\id ROM DongXiang: DongXiang Bible draft 2
\usfm 3.0
\ide UTF-8
\ide 65001 - Unicode (UTF-8)
\rem Copyright Information: For any non-Paratext use of this text, permission must be obtained from the copyright holder.
\h Loma Kunlade Huaisan Xin
\toc1 Loma Kunlade Huaisan Xin
\toc2 Loma
\toc3 Lom
\mt1 Loma Kunlade Huaisan Xin
\c 1
\s Kielien Asazho
\p
\v 1 Bishi \pn Ersa\pn* Mexihani hoji \pn Baolo\pn* wo. Hudai gouxioxini zhomen chonjighane giezhi mii uruzhi iredene shitu danlaghawo. 
\v 2 Ene gouxioxishi eqighanse Huda xienzhilai tungo giezhi zhiguitu jinwun jiere dain giesan wo. 
\v 3-4 Gouxioxishi Hudai kewon, mai Ezhan \pn Ersa\pn* Mexihai kieliezho. Hhei kunni fanmiende kieliese \pn Dawude\pn*ni houdei wo. Zhiguitu ruhherni fanmiende kieliese fugie nenlighala fugusan kun dundase aminne oluzhi Hudai kewon bikui mejieghawo. 
\v 5 Huda Mexihai tungo giezhi bijiende shitu danlaku nenjien ogidene soyuji minzulade hhei nierei xianxin gieghazhi shunjighazho. 
\v 6 Ene dunda taye wine. Huda tai uruzhi iredene \pn Ersa\pn* Mexihanughun danlaghawo. 
\v 7 Huda orezhi uruzhi iredene shentu danlaghasan \png Loma\png* kunlade bi xin huaizho. Mai ada Huda, Ezhan \pn Ersa\pn* Mexiha tande nenjien, pinnan ogi gie!
\s Hudai Gouxioxi
\p
\v 8 Bi xien ta dajialade oluzhi \pn Ersa\pn* Mexihai tungo giezhi bi zunjisan Hudade mafan kieliekushi ta xianxin giesei qienxiani kunla man mejiezho. 
\v 9 Bi onxian giekude ese beidene tai jilazho. Bi hhei kewonni gouxioxi jiere zhughesene shunjisan Huda enende ganzhen beine. 
\v 10 Bi chan xiahua giese Hudai isi enbese bi zuihoude tai hhende echine. 
\v 11 Bi tai hende chujiegheku duranshi Hudai nenjienni tande deilazhi tai khiduzheghane giezho. 
\v 12 Isishi matan nieniene xianxin giekughala nieniedene zhichi gieye giezho. 
\v 13 Gaijiula, psedu minzula dundashiku mutun tai dundase jiego khizheghane giezhi bi tai hhende haojihui echine giesan jihuai tande mejieghaku duran wine. Daliuzhe jiohoro giezhi echi dazho. 
\v 14 Bugon \png Xila\png* kun, wigokun, unhuatu kun, unhua witu kunlade bi yama chaisan mutun giezho. 
\v 15 Ingiese bi ta \png Loma\png*de sousanladeye gouxioxini chonjine giezhi hende duralazho.
\p
\v 16 Bi gouxioxise ulie shizhene. Gouxioxishi soyuji xianxin giesan kunlai jiuiku Hudai nenli wo, xien \png Yutai\png* kun, pse \png Xila\png* kun. 
\v 17 Gouxioxi jiere Hudai gundanni khizhezho. Ene gundanni kaishi giezhi baratula xianxin giekughala giene. Jinwun jiere kieliesan mutun, "Gou kun xianxin giekughala amiturane."
\s Jien Kunlani Zui
\p
\v 18 Hudai hokuku doghunnighala zhendaoi duisan kunlai soyuji xienlian witu, gou wituni kunlai jiere asiman jierese bouzhezho. 
\v 19 Ingiekushi kunla Hudai shiqinni mejiekui man mejiene. Hhelade Huda qinchude uzheghawo. 
\v 20 Duyai zhayaghasanse Hudai tejien, hhei chanqiku nenlini chanla danema, zhayaghasanlai uzhezhi qinchude mejiene. Ingiese kunlade yama kieliekui uwo. 
\v 21 Hhela Hudai mejienema, Huda wo giezhi ulie kuaizhi mafan ulie kieliene. Hhelai sumulaku yama oronde wiku gholuwo, zhugheni benni gholuzhi kharanide wo. 
\v 22 Hhela goyane jienzha wo giezhoma, ben wo. 
\v 23 Hhela chanqiku Hudai famani fuguku kun, bunzhu, yewo, ghugheilai yanzi gholughawo. 
\v 24 Ingiese Huda hhelai ese gonjidene hhela nefuxinne daghazhi zannannide echizhi nieniene beyede shizhekuni giezho. 
\v 25 Hhela Hudai zhendaoi jianighala daiqi giedene zhayaghachenni ese beiidene zhayaghasanlai shunjizhi beiine. Hudashi indan chanqi kuaikuni wo. Amine. 
\v 26 Ingiese Huda hhelai ese gonjidene hhela shizheku nefuxin giezho. Hhelai biereila zhenchande giekui ulie giedene zhenchan wini giene. 
\v 27 Ere kunlaye biereighalane zhenchande giekuni ulie giedene nienieni nefuxin bazilie dase ere kun ere kunghala shizhekuni giene. Ingiezhi hhelai codasande indan chenfa giekui goya jierene ireghazho.
\p
\v 28 Hhela Hudai tanise guazi wo giese Huda hhelai ese gonjidene guazitu sumuladande fanqi giewo. Ingiese hhela ulie giekuni giezho. 
\v 29 Hhelade yanyanji gou wini, doghunni, tanxin, mouxienni duruzho. Dubilieku, alaku, eghinduku, piendaku, tuguni duruzho. Xienhua kieliene, 
\v 30 beihoude kunni sugiene, Hudai henjine, kunni yamacha ulie teine, goyane fugiede uzhezhi kuaine, doghun shiqinyi khizheghane, ada anadene ulie shunjine. 
\v 31 Yama ulie mejiene, kieliendene ulie kurune, oreku, ubali xiiku zhughe uwo. 
\v 32 Hudai guijin mutunshi jien ene shiqinni giesan kun indan fugukuni hhela mejiene. Ingieliuzhe goyalane giene, da kunla giese gou wo giezho.
\c 2
\s Huda Zui Jinjizho
\p
\v 1 Ingiese chi ene kunlai kieliechen kun, chi kienliuzhe yama jiekou erei dane. Chi kunlai kieliekude goyaneye niekielienji giese goyadene zui jinjizho. 
\v 2 Huda intui giechen kunlai gundande panjikui matan mejiene. 
\v 3 Chi ene kunlai kieliedene niekielienji giesan kun, chi sumulase Hudai panjikuse andane giezhou? 
\v 4 Huda tebieji goude giezhi, ranjizhi, rennai giese chi meilade uzhenu? Huda chade goude giekushi chii geizhen gieghane giekuni ulie mejienu? 
\v 5 Chii zhughe khidunde geizhen ulie giedene Huda gundande panjiku hhe udu kuzhetula goyadene Hudai hokukui izhi olodoghazho. 
\v 6 Huda kunla giekughala kunlade kharulune. 
\v 7 Gou wilieni izhi giezhi kuaiku, gou minshen, chanqi ulie qida olukuni giesan kunlade Huda chanqiku aminni ogine. 
\v 8 Zi goyane guizhi zhendaoni ulie shunjidene gou winii shunjichen kunlade hokuku, faikughala kharulune. 
\v 9 Jien doghunnii giesan kunlade zeinan, tunkuni ogine. Xien \png Yutai\png* kun, pse \png Xila\png* kun. 
\v 10 Jien gounii giesan kunlade kuaiku, gou minshen, pinnanni ogine. Xien \png Yutai\png* kun, pse \png Xila\png* kun. 
\v 11 Huda kunlai pienxin ulie giene.
\p
\v 12 Jien guijinni chenliezhi uye daodene zui fanjisan kunla guijinghala gonxi widene widane. Jien guijinni chenliedene zui fanjisan kunlai guijinghala panjine. 
\v 13 Guijinni chenliese Hudai melie gounide ulie sanane, guijinni zunjise gounide sanane. 
\v 14 Guijin ese ogisan niman kunla olusanse goyane guijin mutun giese, hhelade guijin uwoma, ene hhelai guijin gholuwo. 
\v 15 Giesanlaini uzhese guijinni yoqiu hhelai zhughede teisei mejiene. Lianxinniye enende ganzhen beine. Hhelai zhughede maodun giezhi goyane kheilane, baohu giene. 
\v 16 Eneshi, bi chonjisan gouxioxi mutun, Huda Mexiha \pn Ersa\pn*i tungo giezhi kunla niuighasan shiqin man panjiku hhe udude fashen giene.
\s Yutai Kunni Guijin
\p
\v 17 Chi ene goyane \png Yutai\png* kun wo giesan, guijinni kouizhi Hudai mejiene giezhi goyane kuaizho. 
\v 18 Chi Hudai isii mejiene, guijinse suruzhi gounii fenji shidane, 
\v 19 goyane sughoni udurusan wo, kharani dundadu gon wo giezho. 
\v 20 Chi guijinghala erlin, zhendaoi zhanwo giezhi ben kun, kesilade sughachen loushi danlane giezhi goyane xianxin giezho. 
\v 21 Qinse chi kunlade sughase goyadene yan giezhi ese sughazho? Kunlade bu ghula giezhi sughadene goyane ghulanu? 
\v 22 Chi kunlade piofen bu gie giezhi kieliedene goyane piofen gienu? Chi nigiedalai uzhe dadene, goyane mioni dunxii ghulanu? 
\v 23 Chi guijinni kuaidene guijinni fanjizhi Hudai shizheghanu? 
\v 24 Jinwun jiere kieliesan mutun, "Tai yenyinghala niman kunlai dunda Hudai nierei sugiezho." 
\v 25 Chi guijinni zunjise giesan hetoune haochu wine. Hetoune giedene guijinni fanjise hetoune ese giesanghala niekielien wo. 
\v 26 Ingiese hetoune ese giesanla guijinni zunjise hetoune ese giezhoma hetoude ulie sananu? 
\v 27 Hetoune ese giedene guijinni zunjisan kunla hetoune giezhi huaisan guijinni bidene guijinni fanjisan kunni zui jinjine. 
\v 28 Biomien jiere \png Yutai\png* kunshi \png Yutai\png* kun pusho. Beye, mienzide giesan hetouneshi zhen hetoune pusho. 
\v 29 Zinie sudoro \png Yutai\png* kun danlasan kunshi \png Yutai\png* kun wo. Zhen hetouneshi zhughenughun wo. Huaisande ulie kouine. Shenlinde kouine. Ene kunyi kuaikushi kunse iresan pusho, Hudase wo.
\c 3
\p
\v 1 Ingiese \png Yutai\png* kun danlase yan haochu wo? Hetoune giese yande gou wo? 
\v 2 Go fanmiende wine. Xien Hudai kielienyi hhelade ogiwo. 
\v 3 Niezhanla xianxin ulie giese matugiene? Hhela kekao wise Hudaye kekao uwonu? 
\v 4 Kenjin pusho! Kunla man ghudan kieliese Huda ghudan ulie kieliene. Jinwun jiere jilasan mutun,
\q1 "Chi kielien kieliekude gundan wo giene.
\q2 Shenwun giekude chi injine."
\m
\v 5 Matanyi gou wiku Hudai gounii khizheghase matan matui kieliene? Huda matanyi faise gundan uwonu? Bi kunni jiodughala kieliezho. 
\v 6 Kenjin pusho! Qinse Huda matugie duyani panjine? 
\v 7 Bi ghudan kieliedene Hudai zhennii qinchushighazhi hhei kuaise mii yangiezhi zuiren mutun panjine? 
\v 8 Qinse matan huaini gieyema, gouni irene giezhi yale ulie kieliene? Niezhanla bijien ingiezhi kieliezho giezhi zhazho. Ene kunlai indan panjikuni wo.
\s Gou Kun Nieda Uwo
\p
\v 9 Ingiese bijien \png Yutai\png* kun niman kunlase hen onu? Kenjin pusho! Kunla man zui dunda wo, \png Yutai\png* kun niman kun man niekielien wo giezhi bijien kieliezhi daozho. 
\v 10 Jinwun jiere jilasan mutun,
\q1 "Gou kun uwo,
\q2 nieliuzhe uwo.
\q1
\v 11 Minbai oluchen kun uwo,
\q2 Hudai ereichen kun uwo.
\q1
\v 12 Kunla man xiemachalazhi yama oronde uwo.
\q2 Gounii giechen kun uwo, nieliuzhe uwo."
\q1
\v 13 "Hhelai gholei keisan meza niekielien wo.
\q2 Hhelai kielienshi kun piendakui wo."
\q1 "Hhelai aman furedeni mogheii du wine."
\q2
\v 14 "Hhelai amande okho sugiekui duruzho."
\q1
\v 15 "Kun alane giese ghujin no wo.
\q2
\v 16 Kurusan orondeni pohai nangoi jiezho.
\q1
\v 17 Pinnanni moni ulie mejiene."
\q2
\v 18 "Hudase goujida ulie ayine."
\p
\v 19 Guijinshi guijintu kunlade kieliesei matan mejiene. Ingiedene soyuji kunlai amanni menjighazhi qienxiani kunlai man Hudai panjikude ireghane. 
\v 20 Guijinni zunjizhi giedene Hudai melie gounide sanasan kun nieda uwo. Guijinni tungo giezhi zuini mejiene.
\s Xianxin Giekughala Gounide Sanane
\p
\v 21 Ede guijinse chugo Hudai gundanni khizhezho. Enende guijinshu, xienzhishu jiere ganzhen beizho. 
\v 22 Hheshijiu \pn Ersa\pn* Mexihai xianxin giesan jien kunlade olusan Hudai gundanni wo. Yan kunliuzhe niekielien wo. 
\v 23 Jien kunla zui fanjidene Hudai famade dai dazhoma, 
\v 24 \pn Ersa\pn* Mexihai shuikui tungo giezhi Hudai nenjienghala belien gouni wo giezho. 
\v 25 Huda \pn Ersa\pn*i kunni oronde fugughazhi shuiku gholughawo. Hhei xianxin giesan kunlai zuini mienliene. Ingiezhi Huda gundanne uzheghawo. Eqighandei Huda kunla fanjisan zuini rennai giezhi ese gonjizho. 
\v 26 Edeku shihoude ingiezhi Huda goyaneshi gundan bikui, pse \pn Ersa\pn*i xianxin giesan kunlai gounii uzheghazho.
\p
\v 27 Ingiese matan yanni kuaine? Yama kuaikui uwo. Yan banfaghala wo? Gieku banfaghala onu? Pusho! Xianxin gieku banfaghala wo. 
\v 28 Bijien uzhese kunni gounide sanakushi guijinni zunjizhi giekughala pusho, xianxin giekughala wo. 
\v 29 Hudashi zinie \png Yutai\png* kunlai Huda onu? Niman kunlai Huda pushonu? Enbene, hheshi niman kunlai Hudaye enbene. 
\v 30 Hudashi nie wo. Hetoune giesanlai xianxin giekughala gounide sanane, hetoune uye giesanlaiye xianxin giekughala gounide sanane. 
\v 31 Ingiese matan xianxin giekughala guijinni bendazhou? Kenjin uye! Khareidene guijinni khiduzheghazho.
\c 4
\s Iburaheimuni Xianxin Gieku
\p
\v 1 Ingiese bijienyi minzui xienren \pn Iburaheimu\pn*i matui kieliene? Hhe yan mejiewo? 
\v 2 \pn Iburaheimu\pn* giekughala gounide sanazhoshi kuai shidanema, Hudai melie kuaikui uwo. 
\v 3 Jinwun jiere matui kieliezho? \pn Iburaheimu\pn* Hudai xianxin giedene Huda hhei gounide sanazho giezho. 
\v 4 Wilie giezhi gunzi bareise indanji wo, nenjiende ulie sanane. 
\v 5 Kun yama wilie ulie giedene xienlian witu kunlai gouni wo giesan Hudai xianxin giese hhei xianxin giekuni gounide sanane. 
\v 6 Wilie giekughala gonxi wi Huda gounide sanasan kunlade fuqi winekui \pn Dawude\pn*ye kieliezho,
\q1
\v 7 "Codasanyi rouliezhi zuini khasan kunlade fuqi wine.
\q2
\v 8 Huda zui uwo giesan kunlade fuqi wine."
\p
\v 9 Ingiese ene fuqii zinie hetoune giesan kunlade ogizhou? Hetoune ese giesan kunlade uye ogizhou? \pn Iburaheimu\pn* xianxin giekughala gounide sanasanyi matan kieliezho. 
\v 10 Hhei yan xienzide gounide sanazho? Hetoune gietula onu, hetoune giedene wo? Hetoune giedene pusho, gietula wo. 
\v 11 Hhe giesan hetouneshi hetoune ese giekude xianxin giekughala gouni wo giesande zhanzi taisan hao wo. Ingiedene hhezighan hetoune ese gie xianxin giekughala gounide sanasan kunlade xienren danlawo. 
\v 12 \pn Iburaheimu\pn*shi hetoune giesan kunlai xienrenye enbene. Zinie hetoune gieku pusho. Mai xienren \pn Iburaheimu\pn* hetoune ese giekude xianxin giesan yanziini daghasan kunlai xienren wo.
\s Huda Dain Giesei Xianxin Giekughala Chenjiwo
\p
\v 13 Huda \pn Iburaheimu\pn*ji houdeiladeni duyani ogine giezhi dain giesanshi guijinghala pusho, xianxin giedene iresan gounighala wo. 
\v 14 Zinie guijintu kunlade ogizhoshi xianxin giesan yama oronde uwo, dain giesanyiye ulie sanane. 
\v 15 Guijin Hudai hokukuni ireghazho. Guijin wise guijinyi fanjiku shiqinye uwo.
\p
\v 16 Ingiese dain giesanshi xianxin giekughala ogizho. Hheshi \pn Iburaheimu\pn*ni houdeilade belien ogisan nenjien wo. Zinie guijintu kunlade ogisan pusho, \pn Iburaheimu\pn* mutun xianxin giesan kunladeye bouisan wo. Hudai melie \pn Iburaheimu\pn*shi matan dajialai xienren wo. 
\v 17 Jinwun jiere jilasan mutun, "Bi chii olon minzulai xienren gholughane." Fugusan kunni aminne olughachen, uwokuse wineku gholughachen Hudai \pn Iburaheimu\pn* xianxin giewo. 
\v 18 Hhe xiwon wikude xiwon giezhi olon minzulai xienren danlakui xianxin giewo. Huda hhende kieliesan mutun, "Chii houdeila ingiezhi olodone." 
\v 19 Hhe 100 oluzhi beyeni fuguku mutun, biereini olu dakui mejieliuzhe xianxin giekuni ese zholierezho. 
\v 20 Huda dain giesanyi xianxin giezhi uye inxin giedene kharei xianxin giekuni khiduzhezhi Hudai kuaizho. 
\v 21 Huda dain giesei chenjighakui hhe hende xianxin giezho. 
\v 22 Ingiese hhei gounide sanazho. 
\v 23 Gounide sanazho giesan ene kielienyi zinie hhende ese huaizho, 
\v 24 matandeye huaizho. Mai Ezhan \pn Ersa\pn*i fugusan kun dundase aminne olughasan Hudai xianxin giesan maiye gounide sanane. 
\v 25 \pn Ersa\pn*i kunlade jiuizhi mai zuide oluzhi duya ijiewo, matanyi gounide sanane giezhi aminne oluwo.
\c 5
\s Matan Hudare Goudazho
\p
\v 1 Ingiese matan xianxin giekughala gounide sanase matan mai Ezhan \pn Ersa\pn* Mexihai tungo giezhi Hudare goudazho. 
\v 2 Matan \pn Ersa\pn*i tungo giezhi xianxin giekughala ede xianshou giesan nenjiende irezho. Da bayasuzhi Hudai famani panjizho. 
\v 3 Zinie ene pusho. Chijia dundaye bayasune. Chijiase rennai surune, 
\v 4 rennaise undan surune, undanse xiwon surukuni matan mejiene. 
\v 5 Xiwon matai ulie kushidaghakushi Huda matande ogisan Shenlinni tungo giezhi orekune matai zhughede kie durughawo.
\p
\v 6 Matande banfa widakude shihou kuruse Mexiha matan xienlian witu kunlade oluzhi duya ijiewo. 
\v 7 Gundan kunde oluzhi fuguchen kun choghon wo, gou kunde oluzhi fuguchen kun kenen winema, 
\v 8 matan dou zuiren bikude Mexiha matande oluzhi fugudene Huda matande oresanne qinchude uzheghazho. 
\v 9 Ede Mexihai chusunyi tungo giezhi matai gounide sanawo, hhe Hudai hokusanse matai genjia jiuine. 
\v 10 Matan Hudai duitou bikude hhe kewonne fugughazhi matanre goudazho, Mexihai aminghala matai genjia jiuine. 
\v 11 Zinie ene pusho. Matan Ezhan \pn Ersa\pn* Mexihai tungo giezhi Hudare goudadene Hudai yenyin jiere bayasuzho.
\s Adan Mexihaghala
\p
\v 12 Ingiese zui nie kunse duyade irezhi fuguku zuise iresan mutun kunla man zui fanjidene fuguku kunlai jiere irezho. 
\v 13 Guijin witula zui duyade winema, guijin uwoshi zuide ulie sanane. 
\v 14 Ingieliuzhe \pn Adan\pn*se \pn Musa\pn*de kurutula fuguku qienli bareizho. Lien \pn Adan\pn* fanjisan zuini ese fanjisan kunlaye man fuguzho. \pn Adan\pn*shi khuina ireku hhe kunyi yanzi wo.
\p
\v 15 Ingiese nenjien zuighala buxian wo. Nie kun zui fanjise olon kunla fuguzhoma, Hudai nenjien, \pn Ersa\pn* Mexiha niezheghanyi nenjienghala belien ogisan mure olon kunlade genjia olon ogizho. 
\v 16 Huda ogisan mure nie kun fanjisan zuighala buxian wo. Panjikushi nie kun zui fanjisande zui jinjizho, nenjienshi olon kunla zui fanjisande gounide sanasan wo giezho. 
\v 17 Nie kun zui fanjise fuguku nie kunni tungo giezhi qienli bareizho, nenjien olon jienliezhi belien gouni wo giesan hhezighan kunla \pn Ersa\pn* Mexiha niezheghanyi tungo giezhi amin dunda qienli genjia bareine.
\p
\v 18 Ingiese nie zui fanjidene soyuji kunlade zui jinjiku mutun, nie gounii giedene soyuji kunlai gounide sanazhi amin ogiwo. 
\v 19 Nie kun ulie shunjidene olon kunlai zuiren gholughaku mutun, nie kun shunjidene olon kunlai gounide sananne. 
\v 20 Guijin iredene zui olodozhoma, zui olodosan oronde nenjien genjia fugiedazho. 
\v 21 Ingiedene zui qienli bareizhi fugukui ogisan mutun, nenjien qienli bareizhi kunlai gounide sanadene mai Ezhan \pn Ersa\pn* Mexihani tungo giezhi chanqiku amin ogizho.
\c 6
\s Mexihai Kouizhi Udu Dao
\p
\v 1 Ingiese matan matui kieliene? Matan nenjienni olodoghane giezhi zui dunda izhi beinu? 
\v 2 Kenjin ulie olune! Matan zui miende fugudene matugie zui dunda udu daone? 
\v 3 Matan xilii jienliezhi Mexiha \pn Ersa\pn*re hhantulasan kun hhere hhantu fugusei ta ulie mejienu? 
\v 4 Matan xilii tungo giezhi hhere hhantu fuguzhi hhantu bulawo. Ingiekushi Adai famaghala Mexihai fugusan kun dundase aminne olughasan mutun mataiye shini amin dunda udu daoghane giezho. 
\v 5 Matan hhe fugukude hhere hhantulase hhe aminne olukudeye hhere hhantulane. 
\v 6 Matan khuichen kunne hhere hhantu shizijia jiere ghadazhi zuitu beyene widaghasei mejiene. Ingiese matan pse zuide hoji ulie danlane. 
\v 7 Fugusan kun zuise andazho. 
\v 8 Matan Mexihare hhantu fuguse hhereye hhantu amiturakui xianxin giene. 
\v 9 Mexiha fugusan kun dundase aminne oluzhi pse ulie fugune. Fuguku hhei kunzhi gie dakui matan mejiene. 
\v 10 Hhe fuguse zui miende 1 huide fuguwo. Amiturase Hudai miende amiturazho. 
\v 11 Taye zui miende goyane fugusan sanazhi Mexiha \pn Ersa\pn*i tungo giezhi Hudai miende amitu sana.
\p
\v 12 Ingiese zuini tai fuguku beye jiere qienli bu bareighazhi zui gieku nefuxinyi bu dagha. 
\v 13 Ta beye jieredu yama iyanzii zuide ogizhi gou winide jiaji bu danlagha. Khareidene fugusan kun dundase aminne olusan kun wo giezhi goyane Hudade ogi. Beye jieredulane man Hudade ogizhi gou jiaji danlagha. 
\v 14 Zui tai gonji dakushi ta guijin doura uwo, nenjien doura wo.
\s Gounide Hoji Danla
\p
\v 15 Qinse matugiene? Matan guijin doura uwo, nenjien dourashi zui fanjise olunu? Kenjin ulie olune! 
\v 16 Ta goyane kiende ogizhi kienyi shunjise kiende hoji danlakui ta ulie mejienu? Zuini hoji danlase fugune, Hudai shunjichen hoji danlase gouni gholune. 
\v 17 Hudade mafan kielieye, ta melieshida zuini hoji woma, ede tande chonjisan daolini ta zhughesene shunjiwo. 
\v 18 Ingiedene zuise tai andaghazhi gounide hoji danlawo. 
\v 19 Ta dunjire dakuse ayizhi bi ibanji kielienghala kielieye. Ta melieshida beyene ganjin winide, uhunnide ogizhi hoji danladene uhunni gholughasan mutun ede ta beyene gounide ogizhi hoji danladene zhiguitu gholugha. 
\v 20 Ta zuide hoji danlakude gouni gieku biyo uwo. 
\v 21 Ingiese ta ede sumulase shizheku shiqinyi hhe xienzide giedene tande yan haochu wo? Hhei jiegoshi fuguku wo. 
\v 22 Ede tai zuise andaghazhi Hudai hoji danlaghawo. Tai haochushi zhigui wo. Jiegoshi chanqiku amin wo. 
\v 23 Zuini daijiashi fugukuni wo. Hudai nenjienshi mai Ezhan Mexiha \pn Ersa\pn*i sudoro bisan chanqiku amin wo.
\c 7
\s Hunyenni Bilazho
\p
\v 1 Gaijiula, ta guijinni mejiechen kunlade bi kielieye. Guijinshi kun zinie amitu bikude oronde bisei ta ulie mejienu? 
\v 2 Biereide zhanguiji bizhi amitushi guijinni yenyinghala zhanguijisene likai gie dane. Zhanguijini fuguse zhanguijine guijinse andawo. 
\v 3 Ingiese zhanguijini bidene pse nie kunde khise biozi giezhi urune. Zhanguijini fuguse hhe guijinse andawo. Pse nie kunde khise biozi pusho.
\p
\v 4 Mii gaijiula, taye niekielien wo. Ta Mexihani beyei tungo giezhi guijinse fuguwo. Ingiedene pse nienughun gholuzhi matan Hudade gou jiego ireghane. Hheshi fugusan kun dundase aminne olusan Mexiha wo. 
\v 5 Matan beyenughun bikude zui gieku nefuxin guijinni tungo giezhi mai jiere wilie giedene fugukui ireghawo. 
\v 6 Ede matanyi banlasan guijinse matan fuguzhi andawo. Ingiese matan Ezhanni shunjise uroughala giesan guijinni khuichen banfaghala ulie giene, Shenlinni shini banfaghala giene.
\s Guijin Zuighala
\p
\v 7 Ingiese matan matui kieliene? Guijinshi zui onu? Kenjin pusho! Guijin uwoshi bi yanshi zui bikui ulie mejiene. Guijin jiere tanxin bu gie giezhi ese kieliezhoshi bi tanxinshi yan bikui ulie mejiene. 
\v 8 Zui minlinghala jihui ereizhi mii zhughede yanyanji tanxin giekui khizheghazho. Guijin uwoshi zuishi fugusei wo. 
\v 9 Eqighan guijin uwokude bi amitu wo. Minlin irese zui aminne oluwo, bi fuguwo. 
\v 10 Hhe yenlai amin ireghaku minlin mii fugukui gholughawo. 
\v 11 Zui minlinni jihuighala mii piendadene hhei tungo giezhi mii fugughawo. 
\v 12 Ingiese guijinshi zhiguitu wo. Minlinshiye zhiguitu, gundan, gouni wo. 
\v 13 Qinse gouni khareidene mii fugughanu? Kenjin pusho! Mii fugughasanshi zui wo. Zuishi zui bikui mejieghane giezhi gounii tungo giezhi mii fugughawo. Minlinyi tungo giezhi zui zhenzhen doghunne khizheghazho.
\s Ruhher Beyeni Duranghala Eghinduzho
\p
\v 14 Guijinshi ruhhernughun bikui matan mejienema, bishi beyenughun wo. Mii zuide huizhi hoji danlaghawo. 
\v 15 Bi giene giekune ulie giene, henjisanne kharei giene. Bi yan giesanne ulie mejiene. 
\v 16 Bi henjisanne giese guijinshi gouni bikui bi chenren giezho. 
\v 17 Ingiese giesanshi bi pusho, mii sudoro sousan zui giezho. 
\v 18 Mii sudoro, mii beye jiere gouni uwokui bi mejiene. Bi gounii gieku duran winema, gie dane. 
\v 19 Bi gounii gieku duran winema, ulie giene. Doghunnii gieku duran uwoma, khareidene giene. 
\v 20 Bi duran wikune giese giesanshi bi pusho. Mii sudoro sousan zui giezho. 
\v 21 Bi nie guijin mejiewo. Bi gounii giene giekude doghunniye hhantu wo. 
\v 22 Bi sudorone kun Hudai guijinde xiqi woma, 
\v 23 beye jieremi pse nie guijin mii zhugheni guijinghala maodun giezhi mii bareidene beye jiere bisan zuini guijinde hoji danlaghasei bi chanlazho. 
\v 24 Mii amin muchughun wo, kien mii ene fuguku beyese jiuizhi khizheghane? 
\v 25 Mai Ezhan \pn Ersa\pn* Mexihai tungo giezhi Hudade mafan kielieye! Ingiese mii sumulaku Hudai guijinni shunjizho, mii beye zuini guijinni shunjizho.
\c 8
\s Shenlinni Daghazhi Gie
\p
\v 1 Ingiese ede Mexiha \pn Ersa\pn*i miendedu kunlade zui jiedui ulie jinjine. 
\v 2 Amin ogiku Shenlinni guijin Mexiha \pn Ersa\pn*i tungo giezhi zuiji fuguku guijinse chii andaghawo. 
\v 3 Kunde lilian wiku yenyinghala guijin gie dakui Huda giewo. Huda zuini widaghane giezhi Kewonne zuitu beyeni yanzighala peizhi ireghadene zuini kunlai ese gonjighawo. 
\v 4 Ingiedene beyeni ulie daghazhi Shenlinni daghasan mai jiere guijinyi yoqiui gholughawo. 
\v 5 Beyeni daghasan kunla beyeni shiqinyi gonxin giene. Shenlinni daghasan kunla Shenlinni shiqinyi gonxin giene. 
\v 6 Beyeni shiqinyi gonxin giese fugune. Shenlinni shiqinyi gonxin giese amin, pinnan irene. 
\v 7 Kun beyeni shiqinyi gonxin giese Hudaghala duitou gholune. Hudai guijinni ulie shunjine, shunjiye dane. 
\v 8 Beyenughunla Hudai bayasugha dane.
\p
\v 9 Hudai Ruhher tai sudoro souse tashi beyenughun pusho, Shenlinnughun wo. Kunde Mexihani ruhher uwoshi Mexihanughun pusho. 
\v 10 Mexiha tai sudoro bise beye zuini yenyinghala fuguzhoma, ruhher gounii yenyinghala amiturazho. 
\v 11 \pn Ersa\pn*i fugusan kun dundase aminne olughasan Hudai Ruhher tai sudoro souse Mexihai fugusan kun dundase aminne olughasan Huda tai sudoro sousan Shenlinne tungo giezhi tai fuguku beyeni aminne olughane.
\p
\v 12 Gaijiula, ingiese matan beyede zhan chaisan mutun hhei daghazhi gieku biyo uwo. 
\v 13 Ta beyeni daghazhi giese fugune. Shenlinde kouizhi beyeni doghun wiliei fugughase amiturane. 
\v 14 Jien Hudai Ruhher udurusanlashi Hudai kewosi wo. 
\v 15 Ta jienliesanshi hojini ruhher pusho. Pse ulie ayighane. Jienliesanshi kewosi danlaku ruhher wo. Ingiese matan Aba, ada giezhi urune. 
\v 16 Shenlin qinsi matanyi ruhherre hhantu matanshi Hudai kewosi wo giezhi ganzhen beizho. 
\v 17 Kewosi enbese jiachanyi jienliechen enbene. Matanshi Mexihare hhantu jiachanyi jienliechen Hudai kewosi wo. Matan hhere shouku giekude hhantulase famadeye hhantulane.
\s Jianlaiku Fama
\p
\v 18 Bi uzhese edeku shouku gieku jianlai matande ireku famaghala bilazhi ulie olune. 
\v 19 Zhayaghasanla jirezhi Hudai kesila xienjizhi khizhekuni panjizho. 
\v 20 Zhayaghasanla yama oronde widawo. Hhela imutui gholukushi goya duranghalane pusho, Huda ingiezhi gieghawo. 
\v 21 Hhela qida olusande hoji danlakuse andadene Hudai kesilani famatu ziyuni jienliekui panjizho. 
\v 22 Zhayaghasanla man hhantu shonholozhi tendun shouizhi eli kusanyi matan mejiene. 
\v 23 Zinie zhayaghasanla pusho, Shenlinshi toushu alima wo giezhi jienliesan matanye zhughedene shonholozhi Hudai kewosi danlaku, pse mai beyei jiuizhi shuikui panjizho. 
\v 24 Onxianghala matanyi jiuiwo. Chujieghekui onxian giese onxian pusho. Chujieghekui kien onxian giene? 
\v 25 Matan chujieghe dakune onxian giese rennai giezhi panjikuni wo.
\p
\v 26 Niekielien wo, Shenlinye matan zholierekude banman giene. Matan indan matugie onxian giekui ulie mejienema, Shenlin hende nango giezhi qinsi matande xiahua giene. 
\v 27 Kunni zhughei uzhechen Huda Shenlinyi sumulakui mejiene. Shenlin zhao Hudai isighala shentulade oluzhi xiahua giezho. 
\v 28 Hudade oresan kun, jiushi Huda jihuaghalane uruzhi iresan kunlade shiqinla man hhantulazhi gouni gholukui matan mejiene. 
\v 29 Huda eqie mejiesan kunlai kewonne yanzi mutun gholughane giezhi pse eqie jinjiwo. Ingiezhi kewonne olon gaijiu dunda fugie kewon danlaghane giezho. 
\v 30 Hhe eqighan jinjisan kunlai pse uruzhi irewo. Uruzhi iresan kunlai pse gounide sanawo. Gounide sanasan kunlai famani gholughawo.
\s Hudai Oreku
\p
\v 31 Ingiese matan enezighan shiqinde yan kieliene? Huda matande banman giese kien fandui giene? 
\v 32 Huda Kewonne sheizhi matande ogiwoma, hhere hhantu pseshikulai man matande ulie oginu? 
\v 33 Kien Huda sunghusan kunlai zha shidane? Hhelai gounide sanasanshi Huda wo. 
\v 34 Kien hhelade zui jinjine? Mexiha \pn Ersa\pn* duya ijiezhi aminne oludene ede Hudai borun miende bizhi matande oluzhi xiahua giezho. 
\v 35 Kien Mexiha matande orekui siraghane? Kunnan onu? Khishun onu? Heiku onu? Oliesuku onu? Nanxin onu? Wixien onu? Khudogho onu? 
\v 36 Jinwun jiere jilasan mutun,
\q1 "Chii yenyinghala bijienyi chanqi alazho.
\q2 Kunla bijienyi alaku ghoni mutun uzhezho."
\m
\v 37 Ingieliuzhe matande oresan Ezhanni tungo giezhi ene soyuji shiqin jiere suibiende injine. 
\v 38 Bi hende xianxin giese bugon fuguku, amituku, qienxien, qienli bareichen, edeku shiqin, jianlaiku shiqin, lilian, 
\v 39 unduni, gunni, psedu zhayaghasanla man Huda mai ezhan \pn Ersa\pn* Mexihai tungo giezhi matande orekui siragha dane.
\c 9
\s Huda Isilie Kunlai Sunghuwo
\p
\v 1 Bi Mexihani miende shuhuai kieliene, ghudan ulie kieliene. Mii lianxin Shenlinyi tungo giezhi made ganzhen beizho. 
\v 2 Bi hende munan giezhi zhughedemi izhi otuzho. 
\v 3 Bi gaijiuladene oluzhi mii kharazhi Mexihare danlinraghaseye duran wine. Hhelashi mare nie minzu wo, 
\v 4 yeshi \png Isilie\png* kun wo. Kewonni nexian, fama, yenjisan kielien, guijin, libai gieku banfa, dain giesei man hhelade ogizho. 
\v 5 Hhe famatu xienrenlashi hhelanughun wo. Mexihaye kunni fanmiende kieliese hhelase khizhezho. Mexihashi manlai gonjisan Huda wo, chanqi doulakui wo. Amine!
\p
\v 6 Ingieseye bi Hudai kielienshi belienni wo giezhi ese kieliezho. \png Isilie\png*se olusanlashi man \png Isilie\png* kun pusho. 
\v 7 \pn Iburaheimu\pn*ni houdeilashi man hhei kewosi pusho. Zinie \pn Isaghei\pn*se olusei chii houdei giezhi urune giezho. 
\v 8 Isishi beyese olusan kesilashi man Hudai kewosi pusho. Zinie dain giesan mutun olusan kesilai houdeide sanane. 
\v 9 Eneshi Huda dain giesan kielien wo, "Gonien eli kuse bi irene. \pn Sare\pn* nie kewon olune." 
\v 10 Zinie ene pusho. Mai xienren \pn Isaghei\pn*se \pn Libaijia\pn* shongo laikudeye qingiezho. 
\v 11-12 Shongoni ese oluzhi gounii, doghunnii ese khizhekude Huda \pn Libaijia\pn*de, "Jianlai fugieni ganinughunyi chenliene." giezhi kieliewo. Ingiezhi Huda kunni sunghuse goya mujighalane giezho. Kun giekughala ese giezho, kunni uruzhi iresan Huda jiejin giezho. 
\v 13 Jinwun jiere Huda kieliesan mutun, "\pn Yagebu\pn*de bi orezho, \pn Isao\pn*de ese orezho."
\p
\v 14 Ingiese matan matui kieliene? Huda gundan uwonu? Kenjin pusho. 
\v 15 Huda \pn Musa\pn*de kieliewo,
\q1 "Bi kiende ubali xiise kiende ubali xiine.
\q2 Kiende nenjien ogise kiende nenjien ogine."
\m
\v 16 Ingie uzhese eneshi kunni duran, xiacha giekui kouisan pusho. Ubali xiisan Hudade kouizho. 
\v 17 Jinwun jiere Huda \pn Falao\pn*de kieliezho, "Bi chii tungo giezhi nenline xienjighazhi qienxiade nierene chonji kurughane giezhi chii undudaghawo." 
\v 18 Ingie uzhese Huda kiende ubali xiise kiende ubali xiine. Kienyi khiduzheghase kienyi khiduzheghane.
\s Hudai Ubali Xiiku
\p
\v 19 Ingiese chi made kieliene, "Qinse Huda kunlade yangiezhi gui teine? Kien hhei isii fandui giene?" 
\v 20 Chishi kien wo? Zinie kun wo. Hudaghala jianjindunu? Gholusan dunxi matugie hhei gholughasande, "Chi mii yangiezhi intui giewo?" giezhi kieliene? 
\v 21 Ighachi shuwa dundase niegieda shuwai agidene niei guizhuntu, niei bixintu ighai gieku qienli uwonu? 
\v 22 Hudaye niekielien wo. Hhe hokukune, nenline mejieghaku duran woma, hokuzhi widaghane giesan kunlade hende rennai giewo. 
\v 23 Ingiedene Huda ubali xiisan kunlade hhei fama olon bikui mejieghazho. Enelashi famai ogine giezhi melie zhunbei giesan kunla wo, 
\v 24 yeshijiu Huda uruzhi iresan matan wo. Gon \png Yutai\png* kun pusho, niman kunlaye enbene. 
\v 25 Zhen Huda \bk Hexiyani Shu\bk* jiere kieliesan mutun,
\q1 "Mii bexin pushotu kunlai
\q2 bi mii bexin giezhi urune.
\q1 Uye oresanlade
\q2 bi oresan giezhi urune."
\m
\v 26 Pse kieliezho,
\q1 "Ta mii bexin pusho giesan yen hhe oronde
\q2 hhelai chanqiku Hudai kesila giezhi urune."
\p
\v 27 \png Isilie\png* kunlai kieliese \pn Isaiya\pn* fugiede kieliezho,
\q1 "\png Isilie\png* kunla olonde haibienni shazi niekielien woma,
\q2 zinie feiliesanlai jiuine.
\q1
\v 28 Ezhan zemin jiere panjikune
\q2 ghujighande man gie baraghane."
\m
\v 29 \pn Isaiya\pn* melieshi kieliezhi daosan mutun,
\q1 "Qienwon buduini Ezhan matande houdei ese feilieghazhoshi
\q2 matan zaojiu \png Sodoma\png*, \png Emola\png* gholuwo."
\s Isilie Kunla Gouxioxini Ese Jienliewo
\p
\v 30 Ingiese matan matui kieliene? Hudare goudakui onxian ese giesan niman kunla xianxin giekughala Hudare goudawo. 
\v 31 Guijinghala Hudare goudane giesan \png Isilie\png* kunla khareidene guijinni mujide dai dazho. 
\v 32 Eneshi yan yenyin wo? Eneshi hhela giekudene kouizho, xianxin giekude ese kouizho. Hhela banjighaku tashi jiere banjiwo. 
\v 33 Jinwun jiere jilasan mutun,
\q1 "Bi \png Xiwun\png*de nie banjighaku tashi teiwo.
\q2 Kunni banjighaku tashi wo.
\q1 Hhei xianxin giesan kunla jiuren ulie giene."
\c 10
\p
\v 1 Gaijiula, bi zhughedene panjizhi Hudase onxian giesanshi \png Isilie\png* kunlai jiuise giezho. 
\v 2 Hhela Hudade rexin bikui bi ganzhen beizhoma, zhao unhuaghala ese giezho. 
\v 3 Hudai gundanni ulie mejiene. Goya gundanine gholughane giezhi Hudai gundanni ulie shunjine. 
\v 4 Mexihashi guijinni uzhu wo. Jien xianxin giesan kunlai gounide sanane.
\s Ezhanyi Xiahua Giechen Kunlai Man Jiuine
\p
\v 5 Guijinghala gounide sanakui ene shiqinyi giesan kunla amiturane giezhi \pn Musa\pn* huaizhoma, 
\v 6 xianxin giekughala gounide sanaku daolii ingiezhi kieliezho, "Kien asiman jiere khireine giezhi chi zhughedene bu kielie." (Jiushi Mexihani jierese lai bouzheghane giezho.) 
\v 7 Pse "Kien dozoheide boune giezhi chi zhughedene bu kielie." (Jiushi Mexihani fugusan kun dundase lai khizheghane giezho.) 
\v 8 Hhe kieliesanshi ene wo, "Hudai kielien chase gholo uwo. Chii amande, zhughede wo." Jiushi bijien chonjisan xianxin gieku daoli wo. 
\v 9 Chi amandene \pn Ersa\pn*shi Ezhan wo giezhi chenren giezhi zhughedene Huda hhei fugusan kun dundase aminne olughasei xianxin giese jiuine. 
\v 10 Kun zhughedene xianxin giese gounide sanane, amandene chenren giese jiuine. 
\v 11 Jinwun jiere kieliezho, "Jien hhei xianxin giesan kunla jiuren ulie giene." 
\v 12 \png Yutai\png* kun, \png Xila\png* kun yama chabie uwo. Soyuji kunlade niekozi Ezhan wo, hhei xiahua giesan soyuji kunlade dafande ogine. 
\v 13 "Jien Ezhanni nierei xiahua giesan kunlai jiuine."
\p
\v 14 Qinse kun hhei xianxin ulie giese matugie xiahua giene? Hhei chenliezhi ese daodene matugie xianxin giene? Kieme ulie chonjise matugie chenliene? 
\v 15 Kiemei ese peise matugie chonjine? Jinwun jiere jilasan mutun, "Gouxioxii chonjisan kunlai koronlon zhengiejia seighan wo!" 
\v 16 Ingieliuzhe kunla man gouxioxini shunjisan pusho. \pn Isaiya\pn* kieliezho, "Ezhan, bijien chonjisanyi kien xianxin giewo?" 
\v 17 Ingiese xianxin giekushi chenliesanse irezho. Chenliesanshi Mexihani kieliense irezho. 
\v 18 Bi nie asaye. Kunla ese chenliewu? Kenjin chenliezho.
\q1 "Hhelai shenqi qienxiade kuruwo.
\q2 Hhelai kielien duyani uzhude kuruwo."
\m
\v 19 Bi pse asaye. \png Isilie\png* kun yama ulie mejienu? Mejiene! Xien \pn Musa\pn* Hudai kielienyi ingiezhi kieliezho,
\q1 "Bi minzude ulie sanaku minzuni tungo giezhi tai dubilieghane.
\q2 Bi yama ulie mejiechen minzui tungo giezhi tai hokughane."
\m
\v 20 Pse \pn Isaiya\pn* danzine fugiedaghazhi Hudai kielienyi ingiezhi kieliezho,
\q1 "Mii ese ereisan kunlade bi chujiegheghane.
\q2 Mii xiahua ese giesan kunlade bi xienjighane."
\m
\v 21 \png Isilie\png* kunlade hhe kharei ingiezhi kieliezho,
\q1 "Bi niudunie kielien ulie chenliezhi
\q2 jianjinduku bexinlai jienliene giezhi khane rouizho."
\c 11
\s Isilie Kun Dunda Feilieghasan Kunla
\p
\v 1 Ingiese bi asaye, Huda goya bexinne bendawu? Kenjin uye! Bishiye \png Isilie\png* kun, \pn Iburaheimu\pn*ni houdei, \pn Bienyamin\pn* jiawuse khizhesan wo. 
\v 2 Huda melie mejiesan bexinlane ese bendazho. Jinwun jiere \pn Iliya\pn*i matugie kieliesei ta ulie mejienu? Hhe Hudade \png Isilie\png* kunlai zhazhi kieliezho, 
\v 3 "Ezhan, hhela chii xienzhilai alazhi sidagha gieku chii teizii cheiwo. Jianie bi feiliezhi hhela dou mii aminyi kerene." 
\v 4 Ingiese Huda matugie huida giewo? Bi goyadene oluzhi \pn Bali\pn*i ese beiisan 7000 kun feilieghawo giezho. 
\v 5 Edeku shihouye niekielien wo. Feiliesan kun wine. Hhelai nenjienghala sunghuzho. 
\v 6 Nenjienghala giese giekughala ese giezho. Qingiese nenjienshi nenjien pusho.
\p
\v 7 Ingiese matugie gholuwo? \png Isilie\png* kunla goya ereisanne ereizhi olu dawo. Zinie Huda sunghusan kunla ereizhi oluwo. Psedu kunlai zhughe khiduzhewo. 
\v 8 Jinwun jiere jilasan mutun,
\q1 "Huda hhelade sudoku zhughe ogizho
\q2 nudunlani chanla dane,
\q2 chighinlaiye sonosu dazhi eli kuwo."
\m
\v 9 Pse \pn Dawude\pn* kieliewo,
\q1 "Hhelai ijieku xini sa, on,
\q2 banjighaku, bouin gieku gholusejiu.
\q1
\v 10 Hhelai nudun borolozhi chujieghe dasejiu.
\q2 Hhelai nurun ibeizi ghodeisejiu."
\p
\v 11 Ingiese bi asaye, hhela banjise bosizhe danu? Kenjin pusho! Hhela codadene jiuiku niman kunlade echise \png Isilie\png* kunlai dubilieghazho. 
\v 12 \png Isilie\png* kunlai codasan duyai kunlade haochu ireghazho, hhelai ese olusan niman kunlade gounii ireghazho. Qinse \png Isilie\png* kunlai man jiuiku dunda oroghase ireku gounii genjia fugie uwonu?
\p
\v 13 Bi ta niman kunlade kielieye. Bishi niman kunlade peisan shitu wo. Ene wiliei bi fugiede uzhekushi 
\v 14 goya minzune dubilieghazhi ezighan jiuine giezho. 
\v 15 Huda hhelai bendadene duyai kunlare goudazho, hhelai jienliese zhengiejia gou uwonu? Fugusanse aminne olusan niekielien wo. 
\v 16 Hudade ogiku ghurun ganjinshi nieduizi ghurun man ganjin wo. Mutun genzi ganjinshi chalaye ganjin wo.
\p
\v 17 Bilase nie ganlan mutunyi giedun chalani ghigha bouzhedene yeganlan chalai chaiwo. Chishijiu chaisan chala wo. Chaisan chala mutun genzise gounii hhantu xiikude 
\v 18 ghighasan chalade kuai dane. Kuaine giese chi jila. Chi genzii ese qiezhezho, genzi chii qiezhezho. 
\v 19 Ingiese chi kieliene, 'Hhezighan chalai ghigha bouzhekushi mii chaine giezho.' 
\v 20 Oluzho! Hhela xianxin ulie giese ghigha bouzhezho, chi xianxin giese beizho. Ingiese ayizhi goyane undude bu uzhe. 
\v 21 Huda yenlaiku chalai sheise chiiye sheine. 
\v 22 Ingie uzhese Huda renyi, yenge wo. Hhezighan xinyan jiere banjisan kunlade yenge wo, tande renyi wo. Chi renyideni chanqi kouise beizhoma, pse chiiye ghigha widaghane. 
\v 23 \png Isilie\png* kunla ulie guidene xianxin giese yen chaine. Hudade erchan chaiku nenli wine. 
\v 24 Chishi goya osisan ganlan mutun jierese ghighazhi bouzhedene zeilasan ganlan mutun jiere zhenchan wide chaisan wo. Qinse yenlaiku chalai yenlaiku mutun jiere chaise genjia zhenchan uwonu?
\s Soyuji Isilie Kunlai Man Jiuine
\p
\v 25 Gaijiula, bi ene mimii tande mejieghaku duran wo. Pse ta goyalane jienzha wo giene. Ene mimishi niman kunlai jiuiku shuzi kurutula niezhan \png Isilie\png* kunlai zhughei khiduzheghazho. 
\v 26 Ingiedene \png Isilie\png* kunlai man jiuine. Jinwun jiere jilasan mutun,
\q1 "\png Xiwun\png*se jiuichen khizhezhi
\q2 \png Yagebu\png*se xienlian wituni widaghane.
\q1
\v 27 Hhe shihoude bi hhelai zuini widaghane.
\q2 Eneshijiu bi hhelare yenjisan kielien wo."
\p
\v 28 Gouxioxighala kieliese \png Isilie\png* kunla Hudare duitou gholudene tande haochu ireghawo. Hhelai xienrenni sunghusei uzhese hhelashi Huda oresan wo. 
\v 29 Hudai nenjien, uruku ulie bienjine. 
\v 30 Ta eqighandei Hudai ulie shunjiku mutun ede hhelai ulie shunjiku yenyinghala tande kharei ubali xiizho. 
\v 31 Niekielien wo. Hhela ede uye shunjizhoma, tande ubali xiisan yenyinghala ede hheladeye ubali xiine. 
\v 32 Huda soyuji kunlai ulie shunjiku dunda oroghazhi khakushi soyuji kunlade ubali xiine giezho.
\q1
\v 33 Hudai bayan, agheli, erlin matui fugie wo!
\q2 Hhe panjikui kiema mejie dane!
\q2 Hhe giekui kiema dunjire dane!
\q1
\v 34 "Kien Ezhanyi zhughei mejiene?
\q2 Kien hhende sughachen danlane?"
\q1
\v 35 "Kien Hudade xien ogidene khareizhi goyadene honjighane?"
\q1
\v 36 Soyujila man hhense khizhezhi
\q2 hhende kouizhi hhende oluzho.
\q1 Kuaikui chanqi hhende ogi! Amine!
\c 12
\s Giekughala Libai Gie
\p
\v 1 Ingiese gaijiula, bi Hudai ubali xiikughala tai goude fenfulaye. Ta beyene amitu mure danlaghazhi Hudade ogi. Intu mureshi Huda xiqi biku wo, zhiguitu wo. Eneshijiu zhenzhenji beiiku wo. 
\v 2 Ene duyani bu dagha. Sumulakune arunzhazhi shinishighadene Hudai gou, bayasuku, onqien isii shiizhi mejie.
\p
\v 3 Bi made ogisan nenjienghala ta jien kunlade kielieye, goyane texien undude bu uzhe. Goude sumulazhi Huda tande ghughazhi ogisan xianxin gieku fenlianghala goyane heshide uzhe. 
\v 4 Matanyi nie beye jiere iyanzi olon biliuzhe zoin buxian mutun 
\v 5 matanye olon woma, Mexihai miende nie beye wo. Nienieji beyede lienjizhi buxiantu iyanzi gholuwo. 
\v 6 Huda nenjienghalane matande buxiantu nenli ogizho. Hudai kielienyi kieliekushi xianxin gieku kamaghala kielie. 
\v 7 Ushilakushi ushila, surughakushi surugha. 
\v 8 Zhichi giezhi kieliechenla zhichi gie. Ogichenla dafande ogi. Gonjichenla xiacha giezhi gonji. Ubali xiichenla bayasuzhi gie.
\p
\v 9 Orekude jianii bu deila. Doghunnii henji, gounii barei. 
\v 10 Zhenzhenji orekughala nieniedene ore. Ranjizhi nieniene zunji. 
\v 11 Langan bu giedene zhughesene rexinde Ezhanni shunji. 
\v 12 Panjizhi bayasu, kunnan dunda rennai gie, izhi onxian gie. 
\v 13 Nanxintu shentulade ogi. Bayasuzhi kunlai jienlie. 
\v 14 Tai heisanlade oluzhi gouni kielie, bu kharadene gouni kielie. 
\v 15 Bayasuchen kunlare hhantu bayasu, wilachen kunlare hhantu wila. 
\v 16 Nieniedene heqitughan, goyane undude bu uzhezhi bixin kunlare laiwon gie. Goyane jienzha wo bu gie. 
\v 17 Kiemade doghunnide doghunnii bouchou bu gie, dajiala gou wo giesan shiqinni jinlianji gie. 
\v 18 Tande nengou bise jinlianji jien kunlare heqitu. 
\v 19 Mii orentula, goyane bouchou bu giedene Ezhan hhelai faikui saghei. Jinwun jiere jilasan mutun, "Ezhan kieliezho, 'Bouchoushi bi giekui wo, bi kharulune.'" 
\v 20 Khareidene chii duitou oliesuse ijiegha. Undasuse ochigha. Chi ingiezhi giese shitan khanni hhei qiorun jiere teizho. 
\v 21 Goyasene doghunnii bu injigha, gounighala doghunnise inji.
\c 13
\s Qienli Bareichenlai Shunji
\p
\v 1 Jien kunla qienli bareisan noyenlai shunji. Qienlishi man Hudase irezho. Soyuji qienli bareichenlashi Huda jinjisan wo. 
\v 2 Ingiese qienli bareichenlai fandui giese Huda jinjisanyi fandui giezho. Fandui giesanla goyadene faikui ereizho. 
\v 3 Noyenlashi gouni giesanlai ayighachen pusho, doghunni giesanlai ayighachen wo. Chi qienli bareichenlase ulie ayine giezhou? Gouni giema, hhela chii kuaine. 
\v 4 Hhelashi tai haochude olusan Hudai hoji wo. Chi doghunni giese indan ayikui wo. Hhela khudoghoi belien bareisan pusho. Hhelashi doghunni giesan kunlai faichen Hudai hoji wo. 
\v 5 Ingiese ta bixi shunji, zinie Hudai hokuruku yenyinghala pusho, lianxinni yenyinghala wo. 
\v 6 Ta shui ogikuyeshi ene yenyin wo. Hhelashi zhomen ene shiqinyi gonjisan Hudai hoji wo. 
\v 7 Jien kunlade indan ogikui ogi. Shui ghurasande shui ogi, baer ghurasande baer ogi. Indan zunjichenlai zunji, danren giekulai danren gie.
\s Oreku Guijinni Chenjighawo
\p
\v 8 Nieniedene orekuse chugo kiemade zhan bu chai. Kunlade orechenla guijinni chenjighawo. 
\v 9 Piofen bu gie, kun bu ala, bu ghula, tanxin bu gie giesan minlin, psedu guijinla man goyadene mutun giebeidene ore giesan ene minlinde bouizho. 
\v 10 Orechen kun giebeidene doghunni ulie giene. Ingiese oreku guijinni chenjighawo.
\p
\v 11 Ingiekushi edeshi yan shihou bikui ta mejiene. Ta hhunturazhi xiereiku shihou wo. Matanyi jiuiku matan dei xianxin gieku shihouse ede chadashizho. 
\v 12 Xieni daozhi ogheine giezho. Ingiese matan kharanide giesan shiqinlai jiedene gieghantu baohu gieku majiani musiye. 
\v 13 Matan udude gieku mutun yan gieliuzhe donzhende gieye. Lon naduzhi sudoku, lon kijiezhi hu gieku, jianjinduzhi dubilieku enelai bu gieye. 
\v 14 Khareidene Ezhan \pn Ersa\pn* Mexihai musi. Zui gieku durande jihui bu ogizhi nefuxinni bu dagha.
\c 14
\s Kunlai Bu Kielie
\p
\v 1 Xianxin gieku zholientu kunlai ta jienlie. Ijien buxianshi bu jianjindu. 
\v 2 Niezhan kunla yanniliuzhe ijiese olune giezhi xianxin giezho. Xianxin gieku zholientu kunla zinie cai ijiene. 
\v 3 Migha ijiesan kunla migha ese ijiesan kunlai meilade bu uzhe, migha ese ijiesan kunla migha ijiesan kunlai bu kielie. Huda hhelai jienliewo. 
\v 4 Kunlai hojii kieliezhi chishi kien wo? Hhela olu, ulie olu ezhanyini shiqin wo. Ezhande olughaku nengou wine. Ingiese hhe olu shidane.
\p
\v 5 Niezhan kunla enenie udui psedu udulase zhunyo wo giezho. Niezhan kunla niuduniei uzhedan niekielien wo giezho. Alinie kunliuzhe zhughedene oluzhou ese olusei jiejin gie gie. 
\v 6 Udu jilasan kunla Ezhande oluzhi udu jilazho. Ijiesan kunla Hudade mafan giedene Ezhande oluzhi ijiezho. Ese ijiesan kunlaye Hudade mafan kieliedene Ezhande oluzhi ese ijiezho. 
\v 7 Matan alinie kunliuzhe goyadene oluzhi ese amiturazho. Goyadene oluzhiye ulie fugune. 
\v 8 Matan amitushi Ezhande oluzhi amiturazho. Fuguseye Ezhande oluzhi fugune. Ingiese matan amitura, fuguliuzhe Ezhannughun wo. 
\v 9 Mexiha fugusan kun, amitu kunde Ezhan danlane giezhi duya ijiedene aminne oluwo. 
\v 10 Matan man Hudai shenpantai melie beine. Chi yale gaijiune kieliene? Chi yale gaijiune meilade uzhene? 
\v 11 Jinwun jiere jilasan mutun,
\q1 "Ezhan kieliewo, 'Bi goyane aminghala fayen gieye.
\q2 Soyuji odoula made xiutuliene.
\q1 Soyuji amanla bishi Huda wo giezhi chenren giene.'"
\m
\v 12 Ingiese matan alinie kunliuzhe Hudai melie goyane shiqinyi jiodai giene.
\s Gaijiulane Zui Bu Fanjigha
\p
\v 13 Ingiese matan nieniene bu kielieye. Jiexin xiaizhi gaijiulai melie boujia, banjighaku dunxii bu tei. 
\v 14 Bi Ezhan \pn Ersa\pn*i xianxin giezhi kenjin mejiene. Yandeliuzhe benshen ganjin wituni uwo. Zinie kun ganjin uwo giese hhende ganjin uwo. 
\v 15 Chi ijiunighala gaijiulane munan gieghase oreku daolighala ese giezho. Mexiha hhende oluzhi duya ijiewo, chi goyane ijiunighala hhei baxi bu olugha. 
\v 16 Ingiese ta goya gounine kunlai bu sugiegha. 
\v 17 Hudai gojiashi ijieku, ochiku pusho, Shenlin ogisan gundan, heqi, bayasuku wo. 
\v 18 Mexihani ingiezhi shunjisan kunde Huda bayasune, kunlaye kuaine. 
\v 19 Ingiese matan heqituzhi nieniene hendaghakui xiacha gieye. 
\v 20 Ijiunighala Hudai wiliei bu qida olugha. Manshi ganjinni woma, chi ijiedene kunlai zui fanjighase ese oluzho. 
\v 21 Migha ijie, jiu ochi, pse yan shiqindeliuzhe gaijiulani zui fanjighakui ulie giese gou wo. 
\v 22 Chi xianxin giesanne Hudai melie goude barei. Kun goyane gou wo giesan shiqinyi giedene gui ulie teise fuqi wine. 
\v 23 Inxin giezhi ijiese zui jinjine. Xianxin giekughala ese ijiezho. Xianxin giekughala giesanni pushoshi man zui wo.
\c 15
\s Kunlai Bayasugha
\p
\v 1 Matan khidun kunla indan goyane bu bayasughazhi khidun witu kunlai zholiennii danjikuni wo. 
\v 2 Matan alinie kunliuzhe kunlai haochude oluzhi bayasughazhi hhelai hendaghakuni wo. 
\v 3 Mexihaye goyane ese bayasughazho. Jinwun jiere jilasan mutun, "Chii sugiesan kunlai sugieku man mii jiere irewo." 
\v 4 Eqighandei huaisan jinwunshi man matande oluzhi sughazhi huaisan wo. Hhe matai rennai gieghazhi sughazhi kieliedene matande xiwon ogizho. 
\v 5 Bi onxian giese rennai gieghazhi sughazhi kieliesan Huda tai sumuladanyi Mexiha \pn Ersa\pn*i daghazhi nie gholughadene 
\v 6 dajiala man hhantu mai Ezhan \pn Ersa\pn* Mexihani Ada Hudai kuai!
\s Soyuji Minzula Hudade Doulane
\p
\v 7 Ingiese Mexiha tai jienlieku mutun taye nieniene jienliezhi Hudai kuai. 
\v 8 Bi kieliese Mexiha Hudai zhendaode oluzhi \png Yutai\png* kunlade hoji danlazhi xienrenlade dain giesei chenjighawo, 
\v 9 pse niman kunlai Huda hhelade ubali xiisande kuaighazho. Jinwun jiere jilasan mutun,
\q1 "Ingiese bi niman kunlai dunda chii chenren giene.
\q2 Bi donghala chii nierei doulane."
\m
\v 10 Pse kieliezho,
\q1 "Niman kunla, ta Ezhanyi bexinlare hhantu bayasundu."
\m
\v 11 Pse,
\q1 "Soyuji niman kunla, ta Ezhande doulandu.
\q2 Soyuji minzula, hhende doulandu!"
\m
\v 12 Pse \pn Isaiya\pn* kieliezho,
\q1 "Jianlai \pn Yexi\pn*ni houdei irene.
\q2 Hhe khizhedene niman kunlai gonjine.
\q1 Niman kunla hhei xiwon giene."
\m
\v 13 Xiwon ogisan Huda ta xianxin giekude yanyanji bayasukui, pinnanni tai zhughede durughazhi Shenlinni nenlighala xiwon olon ogi gie!
\s Niman Kunlade Chonjiku Baoloni Wilie
\p
\v 14 Mii gaijiula, tande gouni, yanyanji agheli duruzhi ta nieniedene surugha shidakui bi kenjin mejiene. 
\v 15 Ingieliuzhe bi niezhan shiqin jiere tai sumula ireghane giezhi danzine fugiedaghazhi tande xin huaikushi Huda made ogisan nenjienghala 
\v 16 bi niman kunlade oluzhi Mexiha \pn Ersa\pn*de wiliechi danlazho. Bi hhelade Hudai gouxioxii chonjise buwa niekielien wo. Shenlinyi tungo giezhi hhelai zhiguishighadene jienlieku mure mutun Hudade ogizho. 
\v 17 Ingiese Mexiha \pn Ersa\pn*i miende bi Hudade oluzhi giesan shiqinde kuaikui wine. 
\v 18 Niman kunlai shunjighane giezhi Mexiha mii tungo giezhi giesan wiliese chugo bi psedulai yama ulie kieliene. Hheshi kielienji, giekughala giesan wo. 
\v 19 Ghudureqi, fugie shiqinyi nenlighala, pse Hudai Ruhheryi nenlighala giesan wo. Bi Mexihai gouxioxii \png Yelusalen\png*se izhi \png Ililigu\png*de man chonji kurughawo. 
\v 20 Ingiezhi bi Mexihani nierei chenliezhi ese daosan oronlade chonjine giezhi hende duralakushi kunlai jigun jiere gie ulie beighane giezho. 
\v 21 Jinwun jiere jilasan mutun,
\q1 "Hhei xioxii mejie dasanla chanlane.
\q2 Chenliezhi ese daosanla dunjirene."
\s Baolo Lomade Echiku Jihua
\p
\v 22 Ene yenyin jiere bi tai hhende haojihui echine giezhoma, echi dazho. 
\v 23 Ede ene oronlade chonjiku oron widazho, pse haojinien bi tai hhende echiku duralazho. 
\v 24 Ingiese bi \png Xibenya\png*de echikude tai ochira, xien nietan laiwon giezhi xianshou giedene ta mii khughose giezhi xiwon giezho. 
\v 25 Ingiezhoma, ede bi \png Yelusalen\png*de echizhi shentulade banman giene giezho. 
\v 26 \png Maqidun\png*, \png Yagaiya\png*ni kunla \png Yelusalen\png*ni nanxintu shentulade banman giene giezhi bayasuzhi baer khireighawo. 
\v 27 Hhela enei bayasuzhi giekushi shuhuajia shentulade chaizho. Niman kunla hhelase ruhher jieredu haochui ghughazhi echise hhela injikude banman giese indanji wo. 
\v 28 Ingiese bi kunla khireighasanni goude jiuizhi ogi ene shiqinyi onchen giedene tai hhense jingo giezhi \png Xibenya\png*de echine. 
\v 29 Bi tai hhende irekude Mexihani olon nenjienni deilazhi irekui bi mejiene.
\p
\v 30 Gaijiula, bi matanyi Ezhan \pn Ersa\pn* Mexiha, Shenlinni orekughala tande goude fenfulaye. Ta mare hhantu xiacha giezhi made oluzhi Hudase ingiezhi onxian gie, 
\v 31 "Mii \png Yudaya\png* oronni xianxin ulie giechen kunlai khade bu oroghazhi bi \png Yelusalen\png*de banman giesan shiqinde shentulai bayasuzhi jienliegha gie. 
\v 32 Pse mii Hudai isighala tai hhende bayasuzhi iregha tanre hhantu hhamuragha gie." 
\v 33 Pinnan ogisan Huda ta dajialare hhantu bi gie. Amine!
\c 16
\s Kielien Asazho
\p
\v 1 Bi \png Jiengeli\png*ni jiohuide gonjia danlasan mai eghechijiu \pn Feibi\pn*ni tande jieshao gieye. 
\v 2 Ta Ezhanni miende hhei shentula indan gieku mutun heshide jienlie. Hhe yan shiqinde banman kerese banman gie. Hhe olon kunlade banman giezho, madeye banman giezho.
\p
\v 3 \pn Baijila\pn*, \pn Yajila\pn*de kielien asa. Hhela Mexiha \pn Ersa\pn*i miende mare hhantu wilie giezho. 
\v 4 Mii aminde oluzhi goya aminne ese kerewo. Zinie bi hhelade mafan kielieku pusho, niman kunlai jiohuila man hhelade mafan kieliezho. 
\v 5 Pse hhelai gieni jiohuii kunlade kielien asa. Bi oresan \pn Ibainitu\pn*de kielien asa. Hheshi \png Yaxiya\png* oronyi ji 1 gie Mexihai xianxin giesan kun wo. 
\v 6 \pn Mereiyen\pn*de kielien asa. Hhe tande oluzhi hende khishulazho. 
\v 7 Mare hhantu bafanzi sousan mii qingu \pn Andonigu\pn*, \pn Yuniya\pn*de kielien asa. Hhela shitulai dunda minshen fugie wo, mase melie Mexihai xianxin giezho. 
\v 8 Ezhanyi miende bi oresan \pn Anboli\pn*de kielien asa. 
\v 9 Mexihai miende matanre hhantu wilie giesan \pn Erbanu\pn*, pse bi oresan \pn Shidagu\pn*de kielien asa. 
\v 10 Mexihai miende olune giesan \pn Yabili\pn*de kielien asa. \pn Yalidobu\pn*i giei kunlade kielien asa. 
\v 11 Mii qingu \pn Xiloqien\pn*de kielien asa. \pn Naqishu\pn* giei Ezhanyi miendedu kunlade kielien asa. 
\v 12 Ezhanyi miende khishulasan \pn Tufeina\pn* \pn Tufusa\pn* ghualade kielien asa. Ezhanyi miende hende khishulasan oresan \pn Bixi\pn*de kielien asa. 
\v 13 Ezhanyi miende sunghusan \pn Lufu\pn*, hhei anadeni kielien asa. Hhei ana made ana danlazho. 
\v 14 \pn Yaxinqitu\pn*, \pn Fulegan\pn*, \pn Xiermi\pn*, \pn Baloba\pn*, \pn Heima\pn*, pse hhelare hhantuku gaijiulade kielien asa. 
\v 15 \pn Feilologu\pn*, \pn Yuliya\pn*ghala, \pn Niliya\pn*, hhei eghechijiughala, \pn Alinba\pn*, pse hhelare hhantuku shentulade man kielien asa. 
\v 16 Ta zhughesene nieniedene kielien asa. Mexihani jiohuila man tande kielien asazho.
\s Zuihoude Sughaku
\p
\v 17 Gaijiula, bi tai xiahua gieye, ta surusan daolini fandui giezhi tai khudoghozhi banjighachen hhezighan kunlase gholodo. 
\v 18 Imutu kunla mai Ezhan Mexihai ulie shunjizhi zinie goya shiqinne guizhi kuaiku seighan kielienghala loushi kunlai miine. 
\v 19 Tai shunjisan shiqinla gochude chonji kuruzho. Ingiese bi tande oluzhi bayasuzho. Mii duranshi ta gou shiqin jiere jienzhaghan, doghun shiqin jiere menghan. 
\v 20 Pinnan ogisan Huda Ibilisii kon douratai taizhi ireghaku ghujinlazho. Matanyi Ezhan \pn Ersa\pn* Mexihani nenjien tanre hhantu bi gie!
\p
\v 21 Mare hhantu wilie giesan \pn Qimotai\pn*, mii qingu \pn Luqiu\pn*, \pn Yaso\pn*, \pn Soxibade\pn* enela tande kielien asazho. 
\v 22 Made xin deilazhi huaisan \pn Deqi\pn* Ezhanyi miende tande kielien asazho. 
\v 23 Mii jienliezhi jiohuini kunlai man jienliesan \pn Gaiyu\pn* tande kielien asazho. Chenshii baer gonjisan \pn Iladu\pn*, mai gaijiu \pn Kotu\pn*ghala tande kielien asazho.
\s Doulaku
\p
\v 25 Hudade kuaikui ogi. Bi chonjisan \pn Ersa\pn* Mexihai gouxioxighala, eqighanku gonyinni niuighasan mimii mejieghakughala Huda tai khiduzhegha shidane. 
\v 26 Ene mimi ede xienjizhi khizhezho. Chanqiku Hudai minlin mutun xienzhilai shuni tungo giezhi soyuji minzulade mejieghadene hhelai xianxin gieghazhi shunjighawo. 
\v 27 \pn Ersa\pn* Mexihai tungo giezhi zi niekozi aghelitu Hudade chanqi kuaikui ogi. Amine!