\id 1CO DongXiang: DongXiang Bible draft 2
\usfm 3.0
\ide UTF-8
\ide 65001 - Unicode (UTF-8)
\rem Copyright Information: For any non-Paratext use of this text, permission must be obtained from the copyright holder.
\h Gelindo Kunlade Huaisan Ji 1 Hui Xin
\toc1 Gelindo Kunlade Huaisan Ji 1 Hui Xin
\toc2 1Gelindo
\toc3 1Gel
\mt Gelindo Kunlade Huaisan Ji 1 Hui Xin
\c 1
\s Kielien Asazho
\p
\v 1 Hudai isighala urudene \pn Ersa\pn* Mexihade shitu danlasan \pn Baolo\pn* \pn Soqini\pn* gaijiughala 
\v 2 \png Gelindo\png*ni Hudai jiohuide xin huaizho. Tai Mexiha \pn Ersa\pn*i miende zhiguishighazho, gochude mai Ezhan \pn Ersa\pn* Mexihai nierei xiahua giesan kunlare hhantu man shentu giezhi uruzho. Mexihashi hhelai Ezhan wo, mai Ezhanye enbene. 
\v 3 Mai Ada Huda, Ezhan \pn Ersa\pn* Mexiha tande nenjien, pinnan ogi gie!
\p
\v 4 Huda Mexiha \pn Ersa\pn*i miende tande nenjien ogise bi tande oluzhi bi zunjisan Hudade chan mafan kieliezho. 
\v 5 Ta hhei sudoro kielien kielieku, erlin, yanyanjilai jiere man hendazho. 
\v 6 Ingiezhi Mexihade beisan ganzhen tai dunda khiduzhezho. 
\v 7 Ta nenjien jiere yama ese chaizhi mai Ezhan \pn Ersa\pn* Mexiha xienjikui sagheizho. 
\v 8 Huda tai zuihou kutula khiduzheghazhi mai Ezhan \pn Ersa\pn* Mexihani udude ulie kheilaghane. 
\v 9 Hudashi kekaoni wo, hhe tai uruzhi goya kewonre, yeshijiu mai Ezhan \pn Ersa\pn* Mexihare laiwon gieghazho.
\s Gelindo Jiohuini Maodun
\p
\v 10 Gaijiula, mai Ezhan \pn Ersa\pn* Mexihani niereghala bi tai goude fenfulaye, ta man xianlitu kielien kielie. Tai dunda maodun bu khizhezhi nie zhughe nie sumuladanghala goude heqishi. 
\v 11 Mii gaijiula, tai dunda maodun wine giezhi \pn Gelai\pn*ni giededu kunla made kieliezho. 
\v 12 Mii isishi ta jien kunla, "Bishi \pn Baolo\pn*nughun wo," "Bishi \pn Yabolo\pn*nughun wo," "Bishi \pn Jifa\pn*nughun wo," "Bishi Mexihanughun wo." giezhi kieliezho. 
\v 13 Mexihashi fenkai giesanni onu? \pn Baolo\pn* tande oluzhi shizijia jiere fuguwu? Ta \pn Baolo\pn*ni niereghala xili jienliewu? 
\v 14 Bi \pn Jilisibu\pn*, \pn Gaiyu\pn*ghalase chugo pse tai dunda kiemade xili ese gieghasande Hudade mafan kieliezho. 
\v 15 Pse ta mii niereghala xili jienliewo giezhi kunla kieliene. 
\v 16 Bi \pn Siqifana\pn*i gieni kunladeye xili gieghazhi daozho, psedu kunlade xili gieghazhi daozhoyeshi bi matazho. 
\v 17 Mexiha mii peikushi xili gieghaku pusho, gouxioxii chonjighaku wo. Bi aghelitu kielienghala ese chonjizho, pse Mexihani shizijiai zoin widane.
\s Mexihashi Hudai Nenli Agheli Wo
\p
\v 18 Shizijiani daoli hhezighan widachen kunladeshi ben wo, matan enezighan ji0 uisan kunladeshi Hudai nenli wo. 
\v 19 Jinwun jiere jilasan mutun,
\q1 "Bi aghelitu kunlai aghelini widaghane,
\q2 jienzhatu kunlai jienzhani bendane."
\m
\v 20 Aghelitu kun khala wo? Hanjia khala wo? Ene duyani erlintu kun khala wo? Huda ene duyai aghelini benni ese gholughazhou? 
\v 21 Duya goya aghelighalane Hudai ese taniwo. Ingiese Huda kunla benni wo giesan bijien chonjisan daolighala xianxin giesan kunlai jiuine giezhi jiejin giewo. Eneshi Hudai agheli wo. 
\v 22 \png Yutai\png* kun ghudureqi kerezho, \png Xila\png* kun agheli ereizhoma, 
\v 23 bijien chonjisanshi shizijia jiere ghadasan Mexiha wo. Eneshi \png Yutai\png* kunde banjiku tashi wo, niman kunde benni woma, 
\v 24 bugon \png Yutai\png* kun niman kun, Huda urusan kunde Mexihashi Hudai nenli, Hudai agheli wo. 
\v 25 Hudai benni kunni aghelise fama wo. Hudai zholienni kunni khidunnise khidun wo. 
\v 26 Gaijiula, tai urusanni nie sumula. Kunni isighala kieliese tai dunda aghelitu, nenlitu, zhiguitu kun choghon wo. 
\v 27 Huda duya jieredu bennilai sunghuzhi aghelitulai shizheghazho. Huda duya jieredu zholiennilai sunghuzhi khidunnilai shizheghazho. 
\v 28 Huda duya jieredu kunla uzhezhi xiniesan, henjisan, yama witu kunlai sunghuzhi winetulai widaghazho. 
\v 29 Ingiese kun kiemada Hudai melie goyane kuai dane. 
\v 30 Ingiezhoma, Huda tai Mexiha \pn Ersa\pn*re hhantulaghazho. Hhe Hudase irezhi mai agheli, gundan, zhigui, shuiku gholuwo. 
\v 31 Jinwun jiere jilasan mutun, "Kien kuaise Ezhanyi kuai."
\c 2
\s Shizijia Jiere Ghadasan Mexihai Chonjizho
\p
\v 1 Gaijiula, eqighandei bi tai hhende echizhi Hudai mimii chonjikude seighan kielien, aghelighala ese giezho. 
\v 2 Bi tai dunda bikude zinie \pn Ersa\pn* Mexiha, pse hhei shizijia jiere ghadasanse chugo psedulai ulie mejiene giezhi jiejin giewo. 
\v 3 Bi tai hhendeshi zholien, ayi, hende pugharazho. 
\v 4 Bi kieliezhi chonjikude seighan, aghelitu kielienghala ese giezhi Shenlinni nenlighala zhenmin giezho. 
\v 5 Ingiese tai xianxin gieku kunni aghelide ese kouizho, Hudai nenlide kouizho.
\s Hudai Agheli
\p
\v 6 Ingiezhoma, xinyan jiere qiendasan kunlade bijien aghelini jianjizho. Eneshi duyai agheli pusho, duyai qienlini bareizhi widachen kunlai agheliye pusho. 
\v 7 Bijien jianjisanshi eqighandei niuighasan Hudai mimitu agheli wo. Eneshi Huda duyai zhayaghaku melie matande famai ogine giezhi jinjisan wo. 
\v 8 Ene aghelini duyani qienli bareichen kunla dunda mejiechen nieda uwo. Hhela mejiezhoshi famatu Ezhanyi shizijia jiere ulie ghadane. 
\v 9 Jinwun jiere jilasan mutun,
\q1 "Hudade oresan kunlade Huda zhunbei giesanshi
\q2 nudunghala uzhezhi ese daosan wo,
\q2 chighinghala chenliezhi ese daosan wo,
\q2 kunni zhugheye sumulazhi ese daosan wo."
\m
\v 10 Ingiezhoma, matande Huda Shenlinni tungo giezhi mejieghawo. Shenlin yanniliuzhe mejiene, lien Hudai chijia isiniye mejiene. 
\v 11 Kunni sudorodu ruhherse chugo kunni shiqinni kien mejiene? Niekielien wo, Hudai Ruhherse chugo Hudai shiqinni kiema mejie dane. 
\v 12 Matan jienliesanshi duya jieredu ruhher pusho, Hudase iresan ruhher wo, ingiese Huda matande ogisan nenjienlai matan mejiene. 
\v 13 Bijienye enelai jianjikude kunni agheli sughasan kielienghala ese giezho, Shenlin sughasanghala giezho. Ruhhertu shiqinlai ruhhertu kielienghala mejieghane. 
\v 14 Hudai Ruhher uwotu kunla Hudai ruhher ogisanlai jienlie dane. Hhela enei ben wo giezho, ye dunjire dane. Ene shiqinlai zinie ruhherghala uzhe khizhene. 
\v 15 Ruhhertu kunla yan shiqinniliuzhe uzhe khizhenema, kiema hhelai uzhezhi khizhe dane.
\q1
\v 16 "Kien Ezhanyi zhughei mejiene?
\q2 Kien hhende surughane?"
\m Mai kieliese matande Mexihani zhughe wine.
\c 3
\s Hudai Wiliechi
\p
\v 1 Gaijiula, bi eqighandei tande kielien kieliekude tai ruhhernughun danlagha dazhi beyenughun danlaghazho. Mexihai miende tai yeliwa mutun uzhezho. 
\v 2 Bi tande budan ese qiezhezhi neizi qiezhekushi ta budanyi ijie dane, edeliuzhe ijie dane. 
\v 3 Tashi beyenughun wo. Tai sudoro dubilieku, jianjinduku wine. Eneshi beyenughun pushonu? Zhao duyani kunla giesan mutun ese giezhou? 
\v 4 Niezhan kunla kieliese bi \pn Baolo\pn*ni daghazho. Niezhan kunla kieliese bi \pn Yabolo\pn*i daghazho giezho. Ingiezhi ta duyai kunlare niekielien pushonu? 
\v 5 \pn Yabolo\pn*shi kien wo? \pn Baolo\pn*shi kien wo? Manshi wiliechi wo, zhao Ezhan nieniede ogisan renwughala tai xianxin gieghasan wo. 
\v 6 Bi tareiwo, \pn Yabolo\pn* usu teiwo, osighasanshi Huda wo. 
\v 7 Ingiese tareisan, usu kiesan yama pusho, zinie osighasan Huda hen wo. 
\v 8 Tareisan, usu kiesanghala niekielien wo, zhao nieniede wilie giesan mutun gunzi ogine. 
\v 9 Bijienshi hhantu wilie giesan Hudai wiliechi wo. Tashi Hudai ghazha, mechi wo.
\p
\v 10 Zhao Huda made ogisan nenjienghala bi nie hen guntou mutun jichui daizho, psedu kun jiereni gie giezhoma, jien kun matugie giekui xioxin gie. 
\v 11 Ene dai goudaghasan jichushi Ersa Mexiha wo, psedu jichui kiemada dai dane. 
\v 12 Ene jichu jiere kienliuzhe antan, miengu, boushi, mutun, osun, ghuyughala gie giese 
\v 13 panjiku udude jien kunla giesei xienjizhi khizheghane, khanghala khizheghane. Goya giesanla matugiezho giezhi ene khan shiine. 
\v 14 Gie giesan kun hhe jichu jiere giesan bei shidase hhende jianli ogine. 
\v 15 Giesanni sidera widase hhe kuiine. Hhei jiuinema, jiuiku hoxian khan dundase holu khizheku niekielien wo. 
\v 16 Tashi Hudai dajien bikui, pse Hudai ruhher tai sudoro sousanyi ta ulie mejienu? 
\v 17 Kien Hudai dajienyi qida olughase Huda hhe kunyi qida olughane. Hudai dajienshi zhiguitu wo, tashi ene dajien wo.
\p
\v 18 Kienliuzhe goyane bu pienda. Tai dunda kun goyane ene duyade agheli wine giezhi sumulase benni gholu. Ingiese aghelitu gholune. 
\v 19 Ene duyani aghelii Huda uzhese benni wo. Jinwun jiere jilasan mutun,
\q1 "Ezhan aghelitu kunlai jienzhanii hhelai bareiku on gholughawo."
\m
\v 20 Pse huaizho,
\q1 "Aghelitu kunlai sumulaku yama isi witui Ezhan mejiene."
\m
\v 21 Ingiese kienliuzhe kunni bu kuai, yanliuzhe manshi tanughun wo. 
\v 22 \pn Baolo\pn*, \pn Yabolo\pn*, \pn Jifa\pn*, duya, amituku, fuguku, edeku shiqin, jianlaiku shiqin manshi tanughun wo. 
\v 23 Tashi Mexihanughun wo, Mexihashi Hudanughun wo.
\c 4
\s Baolo Gelindo Kunghalani Gonxi
\p
\v 1 Ingiese ta bijienyi Mexihani wiliechi, pse Hudai chijia daolini gonjia danlaghakui wo. 
\v 2 Gonjiade yoqiu giekushi shixinji giekui wo. 
\v 3 Ta mii kielie yehao kunla kielie yehao bi yamacha ulie teine. Bi goyane goya ulie kieliene. 
\v 4 Bi sumulase mii lianxinde yama ese chaizhoma, ingieliuzhe minughun man oluzho giezhi kielie dane. Mii kieliekushi Ezhan wo. 
\v 5 Ingiese shihou ese kuzhezhi Ezhan ese iretula ta kienyiliuzhe bu kielie. Hhe irese kharade niuighasanlai zhouizhi khizheghane, kunyi zhughei mujilai khizheghane. Hhe shihoude Huda jien kunlai kuaine.
\p
\v 6 Gaijiula, bi tande oluzhi ene shiqin jiere \pn Yabolo\pn*ji goyane bilazhi yanzi uzheghazho. Ingiekushi jinwun jiere jilasanse bu daogha giesan isii ta bijiense suru giezho, pse tai dunda kienliuzhe goyane bu kondazhi ene niei fugiede uzhe, hhe niei meilade uzhe bu gie giezho. 
\v 7 Kien chii kunlare niekielien pusho giezho? Chii alinieshi chade ogisan pusho? Ogisan enbese ogisan pusho giezhi yale goyane kuaine?
\p
\v 8 Ta ijin chuduzho, ijin bayazhewo. Bijiense chugo ta honshan danlawo. Mii xiwonshi ta zhenzhenji honshan danlama, bijienye tanre hhantu danlaye! 
\v 9 Bi sumulase Huda bijien shitu danlasanlai zhan eghisanse barei ire sixin panjisan kun mutun zui khuina teizhi kunlade uzheghasanyi xianli. Bijienyi xi mutun duyani kunlade, qienxienlade uzheghazho. 
\v 10 Bijien Mexihani yenyinghala benni gholuzho, ta Mexihai miende jienzhani gholuzho. Bijien zholien wo, ta khidun wo, kunla tai kuaizho, bijienyi meilade uzhezho. 
\v 11 Eli kuliuzhe bijien oliesuzhi undasuzho, hulan muchughun wo, kunlase neizhi souku oron uwo. 
\v 12 Khishulazhi goyane khaghala wilie giezho. Kunla kharase bijien gounii kieliezho, kunla heise rennai giezho. 
\v 13 Kunla bijienyi sugiese bijien gou kielienghala khareizhi kieliezho. Edeliuzhe bijien duya jieredu zannanni, yanyanjilai dundadu laji gholuzho.
\p
\v 14 Bi enei huaise tai shizheghane ese giezho, goya oresan kesilane mutun tande jingao giezho. 
\v 15 Mexihai miende tande loushi olon no woma, ada olon uwo. Bi gouxioxii chonjizhi Mexiha \pn Ersa\pn*i miende tande ada danlazho. 
\v 16 Ingiese bi tai goude fenfulaye, ta mii yanzii suru. 
\v 17 Ene yenyin jiere bi \pn Qimotai\pn*ni peizhi tai hhende echighawo. Hheshi Ezhanyi miende bi oresan shixinji kewon wo. Hhe tai qixin giezhi bi Mexiha \pn Ersa\pn*i sudoro matugie giesei, pse go oron, go jiohuilade matugie sughasei jilaghane. 
\v 18 Tai dunda niezhan kunla sumulase bi tai hhende ulie irene giezhi goyalane fugiede uzhezho. 
\v 19 Ingieliuzhe Ezhan duran bise bi tai hhende ghujighan echidene goyane fugiede uzhesanlai kielienni ulie uzhene, nenlii uzhene. 
\v 20 Hudai gojiashi kieliende uwo, nenlide wo. 
\v 21 Ta yan kerene? Bi banban bareizhi tai faile iremu, oreku, renyitu zhugheghala ire?
\c 5
\s Lon Kijieku Shiqinni Kieliezho
\p
\v 1 Bi chenliese shuhuajia tai dunda lon kijieku shiqin wine. Intu shiqin niman kunlai dundaliuzhe uwo. Nie kun goya khuitu anarene kijiezho. 
\v 2 Ta dou goyalane fugiede uzhene. Ta indan hende nango giekui wo. Ene shiqinni giesan kunni tai dundase tou khighakui wo! 
\v 3 Mii kun tanre hhantu uwoma, zhughemi tanre hhantu wo. Bi tai hhende bisan mutun intu shiqinyi giesan kunyi Ezhan \pn Ersa\pn*i niereghala ijin zui jinjiwo. 
\v 4 Ta hhantulazhi mii zhughe tanre hhantu bikude mai Ezhan \pn Ersa\pn*ni qienlighala 
\v 5 intu kunni Ibiliside jiuizhi beyeni huailugha gie, ingiese ruhheryini Ezhanni udude jiuine. 
\v 6 Ta goyalane kuaise ese oluzho. Goujinie kunieghe nie duizi ghurunni man faighakui ta ulie mejienu? 
\v 7 Tashi tanmien woshi khuichen kunieghei widaghadene shini ghurun gholu. Matanyi Jiulidaosan Jieni ghoni ghughan yeshijiu Mexihai ijin zharuzhi sidagha giewo. 
\v 8 Ingiese matan jieqi daoghase doghun, mouxientu khuichen kuniegheghala bu daoghadene ganjin, shixintu tanmienghala daoghaye.
\p
\v 9 Bi eqighandei tande xin huaizhi ta lon kijiechen kunlare laiwon bu gie giezhi kieliewo. 
\v 10 Mii isishi ene duyadedu lon kijiechen, tanxin giechen, piendachen, nigiedai beiichen kunlare jiedui laiwon bu gie giekui pusho. Qingiese ta ene duyase likai giese da gou wo. 
\v 11 Ede bi ene xinni tande huaikushi goyaneshi xianxin giesan gaijiu wo giedene lon kijiesan, tanxin giesan, nigiedai beiisan, kun sugiesan, jiu ochisan, piendasan intui giesan kunlare ta laiwon bu giezhi budanye hhantu bu ijie giezho. 
\v 12 Ghadanedu kunyi bi kheilaku pushoma, sudorodu kunyi ta kheilaku pushonu? 
\v 13 Ghadanedu kunyi Huda panjine. "Ta dundasene mouxien kunlai tou khigha."
\c 6
\s Xianxin Giesan Kunlai Fayende Bu Zha
\p
\v 1 Tai dunda jianjinduku shiqin bidene matugie shentulade ese zhazhi gou witu kunlade zhale echizho? 
\v 2 Shentula duyai panjikui ta ulie mejienu? Ta duyai panjise ene ga shiqinlai panji danu? 
\v 3 Matan qienxienlai panjikui ta ulie mejienu? Ingiese duyai shiqinni yan sanane? 
\v 4 Ingiese jiohuide intu shiqin bise matugie jiohui zunzhun ese giesan kunlai panjighane? 
\v 5 Bi ingiezhi kieliekushi tai shizheghane giezho. Tai dunda gaijiulai shiqinyi chuli gieku aghelitu kun nieda uwonu? 
\v 6 Tai dunda gaijiula gaijiulai zhazhi dou xianxin ulie giechen kunlai melie zhale echiwo. 
\v 7 Ta nieniene zhase tanughun fugiede codazho. Ta yale bixinde ulie beizhi kui ulie ijiene? 
\v 8 Ta khareidene kunlai bixindaghazhi kuighazho, hhelashi goyai gaijiu wo.
\p
\v 9 Gou witu kunla Hudai gojiai jienlie dakui ta ulie mejienu? Goyane bu pienda, lon kijiechen, nigiedai beiichen, piofen giechen, ere kun biozi danlachen, tunxinlien giechen, 
\v 10 ghulachen, tanxin giechen, sudochen, kunni sugiechen, piendachen enela Hudai gojiani jienlie dane. 
\v 11 Tai dunda niezhan kunla eqighandei intui giezhi daozhoma, ede Ezhan \pn Ersa\pn* Mexihani niere, pse mai Hudai ruhherni tungo giezhi tai ijin waghazho, zhiguishighazho, gounide sanazho.
\s Beyeghalane Hudai Kuai
\p
\v 12 Goyane yan shiqin gieliuzhe olune giezhi kunla kieliezhoma, man haochu bikui pusho. Bi yan shiqin gieliuzhe oluzhoma, alinie shiqinniliuzhe bi goyane kunzhi ulie gieghane. 
\v 13 Ijiuni kielide oluzho, kieli ijiunide oluzho giezhoma, Huda ene ghualai widaghane. Beyeshi lon kijiekude giesan pusho, Ezhande oluzhi giesan wo, Ezhan kunni beyede oluzho. 
\v 14 Huda Ezhanyi aminne olughazhi maiye goya nenlighalane aminne olughane. 
\v 15 Tai beyeshi Mexihani iyanzi bikui ta ulie mejienu? Bi Mexihani iyanzii biozini iyanzi gholughazhi olunu? Kenjin ulie olune! 
\v 16 Biozighala hhantulase hheghala nie beye gholukui ta ulie mejienu? Jinwun jiere kieliezho, "Ghuala nie beye gholune." 
\v 17 Ezhanghala hhantulasan kun Ezhanghala nie ruhher gholune. 
\v 18 Ta lon kijieku shiqinse pii. Kun yan zui fanjiliuzhe beye ghadane giezho, zinie lon kijiekushi goyai beye jiere giezho. 
\v 19 Tai beyeshi Huda tande ogisan Shenlin tai sudoro souku dajien bikui ta ulie mejienu? Tashi goyanughun pusho, 
\v 20 fugie jiageghala agizhi iresan wo. Ingiese ta beyeghalane Hudai kuai.
\c 7
\s Jiehun Gieku Unqi
\p
\v 1 Xin jiere ta qiisan shiqinni kielieye. Ere kun eme kunni ulie shighase gou wo giezhoma, 
\v 2 lon kijieku shiqinlase ayizhi ere kunde bierei bise gou wo, eme kunde zhanguiji bise gou wo. 
\v 3 Zhanguiji biereidene zhanguiji danlaku zherenyi feii, biereiye zhanguijidene ingiezhi gie. 
\v 4 Bierei goya beyene gonjiku qienli uwo, qienli zhanguijide wo. Zhanguijiye goya beyene gonjiku qienli uwo, qienli biereide wo. 
\v 5 Ghuala nieniene bu kuigha. Zinie zhomen onxian giene giese ghuala tunyi bise zhanshi jiere danlin kijiese olune. Khuinashi ghuala hhantula, pse ta goyane kunzhi gie dakude Ibilisi miine. 
\v 6 Bi ingiezhi kieliese tande minlin ese xiaizho, ijien qilazho. 
\v 7 Mii xiwonshi kunla man bi mutun woshi giezhoma, jien kun Hudase jienliesan nenjien buxian wo. Niezhanla ingiezho, niezhanla qingiezho.
\p
\v 8 Jiehun ese giesan, pse guafulai kieliese hhela bi mutun jiehun ulie giese gou woma, 
\v 9 goyane kunzhi gie dase jiehun giekui wo. Zhughe tuliezhi bazilie datula jiehun giese gou wo. 
\v 10 Jiehun giesanlade bi fenfulaye. Eneshi bi fenfulasan pusho, Ezhan fenfulasan wo. Bierei zhanguijisene bu danxinra. 
\v 11 Danxinrase pse jiehun bu gie, yen zhanguijighalane gouda. Ere kunye biereine bu benda.
\p
\v 12 Psedu kunlade bi kielieye. Eneshi Ezhan kieliesan pusho, bi kieliesan wo. Xianxin giesan gaijiude xianxin ese giesan bierei bizhi hhe bierei hhere hhantu udu daoku duran bise hhei bu benda. 
\v 13 Biereide xianxin ese giesan zhanguiji bizhi hhe zhanguiji hhere hhantu udu daoku duran bise hhei bu benda. 
\v 14 Ese xianxin giesan zhanguiji biereini yenyinghala zhiguitu gholune. Ese xianxin giesan bierei zhanguijini yenyinghala zhiguitu gholune. Pse tai kesila ganjin uwoma, ede hhela zhiguitu wo. 
\v 15 Xianxin ese giesan kun danxinrane giese hhei danxinragha. Intu shiqinde xianxin giesan gaijiu eghechijiulade ziyu wine. Huda tai urukushi tai heqishighane giezho. 
\v 16 Bierei danlachen, chii tungo giezhi zhanguijiichii kenen jiui shidane. Zhanguiji danlachen, chii tungo giezhi biereinichii kenen jiui shidane.
\s Urusan Mutun Udu Dao
\p
\v 17 Alinie kunliuzhe Ezhan nanpeilasan mutun, pse Huda hhei urusan mutun udu dao. Eneshi bi go jiohuilade jinjisan wo. 
\v 18 Niezhan kunlai hetoune giedene uruzhoshi jihaoni widaghaku biyo uwo. Niezhan kunlai hetoune ese giedene uruzhoshi hetoune gieku biyo uwo. 
\v 19 Hetoune gie, ulie gie zhunyo uwo. Zui zhunyonishi Hudai minlinyi goude zunji. 
\v 20 Jien kunyi urukude matui woshi qingiezhi bei. 
\v 21 Chii urukude chi hoji danlazhoshi munan bu gie. Ziyushiku jihui bise goude barei. 
\v 22 Hoji danlasei Ezhan uruse hheshi Ezhanni ziyutu kun wo. Ziyutu kunyi uruse hheshi Mexihani hoji wo. 
\v 23 Tashi fugie jiageghala agizhi iresan wo, kunde hoji bu danla. 
\v 24 Gaijiula, jien kunyi urukude matui woshi Hudai melie qingiezhi bei.
\s Jiehun Ulie Gieku Unqi
\p
\v 25 Jiehun ese giesan kunni kieliese made Ezhanni yama minlin uwoma, Ezhan made ubali xiizhi mii nie kekaotu kun gholughase bi ijienne kielieye. 
\v 26 Edeku kunnan mutunshi bi uzhese ta qinkonne ulie bienjighase gou wo. 
\v 27 Chade bierei bise hhense danxinrane bu gie. Chade bierei wise bierei agine bu gie. 
\v 28 Bierei agise zui ese fanjizho, oqin jiehun gieseye zui ese fanjizhoma, jiehun giesan kunla udu daokude ku shouine, bi tai intu ku shouighaku duran uwo.
\p
\v 29 Gaijiula, bi tande kielieye, shihou oloncha widawo. Enedu khuinashi bierei bichenla bierei wichen mutun giekui wo. 
\v 30 Wilachenla ese wilachen mutun gie. Bayasuchenla ese bayasuchen mutun gie. Dunxi agichenla yama uwoku mutun gie. 
\v 31 Duya jieredulai xianshou giesanla xianshou ese giesan mutun gie. Edeku duyai yanzi widane. 
\v 32 Mii duranshi ta yamade munan ulie giesejiu. Bierei ese agisanla Ezhanni shiqinde munan giezhi matugie Ezhanni bayasughakui sumulazho. 
\v 33 Bierei agisanla duya jieredu shiqinde munan giezhi matugie biereine bayasughakui sumulazhi 
\v 34 zhugheni nie jiere uwo. Guafu, oqinla Hudai shiqinde munan giezhi beye, ruhherlani man zhiguishighane giezho. Biereila duyani shiqinde munan giezhi zhanguijine matugie bayasughakui sumulazho. 
\v 35 Bi ene kielienyi kieliekushi tai gonjine ese giezho, tai gounide oluzho. Tai olusan shiqin gieghazhi psedu shiqinde zhughe bu chilazhi zhomen Ezhanni shunji giezho. 
\v 36 Nie kun goyade bolusan oqinyi\f + \fr 7:36\fr* \em goyani oqinyi\em* \f* kuighawo giese pse hhe oqinye jiehun gieku nasunse daose\f + \fr 7:36\fr* \em bolusan oqinde nefuxinne darudase\em* \f* hhe kun sumulase indan jiehun giene giese zhao goyane isighala gie, eneshi zui pusho. Hhelai jiehun giegha. 
\v 37 Jiaru hhe kun zhughedene jiexin xiaizhi kunzhi gie shidazhi yama biiku shiqin uwoshi ulie jiehun gieseye gou wo. 
\v 38 Ingiese jiehun gieseye gou woma, ulie jiehun giese genjia gou wo.
\p
\v 39 Zhanguiji bikude biereini gonjizho, zhanguiji fuguse bierei ziyude kiende khiku duranshi khireima, Ezhanyi xianxin giesan kunde khikui wo. 
\v 40 Hhe bierei loujide ulie khise genjia gou wine. Eneshi mii ijien woma, bi sumulase Hudai Ruhher mii jiereye wine.
\c 8
\s Nigiedade Ogisan Ijiuni
\p
\v 1 Nigiedade ogisan ijiunii kieliese matande man ene fanmienni erlin bikui matan mejienema, erlin kunni fugiede uzheghane, oreku kunni hendaghane. 
\v 2 Goyane mejiene giesan kun indan mejiekune dou ulie mejienema, 
\v 3 Hudade oresan kunni Huda tanine.
\p
\v 4 Nigiedade ogisan ijiuni ijiekui kieliese nigieda duyade yama pusho bikui matan mejiene. Huda niekozi wo, pse Huda wikui matan mejiene. 
\v 5 Asiman, zemin jiere Huda, Ezhan giezhi urusan olon woma, 
\v 6 matande niekozi Huda Ada wo. Yanyanjila man hhense irezho, matanshiye hhenughun wo. Pse matande niekozi Ezhan wo, hheshi \pn Ersa\pn* Mexiha wo. Yanyanjila hhei tungo giezhi wine, matanye hhei tungo giezhi wine.
\p
\v 7 Ingieliuzhe intu erlinni jien kunde ese ogizho. Niezhan kunla edeliuzhe nigiedai beiizhi gon oluzho. Ingiese hhela ijiekude nigiedade ogizhi daosan wo giezho. Hhelai lianxin zholienshi zannanshiwo. 
\v 8 Shijishan ijieku matan Hudaghalai chadashigha dane. Ulie ijiese yama sunshi uwo, ijieseye yama haochu uwo.
\p
\v 9 Ingiese ta xioxin gie, pse tai ziyu xianxin gieku zholientu kunlai zui fanjighane. 
\v 10 Chi intu erlintu kun nigiedai miode ijiesei lianxin zholientu kunla chanlase hhe danzine fugiedaghazhi nigiedade ogisan ijiuni ulie ijienu? 
\v 11 Zholientu kun chii erlinni yenyinghala widane. Hheshi Mexiha hhende oluzhi duya ijiesan gaijiu wo. 
\v 12 Ta ingiezhi gaijiulai reizhi hhelai zholientu lianxinyi shanjise Mexihani reiwo. 
\v 13 Ingiese ijieku gaijiulai zui fanjighase bi chanqi migha ulie ijiene, pse bi gaijiulane zui fanjighane.
\c 9
\s Shituni Qienli
\p
\v 1 Bishi ziyutu kun pushonu? Shitu pushonu? Bi mai Ezhan \pn Ersa\pn*i chanlazhi ese daowu? Tashi bi Ezhanyi miende giesan wiliei jiego pushonu? 
\v 2 Bi kunlai shitu pusholiuzhe tai shitu enbene. Tashi bi Ezhanyi miende shitu danlasan zhenji wo.
\p
\v 3 Mii kieliesan kunlade bi goyane ingiezhi huine. 
\v 4 Bijiende ijiezhi ochiku qienli uwonu? 
\v 5 Bijiende psedu shitu, Ezhanni gaijiula, pse \pn Jifa\pn* mutun xianxin giesan biereine uduruku qienli uwonu? 
\v 6 Zinie bi \pn Banaba\pn*ghalade wilie ulie gieku qienli uwonu? 
\v 7 Budui danlachen kun kien ijiunine bareizho? Kien putou tareidene yenzini putoui ulie ijiene? Kien iman chezhedene neizii ulie ochine?
\p
\v 8 Bi ingiezhi kieliekushi kunni kieliedanghala kieliezhou? Guijin jiereye ingiezhi ese kieliezhou? 
\v 9 \pn Musa\pn*ni guijin jiere, 'Fughe tughon yanchikude zuilun bu zhogha.' giezhi huaizho. Huda fughereide zhughe chilazhou? 
\v 10 Enei man matande kieliesan pushonu? Kenjinshi matande oluzhi huaizho. Tareichen kun ghurane giezhi panjizhi tareizho, yanchichen kun ghughane giezhi panjizhi yanchizho. 
\v 11 Bijien tai dunda ruhher fanmienni fureni tareidene tanse beye fanmienni injikui ghurase gofen onu? 
\v 12 Psedu kunlade tai jierese intu xianshou gieku qienli bise bijiende genjia uwonu?
\p Ingieliuzhe bijien ene qienlini ese injiwo. Khareidene Mexihani gouxioxii duikuse ayizhi soyujilai rennai giewo. 
\v 13 Mechide wilie giesan kun mechii dunxii ijiesei, pse sidagha gieku teizi konde ushilasan kun sidagha gieku teizi jieredu dunxii ghughasei ta ulie mejienu? 
\v 14 Qingiezhi Ezhanye fenfulazho. Gouxioxini chonjisan kunla gouxioxide kouizhi udu dao giezho.
\p
\v 15 Ingieliuzhe intu qienlini bi goujida injizhi ese daozho. Bi ede xin huaikushi made ingiezhi gie ese giezho. Bi fuguliuzhe bi kuaikune kunlade qianlazhi ulie echighane. 
\v 16 Bi gouxioxii chonjise yama kuaikui uwo. Bi ulie chonjise banfa uwo. Ulie chonjise made gou widawo! 
\v 17 Bi duralazhi enei giese made gunzi wine. Duran wiliuzhe ene zherenni made ogizho. 
\v 18 Ingiese mii gunzishi yan wo? Jiushi gouxioxii kunlade belien chonjizhi indan kereku baerni ese kerekui wo.
\p
\v 19 Made ziyu wine, kiema mii gonji danema, bi soyuji kunlade yenyizhe hoji danlakushi jinlianji olon kunyi jiuighane giezho. 
\v 20 Bi \png Yutai\png* kunlade \png Yutai\png* kun danlakushi \png Yutai\png* kunlai jiuighane giezho. Bi guijin doura uwoliuzhe guijin douradu kunlade guijin douradu kun danlakushi guijin douradu kunlai jiuighane giezho. 
\v 21 Bi guijin witu kunlade guijin witu kun danlakushi guijin witu kunlai jiuighane giezho. Shijishan made Hudai guijin uwoku pusho, bi Mexihani guijin doura wo. 
\v 22 Bi zholien kunlade zholien kun danlakushi zholien kunlai jiuighane giezho. Bi yan kunde yan kun danlakushi matugieliuzhe ezighan kunyi jiuighane. 
\v 23 Bi gouxioxini yenyinghala man giekushi kunlare hhantu gouxioxii haochui xianshou giene giezho.
\p
\v 24 Bisai giekude kunla man holuliuzhe zi niekozi kun jianli linlakui ta ulie mejienu? Taye ingiezhi holuma, jianli linlane. 
\v 25 Bisai giechen kunla go fanmiende goyane gonjizho. Ingiezhi hhela widaku jianlini linlane giezhoma, matan ulie widaku jianlini linlane giezho. 
\v 26 Ingiese bi muji wizhi ese holuzho, chuidase ulie noughachen kun ulie gholune. 
\v 27 Bi beyene hende gonjizhi kunzhi giene, pse bi kunlade gouxioxii chonjizhi ogidene goyane baxi olune.
\c 10
\s Isilie Bexinla Mutun Nigiedalai Bu Bei
\p
\v 1 Gaijiula, matanyi xienrenla eqighandei olien dourase haise daosan ene shiqinyi bi tai goude jilaghane giezho. 
\v 2 Manla olien dourase haise xili jienliezhi \pn Musa\pn*i daghawo. 
\v 3 Manla niekielienji ruhhertu ijiunii ijiewo. 
\v 4 Manla niekielienji ruhhertu usui ochiwo. Ochisanshi hhelare yosan ruhhertu tashise khizhesan wo. Ene tashishi Mexiha wo. 
\v 5 Ingieliuzhe hhelai dundadu fugie olie kunlade Huda xiqi wise hhelai hontande alawo.
\p
\v 6 Fashen giesan ene shiqinla matande jingao giezhi hhela mutun doghun shiqinni bu neii giezho. 
\v 7 Ye hhelai dundadu kunla mutun nigiedalai bu beii giezho. Jinwun jiere jilasan mutun, "Bexinla sousenu ochizhi ijiene, bosizhese nadune." 
\v 8 Hhela kunlare lon kijiezhi niudude 23000 kun fuguwo. Matan hhela mutun bu gieye. 
\v 9 Hhelai dundadu kunla Ezhanni shiidene moghei zhou alawo. Matan hhela mutun Ezhanni bu shiiye. 
\v 10 Hhela boxin kieliedene azaraili qienxien hhelai aminni agiwo. Ta hhela mutun boxin bu kielie. 
\v 11 Enezighan shiqinla hhelai jiere fashen giezhi kunlade jingao giezho. Matan enezighan duya baraku kunlade surughane giezhi huaizho. 
\v 12 Ingiese goyane beizhi undanlawo giesanla indan xioxin gie, pse banjine. 
\v 13 Tande iresan shiiku kunlade man wine. Hudashi kekaoni wo, Hhe tande danji daku shiikui ulie ireghane. Shiikude tande nie piiku mo keighazhi tai danji shidaghane.
\s Nigiedalai Beiikuse Gholodo
\p
\v 14 Ingiese mii orentula, ta nigiedalai beiikuse gholodo. 
\v 15 Bi minbaitu kunlade kieliezho, bi kieliesanlai ta goyalane uzhezhi gie. 
\v 16 Matan onxian giedene ochisan fuqitu beizishi Mexihani chusunde hhantulasan pushonu? Matan ginan ghuluzhi ijiekude Mexihani beyede hhantulasan pushonu? 
\v 17 Ginan niekozi wo, matan kun olon woma, nie beye wo. Matan man nie ginande hhantulazho. 
\v 18 Ta \png Isilie\png* bexinlai sumula, sidagha gieku teizi jieredu dunxii ijiesanlashi sidagha gieku teizide hhantulasan pushonu? 
\v 19 Bi kieliesanshi yan isi wo? Nigieda, pse nigiedade ogisan ijiunishi yan wo? Yamada pusho! 
\v 20 Bi kieliesanshi niman kunla ogise Hudade ese ogizho, sheitande ogizho. Bi tai sheitanre hhantulaghaku duran uwo. 
\v 21 Ta Ezhanni beizii ochidene sheitanni beizii ochise jiedui ulie olune. Ezhanni xii soudene sheitanni xii souse jiedui ulie olune. 
\v 22 Matan Ezhanni reizhi hokughanu? Matan hhense fama onu?
\s Yan gieliuzhe Hudai Kuaine Giezhi Gie
\p
\v 23 Yanniliuzhe giese olune giezhi kunla kieliezhoma, man haochu wineku pusho. Yanniliuzhe giese olune giezhoma, man kunlai hendaghakui pusho. 
\v 24 Kienliuzhe goyane haochude bu olu, kunlai haochude olu. 
\v 25 Shichande huisan mighalai ta man ijie, lianxinni yenyinghala yama bu asadene ijie. 
\v 26 Zemin, zemin jiere durusanlashi man Ezhannughun wo. 
\v 27 Niezhan xianxin ulie giesan kunla tai xinlazhi ijieghase ta duran bizhi echise tai melie beilasanlai ijie, lianxinni yenyinghala yama bu asa. 
\v 28 Bifan "eneshi nigiedade xienji giesan ijiuni wo" giezhi kunla tande kieliese, hhe kunde oluzhi, lianxinni yenyinghala bu ijie. 
\v 29 Bi kieliesanshi tai lianxin pusho, hhe kunyi lianxin wo. Mii ziyuni yangiezhi kunlai lianxinghala kieliene? 
\v 30 Bi mafan kieliedene ijiese yangiezhi bi mafan kieliesan ijiunii yenyinghala mii sugiene?
\p
\v 31 Ingiese ta ijie, ochi yan gieliuzhe Hudai kuaine giezhi gie. 
\v 32 Bugon \png Yutai\png* kun, \png Xila\png* kun, Hudai jiohuiliuzhe ta hhelai bu banjigha. 
\v 33 Bi giesan mutun yan shiqindeliuzhe kunlai bayasugha. Goyane haochude bu oludene kunlai haochude oluzhi hhelai jiuigha.
\c 11
\p
\v 1 Bi Mexihase surusan mutun ta mase suru.
\s Libai Giekude Qiorunni Huighaku
\p
\v 2 Ta yandeliuzhe mii jilazhi da bi tande chonjizhi ogisei goude bareizho, ingiese bi tai kuaizho. 
\v 3 Jien ere kunlai qiorunshi Mexiha wo, biereilai qiorunshi ere kun wo, Mexihai qiorunshi Huda bikui bi tande mejieghaku duran wine. 
\v 4 Ere kun onxian giekude, Hudai kielienyi kieliekude qiorunne huighase qiorunne shizheghazho. 
\v 5 Biereila onxian giekude Hudai kielienyi kieliekude qiorunne ulie huighase qiorunne shizheghazho. Qingiese qiorunne dulisan niekielien wo. 
\v 6 Biereila qiorunne ulie huighase usunne ghigha. Usunne ghigha, dulidene shizhese qiorunne huigha. 
\v 7 Ere kun indan qiorunne ulie huighakuni wo, hheshi Hudai yanzi, kuaikui wo. Biereishi ere kunyi kuaiku wo. 
\v 8 Ere kunshi biereise khizhesan pusho, biereishi ere kunse khizhesan wo. 
\v 9 Da ere kunshi biereide oluzhi zhayaghasan pusho, biereishi ere kunde oluzhi zhayaghasan wo. 
\v 10 Ingiese biereila qienxienni yenyinghala qiorun jierene indan jihao giekuni wo. Ene jihaoshi qienli dourashiku isi wo. 
\v 11 Ingieliuzhe Ezhanni miende ere kun uwoshi ulie olune, bierei kun uwoshiye ulie olune. 
\v 12 Bierei ere kunse khizhesan mutun ere kunye biereii tungo giezhi khizhezho. Soyujila man Hudase khizhezho. 
\v 13 Ta goyalane sumula, biereila Hudase onxian giekude qiorunne ulie huighase heshi winu? 
\v 14 Ere kunla fudu usun liuise shizhekui ta yenlai ulie mejienu? 
\v 15 Biereila fudu usun liuise kuaine. Usunshi biereii qiorunni huighakude ogizho. 
\v 16 Niezhan kunla jianjindune giese bijiende intu xigon uwo, Hudai jiohuiladeye intu xigon uwo.
\s Ezhanni Heifan
\p
\v 17 Ede bi tai fenfulane giesande tai ulie kuaine. Ta hhantulase haochu uwo, zinie huaichu wo. 
\v 18 Ji 1 gieshi bi chenliese ta nie jiohuinughunla libai giene giezhi hhantulakude tai dunda danlinraku shiqin wine. Ene kielienyi bi gouji xianxin giezho. 
\v 19 Tai dunda danlinraku shiqin kenjin khizhene, ingiekude caigie hhezighan shixinji giesan kunlai uzhezhi khizhene. 
\v 20 Ta hhantulakude ijiesanni Ezhanni heifande ulie sanane. 
\v 21 Ta ijiekude man qianlazhi xien ijiezho. Niezhan kunla ijiezhi chudu dazho, niezhan kunla ochi sudozho. 
\v 22 Tande ijiezhi ochiku gie uwonu? Pse ta Hudai jiohuii meilade uzhezhi yama witu kunlai shizheghanu? Bi tai matugie kieliene? Tai kuaimu? Intu shiqin jiere bi tai ulie kuaine!
\p
\v 23 Bi Ezhanse jienliesanni tande chonjizhi ogiwo. Ezhan \pn Ersa\pn*ni ghudandusan hhe xii ginanni barei 
\v 24 mafan kieliedene ghulu kieliewo, "Eneshi tande oluzhi ogisan mii beye wo. Ta mii jilazhi enei gie." 
\v 25 Ijie baludene qingiezhi beizii barei kieliewo, "Ene beizishi mii chusunghala shini yenjisan kielien wo. Ta niefanie ochikude mii jilazhi enei gie." 
\v 26 Ta niefanie ene ginanyi ijiezhi ene beizii ochikude Ezhan iretula Ezhan duya ijiesan shiqinni kunlade man mejieghazho.
\p
\v 27 Ingiese yan kunliuzhe Ezhanni ginan, beizii lon ijiezhi ochise Ezhanni beye, chusunyi kuighazho. 
\v 28 Kun indan goyade zui winu uwo giezhi goyane goude sumuladene ene ginanyi ijie, ene beizii ochikuni wo. 
\v 29 Kun Ezhani beyeshi yan isi bikui ulie mejiedene ijiezhi ochise goyadene zui jinjizho. 
\v 30 Ene yenyin jiere tai dunda olon kunla zholierezhi gien kuwo, da fugusanye olon wo. 
\v 31 Matan goyalane goude jiencha giese ulie panjine. 
\v 32 Matanni panjikude Ezhan matanyi gonjizho, pse matanyi duyai kunlare hhantu zui jinjine.
\p
\v 33 Ingiese mii gaijiula, ta hhantulazhi ijiekude nieniene saghei. 
\v 34 Kien oliesuse xien giedene ijie, pse hhantulasanni man panjine. Psedu shiqinlani bi iredene nanpei gieye.
\c 12
\s Shenlin Ogisan Nenli
\p
\v 1 Gaijiula, Shenlin fanmienni shiqinni kieliese bi tande ulie mejieghaku duran uwo. 
\v 2 Taye mejiene, ta niman kun bikude tai miizhi kielien kielie daku nigiedalai hhende uduruzho. 
\v 3 Ingiese bi tande mejieghaye. Hudai Ruhher udurusan kunla \pn Ersa\pn*ni kharakuni wo giezhi kiema ulie kieliene. Shenlin ulie uduruse \pn Ersa\pn*shi Ezhan wo giezhi kiema kielie dane.
\p
\v 4 Ogisan nenlila buxian woma, manshi nie Shenlin ogisan wo. 
\v 5 Ushilaku wiliela buxian woma, manshi nie Ezhande oluzhi giezho. 
\v 6 Zoinye buxian woma, manshi nie Huda soyuji kunlai tungo giezhi khizheghasan wo. 
\v 7 Shenlin jien kunlai jiere xienjighakushi dajialade haochu ireghane giezho. 
\v 8 Niezhan kunlade Shenlinyi tungo giezhi tebieji aghelitu kielienyi ogizho. Niezhan kunlade nie Shenlinyi tungo giezhi tebieji erlin kielieku nenli ogizho. 
\v 9 Niezhan kunlade nie Shenlinyi tungo giezhi xianxin gieku ogizho. Niezhan kunlade niekozi Shenlinyi tungo giezhi gien goudaghaku nenli ogizho. 
\v 10 Niezhan kunlade nenlitu shiqin gieku, niezhan kunlade Hudai kielienyi kielieku, niezhan kunlade ruhherlani fenjiku, niezhan kunlade psedu kielien kielieku, niezhan kunlade psedu kielienyi fanyi gieku nenli ogizho. 
\v 11 Enelashi man hhe niekozi Shenlin giesan wo, hhe goya isighalane buxiantu nenlini jien kunlade fenjizhi ogizho.
\s Nie Beye Jiere Iyanzi Olon Wo
\p
\v 12 Niekozi beye jiere iyanzi olon wine, beyede iyanzi olonliuzhe beyeshi nie wo. Mexihaye niekielien wo. 
\v 13 Matan bugon \png Yutai\png* kun, \png Xila\png* kun, hoji danlasan, ziyutu kunliuzhe hhe niekozi Shenlinse xili jienliezhi nie beye gholudene niekozi Shenlinni xianshou giezho.\f + \fr 12:13\fr* \em Shenlinni ochighazho\em* \f* 
\v 14 Beyeshi niekozi iyanzi pusho, olon iyanzi wo. 
\v 15 Kon kieliezhi bishi kha pusho, ingiese bi beyenughun pusho gieliuzhe beyenughun pusho bikui pusho. 
\v 16 Chighin kieliezhi bishi nudun pusho, ingiese bi beyenughun pusho gieliuzhe beyenughun pusho bikui pusho. 
\v 17 Beyede gon nudunshi matugie chenliene? Beyede gon chighinshi matugie funqiene? 
\v 18 Huda goya isighalane buxiantu iyanzii nienieji beye jiere teiwo. 
\v 19 Soyujila man niekozi iyanzishi matugie beye sanane? 
\v 20 Iyanzi olon woma, beye niekozi wo. 
\v 21 Nudun khade "Bi chii ulie kerene." giezhi kielie dane. Qiorunye konde "Bi chii ulie kerene." giezhi kielie dane. 
\v 22 Khareidene beye jieredu uzhese zholien wo giesan iyanzila chaizhi genjia ulie olune. 
\v 23 Matan sumulase beye jieredu zhunyo uwo giesan iyanzilai genjia zhunyoni gholughazhi uzhezhi bixinnilai genjia goude dabalaghazhoma, 
\v 24 hennilai qingiezhi gieku biyo uwo. Huda genjia fugie mienzii hhezighan bixin iyanzilade ogizhi beyeni nanpei giekushi 
\v 25 beyei iyanzilai ulie danlinraghazhi nieniei zhaogu gieghane giezho. 
\v 26 Nie iyanzi ku shouise man hhantu ku shouine. Nie iyanzide famani irese man hhantu bayasune.
\p
\v 27 Tashi Mexihani beye wo, jien kunshi beyeni iyanzi wo. 
\v 28 Huda jiohuide nanpei giesan ji 1 gieshi shitu, ji 2 gieshi xienzhi, ji 3 gieshi loushi wo, pse nenlitu shiqin gieku, gien goudaghaku nenli, banman gieku, gonjiku, yanyanji psedu kielien kielieku wo. 
\v 29 Manshi shitu onu? Manshi xienzhi onu? Manshi loushi onu? Man nenlitu shiqin gienu? 
\v 30 Jien kunlade gien goudaghaku nenli winu? Man psedu kielien kielie shidanu? Man psedu kielienyi fanyi gie shidanu? 
\v 31 Ta genjia fugie nenlii hende onxian gie.
\s Oreku
\p Bi zui gou moi tande uzheghaye.
\c 13
\p
\v 1 Bi kunni buxiantu kielienyi kieliezhi qienxienyi kielienyi kielieliuzhe oreku wise tunguliesan laba, gu niekielien wo. 
\v 2 Made Hudai kielienyi kielieku nenli bizhi yanyanji chijia daoliji erlinni mejiezhi ulai noighaku fugie xianxin gieku biliuzhe oreku wise bi yama pusho. 
\v 3 Bi baerlane man nanxin kunde ogizhi beyene kunlade oluzhi tulieghaliuzhe oreku wise made yama haochu uwo.
\p
\v 4 Oreku izhi rennai giene, renyi wo, ulie dubiliene, goyane ulie kuaizhi zishi ulie shuaine, 
\v 5 limao witui ulie giene. Zi goyadene oluzhi ulie giene, suibiende ho ulie kuruzhi kunlai chouni ulie bareine. 
\v 6 Gou winide xiqi uwo, zhendaode xiqi wo. 
\v 7 Yandeliuzhe aghuide sumulane, soyujilai man xianxin giene, soyujilai man xiwon giene, soyujilai man rennai giene.
\p
\v 8 Hudai kielienyi kielieku, psedu kielienyi kielieku, erlin enela jianlai man baranema, oreku chanqi ulie barane. 
\v 9 Matan mejiesanshi ezighan wo, Hudai kielien kieliesanshi ezighan woma, 
\v 10 hulunni irese ezighanla man widane. 
\v 11 Bi ga shihoude kielieku, sumulaku, jiejin giekula man ga kunyi xianli, fugiedase ga kunnughunyi man widaghawo. 
\v 12 Matan ede belijide uzhesan mutun qinchude ese uzhezhoma, hhe xienzi kuse mienduimien uzhene. Bi ede mejiesanshi ezighan woma, hhe xienzi kuse Ezhan mii man mejiesan mutun bi man mejiene.
\p
\v 13 Xianxin gieku, xiwon gieku, oreku chan wine. Ene ghuron dundase orekushi zui fugieni wo.
\c 14
\s Psedu Kielienji Hudai Kielienyi Kielieku
\p
\v 1 Ta orekui dagha. Pse Shenlin ogisan nenli, tebieshi Hudai kielienyi kielieku nenlini hende onxian gie. 
\v 2 Psedu kielienyi kieliesanshi kunlade ese kieliezho, Hudade kieliezho. Kunla dunjire dane, hhe ruhherghalane yanyanji mimii kieliezho. 
\v 3 Hudai kielienyi kieliesanshi kunlade kieliezho. Kunlai hendaghazhi surughazhi sidaghazhi kieliezho. 
\v 4 Psedu kielienyi kieliesanshi goyane hendaghazho. Hudai kielienyi kieliesanshi jiohuini hendaghazho. 
\v 5 Ta man psedu kielienyi kieliekui bi xiwon giezhoma, Hudai kielienyi kieliekui genjia xiwon giezho. Psedu kielienyi kieliedene fanyi ulie giezhi jiohuini ese hendaghazhoshi Hudai kielienyi kieliesan kun hhense hen wo.
\p
\v 6 Gaijiula, bi tai hhende echidene zinie psedu kielienyi kieliezhi Huda mejieghasan, erlin, Hudai kielienyi kielieku, surughasanlai ulie injise tande yan haochu wo? 
\v 7 Shenqi khizhesan xiu, qin xianlitu dunxiliuzhe zhao hashuzhe ulie yose yan feiliezhi yan tanjisei kien mejiene? 
\v 8 Labai feilie londaghase kien eghindune giezhi zhunbei giene? 
\v 9 Taye niekielien wo. Amanghala dunjire daku kielienyi kieliese kieliesei kien mejiene? Enei goyadene kieliezho. 
\v 10 Duyade kielien kenjin olon woma, isi witui nieda uwo. 
\v 11 Kieliesan kielienyi isini bi dunjire dase hhe kieliechen kun uzhese bishi wigokun wo, bi uzhese hheshi wigokun wo. 
\v 12 Taye niekielien wo. Ta Shenlinni nenlii neiizhoma, jiohuini hendaghaku mutun jinlianji olon gie.
\p
\v 13 Ingiese psedu kielienyi kieliesanla indan fanyi gieku nenlini onxian gie. 
\v 14 Bi psedu kielienghala onxian giese mii ruhher onxian giezho, mii sumulaku yama zoin uwo. 
\v 15 Qingiese matugiene? Bi ruhherghala onxian giene, sumulakughalaye onxian giene. Bi ruhherghala doulane, sumulakughalaye doulane. 
\v 16 Ingiezhi ulie giese chi ruhherghala Hudade mafan kieliekude hhantulasan dunda mejie dasan kun chii kielienyi dunjire dase matugie amine giene? 
\v 17 Chi Hudade mafan kieliesan gou woma, kunlai hendagha dane. 
\v 18 Bi psedu kielienyi ta manlase olon kieliezho. Ingiese Hudade mafan kieliene. 
\v 19 Ingiezhoma, bi jiohuide psedu kielienyi 10000 aman kielietula tawun aman sumulakughala kunlade sughazhi kielieku duran wo.
\p
\v 20 Gaijiula, sumulaku jiere ga kun bu gholu. Doghun shiqin jiere yeliwa gholuzhi sumulaku jiere fugie kun gholu. 
\v 21 Jinwun jiere huaizho,
\q1 Bi psedu kielienghala, niman kunlai amanghala
\q2 ene bexinde kieliene,
\q1 Ingieliuzhe hhela minughunyi ulie chenliene.
\q2 Eneshi Ezhan kieliesan wo giezho.
\m
\v 22 Ingiese psedu kielienyi kieliese xianxin giesan kunlade hao ese giezho, xianxin ese giesan kunlade hao giezho. Hudai kielienyi kieliese xianxin giesan kunlade hao giezho, xianxin ese giesan kunlade hao ese giezho. 
\v 23 Ingiese jiohuide man hhantulakude dajiala man psedu kielienyi kieliese mejie dasan ibanji kun, xianxin ese giesan kunla iredene ta fenjiulizho giezhi ulie kielienu? 
\v 24 Dajiala Hudai kielienyi kieliese xianxin ese giesan kun, ibanji kunla orezhedene ene kielienghala goya zuine mejiezhi goyane kheilazhi 
\v 25 zhughedene niuighasanlai khizheghane. Ingie papala Hudai beiizhi Huda shuhuajia tai dunda wo giezhi chenren giene.
\s Libai Giekude Nanpeilasan Mutun Heshide Gie
\p
\v 26 Gaijiula, qingiese matugiene? Ta hhantulakude jien kunde zeburei onshiku, surughaku, Huda uzheghasan, psedu kielien, fanyi gieku winema, enelai man kunlai hendaghaku mutun gie. 
\v 27 Psedu kielienghala kieliekude ghua kun, zui olon ghuran kun lunjizhi kielie. Niekozi kun fanyi gie. 
\v 28 Fanyi giechen kun uwoshi hhela jiohuide bu kielie. Goyadeneji Hudade kielie. 
\v 29 Hudai kielienyi deilazhi kieliekude ghua ghuran kun kielie. Psedu kunla chenliedene pandon gie. 
\v 30 Sousan kun dunda nie kunde Huda mejieghase Hudai kielienyi kieliesan kun xien bu kielie. 
\v 31 Ta man ingiezhi nienieji Hudai kielienyi kieliezhi dajialai surughazhi sidaghane. 
\v 32 Hudai kielienyi kieliechen kun goyane kunzhi giene. 
\v 33 Hudashi londaghachen pusho, heqishighachen wo. Shentulani jiohuilade man ingiezho.
\p
\v 34 Biereila jiohuide kielien bu kielie. Guijin jiere kieliesan mutun hhelai kielien ulie kielieghane, indan shunjikui wo. 
\v 35 Hhela yan surune giese giedene zhanguijidene asa, biereila jiohuide kielien kieliese shizheku shiqin wo. 
\v 36 Hudai kielien zinie tanse khizhesan onu? Jianie tande ogizhou?
\p
\v 37 Kien goyane xienzhi wo, Shenlinghala hhantu wo giese bi huaisanlashi Ezhanni minlin bikui mejiene. 
\v 38 Kien enei chenren ulie giese ta hhei chenren bu gie. 
\v 39 Ingiese mii gaijiula, ta Hudai kielienyi kieliekui neii. Psedu kielienyi kieliese bu danla. 
\v 40 Ta yan giese nanpeilasan mutun heshide gie.
\c 15
\s Mexiha Aminne Olusan
\p
\v 1 Gaijiula, bi eqighandei tande chonjisan gouxioxii jila ireghaye. Enei ta jienliedene beizhi undanlazho. 
\v 2 Bi tande chonjisanni ta belien xianxin ese giedene goude bareizhoshi enei tungo giezhi tai jiuine.
\p
\v 3 Bi eqighandei jienliesan zui zhunyo daolini tande chonjizhi ogiwo. Jiushi jinwun jiere kieliesan mutun Mexiha mai zuide oluzhi duya ijiewo, 
\v 4 bulawo, pse jinwun jiere kieliesan mutun ghurudude aminne oluwo, 
\v 5 ingie \pn Jifa\pn*de, pse 12 gie shitulade chujiegheghawo. 
\v 6 Khuinashi 500 gie gaijiulade hhantu chujiegheghawo. Hhela dunda niezhanla fuguzho, dabufen ede wine. 
\v 7 Khuinashi \pn Yagebu\pn*de, pse soyuji shitulade chujiegheghawo. 
\v 8 Zuihou, shihoude ese olusan mutun zui bixintu madeye chujiegheghawo. 
\v 9 Bi shitu dundase zui gani wo. Eqighandei Hudai jiohuii heizho, mii shitu giezhi uruse pei dane. 
\v 10 Ingieliuzhe ede bi imutui gholuse Hudai nenjien wo. Hhe made ogisan nenjien zoin witui pusho, bi psedu shitulase olon xiacha giezhi wilie giezho. Eneshi bi pusho, Hudai nenjien bighala hhantu wo. 
\v 11 Ingiese biye hao, psedu shitulaye hao, bijien man ingiezhi chonjizho. Taye ingiezhi xianxin giezho.
\s Fugusan Kun Aminne Oluku
\p
\v 12 "Mexiha fugusan kun dundase aminne oluwo." giezhi chonjizhoma, tai dunda matugie, "Intu shiqin uwo." giezho? 
\v 13 Fugusan kun aminne oluku shiqin uwoshi Mexihaye aminne ese oluzho. 
\v 14 Mexiha aminne ese oluzhoshi bijien chonjisan yama oronde uwo, ta xianxin giesanye yama oronde uwo. 
\v 15 Zinie ene pusho, bijien lien Hudade oluzhi jia ganzhen beichen danlazho. Ingiekushi bijien ganzhen beizhi Huda Mexihai aminne olughawo giezho. Fugusan kun aminne oluku shiqin uwoshi Hudaye Mexihai aminne ese olughazho. 
\v 16 Fugusan kun aminne ulie oluse Mexihaye aminne ese oluzho. 
\v 17 Mexiha aminne ese oluzhoshi ta xianxin giesan yama oronde uwo, dou zui dunda wo, 
\v 18 Mexihani xianxin giedene duya ijiesanlaye widawo. 
\v 19 Matan Mexihai miende jianie duyade xiwon giezhoshi soyuji kun dunda zui ubali wo.
\p
\v 20 Ingiezhoma, Mexiha zhenzhenji fugusan kun dundase aminne oluzhi fugusan kun dundadu toushu gholuwo. 
\v 21 Fuguku nie kunse irezho, fugusan kun aminne olukuye da nie kunse irezho. 
\v 22 Adanyi miende man fugusan mutun Mexihai miende man aminne olune. 
\v 23 Jien kun aminne olukui nanpeilasan mutun giene. Xien toushu Mexiha wo, pse hhe irekude hhenughunla wo. 
\v 24 Ingiedene duya barane. Hhe shihoude Mexiha duyade gonjisan, qienli bareisan, nenli bitulai man widaghasenu qienlini Adadene jiuine. 
\v 25 Huda Mexihare duitou danlasanlai man hhei kon doura teitula hhe bixi honshan danlane. 
\v 26 Zuihou widaghaku duitoushi fuguku wo. 
\v 27 Huda soyujilai hhei kon doura shunjighawo giezhi jinwun jiere kieliezhoma, man hhei shunjighazho giese manlai shunjighasan kenjin hhezighanlai sudoro uwo. 
\v 28 Man hhei shunjikude kewon goyaneye manlai shunjighasan hhende shunjine, ingiedene Huda manlai gonjizhi manlai jiere wo.
\p
\v 29 Aminne oluku shiqin uwoshi hhezighan kunla fugusan kunde oluzhi xili jienliezhi yan giezho? Fugusan kun zhenzhenji aminne ulie oluse kunla yangiezhi hhelade oluzhi xili jienliezho? 
\v 30 Pse yangiezhi bijien niechanie wixiennide echine? 
\v 31 Gaijiula, made niudunie fugukui penjizho. Eneshi shuhua wo, bi mai Ezhan Mexiha \pn Ersa\pn*i miende tai kuaiku mutun zhenni wo. 
\v 32 Bi kunni isighala yewore eghinduku mutun \png Ifuso\png* kunlare eghinduse made yan zoin wo? Fugusan kun aminne ulie oluse, kunla kieliesan mutun
\q1 "Matan ijie ochiye,
\q2 maghashijie fugune."
\m giene. 
\v 33 Ta shandan bu gie,
\q1 "Doghun zhanlien gou kunni qida olughane."
\m
\v 34 Ta xiereizhi goude sumula, zui pse bu gie. Niezhan kunla Hudai tani dase bi tai shizheghane giezhi ingiezhi kieliewo.
\s Aminne Olusan Beye
\p
\v 35 Kunla, "Fugusan kun matugie aminne olune? Yan beyeghala irene." giezhi asane. 
\v 36 Yama ulie mejiechen kunlaya, tareisan ulie fuguse osizhi ulie khizhene. 
\v 37 Tareisanshi jianlaiku beye pusho, zinie boudei onu, pseshiku fure wo. 
\v 38 Huda goya isighalane furede beye ogine, buxiantu furede buxiantu beye ogine. 
\v 39 Beyelashi man buxiantu beye wo. Kunde 1 zhun beye wo, yewode 1 zhun beye wo, bunzhude 1 zhun beye wo, zhaghasunde 1 izhun beye wo. 
\v 40 Asiman jieredulade 1 zhun beye wo, zemin jieredulade 1 zhun beye wo. Asimanni beyeshi 1 zhun fama wo, zeminni beyeshi 1 zhun fama wo. 
\v 41 Naran narande 1 zhun fama wo, sara sarade 1 zhun fama wo, hodun hodunde 1 zhun fama wo, ene hodun hhe hodunghalai famai buxian wo.
\p
\v 42 Fugusan kun aminne oluseye ingiezho. Tareisanshi qida olukuni wo, aminne olusanshi ulie qida olukuni wo. 
\v 43 Tareisanshi bixinni wo, aminne olusanshi famani wo. Tareisanshi zholienni wo, aminne olusanshi liliantui wo. 
\v 44 Tareisanshi duyani beye wo, aminne olusanshi ruhhertu beye wo. Duyani beye bise ruhhertu beyeye wine. 
\v 45 Ji 1 gie kun \pn Adan\pn* amitui gholuwo giezhi jinwun jiere huaizhoma, zuihouku \pn Adan\pn* amin ogiku ruhher gholuwo. 
\v 46 Ingiezhoma, ruhhernughun melie uwo, duyanughun melie wo, khuinashi ruhhernughun wo. 
\v 47 Ji 1 gie kun zeminse irezho, turanughun wo, ji 2 gie kun asimanse irezho. 
\v 48 Turanughunlashi turase iresan hhei xianli. Asimanughunlashi asimanse iresan hhei xianli. 
\v 49 Matande turanughunyi yanzi wineku mutun jianlai asimannughunyi yanzi wine.
\p
\v 50 Gaijiula, bi tande kieliekushi beye Hudai gojiai jienlie dane. Qida oluku ulie qida olukui jienlie dane. 
\v 51 Chenliendu, bi tande nie chijia shiqin kielieye. Matan man fugukui pusho, man bienjine. 
\v 52 Menzhali nie nudun hameikude zuihouku laba tunguliese fugusan kunla aminne oluzhi ulie qida olune, matanye bienjine. 
\v 53 Ene qida oluku beye bixi ulie qida olukui gholune, fuguku beye bixi ulie fugukui gholune. 
\v 54 Ene qida oluku ulie qida olukui gholuzhi fuguku ulie fugukui gholukude fugukui injiku yenji boughawo giezhi jinwun jiere jilasan kielien mutun gholune.
\q1
\v 55 "Fugukuya, chii injiku khala wo?
\q2 Fugukuya, chii soyen khala wo?"
\m
\v 56 Fugukui soyenshi zui wo, zuini lilianshi guijin wo. 
\v 57 Hudade mafan kielieye, hhe mai ezhan \pn Ersa\pn* Mexihai tungo giezhi matanyi injighazho.
\p
\v 58 Ingiese mii gaijiula, ta khiduzhezhi bu gojiolu, chan xiacha giezhi Ezhanni wiliei olon gie. Ta khishulasanla Ezhanyi miende oronde wiku pusho bikui ta mejiene.
\c 16
\s Shentulade Baer Khighaku
\p
\v 1 Shentulade baer khighakui kieliese bi \png Jialatai\png*ni jiohuilade fenfulasan mutun taye qingiezhi gie. 
\v 2 Niefanie xinqide jien kunla goya hashughalane agizhi khizhedene ghura, pse bi irekude ta cai khireighane. 
\v 3 Bi irekudeni ta chenren giesan kunlade xinni deilazhi hhelai tai murei ughuzhi \png Yelusalen\png*de khughozhi echighaye. 
\v 4 Bi echise heshi bise hhela mare hhantu echise olune.
\s Baoloi Jihua
\p
\v 5 Bi \png Maqidun\png*se daone giezho, daokudeni tai uzhele ireye. 
\v 6 Kenen bi tanre nietan soune, kenen unchai daoghane. Ingiedene bi khala echise ta mii khughose olune. 
\v 7 Bi ede zinie jingo giekude tai uzhedene echiku duran uwo. Ezhan duran bise bi tanre hhantu ezighancha souse giezho. 
\v 8 Bi izhi \png Ifuso\png*de souzhi 50 qienni jieqi kurune. 
\v 9 Fandui giechen kun olon woma, made yu aghui yu zointu wijien keizhi chonjiku jihui olon wo.
\p
\v 10 \pn Qimotai\pn* irese ta hhende goude giezhi bu ayigha, hheye biwo giezhi Ezhanyi wilieni giezho. 
\v 11 Ingiese kienliuzhe hhei gade bu uzhe. Pinnande khughozhi echigha, mii enende ire gie. Gaijiulare hhantu hhe irekui bi sagheizho. 
\v 12 Gaijiu \pn Yabolo\pn*i kieliese hhe gaijiulare hhantu tai hhende echi giezhi bi hhende haojihui goude fenfulawo, hhe ene shihoude echiku duran uwo, jihui irese echine.
\s Zuihouku Kielien
\p
\v 13 Ta jinxin giezhi xinyan jiere beizhi undanla, ere kunyi yanzii khizheghazhi khidunde bei. 
\v 14 Ta yan giese oreku zhugheghala gie.
\p
\v 15 \pn Siqifana\pn* nie gie kun \png Yagaiya\png*de \pn Ersa\pn*i tou 1 giede xianxin giesei ta mejiene. Pse hhela zhomen shentulai ushilazho. Gaijiula, bi tai goude fenfulaye, 
\v 16 ta qimutu kunlai, pse hhelare hhantu khishulazhi wilie giesan kunlai man shunji. 
\v 17 \pn Siqifana\pn*, \pn Futunadu\pn*, \pn Yagaigu\pn* irese bi bayasuzho. Ta enende uwoma, hhela banman giewo. 
\v 18 Hhela tai pse mii bayasughazho. Imutu kunlai ta danren gie.
\p
\v 19 \png Yaxiya\png*ni jiohuila tande kielien asazho. \pn Yajila\pn*, \pn Baijila\pn*ghala pse hhelai giede hhantulasan jiohui Ezhanni miende tande shixinji kielien asazho. 
\v 20 Gaijiula man tande kielien asazho. Ta zhughesene nieniedene kielien asa.
\p
\v 21 Bi \pn Baolo\pn* qinsi huaizhi kielien asazho. 
\v 22 Kien Ezhande ulie orese hhei indan kharakui wo. Mai Ezhan, ire! 
\v 23 Ezhan \pn Ersa\pn*i nenjien tanre hhantu bi gie! 
\v 24 Mexiha \pn Ersa\pn*i miende mii oreku tanre man hhantu wo!