\id JHN -DongXiang: DongXiang Bible draft 2
\usfm 3.0
\ide UTF-8
\ide 65001 - Unicode (UTF-8)
\rem Copyright Information: For any non-Paratext use of this text, permission must be obtained from the copyright holder.
\h Yaheiya Chonjisan Gouxioxi
\toc1 Yaheiya Chonjisan Gouxioxi
\toc2 Yaheiya
\toc3 Yah
\mt Yaheiya Chonjisan Gouxioxi
\c 1
\s Kielien Giezhi Urusan Ersa Mexiha Duyade Irezho
\p
\v 1 Zui melieshida Kielien wine. Ene Kielien Hudaghala hhantu wo. Ene Kielienshi Huda wo. 
\v 2 Hhe zui melieshida Hudaghala hhantu wo. 
\v 3 Duya jiereshikulai man hhe zhayaghawo. Hhe uye zhayaghasei nieda uwo. 
\v 4 Hhei sudoro amin wine. Ene aminshi kunlai gon wo. 
\v 5 Gon kharanide zhouise kharani gonni gieru dane. 
\v 6 \pn Yaheiya\pn* giezhi nie kunyi Hudai hhense peizhi ireghawo. 
\v 7 Hhei peizhi ireghase hhe gonde ganzhen beizhi kunlai man xianxin gieghane giezho. 
\v 8 Ene kunshi gon pusho, gonde ganzhen beile irezho. 
\v 9 Kunlai giegheraghaku zhenzhenji hhe gon duyade irezho.
\p
\v 10 Hhe duyade wo, hhei tungo giezhi duyai zhayaghawoma, duya hhei tani dane. 
\v 11 Hhe goya orondene irese goyai kunla hhei ese jienliewoma, 
\v 12 jien hhei jienliezhi niereini xianxin giesan kunlade Hudai kewosi danlaku qienli ogiwo. 
\v 13 Ene kesilashi kun jierese iresan pusho. Kunni duranghala jihua giedene olusanye pusho, Hudase iresan wo.
\p
\v 14 Ene Kielien kun gholudene mai dunda souzho. Matan hhei famani uzhese zhen Adani niekozi Kewonni famani wo. Hhei sudoro nenjien, zhendao olon wo.
\p
\v 15 \pn Yaheiya\pn* hhende ganzhen beizhi fugiede kieliewo, "Eneshi hhe mase khuina irenema, mase hen wo. Hhe zui melieshidasejiu wine giezhi bi kieliezhi daosan hhe wo." 
\v 16 Matan man hhei fugie nenjien jierese nenjien olon jienliezho. 
\v 17 Guijinshi \pn Musa\pn*se irezho. Nenjien, zhennishi \pn Ersa\pn* Mexihase irezho. 
\v 18 Kiemada Hudai chujieghezhi ese daozhoma, Hudai zhughe jieredu niekozi kewon Hudai mejieghawo. Hhe benshenshi Huda wo.
\s Yaheiyani Ganzhen
\r (Mat 3:1-12; Mak 1:1-8; Luj 3:1-18)
\p
\v 19 \png Yelusalen\png*se \png Yutai\png* kunla buwa, \png Liwi\png* kunlai peizhi \pn Yaheiya\pn*shi kien bikuni asaghale echise \pn Yaheiya\pn* ingiezhi ganzhen beizho. 
\v 20 Hhe ghudan ese kieliezhi zhijie kieliewo, "Bishi Mexiha pusho." 
\v 21 Hhela pse asawo, "Qinse chishi kien wo? \pn Iliya\pn* onu?" "Pusho." "Qinse chishi hhe nie xienzhi onu?" "Pusho." 
\v 22 Ingiese hhela kieliewo, "Chi daojishi kien wo? Bijien khareizhi echise peizhi ireghasan kunlade jiodai giene. Chi goyane nie kielie. Chishi kien wo?" 
\v 23 Hhe kieliewo, "Bishi \pn Isaiya\pn* xienzhi kieliesan mutun
\q1 Ezhanni moni zhidagha
\m giezhi hontande waradasan hhe shenqi wo."
\p
\v 24 Hhelashi Falisai kun peizhi ireghasan wo. 
\v 25 Ingiese asazho, "Chi Mexiha pusho, \pn Iliya\pn* pusho, hhe nie xienzhiye pusho. Chi yangiezhi kunlade xili gieghazho?" 
\v 26 \pn Yaheiya\pn* kieliewo, "Bi usughala xili gieghazhoma, ta tani dasan daniezhan tai dunda beizho. 
\v 27 Hhe mase khuina irenema, bi hhende mahei deizi andaghaseye pei dane." 
\v 28 Ene shiqinlashi \png Yedanhe\png*ni hhemandedu \png Bodani\png*de fashen giesan wo, zhen \pn Yaheiya\pn* xili gieghasan oron wo.
\s Hudai Ghoni Ghughan
\p
\v 29 Khuichuduni \pn Ersa\pn* hhelai hhende iresei \pn Yaheiya\pn* chanladene kieliewo, "Uzhe, duyai kunlai zuini widaghaku Hudai ghoni ghughan wo! 
\v 30 Eneshi hhe mase khuina irenema, mase hen wo. Hhe zui melieshidasejiu wine giezhi bi kieliezhi daosan hhe wo. 
\v 31 Bi melieshidase hheni tani dane. Bi ede usughala xili gieghase hhei \png Isilie\png* kunlade mejieghane giezho."
\p
\v 32 \pn Yaheiya\pn* pse ganzhen beizhi kieliewo, "Bi melieshi chanlase Shenlin ghoghochen mutun asiman jierese bouzhezhi hhei jiere luiwo. 
\v 33 Bi melieshise hhei tani dane. Mii peizhi usughala xili gieghasan Huda made kieliewo, 'Shenlin kienyi jiere bouzhesei chi chanlase hhe Shenlinghala xili gieghane.' 
\v 34 Enei bi chanlawo. Eneshi Hudai kewon enbene giezhi bi ganzhen beine."
\s Zui Melieshidaku Tujila
\p
\v 35 Khuichuduni \pn Yaheiya\pn* ghua tujilaghalane hhantu hhende beizho. 
\v 36 \pn Yaheiya\pn* \pn Ersa\pn*i yosei chanladene kieliewo, "Uzhe, Hudai ghoni ghughan wo." 
\v 37 Ghua tujilani ene kielienyi sonosudene \pn Ersa\pn*i daghawo. 
\v 38 \pn Ersa\pn* ochirasenu hhela daghasei chanladene asawo, "Ta yan kerene?" Hhela kieliewo, "Labi, chi khala souzho?" Labishi loushii isi wo. 
\v 39 \pn Ersa\pn* kieliewo, "Ta uzhele irendu." Hhela daghazhi echidene sousan oronyini uzhewo. Hhe xienzide chabudu xiawu 4 jien oluzho. Hhe udu hhela \pn Ersa\pn*re hhantu souwo.
\p
\v 40 \pn Yaheiya\pn*i kielienyi chenliedene \pn Ersa\pn*i daghasan ghua kun dundadu nieshi \pn Ximun-Beduru\pn*i jiuni \pn Andelie\pn* wo. 
\v 41 Hhe xien \pn Ximun\pn* gaine ereizhi oludene kieliewo, "Bijien Mexihai penjiwo!" Mexihai fanyi giese Jidu wo.
\p
\v 42 Ingiedene hhe \pn Ximun\pn*ni uduruzhi \pn Ersa\pn*i shida echiwo. \pn Ersa\pn* hhei uzhedene kieliewo, "Chishi \pn Yaheiya\pn*i kewon \pn Ximun\pn* wo. Ede chii \pn Jifa\pn* giezhi urune." \pn Jifa\pn*i fanyi giese \pn Beduru\pn* wo.\f + \fr 1:42\fr* \em tashi\em* \f*
\s Feili Nadanyeghalai Ereizhi Tuji Danlaghazho
\p
\v 43 Khuichuduni \pn Ersa\pn* jiejin giezhi \png Jialili\png*de echine giezho. Ingiekude \pn Feili\pn*i penjidene hhende kieliewo, "Chi mii dagha." 
\v 44 \pn Feili\pn*shi \png Bosaida\png* kun wo. \pn Andelie\pn*, \pn Beduru\pn* enelashi nie oronnughun wo.
\p
\v 45 \pn Feili\pn* \pn Nadanye\pn*i ereizhi oludene kieliewo, "\pn Musa\pn*i guijin jiere huaisan, xienzhila jilasan hhe kunyi bijien chanlawo. Hheshi \png Nasale\png* kun, \pn Yusufu\pn*i kewon \pn Ersa\pn* wo."
\p
\v 46 Ingie \pn Nadanye\pn* kieliewo, "\png Nasale\png*se pse yama khizheneba." \pn Feili\pn* kieliewo, "Chi iredene uzhe."
\p
\v 47 \pn Ersa\pn* \pn Nadanye\pn* shidani iresei chanladene kieliewo, "Uzhe, eneshi nie zhenzhenji \png Isilie\png* kun wo. Hhei zhughede yama huaini uwo."
\p
\v 48 \pn Nadanye\pn* asawo, "Chi mii matugie taniwo?" \pn Ersa\pn* kieliewo, "\pn Feili\pn* chii da ese urukude chi uhuago mutun doura bikui bi chanlawo." 
\v 49 \pn Nadanye\pn* kieliewo, "Loushi, chishi Hudai Kewon, \png Isilie\png* kunni honshan wo."
\p
\v 50 \pn Ersa\pn* kieliewo, "Bi chii uhuago mutun doura bikui chanlawo giezhi kieliese chi mii xianxin giewu? Chi enense da fugie shiqin uzhene." 
\v 51 Pse hhelade kieliewo, "Bi shuhuajia tande kielieye, asiman keizhi Hudai qienxienla Kunnikewonyi jiere bouzhi khikui ta chanlane."
\c 2
\s Jianade Usuni Jiu Bienjighazho
\p
\v 1 Ghurudude \png Jialili\png*ni \png Jiana\png*de kunla ghurun ijiezho. \pn Ersa\pn*i anani ye hhende wo. 
\v 2 \pn Ersa\pn*, tujilaini man hhantu xinlazhi echizho. 
\v 3 Jiuni ochizhi baraghawo. \pn Ersa\pn*i anani \pn Ersa\pn*de kieliewo, "Hhelade jiu widazho." 
\v 4 \pn Ersa\pn* kieliewo, "Ana, hhe made yan xiangan wo? Mii shihou da ese kuruzho." 
\v 5 Hhei anani hojilade kieliewo, "Hhe tai yan gieghase ta yan giendu."
\p
\v 6 Hhende usu zhonloku zhighon gan wine. Nie gande ghua ghuran tunzi usu zhonlone. Zhonmun libai giekude injiku usui hhende teizho. 
\v 7 \pn Ersa\pn* hojilade kieliewo, "Gande usui durugha." Ingiese hojila usui zhonlozhi gan kouzide khizheghawo. 
\v 8 \pn Ersa\pn* pse hojilade kieliewo, "Ede yuzhi xi gonjisan kunde khughozhi echigha." Ingiese hhela echighawo. 
\v 9 Xi gonjisan kun usu jiu bienjisei nie ochise ene jiu khalase iresei ulie mejiene. Zi usu yusan hojila mejiene. Xi gonjisan kun shini khughonyi uru ire kieliewo, 
\v 10 "Kunla gou jiuni melieshi ireghane. Zhochenla ochizhi sudosenu bixin jiuni ireghane. Chi matui gou jiuni feilieghazhi eli kuzho." 
\v 11 Eneshi \pn Ersa\pn* xienjighasan tou 1 gie ghudureqi wo. \png Jialili\png*ni \png Jiana\png*de xienjighawo. Ene ghudureqighala kunlade famane mejieghawo. Ingiese tujilani hhei xianxin giewo.
\p
\v 12 Enense khuinashi \pn Ersa\pn*, anani, jiulani, tujila man \png Jiabainun\png*de bouzhi echidene giedudu souwo.
\s Mechini Ganjinraghazho
\r (Mat 21:12-13; Mak 11:15-17; Luj 19:45-46)
\p
\v 13 \png Yutai\png* kunni Jiulidaosan Jie ghujinlase \pn Ersa\pn* \png Yelusalen\png*de echiwo. 
\v 14 Echise kunla mechide orodene meimei giesei chujieghewo. Kunla fughe, ghoni, ghoghochen huizho. Dazeghan kunla souzhi baer arunzhazho. 
\v 15 Ingiese \pn Ersa\pn* jiesunyi mushigheidene fughe ghonilai mechise tou khighawo. Baer arunzhasan kunlai baerlani kie khizhegha, shirelani tungu unaghawo. 
\v 16 Pse ghoghochen huisan kunlade kieliewo, "Dunxilane man banji khirei! Adaimi giei meimei gieku oron bu gholugha!" 
\v 17 Ingiekude tujilani jinwun jiere huaisan kielienyi sumula irewo, "Bi Adane giede oluzhi zhughedemi khan siderazho." 
\v 18 Ingiese \png Yutai\png* kunla \pn Ersa\pn*de kieliewo, "Chade ingiezhi gieku qienli winu? Chi bijiende yan ghudureqi xienjighane?" 
\v 19 \pn Ersa\pn* kieliewo, "Ta ene mechini chei. Bi ghurudude gie khizheghane." 
\v 20 Hhela kieliewo, "Ene mechishi 46 niende giezhi khireighasan wo. Chi ghurudude giezhi khizheghanu?" 
\v 21 \pn Ersa\pn* kieliesan mechishi goya beyene kieliezho. 
\v 22 \pn Ersa\pn* aminne oludene tujilani \pn Ersa\pn*i ene nie aman kielienyi sumula irewo. Ingiese hhela jinwunyi xianxin giewo. \pn Ersa\pn* kieliesan kielienlai ye xianxin giewo.
\p
\v 23 \pn Ersa\pn* \png Yelusalen\png*de Jiulidaosan Jie daoghakude ghudureqi xienjighase olon kunla uzhedene \pn Ersa\pn*i xianxin giewo. 
\v 24 Ingieliuzhe \pn Ersa\pn* hhelai xianxin ese giezho. \pn Ersa\pn* kunlai man mejiene. 
\v 25 Hhe kunni zhughede yan bikuni mejiene. Ingiese hhende kunshi matunie bikui kielieku biyo uwo.
\c 3
\s Ersa Nigedemu Ghuala
\p
\v 1 Falisaini nie kunyi niereni \pn Nigedemu\pn* giene. \png Yutai\png* kunlani nie lindao wo. 
\v 2 Ene kun xienidei \pn Ersa\pn*i ochirale ire hhende kieliewo, "Labi, chi Hudai hhense iresan loushi bikui bijien mejiene. Huda chighala hhantu wise chi giesan ghudureqini kiemada gie dane." 
\v 3 \pn Ersa\pn* hhende kieliewo, "Bi chade shuhuajia kielieye, kunyi erchan\f + \fr 3:3\fr* \em jierese\em* \f* ulie oluse Hudai gojiai chanla dane." 
\v 4 \pn Nigedemu\pn* kieliewo, "Kun fugiedadene pse matugie olune? Anane kielide orosenu pse olunu?" 
\v 5 \pn Ersa\pn* kieliewo, "Bi chade shuhuajia kielieye, kunyi usu, Shenlinse ulie oluse Hudai gojiade oro dane. 
\v 6 Beyese olusanshi beye wo, ruhherse olusanshi ruhher wo. 
\v 7 Bi kieliese ta erchan olukuni wo giese ta bu ghudure. 
\v 8 Kei suibien feiliekui ta sonosu shidanema, khalase iresanyi, khala echikui ulie mejiene. Ruhherse olusan kun keighala niekielien wo."
\p
\v 9 \pn Nigedemu\pn* asazho. "Matugie imutu shiqin wine?"
\p
\v 10 \pn Ersa\pn* kieliewo, "Chishi \png Isilie\png*ni fugie loushi wo. Ene shiqinyi ulie mejienu? 
\v 11 Bi shuhuajia kielieye, bijien mejiesanne tande kieliezho, chujieghesanne ganzhen beizhoma, ta bijienyi kielienyi xianxin ulie giene. 
\v 12 Bi zemin jieredu shiqinyi kieliese ta xianxin ulie giene, asiman jieredu shiqinyi kieliese matugie xianxin giene? 
\v 13 Asiman jierese bouzhesan Kunnikewonse chugo kiemada asiman jiere khizhi ese daozho. 
\v 14 \pn Musa\pn* hontande mogheini qila qiighaku mutun Kunnikewonniye qingiezhi qila qiighane. 
\v 15 Ingiese jien hhei xianxin giesan kunlade chanqiku amin ogine giezho. 
\v 16 Huda duyani kunlade olon orezhi lien niekozi kewonneliuzhe ogiwo. Ingiese jien hhei xianxin giesan kunlai ulie widaghazhi chanqiku amin ogine giezho. 
\v 17 Hhe kewonne peizhi duyade ireghase zui jinjile ese irezho, kunlai jiuighale irezho. 
\v 18 Hhei xianxin giesan kunlade zui ulie jinjine. Xianxin ulie giesan kunlade zui ijin jinjiwo. Hhela Hudai niekozi kewonni xianxin ese giezho. 
\v 19 Hhela giesan doghunnishi gon duyade irese gonde xiqi uwo, kharanide xiqi wo. Hhelai zuini jiu ingiezhi soughawo. 
\v 20 Doghunni giesanla gonni henjine, gon shida ulie irene. Giesanlaini khizheghakuse ayizho. 
\v 21 Zhendaode giesan kunla gon shida irene. Hudai isighala giesan shiqinlai man mejieghane giezho."
\s Yaheiya Ersani Kuaizho
\p
\v 22 Enense khuinashi \pn Ersa\pn* tujilarene \png Yudaya\png*ni oronde echidene nietan souzhi kunlai xili gieghazho. 
\v 23 \png Salen\png*ni kouisan \png Ainen\png*de usu olonshi \pn Yaheiya\pn*ye hhende xili gieghazho. Kunla hhende xili gieghakui jienliele irezho. 
\v 24 Hhe shihoude \pn Yaheiya\pn*ni da bafanzide bareizhi ese echizho. 
\v 25 \pn Yaheiya\pn*i tujila nie \png Yutai\png* kunghala waghaku banfa jiere jianjindu qiiwo. 
\v 26 Hhela \pn Yaheiya\pn* shida iredene kieliewo, "Loushi, melieshida \png Yedanhe\png* hhemiende chighala hhantulasan hhe kun ede kunlade xili gieghazho. Chi hhende ganzhen beizho. Kunla man hhei shida echizho." 
\v 27 \pn Yaheiya\pn* kieliewo, "Huda ulie ogise kun yama jienlie dane. 
\v 28 Bishi Mexiha pusho. Mii hhense melie peizhi ireghawo giezhi bi kieliezhi daosei ta mejiene. 
\v 29 Shini bierei agikushi shini khughon wo. Peikieni hhei kanzide beizhi shenqiini nie sonosuse hende bayasune. Biye qingiezhi hende bayasuzho. 
\v 30 Hhe hendakuni wo, bi bixindakuni wo."
\s Asiman Jierese Iresan
\p
\v 31 "Jierese iresan hhe yanseliuzhe fugie wo. Zemin jierese iresanshi zemin jieredu wo. Kieliesan kielienla yeshi zemin jieredu wo. Asiman jierese iresan hheshi yanseliuzhe fugie wo. 
\v 32 Hhe chujieghesanne, chenliesanne ganzhen beizhoma, hhei ganzhenyi kiema ulie jienliene. 
\v 33 Hhei ganzhenyi xianxin giesan kunla Hudashi zhenni enbene giezho. 
\v 34 Huda peizhi ireghasan hhe Hudai kielienyi kieliene. Huda hhende Shenlinni shuzi witui ogizho. 
\v 35 Adani kewondene orezhi man hhei khade jiuiwo. 
\v 36 Kewonyini xianxin giesan kunde chanqiku amin wine. Hhei ulie shunjichen kunde amin uwo. Hudai hokuku chan hhei jiere wo."
\c 4
\s Samaliyani Biereighala Kielien Kieliezho
\p
\v 1-3 Falisai kun chenliese \pn Ersa\pn* \pn Yaheiya\pn*se tuji olon ghurazhi xili gieghazho. Shiji jiere \pn Ersa\pn* goyane xili ese gieghazho, tujilani gieghazho. \pn Ersa\pn* ene shiqinlai mejiedene \png Yudaya\png*se likai gie \png Jialili\png*de khareine giezho.
\p
\v 4 Echikudeni \png Samaliya\png* moni daone. 
\v 5 \png Samaliya\png*i nie chenshide kuruwo. Niereini \png Xijia\png* giene. Ene chenshishi \pn Yagebu\pn* \pn Yusufu\pn* kewondene ogisan oron konde wo. 
\v 6 \pn Yagebu\pn*ni jin hhende wo. \pn Ersa\pn* yozhi hhechese jin konde souwo. Chabudu zhunwu xienzi wo. 
\v 7 \png Samaliya\png*i nie bierei usu daile irese \pn Ersa\pn* hhende kieliewo, "Made ususene gouji ogi." 
\v 8 Ene shihoude tujilani chenshise ijiuni agile echizho. 
\v 9 \png Samaliya\png*i bierei kieliewo, "Chishi \png Yutai\png* kun wo. Matugie \png Samaliya\png*i nie biereise usu kerene?" Yenlai \png Yutai\png* kun \png Samaliya\png* kunghala laiwon ese giezho. 
\v 10 \pn Ersa\pn* kieliewo, "Chi Hudai nenjienni mejiese, pse chase usu keresanshi kien bikui mejiese chi hhei xiahua giene, hhe amitu usui chade ogine." 
\v 11 Bierei kieliewo, "Gujiu, chade usu daiku tunzida uwo. Jin imutu gun wo. Chi khalase amitu usu daine? 
\v 12 Bijienyi xienren \pn Yagebu\pn* ene jinni bijiende jiewo. Hhe goyane, kesilani, asunla man enense ijiezho. Chi hhense da fugie onu?" 
\v 13 \pn Ersa\pn* kieliewo, "Ene usui usan kunla pse undasune. 
\v 14 Bi ogisan usui use chanqi ulie undasune. Bi ogisan usu hhei sudoro bula gholuzhi izhi usuruzhi khizhezhi hhende chanqiku amin ogine." 
\v 15 Bierei kieliewo, "Gujiu, made ene usui nie ogi. Ingiese bi ulie undasune. Bi pse enense usu daile ulie irene." 
\v 16 \pn Ersa\pn* kieliewo, "Chi echidene zhanguijine uruzhi ire." 
\v 17 Bierei kieliewo, "Made zhanguiji uwo." \pn Ersa\pn* kieliewo, "Chade zhanguiji uwo giezhi kieliesan oluzho. 
\v 18 Melieshida chade tawun zhanguiji wine. Edekushi chii zhanguiji pusho. Chi kieliesan oluzho." 
\v 19 Bierei kieliewo, "Gujiu, bi uzhese chishi nie xienzhi wo. 
\v 20 Bijien \png Samaliya\png* kunyi xienrenla ene ulade beii giezhoma, ta \png Yutai\png* kunla kieliese \png Yelusalen\png*shi beiiku oron wo giezho." 
\v 21 \pn Ersa\pn* kieliewo, "Funi, mii xianxin gie. Shihou kuzhese Adai beiiku ene ulade uwo, \png Yelusalen\png*de ye uwo. 
\v 22 Ta \png Samaliya\png* kun kienyi beiisanne ulie mejiene. Bijien \png Yutai\png* kun kienyi beiisanne mejiene. Jiuikushi \png Yutai\png* kunni tungo giezhi irene. 
\v 23 Shihou kuzhese Adai shixinji beiisan kun zhughesene shixinji beiine. Shihou ede enbene. Ada ingiezhi goude beiisan kunyi ereine. 
\v 24 Hudashi ruhher wo. Hhei beiisan kun indan zhughesene shixinji beiikuni wo." 
\v 25 Bierei kieliewo, "Hhe Jidu giezhi urusan Mexihai irekui bi mejiene. Hhe irese bijiende man mejieghane." 
\v 26 \pn Ersa\pn* kieliewo, "Chimare kielien kieliesanshi enbene."
\p
\v 27 Ingiekude tujilani kharei ire \pn Ersa\pn* nie biereire kielien kieliesei uzhedene ghanirazho. Chi yan kerene? Chi yangiezhi biereighala kielien kieliezho giezhi kiema asa dawo. 
\v 28 Hhe bierei usu tunzine jie, chenshide echisenu olon kunlade kieliewo, 
\v 29 "Ta uzhele irendu, nie kun bi giesan shiqinlai man kielie khizheghawo! Ene kunshi Mexiha enbeneba?" 
\v 30 Ingiese kunla aghinse khizhe \pn Ersa\pn*i hhende echiwo.
\p
\v 31 Ingiekude tujilani kieliewo, "Loushi, ijie." 
\v 32 \pn Ersa\pn* kieliewo, "Made ta mejie daku ijiuni wine." 
\v 33 Ingiese tujilani nieniedene asazho, "Kunla ogizhi ijieghazhoba?" 
\v 34 \pn Ersa\pn* kieliewo, "Mii ijiunishi mii peizhi ireghasan hhei isini gieku wo. Hhei wilielai chengun olughane. 
\v 35 Ta kieliese pse jieran sarashi boudei ghuraku shihou olune giezho. Bi tande kielieye, ta qiorunne qila hhe ghazhade nie uzhe, ede ghuraku oluwo. 
\v 36 Ghurasan kun gunzi bareizhi chanqiku aminde ugu cunjizho. Ingiese tareisan kun ghurasan kunghala hhantu bayasune. 
\v 37 Kienni kieliedanma, 'Nie kun tareine, da nie kun ghurane.' Ene kielien oluzho. 
\v 38 Bi tai peizhi ghuraghale echise ta ese khishulasan ghazhade echighawo. Ta kunla khishulasei xianshou giezho."
\p
\v 39 Hhe bierei ganzhen beizhi, "Bi giesan shiqinlai hhe kun man kielie khizheghawo!" giezhi kieliese hhe chenshidedu olon \png Samaliya\png* kunla \pn Ersa\pn*i xianxin giewo. 
\v 40 \png Samaliya\png* kunla \pn Ersa\pn*i ochirale irewo. Hhei xiahua giezhi hhelai hhende sou giese, \pn Ersa\pn* ghuarudu souwo. 
\v 41 \pn Ersa\pn*i kielienyi chenliedene xianxin giesan kun pse olodowo. 
\v 42 Hhela biereide kieliewo, "Bijien ede xianxin giese chi kieliesan pusho. Bijien goyane hhei kielienyini chenliedene hheshi zhenzhenji duyani jiuichen enbekui mejiewo."
\s Noyenni Kewonni Goudaghazho
\p
\v 43 Ghuarudu daosenu \pn Ersa\pn* hhe oronse likai gie \png Jialili\png*de echiwo. 
\v 44 \pn Ersa\pn* goyane kieliezhi daozho, "Xienzhini goya aghindene ulie zunjine."
\p
\v 45 \pn Ersa\pn* \png Jialili\png*de kuse hhe oronyi kunla jienliezho. Hhela \png Yelusalen\png*de jieqi daoghale echisande \pn Ersa\pn* giesan shiqinlai man uzhewo. 
\v 46 \pn Ersa\pn* pse \png Jialili\png*ni \png Jiana\png*de khareizhi irewo. Yen melieshida usui jiu gholughasan hhe oronde wo. Hhende nie fugie noyen wine, kewonni \png Jiabainun\png*de giemerezho. 
\v 47 \pn Ersa\pn* \png Yudaya\png*se \png Jialili\png*de iresanyi hhe sonosudene ochirale ire, "Mii kewon duya ijiene giezho. Goudaghale yo!" giezhi xiahua giewo. 
\v 48 \pn Ersa\pn* kieliewo, "Ta ghudureqi, fugie shiqinlai ulie chanlatula xianxin ulie giene."
\p
\v 49 Noyen kieliewo, "Gujiu, kewonmi ese duya ijietula nie bouzhi yo."
\p
\v 50 \pn Ersa\pn* kieliewo, "Chi kharei, kewonchii goudawo." Hhe kun \pn Ersa\pn*i kielienyi xianxin giedene khareiwo. 
\v 51 Giedene boukudeni mo jiere hojilani hhei jienliele ire, "Kewonchii goudawo." giezhi kieliewo. 
\v 52 Ingiese hhe asawo, "Kewon yan shihoude goudawo?" Hojila kieliewo, "Uchughudu xiawu 1 jiende tuishao giezhi qiiwo." 
\v 53 Ingiese adani \pn Ersa\pn* kewonchii goudawo giesan hhe shihoui mejiewo. Ingiese hhe nie giechilie man \pn Ersa\pn*i xianxin giewo. 
\v 54 Eneshi \pn Ersa\pn* \png Yudaya\png*se \png Jialili\png*de khareidene giesan ji 2 gie ghudureqi wo.
\c 5
\s 38 Nien Olusan Gientui Goudaghazho
\p
\v 1 Enense khuinashi \png Yutai\png* kunyi nie jieqi kuzhewo. \pn Ersa\pn* \png Yelusalen\png*de khizhi echiwo. 
\v 2 \png Yelusalen\png*yi \png Ghoni wijien\png* shida nie bula wine. \png Xibolai\png* kielienghala kieliese \png Bishida\png* giene. Bula zhouwide tawun zoulan wine. 
\v 3 Zoulande giemeresan kun olon kijiezho. Sugho, dogholon, beye fugusan kun olon wo. 
\v 5 Hhende nie kun giemerezhi 38 nien olune. 
\v 6 \pn Ersa\pn* hhe kijiesei chujieghewo. Oloncha giemeresei mejiesenu asawo, "Chi gienne goudaghaku duran winu?" 
\v 7 Giemeresan kun kieliewo, "Gujiu, usu gojiolukudei mii usude boughachen kun uwo. Bi goya boukudei kunla mase melieshida qianla boune." 
\v 8 Ingiese \pn Ersa\pn* kieliewo, "Bosizhedene ruzine agidei echi." 
\v 9 Hhe kun deigo gouda ruzine agisenu yozhi echiwo.
\p Hhe nie udushi hhamuraku udu wo. 
\v 10 Ingiese \png Yutai\png* kunla hhe goudasan kunde kieliewo, "Enedushi hhamuraku udu wo. Chi ruzii bareizhi yose ese oluzho." 
\v 11 Hhe kun kieliewo, "Mii goudaghasan kun ruzine bareizhi yo giezhi made kieliewo." 
\v 12 Hhela asazho, "Chade ruzine agidene yo giesanshi kien wine?" 
\v 13 Goudasan kun kien hhei goudaghasei ulie mejiene. Hhende kun olonshi \pn Ersa\pn* niui widazho. 
\v 14 Khuinashi \pn Ersa\pn* mechide hhe kunyi chujieghedene kieliewo, "Chi ede goudawoma, pse zui bu fanji. Pse enense yenzhunshine." 
\v 15 Hhe kun echidene \png Yutai\png* kunlade kieliewo, "Mii goudaghasanshi \pn Ersa\pn* wo."
\p
\v 16 Ingiese \png Yutai\png* kunla \pn Ersa\pn* chan hhamuraku udude enezighan shiqinlai giese hhei heizhi qiiwo. 
\v 17 \pn Ersa\pn* hhelade kieliewo, "Adami izhi eli kutula wilie giezho, biye giezho." 
\v 18 Ingiese \png Yutai\png* kunla hhei alane giezhi hendawo. Hhe hhamuraku udui guijinyi ese zunjizho, da Hudashi goyai Ada wo giezho. Pse goyane Hudaghala pin wo giezho.
\s Hudai Kewonni Qienli
\p
\v 19 \pn Ersa\pn* hhelade kieliewo, "Bi tande shuhuajia kielieye. Kewon goyane kouizhi yama gie dane. Zinie Ada giesanyi uzhedene giezho. Ada giesan wilielai Kewon ye giene. 
\v 20 Ada Kewondene orezhi goya giesanlane hhende man uzheghazho. Da enense fugie shiqinlai hhende uzheghane. Ingiese tai ghaniraghane. 
\v 21 Ada fugusan kunlai bosi ireghazhi amin ogiku mutun Kewonniye goya duranghalane kunlade amin ogine. 
\v 22 Ada yan kunyiliuzhe ulie panjinema, panjiku qienlini Kewondene jiuizhi ogiwo. 
\v 23 Ingiese kunla Adai zunjiku mutun Kewonne zunjighane giezho. Kewonni ulie zunjise hhei peizhi ireghasan Adainiye uye zunjizho. 
\v 24 Bi tande shuhuajia kielieye, kien mii kielienyi chenliezhi mii peizhi ireghasan hhei xianxin giese chanqiku amin wine. Zui ulie soughane, fugukuse amitude ijin ireghawo."
\p
\v 25 "Bi tande shuhuajia kielieye, shihou kuzhese fugusan kunla Kunnikewonni shenqii sonosune. Sonosusan kunla aminne olune. Ede hhe shihou enbene. 
\v 26 Ada benshenshi aminni genzi wo. Kewonneye aminni genzi gholughawo. 
\v 27 Hheshi Kunnikewon wo. Ingiese Ada hhende kunlai panjiku qienlii ogiwo. 
\v 28 Ta ene shiqinde bu ghanira, shihou kuzhese mezai kunla man Kewonni shenqii sonosuse, 
\v 29 fuho giedene khizhene. Gouni giesanla chanqi amiturane, huaishi giesanlade zui jinjine."
\s Ersade Ganzhen Beizho
\p
\v 30 "Bi goyane kouizhi yama gie dane. Bi matui sonosuse matui panjine. Bi panjisanshi gundanni wo. Bi panjise goya isighalane ese giezho. Mii peizhi ireghasan hhei isighala giezho."
\p
\v 31 "Bi goyadene ganzhen beise zoin ulie qiine. 
\v 32 Da niekozi made ganzhen beizho. Hhe beisanshi zhenni bikui bi mejiene. 
\v 33 Ta melieshidase \pn Yaheiya\pn*i hhende kun peizhi echighase \pn Yaheiya\pn* zhendaode ganzhen beizho. 
\v 34 Bi kunse ganzhen ulie kerenema, bi ene kielienyi kieliekushi tai jiuine giezho. 
\v 35 \pn Yaheiya\pn*shi siderazhi gon faisan zhula niekielien wo. Ta zhanshi jiere hhei gonde xiqi woma, 
\v 36 made \pn Yaheiya\pn*se da fugie ganzhen wine. Hheshi Adami mii onchengie giesan wilie wo. Ede bi giesan wilie enbene. Ene wiliela Adami mii peizhi ireghasande ganzhen beizho. 
\v 37 Pse mii peizhi ireghasan Adami made ganzhen beizho. Ta hhei shenqiini chenliezhi uye daozho. Yanziini ye uzhezhi uye daozho. 
\v 38 Ada peizhi ireghasei ta xianxin ese giezho, ingiese hhei kielienyi ta zhughedene ese teizho."
\p
\v 39 "Ta sumulase jinwunyi uzhezhi suruse hhe jierese chanqiku aminyi ereine giezhoma, jinwun zhen made ganzhen beizho. 
\v 40 Ingieliuzhe ta aminni mii enense ereile ulie irene."
\p
\v 41 "Kun mii kuaikui bi ulie jienliene. 
\v 42 Bi tai mejiene. Tande Hudade oreku zhughe uwo. 
\v 43 Bi Adane niereghala irese ta ulie jienliene. Kunla goya niereghalane irese ta jienliene. 
\v 44 Ta nieniene kuaikui jienlienduzhoma, niekozi Hudase iresan kuaikui ulie ereine. Ingiese ta mii matui xianxin giene? 
\v 45 Bi Adai melie tai zhane giezhi bu sumula. Tai zhakui da nie wine. Ta kouizhi xianxin giesan \pn Musa\pn* tai zhane. 
\v 46 Ta \pn Musa\pn*i xianxin giese miiye xianxin giekui wo. Hhe huaisanshi mii zhiizhi kieliezho. 
\v 47 Hhe huaisanyi ta xianxin ulie giese mii kielienyi matugie xianxin giene?"
\c 6
\s 5000 Kunde Chudughazho
\r (Mat 14:13-21; Mak 6:30-44; Luj 9:10-17)
\p
\v 1 Enense khuinashi \pn Ersa\pn* \png Jialilihai\png*ni daowo. Hhei \png Qibiliyahai\png* giezhi ye uruzho. 
\v 2 Tebieji olon kunla hhe gientulai goudaghasan ghudureqii uzhedene hhei daghazho. 
\v 3 \pn Ersa\pn* ulade khirei tujilarene hhantu souwo. 
\v 4 Hhe shihoude \png Yutai\png* kunni Jiulidaosan Jie chadashizho. 
\v 5 \pn Ersa\pn* qiorunne qila uzhese tebieji olon kunla hhei melie iresei chanladene \pn Feili\pn*de kieliewo, "Matan khalase imegheni ginan agizhi irezhi ene kunlade ijieghane?" 
\v 6 Hhe ingiezhi kieliese \pn Feili\pn*i shiizho. Goyane matui giekui eqie mejiene. 
\v 7 \pn Feili\pn* kieliewo, "200 gie miengughala ginan agise nie kunde goujinie ijiezhiye ulie kurune." 
\v 8 Nie tujishi \pn Ximun-Beduru\pn*i jiuni \pn Andelie\pn* wo. \pn Ersa\pn*de kieliewo, 
\v 9 "Enende nie ga kewon dunmaighala giesan tawun ginanji ghua zhaghasun bareizho. Imegheni kunlade yan gholune?" 
\v 10 \pn Ersa\pn* "Dajialai sougha." giezhi kieliewo. Hhe oronde osun henshi kunla souwo. Gon ere kun sanase chabudu 5000 wine. 
\v 11 \pn Ersa\pn* ginanyi barei Hudade mafan kieliedene sousan kunlade ghughazhi ogiwo. Zhaghasunyiye ingiezhi giedene kunlade ogiwo. Dajiala giedughonni ijiese giedughonni ogiwo. 
\v 12 Hhela ijie chuduse \pn Ersa\pn* tujiladene kieliewo, "Feiliesei zaota bu giedene man shidolozhi agi." 
\v 13 Ingiese kunla ijiedene feiliesan tawun ginanni zhazhai shidolose 12 gie lanzi zhonlowo. 
\v 14 \pn Ersa\pn* giesan ghudureqini uzhedene kunla kieliezho, "Eneshi zhen duyade ireku hhe nie xienzhi enbene." 
\v 15 Kunla iredene \pn Ersa\pn*i bareizhi biizhi honshan danlaghakui mejiedene \pn Ersa\pn* niezheghanne pse ulade khireiwo.
\s Ersa Usu Mienzi Jiere Yozho
\r (Mat 14:22-33; Mak 6:45-52)
\p
\v 16 Khara oluse tujilani haibienzide bouwo. 
\v 17 Chon jiere khireidene hai hhemienni \png Jiabainun\png*de yozhi qiiwo. Khara oluzhoma, \pn Ersa\pn* hhelai hhende dou ese irezho. 
\v 18 Nie fugie kei feiliese hai jiere lan yebeiseye fugiedawo. 
\v 19 Tujila chonni huaizhi 10 jili yozho. Ingiekude hhela \pn Ersa\pn* hai jiere yozhi chon shida iresei chujieghedene ayizho. 
\v 20 Ingiese \pn Ersa\pn* kieliewo, "Bi wo, bu ayi." 
\v 21 Ingiese hhela hende bayasudene \pn Ersa\pn*i jienliezhi chon jiere khise echiku orondene deigo kuruwo.
\s Asimanse Iresan Ginan
\p
\v 22 Khuichudu hai duimiende beisan kunla hhende zi niekozi chon bikui mejiene, pse chon uwo. \pn Ersa\pn* tujilarene chon jiere hhantu uye khiseiye mejiene. Tujilani goyane echizho. 
\v 23 Pse giedun chon \png Qibiliya\png*se Ezhan mafan kieliedene kunlade ginan ijieghasan hhe oron shida irewo. 
\v 24 Kunla \pn Ersa\pn*, tujilai chanla dase chon souzhi \png Jiabainun\png*de \pn Ersa\pn*i ereile echiwo.
\p
\v 25 Hhela hai duimiense \pn Ersa\pn*i ereizhi oludene kieliewo, "Loushi, chi yan xienzide enende irewo?" 
\v 26 \pn Ersa\pn* kieliewo, "Bi tande shuhuajia kielieye, ta mii ereile irese bi xienjighasan ghudureqide ese oluzho, ginanni ijiezhi chudusande oluzho. 
\v 27 Ta widaku ijiunide oluzhi wilie bu gie. Chanqiku amin wineku ijiunide oluzhi gie. Enei Kunnikewon tande ogine. Kunnikewonshi Huda Ada renjisan wo." 
\v 28 Ingiese hhela asawo, "Bijien yan wilie giese Hudai wilie sanane?" 
\v 29 \pn Ersa\pn* kieliewo, "Huda peizhi ireghasan hhei xianxin giese, hheshi Hudai wilie wo." 
\v 30 Hhela pse kieliewo, "Chi yan ghudureqi xienjighazhi bijienyi xianxin gieghane? Chi yan giene? 
\v 31 Jinwun jiere, 'Asiman jierese hhe hhelade ginanyi ogizho.' giezhi huaisan mutun mai xienrenla hontande mana ijiewoma." 
\v 32 Ingiese \pn Ersa\pn* kieliewo, "Bi tande shuhuajia kielieye, asiman jierese tande ginanyi ogisanshi \pn Musa\pn* pusho. Asiman jierese tande zhenzhenji ginan ogisanshi Adami wo. 
\v 33 Hudai ginanshi asiman jierese bouzhesan hhe nie wo. Hhe duyani kunlade amin ogine."
\p
\v 34 Ingiese hhela kieliewo, "Gujiu, chi imutu ginanyi bijiende chanqi ogi." 
\v 35 \pn Ersa\pn* kieliewo, "Bishi aminni ginan enbene. Mii enende iresan kunla ulie oliesune. Mii xianxin giese ibeizi ulie undasune. 
\v 36 Ingieliuzhe, bi kieliezhi daozhoma, ta mii chujiegheseye, xianxin ulie giene. 
\v 37 Adami made ogisan kunla mii enende irene. Mii enende iresanlai bi jiedui ulie danlane. 
\v 38 Bi asiman jierese bouzhese goya isighalane ulie giene. Mii peizhi ireghasan hhei isighala giene. 
\v 39 Mii peizhi ireghasan hhei isishi made ogisan kunlai bi nieda ulie widaghazhi duya barakudeni aminne olughane giezho. 
\v 40 Adaimi isishi Kewonyini uzhedene xianxin giesan kunlade man chanqiku aminyi ogine. Duya barakudeni bi hhelai aminne olughane."
\p
\v 41 \png Yutai\png* kunla \pn Ersa\pn* orunshi asiman jierese bouzhesan ginan wo giese hhei kieliendu qiiwo. 
\v 42 Hhela kieliewo, "Eneshi \pn Yusufu\pn*i kewon \pn Ersa\pn* pushonu? Ana adaini matan tanine. Hhe matugie imutui kielien kieliene? Orunshi asiman jierese bouzhesan wo giezho?" 
\v 43 \pn Ersa\pn* kieliewo, "Ta qingiezhi bu kieliendu. 
\v 44 Mii peizhi ireghasan Adami ulie ireghase mii enende kiemada ire dane. Mii enende iresanlai duya barakudeni bi hhei aminne olughane. 
\v 45 Xienzhii shu jiere, 'Hhela man Hudase suruzho.' giezhi huaizho. Adase chenliezhi surusan kunla man mii enende irene. 
\v 46 Ene kielienshi kiema Adai chanlazhi daosan hhe isi pusho. Hudai hhense iresan hhense chugo kiemada Adai uzhezhi ese daozho. 
\v 47 Bi shuhuajia kielieye, xianxin giesan kunde chanqiku amin wine. 
\v 48 Bishi aminni ginan wo. 
\v 49 Tai xienren hontande manai ijieliuzhe fuguwo. 
\v 50 Eneshi asiman jierese bouzhesan ginan wo. Kun ijiese ulie fugune. 
\v 51 Bishi asiman jierese bouzhesan amin ogiku ginan wo. Kun ijiese chanqi amitu wo. Ene ginanshi mii migha wo, duyai kunlai aminde oluzhi ogizho."
\p
\v 52 \png Yutai\png* kunla nieniedene jianjinduzho, "Ene kun matugie mighane ogizhi ijieghane?" 
\v 53 \pn Ersa\pn* kieliewo, "Bi shuhuajia kielieye, ta Kunnikewonyi mighai ulie ijiezhi chusunyi ulie ochise tai sudoro amin uwo. 
\v 54 Mii mighai ijiezhi chusunyi ochisan kunde chanqiku amin wine. Duya barakudeni bi hhei aminne olughane. 
\v 55 Mighamishi zhenzhenji ijiuni wo, chusunmishi zhenzhenji ochikui wo. 
\v 56 Mighaimi ijiezhi chusunyimi ochisan kun mii sudoro beizho. Biye hhei sudoro beizho. 
\v 57 Mii peizhi ireghasan ulie fuguku Adai kouizhi bi amituku mutun mighaimi ijiesan kunla mii kouizhi amiturane. 
\v 58 Eneshi asiman jierese bouzhesan ginan wo. Enei ijiesan kun chanqi amitu wo. Tai xienrenghala buxian wo, manai ijieliuzhe fuguwo." 
\v 59 Enezighan kielienshi \pn Ersa\pn* \png Jiabainun\png*ni huitande kunlade sughazhi kieliesan wo.
\s Amitu Kielien
\p
\v 60 Tujilani hhei kielienyi sonosudene kieliewo, "Ene kielien chijia wo. Kien dunjirene?" 
\v 61 \pn Ersa\pn* tujilani kieliendusei mejiedene hhelade kieliewo, "Ene kielien tai zhughei gojiolughawu? 
\v 62 Qingiese Kunnikewon yenlaiku orondene khikui chanlase ta matugie sumulane? 
\v 63 Kunde amin ogikushi Shenlin wo, beye yama oronde uwo. Bi tande kieliesan kielienshi ruhher wo, aminye enbene. 
\v 64 Ingieseye tai dunda mii xianxin ese giesan kun wine." \pn Ersa\pn* kaishi giekude kien hhei ghudandukuni mejiene. 
\v 65 \pn Ersa\pn* pse kieliewo, "Ene yenyin jiere bi tande kieliezhi daozho. Ada ulie ireghase kiemada mii enende ire dane."
\p
\v 66 Enense khuinashi \pn Ersa\pn*i daghasan olon kunla yolazhi pse hhei ese daghawo. 
\v 67 Ingiese \pn Ersa\pn* 12 gie tujidene kieliewo, "Taye yolanu?" 
\v 68 \pn Ximun-Beduru\pn* kieliewo, "Ezhan, chade chanqiku amin ogiku kielien wine. Bijien pse kienyi daghane? 
\v 69 Bijien chishi Hudase iresan hhe zhiguitu bikui xianxin giezhi mejiezho." 
\v 70 \pn Ersa\pn* kieliewo, "Bi tai 12 giei sunghuwola? Tai dunda niekozishi Ibilisi wo." 
\v 71 \pn Ersa\pn*i ene kielienshi \png Jialie\png* kun \pn Ximun\pn*yi kewon \pn Yuda\pn*i kieliezho. Hheshi 12 gie tuji dundadu nie wo, khuinashi \pn Ersa\pn*i ghudandune.
\c 7
\s Gaijiulani Ersai Xianxin Ese Giezho
\p
\v 1 Enense khuinashi \pn Ersa\pn* \png Jialili\png*de toreizho. Hhe \png Yudaya\png*de echiku duran uwo. \png Yutai\png* kunla hhei alane giezho. 
\v 2 Hhe shihoude \png Yutai\png* kunlani Zhanfan Jie kuzhele qiiwo. 
\v 3 \pn Ersa\pn*i gaijiula hhende kieliewo, "Chi enense likai giezhi \png Yudaya\png*de echi. Chi giesan wilielane tujiladene uzhegha. 
\v 4 Kun minshende khiku duran bise niuise ulie olune. Chi ene shiqinlai giene giese duyai kunlade man uzhegha." 
\v 5 Yenlai gaijiulaniye hhei xianxin ese giezho.
\p
\v 6 Ingiese \pn Ersa\pn* kieliewo, "Ta giezhe echiliuzhe olune, mini shihou da uye kuzhezho. 
\v 7 Duyani kunla tai ulie henjine, mii henjine. Duyai kunla giesanlashi doghun wo giezhi bi kieliese mii henjine. 
\v 8 Ta jieqi daoghale echi. Bi ede da ulie echine. Mini shihou da uye kuzhezho." 
\v 9 \pn Ersa\pn* ene kielienyi kieliesenu \png Jialili\png*de souzho.
\s Zhanfan Jiede Sughazho
\p
\v 10 Hhei gaijiulani jieqi daoghale echikude \pn Ersa\pn*ye echiwo. Minminji ese echizho, ghulazhi echizho. 
\v 11 Zhen jieqi daoghakudeni \png Yutai\png* kunla \pn Ersa\pn*i ereizhi asazho, "Hhe khala wine?" 
\v 12 Hhe xienzide kunla man \pn Ersa\pn*i kielienduzho. Ezighan kunla kieliese hheshi nie gou kun wo pse ezighan kunla kieliese hheshi nie pienzi wo giezho. 
\v 13 Ingieliuzhe \png Yutai\png* kunse ayizhi \pn Ersa\pn*i minminji kiema kielie dane.
\p
\v 14 Jieqi daoghazhi zhen dundani echikude \pn Ersa\pn* mechide khizhi echidene kunlade sughazhi qiiwo. 
\v 15 \png Yutai\png* kunla chenliesenu ghanirazhi kieliewo, "Ene kun olon uye onshizho, matui imeghei mejiene?"
\p
\v 16 Ingiese \pn Ersa\pn* kieliewo. "Bi sughasanshi minughun pusho. Mii peizhi ireghasan hhenughun wo. 
\v 17 Hudai isii zunjizhi giesan kunshi bi sughasanshi Hudanughun onu minughun bikuni mejiene. 
\v 18 Goya sumulasanne kieliechen kunshi goyane kuaichen kun wo. Peizhi ireghasan hheni kuaichen kunshi olusan kun wo, sudoroni yama gou wini uwo. 
\v 19 \pn Musa\pn* tande guijinni ogiwola? Kiema uye zunjizho. Ta yangiezhi mii alane giezho?"
\p
\v 20 Kunla kieliewo. "Chii jiere sheitan wine. Chii kien alane giezho?"
\p
\v 21 \pn Ersa\pn* kieliewo, "Bi niekozi wilie giese ta man ghanirazho. 
\v 22 \pn Musa\pn* chonjisan hetoune gieku guijinni ta hhamuraku udude ye giezho. Shijishan eneshi \pn Musa\pn*se kaishi giesan pusho, mai famatu xienrenlase kaishi giesan wo. 
\v 23 Ta \pn Musa\pn*i guijinyi ulie fanjine giezhi hhamuraku udude hetoune giene. Bi hhamuraku udude nie kunyi hunshenyi man goudaghase ta yangiezhi made hokune? 
\v 24 Ta kunni kieliese mienzini bu uzhe, gundande gie."
\s Ersashi Mexiha Onu
\p
\v 25 \png Yelusalen\png*yi niezhan kunla kieliewo, "Eneshi hhela alane giesan kun pushonu? 
\v 26 Chi uzhe, hhe mindaminji jianjizho, hhela hhei yama ulie kieliene. Noyenla hheshi Mexiha bikui mejienu? 
\v 27 Ene kun khalase iresei matan mejiene. Mexiha irekude hhe khalase irekui kiema ulie mejiene."
\p
\v 28 Ingiekude \pn Ersa\pn* mechide kunlade sughazhi fugiede kieliewo, "Ta mii tanine. Bi khalase ireseiye mejiene. Shijishan bi goyane ese irezho. Mii peizhi ireghasanshi zhoni wo, ta hhei tani dane. 
\v 29 Bi hhei tanine. Bishi hhense iresan wo. Hhe mii peizhi ireghazho." 
\v 30 Ingiese hhela \pn Ersa\pn*i bareine giezho. Shihouni ese kuse kiema kha tei dazho. 
\v 31 Olon kunla hhei xianxin giedene kieliewo, "Mexiha irese ene kunse ghudureqi olon xienjigha shidanu?"
\s Ersani Bareine Giezho
\p
\v 32 Falisai kunla chenliese kunla \pn Ersa\pn*i kielienduzho. Ingiese fugie buwa, Falisai kunla mechini sagheisan kunlai peizhi \pn Ersa\pn*i bareighale echiwo. 
\v 33 Ingiese \pn Ersa\pn* kieliewo, "Bi tanrezhe hhantuku udu choghonshiwo. Bi ede mii peizhi ireghasan hhende echine. 
\v 34 Ta mii ereise ereizhi olu dane. Bi biku oronde ta ire dane." 
\v 35 \png Yutai\png* kunla nieniedene asazhi kieliewo, "Ene kun khala echinu? Matan ereizhi olu dane giene? Hhe niman gojiade sousan maikun dunda echinu, pse \png Xila\png* kunlade surughale echinu? 
\v 36 Ta mii ereise ereizhi olu dane. Bi biku oronde ta ire dane giesan ene kielienshi yan isi wo?"
\s Xianxin Giesan Kun Shenlinni Jienliene
\p
\v 37 Jieqini zuihouku udu, zui zhunyoni udude \pn Ersa\pn* beidene fugiede kieliewo, "Kun undasuse mii enende ule ire. 
\v 38 Mii xianxin giesan kunde jinwun jiere kieliesan mutun 'Sudoroseni amitu usu moron mutun holune.'" 
\v 39 \pn Ersa\pn*i ene kielienshi hhei xianxin giesan kunlade Shenlin ireghakui kieliezho. Hhe xienzide \pn Ersa\pn*de kuaikui ese ogizho. Ingiese kunlade Shenlin da ese irezho.
\s Ersani Yenyinghala Kunla Ghugha Keizho
\p
\v 40 Ene kielienyi chenliedene niezhan kunla kieliewo, "Eneshi zhen hhe xienzhi wo." 
\v 41 Pse niezhan kunla kieliewo, "Ene kunshi Mexiha wo." Pseshiku kunla kieliewo, "Mexiha matugie \png Jialili\png*se khizhene? 
\v 42 Mexihashi \pn Dawude\pn*i houdeise hhei aghin \png Bolihen\png*se khizhene giezhi jinwun jiere ese kieliewu?" 
\v 43 Ingiese kunla \pn Ersa\pn*i ene shiqinde ghugha keiwo. 
\v 44 Hhelai dundadu kunla \pn Ersa\pn*i bareine giezhoma, kiema kha tei dazho.
\p
\v 45 Mechini sagheisan kunla khareizhi fugie buwa, Falisai kun shida irewo. Fugie buwa, Falisai kunla hhelade asawo, "Ta yale hhei bareizhi ese irewo?" 
\v 46 Mechini sagheisan kunla kieliewo, "Hhe kun mutun kielien kieliesan kun uwo!" 
\v 47 Falisai kunla kieliewo, "Taye dan jiere khireiwu? 
\v 48 Noyen, Falisai kun dunda hhei xianxin giesan kun nieda uwola? 
\v 49 Enezighan \pn Musa\pn*i guijinni yama dunjire dasan kunlade gou widawo." 
\v 50 Hhela dundadu nie kunshi \pn Nigedemu\pn* wo. Melieshidase \pn Ersa\pn*i ochirale echizho. Hhelade kieliewo, 
\v 51 "Xien hhe goyane kieliesan kielienyi ulie chenliezhi hhe giesanlai chaizhi qinchu ulie olutula mai guijinghala matugie hhende zui jinjine?" 
\v 52 Hhela kieliewo, "Chiye \png Jialili\png* kun onu? Chi echidene nie chaima, \png Jialili\png*se xienzhi khizhenu ulie khizhene."
\s Kunlare Kijiekude Bareisan Bierei
\p
\v 53 Ingiedene kunla man gieladene khareiwo.
\c 8
\p
\v 1 \pn Ersa\pn* \png Ganlanshan\png*de echiwo. 
\v 2 Eqiemagha eqie mechide irewo. Olon kunla hhei shida irese hhe soudene sughazho. 
\v 3 Jinwun hanjia, Falisai kunla nie bierei zhen kunlare kijiekude barei ire kunlai dunda beigha 
\v 4 \pn Ersa\pn*de kieliewo, "Loushi, ene bierei zhen kunlare kijiekude barei irewo. 
\v 5 \pn Musa\pn*ni guijin jiere imutu biereii tashighala eghi ala giezhi fenfulazho. Chi kieliese matugiene?" 
\v 6 Hhela ene kielienyi kieliese \pn Ersa\pn*i shiizho. \pn Ersa\pn*de nie zui jinjidene zhane giezho. \pn Ersa\pn* ghodeidene kha ghurunghalane zemin jiere urou huaizho. 
\v 7 Hhela ulie beidene izhi asazho. \pn Ersa\pn* bosizhedene kieliewo, "Tai dunda kiende zui uwoshi xien tashii bareidene eghi." 
\v 8 Ingie pse ghodeidene zemin jiere urou huaizho. 
\v 9 Hhela ene kielienyi chenliedene xien nasun fugienise nienieji yolawo. Zuihoude \pn Ersa\pn* hhe biereighala feiliewo. 
\v 10 \pn Ersa\pn* bosizhedene biereide kieliewo, "Funi, hhela khala echiwo? Chade kiema zui ese jinjiwu?" 
\v 11 Bierei kieliewo, "Gujiu, uye." \pn Ersa\pn* kieliewo, "Biye chade zui ulie jinjine. Chi echidene pse zui bu fanji."
\s Ersashi Duyani Gon Wo
\p
\v 12 \pn Ersa\pn* pse kunlade kieliewo, "Bishi duyani gon wo. Mii daghasan kunlade aminni gon wine, kharanide ulie yone."
\p
\v 13 Falisai kunla kieliewo, "Chi goyadene ganzhen beizho, chii ganzhen yama oronde uwo." 
\v 14 \pn Ersa\pn* kieliewo, "Bi goyane ganzhen beiliuzhe mii ganzhen oronde wine. Bi goyane khalase iresanne mejiene, khala echikuneye mejiene. Bi khalase iresanyi ta ulie mejiene, khala echikuiye ulie mejiene. 
\v 15 Ta kunni uzhedanghala panjinema, bi kiemai ulie panjine. 
\v 16 Bi kunyi panjiliuzhe mii panjiku oronde wine. Bi niezheghanne pusho. Mii peizhi ireghasan Adaghalane hhantu wo. 
\v 17 Tai guijin jiere, 'Ghua kun ganzhen beise zhenni wo.' giezhi huaizho. 
\v 18 Bi goyadene ganzhen beizho, pse mii peizhi ireghasan adamiye made ganzhen beizho." 
\v 19 Ingiese hhela asazho, "Adachii khala wo?" \pn Ersa\pn* kieliewo, "Ta mii tani dane, adaimiye tani dane. Mii tanise adaimiye tanine." 
\v 20 Ene kielienshi \pn Ersa\pn* mechini baer teiku kufan konde kunlade sughazhi kieliesan woma, hhei shihouni uye kuzhese kiemada hhei uye bareizho.
\s Mexihai Xianxin Ulie Giese Zui Dunda Fugune
\p
\v 21 \pn Ersa\pn* hhelade kieliewo, "Bi echine. Ta mii ereinema, ta zui dunda fugune. Bi echiku oronde ta echi dane." 
\v 22 Ingiese \png Yutai\png* kunla kieliewo, "Hhe kieliese hhe echiku oronde matan echi dane giene. Hhe goyane fugune giezhou?" 
\v 23 \pn Ersa\pn* hhelade pse kieliewo, "Tashi zemin jierese iresan wo, bishi asiman jierese iresan wo. Tashi duyadedu wo, bishi duyadedu pusho. 
\v 24 Ingiese ta zui dundane fugune giezhi bi kieliewo. Ta bishi hhe enbekui xianxin ulie giese zui dundane fugune." 
\v 25 Ingiese hhela asazho, "Chishi kien wo?" \pn Ersa\pn* kieliewo, "Bishi dei irekude tande kieliesan hhe nie wo. 
\v 26 Bi tande kieliekui olon wo, zui jinjikuiye olon wo. Ingieliuzhe mii peizhi ireghasanshi zhenni wo, ingiese bi hhense chenliesanlai duyai kunlade kieliene." 
\v 27 \pn Ersa\pn* Adane zhiizhi kieliesei hhela mejie dazho. 
\v 28 Ingiese \pn Ersa\pn* kieliewo, "Ta Kunnikewonyi qila qiighakude bishi hhe enbekui mejiene. Bi goya isighalane uye giezho, Adami sughasan mutun kieliesei ta mejiene. 
\v 29 Mii peizhi ireghasan hhe mare hhantu wo. Hhe mii niezheghan ese jiezho. Bi chan hhei bayasughakui giezho." 
\v 30 \pn Ersa\pn* ene kielienyi kieliedene olon kunla hhei xianxin giewo.
\s Kun Zhenni Mejiese Ziyushine
\p
\v 31 Ingiese \pn Ersa\pn* hhei xianxin giesan \png Yutai\png* kunlade kieliewo, "Ta mii kielienyi chan zunjizhi giese mii zhenzhenji tuji wo. 
\v 32 Ta zhendaoni mejiene, zhendao tai ziyushighane." 
\v 33 Hhela kieliewo, "Bijienshi \pn Iburaheimu\pn*i houdei wo. Bijien kiemade hoji danlazhi ese daozho. Chi matui 'Bijienyi ziyushighane.' giezhi kieliene?" 
\v 34 \pn Ersa\pn* hhelade kieliewo, "Bi shuhuajia kielieye, zui fanjisan kunshi zuini hoji wo. 
\v 35 Hoji chanqi giede sou dane, kewon chanqi giede soune. 
\v 36 Ingiese Kewon tai ziyushighase ta zhenzhenji ziyushine. 
\v 37 Tashi \pn Iburaheimu\pn*i houdei bikui bi mejiene. Mii kielien tai zhughede oro dase ta mii alane giezho. 
\v 38 Bi Adane hhense chujieghesei kieliezho. Ta adane hhense chenliesei giezho."
\p
\v 39 Hhela kieliewo, "Bijienyi adashi \pn Iburaheimu\pn* wo."
\p \pn Ersa\pn* kieliewo, "Pusho, ta \pn Iburaheimu\pn*i houdeishi taye \pn Iburaheimu\pn* giesan wilie mutun giene. 
\v 40 Bi Hudai hhense chenliesan zhendaoi tande kieliese, ta mii alane giezho. Eneshi \pn Iburaheimu\pn* gieku wilie pusho. 
\v 41 Ta giesan wilieshi zhen adatai giesan wilie wo." Ingiese hhela \pn Ersa\pn*de kieliewo, "Bijienshi zagieda pusho. Bijiende niekozi ada wo, hheshi Huda wo." 
\v 42 \pn Ersa\pn* kieliewo, "Huda tai ada enbese ta made orene. Bishi Hudase tai enende iresan wo. Bi goyane iresan pusho, hhe mii peizhi ireghazho. 
\v 43 Bi kieliesanlai ta yangiezhi minbai olu dane? Bi sughakui ta jieshou ulie giene. 
\v 44 Tashi tai ada Ibilisise iresan wo. Adatai yan duralase ta yan giene. Hheshi dei qiisanse kun alachen wo. Ibeizi zhennide ulie beine. Zhughedeni zhenni uwo. Hheshi ghudanchi wo, ghudanchini touzi wo. Ingiese hhe ghudan kieliese hhei xinbin wo. 
\v 45 Ingiese bi zhendaoni kieliese ta mii xianxin ulie giene. 
\v 46 Tai dunda kien made zui jinjine? Bi tande zhendaoni kieliese, ta yale mii xianxin ulie giene? 
\v 47 Hudase khizhesan kunla Hudai kielienyi chenliene. Ta ulie chenliese Hudase khizhesei pusho."
\p
\v 48 \png Yutai\png* kunla kieliewo, "Bijien kieliese chishi \png Samaliya\png* kun wo, chii jiere sheitan wo giesan ene kielien ese oluzhou?" 
\v 49 \pn Ersa\pn* kieliewo, "Mii jiere sheitan uwo. Bi adane zunzhun giezho, ta mii zunzhun uye giezho. 
\v 50 Bi goyane kuaikui ulie sumulanema, da niezhan mii kuaine. Hheshijiu panjichen wo. 
\v 51 Bi shuhuajia kielieye, kien mii kielienyi chenliese hhe chanqi ulie fugune." 
\v 52 Ingiese \png Yutai\png* kunla kieliewo, "Ede bijien zhenzhen mejiewo! Chii jiere sheitan wine. \pn Iburaheimu\pn* duya ijiewo, xienzhilaye duya ijiewo. Chi kieliese chii kielienyi chenliese chanqi ulie fugune giezho. 
\v 53 Qinse chi bijienyi xienren \pn Iburaheimu\pn*se pse fugie onu? Hhe duya ijiewo, xienzhilaye duya ijiewo. Chi goyane yan kun wo giezho?" 
\v 54 \pn Ersa\pn* kieliewo, "Bi goyane kuaise hhe yama zoin uwo. Mii kuaisanshi Adami wo. Hheshijiu ta kieliesan mai huda wo giesan hhe wo. 
\v 55 Ta hhei tani dane, bi hhei tanine. Bi hhei tani dane giezhi kieliese ta mutun ghudanchi gholune. Ingiese bi hhei tanine, kielienyini ye chenliene. 
\v 56 Tai xienren \pn Iburaheimu\pn* mii udui uzhene giezhi bayasuzhi sagheizho. Udui chanladene hende bayasuzho." 
\v 57 \png Yutai\png* kunla kieliewo, "Chii nasun 50 da ulie olune, matugie \pn Iburaheimu\pn*i uzhezhi daowo giezhi kieliene?" 
\v 58 \pn Ersa\pn* kieliewo, "Bi tande shuhuajia kielieye, \pn Iburaheimu\pn*i ese olukudeni bi wine." 
\v 59 Ingiese hhela tashii bareisenu \pn Ersa\pn*i eghine giezho. \pn Ersa\pn* piidene mechise khizhi echiwo.
\c 9
\s Sughoni Goudaghazho
\p
\v 1 \pn Ersa\pn* mo yozhi daokudeni olusanse nie sughoi chanlawo. 
\v 2 Tujilani \pn Ersa\pn*de asazho, "Loushi, ene kun goya zui fanjizhi sugho gholuwu, ada anani zui fanjizhi sugho gholuwo?" 
\v 3 \pn Ersa\pn* kieliewo, "Hhe zui fanjizhi gholusan pusho, ada anani zui fanjizhi gholusanye pusho. Eneshi hhei jierese Huda nenline kunlade mejieghane giezho. 
\v 4 Udu bikude matan mii peizhi ireghasan hhei wiliei giekuni wo. Khara oluse kiemada wilie gie dane. 
\v 5 Bi duyade bikude bishi duyani gon wo." 
\v 6 \pn Ersa\pn* ene kielienyi kieliesenu zemin jiere nunpuwo. Nunpusunghala shuwa zhuwadene sughoni nudun jiere moiwo. 
\v 7 Ingie hhende kieliewo, "Chi \png Xiloya louba\png*de echidene nie wagha." \png Xiloya\png*ni isishi peizhi ireghasan wo. Hhe echi nie wagha kharei irese chujieghewo. 
\v 8 Hhei giebeilane, hhe ghuisei chujieghesan kunla kieliewo, "Eneshi melieshida soudene ghuisan hhe kun pushonu?" 
\v 9 Ezighan kunla hhe enbene giezho. Psezighan kunla pusho, hhei xianli giezho. Hhe goyane bi enbene giezho.
\p
\v 10 Hhela asazho, "Chii nudun matui goudawo?" 
\v 11 Hhe kieliewo, "\pn Ersa\pn* giechen nie kun shuwa giedene mii nudun jiere moi made kieliewo, 'Chi \png Xiloya louba\png*de echi nie wagha.' Bi echi nie waghase chujieghewo." 
\v 12 Hhela asawo, "Hhe kun khala wine?" Hhe kieliewo, "Bi ulie mejiene."
\s Falisai Kun Goudasan Sughoi Chaizho
\p
\v 13 Kunla melieshidaku sughoni udurusenu Falisai kunlai hhende echiwo. 
\v 14 \pn Ersa\pn* shuwa zhuwazhi nudunyi goudaghasan hhe niudushi hhamuraku udu wo. 
\v 15 Ingiese Falisai kunla hhe kunde asazho, "Chii nudun matui goudawo?" Hhe kieliewo, "Hhe shuwani mii nudun jiere moiwo. Bi nie waghase chujieghewo." 
\v 16 Falisai kun dunda niezhan kunla kieliewo, "Hheshi Hudase iresan kun pusho. Hhe hhamuraku uduiye uye zunjizho." Da niezhan kunla kieliewo, "Nie zui winetu kun imutu ghudureqi gie shidanu?" Ingie kunla ghugha keiwo. 
\v 17 Ingiese hhela pse sughode kieliewo, "Hhe chii nudunyi goudaghazho. Chi nie kielie, hheshi nie matunie kun wo?" Hhe kieliewo, "Hheshi nie xienzhi wo."
\p
\v 18 Ingiese \png Yutai\png* kunla hheshi melieshida sugho wo, ede goudasei xianxin ese giedene nudun goudasan kunyi ada anaini uruzhi ire asazho, 
\v 19 "Eneshi olusanse sugho wo giesan tai kewon enbenu pusho? Ede matui chujieghewo?" 
\v 20 Ada anani kieliewo, "Eneshi bijienyi kewon enbene. Hhe olusanse sugho bikui bijien mejiene. 
\v 21 Ede matui chujieghewoshi bijien ulie mejiene. Nudunyini kien goudaghawoshi bijienye ulie mejiene. Ta hhende asa, hhe ede fugiedazho. Goyane kielie shidane." 
\v 22 Ada anani ingiezhi kieliekushi \png Yutai\png* kunlase ayizho. \png Yutai\png* kunla jiejin giezhi kien \pn Ersa\pn*shi Mexiha wo giezhi renjise huitanse tou khighane giezho. 
\v 23 Ingiese ada anani ta hhende asa, "Hhe ede fugiedazho." giezhi kieliewo.
\p
\v 24 Ingiese hhela hhe sughoi erchan uruzhi iredene asazho, "Chi indan Hudai kuaikui wo. Ene kunshi zuiren bikui bijien mejiene." 
\v 25 Ingiese hhe kun kieliewo, "Hhende zui winu uwokui bi ulie mejienema, melieshi bi sugho wo, ede chujieghekune mejiene."
\p
\v 26 Ingiese hhela asazho, "Hhe chade yan giewo? Hhe chii nudunyi matugie goudaghawo?"
\p
\v 27 Hhe kieliewo, "Bi munigie tande kieliewo, ta ulie chenliene. Ta yangiezhi pse chenliene giezho? Taye hhei tuji danlane giezhou?"
\p
\v 28 Hhela sugiezhi kieliewo, "Chishi hhei tuji wo, bijienshi \pn Musa\pn*i tuji wo. 
\v 29 Huda \pn Musa\pn*de kieliesanyi bijien mejiene. Hhe kun khalase iresanyi bijien ulie mejiene."
\p
\v 30 Hhe kun kieliewo, "Hhe mii nudunyi goudaghawo. Hhe khalase iresanyi ta ulie mejienu? Ta zhenzhen hunnerei wo. 
\v 31 Huda zuirenni kielienyi ulie chenliene. Zinie hhei zunjizhi kielienyini chenliesan kunnughunyi chenliene. Enei matan man mejiene. 
\v 32 Duyai zhayaghasanse sughoi nudunyi goudaghasei chenliezhi uye daozho. 
\v 33 Hhe kun Hudai hhense uye irezhoshi imutu wilie gie dane." 
\v 34 Hhela kieliewo, "Chii olusanse qienbu zui dunda wo, chi da bijiende sughanu!" Ingiedene hhei tou khighawo.
\p
\v 35 \pn Ersa\pn* hhe kunyi tou khighasanyi chenliedene hhei ereizhi oluwo. \pn Ersa\pn* hhende kieliewo, "Chi Kunnikewonni xianxin giezhou?" 
\v 36 Hhe kun kieliewo, "Gujiu, hheshi kien wine? Bi xianxin gieye." 
\v 37 \pn Ersa\pn* kieliewo, "Chi hhei chujieghezho. Chare kielien kieliesanshi enbene." 
\v 38 Hhe kieliewo, "Gujiu, bi xianxin giene!" Ingiesenu \pn Ersa\pn*de xiutuliewo.
\p
\v 39 \pn Ersa\pn* kieliewo, "Bi duyade panjile irewo. Chujieghe dachen kunlai chujiegheghane, chujieghechen kunlai sugho gholughane."
\p
\v 40 Hhei shida ene kielienyi chenliesan ezighan Falisai kunla kieliewo, "Qinse bijienye sugho onu?" 
\v 41 \pn Ersa\pn* hhelade kieliewo, "Tashi sughoshi tande zui uwo. Ta, 'Chujieghe shidane.' giezhi kieliese tande zui wine."
\c 10
\s Gou Ghoni Adulachen
\p
\v 1 "Bi tande shuhuajia kielieye, kien ghoni khudonde orokude wijiense ulie orozhi pse khalamase orose hheshi ghughei, qiandao wo. 
\v 2 Wijiense orosan kunshi zhen ghoni adulachen kun wo. 
\v 3 Ghoni adulachen kun irese wijienyi sagheisan kun wijienyi niene, ghonilaye hhei shenqii tanine. Hhe ghonine nierese uruzhi khizheghane. 
\v 4 Man uruzhi khizhesenu goyane melie yone. Ghonila hhei shenqii tanise hhei daghane. 
\v 5 Ghonila tani daku kunyi ulie daghane. Hhei shenqii ulie mejiese holu widane." 
\v 6 \pn Ersa\pn* enezighan kielienyi hhelade bilazhi kieliezho. Hhela yan isi bikui dunjire dane.
\p
\v 7 Ingiese \pn Ersa\pn* hhelade pse kieliewo, "Bi tande shuhuajia kielieye, bishi ghoni yoku wijien enbene. 
\v 8 Mase melie iresanshi man ghughei, qiandao wo. Ghonila hhelai ese chenliewo. 
\v 9 Bishi wijien wo. Mase tungo giezhi orosanlai jiui shidane, orozhi ire khizhi echise osun ijie shidane. 
\v 10 Ghughei irese ghulane, alane, qida olughane. Bi irese ghonilade amin ogine, da fugiede ogine. 
\v 11 Bishi nie gou ghoni adulachen kun wo. Gou ghoni adulachen kun ghonide oluzhi aminne sheine. 
\v 12 Guisan kunshi zhenzhenji ghoni adulachen pusho. Ghonishi hhenughun pusho. Zhanghei irekui chanlase ghonilai benda jie holu widane. Zhanghei ghonise nie bareise ghonila man sanda widane. 
\v 13 Guisan kun ghonilade zhughe ulie chilane. Ingiese holu widane. 
\v 14 Bishi gou ghoni adulachen wo. Bi ghonine tanine, mii ghonilaye mii tanine. 
\v 15 Eneshi Adami mini taniku, bi Adane tanikughala niekielien wo. Bi ghonidene oluzhi aminne sheine. 
\v 16 Made ene khudonde wiku ghoni da wine. Hhelaiye bi uduruzhi irene. Hhela mii shenqii sonosudene man hhantulazhi nie adulachen kun gonjine."
\p
\v 17 "Bi aminne widaghadene pse agizhi irene. Ingiese Adami made orezho. 
\v 18 Mii aminyi kiema agizhi echi dane. Bi goyane ogisan wo. Bi aminne bendaku qienli wine. Pse agizhi ireku qienliye wine. Eneshi Adami made ogisan minlin wo."
\p
\v 19 \png Yutai\png* kunla ene kieliende pse ghugha keiwo. 
\v 20 Olon kunla kieliezho, "Hhei jiere sheitan khizho, hhe fenjiulizho. Ta dou kielienyini chenliezhou?" 
\v 21 Pse iban kunla kieliewo, "Hhei jiere sheitan khise imutu kielien kielie dane. Sheitan sughoi goudagha shidanu?"
\s Yutai Kunla Ersai Fandui Giezho
\p
\v 22 \png Yelusalen\png*de mechii giesan jieqi kuzhewo. Eneshi unchade wo. 
\v 23 \pn Ersa\pn* mechini \pn Sulumane\pn* doudoughun yozho. 
\v 24 \png Yutai\png* kunla hhei wiqidene kieliewo, "Chi bijienyi giedoghoncha inxin gieghane? Chi Mexiha enbese mindamin kielie." 
\v 25 \pn Ersa\pn* kieliewo, "Bi tande ijin kieliewoma, ta mii xianxin ulie giene. Bi adane niereghala giesan shiqinla made ganzhen beine. 
\v 26 Ta mii ghoni pusho, ingiese mii xianxin ulie giene. 
\v 27 Mii ghoni mii shenqii chenliene, bi hhelai tanine, hhela mii daghane. 
\v 28 Bi hhelade chanqiku amin ogine. Hhela ibeizi ulie widane, kiemada mii khase agizhi echi dane. 
\v 29 Hhelai made ogisan Adami yanseliuzhe fugie wo. Adaimi khase hhelai kiemada qianlazhi echi dane. 
\v 30 Bi Adaghalaneshi nie wo."
\p
\v 31 \png Yutai\png* kunla pse tashii bareidene \pn Ersa\pn*i eghine giezho. 
\v 32 \pn Ersa\pn* hhelade kieliewo, "Bi Adane hhendedu gou wiliei giezhi tande uzheghazho. Ta alinie shiqinde mii eghine giezho?"
\p
\v 33 \png Yutai\png* kunla kieliewo, "Gouni giewo giezhi eghine giesan pusho. Chi kufurei fanjizho. Chishi nie kun wo, goyane Huda giezhi kieliene."
\p
\v 34 \pn Ersa\pn* kieliewo, "Tai guijinshu jiere tashi huda wo giezhi bi kieliewo giezhi ese huaizhou? 
\v 35 Jinwun jieredu kielien nieda ulie widane. Hudai kielienyi jienliesan kunlade huda giezhi kieliewoma, 
\v 36 Adami mii zhiguishighadene duyade peizhi ireghase bi kieliezhi 'Bishi Hudai Kewon wo.' giese ta mii kufurei fanjiwo giezhi kielienu? 
\v 37 Bi Adane wiliei ulie giese ta mii xianxin bu gie. 
\v 38 Bi giese ta mii xianxin ulie gieliuzhe bi giesan shiqinlai xianxin gie. Ingiese Adami mii sudoro wo, bi Adane sudoro bikui ta qinchude mejiene." 
\v 39 Ingiese hhela \pn Ersa\pn*i pse bareine giese \pn Ersa\pn* hhelai khase anda yolasenu 
\v 40 \png Yedanhe\png*ni pse daozhi \pn Yaheiya\pn* melieshida kunlade xili gieghasan hhe oronde echizhi souwo. 
\v 41 Olon kunla hhei shida iredene kieliewo, "\pn Yaheiya\pn* yama ghudureqi uye giezhoma, hhe ene kunyi zhiizhi kieliesanshi man zhenni wo." 
\v 42 Ingiedene hhende olon kunla \pn Ersa\pn*i xianxin giewo.
\c 11
\s Lasaluni Fugusan
\p
\v 1 Nie giemeresan kunyi nierei \pn Lasalu\pn* giene. \pn Mereiyen\pn*, \pn Mada\pn* ghua eghechijiularene \png Bodani\png* aghinde souzho. 
\v 2 Ene \pn Mereiyen\pn*shi Ezhanni jiere xianshui kiedene usunghalane konyini saisan hhe wo. Giemeresan \pn Lasalu\pn*shi hhei jiu wo. 
\v 3 Ghua eghechijiuni kun peizhi \pn Ersa\pn*de kielieghale echiwo, "Ezhan, chi oresan kun giemerezho."
\p
\v 4 \pn Ersa\pn* chenliedene kieliewo, "Eneshi fuguku gien pusho. Hudai kuaiku shiqin wo. Ingiedene eneghala Hudai Kewonni kuaine." 
\v 5 Ingiese \pn Ersa\pn* \pn Mada\pn*, hhei eghechijiu, pse \pn Lasalu\pn*de orezhoma, 
\v 6 \pn Lasalu\pn* giemeresanyi sonosudene sousan orondene pse ghuarudu souwo. 
\v 7 Ingie tujiladene kieliewo, "Matan pse \png Yudaya\png*de khareiye." 
\v 8 Tujilani kieliewo, "Loushi, ene ghuarudu \png Yutai\png* kunla chii tashighala eghine giezho. Chi da hhende echinu?" 
\v 9 \pn Ersa\pn* kieliewo, "Udu 12 gie xioshi pushonu? Kun ene duyani gonni chanlase udu mo yose ulie banjine. 
\v 10 Xieni yose hhe kunde gon uwoshi banjine." 
\v 11 \pn Ersa\pn* ene kielienyi kieliedene pse kieliewo, "Mai zhanlien \pn Lasalu\pn* hhunturazho. Bi echidene uruzhi xiereighane."
\p
\v 12 Ingiese tujilani kieliewo, "Ezhan, hhe hhunturazhoshi goudane." 
\v 13 \pn Ersa\pn*i ene kielienshi hhe fugusei kieliezho. Hhela sumulase \pn Ersa\pn*i ene kielienshi hhe kijie hhunturazho giezho.
\p
\v 14 \pn Ersa\pn* hhelade minminji kieliewo, "\pn Lasalu\pn* duya ijiezho. 
\v 15 Bi hhende wise bi tande oluzhi bayasuzho. Ene jihui jiere ta mini xianxin giene. Ede matan hhende yoye."
\p
\v 16 Shongo giezhi urusan \pn Doma\pn* psedu tujilade kieliewo, "Matanye yo, \pn Ersa\pn*re hhantu duya ijieye."
\p
\v 17 \pn Ersa\pn* kuzhedene \pn Lasalu\pn*i mezade teizhi ijin jierudu olusanyi mejiewo. 
\v 18 \png Bodani\png* \png Yelusalen\png*se gholo uwo, chabudu 6 li mo wo. 
\v 19 Olon \png Yutai\png* kunla \pn Mada\pn*, \pn Mereiyen\pn*yi uzhele irewo. Jiunini shiqinde sidaghazhi kieliele irewo. 
\v 20 \pn Mada\pn* \pn Ersa\pn* iresei mejiedene jienliele echiwo. \pn Mereiyen\pn* yen giedene souzho. 
\v 21 \pn Mada\pn* \pn Ersa\pn*de kieliewo, "Ezhan, chi enende wineshi jiumi ulie duya ijienema, 
\v 22 edeliuzhe chi Hudase yan kerese Huda chade ogikui bi mejiene."
\p
\v 23 \pn Ersa\pn* kieliewo, "Jiuchii aminne olune."
\p
\v 24 \pn Mada\pn* kieliewo, "Duya barazhi kunla fuho giekude hheye aminne olukui bi mejiene."
\p
\v 25 \pn Ersa\pn* kieliewo, "Bishi fuho wo, amin wo. Mini xianxin giesan kun fuguliuzhe aminne olune. 
\v 26 Kun amitu bikude mii xianxin giese chanqi ulie fugune. Chi eneni xianxin gienu?"
\p
\v 27 \pn Mada\pn* kieliewo, "Ezhan, oluzho. Chishi Mexiha wo, duyade irene giesan Hudai Kewon enbekui bi xianxin giene." 
\v 28 \pn Mada\pn* ene kielienyi kieliedene khareizhi echi eghechijiu \pn Mereiyen\pn*de konkonji kieliewo, "Loushi irewo. Chii uruzho." 
\v 29 \pn Mereiyen\pn* chenliedene jindazhi bosizhe \pn Ersa\pn*i hhende echiwo.
\p
\v 30 \pn Ersa\pn* aghinde orozhi ese echidene \pn Mada\pn* hhei jienliesan hhe oronde wo. 
\v 31 Hhezighan \pn Mereiyen\pn*yi giede sidaghazhi kieliesan \png Yutai\png* kunla \pn Mereiyen\pn* bosizhedene jindazhi ghadane echisei chanlasenu daghazhi echiwo. Hhela sumulase \pn Mereiyen\pn* mezade wilale echine giezho. 
\v 32 \pn Mereiyen\pn* \pn Ersa\pn*i hhende kuzhi ire hhei chanladene kon shidai papala kieliewo, "Ezhan, chi enende wineshi jiumi ulie duya ijiene."
\p
\v 33 \pn Ersa\pn* hhe wilasei, pse hhei daghazhi iresan \png Yutai\png* kunla wilasei chanladene zhughedene zhoqi giezhi nango giezho. 
\v 34 Hhe asawo, "Ta hhei khala teiwo?" Hhela kieliewo, "Ezhan, uzhele ire." 
\v 35 \pn Ersa\pn* wilawo. 
\v 36 Ingiese \png Yutai\png* kunla kieliewo, "Ta uzhe, ene kun \pn Lasalu\pn*de matugiezhi orezho." 
\v 37 Niezhan kunla kieliewo, "Hhe sughoni nudunyi goudaghawoma, ene kunyi matugie ese goudaghazhi fugughawo?"
\s Lasaluni Aminne Olughazho
\p
\v 38 \pn Ersa\pn* pse sudorone zhoqi giezhi meza konde irewo. Hhe mezashi nie alima wo. Niekozi tashighala kouzii duighazho. 
\v 39 \pn Ersa\pn* kieliewo, "Tashii daogha." Ingiese duya ijiesan kunyi ajieni \pn Mada\pn* hhende kieliewo, "Ezhan, hhe duya ijiezhi jierudu olune. Ede fumugheishizho."
\p
\v 40 \pn Ersa\pn* kieliewo, "Chi xianxin giese Hudai famai chanlakuni bi chade kieliezhi ese daowu?" 
\v 41 Ingiese hhela tashii daoghawo. \pn Ersa\pn* qiorunne qila asimanni uzhedene kieliewo, "Ada, chii mafan gieghawo. Chi minughunyi chenliewo. 
\v 42 Chi chan minughunyi chenliekui bi mejiene. Bi ene kielienyi kieliese zhouwini beisan kunlade oluzho. Chi mii peizhi ireghasanyi hhelade xianxin gieghane giezho." 
\v 43 Ene kielienyi kieliedene fugiede waradawo, "\pn Lasalu\pn*, khizhe!" 
\v 44 Ingiese fugusan kun khizhewo. Khakonyini bosighala horozho, ungienyini ye shoujinghala bouizho. \pn Ersa\pn* hhelade kieliewo, "Hhei andaghadene yogha."
\s Ersani Alakuni Shanlian Giezho
\r (Mat 26:1-5; Mak 14:1-2; Luj 22:1-2)
\p
\v 45 Ingiese \pn Mereiyen\pn*yi hhende iresan olon \png Yutai\png* kunla \pn Ersa\pn* giesan shiqinyi uzhedene hhei xianxin giewoma, 
\v 46 hhelai dunda niezhan kunla Falisai kunyi shida echidene \pn Ersa\pn* giesan shiqinyi kieliewo. 
\v 47 Fugie buwa, Falisai kunla goyane zui fugie fayenni kunlai hhantulagha kieliewo, "Ene kun ghudureqi olon xienjighazho. Matan matugiene? 
\v 48 Enei izhi ingiezhi gieghase kunla man hhei xianxin giene. Pse \png Loma\png* kunla irese mai mechii, mai minzui widaghane."
\p
\v 49 Hhelai dunda nie kunyi nierei \pn Gaiyafa\pn* giene. Hhe niehonde zui fugie buwa danlazho. Hhelade kieliewo, "Ta yama ulie mejiene! 
\v 50 Hhe niezheghanne bexinlade oluzhi fuguse nie gojia man widakuse gou wo. Ene tande haochu bikui ta ulie mejienu?"
\p
\v 51 Ene kielienshi goyane kieliesan pusho. Ene honku zui fugie buwa danlase \pn Ersa\pn* \png Yutai\png* kunlade oluzhi fugukuni melie kieliezho. 
\v 52 Zinie \png Yutai\png* kunlade pusho, gochude sousan Hudai kesilai hhantulaghazhi nie gholughane giezhi fugukui kieliezho.
\p
\v 53 Hhe uduse hhela shanlian giezhi \pn Ersa\pn*i alane giezho. 
\v 54 Ingiese \pn Ersa\pn* pse \png Yutai\png* kun dunda mindaminji uye ochirazho. Hhense likai giedene hontan shida \png Ifalien\png* giezhi nie oronde echisenu tujighalane hhantu souwo.
\p
\v 55 \png Yutai\png* kunni Jiulidaosan Jie kuzhene giezho. Olon kunla xianlase \png Yelusalen\png*de eqie khizhi iresenu goyalane waghane giezho. 
\v 56 Hhela \pn Ersa\pn*i ereizhi mechide beisenu nieniedene kieliewo, "Ta uzhese matugiezho? Hhe jieqi daoghale ulie ireneba." 
\v 57 Hhe shihoude fugie buwa, Falisai kunla eqie fenfula goudaghazho. "Kien \pn Ersa\pn* khala bikui mejiese mejiegha. Hhei bareine."
\c 12
\s Mereiyen Ersade Xianshui Kiezho
\r (Mat 26:6-13; Mak 14:3-9)
\p
\v 1 Jiulidaosan Jieni melieshi zhighudude \pn Ersa\pn* \png Bodani\png*de kuzhi irewo. Hheshi \pn Ersa\pn* \pn Lasalu\pn*i aminne olughasan oron wo. 
\v 2 Kunla \pn Ersa\pn*de oluzhi heifan zhunbei giezho. \pn Mada\pn* ushilazho. \pn Lasalu\pn* \pn Ersa\pn*ghala kunlare hhantu souzho. 
\v 3 \pn Mereiyen\pn* 1 jin zhen nadaghala giesan guizhuntu xianshuini agizhedene \pn Ersa\pn*i kon jiere kiesenu usunghalane saiwo. Giedera xianshui widao penjizho.
\p
\v 4 \pn Ersa\pn*i ghudandune giesan tuji \png Jialie\png* kun \pn Yuda\pn* kieliewo, 
\v 5 "Ene xianshuini 300 gie miengu huidene nanxin kunlade oginema!" 
\v 6 Hhe ene kielienyi kieliekushi nanxin kunlade sumulasan pusho. Goyaneshi nie ghughei wo. Baer qibaoni hhe bareizho. Hhense baerni chan agizho.
\p
\v 7 Ingiese \pn Ersa\pn* kieliewo, "Bu danla, hhe ene xianshuii mii bulaku udude zhunbei giezho. 
\v 8 Nanxin kunla tanre chan hhantu woma, bi tanre chan hhantu uwo."
\p
\v 9 Olon \png Yutai\png* kunla \pn Ersa\pn* hhende bikui mejiedene uzhele irewo. Zinie \pn Ersa\pn*i uzhekui pusho. Fuguzhi aminne olusan \pn Lasalu\pn*iye uzhene giezho. 
\v 10 Ingiese fugie buwala \pn Lasalu\pn*iye alane giezhi shanlian giezho. 
\v 11 Ingiekushi \pn Lasalu\pn*i ene shiqin jiere olon \png Yutai\png* kunla hhelai bendadene \pn Ersa\pn*i xianxin giezho.
\s Honshan Mutun Yelusalende Orozho
\r (Mat 21:1-11; Mak 11:1-11; Luj 19:28-40)
\p
\v 12 Khuichudu olon kunla jieqi daoghale iredene \pn Ersa\pn* \png Yelusalen\png*de irekui mejiewo. 
\v 13 Ingie zunshu mutun chalalai bareidene hhei jienliele echi fugiede waradazhi kieliewo,
\q1 "Hesanna!\f + \fr 12:13\fr* \em Bijienyi jiui!\em* \f*
\q1 Ezhanni niereghala iresan \png Isilie\png*ni honshande doulandu!"
\b
\m
\v 14 \pn Ersa\pn* nie ga enzheghei ereizhi olu unuwo. Jinwun jiere jilasan mutun,
\q1
\v 15 "\png Xiwun\png*ni kunla bu ayi.
\q2 Uzhe, tai honshan
\q2 ga enzheghe unuzhi irewo."
\p
\v 16 Hhe xienzide tujilani ene shiqinyi minbai olu dazho. \pn Ersa\pn* kuaikui jienliedene hhela ene kielienshi \pn Ersa\pn*i zhiizhi kieliesei, pse kunla hhende qingiezhi giesei sumula irewo.
\p
\v 17 \pn Ersa\pn* \pn Lasalu\pn*i mezase waradazhi khizhedene aminne olughakude shidani beisan kunla hhe giesan shiqinyi kunlade izhi kieliezho. 
\v 18 Ingiese olon kunla \pn Ersa\pn* xienjighasan ghudureqii mejiedene hhei jienliele echiwo. 
\v 19 Ingiese Falisai kunla nieniedene kieliewo, "Matande yama banfa widawo. Duyai kunla man hhei dagha echiwo."
\s Duya Ijiekune Kieliezho
\p
\v 20 Jieqide libai giele iresan kun dunda giedun \png Xila\png* kun wo. 
\v 21 Hhela \png Jialili\png*ni \png Bosaida\png* kunni \pn Feili\pn*ni ochiradene xiahua giezhi kieliewo, "Gujiu, bijien \pn Ersa\pn*i ochirale irewo." 
\v 22 \pn Feili\pn* echidene \pn Andelie\pn*de kieliewo. \pn Andelie\pn* \pn Feili\pn* ghuala hhantu \pn Ersa\pn*de echi kieliewo. 
\v 23 Ingie \pn Ersa\pn* kieliewo, "Kunnikewonni kuaiku shihou kuzhewo. 
\v 24 Bi tande shuhuajia kielieye, niekozi boudei fure ghazha jiere luidene ulie fuguse dou niekozi fure wo. Fuguse olon boudei osizhi khizhene. 
\v 25 Goya amindene oresan kun aminne widaghane. Ene duyade aminne henjisan kun aminne chanqi bouine. 
\v 26 Mii ushilasan kun indan mii daghakuni wo. Bi khalashi mii ushilasan kun ye khala wo. Mii ushilasan kunyi Adami danren giene. 
\v 27 Ede mii zhughede nango giezho. Bi yan kieliese gou wo? 'Ada, mii ene shiqinse daogha.' giezhi kielienu? Ulie, bi zhen ene shiqinde irezho. 
\v 28 Ada, chi nierene famashigha!" Hhe xienzide asiman jierese shenqi irezhi kieliewo, "Bi ijin nierene famashighawo, pse famashighane." 
\v 29 Shida beisan kunla sonosusenu kieliewo, "Olien tunguliezho." Psedu kunla kieliewo, "Qienxien hhende kielien kieliezho." 
\v 30 \pn Ersa\pn* kieliewo, "Ene shenqishi made oluzhi iresan pusho. Tande oluzhi iresan wo. 
\v 31 Ede duyani panjiku shihou kuzhewo. Ene duyani touzii tou khighane, jiushi Ibilisi wo. 
\v 32 Mii zemin jierese qila qiighakude bi kunlai man xiidene shidane irene." 
\v 33 \pn Ersa\pn*i ene kielienshi goyane matugie fugukui zhiizhi kieliezho.
\p
\v 34 Ingiese kunla kieliewo, "Bijien chenliese jinwunde kieliesanshi Mexiha ibeizi amitu wo giezho. Chi matugie 'Kunnikewonni qila qiighane.' giezhi kieliene? Chi kieliesan Kunnikewonshi kien wo?"
\p
\v 35 \pn Ersa\pn* kieliewo, "Gon tai dunda oloncha widazho. Gon bikude ta gon dunda yodu. Pse kharani kuzhese tai khane. Kharanide yochen kun khala echikune ulie mejiene. 
\v 36 Gon bikude ta gonni xianxin giezhi gonni kewosi danla." \pn Ersa\pn* ene kielienyi kielie baragha likai giedene hhelase pii widawo.
\s Xianxin Ese Giesan Kunla
\p
\v 37 Hhelai melie \pn Ersa\pn* ghudureqi olon xienjighazhoma, hhela hhei xianxin ulie giene. 
\v 38 Ingiese \pn Isaiya\pn* xienzhi kieliesan kielien mutun gholuwo,
\q1 "Ezhan, bijienyi chonjisanyi kien xianxin giewo?
\q2 Chii nenlii kiende xienjighane?"
\m
\v 39 Hhela xianxin ulie giekushi \pn Isaiya\pn* pse kieliezho,
\q1
\v 40 "Ezhan hhelai nudunyini sugho gholughazhi
\q2 zhugheini khiduzheghakushi
\q1 Hhela nudundene chanlazhi
\q2 zhughedene minbai olusenu kharei daorese
\q1 Bi hhelai goudaghakuse ayizho."
\m
\v 41 \pn Isaiya\pn* \pn Ersa\pn*i famani chanladene hhei zhiizhi ene kielienyi kieliesan wo. 
\v 42 Ingieliuzhe \png Yutai\png* kunni noyen dundaye hhei xianxin giesan kun olon wo, Falisai kunla huitanse tou khighakuse ayizhi chenren gie dazho. 
\v 43 Hhela kunni kuaikui Hudai kuaikuse xiqi wo.
\p
\v 44 \pn Ersa\pn* fugiede kieliewo, "Kunla mii xianxin giese zinie mii xianxin giesan pusho, mii peizhi ireghasan hhei xianxin giezho. 
\v 45 Kunla mii chujieghese mii peizhi ireghasanyi chujieghezho. 
\v 46 Bi duyade irese duyani gon wo. Mii xianxin giesan kunlai bi kharanide ulie soughane. 
\v 47 Mii kielienyi sonosudene ulie giechen kunyi bi ulie panjine. Bi duyade irese duyai panjile ese irezho, jiuile irezho. 
\v 48 Mii ulie kerechen, kielienyimi ulie jienliechen kunni panjiku wine. Bi kieliesan kielien duya barakude hhei panjine. 
\v 49 Bi kieliesanshi goyane sumulazhi kieliesan pusho. Mii peizhi ireghasan Adami made minlin ogizhi mii yan kielieghase bi yan kieliezho. 
\v 50 Adaimi minlinshi chanqiku amin bikui bi mejiene. Ingiese bi zinie Adami made kielieghakuni kieliene."
\c 13
\s Tujiladene Kon Waghazho
\p
\v 1 Jiulidaosan Jieni melieshida \pn Ersa\pn* duyase likai giezhi Adane hhende echiku shihou kurukui mejiewo. Hhe ene duyani goya kunladene orezhi zuihou kurutula izhi orezho. 
\v 2 Heifan ijiekude Ibilisi \png Jialie\png* kun \pn Ximun\pn*yi kewon \pn Yuda\pn*i zhughede \pn Ersa\pn*i ghudandukui melieshise gie goudaghazho. 
\v 3 \pn Ersa\pn* Adani duyani qienlii hhei khade jiuisanyi, goyaneshi Hudai hhense iresanyi, pse Hudai hhende echikui mejiene. 
\v 4 Ingie \pn Ersa\pn* shire konse bosi ire jienne tei, kanzidene nie shoujinyi banla, 
\v 5 nie nienpen usui kiezhi ire, tujilane konyi waghasenu kanzidene banlasan shoujinghala caizhi ghoghawo. 
\v 6 Waghazhi \pn Ximun-Beduru\pn*de kuzhese \pn Beduru\pn* \pn Ersa\pn*de kieliewo, "Ezhan, chi mini konni waghanu?" 
\v 7 \pn Ersa\pn* kieliewo, "Bi giesanyi ede chi ulie mejienema, khuinashi mejiene." 
\v 8 \pn Beduru\pn* kieliewo, "Chi mini konni jiedui waghazhi ulie olune." \pn Ersa\pn* kieliewo, "Bi chii ulie waghase bi jienliesan guzide chi bei dane." 
\v 9 \pn Ximun-Beduru\pn* kieliewo, "Ezhan, qinse gon konyimi bu wagha. Kha, qiorunyimi man wagha." 
\v 10 \pn Ersa\pn* kieliewo, "Xizao giezhi daosan kun zinie konne waghase hunshenni man ganjin wo. Tashi ganjinni woma, manshi ganjinni pusho." 
\v 11 \pn Ersa\pn* kien hhei ghudandukui melieshise mejiene. Ingiese "Tashi man ganjinni pusho." giezhi kieliewo. 
\v 12 \pn Ersa\pn* hhelai konni waghazhi balu, jienne musidene pse souwo. Ingie hhelade kieliewo, "Bi tande giesanyi ta dunjirewoye? 
\v 13 Ta mini loushi, ezhan giezhi uruzho. Ta urusan oluzho. Bi enbene. 
\v 14 Bishi tai ezhan, loushi woma, tai konni waghawo. Taye nieniene konyi wagha. 
\v 15 Bi tande nie yanzi uzheghawo. Ta ye zhao bi tande giesan mutun giendu. 
\v 16 Bi tande shuhuajia kielieye, hoji ezhanse fugie uwo. Peizhi ireghasan kun peisan kunse fugie uwo. 
\v 17 Enei ta mejienema, ta ingiezhi giese tande fuqi wine. 
\v 18 Mini ene kielienshi ta manlai zhiizhi kieliesan pusho. Bi goyane kienyi sunghusei mejiene. Ingieliuzhe jinwun jieredu kielien bixi gholune, 'Mare hhantu ginan ijiesan kun konghalane mii qiuine.' 
\v 19 Ede shiqin da uye chenjikude bi tande xien kieliekushi shihou kuruse bishi hhe enbekui tai xianxin gieghane giezho. 
\v 20 Bi tande shuhuajia kielieye, kun bi peisan kunlai jienliese mii jienliezho. Mii jienliese mii peizhi ireghasan hhei jienliezho."
\s Ersani Ghudandukuni Kieliezho
\r (Mat 26:20-25; Mak 14:17-21; Luj 22:21-23)
\p
\v 21 \pn Ersa\pn* ene kielienyi kieliesenu zhughedene nango giezhi minminji kieliewo, "Bi tande shuhuajia kielieye, tai dunda nie kun mii ghudandune." 
\v 22 Tujilani nieniene uzhezhi hhe kienyi kieliesei mejie dazho. 
\v 23 Tujilani dunda niekozishi \pn Ersa\pn* oresan wo. Hhe \pn Ersa\pn*i kanzide souzho. 
\v 24 \pn Ximun-Beduru\pn* hhe nie tujide qiorun jienjizhi, "Ezhan kienyi kieliezho?" giezhi asaghawo. 
\v 25 Hhe nie tuji \pn Ersa\pn*i kanzii shighadene asazho, "Ezhan, kien wine?" 
\v 26 \pn Ersa\pn* kieliewo, "Bi goujinie ginanyi zhanjizhi kiende ogise hhe enbene." Ingiedene \pn Ersa\pn* goujinie ginanyi zhanjisenu \png Jialie\png* kun \pn Ximun\pn*ni kewon \pn Yuda\pn*de ogiwo. 
\v 27 Hhe jienliese Ibilisi hhei sudoro orowo. Ingiese \pn Ersa\pn* hhende kieliewo, "Chi giekune ghujighan gie." 
\v 28 Shire konde hhantu sousan kunla hhende kieliesan ene kielienyi kiemada dunjire dawo. 
\v 29 Kunla sumulase \pn Yuda\pn* baerni bareizho, \pn Ersa\pn* hhende kieliesanshi hhe matande jieqi daoghaku dunxi agile echi giezho. Pse jiahui kunlade yama khugho giezho. 
\v 30 \pn Yuda\pn* hhe ginanyi jienliedene deigo ghadane khizhi echiwo. Hhe xienzishi xieni wo.
\s Shini Minlin
\p
\v 31 \pn Yuda\pn* khizhi echisenu \pn Ersa\pn* kieliewo, "Ede Kunnikewonni kuaiku kuzhewo. Kunnikewonni tungo giezhi Hudaiye kuaiwo. 
\v 32 Huda Kunnikewonni tungo giezhi goyane kuaikui jienliese hheye goyai tungo giezhi Kunnikewonni kuaine. Ede kuaiku ghujinlazho. 
\v 33 Kesila, bi tanre hhantu biku shihou oloncha widazho. Khuinashi ta mii ereinema, bi echiku oronde ta echi dane. Ene kielienyi bi melieshi \png Yutai\png* kunlade kieliezhi daozho. Ede tandeye ingiezhi kielieye. 
\v 34 Bi tande nie shini minlin ogiye, ta nieniedene orendu. Bi tande oresan mutun taye qingiezhi nieniedene orendu. 
\v 35 Ta nieniedene orese tashi mini tuji bikui kunla mejiene."
\s Ersai Ulie Tanikui Kieliezho
\r (Mat 26:31-35; Mak 14:27-31; Luj 22:31-34)
\p
\v 36 \pn Ximun-Beduru\pn* \pn Ersa\pn*de asawo, "Ezhan, chi khala echine?" \pn Ersa\pn* kieliewo, "Bi echiku oronde chi ede echi dane. Khuinashi chi mii daghazhi echine." 
\v 37 \pn Beduru\pn* kieliewo, "Ezhan, bi ede yale echizhi ulie olune? Bi chade aminne sheine." 
\v 38 \pn Ersa\pn* kieliewo, "Chi made aminne sheinu? Bi chade shuhuajia kielieye, tigha kheilatula chi mii 3 hui ulie renjine."
\c 14
\s Adai Hhende Echiku Zinie Mo
\p
\v 1 "Ta zhughedene nango bu gie. Ta Hudai xianxin gie, miiye xianxin gie. 
\v 2 Adaimi giede souku oron olon wo. Uwoshi bi tande eqie kieliene. Bi echise tande oron zhunbei giele echine. 
\v 3 Bi echi tande oron zhunbei giedene pse ire tai hhende jienlie echine. Ingiese bi khalashi taye khala wo. 
\v 4 Bi echiku hhe moni ta mejiene."
\p
\v 5 \pn Doma\pn* \pn Ersa\pn*de kieliewo, "Ezhan, chi khala echikui bijien ulie mejiene. Hhe moni bijien matui mejiene?" 
\v 6 \pn Ersa\pn* kieliewo, "Bishijiu mo wo, zhendao wo, amin wo. Mase tungo ulie giese kiemada Adai hhende echi dane. 
\v 7 Ta mii tanise Adaimiye taniwo. Enedu khuinashi ta hhei taniwo, ye chujieghewo." 
\v 8 \pn Feili\pn* \pn Ersa\pn*de kieliewo, "Ezhan, bijiende Adai nie uzheghama, bijiende kuruwo." 
\v 9 \pn Ersa\pn* kieliewo, "\pn Feili\pn*, bi tanre hhantu imeghenicha oluzho. Chi da mii tani dazhou? Kun mii chujieghese Adaimi chujieghezho. Chi matugie 'Adai bijiende uzhegha.' giezhi kieliene? 
\v 10 Bi Adai sudoro wo, Ada mii sudoro bikui chi xianxin ulie gienu? Bi tande kieliesan kielienshi bi goyane kieliesan pusho. Mii sudoro sousan Adami goya wiliene giezho. 
\v 11 Bi Adai sudoro wo, Ada mini sudoro wo giesan ene kielienyi ta xianxin gie. Xianxin gie dase bi giesan wilielani uzhedene xianxin gie. 
\v 12 Bi tande shuhuajia kielieye, ede bi Adai hhende echine. Ingiese mii xianxin giesan kunla bi giesan wilielaiye gie shidane. Da enense fugie wiliei giene. 
\v 13 Ta mini niereghala yan xiahua giese bi tande yan gholughane. Ingiese Ada Kewonne jierese kuaikui jienliene. 
\v 14 Ta mini niereghala mase yan xiahua giese bi yan gholughane."
\s Shenlinni Ireghane
\p
\v 15 "Ta made orese mini minlinni zunji. 
\v 16 Bi Adasene xiahua giezhi tande da nie banjichen ireghaye. Hhe tanre chan hhantula gie. 
\v 17 Eneshi zhendaoni ruhher wo. Duyani kunla hhei chujieghe dane, taniye dane. Ingiese hhei jienlie dane. Ta hhei tani shidane. Hhe tanre hhantu souzho, tai sudoro wine. 
\v 18 Bi tai oliechen mutun bendazhi ulie jiene. Bi da tai shida irene. 
\v 19 Pse goujicha beise duyani kunla mini chujieghe danema, ta mini chujieghene. Bi amitu wo, taye amitu wo. 
\v 20 Hhe niudu kuse bi Adai sudoro wo, ta mii sudoro wo, biye tai sudoro bikui ta mejiene. 
\v 21 Kien mini minlinyi jienliezhi zunjise made orezho. Made orese Adamiye hhende orene. Biye hhende orezhi goyane xienjighane." 
\v 22 \pn Yuda\pn* \pn Ersa\pn*de asazho (Ene \pn Yuda\pn*shi \png Jialie\png* kun \pn Yuda\pn* pusho), "Ezhan, chi bijiende xienjighane, duyani kunlade yale ulie xienjighane?" 
\v 23 \pn Ersa\pn* kieliewo, "Kun made orese mini kielienyi zunjine. Adamiye hhende orene. Bi Adaghalane hhei hhende echidene hhantu soune. 
\v 24 Made ulie orechen kun mini kielienyi ulie zunjine. Ta sonosusan kielienshi minughun pusho, mini peizhi ireghasan Adaimi kielien wo."
\p
\v 25 "Ene kielienlai bi tanre hhantu bikude tande kieliewo. 
\v 26 Banjichen giezhi urusan Shenlin irese shiqinlai man tande surughane, bi tande kieliesan kielienlai man sumula ireghane. Hheshi Ada mini niereghala peizhi ireghasan wo. 
\v 27 Bi tande pinnan ogiye. Goya pinnanne tande ogiye. Bi ogisan pinnanshi duyani kunla ogisan pinnanyi buxian wo. Ta zhughedene munan bu gie, ye bu ayi. 
\v 28 Bi yolane, pse tai enende irene giesan ene kielienyi ta chenliezhi daozho. Ta made orese bi Adai hhende echise ta bayasune. Ada mase fugie wo. 
\v 29 Ede shiqinla da uye gholukude bi xien tande kieliewo. Ingiezhi giese shiqin gholukudeni tai xianxin gieghane giezho."
\p
\v 30 "Ene duyani touzi ede irewo. Ingiese bi tanre kielien kielieku shihou oloncha widazho. Hhe mini yama gie danema, 
\v 31 ingieliuzhe bi Adadene oresei, pse Adami made matugiezhi fenfulase bi qingiezhi giesei duyani kunlade mejieghane. Bosizhe! Matan yoye."
\c 15
\s Zhen Putou Mutun
\p
\v 1 "Bishi zhen putou mutun wo. Adamishi zeilasan kun wo. 
\v 2 Hhe mii jiere alima ulie sousan chalai man ghigha widaghane. Alima souku chalai ulou giezhi goudaghase hhei jiere alima pse olon soughane. 
\v 3 Ta bi jianjisan kielienghala ijin ganjinshiwo. 
\v 4 Ta mii sudoro bei. Biye tai sudoro beine. Chala mutun jiere uwoshi goyane alima sou dane. Ta mii sudoro ulie beiseye niekielien wo. 
\v 5 Bishi putou mutun wo. Tashi chala wo. Kien mii sudoro beizhi bi hhei sudoro beise hhe alima olon soune. Mase likai giese ta yama gie dane. 
\v 6 Kun mini sudoro ulie beise bendadene ghosan chala niekielien wo. Kunla hhei qianguzhi echise khande tulie widaghane. 
\v 7 Ta mini sudoro beizhi mini kielien tai sudoro beise ta yan xiahua giezhi kerese tande man gholughane. 
\v 8 Ta alima olon souzhi mini tuji gholuse Adademi kuaiku irene. 
\v 9 Adami made oreku mutun biye tande orezho. Ta mini oreku sudoro bei. 
\v 10 Ta mii minlinyi zunjise mii oreku sudoro beizho. Eneshi bi Adane minlinyi zunjizhi hhei oreku sudoro beikughala niekielien wo."
\p
\v 11 "Bi enezighan kielienyi tande kieliese mii bayasukughala tai bayasughane. Tai fugiede bayasughane. 
\v 12 Bi tande oreku mutun ta nieniedene orendu. Eneshi mini minlin wo. 
\v 13 Kun zhanliendene aminne sheise, ene orekuse fugieni uwo. 
\v 14 Bi fenfulasan minlinyi ta zunjise tashi mini zhanlien wo. 
\v 15 Bi tai pse hoji giezhi ulie urune. Ezhanyi wiliei hojila ulie mejiene. Bi tai zhanlien danlaghazho. Bi Adane hhense chenliezhi iresanlai tande man mejieghawo. 
\v 16 Ta mini sunghusan pusho, bi tai sunghusan wo. Bi tai peizhi chanqiku alimai soughale echiwo. Ingiese ta mini niereghala yan xiahua giese Adami tande ogine. 
\v 17 Ta nieniedene orendu. Eneshi mini minlin wo."
\s Duyani Kunla Tani Henjine
\p
\v 18 "Duyai kunla tai henjise ta mejiendu. Mii tanse melieshi henjizho. 
\v 19 Ta duyaghunshi duyani kunla tande orenema, ta duyaghun pusho. Bi tai duyase sunghuwo. Ingiese duya tai henjine. 
\v 20 Hoji ezhanse fugie uwo giezhi bi tande kieliesan ene kielienyi jila. Hhela mini heise taiye heine. Hhela mii kielienyi zunjizhi giese tai kielienyiye zunjizhi giene. 
\v 21 Hhela mini yenyinghala tande ingiezhi giezho. Hhela mini peizhi ireghasan Hhei tani dazho. 
\v 22 Bi irezhi hhelade uye kieliezhoshi hhelade zui uwo. Ede hhelade zui uwo giezhi kielie dane. 
\v 23 Mini henjise Adaimiye henjizho. 
\v 24 Bi hhelai dunda kiema gie dasei ese giezhoshi hhelade zui uwoma, ede hhela bi adamighalai chanladene henjizho. 
\v 25 Ene hhelai jinwun jiere huaisan kielien mutun gholuwo, 'Hhela mii uyenwuguji henjizho.'"
\p
\v 26 "Bi Adane hhense banjichenyi peizhi ireghane. Hheshi Adai hhense iresan zhendaoni ruhher wo. Hhe irese made ganzhen beine. 
\v 27 Taye made ganzhen beine. Ta kaishi giesanse izhi bighala hhantu wo."
\c 16
\p
\v 1 "Bi tande enezighan shiqinyi kieliese tai zhughei ulie gojiolughane giezho. 
\v 2 Kunla tai huitanse tou khighane. Shihou kuzhese tai alachen kunla ingiezhi giese Hudai shunjizho giezhi sumulane. 
\v 3 Hhela ingiezhi giekushi Adai tani dane, miiye tani dane. 
\v 4 Bi enezighan shiqinyi tande kieliekushi shihou kuzhese bi tande kieliezhi daosanyi sumulazhi ireghane giezho. Melieshi bi tanre hhantushi ene shiqinyi tande ese kieliezho."
\s Shenlinni Wilie
\p
\v 5 "Ede bi mini peizhi ireghasan Adai hhende echinema, tai dunda chi khala echine giezhi made asachen kun nieda uwo. 
\v 6 Kharei bi enezighan shiqinyi tande kieliese ta zhughedene hende nango giezho. 
\v 7 Bi tande shuhua kielieye, bi echise tande kharei gou wo. Bi ulie echise banjichen tai enende ulie irene. Bi echise hhei tande peizhi ireghane. 
\v 8 Hhe irese zui fanmiende, gundanni fanmiende, panjiku fanmiende duyani codasei kheilane. 
\v 9 Zuini fanmiende kieliekushi hhela mini xianxin ese giewo. 
\v 10 Gundanni fanmiende kieliekushi bi Adai hhende echise ta mini chanla dane. 
\v 11 Panjikuni fanmiende kieliekushi ene duyani touzini ijin panjiwo."
\p
\v 12 "Bi tande kielieku shiqin da olon woma, ta ede jienlie dane. 
\v 13 Zhendaoni ruhher irese tai uduruzhi soyuji zhendaode echighane. Hhe kieliesanshi goyane sumulasan pusho. Hhe chenliesanlane tande kieliene. Khuinashiku shiqinlaiye tande mejieghane. 
\v 14 Hhe mase chenliesanlane man tande kieliezhi ogine. Ingiese made kuaiku irene. 
\v 15 Adaghunshi man minughun wo. Ingiese hhe mase chenliesanlane man tande kieliezhi ogine giezhi bi kieliewo."
\s Nango Bayasukui Gholune
\p
\v 16 "Goujicha beise ta mini chujieghe dane. Pse goujicha beise ta mini chujieghene." 
\v 17 Ingiese giedun tujila nieniedene kieliezho, "Hhe matande yan kieliezho? 'Goujicha beise matan hhei chujieghe dane. Pse goujicha beise matan hhei chujieghene.' Da bi Adai hhende echine giesan eneshi yan isi wo?" 
\v 18 Pse kieliezho, "Hhe kieliesan goujichashi yan isi wo? Matan hhe kieliesan kielienyi dunjire dawo." 
\v 19 \pn Ersa\pn* hhela asane giesei mejiedene kieliewo, "Bi kieliesan goujicha beise ta mini pse chujieghe dane, pse goujicha beise ta mini chujieghene giesan ene kielienghala ta nieniedene asaduzhou? 
\v 20 Bi tande shuhuajia kielieye, ta nango giezhi hende wilane, duyani kunla bayasune. Ta nango gienema, tai nango bayasukui gholune. 
\v 21 Biereila oluku shihou kuzhese munan giene. Hhe kewosini oluse otusanlai mata widaghane. Hhe duyade nie kewosi oluse hende bayasune. 
\v 22 Ta ede munan giezhoma, bi tai pse chujieghene. Qingiese ta bayasune. Ene bayasukui kiemada agizhi echi dane. 
\v 23 Hhe niudu kuse ta made yama ulie asane. Bi tande shuhuajia kielieye, ta mini niereghala yan xiahua giese Adami tande ogine. 
\v 24 Eli kutula ta mini niereghala yama xiahua uye giewo. Ta xiahua gie, tande ogine. Ta hende bayasune."
\s Ersa Duyase Injiwo
\p
\v 25 "Ene kielienlai bi tande bilazhi kieliewo. Shihou kuzhese bi pse tande bilazhi ulie kieliene. Adai shiqinyi tande mindaminji kieliezhi ogine. 
\v 26 Hhe niudude ta mini niereghala xiahua giene. Eneshi bi tande oluzhi Adade xiahua gieku isi pusho. 
\v 27 Ta made orezho, pse bishi Adai hhense ireseiye xianxin giezho. Ingiese Ada goyane tande orezho. 
\v 28 Bi Adai hhense khizhezhi duyade irewo. Pse duyase likai giezhi Adai hhende echine." 
\v 29 Tujila kieliewo, "Ede chi mindaminji kieliezho, bilazhi uye kieliezho. 
\v 30 Chi yanniliuzhe mejiekui bijien ede mejiene. Kunla chade asaku biyoye uwo. Eneghala bijien chishi Hudai hhense iresei xianxin giezho." 
\v 31 \pn Ersa\pn* kieliewo, "Ta ede xianxin giezhou? 
\v 32 Uzhe, ta sandazhi goya oronladene echiku shihou kuzhene, shijishan ede kuzhewo. Ta mini niezheghan benda jiene. Bi niezheghanne pusho, Adaghalane hhantu wo. 
\v 33 Bi ene kielienyi kieliekushi ta mii tungo giezhi pinnanyi jienlieghane giezho. Ta duyade shouku gienema, zhughene khidunde gie! Bi duyani injiwo!"
\c 17
\s Ersa Tujiladene Onxian Giezho
\p
\v 1 \pn Ersa\pn* ene kielienyi kieliedene qiorunne qila asiman jiere uzhe kieliewo, "Ada, shihou kuruwo. Chi Kewone kuai, ingiese Kewonye chii kuaine. 
\v 2 Chi Kewondene ogisan kunlade chanqiku aminni ogine giezhi soyuji kunlai man gonjiku qienlii hhende ogizho. 
\v 3 Niekozi zhen Hudai tanizhi hhe peizhi ireghasan \pn Ersa\pn* Mexihani tanise chanqiku amin enbene. 
\v 4 Chi made fenfulasan wiliei bi onchen giezhi ene zemin jierese chade kuaikui ireghawo. 
\v 5 Ada, ede chii melie made famani ogi. Duyase melie matan hhantu xianshou giesan famani made ogi."
\p
\v 6 "Chi duya jierese made ogisan kunlade bi chii nierei mejieghawo. Hhela benshenshi chinughun wo. Chi hhelai made ogiwo. Hhelaye chini kielienyi zunjiwo. 
\v 7 Ede hhela chi made ogisanshi man chii hhense iresanyi mejiewo. 
\v 8 Chi made ogisan kielienyi bi hhelade ogise hhela jienliewo. Hhela bishi chii hhense iresanyi mejiewo. Chi mini peizhi ireghasanyiye xianxin giewo."
\p
\v 9 "Bi hhelade oluzhi onxian giezho. Duyani kunlade oluzhi onxian ese giezho. Hhelashi chinughun wo. Ingiese chi made ogisan kunlade bi onxian giezho. 
\v 10 Minughunshi man chinughun wo. Chinughunshi minughun wo. Hhelai jierese made kuaikui irezho. 
\v 11 Enense khuinashi bi duyade uwo. Hhela duyade wine. Bi chii hhende echine. Zhiguitu Ada, chi made ogisan niereghalane hhelai baohu giezhi matan mutun hhelai niekozi gholugha. 
\v 12 Bi hhelare hhantu bikude chi made ogisan niereghalane bi hhelai baohu giezhi ezheliezho. Chugo hhe widaku kunse andase pse nieda ulie widane. Ene jinwun jieredu kielien mutun gholuwo."
\p
\v 13 "Ede bi chii hhende echine. Bi duyade bikudeni mii bayasukughala hhelai bayasughane giezhi enezighan kielienlai kieliewo. 
\v 14 Bi chii kielienyi hhelade ogidene duya hhelai henjiwo. Ene yenyinshi bi duyanughun pusho mutun hhelashiye duyanughun pusho. 
\v 15 Hhelai, 'Duyase khizhegha!' giezhi bi chii xiahua ulie giene, 'Hhe doghunnise baohu!' gie giezhi xiahua giene. 
\v 16 Bi duyanughun pusho mutun hhelaye duyanughun pusho. 
\v 17 Zhendaoghala zuise hhelai zhiguishigha. Chii kielienshijiu zhendao wo. 
\v 18 Chi mii duyade peizhi ireghasan mutun bi hhelaiye qingiezhi duyade peizhi echighane. 
\v 19 Bi hhelade oluzhi goyane zhiguishighawo. Ingiese hhelaiye zhendaoi tungo giezhi zhiguishighane."
\p
\v 20 "Bi zinie enelade oluzhi onxian gieku pusho. Hhelai kielienyi chenliedene mii xianxin giesan kunladeye onxian giezho. 
\v 21 Bi onxian giese Ada mii sudoro wo, bi chii sudoro biku mutun, hhelaye matanyi sudoro nie gholu gie. Ingiese duyai kunlai chi mii peizhi ireghasanyi xianxin giegha."
\p
\v 22 "Chi made ogisan famani bi hhelade ogiwo. Ingiese hhelai matan mutun nie gholughane. 
\v 23 Bi hhelai sudoro wo, Chi mii sudoro wo, hhelai man nie gholughane. Ingiese duyai kunlai chi mii peizhi ireghasanyi, pse chi made oresan mutun hhelade oresanyi mejieghane. 
\v 24 Ada, chi made ogisan hhela bi khalashi khala bizhi mii famani hhelade uzhegha. Ene mienzishi duyai zhayaghaku melie chi made orezhi ogisan wo."
\p
\v 25 "Gundantu Ada, duyai kunla chii tani dane. Bi chii tanine. Enezighan tujila chi mii peizhi ireghasanyi mejiene. 
\v 26 Bi hhelade chii mejieghawo, izhi mejieghane. Ingiese chi made oresan hhelai sudoro wo, biye hhelai sudoro wo."
\c 18
\s Ersani Bareizho
\r (Mat 26:47-56; Mak 14:43-50; Luj 22:47-53)
\p
\v 1 \pn Ersa\pn* enezighan kielienyi kieliedene tujilarene hhantu khizhi echiwo. Hhela \png Jilun\png* ghonni daodene nie yenzide orowo. 
\v 2 \pn Ersa\pn* tujilarene chan hhe nie oronde hhantulazho. \pn Ersa\pn*i ghudandusan \pn Yuda\pn*ye hhe oronyi mejiene. 
\v 3 \pn Yuda\pn* idaban \png Loma\png* buduilai uduruzhi hhende irewo. Fugie buwa, Falisai kunla peisan mechini sagheisan kunlaye hhantu irezho. Hhela denlun, hoba, uqilai bareizho. 
\v 4 \pn Ersa\pn* goyadene yan wilie kuzhekui man mejiene. Ingie khizhedene hhelade kieliewo, "Ta kienyi ereizho?" 
\v 5 Hhela kieliewo, "\png Nasale\png* kun \pn Ersa\pn*i ereizho." \pn Ersa\pn* kieliewo, "Bi enbene." \pn Ersa\pn*i ghudandusan \pn Yuda\pn*ye hhelare hhantu beizho. 
\v 6 \pn Ersa\pn* "Bi enbene." giezhi kieliekude hhela khuina tuidene zemin jiere unawo. 
\v 7 \pn Ersa\pn* pse hhelade asawo, "Ta kienyi ereizho?" Hhela kieliewo, "\png Nasale\png* kun \pn Ersa\pn*i ereizho." 
\v 8 \pn Ersa\pn* kieliewo, "Bi enbene giezhi tande kieliewo. Ta mini ereizhoshi enelai yolagha." 
\v 9 Eneshi chi made ogisan kunlai bi nieda ese widaghawo giesan \pn Ersa\pn* melieshi kieliesan kielien mutun gholuwo.
\p
\v 10 Ingiekude \pn Ximun-Beduru\pn* nie khudogho bareizho. Lai khizhe zui fugie buwai hojii borun chighinyi chizhi agiwo. Hhe hojini nierei \pn Malegu\pn* giene. 
\v 11 \pn Ersa\pn* \pn Beduru\pn*de kieliewo, "Khudoghone xiuzide orogha. Adami made ogisan ene kuni bi ulie shouise olunu?"
\s Ersani Bareizhi Yanasini Melie Echizho
\p
\v 12 Ingiese budui, qienfuzhan, \png Yutai\png* kunni mechini sagheisan kunla \pn Ersa\pn*i barei banladene 
\v 13 \pn Yanasi\pn*i melie xien lai echighawo. \pn Yanasi\pn*shi hhe niehonyi zui fugie buwa danlasan \pn Gaiyafa\pn*ni ghadun wo. 
\v 14 Ene \pn Gaiyafa\pn*shi melieshi \png Yutai\png* kunlade ijien qilazhi "Nie kun bexinlade oluzhi fuguse haochu wine." giezhi kieliesan hhe kun wo.
\s Beduru Ersani Ese Renjizho
\r (Mat 26:69-70; Mak 14:66-68; Luj 22:55-57)
\p
\v 15 \pn Ximun-Beduru\pn* da nie tujighala \pn Ersa\pn*i daghazho. Hhe tuji zui fugie buwai tanine. Ingiese daghazhi zui fugie buwai ghoronde orowo. 
\v 16 \pn Beduru\pn* damen ghadane beizho. Zui fugie buwai taniku hhe tuji khizhe damen sagheisan oqinde nie kieliese \pn Beduru\pn*i oroghawo. 
\v 17 Wijien sagheisan hoji oqin \pn Beduru\pn*de kieliewo, "Chiye hhei tuji pushonu?" \pn Beduru\pn* kieliewo, "Pusho."
\p
\v 18 Hhe xienzide qienqi kuiqienshi hoji, mechini sagheisan kunla hhantu khan teidene beizhi kouizho. \pn Beduru\pn*ye hhelare hhantu beidene kouizho.
\s Zui Fugie Buwa Ersani Shenwun Giezho
\r (Mat 26:59-66; Mak 14:55-64; Luj 22:66-71)
\p
\v 19 Ingiese zui fugie buwa \pn Ersa\pn*de tujilaini, sughasanlaini shenwun giezho. 
\v 20 \pn Ersa\pn* kieliewo, "Bi kunlade mindaminji kieliezho. Bi chan huitande, mechide kunlade surughazho. Bi ghulazhi yama ese kieliezho. 
\v 21 Chi made yangiezhi asane? Asase chenliesan kunlade asale echi. Bi yan kieliesanyi hhela man mejiene." 
\v 22 \pn Ersa\pn* ene kielienyi kieliese shidani beisan nie mechini sagheisan kun khaghalane \pn Ersa\pn*i eghizhi kieliewo, "Chi zui fugie buwade imutu kielien kielienu?" 
\v 23 \pn Ersa\pn* kieliewo, "Bi kieliesan ese oluse chi kieliezhi mejiegha. Bi kieliesan oluzhoshi chi mini yangiezhi eghizho?" 
\v 24 Ingiese \pn Yanasi\pn* \pn Ersa\pn*i banlaghadene zui fugie buwa \pn Gaiyafa\pn*i hhende echighawo.
\p
\v 25 \pn Ximun-Beduru\pn* zhen beizhi khan xiekude nie kun hhende kieliewo, "Chiye hhei tuji pushonu?" \pn Beduru\pn* bi pusho giezhi ese renjiwo. 
\v 26 Da nie zui fugie buwai hojishi \pn Beduru\pn* chighinyini chizhi bouzheghasan hhei qingu wo. Hhe kieliewo, "Bi chii \pn Ersa\pn*re hhantu yenzide bisei ese chanlawu?" 
\v 27 \pn Beduru\pn* pse ese renjiwo. Deigo tigha kheilawo.
\s Bilado Ersani Panjizho
\r (Mat 27:1-2, 11-14; Mak 15:1-5; Luj 23:1-5)
\p
\v 28 Eqiemagha eqie \pn Ersa\pn*i \pn Gaiyafa\pn*i hhense \png Loma\png* kunyi shenzhanfude echighawo. Hhela goyane shenzhanfude ese orowo. Orose zannantukuse ayizho. Jiulidaosan Jieni xini ijie dane. 
\v 29 \pn Bilado\pn* khizhedene hhelade kieliewo, "Ta ene kunyi yan shiqinde zhazho?" 
\v 30 Hhela kieliewo, "Ene kun zui ulie fanjise bijien chade ulie ireghane." 
\v 31 \pn Bilado\pn* kieliewo, "Ta hhei uduru echi. Zhao goyane guijinghala panji." \png Yutai\png* kunla kieliewo, "Bijiende kun alaku qienli uwo." 
\v 32 Eneshi \pn Ersa\pn* melieshida goyane matui fugukune kieliesan kielien mutun gholuwo.
\p
\v 33 \pn Bilado\pn* pse shenzhanfude orodene \pn Ersa\pn*i uru ire hhende asawo, "Chishi \png Yutai\png* kunni honshan onu?" 
\v 34 \pn Ersa\pn* kieliewo, "Ene kielienshi chi goyane kieliesan onu, kunla mii kieliesan wo?" 
\v 35 \pn Bilado\pn* kieliewo, "Chi sumulase bishi \png Yutai\png* kun wo giezhou? Tai gojiai kunla, fugie buwala chii made jiuizhi ogizho. Chi yan giewo?" 
\v 36 \pn Ersa\pn* kieliewo, "Mini gojiashi ene duyaghun pusho. Mini gojia ene duyaghunshi mini hojila made oluzhi zhan eghizhi mii \png Yutai\png* kunlade jiuizhi ulie ogine. Mini gojiashi ene duyaghun pusho." 
\v 37 \pn Bilado\pn* hhende kieliewo, "Ingiese chishi honshan onu?"
\p \pn Ersa\pn* kieliewo, "Bishi honshan wo giezhi chi kieliezho. Mii oluzhi duyade iresanshi zhendaode ganzhen beine giezho. Zhendaode beisan kunla mini kielienyi chenliene." 
\v 38 \pn Bilado\pn* kieliewo, "Zhendaoshi yan wo?" Ene kielienyi kieliedene pse khizhesenu \png Yutai\png* kunlai hhende echi kieliewo, "Bi hhei zuini chaizhi khizhe dawo. 
\v 39 Tai nie xigonshi Jiulidaosan Jiede bi nie kun andaghane. Tande \png Yutai\png* kunni honshanyi tei giezhou?" 
\v 40 Ingiese hhela pse waradazhi kieliewo, "Bijien ene kunyi ulie kerene! \pn Balaba\pn*i kerene!" \pn Balaba\pn*shi nie panlon giesan kun wo.
\c 19
\p
\v 1 Ingiedene \pn Bilado\pn* mabienzighala \pn Ersa\pn*i eghighawo. 
\v 2 Buduila eghesunyi maghala onjidene qiorun jierei zhoghazhi zishei fudu jienyi musighawo. 
\v 3 Ingie shidani echi kieliewo, "\png Yutai\png* kunni honshan, onsui!" Ingiedene khaghalane eghizho. 
\v 4 \pn Bilado\pn* pse khizhedene bexinlade kieliewo, "Uzhe, bi hhei uduruzhi tai melie khizheghaye. Bi hhense yama zui chaizhi khizhe dasei ta mejiendu." 
\v 5 Ingiese \pn Ersa\pn* khizhewo. Eghesun maghala zhozho. Zishei fudu jien musizho. \pn Bilado\pn* hhelade kieliewo, "Uzhe, ene kun wo." 
\v 6 Fugie buwa, mechini sagheisan kunla hhei chanlasenu waradazhi kieliewo, "Hhei shizijia jiere ghada! Shizijia jiere ghada!" Ingiese \pn Bilado\pn* kieliewo, "Ta goyalane hhei shizijia jiere ghadale echi. Bi hhei zuiini chaizhi khizhe dawo."
\p
\v 7 Ingiese \png Yutai\png* kunla kieliewo, "Bijiende guijin wine. Zhao guijin mutunshi hhe fugukuni wo. Hhe goyane Hudai kewon wo giezho." 
\v 8 \pn Bilado\pn* ene kielienyi sonosudene genjia ayizho. 
\v 9 Ingie shenzhanfude orosenu \pn Ersa\pn*de asawo, "Chishi khalase iresan wo?" \pn Ersa\pn* yama huida ese giewo. 
\v 10 \pn Bilado\pn* kieliewo, "Chi made kielien ulie kielienu? Made chii andaghaku, shizijia jiere ghadaku qienli bikui chi ulie mejienu?"
\p
\v 11 \pn Ersa\pn* kieliewo, "Asiman jierese chade qienli ese ogizhoshi chi mii yama gie dane. Ingiese mii chade jiuisan hhe kunde zui pse gundu wo."
\p
\v 12 Enense khuinashi \pn Bilado\pn* \pn Ersa\pn*i andaghane giezho. \png Yutai\png* kunla waradazhi kieliewo, "Chi ene kunyi andaghase \pn Kaisa\pn* honshanni goude ese zunjizho. Kien goyane honshan giezhi kieliese \pn Kaisa\pn* honshanyi ghudanduwo giezho."
\p
\v 13 \pn Bilado\pn* ene kielienyi sonosudene \pn Ersa\pn*i laizhi khizhesenu shenpantai jiere souwo. Sousan hhe oronyi Puisan Tashi giene. \png Xibolai\png* kielienghala \png Jiabada\png* giene. 
\v 14 Hhe niudushi Jiulidaosan Jieni zhunbei giesan uduni udukun xienzi wo. \pn Bilado\pn* \png Yutai\png* kunlade kieliewo. "Uzhe, eneshi tai honshan wo." 
\v 15 Hhela waradazhi kieliewo, "Hhei widagha! Hhei widagha! Shizijia jiere ghada!"
\p \pn Bilado\pn* kieliewo, "Bi tai honshanyi shizijia jiere ghadase olunu?"
\p Fugie buwala kieliewo, "\pn Kaisa\pn* honshanse andase bijiende honshan uwo." 
\v 16 Ingiese \pn Bilado\pn* \pn Ersa\pn*i hhelade jiuizhi shizijia jiere ghada giewo. Hhela \pn Ersa\pn*i laidene echiwo.
\s Ersani Shizijia Jiere Ghadazho
\r (Mat 27:32-44; Mak 15:21-32; Luj 23:26-43)
\p
\v 17 \pn Ersa\pn* goyane shizijiai beiliezhi khizhedene qiorun yasun oron giezhi urusan nie oronde echiwo. \png Xibolai\png* kielienghala kieliese \png Gegeta\png* giene. 
\v 18 Hhende \pn Ersa\pn*i shizijia jiere ghadawo. Da ghua kunyi niemiendei nie ghadawo. \pn Ersa\pn* dunda wo. 
\v 19 \pn Bilado\pn* nie peizi huaidene shizijia jiere guaighawo. Huaisanshi \png Nasale\png* kun \pn Ersa\pn* \png Yutai\png* kunni honshan giezho. 
\v 20 \pn Ersa\pn*i ghadasan oron chenshise gholo uwo. Peizi jiere huaisanshi \png Xibolai\png*, \png Loma\png*, \png Xila\png*ni uroughala huaizho. Ingiese olon \png Yutai\png* kunla peizi jiere huaisei onshizho. 
\v 21 \png Yutai\png* kunni fugie buwala \pn Bilado\pn*de kieliewo, "'\png Yutai\png* kunni honshan' giezhi bu huai. Huaise, 'Ene kun goya bishi \png Yutai\png* kunni honshan wo giezho.' giezhi huai." 
\v 22 Ingiese \pn Bilado\pn* kieliewo, "Bi huaikune huai baraghawo."
\p
\v 23 Buduila \pn Ersa\pn*i shizijia jiere ghadasenu jienyini agi bouzhe jieran gholughadene nie kunde nie ghughawo. Pse sudorodu jienyini agise hhe jiendeni hudusan oron uwo. Jiere dourashi hulun giesan wo. 
\v 24 Hhela nieniedene kieliewo, "Matan sidazhi bu keighaye. Kiende irekui matan fendan qianguye." Ingiedene jinwun jieredu kielien mutun gholuwo,
\q1 "Hhela mini jienni ghughane.
\q2 Mii sudorodu jienni fendan qiangune."
\m Buduila zhenzhenji ingiezhi giewo. 
\v 25 \pn Ersa\pn*i shizijia shida beisan kun dunda \pn Ersa\pn*i anani, inianni, \pn Geloba\pn*ni bierei \pn Mereiyen\pn*, \png Modala\png*ni \pn Mereiyen\pn* wine.
\p
\v 26 \pn Ersa\pn* anani, oresan tujini kanzide beisanyi chanladene anadene kieliewo, "Ana, eneshi chii kewon wo." 
\v 27 Pse hhe tujidene kieliewo, "Uzhe, eneshi chii ana wo!" Enense khuinashi hhe tuji anaini jienliezhi giedene echiwo.
\s Ersa Duya Ijiezho
\r (Mat 27:45-56; Mak 15:33-41; Luj 23:44-49)
\p
\v 28 Enense khuinashi \pn Ersa\pn* shiqinlane gie baraghasanyi mejiedene jinwun jieredu kielienyi gholughane giezhi kieliewo, "Bi undasuzho." 
\v 29 Cui zhonlozhi durughasan tantanyi hhende jiezho. Hhela haimienni cude zhanjidene osun gangan jiere banla, amandeni echighawo. 
\v 30 Ingiese \pn Ersa\pn* cui ochidene kieliewo, "Chenjiwo!" Ingiedene qiorunne ghodeise ho sirawo.
\p
\v 31 Ene udushi \png Yutai\png* kunla hhamuraku udude zhunbei gieku udu wo. Pse ene faku hhamuraku udushi nie fugie udu wo. Ingiese \png Yutai\png* kunla \pn Bilado\pn*i xiahua giezhi hhelai shigharai\f + \fr 19:31\fr* \ft Hhelai ghujighan fugughane giezhi shigharai ghuraghawo. \ft*\f* eghizhi ghuraghadene agi widagha giezho. Hhamuraku udude fugusan kunyi shizijia jiere jiese gou uwo giezho. 
\v 32 Ingiese buduila iredene \pn Ersa\pn*re hhantu ghadasan hhe ghua kunyi shigharai eghizhi ghuraghawo. 
\v 33 Ingie \pn Ersa\pn*i shida ire nie uzhese hhe duya ijiezho. Hhei shigharaini eghizhi uye ghuraghawo. 
\v 34 Ingiese niekozi budui zhidaghala leibadeni nie chujise chusun, usu usuru khizhewo. 
\v 35 Ene shiqinyi qinsi uzhesan kun ganzhen beizhi tai xianxin gieghane giezho. Hhe beisan ganzhenshi zhenni wo. Goyane kieliesanshi zhenni bikui mejiene. 
\v 36 Ene shiqinla fashen giekushi jinwun jieredu kielienyi gholughane giezho, "Hhei yasun nieda ulie ghurane." 
\v 37 Dou nie jinwun jiere kieliezho, "Hhela goya chujisan kunne uzhene."
\s Ersai Bulazho
\r (Mat 27:57-61; Mak 15:42-47; Luj 23:50-56)
\p
\v 38 Enense khuinashi \pn Ersa\pn*ni nie tuji \png Yalimatai\png* kun \pn Yusufu\pn* giene. Hhe \png Yutai\png* kunlase ayise ghulazhi tuji danlazho. Hhe \pn Bilado\pn*i xiahua giezhi \pn Ersa\pn*i beyei kerezho. \pn Bilado\pn* tunyi oluse \pn Ersa\pn*i beyeni agi echiwo. 
\v 39 Melieshi xienidei \pn Ersa\pn*i ochirale iresan \pn Nigedemu\pn*ye huighasan guizhuntu caoye, luhuini 65 jin bareizhi irewo. 
\v 40 Hhela zhao \png Yutai\png* kunni bulaku xigonghala \pn Ersa\pn*i beyeni bosi xianshuighala boui goudaghawo. 
\v 41 \pn Ersa\pn*i shizijia jiere ghadasan oronde nie yenzi wine. Yenzide nie shini alimatu meza wine. Kun teizhi uye daozho. 
\v 42 Hhe niudushi \png Yutai\png* kunlai zhunbei gieku udu wo. Pse hhe meza chadashi hhela \pn Ersa\pn*i hhende bulawo.
\c 20
\s Ersa Aminne Oluzho
\r (Mat 28:1-8; Mak 16:1-8; Luj 24:1-12)
\p
\v 1 Xinqini eqiemagha udu da khara bikude \png Modala\png*ni \pn Mereiyen\pn* mezade irewo. Nie uzhese tashi meza kouzise noi daozho. 
\v 2 Ingie holuzhi echidene \pn Ximun-Beduru\pn*, \pn Ersa\pn* oresan tujide kieliewo, "Kunla mezase Ezhanni agi echizho. Khala jiesanyi ulie mejiene." 
\v 3 Ingiese \pn Beduru\pn* hhe tujighala khizhe mezai hhende echiwo. 
\v 4 Hhe ghuala hhantu holuzho. Hhe tuji \pn Beduru\pn*se holuzhi ghujinshi xien mezade kuruwo. 
\v 5 Ghodeidene sudoro nie uzhese bosii hhende jiesanyi chanlawoma, orozhi ese echiwo. 
\v 6 Ingie \pn Ximun-Beduru\pn* khuinasei kuzhi ire mezade orowo. Bosini hhende jiesanyi chanlawo. 
\v 7 Pse \pn Ersa\pn*i qiorunni huisan toujin bosighala hhantu ese jiezhi niemiende horo jiesei chanlawo. 
\v 8 Ingiedene melieshi kuzhi iresan hhe tujiye mezade orozhi echi uzhedene xianxin giewo. 
\v 9 Hhela \pn Ersa\pn* fugusan kun dundase aminne olune giesan jinwun jieredu ene kielienyini dunjire dazho. 
\v 10 Ingiedene ghua tujila sousan orondene echiwo.
\s Modalani Mereiyende Chujiegheghazho
\r (Mat 28:9-10; Mak 16:9-11)
\p
\v 11 \pn Mereiyen\pn* meza ghadane beizhi wilazho. Wilakudeni ghodei mezade nie uzhese 
\v 12 ghua chighan jien musisan qienxienyi chanlawo. \pn Ersa\pn*i teisan oronde souzho. Nie qiorun konde wo, nie kon konde wo. 
\v 13 Hhela \pn Mereiyen\pn*de asawo, "Funi, chi yangiezhi wilazho?" Hhe kieliewo, "Kunla mii Ezhanyi agi echizho, khala jiesei ulie mejiene." 
\v 14 Ene kielienyi kieliesenu ochira daozhese \pn Ersa\pn* hhende beisei chanlawoma, \pn Ersa\pn* bikui ulie mejiene. 
\v 15 \pn Ersa\pn* hhende kieliewo, "Funi, chi yangiezhi wilazho? Kienyi ereizho?" \pn Mereiyen\pn* \pn Ersa\pn*i yenzi sagheisan kun wo giezhi asawo, "Gujiu, chi hhei noighazhi khala jiezhoshi made kielie. Bi agile echiye." 
\v 16 \pn Ersa\pn* kieliewo, "\pn Mereiyen\pn*!" \pn Mereiyen\pn* ochiradene \png Xibolai\png* kielienghala hhende kieliewo, "Laboni!" Labonii isishi 'loushi' wo. 
\v 17 \pn Ersa\pn* kieliewo, "Chi mii bu barei. Bi da adane hhende ese khireizho. Chi echidene mii gaijiulade bi adane hhende khireine giezhi kielie. Hheshi tai adaye enbene, mii Huda wo, tai Hudaye enbene." 
\v 18 \png Modala\png*ni \pn Mereiyen\pn* echidene tujilade kieliewo, "Bi Ezhanyi chujieghewo!" Pse Ezhan hhende kieliesan kielienlai hhelade kieliewo.
\s Tujiladene Chujiegheghazho
\r (Mat 28:16-20; Mak 16:14-18; Luj 24:36-49)
\p
\v 19 Xinqini yen hhe uduni xienidei tujila hhantulasan oronde \png Yutai\png* kunlase ayise wijienlane khazho. \pn Ersa\pn* hhelai dunda ire beizhi kieliewo, "Ta pinnan onu?" 
\v 20 Ene kielienyi kieliesenu hhelade kha, leibane uzheghawo. Tujila Ezhanyi chanladene bayasuzho. 
\v 21 Ingie \pn Ersa\pn* pse hhelade kieliewo, "Ta pinnan onu? Adami mii peisan mutun biye tai peine." 
\v 22 Ene kielienyi kieliedene hhelade nie feiliesenu kieliewo, "Ta Shenlinyi jienliendu. 
\v 23 Ta kienyi zuini mienliese kienyi zui widane, kienyi zuini ulie mienliese kienyi zui ulie widane."
\s Domade Chujiegheghazho
\p
\v 24 12 gie tuji dundadu Shongo giezhi urusan \pn Doma\pn* \pn Ersa\pn* irekudeni hhelare hhantu uwo. 
\v 25 Psedu tujila hhende kieliewo, "Bijien Ezhanyi chujieghewo!" \pn Doma\pn* kieliewo, "Bi hhei kha jieredu ghadasan oronyini, leibade chujisan oronyini ulie uzhetula xianxin ulie giene."
\p
\v 26 Neimudu daodene hhei tujilani pse giedera hhantulazho. \pn Doma\pn*ye hhelare hhantu wo. Wijienlai man khazhoma, \pn Ersa\pn* iredene hhelai dunda beizhi kieliewo, "Ta pinnan onu?" 
\v 27 Ingie \pn Doma\pn*de kieliewo, "Khaghurunne enende teizhi mii khai uzhe. Khane khizheghazhi mii leibai moizhi uzhe. Inxin bu gie, xianxin gie." 
\v 28 \pn Doma\pn* kieliewo, "Mii Ezhan, mii Huda!" 
\v 29 \pn Ersa\pn* kieliewo, "Chi mii uzhedene xianxin gienu? Ese uzhedene xianxin giesan kunlade fuqi wine."
\s Ene Shuni Muji
\p
\v 30 \pn Ersa\pn* tujilai melie ene shu jiere uye jilasan ghudureqi da olon xienjighawoma, 
\v 31 enende jilasanlashi \pn Ersa\pn*shi Hudai Kewon Mexiha bikui tai xianxin gieghane giezhi pse xianxin giedene hhei niereghala tande amin ireghane giezhi huaizho.
\c 21
\s Dolon Tujiladene Chujiegheghazho
\p
\v 1 Ene shiqinse khuinashi \pn Ersa\pn* \png Qibiliyahai\png* bienzide tujiladene pse chujiegheghawo. Hhe matugie chujiegheghasei doura huaizho. 
\v 2 \pn Ximun-Beduru\pn*, Shongo giezhi urusan \pn Doma\pn*, \png Jialili\png*ni \png Jiana\png* kun \pn Nadanye\pn*, \pn Xibitai\pn*ni kewonla, pse ghua tuji enela man hhantu wo. 
\v 3 \pn Ximun-Beduru\pn* hhelade kieliewo, "Bi zhaghasun bareile echine." Hhela kieliewo. "Bijienye chare hhantu yoye." Hhela khizhi echisenu chon jiere khiwo. Hhe xii hhela yama barei dazho. 
\v 4 Ogheine giekude \pn Ersa\pn* haibienzide beizho. Tujila hheshi \pn Ersa\pn* bikui ulie mejiene. 
\v 5 \pn Ersa\pn* hhelade kieliewo, "Zhanlienla, ta zhaghasun bareiwoye?" Hhela kieliewo, "Uye." 
\v 6 \pn Ersa\pn* kieliewo, "Ta onni chonni borun miende teima, zhaghasun barei shidane." Ingiese hhela onni chonyi borun miende teiwo. Zhaghasun texien olon, laizhi khizhe dazho. 
\v 7 \pn Ersa\pn* oresan hhe nie tuji \pn Beduru\pn*de kieliewo, "Hheshi Ezhan wo!" Hhe shihoude \pn Beduru\pn* jien ese musizho. Ezhan wo giezhi nie sonosuse jienne pixilie hude jiuli bouwo. 
\v 8 Psedu tujila haibienzise gholo uwo, chabudu 100 mi wine. Chon jiere soudene nie on zhaghasunyi laizhi daozhewo. 
\v 9 Hhela bienzide khisenu nie duizi mutan khan chujieghewo. Khan jiere zhaghasun teizho, ginanye wine. 
\v 10 \pn Ersa\pn* hhelade kieliewo, "Ta jian bareisan zhaghasunsene giedun agi daozhe." 
\v 11 \pn Ximun-Beduru\pn* chon shida echidene onni laizhi bienzide khizheghawo. Onde fugie zhaghasun duruzho, 153 gie wine. Ingieliuzhe on ese tanturazho. 
\v 12 \pn Ersa\pn* kieliewo, "Ta yushe ijiele irendu." Tujila hheshi Ezhan bikui mejiedene chishi kien wo giezhi kiema asa dazho. 
\v 13 \pn Ersa\pn* ginanyi bareizhi hhelade ogiwo. Zhaghasunyiye ingiezhi hhelade ogiwo. 
\v 14 Eneshi \pn Ersa\pn* fugusan kun dundase aminne olusenu tujiladene 3 hui chujiegheghasan wo.
\s Bedurude Asazho
\p
\v 15 Hhela yushe ijiedene \pn Ersa\pn* \pn Ximun-Beduru\pn*de asawo, "\pn Yaheiya\pn*ni kewon \pn Ximun\pn*, chi made oresan enelase hen onu?" \pn Beduru\pn* kieliewo, "Ezhan, bi chade oresei chi mejiene." \pn Ersa\pn* kieliewo, "Chi mii ga ghonilai chezhe." 
\v 16 \pn Ersa\pn* 2 hui hhende asawo, "\pn Yaheiya\pn*ni kewon \pn Ximun\pn*, chi made orezhoye?" \pn Beduru\pn* kieliewo, "Ezhan, bi chade oresei chi mejiene." \pn Ersa\pn* kieliewo, "Chi mii ghonilai adula." 
\v 17 \pn Ersa\pn* hhende 3 hui asawo, "\pn Yaheiya\pn*ni kewon \pn Ximun\pn*, chi made orezhoye?" \pn Ersa\pn* \pn Beduru\pn*de 3 hui orezhoye giezhi asase \pn Beduru\pn* nango giezhi \pn Ersa\pn*de kieliewo, "Ezhan, chi yanniliuzhe mejiene. Bi chade oresei chi mejiene." \pn Ersa\pn* kieliewo, "Chi mii ghonilai chezhe. 
\v 18 Bi chade shuhuajia kielieye, chi nasuchighan bikude yodaine banlazhi khalabi khala echinema, oqioluse kunla chii khai banlazhi chi duran wiku oronde deila echine." 
\v 19 \pn Ersa\pn* ene kielienyi kieliekushi \pn Beduru\pn* matugie fuguzhi Hudai kuaikui kieliezho. Ene kielienyi kieliesenu hhende kieliewo, "Chi mii dagha."
\s Ersa Oresan Tujighalane
\p
\v 20 \pn Beduru\pn* ochira daozhese \pn Ersa\pn* oresan hhe tuji daghasei chujieghewo. Ene tujishi heifan ijiekude \pn Ersa\pn*i kanzii shighazhi, "Ezhan, chii ghudandukushi kien wo?" giezhi asasan hhe wo. 
\v 21 \pn Beduru\pn* hhei chujieghedene \pn Ersa\pn*de asawo, "Ezhan, ene kun jianlai matui gholune?" 
\v 22 \pn Ersa\pn* hhende kieliewo, "Bi hhei ulie fugughazhi bi pse ireku shihou oluliuzhe chare yan xiangan wo? Chi mini dagha." 
\v 23 Ene kielien gaijiulai chighinde echizhi "Hhe tuji ulie fugune." giezhi kieliezho. Shijishan \pn Ersa\pn* "Hhe ulie fugune." giezhi ese kieliezho. "Bi hhei ulie fugughazhi bi pse ireku shihou oluliuzhe chare yan xiangan wo." giezhi kieliezho.
\p
\v 24 Ene kunshi ene shiqinlade ganzhen beizhi jilasan hhe tuji wo. Hhe beisan ganzhenshi zhenni bikui bijien mejiene. 
\v 25 \pn Ersa\pn* giesan shiqinla da olon hen wo. Bi sumulase nienieji jilane giese huaisan shu olonde, duyadeliuzhe teizhi pudagha dane.