\id GAL DongXiang: DongXiang Bible draft 2
\usfm 3.0
\ide UTF-8
\ide 65001 - Unicode (UTF-8)
\rem Copyright Information: For any non-Paratext use of this text, permission must be obtained from the copyright holder.
\h Jialatai Kunlade Huaisan Xin
\toc1 Jialatai Kunlade Huaisan Xin
\toc2 Jialatai
\toc3 Jia
\mt Jialatai Kunlade Huaisan Xin
\c 1
\s Kielien Asazho
\p
\v 1 Shitu danlasan bi \pn Baolo\pn* xin huaizho. Bi shitu danlakushi kun peisan pusho, kunni tungo giesanye pusho, \pn Ersa\pn* Mexiha pse hhei fugusan kun dundase aminne olughasan Ada Hudai tungo giezhi peisan wo. 
\v 2 Bi mare hhantulasan gaijiularene man \png Jialatai\png*ni jiohuilade kielien asaye. 
\v 3 Mai Ada Huda, Ezhan \pn Ersa\pn* Mexiha tande nenjien, pinnan ogi gie! 
\v 4 Huda mai Adai isighala Mexiha ene doghun duyase mai andaghane giezhi mai zuide oluzhi goyane sheiwo. 
\v 5 Kuaikui chanqi izhi Hudade ogi. Amine!
\s Pse Gouxioxi Uwo
\p
\v 6 Mexihani nenjienyi tungo giezhi tai urusan Hudase ta deigo likai giedene psedu gouxioxini daghase bi ghanirazho. 
\v 7 Shijishan psedu gouxioxi uwo, niezhan kunla tai londaghazhi Mexihani gouxioxii geine giezho. 
\v 8 Bugon bijien, asiman jierese iresan qienxienliuzhe bijien tande chonjisan gouxioxii buxiantui chonjise hhei indan kharakui wo. 
\v 9 Bijien melieshida kieliezhi daozho, ede bi pse kielieye. Kienliuzhe ta jienliesan gouxioxii buxiantui tande chonjise hhei indan kharakui wo.
\p
\v 10 Ede bi kunlai kuaighanu, Hudai kuaighane? Bi kunlai bayasughane giezhou? Bi dou kunlai bayasughane giese bishi Mexihani hoji pusho.
\s Baolo Shitu Gholusan
\p
\v 11 Gaijiula, bi chonjisan gouxioxishi kunse iresan pusho bikui ta mejie. 
\v 12 Hheshi bi kunlase jienliesan pusho, kunla sughasanye pusho, \pn Ersa\pn* Mexiha mejieghasan wo.
\p
\v 13 Bi melieshida Yutaijiode matugie udu daosanyi ta chenliezhi daozho. Bi Hudai jiohuini hende heizhi widaghane giezho. 
\v 14 Yutaijio fanmiende bi goya minzune nie nasuntu kunlase zui fama wo, mii xienrenla zunjisan xigonde zui rexin wo. 
\v 15 Ingiezhoma, Huda nenjienghalane mii oluku melie sunghuzhi urudene 
\v 16 niman kunlade \pn Ersa\pn*i chonjighane giezhi kewonne made bayasuzhi uzheghazho. Ingiekude bi kunlare shanlian ese gie, 
\v 17 mase melie shitu danlasan kunlade asane giezhi \png Yelusalen\png*de ese khirei, deigo \png Alabo\png*de echidene pse \png Damashige\png*de khareiwo.
\p
\v 18 Ingie 3 nien daodene bi \png Yelusalen\png*de khirei, \pn Jifa\pn*i tani, hhere hhantu 15 qien souwo. 
\v 19 Zinie Ezhanyi jiuni \pn Yagebu\pn*se chugo psedu shitulai nieda ese chanlawo. 
\v 20 Bi tande huaisanshi man shuhua wo. Bi Hudai melie ghudan ulie kieliene. 
\v 21 Khuinashi bi \png Xiliya\png*, \png Jilijia\png* oronde echiwo. 
\v 22 Hhe xienzide Mexihai xianxin giesan \png Yudaya\png*ni jiohuila mii chanlazhi ese daozho. 
\v 23 Hhela zinie melieshida mai heisan kun ede hhe melieshida widaghane giesan xinyanni chonjizho giesei chenliedene 
\v 24 mii yenyin jiere Hudai kuaizho.
\c 2
\s Psedu Shitula Baoloi Renjiwo
\p
\v 1 14 nien daodene bi \pn Banaba\pn*ghala \pn Qido\pn*i uduru pse \png Yelusalen\png*de khireiwo. 
\v 2 Bi khireikushi Huda made mejieghazho. Bi hhezighan lindaolai konkonji chujieghedene bi niman kunlade gouxioxi chonjisei kieliezhi minbai olughakushi bi melieshida, ede belien ese holuse giezho. 
\v 3 Mare hhantu echisan \pn Qido\pn*shi \png Xila\png* kun woma, hhei biizhi hetoune ese gieghazho. 
\v 4 Enei kieliekushi niezhan jia gaijiula ghulazhi orozhedene konkonji Mexiha \pn Ersa\pn*i miendedu bijienyi ziyui uzhedene bijienyi hoji danlaghane giezho. 
\v 5 Bijien gouxioxini zhendaoi tai dunda beighane giezhi hhelade goujida ese ranjiwo. 
\v 6 Hhezighan lindao danlasanla bi chonjisan daolide yama ese jiaizho. Hhela eqighandei yan kun bikui made yama zoin uwo, Huda mienzighala ulie uzhene. 
\v 7 Khareidene Huda \pn Beduru\pn*de hetoune giesan kunlade gouxioxini chonjiku renwuni ogiku mutun madeye hetoune ese giesan kunlade chonjiku renwui ogisei hhela uzhe khizhewo. 
\v 8 \pn Beduru\pn*i sudoro wilie giezhi hhei hetoune giesan kunlade shitu danlaghasan hhe mii sudoroye wilie giezhi mii niman kunlade shitu danlaghawo. 
\v 9 Jiohuini tuhuade sanasan \pn Yagebu\pn*, \pn Jifa\pn*, \pn Yaheiya\pn* enela Huda made ogisan nenjienyi chenren giedene bi \pn Banaba\pn*ghalade borun khane ogizhi lienshou gholu, bijien niman kunlai dunda echi, hhela hetoune giesan kunlai dunda echikui tunyi oluwo. 
\v 10 Hhela zinie bijienyi yoqiu giezhi nanxin kunlai jilazhi banman gie giezho. Ene shiqinyi yenlai bi xiacha giezhi giezho.
\s Baolo Bedurui Kheilazho
\p
\v 11 Khuinashi \pn Jifa\pn* \png Anqiya\png*de irekude ulie giekui giese bi danmien hhei fandui giewo. 
\v 12 \pn Yagebu\pn*i hhense irechen kunla ese kuzhekude \pn Jifa\pn* niman kunlare hhantu ijiezho. Hhela irese ijinyo hetoune gie giesan \png Yutai\png*ni Mexihai xianxin giesan kunlase ayidene tui gholodowo. 
\v 13 Psedu \png Yutai\png* kunla hhei daghazhi jiazhon giezho, lien \pn Banaba\pn*ye shandan giedene hhelai daghazhi jiazhon giezho. 
\v 14 Bi chanlase hhelai giesan gouxioxini zhendaoghala buxianshi dajialai melie \pn Jifa\pn*de kieliewo, "Chishi nie \png Yutai\png* kun bidene \png Yutai\png* kunnughunyi ulie daghadene niman kunnughunyi daghase matugie niman kunlai biizhi \png Yutai\png* kunnughunyi daghaghane?"
\s Yutai Kun Niman Kunlai Man Xianxin Giekughala Jiuine
\p
\v 15 Matanshi nangha pusho, olusanse \png Yutai\png* kun enbene. 
\v 16 Kunyi gounide sanakushi guijinni zunjikughala pusho, \pn Ersa\pn* Mexihani xianxin giekughala bikui matan mejiene. Matanye Mexiha \pn Ersa\pn*i xianxin giekushi guijinni zunjikughala pusho, Mexihai xianxin giekughala gounide sanaghaku wo. Kiemada guijinni zunjizhi gounide sanasei uwo. 
\v 17 Matan Mexihai tungo giezhi gounide sanaghane giedene goyaneye zuiren gholuse Mexihashi mai zui fanjighachen onu? Kenjin pusho! 
\v 18 Bi cheisanne pse erchan giese goyaneshi zuiren bikui zhenmin giewo. 
\v 19 Bi guijinni tungo giezhi guijinse fugudene Hudade amiturawo. 
\v 20 Bi Mexihaghalai hhantu shizijia jiere ijin ghadawo. Ede amiturasanshi bi pusho, Mexiha mii sudoro amiturazho. Bi beye jiere amiturasanshi made orezhi made oluzhi goyane sheisan Hudai kewonni xianxin giesanghala amiturazho. 
\v 21 Bi Hudai nenjienyi ulie widaghane. Guijinni tungo giezhi gundanni irezhoshi Mexiha belien duya ijiewo.
\c 3
\s Guijin Onu Xianxin Gieku Wo
\p
\v 1 \png Jialatai\png*ni guazi kunlaya! Kien tai miiwo? \pn Ersa\pn* Mexihani shizijia jiere ghadazhi qinchude tai melie beilawo. 
\v 2 Bi tande jianie shiqin asaye, ta Shenlinni jienliesanshi guijinni zunjikughala onu gouxioxini sonosudene xianxin giekughala wo? 
\v 3 Ta Shenlinghala kaishi giedene beyeghala jieshu olughanu? Tashi intu guazi onu? 
\v 4 Ta imeghei shouku giesanshi belienni onu? Bebelieghanji onu? 
\v 5 Huda tande Shenlinni ogizhi tai dunda nenlitu shiqin giesanshi ta guijinni zunjikughala onu gouxioxini sonosudene xianxin giekughala wo? 
\v 6 Jinwun jiere jilasan mutun, "\pn Iburaheimu\pn* Hudai xianxin giedene Huda hhei gounide sanazho."
\p
\v 7 Ingiese xianxin giesanlashi \pn Iburaheimu\pn*i houdei bikui ta mejie. 
\v 8 Niman kunlai xianxin giekughala Huda gounide sanakui jinwun jiere melie kieliezho. Ingie eqighanse \pn Iburaheimu\pn*de gouxioxini chonjizhi kieliezho, "Chii tungo giezhi soyuji minzulade fuqi irene." 
\v 9 Ingiese xianxin giesan kunla xianxin giesan \pn Iburaheimu\pn*re hhantu fuqi jienliene. 
\v 10 Guijinni zunjikude kouisan kunla man kharaku doura wo. Jinwun jiere jilasan mutun, "Guijinshu jiere jilasanlai man ulie zunjizhi ulie giesanlai man kharane." 
\v 11 Guijinni kouizhi kiemai Hudai melie gounide sana daku qinchu wo. Jinwun jiere kieliezho, "Gou kun xianxin giekughala amiturane." 
\v 12 Guijin xianxin giekughala buxian wo. Jinwun jiere kieliesan mutun, "Guijinni zunjisan kunla guijinni kouizhi amiturane." 
\v 13 Jien mutun jiere gualasanlai kharane giezhi jinwun jiere jilasan mutun Mexiha matande oluzhi kharakui shouizhi guijinni kharakuse matai shuiwo. 
\v 14 Ingiedene \pn Iburaheimu\pn*de ogisan fuqi Mexiha \pn Ersa\pn*i tungo giezhi niman kunlade kuruwo, matan xianxin giekui tungo giezhi dain giesan Shenlinni jienliewo.
\s Guijin Dain Giesanghala
\p
\v 15 Gaijiula, bi nie pinchanku bifanyi kielieye. Kun kielien yenjise kiema widagha daji jiai dane. 
\v 16 Huda \pn Iburaheimu\pn*, hhei houdeide dain giekude olon kunyi zhiizhi chii houdeila giezhi ese kieliedene niekozii zhiizhi chii houdei giezho. Hheshi Mexiha wo. 
\v 17 Mii isishi ingiezho. 430 nien daodene iresan guijin melieshida Huda yenjisei widagha dazhi dain giesei widagha dane. 
\v 18 Hudai jiachan guijinse irezhoshi dain giesanse ese irezho, ingieliuzhe Huda \pn Iburaheimu\pn*de dain giesei tungo giezhi ogizho. 
\v 19 Qinse guijinshi yan wo? Guijinshi \pn Iburaheimu\pn*de dain giesan houdei iretula zuini mejieghane giezhi jiaisan wo. Guijinshi qienxienlai tungo giezhi dundadu kunyi khai jingo giezhi jinjisan wo. 
\v 20 Dundadu kunshi shonfanmienyi daibio giezhoma, Hudashi nie wo.
\s Musani Guijinni Zoin
\p
\v 21 Ingiese guijin Hudai dain giesanghala zodui giezhou? Kenjin uye! Amin ireghaku guijinni ogizhoshi kunla hhei tungo giezhi gounide sanawo. 
\v 22 Ingiezhoma, soyuji kunlai zuide qienji jiezho giezhi jinwun jiere kieliezho. Ingiedene \pn Ersa\pn* Mexihai xianxin giezhi iresan dainni xianxin giesan kunlade ogizho.
\p
\v 23 Xianxin gieku iretula matai guijin doura khazhi xianxin gieku xienjizhi khizhetula uzhezho. 
\v 24 Ingiese guijinshi Mexiha iretula mai uduruku loushi wo. Ingiedene xianxin giekughala mai gounide sanaghazho. 
\v 25 Ede xianxin gieku irese matan hhe uduruku loushii doura uwo.
\p
\v 26 Ta man Mexiha \pn Ersa\pn*i xianxin giekughala Hudai kewosi gholuwo. 
\v 27 Xilii jienliezhi Mexihare hhantulasan ta man jierene Mexihai musizho. 
\v 28 Ta Mexiha \pn Ersa\pn*i miende man nie wo. \png Yutai\png* kun, niman kun, ziyutu kun, hoji, ere kun, eme kunla yama chabie uwo. 
\v 29 Tashi Mexihanughunshi \pn Iburaheimu\pn*i houdei wo, dain giesanzhe caichanni jienliechen wo.
\c 4
\p
\v 1 Bi kieliese jiachanshi man jienliechennughun woma, hhe kewosi xienzide hojilare yama chabie uwo. 
\v 2 Adani jinjisan shihou kuzhetula hhe izhi qiezhechen kun, gonjisan kunyi doura wo. 
\v 3 Matanye niekielien wo. Matan kewosi bikude ene duyani langan daoli matai gonjizhoma, 
\v 4 shihou onqienji kuzhese Huda kewonne peizhi eme kunyi tungo giezhi guijin doura ireghadene 
\v 5 guijin douradu kunlai shuizhi khizhe matande kewosi danlaku qienlii ogiwo. 
\v 6 Tashi kewosi wo, Huda Kewonne ruhherni peizhi mai zhughede teise matan Hudai Aba! Ada giezhi urune. 
\v 7 Ingiese chishi pse hoji pusho, kewon wo. Kewon enbese Huda renjisan jiachanyi jienliechen enbene.
\s Baolo Jialatai Kunde Zhughe Chilazho
\p
\v 8 Eqighandei ta Hudai tani dakude hhezighan yenlai Huda pushotulade hoji danlazhoma, 
\v 9 ede ta Hudai tanine, pse tashi Huda tanisan wo. Ta matugie pse hhezighan yama zoin witu bixin langan daolide hoji danlane giezhi daghazho? 
\v 10 Ta udu, sara, jieqi, nienjienni chigharade zunjizho. 
\v 11 Ingiese bi tande zhughe chilazhi khishulasan belien gholukuse ayizho.
\p
\v 12 Gaijiula, bi tai xiahua gieye, bi ta mutun gholusan mutun taye bi mutun gholu. Ta mii ese kuighazho. 
\v 13 Ta mejiene, bi giemerekuzhe caigie tande tou 1 hui gouxioxi chonjiwo. 
\v 14 Beyemi tande achan ogiwoma, ingieliuzhe ta mii gajide ese uzhezhi ese duisadene kharei Hudai qienxien mutun, Mexiha \pn Ersa\pn* mutun jienliewo. 
\v 15 Hhe xienzide ta hende bayasusan ede khala echiwo? Hhe xienzide ta nudunne waidene made ogiku duran bikui bi tande ganzhen bei shidane. 
\v 16 Ede bi tande zhendaoi kieliese tai duitou gholuwu? 
\v 17 Hhezighan kunla tande rexinde giezhoma, zhughedeni gou muji uwo. Tai mase gholodoghazhi goyadene rexinde gieghane giezho. 
\v 18 Gou mujighala tande rexinde giese gou wo. Enei zinie bi tai hhende bikude gieku pusho, chanqi giese olune. 
\v 19 Mii kesilaya, Mexihai yanzi tai sudoro gholutula bi tande oluzhi pse kewosi oluku kui shouizho. 
\v 20 Bi ede tanre hhantulane giezhi kouqine bienjighadene goude kieliekui hende duralakushi tande oluzhi zhughedemi nanran uwo.
\s Hhazhire Sareghalai Bilazho
\p
\v 21 Ta enezighan guijinni shunjine giesan kunla, made nie kielie, guijinde matui kieliesei ta ulie mejienu? 
\v 22 Jinwun jiere huaizho, \pn Iburaheimu\pn*de ghua kewon wo. Nieshi hoji bierei olusan wo. Nieshi ziyu bierei olusan wo. 
\v 23 Hoji bierei olusanshi beyei kouizhi oluzho, ziyu bierei olusanshi dain giesei kouizhi oluzho. 
\v 24 Eneshi bifan wo. Ghua biereishi ghua yenjisan kielien wo. Nie biereishi \pn Hhazhire\pn* wo, \png Xinaishan\png*se irezhi olusan kesilashi hoji wo. 
\v 25 \pn Hhazhire\pn* \png Alabo\png*ni \png Xinaishan\png*ni daibio giezho, edeku \png Yelusalen\png*ghala niekielien wo. Hhe kesilarene manshi hoji wo. 
\v 26 Da nie biereishi asiman jieredu \png Yelusalen\png*ni daibio giezho. Hhe ziyu wo, matai ana wo. 
\v 27 Jinwun jiere huaizho,
\q1 "Kewosi olu dachen,
\q2 kewosi witu bierei, chi bayasu!
\q1 Kewosi olusan tendunni ese shouisan bierei,
\q2 chi bayasuzhi jiuli!
\q1 Zhanguiji witu biereini kesila
\q2 zhanguiji bisan biereini kesilase olon wo!"
\p
\v 28 Gaijiula, tashi \pn Isaghei\pn* mutun Huda dain giedene iresan kewosi wo. 
\v 29 Hhe shihoude beyese olusan Shenlinse olusei heizho. Edeye niekielien wo. 
\v 30 Ingiezhoma jinwun jiere matugie kieliezho? Hoji biereiji hhei kewonni tou khireigha. Hoji biereini kewon ziyu biereini kewonghala hhantu jiachanni jienliese ulie olune giezho. 
\v 31 Gaijiula, ingiese matanshi hoji biereini kewosi pusho, ziyu biereini kewosi wo.
\c 5
\p
\v 1 Mexiha matanyi ziyude oluzhi matanyi andaghawo. Ingiese ta beizhi undanla. Hojini jiaban tai pse kunzhi bu gie gie.
\s Mexihai Daghasan Kunlani Ziyu
\p
\v 2 Ta chenliendu, bi \pn Baolo\pn* tande goude kielieye. Ta hetoude kouise Mexiha tande yama haochu uwo. 
\v 3 Bi pse jien hetoune giesan kunlade jingao gieye. Tande guijinni man zunjiku zheren wine. 
\v 4 Ta enezighan guijinni kouizhi gounide sanane giesanla, Mexihaghala gonxi widazhi nenjiense likai giewo. 
\v 5 Bijien Shenlinde kouizhi xianxin giekughala gounide sanakui panjizhi sagheizho. 
\v 6 Mexiha \pn Ersa\pn*i miende hetoune gie, ulie gie yama zhunyo uwo. Zhunyonishi orekughala khizhesan xianxin gieku wo.
\p
\v 7 Ta izhi giesan gou woma, ede ta zhendaoni shunjikui kien duiwo? 
\v 8 Ingiezhi surughasanshi tai urusan hhe pusho. 
\v 9 Goujinie kunieghe nie duizi ghurunyi faighane. 
\v 10 Ta pseshikui ulie sumulakui bi Ezhanyi miende hende xianxin giezhoma, kien tai daolon giese hhei faine. 
\v 11 Gaijiula, bi izhigie hetoune giekui chonjizhoshi mii yangiezhi dou heine? Qingiezhoshi shizijia kunni hokurughaku widawo. 
\v 12 Bi xiwon giese tai daolon giesanla goyane atala gie!
\p
\v 13 Gaijiula, tai ziyude uruzhoma, ene ziyuni nefuxin gieku jihui bu gholughadene nieniene oreku zhugheghala ushila. 
\v 14 Soyuji guijin man goyadene mutun giebeidene ore giesan ene nie aman kieliende bouizho. 
\v 15 Ta xioxin giezhi nieniene bu zhouzhi bu yenji, pse man widane.
\s Shenlin Tai Uduru Gie
\p
\v 16 Bi kielieye, ta Shenlinni daghazhi gie, ingiese beyeni nefuxinni ulie giene. 
\v 17 Beyeni nefuxin Shenlinghala zodui giezho, Shenlinye beyeghala zodui giezho. Ene ghuala nieniene zodui giezhi ta duralasan shiqinni ulie gieghane. 
\v 18 Tai Shenlin uduruse guijin doura uwo. 
\v 19 Beye giekulai minminji mejiene, lon kijieku, zannanni, hu gieku, 
\v 20 nigiedai beiiku, fashu shuaiku, chou bareiku, zhenjinduku, henjiku, piqi shuaiku, zinie goyane guiku, danlinraku, danpai gholughaku, 
\v 21 dubilieku, jiu ochi sudoku, nouiku, pse intu shiqinla wo. Bi eqighanse tande jingao giesan mutun ede pse tande jingao gieye. Enezighan shiqinlani giesan kunla Hudai gojiai jienlie dane.
\p
\v 22 Shenlinni jiegoshi, oreku, bayasuku, pinnan, rennai, goude gieku, gou zhughe, kekaoni, 
\v 23 renyi, goyane kunzhi gieku wo. Intu shiqinlai guijin gonji dane. 
\v 24 Mexiha \pn Ersa\pn*ni kunla beyeji nefuxin gieku duranne hhantu shizijia jiere ghadawo. 
\v 25 Matan Shenlinni kouizhi udu daose Shenlinni kouizhi giekuni wo. 
\v 26 Matan goyane undude bu uzhezhi nieniene bu hokughazhi nieniene bu dubilieye.
\c 6
\s Xianxin Giesan Kunni Zheren
\p
\v 1 Gaijiula, nie kun zui fanjise ta Shenlini kouisan kunla renyitu zhugheghala hhei khareizhi daozhegha. Pse goyane miikui xioxin gie. 
\v 2 Ta nieniene achanyi banjizhi danjindu. Ingiezhi giese Mexihani guijinni chengun olughane. 
\v 3 Kun yama pushodene goyane hen wo giese goyane piendazho. 
\v 4 Jien kun goya giesan wilielane jiencha gie, ingiese bayasuku zinie goyade wo, kunlade uwo. 
\v 5 Jien kun goya zherenne goya danji. 
\v 6 Hudai kielienyi surusan kun surughasan kunde goude dunxilai man ogikuni wo. 
\v 7 Goyane bu pienda, Hudai meilade bu uzhe. Kun tareisanshi yan woshi ghurasanshi yan wo. 
\v 8 Zuitu beyene shunjizhi tareise zuitu beyese qida olukui ghurane, Shenlinni shunjizhi tareise Shenlinse chanqiku amin ghurane. 
\v 9 Matan gouni giekude fanqi bu giezhi zhazhen giema, heshitu shihou kuzhese ghurakui wine. 
\v 10 Ingiese matande jihui bikude dajialade gouni giekui wo, xianxin giesan nie gie kunlade genjia ingiezhi giekui wo.
\s Zuihouku Kielien
\p
\v 11 Uzhe, bi qinsi tande huaisan uru matu fugie wo. 
\v 12 Hhezighan mienzii kuaichen kunla tai biizhi hetoune gieghakushi zinie Mexihani shizijiai yenyin jiere heikuse ayizho. 
\v 13 Hhezighan hetoune giesan kunla goyalane guijinni ulie zunjidene tai hetoune gieghakushi tai beyei tungo giezhi goyane kuaine giezho. 
\v 14 Bi zinie matai Ezhan \pn Ersa\pn* Mexihani shizijiase chugo psedulai ulie kuaisejiu. Shizijiai tungo giezhi bi fugusan mutun duyare gonxi widazho. Duyaye fugusan mutun mare gonxi widazho. 
\v 15 Hetoune gie, ulie gie yama zhunyo uwo. Zhunyonishi shini kun wo. 
\v 16 Jien ene daoli mutun giesan kunlade, Hudai Isilie bexinlade Huda pinnan, ubali xiikui ogi gie!
\p
\v 17 Enedu khuinase kiemada mii jiohoro bu gie, mii jiere \pn Ersa\pn*ni hou wine.
\p
\v 18 Gaijiula, mai Ezhan \pn Ersa\pn* Mexihani nenjien tai zhughede bisejiu. Amine!