\id TIT DongXiang: DongXiang Bible draft 2
\usfm 3.0
\ide UTF-8
\ide 65001 - Unicode (UTF-8)
\rem Copyright Information: For any non-Paratext use of this text, permission must be obtained from the copyright holder.
\h Qidode Huaisan Xin
\toc1 Qidode Huaisan Xin
\toc2 Qido
\toc3 Qid
\mt Qidode Huaisan Xin
\c 1
\s Kielien Asazho
\p
\v 1 Bishi Hudai hoji, \pn Ersa\pn* Mexihani shitu \pn Baolo\pn* wo. Huda sunghusan kunlai xinyande, pse kunyi xienlian gholughaku zhendaoni mejieghakude mii peizho. 
\v 2 Ene zhendaode chanqiku aminni xiwon wine. Eneshi ghudan ulie kieliechen Huda duyai zhayaghaku melie matande dain giesan wo, 
\v 3 heshiji shihou kuzhese gouxioxi chonjikude hhei daolini xienji khizheghawo. Mai jiuichen Huda ene chonjiku wiliei minlin xiaizhi made ogiwo. 
\v 4 Bi niekielienji xinyan jiere made zhenzhenji kewon danlasan \pn Qido\pn*de xin huaizho. Ada Huda, pse mai jiuichen Mexiha \pn Ersa\pn* chade nenjien, pinnan ogi gie!
\s Qido Kelitedaode Giesan Wilie
\p
\v 5 Bi chii \png Kelitedao\png*de feilieghaku mujishi giezhi baragha dasan shiqinni gie goudaghazhi pse bi chade fenfulasan mutun go chenshide zhanlao tei giezho. 
\v 6 Teisan kunde kunla yama kieliekui uwo, zi niekozi bierei agine, kesilani Ezhanyi xianxin giene, kesilani hu giene, pse kielien ulie chenliene giezhi kunla ulie kieliene. 
\v 7 Jiohuini uzhechenshi mechii gonjichen wo, indan kunla hhei yama kieliekui uwo. Kunlai meilade ulie uzhene, suibiende ho ulie kune, jiugui ulie danlane, kun ulie eghine, baerni tanxin ulie giene. 
\v 8 Bayasuzhi zhochen jienliene. Gounide xiqi wo. Goude, gundande, zhiguide giene. Goyane kunzhi giene. 
\v 9 Surusan zhendaolini goude bareine. Ingiese olusan daolighala kunlade sugha shidane, fandui giesan kunlade kielie shidane.
\p
\v 10 Ingiekushi kielien ulie chenliezhi ibari witu kielien kieliezhi piendachen kun olon wo, tebieshi hhe ijinyo hetoune gie giesan \png Yutai\png*ni Mexihai xianxin giesan kunla wo. 
\v 11 Hhezighan kunlai amanyi duighakuni wo. Hhela ulie shizhedene baerde oluzhi kunlade ulie surughakui surughazhi olon giei kunlai man qida olughazho. 
\v 12 \png Kelitedao\png* goya oronni nie xienzhi kieliezhi daowo, "\png Kelite\png* kunla chan ghudan kieliene, doghun chushen wo, jin ijiekure wo, langan no wo." 
\v 13 Ene kielienshi shuhua wo. Ingiese chi hhelai hende kheilazhi hhelai xinyanni khiduzhegha. 
\v 14 \png Yutai\png* kunni guhua, pse zhendaose likai giesan kunni minlinyi bu chenliegha. 
\v 15 Zhigui kunde yanliuzhe ganjin wo. Ganjin witu, xianxin ulie giechen kunde yanliuzhe ganjin uwo, hhelai sumulaku, lianxinlani man zannan wo. 
\v 16 Hhela kieliekude Hudai tanine giezhoma, giekude tani dazho. Hhela kunlai hokughane, kielien ulie chenliene, yama gounii gie dane.
\c 2
\s Olusan Daolini Surugha
\p
\v 1 Chii kieliese chi olusan daolide heshini jianji. 
\v 2 Oqio loujigalade goyane kunzhi gie, kunla zunzhun gieku mutun gie, xioxinde gie giezhi surugha. Xinyande, orekude, rennai giekude goude giegha. 
\v 3 Oqio biereilaye niekielien wo. Hhelade xienliande gie, kunlai beimiende bu kielie, jiude hoji bu danla, kunlade gouni sugha giezhi surugha. 
\v 4 Ingiese hhela nasuchighan biereilade sughazhi zhanguiji, kesiladene ore, 
\v 5 xioxinde, undande bei, giene gui, kunlade goude gie, zhanguijine shunji giezhi surugha. Pse Hudai kielienni kunla sugiene.
\p
\v 6 Nasuchighan ere kunladeye xioxinde gie giezhi sughazhi kielie. 
\v 7 Chi yan shiqindeliuzhe goyane gouni giezhi yanzi uzhegha. Chi sughakude loushide, renzhende sugha. 
\v 8 Yama moubin erei daku gou kielienghala kielie. Ingiese mai fandui giesan kunla shizhedene yama kielie dane.
\p
\v 9 Hojila ezhanne shunjikuni wo. Yan shiqindeliuzhe ezhanne bayasugha, yama huida bu gie. 
\v 10 Dunxi bu ghula. Kunlai zhenzhen xinren giegha. Ingiese yandeliuzhe mai jiuichen Hudai daolide kuaikui irene.
\p
\v 11 Hudai jiuiku nenjien jien kunlade man xienjizhi khizhewo. 
\v 12 Ene nenjien mai donlien giezhi xienlian witu zhugheni, duyani nefuxinni widaghazhi ene duyade xioxinde, gundande, xienliande udu daoghazho. 
\v 13 Pse matan panjisan futanni udu irekui sagheizho. Hhe shihoude nenlitu Huda, mai jiuichen \pn Ersa\pn* Mexihani famani xienjighane. 
\v 14 Hhe matande oluzhi goyane duya ijiekushi soyuji uhunnise mai shuizhi ganjinraghadene goyadene bexin danlaghazhi rexinde gouni gieghane giezho.
\p
\v 15 Enelai chi kunlade sugha. Qienline bareidene kunlade sughazhi kheilazhi kielie. Kunlai goyane gajide bu uzhegha.
\c 3
\s Gouni Giendu
\p
\v 1 Chi kunlade qixin giezhi gonjisan, qienli bareisan kunlai shunjizhi minlinyi zunji gie. Pse suishi zhunbei giezhi yanyanji gouni gie gie. 
\v 2 Kunlai bu sugiezhi bu zhenjindu gie. Go kunlade renyide giezhi goyane meilade uzhe gie.
\p
\v 3 Yenlai matanye men wo, kielien ulie chenliene, miizho, yanyanji nefuxin, xianshou giekude hoji danlawo. Mouxien, dubilieku dunda udu daozho, chou bareizhi nieniene henjizho. 
\v 4 "Ingiekude mai jiuichen Huda nenjien, orekui xienjighazhi 
\v 5 mai jiuiwo. Matan goyane giesan gou wilieghala jiuisan pusho, hhe ubali xiizhi Shenlinghala jiuiwo. Shenlin matanyi waghazhi erchan olughawo, shinishighawo. 
\v 6 Huda mai jiuichen \pn Ersa\pn* Mexihaghala Shenlinyi matanyi jiere zhengiejia olon kiewo. 
\v 7 Ingiese hhei nenjienghala matan zui wituni gholudene Hudai houdei gholuzhi chanqiku aminni panjizho." 
\v 8 Ene kielien oluzho.
\p Bi xiwonshi chi enezighan shiqinlai izhigie bu beidene giezhi Hudai xianxin giesan kunlai zeixin giezhi gouni giegha. Eneshi man gou shiqin wo, kunlade haochu wine.
\p
\v 9 Chi hu zhenjindukuse pii. Xienrenlani niere jilasan shu jiere, pse \png Yutai\png* kunni guijin jiere jianjiduzhi sugiendukuse pii. Enela yama haochu uwo, yama isi uwo. 
\v 10 Zhomen ghughachen kun bise 1 lianhui jingao giedene hhelare laiwon bu gie. 
\v 11 Ene izhun kunla daolini bendadene chan zui giezhi goyadene zui jinjiwo. Enei chi mejiene.
\s Zuihoude Fenfulazho
\p
\v 12 Bi \pn Yaqima\pn*i onu \pn Tuijigu\pn*i chii hhende peizhi echighakude chi ghujighan \png Nigepoli\png*de mii ochirale ire. Bi jiejin giezhi hhende uncha daoghane giezho. 
\v 13 Chi \pn Xina\pn* lishi, \pn Yabolo\pn*ghalade jinlianji banman giezhi goude dafala. Hhelade yama bu chaigha. 
\v 14 Mai kunla yama gou jiego ulie khizheghaku udu daose ulie olune. Kunla xiyo bikude banman giezhi gouni giekude surugha.
\p
\v 15 Mare hhantuku kunla chade kielien asazho. Xinyan jiere matande oresan kunlade bi asazho gie. Hudai nenjien ta manlade hhantu bi gie!