\id 1TI Sanskrit Bible (NT) in Tibetan Script (སཏྱཝེདཿ।)
\ide UTF-8
\rem © SanskritBible.in । Licensed under CC BY-SA 4.0
\h 1 Timothy
\toc1 ༡ ཏཱིམཐིཡཾ པཏྲཾ
\toc2 ༡ ཏཱིམཐིཡཿ
\toc3 ༡ ཏཱིམཐིཡཿ
\mt1 ༡ ཏཱིམཐིཡཾ པཏྲཾ
\c 1
\p
\v 1 ཨསྨཱཀཾ ཏྲཱཎཀརྟྟུརཱིཤྭརསྱཱསྨཱཀཾ པྲཏྱཱཤཱབྷཱུམེཿ པྲབྷོ ཪྻཱིཤུཁྲཱིཥྚསྱ ཙཱཛྙཱནུསཱརཏོ ཡཱིཤུཁྲཱིཥྚསྱ པྲེརིཏཿ པཽལཿ སྭཀཱིཡཾ སཏྱཾ དྷརྨྨཔུཏྲཾ ཏཱིམཐིཡཾ པྲཏི པཏྲཾ ལིཁཏི།
\p
\v 2 ཨསྨཱཀཾ ཏཱཏ ཨཱིཤྭརོ྅སྨཱཀཾ པྲབྷུ ཪྻཱིཤུཁྲཱིཥྚཤྩ ཏྭཡི ཨནུགྲཧཾ དཡཱཾ ཤཱནྟིཉྩ ཀུཪྻྱཱསྟཱཾ།
\p
\v 3 མཱཀིདནིཡཱདེཤེ མམ གམནཀཱལེ ཏྭམ྄ ཨིཕིཥནགརེ ཏིཥྛན྄ ཨིཏརཤིཀྵཱ ན གྲཧཱིཏཝྱཱ, ཨནནྟེཥཱུཔཱཁྱཱནེཥུ ཝཾཤཱཝལིཥུ ཙ ཡུཥྨཱབྷི རྨནོ ན ནིཝེཤིཏཝྱམ྄
\p
\v 4 ཨིཏི ཀཱཾཤྩིཏ྄ ལོཀཱན྄ ཡད྄ ཨུཔདིཤེརེཏཏ྄ མཡཱདིཥྚོ྅བྷཝཿ, ཡཏཿ སཪྻྭཻརེཏཻ ཪྻིཤྭཱསཡུཀྟེཤྭརཱིཡནིཥྛཱ ན ཛཱཡཏེ ཀིནྟུ ཝིཝཱདོ ཛཱཡཏེ།
\p
\v 5 ཨུཔདེཤསྱ ཏྭབྷིཔྲེཏཾ ཕལཾ ནིརྨྨལཱནྟཿཀརཎེན སཏྶཾཝེདེན ནིཥྐཔཊཝིཤྭཱསེན ཙ ཡུཀྟཾ པྲེམ།
\p
\v 6 ཀེཙིཏ྄ ཛནཱཤྩ སཪྻྭཱཎྱེཏཱནི ཝིཧཱཡ ནིརརྠཀཀཐཱནཱམ྄ ཨནུགམནེན ཝིཔཐགཱམིནོ྅བྷཝན྄,
\p
\v 7 ཡད྄ བྷཱཥནྟེ ཡཙྩ ནིཤྩིནྭནྟི ཏནྣ བུདྷྱམཱནཱ ཝྱཝསྠོཔདེཥྚཱརོ བྷཝིཏུམ྄ ཨིཙྪནྟི།
\p
\v 8 སཱ ཝྱཝསྠཱ ཡདི ཡོགྱརཱུཔེཎ གྲྀཧྱཏེ ཏརྷྱུཏྟམཱ བྷཝཏཱིཏི ཝཡཾ ཛཱནཱིམཿ།
\p
\v 9 ཨཔརཾ སཱ ཝྱཝསྠཱ དྷཱརྨྨིཀསྱ ཝིརུདྡྷཱ ན བྷཝཏི ཀིནྟྭདྷཱརྨྨིཀོ ྅ཝཱདྷྱོ དུཥྚཿ པཱཔིཥྛོ ྅པཝིཏྲོ ྅ཤུཙིཿ པིཏྲྀཧནྟཱ མཱཏྲྀཧནྟཱ ནརཧནྟཱ
\p
\v 10 ཝེཤྱཱགཱམཱི པུཾམཻཐུནཱི མནུཥྱཝིཀྲེཏཱ མིཐྱཱཝཱདཱི མིཐྱཱཤཔཐཀཱརཱི ཙ སཪྻྭེཥཱམེཏེཥཱཾ ཝིརུདྡྷཱ,
\p
\v 11 ཏཐཱ སཙྩིདཱནནྡེཤྭརསྱ ཡོ ཝིབྷཝཡུཀྟཿ སུསཾཝཱདོ མཡི སམརྤིཏསྟདནུཡཱཡིཧིཏོཔདེཤསྱ ཝིཔརཱིཏཾ ཡཏ྄ ཀིཉྩིད྄ བྷཝཏི ཏདྭིརུདྡྷཱ སཱ ཝྱཝསྠེཏི ཏདྒྲཱཧིཎཱ ཛྙཱཏཝྱཾ།
\p
\v 12 མཧྱཾ ཤཀྟིདཱཏཱ ཡོ྅སྨཱཀཾ པྲབྷུཿ ཁྲཱིཥྚཡཱིཤུསྟམཧཾ དྷནྱཾ ཝདཱམི།
\p
\v 13 ཡཏཿ པུརཱ ནིནྡཀ ཨུཔདྲཱཝཱི ཧིཾསཀཤྩ བྷཱུཏྭཱཔྱཧཾ ཏེན ཝིཤྭཱསྱོ ྅མནྱེ པརིཙཱརཀཏྭེ ནྱཡུཛྱེ ཙ། ཏད྄ ཨཝིཤྭཱསཱཙརཎམ྄ ཨཛྙཱནེན མཡཱ ཀྲྀཏམིཏི ཧེཏོརཧཾ ཏེནཱནུཀམྤིཏོ྅བྷཝཾ།
\p
\v 14 ཨཔརཾ ཁྲཱིཥྚེ ཡཱིཤཽ ཝིཤྭཱསཔྲེམབྷྱཱཾ སཧིཏོ྅སྨཏྤྲབྷོརནུགྲཧོ ྅ཏཱིཝ པྲཙུརོ྅བྷཏ྄།
\p
\v 15 པཱཔིནཿ པརིཏྲཱཏུཾ ཁྲཱིཥྚོ ཡཱིཤུ རྫགཏི སམཝཏཱིརྞོ྅བྷཝཏ྄, ཨེཥཱ ཀཐཱ ཝིཤྭཱསནཱིཡཱ སཪྻྭཻ གྲཧཎཱིཡཱ ཙ།
\p
\v 16 ཏེཥཱཾ པཱཔིནཱཾ མདྷྱེ྅ཧཾ པྲཐམ ཨཱསཾ ཀིནྟུ ཡེ མཱནཝཱ ཨནནྟཛཱིཝནཔྲཱཔྟྱརྠཾ ཏསྨིན྄ ཝིཤྭསིཥྱནྟི ཏེཥཱཾ དྲྀཥྚཱནྟེ མཡི པྲཐམེ ཡཱིཤུནཱ ཁྲཱིཥྚེན སྭཀཱིཡཱ ཀྲྀཏྶྣཱ ཙིརསཧིཥྞུཏཱ ཡཏ྄ པྲཀཱཤྱཏེ ཏདརྠམེཝཱཧམ྄ ཨནུཀམྤཱཾ པྲཱཔྟཝཱན྄།
\p
\v 17 ཨནཱདིརཀྵཡོ྅དྲྀཤྱོ རཱཛཱ ཡོ྅དྭིཏཱིཡཿ སཪྻྭཛྙ ཨཱིཤྭརསྟསྱ གཽརཝཾ མཧིམཱ ཙཱནནྟཀཱལཾ ཡཱཝད྄ བྷཱུཡཱཏ྄། ཨཱམེན྄།
\p
\v 18 ཧེ པུཏྲ ཏཱིམཐིཡ ཏྭཡི ཡཱནི བྷཝིཥྱདྭཱཀྱཱནི པུརཱ ཀཐིཏཱནི ཏདནུསཱརཱད྄ ཨཧམ྄ ཨེནམཱདེཤཾ ཏྭཡི སམརྤཡཱམི, ཏསྱཱབྷིཔྲཱཡོ྅ཡཾ ཡཏྟྭཾ ཏཻ ཪྻཱཀྱཻརུཏྟམཡུདྡྷཾ ཀརོཥི
\p
\v 19 ཝིཤྭཱསཾ སཏྶཾཝེདཉྩ དྷཱརཡསི ཙ། ཨནཡོཿ པརིཏྱཱགཱཏ྄ ཀེཥཱཉྩིད྄ ཝིཤྭཱསཏརཱི བྷགྣཱབྷཝཏ྄།
\p
\v 20 ཧུམིནཱཡསིཀནྡརཽ ཏེཥཱཾ ཡཽ དྭཽ ཛནཽ, ཏཽ ཡད྄ དྷརྨྨནིནྡཱཾ པུན རྣ ཀརྟྟུཾ ཤིཀྵེཏེ ཏདརྠཾ མཡཱ ཤཡཏཱནསྱ ཀརེ སམརྤིཏཽ།
\c 2
\p
\v 1 མམ པྲཐམ ཨཱདེཤོ྅ཡཾ, པྲཱརྠནཱཝིནཡནིཝེདནདྷནྱཝཱདཱཿ ཀརྟྟཝྱཱཿ,
\p
\v 2 སཪྻྭེཥཱཾ མཱནཝཱནཱཾ ཀྲྀཏེ ཝིཤེཥཏོ ཝཡཾ ཡཏ྄ ཤཱནྟཏྭེན ནིཪྻྭིརོདྷཏྭེན ཙེཤྩརབྷཀྟིཾ ཝིནཱིཏཏྭཉྩཱཙརནྟཿ ཀཱལཾ ཡཱཔཡཱམསྟདརྠཾ ནྲྀཔཏཱིནཱམ྄ ཨུཙྩཔདསྠཱནཱཉྩ ཀྲྀཏེ ཏེ ཀརྟྟཝྱཱཿ།
\p
\v 3 ཡཏོ྅སྨཱཀཾ ཏཱརཀསྱེཤྭརསྱ སཱཀྵཱཏ྄ ཏདེཝོཏྟམཾ གྲཱཧྱཉྩ བྷཝཏི,
\p
\v 4 ས སཪྻྭེཥཱཾ མཱནཝཱནཱཾ པརིཏྲཱཎཾ སཏྱཛྙཱནཔྲཱཔྟིཉྩེཙྪཏི།
\p
\v 5 ཡཏ ཨེཀོ྅དྭིཏཱིཡ ཨཱིཤྭརོ ཝིདྱཏེ ཀིཉྩེཤྭརེ མཱནཝེཥུ ཙཻཀོ ྅དྭིཏཱིཡོ མདྷྱསྠཿ
\p
\v 6 ས ནརཱཝཏཱརཿ ཁྲཱིཥྚོ ཡཱིཤུ ཪྻིདྱཏེ ཡཿ སཪྻྭེཥཱཾ མུཀྟེ རྨཱུལྱམ྄ ཨཱཏྨདཱནཾ ཀྲྀཏཝཱན྄། ཨེཏེན ཡེན པྲམཱཎེནོཔཡུཀྟེ སམཡེ པྲཀཱཤིཏཝྱཾ,
\p
\v 7 ཏདྒྷོཥཡིཏཱ དཱུཏོ ཝིཤྭཱསེ སཏྱདྷརྨྨེ ཙ བྷིནྣཛཱཏཱིཡཱནཱམ྄ ཨུཔདེཤཀཤྩཱཧཾ ནྱཡཱུཛྱེ, ཨེཏདཧཾ ཁྲཱིཥྚསྱ ནཱམྣཱ ཡཐཱཏཐྱཾ ཝདཱམི ནཱནྲྀཏཾ ཀཐཡཱམི།
\p
\v 8 ཨཏོ མམཱབྷིམཏམིདཾ པུརུཥཻཿ ཀྲོདྷསནྡེཧཽ ཝིནཱ པཝིཏྲཀརཱན྄ ཨུཏྟོལྱ སཪྻྭསྨིན྄ སྠཱནེ པྲཱརྠནཱ ཀྲིཡཏཱཾ།
\p
\v 9 ཏདྭཏ྄ ནཱཪྻྱོ྅པི སལཛྫཱཿ སཾཡཏམནསཤྩ སཏྱོ ཡོགྱམཱཙྪཱདནཾ པརིདདྷཏུ ཀིཉྩ ཀེཤསཾསྐཱརཻཿ ཀཎཀམུཀྟཱབྷི རྨཧཱརྒྷྱཔརིཙྪདཻཤྩཱཏྨབྷཱུཥཎཾ ན ཀུཪྻྭཏྱཿ
\p
\v 10 སྭཱིཀྲྀཏེཤྭརབྷཀྟཱིནཱཾ ཡོཥིཏཱཾ ཡོགྱཻཿ སཏྱརྨྨབྷིཿ སྭབྷཱུཥཎཾ ཀུཪྻྭཏཱཾ།
\p
\v 11 ནཱརཱི སམྤཱུརྞཝིནཱིཏཏྭེན ནིཪྻིརོདྷཾ ཤིཀྵཏཱཾ།
\p
\v 12 ནཱཪྻྱཱཿ ཤིཀྵཱདཱནཾ པུརུཥཱཡཱཛྙཱདཱནཾ ཝཱཧཾ ནཱནུཛཱནཱམི ཏཡཱ ནིཪྻྭིརོेདྷཏྭམ྄ ཨཱཙརིཏཝྱཾ།
\p
\v 13 ཡཏཿ པྲཐམམ྄ ཨཱདམསྟཏཿ པརཾ ཧཝཱཡཱཿ སྲྀཥྚི རྦབྷཱུཝ།
\p
\v 14 ཀིཉྩཱདམ྄ བྷྲཱནྟིཡུཀྟོ ནཱབྷཝཏ྄ ཡོཥིདེཝ བྷྲཱནྟིཡུཀྟཱ བྷཱུཏྭཱཏྱཱཙཱརིཎཱི བབྷཱུཝ།
\p
\v 15 ཏཐཱཔི ནཱརཱིགཎོ ཡདི ཝིཤྭཱསེ པྲེམྣི པཝིཏྲཏཱཡཱཾ སཾཡཏམནསི ཙ ཏིཥྛཏི ཏརྷྱཔཏྱཔྲསཝཝརྟྨནཱ པརིཏྲཱཎཾ པྲཱཔྶྱཏི།
\c 3
\p
\v 1 ཡདི ཀཤྩིད྄ ཨདྷྱཀྵཔདམ྄ ཨཱཀཱངྐྵཏེ ཏརྷི ས ཨུཏྟམཾ ཀརྨྨ ལིཔྶཏ ཨིཏི སཏྱཾ།
\p
\v 2 ཨཏོ྅དྷྱཀྵེཎཱནིནྡིཏེནཻཀསྱཱ ཡོཥིཏོ བྷརྟྲཱ པརིམིཏབྷོགེན སཾཡཏམནསཱ སབྷྱེནཱཏིཐིསེཝཀེན ཤིཀྵཎེ ནིཔུཎེན
\p
\v 3 ན མདྱཔེན ན པྲཧཱརཀེཎ ཀིནྟུ མྲྀདུབྷཱཝེན ནིཪྻྭིཝཱདེན ནིརློབྷེན
\p
\v 4 སྭཔརིཝཱརཱཎཱམ྄ ཨུཏྟམཤཱསཀེན པཱུརྞཝིནཱིཏཏྭཱད྄ ཝཤྱཱནཱཾ སནྟཱནཱནཱཾ ནིཡནྟྲཱ ཙ བྷཝིཏཝྱཾ།
\p
\v 5 ཡཏ ཨཱཏྨཔརིཝཱརཱན྄ ཤཱསིཏུཾ ཡོ ན ཤཀྣོཏི ཏེནེཤྭརསྱ སམིཏེསྟཏྟྭཱཝདྷཱརཎཾ ཀཐཾ ཀཱརིཥྱཏེ?
\p
\v 6 ཨཔརཾ ས གཪྻྭིཏོ བྷཱུཏྭཱ ཡཏ྄ ཤཡཏཱན ཨིཝ དཎྜཡོགྱོ ན བྷཝེཏ྄ ཏདརྠཾ ཏེན ནཝཤིཥྱེཎ ན བྷཝིཏཝྱཾ།
\p
\v 7 ཡཙྩ ནིནྡཱཡཱཾ ཤཡཏཱནསྱ ཛཱལེ ཙ ན པཏེཏ྄ ཏདརྠཾ ཏེན བཧིཿསྠལོཀཱནཱམཔི མདྷྱེ སུཁྱཱཏིཡུཀྟེན བྷཝིཏཝྱཾ།
\p
\v 8 ཏདྭཏ྄ པརིཙཱརཀཻརཔི ཝིནཱིཏཻ རྡྭིཝིདྷཝཱཀྱརཧིཏཻ རྦཧུམདྱཔཱནེ ྅ནཱསཀྟཻ རྣིརློབྷཻཤྩ བྷཝིཏཝྱཾ,
\p
\v 9 ནིརྨྨལསཾཝེདེན ཙ ཝིཤྭཱསསྱ ནིགཱུཌྷཝཱཀྱཾ དྷཱཏིཝྱཉྩ།
\p
\v 10 ཨགྲེ ཏེཥཱཾ པརཱིཀྵཱ ཀྲིཡཏཱཾ ཏཏཿ པརམ྄ ཨནིནྡིཏཱ བྷཱུཏྭཱ ཏེ པརིཙཪྻྱཱཾ ཀུཪྻྭནྟུ།
\p
\v 11 ཨཔརཾ ཡོཥིདྦྷིརཔི ཝིནཱིཏཱབྷིརནཔཝཱདིཀཱབྷིཿ སཏརྐཱབྷིཿ སཪྻྭཏྲ ཝིཤྭཱསྱཱབྷིཤྩ བྷཝིཏཝྱཾ།
\p
\v 12 པརིཙཱརཀཱ ཨེཀཻཀཡོཥིཏོ བྷརྟྟཱརོ བྷཝེཡུཿ, ནིཛསནྟཱནཱནཱཾ པརིཛནཱནཱཉྩ སུཤཱསནཾ ཀུཪྻྱུཤྩ།
\p
\v 13 ཡཏཿ སཱ པརིཙཪྻྱཱ ཡཻ རྦྷདྲརཱུཔེཎ སཱདྷྱཏེ ཏེ ཤྲེཥྛཔདཾ པྲཱཔྣུཝནྟི ཁྲཱིཥྚེ ཡཱིཤཽ ཝིཤྭཱསེན མཧོཏྶུཀཱ བྷཝནྟི ཙ།
\p
\v 14 ཏྭཱཾ པྲཏྱེཏཏྤཏྲལེཁནསམཡེ ཤཱིགྷྲཾ ཏྭཏྶམཱིཔགམནསྱ པྲཏྱཱཤཱ མམ ཝིདྱཏེ།
\p
\v 15 ཡདི ཝཱ ཝིལམྦེཡ ཏརྷཱིཤྭརསྱ གྲྀཧེ ྅རྠཏཿ སཏྱདྷརྨྨསྱ སྟམྦྷབྷིཏྟིམཱུལསྭརཱུཔཱཡཱམ྄ ཨམརེཤྭརསྱ སམིཏཽ ཏྭཡཱ ཀཱིདྲྀཤ ཨཱཙཱརཿ ཀརྟྟཝྱསྟཏ྄ ཛྙཱཏུཾ ཤཀྵྱཏེ།
\p
\v 16 ཨཔརཾ ཡསྱ མཧཏྟྭཾ སཪྻྭསྭཱིཀྲྀཏམ྄ ཨཱིཤྭརབྷཀྟེསྟཏ྄ ནིགཱུཌྷཝཱཀྱམིདམ྄ ཨཱིཤྭརོ མཱནཝདེཧེ པྲཀཱཤིཏ ཨཱཏྨནཱ སཔུཎྱཱིཀྲྀཏོ དཱུཏཻཿ སནྡྲྀཥྚཿ སཪྻྭཛཱཏཱིཡཱནཱཾ ནིཀཊེ གྷོཥིཏོ ཛགཏོ ཝིཤྭཱསཔཱཏྲཱིབྷཱུཏསྟེཛཿཔྲཱཔྟཡེ སྭརྒཾ ནཱིཏཤྩེཏི།
\c 4
\p
\v 1 པཝིཏྲ ཨཱཏྨཱ སྤཥྚམ྄ ཨིདཾ ཝཱཀྱཾ ཝདཏི ཙརམཀཱལེ ཀཏིཔཡལོཀཱ ཝཧྣིནཱངྐིཏཏྭཱཏ྄
\p
\v 2 ཀཋོརམནསཱཾ ཀཱཔཊྱཱད྄ ཨནྲྀཏཝཱདིནཱཾ ཝིཝཱཧནིཥེདྷཀཱནཱཾ བྷཀྵྱཝིཤེཥནིཥེདྷཀཱནཱཉྩ
\p
\v 3 བྷཱུཏསྭརཱུཔཱཎཱཾ ཤིཀྵཱཡཱཾ བྷྲམཀཱཏྨནཱཾ ཝཱཀྱེཥུ ཙ མནཱཾསི ནིཝེཤྱ དྷརྨྨཱད྄ བྷྲཾཤིཥྱནྟེ། ཏཱནི ཏུ བྷཀྵྱཱཎི ཝིཤྭཱསིནཱཾ སྭཱིཀྲྀཏསཏྱདྷརྨྨཱཎཱཉྩ དྷནྱཝཱདསཧིཏཱཡ བྷོགཱཡེཤྭརེཎ སསྲྀཛིརེ།
\p
\v 4 ཡཏ ཨཱིཤྭརེཎ ཡདྱཏ྄ སྲྀཥྚཾ ཏཏ྄ སཪྻྭམ྄ ཨུཏྟམཾ ཡདི ཙ དྷནྱཝཱདེན བྷུཛྱཏེ ཏརྷི ཏསྱ ཀིམཔི ནཱགྲཱཧྱཾ བྷཝཏི,
\p
\v 5 ཡཏ ཨཱིཤྭརསྱ ཝཱཀྱེན པྲཱརྠནཡཱ ཙ ཏཏ྄ པཝིཏྲཱིབྷཝཏི།
\p
\v 6 ཨེཏཱནི ཝཱཀྱཱནི ཡདི ཏྭཾ བྷྲཱཏྲྀན྄ ཛྙཱཔཡེསྟརྷི ཡཱིཤུཁྲཱིཥྚསྱོཏྟམ྄ཿ པརིཙཱརཀོ བྷཝིཥྱསི ཡོ ཝིཤྭཱསོ ཧིཏོཔདེཤཤྩ ཏྭཡཱ གྲྀཧཱིཏསྟདཱིཡཝཱཀྱཻརཱཔྱཱཡིཥྱསེ ཙ།
\p
\v 7 ཡཱནྱུཔཱཁྱཱནཱནི དུརྦྷཱཝཱནི ཝྲྀདྡྷཡོཥིཏཱམེཝ ཡོགྱཱནི ཙ ཏཱནི ཏྭཡཱ ཝིསྲྀཛྱནྟཱམ྄ ཨཱིཤྭརབྷཀྟཡེ ཡཏྣཿ ཀྲིཡཏཱཉྩ།
\p
\v 8 ཡཏཿ ཤཱརཱིརིཀོ ཡཏྣཿ སྭལྤཕལདོ བྷཝཏི ཀིནྟྭཱིཤྭརབྷཀྟིརཻཧིཀཔཱརཏྲིཀཛཱིཝནཡོཿ པྲཏིཛྙཱཡུཀྟཱ སཏཱི སཪྻྭཏྲ ཕལདཱ བྷཝཏི།
\p
\v 9 ཝཱཀྱམེཏད྄ ཝིཤྭསནཱིཡཾ སཪྻྭཻ རྒྲཧཎཱིཡཉྩ ཝཡཉྩ ཏདརྠམེཝ ཤྲཱམྱཱམོ ནིནྡཱཾ བྷུཾཛྨཧེ ཙ།
\p
\v 10 ཡཏོ ཧེཏོཿ སཪྻྭམཱནཝཱནཱཾ ཝིཤེཥཏོ ཝིཤྭཱསིནཱཾ ཏྲཱཏཱ ཡོ྅མར ཨཱིཤྭརསྟསྨིན྄ ཝཡཾ ཝིཤྭསཱམཿ།
\p
\v 11 ཏྭམ྄ ཨེཏཱནི ཝཱཀྱཱནི པྲཙཱརཡ སམུཔདིཤ ཙ།
\p
\v 12 ཨལྤཝཡཥྐཏྭཱཏ྄ ཀེནཱཔྱཝཛྙེཡོ ན བྷཝ ཀིནྟྭཱལཱཔེནཱཙརཎེན པྲེམྣཱ སདཱཏྨཏྭེན ཝིཤྭཱསེན ཤུཙིཏྭེན ཙ ཝིཤྭཱསིནཱམ྄ ཨཱདརྴོ བྷཝ།
\p
\v 13 ཡཱཝནྣཱཧམ྄ ཨཱགམིཥྱཱམི ཏཱཝཏ྄ ཏྭ པཱཋེ ཙེཏཡནེ ཨུཔདེཤེ ཙ མནོ ནིདྷཏྶྭ།
\p
\v 14 པྲཱཙཱིནགཎཧསྟཱརྤཎསཧིཏེན བྷཝིཥྱདྭཱཀྱེན ཡདྡཱནཾ ཏུབྷྱཾ ཝིཤྲཱཎིཏཾ ཏཝཱནྟཿསྠེ ཏསྨིན྄ དཱནེ ཤིཐིལམནཱ མཱ བྷཝ།
\p
\v 15 ཨེཏེཥུ མནོ ནིཝེཤཡ, ཨེཏེཥུ ཝརྟྟསྭ, ཨིཏྠཉྩ སཪྻྭཝིཥཡེ ཏཝ གུཎཝྲྀདྡྷིཿ པྲཀཱཤཏཱཾ།
\p
\v 16 སྭསྨིན྄ ཨུཔདེཤེ ཙ སཱཝདྷཱནོ བྷཱུཏྭཱཝཏིཥྛསྭ ཏཏ྄ ཀྲྀཏྭཱ ཏྭཡཱཏྨཔརིཏྲཱཎཾ ཤྲོཏྲྀཎཱཉྩ པརིཏྲཱཎཾ སཱདྷཡིཥྱཏེ།
\c 5
\p
\v 1 ཏྭཾ པྲཱཙཱིནཾ ན བྷརྟྶཡ ཀིནྟུ ཏཾ པིཏརམིཝ ཡཱུནཤྩ བྷྲཱཏྲྀནིཝ
\p
\v 2 ཝྲྀདྡྷཱཿ སྟྲིཡཤྩ མཱཏྲྀནིཝ ཡུཝཏཱིཤྩ པཱུརྞཤུཙིཏྭེན བྷགིནཱིརིཝ ཝིནཡསྭ།
\p
\v 3 ཨཔརཾ སཏྱཝིདྷཝཱཿ སམྨནྱསྭ།
\p
\v 4 ཀསྱཱཤྩིད྄ ཝིདྷཝཱཡཱ ཡདི པུཏྲཱཿ པཽཏྲཱ ཝཱ ཝིདྱནྟེ ཏརྷི ཏེ པྲཐམཏཿ སྭཱིཡཔརིཛནཱན྄ སེཝིཏུཾ པིཏྲོཿ པྲཏྱུཔཀརྟྟུཉྩ ཤིཀྵནྟཱཾ ཡཏསྟདེཝེཤྭརསྱ སཱཀྵཱད྄ ཨུཏྟམཾ གྲཱཧྱཉྩ ཀརྨྨ།
\p
\v 5 ཨཔརཾ ཡཱ ནཱརཱི སཏྱཝིདྷཝཱ ནཱཐཧཱིནཱ ཙཱསྟི སཱ ཨཱིཤྭརསྱཱཤྲཡེ ཏིཥྛནྟཱི དིཝཱནིཤཾ ནིཝེདནཔྲཱརྠནཱབྷྱཱཾ ཀཱལཾ ཡཱཔཡཏི།
\p
\v 6 ཀིནྟུ ཡཱ ཝིདྷཝཱ སུཁབྷོགཱསཀྟཱ སཱ ཛཱིཝཏྱཔི མྲྀཏཱ བྷཝཏི།
\p
\v 7 ཨཏཨེཝ ཏཱ ཡད྄ ཨནིནྡིཏཱ བྷཝེཡཱུསྟདརྠམ྄ ཨེཏཱནི ཏྭཡཱ ནིདིཤྱནྟཱཾ།
\p
\v 8 ཡདི ཀཤྩིཏ྄ སྭཛཱཏཱིཡཱན྄ ལོཀཱན྄ ཝིཤེཥཏཿ སྭཱིཡཔརིཛནཱན྄ ན པཱལཡཏི ཏརྷི ས ཝིཤྭཱསཱད྄ བྷྲཥྚོ ྅པྱདྷམཤྩ བྷཝཏི།
\p
\v 9 ཝིདྷཝཱཝརྒེ ཡསྱཱ གཎནཱ བྷཝཏི ཏཡཱ ཥཥྚིཝཏྶརེབྷྱོ ནྱཱུནཝཡསྐཡཱ ན བྷཝིཏཝྱཾ; ཨཔརཾ པཱུཪྻྭམ྄ ཨེཀསྭཱམིཀཱ བྷཱུཏྭཱ
\p
\v 10 སཱ ཡཏ྄ ཤིཤུཔོཥཎེནཱཏིཐིསེཝནེན པཝིཏྲལོཀཱནཱཾ ཙརཎཔྲཀྵཱལནེན ཀླིཥྚཱནཱམ྄ ཨུཔཀཱརེཎ སཪྻྭཝིདྷསཏྐརྨྨཱཙརཎེན ཙ སཏྐརྨྨཀརཎཱཏ྄ སུཁྱཱཏིཔྲཱཔྟཱ བྷཝེཏ྄ ཏདཔྱཱཝཤྱཀཾ།
\p
\v 11 ཀིནྟུ ཡུཝཏཱི ཪྻིདྷཝཱ ན གྲྀཧཱཎ ཡཏཿ ཁྲཱིཥྚསྱ ཝཻཔརཱིཏྱེན ཏཱསཱཾ དརྤེ ཛཱཏེ ཏཱ ཝིཝཱཧམ྄ ཨིཙྪནྟི།
\p
\v 12 ཏསྨཱཙྩ པཱུཪྻྭདྷརྨྨཾ པརིཏྱཛྱ དཎྜནཱིཡཱ བྷཝནྟི།
\p
\v 13 ཨནནྟརཾ ཏཱ གྲྀཧཱད྄ གྲྀཧཾ པཪྻྱཊནྟྱ ཨཱལསྱཾ ཤིཀྵནྟེ ཀེཝལམཱལསྱཾ ནཧི ཀིནྟྭནརྠཀཱལཱཔཾ པརཱདྷིཀཱརཙརྩྩཱཉྩཱཔི ཤིཀྵམཱཎཱ ཨནུཙིཏཱནི ཝཱཀྱཱནི བྷཱཥནྟེ།
\p
\v 14 ཨཏོ མམེཙྪེཡཾ ཡུཝཏྱོ ཝིདྷཝཱ ཝིཝཱཧཾ ཀུཪྻྭཏཱམ྄ ཨཔཏྱཝཏྱོ བྷཝནྟུ གྲྀཧཀརྨྨ ཀུཪྻྭཏཱཉྩེཏྠཾ ཝིཔཀྵཱཡ ཀིམཔི ནིནྡཱདྭཱརཾ ན དདཏུ།
\p
\v 15 ཡཏ ཨིཏཿ པཱུཪྻྭམ྄ ཨཔི ཀཱཤྩིཏ྄ ཤཡཏཱནསྱ པཤྩཱདྒཱམིནྱོ ཛཱཏཱཿ།
\p
\v 16 ཨཔརཾ ཝིཤྭཱསིནྱཱ ཝིཤྭཱསིནོ ཝཱ ཀསྱཱཔི པརིཝཱརཱཎཱཾ མདྷྱེ ཡདི ཝིདྷཝཱ ཝིདྱནྟེ ཏརྷི ས ཏཱཿ པྲཏིཔཱལཡཏུ ཏསྨཱཏ྄ སམིཏཽ བྷཱརེ ྅ནཱརོཔིཏེ སཏྱཝིདྷཝཱནཱཾ པྲཏིཔཱལནཾ ཀརྟྟུཾ ཏཡཱ ཤཀྱཏེ།
\p
\v 17 ཡེ པྲཱཉྩཿ སམིཏིཾ སམྱག྄ ཨདྷིཏིཥྛནྟི ཝིཤེཥཏ ཨཱིཤྭརཝཱཀྱེནོཔདེཤེན ཙ ཡེ ཡཏྣཾ ཝིདདྷཏེ ཏེ དྭིགུཎསྱཱདརསྱ ཡོགྱཱ མཱནྱནྟཱཾ།
\p
\v 18 ཡསྨཱཏ྄ ཤཱསྟྲེ ལིཁིཏམིདམཱསྟེ, ཏྭཾ ཤསྱམརྡྡཀཝྲྀཥསྱཱསྱཾ མཱ བདྷཱནེཏི, ཨཔརམཔི ཀཱཪྻྱཀྲྀད྄ ཝེཏནསྱ ཡོགྱོ བྷཝཏཱིཏི།
\p
\v 19 དྭཽ ཏྲཱིན྄ ཝཱ སཱཀྵིཎོ ཝིནཱ ཀསྱཱཙིཏ྄ པྲཱཙཱིནསྱ ཝིརུདྡྷམ྄ ཨབྷིཡོགསྟྭཡཱ ན གྲྀཧྱཏཱཾ།
\p
\v 20 ཨཔརཾ ཡེ པཱཔམཱཙརནྟི ཏཱན྄ སཪྻྭེཥཱཾ སམཀྵཾ བྷརྟྶཡསྭ ཏེནཱཔརེཥཱམཔི བྷཱིཏི རྫནིཥྱཏེ།
\p
\v 21 ཨཧམ྄ ཨཱིཤྭརསྱ པྲབྷོ ཪྻཱིཤུཁྲཱིཥྚསྱ མནོནཱིཏདིཝྱདཱུཏཱནཱཉྩ གོཙརེ ཏྭཱམ྄ ཨིདམ྄ ཨཱཛྙཱཔཡཱམི ཏྭཾ ཀསྱཱཔྱནུརོདྷེན ཀིམཔི ན ཀུཪྻྭན ཝིནཱཔཀྵཔཱཏམ྄ ཨེཏཱན ཝིདྷཱིན྄ པཱལཡ།
\p
\v 22 ཀསྱཱཔི མཱུརྡྡྷི ཧསྟཱཔརྞཾ ཏྭརཡཱ མཱཀཱརྵཱིཿ། པརཔཱཔཱནཱཉྩཱཾཤཱི མཱ བྷཝ། སྭཾ ཤུཙིཾ རཀྵ།
\p
\v 23 ཨཔརཾ ཏཝོདརཔཱིཌཱཡཱཿ པུནཿ པུན དུརྦྦལཏཱཡཱཤྩ ནིམིཏྟཾ ཀེཝལཾ ཏོཡཾ ན པིཝན྄ ཀིཉྩིན྄ མདྱཾ པིཝ།
\p
\v 24 ཀེཥཱཉྩིཏ྄ མཱནཝཱནཱཾ པཱཔཱནི ཝིཙཱརཱཏ྄ པཱུཪྻྭཾ ཀེཥཱཉྩིཏ྄ པཤྩཱཏ྄ པྲཀཱཤནྟེ།
\p
\v 25 ཏཐཻཝ སཏྐརྨྨཱཎྱཔི པྲཀཱཤནྟེ ཏདནྱཐཱ སཏི པྲཙྪནྣཱནི སྠཱཏུཾ ན ཤཀྣུཝནྟི།
\c 6
\p
\v 1 ཡཱཝནྟོ ལོཀཱ ཡུགདྷཱརིཎོ དཱསཱཿ སནྟི ཏེ སྭསྭསྭཱམིནཾ པཱུརྞསམཱདརཡོགྱཾ མནྱནྟཱཾ ནོ ཙེད྄ ཨཱིཤྭརསྱ ནཱམྣ ཨུཔདེཤསྱ ཙ ནིནྡཱ སམྦྷཝིཥྱཏི།
\p
\v 2 ཡེཥཱཉྩ སྭཱམིནོ ཝིཤྭཱསིནཿ བྷཝནྟི ཏཻསྟེ བྷྲཱཏྲྀཏྭཱཏ྄ ནཱཝཛྙེཡཱཿ ཀིནྟུ ཏེ ཀརྨྨཕལབྷོགིནོ ཝིཤྭཱསིནཿ པྲིཡཱཤྩ བྷཝནྟཱིཏི ཧེཏོཿ སེཝནཱིཡཱ ཨེཝ, ཏྭམ྄ ཨེཏཱནི ཤིཀྵཡ སམུཔདིཤ ཙ།
\p
\v 3 ཡཿ ཀཤྩིད྄ ཨིཏརཤིཀྵཱཾ ཀརོཏི, ཨསྨཱཀཾ པྲབྷོ ཪྻཱིཤུཁྲཱིཥྚསྱ ཧིཏཝཱཀྱཱནཱིཤྭརབྷཀྟེ ཪྻོགྱཱཾ ཤིཀྵཱཉྩ ན སྭཱིཀརོཏི
\p
\v 4 ས དརྤདྷྨཱཏཿ སཪྻྭཐཱ ཛྙཱནཧཱིནཤྩ ཝིཝཱདཻ ཪྻཱགྱུདྡྷཻཤྩ རོགཡུཀྟཤྩ བྷཝཏི།
\p
\v 5 ཏཱདྲྀཤཱད྄ བྷཱཝཱད྄ ཨཱིརྵྱཱཝིརོདྷཱཔཝཱདདུཥྚཱསཱུཡཱ བྷྲཥྚམནསཱཾ སཏྱཛྙཱནཧཱིནཱནཱམ྄ ཨཱིཤྭརབྷཀྟིཾ ལཱབྷོཔཱཡམ྄ ཨིཝ མནྱམཱནཱནཱཾ ལོཀཱནཱཾ ཝིཝཱདཱཤྩ ཛཱཡནྟེ ཏཱདྲྀཤེབྷྱོ ལོཀེབྷྱསྟྭཾ པྲྀཐཀ྄ ཏིཥྛ།
\p
\v 6 སཾཡཏེཙྪཡཱ ཡུཀྟཱ ཡེཤྭརབྷཀྟིཿ སཱ མཧཱལཱབྷོཔཱཡོ བྷཝཏཱིཏི སཏྱཾ།
\p
\v 7 ཨེཏཛྫགཏྤྲཝེཤནཀཱལེ྅སྨཱབྷིཿ ཀིམཔི ནཱནཱཡི ཏཏྟཡཛནཀཱལེ྅པི ཀིམཔི ནེཏུཾ ན ཤཀྵྱཏ ཨིཏི ནིཤྩིཏཾ།
\p
\v 8 ཨཏཨེཝ ཁཱདྱཱནྱཱཙྪཱདནཱནི ཙ པྲཱཔྱཱསྨཱབྷིཿ སནྟུཥྚཻ རྦྷཝིཏཝྱཾ།
\p
\v 9 ཡེ ཏུ དྷནིནོ བྷཝིཏུཾ ཙེཥྚནྟེ ཏེ པརཱིཀྵཱཡཱམ྄ ཨུནྨཱཐེ པཏནྟི ཡེ ཙཱབྷིལཱཥཱ མཱནཝཱན྄ ཝིནཱཤེ ནརཀེ ཙ མཛྫཡནྟི ཏཱདྲྀཤེཥྭཛྙཱནཱཧིཏཱབྷིལཱཥེཥྭཔི པཏནྟི།
\p
\v 10 ཡཏོ྅རྠསྤྲྀཧཱ སཪྻྭེཥཱཾ དུརིཏཱནཱཾ མཱུལཾ བྷཝཏི ཏཱམཝལམྦྱ ཀེཙིད྄ ཝིཤྭཱསཱད྄ ཨབྷྲཾཤནྟ ནཱནཱཀླེཤཻཤྩ སྭཱན྄ ཨཝིདྷྱན྄།
\p
\v 11 ཧེ ཨཱིཤྭརསྱ ལོཀ ཏྭམ྄ ཨེཏེབྷྱཿ པལཱཡྻ དྷརྨྨ ཨཱིཤྭརབྷཀྟི ཪྻིཤྭཱསཿ པྲེམ སཧིཥྞུཏཱ ཀྵཱནྟིཤྩཻཏཱནྱཱཙར།
\p
\v 12 ཝིཤྭཱསརཱུཔམ྄ ཨུཏྟམཡུདྡྷཾ ཀུརུ, ཨནནྟཛཱིཝནམ྄ ཨཱལམྦསྭ ཡཏསྟདརྠཾ ཏྭམ྄ ཨཱཧཱུཏོ ྅བྷཝཿ, བཧུསཱཀྵིཎཱཾ སམཀྵཉྩོཏྟམཱཾ པྲཏིཛྙཱཾ སྭཱིཀྲྀཏཝཱན྄།
\p
\v 13 ཨཔརཾ སཪྻྭེཥཱཾ ཛཱིཝཡིཏུརཱིཤྭརསྱ སཱཀྵཱད྄ ཡཤྩ ཁྲཱིཥྚོ ཡཱིཤུཿ པནྟཱིཡཔཱིལཱཏསྱ སམཀྵམ྄ ཨུཏྟམཱཾ པྲཏིཛྙཱཾ སྭཱིཀྲྀཏཝཱན྄ ཏསྱ སཱཀྵཱད྄ ཨཧཾ ཏྭཱམ྄ ཨིདམ྄ ཨཱཛྙཱཔཡཱམི།
\p
\v 14 ཨཱིཤྭརེཎ སྭསམཡེ པྲཀཱཤིཏཝྱམ྄ ཨསྨཱཀཾ པྲབྷོ ཪྻཱིཤུཁྲཱིཥྚསྱཱགམནཾ ཡཱཝཏ྄ ཏྭཡཱ ནིཥྐལངྐཏྭེན ནིརྡྡོཥཏྭེན ཙ ཝིདྷཱི རཀྵྱཏཱཾ།
\p
\v 15 ས ཨཱིཤྭརཿ སཙྩིདཱནནྡཿ, ཨདྭིཏཱིཡསམྲཱཊ྄, རཱཛྙཱཾ རཱཛཱ, པྲབྷཱུནཱཾ པྲབྷུཿ,
\p
\v 16 ཨམརཏཱཡཱ ཨདྭིཏཱིཡ ཨཱཀརཿ, ཨགམྱཏེཛོནིཝཱསཱི, མརྟྟྱཱནཱཾ ཀེནཱཔི ན དྲྀཥྚཿ ཀེནཱཔི ན དྲྀཤྱཤྩ། ཏསྱ གཽརཝཔརཱཀྲམཽ སདཱཏནཽ བྷཱུཡཱསྟཱཾ། ཨཱམེན྄།
\p
\v 17 ཨིཧལོཀེ ཡེ དྷནིནསྟེ ཙིཏྟསམུནྣཏིཾ ཙཔལེ དྷནེ ཝིཤྭཱསཉྩ ན ཀུཪྻྭཏཱཾ ཀིནྟུ བྷོགཱརྠམ྄ ཨསྨབྷྱཾ པྲཙུརཏྭེན སཪྻྭདཱཏཱ
\p
\v 18 ཡོ྅མར ཨཱིཤྭརསྟསྨིན྄ ཝིཤྭསནྟུ སདཱཙཱརཾ ཀུཪྻྭནྟུ སཏྐརྨྨདྷནེན དྷནིནོ སུཀལཱ དཱཏཱརཤྩ བྷཝནྟུ,
\p
\v 19 ཡཐཱ ཙ སཏྱཾ ཛཱིཝནཾ པཱཔྣུཡུསྟཐཱ པཱརཏྲིཀཱམ྄ ཨུཏྟམསམྤདཾ སཉྩིནྭནྟྭེཏི ཏྭཡཱདིཤྱནྟཱཾ།
\p
\v 20 ཧེ ཏཱིམཐིཡ, ཏྭམ྄ ཨུཔནིདྷིཾ གོཔཡ ཀཱལྤནིཀཝིདྱཱཡཱ ཨཔཝིཏྲཾ པྲལཱཔཾ ཝིརོདྷོཀྟིཉྩ ཏྱཛ ཙ,
\p
\v 21 ཡཏཿ ཀཏིཔཡཱ ལོཀཱསྟཱཾ ཝིདྱཱམཝལམྦྱ ཝིཤྭཱསཱད྄ བྷྲཥྚཱ ཨབྷཝན། པྲསཱདསྟཝ སཧཱཡོ བྷཱུཡཱཏ྄། ཨཱམེན྄།