\id 1TH Sakachep: Bible Translation 1st Edition
\ide UTF-8
\ide Unicode (UTF8)
\h 1 Thessalonika
\toc1 THESSALONIKA Mingei kôma Paul Lekhamuthuon Inkhatna
\toc2 1 Thessalonika
\toc3 1 Thes
\mt1 THESSALONIKA
\mt2 Mingei Kôma Paul Lekhamuthuon Inkhatna
\imt1 Chongmaruoi
\ip Thessalonika chu Macedonia rama Rom ramhuola khopuilien munpuitak ani. Paul'n Philippi a mâk suonûkin mahan koiindang a va minding ani, nikhomrese, Paul'n Juda niloi ngei lâia Khristien thurchi a misîrna hah thangsuona a dôn sikin Juda niloi ngeiin Judangei Sakhuo zom an jôt sikin Judangei renga Paul chunga doina aom kelena, Paul hah Thessalonika mâka Berea se rangin namnôlin aoma. Nûka Korinth a tung tena chu Paul'n a champui le a sinthopuipu Timothy misang minrietna renga Thessalonika koiindang dingmun a lei riet nôka.
\ip \bk Thessalonika mingei kôma Paul Lekhamuthuon Inkhatna\bk* hi ha muna khristien om ngei mohôkna rang le mindet nôkna ranga miziek ani. An taksônna chungroia le an lungkhamna thurchi sikin râisânchong a rila; anni leh munkhata aom lâia a ringnun ngei hah a minriet ngei nôka, masuole chu Khrista juong nôk rang roia koiindang sûnga chongrekelngei aoma: Khrista a juong nôk mâna lei thi sai iempungei han khrista juong tika a juong chôi rang kumtuong ringna hah an chang rang mini? ti le “Khotika mo Khrista a juong nôk rang?” ti ngei hih a thuon ani. Khrista juong nôk rang sabei balama dâireka sintho tit ranga a chongbênân Paul'n hi zora hih a mang ani.
\is1 Asûnga chongtângpuingei
\io1 Chongmaruoi \ior 1:1 \ior*
\io1 Râisânchong le minpâkna \ior 1:2—3:13 \ior*
\io1 Khristien nunchan dôn ranga mohôkna \ior 4:1-12\ior*
\io1 Khrista juong nôk rang roia rilnangei \ior 4:13—5:11\ior*
\io1 Azoina mohôknangei \ior 5:12-22\ior*
\io1 Chongkhârna \ior 5:23-28\ior*
\c 1
\p
\v 1 Paul, Silas le Timothy ngei renga,
\p Pa Pathien le Pumapa Jisua Khrista ta Thessalonika koiindang sûnga mingei kôm:
\p Moroina le inngêina ninta nirese.\x - \xo 1:1: \xo*\xt Sin 17:1\xt*\x*
\s Thessalonika mingei ringnun le taksônna
\p
\v 2 Kin chubaithonangeia han nin riming ralamin, nin rênga rangin Pathien kôm râisânchong kin misîr tit ngâi. 
\v 3 Pathien le Pa mitmua, taksônna sika nin sintho tie ngei, lungkhamna sika nin sinrât tie ngei, ei Pumapa Jisua Khrista nin sabeina chunga nin det ngei hah mingil loiin kin riettit sikin. 
\v 4 Kin ruolngei, Pathien nangni lungkham ngâia male ata ni rangin nangni a thang zoi ani ti kin riet. 
\v 5 Thurchi Sa hah chongbâingei vaiin hong mintung mak mea, sinthotheina leh Ratha Inthieng leh a chongtak iemna dettak leh kin hong mintung ani. Nin kôm kin om lâia kin nunchan hah nin riet; nangni nin satna rang rokin kin om ngâi ani. 
\v 6 Keini le Pumapa entonin mi nin dôna; male intak nin tuong sabak lâi khomin Ratha Inthieng renga râisânna thurchi ajuong ngâi ha nin lei modôm ani.\x - \xo 1:6: \xo*\xt Sin 17:5-9\xt*\x* 
\v 7 Masikin Macedonia le Achaia rama iempungei murdi ta rangin minenna nin hongni zoi. 
\v 8 Pumapa thurchi hah nangni renga Macedonia le Achaia rama ânthang vai niloiin, Pathien chunga nin taksônna thurchi khom muntina ânthang sa zoia; hanchu, kei nin ite kin misîr uol nâng khâi mak. 
\v 9 Ha mingei han nangni kin hongpan zorân mi nin lei modôm ngâi ngei le mirmilngei renga Pathien tieng nin hônheia, Pathien adiktak le aring sin tho rangin 
\v 10 le a Nâipasal Jisua thina renga a kaithoia, taksina juongtung rang renga mi kêlsuo ngâipu hah invân renga a juong rang nin lei ngâk tie khom an misîr ngâi.
\c 2
\s Thessalonika taka Paul sintho
\p
\v 1 Kin ruolngei, nangni kin hongpan hah akorong chang mak ti nangni rengin nin riet ani. 
\v 2 Thessalonika taka nin kôm kin hong motona Philippia min lona anatie le êroa kin omtie ngei hah nin rieta. Male mi doina tamtak om khom senla ngeia, kin Pathien'n ama renga juong ngâi Thurchi Sa nangni ril thei rangin hâina ha mi pêk ani.\x - \xo 2:2: \xo*\xt Sin 16:19-24; Sin 17:1-9 \xt*\x* 
\v 3 Nangni kin ngêna hih dikloina mini, aninônchu bôknangei inthiengloi ngei chunga ânngam nimaka, tute huong rang khom pût ngâi mak me. 
\v 4 Manêkin, zoratin Pathien'n mi nuomlam anghan thurchi kin misîr ngâia, Thurchi Sa enkol ranga achukin mi bê zoi sikin. Miriem râiminsân rang pût mak mea, kin bôknangei minsinpu, Pathien râiminsân rang kin pût ani. 
\v 5 Nin kôm milak lêngminlôi chongti mini, aninônchu, inruokna mukhûna chongngei mini mangin hong mak me tiin nangni rengin nin riet minthâr anghan Pathien hah mi rietpuipu ani. 
\v 6 Tute mi minpâkna man rangin pût ngâi mak me, nin kôm khom, aninônchu midangngei kôm khom. 
\v 7 Khrista tîrtonngei kin ni sikin nin kôm zong thei khom ni unglang. Aninâkachu nin lâia kin om lâihan kin nun ânnêmma, nu'n\f + \fr 2:7: \fr*\fq nin kôma kin om lâihan kin nun ânnêmma, nû angin; \fq*\ft miziek senkhat ngei an dôn chu \ft*\fq nin kôma kin om lâihan chu nâingei angin kin nia; nû angin kin ni.\fq*\f* a nâingei a donsûi anghan kin om ani. 
\v 8 Nangni kin lungkhamna sikin Pathien renga Thurchi Sa vai niloiin kin ringna tena khom nangni pêk rang kin inthok ani. Mi nin moroi sabak ani! 
\v 9 Adiktakin, kin malngei, idôra sintho le sôltie ngei mo kin ni hah nin la riettit duo! Pathien renga Thurchi Sa nangni kin misîr pe lâihan tute intak nangni kin mintong loina rangin sûn le jân sin kin tho ngâi ani.
\p
\v 10 Nangni a iemngei chunga ânthieng, adik, le demnaboia kin nunchan ngei hah nangni le Pathien hih mi rietpuipungei nin ni. 
\v 11 nulepangeiin an nâingei lelê chunga an tho ngâi anghan nin rênga nin chung chita kin tho ani tiin nin riet ani. 
\v 12 A Rêngram le a roiinpuina chang ranga nangni koipu Pathien râisân rang lama nin lêng theina rangin nangni mohôkin, ratha'nngam nangni shakin nangni kin ngên rît ngâi ani.
\p
\v 13 Male Pathien kôm ithomo râisânchong kin misîr bang ngâi, abi mahin aoma. Keini renga Pathien chong nin rieta nin pom lâihan miriem chong anghan niloiin Pathien chong ani angtakin nin pom ani, nangni a iemngei sûnga han Pathien'n sin a tho sikin. 
\v 14 Kin malngei, Judea rama Pathien koiindangngei, Khrista ta ngei chunga neinunngei atung anghan nangni nin chunga khom atung ani. Anni ngeiin Judangei renga nunuomlona an tuong anghan nangni khomin nin mingei lelê renga nin tuonga,\x - \xo 2:14: \xo*\xt Sin 17:5\xt*\x* 
\v 15 ma Judangei han Pumapa le dêipungei an thata, keini khom an nunuom min lo ani. Kho angtaka Pathien nuom loi lam mo an ni! Kho angtaka mitin rangin ânkâl mo an ni zoi!\x - \xo 2:15: \xo*\xt Sin 9:23,29; 13:45,50; 14:2,5,19; 17:5,13; 18:12 \xt*\x* 
\v 16 Sanminringna an man theina ranga Jentailngei kôm thurchi kin misîr tena mi khap rangin an pûta. Ma angdên han sietnangei an lei tho bang ngâi hah an tho thangsuo ani. Male atûn amongnatak chu Pathien taksina an chunga atung zoi ani!
\s Paul'n vapan ngei nôk rang a nuomna
\p
\v 17 Keini rangin chu, malngei, chomolte rangin nangni le mindonnangei tieng insen loia, takpum tieng vaia insena kin om sikin idôr mo nangni rangâiin nangni mu nôk rang kin pût tatak ani! 
\v 18 Nin kôm hong kîrsir rang kin nuom ani. Keima Paul, reng hih voikhat nêka tam hong rang ku pûta, aniatachu Soitan'n mi min hong mak. 
\v 19 Mangei murdi suole, nangni ngêt hah nangni, midangngei niloiin! kin sabeipu ngei, kin râisânna, le ei Pumapa Jisua juong tika amakunga kin motorna sika kin insongna rang abi khom nin ni. 
\v 20 Ataktakin, kin inpâkna le kin râisânna chu nangni ha nin ni!
\c 3
\p
\v 1 Azoinataka chu, tuong zoi khâi mak mea. Masikin Athens khuoa ke thenin lei om rangin kin masata\x - \xo 3:1: \xo*\xt Sin 17:15\xt*\x* 
\v 2 Timothy kin lâibungpa, Khrista Thurchi Sa misîrna tienga keini leh Pathien sintho ngâipu hi kin hongtîr ani. Kin hongtîrna abi chu nangni min râta, nin taksônna tienga nangni sanna, 
\v 3 masikin nan lâia tutên hah nuomlonangei sika nûkkîr nin tho loina rangin ani. Ma anga nuomlonangei hah ei tuong ranga Pathien lungdo ani sa ti khom nangni lelên nin riet ani. 
\v 4 Nin kôm kin om lâihan, nunuomloa ei om rang nangni kin lei ril sai ania; male nin lei riet minthâr anghan ahongtung tatak ani. 
\v 5 Maha mapêna chu tuong zoi khâi mu unga, masika han Timothy ko hongtîr ani. Adikin, Soitan'n nangni a huong mathâk duoia male kin sinsôlna asênaboi achang loina rangin, masikin nin taksônna chungroi ha ke lei riet theina rangin ama ko hongtîr ani!
\p
\v 6 Atûn chu Timothy a juong kîrnôk zoia, male nin taksônna le nin lungkhamna thurchi râisân omtak mi juong chôi pe zoi. Nangni mu rang kin nuom angin nangni khom mi mu rang nin nuoma mi nin mindon tit ngâi ti khom mi ril sa.\x - \xo 3:6: \xo*\xt Sin 18:5\xt*\x* 
\v 7 Masikin, kin lâibungngei le sarnungei, kin intakna le dûktongna murdia khom nin thurchi sikin mohôkin kin oma. Mi mohôk chu nan taksônna hah ania, 
\v 8 asikchu atûn nin ringna han Pumapa leh inzomin nin indingdet ngânin chu kin ring tatak zoi ani. 
\v 9 Atûn chu nangni rangin ei Pathien kôm râisânchong kin misîr thei zoi. Nangni sikin ei Pathien makunga râisânna kin dôn sika hin a kôm râisânchong kin misîr ani. 
\v 10 Nin mêl kin mua nin taksônna tienga nin insamna nangni kin pêkbang theina rangin sûn jânin mulungrîl murdi'n kin ngên ngâi ani.
\p
\v 11 Ei Pathien le Pa amananâk male ei Pumapa Jisua khomin nin kôm kin misangin hong theina rang lampui mi sinsiem pe rese! 
\v 12 Nangni inkhat le inkhat nin inlungkhamna le mi murdi nin lungkhamna hah Pumapa'n nangni min pung pe u-uol senla, nangni rangin kin lungkhamna le min-ang rese. 
\v 13 Ma angdênin nin mulungrîlngei nangni min rât pe a ta, male ei Pumapa Jisua ama ta ngei murdi leh a juong tika, ei Pathien le Pa makunga achukphar le ânthiengin inlang thei nin tih.\f + \fr 3:13: \fr*\fq ama ta ngei murdi; \fq*\ft aninônchu \ft*\fq a vântîrtonngei nâm.\fq*\f*
\c 4
\s Pathien râiminsân ngâi ringnun
\p
\v 1 Azoinataka chu, kin lâibungngei le sarnungei, Pathien râi nin minsân theina ranga nunchan keini renga nin inchu, ma hih, atûna nin om anghan nin om u-uol theina rangin le atûn hin Pumapa Jisua rimingin nangni kin ngêna male kin invui ani. 
\v 2 Pumapa Jisua rachamneina taka rilnangei nangni kin pêk hah nin riet sikin. 
\v 3 Pathien'n inthienghiei rang le hur le ngal mâkphar rangin nangni a nuom ani. 
\v 4 Pasal tinin nin dôngma \f + \fr 4:4: \fr*\fq No lômnu leh om roi; \fq*\ft aninônchu \ft*\fq Na taksa donsûi thei roh.\fq*\f* ngei leh inthiengtak le miritomtaka om rang lam nin riet rang ania, 
\v 5 Pathien riet loi sonongngei angin hurna tieng ngâituinasip ôi leh niloiin. 
\v 6 Hanchu ma roia han, tukhomin nin khristien champui dangngei chunga tho minchâi no roi aninônchu inlâpna tho no roi. Ma anga thopu ngei chu Pumapa'n dûkmintong ngei atih, tiin nangni kin lei rila, male inningna lientak nangni kin pêksai ani. 
\v 7 Pathien'n nunchan ânthiengloia om rangin mi koi maka, ânthienga om rangin kêng mi koi ani. 
\v 8 Masikin tukhom hi minchuna heng ngei chu miriem heng nimak ngeia, Pathien ama Ratha Inthieng nangni pêk ngâipu heng kêng ani.
\p
\v 9 Nin iempu champuingei nin lungkham rang roi chu miziek pe rang nâng mak chei. Inmo inkhat le inkhat nin inlungkham rang chu nangni reng Pathien'n nangni a minchu zoi ani. 
\v 10 Male nangnin, atatakin, ma angtak han Macedonia rama lâibungngei le sarnungei murdi chunga nin tho ngâi zoi ani. Masikin ruolngei tho nôk uol rangin nangni kin ngên ani. 
\v 11 Nangni kin lei ril anghan, dâiriema ringnun mang rangin khîna sin ungla, nin sin chit lunghâng thoa, male nin ringna rang chit lo suok rangin bôk roi. 
\v 12 Ma anghan anînchu nîngtina nin ringnun han iemloipungei nangni jâ an ta, male nin nâng ngei hah tute chunga nin inngam nâng no nih.
\s Pumapa juong nôkna
\p
\v 13 Kin lâibungngei le sarnungei, midang sabeina reng dônloi ngei anghan nin inngûi loina rangin alei thisai ngei chongtak chungroi hah nin riet kin nuom ani. 
\v 14 Jisua a thia male ânthoinôk zoi ti ei iem ani, masikin Pathien'n ama iema lei thi ngei chu Jisua leh munkhatin tuong ngei nôk atih, ti ei iem ani.
\p
\v 15 Atûna nangni kin minchu hih Pumapa minchuna ania: eini Pumapa juong ni dêna aringa lei omngei hin alei thisai ngei hah khêl thei ngei tet no ih.\x - \xo 4:15-17: \xo*\xt 1 Kor 15:51,52\xt*\x* 
\v 16 Chongpêka iniek miring ngei, vântîrton inchungtak ngei rôl, Pathien bekul miring ngei om a ta, male Pumapa lelên invân renga juong chum atih. Khrista iema thi ngei hah aringin inthoi masa an ta; 
\v 17 hanchu eini aringa lei om ngei hih sûmngei lâia Pumapa don rangin anni ngei leh phâivuo kâra khin munkhatin juong lâkin om ei ta. Male chu Pumapa kôm om tit ei ti zoi. 
\v 18 Masikin hi chongngei lehin inkhat le inkhat inmohôk inlôm ngâi roi.
\c 5
\s Pumapa juong nôkna ranga insiemna
\p
\v 1 Lâibungngei le sarnungei, ha neinunngei juongtung rang zora le nikhuo chungroi chu nangni miziek pe rang nâng mak. 
\v 2 Pumapa Nikhuo chu jâna inru hong ngâi anghan juongtung atih, ti nangni rengin nin riet minthâr ani.\x - \xo 5:2: \xo*\xt Mat 24:43; Luk 12:39; 2 Pet 3:10\xt*\x* 
\v 3 Mingeiin, “Ningbeiriem le jôkna,” zorân an bê lâitakin inningloiin an chunga sietminmangna juong dê ngei a ta! inningloia nupang chunga nâiha ahong tung anghan nîng atih, male mingei hah rotpai thei noni ngei. 
\v 4 Aniatachu, lâibungngei le sarnungei, nangni chu ijînga om mak choia, male ma Nikhuo han inru angin nangni dêrak no nih. 
\v 5 Nin rêngin avâra mi le sûna mi nin ni. Jâna mi le ijînga mi nimak me. 
\v 6 Masikin midangngei anghan in no u; meng ei ta, male hangvangin om ei ti u. 
\v 7 Jâna kêng mingei an in ngâi; jâna kêng ju khom an inrûi ngâi. 
\v 8 Hannirese eini chu sûna mi eini sika hin taksônna le lungkhamna rôppho hah hakin, male sanminringna sabeina hah lukhum anghan mangin hangvangin om ei ti u.\x - \xo 5:8: \xo*\xt Isa 59:17; Eph 6:13-17\xt*\x* 
\v 9 Pathien'n a taksina tuong rangin mi thang maka, ei Pumapa Jisua Khrista jâra sanminringna chang rangin mi thang ani, 
\v 10 a juong tika ei lei ring innom, ei lei thi innom ama leh munkhata ei om theina rangin ei ruthûlin ama a thi ani. 
\v 11 Masikin inkhat le inkhat inmohôk ngâi ungla, inkhat le inkhat insan inlôm ngâi roi, atûna nin tho ngâi anghan.
\s Azoina rilnangei le chibaimûknangei
\p
\v 12 Ka lâibungngei le sarnungei, nin lâia sin dûktonga khristien ringnuna nangni ruoi ngei le nangni minchu ngei hah asadima nin jâ ngei rangin nangni kin ngên ani. 
\v 13 An sintho sika han lungkham ngei ungla, jâna lientak pêk ngei ungla. Nin lâia inngêi-irrin om roi.
\p
\v 14 Kin lâibungngei le sarnungei, mithaboi ngei hah rokôk ungla, mulungchîn ngei hah mohôk ungla, mirâtloi ngei hah san ungla, mi murdi chunga nin phûk min-uoi roi, tiin nangni kin ngên ani. 
\v 15 En roi, tukhom asaloi chu asaloi nanâkin thuon no ungla, zoratin inkhat le inkhat chunga sin sa tho pe inlôm rang le mi murdi chunga khom tho rangin khîna sin roi.
\p
\v 16 Râiminsân tit ungla, 
\v 17 zoratin chubaitho ungla, 
\v 18 i-ih chunga khom râisânchong misîr ngen roi. Ma hih Khrista Jisua leh nin inzoma nin tho ngâi ranga Pathien'n nangni a nuom ani.
\p
\v 19 Ratha Inthieng khan no roi; 
\v 20 inmohôkna thurchingei mumâk no roi. 
\v 21 Neinunngei murdi en minsin ungla: asa kai chu pom tit ungla 
\v 22 male asaloi murdi renga chu inkêm roi.
\p
\v 23 Inngêina mi pêk ngâipu Pathien han lam tina nangni minthieng senla, ei Pumapa Jisua Khrista a juong tika nin ratha, nin mulungrîl, takpum le theiloina ngei murdi renga le nin pumin nangni mojôk rese. 
\v 24 Nangni koipu hah taksônom ani sikin, tho khom thông atih.
\p
\v 25 Lâibungngei le sarnungei, keini rang khom chubai mi tho pe roi.
\p
\v 26 Iempungei murdi hah intum inthiengin leh chibaimûk ngei roi.
\p
\v 27 Hi lekhamuthuon hih iempungei murdi kôm pore rangin Pumapa rachamneinân nangni ke ngên ani.
\p
\v 28 Ei Pumapa Jisua Khrista moroina hah nin kôm om rese.