\id 1TI DongXiang: DongXiang Bible draft 2
\usfm 3.0
\ide UTF-8
\ide 65001 - Unicode (UTF-8)
\rem Copyright Information: For any non-Paratext use of this text, permission must be obtained from the copyright holder.
\h Qimotaide Huaisan Ji 1 Hui Xin
\toc1 Qimotai Huaisan Ji 1 Hui Xin
\toc2 1Qimotai
\toc3 1Qim
\mt Qimotaide Huaisan Ji 1 Hui Xin
\c 1
\s Kielien Asazho
\p
\v 1 Mai jiuichen Huda, matan xiwon giesan Mexiha \pn Ersa\pn*i minlinyi zunjizhi Mexiha \pn Ersa\pn*de shitu danlasan \pn Baolo\pn* 
\v 2 xinyan jiere made zhenzhen kewon danlasan \pn Qimotai\pn*de xin huaizho. Huda Ada, mai Ezhan Mexiha \pn Ersa\pn* chade nenjien, ubali xiiku, pinnan ogi gie!
\s Psedu Daolini Surughasande Jingao Giezho
\p
\v 3 Bi \png Maqidun\png*de echikude chade goude fenfulazhi \png Ifuso\png*de feilieghakushi niezhan kunla psedu daolii surughase bu surugha giezho. 
\v 4 Pse yama genzi witu guhuade, ulie baraku xienrenlai niere jilasande hhelai izhigie bu miigha giezho. Ene shiqinlade zi jianjindune, xinyanghala chengun oluku Hudai jihuade yama zoin uwo. 
\v 5 Bi surughasan daolini mujishi oreku wo. Ene orekushi ganjin zhughe, gou lianxin, jia witu xinyanse khizhezho. 
\v 6 Niezhan kunla enezighanse wiruladene yama biyo witu jianjindukude echiwo. 
\v 7 Hhela jinwun loushi danlane giezhoma, goya yan kieliesanne ulie mejiene, kenjin giezhi ijien qilasanneye ulie mejiene.
\p
\v 8 Guijinni heshide injise gouni bikui matan mejiene. 
\v 9 Guijinni gou kunde ese jinjizho. Mouxien kun, kielienyi ulie chenliechen, zhigui witu, zui fanjichen, zannanni giechen, hharamu giechen, ana adane alachen, kun alachen, 
\v 10 lon kijiechen, tunxinlien giechen, kun huichen, ghudan kieliechen, jiani fayen giechen, pse olusan daolini duizhi yanyanji giechen kunlade jinjizho. 
\v 11 Ene olusan daolishi famatu gouxioxise iresan wo. Enei indan doulaku Huda made jiuizhi ogiwo.
\s Hudai Ubali Xiikude Mafan Kieliezho
\p
\v 12 Made nenli ogisan mai Ezhan Mexiha \pn Ersa\pn*de bi mafan kieliezho. Hhe mii xianxin giedene nanpei giezhi goyadene wilie gieghazho. 
\v 13 Eqighandei bishi Mexihai sugiechen, heichen, qifulachen wo. Ingieliuzhe Huda made ubali xiikushi bi xianxin ese giekude mejie dazhi giezho. 
\v 14 Mai Ezhan made nenjien texien olon ogizho. Ingiese Mexiha \pn Ersa\pn*i miende made xinyan, oreku olodozhi moizho.
\p
\v 15 Mexiha \pn Ersa\pn* duyade zuirenlani jiuile irewo giesan ene kielienyi xianxin giezhi man jienliekughon wine. Bishi zuiren dunda zui mouxienni wo. 
\v 16 Eneshi Ezhan made ubali xiisan yenyin wo. Mexiha \pn Ersa\pn* bi ene zui mouxien kunni jiere hende rennai giezhi yanzi uzheghakushi khuinashi xianxin giechen kunlade chanqiku amin ogine. 
\v 17 Hhe chanqiku Honshan, ulie fuguku, chanla daku, zi niekozi Hudade zhigui, kuaikui chanqi izhi ogi. Amine!
\p
\v 18 Mii kewon \pn Qimotai\pn*ya, zhao melieshida kunla Hudai kielienyi deilazhi chade kieliesan mutun bi ene minlinni chade ogiye. Hhe kielienghala gou zhan eghi. 
\v 19 Xinyanne goude bareizhi lianxin bu ghudanduzhi zhan eghi. Niezhan kunla lianxinne ghudandudene xinyanni ghaluwo. 
\v 20 Hhelai dunda \pn Ximinai\pn*, \pn Yalishanda\pn* wo. Bi hhelai ijin Ibiliside jiuiwo. Ingiese hhelai kufurei ulie fanjikuni surughane giezho.
\c 2
\s Kunlade Onxian Gie
\p
\v 1 Ingiese bi chade sughazhi kielieye. Xien soyuji kunlade oluzhi xiahua giezhi onxian gie. Deilazhi kunlade qitao giezhi Hudade mafan kielie. 
\v 2 Honshanlade, qienli bichen kunlade ingiezhi gie. Ingiese matan xienliande donzhende giezhi nanran pinnande udu dao shidane. 
\v 3 Eneshi gouni wo. Mai jiuichen Huda bayasune. 
\v 4 Hhe kunlai man jiuizhi zhendaoi mejieghaku duran wine. 
\v 5 Hudashi nie wo. Huda, kunghalai dundaye zinie dundadu kun wo. Hheshijiu Mexiha \pn Ersa\pn* wo, kunye enbene. 
\v 6 Hhe soyuji kunlade oluzhi goyane shuiku jiage danlawo. Heshini shihou kuzhese ene shiqinde zhenmin giewo. 
\v 7 Ene shiqinde oluzhi mii nanpei giezhi chonjichen kun, shitu danlaghazho. Niman kunlade loushi danlaghazhi xinyan, zhendaoni surughazho. Eneshi ghudan pusho, shuhua wo.
\p
\v 8 Ingiese mii xiwonshi ere kunla hokuzhi bu jianjindudene zhiguitu khane zhadeighazhi alinie orondeliuzhe onxian gie. 
\v 9 Oqitu kunlaye heshighan dabala. Shizherezhi jinchende musi. Usunne bienjizhi antan, zhubaoghala, fugie jiagetu jienghala bu dabala. 
\v 10 Goyane gouni giekughala dabala. Ingiezhi giese goyane Hudai zunjine giezhi kieliesan oqitu kunlade heshi wo. 
\v 11 Oqitu kunla indan goude shunjizhi nanrande surukuni wo. 
\v 12 Oqitu kunla surughane, ere kunyi gonjine giese bi tunyi uwo. Oqitu kunla indan nanranshigha. 
\v 13 Bi ingiezhi kieliekushi Huda xien \pn Adan\pn*yi zhayaghadene \pn Hhawa\pn*i zhayaghawo. 
\v 14 Miisanshi \pn Adan\pn* pusho, biereini miidene zui dunda oroghawo. 
\v 15 Ingieliuzhe oqitu kunla goyane guizhi xianxin gieku, oreku, zhiguini izhi giese kewosi laizhi jiuine.
\c 3
\s Jiohuini Lindaoni Zige
\p
\v 1 "Kien jiohuini lindao danlaku duralase gou wilieni neiizho." Ene kielien oluzho. 
\v 2 Lindao danlachen kun goyane kunlai yama ulie kielieghane, zi niekozi biereide zhanguiji danlane, goyane kunzhi giene, jinxin giene, kunla man zunzhun giene, zhochenlai goude jienliene, kunlade goude surughane, 
\v 3 jiugui ulie danlane, kun ulie eghine, renyi wo, kunlaghala ulie zhenjindune, baerni ulie neiine, 
\v 4 giene goude gonjizhi kesilane yan shiqindeliuzhe goude zunzhun gieghazhi shunjighane. 
\v 5 Nie kun giene gonji ulie mejiese Hudai jiohuini matugie guine? 
\v 6 Munie xianxin giesan kun lindao danlase ulie olukushi goyane fugiede uzhedene Ibilisini faiku dunda orokuse ayizho. 
\v 7 Lindao danlase ghadaneshiku kun dundaseye gou minshen kerene. Ingiese kunlai ulie sugieghane, Ibilisini onde ulie oroghane.
\p
\v 8 Jiohuide gonjia danlane giechen kunye niekielien wo. Hhei kunla zunjine, ghudan ulie kieliene, jiu hende ulie ochine, baerni tanxin ulie giene, 
\v 9 gou lianxinghala xinyanni mimii goude bareine. 
\v 10 Ene kunlai xien shiizhi uzhene. Kunla yama kieliekui uwoshi cai gonjia danlaghane. 
\v 11 Biereilaye niekielien wo. Hhelai kunla zunjine, hhela xienhua ulie kieliene, goyane kunzhi giene, yan shiqindeliuzhe shixinde giene. 
\v 12 Gonjia danlachen kun nie biereide zhanguiji danlazhi kesilane, gielane goude gonjikuni wo. 
\v 13 Gonjiani wiliei goude giesan kun gou minshende khireine. Pse Mexiha \pn Ersa\pn*ni xianxin gieku xinyan jiere danzi fugiedane.
\s Mai Xinyanni Mimi Chijia Wo
\p
\v 14 Bi chii hhende eqighan ireku duran winema, ene xinni chade huaise 
\v 15 bi udazhi ireliuzhe Hudai giede matugie giekui mejiene. Ene gieshi chanqiku Hudai jiohui, zhendaoni tuhua, jichu wo. 
\v 16 Matanyi xinyanni mimi chijia wo. Enende yama kieliekuni uwo.
\q1 Hhe kunni beyeghala khizhewo.
\q2 Shenlin ganzhen beizhi hheshi gundanni wo giezho.
\q1 Qienxienla hhei chanlawo.
\q2 Hhei olon minzulade chonjidene
\q1 Duyani kunla xianxin giewo.
\q2 Famani dunda jienlie khireiwo.
\c 4
\s Jia Loushila Irekui Qixin Giezho
\p
\v 1 Ihou kuse kunla miiku ruhherni, sheitan surughakuni daghazhi xinyanse likai giene giezhi Shenlin mindamin kieliezho. 
\v 2 Ene sughakushi ghudanchii jianise irezho. Ene izhun kunlai lianxinshi qiemughala shirasan niekielien wo. 
\v 3 Hhela bierei bu agi, oqin bu dafala giezho. Niezhan ijiekulai bu ijie giezhoma, ijiunishi Huda zhayaghasan wo. Zhendaoni xianxin giezhi minbai olusan kunla Hudade mafan kieliedene ijiekuni wo. 
\v 4 Huda zhayaghasanshi man gouni wo, Hudade mafan kieliedene jienliese ulie kerekuni nieda uwo. 
\v 5 Hudai kielienji onxian giekughala zhiguishizho.
\s Mexihani Gou Hoji
\p
\v 6 Chi ene shiqinlai gaijiulade surughase xinyanni daoli jiere, chi daghasan gou daoli jiere fugiedazhi Mexiha \pn Ersa\pn*i gou hoji gholune. 
\v 7 Duyani bixin kielien, yama ibari witu chonjisan kielienlase pii. Hudai miende zhughene donlien gie. 
\v 8 Beyedene donlien giese haochu choghon woma, Hudai miende donlien giese gofanmiende haochu olon wo. Duyade gouni ogine, houshideye gouni ogine giesan 
\v 9 ene kielienshi shuhua wo, ashighala jienliekughan wine. 
\v 10 Enende oluzhi matan khishulazhi xiacha giezho. Ingiekushi mai xiwon chanqiku Hudade wo. Hheshi soyuji kunlai jiuichen, tebieshi xianxin giesan kunlai jiuichen wo.
\p
\v 11 Chi enezighan shiqinlai kunlade fenfulazhi surugha. 
\v 12 Chi nasunchighanshi kunlai meilade bu uzhegha. Kielien kielieku, gieku, oreku, xinyan, ganjin fanmiende xianxin giechen kunlade yanzi uzhegha. 
\v 13 Bi iretula chi libai giekude jinwunni kunlade onshiku, jianjiku, surughakuni xiacha gie. 
\v 14 Huda chade ogisan nenjienni suibiende bu uzhe. Ene mureshi zhanlaola chii jiere khane teizhi onxian giekude Hudai kielienyi deilazhi ogisan wo. 
\v 15 Enezighan shiqinlade zhughene teizhi goughande giedene goyane hendasanyi ashighalade uzhegha. 
\v 16 Chi goyane xioxin gie, kunlade surughakuniye xioxin gie. Chi enelai izhi zhazhen giezhi giese chi, chii kielienyi chenliesan kunlai man jiuine.
\c 5
\s Kunlade Goude Gieku
\p
\v 1 Oqio kunlai hende bu kielie. Goya adane wo giezhi goude kielie. Nasuchighan kunlai goya jiune mutun kielie. 
\v 2 Oqiolusan biereilai anane mutun kielie. Nasunchighan oqitu kunlai eghechijiune mutun zhughene ganjinde teizhi goude kielie. 
\v 3 Yama witu guafulai laba giezhi zhaogu gie. 
\v 4 Guafude kewon sunzi bise xien giedene xioshun olukui sughazhi ada anane qinni beigha. Eneshi Hudai bayasughakui wo. 
\v 5 Yama witu guafula Hudade kouizhi xieni udu onxian gienema, 
\v 6 hhe zhonmun xianshou giesan guafula amitu woma, fugusan niekielien wo. 
\v 7 Chi ene shiqinlai hhelade fenfulazhi hhelade yama kielieku witui gholugha. 
\v 8 Kun qingune ulie gonjizhi tebieshi giene ulie gonjise xinyanni bendazho, xianxin ulie giesan kunde dou ulie kune. 
\v 9 Guafui denji giese nasunni bixishi 60 olune, nie ere kunde bierei danlasanni sanane. 
\v 10 Pse gou wilieni giesan zhenji kerene. Bilazhi kieliese, kesilai laizhi fugiedaghawo, zhochenlai jienliewo, Hudai xianxin giesan kunlai konni waghazhi ushilawo, kunnan penjisan kunlade banman giewo, yanyanji gou wiliede lilian khighawo.
\p
\v 11 Nasunchighan guafulade denji giezhi bu ogi. Enelade nefuxin Mexihade orekuse olodose loujide khireine giene. 
\v 12 Ingiese hhelade zui jinjikushi deiqikude yenjisan kielienne bendazho. 
\v 13 Pse hhela go gielade han toreizhi langan xigon gholuwo. Zinie langanraku pusho, da xienhua kieliezhi ulie gonjiku shiqinyi gonjine, ulie kielieku kielienlaiye kieliene. 
\v 14 Ingiese mii duranshi nasuchighan biereila jiehun giedene kewosi oluzhi gie lai. Duitou matai sugiekuni ereizhi bu olu gie. 
\v 15 Ede niezhan guafula ijin guidaose khireidene Ibilisini daghawo. 
\v 16 Xianxin giesan biereilani jiawude guafu bise jiohuide achan bu ogi. Ingiese yama wiku guafude jiohui banman gie shidane.
\p
\v 17 Jiohuini goude gonjisan zhanlaoni indan shonpeide zunjikuni wo. Yuqishi xinku giezhi daoli jianjisanlade, sughasanlade genjia giekuni wo. 
\v 18 Enei jinwun jiere kieliezho, "Fughe tughon yanchikude zuilun bu zhogha." Pse kieliezho, "Wiliechi gunzi bareise indanji wo." 
\v 19 Zhanlaoni zhase ghua ghuran kunni zhenjii kere, pse bu jienlie. 
\v 20 Kien zui fanjise dajialai melie kheila. Ingiese psedu kunlaye ayine.
\p
\v 21 Bi Huda, Mexiha \pn Ersa\pn*, sunghusan qienxienlai melie tai goude fenfulaye. Enezighan kielienlai pienxin bu giezhi goude zunji. Yan shiqin giese gundande gie. 
\v 22 Khane teidene onxian giezhi zhanlao xienjikude suibiende bu gie. Kunla fanzui giekude bu hhantula. Goyane ganjinde bei.
\p
\v 23 Chii wide oluzhi pse chan giemerekude oluzhi gon usu bu ochidene jiuye gouji ochi.
\p
\v 24 Niezhan kunlai zui minxien wo, xien panjine. Niezhan kunlai zui khuinashi cai xienjighazhi khizhene. 
\v 25 Niekielien wo. Gou wilielaye minxien wo. Minxien uwoliuzhe niuigha dane.
\c 6
\p
\v 1 Hoji danlasan kunla man loubanne zhughesene goude zunjikuni wo. Pse Hudai nierei, matan sughasan daolii kunla sugiene. 
\v 2 Hhei loubanshi xianxin giesei enbese gaijiu wo giezhi meilade uzhese ulie olune. Khareizhi genjia goude zunji. Qingiezhi goude giese xianxin giesan kunlade, oresan gaijiulade haochu wine.
\s Baerde Bu Ore
\p Enezighanni chi kunlade goude kieliezhi sugha. 
\v 3 Kien mai Ezhan \pn Ersa\pn* Mexihani gou kielienni, xienliantu daolini ulie jienliezhi pseshiku daolini chonjise 
\v 4 hhe goyane fugiede uzhezhi yama ulie mejiene, zhonmun uroui asazhi jianjindukude xiqi wo. Ingiese dubiliene, jianjindune, beimiende sugiene, hu inxin giene. 
\v 5 Hhelai zhughe fuzhi sudoroni zhendao uwo, izhi ulie beidene onghonodune. Hhela jiomunni baer zhenjiku banfa danlaghazho.
\p
\v 6 Ingiezhoma, kun zhigan giese jiomunshi haochu fugieni wo. 
\v 7 Matan duyade yama agizhi ese irezho, fuguseye yama agizhi echi dane. 
\v 8 Matande ijieku musikui bise indan zhigan giekuni wo. 
\v 9 Facailane giesan kunlai miizhi onde orone. Yanyanji bixin, heiku duranla hhelai miidene qida oluku, barakude anda bouwo. 
\v 10 Baerni tanxin giekushi shiheni doghunni genzi wo. Kunla baerde oluzhi xinyanse likai giedene yanyanjide munan giezhi zhugheni hende otuzho.
\s Xinyande Oluzhi Gou Zhanni Eghi
\p
\v 11 Ingiezhoma, chishi Hudai kun wo, enezighan shiqinlase piidene gouni, xienlian, xinyan, oreku, rennai, renyini dagha. 
\v 12 Chi xinyandene gou zhan eghizhi goyadene chanqiku aminni barei. Chii zhen enende urusei wo. Chi olon ganzhen beisan kunlai melie ene xinyanni goude chenren giewo. 
\v 13 Bi soyujilade amin ogisan Hudai melie, \pn Benjiu-Bilado\pn*de goude ganzhen beisan Mexiha \pn Ersa\pn*i melie chii fenfulaye. 
\v 14 Chi mai Ezhan \pn Ersa\pn* Mexiha pse xienjighatula ene minlinyi onqiende zunjizhi yama kheilaku witui gholugha. 
\v 15 Heshini shihou kuzhese hhe indan doulakuni, zinie qienli winetu, honshan dundadu Honshan, ezhan dundadu Ezhan Mexiha \pn Ersa\pn*i xienjighazhi uzheghane. 
\v 16 Zinie hhe ibeizi ulie fugune, kun shigha daku gon dunda souzho. Kiema hhei chujieghezhi ese daozho, ye chujieghe dane. Zunzhun gieku, pse chanqiku qienlini hhende ogi. Amine!
\p
\v 17 Chi ene duya jieredu bayan kunlai fenfulazhi goyane fugiede bu uzhe gie. Undan witu baerni bu koui, zinie shihenii zhengiejia olonde ogizhi mai xianshou gieghasan Hudade koui gie. 
\v 18 Pse hhelai gouni giegha. Gou shiqinyi olon giegha. Dafande giezhi chan kunlade ogi gie. 
\v 19 Ingiese goyadene oluzhi jianlaide boubei sunjizhi undan jichu daidene zhenzhenji aminyi barei shidane.
\p
\v 20 \pn Qimotai\pn*ya, chade kouisanlai chi goude baohu gie. Pse duyani ibari witu kielienlase, goyane zhendaoi mejiene giezhi jianjindukulase pii. 
\v 21 Niezhan kunla imutui daghadene xinyanse wirulawo.
\p Hudai nenjien tanre hhantu bi gie!