\id REV DongXiang: DongXiang Bible draft 2
\usfm 3.0
\ide UTF-8
\ide 65001 - Unicode (UTF-8)
\rem Copyright Information: For any non-Paratext use of this text, permission must be obtained from the copyright holder.
\h Mejieghasan Shu
\toc1 Mejieghasan Shu
\toc2 Mejieghasan
\toc3 Mej
\mt Mejieghasan Shu
\c 1
\s Shuni Melieduku Kielien
\p
\v 1 Eneshi \pn Ersa\pn* Mexiha mejieghasan wo. Deigo fashen giene giesan shiqinni hojiladene uzheghane giezhi Huda \pn Ersa\pn*de mejieghasan wo. Ingiese \pn Ersa\pn* Mexiha qienxienne peizhi \pn Yaheiya\pn* hojidene qinchude mejieghawo. 
\v 2 \pn Yaheiya\pn* chanlasanlane man ganzhen beiwo. Jiushi Hudai kielien, pse \pn Ersa\pn* Mexiha hhende mejieghasanlai ganzhen beizhi kieliewo. 
\v 3 Ene shu jiere melie kieliesanlai onshizhi chenliezhi hhende jilasei zunjisanlade fuqi wine. Shihou chadashiwo.
\s Dolon Jiohuide Kielien Asazho
\p
\v 4-5 \pn Yaheiya\pn* \png Yaxiya\png*ni dolon jiohuide xin huaizho. Edeku, eqighanku, jianlai ireku Huda, hhei baozo meliededu dolon ruhher, pse shixinji ganzhen beisan, fugusan kun dundase tou 1 giede aminne olusan, duyai honshan dunda touzi danlasan \pn Ersa\pn* Mexiha tande nenjien, pinnan ogi gie!
\p Hhe matande orezhi goya chusunghalane zuise mai andaghazhi 
\v 6 gojia gholughazhi hhei ada Hudai melie buwa danlaghawo. Kuaiku, qienlini \pn Ersa\pn* Mexihade chanqi izhi ogi! Amine.
\q1
\v 7 Uzhe, hhe olien jiere irene.
\q2 Jien kunla hhei uzhene.
\q1 Hhei chujisan kunlaye uzhene.
\q2 Duya jieredu minzula man hhei yenyinzhe wilane.
\q1 Shuhuajia ingiene. Amine!
\p
\v 8 Ezhan Huda kieliezho, "Bishi Alafa wo, Emeiga wo. Bishi edeku, eqighanku, jianlai ireku, nenlitu Huda wo."
\s Ersa Mexiha Yaheiyade Chanlaghazho
\p
\v 9 Bishi tai gaijiu \pn Yaheiya\pn* wo. \pn Ersa\pn*i miende tanre hhantu kunnan shouiku, Hudai gojia, rennai giekude guzide wine. Bi Hudai kieliende oluzhi \pn Ersa\pn*de ganzhen beiku yenyinghala \png Bamo\png* giesan haini dao jiere bafanzi souzho. 
\v 10 Ezhanni udude Shenlin mii zhughei gojiolughazhi mii khuina laba tunguliesan mutun fugie shenqii bi sonosuwo. 
\v 11 Hhe shenqi kieliezho, "Chi chanlasanne man shu jiere huaizhi \png Ifuso\png*, \png Shimeina\png*, \png Biejiamo\png*, \png Tuiyatuila\png*, \png Saji\png*, \png Feilaqiefei\png*, \png Laojijia\png* ene dolon jiohuide khugho!"
\p
\v 12 Bi ochira kien made kielien kieliesei uzhene giezho. Ochira daozhese dolon antanni zhula teizii chanlawo. 
\v 13 Zhula teizi dunda niekozi kun hoxian kunni kewonni xianli. Fudu jien musizhi konde bouzho, antanghala echanne huighazho. 
\v 14 Hhei qiorun, usun chighande ghonini noghosun, chasunyi xianli. Nudunni khan giedai xianli. 
\v 15 Konni hoxian luzide siderasan gieghan tunni xianli. Shenqini olon usu usurusan shenqii xianli. 
\v 16 Hhei borun khade dolon hodun wine. Amanseni niekozi ghua renzitu xidu khudogho khizhezhi ungieni gon faisan hherei naranni xianli.
\p
\v 17 Bi hhei chanladene fugusan mutun hhei kon kondei fura bouwo. Hhe borun khane mii jiere teizhi kieliewo, "Bu ayi! Bishi tou 1 gie wo, zuihouku wo, 
\v 18 chanqi biku wo. Uzhe, bi fuguzhi daozhoma, ede chanqi izhi amiturazho. Dou fugukuji dozoni yeshi made wine. 
\v 19 Chi chanlasanlane man huaizhi jila. Jiushi edeku shiqinji khuina gholuku shiqin wo. 
\v 20 Chi chanlasan mii borun khani dolon hodun, pse dolon antanni zhula teizini mimishi ene wo. Dolon hodunshi dolon jiohuini qienxien wo, dolon zhula teizishi dolon jiohui wo."
\c 2
\s Ifuso Jiohuide Huaisan Xin
\p
\v 1 "Chi \png Ifuso\png* jiohuini qienxiende xin huaizhi kielie, 'Borun khadene dolon hodunni bareizhi dolon antanni zhula teizi dunda yosan hhe kieliezho. 
\v 2 Chi giesan, khishulasan, rennai giesei bi mejiene. Doghun kunlai ulie roulieseiye mejiene. Goyaneshi shitu wo giezhoma, shijishan pushotulai chi kaoyen giedene jianini khizheghazho. 
\v 3 Chi rennai giezhi mii nierede oluzhi jienchi giezhi hhechekune mejie dazho. 
\v 4 Ingieliuzhe ene nie shiqinde bi chii kheilane, dei qiikude orekui chi widaghazho. 
\v 5 Ingiese chi nie sumula. Khalase banjizhoshi hhense geizhen giezhi dei qiikude giesan wilielai gie. Chi geizhen ulie giese bi chii hhende iredene zhula teiziichii yenlaiku oronse agi echine. 
\v 6 Ingieliuzhe chade intu nie gou shiqin wine. \pn Nigela\pn* paini giesanlai bi henjisan mutun chi henjizho. 
\v 7 Chighin bitu kunla Shenlin jiohuilade kieliesan kielienni chenliendu. Injisan kunlade Hudai qientanyi aminni mutunni alimai ogizhi ijieghane.'"
\s Shimeina Jiohuide Huaisan Xin
\p
\v 8 "Chi \png Shimeina\png* jiohuini qienxiende xin huaizhi kielie, 'Tou 1 gie, zuihouku, fugudene aminne olusan hhe kieliezho. 
\v 9 Chii kunnan, nanxinni bi mejiene. Shijishan chi bayan wo. Hhezighan goyalaneshi \png Yutai\png* kun wo giesan kunla tai sugiesanyi bi mejiene. Shijishan hhelashi \png Yutai\png* kun pusho, Ibilisire hhantuku kun wo. 
\v 10 Chade kuzhene giesan kuse chi bu ayi. Uzhe, Ibilisi tai dundadu ezighan kunlai bafanzide khazhi tai shiine. Tai hharudu zayalane. Chi fugutula shixinji giese bi chade aminni maghalai ogine. 
\v 11 Chighin bitu kunla Shenlin jiohuilade kieliesan kielienni chenliendu. Injisan kunlai ji 2 gie fuguku hei dane.'"
\s Biejiamo Jiohuide Huaisan Xin
\p
\v 12 "Chi \png Biejiamo\png* jiohuini qienxiende xin huaizhi kielie, 'Ghua renzitu xidu khudogho winetu hhe kieliezho. 
\v 13 Chi sousan oronni bi mejiene, Ibilisii baozo hhende wo. Made shixinji ganzhen beisan \png Anqipa\png*i tai hhende, jiushi Ibilisi sousan oronde alakude chi mii nierei goude zunjizhi mii xianxin giesanni ese bendawo. 
\v 14 Ingieliuzhe giedun shiqin jiere bi chii kheilane. Tai dundadu niezhan kunla \pn Balan\pn* sughasei shunjizho. \pn Balan\pn* \pn Bale\pn*de sughazhi \png Isilie\png* bexinlai zui fanjighazhi nigiedade teisan dunxii ijieghazhi lon kijieghazho. 
\v 15 Niekielien wo, chii hhende niezhan kunla \pn Nigela\pn* paini surughasei shunjizho. 
\v 16 Ingiese chi geizhen gie. Pse bi chii hhende irezhi amanne khudoghoghala enelai eghine. 
\v 17 Chighin bitu kunla Shenlin jiohuilade kieliesan kielienni chenliendu. Injisan kunlade bi niuighasan manani ogizhi pse chighan tashii ogine. Tashi jiere shini niere huaizho. Jienliesan kunse chugo tanichen kun nieda uwo.'"
\s Tuiyatuila Jiohuide Huaisan Xin
\p
\v 18 "Chi \png Tuiyatuila\png* jiohuini qienxiende xin huaizhi kielie, 'Nudunni khan gieda mutun, konni gieghan tun mutun Hudai kewon kieliezho. 
\v 19 Chii gieku, oreku, xianxin gieku, kunlade oluzhi gieku, rennai giekui bi mejiene. Chi khuinashi giesan melieshi giesanse da olon bikuiye mejiene. 
\v 20 Ingieliuzhe ene nie shiqinde bi chii kheilane. Goyaneshi xienzhi wo giesan bierei \pn Yexibie\pn*ni chi renjizho. Hhe mii hojilade sughazhi hhelai miidene lon kijieghazhi nigiedade teisan dunxii ijieghazho. 
\v 21 Bi hhende geizhen gieku jihui ogizhi daozhoma, hhe lon kijiekune geizhen ulie geine. 
\v 22 Bi jingao gieye. Bi deigo hhei giemereghazhi chonban jiere bendane. Hhere hhantu piofen giesanlaye hhe giesanlai geizhen ulie giese fugie zeinan dunda bendane. 
\v 23 Bi hhere niekielienji giesan kunlai alane. Ingiese soyuji jiohuila man bishi kunni sumuladanji zhughei uzhechen bikui mejiene. Bi tai giekuzhe jien kunde kharulune. 
\v 24 Ta \png Tuiyatuila\png*dedu hhe sughasei ese shunjisan, kunla kieliese Ibilisini chijia isi wo giesanni ese surusan kunlade bi kielieye, bi psedu achanni tai jiere ulie teine. 
\v 25 Zinie bi iretula ta bisanne goude barei. 
\v 26 Injisan, mii isii zunjizhi zuihou kusan kunlade bi soyuji gojialai gonjiku qienli ogine. 
\v 27 Hhe kun qiemu zhugunghala waganganyi ghalughaku mutun hhelai gonjine. 
\v 28 Eneshi bi adasene linlasan qienlighala niekielien wo. Bi pse eqiemaghaku hodunni hhende ogine. 
\v 29 Chighin bitu kunla Shenlin jiohuilade kieliesan kielienni chenliendu!'"
\c 3
\s Saji Jiohuide Huaisan Xin
\p
\v 1 "Chi \png Saji\png* jiohuini qienxiende xin huaizhi kielie, 'Hudai dolon ruhher, dolon hodun winetu hhe kieliezho. Chi giekui bi mejiene, zhao niereghala chi amitu woma, shijishan chi fuguzho. 
\v 2 Chi xiereidene deigo fugune giezhi goujinie feiliesanlai khiduzhegha. Bi mejiese chi giesanla mii Hudai melie hulunni nieda uwo. 
\v 3 Ingiese chi daolini matugie jienliezhi chenliesei jiladene zunjizhi geizhen gie. Chi ulie xiereise bi ghughei mutun irene, bi yan xienzide chii hhende irekui chi jiedui ulie mejiene. 
\v 4 Ingieliuzhe \png Saji\png*de niezhanla jienne ese zannanshighazhi hhela pei shidadene chighan jien musizhi bighala hhantu yone. 
\v 5 Injisan kunla ingiezhi chighan jien musizhi hhelai nierei aminni jilasan benzi jierese ulie widaghane. Bi adane melie, hhei qienxienlai melie hhelai nierei chenren giene. 
\v 6 Chighin bitu kunla Shenlin jiohuilade kieliesan kielienni chenliendu!'"
\s Feilaqiefei Jiohuide Huaisan Xin
\p
\v 7 "Chi \png Feilaqiefei\png* jiohuini qienxiende xin huaizhi kielie, '\pn Dawude\pn*ni yeshii bareizhi niese kiemada kha dane, khase kiemada nie daku hhe zhiguitu, zhenni kieliezho. 
\v 8 Chi giekui bi mejiene. Chade goujinie lilian bizhi mii kielienyi zunjizhi mii nierei ese ghudanduzho. Uzhe, bi chii melie nie keighasan wijienni teiwo, kiemada kha dane. 
\v 9 Hhezighan Ibilisire hhantuku kunla, goyaneshi \png Yutai\png* kun wo giezhoma shijishan pushotu ghudanchilai bi chii kon melie xiutulieghazhi bi chade oresei hhelade mejieghane. 
\v 10 Chi mii kielienyi zunjizhi rennai giezho. Ingiese duyai kunlai man kaoyen gieku shihoude bi chii baohu giene. 
\v 11 Bi ghujighande irene. Chi bisanlane goude barei, pse jianli giesan maghalai kunla qianla echine. 
\v 12 Injisan kunlai mii Hudai dajiende tuhua danlaghazhi pse likai ulie gieghane. Bi Hudane nierei, Hudai chenshii nierei, pse mii shini nierei man hhei jiere huaine. Ene chenshishi asimanse, mii Hudai hhense bouzhesan shini \png Yelusalen\png* wo. 
\v 13 Chighin bitu kunla Shenlin jiohuilade kieliesan kielienni chenliendu!'"
\s Laojijia Jiohuide Huaisan Xin
\p
\v 14 "Chi \png Laojijia\png* jiohuini qienxiende xin huaizhi kielie, 'Hhe Amine giesan, shixinji shuhua ganzhen beisan, Huda zhayaghasan genzi kieliezho. 
\v 15 Chi giekui bi mejiene, chi kuiqienye uwo, hhereiye uwo. Mii duranshi chi kuiqien onu hhereishijiu. 
\v 16 Chi unchu usu mutun kuiqien wiji hherei uwoshi bi chii amansene nunpu khighane. 
\v 17 Chi kieliese bi bayan wo, facai giezhi yama ese chaizho giezhoma, chade lolien, ubali, nanxin, sugho, hulan muchughun bikui chi ulie mejiene. 
\v 18 Bi chade sughaye, chi mase khanghala tuliezhi daosan antanni agizhi goyane bayazhegha. Chighan jien agizhi musidene hulan muchughun shizhekune bu khizhegha. Pse nienye agizhi teidene nudunne chanlagha. 
\v 19 Jien bi oresanlade kheilazhi gonjine. Ingiese chi rexinne khizhegha, geizhen gie. 
\v 20 Uzhe, bi ghadane beidene wijienyi eghizho. Mii shenqii sonosudene wijienyi niese bi hhei hhende orozhi bi hheghala, hhe bighala hhantu ijiene. 
\v 21 Injisan kunlai bi baozo jierene goyarene hhantu soughane. Hoxian bi injidene adane baozo jiere hhere hhantu souku niekielien wo. 
\v 22 Chighin bitu kunla Shenlin jiohuilade kieliesan kielienni chenliendu!'"
\c 4
\s Asiman Jiere Hudade Libai Giezho
\p
\v 1 Enense khuinashi bi chanlase asiman jieredu wijien niezho. Bi eqighandei sonosusan laba feiliesan shenqi mutun made kieliezho, "Chi mii enende khizhe. Ihou kenjin gholuku shiqinlai bi chade uzheghaye." 
\v 2 Shenlin deigo mii zhughei gojiolughazhi bi chanlase asiman jiere nie baozo wine. Hhende niekozi souzho. 
\v 3 Hhe sousei uzhese noghon ishi, hulan boushini xianli. Pse baozoni lun sulasan wiqizhi noghon boushini xianli. 
\v 4 Baozoni izhonde 24 gie zowi wo. Zowi jiere 24 gie zhanlao souzho, chighan jien musizhi qiorun jiere antanni maghala zhozho. 
\v 5 Shanjien, olien tunguliesan fugie shenqi baozose khizhezho. Pse dolon hoba baozo melie siderazho. Ene dolon zhulashi Hudai dolon ruhher wo. 
\v 6 Baozo melie nie boli mutun hai, shuijinyi xianli.
\p Baozo zhouwini simiende jieran amitu ojien wo, beyeni melie khuina nudun duruzho. 
\v 7 Tou 1 gie shizini xianli, ji 2 gie fughereini xianli, ji 3 gieni ungie kunni ungiei xianli, ji 4 gie musisan inni xianli. 
\v 8 Jieran amitu ojiende niede zhighon siban wo, beye jiereni nudun duruzho. Hhela udu xieniji ese beidene kieliezho,
\q1 "Zhigui! Zhigui! Zhigui!
\q2 Ezhan, Fugie Nenlitu Hudashi
\q2 eqighanku, edeku, jianlai ireku wo."
\m
\v 9 Jieran amitu ojien kuaiku, zhigui, mafan giekui baozo jiere sousan, chanqi izhi amituku hhende niefanie ogikude, 
\v 10 24 gie zhanlao baozo sousan chanqi izhi amituku hhende papaladene beiizhi goya maghalane baozo konde teidene kieliezho,
\q1
\v 11 "Mai Ezhan, mai Huda
\q2 kuaiku, zhigui, nenlini pei shidane.
\q1 Chi yanyanjilai zhayaghazho.
\q2 Yanyanjilashi chii isighala zhayaghadene bisan wo."
\c 5
\s Ghoni Ghughan Shuni Keighazho
\p
\v 1 Bi chanlase baozo sousei borun khade horosan shu wine. Ghadane, sudoroji uru huaizhi dolon fenqioghala fenjizho. 
\v 2 Bi pse chanlase nie lilian fugietu qienxien fugiede waradazhi kieliezho, "Kien fenqioni keighazhi shuni keighakui pei shidane?" 
\v 3 Asiman jiere, zemin jiere, zemin doura hhe shuni keighazhi onshichen uwo. 
\v 4 Peizhi keighazhi onshichen wise bi hende wilazho. 
\v 5 Zhanlao dundase niekozi made kieliezho, "Bu wila! Uzhe, \png Yuda\png* paini shizi, jiushi \pn Dawude\pn*ni houdei ijin injiwo. Hhe shuni keighazhi dolon fenqioni keigha shidane!"
\p
\v 6 Bi pse chanlase baozo, jieran amitu ojien, zhanlao dunda nie ghoni ghughan beizho. Alazhi daosei xianli. Hhende dolon gocha, dolon nudun wine, eneshi duyai gochude peizhi echighasan Hudai dolon ruhher wo. 
\v 7 Ene ghoni ghughan yo dao baozo sousei borun khase shuni agiwo. 
\v 8 Shuni agise jieran amitu ojien, 24 gie zhanlao ghoni ghughanyi melie papalawo. Manla qin, xian durusan antanni luzii bareizho. Ene xianshi shentulai onxian wo. 
\v 9 Hhela shini donghala doulazho,
\q1 "Chi shuni agizhi pei shidane.
\q2 Dolon fenqioni keighazhi pei shidane.
\q1 Chii alazhi daozho,
\q2 goya chusunghalane Hudade oluzhi
\q2 go pai, go kielien, go minzu, go gojialase kunlai agizho.
\q1
\v 10 Hhelai mai Hudade oluzhi buwatu gojia gholughawo,
\q1 Zemin jiere qienli bareine."
\p
\v 11 Bi chanlazhi sonosuse baozo, amitu ojien, zhanlaolai zhouwide olon qienxienlai shenqi wine, hhela olonde shuzi uwo. 
\v 12 Qienxienla fugie shenqighala kieliezho,
\q1 "Alazhi daosan ghoni ghughan
\q2 nenli, bayan, agheli, lilian,
\q2 zhigui, kuaiku, doulakui peizhi jienlie shidane."
\p
\v 13 Bi sonosuse asiman jiere, zemin jiere, zemin doura, hainughun, asiman zemin dunda yanyanji zhayaghasanla man kieliezho,
\q1 "Doulaku, zhigui, fama, qienlini
\q2 man baozo sousanji ghoni ghughande
\q2 chanqi izhi ogi!"
\p
\v 14 Jieran amitu ojien amine giezho. Zhanlaolaye papaladene beiizho.
\c 6
\s Zhighon Fenqioni Keighazho
\p
\v 1 Bi chanlase ghoni ghughan dolon fenqio dundadu ji 1 giei keighakude sonosuse jieran amitu ojien dundadu niekozii shenqini olien tunguliesan mutun, "Chi ire." giezhi kieliezho. 
\v 2 Bi chanlase nie chighan morei wine. Morei jiere unusan gunjien bareizhi jianli giesan maghalai hhende ogizho. Hhe khizhedene injizhi pse injine giezho. 
\v 3 Ji 2 gie fenqioni keighakude bi sonosuse ji 2 gie amitu ojien, "Chi ire." giezhi kieliezho. 
\v 4 Pse nie morei khizhewo, hulanni wo. Morei unusande qienlini ogizhi zemin jierese pinnanni agi echise kunla nieniene alandune. Nie fugie khudoghoni hhende ogizho.
\p
\v 5 Ji 3 gie fenqioni keighakude bi sonosuse ji 3 gie amitu ojien, "Chi ire." giezhi kieliezho. Bi chanlase nie khara morei wine! Morei jiere unusan khadeni shizhi bareizho. 
\v 6 Bi sonosuse jieran amitu ojien dunda shenqi biku mutun kieliezho, "Niuduku gunzighala 2 jin boudei agine, niuduku gunzighala caigie 6 jin damai agine. Tosun, jiuni zaota bu gie!"
\p
\v 7 Ji 4 gie fenqioni keighakude bi sonosuse ji 4 gie amitu ojien, "Chi ire." giezhi kieliezho. 
\v 8 Bi chanlase nie boro morei wine! Morei jiere unusei niereini Fugu giene, dozohei hhei daghazho. Hhelade qienli ogizhi khudogho, oliesuku, inzhaku gien, yewo enelaghala zemin jieredu 4 fenzhi 1 ni oronde kunlai alane.
\p
\v 9 Ji 5 gie fenqioni keighakude bi chanlase sidagha gieku teizi doura Hudai daolide oluzhi, pse hhende ganzhen beisande oluzhi alasan kunlai ruhher wine. 
\v 10 Hhela fugie shenqighala waradazhi kieliezho, "Zhiguitu zhenzhenji Ezhan, chi zemin jiere sousan kunlai ulie panjizhi bijienyi kuighazhi usurusan chusunde bouchou ulie giezhi yan xienzi kune?" 
\v 11 Ingie hhe jien kunde chighan fudu jien ogidene fenfulazhi tanre hhantu hoji danlasan gaijiulai ta mutun deigo alazhi shuzi kutula pse gouji hhamura giezho.
\p
\v 12 Ji 6 gie fenqioni keighakude bi chanlase zemin hende gojioluzhi naran kharaladene khara bosii xianli, sara hulande chusunyi xianli. 
\v 13 Hodunla asimanse zemin jiere bouzhezho, hoxian kei feiliezhi gojiolughasan uhuago mutunse ese shalasan alima bouzhesan niekielien wo. 
\v 14 Asiman horosan shu mutun horo widawo. Jien ula, haini daoni oronseni noighawo. 
\v 15 Duyani honshan, fugie noyen, jianjin, bayan kun, lilian fugietu kun, pse jien hoji, hoji ese danlasan kun, man ulai dunde, tashi fenzide niuidene 
\v 16 ulade tashide kieliezho, "Bijienyi jiere bouzhe! Baozo sousei ungiese, ghoni ghughan hokusanse bijienyi niuigha! 
\v 17 Hhelai hokusan zhunyoni udu kuzhewo, kien bei shidane?"
\c 7
\s 144000 Isilie Kunlade Zhanzi Taizho
\p
\v 1 Enense khuinashi bi chanlase jieran qienxien zeminni jieran gozide beidene simienni keini duizhi zemin, hai, soyuji mutunlai jiere ese feilieghazho. 
\v 2 Bi pse chanlase dou nie qienxien naran khizheku oronse khizhezho, chanqiku Hudai zhanzini bareizho. Zemin, haini hei shidaku nenlini jienliesan jieran qienxiende fugie shenqighala waradazhi kieliezho, 
\v 3 "Bijien matai Hudai hojilai manlou jiere zhanzi taitula ta zemin, hai, mutunlai bu hei." 
\v 4 Bi sonosuse \png Isilie\png*ni go paise zhanzi taisan shuzishi 144000 wo.
\li
\v 5 \pn Yuda\pn* paise zhanzi taisan 12000,
\li \pn Libien\pn* paise zhanzi taisan 12000,
\li \pn Jiade\pn* paise zhanzi taisan 12000,
\li
\v 6 \pn Yashe\pn* paise zhanzi taisan 12000,
\li \pn Nafutali\pn* paise zhanzi taisan 12000,
\li \pn Manaxi\pn* paise zhanzi taisan 12000,
\li
\v 7 \pn Ximien\pn* paise zhanzi taisan 12000,
\li \pn Liwi\pn* paise zhanzi taisan 12000,
\li \pn Isajia\pn* paise zhanzi taisan 12000,
\li
\v 8 \pn Xibulun\pn* paise zhanzi taisan 12000,
\li \pn Yusufu\pn* paise zhanzi taisan 12000,
\li \pn Bienyamin\pn* paise zhanzi taisan 12000 wo.
\s Go Gojiani Olon Kunla Doulazho
\p
\v 9 Enense khuinashi bi chanlase tebieji olon kun wine. Kiema toulazhi baragha dane. Go gojia, go pai, go minzu, go kielien kieliechen kunlase man irezhi baozo, ghoni ghughani melie beizho, chighan jien musizhi zunshu mutun chalalai bareidene 
\v 10 fugie shenqighala waradazhi kieliezho,
\q1 "Jiuiku baozo sousan mai Hudaji ghoni ghughande wine!"
\m
\v 11 Qienxienla man baozo, zhanlao, jieran amitu ojienlai zhouwide beidene baozo melie papala Hudai beiizhi 
\v 12 kieliezho,
\q1 "Amine! Zanjiku, kuaiku, agheli,
\q2 mafan gieku, zhigui, nenli, lilianni
\q1 Mai Hudade
\q2 chanqi izhi ogi! Amine!"
\p
\v 13 Zhanlao dunda niekozi made asazho, "Enezighan chighan jien musisanshi kien wo? Hhela khalase irezho?" 
\v 14 Bi hhende kieliewo, "Mii gujiu, chi mejiene." Hhe made kieliewo, "Enezighan kunla zeinan dundase khizhezhi ghoni ghughanyi chusun hhelai jienni waghazhi chighanshighazho." 
\v 15 Ingiese
\q1 "Hhela Hudai baozo melie xieni udu
\q2 Hudai dajiende hhei beiizho.
\q1 Baozo sousan hhe zhanfanghala hhelai huizho.
\q2
\v 16 Hhela pse ulie oliesune, ulie undasune.
\q1 Naran, pse hhereini hhelai tulie dane.
\q1
\v 17 Ingiekushi baozo dundadu ghoni ghughan hhelai chezhezhi
\q2 udurudene aminni usui bula konde echine,
\q1 Huda hhelai nunpusunyi saine."
\c 8
\s Ji 7 Gie Fenqioni Keighazho
\p
\v 1 Ghoni ghughan ji 7 gie fenqioni keighakude asiman jiere bangie xioshi yama shenqi uwo. 
\v 2 Bi chanlase Hudai melie dolon qienxien beizho. Hhelade dolon laba ogizho.
\p
\v 3 Da nie qienxien iredene antanni xianlu bareizhi sidagha gieku teizi kanzide beizho. Olon xianni hhende ogizhi shentulai onxianghala hhantu baozo kondedu antanni sidagha gieku teizi jiere ogine giezho. 
\v 4 Hhe xianni funi shentulai onxianghala hhantu qienxienni khase Hudai melie khireiwo. 
\v 5 Ingie qienxien xianluni bareizhi sidagha gieku teizi jieredu khanni zhonlozhi durughadene zemin jiere kiese olien tunguliezho, fugie shenqi, shanjien, zemin gojioluzho.
\s Dolon Labai Zeinan
\p
\v 6 Dolon laba bareisan dolon qienxien feiliene giezhi zhunbei giezho. 
\v 7 Ji 1 gie qienxien labani feiliese mendou, chusunghala huisan khan zemin jiere bouzhezho. Zeminni 3 fenzhi 1, mutunni 3 fenzhi 1 ni sidera widaghawo, pse noghon osunlai man sidera widaghawo.
\p
\v 8 Ji 2 gie qienxien labani feiliese khan siderasan xianlitu fugie ulai haide bendawo. Haini 3 fenzhi 1 chusun gholuwo, 
\v 9 Haini amitu ojien 3 fenzhi 1 fuguwo, chonni 3 fenzhi 1 qida oluwo.
\p
\v 10 Ji 3 gie qienxien labani feiliese hoba mutun siderasan fugie hodun asimanse moron, bulai 3 fenzhi 1 de bouzhewo. 
\v 11 Ene hodunni nierei Kou giene. Usuni 3 fenzhi 1 kouni gholuwo. Usu koudase olon kunla fuguwo.
\p
\v 12 Ji 4 gie qienxien labani feiliese naranni 3 fenzhi 1, sarani 3 fenzhi 1, hodunlai 3 fenzhi 1 ni eghizhi naran, sara, hodunlani 3 fenzhi 1 kharalawo. Uduni 3 fenzhi 1 de gon widawo, xieniye niekielien wo.
\p
\v 13 Bi chanlazhi sonosuse asimande musisan nie in fugie shenqighala kieliezho, "Gou widawo! Gou widawo! Duyade sousan kunlade gou widawo! Da ghuran qienxien labani feiliene giezho!"
\c 9
\p
\v 1 Ji 5 gie qienxien labani feiliese bi chanlase nie hodun asimanse zemin jiere bouwo, jizi witu nokienni yeshii hhende ogizho. 
\v 2 Hhe nokienni niese funi ojiede mouizhi fugie luzini funii xianli. Ene funi naran, asimanni kharalaghawo. 
\v 3 Machazi funise khizhedene zemin jiere luiwo. Hhelade nenli ogizhi hoxian zemin jieredu xiezini nenlii xianli. 
\v 4 Hhelade fenfulazhi zemin jieredu osunji yanyanji noghon dunxi, mutunlai bu shanjidene zinie manlou jiere Hudai zhanzii ese taisan kunlai shanji giezho. 
\v 5 Hhelai bu alazhi tawun sara tendun shouigha giezho. Ene tendun xiezi kunyi jinjisan niekielien wo. 
\v 6 Hhezighan udude kun fugune giezhoma fugu dane. Fuguku duran biliuzhe fuguku hhelase piizho.
\p
\v 7 Machazini yanzi hoxian zhan eghindune giezhi zhunbei gie goudaghasan moreii xianli. Qiorun jiere zhosan antanni maghalai xianli, ungienni ere kunyi ungiei xianli, 
\v 8 usunni biereini usunyi xianli, shidunni shizii shidunyi xianli. 
\v 9 Echan jiereni qiemu majiai xianlitu huiku majia wine. Hhelai sibanyini shenqi hoxian olon mache holuzhi zhanchan jiere khireiku shenqii xianli. 
\v 10 Hhelai xien xiezii xianli, xien jieredu duni kunyi tawun sara shanji shidane. 
\v 11 Jizi witu nokienni qienxien hhelade honshan danlazho. \png Xibolai\png* kielienghala kieliese niereini \pn Yabadun\pn* giene, \png Xila\png* kielienghala \pn Yabolun\pn* giene.
\p
\v 12 Ji 1 gie zeinan daowo. Uzhe, pse ghua zeinan irene.
\p
\v 13 Ji 6 gie qienxien labani feiliese bi sonosuse nie shenqi Hudai meliedu antanni sidagha gieku teizii jieran gochase khizhezho. 
\v 14 Ene shenqi laba bareisan ji 6 gie qienxiende kieliezho, "\png Yufalaji\png* fugie moronde banlasan jieran qienxienni andagha." 
\v 15 Ingie jieran qienxienni andaghawo. Hhela alinie hon, sara, udu, zhuntoude kunni 3 fenzhi 1 ni alakui zhunbei gie goudaghazho. 
\v 16 Bi shuzii sonosuse hhelade morei unusan budui lianyi wine. 
\v 17 Bi zhoujin mutun hhezighan morei, morei unusanlai chanlawo. Morei unusanlai echan jiere huiku majia wine. Majiani yenshei khan mutun hulan, manou mutun kugie, liuhon mutun shira wo. Moreini qiorun shizini qiorunni xianli. Khan, funi, liuhon, moreini amanse khizhezho. 
\v 18 Amanseni khizhesan khan, funi, liuhon ene ghuran zeinanghala kunni 3 fenzhi 1 ni alawo. 
\v 19 Moreilai nenli amandeji xiende wo. Xienni mogheini xianli, qiorun bizhi qiorunghala kunni heine.
\p
\v 20 Enezighan zeinanghala ese alasan psedu kunla goya khaghalane giesanne geizhen ese giedene da sheitanlai, pse hhezighan uzhe daku, sonosu daku, yo daku, antan, miengu, tun, tashi, muzhaghala giesan nigiedalai beiizho. 
\v 21 Hhela kun alaku, fashu shuaiku, lon kijieku, ghulaku shiqinlasene geizhen ese giezho.
\c 10
\s Qienxien Horosan Ga Shughala
\p
\v 1 Bi pse chanlase dou nie fugie liliantu qienxien asimanse bouzhezhi olienni nanbezho, qiorun jiereni lun sulasan wine, ungienni naranni xianli, ghua konni khantu tuhuai xianli. 
\v 2 Hhei khade keighasan ga shu wine. Borun konni haini taizho, soghei konni zeminni taizho. 
\v 3 Fugie shenqighala waradase hoxian shizi onghonosei xianli. Waradakude dolon olien tunguliesan shenqi khizhezho. 
\v 4 Dolon olien tunguliesan shenqi khizhekude bi hhei huaine giezho. Ingiekude bi sonosuse asimanse shenqi kieliezhi dolon olien tunguliesan kieliesei bu huaidene fenji giezho. 
\v 5 Bi chanlasan hai, zeminni taisan qienxien asimande borun khane zhadeighadene 
\v 6 zhiizhi asiman, asiman jieredu ojien, zemin, zemin jieredu ojien, hai, hai dundadu ojienlai zhayaghasan chanqi izhi amituku hhende fayen giezhi kieliezho, "Pse danwu ulie giene. 
\v 7 Ji 7 gie qienxien labani feiliekude Hudai mimi Huda xienzhi hojiladene chonjizhi ogisan gouxioxi mutun chenjine."
\p
\v 8 Bi melieshi asimanse sonosusan shenqi pse made kieliewo, "Chi echidene hai, zeminni taisan qienxienni khase keighasan shuni agi." 
\v 9 Bi qienxienyi hhende yo dao horosan ga shuni made ogi giezhi kieliewo. Hhe made kieliewo, "Chi bareidene ijie agi. Kielidechii koudanema, amandechii qiende shimei niekielien wo." 
\v 10 Bi qienxienyi khase ga shuni jienlie daozhedene ijie agise mii amande zhenzhenji qiende shimei niekielien wo, kielidemi kou wo. 
\v 11 Pse made kieliezho, "Chi olon minzu, gojia, yanyanji kielienyi kieliechen kun, honshanlai fanmiende kieliesan Hudai kielienyi indan pse kieliekuni wo."
\c 11
\s Ghua Ganzhen Beisan Kun
\p
\v 1 Made nie zhugunyi xianlitu chizii ogizhi kieliezho, "Bosizhedene Hudai dajien, sidagha gieku teizi, pse hhende libai giesan kunlai nanji. 
\v 2 Dajienni ghadanedu yenzii bu nanji, hhei niman kunlade ogizho. Hhela zhiguitu chenshini 42 gie sara tai pindaghane. 
\v 3 Bi ghua ganzhen beisan kundene madei jien musighazhi qienli ogidene 1260 qien Hudai daolini kielieghane."
\p
\v 4 Hhelashi duyai Ezhanyi melie beisan ghua ganlan mutun, ghua zhula teizi wo. 
\v 5 Kien hhelai heine giese hhelai amanse khan khizhezhi duitoulai sidera widaghane. Hhelai heine giesanlai kenjin ingiezhi alane. 
\v 6 Ene ghualade Hudai kielienyi kielieku udude asimanni menjighadene ghura ulie boughaku nenli wine. Pse usulai chusun gholughazhi da goyane isizhe yanyanji zeinanghala duyai eghiku nenli wine. 
\v 7 Hhela ganzhen bei balukude jizi witu nokiense khizhesan yewo hhelare eghinduzhi injidene hhelai alane. 
\v 8 Hhelani fugusan beyeni fugie chenshini geidoude jiene. Ene chenshini bilazhi kieliese \png Sodoma\png*ye giene, \png Aiji\png*ye giene, jiushi hhelai Ezhanni shizijia jiere ghada alasan oron wo. 
\v 9 Go minzu, go pai, go kielien, go gojialase iresan kunla hhelai fugusan beyei ghurudu zharun xihan uzhezhi mezade ulie teighane. 
\v 10 Ene ghua xienzhila zemin jiere sousan kunlai tendun shouighazhi daozho, ingiese zemin jiere sousan kunla hhela fugusande bayasuzhi nieniedene mure khughone.
\p
\v 11 Ghurudu zharun daodene amin bitu ho Hudai hhense hhelai sudoro orose hhela bosizhewo. Hhelai chanlasan kunla hende ayizho. 
\v 12 Ghua xienzhi sonosuse asimanse fugie shenqi hhelade kieliezho, "Enende khizhe." Hhela olienre hhantu asimande khiwo. Duitoulaniye chanlawo. 
\v 13 Zhen ingiekude zemin hende gojioluzhi chenshini 10 fenzhi 1 tairezho. Zemin gojioluzhi fugusan kun 7000 gie wo. Feiliesan kunla ayizhi kuaikui asiman jieredu Hudade ogizho.
\p
\v 14 Ji 2 gie zeinan daowo. Uzhe, ji 3 gie zeinan deigo irene.
\s Ji 7 Gie Labani Feiliezho
\p
\v 15 Ji 7 gie qienxien labani feiliese asimande fugie shenqila bizhi kieliezho,
\q1 "Duyani gojia mai Ezhanji hhe teisan Mexihani gojia gholuwo.
\q2 Hhe chanqi izhi honshan danlane."
\m
\v 16 Hudai melie goya wizide sousan 24 gie zhanlao papaladene Hudai beiizhi 
\v 17 kieliezho,
\q1 "Edeku, eqighanku Ezhan, nenlitu Huda,
\q2 bijien chade mafan kielieye.
\q1 Chi fugie nenli bareizhi honshan danlawo.
\q1
\v 18 Gojiala noiwoma,
\q2 chii hokuku irewo.
\q1 Fugusan kunni panjiku shihou,
\q2 chii hoji, xienzhi, shentu,
\q2 jien chii jilasan kun
\q2 fugiei gajiniji jianli linlaku shihou,
\q1 Pse duyani pohai giesanlai chi widaghaku shihou irewo."
\p
\v 19 Ingiekude asimandedu Hudai dajien keizhi sudoroni kielien yenjisan xianzini uzhe shidane. Pse shanjien, fugie shenqi, olien tunguliesan, zemin gojiolusan, fugie mendou wine.
\c 12
\s Bierei Lunghala
\p
\v 1 Asimande fugie zunji xienjizhi nie bierei naranni musizhi sarani taizho. Qiorun jierene 12 gie hoduntu honshan zhoku maghala zhozho. 
\v 2 Hhe kewosi laizhi olukude otuzhi tendun shouizhi waradazho. 
\v 3 Asimande pse nie zunji xienjizhi nie hulan lunde dolon qiorun, hharan gocha wo. Dolon qiorun jiereni dolon honshan zhoku ga maghala zhozho. 
\v 4 Hhe xienghalane asimanni hodunlai 3 fenzhi 1 ni laizhi zemin jiere bendawo. Pse kewosi olune giesan biereini melie beidene hhe oluse hhei kewosii ijiene giezho. 
\v 5 Bierei nie kewon oluwo. Ene kewon jianlai qiemu zhugunghala gojialai man gonjine. Hheni kewosii Hudai baozoi hhende qila echiwo. 
\v 6 Bierei hontande holuzhi echise Huda hhei hhende 1260 qien qiezhene giezhi zhunbei giesan oron wine.
\p
\v 7 Asiman jiere zhan eghindu qiiwo. \pn Mijiale\pn* qienxienlarene lunghala eghinduzhi lunye kha douradedularene hhantu bosizhezhi eghinduzho. 
\v 8 Lun inji dase asiman jiere hhelade oron widazho. 
\v 9 Fugie lunshi gushihouni moghei wo, niereini Sheitan giene, pse Ibilisiye giene. Duyade sousan kunlai man miizho. Hhei zemin jiere bendawo, hhei kha douradedulaiye hhantu bendawo. 
\v 10 Bi sonosuse asimanse fugie shenqi kieliezho,
\q1 "Ede mai Hudai jiuiku, nenli, gojia irezho,
\q2 hhe teisan Mexiha qienli bareizho!
\q1 Mai Hudai melie xieni uduji
\q2 mai gaijiulai zhasan hhei benda boughawo.
\q1
\v 11 Gaijiula lunni injikushi ghoni ghughanyi chusun,
\q2 pse goyalane ganzhen beisan daolighala wo.
\q1 Hhela amindene ulie orezhi fugukude kuzho.
\q2
\v 12 Ingiese asiman, pse hhende sousanla bayasundu!
\q1 Zemin, haide gou widawo!
\q2 Ibilisi goyade shihou oloncha widakui mejiedene
\q1 Hende hokuzhi tai hhende bouwo."
\p
\v 13 Lun goyai zemin jiere bendasei mejiedene kewon olusan biereini fenjiezhi biizho. 
\v 14 Ingiese fugie inni ghua sibanni biereide ogise hhe musidene mogheise piizhi hontanni goya orondene echiwo. Hhende biereini nie shihou, ghua shihou, olie shihou qiezhezho. 
\v 15 Moghei biereini khuinase amansene moron mutun usuni nunpuzhi biereini chunji yolaghane giezho. 
\v 16 Zemin biereide banman giezhi amanne keighadene lun amansene nunpusan usuni yenjiwo. 
\v 17 Lun biereide hokudene biereini psedu kesilare eghindule echizho. Ene kesilashi Hudai minlinyi zunjizhi \pn Ersa\pn*de ganzhen beisanla wo. 
\v 18 Qingiekude lun haibienzini shazi jiere beizho.
\c 13
\s Ghua Yewo
\p
\v 1 Bi chanlase nie yewo haise khizhezhi hharan gocha, dolon qiorun wine. Hharan gocha jierene hharan honshan zhoku ga maghala zhozho. Dolon qiorun jiereni Hudai sugieku niere wine. 
\v 2 Bi chanlasan yewo laohuni xianli, konni gouxinni konni xianli, amanni shizini amanni xianli. Lun goya nenli, wizi, fugie qienline hhende ogiwo. 
\v 3 Bi chanlase yewoni dolon qiorun dunda niekozi hoxian fuguku shan deilazhoma goudazho. Zemin jieredula man ghanirazhi yewoni daghazho. 
\v 4 Hhela lunni beiikushi lun qienline yewode ogizho. Pse yewoni beiizhi kieliezho, "Kien ene yewoghala bilane, kien hheghala eghindu shidane?"
\p
\v 5 Yewode tungulieku, Hudai sugieku aman ogizho. Pse 42 gie sara durare gieku qienli ogizho. 
\v 6 Yewo amanne keighazhi Hudai sugieku kielien kieliezho. Hudai nierei, hhei zhanfan, jiushi asiman jiere sousanlai sugiezho. 
\v 7 Pse shentulare eghinduzhi injiku dainni jienliezhi go pai, go minzu, go kielien, go gojialai hanshilieku qienlini jienliezho. 
\v 8 Jien zemin jiere sousan, niereini duyai zhayaghasanse alasan ghoni ghughanyi aminni jilasan benzi jiere ese jilasan kunla man hhei beiine.
\q1
\v 9 Chighin bitu kunla chenliendu!
\q2
\v 10 Qianla echiku kunyi kenjin qianla echine.
\q1 Khudoghoghala alaku kunyi kenjin khudoghoghala alane.
\q2 Ingiese shentulade bixi rennai, xianxin gieku bikui wo.
\p
\v 11 Bi chanlase da nie yewo zeminse khizhezhi ghua gocha bisan ghoni ghughanyi xianli, kielien kieliese lunni xianli. 
\v 12 Hhe tou 1 gie yewoni nenlini hhei melie man khizheghazhi zemin, zemin jiere sousanlai, fuguku shanni goudaghasan tou 1 gie yewoni beiighazho. 
\v 13 Pse fugie ghudureqilai giezhi da kunlai melie khanni asimanse zeminde bouzheghazho. 
\v 14 Ene yewo qienlini jienliedene tou 1 gie yewoni melie ghudureqilai giezhi zemin jiere sousan kunlai miizho. Pse khudoghoghala shan deiladene ese fugusan yewode nie nigieda gie giezhi hhelade kieliezho. 
\v 15 Hhe nenlini jienliedene nigiedade ho ogizhi kielien kielieghazho, pse soyuji nigiedai ese beiisan kunlai man alaghazho.
\p
\v 16 Pse soyuji kunlai bugon fugiei, gajii, nanxinyi, bayanyi, hoji ese danlasan, hoji danlasanlai borun kha jiere onu manlou jiere zhanzi taighadene 
\v 17 zhanzi uwochenlai meimei ese gieghazho. Ene zhanzishi yewoni niere, pseshi yewoni nierei daibio giesan shuzi wo. 
\v 18 Enende agheli kerene. Jienzha kun ene yewoni shuzii sana khizhegha. Ene shuzi nie kunni nierei daibio giezho, 666 wo.
\c 14
\s 144000 Kunni Don
\p
\v 1 Bi chanlase ghoni ghughan \png Xiwunshan\png*de beizhi 144000 kun hhere hhantu wo! Hhelai manlou jiere hhei nierei, adaini nierei huaizho. 
\v 2 Bi sonosuse asimanse iresan shenqi hoxian olon usuni shenqi, fugie olien tunguliesan shenqii xianli. Bi sonosusan shenqi hoxian qin tanjisan kunla tanjisan shenqii xianli. 
\v 3 Hhela baozo melie pse jieran amitu ojien, zhanlaolai melie shini don doulazho. Zemin jierese shuizhi iresan 144000 kunse chugo kiemada ene donni suru dane. 
\v 4 Enezighan kunla biereini shighazhi ese daozho, biereilare kijiezhi ese daozho. Ghoni ghughan khala echise hhela hhei daghazho. Hhelashi kun dundase shuizhi iredene Hudaji ghoni ghughonde ogisan tou 1 ban kun wo. 
\v 5 Hhelai amanse ghudan ereizhi olu dane, hhelade jienjien goujida uwo.
\s Ghuran Qienxien Chonjisan Xioxi
\p
\v 6 Bi chanlase da nie qienxien asimande musizhi zemin jiere sousan go gojia, go pai, go kielien, minzulade chonjiku chanqiku gouxioxii bareizho. 
\v 7 Hhe fugie shenqighala kieliezho, "Hudai zunji! Kuaikui hhende ogi! Hhe panjiku shihou kuzhezho. Asiman, zemin, hai, bulai zhayaghasei beii!"
\p
\v 8 Pse nie qienxien irezhi kieliezho, "Soyuji gojialade lon kijiezhi hokukui ireghasan \png Babilun\png* fugie chenshi furawo, furawo!"
\p
\v 9 Pse nie, jiushi ji 3 gie qienxien irezhi fugie shenqighala kieliezho, "Kien yewo, hhei yanzii beiizhi manlou jiere, kha jiere zhanzi taise 
\v 10 kienye Hudai hokukui shouine. Huda zui fugiede hokukune ireghane. Ene kunla zhiguitu qienxien, ghoni ghughanyi melie khan, liuhon dunda tendun shouine. 
\v 11 Hhela tendun shouisan funi chanqi izhi ojiede mouizho. Hhezighan yewo, yewoni nigiedai beiizhi hhei niereni zhanzii taisanlade udu xieniji nanran uwo."
\p
\v 12 Ingiese Hudai minlinyi zunjizhi \pn Ersa\pn*i xianxin gieku bisan shentulade bixi rennai bikui wo.
\p
\v 13 Bi sonosuse asimande shenqi bizhi kieliezho, "Enedu khuinashi Ezhanni miende fugusan kunlade fuqi wine giezhi chi huai." Ingiese Shenlin kieliezho, "Enbene, hhela khishulasansene xiine, giesande huibao wine."
\s Duya Barakude Ghuraku
\p
\v 14 Bi pse chanlase niegieda chighan olien wo! Olien jiere hoxian kunni kewon souzhi qiorun jierene honshan zhoku antanni maghala zhozho, khadene xidu liendao bareizho. 
\v 15 Pse nie qienxien dajiense khizhezhi olien jiere sousande fugie shenqighala waradazhi kieliezho, "Ghuraku shihou kuruzho. Zemin jieredu zhonjiala bolu momoreizho. Liendaoghalane ghura!" 
\v 16 Ingiese olien jiere sousan liendaoghalane nie ghaduliese zemin jiereshiku zhonjiani ghurawo.
\p
\v 17 Pse nie qienxien asiman jieredu Hudai dajiense khizhezhi xidu liendaoye bareizho. 
\v 18 Pse nie qienxien sidagha gieku teizise khizhezhi nenli bizhi khanni gonjizho. Xidu liendao bareisande fugie shenqighala waradazhi kieliezho, "Putou bolu momoreizho. Xidu liendaoghalane ghaduliezhi zemin jieredu putoui ghura." 
\v 19 Hhe qienxien liendaoghalane ghaduliezhi zemin jiereshiku putouni ghuradene Hudai hokuku fugie jiu gieku chizide bendawo. 
\v 20 Chenshi ghadane jiu gieku chizide putouni taizho. Hhense chusun usuruzhi khizhezhi undude morei ghada undu wo, gholode 1600 sitaji wo.
\c 15
\s Zuihouku Zeinanni Bareisan Dolon Qienxien
\p
\v 1 Bi pse chanlase asimande da nie zunji wine. Fugie, ghudure no wo. Dolon qienxien dolon zeinanni bareizho. Eneshi zuihouku zeinan wo. Hudai hokuku eneghala barane.
\p
\v 2 Bi chanlase khan huisan boli mutun hai wine. Yewo, yewoni nigieda, yewoni nierei daibio giesan shuzise injisan kunla boli hai jiere beizhi Hudai qinni bareidene 
\v 3 Hudai hoji \pn Musa\pn*i don, ghoni ghughanyi donni doulazhi kieliezho,
\q1 "Ezhan Huda, fugie nenlituya,
\q2 chii gieku fama wo, ghudure wo!
\q1 Soyuji gojiani honshanya,
\q2 chii mo gundan wo, zhen wo!
\q1
\v 4 Ezhan, zinie chishi zhiguitu wo.
\q2 Kien chii ulie zunjizhi
\q2 chii nierei ulie kuaine?
\q1 Soyuji gojiala irezhi chii beiikushi
\q2 chi gundande giekune khizheghazho."
\p
\v 5 Enense khuinashi bi chanlase asiman jiere dajien keizho. Eneshi ganzhen beiku zhanfan wo. 
\v 6 Dajiense dolon zeinanni gonjisan dolon qienxien khizhewo. Ganjin, gieghantu gou jien musizhi echan jierene antanni popu banlazho. 
\v 7 Jieran amitu ojien dundadu niekozi chanqi izhi amituku Hudai hokukui zhonlozhi durughasan dolon antanni ighai dolon qienxiende ogiwo. 
\v 8 Hudai fama, nenlighala dajiende funi duruzho. Dolon qienxien dolon zeinanni bouzhezhi baraghatula kiema dajiende oro dane.
\c 16
\s Hudani Ho Kuruku Igha
\p
\v 1 Bi sonosuse dajiense fugie shenqi khizhezhi dolon qienxiende kieliezho, "Ta echidene Hudai hokuku dolon ighai zeminde pojie."
\p
\v 2 Ji 1 gie qienxien echidene ighani zeminde pojiese yewoni zhanzi taisan, yewoni nigiedai beiisanlai beye jiere zannan, du yara khizhezho.
\p
\v 3 Ji 2 gie qienxien ighani haide pojiese hai fugusan kunni chusun mutun gholuwo. Haini amitu ojienla man fuguwo.
\p
\v 4 Ji 3 gie qienxien ighani moron, bulade pojiese usu chusun gholuwo. 
\v 5 Bi sonosuse usuni gonjisan qienxien kieliezho,
\q1 "Eqighanku, edeku zhiguitu Huda,
\q2 chi ingiezhi panjise gundan wo.
\q1
\v 6 Hhela shentu, xienzhilai chusunyi usurughazhi daozho.
\q2 Ede chi hhelade chusun ochighazho.
\q2 Ingiezhi giese hhelade indanji wo!"
\m
\v 7 Bi pse sonosuse sidagha gieku teizise shenqi bizhi kieliezho,
\q1 "Enbene, Ezhan Huda, fugie nenlituya,
\q2 chii panjiku zhen wo, gundan wo!"
\p
\v 8 Ji 4 gie qienxien ighani naran nudunde pojiese nanran kunni khanghala kouine. 
\v 9 Kunlai hende hhereide kouise nenli bizhi zeinanni gonjisan Hudai nierei sugiezhi, da geizhen ulie giezhi kuaikui Hudade ulie ogine.
\p
\v 10 Ji 5 gie qienxien ighani yewoni zowide pojiese yewoni gojia kharalawo. Kunla tendun shouizhi shidunne zhouzho. 
\v 11 Tendun shouiku, yara khizheku yenyinghala hhela asiman jieredu Hudai sugiezhi da giesansene geizhen ulie giene.
\p
\v 12 Ji 6 gie qienxien ighani \png Yufalaji\png* fugie moronde pojiese moron ghozhi dunbangiese iresan honshanlade mo zhunbei giezho. 
\v 13 Bi pse chanlase baghai xianlitu ghuran zannan ruhher lun, yewo, jia xienzhilai amanse khizhezho. 
\v 14 Hhelashi sheitanni ruhher wo, ghudureqi gie shidane, duyani honshanlai hhende echizhi hhelai Fugie Nenlitu Hudai famatu udude hhantulaghazhi eghindughane giezho. 
\v 15 Uzhe, bi ghughei mutun irene. Jinxin giezhi jienne musisan kunde fuqi wine. Hulan muchughun ulie yozhi shizhekune ulie uzheghane. 
\v 16 Hhe zannan ruhherla honshanlai nie oronde hhantulaghazho, ene oronni \png Xibolai\png* kielienghala \png Hamagiedun\png* giene.
\p
\v 17 Ji 7 gie qienxien ighani asimande pojiese fugie shenqi dajiendedu baozo jierese khizhezhi kieliezho, "Chenjiwo!" 
\v 18 Ingiese shanjien, shenqi, olien tunguliesan, fugiede zemin gojioluku wine. Imutu fugie yenzhunde zemin gojioluku kun zemin jiere bisanse uwo. 
\v 19 Hhe fugie chenshi ghaluzhi ghuran gholuzhi go gojialani chenshilaye man furawo. Huda \png Babilun\png* fugie chenshini sumula iredene goya hokukune hhei jiere bouzheghawo. 
\v 20 Go haini daola piizhi ulalaiye chanla dane. 
\v 21 Pse fugie mendoula asimanse kunyi jiere bouzhezhi niekozi gundude 70 jin wo. Ene mendouni zeinan hende fugieshi kunla Hudai sugiezho.
\c 17
\s Fugie Biozi Yewoghala
\p
\v 1 Dolon ighai bareisan dolon qienxien dundadu niekozi made kieliezho, "Chi ire, olon usu jiere sousan fugie biozini faikui bi chade uzheghaye. 
\v 2 Zemin jieredu honshanla hhere kijiezhi daozho, zemin jiere sousan kunla biozini lon kijieku jiuni ochizhi sudozho." 
\v 3 Shenlin mii zhughei gojiolughazhi qienxien mii uduruzhi hontande echise nie bierei dahunse yewo jiere unusei bi chanlawo. Hhe yewode dolon qiorun, hharan gocha wo, hunshendeni Hudai sugieku niere wine. 
\v 4 Hhe bierei zishei, dahunseni jien musizhi antan, boushi, zhenzhughala dabalazho. Khadene antanni beizi bareizho. Beizide hanzhan gieghaku, lon kijieku zannannii zhonlo durughazho. 
\v 5 Manlou jiereni fugie \png Babilun\png* wo, zeminni biozila, yanyanji hanzhan gieghakulani Ana wo giezhi mimitu niere huaizho. 
\v 6 Bi pse chanlase hhe bierei shentulani chusun, \pn Ersa\pn*de oluzhi ganzhen beisan kunlai chusunyi ochi sudozho.
\p Bi hhei chanlase hende ghanirazho. 
\v 7 Qienxien made kieliezho, "Chi yale ghanirazho? Bi ene biereini, pse hhei achisan dolon qiorun hharan gochatu yewoni mimii chade kielieye. 
\v 8 Chi chanlasan yewo eqighandei wine, ede uwo, jianlai jizi witu nokiense khizhezhi widakude echine. Jien zemin jiere sousanla, jiushi niereini duyai zhayaghasanse aminni jilasan benzi jiere ese jilasanla hhe eqighandei wine, ede uwo, jianlai ireku yewoni chanlase ghanirane. 
\v 9 Enende aghelitu zhughe kerene. Hhe dolon qiorunshi bierei sousan dolon ula wo, dolon honshan wo. 
\v 10 Tawulie ijin furawo, niekozi da wine, da nie dou ese irezhoma, irese goujicha beine. 
\v 11 Eqighandei biku, ede uwoku yewoshi ji 8 gie honshan wo, yeshi dololie mutun nie wo, widakude echine. 
\v 12 Chi chanlasan hharan gochashi hharan honshan wo. Hhela dou gojiani sou dazhoma, niecha jiere yewore hhantu honshan danlaku qienli bareine. 
\v 13 Hhela nie zhugheghala goya nenli, qienline yewode ogizho. 
\v 14 Hhela ghoni ghughanre eghindune. Ghoni ghughan hhelase injikushi ghoni ghughanshi ezhan dundadu Ezhan wo, honshan dundadu Honshan wo. Hhezighan urusan, sunghusan, shixinji giesan kunlaye ghoni ghughanre hhantu injine."
\p
\v 15 Qienxien pse made kieliezho, "Chi chanlasan biozi sousan usushi olon minzu, bexin, gojia, kielien wo. 
\v 16 Chi chanlasan hharan gocha, yewo hhe biozini henjine. Hhei yanyanjilai qianlazhi hulan muchughun gholughadene mighaini ijiezhi khanghala sidera widaghane. 
\v 17 Ingiekushi Huda hhelai zhughede goyane isii gieghakui teizho. Hhela nie zhugheghala goya gojialane yewode ogizhi Hudai kielien man gholuku shihou kune. 
\v 18 Chi chanlasan biereishi zemin jieredu honshanlani gonjisan fugie chenshi wo."
\c 18
\s Babilun Furawo
\p
\v 1 Enense khuinashi bi chanlase nie fugie nenlitu qienxien asimanse bouzhezho, hhei fama zemin jiere gon zhouizho. 
\v 2 Hhe fugie shenqighala waradazhi kieliezho,
\q1 "\png Babilun\png* fugie chenshi furawo, furawo!
\q2 Sheitan souku oron gholuwo.
\q1 Yanyanji zannan ruhherni ho,
\q2 yanyanji zannan bunzhuni galun,
\q2 yanyanji zannan, hanzhan gieghaku yewoni oron gholuwo.
\q1
\v 3 Soyuji gojiala hhei lon kijieku fugie nefuxinde sudozho.
\q2 Zemin jieredu honshanla hhere kijiezhi daozho.
\q1 Hhe gofenji baer lon huaise
\q2 zemin jieredu meimei giechen kunla facai giewo."
\m
\v 4 Bi pse sonosuse asimanse da nie shenqi kieliezho,
\q1 "Mii bexinla, hhe chenshise khizhe!
\q2 Pse hhere hhantu zui bizhi hhe shouiku zeinanni shouine.
\q1
\v 5 Hhei zui zemin jiere duruzhi
\q2 Huda hhei codasanyi ese matazho.
\q1
\v 6 Hhe kunlade matugie giese hhendeye qingiezhi gie.
\q2 Zhao hhe giesande shonbeide kharulu.
\q2 Hhe huighasan jiuni beizide shonbeide huighadene hhende ogizhi chenfa gie.
\q1
\v 7 Hhe goyane matugie kuaizhi matugie gofende baerni lon huaizhoshi
\q2 hheiye qingiezhi tendun shouighazhi nango giegha.
\q1 Hhe zhughedene kieliezhi
\q2 bi honshan mutun
\q2 wizide souzhi guafu pusho.
\q2 Zhughede yama nango gieku uwo giezho.
\q1
\v 8 Ingiese hhei zeinanla man niudude irene.
\q2 Jiushi fuguku, nango gieku, oliesuku wo.
\q1 Hhei khanghala sidera widaghane.
\q2 Hhei panjiku Ezhan Hudade fugie nenli wine."
\p
\v 9 Hhere hhantu lon kijiezhi gofende lon baer huaisan zemin jieredu honshanla hhei tuliesan funii chanladene hhende oluzhi hende wilane. 
\v 10 Hhela hhe tendun shouisanse ayizhi gholode beidene,
\q1 "Gou widawo! Gou widawo!
\q2 \png Babilun\png* fugie, famatu chenshiya,
\q1 Niecha jiere chii faiku irewo."
\m giezhi kieliene.
\p
\v 11 Zemin jieredu meimei giesan kunla hhende oluzhi hende wilakushi hhelai dunxilai agichen kun pse widawo. 
\v 12 Ene dunxilashi antan, miengu, boushi, zhenzhu, gou bosi, zisheini seiliu, donzi, dahunseni seiliu, yanyanji xian winetu mutun, daxianni shidunghala giesan yanyanji dunxi, guizhuntu mutun, tun, qiemu, guizhuntu tashighala giesan yanyanji dunxi, 
\v 13 rougui, doukou, xian, xianshui, andatu osun, jiu, tosun, ghurun, boudei, fughe, ghoni, morei, mache, pse hoji wo. 
\v 14 Meimei giesan kunla kieliezho.
\q1 "\png Babilun\png*ya, chi oresan dunxila man widawo.
\q2 Chii yanyanji seighan, gou dunxila
\q2 chii dundase widazhi
\q2 pse chanla dane!"
\m
\v 15 Hhe chenshide meimei giezhi facai giesan kunla hhe tendun shouisanse ayizhi gholode beidene hende wilazhi kieliezho,
\q1
\v 16 "Gou widawo! Gou widawo!
\q2 Ene fugie chenshiya,
\q1 Yenlai zishei, dahunni gou jienni musizhi
\q2 antan, boushi, zhenzhughala dabalazho.
\q1
\v 17 Niecha jiere imekie bayannila wida khiwo!"
\m Jien chonzhan, chon sousan kun, chon jiere wilie giesan, soyuji haini kouizhi udu daosanla gholode beizhi 
\v 18 hhei tuliesan funii chanladene waradazhi kieliezho, "Yan chenshi ene chenshise fama wo?" 
\v 19 Hhela pse turani qiorun jierene teidene hende wilazhi waradazhi kieliezho,
\q1 "Gou widawo! Gou widawo!
\q2 Ene fugie chenshiya,
\q1 Jien hai jiere yosan chonla hhei bayanni kouizhi bayazhezho!
\q2 Hhe niecha jiere hontan gholuwo.
\q1
\v 20 Asimanya, shentu, shitu, xienzhilaya,
\q2 ta man hhei yenyinzhe bayasundu!
\q1 Huda tande oluzhi hhei panjiwo!"
\p
\v 21 Nie fugie liliantu qienxien nie fugie qiemansha mutun tashini qila haide bendadene kieliezho,
\q1 "\png Babilun\png* fugie chenshini
\q2 ingiezhi hende benda boughase
\q2 pse chanla dane.
\q1
\v 22 Qin tanjisan, don doulasan, xiu feiliesan, laba feiliesan shenqini
\q2 chii dunda pse sonosu dane.
\q1 Yanyanji mujianlai
\q2 chii dunda ereizhi olu dane.
\q1 Qieman sidasan shenqini
\q2 chii dunda sonosu dane.
\q1
\v 23 Zhulani gon
\q2 chii dunda pse ulie zhouine.
\q1 Shini khughon, shini biereini shenqii
\q2 pse chii dunda sonosu dane.
\q1 Chare meimei giesan kunla yenlaishi duya jieredu zui henni wo.
\q2 Soyuji gojialai chii fashu miizhi daozho.
\q1
\v 24 Xienzhi, shentu, da zemin jieredu soyuji alasan kunlai chusunni
\q2 ene chenshise ereizhi oluwo."
\c 19
\p
\v 1 Enense khuinashi bi sonosuse hoxian olon kunla asiman jiere fugie shenqighala kieliezho,
\q1 "Haliluya\f + \fr 19:1 \fr*\em Hudade doula \em* \f*!
\q2 Jiuiku, kuaiku, nenlishi mai Hudanughun wo.
\q1
\v 2 Hhei panjiku zhenni wo, gundan wo!
\q2 Lon kijiezhi duyani qida olughasan fugie biozini panjiwo.
\q1 Hojilaini chusunni usurughasan biozini panjizhi
\q2 hhelade bouchou giewo!"
\m
\v 3 Pse kieliezho,
\q1 "Haliluya!
\q2 Biozini tuliesan funi
\q2 chanqi izhi mouizho."
\m
\v 4 24 gie zhanlao, jieran amitu ojienla baozo sousan Hudade papaladene beiizhi kieliezho,
\q1 "Amine! Haliluya!"
\s Ghoni Ghughanni Ghurun
\p
\v 5 Pse shenqi baozose khizhezhi kieliezho,
\q1 "Hudai hojila,
\q2 jien hhei zunjisan fugiei, gajii,
\q2 man mai Hudade doula!"
\m
\v 6 Bi pse sonosuse hoxian olon kunlai shenqi, olon usuni shenqi, fugie olien tunguliesan shenqi kieliezho,
\q1 "Haliluya!
\q2 Ezhan mai Huda
\q1 Hhe Fugie Nenlitu manlai gonjizho.
\q1
\v 7 Matan hende bayasuzhi kuaikui hhende ogiye.
\q2 Ghoni ghughan ghurun ijieku shihou kuzhewo,
\q1 Shini biereini zhunbei gie goudawo.
\q1
\v 8 Gieghan, ganjintu gou jienni hhende ogizhi musighawo.
\q2 Ene gou jienshi shentula giesan gou wilie wo."
\p
\v 9 Qienxien made kieliezho, "Chi ingiezhi huai, 'Ghoni ghughanyi ghurunde xinlazhi iresan kunlade fuqi wine.'" Pse made kieliezho, "Eneshi Hudai shuhuajia kielien wo." 
\v 10 Ingie bi hhei kon konde papaladene hhei beiine giese hhe kieliezho, "Ulie olune! Biye chighala, pse chii hhezighan Ersade ganzhen beisan gaijiulare hhantu hoji danlasan wo. Chi Hudai beii. Hudai kielienyi jianjiku dunda zui zhunyonishi \pn Ersa\pn*de ganzhen beiku wo."
\s Chighan Morei Unuchen
\p
\v 11 Bi pse chanlase asiman keizhi nie chighan morei wo! Jiereni unusei Kekao, Zhenni giezhi uruzho. Hhe panjizhi eghinduse gundanghala giezho. 
\v 12 Nudunni khan giedai xianli, qiorun jierene honshan zhoku ga maghala olon zhozho. Jiereni hhense chugo kiema ulie mejieku niere huaizho. 
\v 13 Hhe chusun xireighasan jienni musizho, niereini Hudai Kielien giene. 
\v 14 Asiman jieredu buduila chighan, ganjintu gou jien musidene chighan morei unuzhi hhei daghazho. 
\v 15 Amanseni xidu khudogho khizhezhi gojialani eghizhi beiighane. Qiemu zhugunghala hhelai gonjine, putou chizide jiu daruku mutun Fugie Nenlitu Hudai hokukui ireghane. 
\v 16 Hhei fudu jien jiere, datui jiere honshan dundadu Honshan, ezhan dundadu Ezhan giezhi niere huaizho.
\p
\v 17 Bi pse chanlase nie qienxien naran nudun dunda beizhi asiman jiere musisan soyuji bunzhulade fugie shenqighala waradazhi kieliezho, "Ta hhantuladene Hudai fugie xini soule ire. 
\v 18 Honshan, jianjin, lilian fugietu, morei, morei unusan, pse soyuji ziyutu, hoji danlasan, fugie, meilani kunlai mighai ijie." 
\v 19 Bi pse chanlase yewo, zemin jieredu honshanla, pse hhelai buduila hhantuladene chighan morei unusan, da hhei buduilare eghindune giezho. 
\v 20 Yewoni bareiwo. Pse yewore hhantuku jia xienzhiiye bareiwo. Jia xienzhi eqighandei yewoni melie ghudureqi giedene hhezighan yewoni zhanzii taizhi yewoni nigiedai beiisan kunlai miizho. Hhe ghualai amitu siderasan liuhonni khantu haide bendawo. 
\v 21 Psedulai morei unusei amanse khizhesan khudogho alawo. Soyuji bunzhula hhelai mighai ijie chuduwo.
\c 20
\s 1000 Nien
\p
\v 1 Bi pse chanlase nie qienxien asimanse bouzhezhi khadeni jizi witu nokienni yeshi, fugie qielien wine. 
\v 2 Qienxien lunni bareiwo. Hheshi gushihouni moghei, sheitan, Ibilisi wo. Hhei 1000 nien banladene 
\v 3 jizi witu nokiende bendazhi nokienyi khadene fenjizhi 1000 nien kurutula gojialai pse ulie miighane. Ene shiqinla daose hhei bixi zhanshi jiere andaghane.
\p
\v 4 Bi pse ezighan baozo, baozo jiere sousanlai chanlawo. Hhelade panjiku qienlii ogizho. Bi pse hhezighan \pn Ersa\pn*de ganzhen beizhi Hudai kieliende oluzhi qiorunni pienjisan kunlai ruhherni chanlawo. Hhelashi yewo, yewoni nigiedai ese beiizhi manlou kha jiereni zhanzi ese taisan kunla wo. Hhela aminne oluzhi Mexihare hhantu 1000 nien honshan danlawo. 
\v 5 Eneshi tou 1 hui fuho wo. Psedu kunla 1000 nien olutula aminne ese oluzho. 
\v 6 Tou 1 hui fuhode guzi bichen kunlade fuqi bizhi zhiguitu wo. Ji 2 hui fuguku hhelai gonji dane. Hhela Huda, Mexihaghalade buwa danlazhi Mexihare hhantu 1000 nien honshan danlane.
\s Ibilisini Eghi Beiighaku
\p
\v 7 1000 nien daose Ibilisini bafanzise andaghase 
\v 8 khizhedene zemin jieredu simienni gojialai miine. Ene gojialashi \png Gaoge\png*, \png Mage\png* wo. Hhelai hhantulaghazhi eghindughane giezho. Hhelai shuzi olonde haini shazi niekielien wo. 
\v 9 Hhela khizhezhi nie zemin jiere dudene shentulani zhanfan, Huda oresan chenshini wiqise khan asimanse bouzhezhi hhelai sidera widaghawo. 
\v 10 Hhelai miisan sheitanni liuhontu khantu haide bendawo. Hhende yewo, jia xienzhi wine. Hhela xieni uduji chanqi izhi tendun shouine.
\s Zuihou Panjiku
\p
\v 11 Bi pse nie chighan fugie baozo, baozo jiere sousanyi chanlawo. Hhei meliese asiman, zemin piizhi hhelai pse chanla dawo. 
\v 12 Bi pse chanlase fugusan kun gajii fugieiji baozo melie beizho. Shulani man keighawo. Da nie shuniye keighawo, hheshijiu aminni jilasan benzi wo. Fugusan kunlai zhao hhela giesanzhe shu jiere jilasan mutun panjine. 
\v 13 Pse hai haide fugusan kunlai ogiwo. Fuguku, pse dozohei hhelai hhende fugusan kunlaiye ogiwo. Hhelai zhao hhelai giesan mutun panjine. 
\v 14 Fuguku pse dozoheini khantu hude bendawo. Ene khantu hushi ji 2 hui fuguku wo. 
\v 15 Kienyi niere aminni benzi jiere uwoshi hhei khantu hude bendawo.
\c 21
\s Shini Asiman Zemin
\p
\v 1 Bi pse shini asiman, zemin chanlawo. Eqighanku asiman, zemin widawo, haiye widawo. 
\v 2 Bi pse chanlase zhiguitu chenshi shini \png Yelusalen\png* asimanyi Hudai hhense bouzhezho. Hoxian shini bierei zhanguijidene oluzhi dabala goudasei xianli. 
\v 3 Bi pse sonosuse fugie shenqi baozose khizhezhi kieliezho,
\q1 "Uzhe, Hudai zhanfan kun dunda wo!
\q2 Huda kunlare hhantu soune.
\q1 Hhela hhende bexin danlane.
\q2 Huda qinsi hhelare hhantu wine.
\q1
\v 4 Hhelai nughunsunyi man saine.
\q2 Pse fuguku uwo, pse nango gieku, wilaku, tendun uwo.
\q1 Melieshidaku shiqinla daowo."
\p
\v 5 Baozo sousan kieliewo, "Uzhe, bi soyujilai shinishighazho." Pse kieliewo, "Chi huai, enezighan kielienshi kekao, zhenni wo." 
\v 6 Hhe made pse kieliewo, "Chenjiwo! Bishi Alafa wo, Emeiga wo, jiushi keitou wo, baraku wo. Bi aminni bula usuni undasusan kunde belien ughane. 
\v 7 Injisan kunla enezighanyi jienliezhi caichan giene. Bi hhende Huda danlane, hhe made kewon danlane. 
\v 8 Danzi meilatu, xianxin ulie giechen, hanzhan gieghachen, kun alachen, lon kijiechen, fashu shuaichen, nigieda beiichen, da soyuji ghudan kieliechen kunlai guzi siderasan liuhontu khantu hude wo. Eneshi ji 2 hui fuguku wo."
\s Shini Yelusalen
\p
\v 9 Zuihouku dolon zeinanni zhonlo durughasan dolon antan ighani bareisan dolon qienxien dundadu nie made kieliewo, "Chi ire, bi chade shini biereii uzheghaye, ghoni ghughanyi bierei wo." 
\v 10 Shenlin mii zhughei gojiolughazhi qienxien mii uduruzhi nie undu fugie ulade echi, asimanni Hudai hhense bouzhesan zhiguitu chenshi \png Yelusalen\png*ni made uzheghawo. 
\v 11 Chenshide Hudai fama wine. Faisan gon guizhuntu boushi, ishini xianli, gieghantu shuijin niekielien wo. 
\v 12 Hhende fugie undu dan wine, 12 gie wijien wo. Wijien jiere 12 gie qienxien wine. Wijien jiere \png Isilie\png*ni 12 gie paini nierei huaizho. 
\v 13 Dunmiende ghuran wijien, beimiende ghuran wijien, nanmiende ghuran wijien, ximiende ghuran wijien wo. 
\v 14 Chenshini dande 12 gie jichu wo, jichu jiere ghoni ghughanyi 12 gie shituni niere wine.
\p
\v 15 Made kielien kieliesan qienxien antanni ghulusunyi bareizhi chenshi, wijien, danni nanjine giezho. 
\v 16 Chenshishi jieran mien wo, fudu, aghui niekielien wo. Qienxien ghulusunghala chenshini nanjise man 12000 sitaji wo. Fudu, aghui, unduni niekielien wo. 
\v 17 Hhe zhao kunni chicun, yeshijiu qienxienni chicunghala danni nanjise 144 zhou wo. 
\v 18 Danshi ishighala giesan wo, chenshishi gou antanghala giesan wo, gieghande boli niekielien wo. 
\v 19 Danni jichui yanyanji boushighala dabalaghazho. Ji 1 gie jichushi ishi wo, ji 2 gieshi kugie boushi wo, ji 3 gieshi noghon manou wo, ji 4 gieshi noghon boushi wo, 
\v 20 ji 5 gieshi hulan manou wo, ji 6 gieshi hulan boushi wo, ji 7 gieshi shira boushi wo, ji 8 gieshi noghon ishi wo, ji 9 gieshi shira ishi wo, ji 10 gieshi feicui wo, ji 11 gieshi zishei manou wo, ji 12 gieshi zishei shuijin wo. 
\v 21 12 gie wijienshi 12 gie zhenzhughala giesan wo, nie wijienshi nie zhenzhu wo. Chenshini geidoushi gou antanghala giesan wo, gieghande boli niekielien wo.
\p
\v 22 Bi chenshi sudoro dajien chanla dakushi Fugie Nenlitu Ezhan Hudaji ghoni ghughanshi chenshini dajien wo. 
\v 23 Chenshide naran, sarani gonni ulie kerekushi Hudai fama zhouizho, ghoni ghughanshi chenshini zhula wo. 
\v 24 Gojiala hhe gon dunda yone. Zemin jieredu honshanla famanine deilazhi hhe chenshide echine. 
\v 25 Chenshini wijienyi izhi ulie khane, hhende xieni uwo. 
\v 26 Kunla gojialani fama, zhiguini deilazhi hhende echine. 
\v 27 Jien ganjin witu, pse hanzhan gieghachen, ghudan kieliechenlai hhende ulie oroghane. Zinie ghoni ghughanyi aminni jilasan benzi jiere nierei jilasanlai oroghane.
\c 22
\p
\v 1 Qienxien pse made nie amin winetu moronni uzheghazho, gieghande shuijinni xianli. Huda, ghoni ghughanyi baozose usuru khizhezhi 
\v 2 chenshini geidou dundase daozho. Moron lianmiende aminni mutun wine. 12 yan\f + \fr 22:2\fr* \em 12 hui\em* \f* alima soune, nie sara 1 hui soune. Mutun lachen gojialai goudaghane. 
\v 3 Kharasanla pse uwo. Chenshide Huda, ghoni ghughanyi baozo wine. Hhei hojila hhei beii 
\v 4 hhei ungiei chanlane. Hhei niere hhelai manlou jiere wine. 
\v 5 Pse xieni uwo, zhula, naranyi gonyi ulie kerene. Ezhan Hudai gon hhelai zhouizho. Hhela chanqi izhi honshan danlane.
\s Ersa Ireku
\p
\v 6 Qienxien pse made kieliewo, "Enezighan kielienshi kekao, zhenni wo. Ruhherghala xienzhilai zhughei gojiolughasan Ezhan Huda qienxienne peizhi deigo fashen giene giesan shiqinni hojiladene mejieghawo."
\p
\v 7 "Uzhe, bi deigo irene. Jien ene shude melieshi kieliesei zunjisanlade fuqi wine!"
\p
\v 8 Enezighan shiqinshi bi, \pn Yaheiya\pn* sonosuzhi chanlasan wo. Bi sonosuzhi chanlase enezighanni made uzheghasan qienxienni kon konde papaladene hhei beiine giese 
\v 9 hhe made kieliewo, "Ulie olune! Chi Hudai beii. Bishi chi, xienzhila, jiushi chii gaijiula, pse ene shude melieshi kieliesei zunjisanlare hhantu hoji danlasan wo." 
\v 10 Hhe pse made kieliewo, "Ene shude melieshi kieliesei bu fenji. Shihou chadashiwo. 
\v 11 Gou witu kun gou wini giegha, zannantu kun zannanni giegha, gou kun gouni giegha, zhiguitu kun zhiguini giegha."
\p
\v 12 \pn Ersa\pn* kieliewo, "Uzhe, bi deigo irene! Jianli ogiku, faiku made wo, jien kun giesanzhe bi kharulune. 
\v 13 Bishi Alafa wo, Emeiga wo. Bishi zui melieshiku wo, zui kuinashiku wo, keitou wo, baraku wo."
\p
\v 14 Goya jienne waghazhi arughasanlade fuqi wine. Qienli bizhi aminni mutunyi hhende echine, wijiense chenshideye oro shidane. 
\v 15 Nogheila, fashu shuaichen, lon kijiechen, kun alachen, nigiedai beiichen, pse soyuji ghudan kieliekude xiqi bichen, jiani giechenla man chenshi ghadane wo.
\p
\v 16 "Bi, \pn Ersa\pn* jiohuilade oluzhi qienxienne peizhi enezighan shiqinyi tande ganzhen beighane. Bishi \pn Dawude\pn*ni houdei wo, eqiemaghaku gieghan hodun wo."
\p
\v 17 Shenlin shini biereighala, "Ire." giezhi kieliezho. Sonosusanlaye, "Ire." giezhi kielie. Undasusan kunla man ire. Duran bichen kunla man aminni usui belien jienlie.
\p
\v 18 Bi ene shude melieshi kieliesei soyuji sonosusanlade jingao gieye. Kien ene melieshi kieliesande jiaise Huda ene shude huaisan zeinanni hhei jiere ireghane. 
\v 19 Ene shude melieshi kieliesei kien widaghase Huda ene shude huaisan aminni mutun, pse zhiguitu chenshide hhei bisan guzini widaghane.
\p
\v 20 Ene shiqinlade ganzhen beisan kieliezho, "Enbene, bi deigo irene." Amine! Ezhan \pn Ersa\pn*ya, ire!
\p
\v 21 Ezhan \pn Ersa\pn*ni nenjien shentulare man hhantu bi gie. Amine!