\id 2PE Sanskrit Bible (NT) in Sinhala Script (සත්‍යවේදඃ।)
\ide UTF-8
\rem © SanskritBible.in । Licensed under CC BY-SA 4.0
\h 2 Peter
\toc1 2 පිතරස්‍ය පත්‍රං
\toc2 2 පිතරඃ
\toc3 2 පිතරඃ
\mt1 2 පිතරස්‍ය පත්‍රං
\c 1
\p
\v 1 යේ ජනා අස්මාභිඃ සාර්ද්ධම් අස්තදීශ්වරේ ත්‍රාතරි යීශුඛ්‍රීෂ්ටේ ච පුණ්‍යසම්බලිතවිශ්වාසධනස්‍ය සමානාංශිත්වං ප්‍රාප්තාස්තාන් ප්‍රති යීශුඛ්‍රීෂ්ටස්‍ය දාසඃ ප්‍රේරිතශ්ච ශිමෝන් පිතරඃ පත්‍රං ලිඛති|
\p
\v 2 ඊශ්වරස්‍යාස්මාකං ප්‍රභෝ ර‍්‍යීශෝශ්ච තත්වඥානේන යුෂ්මාස්වනුග්‍රහශාන්ත්‍යෝ ර්බාහුල්‍යං වර්ත්තතාං|
\p
\v 3 ජීවනාර්ථම් ඊශ්වරභක්ත්‍යර්ථඤ්ච යද්‍යද් ආවශ්‍යකං තත් සර්ව්වං ගෞරවසද්ගුණාභ්‍යාම් අස්මදාහ්වානකාරිණස්තත්ත්වඥානද්වාරා තස්‍යේශ්වරීයශක්තිරස්මභ්‍යං දත්තවතී|
\p
\v 4 තත්සර්ව්වේණ චාස්මභ්‍යං තාදෘශා බහුමූල්‍යා මහාප්‍රතිඥා දත්තා යාභි ර‍්‍යූයං සංසාරව්‍යාප්තාත් කුත්සිතාභිලාෂමූලාත් සර්ව්වනාශාද් රක්‍ෂාං ප්‍රාප්‍යේශ්වරීයස්වභාවස්‍යාංශිනෝ භවිතුං ශක්නුථ|
\p
\v 5 තතෝ හේතෝ ර‍්‍යූයං සම්පූර්ණං යත්නං විධාය විශ්වාසේ සෞජන්‍යං සෞජන්‍යේ ඥානං
\p
\v 6 ඥාන ආයතේන්ද්‍රියතාම් ආයතේන්ද්‍රියතායාං ධෛර‍්‍ය්‍යං ධෛර‍්‍ය්‍ය ඊශ්වරභක්තිම්
\p
\v 7 ඊශ්වරභක්තෞ භ්‍රාතෘස්නේහේ ච ප්‍රේම යුඞ්ක්ත|
\p
\v 8 ඒතානි යදි යුෂ්මාසු විද්‍යන්තේे වර්ද්ධන්තේ ච තර්හ්‍යස්මත්ප්‍රභෝ ර‍්‍යීශුඛ්‍රීෂ්ටස්‍ය තත්ත්වඥානේ යුෂ්මාන් අලසාන් නිෂ්ඵලාංශ්ච න ස්ථාපයිෂ්‍යන්ති|
\p
\v 9 කින්ත්වේතානි යස්‍ය න විද්‍යන්තේ සෝ (අ)න්ධෝ මුද්‍රිතලෝචනඃ ස්වකීයපූර්ව්වපාපානාං මාර්ජ්ජනස්‍ය විස්මෘතිං ගතශ්ච|
\p
\v 10 තස්මාද් හේ භ්‍රාතරඃ, යූයං ස්වකීයාහ්වානවරණයෝ ර්දෘඪකරණේ බහු යතධ්වං, තත් කෘත්වා කදාච න ස්ඛලිෂ්‍යථ|
\p
\v 11 යතෝ (අ)නේන ප්‍රකාරේණාස්මාකං ප්‍රභෝස්ත්‍රාතෘ ර‍්‍යීශුඛ්‍රීෂ්ටස්‍යානන්තරාජ්‍යස්‍ය ප්‍රවේශේන යූයං සුකලේන යෝජයිෂ්‍යධ්වේ|
\p
\v 12 යද්‍යපි යූයම් ඒතත් සර්ව්වං ජානීථ වර්ත්තමානේ සත්‍යමතේ සුස්ථිරා භවථ ච තථාපි යුෂ්මාන් සර්ව්වදා තත් ස්මාරයිතුම් අහම් අයත්නවාන් න භවිෂ්‍යාමි|
\p
\v 13 යාවද් ඒතස්මින් දූෂ්‍යේ තිෂ්ඨාමි තාවද් යුෂ්මාන් ස්මාරයන් ප්‍රබෝධයිතුං විහිතං මන්‍යේ|
\p
\v 14 යතෝ (අ)ස්මාකං ප්‍රභු ර‍්‍යීශුඛ්‍රීෂ්ටෝ මාං යත් ඥාපිතවාන් තදනුසාරාද් දූෂ්‍යමේතත් මයා ශීඝ්‍රං ත්‍යක්තව්‍යම් ඉති ජානාමි|
\p
\v 15 මම පරලෝකගමනාත් පරමපි යූයං යදේතානි ස්මර්ත්තුං ශක්‍ෂ්‍යථ තස්මින් සර්ව්වථා යතිෂ්‍යේ|
\p
\v 16 යතෝ (අ)ස්මාකං ප්‍රභෝ ර‍්‍යීශුඛ්‍රීෂ්ටස්‍ය පරාක්‍රමං පුනරාගමනඤ්ච යුෂ්මාන් ඥාපයන්තෝ වයං කල්පිතාන්‍යුපාඛ්‍යානාන්‍යන්වගච්ඡාමේති නහි කින්තු තස්‍ය මහිම්නඃ ප්‍රත්‍යක්‍ෂසාක්‍ෂිණෝ භූත්වා භාෂිතවන්තඃ|
\p
\v 17 යතඃ ස පිතුරීශ්වරාද් ගෞරවං ප්‍රශංසාඤ්ච ප්‍රාප්තවාන් විශේෂතෝ මහිමයුක්තතේජෝමධ්‍යාද් ඒතාදෘශී වාණී තං ප්‍රති නිර්ගතවතී, යථා, ඒෂ මම ප්‍රියපුත්‍ර ඒතස්මින් මම පරමසන්තෝෂඃ|
\p
\v 18 ස්වර්ගාත් නිර්ගතේයං වාණී පවිත්‍රපර්ව්වතේ තේන සාර්ද්ධං විද්‍යමානෛරස්මාභිරශ්‍රාවි|
\p
\v 19 අපරම් අස්මත්සමීපේ දෘඪතරං භවිෂ්‍යද්වාක්‍යං විද්‍යතේ යූයඤ්ච යදි දිනාරම්භං යුෂ්මන්මනඃසු ප්‍රභාතීයනක්‍ෂත්‍රස්‍යෝදයඤ්ච යාවත් තිමිරමයේ ස්ථානේ ජ්වලන්තං ප්‍රදීපමිව තද් වාක්‍යං සම්මන්‍යධ්වේ තර්හි භද්‍රං කරිෂ්‍යථ|
\p
\v 20 ශාස්ත්‍රීයං කිමපි භවිෂ්‍යද්වාක්‍යං මනුෂ්‍යස්‍ය ස්වකීයභාවබෝධකං නහි, ඒතද් යුෂ්මාභිඃ සම්‍යක් ඥායතාං|
\p
\v 21 යතෝ භවිෂ්‍යද්වාක්‍යං පුරා මානුෂාණාම් ඉච්ඡාතෝ නෝත්පන්නං කින්ත්වීශ්වරස්‍ය පවිත්‍රලෝකාඃ පවිත්‍රේණාත්මනා ප්‍රවර්ත්තිතාඃ සන්තෝ වාක්‍යම් අභාෂන්ත|
\c 2
\p
\v 1 අපරං පූර්ව්වකාලේ යථා ලෝකානාං මධ්‍යේ මිථ්‍යාභවිෂ්‍යද්වාදින උපාතිෂ්ඨන් තථා යුෂ්මාකං මධ්‍යේ(අ)පි මිථ්‍යාශික්‍ෂකා උපස්ථාස්‍යන්ති, තේ ස්වේෂාං ක්‍රේතාරං ප්‍රභුම් අනඞ්ගීකෘත්‍ය සත්වරං විනාශං ස්වේෂු වර්ත්තයන්ති විනාශකවෛධර්ම්ම්‍යං ගුප්තං යුෂ්මන්මධ්‍යම් ආනේෂ්‍යන්ති|
\p
\v 2 තතෝ (අ)නේකේෂු තේෂාං විනාශකමාර්ගං ගතේෂු තේභ්‍යඃ සත්‍යමාර්ගස්‍ය නින්දා සම්භවිෂ්‍යති|
\p
\v 3 අපරඤ්ච තේ ලෝභාත් කාපට්‍යවාක්‍යෛ ර‍්‍යුෂ්මත්තෝ ලාභං කරිෂ්‍යන්තේ කින්තු තේෂාං පුරාතනදණ්ඩාඥා න විලම්බතේ තේෂාං විනාශශ්ච න නිද්‍රාති|
\p
\v 4 ඊශ්වරඃ කෘතපාපාන් දූතාන් න ක්‍ෂමිත්වා තිමිරශෘඞ්ඛලෛඃ පාතාලේ රුද්ධ්වා විචාරාර්ථං සමර්පිතවාන්|
\p
\v 5 පුරාතනං සංසාරමපි න ක්‍ෂමිත්වා තං දුෂ්ටානාං සංසාරං ජලාප්ලාවනේන මජ්ජයිත්වා සප්තජනෛඃ සහිතං ධර්ම්මප්‍රචාරකං නෝහං රක්‍ෂිතවාන්|
\p
\v 6 සිදෝමම් අමෝරා චේතිනාමකේ නගරේ භවිෂ්‍යතාං දුෂ්ටානාං දෘෂ්ටාන්තං විධාය භස්මීකෘත්‍ය විනාශේන දණ්ඩිතවාන්;
\p
\v 7 කින්තු තෛඃ කුත්සිතව්‍යභිචාරිභි ර්දුෂ්ටාත්මභිඃ ක්ලිෂ්ටං ධාර්ම්මිකං ලෝටං රක්‍ෂිතවාන්|
\p
\v 8 ස ධාර්ම්මිකෝ ජනස්තේෂාං මධ්‍යේ නිවසන් ස්වීයදෘෂ්ටිශ්‍රෝත්‍රගෝචරේභ්‍යස්තේෂාම් අධර්ම්මාචාරේභ්‍යඃ ස්වකීයධාර්ම්මිකමනසි දිනේ දිනේ තප්තවාන්|
\p
\v 9 ප්‍රභු ර්භක්තාන් පරීක්‍ෂාද් උද්ධර්ත්තුං විචාරදිනඤ්ච යාවද් දණ්ඩ්‍යාමානාන් අධාර්ම්මිකාන් රෝද්ධුං පාරයති,
\p
\v 10 විශේෂතෝ යේ (අ)මේධ්‍යාභිලාෂාත් ශාරීරිකසුඛම් අනුගච්ඡන්ති කර්තෘත්වපදානි චාවජානන්ති තානේව (රෝද්ධුං පාරයති| ) තේ දුඃසාහසිනඃ ප්‍රගල්භාශ්ච|
\p
\v 11 අපරං බලගෞරවාභ්‍යාං ශ්‍රේෂ්ඨා දිව්‍යදූතාඃ ප්‍රභෝඃ සන්නිධෞ යේෂාං වෛපරීත්‍යේන නින්දාසූචකං විචාරං න කුර්ව්වන්ති තේෂාම් උච්චපදස්ථානාං නින්දනාද් ඉමේ න භීතාඃ|
\p
\v 12 කින්තු යේ බුද්ධිහීනාඃ ප්‍රකෘතා ජන්තවෝ ධර්ත්තව්‍යතායෛ විනාශ්‍යතායෛ ච ජායන්තේ තත්සදෘශා ඉමේ යන්න බුධ්‍යන්තේ තත් නින්දන්තඃ ස්වකීයවිනාශ්‍යතයා විනංක්‍ෂ්‍යන්ති ස්වීයාධර්ම්මස්‍ය ඵලං ප්‍රාප්ස්‍යන්ති ච|
\p
\v 13 තේ දිවා ප්‍රකෘෂ්ටභෝජනං සුඛං මන්‍යන්තේ නිජඡලෛඃ සුඛභෝගිනඃ සන්තෝ යුෂ්මාභිඃ සාර්ද්ධං භෝජනං කුර්ව්වන්තඃ කලඞ්කිනෝ දෝෂිණශ්ච භවන්ති|
\p
\v 14 තේෂාං ලෝචනානි පරදාරාකාඞ්ක්‍ෂීණි පාපේ චාශ්‍රාන්තානි තේ චඤ්චලානි මනාංසි මෝහයන්ති ලෝභේ තත්පරමනසඃ සන්ති ච|
\p
\v 15 තේ ශාපග්‍රස්තා වංශාඃ සරලමාර්ගං විහාය බියෝරපුත්‍රස්‍ය බිලියමස්‍ය විපථේන ව්‍රජන්තෝ භ්‍රාන්තා අභවන්| ස බිලියමෝ (අ)ප්‍යධර්ම්මාත් ප්‍රාප්‍යේ පාරිතෝෂිකේ(අ)ප්‍රීයත,
\p
\v 16 කින්තු නිජාපරාධාද් භර්ත්සනාම් අලභත යතෝ වචනශක්තිහීනං වාහනං මානුෂිකගිරම් උච්චාර‍්‍ය්‍ය භවිෂ්‍යද්වාදින උන්මත්තතාම් අබාධත|
\p
\v 17 ඉමේ නිර්ජලානි ප්‍රස්‍රවණානි ප්‍රචණ්ඩවායුනා චාලිතා මේඝාශ්ච තේෂාං කෘතේ නිත්‍යස්ථායී ඝෝරතරාන්ධකාරඃ සඤ්චිතෝ (අ)ස්ති|
\p
\v 18 යේ ච ජනා භ්‍රාන්ත්‍යාචාරිගණාත් කෘච්ඡ්‍රේණෝද්ධෘතාස්තාන් ඉමේ (අ)පරිමිතදර්පකථා භාෂමාණාඃ ශාරීරිකසුඛාභිලාෂෛඃ කාමක්‍රීඩාභිශ්ච මෝහයන්ති|
\p
\v 19 තේභ්‍යඃ ස්වාධීනතාං ප්‍රතිඥාය ස්වයං විනාශ්‍යතායා දාසා භවන්ති, යතඃ, යෝ යේනෛව පරාජිග්‍යේ ස ජාතස්තස්‍ය කිඞ්කරඃ|
\p
\v 20 ත්‍රාතුඃ ප්‍රභෝ ර‍්‍යීශුඛ්‍රීෂ්ටස්‍ය ඥානේන සංසාරස්‍ය මලේභ්‍ය උද්ධෘතා යේ පුනස්තේෂු නිමජ්ජ්‍ය පරාජීයන්තේ තේෂාං ප්‍රථමදශාතඃ ශේෂදශා කුත්සිතා භවති|
\p
\v 21 තේෂාං පක්‍ෂේ ධර්ම්මපථස්‍ය ඥානාප්‍රාප්ති ර්වරං න ච නිර්ද්දිෂ්ටාත් පවිත්‍රවිධිමාර්ගාත් ඥානප්‍රාප්තානාං පරාවර්ත්තනං|
\p
\v 22 කින්තු යේයං සත්‍යා දෘෂ්ටාන්තකථා සෛව තේෂු ඵලිතවතී, යථා, කුක්කුරඃ ස්වීයවාන්තාය ව්‍යාවර්ත්තතේ පුනඃ පුනඃ| ලුඨිතුං කර්ද්දමේ තද්වත් ක්‍ෂාලිතශ්චෛව ශූකරඃ||
\c 3
\p
\v 1 හේ ප්‍රියතමාඃ, යූයං යථා පවිත්‍රභවිෂ්‍යද්වක්තෘභිඃ පූර්ව්වෝක්තානි වාක්‍යානි ත්‍රාත්‍රා ප්‍රභුනා ප්‍රේරිතානාම් අස්මාකම් ආදේශඤ්ච සාරථ තථා යුෂ්මාන් ස්මාරයිත්වා
\p
\v 2 යුෂ්මාකං සරලභාවං ප්‍රබෝධයිතුම් අහං ද්විතීයම් ඉදං පත්‍රං ලිඛාමි|
\p
\v 3 ප්‍රථමං යුෂ්මාභිරිදං ඥායතාං යත් ශේෂේ කාලේ ස්වේච්ඡාචාරිණෝ නින්දකා උපස්ථාය
\p
\v 4 වදිෂ්‍යන්ති ප්‍රභෝරාගමනස්‍ය ප්‍රතිඥා කුත්‍ර? යතඃ පිතෘලෝකානාං මහානිද්‍රාගමනාත් පරං සර්ව්වාණි සෘෂ්ටේරාරම්භකාලේ යථා තථෛවාවතිෂ්ඨන්තේ|
\p
\v 5 පූර්ව්වම් ඊශ්වරස්‍ය වාක්‍යේනාකාශමණ්ඩලං ජලාද් උත්පන්නා ජලේ සන්තිෂ්ඨමානා ච පෘථිව්‍යවිද්‍යතෛතද් අනිච්ඡුකතාතස්තේ න ජානාන්ති,
\p
\v 6 තතස්තාත්කාලිකසංසාරෝ ජලේනාප්ලාවිතෝ විනාශං ගතඃ|
\p
\v 7 කින්ත්වධුනා වර්ත්තමානේ ආකාශභූමණ්ඩලේ තේනෛව වාක්‍යේන වහ්න්‍යර්ථං ගුප්තේ විචාරදිනං දුෂ්ටමානවානාං විනාශඤ්ච යාවද් රක්‍ෂ්‍යතේ|
\p
\v 8 හේ ප්‍රියතමාඃ, යූයම් ඒතදේකං වාක්‍යම් අනවගතා මා භවත යත් ප්‍රභෝඃ සාක්‍ෂාද් දිනමේකං වර්ෂසහස්‍රවද් වර්ෂසහස්‍රඤ්ච දිනෛකවත්|
\p
\v 9 කේචිද් යථා විලම්බං මන්‍යන්තේ තථා ප්‍රභුඃ ස්වප්‍රතිඥායාං විලම්බතේ තන්නහි කින්තු කෝ(අ)පි යන්න විනශ්‍යේත් සර්ව්වං ඒව මනඃපරාවර්ත්තනං ගච්ඡේයුරිත්‍යභිලෂන් සෝ (අ)ස්මාන් ප්‍රති දීර්ඝසහිෂ්ණුතාං විදධාති|
\p
\v 10 කින්තු ක්‍ෂපායාං චෞර ඉව ප්‍රභෝ ර්දිනම් ආගමිෂ්‍යති තස්මින් මහාශබ්දේන ගගනමණ්ඩලං ලෝප්ස්‍යතේ මූලවස්තූනි ච තාපේන ගලිෂ්‍යන්තේ පෘථිවී තන්මධ්‍යස්ථිතානි කර්ම්මාණි ච ධක්‍ෂ්‍යන්තේ|
\p
\v 11 අතඃ සර්ව්වෛරේතෛ ර්විකාරේ ගන්තව්‍යේ සති යස්මින් ආකාශමණ්ඩලං දාහේන විකාරිෂ්‍යතේ මූලවස්තූනි ච තාපේන ගලිෂ්‍යන්තේ
\p
\v 12 තස්‍යේශ්වරදිනස්‍යාගමනං ප්‍රතීක්‍ෂමාණෛරාකාඞ්ක්‍ෂමාණෛශ්ච යූෂ්මාභි ර්ධර්ම්මාචාරේශ්වරභක්තිභ්‍යාං කීදෘශෛ ර්ලෝකෛ ර්භවිතව්‍යං?
\p
\v 13 තථාපි වයං තස්‍ය ප්‍රතිඥානුසාරේණ ධර්ම්මස්‍ය වාසස්ථානං නූතනම් ආකාශමණ්ඩලං නූතනං භූමණ්ඩලඤ්ච ප්‍රතීක්‍ෂාමහේ|
\p
\v 14 අතඒව හේ ප්‍රියතමාඃ, තානි ප්‍රතීක්‍ෂමාණා යූයං නිෂ්කලඞ්කා අනින්දිතාශ්ච භූත්වා යත් ශාන්ත්‍යාශ්‍රිතාස්තිෂ්ඨථෛතස්මින් යතධ්වං|
\p
\v 15 අස්මාකං ප්‍රභෝ ර්දීර්ඝසහිෂ්ණුතාඤ්ච පරිත්‍රාණජනිකාං මන්‍යධ්වං| අස්මාකං ප්‍රියභ්‍රාත්‍රේ පෞලාය යත් ඥානම් අදායි තදනුසාරේණ සෝ(අ)පි පත්‍රේ යුෂ්මාන් ප්‍රති තදේවාලිඛත්|
\p
\v 16 ස්වකීයසර්ව්වපත්‍රේෂු චෛතාන්‍යධි ප්‍රස්තුත්‍ය තදේව ගදති| තේෂු පත්‍රේෂු කතිපයානි දුරූහ්‍යාණි වාක්‍යානි විද්‍යන්තේ යේ ච ලෝකා අඥානාශ්චඤ්චලාශ්ච තේ නිජවිනාශාර්ථම් අන්‍යශාස්ත්‍රීයවචනානීව තාන්‍යපි විකාරයන්ති|
\p
\v 17 තස්මාද් හේ ප්‍රියතමාඃ, යූයං පූර්ව්වං බුද්ධ්වා සාවධානාස්තිෂ්ඨත, අධාර්ම්මිකාණාං භ්‍රාන්තිස්‍රෝතසාපහෘතාඃ ස්වකීයසුස්ථිරත්වාත් මා භ්‍රශ්‍යත|
\p
\v 18 කින්ත්වස්මාකං ප්‍රභෝස්ත්‍රාතු ර‍්‍යීශුඛ්‍රීෂ්ටස්‍යානුග්‍රහේ ඥානේ ච වර්ද්ධධ්වං| තස්‍ය ගෞරවම් ඉදානීං සදාකාලඤ්ච භූයාත්| ආමේන්|