\id ACT DongXiang: DongXiang Bible draft 2
\usfm 3.0
\ide UTF-8
\ide 65001 - Unicode (UTF-8)
\rem Copyright Information: For any non-Paratext use of this text, permission must be obtained from the copyright holder.
\h Tujila Giesan Wilie
\toc1 Tujila Giesan Wilie
\toc2 Tujila
\toc3 Tuj
\mt Tujila Giesan Wilie
\c 1
\s Shenlinni Saghei Giezho
\p
\v 1-2 \pn Qiafeilo\pn* noyen, bi melieshiku shu jiere \pn Ersa\pn* wilie giezhi qiisanse sunghusan shitulade Shenlinghala fenfulasenu asiman jiere khireiku hhe udu kurutula hhe giesan, surughasanlai man huaiwo. 
\v 3 \pn Ersa\pn* ku shouidene olon zhenjighala goya aminne oluwo giezhi shitulade uzheghawo. 40 qien dunda shitulade xienjighazhi Hudai gojiai shiqinyi jianjizho. 
\v 4 \pn Ersa\pn* hhelare hhantulakude fenfulazhi kieliewo, "Ta \png Yelusalen\png*se likai bu giezhi bi tande kieliesan mutun Ada dain giesei saghei. 
\v 5 \pn Yaheiya\pn* usughala xili gieghawoma, giedudu ulie beizhi tai Shenlinghala xili gieghane."
\s Ersa Asiman Jiere Khireiwo
\p
\v 6 Hhela man hhantu bikude \pn Ersa\pn*de asawo, "Ezhan, chi ene shihoude \png Isilie\png* gojiani yen goudaghanu?" 
\v 7 \pn Ersa\pn* hhelade kieliewo, "Ada qienlighalane jinjisan shihou, uduni ta mejiekuni pushoma, 
\v 8 Shenlin tai jiere bouzhese tande nenli irezhi ta \png Yelusalen\png*, \png Yudaya\png*, \png Samaliya\png*, pse duyai uzhude kutula made ganzhen beine." 
\v 9 Ene kielienyi kielie baraghadene hhela uzheku shihoude asiman jiere khireiwo. Niegieda olien hhei jienlie echise chanla dawo. 
\v 10 Hhe khireikude hhela asiman jiere xianxide uzhese menzhali ghua chighan jien musisan kun hhelai kanzide beizhi kieliewo, 
\v 11 "\png Jialili\png* kunla, ta yale beizhi asimanyi uzhene? Tanse likai giezhi asiman jiere khireisan \pn Ersa\pn*, ta matugie uzhezhi khireighazhoshi yen qingiezhi irene."
\s Maqiyani Shitu Sunghuwo
\p
\v 12 Ingiedene hhela \png Ganlanshan\png*se \png Yelusalen\png*de khareiwo. \png Ganlanshan\png* \png Yelusalen\png*se chada wo, hhamuraku udude yose olune. 
\v 13 Hhela chenshide orodene sousan lou jierene khireiwo. Hhende \pn Beduru\pn*, \pn Yaheiya\pn*, \pn Yagebu\pn*, \pn Andelie\pn*, \pn Feili\pn*, \pn Doma\pn*, \pn Badolomai\pn*, \pn Matai\pn*, \pn Yalefei\pn*ni kewon \pn Yagebu\pn*, Rexinpaini \pn Ximun\pn*, \pn Yagebu\pn*ni kewon \pn Yuda\pn* enela wine. 
\v 14 Enezighan kunla, giedun bierei, \pn Ersa\pn*ni anani \pn Mereiyen\pn*, gaijiulareni hhantu hende onxian giezho.
\p
\v 15 Hhe oloncha chabudu 120 gie gaijiula hhantulakude \pn Beduru\pn* bosizhedene kieliewo, 
\v 16 "Gaijiula, jinwun jiere Shenlin \pn Dawude\pn*i amanghala melieshi kieliesan mutun \pn Yuda\pn* kunlai uduruzhi \pn Ersa\pn*i bareiku shiqin zhao hhe mutun gholuse indanji wo. 
\v 17 Hhe yenlaishi matanyi dundashiku nie wo. Shitula gieku wiliese ibufen zhanjizho. 
\v 18 Ene nie kun gou wiku baerghala nie ghazha agiwo. Ingie ghazhadene fura bou, kielini gha oluzhi khizhesunlani usuru khizhezho. 
\v 19 \pn Yelusalen\pn*de sousan kunla ene shiqinni man mejiewo. Ingie goyalane kielienghala ghazhaini \png Yagedama\png* giewo. Isishi chusun ghazha wo. 
\v 20 Enei \bk Zeburei\bk* jiere ingiezhi kieliezho,
\q1 'Hhei sousan oronni honji gholuzhi
\q2 kiemai ulie soughasejiu.'
\m Pse kieliezho,
\q1 'Danie kunyi hhei oronde jinjighasejiu.'
\m
\v 21-22 Ingiese Ezhan \pn Ersa\pn* matanyi dunda giekude \pn Yaheiya\pn* xili gieghasanse Ezhan matanse likai giezhi asiman jiere khitula matanre chan hhantu bisan kun dundase nie sunghuzhi \pn Ersa\pn* fuho giesande ganzhen beighakui wo."
\p
\v 23 Ingiedene hhela sunghune giezhi ghua kunyi khizheghawo. Nieshi \pn Yusufu\pn* wo. Hhei \pn Basaba\pn*ye giene, \pn Yushidu\pn* giezhiye uruzho. Da nieshi \pn Maqiya\pn* wo. 
\v 24-25 Hhela onxian giezhi kieliewo, "Ezhan, chi kunlai zhughei man mejiene. Chi ene ghua kunse kienyi sunghuzhi ene shituni wiliei giekui bijiende mejiegha. \pn Yuda\pn* ene wiliei bendadene goya orondene echiwo." 
\v 26 Ingie hhela fendan qiangudene \pn Maqiya\pn*ni choui khizhewo. Hhei 11 gie shitulare hhantulaghawo.
\c 2
\s 50 Qienni Jieqide Shenlin Bouzhezho
\p
\v 1 50 qienni jieqi kuzhese hhela man nie oronde hhantulazho. 
\v 2 Menzhali asiman jierese fugie kei feiliesan mutun nie xianshen bouzhezhi hhela sousan giedera duruwo. 
\v 3 Pse khanni hoyen mutun khizhedene jien kunyi jiere luiwo. 
\v 4 Ingie hhelai jiere Shenlin durudene Shenlin ogisan nenlighala psedu kielienghala kielie qiiwo.
\p
\v 5 Hhe xienzide xienliantu \png Yutai\png* kunla shijieni go gojiase irezhi \png Yelusalen\png*de souzho. 
\v 6 Ene shenqi khizhese olon kunla man hhantuladene goya oronyi kielienyi sonosuse ghudure wo giezho. 
\v 7 Hhela hende ghanirazhi kieliewo, "Uzhe, ene kielien kieliesanlashi \png Jialili\png* kun pushonu? 
\v 8 Matan chenliese hhela matugie mai olusan oronyi kielienghala kieliezho? 
\v 9 Mai dunda \png Paqiya\png*, \png Madai\png*, \png Ilan\png* kun wine. Pse \png Meisobudamiya\png*, \png Yudaya\png*, \png Jiapadojia\png*, \png Bendu\png*, \png Yaxiya\png*, 
\v 10 \png Fulijia\png*, \png Panfeiliya\png*, \png Aiji\png*dedu kun, \png Gulinai\png*ni kouisan \png Libiya\png*i idou oronni kunlaye wine. Da \png Loma\png*se irezhi toreisan kun dunda 
\v 11 \png Yutai\png* kun, Yutaijioni suisan kun wine. Pse \png Kelite\png*, \png Alabo\png* kunye wine. Matan sonosuse hhela mai kielienghala Hudai fugie shiqinyi kieliezho." 
\v 12 Kunla man ghanirazhi mejie dazhi nieniedene, "Eneshi yan isi wo?" giezhi asazho. 
\v 13 Niezhan kunla hhelai xiniezhi hhela jiu ochi sudowo giezho.
\s Beduru Kunlade Jianjizho
\p
\v 14 \pn Beduru\pn* 11 gie shitulare bosi ire kunlade fugiede kieliewo, "\png Yutai\png* kun, \png Yelusalen\png*de sousan kunla, bi kieliesei goude chenliezhi mejiendu. 
\v 15 Ta sumulase enezighan kunla sudowo giezhou? Uye sudozho, eneshi eqiemaghaku 9 jien wo. 
\v 16 Eneshi zhen xienzhi \pn Yeer\pn* kieliezhi daosan wo,
\q1
\v 17 'Huda kieliewo, Duya baraku xienzide
\q2 bi Shenlinne jien kunlai jiere kiene.
\q1 Tai kewon, oqinla mini kielienyi kieliene.
\q2 Tai nasuchighan kunla zhoujin mutun chanlane.
\q2 Tai oqio kunla zhoujin zhoujiliene.
\q1
\v 18 Hhe xienzi kuzhese
\q2 bi Shenlinne ere kun, bierei hojilane jiere kiese
\q2 hhela mini kielienyi kunlade kieliene.
\q1
\v 19 Asiman jiere bi fugie shiqin xienjighane.
\q2 Zemin jiere chusun, khan, funighala ghudureqi xienjighane.
\q1
\v 20 Ezhanni fugie famatu udu kuzhetula
\q2 naran kharalane,
\q2 sara chusun mutun hularane.
\q1
\v 21 Ingiese Ezhanyi
\q2 xiahua giesan kunlai man jiuine.'"
\b
\p
\v 22 "\png Isilie\png* kunla, ene kielienyi chenliendu. Huda \png Nasale\png* kun \pn Ersa\pn*i tungo giezhi tai dunda nenlitu shiqin, fugie shiqin, ghudureqi xienjighadene \pn Ersa\pn*de ganzhen beizho. Enei ta goyalane mejiene. 
\v 23 Huda zhao goyane isighala melieshi jihua giesan mutun \pn Ersa\pn*i jiuizhi ogiwo. Ta niman doghun kunlai tungo giezhi hhei shizijia jiere ghada alawo. 
\v 24 Ingieliuzhe Huda hhei fuguku nangoni widaghazhi aminne olughawo. Fuguku hhei hanshilie dazho. 
\v 25 \pn Dawude\pn* hhei zhiizhi kieliewo,
\q1 'Bi chanlase Ezhan chan mii shida wo.
\q2 Hhe mii borun miende beise bi ulie gojiolune.
\q1
\v 26 Ingiese zhughedemi bayasuzhi
\q2 amandemi doulakui wine.
\q1 Made xiwon wine, bi hhamura shidane.
\q1
\v 27 Chi mii ruhherni dozode ulie bendane.
\q2 Zhiguitu kunne ulie fughane.
\q1
\v 28 Chi aminni moni made uzheghawo.
\q2 Chighala hhantushi bi hende bayasuzho.'"
\p
\v 29 "Gaijiula, famatu xienren \pn Dawude\pn*ni shiqinyi bi tande minminji kielieye. Hhe duya ijiezhi bulawo. Hhei meza edeliuzhe mai enende wine. 
\v 30 Hheshi nie xienzhi wo. Huda hhende dadu giezhi hhei houdeise nie kun sunghudene hhei baozo jiere soughane giezhi kieliesei mejiewo. 
\v 31 Hhe melieshidase ene shiqinyi mejiezhi Mexiha fuho giekui kieliewo,
\q1 'Hhei dozode ese bendawo,
\q2 beyeini ese fughawo.'
\m
\v 32 Ene nie \pn Ersa\pn*i Huda aminne olughawo. Bijien man ene shiqinde ganzhen beine. 
\v 33 Huda hhei undudaghazhi borun miendene soughawo. Ada dain giesan Shenlinni hhe jienliedene kie bouzheghawo. Eneshi ta chujieghezhi sonosusan wo. 
\v 34-35 \pn Dawude\pn* asiman jiere ese khireiwoma, goyane kieliezho,
\q1 'Ezhan mii Ezhande kieliewo,
\q2 "Bi duitoulaichii kon dourachii teitula
\q2 chi mini borun miende sou."'
\m
\v 36 Ingiese \png Isilie\png* kunla, man mejiendu. Ta shizijia jiere ghadasan ene \pn Ersa\pn*ni Huda Ezhan, yeshijiu Mexiha gholughawo."
\p
\v 37 Kunla ene kielienyi chenliedene zhughedeni hende jindazhi \pn Beduru\pn*de, psedu shitulade asazho, "Gaijiula, bijien matugiene?"
\p
\v 38 \pn Beduru\pn* kieliewo, "Ta man geizhen giendu. \pn Ersa\pn* Mexihai niereghala xilii jienliedene tai zuini mienlie gie. Ingiese Huda ogine giesan Shenlinni ta jienliene. 
\v 39 Ene dainshi tande, tai kesilade, pse Ezhan mai Huda gholodose uruzhi iresan kunlade man olusan wo."
\p
\v 40 \pn Beduru\pn* pse olon kielienghala, "Ta ene idai doghun kunlai dundase goyalane jiuizhi khizhe!" giezhi ganzhen beizhi hhelade hende surughazhi kieliewo. 
\v 41 Hhei kielienyi xianxin giesan kunla xili jienliewo. Hhe niudude xianxin giesan kun chabudu 3000 olodowo. 
\v 42 Hhela zhomen shitula sughasanyi chenliezhi laiwon giezhi ginan ghuluzhi onxian gienduzho.
\s Xianxin Giesan Kunla Laiwon Giezho
\p
\v 43 Shitula olon fugie shiqin, ghudureqi xienjighase kunla man ayizho. 
\v 44 Xianxin giesan kunla hhantulazhi yan dunxiiliuzhe hhantu injizho. 
\v 45 Hhela giene dunxi, jiachanlane huidene baer injine giesan kunlade ghughazhi ogizho. 
\v 46 Niudunie mechide hhantulazho. Pse gieladene ginan ghuluzhi bayasuzhi heqide ijienduzho. 
\v 47 Hudade doulazho. Olon kunla hhelai kuaizho. Ezhan yebeiseye kun olon jiuizho.
\c 3
\s Beduru Dogholonyi Goudaghawo
\p
\v 1 Niudude xiawu 3 jienni onxian gieku shihoude \pn Beduru\pn* \pn Yaheiya\pn*ghala mechide echiwo. 
\v 2 Niekozi kun olusanse dogholon wo. Niudunie kunla qienliezhi mechii wijien konde teizhi wijiense orochen kunlase xiahua giezhi baer ghuizho. Hhe wijienyi nierei \png Seighan wijien\png* giene. 
\v 3 Hhe kun \pn Beduru\pn*, \pn Yaheiya\pn*ghala orokui chanladene xiahua giezhi baer kerezho. 
\v 4 \pn Beduru\pn*, \pn Yaheiya\pn*ghala hhei xianxide uzhedene \pn Beduru\pn* kieliewo, "Chi bijienyi uzhe." 
\v 5 Hhe kun hhelai xianxide uzhezhi sumulase yama kerene giezho. 
\v 6 \pn Beduru\pn* kieliewo, "Made antan, miengu uwoma, bikune chade ogiye. Bi \png Nasale\png* kun \pn Ersa\pn* Mexihai niereghala kielieye, 'Chi bosidene yo!'" 
\v 7 Ingiedene hhei borun khase feizhi bosizheghawo. Hhei gugieni, konni deigo goudazhi lilian orowo. 
\v 8 Jiuli bosi ire, beidene yo qiiwo. Hhelare hhantu mechide orokude yozho, jiulizho, Hudade doulazho. 
\v 9 Kunla hhe yozhi Hudade doulasanyi chanlawo. 
\v 10 Hheshi mechini \png Seighan wijien\png* konde sousan ghuichen bikuni mejiedene hhe goudasan shiqinde ghaniradei uzhe beizho.
\s Beduru Sulumaneni Zoulan Doura Jianjizho
\p
\v 11 Hhe kun \pn Beduru\pn*, \pn Yaheiya\pn*ghalai barei beikude olon kunla holuzhi hhende ire ghanirawo. Hheshi zhen \pn Sulumane\pn*ni zoulan doura wo. 
\v 12 \pn Beduru\pn* chanladene bexinlade kieliewo, "\png Isilie\png* kunla, ta yale ene shiqinde ghanirazho? Ta bijienyi yangiezhi uzhezho? Ta sumulase bijien goya nenli, xienliantu zhugheghalane ene kunyi yoghawo giezhou? 
\v 13 \pn Iburaheimu\pn*, \pn Isaghei\pn*, \pn Yagebu\pn*i Huda, mai xienrenlai Huda goya hoji \pn Ersa\pn*i kuaizho. Ene \pn Ersa\pn*shi ta \pn Bilado\pn*de jiuizhi ogidene \pn Bilado\pn* jiejin giezhi hhei andaghane giese ta fandui giesan hhe wo. 
\v 14 Ta zhiguitu, gou kunyi ulie keredene kun alasan kunyi andagha giezhi xiahua giewo. 
\v 15 Ta alasanshi aminni Ezhan wo. Huda hhei fugusan kun dundase aminne olughawo. Bijien ene shiqinde ganzhen beine. 
\v 16 Ta tanizhi chanlasan ene kunde \pn Ersa\pn*i niere lilian oroghawo. \pn Ersa\pn*i xianxin gieku xinyanghala ene kunyi tai melie qienbu goudaghawo. 
\v 17 Gaijiula, ta noyenlane mutun mejie dazhi qingiezhi giesei bi mejiene. 
\v 18 Huda eqighanse jien xienzhilani tungo giezhi Mexiha shouku giekui kieliewo. Ede qimutui gholuwo. 
\v 19 Ingiese ta geizhen giezhi Hudai miende khareizhi irendu. Tai zuini widaghane. 
\v 20 Ingiese futanni shihou Ezhanyi hhense irene. Huda eqighanse jinjisan Mexihai tande oluzhi ireghane. Hheshijiu \pn Ersa\pn* wo. 
\v 21 Zhen Huda eqighandei zhiguitu xienzhilane tungo giezhi kieliesan mutun duyani cunxin goudaghaku shihou olutula \pn Ersa\pn* Mexiha bixi asiman jiere feiliene. 
\v 22 \pn Musa\pn* kieliezhi Ezhan Huda tai dundase bi mutun nie xienzhi khizheghane. Hhe yan kieliese ta man chenliendu. 
\v 23 Kien ene xienzhii kielienyi ulie chenliese Huda bexinlane dundase widaghane giezho. 
\v 24 \pn Samuer\pn*se kaishi giezhi hhei khuinadedu alinie xienzhiliuzhe ene udulani shiqinyi kieliezhi daowo. 
\v 25 Tashi hhe xienzhilai houdei wo. Huda tai xienrenlade yenjisan kielienni taye jienliewo. Huda \pn Iburaheimu\pn*de ingie kielie goudaghazho, 'Zemin jieredu soyuji minzulade chii houdeini yenyinzhe fuqi irene.' 
\v 26 Huda hojine bosizheghadene peizhi xien tande iregha, tai alinie kunniliuzhe doghunnilase likai gieghazhi tande fuqi ogiwo."
\c 4
\s Beduru Yaheiyaghalai Bareidene Asazho
\p
\v 1 \pn Beduru\pn* \pn Yaheiya\pn*ghala kunlade kielien kieliekude buwala, mechii sagheisan duizhan, Sadugai kunla iredene 
\v 2 hhela bexinlade \pn Ersa\pn*i tungo giezhi fugusan kun fuho giesei surughazhi chonjise hende hokuzho. 
\v 3 Ingie hhelai barei agi, khara oluse khadene khuichudu kuwo. 
\v 4 Ingieliuzhe hhela jianjisan kielienni chenliedene xianxin giesan kun olon wo. Xianxin giesan ere kun 5000 gholuwo.
\p
\v 5 Khuichudu \png Yutai\png* kunni noyen, zhanlao, jinwun hanjiala man \png Yelusalen\png*de hhantulawo. 
\v 6 Zui fugie buwa \pn Yanasi\pn*, \pn Gaiyafa\pn*, \pn Yaheiya\pn*, \pn Yalishanda\pn*, pse zui fugie buwani jiawuni kunla man hhende wine. 
\v 7 Hhela \pn Beduru\pn*, \pn Yaheiya\pn*ghalai dunda beighadene asawo, "Ta kienyi nenli, niereghala ene shiqinyi giezho?" 
\v 8 Qingiekude \pn Beduru\pn*de Shenlin duruzhi hhelade kieliewo, "Bexinlai noyen, zhanlaolaya, 
\v 9 ta enedu ene dogholonyi jiere bijien giesan gou shiqin, pse hhe matugie goudasei bijiende asazhoshi 
\v 10 ta ashighala, \png Isilie\png*ni bexinla man mejiendu. Tai melie beizhi goudasan ene kunshi ta shizijia jiere ghadadene Huda fugusan kun dundase aminne olughasan \png Nasale\png* kun \pn Ersa\pn* Mexihani niereghala goudaghasan wo. 
\v 11 Ene \pn Ersa\pn*shi jinwunde ingiezhi kieliesan hhe wo,
\q1 'Ta jianrenla bendasan tashi
\q2 ede giei zhunyo tashi gholuwo.'
\m
\v 12 \pn Ersa\pn*se chugo pse jiuichen uwo. Qienxiade matanyi jiuiku psedu nierei ese ogizho."
\p
\v 13 Hhela \pn Beduru\pn*, \pn Yaheiya\pn* ghuala fugie danzighala kieliesei uzhewo. Hhelade yama unhua wikui mejiedene ghanirawo. Pse ene ghua kunshi \pn Ersa\pn*re hhantuku wo giezho. 
\v 14 Hhe goudasan kun hhelare hhantu beisanyi chanladene hhelade yama kielieku kielien widawo. 
\v 15 Ingie \pn Beduru\pn* \pn Yaheiya\pn*i zui fugie fayense khireigha giezhi fenfuladene goyalane shanlian giezhi kieliewo. 
\v 16 "Matan ene ghua kunyi matugiene? Hhela nie ghudureqi xienjighawo, jien \png Yelusalen\png*de sousan kunla man mejiene. Matan uwo giezhi kielie danema, 
\v 17 ene shiqin bexinlai dunda fugiedakuse ayizhi matan hhelai nie ayighaye. Ene kunyi niereghala pse bu chonji gie."
\p
\v 18 Ingie hhe ghualai uruzhi ire, \pn Ersa\pn*ni niereghala kunlade pse bu jianji, ye bu surugha giewo. 
\v 19 \pn Beduru\pn* \pn Yaheiya\pn*ghala kieliewo, "Tai kieliei chenlie, Hudai kieliei ulie chenliese, Hudai melie heshi winu uwo? Ta goyalane sumula. 
\v 20 Bijien chujieghezhi sonosusanne ulie kieliezhi ulie olune."
\p
\v 21 Noyenla hhelade yama faikui jiekou ereizhi khizhe dawo. Pse bexinla ene fashen giesan shiqin jiere Hudai kuaise hhe ghualai hende nie ayigha andaghawo. 
\v 22 Yenlai ene ghudureqighala goudaghasan kun 40 ji olune.
\s Tujila Danzii Fugiedagha Giezhi Onxian Giezho
\p
\v 23 \pn Beduru\pn* \pn Yaheiya\pn*ghalai andaghadene hhela goya kunlane hhende echiwo. Fugie buwa, zhanlaolai kieliesan kielienyi goya kunladene kieliewo. 
\v 24 Hhela chenliedene Hudade nie zhugheghala fugiede kieliewo, "Asiman, zemin, hai, pse hhei sudorodu shihenilai man zhayaghazhi gonjisan Ezhan, 
\v 25 chi Shenlinyi tungo giezhi goya hojine, bijienyi xienren \pn Dawude\pn*ni amanghala ingiezhi kieliewo,
\q1 'Go gojiala yale nouine?
\q2 Go minzula yale oronde wikui jihua giene?
\q1
\v 26 Duyai honshanla bosizhewo.
\q2 Noyenla hhantulazho.
\q1 Ezhanse, Ezhanni Mexihase fandui giene giezho.'
\m
\v 27 \pn Hherode\pn*, \pn Benjiu-Bilado\pn* ghuala ene chenshide niman kun, \png Isilie\png* kunlare hhantuladene chi sunghu goudaghasan zhiguitu hoji \pn Ersa\pn*i qingiezhi fandui giezho. 
\v 28 Hhela giesanlashi man chii nenli, isighala eqighan jiejin giesan shiqin wo. 
\v 29 Ezhan, hhela ede bijienyi ayighasei chi nie uzhe. Hojiladene fugie danzi ogizhi chii kielienni kieliegha. 
\v 30 Chi nenline xienjighazhi gienlai goudagha. Chii zhiguitu hoji \pn Ersa\pn*i niereghala ghudureqi, fugie shiqin xienjigha."
\p
\v 31 Hhela onxian gie baluse hhantulasan oron gojiolu qii, hhelade man Shenlin duruzhi danzine fugiedagha, Hudai kielienni kielie qiiwo.
\s Yan Dunxiiliuzhe Hhantu Injizho
\p
\v 32 Xianxin giesan kunla zhughede, sumulasanla man nie wo. Kienliuzhe eneshi goyanughun wo ulie giene, man hhantu injizho. 
\v 33 Shitula fugie nenlighala Ezhan \pn Ersa\pn* fuho giesande ganzhen beizho. Ingiese kunlade Hudai fugie nenjien irewo. 
\v 34 Hhelai dunda kiemade yama ese chaizho. Hhela ghazha, gielane huisan baerni agizhi iredene 
\v 35 shitulani melie jiese shitula zhao kunla injiku mutun ghughazhi ogiwo.
\p
\v 36 Nie \png Liwi\png* kunyi nierei \pn Yusufu\pn* giene. \png Saipulusi\png*de oluzho. Shitula hhei \pn Banaba\pn* giezhi uruzho, isishi kunlade goude sughazhi kieliechen wo. 
\v 37 Hhe ghazhalane huidene baerni agizhi ire shitulai melie jiewo.
\c 5
\s Yananiya Safeila Ghuala
\p
\v 1 Da nie kunyi nierei \pn Yananiya\pn* giene. Biereiini \pn Safeila\pn* giene. Ghuala ghazhane huidene 
\v 2 baerse ghulazhi goyadene gouji feiliegha, psedulai shitulai melie jiewo. Enei biereiniye mejiene. 
\v 3 \pn Beduru\pn* kieliewo, "\pn Yananiya\pn*, yale chii zhughede Ibilisi duruzhi Shenlinyi piendane? Ghazhane huisan baerni yale goujinie feilieghawo? 
\v 4 Ghazhane uye huikude ghazhashi chinughun pushonu? Ede huise baerne chi zozhu giezhola? Chi yale intui giezho? Chi kunni ese piendazho. Hudai piendazho." 
\v 5 \pn Yananiya\pn* ene kielienyi chenliedene fura bou, ho sirawo. Chenliesan kunla man hende ayizho. 
\v 6 Giedun nasuchighan kunla bosi ire, hhei boui goudaghadene qienlie khirei bulawo.
\p
\v 7 Ghuran zhuntou daose biereini irewo. Ene shiqinni dou ulie mejiene. 
\v 8 \pn Beduru\pn* hhende asawo, "Chi made kielie, ta ghazha huisan baershi enezighan onu?" "Jiu enezighan wo."
\p
\v 9 \pn Beduru\pn* kieliewo, "Ta ghuala yale hhantulazhi Ezhanni ruhherni shiine? Zhanguijii chii bulasan kunla ede wijien konde irewo, chiiye qienlie khighane."
\p
\v 10 Ingie hhe bierei deigo \pn Beduru\pn*i kon konde fura bou, ho sirawo. Hhe nasuchighan kunla oro ire fuguseini chanladene, qienlie echi zhanguijiini kanzide bulawo. 
\v 11 Jien jiohuini kunla, pse ene shiqinyi chenliesan kunla man hende ayizho.
\s Shitula Ghudureqi Xienjighazho
\p
\v 12 Ezhan shitulai tungo giezhi bexinlai dunda ghudureqi, fugie shiqin olon giewo. Xianxin giesan kunla \png Sulumane\png* zoulande heqide man hhantulazho. 
\v 13 Bexinla man hhelai zanchen giezhoma, kunlase ayizhi hhelare hhantula dazho. 
\v 14 Ezhanyi xianxin giesan ere kun, biereila yebeiseye olodozho. 
\v 15 Niezhan kunla da gientulai qienliezhi geidoude khirei chon, ruzi jiere jiezho. Sumulase \pn Beduru\pn* yozhi daokude xiujieniliuzhe hhelai jiere kuse giezho. 
\v 16 Pse \png Yelusalen\png* zhouwini xianlase olon kunla gientu, zannan ruhher heisanlai uduru ire man goudaghawo.
\s Shitulai Biizho
\p
\v 17 Zui fugie buwa, hhei lienshoulani Sadugai kunla hende dubiliedene 
\v 18 shitulai barei agi bafanzide khawo. 
\v 19 Xienidei Ezhanyi qienxien bafanzi wijienyi niezhi hhelai uduru khizhegha kieliewo, 
\v 20 "Ta mechide echidene ene amin ogiku daolii bexinlade man kielie." 
\v 21 Ingiese shitula ene kielienyi chenliedene ogheikude mechide echizhi kunlade sughazho. Zui fugie buwa, lienshoularene kuzhedene zui fugie fayenni kun, \png Isilie\png*ni zhanlaolai uruzhi irewo. Kun peizhi bafanzise shitulai lai iregha giezho. 
\v 22 Mechini sagheisan kunla bafanzide echise kun nieda uwo. Ingie khareizhi ire kieliewo, 
\v 23 "Bijien echise bafanzi wijien yama ese giezho. Sagheisan kun wijien ghadane wo. Wijienyi niese sudoro kun nieda uwo." 
\v 24 Mechini sagheisan duizhan, fugie buwa ene kielienyi chenliedene ghanirazhi matugie imutui gholuwo giezho. 
\v 25 Nie kun iredene kieliewo, "Ta bafanzide bareisan kunla ede mechide beidene bexinlade sughazho." 
\v 26 Ingie duizhan mechini sagheisan kunlai uduruzhi shitulai barei irewo. Bexinla hhelai tashighala eghikuse ayizhi khidunde ese giezho.
\p
\v 27 Hhela shitulai barei ire zui fugie fayen sudoro beigha zui fugie buwa hhelade asazho, 
\v 28 "Bijien tande hende jingao giezhi ene kunyi niereghala kunlai bu surugha giezhi kieliewo. Ta daoline nie \png Yelusalen\png*de kielie kurughadene dou alasan ene kunni chusunni zhanni bijienyi jiere beilieghane." 
\v 29 \pn Beduru\pn*, pse shitula kieliewo, "Hudai shunjizhi kunyi ulie shunjise indanji wo. 
\v 30 Mai xienrenni Huda ta mutun jiere guaidene alasan \pn Ersa\pn*i aminne olughawo. 
\v 31 Huda hhei undudaghazhi borun miendene khighawo. Hhei honshan, jiuichen danlaghazhi \png Isilie\png* kunni geizhen gieghazhi zuini mienliene giezho. 
\v 32 Bijien ene shiqinlade ganzhen beine. Hudai shunjisan kunlade ogisan Shenlinye ganzhen beine."
\p
\v 33 Zui fugie fayenni kunla enei chenliedene hende hokuzhi hhelai alane giezho. 
\v 34 Nie Falisai kunyi niereini \pn Jiamalie\pn* giene. Hheshi nie jinwun loushi wo, kunla man hhei zunjine. Zui fugie fayende bosi ire kunlade fenfulazhi shitulai ghadane niecha khireigha giewo. 
\v 35 Ingie kunlade kieliewo, "\png Isilie\png* kunla, ta ene kunlai xioxin giezhi chuli gie. 
\v 36 Eqighandei \pn Duda\pn* bosi ire goyane fugie wo giezho. Hhei daghasan kun 400 wine. Hhei alasenu daghasan kunlai man sanda widazhi yama widawo. 
\v 37 Hhense khuinashi hukou denji giekude \png Jialili\png*ni \pn Yuda\pn* bexinlai yela giezhi goyane daghaghawoma, hhe fuguse daghasan kunla man sanda widawo. 
\v 38 Ede bi tande kielieye, ta ene kunlase gholodo. Hhelai bu gonji. Hhelai jihua, giesanlashi kunse irese widane. 
\v 39 Hudase iresan enbese ta hhelai widagha dane. Ta kenen Hudare duitou gholune."
\p Zui fugie fayenni kunla hhei kieliei shunjidene 
\v 40 shitulai uru ire idun eghidene \pn Ersa\pn*i niereghala bu kielie gie andaghawo. 
\v 41 Shitula \pn Ersa\pn*i nierede oluzhi jiuren giese pei shidane giezhi hende bayasudene zui fugie fayense likai giewo.
\p
\v 42 Hhela niudunie mechide, go gielade ese beidene \pn Ersa\pn*shi Mexiha wo giezhi kunlade sughazhi gouxioxini chonjizho.
\c 6
\s Dolon Kunni Sunghuzho
\p
\v 1 Hhe oloncha tuji niudunie olodozho. Niudunieku shenhofei ogiku shiqin jiere \png Xila\png* kielien kieliechen \png Yutai\png*i guafulai jiezho. Ingiese hhela \png Xibolai\png* kielien kieliechen \png Yutai\png* kunlade boxin kieliezho. 
\v 2 Ingie 12 gie shitu olon tujilai uru ire kieliewo, "Matan Hudai kielienyi chonjikui bendazhi jiedene ijiekui gonjise heshi uwo. 
\v 3 Gaijiula, tai dundase gou minshentu, Shenlin duruzhi agheli olontu dolon ere kunyi sunghuzhi ene shiqinlai gonjighaye. 
\v 4 Ingiese matan zhomen onxian giezhi pse Hudai kieliende giene."
\p
\v 5 Kunla man ene kielienyi zanchen giedene \pn Siqifan\pn*, \pn Feili\pn*, \pn Bologelo\pn*, \pn Nijiano\pn*, \pn Qimun\pn*, \pn Bamina\pn*, pse Yutaijiode suisan \png Anqiya\png* kun \pn Nigela\pn*i sunghuwo. \pn Siqifan\pn* xianxin giesan gou wo, Shenlinye duruzho. 
\v 6 Enelai shitulai melie beighase shitula onxian giezhi hhelai jiere khane teiwo.
\p
\v 7 Hudai kielien ondazhi \png Yelusalen\png*de tujila zhenzhen olodozho. Tebie olon buwalaye ene xinyanni shunjizho.
\s Siqifanni Bareizho
\p
\v 8 \pn Siqifan\pn*de Hudai nenjien, nenli olonshi kunlai dunda fugie shiqin, ghudureqi giezho. 
\v 9 Ingiese Ziyutu kunla giezhi urusan huitanni giedun kun bosi ire \pn Siqifan\pn*ghala jianjinduwo. Enelashi \png Gulinai\png*, \png Yalishanda\png*, \png Jilijia\png*, \png Yaxiya\png* gochuse irezho. 
\v 10 \pn Siqifan\pn* agheli, Shenlinyi kouizhi kielien kieliese hhela dui dane. 
\v 11 Ingie kunlai baerghala agidene kielieghawo, "Bijien chenliese \pn Siqifan\pn* \pn Musa\pn*, Hudaghalai sugiezho." 
\v 12 Hhela bexin, zhanlao, jinwun hanjialai shanjizhi \pn Siqifan\pn*yi hhende echighase barei zui fugie fayende irewo. 
\v 13 Hhela pse jia ganzhen beisan kunlai uru ire kielieghawo, "Ene kun zhiguitu oronji \pn Musa\pn*ni guijinni sugiezhi ese beizho. 
\v 14 Bijien chenliese hhe kieliezhi \png Nasale\png* kun \pn Ersa\pn* mechii furaghane, pse \pn Musa\pn* matande ogisan guijinni geighane giezho." 
\v 15 Zui fugie fayende sousan kunla man \pn Siqifan\pn*ni xianxide uzhese ungieni qienxienni ungiei xianli.
\c 7
\s Siqifan Jianjisan
\p
\v 1 Zui fugie buwa \pn Siqifan\pn*de asawo, "Intu shiqin winu?"
\p
\v 2 \pn Siqifan\pn* kieliewo, "Oqio kun, gaijiula, ta chenliendu. Matai xienren \pn Iburaheimu\pn* \png Halan\png*de soutula \png Meisobudamiya\png*de bikude famatu Huda hhende xienjighadene kieliewo, 
\v 3 'Chi goya oron, jiawusene likai giezhi bi chade uzheghaku oronde echi.'"
\p
\v 4 "Ingie hhe \png Jialeji\png* kunlai oronse likai giedene \png Halan\png*de souwo. Hhei adani fugudene Huda hhei banjighazhi ta ede sousan ene oronde ireghawo. 
\v 5 Ene oronde Huda hhende yama jiachan, lien beiku oronye uye ogiwoma, Huda kielien yenjizhi ene oronyi hhende, hhei houdeide ogizhi caichan gie giewo. Hhe shihoude hhende kewosi uwo. 
\v 6 Ingiese Huda kieliewo, 'Houdeichii kunlai oronde souzhi hoji danlazhi 400 nien zayalane.' 
\v 7 Pse kieliewo, 'Hhelai hoji danlaghasan gojiani bi panjine. Khuinashi hhela khizhedene ene oronde mii shunjine.' 
\v 8 Ingiedene Huda \pn Iburaheimu\pn*de hetoune giekughala kielien yenjiwo. \pn Iburaheimu\pn*de \pn Isaghei\pn*ni oluzhi neimudude hetoune giewo. \pn Isaghei\pn*de \pn Yagebu\pn*ni oluwo, \pn Yagebu\pn*de mai 12 gie famatu xienrenlai oluwo."
\p
\v 9 "Ene famatu xienrenla \pn Yusufu\pn* jiuni dubiliedene \png Aiji\png*de huiwo. Ingieliuzhe Huda hheghala hhantushi 
\v 10 hhei yan kunnanseliuzhe khizheghawo. Huda hhende nenjien, agheli ogise \png Aiji\png*ni \pn Falao\pn* honshan hhei uzhedan gou wo. \pn Falao\pn* hhei \png Aiji\png*de zui fugie noyen danlaghazhi giene man gonjighawo."
\p
\v 11 "Ingiedene \png Aiji\png*, \png Jianan\png*de honnien kuzhezhi zeinan irewo. Mai xienrenlade taran sirawo. 
\v 12 \pn Yagebu\pn* sonosuse \png Aiji\png*de taran wine. Ingie mai xienrenlani peizhi tou 1 hui hhende echighawo. 
\v 13 2 huide echise \pn Yusufu\pn* gaijiuladene tanighawo. Ingiese \pn Falao\pn* hhei gieni qinkonyi mejiewo. 
\v 14 \pn Yusufu\pn* kun peizhi adane nie gie kunyi jienlieghale echiwo. Man 75 gie kun wo. 
\v 15 Ingie \pn Yagebu\pn* \png Aiji\png*de bouzhewo. Khuinashi \pn Yagebu\pn*, mai xienrenla man hhende duya ijiewo. 
\v 16 Hhelai laizhi \png Shijien\png*de echi \pn Iburaheimu\pn* \pn Hamo\pn*ni houdeilase miengughala agisan mezade bulawo."
\p
\v 17 "Huda \pn Iburaheimu\pn*de yenjisan kielien kuzhekude \png Aiji\png*de \png Isilie\png* kunla hende olodowo. 
\v 18 Khuinashi \pn Yusufu\pn*i tani dachen nie shini honshan khizhezhi \png Aiji\png*ni gonjizho. 
\v 19 Hhe mai kunlai heizhi xienrenlai mai zayalazho. Hhelai biizhi yeliwalai bendaghazhi aminne ese olughazho."
\p
\v 20 "Hhe shihoude \pn Musa\pn*ni oluwo. Hudai melie hhe uzhezhi seighan wo. Hhei adaini giede ghuran sara qiezhedene 
\v 21 bendase \pn Falao\pn*i oqin kewonni giedene qiezhe fugiedaghawo. 
\v 22 \pn Musa\pn* \png Aiji\png* kunlai unhuani man suruwo. Kielien kielie, shiqin giese nenli wine."
\p
\v 23 "\pn Musa\pn* 40 olukude goya \png Isilie\png* kunlane uzhele echine giezhi jiejin giewo. 
\v 24 Niefade hhe echikude nie \png Aiji\png* kun nie \png Isilie\png* kunyi qifulasanyi chanlasenu hhe \png Aiji\png* kunyi alazhi hhe kunde bouchou giewo. 
\v 25 Hhe sumulase Huda hhei tungo giezhi goya kunlai jiuikui mejiemu giezhoma, hhela mejie dazho. 
\v 26 Khuichudu \pn Musa\pn* chanlase \png Isilie\png* kunla eghinduzho. Hhelai sidaghazhi kieliewo, 'Gujiu, tashi gaijiula wo, yale nieniene qifulane?'"
\p
\v 27 "Giebeine qifulasan kun \pn Musa\pn*i tungu daogha kieliewo, 'Kien chii bijiende lindao, panjichen kun danlaghawo? 
\v 28 Chi uchughudu hhe \png Aiji\png* kunyi alaku mutun mii alanu?' 
\v 29 \pn Musa\pn* ene kielienyi chenliedene \png Aiji\png*se ghula holu \png Mijien\png*de toreisan mutun souwo. Hhe oronde hhende ghua kewon oluwo."
\p
\v 30 "40 nien daose \png Xinaishan\png* hontande nie qienxien siderasan eghesun dunda \pn Musa\pn*de chanlaghawo. 
\v 31 \pn Musa\pn* zhoujin mutunyi chanladene ghanirazhi melie daozhi uzhene giekude Ezhanyi shenqii sonosuwo, 
\v 32 'Bishi chii xienrenlai Huda wo. \pn Iburaheimu\pn*, \pn Isaghei\pn*, \pn Yagebu\pn*ni Huda wo.' \pn Musa\pn* chenliesenu pugharadene ayizhi uzhe dazho. 
\v 33 Ezhan hhende kieliewo, 'Chi kon jieredu maheine tei. Chi beisan oronshi zhiguitu oron wo. 
\v 34 Mii bexinlai \png Aiji\png*de zayalasanyi bi qinchude chanlawo. Hhela shonholosan shenqiiye sonosuwo. Bi hhelai jiuile bouzhewo. Ede ire, bi chii peizhi \png Aiji\png*de echighane.'"
\p
\v 35 "Eneshi bexinla kien chii bijiende lindao, panjichen kun danlaghawo giezhi fandui giesan \pn Musa\pn* wo. Ingieliuzhe Huda siderasan eghesun dunda qienxienyi tungo giezhi hhei peidene bexinlade noyen, jiuichen danlaghawo. 
\v 36 \pn Musa\pn* \png Aiji\png*, \png Hunhai\png*, hontande 40 nien olon fugie shiqin, ghudureqi giezhi bexinlai \png Aiji\png*se uduru khizhewo."
\p
\v 37 "Eneshijiu \png Isilie\png* kunlade 'Huda tai dundase bi mutun nie xienzhi khizheghane.' giezhi kieliesan hhe \pn Musa\pn* wo. 
\v 38 Ene \pn Musa\pn* hontandedu \png Isilie\png* kunlare hhantu wo. Mai xienrenghala hhantu \png Xinaishan\png* jiere hhende kielien kieliesan qienxienyi tungo giezhi amin ogiku kielienyi jienliedene matande chonjizhi ogiwo."
\p
\v 39 "Mai xienrenla hhei kielienyi ese chenliedene hhei tungu daoghazhi \png Aiji\png*de khareiku duralazho. 
\v 40 Hhela \pn Hharune\pn*de kieliewo, 'Bijiende mo uduruku nigiedalani gie. Bijienyi \png Aiji\png*se uduru khizhesan \pn Musa\pn* yan shiqin penji woshi bijien ulie mejiene.' 
\v 41 Ingie hhe shihoude hhela nie fughe giedene hhe nigiedade mure khughozhi goya khaghalane giesanlade beiizhi bayasunduzho. 
\v 42 Ingiese Huda hhelase likai giedene hhela asiman jieredu naran, sara, hodunlai beiise uye gonjizho. Zhen xienzhii shu jiere huaisan mutun,
\q1 '\png Isilie\png* kunla,
\q2 ta hontande 40 nien dunda
\q2 zharusan ghoni fugheji pse ogisan mureshi made giesan pusho.
\q1
\v 43 Ta qienliesanshi \pn Molo\pn* nigiedani zhanfan wo,
\q2 \pn Lifan\pn* nigiedani hodun wo.
\q2 Enelashi ta goyala beiine giezhi giesan nigiedala wo.
\q1 Ingiese bi tai touzhi \png Babilun\png* ghadane khighane.'"
\p
\v 44 "Mai xienrenla hontande bikude ganzhen beiku zhanfan wine. Hheshi Huda \pn Musa\pn*de fenfuladene uzheghasan yanzi mutun gieghasan wo. 
\v 45 Mai xienrenla ene zhanfanyi jienliewo. Huda hhelai melie niman kunlai tou khighasan oronde hhela \pn Yeshuya\pn*re hhantu zhanfanyi agi echizhi \pn Dawude\pn* honshanni shihou kuruwo. 
\v 46 Huda \pn Dawude\pn*de orezho. Ingiese hhe Hudai xiahua giezhi \pn Yagebu\pn*i houdeilade Huda souku oron zhunbei giene giezhoma, 
\v 47 Hudade giei beighasanshi \pn Sulumane\pn* wo."
\p
\v 48 "Ingiezhoma, Zui Unduni Huda kun khaghalane giesan giede ulie soune. Xienzhi kieliesan kielien mutun wo,
\q1
\v 49 Ezhan kieliewo,
\q1 'Asimanshi mii zowi wo.
\q2 Zeminshi mii bandou wo.
\q1 Ta made matui gie giene?
\q2 Khalashi bi hhamuraku oron wo?
\q1
\v 50 Enelashi man bi khaghalane giesan pushonu?'"
\p
\v 51 "Ta ene jianbanjin kunla, zhughe, chighindene hetoune ese giesan kunla. Ta xienrenlane mutun ibeizi Shenlinni fandui giezho. 
\v 52 Alinie xienzhilai tai xienrenla ese heiwo? Hhela nie gou kun irene giezhi melie kieliesan xienzhilai alawo. Ede ta hhe gou kunni ghudanduzhi alawo. 
\v 53 Ta qienxienla chonjizhi ogisan guijinni jienliedene ese zunjiwo."
\s Siqifanni Alazho
\p
\v 54 Hhela ene kielienyi chenliedene \pn Siqifan\pn*de hende hokuzhi shidunne zhouzho. 
\v 55 \pn Siqifan\pn*de Shenlin duruzhi asimanyi xianxide uzhezhi Hudai fama, pse \pn Ersa\pn* Hudai borun miende beisei chanladene kieliewo, 
\v 56 "Asiman keizhi Kunnikewon Hudai borun miende beisei bi chanlawo."
\p
\v 57 Ingiese kunla chighinne duigha fugiede onghonozhi hhei melie chunji echidene 
\v 58 hhei chenshi ghadane tungu khigha tashighala eghi qiiwo. Ganzhen beisan kunla jienne teidene nie \pn Saolo\pn* giezhi urusan nasuchighan kunyi kon konde jiewo. 
\v 59 Hhela tashighala eghikude \pn Siqifan\pn* onxian giezhi kieliewo, "Ezhan \pn Ersa\pn*, mii ruhherni jienlie!" 
\v 60 Pse xiutuliezhi fugiede kieliewo, "Ezhan, ene zuini hhelade bu sougha!" Ene kielienyi kieliedene fuguwo.
\c 8
\p
\v 1 \pn Siqifan\pn*yi alasande \pn Saolo\pn* tunyi giewo.
\s Saolo Jiohuini Heizho
\p Ene uduse \png Yelusalen\png*ni jiohuii hende heizho. Shitulase chugo psedu tujila sandazhi \png Yudaya\png*, \png Samaliya\png*ni go oronde echiwo. 
\v 2 Niezhan xienliantu kunla \pn Siqifan\pn*yi buladene hhende oluzhi fugiede wilazho. 
\v 3 \pn Saolo\pn* jiohuini heizhi jien kunlai giede orodene ere kun, biereilai bafanzide lai echi khawo.
\s Feili Samaliyade Chonjizho
\p
\v 4 Hhe sandasan kunla gochude echizhi Hudai kielienyi chonjizho. 
\v 5 \pn Feili\pn* \png Samaliya\png*i chenshide echizhi kunlade Mexihai chonjizho. 
\v 6 Olon kunla \pn Feili\pn* kieliesan kielienyi chenliezhi giesan ghudureqii uzhedene man hhei kielienyi goude chenliezho. 
\v 7 Olon kunlai jierese zannan ruhherla fugiede nie onghonodene likai giewo. Pse olon tanhon giesan, dogholonlai goudaghawo. 
\v 8 Ingiese hhe chenshii kunla hende bayasuzho.
\p
\v 9 Hhe chenshide nie kunyi nierei \pn Ximun\pn* giene. Eqighanse baxi shuaizhi bi hen wo giezho. \png Samaliya\png*i bexinlai ghaniraghazho. 
\v 10 Bugon fugiei ganii man hhei daghazhi ene kunshi fugie nenlitu giezhi urusan Hudai nenli wo giezho. 
\v 11 Hhela hhei chenliekushi hhe oloncha baxi shuaizhi hhelai ghaniraghazho. 
\v 12 Ingiekude \pn Feili\pn* hhelade Hudai gojiai gouxioxi, \pn Ersa\pn* Mexihai nierei chonjise hhela xianxin giezhi ere kun, biereila xili jienliewo. 
\v 13 Lien \pn Ximun\pn*ye xianxin giedene xili jienliewo. Hhe \pn Feili\pn*ghala chan hhantulazhi \pn Feili\pn* giesan ghudureqi, fugie nenlitu shiqinlai uzhedene ghanirazho.
\p
\v 14 Shitula \png Yelusalen\png*de bikude chenliese \png Samaliya\png* kunla Hudai kielienyi jienliewo giese \pn Beduru\pn* \pn Yaheiya\pn*ghalai hhelai hhende echighawo. 
\v 15 Hheghala boudene hhelade Shenlinyi jienlieghane giezhi onxian giezho. 
\v 16 Shenlin kiemai jiere ese bouzhezho. Hhela zinie Ezhan \pn Ersa\pn*i niereghala xili jienliezho. 
\v 17 \pn Beduru\pn* \pn Yaheiya\pn*ghala hhelai jiere khane teise hhela Shenlinyi jienliewo.
\p
\v 18 Shitula khane teise Shenlin bouzhesei \pn Ximun\pn* chanladene baerne hhelade ogizhi 
\v 19 kieliewo, "Ene nenlii madeye ogi. Bi kienyi jiere khane teizhi onxian giese kienye Shenlinyi jienliene."
\p
\v 20 Ingiese \pn Beduru\pn* kieliewo, "Chi baerghalane hhantu fugule echi. Chi sumulase Huda ogiku nenjienni baerghala aginu? 
\v 21 Ene wiliede chade guzi uwo. Hudai melie chii zhughe donzhen uwo. 
\v 22 Chi ene doghunnii geizhi Ezhanni xiahua gie. Kenen chi zhughedene sumulasei mienliene. 
\v 23 Bi uzhese chii zhughede dubilieku olon wo, gou wini chii banlazho."
\p
\v 24 Ingiese \pn Ximun\pn* kieliewo, "Ta made oluzhi Ezhanni xiahua gie. Ingiese ta kieliesanla mii jiere nieda ulie irene."
\p
\v 25 \pn Beduru\pn* \pn Yaheiya\pn*ghala Ezhanyi kielienni kieliezhi ganzhen beidene \png Yelusalen\png*de khareiwo. Idou mo jiere \png Samaliya\png*ni go aghinlade gouxioxii chonjizho.
\s Feili Taijienghala
\p
\v 26 Ingiekude Ezhanni qienxien \pn Feili\pn*de kieliewo, "Chi bosidene nanbangiede yo. \png Yelusalen\png*se \png Jiasa\png*de bouku mo jiere echi." Hhe mo hontande wo. 
\v 27 \pn Feili\pn* bosizhedene echise mo jiere nie \png Aisaiebiya\png* kunyi chanlawo. Ene kunshi \png Aisaiebiya\png* bierei honshan \pn Gandaji\pn*ni kha douradu taijien wo. Hheshi bierei honshanni baerlai man gonjisan fugie noyen wo. \png Yelusalen\png*de libai giezhi irezho. 
\v 28 Khareiku mo jiere mache souzhi xienzhi \pn Isaiya\pn*i shuni onshizho. 
\v 29 Shenlin \pn Feili\pn*de kieliewo, "Chi gierudene chezii shigha."
\p
\v 30 \pn Feili\pn* holuzhi echise xienzhi \pn Isaiya\pn*i shuni onshisei sonosuwo. Ingie hhende asawo, "Chi onshisanne dunjirenu?"
\p
\v 31 Hhe kieliewo, "Mii kiema ese uduruzho, bi matugie dunjirene?" Ingie \pn Feili\pn*i chezi jierene uru khirei hhantu souwo.
\p
\v 32 Hhe onshisan jinwun jiere kieliezho,
\q1 "Hhei ghoni zharuchen kun shida echiku ghoni mutun lai echiwo.
\q2 Usun ghighachen kunni kha douradu qioqioji
\q2 ghoni mutun hhe amanne ese angheiwo.
\q1
\v 33 Kunla hhei uru giezho, gundande ese panjiwo.
\q2 Hhei aminni duyase agi echiwo.
\q2 Kunlade kielieku houdeiye uwo."
\p
\v 34 Taijien \pn Feili\pn*de kieliewo, "Bi nie asaye, xienzhi kieliesan ene kielienshi kienyi kieliezho? Goyane kieliezhou? Pse nie kunyi kieliezho?" 
\v 35 \pn Feili\pn* ene jinwunse kaishi giezhi hhende \pn Ersa\pn*i gouxioxii jianji qiiwo.
\p
\v 36 Hhela mo jiere yokude usu winetu oronde kuruwo. Taijien kieliewo, "Uzhe, enende usu wine. Bi enende xili jienliese ulie olunu?" 
\v 38 Ingie fenfulazhi chezii beighadene \pn Feili\pn* taijienghala usude bouzhi \pn Feili\pn* hhende xili gieghawo. 
\v 39 Ususe khizhese Ezhanyi Shenlin \pn Feili\pn*i uduru yolawo. Taijien hhei chanla dawo. Ingiedene bayasuzhi mone yowo. 
\v 40 Ingie \pn Feili\pn*i \png Yasodu\png*de chanlawo. Hhe yozhi go chenshilade gouxioxii chonjizhi izhi \png Kaisaliya\png*de kuruwo.
\c 9
\s Saolo Ezhanni Xianxin Giezho
\p
\v 1 \pn Saolo\pn* izhigie Ezhanyi tujilai alane giezhi ayighazho. Ingie zui fugie buwai hhende echidene 
\v 2 \png Damashige\png*ni go huitande echiku xinni kerewo. Ene daolini daghasan kunyi faxien giese bugon bierei ere kun barei \png Yelusalen\png*de lai echine giezho.
\p
\v 3 \pn Saolo\pn* mo jiere yozhi \png Damashige\png*de kurukude menzhali asiman jierese gonqi faizhi hhei simiende zhouizho. 
\v 4 Ingie hhe zemin jiere fura bouwo. Sonususe nie shenqi hhende kieliewo, "\pn Saolo\pn*! \pn Saolo\pn*! Chi mii yale heine?" 
\v 5 Hhe kieliewo, "Ezhan, chishi kien wo?" "Bishi chi heisan \pn Ersa\pn* wo. 
\v 6 Chi bosizhedene chenshide echi. Hhende matui giekui chade kieliene." 
\v 7 Hhantu yosan kunla shenqii sonosuzhoma kunni chanla dase beidene kielien kielie dazho. 
\v 8 \pn Saolo\pn* zemin jierese bosise nudunne niewoma, yama chanla dane. Kunla hhei khase lai \png Damashige\png*de echiwo. 
\v 9 Ghurudu chanla dadene yama ese ijiezhi ese ochiwo.
\p
\v 10 \png Damashige\png*de nie tuji wine. Niereini \pn Yananiya\pn* giene. Ezhan zhoujin mutun xienjighazhi hhende kieliewo, "\pn Yananiya\pn*." Hhe kieliewo, "Ezhan, matugiewo?" 
\v 11 Ezhan hhende kieliewo, "Chi bosizhedene \png Dondonji\png* giezhi urusan geidoude echizhi \pn Yuda\pn*i giede nie \png Dashu\png* kunyi erei. Niereini \pn Saolo\pn* giene. Hhe zhen onxian giezho. 
\v 12 Hhe zhoujin mutun chanlase \pn Yananiya\pn* giesan nie kun oro iredene hhei jiere khane teise goudawo." 
\v 13 Ingiese \pn Yananiya\pn* kieliewo, "Ezhan, bi sonosuse ene kun \png Yelusalen\png*de chii shentulade olon doghun shiqin giezho giezhi olon kunla kieliezho. 
\v 14 Hhe pse fugie buwalase chii beiisan jien kunlai bareiku qienlii kere enende irezho."
\p
\v 15 Ingiese Ezhan hhende kieliewo, "Chi echi. Hheshi niman kun, honshan, \png Isilie\png* kunlade bi nierene chonjighane giezhi sunghusan rencai wo. 
\v 16 Hhe mii nierede bixi olon ku shoukui bi hhende mejieghane."
\p
\v 17 Ingiese \pn Yananiya\pn* echidene hhei giede orowo. Khane \pn Saolo\pn*i jiere teizhi kieliewo, "\pn Saolo\pn* gaijiu, chi ireku mo jiere chade chujiegheghasan Ezhan \pn Ersa\pn* mii ireghakushi chii pse chanlaghazhi chade Shenlin durughane giezho." 
\v 18 Ingiese \pn Saolo\pn*i nudun jierese deigo zhaghasun arasun mutun nie dunxi bou irese hhe chanlawo. Ingiedene bosi ire xili jienliewo. 
\v 19 Ijiewuni ijiedene lilian orowo.
\s Saolo Damashigede Chonjizho
\p \pn Saolo\pn* \png Damashige\png*ni tujilare hhantu giedudu souzhi 
\v 20 deigo \pn Ersa\pn*shi Hudai kewon wo giezhi go huitanlade chonjizho. 
\v 21 Jien ene kielienyi chenliesan kunla man ghaniradene kieliewo, "Ene kunshi \png Yelusalen\png*de \pn Ersa\pn*i beiisan kunlai heisan hhe kun pushonu? Hhe enende irezhi hhelai bareidene fugie buwalade ogine ese giezhou?" 
\v 22 \pn Saolo\pn*de yebeiseye nenli olodozhi \pn Ersa\pn*shi Mexiha bikui zhenmin giese \png Damashige\png*ni \png Yutai\png* kunlai kielie beighawo.
\s Saolo Yutai Kunlai Khase Andawo
\p
\v 23 Ezighancha daose \png Yutai\png* kunla \pn Saolo\pn*i alane giezhi shanlian giezho. 
\v 24 Hhela alane gieku jihuai kunla \pn Saolo\pn*de mejieghawo. Hhela xieni udu chenshi wijiende sagheizhi hhei alane giezho. 
\v 25 Nie xiidei hhei tujila nie lanlande hhei orogha chenqian jierese jiuzhilie bouzheghawo.
\s Saolo Yelusalende Wo
\p
\v 26 \pn Saolo\pn* \png Yelusalen\png*de kuzhedene psedu tujilare hhantulane giezhoma, hhe tuji gholusei xianxin gie dase hhela man ayizho. 
\v 27 Ingiese \pn Banaba\pn* hhei jienliedene uduruzhi shitulai shida echiwo. Hhe mo jiere matugiezhi Ezhanyi chanlasei, Ezhan hhende kielien kieliesei, hhe \png Damashige\png*de danzine fugiedaghazhi \pn Ersa\pn*i niereghala jianjisei man kieliewo. 
\v 28 Ingiedene \pn Saolo\pn* \png Yelusalen\png*de tujilare hhantulazhi ziyude yozho. Ezhanyi niereghala danzine fugiedagha kieliezho. 
\v 29 Hhe pse \png Xila\png* kielien kieliechen \png Yutai\png* kunlare kieliezhi jianjinduzho. Ingiese hhela \pn Saolo\pn*i alane giezho. 
\v 30 Gaijiula enei mejiedene hhei \png Kaisaliya\png*de khughozhi boughadene \png Dashu\png*de echighawo.
\p
\v 31 Ingiekude \png Yudaya\png*, \png Jialili\png*, \png Samaliya\png*i gochudedu jiohui man pinnanshizhi hendawo. Hhela Ezhanyi zunjizhi giezho. Shenlin hhelai bayasughazho. Ingiese xianxin giesan kunla yebeiseye olodozho.
\s Iniyani Goudaghazho
\p
\v 32 \pn Beduru\pn* gochude yokude \png Lida\png* oronde sousan shentulai hhende echiwo. 
\v 33 Hhende \pn Iniya\pn* giesan nie kunni chanlawo. Tanhon giezhi ruzi jiere 8 nien kijiezho. 
\v 34 \pn Beduru\pn* hhende kieliewo, "\pn Iniya\pn*, \pn Ersa\pn* Mexiha chii goudaghawo. Bosizhedene ruzine shidolo agi!" Ingiese hhe deigo bosi irewo. 
\v 35 Jien \png Lida\png*, \png Shalun\png*de sousan kunla hhei chanladene man Ezhanyi shunjiwo.
\s Dojia Aminne Oluzho
\p
\v 36 \png Yepa\png*de nie oqitu tuji wo. Niereini \pn Dabida\pn* giene, \png Xila\png* kielienghala kieliese \pn Dojia\pn* giene, isishi lugo wo. Hhe chanqi gounii giezhi nanxin kunlade banman giezho. 
\v 37 Hhe shihoude hhe giemere fuguse kunla beyeini waghadene lou jiere teiwo. 
\v 38 \png Lida\png* \png Yepa\png*ghala chada wo. \pn Beduru\pn* \png Lida\png*de bikui tujila sonosusenu ghua kunyi peizhi echighadene xiahua giezhi danwu bu giezhi bijienyi hhende ghujighan yo giezho.
\p
\v 39 \pn Beduru\pn* qiizhi hhelare hhantu kuruse kunla uduru lou jiere khireiwo. Olon guafu biereila \pn Beduru\pn*i kanzide beidene wilazhi \pn Dojia\pn* hhelare hhantu bikude giesan lizii jien, mienzii jienlai uzheghawo. 
\v 40 \pn Beduru\pn* kunlai man kieliezhi ghadane khighadene xiutuliezhi onxian giewo. Ingie fugusan kunyi miende ochiradene kieliewo, "\pn Dabida\pn*, bosizhe!" Ingiese hhe nudunne nie \pn Beduru\pn*i chanla bosi ire souwo. 
\v 41 \pn Beduru\pn* khaghalane hhei fui bosighawo. Ingie shentulai, guafulai uru orozhe, \pn Dojia\pn*i amitu hhelade jiuizhi ogiwo. 
\v 42 Ene shiqin \png Yepa\png*de man chonji kurudene olon kunla Ezhanyi xianxin giewo. 
\v 43 Khuinashi \pn Beduru\pn* \png Yepa\png*ni nie arasun giesan \pn Ximun\pn*yi giede ezighancha souwo.
\c 10
\s Geniliu Bedurui Uruzho
\p
\v 1 \png Kaisaliya\png*de nie kunyi niereini \pn Geniliu\pn* giene. Hheshi \png Idali\png* buduitonni baifuzhan wo. 
\v 2 Hheshi nie xienliantu kun wo. Nie gie kunlai man Hudai zunjizho. Da nanxin kunlade olon banman giezhi Hudase chan onxian giezho. 
\v 3 Niudude xiawu 3 jien olukude hhe zhoujin mutun qinchude chanlase Hudai nie qienxien oro ire \pn Geniliu\pn* giezhi uruwo.
\p
\v 4 \pn Geniliu\pn* xianxide nie uzhe ayizhi kieliewo, "Ezhan, yan shiqin wo?" Qienxien kieliewo, "Chi onxian giesan, nanxin kunlade banman giesanla Hudai melie echizhi jilawo. 
\v 5 Ede chi kun peizhi \png Yepa\png*se \pn Beduru\pn* giesan \pn Ximun\pn*ni xinlazhi ire. 
\v 6 Hhe nie arasun jiagun giesan \pn Ximun\pn*yi giede souzho. Gieni haibienzide wo."
\p
\v 7 Hhende kielien kieliesan qienxien yoladene \pn Geniliu\pn* giene ghua hojini, pse hhei chan ushilasan nie xienliantu buduini uru ire 
\v 8 ene shiqinyi man kieliezhi ogidene peizhi \png Yepa\png*de echighawo.
\p
\v 9 Khuichudu hhela yozhi hhe chenshide kurukude \pn Beduru\pn* zhunwude gie jiere onxian giele khireiwo. 
\v 10 Hhe oliesuzhi ijiene giezho. Kunla ijiuni zhunbei giekude \pn Beduru\pn* zhoujin mutun nie ghudureqi chanlase 
\v 11 asiman keizhi hoxian nie fugie popu mutun dunxi bouzhewo. Jieran gozii banladene zemin jiere bou irewo. 
\v 12 Hhe sudoro zemin jieredu yanyanji jieran zhuazhuatu chushen, ghughei, pse asiman jiere musisanla wine. 
\v 13 Nie shenyin irezhi hhende kieliewo, "\pn Beduru\pn*, bosizhedene ala ijie."
\p
\v 14 Ingiese \pn Beduru\pn* kieliewo, "Ezhan, ulie olune. Ganjin wini, zannannilai bi ijiezhi ese daozho."
\p
\v 15 2 hui shenyin pse hhende kieliewo, "Huda ganjin wo giesanni chi ganjin uwo giezhi bu kielie."
\p
\v 16 Ingiezhi ghureifashi hhe dunxilai deigo asiman jiere agi khireiwo.
\p
\v 17 \pn Beduru\pn* zhoujin mutun chanlasanshi yan isi wo giezhi zhughedene zhen sumulakude \pn Geniliu\pn* peisan kunla asazhi \pn Ximun\pn*yi gieni wijien konde beizho. 
\v 18 Hhela waradazhi, "\pn Beduru\pn* giesan \pn Ximun\pn* enende souzhoye?" giezhi asazho.
\p
\v 19 \pn Beduru\pn* dou zhoujin mutun chanlasei sumulakude Shenlin hhende kieliewo, "Ghuran kun chii ereizho. 
\v 20 Bosi, boudene yama bu sumulazhi hhelare hhantu echi. Hhelashi bi ireghasan wo."
\p
\v 21 Ingiese \pn Beduru\pn* boudene hhelade kieliewo, "Bishi ta ereisan kun wo. Ta yangiezhi irezho?"
\p
\v 22 Hhela kieliewo, "Baifuzhan \pn Geniliu\pn*shi Hudai zunjisan nie gou kun wo. \png Yutai\png* kunla man hhei zunzhun giene. Nie zhiguitu qienxien hhende kieliezhi chii xinlazhi giedene iredene chi jianjisei chenlie giezho." 
\v 23 \pn Beduru\pn* hhelai uruzhi oro nie xii soughawo.
\p Khuichudu zhunbei gie hhelare hhantu echiwo. \png Yepa\png*ni giedun gaijiulaye hhantu echiwo. 
\v 24 Pse niudude hhela \png Kaisaliya\png*de kuruwo. \pn Geniliu\pn* qingu, gou zhanlienlane uruzhi ire hhelai sagheizho. 
\v 25 \pn Beduru\pn* orone giekude \pn Geniliu\pn* hhei jienliedene kon kondeni papalazhi beiiwo. 
\v 26 \pn Beduru\pn* hhei fei bosigha kieliewo, "Bosizhe. Bishiye nie kun wo." 
\v 27 \pn Beduru\pn* hheghala kielienduzhi orose olon kunla hhantulasei chanlawo. 
\v 28 Ingie hhelade kieliewo, "Bijien \png Yutai\png* kun niman kunghala laiwon giezhi hhantulase ese olusei ta goyane mejienema, yan kunyiliuzhe ganjin uwo, zannan wo giezhi kieliese ese olusei Huda made uzheghawo. 
\v 29 Ingiese ta mii xinlakude bi tuichi ese giezhi irewo. Ede bi tande asaye, ta mii yan shiqinde xinlazho?" 
\v 30 \pn Geniliu\pn* kieliewo, "Jierudu melie ene shihoude bi giedene onxian giezho. Xiawu 3 jiende wo. Menzhali nie rouiku jien musisan kun mii melie beidene 
\v 31 kieliezho, '\pn Geniliu\pn*, chi onxian giesan, nanxin kunlade banman giesanlai Huda chenliezhi jilawo. 
\v 32 Ingiese chi kun peizhi \png Yepa\png*se \pn Beduru\pn* giesan \pn Ximun\pn*yi xinlazhi ire. Hhe haibienzini nie arasun jiagun giesan \pn Ximun\pn*yi giede souzho.' 
\v 33 Ingiese bi deigo kun peizhi chii xinlaghale echiwo. Chi irese gou wo. Ede bijien Ezhan chade fenfulasan kielienlai man chenliene giezhi Hudai melie hhantulazho."
\s Beduru Geniliui Giede Jianjizho
\p
\v 34 Ingiese \pn Beduru\pn* kielie qiiwo, "Huda kunlade pienxin ulie giekui bi shuhua mejiewo. 
\v 35 Alinie gojiai kunlaliuzhe Hudai zunjizhi olusei giese Huda jienliene. 
\v 36 Taye mejieku mutun Huda yanyanjini Ezhan \pn Ersa\pn* Mexihani tungo giezhi pinnantu gouxioxi daolini \png Isilie\png* kunlade chonjizhi ogiwo. 
\v 37 \pn Yaheiya\pn* xili giekui jianjizhi daodene ene daolii \png Jialili\png*se kaishi giezhi \png Yudaya\png* go oronlade chonji kuruwo. 
\v 38 \png Nasale\png* kun \pn Ersa\pn*de Huda Shenlin, nenlini olon ogiwo. Huda hheghala hhantushi hhe gochude yozhi gouni giezho. Ibilisi heisanlai man uzhezhi goudaghawo. 
\v 39 Bijien hhe kun \png Yutai\png* kunni oronde, \png Yelusalen\png*de giesan shiqinlade ganzhen beine. Kunla hhei mutun jiere guaidene alawo. 
\v 40 Ghurudude Huda hhei aminne olughazhi kunlade chanlaghawo. 
\v 41 Soyuji kunlade ese chanlaghazhi zinie Huda sunghuzhi hhende ganzhen beighane giesan bijiende chanlaghawo. Bijienshi hhe fugusan kun dundase aminne oludene hhere hhantu ijiezhi ochisan kun wo. 
\v 42 Hhe bijiende fenfulazhi kunlade ene daolii chonji giewo. "Hheshijiu Huda sunghuzhi amitu kun, fugusan kunyi panjichen wo." giezhi ganzhen bei giezho. 
\v 43 Xienzhila man hhende ganzhen beizhi kieliewo, 'Hhei xianxin giesan kunla hhei niereghala zuini mienliene.'"
\s Niman Kunla Shenlinyi Jienliewo
\p
\v 44 \pn Beduru\pn* kielien kieliekude daoli chenliesan jien kunlai jiere Shenlin bouzhewo. 
\v 45 \pn Beduru\pn*ghala hhantu iresan \png Yutai\png*ni Mexihai xianxin giesan kunla Shenlinni nenjien niman kunlai jiere kie bouzhese ghanirakushi 
\v 46 hhela pseshiku kielienyi kieliezhi Hudashi fugie wo giezhi doulasei sonosuzho. Ingiese \pn Beduru\pn* kieliewo, 
\v 47 "Enezighan kunla bijien mutun Shenlinyi jienliewo. Ede usughala hhelade xili gieghase kien danla shidane?" 
\v 48 Ingie fenfulazhi \pn Ersa\pn* Mexihai niereghala hhelade xili gieghawo. Hhela pse \pn Beduru\pn*i danlazhi giedudu soughawo.
\c 11
\s Beduru Yelusalenni Jiohuide Boulazho
\p
\v 1 Niman kunla Hudai kielienyi jienliesei shitula, \png Yudaya\png*ni gaijiula sonosuwo. 
\v 2 \pn Beduru\pn* \png Yelusalen\png*de echise \png Yutai\png*ni Mexihai xianxin giesan kunla hhei sugiezhi kieliewo, 
\v 3 "Chi hetoune ese giesan kunlai giede echizhi dou hhelare hhantu ijiene?" 
\v 4 Ingiese \pn Beduru\pn* ene shiqinni hhelade qiqiji kieliewo, 
\v 5 "Bi \png Yepa\png* chenshide onxian giekude zhoujin mutun nie ghudureqi chanlase hoxian nie fugie popu mutun dunxi bouzhezhi jieran gozii banlazho. Asiman jierese bouzhe mii melie irewo. 
\v 6 Bi xianxide uzhese sudoro zemin jieredu jieran zhuazhuatu chushen, yewo, ghughei, pse asiman jiere musisanla wine. 
\v 7 Bi sonosuse nie shenyin made kieliewo, '\pn Beduru\pn*, bosizhedene ala ijie.' 
\v 8 Ingie bi kieliewo, 'Ezhan, ulie olune. Ganjin wini, zannannila mii amande orozhi ese daozho.' 
\v 9 2 hui shenyin asiman jierese kieliewo, 'Huda ganjin wo giesanni chi ganjin uwo giezhi bu kielie.' 
\v 10 Ingiezhi ghureifashi man asiman jiere agi khireiwo. 
\v 11 Zhen qingiekude \png Kaisaliya\png*se mii xinlaghale iresan ghuran kun bijien sousan gie konde beizho. 
\v 12 Shenlin made fenfulazhi yama bu sumuladene hhelare hhantu echi giewo. Ingiese ene zhighon gaijiu mare hhantu echizhi bijien \pn Geniliu\pn*i giede orowo. Hhe bijiende kieliewo. 
\v 13 \pn Geniliu\pn* matugiezhi nie qienxienyi chanladene hhei giede beizhi chi kun peizhi \png Yepa\png*se \pn Beduru\pn* giesan \pn Ximun\pn*yi xinlazhi ire. 
\v 14 Hhe chii nie gie kunlai jiuiku daolii chade kieliene giesan kielienyi bijiende kieliewo. 
\v 15 Bi dei jianji qiise Shenlin hhelai jiere bouzhewo. Eqighandei matanyi jiere bouzhesan niekielien wo. 
\v 16 Ingiese \pn Yaheiya\pn* usughala xili gieghawoma, tai Shenlinghala xili gieghane giesan Ezhanyi kielienyi bi sumula irewo. 
\v 17 Huda hhelade ogisan nenjien matan Ezhan \pn Ersa\pn* Mexihai xianxin giekude matande ogisan nenjienghala niekielien wo. Bishi kien wo? Hudai duii shidanu?"
\p
\v 18 Hhela ene kielienyi chenliedene yama ese kieliezhi qinse Huda niman kunladeye geizhen giezhi amin ireku jihui ogiwo giezhi Hudai kuaizho.
\s Anqiyani Jiohui
\p
\v 19 Ene shihoude \pn Siqifan\pn*ni shiqin jiere biisan kunla sandazhi \png Feiniji\png*, \png Saipulusi\png*, \png Anqiya\png*de echidene zinie \png Yutai\png* kunlade Hudai kielienyi jianjizhoma, 
\v 20 \png Saipulusi\png*, \png Gulinai\png*se iresan niezhan kunla \png Anqiya\png*de kurudene \png Xila\png* kunladeye Ezhan \pn Ersa\pn*i gouxioxii jianjizho. 
\v 21 Ezhanni nenli hhelare hhantushi Ezhanyi xianxin giezhi shunjisan kun olonnudazho.
\p
\v 22 Ene xioxi \png Yelusalen\png*ni jiohuii kunlai chighinde echiwo. Ingie hhela \pn Banaba\pn*i peizhi \png Anqiya\png*de echighawo. 
\v 23 Hhe kurudene Hudai nenjienyi chanla bayasuzhi kunlade khidunde beidene izhi Ezhanni koui giezhi sughazhi kieliezho. 
\v 24 \pn Banaba\pn*shi nie gou kun wo. Hhende Shenlin duruzhi Hudade kouiku xianxin gieku fugie wo. Ingiese olon kunla Ezhande shunjiwo.
\p
\v 25 Hhe \png Dashu\png*se \pn Saolo\pn*i ereile echi, 
\v 26 ereizhi oludene uduru \png Anqiya\png*de echiwo. Hhe ghuala duduji niehon hhe oronni jiohuini kunlaghala hhantulazhi olon kunlade surughazho. Tujilai \png Anqiya\png*se tou 1 hui Mexihani tuji giezhi uruzhi qiizho.
\p
\v 27 Hhe xienzide giedun xienzhila \png Yelusalen\png*se \png Anqiya\png*de bouzhi irewo. 
\v 28 Hhelai dundadu nie kunyi niereini \pn Yajiabu\pn* giene. Bosi iredene duya jiere honnien kuzhene giezhi Shenlinyi tungo giezhi melie kieliewo. Ene shiqin \pn Kelaoji\pn* gonjiku shihoude fashen giewo. 
\v 29 Ingiese tujila zhao goyane nenlighala \png Yudaya\png*de sousan gaijiulade baer khughozhi echighane giezhi jiejin giewo. 
\v 30 Hhela baerni ghuradene \pn Banaba\pn* \pn Saolo\pn* ghualai peizhi zhanlaolai hhende khughozhi echighawo.
\c 12
\s Yagebuni Alazhi Beduruni Bareizho
\p
\v 1 Hhe shihoude \pn Hherode\pn* honshan jiohuini niezhan kunlai heiwo. 
\v 2 Khudoghoghala \pn Yaheiya\pn*ni gaii \pn Yagebu\pn*i alawo. 
\v 3 Hhe uzhese \png Yutai\png* kunla ene shiqinde xiqishi \pn Beduru\pn*iye bareighale echiwo. Hheshi zhen Tanmien Jieni udu wo. 
\v 4 \pn Beduru\pn*i barei agi bafanzide khadene jieran duini buduilade uzheghazho. Nie duide jieran kun wo. Jiulidaosan Jie daose bexinlai melie hhei panjine giezho. 
\v 5 \pn Beduru\pn*i bafanzide khase jiohuini kunla hhende oluzhi Hudase hende onxian giezho.
\s Beduruni Jiui Khizhezho
\p
\v 6 \pn Hherode\pn* \pn Beduru\pn*i panjiku meliedu xii, \pn Beduru\pn*i ghua qieshenghala sozilazhi ghua buduini dunda kijieghazho. Sagheisan kunla bafanzi wijien ghadane sagheizho. 
\v 7 Menzhali Ezhanyi qienxien xienjighazhi bafanzi sudoro gon zhouizho. Qienxien \pn Beduru\pn*i lebadei peizhi xiereigha kieliewo, "Ghujighan bosizhe." Ingie qieshen hhei kha jierese anda bouwo.
\p
\v 8 Yodaine banlazhi maheine musi giezhi qienxien hhende kieliese hhe qingiezhi giewo. Qienxien pse kieliewo, "Jienne musidene mii dagha." 
\v 9 \pn Beduru\pn* khizhedene hhei daghawo. Qienxien giesanshi zhenni bikui mejie dazho, zhoujin wo giezho. 
\v 10 Bafanzii ji 1 gon ji 2 gonyi daodene chenshide khireiku qieman shida irese hhe wijien goyane niewo. Hhela khizhedene nie moni yozhi daose qienxien deigo hhense likai giewo.
\p
\v 11 \pn Beduru\pn* minbairedene kieliewo, "Ede bi zhenzhenji mejiewo. Ezhan qienxienne peizhi mii \pn Hherode\pn*i khase, \png Yutai\png* kunlai xiwon giesanse jiuizhi khizhewo."
\p
\v 12 \pn Beduru\pn* nie sumuladene \pn Mereiyen\pn*i giede echiwo. Hheshi \pn Make\pn* giesan \pn Yaheiya\pn*i anani wo. Hhende olon kunla hhantulazhi onxian giezho. 
\v 13 \pn Beduru\pn* wijienyi nie eghise \pn Loda\pn* giesan nie hoji oqin wijien niele irewo. 
\v 14 Hhe \pn Beduru\pn*i shenqii mejiedene bayasuzhi wijienyi ese nie, holuzhi echi kunlade kieliewo, "\pn Beduru\pn* wijien ghadane beizho!"
\p
\v 15 Hhela kieliewo, "Chi fenjiulizho!" Hoji oqin izhigie kieliezho, "Hhe enbene!" Hhela kieliezho, "Hheshi \pn Beduru\pn*i qienxien wo."
\p
\v 16 \pn Beduru\pn* ese beidene wijienyi eghizho. Hhela wijienyi niedene chanlase ghanirazho. 
\v 17 \pn Beduru\pn* khane zhadeighazhi hhelai shenqi bu khizhe giezho. Ingie hhelade Ezhan matugiezhi hhei bafanzise uduruzhi khizheghasei kieliewo. Pse ene shiqinni \pn Yagebu\pn* psedu gaijiulade kielie giedene khizhe, psedu oronde echiwo.
\p
\v 18 Ogheidene buduila londundunde \pn Beduru\pn* khala echisei mejie dazho. 
\v 19 \pn Hherode\pn* hhei ereizhi olu dase sagheisan kunlade asadene hhelai ala giezhi fenfulawo. Khuinashi \pn Hherode\pn* \png Yudaya\png*se likai gie \png Kaisaliya\png*de bouzhi hhende souwo.
\s Hherodeni Ghughei Zhou Alazho
\p
\v 20 \pn Hherode\pn* honshan \png Tuilo\png* kun, \png Xidun\png* kunlade hokuzho. Ene ghua oronni kunla honshanni oronse taran ijiezho. Ingie honshanni giei gonjisan \pn Bolasidu\pn*i kielie shundaghadene hhantu \pn Hherode\pn*i ochirale echi goudane giezhi xiahua giezho. 
\v 21 Jinjisan udude \pn Hherode\pn* honshan jienne musi wizi jierene souzhi kunlade jianjizho. 
\v 22 Ingiese bexinla waradazhi kieliezho, "Eneshi kunni shenqi pusho, hudai shenqi wo!" 
\v 23 \pn Hherode\pn* kunla kuaikui Hudade ese ogise Ezhanyi qienxien deigo faizhi ghugheighala zhou alaghawo.
\p
\v 24 Hudai kielien yebeiseye ondazhi xianxin giesan kunla olodozho. 
\v 25 \pn Banaba\pn* \pn Saolo\pn*ghala renwune onchen giedene \pn Make\pn* giesan \pn Yaheiya\pn*i uduru \png Yelusalen\png*de khareiwo.
\c 13
\s Shenlin Banaba Saolo Ghualai Sunghudene Peizho
\p
\v 1 \png Anqiya\png*ni jiohuide giedun xienzhi, loushi wine. \pn Banaba\pn*, heiren giesan \pn Ximien\pn*, \png Gulinai\png* kun \pn Luqiu\pn*, \pn Hherode\pn* onghala hhantu fugiedasan \pn Manien\pn*, pse \pn Saolo\pn* wo. 
\v 2 Hhela Ezhanyi beiizhi orozo bareikude Shenlin kieliewo, "Ta \pn Banaba\pn* \pn Saolo\pn*i sunghudene made jie. Bi hhelai uruzhi wiliene gieghane." 
\v 3 Ingie hhela orozo bareizhi onxian giedene hhelai jiere khane teizhi peizhi echighawo.
\s Banaba Saolo Saipuluside Chonjizho
\p
\v 4 Hhelai Shenlin peizhi \png Xiliuji\png*de boughadene hhense chon souzhi \png Saipulusi\png* daode kuruwo. 
\v 5 Hhende \png Salami\png* geidoude echi \png Yutai\png* kunlai huitanlade Hudai kielienyi jianjizho. \pn Yaheiya\pn* hhelade banman giezho.
\p
\v 6 Hhela \png Saipulusi\png* nie daoni yozhi zuihoude \png Pafu\png*de irewo. Hhende nie fashu shuaisan kunyi penjiwo. Hheshi nie xienzhii maochun giesan \png Yutai\png* kun wo. Niereini \pn Bayesu\pn* giene. 
\v 7 Hhe kun \pn Shiqiu-Baolo\pn* giesan zunlighala jiodao daizho. \pn Shiqiu-Baolo\pn*shi nie aghelitu kun wo, hhe \pn Banaba\pn* \pn Saolo\pn*ghalai xinlazhi ire Hudai kielienyi chenliene giezho. 
\v 8 \pn Ilima\pn* \pn Banaba\pn* \pn Saolo\pn*ghalai jiohorozhi zunlii ene xinyanni ulie xianxin gieghane giezho. \pn Ilima\pn*i isishi fashu shuaisan kun wo. 
\v 9 \pn Baolo\pn* giesan \pn Saolo\pn*de Shenlin durudene hhei aralazhi kieliewo, 
\v 10 "Chishi Ibilisini kewon wo. Chi yanyanji gounii fandui giezho. Chade yanyanji piendakui doghunni duruzho. Chi Ezhanni zhendaoni wirulaghakui da ulie beinu? 
\v 11 Ede Ezhan chii faise chi sugho gholuzhi zhanshi jiere naranyi chanla dane!" Ingiese nudunni deigo borolozhi kharaladene simiendene moqioluzhi mo uduruku kun ereizho. 
\v 12 Zunli ene fashen giesan shiqinyi chanladene Ezhanyi daoli ghudure wo giezhi xianxin giewo.
\s Anqiyani Bixijide Chonjizho
\p
\v 13 \pn Baolo\pn*tan \png Pafu\png*se chon souzhi \png Panfeiliya\png*ni \png Biejia\png*de irewo. \pn Yaheiya\pn* hhelase likai gie \png Yelusalen\png*de echiwo. 
\v 14 \pn Baolo\pn*tan \png Biejia\png*se likai giedene yozhi \png Bixiji\png*ni \png Anqiya\png*de irewo. Hhamuraku udude huitande orozhi souwo. 
\v 15 Guijinshu, xienzhishui onshi baraghadene huitan gonjisan kunla kun peizhi hhelade kielieghawo, "Gaijiula, kunlade yan surughaku kielien bise kielie."
\p
\v 16 Ingie \pn Baolo\pn* bosizhe khane nie zhadeigha kieliewo, "\png Isilie\png* kunla, pse Hudai zunjisan niman kunla, chenliendu! 
\v 17 Ene \png Isilie\png*ni Huda mai xienrenlai sunghuzho. Hhela \png Aiji\png*de soukude Huda hhelai hendaghazhi fugie nenlighalane \png Aiji\png*se uduruzhi khizhewo. 
\v 18 Hontande hhelai 40 nien rennai giezho. 
\v 19 \png Jianan\png* oronni dolon minzui widaghazhi hhe oronyi hhelade ogiwo. 
\v 20 Enezighan shiqinla chabudu 450 nien olune. Khuinashi Huda hhelade panjiku noyen ogizhi izhi \pn Samuer\pn* xienzhii shihou kuruwo. 
\v 21 Ene shihoude hhela Hudase nie honshan kerewo. Ingie Huda \pn Bienyamin\pn* pai dundadedu \pn Jishi\pn*ni kewon \pn Saolo\pn*i hhelade 40 nien honshan danlaghawo. 
\v 22 Ingie \pn Saolo\pn*i widaghadene \pn Dawude\pn*ni hhelade honshan danlagha, hhende oluzhi kieliewo, 'Bi ereisan \pn Yexi\pn*ni kewon \pn Dawude\pn* made talazho. Hhe mii jihuai chengun olughane.'"
\p
\v 23 "Huda dain giesan mutun \pn Dawude\pn*ni houdeise \png Isilie\png* kunlade nie jiuichen \pn Ersa\pn*i khizheghawo. 
\v 24 Hhe iretula \pn Yaheiya\pn* jien \png Isilie\png* kunlade, "Geizhen giedene xilini jienlie." giezhi chonjizho. 
\v 25 \pn Yaheiya\pn* renwune onchen giekude kieliewo, 'Ta sumulase bishi kien wo? Bishi hhe pusho. Hhe mii khuinase irene. Bi hhende mahei deizi andaghaseye pei dane.'"
\p
\v 26 "Gaijiula, \pn Iburaheimu\pn*ni houdeila, pse Hudai zunjisan niman kunla, ene jiuiku daolishijiu matande ogisanwo. 
\v 27 \png Yelusalen\png*de sousan kun, hhelai lindaola \pn Ersa\pn*i tani dazho. Hhela niefanie hhamuraku udude onshisan xienzhii kielienyi dunjire dazhi \pn Ersa\pn*de zui jinjise xienzhila kieliesan mutun gholuwo. 
\v 28 Hhende yama fuguku zui ereizhi oludawoma, hhela \pn Bilado\pn*i xiahua giezhi hhei ala giewo. 
\v 29 Ingiezhi jinwun jiere hhei zhiizhi kieliesanla man gholuwo. Ingiedene hhei mutun jierese agi bouzhe mezade teiwo. 
\v 30 Ingieliuzhe Huda hhei fugusan kun dundase aminne olughawo. 
\v 31 \pn Ersa\pn*ghala hhantu \png Jialili\png*se \png Yelusalen\png*de khisan kunlade \pn Ersa\pn* ezighancha xienjighawo. Hhela ede bexinlai dunda \pn Ersa\pn*de ganzhen beizho. 
\v 32 Bijienye ene gouxioxini tande chonjizhi ogine. Eneshi Huda matanyi xienrenlade dain giesanwo. 
\v 33 \pn Ersa\pn*i aminne olughazhi matan houdei danlasan kunde chenjighawo. \bk Zeburei\bk* ji 2 piende jilasan mutun,
\q1 'Chishi mii kewon wo.
\q2 Enedu bi chade ada danlawo.'
\m
\v 34 Pse fugusan kun dundase \pn Ersa\pn*i aminne olughazhi ulie fughaku shiqinde Huda ingiezhi kieliezhi daowo,
\q1 'Bi \pn Dawude\pn*de ogisan zhigui,
\q2 kekaotu nenjienni tande ogiye.'
\q1
\v 35 Da nie \bk Zeburei\bk* jiereye kieliewo,
\q2 'Chi zhiguitu kunne ulie fughane.'"
\p
\v 36 "\pn Dawude\pn* duyade bikude Hudai isii zunjizhoma, duya ijiedene xienrenlareni hhantu bulase fuwo. 
\v 37 Zinie Huda aminne olughasan hhe ese fuwo."
\p
\v 38 "Ingiese gaijiula, ta mejiendu. Ene kunyi tungo giezhi zuini mienlieku daolii tande chonjizhi ogiwo. 
\v 39 \pn Musa\pn*i guijinghala giese gounide sana danema, \pn Ersa\pn*i xianxin giesan kunlai man yanseliuzhe gounide sanane. 
\v 40 Ingiese ta xioxin gie, pse xienzhila kieliesan tai jiere gholune.
\q1
\v 41 'Uzhe, ta uzhezhi xiniesan kunla,
\q2 jindazhi fugune.
\q1 Bi tai xienzide kunla tande kielieliuzhe
\q2 ta xianxin gie daku fugie shiqin giene.
\q1 Ingiese ta ayidene fugune.'"
\p
\v 42 \pn Baolo\pn* \pn Banaba\pn*ghala huitanse khizhekude kunla hhelai xinlazhi pse nie hhamuraku udude enezighan kielienyi hhelade pse jianji giezho. 
\v 43 Sanhui giedene olon \png Yutai\png* kun, Yutaijioni suisan niman kunla \pn Baolo\pn*, \pn Banaba\pn*ghalai daghazho. Hheghala hhelade Hudai nenjiende chan kouizhi gie giezhi jianjizhi goude kieliewo.
\p
\v 44 Pse nie hhamuraku udude nie chenshini kunla man hhantulazhi ire Ezhanyi kielienyi chenliene giezho. 
\v 45 \png Yutai\png* kunla imeghei kun iresei chanladene dubiliezhi \pn Baolo\pn* kieliesan kielienyi fandui giezhi sugiezho.
\p
\v 46 Ingiese \pn Baolo\pn* \pn Banaba\pn*ghala danzine fugiedaghazhi kieliewo, "Hudai kielienyi xien tande kieliese indanji woma, ta ene daolii ulie jienliene. Ta goyane ene chanqiku aminni pei dane giezhi jiejin giezho. Ingiese bijien niman kunlai hhende echine. 
\v 47 Ezhan bijiende ingiezhi fenfulawo,
\q1 'Bi chii niman kunlade gon gholughadene
\q2 jiuiku nenjienni deilazhi duyani uzhude echigha giezhi jinjiwo.'"
\p
\v 48 Niman kunla ene kielienyi chenliesenu bayasuzhi Ezhanyi kielien gou wo giezho. Chanqiku aminni ogine giezhi jinjisan kunla man xianxin giewo.
\p
\v 49 Ingiese Hudai kielienyi hhe oronde chonji kurughawo. 
\v 50 \png Yutai\png* kunla Hudai beiisan minshentu biereilai, pse hhe chenshii zhanlaolai shanjizhi \pn Baolo\pn*, \pn Banaba\pn*ghalai heizhi oronsene tou khighawo. 
\v 51 Hheghala kunlai fandui giezhi kon jieredu turane kui boughadene \png Igenien\png*de echiwo. 
\v 52 Tujilade bayasuku, Shenlin duruzho.
\c 14
\s Baolo Banabaghala Igeniende Chonjizho
\p
\v 1 Xianxianji shiqin \png Igenien\png*deye gholuwo. \pn Baolo\pn* \pn Banaba\pn*ghala \png Yutai\png* kunlai huitande orozhi daolii goude jianjise olon \png Yutai\png* kun, \png Xila\png* kunla xianxin giewo. 
\v 2 Ulie shunjisan \png Yutai\png* kunla niman kunlai shanjizhi gaijiulade doghunni sumulaghazho. 
\v 3 Ingiese hheghala hhende oloncha souzhi Ezhande oluzhi danzine fugiedagha giezhi kieliezho. Ezhan hhelade nenli ogizhi ghudureqi, fugie shiqin giedene hhela jianjisan Hudai nenjientu daolide ganzhen beizho. 
\v 4 Ingiese chenshini kunla lianbanzi gholudene ibanlie \png Yutai\png* kunyi daghazho, pse ibanlie shitulai daghazho.
\p
\v 5 Niezhan niman kunla, \png Yutai\png* kunla, noyenlarene hhantuladene ghua shitulai zayalazhi tashighala eghine giezhi jiejin giewo. 
\v 6 Shitula ene shiqinni mejiedene holuzhi \png Ligaoni\png*ni \png Luside\png*, \png Tebi\png* ghua chenshide, pse zhouwini oronlade echiwo. 
\v 7 Hhela hhe oronlade gouxioxini chonjizho.
\s Luside Tebi Ghua Oronde Chonjizho
\p
\v 8 \png Luside\png*de ghua konde lilian witu nie canfei souzho. Zhayaghasanse mo yozhi ese daozho. 
\v 9 \pn Baolo\pn* jianjisanyi hhe kun chenliezho. \pn Baolo\pn* hhei goude uzhese hhende goudaku xianxin gieku zhughe wine. 
\v 10 Ingie fugiede kieliewo, "Chi ghua konne zhidaghazhi bosizhe!" Ingiese hhe kun jiuli bosi ire yo qiiwo. 
\v 11 Olon kunla \pn Baolo\pn* giesan shiqinyi chanladene \png Ligaoni\png*i kielienghala fugiede kieliewo, "Nigiedala kun gholudene mai dunda irewo!" 
\v 12 Ingie \pn Banaba\pn*i \pn Zhousi\pn* giezhi uruzho. \pn Baolo\pn* zhomen jianjise \pn Xiermi\pn* giezhi uruzho. 
\v 13 Chenshi ghadaneshiku \pn Zhousi\pn* mioni buwa giedun fughe laizhi chizhe bareidene chenshi wijien melie irewo. Olon kunlare hhantu shitulade khughozhi beiine giezho. 
\v 14 \pn Banaba\pn* \pn Baolo\pn*ghala sonosudene jienne sidakeigha, olon kunlai dunda holu oro fugiede kieliewo, 
\v 15 "Dajiala, ta yale intu shiqin giene? Bijienshiye kun wo, tanre niekielien wo. Bijien enende irezhi gouxioxii chonjikushi tai gou witu dunxilase likai gieghazhi asiman, zemin, hai, pse hhei sudorodu shihenilai man zhayaghasan zhenzhenji chanqiku Hudade shunjighane giezho. 
\v 16 Eqighanku gonyinde Huda go minzulani durare teizhi yan giese gie giezho. 
\v 17 Ingieliuzhe Huda gou shiqin giezhi goyane chan zhenmin giezho. Asiman jierese ghura bouzheghazhi, nanshihoude yanyanji osighazhi, tai chudughadene zhughede bayasughazho." 
\v 18 Shitula ene kielienyi kieliedene olon kunlai danlazhi beigha dazhi ingiezhi goyane seigie ese beiighawo.
\p
\v 19 Niezhan \png Yutai\png* kunla \png Anqiya\png*se \png Igenien\png*se ire olon kunlai kielie shundagha \pn Baolo\pn*i tashighala eghi, hhe fuguwo giedene chenshi ghadane lai khighawo. 
\v 20 Tujila \pn Baolo\pn*i kanzide wiqi beise hhe bosi ire chenshide orowo. Khuichudu hhe \pn Banaba\pn*ghala hhantu \png Tebi\png*de echiwo.
\s Xiliyani Anqiyade Khareizho
\p
\v 21 Hhela \png Tebi\png*de gouxioxii chonjidene olon kunlai tuji gholughawo. Ingiedene hhela \png Luside\png*, \png Igenien\png*ni jingo giezhi \png Anqiya\png*de khareiwo. 
\v 22 Hhela tujilai zhugheini khiduzheghazhi izhi xianxin gie giezhi sughazhi kieliezho. "Matan Hudai gojiade orone giese bixi olon ku shouine." 
\v 23 Hhela go jiohuide zhanlaolai sunghudene ese ijiezhi onxian gie, hhelai xianxin giesan Ezhandei jiuizhi ogiwo. 
\v 24 Ingie ghuala \png Bixiji\png*ni jingo giezhi \png Panfeiliya\png*de echiwo. 
\v 25 Pse \png Biejia\png*de Hudai kielienyi jianjidene \png Yadali\png*de bouwo. 
\v 26 Hhense chon souzhi \png Anqiya\png*de khareiwo. \png Anqiya\png*shi chonjiku wiliede oluzhi ghua shitulai Hudai nenjiende jiuizhi ogisan oron wo. Ede onchen giedene khareizhi irewo. 
\v 27 \png Anqiya\png*de kurudene jiohuini kunlai man uru ire Huda hhelai tungo giezhi matugie giesan shiqinlai, pse Huda niman kunlai xianxin gie qiighasei kieliezho. 
\v 28 Hhela hhende tujilare hhantu oloncha souwo.
\c 15
\s Yelusalende Hui Keizho
\p
\v 1 \png Yudaya\png*se bouzhesan giedun kunla gaijiulade \pn Musa\pn*ni guijinghala hetoune ulie giese jiui dane giezhi sughazho. 
\v 2 \pn Baolo\pn* \pn Banaba\pn*ghala hhelare hende jianjiduzhi zhenjinduse jiohuini kunla \pn Baolo\pn*, \pn Banaba\pn*, pse giedun kunlai ene shiqinde \png Yelusalen\png*ni shitu, zhanlaolade asaghale echine giezhi jiejin giewo.
\p
\v 3 Ingiese jiohuini kunla hhelai khughowo. Hhela \png Feiniji\png*, \png Samaliya\png*ni daokude niman kunla \pn Ersa\pn*i xianxin giesei kieliese hhendedu gaijiula man hende bayasuzho. 
\v 4 \png Yelusalen\png*de kuruse shitu, zhanlao, jiohuini kunla hhelai jienliewo. Huda hhelare hhantu giesan shiqinlai man jiohuini kunlade kieliewo. 
\v 5 Giedun Falisai paini \pn Ersa\pn*i xianxin giesan kunla bosizhedene kieliewo, "Niman kunlai bixi hetoune gieghadene fenfulazhi \pn Musa\pn*ni guijinni zunjighakuni wo."
\p
\v 6 Shitu, zhanlaola hhantulazhi ene shiqinni shanlian giewo. 
\v 7 Dajiala ene shiqinni oloncha jianjidudene \pn Beduru\pn* bosizhe kieliewo, "Gaijiula, Huda melieshida tani dundase mii sunghuzhi niman kunla mase gouxioxini chenliedene xianxin giesei ta mejiene. 
\v 8 Kunyi zhugheni mejiechen Huda matande ogisan mutun niman kunladeye Shenlinni ogizhi hhelai jienliewo. 
\v 9 Dou xianxin giekughala hhelani zhughei ganjinraghawo. Hhelai uzheku matanre niekielien wo. 
\v 10 Ede ta yale Hudai shiizhi matan, matanyi xienrenla lai daku jiabanni tujilai ghuzhun jiere zhoghane? 
\v 11 Ulie olune, matanyi jiuikushi Ezhan \pn Ersa\pn*i nenjienghala wo. Hhelaye niekielien wo. Bijien ingiezhi xianxin giezho."
\p
\v 12 Olon kunla man yama shenqi uye khizhezhi Huda \pn Banaba\pn* \pn Baolo\pn*ghalai tungo giezhi niman kunlai dunda giesan ghudureqi, fugie shiqinlai chenliezho. 
\v 13 Hhela kielie baludene \pn Yagebu\pn* kieliewo, "Gaijiula, mii kielienyi chenliendu. 
\v 14 Huda matugiezhi niman kunlai zhaogu giezhi tou 1 hui hhelani dundase bexinlai sunghudene goyanughun gholughasei \pn Ximien\pn*\f + \fr 15:14\fr* \ft Bedurui dounie niere \ft*\f* kieliewo. 
\v 15 Eneshi xienzhila kieliesan kielienghala niekielien wo. Jinwun jiere huaizho,
\q1
\v 16 'Enense khuinashi bi khareizhi iredene
\q2 \pn Dawude\pn*ni furasan gieni erchan bosizheghane.
\q1 Tairesanni gie goudaghazhi erchan bosizheghane.
\q1
\v 17 Ingiese feiliesan kunlai man Ezhanyi ereighane.
\q2 Bi sunghuzhi goyanughun gholughasan niman kunlai man Ezhanyi ereighane.
\q1
\v 18 Eneshi dei qiikude ene shiqinlai
\q2 mejieghasan Ezhan kieliesan wo.'
\m
\v 19 Ingiese bi uzhese Hudade shunjisan niman kunlade chijia bu teidene 
\v 20 hhelade xin huaizhi nigiedade ogidene zannanshisan, lon kijieku, lei alasan, chusun, enelase gholodo giezhi fenfulase oluzho. 
\v 21 Ingiekushi eqighanse izhi go chenshide \pn Musa\pn*ni guijinni jianjichen kun wine. Niefanie hhamuraku udude huitande onshizho."
\s Xianxin Giesan Niman Kunlade Xin Huaizho
\p
\v 22 Ingiedene shitu, zhanlao, jiohuini kunla hhelai dundase kun sunghuzhi \pn Baolo\pn*, \pn Banaba\pn*re hhantu \png Anqiya\png*de echighane giezhi jiejin giewo. Sunghusan kunshi \pn Basaba\pn* giesan \pn Yuda\pn*, pse \pn Seila\pn* wo. Ene ghualashi jiohuini zhanlao wo. 
\v 23 Ingie hhelade bareighasan xin jiere kieliezho, "\pn Ersa\pn*i sudoro gaijiu danlasan shitu, zhanlaola \png Anqiya\png*, \png Xiliya\png*, \png Jilijia\png*dedu xianxin giesan niman gaijiulade kielien asazho."
\p
\v 24 "Bijien sonosuse bijienni enense giedun kun khizhi echi kielienghala tai jiohoro giezhi tande nanran ese ogizho. Shijishan bijien hhelade yama ese fenfulazho. 
\v 25 Ingie dajiala tunyigie giedun kun sunghu peizhi bijien oresan \pn Banaba\pn*, \pn Baolo\pn*re hhantu tai hhende echighawo. 
\v 26 Ene ghualashi mai Ezhan \pn Ersa\pn* Mexihade oluzhi aminne ulie kerechen kun wo. 
\v 27 Ingiese bijien \pn Yuda\pn*, \pn Seila\pn*ghalai peizhi tande qinsi ene shiqinlai kielieghane. 
\v 28 Shenlin bijienre hhantu tunyi giezhi ene giedun zhunyoni shiqinse chugo psedu achanni tai jiere ulie teise gou wo giezho. 
\v 29 Ta nigiedade teisan, chusun, lei alasan, lon kijieku enelase gholoduse jiu oluwo. Tande salan gieye."
\b
\p
\v 30 Hhelani peizhi \png Anqiya\png*de bou, xianxin giesan kunlai uruzhi hhantulagha xinni jiuizhi ogiwo. 
\v 31 Xinni onshidene zhichi giesan goushi hhela bayasuzho. 
\v 32 \pn Yuda\pn*, \pn Seila\pn*ghalashiye xienzhi wo. Olon kielienghala gaijiulade surughazhi hhelai xianxin giekuni khiduzheghawo. 
\v 33 Hhela hhende nietan soudene gaijiula hhelai dafalazhi hhelai peizhi ireghasan \png Yelusalen\png*ni jiohuide pinnande echighawo. 
\v 35 \pn Baolo\pn*, \pn Banaba\pn*ghala \png Anqiya\png*de zhanshi souzhi olon kunlare hhantu kunlade sughazhi Ezhanyi kielienyi chonjizho.
\s Baolo Banabaghala Ghaghachazho
\p
\v 36 Giedudu daodene \pn Baolo\pn* \pn Banaba\pn*de kieliewo, "Matan khareizhi eqighandei Ezhanni kielienyi chonjisan go chenshide gaijiulani qinkonyi uzhele yoye." 
\v 37 \pn Banaba\pn* \pn Make\pn* giesan \pn Yaheiya\pn*ni uduruzhi echine giese 
\v 38 \pn Make\pn* eqighandei \png Panfeiliya\png*se likai giezhi hhelare hhantu wilie ese giewo giezhi \pn Baolo\pn* hhei jiedui ulie udurune giezho. 
\v 39 Ingie ghuala hende jianjindu ghaghachawo. \pn Banaba\pn* \pn Make\pn*i uduru chon soudene \png Saipulusi\png*de echiwo. 
\v 40 \pn Baolo\pn* \pn Seila\pn*i sunghusenu gaijiula hhelai Ezhanni nenjiende jiuizhi ogise yo qiiwo. 
\v 41 \pn Baolo\pn* \png Xiliya\png*ni, \png Jilijia\png*ni yozhi go jiohuilani khiduzheghawo.
\c 16
\s Qimotai Baolo Seilaghalare Hhantulazho
\p
\v 1 \pn Baolo\pn* \png Tebi\png*de echi, pse \png Luside\png*de kuruse hhende nie tuji wine. Niereini \pn Qimotai\pn* giene. Ananishi \png Yutai\png* kun wo, Ezhanyi xianxin giezho. Adanishi \png Xila\png* kun wo. 
\v 2 \png Luside\png*, \png Igenien\png*ni gaijiula man \pn Qimotai\pn*ni kuaizho. 
\v 3 \pn Baolo\pn* hhei uduruzhi echine giezho. Hhe oronni \png Yutai\png* kunla adanishi \png Xila\png* kun bikui man mejiene. Ingie hhende hetoune giewo. 
\v 4 Hhela go chenshilai yozhi daokude \png Yelusalen\png*ni shitu, zhanlaola jinjisan guijinni xianxin giesan kunlade ogizhi zunjighazho. 
\v 5 Ingiese jiohuilani kunlai xianxin gieku khiduzhezhi kun niudunie olodowo.
\s Baolo Maqidun Kunni Zhoujin Mutun Chanlazho
\p
\v 6 Shenlin hhelai danlazhi \png Yaxiya\png*de Hudai kielienyi ese jianjighase hhela \png Fulijia\png*, \png Jialatai\png* oronlade echiwo. 
\v 7 \png Meixiya\png*ni bienzide kurudene \png Bituini\png*de echine giese \pn Ersa\pn*i ruhher ese echighawo. 
\v 8 Ingiese hhela \png Meixiya\png*ni jingo giezhi \png Teloya\png*de bouwo. 
\v 9 Xienidei \pn Baolo\pn* zhoujin mutun chanlawo. Niekozi \png Maqidun\png* kun beidene hhei xiahua giezhi kieliewo, "\png Maqidun\png*de daozhedene bijiende banman gie." 
\v 10 \pn Baolo\pn* zhoujin mutun chanlase bijien deigo \png Maqidun\png*de echine giezho. Bijien jiejin giese Huda bijienyi uruzhi hhe oronni kunlade gouxioxini chonjighane giezho.
\s Feilibide Lijiya Ezhanni Xianxin Giezho
\p
\v 11 Ingiese bijien \png Teloya\png*se chon souzhi zhijie \png Samotela\png*de echidene khuichudu \png Niyapoli\png*de kuruwo. 
\v 12 Hhense \png Feilibi\png*de kuruwo. \png Feilibi\png*shi \png Maqidun\png* orondedu nie zhunyo chenshi wo, \png Loma\png* gonjizho. Bijien ene chenshide giedudu souwo.
\p
\v 13 Hhamuraku udude bijien chenshini wijiense khirei nie moron bienzide echiwo. Sumulase hhende nie onxian gieku oron wine giezho. Bijien soudene hhantulasan biereilade daoli jianjiwo. 
\v 14 Chenliesan kun dunda \png Tuiyatuila\png* chenshini nie zihun bosi huisan bierei wo. Niereini \pn Lijiya\pn* giene. Hhe Hudai beiizho. \pn Baolo\pn* jianjikude Ezhan hheni zhugheni keighase hhe goude chenliezho. 
\v 15 Hhe bierei, pse nie gie kunladeni man xili gieghawo. Ingie bijienyi xiahua giezhi kieliewo, "Ta bishi Ezhanni zhenzhenji xianxin giesan wo giese mii giede yodene sou." Ingie bijienyi ninguru danlawo.
\s Baolo Seilaghalani Bareizho
\p
\v 16 Niefade bijien onxian gieku oronde echikude nie sheitan heisan hoji oqin irewo. Hhe fashu shuaizhi loubanladene baer olon ireghazho. 
\v 17 Ene oqin \pn Baolo\pn*, pse bijienyi daghadene onghonozhi kieliewo, "Enezighan kunlashi Zui Undu Hudai hojila wo. Hhela tande jiuiku daolini chonjine!" 
\v 18 Hhe ingiezhi ezighancha onghonose \pn Baolo\pn* pofensadene ochira daozhe sheitande kieliewo, "Bi \pn Ersa\pn* Mexihani niereghala chii fenfulaye, hhei jierese khizhe!" Hhe sheitan danshi khizhewo.
\p
\v 19 Hoji oqinni loubanla uzhese baer ireku xiwon widase \pn Baolo\pn* \pn Seila\pn*ghalai bareidene geidoude khirei noyenyi shida lai echighawo. 
\v 20 Hhelai laidene noyenlai shida ire kieliewo, "Enezighan kunlashi \png Yutai\png* kun wo, mai chenshini daolon giezho. 
\v 21 Hhela matan \png Loma\png* kunla jienlie dazhi gie daku jiomun chonjizho."
\p
\v 22 Olon kunlaye hhantuladene hhelai fandui giezho. Panjiku noyenla fenfulazhi hhelai jienni teighadene banbanghala eghi giezho. 
\v 23 Hhelai hende eghidene bafanzide khawo. Sagheisan kunde goude uzhe giezhi fenfulawo. 
\v 24 Sagheisan kun ene minlinni jienliedene hhelani zui jizii bafanzide khazhi ghua kon jierei jieliu zhoghawo.
\s Sagheisan Kun Nie Giechilie Xianxin Giezho
\p
\v 25 Banye olukudeni \pn Baolo\pn* \pn Seila\pn*ghala onxian giezhi Hudade doulazho. Fanrenlaye chenliezho. 
\v 26 Menzhali zemin hende gojiolu bafanzi jiziye gojioluwo. Ingie bafanzi wijienla man kei echi soyuji fanrenlani jieliu man andawo. 
\v 27 Sagheisan kun xiereise bafanzi wijienla man keise fanrenla man holuwo giedene khudoghone choui khizhe goyane fugune giezho. 
\v 28 Ingiekude \pn Baolo\pn* fugiede waradazhi kieliewo, "Goyane bu shanji! Bijien man enende wo!"
\p
\v 29 Sagheisan kun zhulai kerezhi ire, jiuli bou, pugharazhi \pn Baolo\pn* \pn Seila\pn*ni melie papalawo. 
\v 30 Ingie hhelani uduru khizhe kieliewo, "Gujiula, bi matugiese jiuine?"
\p
\v 31 Hhela kieliewo, "Ezhan \pn Ersa\pn*ni xianxin gie. Ingiese chi, chii nie giechiliei man jiuine." 
\v 32 Ingie Ezhanni kielienyi hhei nie giechiliede jianjizhi chenlieghawo. 
\v 33 Yen hhe xii hhe shihoude sagheisan kun hhelani uduruzhi echi shankoulaini waghazhi ogiwo. Ingiedene hhe nie giechiliede man xili gieghawo. 
\v 34 Ingie sagheisan kun hhelai uduruzhi giedene echi budan ijieghawo. Hhe nie giechilie Hudai xianxin giese hende bayasuzho.
\p
\v 35 Khuichudu ogheise noyenla gunnanjilai peizhi iregha "Hhe ghua kunyi andagha." giezhi kieliewo. 
\v 36 Ingiese sagheisan kun \pn Baolo\pn*de kieliewo, "Panjiku noyenla tai andagha giezhi minlin xiaiwo. Ede ta khidene pinnande echi." 
\v 37 \pn Baolo\pn* kieliewo, "Bijienshi \png Loma\png* kun wo. Bijiende zui ese jinjidene olon kunlai melie bijienni eghizhi dou bafanzide khawo. Ede bijienni zhonmenji andaghanu? Ene ulie olune. Hhela goyalane irezhi bijienni uduzhi khireigha gie." 
\v 38 Gunnanjila ene kielienyi noyenlade kieliese noyenla hhelashi \png Loma\png* kun wo giese ayizho. 
\v 39 Ingiedene ire hhelai sidaghazhi kielie, uduruzhi khizhedene, "Hhe chenshise likai gie!" giezhi xiahua giewo. 
\v 40 Ghuala bafanzise khizhedene \pn Lijiya\pn*ni giede echi gaijiulai ochira, zhichi giedene yolawo.
\c 17
\s Qiesalonijiade Chonjizho
\p
\v 1 \pn Baolo\pn* \pn Seila\pn*ghala \png Anfeipoli\png*, \png Yaboloniya\png*ni daodene \png Qiesalonijia\png*de irewo. Hhende \png Yutai\png* kunni nie huitan wine. 
\v 2 \pn Baolo\pn* suchanku xigonghala hhende orozhi lienji ghuran hhamuraku udude kunlare jinwun kielienduzho. 
\v 3 Mexiha bixi shouku giedene fugusan kun dundase aminne olukui hhelade jianjizhi zhenmin giezho. Pse kieliewo, "Bi tande chonjizhi ogisan ene \pn Ersa\pn*shijiu Mexiha wo." 
\v 4 Hhelai dunda ezighan kunlai kielie shundaghase \pn Baolo\pn* \pn Seila\pn*i daghazho. Pse Hudai beiisan olon \png Xila\png* kun, minshentu biereilaye olon daghazho.
\p
\v 5 Xianxin ulie giechen \png Yutai\png* kunla dubiliezhi geidouse ezighan liumanlai uruzhi hhantulagha nie chenshii kunlai shanjidene \pn Yaso\pn*ni giede chunji oro, \pn Baolo\pn* \pn Seila\pn* ghualai ereizhi bexinlade jiuine giezho. 
\v 6 Ereizhi olu dadene \pn Yaso\pn*, giedun gaijiulai laisenu hhe oronni noyenyi shida echi waradazhi kieliewo, "Qienxiani daolon giesan ene iban kunla enende irezho. 
\v 7 \pn Yaso\pn* giedene hhelai jienliewo. Enezighan kunla man \pn Ersa\pn* giechen da nie honshan wine giezhi \pn Kaisa\pn*i minlinyi fanjizho." 
\v 8 Olon kunla hhe oronni noyenla ene kielienyi chenliedene jindazho. 
\v 9 Ingiedene \pn Yaso\pn*, psedu kunlai baer faidene andaghawo.
\s Biliyade Chonjizho
\p
\v 10 Xienidei gaijiula \pn Baolo\pn* \pn Seila\pn*ghalai deigo \png Biliya\png*de echighawo. Ghuala kudene \png Yutai\png* kunlai huitande echiwo. 
\v 11 \png Biliya\png*ni kunla \png Qiesalonijia\png* kunlase sixian keifan giezho. Daolini rexinde jienliezhi niudunie xianxide jinwunni chaizhi ene daoli oluzhou ese oluzho giezho. 
\v 12 Ingie hhelai dunda olon kun xianxin giewo. \png Xila\png*ni minshentu bierei, ere kunlaye choghon uwo. 
\v 13 \png Qiesalonijia\png*ni \png Yutai\png* kunla \pn Baolo\pn* \png Biliya\png*de Hudai kielienyi chonjisei mejiedene hhende echizhi kunlai shanjizhi londaghazho. 
\v 14 Ingiese gaijiula deigo \pn Baolo\pn*i haibienzide echighawo. \pn Seila\pn* \pn Qimotai\pn*ghala yen \png Biliya\png*de feiliewo. 
\v 15 \pn Baolo\pn*i khughosan kunla hhei khughozhi \png Yajien\png*de echighawo. Hhela khareikude \pn Seila\pn* \pn Qimotai\pn*ghala ghujighande mii enende ire giezhi \pn Baolo\pn* fenfulasei deila echiwo.
\s Yajiende Chonjizho
\p
\v 16 \pn Baolo\pn* \png Yajien\png*de hhelai sagheikude nie chenshide man nigiedashi hende nango giezho. 
\v 17 Hhe huitan sudoro \png Yutai\png* kun, Hudai beiisan niman kunlare jianjinduzho. Pse niudunie geidoude penjisan kunlare jianjiduzho. 
\v 18 Da niezhan Ibijiulu, Sidoya ghua paini loushilaye \pn Baolo\pn*re jianjinduzhi kieliezho, "Ene hulihuduji yan kieliezho?" Pse niezhanla kieliezho, "Hhe hoxianshi niman kunlai nigiedani chonjizho." Ingiezhi kieliekushi \pn Baolo\pn* hhelade \pn Ersa\pn* fuho giesan daolii jianjizho. 
\v 19 Ingiese hhela \pn Baolo\pn*i uduru \png Yaliebagu\png* fayende echidene kieliewo, "Chi jianjisan ene nie shini daolini bijiende mejieghase olulie? 
\v 20 Chi kieliesan niezhan shiqinlai bijien chenliese ghudure no wo. Eneshi yan isi bikui bijien mejieku duran wine." 
\v 21 \png Yajien\png* kun, hhende zhanshi jiere sousan waiji kunla man yama ulie gonjidene zui shini shiqinyi chenliezhi kieliekude xiqi wo.
\p
\v 22 \pn Baolo\pn* \png Yaliebagu\png* fayende beidene kieliewo, "\png Yajien\png* kunla, bi uzhese ta yan gieliuzhe zunjio xinyan jiere chighara wo. 
\v 23 Bi gochude yokude ta beiisanlai xianxide uzhese nie sidagha gieku teizi jiere, 'Tani Daku Hudade' giezhi huaizho. Ingiese ta tani dazhi beiisei bi kielieye."
\p
\v 24 "Hheshi duya, duya jieredu yanyanjilai man zhayaghasan Huda wo. Asiman zeminni Ezhan wo. Kun giesan huitande ulie soune. 
\v 25 Hhende chaiku mutun kunni khaghala ushilaku biyo uwo. Huda kunlade amin, ho, yanyanjilai man ogizho. 
\v 26 Niekozi kunse jien minzulani zhayaghadene zeminyi gochude soughawo. Hhelade nienjien, souku oronni jinjizhi ogiwo. 
\v 27 Ingiezhi giekushi Huda goyane kunlai ereighane giezho. Kenen moqioluzhi hhei ereizhi olune. Shijishan Huda matan alinie kunseliuzhe gholo uwo. 
\v 28 'Matan amituraku, gojioluku, bikushi man hhei kouizho.' Tai dunda shu huaisan kunla kieliesan mutun, 'Matanshi Hudase iresan wo.'"
\p
\v 29 "Matan Hudase iresanshi Hudai antan, miengu, tashighala, kunni jishu, sumulakughala giesan yanzi mutun uzhese ulie olune. 
\v 30 Melieshida kunla mejie dazhi giesei ese gonjiwoma, ede Huda gochui kunlade fenfulazhi geizhen gie giezho. 
\v 31 Huda sunghusan hhe kunghalane duyai gundande panjiku udui ijin jinji goudaghawo. Hhe kunyi fugusan kun dundase aminne olughazhi soyuji kunlade xianxin gieku zhenmin ogiwo."
\p
\v 32 Fugusanse fuho giesan ene kielienyi chenliedene niezhanla hhei uzhezhi xiniezho, niezhanla "Bijien pse chenlieku duran wine." giezhi kieliezho. 
\v 33 Ingie \pn Baolo\pn* hhelai dundase khizhi echiwo. 
\v 34 Niezhan kunla \pn Baolo\pn*re hhantulazhi Ezhanni xianxin giewo. Hhelai dunda \png Yaliebagu\png* fayendedu nie kun \pn Jiunixiu\pn*, \pn Damali\pn* giesan nie bierei, da ezighan kunye wine.
\c 18
\s Gelindode Chonjizho
\p
\v 1 Ene shiqinse khuinashi \pn Baolo\pn* \png Yajien\png*se likai giedene \png Gelindo\png*de echiwo. 
\v 2 Hhende \png Bendu\png*de olusan nie \png Yutai\png* kunyi penjiwo. Niereini \pn Yajila\pn* giene. \pn Kelaoji\pn* honshan \png Yutai\png* kunlade \png Loma\png* gojiase likai gie giezhi minlin xiaise \pn Baijila\pn* giesan biereighalane ene oloncha \png Loma\png*ni \png Idali\png*se irewo. \pn Baolo\pn* hhelai ochirale echiwo. 
\v 3 Hhelaye \pn Baolo\pn* mutun zhanfan giezhi udu daoghazho. Ingiese \pn Baolo\pn* hhelare hhantu souzhi wilie giezho. 
\v 4 Niefanie hhamuraku udude \pn Baolo\pn* huitande kunlare jianjinduzhi \png Yutai\png* kun, \png Xila\png* kunlai kielie shundaghane giezho.
\p
\v 5 \pn Seila\pn*, \pn Qimotai\pn*ghala \png Maqidun\png*se iredene \pn Baolo\pn* zhomen Hudai kielienyi chonjizhi \png Yutai\png* kunlade, "\pn Ersa\pn*shi Mexiha wo." giezhi ganzhen beizho. 
\v 6 Hhela fandui giezhi zannan kielienghala hhei sugiese \pn Baolo\pn* jien jieredu turane kuizhi kieliewo, "Ta goya zuine goya danji! Made yama ghadaghan uwo. Enedu khuinashi bi niman kunlai hhende echine."
\p
\v 7 Ingiedene huitanse likai giezhi \pn Qido-Yushidu\pn* giesan nie kunyi giede echiwo. Ene kun Hudai beiizho. Hhei gieni huitan konde wo. 
\v 8 Huitan gonjisan \pn Jilisibu\pn* nie giechiliene Ezhanyi xianxin giewo. Pse olon \png Gelindo\png* kunlaye chenliedene xianxin giezhi xili jienliewo.
\p
\v 9 Xienidei Ezhan zhoujin mutun \pn Baolo\pn*de kieliewo, "Bu ayi, amanne bu menjidene kielie. 
\v 10 Bi chighala hhantu wo. Kieme chii hei dane. Ene chenshide mii bexin olon wo." 
\v 11 \pn Baolo\pn* hhende nienban souzhi Hudai kielienyi hhelade sughazho.
\p
\v 12 \pn Jialiu\pn* \png Yagaiya\png*de zunli danlakude \png Yutai\png* kunla hhantuladene \pn Baolo\pn*i fandui giezhi lai shenpantai melie echi kieliewo, 
\v 13 "Ene kun guijinni ulie zunjidene Hudai beiise olune giezhi kunlai kielie shundaghazho."
\p
\v 14 \pn Baolo\pn* jian kieliene giese \pn Jialiu\pn* \png Yutai\png* kunlade kieliewo, "\png Yutai\png* kunla, fanfa giezhi yenzhunde zui fanjisan shiqinde zhazhoshi bi tanughunyi chenliese oluzhoma, 
\v 15 ta jianjindusanshi kielien, niere, tai guijinni shiqinshi ta goyalane banjile echi. Ene shiqinlani bi panjiku duran uwo." 
\v 16 Ingiedene hhelai fayense tou khighawo. 
\v 17 Ingiese kunla man huitan gonjisan \pn Soqini\pn*i barei agidene shenpantai melie idun eghiwo. Ingieliuzhe \pn Jialiu\pn* ese gonjizho.
\s Baolo Xiliyani Anqiyade Echizho
\p
\v 18 \pn Baolo\pn* \png Gelindo\png*de pse ezighancha soudene gaijiulase ghaghachadene chon souzhi \png Xiliya\png*de echiwo. \pn Baijila\pn*, \pn Yajila\pn* hhere hhantu echiwo. Hhe \png Jiengeli\png*de usunne ghigha widaghawo. Enei hhe eqighanse fayen giezhi daozho. 
\v 19 \png Ifuso\png*de kurudene \pn Baolo\pn* hhelai hhende feiliegha goyane huitande orozhi \png Yutai\png* kunlare daoli jianjinduzho. 
\v 20 Kunla hhei pse giedudu sou giese hhe dain ese giedene 
\v 21 hhelase likai giekude kieliewo, "Huda duran bise bi pse tai enede irene." Ingie chon souzhi \png Ifuso\png*se likai giewo. 
\v 22 \png Kaisaliya\png*de chon jierese bouzhe, \png Yelusalen\png*de khireidene jiohuini kunlai nie asa, \png Anqiya\png*de bouwo.
\p
\v 23 Giedudu soudene pse likai gie, \png Jialatai\png*, \png Fulijia\png* oronlai yozhi olon tujilai khiduzheghawo.
\s Yabolo Ifusode Daoli Jianjizho
\p
\v 24 \pn Yabolo\pn* giesan nie \png Yutai\png* kun \png Ifuso\png*de irewo. Hhei \png Yalishanda\png*de oluzho. Koucai wine, jinwunde hen wo. 
\v 25 Ene kun Ezhanni daolini olon suruzho. Zhughe chilazhi \pn Ersa\pn*i shiqinni kunlade xianxide sughazhoma, zinie \pn Yaheiya\pn*ni xilini mejiene. 
\v 26 Hhe huitande danzine fugiedaghazhi jianjizho. \pn Baijila\pn*, \pn Yajila\pn*ghala jianjiseini chenliedene hhei danlin uruzhi Hudai daolini hhende pse xianxide jianjizhi mejieghawo.
\p
\v 27 \pn Yabolo\pn* \png Yagaiya\png*de echine giese \png Ifuso\png*ni gaijiula hhende zhichi giedene \png Yagaiya\png*ni tujila \pn Yabolo\pn*i goude jienlie giezhi xin huaizho. Hhe hhende kuruse Ezhanni nenjienghala xianxin giesan kunlade banman fugie wo. 
\v 28 Hhe olon kunlai melie jinwunghala \pn Ersa\pn*shi Mexiha wo giezhi hende zhenmin giese \png Yutai\png* kunlai kielie beighawo.
\c 19
\s Baolo Ifusode Echizho
\p
\v 1 \pn Yabolo\pn* \png Gelindo\png*de bikude \pn Baolo\pn* beimienghun yozhi \png Ifuso\png*de echiwo. Hhende giedun tujilai penjidene asawo, 
\v 2 "Ta xianxin giekude Shenlinyi jienliewoye?" Hhela kieliewo, "Uye, lien Shenlin winekuida chenliezhi ese daowo."
\p
\v 3 Ingiese \pn Baolo\pn* kieliewo, "Qinse ta yan xilini jienliewo?" Hhela kieliewo, "\pn Yaheiya\pn* gieghasan xilini jienliewo." 
\v 4 \pn Baolo\pn* kieliewo, "\pn Yaheiya\pn* gieghasanshi geizhen gieku xili wo. Hhe bexinlade kieliezhi mii khuinase ireku hhei xianxin gie giezho. Hheshijiu \pn Ersa\pn* wo." 
\v 5 Hhela ene kielienyi chenliedene Ezhan \pn Ersa\pn*i niereghala xili jienliewo. 
\v 6 \pn Baolo\pn* hhelai jiere khane teise Shenlin hhelai jiere bouzhewo. Ingiese hhela shiheni kielienghala kieliezhi Hudai kielienyi kielie qiiwo. 
\v 7 Hhende chabudu 12 gie kun wo.
\p
\v 8 \pn Baolo\pn* huitande orozhi danzine fugiedagha ghuran sara kunlare Hudai gojiai shiqinni jianjinduzhi kielie shundaghawo. 
\v 9 Ingieliuzhe niezhan kunla zhughene khiduzheghazhi ulie shunjidene olon kunlai melie ene daolini sugiene. Ingiese \pn Baolo\pn* tujilarene hhantu hhelase likai giedene \png Tuilanu\png*ni suruku oronde niudunie jianjizhi kielienduzho. 
\v 10 Ingiezhi ghua honshi \png Yaxiya\png*de sousan \png Yutai\png* kun, \png Xila\png* kunla man Ezhanni kielienyi chenliewo.
\s Shijiwani Kewonla
\p
\v 11 Huda \pn Baolo\pn*i tungo giezhi tebieji nenlitu shiqinlai gieghazho. 
\v 12 Niezhan kunla da hhe injizhi daosan shoujin, wiqinyini agi ire gientulai jiere teise gienla goudazhi sheitanla khizhi echiwo.
\p
\v 13 Gochude toreizhi sheitan tousan giedun \png Yutai\png* kunla Ezhan \pn Ersa\pn*i niereghala sheitanyi tou khighane giezhi sheitan heisan kunlade bi \pn Baolo\pn* chonjisan \pn Ersa\pn*i niereghala tande minlin xiaiye giezhi shiizho. 
\v 14 \pn Shijiwa\pn* giesan nie \png Yutai\png* kunni fugie buwai dolon kewonla ene shiqinyi giezho. 
\v 15 Ingiese sheitan hhelade kieliewo, "\pn Ersa\pn*i bi mejiene. \pn Baolo\pn*iye tanine. Tashi kien wo?" 
\v 16 Ingiedene sheitan heisan hhe kun hhelai jiere jiuli khirei, eghizhi hanshiliese hhela shan deilazhi hulan muchughun hhe giederase holu khireiwo.
\p
\v 17 \png Ifuso\png*de sousan \png Yutai\png* kun, \png Xila\png* kunla man ene shiqinyi mejiedene ayizho. Ingiese Ezhan \pn Ersa\pn*i minshen fugiedawo. 
\v 18 Pse olon xianxin giesan kunla iredene goya giesanlane man chenren giezhi kielie khizheghawo. 
\v 19 Olon fashu shuaisan kunla shulai agizhi ire dajialai melie sideraghawo. Shuni jiageni sanase 50000 miengu wine. 
\v 20 Ingiezhi Ezhanyi kielien yebeiseye ondazhi gochude echizho.
\s Ifusode Londazho
\p
\v 21 Ene shiqin daodene \pn Baolo\pn* \png Maqidun\png*, \png Yagaiya\png* oronse daozhi \png Yelusalen\png*de echine giezhi zhughedene jiejin gie kieliewo, "Bi hhende kuruse bixi \png Loma\png*de nie uzhele echine." 
\v 22 Ingie hhende banman giesan kun dundase \pn Qimotai\pn*, \pn Iladu\pn*ghalai \png Maqidun\png*de echighawo. Goyane zhanshi jiere \png Yaxiya\png*de feiliewo.
\p
\v 23 Hhe shihoude ene daolini yenyin jiere \png Ifuso\png*de hende londawo. 
\v 24 Nie miengu jianrenyi niereiini \pn Jimijiu\pn* giene. Miengughala \pn Yajimi\pn*ni yanzii giezhi jishugunlade baer olon zhenjighazho. 
\v 25 Hhe jishugun, hanjialane uruzhi hhantulaghadene kieliewo, "Dajiala, matan ene meimeighala facai giesei ta mejiene. 
\v 26 Ene \pn Baolo\pn* zinie \png Ifuso\png*de pusho, \png Yaxiya\png* go oronlade olon kunlai miizhi kun khaghala giesanlashi Huda pusho giesei ta chujieghezhi sonosuwo. 
\v 27 Ingiese zinie matanyi ene meimeini minshen bixindaku pusho. \pn Yajimi\pn* famatu bierei nigiedani mioniye kunla meilade uzhene. \png Yaxiya\png* kun, qienxiani kunla beiisan \pn Yajimi\pn*ni wifen widane."
\p
\v 28 Kunla chenliedene hende hokuzhi \png Ifuso\png* kunlai \pn Yajimi\pn* hen wo giezhi onghonozho. 
\v 29 Nie chenshi man londa qiiwo. Kunla \pn Baolo\pn*re hhantu yosan \png Maqidun\png*ni \pn Gaiyu\pn*, \pn Yalidagu\pn*i laidene xi yenjisan chanchande hhantu chunji orowo. 
\v 30 \pn Baolo\pn*ye bexinlai dunda orone giese tujila ese oroghawo. 
\v 31 \png Yaxiya\png*ni giedun noyenlashi \pn Baolo\pn*i zhanlien wo. Kun peizhi iregha \pn Baolo\pn*i wixiennide bu echi giezhi danlawo.
\p
\v 32 Hhantulasan kunla londundunji wo. Ingiezhi onghonone, qingiezhi onghonone. Fugie olie kunla yangiezhi hhantulasanne ulie mejiene. 
\v 33 \png Yutai\png* kunla \pn Yalishanda\pn*i tungu melie khighase niezhan kunla hhende matugie giekui kieliezho. \pn Yalishanda\pn* nie kha zhadeigha bexinlade jieshi giene giese 
\v 34 kunla hheshi \png Yutai\png* kun bikui mejiedene man hhantu \png Ifuso\png* kunlai \pn Yajimi\pn* hen wo giezhi ghua zhuntou onghonozho.
\p
\v 35 Ingie hhe chenshini noyen ire olon kunla onghonosei beigha kieliewo, "\png Ifuso\png* kunlaya, \png Ifuso\png*shi hen \pn Yajimi\pn* mioi sagheisan, pse asiman jierese bouzhesan tashii sagheisan chenshi bikui kien ulie mejiene? 
\v 36 Ene shiqinde yama kieliekui uwoshi ta qioqioji lon bu ire. 
\v 37 Ta laizhi iresan enezighan kunla mioni dunxilai ese ghulazho. Pse mai bierei nigiedaniye ese sugiezho. 
\v 38 Ingiese \pn Jimijiu\pn*, hhantuku jishugunlarene yan zhakui bise fayende nieniene zhale echi gie. Ede fayenni niezho, zunlilaye wine. 
\v 39 Tande psedu shiqin wineshi zhao guijinghala hui keizhi chuli gie. 
\v 40 Eneduku londasan shiqinde matanyi zhaku wixien wine. Ene saorao giesande matande jieshi gieku kielien uwo." 
\v 41 Ene kielienyi kieliedene qinzhunlai sandaghawo.
\c 20
\s Baolo Maqidun, Xilade Echizho
\p
\v 1 Ene londasan shiqin bouzhi echisenu \pn Baolo\pn* tujilai uruzhi ire, hhelade sughazhi kielie, pse chujiegheye giedene \png Maqidun\png*de echiwo. 
\v 2 \pn Baolo\pn* hhe oronlai jingo giekude olon kielienghala tujilade sughazhi kieliedene \png Xila\png*de echiwo. 
\v 3 Hhende ghuran sara soudene chon souzhi \png Xiliya\png*de zhen echine giekude \png Yutai\png* kunla jihua giezhi hhei heine giekui mejie, \png Maqidun\png*ghun echine giezhi jiejin giewo. 
\v 4 Hhere hhantu \png Yaxiya\png*de echisanshi \png Biliya\png* kun \pn Bilosi\pn*ni kewon \pn Sobate\pn* wo, \png Qiesalonijia\png* kun \pn Yalidagu\pn*, \pn Xigundu\pn* ghuala wo, \pn Qimotai\pn* pse \png Tebi\png* kun \pn Gaiyu\pn* ghuala wo, da \png Yaxiya\png* kun \pn Tuijigu\pn*, \pn Telofeimo\pn* ghuala wo. 
\v 5 Enezighan kunla xien \png Teloya\png*de echi bijienyi sagheizho. 
\v 6 Bijien Tanmien Jie daodene \png Feilibi\png*se chon souzhi tawudushi \png Teloya\png* hhelai hhende kuru, doludu souwo.
\s Baolo Teloyade Zuihouku Niefa Wo
\p
\v 7 Xinqide bijien hhantuladene ginan ghuluzhi ijiekude \pn Baolo\pn* khuichudu yolane giese hhelade banye olutula jianjiwo. 
\v 8 Bijien hhantulasan hhe lou jiere zhula olon wo. 
\v 9 \pn Baolo\pn* jianjikude \pn Yutuigu\pn* giesan nie nasuchighan kun chongun jiere souzho. Oloncha jianjise hhe kun funtura fugudene 3 lou jierese anda bouwo. Kunla fei bosizheghase fuguzho. 
\v 10 \pn Baolo\pn* bou echi ghodeidene hhei qioru agi kieliewo, "Ta bu jinda, hhe dou amitu wo". 
\v 11 \pn Baolo\pn* pse khizhi echi ginan ghuluzhi ijie, oloncha jianjizhi ogheidene yolawo. 
\v 12 Kunla nasuchighan kunyi amitu khugho echighase man hende bayasuzho.
\s Teloyase Milidude Echizho
\p
\v 13 Bijien xien chon souzhi \png Yasho\png*de echi hhende \pn Baolo\pn*i jienliene giezho. Hhe goyane yozhi echine giezho. Eneshi hhe nanpei giesan wo. 
\v 14 \pn Baolo\pn* \png Yasho\png*de bijienre hhantulase bijien hhei chon jiere jienlie khirei \png Mituilini\png*de irewo. 
\v 15 Hhense chon souzhi khuichudu \png Jiya\png*ni duimiende kurudene da niudude \png Samo\png*de daowo. Ingie pse niudude \png Milidu\png*de irewo. 
\v 16 \pn Baolo\pn* \png Yaxiya\png*de danwu giekuse ayizhi \png Ifuso\png*ni onji daone giezhi eqighanse jiejin giewo. Hhe ghujighan yozhi jinlianji 50 qienni jieqi melie \png Yelusalen\png*de kune giezho.
\s Baolo Ifusoni Zhanlaolade Zuihouku Kielien Kieliezho
\p
\v 17 \pn Baolo\pn* \png Milidu\png*se kun peizhi \png Ifuso\png* jiohuini zhanlaolai xinlaghale echiwo. 
\v 18 Hhela irese \pn Baolo\pn* hhelade kieliewo, "Bi \png Yaxiya\png*se iresan hhe niuduse izhi tai dunda matugiezhi giesei ta mejiene. 
\v 19 \png Yutai\png* kunla mii heizhi shouku gieghakude bi rennai giezhi goyane meilade uzhezhi nughusunghalane Ezhanyi zunjizhi giezho. 
\v 20 Tande oluzhi gounii bi nieda ese jiezhi olon kunlai melie pse kienyi giedeliuzhe tande sughazhi jianjiwo. 
\v 21 Pse \png Yutai\png* kun, \png Xila\png* kunlade ganzhen beizhi Hudai melie geizhen giedene mai Ezhan \pn Ersa\pn*i xianxin gie giewo."
\p
\v 22 "Ede Shenlin mii biizhi bi \png Yelusalen\png*de echine. Hhende yan shiqin penjikui ulie mejienema, 
\v 23 bi mejiekushi Shenlin go chenshide made ganzhen beizhi bareiku pse kunnan kuzhene giezho. 
\v 24 Ingieliuzhe bi Hudai nenjienni kielieku gouxioxide ganzhen beine giezhi Ezhan \pn Ersa\pn*se jienliesan renwune onchen ulie gietula aminne ulie kerene."
\p
\v 25 "Bi tai dunda irezhi Hudai gojiai daolii chonjizhoma, ihou ta mii pse chanla dakui ede bi mejiene. 
\v 26 Ingiese bi enedu tande ganzhen beiye. Tai dunda kien dozode echise made zui uwo. 
\v 27 Hudai isii bi goujida uye feilieghazhi man tande chonjizhi ogiwo. 
\v 28 Ta goyalane xioxin giezhi zhaogu gie pse Hudai bexinlani xioxin giezhi zhaogu gie. Ta ghoni adulachen kun mutun hhelai zhaogu gie. Shenlin tai hhelade lindao danlaghazho. Hhelashi Huda Kewonne chusunghala agizhi iresan Hudani jiohui wo. 
\v 29 Bi yolase mouxien zhanghei tai dunda orezhezhi ghonilai shanjikui bi mejiene. 
\v 30 Tai dundaseye niezhan kunla khizhedene zhendaoni wirulaghazhi tujilai miidene goyalane daghaghane. 
\v 31 Ingiese xioxin giendu. Bi ene 3 niende xieni uduiji nughusun usuruzhi soyuji kunlade sughazhi kieliesei ta jila. 
\v 32 Ede bi tai Hudade, hhei nenjientu daolide jiuizhi ogiye. Ene daoli tai hendagha shidane, pse taiji soyuji zhiguishisan kunlare hhantu Hudai jiachanni jienliegha shidane. 
\v 33 Bi kiemai antan, miengu, jienni nienhei giezhi ese daozho. 
\v 34 Bi ghua khaghalane goyadene hhantuku kunladene injiku dunxi gunjisei ta goyalane mejiene. 
\v 35 Bi yandeliuzhe yanzi uzheghazhi khishulazhi wilie giedene zholien kunlade banman giezho. Pse ogiku jienliekuse fuqi fugiewo giesan Ezhan \pn Ersa\pn*i kielienyi jila giezho."
\p
\v 36 \pn Baolo\pn* ene kielienyi kielie baraghadene xiutulie dajialare hhantu onxian giewo. 
\v 37 Kunla man fugiede wilazhi \pn Baolo\pn*i qiorudene orezho. 
\v 38 Ihou ta mii pse chanla dane giesan \pn Baolo\pn*i ene kielien hhelai zhughei hende otughazho. Ingie hhela \pn Baolo\pn*i chon jiere khugho echighawo.
\c 21
\s Baolo Yelusalende Echizho
\p
\v 1 Bijien hhelase likai giedene chon souzhi zhijie \png Geshi\png*de kuruwo. Khuichudu \png Loji\png*de kurudene hhense \png Padala\png*de echiwo. 
\v 2 Hhende nie \png Feiniji\png* echiku chonyi penjidene chon jiere khirei yozhi qiiwo. 
\v 3 Ingie \png Saipulusi\png*yi chanla soghei miende jiedene \png Xiliya\png* fanxiande yozhi \png Tuilo\png*de kuruwo. Chon hhende ho xiine giezho. 
\v 4 Bijien hhende ezighan tujilai ereizhi oludene doludu souwo. Hhela Shenlinyi kouizhi \pn Baolo\pn*de \png Yelusalen\png*de bu khirei giezhi kieliewo. 
\v 5 Doludu daodene bijien yozhi qiiwo. Hhela bierei, kesilarene man bijienyi khughozhi chenshi ghadane ireghawo. Bijien haibienzide xiutulie onxian giedene 
\v 6 nieniedene feixin kieliewo. Bijien chon jiere khireise hhela gieladene khareiwo.
\p
\v 7 Bijien izhi chon souzhi \png Tuilo\png*se \png Dolimai\png*de kuruwo. Hhendedu gaijiulade kielien asazhi hhelare niudu souwo. 
\v 8 Khuichudu bijien hhense likai gie \png Kaisaliya\png*de iredene gouxioxi chonjisan \pn Feili\pn*i giede oro hhere hhantu souwo. Hheshi dolon kun dundadu nie wo. 
\v 9 Hhende uye dafalasan jieran oqin wine. Hhelade Hudai kielien kielieku nenli wine. 
\v 10 Bijien hhende ezighancha souse \png Yudaya\png*se nie xienzhi bouzhewo. Niereini \pn Yajiabu\pn* giene. 
\v 11 Bijienyi enende iredene \pn Baolo\pn*i pixiei bareizhi goya kha, konne banladene kieliewo, "Shenlin ingiezhi kieliezho, '\png Yutai\png* kunla \png Yelusalen\png*de ene pixieni ezhanyi ingiezhi banladene niman kunlade jiuizhi ogine.'"
\p
\v 12 Bijien ene kielienyi chenliedene hhe oronyi kunlare \pn Baolo\pn*i \png Yelusalen\png*de bu khirei giezhi hende danlazho. 
\v 13 Ingie \pn Baolo\pn* kieliewo, "Ta yale ingiezhi wilazhi mii zhughei ghalughane? Bi Ezhan \pn Ersa\pn*de oluzhi kunla mii banlazhi pse \png Yelusalen\png*de fugughaliuzhe bi zhunbei gie goudazho." 
\v 14 Bijien \pn Baolo\pn*i kieliezhi dao dase yama ese giedene zinie "Ezhanyi isi mutun gholu gie." giezhi kieliewo.
\p
\v 15 Giedudu daodene bijien zhunbei gie \png Yelusalen\png*de khireiwo. 
\v 16 \png Kaisaliya\png*ni giedun tujilaye bijienre hhantu echiwo. Hhela bijienyi uduruzhi \pn Nasun\pn* giesan nie \png Saipulusi\png* kunyi giede echiwo. Hhe tuji danlazhi oloncha olune.
\s Baolo Yagebui Uzhele Echizho
\p
\v 17 \png Yelusalen\png*de kuruse gaijiula bijienyi bayasuzhi jienliewo. 
\v 18 Khuichudu \pn Baolo\pn* bijienre hhantu \pn Yagebu\pn*i uzhele echiwo. Zhanlaolaye man hhende wine. 
\v 19 \pn Baolo\pn* hhelade kielien asadene Huda hhei niman kunlai dunda gieghasan wilielai nienieji kieliezhi ogiwo.
\p
\v 20 Hhela chenliedene Hudai kuaizhi \pn Baolo\pn*de kieliewo, "Gaijiu, chi mejiene. Ezhanyi xianxin giesan \png Yutai\png* kun hao jiwon wine. Hhela \pn Musa\pn*ni guijinde chighara no wo. 
\v 21 Hhela chenliese chi sughazhi niman kunlai dundadedu soyuji \png Yutai\png* kunlai \pn Musa\pn*i guijinni bu zunjizhi ga kewosilade hetoune bu giegha giezho. Pse hhelai xigonni bu dagha giezho. 
\v 22 Ede matugiene? Kunla chi enende iresei mejiene. 
\v 23 Chi zhao bijienyi kielien mutun giele echi. Bijienyi enende jieran kunla kielien yenji jiezho. 
\v 24 Chi hhelare hhantu echizhi waghaku xigonghala hhantu wagha. Hhelai qiorun duliku baerni chi ogi. Ingiese hhela chenliesanshi zhenni pusho bikui, pse chi \pn Musa\pn*i guijinni zunjisei dajiala mejiene. 
\v 25 Bijien Ezhanni xianxin giesan niman kunlade nigiedade teisan, chusun, lei alasan, lon kijieku enelase gholodo giezhi jiejin giedene xin huaiwo."
\p
\v 26 Ingiese \pn Baolo\pn* hhe jieran kunyi uduruzhi khuichudu waghaku xigonghala hhelare hhantu waghawo. Ingie mechide orodene hhela waghazhi baluku udui, pse jien kun Hudade mure ogiku uduni tunzhi giewo.
\s Baoloi Mechide Bareizho
\p
\v 27 Hhe doludu barane giekude \png Yaxiya\png*se iresan \png Yutai\png* kunla \pn Baolo\pn* mechide bikui chanladene olon kunlai man shanjizhi \pn Baolo\pn*i barei agiwo. 
\v 28 Ingie waradazhi kieliewo, "\png Isilie\png* kunla, bijiende ishula! Ene kun gochude toreizhi jien kunlade mai kun, guijin, mechii fandui giezhi sughazho. Hhe da niman kunlai uduruzhi mechide oro ene zhiguitu oronyi zannanshighawo." 
\v 29 Hhela ingiezhi kieliekushi \png Ifuso\png* kun, \pn Telofeimo\pn* \pn Baolo\pn*ghala chenshide bisei chanlasenu \pn Baolo\pn* hhei mechide uduru orowo giezho. 
\v 30 Nie chenshi man londazhi bexinla holu ire, \pn Baolo\pn*i barei agidene mechise lai khireighawo. Ingie mechini wijienyi deigo kha jiewo. 
\v 31 Kunla zhen \pn Baolo\pn*i alane giekude buduilani qienfuzhande \png Yelusalen\png* nie chenshi man londawo giezhi huibao giewo. 
\v 32 Ingie qienfuzhan deigo budui, giedun baifuzhanlai uduru holuzhi hhelai hhende bouwo. Hhela qienfuzhan, buduilai chanladene \pn Baolo\pn*i eghiku beiwo. 
\v 33 Ingie qienfuzhan melie echi \pn Baolo\pn*i barei agidene fenfulazhi ghua qieshenghala sozila giezho. Ingiedene, "Hheshi kien wine, yan shiqin giezho?" giezhi asazho. 
\v 34 Niezhan kunla ingiezhi onghonone, niezhan kunla qingiezhi onghonone. Ingiezhi noise qienfuzhan yan shiqin bikui mejie da, \pn Baolo\pn*i laidene buduila sousan loude echi giezhi fenfulawo. 
\v 35 Louqi konde irese olon kunla hende jigheidazhi eghine giese buduila zinie \pn Baolo\pn*i qienlie daowo. 
\v 36 Kunla khuina daghazhi, "Hhei ala!" giezhi waradazho.
\s Baolo Goyane Huiizho
\p
\v 37 \pn Baolo\pn*i buduila sousan lou sudoro lai orone giekude \pn Baolo\pn* qienfuzhande asawo, "Bi chade nie aman kielien kieliese olunulie?" Hhe kieliewo, "Chi \png Xila\png* kielien kielie mejienu? 
\v 38 Chishi hhe oloncha daolon giedene 4000 shashoui uduruzhi hontande echisan hhe \png Aiji\png* kun pushoba?" 
\v 39 \pn Baolo\pn* kieliewo, "Bishi \png Yutai\png* kun wo. \png Jilijia\png*ni nie minshentu chenshi \png Dashu\png*ni hukouni bareizho. Bi chii xiahua gieye, mii bexinlade nie kielien kieliegha."
\p
\v 40 Qienfuzhan tunyi oluse \pn Baolo\pn* louqi jiere beidene bexinlade nie kha zhadeighase shenqi widawo. Ingiese \pn Baolo\pn* \png Xibolai\png* kielienghala kieliewo.
\c 22
\p
\v 1 "Oqio kunla, gaijiula, bi goyane huizhi kieliesan kielienyi ta chenliendu." 
\v 2 \pn Baolo\pn* \png Xibolai\png* kielienghala kieliese hhela chenliedene genjia nanranshiwo. Ingie \pn Baolo\pn* kieliewo, 
\v 3 "Bishi \png Yutai\png* kun wo. \png Jilijia\png*ni \png Dashu\png*de oludene ene \png Yelusalen\png* chenshide fugiedazhi \pn Jiamalie\pn*ni kha doura suruzho. Matanyi xienrenlani guijinyi chigharade suruzhi Hudade rexin wo. Edeku tanre niekielien wo. 
\v 4 Bi eqighanse ene daolini daghasan kunlai heizhi fugughakude kuruwo. Ere kun, biereilai banlazhi bafanzide khawo. 
\v 5 Ene shiqinde hhe nie zui fugie buwa, soyuji zui fugie fayenni zhanlaola man ganzhen bei shidane. Bi hhelai hhense xinni keredene \png Damashige\png*ni gaijiulai hhende echi, hhendedu xianxin giesan kunlai barei \png Yelusalen\png*de lai echi faine giezho."
\s Baolo Ezhanyi Xianxin Giesanyi Kieliezho
\p
\v 6 "Bi \png Damashige\png*de yozhi kurukude zhen zhunwu shihou wo. Menzhali asiman jierese fugie gonqi faizhi mii simiende zhouizho. 
\v 7 Bi zemin jiere fura bouse nie shenqi made kieliewo, '\pn Saolo\pn*! \pn Saolo\pn*! Chi mii yangiezhi heine?' 
\v 8 Bi asawo, 'Ezhan, chishi kien wo?' Hhe kieliewo, 'Bishi chi heisan \png Nasale\png* kun \pn Ersa\pn* wo.' 
\v 9 Mare hhantu yosan kunla hhe gonqii chanlawoma, made kieliesan shenqini sonosu dazho. 
\v 10 Bi kieliewo, 'Ezhan, bi matugiene?' Ezhan kieliewo, 'Bosidene \png Damashige\png*de echi. Hhende nie kun chi yan gieku shiqinni man kieliene.' 
\v 11 Hhe gonqini gieghanghala bi sugho gholuwo. Hhantu yosan kunla mii khase laizhi \png Damashige\png*de orowo."
\p
\v 12 "Hhende nie kunyi niereiini \pn Yananiya\pn* giene. Hheshi nie xienliantu kun wo, guijin jiere chighara wo. Hhende sousan \png Yutai\png* kunla man hhei zunzhun giezho. 
\v 13 Hhe mii uzhele ire kanzidemi beidene \pn Saolo\pn* gaijiu, chi chanla giezhi made kieliewo. Ingiekude bi nie uzhese hhei chanlawo."
\p
\v 14 "Ingie hhe kun kieliewo, 'Mai xienrenni Huda chii sunghudene goyane isii mejieghazhi hhe gou kunni chanlaghazhi shenqiini chenlieghawo. 
\v 15 Chi chanlasan, chenliesanne soyuji kunlai melie hhe kunde ganzhen beine. 
\v 16 Chi ede yan sagheizho? Bosidene Ezhanyi xiahua giezhi xilii jienliedene goya zuine waghazhi widagha.'"
\p
\v 17 "Khuinashi bi \png Yelusalen\png*de khareidene mechide zhen onxian giekude zhoujin mutun nie ghudureqi chanlase 
\v 18 Ezhan made kieliewo, 'Chi ghujighan \png Yelusalen\png*se likai gie. Chi made beisan ganzhenni hhela ulie jienliene.' 
\v 19 Ingie bi kieliewo, 'Ezhan, eqighandei bi chii xianxin giesan kunlai bafanzide khazhi pse go huitanlade hhelai eghisei hhela goyane mejiene. 
\v 20 Pse chade ganzhen beisan \pn Siqifan\pn*yi heizhi chusun usurukude biye kanzide beizhi tunyi giezhi hhei alasan kunlade oluzhi jienlaini uzhezhi ogizho.'"
\p
\v 21 "Ingieliuzhe Ezhan made kieliewo, 'Chi echi, bi chii peizhi gholododu niman kunlai hhende echighane.'"
\s Qienfuzhan Baolode Asazho
\p
\v 22 Bexinla ene nie aman kielienyi chenliedene fugiede kieliewo, "Intu kunyi duya jierese widagha! Hheshi fugukuni wo!"
\p
\v 23 Hhela izhi onghonozhi jienlane bendazhi turai asiman jiere khisigheise 
\v 24 qienfuzhan fenfulazhi \pn Baolo\pn*i buduila sousan lou sudoro orogha, mabienzighala eghizhi kunla yangiezhi onghonosei asa giezho. 
\v 25 Eghine giezhi banlakude \pn Baolo\pn* kanzide beisan baifuzhande kieliewo, "Bishi \png Loma\png* kun wo. Zui ese jinjidene eghise falighala kieliese tande oluzhoye?" 
\v 26 Ene kielienni chenliedene baifuzhan qienfuzhande echidene kieliewo, "Ene kunshi \png Loma\png* kun wo. Chi matugiene giezho?" 
\v 27 Qienfuzhan ire \pn Baolo\pn*de asawo, "Chi made kielie, chishi \png Loma\png* kun onu?" \pn Baolo\pn* kieliewo, "Enbene." 
\v 28 Qienfuzhan kieliewo, "Bi olon baer huaizhi \png Loma\png* gojiani hukoude orowo." \pn Baolo\pn* kieliewo, "Bi olusanse enbene." 
\v 29 Ingiese \pn Baolo\pn*i eghizhi asane giesan kunla hhense deigo likai giewo. Qienfuzhan banlasan \pn Baolo\pn*shi \png Loma\png* kun bikui mejiedene ayizho.
\s Zui Fugie Fayen Melie Baolode Asazho
\p
\v 30 Khuichudu qienfuzhan \png Yutai\png* kun \pn Baolo\pn*i zhasan shiqinni mejiene giezhi hhei andaghadene fenfulazhi fugie buwa, zui fugie fayenni kunlai man hhantulaghasenu \pn Baolo\pn*i uduru ire hhelai melie beighawo.
\c 23
\p
\v 1 \pn Baolo\pn* zui fugie fayenni kunlai nudunne ese agi uzhezhi kieliewo, "Gaijiula, bi Hudai melie giekude lianxin ese ghudanduzhi izhi eli kuruwo." 
\v 2 Ingie zui fugie buwa \pn Yananiya\pn* \pn Baolo\pn*i kanzide beisan kunlade hhei aman jiere eghi giezhi fenfulawo. 
\v 3 Ingiese \pn Baolo\pn* hhende kieliewo, "Chi ene mienzide khireisan kun, ghadane seighan wo, sudoro zannan wo. Huda chii eghine! Chi hhende souzhi guijinghala mii panjine giedene da guijinni fanjizhi mii eghi giezhi fenfulanu?" 
\v 4 Kanzide beisan kunla kieliewo, "Chi lien Hudai zui fugie buwai sugienu?" 
\v 5 Ingie \pn Baolo\pn* kieliewo, "Gaijiula, hheshi zui fugie buwa bikui bi mejie dawo. Bexinni gonjisan noyenne bu sugie giezhi jinwun jiere kieliezho."
\p
\v 6 \pn Baolo\pn* hhelai dundadu olieshi Sadugai kun, olieshi Falisai kun bikui uzhe khizhedene zui fugie fayenni kunlade fugiede kieliewo, "Gaijiula, bishi Falisai kun wo, Falisai kunni houdei wo. Bi fugusan kun fuho giekui xianxin giese made shenwun giezho." 
\v 7 Ene kielienyi kieliese Falisai kun, Sadugai kunghala jianjidu qii kunla ghugha keiwo. 
\v 8 Yenlai Sadugai kunla kieliese qienxien, ruhher uwo, fuho gieku shiqinye uwo giezho. Falisai kun kieliese enela man wine giezho.
\p
\v 9 Kunla fugiede onghono qiiwo. Giedun Falisai paini jinwun hanjiala bosi ire hende jianjiduzho, "Ene kun yan codasei bijien ereizhi khizhe dawo. Kenen ruhher, qienxienla hhende kielien kieliezhoba." 
\v 10 Ingie jianjiduzhi hendawo. Qienfuzhan \pn Baolo\pn*i sida zhazhazi gholughakuse ayizhi buduilai fenfula boughadene hhei qianla khizhe buduila sousan loude echigha giewo.
\p
\v 11 Hhe xii Ezhan \pn Baolo\pn*i kanzide beizhi kieliewo, "Chi danzine fugiedagha. Chi \png Yelusalen\png*de matugie made ganzhen beizhoshi \png Loma\png*deye qingiezhi ganzhen beikuni wo."
\s Yutai Kunla Baoloi Alakui Jihua Giezho
\p
\v 12 Ogheidene \png Yutai\png* kunla qioqioji shanlian giedene fayen giezhi kieliewo, "\pn Baolo\pn*i ulie alatula matan ulie ijiene, ulie ochine." 
\v 13 Ingiezhi hhantu fayen giesan kun 40 gie daozho. 
\v 14 Hhela fugie buwa, zhanlaolai shida echidene kieliewo, "Bijien \pn Baolo\pn*i ulie alatula yama ulie ijiene giezhi fayen gie goudaghazho. 
\v 15 Ta ede zui fugie fayenni kunlare hhantu qienfuzhande kieliezhi \pn Baolo\pn*i tai enende uduru iregha. Jiazhon giezhi pse xianxide hhei shiqinni asane giezhi kielie. Bijien zhunbei gie goudazho. Hhe kuzhetula ala widaghane."
\p
\v 16 Ingie \pn Baolo\pn*i wishen hhela ghulazhi giesan jihuai sonosudene buduila sousan loude echi \pn Baolo\pn*de kieliewo. 
\v 17 Ingie \pn Baolo\pn* nie baifuzhanyi uruzhi ire kieliewo, "Chi ene nasuchighan kunyi udurudene qienfuzhanyi shida echi. Hhe hhende nie shiqin huibao giene." 
\v 18 Ingiese baifuzhan hhei uduruzhi qienfuzhanyi shida echi "Bareisan \pn Baolo\pn* mii uruzhi echi xiahua giezhi ene nie nasuchighan kunyi udurudene chade nie shiqin kielieghane." giezhi kieliese 
\v 19 Qienfuzhan hhei khase laizhi niemiende echi asawo, "Chi made yan shiqin kieliene?"
\p
\v 20 Hhe kieliewo, "\png Yutai\png* kunla \pn Baolo\pn*i shiqinde xianxide asane giezhi jiazhon giedene maghashijie hhei zui fugie fayende uduru iregha giezhi chii xiahua giekui shanlian gie goudawo. 
\v 21 Ingiese chi hhelanughunyi bu chenlie. \pn Baolo\pn*i ulie alatula ulie ijiezhi ulie ochine giezhi fayen giesan 40 dogie kunla ede alane giezhi niuizho. Ede zhunbei gie goudazhi chii dain giekui sagheizho."
\p
\v 22 Ingiese qienfuzhan nasuchighan kunde ene shiqinyi chi made kieliewo giezhi kiemade bu kielie giezhi fenfuladene hhei echighawo.
\s Baoloi Feilisi Shenzhande Jiuizhi Ogizho
\p
\v 23 Qienfuzhan ghua baifuzhanyi uru ire kieliewo, "200 gie yosan budui, 70 gie morei unusan budui, 200 gie zhida bareisan buduilai zhunbei gie. Ene xii 9 jiende \png Kaisaliya\png*de echine. 
\v 24 Pse morei zhunbei giezhi \pn Baolo\pn*i unughadene baohu giezhi \pn Feilisi\pn* shenzhanni hhende khughozhi echigha." 
\v 25 Hhe xin huaizhi kieliewo, 
\v 26 "\pn Kelaoji-Lixiya\pn* \pn Feilisi\pn* shenzhande kielien asazho. 
\v 27 Ene kunyi \png Yutai\png* kunla bareizhi alane giekude hheshi \png Loma\png* kun bikui bi mejiedene buduilai uduru echi hhei jiui khizhewo. 
\v 28 Hhela hhei yangiezhi zhasan shiqinyi bi mejiene giezhi hhei uduru hhelai zui fugie fayende echiwo. 
\v 29 Hhei zhasanshi zi hhelai jiomunni guijin jieredu shiqin bikui bi mejiewo. Yama fugughaku, banlaku zui uwo. 
\v 30 Khuinashi \png Yutai\png* kunla hhei alane giesan jihuai nie kun made kieliese bi hhei deigo chii hhende ireghawo. Pse minlin xiaizhi hhei zhasan kun chii melie iredene zha giewo."
\p
\v 31 Ingiese buduila zhao fenfulasan mutun xienidei \pn Baolo\pn*i uduru \png Anqipaji\png*de echighadene 
\v 32 khuichudu morei unusan buduila \pn Baolo\pn*ni khughozhi echigha, yosan buduila sousan loudene khareiwo. 
\v 33 Morei unusan buduila \png Kaisaliya\png*de ire xinni shenzhande ogisenu \pn Baolo\pn*ni hhende jiuizhi ogiwo.'' 
\v 34 Shenzhan xinni uzhe, \pn "Baolo\pn*shi alinie shenni kun wo?" giezhi asadene \png Jilijia\png*ni kun bikui mejie kieliewo, 
\v 35 "Chii zhasan kunla irese panjiye." Ingie kunlade fenfulazhi \pn Baolo\pn*i \pn Hherode\pn* hongunde khawo.
\c 24
\s Yutai Kunla Baoloi Zhazho
\p
\v 1 Tawudu daodene zui fugie buwa \pn Yananiya\pn* giedun zhanlao, pse nie \pn Qietulo\pn* giezhi lishire hhantu iredene shenzhande \pn Baolo\pn*i zhazho. 
\v 2 \pn Baolo\pn*i uduru irese \pn Qietulo\pn* hhei zhazhi kieliewo, "\pn Feilisi\pn* fugie noyen, bijien chii yenyinghala chanqi nanrande udu daozhi chini melie uzheku aghelighala ene gojia fazhan giezhi goudazho. 
\v 3 Bijien suishisui chade hende mafan kieliezho. 
\v 4 Bijien chii olon mafan ulie gieghane. Chii xiahua gieye, zhughene aghuidaghazhi bijienyi giedun aman kielienyi nie chenlie. 
\v 5 Bijien ene kunyi uzhese inzhaku gien niekielien wo. Qienxiani \png Yutai\png* kunlai shanjizhi londaghazho. Hheshi Nasale jiomunni nie touzi wo. 
\v 6 Mechini zannanshighane giese bijien hhei bareiwo. 
\v 8 Chi goyane ene kunyi shenwun giese bijien hhei zhasan shiqinlai man mejiene." 
\v 9 \png Yutai\png* kunla daghadene shiqin intui enbene giezhi hhei zhazhi kieliewo.
\s Baolo Feilisii Melie Goyane Huizho
\p
\v 10 Shenzhan qiorun jienjizhi \pn Baolo\pn*i kielie giese \pn Baolo\pn* kieliewo, "Chi ene gojiade fayenni yenzhan haojinien danlasei bi mejiene. Ingiese bi bayasuzhi goyane huizho. 
\v 11 Bi libai giele \png Yelusalen\png*de khizhezhi 12 qienda ese olusei chi nie chaima mejiene. 
\v 12 Bi mechide kunlare jianjindusei, huitande, chenshini go oronlade kunlai shanjisei hhela chanlazhi ese daozho. 
\v 13 Hhela ede mii zhasan shiqinde chade yama zhenji ogi dane. 
\v 14 Ingiese bi chade nie shiqinni chenren gieye. Hhela xiejio wo giesan ene daolini bi daghazhi bijienyi xienrenyi Hudai beiizho. Guijinshu, xienzhini shu jiere jilasanyi man xianxin giezho. 
\v 15 Pse ene kunla xianxin giesan mutun gou kun, gou witu kunla man fuho giekui bi Hudase panjizho. 
\v 16 Ingiese bi Hudai melie, kunlai melie chan lianxin ulie ghudandune giezhi xiacha giezho. 
\v 17 Jinien daodene bi goya minzune nanxin kunlade baer khughozhi Hudade mure ogine giezhi \png Yelusalen\png*de irewo. 
\v 18 Bi mechide ogine giezhi waghazhi ganjinrasei hhela chujieghewoma, olon kunlare hhantu uwo, daolonye ese giezho. 
\v 19 Zinie \png Yaxiya\png*se iresan giedun \png Yutai\png* kunla hhende wo. Hhelade mii zhaku shiqin bise chii shida irezhi zhane. 
\v 20 Pse enezighan kunla bi zui fugie fayen melie bidene mii yan codasei mejiewoshi goyalane nie kielie gie. 
\v 21 Bi zinie hhelai dunda beizhi ene nie aman kielienyi fugiede kieliewo, 'Enedu tai melie made shenwun giekushi fugusan kun fuho giesan shiqin wo.'"
\p
\v 22 \pn Feilisi\pn* ene daolini xiandan qinchu wo. Ingie shenpanhuini danlazhi beighadene kieliewo, "\pn Lixiya\pn* qienfuzhan bouzhese bi tai shiqinni panjiye." 
\v 23 Ingiese baifuzhande fenfulazhi \pn Baolo\pn*de ezighan ziyu ogizhi hhei uzhe giewo. Pse zhanlienlani hhende injiku dunxi ogise bu danla giezho.
\s Feilisi Baoloni Bafanzide Feilieghazho
\p
\v 24 Giedudu daodene \pn Feilisi\pn* biereighalane \pn Baolo\pn*i ochirale irewo. Hhei biereishi \png Yutai\png* kun wo. Niereini \pn Tuxila\pn* giene. \pn Baolo\pn*i uruzhi iresenu \pn Ersa\pn* Mexihani xianxin gieku daolii kielieghazhi chenliene giezho. 
\v 25 \pn Baolo\pn* gundande gieku, goyane kunzhi gieku, jianlai ireku shenpanni kieliese \pn Feilisi\pn* hende ayidene kieliewo, "Chi xian echi, made fanbien winekude chii uruzhi ireye." 
\v 26 \pn Feilisi\pn* \pn Baolo\pn* hhende baer ogimu giezhi onxian giezhi hhei olonfa uruzhi ire kielien kielienduzho. 
\v 27 Ghua hon gierudene \pn Boqiu-Feisidu\pn* \pn Feilisi\pn*ni oronde noyen danlawo. \pn Feilisi\pn* \png Yutai\png* kunlai bayasughane giezhi \pn Baolo\pn*i bafanzide kha jiezho.
\c 25
\s Baolo Honshande Zhazho
\p
\v 1 \pn Feisidu\pn* \png Kaisaliya\png*de noyen danlazhi ghurudu oludene \png Yelusalen\png*de khireiwo. 
\v 2 Hhende fugie buwa, \png Yutai\png* kunni noyenla \pn Feisidu\pn*de \pn Baolo\pn*i zhazho. 
\v 3 \pn Feisidu\pn*i xiahua giezhi banman kerezhi \pn Baolo\pn*i \png Yelusalen\png*de iregha giezho. Hhela mo jiere \pn Baolo\pn*i alane giezhi jihua giezho. 
\v 4 \pn Feisidu\pn* kieliewo, "\pn Baolo\pn*i ede \png Kaisaliya\png*de khazho. Bi deigo hhende echine giezho. 
\v 5 Tai dunda qienlitu kun mare hhantu bousenu hhe kunde yan zui wineshi hhei zha."
\p
\v 6 \pn Feisidu\pn* hhelai hhende neimudu, hharudu soudene \png Kaisaliya\png*de bouwo. Khuichudu hui keine giezhi shenpantai jiere soudene fenfulazhi \pn Baolo\pn*i uduru ire giewo. 
\v 7 \pn Baolo\pn* irese hhezighan \png Yelusalen\png*se bouzhesan \png Yutai\png* kunla zhouwideni beizhi olon, gundu zuighala hhei zhazhoma, yama zhenji ogi dazho. 
\v 8 \pn Baolo\pn* goyane huizhi kieliewo, "Bugon \png Yutai\png* kunyi guijin, mechi, pse \pn Kaisa\pn* honshande bi zui fanjizhi ese daozho."
\p
\v 9 \pn Feisidu\pn* \png Yutai\png* kunlai bayasughane gie \pn Baolo\pn*de asawo, "Chi \png Yelusalen\png*de khireidene bi ene shiqinyi shenwun giese duran winu uwo?"
\p
\v 10 Ingiese \pn Baolo\pn* kieliewo, "Bi ede \pn Kaisa\pn* honshanni shenpantai melie beizho. Enende made shenwun giese indanji wo. Bi \png Yutai\png* kunlade yama codasan shiqin giezhi ese daosei chiye qinchu wo. 
\v 11 Bi codasan shiqin giezhi fuguku zui wineshi fuguliuzhe made yama kieliekui uwo. Hhela mii zhasan shiqinshi zhenni pushoshi kiemada mii hhelade jiuizhi ogi dane. Bi \pn Kaisa\pn* honshande zhane."
\p
\v 12 \pn Feisidu\pn* goya kunlarene shanlian giedene kieliewo, "Chi \pn Kaisa\pn* honshande zhase \pn Kaisa\pn* honshanyi hhende echikuni wo."
\s Baoloni Yajipa Shida Echighazho
\p
\v 13 Giedudu daodene \pn Yajipa\pn* honshan \pn Beinisi\pn*ghala \png Kaisaliya\png*de irezhi \pn Feisidu\pn*de kielien asawo. 
\v 14 Hhende ezighancha soukude \pn Feisidu\pn* \pn Baolo\pn*ni shiqinyi \pn Yajipa\pn* honshande kieliewo, "Enende nie fanren wine. \pn Feilisi\pn* feilieghasan wo. 
\v 15 Bi \png Yelusalen\png*de bikude \png Yutai\png* kunni fugie buwa, zhanlaola hhei shiqinyi made zhazhi, "Hhende zui jinji!" giezhi xiahua giewo. 
\v 16 Bi hhelade \png Loma\png* kunni falishi zhasan kun duifanghala ulie hhantulazhi duifande goyane huiku jihui ulie ogidene zui jinjise ulie olune giezhi kieliewo. 
\v 17 Ingiese hhela enende irese bi danwu ese giezhi khuichudu shenpantai jiere soudene fenfulazhi hhe kunyi uduru ire giewo. 
\v 18 Zhasan kunla beidene hhei zhase bi sumulasan qintu doghun shiqin pusho. 
\v 19 Hhela zinie goyai jiomunni shiqin jiere, pse fugusan \pn Ersa\pn* giesan nie kunyi shiqin jiere jianjinduzho. \pn Baolo\pn* kieliese hhe kun amitu wo giezho. 
\v 20 Bi enei matugie chaikui mejie da, \pn "Baolo\pn*de ene shiqinyi \png Yelusalen\png*de khireidene shenwun giese duran winuwo?" giezhi asawo. 
\v 21 Ingiese \pn Baolo\pn* mii xiahua giezhi goyane feilieghadene \pn Kaisa\pn* honshan jiejin gie giezho. Ingie bi hhei \pn Kaisa\pn* honshanyi hhende khughozhi echighatula feiliegha giezhi fenfulawo."
\p
\v 22 \pn Yajipa\pn* \pn Feisidu\pn*de kieliewo, "Bi goyane ene kun kieliekui chenlieku duran wine." \pn Feisidu\pn* kieliewo, "Maghashijie chi chenlie."
\p
\v 23 Khuichudu \pn Yajipa\pn* \pn Beinisi\pn*ghala yoqi yoqi daqinde irewo. Qienfuzhan, hhe chenshini minshen fugietu kunlaiye deilazhi orowo. \pn Feisidu\pn* nie fenfulase \pn Baolo\pn*i uduru irewo. 
\v 24 \pn Feisidu\pn* kieliewo, "\pn Yajipa\pn* honshan, pse enende bisan dajiala, ta uzhesan ene kunshijiu \png Yelusalen\png*ni, pse enendedu \png Yutai\png* kunla man made fugiede waradazhi yoqiu giezhi hhei amitu feilieghase ulie olune giesan hhe kun wo. 
\v 25 Bi chaise hhende yama fuguku zui uwo. Pse hhe goyane \pn Kaisa\pn* honshande zhane giese bi hhei khughozhi hhende echighane giezhi jiejin giewoma, 
\v 26 ene kunyi xianxi shiqinyi \pn Kaisa\pn* honshande huaikui uwo. Ingie yama huaiku dunxi enende chaizhi olu shidanu gie, tai melie, yuqishi chi \pn Yajipa\pn* honshanyi melie hhei uduru irewo. 
\v 27 Bi sumulase zhaku shiqinyi kieliezhi qinchu ulie olughadene fanrenni khughokude heshi uwo giezho."
\c 26
\s Baolo Yajipai Melie Goyane Huizho
\p
\v 1 \pn Yajipa\pn* \pn Baolo\pn*de kieliewo, "Chi goyadene oluzhi kielie." Ingiese \pn Baolo\pn* khane zhadeigha goyane huizhi kieliewo, 
\v 2 "\pn Yajipa\pn* honshan, \png Yutai\png* kunla mii zhasan shiqinde enedu chii melie bi goyane huise mii inqi gou wo. 
\v 3 Tebieshi chi \png Yutai\png* kunlai xigon, jianjindukulai man shuxi wo. Ingiese bi chii xiahua gieye, chi rennai giezhi bi kieliesanyi chenlie."
\p
\v 4 "Bi meila shihouse izhi goya kun dundane \png Yelusalen\png*de matugie giesei \png Yutai\png* kunla man mejiene. 
\v 5 Bishi mai jiomun dundadu zui chigharadu Falisai paini nie goude giesan kun bikui hhela eqighanse mejiene. Enei hhela duran bise ganzhen bei shidane. 
\v 6 Ede mii enende beigha shenwun giekushi Huda mai xienrenlade dain giesei bi panjiwo giezho. 
\v 7 Ene panjikushi mai 12 gie paini kunla xieni udu Hudai goude beiizhi ene dain giesei gholuse giesan hhe wo. Honshanya, ene nie panjiku yenyin jiere \png Yutai\png* kunla mii zhazho. 
\v 8 Ta yale Huda fugusan kunlai aminne olughase xianxin giekui pusho giezho?"
\p
\v 9 "Shijishan bi goyane \png Nasale\png* kun \pn Ersa\pn*i jinlianji fandui giese indanji wo giezhi sumuladene 
\v 10 \png Yelusalen\png*de ingiezhi giewo. Fugie buwalase qienli keredene shentulai bafanzide khazhi, da hhelai sixin panjikude beizhi bi tunyi oluwo. 
\v 11 Bi pse go huitanlade olonfa hhelai faizhi biidene \pn Ersa\pn*ni sugieghazho. Bi hhelade hende hokuzhi da niman kunlai chenshilade echizhi heizho."
\s Baolo Ezhanyi Xianxin Giesei Kieliezho
\r (Tuj 9:1-19; 22:6-16)
\p
\v 12 "Ene mujighala bi fugie buwalase qienli, minlinni bareidene \png Damashige\png*de echine giezho. 
\v 13 Honshanya, zhunwude bi mo jiere yokude chanlase asimanse gon faizhi naranse da gieghan wo. Simiende bi, bighala hhantu yosan kunlai zhouizho. 
\v 14 Bijien man zemin jiere fura bouse nie shenqi \png Xibolai\png* kielienghala made kieliewo, '\pn Saolo\pn*! \pn Saolo\pn*! Yale mii heine? Chi fugherei mutun ezhanni eghesuntu teiyai qiuise goyane shanjine.'"
\p
\v 15 "Ingiese bi kieliewo, 'Ezhan, chishi kien wo?' Ezhan kieliewo, 'Bishi chi heisan \pn Ersa\pn* wo. 
\v 16 Chi bosizhedene bei. Bi goyane chade xienjighakushi chii goyadene hoji danlaghazhi chi mii chanlasan shiqinde, pse bi chade jianlai xienjighaku shiqinde ganzhen beighane giezho. 
\v 17 Bi chii \png Yutai\png* kunlai, niman kunlai dundase jiuizhi khizhene. Bi chii peizhi hhelai hhende echighadene 
\v 18 nudunlaini keighazhi kharanise gon dunda ireghane. Ibilisii nenlise likai gieghazhi Hudade shunjighane. Ingiese mii xianxin giezhi zuini mienliedene zhiguitu gholusan kunlare hhantu guzide beighane.'"
\s Baolo Giesan Wiliene Kieliezho
\p
\v 19 "\pn Yajipa\pn* honshanya, bi asimanse iresan zhoujin mutunyi shunjizhi 
\v 20 xien \png Damashige\png*de, pse \png Yelusalen\png*de, \png Yudaya\png*ni go oronlade, niman kunlade chonjizhi geizhen giedene Hudade shunjizhi geizhen giesan shiqinne giezhi uzhegha giewo. 
\v 21 Ene yenyin jiere \png Yutai\png* kunla mechide mii barei agidene alane giezho. 
\v 22 Ingieliuzhe enedu kurutula Huda made banman giese bi enende beizhi undu kun boghoni kunliuzhe hhelade man ganzhen beizho. Xienzhila, \pn Musa\pn* kieliezhi jianlai fashen giene giesan shiqinse chugo bi yama ese kieliezho. 
\v 23 Hheshijiu Mexiha bixi shouku giedene fugusan kun dundase xien aminne oludene \png Yutai\png* kun, niman kunlade gonni mejieghane giesan wo."
\p
\v 24 \pn Baolo\pn* ingiezhi huise \pn Feisidu\pn* fugiede kieliewo, "\pn Baolo\pn*, chi fenjiulizho. Chii unhua texien undudase chii fenjiulighazho!"
\p
\v 25 \pn Baolo\pn* kieliewo, "\pn Feisidu\pn* fugie noyen, bi uye fenjiulizho. Bi qinchude sumulasan daolini kieliezho. 
\v 26 Honshanye ene shiqinlai mejiene. Ingiese bi uye ayizhi hhende kieliezho. Ene shiqinni beimiende ese giezho, ingiese enelai noyende nieda mii dakui bi mejiene. 
\v 27 \pn Yajipa\pn* honshanya, chi xienzhini xianxin gienu? Chi xianxin giekui bi mejiene."
\p
\v 28 Ingiese \pn Yajipa\pn* \pn Baolo\pn*de kieliewo, "Chi intughanighala mii kieliezhi Mexihani tuji gholughanu?"
\p
\v 29 \pn Baolo\pn* kieliewo, "Intughaniye olune, olonye olune. Chi, pse enedu enende chenliesan kunla man bi mutun gholuse giezhi bi Hudase onxian giezho, zinie bi mutun jieliu bu zho giezho."
\p
\v 30 Ingiese honshan, shenzhan, \pn Beinisi\pn*, pse sousan kunlare bosizhedene 
\v 31 khuina dao echi nieniedene kieliezho, "Ene kun fuguku, khaku zui ese fanjizho."
\p
\v 32 Ingiedene \pn Yajipa\pn* \pn Feisidu\pn*de kieliewo, "Ene kun \pn Kaisa\pn* honshande ese zhazhoshi eqighan andaghawo."
\c 27
\s Baolo Lomade Echiku
\p
\v 1 Bijienni chon soughazhi \png Idali\png*de echighane giezhi jiejin giese hhela \pn Baolo\pn*, psedu fanrenlai hongun buduilani nie baifuzhande jiuizhi ogiwo. Niereini \pn Yuliu\pn* giene. 
\v 2 Niekozi \png Yadamiqien\png*se iresan chon \png Yaxiya\png* oronni haibienzighun yone giezho. Bijien hhe chon jiere khirei yowo. Bijienre hhantu yosanshi \png Maqidun\png*ni \png Qiesalonijia\png* kun \pn Yalidagu\pn* wo.
\p
\v 3 Khuichudu \png Xidun\png*de kuruwo. \pn Yuliu\pn* \pn Baolo\pn*i danren giezhi zhanlienlaini uzheghale echise zhanlienlani \pn Baolo\pn*i zhaogu giezho. 
\v 4 Hhense chonni keizhi qiise kei shun uwoshi bijien keini piizhi \png Saipulusi\png*yi beimienghun yozho. 
\v 5 Bijien \png Jilijia\png*, \png Panfeiliya\png*ni meliedu haini daodene \png Lijia\png*ni \png Meila\png*de kuzhewo. 
\v 6 Hhende niekozi \png Idali\png*de echine giesan \png Yalishanda\png*ni chonni penjise baifuzhan bijienyi hhe chon jiere khireighawo. 
\v 7 Lienjizhi giedudu chon yozhi tanshi kuzhe dazhi ingiezhi cai \png Genitu\png* bienzide kuzhewo. Kei bijienyi jiohoro giese \png Samoni\png*ni bienzise keini piizhi \png Kelitedao\png* douraghun yozho. 
\v 8 Bijien bienzighun yose chon yozhi chijia no wo. Ingie cai \png Laxiya\png* chenshini kouisan \png Seighan Haibienzi\png* giezhi nie oronde irewo.
\p
\v 9 Oloncha shijien danwu giezhi orozo bareiku shihou ijin daose pse chon keizhi wixiennudawo. Ingie \pn Baolo\pn* kunlade sughazhi kieliewo, 
\v 10 "Dajiala, bi uzhese enefa chon keizhi wixien no wo. Zinie ho, chonni qida olughaku pusho, matan aminne da gui dane." 
\v 11 Baifuzhan \pn Baolo\pn*i kielienni ese chenliezhi chon keisan kun, chonni ezhanyi kielienyi chenliezho. 
\v 12 Ene haibienzide uncha daoghaku chijia wo. Ingiese dabufen kunla hhense likai giezhi \png Feinike\png*de echidene uncha daoghaye giezhi jiejin giewo. \png Feinike\png*shi \png Kelitedao\png*ni nie haibienzi wo. Niemienni xinan miende wo, niemienni xibei miende wo.
\s Hai Jiere Fugie Keini Penjizho
\p
\v 13 Ene shihoude nanbangiese ga kei bosiwo. Hhela sumulase zhao jihuaghala yose olune giezhi chon beighaku gougoui khizheghadene \png Kelitedao\png*i kouizhi yozho. 
\v 14 Oloncha ese beidene nie honfenkei \png Kelitedao\png* bienzise feilie irewo. Hhe honfenkeini nierei Dunbeifen giene. 
\v 15 Chonni kei wiqi agise pse melie yo da, keini dagha yozho. 
\v 16 Nie ga daoni nierei \png Gaoda\png* giene. Bijien ene daoni kanzighun keini piizhi yozho. Khuina laisan ga chonni beigha dazhi ingiezhi beighawo. 
\v 17 Ga chonni laizhi khizhedene zhashighala fugie chonni zhouwini banla goudaghawo. \png Saierji\png*ni usu douradu shazide guai feilieghakuse ayizhi chon jieredu fugie popui bouzhegha chonni durare yoghawo. 
\v 18 Bijienyi kei, lan izhi biidene jindaghase khuichudu hhela holai haide bendawo. 
\v 19 Pse niudu daosenu hhela chonde injisan dunxilai qinsi bendawo. 
\v 20 Hao giedudu naran, hodunyi chanla dawo. Honfenkei bijienyi biise bijienyi jiuiku xiwon widawo.
\p
\v 21 Kunla giedudu yama ese ijiezho. \pn Baolo\pn* hhelai dunda beidene kieliewo, "Dajiala, ta mini kielienyi indan chenliekui wo. \png Kelitedao\png*se likai ese giewoshi imeghei sunshiji qida olukui uwo. 
\v 22 Ede bi tande kielieye, ta zhughene tei. Tai kiemai amin nieda ulie widane, zinie chon widane. 
\v 23 Mii gonjisan, bi beiisan Hudai qienxien uzhughu xii mii kanzide beizhi kieliewo, 
\v 24 '\pn Baolo\pn*, bu ayi. Chi kenjin \pn Kaisa\pn* honshanyi melie beine. Huda chighala hhantu chon sousan kunlade pinnan ogine.' 
\v 25 Ingiese dajiala, zhughene tei. Huda made matugiezhi kieliese qintui gholukui bi xianxin giene. 
\v 26 Matanyi nie haini dao jiere guai feilieghane."
\p
\v 27 14 qien kurudene xienidei chon \png Yadeliyahai\png* jiere hheliezhi eneman hheman giezho. Chabudu banyedei chon jieredu wiliechila zemin jiere chadashiwo gie, 
\v 28 jiochighala nie nanjise gunde 12 zhan wo. Melie gouji yodene pse nie nanjise 9 zhan wo. 
\v 29 Hhela chon tashi jiere mughukuse ayizhi chon boghose jieran chon beighaku gougoui boughadene ogheikui panjizho. 
\v 30 Wiliechila chon beighaku gougoui chon qiorunse boughazho giezhi yanzi gie, ga chonni usude bougha, holuku muji daizho. 
\v 31 \pn Baolo\pn* baifuzhan, buduilade kieliewo, "Enezighan kunla chon jiere ulie feiliese ta aminne gui dane." 
\v 32 Ingiese buduila ga chonni zhashii chizhi siragha anda boughawo.
\p
\v 33 Ogheikude \pn Baolo\pn* ashighalade ijiuni ijie giezhi sughazhi kieliezho, "Ta izhi yama ese ijiezhi enedushi 14 qien oluwo. 
\v 34 Ingiese bi tande sughazhi kielieye, ta gouji ijie. Ene tai aminni jiuine. Tai kiemadai nieganzi usunye ulie widane." 
\v 35 Ingie \pn Baolo\pn* ene kielienyi kieliedene ginanyi barei ashighalai melie Hudade mafan kieliedene ghulu ijiewo. 
\v 36 Ingie hhela man zhughene teizhi ijiewo. 
\v 37 Bijien chon jiere 276 gie kun wo. 
\v 38 Hhela ijie chududene chonni gongiereghane giezhi boudeilai haide bendawo.
\s Chonni Guaidene Gha Olughazho
\p
\v 39 Ogheisenu hhela hhe oronyi tani dawoma, nie haibienzii chanlawo. Ingie chonni jinlianji bienzide echighane giezho. 
\v 40 Ingie jiesunyi chizhi siragha chon beighaku gougoui haide boughawo. Fanxian kunzhi gieku doni sularaghazhi popui lai khireighase zhao keizhe bienzide echiwo. 
\v 41 Lianmienni usu hhantulasan shazitu oronde chonni qiorunyi jiai beighawo. Lan chon boghoi eghi qida olughawo.
\p
\v 42 Ingiekude fanrenla unba holu widakuse ayizhi buduila hhelai alane giezho. 
\v 43 Baifuzhan \pn Baolo\pn*i jiuine giezhi hhelai ingiezhi ese gieghawo. Ingie fenfulazhi unba mejiechen kunla usude jioli bou, xien bienzide khirei giewo. 
\v 44 Psedu kunla banba, chon jieredu dunxighala bienzide khirei gie wo. Ingiezhi dajialai jiuizhi usu bienzide khireiwo.
\c 28
\s Maerta Dao Jiere
\p
\v 1 Bijien pinnande bienzi jiere khirei, ene daoni \png Maerta\png* giekui mejiewo. 
\v 2 Hhe oronyi kunla bijiende gou no wo. Hhende ghura bouzhi qienqi kuiqienshi khan sideraghazhi bijienyi zhaogu giewo. 
\v 3 \pn Baolo\pn* ezighan muzhai qiangu ire khande teise nie mogheii tulie bazilie da, holu khizhe \pn Baolo\pn*i khaini jinji beizho. 
\v 4 Hhe oronyi kunla moghei hhei kha jiere horo beisanyi chanladene nieniedene kieliezho, "Ene kunshi kenjin nie sharenfan wo. Haise jiui khizhewoma, asiman hhei aminne ulie olughane." 
\v 5 \pn Baolo\pn* mogheini khande benda oroghawoma, shan ese deilazho. 
\v 6 Hhela sumulase hhe khaitumu, pse zemin jiere fura boudene fugumu giezho. Oloncha sagheise yama uye giesei chanladene kharei hheshi nie huda wo giezho.
\p
\v 7 Hhe shida nie ghazha wine, dao jieredu zui fugie noyen \pn Bubailiu\pn*nughun wo. Hhe bijienyi jienliezhi shixinji ghurudu zhaodai giewo. 
\v 8 Ingiekude \pn Bubailiu\pn*ni adani fashao giezhi xieli kudene kijiezho. \pn Baolo\pn* orozhi echi onxian giezhi hhei jiere khane teiwo. 
\v 9 Ingiese dao jieredu gientulaye irezhi man goudaghawo. 
\v 10 Hhela bijienyi hende danren giezhi bijien yokude mo jiere injiku dunxilai chon jiere khughozhi ogiwo.
\s Baolo Lomade Kuruzho
\p
\v 11 Dao jiere ghuran sara beidene bijien nie \png Yalishanda\png*se iresan chon jiere khirei yo qiiwo. Ene chonshi haini dao jiere uncha daoghasan wo, qiorun jiereni \pn Shongo\pn* giesan hao teizho. 
\v 12 Bijien \png Xilagu\png*de kurudene ghurudu beiwo. 
\v 13 Pse hhense raoizhi \png Lijiwun\png*de echiwo. Niudu daose nanbangieni kei bosise khuichudu \png Bujiuli\png*de kuruwo. 
\v 14 Hhende ezighan gaijiulai ochiradene bijienyi xinlazhi echi hhelare hhantu doludu souwo. Bijien ingiezhi \png Loma\png*de kuzhewo. 
\v 15 Hhendedu gaijiula bijienyi xioxini sonosudene \png Loma\png*se \png Yabiwu\png* geidoude, pse \png Ghuran Lishe\png* giesan ime gholo oronde bijienyi jienliele irewo. \pn Baolo\pn* hhelai chanladene Hudade mafan kieliezhi danzi fugiedawo. 
\v 16 Bijien \png Loma\png*de kuruse \pn Baolo\pn*i uzhesan nie buduighala danxin soukui tunyi oluwo.
\s Baolo Lomade Daoli Chonjizho
\p
\v 17 Ghurudu daodene \pn Baolo\pn* \png Yutai\png* kunni lindaolai uruzhi irewo. Hhela irese \pn Baolo\pn* kieliewo, "Gaijiula, bi goya kunlane, xienrenlai guijinni fandui gieku shiqin uye giezhoma, mii \png Yelusalen\png*de bareizhi \png Loma\png* kunde jiuizhi ogiwo. 
\v 18 Hhela mii shenwun giezhi yama fuguku zui ereizhi olu dadene mii andaghane giese 
\v 19 \png Yutai\png* kunla fandui giezhi made banfa widadene \pn Kaisa\pn* honshande zhawo. Bi goya kunlane zhane ese giezho. 
\v 20 Ingiese bi tai xinlazhi ire danmien kielieye giezho. Bi \png Isilie\png* kunla panjisan hhe kunyi yenyin jiere ene qieshenyi zhozho."
\p
\v 21 Ingiese hhela kieliewo, "Bijien \png Yudaya\png*se chii kieliesan xinni jienliezhi ese daozho. Gaijiula dundaye kiema chii zhazhi yama huaini kieliezhi ese daozho. 
\v 22 Ingieliuzhe bijien chii ijien matugiezho giezhi chenlieku duran wine. Ene jiomunni kunla gochude fandui giekui bijien mejiene."
\p
\v 23 Ingiese hhela udu jinjidene olon kunla \pn Baolo\pn* sousan oronde irewo. \pn Baolo\pn* eqiemaghase khara olutula hhelade Hudai gojiai daolii jianjizhi ganzhen beizho. \pn Musa\pn*ni shu, xienzhilai shughala \pn Ersa\pn*ni shiqinyi kieliezhi shundaghawo. 
\v 24 \pn Baolo\pn* kieliesan kielienyi chenliedene niezhanla xianxin giewo, niezhanla xianxin ese giewo. 
\v 25 Hhelai ijien kiemai ijien buxianshi sandane giekude \pn Baolo\pn* nie aman kielien kieliewo, "Shenlin \pn Isaiya\pn* xienzhii tungo giezhi tai xienrenlade kieliesan kielien ese codazho,
\q1
\v 26 'Chi echidene ene bexinlade kielie,
\q1 'Ta izhi chenliezhoma, dunjire dane.
\q2 Ta izhi uzhezhoma, minbai olu dane.
\q1
\v 27 Ene bexinlai zhughe khiduzhezhi
\q2 chighin beidazhi
\q2 nudunne hameizho.
\q1 Pse nudunni chanlazhi
\q2 chighinni sonosuzhi
\q2 zhughedeni minbai oludene kharei daorese
\q1 Bi hhelai goudaghakuse ayizho.
\m
\v 28 Ingiese ta mejiendu. Huda ene jiuiku daolini niman kunlade chonjizhi ogiwo. Hhelaye chenliene."
\p
\v 30 \pn Baolo\pn* goya bouisan giedene ghua hon souzhi hhei ochirale iresan kunlai man jienliewo. 
\v 31 Hhe zui fugie danzighala Hudai gojiai daolii jianjizhi Ezhan \pn Ersa\pn* Mexihani shiqinyi kunlade sughase danlachen kun uwo.