\id COL DongXiang: DongXiang Bible draft 2
\usfm 3.0
\ide UTF-8
\ide 65001 - Unicode (UTF-8)
\rem Copyright Information: For any non-Paratext use of this text, permission must be obtained from the copyright holder.
\h Geloxi Kunlade Huaisan Xin
\toc1 Geloxi Kunlade Huaisan Xin
\toc2 Geloxi
\toc3 Glx
\mt Geloxi Kunlade Huaisan Xin
\c 1
\s Kielien Asazho
\p
\v 1 Hudai isighala Mexiha \pn Ersa\pn*de shitu danlasan \pn Baolo\pn*, \pn Qimotai\pn* gaijiughala 
\v 2 \png Geloxi\png*dedu shentulade, Mexihani shixinji daghasan gaijiulade xin huaizho. Nenjien, pinnanni mai ada Hudase tande ogi gie!
\s Shentulade Oluzhi Hudade Mafan Kieliezho
\p
\v 3 Bijien tande oluzhi onxian giekude mai Ezhan \pn Ersa\pn* Mexihani ada Hudade chan mafan kieliezho. 
\v 4 Eneshi bijien chenliese ta \pn Ersa\pn* Mexihai xianxin giezhi soyuji shentulade orezho. 
\v 5 Xianxin gieku, orekushi tande asiman jiere sunjisan xiwonse irezho. Ene panjikushi ta melieshida zhenzhenji daoli, jiushi gouxioxise chenliesan wo. 
\v 6 Tai hhende iresan ene gouxioxi qienxiade chonji kurudene olodozhi jiego khizhezho, zhen ta gouxioxini chenliedene Hudai nenjienni zhenzhenji dunjireku hhe uduse qiizhi tai dunda jiego khizhesanghala niekielien wo. 
\v 7 Ene gouxioxini bijien oresan, hhantu hoji danlasan \pn Ibafu\pn*se ta suruwo. Hhe tande oluzhi Mexihade shixinji wiliechi danlazho, 
\v 8 pse Shenlin tande ogisan orekui bijiende kieliezho.
\s Mexihaji Hhei Wilie
\p
\v 9 Ingiese bijien tai xioxii chenliesan hhe uduse tande oluzhi ese beidene onxian giezho. Bi xiahua giese tai ruhher fanmienni shiqinni soyuji agheliji lijie giekui qiendaghazhi Hudai isii mejie. 
\v 10 Ingiedene ta udu daokude Ezhanyi pei shidaku mutun giezhi yandeliuzhe hhei bayasugha, yanyanji gou wilie jiere olon jiego khizheghazhi Hudai olon tani. 
\v 11 Zhao hhei famatu fugie nenlizhe tande olon nenli bizhi bayasuku zhugheghala yan shiqindeliuzhe zhazhen giezhi rennai gie, 
\v 12 gieghantu gojiade shentulai caichanni xianshou gieku zigeni tande ogisan Adade mafan kielie giezho. 
\v 13 Ada kharanii qienlise matai jiuizhi khizhedene goya oresan kewonne gojiade ireghawo. 
\v 14 Hhei kewonni tungo giezhi matanyi shuizhi zuini mienliewo.
\p
\v 15 Mexihashi chanla daku Hudai yanzi wo, soyuji zhayaghasanlase tou 1 giede olusan wo. 
\v 16 Hhei kouizhi asiman, zemin jieredu soyujilai man zhayaghawo. Chanlaku, chanla daku, honshan danlasan, ezhan danlasan, gonjisan, qienli bareisanlai man hhei tungo giezhi, hhende oluzhi zhayaghawo. 
\v 17 Hhe soyujilase melie wine. Soyujila hhei kouizhi beizho. 
\v 18 Hheshi beyeni qiorun wo, ene beyeshi jiohui wo. Hheshi keitou wo, fugusan kun dundase xien aminne oluzhi soyujilai touzi gholuwo. 
\v 19 Huda bayasuzhi hulunnine man hhei sudoro teizhi 
\v 20 hhei tungo giezhi soyujilai goyarene goudaghawo. Mexiha shizijia jiere usurusan chusunghala zemin asiman jieredulai man heqishighawo.
\p
\v 21 Eqighandei ta Hudare danxinrazhi sumulaku jiere Hudare duitou gholuzhi doghunni giezhoma, 
\v 22 ede Huda Mexihai beyei fugukui tungo giezhi tai goyarene goudaghawo. Ingiekushi tai zhiguitu, jienjien witu, yama kieliekui witui gholughazhi hhei melie beilaghane giezho. 
\v 23 Ta indan xinyanne izhi goude bareizhi undanlagha. Ta chenliesan gouxioxini panjikuse likai bu gie. Ene gouxioxini qienxiani soyuji zhayaghasanlade man chonji kurughawo. Bi \pn Baolo\pn*ye ene gouxioxide hoji danlazho.
\s Baolo Jiohuide Gieku
\p
\v 24 Ede bi tande oluzhi bayasuzhi ku shouizho. Mexiha beyedene, yejiushi jiohuide oluzhi ese shouizhi baraghasan kuini bi beye jierene shouizho. 
\v 25 Huda tande oluzhi made ogisan renwughala bi jiohuide wiliechi danlakushi Hudai kielienyi man chonjizhi khizheghane giezho. 
\v 26 Ene mimii melieshidaku olon shidaini kunlade niuighazhoma, ede shentuladene mejieghawo. 
\v 27 Ene mimi niman kunlai dunda zhengiejia fama bikui Huda shentuladene mejieghane giezhi duralawo. Ene mimishi tai sudoro bisan Mexiha wo, jiushi famanide echighaku xiwon wo. 
\v 28 Bijien hhei chonjizhi olon aghelighala jien kunyi jingao giezhi jien kunde surughakushi jien kunyi Mexihai miende hendaghazhi Hudai melie beilaghane giezho. 
\v 29 Bi enende oluzhi mii sudoro fugiede wilie giesan nenlide kouizhi xiacha giezhi khishulazho.
\c 2
\p
\v 1 Bi tande, \png Laojijia\png*ni kunlade, pse soyuji mii chanlazhi ese daosan kunlade oluzhi matugie xiacha giesanyi tande mejieghaku duran wine. 
\v 2 Hhelai sidaghazhi orekughala nieniedene lienji giezho. Qinchude liojie gieku nenlighala Hudai mimini goude mejie giezho. Hheshi Mexiha wo. 
\v 3 Hhei sudoro soyuji agheli, erlinni boubeilai man ghurazho. 
\v 4 Bi ene kielienlai kieliekushi kienyiliuzhe seighan kielienghala tai ulie miighane giezho. 
\v 5 Bi tai hhende uwoma, zhughemi tanre hhantu wo. Ta goude giezhi Mexihai khidunde xianxin giekui uzhese bi bayasuzho.
\s Mexihai Miende Udu Daoku
\p
\v 6 Ta Mexiha \pn Ersa\pn*ni Ezhan wo giezhi jienliese hhende kouizhi gie. 
\v 7 Ta surusan mutun hhei sudoro genzilazhi fugieda. Xianxin giekui undanlaghazhi mafan gieku zhughe olodogha.
\p
\v 8 Ta xioxin giezhi kiema tai kunni erlinji piendaku seighan kielienghala bareizhi bu echigha. Eneshi Mexihai daghasan pusho, kunni xigon, duyai langan daolini daghazho. 
\v 9 Hudai soyuji tejienla kunni beyeghala iresan Mexihani jiere man wine. 
\v 10 Ta hhei sudoro hulunshizho. Hheshi soyuji gonjisan, qienli bareisanlai qiorun wo. 
\v 11 Pse hhei sudoro ta kunni khaghala ese giesan hetoune giezho. Mexihani tungo giezhi hetoune giedene nefuxintu beyeni widaghawo. 
\v 12 Ta xilii jienliezhi hhere hhantu bulazhi hhei fugusan kun dundase aminne olughasan Hudai nenlii xianxin giezhi hhere hhantu aminne oluwo. 
\v 13 Ta melieshida codasan dunda, pse hetoune ese giesan zui gieku beyei yenyinzhe fuguzhoma, Huda tai codasanlai man mienliezhi tai Mexihare hhantu aminne olughawo. 
\v 14 Guijin jiere mai zhazhi kunzhi giezhi jilasanlai moizhi widaghawo. Shizijia jiere ghadazhi widaghawo. 
\v 15 Gonjisan, qienli bareisanlai barei iredene uqilaini widagha shizheghazhi kunlai melie beilazhi shizijiai tungo giezhi injiwo.
\p
\v 16 Ingiese ijieku, ochiku, jieqi, chuyi, hhamuraku udu jiere kunlai goyalane bu kieliegha. 
\v 17 Enelashi jianlai irekuni xiujie wo, zhennishi Mexihanughun wo. 
\v 18 Kunla nanxighan goyane meilade uzhezhi qienxienlani beiikughala tai jianlii bu qianlagha. Imutu kunla goya chanlawo giesande miizho. Nefuxinghalane hanhanji goyane fugiede uzhene, 
\v 19 qiorunghala ese lienjizho. Hhense jinlian khizhezhi nie beyei go mouzi sidasunlai man lienjighazhi zhao Huda osighasan mutun osizho.
\s Mexihani Miende Shini Kun Danla
\p
\v 20-21 Ta Mexihare hhantu fuguzhi duyai langan daolise andazhoma, yale dou duyanughunyi daghazhi giesan mutun bu barei, bu ijie, bu shigha giesan guijinlai shunjine? 
\v 22 Enelai nie injise zoin man wida khine, zinie kun fenfulazhi surughasan wo. 
\v 23 Uzhese enezighan guijinlashi suibiende beiiku, goyane guide meilade uzheku, goyane zayalaku jiere agheli winekui xianli, shijishan kunni nefuxinni daruku jiere yama zoin uwo.
\c 3
\p
\v 1 Ingiese ta Mexihare hhantu aminne oluse asiman jiereshiku shiqinni erei. Hhende Mexiha Hudai borun miende souzho. 
\v 2 Ta zemin jiereshiku shiqinni bu sumuladene asiman jiereshiku shiqinni sumula. 
\v 3 Ta ijin fuguzhi tai amin Mexihare hhantu Hudai sudoro niuizho. 
\v 4 Mexihashi matai amin wo. Hhe xienjikudei ta hhere hhantu fama dunda xienjine.
\p
\v 5 Ingiese tai sudoro bisan zemin jieredu zui gieku duranlai fugugha, jiushi lon kijieku, zannanni, nefuxin, doghunnii sumulaku, tanxin gieku wo. Tanxin giese nigiedai beiizho. 
\v 6 Enelai yenyin jiere Hudai hokuku kielien ulie chenliechen kunlai jiere bouzhene. 
\v 7 Taye eqighandei enelai dunda udu daokude ingiezhi giezhoma, 
\v 8 ede ta hokuku, piqi shuaiku, doghunni, kufurei fanjiku, shizheku kielienlai man widagha. 
\v 9 Ta nieniedene ghudan bu kielie. Ta khuichen kun, pse hhe giedanlai teidene 
\v 10 shini kunni musizho. Ene shini kun hhei zhayaghasan Ezhanyi yanzizhe hhei tanizhi izhi shinishizho. 
\v 11 Enende \png Xila\png* kun \png Yutai\png* kun, hetoune giesan kun ese giesan kun, yeren, unhua witu kun,\f + \fr 3:11\fr* \em Xiguqi kun\em* \f* hoji, ziyutu kun, enelai ulie fenjine. Mexihashi soyuji wo, soyujilai dunda wine.
\p
\v 12 Tashi Huda sunghusan, zhiguitu, oresan kun wo. Ingiese ta ubali xiiku, gou zhughe, meilade uzheku, renyi, rennai giekui musi. 
\v 13 Ene kun hhe kunde boxin kieliekui bise aghuide sumulazhi nieniene roulie. Ezhan tai matugie rouliezhoshi taye qingiezhi kunlai roulie. 
\v 14 Enelase chugo orekui musi. Oreku manlai lienjighazhi hulunshighane. 
\v 15 Mexihani pinnan tai zhughei gonji gie. Ene pinnande oluzhi tai uruzhi nie beye gholughawo. Taye chan mafan kielie. 
\v 16 Ta Mexihani kielienyi zhughedene zhengiejia olonde teizhi soyuji aghelighala nieniedene surughazhi nieniene jingao gie. Mafan gieku zhugheghala shige, zanmeige, ganjin donghala Hudade doula. 
\v 17 Ta yan kieliezhi yan gieliuzhe Ezhan \pn Ersa\pn*ni niereghala gie. Hhei tungo giezhi ada Hudade mafan kielie.
\s Shini Kunni Udu Daoku
\p
\v 18 Biereila, zhanguijine shunji, ene Ezhanyi miende heshi wo. 
\v 19 Zhanguijila biereidene ore, hhelai bu zayala.
\p
\v 20 Kewosila, yandeliuzhe ana adanughunne chenlie, eneshi Ezhan bayasukui wo. 
\v 21 Adala, kesilane bu hokugha, pse hhelade zhughe widane.
\p
\v 22 Hojila, yandeliuzhe duyani ezhannughunne chenlie. Yan giese kunlai bayasughachen kun mutun zinie kunlai nudun melie bu giedene Ezhanni zunjizhi shixinji gie. 
\v 23 Ta yan giese kunlade gieku mutun bu giedene Ezhande gieku mutun zhughesene gie. 
\v 24 Ingiekushi ta Ezhanni hhense jianli wo giezhi jiachanni jienliekui mejiene. Ta shunjisanshi Ezhan Mexiha wo. 
\v 25 Gou wini giesan kunde gou wini irene. Ezhan kunde pienxin ulie giene.
\c 4
\p
\v 1 Ezhanla, hojiladene gundande gie. Tandeye asiman jiere Ezhan bikui ta mejiene.
\s Sughaku Kielien
\p
\v 2 Ta jinxin giezhi mafan giekughala izhi onxian gie. 
\v 3 Pse bijiende oluzhiye onxian gie. Huda bijiende daoli chonjiku wijienyi keighazhi Mexihai mimini jianjigha gie. Bi ene yenyinde bafanzi souzho. 
\v 4 Ingiezhi onxian giema, bi indan kielieku kielienghala daolini man kielie khizheghane.
\p
\v 5 Ta jihuini goude bareizhi aghelighala xianxin ese giesan kunlare laiwon gie. 
\v 6 Ta kielien kieliese dansunghala andatughaku mutun chan renyide kielie. Ingiese jien kunde matugie huida giekui mejiene.
\s Zuihou Asaku
\p
\v 7 Mii qinkonlai \pn Tuijigu\pn* man tande mejieghane. Hheshi nie oresan gaijiu wo, shixinji giesan wiliechi wo, mare hhantu Ezhande hoji danlazho. 
\v 8 Bi zhomen hhei tai hhende peizhi echighakushi bijienyi qinkonyi tande mejieghazhi tai zhughei nanranshighane giezho. 
\v 9 Hhere hhantu echiku dou nie oresan, shixinjitu gaijiu \pn Aniximu\pn* wine. Hheshi tai hhendedu kun wo. Hhe ghuala enendedu shiqinlai man tande kieliene.
\p
\v 10-11 Mare hhantu bafanzi sousan \pn Yalidagu\pn*, \pn Banaba\pn*ni gujiu \pn Make\pn*, \pn Yushidu\pn* giezhi urusan \pn Ersa\pn* enela tande kielien asazho. \pn Make\pn*ni kieliese, tande fenfulazhi daozho. Hhe tai hhende irese ta hhei jienlie. \png Yutai\png*ni Mexihai xianxin giesan kun dunda zinie enela mare hhantu Hudai gojiade oluzhi wilie giezhi mii zhughei nanranshighazho. 
\v 12 Mexiha \pn Ersa\pn*de hoji danlasan tai hhendeduku kun \pn Ibafu\pn* tande kielien asazho. Hhe chan tande oluzhi xiacha giezhi onxian giese ta Hudai isi jiere man hulunshizhi xianxin gieku duruzhi beizhi undanlase giezho. 
\v 13 Hhe tande, pse \png Laojijia\png*, \png Xilapoli\png*ni gaijiulade oluzhi olon khishulazho, enei bi hhende ganzhen bei shidane. 
\v 14 Oresan deifu \pn Lujia\pn*, \pn Jima\pn*ghala tande kielien asazho.
\p
\v 15 \png Laojijia\png*dedu gaijiulade, pse \pn Ninfa\pn*de, hhei giededuku jiohuide kielien asa. 
\v 16 Ta ene xinni onshidene \png Laojijia\png*ni jiohuide ogizhi hhelade onshigha. \png Laojijia\png*se iresan xinni taye onshi. 
\v 17 Ezhanse jienliesan renwuni ijinyo onchen gie giezhi \pn Yajibu\pn*de kielie.
\p
\v 18 Bi \pn Baolo\pn* qinsi huaizhi kielien asazho. Bi bafanzi sousanyi ta jila. Nenjien tanre chan hhantu bi gie!