\id 3JN 
\ide UTF-8
\h 3 Ioan
\toc1 A Treia Epistola al Ioan
\toc2 3 Ioan
\toc3 3 In
\mt1 A Treia Epistolã al Ioan
\c 1
\s1 Salutãrili
\p
\v 1 Mini vecljilu, a Gailu multuvrut, tsi lu voi dealihea. 
\v 2 Multuvrute, mini voi s-ai ambãreatsã la tuti, shi s-hãrãseshtã sãnãtati bunã, ashi cum ari ambãreatsã suflitlu a tãu. 
\v 3 Cã mi hãrãsii cãndu vinirã niscãntsã fratsi sh-martirsirã ti pistipsirea a ta trã alihea, cã cum imnji tini tu alihea. 
\v 4 Nu am ma mari harauã di aestã: s-avdu cã hiljilji a melji imnã tu alihea. 
\v 5 Multuvrute, tini fats cu pistipsiri itsido tsi fats trã fratsilji shi trã xenjilji. 
\v 6 Elji mãrtirsirã ti vrearea a ta nãinti a bisearcãljei, shi va s-fatsã ghini s-ai cãshtigã ti cãlãtoria a lor cu tinjii di Dumnidzãlu. 
\v 7 Cã elji inshirã trã numa a lui, fãrã s-ljea tsiva di la pãngãnji. 
\v 8 Noi u avem obligatsie, s-li ashtiptãm aeshti oaminj, tsi s-himã prilucrãtor trã alihea.
\s1 Diotreful shi Dhimitrul
\p
\v 9 Lji scriai a bisearcãljei, ma Diotreful, tsi va s- hiibã protlu trã elji nu nã ashteapti. 
\v 10 Tr-atsea, ma s-yinu, va lji-aduc aminti a lui faptili tsi adari, zburãnda zboari arãi contra noi. Cum s-nu agiungu aesti, elu nu li ashteapti fratsilji shi li ncheadicã atselji tsi vor s-li ashteaptã shi li scoati di bisearicã. 
\v 11 Multuvrute, nu urmeadzã arãulu, ma bunulu. Atselu tsi fatsi bunulu easti di la Dumnidzãul, ma atselu tsi fatsi arãulu nu lu ari vidzutã Dumnidzãlu. 
\v 12 Di Dhimitrul tutsã da mãrtirii bunã, tutashã shi alihea: shi noi mãrtirsimu ti nãsu, sh-tini lu shtii cã mãrtiria a noastrã easti alihinoasã. 
\v 13 Aveam multi trã scriari, ma nu voi s-tsã scriu cu buiauã shi-peanã. 
\v 14 Ma nãdãescu s-ti ved curundã shi si zburãm di aproapi. 
\v 15 Pacea cu tini! Oaspilji tsã pitrec sãnãtati. Dã sãnãtati a oaspilor un pi unã.