\id GAL Sanskrit Bible (NT) in Kannada Script (ಸತ್ಯವೇದಃ।)
\ide UTF-8
\rem © SanskritBible.in । Licensed under CC BY-SA 4.0
\h Galatians
\toc1 ಗಾಲಾತಿನಃ ಪತ್ರಂ
\toc2 ಗಾಲಾತಿನಃ
\toc3 ಗಾಲಾತಿನಃ
\mt1 ಗಾಲಾತಿನಃ ಪತ್ರಂ
\c 1
\p
\v 1 ಮನುಷ್ಯೇಭ್ಯೋ ನಹಿ ಮನುಷ್ಯೈರಪಿ ನಹಿ ಕಿನ್ತು ಯೀಶುಖ್ರೀಷ್ಟೇನ ಮೃತಗಣಮಧ್ಯಾತ್ ತಸ್ಯೋತ್ಥಾಪಯಿತ್ರಾ ಪಿತ್ರೇಶ್ವರೇಣ ಚ ಪ್ರೇರಿತೋ ಯೋಽಹಂ ಪೌಲಃ ಸೋಽಹಂ
\p
\v 2 ಮತ್ಸಹವರ್ತ್ತಿನೋ ಭ್ರಾತರಶ್ಚ ವಯಂ ಗಾಲಾತೀಯದೇಶಸ್ಥಾಃ ಸಮಿತೀಃ ಪ್ರತಿ ಪತ್ರಂ ಲಿಖಾಮಃ|
\p
\v 3 ಪಿತ್ರೇಶ್ವರೇಣಾಸ್ಮಾಂಕ ಪ್ರಭುನಾ ಯೀಶುನಾ ಖ್ರೀಷ್ಟೇನ ಚ ಯುಷ್ಮಭ್ಯಮ್ ಅನುಗ್ರಹಃ ಶಾನ್ತಿಶ್ಚ ದೀಯತಾಂ|
\p
\v 4 ಅಸ್ಮಾಕಂ ತಾತೇಶ್ವರೇಸ್ಯೇಚ್ಛಾನುಸಾರೇಣ ವರ್ತ್ತಮಾನಾತ್ ಕುತ್ಸಿತಸಂಸಾರಾದ್ ಅಸ್ಮಾನ್ ನಿಸ್ತಾರಯಿತುಂ ಯೋ
\p
\v 5 ಯೀಶುರಸ್ಮಾಕಂ ಪಾಪಹೇತೋರಾತ್ಮೋತ್ಸರ್ಗಂ ಕೃತವಾನ್ ಸ ಸರ್ವ್ವದಾ ಧನ್ಯೋ ಭೂಯಾತ್| ತಥಾಸ್ತು|
\p
\v 6 ಖ್ರೀಷ್ಟಸ್ಯಾನುಗ್ರಹೇಣ ಯೋ ಯುಷ್ಮಾನ್ ಆಹೂತವಾನ್ ತಸ್ಮಾನ್ನಿವೃತ್ಯ ಯೂಯಮ್ ಅತಿತೂರ್ಣಮ್ ಅನ್ಯಂ ಸುಸಂವಾದಮ್ ಅನ್ವವರ್ತ್ತತ ತತ್ರಾಹಂ ವಿಸ್ಮಯಂ ಮನ್ಯೇ|
\p
\v 7 ಸೋಽನ್ಯಸುಸಂವಾದಃ ಸುಸಂವಾದೋ ನಹಿ ಕಿನ್ತು ಕೇಚಿತ್ ಮಾನವಾ ಯುಷ್ಮಾನ್ ಚಞ್ಚಲೀಕುರ್ವ್ವನ್ತಿ ಖ್ರೀಷ್ಟೀಯಸುಸಂವಾದಸ್ಯ ವಿಪರ್ಯ್ಯಯಂ ಕರ್ತ್ತುಂ ಚೇಷ್ಟನ್ತೇ ಚ|
\p
\v 8 ಯುಷ್ಮಾಕಂ ಸನ್ನಿಧೌ ಯಃ ಸುಸಂವಾದೋಽಸ್ಮಾಭಿ ರ್ಘೋಷಿತಸ್ತಸ್ಮಾದ್ ಅನ್ಯಃ ಸುಸಂವಾದೋಽಸ್ಮಾಕಂ ಸ್ವರ್ಗೀಯದೂತಾನಾಂ ವಾ ಮಧ್ಯೇ ಕೇನಚಿದ್ ಯದಿ ಘೋಷ್ಯತೇ ತರ್ಹಿ ಸ ಶಪ್ತೋ ಭವತು|
\p
\v 9 ಪೂರ್ವ್ವಂ ಯದ್ವದ್ ಅಕಥಯಾಮ, ಇದಾನೀಮಹಂ ಪುನಸ್ತದ್ವತ್ ಕಥಯಾಮಿ ಯೂಯಂ ಯಂ ಸುಸಂವಾದಂ ಗೃಹೀತವನ್ತಸ್ತಸ್ಮಾದ್ ಅನ್ಯೋ ಯೇನ ಕೇನಚಿದ್ ಯುಷ್ಮತ್ಸನ್ನಿಧೌ ಘೋಷ್ಯತೇ ಸ ಶಪ್ತೋ ಭವತು|
\p
\v 10 ಸಾಮ್ಪ್ರತಂ ಕಮಹಮ್ ಅನುನಯಾಮಿ? ಈಶ್ವರಂ ಕಿಂವಾ ಮಾನವಾನ್? ಅಹಂ ಕಿಂ ಮಾನುಷೇಭ್ಯೋ ರೋಚಿತುಂ ಯತೇ? ಯದ್ಯಹಮ್ ಇದಾನೀಮಪಿ ಮಾನುಷೇಭ್ಯೋ ರುರುಚಿಷೇಯ ತರ್ಹಿ ಖ್ರೀಷ್ಟಸ್ಯ ಪರಿಚಾರಕೋ ನ ಭವಾಮಿ|
\p
\v 11 ಹೇ ಭ್ರಾತರಃ, ಮಯಾ ಯಃ ಸುಸಂವಾದೋ ಘೋಷಿತಃ ಸ ಮಾನುಷಾನ್ನ ಲಬ್ಧಸ್ತದಹಂ ಯುಷ್ಮಾನ್ ಜ್ಞಾಪಯಾಮಿ|
\p
\v 12 ಅಹಂ ಕಸ್ಮಾಚ್ಚಿತ್ ಮನುಷ್ಯಾತ್ ತಂ ನ ಗೃಹೀತವಾನ್ ನ ವಾ ಶಿಕ್ಷಿತವಾನ್ ಕೇವಲಂ ಯೀಶೋಃ ಖ್ರೀಷ್ಟಸ್ಯ ಪ್ರಕಾಶನಾದೇವ|
\p
\v 13 ಪುರಾ ಯಿಹೂದಿಮತಾಚಾರೀ ಯದಾಹಮ್ ಆಸಂ ತದಾ ಯಾದೃಶಮ್ ಆಚರಣಮ್ ಅಕರವಮ್ ಈಶ್ವರಸ್ಯ ಸಮಿತಿಂ ಪ್ರತ್ಯತೀವೋಪದ್ರವಂ ಕುರ್ವ್ವನ್ ಯಾದೃಕ್ ತಾಂ ವ್ಯನಾಶಯಂ ತದವಶ್ಯಂ ಶ್ರುತಂ ಯುಷ್ಮಾಭಿಃ|
\p
\v 14 ಅಪರಞ್ಚ ಪೂರ್ವ್ವಪುರುಷಪರಮ್ಪರಾಗತೇಷು ವಾಕ್ಯೇಷ್ವನ್ಯಾಪೇಕ್ಷಾತೀವಾಸಕ್ತಃ ಸನ್ ಅಹಂ ಯಿಹೂದಿಧರ್ಮ್ಮತೇ ಮಮ ಸಮವಯಸ್ಕಾನ್ ಬಹೂನ್ ಸ್ವಜಾತೀಯಾನ್ ಅತ್ಯಶಯಿ|
\p
\v 15 ಕಿಞ್ಚ ಯ ಈಶ್ವರೋ ಮಾತೃಗರ್ಭಸ್ಥಂ ಮಾಂ ಪೃಥಕ್ ಕೃತ್ವಾ ಸ್ವೀಯಾನುಗ್ರಹೇಣಾಹೂತವಾನ್
\p
\v 16 ಸ ಯದಾ ಮಯಿ ಸ್ವಪುತ್ರಂ ಪ್ರಕಾಶಿತುಂ ಭಿನ್ನದೇಶೀಯಾನಾಂ ಸಮೀಪೇ ಭಯಾ ತಂ ಘೋಷಯಿತುಞ್ಚಾಭ್ಯಲಷತ್ ತದಾಹಂ ಕ್ರವ್ಯಶೋಣಿತಾಭ್ಯಾಂ ಸಹ ನ ಮನ್ತ್ರಯಿತ್ವಾ
\p
\v 17 ಪೂರ್ವ್ವನಿಯುಕ್ತಾನಾಂ ಪ್ರೇರಿತಾನಾಂ ಸಮೀಪಂ ಯಿರೂಶಾಲಮಂ ನ ಗತ್ವಾರವದೇಶಂ ಗತವಾನ್ ಪಶ್ಚಾತ್ ತತ್ಸ್ಥಾನಾದ್ ದಮ್ಮೇಷಕನಗರಂ ಪರಾವೃತ್ಯಾಗತವಾನ್|
\p
\v 18 ತತಃ ಪರಂ ವರ್ಷತ್ರಯೇ ವ್ಯತೀತೇಽಹಂ ಪಿತರಂ ಸಮ್ಭಾಷಿತುಂ ಯಿರೂಶಾಲಮಂ ಗತ್ವಾ ಪಞ್ಚದಶದಿನಾನಿ ತೇನ ಸಾರ್ದ್ಧಮ್ ಅತಿಷ್ಠಂ|
\p
\v 19 ಕಿನ್ತು ತಂ ಪ್ರಭೋ ರ್ಭ್ರಾತರಂ ಯಾಕೂಬಞ್ಚ ವಿನಾ ಪ್ರೇರಿತಾನಾಂ ನಾನ್ಯಂ ಕಮಪ್ಯಪಶ್ಯಂ|
\p
\v 20 ಯಾನ್ಯೇತಾನಿ ವಾಕ್ಯಾನಿ ಮಯಾ ಲಿಖ್ಯನ್ತೇ ತಾನ್ಯನೃತಾನಿ ನ ಸನ್ತಿ ತದ್ ಈಶ್ವರೋ ಜಾನಾತಿ|
\p
\v 21 ತತಃ ಪರಮ್ ಅಹಂ ಸುರಿಯಾಂ ಕಿಲಿಕಿಯಾಞ್ಚ ದೇಶೌ ಗತವಾನ್|
\p
\v 22 ತದಾನೀಂ ಯಿಹೂದಾದೇಶಸ್ಥಾನಾಂ ಖ್ರೀಷ್ಟಸ್ಯ ಸಮಿತೀನಾಂ ಲೋಕಾಃ ಸಾಕ್ಷಾತ್ ಮಮ ಪರಿಚಯಮಪ್ರಾಪ್ಯ ಕೇವಲಂ ಜನಶ್ರುತಿಮಿಮಾಂ ಲಬ್ಧವನ್ತಃ,
\p
\v 23 ಯೋ ಜನಃ ಪೂರ್ವ್ವಮ್ ಅಸ್ಮಾನ್ ಪ್ರತ್ಯುಪದ್ರವಮಕರೋತ್ ಸ ತದಾ ಯಂ ಧರ್ಮ್ಮಮನಾಶಯತ್ ತಮೇವೇದಾನೀಂ ಪ್ರಚಾರಯತೀತಿ|
\p
\v 24 ತಸ್ಮಾತ್ ತೇ ಮಾಮಧೀಶ್ವರಂ ಧನ್ಯಮವದನ್|
\c 2
\p
\v 1 ಅನನ್ತರಂ ಚತುರ್ದಶಸು ವತ್ಸರೇಷು ಗತೇಷ್ವಹಂ ಬರ್ಣಬ್ಬಾ ಸಹ ಯಿರೂಶಾಲಮನಗರಂ ಪುನರಗಚ್ಛಂ, ತದಾನೋಂ ತೀತಮಪಿ ಸ್ವಸಙ್ಗಿನಮ್ ಅಕರವಂ|
\p
\v 2 ತತ್ಕಾಲೇಽಹಮ್ ಈಶ್ವರದರ್ಶನಾದ್ ಯಾತ್ರಾಮ್ ಅಕರವಂ ಮಯಾ ಯಃ ಪರಿಶ್ರಮೋಽಕಾರಿ ಕಾರಿಷ್ಯತೇ ವಾ ಸ ಯನ್ನಿಷ್ಫಲೋ ನ ಭವೇತ್ ತದರ್ಥಂ ಭಿನ್ನಜಾತೀಯಾನಾಂ ಮಧ್ಯೇ ಮಯಾ ಘೋಷ್ಯಮಾಣಃ ಸುಸಂವಾದಸ್ತತ್ರತ್ಯೇಭ್ಯೋ ಲೋಕೇಭ್ಯೋ ವಿಶೇಷತೋ ಮಾನ್ಯೇಭ್ಯೋ ನರೇಭ್ಯೋ ಮಯಾ ನ್ಯವೇದ್ಯತ|
\p
\v 3 ತತೋ ಮಮ ಸಹಚರಸ್ತೀತೋ ಯದ್ಯಪಿ ಯೂನಾನೀಯ ಆಸೀತ್ ತಥಾಪಿ ತಸ್ಯ ತ್ವಕ್ಛೇದೋಽಪ್ಯಾವಶ್ಯಕೋ ನ ಬಭೂವ|
\p
\v 4 ಯತಶ್ಛಲೇನಾಗತಾ ಅಸ್ಮಾನ್ ದಾಸಾನ್ ಕರ್ತ್ತುಮ್ ಇಚ್ಛವಃ ಕತಿಪಯಾ ಭಾಕ್ತಭ್ರಾತರಃ ಖ್ರೀಷ್ಟೇನ ಯೀಶುನಾಸ್ಮಭ್ಯಂ ದತ್ತಂ ಸ್ವಾತನ್ತ್ರ್ಯಮ್ ಅನುಸನ್ಧಾತುಂ ಚಾರಾ ಇವ ಸಮಾಜಂ ಪ್ರಾವಿಶನ್|
\p
\v 5 ಅತಃ ಪ್ರಕೃತೇ ಸುಸಂವಾದೇ ಯುಷ್ಮಾಕಮ್ ಅಧಿಕಾರೋ ಯತ್ ತಿಷ್ಠೇತ್ ತದರ್ಥಂ ವಯಂ ದಣ್ಡೈಕಮಪಿ ಯಾವದ್ ಆಜ್ಞಾಗ್ರಹಣೇನ ತೇಷಾಂ ವಶ್ಯಾ ನಾಭವಾಮ|
\p
\v 6 ಪರನ್ತು ಯೇ ಲೋಕಾ ಮಾನ್ಯಾಸ್ತೇ ಯೇ ಕೇಚಿದ್ ಭವೇಯುಸ್ತಾನಹಂ ನ ಗಣಯಾಮಿ ಯತ ಈಶ್ವರಃ ಕಸ್ಯಾಪಿ ಮಾನವಸ್ಯ ಪಕ್ಷಪಾತಂ ನ ಕರೋತಿ, ಯೇ ಚ ಮಾನ್ಯಾಸ್ತೇ ಮಾಂ ಕಿಮಪಿ ನವೀನಂ ನಾಜ್ಞಾಪಯನ್|
\p
\v 7 ಕಿನ್ತು ಛಿನ್ನತ್ವಚಾಂ ಮಧ್ಯೇ ಸುಸಂವಾದಪ್ರಚಾರಣಸ್ಯ ಭಾರಃ ಪಿತರಿ ಯಥಾ ಸಮರ್ಪಿತಸ್ತಥೈವಾಚ್ಛಿನ್ನತ್ವಚಾಂ ಮಧ್ಯೇ ಸುಸಂವಾದಪ್ರಚಾರಣಸ್ಯ ಭಾರೋ ಮಯಿ ಸಮರ್ಪಿತ ಇತಿ ತೈ ರ್ಬುಬುಧೇ|
\p
\v 8 ಯತಶ್ಛಿನ್ನತ್ವಚಾಂ ಮಧ್ಯೇ ಪ್ರೇರಿತತ್ವಕರ್ಮ್ಮಣೇ ಯಸ್ಯ ಯಾ ಶಕ್ತಿಃ ಪಿತರಮಾಶ್ರಿತವತೀ ತಸ್ಯೈವ ಸಾ ಶಕ್ತಿ ರ್ಭಿನ್ನಜಾತೀಯಾನಾಂ ಮಧ್ಯೇ ತಸ್ಮೈ ಕರ್ಮ್ಮಣೇ ಮಾಮಪ್ಯಾಶ್ರಿತವತೀ|
\p
\v 9 ಅತೋ ಮಹ್ಯಂ ದತ್ತಮ್ ಅನುಗ್ರಹಂ ಪ್ರತಿಜ್ಞಾಯ ಸ್ತಮ್ಭಾ ಇವ ಗಣಿತಾ ಯೇ ಯಾಕೂಬ್ ಕೈಫಾ ಯೋಹನ್ ಚೈತೇ ಸಹಾಯತಾಸೂಚಕಂ ದಕ್ಷಿಣಹಸ್ತಗ್ರಹಂಣ ವಿಧಾಯ ಮಾಂ ಬರ್ಣಬ್ಬಾಞ್ಚ ಜಗದುಃ, ಯುವಾಂ ಭಿನ್ನಜಾತೀಯಾನಾಂ ಸನ್ನಿಧಿಂ ಗಚ್ಛತಂ ವಯಂ ಛಿನ್ನತ್ವಚಾ ಸನ್ನಿಧಿಂ ಗಚ್ಛಾಮಃ,
\p
\v 10 ಕೇವಲಂ ದರಿದ್ರಾ ಯುವಾಭ್ಯಾಂ ಸ್ಮರಣೀಯಾ ಇತಿ| ಅತಸ್ತದೇವ ಕರ್ತ್ತುಮ್ ಅಹಂ ಯತೇ ಸ್ಮ|
\p
\v 11 ಅಪರಮ್ ಆನ್ತಿಯಖಿಯಾನಗರಂ ಪಿತರ ಆಗತೇಽಹಂ ತಸ್ಯ ದೋಷಿತ್ವಾತ್ ಸಮಕ್ಷಂ ತಮ್ ಅಭರ್ತ್ಸಯಂ|
\p
\v 12 ಯತಃ ಸ ಪೂರ್ವ್ವಮ್ ಅನ್ಯಜಾತೀಯೈಃ ಸಾರ್ದ್ಧಮ್ ಆಹಾರಮಕರೋತ್ ತತಃ ಪರಂ ಯಾಕೂಬಃ ಸಮೀಪಾತ್ ಕತಿಪಯಜನೇಷ್ವಾಗತೇಷು ಸ ಛಿನ್ನತ್ವಙ್ಮನುಷ್ಯೇಭ್ಯೋ ಭಯೇನ ನಿವೃತ್ಯ ಪೃಥಗ್ ಅಭವತ್|
\p
\v 13 ತತೋಽಪರೇ ಸರ್ವ್ವೇ ಯಿಹೂದಿನೋಽಪಿ ತೇನ ಸಾರ್ದ್ಧಂ ಕಪಟಾಚಾರಮ್ ಅಕುರ್ವ್ವನ್ ಬರ್ಣಬ್ಬಾ ಅಪಿ ತೇಷಾಂ ಕಾಪಟ್ಯೇನ ವಿಪಥಗಾಮ್ಯಭವತ್|
\p
\v 14 ತತಸ್ತೇ ಪ್ರಕೃತಸುಸಂವಾದರೂಪೇ ಸರಲಪಥೇ ನ ಚರನ್ತೀತಿ ದೃಷ್ಟ್ವಾಹಂ ಸರ್ವ್ವೇಷಾಂ ಸಾಕ್ಷಾತ್ ಪಿತರಮ್ ಉಕ್ತವಾನ್ ತ್ವಂ ಯಿಹೂದೀ ಸನ್ ಯದಿ ಯಿಹೂದಿಮತಂ ವಿಹಾಯ ಭಿನ್ನಜಾತೀಯ ಇವಾಚರಸಿ ತರ್ಹಿ ಯಿಹೂದಿಮತಾಚರಣಾಯ ಭಿನ್ನಜಾತೀಯಾನ್ ಕುತಃ ಪ್ರವರ್ತ್ತಯಸಿ?
\p
\v 15 ಆವಾಂ ಜನ್ಮನಾ ಯಿಹೂದಿನೌ ಭವಾವೋ ಭಿನ್ನಜಾತೀಯೌ ಪಾಪಿನೌ ನ ಭವಾವಃ
\p
\v 16 ಕಿನ್ತು ವ್ಯವಸ್ಥಾಪಾಲನೇನ ಮನುಷ್ಯಃ ಸಪುಣ್ಯೋ ನ ಭವತಿ ಕೇವಲಂ ಯೀಶೌ ಖ್ರೀಷ್ಟೇ ಯೋ ವಿಶ್ವಾಸಸ್ತೇನೈವ ಸಪುಣ್ಯೋ ಭವತೀತಿ ಬುದ್ಧ್ವಾವಾಮಪಿ ವ್ಯವಸ್ಥಾಪಾಲನಂ ವಿನಾ ಕೇವಲಂ ಖ್ರೀಷ್ಟೇ ವಿಶ್ವಾಸೇನ ಪುಣ್ಯಪ್ರಾಪ್ತಯೇ ಖ್ರೀಷ್ಟೇ ಯೀಶೌ ವ್ಯಶ್ವಸಿವ ಯತೋ ವ್ಯವಸ್ಥಾಪಾಲನೇನ ಕೋಽಪಿ ಮಾನವಃ ಪುಣ್ಯಂ ಪ್ರಾಪ್ತುಂ ನ ಶಕ್ನೋತಿ|
\p
\v 17 ಪರನ್ತು ಯೀಶುನಾ ಪುಣ್ಯಪ್ರಾಪ್ತಯೇ ಯತಮಾನಾವಪ್ಯಾವಾಂ ಯದಿ ಪಾಪಿನೌ ಭವಾವಸ್ತರ್ಹಿ ಕಿಂ ವಕ್ತವ್ಯಂ? ಖ್ರೀಷ್ಟಃ ಪಾಪಸ್ಯ ಪರಿಚಾರಕ ಇತಿ? ತನ್ನ ಭವತು|
\p
\v 18 ಮಯಾ ಯದ್ ಭಗ್ನಂ ತದ್ ಯದಿ ಮಯಾ ಪುನರ್ನಿರ್ಮ್ಮೀಯತೇ ತರ್ಹಿ ಮಯೈವಾತ್ಮದೋಷಃ ಪ್ರಕಾಶ್ಯತೇ|
\p
\v 19 ಅಹಂ ಯದ್ ಈಶ್ವರಾಯ ಜೀವಾಮಿ ತದರ್ಥಂ ವ್ಯವಸ್ಥಯಾ ವ್ಯವಸ್ಥಾಯೈ ಅಮ್ರಿಯೇ|
\p
\v 20 ಖ್ರೀಷ್ಟೇನ ಸಾರ್ದ್ಧಂ ಕ್ರುಶೇ ಹತೋಽಸ್ಮಿ ತಥಾಪಿ ಜೀವಾಮಿ ಕಿನ್ತ್ವಹಂ ಜೀವಾಮೀತಿ ನಹಿ ಖ್ರೀಷ್ಟ ಏವ ಮದನ್ತ ರ್ಜೀವತಿ| ಸಾಮ್ಪ್ರತಂ ಸಶರೀರೇಣ ಮಯಾ ಯಜ್ಜೀವಿತಂ ಧಾರ್ಯ್ಯತೇ ತತ್ ಮಮ ದಯಾಕಾರಿಣಿ ಮದರ್ಥಂ ಸ್ವೀಯಪ್ರಾಣತ್ಯಾಗಿನಿ ಚೇಶ್ವರಪುತ್ರೇ ವಿಶ್ವಸತಾ ಮಯಾ ಧಾರ್ಯ್ಯತೇ|
\p
\v 21 ಅಹಮೀಶ್ವರಸ್ಯಾನುಗ್ರಹಂ ನಾವಜಾನಾಮಿ ಯಸ್ಮಾದ್ ವ್ಯವಸ್ಥಯಾ ಯದಿ ಪುಣ್ಯಂ ಭವತಿ ತರ್ಹಿ ಖ್ರೀಷ್ಟೋ ನಿರರ್ಥಕಮಮ್ರಿಯತ|
\c 3
\p
\v 1 ಹೇ ನಿರ್ಬ್ಬೋಧಾ ಗಾಲಾತಿಲೋಕಾಃ, ಯುಷ್ಮಾಕಂ ಮಧ್ಯೇ ಕ್ರುಶೇ ಹತ ಇವ ಯೀಶುಃ ಖ್ರೀಷ್ಟೋ ಯುಷ್ಮಾಕಂ ಸಮಕ್ಷಂ ಪ್ರಕಾಶಿತ ಆಸೀತ್ ಅತೋ ಯೂಯಂ ಯಥಾ ಸತ್ಯಂ ವಾಕ್ಯಂ ನ ಗೃಹ್ಲೀಥ ತಥಾ ಕೇನಾಮುಹ್ಯತ?
\p
\v 2 ಅಹಂ ಯುಷ್ಮತ್ತಃ ಕಥಾಮೇಕಾಂ ಜಿಜ್ಞಾಸೇ ಯೂಯಮ್ ಆತ್ಮಾನಂ ಕೇನಾಲಭಧ್ವಂ? ವ್ಯವಸ್ಥಾಪಾಲನೇನ ಕಿಂ ವಾ ವಿಶ್ವಾಸವಾಕ್ಯಸ್ಯ ಶ್ರವಣೇನ?
\p
\v 3 ಯೂಯಂ ಕಿಮ್ ಈದೃಗ್ ಅಬೋಧಾ ಯದ್ ಆತ್ಮನಾ ಕರ್ಮ್ಮಾರಭ್ಯ ಶರೀರೇಣ ತತ್ ಸಾಧಯಿತುಂ ಯತಧ್ವೇ?
\p
\v 4 ತರ್ಹಿ ಯುಷ್ಮಾಕಂ ಗುರುತರೋ ದುಃಖಭೋಗಃ ಕಿಂ ನಿಷ್ಫಲೋ ಭವಿಷ್ಯತಿ? ಕುಫಲಯುಕ್ತೋ ವಾ ಕಿಂ ಭವಿಷ್ಯತಿ?
\p
\v 5 ಯೋ ಯುಷ್ಮಭ್ಯಮ್ ಆತ್ಮಾನಂ ದತ್ತವಾನ್ ಯುಷ್ಮನ್ಮಧ್ಯ ಆಶ್ಚರ್ಯ್ಯಾಣಿ ಕರ್ಮ್ಮಾಣಿ ಚ ಸಾಧಿತವಾನ್ ಸ ಕಿಂ ವ್ಯವಸ್ಥಾಪಾಲನೇನ ವಿಶ್ವಾಸವಾಕ್ಯಸ್ಯ ಶ್ರವಣೇನ ವಾ ತತ್ ಕೃತವಾನ್?
\p
\v 6 ಲಿಖಿತಮಾಸ್ತೇ, ಇಬ್ರಾಹೀಮ ಈಶ್ವರೇ ವ್ಯಶ್ವಸೀತ್ ಸ ಚ ವಿಶ್ವಾಸಸ್ತಸ್ಮೈ ಪುಣ್ಯಾರ್ಥಂ ಗಣಿತೋ ಬಭೂವ,
\p
\v 7 ಅತೋ ಯೇ ವಿಶ್ವಾಸಾಶ್ರಿತಾಸ್ತ ಏವೇಬ್ರಾಹೀಮಃ ಸನ್ತಾನಾ ಇತಿ ಯುಷ್ಮಾಭಿ ರ್ಜ್ಞಾಯತಾಂ|
\p
\v 8 ಈಶ್ವರೋ ಭಿನ್ನಜಾತೀಯಾನ್ ವಿಶ್ವಾಸೇನ ಸಪುಣ್ಯೀಕರಿಷ್ಯತೀತಿ ಪೂರ್ವ್ವಂ ಜ್ಞಾತ್ವಾ ಶಾಸ್ತ್ರದಾತಾ ಪೂರ್ವ್ವಮ್ ಇಬ್ರಾಹೀಮಂ ಸುಸಂವಾದಂ ಶ್ರಾವಯನ ಜಗಾದ, ತ್ವತ್ತೋ ಭಿನ್ನಜಾತೀಯಾಃ ಸರ್ವ್ವ ಆಶಿಷಂ ಪ್ರಾಪ್ಸ್ಯನ್ತೀತಿ|
\p
\v 9 ಅತೋ ಯೇ ವಿಶ್ವಾಸಾಶ್ರಿತಾಸ್ತೇ ವಿಶ್ವಾಸಿನೇಬ್ರಾಹೀಮಾ ಸಾರ್ದ್ಧಮ್ ಆಶಿಷಂ ಲಭನ್ತೇ|
\p
\v 10 ಯಾವನ್ತೋ ಲೋಕಾ ವ್ಯವಸ್ಥಾಯಾಃ ಕರ್ಮ್ಮಣ್ಯಾಶ್ರಯನ್ತಿ ತೇ ಸರ್ವ್ವೇ ಶಾಪಾಧೀನಾ ಭವನ್ತಿ ಯತೋ ಲಿಖಿತಮಾಸ್ತೇ, ಯಥಾ, "ಯಃ ಕಶ್ಚಿದ್ ಏತಸ್ಯ ವ್ಯವಸ್ಥಾಗ್ರನ್ಥಸ್ಯ ಸರ್ವ್ವವಾಕ್ಯಾನಿ ನಿಶ್ಚಿದ್ರಂ ನ ಪಾಲಯತಿ ಸ ಶಪ್ತ ಇತಿ| "
\p
\v 11 ಈಶ್ವರಸ್ಯ ಸಾಕ್ಷಾತ್ ಕೋಽಪಿ ವ್ಯವಸ್ಥಯಾ ಸಪುಣ್ಯೋ ನ ಭವತಿ ತದ ವ್ಯಕ್ತಂ ಯತಃ "ಪುಣ್ಯವಾನ್ ಮಾನವೋ ವಿಶ್ವಾಸೇನ ಜೀವಿಷ್ಯತೀತಿ" ಶಾಸ್ತ್ರೀಯಂ ವಚಃ|
\p
\v 12 ವ್ಯವಸ್ಥಾ ತು ವಿಶ್ವಾಸಸಮ್ಬನ್ಧಿನೀ ನ ಭವತಿ ಕಿನ್ತ್ವೇತಾನಿ ಯಃ ಪಾಲಯಿಷ್ಯತಿ ಸ ಏವ ತೈ ರ್ಜೀವಿಷ್ಯತೀತಿನಿಯಮಸಮ್ಬನ್ಧಿನೀ|
\p
\v 13 ಖ್ರೀಷ್ಟೋಽಸ್ಮಾನ್ ಪರಿಕ್ರೀಯ ವ್ಯವಸ್ಥಾಯಾಃ ಶಾಪಾತ್ ಮೋಚಿತವಾನ್ ಯತೋಽಸ್ಮಾಕಂ ವಿನಿಮಯೇನ ಸ ಸ್ವಯಂ ಶಾಪಾಸ್ಪದಮಭವತ್ ತದಧಿ ಲಿಖಿತಮಾಸ್ತೇ, ಯಥಾ, "ಯಃ ಕಶ್ಚಿತ್ ತರಾವುಲ್ಲಮ್ಬ್ಯತೇ ಸೋಽಭಿಶಪ್ತ ಇತಿ| "
\p
\v 14 ತಸ್ಮಾದ್ ಖ್ರೀಷ್ಟೇನ ಯೀಶುನೇವ್ರಾಹೀಮ ಆಶೀ ರ್ಭಿನ್ನಜಾತೀಯಲೋಕೇಷು ವರ್ತ್ತತೇ ತೇನ ವಯಂ ಪ್ರತಿಜ್ಞಾತಮ್ ಆತ್ಮಾನಂ ವಿಶ್ವಾಸೇನ ಲಬ್ಧುಂ ಶಕ್ನುಮಃ|
\p
\v 15 ಹೇ ಭ್ರಾತೃಗಣ ಮಾನುಷಾಣಾಂ ರೀತ್ಯನುಸಾರೇಣಾಹಂ ಕಥಯಾಮಿ ಕೇನಚಿತ್ ಮಾನವೇನ ಯೋ ನಿಯಮೋ ನಿರಚಾಯಿ ತಸ್ಯ ವಿಕೃತಿ ರ್ವೃದ್ಧಿ ರ್ವಾ ಕೇನಾಪಿ ನ ಕ್ರಿಯತೇ|
\p
\v 16 ಪರನ್ತ್ವಿಬ್ರಾಹೀಮೇ ತಸ್ಯ ಸನ್ತಾನಾಯ ಚ ಪ್ರತಿಜ್ಞಾಃ ಪ್ರತಿ ಶುಶ್ರುವಿರೇ ತತ್ರ ಸನ್ತಾನಶಬ್ದಂ ಬಹುವಚನಾನ್ತಮ್ ಅಭೂತ್ವಾ ತವ ಸನ್ತಾನಾಯೇತ್ಯೇಕವಚನಾನ್ತಂ ಬಭೂವ ಸ ಚ ಸನ್ತಾನಃ ಖ್ರೀಷ್ಟ ಏವ|
\p
\v 17 ಅತಏವಾಹಂ ವದಾಮಿ, ಈಶ್ವರೇಣ ಯೋ ನಿಯಮಃ ಪುರಾ ಖ್ರೀಷ್ಟಮಧಿ ನಿರಚಾಯಿ ತತಃ ಪರಂ ತ್ರಿಂಶದಧಿಕಚತುಃಶತವತ್ಸರೇಷು ಗತೇಷು ಸ್ಥಾಪಿತಾ ವ್ಯವಸ್ಥಾ ತಂ ನಿಯಮಂ ನಿರರ್ಥಕೀಕೃತ್ಯ ತದೀಯಪ್ರತಿಜ್ಞಾ ಲೋಪ್ತುಂ ನ ಶಕ್ನೋತಿ|
\p
\v 18 ಯಸ್ಮಾತ್ ಸಮ್ಪದಧಿಕಾರೋ ಯದಿ ವ್ಯವಸ್ಥಯಾ ಭವತಿ ತರ್ಹಿ ಪ್ರತಿಜ್ಞಯಾ ನ ಭವತಿ ಕಿನ್ತ್ವೀಶ್ವರಃ ಪ್ರತಿಜ್ಞಯಾ ತದಧಿಕಾರಿತ್ವಮ್ ಇಬ್ರಾಹೀಮೇ ಽದದಾತ್|
\p
\v 19 ತರ್ಹಿ ವ್ಯವಸ್ಥಾ ಕಿಮ್ಭೂತಾ? ಪ್ರತಿಜ್ಞಾ ಯಸ್ಮೈ ಪ್ರತಿಶ್ರುತಾ ತಸ್ಯ ಸನ್ತಾನಸ್ಯಾಗಮನಂ ಯಾವದ್ ವ್ಯಭಿಚಾರನಿವಾರಣಾರ್ಥಂ ವ್ಯವಸ್ಥಾಪಿ ದತ್ತಾ, ಸಾ ಚ ದೂತೈರಾಜ್ಞಾಪಿತಾ ಮಧ್ಯಸ್ಥಸ್ಯ ಕರೇ ಸಮರ್ಪಿತಾ ಚ|
\p
\v 20 ನೈಕಸ್ಯ ಮಧ್ಯಸ್ಥೋ ವಿದ್ಯತೇ ಕಿನ್ತ್ವೀಶ್ವರ ಏಕ ಏವ|
\p
\v 21 ತರ್ಹಿ ವ್ಯವಸ್ಥಾ ಕಿಮ್ ಈಶ್ವರಸ್ಯ ಪ್ರತಿಜ್ಞಾನಾಂ ವಿರುದ್ಧಾ? ತನ್ನ ಭವತು| ಯಸ್ಮಾದ್ ಯದಿ ಸಾ ವ್ಯವಸ್ಥಾ ಜೀವನದಾನೇಸಮರ್ಥಾಭವಿಷ್ಯತ್ ತರ್ಹಿ ವ್ಯವಸ್ಥಯೈವ ಪುಣ್ಯಲಾಭೋಽಭವಿಷ್ಯತ್|
\p
\v 22 ಕಿನ್ತು ಯೀಶುಖ್ರೀಷ್ಟೇ ಯೋ ವಿಶ್ವಾಸಸ್ತತ್ಸಮ್ಬನ್ಧಿಯಾಃ ಪ್ರತಿಜ್ಞಾಯಾಃ ಫಲಂ ಯದ್ ವಿಶ್ವಾಸಿಲೋಕೇಭ್ಯೋ ದೀಯತೇ ತದರ್ಥಂ ಶಾಸ್ತ್ರದಾತಾ ಸರ್ವ್ವಾನ್ ಪಾಪಾಧೀನಾನ್ ಗಣಯತಿ|
\p
\v 23 ಅತಏವ ವಿಶ್ವಾಸಸ್ಯಾನಾಗತಸಮಯೇ ವಯಂ ವ್ಯವಸ್ಥಾಧೀನಾಃ ಸನ್ತೋ ವಿಶ್ವಾಸಸ್ಯೋದಯಂ ಯಾವದ್ ರುದ್ಧಾ ಇವಾರಕ್ಷ್ಯಾಮಹೇ|
\p
\v 24 ಇತ್ಥಂ ವಯಂ ಯದ್ ವಿಶ್ವಾಸೇನ ಸಪುಣ್ಯೀಭವಾಮಸ್ತದರ್ಥಂ ಖ್ರೀಷ್ಟಸ್ಯ ಸಮೀಪಮ್ ಅಸ್ಮಾನ್ ನೇತುಂ ವ್ಯವಸ್ಥಾಗ್ರಥೋಽಸ್ಮಾಕಂ ವಿನೇತಾ ಬಭೂವ|
\p
\v 25 ಕಿನ್ತ್ವಧುನಾಗತೇ ವಿಶ್ವಾಸೇ ವಯಂ ತಸ್ಯ ವಿನೇತುರನಧೀನಾ ಅಭವಾಮ|
\p
\v 26 ಖ್ರೀಷ್ಟೇ ಯೀಶೌ ವಿಶ್ವಸನಾತ್ ಸರ್ವ್ವೇ ಯೂಯಮ್ ಈಶ್ವರಸ್ಯ ಸನ್ತಾನಾ ಜಾತಾಃ|
\p
\v 27 ಯೂಯಂ ಯಾವನ್ತೋ ಲೋಕಾಃ ಖ್ರೀಷ್ಟೇ ಮಜ್ಜಿತಾ ಅಭವತ ಸರ್ವ್ವೇ ಖ್ರೀಷ್ಟಂ ಪರಿಹಿತವನ್ತಃ|
\p
\v 28 ಅತೋ ಯುಷ್ಮನ್ಮಧ್ಯೇ ಯಿಹೂದಿಯೂನಾನಿನೋ ರ್ದಾಸಸ್ವತನ್ತ್ರಯೋ ರ್ಯೋಷಾಪುರುಷಯೋಶ್ಚ ಕೋಽಪಿ ವಿಶೇಷೋ ನಾಸ್ತಿ; ಸರ್ವ್ವೇ ಯೂಯಂ ಖ್ರೀಷ್ಟೇ ಯೀಶಾವೇಕ ಏವ|
\p
\v 29 ಕಿಞ್ಚ ಯೂಯಂ ಯದಿ ಖ್ರೀಷ್ಟಸ್ಯ ಭವಥ ತರ್ಹಿ ಸುತರಾಮ್ ಇಬ್ರಾಹೀಮಃ ಸನ್ತಾನಾಃ ಪ್ರತಿಜ್ಞಯಾ ಸಮ್ಪದಧಿಕಾರಿಣಶ್ಚಾಧ್ವೇ|
\c 4
\p
\v 1 ಅಹಂ ವದಾಮಿ ಸಮ್ಪದಧಿಕಾರೀ ಯಾವದ್ ಬಾಲಸ್ತಿಷ್ಠತಿ ತಾವತ್ ಸರ್ವ್ವಸ್ವಸ್ಯಾಧಿಪತಿಃ ಸನ್ನಪಿ ಸ ದಾಸಾತ್ ಕೇನಾಪಿ ವಿಷಯೇಣ ನ ವಿಶಿಷ್ಯತೇ
\p
\v 2 ಕಿನ್ತು ಪಿತ್ರಾ ನಿರೂಪಿತಂ ಸಮಯಂ ಯಾವತ್ ಪಾಲಕಾನಾಂ ಧನಾಧ್ಯಕ್ಷಾಣಾಞ್ಚ ನಿಘ್ನಸ್ತಿಷ್ಠತಿ|
\p
\v 3 ತದ್ವದ್ ವಯಮಪಿ ಬಾಲ್ಯಕಾಲೇ ದಾಸಾ ಇವ ಸಂಸಾರಸ್ಯಾಕ್ಷರಮಾಲಾಯಾ ಅಧೀನಾ ಆಸ್ಮಹೇ|
\p
\v 4 ಅನನ್ತರಂ ಸಮಯೇ ಸಮ್ಪೂರ್ಣತಾಂ ಗತವತಿ ವ್ಯವಸ್ಥಾಧೀನಾನಾಂ ಮೋಚನಾರ್ಥಮ್
\p
\v 5 ಅಸ್ಮಾಕಂ ಪುತ್ರತ್ವಪ್ರಾಪ್ತ್ಯರ್ಥಞ್ಚೇಶ್ವರಃ ಸ್ತ್ರಿಯಾ ಜಾತಂ ವ್ಯವಸ್ಥಾಯಾ ಅಧಿನೀಭೂತಞ್ಚ ಸ್ವಪುತ್ರಂ ಪ್ರೇಷಿತವಾನ್|
\p
\v 6 ಯೂಯಂ ಸನ್ತಾನಾ ಅಭವತ ತತ್ಕಾರಣಾದ್ ಈಶ್ವರಃ ಸ್ವಪುತ್ರಸ್ಯಾತ್ಮಾನಾಂ ಯುಷ್ಮಾಕಮ್ ಅನ್ತಃಕರಣಾನಿ ಪ್ರಹಿತವಾನ್ ಸ ಚಾತ್ಮಾ ಪಿತಃ ಪಿತರಿತ್ಯಾಹ್ವಾನಂ ಕಾರಯತಿ|
\p
\v 7 ಅತ ಇದಾನೀಂ ಯೂಯಂ ನ ದಾಸಾಃ ಕಿನ್ತುಃ ಸನ್ತಾನಾ ಏವ ತಸ್ಮಾತ್ ಸನ್ತಾನತ್ವಾಚ್ಚ ಖ್ರೀಷ್ಟೇನೇಶ್ವರೀಯಸಮ್ಪದಧಿಕಾರಿಣೋಽಪ್ಯಾಧ್ವೇ|
\p
\v 8 ಅಪರಞ್ಚ ಪೂರ್ವ್ವಂ ಯೂಯಮ್ ಈಶ್ವರಂ ನ ಜ್ಞಾತ್ವಾ ಯೇ ಸ್ವಭಾವತೋಽನೀಶ್ವರಾಸ್ತೇಷಾಂ ದಾಸತ್ವೇಽತಿಷ್ಠತ|
\p
\v 9 ಇದಾನೀಮ್ ಈಶ್ವರಂ ಜ್ಞಾತ್ವಾ ಯದಿ ವೇಶ್ವರೇಣ ಜ್ಞಾತಾ ಯೂಯಂ ಕಥಂ ಪುನಸ್ತಾನಿ ವಿಫಲಾನಿ ತುಚ್ಛಾನಿ ಚಾಕ್ಷರಾಣಿ ಪ್ರತಿ ಪರಾವರ್ತ್ತಿತುಂ ಶಕ್ನುಥ? ಯೂಯಂ ಕಿಂ ಪುನಸ್ತೇಷಾಂ ದಾಸಾ ಭವಿತುಮಿಚ್ಛಥ?
\p
\v 10 ಯೂಯಂ ದಿವಸಾನ್ ಮಾಸಾನ್ ತಿಥೀನ್ ಸಂವತ್ಸರಾಂಶ್ಚ ಸಮ್ಮನ್ಯಧ್ವೇ|
\p
\v 11 ಯುಷ್ಮದರ್ಥಂ ಮಯಾ ಯಃ ಪರಿಶ್ರಮೋಽಕಾರಿ ಸ ವಿಫಲೋ ಜಾತ ಇತಿ ಯುಷ್ಮಾನಧ್ಯಹಂ ಬಿಭೇಮಿ|
\p
\v 12 ಹೇ ಭ್ರಾತರಃ, ಅಹಂ ಯಾದೃಶೋಽಸ್ಮಿ ಯೂಯಮಪಿ ತಾದೃಶಾ ಭವತೇತಿ ಪ್ರಾರ್ಥಯೇ ಯತೋಽಹಮಪಿ ಯುಷ್ಮತ್ತುಲ್ಯೋಽಭವಂ ಯುಷ್ಮಾಭಿ ರ್ಮಮ ಕಿಮಪಿ ನಾಪರಾದ್ಧಂ|
\p
\v 13 ಪೂರ್ವ್ವಮಹಂ ಕಲೇವರಸ್ಯ ದೌರ್ಬ್ಬಲ್ಯೇನ ಯುಷ್ಮಾನ್ ಸುಸಂವಾದಮ್ ಅಜ್ಞಾಪಯಮಿತಿ ಯೂಯಂ ಜಾನೀಥ|
\p
\v 14 ತದಾನೀಂ ಮಮ ಪರೀಕ್ಷಕಂ ಶಾರೀರಕ್ಲೇಶಂ ದೃಷ್ಟ್ವಾ ಯೂಯಂ ಮಾಮ್ ಅವಜ್ಞಾಯ ಋತೀಯಿತವನ್ತಸ್ತನ್ನಹಿ ಕಿನ್ತ್ವೀಶ್ವರಸ್ಯ ದೂತಮಿವ ಸಾಕ್ಷಾತ್ ಖ್ರೀಷ್ಟ ಯೀಶುಮಿವ ವಾ ಮಾಂ ಗೃಹೀತವನ್ತಃ|
\p
\v 15 ಅತಸ್ತದಾನೀಂ ಯುಷ್ಮಾಕಂ ಯಾ ಧನ್ಯತಾಭವತ್ ಸಾ ಕ್ಕ ಗತಾ? ತದಾನೀಂ ಯೂಯಂ ಯದಿ ಸ್ವೇಷಾಂ ನಯನಾನ್ಯುತ್ಪಾಟ್ಯ ಮಹ್ಯಂ ದಾತುಮ್ ಅಶಕ್ಷ್ಯತ ತರ್ಹಿ ತದಪ್ಯಕರಿಷ್ಯತೇತಿ ಪ್ರಮಾಣಮ್ ಅಹಂ ದದಾಮಿ|
\p
\v 16 ಸಾಮ್ಪ್ರತಮಹಂ ಸತ್ಯವಾದಿತ್ವಾತ್ ಕಿಂ ಯುಷ್ಮಾಕಂ ರಿಪು ರ್ಜಾತೋಽಸ್ಮಿ?
\p
\v 17 ತೇ ಯುಷ್ಮತ್ಕೃತೇ ಸ್ಪರ್ದ್ಧನ್ತೇ ಕಿನ್ತು ಸಾ ಸ್ಪರ್ದ್ಧಾ ಕುತ್ಸಿತಾ ಯತೋ ಯೂಯಂ ತಾನಧಿ ಯತ್ ಸ್ಪರ್ದ್ಧಧ್ವಂ ತದರ್ಥಂ ತೇ ಯುಷ್ಮಾನ್ ಪೃಥಕ್ ಕರ್ತ್ತುಮ್ ಇಚ್ಛನ್ತಿ|
\p
\v 18 ಕೇವಲಂ ಯುಷ್ಮತ್ಸಮೀಪೇ ಮಮೋಪಸ್ಥಿತಿಸಮಯೇ ತನ್ನಹಿ, ಕಿನ್ತು ಸರ್ವ್ವದೈವ ಭದ್ರಮಧಿ ಸ್ಪರ್ದ್ಧನಂ ಭದ್ರಂ|
\p
\v 19 ಹೇ ಮಮ ಬಾಲಕಾಃ, ಯುಷ್ಮದನ್ತ ರ್ಯಾವತ್ ಖ್ರೀಷ್ಟೋ ಮೂರ್ತಿಮಾನ್ ನ ಭವತಿ ತಾವದ್ ಯುಷ್ಮತ್ಕಾರಣಾತ್ ಪುನಃ ಪ್ರಸವವೇದನೇವ ಮಮ ವೇದನಾ ಜಾಯತೇ|
\p
\v 20 ಅಹಮಿದಾನೀಂ ಯುಷ್ಮಾಕಂ ಸನ್ನಿಧಿಂ ಗತ್ವಾ ಸ್ವರಾನ್ತರೇಣ ಯುಷ್ಮಾನ್ ಸಮ್ಭಾಷಿತುಂ ಕಾಮಯೇ ಯತೋ ಯುಷ್ಮಾನಧಿ ವ್ಯಾಕುಲೋಽಸ್ಮಿ|
\p
\v 21 ಹೇ ವ್ಯವಸ್ಥಾಧೀನತಾಕಾಙ್ಕ್ಷಿಣಃ ಯೂಯಂ ಕಿಂ ವ್ಯವಸ್ಥಾಯಾ ವಚನಂ ನ ಗೃಹ್ಲೀಥ?
\p
\v 22 ತನ್ಮಾಂ ವದತ| ಲಿಖಿತಮಾಸ್ತೇ, ಇಬ್ರಾಹೀಮೋ ದ್ವೌ ಪುತ್ರಾವಾಸಾತೇ ತಯೋರೇಕೋ ದಾಸ್ಯಾಂ ದ್ವಿತೀಯಶ್ಚ ಪತ್ನ್ಯಾಂ ಜಾತಃ|
\p
\v 23 ತಯೋ ರ್ಯೋ ದಾಸ್ಯಾಂ ಜಾತಃ ಸ ಶಾರೀರಿಕನಿಯಮೇನ ಜಜ್ಞೇ ಯಶ್ಚ ಪತ್ನ್ಯಾಂ ಜಾತಃ ಸ ಪ್ರತಿಜ್ಞಯಾ ಜಜ್ಞೇ|
\p
\v 24 ಇದಮಾಖ್ಯಾನಂ ದೃಷ್ಟನ್ತಸ್ವರೂಪಂ| ತೇ ದ್ವೇ ಯೋಷಿತಾವೀಶ್ವರೀಯಸನ್ಧೀ ತಯೋರೇಕಾ ಸೀನಯಪರ್ವ್ವತಾದ್ ಉತ್ಪನ್ನಾ ದಾಸಜನಯಿತ್ರೀ ಚ ಸಾ ತು ಹಾಜಿರಾ|
\p
\v 25 ಯಸ್ಮಾದ್ ಹಾಜಿರಾಶಬ್ದೇನಾರವದೇಶಸ್ಥಸೀನಯಪರ್ವ್ವತೋ ಬೋಧ್ಯತೇ, ಸಾ ಚ ವರ್ತ್ತಮಾನಾಯಾ ಯಿರೂಶಾಲಮ್ಪುರ್ಯ್ಯಾಃ ಸದೃಶೀ| ಯತಃ ಸ್ವಬಾಲೈಃ ಸಹಿತಾ ಸಾ ದಾಸತ್ವ ಆಸ್ತೇ|
\p
\v 26 ಕಿನ್ತು ಸ್ವರ್ಗೀಯಾ ಯಿರೂಶಾಲಮ್ಪುರೀ ಪತ್ನೀ ಸರ್ವ್ವೇಷಾಮ್ ಅಸ್ಮಾಕಂ ಮಾತಾ ಚಾಸ್ತೇ|
\p
\v 27 ಯಾದೃಶಂ ಲಿಖಿತಮ್ ಆಸ್ತೇ, "ವನ್ಧ್ಯೇ ಸನ್ತಾನಹೀನೇ ತ್ವಂ ಸ್ವರಂ ಜಯಜಯಂ ಕುರು| ಅಪ್ರಸೂತೇ ತ್ವಯೋಲ್ಲಾಸೋ ಜಯಾಶಬ್ದಶ್ಚ ಗೀಯತಾಂ| ಯತ ಏವ ಸನಾಥಾಯಾ ಯೋಷಿತಃ ಸನ್ತತೇ ರ್ಗಣಾತ್| ಅನಾಥಾ ಯಾ ಭವೇನ್ನಾರೀ ತದಪತ್ಯಾನಿ ಭೂರಿಶಃ|| "
\p
\v 28 ಹೇ ಭ್ರಾತೃಗಣ, ಇಮ್ಹಾಕ್ ಇವ ವಯಂ ಪ್ರತಿಜ್ಞಯಾ ಜಾತಾಃ ಸನ್ತಾನಾಃ|
\p
\v 29 ಕಿನ್ತು ತದಾನೀಂ ಶಾರೀರಿಕನಿಯಮೇನ ಜಾತಃ ಪುತ್ರೋ ಯದ್ವದ್ ಆತ್ಮಿಕನಿಯಮೇನ ಜಾತಂ ಪುತ್ರಮ್ ಉಪಾದ್ರವತ್ ತಥಾಧುನಾಪಿ|
\p
\v 30 ಕಿನ್ತು ಶಾಸ್ತ್ರೇ ಕಿಂ ಲಿಖಿತಂ? "ತ್ವಮ್ ಇಮಾಂ ದಾಸೀಂ ತಸ್ಯಾಃ ಪುತ್ರಞ್ಚಾಪಸಾರಯ ಯತ ಏಷ ದಾಸೀಪುತ್ರಃ ಪತ್ನೀಪುತ್ರೇಣ ಸಮಂ ನೋತ್ತರಾಧಿಕಾರೀ ಭವಿಯ್ಯತೀತಿ| "
\p
\v 31 ಅತಏವ ಹೇ ಭ್ರಾತರಃ, ವಯಂ ದಾಸ್ಯಾಃ ಸನ್ತಾನಾ ನ ಭೂತ್ವಾ ಪಾತ್ನ್ಯಾಃ ಸನ್ತಾನಾ ಭವಾಮಃ|
\c 5
\p
\v 1 ಖ್ರೀಷ್ಟೋಽಸ್ಮಭ್ಯಂ ಯತ್ ಸ್ವಾತನ್ತ್ರ್ಯಂ ದತ್ತವಾನ್ ಯೂಯಂ ತತ್ರ ಸ್ಥಿರಾಸ್ತಿಷ್ಠತ ದಾಸತ್ವಯುಗೇನ ಪುನ ರ್ನ ನಿಬಧ್ಯಧ್ವಂ|
\p
\v 2 ಪಶ್ಯತಾಹಂ ಪೌಲೋ ಯುಷ್ಮಾನ್ ವದಾಮಿ ಯದಿ ಛಿನ್ನತ್ವಚೋ ಭವಥ ತರ್ಹಿ ಖ್ರೀಷ್ಟೇನ ಕಿಮಪಿ ನೋಪಕಾರಿಷ್ಯಧ್ವೇ|
\p
\v 3 ಅಪರಂ ಯಃ ಕಶ್ಚಿತ್ ಛಿನ್ನತ್ವಗ್ ಭವತಿ ಸ ಕೃತ್ಸ್ನವ್ಯವಸ್ಥಾಯಾಃ ಪಾಲನಮ್ ಈಶ್ವರಾಯ ಧಾರಯತೀತಿ ಪ್ರಮಾಣಂ ದದಾಮಿ|
\p
\v 4 ಯುಷ್ಮಾಕಂ ಯಾವನ್ತೋ ಲೋಕಾ ವ್ಯವಸ್ಥಯಾ ಸಪುಣ್ಯೀಭವಿತುಂ ಚೇಷ್ಟನ್ತೇ ತೇ ಸರ್ವ್ವೇ ಖ್ರೀಷ್ಟಾದ್ ಭ್ರಷ್ಟಾ ಅನುಗ್ರಹಾತ್ ಪತಿತಾಶ್ಚ|
\p
\v 5 ಯತೋ ವಯಮ್ ಆತ್ಮನಾ ವಿಶ್ವಾಸಾತ್ ಪುಣ್ಯಲಾಭಾಶಾಸಿದ್ಧಂ ಪ್ರತೀಕ್ಷಾಮಹೇ|
\p
\v 6 ಖ್ರೀಷ್ಟೇ ಯೀಶೌ ತ್ವಕ್ಛೇದಾತ್ವಕ್ಛೇದಯೋಃ ಕಿಮಪಿ ಗುಣಂ ನಾಸ್ತಿ ಕಿನ್ತು ಪ್ರೇಮ್ನಾ ಸಫಲೋ ವಿಶ್ವಾಸ ಏವ ಗುಣಯುಕ್ತಃ|
\p
\v 7 ಪೂರ್ವ್ವಂ ಯೂಯಂ ಸುನ್ದರಮ್ ಅಧಾವತ ಕಿನ್ತ್ವಿದಾನೀಂ ಕೇನ ಬಾಧಾಂ ಪ್ರಾಪ್ಯ ಸತ್ಯತಾಂ ನ ಗೃಹ್ಲೀಥ?
\p
\v 8 ಯುಷ್ಮಾಕಂ ಸಾ ಮತಿ ರ್ಯುಷ್ಮದಾಹ್ವಾನಕಾರಿಣ ಈಶ್ವರಾನ್ನ ಜಾತಾ|
\p
\v 9 ವಿಕಾರಃ ಕೃತ್ಸ್ನಶಕ್ತೂನಾಂ ಸ್ವಲ್ಪಕಿಣ್ವೇನ ಜಸಯತೇ|
\p
\v 10 ಯುಷ್ಮಾಕಂ ಮತಿ ರ್ವಿಕಾರಂ ನ ಗಮಿಷ್ಯತೀತ್ಯಹಂ ಯುಷ್ಮಾನಧಿ ಪ್ರಭುನಾಶಂಸೇ; ಕಿನ್ತು ಯೋ ಯುಷ್ಮಾನ್ ವಿಚಾರಲಯತಿ ಸ ಯಃ ಕಶ್ಚಿದ್ ಭವೇತ್ ಸಮುಚಿತಂ ದಣ್ಡಂ ಪ್ರಾಪ್ಸ್ಯತಿ|
\p
\v 11 ಪರನ್ತು ಹೇ ಭ್ರಾತರಃ, ಯದ್ಯಹಮ್ ಇದಾನೀಮ್ ಅಪಿ ತ್ವಕ್ಛೇದಂ ಪ್ರಚಾರಯೇಯಂ ತರ್ಹಿ ಕುತ ಉಪದ್ರವಂ ಭುಞ್ಜಿಯ? ತತ್ಕೃತೇ ಕ್ರುಶಂ ನಿರ್ಬ್ಬಾಧಮ್ ಅಭವಿಷ್ಯತ್|
\p
\v 12 ಯೇ ಜನಾ ಯುಷ್ಮಾಕಂ ಚಾಞ್ಚಲ್ಯಂ ಜನಯನ್ತಿ ತೇಷಾಂ ಛೇದನಮೇವ ಮಯಾಭಿಲಷ್ಯತೇ|
\p
\v 13 ಹೇ ಭ್ರಾತರಃ, ಯೂಯಂ ಸ್ವಾತನ್ತ್ರ್ಯಾರ್ಥಮ್ ಆಹೂತಾ ಆಧ್ವೇ ಕಿನ್ತು ತತ್ಸ್ವಾತನ್ತ್ರ್ಯದ್ವಾರೇಣ ಶಾರೀರಿಕಭಾವೋ ಯುಷ್ಮಾನ್ ನ ಪ್ರವಿಶತು| ಯೂಯಂ ಪ್ರೇಮ್ನಾ ಪರಸ್ಪರಂ ಪರಿಚರ್ಯ್ಯಾಂ ಕುರುಧ್ವಂ|
\p
\v 14 ಯಸ್ಮಾತ್ ತ್ವಂ ಸಮೀಪವಾಸಿನಿ ಸ್ವವತ್ ಪ್ರೇಮ ಕುರ್ಯ್ಯಾ ಇತ್ಯೇಕಾಜ್ಞಾ ಕೃತ್ಸ್ನಾಯಾ ವ್ಯವಸ್ಥಾಯಾಃ ಸಾರಸಂಗ್ರಹಃ|
\p
\v 15 ಕಿನ್ತು ಯೂಯಂ ಯದಿ ಪರಸ್ಪರಂ ದಂದಶ್ಯಧ್ವೇ ಽಶಾಶ್ಯಧ್ವೇ ಚ ತರ್ಹಿ ಯುಷ್ಮಾಕಮ್ ಏಕೋಽನ್ಯೇನ ಯನ್ನ ಗ್ರಸ್ಯತೇ ತತ್ರ ಯುಷ್ಮಾಭಿಃ ಸಾವಧಾನೈ ರ್ಭವಿತವ್ಯಂ|
\p
\v 16 ಅಹಂ ಬ್ರವೀಮಿ ಯೂಯಮ್ ಆತ್ಮಿಕಾಚಾರಂ ಕುರುತ ಶಾರೀರಿಕಾಭಿಲಾಷಂ ಮಾ ಪೂರಯತ|
\p
\v 17 ಯತಃ ಶಾರೀರಿಕಾಭಿಲಾಷ ಆತ್ಮನೋ ವಿಪರೀತಃ, ಆತ್ಮಿಕಾಭಿಲಾಷಶ್ಚ ಶರೀರಸ್ಯ ವಿಪರೀತಃ, ಅನಯೋರುಭಯೋಃ ಪರಸ್ಪರಂ ವಿರೋಧೋ ವಿದ್ಯತೇ ತೇನ ಯುಷ್ಮಾಭಿ ರ್ಯದ್ ಅಭಿಲಷ್ಯತೇ ತನ್ನ ಕರ್ತ್ತವ್ಯಂ|
\p
\v 18 ಯೂಯಂ ಯದ್ಯಾತ್ಮನಾ ವಿನೀಯಧ್ವೇ ತರ್ಹಿ ವ್ಯವಸ್ಥಾಯಾ ಅಧೀನಾ ನ ಭವಥ|
\p
\v 19 ಅಪರಂ ಪರದಾರಗಮನಂ ವೇಶ್ಯಾಗಮನಮ್ ಅಶುಚಿತಾ ಕಾಮುಕತಾ ಪ್ರತಿಮಾಪೂಜನಮ್
\p
\v 20 ಇನ್ದ್ರಜಾಲಂ ಶತ್ರುತ್ವಂ ವಿವಾದೋಽನ್ತರ್ಜ್ವಲನಂ ಕ್ರೋಧಃ ಕಲಹೋಽನೈಕ್ಯಂ
\p
\v 21 ಪಾರ್ಥಕ್ಯಮ್ ಈರ್ಷ್ಯಾ ವಧೋ ಮತ್ತತ್ವಂ ಲಮ್ಪಟತ್ವಮಿತ್ಯಾದೀನಿ ಸ್ಪಷ್ಟತ್ವೇನ ಶಾರೀರಿಕಭಾವಸ್ಯ ಕರ್ಮ್ಮಾಣಿ ಸನ್ತಿ| ಪೂರ್ವ್ವಂ ಯದ್ವತ್ ಮಯಾ ಕಥಿತಂ ತದ್ವತ್ ಪುನರಪಿ ಕಥ್ಯತೇ ಯೇ ಜನಾ ಏತಾದೃಶಾನಿ ಕರ್ಮ್ಮಾಣ್ಯಾಚರನ್ತಿ ತೈರೀಶ್ವರಸ್ಯ ರಾಜ್ಯೇಽಧಿಕಾರಃ ಕದಾಚ ನ ಲಪ್ಸ್ಯತೇ|
\p
\v 22 ಕಿಞ್ಚ ಪ್ರೇಮಾನನ್ದಃ ಶಾನ್ತಿಶ್ಚಿರಸಹಿಷ್ಣುತಾ ಹಿತೈಷಿತಾ ಭದ್ರತ್ವಂ ವಿಶ್ವಾಸ್ಯತಾ ತಿತಿಕ್ಷಾ
\p
\v 23 ಪರಿಮಿತಭೋಜಿತ್ವಮಿತ್ಯಾದೀನ್ಯಾತ್ಮನಃ ಫಲಾನಿ ಸನ್ತಿ ತೇಷಾಂ ವಿರುದ್ಧಾ ಕಾಪಿ ವ್ಯವಸ್ಥಾ ನಹಿ|
\p
\v 24 ಯೇ ತು ಖ್ರೀಷ್ಟಸ್ಯ ಲೋಕಾಸ್ತೇ ರಿಪುಭಿರಭಿಲಾಷೈಶ್ಚ ಸಹಿತಂ ಶಾರೀರಿಕಭಾವಂ ಕ್ರುಶೇ ನಿಹತವನ್ತಃ|
\p
\v 25 ಯದಿ ವಯಮ್ ಆತ್ಮನಾ ಜೀವಾಮಸ್ತರ್ಹ್ಯಾತ್ಮಿಕಾಚಾರೋಽಸ್ಮಾಭಿಃ ಕರ್ತ್ತವ್ಯಃ,
\p
\v 26 ದರ್ಪಃ ಪರಸ್ಪರಂ ನಿರ್ಭರ್ತ್ಸನಂ ದ್ವೇಷಶ್ಚಾಸ್ಮಾಭಿ ರ್ನ ಕರ್ತ್ತವ್ಯಾನಿ|
\c 6
\p
\v 1 ಹೇ ಭ್ರಾತರಃ, ಯುಷ್ಮಾಕಂ ಕಶ್ಚಿದ್ ಯದಿ ಕಸ್ಮಿಂಶ್ಚಿತ್ ಪಾಪೇ ಪತತಿ ತರ್ಹ್ಯಾತ್ಮಿಕಭಾವಯುಕ್ತೈ ರ್ಯುಷ್ಮಾಭಿಸ್ತಿತಿಕ್ಷಾಭಾವಂ ವಿಧಾಯ ಸ ಪುನರುತ್ಥಾಪ್ಯತಾಂ ಯೂಯಮಪಿ ಯಥಾ ತಾದೃಕ್ಪರೀಕ್ಷಾಯಾಂ ನ ಪತಥ ತಥಾ ಸಾವಧಾನಾ ಭವತ|
\p
\v 2 ಯುಷ್ಮಾಕಮ್ ಏಕೈಕೋ ಜನಃ ಪರಸ್ಯ ಭಾರಂ ವಹತ್ವನೇನ ಪ್ರಕಾರೇಣ ಖ್ರೀಷ್ಟಸ್ಯ ವಿಧಿಂ ಪಾಲಯತ|
\p
\v 3 ಯದಿ ಕಶ್ಚನ ಕ್ಷುದ್ರಃ ಸನ್ ಸ್ವಂ ಮಹಾನ್ತಂ ಮನ್ಯತೇ ತರ್ಹಿ ತಸ್ಯಾತ್ಮವಞ್ಚನಾ ಜಾಯತೇ|
\p
\v 4 ಅತ ಏಕೈಕೇನ ಜನೇನ ಸ್ವಕೀಯಕರ್ಮ್ಮಣಃ ಪರೀಕ್ಷಾ ಕ್ರಿಯತಾಂ ತೇನ ಪರಂ ನಾಲೋಕ್ಯ ಕೇವಲಮ್ ಆತ್ಮಾಲೋಕನಾತ್ ತಸ್ಯ ಶ್ಲಘಾ ಸಮ್ಭವಿಷ್ಯತಿ|
\p
\v 5 ಯತ ಏಕೈಕೋे ಜನಃ ಸ್ವಕೀಯಂ ಭಾರಂ ವಕ್ಷ್ಯತಿ|
\p
\v 6 ಯೋ ಜನೋ ಧರ್ಮ್ಮೋಪದೇಶಂ ಲಭತೇ ಸ ಉಪದೇಷ್ಟಾರಂ ಸ್ವೀಯಸರ್ವ್ವಸಮ್ಪತ್ತೇ ರ್ಭಾಗಿನಂ ಕರೋತು|
\p
\v 7 ಯುಷ್ಮಾಕಂ ಭ್ರಾನ್ತಿ ರ್ನ ಭವತು, ಈಶ್ವರೋ ನೋಪಹಸಿತವ್ಯಃ, ಯೇನ ಯದ್ ಬೀಜಮ್ ಉಪ್ಯತೇ ತೇನ ತಜ್ಜಾತಂ ಶಸ್ಯಂ ಕರ್ತ್ತಿಷ್ಯತೇ|
\p
\v 8 ಸ್ವಶರೀರಾರ್ಥಂ ಯೇನ ಬೀಜಮ್ ಉಪ್ಯತೇ ತೇನ ಶರೀರಾದ್ ವಿನಾಶರೂಪಂ ಶಸ್ಯಂ ಲಪ್ಸ್ಯತೇ ಕಿನ್ತ್ವಾತ್ಮನಃ ಕೃತೇ ಯೇನ ಬೀಜಮ್ ಉಪ್ಯತೇ ತೇನಾತ್ಮತೋಽನನ್ತಜೀವಿತರೂಪಂ ಶಸ್ಯಂ ಲಪ್ಸ್ಯತೇ|
\p
\v 9 ಸತ್ಕರ್ಮ್ಮಕರಣೇಽಸ್ಮಾಭಿರಶ್ರಾನ್ತೈ ರ್ಭವಿತವ್ಯಂ ಯತೋಽಕ್ಲಾನ್ತೌಸ್ತಿಷ್ಠದ್ಭಿರಸ್ಮಾಭಿರುಪಯುಕ್ತಸಮಯೇ ತತ್ ಫಲಾನಿ ಲಪ್ಸ್ಯನ್ತೇ|
\p
\v 10 ಅತೋ ಯಾವತ್ ಸಮಯಸ್ತಿಷ್ಠತಿ ತಾವತ್ ಸರ್ವ್ವಾನ್ ಪ್ರತಿ ವಿಶೇಷತೋ ವಿಶ್ವಾಸವೇಶ್ಮವಾಸಿನಃ ಪ್ರತ್ಯಸ್ಮಾಭಿ ರ್ಹಿತಾಚಾರಃ ಕರ್ತ್ತವ್ಯಃ|
\p
\v 11 ಹೇ ಭ್ರಾತರಃ, ಅಹಂ ಸ್ವಹಸ್ತೇನ ಯುಷ್ಮಾನ್ ಪ್ರತಿ ಕಿಯದ್ವೃಹತ್ ಪತ್ರಂ ಲಿಖಿತವಾನ್ ತದ್ ಯುಷ್ಮಾಭಿ ರ್ದೃಶ್ಯತಾಂ|
\p
\v 12 ಯೇ ಶಾರೀರಿಕವಿಷಯೇ ಸುದೃಶ್ಯಾ ಭವಿತುಮಿಚ್ಛನ್ತಿ ತೇ ಯತ್ ಖ್ರೀಷ್ಟಸ್ಯ ಕ್ರುಶಸ್ಯ ಕಾರಣಾದುಪದ್ರವಸ್ಯ ಭಾಗಿನೋ ನ ಭವನ್ತಿ ಕೇವಲಂ ತದರ್ಥಂ ತ್ವಕ್ಛೇದೇ ಯುಷ್ಮಾನ್ ಪ್ರವರ್ತ್ತಯನ್ತಿ|
\p
\v 13 ತೇ ತ್ವಕ್ಛೇದಗ್ರಾಹಿಣೋಽಪಿ ವ್ಯವಸ್ಥಾಂ ನ ಪಾಲಯನ್ತಿ ಕಿನ್ತು ಯುಷ್ಮಚ್ಛರೀರಾತ್ ಶ್ಲಾಘಾಲಾಭಾರ್ಥಂ ಯುಷ್ಮಾಕಂ ತ್ವಕ್ಛೇದಮ್ ಇಚ್ಛನ್ತಿ|
\p
\v 14 ಕಿನ್ತು ಯೇನಾಹಂ ಸಂಸಾರಾಯ ಹತಃ ಸಂಸಾರೋಽಪಿ ಮಹ್ಯಂ ಹತಸ್ತದಸ್ಮತ್ಪ್ರಭೋ ರ್ಯೀಶುಖ್ರೀಷ್ಟಸ್ಯ ಕ್ರುಶಂ ವಿನಾನ್ಯತ್ರ ಕುತ್ರಾಪಿ ಮಮ ಶ್ಲಾಘನಂ ಕದಾಪಿ ನ ಭವತು|
\p
\v 15 ಖ್ರೀಷ್ಟೇ ಯೀಶೌ ತ್ವಕ್ಛೇದಾತ್ವಕ್ಛೇದಯೋಃ ಕಿಮಪಿ ಗುಣಂ ನಾಸ್ತಿ ಕಿನ್ತು ನವೀನಾ ಸೃಷ್ಟಿರೇವ ಗುಣಯುಕ್ತಾ|
\p
\v 16 ಅಪರಂ ಯಾವನ್ತೋ ಲೋಕಾ ಏತಸ್ಮಿನ್ ಮಾರ್ಗೇ ಚರನ್ತಿ ತೇಷಾಮ್ ಈಶ್ವರೀಯಸ್ಯ ಕೃತ್ಸ್ನಸ್ಯೇಸ್ರಾಯೇಲಶ್ಚ ಶಾನ್ತಿ ರ್ದಯಾಲಾಭಶ್ಚ ಭೂಯಾತ್|
\p
\v 17 ಇತಃ ಪರಂ ಕೋಽಪಿ ಮಾಂ ನ ಕ್ಲಿಶ್ನಾತು ಯಸ್ಮಾದ್ ಅಹಂ ಸ್ವಗಾತ್ರೇ ಪ್ರಭೋ ರ್ಯೀಶುಖ್ರೀಷ್ಟಸ್ಯ ಚಿಹ್ನಾನಿ ಧಾರಯೇ|
\p
\v 18 ಹೇ ಭ್ರಾತರಃ ಅಸ್ಮಾಕಂ ಪ್ರಭೋ ರ್ಯೀಶುಖ್ರೀಷ್ಟಸ್ಯ ಪ್ರಸಾದೋ ಯುಷ್ಮಾಕಮ್ ಆತ್ಮನಿ ಸ್ಥೇಯಾತ್| ತಥಾಸ್ತು|