\id 1PE DongXiang: DongXiang Bible draft 2
\usfm 3.0
\ide UTF-8
\ide 65001 - Unicode (UTF-8)
\rem Copyright Information: For any non-Paratext use of this text, permission must be obtained from the copyright holder.
\h Beduru Huaisan Ji 1 Hui Xin
\toc1 Beduru Huaisan Ji 1 Hui Xin
\toc2 1Beduru
\toc3 1Bed
\mt Beduru Huaisan Ji 1 Hui Xin
\c 1
\s Kielien Asazho
\p
\v 1 \pn Ersa\pn* Mexihade shitu danlasan \pn Beduru\pn* \png Bendu\png*, \png Jialatai\png*, \png Jiapadojia\png*, \png Yaxiya\png*, \png Bituini\png*de sandazhi zhanshi jiere souzhi Huda sunghusan kunlade xin huaizho. 
\v 2 Ada Huda tai eqighanse jinjidene Shenlinghala zhiguishigha \pn Ersa\pn* Mexihai shunjighazhi hhei chusunghala xireighazhi ganjinraghawo. Huda tande nenjien, pinnan olon ogi gie!
\p
\v 3 Mai Ezhan \pn Ersa\pn* Mexihai ada Hudade doulaye! Hhe matande hende ubali xiidene \pn Ersa\pn* Mexihai fugusan kun dundase aminne olughakughala matanyi erchan olughazhi zhenzhenji xiwon ogizho. 
\v 4 Pse ulie xiuqiraku, ulie zannantuku, ulie widaku jiachanyi tande oluzhi asiman jiere sunjizho. 
\v 5 Huda ta xianxin giekui tungo giezhi nenlighalane tai baohu giedene duya barakude xienjizhi khizhene giesan jiuikui tande ogine. 
\v 6 Ingiese ta hende bayasuzho. Ta bixi zhanshi jiere yanyanji kunnande yuchou giezhoma, 
\v 7 enezighan kunnan tai xinyanshi zhenni bikui mejieghane. Khande tuliesan antanliuzhe huailunema, tai xinyan antanse da guizhunde \pn Ersa\pn* Mexiha xienjikude tande kuaiku, fama, zhiguii ireghane. 
\v 8 Ta \pn Ersa\pn*i chanlazhi ese daozhoma, hhende orezho. Edeliuzhe hhei chanla danema, hhei xianxin giezhi kielienghala kielie daku, hashu witu bayasukughala bayasuzho. 
\v 9 Ta xinyanni jiegoi jienliezho. Hheshi goyane jiuiku wo.
\p
\v 10 Ene jiuikui kieliese xienzhila xianxide chaizhi yenjiu giezhi daozho. Tande ogine giesan ene nenjienni hhela melie kieliezhi daozho. 
\v 11 Hhela Mexihashi kien bikui, yan xienzide irekui yenjiu giezho. Mexiha shouku giedene khuinashi fama irekui Mexihani ruhher hhelai sudoro melie kieliezho. 
\v 12 Hhela ene wiliei giese goyadene ese giezho, tande oluzhi giesei Huda hhelade mejieghazho. Ene gouxioxishi chonjichen kunla asiman jierese peizhi ireghasan Shenlinyi nenlighala ede tande chonjizhi ogiwo. Ene shiqinlai qienxienlaye hende uzheku duran wo.
\s Zhiguide Udu Daoku
\p
\v 13 Ingiese ta zhughedene zhunbei giezhi jinxin giedene \pn Ersa\pn* Mexiha xienjikude tande deilazhi ireku nenjienyi goude panji. 
\v 14 Ta shunjiku kewosi danlazhi eqighanku mutun yama mejie dazhi nefuxin giekulai bu dagha. 
\v 15 Tai urusan Hudashi zhigui mutun taye yan shiqin giese zhiguide gie. 
\v 16 Jinwun jiere jilazhi kieliezho, "Bishi zhiguitu wo, taye zhiguishi."
\p
\v 17 Ta xiahua giekude kunni pienxin ulie giezhi kunni giekughala panjichen Ezhanni Ada giezhi uruse ta zhanshi jiere duyade bikude hhei zunjizhi udu dao. 
\v 18 Ta mejiene. Tai xienrenla tande chonjizhi ogisan yama zoin witu xigonse tai shuisanshi huailuku antan, miengughala pusho, 
\v 19 Mexihani zhiguitu chusunghala wo. Hoxian goujida uye chaizhi ese cheiqisan ghoni ghughanyi chusunyi xianli. 
\v 20 Huda Mexihai duya zhayaghaku melie jinjiwoma, duya barakude tande oluzhi xienjizhi khizheghawo. 
\v 21 Ta Mexihai tungo giezhi hhei fugusan kun dundase aminne olughazhi hhende kuaikui ogisan Hudai xianxin giezho. Ingiese ta xianxin giesan, panjisanne man Hudade kouizho.
\p
\v 22 Ta zhendaoi shunjizhi goyane ganjinraghazhi kunlade zhenzhenji orezho. Ingiese xiacha giezhi zhughesene nieniedene orendu. 
\v 23 Tai erchan olusanshi huailuku fureghala pusho, ulie huailuku fureghala wo. Hudai chanqi ulie widaku, amitu kielienghala wo. 
\v 24 Jinwun jiere kieliezho,
\q1 "Kun osun niekielien wo.
\q2 Kunni fama osun jieredu chizhe niekielien wo.
\q1 Osun ghone, chizheye xiniene.
\q2
\v 25 Zinie Hudai kielien chanqi wine."
\m Ene kielienshi tande chonjisan gouxioxi wo.
\c 2
\s Amitu Tashi
\p
\v 1 Ingiese soyuji doghunni, piendaku, jiazhon gieku, dubilieku, sugieku enelai ta man widagha. 
\v 2 Yeliwa neizii neiiku mutun taye qingiezhi zhenni, pse gou daolini neii. Ruhherni ganjin neizii neii. Daolide kouizhi izhi fugiedase jiuine. 
\v 3 Ta Ezhan gou bikui mejiese qingiezhi gie.
\p
\v 4 Ta \pn Ersa\pn*i shida ire. Hheshi amitu tashi wo. Kunla hhei bendawoma, Huda hhazeliezhi sunghuwo. 
\v 5 Taye amitu tashi mutun nienieji luizhi ruhhertu gie gholu. Ingie zhiguitu buwa danladene \pn Ersa\pn* Mexihai tungo giezhi Huda bayasuku mutun jiomuntu mure ogi. 
\v 6 Jinwun jiere kieliezho,
\q1 "Uzhe, bi zhiguide sunghusan tashii \png Xiwun\png*de teizhi
\q2 jichu tashi gholughawo.
\q1 Hhei xianxin giesanla jiuren ulie giene."
\m
\v 7 Ingiese ene tashi xianxin giesan tande zhigui woma, ulie xianxin giesan kunlade,
\q1 "Jianrenla bendasan tashi
\q2 giei zhunyo tashi gholuwo"
\m
\v 8 pse
\q1 hheshi kunyi banjighaku tashi wo.
\q2 Unaghaku fugie tashi wo giezho.
\m Hhela banjikushi kielienyi uye shunjizho. Eneshi hhelai amin wo.
\p
\v 9 Ingieliuzhe tashi sunghusan bexin, honshan mutun buwa, zhiguitu minzu, bexin wo. Tai kharanise uruzhi khizheghadene goyai ghudureqitu gonqi dunda ireghasan Hudai famatuni kunlade kielieghane giezho. 
\v 10 Melieshida tashi bexin pusho. Ede Hudai bexin wo. Melieshida tande ubali ese xiizho. Ede ubali xiizho.
\p
\v 11 Mii orentula, tashi duyade zhanshi jiere sousan niman kun wo. Bi tande goude fenfulaye, ruhherghala eghinduku beyeni nefuxinni bu gie. 
\v 12 Ta niman kunlai dunda goude gie. Ingiese ta doghunni giezho giezhi sugiesan kunla ta goude giesei uzhedene Huda panjiku udude hhei kuaine.
\s Qienli Bareisan Kunlai Shunji
\p
\v 13 Ta Ezhanyi yenyinghala soyuji kunni zhiduni shunji. Zui fugie qienlitu honshan, 
\v 14 pse noyenlai shunji. Noyenlashi doghunni giesan kunlai faizhi gounii giesan kunlai kuaighane giezhi honshan peisan wo. 
\v 15 Hudai isishi ta gouni giezhi bende yama ulie mejiechen kunlai amanyi duigha giezho. 
\v 16 Tashi ziyutui woma, ziyughala doghunni gieku jiekou bu gholughadene Hudai hoji mutun gie. 
\v 17 Jien kunlai zunzhun gie. Xianxin giesan kunlade ore. Hudai zunji. Honshanyi zunzhun gie.
\s Mexiha Shouku Giezhi Yanzi Uzheghazho
\p
\v 18 Hoji danlasan kunla, ta zunzhun gieku zhugheghala ezhanne shunji. Zinie gou, renyitui pusho, mouxiennilaiye shunji. 
\v 19 Kien hanhanji shouku giedene Hudai sumulazhi rennai giese kuaikui wine. 
\v 20 Zui fanjidene eghikui rennai giese yan kuaikui wine? Gouni giedene shouku giekui rennai giese Hudai melie kuaikui wine. 
\v 21 Shouku gieliuzhe gouni giekude Huda tai uruzho. Mexihaye tande oluzhi shouku giezhi yanzi uzheghawo. Tai goyane korolon mutun yoghane giezho.
\q1
\v 22 Hhe zui fanjizhi ese daozho,
\q2 ghudanye kieliezhi ese daozho.
\p
\v 23 Hhei sugiekude khareizhi ese sugiewo, shouku giekude ayighaku kielien ese kieliewo, khareidene goyane gundande panjichen Hudade jiuiwo. 
\v 24 Hhe qinsi beyeghalane shizijia jiere mai zuini danjidene mai zui dunda udu ulie daoghazhi gounide udu daoghawo. Hhe shan deiladene ta goudawo. 
\v 25 Ta eqighandei miisan ghoni niekielien wo. Ede ruhhertai adulachen, baohu giechen hhei shida khareizhi irewo.
\c 3
\s Bierei Zhanguijighala
\p
\v 1 Biereila, taye qingiezhi zhanguijine shunji. Ingiese Hudai daolii ese xianxin giesan zhanguijiliuzhe ta kieliesanlai pusho, giesanlai uzhedene zhugheini gojiolughane. 
\v 2 Yenyinshi ta zunzhun giezhi ganjinde udu daosei hhela chanlawo. 
\v 3 Ta mienzide usunne bienjizhi antan zhozhi seighan jien musizhi bu dabala. 
\v 4 Khareidene ta renyi, undantughala sudorone dabala. Eneshi ulie xiuqiraku seighanni wo, Hudai melie zhigui wo. 
\v 5 Hudai kouisan eqighanku zhiguitu biereilaye ingiezhi zhanguijine shunjizhi goyane dabalazho. 
\v 6 \pn Sare\pn* \pn Iburaheimu\pn*i shunjizhi ezhan giezhi uruzho. Ta yama ulie ayidene gounii giese \pn Sare\pn* mutun gholuwo.
\p
\v 7 Zhanguijila, taye qingiezhi biereighalane hhantu udu daokude hhelai gonxin gie. Hhelashi zholien oqitula wo. Hhelashi tanre hhantu aminni nenjienyi jienliechen wo giezhi zunzhun gie. Ingiese tai onxian giekui ulie duine.
\s Gundannide Oluzhi Shouku Gie
\p
\v 8 Zuihoude kielieye, ta man nie zhughe gholuzhi nieniedene ubali xii, nieniedene ore, renyide giezhi goyane meilade uzhe. 
\v 9 Doghunnide doghunnii, sugiekude sugiekui bu kharuludene hhelade oluzhi gouni kielie. Huda tai zhen enende uruzhi fuqi jienlieghane giezho. 
\v 10 Jinwun jiere kieliezho,
\q1 Kien goude udu daoghane giezhi
\q2 xianshou giene giese
\q1 Kielienne gonjizhi doghun kielien bu kielie.
\q2 Amanne gonjizhi ghudan bu kielie.
\q1
\v 11 Doghunnise likai giezhi gouni gie,
\q2 heqishikui xiacha giezhi gie.
\q1
\v 12 Ezhanni nudun gou kunyi uzhene,
\q2 hhei chighin hhela waradasei chenlienema,
\q1 Doghunni giesan kunlade
\q2 Ezhan uxinne boughane.
\p
\v 13 Ta goude gouni giese kien tai heine? 
\v 14 Ta gouni giedene shouku giese tande fuqi wine. Kunla ayighakuse bu ayi, ye bu jinda. 
\v 15 Zhughedene Mexihai zunjizhi hhei ezhan danlagha. Kunla ta zhughedene panjisei asase suishisui huida giekui zhunbei gie. 
\v 16 Huida giekude renyide zunzhun giezhi gie. Ta lianxin bu ghudandu. Ingiese kunla tai uru giekude ta Mexihai xianxin giezhi giesan gounii sugiesan kunla shizhene. 
\v 17 Gouni giezhi shouku giekushi Hudai isi enbese doghunni giezhi shouku giekuse gou wo. 
\v 18 Mexihaye zuini yenyinzhe 1 huide duya ijiewo. Ingiezhi gou kun gou witu kunyi deilawo. Ingiekushi Hudai melie tai echighane giezho. Beyeghala kieliese hhe duya ijiewo, ruhherghala kieliese aminne oluwo. 
\v 19 Hhe echidene ruhherghalane bafanzide khasan ruhherlade daoli chonjizho. 
\v 20 Hhelashi eqighandei \pn Nuhha\pn* chon gieku shihoude Huda rennai giezhi sagheikude uye shunjisan kunla wo. Hhe shihoude chon jiere khizhi ususe jiuisan kun jian neiman wo. 
\v 21 Ene usushi xilini melie mejieghasan jihao wo, ede \pn Ersa\pn* Mexihani aminne olughakughala tai jiuine. Hheshi beye jieredu goujiani widaghakui pusho, ulie ghudanduku lianxinghala Hudade fayen giekui wo. 
\v 22 \pn Ersa\pn* asiman jiere khireizhi Hudai borun miende wo, qienxien, qienlitu, nenlitula man hhende shunjizho.
\c 4
\s Hudai Isi Mutun Udu Dao
\p
\v 1 Mexiha ingiezhi beyedene shouku giezhoma, taye imutu zhugheghala goyane ku shouikui zhunbei gie. Beyede shouku giesan kun zuise gonxi sirazho. 
\v 2 Ingiedene feiliesan udude kunni nefuxinyi pse ulie daghazhi Hudai isi mutun udu daone. 
\v 3 Ta daosandei niman kunla xiqi bikulai daghazhi hu gieku, nefuxin gieku, jiu ochizhi sudoku, lon naduzhi ochiku, nigiedalai beiizhi hanzhan gieghakui pse bu gie. 
\v 4 Ene shiqin jiere ta hhelare hhantu qingiezhi hashu witu lon ulie giekui hhela chanladene ghudurezhi tai sugiezho. 
\v 5 Jianlai hhela amitu kun, fugusan kunyi panjiku Ezhanyi melie zhan jiuine. 
\v 6 Ene yenyin jiere fugusan kunladeye gouxioxini chonjikushi beye miende hhelai kun mutun panjine giezhoma, ruhher miende Huda mutun amituraghane giezho.
\p
\v 7 Duya baraku ghujinlawo. Ingiese ta zhughesene xioxin giezhi jinxin giedene onxian gie. 
\v 8 Zui zhunyonishi nieniedene shixinde ore. Oreku olon zuini khazhi widaghane. 
\v 9 Ta bayasuku zhugheghala nieniene giedene goude jienlie. 
\v 10 Ta zhao Huda tande ogisan nenjien mutun nieniene ushilazhi Huda ogisan yanyanji nenjienni gou gonjia danla. 
\v 11 Jianjichenla indan Hudai kielienyi jianjikuni wo. Ushilachenla indan Huda ogisan lilianghala ushilakuni wo. Ingiese yan gieliuzhe \pn Ersa\pn* Mexihai tungo giezhi Hudade kuaikui ireghane. Kuaiku, qienlini chanqi izhi hhende ogi. Amine.
\s Mexihani Tujini Shouku Gieku
\p
\v 12 Mii orentula, shiiku khan mutun tai jiere irese goyade yama shiqin penjiwo giezhi ghudure wo giezhi bu jindadene 
\v 13 Mexiha mutun hhere hhantu shouku giezho giezhi bayasundu. Ingiese Mexihai famatui khizheghakude ta hende bayasuzhi jiuline. 
\v 14 Mexihai yenyin jiere kunla tai sugiese tande fuqi wine. Famatu ruhher, yejiushi Hudai Ruhher tai jiere wo. 
\v 15 Tai dunda kienliuzhe kun alaku, ghulaku, doghun shiqin gieku, ulie gonjiku shiqinyi gonjikughala shouku bu gie. 
\v 16 Mexihani tuji danlazhi shouku giese bu shizhedene ene nierei yenyinzhe Hudai kuai. 
\v 17 Panjiku shihou kuzhewo. Hudai bexinse panjizhi qiine. Matanse kaishi giese gouxioxini ulie shunjisan kunlai jiego matui gholune? 
\v 18 Pse,
\q1 "Gou kunyi jiuiku chijiashi
\q2 xienlian witu kun, zuirenla matui gholune?"
\m
\v 19 Ingiese Hudai isi mutun shouku giesan kunla izhi gouni giezhi duyai zhayaghasan kekaotu Ezhande goyane ogikui wo.
\c 5
\s Hudai Ghonilai Qiezhe
\p
\v 1 Tai dunda zhanlao danlasan kunlade bi sughazhi kielieye. Biyeshi zhanlao wo, Mexiha shouku giekude ganzhen beizhi jianlai khizheku famade hhantu xianshou giechen kun wo. 
\v 2 Tai dundadu Hudai ghonilai qiezhe. Hudai isi mutun hhelai zhaogu gie. Mienqian bu giedene yenyizhe gie. Baerde oluzhi bu giedene bayasuzhi gie. 
\v 3 Tande ogisan ghonilai gofende bu gonjizhi gieku yanzi uzhegha. 
\v 4 Ingiese Zui Fugie Adulachen xienjikude ibeizi ulie qida oluku famatu maghalai tande ogine.
\p
\v 5 Nasuchighan kunla, taye qingiezhi zhanlaolai shunji. Ta man nieniedene oluzhi goyane meilade uzhekui wiqin danlaghazhi pixilie.
\q1 "Huda goyane undude uzhesan kunlai fandui giene.
\q2 Goyane meilade uzhesan kunlade nenjien ogine."
\p
\v 6 Ingiese ta Hudai nenlitu kha doura goyane boghonide uzhe. Shihou kuzhese hhe tai undudaghane. 
\v 7 Ta munan giekulane man Hudade echigha, hhe tai gonjine. 
\v 8 Ta xioxin giezhi jinxin gie. Tai duitou Ibilisi onghonosan shizi mutun eneman hhemanji yozhi ijieku kun ereizho. 
\v 9 Ta xianxin giesan zhughene khiduzheghazhi hhei dui. Duyani gaijiula niekielienji shouku giesei ta mejiene. 
\v 10 Nenjien durusan Huda, Mexihai tungo giezhi tai uruzhi hhei chanqiku famade ireghasan hhe zhanshi jiere shouku giesan tai qinsi hulunshighazhi khiduzheghane, lilian ogizhi undanlaghane. 
\v 11 Qienlini chanqi izhi hhende ogi. Amine!
\s Zuihou Asaku
\p
\v 12 Bi \pn Seila\pn*i tungo giezhi ene okho xinni tande huaiwo. Bi uzhese hheshi nie kekaotu gaijiu wo. Bi xin huaikushi eneshi Hudai zhenzhenji nenjien wo giezhi tande sughazhi kieliezhi ganzhen beine giezho. Ta ene nenjien jiere bei. 
\v 13 Tanre hhantu sunghusan \png Babilun\png*ni jiohui tande kielien asazho. Mii kewon \pn Make\pn*ye kielien asazho. 
\v 14 Ta oreku zhugheghala nieniedene kielien asa. Mexihai miende bisan tande man pinnan ogi gie!