\id 1JN - Aromanian Frasherot
\ide UTF-8
\h 1 Ioan
\toc1 Prota Epistola al Ioan
\toc2 1 Ioan
\toc3 1 In
\mt1 Prota Epistola al Ioan
\c 1
\s1 Zborlu a Banãljei Vinit tu Trup
\p
\v 1 Noi va vã u spunem atsea tsi fu dit apãrnjitã, atsea tsi avdzãmã, atsea tsi vidzumã cu ocljilji a noshtri, atsea tsi avem mutritã sh-avem pusputitã cu mãnjili a noastri trã Zborlu\x - \xo 1:1 \xo*\xq Zborlu \xq*\xt Ioan 1:1-2. \xt*\x* a banãljei, 
\v 2 cã bana s-fãnipsi shi noi lu vidzumã sh-mãrtirsimã ti nãsã, shi vã u dimãndãm a voauã, bana atsea di totãna, tsi eara ncu Tatãlu sh-nã si aspusi a noauã, 
\v 3 atsea tsi vidzumã shi avdzãmã, tsi sh-voi s-hitsã deadun cu noi, shi comunitatea a noastrã easti cu Tatãlu shi cu Hiljilu a lui, Isus Hristos. 
\v 4 Sh-ma vã scriu aesti zboari tsi haraua a noastrã s-hibã ntreagã.
\s1 Imnarea tu Lunjinã
\p
\v 5 Sh-aestu easti mesajul tsi avdzãmã di la nãsu shi vã-u spunem a voauã: Dumnidzãlu easti lunjinã shi la nãsu nu ari dip scutidhi. 
\v 6 Ma s-dzãtsem cã avem unitate cu Elu, shi imnãm tu scutidhi, noi arãdem shi nu l-bãgãm tu practicã alihea. 
\v 7 Iarã, ma s-imnãm tu lunjinã, ashi cum elu easti tu lunjinã, avem unitate unlu cu alantu, shi sãndzãli al Isus Hristos, Hiljilu a lui, nã curã di itsi amãrtii.
\s1 Mãrtirisirea a Amãrtiilor shi Ljirtarea a Hristolui
\p
\v 8 Ma s-dzãtsem cã himã fãrã amãrtii, arãdem vetea a noastrã shi alihea nu easti tu noi. 
\v 9 Ma s-li mãrtirsim amãrtiili a noastri, elu easti pistimen shi ndreptu tra s-nã ljeartã amãrtiili shi s-nã curã di itsi arãutati. 
\v 10 Macã va dzãtsem cã nu avem amãrtisit, lu fãtsem nãsu arãditor, shi zborlu a lui nu easti cu noi.
\c 2
\p
\v 1 Ficiorlji a melji, vã scriu aesti lucri tra s-nu amãrtisits, sh-ca s-hibã cã vãrã amãrtisi, avem un avocat ningã Tatãlu, Isus Hristos atsel ndreptu. 
\v 2 Elu easti curbanlu trã curarea a amãrtiilor a noastri, shi nu mash a noastri ma sh-trã atseali di tutã lumea. 
\v 3 Di aestã shtim cã lu-avem cunuscutã nãsu, macã vigljem dimãndãrili a lui. 
\v 4 Atselu tsi dzãtsi: “Mini lu-am cunuscutã atselu,” sh-nu li veaglji dimãndãrili a lui easti arãditor, shi alihea nu easti tu nãsu. 
\v 5 Iarã cai lu veaglji zborlu a lui, tu nãsu vrearea a Dumnidzãlui easti faptã perfectã. Sh-di aestã shtim cã noi him cu nãsu. 
\v 6 Atselu tsi dzãtsi cã sta cu nãsu, prindi s-imnã cum ari imnatã elu. 
\v 7 Multu-vruts, nu vã scriu un nou ordin, ma un ordin vecljiu, tsi lu aveatã di tu ahurhitã, ordinlu atsel vecljiulu easti zborlu tsi avdzãtã di tu ahurhitã. 
\v 8 Cu tut atsea ma vã scriu un ordin nou, tsi easti di alihea tu elu sh-tu voi, cã ntuneariclu ma treatsi sh-tora strãlutseashti lunjina alihioasã. 
\v 9 Atselu tsi dzãtsi cã easti tu lunjinã shi aurashti fratili a lui, easti ninga tu scutidhi. 
\v 10 Atselu tsi lu va fratili a lui armãni tu lunjinã shi nu ari tsiva tu nãsu tsi lu fatsi s-cadã. 
\v 11 Ma atselu tsi aurashti fratili a lui, easti tu scutidhi, imnã tu scutidhi sh-nu shtii cãtrã iu s-dutsi cã scutidhlu ari urghitã ocljilji a lui. 
\v 12 Vã scriu ficiori cã amãrtiili vã sãntu ljirtati di la numa al Hristos. 
\v 13 Pãrintsã, vã scriu cã voi lu avets cunuscutã atselu tsi easti di tu apãrnjitã. Tiniri, vã scriu cã lu avets bãtut arãulu. 
\v 14 Vã am scriatã a voauã, ficiori cã lu avets cunuscutã Tatãlu. Vã am scriatã a voauã, pãrintsã, cã avets cunuscutã atselu di tu apãrnjitã. Vã am scriatã a voauã tiniri cã hits vãrtoshi shi zborlu al Dumnidzãu armãni la voi shi cã lu avets bãtut arãulu. 
\v 15 S-nu vrets lumea\f + \fr 2:15 \fr*\fq lumea \fq*\ft easti societata umineascã fãrã Dumnidzãul, tsi nu cunoashti Dumnidzãlu.\ft*\f*, sh-nitsi atseali tsi sãntu tu lumi. Macã vãrã u va lumea, vrearea a Tatãlui nu easti tu nãsu. 
\v 16 Cã tuti atseali tsi sãntu tu lumi, orixea a truplui, orixea a ocljilor sh-pirifanjea a banãljei nu yinu di la Tatãlu ma di la lumea. 
\v 17 Sh-lumea treatsi cu orixea a ljei, ma atselu tsi fatsi vrearea a Dumnidzãlui, armãni di totãna.
\s1 Antihristolu
\m
\v 18 Ficiori, easti oara dit soni. Shi cum avets avdzãtã va yinã antihristolu, shi tora multsã antihrishtsi si fãnipsirã, trã atsea noi aduchim cã easti oara dit soni. 
\v 19 Namisa di noi ishirã, ma nu eara di-a noshtri. Ma s-eara di-a noshtri, va-avea armasã cu noi, ma aestã spusi cã nu sãntu di-a noshtri. 
\v 20 Ma voi avets aundzearea di la Sãntulu\f + \fr 2:20 \fr*\fq aundzearea di la Sãntulu \fq*\ft doara a Duhlu Sãmtu datã a pistimenlui.\ft*\f* shi li shtits tuti. 
\v 21 Nu vã scriai a voauã cã nu lu cunushtets alihea, ma cã voi lu cunushtets shi nitsiun arãdeari nu yini di la alihea. 
\v 22 Cai easti arãdioslu? Nu easti atselu tsi alipideashti cã Isus easti Hristolu? Antihristolu easti atselu tsi alipideashti Tatãlu shi Hiljilu. 
\v 23 Caitsido tsi alipideashti Hiljilu, nu lu ari nitsi Tatãlu. Caitsido tsi cunoashti Hiljilu, lu ari sh-Tatãlu. 
\v 24 Atsea tsi voi avdzãtã di tu apãrnjitã s-armãnã tu voi. Macã atsea tsi avdzãtã di tu apãrnjitã armãni tu voi, atumtsea shi voi va armãnets cu Hiljilu sh-cu Tatãlu. 
\v 25 Sh-aestã easti tãxirea tsi elu nã featsi: bana eternã. 
\v 26 Vã scriai aesti zboari trã atselji tsi caftã s-vã arãd. 
\v 27 Shi, cãt trã voi, aundzearea tsi avets loatã di la nãsu, armãni la voi shi nu avets ananghi tsi vãrã s-vã nveatsã. Macã aundzearea a lui vã nveatsã di tuti shi easti alihea sh-nu easti arãdeari, armãnets cu nãsu ashã cum vã nvitsã. 
\v 28 Sh-tora, ficiori, armãnets cu elu, cã atumtsea cãndu elu va si s-fãnipseascã, noi s-putem s-avem sigurantsã shi cu vinearea a lui s-nu nã rushinãm. 
\v 29 Macã shtits cã Hristolu easti ndreptu, s-lu shtits cã caitsido tsi fatsi ndriptatea s-ari amintatã di la elu.
\c 3
\s1 Hiljilji a Dumnidzãlui
\p
\v 1 Videts tsi vreari marã nã deadi Tatãlu, tra s-nã numim hiljilji al Dumnidzãu, shi dealihea noi him. Trã aestã, lumea nu nã cunoashti noi, cã nu lu ari cunuscutã atselu. 
\v 2 Multuvruts, tora him hiljilji al Dumnidzãu, ma ninga nu si-ari aspusã tsi va him. Shtim cã, cãndu si aspunã elu, va him un soi cu nãsu, cã va l-videm cum easti elu. 
\v 3 Shi caitsido tsi ari aestã nãdii tu nãsu, prindi si s-curã ashã cum elu easti curat. 
\v 4 Cai fatsi amãrtii, fatsi shi cãlcarea a nomlui, cã amãrtiia easti cãlcarea a nomlui. 
\v 5 Shi voi lu shtits cã elu si-fãnipsi tsi s-dipãrteadzã amãrtiili a noastri, cã tu elu nu ari amãrtii. 
\v 6 Cai armãni tu elu nu amãrtiseashti, cai amãrtiseashti nu lu-ari vidzutã sh-nu lu-ari cunuscutã. 
\v 7 Ficiori, vãrã s-nu vã arãdã. Atselu tsi fatsi ndriptati easti ndreptu, ashã cum elu easti ndreptu. 
\v 8 Cai fatsi amãrtii, easti di la draclu, cã draclu amãrtisi di tu ahurhitã. Trã aestã s-fãnipsi Hiljilu al Dumnidzãu: trã asprãdzeari lucrili a dracului. 
\v 9 Cai s-amintã di la Dumnidzãlu nu va s-continueadzã s-amãrtiseascã, cã simintsa al Dumnidzãu armãni la nãsu, shi nu poati s-bãneadzã amãrtisãnda, cã s-amintã di la Dumnidzãu. 
\v 10 Di la aestã s-cunoascã hiljilji al Dumnidzãu sh-hiljilji a dracului. Caitsido tsi nu fatsi ndriptatea, nu easti di la Dumnidzãu, ahtar nu easti nitsi atselu cai nu va fratili a lui. 
\v 11 Cã aestã easti mesajul tsi avdzãtã di tu ahurhitã: s-nã vrem un cu alantu, 
\v 12 nu cum fu Cainul, cai eara di la slabulu shi vãtãmã fratili a lui. Sh-ti tsi lu vãtãmã? Cã faptili a lui eara uruti, iarã a fratili a lui eara ndreapti. 
\v 13 Nu vã ciudisits, fratsi a melji, macã lumea vã aurashti. 
\v 14 Noi lu shtim cã avemu tricutã di la moartea tu banã, cã lji vrem fratsilji. Cai nu va fratili a lui, armãni tu moarti. 
\v 15 Caitsido tsi aurashti fratili a lui easti vãtãmãtor, shi voi lu shtits cã nitsiun vãtãmãtor nu ari banã di totãna dãnãsit tu nãsu. 
\v 16 Di aestã lu avem cunuscut vrearea: elu deadi bana a lui trã noi, trã atsea sh-noi prindi s-dãmu bana a noastrã trã fratsilji. 
\v 17 Shi macã unlu ari bunili aishtei dunjei shi veadi fratili a lui cai easti tu ananghi shi u ncljidi inima a lui, cum va armãnã la nãsu vrearea a Dumnidzãlui? 
\v 18 Ficiori, si nu vrem cu zboari, nits cu limbã, ma cu fapti shi cu alihea. 
\v 19 Sh-di aestã noi shtim cã him cu alihea shi va cãndãrsimu ininjli a noastri nãinti a Lui. 
\v 20 Cã, ma s-nã catadzicãseascã inima a noastrã, Dumnidzãlu easti ma marã di inima a noastrã shi li shti tuti. 
\v 21 Multuvruts, macã inima a noastrã nu nã catadzicãseashti avem sigurantsã nãinti a Dumnidzãlui. 
\v 22 Sh-itsi cãftãm, u lom di la nãsu, cã fãtsem ordinli a lui shi fãtsem atseali tsi l-arãsescu a lui. 
\v 23 Sh-aestã easti ordinlu a lui tsi pistipsim tu numa a Hiljilu a lui, Isus Hristos shi s-lu vrem unu-alantu cum nã dimãndã elu. 
\v 24 Atselu tsi veaglji ordinli a lui, armãni tu Dumnidzãlu, sh-elu tu nãsu. Di aestã noi shtim cã elu armãni cu noi: di Duhlu tsi elu nã deadi.
\c 4
\s1 Nvitsãtori Arãdioshi
\p
\v 1 Multuvruts, nu pistipsits pri itsi duh, ma bãgats-lã tu provã duhurili, sã shtits mãcã sãntu di la Dumnidzãul, cã multsã prufits arãdioshi au ishitã tu dunjauã. 
\v 2 Di aestã putets s-cunushtets Duhlu al Dumnidzãul: itsi duh tsi mãrtirseashti cã Isus Hristos ari vinit tu trup, easti di la Dumnidzãul. 
\v 3 Shi itsi duh tsi nu mãrtirseashti cã Isus Hristos ari vinit tu trup, nu easti di la Dumnidzãul. Aestã easti duhlu a antihristolui tsi cum avets avdzãtã va yinã, shi tora easti tu lumi. 
\v 4 Voi hits di la Dumnidzãul, ficiori, shi lji avets bãtutã atselji, cã Duhlu a Dumnidzãlui cai easti tu voi, easti ma mari di atselu tsi easti tu lume. 
\v 5 Atselji sãntu di lumi, tr-atsea grescu di lucrili a lumiljei sh-lumea lji-ascultã. 
\v 6 Noi him di la Dumnidzãul, cai cunoashti Dumnidzãlu nã asculti, cai nu easti di Dumnidzãul, nu nã asculti, dit aestã cunushtem Duhlu a alihiljei shi duhlu a arãdeariljei.
\s Vrerea al Dumnidzãu shi Vrerea di Fratsilji
\p
\v 7 Multuvruts, s-lu vrem un-alantu, cã vrearea easti di la Dumnidzãul shi caitsido tsi va, easti amintat di la Dumnidzãul sh-cunoashti Dumnidzãlu. 
\v 8 Atselu tsi nu ari vreari nu lu ari cunuscutã Dumnidzãlu, cã Dumnidzãlu easti vreari. 
\v 9 Tu aestã si fãnipsi vrearea a Dumnidzãlui ti noi, cã Dumnidzãlu pitricu Hiljilu a lui atsel unlu-amintat tu lumi, tsi noi s-bãnãm pri nãsu. 
\v 10 Tu aestã easti vrearea: nu cã noi lu avem vrutã Dumnidzãlu, ma elu nã ari vrutã noi, shi pitricu Hiljilu a lui tsi s-li ljeartã amãrtiili a noastri. 
\v 11 Multuvruts, macã Dumnidzãul nã vru ashãtsi, shi noi prindi s-vrem un-alantu. 
\v 12 Nitsiun nu l-vidzu vãrãoarã Dumnidzãlu, macã nã vrem unu cu alantu, Dumnidzãlu armãni tu noi sh-vrearea a lui easti perfectã la noi. 
\v 13 Di aestã noi cunushtem cã armãnem tu nãsu sh-elu tu noi, cã elu nã ari datã di Duhlu a lui. 
\v 14 Shi noi vidzum shi mãrtirsim cã Tatãlu lu pitricu Hiljilu tsi s-hiibã Ascãpãtor a lumiljei. 
\v 15 Atselu tsi mãrtirseashti cã Isusul easti Hiljilu a Dumnidzãlui, Dumnidzãlu sta tu nãsu sh-elu tu Dumnidzãlu. 
\v 16 Sh-noi cunuscum sh-pistipsim tu vrearea tsi Dumnidzãlu ari trã noi. Dumnidzãlu easti vreari, shi atselu tsi armãni tu vreari, armãni tu Dumnidzãlu sh-Dumnidzãlu tu nãsu. 
\v 17 Tu aestã vrearea easti perfectã tu noi, tsi s-avem curaiu trã dzua a giudicarãljei: cã cum easti elu, ashã him sh-noi tu aestã lume. 
\v 18 Atselu tsi vrea, nu ari fricã, shi vrearea perfectã aĝuneashti frica, cã frica ari cu nãsã cãtãdzicãsirea, shi atselu tsi ari fricã nu easti perfectã tu vreari. 
\v 19 Noi lu vrem atselu, cã elu nã vru protlu. 
\v 20 Ma s-dzãcã vãrã: “Mini lu voi Dumnidzãlu” shi aurashti fratili a lui, easti arãditor. Elu tsi nu va fratili a lui tsi lu veadi, cum poati s-aibã vreari trã Dumnidzãlu tsi nu lu-veadi? 
\v 21 Sh-aestã easti ordinlu tsi avem loatã di la elu: atselu tsi va Dumnidzãlu, s-aibã vreari sh-trã fratili a lui.
\c 5
\s1 Pistipsirea la Hristolu, Hiljilu al Dumnidzãu
\p
\v 1 Caitsido tsi pistipseashti cã Isusul easti Hristolu, easti amintat di la Dumnidzãlu, shi caitsido tsi va Dumnidzãlu tsi lu ari amintat, va sh-atselu tsi easti amintat di la nãsu. 
\v 2 Di aestã noi shtim cã vrem hiljilji a Dumnidzãlui, cãndu vrem Dumnidzãlu shi vigljem dimãndãrili a lui. 
\v 3 Cã aestã easti vrearea a Dumnidzãlui: tsi noi s-vigljem dimãndãrili a lui, cã dimãndãrili a lui nu sãntu greali. 
\v 4 Cã tuti tsi sãntu amintat di la Dumnidzãlu anichiseascã pristi lumea, sh-nichisirea pristi lumea easti pistea a noastrã. 
\v 5 Cai easti atselu tsi nichiseashti pristi lumea, mash atselu tsi pistipseashti cã Isusul easti Hiljilu al Dumnidzãu?
\s1 Mãrtiria al Dumnidzãu ti Hiljilji a lui
\p
\v 6 Isus Hristos easti atselu tsi vini prit apã ti pãtidzari sh-prit sãndzili a moartãljei a lui, nu mash prit apã, ma prit apã sh-prit sãndzi. Sh-Duhlu easti atselu tsi mãrtirseashti, cã Duhlu easti alihea. 
\v 7 Cã trei sãntu atselji tsi da mãrtirii tu tser: [Tatãlu, Zborlu shi Duhlu Sãntu, shi aeshti trelji sãntu un. 
\v 8 Shi trei sãntu atselji tsi mãrtirsescu pri loc]\f + \fr 5:8 \fr*\ft aesti zboari nu s-aflã tu manuscrisili atseli veclji \ft*\f*: Duhlu, apa shi sãndzili, sh-aeshti trelji sãntu pi un minti. 
\v 9 Macã noi apruchem mãrtiria a oamnjilor, mãrtiria al Dumnidzãu easti ma mari, cã aestã easti mãrtiria a Dumnidzãlui tsi elu deadi trã Hiljilu a lui. 
\v 10 Atselu tsi pistipseashti tu Hiljilu al Dumnidzãu ari aestã mãrtirii pi nãsu. Atselu tsi nu pistipseashti la Dumnidzãlu, lu ari faptã arãdios, cã nu pistipsi la mãrtiria tsi Dumnidzãlu deadi di Hiljilu a lui. 
\v 11 Sh-mãrtiria easti aestã, Dumnidzãlu nã deadi bana eternã sh-aestã banã easti tu Hiljilu a lui. 
\v 12 Atselu tsi ari Hiljilu, ari bana. Atselu tsi nu ari Hiljilu al Dumnidzãu, nu ari bana. 
\v 13 Vã scriai aesti a voauã [tsi pistipsits tu numa a Hiljilu a Dumnidzãlui]\f + \fr 5:13 \fr*\ft aesti zboari nu s-aflã tu manuscrisili atseli veclji\ft*\f*, tsi s-shtits cã avets bana eternã shi s-pistipsits tu numa a Hiljilu a Dumnidzãlui.
\s1 Putearea a Pãrãcãlsiriljei
\p
\v 14 Aestã easti sigurantsa tsi avem nãinti a lui: ma cãftãm tsiva dupã vrearea a lui, elu nã-u da. 
\v 15 Shi macã shtim cã elu nã-li avdi tuti atseali tsi cãftãm, noi shtim cã l-avem atseali tsi lji cãftãm a lui. 
\v 16 Macã vãrã veadi fratili a lui cã fatsi unã amãrtii tsi nu dutsi tu moarti, s-pãrãcãlseascã a Domnului, sh-elu va lji da bana, atsilor tsi fac amãrtii tsi nu duc tu moarti. Ari amãrtii tsi duc tu moarti, nu dzãc tsi elu s-pãrãcãlseascã trã aestu. 
\v 17 Itsi nindriptati easti amãrtii, ma ari amãrtii tsi nu dutsi tu moarti. 
\v 18 Noi shtim cã caitsido tsi easti amintat di la Dumnidzãlu nu poati s-bãneadz amãrtisãnda, atselu tsi easti amintat di la Dumnidzãlu s-veaglji, shi Slabulu nu lu pligueashti. 
\v 19 Noi shtim cã him di la Dumnidzãlu shi cã ntreagã lumea s-aflã sum puterea a Slabului. 
\v 20 Noi shtim cã Hiljilu al Dumnidzãu vini shi nã deadi aduchirea tsi noi s-cunushtem atselu tsi easti Alihinoslu, shi noi him tu Alihinoslu, tu Hiljilu a lui Isus Hristos. Aestu easti alihinoslu Dumnidzã shi bana eternã. 
\v 21 Ficiori, afirits-vã di idulji.