\id MAT DongXiang: DongXiang Bible draft 2
\usfm 3.0
\ide UTF-8
\ide 65001 - Unicode (UTF-8)
\rem Copyright Information: For any non-Paratext use of this text, permission must be obtained from the copyright holder.
\h Matai Chonjisan Gouxioxi
\toc1 Matai Chonjisan Gouxioxi
\toc2 Matai
\toc3 Mat
\mt Matai Chonjisan Gouxioxi
\c 1
\s Ersa Mexihani Xienrenla
\r (Luj 3:23-38)
\p
\v 1 Eneshi \pn Ersa\pn* Mexihani\f + \fr 1:1\fr* \em tosun teisan\em* \f* xienrenlai niereni jilasan shu wo. Hheshi \pn Iburaheimu\pn*, \pn Dawude\pn*ni houdei wo. 
\v 2 \pn Iburaheimu\pn*de \pn Isaghei\pn*ni oluwo. \pn Isaghei\pn*de \pn Yagebu\pn*ni oluwo. \pn Yagebu\pn*de \pn Yuda\pn*, gaijiulaini oluwo. 
\v 3 \pn Tama\pn* \pn Yuda\pn*de \pn Falesi\pn*, \pn Xiela\pn* ghualai oluwo. \pn Falesi\pn*de \pn Xisilun\pn*ni oluwo. \pn Xisilun\pn*de \pn Lan\pn*ni oluwo. 
\v 4 \pn Lan\pn*de \pn Yaminada\pn*ni oluwo. \pn Yaminada\pn*de \pn Nashun\pn*ni oluwo. \pn Nashun\pn*de \pn Samen\pn*ni oluwo. 
\v 5 \pn Lahe\pn* \pn Samen\pn*de \pn Boasi\pn*ni oluwo. \pn Lude\pn* \pn Boasi\pn*de \pn Ebeide\pn*ni oluwo. \pn Ebeide\pn*de \pn Yexi\pn*ni oluwo. 
\v 6 \pn Yexi\pn*de \pn Dawude\pn* honshanni oluwo.
\p \pn Uliya\pn*ni bierei \pn Dawude\pn*de \pn Sulumane\pn*ni oluwo. 
\v 7 \pn Sulumane\pn*de \pn Loboan\pn*ni oluwo. \pn Loboan\pn*de \pn Yabiya\pn*ni oluwo. \pn Yabiya\pn*de \pn Yasa\pn*ni oluwo. 
\v 8 \pn Yasa\pn*de \pn Yeshafa\pn*ni oluwo. \pn Yeshafa\pn*de \pn Yelan\pn*ni oluwo. \pn Yelan\pn*de \pn Uxiya\pn*ni oluwo. 
\v 9 \pn Uxiya\pn*de \pn Yetan\pn*ni oluwo. \pn Yetan\pn*de \pn Yahasi\pn*ni oluwo. \pn Yahasi\pn*de \pn Xixijia\pn*ni oluwo. 
\v 10 \pn Xixijia\pn*de \pn Manaxi\pn*ni oluwo. \pn Manaxi\pn*de \pn Yamen\pn*ni oluwo. \pn Yamen\pn*de \pn Yexiya\pn*ni oluwo. 
\v 11 Bexinlai \png Babilun\png*de touzhi echikude \pn Yexiya\pn*de \pn Yegeniya\pn*, gaijiulani oluwo.
\p
\v 12 Touzhi \png Babilun\png*de echidene \pn Yegeniya\pn*de \pn Salaqie\pn*ni oluwo. \pn Salaqie\pn*de \pn Solobabo\pn*ni oluwo. 
\v 13 \pn Solobabo\pn*de \pn Yabii\pn*ni oluwo. \pn Yabii\pn*de \pn Iliyajin\pn*ni oluwo. \pn Iliyajin\pn*de \pn Yaso\pn*ni oluwo. 
\v 14 \pn Yaso\pn*de \pn Sadu\pn*ni oluwo. \pn Sadu\pn*de \pn Yajin\pn*ni oluwo. \pn Yajin\pn*de \pn Ili\pn*ni oluwo. 
\v 15 \pn Ili\pn*de \pn Iliyasa\pn*ni oluwo. \pn Iliyasa\pn*de \pn Madan\pn*ni oluwo. \pn Madan\pn*de \pn Yagebu\pn*ni oluwo. 
\v 16 \pn Yagebu\pn*de \pn Yusufu\pn*ni oluwo. \pn Yusufu\pn*shi \pn Mereiyen\pn*ni zhanguiji wo. \pn Mereiyen\pn* Mexiha giesan \pn Ersa\pn*i oluwo. 
\v 17 Ingiese \pn Iburaheimu\pn*se \pn Dawude\pn*shi 14 dai wo. \pn Dawude\pn*se bexinlai touzhi \png Babilun\png*de echikude 14 dai wo. Touzhi \png Babilun\png*de echidene Mexihashi 14 dai wo.
\s Ersa Mexihani Oluzho
\r (Luj 2:1-7)
\p
\v 18 \pn Ersa\pn* Mexihai olusan shiqinshi imutui wo. Hhei anai \pn Mereiyen\pn*ni \pn Yusufu\pn*de boluzho. Dou ese agikude \pn Mereiyen\pn* Shenlinghala kewosi laiwo. 
\v 19 Hhei zhanguijini \pn Yusufu\pn*shi nie gou kun wo. Hhei minminji shizheghaku duran uwo. Qioqioji siraghane giezho. 
\v 20 Hhe zhen ene shiqinni sumulakude Ezhanni qienxien zhoujindei xienjighazhi kieliewo, "\pn Dawude\pn*ni houdei \pn Yusufu\pn*, chi bu ayidene \pn Mereiyen\pn*ni agizhi ire. Hhe Shenlinghala kewosi laiwo. 
\v 21 Hhe nie kewon olune. Niereini \pn Ersa\pn*\f + \fr 1:21\fr* \em Huda jiuine\em* \f* giezhi ogi. Hhe bexinlane zui dundase jiuine." 
\v 22 Ene shiqinla man fashen giekushi Ezhan xienzhini tungo giezhi kieliesan kielien mutun gholughane giezho,
\q1
\v 23 "Nie ese dafalasan oqin kewon laizhi olune.
\q2 Niereini \pn Imaneili\pn* giene."
\m \pn Imaneili\pn*ni isishi Huda matanre hhantu wo. 
\v 24 \pn Yusufu\pn* xiereidene Ezhanni qienxien fenfulasan mutun biereii agizhi irewoma, 
\v 25 kewosi ese olutula ghuala hhantu ese kijiezho. Kewonni oludene hhende \pn Ersa\pn* giezhi niere ogiwo.
\c 2
\s Aghelitu Kunla Ersani Beiile Irezho
\p
\v 1 \pn Hherode\pn* honshan danlakude \pn Ersa\pn*i \png Yudaya\png*ni \png Bolihen\png*de oluwo. Dunbangiese aghelitu kunla \png Yelusalende\png* ire asawo, 
\v 2 "Olusan hhe nie \png Yutai\png* kunni honshan khala wine? Bijien dunbangiese hodunyini chanladene hhei beiile irewo." 
\v 3 \pn Hherode\pn* honshan enei sonosudene zhughedeni nanran uwo. Nie \png Yelusalen\png*ni kunladeye nanran uwo. 
\v 4 Ingie honshan bexinlai fugie buwa, jinwun hanjialai man uruzhi hhantulagha asazho, "Mexihani khala olune?" 
\v 5 Hhela kieliewo, "\png Yudaya\png*ni \png Bolihen\png*de olune. Xienzhini shu jiere huaizho,
\q1
\v 6 '\png Yuda\png* oronni \png Bolihen\png*ya,
\q2 chi \png Yuda\png*ni chenshi dundase zui gani pusho.
\q1 Mii bexin \png Isilie\png*yi uduruchen nie lindao
\q2 chii hhense khizhene.'"
\p
\v 7 Ingie \pn Hherode\pn* aghelitu kunlai ghulazhi uru iredene hodun yan xienzide khizhesei xianxide asazho. 
\v 8 Ingiedene hhelai \png Bolihen\png*de peizhi echigha kieliewo, "Ta echidene xianxide hhe kewonni daqinla. Ereizhi oludene made kieliele ire. Biye hhei beiile echine." 
\v 9 Hhela honshanyi kielienyi chenliedene echiwo. Dunbangiese chanlasan hhe hodun hhelai melie yozho. Izhi hhe kewonyi qiorun qiende yozhi echi beiwo. 
\v 10 Hhela hodunni chanladene hende bayasuzho. 
\v 11 Giedoura orose kewonni, anaini \pn Mereiyen\pn*yi chanlawo, papaladene hhe kewonni beiiwo. Boubei xiaxiane keighadene antan, xian, guizhuntu caoyeni mure ogiwo. 
\v 12 Huda aghelitu kunlai zhoujinde \pn Hherode\pn*i ochirale bu echi giezhi mejieghase psedu mose goya orondene echiwo.
\s Aijide Piile Echizho
\p
\v 13 Hhela echidene Ezhanni qienxien \pn Yusufu\pn*i zhoujinde xienjizhi kieliewo, "Chi bosizhedene kewon, anaini uduruzhi \png Aiji\png*de piile echi. Bi fenfulatula hhende sou. Ene kewonni \pn Hherode\pn* ereizhi alane giezho!" 
\v 14 Ingie \pn Yusufu\pn* xienidei bosizhedene kewon, anaini uduruzhi \png Aiji\png*de echi 
\v 15 \pn Hherode\pn* fugutula hhende souwo. Ingiekushi Ezhan xienzhii tungo giezhi kieliesan kielien mutun gholughane giezho, "Bi kewonne \png Aiji\png*se uruzhi khizhewo."
\s Ga Kewonlani Man Alazho
\p
\v 16 Aghelitu kunla piendasei \pn Hherode\pn* mejiedene hende hokuzho. Ingiedene aghelitu kunlase hodun kaishi giezhi khizhesan shijienni mejiedene kun peizhi \png Bolihen\png* chenshi pse zhouwidedu ghuase meilani kewonlai man alawo. 
\v 17 Ingiese Ezhan \pn Yelimi\pn* xienzhii tungo giezhi kieliesan kielien mutun gholuwo,
\q1
\v 18 "\png Rama\png*de nango giezhi hende wilasan shenqini sonosuwo.
\q2 \pn Lajie\pn* kesiladene oluzhi wilazho.
\q1 Kesilani man widase sidaghazhi kieliesei ese chenliewo."
\s Aijise Nasalede Khareiwo
\p
\v 19 \pn Hherode\pn* fugudene Ezhanyi qienxien \png Aiji\png*de \pn Yusufu\pn*ni zhoujinde xienjighazhi kieliewo, 
\v 20 "Chi bosizhedene kewosi, anaini uduruzhi \png Isilie\png* oronde echi. Kewonni alane giesan kunla ijin fuguwo." 
\v 21 Ingie \pn Yusufu\pn* bosizhedene kewosi, anaini uduruzhi \png Isilie\png* oronde khareizhi irewo. 
\v 22 \pn Yajilao\pn* \pn Hherode\pn* adane oronde \png Yudaya\png*ni honshan danlasei \pn Yusufu\pn* sonosudene hhende echikuse ayizho. Ingie zhoujindeni Ezhan mejieghase \png Jialili\png* oronde echidene 
\v 23 \png Nasale\png* giesan chenshide souwo. Ingiekushi Ezhan xienzhilai tungo giezhi, "Hhei \png Nasale\png* kun giezhi urune." giezhi kieliesan kielien mutun gholughane giezho.
\c 3
\s Xili Gieghasan Yaheiya Chonjizho
\r (Mak 1:1-8; Luj 3:1-18; Yah 1:19-28)
\p
\v 1 Hhe xienzide xili gieghasan \pn Yaheiya\pn* \png Yudaya\png*ni hontande khizhedene chonjizhi kieliewo, 
\v 2 "Ta geizhen giendu, asiman gojia chadashiwo!" 
\v 3 Eneshi \pn Isaiya\pn* xienzhi kieliesan hhe kun wo.
\q1 "Hontande nie kun waradazho.
\q2 'Ezhanni moni zhunbei gie!
\q2 Hhei moni zhidagha!'"
\m
\v 4 \pn Yaheiya\pn* loto noghosunghala giesan jienyi musizhi arasunni pixie pixieliezho. Hhe ijiesanshi machazi, shimei wo. 
\v 5 \png Yelusalen\png*, \png Yudaya\png*ni go oron, \png Yedanhe\png*ni idou oronlade sousan kunla man \pn Yaheiya\pn*i hhende echidene 
\v 6 zuine renjizhi \png Yedanhe\png*de \pn Yaheiya\pn*se xili jienliezho.
\p
\v 7 \pn Yaheiya\pn* olon Falisai kun, Sadugai kunla xili jienliele iresei chanladene kieliewo, "Du mogheini zhunzhughala, kien tande jianlai ireku Hudai hokukuse anda shidane giezhi kieliewo? 
\v 8 Ta geizhen giesanne giekughala zhenmin gie. 
\v 9 \pn Iburaheimu\pn*shi bijienyi xienren wo giezhi ta zhughedene bu sumula. Bi tande kielieye, Huda ene tashilani \pn Iburaheimu\pn*ni houdei gholugha shidane! 
\v 10 Ede sugiei mutun genzide teiwo. Gou alima ulie souku mutunlani man chizhidene khande teine. 
\v 11 Bi tai geizhen gieghane giezhi usughala xili gieghazhoma, mase khuina iresan kun mase nenli fugie wo. Bi hhende maheini qilaseye pei dane. Hhe Shenlin, khanghala tai xili gieghane. 
\v 12 Hhe khadene baqi bareizhi tughonni boudeii baqiliezhi agidene cankude zhonlone. Arasunlai ulie xinieku khande teine."
\s Ersa Xilini Jienliezho
\r (Mak 1:9-11; Luj 3:21-22)
\p
\v 13 Hhe shihoude \pn Ersa\pn* \png Jialili\png*se \png Yedanhe\png*de irezhi \pn Yaheiya\pn*se xili jienliene giezho. 
\v 14 \pn Yaheiya\pn* hhei danlazhi kieliewo, "Bi indan chase xilii jienliese oluzho. Chi matugie mase jienliele irewo?" 
\v 15 \pn Ersa\pn* kieliewo, "Chi dain gie. Matan ingiezhi giedene gounilai man chenjighakui wo." Ingiese \pn Yaheiya\pn* dain giewo. 
\v 16 \pn Ersa\pn* xilii jienliedene dei ususe khizhekude asiman menzhali keizhi Hudai Ruhher ghoghochen mutun bouzhezhi goyai jiere luisei chanlawo. 
\v 17 Pse asiman jierese shenqi irezhi kieliewo, "Eneshi bi oresan kewon wo. Bi hhende xiqi wo."
\c 4
\s Ersani Shiizho
\r (Mak 1:12-13; Luj 4:1-13)
\p
\v 1 Ingiedene Shenlin \pn Ersa\pn*i udurusenu hontande echise Ibilisi hhei shiizho. 
\v 2 \pn Ersa\pn* 40 qiende xieni udu orozo bareidene oliesuzho. 
\v 3 Shiichen iredene \pn Ersa\pn*de kieliewo, "Chi Hudai kewon enbese enezighan tashii fenfulazhi ginan gholugha." 
\v 4 \pn Ersa\pn* kieliewo, "Jinwun jiere huaizho,
\q1 'Kun amitushi zinie ginande ulie kouine.
\q2 Hudai amanse khizhesan soyuji kieliende kouine.'"
\p
\v 5 Ingie Ibilisi \pn Ersa\pn*i uduruzhi zhiguitu chenshi \png Yelusalen\png*de echi mechii zui undu oronde beigha 
\v 6 kieliewo, "Chi Hudai kewon enbese jiuli bou. Jinwun jiere,
\q1 'Hhe chade oluzhi qienxienladene fenfulazhi khaghalani
\q2 chii feizhi konnichii tashi jiere ulie mughughane.'
\m giezhi huaizho." 
\v 7 \pn Ersa\pn* hhende kieliewo, "'Ezhan Hudane bu shii.' giezhi jinwun jiereye huaizho."
\p
\v 8 Ibilisi pse hhei uduruzhi tebie undu ula jiere khireidene duyani soyuji gojia, pse gojialani henni man uzheghazhi 
\v 9 kieliewo, "Chi papalazhi mii beiise enelai man chade ogiye." 
\v 10 \pn Ersa\pn* hhende kieliewo, "Ibilisi, chi yola! Jinwun jiere huaizho, 'Zinie Ezhan Hudane beiizhi hhei shunji.'" 
\v 11 Ingie Ibilisi \pn Ersa\pn*se likai gie, qienxienla irezhi hhei ushilazho.
\s Ersa Chonjizhi Qiiwo
\r (Mak 1:14-15; Luj 4:14-15)
\p
\v 12 \pn Ersa\pn* \pn Yaheiya\pn*i barei echisei mejiedene \png Jialili\png*de khareiwo. 
\v 13 Khuinashi \png Jialili\png*ni \png Nasale\png*se likai gie \png Jiabainun\png*de echi souwo. Eneshi \png Xibulun\png*, \png Nafutali\png*dedu \png Jialilihai\png*ni kouisan oron wo. 
\v 14 Ingiekushi Ezhan \pn Isaiya\pn* xienzhini tungo giezhi kieliesan kielien mutun gholughane giezho,
\q1
\v 15 "\png Xibulun\png*, \png Nafutali\png*dedu kunla,
\q2 haibienzini mo jiere,
\q2 \png Yedanhe\png*ni hhemiende
\q2 niman kunlai \png Jialili\png*de sousan kunla,
\q1
\v 16 Hhe khara oronde sousan bexinla fugie gonni chanlawo.
\q2 Fugusan oronde sousan kunlade gon zhouiwo."
\p
\v 17 Hhe shihouse kaishi giezhi \pn Ersa\pn* chonjizhi kieliewo, "Ta geizhen giendu. Asiman gojia chadashiwo."
\s Tujilani Uruzho
\r (Mak 1:16-20; Luj 5:1-11)
\p
\v 18 \pn Ersa\pn* \png Jialilihai\png* bienzide yokude \pn Beduru\pn* giesan \pn Ximun\pn*, jiuni \pn Andelie\pn* ghuala haide on xiaisei chanlawo. Hhelashi zhaghasun bareisan kun wo. 
\v 19 \pn Ersa\pn* hhelade kieliewo, "Ta iredene mii dagha. Bi tai zhaghasun bareiku mutun kun bareichen gholughane." 
\v 20 Hhela onni deigo jiedene hhei daghawo. 
\v 21 \pn Ersa\pn* hhense melie yodene pse gaijiu ghualai chanlawo. Hhelashi \pn Xibitai\pn*ni kewon \pn Yagebu\pn*, \pn Yagebu\pn*i jiuni \pn Yaheiya\pn* wo. Hhela adarene hhantu chon jiere on huduzho. \pn Ersa\pn* hhelai uruse 
\v 22 hhela deigo chon, adasene likai gie hhei daghawo.
\s Olon Kunlade Gouxioxi Chonjizho
\r (Luj 6:17-19)
\p
\v 23 \pn Ersa\pn* \png Jialili\png*ni gochude man yozhi hhelai huitanlade sughazhi Hudai gojiai gouxioxini chonjizhi bexinlai yanyanji gien nouzhi giemeresanlai goudaghazho. 
\v 24 \pn Ersa\pn*i minshen \png Xiliya\png*de man chonji kuruwo. Kunla yanyanji gientulai uduruzhi irese \pn Ersa\pn* goudaghawo. Yanyanji giemerezhi tendun shouisan, sheitan heisan, yanjiofen nousan, tanhon giesanlai man ireghazho. 
\v 25 Tebieji olon kunla \png Jialili\png*, \png Jijiapoli\png*, \png Yelusalen\png*, \png Yudaya\png*, \png Yedanhe\png*ni dunmiense hhei daghawo.
\c 5
\s Ula Jieredu Sughasan Kielien
\p
\v 1 \pn Ersa\pn* olon kunlai chujieghedene ulade khirei souwo. Tujilani melie irese 
\v 2 hhelade sughazhi kielie qiiwo.
\s Fuqi Winetu Kun
\r (Luj 6:20-23)
\q1
\v 3 "Zhughede nanxin kunlade fuqi wine,
\q2 asiman gojiashi hhelanughun wo.
\q1
\v 4 Nango giechen kunlade fuqi wine,
\q2 hhelai sidaghazhi kieliene.
\q1
\v 5 Goyane meilade uzhechen kunlade fuqi wine,
\q2 hhela ghazhai jienliene.
\q1
\v 6 Gundanni giene giezhi oliesuzhi undasuchen kunlade fuqi wine,
\q2 hhelade kurughane.
\q1
\v 7 Ubali xiichen kunlade fuqi wine,
\q2 hhelade ubali xiine.
\q1
\v 8 Zhughe ganjintu kunlade fuqi wine,
\q2 hhela Hudai chujieghene.
\q1
\v 9 Heqishighachen kunlade fuqi wine,
\q2 hhelai Hudai kewosi giezhi urune.
\q1
\v 10 Gundannide oluzhi heikui shouisan kunlade fuqi wine,
\q2 asiman gojiashi hhelanughun wo."
\m
\v 11 "Mii yenyinghala kunla tai shizheghazhi, heizhi, shiheni doghunnighala ghudan kieliezhi tai sugiese tande fuqi wine. 
\v 12 Ta hende bayasundu, asiman jiere tande ogiku jianli fugie wo. Tanse melieshiku xienzhilaiye ingiezhi biizhi daozho."
\s Duyani Dansunji Gon
\r (Mak 9:50; Luj 14:34-35)
\p
\v 13 "Tashi duyai dansun wo. Dansunde widao widase matugie koudaghane? Yamade inji dadene bendase kunla taine."
\p
\v 14 "Tashi duyai gon wo. Ula jiere beighasan chenshini niuigha dane. 
\v 15 Kun zhulai jienjise ighaghala ulie komorone, zhula teiku teizi jiere jiene. Ingiese nie gie kunlade gieghan wo. 
\v 16 Ingiezhi ta gonne kunlai melie zhouidene kunla ta goude giesei chanlazhi asiman jieredu adadene kuaikui ogigha."
\s Guijinni Kieliezho
\p
\v 17 "Bi irese guijin, xienzhilai shuni widaghane giekui ta bu sumula. Bi guijinni widaghale ese irezho, chengun olughale irezho. 
\v 18 Bi tande shuhua kielieye, asiman zemin widatula guijin jieredu nie jienjien nie bihuada ulie widazhi man chengun olune. 
\v 19 Ingiese kienliuzhe enezighan minlin jieredu zui ganii ulie zunjizhi kunlade ulie zunjise olune giezhi sughase asiman gojiade zui gani giezhi urune. Kienliuzhe minlinyi zunjizhi kunlade sughase asiman gojiade fugieni giezhi urune. 
\v 20 Bi tande kielieye, tai gouni jinwun hanjia, Falisai kunlase ulie daose jiedui asiman gojiade oro dane."
\s Ho Kuruku
\p
\v 21 "'Kun bu ala! Kun alase panjine.' giezhi eqighanku kunlade kieliesei ta chenliezhi daozhoma, 
\v 22 bi tande kielieye, gaijiudene hokuse panjine. Gaijiune, 'Guazi' giese zui fugie fayende lai echine. 'Yanhunzi' giezhi sugiese dozoheini khande orone. 
\v 23 Ingiese chi sidagha gieku teizi jiere mure ogikude gaijiuchii chade hokusei sumula irese 
\v 24 mureni sidagha gieku teizi konde jiesenu gaijiughalane xien goudadene mure ogile ire. 
\v 25 Chi duitoughalane zhale echikude mo jiere ghujighan hheghala gouda. Pse duitou chii panjiku noyende jiuise panjiku noyen chii gunnande jiuizhi bafanzide khane. 
\v 26 Bi tande shuhua kielieye, chi 1 fen baerniliuzhe honjizhi ulie qindaghase bafanzise khizhe dane."
\s Piofen Gieku
\p
\v 27 "'Piofen bu gie.' giesan kielienyi ta chenliezhi daozhoma, 
\v 28 bi tande kielieye, biereini uzhezhi hu sumulase ijin zhughedeni piofen giewo. 
\v 29 Chii borun nudun chii zui fanjighase waidene benda. Chii beyese iyanzi widazhi beyechii man dozode orokuse gou wo! 
\v 30 Chii borun kha chii zui fanjighase chizhidene benda. Chii beyese iyanzi widazhi beyechii man dozode orokuse gou wo!"
\s Lihun Gieku
\r (Mat 19:9; Mak 10:11-12; Luj 16:18)
\p
\v 31 "Pse, 'Biereine ulie kerese hhende lihun qiuzi ogikuni wo.' giezhi kieliezhoma, 
\v 32 bi tande kielieye, biereini lon kijieku yenyinse chugo lihun giese biereini piofen gieghazho. Pse lihun giesan biereini agisan kunye piofen giezho."
\s Fayen Gieku
\p
\v 33 "Pse, 'Fayen giesanne bu fura. Ezhande fayen giesanne zunji.' giezhi eqighanku kunlade kieliesei ta chenliezhi daozhoma, 
\v 34 bi tande kielieye, yama fayen bu gie. Asimanyi zhiizhi fayen bu gie. Hheshi Hudai baozo wo. 
\v 35 Zeminyi zhiizhi fayen bu gie. Hheshi Ezhan kon teiku bandou wo. \png Yelusalen\png*yi zhiizhi fayen bu gie. Hheshi fugie honshanni chenshi wo. 
\v 36 Qiorunne zhiizhi fayen bu gie. Chi qiorun jieredu nie ganzi usunne chighashigha dazhi kharalagha dane. 
\v 37 Tai kielien enbeneshi enbene gie, pushoshi pusho gie. Enense olon kieliese Ibilisinughun wo."
\s Bouchou Gieku
\r (Luj 6:29-30)
\p
\v 38 "'Nudunde nudun honji, shidunde shidun honji.' giesan kielienyi ta chenliezhi daozhoma, 
\v 39 bi tande kielieye, doghun kunlare zodui bu gie. Kunla borun khizhaichii eghise soghei khizhaneye eghigha. 
\v 40 Kunla chii zhazhi chii lizii jienni kerene giese mienzine jienniye ogi. 
\v 41 Kunla chii biizhi 1 li mo yoghase hhere hhantu 2 li mo yo. 
\v 42 Chii xiahua giezhi kerese ogi. Chase dunxi ghuise uwo giezhi bu kielie."
\s Duitoudene Ore
\r (Luj 6:27-28, 32-36)
\p
\v 43 "'Ta giebeidene ore, duitoune henji.' giesan kielienyi chenliezhi daozhoma, 
\v 44 bi tande kielieye, duitoudene ore, tai heisanlade oluzhi onxian gie. 
\v 45 Ingiezhi giese ta asimanni Adadene kewosi danlane. Hhe naranne doghun kun, gou kunni jiere man zhouighazho. Ghurani gou kun, gou witu kunde man bouzheghazho. 
\v 46 Ta zinie tande oresan kunlade orese tande yan jianli ogine? Lien shui shanjisan kunlaye ingiezhi giene. 
\v 47 Ta zinie gaijiudene zhaohu daise kunlase giedun gou wo? Lien niman kunlaye ingiezhi giene. 
\v 48 Ingiese asiman jieredu Adatai onqien biku mutun taye onqienshi."
\c 6
\s Nanxin Kunlade Ogiku
\p
\v 1 "Ta gouni giekude xioxin giezhi kunlai melie uzheghane giezhi bu gie. Qingiezhi giese asiman jieredu tai Adase yama jianli jienlie dane. 
\v 2 Chi nanxin kunlade ogikude jiazhon giesan kunla mutun bu gie. Hhela goyane kuaighane giezhi huitan, geidoude fugiede tunguliene. Bi tande shuhua kielieye, hhelade jianli ijin ogiwo. 
\v 3 Chi nanxin kunlade ogikude borun kha giesei soghei khade bu mejiegha. 
\v 4 Chi ogisanne kunlade bu mejiegha. Beichazide uzhesan Adachii tande jianli ogine."
\s Onxian Gieku
\p
\v 5 "Ta onxian giekude jiazhon giesan kunla mutun bu gie. Hhela kunlade uzheghane giezhi huitan, shizilukoude beidene onxian giekude xiqi wo. Bi tande shuhua kielieye, hhelade jianli ijin ogiwo. 
\v 6 Ta onxian giekude giedera orodene wijienyi khadene beichazide bisan Adasene onxian gie. Beichazide uzhesan Adachii jianli ogine. 
\v 7 Ta onxian giekude niman kunla mutun touchan erchanji yama isi witu kielienyi bu kielie. Hhela sumulase ologhan kieliese chenliemu giezho. 
\v 8 Ta hhela mutun bu gie. Ta xiahua gieku melie ta yan keresei Adatai mejiene."
\s Ezhan Sughasan Onxian
\r (Luj 11:2-4)
\q1
\v 9 "Ingiese ta ingiezhi onxian gie,
\q1 'Asiman jieredu mai Ada,
\q2 chi nierene zhiguishigha.
\q1
\v 10 Chii gojiai iregha.
\q2 Chi isine asiman jiere mutun
\q2 zemin jiere chenjigha.
\q1
\v 11 Niudunieku ijiuni enedu bijiende ogi.
\q1
\v 12 Bijiende codasan kunlai bijien rouliesan mutun
\q2 bijien codasei roulie.
\q1
\v 13 Bijienyi shiikude bu echighazhi
\q2 Ibilisii khase khizhegha.
\q1 Gojia, qienli, famashi chanqi chinughun wo. Amine!'
\m
\v 14 Kunla codasei ta rouliese asiman jieredu Adataiye tai rouliene. 
\v 15 Kunla codasei ta ulie rouliese asiman jieredu Adataiye tai ulie rouliene."
\s Orozo Bareiku
\p
\v 16 "Ta orozo bareikude jiazhon giesan kunla mutun uxinne bu bougha. Hhela orozo bareisei kunlade mejieghane giezhi guyide ghuniraku yanzi khizheghane. Bi tande shuhua kielieye, hhelade jianli ijin ogiwo. 
\v 17 Chi orozo bareikude qiorunne sanlazhi nune waghadene 
\v 18 orozo bareisei kunlade bu chujiegheghazhi beichazide bisan Adadene uzhegha. Ingiese beichazide uzhesan Adachii chade jianli ogine."
\s Boubeini Asiman Jiere Sunji
\r (Luj 12:33-34)
\p
\v 19 "Goyadene oluzhi boubeini zemin jiere bu sunji. Zemin jiere ghughei ghazhazhi xiuqirane. Ghughei nudurun waizhi ghulane. 
\v 20 Boubeini asiman jiere sunji. Asiman jiere ghughei ghazha dane, ulie xiuqirane. Ghughei nudurun waizhi ghula dane. 
\v 21 Chii boubei khalashi zhughechiiye khala wo."
\s Beyeni Zhula
\r (Luj 11:34-36)
\p
\v 22 "Nudunchiishi beyeni zhula wo. Nudunchii goushi beyechii man gieghan wo. 
\v 23 Nudunchii gou wise beyechii man khara wo. Chii sudorodu gon kharashi hhe kharani zhengiejia fugie wo. 
\v 24 Kienliuzhe ghua ezhanni shunji dane. Ene niede henjise hhe niede orene. Ene niede gundushi hhe niede gongien wo. Ta Huda baer ghualai hhantu shunji dane."
\s Munan Bu Gie
\r (Luj 12:22-31)
\p
\v 25 "Ingiese bi tande kielieye, ta amindene oluzhi yan ijiene, ochine giezhi munan bu gie. Beyedene oluzhi yan musine giezhi munan bu gie. Amin ijiekuse zhunyo uwonu? Beye musikuse zhunyo uwonu? 
\v 26 Ta asiman jieredu bunzhulai nie sumula, hhela ulie tareine, ulie ghurane, cankude ulie sunjine, tai asiman jieredu ada hhelai qiezhene. Ta bunzhulase zhunyo uwonu? 
\v 27 Tani dunda kien zhughe chilakughala aminne niecha fududagha shidane? 
\v 28 Musikude yangiezhi munan giezho? Ta banche jieredu baihe chizhe matugie osisei nie sumula, hhela ulie khishilane, bosiye ulie giene. 
\v 29 Bi tande kielieye, \pn Sulumane\pn* honshan zui henni xienzide musisanla ene nie chizhede ulie kurune. 
\v 30 Ta goude xianxin ulie giechen kunla, banche jieredu osun enedu wine, maghashijie luzide teiliuzhe Huda dou ingiezhi dabalaghazho. Tai qingie ulie gienu? 
\v 31 Ingiese, 'Ta yan ijiene? Yan ochine? Yan musine?' giezhi zhughe bu chila. 
\v 32 Enelashi man niman kunla xiahua giekuni wo. Asiman jieredu Adatai tande enezighan chaisanlai man mejiene. 
\v 33 Ta xien Hudai gojia, hhei gundanni xiahua gie, ingiese enelai man tande ogine. 
\v 34 Ingiese ta maghashijiekude munan bu gie. Maghashijiekude maghashijie munan giekui wine. Niuduku chijiani niudushi kuruzho."
\c 7
\s Kunlani Bu Kielie
\r (Luj 6:37-38, 41-42)
\p
\v 1 "Ta kunlai bu kielie, pse taiye kieliene. 
\v 2 Ta kunlai matui kieliese taiye qingiezhi kieliene. Ta yanghala nanjizhi ogise tandeye yanghala nanjizhi ogine. 
\v 3 Chi yangiezhi gaijiune nudundedu osun zhazhai chanlane, goya nudundedu lianni chanla dane? 
\v 4 Chii nudunde lian bidene matui gaijiudene, 'Bi chini nudundedu osun zhazhai agiye.' giezhi kieliene? 
\v 5 Chi ene jiazhon giesan kun, xien goya nudundedu lianni agidene uzhezhi qinchu olusenu gaijiune nudundedu osun zhazhai agi."
\p
\v 6 "Zhiguitu dunxini nogheide bu ogi. Ochira daozhese tai zhoune. Manouni khigheini melie bu tei. Khigheila manouni taine."
\s Xiahua Giese Tande Ogine
\r (Luj 11:9-13)
\p
\v 7 "Ta xiahua gie, tande ogine. Erei, ereizhi olune. Wijienni eghi, tande niene. 
\v 8 Xiahua giechen kunlade ogine. Ereichen kunla ereizhi olune. Wijienni eghichen kunlade niene. 
\v 9 Tai dunda yan kunyi kewon ginan kerese tashi ogine? 
\v 10 Zhaghasun kerese moghei ogine? 
\v 11 Ta gou wiliuzhe kesiladene gouni ogikuni mejiene, asiman jieredu Adatai xiahua giechen kunlade gou dunxini genjia ulie oginu? 
\v 12 Ingiese ta kunlai goyadene matugie gieghaku duranshi taye kunlade qingiezhi gie. Eneshi guijin, xienzhilai shu wo."
\s Witan Wijiense Oro
\r (Luj 13:24)
\p
\v 13 "Ta witan wijiense oro. Fugughakude uduruku wijien fugie wo. Mo aghui wo. Orochen kun olon wo. 
\v 14 Aminde uduruku wijien witan wo. Mo yozhi chijia wo. Ereizhi oluchen kun choghon wo."
\s Alimaghala Mutunni Mejiene
\r (Luj 6:43-44)
\p
\v 15 "Ta jia xienzhilai fangula. Hhela ghoni arasunyi zhozhi tai enende irene, sudoroni wizha zhanghei wo. 
\v 16 Hhelai alimaghala hhelai tanine. Eghesun jierese putou zhei shidanu? Osun jierese uhuago zhei shidanu? 
\v 17 Jien gou mutun jiere gou alima soune. Langan mutun jiere langan alima soune. 
\v 18 Gou mutun jiere langan alima sou dane. Langan mutun jiere gou alima sou dane. 
\v 19 Jien gou alima ulie souku mutunlai chizhidene khande teine. 
\v 20 Ingiese hhelai alimaghala hhelai tanine."
\p
\v 21 "Mii, 'Ezhan, Ezhan!' giezhi waradachen kunla man asiman gojiade orokui pusho. Zinie asimandedu Adaimi kielien mutun giechen kunla orone. 
\v 22 Hhe zuihouku udude olon kunla made kieliene, 'Ezhan, Ezhan, bijien chini niereghala chonjiwola? Chini niereghala sheitanlai touwola? Chini niereghala olon nenlitu shiqin giewola?' 
\v 23 Hhe shihoude bi mindaminji hhelade kieliene, 'Bi tai tani dane. Ta enezighan uhun kunla, mase likai gie!'"
\s Tashi, Shazi Jiere Beighasan Gie
\r (Luj 6:47-49)
\p
\v 24 "Ingiese mii enezighan kielienyi chenliedene giesan kunshi jienzha kun wo. Hoxian gieni fugie tashi jiere giesanghala niekielien wo. 
\v 25 Ghura bou, fugie usu chunji, kei hende feiliezhi eghiliuzhe gieni ulie enbereine. Gieni jigunni fugie tashi jiere giezho. 
\v 26 Mii enezighan kielienyi chenliedene ulie giesan kunshi men kun wo. Hoxian gieni shazi jiere giesanghala niekielien wo. 
\v 27 Ghura bou, fugie usu chunji, kei hende feiliezhi eghise gie enbereine. Da enbereisan fugie wo."
\p
\v 28 \pn Ersa\pn* enezighan kielienyi jianji baraghase olon kunla hhe sughasande ghanirazho. 
\v 29 \pn Ersa\pn* hhelade sughadan hhelai jinwun hanjialai buxian wo, nie qienlitu kunni xianli.
\c 8
\s Pifugientuni Goudaghazho
\r (Mak 1:40-45; Luj 5:12-16)
\p
\v 1 \pn Ersa\pn* ula jierese bouzhi irese tebieji olon kunla hhei daghawo. 
\v 2 Ingiekude nie pifugientu \pn Ersa\pn*i melie ire papaladene kieliewo, "Ezhan, chi duran bise mini ganjinragha shidane." 
\v 3 \pn Ersa\pn* khane zhighazhi hhei maqizhi kieliewo, "Bi duran wine. Chi ganjinra!" Ingiese hhei pifugienni deigo ganjinrawo. 
\v 4 \pn Ersa\pn* hhende kieliewo, "Chi kiemade bu kieliedene echizhi beyene buwade uzhegha. \pn Musa\pn*i shu jiere fenfulasan mutun Hudade mure ogizhi kunlade ganzhen bei."
\s Baifuzhanni Hojini Goudaghazho
\r (Luj 7:1-10)
\p
\v 5 \pn Ersa\pn* \png Jiabainun\png*de orose nie baifuzhan melieni irezhi \pn Ersa\pn*i xiahua giezhi kieliewo, 
\v 6 "Ezhan, hojimi tanhon giesenu giede kijiedene tendun shouizho." 
\v 7 \pn Ersa\pn* hhende kieliewo, "Bi hhei goudaghale yoye." 
\v 8 Baifuzhan kieliewo, "Ezhan, chi mii giede irese bi pei dane. Chii nie aman kielienshi hojimi goudane. 
\v 9 Biye kunlai kha doura wo, buduila mii kha doura wo. Bi buduiladene, 'Echi!' giese echine, 'Ire!' giese irene, 'Enei gie!' giese hhe giene." 
\v 10 \pn Ersa\pn* chenliedene ghanirazhi daghasan kunlade kieliewo, "Bi tande shuhua kielieye, bi intu xianxin giekui \png Isilie\png*de uzhezhi uye daozho. 
\v 11 Bi tande kielieye, dunmien ximiense olon niman kunla irezhi asiman gojiade \pn Iburaheimu\pn*, \pn Isaghei\pn*, \pn Yagebu\pn*re hhantu xi soune. 
\v 12 Kharei \png Isilie\png* kunlai tousenu ghadanedu kharanide echighase hhela hhende shidunne zhouzhi wilane." 
\v 13 Ingie \pn Ersa\pn* baifuzhande kieliewo, "Chi kharei. Chi xianxin giesan mutun gholu gie." Hhe shihoude hojini goudawo.
\s Olon Kunlani Goudaghazho
\r (Mak 1:29-34; Luj 4:38-41)
\p
\v 14 \pn Ersa\pn* \pn Beduru\pn*i giede echise \pn Beduru\pn*i ghadunmekieni fashao giedene kijiesei chanlawo. 
\v 15 \pn Ersa\pn* hhei khani nie maqise fashao giesan daodene hhe bosizhe \pn Ersa\pn*i ushilawo. 
\v 16 Khara oluse kunla sheitan heisan olon kunlai \pn Ersa\pn*i shida uduru irewo. \pn Ersa\pn* nie aman kielienghala sheitanlai tou khighawo. Pse gien wineku kunlai man goudaghawo. 
\v 17 Ingiekushi Ezhan \pn Isaiya\pn* xienzhii tungo giezhi kieliesan kielien mutun gholughane giezho,
\q1 "Hhe matanyi bixinni deilawo.
\q2 Matanyi gienlai danjiwo."
\s Ersani Daghaku
\r (Luj 9:57-62)
\p
\v 18 \pn Ersa\pn* olon kunla hhei wiqisei chujieghedene, "Hai duimiende daoye!" giezhi fenfulawo. 
\v 19 Nie jinwun hanjia melie ire hhende kieliewo, "Loushi, chi khala echise bi chii daghane." 
\v 20 \pn Ersa\pn* kieliewo, "Funieghede dun wine, asiman jieredu bunzhude ho wine, Kunnikewonde nie zhentou teiku oronda uwo." 
\v 21 Pse nie tuji iredene \pn Ersa\pn*de kieliewo, "Ezhan, bi xien adane bulale echiye." 
\v 22 \pn Ersa\pn* hhende kieliewo, "Fugusan kun fugusan kunlane bulale echi gie. Chi mii dagha."
\s Keini Beighazho
\r (Mak 4:35-41; Luj 8:22-25)
\p
\v 23 \pn Ersa\pn* chon jiere khireise tujilani hhei daghazho. 
\v 24 Menzhali hai jiere fugie kei bosiwo. Lan chabudu chonni unaghane. \pn Ersa\pn* da hhunturazho. 
\v 25 Tujilani echizhi \pn Ersa\pn*i uru xiereigha kieliewo, "Ezhan, bijienyi jiui! Bijienyi amin widane giezho!" 
\v 26 \pn Ersa\pn* kieliewo, "Ta ene Hudai gou xianxin ulie giechen kunla, yangiezhi ayizho?" Ingie bosizhedene kei, haini nie sugiese nanranghane gholuwo. 
\v 27 Kunla ghaniradene kieliewo, "Eneshi yan kun wo? Kei, haiye kielienyini chenliene."
\s Ghua Sheitan Heisan Kunni Goudaghazho
\r (Mak 5:1-20; Luj 8:26-39)
\p
\v 28 \pn Ersa\pn* hai duimiende daosenu \png Jiadala\png* kunyi oronde irewo. Ghua sheitan heisan kun mezase khizhedene hhei shida texien wizhashi kiemada hhe mose yo dazho. 
\v 29 Hhela deigo warada qiiwo, "Hudai kewon, chi bijienyi jiohoro bu gie. Shihou da uye kuruzho, chi enende irezhi bijienyi zayalanu?" 
\v 30 Hhelase gouji gholode idaban khighei ijiezhi souzho. 
\v 31 Sheitanla \pn Ersa\pn*i xiahua giezhi chi bijienyi tou khighane giese bijienyi khighei jiere echigha giewo. 
\v 32 Ingie \pn Ersa\pn* echi giese sheitanla khizhedene khigheilai jiere khiwo. Menzhali khigheila egheide chunji bou, haide yenji alawo. 
\v 33 Khighei adulasan kunla holudene chenshide echi sheitan heisan ene kunlai shiqinyi kunlade man kieliewo. 
\v 34 Ingiese nie chenshini kunla man \pn Ersa\pn*i ochirale khizhewo. Hhei uzhedene, "Enense likai gie." giezhi xiahua giewo.
\c 9
\s Tanhon Giesan Kunni Goudaghazho
\r (Mak 2:1-12; Luj 5:17-26)
\p
\v 1 \pn Ersa\pn* chon jiere khirei hai hhemiende daozhi goya chenshidene irewo. 
\v 2 Ingiekude kunla nie tanhon giesan gientui ruzide qienlie \pn Ersa\pn*i shida irewo. \pn Ersa\pn* hhelai xianxin giekui uzhedene tanhon giesan gientude kieliewo, "Gaijiu, zhughene tei, chii zuini mienliewo." 
\v 3 Ingiekude giedun jinwun hanjiala zhughedene kieliezho, "Ene kun kufurei fanjizho!" 
\v 4 \pn Ersa\pn* hhela yan sumulasei mejiedene kieliewo, "Ta zhughedene yale doghunni sumulane? 
\v 5 'Chii zuini mienliewo.' giese sunfan onu, 'Bosizhe yo.' giese sunfan wo? 
\v 6 Kunnikewon duyade zuini mienlieku qienli bikui tande mejieghane giezho." Ingiedene tanhon giesan gientude kieliewo, "Bosidene ruzine agi, giedene echi!" 
\v 7 Hhe kun bosidene giedene echiwo. 
\v 8 Kunla chanladene man ayizho. Imutu fugie qienlini kunlade ogiwo giezhi Hudai kuaizho.
\s Mataini Uruzho
\r (Mak 2:13-17; Luj 5:27-32)
\p
\v 9 \pn Ersa\pn* hhense melie yose \pn Matai\pn* giesan nie kun shui shanjisan oronde sousei chanlawo. Hhende kieliewo, "Chi mii dagha." Ingie hhe bosizhedene \pn Ersa\pn*i daghawo.
\p
\v 10 \pn Ersa\pn* giedera ijiekude olon shui shanjisan kun, zuirenla \pn Ersa\pn*, \pn Ersa\pn*i tujilare man hhantu soudene ijienduzho. 
\v 11 Falisai kunla chanladene \pn Ersa\pn*i tujilade kieliezho, "Tai loushi yale shui shanjisan kun, zuirenlare hhantu ijiene?" 
\v 12 \pn Ersa\pn* sonosudene kieliewo, "Gien witu kunla deifu ulie kerene, gientula deifu kerene. 
\v 13 Ta echidene, 'Bi ubali xiikude xiqi wo, murede xiqi uwo.' giesan jinwun jieredu ene kielienyi isii suru. Bi gou kunlai ereile ese irezho. Zuirenlai ereile irezho."
\s Orozoni Shiqin
\r (Mak 2:18-22; Luj 5:33-39)
\p
\v 14 Ingiekude \pn Yaheiya\pn*ni tujila \pn Ersa\pn*i ochirale ire kieliewo, "Bijien, pse Falisai kunla chan orozo bareizho, chii tujila yale orozo ulie bareine?" 
\v 15 \pn Ersa\pn* hhelade kieliewo, "Ghurunde iresan zhochenla shini khughon bikude matugie nango giene? Shini khughonni kunla lai echiku udu kuzhene. Hhe shihoude hhela orozo bareine. 
\v 16 Shini popui khuichen jien jiere huduchen kun uwo. Qingiese hudusan oron jienni qida olughane, tanturasan pse fugiedane. 
\v 17 Shini jiuni khuichen tulunde zhonlochen kun uwo. Qingie zhonlose tulun ghaluzhi jiu usuru khizhese tulunye qida olune. Shini jiuni shini tulunde zhonlose ghuala gou wo."
\s Noyenni Oqinji Chusun Usurusan Biereini Goudaghazho
\r (Mak 5:21-43; Luj 8:40-56)
\p
\v 18 \pn Ersa\pn* hhelade zhen ene kielienyi kieliekude nie huitan gonjisan kun ire papalazhi kieliewo, "Mii oqin jian duya ijiewo. Chi yodene hhei jiere khane teizhi onxian giema, hhe aminne olune." 
\v 19 \pn Ersa\pn* bosizhedene tujilarene hhantu hhei daghazhi echiwo.
\p
\v 20 Zhen qingiekude nie chusun usuruzhi 12 nien olusan bierei \pn Ersa\pn*i khuina iredene jien ghizhaseni nie maqiwo. 
\v 21 Hhe "\pn Ersa\pn*i jienni nie maqise gienni goudane." giezhi zhughedene sumulazho. 
\v 22 \pn Ersa\pn* ochira daozhe hhei uzhezhi kieliewo, "Funi, zhughene tei! Chii xianxin gieku chii jiuiwo." Hhe shihoude bierei goudawo.
\p
\v 23 \pn Ersa\pn* gonjisan kunni giede kuruse kunla fugusan kunde xiu feiliezhi lon chouisei chanlawo. 
\v 24 Ingie kieliewo, "Daodu. Oqin ese duya ijiezho, hhunturazho." Ingiese hhela \pn Ersa\pn*i uzhezhi xiniezho. 
\v 25 Kunlai khighadene \pn Ersa\pn* oro echi oqinni khase nie laise oqin bosizhewo. 
\v 26 Ene xioxi hhe oronde man chonji kuruwo.
\s Ghua Sughoi Goudaghazho
\p
\v 27 \pn Ersa\pn* hhense melie yose ghua sugho hhei daghadene waradazho, "\pn Dawude\pn*ni houdei, bijiende ubali nie xii!" 
\v 28 \pn Ersa\pn* giedera orose sughola hhei melie irewo. \pn Ersa\pn* kieliewo, "Bi ene shiqinyi gie shidakui ta xianxin gienu?" Hhela kieliewo, "Ezhan, bijien xianxin giene!" 
\v 29 \pn Ersa\pn* hhelai nudunyi moizhi kieliewo, "Ta xianxin giesan mutun gholu gie." 
\v 30 Ingiese hhelai nudun goudawo. \pn Ersa\pn* hhelade hende fenfulazhi, "Ta ene shiqinyi kunlade bu mejiegha." giewo. 
\v 31 Ingieliuzhe hhela khizhi echidene \pn Ersa\pn*i xioxii hhe oronde man chonji kurughawo.
\s Yabani Goudaghazho
\p
\v 32 Hhela khizhi echikude kunla nie sheitan heisan yabai \pn Ersa\pn*i shida uduru irewo. 
\v 33 Sheitanni touzhi khighase yaba kielien kielie qiiwo. Kunla man ghanirazhi kieliewo, "\png Isilie\png*de intu shiqin uzhezhi ese daowo!" 
\v 34 Falisai kunla kieliezho, "Hhe sheitanni touzii kouizhi sheitan touzho."
\s Olon Kunlade Ubali Xiizho
\p
\v 35 \pn Ersa\pn* go chenshi, aghinlai yo baraghazhi hhelai huitanlade kunlade sughazhi asiman gojiani gouxioxini chonjizho. Yanyanji gien nouzhi giemeresanlai goudaghazho. 
\v 36 Olon kunlai chanladene ubali xiizho. Hhela kunnan wo, banman giechen uwo. Ghonide asuchi uwokughala niekielien wo. 
\v 37 Ingie tujiladene kieliewo, "Zhonjia olon wo, wiliechi choghon wo. 
\v 38 Ta zhonjiani ezhanyi xiahua giezhi wiliechilai peidene zhonjiane ghuragha gie."
\c 10
\s 12 Gie Shituni Sunghuzho
\r (Mak 3:13-19; Luj 6:12-16)
\p
\v 1 \pn Ersa\pn* 12 gie tujine uruzhi iresenu hhelade zannan ruhher touzhi yanyanji gien nouzhi giemeresanlai goudaghaku qienli ogiwo. 
\v 2 12 gie shituni tou 1 gieni niereshi, \pn Beduru \pn* giezhi urusan \pn Ximun\pn*, hhei jiu \pn Andelie\pn*, \pn Xibitai\pn*ni kewon \pn Yagebu\pn*, \pn Yagebu\pn*ni gaijiu \pn Yaheiya\pn*, 
\v 3 \pn Feili\pn*, \pn Badolomai\pn*, \pn Doma\pn*, shui shanjisan \pn Matai\pn*, \pn Yalefei\pn*ni kewon \pn Yagebu\pn*, \pn Datai\pn*, 
\v 4 Rexinpaini \pn Ximun\pn*, pse \pn Ersa\pn*i ghudandusan \png Jialie\png* kun \pn Yuda\pn* wo.
\s 12 Gie Shituni Peizhi Echighazho
\r (Mak 6:7-13; Luj 9:1-6)
\p
\v 5 \pn Ersa\pn* ene 12 gie kunni peizhi echighakude fenfulazhi kieliewo, "Ta niman kunlai oronde bu echi. \png Samaliya\png* kunlai chenshide bu oro. 
\v 6 Zinie \png Isilie\png* kunla dunda echi. Hhela miisan ghoni niekielien wo. 
\v 7 Xien yo xien chonjizhi kielie, 'Asiman gojia chadashiwo!' 
\v 8 Giemeresan kunlai goudaghazhi fugusan kunlai aminne olugha. Pifugientulai ganjinraghazhi sheitanlani tou khigha. Ta belien jienliewoma, belien ogi. 
\v 9 Kakadene antan, miengu, baer bu barei. 
\v 10 Mo yose kuabao, ghua jien, mahei, zhugun bu barei. Wilie giechen kunla ijiuni indan jienliekuni wo. 
\v 11 Ta alinie chenshi, aghinde echise gou kun khala bikui daqinladene likai gietula hhei giede sou. 
\v 12 Hheni giede orokude salan gie. 
\v 13 Hhe giei kunla tai pei shidase ta onxian giesan pinnan hhelai jiere wo. Pei dase ta onxian giesan pinnan yen tai jiere irene. 
\v 14 Kien tai ulie jienliezhi kielienyi ulie chenliese hhei gie, hhe chenshise likai giekude kon jieredu turane kui bougha. 
\v 15 Bi tande shuhua kielieye, panjiku udude hhe chenshi shouiku zeinan \png Sodoma\png*, \png Emola\png* oronse da fugie wo!"
\s Kunla Tujilani Heine
\r (Mak 13:9-13; Luj 21:12-19)
\p
\v 16 "Uzhe, bi tai peizhi echighase ghonilai zhanghei dunda echighasan niekielien wo. Ingiese ta moghei mutun jienzharazhi ghoghochen mutun ganjinra. 
\v 17 Ta kunlai xioxin gie. Kunla tai zui fugie fayende jiuine. Hhelai huitanlade mabienzighala eghine. 
\v 18 Mii yenyinghala tai shenzhan, honshanlai melie lai echine. Ta hhelai melie, niman kunlai melie made ganzhen beine. 
\v 19 Kunla tai jiuikude ta matui, yan kieliekui munan bu gie. Hhe shihoude yan kieliekui tande mejieghane. 
\v 20 Kieliesanshi ta pusho, Adaitai Ruhher tai sudoro kieliezho. 
\v 21 Gaijiu gaijiune, ada kewosine ghudanduzhi fugughakude jiuine. Kesila ada, anane zodui giezhi fugughakude kune. 
\v 22 Mii yenyinghala soyuji kunla tai henjine. Ingieliuzhe rennai giezhi zuihou kusanlai jiuine. 
\v 23 Kunla tai ene chenshide heise da nie chenshide holu. Bi tande shuhua kielieye, \png Isilie\png*ni chenshilai ta yozhi baraghatula Kunnikewon irene."
\p
\v 24 "Xieshen loushise fugie uwo, hoji ezhanse fugie uwo. 
\v 25 Xieshen loushighala niekielien, hoji ezhanghala niekielien gholuse kuruwo. Kunla gieni zhanguijini, 'Sheitanni touzi.' giezhi sugiese gieni kunlai genjia ulie sugienu?"
\s Bu Ayi
\r (Luj 12:2-7)
\p
\v 26 "Ingiese ta hhelase bu ayi. Khaghasanlai ulie khizheghakui uwo. Niuighasanlai ulie mejieghakui uwo. 
\v 27 Bi tande beichazide kieliesei ta mindamin kielie. Ta chighindene chenliesei gie jierese fugiede kielie. 
\v 28 Beyeni alane, ruhherni ala dachen hhelase bu ayi. Zinie beye, ruhher ghualai widaghadene dozoheide echigha shidachen hhense ayi. 
\v 29 Ghua bunzhui 1 mao baer huinela? Ingieliuzhe asimanni adatai dain ulie giese nieda andazhi bouzhe dane. 
\v 30 Tai kieliese tai qiorun jieredu usunniliuzhe toulazhi agizho. 
\v 31 Ingiese ta bu ayi, ta olon bunzhulase zhunyo wo."
\s Kunlani Melie Mexihani Renji
\r (Luj 12:8-9)
\p
\v 32 "Kien kunlai melie mini renjise biye asiman jieredu adane melie hhei renjine. 
\v 33 Kien kunlai melie mini ulie renjise biye asiman jieredu adane melie hhei ulie renjine."
\s Tuji Danlaku Daijia
\r (Luj 12:51-53; 14:26-27)
\p
\v 34 "Bi irekushi zemin jiere pinnan deilazhi iresei ta bu sumula. Bi irekushi pinnan deilazhi ese iredene khudogho deilazhi irezho. 
\v 35 Bi irekushi,
\q1 'Kun adarene, oqin anarene, konbierei ghadunmekierene
\q2 zodui gieghale irezho.
\q1
\v 36 Kunni duitoushi gieni kun wo.'
\m
\v 37 Ada anadene mase olon orese mii pei dane. Kesiladene mase olon orese mii pei dane. 
\v 38 Kien shizijiane beiliezhi mii ulie daghase mii pei dane. 
\v 39 Aminne ulie widaghane giese aminne widaghane. Made oluzhi aminne widaghase aminne ulie widaghane."
\s Jianli Ogiku
\r (Mak 9:41)
\p
\v 40 "Kun tai jienliese mii jienliezho. Mii jienliese mii peizhi ireghasan hhei jienliezho. 
\v 41 Kien xienzhini xienzhi danlaghazhi jienliese xienzhini jianlini linlane. Kien gou kunni gou kun danlaghazhi jienliese gou kunni jianlini linlane. 
\v 42 Bi tande shuhua kielieye, kien mii tujila dundadu zui ganide mii tuji danlaghazhi nie beizi usu ogiliuzhe hhende jianli kenjin ogine."
\c 11
\p
\v 1 \pn Ersa\pn* 12 gie tujidene fenfulazhi baludene hhense likai gie hhelai go chenshilade echizhi kunlade sughazhi chonjizho.
\s Yaheiya Tujilane Ersai Uzheghale Echizho
\r (Luj 7:18-35)
\p
\v 2 \pn Yaheiya\pn* bafanzise Mexiha giesan shiqinyi sonosudene tujilane peizhi echighawo. 
\v 3 Hhela \pn Ersa\pn*de asawo, "Hhe irene giesanshi chi onu, bijien pse niei saghei?" 
\v 4 \pn Ersa\pn* kieliewo, "Ta echidene sonosusanyi, chanlasanyi \pn Yaheiya\pn*de kielie. 
\v 5 Sugho chanlasanyi, dogholon yosanyi, pifugientui goudaghasanyi, dulei sonosusanyi, fugusan kun aminne olusanyi, pse nanxin kunlade gouxioxi chonjikui kielie. 
\v 6 Mii inxin ulie giechen kunde fuqi wine."
\p
\v 7 \pn Yaheiya\pn*i tujila yoladene \pn Ersa\pn* kunlade \pn Yaheiya\pn*i kieliezho, "Ta hontande yan kunyi uzhele echiwo? Kei feiliezhi gojiolusan ghulusun mutun zholien kunyi uzhele echiwu? Pusho! 
\v 8 Ta yan kunyi uzhele echiwo? Seighan jien musisan kunyi uzhele echiwu? Seighan jien musisan kunla hongunde wo! 
\v 9 Ta jiujin yan kunyi uzhele echiwo? Xienzhii uzhele echiwu? Enbene! Bi tande kielieye, hheshi xienzhise da fugieni wo. 
\v 10 Jinwun jiere,
\q1 'Uzhe, bi qinsi kunne chii melie peizhi
\q2 chii moni zhunbei gieghane.'
\m giezhi huaisanshi ene kun wo. 
\v 11 Bi tande shuhua kielieye, biereila olusan kun dunda xili gieghasan \pn Yaheiya\pn*se fugieni nieda uwoma, asiman gojiade zui meila kun hhense fugie wo. 
\v 12 \pn Yaheiya\pn*ni hhe xienzise eli kutula asiman gojiani hende eghizho, lihaitu kun hhei qianlazho. 
\v 13 Soyuji xienzhishu, guijinshu jiere melie kieliesanlashi man \pn Yaheiya\pn*se jieshu oluwo. 
\v 14 Kieliesanlai ta xianxin giene giese \pn Yaheiya\pn*shi irene giesan \pn Iliya\pn* enbene. 
\v 15 Chighin bitu kunla chenliendu!"
\p
\v 16 "Bi ene idai kunlai yanghala bilane? Hoxian geidoude souzhi nadusan kesilai xianli. Hhela nieniedene waradazhi kieliene,
\q1
\v 17 'Bijien tande bierei agiku xiu feiliese ta ulie jiuline.
\q2 Kun fuguwo giezhi wilase ta ulie wilane.'
\m
\v 18 \pn Yaheiya\pn* iredene ulie ijiezhi ulie ochise kunla hhei jiere sheitan wine giezhi kieliene. 
\v 19 Kunnikewon iredene ijiezhi ochise kunla ene kun jin ijiezhi ochikure wo. Shui shanjisan kun, zuirenlani zhanlien wo giezhi kieliene. Ingieliuzhe aghelishi giekughala olusan bikuni zhenmin giene."
\s Geizhen Ese Giesan Kunlade Jingao Giezho
\r (Luj 10:13-15)
\p
\v 20 Hhe xienzide \pn Ersa\pn* nenlitu shiqin olon giese chenshii kunla geizhen ese giese hhelade jingao giezhi kieliewo, 
\v 21 "\png Gelaxin\png*, \png Bosaida\png*, tande gou widawo! Tai dunda giesan nenlitu shiqinni \png Tuilo\png*, \png Xidun\png*de giewoshi hhela eqighanse madei zhodene jierene funiesun teizhi geizhen giewo. 
\v 22 Bi tande kielieye, panjiku udude ta shouiku zeinan \png Tuilo\png*, \png Xidun\png*se da fugie wo! 
\v 23 \png Jiabainun\png*, chii undudaghazhi asiman jiere khireighanu? Chii dozoheide anda boughane. Chii hhende giesan nenlitu shiqinni \png Sodoma\png*de giezhoshi hhe chenshi eli kutula wine. 
\v 24 Bi tande kielieye, panjiku udude ta shouiku zeinan \png Sodoma\png*se da fugie wo!"
\s Mini Shida Iredene Hhamura
\r (Luj 10:21-22)
\p
\v 25 Hhe xienzide \pn Ersa\pn* kieliewo, "Asiman zeminni Ezhan, Ada, chii mafan gieghawo. Chi ene shiqinlani agheli, erlintu kunlade niuighazhi ga kewosi mutun kunlade mejieghawo. 
\v 26 Ada, enbene, eneshi chi duranghalane giesanwo. 
\v 27 Yanniliuzhe Adami made ogiwo. Adase chugo kiema kewonni mejie dane. Kewon, pse kewon yenyi mejieghasan kunse chugo kiema Adai mejie dane. 
\v 28 Jien khishulazhi gunduni beiliesan kunla man mii shida ire. Bi tai hhamuraghaye. 
\v 29 Ta mii jiabanyi jierene zhozhi mase suru. Mii zhughede renyi, meilade uzhekui wine. Tai zhughe hhamura shidane. 
\v 30 Mii jiaban sunfan wo. Mii danzi gongien wo."
\c 12
\s Hhamuraku Udude Boudei Qiorun Sidazho
\r (Mak 2:23-28; Luj 6:1-5)
\p
\v 1 Hhe xienzide \pn Ersa\pn* hhamuraku udude boudei ghazhaghun yozhi daozho. Tujilani oliesuse boudei qiorunni sidazhi ijiezho. 
\v 2 Falisai kunla chanladene \pn Ersa\pn*de kieliewo, "Uzhe, chii tujila hhamuraku udude ulie giekui giezho!" 
\v 3 \pn Ersa\pn* hhelade kieliewo, "\pn Dawude\pn*, hhantuku kunlarene oliesukude giesan shiqinyi ta onshizhi ese daowu? 
\v 4 Hhe mechide orodene Hudade ogiku ginanyi ijiewo. Ene ginanyi hhe, pse hhantuku kunlai ijiezhi ulie olune. Zinie buwa ijiese olune. 
\v 5 Pse buwala hhamuraku udude mechide hhamuraku udui guijinni fanjiliuzhe zui ulie sanakui ta guijinshu jiere onshizhi ese daowu? 
\v 6 Bi tande kielieye, enende nie kun mechise da fugie wo. 
\v 7 'Bi ubali xiikude xiqi wo. Murede xiqi uwo.' giesan ene kielienyi isii ta mejiese zui witude zui ulie soughane. 
\v 8 Kunnikewonshi hhamuraku uduni Ezhan wo."
\s Khani Goudaghazho
\r (Mak 3:1-6; Luj 6:6-11)
\p
\v 9 \pn Ersa\pn* hhe oronse likai gie huitande orowo. 
\v 10 Hhende nie khani ghosan kun wine. Kunla \pn Ersa\pn*i zhane giezhi, "Hhamuraku udude goudaghase olunulie?" giezhi asawo. 
\v 11 \pn Ersa\pn* kieliewo, "Tai dunda kien hhamuraku udude ghoni nokiende anda bouse laizhi ulie khizhenu? 
\v 12 Kun ghonise giedughon zhigui wo. Ingiese hhamuraku udude gouni giese oluzho." 
\v 13 Ingie, "Hhe kunde khane khizhegha." giezhi kieliewo. Hhe khane khizheghase khani goudazhi da nie khaghalai niekielien gholuwo. 
\v 14 Falisai kunla khizhi echidene \pn "Ersa\pn*i matugie widaghane?" giezhi shanlian giewo.
\s Huda Sunghusan Hoji
\p
\v 15 \pn Ersa\pn* mejiedene hhense likai giewo. Tebieji olon kunla hhei daghazho. Hhe gientulai man goudaghadene 
\v 16 hhelade, "Hheshi kien bikui bu kielie!" giezhi minlin xiaiwo. 
\v 17 Ingiekushi Ezhan \pn Isaiya\pn* xienzhini tungo giezhi kieliesan kielien mutun gholughane giezho,
\q1
\v 18 "Uzhe, eneshi bi sunghusan mii hoji wo.
\q2 Bi hhende orezhi xiqi hen wo.
\q1 Bi ruhherne hhende ogine.
\q2 Ingiedene hhe gundanni minzulade chonjine.
\q1
\v 19 Hhe ulie zhenjindune, ulie onghonone.
\q2 Geidoude hhei shenqini kiema sonosu dane.
\q1
\v 20 Ghurane giesan ghulusunyi hhe ulie ghuraghane.
\q2 Xiniene giesan zhulai ulie xinieghane.
\q1 Izhi gundanni injitula giene.
\q2
\v 21 Minzula hhei nierei xiwon giene."
\s Ersa Biexibughala
\r (Mak 3:20-30; Luj 11:14-23; 12:10)
\p
\v 22 Ingiekude kunla nie sheitan heisan sugho, yabai \pn Ersa\pn*i shida uduru irewo. \pn Ersa\pn* hheni goudaghase hhe kielien kieliezhi chanlawo. 
\v 23 Kunla man ghanirazhi kieliewo, "Eneshi \pn Dawude\pn*ni houdei enbeneba?" 
\v 24 Falisai kunla chenliedene kieliewo, "Ene kun sheitanni touzi \pn Biexibu\pn*i ulie kouise sheitan tou dane." 
\v 25 \pn Ersa\pn* hhela yan sumulasei mejiedene kieliewo, "Alinie gojia goyalane eghinduse hontan gholune. Alinie chenshiwonu, alinie giei kunla goyalane eghinduse bei dane. 
\v 26 Ibilisi Ibilisine touse goyalane eghinduzho, hhei gojia matugie beine? 
\v 27 Bi \pn Biexibu\pn*ni kouizhi sheitan touse tai tujila kienyi kouizhi sheitan touzho? Ingiese tai tujila zhenmin giese tanughun codazho. 
\v 28 Bi Hudai Ruhherghala sheitan touse Hudai gojia tande irezho. 
\v 29 Pse kun liliantu kunyi giede orozhi dunxilai qianlane giese xien liliantu kunyi ulie banlase matugie man qianla echine? 
\v 30 Mii miende ulie beise mii duitou wo. Mare ulie hhantulachen kunshi sandachen kun wo. 
\v 31 Ingiese bi tande kielieye, yanyanji zui, hu kieliesanlai man roulienema, Shenlinni hu kieliese ulie rouliene. 
\v 32 Kunnikewonni fandui giezhi kieliese roulienema, Shenlinni fandui giezhi kieliese duyade ulie rouliene, houshideye ulie rouliene."
\s Alimaghala Mutunni Mejiene
\r (Luj 6:43-45)
\p
\v 33 "Mutun goushi alima gou wo. Mutun bixinshi alimaye bixin wo. Alimaghala mutunni mejiene. 
\v 34 Ta ene du mogheini zhunzhughala, ta doghunshi matugie gou kielien kieliezhi khizheghane? Zhughede durusei amande kielie khizheghane. 
\v 35 Gou kunlai zhughede gounishi yen gouni khizheghane. Doghun kunlai zhughede doghunnishi yen doghunni khizheghane. 
\v 36 Bi tande kielieye, xienhua kieliechen kunlai panjiku udude nie aman nie amanji renjighane. 
\v 37 Tai kielienghala tai gounii sanane. Tai kielienghala tai zuini jinjine."
\s Yunusini Ghudureqi
\r (Mak 8:11-12; Luj 11:29-32)
\p
\v 38 Ingiekude giedun jinwun hanjia, Falisai kun \pn Ersa\pn*de kieliewo, "Loushi, chi gieku ghudureqini bijien uzhene giezho." 
\v 39 \pn Ersa\pn* hhelade kieliewo, "Ene idaini kunla doghun nefuxin giezho, ta dou ghudureqi kerezhoma, xienzhi \pn Yunusi\pn*i ghudureqise chugo uzheghaku ghudureqi uwo. 
\v 40 \pn Yunusi\pn* ghurudu ghuran xii fugie zhaghasunyi kielide wo. Kunnikewonye ghurudu ghuran xii zemin jizide beine. 
\v 41 Panjiku udude \png Niniwi\png* kunla bosizhezhi ene idai kunlai zuini jinjine. Ingiekushi \png Niniwi\png* kunla \pn Yunusi\pn* chonjisei chenliedene geizhen giewo. Uzhe, enende \pn Yunusi\pn*se pse fugieni wine! 
\v 42 Panjiku udude nanfanni bierei honshan bosizhedene ene idai kunlai zuini jinjine. Ingiekushi hhe gholose \pn Sulumane\pn*ni aghelini chenliele irewo. Uzhe, enende \pn Sulumane\pn*se pse fugieni wine!"
\s Zannan Ruhher Kharei Irewo
\r (Luj 11:24-26)
\p
\v 43 "Nie zannan ruhher kunni jierese likai giedene usu witu oronde izhigie yozhi hhamuraku oron ereizho. Ereizhi olu dadene 
\v 44 kieliewo, 'Bi yen khizhesan hhe giedene echine.' Khareizhi echi nie uzhese kunkunji shuzhi goudagha jiezho. 
\v 45 Ingie khizhi echi goyasene dolon doghun ruhheryi uduruzhi ire souwo. Ingiese hhe kunni qinkon melieshidakude pse ese kuruwo. Ene idaini doghun kunlaye eneghala niekielien gholune."
\s Ersani Nie Gie Kun
\r (Mak 3:31-35; Luj 8:19-21)
\p
\v 46 \pn Ersa\pn* kunlade kieliekude ana, gaijiulani iredene ghadane beizhi hhere kielien kieliene giezho. 
\v 47 Nie kun hhende kieliewo, "Uzhe, anachii, gaijiulachii ghadane sagheizhi chare kielien kieliene giezho." 
\v 48 \pn Ersa\pn* khareizhi hhe kieliesan kunde kieliewo, "Kienshi mii ana wo? Kienshi mii gaijiula wo?" 
\v 49 Ingie tujilane zhiizhi kieliewo, "Uzhe, mii ana, mii gaijiula wo. 
\v 50 Asiman jieredu adaimi isii zunjizhi giesan kunlashi mii gaijiu, eghechijiu, ana wo."
\c 13
\s Fure Shizhikuni Bilazho
\r (Mak 4:1-9; Luj 8:4-8)
\p
\v 1 Yen hhe udude \pn Ersa\pn* giederase khizhedene haibienzide souwo. 
\v 2 Tebieji olon kunla hhei shida irezhi hhantulase hhe chon jiere khirei souwo. Kunla man haibienzide beizho. 
\v 3 \pn Ersa\pn* kunlade bilazhi olon kieliewo, "Nie kun shizhile echiwo. 
\v 4 Shizhikudeni niezhanla mo jiere luise bunzhula ire ijie agiwo. 
\v 5 Niezhanla tura olon witu tashitu oronde luise tura ninkienshi niazi faizhi ghujin woma, 
\v 6 genzi uwoshi naran khizhe nie xiese ghowo. 
\v 7 Pse niezhanla eghesun dunda luise eghesun khizhezhi hhei jigheidawo. 
\v 8 Da niezhanla gou ghazhade luise 100 pei, 60 pei, 30 pei zhonjia souwo. 
\v 9 Chighin bitu kunla chenliendu!"
\s Bilaku Muji
\r (Mak 4:10-12; Luj 8:9-10)
\p
\v 10 Tujilani \pn Ersa\pn*i shida ire asawo, "Kunlade yale bilazhi kieliene?" 
\v 11 \pn Ersa\pn* hhelade kieliewo, "Hudai gojiai mimii zinie tande mejieghawoma, hhelade ese mejieghawo. 
\v 12 Bichen kunde pse olon ogizhi feilieghane. Wichen kunse bisanlainiye agi echine. 
\v 13 Bi hhelade bilazhi kieliekushi hhela uzhese qinchu olu dane, chenliese sonosu dazhi minbai olu dane. 
\v 14 \pn Isaiya\pn* melie kieliesan kielien mutun hhelai jiere shuhua gholuwo,
\q1 'Ta izhi chenliezhoma, dunjire dane.
\q2 Ta izhi uzhezhoma, minbai olu dane.
\q1
\v 15 Ene bexinlai zhughe khiduzhezhi
\q2 chighin beidazhi
\q2 nudunne hameizho.
\q1 Pse nudunni chanlazhi
\q2 chighinni sonosuzhi
\q2 zhughedeni minbai oludene kharei daorese
\q1 Bi hhelai goudaghakuse ayizho.'
\m
\v 16 Ingieliuzhe tande fuqi wine. Tai nudunde chanlazhi chighinde sonosuzho. 
\v 17 Bi tande shuhua kielieye, olon xienzhi, gou kunla ta uzhesei uzhene giezhoma, uzhe dazho. Ta chenliesei chenliene giezhoma, chenlie dazho."
\s Bilasanni Mejieghazho
\r (Mak 4:13-20; Luj 8:11-15)
\p
\v 18 "Ingiese ta ene fure shizhisan kunni bilasei chenlie. 
\v 19 Kienliuzhe asiman gojiani kielienyi chenliedene dunjire dase Ibilisi iredene zhughedeni shizhisei agi echine. Eneshi mo jiere luisan fure wo. 
\v 20 Tashitu oronde luisanshi kielienyi chenliedene bayasuzhi deigo jienliewoma, 
\v 21 zhughedeni genzi wise niechaku wo. Kielienyi yenyinghala zeinan onu heiku kuzhese deigo furawo. 
\v 22 Eghesun dunda luisanshi kielienyi chenliewoma, duyai munan gieku, baer miise kielienyi jigheidazhi yama sou dawo. 
\v 23 Gou ghazhade luisanshi kielienyi chenliezhi dunjiresan kun wo. 100 pei, 60 pei, 30 pei zhonjia souwo."
\s Yemeini Bilazho
\p
\v 24 \pn Ersa\pn* hhelade pse bilazhi kieliewo, "Asiman gojia hoxian kun ghazhadene boudei fure shizhisei xianli. 
\v 25 Ashighala hhunturakude duitouni iredene yemeini boudei dundani shizhi yolawo. 
\v 26 Boudei osizhi qiorun khise yemeiye khizhewo. 
\v 27 Hojilani iredene ezhandene kieliewo, 'Ezhan, chi boudei fureni ghazhade ese tareiwu? Khalase iresan yemei wo?' 
\v 28 Ezhan hhelade kieliewo, 'Eneshi duitou giesan wo.' Hojilani kieliewo, 'Bijien echidene xi agimu?' 
\v 29 Ezhanni kieliewo, 'Bu echi, yemeini xise boudeiniye xi khizhene. 
\v 30 Ghuala hhantu osi gie. Sagheizhi xiku shihoude bi ghurachen kunlade kielieye, "Xien yemeii xisenu chouladene khan tei. Boudeini yanchidene cankude ghura." giezhi.'"
\s Caizi Fureji Kuniegheni Bilazho
\r (Mak 4:30-32; Luj 13:18-21)
\p
\v 31 \pn Ersa\pn* hhelade pse bilazhi kieliewo, "Asiman gojia nie caizi furei xianli. Kun agizhi echi ghazhadene tareiwo. 
\v 32 Eneshi fure dundase zui gani woma, osizhi khizhese yan caiseliuzhe fugie wo. Mutun gholudene bunzhula chala jiereni holiene."
\p
\v 33 Pse hhelade bilazhi kieliewo, "Asiman gojia hoxian kuniegheni xianli. Nie bierei agizhi echidene nie deizi ghurunde teizhi man faighawo."
\s Bilasanni Muji
\r (Mak 4:33-34)
\p
\v 34 Enelashi man \pn Ersa\pn* olon kunlade bilazhi kieliesan wo. Bilazhi ulie kieliese hhelade ulie kieliene. 
\v 35 Ingiekushi Ezhan xienzhini tungo giezhi kieliesan kielien mutun gholughane giezho,
\q1 "Bi bilazhi kielieye.
\q2 Duyai zhayaghasanse niuighasan shiqinlai kieliezhi khizheghaye."
\s Yemeini Bilasei Mejieghazho
\p
\v 36 Ingiedene \pn Ersa\pn* kunlase likai gie giedera orowo. Tujila shidani ire kieliewo, "Ghazha jieredu yemeini bilasei bijiende mejiegha." 
\v 37 Hhe kieliewo, "Boudei furei shizhisanshi Kunnikewon wo. 
\v 38 Ghazhashi duya wo. Boudei fureshi asiman gojiai kunla wo. Yemeishi hhe doghunnii kunla wo. 
\v 39 Yemei shizhisan duitoushi Ibilisi wo. Ghuraku shihoushi duya baraku shihou wo. Ghurachenshi qienxienla wo. 
\v 40 Yemeini xi agidene khande sideraghaku mutun duya barakudeye ingiene. 
\v 41 Kunnikewon qienxienlane peizhi zui fanjighasanlai, uhunni giesanlai man asiman gojiasene zhiizhi khizhedene 
\v 42 fugie khantu nokiende benda oroghase hhende shidunne zhouzhi wilane. 
\v 43 Ingiekude gou kunla adane gojiade naran nudun mutun gieran faine. Chighin bitu kunla chenliendu!"
\s Boubeini Bilazho
\p
\v 44 "Asiman gojia hoxian ghazhade niuighasan boubeini xianli. Nie kun hhei chanladene niuighawo. Bayasuzhi echidene goyane dunxilai man huisenu ene ghazhai agiwo."
\s Manoui Bilazho
\p
\v 45 "Pse asiman gojia hoxian nie meimei kun zhiguitu manou ereisei xianli. 
\v 46 Nie fugie jiagetu manoui penjise echidene goya dunxilane man huisenu ene manoui agiwo."
\s Zhaghasun Bareiku Onni Bilazho
\p
\v 47 "Pse asiman gojia hoxian haide xiaisan onni xianli. Yanyanji zhaghasunlai bareizhi 
\v 48 on duruse usu bienzide laizhi khizhedene sousenu gounilai sunghuzhi tunzide teine. Bixinnilai bendane. 
\v 49 Duya barakudeye ingiene. Qienxienla irese doghun kunni gou kun dundase sunghu khizhedene 
\v 50 fugie khantu nokiende bendase hhende shidunne zhouzhi wilane."
\s Shini Khuichen Dunxi
\p
\v 51 \pn Ersa\pn* kieliewo, "Enezighan kielienyi ta man dunjirewoye?" Hhela huida giewo, "Bijien dunjirewo." 
\v 52 \pn Ersa\pn* kieliewo, "Jien asiman gojiade tuji danlasan jinwun hanjiala hoxian gieni zhanguijii xianli. Hhe kufansene shini, khuichen dunxilai agi khizhene."
\s Ersai Nasalede Ese Jienliezho
\r (Mak 6:1-6; Luj 4:16-30)
\p
\v 53 \pn Ersa\pn* enezighan bilasei kielie baraghadene hhense likai giewo. 
\v 54 Ingiedene hhe goya orondene irezhi hhelai huitande kunlade sughase hhela man ghanirazhi kieliewo, "Ene kunde imutu agheli, fugie shiqin khalase irezho? 
\v 55 Eneshi mujianyi kewon pushonu? Hhei ananishi \pn Mereiyen\pn* pushonu? Gaijiulanishi \pn Yagebu\pn*, \pn Yusufu\pn*, \pn Ximun\pn*, \pn Yuda\pn* pushonu? 
\v 56 Hhei oqinjiulani mai enende uwonu? Ene kunde khalase iresan benshi wo?" 
\v 57 Hhela \pn Ersa\pn*de hokuzho. Ingiese \pn Ersa\pn* hhelade kieliewo, "Xienzhini goyai oron, goyai giese chugo khalaliuzhe zunjine." 
\v 58 Hhela \pn Ersa\pn*i xianxin ese giese \pn Ersa\pn* hhende famatu shiqin olon ese giezho.
\c 14
\s Yaheiyani Alazho
\r (Mak 6:14-29; Luj 9:7-9)
\p
\v 1 Hhe xienzide \pn Hherode\pn* on \pn Ersa\pn*i shiqinyi sonosudene 
\v 2 kha dourashiku kunlade kieliewo, "Eneshi xili gieghasan \pn Yaheiya\pn* wo. Hhe fugudene aminne oluwo. Ingiese ene nenlitu shiqinla hhei jierese khizhezho."
\p
\v 3 Eneshi \pn Hherode\pn* jiu biereine \pn Xiloji\pn*ni yenyinghala \pn Yaheiya\pn*i bareidene banlasenu bafanzide khazho. \pn Hherode\pn*i jiushi \pn Feili\pn* wo. 
\v 4 \pn Yaheiya\pn* \pn Hherode\pn*de, "Chi hhei agise ese oluzho." giezhi kieliezho. 
\v 5 Ingiese \pn Hherode\pn* \pn Yaheiya\pn*ni alane giezhoma, bexinla hhei xienzhi wo giese hhelase ayizho. 
\v 6 \pn Hherode\pn*ni olusan udu kuzhese xi beilazhi \pn Xiloji\pn*ni oqin kunlai melie wu jiulizho. \pn Hherode\pn* hende bayasuzho, 
\v 7 ingiese fayen giezhi oqinde yan kerese yan ogiye giezhi dain giewo. 
\v 8 Anani oqinne, "Xili gieghasan \pn Yaheiya\pn*ni qiorunyi hhamusade teidene made iregha." giezhi kielieghase oqin kieliewo. 
\v 9 \pn Hherode\pn* hende munan giezho. Ingieliuzhe olon kunlai melie fayen giese fenfulazhi hhende ogine giewo. 
\v 10 Ingie kun peidene bafanzide \pn Yaheiya\pn*i qiorunyi chizhighawo. 
\v 11 Qiorunyini hhamusade agi ire oqinde ogiwo. Oqin pse anadene ogiwo. 
\v 12 \pn Yaheiya\pn*i tujila iredene beyeini linlasenu buladene \pn Ersa\pn*de echi kieliewo.
\s 5000 Kunde Chudughazho
\r (Mak 6:30-44; Luj 9:10-17; Yah 6:1-14)
\p
\v 13 \pn Ersa\pn* enei mejiedene chon souzhi hhense likai gie niezheghan hontande echiwo. Olon kunla \pn Ersa\pn* yolasei mejiedene chenshilase yozhi hhei daghazho. 
\v 14 \pn Ersa\pn* chon jierese bouzhese tebieji olon kunlai chanladene ubali xiiwo. Hhelai giemeresan kunlai goudaghawo. 
\v 15 Khara olukude tujilani hhei shida ire kieliewo, "Eneshi hontan wo. Shihou eqie widawo. Kunlai sandaghazhi hhela goyalane aghinlade agizhi ijiele echigieba." 
\v 16 \pn Ersa\pn* kieliewo, "Hhelai echighaku biyo uwo. Ta hhelade ogizhi ijiegha." 
\v 17 Tujilani kieliewo, "Matai enende zi tawun ginanji ghua zhaghasun wo." 
\v 18 \pn Ersa\pn* kieliewo, "Mii enende agizhi iregha." 
\v 19 Ingie olon kunlai fenfulazhi osuntu oronde soughawo. Pse tawun ginan, ghua zhaghasunyi barei, asimanyi uzhe Hudade mafan kieliedene ghulusenu tujilade ogise tujila kunlade ogiwo. 
\v 20 Dajiala man ijiedene chuduwo. Tujila feiliesan zhazhai hhantulaghase 12 gie lanzi zhonlowo. 
\v 21 Ijiesan kun dunda bierei kewosilai ulie sanase chabudu 5000 ere kun wo.
\s Hai Jiere Yozho
\r (Mak 6:45-52; Yah 6:15-21)
\p
\v 22 \pn Ersa\pn* deigo tujilai biizhi chon jiere khighadene xien hai duimiende daogha goyane olon kunlai sandaghawo. 
\v 23 Kunlai sandaghadene ulade niezheghan onxian giele echiwo. Khara oluse hhende niezheghan wo. 
\v 24 Qingiekude chon haibienzise gholo wo. Kei shun wise lan chonni eghizhi yuqighazho. 
\v 25 Xieni 3 jiense 6 jienni shihoude \pn Ersa\pn* tujilai hhende echine giezhi haini usu jiere yozho. 
\v 26 Tujila hai jiere hhe yosei chanladene jindazhi ayidene waradawo, "Perei wo!" 
\v 27 \pn Ersa\pn* deigo hhelade kieliewo, "Ta zhughelane tei. Bi wo. Bu ayi!" 
\v 28 \pn Beduru\pn* kieliewo, "Ezhan, chi enbese minlin xiaizhi mii hai jiereghun goyane hhende yozhi echigha." 
\v 29 \pn Ersa\pn*, "Chi ire." giezhi kieliese \pn Beduru\pn* chon jierese boudene \pn Ersa\pn*i hhende echine giezhi hai jiereghun yo qiiwo. 
\v 30 Kei fugiede feiliesei chanla ayidene haide anda boune giese waradazhi kieliewo, "Ezhan, mii jiui!" 
\v 31 \pn Ersa\pn* deigo khaghalane laidene kieliezho, "Chi ene xianxin gieku zhughe gajitu kun. Yangiezhi inxin giezho?" 
\v 32 \pn Ersa\pn* \pn Beduru\pn*ghala chon jiere khise kei beiwo. 
\v 33 Chon jieredu kunla \pn Ersa\pn*i beiizhi kieliewo, "Chishi shuhua Hudai kewon enbene!"
\s Genisalededu Gientui Goudaghazho
\r (Mak 6:53-56)
\p
\v 34 Hhela haini daodene \png Genisale\png* oronde irewo. 
\v 35 Hhendedu kunla \pn Ersa\pn*i tanidene hhe iresan xioxini go oronlade chonjizhi giemeresan kunlai man udurudene \pn Ersa\pn*i hhende irewo. 
\v 36 Hhela \pn Ersa\pn*i xiahua giezhi jien ghizhane nie maqigha giezho. Maqisan kunla man goudawo.
\c 15
\s Zhughede Ganjinraghaku
\r (Mak 7:1-13)
\p
\v 1 Ingiekude Falisai kun, jinwun hanjiala \png Yelusalen\png*se \pn Ersa\pn*i hhende ire asawo, 
\v 2 "Chii tujila yangiezhi xienrenla sughasan xigonni ulie zunjine? Hhela ijiekude khane ulie wagha ijiezho." 
\v 3 \pn Ersa\pn* hhelade kieliewo, "Ta yangiezhi goya xigonghalane Hudai minlinni ulie zunjine? 
\v 4 Huda, 'Ada anane zunji', 'Ada anane sugiesan kunni ala.' giezhi kieliezho. 
\v 5 Ingieliuzhe ta kieliene, 'Kien ada anadene bi tande ogi shidakui Hudade ogiwo.' giezhi kieliese 
\v 6 hhe kun adane ulie zunjise olune giezho. Ingiezhi ta goya xigonghalane Hudai kielienyi widaghazho. 
\v 7 Jiazhon giesan kunlaya, \pn Isaiya\pn* tai zhiizhi melieshida kieliesan ese codazho. Hhe kieliezho,
\q1
\v 8 'Ene bexinla amanghalane mii zunjine.
\q2 Zhugheni mase gholo wo.
\q1
\v 9 Hhela kunni guijinyi zhenzhenji daoli mutun kunlade sughazho.
\q2 Ingiese mii beiise yama oronde uwo.'"
\p
\v 10 \pn Ersa\pn* kunlai uruzhi ire hhelade kieliewo, "Ta chenliezhi minbai olu, 
\v 11 amanse orosan kunyi ulie zannanshighanema, amanse khizhesan kunyi zannanshighane." 
\v 12 Ingie tujila hhei melie ire kieliewo, "Falisai kun ene kielienyi chenliese hokusanni chi mejielie?" 
\v 13 \pn Ersa\pn* kieliewo, "Asiman jieredu adami zeilasan pushoshi man xi khizhene. 
\v 14 Hhelai bu gonji. Hhelashi sughoi uduruchen sugho wo. Sugho sughone uduruse ghuala nokiende anda boune."
\p
\v 15 \pn Beduru\pn* \pn Ersa\pn*de kieliewo, "Ene bilazhi kieliesei bijiende kieliezhi minbai olugha." 
\v 16 \pn Ersa\pn* kieliewo, "Ta dou minbai olu dawu? 
\v 17 Amande orosan kielighun mekiende echisei ta ulie mejienu? 
\v 18 Amanse khizhesanshi zhughese khizhesanwo. Ene caigie kunni zannanshighane. 
\v 19 Zhughese khizhesanshi doghunde sumulaku, alaku, piofen gieku, lon kijieku, ghulaku, jia ganzhen beiku, sugieku wo. 
\v 20 Enela man kunni zannanshighane. Khane ulie wagha ijiese kunni ulie zannanshighane."
\s Nie Niman Kunni Biereini Xianxin Gieku
\r (Mak 7:24-30)
\p
\v 21 \pn Ersa\pn* hhense likai giedene \png Tuilo\png*, \png Xidun\png*ni oronde echiwo. 
\v 22 Nie niman kunyi\f + \fr 15:22\fr* \em Jianan kun\em* \f* bierei hhe oronse khizhedene waradazhi kieliewo, "Ezhan, \pn Dawude\pn*ni houdei, made ubali nie xii! Mii oqinyi sheitan heisan hen wo." 
\v 23 Ingieliuzhe \pn Ersa\pn* yama huida ese giezho. Tujilani melie ire xiahua giezhi kieliewo, "Hhei khareighaba. Ene bierei mai khuinase waradazho." 
\v 24 \pn Ersa\pn* kieliewo, "Mii peizhi zinie \png Isilie\png*ni kunlai dundadu miisan ghonilade oluzhi ireghazho." 
\v 25 Hhe bierei ire \pn Ersa\pn*i beiizhi kieliewo, "Ezhan, made banman nie gie!" 
\v 26 \pn Ersa\pn* kieliewo, "Kesilai ginanyi ga nogheide bendazhi ogise ese oluzho." 
\v 27 Hhe bierei kieliewo, "Ezhan, oluzhoma, nogheiye ezhanne shire doura bousan zhazhai ijiene." 
\v 28 Ingiese \pn Ersa\pn* kieliewo, "Funi, chii xianxin gieku fugie wo. Chi keresan mutun chade gholu gie." Hhe shihoude oqinni goudawo.
\s Olon Gientulai Goudaghazho
\p
\v 29 \pn Ersa\pn* hhense likai giezhi \png Jialilihai\png* bienzide iredene ulade khirei souwo. 
\v 30 Tebieji olon kunla hhei hhende iredene dogholon, sugho, sanfei, yaba, pse olon gientulai hhei konshida jiese hhe goudaghawo. 
\v 31 Yaba kielien kielie, sanfei gouda, dogholon yo, sugho chanlasei olon kunla uzhedene ghanirazhi \png Isilie\png*ni Hudai kuaiwo.
\s 4000 Kunde Chudughazho
\r (Mak 8:1-10)
\p
\v 32 \pn Ersa\pn* tujilane uruzhi ire kieliewo, "Ene kunla mare hhantu ghurudu oluzho, hhelade ijiekui widazho. Bi hhelade ubali xiizho. Bi hhelai oliesuzhi echighaku duran uwo. Mo jiere echise injirekuse ayizho." 
\v 33 Tujila hhende kieliewo, "Ene hontande imeghei kunlade ijie chudughaku ginan bijiende khalase irene?" 
\v 34 \pn Ersa\pn* hhelade kieliewo, "Tande ginan giedughon wo?" Hhela kieliewo, "Dolon wo, pse giedun ga zhaghasun wo." 
\v 35 \pn Ersa\pn* olon kunlai fenfulazhi zemin jiere soughadene 
\v 36 dolon ginan, giedun zhaghasunyi barei mafan kieliedene ghulu tujilade ogise tujila olon kunlade ogiwo. 
\v 37 Dajiala man ijiezhi chududene feiliesan zhazhai dolon lanzi zhonlowo. 
\v 38 Ijiesan kun dunda bierei kewosilai ulie sanase 4000 ere kun wo. 
\v 39 \pn Ersa\pn* kunlai sandaghadene chon jiere khirei \png Majiadan\png* oronde echiwo.
\c 16
\s Ersase Ghudureqi Uzhene Giezho
\r (Mak 8:11-13; Luj 12:54-56)
\p
\v 1 Falisai kun, Sadugai kunla \pn Ersa\pn*i shida iredene hhei shiizhi asiman jierese iresan ghudureqi uzhegha giezhi yoqiu giezho. 
\v 2 \pn Ersa\pn* hhelade kieliewo, "Khara olukude olien shouizhi daose, 'Maghashijie arulune.' giezhi ta kieliene. 
\v 3 Eqiemagha olien shouizhi dao dase, 'Enedu kei feiliezhi ghura boune.' giezhi kieliene. Ta asimanni qinkonyi fenjine, ene shidaini ghudureqini fenji dane. 
\v 4 Ene idaini kunla, doghun nefuxin giezho, ta dou ghudureqi kerezhoma, \pn Yunusi\pn*i ghudureqise chugo uzheghaku ghudureqi uwo." Ingiedene hhelase likai giewo.
\s Falisai Kun, Sadugai Kunlani Fangula
\r (Mak 8:14-21)
\p
\v 5 Tujila hai duimiende daose ginan bareikui matazho. 
\v 6 \pn Ersa\pn* hhelade kieliewo, "Ta Falisai kun, Sadugai kunlai kuniegheni jinxin giezhi fangula." 
\v 7 Tujila nieniedene kielienduzho, "Matan ginan ese bareise ingiezhi kieliezhoba." 
\v 8 \pn Ersa\pn* mejiedene kieliewo, "Ta ene xianxin gieku zhughe gajitu kunla, ta yangiezhi ginan wikui kielienduzho? 
\v 9 Ta dou minbai olu dazhou? Tawun ginanyi 5000 kunde ogizhi giedun lanzi zhonlosei jila danu? 
\v 10 Pse dolon ginanyi 4000 kunde ogizhi giedun lanzi zhonlosei jila danu? 
\v 11 Bi kieliesanshi ginanyi ese kieliesei ta matugie mejie dane? Ta jinxin giezhi Falisai kun, Sadugai kunlai kuniegheni fangula." 
\v 12 Ingiekude tujila \pn Ersa\pn* ginan kuniegheni ese kieliezhi Falisai kun, Sadugai kunla surughasei fangula giesei mejiewo.
\s Ersashi Mexiha Wo Giezhi Beduru Chenren Giezho
\r (Mak 8:27-30; Luj 9:18-21)
\p
\v 13 \pn Ersa\pn* \png Kaisaliya-Feilibi\png* oronde iredene tujiladene asazho, "Kunla kieliese Kunnikewonshi kien wo giezho?" 
\v 14 Hhela kieliewo, "Kunla kieliese xili gieghasan \pn Yaheiya\pn* wo giezho. Niezhan kunla kieliese \pn Iliya\pn* wo giezho. Pse niezhan kunla kieliese \pn Yelimi\pn* onu, xienzhi dundadu nie wo giezho." 
\v 15 \pn Ersa\pn* hhelade kieliewo, "Ta kieliese bishi kien wo?" 
\v 16 \pn Ximun-Beduru\pn* kieliewo, "Chishi Mexiha wo. Chanqiku Hudai kewon wo." 
\v 17 \pn Ersa\pn* hhende kieliewo, "\pn Ximun-Bayena\pn*, chade fuqi wine! Enei chade mejieghasanshi kun pusho, asiman jieredu adami wo. 
\v 18 Bi pse chade kielieye, chishi \pn Beduru\pn*\f + \fr 16:18\fr* \em tashi\em* \f* wo. Bi jiohuine ene tashi jiere giene. Dozoni lilian hhense inji dane. 
\v 19 Bi asiman gojiani yeshii chade ogiye. Chi zemin jiere yan banlase asiman jiereye yan banlane. Chi zemin jiere yan andaghase asiman jiereye yan andaghane." 
\v 20 Ingiedene \pn Ersa\pn*, "Goyaneshi Mexiha bikui kiemade bu kielie!" giezhi tujilade fenfulawo.
\s Ersa Goyane Shouku Giekui Kieliezho
\r (Mak 8:31-9:1; Luj 9:22-27)
\p
\v 21 Hhe shihouse \pn Ersa\pn* matugieseda \png Yelusalen\png*de echidene zhanlao, fugie buwa, jinwun hanjialase hende shouku giezhi goyai aladene ghurudude aminne olukui tujiladene kielie qiiwo. 
\v 22 \pn Beduru\pn* \pn Ersa\pn*i laidene kheila qiiwo, "Ezhan, ulie olune! Intui chii jiere ulie irene." 
\v 23 \pn Ersa\pn* ochira daore \pn Beduru\pn*de kieliewo, "Ibilisi, mii khuina dao! Chi mii unaghane. Chi Hudai isii ulie sumulazhi kunni isii sumulane."
\p
\v 24 \pn Ersa\pn* tujiladene kieliewo, "Kien mii daghane giese goyane sheidene shizijiane beiliezhi mii daghakuni wo. 
\v 25 Kien aminne jiuine giese aminne widaghane. Made oluzhi aminne widaghase aminne ulie widaghane. 
\v 26 Kun duyani man zhenjidene goya aminne widaghase yande gou wo? Kun pse yanghala aminne arunzhane? 
\v 27 Kunnikewon qienxienlarene hhantu hhei adani fama dunda irene. Ingiekude zhao kunni giekughala jien kunde kharulune. 
\v 28 Bi tande shuhua kielieye, enende beisan kun dunda niezhanla Kunnikewon qienline bareizhi irekui ulie chanlatula ulie fugune."
\c 17
\s Ula Jiere Ersani Yanzi Bienjizho
\r (Mak 9:2-13; Luj 9:28-36)
\p
\v 1 Zhighudu daose \pn Ersa\pn* \pn Beduru\pn*, \pn Yagebu\pn*, \pn Yagebu\pn*i jiuni \pn Yaheiya\pn*i danxin uduru undu ulade khireidene 
\v 2 hhelai melie bienjiwo. Ungieni naran mutun gieghan wo, jienni chighande gon niekielien wo. 
\v 3 Menzhali \pn Musa\pn*, \pn Iliya\pn*ghala \pn Ersa\pn*re kielien kieliesei hhela chujieghewo. 
\v 4 \pn Beduru\pn* \pn Ersa\pn*de kieliezho, "Ezhan, matan enende gou wo. Chi duran bise bi enende ghuran zhanfan daiye. Niei chade, niei \pn Musa\pn*de, niei \pn Iliya\pn*de." 
\v 5 \pn Beduru\pn* kieliekude menzhali niegieda gon faisan olien iredene hhelai khawo. Oliense shenqi irezhi kieliewo, "Eneshi bi oresan mii kewon wo. Bi hhende xiqi wo. Ta hhei kielienyi chenlie!" 
\v 6 Tujila sonosudene hende ayizhi zemin jiere papalawo. 
\v 7 \pn Ersa\pn* melie iredene hhelai maqizhi kieliewo, "Bosizhe, bu ayi." 
\v 8 Hhela qiorunne qila uzhese \pn Ersa\pn*se chugo kiemai ese chanlawo.
\p
\v 9 Ulase boukude \pn Ersa\pn* hhelade fenfulazhi kieliewo, "Kunnikewon fugusan kun dundase aminne ulie olutula ta chanlasei kiemade bu kielie." 
\v 10 Tujila \pn Ersa\pn*de asawo, "Qinse jinwun hanjiala yangiezhi \pn Iliya\pn* ijinyo xien irene giezhi kieliezho?" 
\v 11 \pn Ersa\pn* kieliewo, "\pn Iliya\pn* irezhi man erchan gie goudaghanema, 
\v 12 bi tande kielieye, hhe ijin irezhoma, kunla hhei tani dazhi shimatu giezho. Kunnikewonniye niekielienji zayalane." 
\v 13 \pn Ersa\pn* xili gieghasan \pn Yaheiya\pn*i zhiizhi kieliesei tujila caigie minbai oluzho.
\s Sheitan Heisan Kewonni Goudaghazho
\r (Mak 9:14-29; Luj 9:37-43)
\p
\v 14 \pn Ersa\pn* tujilarene iban kunlai shida irese nie kun \pn Ersa\pn*i melie ire xiutuliezhi kieliewo, 
\v 15 "Ezhan, mii kewonde ubali nie xii! Hhende kharalaku gien kurudene tendun fugie wo. Haojihui khande usude anda bouzho. 
\v 16 Bi udurudene tujila shidachii echise hhela goudagha dane." 
\v 17 \pn Ersa\pn* kieliewo, "Ai, ta ene xianxin gieku witu, xiemecha yochen kunla, bi tanse rennai giezhi giedoghoncha beine? Kewonni uduruzhi mii enende ire!" 
\v 18 \pn Ersa\pn* sheitanyi nie sugiese sheitan khizhewo. Hhe shihoude kewon goudawo. 
\v 19 Ingiekude tujila \pn Ersa\pn*i shida konkonji ire asawo, "Bijien yangiezhi ene sheitanyi khigha dane?" 
\v 20 \pn Ersa\pn* kieliewo, "Tai xianxin gieku texien gaji wo. Bi tande shuhua kielieye, tande caizi fure chigei xianxin gieku bise ta ene ulade enense noidene hhende dao giezhi kieliese daone, ingiese ta yama gie dakui uwo."
\s Ersa Duya Ijiezhi Aminne Olukui 2 Hui Kieliezho
\r (Mak 9:30-32; Luj 9:43b-45)
\p
\v 22 Hhela \png Jialili\png*de hhantulakude \pn Ersa\pn* tujilade kieliewo, "Kunnikewonni kunlai khade jiuidene 
\v 23 hhela alase ghurudude aminne olune." Ingiese tujila hende yuchou giezho.
\s Mechide Shui Shanjikui Kieliezho
\p
\v 24 Hhela \png Jiabainun\png*de irese mechide shui shanjisan kunla \pn Beduru\pn*i melie ire kieliewo, "Tai loushi shui ulie jiuinu?" 
\v 25 \pn Beduru\pn* kieliewo, "Jiuine." \pn Beduru\pn* giedoura orose \pn Ersa\pn* xien hhende asawo, "\pn Ximun\pn*, chii isi matugiezho? Duyani honshanla kiense shui, baer ghurazho? Goya kunlase onu, niman kunlase wo?" 
\v 26 \pn Beduru\pn* kieliezho, "Niman kunlase wo." \pn Ersa\pn* kieliezho, "Qingiese goya kunlanughunne mienlienema, 
\v 27 matan reikusene ayine, chi haibienzide echisenu zhaghasun barei. Touchan bareisan amanyini keighama, nie miengui chanlane. Chi agizhi echidene matan ghualanughunyi jiui."
\c 18
\s Kien Zui Fugie Wo Giezho
\r (Mak 9:33-37; Luj 9:46-48)
\p
\v 1 Hhe shihoude tujilani \pn Ersa\pn*i shida ire asawo, "Asiman gojiade kien zui fugie wo?" 
\v 2 \pn Ersa\pn* nie kewosii uruzhi ire hhelai dunda beighadene kieliewo, 
\v 3 "Bi tande shuhua kielieye, ta geizhen giezhi kewosi mutun ulie gholuse asiman gojiade oro dane. 
\v 4 Ingiese kien ene kewosi mutun goyane meilade uzhese asiman gojiade zui fugie wo. 
\v 5 Kien mii niereghala intu kewosii jienliese mii jienliezho."
\s Zui Fanjighaku
\r (Mak 9:42-48; Luj 17:1-2)
\p
\v 6 "Kien mii xianxin giesan enezighan ga kun dundadu niei zui fanjighase ghuzhundeni qiemanshai banladene haini gunde boughase da gou wo. 
\v 7 Zui fanjiku yenyinghala ene duyade gou widawo. Zui fanjighaku shiqin chan winema, kunlai zui fanjighasan hhe kunde gou widawo! 
\v 8 Chii nie kha onu nie kon chii zui fanjighase chizhidene benda! Ghua kha ghua kon bidene chanqiku khande bendatula nie kha onu nie kon feiliedene chanqi amitukude orose da gou wo. 
\v 9 Chii nie nudun chii zui fanjighase waidene benda! Ghua nudun bidene dozoheini khande bendatula nie nudun feiliedene chanqi amitukude orose da gou wo."
\s Miisan Ghonii Bilazho
\r (Luj 15:3-7)
\p
\v 10 "Ta xioxin giezhi enezighan ga kun dundase nieiliuzhe meilade bu uzhe. Bi tande kielieye, hhelai qienxienla asiman jieredu adaimi shida chanqi wine. 
\v 12 Nie kunde 100 gie ghoni wo. Nieni yo widase ta sumulase matugiene? 99 gieni ulade jiesenu widasan ghonii ereile ulie echinu? 
\v 13 Bi tande shuhua kielieye, hhe ereizhi oluse uye widasan 99 giese da olon bayasune. 
\v 14 Tai asiman jieredu adaye niekielien wo. Enezighan ga kun dundadu nieiliuzhe widaghaku duran uwo."
\s Zui Fanjisan Gaijiude Matugie Giene
\p
\v 15 "Gaijiuchii zui fanjise hhei hhende echizhi zinie ta ghuala bikude codaseini kielie. Hhe chii kielienyi chenliese chade nie gaijiu olodowo. 
\v 16 Hhe ulie chenliese kun nie ghua urudene tanghala echi. Ingiese 'jien zhasan shiqinlai ghua, ghuran kunni ganzhenghala shidaghane.' 
\v 17 Hhe pse ulie chenliese jiohuide kielie. Jiohuini kunlanughunyiye ulie chenliese niman kun, shui shanjisan kun mutun uzhe. 
\v 18 Bi tande shuhua kielieye, ta zemin jiere yan banlase, asiman jiereye yan banlane. Ta zemin jiere yan andaghase asiman jiereye yan andaghane. 
\v 19 Bi pse tande kielieye, tai dunda ghuala hhantulazhi nie zhugheghala zemin jiere onxian giesanlai asiman jiereshiku adami man chenjighane. 
\v 20 Ghua ghuran kun mii niereghala khala hhantulase bi hhelai dunda wine."
\s Ubali Ulie Xiichen Hoji
\p
\v 21 Ingiekude \pn Beduru\pn* shidani ire kieliewo, "Ezhan, jiumi made gieduifa zui fanjise bi gieduifa hhei rouliene? Doleifashi kurulie?" 
\v 22 \pn Ersa\pn* kieliewo, "Bi chade kielieye, doleifa ulie kurune, 70 gie doleifa wo. 
\v 23 Ingiese asiman gojiashi hoxian honshan hojilarene zhan sanaku niekielien wo. 
\v 24 Sanazhi qiikude 50 on antan\f + \fr 18:24\fr* \em 10000 talante\em* \f* chaisan kunyi uduruzhi irewo. 
\v 25 Hhende yama honjikui uwo, ezhanni minlin xiaizhi hhei, biereiini, kesilaini, pse bisanlaini man huidene honji giezho. 
\v 26 Hhe hoji papaladene, 'Made shijien pse gouji ogi, bi man honjine.' giezhi kieliezho. 
\v 27 Ezhanni hhende ubali xiidene andaghazhi chaisan baerni man rouliewo."
\p
\v 28 "Ene hoji khizhedene hhende hharan miengu chaisan hhantuku kunyi penjidene bareizhi ghuzhunsei nieqidene, 'Chaisan baerni iregha.' giezho. 
\v 29 Hhantuku kunni papaladene 'Shijien gouji ogima, bi honjiye.' giezhi xiahua giezho. 
\v 30 Hhe kun ulie olune giedene chaisan baerni honjitula bafanzide khazho. 
\v 31 Pseshiku hojila enei chanladene hende nango giedene echi ene shiqinyi man ezhandene huibao giewo. 
\v 32 Ingie ezhanni hhe kunyi uru iredene kieliewo, 'Chi ene doghun hoji! Chi mii xiahua giese bi chi chaisanlai man rouliewo. 
\v 33 Bi chade ubali xiizho giezhi chi hhantuku kundene qingiezhi indan ubali xiise ulie olunu?' 
\v 34 Ezhanni hende hokudene chaisan baerni man honjitula bafanzi sagheisan kunlade jiuizhi eghighazho. 
\v 35 Ta gaijiune zhughesene ingiezhi ulie rouliese asiman jieredu adamiye tande ingiezhi giene."
\c 19
\s Lihun Gieku Shiqin
\r (Mak 10:1-12)
\p
\v 1 \pn Ersa\pn* ene kielienlai kielie baraghadene \png Jialili\png*se likai giezhi \png Yedanhe\png* duimienni \png Yudaya\png* oronde irewo. 
\v 2 Tebieji olon kunla hhei daghazho, \pn Ersa\pn* hhende kunlai goudaghawo.
\p
\v 3 Falisai kunla ire \pn Ersa\pn*i shiizhi asazho, "Kun yan yenyinghalaliuzhe biereine lihun gieghase olunulie?" 
\v 4 \pn Ersa\pn* kieliewo, "Kunyi zhayaghasan Huda dei qiikude ere kun, eme kunyi zhayaghawo giezho. 
\v 5 Pse, 'Ingiese kun ada anasene likai giedene biereighalane hhantulazhi ghuala nie beye gholune.' giezhi kieliesan jinwunni ta onshizhi ese daowu? 
\v 6 Hhela ghua pusho, nie wo. Ingiese Huda hhantulaghasei kun fenkai gieghase ulie olune." 
\v 7 Falisai kunla asawo, "Qinse \pn Musa\pn* yangiezhi lihun qiuzi ogidene lihun gie giezhi fenfulawo?" 
\v 8 \pn Ersa\pn* hhelade kieliewo, "Tai zhughe khidunshi \pn Musa\pn* ta biereine lihun gieghase olune giezhoma, dei qiikude ingie ese giezho. 
\v 9 Bi tande kielieye, kien lon kijieku yenyinse chugo biereighalane lihun giedene pse agise piofen giezho."
\p
\v 10 Tujilani \pn Ersa\pn*de kieliewo, "Ere kun bierei kunyi gonxi imutuishi jiehun ulie giese da gou wo." 
\v 11 \pn Ersa\pn* kieliewo, "Ene kielienyi kienliuzhe man jienlie shidaku pusho, kiende nengou ogise kien jienliene. 
\v 12 Niezhan kunla olusanse jiehun gie dane. Niezhan kunlai kunla ataladene jiehun gie dane. Pse niezhan kunla asiman gojiade oluzhi goyane jiehun ulie giene. Ene kielienyi kien jienlie shidase jienliedu."
\s Ersa Kesilade Oluzhi Onxian Giezho
\r (Mak 10:13-16; Luj 18:15-17)
\p
\v 13 Ingiekude kunla kesilane uduruzhi \pn Ersa\pn*i melie ire hhelai jiere kha teizhi onxian gieghane giese tujila hhelai sugiezho. 
\v 14 Ingiese \pn Ersa\pn* kieliezho, "Kesilai bu dui, mii shida ire gie. Asiman gojiashi imutu kunlanughun wo." 
\v 15 \pn Ersa\pn* hhelai jiere khane teidene hhense likai giewo.
\s Nasuchighan Baertu Kun
\r (Mak 10:17-31; Luj 18:18-30)
\p
\v 16 Nie kun \pn Ersa\pn*i melie iredene kieliewo, "Loushi, bi yan gouni giese chanqiku amin wine?" 
\v 17 \pn Ersa\pn* kieliewo, "Chi made yangiezhi gouni asane? Zi niekozishi gouni wo. Chi chanqiku aminyi jienliene giese minlinni zunji." 
\v 18 Hhe asawo, "Yan minlin wo?" \pn Ersa\pn* kieliewo, "Kun bu ala, piofen bu gie, bu ghula, jia ganzhen bu bei, 
\v 19 ada anane zunji, goyadene mutun giebeidene ore." 
\v 20 Nasuchighan kun kieliewo, "Enelai bi man zunjiwo, pse yan chaizho?" 
\v 21 \pn Ersa\pn* hhende kieliewo, "Chi man qiendaghaku duran bise echidene bisanlane man huizhi nanxin kunlade ogi. Ingiese chii boubei asiman jiere wo. Ingiedene irezhi mii dagha." 
\v 22 Nasuchighan kunde caichan olonshi ene kielienyi chenliedene yuchourazhi yolawo.
\p
\v 23 \pn Ersa\pn* tujiladene kieliewo, "Bi tande shuhua kielieye, bayan kun asiman gojiade oroku chijia wo. 
\v 24 Bi tande pse kielieye, loto zhun boghose daoku bayan kun Hudai gojiade orokuse da sunfan wo." 
\v 25 Tujila enei chenliedene ghanirazhi kieliewo, "Ingiese kienyi jiui shidane?" 
\v 26 \pn Ersa\pn* hhelai uzhedene kieliewo, "Kun enei gie danema, Huda yanniliuzhe giene."
\p
\v 27 Ingiekude \pn Beduru\pn* kieliewo, "Uzhe, bijien man bendadene chii daghazho. Jianlai bijiende yan wine?" 
\v 28 \pn Ersa\pn* kieliewo, "Bi tande shuhua kielieye, shini duyade Kunnikewon goyane famatu baozo jiere soukude, ta enezighan mii daghasan kunlaye 12 gie baozo jiere souzhi \png Isilie\png*ni 12 gie paini gonjine. 
\v 29 Kien mii nierede oluzhi gie, gaijiu, eghechijiu, ada, ana, kesila, ghazhane bendase 100 pei ogine, da chanqiku aminni jienliene. 
\v 30 Ingiese olon melieshikula khuinashilane, khuinashikula melieshilane."
\c 20
\s Putou Yenzide Kun Guisan Zhanguiji
\p
\v 1 "Asiman gojia hoxian nie gieni zhanguijii xianli. Eqiemagha eqie khizhi echizhi kun guidene putou yenzidene wilie gieghane giezho. 
\v 2 Wiliechilaghala niudu nie miengu ogikui kielie goudaghadene hhelai putou yenzide echighawo. 
\v 3 Eqiemagha 9 jien olukude zhanguiji khizhi echise jide xien beisan kunyi chanladene 
\v 4 hhelade kieliewo, 'Taye putou yenzide ire, tande heshide baer ogine.' 
\v 5 Ingie hhela echiwo. Xiawu 12 jien, pse 3 jien olukude zhanguiji khizhi echidene ye ingiezhi giewo. 
\v 6 Hhe xiawu 5 jien olukude pse khizhi echise dou xien beisan kunni chanladene hhelade asawo, 'Ta niudu enende beizhi wilie giele yale ese echizho?' 
\v 7 Hhela kieliewo, 'Bijienyi kieme ese guizho.' Hhe kieliewo, 'Taye putou yenzide ire.' 
\v 8 Khara oluse putou yenzii zhanguiji duizhande kieliewo, 'Wilie giesan kunlai uruzhedene zui khuina iresanse baerlaini ogizhi zui melie kuru.' 
\v 9 Xiawu 5 jien olukude iresan kunla nie kun nie miengu linlawo. 
\v 10 Zui melie iresan kun iredene olon ogimu giezhoma, yen nie kun nie miengu linlawo. 
\v 11 Hhela linladene zhanguijide boxin giezhi kieliezho, 
\v 12 'Bijien khara naran doura niudu khishilazho. Enezighan khuina iredene nie zhuntou wilie giesan kunlai bijienre niekielien uzhezho.' 
\v 13 Ingiese zhanguiji hhelai dundashiku nie kunde kieliewo, 'Zhanlien, bi chii ese kuighazho. Matan ghuala kieliesanshi nie miengu wola? 
\v 14 Goyanughunne agidene echi. Zui khuina iresan hhe kunde chade ogisanghala niekielien ogise bi yenyi wo. 
\v 15 Bi duranghalane baerne injise ulie olunu? Bi gou kun danlase chi dubilienu?' 
\v 16 Ingiese khuinashikula melieshilane, melieshikula khuinashilane."
\s Ersa Ku Shouizhi Aminne Olukui Ji 3 Hui Kieliezho
\r (Mak 10:32-34; Luj 18:31-34)
\p
\v 17 \pn Ersa\pn* \png Yelusalen\png*de khireikude mo jiere 12 gie tujine uruzhi ire hhelade kieliewo, 
\v 18 "Uzhe, matan \png Yelusalen\png*de khireine. Kunnikewonyi fugie buwa, jinwun hanjialade jiuise hhela hhei sixin panjidene 
\v 19 niman kunlade jiuine. Hhela hhei xilun giene, mabienzighala eghine, shizijia jiere ghada alane. Ingie ghurudude aminne olune."
\s Ghua Tujini Anani Ersai Xiahua Giezho
\r (Mak 10:35-45)
\p
\v 20 Ingiekude \pn Xibitai\pn*ni bierei ghua kewonne uduruzhi \pn Ersa\pn*i melie ire xiutuliezhi xiahua giezho. 
\v 21 \pn Ersa\pn* kieliewo, "Chi yan kerene?" Hhe kieliewo, "Mii onxianshi ghua kewonyimi chii gojiade niei chii borun miende niei soghei miende sougha." 
\v 22 \pn Ersa\pn* kieliewo, "Ta ghuala yan keresanne ulie mejiene. Bi shouiku kuni ta shoui shidanu?" Hhela kieliewo, "Shouine." 
\v 23 \pn Ersa\pn* kieliewo, "Bi shouiku kuni ta shouinema, mii lianmien kanzide soughakui bi ogiku pusho. Adami kiende zhunbei giezhoshi kiende ogine."
\p
\v 24 Psedu hharan tujini sonosudene hhe gaijiughalade hokuzho. 
\v 25 \pn Ersa\pn* hhelai uruzhi ire kieliewo, "Niman kunlai dunda lindao, noyenla qienli bareizhi kunlai gonjisei ta mejiene. 
\v 26 Ta niekielien pusho, tai dunda kien fugieni danlane giese tande ushilachen kun danlakuni wo. 
\v 27 Tai dunda kien laoda danlane giese tande hoji danlakuni wo. 
\v 28 Kunnikewon irekushi kunlai ushilaghale ese irezho. Kharei kunlai ushilazhi aminne sheidene olon kunlade shuiku Jiage danlale irezho."
\s Ghua Sughoi Goudaghazho
\r (Mak 10:46-52; Luj 18:35-43)
\p
\v 29 Hhela \png Yelige\png*se likai giekude tebieji olon kunla \pn Ersa\pn*i daghazho. 
\v 30 Ghua sugho mo bienzide souzho. \pn Ersa\pn* daosei sonosudene waradazho, "Ezhan, \pn Dawude\pn*ni houdei, bijiende ubali nie xii!" 
\v 31 Kunla jiebalazhi shenqi bu khizhe giese hhela genjia fugiede waradazhi kieliezho, "Ezhan, \pn Dawude\pn*ni houdei, bijiende ubali nie xii!" 
\v 32 \pn Ersa\pn* beidene hhelai uruzhi ire kieliezho, "Bi tande yan giene?" 
\v 33 Hhela kieliezho, "Ezhan, bijienyi nudunyi goudagha!" 
\v 34 \pn Ersa\pn*i zhugheni zholieredene hhelai nudunyi nie moise hhela deigo chanladene \pn Ersa\pn*i daghawo.
\c 21
\s Honshan Mutun Yelusalende Orozho
\r (Mak 11:1-11; Luj 19:28-40; Yah 12:12-19)
\p
\v 1 Hhela \png Yelusalen\png*se chadashizhi \png Ganlanshan\png*ni \png Bofaqi\png*de irekude \pn Ersa\pn* ghua tujine peizhi 
\v 2 hhelade kieliewo, "Ta duimienni aghinde echi. Hhende nie huiyasan enzheghei deigo chanlane, shidai da nie unaghan wo. Ta andaghadene mii shida lai ire. 
\v 3 Kunla tande asase, 'Ezhan hhelai injine.' giezhi kieliema, hhe kun deigo laighane."
\p
\v 4 Ene shiqin fashen giekushi Ezhan xienzhini tungo giezhi kieliesan kielien mutun gholughane giezho,
\q1
\v 5 "\png Xiwun\png*ni\f + \fr 21:5\fr* \em Yelusalen\em* \f* kunlade kielie.
\q2 Uzhe, tai honshan tai hhende irewo.
\q1 Hhe goyane meilade uzhezhi enzheghe unuzho.
\q2 Unusanshi ga enzheghe wo."
\m
\v 6 Tujila echidene \pn Ersa\pn* fenfulasan mutun giewo. 
\v 7 Hhela enzheghe, ga enzheghei lai ire goya jienlane enzheghe jiere daidene \pn Ersa\pn*i unughawo. 
\v 8 Olon kunla jienlane mo jiere peizho. Psedu kunla mutun chalai chizhidene mo jiere peizho. 
\v 9 Melie khuinadu olon kunla waradazhi kieliezho,
\q1 "Hesanna! \pn Dawude\pn*ni houdeii doulandu!\f + \fr 21:9\fr* \em Bijienyi jiui!\em* \f*
\q2 Ezhanni niereghala iresan hhei doulandu!
\q2 Zui undudedu Hudai doulandu!"
\p
\v 10 \pn Ersa\pn* \png Yelusalen\png*de orose kunla man hunnerei daghazhi eneshi kien wo giezho. 
\v 11 Olon kunla kieliezho, "Eneshi \png Jialili\png*yi \png Nasale\png*ni xienzhi \pn Ersa\pn* wo."
\s Mechini Arughazho
\r (Mak 11:15-19; Luj 19:45-48; Yah 2:13-22)
\p
\v 12 \pn Ersa\pn* mechide orodene meimei giesan kunlai man tou khighawo. Baer arunzhasan kunlai shire, ghoghochen huisan kunlai bandoulai tungu unaghawo. 
\v 13 Hhelade kieliewo,
\q1 "Mii giei onxian gieku gie giezhi urune giezhi jinwun jiere huaizho.
\q2 Ta ghughei ho gholughazho!"
\p
\v 14 Mechi sudoro sugho, dogholonla \pn Ersa\pn*i shida irese hhelai goudaghawo. 
\v 15 Fugie buwa, jinwun hanjiala \pn Ersa\pn* ghaniraku shiqin giesei chanladene pse kesila mechi doura Hesanna! \pn Dawude\pn*ni houdeii doulandu giezhi onghonosei sonosudene hende hokuzhi 
\v 16 \pn Ersa\pn*de asawo, "Enezighan kesila kieliesei chi sonosuwoye?" \pn Ersa\pn* kieliewo, "Sonosuwo. Jinwun jiere chi yeliwa, ga kesilai amanghala goyane doulaghawo giesei ta onshizhi ese daowu?" 
\v 17 Ingie hhelase likai giezhi chenshise khidene \png Bodani\png*de echi nie xii souwo.
\s Uhuago Mutunni Kharazho
\r (Mak 11:12-14, 20-24)
\p
\v 18 \pn Ersa\pn* eqiemagha chenshide khareikude oliesuzho. 
\v 19 Mo bienzide nie uhuago mutunyi chanlawo. Shidani echi nie uzhese mutun jiere lachen wine, alima uwo. \pn Ersa\pn* mutunde, "Enedu khuinase chii jiere ibeizi alima ulie soune." giezhi kieliese uhuago mutun deigo gho fuguwo. 
\v 20 Tujila uzhedene ghudurezhi, "Uhuago mutun matugie deigo gho fuguwo." giezhi kieliezho. 
\v 21 \pn Ersa\pn* kieliewo, "Bi tande shuhua kielieye, tande xianxin gieku bizhi inxin ulie giese bi uhuago mutun jiere giesei taye gie shidane, da ene ulade oronsene noidene haide bou giezhi kieliese boune. 
\v 22 Ta xianxin giedene xiahua giezhi onxian giese man ogine."
\s Ersani Qienlini Asazho
\r (Mak 11:27-33; Luj 20:1-8)
\p
\v 23 \pn Ersa\pn* mechide orodene kunlade sughakude fugie buwa, bexinlai zhanlaola hhei shida ire kieliezho, "Chi yan qienlighala ene shiqinlai giezho? Kien chade ene qienlii ogizho?" 
\v 24 \pn Ersa\pn* hhelade kieliewo, "Biye tande nie unqi asaye. Ta made kieliese biye yan qienlighala ene shiqinlai giesei tande kieliene. 
\v 25 \pn Yaheiya\pn*i xili gieghaku qienli khalase irezho? Asimanse onu, kunlase wo?" Hhela goyalane shanlian giezhi kieliewo, "Matan asimanse wo giese, 'Ta yale hhei xianxin ulie giene.' giezhi hhe matande kieliene. 
\v 26 Kunlase wo giese matan bexinlase ayizho, hhela man \pn Yaheiya\pn*shi xienzhi wo giezho." 
\v 27 Ingie \pn Ersa\pn*de kieliewo, "Bijien ulie mejiene." \pn Ersa\pn* hhelade kieliewo, "Biye tande yan qienlighala ene shiqinlai giesei ulie kieliene."
\s Ghua Kewonni Bilazho
\p
\v 28 "Ta nie sumula bi ede bilaku matugiezho? Nie kunde ghua kewon wo. Hhe fugie kewondene kieliezho, 'Mii kewon, chi enedu putou yenzide wilie giele echi.' 
\v 29 Kewonni kieliewo, 'Bi ulie echine.' Khuinashida houhui giedene echiwo. 
\v 30 Adani echidene meila kewondene ye niekielienji kieliezho. Kewonni kieliewo, 'Ada, bi echiye.' Ingiedene ese echiwo. 
\v 31 Ta sumulase ene ghua kewonlani alinie adane kielienyi chenliezho?" Hhela kieliewo, "Fugie kewon wo." \pn Ersa\pn* kieliewo, "Bi tande shuhua kielieye, shui shanjisan kun, biozila tanse melie Hudai gojiade orone. 
\v 32 \pn Yaheiya\pn* tai hhende irekude gou moni uzheghazho. Ta hhei xianxin ulie giene, shui shanjisan kun, biozila hhei xianxin giezho. Ta hhela xianxin giesei uzhedene dou geizhen ulie giezhi xianxin ulie giene."
\s Doghun Wiliechilani Bilazho
\r (Mak 12:1-12; Luj 20:9-19)
\p
\v 33 "Ta pse nie bilasei chenlie. Nie gieni zhanguiji nie yenzi putou zeiladene izhonyini qienjiwo. Sudoroni jiu daruku chizi waizhi yenzi uzheku teizi giedene kunlade bouizhi ogi, gholode echiwo. 
\v 34 Ghuraku shihou oluse hojilai peizhi bouisan kunlase nexianne ghuraghale echiwo. 
\v 35 Bouisan kunla hojilaini bareidene nieini eghiwo, nieini alawo, nieini tashida alawo. 
\v 36 Zhanguijii pse genjia olon hojilai peizhi echighase bouisan kunla yen qingiezhi duidai giewo. 
\v 37 Zuihoude hhela kewonyimi zunjineba giezhi kewonne peizhi echighawo. 
\v 38 Bouisan kunla kewonyini chanladene nieniedene kielienduzho, 'Eneshi jiachanni jienliechen wo. Matan enei aladene jiachanni zhanjiye!' 
\v 39 Ingie hhei bareidene putou yenzise tungu khigha alawo. 
\v 40 Ingiese putou yenzii zhanguiji irekude bouisan kunlai matugiene?"
\p
\v 41 Hhela kieliewo, "Doghun kunlai ese rouliezhi aladene putou yenzini nanshi putou jiuichen kunlade bouizhi ogine." 
\v 42 \pn Ersa\pn* hhelade kieliewo. "Ta jinwun jiere onshizhi ese daowu?
\q1 'Gie giesan kunla bendasan tashi
\q2 giei zhunyo tashi gholuwo.
\q1 Eneshi Ezhan giesanwo.
\q2 Matan uzhese xihan giezho.'
\m
\v 43 Ingiese bi tande kielieye, Hudai gojiai tanse agi echidene Hudai gojiade oluzhi jiego khizheghasan minzude ogine. 
\v 44 Kien ene tashi jiere anda bouse zhazhazi gholune. Ene tashi kienyi jiere anda bouse zai miendaghane."
\p
\v 45 Fugie buwa, Falisai kunla \pn Ersa\pn* bilasei chenliedene hhelai zhiizhi kieliesei mejie 
\v 46 \pn Ersa\pn*i bareine giese olon kunlase ayizho. Olon kunla \pn Ersa\pn*i xienzhi wo giezho.
\c 22
\s Ghurunde Xinlaku
\r (Luj 14:15-24)
\p
\v 1 \pn Ersa\pn* hhelade pse bilazhi kieliewo, 
\v 2 "Asiman gojia hoxian nie honshan kewondene bierei agizhi xi beilasei xianli. 
\v 3 Hhe hojilane peizhi xinlasan kunlai ghurunde ire giezhi urughale echiwoma, hhela ulie irene. 
\v 4 Honshan psedu hojilai peizhi kieliewo, 'Ta xinlasan kunlade kielie. Bi ijin xini beila goudaghawo. Fughe, taghun tughuchalai zharuzhi man zhunbei giewo. Ta ghurunde irendu.' 
\v 5 Hhezighan kunla ese gonjidene yolawo. Nieni ghazha jierene echiwo, nieni meimei giele echiwo. 
\v 6 Pseshikula honshanyi hojilai bareidene shizheghazhi alawo. 
\v 7 Honshan hokudene buduilai peizhi hhezighan alasan kunlai aladene hhelai chenshini tulie widaghawo. 
\v 8 Ingie hojiladene kieliewo. 'Ghurunni zhunbei giezhi goudaghazhoma, xinlasan kunla pei dane. 
\v 9 Ta dalu kouzide echisenu chanlasan kunlai man ghurunde xinlazhi ire.' 
\v 10 Hhezighan hojilani dalu jiere echidene gou kun, doghun kunni ese gonjidene man uruzhi ire ghurunde zhochen duruwo. 
\v 11 Honshan orozhedene shire jieredu zhochenlai nie uzhese ghurunde musiku jien uye musisan nie kunni chanla, 
\v 12 hhende 'zhanlien, chi enende irese yangiezhi ghurunde musiku jien ese musizho?' giese hhe kunde yama shenqi uwo. 
\v 13 Ingie honshan ushilachen kunlade kieliewo, 'Kha konyini banladene ghadanedu kharanide benda, hhende shidunne zhouzhi wila gie.' 
\v 14 Urusan kun olon wo, sunghusan kun choghon wo."
\s Shui Jiuiku
\r (Mak 12:13-17; Luj 20:20-26)
\p
\v 15 Falisai kunla echidene shanlian giezhi \pn Ersa\pn*i kieliense matugie maobin ereizhi heine giezho. 
\v 16 Hhela tujilane, Hherodepai kunni peizhi \pn Ersa\pn*i hhende echighase kieliewo, "Loushi, chi shuhua kieliekui bijien mejiene. Chi yan kunyiliuzhe niekielien uzhezhi kunni mienzii ulie uzhene. Hudai daolini shixinde sughazho. 
\v 17 Chii isi matugiezho? Bijiende nie kielie, matan \pn Kaisa\pn* honshande shui jiuise oluzhou ese oluzho?" 
\v 18 \pn Ersa\pn* hhelai doghunni uzhe khizhedene kieliewo, "Jiazhon giesan kunla, ta mii shiizhi yangiene? 
\v 19 Shui jiuiku baerni made nie uzhegha." Hhela nie mienguni agizhese 
\v 20 \pn Ersa\pn* kieliewo, "Ene qiorun, haoshi kiennughun wo?" 
\v 21 Hhela kieliewo, "\pn Kaisa\pn*nughun wo." \pn Ersa\pn* kieliewo, "Qinse \pn Kaisa\pn*nughunshi \pn Kaisa\pn*de ogi, Hudanughunshi Hudade ogi." 
\v 22 Hhela chenliedene ghanirazhi \pn Ersa\pn*se likai gie yolawo.
\s Aminne Oluku
\r (Mak 12:18-27; Luj 20:27-40)
\p
\v 23 Fuho gieku shiqin uwo giesan Sadugai kunla yen hhe udude \pn Ersa\pn*i shida ire asawo, 
\v 24 "Loushi, \pn Musa\pn* guijin jiere kieliezho, nie kunde kewosi wi fuguse jiuni gaine biereii zhoui gaidene houdei liuikuni wo giezho. 
\v 25 Bijienyi enende gaijiu dololie wo. Laodani bierei agidene kewosi wi fuguse jiuni zhouiwo. 
\v 26 Laoer, laosan, dololie man ingiezho. 
\v 27 Zuihoude biereiye fuguwo. 
\v 28 Ingiese fuho giekude hheshi dololie dundadu kienyi bierei wo? Hhela man hhei agiwo."
\p
\v 29 \pn Ersa\pn* hhelade kieliewo, "Tanughun codazho. Ta jinwunni mejie dazho, Hudai nenliniye mejie dazho. 
\v 30 Kun aminne olukude ulie agine, ulie dafalane, asiman jieredu qienxien niekielien wo. 
\v 31-32 Fugusan kun aminne olukui kieliese 'bishi \pn Iburaheimu\pn*ni Huda wo, \pn Isaghei\pn*ni Huda wo, \pn Yagebu\pn*ni Huda wo' giezhi Huda tande kieliesei ta onshizhi ese daowu? Hudashi fugusan kunyi Huda pusho, amitu kunyi Huda wo." 
\v 33 Olon kunla ene kielienyi chenliedene hhe sughasande hende ghanirazho.
\s Zui Fugie Minlin
\r (Mak 12:28-34; Luj 10:25-28)
\p
\v 34 Falisai kunla \pn Ersa\pn* Sadugai kunlai kielie beighasei mejiedene hhantulazho. 
\v 35 Hhelai dundadu nie jinwun loushi \pn Ersa\pn*i shiizhi asawo, 
\v 36 "Loushi, minlin dunda alinie zui fugie wo?" 
\v 37 \pn Ersa\pn* hhende kieliewo, "Chi qienbuji zhughe, qienbuji jinshen, qienbuji sumulakughalane ezhan Hudadene ore. 
\v 38 Eneshi zui fugie, ji 1 gie minlin wo. 
\v 39 Ji 2 gie hheghala niekielien wo. 'Goyadene mutun giebeidene ore.' 
\v 40 Ene ghua minlinshi soyuji guijinshu, xienzhishuni jichu wo."
\s Mexihashi Dawudeni Houdei Wo
\r (Mak 12:35-37; Luj 20:41-44)
\p
\v 41 Falisai kunla hhantulakude \pn Ersa\pn* hhelade asazho, 
\v 42 "Mexihani kieliese ta matugie sumulazho? Hheshi kienyi houdei wo?" Hhela kieliewo, "\pn Dawude\pn*ni houdei wo." 
\v 43 \pn Ersa\pn* kieliewo, "Qingiese \pn Dawude\pn* Shenlinni tungo giezhi matugie Mexihani Ezhan giezhi uruzho? \pn Dawude\pn* kieliezho,
\q1
\v 44 'Ezhan mii Ezhande kieliewo,
\q2 "Bi duitoulaichii kon dourachii teitula chi mii borun miende sou."'
\m
\v 45 Qingiese \pn Dawude\pn* Mexihai Ezhan giezhi uruse Mexiha matugie \pn Dawude\pn*ni houdei wo?" 
\v 46 Kiemada hhende yama huida gie dawo. Hhe uduse khuinashi kiemada hhende yama asa dazho.
\c 23
\s Jinwun Hanjia, Falisai Kunlai Kheilazho
\r (Mak 12:38-40; Luj 11:37-52; 20:45-47)
\p
\v 1 Ingiedene \pn Ersa\pn* olon kunlade, tujiladene kieliewo, 
\v 2 "Jinwun hanjia, Falisai kunla \pn Musa\pn*ni guijinyi jieshi gieku qienli bareizho. 
\v 3 Ingiese hhela tande sughasei ta man zunjizhi giema, hhelai giekuni bu dagha. Hhela sughasanne ulie giene. 
\v 4 Hhela banlasan gundu danzilani kunlai dalou jiere jiedene goyala nie kha ghurunneliuzhe ulie gojiolughane. 
\v 5 Hhela giesan soyuji shiqinlane kunlade uzheghane giezhi giezho. Hhela zhoku jinwun xiaxiani giezhi fugiedaghazho. Jienni sasuiye giezhi fududaghazho. 
\v 6 Hhela xini shanxide, huitanni undu wizide soukude xiqi wo. 
\v 7 Giedoude kunla hhelade kielien asazhi loushi giezhi urukude xiqi wo. 
\v 8 Ta kunlai goyane loushi giezhi bu urugha, tande zi niekozi loushi wo, ta manshi gaijiu wo. 
\v 9 Zemin jieredu kunni ada giezhi bu uru, tande zi niekozi ada wo, hheshi asiman jieredu ada wo. 
\v 10 Ta kunlai goyane shifu giezhi bu urugha. Tande zi niekozi shifu wo, hheshi Mexiha wo. 
\v 11 Tai dunda zui fugienishi tande hoji danlakuni wo. 
\v 12 Kien goyane undudaghase boghonidaghane. Goyane boghonidaghase undudaghane."
\p
\v 13 "Ta jiazhon giesan jinwun hanjia, Falisai kunlade gou widawo! Ta kunlade asiman gojiani wijienyi khazhi goyalane ese orozho, orone giechen kunlaiye ese oroghazho." 
\v 15 "Ta jiazhon giesan jinwun hanjia, Falisai kunlade gou widawo! Ta nie kunyi jiopaidene oroghane giezhi zemin haini yo baraghane. Hhei jiopaidene oroghadene dozoheini kun gholughazhi tanse da olon doghunshighane."
\p
\v 16 "Ta mo udurusan sugholade gou widawo! Ta kieliese mechii zhiizhi fayen giese yama ulie sananema, mechii antanni zhiizhi fayen giese kieliendene kuru giezho. 
\v 17 Sughotu guazila, alinieshi zhunyoni wo? Antan onu? Antanni zhiguishighasan mechi wo? 
\v 18 Ta pse kieliese sidagha gieku teizini zhiizhi fayen giese yama ulie sananema, sidagha gieku teizi jieredu dunxilai zhiizhi fayen giese kieliendene kuru giezho. 
\v 19 Sughola, daoji mure zhunyo onu mureni zhiguishighaku sidagha gieku teizi zhunyo wo? 
\v 20 Ingiese kien sidagha gieku teizini zhiizhi fayen giese sidagha gieku teizi, sidagha gieku teizi jiereshiku dunxilani man zhiizhi fayen giezho; 
\v 21 Kien mechii zhiizhi fayen giese mechi sudoro sousan Hudai zhiizhi fayen giezho. 
\v 22 Kien asimanyi zhiizhi fayen giese Hudai baozo, baozo jiere sousan Hudai zhiizhi fayen giezho."
\p
\v 23 "Ta jiazhon giesan jinwun hanjia, Falisai kunlade gou widawo! Ta bohe, huajio, ziranlasene Hudade ushirei ogizhoma, guijin jieredu gundande gieku, ubali xiiku, kekaoni enezighan genjia zhunyoni ulie giene. Enelai ta indan giekui wo, psedulaiye ulie giekui pusho. 
\v 24 Ta mo udurusan sughola, ta meiyen ghugheini liizhi khizheghane, lotoni hulun yenjine."
\p
\v 25 "Ta jiazhon giesan jinwun hanjia, Falisai kunlade gou widawo! Ta beizi, jiezilai mienzii wagha arughazhoma, sudoroni tanxin gieku, lon giekula duruzho. 
\v 26 Ta sughotu Falisai kunla, xien beizi sudorodui waghazhi arugha, mienziye arune."
\p
\v 27 "Ta jiazhon giesan jinwun hanjia, Falisai kunlade gou widawo! Ta fenshua giesan mezai xianli, ghadanese uzhese gou wo, sudoro fugusan kunyi yasun, yanyanji zannanni duruzho. 
\v 28 Taiye kunla mienzise uzhese gou wo, sudorotai jiazhon gieku, mouxienni duruzho."
\p
\v 29 "Ta jiazhon giesan jinwun hanjia, Falisai kunlade gou widawo! Ta xienzhilai mezai giezho, gou kunni jilaku peizii giezhi mezai goudaghadene 
\v 30 'Xienrenlane hhe xienzide bijien bizhoshi xienzhii chusunyi xienrenlarene hhantu ulie usurughane.' giezhi kieliezho. 
\v 31 Ingiezhi ta xienzhilani alasan kunlai houdei bikui zhenmin giezho. 
\v 32 Ta xienrenlane zuini giezhi baraghale echi! 
\v 33 Ta enezighan moghei, du mogheini zhunzhugha. Ta matugie dozoheini faikuse andane? 
\v 34 Ingiese bi xienzhi, aghelitu, jinwun hanjialai tai enende peizhi ireghane. Ta niezhanlai alane, niezhanlai shizijia jiere ghadane, pse niezhanlai huitande mabienzighala eghine, ene chenshise touzhi hhe chenshide echighane. 
\v 35 Ingiese gou kun \pn Hhabi\pn*se qiizhi izhi dajienji sidagha gieku teizi dunda alasan \pn Balajia\pn*ni kewon \pn Sajialiya\pn*i zuini guide kurutula soyuji gou kunla usurusan chusunni guini man tai jiere ireghane. 
\v 36 Bi tande shuhua kielieye, ene guini man ene idai kunlai jiere ireghane."
\s Yelusalende Oluzhi Shonholozho
\r (Luj 13:34-35)
\p
\v 37 "\png Yelusalen\png*, \png Yelusalen\png*! Peizhi ireghasan xienzhilai tashidazhi alasan chenshiya, bi chii kesilani gieduifa muji tigha zhunzhughalane siban doura hhantulaghaku mutun hhantulaghane giese ta duran uwo. 
\v 38 Uzhe, chii gie hontan gholuzhi chade zinie hontan feiliene. 
\v 39 Bi chade kielieye, chi 'Ezhanni niereghala iresan kunni doulandu.' giezhi kielietula mii pse chanla dane."
\c 24
\s Jianlai Mechini Widaghane
\r (Mak 13:1-2; Luj 21:5-6)
\p
\v 1 \pn Ersa\pn* mechise khizhedene yokude tujilani ire mechii loulani hhende zhiizhi uzheghawo. 
\v 2 \pn Ersa\pn* tujiladene kieliewo, "Ta enelai man chanlawu? Bi tande shuhua kielieye, jianlai man cheizhi tashi jiere tashi nieda ulie jiene."
\s Duyani Zuihouku Zunji
\r (Mak 13:3-13; Luj 21:7-19)
\p
\v 3 \pn Ersa\pn* \png Ganlanshan\png*de soukude tujila konkonji ire asazho, "Yan xienzide ene shiqinla fashen giene? Chi irezhi duya barakude yan zunji bikui bijiende nie kielie." 
\v 4 \pn Ersa\pn* hhelade kieliewo, "Ta xioxin giezhi kunlai bu piendagha. 
\v 5 Olon kunla mii niereghala iredene bishi Mexiha wo giezhi olon kunlai miine. 
\v 6 Ta eghindusan, eghindune giesan xioxini sonosune. Ingiese goujida bu jinda. Ene shiqin kenjin fashen gienema, duya baraku shihou dou ese kuzhezho. 
\v 7 Minzu, minzula eghindune. Gojia, gojiala eghindune. Gochude oliesuzhi zemin gojiolune. 
\v 8 Eneshi tendunni keitou wo."
\p
\v 9 "Hhe shihoude kunla tai barei echidene heizhi alane. Mii yenyinghala go minzula tai henjine. 
\v 10 Hhe shihoude olon kunla jiomunni bendane. Nieniene ghudanduzhi henjindune. 
\v 11 Olon jia xienzhila khizhedene olon kunlai miine. 
\v 12 Mouxienni olodozhi kunlai oreku zhughe widane. 
\v 13 Ingieliuzhe rennai giezhi zuihou kusanlai jiuine. 
\v 14 Asiman gojiani gouxioxini qienxiade chonji kurughazhi soyuji minzulade ganzhen beidene caigie duya baraku kuzhene."
\s Fugie Zeinan
\r (Mak 13:14-23; Luj 21:20-24)
\p
\v 15 "Ingiese \pn Danyili\pn* xienzhi kieliesan hhe pohai giezhi hanzhan gieghaku zhiguitu oronde beisei ta chanlane. (Onshichen kunla, ene kielienni isii dunjirekuni wo.) 
\v 16 Ingiekude \png Yudaya\png*de sousan kunla, ulade piile echi. 
\v 17 Gie jieredula, giederase dunxi agile bu bouzhe. 
\v 18 Ghazha jieredula, khareizhi jienne agile bu echi. 
\v 19 Hhe udude kewosi laisan, gogoghasanlade gou widawo. 
\v 20 Ta holukude uncha, hhamuraku udui bu kuzhegha giezhi onxian gie. 
\v 21 Ingiekushi hhezighan udude zeinan zui fugie wo. Duya kaishi giesanse eli kutula imutu zeinan uwo, khuinashiye uwo. 
\v 22 Hhezighan zeinantu udui ese choghonshighazhoshi nieda jiui danema, sunghusan kunladene oluzhi choghonshighane. 
\v 23 Hhe udude kunla tande uzhe, Mexiha enende wo, hhende wo giese ta xianxin bu gie. 
\v 24 Jia Mexiha, jia xienzhila khizhezhi fugie ghudureqi, fugie shiqinlai giekushi sunghusanlaiye kenen miine. 
\v 25 Uzhe, bi shiqinlai tande eqie kieliewo. 
\v 26 Ingiese kunla tande uzhe, 'Mexiha hontande wo.' giezhi kieliese ta khizhi bu echi. Pse, 'Uzhe, hhe giedera wo.' giezhi kieliese ta xianxin bu gie. 
\v 27 Shanjien dunmiense khizhezhi ximiende zhouiku mutun Kunnikewon irekudeye ingiene. 
\v 28 Fugusan dunxi khalashi inye khala wo."
\s Kunnikewon Ireku
\r (Mak 13:24-27; Luj 21:25-28)
\q1
\v 29 "Hhezighan zeinanni udu jian daose
\q2 naran kharalane.
\q2 Sara gon ulie faine.
\q2 Hodunla asiman jierese anda bouzhene.
\q2 Asimanyi lilianla gojiolune.
\m
\v 30 Ingiekude Kunnikewonyi zunji asiman jiere khizhene. Zemin jieredu minzula man wilane. Hhela Kunnikewon nenli, famanude olien jiere irekui chanlane. 
\v 31 Laba fugiede tunguliese Kunnikewon qienxienlane peizhi asiman enemanse hhemande kutula sunghusan kunlane simiense uruzhi hhantulaghane."
\s Uhuago Mutunse Suruku
\r (Mak 13:28-31; Luj 21:29-33)
\p
\v 32 "Ta uhuago mutunyi bilasei suru. Mutun niazi faizhi lachen keise khaluncha orokui ta mejiene. 
\v 33 Taye niekielien wo. Ta ene shiqinla fashen giesei man chanlase hhe shihou chadashizhi shida kuzhesei mejiene. 
\v 34 Bi tande shuhua kielieye, ene idaini kunla fugutula ene shiqinla man gholune. 
\v 35 Asiman, zemin widaliuzhe mii kielien kenjin ulie widane."
\s Hhe Uduni Mejiechen Kun Uwo
\r (Mak 13:32-37; Luj 17:26-30, 34-36)
\p
\v 36 "Hhe udu, hhe shihouni kiema ulie mejiene. Asiman jieredu qienxienlaye ulie mejiene. Kewonye ulie mejiene. Zinie Ada mejiene. 
\v 37 \pn Nuhha\pn*ni xienzide matugiezhoshi Kunnikewon irekudeye qingiene. 
\v 38 Hunshuise melieshidaku hhe xienzide kunla ijiezho, ochizho, bierei agizho, dafalazhi izhi \pn Nuhha\pn* chon sudoro oroku hhe udude kuruwo. 
\v 39 Yamai mejie dakude hunshui iredene kunlai man tou yolawo. Kunnikewon irekudeye ingiene. 
\v 40 Hhe shihoude ghua kun ghazha jiereshi niei uduru echine, niei jiene. 
\v 41 Ghua bierei qieman sidase niei uduru echine, niei jiene. 
\v 42 Ingiese ta jinxin gie. Tai Ezhan yan xienzide irekui ulie mejiene. 
\v 43 Ta enei mejie, giei ezhan ghughei yan xienzide irekui mejiese jinxin giezhi giedene ulie oroghane. 
\v 44 Ingiese ta goude zhunbei giendu, ta mejie dakude Kunnikewon irene."
\s Kekaotu Kekao Witu Hojila
\r (Luj 12:41-48)
\p
\v 45 "Qinse kienshi kekaotu jienzha hoji wo? Zhanguijini hhende giededu hojilai, ijiekulani man gonjighasan pushonu? 
\v 46 Zhanguiji irekude hoji ingiezhi giesei chanlase hhe hojide fuqi wine. 
\v 47 Bi tande shuhua kielieye, zhanguiji hhende caichanlane man gonjighane. 
\v 48 Hhe doghun hoji zhughedene sumulazhi mini zhanguiji deigo ulie irene gie, 
\v 49 psedu hojilai eghizhi sudosan kunlare ochizhi ijiese, 
\v 50 hhe sumula daku udu, mejie daku shihoude zhanguijini iredene 
\v 51 hhei sidasunyi qiuizhi jiazhon giesan kunlare hhantu faise hhende shidunne zhouzhi wilane."
\c 25
\s Hharan Shini Biereini Bilazho
\p
\v 1 "Hhe shihoude asiman gojia hoxian hharan shini bierei zhula bareidene shini khughonyi jienliekui xianli. 
\v 2 Hhelai dunda tawun benni, tawun jienzhani wo. 
\v 3 Tawun bennila zhula bareidene tosun ese bareizho. 
\v 4 Tawun jienzhanila zhula bareidene hulude tosun bareizho. 
\v 5 Shini khughon udazhi da ese irese hhela man nokuzhi kijie hhunturawo. 
\v 6 Banyedei kunla waradazho, 'Bosizhendu! Shini khughon irewo! Ghujighan jienliele khizhendu!' 
\v 7 Shini biereila man bosizhedene zhulalane zhendunlawo. 
\v 8 Bennila jienzhanilade kieliewo, 'Tosunsene gouji ogi, zhulabijienyi xiniene giezho.' 
\v 9 Jienzhanila kieliewo, 'Ulie olune. Manlade injizhi ulie kurune. Ta huisan kunlase agile echi.' 
\v 10 Hhela agile echikude shini khughon irewo. Zhunbei gie goudaghasanla shini khughonre hhantu ghurunde echise wijienyi khawo. 
\v 11 Khuinashi psedu shini biereila iredene kieliewo, 'Ezhan, Ezhan, bijiende wijienyi nieya!' 
\v 12 Shini khughon kieliewo, 'Bi tande shuhua kielieye, bi tai tani dane.' 
\v 13 Ingiese ta jinxin gie, hhe udu, hhe zhuntouni ta ulie mejiene."
\s Ghuran Hojini Bilazho
\r (Luj 19:11-27)
\p
\v 14 "Asiman gojia hoxian nie kun gholode echine giezhi hojilane uruzhi ire baerne hhelade jiuizhi gonjighakui xianli. 
\v 15 Zhao hhelai benshizhe niede 500 antan, niede 200 antan, niede 100 antan ogidene gholode echiwo. 
\v 16 500 linlasan deigo echidene meimei giezhi 500 zhenjiwo. 
\v 17 200 linlasanye 200 zhenjiwo. 
\v 18 100 linlasan echidene zeminde oko wai ezhanne baerni niuighawo. 
\v 19 Hende oloncha beidene ezhanni ire hhelase zhan sanazho. 
\v 20 500 linlasan ezhanne shida ire zhenjisan 500 ne bareizhi kieliewo, 'Ezhan, chi made 500 ogiwo. Uzhe, bi pse 500 zhenjiwo.' 
\v 21 Ezhanni kieliewo, 'Giesan gou wo. Chishi gou, kekaotu hoji wo. Ga shiqinde shixinji giezho, bi chii olon shiqinlai gonjighane. Ezhanghalane hhantu bayasu.' 
\v 22 200 linlasan ire kieliewo, 'Ezhan, chi made 200 ogiwo. Uzhe, bi pse 200 zhenjiwo.' 
\v 23 Ezhanni kieliewo, 'Giesan gou wo. Chishi gou, kekaotu hoji wo. Ga shiqinde shixinji giezho. Bi chii olon shiqinlai gonjighane. Ezhanghalane hhantu bayasu.' 
\v 24 100 linlasan ire kieliewo, 'Ezhan, chishi jiafatu kun bikui bi mejiene. Ese tareisan oronse ghurane, ese shizhisan oronse hhantulaghane. 
\v 25 Bi ayizhi echidene chii 100 ni zeminde niuighawo. Uzhe, chii miengu enende wo.' 
\v 26 Ezhanni hhende kieliewo, 'Chi ene doghun, langantu hoji, bi ese tareisan oronse ghurane, ese shizhisan oronse hhantulaghakui chi mejiese 
\v 27 mii baerni inhande jiekuni wo, bi irekude benqien lixiji agi khizhene. 
\v 28 Ta hhei baerlani agi echidene hhe 1000 bisande ogi. 
\v 29 Bichen kunlade pse olon ogizhi feilieghane, wichen kunlase bisanlainiye agi echine. 
\v 30 Ene yama zoin witu hojini ghadanedu kharanide benda. Hhende shidunne zhouzhi wila gie!'"
\s Zuihoude Panjiku
\p
\v 31 "Kunnikewon qienxienlare man hhantu goya fama dunda irekude hhe famatu baozo jierene soune. 
\v 32 Duyani soyuji minzulai hhei melie hhantulaghazhi hhe hhelai fenji keighane. Hoxian ghoni adulachen ghoni, imanyi fenji keighakui xianli. 
\v 33 Ghonilai borun miendene teine, imanlai soghei miendene teine. 
\v 34 Ingie honshan borun mienne kunlade kieliene, 'Adami fuqi ogisan kunla, irendu. Duyai zhayaghazhi iresanse tande zhunbei giesan gojiani jienliendu. 
\v 35 Bi oliesukude ta made ijieghazho, undasukudei made ochighazho. Bi chumen giekude ta mii soughazho. 
\v 36 Bi hulan muchughun bikude ta made musighazho. Bi giemerekude ta mii ushilazho. Bi bafanzideshi ta mii uzhele irezho.' 
\v 37 Gou kunla kieliene, 'Ezhan, bijien yan xienzide chi oliesusei chanladene chade ijieghazhi undasusei chanladene chade ochighawo? 
\v 38 Yan xienzide chumen giesei chanladene chii soughazhi hulan muchughun bikude chade jien musighawo? 
\v 39 Pse chi yan xienzide giemeresei chanladene ushilazhi bafanzideshi chii uzhele irewo?' 
\v 40 Honshan kieliewo, 'Bi tande shuhua kielieye, ta enezighan mii gaijiu dunda zui ganide oluzhi giese made oluzhi giezho.'"
\p
\v 41 "Ingie honshan soghei mienne kunlade kieliene, 'Ta ene kharasan kunla, yola. Ibilisi, Ibilisii hojilade zhunbei giesan ulie xinieku khande oro! 
\v 42 Bi oliesukude ta made ese ijieghazhi undasukude made ese ochighawo. 
\v 43 Bi chumen giekude ta mii ese soughawo. Bi hulan muchughun bikude made ese musighawo. Bi giemerekude ta mii ese ushilazhi bafanzideshi ta mii uzhele ese irewo.' 
\v 44 Hhelaye kieliene, 'Ezhan, bijien yan xienzide chi oliesusei, undasusei, chumen giesei, hulan muchughun bikui, giemeresei, bafanzide bikui chanlazhi ese banman giewo?' 
\v 45 Honshan kieliene, 'Bi tande shuhua kielieye, ta enezighan kun dunda zui ganide ese oluzhi giese made oluzhi ese giezho.' 
\v 46 Enezighan kunla chanqi faikude orone, gou kunla chanqi amitukude orone."
\c 26
\s Ersai Alane Giezho
\r (Mak 14:1-2; Luj 22:1-2; Yah 11:45-53)
\p
\v 1 \pn Ersa\pn* enezighan kielienlai man kielie baragha tujiladene kieliewo, 
\v 2 "Pse ghuarudushi Jiulidaosan Jiei ta mejiene. Kunnikewonyi kunlade jiuidene shizijia jiere ghadazhi fugughane." 
\v 3 Qingiekude fugie buwa, bexinlani zhanlaola \pn Gaiyafa\pn* giezhi urusan zui fugie buwai ghoronde hhantulazho. 
\v 4 Hhela piendaku banfaghala \pn Ersa\pn*i bareidene alane giezhi shanlian giezho, 
\v 5 "Jieqii udude ulie olune, bexinla londane."
\s Nie Bierei Ersai Jiere Xianshui Kiezho
\r (Mak 14:3-9; Yah 12:1-8)
\p
\v 6 \pn Ersa\pn* \png Bodani\png*de pifugientu \pn Ximun\pn*yi giede bikude 
\v 7 nie bierei ishighala giesan huapinde guizhuntu xianshuini hhei shida agizhi ire \pn Ersa\pn* ijiezhi soukude qiorun jiereni kiewo. 
\v 8 Tujila chanladene hokuzhi kieliewo, "Ingiezhi lanfei giezhi yangiene? 
\v 9 Ene xianshuini olon baer huidene nanxin kunlade ogikui wo." 
\v 10 \pn Ersa\pn* hhelai isii mejiedene kieliewo, "Ene biereide chijia teizhi yangiene? Hhe made nie gou shiqin giewo. 
\v 11 Nanxin kunla tanre chan hhantu woma, bi chan hhantu uwo. 
\v 12 Ene bierei xianshuini mii jiere kiekushi mii bulakude zhunbei giezho. 
\v 13 Bi tande shuhua kielieye, ene gouxioxini chonjizhi qienxiade kutula ene bierei gieseiye kieliezhi jilane."
\s Yuda Ersai Ghudanduzho
\r (Mak 4:10-11; Luj 22:3-6)
\p
\v 14 Ingiedene 12 gie tuji dundadu \png Jialie\png* kun \pn Yuda\pn* giesan tuji fugie buwalai hhende echi kieliewo, 
\v 15 "Bi hhei tande bareighase ta made yan ogine?" Hhela 30 gie miengu ogiwo. 
\v 16 Hhe shihouse \pn Yuda\pn* \pn Ersa\pn*i ghudanduku jihui ereizho.
\s Ersa Tujilarene Daosan Jieni Daoghazho
\r (Mak 14:12-21; Luj 22:7-14, 21-23; Yah 13:21-30)
\p
\v 17 Tanmien Jieni tou 1 qiende tujila \pn Ersa\pn*i shida ire asawo, "Bijien Jiulidaosan Jieni xini chade khala zhunbei giene?" 
\v 18 Hhe kieliewo, "Ta chenshini nie kunyi hhende echidene kielie, 'Loushi kieliezho, "Mii shihou ghujinlazho. Bi tujilarene chii giede Jiulidaosan Jieni daoghane."'" 
\v 19 Tujila \pn Ersa\pn* kieliesan mutun echidene Jiulidaosan Jieni zhunbei giewo. 
\v 20 Khara oluse \pn Ersa\pn* 12 gie tujirene hhantu xi souzho. 
\v 21 Hhela ijiekude \pn Ersa\pn* kieliewo, "Bi tande shuhua kielieye, tai dunda nie kun mii ghudandune." 
\v 22 Hhela hende munan giedene Ezhan, bi pushoba giezhi nienieji asa qiiwo. 
\v 23 \pn Ersa\pn* kieliewo, "Mare hhantu jiezise zhanjizhi ijiesan kun mii ghudandune. 
\v 24 Kunnikewon jinwun jiere huaisan mutun fugunema, hhei ghudandusan kunde gou widawo! Hhe kunyi ese oluzhoshida gou wo." 
\v 25 \pn Ersa\pn*i ghudandusan \pn Yuda\pn* hhende asawo, "Loushi, bi pushoba?" Ersa kieliewo, "Chi enbene, goyane kieliewo."
\s Zuihouku Heifan
\r (Mak 14:22-26; Luj 22:15-20; 1Gel 11:23-25)
\p
\v 26 Hhela ijiekude \pn Ersa\pn* ginanyi barei onxian giedene ghulu, tujilade ogi kieliewo, "Ta bareidene ijie. Eneshi mii beye wo." 
\v 27 Pse beizii barei mafan kieliedene hhelade ogi kieliewo, "Ta man enei ochi. 
\v 28 Eneshi olon kunlai zuini mienliene giezhi usurusan bi yenjisan chusun wo. 
\v 29 Bi tande kielieye, bi pse ene putoujiuni ulie ochizhi adaimi gojiade tanre hhantu shinii ochiku hhe udu kune." 
\v 30 Hhela douladene khizhe \png Ganlanshan\png*de echiwo.
\s Ersa Tujilani Hhei Bendakui Kieliezho
\r (Mak 14:27-31; Luj 22:31-34; Yah 13:36-38)
\p
\v 31 Ingiedene \pn Ersa\pn* tujiladene kieliewo, "Ene xii ta man mii bendane. Jinwun jiere kieliezho,
\q1 'Bi yanbashii eghi unaghase
\q2 ghonila sandane.'
\m
\v 32 Ingieliuzhe bi aminne oludene tanse melie \png Jialili\png*de echine." 
\v 33 Ingiese \pn Beduru\pn* kieliewo, "Kunla man chii bendaliuzhe bi jiedui ulie bendane!" 
\v 34 \pn Ersa\pn* hhende kieliewo, "Bi chade shuhua kielieye, ene xii tigha kheilatula chi mii 3 hui ulie renjine." 
\v 35 \pn Beduru\pn* kieliewo, "Bi chare hhantu fuguliuzhe chii tani dane giezhi ulie kieliene!" Tujilaye man qingiezhi kieliezho.
\s Keximanide Onxian Giezho
\r (Mak 14:32-42; Luj 22:39-46)
\p
\v 36 \pn Ersa\pn* tujilare nie \png Keximani\png* giesan oronde ire tujilade kieliewo, "Ta enende sou, bi hhemiende onxian giele echine." 
\v 37 \pn Ersa\pn* \pn Beduru\pn*, \pn Xibitai\pn*ni ghua kewonni uduruzhi echiwo. Ingie yuchou giezhi nango gie qii 
\v 38 hhelade kieliewo, "Mii zhughede nango giezhi fugukui xianli. Ta enende sagheizhi mare hhantu jinxin gie." 
\v 39 Hhe goujinie melie yodene zemin jiere papala onxian giezhi kieliewo, "Mii ada, olu shidase ene shouku giekui made bu iregha! Ingieliuzhe mii duranghala bu gie, chii duranghala gie." 
\v 40 \pn Ersa\pn* tujilai hhende irese hhela hhunturasei chanladene \pn Beduru\pn*de kieliewo, "Ta mare nie zhuntouye jinxin gie danu? 
\v 41 Jinxin giezhi onxian gie, pse miine. Tai zhughede duran winema, beyetai zholien wo." 
\v 42 Ingie pse erchan likai giedene onxian giezhi kieliewo, "Mii ada, ene kuni bi ulie shouizhi ulie oluse, chi duranghalane gie." 
\v 43 Pse irese hhela hhunturasei chanlawo. Hhela nokuzhi nudunne nie dazho. 
\v 44 \pn Ersa\pn* pse hhelase likai gie ji 3 hui onxian giele echiwo. Kieliesan kielien melieshidakughala niekielien wo. 
\v 45 Ingie tujilai hhende ire hhelade kieliewo, "Ta dou hhunturazhi hhamuranu? Uzhe, shihou kuzhewo. Kunnikewonyi zuirenlai khade ghudanduwo. 
\v 46 Bosizhe, matan yoye. Uzhe, mii ghudandusan kun irewo."
\s Ersai Bareiwo
\r (Mak 14:43-50; Luj 22:47-53; Yah 18:3-12)
\p
\v 47 \pn Ersa\pn* zhen kieliekude 12 gie tuji dundadu \pn Yuda\pn* fugie buwa, bexinlai zhanlaola peisan idaban banban, khudogho bareisan kunlare hhantu irewo. 
\v 48 \pn Ersa\pn*i ghudandusan kun hhelade nie jihao kieliezho, "Bi kiende orese kien enbene. Ta hhei barei." 
\v 49 \pn Yuda\pn* dei \pn Ersa\pn*i shida echi loushi, salan giedene orewo. 
\v 50 \pn Ersa\pn* hhende kieliewo, "Zhanlien, chi giele iresan shiqinne gie." Ingiese hhela melie ire \pn Ersa\pn*i bareiwo. 
\v 51 Ingiekude \pn Ersa\pn*re hhantuku nie kun khudoghoi lai khizhe zui fugie buwai hojii nie chighinyi chizhi agiwo. 
\v 52 \pn Ersa\pn* hhende kieliewo, "Khudoghone xiuzide orogha. Kien khudogho gojiolughase khudogho doura fugune. 
\v 53 Bi Adane xiahua giese hhe made deigo 12 gie buduitonse da olon qienxienyi ireghakui chi mejie dazhou? 
\v 54 Qingiese bixi fashen giene giezhi kieliesan jinwunlani matugie gholughane?" 
\v 55 Hhe shihoude \pn Ersa\pn* kunlade kieliewo, "Ta khudogho, banbanlai bareidene mii qiandao mutun bareile irewu? Niudunie bi mechide soudene sughase ulie bareine. 
\v 56 Enela man fashen giekushi xienzhini shu jieredu kielienyi gholughane giezho." Ingiekude tujila man \pn Ersa\pn*se likai gie holu widawo.
\s Yutai Kunla Ersai Shenwun Giezho
\r (Mak 14:53-65; Luj 22:54-55, 63-71; Yah 18:13-14, 19-24)
\p
\v 57 \pn Ersa\pn*i bareisan kunla \pn Ersa\pn*i zui fugie buwa \pn Gaiyafa\pn*i hhende lai echiwo. Hhende jinwun hanjia, zhanlaola hhantulazho. 
\v 58 \pn Beduru\pn* gholose daghazhi zui fugie buwai ghoronde orodene wijien sagheisan kunlare hhantu souzhi ene shiqin matui gholukui uzhezho. 
\v 59 Fugie buwa, zui fugie fayenni soyuji kunla man jia ganzhen ereizhi \pn Ersa\pn*i alane giezho. 
\v 60 Olon kunla khizhezhi jia ganzhen beizhoma, zhenji erei dazho. Zuihoude ghua kun ire kieliewo, 
\v 61 "Ene kun orun mechii cheidene ghurudude gie khigha shidane giezhi kieliezho." 
\v 62 Zui fugie buwa bosizhedene \pn Ersa\pn*de kieliewo, "Ene kunla ganzhen beizhi zhasande chi yama huida ulie gienu?" 
\v 63 \pn Ersa\pn* shenqi ese khizhezho. Zui fugie buwa kieliewo, "Chanqiku Hudade bi chii fayen gieghaye. Chishi Mexiha, Hudai kewon enbese bijiende kielie." 
\v 64 \pn Ersa\pn* hhende kieliezho, "Chi goyane kieliezho. Ingiezhoma bi tande kielieye,
\q1 Ta enedu khuinashi
\q2 Kunnikewon Nenlitu Hudai borun miende sousei,
\q2 pse asimanni olien jierese irekui chanlane."
\p
\v 65 Zui fugie buwa jienne sida keigha kieliewo, "Hhe kufurei fanjiwo! Matan pse yan ganzhen beiku kun kerene? Hhe kufurei fanjisei ta jian chenliewo. 
\v 66 Ta kieliese matugiene?" Hhela kieliese sixin panjikuni wo giezho. 
\v 67 Hhela ungie jiereni nunpuzhi chuidazho. Niezhanla hhaghadazhi kieliezho, 
\v 68 "Mexiha, chii kien eghisei bijiende nie kielie."
\s Beduru Ersani Ese Renjizho
\r (Mak 14:66-72; Luj 22:56-62; Yah 18:15-18, 25-27)
\p
\v 69 Ingiekude \pn Beduru\pn* ghadanedu ghoronde souzho. Nie hoji oqin hhei melie iredene kieliewo, "Chiye \png Jialili\png*ni \pn Ersa\pn*re hhantuku wo." 
\v 70 \pn Beduru\pn* dajialai melie ese renjizhi kieliewo, "Chi yan kieliesei bi ulie mejiene." 
\v 71 Hhe wijien shida echise da nie hoji oqin chanladene hhendedu kunlade kieliewo, "Ene kunshi \png Nasale\png* kun \pn Ersa\pn*re hhantuku wo." 
\v 72 \pn Beduru\pn* pse ese renjidene fayen giezhi kieliewo, "Bi hhe kunyi tani dane." 
\v 73 Goujicha beidene shidani beisan kunla \pn Beduru\pn*i melie ire kieliewo, "Chi kenjinshi hhelare hhantuku kun wo. Chii kouin chii mejieghawo." 
\v 74 \pn Beduru\pn* fayen giezhi khara qiiwo, "Hhe kunyi bi tani dane!" Deigo tigha kheilawo. 
\v 75 \pn Beduru\pn* \pn Ersa\pn* kieliesan tigha kheilatula chi mii 3 hui ulie renjine giesei sumula ire, khizhi echidene nango giezhi hende wilawo.
\c 27
\s Ersani Biladode Jiuizho
\r (Mak 15:1; Luj 23:1-2; Yah 18:28-32)
\p
\v 1 Eqiemagha oluse fugie buwa, bexinlani zhanlaola man shanlian giezhi \pn Ersa\pn*i alane giezho. 
\v 2 Hhela \pn Ersa\pn*i banladene laizhi \pn Bilado\pn* shenzhande jiuiwo.
\s Yuda Goyane Fuguzho
\r (Tuj 1:18-19)
\p
\v 3 \pn Ersa\pn*ni ghudandusan \pn Yuda\pn* \pn Ersa\pn*de zui jinjisei chanladene houhui giezho. Hhe 30 gie mienguni fugie buwa, zhanlaolade khareizhi ogidene kieliewo, 
\v 4 "Bi hanhanji kunyi ghudanduse made zui wo." Hhela kieliewo, "Eneshi chii shiqin wo. Bijienre yan gonxi wo?" 
\v 5 \pn Yuda\pn* miengui mechide benda jiedene khizhi echi jiuzhilie fuguwo. 
\v 6 Fugie buwala miengui qiangudene kieliezho, "Eneshi chusun qien wo. Mechini kufande teizhi ulie olune." 
\v 7 Hhela shanlian giedene hhe baerghala gan giesan kunyi ghazhai agizhi niman kunyi meza giewo. 
\v 8 Ingiese eli kutula hhe ghazhai chusun ghazha giezho. 
\v 9 Ingiese Ezhan \pn Yelimi\pn* xienzhii tungo giezhi kieliesan kielien mutun gholuwo, "Hhela \png Isilie\png* kun hhei aminde jinjisan 30 gie miengughala 
\v 10 gan giesan kunyi ghazhai agiwo. Eneshi Huda made fenfulasan wo."
\s Bilado Ersai Shenwun Giezho
\r (Mak 15:2-5; Luj 23:3-5; Yah 18:33-38)
\p
\v 11 \pn Ersa\pn* \pn Bilado\pn* shenzhanni melie beizho. Shenzhan hhende asawo, "Chishi \png Yutai\png* kunni honshan onu?" \pn Ersa\pn* kieliewo, "Chi kieliezho." 
\v 12 Fugie buwa, zhanlaola hhei zhase hhe yama ulie kieliene. 
\v 13 Ingie \pn Bilado\pn* asawo, "Hhela chii imegheni zhase chi ese sonosuzhou?" 
\v 14 \pn Ersa\pn* nie amanda huida ese giese shenzhan hende ghanirazho.
\s Ersani Sixin Panjizho
\r (Mak 15:6-15; Luj 23:13-25; Yah 18:39-19:16)
\p
\v 15 Niefanie ene jieqide shenzhan bexinla keresan mutun nie fanren andaghaku xigon wine. 
\v 16 Hhe shihoude nie chumin giesan fanrenni \pn Balaba\pn* giene. 
\v 17 Kunla hhantulakude \pn Bilado\pn* hhelade kieliewo, "Bi tande aliniei andagha? \pn Balaba\pn* onu, Mexiha giesan \pn Ersa\pn* wo?" 
\v 18 Hhela \pn Ersa\pn*i dubiliezhi hhende jiuizhi ogisei hhe mejiedene ingiezhi asazho. 
\v 19 Hhe shenpantai jiere soukude biereini kun peizhi iregha kieliewo, "Chi ene gou kunni shiqinyi goujida bu gonji. Ene xii mii zhoujinde hhei yenyin jiere bi hende munan giezho." 
\v 20 Fugie buwa, zhanlaola bexinlai shanjizhi \pn Balaba\pn*i andagha, \pn Ersa\pn*i ala giezho. 
\v 21 Shenzhan hhelade kieliewo, "Bi ene ghualase tande aliniei andagha?" Hhela kieliewo, "\pn Balaba\pn* wo!" 
\v 22 \pn Bilado\pn* kieliewo, "Qinse Mexiha wo giesan \pn Ersa\pn*i bi matugiene?" Hhela man kieliewo, "Hhei shizijia jiere ghada!" 
\v 23 \pn Bilado\pn* kieliewo, "Yangiezhi? Hhe yan doghun shiqin giewo?" Hhela pse hende waradazhi kieliewo, "Hhei shizijia jiere ghada!" 
\v 24 \pn Bilado\pn* uzhese goya kieliesan yama oronde uwo, kharei londakui xianli. Ingie bexinlai melie usu agizhe, khane wagha kieliewo, "Ene kunni chusun usurusan zui mii jiere uwo. Ta goyalane danji." 
\v 25 Bexinla man hhantu kieliezho, "Hhei chusun bijien, bijienyi houdeini jiere ire gie!" 
\v 26 Ingiese \pn Bilado\pn* \pn Balaba\pn*i andaghawo. \pn Ersa\pn*i mabienzighala eghidene kunlade jiuizhi shizijia jiere ghada giezho.
\s Buduila Ersai Xilun Giezho
\r (Mak 15:16-20; Yah 19:2-3)
\p
\v 27 Shenzhanni buduila \pn Ersa\pn*i laizhi shenzhan sousan oronde echi, nie tonni buduilai man hhei shida hhantulaghawo. 
\v 28 Hhela \pn Ersa\pn*i jienyi teighadene dahun fudu jienyi musighawo. 
\v 29 Eghesunyi honshan zhoku maghalai onjidene qiorun jierei zhoghasenu borun khadei ghulusunyi bareighadene meliei xiutuliezhi \png Yutai\png* kunni honshan, onsui giezhi xilun giezho. 
\v 30 Hhei jiere nunpuzhi qiorun jierei ghulusunghala eghizho. 
\v 31 Xilun gie balu, fudu jienyi teigha, jienyini musighadene lai shizijia jiere ghadale echiwo.
\s Ersani Shizijia Jiere Ghadazho
\r (Mak 15:21-32; Luj 23:26-43; Yah 19:17-27)
\p
\v 32 Hhela khikude \png Gulinai\png*ni nie \pn Ximun\pn* giesan kunyi penjidene ninkounin \pn Ersa\pn*i shizijiai beilieghawo. 
\v 33 \png Gegeta\png* giesan nie oronde kuruwo. \png Gegeta\png*ni isishi qiorun yasun oron wo. 
\v 34 Buduila kudanni jiude huigha \pn Ersa\pn*de ochighase goujinie ochi ese ochiwo. 
\v 35 Hhela \pn Ersa\pn*i shizijia jiere ghadadene fendan qianguzhi jienyini ghughasenu 
\v 36 hhende souzhi uzhezho. 
\v 37 Peizi jiere eneshi \png Yutai\png* kunni honshan Ersa wo giezhi zuinini huaidene qiorun qiendei guaiwo. 
\v 38 Ingiedene hhere hhantu ghua qiandaoi shizijia jiere niei borun miende niei soghei miende ghadawo. 
\v 39 Hhense yozhi daosan kunla sugiezhi qiorunne shuiqizhi kieliezho, 
\v 40 "Chi mechii cheise ghurudude gie khighane giesan, chi Hudai kewon enbese goyane jiuizhi shizijia jierese bouzhesha!" 
\v 41 Fugie buwa, jinwun hanjia, zhanlaolaye ingiezhi uzhezhi xiniezhi kielienduzho, 
\v 42 "Hhe kunlai jiuiwo, goyane jiui dane. Hheshi \png Isilie\png*ni honshan wo. Ede shizijia jierese bouzhe giema, bijien xianxin gieye. 
\v 43 Hhe Hudai kouizho, dou orunshi Hudai kewon wo giezho. Qinse Huda duran bise ede hhei jiui gie!" 
\v 44 Hhantu ghadasan qiandaolaye ingiezhi sugiezho.
\s Ersa Duya Ijiewo
\r (Mak 15:33-41; Luj 23:44-49; Yah 19:28-30)
\p
\v 45 Zhunwuse xiawu 3 jien olutula zemin man kharalazho. 
\v 46 Chabudu 3 jien oluse \pn Ersa\pn* fugiede, "Ili, Ili, lamasabagedani?" giezhi waradazho. Isishi, "Mii Huda, mii Huda, chi mii yangiezhi ulie gonjine?" giezho. 
\v 47 Hhende beisan niezhan kunla chenliedene kieliezho, "Ene kun \pn Iliya\pn*ni waradazho." 
\v 48 Hhelai dundadu nie kun deigo holu echi, haimiende cui zhanji ghulusun jiere banla hhende ughawo. 
\v 49 Psedu kunla kieliezho, "Gouji saghei, matan \pn Iliya\pn* hhei jiuile irenu ulie irekui uzheye." 
\v 50 \pn Ersa\pn* pse fugiede nie warada, ho sirawo. 
\v 51 Zhen ingiekude dajienni sudorodu menlienzi jierese doura kei echidene ghua gholuwo. Zemin gojioluzhi tashila ghaluwo. 
\v 52 Mezala keizhi olon duya ijiesan shentulai beyela aminne oluwo. 
\v 53 \pn Ersa\pn* aminne oludene hhela mezase khizhezhi zhiguitu chenshi \png Yelusalen\png*de oro, olon kunlade chujiegheghawo. 
\v 54 Baifuzhan, pse hhere hhantu \pn Ersa\pn*i sagheisan kunla zemin gojiolusan, psedu shiqinlai chanladene hende ayizhi, "Ene kunshi zhenzhenji Hudai Kewon enbene." giezhi kieliezho. 
\v 55 Hhende \png Jialili\png*se \pn Ersa\pn*i daghazhi ushilasan olon biereila gholose uzhezho. 
\v 56 Hhelai dunda \png Modala\png*ni \pn Mereiyen\pn*, \pn Yagebu\pn* \pn Yusufu\pn* ghualai anani \pn Mereiyen\pn*, \pn Xibitai\pn*ni kewonlai anani wo.
\s Ersai Mezade Teizho
\r (Mak 15:42-47; Luj 23:50-56; Yah 19:38-42)
\p
\v 57 Khara oluse \png Yalimatai\png*ni \pn Yusufu\pn* giesan nie bayan kun irewo. Hheshiye \pn Ersa\pn*i tuji wo. 
\v 58 Ene kun \pn Bilado\pn*i hhende echidene \pn Ersa\pn*i beyeni xiahua giezhi kerewo. Ingie \pn Bilado\pn* ogi giezhi fenfulawo. 
\v 59 \pn Yusufu\pn* beyeni agi bouzhe, ganjin boside boui goudaghawo. 
\v 60 Tashide waisan goya shini mezadene teiwo. Pse fugie tashii ghoghoreighazhi meza kouzii duighadene likai giewo. 
\v 61 Hhende \png Modala\png*ni \pn Mereiyen\pn*, da nie \pn Mereiyen\pn*ghala mezai duimiende souzho.
\s Mezai Sagheizho
\p
\v 62 Khuichudushi hhamuraku udu wo. Fugie buwa, Falisai kunla \pn Bilado\pn*i hhende hhantuladene kieliewo, 
\v 63 "Noyen, bijien jilase kunlai piendasan hhe kun ese fugukudei ghurudushi aminne olune giezhi kieliezho. 
\v 64 Chi ghurudu olutula mezai uzhezhi goudagha giezhi fenfula. Pse tujilani ghula echizhi bexinlade, 'Hhe fugudene aminne oluwo.' giezhi kieliene. Ingiese kun piendaku melieshikuse pse hendane." 
\v 65 \pn Bilado\pn* kieliewo, "Ta buduilai uduru echi. Jinlianji uzhezhi goudagha." 
\v 66 Hhela echi meza kouzini tashii fenjidene buduilade goude uzheghawo.
\c 28
\s Ersa Aminne Oluzho
\r (Mak 16:1-8; Luj 24:1-12; Yah 20:1-10)
\p
\v 1 Hhamuraku udu daozhi xinqini ogheikude \png Modala\png*ni \pn Mereiyen\pn* da nie \pn Mereiyen\pn*ghala mezai uzhele irewo. 
\v 2 Menzhali zemin hende gojiolukushi Ezhanyi qienxien asiman jierese bouzhe tashii ghoghorei daogha jierei souzho. 
\v 3 Hhei yanzini gieghande gon faisei xianli, jienni chighande zhansunyi xianli. 
\v 4 Mezai sagheisan kunla ayizhi pugharadene fugusan kun mutun gholuwo. 
\v 5 Qienxien biereilade kieliewo, "Bu ayi! Ta shizijia jiere ghadasan \pn Ersa\pn*i ereisei bi mejiene. 
\v 6 Hhe enende uwo. Hhe kieliesan mutun aminne oluwo. Hhe kijiesan oronni ta uzhele ire. 
\v 7 Ta ghujighan echidene tujiladeni hhe fugusan kun dundase aminne oluwo. Tanse melie \png Jialili\png*de echine. Ta hhende hhei chanlane giezhi kielie. Uzhe, bi tande kieliesei jila." 
\v 8 Biereila jindazhi mezase khizhe, hende bayasuzhi ayidene holuzhi tujiladeni kieliele echiwo. 
\v 9 Menzhali \pn Ersa\pn* hhelai penji, "Ta gou onu?" giezhi kieliezho. Hhela shidani echi konsei qioru hhei beiizho. 
\v 10 \pn Ersa\pn* hhelade kieliezho, "Bu ayi! Ta echidene mii gaijiulade \png Jialili\png*de echi giezhi kielie. Hhela hhende mii ochirane."
\s Fugie Buwala Buduilai Ghudan Kielieghazho
\p
\v 11 Biereila echikude giedun uzhesan buduila chenshide echi, fashen giesan shiqinlai fugie buwalade man kieliewo. 
\v 12 Fugie buwa zhanlaola hhantulazhi shanlian giedene buduilade olon baer ogizhi kieliezho, 
\v 13 "Ta 'Bijien xieni kijiekude tujilani ire hhei beyeni ghula echiwo.' giezhi kielie. 
\v 14 Ene kielien shenzhanyi chighinde echise bijien hhende kieliezhi tai yama bu gieghaye." 
\v 15 Buduila baerni jienliedene hhela fenfulasan mutun giewo. Ene kielien \png Yutai\png* kunyi dunda chonjizhi eli kuzho.
\s Go Minzulade Echi!
\r (Mak 16:14-18; Luj 24:36-49; Yah 20:19-23; Tuj 1:6-8)
\p
\v 16 11 gie tujila \png Jialili\png*de echizhi \pn Ersa\pn* jinjisan ulade khireiwo. 
\v 17 Hhela \pn Ersa\pn*i chujieghedene beiizho, niezhan kunla inxin giezho. 
\v 18 \pn Ersa\pn* melie ire hhelade kieliewo, "Asiman, zemin jieredu qienlilani man made ogiwo. 
\v 19 Ingiese ta echidene soyuji minzuni kunlai Ada, Kewon, Shenlinni niereghala xili gieghazhi tuji gholugha. 
\v 20 Bi tande fenfulasan soyujilai hhelade sughazhi zunjigha. Uzhe, bi duya baratula tanre chanqi hhantu wo."