\id 3JN DongXiang: DongXiang Bible draft 2
\ide UTF-8
\ide 65001 - Unicode (UTF-8)
\rem Copyright Information: For any non-Paratext use of this text, permission must be obtained from the copyright holder.
\h Yaheiya Huaisan Ji 3 Hui Xin
\toc1 Yaheiya Huaisan Ji 3 Hui Xin
\toc2 3Yaheiya
\toc3 3Yah
\mt Yaheiya Huaisan Ji 3 Hui Xin
\c 1
\s Kielien Asazho
\p
\v 1 Bishi nie zhanlao wo, zhughe jieredu \pn Gaiyu\pn*de xin huaizho. Bi chade shixin orezho.
\p
\v 2 Mii orentu, ruhherchii gou biku mutun shiqinlachii, beyechii man gou woshijiu. 
\v 3 Gaijiula kharei iredene chii zhughede zhendao wine, pse chi zhao zhendao mutun giezho giezhi zhenmin giese bi hende bayasuzho. 
\v 4 Bi chenliese kesilami zhao zhendao mutun giezho giese enense bayasukui uwo.
\s Gouxioxi Chonjisan Wiliechilai Zhaogu Gie
\p
\v 5 Mii orentu, chi gaijiulade tani daseye shixinde zhaogu giezho. 
\v 6 Hhela iredene ene jiohuini kunlade chi hhelade oresei kieliezho. Hhela mo yokude Huda bayasuku mutun ta izhi hhelai khughose gou wo. 
\v 7 Hhela \pn Ersa\pn* Mexihani nierede oluzhi ghadane khireiwo, xianxin uye giechen niman kunlase yama ese kerewo. 
\v 8 Matan indan imutu kunlade banman giese oluzho. Ingiese matan zhendaode oluzhi hhelare lienshou gholune.
\p
\v 9 Ene shiqinde melieshida bi jiohuide xin huaizhoma, touzi danlakude xiqi bitu \pn Jiutefei\pn* bijiennughunyi ese chenliezho. 
\v 10 Ingie bi echise hhe giesan shiqinlani kielie khizheghane. Hhe doghun kielienghala bijienni heizho. Dou enende ese kuruzhi mo yozhi chonjisan gaijiulani goya ulie jienliene, jienliene giesan kunyi ulie jienlieghane, da jiohuise tou khighane. 
\v 11 Mii orentu, doghunnii bu dagha, gounii dagha. Gouni giesanlashi Hudanughun wo, doghunni giesanla Hudai uzhezhi ese daozho.
\p
\v 12 Olon kunla \pn Jimijiu\pn*shi gou kun wo giezho, zhendao benshen hhende ganzhen beine. Bijienye hhende ganzhen beine. Bijien beisan ganzhenshi zhenni bikuni ta mejiene.
\s Zuihouku Kielien
\p
\v 13 Bi chade huaiku shiqin da olon woma, meshui, bighala huaiku duran uwo. 
\v 14 Bi xiwon giese ghujighan chii chujieghedene danmien kielieku duran wo. 
\v 15 Chade pinnan ogi gie. Zhanlienla man chii asazho. Chii hhendedu zhanlienlai zhao nierezhe kielien asa.