\id 2TI DongXiang: DongXiang Bible draft 2
\usfm 3.0
\ide UTF-8
\ide 65001 - Unicode (UTF-8)
\rem Copyright Information: For any non-Paratext use of this text, permission must be obtained from the copyright holder.
\h Qimotaide Huaisan Ji 2 Hui Xin
\toc1 Qimotaide Huaisan Ji 2 Hui Xin
\toc2 2Qimotai
\toc3 2Qim
\mt Qimotaide Huaisan Ji 2 Hui Xin
\c 1
\s Kielien Asazho
\p
\v 1 Hudai isighala Mexiha \pn Ersa\pn*de shitu danladene Mexiha \pn Ersa\pn* dain giesan aminde oluzhi wilie giesan \pn Baolo\pn* 
\v 2 oresan \pn Qimotai\pn* kewondene xin huaizho. Ada Huda, mai Ezhan Mexiha \pn Ersa\pn* chade nenjien, ubali xiiku, pinnan, ogi gie!
\s Gouxioxide Oluzhi Shouku Gieye
\p
\v 3 Bi xieni udu onxian giekude ese beidene chii sumulazhi Hudade mafan kieliezho. Hheshi bi xienrenlane mutun gou lianxinghala beiisan Huda wo. 
\v 4 Chi wilasan nughusunyi bi sumula irese hende chii chujiegheku duran wo. Ingiese bi hende bayasune. 
\v 5 Chii zhenzhenji xinyanni bi jila irezho. Ene xinyanshi chii wineinei \pn Loi\pn*, anachii \pn Yuniji\pn*ni zhughenughun wo, chii zhughede bikui bi hende xianxin giezho. 
\v 6 Ene yenyin jiere bi chii qixin gieye. Bi khane chii jiere teizhi onxian giekude Huda ogisan nenjienni khan mutun ondagha. 
\v 7 Ingiekushi Huda matande ayiku zhughe ese ogizho, nenli, oreku, goyane gonjiku zhughe ogizho. 
\v 8 Ingiese chi mai Ezhande ganzhen beizhi bi Ezhanyi yenyin jiere fanren gholuse shizhene bu gie. Matan Hudai nenlighala gouxioxide hhantu shouku gieye. 
\v 9 Huda mai jiuizhi zhiguide urukushi matan giesanghala pusho, hhe goya jihua, nenjienghalane giesan wo. Ene nenjienshi Mexiha \pn Ersa\pn*i tungo giezhi duyai zhayaghasanse melie matande ogisan wo, 
\v 10 ede mai jiuichen Mexiha \pn Ersa\pn* irese man mejieghawo. Hhe fugukui widaghazhi gouxioxighala ulie fuku aminni qinchude mejieghawo. 
\v 11 Ene gouxioxide oluzhi mii peizhi chonjichen, shitu, loushi danlaghawo. 
\v 12 Ene yenyin jiere bi enezighan kui shouizhoma, shizhene ulie giene. Ingiekushi bi kiende kouisanne mejiene. Pse hhe niudu kurutula bi hhende jiuizhi ogisei hhe baohu gie shidakui bi hende xianxin giezho. 
\v 13 Chi Mexiha \pn Ersa\pn*i tungo giezhi iresan xinyan, oreku zhugheghala mase chenliesan olusan daolini yanzi mutun gie. 
\v 14 Chi mai sudoro sousan Shenlinghala chade jiuizhi ogisan boubeini ghurazhi goudagha. 
\v 15 \png Yaxiya\png* kunla man mii benda jiesei chi mejiene. Hhelai dunda \pn Feijilu\pn*, \pn Heimoqini\pn* wine. 
\v 16 Ezhan \pn Anisefu\pn*i nie gie kunde ubali xii gie. Hhe mii zhughei chan bayasughazho. Mii jieliughala sozilase ye ese shizhezho. 
\v 17 Da \png Loma\png*de bikude mii hende ereidene ereizhi oluwo. 
\v 18 Ezhan hhe udude hhende ubali xii gie. Hhe \png Ifuso\png*de matugiezhi mii ologhonni ushilasei chi qinchu wo.
\c 2
\s Mexiha Ersade Hen Budui Danla
\p
\v 1 Ingiese mii kewonya, chi Mexiha \pn Ersa\pn*i nenjien jiere khiduzhe. 
\v 2 Chi olon ganzhen beisan kunlai melie mase chenliesanlai kekaoji kunlade jiuizhi ogizhi pse hhela kunlade surugha gie. 
\v 3 Chi Mexiha \pn Ersa\pn*de hen budui danlazhi mare hhantu ku shoui. 
\v 4 Kien budui danlase goya shiqinghalane jiohoro ulie gieghazhi hhei budui danlaghasan kunyi bayasughane. 
\v 5 Kien bisai giekude zhao guijinzhe ulie giese ji 1 min danla dane. 
\v 6 Khishulasan zhonjia kun indan xien taranni ghurane. 
\v 7 Bi kieliesan kielienlai goude sumula. Ezhan chade yan shiqindeliuzhe agheli ogine.
\p
\v 8 \pn Ersa\pn* Mexihai jila. Hheshi fugusan kun dundase aminne olusan wo, \pn Dawude\pn*ni houdei wo. Eneshi bi chonjisan gouxioxi wo. 
\v 9 Bi ene gouxioxide oluzhi fanren mutun mii banlazhi ku shouiwo. Ingieliuzhe Hudai daolii banla dane. 
\v 10 Ingiese Huda sunghusan kunlade \pn Ersa\pn* Mexihase iresan jiuiku, chanqiku famai ireghane giese bi yandeliuzhe rennai giezho. 
\v 11 Ene kielienshi zhenzhenji xianxin giekuni wo,
\q1 "Matan hhere hhantu fuguse
\q2 hhere hhantu aminne olune.
\q1
\v 12 Matan rennai giese
\q2 hhere hhantu honshan danlane.
\q1 Matan hhei ulie tanise
\q2 hheye mai ulie tanine.
\q1
\v 13 Matan kekao uwoliuzhe
\q2 hhe dou kekao wo.
\q2 Hhe goyane ghudandu dane."
\s Huda Chenren Giesan Wiliechi
\p
\v 14 Chi enezighan shiqinlai hhelade qixin gie. Kielien jiere bu jianjindu giezhi Hudai melie hhelade fenfula. Ene yama haochu uwo, zi chenliesan kunlai qida olughane. 
\v 15 Chi xiacha giezhi yama shizhekui wizhi Huda chenren giesan wiliechi gholu. Zhendaoni ulie codaghazhi goude jianji. 
\v 16 Yama genzi witu duyani kielienlase gholodo. Ene izhun kielien kunlai yebeiseye Hudase gholodoghane. 
\v 17 Hhelai kielien neizhen niekielien wo, yefuseye fugiedane. Hhelai dunda \pn Ximinai\pn*, \pn Feilitu\pn* wine. 
\v 18 Hhela aminne olusan shiqin daowo giezhi kieliedene zhendaose wirulawo. Ingiezhi ezighan kunlai xianxin giesei qida olughawo. 
\v 19 Ingieliuzhe Hudai khidun jichu tashi undan wo. Jiereni, "Ezhan kienshi hhenughun bikui mejiene." pse, "Kien Ezhanyi nierei waradase gou winise likai gie." giezhi huaizho.
\p
\v 20 Bayan giede injisan ighalashi gon antan, miengughala giesan pusho, muzha, wazhaghala gieseiye wine. Niezhanlai zhunyonide injine, niezhanlai ibannide injine. 
\v 21 Kien goyane ganjinrazhi enezighan doghunnilase likai giese guizhunni igha gholune. Zhiguitu gholughazhi danxin jiese Ezhan injise heshi wo, yanyanji gou shiqin giekude zhunbei giene. 
\v 22 Chi nasuchighan kunni nefuxinni piizhi ganjin zhugheghala Ezhanse waradachen kunlare hhantu gundanni, xinyanni, orekuni, heqini dagha. 
\v 23 Yama ulie mejieku benni jianjindukuse gholodo. Ene zinen kunni jianjinduzhi hendaghane. 
\v 24 Ezhanni hojila ulie jianjindukuni wo. Indan jien kunlade renyide duidai giezhi goude surughazhi rennai giekuni wo. 
\v 25 Fandui giesan kunde renyide sughakuni wo. Ingiese kenen Huda hhelade geizhen gieku zhughe ogise zhendaoni mejiene. 
\v 26 Ibilisi bareidene Ibilisini kielienyi chenliesan hhela xiereidene Ibilisini onse andane.
\c 3
\s Duya Baraku Qinkon
\p
\v 1 Duya barakude chijia shihou kuzhekui chi mejie. 
\v 2 Hhe shihoude kunla zi goyane guine, baerni neiine, goyane kuaizhi fugiede uzhene, suibiende sugiene, ana adane kielienyi ulie chenliene, kunlai gouni matane, xienlian witui giene, 
\v 3 zhughede orekui uwo, kunlai ulie rouliene, doghun kielienghala beimiende kieliene, goyane kunzhi ulie giene, yedou no wo, gouni giekude xiqi uwo, 
\v 4 kunlai ghudandune, ulie sumulazhi hu giene, goyane bi wo giezhi undude uzhene, hu nadukude Hudase olon orene, 
\v 5 jiomunni gieku yanzi winema, jiomunni nenlii chenren ulie giene. Chi imutu kunlase gholodo. 
\v 6 Hhelai dunda kunlai giede zhomuji oro naozi witu biereilai shunjighachen kun wine. Ene izhun biereila zuini beiliezhi yanyanji nefuxin hhelai miizho. 
\v 7 Hhela chan suruzhoma, izhi zhendaoni minbai olu dane. 
\v 8 Eqighandei \pn Yani\pn*, \pn Yanbi\pn*ghala matugiezhi \pn Musa\pn*i duiku mutun enezighan kunlaye qingiezhi zhendaoni duizho. Hhelai zhughe qida oluwo, xinyannishiye jiani wo. 
\v 9 Ingieliuzhe hhelanughun chenji dane. Hhelai benni hhe ghua kun mutun olon kunlai melie khizhene.
\s Qimotaide Zuihou Fenfulazho
\p
\v 10 Ede bi surughasan, bi gieku yanzi, mii ibeiku fanxian, xinyan, rennai gieku, oreku, khidunde beiku, 
\v 11 da bi \png Anqiya\png*, \png Igenien\png*, \png Luside\png*de shouisan kui, mii heisan shiqinlai chi man uzhezhi mejiewo. Mii heisan zhenzhenji fugie wo! Ingieliuzhe Ezhan mii enelase jiuizhi likai gieghawo! 
\v 12 Shijishan Mexiha \pn Ersa\pn*i sudoro xienliande udu daone giesan kunla man heikuni shouine. 
\v 13 Doghun kun, piendachen kun yebeiseye doghunshine. Hhela kunlai piendazho, kunlaye hhelai piendane. 
\v 14 Ingieliuzhe chi surusanne, xianxin giesanne goude barei. Chade surughasan kunlai chi qinchu wo, 
\v 15 pse chi gaxienzise zhiguitu jinwunni mejiene. Ene jinwun chi Mexiha \pn Ersa\pn*i xianxin giese jiuiku hhe aghelii ogine. 
\v 16 Jinwunshi man Huda kunyi zhughei gojiolughazhi gieghasan wo. Kunlade surughakude, kheilakude, geizhen gieghakude, olusanyi gieghakude zoin wine. 
\v 17 Ingiezhi giese Hudai kunni hen kun gholughazhi yanyanji gou wilie giekude zhunbei gieghane.
\c 4
\p
\v 1 Hudai melie, jianlai amitu kun, fugusan kunyi panjiku Mexiha \pn Ersa\pn*i melie, pin \pn Ersa\pn* xienjiku, pse hhei qienlighala chade hende fenfulaye. 
\v 2 Chi Hudai kielienyi chonji. Shihou heshi winu uwoliuzhe izhigie gie. Kunlade sughakude hende rennai giezhi geizhen giegha, kheila, pse sughazhi kielie. 
\v 3 Ingiezhi kieliekushi hhe shihou kuzhese kunla olusan daolini ulie chenliedene duranghalane goya chenlieku xiqi bitu kielienyi jianjiku loushilai ereizhi olodoghane. 
\v 4 Dou zhendaoi ulie chenliezhi kharei hu kieliesan guhuani daghane.
\p
\v 5 Ingieliuzhe chi yandeliuzhe jinshenshighan, ku shouikuse bu ayi, gouxioxii chonjichen kunyi wiliei giezhi goya renwune onchen gie. 
\v 6 Ede mii Hudade khughone giezhi zhunbei giezho, duyase likai gieku ghujinlazho. 
\v 7 Bi nie gou zhan ijin eghiwo, holuku moni holu baraghawo, xinyanniye izhi bareizho. 
\v 8 Ede gundanni jianlii made liuizho. Gundanghala panjiku Ezhan hhe udude made ogine. Zinie made ogikui pusho, Hhe pse xienjikui panjichen kunladeye ogine.
\s Goyane Shiqinyi Fenfulazho
\p
\v 9 Chi jinlianji ghujighan mii enende ire. 
\v 10 \pn Jima\pn* duyani shei dazhi mii benda jiedene \png Qiesalonijia\png*de echiwo. \pn Geleshi\pn* \png Jialatai\png*de echiwo. \pn Qido\pn* \png Damatai\png*de echiwo. 
\v 11 Zinie \pn Lujia\pn* bighala hhantu wo. Chi irekude \pn Make\pn*i uduru ire. Hhe bi chonjiku wiliede zoin wine. 
\v 12 Bi \pn Tuijigu\pn*i peizhi \png Ifuso\png*de echighawo. 
\v 13 Chi irekude \png Teloya\png*ni \pn Jiabu\pn*ni giede bi jiesan jienyimi, pse hhezighan shu, tebieshi hhe ghoni arasun shulai agidei ire. 
\v 14 Tun giesan kun \pn Yalishanda\pn* olon doghun shiqin giezhi mii heiwo. Ezhan zhao hhe giesan mutun hhende bouin giene. 
\v 15 Chiye hhei xioxin gie. Hhe matanyi kielienyi hende fandui giezho. 
\v 16 Mii ji 1 hui shenwun giekude kiema made banman ese giezhi da mii bendawo. Bi xiwon giese ene zuini Huda hhelade bu ogi gie. 
\v 17 Ingieliuzhe Ezhan mii kanzide beizhi made lilian ogiwo. Mii gouxioxii chonji baraghadene niman kunlade man chenlieghawo. Hhe dou mii shizii amanse jiui khizhewo. 
\v 18 Ezhan mii yanyanji doghun shiqinlase jiui khizhezhi asiman jieredu hhei gojiade pinnan oroghane. Kuaikui chanqi izhi hhende ogi. Amine!
\s Zuihoude Asazho
\p
\v 19 \pn Baijila\pn*, \pn Yajila\pn*, pse \pn Anisefu\pn*i nie gie kunlade kielien asa. 
\v 20 \pn Iladu\pn* \png Gelindo\png*de souwo. \pn Telofeimo\pn* gienmerese bi hhei \png Milidu\png*de feilieghawo. 
\v 21 Chi uncha orotula ghujighan mii enende ire. \pn Yubulo\pn*, \pn Buqien\pn*, \pn Linu\pn*, \pn Gelaojiya\pn* pse gaijiula man chade kielien asazho.
\p
\v 22 Ezhan chighala hhantu bi gie. Hhei nenjienye tanre hhantu bi gie!