\id 2JN DongXiang: DongXiang Bible draft 2
\ide UTF-8
\ide 65001 - Unicode (UTF-8)
\rem Copyright Information: For any non-Paratext use of this text, permission must be obtained from the copyright holder.
\h Yaheiya Huaisan Ji 2 Hui Xin
\toc1 Yaheiya Huaisan Ji 2 Hui Xin
\toc2 2Yaheiya
\toc3 2Yah
\mt Yaheiya Huaisan Ji 2 Hui Xin
\c 1
\s Kielien Asazho
\p
\v 1 Bishi nie zhanlao wo. Huda sunghusan funi pse hhei kesilade xin huaizho. Bi tande shixin orezho. Zinie bi pusho, zhendaoni mejiesanla man tande orezho. 
\v 2 Tande orekushi zhendaoni yenyin wo. Ene zhendao mai sudoro wine, chanqi matanre hhantu wo. 
\v 3 Ada Huda, Adai Kewon \pn Ersa\pn* Mexiha zhendao, orekuni zunjisan matande nenjien, ubali xiiku, pinnan ogi gie!
\s Zhendaoni Zunjindu
\p
\v 4 Bi uzhese chii niezhan kesila Adani minlinyi zunjizhi zhendaode yozho. Ingiese bi hende bayasuzho. 
\v 5 Ingiese funi, bi chade goude fenfulaye. Matan indan nieniedene orekuni wo. Eneshi nie shini minlin pusho, matan dei qiikude jienliesan minlin wo. 
\v 6 Matan Hudai minlinni zunjizhi giese eneshijiu oreku wo. Hhe ogisan minlinshi nieniedene orekuni wo. Enei ta eqighanse chenliezhi daowo.
\p
\v 7 Duya jiere olon piendachen kun khizhezho. Hhela \pn Ersa\pn* Mexiha beye gholuzhi iresei ulie renjine. Hhelashi piendachen kun wo, Mexihani duitou wo. 
\v 8 Ta xioxin giezhi bijien giesan wilielai belien bu gholughadene Huda ogiku soyuji jianlini man linla. 
\v 9 Kien Mexihani sughasande ulie beizhi gholodose hhei sudoro Huda uwo. Sughasande beise hhei sudoro Ada Huda, kewonni \pn Ersa\pn* Mexiha wine. 
\v 10 Kien Mexihani ene izhun sughasanghala ulie irese giedene bu jienlie. Kielienye bu asa. 
\v 11 Hhelade kielien asase hhelai doghunnide hhantulazho.
\s Zuihouku Kielien
\p
\v 12 Bi tande huaiku shiqin da olon woma, meshuighala giejie jiere huaiku duran uwo. Bi xiwon giese tani hhende echizhi danmien kielieku duran wo. Ingiese matan hende bayasune. 
\v 13 Huda sunghusan eghechiichii kesila chade kielien asazho.