\id HEB DongXiang: DongXiang Bible draft 2
\usfm 3.0
\ide UTF-8
\ide 65001 - Unicode (UTF-8)
\rem Copyright Information: For any non-Paratext use of this text, permission must be obtained from the copyright holder.
\h Xibolai Kunlade Huaisan Xin
\toc1 Xibolai Kunlade Huaisan Xin
\toc2 Xibolai
\toc3 Xib
\mt Xibolai Kunlade Huaisan Xin
\c 1
\s Huda Kewonne Tungo Giezhi Kieliewo
\p
\v 1 Gushihoude Huda xienzhilai tungo giezhi mai xienrenlade haojihui, olon banfaghala kieliewo. 
\v 2 Duya baraku ene xienzide kewonne tungo giezhi matande kieliewo. Huda hhei soyujilai jienliechen kun danlaghawo. Da hhei tungo giezhi alanni zhayaghawo. 
\v 3 Hheshi Hudai famatui faighachen gon wo. Hudai xinbinni onqiende daibio giezho. Nenlitu kielienghalane yanyanjilai gonjizho. Mai zuini ganjinraghadene undu, fugietu Hudai borun miende souzho. 
\v 4 Hhe jienliesan niere qienxienlani nierese fama wo. Ingiezhi qienxienlase undudawo.
\s Hudai Kewon Qienxienlase Hen Wo
\p
\v 5 Huda alinie qienxiende,
\q1 "Chishi mii kewon wo.
\q2 Enedu bi chade ada danlawo."
\m giezhi kieliezhi daozho?
\m Pse,
\q1 "Bi hhende ada danlane.
\q2 Hhe made kewon danlane."
\m giezhi kieliezhi daozho?
\m
\v 6 Pse Huda fugie kewonne duyade ireghakude,
\q1 "Hudai qienxienla, man hhei beii."
\m giezhi kieliezho.
\m
\v 7 Huda qienxienlani kieliese,
\q1 "Huda qienxienlane kei gholughazho,
\q2 hojilane khan gholughazho."
\m giezhi kieliezhoma,
\m
\v 8 kewonne kieliese,
\q1 "Huda, chii baozoshi chanqi izhiku wo.
\q2 Chi gundannighala goyane gojiani gonjizho.
\q1
\v 9 Chi gundannide xiqi wo, doghunnii henjizho.
\q2 Ingiese Huda, yeshijiu chii Huda chade bayasukui ogizhi
\q2 hhantu kunlase daoghawo."
\m giezho.
\m
\v 10 Pse kieliezho,
\q1 "Ezhan, dei qiikude chi zeminde jichu giewo.
\q2 Asimanyiye chi khaghalane giewo.
\q1
\v 11 Zemin, asiman widanema, chi izhi wine.
\q2 Hhela man jien mutun khuichenrane.
\q1
\v 12 Chi hhelai jien mutun horo agine.
\q2 Hhela jien mutun bienjinema,
\q1 Zinie chi niekielien wo.
\q2 Chanqi amiturane."
\m
\v 13 Huda alinie qienxiende,
\q1 "Bi duitoulaichii kon dourachii teitula
\q2 chi mii borun miende sou."
\m giezhi kieliezhi daozho?
\m
\v 14 Qienxienlashi man zinie ushilachen ruhher wo. Huda peidene jiuikuni jienliene giesan kunlai ushilaghachen wo.
\c 2
\s Jiuiku Nenjienni Meilade Bu Uzhe
\p
\v 1 Ingiese matan chenliesan daolini ijinyo genjia goude jilakuni wo. Pse daolise wirulane. 
\v 2 Qienxienlai tungo giezhi kieliesan kielien xiogo wine. Jien zui fanjizhi ese shunjisanlai man gundande faiwo. 
\v 3 Ingiese matan imekie fugie jiuikui yamacha ulie teise matugie faikuse andane? Ene jiuikushi Ezhan xien qinsi kieliesan wo, khuinashi Ezhanse chenliesan kunla matande zhenmin giewo. 
\v 4 Hudaye ghudureqi, fugie shiqin, yanyanji nenlitu shiqinghala, pse duranghalane kunlade ghughazhi ogisan Shenlinni nenjienghala hhantu ganzhen beiwo.
\s Mai Jiuichen Ersa Kun Gholuwo
\p
\v 5 Matan ede kieliesan jianlaiku duyani Huda qienxienlade jiuizhi ese gonjighazhoma, 
\v 6 jinwun jieredu nie oronde ganzhen beizhi kieliezho.
\b
\q1 "Kunshi yan wo, chi dou hhende zhughe chilane?
\q2 Kunshi yan wo, chi dou hhei zhaogu giene?
\q1
\v 7 Chi hhei zhanshi jiere qienxienlase boghonidaghawo.
\q2 Hhende fama, zhiguitu maghalai zhoghawo.
\q1
\v 8 Soyujilai hhei kon doura shunjighawo."
\m Hhende soyujilai shunjighawo giese hhei uye shunjikui nieda uwoma, ede soyujila hhei shunjisei matan dou chanla dazho. 
\v 9 Matan chanlasanshi qienxienlase zhanshi jiere boghonidasan \pn Ersa\pn* wo. Hhe fuguku kui shouidene fama, zhiguitu maghalai zhowo. Hudai nenjienghala jien kunlade oluzhi fuguzhi daozho.
\p
\v 10 Soyujilashi Hudade oluzhi, Hudai tungo giezhi bisan wo. Hhe olon kesilane famade udurukude shouku giekughala hhelai jiuiku touzi \pn Ersa\pn*i hulunshighase heshi wo. 
\v 11 Kunlai zhiguishighasan \pn Ersa\pn*, pse hhezighan zhiguishisan kunla man nie Adase irezho. Ingiese hhe hhelai gaijiu giezhi uruse shizhekui uwo. 
\v 12 Hhe kieliezho,
\q1 "Bi gaijiuladene chii nierei chonjine.
\q2 Bi hhantulasan kunlai dunda chii doulane."
\m
\v 13 Pse kieliezho,
\q1 "Bi hhei kouine."
\m Pse kieliezho,
\q1 "Uzhe, bi, pse Huda made ogisan kesilare enende wine."
\b
\p
\v 14 Ingiese kesilade beye biku mutun hhe goyaneye kunni beye gholuzhi fugukui tungo giedene fugukuni qienlii bareisan Ibilisii widaghawo, 
\v 15 pse hhezighan fugukuse ayizhi ibeizi hoji danlasan kunlai andaghawo. 
\v 16 Hhe shuhua qienxienlade banman ese giedene \pn Iburaheimu\pn*ni houdeilade banman giewo. 
\v 17 Ingiese hhe gofanmiende gaijiularene xianlitui gholuse indanji wo. Ingiekushi Hudai melie ubali xiichen, shixinji giechen zui fugie buwa gholudene kunlai zuini shuine giezho. 
\v 18 Hhei shouku giekughala shiizhi daozho. Ingiese hhe hhezighan shiisan kunlade banman gie shidane.
\c 3
\s Ersa Musase Hen Wo
\p
\v 1 Ingiese Huda hhantu urusan zhiguitu gaijiula, matan xianxin giesan Huda peisan, zui fugie buwa \pn Ersa\pn*ni goude sumula. 
\v 2 Hhe hhei peisan Hudade gieku \pn Musa\pn* mechide shixinji giekughala niekielien wo. 
\v 3 Gie giesan kunde giese kuaikui olon mutun \pn Ersa\pn*de \pn Musa\pn*se kuaikui olon wo. 
\v 4 Gielade man giesan kun winema, soyujilai zhayaghasanshi Huda wo. 
\v 5 \pn Musa\pn* Hudai gieni soyuji kunlade hoji danladene shixinde giezhi jianlai kielieku shiqinde ganzhen beizhoma, 
\v 6 Mexiha Hudai giede kewon danlazhi shixinde giezho. Matan danzine fugiedaghazhi panjisanne goude bareise matanshi mechi wo.
\s Hudai Bexinla Hhamuraku
\p
\v 7 Ingiese Shenlin kieliezho,
\q1 "Enedu ta Hudai shenqini sonosuse
\q2
\v 8 hhe xienzide bexinla hontande Hudai shiizhi
\q1 Zodui gieku mutun
\q2 zhughene bu khiduzhegha.
\q1
\v 9 Tai xienrenla bi 40 nien giesei uzhewoma,
\q2 yen hhende mii shiizhi kaoyen giewo.
\q1
\v 10 Ingiese bi hhe idai kunlade hokuzhi kieliewo,
\q2 'Hhelai zhugheni chan miizhi
\q2 mii moni tani dane.'
\q1
\v 11 Bi hokudene
\q2 hhela mii hhamurakude ibeizi oro dane
\q2 giezhi fayen giewo."
\p
\v 12 Gaijiula, ta xioxin gie, pse tai dunda niezhan kunla doghun zhugheghala xianxin ulie giedene chanqiku Hudase likai giene. 
\v 13 Shijienni enedu giezhi urukude niudunie nieniene surughazhi kielie, pse tai dunda niezhan kunlai zui miidene zhugheini khiduzheghane. 
\v 14 Matan dei qiikude xianxin giesanne zuihou kutula izhi xiacha giese Mexihare hhantu nexian jienliene. 
\v 15 Jinwun jiere kieliezho,
\q1 "Enedu ta Hudai shenqii sonosuse
\q2 hhela zodui gieku mutun zhughene bu khiduzhegha."
\m
\v 16 Hudai shenqii sonosudene hhere zodui giesanshi kien wo? \pn Musa\pn* \png Aiji\png*se uduruzhi khizhesan soyuji kunla pushonu? 
\v 17 Huda 40 niende kiende hokuzho? Hhezighan zui fanjidene fugusan beyeni hontande feiliesan kunlade pushonu? 
\v 18 Mii hhamurakude oro dane giezhi Huda kiende fayen giewo? Hhezighan ese shunjisan kunlade pushonu? 
\v 19 Matan uzhese hhela hhamurakude oro dakushi xianxin ese giezho.
\c 4
\p
\v 1 Ingiese Hudai hhamurakude oroku dain giesan winema, matanyi dunda niezhanla hhamurakude oro dakuse matan ayikui wo. 
\v 2 Hhelade gouxioxii chonjiku mutun matandeye chonjizhoma, hhela daolini chenliekude xianxin giekughala ese jienliezho. Ingiese chenliesan hhelade yama oronde uwo. 
\v 3 Matan xianxin giesan kun hhamurakude orozho. Huda kieliesan mutun,
\q1 "Bi hokudene
\q2 hhela mii hhamurakude ibeizi oro dane
\q2 giezhi fayen giewo."
\m Ingiezhoma, Hudai wilie duyai zhayaghasanse gholuzho. 
\v 4 Jinwun jieredu nie oronde ji 7 qienni ingiezhi kieliezho, "ji 7 qiende Huda soyuji wilielasene hhamurawo." 
\v 5 Pse enezighande kieliezho, "Hhela mii hhamurakude ibeizi oro dane!" 
\v 6 Hhamurakude ezighan kunla oronema, eqighandei gouxioxii chenliedene ese shunjisan kunla oro dawo. 
\v 7 Huda pse niekozi udui enedu giezhi jinjidene khuinashi \pn Dawude\pn*i tungo giezhi ene udui kieliezho. Eneshi jiere injisan jinwun wo,
\q1 "Enedu ta Hudai shenqii sonosuse
\q2 zhughene bu khiduzhegha."
\m
\v 8 \pn Yeshuya\pn* hhelade hhamurakui ogizhoshi Huda khuinashi psedu udui ulie kieliene. 
\v 9 Ingiese Hudai bexinlade da nie hhamuraku wine. 
\v 10 Huda wilielane ese giedene hhamuraku mutun Hudai hhamurakude orochen kunla wilielane ese giedene hhamurazho. 
\v 11 Ingiese matan hhe hhamurakude ijinyo xiacha giezhi orokui wo. Pse ese shunjisan hhelai yanzii daghazhi furane.
\p
\v 12 Hudai kielienshi amitu, zoin bitui wo, yanyanji ghua renzitu khudoghose da xidu wo. Lien kunni jinshen ruhherji mouzi gusuide orozhi ghua gholughane. Zhugheni sumulaku zhuyiniliuzhe fenji shidane. 
\v 13 Zhayaghasan yanliuzhe Hhei melie niuighakui uwo. Man Hhei melie khizhene. Matan hhende ijinyo zhan jiuine.
\s Zui Fugie Buwa Ersa
\p
\v 14 Matande asimande khisan famatu niekozi zui fugie buwa wine. Hheshi Hudai kewon \pn Ersa\pn* wo. Ingiese matan xianxin giesanne xiacha gieye. 
\v 15 Matanyi zui fugie buwa matanyi zholienni ulie mejiekui uwo. Hhei yandeliuzhe matan mutun shiizhi daozhoma, zui ese fanjizho. 
\v 16 Ingiese matan danzine fugiedaghadene nenjientu baozo melie echiye. Hhende matande ubali xiizhi kerekude banman giene.
\c 5
\p
\v 1 Alinie zui fugie buwaliuzhe kun dundase sunghudene kunni oronde Hudai shiqinyi gonjighazho. Hhela Hudade mure ogizhi zuini shuiku sidagha giezho. 
\v 2 Hheladeye gofanmiende zholienni wine. Ingiese yama ulie mejiezhi codasan kunlade renyide giene. 
\v 3 Hhelade zholienni bise bexinlai zuide oluzhi sidagha gieku mutun goya zuideneye indan sidagha giene. 
\v 4 Kiema zui fugie buwani minshenyi goyadene iregha dane, zinie \pn Hharune\pn* mutun Huda sunghuse olune.
\p
\v 5 Niekielien wo. Mexihaye zui fugie buwa danlaku kuaikui goyadene ese ireghazho. Zinie
\q1 chishi mii kewon wo.
\q2 Enedu bi chade ada danlawo
\m giesan Huda hhende kuaikui ogizho. 
\v 6 Jinwun jiere pse nie oronde Huda pse kieliezho,
\q1 "Chishi \pn Maijixide\pn* mutun chanqiku buwa wo."
\m
\v 7 \pn Ersa\pn* duyade bikude baratazhi wilazhi onxian giezhi goyai fugukuse jiui shidaku Hudai xiahua giezho. Huda hhei xienlian mutun dain giewo. 
\v 8 Hheshi Hudai Kewon woma, ku shouikughala shunjikui suruwo. 
\v 9 Hhe ingiezhi hulunshidene hhei shunjisan soyuji kunlade oluzhi chanqiku jiuiku genzi gholuwo. 
\v 10 Ingie Huda hhei \pn Maijixide\pn* mutun zui fugie buwa danlaghawo.
\s Jiomun Jiere Khiduzhe
\p
\v 11 Ene shiqinlai kieliese bijiende kielieku kielien olon woma, ta menshi kieliezhi qinchu olugha dane. 
\v 12 Imegheichade ta loushi danlakui woma, dou Hudai daolini jichui kunla tande sughaku biyo wine. Ta zinie neizi ijiene, khidunni ijie dazho. 
\v 13 Jien neizi ijiechenshi yeliwa wo, yanshi gou daoli bikui ulie mejiene. 
\v 14 Zinie fugiedasanla khidunni ijiene. Hhelai lienjizhi daose gouni, roni fenji shidane.
\c 6
\p
\v 1-2 Ingiese matan Mexihani daolii kaishi giekui khuinane jiedene, fugughaku wilielai geizhen gieku, Hudai xianxin gieku, xilini surughaku, kha teizhi onxian gieku, fugusan kun aminne oluku, zuihou shenpan gieku enezighan jichulai pse bu daidene hulunshikude daiye. 
\v 3 Huda dain giese matan hulunshikude daine. 
\v 4 Hhezighan gon zhouidene niefa giegherezhi, asimanni nenjienni jingo giezhi, Shenlinni xianshou giezhi, 
\v 5 Hudai kielien gou biku, houshini famani jingo giezhi daosan kunla 
\v 6 zhendaoni bendase hhela erchan shinishizhi geizhen gie dane. Qinsi Hudai kewonyi pse shizijia jiere ghadazhi minminji shizheghazho.
\p
\v 7 Nie ghazha chan bousan ghurai xiidene cai osizhi tareisan kunde zoin bise Hudase fuqi irene. 
\v 8 Ghazhade eghesun, osun osise yama zoin widazho, kharaku ghujinlazhi zuihoude siderane.
\p
\v 9 Bijienyi orentula, ingiezhi kieliezhoma, tai qinkonla goudazhi jiuikuse chadashisei bijien hende xianxin giezho. 
\v 10 Hudashi gundan wituni pusho. Ta giesan wilie, pse hhei nierede oluzhi oresanlai ese matazho. Eneshi ta eqighandei shentulai zhaogu giezhi edeliuzhe ushilazho. 
\v 11 Bijien xiwon giese ta kienliuzhe panjisanla man gholutula niekielienji rexinde giezhi zuihoude kuru. 
\v 12 Ingiese ta ulie langanshizhi hhezighan xianxin giedene rennai giezhi dain giesanyi jienliesan kunlanughunyi surune.
\s Hudai Dain
\p
\v 13 Huda \pn Iburaheimu\pn*de dain giekude goyasene fugienii zhiizhi fayen giekui uwoshi goyane zhiizhi fayen giezhi kieliewo, 
\v 14 "Bi ijinyo chade fuqi olon ogizhi houdeilaichii hende olodoghane." 
\v 15 Ingiese \pn Iburaheimu\pn* oloncha rennai giedene dain giesei jienliewo. 
\v 16 Kun fayen giekude goyasene fugienii zhiizhi fayen giene. Ene fayenyi ganzhen beighazhi soyuji zhenjindusei widaghane. 
\v 17 Hhezighan dain giesei jienliesan kunlade Huda goya isine ibeizi ulie bienjighakui pse qinchude mejieghane giezhi dain giedene pse fayen giezhi bouzhen giewo. 
\v 18 Ene ghua shiqin ulie bienjine. Huda ghudan ulie kieliene. Ingiese matan Hudai miende piile iresan kunla hende bayasuzhi melie beilasan xiwonni goude barei shidane. 
\v 19 Matande bisan ene xiwon hoxian matanyi ruhherde olusan chon beighaku gougoui xianli, khidunji undan wo. Dajienyi sudorodu menlienzi sudoro matanyi oroghane. 
\v 20 \pn Ersa\pn* \pn Maijixide\pn* mutun chanqiku zui fugie buwa gholudene matande oluzhi tou 1 giede sudorodu menlienzi sudoro orowo.
\c 7
\s Hudai Buwa Maijixide
\p
\v 1 Ene \pn Maijixide\pn*shi \png Salen\png*ni honshan wo, pse Zui Undu Hudai buwa wo. \pn Iburaheimu\pn* honshanlai eghi injidene khareizhi irekude \pn Maijixide\pn* hhei jienliezhi gouni kieliezho. 
\v 2 \pn Iburaheimu\pn* eghinduzhi zhanjisan soyujilasene ushireini hhende ogizho. \pn Maijixide\pn*i niereni tou 1 gie isishi gundan honshan wo, pse \png Salen\png* honshan wo, jiushi pinnantu honshan wo. 
\v 3 Hhende ada, ana jiawu uwo. Hhei aminde qiorun, uzhu uwo. Hhe Hudai kewonyi xianli, chanqi buwa danlazho.
\p
\v 4 Ta nie sumula, ene kun matu fama wo! Famatu xienren \pn Iburaheimu\pn* qianlazhi iresanne ushireini hhende ogiwo. 
\v 5 \pn Liwi\pn*ni houdei dunda buwa danlachen kunla bexinlase ushirei ghura giezhi guijinde minlin ogizho. Ene bexinshi \pn Iburaheimu\pn*se khizhesan hhelai gaijiuliuzhe buwala hhelase yen qingiezhi ghurazhoma, 
\v 6 \pn Maijixide\pn*shi hhelare nie jiawu pusho, khareidene \pn Iburaheimu\pn*se ushirei ghurazhi Hudai dainni jienliesan \pn Iburaheimu\pn*de onxian giezho. 
\v 7 Fugieni ganide onxian giese yama kieliekui uwo. 
\v 8 Ushirei ghurasan buwala fugunema, \pn Maijixide\pn* jinwun jiere kieliesan mutun chanqi ulie fugune. 
\v 9 Ingiezhi kielieseye olune. Ushirei ghurasan \pn Liwi\pn* goyane \pn Iburaheimu\pn*i tungo giezhi ushirei ogizho. 
\v 10 Ingiekushi \pn Maijixide\pn* \pn Iburaheimu\pn*i jienliekude \pn Liwi\pn* xienrenne yasunde wo.
\p
\v 11 \png Isilie\png* kunla \png Liwi\png* paini buwai zhidui doura guijinni jienliewo. Ene zhiduni tungo giezhi hulunshise yale \pn Hharune\pn*ni zhidui ese daghadene \pn Maijixide\pn*i zhidui daghasan da nie buwai khizheghazho? 
\v 12 Buwani zhidui geise guijinniye ijinyo geine. 
\v 13 Ede kieliesan hheshi da nie painughun wo. Hhe paini kunla sidagha gieku teizi shida wilie giezhi nieda ese daozho. 
\v 14 Matanyi Ezhan \pn Yuda\pn* paise khizhesanyi man mejiene. Ene paini kieliekude \pn Musa\pn* buwai shiqinyi qiizhi ese daozho.
\p
\v 15 \pn Maijixide\pn* mutun pse nie buwa khizhese ene shiqinla genjia qinchu oluwo. 
\v 16 Hhe buwa danlakushi \pn Liwi\pn* paise khizhene giesan guijinghala pusho, ulie widaku aminni nenlighala wo. 
\v 17 Jinwun jiere hhende ganzhen beizhi kieliezho,
\q1 "Chishi \pn Maijixide\pn* mutun chanqiku buwa wo."
\m
\v 18 Niemande kieliese melieshidaku minlin zholien, yama zoin wise widaghawo. 
\v 19 Guijin yamai ese hulunshighawo. Pse niemande kieliese matande gou xiwon irezho. Ene xiwonyi tungo giezhi matan Hudai shigha shidane.
\p
\v 20 Pseshi \pn Ersa\pn* buwa danlakude Huda fayen giezhi danlaghazho. Psedu buwalashi fayen giezhi danlaghasan pusho, 
\v 21 zinie \pn Ersa\pn*shi fayen giezhi danlaghasan wo. Huda hhende kieliezho,
\q1 "Ezhan fayen giezho, pse ulie bienjine.
\q2 Chishi chanqiku buwa wo."
\m
\v 22 \pn Ersa\pn*ni fayen giezhi buwa danlaghase hheshi genjia gou yenjisanni baoran gholuwo.
\p
\v 23 Eqighandei buwa danlasan shuzi olon bikushi hhela man fugune. Ingiese izhigie buwa danla dazho. 
\v 24 Zinie \pn Ersa\pn* chanqi wine. Ingiese hhei buwai wiliei chanqi ulie arunzhane. 
\v 25 Hhe chanqi amiturazhi hhelade oluzhi xiahua giezho. Ingiese jien hhei tungo giezhi Hudai melie iresanlai hhe jiuizhi uzhu kurugha shidane.
\p
\v 26 Intu zhiguitu, doghunnii wiku, zannannii wiku, zuirense ghugha keisan, asimanlase undudasan zui fugie buwa matande jian heshi wo. 
\v 27 Hhe psedu buwala mutun niudunie goyane zuide sidagha giedene khuinashi bexinlani zuide sidagha gieku biyo uwo. Hhe goyane 1 huide sidagha giedene enei man chenjighawo. 
\v 28 Guijinghala zui fugie buwa danlasanlade man zholienni winema, guijinni khuina Huda fayen giezhi chanqi hulunni gholusan Kewonne buwa danlaghawo.
\c 8
\s Matanni Zui Fugie Buwa Ersa
\p
\v 1 Ede kieliesan zhunyonishi matande intu nie zui fugie buwa wine. Hhe asiman jieredu famatu Hudai baozoi borun miende souzho. 
\v 2 Ganjin oronde, yeshijiu zhenzhenji zhanfande wilie giezho. Ene zhanfanshi kun daisan pusho, Ezhan daisan wo. 
\v 3 Jien zui fugie buwalashi mure ogizhi sidagha gieghane giezhi danlaghasan wo. Ingiese matanyi ene nie zui fugie buwaye yama ogiku dunxi kerene. 
\v 4 Hhe zemin jiere bise buwa ulie danlakushi guijin mutun sidagha giechen buwala wine. 
\v 5 Enezighan buwala giesan wilieshi asiman jieredu shiqinni yanzi wo, xiujie wo. \pn Musa\pn* ganjin zhanfanni daine giekude Huda jingao giezhi kieliesan mutun, "Chi xioxin giezhi yanyanji giekulai bi chade ulade uzheghasan yanzi mutun gie." 
\v 6 \pn Ersa\pn* ede genjia zhiguitu wiliei jienliewo. Hheshi genjia gou yenjisanyi dundadu kun wo. Eneshi genjia gou dain jiere jinjisan wo.
\p
\v 7 Ji 1 gie yenjisande yama ese chaizhoshi ji 2 gie yenjisanyi kereku biyo uwo. 
\v 8 Huda hhelai kheilazhi kieliezho,
\q1 "Uzhe, bi \png Isilie\png* kun, \png Yuda\png* kunlare shini yenjisanyi jinjiku udu khuzhene.
\q2 Eneshi Ezhan kieliesan wo.
\q1
\v 9 Ene yenjisanshi bi hhelai xienrenlaini khai laizhi
\q2 \png Aiji\png*se uduruzhi khizhekude
\q1 Hhelare jinjizhi yenjisanghala buxian wo.
\q2 Hhela mii yenjisanyi izhi ese zunjizho.
\q1 Ingiese biye hhelai ese gonjiwo.
\q2 Eneshi Ezhan kieliesan wo.
\q1
\v 10 Hhezighan udu daose
\q2 bi \png Isilie\png* kunlare jinjiku yenjisanshi ingiezho.
\q1 Bi guijinne hhelai sumulakude teizhi
\q2 zhughedeni huaine.
\q1 Bi hhelade Huda danlane.
\q2 Hhela made bexin danlane.
\q2 Eneshi Ezhan kieliesan wo.
\q1
\v 11 Jien kunla giebeizi, gaijiuladene
\q2 chi ezhanni tani giezhi surughaku biyo uwo.
\q1 Zui ganise zui fugienide kurutula
\q2 man mii tanine.
\q1
\v 12 Bi hhelai codasanyi rouliene.
\q2 Hhelai zuini pse ulie jilane."
\m
\v 13 "Shini yenjisan" giezhi kieliese melieshiku khuichenrazho. Khuichenrazhi bixindasanla deigo man widane.
\c 9
\s Zeminji Asiman Jieredu Libai
\p
\v 1 Tou 1 gie yenjisan kieliende beiiku guijin, duya jiereshiku beiiku zhiguitu oron wine. 
\v 2 Nie dai goudaghasan ganjin zhanfanni tou 1 gie giei zhiguitu oron giezhi uruzho. Sudoro zhula teizi, shire, Hudade ogiku ginan wine. 
\v 3 Ji 2 gie menlienzi khuina nie gie wine, zui zhiguitu oron giezhi uruzho. 
\v 4 Sudoro antanghala giesan xianlu shire, pse antanghala man bouisan yenjisan kielienni xianzi wine. Xianzi sudoro mana ginan zhonlosan antan gongon, \pn Hharune\pn*ni niazi faizhi daosan zhugun, ghua yenjisan tashi banzi wine. 
\v 5 Xianzi jiere famatu ghua Jilubo wine. Zui widaghaku teizii huizho. Ede enelai nienieji kielie dane.
\p
\v 6 Enelai ingiezhi zhunbei gie goudaghazho. Buwala ganjin zhanfanni tou 1 gie giede chan orozhi libai gieku wilie giezho. 
\v 7 Ji 2 gie giede zinie zui fugie buwa niehon 1 hui orozhi chusun bareidene goyai zuide oluzhi, pse bexinla mejie dazhi fanjisan zuide oluzhi sidagha giene. 
\v 8 Enelai tungo giezhi Shenlin mejieghakushi tou 1 gie gie bikude zui zhiguitu oronde echiku moni da ese keighazho. 
\v 9 Eneshi edeku yanzi wo. Mure ogizhi sidagha giese libai giesan kunyi lianxinni hulunshigha dane. 
\v 10 Hhezighan ijieku, ochiku, yanyanji waghakulashi mienzide jinjisan guijin wo, arunzhazhi shinishighaku shihou kurune.
\p
\v 11 Mexiha iredene ireku gou shiqinni zui fugie buwa danlazhi genjia fugie, genjia hulunshiku ganjin zhanfanni tungo giezho. Ene ganjin zhanfanshi kunni khaghala daisan pusho, ene zhayaghasan duyanughunye pusho. 
\v 12 Hhe iman, fughe tughuchai chusunyi ulie injizhi goya chusunne injidene 1 huide zui zhiguitu oronde orozhi chanqi zui shuikui chenjighawo. 
\v 13 Iman, jieniui chusun, pse siniu tughuchai funiesunyi ganjin witu kunyi jiere xireighazhi beyei arughazhi ganjinraghase 
\v 14 Mexiha chanqiku Ruhherni tungo giezhi goyane goujida zannan wizhi Hudade ogise hhei chusun fugughaku shiqinse tai lianxinni zhiguishighazhi tai chanqiku Hudai genjia ulie shunjighanu?
\p
\v 15 Ene yenyin jiere hhe shini yenjisei dundadu kun danlazho. Hhe fuguzhi kunla tou 1 giede yenjisan doura fanjisan zuini shuiwo. Ingiedene hhezighan uruzhi iresan kunlade dain giesan chanqiku jiachanni jienlieghawo. 
\v 16 Kiende fugukude kielieku kielien bise bixi kielien liuisan kun fugusei kunla zhenmin gie. 
\v 17 Kun fuguse yenjisan kielien caigie zoin wine. Yenjisan kun amitushi yenjisan kielien yama zoin uwo. 
\v 18 Ingiese tou 1 gie yenjisanniye chusunghala jinjizho. 
\v 19 \pn Musa\pn* guijin mutun bexinlade soyuji minlinni jianjidene hulan noghosun, osun ganganni bareizhi fughe tughucha, imanni chusun, usui guijinshu, pse bexinlai jiere xireighazhi 
\v 20 "Ene chusunshi Huda tanre jinjisan yenjisan kielienyi zhenji wo." giezhi kieliezho. 
\v 21 Niekielien wo. Chusunni ganjin zhanfan, yanyanji libai giekude injiku dunxi jiere xireighazho. 
\v 22 Guijin mutun chabudu soyujilai chusunghala ganjinraghazho. Chusun ese usuruzhoshi zuini mienlie dane.
\s Mexiha Fuguzhi Kunlani Zuini Widaghawo
\p
\v 23 Ingiese asiman jieredu yanzi mutun giesan dunxilai bixi ingiezhi ganjinraghazhoma, asiman jieredu dunxilai genjia gou sidagha giekughala ganjinraghane. 
\v 24 Mexiha zhenzhenji zhiguitu oronni xiujie, yejiushi kun khaghala giesan zhiguitu oronde ese orodene asimande orozhi ede mai oronde Hudai melie khizhezho. 
\v 25 Hhe goyane izhigie sidagha gieku biyo uwo. Zui fugie buwa niehonnie goyane chusunyi ese bareizhi psedu chusunyi bareizhi zui zhiguitu oronde orokughala buxian wo. 
\v 26 Qingiese hhe duyai zhayaghasanse bixi izhigie ku shouinema, ede goyane 1 huide sidagha giezhi zuini widaghane giezhi duyai zuihoukude xienjizhi khizhewo. 
\v 27 Jien kunla 1 hui fugukushi jinjisan wo. Fuguse panjine. 
\v 28 Mexihaye olon kunlai zuini danjine giezhi goyane niefade sidagha giewo. Jianlai ji 2 hui xienjizhi khizhezhi zuini danjikughala gonxi widene hhei hende sagheisan kunlai jiuine.
\c 10
\p
\v 1 Guijinshi jianlai ireku gounii xiujie wo, zhenzhenji yanzi pusho. Ingiese niehonnie niekielienji sidagha giekughala Hudai melie iresan kunlai jiedui hulunshigha dane. 
\v 2 Hulunshigha shidase libai giesan kunlai 1 huide ganjinraghazhi pse lianxinni zui wine giezhi ulie giene. Ingiese sidagha gieku eqighan ulie beinu? 
\v 3 Ingieliuzhe enezighan sidagha gieku niehonnie kunni zuini jila ireghane. 
\v 4 Jieniu, imanni chusun zuini widagha dane.
\p
\v 5 Ingiese Mexiha duyade irekude Hudade kieliezho,
\q1 "Sidagha gieku dunxi, murelai chi ese keredene
\q2 mii beyeni mure danlaghane giezhi zhunbei giewo.
\q1
\v 6 Sideraghaku sidagha, shuiku
\q2 sidaghade chi xiqi uwo.
\q1
\v 7 Ingiekude bi kieliewo,
\q2 'Huda, jinwun jiere mii zhiizhi huaisan mutun
\q2 bi chii isii giele irezho.'"
\m
\v 8 Jiere Mexiha kieliezhi "Sidagha gieku, mure, sideraghaku sidagha, shuiku sidaghani chi ese kerezho, xiqiye uwo." giezho. Enezighanshi guijin mutun ogisan wo. 
\v 9 Ingiedene kieliezho, "Uzhe, bi chii isii giele irezho." Ingiekushi hhe melieshikui widaghazhi khuinashikui chenjighane giezho. 
\v 10 Ene isi mutun \pn Ersa\pn* Mexiha beyene 1 huide sidagha giezhi matanyi zhiguishighawo.
\p
\v 11 Jien buwala niudunie beidene wilie giezhi niekielienji sidagha giezhoma, eneghala zuini ibeizi widagha dane. 
\v 12 Zinie Mexiha 1 huide zui shuiku sidagha giezhi chanqi zoin khizheghazho. Ingiedene Hudai borun miende souzhi 
\v 13 hhei duitoulai hhei kon doura teitula sagheizho. 
\v 14 Hhe 1 hui sidagha giedene zhiguishisan kunlai chanqi hulunshighawo.
\p
\v 15 Shenlinye matande ganzhen beizhi kieliezho,
\q1
\v 16 "Ezhan kieliezho,
\q1 Hhezighan udu daose
\q2 bi hhelare jinjiku yenjisanshi ingiezho,
\q1 Bi guijinne hhelai zhughede teizhi
\q2 sumulakudeni huaine."
\m
\v 17 Pse kieliezho,
\q1 "Hhelai zuini, mouxiennilai pse ulie jilane."
\m
\v 18 Enezighan zuini mienliese pse zuide sidagha gieku biyo uwo.
\s Hudai Melie Echiye
\p
\v 19 Ingiese gaijiula, matan \pn Ersa\pn*ni chusunyi tungo giezhi fugie danzighala zui zhiguitu oronde oro shidane. 
\v 20 Hhe matande nie shini, amitu moni keighazhi sudorodu menlienzighun daoghawo. Ene sudorodu menlienzishi hhei beye wo. 
\v 21 Matande Hudai giede gonjisan nie famatu buwa wineshi 
\v 22 matai doghun lianxinni \pn Ersa\pn*i chusunghala arughazhi zhughei ganjinraghadene beyeni ganjin usughala waghase matan shixinji zhughe, khidunde xianxin giekughala Hudai melie echiye. 
\v 23 Matande dain giesan hheshi kekaotui wo. Ingiese matan chenren giezhi xiwon giesei ulie gojiolughazhi goude bareiye. 
\v 24 Matan nieniene dahoshen giezhi oreku, gounii giekui sumulaye. 
\v 25 Hhezighan ulie hhantulazhi gon olusan kunlai bu daghadene nieniedene surughazhi kieliezhi hhantulaye. Hhe udu chadashisei mejiese genjia ingiezhi gieye.
\p
\v 26 Matan zhendaoi mejiekui jienliesenu nanxighan zui fanjise pse shuiku sidagha uwo, 
\v 27 zinie ayizhi panjiku, pse duitoulai sideraghaku fugie khanni sagheizho. 
\v 28 \pn Musa\pn*i guijinyi fanjisan kunlai ghua, ghuran kun ganzhen beise ubali ulie xiizhi fugughanema, 
\v 29 Hudai kewonyi taizhi goyai zhiguishighasan yenjisan chusunyi yamacha ese teizhi nenjienni ogisan Shenlinni uru giesan kunlai, ta nie sumula, hhelai genjia gundude ulie fainu? 
\v 30 "Bouchoushi bi giekui wo, bi kharulune." Pse, "Ezhan bexinlane panjine." Enei kien kieliesei matan mejiene. 
\v 31 Chanqiku Hudai khade orose ayine.
\p
\v 32 Tai eqighandei gon zhouidene jiurezhi olon ku shouizhi rennai giesei sumula. 
\v 33 Niezheifa tai dajialai melie shizheghazhi heizho. Niezheifa qimutu kunnan shouisan kunlare lienshou gholuzho. 
\v 34 Hhezighan khasan kunlade ta ubali xiizho. Tai caichanlai kunla qianlakude ta bayasuzhi shouikushi goyade genjia gouni, chanqiku caichan bikui mejiene. 
\v 35 Ingiese ta fugie danzine bu benda. Intu zhughede fugie jianli ogine. 
\v 36 Ta Hudai isii gie baraghazhi dain giesei jienliene giese rennai gieku biyo wine.
\q1
\v 37 Jinwun jiere, "Pse goujicha beise
\q2 irene giesan hhe irene, ulie udane.
\q1
\v 38 Gou kunmi xianxin giekughala amiturane.
\q2 Khuina tuise bi hhende xiqi uwo." giezhi kieliezho.
\p
\v 39 Matanshi khuina tuidene widachen kun pusho, xianxin gieku bizhi jiuisan kun wo.
\c 11
\s Xianxin Gieku
\p
\v 1 Xianxin giekushi xiwon giesan shiqinni bawo wo, chanla daku shiqinni ghanghanaghakui wo. 
\v 2 Eneghala Huda eqighanku kunlai renjizho.
\p
\v 3 Xianxin giekughala matan alanshi Hudai kielienyi tungo giezhi zhayaghasei mejiene. Ingiezhi chanlasanshi chanla dakuse zhayaghasan wo.
\p
\v 4 Xianxin giekughala \pn Hhabi\pn* Hudade sidagha giesan \pn Jiabi\pn* giesanse gou wo. Hhei xianxin giekughala Huda mureini jienliezhi \pn Hhabi\pn*shi gou kun wo giezhi renjiwo. Hhe fuguzhoma, xianxin giekughala edeliuzhe kielien kieliezho. 
\v 5 Xianxin giekughala \pn Idileisi\pn*i jienlie echise hhe fugukui jingo ese giewo. Kunla hhei ereizhi olu dakushi Huda hhei jienlie echizho. Hhei jienlie echiku melie hhe Hudai bayasughase gou minshenyi jienliewo. 
\v 6 Xianxin gieku wise Hudai bayasugha dane. Hudai melie irechen kun ijinyo Huda winekui xianxin giezhi hhei ereisan kunlade jianli ogikui xianxin giekui wo. 
\v 7 Xianxin giekughala \pn Nuhha\pn* chanla dasan shiqinni Huda jingao giese zunjizhi fugie chonni zhunbei giedene giei kunlaini man jiuiwo. Xianxin giekughala \pn Nuhha\pn* hhe idai kunlai zuini jinjiwo, goyai Hudai melie gounide sanawo.
\p
\v 8 Huda \pn Iburaheimu\pn*i urukude hhe xianxin giekughala minlinyi zunjizhi jianlai caichan gieku oronde khizhewoma, echikude khala echikui ulie mejiene. 
\v 9 Hhe xianxin giekughala dain giesan oronde soukude kunlai oronde souku mutun zhanfande souzho. Niekielienji dain giesei jienliesan \pn Isaghei\pn*, \pn Yagebu\pn*ye qingiezho. 
\v 10 Eneshi hhe Huda jihua giezhi beighasan jichutu chenshii sagheizho. 
\v 11 Xianxin giekughala \pn Sare\pn* kewosi laiku nasunse daoliuzhe kewosi laizho. Hhe sumulase hhende dain giesan hhe kekao wo giezho. 
\v 12 Ingiese hoxian nie fugusan kunse houdei oluzhi asiman jieredu hodun, haibienzini shazi mutun shuzi uwo.
\p
\v 13 Enezighan kunlade man xianxin gieku bizhi fuguwoma, dain giesei jienlie dazho. Gholose dain giesei chanladene bayasuzhi jienliene giezho. Pse goyalane duya jieredu toreichen, zhanshi sousan kun wo giezhi chenren giezho. 
\v 14 Intui kieliechen kunshi minminji goyadene nie gojia ereizho. 
\v 15 Hhela likai giesan oronne sumulazhoshi khareizhi echiku jihui winema, 
\v 16 hhela hende xiwon giesanshi nie genjia gou gojia, jiushi asiman jieredu wo. Hhela Hudai Huda giese Huda shizhene ulie giedene hhelade nie chenshini zhunbei giezho.
\p
\v 17 Xianxin giekughala \pn Iburaheimu\pn*i Huda shiikude \pn Isaghei\pn*ni khughozhi ogiwo. Dain giesei jienliesan kun goya niekozi kewonneliuzhe khughozhi ogiwo. 
\v 18 Ene kewonni kieliese Huda kieliezhi daozho, "Zinie \pn Isaghei\pn*se olusei chii houdei giezhi urune." 
\v 19 Hhe sumulase Huda kunni fugusan kun dundase aminne olughane giezho. Hoxian hhe fugusan kun dundase kewonne uduru irewo. 
\v 20 Xianxin giekughala \pn Isaghei\pn* jianlaiku shiqinde oluzhi \pn Yagebu\pn*, \pn Isao\pn*de onxian giewo. 
\v 21 Xianxin giekughala \pn Yagebu\pn* fugukude \pn Yusufu\pn*ni kewonlade nienieji onxian giezhi zhugun tuludene Hudai beiiwo. 
\v 22 Xianxin giekughala \pn Yusufu\pn* fugukude \png Isilie\png* kunla jianlai \png Aiji\png*se khizhekui kieliezhi pse goya yasunyi matui chuli giekui fenfulawo.
\p
\v 23 \pn Musa\pn*i oluse ada, anani uzhese nie seighan kewosi wo. Xianxin giekughala honshanni minlinse ese ayizhi ghuran sara niuighawo. 
\v 24 Xianxin giekughala \pn Musa\pn* fugiedadene \pn Falao\pn*ni oqinde kewon ulie danlane giezho. 
\v 25 Khareidene Hudai bexinlare hhantu shouku gieliuzhe zui dunda zhanshi xianshou ulie giene. 
\v 26 Hhe Mexihade oluzhi uru giesei uzhedan \png Aiji\png*ni boubeise gundude uzhezho. Hhe jianlaiku jianlini sagheizho. 
\v 27 Xianxin giekughala hhe honshan hokukuse ese ayizhi \png Aiji\png*se likai giewo. Chanla daku Ezhanyi hoxian chanlaku mutun rennai giezho. 
\v 28 Xianxin giekughala hhe Jiulidaosan Jie, chusun xireighaku kuichenni jinjiwo. Ingiezhi hhe alachen irese \png Isilie\png* kunlai fugie kewonlai ese alaghazho. 
\v 29 Xianxin giekughala \png Isilie\png* kunla \png Hunhai\png*ni daokude khosun oron daoku niekielien wo. \png Aiji\png* kunla qingiezhi shiizhi daokude yenji alawo. 
\v 30 Xianxin giekughala \png Isilie\png* kunla \png Yelige\png* chenshini doludu rouise chenqian furawo. 
\v 31 Xianxin giekughala biozi \pn Lahe\pn* tewulai goude jienliedene hhezighan ese shunjisan kunlare hhantu ese fuguwo.
\p
\v 32 Bi pse yan kieliene? \pn Jijien\pn*, \pn Balake\pn*, \pn Cansun\pn*, \pn Yefuta\pn*, \pn Dawude\pn*, \pn Samuer\pn*, pse xienzhilai shiqinni nienieji kieliese shijie ulie kune. 
\v 33 Xianxin giekughala hhela gojialai hanshiliewo, gundanni giewo, dain giesei jienliewo, shizini amanyi duighawo, 
\v 34 fugie khanni tuliekui widaghawo, khudogho renzise holu andawo, zholiennise khidunnii gholuwo, zhan eghikude lihaishiwo, niman kunlai buduilai man eghi tuighawo. 
\v 35 Biereila fugusan dundase aminne olusan giene kunyi jienliewo. Niezhan kunla genjia gou fuhoni jienliene giezhi hende tendun shouizhi andaku duran uwo. 
\v 36 Niezhan kunlai xilun gie, mabienzida, banla, kha, 
\v 37 tashida ala, qiroujie ala, khudoghoghala alawo. Ghoni, iman arasunyi zhozhi gochude holu, nanxin duru, heikui shoui, zayala, 
\v 38 hontan, ula, dun, nokiende liulan giezho. Ene duya hhelai pei dane.
\p
\v 39 Enezighan kunla xianxin giekui tungo giezhi gou minshenyi jienliewoma, dain giesei jienlie dawo. 
\v 40 Eneshi Huda matande genjia gou shiqin zhunbei giezho. Matan uwoshi hhela hulunshi dane.
\c 12
\s Ersani Yanzii Suruku
\p
\v 1 Olien matai wiqiku mutun matande imegheni ganzhen beisan kun wine. Ingiese yanyanji achan, matai chigharade jiohoro giesan zuini xieidene rennai giezhi matai melie beilasan holukui bisai gieye. 
\v 2 Mai xianxin giekuni kaishi gieghazhi onchen gieghasan \pn Ersa\pn*ni goude uzheye. Hhei melie beilasan bayasukude oluzhi hhe shizijiani kui shouizhi shizheghakui meilade uzhedene Hudai baozoi borun miende souzho. 
\v 3 Ta zuirenla fandui giesei rennai giesan \pn Ersa\pn*i ta goude sumula. Ingiese ta ulie hhechezhi zhughe ulie widane.
\p
\v 4 Ta zuighala eghinduzhoma, chusun usuruku chendude ese kuruzho. 
\v 5 Kewosiladene surughazhi kieliesan mutun Huda tande surughazhi kieliesan kielienyi ta matawu? Kieliezho,
\q1 "Mii kewon, Ezhan gonjizhi surughasei chi meilade bu uzhe.
\q2 Hhe kheilakude zhughene bu widagha.
\q1
\v 6 Ezhan oresandene gonjizhi surughane.
\q2 Jienliesan kesilane eghine."
\m
\v 7 Tai gonjizhi surughakude rennai gie. Huda tai kewonne mutun uzhezho. Alinie kewonde ada gonjizhi ulie surughane? 
\v 8 Kewon danlasanla man gonjizhi surughasei jienliezho. Tande gonjizhi surughasan uwoshi kewon pusho, zagieda wo. 
\v 9 Pse matanyi gonjizhi surughasan beyeni adai matan zunjizho. Matan ruhherni Adai genjia shunjizhi ulie amituranu? 
\v 10 Beyeni ada zhanshi jiere goyane isighala mai gonjizhi surughazho. Zinie ruhherni Ada mai gonjizhi surughakushi matande haochu ireghazhi hhei zhiguinide guzi beighane giezho. 
\v 11 Jien gonjizhi surughasanlashi danshi ese bayasudene nango giezhoma, khuinashi lienjizhi daosan kunlade pinnantu jiego irene, gundande udu daone.
\p
\v 12 Ingiese ta lilian witu kha, zholieresan shigharane zhidagha. 
\v 13 Kondene oluzhi moni giezhi zhidagha, ingiese dogholosan shighara ulie banjizhi goudane.
\s Nenjien Ogisan Hudai Bu Benda
\p
\v 14 Ta soyuji kunlare heqishizhi zhiguide udu daokui xiacha gie. Zhigui uwoshi kiema Ezhanni chanla dane. 
\v 15 Ta xioxin gie, pse niezhan kunla Hudai nenjiense likai giene, pse du winetu genzi khizhedene tai jiohoro giezhi olon kunlai zannanshighane. 
\v 16 Lon kijiezhi \pn Isao\pn* mutun xienlian wizhi gouji idun ijiunide oluzhi fugie kewonni qienlii huine. 
\v 17 Ta mejiene. Hhe khuinashi adani onxian giesei jienliene giese adani dain ese giezho. Wilazhi xiahua gieliuzhe adane zhughei khareighaku banfa widazho.
\p
\v 18 Ta maqi shidaku, khan sidera, olien khi, kharani, honfen kei, 
\v 19 laba shenqi, kielien kieliesan shenqitu ulade ese irezho. Hhe shenqii sonosusan kunla pse kielien bu kielie giezhi Hudade xiahua giezho. 
\v 20 Ene ulani shighasanlai yewoiliuzhe tashida ala giesan minlinni hhela danji dazho. 
\v 21 Chanlasan zhenzhenji ayighase \pn Musa\pn*liuzhe, "Bi hende ayizhi pugharazho." giezhi kieliezho.
\p
\v 22 Ingiezhoma, ta \png Xiwunshan\png*, chanqiku Hudai chenshide irezho. Hheshijiu asiman jieredu \png Yelusalen\png* wo, shuzi witu qienxienla bayasuzhi hhantulasan hhende wo. 
\v 23 Ta asiman jiere nierei jilasan fugie kewonlai jiohui, soyujilai panjichen Hudai hhende irezho. Hulunshighasan gou kunni ruhherlai hhende wo. 
\v 24 Ta shini yenjisei dundadu kun \pn Ersa\pn*i hhende, xireighasan chusunyi hhende irezho. Ene chusun kieliesan \pn Hhabi\pn*ni chusun kieliesanse genjia gou wo.
\p
\v 25 Ta xioxin giezhi tande kielien kieliesan hhei fandui bu gie. Eqighandei \png Isilie\png* kunla zemin jiere goyalai jingao giesei fandui giedene zuise anda dazho, asiman jierese matanyi jingao giesei fandui giese matan zuise matugie andane? 
\v 26 Hhe xienzide hhei shenqi zeminyi gojiolughazho. Ede hhe dain giezhi kieliezho, "Bi pse niefa zeminyi gojiolughazhi asimanyiye gojiolughane." 
\v 27 Pse niefa giesan ene kielienni isishi gojiolughasanlai, yejiushi zhayaghasanlai noighazhi ulie gojiolusanlai feilieghane giezho. 
\v 28 Ingiese matan ulie gojioluku gojiani jienliese mafan gieye. Xienlian, zunjiku zhugheghala Hudai bayasughazhi beiiye. 
\v 29 Matai Hudashi sidera widaghaku khan wo.
\c 13
\s Hudai Bayasughaku Wilie
\p
\v 1 Ta gaijiudene mutun chan nieniedene ore. 
\v 2 Mo yosan zhochenlai goude jienliekui bu mata. Niezhan kunla ingiezhi giezhi mejie dakude qienxienlai jienliezhi daozho. 
\v 3 Bafanzide khasan kunlai goyalarene hhantu khasan mutun jila. Heisan kunlai goyai heisan mutun jila. 
\v 4 Jien kunla hunyenni zunzhun giezhi bu ghudandu. Lon kijiezhi piofen giesanlai Huda panjine. 
\v 5 Ta udu daokude baerlai tanxin bu gie. Goyade bisanlashi kurusanni wo gie. Huda kieliezhi daozho, "Bi chii jiedui ulie jiezhi ulie bendane." 
\v 6 Ingiese matan danzine fugiedaghazhi kieliene,
\q1 "Ezhanshi made banman giesan wo.
\q2 Bi ulie ayine.
\q2 Kun mii yan giene?"
\p
\v 7 Tande Hudai kielienyi jianjizhi tai udurusanlai jila. Hhela zuihou kurutula giesanlaini goude uzhezhi xianxin gieseini daghazhi gie. 
\v 8 \pn Ersa\pn* Mexiha uchughudu, enedu, chanqi niekielien wo. 
\v 9 Ta goyalane yanyanji ghudureku sughasande bu echigha. Kunni zhughe ijiuni xigonde ulie kouidene nenjiende kouizhi khiduzhese gou wo. Hhezighan ijiuni xigonyi daghasanlade yama haochu uwo. 
\v 10 Matande nie sidagha gieku teizi wine, jieredu sidagha giesan dunxilai ganjin zhanfande wilie giesan buwala ijieku qienli uwo. 
\v 11 Chushenni chusunyi zui fugie buwa deilazhi zhiguitu oronde orodene zuini shuiku sidagha giezho. Chushenni beyei kunla sousan oronni ghadane sideraghazho. 
\v 12 Ene yenyin jiere \pn Ersa\pn*ye goya chusunghalane bexinlai zhiguishighane giezhi chenmen ghadane ku shouizho. 
\v 13 Ingiese matan kunla sousan oronni ghadanedu hhei hhende echizhi uru giesanyini danjiye. 
\v 14 Matande chanqiku chenshi enende uwo, matan jianlai ireku chenshini sagheizho. 
\v 15 Ingiese matan \pn Ersa\pn*i tungo giezhi doulakughala Hudade chan sidagha gieye. Eneshijiu Ezhanni nierei chenren giesan kunni amanse khizhekuni wo. 
\v 16 Gouni gieku, nieniedene ogikui bu mata. Imutu xienjide Huda xiqi wo.
\p
\v 17 Tai udurusan kunlai ta chenliezhi shunji. Hhela Hudai melie zhan jiuine giezhi tai ruhherde oluzhi chan zhughe chilazho. Hhela ingiekude ta munan bu gieghadene bayasughazhi giegha. Hhelai munan gieghase tande yama haochu uwo.
\p
\v 18 Bijiende oluzhi onxian gie. Bijienyi lianxinde ese chaisei bijien xianxin giene. Bijien yan shiqindeliuzhe gundande giene giezho. 
\v 19 Bi tande goude kielieye, ta hende onxian gie, ingiese bi ghujighande tai hhende khareizhi echine.
\s Gounii Kieliezhi Asazho
\p
\v 20 Ghoni adulasan fugie yanbashi mai Ezhan \pn Ersa\pn* Mexihai chanqi yenjisan chusunghala fugusan kun dundase aminne olughasan pinnantu Huda 
\v 21 yanyanji gounighala tai hulunshighazhi goyane isii giegha gie! \pn Ersa\pn* Mexihani tungo giezhi mai dunda goyane bayasughaku shiqinyi giegha gie. Kuaikui chanqi izhi hhende ogi. Amine!
\p
\v 22 Gaijiula, bi jiendanghan tande xin huaizhi sughazhi kieliesei ta goude chenlie. 
\v 23 Matai gaijiu \pn Qimotai\pn*ni andaghasei ta mejie. Hhe eqie irese bi hhere hhantu tai uzhele ireye.
\p
\v 24 Tai udurusan soyuji kun, shentulade man kielien asa. \png Idali\png*se iresan kunla tai asazho. 
\v 25 Nenjien tanre man hhantu bi gie!