\id 2CO Sanskrit Bible (NT) in Kannada Script (ಸತ್ಯವೇದಃ।)
\ide UTF-8
\rem © SanskritBible.in । Licensed under CC BY-SA 4.0
\h 2 Corinthians
\toc1 ೨ ಕರಿನ್ಥಿನಃ ಪತ್ರಂ
\toc2 ೨ ಕರಿನ್ಥಿನಃ
\toc3 ೨ ಕರಿನ್ಥಿನಃ
\mt1 ೨ ಕರಿನ್ಥಿನಃ ಪತ್ರಂ
\c 1
\p
\v 1 ಈಶ್ವರಸ್ಯೇಚ್ಛಯಾ ಯೀಶುಖ್ರೀಷ್ಟಸ್ಯ ಪ್ರೇರಿತಃ ಪೌಲಸ್ತಿಮಥಿರ್ಭ್ರಾತಾ ಚ ದ್ವಾವೇತೌ ಕರಿನ್ಥನಗರಸ್ಥಾಯೈ ಈಶ್ವರೀಯಸಮಿತಯ ಆಖಾಯಾದೇಶಸ್ಥೇಭ್ಯಃ ಸರ್ವ್ವೇಭ್ಯಃ ಪವಿತ್ರಲೋಕೇಭ್ಯಶ್ಚ ಪತ್ರಂ ಲಿಖತಃ|
\p
\v 2 ಅಸ್ಮಾಕಂ ತಾತಸ್ಯೇಶ್ವರಸ್ಯ ಪ್ರಭೋರ್ಯೀಶುಖ್ರೀಷ್ಟಸ್ಯ ಚಾನುಗ್ರಹಃ ಶಾನ್ತಿಶ್ಚ ಯುಷ್ಮಾಸು ವರ್ತ್ತತಾಂ|
\p
\v 3 ಕೃಪಾಲುಃ ಪಿತಾ ಸರ್ವ್ವಸಾನ್ತ್ವನಾಕಾರೀಶ್ವರಶ್ಚ ಯೋಽಸ್ಮತ್ಪ್ರಭೋರ್ಯೀಶುಖ್ರೀಷ್ಟಸ್ಯ ತಾತ ಈಶ್ವರಃ ಸ ಧನ್ಯೋ ಭವತು|
\p
\v 4 ಯತೋ ವಯಮ್ ಈಶ್ವರಾತ್ ಸಾನ್ತ್ವನಾಂ ಪ್ರಾಪ್ಯ ತಯಾ ಸಾನ್ತ್ವನಯಾ ಯತ್ ಸರ್ವ್ವವಿಧಕ್ಲಿಷ್ಟಾನ್ ಲೋಕಾನ್ ಸಾನ್ತ್ವಯಿತುಂ ಶಕ್ನುಯಾಮ ತದರ್ಥಂ ಸೋಽಸ್ಮಾಕಂ ಸರ್ವ್ವಕ್ಲೇಶಸಮಯೇಽಸ್ಮಾನ್ ಸಾನ್ತ್ವಯತಿ|
\p
\v 5 ಯತಃ ಖ್ರೀಷ್ಟಸ್ಯ ಕ್ಲೇಶಾ ಯದ್ವದ್ ಬಾಹುಲ್ಯೇನಾಸ್ಮಾಸು ವರ್ತ್ತನ್ತೇ ತದ್ವದ್ ವಯಂ ಖ್ರೀಷ್ಟೇನ ಬಹುಸಾನ್ತ್ವನಾಢ್ಯಾ ಅಪಿ ಭವಾಮಃ|
\p
\v 6 ವಯಂ ಯದಿ ಕ್ಲಿಶ್ಯಾಮಹೇ ತರ್ಹಿ ಯುಷ್ಮಾಕಂ ಸಾನ್ತ್ವನಾಪರಿತ್ರಾಣಯೋಃ ಕೃತೇ ಕ್ಲಿಶ್ಯಾಮಹೇ ಯತೋಽಸ್ಮಾಭಿ ರ್ಯಾದೃಶಾನಿ ದುಃಖಾನಿ ಸಹ್ಯನ್ತೇ ಯುಷ್ಮಾಕಂ ತಾದೃಶದುಃಖಾನಾಂ ಸಹನೇನ ತೌ ಸಾಧಯಿಷ್ಯೇತೇ ಇತ್ಯಸ್ಮಿನ್ ಯುಷ್ಮಾನಧಿ ಮಮ ದೃಢಾ ಪ್ರತ್ಯಾಶಾ ಭವತಿ|
\p
\v 7 ಯದಿ ವಾ ವಯಂ ಸಾನ್ತ್ವನಾಂ ಲಭಾಮಹೇ ತರ್ಹಿ ಯುಷ್ಮಾಕಂ ಸಾನ್ತ್ವನಾಪರಿತ್ರಾಣಯೋಃ ಕೃತೇ ತಾಮಪಿ ಲಭಾಮಹೇ| ಯತೋ ಯೂಯಂ ಯಾದೃಗ್ ದುಃಖಾನಾಂ ಭಾಗಿನೋಽಭವತ ತಾದೃಕ್ ಸಾನ್ತ್ವನಾಯಾ ಅಪಿ ಭಾಗಿನೋ ಭವಿಷ್ಯಥೇತಿ ವಯಂ ಜಾನೀಮಃ|
\p
\v 8 ಹೇ ಭ್ರಾತರಃ, ಆಶಿಯಾದೇಶೇ ಯಃ ಕ್ಲೇಶೋಽಸ್ಮಾನ್ ಆಕ್ರಾಮ್ಯತ್ ತಂ ಯೂಯಂ ಯದ್ ಅನವಗತಾಸ್ತಿಷ್ಠತ ತನ್ಮಯಾ ಭದ್ರಂ ನ ಮನ್ಯತೇ| ತೇನಾತಿಶಕ್ತಿಕ್ಲೇಶೇನ ವಯಮತೀವ ಪೀಡಿತಾಸ್ತಸ್ಮಾತ್ ಜೀವನರಕ್ಷಣೇ ನಿರುಪಾಯಾ ಜಾತಾಶ್ಚ,
\p
\v 9 ಅತೋ ವಯಂ ಸ್ವೇಷು ನ ವಿಶ್ವಸ್ಯ ಮೃತಲೋಕಾನಾಮ್ ಉತ್ಥಾಪಯಿತರೀಶ್ವರೇ ಯದ್ ವಿಶ್ವಾಸಂ ಕುರ್ಮ್ಮಸ್ತದರ್ಥಮ್ ಅಸ್ಮಾಭಿಃ ಪ್ರಾಣದಣ್ಡೋ ಭೋಕ್ತವ್ಯ ಇತಿ ಸ್ವಮನಸಿ ನಿಶ್ಚಿತಂ|
\p
\v 10 ಏತಾದೃಶಭಯಙ್ಕರಾತ್ ಮೃತ್ಯೋ ರ್ಯೋ ಽಸ್ಮಾನ್ ಅತ್ರಾಯತೇದಾನೀಮಪಿ ತ್ರಾಯತೇ ಸ ಇತಃ ಪರಮಪ್ಯಸ್ಮಾನ್ ತ್ರಾಸ್ಯತೇ ಽಸ್ಮಾಕಮ್ ಏತಾದೃಶೀ ಪ್ರತ್ಯಾಶಾ ವಿದ್ಯತೇ|
\p
\v 11 ಏತದರ್ಥಮಸ್ಮತ್ಕೃತೇ ಪ್ರಾರ್ಥನಯಾ ವಯಂ ಯುಷ್ಮಾಭಿರುಪಕರ್ತ್ತವ್ಯಾಸ್ತಥಾ ಕೃತೇ ಬಹುಭಿ ರ್ಯಾಚಿತೋ ಯೋಽನುಗ್ರಹೋಽಸ್ಮಾಸು ವರ್ತ್ತಿಷ್ಯತೇ ತತ್ಕೃತೇ ಬಹುಭಿರೀಶ್ವರಸ್ಯ ಧನ್ಯವಾದೋಽಪಿ ಕಾರಿಷ್ಯತೇ|
\p
\v 12 ಅಪರಞ್ಚ ಸಂಸಾರಮಧ್ಯೇ ವಿಶೇಷತೋ ಯುಷ್ಮನ್ಮಧ್ಯೇ ವಯಂ ಸಾಂಸಾರಿಕ್ಯಾ ಧಿಯಾ ನಹಿ ಕಿನ್ತ್ವೀಶ್ವರಸ್ಯಾನುಗ್ರಹೇಣಾಕುಟಿಲತಾಮ್ ಈಶ್ವರೀಯಸಾರಲ್ಯಞ್ಚಾಚರಿತವನ್ತೋಽತ್ರಾಸ್ಮಾಕಂ ಮನೋ ಯತ್ ಪ್ರಮಾಣಂ ದದಾತಿ ತೇನ ವಯಂ ಶ್ಲಾಘಾಮಹೇ|
\p
\v 13 ಯುಷ್ಮಾಭಿ ರ್ಯದ್ ಯತ್ ಪಠ್ಯತೇ ಗೃಹ್ಯತೇ ಚ ತದನ್ಯತ್ ಕಿಮಪಿ ಯುಷ್ಮಭ್ಯಮ್ ಅಸ್ಮಾಭಿ ರ್ನ ಲಿಖ್ಯತೇ ತಚ್ಚಾನ್ತಂ ಯಾವದ್ ಯುಷ್ಮಾಭಿ ರ್ಗ್ರಹೀಷ್ಯತ ಇತ್ಯಸ್ಮಾಕಮ್ ಆಶಾ|
\p
\v 14 ಯೂಯಮಿತಃ ಪೂರ್ವ್ವಮಪ್ಯಸ್ಮಾನ್ ಅಂಶತೋ ಗೃಹೀತವನ್ತಃ, ಯತಃ ಪ್ರಭೋ ರ್ಯೀಶುಖ್ರೀಷ್ಟಸ್ಯ ದಿನೇ ಯದ್ವದ್ ಯುಷ್ಮಾಸ್ವಸ್ಮಾಕಂ ಶ್ಲಾಘಾ ತದ್ವದ್ ಅಸ್ಮಾಸು ಯುಷ್ಮಾಕಮಪಿ ಶ್ಲಾಘಾ ಭವಿಷ್ಯತಿ|
\p
\v 15 ಅಪರಂ ಯೂಯಂ ಯದ್ ದ್ವಿತೀಯಂ ವರಂ ಲಭಧ್ವೇ ತದರ್ಥಮಿತಃ ಪೂರ್ವ್ವಂ ತಯಾ ಪ್ರತ್ಯಾಶಯಾ ಯುಷ್ಮತ್ಸಮೀಪಂ ಗಮಿಷ್ಯಾಮಿ
\p
\v 16 ಯುಷ್ಮದ್ದೇಶೇನ ಮಾಕಿದನಿಯಾದೇಶಂ ವ್ರಜಿತ್ವಾ ಪುನಸ್ತಸ್ಮಾತ್ ಮಾಕಿದನಿಯಾದೇಶಾತ್ ಯುಷ್ಮತ್ಸಮೀಪಮ್ ಏತ್ಯ ಯುಷ್ಮಾಭಿ ರ್ಯಿಹೂದಾದೇಶಂ ಪ್ರೇಷಯಿಷ್ಯೇ ಚೇತಿ ಮಮ ವಾಞ್ಛಾಸೀತ್|
\p
\v 17 ಏತಾದೃಶೀ ಮನ್ತ್ರಣಾ ಮಯಾ ಕಿಂ ಚಾಞ್ಚಲ್ಯೇನ ಕೃತಾ? ಯದ್ ಯದ್ ಅಹಂ ಮನ್ತ್ರಯೇ ತತ್ ಕಿಂ ವಿಷಯಿಲೋಕಇವ ಮನ್ತ್ರಯಾಣ ಆದೌ ಸ್ವೀಕೃತ್ಯ ಪಶ್ಚಾದ್ ಅಸ್ವೀಕುರ್ವ್ವೇ?
\p
\v 18 ಯುಷ್ಮಾನ್ ಪ್ರತಿ ಮಯಾ ಕಥಿತಾನಿ ವಾಕ್ಯಾನ್ಯಗ್ರೇ ಸ್ವೀಕೃತಾನಿ ಶೇಷೇಽಸ್ವೀಕೃತಾನಿ ನಾಭವನ್ ಏತೇನೇಶ್ವರಸ್ಯ ವಿಶ್ವಸ್ತತಾ ಪ್ರಕಾಶತೇ|
\p
\v 19 ಮಯಾ ಸಿಲ್ವಾನೇನ ತಿಮಥಿನಾ ಚೇಶ್ವರಸ್ಯ ಪುತ್ರೋ ಯೋ ಯೀಶುಖ್ರೀಷ್ಟೋ ಯುಷ್ಮನ್ಮಧ್ಯೇ ಘೋಷಿತಃ ಸ ತೇನ ಸ್ವೀಕೃತಃ ಪುನರಸ್ವೀಕೃತಶ್ಚ ತನ್ನಹಿ ಕಿನ್ತು ಸ ತಸ್ಯ ಸ್ವೀಕಾರಸ್ವರೂಪಏವ|
\p
\v 20 ಈಶ್ವರಸ್ಯ ಮಹಿಮಾ ಯದ್ ಅಸ್ಮಾಭಿಃ ಪ್ರಕಾಶೇತ ತದರ್ಥಮ್ ಈಶ್ವರೇಣ ಯದ್ ಯತ್ ಪ್ರತಿಜ್ಞಾತಂ ತತ್ಸರ್ವ್ವಂ ಖ್ರೀಷ್ಟೇನ ಸ್ವೀಕೃತಂ ಸತ್ಯೀಭೂತಞ್ಚ|
\p
\v 21 ಯುಷ್ಮಾನ್ ಅಸ್ಮಾಂಶ್ಚಾಭಿಷಿಚ್ಯ ಯಃ ಖ್ರೀಷ್ಟೇ ಸ್ಥಾಸ್ನೂನ್ ಕರೋತಿ ಸ ಈಶ್ವರ ಏವ|
\p
\v 22 ಸ ಚಾಸ್ಮಾನ್ ಮುದ್ರಾಙ್ಕಿತಾನ್ ಅಕಾರ್ಷೀತ್ ಸತ್ಯಾಙ್ಕಾರಸ್ಯ ಪಣಖರೂಪಮ್ ಆತ್ಮಾನಂ ಅಸ್ಮಾಕಮ್ ಅನ್ತಃಕರಣೇಷು ನಿರಕ್ಷಿಪಚ್ಚ|
\p
\v 23 ಅಪರಂ ಯುಷ್ಮಾಸು ಕರುಣಾಂ ಕುರ್ವ್ವನ್ ಅಹಮ್ ಏತಾವತ್ಕಾಲಂ ಯಾವತ್ ಕರಿನ್ಥನಗರಂ ನ ಗತವಾನ್ ಇತಿ ಸತ್ಯಮೇತಸ್ಮಿನ್ ಈಶ್ವರಂ ಸಾಕ್ಷಿಣಂ ಕೃತ್ವಾ ಮಯಾ ಸ್ವಪ್ರಾಣಾನಾಂ ಶಪಥಃ ಕ್ರಿಯತೇ|
\p
\v 24 ವಯಂ ಯುಷ್ಮಾಕಂ ವಿಶ್ವಾಸಸ್ಯ ನಿಯನ್ತಾರೋ ನ ಭವಾಮಃ ಕಿನ್ತು ಯುಷ್ಮಾಕಮ್ ಆನನ್ದಸ್ಯ ಸಹಾಯಾ ಭವಾಮಃ, ಯಸ್ಮಾದ್ ವಿಶ್ವಾಸೇ ಯುಷ್ಮಾಕಂ ಸ್ಥಿತಿ ರ್ಭವತಿ|
\c 2
\p
\v 1 ಅಪರಞ್ಚಾಹಂ ಪುನಃ ಶೋಕಾಯ ಯುಷ್ಮತ್ಸನ್ನಿಧಿಂ ನ ಗಮಿಷ್ಯಾಮೀತಿ ಮನಸಿ ನಿರಚೈಷಂ|
\p
\v 2 ಯಸ್ಮಾದ್ ಅಹಂ ಯದಿ ಯುಷ್ಮಾನ್ ಶೋಕಯುಕ್ತಾನ್ ಕರೋಮಿ ತರ್ಹಿ ಮಯಾ ಯಃ ಶೋಕಯುಕ್ತೀಕೃತಸ್ತಂ ವಿನಾ ಕೇನಾಪರೇಣಾಹಂ ಹರ್ಷಯಿಷ್ಯೇ?
\p
\v 3 ಮಮ ಯೋ ಹರ್ಷಃ ಸ ಯುಷ್ಮಾಕಂ ಸರ್ವ್ವೇಷಾಂ ಹರ್ಷ ಏವೇತಿ ನಿಶ್ಚಿತಂ ಮಯಾಬೋಧಿ; ಅತಏವ ಯೈರಹಂ ಹರ್ಷಯಿತವ್ಯಸ್ತೈ ರ್ಮದುಪಸ್ಥಿತಿಸಮಯೇ ಯನ್ಮಮ ಶೋಕೋ ನ ಜಾಯೇತ ತದರ್ಥಮೇವ ಯುಷ್ಮಭ್ಯಮ್ ಏತಾದೃಶಂ ಪತ್ರಂ ಮಯಾ ಲಿಖಿತಂ|
\p
\v 4 ವಸ್ತುತಸ್ತು ಬಹುಕ್ಲೇಶಸ್ಯ ಮನಃಪೀಡಾಯಾಶ್ಚ ಸಮಯೇಽಹಂ ಬಹ್ವಶ್ರುಪಾತೇನ ಪತ್ರಮೇಕಂ ಲಿಖಿತವಾನ್ ಯುಷ್ಮಾಕಂ ಶೋಕಾರ್ಥಂ ತನ್ನಹಿ ಕಿನ್ತು ಯುಷ್ಮಾಸು ಮದೀಯಪ್ರೇಮಬಾಹುಲ್ಯಸ್ಯ ಜ್ಞಾಪನಾರ್ಥಂ|
\p
\v 5 ಯೇನಾಹಂ ಶೋಕಯುಕ್ತೀಕೃತಸ್ತೇನ ಕೇವಲಮಹಂ ಶೋಕಯುಕ್ತೀಕೃತಸ್ತನ್ನಹಿ ಕಿನ್ತ್ವಂಶತೋ ಯೂಯಂ ಸರ್ವ್ವೇಽಪಿ ಯತೋಽಹಮತ್ರ ಕಸ್ಮಿಂಶ್ಚಿದ್ ದೋಷಮಾರೋಪಯಿತುಂ ನೇಚ್ಛಾಮಿ|
\p
\v 6 ಬಹೂನಾಂ ಯತ್ ತರ್ಜ್ಜನಂ ತೇನ ಜನೇನಾಲಮ್ಭಿ ತತ್ ತದರ್ಥಂ ಪ್ರಚುರಂ|
\p
\v 7 ಅತಃ ಸ ದುಃಖಸಾಗರೇ ಯನ್ನ ನಿಮಜ್ಜತಿ ತದರ್ಥಂ ಯುಷ್ಮಾಭಿಃ ಸ ಕ್ಷನ್ತವ್ಯಃ ಸಾನ್ತ್ವಯಿತವ್ಯಶ್ಚ|
\p
\v 8 ಇತಿ ಹೇತೋಃ ಪ್ರರ್ಥಯೇಽಹಂ ಯುಷ್ಮಾಭಿಸ್ತಸ್ಮಿನ್ ದಯಾ ಕ್ರಿಯತಾಂ|
\p
\v 9 ಯೂಯಂ ಸರ್ವ್ವಕರ್ಮ್ಮಣಿ ಮಮಾದೇಶಂ ಗೃಹ್ಲೀಥ ನ ವೇತಿ ಪರೀಕ್ಷಿತುಮ್ ಅಹಂ ಯುಷ್ಮಾನ್ ಪ್ರತಿ ಲಿಖಿತವಾನ್|
\p
\v 10 ಯಸ್ಯ ಯೋ ದೋಷೋ ಯುಷ್ಮಾಭಿಃ ಕ್ಷಮ್ಯತೇ ತಸ್ಯ ಸ ದೋಷೋ ಮಯಾಪಿ ಕ್ಷಮ್ಯತೇ ಯಶ್ಚ ದೋಷೋ ಮಯಾ ಕ್ಷಮ್ಯತೇ ಸ ಯುಷ್ಮಾಕಂ ಕೃತೇ ಖ್ರೀಷ್ಟಸ್ಯ ಸಾಕ್ಷಾತ್ ಕ್ಷಮ್ಯತೇ|
\p
\v 11 ಶಯತಾನಃ ಕಲ್ಪನಾಸ್ಮಾಭಿರಜ್ಞಾತಾ ನಹಿ, ಅತೋ ವಯಂ ಯತ್ ತೇನ ನ ವಞ್ಚ್ಯಾಮಹೇ ತದರ್ಥಮ್ ಅಸ್ಮಾಭಿಃ ಸಾವಧಾನೈ ರ್ಭವಿತವ್ಯಂ|
\p
\v 12 ಅಪರಞ್ಚ ಖ್ರೀಷ್ಟಸ್ಯ ಸುಸಂವಾದಘೋಷಣಾರ್ಥಂ ಮಯಿ ತ್ರೋಯಾನಗರಮಾಗತೇ ಪ್ರಭೋಃ ಕರ್ಮ್ಮಣೇ ಚ ಮದರ್ಥಂ ದ್ವಾರೇ ಮುಕ್ತೇ
\p
\v 13 ಸತ್ಯಪಿ ಸ್ವಭ್ರಾತುಸ್ತೀತಸ್ಯಾವಿದ್ಯಮಾನತ್ವಾತ್ ಮದೀಯಾತ್ಮನಃ ಕಾಪಿ ಶಾನ್ತಿ ರ್ನ ಬಭೂವ, ತಸ್ಮಾದ್ ಅಹಂ ತಾನ್ ವಿಸರ್ಜ್ಜನಂ ಯಾಚಿತ್ವಾ ಮಾಕಿದನಿಯಾದೇಶಂ ಗನ್ತುಂ ಪ್ರಸ್ಥಾನಮ್ ಅಕರವಂ|
\p
\v 14 ಯ ಈಶ್ವರಃ ಸರ್ವ್ವದಾ ಖ್ರೀಷ್ಟೇನಾಸ್ಮಾನ್ ಜಯಿನಃ ಕರೋತಿ ಸರ್ವ್ವತ್ರ ಚಾಸ್ಮಾಭಿಸ್ತದೀಯಜ್ಞಾನಸ್ಯ ಗನ್ಧಂ ಪ್ರಕಾಶಯತಿ ಸ ಧನ್ಯಃ|
\p
\v 15 ಯಸ್ಮಾದ್ ಯೇ ತ್ರಾಣಂ ಲಪ್ಸ್ಯನ್ತೇ ಯೇ ಚ ವಿನಾಶಂ ಗಮಿಷ್ಯನ್ತಿ ತಾನ್ ಪ್ರತಿ ವಯಮ್ ಈಶ್ವರೇಣ ಖ್ರೀಷ್ಟಸ್ಯ ಸೌಗನ್ಧ್ಯಂ ಭವಾಮಃ|
\p
\v 16 ವಯಮ್ ಏಕೇಷಾಂ ಮೃತ್ಯವೇ ಮೃತ್ಯುಗನ್ಧಾ ಅಪರೇಷಾಞ್ಚ ಜೀವನಾಯ ಜೀವನಗನ್ಧಾ ಭವಾಮಃ, ಕಿನ್ತ್ವೇತಾದೃಶಕರ್ಮ್ಮಸಾಧನೇ ಕಃ ಸಮರ್ಥೋಽಸ್ತಿ?
\p
\v 17 ಅನ್ಯೇ ಬಹವೋ ಲೋಕಾ ಯದ್ವದ್ ಈಶ್ವರಸ್ಯ ವಾಕ್ಯಂ ಮೃಷಾಶಿಕ್ಷಯಾ ಮಿಶ್ರಯನ್ತಿ ವಯಂ ತದ್ವತ್ ತನ್ನ ಮಿಶ್ರಯನ್ತಃ ಸರಲಭಾವೇನೇಶ್ವರಸ್ಯ ಸಾಕ್ಷಾದ್ ಈಶ್ವರಸ್ಯಾದೇಶಾತ್ ಖ್ರೀಷ್ಟೇನ ಕಥಾಂ ಭಾಷಾಮಹೇ|
\c 3
\p
\v 1 ವಯಂ ಕಿಮ್ ಆತ್ಮಪ್ರಶಂಸನಂ ಪುನರಾರಭಾಮಹೇ? ಯುಷ್ಮಾನ್ ಪ್ರತಿ ಯುಷ್ಮತ್ತೋ ವಾ ಪರೇಷಾಂ ಕೇಷಾಞ್ಚಿದ್ ಇವಾಸ್ಮಾಕಮಪಿ ಕಿಂ ಪ್ರಶಂಸಾಪತ್ರೇಷು ಪ್ರಯೋಜನಮ್ ಆಸ್ತೇ?
\p
\v 2 ಯೂಯಮೇವಾಸ್ಮಾಕಂ ಪ್ರಶಂಸಾಪತ್ರಂ ತಚ್ಚಾಸ್ಮಾಕಮ್ ಅನ್ತಃಕರಣೇಷು ಲಿಖಿತಂ ಸರ್ವ್ವಮಾನವೈಶ್ಚ ಜ್ಞೇಯಂ ಪಠನೀಯಞ್ಚ|
\p
\v 3 ಯತೋ ಽಸ್ಮಾಭಿಃ ಸೇವಿತಂ ಖ್ರೀಷ್ಟಸ್ಯ ಪತ್ರಂ ಯೂಯಪೇವ, ತಚ್ಚ ನ ಮಸ್ಯಾ ಕಿನ್ತ್ವಮರಸ್ಯೇಶ್ವರಸ್ಯಾತ್ಮನಾ ಲಿಖಿತಂ ಪಾಷಾಣಪತ್ರೇಷು ತನ್ನಹಿ ಕಿನ್ತು ಕ್ರವ್ಯಮಯೇಷು ಹೃತ್ಪತ್ರೇಷು ಲಿಖಿತಮಿತಿ ಸುಸ್ಪಷ್ಟಂ|
\p
\v 4 ಖ್ರೀಷ್ಟೇನೇಶ್ವರಂ ಪ್ರತ್ಯಸ್ಮಾಕಮ್ ಈದೃಶೋ ದೃಢವಿಶ್ವಾಸೋ ವಿದ್ಯತೇ;
\p
\v 5 ವಯಂ ನಿಜಗುಣೇನ ಕಿಮಪಿ ಕಲ್ಪಯಿತುಂ ಸಮರ್ಥಾ ಇತಿ ನಹಿ ಕಿನ್ತ್ವೀಶ್ವರಾದಸ್ಮಾಕಂ ಸಾಮರ್ಥ್ಯಂ ಜಾಯತೇ|
\p
\v 6 ತೇನ ವಯಂ ನೂತನನಿಯಮಸ್ಯಾರ್ಥತೋ ಽಕ್ಷರಸಂಸ್ಥಾನಸ್ಯ ತನ್ನಹಿ ಕಿನ್ತ್ವಾತ್ಮನ ಏವ ಸೇವನಸಾಮರ್ಥ್ಯಂ ಪ್ರಾಪ್ತಾಃ| ಅಕ್ಷರಸಂಸ್ಥಾನಂ ಮೃತ್ಯುಜನಕಂ ಕಿನ್ತ್ವಾತ್ಮಾ ಜೀವನದಾಯಕಃ|
\p
\v 7 ಅಕ್ಷರೈ ರ್ವಿಲಿಖಿತಪಾಷಾಣರೂಪಿಣೀ ಯಾ ಮೃತ್ಯೋಃ ಸೇವಾ ಸಾ ಯದೀದೃಕ್ ತೇಜಸ್ವಿನೀ ಜಾತಾ ಯತ್ತಸ್ಯಾಚಿರಸ್ಥಾಯಿನಸ್ತೇಜಸಃ ಕಾರಣಾತ್ ಮೂಸಸೋ ಮುಖಮ್ ಇಸ್ರಾಯೇಲೀಯಲೋಕೈಃ ಸಂದ್ರಷ್ಟುಂ ನಾಶಕ್ಯತ,
\p
\v 8 ತರ್ಹ್ಯಾತ್ಮನಃ ಸೇವಾ ಕಿಂ ತತೋಽಪಿ ಬಹುತೇಜಸ್ವಿನೀ ನ ಭವೇತ್?
\p
\v 9 ದಣ್ಡಜನಿಕಾ ಸೇವಾ ಯದಿ ತೇಜೋಯುಕ್ತಾ ಭವೇತ್ ತರ್ಹಿ ಪುಣ್ಯಜನಿಕಾ ಸೇವಾ ತತೋಽಧಿಕಂ ಬಹುತೇಜೋಯುಕ್ತಾ ಭವಿಷ್ಯತಿ|
\p
\v 10 ಉಭಯೋಸ್ತುಲನಾಯಾಂ ಕೃತಾಯಾಮ್ ಏಕಸ್ಯಾಸ್ತೇಜೋ ದ್ವಿತೀಯಾಯಾಃ ಪ್ರಖರತರೇಣ ತೇಜಸಾ ಹೀನತೇಜೋ ಭವತಿ|
\p
\v 11 ಯಸ್ಮಾದ್ ಯತ್ ಲೋಪನೀಯಂ ತದ್ ಯದಿ ತೇಜೋಯುಕ್ತಂ ಭವೇತ್ ತರ್ಹಿ ಯತ್ ಚಿರಸ್ಥಾಯಿ ತದ್ ಬಹುತರತೇಜೋಯುಕ್ತಮೇವ ಭವಿಷ್ಯತಿ|
\p
\v 12 ಈದೃಶೀಂ ಪ್ರತ್ಯಾಶಾಂ ಲಬ್ಧ್ವಾ ವಯಂ ಮಹತೀಂ ಪ್ರಗಲ್ಭತಾಂ ಪ್ರಕಾಶಯಾಮಃ|
\p
\v 13 ಇಸ್ರಾಯೇಲೀಯಲೋಕಾ ಯತ್ ತಸ್ಯ ಲೋಪನೀಯಸ್ಯ ತೇಜಸಃ ಶೇಷಂ ನ ವಿಲೋಕಯೇಯುಸ್ತದರ್ಥಂ ಮೂಸಾ ಯಾದೃಗ್ ಆವರಣೇನ ಸ್ವಮುಖಮ್ ಆಚ್ಛಾದಯತ್ ವಯಂ ತಾದೃಕ್ ನ ಕುರ್ಮ್ಮಃ|
\p
\v 14 ತೇಷಾಂ ಮನಾಂಸಿ ಕಠಿನೀಭೂತಾನಿ ಯತಸ್ತೇಷಾಂ ಪಠನಸಮಯೇ ಸ ಪುರಾತನೋ ನಿಯಮಸ್ತೇನಾವರಣೇನಾದ್ಯಾಪಿ ಪ್ರಚ್ಛನ್ನಸ್ತಿಷ್ಠತಿ|
\p
\v 15 ತಚ್ಚ ನ ದೂರೀಭವತಿ ಯತಃ ಖ್ರೀಷ್ಟೇನೈವ ತತ್ ಲುಪ್ಯತೇ| ಮೂಸಸಃ ಶಾಸ್ತ್ರಸ್ಯ ಪಾಠಸಮಯೇಽದ್ಯಾಪಿ ತೇಷಾಂ ಮನಾಂಸಿ ತೇನಾವರಣೇನ ಪ್ರಚ್ಛಾದ್ಯನ್ತೇ|
\p
\v 16 ಕಿನ್ತು ಪ್ರಭುಂ ಪ್ರತಿ ಮನಸಿ ಪರಾವೃತ್ತೇ ತದ್ ಆವರಣಂ ದೂರೀಕಾರಿಷ್ಯತೇ|
\p
\v 17 ಯಃ ಪ್ರಭುಃ ಸ ಏವ ಸ ಆತ್ಮಾ ಯತ್ರ ಚ ಪ್ರಭೋರಾತ್ಮಾ ತತ್ರೈವ ಮುಕ್ತಿಃ|
\p
\v 18 ವಯಞ್ಚ ಸರ್ವ್ವೇಽನಾಚ್ಛಾದಿತೇನಾಸ್ಯೇನ ಪ್ರಭೋಸ್ತೇಜಸಃ ಪ್ರತಿಬಿಮ್ಬಂ ಗೃಹ್ಲನ್ತ ಆತ್ಮಸ್ವರೂಪೇಣ ಪ್ರಭುನಾ ರೂಪಾನ್ತರೀಕೃತಾ ವರ್ದ್ಧಮಾನತೇಜೋಯುಕ್ತಾಂ ತಾಮೇವ ಪ್ರತಿಮೂರ್ತ್ತಿಂ ಪ್ರಾಪ್ನುಮಃ|
\c 4
\p
\v 1 ಅಪರಞ್ಚ ವಯಂ ಕರುಣಾಭಾಜೋ ಭೂತ್ವಾ ಯದ್ ಏತತ್ ಪರಿಚಾರಕಪದಮ್ ಅಲಭಾಮಹಿ ನಾತ್ರ ಕ್ಲಾಮ್ಯಾಮಃ,
\p
\v 2 ಕಿನ್ತು ತ್ರಪಾಯುಕ್ತಾನಿ ಪ್ರಚ್ಛನ್ನಕರ್ಮ್ಮಾಣಿ ವಿಹಾಯ ಕುಟಿಲತಾಚರಣಮಕುರ್ವ್ವನ್ತ ಈಶ್ವರೀಯವಾಕ್ಯಂ ಮಿಥ್ಯಾವಾಕ್ಯೈರಮಿಶ್ರಯನ್ತಃ ಸತ್ಯಧರ್ಮ್ಮಸ್ಯ ಪ್ರಕಾಶನೇನೇಶ್ವರಸ್ಯ ಸಾಕ್ಷಾತ್ ಸರ್ವ್ವಮಾನವಾನಾಂ ಸಂವೇದಗೋಚರೇ ಸ್ವಾನ್ ಪ್ರಶಂಸನೀಯಾನ್ ದರ್ಶಯಾಮಃ|
\p
\v 3 ಅಸ್ಮಾಭಿ ರ್ಘೋಷಿತಃ ಸುಸಂವಾದೋ ಯದಿ ಪ್ರಚ್ಛನ್ನಃ; ಸ್ಯಾತ್ ತರ್ಹಿ ಯೇ ವಿನಂಕ್ಷ್ಯನ್ತಿ ತೇಷಾಮೇವ ದೃಷ್ಟಿತಃ ಸ ಪ್ರಚ್ಛನ್ನಃ;
\p
\v 4 ಯತ ಈಶ್ವರಸ್ಯ ಪ್ರತಿಮೂರ್ತ್ತಿ ರ್ಯಃ ಖ್ರೀಷ್ಟಸ್ತಸ್ಯ ತೇಜಸಃ ಸುಸಂವಾದಸ್ಯ ಪ್ರಭಾ ಯತ್ ತಾನ್ ನ ದೀಪಯೇತ್ ತದರ್ಥಮ್ ಇಹ ಲೋಕಸ್ಯ ದೇವೋಽವಿಶ್ವಾಸಿನಾಂ ಜ್ಞಾನನಯನಮ್ ಅನ್ಧೀಕೃತವಾನ್ ಏತಸ್ಯೋದಾಹರಣಂ ತೇ ಭವನ್ತಿ|
\p
\v 5 ವಯಂ ಸ್ವಾನ್ ಘೋಷಯಾಮ ಇತಿ ನಹಿ ಕಿನ್ತು ಖ್ರೀಷ್ಟಂ ಯೀಶುಂ ಪ್ರಭುಮೇವಾಸ್ಮಾಂಶ್ಚ ಯೀಶೋಃ ಕೃತೇ ಯುಷ್ಮಾಕಂ ಪರಿಚಾರಕಾನ್ ಘೋಷಯಾಮಃ|
\p
\v 6 ಯ ಈಶ್ವರೋ ಮಧ್ಯೇತಿಮಿರಂ ಪ್ರಭಾಂ ದೀಪನಾಯಾದಿಶತ್ ಸ ಯೀಶುಖ್ರೀಷ್ಟಸ್ಯಾಸ್ಯ ಈಶ್ವರೀಯತೇಜಸೋ ಜ್ಞಾನಪ್ರಭಾಯಾ ಉದಯಾರ್ಥಮ್ ಅಸ್ಮಾಕಮ್ ಅನ್ತಃಕರಣೇಷು ದೀಪಿತವಾನ್|
\p
\v 7 ಅಪರಂ ತದ್ ಧನಮ್ ಅಸ್ಮಾಭಿ ರ್ಮೃಣ್ಮಯೇಷು ಭಾಜನೇಷು ಧಾರ್ಯ್ಯತೇ ಯತಃ ಸಾದ್ಭುತಾ ಶಕ್ತಿ ರ್ನಾಸ್ಮಾಕಂ ಕಿನ್ತ್ವೀಶ್ವರಸ್ಯೈವೇತಿ ಜ್ಞಾತವ್ಯಂ|
\p
\v 8 ವಯಂ ಪದೇ ಪದೇ ಪೀಡ್ಯಾಮಹೇ ಕಿನ್ತು ನಾವಸೀದಾಮಃ, ವಯಂ ವ್ಯಾಕುಲಾಃ ಸನ್ತೋಽಪಿ ನಿರುಪಾಯಾ ನ ಭವಾಮಃ;
\p
\v 9 ವಯಂ ಪ್ರದ್ರಾವ್ಯಮಾನಾ ಅಪಿ ನ ಕ್ಲಾಮ್ಯಾಮಃ, ನಿಪಾತಿತಾ ಅಪಿ ನ ವಿನಶ್ಯಾಮಃ|
\p
\v 10 ಅಸ್ಮಾಕಂ ಶರೀರೇ ಖ್ರೀಷ್ಟಸ್ಯ ಜೀವನಂ ಯತ್ ಪ್ರಕಾಶೇತ ತದರ್ಥಂ ತಸ್ಮಿನ್ ಶರೀರೇ ಯೀಶೋ ರ್ಮರಣಮಪಿ ಧಾರಯಾಮಃ|
\p
\v 11 ಯೀಶೋ ರ್ಜೀವನಂ ಯದ್ ಅಸ್ಮಾಕಂ ಮರ್ತ್ತ್ಯದೇಹೇ ಪ್ರಕಾಶೇತ ತದರ್ಥಂ ಜೀವನ್ತೋ ವಯಂ ಯೀಶೋಃ ಕೃತೇ ನಿತ್ಯಂ ಮೃತ್ಯೌ ಸಮರ್ಪ್ಯಾಮಹೇ|
\p
\v 12 ಇತ್ಥಂ ವಯಂ ಮೃತ್ಯಾಕ್ರಾನ್ತಾ ಯೂಯಞ್ಚ ಜೀವನಾಕ್ರಾನ್ತಾಃ|
\p
\v 13 ವಿಶ್ವಾಸಕಾರಣಾದೇವ ಸಮಭಾಷಿ ಮಯಾ ವಚಃ| ಇತಿ ಯಥಾ ಶಾಸ್ತ್ರೇ ಲಿಖಿತಂ ತಥೈವಾಸ್ಮಾಭಿರಪಿ ವಿಶ್ವಾಸಜನಕಮ್ ಆತ್ಮಾನಂ ಪ್ರಾಪ್ಯ ವಿಶ್ವಾಸಃ ಕ್ರಿಯತೇ ತಸ್ಮಾಚ್ಚ ವಚಾಂಸಿ ಭಾಷ್ಯನ್ತೇ|
\p
\v 14 ಪ್ರಭು ರ್ಯೀಶು ರ್ಯೇನೋತ್ಥಾಪಿತಃ ಸ ಯೀಶುನಾಸ್ಮಾನಪ್ಯುತ್ಥಾಪಯಿಷ್ಯತಿ ಯುಷ್ಮಾಭಿಃ ಸಾರ್ದ್ಧಂ ಸ್ವಸಮೀಪ ಉಪಸ್ಥಾಪಯಿಷ್ಯತಿ ಚ, ವಯಮ್ ಏತತ್ ಜಾನೀಮಃ|
\p
\v 15 ಅತಏವ ಯುಷ್ಮಾಕಂ ಹಿತಾಯ ಸರ್ವ್ವಮೇವ ಭವತಿ ತಸ್ಮಾದ್ ಬಹೂನಾಂ ಪ್ರಚುರಾನುुಗ್ರಹಪ್ರಾಪ್ತೇ ರ್ಬಹುಲೋಕಾನಾಂ ಧನ್ಯವಾದೇನೇಶ್ವರಸ್ಯ ಮಹಿಮಾ ಸಮ್ಯಕ್ ಪ್ರಕಾಶಿಷ್ಯತೇ|
\p
\v 16 ತತೋ ಹೇತೋ ರ್ವಯಂ ನ ಕ್ಲಾಮ್ಯಾಮಃ ಕಿನ್ತು ಬಾಹ್ಯಪುರುಷೋ ಯದ್ಯಪಿ ಕ್ಷೀಯತೇ ತಥಾಪ್ಯಾನ್ತರಿಕಃ ಪುರುಷೋ ದಿನೇ ದಿನೇ ನೂತನಾಯತೇ|
\p
\v 17 ಕ್ಷಣಮಾತ್ರಸ್ಥಾಯಿ ಯದೇತತ್ ಲಘಿಷ್ಠಂ ದುಃಖಂ ತದ್ ಅತಿಬಾಹುಲ್ಯೇನಾಸ್ಮಾಕಮ್ ಅನನ್ತಕಾಲಸ್ಥಾಯಿ ಗರಿಷ್ಠಸುಖಂ ಸಾಧಯತಿ,
\p
\v 18 ಯತೋ ವಯಂ ಪ್ರತ್ಯಕ್ಷಾನ್ ವಿಷಯಾನ್ ಅನುದ್ದಿಶ್ಯಾಪ್ರತ್ಯಕ್ಷಾನ್ ಉದ್ದಿಶಾಮಃ| ಯತೋ ಹೇತೋಃ ಪ್ರತ್ಯಕ್ಷವಿಷಯಾಃ ಕ್ಷಣಮಾತ್ರಸ್ಥಾಯಿನಃ ಕಿನ್ತ್ವಪ್ರತ್ಯಕ್ಷಾ ಅನನ್ತಕಾಲಸ್ಥಾಯಿನಃ|
\c 5
\p
\v 1 ಅಪರಮ್ ಅಸ್ಮಾಕಮ್ ಏತಸ್ಮಿನ್ ಪಾರ್ಥಿವೇ ದೂಷ್ಯರೂಪೇ ವೇಶ್ಮನಿ ಜೀರ್ಣೇ ಸತೀಶ್ವರೇಣ ನಿರ್ಮ್ಮಿತಮ್ ಅಕರಕೃತಮ್ ಅಸ್ಮಾಕಮ್ ಅನನ್ತಕಾಲಸ್ಥಾಯಿ ವೇಶ್ಮೈಕಂ ಸ್ವರ್ಗೇ ವಿದ್ಯತ ಇತಿ ವಯಂ ಜಾನೀಮಃ|
\p
\v 2 ಯತೋ ಹೇತೋರೇತಸ್ಮಿನ್ ವೇಶ್ಮನಿ ತಿಷ್ಠನ್ತೋ ವಯಂ ತಂ ಸ್ವರ್ಗೀಯಂ ವಾಸಂ ಪರಿಧಾತುಮ್ ಆಕಾಙ್ಕ್ಷ್ಯಮಾಣಾ ನಿಃಶ್ವಸಾಮಃ|
\p
\v 3 ತಥಾಪೀದಾನೀಮಪಿ ವಯಂ ತೇನ ನ ನಗ್ನಾಃ ಕಿನ್ತು ಪರಿಹಿತವಸನಾ ಮನ್ಯಾಮಹೇ|
\p
\v 4 ಏತಸ್ಮಿನ್ ದೂಷ್ಯೇ ತಿಷ್ಠನತೋ ವಯಂ ಕ್ಲಿಶ್ಯಮಾನಾ ನಿಃಶ್ವಸಾಮಃ, ಯತೋ ವಯಂ ವಾಸಂ ತ್ಯಕ್ತುಮ್ ಇಚ್ಛಾಮಸ್ತನ್ನಹಿ ಕಿನ್ತು ತಂ ದ್ವಿತೀಯಂ ವಾಸಂ ಪರಿಧಾತುಮ್ ಇಚ್ಛಾಮಃ, ಯತಸ್ತಥಾ ಕೃತೇ ಜೀವನೇನ ಮರ್ತ್ಯಂ ಗ್ರಸಿಷ್ಯತೇ|
\p
\v 5 ಏತದರ್ಥಂ ವಯಂ ಯೇನ ಸೃಷ್ಟಾಃ ಸ ಈಶ್ವರ ಏವ ಸ ಚಾಸ್ಮಭ್ಯಂ ಸತ್ಯಙ್ಕಾರಸ್ಯ ಪಣಸ್ವರೂಪಮ್ ಆತ್ಮಾನಂ ದತ್ತವಾನ್|
\p
\v 6 ಅತಏವ ವಯಂ ಸರ್ವ್ವದೋತ್ಸುಕಾ ಭವಾಮಃ ಕಿಞ್ಚ ಶರೀರೇ ಯಾವದ್ ಅಸ್ಮಾಭಿ ರ್ನ್ಯುಷ್ಯತೇ ತಾವತ್ ಪ್ರಭುತೋ ದೂರೇ ಪ್ರೋಷ್ಯತ ಇತಿ ಜಾನೀಮಃ,
\p
\v 7 ಯತೋ ವಯಂ ದೃಷ್ಟಿಮಾರ್ಗೇ ನ ಚರಾಮಃ ಕಿನ್ತು ವಿಶ್ವಾಸಮಾರ್ಗೇ|
\p
\v 8 ಅಪರಞ್ಚ ಶರೀರಾದ್ ದೂರೇ ಪ್ರವಸ್ತುಂ ಪ್ರಭೋಃ ಸನ್ನಿಧೌ ನಿವಸ್ತುಞ್ಚಾಕಾಙ್ಕ್ಷ್ಯಮಾಣಾ ಉತ್ಸುಕಾ ಭವಾಮಃ|
\p
\v 9 ತಸ್ಮಾದೇವ ಕಾರಣಾದ್ ವಯಂ ತಸ್ಯ ಸನ್ನಿಧೌ ನಿವಸನ್ತಸ್ತಸ್ಮಾದ್ ದೂರೇ ಪ್ರವಸನ್ತೋ ವಾ ತಸ್ಮೈ ರೋಚಿತುಂ ಯತಾಮಹೇ|
\p
\v 10 ಯಸ್ಮಾತ್ ಶರೀರಾವಸ್ಥಾಯಾಮ್ ಏಕೈಕೇನ ಕೃತಾನಾಂ ಕರ್ಮ್ಮಣಾಂ ಶುಭಾಶುಭಫಲಪ್ರಾಪ್ತಯೇ ಸರ್ವ್ವೈಸ್ಮಾಭಿಃ ಖ್ರೀಷ್ಟಸ್ಯ ವಿಚಾರಾಸನಸಮ್ಮುಖ ಉಪಸ್ಥಾತವ್ಯಂ|
\p
\v 11 ಅತಏವ ಪ್ರಭೋ ರ್ಭಯಾನಕತ್ವಂ ವಿಜ್ಞಾಯ ವಯಂ ಮನುಜಾನ್ ಅನುನಯಾಮಃ ಕಿಞ್ಚೇಶ್ವರಸ್ಯ ಗೋಚರೇ ಸಪ್ರಕಾಶಾ ಭವಾಮಃ, ಯುಷ್ಮಾಕಂ ಸಂವೇದಗೋಚರೇಽಪಿ ಸಪ್ರಕಾಶಾ ಭವಾಮ ಇತ್ಯಾಶಂಸಾಮಹೇ|
\p
\v 12 ಅನೇನ ವಯಂ ಯುಷ್ಮಾಕಂ ಸನ್ನಿಧೌ ಪುನಃ ಸ್ವಾನ್ ಪ್ರಶಂಸಾಮ ಇತಿ ನಹಿ ಕಿನ್ತು ಯೇ ಮನೋ ವಿನಾ ಮುಖೈಃ ಶ್ಲಾಘನ್ತೇ ತೇಭ್ಯಃ ಪ್ರತ್ಯುತ್ತರದಾನಾಯ ಯೂಯಂ ಯಥಾಸ್ಮಾಭಿಃ ಶ್ಲಾಘಿತುಂ ಶಕ್ನುಥ ತಾದೃಶಮ್ ಉಪಾಯಂ ಯುಷ್ಮಭ್ಯಂ ವಿತರಾಮಃ|
\p
\v 13 ಯದಿ ವಯಂ ಹತಜ್ಞಾನಾ ಭವಾಮಸ್ತರ್ಹಿ ತದ್ ಈಶ್ವರಾರ್ಥಕಂ ಯದಿ ಚ ಸಜ್ಞಾನಾ ಭವಾಮಸ್ತರ್ಹಿ ತದ್ ಯುಷ್ಮದರ್ಥಕಂ|
\p
\v 14 ವಯಂ ಖ್ರೀಷ್ಟಸ್ಯ ಪ್ರೇಮ್ನಾ ಸಮಾಕೃಷ್ಯಾಮಹೇ ಯತಃ ಸರ್ವ್ವೇಷಾಂ ವಿನಿಮಯೇನ ಯದ್ಯೇಕೋ ಜನೋಽಮ್ರಿಯತ ತರ್ಹಿ ತೇ ಸರ್ವ್ವೇ ಮೃತಾ ಇತ್ಯಾಸ್ಮಾಭಿ ರ್ಬುಧ್ಯತೇ|
\p
\v 15 ಅಪರಞ್ಚ ಯೇ ಜೀವನ್ತಿ ತೇ ಯತ್ ಸ್ವಾರ್ಥಂ ನ ಜೀವನ್ತಿ ಕಿನ್ತು ತೇಷಾಂ ಕೃತೇ ಯೋ ಜನೋ ಮೃತಃ ಪುನರುತ್ಥಾಪಿತಶ್ಚ ತಮುದ್ದಿಶ್ಯ ಯತ್ ಜೀವನ್ತಿ ತದರ್ಥಮೇವ ಸ ಸರ್ವ್ವೇಷಾಂ ಕೃತೇ ಮೃತವಾನ್|
\p
\v 16 ಅತೋ ಹೇತೋರಿತಃ ಪರಂ ಕೋಽಪ್ಯಸ್ಮಾಭಿ ರ್ಜಾತಿತೋ ನ ಪ್ರತಿಜ್ಞಾತವ್ಯಃ| ಯದ್ಯಪಿ ಪೂರ್ವ್ವಂ ಖ್ರೀಷ್ಟೋ ಜಾತಿತೋಽಸ್ಮಾಭಿಃ ಪ್ರತಿಜ್ಞಾತಸ್ತಥಾಪೀದಾನೀಂ ಜಾತಿತಃ ಪುನ ರ್ನ ಪ್ರತಿಜ್ಞಾಯತೇ|
\p
\v 17 ಕೇನಚಿತ್ ಖ್ರೀಷ್ಟ ಆಶ್ರಿತೇ ನೂತನಾ ಸೃಷ್ಟಿ ರ್ಭವತಿ ಪುರಾತನಾನಿ ಲುಪ್ಯನ್ತೇ ಪಶ್ಯ ನಿಖಿಲಾನಿ ನವೀನಾನಿ ಭವನ್ತಿ|
\p
\v 18 ಸರ್ವ್ವಞ್ಚೈತದ್ ಈಶ್ವರಸ್ಯ ಕರ್ಮ್ಮ ಯತೋ ಯೀಶುಖ್ರೀಷ್ಟೇನ ಸ ಏವಾಸ್ಮಾನ್ ಸ್ವೇನ ಸಾರ್ದ್ಧಂ ಸಂಹಿತವಾನ್ ಸನ್ಧಾನಸಮ್ಬನ್ಧೀಯಾಂ ಪರಿಚರ್ಯ್ಯಾಮ್ ಅಸ್ಮಾಸು ಸಮರ್ಪಿತವಾಂಶ್ಚ|
\p
\v 19 ಯತಃ ಈಶ್ವರಃ ಖ್ರೀಷ್ಟಮ್ ಅಧಿಷ್ಠಾಯ ಜಗತೋ ಜನಾನಾಮ್ ಆಗಾಂಸಿ ತೇಷಾಮ್ ಋಣಮಿವ ನ ಗಣಯನ್ ಸ್ವೇನ ಸಾರ್ದ್ಧಂ ತಾನ್ ಸಂಹಿತವಾನ್ ಸನ್ಧಿವಾರ್ತ್ತಾಮ್ ಅಸ್ಮಾಸು ಸಮರ್ಪಿತವಾಂಶ್ಚ|
\p
\v 20 ಅತೋ ವಯಂ ಖ್ರೀಷ್ಟಸ್ಯ ವಿನಿಮಯೇನ ದೌತ್ಯಂ ಕರ್ಮ್ಮ ಸಮ್ಪಾದಯಾಮಹೇ, ಈಶ್ವರಶ್ಚಾಸ್ಮಾಭಿ ರ್ಯುಷ್ಮಾನ್ ಯಾಯಾಚ್ಯತೇ ತತಃ ಖ್ರೀಷ್ಟಸ್ಯ ವಿನಿಮಯೇನ ವಯಂ ಯುಷ್ಮಾನ್ ಪ್ರಾರ್ಥಯಾಮಹೇ ಯೂಯಮೀಶ್ವರೇಣ ಸನ್ಧತ್ತ|
\p
\v 21 ಯತೋ ವಯಂ ತೇನ ಯದ್ ಈಶ್ವರೀಯಪುಣ್ಯಂ ಭವಾಮಸ್ತದರ್ಥಂ ಪಾಪೇನ ಸಹ ಯಸ್ಯ ಜ್ಞಾತೇಯಂ ನಾಸೀತ್ ಸ ಏವ ತೇನಾಸ್ಮಾಕಂ ವಿನಿಮಯೇನ ಪಾಪಃ ಕೃತಃ|
\c 6
\p
\v 1 ತಸ್ಯ ಸಹಾಯಾ ವಯಂ ಯುಷ್ಮಾನ್ ಪ್ರಾರ್ಥಯಾಮಹೇ, ಈಶ್ವರಸ್ಯಾನುಗ್ರಹೋ ಯುಷ್ಮಾಭಿ ರ್ವೃಥಾ ನ ಗೃಹ್ಯತಾಂ|
\p
\v 2 ತೇನೋಕ್ತಮೇತತ್, ಸಂಶ್ರೋಷ್ಯಾಮಿ ಶುಭೇ ಕಾಲೇ ತ್ವದೀಯಾಂ ಪ್ರಾರ್ಥನಾಮ್ ಅಹಂ| ಉಪಕಾರಂ ಕರಿಷ್ಯಾಮಿ ಪರಿತ್ರಾಣದಿನೇ ತವ| ಪಶ್ಯತಾಯಂ ಶುಭಕಾಲಃ ಪಶ್ಯತೇದಂ ತ್ರಾಣದಿನಂ|
\p
\v 3 ಅಸ್ಮಾಕಂ ಪರಿಚರ್ಯ್ಯಾ ಯನ್ನಿಷ್ಕಲಙ್ಕಾ ಭವೇತ್ ತದರ್ಥಂ ವಯಂ ಕುತ್ರಾಪಿ ವಿಘ್ನಂ ನ ಜನಯಾಮಃ,
\p
\v 4 ಕಿನ್ತು ಪ್ರಚುರಸಹಿಷ್ಣುತಾ ಕ್ಲೇಶೋ ದೈನ್ಯಂ ವಿಪತ್ ತಾಡನಾ ಕಾರಾಬನ್ಧನಂ ನಿವಾಸಹೀನತ್ವಂ ಪರಿಶ್ರಮೋ ಜಾಗರಣಮ್ ಉಪವಸನಂ
\p
\v 5 ನಿರ್ಮ್ಮಲತ್ವಂ ಜ್ಞಾನಂ ಮೃದುಶೀಲತಾ ಹಿತೈಷಿತಾ
\p
\v 6 ಪವಿತ್ರ ಆತ್ಮಾ ನಿಷ್ಕಪಟಂ ಪ್ರೇಮ ಸತ್ಯಾಲಾಪ ಈಶ್ವರೀಯಶಕ್ತಿ
\p
\v 7 ರ್ದಕ್ಷಿಣವಾಮಾಭ್ಯಾಂ ಕರಾಭ್ಯಾಂ ಧರ್ಮ್ಮಾಸ್ತ್ರಧಾರಣಂ
\p
\v 8 ಮಾನಾಪಮಾನಯೋರಖ್ಯಾತಿಸುಖ್ಯಾತ್ಯೋ ರ್ಭಾಗಿತ್ವಮ್ ಏತೈಃ ಸರ್ವ್ವೈರೀಶ್ವರಸ್ಯ ಪ್ರಶಂಸ್ಯಾನ್ ಪರಿಚಾರಕಾನ್ ಸ್ವಾನ್ ಪ್ರಕಾಶಯಾಮಃ|
\p
\v 9 ಭ್ರಮಕಸಮಾ ವಯಂ ಸತ್ಯವಾದಿನೋ ಭವಾಮಃ, ಅಪರಿಚಿತಸಮಾ ವಯಂ ಸುಪರಿಚಿತಾ ಭವಾಮಃ, ಮೃತಕಲ್ಪಾ ವಯಂ ಜೀವಾಮಃ, ದಣ್ಡ್ಯಮಾನಾ ವಯಂ ನ ಹನ್ಯಾಮಹೇ,
\p
\v 10 ಶೋಕಯುಕ್ತಾಶ್ಚ ವಯಂ ಸದಾನನ್ದಾಮಃ, ದರಿದ್ರಾ ವಯಂ ಬಹೂನ್ ಧನಿನಃ ಕುರ್ಮ್ಮಃ, ಅಕಿಞ್ಚನಾಶ್ಚ ವಯಂ ಸರ್ವ್ವಂ ಧಾರಯಾಮಃ|
\p
\v 11 ಹೇ ಕರಿನ್ಥಿನಃ, ಯುಷ್ಮಾಕಂ ಪ್ರತಿ ಮಮಾಸ್ಯಂ ಮುಕ್ತಂ ಮಮಾನ್ತಃಕರಣಾಞ್ಚ ವಿಕಸಿತಂ|
\p
\v 12 ಯೂಯಂ ಮಮಾನ್ತರೇ ನ ಸಙ್ಕೋಚಿತಾಃ ಕಿಞ್ಚ ಯೂಯಮೇವ ಸಙ್ಕೋಚಿತಚಿತ್ತಾಃ|
\p
\v 13 ಕಿನ್ತು ಮಹ್ಯಂ ನ್ಯಾಯ್ಯಫಲದಾನಾರ್ಥಂ ಯುಷ್ಮಾಭಿರಪಿ ವಿಕಸಿತೈ ರ್ಭವಿತವ್ಯಮ್ ಇತ್ಯಹಂ ನಿಜಬಾಲಕಾನಿವ ಯುಷ್ಮಾನ್ ವದಾಮಿ|
\p
\v 14 ಅಪರಮ್ ಅಪ್ರತ್ಯಯಿಭಿಃ ಸಾರ್ದ್ಧಂ ಯೂಯಮ್ ಏಕಯುಗೇ ಬದ್ಧಾ ಮಾ ಭೂತ, ಯಸ್ಮಾದ್ ಧರ್ಮ್ಮಾಧರ್ಮ್ಮಯೋಃ ಕಃ ಸಮ್ಬನ್ಧೋಽಸ್ತಿ? ತಿಮಿರೇಣ ಸರ್ದ್ಧಂ ಪ್ರಭಾಯಾ ವಾ ಕಾ ತುಲನಾಸ್ತಿ?
\p
\v 15 ಬಿಲೀಯಾಲದೇವೇನ ಸಾಕಂ ಖ್ರೀಷ್ಟಸ್ಯ ವಾ ಕಾ ಸನ್ಧಿಃ? ಅವಿಶ್ವಾಸಿನಾ ಸಾರ್ದ್ಧಂ ವಾ ವಿಶ್ವಾಸಿಲೋಕಸ್ಯಾಂಶಃ ಕಃ?
\p
\v 16 ಈಶ್ವರಸ್ಯ ಮನ್ದಿರೇಣ ಸಹ ವಾ ದೇವಪ್ರತಿಮಾನಾಂ ಕಾ ತುಲನಾ? ಅಮರಸ್ಯೇಶ್ವರಸ್ಯ ಮನ್ದಿರಂ ಯೂಯಮೇವ| ಈಶ್ವರೇಣ ತದುಕ್ತಂ ಯಥಾ, ತೇಷಾಂ ಮಧ್ಯೇಽಹಂ ಸ್ವಾವಾಸಂ ನಿಧಾಸ್ಯಾಮಿ ತೇಷಾಂ ಮಧ್ಯೇ ಚ ಯಾತಾಯಾತಂ ಕುರ್ವ್ವನ್ ತೇಷಾಮ್ ಈಶ್ವರೋ ಭವಿಷ್ಯಾಮಿ ತೇ ಚ ಮಲ್ಲೋಕಾ ಭವಿಷ್ಯನ್ತಿ|
\p
\v 17 ಅತೋ ಹೇತೋಃ ಪರಮೇಶ್ವರಃ ಕಥಯತಿ ಯೂಯಂ ತೇಷಾಂ ಮಧ್ಯಾದ್ ಬಹಿರ್ಭೂಯ ಪೃಥಗ್ ಭವತ, ಕಿಮಪ್ಯಮೇಧ್ಯಂ ನ ಸ್ಪೃಶತ; ತೇನಾಹಂ ಯುಷ್ಮಾನ್ ಗ್ರಹೀಷ್ಯಾಮಿ,
\p
\v 18 ಯುಷ್ಮಾಕಂ ಪಿತಾ ಭವಿಷ್ಯಾಮಿ ಚ, ಯೂಯಞ್ಚ ಮಮ ಕನ್ಯಾಪುತ್ರಾ ಭವಿಷ್ಯಥೇತಿ ಸರ್ವ್ವಶಕ್ತಿಮತಾ ಪರಮೇಶ್ವರೇಣೋಕ್ತಂ|
\c 7
\p
\v 1 ಅತಏವ ಹೇ ಪ್ರಿಯತಮಾಃ, ಏತಾದೃಶೀಃ ಪ್ರತಿಜ್ಞಾಃ ಪ್ರಾಪ್ತೈರಸ್ಮಾಭಿಃ ಶರೀರಾತ್ಮನೋಃ ಸರ್ವ್ವಮಾಲಿನ್ಯಮ್ ಅಪಮೃಜ್ಯೇಶ್ವರಸ್ಯ ಭಕ್ತ್ಯಾ ಪವಿತ್ರಾಚಾರಃ ಸಾಧ್ಯತಾಂ|
\p
\v 2 ಯೂಯಮ್ ಅಸ್ಮಾನ್ ಗೃಹ್ಲೀತ| ಅಸ್ಮಾಭಿಃ ಕಸ್ಯಾಪ್ಯನ್ಯಾಯೋ ನ ಕೃತಃ ಕೋಽಪಿ ನ ವಞ್ಚಿತಃ|
\p
\v 3 ಯುಷ್ಮಾನ್ ದೋಷಿಣಃ ಕರ್ತ್ತಮಹಂ ವಾಕ್ಯಮೇತದ್ ವದಾಮೀತಿ ನಹಿ ಯುಷ್ಮಾಭಿಃ ಸಹ ಜೀವನಾಯ ಮರಣಾಯ ವಾ ವಯಂ ಯುಷ್ಮಾನ್ ಸ್ವಾನ್ತಃಕರಣೈ ರ್ಧಾರಯಾಮ ಇತಿ ಪೂರ್ವ್ವಂ ಮಯೋಕ್ತಂ|
\p
\v 4 ಯುಷ್ಮಾನ್ ಪ್ರತಿ ಮಮ ಮಹೇತ್ಸಾಹೋ ಜಾಯತೇ ಯುಷ್ಮಾನ್ ಅಧ್ಯಹಂ ಬಹು ಶ್ಲಾಘೇ ಚ ತೇನ ಸರ್ವ್ವಕ್ಲೇಶಸಮಯೇಽಹಂ ಸಾನ್ತ್ವನಯಾ ಪೂರ್ಣೋ ಹರ್ಷೇಣ ಪ್ರಫುಲ್ಲಿತಶ್ಚ ಭವಾಮಿ|
\p
\v 5 ಅಸ್ಮಾಸು ಮಾಕಿದನಿಯಾದೇಶಮ್ ಆಗತೇಷ್ವಸ್ಮಾಕಂ ಶರೀರಸ್ಯ ಕಾಚಿದಪಿ ಶಾನ್ತಿ ರ್ನಾಭವತ್ ಕಿನ್ತು ಸರ್ವ್ವತೋ ಬಹಿ ರ್ವಿರೋಧೇನಾನ್ತಶ್ಚ ಭೀತ್ಯಾ ವಯಮ್ ಅಪೀಡ್ಯಾಮಹಿ|
\p
\v 6 ಕಿನ್ತು ನಮ್ರಾಣಾಂ ಸಾನ್ತ್ವಯಿತಾ ಯ ಈಶ್ವರಃ ಸ ತೀತಸ್ಯಾಗಮನೇನಾಸ್ಮಾನ್ ಅಸಾನ್ತ್ವಯತ್|
\p
\v 7 ಕೇವಲಂ ತಸ್ಯಾಗಮನೇನ ತನ್ನಹಿ ಕಿನ್ತು ಯುಷ್ಮತ್ತೋ ಜಾತಯಾ ತಸ್ಯ ಸಾನ್ತ್ವನಯಾಪಿ, ಯತೋಽಸ್ಮಾಸು ಯುಷ್ಮಾಕಂ ಹಾರ್ದ್ದವಿಲಾಪಾಸಕ್ತತ್ವೇಷ್ವಸ್ಮಾಕಂ ಸಮೀಪೇ ವರ್ಣಿತೇಷು ಮಮ ಮಹಾನನ್ದೋ ಜಾತಃ|
\p
\v 8 ಅಹಂ ಪತ್ರೇಣ ಯುಷ್ಮಾನ್ ಶೋಕಯುಕ್ತಾನ್ ಕೃತವಾನ್ ಇತ್ಯಸ್ಮಾದ್ ಅನ್ವತಪ್ಯೇ ಕಿನ್ತ್ವಧುನಾ ನಾನುತಪ್ಯೇ| ತೇನ ಪತ್ರೇಣ ಯೂಯಂ ಕ್ಷಣಮಾತ್ರಂ ಶೋಕಯುಕ್ತೀಭೂತಾ ಇತಿ ಮಯಾ ದೃಶ್ಯತೇ|
\p
\v 9 ಇತ್ಯಸ್ಮಿನ್ ಯುಷ್ಮಾಕಂ ಶೋಕೇನಾಹಂ ಹೃಷ್ಯಾಮಿ ತನ್ನಹಿ ಕಿನ್ತು ಮನಃಪರಿವರ್ತ್ತನಾಯ ಯುಷ್ಮಾಕಂ ಶೋಕೋಽಭವದ್ ಇತ್ಯನೇನ ಹೃಷ್ಯಾಮಿ ಯತೋಽಸ್ಮತ್ತೋ ಯುಷ್ಮಾಕಂ ಕಾಪಿ ಹಾನಿ ರ್ಯನ್ನ ಭವೇತ್ ತದರ್ಥಂ ಯುಷ್ಮಾಕಮ್ ಈಶ್ವರೀಯಃ ಶೋेಕೋ ಜಾತಃ|
\p
\v 10 ಸ ಈಶ್ವರೀಯಃ ಶೋಕಃ ಪರಿತ್ರಾಣಜನಕಂ ನಿರನುತಾಪಂ ಮನಃಪರಿವರ್ತ್ತನಂ ಸಾಧಯತಿ ಕಿನ್ತು ಸಾಂಸಾರಿಕಃ ಶೋಕೋ ಮೃತ್ಯುಂ ಸಾಧಯತಿ|
\p
\v 11 ಪಶ್ಯತ ತೇನೇಶ್ವರೀಯೇಣ ಶೋಕೇನ ಯುಷ್ಮಾಕಂ ಕಿಂ ನ ಸಾಧಿತಂ? ಯತ್ನೋ ದೋಷಪ್ರಕ್ಷಾಲನಮ್ ಅಸನ್ತುಷ್ಟತ್ವಂ ಹಾರ್ದ್ದಮ್ ಆಸಕ್ತತ್ವಂ ಫಲದಾನಞ್ಚೈತಾನಿ ಸರ್ವ್ವಾಣಿ| ತಸ್ಮಿನ್ ಕರ್ಮ್ಮಣಿ ಯೂಯಂ ನಿರ್ಮ್ಮಲಾ ಇತಿ ಪ್ರಮಾಣಂ ಸರ್ವ್ವೇಣ ಪ್ರಕಾರೇಣ ಯುಷ್ಮಾಭಿ ರ್ದತ್ತಂ|
\p
\v 12 ಯೇನಾಪರಾದ್ಧಂ ತಸ್ಯ ಕೃತೇ ಕಿಂವಾ ಯಸ್ಯಾಪರಾದ್ಧಂ ತಸ್ಯ ಕೃತೇ ಮಯಾ ಪತ್ರಮ್ ಅಲೇಖಿ ತನ್ನಹಿ ಕಿನ್ತು ಯುಷ್ಮಾನಧ್ಯಸ್ಮಾಕಂ ಯತ್ನೋ ಯದ್ ಈಶ್ವರಸ್ಯ ಸಾಕ್ಷಾದ್ ಯುಷ್ಮತ್ಸಮೀಪೇ ಪ್ರಕಾಶೇತ ತದರ್ಥಮೇವ|
\p
\v 13 ಉಕ್ತಕಾರಣಾದ್ ವಯಂ ಸಾನ್ತ್ವನಾಂ ಪ್ರಾಪ್ತಾಃ; ತಾಞ್ಚ ಸಾನ್ತ್ವನಾಂ ವಿನಾವರೋ ಮಹಾಹ್ಲಾದಸ್ತೀತಸ್ಯಾಹ್ಲಾದಾದಸ್ಮಾಭಿ ರ್ಲಬ್ಧಃ, ಯತಸ್ತಸ್ಯಾತ್ಮಾ ಸರ್ವ್ವೈ ರ್ಯುಷ್ಮಾಭಿಸ್ತೃಪ್ತಃ|
\p
\v 14 ಪೂರ್ವ್ವಂ ತಸ್ಯ ಸಮೀಪೇಽಹಂ ಯುಷ್ಮಾಭಿರ್ಯದ್ ಅಶ್ಲಾಘೇ ತೇನ ನಾಲಜ್ಜೇ ಕಿನ್ತು ವಯಂ ಯದ್ವದ್ ಯುಷ್ಮಾನ್ ಪ್ರತಿ ಸತ್ಯಭಾವೇನ ಸಕಲಮ್ ಅಭಾಷಾಮಹಿ ತದ್ವತ್ ತೀತಸ್ಯ ಸಮೀಪೇಽಸ್ಮಾಕಂ ಶ್ಲಾಘನಮಪಿ ಸತ್ಯಂ ಜಾತಂ|
\p
\v 15 ಯೂಯಂ ಕೀದೃಕ್ ತಸ್ಯಾಜ್ಞಾ ಅಪಾಲಯತ ಭಯಕಮ್ಪಾಭ್ಯಾಂ ತಂ ಗೃಹೀತವನ್ತಶ್ಚೈತಸ್ಯ ಸ್ಮರಣಾದ್ ಯುಷ್ಮಾಸು ತಸ್ಯ ಸ್ನೇಹೋ ಬಾಹುಲ್ಯೇನ ವರ್ತ್ತತೇ|
\p
\v 16 ಯುಷ್ಮಾಸ್ವಹಂ ಸರ್ವ್ವಮಾಶಂಸೇ, ಇತ್ಯಸ್ಮಿನ್ ಮಮಾಹ್ಲಾದೋ ಜಾಯತೇ|
\c 8
\p
\v 1 ಹೇ ಭ್ರಾತರಃ, ಮಾಕಿದನಿಯಾದೇಶಸ್ಥಾಸು ಸಮಿತಿಷು ಪ್ರಕಾಶಿತೋ ಯ ಈಶ್ವರಸ್ಯಾನುಗ್ರಹಸ್ತಮಹಂ ಯುಷ್ಮಾನ್ ಜ್ಞಾಪಯಾಮಿ|
\p
\v 2 ವಸ್ತುತೋ ಬಹುಕ್ಲೇಶಪರೀಕ್ಷಾಸಮಯೇ ತೇಷಾಂ ಮಹಾನನ್ದೋಽತೀವದೀನತಾ ಚ ವದಾನ್ಯತಾಯಾಃ ಪ್ರಚುರಫಲಮ್ ಅಫಲಯತಾಂ|
\p
\v 3 ತೇ ಸ್ವೇಚ್ಛಯಾ ಯಥಾಶಕ್ತಿ ಕಿಞ್ಚಾತಿಶಕ್ತಿ ದಾನ ಉದ್ಯುಕ್ತಾ ಅಭವನ್ ಇತಿ ಮಯಾ ಪ್ರಮಾಣೀಕ್ರಿಯತೇ|
\p
\v 4 ವಯಞ್ಚ ಯತ್ ಪವಿತ್ರಲೋಕೇಭ್ಯಸ್ತೇಷಾಂ ದಾನಮ್ ಉಪಕಾರಾರ್ಥಕಮ್ ಅಂಶನಞ್ಚ ಗೃಹ್ಲಾಮಸ್ತದ್ ಬಹುನುನಯೇನಾಸ್ಮಾನ್ ಪ್ರಾರ್ಥಿತವನ್ತಃ|
\p
\v 5 ವಯಂ ಯಾದೃಕ್ ಪ್ರತ್ಯೈ಼ಕ್ಷಾಮಹಿ ತಾದೃಗ್ ಅಕೃತ್ವಾ ತೇಽಗ್ರೇ ಪ್ರಭವೇ ತತಃ ಪರಮ್ ಈಶ್ವರಸ್ಯೇಚ್ಛಯಾಸ್ಮಭ್ಯಮಪಿ ಸ್ವಾನ್ ನ್ಯವೇದಯನ್|
\p
\v 6 ಅತೋ ಹೇತೋಸ್ತ್ವಂ ಯಥಾರಬ್ಧವಾನ್ ತಥೈವ ಕರಿನ್ಥಿನಾಂ ಮಧ್ಯೇಽಪಿ ತದ್ ದಾನಗ್ರಹಣಂ ಸಾಧಯೇತಿ ಯುಷ್ಮಾನ್ ಅಧಿ ವಯಂ ತೀತಂ ಪ್ರಾರ್ಥಯಾಮಹಿ|
\p
\v 7 ಅತೋ ವಿಶ್ವಾಸೋ ವಾಕ್ಪಟುತಾ ಜ್ಞಾನಂ ಸರ್ವ್ವೋತ್ಸಾಹೋ ಽಸ್ಮಾಸು ಪ್ರೇಮ ಚೈತೈ ರ್ಗುಣೈ ರ್ಯೂಯಂ ಯಥಾಪರಾನ್ ಅತಿಶೇಧ್ವೇ ತಥೈವೈತೇನ ಗುಣೇನಾಪ್ಯತಿಶೇಧ್ವಂ|
\p
\v 8 ಏತದ್ ಅಹಮ್ ಆಜ್ಞಯಾ ಕಥಯಾಮೀತಿ ನಹಿ ಕಿನ್ತ್ವನ್ಯೇಷಾಮ್ ಉತ್ಸಾಹಕಾರಣಾದ್ ಯುಷ್ಮಾಕಮಪಿ ಪ್ರೇಮ್ನಃ ಸಾರಲ್ಯಂ ಪರೀಕ್ಷಿತುಮಿಚ್ಛತಾ ಮಯೈತತ್ ಕಥ್ಯತೇ|
\p
\v 9 ಯೂಯಞ್ಚಾಸ್ಮತ್ಪ್ರಭೋ ರ್ಯೀಶುಖ್ರೀಷ್ಟಸ್ಯಾನುಗ್ರಹಂ ಜಾನೀಥ ಯತಸ್ತಸ್ಯ ನಿರ್ಧನತ್ವೇನ ಯೂಯಂ ಯದ್ ಧನಿನೋ ಭವಥ ತದರ್ಥಂ ಸ ಧನೀ ಸನ್ನಪಿ ಯುಷ್ಮತ್ಕೃತೇ ನಿರ್ಧನೋಽಭವತ್|
\p
\v 10 ಏತಸ್ಮಿನ್ ಅಹಂ ಯುಷ್ಮಾನ್ ಸ್ವವಿಚಾರಂ ಜ್ಞಾಪಯಾಮಿ| ಗತಂ ಸಂವತ್ಸರಮ್ ಆರಭ್ಯ ಯೂಯಂ ಕೇವಲಂ ಕರ್ಮ್ಮ ಕರ್ತ್ತಂ ತನ್ನಹಿ ಕಿನ್ತ್ವಿಚ್ಛುಕತಾಂ ಪ್ರಕಾಶಯಿತುಮಪ್ಯುಪಾಕ್ರಾಭ್ಯಧ್ವಂ ತತೋ ಹೇತೋ ರ್ಯುಷ್ಮತ್ಕೃತೇ ಮಮ ಮನ್ತ್ರಣಾ ಭದ್ರಾ|
\p
\v 11 ಅತೋ ಽಧುನಾ ತತ್ಕರ್ಮ್ಮಸಾಧನಂ ಯುಷ್ಮಾಭಿಃ ಕ್ರಿಯತಾಂ ತೇನ ಯದ್ವದ್ ಇಚ್ಛುಕತಾಯಾಮ್ ಉತ್ಸಾಹಸ್ತದ್ವದ್ ಏಕೈಕಸ್ಯ ಸಮ್ಪದನುಸಾರೇಣ ಕರ್ಮ್ಮಸಾಧನಮ್ ಅಪಿ ಜನಿಷ್ಯತೇ|
\p
\v 12 ಯಸ್ಮಿನ್ ಇಚ್ಛುಕತಾ ವಿದ್ಯತೇ ತೇನ ಯನ್ನ ಧಾರ್ಯ್ಯತೇ ತಸ್ಮಾತ್ ಸೋಽನುಗೃಹ್ಯತ ಇತಿ ನಹಿ ಕಿನ್ತು ಯದ್ ಧಾರ್ಯ್ಯತೇ ತಸ್ಮಾದೇವ|
\p
\v 13 ಯತ ಇತರೇಷಾಂ ವಿರಾಮೇಣ ಯುಷ್ಮಾಕಞ್ಚ ಕ್ಲೇಶೇನ ಭವಿತವ್ಯಂ ತನ್ನಹಿ ಕಿನ್ತು ಸಮತಯೈವ|
\p
\v 14 ವರ್ತ್ತಮಾನಸಮಯೇ ಯುಷ್ಮಾಕಂ ಧನಾಧಿಕ್ಯೇನ ತೇಷಾಂ ಧನನ್ಯೂನತಾ ಪೂರಯಿತವ್ಯಾ ತಸ್ಮಾತ್ ತೇಷಾಮಪ್ಯಾಧಿಕ್ಯೇನ ಯುಷ್ಮಾಕಂ ನ್ಯೂನತಾ ಪೂರಯಿಷ್ಯತೇ ತೇನ ಸಮತಾ ಜನಿಷ್ಯತೇ|
\p
\v 15 ತದೇವ ಶಾಸ್ತ್ರೇಽಪಿ ಲಿಖಿತಮ್ ಆಸ್ತೇ ಯಥಾ, ಯೇನಾಧಿಕಂ ಸಂಗೃಹೀತಂ ತಸ್ಯಾಧಿಕಂ ನಾಭವತ್ ಯೇನ ಚಾಲ್ಪಂ ಸಂಗೃಹೀತಂ ತಸ್ಯಾಲ್ಪಂ ನಾಭವತ್|
\p
\v 16 ಯುಷ್ಮಾಕಂ ಹಿತಾಯ ತೀತಸ್ಯ ಮನಸಿ ಯ ಈಶ್ವರ ಇಮಮ್ ಉದ್ಯೋಗಂ ಜನಿತವಾನ್ ಸ ಧನ್ಯೋ ಭವತು|
\p
\v 17 ತೀತೋಽಸ್ಮಾಕಂ ಪ್ರಾರ್ಥನಾಂ ಗೃಹೀತವಾನ್ ಕಿಞ್ಚ ಸ್ವಯಮ್ ಉದ್ಯುಕ್ತಃ ಸನ್ ಸ್ವೇಚ್ಛಯಾ ಯುಷ್ಮತ್ಸಮೀಪಂ ಗತವಾನ್|
\p
\v 18 ತೇನ ಸಹ ಯೋಽಪರ ಏಕೋ ಭ್ರಾತಾಸ್ಮಾಭಿಃ ಪ್ರೇಷಿತಃ ಸುಸಂವಾದಾತ್ ತಸ್ಯ ಸುಖ್ಯಾತ್ಯಾ ಸರ್ವ್ವಾಃ ಸಮಿತಯೋ ವ್ಯಾಪ್ತಾಃ|
\p
\v 19 ಪ್ರಭೋ ರ್ಗೌರವಾಯ ಯುಷ್ಮಾಕಮ್ ಇಚ್ಛುಕತಾಯೈ ಚ ಸ ಸಮಿತಿಭಿರೇತಸ್ಯೈ ದಾನಸೇವಾಯೈ ಅಸ್ಮಾಕಂ ಸಙ್ಗಿತ್ವೇ ನ್ಯಯೋಜ್ಯತ|
\p
\v 20 ಯತೋ ಯಾ ಮಹೋಪಾಯನಸೇವಾಸ್ಮಾಭಿ ರ್ವಿಧೀಯತೇ ತಾಮಧಿ ವಯಂ ಯತ್ ಕೇನಾಪಿ ನ ನಿನ್ದ್ಯಾಮಹೇ ತದರ್ಥಂ ಯತಾಮಹೇ|
\p
\v 21 ಯತಃ ಕೇವಲಂ ಪ್ರಭೋಃ ಸಾಕ್ಷಾತ್ ತನ್ನಹಿ ಕಿನ್ತು ಮಾನವಾನಾಮಪಿ ಸಾಕ್ಷಾತ್ ಸದಾಚಾರಂ ಕರ್ತ್ತುಮ್ ಆಲೋಚಾಮಹೇ|
\p
\v 22 ತಾಭ್ಯಾಂ ಸಹಾಪರ ಏಕೋ ಯೋ ಭ್ರಾತಾಸ್ಮಾಭಿಃ ಪ್ರೇಷಿತಃ ಸೋಽಸ್ಮಾಭಿ ರ್ಬಹುವಿಷಯೇಷು ಬಹವಾರಾನ್ ಪರೀಕ್ಷಿತ ಉದ್ಯೋಗೀವ ಪ್ರಕಾಶಿತಶ್ಚ ಕಿನ್ತ್ವಧುನಾ ಯುಷ್ಮಾಸು ದೃಢವಿಶ್ವಾಸಾತ್ ತಸ್ಯೋತ್ಸಾಹೋ ಬಹು ವವೃಧೇ|
\p
\v 23 ಯದಿ ಕಶ್ಚಿತ್ ತೀತಸ್ಯ ತತ್ತ್ವಂ ಜಿಜ್ಞಾಸತೇ ತರ್ಹಿ ಸ ಮಮ ಸಹಭಾಗೀ ಯುಷ್ಮನ್ಮಧ್ಯೇ ಸಹಕಾರೀ ಚ, ಅಪರಯೋ ರ್ಭ್ರಾತ್ರೋಸ್ತತ್ತ್ವಂ ವಾ ಯದಿ ಜಿಜ್ಞಾಸತೇ ತರ್ಹಿ ತೌ ಸಮಿತೀನಾಂ ದೂತೌ ಖ್ರೀಷ್ಟಸ್ಯ ಪ್ರತಿಬಿಮ್ಬೌ ಚೇತಿ ತೇನ ಜ್ಞಾಯತಾಂ|
\p
\v 24 ಅತೋ ಹೇತೋಃ ಸಮಿತೀನಾಂ ಸಮಕ್ಷಂ ಯುಷ್ಮತ್ಪ್ರೇಮ್ನೋಽಸ್ಮಾಕಂ ಶ್ಲಾಘಾಯಾಶ್ಚ ಪ್ರಾಮಾಣ್ಯಂ ತಾನ್ ಪ್ರತಿ ಯುಷ್ಮಾಭಿಃ ಪ್ರಕಾಶಯಿತವ್ಯಂ|
\c 9
\p
\v 1 ಪವಿತ್ರಲೋಕಾನಾಮ್ ಉಪಕಾರಾರ್ಥಕಸೇವಾಮಧಿ ಯುಷ್ಮಾನ್ ಪ್ರತಿ ಮಮ ಲಿಖನಂ ನಿಷ್ಪ್ರಯೋಜನಂ|
\p
\v 2 ಯತ ಆಖಾಯಾದೇಶಸ್ಥಾ ಲೋಕಾ ಗತವರ್ಷಮ್ ಆರಭ್ಯ ತತ್ಕಾರ್ಯ್ಯ ಉದ್ಯತಾಃ ಸನ್ತೀತಿ ವಾಕ್ಯೇನಾಹಂ ಮಾಕಿದನೀಯಲೋಕಾನಾಂ ಸಮೀಪೇ ಯುಷ್ಮಾಕಂ ಯಾಮ್ ಇಚ್ಛುಕತಾಮಧಿ ಶ್ಲಾಘೇ ತಾಮ್ ಅವಗತೋಽಸ್ಮಿ ಯುಷ್ಮಾಕಂ ತಸ್ಮಾದ್ ಉತ್ಸಾಹಾಚ್ಚಾಪರೇಷಾಂ ಬಹೂನಾಮ್ ಉದ್ಯೋಗೋ ಜಾತಃ|
\p
\v 3 ಕಿಞ್ಚೈತಸ್ಮಿನ್ ಯುಷ್ಮಾನ್ ಅಧ್ಯಸ್ಮಾಕಂ ಶ್ಲಾಘಾ ಯದ್ ಅತಥ್ಯಾ ನ ಭವೇತ್ ಯೂಯಞ್ಚ ಮಮ ವಾಕ್ಯಾನುಸಾರಾದ್ ಯದ್ ಉದ್ಯತಾಸ್ತಿಷ್ಠೇತ ತದರ್ಥಮೇವ ತೇ ಭ್ರಾತರೋ ಮಯಾ ಪ್ರೇಷಿತಾಃ|
\p
\v 4 ಯಸ್ಮಾತ್ ಮಯಾ ಸಾರ್ದ್ಧಂ ಕೈಶ್ಚಿತ್ ಮಾಕಿದನೀಯಭ್ರಾತೃಭಿರಾಗತ್ಯ ಯೂಯಮನುದ್ಯತಾ ಇತಿ ಯದಿ ದೃಶ್ಯತೇ ತರ್ಹಿ ತಸ್ಮಾದ್ ದೃಢವಿಶ್ವಾಸಾದ್ ಯುಷ್ಮಾಕಂ ಲಜ್ಜಾ ಜನಿಷ್ಯತ ಇತ್ಯಸ್ಮಾಭಿ ರ್ನ ವಕ್ತವ್ಯಂ ಕಿನ್ತ್ವಸ್ಮಾಕಮೇವ ಲಜ್ಜಾ ಜನಿಷ್ಯತೇ|
\p
\v 5 ಅತಃ ಪ್ರಾಕ್ ಪ್ರತಿಜ್ಞಾತಂ ಯುಷ್ಮಾಕಂ ದಾನಂ ಯತ್ ಸಞ್ಚಿತಂ ಭವೇತ್ ತಚ್ಚ ಯದ್ ಗ್ರಾಹಕತಾಯಾಃ ಫಲಮ್ ಅಭೂತ್ವಾ ದಾನಶೀಲತಾಯಾ ಏವ ಫಲಂ ಭವೇತ್ ತದರ್ಥಂ ಮಮಾಗ್ರೇ ಗಮನಾಯ ತತ್ಸಞ್ಚಯನಾಯ ಚ ತಾನ್ ಭ್ರಾತೃನ್ ಆದೇಷ್ಟುಮಹಂ ಪ್ರಯೋಜನಮ್ ಅಮನ್ಯೇ|
\p
\v 6 ಅಪರಮಪಿ ವ್ಯಾಹರಾಮಿ ಕೇನಚಿತ್ ಕ್ಷುದ್ರಭಾವೇನ ಬೀಜೇಷೂಪ್ತೇಷು ಸ್ವಲ್ಪಾನಿ ಶಸ್ಯಾನಿ ಕರ್ತ್ತಿಷ್ಯನ್ತೇ, ಕಿಞ್ಚ ಕೇನಚಿದ್ ಬಹುದಭವೇನ ಬೀಜೇಷೂಪ್ತೇಷು ಬಹೂನಿ ಶಸ್ಯಾನಿ ಕರ್ತ್ತಿಷ್ಯನ್ತೇ|
\p
\v 7 ಏಕೈಕೇನ ಸ್ವಮನಸಿ ಯಥಾ ನಿಶ್ಚೀಯತೇ ತಥೈವ ದೀಯತಾಂ ಕೇನಾಪಿ ಕಾತರೇಣ ಭೀತೇನ ವಾ ನ ದೀಯತಾಂ ಯತ ಈಶ್ವರೋ ಹೃಷ್ಟಮಾನಸೇ ದಾತರಿ ಪ್ರೀಯತೇ|
\p
\v 8 ಅಪರಮ್ ಈಶ್ವರೋ ಯುಷ್ಮಾನ್ ಪ್ರತಿ ಸರ್ವ್ವವಿಧಂ ಬಹುಪ್ರದಂ ಪ್ರಸಾದಂ ಪ್ರಕಾಶಯಿತುಮ್ ಅರ್ಹತಿ ತೇನ ಯೂಯಂ ಸರ್ವ್ವವಿಷಯೇ ಯಥೇಷ್ಟಂ ಪ್ರಾಪ್ಯ ಸರ್ವ್ವೇಣ ಸತ್ಕರ್ಮ್ಮಣಾ ಬಹುಫಲವನ್ತೋ ಭವಿಷ್ಯಥ|
\p
\v 9 ಏತಸ್ಮಿನ್ ಲಿಖಿತಮಾಸ್ತೇ, ಯಥಾ, ವ್ಯಯತೇ ಸ ಜನೋ ರಾಯಂ ದುರ್ಗತೇಭ್ಯೋ ದದಾತಿ ಚ| ನಿತ್ಯಸ್ಥಾಯೀ ಚ ತದ್ಧರ್ಮ್ಮಃ
\p
\v 10 ಬೀಜಂ ಭೇಜನೀಯಮ್ ಅನ್ನಞ್ಚ ವಪ್ತ್ರೇ ಯೇನ ವಿಶ್ರಾಣ್ಯತೇ ಸ ಯುಷ್ಮಭ್ಯಮ್ ಅಪಿ ಬೀಜಂ ವಿಶ್ರಾಣ್ಯ ಬಹುಲೀಕರಿಷ್ಯತಿ ಯುಷ್ಮಾಕಂ ಧರ್ಮ್ಮಫಲಾನಿ ವರ್ದ್ಧಯಿಷ್ಯತಿ ಚ|
\p
\v 11 ತೇನ ಸರ್ವ್ವವಿಷಯೇ ಸಧನೀಭೂತೈ ರ್ಯುಷ್ಮಾಭಿಃ ಸರ್ವ್ವವಿಷಯೇ ದಾನಶೀಲತಾಯಾಂ ಪ್ರಕಾಶಿತಾಯಾಮ್ ಅಸ್ಮಾಭಿರೀಶ್ವರಸ್ಯ ಧನ್ಯವಾದಃ ಸಾಧಯಿಷ್ಯತೇ|
\p
\v 12 ಏತಯೋಪಕಾರಸೇವಯಾ ಪವಿತ್ರಲೋಕಾನಾಮ್ ಅರ್ಥಾಭಾವಸ್ಯ ಪ್ರತೀಕಾರೋ ಜಾಯತ ಇತಿ ಕೇವಲಂ ನಹಿ ಕಿನ್ತ್ವೀಶ್ಚರಸ್ಯ ಧನ್ಯವಾದೋಽಪಿ ಬಾಹುಲ್ಯೇನೋತ್ಪಾದ್ಯತೇ|
\p
\v 13 ಯತ ಏತಸ್ಮಾದ್ ಉಪಕಾರಕರಣಾದ್ ಯುಷ್ಮಾಕಂ ಪರೀಕ್ಷಿತತ್ವಂ ಬುದ್ಧ್ವಾ ಬಹುಭಿಃ ಖ್ರೀಷ್ಟಸುಸಂವಾದಾಙ್ಗೀಕರಣೇ ಯುಷ್ಮಾಕಮ್ ಆಜ್ಞಾಗ್ರಾಹಿತ್ವಾತ್ ತದ್ಭಾಗಿತ್ವೇ ಚ ತಾನ್ ಅಪರಾಂಶ್ಚ ಪ್ರತಿ ಯುಷ್ಮಾಕಂ ದಾತೃತ್ವಾದ್ ಈಶ್ವರಸ್ಯ ಧನ್ಯವಾದಃ ಕಾರಿಷ್ಯತೇ,
\p
\v 14 ಯುಷ್ಮದರ್ಥಂ ಪ್ರಾರ್ಥನಾಂ ಕೃತ್ವಾ ಚ ಯುಷ್ಮಾಸ್ವೀಶ್ವರಸ್ಯ ಗರಿಷ್ಠಾನುಗ್ರಹಾದ್ ಯುಷ್ಮಾಸು ತೈಃ ಪ್ರೇಮ ಕಾರಿಷ್ಯತೇ|
\p
\v 15 ಅಪರಮ್ ಈಶ್ವರಸ್ಯಾನಿರ್ವ್ವಚನೀಯದಾನಾತ್ ಸ ಧನ್ಯೋ ಭೂಯಾತ್|
\c 10
\p
\v 1 ಯುಷ್ಮತ್ಪ್ರತ್ಯಕ್ಷೇ ನಮ್ರಃ ಕಿನ್ತು ಪರೋಕ್ಷೇ ಪ್ರಗಲ್ಭಃ ಪೌಲೋಽಹಂ ಖ್ರೀಷ್ಟಸ್ಯ ಕ್ಷಾನ್ತ್ಯಾ ವಿನೀತ್ಯಾ ಚ ಯುಷ್ಮಾನ್ ಪ್ರಾರ್ಥಯೇ|
\p
\v 2 ಮಮ ಪ್ರಾರ್ಥನೀಯಮಿದಂ ವಯಂ ಯೈಃ ಶಾರೀರಿಕಾಚಾರಿಣೋ ಮನ್ಯಾಮಹೇ ತಾನ್ ಪ್ರತಿ ಯಾಂ ಪ್ರಗಲ್ಭತಾಂ ಪ್ರಕಾಶಯಿತುಂ ನಿಶ್ಚಿನೋಮಿ ಸಾ ಪ್ರಗಲ್ಭತಾ ಸಮಾಗತೇನ ಮಯಾಚರಿತವ್ಯಾ ನ ಭವತು|
\p
\v 3 ಯತಃ ಶರೀರೇ ಚರನ್ತೋಽಪಿ ವಯಂ ಶಾರೀರಿಕಂ ಯುದ್ಧಂ ನ ಕುರ್ಮ್ಮಃ|
\p
\v 4 ಅಸ್ಮಾಕಂ ಯುದ್ಧಾಸ್ತ್ರಾಣಿ ಚ ನ ಶಾರೀರಿಕಾನಿ ಕಿನ್ತ್ವೀಶ್ವರೇಣ ದುರ್ಗಭಞ್ಜನಾಯ ಪ್ರಬಲಾನಿ ಭವನ್ತಿ,
\p
\v 5 ತೈಶ್ಚ ವಯಂ ವಿತರ್ಕಾನ್ ಈಶ್ವರೀಯತತ್ತ್ವಜ್ಞಾನಸ್ಯ ಪ್ರತಿಬನ್ಧಿಕಾಂ ಸರ್ವ್ವಾಂ ಚಿತ್ತಸಮುನ್ನತಿಞ್ಚ ನಿಪಾತಯಾಮಃ ಸರ್ವ್ವಸಙ್ಕಲ್ಪಞ್ಚ ಬನ್ದಿನಂ ಕೃತ್ವಾ ಖ್ರೀಷ್ಟಸ್ಯಾಜ್ಞಾಗ್ರಾಹಿಣಂ ಕುರ್ಮ್ಮಃ,
\p
\v 6 ಯುಷ್ಮಾಕಮ್ ಆಜ್ಞಾಗ್ರಾಹಿತ್ವೇ ಸಿದ್ಧೇ ಸತಿ ಸರ್ವ್ವಸ್ಯಾಜ್ಞಾಲಙ್ಘನಸ್ಯ ಪ್ರತೀಕಾರಂ ಕರ್ತ್ತುಮ್ ಉದ್ಯತಾ ಆಸ್ಮಹೇ ಚ|
\p
\v 7 ಯದ್ ದೃಷ್ಟಿಗೋಚರಂ ತದ್ ಯುಷ್ಮಾಭಿ ರ್ದೃಶ್ಯತಾಂ| ಅಹಂ ಖ್ರೀಷ್ಟಸ್ಯ ಲೋಕ ಇತಿ ಸ್ವಮನಸಿ ಯೇನ ವಿಜ್ಞಾಯತೇ ಸ ಯಥಾ ಖ್ರೀಷ್ಟಸ್ಯ ಭವತಿ ವಯಮ್ ಅಪಿ ತಥಾ ಖ್ರೀಷ್ಟಸ್ಯ ಭವಾಮ ಇತಿ ಪುನರ್ವಿವಿಚ್ಯ ತೇನ ಬುಧ್ಯತಾಂ|
\p
\v 8 ಯುಷ್ಮಾಕಂ ನಿಪಾತಾಯ ತನ್ನಹಿ ಕಿನ್ತು ನಿಷ್ಠಾಯೈ ಪ್ರಭುನಾ ದತ್ತಂ ಯದಸ್ಮಾಕಂ ಸಾಮರ್ಥ್ಯಂ ತೇನ ಯದ್ಯಪಿ ಕಿಞ್ಚಿದ್ ಅಧಿಕಂ ಶ್ಲಾಘೇ ತಥಾಪಿ ತಸ್ಮಾನ್ನ ತ್ರಪಿಷ್ಯೇ|
\p
\v 9 ಅಹಂ ಪತ್ರೈ ರ್ಯುಷ್ಮಾನ್ ತ್ರಾಸಯಾಮಿ ಯುಷ್ಮಾಭಿರೇತನ್ನ ಮನ್ಯತಾಂ|
\p
\v 10 ತಸ್ಯ ಪತ್ರಾಣಿ ಗುರುತರಾಣಿ ಪ್ರಬಲಾನಿ ಚ ಭವನ್ತಿ ಕಿನ್ತು ತಸ್ಯ ಶಾರೀರಸಾಕ್ಷಾತ್ಕಾರೋ ದುರ್ಬ್ಬಲ ಆಲಾಪಶ್ಚ ತುಚ್ಛನೀಯ ಇತಿ ಕೈಶ್ಚಿದ್ ಉಚ್ಯತೇ|
\p
\v 11 ಕಿನ್ತು ಪರೋಕ್ಷೇ ಪತ್ರೈ ರ್ಭಾಷಮಾಣಾ ವಯಂ ಯಾದೃಶಾಃ ಪ್ರಕಾಶಾಮಹೇ ಪ್ರತ್ಯಕ್ಷೇ ಕರ್ಮ್ಮ ಕುರ್ವ್ವನ್ತೋಽಪಿ ತಾದೃಶಾ ಏವ ಪ್ರಕಾಶಿಷ್ಯಾಮಹೇ ತತ್ ತಾದೃಶೇನ ವಾಚಾಲೇನ ಜ್ಞಾಯತಾಂ|
\p
\v 12 ಸ್ವಪ್ರಶಂಸಕಾನಾಂ ಕೇಷಾಞ್ಚಿನ್ಮಧ್ಯೇ ಸ್ವಾನ್ ಗಣಯಿತುಂ ತೈಃ ಸ್ವಾನ್ ಉಪಮಾತುಂ ವಾ ವಯಂ ಪ್ರಗಲ್ಭಾ ನ ಭವಾಮಃ, ಯತಸ್ತೇ ಸ್ವಪರಿಮಾಣೇನ ಸ್ವಾನ್ ಪರಿಮಿಮತೇ ಸ್ವೈಶ್ಚ ಸ್ವಾನ್ ಉಪಮಿಭತೇ ತಸ್ಮಾತ್ ನಿರ್ಬ್ಬೋಧಾ ಭವನ್ತಿ ಚ|
\p
\v 13 ವಯಮ್ ಅಪರಿಮಿತೇನ ನ ಶ್ಲಾಘಿಷ್ಯಾಮಹೇ ಕಿನ್ತ್ವೀಶ್ವರೇಣ ಸ್ವರಜ್ಜ್ವಾ ಯುಷ್ಮದ್ದೇಶಗಾಮಿ ಯತ್ ಪರಿಮಾಣಮ್ ಅಸ್ಮದರ್ಥಂ ನಿರೂಪಿತಂ ತೇನೈವ ಶ್ಲಾಘಿಷ್ಯಾಮಹೇ|
\p
\v 14 ಯುಷ್ಮಾಕಂ ದೇಶೋಽಸ್ಮಾಭಿರಗನ್ತವ್ಯಸ್ತಸ್ಮಾದ್ ವಯಂ ಸ್ವಸೀಮಾಮ್ ಉಲ್ಲಙ್ಘಾಮಹೇ ತನ್ನಹಿ ಯತಃ ಖ್ರೀಷ್ಟಸ್ಯ ಸುಸಂವಾದೇನಾಪರೇಷಾಂ ಪ್ರಾಗ್ ವಯಮೇವ ಯುಷ್ಮಾನ್ ಪ್ರಾಪ್ತವನ್ತಃ|
\p
\v 15 ವಯಂ ಸ್ವಸೀಮಾಮ್ ಉಲ್ಲಙ್ಘ್ಯ ಪರಕ್ಷೇತ್ರೇಣ ಶ್ಲಾಘಾಮಹೇ ತನ್ನಹಿ, ಕಿಞ್ಚ ಯುಷ್ಮಾಕಂ ವಿಶ್ವಾಸೇ ವೃದ್ಧಿಂ ಗತೇ ಯುಷ್ಮದ್ದೇಶೇಽಸ್ಮಾಕಂ ಸೀಮಾ ಯುಷ್ಮಾಭಿರ್ದೀರ್ಘಂ ವಿಸ್ತಾರಯಿಷ್ಯತೇ,
\p
\v 16 ತೇನ ವಯಂ ಯುಷ್ಮಾಕಂ ಪಶ್ಚಿಮದಿಕ್ಸ್ಥೇಷು ಸ್ಥಾನೇಷು ಸುಸಂವಾದಂ ಘೋಷಯಿಷ್ಯಾಮಃ, ಇತ್ಥಂ ಪರಸೀಮಾಯಾಂ ಪರೇಣ ಯತ್ ಪರಿಷ್ಕೃತಂ ತೇನ ನ ಶ್ಲಾಘಿಷ್ಯಾಮಹೇ|
\p
\v 17 ಯಃ ಕಶ್ಚಿತ್ ಶ್ಲಾಘಮಾನಃ ಸ್ಯಾತ್ ಶ್ಲಾಘತಾಂ ಪ್ರಭುನಾ ಸ ಹಿ|
\p
\v 18 ಸ್ವೇನ ಯಃ ಪ್ರಶಂಸ್ಯತೇ ಸ ಪರೀಕ್ಷಿತೋ ನಹಿ ಕಿನ್ತು ಪ್ರಭುನಾ ಯಃ ಪ್ರಶಂಸ್ಯತೇ ಸ ಏವ ಪರೀಕ್ಷಿತಃ|
\c 11
\p
\v 1 ಯೂಯಂ ಮಮಾಜ್ಞಾನತಾಂ ಕ್ಷಣಂ ಯಾವತ್ ಸೋಢುಮ್ ಅರ್ಹಥ, ಅತಃ ಸಾ ಯುಷ್ಮಾಭಿಃ ಸಹ್ಯತಾಂ|
\p
\v 2 ಈಶ್ವರೇ ಮಮಾಸಕ್ತತ್ವಾದ್ ಅಹಂ ಯುಷ್ಮಾನಧಿ ತಪೇ ಯಸ್ಮಾತ್ ಸತೀಂ ಕನ್ಯಾಮಿವ ಯುಷ್ಮಾನ್ ಏಕಸ್ಮಿನ್ ವರೇಽರ್ಥತಃ ಖ್ರೀಷ್ಟೇ ಸಮರ್ಪಯಿತುಮ್ ಅಹಂ ವಾಗ್ದಾನಮ್ ಅಕಾರ್ಷಂ|
\p
\v 3 ಕಿನ್ತು ಸರ್ಪೇಣ ಸ್ವಖಲತಯಾ ಯದ್ವದ್ ಹವಾ ವಞ್ಚಯಾಞ್ಚಕೇ ತದ್ವತ್ ಖ್ರೀಷ್ಟಂ ಪ್ರತಿ ಸತೀತ್ವಾದ್ ಯುಷ್ಮಾಕಂ ಭ್ರಂಶಃ ಸಮ್ಭವಿಷ್ಯತೀತಿ ಬಿಭೇಮಿ|
\p
\v 4 ಅಸ್ಮಾಭಿರನಾಖ್ಯಾಪಿತೋಽಪರಃ ಕಶ್ಚಿದ್ ಯೀಶು ರ್ಯದಿ ಕೇನಚಿದ್ ಆಗನ್ತುಕೇನಾಖ್ಯಾಪ್ಯತೇ ಯುಷ್ಮಾಭಿಃ ಪ್ರಾಗಲಬ್ಧ ಆತ್ಮಾ ವಾ ಯದಿ ಲಭ್ಯತೇ ಪ್ರಾಗಗೃಹೀತಃ ಸುಸಂವಾದೋ ವಾ ಯದಿ ಗೃಹ್ಯತೇ ತರ್ಹಿ ಮನ್ಯೇ ಯೂಯಂ ಸಮ್ಯಕ್ ಸಹಿಷ್ಯಧ್ವೇ|
\p
\v 5 ಕಿನ್ತು ಮುಖ್ಯೇಭ್ಯಃ ಪ್ರೇರಿತೇಭ್ಯೋಽಹಂ ಕೇನಚಿತ್ ಪ್ರಕಾರೇಣ ನ್ಯೂನೋ ನಾಸ್ಮೀತಿ ಬುಧ್ಯೇ|
\p
\v 6 ಮಮ ವಾಕ್ಪಟುತಾಯಾ ನ್ಯೂನತ್ವೇ ಸತ್ಯಪಿ ಜ್ಞಾನಸ್ಯ ನ್ಯೂನತ್ವಂ ನಾಸ್ತಿ ಕಿನ್ತು ಸರ್ವ್ವವಿಷಯೇ ವಯಂ ಯುಷ್ಮದ್ಗೋಚರೇ ಪ್ರಕಾಶಾಮಹೇ|
\p
\v 7 ಯುಷ್ಮಾಕಮ್ ಉನ್ನತ್ಯೈ ಮಯಾ ನಮ್ರತಾಂ ಸ್ವೀಕೃತ್ಯೇಶ್ವರಸ್ಯ ಸುಸಂವಾದೋ ವಿನಾ ವೇತನಂ ಯುಷ್ಮಾಕಂ ಮಧ್ಯೇ ಯದ್ ಅಘೋಷ್ಯತ ತೇನ ಮಯಾ ಕಿಂ ಪಾಪಮ್ ಅಕಾರಿ?
\p
\v 8 ಯುಷ್ಮಾಕಂ ಸೇವನಾಯಾಹಮ್ ಅನ್ಯಸಮಿತಿಭ್ಯೋ ಭೃತಿ ಗೃಹ್ಲನ್ ಧನಮಪಹೃತವಾನ್,
\p
\v 9 ಯದಾ ಚ ಯುಷ್ಮನ್ಮಧ್ಯೇಽವಽರ್ತ್ತೇ ತದಾ ಮಮಾರ್ಥಾಭಾವೇ ಜಾತೇ ಯುಷ್ಮಾಕಂ ಕೋಽಪಿ ಮಯಾ ನ ಪೀಡಿತಃ; ಯತೋ ಮಮ ಸೋಽರ್ಥಾಭಾವೋ ಮಾಕಿದನಿಯಾದೇಶಾದ್ ಆಗತೈ ಭ್ರಾತೃಭಿ ನ್ಯವಾರ್ಯ್ಯತ, ಇತ್ಥಮಹಂ ಕ್ಕಾಪಿ ವಿಷಯೇ ಯಥಾ ಯುಷ್ಮಾಸು ಭಾರೋ ನ ಭವಾಮಿ ತಥಾ ಮಯಾತ್ಮರಕ್ಷಾ ಕೃತಾ ಕರ್ತ್ತವ್ಯಾ ಚ|
\p
\v 10 ಖ್ರೀಷ್ಟಸ್ಯ ಸತ್ಯತಾ ಯದಿ ಮಯಿ ತಿಷ್ಠತಿ ತರ್ಹಿ ಮಮೈಷಾ ಶ್ಲಾಘಾ ನಿಖಿಲಾಖಾಯಾದೇಶೇ ಕೇನಾಪಿ ನ ರೋತ್ಸ್ಯತೇ|
\p
\v 11 ಏತಸ್ಯ ಕಾರಣಂ ಕಿಂ? ಯುಷ್ಮಾಸು ಮಮ ಪ್ರೇಮ ನಾಸ್ತ್ಯೇತತ್ ಕಿಂ ತತ್ಕಾರಣಂ? ತದ್ ಈಶ್ವರೋ ವೇತ್ತಿ|
\p
\v 12 ಯೇ ಛಿದ್ರಮನ್ವಿಷ್ಯನ್ತಿ ತೇ ಯತ್ ಕಿಮಪಿ ಛಿದ್ರಂ ನ ಲಭನ್ತೇ ತದರ್ಥಮೇವ ತತ್ ಕರ್ಮ್ಮ ಮಯಾ ಕ್ರಿಯತೇ ಕಾರಿಷ್ಯತೇ ಚ ತಸ್ಮಾತ್ ತೇ ಯೇನ ಶ್ಲಾಘನ್ತೇ ತೇನಾಸ್ಮಾಕಂ ಸಮಾನಾ ಭವಿಷ್ಯನ್ತಿ|
\p
\v 13 ತಾದೃಶಾ ಭಾಕ್ತಪ್ರೇರಿತಾಃ ಪ್ರವಞ್ಚಕಾಃ ಕಾರವೋ ಭೂತ್ವಾ ಖ್ರೀಷ್ಟಸ್ಯ ಪ್ರೇರಿತಾನಾಂ ವೇಶಂ ಧಾರಯನ್ತಿ|
\p
\v 14 ತಚ್ಚಾಶ್ಚರ್ಯ್ಯಂ ನಹಿ; ಯತಃ ಸ್ವಯಂ ಶಯತಾನಪಿ ತೇಜಸ್ವಿದೂತಸ್ಯ ವೇಶಂ ಧಾರಯತಿ,
\p
\v 15 ತತಸ್ತಸ್ಯ ಪರಿಚಾರಕಾ ಅಪಿ ಧರ್ಮ್ಮಪರಿಚಾರಕಾಣಾಂ ವೇಶಂ ಧಾರಯನ್ತೀತ್ಯದ್ಭುತಂ ನಹಿ; ಕಿನ್ತು ತೇಷಾಂ ಕರ್ಮ್ಮಾಣಿ ಯಾದೃಶಾನಿ ಫಲಾನ್ಯಪಿ ತಾದೃಶಾನಿ ಭವಿಷ್ಯನ್ತಿ|
\p
\v 16 ಅಹಂ ಪುನ ರ್ವದಾಮಿ ಕೋಽಪಿ ಮಾಂ ನಿರ್ಬ್ಬೋಧಂ ನ ಮನ್ಯತಾಂ ಕಿಞ್ಚ ಯದ್ಯಪಿ ನಿರ್ಬ್ಬೋಧೋ ಭವೇಯಂ ತಥಾಪಿ ಯೂಯಂ ನಿರ್ಬ್ಬೋಧಮಿವ ಮಾಮನುಗೃಹ್ಯ ಕ್ಷಣೈಕಂ ಯಾವತ್ ಮಮಾತ್ಮಶ್ಲಾಘಾಮ್ ಅನುಜಾನೀತ|
\p
\v 17 ಏತಸ್ಯಾಃ ಶ್ಲಾಘಾಯಾ ನಿಮಿತ್ತಂ ಮಯಾ ಯತ್ ಕಥಿತವ್ಯಂ ತತ್ ಪ್ರಭುನಾದಿಷ್ಟೇನೇವ ಕಥ್ಯತೇ ತನ್ನಹಿ ಕಿನ್ತು ನಿರ್ಬ್ಬೋಧೇನೇವ|
\p
\v 18 ಅಪರೇ ಬಹವಃ ಶಾರೀರಿಕಶ್ಲಾಘಾಂ ಕುರ್ವ್ವತೇ ತಸ್ಮಾದ್ ಅಹಮಪಿ ಶ್ಲಾಘಿಷ್ಯೇ|
\p
\v 19 ಬುದ್ಧಿಮನ್ತೋ ಯೂಯಂ ಸುಖೇನ ನಿರ್ಬ್ಬೋಧಾನಾಮ್ ಆಚಾರಂ ಸಹಧ್ವೇ|
\p
\v 20 ಕೋಽಪಿ ಯದಿ ಯುಷ್ಮಾನ್ ದಾಸಾನ್ ಕರೋತಿ ಯದಿ ವಾ ಯುಷ್ಮಾಕಂ ಸರ್ವ್ವಸ್ವಂ ಗ್ರಸತಿ ಯದಿ ವಾ ಯುಷ್ಮಾನ್ ಹರತಿ ಯದಿ ವಾತ್ಮಾಭಿಮಾನೀ ಭವತಿ ಯದಿ ವಾ ಯುಷ್ಮಾಕಂ ಕಪೋಲಮ್ ಆಹನ್ತಿ ತರ್ಹಿ ತದಪಿ ಯೂಯಂ ಸಹಧ್ವೇ|
\p
\v 21 ದೌರ್ಬ್ಬಲ್ಯಾದ್ ಯುಷ್ಮಾಭಿರವಮಾನಿತಾ ಇವ ವಯಂ ಭಾಷಾಮಹೇ, ಕಿನ್ತ್ವಪರಸ್ಯ ಕಸ್ಯಚಿದ್ ಯೇನ ಪ್ರಗಲ್ಭತಾ ಜಾಯತೇ ತೇನ ಮಮಾಪಿ ಪ್ರಗಲ್ಭತಾ ಜಾಯತ ಇತಿ ನಿರ್ಬ್ಬೋಧೇನೇವ ಮಯಾ ವಕ್ತವ್ಯಂ|
\p
\v 22 ತೇ ಕಿಮ್ ಇಬ್ರಿಲೋಕಾಃ? ಅಹಮಪೀಬ್ರೀ| ತೇ ಕಿಮ್ ಇಸ್ರಾಯೇಲೀಯಾಃ? ಅಹಮಪೀಸ್ರಾಯೇಲೀಯಃ| ತೇ ಕಿಮ್ ಇಬ್ರಾಹೀಮೋ ವಂಶಾಃ? ಅಹಮಪೀಬ್ರಾಹೀಮೋ ವಂಶಃ|
\p
\v 23 ತೇ ಕಿಂ ಖ್ರೀಷ್ಟಸ್ಯ ಪರಿಚಾರಕಾಃ? ಅಹಂ ತೇಭ್ಯೋಽಪಿ ತಸ್ಯ ಮಹಾಪರಿಚಾರಕಃ; ಕಿನ್ತು ನಿರ್ಬ್ಬೋಧ ಇವ ಭಾಷೇ, ತೇಭ್ಯೋಽಪ್ಯಹಂ ಬಹುಪರಿಶ್ರಮೇ ಬಹುಪ್ರಹಾರೇ ಬಹುವಾರಂ ಕಾರಾಯಾಂ ಬಹುವಾರಂ ಪ್ರಾಣನಾಶಸಂಶಯೇ ಚ ಪತಿತವಾನ್|
\p
\v 24 ಯಿಹೂದೀಯೈರಹಂ ಪಞ್ಚಕೃತ್ವ ಊನಚತ್ವಾರಿಂಶತ್ಪ್ರಹಾರೈರಾಹತಸ್ತ್ರಿರ್ವೇತ್ರಾಘಾತಮ್ ಏಕಕೃತ್ವಃ ಪ್ರಸ್ತರಾಘಾತಞ್ಚ ಪ್ರಪ್ತವಾನ್|
\p
\v 25 ವಾರತ್ರಯಂ ಪೋತಭಞ್ಜನೇನ ಕ್ಲಿಷ್ಟೋಽಹಮ್ ಅಗಾಧಸಲಿಲೇ ದಿನಮೇಕಂ ರಾತ್ರಿಮೇಕಾಞ್ಚ ಯಾಪಿತವಾನ್|
\p
\v 26 ಬಹುವಾರಂ ಯಾತ್ರಾಭಿ ರ್ನದೀನಾಂ ಸಙ್ಕಟೈ ರ್ದಸ್ಯೂನಾಂ ಸಙ್ಕಟೈಃ ಸ್ವಜಾತೀಯಾನಾಂ ಸಙ್ಕಟೈ ರ್ಭಿನ್ನಜಾತೀಯಾನಾಂ ಸಙ್ಕಟೈ ರ್ನಗರಸ್ಯ ಸಙ್ಕಟೈ ರ್ಮರುಭೂಮೇಃ ಸಙ್ಕಟೈ ಸಾಗರಸ್ಯ ಸಙ್ಕಟೈ ರ್ಭಾಕ್ತಭ್ರಾತೃಣಾಂ ಸಙ್ಕಟೈಶ್ಚ
\p
\v 27 ಪರಿಶ್ರಮಕ್ಲೇಶಾಭ್ಯಾಂ ವಾರಂ ವಾರಂ ಜಾಗರಣೇನ ಕ್ಷುಧಾತೃಷ್ಣಾಭ್ಯಾಂ ಬಹುವಾರಂ ನಿರಾಹಾರೇಣ ಶೀತನಗ್ನತಾಭ್ಯಾಞ್ಚಾಹಂ ಕಾಲಂ ಯಾಪಿತವಾನ್|
\p
\v 28 ತಾದೃಶಂ ನೈಮಿತ್ತಿಕಂ ದುಃಖಂ ವಿನಾಹಂ ಪ್ರತಿದಿನಮ್ ಆಕುಲೋ ಭವಾಮಿ ಸರ್ವ್ವಾಸಾಂ ಸಮಿತೀನಾಂ ಚಿನ್ತಾ ಚ ಮಯಿ ವರ್ತ್ತತೇ|
\p
\v 29 ಯೇನಾಹಂ ನ ದುರ್ಬ್ಬಲೀಭವಾಮಿ ತಾದೃಶಂ ದೌರ್ಬ್ಬಲ್ಯಂ ಕಃ ಪಾಪ್ನೋತಿ?
\p
\v 30 ಯದಿ ಮಯಾ ಶ್ಲಾಘಿತವ್ಯಂ ತರ್ಹಿ ಸ್ವದುರ್ಬ್ಬಲತಾಮಧಿ ಶ್ಲಾಘಿಷ್ಯೇ|
\p
\v 31 ಮಯಾ ಮೃಷಾವಾಕ್ಯಂ ನ ಕಥ್ಯತ ಇತಿ ನಿತ್ಯಂ ಪ್ರಶಂಸನೀಯೋಽಸ್ಮಾಕಂ ಪ್ರಭೋ ರ್ಯೀಶುಖ್ರೀಷ್ಟಸ್ಯ ತಾತ ಈಶ್ವರೋ ಜಾನಾತಿ|
\p
\v 32 ದಮ್ಮೇಷಕನಗರೇಽರಿತಾರಾಜಸ್ಯ ಕಾರ್ಯ್ಯಾಧ್ಯಕ್ಷೋ ಮಾಂ ಧರ್ತ್ತುಮ್ ಇಚ್ಛನ್ ಯದಾ ಸೈನ್ಯೈಸ್ತದ್ ದಮ್ಮೇಷಕನಗರಮ್ ಅರಕ್ಷಯತ್
\p
\v 33 ತದಾಹಂ ಲೋಕೈಃ ಪಿಟಕಮಧ್ಯೇ ಪ್ರಾಚೀರಗವಾಕ್ಷೇಣಾವರೋಹಿತಸ್ತಸ್ಯ ಕರಾತ್ ತ್ರಾಣಂ ಪ್ರಾಪಂ|
\c 12
\p
\v 1 ಆತ್ಮಶ್ಲಾಘಾ ಮಮಾನುಪಯುಕ್ತಾ ಕಿನ್ತ್ವಹಂ ಪ್ರಭೋ ರ್ದರ್ಶನಾದೇಶಾನಾಮ್ ಆಖ್ಯಾನಂ ಕಥಯಿತುಂ ಪ್ರವರ್ತ್ತೇ|
\p
\v 2 ಇತಶ್ಚತುರ್ದಶವತ್ಸರೇಭ್ಯಃ ಪೂರ್ವ್ವಂ ಮಯಾ ಪರಿಚಿತ ಏಕೋ ಜನಸ್ತೃತೀಯಂ ಸ್ವರ್ಗಮನೀಯತ, ಸ ಸಶರೀರೇಣ ನಿಃಶರೀರೇಣ ವಾ ತತ್ ಸ್ಥಾನಮನೀಯತ ತದಹಂ ನ ಜಾನಾಮಿ ಕಿನ್ತ್ವೀಶ್ವರೋ ಜಾನಾತಿ|
\p
\v 3 ಸ ಮಾನವಃ ಸ್ವರ್ಗಂ ನೀತಃ ಸನ್ ಅಕಥ್ಯಾನಿ ಮರ್ತ್ತ್ಯವಾಗತೀತಾನಿ ಚ ವಾಕ್ಯಾನಿ ಶ್ರುತವಾನ್|
\p
\v 4 ಕಿನ್ತು ತದಾನೀಂ ಸ ಸಶರೀರೋ ನಿಃಶರೀರೋ ವಾಸೀತ್ ತನ್ಮಯಾ ನ ಜ್ಞಾಯತೇ ತದ್ ಈಶ್ವರೇಣೈವ ಜ್ಞಾಯತೇ|
\p
\v 5 ತಮಧ್ಯಹಂ ಶ್ಲಾಘಿಷ್ಯೇ ಮಾಮಧಿ ನಾನ್ಯೇನ ಕೇನಚಿದ್ ವಿಷಯೇಣ ಶ್ಲಾಘಿಷ್ಯೇ ಕೇವಲಂ ಸ್ವದೌರ್ಬ್ಬಲ್ಯೇನ ಶ್ಲಾಘಿಷ್ಯೇ|
\p
\v 6 ಯದ್ಯಹಮ್ ಆತ್ಮಶ್ಲಾಘಾಂ ಕರ್ತ್ತುಮ್ ಇಚ್ಛೇಯಂ ತಥಾಪಿ ನಿರ್ಬ್ಬೋಧ ಇವ ನ ಭವಿಷ್ಯಾಮಿ ಯತಃ ಸತ್ಯಮೇವ ಕಥಯಿಷ್ಯಾಮಿ, ಕಿನ್ತು ಲೋಕಾ ಮಾಂ ಯಾದೃಶಂ ಪಶ್ಯನ್ತಿ ಮಮ ವಾಕ್ಯಂ ಶ್ರುತ್ವಾ ವಾ ಯಾದೃಶಂ ಮಾಂ ಮನ್ಯತೇ ತಸ್ಮಾತ್ ಶ್ರೇಷ್ಠಂ ಮಾಂ ಯನ್ನ ಗಣಯನ್ತಿ ತದರ್ಥಮಹಂ ತತೋ ವಿರಂಸ್ಯಾಮಿ|
\p
\v 7 ಅಪರಮ್ ಉತ್ಕೃಷ್ಟದರ್ಶನಪ್ರಾಪ್ತಿತೋ ಯದಹಮ್ ಆತ್ಮಾಭಿಮಾನೀ ನ ಭವಾಮಿ ತದರ್ಥಂ ಶರೀರವೇಧಕಮ್ ಏಕಂ ಶೂಲಂ ಮಹ್ಯಮ್ ಅದಾಯಿ ತತ್ ಮದೀಯಾತ್ಮಾಭಿಮಾನನಿವಾರಣಾರ್ಥಂ ಮಮ ತಾಡಯಿತಾ ಶಯತಾನೋ ದೂತಃ|
\p
\v 8 ಮತ್ತಸ್ತಸ್ಯ ಪ್ರಸ್ಥಾನಂ ಯಾಚಿತುಮಹಂ ತ್ರಿಸ್ತಮಧಿ ಪ್ರಭುಮುದ್ದಿಶ್ಯ ಪ್ರಾರ್ಥನಾಂ ಕೃತವಾನ್|
\p
\v 9 ತತಃ ಸ ಮಾಮುಕ್ತವಾನ್ ಮಮಾನುಗ್ರಹಸ್ತವ ಸರ್ವ್ವಸಾಧಕಃ, ಯತೋ ದೌರ್ಬ್ಬಲ್ಯಾತ್ ಮಮ ಶಕ್ತಿಃ ಪೂರ್ಣತಾಂ ಗಚ್ಛತೀತಿ| ಅತಃ ಖ್ರೀಷ್ಟಸ್ಯ ಶಕ್ತಿ ರ್ಯನ್ಮಾಮ್ ಆಶ್ರಯತಿ ತದರ್ಥಂ ಸ್ವದೌರ್ಬ್ಬಲ್ಯೇನ ಮಮ ಶ್ಲಾಘನಂ ಸುಖದಂ|
\p
\v 10 ತಸ್ಮಾತ್ ಖ್ರೀಷ್ಟಹೇತೋ ರ್ದೌರ್ಬ್ಬಲ್ಯನಿನ್ದಾದರಿದ್ರತಾವಿಪಕ್ಷತಾಕಷ್ಟಾದಿಷು ಸನ್ತುಷ್ಯಾಮ್ಯಹಂ| ಯದಾಹಂ ದುರ್ಬ್ಬಲೋಽಸ್ಮಿ ತದೈವ ಸಬಲೋ ಭವಾಮಿ|
\p
\v 11 ಏತೇನಾತ್ಮಶ್ಲಾಘನೇನಾಹಂ ನಿರ್ಬ್ಬೋಧ ಇವಾಭವಂ ಕಿನ್ತು ಯೂಯಂ ತಸ್ಯ ಕಾರಣಂ ಯತೋ ಮಮ ಪ್ರಶಂಸಾ ಯುಷ್ಮಾಭಿರೇವ ಕರ್ತ್ತವ್ಯಾಸೀತ್| ಯದ್ಯಪ್ಯಮ್ ಅಗಣ್ಯೋ ಭವೇಯಂ ತಥಾಪಿ ಮುಖ್ಯತಮೇಭ್ಯಃ ಪ್ರೇರಿತೇಭ್ಯಃ ಕೇನಾಪಿ ಪ್ರಕಾರೇಣ ನಾಹಂ ನ್ಯೂನೋಽಸ್ಮಿ|
\p
\v 12 ಸರ್ವ್ವಥಾದ್ಭುತಕ್ರಿಯಾಶಕ್ತಿಲಕ್ಷಣೈಃ ಪ್ರೇರಿತಸ್ಯ ಚಿಹ್ನಾನಿ ಯುಷ್ಮಾಕಂ ಮಧ್ಯೇ ಸಧೈರ್ಯ್ಯಂ ಮಯಾ ಪ್ರಕಾಶಿತಾನಿ|
\p
\v 13 ಮಮ ಪಾಲನಾರ್ಥಂ ಯೂಯಂ ಮಯಾ ಭಾರಾಕ್ರಾನ್ತಾ ನಾಭವತೈತದ್ ಏಕಂ ನ್ಯೂನತ್ವಂ ವಿನಾಪರಾಭ್ಯಃ ಸಮಿತಿಭ್ಯೋ ಯುಷ್ಮಾಕಂ ಕಿಂ ನ್ಯೂನತ್ವಂ ಜಾತಂ? ಅನೇನ ಮಮ ದೋಷಂ ಕ್ಷಮಧ್ವಂ|
\p
\v 14 ಪಶ್ಯತ ತೃತೀಯವಾರಂ ಯುुಷ್ಮತ್ಸಮೀಪಂ ಗನ್ತುಮುದ್ಯತೋಽಸ್ಮಿ ತತ್ರಾಪ್ಯಹಂ ಯುಷ್ಮಾನ್ ಭಾರಾಕ್ರಾನ್ತಾನ್ ನ ಕರಿಷ್ಯಾಮಿ| ಯುಷ್ಮಾಕಂ ಸಮ್ಪತ್ತಿಮಹಂ ನ ಮೃಗಯೇ ಕಿನ್ತು ಯುಷ್ಮಾನೇವ, ಯತಃ ಪಿತ್ರೋಃ ಕೃತೇ ಸನ್ತಾನಾನಾಂ ಧನಸಞ್ಚಯೋಽನುಪಯುಕ್ತಃ ಕಿನ್ತು ಸನ್ತಾನಾನಾಂ ಕೃತೇ ಪಿತ್ರೋ ರ್ಧನಸಞ್ಚಯ ಉಪಯುಕ್ತಃ|
\p
\v 15 ಅಪರಞ್ಚ ಯುಷ್ಮಾಸು ಬಹು ಪ್ರೀಯಮಾಣೋಽಪ್ಯಹಂ ಯದಿ ಯುಷ್ಮತ್ತೋಽಲ್ಪಂ ಪ್ರಮ ಲಭೇ ತಥಾಪಿ ಯುಷ್ಮಾಕಂ ಪ್ರಾಣರಕ್ಷಾರ್ಥಂ ಸಾನನ್ದಂ ಬಹು ವ್ಯಯಂ ಸರ್ವ್ವವ್ಯಯಞ್ಚ ಕರಿಷ್ಯಾಮಿ|
\p
\v 16 ಯೂಯಂ ಮಯಾ ಕಿಞ್ಚಿದಪಿ ನ ಭಾರಾಕ್ರಾನ್ತಾ ಇತಿ ಸತ್ಯಂ, ಕಿನ್ತ್ವಹಂ ಧೂರ್ತ್ತಃ ಸನ್ ಛಲೇನ ಯುಷ್ಮಾನ್ ವಞ್ಚಿತವಾನ್ ಏತತ್ ಕಿಂ ಕೇನಚಿದ್ ವಕ್ತವ್ಯಂ?
\p
\v 17 ಯುಷ್ಮತ್ಸಮೀಪಂ ಮಯಾ ಯೇ ಲೋಕಾಃ ಪ್ರಹಿತಾಸ್ತೇಷಾಮೇಕೇನ ಕಿಂ ಮಮ ಕೋಽಪ್ಯರ್ಥಲಾಭೋ ಜಾತಃ?
\p
\v 18 ಅಹಂ ತೀತಂ ವಿನೀಯ ತೇನ ಸಾರ್ದ್ಧಂ ಭ್ರಾತರಮೇಕಂ ಪ್ರೇಷಿತವಾನ್ ಯುಷ್ಮತ್ತಸ್ತೀತೇನ ಕಿಮ್ ಅರ್ಥೋ ಲಬ್ಧಃ? ಏಕಸ್ಮಿನ್ ಭಾವ ಏಕಸ್ಯ ಪದಚಿಹ್ನೇಷು ಚಾವಾಂ ಕಿಂ ನ ಚರಿತವನ್ತೌ?
\p
\v 19 ಯುಷ್ಮಾಕಂ ಸಮೀಪೇ ವಯಂ ಪುನ ರ್ದೋಷಕ್ಷಾಲನಕಥಾಂ ಕಥಯಾಮ ಇತಿ ಕಿಂ ಬುಧ್ಯಧ್ವೇ? ಹೇ ಪ್ರಿಯತಮಾಃ, ಯುಷ್ಮಾಕಂ ನಿಷ್ಠಾರ್ಥಂ ವಯಮೀಶ್ವರಸ್ಯ ಸಮಕ್ಷಂ ಖ್ರೀಷ್ಟೇನ ಸರ್ವ್ವಾಣ್ಯೇತಾನಿ ಕಥಯಾಮಃ|
\p
\v 20 ಅಹಂ ಯದಾಗಮಿಷ್ಯಾಮಿ, ತದಾ ಯುಷ್ಮಾನ್ ಯಾದೃಶಾನ್ ದ್ರಷ್ಟುಂ ನೇಚ್ಛಾಮಿ ತಾದೃಶಾನ್ ದ್ರಕ್ಷ್ಯಾಮಿ, ಯೂಯಮಪಿ ಮಾಂ ಯಾದೃಶಂ ದ್ರಷ್ಟುಂ ನೇಚ್ಛಥ ತಾದೃಶಂ ದ್ರಕ್ಷ್ಯಥ, ಯುಷ್ಮನ್ಮಧ್ಯೇ ವಿವಾದ ಈರ್ಷ್ಯಾ ಕ್ರೋಧೋ ವಿಪಕ್ಷತಾ ಪರಾಪವಾದಃ ಕರ್ಣೇಜಪನಂ ದರ್ಪಃ ಕಲಹಶ್ಚೈತೇ ಭವಿಷ್ಯನ್ತಿ;
\p
\v 21 ತೇನಾಹಂ ಯುಷ್ಮತ್ಸಮೀಪಂ ಪುನರಾಗತ್ಯ ಮದೀಯೇಶ್ವರೇಣ ನಮಯಿಷ್ಯೇ, ಪೂರ್ವ್ವಂ ಕೃತಪಾಪಾನ್ ಲೋಕಾನ್ ಸ್ವೀಯಾಶುಚಿತಾವೇಶ್ಯಾಗಮನಲಮ್ಪಟತಾಚರಣಾದ್ ಅನುತಾಪಮ್ ಅಕೃತವನ್ತೋ ದೃಷ್ಟ್ವಾ ಚ ತಾನಧಿ ಮಮ ಶೋಕೋ ಜನಿಷ್ಯತ ಇತಿ ಬಿಭೇಮಿ|
\c 13
\p
\v 1 ಏತತ್ತೃತೀಯವಾರಮ್ ಅಹಂ ಯುಷ್ಮತ್ಸಮೀಪಂ ಗಚ್ಛಾಮಿ ತೇನ ಸರ್ವ್ವಾ ಕಥಾ ದ್ವಯೋಸ್ತ್ರಯಾಣಾಂ ವಾ ಸಾಕ್ಷಿಣಾಂ ಮುಖೇನ ನಿಶ್ಚೇಷ್ಯತೇ|
\p
\v 2 ಪೂರ್ವ್ವಂ ಯೇ ಕೃತಪಾಪಾಸ್ತೇಭ್ಯೋಽನ್ಯೇಭ್ಯಶ್ಚ ಸರ್ವ್ವೇಭ್ಯೋ ಮಯಾ ಪೂರ್ವ್ವಂ ಕಥಿತಂ, ಪುನರಪಿ ವಿದ್ಯಮಾನೇನೇವೇದಾನೀಮ್ ಅವಿದ್ಯಮಾನೇನ ಮಯಾ ಕಥ್ಯತೇ, ಯದಾ ಪುನರಾಗಮಿಷ್ಯಾಮಿ ತದಾಹಂ ನ ಕ್ಷಮಿಷ್ಯೇ|
\p
\v 3 ಖ್ರೀಷ್ಟೋ ಮಯಾ ಕಥಾಂ ಕಥಯತ್ಯೇತಸ್ಯ ಪ್ರಮಾಣಂ ಯೂಯಂ ಮೃಗಯಧ್ವೇ, ಸ ತು ಯುಷ್ಮಾನ್ ಪ್ರತಿ ದುರ್ಬ್ಬಲೋ ನಹಿ ಕಿನ್ತು ಸಬಲ ಏವ|
\p
\v 4 ಯದ್ಯಪಿ ಸ ದುರ್ಬ್ಬಲತಯಾ ಕ್ರುಶ ಆರೋಪ್ಯತ ತಥಾಪೀಶ್ವರೀಯಶಕ್ತಯಾ ಜೀವತಿ; ವಯಮಪಿ ತಸ್ಮಿನ್ ದುರ್ಬ್ಬಲಾ ಭವಾಮಃ, ತಥಾಪಿ ಯುಷ್ಮಾನ್ ಪ್ರತಿ ಪ್ರಕಾಶಿತಯೇಶ್ವರೀಯಶಕ್ತ್ಯಾ ತೇನ ಸಹ ಜೀವಿಷ್ಯಾಮಃ|
\p
\v 5 ಅತೋ ಯೂಯಂ ವಿಶ್ವಾಸಯುಕ್ತಾ ಆಧ್ವೇ ನ ವೇತಿ ಜ್ಞಾತುಮಾತ್ಮಪರೀಕ್ಷಾಂ ಕುರುಧ್ವಂ ಸ್ವಾನೇವಾನುಸನ್ಧತ್ತ| ಯೀಶುಃ ಖ್ರೀಷ್ಟೋ ಯುಷ್ಮನ್ಮಧ್ಯೇ ವಿದ್ಯತೇ ಸ್ವಾನಧಿ ತತ್ ಕಿಂ ನ ಪ್ರತಿಜಾನೀಥ? ತಸ್ಮಿನ್ ಅವಿದ್ಯಮಾನೇ ಯೂಯಂ ನಿಷ್ಪ್ರಮಾಣಾ ಭವಥ|
\p
\v 6 ಕಿನ್ತು ವಯಂ ನಿಷ್ಪ್ರಮಾಣಾ ನ ಭವಾಮ ಇತಿ ಯುಷ್ಮಾಭಿ ರ್ಭೋತ್ಸ್ಯತೇ ತತ್ರ ಮಮ ಪ್ರತ್ಯಾಶಾ ಜಾಯತೇ|
\p
\v 7 ಯೂಯಂ ಕಿಮಪಿ ಕುತ್ಸಿತಂ ಕರ್ಮ್ಮ ಯನ್ನ ಕುರುಥ ತದಹಮ್ ಈಶ್ವರಮುದ್ದಿಶ್ಯ ಪ್ರಾರ್ಥಯೇ| ವಯಂ ಯತ್ ಪ್ರಾಮಾಣಿಕಾ ಇವ ಪ್ರಕಾಶಾಮಹೇ ತದರ್ಥಂ ತತ್ ಪ್ರಾರ್ಥಯಾಮಹ ಇತಿ ನಹಿ, ಕಿನ್ತು ಯೂಯಂ ಯತ್ ಸದಾಚಾರಂ ಕುರುಥ ವಯಞ್ಚ ನಿಷ್ಪ್ರಮಾಣಾ ಇವ ಭವಾಮಸ್ತದರ್ಥಂ|
\p
\v 8 ಯತಃ ಸತ್ಯತಾಯಾ ವಿಪಕ್ಷತಾಂ ಕರ್ತ್ತುಂ ವಯಂ ನ ಸಮರ್ಥಾಃ ಕಿನ್ತು ಸತ್ಯತಾಯಾಃ ಸಾಹಾಯ್ಯಂ ಕರ್ತ್ತುಮೇವ|
\p
\v 9 ವಯಂ ಯದಾ ದುರ್ಬ್ಬಲಾ ಭವಾಮಸ್ತದಾ ಯುಷ್ಮಾನ್ ಸಬಲಾನ್ ದೃಷ್ಟ್ವಾನನ್ದಾಮೋ ಯುಷ್ಮಾಕಂ ಸಿದ್ಧತ್ವಂ ಪ್ರಾರ್ಥಯಾಮಹೇ ಚ|
\p
\v 10 ಅತೋ ಹೇತೋಃ ಪ್ರಭು ರ್ಯುಷ್ಮಾಕಂ ವಿನಾಶಾಯ ನಹಿ ಕಿನ್ತು ನಿಷ್ಠಾಯೈ ಯತ್ ಸಾಮರ್ಥ್ಯಮ್ ಅಸ್ಮಭ್ಯಂ ದತ್ತವಾನ್ ತೇನ ಯದ್ ಉಪಸ್ಥಿತಿಕಾಲೇ ಕಾಠಿನ್ಯಂ ಮಯಾಚರಿತವ್ಯಂ ನ ಭವೇತ್ ತದರ್ಥಮ್ ಅನುಪಸ್ಥಿತೇನ ಮಯಾ ಸರ್ವ್ವಾಣ್ಯೇತಾನಿ ಲಿಖ್ಯನ್ತೇ|
\p
\v 11 ಹೇ ಭ್ರಾತರಃ, ಶೇಷೇ ವದಾಮಿ ಯೂಯಮ್ ಆನನ್ದತ ಸಿದ್ಧಾ ಭವತ ಪರಸ್ಪರಂ ಪ್ರಬೋಧಯತ, ಏಕಮನಸೋ ಭವತ ಪ್ರಣಯಭಾವಮ್ ಆಚರತ| ಪ್ರೇಮಶಾನ್ತ್ಯೋರಾಕರ ಈಶ್ವರೋ ಯುಷ್ಮಾಕಂ ಸಹಾಯೋ ಭೂಯಾತ್|
\p
\v 12 ಯೂಯಂ ಪವಿತ್ರಚುಮ್ಬನೇನ ಪರಸ್ಪರಂ ನಮಸ್ಕುರುಧ್ವಂ|
\p
\v 13 ಪವಿತ್ರಲೋಕಾಃ ಸರ್ವ್ವೇ ಯುಷ್ಮಾನ್ ನಮನ್ತಿ|
\p
\v 14 ಪ್ರಭೋ ರ್ಯೀಶುಖ್ರೀಷ್ಟಸ್ಯಾನುಗ್ರಹ ಈಶ್ವರಸ್ಯ ಪ್ರೇಮ ಪವಿತ್ರಸ್ಯಾತ್ಮನೋ ಭಾಗಿತ್ವಞ್ಚ ಸರ್ವ್ವಾನ್ ಯುಷ್ಮಾನ್ ಪ್ರತಿ ಭೂಯಾತ್| ತಥಾಸ್ತು|