ma nin tuongnangei nâm hah Pathien roijêkna diktie riet minthâr theina le ama Rêngram mi nin hongni theina ranga ani. 
\v 6 Pathien chu adik hih tho a ta: dûk nangni mintong ngei chunga dûktongna juong chôi atih, 
\v 7 male ama'n nangni le keini dûktong ngei hih hoina mi pêk atih. Maha Pumapa Jisua'n râtinchung a vântîrtonngei leh invâna a juong inlang tika thông a ta, 
\v 8 Pathien pomloipu ngei le ei Pumapa Jisua Khrista Thurchi Sa jômloi ngei hah meidon leh dûk tho ngei atih. 
\v 9 Mangei han Pumapa makung renga le a râtna roiinpuitak renga sensâiin kumtuong inmangna dûktongna tuong an tih,\x - \xo 1:9: \xo*\xt Isa 2:10\xt*\x* 
\v 10 a mi inthieng ngei kôm renga roiinpuina chang rang le ama iempu ngei murdi renga miritna chang ranga a juong Nikhuo lehan. Nangni khom thurchi nangni kin misîr pe hah nin iem sikin nangni khom anni ngei lâia inchel sâng nin tih.
\p
\v 11 Masika han nin ta rangin zoratin chubai kin tho bang ngâi. Nangni a koi lam anghan pomtheiruo ringnun nin dôn theina rang le i-ih asana rang le taksônna nin sin zoina ranga nin ôina murdia a sinthotheinân tuon nangni mintung pe theina rangin Pathien kôm kin ngên ngâi ani. 
\v 12 Ma angdênin ei Pathien le ei Pumapa \f + \fr 1:12: \fr*\fq Ei Pathien le Pumapa ha; \fq*\ft aninônchu \ft*\fq Ei Pathien le Pumapa.\fq*\f* Jisua Khrista moroina jârin nangni renga ei Pumapa Jisua riming hah roiinpuina chang a ta, male nangni khomin a kôm renga chang thei nin tih.
\c 2
\s Puoloipa inkhat
\p
\v 1 Ei Pumapa Jisua juong nôkna rang le a kôm ei hong intûpna rang roia han: ka lâibungngei le sarnungei, nangni ke ngên ani,\x - \xo 2:1: \xo*\xt 1 Thes 4:15-17\xt*\x* 
\v 2 Pumapa Nikhuo chu atung zoi tiin ratha chongphuongin mini, thurchi misîrin mini, kin lekhamuthuon sikin mini, abairalin nin mindonna minjêlin le nin jâminzal kelen no roi. 
\v 3 Kho anga lampuia khom tutên nangni huong no rese ngei. Inhelna nûktak le Puoloipa Inkhat, meidîla paia om rangpu hah ahong inlang mâka chu ha Nikhuo hah tung no nih. 
\v 4 Ama han pathiena ânbê murdi aninônchu biekna neinun murdi doi a ta, male amananâkin an chunga omin inpâk atih. Pathien Biekin tena luo sên insung a ta, Pathien'n inbê atih.\x - \xo 2:4: \xo*\xt Dan 11:36; Ezek 28:2\xt*\x*
\p
\v 5 Nin lâia ko om lâihan ma roi ngei murdi hah nangni ki ril ngâi ti nin riettit khâi loi mini? 
\v 6 Atûn ala hongtung loina rangin imini ala khapa, maha nin riet. Hanchu azora taka Puoloipa Inkhat hah hong inlang atih. 
\v 7 Misîrtheiloi Puoloina ha chu atûn hin khom inthupin sin a tho tir zoi ani, aniatachu asûrmintang ngâipu ha a lampui renga lâkpaiin aom mâka chu ahongtung rang hah hongtung no ni. 
\v 8 Hanchu Puoloipa Inkhat hah hong inlâr a ta, hannirese Pumapa Jisua a juong nôk tena chu a bâiruhu ântêr lehan ama hah that a ta, male minmang atih.\x - \xo 2:8: \xo*\xt Isa 11:4\xt*\x* 
\v 9 Ma Puoloipa Inkhat hah Soitan ranak râtna leh hong suok a ta, sininkhêlngei le kamâmruoingei arothol jât tamtak sin a ta,\x - \xo 2:9: \xo*\xt Mat 24:24\xt*\x* 
\v 10 male ânmangrip rang ngei chunga huongna siettak jât dadang mang atih. An inmangripna rang abi chu sanminringa an omna rang chongtak hah an modôm loi sik le lungkham an mu loi sika ani. 
\v 11 Masikin chongnôk an iemna rangin Pathien'n dikloina sinthotheina ranak an kôm a tîra. 
\v 12 Asikchu tutu khom chongtak iem loia, sietna tienga râisâninshak uol ngei han theiloi an chang theina rangin ani.
\s Sanminringna chang ranga thangsai nin ni
\p
\v 13 Pumapa'n a lungkham ngâi nangni, lâibungngei le sarnungei, nangni rangin zoratin Pathien kôm râisânchong kin misîr ngêt ngâi ani. Ratha sinthotheinân a mi inthieng ni rang le chongtaka nan taksônna sika sanminringna chang masa\f + \fr 2:13: \fr*\fq amasatak anghan; \fq*\ft miziek senkhat ngeiin an dôn chu \ft*\fq aphut renga.\fq*\f* rangin Pathien'n nangni thang ani. 
\v 14 Pathien'n ma nin kôma Thurchi Sa kin misîr sai renga han nangni a koia; ei Pumapa Jisua Khrista kôma roiinpuina nin man rangtum hah chang rangin nangni a koi ani. 
\v 15 Masikin, kin lâibungngei le sarnungei, inding det ungla, thurchi misîr le lekhamuthuona chongtak nangni kin minchu ngei hah anruonin mutu mindet tit roi.
\p
\v 16 Ei Pumapa Jisua Khrista nanâk le Pathien ei Pa, mi lungkhamna le mi moroina inthûlngâiloi hâina le sabeina det mi pêkpu han, 
\v 17 sin asa tho bang rang le asa ti rangin nin mulungrîlngei mohôkin nangni man rât rese.
\c 3
\s Keini rangin chubaitho roi
\p
\v 1 Azoinataka chu, kin lâibungngei le sarnungei, kin ta rangin chubai mi tho pe roi, Pumapa thurchi hih nin lâia aom anghan ânrangtakin ânzar tita, miritna leh poma aom theina rangin. 
\v 2 Mitinin thurchi hah an iem khâi loi sikin mipuoloi ngei le misaloi ngei renga Pathien'n mi kêlsuo rang khomin chubai mi tho pe roi.
\p
\v 3 Aninâka Pumapa chu taksônom ania, male nangni min râtin Puoloipa Inkhat renga nangni mojôk atih. 
\v 4 Male Pumapa'n nin chunga ngamriemna mi pêk ngâi, male nangni kin ril ngei hah tho nin ta, male tho mozom bang ngêt nin tih, tiin takinsônchêt ani.
\p
\v 5 Pumapa han Pathien lungkhamna rietheina lien uol le tuongdierna Khrista'n a pêk ngâi tieng nangni ruoi rese.
\s Takintâia sintho rang
\p
\v 6 Kin lâibungngei le sarnungei, kin rilnangei jûi nuom loia rathaboi taka om iempungei renga inkêm rangin Pumapa Jisua Khrista rimingin chongpêk nangni kin pêk ngei ani. 
\v 7 Kin sin lam angtakin nin sin rang ani ti nangni rengin nin riet minthâr ani. Nin kôm kin om lâihan kin rathaboi ngâi mak. 
\v 8 Tu sanna te aman pêk loiin lâk pe ngâi mak me. Manêkin, nan lâia tute ta ranga thâmna kin niloina rangin sûn le jân sinthôn kin sôl ani. 
\v 9 Mi san rangin nangni sîngtheina racham kin dônloi sika, maha kin tho nimaka, nin jûi rang piela minenna ranga maha kin tho ani. 
\v 10 Nin kôm kin om lâihan, “Tukhomin sin a tho nuom nônchu sâk khom sâk no rese,” ti chong hih kin ti ngâi ani.
\p
\v 11 Nin lâia mi senkhat chu rathaboi takin, midangngei sintho chunga chier pêna chu ite tho riek loiin an ringnunngei mang an om ti kin riet sikin maha kin ti ani. 
\v 12 Ha mingei hah ringnunngei satak dôna, sinthoa, an ringna rang chit lo rangin Pumapa Jisua Khrista rimingin chong kin pêk ngei ani.
\p
\v 13 Aniatachu, kin lâibungngei le sarnungei, nangni chu sin asa tho nin sôl rang nimak. 
\v 14 Tukhomin hi lekhamuthuona kin chongbê nangni kin minpêl hih a jôm nônchu ânzak theina rangin mindang ungla, inloppui no roi. 
\v 15 Aniatachu nan râl angin chu tho no ungla; manêkin, iempu-champui angin inningna pêk ngei roi.
\s Azoina chongbâingei
\p
\v 16 Pumapa ei inngêina bulpui lelên, zoratin lam tina inngêina nangni pêk rese. Pumapa hah nin rênga nin kôm om rese.
\p
\v 17 Mahi ku kut lelên ki miziek ani: \sig Paul renga chibaingei.\sig* Ma hih ke lekhamuthuon nâma suoikai ko tho ngâia; ma anghin ki miziek ngâi ani.
\p
\v 18 Ei Pumapa Jisua Khrista moroina hah nin rênga nin kôm om rese.