\id 2TH DongXiang: DongXiang Bible draft 2
\usfm 3.0
\ide UTF-8
\ide 65001 - Unicode (UTF-8)
\rem Copyright Information: For any non-Paratext use of this text, permission must be obtained from the copyright holder.
\h Qiesalonijia Kunlade Huaisan Ji 2 Hui Xin
\toc1 Qiesalonijia Kunlade Huaisan Ji 2 Hui Xin
\toc2 2Qiesalonijia
\toc3 2Qie
\mt Qiesalonijia Kunlade Huaisan Ji 2 Hui Xin
\c 1
\s Kielien Asazho
\p
\v 1 \pn Baolo\pn*, \pn Seila\pn*, \pn Qimotai\pn* ghurulie mai Ada Huda, Ezhan \pn Ersa\pn* Mexihai miendedu \png Qiesalonijia\png*i jiohuide xin huaizho. 
\v 2 Mai Ada Huda, Ezhan \pn Ersa\pn* Mexiha tande nenjien, pinnan ogi gie!
\s Ersa Mexiha Pse Irezhi Panjine
\p
\v 3 Gaijiula, bijien tande oluzhi Hudade chan mafan kieliese indanji wo. Tai xianxin gieku zhughe fugiedazhi, nieniedene oreku zhugheye olodozho. 
\v 4 Bijien Hudai jiohuilade tai kuaizhi kieliezho. Ta olon heiku, kunnanni penjikude rennai giezho, xianxin giekuni goude bareizho. 
\v 5 Eneshi Huda gundande panjikui zhenmin giezho. Hudai gojiade oluzhi tai shouku gieghazhi Hudai gojiade peighane giezho. 
\v 6 Hudashi gundanni wo. Tai biisan kunlai Huda biikughala bouin giene. 
\v 7 Ta shouku giesan kunlai bijienre hhantu pinnanshighane. Ezhan \pn Ersa\pn* nenlitu qienxienghalane asiman jierese khan dunda xienjikude 
\v 8 Hudai tani dasan kun, mai Ezhan \pn Ersa\pn*ni gouxioxini ulie shunjichen kunlai faine. 
\v 9 Ezhan enelai faizhi meliesene, famatu nenlisene likai gieghadene chanqi widaghane. 
\v 10 Ezhan ireku hhe udude hhei shentula, jien xianxin giesan kunla man hhei ghudure wo giezhi kuaine. Taye hhelai dunda wine. Bijien ganzhen beisanyi ta xianxin giewo. 
\v 11 Enende oluzhi bijien tande chan onxian giezho. Mai Huda tai urusan mujide tai peigha gie. Huda nenlighalane tai gounide olusan duran, pse xianxin giekughala giesan wilielani man chengun olugha gie. 
\v 12 Ingiese mai Ezhan \pn Ersa\pn*i niere zhao mai Huda, Ezhan \pn Ersa\pn* Mexihai nenjienghala tai jiere famashine, taye hhei jiere famashine.
\c 2
\s Fugie Zuitu
\p
\v 1 Gaijiula, mai Ezhan \pn Ersa\pn* Mexiha pse irekude, matan hhei melie hhantulakude oluzhi tai xiahua giezhi kielieye. 
\v 2 Ezhanni udu ijin kuzhewo giezhi kunla kieliese ta suibien bu gojioluzhi bu jinda. Hhelade kenen Shenlin mejieghazho, loushila jianjizho, pse shitulai xin wo giezhi maochun giene. 
\v 3 Hhela yan banfaghala piendaliuzhe goyane bu piendagha. Hhe uduse melie panjio gieku shiqin wine. Pse zuihoude widaku hhe fugie zuitu xienjizhi khizhene. 
\v 4 Hhe irese kunla huda wo giezhi urusanlase, kunla beiisan shihenilase duizhi goyane hhelase fugiede uzhene, da mechide souzhi goyane Huda wo giene.
\p
\v 5 Bi tanre hhantu bikude kieliesan ene shiqinlani ta jila danu? 
\v 6 Ede hhe fugie zuituni yan duisei ta mejiene. Shihouni kuzhese hhei xienjizhi khizheghane. 
\v 7 Hhe fugie zuitu ijin jizide wilie giezho. Duisan hhe widatula ingiezhi giene. 
\v 8 Ingiedene hhe fugie zuitu xienji khizhene. Ezhan \pn Ersa\pn* amanne hoghala hhei widaghane, ireku gonqighala hhei fugughane. 
\v 9 Hhe fugie zuitu irese Ibilisini wiliei giezhi yanyanji nenlitu shiqin, ghudureqi, jia fugie shiqin giene. 
\v 10 Pse widaku kunlai jiere yanyanji gou wini piendaku shiqinlai giene. Enela jiuiku zhendaode xiqi wizhi ese jienliezho. 
\v 11 Ene yenyin jiere Huda hhelade codaku zhughe olon ogizhi jiani xianxin gieghawo. 
\v 12 Ingiedene zhendaoni xianxin uye giezhi gou winide xiqi bisan hhe kunlade man zui jinjine.
\s Huda Tai Sunghuzhi Jiuiwo
\p
\v 13 Ezhan oresan gaijiula, tande oluzhi bijien Hudade chan mafan kieliekuni wo. Huda eqighanse tai sunghuzhi Shenlinghala zhiguishighadene zhendaoni xianxin gieghazhi tai jiuiwo. 
\v 14 Bijien chonjisan gouxioxighala Huda tai uruzhi jiuiwo. Ingiese mai Ezhan \pn Ersa\pn* Mexihani famai tande ireghane giezho.
\p
\v 15 Ingiese gaijiula, ta beizhi undanla. Bijien kielien, xinghala tande sughasan daolini ta goude barei.
\p
\v 16 Mai Ezhan \pn Ersa\pn* Mexiha goyane, matande orezhi nenjienghalane mai chanqi sidaghazhi kieliesan, pse gou xiwon ogisan mai Ada Hudaghala 
\v 17 tai sidaghazhi kielie gie. Pse ta shiheni gou wilie giezhi gou kielien kieliekude tande nenli ogi gie.
\c 3
\s Bijiende Onxian Gie
\p
\v 1 Gaijiula, zuihoude kielieye, ta bijiende ingiezhi onxian gie, tai dundashiku mutun Ezhanyi kielienyi gochude ghujighan chonji keidene famashigha gie. 
\v 2 Mouxien kun, doghun kunlase bijienyi jiui gie. Ene xinyanshi dajianughun pusho. 
\v 3 Ezhanshi kekaoni wo, tai khiduzheghazhi doghunnise bouine. 
\v 4 Bijien Ezhanyi miende tai xianxin giezho. Bijien tande fenfulasanyi ta giezho, ihouye giene.
\p
\v 5 Ezhan tai zhughei uduruzhi Hudai orekude, Mexihani rennai giekude echigha gie!
\s Goude Wilie Giezhi Udu Dao
\p
\v 6 Gaijiula, mai Ezhan \pn Ersa\pn* Mexihani niereghala tande minlin xiaiye, langande giezhi bijien chonjisan daolini ulie zunjisan gaijiulase gholodo. 
\v 7 Bijienyi daghazhi indan matui giekuni ta goyane mejiene. Bijien tai dunda bikude langanrazhi ese giezho. 
\v 8 Kunlai budanyi belien ese ijiezho. Tande achan ulie ogine giezhi xieni udu wilie giezhi khishulazhi ku shouizho. 
\v 9 Eneshi bijiende qienli wikuni pusho, taye bijien mutun gie giezhi bijien tande yanzi uzheghawo. 
\v 10 Bijien tai hhende bikude kien wilie ulie giene giese budan bu ijie giezhi tande minlin xiaizhi daowo. 
\v 11 Bijien chenliese tai dunda niezhan kunla langanrazhi wilie ulie giene. Da ulie gonjiku shiqinyi gonjine. 
\v 12 Bijien Ezhan \pn Ersa\pn* Mexihani miende ene izhun kunlade minlin xiaizhi sughazhi kielieye, undande wilie giezhi goya budanne ijie. 
\v 13 Gaijiula, ta gouni giekude zhughene bu sularagha.
\p
\v 14 Kien bijienni ene xin jieredu kielienyi ulie chenliese hhei zhiidene laiwon bu giezhi shizhegha. 
\v 15 Ingieliuzhe hhei duitou bu danlagha. Gaijiune mutun uzhezhi sughazhi kielie.
\p
\v 16 Pinnan ogisan Ezhan qinsi yan shiqindeliuzhe suishisui tande pinnan ogi gie. Ezhan chan ta ashighalare hhantu bi gie!
\p
\v 17 Bi \pn Baolo\pn* qinsi huaizhi kielien asazho. Mini alinie xin jiereliuzhe bi nierene ingiezhi huaizhi hao giezho. 
\v 18 Mai Ezhan \pn Ersa\pn* Mexihani nenjien tanre man hhantu bi gie!