\id PSA KRIOL Psalms (19 KR psa.txt) sildarwin@sil.org 
\h Ola Saam 
\toc3 Saam 
\toc2 Ola Saam 
\toc1 Ola Saam Ola Song En Preya Langa God 
\mt1 Ola Saam  
\mt2 Ola Song En Preya Langa God  
\ip Wal brom longtaim raidap tudei dijan im det song en preya buk blanga ola Juwish pipul. King Deibid en najalot pipul bin raidimdan olabat blanga tok langa God. Sambala jidan hepiwan song blanga preisim God en sambala tok theingkyu langa God. Sambala song jis laiga preya langa God wen deibin jidan nogudbinji o soribala o bradin o sikbala.  
\c 1  
\s1 Dijan song im hau blanga jidan brabli gudbinjiwei  
\q1
\v 1 23Detlot pipul hu nomo teiknodis langa wanim detlot nogudbala pipul tok,  
\q1 dei garra jidan gudbinji.  
\q1 Dei nomo bulurrum det wei blanga detlot nogudbala pipul.  
\q1 Dei nomo miksap garram ola nogudbala pipul.  
\q1 Dei nomo jidan garram detlot pipul hu mokimbat God, en nomo wandi sabi im.   
\q1
\v 2 Bat dei gudbinji garram wanim YAWEI titjimbat olabat.  
\q1 Dei jinggabat det wed deitaim en naitaim.  
\q1 Dei teiknodis langa im wed.   
\q1
\v 3 Detlot pipul garra jidan strongbala jis laik det strongwan tri weya growimap wansaid langa riba.  
\q1 Im abum daga langa det rait taim,  
\q1 en ola lif blanga im nomo draiyap.  
\q1 Wal ol detlot pipul garra jidan lagijat du.  
\q1 Dei garra jidan strongbala langa gudbala pleis.\x + \xo 1:3 \xt Jera 17:8\x* \fig |src="HK00339B.TIF" size="col" ref="1:3" \fig*   
\b  
\q1
\v 4 Bat detlot nogudbala pipul nomo jidan lagijat.  
\q1 Dei jis laik det draiwan gras,  
\q1 weya nomo gudwan blanga enijing,  
\q1 en det win jis blowimwei im.   
\q1
\v 5 Wen God garra jadjim ola pipul dei kaan jandap deya garram im.  
\q1 Dei kaan miksap garram im ronwan pipul olabat.   
\q1
\v 6 God oldei maindimbat detlot gudbala pipul,  
\q1 bat detlot nogudbala pipul wok langa det nogudbalawei weya garra meigim olabat dai.   
\c 2  
\s1 Det king weya YAWEI bin pikimat  
\q1
\v 1 Wotfo ola pipul brom najalot kantri toktok gija blanga gibit bekboun langa det nyuwan king?  
\q1 Wotfo dei meigimbat plen blanga bidim im?  
\q1 Dei kaan win.   
\q1
\v 2 Detlot king en boswan blanga olabat meigim miselp redi blanga fait.  
\q1 Olabat tok gija blanga olabat plen blanga fait langa YAWEI en det king weya imbin pikimat.\x + \xo 2:2 \xt Eks 4:25,26\x*   
\q1
\v 3 Dei tok gija, “Det dubala bos bin teikoba langa wi.  
\q1 Im jis laik dubala bin taiyimap wi garram roup.  
\q1 Wal wi garra fait en win langa dubala.  
\q1 Wi garra meigim miselp fri.”   
\b  
\q1
\v 4 Wal YAWEI im jidan bos en im lukdan brom hebin langa olabat.  
\q1 Im laf langa olabat.  
\q1 Im sabi wanim olabat toktok, en im mokimbat olabat.   
\q1
\v 5 Im gitwail nomo lilbit langa detlot pipul.  
\q1 Wen im tok langa olabat strongbalawei dei bradin brabliwei.   
\q1
\v 6 Im dalim olabat, “Mi na, bin pikimat main king blanga ol yumob pipul.  
\q1 Aibin meigim im bos ontop langa det hil gulum Saiyan.  
\q1 Im jidan bos ontop langa main seikridwan hil.”   
\b  
\q1
\v 7 Det king tok, “Dijan na det wed weya YAWEI bin dalim mi.  
\q1 ‘Yu na main san,  
\q1 en tudei na mi jidan dedi blanga yu.\x + \xo 2:7 \xt Eks 13:33; Hib 1:5; 5:5\x*   
\q1
\v 8 If yu askim mi blanga enijing,  
\q1 wal ai garra gibit yu ola kantri ebriweya,  
\q1 en ola pipul garra jidan yu pipul olabat.   
\q1
\v 9 Yu garra jidan adbala bos blanga ol yu enami olabat.  
\q1 Yu garra beldim olabat garram det aiyanwan wadi.  
\q1 Yu garra tjakamdan olabat en breikimap olabat jis laik wen sambodi tjakamdan botul en im bitsap.’”\x + \xo 2:9 \xt Reb 2:26,27; 12:5; 19:15\x*   
\b  
\q1
\v 10 Irrim na ol yumob boswan langa dijan wel.  
\q1 Yumob garra jinggabat ol dislot wed en sabi olabat brabliwei.   
\q1
\v 11 Yumob garra shoum rispek en teiknodis langa YAWEI.  
\q1 Yumob garra bradin langa im,  
\q1 en jidan brabli gudbinjiwei garram im.   
\q1
\v 12 Yumob meigim miselp lobala langa im en weship langa im.  
\q1 If yumob nomo dum lagijat,  
\q1 im garra gitwail detmatj en yumob garra ol binij,  
\q1 dumaji im gin gitwail kwikbala.  
\q1 Bat detlot pipul hu trastim im blanga lukaftumbat olabat,  
\q1 wal dei garra gudbinji.   
\c 3  
\s1 Preya blanga ailibala  
\s2 Song blanga Deibid wen imbin ranawei brom im san Ebsalom.  
\q1
\v 1 YAWEI, ai garram loda enami.  
\q1 Loda pipul bin gibit mi bekboun.   
\q1
\v 2 Olabat tokabat mi nogudbalawei.  
\q1 Olabat tok, “God kaan album im.”   
\b  
\q1
\v 3 Bat yu YAWEI, yu stapam ola nogudwan ting brom mi jis laiga shild.  
\q1 Yu meigim mi jidan haibala.  
\q1 Yu meigim mi strongbala igin,  
\q1 wulijim ai kaan bradin.   
\b  
\q1
\v 4 Mi jingat langa YAWEI blanga album mi,  
\q1 en im ensim mi brom det serramoni pleis blanga im,  
\q1 ontop langa det seikridwan hil blanga im gulum Saiyan.   
\b  
\q1
\v 5 Mi leidan en silip ol nait.  
\q1 Mi gidap gudwei,  
\q1 dumaji YAWEI lukaftumbat mi.   
\q1
\v 6 Nomeda loda enami majurrumap miselp raidaran langa mi,  
\q1 bat stil ai kaan bradin,  
\q1 dumaji YAWEI oldei maindimbat mi.   
\b  
\q1
\v 7 “YAWEI, kaman kwikbala!  
\q1 Kaman en seibum mi, main God!  
\q1 Yu bidim main enami olabat,  
\q1 en meigim olabat sheim.  
\q1 Yu meigim olabat wikwan,  
\q1 nomo garram pawa blanga ardim mi.”   
\b  
\q1
\v 8 YAWEI, yu na tharran hu oldei seibum melabat.  
\q1 Yu dumbat ola gudbala ting langa yu pipul olabat.   
\c 4  
\s1 Preya blanga naitaim  
\q1
\v 1 Ensim mi wen mi jingat langa yu, God,  
\q1 dumaji yu na oldei dum ebrijing raitwei.  
\q1 Ai garram detmatj trabul en mi filim miselp wikwan.  
\q1 Album mi en deigimat mi brom dijan trabul.  
\q1 Yu kain langa mi en irrim main preya.   
\b  
\q1
\v 2 En yumob pipul na.  
\q1 Haulong yumob kaan rispek langa mi eni mowa?  
\q1 Haulong yumob garra laigimbat ola nogudbala ting, en dalimbat pipul detlot wed weya nomo trubala?   
\b  
\q1
\v 3 Bat yumob jinggabat dijan na!  
\q1 YAWEI bin pikimat detlot pipul hu bulurrum im raitwei.  
\q1 Wen ai jingat langa im, im irrim mi.   
\b  
\q1
\v 4 Yumob garra bradin langa God,  
\q1 en stap dumbat nogudbala ting.  
\q1 Wen yumob leidan kwaitbalawei naitaim,  
\q1 jinggabat wanim bin hepin,\x + \xo 4:4 \xt Ifi 4:26\x*   
\q1
\v 5 Gibit ola raitwan ofring langa YAWEI,  
\q1 en trastim langa im.   
\b  
\q1
\v 6 Loda pipul tok, “Oni melabat garram trabul.  
\q1 Nobodi dum eni gudbala ting blanga melabat!”  
\q1 Wal mi askimbat yu, YAWEI.  
\q1 Teiknodis en kain langa melabat.   
\q1
\v 7 Bat yu na bin meigim mi gudbinji brabliwei.  
\q1 Ola pipul garram loda daga en wain en olabat jidan gudbinji,  
\q1 bat oni blanga lilbit taim.  
\q1 Yu na meigim mi gudbinji olataim!   
\b  
\q1
\v 8 Wen mi go silip naitaim mi nomo wori.  
\q1 Mi silip streidawei,  
\q1 dumaji ai sabi yu kipum mi seif.  
\q1 Oni yu na, YAWEI, lukaftumbat mi lagijat.   
\c 5  
\s1 Preya wulijim YAWEI gin maindimbat mi  
\s2 Preya blanga Deibid.  
\q1
\v 1 YAWEI irrim dislot wed mi toktok.  
\q1 Teiknodis langa wanim mi jinggabat.   
\q1
\v 2 Irrim mi wen mi jingat langa yu blanga album mi,  
\q1 dumaji mi prei langa yu main God en main king.   
\b  
\q1
\v 3 Ailibala yu irrim mi wen mi tok langa yu, YAWEI.  
\q1 Ailibala mi prei langa yu,  
\q1 en mi weit blanga luk hau yu garra ensim mi.   
\q1
\v 4 Yu na det God hu heidim nogudbala ting,  
\q1 en nogudbala pipul kaan jidan garram yu.   
\q1
\v 5 Praudbala pipul kaan kaman blanga jidan garram yu.  
\q1 Brabliwei yu nomo laigim ola pipul hu dum ola nogudbala ting.   
\q1
\v 6 Yu binijimap laiyinbala pipul.  
\q1 Yu heidim detlot hu dalim ola laiyawan wed blanga meigim pipul nogudbinji,  
\q1 en detlot hu oldei medrim pipul, yu heidim detmatj.   
\b  
\q1
\v 7 Bat dumaji yu laigim mi detmatj,  
\q1 ai gin kaman langa yu Serramoni Pleis.  
\q1 Dumaji mi bradin en rispek langa yu,  
\q1 mi tenim miselp langa yu Seikridwan Pleis en weship yu.   
\q1
\v 8 YAWEI, mi garram loda enami.  
\q1 Dalim mi blanga detlot raitwan ting ai garra dum,  
\q1 en lidim mi langa det streitwei blanga go.   
\q1
\v 9 Dei oldei tok laiyawan wed.  
\q1 Insaid langa olabat hat dei oldei jinggabat blanga binijimap pipul.  
\q1 Wen dei opinim olabat mawus en tok detlot wed,  
\q1 dei tok trikibalawei wulijim detlot pipul gitkil.\x + \xo 5:9 \xt Rom 3:13\x*   
\q1
\v 10 Dalim olabat dei gilti.  
\q1 Panishim olabat, God.  
\q1 Deibin meigim plen mijamet blanga ardim najalot pipul.  
\q1 Yu ardim olabat det seimwei na.  
\q1 Jandimwei olabat dumaji deibin nogudbala detmatj.  
\q1 Andimwei olabat dumaji deibin gibit bekboun langa yu.   
\b  
\q1
\v 11 Bat ol detlot pipul hu trastim yu blanga kipum olabat seif garra oldei sing langa yu gudbinjiwei.  
\q1 Yu blandim olabat brom olabat enamimob,  
\q1 en olabat garra oldei preisimbat yu.   
\q1
\v 12 Yu oldei jidan garram detlot pipul hu jidan raitwei langa yu.  
\q1 Yu blokim ola nogudbala ting brom olabat laiga shild,  
\q1 dumaji yu brabli kainbala langa yu pipul olabat.   
\c 6  
\s1 Dijan preya blanga wen trabul kaman  
\s2 Preya blanga Deibid.  
\q1
\v 1 YAWEI, nomo graul langa mi,  
\q1 nomeda yu wail langa mi.  
\q1 Wen yu nogudbinji detmatj langa mi,  
\q1 nomo panishim mi blanga titjim mi det raitwei.\x + \xo 6:1 \xt Saam 38:1\x*   
\q1
\v 2 Yu jidan kain langa mi, YAWEI, dumaji mi wikwan.  
\q1 Meigim mi gudwan igin, YAWEI,  
\q1 dumaji main bodi ardimbat mi.   
\q1
\v 3 Mi brabli nogudbinji en mi ardimbat detmatj.  
\q1 YAWEI, haulong yu garra libum mi lagijat?   
\b  
\q1
\v 4 Kambek langa mi, YAWEI, en seibum mi.  
\q1 Seibum mi dumaji yu laigim mi en yu oldei jidan kainbala.  
\q1 Nomo larram mi dai.   
\q1
\v 5 Dedbala pipul nomo jinggabat yu langa det pleis weya ola dedbala pipul go.  
\q1 Dei nomo preisimbat yu.   
\b  
\q1
\v 6 Aibin jinginatbat langa yu detmatj mi nokap.  
\q1 Dumaji aibin kraikraibat detmatj imbin jis laiga fladwoda,  
\q1 en main sweig im wetwan na.   
\q1
\v 7 Aibin kraikraibat oldei.  
\q1 Ai kaan luk na.  
\q1 Mi wik na dumaji mi oldei wori blanga main enami olabat.   
\b  
\q1
\v 8 Gowei brom mi, ol yumob hu oldei dumbat nogudbala ting,  
\q1 dumaji YAWEI bin irrim mi kraikraibat.\x + \xo 6:8 \xt Meth 7:23; Luk 13:27\x*   
\q1
\v 9 Imbin irrim mi wen aibin jingat langa im blanga album mi,  
\q1 en im garra album mi.   
\q1
\v 10 Im garra bidim main enami olabat,  
\q1 en dei garra fil nogudbinji.  
\q1 Dei garra bradin en tenbek,  
\q1 dumaji streidawei dei garra sheim miselp.   
\c 7  
\s1 Preya langa YAWEI blanga gibit feyago  
\s2 Preya blanga Deibid.  
\q1
\v 1 YAWEI, yu na det strongbalawan hu gin kipum mi seif.  
\q1 Seibum mi brom ol main enami olabat hu oldei ranimap mi.  
\q1 Album mi en kipum mi seif.   
\q1
\v 2 Det laiyan gajim enimul,  
\q1 en im pulumwei im en baidim im,  
\q1 en ola bifpat jidan ebriweya.  
\q1 Wal lagijat na dei wandi deigimwei mi weya nobodi gin seibum mi.   
\q1
\v 3 Dei tok aibin dum nogud ting,  
\q1 bat det stori im nomo trubala.  
\q1 YAWEI, main God, if aibin dum wanim deibin tok,   
\q1
\v 4 if aibin ardim main fren hubin album mi,  
\q1 en if aibin stilim enijing brom main enami eniweya,   
\q1
\v 5 wal yu larram detlot enamimob ranimap mi en deigim main laif.  
\q1 Dei gin pudumbut mi,  
\q1 en dei gin kilim mi ded,  
\q1 en libum mi langa graun.   
\b  
\q1
\v 6 Gidap, YAWEI!  
\q1 Kaman en gitwail langa main enami olabat!  
\q1 Kaman en stapam detlot hu wail langa mi,  
\q1 dumaji yubin tok blanga det dei wen yu garra jadjim pipul.   
\q1
\v 7 Yu dalim ola pipul blanga majurrumap miselp langa yu,  
\q1 en yu jidan langa yu tjeya langa det haibala pleis redibala blanga jadjim pipul.   
\q1
\v 8 Yu na, YAWEI,  
\q1 yu bos blanga det kot.  
\q1 Wal yu jadjim mi, YAWEI!  
\q1 Yu jadjim mi en shoum detlot pipul mi gudbala.  
\q1 Yu shoum olabat aibin jidanbat gudbalawei.   
\b  
\q1
\v 9 God, yu oldei dum wanim rait.  
\q1 Yu sabi wanim melabat jinggabat en wanim melabat filim.  
\q1 Yu stapam detlot nogudbala pipul brom dumbat krulbala ting langa najalot pipul.  
\q1 Yu gibit ola gudbala ting langa detlot pipul hu jidan raitwei.\x + \xo 7:9 \xt Reb 2:23\x*   
\b  
\q1
\v 10 God, yu jis laiga shild blanga mi.  
\q1 Yu kipum mi seif wen trabul kaman,  
\q1 Yu lukaftum ol yu pipul hu teiknodis langa yu.   
\q1
\v 11 Wen yu jadjim pipul yu oldei gibit olabat feyago.  
\q1 Ebridei yu luk detlot pipul hu dumbat ola nogudbala ting,  
\q1 en yu tok, “Ai garra panishim olabat blanga tharran.”   
\q1
\v 12-13 If dei nomo sori blanga olabat nogudbalawei,  
\q1 en if dei nomo libum,  
\q1 wal yu redi blanga panishim olabat.  
\q1 Wen wanbala men wandi panishim im enami,  
\q1 im shapinimap im naif.  
\q1 Im meigim im bo en erro redibala garram faiya,  
\q1 en im poindim langa im enami.  
\q1 Wal lagijat na yu redibala blanga panishim pipul blanga olabat nogudbalawei.   
\b  
\q1
\v 14 YAWEI yu sabi detlot nogudbala pipul.  
\q1 Dei oldei jinggabat wotkain nogud ting dei gin dum.  
\q1 Olabat tok miselp, “Hau wi garra trikim sambala pipul tudei?”  
\q1 “Weya wi garra go blanga trikim olabat?”  
\q1 “Wi garra meigim diskain trabul tudei na.”  
\q1 Lagijat na dei jinggabat.   
\q1
\v 15-16 Bat dei ardim olabat ronselp langa det trabul wen deibin jinggabat blanga ardim najalot pipul,  
\q1 jis laik det men weya grajim bigwan hol blanga gajim enimul,  
\q1 en im buldan insaid langa det hol imselp,  
\q1 en jis laik imbin meigim trep blanga wailwan enimul,  
\q1 en afta im pudum im ronwan fut insaid langa im ronwan trep.   
\b  
\q1
\v 17 Ai garra kipgon preisimbat yu, YAWEI,  
\q1 dumaji yu tridimbat ebribodi raitwei.  
\q1 Ai garra preisim yu garram ola song.  
\q1 YAWEI, yu brabli haibala.   
\c 8  
\s1 YAWEI, det brabli haibalawan  
\s2 Song blanga Deibid.  
\q1
\v 1 YAWEI, yu na melabat Bos.  
\q1 Yu brabli haibalawan,  
\q1 en nobodi jidan haibala laik yu.  
\q1 Pipul langa ola kantri luk wanim yubin dum,  
\q1 en brom hebin yu irrim olabat preisimbat yu.   
\q1
\v 2 Ola beibi en lilwan biginini sing en preisimbat yu.  
\q1 Yubin meigim seifwan pleis blanga yuselp dumaji yu garram enami.  
\q1 Yu garra binijimap ol yu enami olabat,  
\q1 en detlot pipul hu wandi peiyimbek yu.\x + \xo 8:2 \xt Meth 21:16\x*   
\b  
\q1
\v 3 Naitaim ai lukap langa det skai weya yubin meigim.  
\q1 Wen mi luk det mun en detlot sta weya yubin pudum langa olabat rait pleis,  
\q1 ai jinggabat melabat pipul iya langa graun.   
\q1
\v 4 God, pipul nomo enijing.  
\q1 Wotfo yu oldei jinggabat melabat?  
\q1 Wotfo yu oldei lukaftumbat melabat?\x + \xo 8:4 \xt Job 7:17,18; Saam 144:3; Hib 2:6-8\x*   
\b  
\q1
\v 5 Yubin meigim melabat ola pipul lobala langa yu,  
\q1 bat yubin meigim melabat nambawan oni langa yu miselp.   
\q1
\v 6 Yubin meigim melabat ola pipul jidan brabli haibala bos  
\q1 blanga ebrijing weya yubin meigim.\x + \xo 8:6 \xt 1 Karin 15:27; Ifi 1:22; Hib 2:8\x*   
\q1
\v 7 Melabat jidan boswan blanga ola ship en buligi,  
\q1 en blanga ola kwaitwan enimul en blanga ola enimul langa bush.   
\q1
\v 8 Melabat jidan boswan blanga ola bard langa skai en ola fish langa solwoda,  
\q1 en blanga ebrijing weya jidan laibala insaid langa solwoda.   
\b  
\q1
\v 9 YAWEI, yu na melabat bos.  
\q1 Yu brabli haibala,  
\q1 en nobodi jidan haibala laik yu.  
\q1 Pipul langa ola kantri luk wanim yubin dum.   
\c 9  
\s1 God im gibit ebribodi feyago  
\q1
\v 1 YAWEI, ai garra preisim yu brabliwei insaid langa main hat.  
\q1 Ai garra dalimbat blanga ola gudwan ebrijing weya yubin dumbat.\fig |src="AP-03-08.tif" size="col" ref="9:1" \fig*   
\q1
\v 2 Gudbinjiwei ai garra sing blanga yu.  
\q1 Main haibalawan God, ai garra preisim yu garram song.   
\b  
\q1
\v 3 Wen main enamimob luk langa yu,  
\q1 olabat tenaran en ranawei,  
\q1 en dei jis binij deya igin.   
\q1
\v 4 Wen yu jadjim pipul yu feyagowan en trubalawan en yubin dum lagijat na blanga mi.   
\q1
\v 5 Yubin jadjim ola nogudbala pipul en yubin binijimap olabat.  
\q1 Nobodi garra sabi blanga olabat enimo.   
\q1
\v 6 Blanga wi enamimob olabat binij na fogud.  
\q1 Yubin binijimap blanga olabat ola bigwan taun,  
\q1 en olabat nomo jidan enimo, najing na.   
\q1
\v 7 Bat YAWEI im jidan bos olagijawan.  
\q1 Im jidan redibala blanga jadjim pipul na.   
\q1
\v 8 Im det trubalawan bos oba langa ola kantri.  
\q1 Im jadjim pipul langa ola kantri en gibit olabat feyago.   
\q1
\v 9 Detlot pipul hu abumbat adtaim brom najalot pipul,  
\q1 YAWEI im jidan jis laik det seifwan haus blanga olabat.  
\q1 YAWEI na det brabli strongwan haus weya im lukaftum olabat.   
\q1
\v 10 Detlot pipul hu sabi yu YAWEI, olabat garra trastim yu.  
\q1 Yu nomo libum en gowei langa enibodi hu kaman langa yu.   
\b  
\q1
\v 11 Singim song blanga preisim YAWEI weya im jidan bos langa Saiyan.  
\q1 Dalim ola pipul brom ebri kantri wanim imbin dum.   
\q1
\v 12 God im nomo fogedabat detlot pipul hu oldei ardimbat brom ebrijing.  
\q1 Im lisin wen dei jingat langa im.  
\q1 Im panishim detlot hu dum rong ting langa olabat.   
\b  
\q1
\v 13 YAWEI, yu sori langa mi.  
\q1 Yu luk mi ardimbat brom main enamimob olabat.  
\q1 YAWEI yu seibum mi, bambai mi dai,   
\q1
\v 14 wulijim ai gin jandap en dalim ola pipul brom Jerusalem blanga ola brabli gudbala ting yubin dum.  
\q1 Ai garra densdensbat en sing song dumaji yubin seibum mi.   
\b  
\q1
\v 15 Detlot najalot pipul bin digim hol blanga trepam olabat enamimob,  
\q1 bat olabat enamimob nomo bin buldan langa det trep.  
\q1 Olabat bin trepam miselp langa olabat ron trep.   
\q1
\v 16 YAWEI bin shoum miselp wotkain im,  
\q1 dumaji im gibit feyago langa ebribodi.  
\q1 Ola nogudbala pipul faindim miselp langa olabat ronwan trep,  
\q1 wen dei oldei dumbat nogudbala ting.   
\b  
\q1
\v 17 Ol detlot nogudwan pipul garra ol gobek langa greib garram ol detlot najalot pipul hubin fogedabat langa God.   
\q1
\v 18 Ola powan pipul kaan oldei jidan rabishwan.  
\q1 Dei weidabat blanga God blanga album olabat.  
\q1 God kaan larram olabat blanga jidanbat lagijat enimo.   
\b  
\q1
\v 19 YAWEI, gidap! Nomo larram detlot pipul bosoba langa yu!  
\q1 Bringimap ola pipul hu nomo sabi yu,  
\q1 en jadjim olabat!   
\q1
\v 20 YAWEI, bradinim olabat,  
\q1 en meigim olabat sabi dei jis oni pipul weya dei gin binijap.   
\c 10  
\s1 Dijan preya langa God blanga pipul hu abumbat trabul  
\q1
\v 1 YAWEI,  
\q1 Wotfo yu jidan brabli longwei brom melabat?  
\q1 Wotfo yu haidim miselp wen melabat garram trabul?   
\b  
\q1
\v 2 Ola nogudbala pipul oldei dum nogud ting langa ola powan pipul,  
\q1 dumaji olabat praudbala.  
\q1 Detlot nogudbala pipul oldei meigimbat ola trep en dei oldei gedimbat powan pipul,  
\q1 jis laik wen enimul git trep.   
\q1
\v 3 Detlot nogudbala pipul dei oldei reken miselp wen dei dumbat ola nogud ting.  
\q1 Det gridibalawan pipul oldei tok nogudwei en gibit bekboun langa YAWEI.   
\q1
\v 4 Detlot nogudbala pipul nomo oldei jinggabat blanga YAWEI,  
\q1 dumaji olabat praudbala pipul hu reken God im oni najing langa olabat.   
\b  
\q1
\v 5 Detlot nogudbala pipul oldei abum ebrijing.  
\q1 Dei kaan sabi blanga Godwei en hau im garra jadjim olabat.  
\q1 Olabat enamimob jis laik najing langa olabat.   
\q1
\v 6 Detlot pipul oldei tok miselp, “Im rait! Najing kaan go rong! Ebrijing rait!”   
\q1
\v 7 Dei garram brabli dardiwan mawus,  
\q1 en dei oldei tok blanga dum nogud ting langa pipul.  
\q1 Dei nomo holdimbek miselp mawus blanga tok brabli nogudwei.\x + \xo 10:7 \xt Rom 3:14\x*   
\b  
\q1
\v 8 Detlot pipul oldei haidim miselp ebriweya langa kemp,  
\q1 weidabat blanga grebum en kilimbat ola gudwan pipul hu nomo sabi.  
\q1 Dei weidabat en lukinatbat sigridwei blanga gedimbat pipul.   
\q1
\v 9 Dei haidim miselp en weidabat jis laik laiyan weya im weit blanga gedim im daga.  
\q1 Dei weidabat deya blanga ola powan pipul.  
\q1 Wen dei gedim olabat langa det trep dei dregim olawei langa olabat,  
\q1 jis laik det laiyan wen im dregim det daga.   
\b  
\q1
\v 10 Detlot powan pipul nomo garram enibodi blanga album olabat,  
\q1 dumaji detlot krulbala pipul bin strongbalawan en bin bidim olabat.   
\q1
\v 11 Detlot nogudbala pipul oldei tok miselp, “God bin fogedabat wi na!  
\q1 Imbin tenim miselp hed en im kaan luk na.”   
\b  
\q1
\v 12 YAWEI, gidap na.  
\q1 Yu strongwan.  
\q1 Panishim detlot nogudbala pipul.  
\q1 Nomo fogedabat detlot hu abumbat adtaim.   
\b  
\q1
\v 13 Detlot nogudbala pipul heidim God brabliwei.  
\q1 Dei oldei tok miselp, “God kaan panishim wi.”  
\q1 Wotfo God larram olabat tok lagijat?   
\q1
\v 14 Bat God, yu oldei luk en teiknodis blanga melabat ola trabul en adtaim,  
\q1 en yu oldei redi blanga albumbat melabat.  
\q1 Detlot pipul weya dei nomo garram enibodi blanga albumbat olabat,  
\q1 dei gibit miselp langa yu.  
\q1 Yu oldei albumbat detlot pipul hu nomo garram enibodi blanga maindimbat olabat.   
\b  
\q1
\v 15 YAWEI, deigidawei det strongwan pawa blanga detlot nogudwan pipul.  
\q1 Panishim olabat blanga detlot nogudwan ting deibin oldei dumbat,  
\q1 en bambai dei gin sabi na nomo blanga dum igin.   
\q1
\v 16 YAWEI det trubala God im jidan bos olagijawan.  
\q1 Detlot hu weship najalot drimin, im garra meigim olabat gowei brom im kantri.   
\b  
\q1
\v 17 YAWEI, yu lisin langa ola powan pipul wen dei prei.  
\q1 Yu meigim olabat strongbalawan.   
\q1
\v 18 Yu lisin langa detlot pipul hu nomo garram enibodi blanga maindimbat olabat,  
\q1 en langa detlot pipul hu abumbat adtaim.  
\q1 Wal yu teiknodis en album olabat,  
\q1 en nomo larram enibodi dum eni nogudbala ting igin blanga meigim olabat brabli bradin.   
\c 11  
\s1 Wen yu trastim YAWEI  
\s2 Song blanga Deibid.  
\q1
\v 1-2 Mi oldei trastim YAWEI blanga kipum mi seif.  
\q1 Wotfo yu tok langa mi blanga ranawei jis laik bard weya flaiwei langa bigwan hil blanga jidan seifwan?  
\q1 Im trubala orait, detlot nogud pipul redi blanga shudum garram bo en erro.  
\q1 Brom det dakwan pleis dei weidabat blanga kilimbat ola gudwan pipul.   
\q1
\v 3 Wen nogudbala pipul meigim ebrijing rong,  
\q1 wanim ola gudwan pipul gin dum? Najing!   
\b  
\q1
\v 4 YAWEI, im jidan langa im seikridwan pleis.  
\q1 Im jidan bos langa hebin.  
\q1 Im wotjimbat pipul ebriweya en im sabi wanim olabat dumbat.   
\q1
\v 5 Im luk ola gudwan pipul en ola nogudwan pipul seimwei.  
\q1 Im nomo laigim ola jigiwan pipul brabliwei.   
\b  
\q1
\v 6 Im garra jandimdan hotwan eshis en smok garram nogudwan smel langa ola nogudwan pipul.  
\q1 Im garra panishim olabat garram brabli hotwan win.   
\q1
\v 7 YAWEI nomo garram eni rong langa im,  
\q1 en im laigim ola gud ting weya pipul dum.  
\q1 Detlot hu dum lagijat na garra luk im.   
\c 12  
\s1 Dijan preya blanga albumbat ola pipul blanga God  
\s2 Preya blanga Deibid.  
\q1
\v 1 Album melabat YAWEI!  
\q1 Ola gudwan pipul ol gon na.  
\q1 Tudei yu kaan faindim pipul lagijat enimo hu jidan trubalawei.   
\q1
\v 2 Detlot nogudbala pipul dalim gija laiya.  
\q1 En wen dei tok gija blanga enijing dei bilib gija du.   
\b  
\q1
\v 3 YAWEI yu meigim jidan kwait detlot pipul hu oldei tok laiyawei.  
\q1 Yu jadimap mawus blanga ol detlot pipul hu tok praudwei.   
\q1
\v 4 Dei oldei tok lagijat, “Wi gin gedim enijing wi wandim,  
\q1 en wi gin tok blanga enijing wi wandim.  
\q1 Wi nomo garram bos.”   
\b  
\q1
\v 5 YAWEI im tok lagijat, “Wal ai garra gidap na.  
\q1 Ola powan pipul en najalot pipul abumbat adtaim brom nogudbala pipul.  
\q1 Aibin lisin olabat jingat langa mi,  
\q1 en ai garra album olabat na.”   
\b  
\q1
\v 6 Ola pramis blanga YAWEI jidan trubala en ola pipul gin trastim tharran na.  
\q1 Detlot pramis jidan trubala, nomo garram eni rong,  
\q1 jis laik det gol ston weya deibin barnim brabliwei garram hotwan faiya blanga meigim im kamat klinwan.   
\b  
\q1
\v 7-8 Nogudbala pipul jidan ebriweya,  
\q1 en ebribodi tok gudwei blanga ola brabli nogudbalawei.  
\q1 YAWEI, kipum melabat seifwan, en andimwei detkain nogudbala pipul brom melabat.   
\c 13  
\s1 Mi jingat langa YAWEI blanga album mi  
\s2 Song blanga Deibid.  
\q1
\v 1 YAWEI, haulong yu garra fogedabat mi?  
\q1 Maitbi olagijawan.  
\q1 Mi weidabat langa yu blanga album mi,  
\q1 bat im jis laik yubin gibit bekboun langa mi.   
\q1
\v 2 Olataim aibin nogudbinji detmatj,  
\q1 en aibin sori miselp detmatj langa main hat.  
\q1 En olataim main enami olabat oldei win,  
\q1 dumaji mi brabli wikwan blanga bidim olabat.   
\b  
\q1
\v 3 Luk langa mi, YAWEI.  
\q1 Ensim mi, main God!  
\q1 Yu kain langa mi en meigim mi jidan strongbala igin!  
\q1 If yu nomo album mi wal ai garra dai,   
\q1
\v 4 En main enami olabat garra tok, “Wibin bidim im!”  
\q1 En detlot pipul hu fait langa mi garra gudbinji,  
\q1 dumaji deibin bidim mi.   
\b  
\q1
\v 5 Bat mi trastimbat yu dumaji yu laigim mi olagijawan.  
\q1 Ai garra jidan gudbinji igin, dumaji yu garra seibum mi.   
\q1
\v 6 YAWEI ai garra sing langa yu,  
\q1 dumaji yubin kain langa mi detmatj.   
\c 14  
\s1 Det nogudwanwei blanga pipul\f + \fr 14:0 \ft Luk langa Saam 53.\f*  
\s2 Song blanga Deibid.  
\q1
\v 1 Siliwan pipul reken, “God nomo jidan!”  
\q1 Olabat holot brabli nogudwan,  
\q1 en olabat bin dumbat ola brabli nogud ting.  
\q1 Nobodi iya dum enijing rait.   
\b  
\q1
\v 2 YAWEI im lukdan brom hebin blanga luk if enibodi jidan raitwei,  
\q1 en if enibodi weship im du.   
\q1
\v 3 Bat deibin ol tenawei brom YAWEI, en holot na jidan nogudwan.  
\q1 Nobodi dum rait ting enimo.\x + \xo 14:3 \xt Rom 3:10-12\x*   
\b  
\q1
\v 4 YAWEI im tok, “Maitbi dei nomo sabi.  
\q1 Wotfo dei kaan len, dislot nogud pipul?  
\q1 Olabat oldei deigimwei ebrijing brom main pipulmob.  
\q1 Olabat nomo jingat langa mi.”   
\b  
\q1
\v 5 Bat bambai God garra meigim olabat bradin brabliwei,  
\q1 dumaji im jidan garram ol detlot pipul hu teiknodis langa im.   
\q1
\v 6 Detlot nogudbala pipul gibit adtaim langa ola powan pipul hu nomo garram enijing,  
\q1 bat YAWEI im maindimbat olabat.   
\b  
\q1
\v 7 Mi prei adbalawei langa YAWEI weya im jidan langa Saiyan, blanga seibum ola pipul langa Isreil.  
\q1 Olabat garra jidan gudbinji brabliwei wen YAWEI garra meigim olabat abum ebrijing igin.   
\c 15  
\s1 Wanim God wandim  
\s2 Song blanga Deibid.  
\q1
\v 1 YAWEI, hu gin kaman langa yu Serramoni Pleis?  
\q1 Hu gin jidan langa yu seikridwan hil?   
\b  
\q1
\v 2 Oni detlot pipul hu oldei duwit langa God en dum wanim rait.  
\q1 Olabat oldei toktokbat trubalawei.   
\q1
\v 3 Dei nomo dalimbat laiya blanga najalot pipul.  
\q1 Dei nomo dum nogudwan ting langa pipul.  
\q1 Dei nomo tok nogudwan stori blanga olabat.   
\q1
\v 4 Dei oldei shoum rispek langa detlot pipul hu teiknodis langa YAWEI.  
\q1 Dei nomo shoum rispek langa detlot pipul hu gibit bekboun langa im.  
\q1 Wen dei meigim pramis langa sambodi dei dum det ting,  
\q1 nomeda det ting weya dei garra dum im adwan.   
\q1
\v 5 Dei nomo gibit mani langa po pipul en dalim olabat,  
\q1 “Yu garra peiyimbek mi det mani en gibit mi mowa igin.”  
\q1 En dei nomo gajim mani snikinwei blanga dalim laiya blanga album najalot pipul.  
\b  
\q1 Detlot pipul hu oldei jidan gudwei lagijat,  
\q1 detlot na garra jidan seifwan.   
\c 16  
\s1 Song blanga trastim God  
\s2 Song blanga Deibid.  
\q1
\v 1 Seibum mi, YAWEI!  
\q1 Mi ran langa yu blanga seibum mi.   
\q1
\v 2 Aibin tok, “Oni yu na main bos!  
\q1 Ola gudwan ting ai garram, dei holot brom yu.”   
\b  
\q1
\v 3 YAWEI, yu pipul olabat gudbala,  
\q1 en dei meigim mi gudbinji.   
\q1
\v 4 Bat detlot hu weshipbat enikain drimin garra nogudbinji detmatj.  
\q1 Ai nomo wandi gibit blad ofring sekrifais langa detlot drimin,  
\q1 en ai nomo wandi gulum olabat neim.   
\b  
\q1
\v 5 YAWEI, oni yu na garra gibit mi ebrijing weya ai garra abum.  
\q1 Oni yu na filimap main laif garram ola gudbala ting,  
\q1 jis laik sambodi filimap main kap raidap.  
\q1 Oni yu na holdim ebrijing weya garra hepin langa mi langa yu bingga.   
\q1
\v 6 Yubin opinimap yu bingga en ola brabli gudwan ting bin kamat langa mi.   
\b  
\q1
\v 7 Ai preisim yu, YAWEI, blanga shoumbat mi det wei.  
\q1 Nomeda weya det naitaim im brabli dakbala,  
\q1 mi oldei jinggabat wanim yu wed tok.   
\q1
\v 8 Ai garra oldei luk langa yu weya yu jandap raidensaid langa mi, en maindimbat mi brom enijing weya oldei meigim mi bradin.   
\q1
\v 9 Ai garra preisim yu gudbinjiwei garram holbit det filing insaid langa main hat.  
\q1 Ai garra jidan gudwei en weit blanga yu.   
\b  
\q1
\v 10 Yu na bin pikimat mi.  
\q1 Yu kaan libum main bodi insaid langa greibyad.  
\q1 Yu kaan larram mi jidan langa det pleis blanga ola dedbala pipul.\x + \xo 16:10 \xt Eks 13:35\x*   
\q1
\v 11 Yubin shoum mi det wei langa laif,  
\q1 en yu meigim mi gudbinji wen yu jidan gulijap langa mi.  
\q1 Wen mi jidan langa det raidensaid blanga yu,  
\q1 ai garra oldei jidan brabli gudbinjiwei.\x + \xo 16:11 \xt Eks 2:25-28\x*   
\c 17  
\s1 Det preya blanga sambodi hu nomo bin dum enijing rong  
\s2 Preya blanga Deibid.  
\q1
\v 1 YAWEI, ai nomo bin dum enijing rong!  
\q1 Kaan yu irrim wen mi prei en askim yu blanga album mi?  
\q1 Mi trubala dijan!  
\q1 Wal yu irrim main preya.   
\q1
\v 2 Oni yu gin tok mi nomo gilti,  
\q1 dumaji oni yu gin luk wanim trubala.   
\b  
\q1
\v 3 Yu sabi main hat.  
\q1 Nomeda naitaim du yubin testim mi, yubin faindim mi nomo gilti.  
\q1 Aibin jinggabat nomo blanga dalim laiya.   
\q1
\v 4 Ai nomo dum wanim najalot pipul dumbat.  
\q1 Ai duwit langa yu,  
\q1 en ai nomo krulbala.   
\q1
\v 5 Aibin pudum main fut ontop langa yu trek en aibin bulurrum yu olawei.  
\q1 Ai nomo bin tenawei.   
\b  
\q1
\v 6 Ai prei langa yu God,  
\q1 dumaji yu garra album mi.  
\q1 Irrim en ensim main preya!   
\q1
\v 7 Shoum hau yu kipgon laigim pipul.  
\q1 Garram yu strongwan raiden yu oldei maindimbat detlot pipul hu go langa yu blanga seibum olabat brom olabat enami.   
\q1
\v 8 Yu luk mi en maindim mi brabliwei,  
\q1 jis laik det bard wen im kipum im beibi seif andanith langa im wing.   
\b  
\q1
\v 9 Yu nomo larram main enami olabat kaman brom ebri said blanga kilim mi ded,   
\q1
\v 10 dumaji olabat jinggabat olabat ronselp en dei tok praudbalawei.   
\q1
\v 11 Deibin gajimap mi!  
\q1 Main enami olabat ebriweya.  
\q1 Dei weidabat blanga det rait taim blanga berrim mi langa graun.   
\q1
\v 12 Dei jis laiga hanggriwan laiyan weya hanting blanga daga.  
\q1 Dei jis laiga strongwan laiyan weya blandim miselp en lukinat mi.   
\b  
\q1
\v 13 YAWEI, yu album mi.  
\q1 Yu fait en bidim olabat.  
\q1 Gajim yu bigwan naif en seibum mi brom detlot brabli nogudbala pipul.   
\q1
\v 14 Garram yu strongwan raiden yu seibum mi brom detlot pipul hu jinggabat oni blanga dijan wel.  
\q1 Yu gibit daga langa detlot pipul yu laigim.  
\q1 Olabat biginini garra oldei abum blendi daga,  
\q1 en ola biginini blanga olabat garra abum detmatj daga du.   
\b  
\q1
\v 15 YAWEI, mi nomo gilti,  
\q1 en ai garra luk yu!  
\q1 Wen ai garra weikap, ai garra luk yu,  
\q1 en tharran na garra meigim mi gudbinji.   
\c 18  
\s1 Song blanga Deibid wen imbin win  
\s2 Deibid, det wekinmen blanga YAWEI bin sing dijan song langa im wen imbin seibum im brom King Sol en ol im enamimob.\f + \fr 18:0 \ft Ridim det stori langa 2 Sem 22:1-51.\f*  
\q1
\v 1 YAWEI, brabli trubalawei mi laigim yu.  
\q1 Yu na meigim mi strongbala.   
\b  
\q1
\v 2 YAWEI oldei lukaftumbat mi,  
\q1 jis laik wen ai go langa seifwan haus,  
\q1 En wen mi oldei abum trabul,  
\q1 mi oldei go langa im,  
\q1 dumaji im jis laiga strongbala ston weya ai gin blandim miselp brom main enami olabat.  
\q1 Main God oldei maindimbat mi wen ai go langa im,  
\q1 en im oldei seibum mi brom main enami olabat jis laik det shild weya oldei stapam enibodi brom kilim sambodi.   
\q1
\v 3 Wen mi jingat langa YAWEI im oldei seibum mi brom main enami olabat.  
\q1 Wal wi kaan preisimbat enibodi, oni YAWEI det trubala God.   
\b  
\q1
\v 4 Aibin abum bigis trabul, en aibin gulijap dai, dumaji main enami olabat bin raidaran langa mi.  
\q1 Imbin jis laik solwoda bin raidaran langa mi redi blanga binijimap mi.   
\q1
\v 5 Deth bin ebriweya raidaran langa mi.  
\q1 Imbin jis laik det greibyad bin redi blanga gajulum mi.   
\q1
\v 6 Bat aibin jingat langa YAWEI det trubala God.  
\q1 Aibin jingat langa main God blanga album mi.  
\q1 En imbin irrim mi deya langa det seikridwan pleis blanga im,  
\q1 en imbin irrim langa mi wen aibin jingat langa im blanga album mi.   
\b  
\q1
\v 7 Wal ola graun bin sheiksheik.  
\q1 Nomo lilbit ola graun ebriweya bin mubmub,  
\q1 dumaji God bin gitwail langa im enami olabat.   
\q1
\v 8 Imbin jis laik imbin meigim smok kamat brom im nos,  
\q1 en imbin jis laik imbin meigim brabli hotwan faiya kaman brom im mawus weya garra barnimap im enami olabat.   
\q1
\v 9 Imbin jis laik imbin breigimap det skai ontop,  
\q1 en imbin kamdan garram dakwan klaud andanith langa im fut.   
\q1
\v 10 Kwikbala imbin kaman jis laik imbin flai garram det speshalwan einjul blanga im,  
\q1 en imbin trebul langa det win jis laik imbin abum wing.   
\q1
\v 11 Imbin jis laik imbin gaburrumap miselp garram det dakbala klaud,  
\q1 en det reinklaud ful garram woda bin raidaran langa im,   
\q1
\v 12 en ola laitining bin flesh en ola heilston bin buldan,  
\q1 en det brabliwan lait blanga im bin shain thru detlot klaud.   
\b  
\q1
\v 13 Afta na YAWEI bin jingat brom ontop jis laiga thanda,  
\q1 en ebribodi bin irrim det brabli haibala God bin jingat,   
\q1
\v 14 en brabliwei imbin bidim detlot enami blanga im.  
\q1 Imbin jis laik imbin shudum olabat garram bo en erro en meigim olabat ranawei.  
\q1 Imbin jis laik imbin tjakamdan laitining langa olabat en meigim olabat go ebriweya.   
\q1
\v 15 Wen YAWEI bin gitwail langa im enami olabat, dei kaan blandim miselp brom im, dumaji im brabli strongbala.  
\q1 En wen imbin jingat, im strongwan wed bin kadimat det solwoda blanga shoum ola meinwan pat weya holdimap dijan wel.   
\b  
\q1
\v 16 Wal YAWEI bin irrim mi wen aibin jingat langa im blanga album mi,  
\q1 en imbin jis laik imbin pudumdan im bingga brom top en gajulum mi,  
\q1 en imbin pulumat mi brom det trabul weya aibin abum.   
\q1
\v 17 Imbin seibum mi brom ol detlot enami blanga main.  
\q1 Imbin seibum mi brom ol detlot strongbala pipul hu nomo bin laigim mi.   
\q1
\v 18 Wen aibin abum det trabul, ol detlot pipul bin oldei trai en gajulum mi.  
\q1 Bat YAWEI det trubala God bin oldei maindimbat mi.   
\q1
\v 19 Imbin oldei album mi wen aibin abum det trabul,  
\q1 en imbin seibum mi, dumaji imbin gudbinji langa mi.   
\b  
\q1
\v 20 Wal YAWEI bin gudbala langa mi, dumaji mi oldei bulurrumbat det raitwei blanga im.  
\q1 En imbin tok gudbalawei langa mi, dumaji ai garram klinwan bingga, en nomo bin dum enijing rong.   
\q1
\v 21 Aibin oldei duwit langa det lowa blanga YAWEI det trubala God,  
\q1 en ai nomo bin tenim miselp brom main God.   
\q1
\v 22 Aibin oldei jinggabat ol detlot lowa blanga im,  
\q1 en ai nomo bin gibit bekboun langa det lowa blanga im.   
\q1
\v 23 En im sabi mi jidan nomo garram enijing rong.  
\q1 En im sabi ai nomo oldei dumbat nogudbala ting.   
\q1
\v 24 En blanga tharran na imbin gudbala langa mi, dumaji aibin oldei bulurrumbat det raitwei blanga im,  
\q1 en im sabi ai nomo bin dum enijing rong.   
\b  
\q1
\v 25 Wal YAWEI, yu na det trubala God,  
\q1 en yu oldei jidan trubala langa detlot pipul hu jidan trubala langa yu,  
\q1 en yu oldei gudbala langa detlot pipul hu jidan nomo garram enijing rong.   
\q1
\v 26 Yu oldei gudbala langa detlot pipul hu jidan gudbala.  
\q1 Bat yu oldei nogudbala langa detlot pipul hu jidan nogudbala.   
\q1
\v 27 En yu oldei meigim detlot pipul hu meigim miselp haibala jidan lobala.  
\q1 Bat yu oldei seibum detlot pipul hu nomo meigim miselp haibala.   
\b  
\q1
\v 28 Wal YAWEI, yu na det trubala God,  
\q1 en yu jidan jis laiga lait blanga mi.  
\q1 En wen mi jidan nogudbinji,  
\q1 im jis laik mi jidan langa dakbala pleis.  
\q1 Bat yu oldei andimwei det dakbala en meigim mi jidan gudbinji.   
\q1
\v 29 En nomeda main enami olabat bigmob, bat stil yu oldei meigim mi strongbala blanga fait langa olabat.  
\q1 En nomeda olabat brabli strongbala, bat stil yu oldei gibit mi pawa blanga bidim olabat.   
\b  
\q1
\v 30 Wal ol yumob pipul, det wei blanga God im brabli gudwan,  
\q1 en yumob gin trastim detlot wed weya imbin tok.  
\q1 YAWEI im jis laiga shild blanga detlot pipul hu askim im blanga album olabat.   
\q1
\v 31 Wal nobodi God. Oni YAWEI na God.  
\q1 En oni im na garram pawa blanga maindimbat wi.   
\q1
\v 32 Im na oldei meigim mi strongbala,  
\q1 en im na oldei opinimap det wei blanga mi,   
\q1
\v 33 en im oldei kipum mi seifwan wen mi ran kwikbala langa hil kantri wulijim det diya,  
\q1 en im oldei meigim mi kipgon jidanbat seifwan langa haibala pleis.\x + \xo 18:33 \xt Heba 3:19\x*   
\q1
\v 34 Ai sabi hau blanga fait langa main enami olabat en bidim olabat,  
\q1 dumaji YAWEI na bin lenim mi blanga fait.   
\b  
\q1
\v 35 Wal YAWEI, yu na det trubala God,  
\q1 en yu oldei lukaftumbat mi en seibum mi brom main enami olabat.  
\q1 Yu na bin oldei album mi en meigim mi haibala,   
\q1
\v 36 en yu nomo bin larram main enami olabat grebum mi,  
\q1 en yu nomo bin larram mi buldan du.   
\q1
\v 37 Aibin oldei ranimap main enami olabat raidap aibin gajimap olabat.  
\q1 Ai nomo bin oldei stap raidap aibin binijimap olabat.   
\q1
\v 38 Aibin oldei bidim olabat brabliwei,  
\q1 en aibin oldei meigim olabat lus,  
\q1 en dei kaan gidap en fait langa mi igin.   
\q1
\v 39 Wal YAWEI, yu na bin oldei meigim mi strongbala blanga fait langa main enami olabat en bidim olabat,   
\q1
\v 40 en yu na bin oldei meigim olabat ranawei brom mi wen deibin oldei luk mi kaman,  
\q1 en aibin oldei binijimap ol detlot enami main hu nomo bin laigim mi.   
\q1
\v 41 Deibin oldei jingat blanga sambodi blanga album olabat en seibum olabat brom mi.  
\q1 Bat nobodi bin seibum olabat.  
\q1 Deibin jingat langa yu,  
\q1 bat yu nomo bin irrim olabat.   
\q1
\v 42 En aibin oldei bastimap olabat jis laiga wekinmen weya im bastimap graun en det win blowimwei det das.  
\q1 Aibin oldei pudumbut langa olabat jis laik weya ola pipul pudumbut langa mad langa roud.   
\b  
\q1
\v 43 Wal YAWEI, yu na det trubala God,  
\q1 en yubin seibum mi brom detlot pipul wen deibin wandi kilim mi ded,  
\q1 en yubin meigim mi jidan king blanga ola najalot traib du weya ai nomo bin sabi olabat.   
\q1
\v 44 Loda streinja pipul oldei kaman en baudan lida langa mi blanga shoum rispek langa mi,  
\q1 en wen mi tok langa olabat, dei oldei duwit langa mi.   
\q1
\v 45 En wen detlot streinja pipul hu jidan main enami olabat irrim mi tok, dei oldei bradin langa mi,  
\q1 en dei oldei gibap en kamat brom det pleis weya deibin blandim miselp.   
\b  
\q1
\v 46 Wal wi garra gibit preis langa YAWEI det trubala God hu jidan laibala.  
\q1 Oni im na wi garra meigim haibala,  
\q1 dumaji im na oldei maindimbat mi.  
\q1 Im jis laiga strongbala ston weya ai gin blandim miselp brom main enami olabat.   
\q1
\v 47 Im na oldei peiyimbek main enami olabat.  
\q1 Im na bin meigim mi jidan bos blanga ola pipul,   
\q1
\v 48 en im na bin seibum mi brom ola pipul hu nomo laigim mi.  
\q1 Wal YAWEI, yu na det trubala God,  
\q1 en yu na bin meigim mi bidim main enami olabat,  
\q1 en yu na bin oldei lukaftumbat mi wen enibodi bin wandi kilim mi ded.   
\q1
\v 49 Wal blanga tharran na ai garra preisimbat yu neim en dalimbat ola pipul langa ebri kantri blanga yu,  
\q1 en ai garra singim song blanga preisimbat yu ebridei.\x + \xo 18:49 \xt Rom 15:9\x*   
\b  
\q1
\v 50 God bin meigim mi jidan king,  
\q1 en imbin oldei meigim mi bidim main enami olabat,  
\q1 en imbin oldei shoum mi haumatj im laigim mi,  
\q1 en im garra kain langa main femili olabat olagija.   
\c 19  
\s1 God bin meigim ebrijing en tharran na shoum wi im haibalawan  
\s2 Song blanga Deibid.  
\q1
\v 1 Ebrijing langa skai im dalim wi det stori weya God im brabli haibalawan.  
\q1 Trubala! Ebrijing langa skai im shoum wi wanim God bin dum.\fig |src="wa04010b.tif" size="col" ref="19:1" \fig*   
\q1
\v 2 Ebri dei kaman, wi sabi igin God im brabli haibalawan.  
\q1 Ebri nait kaman, im dalim wi det seimwan stori igin blanga God.   
\q1
\v 3 Ol dislot kaan tok langa wi en wi kaan lisin olabat,   
\q1
\v 4 bat pipul ebriweya sabi det stori brom dislot ting.  
\q1 Det stori im shoum miselp langa pipul langa ebri kantri.  
\b  
\q1 God bin meigim pleis langa skai blanga det san.\x + \xo 19:4 \xt Rom 10:18\x*   
\q1
\v 5 Wen im ailibala det san im kamat brom im pleis,  
\q1 jis laik det yangbala men hubin jis git merrit.  
\q1 Im jis laik strongwan men redi blanga ran det reis.   
\q1
\v 6 Det san im gidap wansaid,  
\q1 en godan najasaid langa det skai.  
\q1 Nobodi kaan haidim miselp brom det san.   
\s1 Det lowa blanga YAWEI det trubala God  
\q1
\v 7 Det lowa blanga YAWEI nomo garram enijing rong.  
\q1 Im meigim wi strongbala igin.  
\q1 Wi gin trastim det wed blanga YAWEI.  
\q1 Blanga im lowa im meigim pipul sabi det raitwei.   
\q1
\v 8 Blanga im lowa im jidan rait olawei.  
\q1 Ol detlot pipul hu teiknodis langa det lowa,  
\q1 im meigim olabat jidan gudbinji.  
\q1 Det lowa blanga YAWEI nomo garram enijing rong.  
\q1 Im meigim wi sabi im wei brabliwei.   
\q1
\v 9 Wen wi gibit rispek langa YAWEI im brabli gudwan tharran deya.  
\q1 Wi garra kipgon olataim gibitbat rispek langa im.  
\q1 Det lowa blanga YAWEI im brabli trubalawan.  
\q1 Im oldei gibit pipul feyago.   
\q1
\v 10 Det lowa blanga YAWEI im mowa gudwan langa brabli gudwan gol.  
\q1 Det shugabeig im switwan,  
\q1 Bat det lowa im brabli mowa switwan.   
\q1
\v 11 Det lowa blanga im dalim wi wanim wi garra dum.  
\q1 Wen wi teiknodis langa im lowa im gibit wi ola gudwan ting.   
\b  
\q1
\v 12 Ai kaan sabi blanga main nogudbalawei.  
\q1 YAWEI, yu sori langa mi en deigimwei detlot nogudwan ting weya ai nomo bin sabi aibin oldei dumbat.   
\q1
\v 13 Nomo larram mi dumbat detlot nogudwan ting weya mi sabi olabat rong.  
\q1 Nomo larram ola nogud ting jidan bos blanga mi.  
\q1 If yu meigim mi lagijat wal ai garra jidan brabli gudwan,  
\q1 en jidan friwan brom ola nogudbalawei.   
\b  
\q1
\v 14 YAWEI, larram ebrijing mi tok,  
\q1 en ebrijing mi jinggabat,  
\q1 meigim yu gudbinji.  
\q1 Yu na kipumbat mi seifwan.  
\q1 En yu na bin seibum mi.   
\c 20  
\s1 Preya langa God blanga album det king blanga bidim im enami olabat  
\s2 Song blanga Deibid.  
\q1
\v 1 Larram YAWEI det trubala God ensim yu preya wen yu abum trabul.  
\q1 Larram im neim, det God blanga Jeikob, kipum yu seifwan.   
\q1
\v 2 Larram im kaman brom im seikridwan haus deya langa det bigwan hil gulum Saiyan en album en seibum yu,  
\q1 en gibit yu wanim yu wandim blanga album yu.   
\q1
\v 3 Larram YAWEI jinggabat ola ofring brom yu gudbinjiwei,  
\q1 en jidan gudbinji garram ol yu barnapwan sekrifais ofring du.   
\q1
\v 4 Larram im gibit yu wanim yu wandim,  
\q1 en meigim detlot ting weya yu jinggabat blanga dum hepin.   
\q1
\v 5 En wen yu win melabat garra jingat gudbinjiwei,  
\q1 en sing en dens blanga preisimbat wi God.  
\q1 Larram YAWEI ensim yu blanga ebrijing yu oldei wandimbat.   
\b  
\q1
\v 6 Wal ai sabi na YAWEI oldei seibum det king weya imbin pikimat.  
\q1 Brom im holiwan pleis langa hebin im irrim im en album im,  
\q1 en garram im strongwan pawa im meigim im win brabliwei.   
\q1
\v 7 Sambala pipul oldei trastimbat olabat wegan en hosis weya dei yusumbat langa wo,  
\q1 bat melabat oldei trastimbat det pawa blanga YAWEI det God blanga melabat.   
\q1
\v 8 Detlot pipul hu trastimbat olabat hosis en bagi kaan win,  
\q1 bat melabat garra jandap strongbala en bidim melabat enami olabat.   
\b  
\q1
\v 9 YAWEI, yu meigim det king win,  
\q1 en ensim melabat wen melabat jingat langa yu.   
\c 21  
\s1 Preisim God dumaji imbin bidim im enami olabat  
\s2 Song blanga Deibid.  
\q1
\v 1 YAWEI, melabat king im gudbinji dumaji yu strongbala.  
\q1 Im singim song en im dens dumaji yubin meigim im win.   
\q1
\v 2 Yubin gibit im wanim imbin wandimbat brabliwei.  
\q1 Yu nomo bin nokambek im wen imbin askim yu.   
\b  
\q1
\v 3 Yubin kaman langa im garram ola gudwan ting,  
\q1 en yubin pudum speshalwan golwan het langa im hed.   
\q1
\v 4 Imbin askim yu blanga jidan laibala longtaim,  
\q1 en yubin gibit im det olagijawan laif.   
\q1
\v 5 Im brabli haibalawan dumaji yubin album im.  
\q1 Yubin meigim im jidan haibala en pipul ebriweya sabi im.   
\q1
\v 6 Ola gudwan ebrijing weya yubin gibit langa im garra jidan olagijawan.  
\q1 En im oldei jidan gudbinjiwei dumaji yu na oldei jidan garram im.   
\q1
\v 7 YAWEI det Boswan God, det king im trastim yu.  
\q1 Yu garram det olagijawan filing blanga laigimbat det king,  
\q1 en blanga tharran na nomo enijing kaan pudumdan im.   
\b  
\q1
\v 8 Det king garra grebum im enami olabat en meigim olabat jidan prisana.  
\q1 Im garra grebum ol detlot hu heidim im du.   
\q1
\v 9 Wen im kaman langa olabat im garra binijimap olabat laiga bigwan faiya weya im barnbarn.  
\q1 YAWEI garra gitwail en binijimap olabat brabliwei jis laiga bigwan faiya weya barnimap ebrijing brabliwei.   
\q1
\v 10 Nobodi langa olabat femili garra jidan laibala. Najing.  
\q1 Det king garra kilim ded ol detlot na.   
\q1
\v 11 Detlot enami meigimbat nogudwan plen blanga ardim im,  
\q1 bat dei kaan win. Najing.   
\q1
\v 12 Im garra shudum im erro langa olabat,  
\q1 en olabat garra tenaran en ranawei.   
\b  
\q1
\v 13 YAWEI, melabat preisim yu dumaji yu brabli strongbala.  
\q1 Melabat garra singim song en preisim det brabli strongwan pawa blanga yu.   
\c 22  
\s1 Preya wen yu reken God im longwei brom yu  
\s2 Preya blanga Deibid.  
\q1
\v 1 Main God, main God, wotfo yubin libum mi?  
\q1 Wotfo yu jidan longwei brom mi?  
\q1 Mi jingat langa yu.  
\q1 Wotfo yu nomo album mi?\x + \xo 22:1 \xt Meth 27:46; Mak 15:34\x*   
\q1
\v 2 Deitaim en naitaim mi jingat langa yu, main God,  
\q1 bat yu nomo ensim mi, najing, en mi nomo abum spel.   
\q1
\v 3 Bat yu na det holiwan God, en yu jidan det brabliwan Bos,  
\q1 en yu pipul langa Isreil oldei preisimbat yu.   
\q1
\v 4 Melabat grengrenfatha olabat bin oldei trastimbat yu.  
\q1 Olabat bin trastim yu en yubin seibum olabat.   
\q1
\v 5 Olabat bin jingat langa yu en yubin seibum olabat.  
\q1 Olabat bin trastim yu en yubin album olabat.   
\b  
\q1
\v 6 Pipul tok mi rabishwan en reken mi nomo enijing, laiga brabli men.  
\q1 Olabat oldei meigim fan langa mi en oldei heidimbat mi.   
\q1
\v 7 Wen enibodi luk mi, olabat mokimbat mi.  
\q1 Olabat poindimbat bingga langa mi en tok olkain rabishwan wed langa mi.   
\q1
\v 8 Olabat tok, “Yu oldei go langa YAWEI blanga ebrijing.  
\q1 Wotfo im nomo seibum yu?  
\q1 If YAWEI laigim yu, wotfo im nomo album yu?”\x + \xo 22:8 \xt Meth 27:43\x*   
\b  
\q1
\v 9 Bat yu na bin kipum mi seifwan wen aibin bon,  
\q1 en wen aibin beibi yubin kipum mi seifwan du.   
\q1
\v 10 Brom det dei wen aibin bon, yubin oldei maindimbat mi.  
\q1 Yubin oldei jidan main God.   
\b  
\q1
\v 11 Nomo jidan longwei brom mi God.  
\q1 Det trabul im gulijap en nobodi iya blanga album mi.   
\q1
\v 12 Loda enami jidan raidaran langa mi jis laik ola wailwan bul.  
\q1 Olabat raidaran langa mi, jis laik ola wailwan bul brom det kantri gulum Beishan.   
\q1
\v 13 Olabat jis laik detlot laiyan weya jingat adbala redi blanga dagat mi.   
\b  
\q1
\v 14 Mi nomo strongbala enimo na, jis laik woda wen spil langa graun en im binij.  
\q1 Mi gulijap binij du, jis laiga kendul weya meltap.  
\q1 Ai nomo garram bodi en ol main boun slekwan en bin kamat na.   
\q1
\v 15 Main mawus im draiwan jis laik brabli draiwan graun.  
\q1 Mi brabli thesti na.  
\q1 Yubin libum mi blanga dai langa graun.   
\b  
\q1
\v 16 Main enami olabat bin kaman brom ebriweya en jadimap mi jis laik ola wailwan dog,  
\q1 en deibin jalk main bingga en fut.   
\q1
\v 17 Mi bouniwan na,  
\q1 en main enami olabat lukinatbat mi brabliwei.   
\q1
\v 18 Olabat bin deigidawei main klos en olabat bin kadimat gija,  
\q1 en deibin gembul blanga main kout.\x + \xo 22:18 \xt Meth 27:35; Mak 15:24; Luk 23:34; Jon 19:24\x*   
\b  
\q1
\v 19 YAWEI, nomo jidan longwei brom mi.  
\q1 Yu kaman kwikbala blanga album mi,  
\q1 en yu meigim mi jidan strongbala.   
\q1
\v 20 Seibum mi brom detlot bigwan naif blanga ol main enami.  
\q1 Seibum main laif brom ol main strongwan enami. Olabat jis laik detlot wailwan dog.   
\q1
\v 21 Ol main enami jidan brabli krulbala.  
\q1 Seibum mi brom olabat.  
\q1 Olabat jis laik detlot wailwan bul en laiyan.   
\b  
\q1
\v 22 Ai garra dalim main pipul wanim yubin dum.  
\q1 Wen olabat majurrumap miselp, ai garra preisim yu rait deya langa olabat.\x + \xo 22:22 \xt Hib 2:12\x*   
\q1
\v 23 Yumob pipul hu wek blanga YAWEI, yumob preisim im.  
\q1 Yumob ola femili blanga Jeikob, yumob gibit rispek langa im.  
\q1 Yumob pipul blanga Isreil, yumob weship im.   
\q1
\v 24 YAWEI nomo tridim ola powan pipul rabishwei,  
\q1 en im nomo jis libum olabat lagijat igin wen olabat ardimbat.  
\q1 Im nomo tenawei brom olabat. Im ensim olabat wen dei jingat langa im blanga album olabat.   
\b  
\q1
\v 25 YAWEI, lida langa ebribodi, ai garra preisim yu blanga wanim yubin dum.  
\q1 En deya na wen dei weshipbat yu, ai garra gibit sekrifais ofring weya aibin pramis.   
\q1
\v 26 Ola powan pipul garra dagat blendibala daga raidap dei bulap.  
\q1 Wen pipul kaman langa yu YAWEI, dei garra preisim yu.  
\q1 God, yu oldei gibitbat olabat ola gudbala ting.   
\b  
\q1
\v 27 Pipul langa ebri kantri garra jinggabat langa YAWEI en dei kaman langa im.  
\q1 Ola traib langa ebri kantri garra weship langa im.   
\q1
\v 28 YAWEI det trubala God im brabli Bos,  
\q1 en im jidan Bos langa ebri kantri.   
\b  
\q1
\v 29 Ola pipul hu jidan praudbalawei garra nildan lida langa im.  
\q1 Nobodi kaan seibum olabat ronwan laif. Olabat garra ol nildan lida langa im.   
\q1
\v 30 Ol detlot pipul hu garra kaman biyain langa wi garra wek blanga YAWEI,  
\q1 en olabat garra dalim olabat biginini olabat blanga im.   
\q1
\v 31 Detlot pipul hu nomo bin bon yet garra kipgon tok,  
\q1 “YAWEI det trubala God bin seibum im pipul olabat.”   
\c 23  
\s1 God im det stakmen blanga wi  
\s2 Song blanga Deibid.  
\q1
\v 1 YAWEI, yu na det brabli gudwan stakmen.  
\q1 Yu oldei maindimbat mi,  
\q1 en ai garram ebrijing brom yu.  
\q1 Ai kaan wandim mowa.   
\q1
\v 2 Yu lukaftumbat mi jis laik det stakmen weya im deigim im ship olabat blanga abum spel langa kwaitwan pleis garram bigmob gras en springwoda.\x + \xo 23:2 \xt Reb 7:17\x* \fig |src="UBS Ps 23.2.tif" size="col" ref="23:2" \fig*   
\b  
\q1
\v 3 Ebridei yu meigim mi jidan strongbala.  
\q1 Yu shoum mi det raitwei blanga bulurrum,  
\q1 dumaji ai trastim yu neim blanga dum wanim yubin pramis.   
\q1
\v 4 Nomeda if ai go thru langa brabli dakbala pleis weya enijing gin meigim mi dai,  
\q1 bat stil ai kaan bradin dumaji yu iya garram mi olataim.  
\q1 Yu garram yu spiya en yu longwan stik blanga lukaftumbat mi.   
\b  
\q1
\v 5 Yu meigim det padi redibala blanga mi,  
\q1 weya main enami olabat garra luk yu welkam mi en meigim mi jidan haibala,  
\q1 en yu filimap main kap til im randan.   
\q1
\v 6 Ai sabi yu na oldei gud langa mi,  
\q1 en yu laigim mi brabliwei weya mi jidan laibala.  
\q1 En ai sabi ai garra jidan langa yu haus garram yu olagijawan.   
\c 24  
\s1 Det brabli haibala king  
\s2 Song blanga Deibid.  
\q1
\v 1 Ola graun blanga YAWEI det trubala God,  
\q1 en ebrijing langa dijan graun blanga im du.  
\q1 Ola kantri en ola pipul jidan blanga im na.\x + \xo 24:1 \xt 1 Karin 10:26\x*   
\q1
\v 2 Imbin pudum detlot kantri ontopwei,  
\q1 en ola woda andanithwei.   
\b  
\q1
\v 3 Yumob ensim dijan!  
\q1 Wujan pipul gin gowap langa det hil blanga YAWEI?  
\q1 Wujan pipul gin jandap deya langa im Serramoni Pleis?   
\q1
\v 4 Yumob irrim na!  
\q1 Ol detlot pipul hu jidan klinbala brom dumbat en jinggabat ol detlot nogudbala ting,  
\q1 en ol detlot pipul hu nomo weship difrinwan drimin,  
\q1 en ol detlot pipul hu meigim pramis en dum,  
\q1 wal ol dislot pipul na gin gowap langa det Serramoni Pleis.\x + \xo 24:4 \xt Meth 5:8\x*   
\q1
\v 5 En ol detlot pipul weya YAWEI oldei dumbat gudbala ting blanga olabat,  
\q1 en seibum olabat en meigim olabat gudbinji,   
\q1
\v 6 wal dislot pipul na kaman blanga weship YAWEI, det God blanga Jeikob.   
\b  
\q1
\v 7 Yumob irrim na!  
\q1 Opinap, ol yumob bigwan geit!  
\q1 Opinap, ol yumob olwan dowa!  
\q1 Det brabli haibala king garra gowin!   
\b  
\q1
\v 8 Yumob ensim dijan!  
\q1 Hu dijan brabli haibala king?  
\q1 Im YAWEI, strongwan garram pawa.  
\q1 Im YAWEI weya fait garram pawa,  
\q1 en bidim im enami olabat.   
\b  
\q1
\v 9 Yumob irrim na!  
\q1 Opinap, ol yumob bigwan geit!  
\q1 Opinap, ol yumob olwan dowa!  
\q1 Det brabli haibala king garra gowin!   
\b  
\q1
\v 10 Yumob ensim dijan!  
\q1 Hu dijan brabli haibala king?  
\q1 Im YAWEI, det trubala haibala God.  
\q1 Im na det brabli haibala king.   
\c 25  
\s1 Dijan preya blanga shoum wi det raitwei en blanga maindimbat wi  
\s2 Preya blanga Deibid.  
\q1
\v 1 YAWEI, oni langa yu mi prei en weship.   
\q1
\v 2 Mi trastimbat yu na, main God.  
\q1 Nomo larram main bedfren olabat bidim mi.  
\q1 If olabat bidim mi,  
\q1 olabat garra tisimbat mi,  
\q1 en ai garra jidan garram sheim.   
\q1
\v 3 Nobodi gin bidim ol detlot pipul na hu trastimbat yu,  
\q1 Bat yu, YAWEI, garra bidim detlot pipul hu gibit yu bekboun.   
\b  
\q1
\v 4 Shoum mi YAWEI wujei yu wandim mi blanga jidan.  
\q1 Shoum mi blanga wok langa det rait roud.   
\q1
\v 5 Shoum mi det trubalawei blanga jidan.  
\q1 Yu na det wanbala God mi oldei bulurrumbat.  
\q1 Yu na det God weya yu oldei seibum mi.  
\q1 Mi oldei trastimbat yu.   
\b  
\q1
\v 6 YAWEI, jinggabat ol dislot ting na.  
\q1 Brom longtaim yubin oldei jidan kainbalawan,  
\q1 en yubin oldei kipgon laigimbat pipul.   
\q1
\v 7 Wen aibin yangbala, YAWEI,  
\q1 aibin dum loda nogudbala ting.  
\q1 Wal yu sori langa mi en fogedabat ol detlot ting na.  
\q1 Yu oldei kipgon laigimbat pipul olataim en yu gud langa ola pipul.  
\q1 Wal mi askim yu blanga dum lagijat langa mi du.   
\b  
\q1
\v 8 Dumaji YAWEI det trubala God oldei dum ebrijing raitwei en im gudwan,  
\q1 wal im shoum detlot nogudbala pipul hau blanga jidan raitwei.   
\q1
\v 9 Im shoum ol lobala pipul wujei blanga go langa det raitwan wei,  
\q1 en im lenimbat olabat ebrijing im wandim olabat blanga dum.   
\q1
\v 10 Dumaji im trubalawan en im oldei laigimbat pipul,  
\q1 wal im shoum detlot pipul hu laigim im det raitwei blanga kipum im strongwan pramis.   
\b  
\q1
\v 11 Yubin pramisim langa yu neim blanga sori langa ola pipul blanga olabat nogudbalawei.  
\q1 Wal yu sori langa mi na blanga ol main nogudwan ting.   
\q1
\v 12 Ol detlot pipul hu teiknodis langa wanim YAWEI wandim olabat blanga dum,  
\q1 wal olabat garra len brom im na blanga bulurrum det rait roud.   
\q1
\v 13 Olabat garra oldei abum detmatj ebrijing.  
\q1 Blanga olabat ola bigininimob garra jidan boswan blanga olabat ronwan kantri.   
\q1
\v 14 Ol detlot pipul hu dum ebrijing weya God wandim olabat blanga dum,  
\q1 wal im gudfren blanga olabat.  
\q1 Im kaan nokambek im strongwan pramis langa olabat.   
\b  
\q1
\v 15 Mi weit olataim langa yu YAWEI blanga album mi.  
\q1 Oni yu oldei seibum mi brom ola brabli nogudwan trep.   
\q1
\v 16 Kaman en album mi YAWEI.  
\q1 Yu kain langa mi.  
\q1 Mi jidan miselp kantri en mi garram loda trabul.   
\q1
\v 17 Album mi nomo blanga woribat en blanga jinggabat main trabul olataim.  
\q1 Yu deigidawei ol main trabul.   
\q1
\v 18 Luk haumatj trabul ai garram.  
\q1 Yu sori langa mi blanga ola nogudwan ting aibin dum.   
\b  
\q1
\v 19 Ai garram loda bedfren.  
\q1 Yu gin luk olabat detmatj na.  
\q1 Brabliwei na olabat nomo laigim mi.  
\q1 Yu gin luk, YAWEI.   
\q1
\v 20 Nomo larram olabat bidim mi en meigim mi sheim.  
\q1 Yu maindim mi,  
\q1 en yu kipum mi seifwan du.  
\q1 Langa yu mi askim yu blanga lukinatbat mi olataim.   
\q1
\v 21 Ai dum ola raitwan ting,  
\q1 en mi trastim yu.  
\q1 Wal yu meigim mi jidan laibalawan.   
\b  
\q1
\v 22 God, yu seibum blanga yu ola Isreil pipul brom detlot nogudbala ting.   
\c 26  
\s1 Dijan preya blanga brabli gudwan pipul  
\s2 Preya blanga Deibid.  
\q1
\v 1 YAWEI, yu dalim olabat ai nomo garram eni rong.  
\q1 Aibin oldei jidan trubalawei,  
\q1 en aibin oldei trastim yu brabliwei.   
\q1
\v 2 YAWEI, luk langa main laif blanga faindat if ai garram eni rong filing en if mi jinggabat enijing rongwei.   
\q1
\v 3 Mi sabi yu oldei kipgon laigimbat mi.  
\q1 Tharran na shoum mi blanga jidan langa det raitwei.  
\q1 Mi sabi yu oldei jidan brabli trubalawan.  
\q1 Tharran na album mi blanga sabi wujei blanga go.   
\b  
\q1
\v 4 Detlot pipul hu oldei jidanbat langa olabat ronwei,  
\q1 olabat nomo main fren.  
\q1 Ai nomo heingaran garram detlot tufeis pipul.   
\q1
\v 5 Ai nomo go garram pipul hu oldei dumbat nogudwan ting.  
\q1 Mi jidan longwei brom olabat.   
\b  
\q1
\v 6-7 YAWEI, mi washim main bingga blanga shoum ai nomo bin dum eni rong,  
\q1 en mi weship yu langa det seikridwan haus blanga yu.  
\q1 Mi singim theingkyu song langa yu blanga ola gudwan ting weya yubin dum.   
\b  
\q1
\v 8 YAWEI, mi laigim brabli wen mi kaman langa yu haus.  
\q1 Langa det pleis na yu pawa im jidan,  
\q1 en yu shain nomo lilbit.   
\q1
\v 9 Nomo kilim mi garram detlot nogudwan pipul.  
\q1 Nomo kilim mi garram detlot pipul hu oldei medrimbat.   
\q1
\v 10 YAWEI, yu oldei panishim ola pipul hu dumbat nogudwan ting.  
\q1 Yu panishim detlot pipul hu oldei gedim mani brom najalot pipul blanga dum nogudwan ting.  
\q1 Nomo panishim mi du garram detlot nogud pipul.   
\b  
\q1
\v 11 Wal mi na oldei dumbat rait ting.  
\q1 YAWEI, yu kain langa mi en seibum mi.   
\b  
\q1
\v 12 Tudei mi jidan langa seifwan pleis na.  
\q1 YAWEI, wen mi joinin langa yu pipulmob,  
\q1 ai garra preisim yu.   
\c 27  
\s1 Preya blanga gibit preis  
\s2 Preya blanga Deibid langa det taim wen im enami bin meigim detmatj trabul blanga im. Im nomo bin fil seif, en imbin fil jis laik imbin jidan langa dak pleis nomo garram lait.  
\q1
\v 1 YAWEI det trubala God, im jis laiga lait blanga mi.  
\q1 Im gin seibum mi.  
\q1 Wotfo mi oldei bradin?  
\q1 YAWEI im strongwan blanga lukaftumbat mi.  
\q1 Ai kaan bradin blanga enijing.   
\q1
\v 2 Wen main enami olabat lukabat blanga mi,  
\q1 en wen detlot nogudbala pipul wandi kilim mi jis laik detlot dinggo wandi kilim en dagat enimul,  
\q1 wal detlot enami na garra buldan.  
\q1 Olabat na detlot pipul hu garra gitkil.   
\q1
\v 3 Nomeda detlot solja raidaran langa mi,  
\q1 ai kaan bradin.  
\q1 Nomeda dei wandi fait langa mi,  
\q1 bat ai garra trastimbat God olawei.   
\b  
\q1
\v 4 Oni wanbala ting aibin askim YAWEI.  
\q1 Ai wandim jidan gulijap langa im olagijawan langa im Serramoni Pleis.  
\q1 En ai wandim jinggabat det brabli kainbalawei blanga im.  
\q1 En ai wandim im blanga shoum mi det raitwei blanga jidan.   
\q1
\v 5 Wen trabul kaman, YAWEI gin blandim mi langa seifwan pleis.  
\q1 Im gin blandim mi langa im Serramoni Pleis.  
\q1 Im gin pudum mi langa haibala ston,  
\q1 weya nobodi kaan gajimap mi.   
\q1
\v 6 Im gin meigim mi win lagijat na,  
\q1 en ai gin lukdan deya langa main enami olabat.  
\q1 Afta, ai garra gudbinji detmatj.  
\q1 Ai garra jingat wen ai go langa det Serramoni Pleis blanga deigim ofring blanga YAWEI.  
\q1 Ai garra sing en ai garra preisim im.   
\b  
\q1
\v 7 YAWEI, lisin langa mi.  
\q1 Mi jinginat langa yu.  
\q1 Yu sori langa mi en ensim mi!   
\q1
\v 8 Aibin jinggabat miselp,  
\q1 “YAWEI bin dalim mi blanga kaman gulijap langa im,  
\q1 en blanga tharran na mi kaman gulijap langa im.”   
\q1
\v 9 YAWEI, nomo blandim miselp brom mi.  
\q1 Yu kipgon lisinbat langa mi.  
\q1 Nomo wail langa mi, yu wekinmen.  
\q1 Yubin albumbat mi bifo.  
\q1 Nomo libum mi.  
\q1 Nomo fogedabat mi.  
\q1 Yu na det God hubin seibum mi.   
\q1
\v 10 If main dedi en main mami libum mi olagija,  
\q1 wal yu na YAWEI garra lukaftumbat mi.   
\b  
\q1
\v 11 Titjim mi wanim yu wandim mi blanga dum, YAWEI.  
\q1 Lidim mi langa det streitwan roud,  
\q1 wulijim detlot enami gin luk mi langa det raitwan roud.   
\q1
\v 12 Dei dalimbat ola laiya blanga mi.  
\q1 Dei tok, “Wi garra kilim im!”  
\q1 Nomo larram olabat blanga bidim mi!   
\b  
\q1
\v 13 Ai bilib brabliwei ai garra jidan laibala.  
\q1 YAWEI im kainbala en im garra album mi iya garram detlot laibala pipul.   
\q1
\v 14 Trubala, ai dalim yumob, yumob garra trastim YAWEI!  
\q1 Jidan strongbala en nomo bradin!  
\q1 Trastim YAWEI!   
\c 28  
\s1 Preya blanga album  
\s2 Preya blanga Deibid.  
\q1
\v 1 YAWEI, oni yu na main strongwan ston.  
\q1 Yu irrim mi kraikraibat.  
\q1 Mi askimbat yu blanga albumbat mi.  
\q1 If yu kaan irrim mi wal ai garra dai en go langa greib.   
\q1
\v 2 Ai tenaran en luk langa det Serramoni Pleis weya yu jidanbat,  
\q1 en ai lidimap main bingga blanga prei langa yu.  
\q1 Mi jingat langa yu blanga album mi.   
\b  
\q1
\v 3 Yu nomo kilim mi ded garram detlot nogudbala pipul.  
\q1 Dei oldei tok gudwei garram enibodi,  
\q1 bat stil dei heidimbat pipul insaid langa olabat hat.   
\q1
\v 4 Yu panishim olabat na,  
\q1 dumaji olabat bin dum loda nogudbala ting.  
\q1 Olabat laigim lukaranbat blanga trabul olataim.  
\q1 YAWEI, yu meigim trabul blanga olabat na.\x + \xo 28:4 \xt Reb 22:12\x*   
\q1
\v 5 Dei nomo teiknodis wanim YAWEI bin dum.  
\q1 Dei nomo sabi weya imbin meigim ebrijing.  
\q1 Wal YAWEI garra panishim en binijimap olabat olagijawan.   
\b  
\q1
\v 6 YAWEI, mi gibit preis langa yu dumaji wen aibin jingat langa yu, yubin duwit langa mi.   
\q1
\v 7 Yu jis laiga det strongwan shild weya oldei stapam enijing weya gin ardim mi.  
\q1 Mi oldei trastim oni langa yu.  
\q1 Oni yu na gin album mi.  
\q1 Yu oldei meigim mi gudbinji.  
\q1 Wal ai garra kipgon preisimbat langa yu.  
\q1 Ai garra kipgon singsing ola song blanga yu.   
\b  
\q1
\v 8 YAWEI, oni yu na oldei seibum ola pipul blanga yu.  
\q1 Yu oldei lukaftumbat melabat brabliwei,  
\q1 dumaji yu na bin pikimat melabat.   
\q1
\v 9 YAWEI, yu na oldei seibum melabat,  
\q1 en album melabat.  
\q1 En jis laik det boswan stakmen weya im oldei maindimbat ola ship blanga im,  
\q1 wal lagijat na yu lukaftumbat melabat olagijawan.   
\c 29  
\s1 Wen det haibalawan God tok, im jis laik thanda  
\s2 Song blanga Deibid blanga det laswan dei blanga det serramoni gulum Hampi.  
\q1
\v 1 Ol yumob deya langa hebin preisim YAWEI det trubalawan God.  
\q1 Preisim im haibalawei en det pawa blanga im.   
\q1
\v 2 Preisim det haibalawan neim blanga YAWEI.  
\q1 Nildan lida langa YAWEI, det brabli holiwan God.\x + \xo 29:2 \xt Saam 96:7-9\x*   
\b  
\q1
\v 3 Wen YAWEI tok, yu gin irrim im oloba langa det solwoda.  
\q1 Wen det haibalawan God tok, im jis laik thanda.  
\q1 Oloba langa det solwoda na yu gin irrim im.   
\q1
\v 4 Wen YAWEI tok im shoum im pawa.  
\q1 Im shoum im na det brabli haibalawan.   
\b  
\q1
\v 5 Wen YAWEI tok im breigimap detlot strongwan tri,  
\q1 ol detlot strongwan sidatri na langa Lebanan.   
\q1
\v 6 Im meigim detlot bigwan hil langa Lebanan jamparanbat wulijim gabigabi,  
\q1 en im meigim det bigwan hil gulum Heman jamp wulijim yangwan buligi.   
\b  
\q1
\v 7 Wen YAWEI tok, im meigim laitining kamat.   
\q1
\v 8 Wen YAWEI tok, im meigim det draiwan kantri sheiksheikbat nomo lilbit.  
\q1 Im sheikimap det draiwan kantri gulum Keidish.   
\q1
\v 9 Wen YAWEI tok, im sheikimap detlot ouktri en im meigim ola lif brom ola tri buldan,  
\q1 en ebribodi langa im Serramoni Pleis jingat adbala,  
\q1 “God im Brabli Haibalawan!”   
\b  
\q1
\v 10 YAWEI na det King en im na det Boswan blanga det bigwan solwoda, en im garra jidanbat Bos blanga ola pipul olagijawan.   
\q1
\v 11 YAWEI gibit pawa langa im pipul olabat,  
\q1 en im gibit olabat ola gudwan ting en meigim olabat jidan gudbinjiwei.   
\c 30  
\s1 Preya blanga gibit theingks langa God  
\s2 Song blanga Deibid langa det taim wen deibin meigim det Serramoni Pleis seikridwan blanga YAWEI.  
\q1
\v 1 YAWEI, mi preisim yu dumaji yubin seibum mi.  
\q1 Im jis laik yubin lidimap mi brom det dakwan pleis.  
\q1 Yubin kipumwei main enami olabat brom tokabat nogudbalawei blanga mi.   
\q1
\v 2 Aibin jingat langa yu blanga album mi, YAWEI main God,  
\q1 en yubin meigim mi gudbala brom sikbala.   
\q1
\v 3 Yubin kipumwei mi brom det greibyad.  
\q1 Aibin gulijap dai, bat yubin gibitbek mi main laif igin.   
\b  
\q1
\v 4 Sing ola preis song langa YAWEI, ol yumob hu jidan trubalawei langa im.  
\q1 Jinggabat wanim det holiwan God bin dum en tok theingkyu langa im.   
\q1
\v 5 Oni lilbit taim im gitwail, bat im kainwan filing jidan olagijawan na.  
\q1 Nogudwan filing gin kaman naitaim, bat ailibala det gudwan filing kaman.   
\b  
\q1
\v 6 Aibin filim miselp seif en aibin tok miselp,  
\q1 “Najing kaan bidim mi.”   
\q1
\v 7 YAWEI, yubin gud langa mi.  
\q1 Yubin maindimbat mi jis laik seifwan haus ontop langa bigwan hil.  
\q1 Bat wen yubin haidim miselp brom mi, aibin bradin na.   
\b  
\q1
\v 8 Aibin jingat langa yu YAWEI.  
\q1 Aibin jingat brabliwei langa yu blanga album mi.   
\q1
\v 9 Aibin tok, “Wanim yu reken? Eni gudbala ting garra hepin if mi dai en godan langa greib? Najing!  
\q1 Ola dedbala pipul gin preisim yu? Najing!  
\q1 Ola boun gin toktok blanga ola gudwan ting weya yu oldei dumbat? Najing!   
\q1
\v 10 Yu lisin langa mi YAWEI en yu sori langa mi.  
\q1 Yu album mi YAWEI!”   
\b  
\q1
\v 11 Yubin tjeinjim main nogudwan filing en yubin meigim mi dens brabli gudbinjiwei.  
\q1 Yubin deigimwei main nogudwan filing en yubin meigim mi jidan brabli hepiwan na.   
\q1
\v 12 Wal ai kaan jidan kwaitbala.  
\q1 Ai garra sing song blanga preisim yu.  
\q1 YAWEI, yu main God.  
\q1 Ai garra gibit yu theingks olagijawan.   
\c 31  
\s1 Preya blanga trastim langa God  
\s2 Song blanga Deibid.  
\q1
\v 1 YAWEI, ai kaman langa yu blanga kipum mi seifwan.  
\q1 Nomo larram enibodi bidim mi en meigim mi sheim.  
\q1 Yu na det brabli haibala God, nomo garram enijing rong.  
\q1 Mi prei langa yu blanga seibum mi.   
\q1
\v 2 Irrim mi na en seibum mi.  
\q1 YAWEI, yu jis laiga bigwan ston weya kipum mi seifwan.  
\q1 Yu jandap lida langa mi jis laiga bigwan wol blanga seibum mi.   
\b  
\q1
\v 3 Yu na main seifhaus en yu maindimbat mi.  
\q1 Yu shoum mi wanim blanga dum, en lidim mi jis laik yubin pramis.   
\q1
\v 4 Deigimat mi brom det trep weya ol main enami bin meigim blanga mi,  
\q1 dumaji oni yu na kipum mi seif.   
\q1
\v 5 YAWEI, langa yu bingga na ai libum main spirit.  
\q1 Yu garra seibum mi, YAWEI.  
\q1 Yu na det brabli trubalawan God.\x + \xo 31:5 \xt Luk 23:46 \x*   
\b  
\q1
\v 6 Yu nomo laigim ol detlot hu weship ola drimin sheip,  
\q1 bat mi oldei trastim yu.   
\q1
\v 7 Ai garra jidan brabli gudbinji en preisim yu dumaji yu garram olagijawan filing blanga laigimbat mi.  
\q1 Yu sabi main pein en ol main trabul.   
\q1
\v 8 Yu nomo bin larram main enami olabat deigim mi prisana.  
\q1 Yubin kipum mi fri en seifwan.   
\b  
\q1
\v 9 YAWEI, yu jidan kainbala langa mi dumaji mi brabli nogudbinji.  
\q1 Aibin kraikrai detmatj en mi brabli wikwan.   
\q1
\v 10 Mi wikwan dumaji mi oldei jidan sedwan.  
\q1 Aibin kraikrai detmatj ai kaan jidan longtaim na.  
\q1 Ol main trabul bin meigim mi wikwan.  
\q1 Main bodi im brabli wikwan en ai kaan dum enijing mowa.   
\b  
\q1
\v 11 Main enami olabat tok langa mi, “Yu najing!”  
\q1 Ola pipul weya jidan wansaid langa mi reken mi rabishwan du.  
\q1 Main frenmob bradin blanga kaman gulijap langa mi.  
\q1 Wen olabat luk mi eniweya dei gibit mi bekboun.   
\q1
\v 12 Mi jis laiga breikinwan kap weya dei tjakidawei.  
\q1 Olabat nomo jinggabat mi. Im jis laik mi dedbala.   
\q1
\v 13 Main enami olabat majurrumap miselp en tok blanga kilim mi.  
\q1 Mi brabli bradin.  
\q1 Olabat meigimbat plen blanga kilim mi ded.   
\b  
\q1
\v 14 YAWEI, ai trastim langa yu.  
\q1 Yu na main God.   
\q1
\v 15 Yu holdim main laif langa yu bingga.  
\q1 Seibum mi brom ol main enami, en brom detlot hu ranimap mi.   
\q1
\v 16 Mi na blanga yu wekinmen.  
\q1 Yu luk langa mi.  
\q1 Seibum mi dumaji yu laigim mi olagijawan.   
\q1
\v 17 YAWEI, mi jingat langa yu.  
\q1 Yu ensim mi en nomo meigim mi sheim.  
\q1 Yu meigim main enami olabat sheim, en binijimap olabat.   
\q1
\v 18 Jadimap olabat mawus weya dei oldei dalimbat laiya,  
\q1 en wen dei oldei reken miselp en tok nogudwei blanga detlot pipul hu oldei jidan raitwei.   
\b  
\q1
\v 19 Yu brabli gudwan en yu garram ola gudbala ting blanga detlot hu rispek langa yu.  
\q1 En detlot hu trastimbat yu, yu oldei lukaftumbat olabat.  
\q1 Pipul ebriweya luk wanim yu dumbat.   
\q1
\v 20 Yu oldei maindimbat yu pipul olabat wen najalot pipul meigimbat plen blanga dum nogudbala ting langa olabat.  
\q1 Yu nomo larram eni nogudbala wed kaman en ardim langa olabat.   
\b  
\q1
\v 21 Preisim YAWEI det trubala God.  
\q1 Imbin laigim mi detmatj en imbin shoum mi tharran na wen main enami olabat bin olaran en fait langa melabat langa det bigbala taun weya aibin jidan.   
\q1
\v 22 Aibin bradin nomo lilbit, en aibin reken imbin andimwei mi.  
\q1 Bat imbin irrim mi en album mi wen aibin jingat langa im.   
\b  
\q1
\v 23 Kipgon jidan trubala langa YAWEI ol yumob pipul hu oldei trastimbat im.  
\q1 YAWEI oldei lukaftumbat ol im pipul, bat im panishim detlot pipul hu laigimbat miselp.   
\q1
\v 24 Ol yumob pipul hu oldei trastimbat langa YAWEI,  
\q1 yumob jidan strongbala en nomo bradin blanga enijing.   
\c 32  
\s1 Wen wi onap blanga wi nogudbalawei, God im sori langa wi  
\s2 Deibid bin onap langa God blanga im nogudbalawei en God bin larramgo im fri.  
\q1
\v 1-2 Ol detlot pipul weya YAWEI det trubala God bin larramgo fri brom ola nogudbala ting weya deibin dumbat,  
\q1 olabat garra jidan brabli gudbinji.  
\q1 YAWEI kaan neba bukumdan ol detlot nogudbala ting blanga olabat.  
\q1 Im kaan jinggabat ol detlot ting blanga detlot hu jinggabat ebrijing trubalawei.  
\q1 Olabat garra brabli gudbinji.\x + \xo 32:1-2 \xt Rom 4:7,8\x*   
\b  
\q1
\v 3 YAWEI, dumaji ai nomo bin dalim yu blanga ol main nogudbalawei,  
\q1 wal main bodi bin brabli nogud,  
\q1 en aibin abum detmatj pein aibin jinginat.   
\q1
\v 4 Yubin kipgon panishimbat mi lagijat ebridei en ebrinait.  
\q1 Jis laik detlot gras weya draiyap en go wikwan langa hotwethataim,  
\q1 wal lagijat du aibin abum pein detmatj en aibin brabli wikwan.   
\b  
\q1
\v 5 Aibin tok miselp, “Ai garra dalim YAWEI blanga ola nogudbala ting aibin dumbat.”  
\q1 En aibin dalim yu blanga ol main nogud ting.  
\q1 Ai nomo bin blandim eni nogud ting brom yu.  
\q1 En yubin larramgo mi fri blanga ol detlot nogud ting weya ai nomo bin bulurrum yu lowa.\x + \xo 32:5 \xt 2 Sem 12:13\x*   
\b  
\q1
\v 6 Wal ola pipul hu oldei bulurrum yu brabliwei,  
\q1 dei garra prei langa yu langa det taim wen olabat jidan langa detmatj trabul.  
\q1 Det trabul im laik fladwoda weya nokamdanbat en deigidaweibat ebrijing,  
\q1 bat im kaan gajimap ola pipul blanga God.   
\q1
\v 7 Yu blandim mi langa seifwan pleis.  
\q1 Yu garra lukaftum mi wen trabul kaman.  
\q1 Yu seibum mi en ai garra sing en preisim yu,  
\q1 en ola najalot pipul garra jingat gudbinjiwei dumaji yubin seibum mi.   
\b  
\q1
\v 8 YAWEI tok langa wi,  
\q1 “Ai garra titjim yu.  
\q1 Ai garra dalim yu det raitwei blanga go.  
\q1 Ai garra wotjimbat yu en ai garra dalim yu.   
\q1
\v 9 Nomo jidan laik det hos en det dongki.  
\q1 Dei nomo sabi en teiknodis wen yu tok langa olabat.  
\q1 Yu garra pudumon det braidul en bit blanga meigim olabat dum wanim yu wandim.  
\q1 Nomo jidan laik detlot enimul,  
\q1 bat yu teiknodis wen ai tok.”   
\b  
\q1
\v 10 Detlot nogudbala pipul garra abum brabli adtaim,  
\q1 bat YAWEI im oldei kipgon laigimbat detlot pipul hu trastim im.   
\q1
\v 11 Yumob pipul hu bulurrum YAWEI,  
\q1 wi garra gudbinji garram im.  
\q1 Ol wi pipul hu gudbinji blanga bulurrum im,  
\q1 wi garra jinginat dumaji wi hepi.   
\c 33  
\s1 Song blanga preisimbat God  
\q1
\v 1 Ol yumob pipul hu jidan raitwei langa YAWEI, jingat adbala gudbinjiwei blanga ebrijing imbin dum.  
\q1 Preisim im ol yumob pipul hu teiknodis langa im.   
\q1
\v 2 Preisim YAWEI garram ol kain gita,  
\q1 en sing song langa im.   
\q1
\v 3 Sing nyuwan song langa im.  
\q1 Plei det gita gudbalawei en jingat adbala gudbinjiwei.   
\b  
\q1
\v 4 Ola wed blanga YAWEI im trubalawan,  
\q1 en yu gin trastim ebrijing im dum blanga album yu.   
\q1
\v 5 YAWEI laigim wanim gudwan en wanim feyagowan.  
\q1 Im garram det olagijawan filing blanga laigim ebrijing langa dijan wel.   
\b  
\q1
\v 6 YAWEI bin meigim ebrijing langa hebin garram im wed.  
\q1 Imbin jis tok en det san, mun, en ola sta bin kamat.   
\q1
\v 7 Imbin hipimap ola solwoda langa wan pleis.  
\q1 Imbin lokimap ola woda raitdan andanith langa det solwoda langa im ron stowahaus.   
\b  
\q1
\v 8 Ebribodi hu jidan langa dijan wel garra weship langa YAWEI.  
\q1 Shoum rispek langa im ol yumob pipul hu jidan ebriweya langa dijan wel.   
\q1
\v 9 Wen imbin tok dijan wel bin kamat.  
\q1 Wen imbin gibit oda ebrijing bin kamat.   
\b  
\q1
\v 10 Langa detlot kantri weya pipul nomo bulurrum YAWEI, im nomo larram eni nogudbala plen hepin.   
\q1
\v 11 Bat ebrijing weya imbin plenim oldei hepin,  
\q1 en ebrijing blanga im jidan olagijawan du.   
\q1
\v 12 Ola pipul langa det kantri weya weship langa YAWEI det trubala God, jidan gudbinjiwei,  
\q1 detlot pipul na weya imbin pikimat blanga imselp, jidan gudbinjiwei.   
\b  
\q1
\v 13 YAWEI im lukdan brom hebin en im luk ola pipul.   
\q1
\v 14 Brom weya im jidan bos, im lukdan langa ebribodi hu jidan langa dijan wel.   
\q1
\v 15 Im na meigim ebribodi hat en main,  
\q1 en im sabi ebrijing dei dum.   
\b  
\q1
\v 16 Nomo eni king win dumaji im garram strongbala ami.  
\q1 Nomo eni solja win dumaji im strongbala.   
\q1
\v 17 Ola hosis dei yusum langa wo kaan win.  
\q1 Detlot strongbala hosis kaan seibum enibodi.   
\b  
\q1
\v 18 YAWEI lukaftumbat ol detlot pipul hu teiknodis langa im,  
\q1 ol detlot na hu trastimbat im olagijawan filing blanga laigimbat.   
\q1
\v 19 Im seibum olabat brom daidaibat,  
\q1 en im nomo larram olabat dai wen nomo eni daga jidan langa olabat kantri.   
\b  
\q1
\v 20 Wi trastim langa YAWEI.  
\q1 Im na maindimbat en albumbat wi.   
\q1
\v 21 Im na meigim wi jidan gudbinjiwei,  
\q1 en wi trastimbat im holiwan neim.   
\b  
\q1
\v 22 YAWEI, larram yu filing blanga laigimbat olagijawan jidan garram melabat.  
\q1 Melabat trastimbat yu blanga ebrijing.   
\c 34  
\s1 God im gudbala langa im pipul olabat  
\s2 Song blanga Deibid.  
\q1
\v 1 Ai garra oldei preisim YAWEI det trubala God.  
\q1 Ai garra kipgon dalimbat im oldei, “Main God, yu brabli haibala!”   
\q1
\v 2 Ai garra tok, “YAWEI, im gudwan en brabli haibala!”  
\q1 Detlot pipul hu abumbat trabul garra irrim en jidan gudbinji.   
\q1
\v 3 Yumob pipul joinin garram mi en dalim YAWEI im haibala.  
\q1 Wi garra preisim YAWEI mijamet.   
\b  
\q1
\v 4 Aibin lukaranbat blanga YAWEI blanga album mi,  
\q1 en imbin album mi.  
\q1 Imbin seibum mi brom detlot ting weya bin bradinim mi.   
\q1
\v 5 Yu trastim langa YAWEI du en jidan gudbinji.  
\q1 Wen yu go langa im,  
\q1 yu enami olabat kaan bidim yu en meigim yu sheim.   
\q1
\v 6 Wen aibin abum trabul,  
\q1 en ai nomo bin sabi wanim mowa blanga dum,  
\q1 aibin jingat langa YAWEI.  
\q1 Imbin irrim mi,  
\q1 en imbin seibum mi brom ol detlot trabul.   
\q1
\v 7 Det einjul blanga YAWEI wotjimbat detlot pipul hu abum rispek langa YAWEI.  
\q1 Im seibum olabat brom ola trabul.   
\b  
\q1
\v 8 Yumob kaman langa YAWEI ol yumob pipul blanga im,  
\q1 en faindat im brabli switwan.  
\q1 Wen pipul askim im blanga lukaftum olabat, dei jidan gudbinji.\x + \xo 34:8 \xt 1 Pida 2:3\x*   
\q1
\v 9 Ol yumob pipul blanga YAWEI, yumob garra rispek langa im.  
\q1 Wen enibodi rispek YAWEI, dei kaan jidan nomo garram enijing.   
\q1
\v 10 Wen det laiyan go hanting, im jidan hanggri wen im nomo faindim eni daga,  
\q1 bat wen wi duwit langa YAWEI, im kaan libum wi nomo garram eni gud ting.   
\b  
\q1
\v 11 Yumob pipul hu kaman langa mi blanga len, yumob irrim mi.  
\q1 Ai garra titjim yumob det raitwei blanga jidan wen yumob rispek YAWEI.   
\q1
\v 12 If yumob wandi abum gudwan laif,  
\q1 en if yumob wandi kipgon jidanbat laibala gudbinjiwei,   
\q1
\v 13 wal yumob kaan tokabat pipul nogudwei en dalimbat laiya!   
\q1
\v 14 Yumob tenim miselp brom dumbat ola nogud ting,  
\q1 en yumob dum ola gudwan ting.  
\q1 Yumob jidan hepiwei,  
\q1 en yumob trai kipgon jidanbat lagijat olataim.   
\b  
\q1
\v 15 YAWEI oldei lukaftumbat detlot pipul hu bulurrum im.  
\q1 En wen dei jingat langa im, im oldei irrim.   
\q1
\v 16 Bat YAWEI im wail langa detlot pipul hu oldei dumbat nogud ting.  
\q1 Im garra binijimap olabat,  
\q1 en pipul garra fogedabat olabat olagija.\x + \xo 34:16 \xt 1 Pida 3:10-12\x*   
\q1
\v 17 Bat detlot pipul hu bulurrum YAWEI brabliwei,  
\q1 wen olabat abum trabul en jingat langa im,  
\q1 im seibum olabat brom ol detlot trabul.   
\q1
\v 18 YAWEI im jidan gulijap langa detlot pipul hu jidan nogudbinji insaid langa olabat hat.  
\q1 Im garra album detlot pipul na wen najalot pipul gibit olabat adtaim.   
\b  
\q1
\v 19 Det sambodi hu bulurrum YAWEI garra abum adtaim samtaim.  
\q1 Detlot najalot pipul garra meigim loda trabul blanga im,  
\q1 bat YAWEI garra album im.  
\q1 Im garra kipum im seif olataim.   
\q1
\v 20 Im garra lukaftum im,  
\q1 wulijim nobodi kaan breigim im boun.\x + \xo 34:20 \xt Jon 19:36\x*   
\b  
\q1
\v 21 Bat wen ola nogud pipul dum nogud ting,  
\q1 wal dei garra binij brom detlot nogud ting.  
\q1 YAWEI garra panishim ol detlot pipul hu nomo laigim im gudbala pipul olabat.   
\q1
\v 22 Bat im garra seibum im wekinmen olabat.  
\q1 Im kaan panishim detlot pipul hu trastimbat im blanga kipum olabat seif.   
\c 35  
\s1 Preya langa God blanga album wi  
\s2 Preya blanga Deibid.  
\q1
\v 1 YAWEI yu dum det seim ting langa detlot hu dum nogud ting langa mi.  
\q1 Yu fait langa olabat weya dei fait langa mi.   
\q1
\v 2 YAWEI yu gajim yu shild en jandap lida main en seibum mi.   
\q1
\v 3 Kaman garram yu spiya en eks langa detlot hu ranimap langa mi,  
\q1 en dalim mi yu garra seibum mi.   
\b  
\q1
\v 4 Detlot hu wandi kilim mi ded, meigim olabat jidan garram sheim en nomo win.  
\q1 Detlot hu toktokbat sigridwei blanga kilim mi ded,  
\q1 tenimbek olabat en meigim olabat jinggabat olkainabawei.   
\q1
\v 5 Meigim det einjul blanga YAWEI tjeisimap olabat wulijim win blowim draiwan lif.   
\q1
\v 6 Larram det einjul blanga YAWEI kilim olabat wen dei buldanbat olawei langa det dakbala en slipriwan roud.   
\b  
\q1
\v 7 Ai nomo bin dum enijing langa olabat.  
\q1 Deibin jis pudumbat trep blanga mi,  
\q1 en deibin digim dipwan hol blanga gajim mi.   
\q1
\v 8 Bat bifo dei dum lagijat, det deinja garra kaman langa olabat jis lagijat.  
\q1 Olabat garra jidan langa olabat ron trep,  
\q1 en buldan langa olabat ron dipwan hol en binijap.   
\b  
\q1
\v 9 Brom deya ai garra gudbinji blanga YAWEI.  
\q1 Ai garra gudbinji dumaji imbin seibum mi.   
\q1
\v 10 Ai garra tok lagijat langa YAWEI garram main hat na,  
\q1 “Nobodi jidan jis laik yu.  
\q1 Yu maindimbat ola wikwan pipul brom ola strongwan,  
\q1 en seimwei langa ola powan pipul brom detlot hu oldei dum krul ting langa olabat.”   
\b  
\q1
\v 11 Nogud pipul oldei tokabat blanga mi,  
\q1 en bleimbat mi fo najing.   
\q1
\v 12 Olabat peiyimbek mi nogudwei blanga gudwanwei.  
\q1 Wen aibin gud langa olabat, deibin tridim mi nogudwei.  
\q1 Wal mi jidan nogudbinji na.   
\q1
\v 13-14 Bat wen olabat bin sik aibin oldei jinggabat blanga olabat.  
\q1 Ai nomo bin dagat daga du.  
\q1 Aibin jidan hedan en preibat,  
\q1 jis laik wen mi prei blanga main frenmob o blanga main femilimob lagijat.  
\q1 Ai nomo bin wokaran, najing.  
\q1 Aibin oldei jidan wan pleis dumaji aibin nogudbinji,  
\q1 wulijim wen sambodi jidan soriwei blanga im mami, lagijat na.   
\b  
\q1
\v 15 Bat wen aibin abumbat trabul olabat bin jidan gudbinji,  
\q1 en bin majurrumap raidaran langa mi blanga meigim fan langa mi.  
\q1 Ola streinjamob bin hitimbat mi en deibin kipgon hitimbat mi olawei.   
\q1
\v 16 Laik wen dei mokim kripulwan pipul,  
\q1 wal lagijat na deibin mokimbat mi.  
\q1 Deibin baidim miselp tang langa mi, dumaji deibin gitwail nomo lilbit langa mi.   
\b  
\q1
\v 17 Bos, haulong yu garra jidanabat en lukinatbat mi?  
\q1 Yu seibum mi brom olabat hu wandim kilimbat mi.  
\q1 Seibum main laif brom dislot pipul hu jidan jis laiga laiyan.   
\q1
\v 18 Brom deya ai gin gibit yu theingks rait deya na langa ol yu pipul olabat.  
\q1 Ai garra preisim yu rait langa olabat ai.   
\b  
\q1
\v 19 Nomo larram ol detlot laiyinwan enami blanga jidan gudbinji langa ol main trabul.  
\q1 Olabat heidimbat mi fo najing.  
\q1 Nomo larram olabat laflaf langa ol main trabul.\x + \xo 35:19 \xt Saam 69:4; Jon 15:25\x*   
\b  
\q1
\v 20 Olabat nomo tok gudbinjiwei,  
\q1 bat dei oldei meigimap olkainaba laiyawan stori blanga ola brabli gudwan pipul.   
\q1
\v 21 Olabat bleim mi en jingat adbala lagijat,  
\q1 “Wibin luk wanim yubin dum.”   
\q1
\v 22 Bat yubin luk ebrijing bin hepin, YAWEI.  
\q1 Wal yu nomo jidan kwaitbala, main bos.  
\q1 Nomo jidan longwei.   
\q1
\v 23 Yu gidap main bos en deigim main pat na.  
\q1 Yu gidap main God en yu sori langa ol main trabul.   
\b  
\q1
\v 24 YAWEI, yu nomo garram eni rong.  
\q1 Yu jidan trubala.  
\q1 Wal yu sabi mi.  
\q1 Dalim ebribodi ai nomo bin dum eni rong.  
\q1 Nomo larram main enami olabat blanga tridim mi nogudwei.   
\q1
\v 25 Nomo larram olabat tok gija lagijat,  
\q1 “Gudjob! Im binij na! Wibin meigim im gowei na!  
\q1 Lagijat na wibin wandim!”   
\b  
\q1
\v 26 Yu bidim ol detlot pipul hu tridim mi nogudwei blanga main trabul.  
\q1 Meigim olabat jinggabat olkainabawei.  
\q1 Larram ol detlot pipul hu oldei reken miselp blanga ebrijing garra sheim miselp nomo lilbit en jidan nomo garram eni rispek.   
\b  
\q1
\v 27 Larram detlot pipul hu wandim mi blanga jidan friwan,  
\q1 blanga jingat gudbinjiwei lagijat,  
\q1 “Trubala! YAWEI im brabli haibala!  
\q1 Im gudbinji langa im wekinmen weya im garram ebrijing.” Lagijat na dei garra tok.   
\q1
\v 28 Brom deya olataim ai garra preisim en tok lagijat,  
\q1 “Preisim YAWEI, det trubala God.  
\q1 Im oldei dum rait ting.  
\q1 Im nomo garram eni rong.”   
\c 36  
\s1 Ola nogudwei blanga pipul  
\s2 Song blanga Deibid, det wekinmen blanga YAWEI.  
\q1
\v 1 Det nogudbalawei blanga ola nogudbala pipul jidan raitdan dip insaid langa olabat hat.  
\q1 Dei oni jinggabat blanga dumbat nogudbala ting.  
\q1 Olabat nomo bradin en abum eni rispek blanga God.\x + \xo 36:1 \xt Rom 3:18\x*   
\q1
\v 2 Dumaji dei reken miselp, dei reken God kaan faindat blanga olabat nogudbalawei en panishim olabat.   
\q1
\v 3 Olabat oldei tok brabli nogudbalawei en laiyawan wed.  
\q1 Dei nomo jinggabat gudwei en dum rait ting enimo.   
\q1
\v 4 Wen dei leidan langa bed, dei jinggabat blanga dumbat nogud ting.  
\q1 Dei nomo dum enijing gud en dei kaan gidawei brom ol detlot nogudwan ting.   
\s1 Ola gudwei blanga God  
\q1
\v 5 YAWEI, yu filing blanga laigim pipul im jidan mowa bigwan raidap langa hebin.  
\q1 En det trubalawei blanga yu im gajimap det skai.   
\q1
\v 6 Blanga yu wei nomo garram eni rong.  
\q1 Yu mowa haibala langa ola bigbigwan hil.  
\q1 Yu feyagowan filing jidan detmatj jis laik det dipwan solwoda.  
\q1 Yu oldei lukaftum ola pipul en ola enimul.   
\b  
\q1
\v 7 God, det filing weya yu laigim pipul olataim im mowa gudwan langa ebrijing.  
\q1 Ebribodi gin go langa yu blanga jidan seifwan, jis laik det lilwan bard,  
\q1 weya jidan seifwan andanith langa im mami.\fig |src="LB00061B.TIF" size="col" ref="36:7" \fig*   
\q1
\v 8 Yu gibit olabat detmatj daga blanga dagat,  
\q1 en detmatj gudwan ting weya kaman brom yu jidan jis laik det riba weya gibit woda blanga dringgim.   
\q1
\v 9 Yu na jis laik det springwoda weya meigim ebrijing jidan laibala,  
\q1 En dumaji yu na God, jidan det lait, melabat gin luk det lait.   
\b  
\q1
\v 10 Yu kipgon laigimbat ol detlot hu sabi yu,  
\q1 en yu dum gudbala ting langa ol detlot hu jidan raitwei en nomo garram enijing rong.   
\q1
\v 11 Yu nomo larram praudbala pipul kaman en kilim mi,  
\q1 en yu nomo larram nogudbala pipul andimwei mi du.   
\b  
\q1
\v 12 Ebribodi luk! Detlot nogudbala pipul leidanbat dedbala,  
\q1 en olabat kaan neba gidap igin.   
\c 37  
\s1 Wanim garra hepin langa ola gudbala en nogudbala pipul  
\s2 Song blanga Deibid.  
\q1
\v 1 Nomo jidan nogudbinji blanga detlot nogudbala pipul hu dumbat rong ting,  
\q1 en nomo teiknodis langa olabat.   
\q1
\v 2 Olabat garra binij jis laik detlot gras weya draiyap en binij.  
\q1 Dei garra dai jis laik detlot plent weya draiyap en binij.   
\b  
\q1
\v 3 Trastim YAWEI en dum gudbala ting,  
\q1 wulijim yumob garra jidan gudbinji en seifwan langa det kantri.   
\q1
\v 4 Yumob garra luk langa YAWEI blanga meigim yumob jidan gudbinjiwei,  
\q1 en im garra gibit yumob wanim yu wandim.   
\b  
\q1
\v 5 Yumob garra gibit miselp langa YAWEI.  
\q1 Yumob garra trastim im en im garra album yumob.   
\q1
\v 6 Im garra meigim det raitwei blanga yumob shain wulijim det san wen im gidap ailibala,  
\q1 en im garra meigim det feyagowei blanga yumob shain wulijim det san wen im dinataim.   
\b  
\q1
\v 7 Nomo hatjamp. Yumob garra weit en wotjim wanim YAWEI garra dum.  
\q1 Nomo wori blanga detlot pipul hu tokabat en dumbat nogudbala ting en meigim miselp ritjwan lagijat na.   
\b  
\q1
\v 8 Nomo larram ol yu wori o det filing blanga gitwail teikoba langa yumob.  
\q1 Tharran oni meigim trabul kamat.   
\q1
\v 9 Detlot pipul hu trastim YAWEI garra gedim det kantri weya imbin pramis,  
\q1 bat YAWEI garra binijimap ola nogudbala pipul.   
\b  
\q1
\v 10 Dregli ola nogudbala pipul garra binijap.  
\q1 Nobodi kaan luk olabat igin.   
\q1
\v 11 Bat ola lobala pipul garra jidan langa det kantri,  
\q1 en dei garra jidan gudbinjiwei garram ola ebrijing.\x + \xo 37:11 \xt Meth 5:5\x*   
\b  
\q1
\v 12 Detlot nogudbala pipul meigim plen snikinwei blanga detlot gudbala pipul,  
\q1 en dei lukinat langa olabat garram wailwan feis.   
\q1
\v 13 Bat YAWEI sabi en im laf langa detlot nogudbala pipul, dumaji im sabi olabat taim blanga binijap kaman gulijap na.   
\b  
\q1
\v 14 Nogudbala pipul deigimat olabat bigwan naif en bendimbat olabat bo en erro blanga kilim ded ola powan pipul hu nomo garram enijing,  
\q1 en blanga kilim ded ol detlot pipul hu dumbat rait ting.   
\q1
\v 15 Bat dei garra gitkil garram olabat ron bigwan naif igin,  
\q1 en olabat bo en erro garra breikap du.   
\b  
\q1
\v 16 Im mobeda blanga jidan gudwei garram oni lilbit ting,  
\q1 en nomo jidan nogudbalawei garram detmatj ebrijing,   
\q1
\v 17 dumaji YAWEI garra deigidawei det pawa blanga ola nogudbala pipul,  
\q1 en im garra albumbat ola gudbala pipul.   
\q1
\v 18 YAWEI oldei maindimbat ol detlot pipul hu duwit langa im,  
\q1 en olabat kantri garra jidan olagijawan blanga olabat.   
\q1
\v 19 Nomeda olabat abumbat adtaim, bat stil olabat garra jidan gudbinjiwei,  
\q1 en nomeda olabat kantri nomo abum eni rein, en im gulijap ranat blanga daga, bat stil olabat garra abum loda daga.   
\q1
\v 20 Bat ola nogudbala pipul garra dai.  
\q1 Detlot enami blanga YAWEI garra binij du, jis laik detlot wailwan purdiflawa.  
\q1 Olabat garra binij jis laik det smok.   
\b  
\q1
\v 21 Ol detlot nogudbala pipul oldei askimbat najalot pipul blanga enijing, bat dei nomo peiyimbek olabat,  
\q1 bat detlot gudbala pipul gibitbat enibodi enijing gudbinjiwei.   
\q1
\v 22 Ol detlot pipul weya YAWEI oldei gibit ola gudbala ting garra jidan langa det kantri,  
\q1 bat YAWEI garra tok nogudbala wed langa najalot pipul en andimwei olabat brom det kantri.   
\b  
\q1
\v 23 If yumob bulurrum det wei blanga YAWEI, wal im garra brabli gudbinji langa yumob en albumbat yumob.   
\q1
\v 24 If yumob buldan yumob kaan stap deya, dumaji YAWEI garra album yumob en holdimap yumob garram im bingga.   
\b  
\q1
\v 25 Mi brabli olmen na.  
\q1 Aibin jidan iya longtaim, en aibin luk hau YAWEI bin oldei albumbat ol detlot pipul hubin oldei dumbat ola raitwan ting,  
\q1 en olabat biginini olabat nomo bin jidan hanggriwan.   
\q1
\v 26 Olabat oldei gibitat en lendimbat enijing langa najalot pipul,  
\q1 en olabat biginini olabat oldei meigim olabat gudbinji.   
\b  
\q1
\v 27 If yumob libum det nogudbalawei en jidan gudwei,  
\q1 yumob biginini olabat garra jidan olagija langa det kantri,   
\q1
\v 28 dumaji YAWEI im laigim det raitwei, en im nomo libum ol detlot pipul hu jidan trubalawei langa im.  
\q1 Im oldei maindimbat olabat,  
\q1 bat YAWEI garra andimwei detlot biginini blanga ol detlot nogudbala pipul.   
\q1
\v 29 Ol detlot pipul hu jidan raitwei langa YAWEI,  
\q1 olabat na garra jidan olagijawan langa det kantri.   
\q1
\v 30 Olabat oldei tok sabibalawei en dei oldei gibit ebribodi feyago.   
\q1
\v 31 Olabat oldei jinggabat det lowa blanga YAWEI langa olabat hat,  
\q1 en olabat kaan libum det gudwan roud.   
\q1
\v 32 Ola nogudbala pipul oldei wotjimbat ola gudbala pipul blanga kilim olabat ded,   
\q1
\v 33 bat YAWEI im langa olabat said, en wen olabat go langa kot im album olabat, dumaji olabat nomo gilti.   
\b  
\q1
\v 34 Trastim YAWEI en bulurrum im,  
\q1 en im na garra meigim yumob haibala en gibit yumob det kantri,  
\q1 en yumob garra luk detlot nogudbala pipul ol binijap.   
\b  
\q1
\v 35 Aibin luk wanbala men hubin jidan brabli nogudwan, en imbin oldei dumbat krulbala ting langa najalot pipul.  
\q1 Imbin jidan strongwan laiga bigwan tri langa gudwan graun.   
\q1
\v 36 Bat afta im nomo bin deya.  
\q1 Aibin lukabat im bat ai nomo bin faindim im.   
\b  
\q1
\v 37 Yumob luk ola gudbala pipul weya jidan raitwei langa YAWEI.  
\q1 Olabat femili olabat jidan gudbinjiwei,   
\q1
\v 38 bat YAWEI garra binijimap ola nogudbala pipul,  
\q1 en olabat biginini olabat du.   
\b  
\q1
\v 39 YAWEI im seibum ola gudbala pipul,  
\q1 en lukaftumbat olabat wen olabat abumbat trabul.   
\q1
\v 40 YAWEI im album en seibum olabat brom ola nogudbala pipul,  
\q1 dumaji olabat go langa im blanga kipum olabat seif.   
\c 38  
\s1 Sikwan men askim God blanga album im  
\s2 Sedwan song blanga Deibid blanga det taim wen imbin gibit speshalwan ofring.  
\q1
\v 1 YAWEI, wen yu gitwail, nomo dalimof mi.  
\q1 Nomo panishim mi wen yu brabli einggri.   
\q1
\v 2 Yubin shudum mi garram yu erro en meigim mi leimwan.  
\q1 Yubin kilim mi en meigim mi buldan langa graun.   
\b  
\q1
\v 3 Dumaji yubin gitwail langa mi main bodi ardim nomo lilbit.  
\q1 Mi jidan brabli sikwan dumaji brom ol main nogudbalawei.   
\q1
\v 4 Mi jidan giltiwan en im gaburrumap mi brabliwei, jis laik fladwoda.  
\q1 Im tumatj blanga mi blanga hendulum.  
\q1 Im jis laik det hebiwan loud weya mi garrimap.   
\q1
\v 5 Ol main sowa im smeliwan en rotinwan na, dumaji aibin siliwan.   
\q1
\v 6 Mi garram detmatj pein en ai kaan adli wok, en mi gulijap buldan langa graun.  
\q1 Mi oldei krai insaid langa main hat.   
\q1
\v 7 Mi barnbarn detmatj en mi gulijap dai.   
\q1
\v 8 Mi nokap na en ai kaan dum enijing.  
\q1 Mi jingat dumaji mi ardimbat detmatj en mi fil nogudbinji.   
\b  
\q1
\v 9 YAWEI, yu sabi wanim mi wandim brabli.  
\q1 Yu lisinbat langa mi wen mi jingat langa yu.   
\q1
\v 10 Main hat im pamping nomo lilbit.  
\q1 Ai nomo strongbala enimo.  
\q1 En main dubala ai nomo luk gudwei na.   
\q1
\v 11 Ol main fren en detlot pipul hu jidan wansaid langa mi kaan kaman gulijap langa mi, dumaji ai garram loda sowa,  
\q1 en ol main femili kipawei brom mi du.   
\q1
\v 12 Detlot pipul hu wandim kilim mi ded, olabat pudumbat ola trep blanga mi.  
\q1 En detlot pipul hu wandim kilim mi, olabat toktok blanga meigim ebrijing nogud blanga mi.  
\q1 Olabat kaan stap toktokbat blanga dum nogudbala ting langa mi.   
\b  
\q1
\v 13 Mi jis laik defwan en kaan irrim enijing,  
\q1 en jis laik ai nomo garram mawus en kaan tok langa enibodi.   
\q1
\v 14 Mi jis laik detlot hu nomo ensim dumaji dei kaan lisin.   
\b  
\q1
\v 15 Bat mi trastim yu, YAWEI.  
\q1 Yu na main bos en main God, en yu na garra ensim mi.   
\q1
\v 16 Nomo larram ol main enami rabishim mi.  
\q1 Nomo larram olabat tok jigibalawei wen ai stat dumbat nogudbala ting.   
\q1
\v 17 Im jis laik mi nili buldan en mi ardimbat olataim.   
\b  
\q1
\v 18 Ai dalim yu, “Mi sori blanga ol main nogudbalawei.”  
\q1 Dei meigim mi wori detmatj.   
\q1
\v 19 Ol main enami garram gudwan bodi en dei jidan strongbala.  
\q1 Sambala pipul nomo laigim mi, en dei nomo garram eni risan.   
\q1
\v 20 Detlot pipul hu peiyimbek mi nogudwei blanga gudbala ting mi dum,  
\q1 olabat main enami.   
\b  
\q1
\v 21 YAWEI, yu nomo libum mi miselp.  
\q1 Main God, nomo jidan longwei brom mi.   
\q1
\v 22 Yu na main bos en yu seibum mi.  
\q1 Kaman kwikbala blanga album mi.   
\c 39  
\s1 Preya blanga larramgo fri  
\s2 Preya blanga Deibid.  
\q1
\v 1 Aibin tok miselp, “Ai garra meiksho ai nomo dum nogudbala ting,  
\q1 en ai kaan larram main mawus meigim mi tok nogudbala wed.  
\q1 Jis laik wen yu pudum braidul bit langa hos mawus, wal lagijat du ai kaan tok eni wed wen nogudbala pipul jidan gulijap langa mi.”   
\q1
\v 2 Ai nomo bin tok enijing.  
\q1 Aibin jidan kwaitwan nomeda aibin jinggabat blanga tok blanga gudbala ting.  
\q1 Bat aibin fil brabli nogudbinji.   
\q1
\v 3 Aibin wori nomo lilbit.  
\q1 Wen aibin kipgon jinggabat, tharran bin meigim mi mowa nogudbinji.  
\q1 Ai nomo bin holdimbek miselp en streidawei aibin askim YAWEI,   
\q1
\v 4 “YAWEI, haulong ai garra jidan laibala?  
\q1 Wotaim ai garra dai?  
\q1 Dalim mi wotaim main laif garra binij.”   
\b  
\q1
\v 5 Yubin meigim main laif shotwan.  
\q1 Main laif im shotwan langa yu,  
\q1 en trubala orait, pipul jidan jis laik det win weya im blo en binij.   
\q1
\v 6 Olabat binij kwikbala, jis laik det shedopat.  
\q1 Ebrijing weya pipul dum im jis najing.  
\q1 Olabat gin jidan ritjwan garram ebrijing tudei bat olabat nomo sabi hu garra gajim ol detlot ebrijing bambai.   
\b  
\q1
\v 7 Bos, ai nomo wandim enijing mowa na.  
\q1 Ai libum ebrijing langa yu.   
\q1
\v 8 Seibum mi brom ol main nogudbalawei.  
\q1 Nomo larram sili pipul mokimbat mi.   
\q1
\v 9 Ai garra jidan kwaitbala.  
\q1 Ai kaan tok enijing dumaji yu na bin panishim mi en meigim mi jidan lagijat.   
\q1
\v 10 Nomo panishim mi enimo.  
\q1 Mi garra binij dregli dumaji yu kilimbat mi.   
\q1
\v 11 Ai sabi yu panishim melabat blanga melabat nogudbalawei.  
\q1 Yu binijimap ebrijing melabat garram jis laik det badaflai weya im dagat klos.  
\q1 Trubala, melabat jis laik det win weya blo en im binij kwikbala.   
\b  
\q1
\v 12 Yu lisin langa main preya YAWEI en yu lisin langa mi wen mi jingat.  
\q1 Wen mi krai, kaman en album mi.  
\q1 Mi wulijim streinja weya jidan oni lilbit taim garram yu, jis laik main femilimob weya deibin jidan bifo.   
\q1
\v 13 Yu nomo wail langa mi,  
\q1 en larram mi jidan gudbinjiwei bifo mi dai.   
\c 40  
\s1 Song blanga preisimbat  
\s2 Song blanga Deibid.  
\q1
\v 1 Aibin weitweit blanga YAWEI blanga ensim mi.  
\q1 Wen aibin jingat langa im, imbin irrim mi.   
\q1
\v 2 Aibin abum trabul jis laik aibin buldan langa dipwan en madiwan hol en kaan kamat,  
\q1 en YAWEI bin pulumat mi, en album mi blanga jandap seifwan ontop langa bigwan ston.   
\q1
\v 3 Imbin gibit mi nyubala song blanga sing.  
\q1 Ai preisim im garram det song dumaji imbin seibum mi lagijat.  
\q1 Loda pipul garra irrim hau imbin seibum mi garram pawa.  
\q1 Dei garra hatjamp en bradin langa im,  
\q1 en dei garra trastim YAWEI.   
\b  
\q1
\v 4 Detlot pipul hu trastim langa YAWEI, olabat jidan gudbinji.  
\q1 Olabat nomo jidan praudbala,  
\q1 en olabat nomo bulurrum najalot pipul hu weshipbat ola difrinwan drimin.   
\q1
\v 5 YAWEI, main God, yu oldei jinggabat melabat.  
\q1 Yubin dum loda klebabalawan ting blanga melabat,  
\q1 en nobodi iya jidan wulijim yu!  
\q1 Yubin dum detmatj gudbala ting blanga melabat,  
\q1 melabat kaan kaundim olabat!   
\b  
\q1
\v 6 Pipul bringimap ola enimul en daga blanga yu.  
\q1 Dei bringimap detlot enimul blanga kilim en barnim det sekrifais blanga yu,  
\q1 en dei bringimap det sid daga ofring du.  
\q1 Bat yu nomo wandim detkain ofring.  
\q1 Yu wandim pipul garra gibit miselp langa yu.  
\q1 Ai sabi yu wandim mi blanga irrim en duwit langa yu.   
\q1
\v 7 Aibin dalim yu, “God, mi jidan iya.  
\q1 Yu dalim mi wanim blanga dum langa yu buk garram ola lowa.   
\q1
\v 8 Mi gudbinji blanga dum wanim yu wandim.  
\q1 Wen ai irrim yu wed ai jinggabat,  
\q1 en im jidan insaid langa mi.”\x + \xo 40:8 \xt Hib 10:5-7\x*   
\b  
\q1
\v 9 Wen ola pipul kaman mijamet blanga weship langa yu,  
\q1 ai dalim olabat det gudnyus hau yubin seibum mi.  
\q1 Yu sabi ai nomo wandi stap dalimbat pipul det gudnyus.   
\q1
\v 10 Ai nomo bin kipum det nyus blanga main ronselp.  
\q1 Aibin dalim olabat blanga yu,  
\q1 “YAWEI, im oldei dum wanim imbin pramisim.  
\q1 Im seibum wi brom olkain nogud ting.”  
\q1 Ai nomo bin jidan kwaitbala blanga det nyus,  
\q1 bat aibin dalim olabat, “YAWEI, im brabli kainbala,  
\q1 en im laigim wi olagijawan,  
\q1 en im oldei dum wanim imbin pramis.”  
\q1 Lagijat na aibin dalim ol detlot pipul.   
\b  
\q1
\v 11 YAWEI, nomo stap kain langa mi.  
\q1 Yu kainbala en yu dum wanim yu pramis.  
\q1 Wotjimbat mi en kipum mi seif olagijawan.   
\s1 Preya langa YAWEI blanga album  
\r Ola Saam 70  
\q1
\v 12 Aibin dum detlot nogud ting bifo,  
\q1 en brom detlot ting na mi abumbat detmatj trabul,  
\q1 en mi fil wik, en ai nomo sabi wanim blanga dum.  
\q1 Aibin dum detmatj nogudbala ting ai kaan kaundim olabat.  
\q1 Dei jidan mowa langa ola heya langa main hed,  
\q1 en mi brabli nogudbinji.   
\b  
\q1
\v 13 YAWEI, yu jidan gudbala langa mi en seibum mi!  
\q1 Album mi kwikbala, YAWEI!   
\q1
\v 14 Yu bidim detlot enami hu wandi kilim mi.  
\q1 Yu meigim olabat nomo sabi wanim olabat jinggabat.  
\q1 Meigim detlot pipul hu wandi ardim mi gowei sheimwei.   
\q1
\v 15 Bidim ol detlot pipul hubin mokimbat mi,  
\q1 wulijim dei garra hatjamp en sheim miselp brabliwei.   
\q1
\v 16 Bat ol detlot pipul hu kaman langa yu,  
\q1 garra jidan gudbinji garram yu.  
\q1 Melabat laigim yu,  
\q1 dumaji yubin seibum melabat.  
\q1 Wal melabat garra oldei tok,  
\q1 “Preisim YAWEI det haiwan God!”   
\q1
\v 17 En mi na, wal mi oni wikwan, mi najing!  
\q1 YAWEI jinggabat mi.  
\q1 Album mi en seibum mi.  
\q1 Main God, nomo weit blanga album mi tudei.   
\c 41  
\s1 Dijan preya blanga sikbala  
\s2 Preya blanga Deibid.  
\q1
\v 1 Ol detlot pipul hu album ola powan pipul, olabat na garra jidan gudbinjiwei.  
\q1 YAWEI garra album olabat wen olabat abum trabul.   
\q1
\v 2 YAWEI garra maindim olabat en nomo larram enijing hepin langa olabat.  
\q1 Im garra meigim olabat jidan gudbinjiwei langa det kantri.  
\q1 Im kaan larram detlot enami teikoba det kantri.   
\q1
\v 3 YAWEI garra album olabat wen dei sik,  
\q1 en meigim olabat jidan gudwan igin.   
\b  
\q1
\v 4 Aibin tok, “Aibin dum nogudwan ting langa yu, YAWEI.  
\q1 Yu sori langa mi en meigim mi gudwan.”   
\q1
\v 5 Main enami olabat tokabat mi krulbalawei.  
\q1 Dei wandim mi blanga dai en fogedabat mi.   
\q1
\v 6 Detlot pipul hu kaman blanga luk langa mi, olabat nomo trubala.  
\q1 Dei go en dalimbat stori blanga mi ebriweya.   
\q1
\v 7 Ol detlot pipul hu nomo laigim mi, dei tok gija kwaitbalawei blanga mi.  
\q1 Dei reken mi sikwan dumaji aibin dum nogudbala ting.   
\q1
\v 8 Dei tok, “Im brabli sikwan.  
\q1 Im kaan gidap brom im sweig enimo.”   
\q1
\v 9 En main brabli gudfren weya aibin trastim brabliwei,  
\q1 en weya minbala bin sherimbat gija daga,  
\q1 im nomo laigim mi na.\x + \xo 41:9 \xt Meth 26:23; Mak 14:20; Luk 22:21; Jon 13:18\x*   
\b  
\q1
\v 10 Yu sori langa mi, YAWEI, en meigim main bodi gudwan igin,  
\q1 en ai garra peiyimbek main enami olabat.   
\q1
\v 11 Dumaji main enami olabat kaan winoba langa mi,  
\q1 ai garra sabi yu gudbinji langa mi.   
\q1
\v 12 Yu garra album mi, dumaji mi dum ola rait ting.  
\q1 Yu garra jidan gulijap langa mi olagijawan.   
\b  
\q1
\v 13 Preisim YAWEI, det God blanga Isreil!  
\q1 Preisim im tudei en olagijawan du.  
\q1 Yuwai! Trubala!\x + \xo 41:13 \xt Saam 106:48\x*   
\c 42  
\s1 Preya blanga wan men wen imbin jidan prisana langa longwei kantri  
\s2 Preya blanga det femili blanga Kora.  
\q1
\v 1 Jis laik det diya wen im thesti blanga dringgim woda,  
\q1 wal seimwei du mi wandim yu God.\fig |src="GT_Psalm4202 Deer drinking.tif" size="col" ref="42:1" \fig*   
\q1
\v 2 Jis laik mi thesti blanga dringgim woda, mi wandim yu, det laibalawan God.  
\q1 Wotaim ai gin go blanga weship yu weya yu jidan?   
\q1
\v 3 Oldei en ol nait mi krai, en detlot tiyas dei jis laik main daga na.  
\q1 En olataim main enamimob askimbat mi, “Weya yu God?”   
\b  
\q1
\v 4 Mi brabli nogudbinji wen mi jinggabat blanga longtaim wen aibin lidim ola pipul langa det haus blanga God.  
\q1 Ola pipul bin brabli hepi, en deibin singsingbat en jinginatbat preis langa God.   
\q1
\v 5 Wotfo mi jidan brabli nogudbinji?  
\q1 Wotfo main hat im nomo opin?  
\q1 Ai garra libum ebrijing langa God, en afta na ai garra preisim im.  
\q1 Im main God, en im oldei seibum mi.   
\b  
\q1
\v 6-7 Mi brabli nogudbinji dumaji mi prisana langa dijan kantri, bat mi jinggabat langa im.  
\q1 Imbin meigim mi jidan brabli nogudbinji.  
\q1 Ebrijing nogudwan kaman langa mi jis laik fladwoda, en laik det wodafol wen im buldanbuldan brom det dubala bigwan hil gulum Heman en Misa, en ran langa det Jodan Riba.   
\q1
\v 8 Deitaim YAWEI shoum im filing weya im oldei laigimbat mi, wulijim naitaim ai gin sing song langa im.  
\q1 Det song im main preya langa main God hu gibit mi laif.   
\b  
\q1
\v 9 Langa God hu kipum mi seif jis laik wen mi blandim miselp langa bigwan ston mi tok lagijat,  
\q1 “Wotfo yubin fogedabat mi?  
\q1 Wotfo ai garra abumbat dislot trabul brom ol main krulbala enami?”   
\q1
\v 10 Mi brabli nogudbinji en abumbat detmatj pein, dumaji dei kipgon askimbat mi,  
\q1 “Weya yu God?”   
\b  
\q1
\v 11 Wotfo mi jidan brabli nogudbinji?  
\q1 Wotfo main hat im nomo opin?  
\q1 Ai garra libum ebrijing langa God, en afta na ai garra preisim im.  
\q1 Im main God, en im oldei seibum mi.   
\c 43  
\s1 Preya blanga wan men wen imbin jidan prisana langa longwei kantri\f + \fr 43:0 \ft Dijan Saam im kipgon brom Saam 42.\f*  
\q1
\v 1 God, yu dalim najalot pipul mi nomo garram eni rong langa mi.  
\q1 Yu jandap lida blanga mi brom detlot nogudbala pipul.  
\q1 Yu seibum mi brom ol detlot laiyinbala en nogudwan pipul.   
\q1
\v 2 Yu na oldei lukaftumbat mi jis laik wen mi jidan langa seifwan haus.  
\q1 Wotfo yubin libum mi?  
\q1 Wotfo ai garra abumbat dislot trabul brom ol main krulbala enami?   
\b  
\q1
\v 3 Jandim yu lait en yu trubalawei blanga lidim en deigimbek mi langa Jerusalem langa yu seikridwan hil, en langa yu speshalwan pleis weya yu jidan.   
\q1
\v 4 Brom deya ai garra go langa yu teibul blanga ofring, God.  
\q1 Yu na meigim mi brabli gudbinji.  
\q1 Ai garra plei main gita en sing song blanga preisim yu, main God.   
\b  
\q1
\v 5 Wotfo mi jidan brabli nogudbinji?  
\q1 Wotfo main hat im nomo opin?  
\q1 Ai garra libum ebrijing langa God,  
\q1 en afta na ai garra preisim im.  
\q1 Im main God, en im oldei seibum mi.   
\c 44  
\s1 Preya langa God blanga lukaftumbat melabat  
\s2 Preya blanga det femili blanga Kora.  
\q1
\v 1 God, garram melabat ronwan irriwol wibin lisin ola stori brom melabat femili olabat.  
\q1 Yubin dumbat ola gudbala ting brom longtaim.   
\q1
\v 2 Yu na bin andimwei ola najalot pipul brom det kantri,  
\q1 en yubin meigim yu ronwan pipul jidan deya na.   
\q1
\v 3 Blanga yu pipul olabat nomo bin fait garram olabat spiya blanga teikoba det kantri.  
\q1 Dei nomo bin win garram olabat ronwan pawa,  
\q1 bat garram yu strongbala pawa yubin album olabat.  
\q1 Dumaji yubin deya garram olabat, yubin shoum olabat haumatj yubin laigim olabat.   
\b  
\q1
\v 4 Yu na main king en yu main God.  
\q1 Yu na bin album yu pipul win,   
\q1
\v 5 en garram yu pawa na melabat oldei bidim ola enami blanga melabat.   
\q1
\v 6 Ai nomo trastim main bo en erro,  
\q1 o main bigwan naif blanga seibum mi.   
\q1
\v 7 Bat yu na bin seibum melabat brom melabat enami olabat,  
\q1 en yu na bin bidim ol detlot pipul hu nomo bin laigim melabat.   
\q1
\v 8 Oni blanga yu na God melabat garra oldei toktokbat,  
\q1 en melabat garra oldei preisim yu neim en gibitbat yu theingks olagijawan.   
\b  
\q1
\v 9 Bat yubin gibit melabat bekboun na, en yubin larram ola enami kaman en bidim melabat.  
\q1 Yu nomo go garram melabat amimob enimo.   
\q1
\v 10 Yubin meigim melabat ran brom melabat enami olabat,  
\q1 en deibin deigidawei ola ebrijing blanga melabat.   
\q1
\v 11 Yubin larram melabat gitkil wulijim ship,  
\q1 en yubin jandimwei melabat langa ola difrinwan kantri.   
\q1
\v 12 Yubin gibitwei yu ronwan pipul olabat blanga lilwan prais,  
\q1 jis laik deibin tjipwan.   
\b  
\q1
\v 13 God, ol detlot traib weya nomo weship yu bin luk wanim yubin dum langa melabat,  
\q1 en olabat mokimbat en laflaf langa melabat.   
\q1
\v 14 Yubin meigim detlot najalot traib toktok blanga melabat.  
\q1 Olabat sheikim miselp hed en tok nogudbala ting langa melabat.   
\q1
\v 15-16 Mi oldei jidan garram sheim olataim.  
\q1 Det sheim gaburrumap mi brabliwei brom irrimbat ola nogudwan wed weya main enami olabat oldei toktok blanga mi, en ol detlot hu nomo laigim mi.   
\b  
\q1
\v 17 Ol dislot ting na bin hepin langa melabat, nomeda melabat nomo bin fogedabat yu o breigim det strongwan pramis weya yubin meigim garram melabat.   
\q1
\v 18 Melabat nomo bin tenawei brom yu, en melabat nomo bin libum det roud weya yu shoum melabat.   
\q1
\v 19 Bat yubin jis libum melabat langa ola wailwan enimul.  
\q1 Yubin libum melabat langa brabli dakbala pleis.   
\b  
\q1
\v 20 If melabat bina stap weshipbat melabat God,  
\q1 en stat preipreibat langa najawan drimin,   
\q1
\v 21 yu bina faindat en sabi streidawei,  
\q1 dumaji yu sabi ebrijing weya melabat jinggabat langa melabat main.   
\q1
\v 22 Bat dijan im langa yu bingga weya melabat gitkil olataim.  
\q1 Dei tridim melabat jis laik ship weya im redi blanga gitkil.\x + \xo 44:22 \xt Rom 8:36\x*   
\b  
\q1
\v 23 Yu weikap na YAWEI! Wotfo yu silipsilipbat?  
\q1 Yu gidap!  
\q1 Yu nomo gibit melabat bekboun olagija.   
\q1
\v 24 Wotfo yu haidim miselp brom melabat?  
\q1 Nomo fogedabat melabat pein en trabul.   
\b  
\q1
\v 25 Melabat buldan langa graun.  
\q1 Melabat leidan langa das. Wibin lus.   
\q1
\v 26 Kaman en album melabat.  
\q1 Kaman en seibum melabat.  
\q1 Dumaji yu kipgon laigim melabat, yu seibum melabat.   
\c 45  
\s1 Pipul sing dijan song wen olabat king git merrit  
\s2 Song blanga det femili blanga Kora wen dubala laigim gija.  
\q1
\v 1 Ola gudwan wed kamat langa main hed wen mi meigimbat dijan song blanga det king.  
\q1 Main tang im redibala blanga sing dijan, jis laik det pensul redibala blanga det men hu oldei raidimdan stori brabli gudwei.   
\b  
\q1
\v 2 Haibala king, nobodi jidan laik yu.  
\q1 Yu tok brabli gudwei.  
\q1 God bin oldei kain langa yu.   
\q1
\v 3 Strongbala king, yu pudumon yu bigwan naif.  
\q1 Haibalawan, yu luk gudwan.   
\b  
\q1
\v 4 Yu kipgon garram yu haibala pawa blanga win blanga det trubalawei en blanga jadjim raitwei.  
\q1 Blanga yu strongbala pawa garra meigim yu win olataim.   
\q1
\v 5 Larram ola brabli shapwan erro blanga yu hitim detlot hat blanga yu enamimob,  
\q1 en yu bidim olabat.   
\b  
\q1
\v 6 Det kantri God bin gibit yu blanga jidan bos garra jidan olagijawan.  
\q1 Yu jidan bos langa yu pipul olabat en yu gibit olabat feyago.   
\q1
\v 7 Yu laigim ola rait ting en yu nomo laigim ola nogud ting.  
\q1 Blanga tharran na det God blanga yu bin pikimat yu, en imbin meigim yu jidan gudbinjiwei olataim.  
\q1 Imbin gibit yu mowa brom ola najalot king.\x + \xo 45:7 \xt Hib 1:8,9\x*   
\q1
\v 8 Det gudsmelwan medisin brom mera, elos en kasha jidan langa yu klos,  
\q1 en detlot hu plei myusik, plei blanga yu insaid langa ola bigwan haus weya deibin meigim purdiwan garram boun blanga elafen.   
\q1
\v 9 Ola doda blanga ola king jidan deya garram ola najalot gel,  
\q1 en det gel weya yu garra merrit im jandap langa det raidensaid blanga yu speshalwan tjeya,  
\q1 en im werrimbat olkain ting weya deibin meigimbat garram brabli gudwan gol.   
\b  
\q1
\v 10 Main gel, yu lisin langa wanim ai garra tok.  
\q1 Yu nomo teiknodis langa yu pipulmob en yu femilimob.   
\q1
\v 11 Yu brabli purdiwan, en tharran na garra meigim det king wandim yu brabli.  
\q1 Im blanga yu bos na, en yu garra duwit langa im.   
\q1
\v 12 Detlot pipul brom det kantri gulum Taya garra bringim ola presen langa yu,  
\q1 en ola ritjwan pipul garra trai blanga meigim yu dum gudbala ting langa olabat.   
\b  
\q1
\v 13 Det gel weya garra merrit langa det king, im kaminap langa det bigwan haus.  
\q1 Im brabli purdiwan.  
\q1 Blanga im dres deibin meigim garram golwan kotin.   
\q1
\v 14 Im werrimbat brabli purdiwan klos,  
\q1 en dei deigim im langa det king,  
\q1 en ola yanggel hu oldei album im du.  
\q1 Olabat bulurrum im olawei biyain blanga go langa det king.   
\q1
\v 15 Brabli gudbinjiwei dei kaman en gowin langa det bigwan haus blanga det king.   
\b  
\q1
\v 16 Main king, yu garra abum detmatj san na blanga jidan ola king jis laik yu femili bin jidan bifo.  
\q1 En yu garra meigim olabat jidan boswan langa ebri kantri langa dijan wel.   
\q1
\v 17 Main song garra meigim yu neim jidan haibala olagijawan,  
\q1 en ebribodi garra preisimbat yu olagijawan.   
\c 46  
\s1 God im jidan garram wi  
\s2 Song blanga det femili blanga Kora.  
\q1
\v 1 God im oldei kipum wi seif,  
\q1 en im na meigim wi brabli strongbala.  
\q1 Im oldei album wi wen wi oldei abum olkain trabul.   
\q1
\v 2 Wi kaan bradin nomeda if dijan graun im sheiksheik,  
\q1 en nomeda if ol detlot hil buldan insaid langa solwoda.   
\q1
\v 3 Wi kaan bradin nomeda if det solwoda gidap en meigim loda nois,  
\q1 en nomeda if det solwoda bambum detlot bigwan hil en olabat sheik.   
\b  
\q1
\v 4 Det bigwan taun blanga God garram riba en im meigim ola pipul langa det taun jidan gudbinji olataim.  
\q1 Dijan langa det seikridwan pleis weya det haibala God im oldei jidanbat olagijawan.   
\q1
\v 5 God oldei jidan langa det taun.  
\q1 Nomo enijing kaan binijimap det taun.  
\q1 God garra oldei album det taun.   
\q1
\v 6 Wen God garra jingat jis laik det laitining weya im meigim bigbala nois,  
\q1 detlot pipul brom najalot kantri garra bradin brabliwei.  
\q1 Detlot boswan brom detlot kantri kaan jidan boswan enimo.  
\q1 En det graun garra binij.   
\b  
\q1
\v 7 YAWEI det boswan God im iya garram wi na.  
\q1 Det God blanga Jeikob, im oldei lukaftumbat wi.   
\b  
\q1
\v 8 Yumob kaman en luk wanim God bin dum.  
\q1 Imbin dum loda klebabala ting langa dijan graun.   
\q1
\v 9 Im gin stapam ola pipul wen dei oldei faidabat gija.  
\q1 Im gin breigim ola bo en ola spiya,  
\q1 en im gin barnimap ola shild blanga olabat du.   
\q1
\v 10 God bin jingat brabli adbala.  
\q1 Imbin jingat, “Yumob stap faidabat na en jinggabat mi!  
\q1 Yumob sabi na, mi na det haibala God.  
\q1 Mi na det haibala God blanga ola pipul langa ebri kantri.  
\q1 Mi na det haibala God blanga dijan graun.”   
\b  
\q1
\v 11 YAWEI det boswan God im iya garram wi na.  
\q1 Det God blanga Jeikob, im oldei lukaftumbat wi.   
\c 47  
\s1 God det Brabli Boswan  
\s2 Song blanga det femili blanga Kora.  
\q1
\v 1 Pipul brom ebriweya, klep yumob bingga gudbinjiwei.  
\q1 Sing ola song brabli adbala blanga preisim YAWEI.   
\q1
\v 2 YAWEI na det brabli haibalawan God en wi garra rispek oni langa im.  
\q1 Im na det brabli nambawan king, en im jidan bos blanga ebrijing langa dijan wel.   
\q1
\v 3 Imbin meigim wi win langa ola pipul.  
\q1 Imbin meigim wi jidan bos blanga ola kantri.   
\q1
\v 4 YAWEI laigim wi detmatj.  
\q1 Imbin pikimat blanga wi dijan kantri Isreil weya wi jidan na.  
\q1 Im brabli gudwan kantri.   
\b  
\q1
\v 5 Wen God im gowap langa im speshalwan tjeya,  
\q1 ola pipul jingat gudbinjiwei, en olabat blowim ola hon adbala.   
\q1
\v 6 Sing song blanga preisim God!  
\q1 Sing song blanga preisim wi king!   
\q1
\v 7 God im jidan king ebriweya langa dijan wel.  
\q1 Preisim im garram ola song.   
\b  
\q1
\v 8 God jidan langa im seikridwan tjeya.  
\q1 Im jidan bos blanga ola pipul langa ebri kantri.   
\q1
\v 9 Ola boswan blanga ola kantri majurrumap miselp dumaji olabat holot na ola pipul blanga det God blanga Eibrahem.  
\q1 Im mowa strongbala langa ola ami,  
\q1 en im na brabli boswan blanga ebrijing.   
\c 48  
\s1 Jerusalem det bigwan taun blanga God  
\s2 Song blanga det femili blanga Kora.  
\q1
\v 1 YAWEI det trubala God im brabli haibalawan,  
\q1 en pipul garra preisim im brabliwei langa det bigwan taun blanga wi God langa im seikridwan hil.   
\q1
\v 2 Saiyan, det brabli bigwan hil blanga God, im jidan brabli haiwan en im brabli purdiwan.  
\q1 Det taun Jerusalem blanga det brabli haibala king meigim pipul jidan brabli gudbinji ebriweya langa dijan wel.\x + \xo 48:2 \xt Meth 5:35\x*   
\q1
\v 3 God bin shoum im seifwan garram im deya insaid langa det taun garram bigwan wol raidaran.   
\b  
\q1
\v 4 Ola king bin majurrumap miselp blanga kaman en fait langa Saiyan.   
\q1
\v 5 Bat wen deibin luk, deibin brabli hatjamp,  
\q1 en deibin bradin en ranawei.   
\q1
\v 6 Deibin sheiksheik nomo lilbit en bin filim detmatj pein, jis laik gel wen im abum beibi.   
\q1
\v 7 God bin breigim olabat jis laik strongwan win en rein breigimap bigwan bout.   
\b  
\q1
\v 8 Basdam wibin irrim wanim God bin dum,  
\q1 en tudei na wibin luk wanim imbin dum iya langa dijan taun blanga YAWEI det boswan God blanga wi.  
\q1 Im na garra kipum dijan taun seifwan olagijawan.   
\b  
\q1
\v 9 God, insaid langa yu Serramoni Pleis melabat jinggabat blanga det filing weya yu laigimbat olataim.   
\q1
\v 10 Ebribodi langa ebri kantri sabi yu, God, en dei oldei preisimbat yu.  
\q1 Yu oldei gibit feyago langa ebribodi.   
\q1
\v 11 Larram ola pipul brom Saiyan jidan gudbinjiwei!  
\q1 Yu jadjim pipul raitwei.  
\q1 Larram ola pipul langa ebri taun langa Juda jidan gudbinji.   
\b  
\q1
\v 12 Yumob pipul blanga God, yumob wok raidaran langa Jerusalem en kaundimap ola haiwan haus.   
\q1
\v 13 Yumob luk gudwei langa ola strongwan wol en detlot haiwan haus,  
\q1 wulijim yumob gin dalim ol yumob bigininimob blanga dijan seifwan taun blanga God.   
\q1
\v 14 Dijan God im jidan wi God olagijawan.  
\q1 Im garra lidimbat wi raidap dis wel binij.   
\c 49  
\s1 Im siliwan blanga trastimbat ola ebrijing  
\s2 Song blanga det femili blanga Kora.  
\q1
\v 1 Ebribodi, yumob irrim dijan!  
\q1 Yumob irrim, ola pipul brom ebriweya,   
\q1
\v 2 nomeda yu haibala o lobalawan,  
\q1 en nomeda yu ritjwan o powan.   
\q1
\v 3 Ai garra jinggabat gudwei,  
\q1 en ai garra tok brabli gudbala wed.   
\q1
\v 4 Ai garra jinggabat ola sabibala wed weya main grengrenfathamob bin tok,  
\q1 en ai garra dalimbat det mining langa ola pipul wen mi sing garram main gita.   
\b  
\q1
\v 5 Ai nomo bradin wen mi langa deinja,  
\q1 en wen ola enami jidan raidaran langa mi.   
\q1
\v 6 Olabat oldei trastimbat ebrijing dei garram,  
\q1 en tok praudwei blanga olabat ebrijing.   
\q1
\v 7 Wi kaan meigim miselp fri,  
\q1 en wi kaan peiyim God blanga wi laif,   
\q1
\v 8 dumaji im brabli diyawan blanga peiyim blanga pipul laif.  
\q1 If wi bina peiyim, stil tharran nomo bina naf   
\q1
\v 9 blanga kipumwei wi brom det greibyad,  
\q1 en blanga larram wi jidan laibala olagijawan.   
\b  
\q1
\v 10 Ebribodi sabi klebawan pipul dai,  
\q1 en medwan en siliwan pipul ol dai du,  
\q1 en olabat libum olabat ebrijing langa olabat femili.   
\q1
\v 11 Olabat ronwan greib jidan olabat kemp.  
\q1 Deya na dei garra jidan olagijawan,  
\q1 nomeda deibin abum dei ronwan kantri basdam.   
\q1
\v 12 Nomeda pipul jidan ritjwan,  
\q1 olabat garra stil dai jis laik ola enimul.   
\b  
\q1
\v 13 Yu luk wanim garra hepin langa detlot hu oldei trastimbat olabat ronselp,  
\q1 en hu oldei laigim blanga jidan brabli ritjwan.   
\q1
\v 14 Olabat garra dai jis laik ship,  
\q1 en deth garra jidan stakmen blanga olabat, en im garra deigim olabat streit langa greib.  
\q1 Olabat bodi garra go nogudwan langa det wel weya ola ded pipul jidan.   
\q1
\v 15 Bat God garra baiyimbek mi brom det greib,  
\q1 en im garra deigim mi blanga jidan garram im.   
\b  
\q1
\v 16 Yu nomo wori wen sambodi jidan ritjwan,  
\q1 en wen im kipgon pailimapbat mowa ebrijing.   
\q1
\v 17 Im kaan deigim enijing garram im wen im dai.  
\q1 Im ebrijing kaan godan langa greib garram im.   
\q1
\v 18 Nomeda if det sambodi im sedisfaid garram dijan laif,  
\q1 en dei preisim im dumaji im brabli ritjwan,   
\q1
\v 19 bat im garra go langa det greib en joinap garram im femilimob hubin dai bifo,  
\q1 en jidan langa det dakbala pleis olagijawan.   
\q1
\v 20 Nomeda im jidan haibala, im garra stil dai.  
\q1 Im garra dai jis laik ola enimul.   
\c 50  
\s1 Det trubalawei blanga weship YAWEI  
\s2 Song blanga Eisaf.  
\q1
\v 1 YAWEI det boswan God im tok.  
\q1 Im jingat langa ebribodi langa dijan wel,  
\q1 brom sanraisaid raidap langa sangodansaid.   
\q1
\v 2 Det lait blanga God im shain brom Saiyan,  
\q1 det brabli purdiwan taun, nomo garram enijing rong.   
\b  
\q1
\v 3 Det God blanga wi im kaminap,  
\q1 bat nomo kwaitbalawei.  
\q1 Bigiswan wailfaiya weya barnimap ebrijing kaman lida langa im,  
\q1 en garram strongwan win en jigiwan laitining raidaran langa im.   
\q1
\v 4 Im jingat langa hebin en dijan wel blanga jidan witnis wen im jadjim im pipul olabat.   
\q1
\v 5 Im tok, “Majurrumap main pipul olabat, detlot hu jidan trubalawei langa mi,  
\q1 en hubin meigim strongwan pramis garram mi wen deibin bringim sekrifais ofring langa mi.”   
\q1
\v 6 Ebrijing langa hebin tok,  
\q1 “Oni God im jidan jadj, en im oldei dum ebrijing raitwei.”   
\b  
\q1
\v 7 God im tok, “Main pipul olabat, mi na God. Yumob Isreil pipul, mi na blanga yumob God. Yumob lisin en ai garra tok blanga yumob nogudbalawei.   
\q1
\v 8 Ai nomo tok yumob dumbat rong ting wen yumob oldei gibit sekrifais ofring langa mi,  
\q1 en wen yumob oldei bringimap ola ofring langa mi en barnim olabat,   
\q1
\v 9 bat ai nomo wandim yumob ofring,  
\q1 ol detlot buligi en nenigout brom yumob fam.   
\q1
\v 10 Ola enimul langa bush, olabat main,  
\q1 en ola buligi langa ola hil kantri main du.   
\q1
\v 11 Ola wailwan bard blanga main,  
\q1 en ola laibwan ting langa dijan kantri main du.   
\b  
\q1
\v 12 “If ai bina hanggribala, ai nomo bina askim yumob blanga daga,  
\q1 dumaji dijan wel en ebrijing weya jidan iya, olabat blanga main.   
\q1
\v 13 Wen yumob gibit sekrifais ofring langa mi, yumob reken mi dagat det bifpat blanga buligi,  
\q1 o dringgim det blad blanga nenigout? Nomo.   
\q1
\v 14 Mi na det Boswan God, en ai wandim yumob blanga gibit mi dijan sekrifais ofring na.  
\q1 Ai wandim yumob blanga gibit theingks langa mi, en dum ebrijing yumob bin pramisim langa mi.   
\q1
\v 15 Wen trabul kaman, jingat langa mi.  
\q1 Ai garra seibum yumob,  
\q1 en yumob garra preisim mi.”   
\b  
\q1
\v 16-17 Bat God tok langa ola brabli nogudbala pipul,  
\q1 “Yumob oldei toktok ol main lowa,  
\q1 bat yumob nomo wandim mi blanga streitinimap yumob.  
\q1 Yumob oldei tokabat main strongwan pramis,  
\q1 bat yumob nomo teiknodis langa main lowa.   
\q1
\v 18 Wen yumob midap garram eni stilinbala pipul yumob meigim fren garram olabat,  
\q1 en yumob joinin garram ola pipul hu laigim silipsilipbat garram najamen waif o najagel hasbin.   
\b  
\q1
\v 19 “Yumob oldei tok nogudwei blanga enibodi.  
\q1 Yumob oldei dalimbat laiya stori blanga enibodi.   
\q1
\v 20 Yumob jidan redi blanga bleim yumob ronwan femili olabat,  
\q1 en deigimbat yan blanga olabat.   
\q1
\v 21 Yumob bin dumbat ol dislot ting na,  
\q1 en ai nomo bin tok enijing.  
\q1 Maitbi yumob bin reken aibin seim laik yumob, bat najing.  
\q1 Aibin jidan witnis blanga detlot rong ting,  
\q1 en ai garra dalimbat yumob streidat blanga ola nogudbala ting weya yumob bin dumbat.   
\b  
\q1
\v 22 “Ol yumob hu nomo irrim mi,  
\q1 yumob irrim dijan na, bambai ai garra binijimap yumob,  
\q1 en nobodi kaan seibum yumob.   
\q1
\v 23 Wen enibodi gibit theingks langa mi, tharran na det sekrifais ofring weya gibit mi rispek brabliwei,  
\q1 en ai garra seibum ol detlot hu irrim en teiknodis langa mi brabliwei.”   
\c 51  
\s1 Deibid bin prei langa God blanga larramgo im fri brom im nogudbalawei  
\s2 Preya blanga Deibid wen Neithan, det speshalwan mesinja blanga God bin kaman en dalim im imbin dum nogudbala ting garram Bethsheba.\x + \xo 51:0 \xt 2 Sem 11:1—12:25\x*  
\q1
\v 1 Main God, mi askim yu blanga sori langa mi,  
\q1 dumaji yu kaan neba stap laigimbat mi!  
\q1 Dumaji yu laigim mi detmatj,  
\q1 mi askim yu blanga rabumat ol detlot nogudbala ting aibin dumbat.\fig |src="GT_Psalm51 King David Repents.tif" size="col" ref="51:1" \fig*   
\q1
\v 2 Washim mi brabliwei brom ol detlot nogudbala ting.  
\q1 Klinim mi brabliwei.   
\b  
\q1
\v 3 Trubala, ai sabi aibin dum rong ting,  
\q1 en mi oldei jinggabat ol detlot nogudbala ting aibin dumbat.   
\q1
\v 4 Main God, aibin dum nogudbala ting langa yu.  
\q1 Aibin dum det ting weya yu tok im nomo gudwan.  
\q1 Blanga tharran na, yu rait wen yu tok aibin dum nogud ting,  
\q1 en yu gibit feyago langa mi wen yu panishim mi.\x + \xo 51:4 \xt Rom 3:4\x*   
\q1
\v 5 Trubala aibin jidan nogudwan brom det taim wen aibin deya insaid langa main mami binji,  
\q1 en seimwei du aibin jidan nogudwan wen aibin bon.   
\b  
\q1
\v 6 Ai sabi yu wandim mi blanga jidan brabli trubalawei insaid langa main spirit.  
\q1 Yu titjim mi brabliwei wanim yu wandim mi blanga sabi en dum.   
\q1
\v 7 Deigidawei ol main nogudbalawei,  
\q1 en ai garra jidan klin.  
\q1 Washim mi brabli klin,  
\q1 en ai garra jidan klin brom ol main nogudbalawei.   
\q1
\v 8 Ai wandim jidan gudbinjiwei igin!  
\q1 Nomeda yubin panishim mi brabliwei,  
\q1 yu meigim mi gudbinji igin!   
\q1
\v 9 Jadimap yu ai, wulijim yu kaan luk ol detlot nogudbala ting main,  
\q1 en rabumat ol detlot ting aibin dumbat wen ai nomo bin duwit langa yu.   
\b  
\q1
\v 10 Main God, meigim mi nyu insaid.  
\q1 Meigim mi jinggabat blanga ola gudwan ting.   
\q1
\v 11 Nomo jandimwei mi.  
\q1 Nomo deigidawei yu holi spirit brom mi.   
\q1
\v 12 Meigim mi gudbinji laik aibin jidan basdam wen yubin seibum mi.  
\q1 En meigim mi wandi duwit langa yu.   
\q1
\v 13 If yu dum lagijat, wal ai garra dalim ola brabli nogudbala pipul wanim yubin dum,  
\q1 en olabat garra tenim miselp en bulurrum yu.   
\b  
\q1
\v 14 Main God, oni yu na gin seibum mi.  
\q1 Larramgo mi fri dumaji aibin medrim det men.  
\q1 If yu dum lagijat, ai garra jingat adbala en dalim pipul blanga ola gudbala ting yubin dum blanga mi.   
\q1
\v 15 Main bos, album mi blanga tok strongbalawei,  
\q1 wulijim ai garra dalim najalot pipul yu brabli gudwan.   
\b  
\q1
\v 16 Ai sabi yu nomo wandim mi jis blanga barnim ship blanga sekrifais ofring blanga yu.  
\q1 If ai oni barnim ship blanga ofring langa yu, tharran kaan meigim yu gudbinji.   
\q1
\v 17 Main God, wen mi sori en meigim miselp lobala,  
\q1 det taim na yu kaan andimwei mi.  
\q1 Wen mi brabli sori en nomo jidan praudbala,  
\q1 tharran na det gudwan sekrifais blanga yu blanga jidan gudbinji garram mi igin.   
\b  
\q1
\v 18 Jidan brabli kainbala langa yu pipul olabat langa Jerusalem,  
\q1 en album olabat bildimap det taun igin.   
\q1
\v 19 If yu dum lagijat, wal ol yu pipul olabat garra jidan raitwei,  
\q1 en yu garra gudbinji wen dei gibit yu ola gudbala ting, en ship en buligi,  
\q1 en barnim olabat blanga weship langa yu.   
\c 52  
\s1 God im jadjim pipul en im jidan brabli kainbala du  
\s2 Song blanga Deibid wen Doweg bin go en dalim Sol weya blanga faindim Deibid.\x + \xo 52:0 \xt 1 Sem 22:9-10 \x*  
\q1
\v 1 Yu brabli nogudbala men!  
\q1 Wotfo yu tok praudbalawei blanga detlot nogudbala ting yubin dum langa God pipul olabat?   
\q1
\v 2 Yu oldei meigim plen blanga dum nogud ting langa najalot pipul.  
\q1 Yu oldei deigimbat yan weya ardimbat pipul, jis laiga shapwan naif kadim en ardimbat pipul.   
\q1
\v 3 Yu laigim ola brabli nogudbalawei mowa den yu laigim det gudbalawei.  
\q1 En yu laigim det laiyinbalawei mowa den yu laigim det trubalawei.   
\q1
\v 4 Yu laiyawan!  
\q1 Yu laigim ardimbat pipul garram yu wed.   
\b  
\q1
\v 5 Wal God garra meigim yu laif nogudwan olagija.  
\q1 Im garra gajim yu en deigidawei yu brom yu kemp.  
\q1 Im garra binijimap yu.   
\q1
\v 6 Ola pipul hu jidan trubalawei langa God garra luk dijan, en olabat garra bradin.  
\q1 Brom deya dei garra laflaf langa yu en dei garra tok,   
\q1
\v 7 “Yu luk! Iya na det brabli nogudbala men hu nomo bin kaman langa God blanga jidan seifwan,  
\q1 bat imbin trastimbat ola ebrijing weya imbin abum,  
\q1 en imbin trastimbat ol im nogudbalawei blanga jidan seifwan.”   
\b  
\q1
\v 8 Bat mi, mi jidan jis laik det olibtri weya grogrobat langa God haus.  
\q1 Mi trastimbat langa God en im filing blanga laigimbat olagijawan.   
\q1
\v 9 God, ai garra oldei gibit yu theingks blanga wanim yubin dum.  
\q1 Wen yu pipul olabat majurrumap miselp, ai garra dalimbat olabat, yu na brabli gudwan.   
\c 53  
\s1 Det nogudwanwei blanga pipul\f + \fr 53:0 \ft Luk langa Saam 14.\f*  
\s2 Song blanga Deibid.  
\q1
\v 1 Siliwan pipul reken, “God nomo iya!”  
\q1 Olabat holot brabli nogudwan, en olabat bin dumbat ola brabli nogud ting.  
\q1 Nobodi iya dum enijing rait.   
\b  
\q1
\v 2 God im lukdan brom hebin blanga luk if enibodi jidan raitwei,  
\q1 en if enibodi weship im du.   
\q1
\v 3 Bat deibin ol tenawei brom God,  
\q1 en holot na jidan nogudwan.  
\q1 Nobodi dum rait ting enimo.\x + \xo 53:3 \xt Rom 3:10-12\x*   
\b  
\q1
\v 4 God im tok, “Maitbi dei nomo sabi.  
\q1 Wotfo dei kaan len, dislot nogud pipul?  
\q1 Detlot nogudbala pipul oldei deigimwei ebrijing brom main pipulmob.  
\q1 Detlot nogudbala pipul nomo jingat langa mi.”   
\b  
\q1
\v 5 Olabat garra bradin nomo lilbit weya dei nomo bin bradin bifo.  
\q1 God na garra binijimap detlot enamimob,  
\q1 en libum olabat boun leidan ebriweya.  
\q1 Olabat garra sheim miselp,  
\q1 dumaji God bin gibit bekboun langa olabat.   
\b  
\q1
\v 6 Mi prei adbalawei langa God weya im jidan langa Saiyan, blanga seibum ola pipul langa Isreil.  
\q1 Olabat garra jidan gudbinji brabliwei wen God garra meigim olabat abum ebrijing igin.   
\c 54  
\s1 Preya blanga jidan seifwan  
\s2 Preya blanga Deibid wen sambala men brom Sif bin go langa Sol en bin dalim im Deibid bin blandimbat miselp langa olabat kantri.\x + \xo 54:0 \xt 1 Sem 23:15-24; 26:1-5\x*  
\q1
\v 1 God, seibum mi garram yu pawa,  
\q1 en garram yu pawa shoum pipul mi nomo rong.   
\q1
\v 2 God, yu lisin langa main preya.  
\q1 Yu lisin langa ol main wed.   
\q1
\v 3 Ola praudbala pipul kaman blanga fait langa mi.  
\q1 Ola krulbala pipul wandi kilim mi ded,  
\q1 ol detlot na hu nomo jinggabat blanga God.   
\b  
\q1
\v 4 Bat God na oldei albumbat mi.  
\q1 Main bos im oldei seibum mi.   
\q1
\v 5 Larram God yusum olabat ron nogudbalawei blanga panishim main enami olabat.  
\q1 Im garra binijimap olabat dumaji im trubalawan.   
\b  
\q1
\v 6 YAWEI, gudbinjiwei ai garra gibit yu sekrifais ofring.  
\q1 Ai garra preisim yu neim dumaji yu gudwan.   
\q1
\v 7 Yubin seibum mi brom ol main trabul,  
\q1 en aibin luk ol main enami olabat nomo bin win.   
\c 55  
\s1 Preya blanga laiyawan fren  
\s2 Song blanga Deibid.  
\q1
\v 1 God, yu irrim main preya.  
\q1 Nomo tenawei wen mi jingat langa yu blanga album mi.   
\q1
\v 2 Irrim mi en ensim mi.  
\q1 Mi wikwan na brom oldei jinggabat ol main trabul.   
\q1
\v 3 Ol main enami olabat toktok blanga kilim mi,  
\q1 en mi bradin brabliwei na.  
\q1 Mi jidan brabli nogudbinji brom ol detlot enami hu oldei gibit mi adtaim.  
\q1 Olabat oldei meigim trabul kaman langa mi,  
\q1 en olabat oldei wail en heidim mi.   
\b  
\q1
\v 4 Mi bradin brabliwei,  
\q1 en det filing blanga dai im bradinim mi brabliwei.   
\q1
\v 5 Mi bradin nomo lilbit en mi sheiksheik.  
\q1 Mi bradin brabliwei.   
\q1
\v 6 If ai bina abum wing wulijim det pijin,  
\q1 ai bina flaiwei blanga faindim pleis blanga abum spel.   
\q1
\v 7 Ai bina flai longwei en meigim main kemp langa deset.   
\q1
\v 8 Kwikbalawei ai bina faindim main ronwan pleis blanga kipum miselp seifwan brom det strongwan win en bigwan rein.   
\b  
\q1
\v 9 Bos, yu meigim main enami olabat tok garram difrindifrin langgus, wulijim dei kaan andasten miselp,  
\q1 dumaji mi luk pipul dumbat nogud ting en meigim trabul langa det bigwan taun.   
\q1
\v 10 Olkain trabul jidan deitaim en naitaim.  
\q1 Im meigim det taun jidan garram mowa nogud ting en trabul.   
\q1
\v 11 Ola nogudbala pipul meigim trabul en dumbat nogudbala ting ebriweya langa det taun.  
\q1 Ola roud jidan garram ola nogudbala pipul hu gibitbat adtaim en dalimbat laiya.   
\b  
\q1
\v 12 If im bina main enami mokimbat mi,  
\q1 ai bina larram tharran.  
\q1 If im bina main enami tokabat blanga mi praudbalawei,  
\q1 wal ai bina haidim miselp brom im.   
\q1
\v 13 Bat im yu, main brabli gud fren! Yu main wekinmeit en yunmi bin oldei jidan mijamet!   
\q1
\v 14 Yunmi bin oldei toktok gija,  
\q1 en yunmi bin oldei go weshipbat mijamet langa det Serramoni Pleis blanga God.   
\q1
\v 15 Larram ol main enami olabat binijap kwikbala.  
\q1 Larram olabat godan laibwan langa det pleis blanga ola dedbala pipul.  
\q1 Olabat brabli wikitwan pipul en ola brabli nogudbalawei jidan insaid langa olabat hat, en tharran na meigim olabat kemp brabli nogudwan du.   
\b  
\q1
\v 16 Bat mi jingat langa YAWEI det trubala God blanga album mi,  
\q1 en im garra seibum mi.   
\q1
\v 17 Ailibala, dinataim en naitaim, mi jingat en toktok langa im blanga main trabul en pein,  
\q1 en im garra irrim mi.   
\q1
\v 18 Im garra bringimbek mi seifwan brom det bigwan fait langa ol main enami olabat nomeda olabat jidan bigismob.   
\q1
\v 19 God na, hu jidan bos olagijawan,  
\q1 garra irrim mi en im garra bidim olabat,  
\q1 dumaji olabat nomo wandi tjeinj,  
\q1 en dei nomo gibit im rispek, najing.   
\b  
\q1
\v 20 Main gudfren brom bifo bin fait langa im fren olabat,  
\q1 en imbin breigim im ronwan pramis.   
\q1
\v 21 Imbin swit tok,  
\q1 bat im hat bin abum det nogudwan filing blanga heidimbat.  
\q1 Ebri wed blanga im bin jis laik oil,  
\q1 bat insaidwei detlot wed bin ardim jis laik shapwan naif.   
\b  
\q1
\v 22 Libum ol yumob trabul langa YAWEI,  
\q1 en im garra maindimbat yumob.  
\q1 Im kaan larram enijing bidim detlot pipul hu jidan langa im raitwei.   
\b  
\q1
\v 23 Bat yu na God garra meigim ol detlot pipul hu oldei medrimbat enibodi, en ol detlot laiyinbala pipul godan langa greib wen olabat stil yangbala en strongbala.  
\q1 Bat mi, mi garra trastimbat yu.   
\c 56  
\s1 Preya blanga trastim God  
\s2 Preya blanga Deibid afta wen detlot Filastain pipul bin gajim im deya langa Geth.\x + \xo 56:0 \xt 1 Sem 21:10-15; 27:1-4 \x*  
\q1
\v 1 God, yu sori langa mi dumaji pipul kaman blanga fait langa mi.  
\q1 Ol main enami olabat dumbat nogud ting langa mi olataim.   
\q1
\v 2 Oldei main enami olabat fait langa mi.  
\q1 Olabat bigismob hu wandi fait langa mi.   
\q1
\v 3 YAWEI det boswan God, wen mi bradin mi trastim yu.   
\q1
\v 4 Ai garra trastim langa im en ai kaan bradin.  
\q1 Ai gibit im preis blanga wanim imbin pramisim.  
\q1 Wotfo ai garra bradin?  
\q1 Pipul kaan ardim mi!   
\b  
\q1
\v 5 Oldei main enami olabat meigimbat trabul blanga mi.  
\q1 Dei oldei jinggabat olkainwei blanga ardim mi.   
\q1
\v 6 Olabat oldei blandim miselp langa ola sigridwan pleis,  
\q1 en lukinatbat ebrijing mi dumbat,  
\q1 dumaji olabat wandi kilim mi ded.   
\q1
\v 7 God, yu panishim olabat blanga olabat nogudbalawei.  
\q1 Yu gitwail en binijimap olabat.   
\b  
\q1
\v 8 Yu sabi blanga dijan trabul ai garram.  
\q1 Yubin raidimdan haumatj aibin kraikraibat.  
\q1 Yubin raidimdan langa yu buk, indit?   
\q1
\v 9 Langa det dei wen ai garra jingat langa yu,  
\q1 ol main enami olabat garra tenaran en gowei.  
\q1 Ai sabi tharran dumaji God im jidan langa main said.   
\q1
\v 10 Langa YAWEI na, en ol im pramis ai gibit preis.   
\q1
\v 11 Ai trastim im en ai kaan bradin.  
\q1 Wotfo ai garra bradin?  
\q1 Pipul kaan ardim mi!   
\b  
\q1
\v 12 God, ai garra gibit yu wanim aibin pramis.  
\q1 Ai garra gibit theingks langa yu garram main sekrifais ofring.   
\q1
\v 13 Yubin seibum mi wen aibin gulijap dai,  
\q1 en yu nomo bin larram mi buldan, wulijim ai garra oldei wok garram yu langa yu lait.   
\c 57  
\s1 Deibid bin prei langa God blanga album im  
\s2 Preya blanga Deibid wen imbin ranawei brom Sol en imbin blandim miselp langa keib.\x + \xo 57:0 \xt 1 Sem 22:1; 24:1-3 \x*  
\q1
\v 1 Main God, jidan kain langa mi, en sori langa mi.  
\q1 Mi kaman langa yu blanga jidan seifwan,  
\q1 jis laik ola lilwan bard ran langa ola mamiwan bard blanga jidan seif wen trabul im kaman.  
\q1 Wal mi kaman langa yu blanga jidan seifwan wen det trabul im gulijap.   
\q1
\v 2 Main God, mi jingat langa yu.  
\q1 Yu Brabli Haiwan, en yu meigim det plen weya yu garram blanga mi hepin trubala.   
\q1
\v 3 Yu irrim mi langa hebin, en yu ensim mi en seibum mi.  
\q1 Yu bidim main enami olabat hu gibitbat mi adtaim.  
\q1 Yu kaman en album mi lagijat na.  
\q1 Yu oldei laigim yu pipul, en yu oldei dum wanim yu pramis.   
\b  
\q1
\v 4 Main enami olabat raidaran langa mi.  
\q1 Dei weidabat, redibala blanga kilim mi.  
\q1 Mi fil bradin na, laiga lilwan enimul im bradin wen im luk ola dinggo raidaran, en im luk olabat tang en olabat tuth.   
\b  
\q1
\v 5 God, yu shoum yu haibala pawa deya ontop langa skai,  
\q1 en yu larram pipul luk yu brabli shainiwan lait ebriweya langa dijan wel.  
\q1 Yu shoum pipul ebriweya yu brabli haibalawan!   
\b  
\q1
\v 6 Main enami olabat lukaranbat blanga mi.  
\q1 Mi brabli nogudbinji.  
\q1 Jis laik detlot men grajim bigwan hol wen dei wandi trepam enimul,  
\q1 wal lagijat na detlot men wandi trai trepam mi,  
\q1 bat dei garra oni trepam olabat ronselp.  
\q1 Dei garra jidan langa det trabul olabat selp.   
\b  
\q1
\v 7 Ai garra kipgon trastimbat yu, God.  
\q1 Trubala, ai garra kipgon trastimbat yu.  
\q1 Ai garra sing en preisim yu!   
\q1
\v 8 Mi dalimbat miselp, “Jidan gudbinji!  
\q1 Gajim yu gita en sing!  
\q1 Ai garra gidap bifo det san en sing!”   
\b  
\q1
\v 9 Main Bos, ai garra gibit yu theingks lida langa ola pipul.  
\q1 Ai garra preisim yu lida langa ola pipul brom ebri kantri.   
\q1
\v 10 Yu filing blanga kipgon laigimbat pipul im jidan ebriweya,  
\q1 brom longwei ontop raitdan langa graun.  
\q1 Yu trubalawei gajimap det skai.   
\b  
\q1
\v 11 God, yu shoum yu haibala pawa deya ontop langa skai,  
\q1 en yu larram pipul luk yu brabli shainiwan lait ebriweya langa dijan wel.  
\q1 Yu shoum pipul ebriweya yu brabli haibalawan!   
\c 58  
\s1 Dijan preya blanga God blanga panishim ola nogudwan pipul  
\s2 Song blanga Deibid.  
\q1
\v 1 Ol yumob boswan, yumob reken yumob kotim pipul raitwei?  
\q1 Yumob reken yumob gibit ebribodi feyago? Najing!   
\q1
\v 2 Yumob oni jinggabat blanga dumbat nogudbala ting,  
\q1 en kilimbat pipul ebriweya langa dijan kantri.   
\b  
\q1
\v 3 Nogudwan pipul oldei dum nogudbala ting olataim.  
\q1 Brom det taim wen deibin bon, dei oldei dalimbat laiya.   
\q1
\v 4 Olabat jidan wulijim sneik garram detmatj nogudwan poisin.  
\q1 Olabat jadimap miselp irriwol jis laik det defwan kobra sneik.   
\q1
\v 5 Im nomo lisin det myusik wen det men plei,  
\q1 o det klebawan men wen im singimbat.   
\b  
\q1
\v 6 God, dislot pipul wulijim detlot jigiwan laiyan.  
\q1 Breigimap ola tuth blanga olabat.   
\q1
\v 7 Larram olabat jis binijap wulijim woda weya im draiyap.  
\q1 Larram olabat jidan wulijim fletwan gras weya fladwoda nokamdan.   
\q1
\v 8 Larram olabat binijap wulijim det wem weya im draiyap.  
\q1 Larram olabat jidan wulijim beibi wen im bon dedwan.   
\q1
\v 9 God, dumaji yu wail langa olabat, wal yu binijimap olabat bifo dei sabi,  
\q1 jis laik weya sambodi kadimdan rabishwan gras.   
\b  
\q1
\v 10 Ola pipul hu jidan trubalawei garra jidan gudbinji wen dei luk ola nogudbala pipul git panish.  
\q1 Olabat garra luk detmatj blad buldan blanga detlot nogudbala pipul.   
\q1
\v 11 Ola pipul garra tok, “Trubala orait. Gudbala ting garra kaman langa detlot pipul hu jidan trubalawei.  
\q1 Trubala God im jidan boswan en im gibit feyago langa ebri kantri.”   
\c 59  
\s1 Dijan preya blanga jidan seifwan  
\s2 Preya blanga Deibid afta wen Sol bin jandim sambala men langa im kemp blanga kilim im ded.\x + \xo 59:0 \xt 1 Sem 19:11-17\x*  
\q1
\v 1 Main God, seibum mi brom main enami olabat.  
\q1 Lukaftum mi brom ol detlot hu wandim kilimbat mi.   
\q1
\v 2 Seibum mi brom ol detlot nogudbala pipul.  
\q1 Seibum mi brom detlot hu laigim medrimbat pipul.   
\b  
\q1
\v 3 Yu luk deya! Olabat weidabat blanga kilim mi ded.  
\q1 Ola krulwan pipul majurrumapbat miselp blanga mi,  
\q1 bat ai nomo bin dum eni rong ting!   
\q1
\v 4 YAWEI, dei meigimbat miselp redi blanga kilim mi,  
\q1 bat ai nomo bin dum enijing rong!   
\b  
\q1
\v 5 YAWEI, gidap na en album mi garram main trabul.  
\q1 Yu luk tharran garram yu ron ai.  
\q1 YAWEI, main Boswan God, en God blanga ola Isreil pipul,  
\q1 gidap na en panishim ol detlot pipul brom ebri kantri.  
\q1 Yu nomo sori langa detlot hu jidan nogudbala en tufeiswan.   
\b  
\q1
\v 6 Main enami olabat oldei kambek ebri aftanuntaim,  
\q1 jis laik ola jigiwan dog weya dei wokaranbat ebriweya langa taun.   
\q1
\v 7 Detlot nogudbala wed weya dei toktok gin kadim jis laik ola bigwan naif,  
\q1 en dei tok langa dei ronselp,  
\q1 “God kaan lisin langa wi.”   
\b  
\q1
\v 8 Bat yu laf langa olabat, YAWEI.  
\q1 Yu mokim ol detlot pipul brom ebri kantri hu nomo bilib langa yu.   
\q1
\v 9 Main God, yu na main seifwan haus.  
\q1 Ai gin go langa yu dumaji yu na main seifwan haus.   
\q1
\v 10 Main God, yu oldei laigim mi,  
\q1 en yu garra go lida langa mi,  
\q1 en larram mi luk weya yu bidim main enami olabat hu oldei tok nogudbalawei blanga mi.   
\b  
\q1
\v 11 Bat nomo kilim olabat ded, main Bos,  
\q1 bambai main kantrimenmob mait fogedabat ebrijing yubin dum.  
\q1 Yu win oba langa olabat garram yu strongbala pawa,  
\q1 en spredimat olabat ebriweya,  
\q1 dumaji yu na det shild blanga melabat.   
\q1
\v 12 Olabat tok brabli nogudbalawei,  
\q1 en detlot nogudwan wed jidan langa olabat mawus.  
\q1 Larram detlot wed dagat olabat,  
\q1 dumaji dei reken miselp detmatj.  
\q1 Dumaji olabat oldei sweya,  
\q1 en oldei dalimbat laiya du,   
\q1
\v 13 wal yu gitwail langa olabat en binijimap olabat.  
\q1 Yu binijimap olabat holot na!  
\q1 En bambai na ebribodi oloba langa dijan wel garra sabi God im jidan boswan blanga Isreil.   
\b  
\q1
\v 14 Main enami olabat oldei kambek ebri aftanuntaim,  
\q1 jis laik detlot jigiwan dog weya dei ranabat ebriweya langa taun.   
\q1
\v 15 Olabat jis laik detlot jigiwan dog weya dei oldei lukaranbat blanga daga,  
\q1 en if dei nomo faidim naf daga dei stat jinginatbat adbala.   
\b  
\q1
\v 16 Bat main God, ai garra singim song blanga yu blanga det strongwan pawa blanga yu.  
\q1 Ebri moning ai garra singim song blanga yu filing blanga laigim olagijawan.  
\q1 Yu oldei jidan main seifwan haus.  
\q1 Wen trabul kaman langa mi ai go langa yu blanga kipum mi seif.   
\q1
\v 17 Main God, ai preisim yu, dumaji yu brabli strongbalawan.  
\q1 Ai go langa yu blanga kipum mi seif.  
\q1 Yu oldei laigimbat mi detmatj.   
\c 60  
\s1 Dijan preya blanga seibum pipul brom nogudbala ting  
\s2 Preya blanga Deibid blanga lenim pipul afta wen imbin fait langa detlot Erimiyan pipul, en wen Joweb bin kilim ded bigmob pipul brom Idam langa Solt Beli, gulijap langa det solwoda gulum Dedsi.\x + \xo 60:0 \xt 2 Sem 8:3-8; 10:6-19; 1 Kran 18:3-11; 19:16-19 \x*  
\q1
\v 1 God, yubin gibit bekboun langa melabat,  
\q1 en yubin bidim melabat.  
\q1 Yubin gitwail brabliwei langa melabat,  
\q1 bat melabat askim yu blanga kambek en meigim melabat yu ronwan pipul igin.   
\q1
\v 2 Yubin meigim dijan kantri sheik nomo lilbit,  
\q1 en yubin bastimap dijan kantri.  
\q1 God, yu meigim dijan kantri jidan gudwan igin.   
\q1
\v 3 Yubin meigim ol yu pipul olabat ardimbat detmatj.  
\q1 Yubin meigim melabat buldanbat ebriweya laiga drangginbala.   
\q1
\v 4 Bat yubin gibit woning langa detlot hu weship langa yu blanga sabi, wulijim olabat gin kamat brom det deinja.   
\q1
\v 5 Ensim melabat preya en seibum melabat garram yu pawa,  
\q1 wulijim ola pipul hu yu laigim gin jidan seifwan.   
\b  
\q1
\v 6 God bin tok brom im brabli seikridwan pleis,  
\q1 “Gudbinjiwei ai garra kadimat det taun Shekam,  
\q1 en gibit det kantri Sukait Beli langa main pipul olabat.   
\q1
\v 7 Det dubala kantri gulum Giliyad en Manesa blanga main.  
\q1 Det kantri Ifreiyim jidan wulijim main speshalwan het,  
\q1 en det kantri Juda im jidan wulijim main seikridwan stik.   
\q1
\v 8 Bat ai garra meigim det kantri Moweb jidan wulijim rabishwan pleis weya dei tjakam dardiwan woda,  
\q1 en ai garra tjakam main but langa det kantri Idam blanga shoum mi bos blanga im.  
\q1 Mi jingat gudbinjiwei, dumaji aibin bidim detlot Filistain pipul.”   
\b  
\q1
\v 9 God, hu garra album mi en deigim mi langa det bigwan taun garram haibala wol?  
\q1 Hu garra album mi en deigim mi langa Idam?   
\q1
\v 10 Maitbi yubin libum melabat olagijawan na, God.  
\q1 Yu garra stil go garram melabat ami olabat o najing?   
\q1
\v 11 Yu album melabat fait langa dislot enami.  
\q1 Pipul kaan album melabat. Najing!  
\q1 Olabat nomo strongwan.   
\q1
\v 12 Oni yu na God garra meigim melabat win.  
\q1 Yu na garra bidim melabat enami olabat.   
\c 61  
\s1 Preya langa God blanga jidan seifwan  
\s2 Preya blanga Deibid.  
\q1
\v 1 God, irrim mi wen mi kraikraibat.  
\q1 Irrim main preya.   
\q1
\v 2 Mi nogudbinji en mi jidan longwei brom main kemp. Mi jingat langa yu.  
\b  
\q1 Meigim mi jidan seifwan,   
\q1
\v 3 dumaji yu na oldei maindimbat mi.  
\q1 Yu na brabli strongbala blanga seibum mi brom main enamimob jis laiga strongwan haus.   
\b  
\q1
\v 4 Larram mi jidan langa yu seikridwan haus olagijawan.  
\q1 Larram mi jidan seifwan langa yu bingga wulijim beibiwan jukjuk weya im jidan seifwan andanith langa im mami wing.   
\q1
\v 5 God, yubin irrim main pramis,  
\q1 en yubin gibit mi wanim yubin gibit langa ol detlot pipul hu oldei rispek langa yu.   
\b  
\q1
\v 6 Yu larram det king jidan laibala longtaim,  
\q1 en larram im bigininimob jidan king afta langa im.   
\q1
\v 7 God, im garra oldei jidan bos,  
\q1 en yu garra oldei lukaftumbat im garram yu trubalawan filing blanga laigimbat olagijawan.   
\b  
\q1
\v 8 Blanga tharran na, ebridei ai garra oldei sing preis song langa yu wen ai gibit yu wanim aibin pramisim yu.   
\c 62  
\s1 Trastimbat God blanga jidan seifwan  
\s2 Song blanga Deibid.  
\q1
\v 1 Mi weitabat kwaitbalawei blanga God blanga seibum mi,  
\q1 dumaji oni im na wanbala mi trastim.   
\q1
\v 2 Oni im na brabli strongbala, jis laiga rok weya oldei kipum mi seifwan.  
\q1 En im na main seifwan haus en nomo enijing kaan ardimbat mi.   
\b  
\q1
\v 3 Haulong main enami olabat garra kilimbat mi?  
\q1 Olabat reken mi jis laik olwan fens redibala blanga buldan.   
\q1
\v 4 Olabat meigim plen.  
\q1 Dei nomo wandim mi blanga jidan haibala weya ai garram rispek brom najalot pipul.  
\q1 Olabat laigim dalimbat laiya blanga mi brabliwei.  
\q1 Olabat oldei tok gudbala wed langa mi,  
\q1 bat insaid langa olabat hat dei oldei tok brabli nogudbalawei blanga mi.   
\b  
\q1
\v 5 Oni langa God na mi oldei trastimbat.  
\q1 Mi bilib oni langa im wanbala.   
\q1
\v 6 Oni im na brabli strongbala, jis laiga rok weya oldei kipum mi seifwan.  
\q1 Im na main seifwan haus en nomo enijing kaan ardimbat mi.   
\q1
\v 7 Oni God na oldei seibum mi en shoum rispek langa mi.  
\q1 Im oldei lukaftumbat mi en im na det brabli strongbala rok.  
\q1 Im na det seifwan haus blanga mi weya im oldei maindimbat mi.   
\b  
\q1
\v 8 Trastim God olataim, main kantrimen.  
\q1 Dalim im blanga ol yu trabul, dumaji im na det seifwan pleis blanga wi.   
\b  
\q1
\v 9 Yu kaan trastim pipul tudei.  
\q1 Olabat wulijim det win weya wi blowimbat blanga meigim faiya.  
\q1 Nomeda pipul jidan haibala o lobala, olabat jis najing.  
\q1 If yu meshurum olabat, dei kaan jidan hebiwan o laitwan, najing.  
\q1 Olabat wulijim det win weya wi blowin.   
\q1
\v 10 Nomo beldim enibodi blanga gajim eni gudbala ting.  
\q1 Nomo reken miselp yu gin abum enijing brom stilimbat.  
\q1 Nomeda if yu jidan brabli ritjwan, nomo trastim langa detlot ting.   
\b  
\q1
\v 11 Dubala meinwan ting aibin lisin blanga God.  
\q1 Im na det brabli strongbalawan God garram detmatj pawa,   
\q1
\v 12 en im filing blanga laigimbat pipul im jidan olagijawan.  
\q1 Yu na Bos en yu jadjim ebribodi raitwei en yu garra peiyimbek ebribodi blanga ola enijing weya deibin dumbat.\x + \xo 62:12 \xt Job 34:11; Jera 17:10; Meth 16:27; Rom 2:6; Reb 2:23\x*   
\c 63  
\s1 Blanga wandim God  
\s2 Song blanga Deibid brom det taim wen imbin jidan langa det deset kantri langa Juda.\x + \xo 63:0 \xt 2 Sem 15:23-28\x*  
\q1
\v 1 God, yu na main God, en mi wandim yu brabliwei.  
\q1 Holot main filing wandim yu.  
\q1 Main spirit jidan wikwan en mi thestiwan blanga yu,  
\q1 jis laik drai en rabishwan kantri weya wandim woda.   
\q1
\v 2 Larram mi luk yu deya langa yu seikridwan haus.  
\q1 Larram mi luk hau strongbala en haibala yu jidan.   
\q1
\v 3 God, blanga yu filing im kipgon laigimbat mi.  
\q1 Im mobedawan langa main laif.  
\q1 Blanga tharran na ai garra preisim yu.   
\q1
\v 4 Ai garra oldei gibit yu theingks raidap mi dai.  
\q1 Ai garra lidimap main bingga langa yu wen mi prei.   
\q1
\v 5 Main spirit garra jidan bulap en sedisfaid jis laik aibin dagat detmatj daga.  
\q1 Ai garra sing ola hepiwan song blanga preisim yu.   
\b  
\q1
\v 6 Naitaim wen mi leidan mi oldei jinggabat langa yu,  
\q1 en olnait mi jinggabat langa yu,   
\q1
\v 7 dumaji yu na bin oldei albumbat mi.  
\q1 Mi sing hepiwan song dumaji mi gudbinji.  
\q1 Mi jidan seifwan garram yu, jis laiga beibiwan jukjuk weya im jidan seifwan andanith langa im mami wing.   
\q1
\v 8 Mi holdim yu adbala,  
\q1 en yu bingga kipum mi seifwan.   
\b  
\q1
\v 9 Detlot hu oldei trai blanga kilim mi ded garra godan langa det pleis weya ola dedwan pipul jidan.   
\q1
\v 10 Olabat garra gitkil langa wofait,  
\q1 en ola wailwan dog garra dagadagat olabat bodi.   
\q1
\v 11 Dumaji God album det king blanga win,  
\q1 det king garra jidan gudbinjiwan.  
\q1 Detlot hu meigim pramis garram God neim garra preisim im,  
\q1 bat God garra jadimap ola mawus blanga laiyinbala pipul.   
\c 64  
\s1 Preya blanga jidan seifwan  
\s2 Preya blanga Deibid.  
\q1
\v 1 Mi garram trabul, God.  
\q1 Yu irrim main preya!  
\q1 Mi bradin blanga main enamimob.  
\q1 Yu seibum main laif!   
\q1
\v 2 Yu maindim mi brom detlot nogudwan plen blanga detlot nogudwan pipul.  
\q1 Olabat bigmob nogudwan pipul.   
\q1
\v 3 Olabat yusum olabat tang blanga tok ola wed laik shapwan naif,  
\q1 en ola krulwan wed kamat jis laik ola poisinwan erro weya det hanta yusum.   
\q1
\v 4 Olabat nomo bradin.  
\q1 Brabliwei dei spredimat ola laiyawan stori blanga ola gudbala pipul.  
\q1 Dei jis laik det hanta weya blandim miselp en shudum im erro.   
\q1
\v 5 Olabat album gija blanga dum nogudbala plen.  
\q1 Olabat tok gija hau dei garra pudum ola trep blanga gudbala pipul.  
\q1 En olabat tok, “Nobodi kaan luk melabat.  
\q1 God du kaan luk melabat.”   
\q1
\v 6 Olabat jidan en meigim plen blanga dum nogudbala ting en dei tok,  
\q1 “Wibin meigim brabli gudwan plen blanga dum.”  
\q1 Det hat en main blanga pipul im brabli difrinwan.  
\q1 Wi kaan sabi wanim dei jinggabat.   
\b  
\q1
\v 7 Bat God garra shudum olabat garram ol im erro,  
\q1 en streidawei olabat garra gitkil.   
\q1
\v 8 Im garra binijimap olabat blanga detlot nogud wed deibin tok.  
\q1 Detlot nogudbala wed weya deibin oldei toktok garra binijimap olabat.  
\q1 Ebribodi hu garra luk olabat garra sheikim olabat hed blanga mokimbat langa olabat.   
\q1
\v 9 Olabat holot garra bradin.  
\q1 Dei garra jinggabat wanim God bin dum en dei garra tok blanga ola ting weya imbin dumbat.   
\q1
\v 10 Ola pipul hu jidan raitwei langa YAWEI garra gudbinji blanga wanim imbin dum.  
\q1 Olabat garra go langa im blanga jidan seifwan.  
\q1 Ola gudwan pipul garra preisim im.   
\c 65  
\s1 Song blanga preisim en gibitbat theingks langa God  
\s2 Song blanga Deibid blanga det bos blanga ola myusik.  
\q1
\v 1 Brabliwei melabat garra preisim yu, God, deya langa Saiyan,  
\q1 en melabat garra kipumbat ola pramis melabat bin meigim langa yu.   
\q1
\v 2 Dumaji yu oldei ensim ola preya,  
\q1 pipul brom ebriweya garra kaman langa yu.   
\q1
\v 3 Ola nogudbala ting melabat oldei dumbat jidan bos blanga melabat,  
\q1 bat yu na oldei sori en larramgo melabat fri.   
\q1
\v 4 Ol detlot pipul weya yubin pikimat en bringimap blanga jidan langa det seikridwan haus blanga yu, jidan gudbinjiwan.  
\q1 Melabat garra jidan gudbinjiwei garram ola gudwan ting langa det seikridwan haus blanga yu.   
\b  
\q1
\v 5 God, wen yu irrim melabat preya yu oldei dum ola brabli gudbala ting en seibum melabat.  
\q1 Pipul langa ebri kantri en brom najasaid langa solwoda du trastimbat yu, God.   
\q1
\v 6 Garram yu pawa yubin meigim ola bigwan hil en pudum olabat langa olabat raitwan pleis,  
\q1 en dei shoum pipul yu na brabli strongwan.   
\q1
\v 7 Yu meigim det solwoda jidan kwaitbala.  
\q1 Yu meigim pipul jidan kwaitbala wen dei meigimbat trabul.   
\q1
\v 8 Wen yu dum ola brabli gudbala ting, ola pipul brom ola kantri sanraiswei raidap langa ola kantri sangodanwei hatjamp brabliwei, en olabat jingat gudbinjiwei.   
\b  
\q1
\v 9 Yu lukaftumbat dijan graun.  
\q1 Yu jandimdan rein en meigim det graun jidan brabli gudwan wulijim ola daga garra gro.  
\q1 Yu bilimap ola draiwan krik en ola riba garram woda.  
\q1 Yu pudum ola plent langa graun blanga ola pipul blanga dagat, en yu growimap olkain daga.  
\q1 Yu na dumbat ol dislot ting.   
\q1
\v 10 Yu jandimdan rein blanga meigim det graun jidan wetwan blanga meigim redibala blanga growimapbat ola sid daga.  
\q1 Yu jandimdan rein blanga meigim det graun sofwan wulijim ola yangwan plent garra gro.   
\q1
\v 11 God, dumaji yu brabli gudbala, yu gibit melabat detmatj gudwan ting.  
\q1 Yu gibit melabat olkain daga en bif.   
\q1
\v 12 Ebriweya langa kantri detmatj buligi, ship en nenigout jidan.  
\q1 Ola hil kantri garram olkain plent en gras en tri, en im jis laik im preisim yu gudbinjiwei.   
\q1
\v 13 Ola ship jidan detmatj langa det kantri,  
\q1 en sid daga gaburrumap ola plein kantri.  
\q1 Im jis laik ebrijing brabli gudbinji en sing en preisim yu.   
\c 66  
\s1 Song blanga gibit preis en theingks langa YAWEI  
\q1
\v 1 Ola pipul langa dijan wel preisim God adbala gudbinjiwei!   
\q1
\v 2 Sing blanga preisim im haibala neim.  
\q1 Preisim im brabliwei.   
\q1
\v 3 Tok langa God, “Yu dumbat ola brabli gudwan ting.  
\q1 Blanga yu pawa im brabli strongbalawan, en yu enami olabat brabli bradin blanga yu en baudan lida langa yu.   
\q1
\v 4 Ebribodi langa dijan wel weship langa yu.  
\q1 Olabat preisim yu.  
\q1 Olabat sing ola preis song langa yu neim.”   
\b  
\q1
\v 5 Kaman en luk wanim God bin dum.  
\q1 Imbin dum ola brabli gudwan ting blanga pipul.   
\q1
\v 6 Imbin meigim det solwoda jidan drai graun.  
\q1 Wi femilimob hubin jidan bifo bin krosoba langa det riba garram fut.  
\q1 Deya na, wibin jingat gudbinjiwei blanga wanim imbin dum.\x + \xo 66:6 \xt Eksa 14:21; Josh 3:14-17\x*   
\q1
\v 7 Garram im strongbala pawa im jidan bos olagijawan, en im wotjimbat pipul langa ola kantri.  
\q1 Nomo gibit bekboun langa YAWEI.   
\q1
\v 8 Ola pipul brom ebri kantri preisim wi God.  
\q1 Larram ebribodi irrim det preis.   
\q1
\v 9 Im nomo bin larram wi dai,  
\q1 en im nomo bin larram wi buldan.   
\b  
\q1
\v 10 God, yubin testimbat melabat wulijim silba wen im barn langa faiya blanga klinimat det rabish pat.  
\q1 Wal lagijat na yubin testim melabat.   
\q1
\v 11 Yubin larram melabat abum loda trabul jis laik melabat bin buldan insaid langa trep,  
\q1 en jis laik yubin meigim melabat garrimap hebiwan loud langa bekboun.   
\q1
\v 12 Yubin larram melabat enami olabat jidan krulbala bos langa melabat, jis laik deibin ranimdan melabat garram olabat hosis en bagi.  
\q1 Melabat bin abum brabli adtaim, jis laik wen faiya o fladwoda binijimap ebrijing blanga pipul.  
\q1 Bat yu na bin bringimap melabat langa seifwan pleis garram detmatj daga.   
\b  
\q1
\v 13-14 Ai garra deigim detlot barnapwan ofring langa yu serramoni pleis.  
\q1 Ai garra gibit yu wanim aibin pramisim wen aibin abumbat trabul.   
\q1
\v 15 Ai garra gibit ola fetwan enimul langa yu blanga sekrifais.  
\q1 Ai garra gibit yu ola boiwan ship en buligi en nenigout, en det smok garra gowap langa yu.   
\b  
\q1
\v 16 Ol yumob pipul hu gibit rispek langa God,  
\q1 kaman en irrim wanim imbin dum blanga mi.   
\q1
\v 17 Aibin jingat langa im blanga album mi.  
\q1 Aibin preisim im garram ola song.   
\q1
\v 18 If ai bina nomo sabi langa ol main nogudbalawei,  
\q1 im nomo bina irrim mi.   
\q1
\v 19 Bat God bin irrim mi orait.  
\q1 Imbin irrim main preya.   
\b  
\q1
\v 20 Mi preisim God, dumaji im nomo bin nokambek main preya,  
\q1 en kipumbek im filing blanga laigim mi olataim.   
\c 67  
\s1 Dijan song blanga gibit theingks langa God  
\q1
\v 1 God, yu sori langa melabat,  
\q1 en yu dum ola gudbala ting blanga melabat.  
\q1 Yu garra luk langa melabat garram yu shainiwan feis,   
\q1
\v 2 wulijim ola pipul langa ebri kantri garra sabi wanim yu wandim olabat blanga dum,  
\q1 en ola pipul garra sabi yu na garram det pawa blanga seibum olabat.   
\b  
\q1
\v 3 Ola pipul preisim God!  
\q1 Larram ola pipul ebriweya preisim yu brabliwei.   
\b  
\q1
\v 4 Larram ola pipul langa ebri kantri jidan gudbinji en sing song gudbinjiwei langa yu,  
\q1 dumaji yu jadjim ola pipul raitwei en gibit olabat feyago,  
\q1 en yu lidim ebri kantri langa dijan wel.   
\b  
\q1
\v 5 Ola pipul preisim God!  
\q1 Larram ola pipul ebriweya preisim yu brabliwei.   
\b  
\q1
\v 6 God garra meigim dijan kantri jidan garram detmatj daga.  
\q1 Det God blanga wi na garra gibit wi ebrijing.   
\q1
\v 7 God garra brabli gudbala langa wi,  
\q1 en ola pipul ebriweya garra gibit im rispek.   
\c 68  
\s1 God garra win det bigwan fait  
\s2 Song blanga Deibid.  
\q1
\v 1 God, yu gidap en meigim yu enami olabat ranawei ebriweya.  
\q1 Detlot hu nomo laigim yu, olabat ranawei dumaji dei nomo bin win.   
\q1
\v 2 Yu andimwei olabat ebriweya wulijim det win wen im blowimwei det smok.  
\q1 Wulijim kendul weya im meltap langa faiya, wal lagijat du detlot nogudwan pipul garra binij rait deya lida langa yu God.   
\q1
\v 3 Bat ola pipul hu jidan trubalawei garra gudbinji deya weya God im jidan.  
\q1 Olabat garra gudbinji en jingat adbala gudbinjiwei.   
\b  
\q1
\v 4 Sing langa God. Sing preis song langa im neim.  
\q1 Meigim det wei redi blanga tharran hu kaminap garram klaud.  
\q1 Im neim YAWEI det trubala God.  
\q1 Jidan gudbinji garram im.   
\b  
\q1
\v 5 God hu jidan langa im Serramoni Pleis,  
\q1 oldei lukaftumbat ola pipul hu nomo garram mami en dedi en ola widogel du.   
\q1
\v 6 Im gibit kemp langa pipul hu nomo garram femili, en meigim ola prisana jidan gudbinji en fri.  
\q1 Bat pipul hu laigim faidabat garra jidan langa kantri weya nomo garram enijing.   
\b  
\q1
\v 7 God, wen yubin deigimat yu pipul olabat brom Ijip,  
\q1 en yubin go lida langa olabat deya langa det deset kantri,   
\q1
\v 8 det graun bin sheik en rein bin buldan,  
\q1 dumaji yu na God, det God hubin tok langa Sainai,  
\q1 en yu na det God blanga ola Isreil pipul.\x + \xo 68:8 \xt Eksa 19:18\x*   
\q1
\v 9 Yubin meigim detmatj rein kaman en meigim det drai kantri gudwan igin.   
\q1
\v 10 Yu pipul olabat bin meigim olabat kemp deya na,  
\q1 en garram yu gudwan filing yubin album ola powan pipul.   
\b  
\q1
\v 11 Bos, yubin gibit wed en loda wuman bin deigim dijan nyus ebriweya,   
\q1
\v 12 “Ola boswan en olabat amimob ranaweibat na!”  
\q1 Lagijat na deibin tok.  
\q1 Ol detlot wuman hubin stap langa kemp en maindimbat ola ship bin kadimat miselp ebrijing weya deibin gedim langa det wofait.   
\q1
\v 13 Deibin gedimbat detmatj silba en gol,  
\q1 en olabat bin jidan purdiwan jis laiga purdiwan bard.   
\q1
\v 14 Wen God det brabli boswan bin andimwei ola king langa det bigwan hil gulum Seilman,  
\q1 imbin meigim sno buldan deya.   
\q1
\v 15 Beishan im brabli bigwan hil.  
\q1 Im jandap garram loda haiwan haiwan hil.   
\q1
\v 16 Beishan, wotfo yu jidan jelas langa det hil gulum Saiyan weya God bin pikimat blanga jidan?  
\q1 YAWEI det trubala God garra jidan deya olagijawan na.   
\b  
\q1
\v 17 YAWEI bin kaman brom Sainai blanga go langa det seikridwan haus langa Saiyan.  
\q1 Imbin kaman garram detmatj hos en bagi yu kaan adli kaundimap olabat, jis laik ola lif langa tri.   
\q1
\v 18 Imbin gowap langa det haibalawan hil gulum Saiyan,  
\q1 en imbin deigim loda prisana garram im du.  
\q1 Ola pipul bin gibit im gudwan ting,  
\q1 en detlot nogudbala pipul hubin gibit bekboun langa im bin gibit im gudwan ting du.  
\q1 YAWEI det trubala God garra jidan deya na.\x + \xo 68:18 \xt Ifi 4:8\x*   
\b  
\q1
\v 19 Wi garra preisim det Bos hu oldei garrimap wi trabul ebridei.  
\q1 Im na det God hu oldei seibum wi.\fig |src="MB Ps68.19.tif" size="col" ref="68:19" \fig*   
\q1
\v 20 Det God blanga wi na im det God hu oldei seibum wi.  
\q1 Im na YAWEI det trubala God, wi Bos.  
\q1 Im na seibumbat wi brom daidaibat.   
\b  
\q1
\v 21 God na garra breigimap ola hedpat blanga im enami olabat,  
\q1 ol detlot na hu kipgon dumbat ola nogudbala ting.   
\q1
\v 22 Det Bos bin tok,  
\q1 “Ai garra bringimbek yu enami olabat brom det hil kantri gulum Beishan.  
\q1 En ai garra bringimbek olabat brom det dipwan solwoda,   
\q1
\v 23 wulijim yumob garra wok langa olabat blad,  
\q1 en ola dog blanga yumob gin dagadagat haumatj dei wandim.”   
\b  
\q1
\v 24 Main God, yubin win,  
\q1 en ebribodi bin luk yubin go lida langa yu brabli seikridwan pleis.   
\q1
\v 25 Ola singa bin go lida,  
\q1 en detlot hubin plei myusik bin kaman biyain,  
\q1 en langa midul ola yanggel bin hitimbat ola lilwan dram.   
\q1
\v 26 Wen ol im pipul olabat midap olabat tok, “Preisim God.  
\q1 Preisim YAWEI ol yumob femili blanga Jeikob.”   
\q1
\v 27 Det lilwan klen blanga Benjamin bin go lida basdam.  
\q1 Brom deya ola lida blanga det klen blanga Juda garram olabat pipul olabat,  
\q1 en afta, ola lida blanga det dubala klen gulum Sebyulan en Neftali.   
\b  
\q1
\v 28-29 God, brom yu seikridwan pleis langa Jerusalem weya ola boswan king oldei bringim presen langa yu,  
\q1 shoum yu pawa, det pawa na weya yubin yusum basdam blanga seibum melabat.   
\q1
\v 30 Panishim detlot pipul langa Ijip hu jidan jis laik det wailwan enimul langa ribasaid,  
\q1 en panishim detlot enami olabat langa najalot kantri hu bosmob jidan laik ola wailwan buligi, raidap olabat meigim miselp lobala langa yu en gibit yu ola silba.  
\q1 Yu jandimwei ebriweya detlot pipul hu oldei laigim meigimbat wofait.   
\q1
\v 31 Meigim detlot boswan kaman brom Ijip garram ola kopawan presen,  
\q1 en meigim detlot Ithiyopiya pipul lidimap olabat bingga blanga prei langa God.   
\b  
\q1
\v 32 Sing song langa God ola pipul ebriweya langa dis wel.  
\q1 Sing blanga preisim im.   
\q1
\v 33 Im na kaman garram klaud brom det skai weya imbin meigim longtaim.  
\q1 Ebribodi irrim det thanda.  
\q1 Tharran na YAWEI jinginatbat adbala.   
\q1
\v 34 Ebribodi garra tok blanga det pawa blanga God.  
\q1 Im na jidan brabli boswan langa ola Isreil pipul,  
\q1 en det skai na shoum im pawa.   
\q1
\v 35 Im brabli haibalawan God en im kaman brom det pleis weya im jidan.  
\q1 Im na det God blanga ola Isreil pipul.  
\q1 Im na meigim im pipul olabat strongbala,  
\q1 en im na gibit olabat pawa.  
\b  
\q1 Preisim God!   
\c 69  
\s1 Preya langa God blanga album  
\s2 Preya blanga Deibid.  
\q1
\v 1 God, seibum mi!  
\q1 Det woda im raidap langa main nek.   
\q1
\v 2 Mi godan olawei langa dipwan mad en andanith im nomo adwan, najing.  
\q1 Mi longwei langa dip woda en det woda im gulijap draundim mi.   
\q1
\v 3 Mi nokap na brom jinginatbat langa yu blanga album mi,  
\q1 en main throut im nogud du.  
\q1 Mi ardim ai brom lukaranbat blanga yu blanga album mi.   
\b  
\q1
\v 4 Detlot pipul hu nomo laigimbat mi fo najing, olabat jidan detmatj na, mowa den ol main heya langa main hed.  
\q1 Main enami olabat oldei dalimbat laiya stori blanga mi.  
\q1 Olabat strongbala en dei wandi kilim mi ded.  
\q1 Deibin meigim mi gibit ola ebrijing langa olabat weya ai nomo bin stilim.\x + \xo 69:4 \xt Saam 35:19; Jon 15:25\x*   
\q1
\v 5 God, ai kaan haidim ol main nogudbalawei brom yu.  
\q1 Yu sabi wen mi jidan nogudbala.   
\q1
\v 6 Yu na YAWEI, det Brabli Boswan God.  
\q1 Nomo larram mi meigim sheim langa ol detlot hu trastim yu.  
\q1 God blanga Isreil, nomo larram mi meigim sheim langa detlot hu weship yu.   
\q1
\v 7 Blanga yu na najalot pipul bin meigim fan langa mi,  
\q1 en mi jidan garram sheim brabliwei na.   
\q1
\v 8 Mi wulijim streinja langa main femilimob.  
\q1 Langa main femilimob mi jis laik brom najawan kantri.   
\b  
\q1
\v 9 Mi laigim det Serramoni Pleis blanga yu brabliwei.  
\q1 Main filing insaid im barn wulijim faiya.  
\q1 Wen pipul tok nogudwan wed langa yu, im meigim mi nogud du.\x + \xo 69:9 \xt Jon 2:17; Rom 15:3\x*   
\q1
\v 10 Wen ai nomo dagat daga blanga meigim miselp lobala,  
\q1 pipul tokabat nogudwei langa mi.   
\q1
\v 11 Wen mi werrimon sekbeigwan klos blanga jidan soribalawei,  
\q1 olabat laf langa mi.   
\q1
\v 12 Olabat tokabat mi ebriweya langa roud,  
\q1 en drangginwan pipul meigimap song blanga mi.   
\b  
\q1
\v 13 Bat mi, ai garra prei langa yu, YAWEI.  
\q1 God, langa yu ron taim yu ensim mi.  
\q1 Yu ensim mi, dumaji yu garram bigwan filing blanga laigim pipul brabliwei,  
\q1 en dumaji yu oldei kipum blanga yu pramis blanga seibumbat pipul.   
\q1
\v 14 Seibum mi God. Pulumat mi brom det mad. Nomo larram mi sinkdan.  
\q1 Kipum mi seif brom main enami olabat.  
\q1 Seibum mi brom det dipwan woda.   
\q1
\v 15 Nomo larram fladwoda gaburrumap mi,  
\q1 en nomo larram mi draun,  
\q1 en nomo larram mi godan langa greib.   
\b  
\q1
\v 16 Ensim mi YAWEI, dumaji yu na brabli gudwan en yu kipgon laigimbat mi detmatj.  
\q1 Dumaji yu brabli kainbala, wal yu kaman langa mi.   
\q1
\v 17 Nomo haidim miselp brom mi, yu wekinmen.  
\q1 Ai garram bigwan trabul. Yu ensim mi na.   
\q1
\v 18 Kaman langa mi en seibum mi.  
\q1 Seibum mi brom main enami olabat.   
\b  
\q1
\v 19 Yu sabi hau ai oldei abum adtaim, en hau mi jidan garram sheim, en nomo garram eni rispek.  
\q1 Yu gin luk ol main enami olabat.   
\q1
\v 20 Det nogudwan wed bin meigim mi nogudbinji en ai kaan dum enijing na.  
\q1 Aibin wandim pipul blanga sori langa mi, bat najing.  
\q1 Aibin wandim pipul blanga kaman langa mi blanga meigim mi gudbinji, bat najing.   
\q1
\v 21 Wen aibin hanggri deibin gibit mi poisinwan bif.  
\q1 Wen aibin thesti deibin gibit mi biniga.\x + \xo 69:21 \xt Meth 27:48; Mak 15:36; Luk 23:26; Jon 19:28,29\x*   
\b  
\q1
\v 22 Meigim olabat seikridwan padi panishim olabat gin.  
\q1 En meigim olabat jidan nomo garram enijing.   
\q1
\v 23 Meigim olabat blainwan,  
\q1 en meigim olabat garrimap hebiwan loud olagijawan.\x + \xo 69:23 \xt Rom 11:9,10\x*   
\q1
\v 24 Gitwail en ranimap olabat raidap yu gajim olabat.  
\q1 Dumaji yu wail langa olabat, wal yu panishim olabat.   
\q1
\v 25 Meigim olabat kemp jidan emtiwan.  
\q1 Nomo larram enibodi jidan laibala langa olabat kemp.\x + \xo 69:25 \xt Eks 1:20\x*   
\q1
\v 26 Olabat mokimbat ol detlot pipul weya yubin panishim.  
\q1 Olabat tokabat blanga detlot pipul weya jidan garram detmatj pein dumaji yubin panishim.   
\q1
\v 27 Yu raidimdan ola nogud ting weya dei dumbat.  
\q1 Nomo larram olabat joinin garram detlot pipul weya yubin meigim jidan fri.   
\q1
\v 28 Rabumat olabat neim brom det speshalwan buk blanga laif.  
\q1 Nomo larram olabat neim jidan garram ola neim blanga yu pipul olabat.\x + \xo 69:28 \xt Eksa 32:32; Reb 3:5; 13:8; 17:8\x*   
\b  
\q1
\v 29 Bat mi ardim en ai nomo sabi wanim ai garra dum.  
\q1 Yu lidimap mi God, en seibum mi.   
\b  
\q1
\v 30 Ai garra preisim God garram song.  
\q1 Ai garra tokabat blanga det haibalawei blanga im en gibit im theingks.   
\q1
\v 31 Tharran na garra meigim YAWEI jidan mowa gudbinji, mowa den det buligi ofring.  
\q1 Nomeda if yu sekrifais brabli bigwan bul garram bigwan hon, im stil najing tharran.   
\q1
\v 32 Wen ol detlot pipul hu abumbat adtaim luk dijan, dei garra gudbinji.  
\q1 Detlot hu weshipbat God garra jidan mowa strongbala.   
\q1
\v 33 YAWEI im lisin langa ol detlot pipul hu nomo garram enijing,  
\q1 en im nomo fogedabat im pipul olabat hu oldei jidan prisana.   
\b  
\q1
\v 34 Ebrijing langa skai en graun, preisim God.  
\q1 Ola solwoda en ola enimul langa solwoda preisim im du.   
\q1
\v 35 Im garra seibum Jerusalem en bildimap ola taun langa Juda igin.  
\q1 Im pipul olabat garra jidan deya igin.   
\q1
\v 36 Detlot bambaiwan femilimob blanga detlot pipul hu teiknodis en duwit langa im garra teikoba en abum det kantri,  
\q1 ol detlot na hu laigim im garra jidan deya.   
\c 70  
\s1 Dijan preya blanga albumbat  
\s2 Preya blanga Deibid.  
\q1
\v 1 Main God, seibum mi!  
\q1 Kwikbala YAWEI, album mi tudei na!   
\q1
\v 2 Detlot hu trai blanga kilim mi,  
\q1 nomo larram olabat win,  
\q1 en yu meigim olabat grangran hed.  
\q1 Stapam detlot hu jidan gudbinji langa ol main trabul,  
\q1 en meigim olabat gobek garram sheim.   
\q1
\v 3 Detlot hu mokimbat mi,  
\q1 meigim olabat nogudbinji en jidan sheimwei.   
\b  
\q1
\v 4 Ol detlot hu kaman langa yu,  
\q1 larram olabat jidan gudbinjiwei.  
\q1 Ol detlot pipul hu jidan gudbinji wen yubin seibum olabat,  
\q1 larram olabat tok lagijat,  
\q1 “God na im brabli haibalawan orait!”   
\b  
\q1
\v 5 Bat mi jidan wikwan nomo garram enijing.  
\q1 Main God, kaman kwikbala langa mi!  
\q1 Yu na YAWEI, main trubalawan God en yu na gin seibum mi.  
\q1 Kaman kwikbala en album mi!   
\c 71  
\s1 Dijan preya blanga olwan pipul  
\q1
\v 1 YAWEI, ai kaman langa yu blanga kipum mi seifwan.  
\q1 Nomo larram enibodi meigim mi sheim.   
\q1
\v 2 Dumaji yu oldei dum wanim rait, album mi en seibum mi.  
\q1 Irrim mi en seibum mi.   
\q1
\v 3 YAWEI, yu jidan jis laiga bigwan ston weya ai gin go enitaim blanga jidan seifwan.  
\q1 Yu main seifwan haus en yu fait blanga mi.   
\b  
\q1
\v 4 Main God, yu seibum mi brom ola nogudbala pipul,  
\q1 en brom det pawa blanga ola krulwan en brabli nogudwan pipul.   
\q1
\v 5 YAWEI yu det boswan God. Ai libum ebrijing langa yu.  
\q1 Aibin trastimbat yu brom yang taim.   
\q1
\v 6 Ol main laif aibin larram yu hendulum ebrijing.  
\q1 Yubin maindimbat mi olawei brom det taim wen aibin bon.  
\q1 Ai garra preisimbat yu olataim.   
\q1
\v 7 Main laif shoum loda pipul,  
\q1 yu na strongwan en yu oldei lukaftumbat mi.   
\q1
\v 8 Mi preisimbat yu oldei.  
\q1 Mi tokabat yu dumaji yu brabli haibalawan.   
\q1
\v 9 Nomo libum mi dumaji mi olbala.  
\q1 Nomo libum mi na dumaji mi wikwan.   
\q1
\v 10 Main enami olabat wandim kilim mi ded.  
\q1 Olabat tokabat blanga wanim dei garra dum langa mi.   
\q1
\v 11 Olabat tok, “God bin libum im na.  
\q1 Wi garra go en gedim im. Nobodi kaan seibum im.”   
\b  
\q1
\v 12 God, nomo jidan longwei.  
\q1 Kaman kwikbala en album mi.   
\q1
\v 13 Yu nomo larram detlot hu kaman blanga fait langa mi win. Yu binijap olabat.  
\q1 Yu meigim detlot hu wandi ardim mi, sheim brabliwei.   
\q1
\v 14 Ai garra oldei trastim langa yu blanga ebrijing.  
\q1 Ai garra kipgon preisimbat yu.   
\q1
\v 15 Ai garra dalimbat ola gudbala ting weya yu oldei dumbat blanga seibum yu pipul olabat,  
\q1 nomeda ai nomo sabi ebrijing weya yubin dum.   
\q1
\v 16 YAWEI, yu na det brabli strongwan God,  
\q1 en yu na bin dum detmatj ting garram yu pawa.  
\q1 Ai garra tokabat blanga yu dumaji yu trubala.  
\q1 Oni yu na ai garra preisim.   
\b  
\q1
\v 17 Main God, brom wen aibin lilwan yubin titjim mi,  
\q1 en raidap tudei mi stil dalimbat pipul blanga ola gudwan ting weya yu oldei dumbat.   
\q1
\v 18 Main God, nomo libum mi dumaji mi olwan en mi garram greiwan heya.  
\q1 Jidan garram mi wen mi toktokbat blanga yu pawa langa ola biginini, en olabat bigininimob wen dei garra kaman bambai.   
\b  
\q1
\v 19 Blanga yu raitwei im gajimap det skai. Yubin dum loda haibalawan ting.  
\q1 Nobodi jidan wulijim yu, najing.   
\q1
\v 20 Yubin meigim trabul kaman langa mi en aibin ardim, bat yu garra meigim mi strongbala igin.  
\q1 Yu kaan larram mi go langa greibyad.   
\q1
\v 21 Yu garra meigim mi jidan mowa haibalawan igin.  
\q1 Yu garra meigim mi jidan gudbinjiwei igin.   
\b  
\q1
\v 22 Ai garra preisim yu garram gita.  
\q1 Blanga det trubalawei blanga yu ai garra preisim yu, main God.  
\q1 Garram main gita ai garra plei ola song langa yu, det holiwan God blanga Isreil.   
\q1
\v 23 Ai garra jingat gudbinjiwei wen mi preisim yu.  
\q1 Brabliwei na ai garra sing dumaji yubin baiyimbek mi.   
\q1
\v 24 Oldei ai garra tokabat blanga det raitwei blanga yu,  
\q1 dumaji ol detlot hubin wandim trai kilim mi,  
\q1 dei nomo bin win en dei jidan brabli sheim na.   
\c 72  
\s1 Dijan preya blanga King  
\s2 Preya blanga Salaman.  
\q1
\v 1 God, yu album det king blanga kotim pipul raitwei.  
\q1 Yu album im blanga gibit pipul feyago laik yu oldei dum,   
\q1
\v 2 wulijim im gin jidan bos blanga yu pipulmob raitwei,  
\q1 en gibit feyago langa detlot pipul hu abumbat adtaim.   
\q1
\v 3 Meigim dijan kantri jidan gudbalawei garram ebrijing,  
\q1 dumaji yu pipul bulurrum det raitwei blanga yu.   
\q1
\v 4 Meigim det king kotim ola powan pipul feyago,  
\q1 en albumbat ola pipul hu nomo abum enijing,  
\q1 en bidim detlot hu oldei gibit olabat adtaim.   
\q1
\v 5 Meigim det king jidan laibala olataim,  
\q1 jis laik det san shain olataim, en det mun gibit lait olataim.   
\b  
\q1
\v 6 Meigim det king jidan jis laik rein weya meigim ebrijing gudwan langa dijan kantri.   
\q1
\v 7 Meigim det king jidan det raitwei langa im laif olataim,  
\q1 wulijim ola pipul garra jidan gudbinjiwei garram ebrijing olagijawan.   
\b  
\q1
\v 8 Larram im jidan bos blanga ola kantri brom wan solwoda raidap langa najawan solwoda,  
\q1 en brom det Yufreitis Riba raidap najasaid langa dijan wel.\x + \xo 72:8 \xt Sek 9:10\x*   
\q1
\v 9 Detlot pipul hu jidan langa drai kantri garra nildan lida langa im,  
\q1 en im enami olabat garra tjakam miselp feisdan langa graun.   
\q1
\v 10 Ola king brom Tashish en brom ola ailin kantri garra gibitbat presen langa im.  
\q1 Detlot king brom Shiba en Seba garra bringimap ola ofring langa im du.   
\q1
\v 11 Meigim ola king nildan lida langa im,  
\q1 en ola pipul brom ebri kantri garra wek blanga im.   
\b  
\q1
\v 12 Im seibum ola powan pipul wen olabat jingat langa im,  
\q1 en ol detlot du hu nomo garram enijing en detlot weya nobodi album olabat.   
\q1
\v 13 Im garram soriwan filing blanga ola wikwan en ola powan pipul,  
\q1 en im seibum detlot laif blanga ol detlot hu nomo garram enibodi blanga albumbat olabat.   
\q1
\v 14 Im seibum olabat brom abumbat adtaim en brom faitfaitbat,  
\q1 dumaji olabat laif jidan speshalwan langa im.   
\b  
\q1
\v 15 Trubala, longtaim im garra jidan king!  
\q1 Larram detlot pipul brom Shiba gibit im gol.  
\q1 Larram ola pipul prei blanga im olataim.  
\q1 Larram God jidan gudbala langa im olataim.   
\q1
\v 16 Larram ola sid daga jidan detmatj langa det kantri.  
\q1 Larram ola hil kantri jidan garram detmatj daga, jis laik Lebanan garram detmatj.  
\q1 Larram ola taun jidan garram detmatj pipul, jis laik ola fam kantri jidan garram detmatj gras.   
\q1
\v 17 Larram pipul jinggabat det neim blanga det king olagijawan, en nomo fogedabat im.  
\q1 Larram pipul ebriweya sabi blanga im raidap det taim weya det san kaan gibit lait enimo.  
\q1 Larram pipul langa ebri kantri askim God blanga jidan gudbalawei langa olabat, seimwei laik imbin gudbala langa det king.   
\b  
\q1
\v 18 Preisim YAWEI det God blanga Isreil!  
\q1 Oni im na oldei dumbat ola gudwan ting.   
\q1
\v 19 Preisim im haibala neim olagijawan.  
\q1 Larram ola pipul ebriweya sabi det haibalawei blanga im.  
\q1 Yuwai! Trubala!   
\b  
\q1
\v 20 Dijan na det laswanpat blanga ola preya weya Deibid det san blanga Jesi bin prei.   
\c 73  
\s1 God garra gibit ebribodi feyago  
\s2 Song blanga Eisaf.  
\q1
\v 1 Trubala YAWEI im brabli gudbala langa ola Isreil pipul,  
\q1 en langa detlot pipul hu jidan trubalawei langa im.   
\q1
\v 2 Bat aibin gulijap nomo bilib na, jis laik aibin gulijap buldan,   
\q1
\v 3 dumaji aibin jelas langa detlot praudbala en nogudbala pipul wen aibin oldei luk ebrijing bin oldei go gudwei blanga olabat.   
\b  
\q1
\v 4 Olabat nomo ardimbat olataim.  
\q1 Olabat jidan strongbala en gudwei.   
\q1
\v 5 Olabat nomo abumbat detlot trabul laik najalot pipul abumbat.   
\q1
\v 6 Ebridei olabat jidan brabli praudbala,  
\q1 en ebridei olabat oldei faitabat jis laik ebridei dei werrimon klos.   
\q1
\v 7 Brom insaid olabat adwan hat ol detlot nogudwan ting kamat,  
\q1 en olabat oldei jinggabat nogudwan ting olataim.   
\q1
\v 8 Olabat oldei laflafbat en toktok nogudwei blanga pipul.  
\q1 Dei jidan praudbala en dei oldei meigimbat plen blanga ardimbat najalot pipul.   
\q1
\v 9 Olabat tok nogudbalawei blanga YAWEI hu jidan deya langa hebin.  
\q1 En olabat oldei bosobabat ebribodi iya langa graun,   
\q1
\v 10 en ola pipul blanga YAWEI bin bulurrum olabat,  
\q1 en bilib wanim olabat bin tok.   
\q1
\v 11 Olabat oldei tok, “YAWEI det Haibalawan God nomo sabi enijing en im kaan faindat wanim wi dumbat.”   
\q1
\v 12 Lagijat na ola nogudbala pipul jidan.  
\q1 Olabat oldei abum blendibala ting, en dei gedimbat mowa en mowa enijing weya dei oldei wandimbat.   
\b  
\q1
\v 13 Maitbi fo najing aibin kipum miselp klinbala en nomo bin dumbat ola nogudwan ting.   
\q1
\v 14 God, yubin meigim mi abumbat det pein oldei,  
\q1 en ebri ailibala yubin oldei panishimbat mi.   
\b  
\q1
\v 15 If ai bina tok ola nogudbala ting, wal ai nomo bina jidan laik yu pipul olabat.   
\q1
\v 16 Aibin trai jinggabat blanga sabi ebrijing blanga ola gudbala pipul en ola brabli nogudbala pipul, bat najing. Imbin brabli adwan.   
\q1
\v 17 Bat wen aibin go langa yu Serramoni Pleis, deya na aibin sabi wanim garra hepin langa ol detlot brabli nogudbala pipul.   
\b  
\q1
\v 18 Yu na YAWEI garra meigim olabat buldan en olabat garra ol binijap.   
\q1
\v 19 Streidawei olabat garra binij. Olabat kaan dai gudwei.   
\q1
\v 20 Olabat jidan jis laiga drim weya gowei wen yu gidap ailibala. YAWEI wen yu gidap, olabat binij du, jis laik det drim.   
\b  
\q1
\v 21 Wen aibin oldei jinggabat ola nogud ting, en aibin oldei ardimbat,   
\q1
\v 22 aibin jidan brabli siliwan wulijim wailwan enimul.  
\q1 Ai nomo bin sabi langa yu.   
\q1
\v 23 Bat stil aibin jidan gulijap langa yu,  
\q1 en yu holdim main bingga.   
\q1
\v 24 Yu shoumbat mi wujei blanga go garram yu wed,  
\q1 en bambai yu garra welkam mi deya weya yu jidan garram yu pawa en shainiwan lait.   
\q1
\v 25 YAWEI, oni yu na ai garram deya ontop langa hebin.  
\q1 Dumaji ai garram yu, ai kaan wandim enijing langa dijan kantri na.   
\q1
\v 26 Maitbi main bodi en main garra jidan wikwan,  
\q1 bat yu na God meigim mi jidan strongbala,  
\q1 en oni yu na mi wandim olagijawan.   
\b  
\q1
\v 27 Ol detlot pipul hu gibit bekboun langa yu garra binijap.  
\q1 Yu garra binijimap ol detlot hu nomo jidan trubalawei langa yu.   
\q1
\v 28 Bat im brabli gudwan blanga mi blanga jidan gulijap langa yu God.  
\q1 Mi jidan seifwan garram yu, YAWEI det boswan God.  
\q1 Ai garra dalimbat najalot pipul blanga ola gudbala ting yubin dumbat.   
\c 74  
\s1 Dijan preya langa God blanga seibum Isreil  
\s2 Song blanga Eisaf.  
\q1
\v 1 God, wotfo yubin libum melabat? Yu garra lagijat olagijawan?  
\q1 Wotfo yu wail langa yu ron pipul olabat? Melabat blanga yu ship.   
\q1
\v 2 Yu jinggabat yu pipul olabat weya yubin pikimat blanga yu ronselp longtaim,  
\q1 en wen yubin baiyimbek olabat wen deibin jidan prisana,  
\q1 en yubin meigim olabat jidan yu ronwan traib.  
\q1 Yu jinggabat det hil gulum Saiyan weya yubin jidan bifo.   
\q1
\v 3 Yu wok oba ol detlot rabish weya yu seikridwan haus bin jidan.  
\q1 Melabat enami olabat bin bitsimap ebrijing.   
\b  
\q1
\v 4 Yu enami olabat bin jinginatbat adbala langa yu Serramoni Pleis.  
\q1 Deibin bidim melabat en bin pudumbat olabat fleig deya blanga shoum deibin win.   
\q1
\v 5 Deibin jis laik detlot pipul hu oldei kadimdan tri garram olabat eks.   
\q1
\v 6 Deibin smeshimap ola purdiwan wudwan ebrijing garram olabat eks en bigwan hema.   
\q1
\v 7 Deibin barnimap yu Serramoni Pleis garram faiya,  
\q1 en deibin dum brabli nogud ting deya weya melabat oldei kaman en weshipbat yu.   
\q1
\v 8 Olabat bin wandi binijim melabat brabliwei,  
\q1 en deibin barnimap ola seikridwan pleis langa dijan kantri weya melabat bin weshipbat yu, God.   
\b  
\q1
\v 9 Ola seikridwan ebrijing bin ol binijap,  
\q1 en ola speshalwan mesinja blanga God bin ol binijap du.  
\q1 En nobodi sabi haulong dijan trabul garra kipgon lagijat.   
\q1
\v 10 God, haulong dislot enami blanga melabat garra laflafbat langa yu?  
\q1 Maitbi olabat garra kipgon toktokbat nogudwei blanga yu neim fogud. Wotaim dei garra stap toktok nogudbalawei?   
\q1
\v 11 Wotfo yu nomo album melabat? Wotfo yu haidim miselp bingga?   
\b  
\q1
\v 12 Bat God, yubin jidan melabat king brom longtaim.  
\q1 Lodataim yubin oldei seibum yu pipul olabat iya langa melabat kantri.   
\q1
\v 13 Garram yu strongbala pawa yubin kadimat det solwoda,  
\q1 en yubin breigimap detlot hedpat blanga detlot bigwan enimul weya jidan insaid langa solwoda.\x + \xo 74:13 \xt Eksa 14:21\x*   
\q1
\v 14 Yu na bin breigimap detlot hedpat blanga detlot bigwan krokadail gulum Labaiyathan,  
\q1 en yubin gibit im bodi langa detlot deset enimul blanga dagat.\x + \xo 74:14 \xt Job 41:1; Saam 104:26; Aisai 27:1\x*   
\q1
\v 15 Yu na bin meigim ola springwoda en lilwan krik randan.  
\q1 En yu na bin draiyimap ola bigwan riba.   
\q1
\v 16 Yu na bos blanga deitaim en naitaim,  
\q1 en yu na bin pudum det san en det mun langa dubala pleis.   
\q1
\v 17 Yu na bin meigim ebrijing langa dijan wel blanga jidan langa olabat pleis,  
\q1 en yu na bin meigim hotwetha en kolwetha.   
\b  
\q1
\v 18 Bat YAWEI, yu jinggabat.  
\q1 Detlot enami blanga yu bin mokimbat yu,  
\q1 en olabat nomo bin bilib en wandim yu.   
\q1
\v 19 Nomo larram ola wailwan enimul gajim lilwan bard blanga yu.  
\q1 Nomo fogedabat yu ronwan pipulmob hu abumbat adtaim brom ola krulwan enami.   
\b  
\q1
\v 20 Yu jinggabat det strongwan pramis yubin meigim garram melabat,  
\q1 dumaji ola nogudbala ting jidan langa ebri kantri tudei.   
\q1
\v 21 Yu nomo larram detlot pipul hu abumbat adtaim jidan garram sheim.  
\q1 Yu larram ol detlot powan pipul en ol detlot pipul hu nomo garram enijing preisimbat yu neim.   
\b  
\q1
\v 22 Yu gidap God, en jandap blanga yu wei.  
\q1 Yu jinggabat na blanga ol detlot pipul hu oldei mokimbat yu.   
\q1
\v 23 Yu nomo fogedabat yu enami olabat hu oldei jinginatbat.  
\q1 Dei oldei kipgon jinginat.   
\c 75  
\s1 God im jadj  
\s2 Song blanga Eisaf.  
\q1
\v 1 Wi gibit yu theingks, God.  
\q1 Wi gibit yu theingks.  
\q1 Wi dalimbat blanga hau yu jidan haibalawan,  
\q1 en wi tok blanga ola brabli gudwan ting yubin dum.   
\b  
\q1
\v 2 God im tok, “Aibin meigim taim blanga jadjimbat pipul,  
\q1 en ai garra gibitbat olabat feyago.   
\q1
\v 3 Nomeda dijan wel en ebrijing weya jidan laibala langa dijan wel sheiksheik nomo lilbit,  
\q1 ai garra meigim im meinwan pat jidan strongwan.   
\q1
\v 4 Ai dalim detlot pipul hu laigimbat miselp,  
\q1 ‘Nomo meigim miselp haibala!’   
\q1
\v 5 Ai dalim detlot nogudbala pipul,  
\q1 ‘Stap toktok praudbalawei!  
\q1 Nomo toktok oldei blanga yu pawa!’”  
\q1 Lagijat na God bin tok.   
\b  
\q1
\v 6 Det jadj nomo kaman brom sangidapwei o sangodanwei, o brom det nowathsaid o sauthsaid.  
\q1 Det pawa blanga jadjim pipul nomo kaman brom pipul.   
\q1
\v 7 Im kaman brom God, hu jidan det boswan blanga jadjimbat pipul.  
\q1 Im panishim sambala en najalot im larramgo fri.   
\q1
\v 8 YAWEI jadjim ola nogudbala pipul, jis laik im holdim kap langa im bingga, en det kap im ful garram strongwan wain.  
\q1 Tharran wain im det wailwan filing blanga im.  
\q1 Im spilimat det wain en gibit langa ola brabli nogudbala pipul blanga dringgim.  
\q1 Olabat dringgim en binijimap det wain holot.   
\b  
\q1
\v 9 Bat ai kaan neba stap toktokbat blanga det God blanga Jeikob,  
\q1 en blanga singimbat preis song langa im.   
\q1
\v 10 Im garra binijimap det pawa blanga ola brabli nogudwan pipul,  
\q1 bat im garra gibit mowa pawa langa ola gudbala pipul.   
\c 76  
\s1 God oldei win  
\s2 Song blanga Eisaf.  
\q1
\v 1 Ola pipul langa det kantri Juda sabi God.  
\q1 Dei rispek im neim langa Isreil.   
\q1
\v 2 Im garram kemp langa Jerusalem.  
\q1 Im jidan langa Saiyan, det bigwan hil.   
\q1
\v 3 Deya na, imbin breigimap ola erro blanga ol im enamimob, en ola shild en bigwan naif blanga olabat du.  
\q1 Ebrijing weya deibin abum blanga fait imbin breigimap.   
\b  
\q1
\v 4 God, yu shain garram lait brabliwei.  
\q1 Yu jidan brabli haibalawan wen yu kambek brom detlot bigwan hil weya yubin bidim ol yu enamimob.   
\q1
\v 5 Ola breibwan soljamob blanga olabat nomo garram enijing na, en tudei olabat ol dedwan.  
\q1 Olabat bin strongbala en bin sabi hau blanga fait, bat najing na.  
\q1 Olabat kaan dum enijing.   
\q1
\v 6 God blanga Jeikob, wen yubin graulim olabat adbalawei,  
\q1 detlot hosis en ola men bin buldanbuldan ded.   
\b  
\q1
\v 7 Bat oni langa yu YAWEI, ebribodi bradin.  
\q1 Wen yu gitwail, nobodi kaan jandap langa yu.   
\q1
\v 8 Brom ontop langa hebin yubin larram pipul sabi blanga yu kotkeis.  
\q1 Ola pipul langa dijan wel bin bradin en deibin jidan kwaitbala.   
\q1
\v 9 Wen yubin gidap blanga tok langa det kotkeis,  
\q1 yubin gitredi blanga seibum ola pipul langa dijan wel hu abumbat olkain trabul.   
\b  
\q1
\v 10 Pipul preisim yu, YAWEI dumaji yu gitwail langa eni nogudbalawei.  
\q1 Ol detlot hu nomo gitkil langa wofait garra kipgon preisimbat yu.   
\b  
\q1
\v 11 Gibit langa YAWEI, yu God wanim yubin pramisim im.  
\q1 Bringimap ola presen langa im, ol yumob pipul hu jidan langa ola gulijapwan kantri.  
\q1 YAWEI meigim ola pipul bradin en jidan garram rispek langa im brabliwei.   
\q1
\v 12 Im meigim ola praudbala bos jidan lobala.  
\q1 Im meigim ola strongwan king bradin brabliwei.   
\c 77  
\s1 God meigim im pipul fil gudwan wen dei abum pein  
\s2 Song blanga Eisaf.  
\q1
\v 1 Mi brabli nogudbinji en mi wandim God blanga album mi.  
\q1 Mi jingat brabliwei langa im blanga irrim mi.   
\q1
\v 2 Wen ai abum trabul, ai jingat langa YAWEI.  
\q1 Olnait ai lidimap main bingga en prei,  
\q1 bat ai nomo fil gudbinji.   
\q1
\v 3 Wen mi jinggabat main God, mi wori,  
\q1 en mi fil brabli nogudbinji.   
\b  
\q1
\v 4 Ai kaan jadimap main ai dumaji yu na kipum mi weik.  
\q1 Mi brabli nogudbinji en ai kaan tok.   
\q1
\v 5 Mi jinggabat blanga wanim bin hepin bifo,  
\q1 en mi jinggabat blanga ola oldendeis.   
\q1
\v 6 Mi jinggabat ola song naitaim,  
\q1 en mi jinggabat en mi askim miselp.   
\q1
\v 7 “Maitbi det Bos garra oldei nokambek wi?  
\q1 Maitbi im kaan gudbinji langa wi igin?   
\q1
\v 8 Maitbi imbin stap laigimbat wi?  
\q1 Maitbi im garra stapam det pramis weya imbin meigim longtaim?   
\q1
\v 9 Maitbi imbin kipumbek det kainbala filing blanga im dumaji im wail langa wi?”   
\q1
\v 10 Afta na aibin tok miselp, “Dijan na meigim mi brabli nogudbinji.  
\q1 God bin abum detmatj pawa basdam, bat tudei na ai nomo luk im pawa.”   
\b  
\q1
\v 11 YAWEI, ai garra jinggabat blanga ola haibala ting yubin oldei dumbat.  
\q1 Ai garra jinggabat ol detlot ting yubin oldei dumbat garram yu strongbalawan pawa longtaim.   
\q1
\v 12 Ai garra jinggabat ebrijing yubin oldei dum.  
\q1 Ai garra jinggabat olataim blanga ebrijing yubin oldei dumbat garram yu strongbalawan pawa.   
\b  
\q1
\v 13 Det wei blanga yu main God im holiwan.  
\q1 Nomo eni drimin brabli haibalawan wulijim yu.   
\q1
\v 14 Yu na det God hu oldei dum olkain ting garram yu pawa.  
\q1 Yu na shoum yu pawa langa ola pipul langa ebri kantri.   
\q1
\v 15 Garram yu pawa yubin seibum ol yu pipul olabat,  
\q1 detlot bigininimob blanga Jeikob en Josef.   
\b  
\q1
\v 16 God, wen ola woda bin luk yu deibin ol bradin,  
\q1 en ebrijing weya jidan insaid langa det solwoda bin sheik nomo lilbit.   
\q1
\v 17 Ola klaud bin meigim rein buldan,  
\q1 en thanda bin meigim nois brom skai en laitining bin laitlaitbat brom ebri said.   
\q1
\v 18 Det nois blanga yu thanda bin jidan langa det wiliwili,  
\q1 en det lait brom yu laitining bin laitimap dijan wel.  
\q1 Dijan wel bin sheiksheik nomo lilbit.   
\q1
\v 19 Yubin wok rait thru det solwoda.  
\q1 Yubin krosim det dipwan solwoda.  
\q1 Bat nobodi bin luk yu trek.   
\q1
\v 20 God, yubin lidim yu pipul olabat jis laiga stakmen wen yubin pikimat Mosis en Eran blanga lidimbat yu pipul olabat.   
\c 78  
\s1 God en im pipul olabat  
\s2 Song blanga Eisaf.  
\q1
\v 1 Main pipul, yumob irrim main wed en teiknodis wen mi tok.   
\q1
\v 2 Ai garra tok ola gudbala wed blanga meigim pipul sabi brabliwei,  
\q1 en dalim olabat detlot sigridwan ting brom longtaim bifo,\x + \xo 78:2 \xt Meth 13:35 \x*   
\q1
\v 3 ola ting na wibin sabi en irrimbat brom wi dedimob.   
\q1
\v 4 Wi garra dalimbat wi bigininimob en blanga olabat bigininimob blanga det pawa blanga YAWEI,  
\q1 en blanga ola haibala en ola gudwan ting imbin dum.  
\q1 Wi kaan blandim ol detlot stori brom olabat.   
\b  
\q1
\v 5 Imbin gibit ola lowa langa ola Isreil pipul hubin kaman brom olabat grengrenfatha Jeikob.  
\q1 Imbin dalim wi femili olabat hubin jidan longtaim blanga titjimbat olabat bigininimob blanga ol im lowa,   
\q1
\v 6 wulijim detlot bigininimob hu garra jidan bambai gin sabi,  
\q1 en olabat gin dalimbat olabat bigininimob du.   
\q1
\v 7 Wen dei lagijat dei garra trastimbat God du,  
\q1 en nomo fogedabat wanim imbin dum,  
\q1 en oldei teiknodis langa ol im lowa.   
\q1
\v 8 Olabat kaan jidan wulijim olabat grengrenfathamob hubin jidan brabli nogudbala en nomo garram irriwol.  
\q1 Olabat nomo bin trastim God strongbalawei,  
\q1 en dei nomo bin jidan trubalawei langa im.   
\b  
\q1
\v 9 Detlot pipul brom Ifreiyim bin abum bo en erro redibala,  
\q1 bat olabat bin ranawei wen det dei blanga det wofait bin kaman.   
\q1
\v 10 Olabat nomo bin kipum det strongwan pramis blanga olabat langa God.  
\q1 Dei nomo bin wandi teiknodis langa im lowa.   
\q1
\v 11 Deibin fogedabat wanim imbin dum, ol detlot klebabala ting weya deibin luk imbin dumbat.   
\q1
\v 12 God bin dum ol detlot klebabala ting garram im pawa langa det plein kantri gulum Sowan, langa det kantri Ijip.  
\q1 En detlot femili blanga olabat bifo bin lukinat imbin dumbat.\x + \xo 78:12 \xt Eksa 7:8; 12:32 \x*   
\q1
\v 13 Imbin opinimap det solwoda en imbin deigim detlot pipul thru.  
\q1 Imbin meigim det solwoda jandap wulijim haiwan wol.\x + \xo 78:13 \xt Eksa 14:21,22 \x*   
\q1
\v 14 Deitaim imbin oldei lidim olabat garram klaud,  
\q1 en naitaim faiya bin oldei barnbarn blanga lidim olabat.\x + \xo 78:14 \xt Eksa 13:21,22 \x*   
\q1
\v 15 Imbin opinimap bigwan ston en imbin gibit olabat detmatj woda.   
\q1
\v 16 Imbin meigim woda kamat brom det ston,  
\q1 en imbin meigim det woda randan wulijim riba.\x + \xo 78:16 \xt Eksa 17:1-7; Nam 20:2-13 \x*   
\b  
\q1
\v 17 Bat deibin stil dumbat nogudbala ting langa God.  
\q1 Deya langa det deset kantri dei nomo bin wandi teiknodis langa det brabli haibala God.   
\q1
\v 18 Deibin testimat God brabliwei wen deibin dalimbat im wanim deibin wandim blanga dagat.   
\q1
\v 19 Deibin tokabat langa God en deibin tok,  
\q1 “Yu reken God gin gibit wi daga langa dijan deset kantri?   
\q1
\v 20 Trubala orait imbin hitim det ston en detmatj woda bin kamat,  
\q1 bat yu reken im gin gibit wi daga en gibit im pipulmob bif?”   
\b  
\q1
\v 21 Blanga tharran na YAWEI bin brabli wail wen imbin irrim olabat toktok lagijat.  
\q1 Imbin fait langa im pipul olabat garram faiya.  
\q1 Imbin barn binji langa olabat brabliwei, jis laiga hotwan faiya,   
\q1
\v 22 dumaji dei nomo bin trastim im,  
\q1 en dei nomo bin bilib im na garra seibum olabat.   
\q1
\v 23 Bat imbin tok langa det skai blanga opinap im en imbin opin.   
\q1
\v 24 Imbin gibit olabat sid daga brom hebin wen imbin gibit olabat det lilwan damba gulum mena blanga dagat.\x + \xo 78:24 \xt Jon 6:31\x*   
\q1
\v 25 Wal lagijat na deibin dagat det seimkain daga blanga ola einjul,  
\q1 en God bin gibit olabat ebrijing deibin wandim blanga dagat.   
\q1
\v 26 Imbin meigim det win blo brom sangidapwei,  
\q1 en garram im pawa imbin sterrimap det sauth win.   
\q1
\v 27 En imbin jandim langa im pipul olabat detmatj bard wulijim sengraun weya jidan langa solwoda.   
\q1
\v 28 Deibin buldanbat raidaran langa ola tent langa olabat kemp.   
\q1
\v 29 Wal detlot pipul bin dagadagatbat en deibin sedisfaid.  
\q1 God bin gibit olabat wanim deibin wandimbat.   
\q1
\v 30 Bat wen olabat bin stil dagadagatbat bard, en dei nomo bin brabli sedisfaid,   
\q1
\v 31 God bin gitwail langa olabat en kilim ded olabat strongwan men, ol detlot brabli gudwan yangmen blanga Isreil.\x + \xo 78:31 \xt Eksa 16:2-15; Nam 11:4-23,31-35 \x*   
\b  
\q1
\v 32 Nomeda ol detlot ting bin hepin, detlot pipul bin kipgon dumbat ola nogudbala ting.  
\q1 Nomeda imbin dum klebabala ting dei nomo bin stil trastim im.   
\q1
\v 33 Wal imbin binijimap olabat jis laik win weya stap streidawei,  
\q1 en olabat bin dai brom nogudwan ting.   
\q1
\v 34 Ebritaim wen God bin oldei kilim ded sambala pipul, det najalot bin oldei kambek langa im.  
\q1 Deibin oldei libum olabat olbalawei en prei brabliwei langa im.   
\q1
\v 35 Deibin sabi det boswan God na bin oldei maindimbat olabat,  
\q1 en imbin oldei albumbat en seibum olabat.   
\q1
\v 36 Bat ola wed deibin oldei tok bin laiyawan.  
\q1 Ebrijing weya deibin toktok nomo bin trubala.   
\q1
\v 37 Dei nomo bin gibit God rispek.  
\q1 Olabat nomo bin kipum olabat strongwan pramis langa im.\x + \xo 78:37 \xt Eks 8:21 \x*   
\b  
\q1
\v 38 Bat God bin sori langa im pipul olabat.  
\q1 Imbin larramgo olabat fri brom olabat nogudbalawei en im nomo bin binijimap olabat.  
\q1 Lodataim God bin oldei holdimbek miselp en nomo gitwail langa olabat.   
\q1
\v 39 Imbin sabi deibin oni pipul weya garra dai,  
\q1 jis laik win weya kaman en binij kwikbala.   
\b  
\q1
\v 40 Lodataim deibin gibit im bekboun.  
\q1 Detmatj taim deibin oldei meigim im fil nogudbinji.   
\q1
\v 41 Oba en oba deibin oldei testimbat God,  
\q1 en deibin oldei ardimbat det filing blanga im na, det brabli holiwan God blanga Isreil.   
\q1
\v 42 Deibin fogedabat im strongwan pawa,  
\q1 en det dei wen imbin seibum olabat brom olabat enamimob,   
\q1
\v 43 en wen imbin shoum ola klebabala ting imbin dum langa Sowan deya langa det kantri Ijip.   
\q1
\v 44 Imbin tjeinjim ola riba woda en meigim blad,  
\q1 en detlot pipul langa Ijip nomo bin abum eni woda blanga dringgim na.\x + \xo 78:44 \xt Eksa 7:17-21 \x*   
\q1
\v 45 Imbin jandim loda flai langa olabat weya bin ardimbat olabat,  
\q1 en ola frog bin meigim olabat kantri nogudwan.\x + \xo 78:45 \xt Eksa 8:1-6,20-24\x*   
\q1
\v 46 Imbin jandim ola bigwan grashopa blanga dagat olabat gadin,  
\q1 en binijimap ola daga weya bin gro langa olabat fam.\x + \xo 78:46 \xt Eksa 10:12-15 \x*   
\q1
\v 47 Imbin meigim dai ola greiptri blanga olabat garram ola heilston,  
\q1 en imbin meigim dai ola figtri blanga olabat garram brabli kolwanwetha.   
\q1
\v 48 Imbin kilim ded ola buligi blanga olabat garram heilston,  
\q1 en ola ship blanga olabat garram laitining.\x + \xo 78:48 \xt Eksa 9:22-25 \x*   
\q1
\v 49 Imbin meigim olabat abum detmatj wori wen imbin brabli wail nomo lilbit langa olabat,  
\q1 en imbin jandim detlot speshalwan einjul langa olabat blanga kilim olabat ded.   
\q1
\v 50 Im nomo bin holdimbek miselp wen imbin wail langa olabat en im nomo bin sori langa olabat du.  
\q1 Imbin kilim olabat holot garram nogudwan siknis.   
\q1
\v 51 Imbin kilim ded ola boi hubin bon fes blanga ola femili langa Ijip.\x + \xo 78:51 \xt Eksa 12:29 \x* \fig |alt="NTM 28" src="NTM 28.tif" size="col" ref="78:51" \fig*   
\b  
\q1
\v 52 Brom deya imbin deigim im pipul olabat jis laiga stakmen  
\q1 en imbin deigim olabat thru det deset kantri.\x + \xo 78:52 \xt Eksa 13:17-22 \x*   
\q1
\v 53 Imbin lidim olabat seifwei en olabat nomo bin bradin,  
\q1 bat det solwoda bin gaburrumap olabat enamimob.\x + \xo 78:53 \xt Eksa 14:26-28 \x*   
\q1
\v 54 Imbin bringimap olabat langa im seikridwan kantri,  
\q1 en langa detlot bigwan hil weya imbin teikoba.\x + \xo 78:54 \xt Eksa 15:17; Josh 3:14-17\x*   
\q1
\v 55 Imbin andimwei detlot pipul hubin oldei jidanabat langa det kantri wen im pipulmob bin go thru deya.  
\q1 Imbin kadimat olabat kantri en gibit miselpmiselp langa ola klen blanga Isreil, en imbin gibit ola kemp blanga olabat langa im pipul olabat.\x + \xo 78:55 \xt Josh 11:16-23\x*   
\b  
\q1
\v 56 Bat olabat nomo bin irrim langa det Boswan God en deibin testimbat im.  
\q1 Olabat nomo bin teiknodis langa ol im lowa.\x + \xo 78:56 \xt Jadj 2:11-15 \x*   
\q1
\v 57 Olabat bin gibit bekboun langa im en dei nomo bin jidan trubala langa im, laik olabat grengrenfatha bin dumbat longtaim bifo.  
\q1 Olabat bin nogud jis laik bendiwan spiya.   
\q1
\v 58 Olabat bin meigim im gitwail, dumaji deibin oldei weshipbat ola drimin sheip blanga olabat langa detlot nogudwan weship pleis.  
\q1 Deibin meigim im gitwail langa olabat nomo lilbit na.   
\q1
\v 59 God bin wail wen imbin luk wanim deibin dumbat,  
\q1 en blanga tharran na God bin tjakidawei olabat.   
\q1
\v 60 Imbin libum im kemp insaid langa det tent deya langa Shailo,  
\q1 det kemp na weya imbin oldei jidanbat garram pipul.\x + \xo 78:60 \xt Josh 18:1; Jera 7:12-14; 26:6 \x*   
\q1
\v 61 Imbin larram wi enamimob deigidawei det Seikridwan Boks.  
\q1 Det Boks bin shoum pipul im brabli haibalawan pawa.\x + \xo 78:61 \xt 1 Sem 4:4-22 \x*   
\q1
\v 62 Imbin wail garram im ronwan pipul,  
\q1 en imbin larram olabat gitkil brom olabat enamimob.   
\q1
\v 63 Ola yangbala men bin gitkil langa wofait,  
\q1 en ola yangbala gel nomo bin abum hasbin blanga merrit na.   
\q1
\v 64 Deibin kilim ded ola wekinmen blanga God langa fait,  
\q1 en olabat waif nomo bin lau blanga krai en jidan soriwei.   
\b  
\q1
\v 65 Bambai God bin gidap na, jis laik imbin weikap brom silip.  
\q1 Imbin jis laik strongwan men weya bin dringgim wain.   
\q1
\v 66 Imbin andimwei im enamimob brabliwei,  
\q1 en imbin bidim olabat en meigim olabat sheim miselp olagijawan.   
\q1
\v 67 God nomo bin wandim det femili olabat blanga Josef.  
\q1 Im nomo bin pikimat det klen blanga Ifreiyim.   
\q1
\v 68 Bat imbin pikimat det klen blanga Juda,  
\q1 en Saiyan, det hil weya im laigim nomo lilbit.   
\q1
\v 69 Deya na imbin bildimap im Serramoni Pleis jis laik im kemp langa hebin.  
\q1 Imbin meigim im brabli strongbalawan jis laik dijan wel igin.  
\q1 Im jidan brabli strongbalawan olataim.   
\b  
\q1
\v 70 Imbin pikimat im wekinmen Deibid.  
\q1 Imbin bringimap im brom detlot pedik weya imbin oldei wek,   
\q1
\v 71 en weya imbin oldei lukaftumbat ola ship.  
\q1 Imbin meigim im jidan king blanga ola Isreil pipul.  
\q1 Imbin det stakmen blanga ola pipul blanga God,\x + \xo 78:71 \xt 1 Sem 16:11,12; 2 Sem 7:8; 1 Kran 17:7 \x*   
\q1
\v 72 en imbin shoum olabat det raitwei blanga jidan.   
\c 79  
\s1 Dijan preya langa God blanga seibum im pipul olabat  
\s2 Preya blanga Eisaf.  
\q1
\v 1 Main God, ola nogud pipul bin teikoba yu kantri.  
\q1 Deibin dum nogud ting langa yu Serramoni Pleis,  
\q1 en deibin libum Jerusalem rabishwan.\x + \xo 79:1 \xt 2 King 25:8-10; 2 Kran 36:17-19; Jera 52:12-14 \x*   
\q1
\v 2 Deibin libum ola ded bodi blanga yu pipul olabat blanga ola bard blanga dagadagatbat,  
\q1 en deibin libum ola bifpat blanga yu wekinmen olabat blanga ola wail enimul blanga dagadagatbat.   
\q1
\v 3 Deibin meigim yu pipul olabat lujim blad wulijim woda.  
\q1 Rait thru Jerusalem det blad bin randan laik woda,  
\q1 en nobodi nomo bin jidan laibala blanga gaburrumap detlot hubin dai.   
\q1
\v 4 Pipul langa najalot kantri hu nomo weship God toktok nogudwei blanga melabat.  
\q1 Olabat laflaf en mokimbat melabat.   
\b  
\q1
\v 5 YAWEI, haulong yu garra wail langa melabat?  
\q1 Haulong yu garra kipgon wail jis laik faiya im barnbarnbat?   
\q1
\v 6 God, yu garra gitwail langa detlot pipul brom najalot kantri hu nomo weship yu,  
\q1 en langa detlot pipul hu nomo prei langa yu.   
\q1
\v 7 Dumaji olabat na bin kilim ola pipul blanga yu,  
\q1 deibin meigim yu kantri nogudwan.   
\b  
\q1
\v 8 Nomo panishim melabat blanga ola nogudbala ting weya melabat femilimob bin oldei dumbat longtaim.  
\q1 Yu sori langa melabat na.  
\q1 Yu album melabat kwikbala.   
\q1
\v 9 Album melabat God.  
\q1 Seibum melabat en larramgo melabat fri brom ol melabat nogudbalawei wulijim ebribodi garra rispek yu brabliwei.   
\q1
\v 10 Wotfo detlot pipul brom najalot kantri askim melabat, “Weya yumob God?”  
\q1 Melabat wandim luk yu panishim detlot pipul hubin meigim yu wekinmenmob lujim blad.   
\b  
\q1
\v 11 God yu garra irrim detlot prisanamob kraikraibat,  
\q1 en detlot prisana hu garra dai,  
\q1 en yu garra meigim olabat fri garram yu strongbala pawa.   
\q1
\v 12 Detlot pipul weya deibin toktokbat nogudwei langa yu YAWEI,  
\q1 yu garra meigim olabat peiyimbek yu sebentaim.   
\q1
\v 13 En langa det taim na melabat garra gibitbat yu theingks olagijawan en preisimbat yu olataim.  
\q1 Melabat jidan yu pipulmob,  
\q1 en melabat jis laik yu ship olabat langa yu pedik.   
\c 80  
\s1 Preya blanga askim God blanga seibum Isreil  
\s2 Preya blanga Eisaf.  
\q1
\v 1 God, yu stakmen blanga ola Isreil pipul.  
\q1 Yu irrim melabat.  
\q1 Yu na det boswan blanga yu ron pipul olabat.  
\q1 Yu jidan langa yu speshalwan tjeya deya langa midul langa det dubala golwan sheip garram wing.\x + \xo 80:1 \xt Eksa 25:22 \x*   
\q1
\v 2 Yu shoum miselp langa detlot klen blanga Ifreiyim, Benjamin, en Manesa.  
\q1 Shoum melabat yu pawa en kaman seibum melabat.   
\q1
\v 3 God, meigim melabat strongbala igin!  
\q1 Yu luk langa melabat garram yu shainiwan feis en seibum melabat.   
\b  
\q1
\v 4 YAWEI, Boswan God, haulong yu garra jidan wail en nomo ensim ola preya blanga yu pipul olabat?   
\q1
\v 5 Yubin meigim melabat jidan brabli nogudbinjiwan.  
\q1 En yubin meigim melabat dringgim melabat ronwan tiyas.   
\q1
\v 6 Yubin larram melabat enamimob fait blanga melabat kantri,  
\q1 En dei mokimbat melabat na.   
\b  
\q1
\v 7 Brabli Boswan God, meigim melabat strongbala igin!  
\q1 Yu luk langa melabat garram yu shainiwan feis en seibum melabat.   
\b  
\q1
\v 8 Yubin bringimat yu pipul olabat jis laiga greiptri brom det kantri Ijip.  
\q1 Yubin andimwei pipul brom najalot kantri en yubin plentim det tri langa olabat kantri.   
\q1
\v 9 Yubin klinimap pleis blanga det greiptri blanga growap.  
\q1 Det rutpat bin godan raitdan en det greiptri bin spredimat miselp oloba langa det kantri.   
\q1
\v 10 Imbin gaburrumap ola hil garram im bigwan sheid.  
\q1 Detlot wadi blanga det tri bin gro en gaburrumap detlot bigwan sidatri.   
\q1
\v 11 Detlot wadi blanga det tri bin kamat langa det Medatareiniyan solwoda en langa det Yufreitis Riba.   
\q1
\v 12 God, wotfo yubin larram detlot enami blanga ola Isreil pipul breigimdan det wol weya bin jidan raidaran?  
\q1 Olabat garra stilim ola greip daga na wen dei gopas.   
\q1
\v 13 Olabat jis laik detlot wailwan bigibigi weya rudimat det greiptri,  
\q1 en jis laik ola wailwan enimul dagadagatbat ola greip daga du.   
\b  
\q1
\v 14 Brabli Boswan God, luk langa melabat!  
\q1 Yu lukdan langa melabat brom hebin.  
\q1 Kaman en seibum yu pipul.   
\q1
\v 15 Yu kaman en seibum dijan greiptri weya yubin plentim,  
\q1 dijan na det yangwan greiptri weya yubin meigim gro brabli strongbala.   
\b  
\q1
\v 16 Melabat enamimob bin kadimdan det tri en barnimap garram faiya.  
\q1 Yu wail langa olabat en binijimap olabat.   
\q1
\v 17 Yu lukaftum yu pipul olabat weya yubin pikimat,  
\q1 ol detlot pipul na weya yubin meigim jidan brabli strongbala.   
\q1
\v 18 En melabat kaan gowei brom yu igin.  
\q1 Meigim melabat strongbala igin en melabat garra weship en preisim yu.   
\b  
\q1
\v 19 YAWEI, boswan God, yu meigim melabat strongbala igin.  
\q1 Yu luk langa melabat garram yu shainiwan feis en seibum melabat.   
\c 81  
\s1 Song blanga det serramoni gulum Hampi  
\s2 Song blanga Eisaf.  
\q1
\v 1 Sing langa God gudbinjiwei!  
\q1 Im na oldei maindimbat wi.  
\q1 Preisim wi God, det God blanga wi grengrenfatha Jeikob.   
\q1
\v 2 Stadimap det myusik. Plei det lilwan dram.  
\q1 Plei gudwan myusik garram olkain gita.   
\q1
\v 3 Blowim detlot hon blanga abum det dubala serramoni blanga nyumanth en wen im fulmun.\x + \xo 81:3 \xt Nam 10:10 \x*   
\q1
\v 4 Dijan na det lowa blanga Isreil,  
\q1 en imbin kaman brom det God blanga Jeikob.   
\q1
\v 5 Imbin gibit det lowa langa detlot Isreil pipul wen imbin deigimwei olabat brom Ijip.  
\b  
\q1 Aibin irrim sambodi tok bat ai nomo bin sabi hu. Imbin tok,   
\q1
\v 6 “Aibin deigimwei ola hebiwan loud brom yumob bekboun, ol detlot brabli adwek langa Ijip.   
\q1
\v 7 Wen yumob bin abumbat trabul, yumob bin jingat langa mi en aibin seibum yumob.  
\q1 Aibin ensim yumob brom main haiding pleis deya langa det stom klaud.  
\q1 Aibin testimbat yumob deya langa det springwoda langa Meriba.\x + \xo 81:7 \xt Eksa 17:7; Nam 20:13 \x*   
\q1
\v 8 Main pipul olabat, lisin langa main woning!  
\q1 Isreil, yumob nomo sabi haumatj ai wandim yumob blanga lisin langa mi.   
\q1
\v 9 Yumob nomo lau weship eni drimin.   
\q1
\v 10 Mi na YAWEI det trubala God blanga yumob hubin bringimat yumob brom Ijip.  
\q1 If yumob jidan trubala langa mi, ai garra gibit yumob ola gudbala ting, jis laik det mamiwan bard weya im gibit daga langa im beibi.\x + \xo 81:10 \xt Eksa 20:2,3; Dyud 5:6,7\x*   
\b  
\q1
\v 11 “Bat main pipul olabat nomo bin lisin langa mi.  
\q1 Ola Isreil pipul nomo bin wandi teiknodis langa mi.   
\q1
\v 12 Aibin lafta larram olabat dum wanim deibin wandim dum dumaji olabat nomo bin wandim lisin langa mi.   
\q1
\v 13 Brabliwei ai wandim main pipul olabat blanga lisin langa mi.  
\q1 If dei bina duwit langa mi,   
\q1
\v 14 ai bina bidim olabat enami kwikbalawei.  
\q1 Ai bina bidim olabat garram main pawa.   
\q1
\v 15 Detlot hu nomo laigim mi garra nildan bradinwei langa mi,  
\q1 en ai garra panishim olabat olagija.   
\q1
\v 16 Bat if yumob teiknodis langa mi ai garra meigim yumob brabli bulap binji garram ola brabli gudwan sid daga en brabli switwan shugabeig.”   
\c 82  
\s1 God na det Haibalawan Bos  
\s2 Song blanga Eisaf.  
\q1
\v 1 God im det bos blanga det kothaus langa hebin.  
\q1 Im dalim ola drimin blanga dum wanim im wandim olabat blanga dum.   
\q1
\v 2 Im tok, “Haulong yumob garra kipgon jadjimbat ebribodi rongwei?  
\q1 Haulong yumob garra kipgon bekimap detlot nogudbala pipul?   
\q1
\v 3 Yumob bina album ola powan pipul en ola biginini hu nomo garram mami en dedi, bat najing!  
\q1 Yumob bina gibit feyago langa detlot pipul hu nomo garram enijing,  
\q1 en langa detlot pipul hu nomo garram enibodi blanga albumbat olabat, bat najing!   
\q1
\v 4 Yumob bina seibum olabat brom det pawa blanga ol detlot nogudwan pipul, bat najing!   
\b  
\q1
\v 5 “Yumob nomo sabi enijing.  
\q1 Yumob brabli nogud en nomo eni lowa jidan langa dijan wel.   
\q1
\v 6 ‘Yumob ola drimin!  
\q1 Yumob holot jidan bigininimob blanga det Brabli Haibala God.’ \x + \xo 82:6 \xt Jon 10:34  \x*   
\q1
\v 7 Bat yumob garra binijap wulijim ola pipul,  
\q1 en yumob laif garra binijap wulijim det san blanga eni bos.”   
\b  
\q1
\v 8 God, yu kaman en jidan bos blanga dijan wel,  
\q1 dumaji ola pipul hu jidan oloba langa dijan wel, olabat holot blanga yu.   
\c 83  
\s1 Preya blanga askim God blanga bidim detlot enami blanga Isreil  
\s2 Preya blanga Eisaf.  
\q1
\v 1 Kaman God! Yu album melabat.  
\q1 Nomo jidan kwaitbala.   
\q1
\v 2 Yu luk detlot hu nomo laigim yu!  
\q1 Yu enami olabat gidap redi blanga fait.   
\q1
\v 3 Olabat meigimbat ola sigridwan plen blanga yu pipul.  
\q1 Olabat toktokbat blanga dum nogud ting langa yu pipul hu yu laigim brabliwei en yu oldei lukaftumbat.   
\q1
\v 4 Olabat tok, “Kaman. Wi garra binijimap olabat wulijim nobodi kaan jinggabat detlot Isreil pipul enimo.”   
\b  
\q1
\v 5 Olabat ol agri gija blanga olabat plen,  
\q1 en blanga fait langa yu.   
\q1
\v 6 Dislot pipul brom ol dislot traib na bin meigim dijan plen.  
\q1 Ola pipul brom Idam, en ola Ishmeil pipul, en ola pipul brom Moweb en ol detlot Heigrait pipul,   
\q1
\v 7 en ol detlot pipul brom det kantri Gebal, en ola Eman pipul en ola Amalek pipul, en ol detlot pipul brom Filistiya en brom Taya.   
\q1
\v 8 Detlot pipul brom det kantri Asiriya bin joinap garram olabat du.  
\q1 Olabat bin jidan brabli gud fren blanga album ol detlot Eman pipul, en ol detlot Moweb pipul hubin brom det femili lain blanga det men neim Lot.   
\b  
\q1
\v 9 God, yu panishim olabat seimwei jis laik yubin dum langa ola Midiyan pipul.  
\q1 Yu binijimap olabat jis laik yubin binijimap Sisera en im king Jeibin, deya langa det Kishan Riba,\x + \xo 83:9 \xt Jadj 4:6-22; 7:1-23 \x*   
\q1
\v 10 gulijap langa det taun gulum Endowa.  
\q1 Deya na yubin bidim olabat en olabat bodi bin jidan nogudwan langa graun.   
\q1
\v 11 Yu bidim ola boswan blanga olabat jis laik yubin dum langa Oreb en Sib en langa Seba en Seilmuna.\x + \xo 83:11 \xt Jadj 7:25; 8:12 \x*   
\q1
\v 12 Olabat na bin tok, “Nomeda det kantri blanga God, melabat garra teikoba en meigim im blanga melabat ronwan kantri na.”   
\b  
\q1
\v 13 God, yu spredimat olabat jis laiga das,  
\q1 en jis laiga draiwan gras weya det win oldei blowimweibat.   
\q1
\v 14 Jis laik faiya wen im barnimap ola tri,  
\q1 en jis laik lilwan faiya wen im stadimap bigwan faiya langa ola hil,   
\q1
\v 15 wal yu andimwei olabat garram yu strongwan win,  
\q1 en yu meigim olabat bradin garram yu jigiwan win en laitining.   
\q1
\v 16 YAWEI, yu meigim olabat jidan sheimwan,  
\q1 en yu meigim olabat sabi det pawa blanga yu.   
\q1
\v 17 Nomo larram olabat win en meigim olabat jidan brabli bradinwan olagijawan.  
\q1 Larram olabat sheim brabliwei en dai.   
\q1
\v 18 YAWEI, meigim olabat sabi oni yu na wanbala det trubala God,  
\q1 en oni yu na jidan det brabli haibala boswan blanga dijan wel.   
\c 84  
\s1 Pipul hu jidan langa God Serramoni Pleis jidan gudbinji  
\s2 Song blanga det femili blanga Kora.  
\q1
\v 1 YAWEI, Boswan God, ai laigim yu Serramoni Pleis brabliwei.   
\q1
\v 2 Mi wandim jidan langa det Serramoni Pleis blanga YAWEI brabliwei!  
\q1 Garram ol main laif mi sing gudbinjiwei langa det laibalawan God.   
\q1
\v 3 YAWEI, Boswan God, yu na main bos en main God.  
\q1 Ola lilwan bard meigim olabat kemp deya langa yu haus,  
\q1 en olabat growimap olabat beibi gulijap langa ol yu teibul blanga ofring.\fig |src="HK00081B.TIF" size="col" ref="84:3" \fig*   
\q1
\v 4 Ol detlot pipul hu jidan langa yu seikridwan haus oldei jidan gudbinjiwei,  
\q1 en singsing en preisimbat yu.   
\b  
\q1
\v 5 Ol detlot pipul hu trastimbat yu blanga meigim olabat strongbala oldei jidan gudbinjiwei.  
\q1 Olabat kaan weit blanga go langa Saiyan blanga weship yu.   
\q1
\v 6 Wen dei go thru langa det draiwan kantri gulum Baka Beli, yu jandim rein en bilimap ola wodahol, en meigim det kantri jidan jis laik springwoda kantri.   
\q1
\v 7 Yu pipul olabat gro brabli strongbala  
\q1 en dei garra kamat langa det Brabli Boswan God deya langa Saiyan.   
\b  
\q1
\v 8 YAWEI, Boswan God, det God blanga Jeikob, yu irrim main preya.   
\q1
\v 9 God, yu na bin pikimat melabat king.  
\q1 Jidan kainbala langa im dumaji im oldei lukaftumbat melabat jis laiga shild kipum wi seif.   
\b  
\q1
\v 10 Im mobeda blanga jidan langa yu Serramoni Pleis oni wanbala dei den blanga jidan langa najawan pleis wan thausan dei.  
\q1 Blanga mi, im mowa gudwan blanga jandap en maindimbat det dowa blanga main God haus, den blanga jidan garram ola brabli nogudbala pipul.   
\q1
\v 11 YAWEI, det trubala God oldei maindimbat wi en im wi bos.  
\q1 Im brabli kainbala langa wi en im rispek wi.  
\q1 Langa ol detlot pipul hu dumbat rait ting, im nomo nokambek eni gudwan ting.   
\q1
\v 12 YAWEI, Boswan God, ol detlot hu trastimbat yu jidan gudbalawei.   
\c 85  
\s1 Ola Isreil pipul askim God blanga seibum olabat kantri  
\s2 Song blanga det femili blanga Kora.  
\q1
\v 1 YAWEI, yubin oldei shoum yu kainbala filing langa yu pipul langa Isreil.  
\q1 Yubin gibit olabat ebrijing igin.   
\q1
\v 2 Yu nomo bin peiyimbek yu pipul olabat blanga olabat nogudbalawei,  
\q1 en yubin meigim olabat fri.   
\q1
\v 3 Yubin stap gitwailbat langa olabat en yubin holdimbek yuselp.   
\q1
\v 4 God, yu seibum melabat na,  
\q1 en yu bringimbek melabat langa melabat kantri.  
\q1 Nomo jidan nogudbinji garram melabat.   
\q1
\v 5 God wanim yu garra dum?  
\q1 Yu garra jidan nogudbinji langa melabat olagijawan?  
\q1 Yu garra jidan nogudbinji en wail langa melabat en melabat bigininimob hu garra jidan bambai du?   
\q1
\v 6 Yu meigim melabat strongbala igin wulijim melabat yu pipul olabat garra preisimbat yu gudbinjiwei.   
\q1
\v 7 YAWEI yu seibum melabat,  
\q1 en shoum melabat yu laigim melabat olataim.   
\s1 Det serramonimen dalim ola pipul wanim YAWEI im tok  
\q1
\v 8 Lisin langa wanim YAWEI det trubala God im toktok langa wi. Wi jidan im ronwan pipul olabat.  
\q1 Im pramisim wi blanga jidan gudbinjiwei if wi nomo gobek langa wi nogudbalawei.   
\q1
\v 9 Trubala, im oldei redi blanga seibum ol detlot hu oldei shoum rispek langa im,  
\q1 en im garra oldei jidan iya langa wi kantri du.   
\b  
\q1
\v 10 YAWEI yu na laigim yu pipul olabat brabliwei,  
\q1 en yu na oldei jidan trubala langa olabat olataim.  
\q1 Yu na oldei dum ebrijing raitwei blanga olabat,  
\q1 en yu na oldei meigim ebrijing gudwan blanga olabat.   
\q1
\v 11 Wen pipul jidan trubala langa God tharran na garra gowap langa im,  
\q1 en det raitwei blanga God garra kamdan en jidan langa olabat.   
\q1
\v 12 Trubala, YAWEI garra gibit ola gudwan ebrijing,  
\q1 en wi kantri garra abum detmatj daga.   
\q1
\v 13 Det trubalawei blanga YAWEI garra go lida langa im,  
\q1 en meigim det wei redibala blanga im.   
\c 86  
\s1 Dijan preya blanga albumbat  
\s2 Preya blanga Deibid.  
\q1
\v 1 YAWEI, lisin langa mi en ensim mi,  
\q1 dumaji ai kaan dum enijing en mi wikwan.   
\q1
\v 2 Nomo larram mi dai,  
\q1 dumaji mi jidan trubala langa yu.  
\q1 Seibum mi dumaji mi blanga yu wekinmen,  
\q1 en mi trastim yu.   
\b  
\q1
\v 3 Yu na main bos,  
\q1 wal yu kain langa mi,  
\q1 dumaji mi oldei jingat langa yu olataim.   
\q1
\v 4 Main bos, meigim mi jidan gudbinji  
\q1 dumaji mi blanga yu wekinmen.  
\q1 Mi oldei jingat langa yu.   
\q1
\v 5 Bos, yu oldei gud langa melabat en oldei larramgo melabat fri.  
\q1 En langa ol detlot hu oldei jingat langa yu,  
\q1 yu laigim olabat olagijawan.   
\b  
\q1
\v 6 YAWEI, yu lisin langa main preya.  
\q1 Yu lisin langa mi wen mi jingat langa yu blanga album mi.   
\q1
\v 7 Wen trabul kaman ai jingat langa yu,  
\q1 dumaji yu oldei ensim mi.   
\b  
\q1
\v 8 Main Bos, det najalot drimin nomo jidan wulijim yu.  
\q1 Detlot drimin kaan dum wanim yu gin dum.   
\q1
\v 9 Ola pipul langa ebri kantri weya yubin meigim garra kaman en nildan langa yu,  
\q1 en olabat garra preisim yu dumaji yu brabli haibalawan.\x + \xo 86:9 \xt Reb 15:4 \x*   
\q1
\v 10 Yu na brabli strongbalawan en haibalawan,  
\q1 en yu dum ola brabli gudwan ting.  
\q1 Yu na wanbala, yu jidan God.   
\b  
\q1
\v 11 YAWEI, yu meigim mi sabi wanim yu wandim mi blanga dum,  
\q1 en ai gin wok langa det trubalawei.  
\q1 Album mi blanga wek blanga yu garram brabli trubalawan hat.   
\q1
\v 12 God, main bos, ai garra preisim yu brabliwei garram ebrijing insaid langa mi,  
\q1 en ai garra kipgon dalimbat ebribodi blanga yu haibala pawa.   
\q1
\v 13 Blanga yu filing blanga laigimbat mi im detmatj,  
\q1 im kipgon olagijawan.  
\q1 Aibin gulijap binij bat yubin seibum mi.   
\q1
\v 14 Main God, detlot praudbala pipul geingap langa mi blanga trai kilim mi ded,  
\q1 detlot pipul na weya dei nomo oldei jinggabat langa yu.   
\q1
\v 15 Bat yu na main God.  
\q1 Yu jidan garram kainbalawan en soriwan filing,  
\q1 en yu laigimbat pipul olataim.  
\q1 Yu nomo gitwail kwikbalawei, najing.  
\q1 Yu oldei jidan kainbala en yu truwan.   
\q1
\v 16 Luk langa mi en sori langa mi.  
\q1 Meigim mi strongbala en seibum mi dumaji mi wek blanga yu laik main mami bin wekwekbat blanga yu.   
\q1
\v 17 YAWEI, shoum mi yu gudbalawan langa mi,  
\q1 en detlot hu nomo laigim mi garra jidan sheimwei na,  
\q1 wen dei garra luk yubin album mi en meigim mi gudbinji.   
\c 87  
\s1 Preisim Jerusalem det taun blanga God  
\s2 Song blanga det femili blanga Kora.  
\q1
\v 1 YAWEI bin meigim det taun deya ontop langa det seikridwan hil.   
\q1
\v 2 Im laigim Jerusalem brabliwei, mowa den eni pleis langa Isreil.   
\q1
\v 3 Pipul blanga det taun blanga God, irrimbat ola gudwan ting weya God im tok blanga yu.   
\b  
\q1
\v 4 God bin tok, “Ai garra raidimdan ola neim blanga dislot kantri weya pipul teiknodis langa mi. Olabat brom Ijip en Bebalon, Filistiya, Taya en Ithiyopiya en olabat tok deibin bon langa Jerusalem.”   
\b  
\q1
\v 5 God, det Brabli Boswan, garra meigim Jerusalem jidan strongbala,  
\q1 en ola pipul ebriweya garra tok, “Melabat bin bon deya du.”   
\q1
\v 6 YAWEI garra raidimdan neim blanga ola pipul,  
\q1 en im garra tok blanga olabat, “Dijan bin bon iya langa Jerusalem.”   
\q1
\v 7 Dei garra dens en sing,  
\q1 “Ola gudbala ting kaman brom Jerusalem.”   
\c 88  
\s1 Preya blanga nogudbinji  
\s2 Preya blanga Heiman det Esrahait brom det femili blanga Kora.  
\q1
\v 1 YAWEI yu na det trubalawan God en yu seibum mi.  
\q1 Mi oldei jinginatbat langa yu deitaim en naitaim.   
\q1
\v 2 Yu irrim mi.  
\q1 Mi jinginatbat langa yu blanga album mi.   
\b  
\q1
\v 3 Aibin abum loda trabul en mi gulijap binij.   
\q1
\v 4 Mi jis laik detlot pipul hubin olredi dai.  
\q1 Ai nomo fil strongbala na.   
\q1
\v 5 Olabat bin libum mi miselp,  
\q1 jis laik aibin gitkil en leidanbat langa greib garram ola dedbala pipul.  
\q1 Im jis laik yu God, bin fogedabat mi en kaan dum enijing blanga album mi.   
\q1
\v 6 Yubin tjakamdan mi langa det dipwan en dakwan greibyad.   
\q1
\v 7 Yubin brabli wail langa mi en im jis laik yubin tjakam mi langa solwoda en detlot weib tjakambat mi oloba.   
\b  
\q1
\v 8 Yubin meigim main frenmob tenawei en bradin brom mi en deibin libum mi miselp.  
\q1 Mi trep na en ai kaan ranawei.   
\q1
\v 9 Main ai dubala wikwan brom kraikraibat.  
\q1 YAWEI, ebridei mi jingat langa yu.  
\q1 Wen mi prei langa yu mi oldei lidimap main bingga langa yu.   
\b  
\q1
\v 10 YAWEI, ai jinggabat detlot dedbala pipul.  
\q1 Olabat gin luk ola klebabala ting yu dumbat? Najing.  
\q1 Olabat gin jandap en preisim yu? Najing.   
\q1
\v 11 Olabat gin tok blanga det filing blanga laigim pipul olataim en blanga yu trubalawei? Najing.   
\q1
\v 12 Olabat gin luk blanga yu klebabalawei deya langa det dakbala pleis? Najing.  
\q1 Olabat gin sabi blanga yu gudbalawei deya langa det pleis weya yu nomo jinggabat olabat enimo? Najing.   
\b  
\q1
\v 13 Bat YAWEI, mi jingat langa yu blanga album mi.  
\q1 Ebri moning mi prei langa yu.   
\q1
\v 14 YAWEI, wotfo yu nokambek mi?  
\q1 Wotfo yu gibit mi bekboun?   
\q1
\v 15 Brom wen aibin yang aibin ardimbat en aibin gulijap binij.  
\q1 Mi brabli wik na dumaji yubin dum detmatj nogudbala ting langa mi.   
\q1
\v 16 Dumaji yu barn binji im jis laik fladwoda gaburrumap mi.  
\q1 Yubin gulijap binijimap mi.   
\q1
\v 17 Ebridei ol detlot nogudbala ting brom yu kaman langa mi brom ebri said jis laik fladwoda,  
\q1 en olabat jidan raidaran langa mi.   
\q1
\v 18 Yubin meigim main gudfren olabat libum mi,  
\q1 en det dakbala pleis na main fren.   
\c 89  
\s1 Dijan song blanga det taim wen ola Isreil pipul bin abum trabul  
\s2 Song blanga Ithan det Esrahait.  
\q1
\v 1 YAWEI, ai garra oldei sing blanga det filing weya yu oldei laigimbat olagijawan.  
\q1 Ai garra oldei dalimbat blanga hau yu jidan trubalawei langa yu pipul olagijawan.   
\q1
\v 2 Ai garra dalimbat blanga det filing blanga yu blanga laigimbat garra jidan olagijawan,  
\q1 en yu trubalawei jidan olagijawan wulijim det skai weya jidan olagijawan.   
\q1
\v 3 Yubin tok, “Aibin meigim strongwan pramis garram det men aibin pikimat.  
\q1 Aibin pramisim main wekinmen Deibid dijan.   
\q1
\v 4 ‘Brom yu femili lain na king garra oldei jidan.  
\q1 Ai garra meigim yu femili jidan lagijat olagijawan.’”\x + \xo 89:4 \xt 2 Sem 7:12-16; 1 Kran 17:11-14; Saam 132:11; Eks 2:30\x*   
\b  
\q1
\v 5 Ebribodi langa hebin sing blanga ola gudwan ting yu oldei dumbat.  
\q1 Olabat sing blanga det trubalawei blanga yu.   
\q1
\v 6 YAWEI, nobodi langa hebin jidan laik yu.  
\q1 Nobodi deya jidan seimwei laik yu.   
\q1
\v 7 Olabat bradin langa yu brabliwei,  
\q1 en olabat rispek yu brabliwei du.   
\b  
\q1
\v 8 YAWEI, Boswan God, nobodi jidan garram pawa laik yu.  
\q1 YAWEI, brabli trubalawei yu dum ebrijing.   
\q1
\v 9 Yu jidan bos blanga detlot strongwan weib langa solwoda.  
\q1 Yu meigim olabat jidan kwaitbala.   
\q1
\v 10 Yubin kilim ded det bigwan solwoda enimul gulum Reiheb.  
\q1 Garram yu strongbalawan pawa yubin bidim yu enami olabat.   
\q1
\v 11 Hebin im blanga yu, en dijan wel du.  
\q1 Yubin meigim dijan wel en ebrijing weya jidan langa im.   
\q1
\v 12 Yubin meigim nowath en sauth.  
\q1 Teibowa en Heman, det dubala bigwan hil sing langa yu gudbinjiwei.   
\q1
\v 13 Yu na det brabli strongbalawan.  
\q1 Yu pawa im jidan nomo lilwan. Im brabli strongbala.   
\q1
\v 14 God, yu jidan brabli haibalawan bos,  
\q1 en pipul sabi yu jidan bos raitwei en yu oldei gibit feyago.  
\q1 Olabat sabi yu filing blanga laigim olabat en det trubalawei blanga yu.   
\b  
\q1
\v 15 YAWEI, detlot pipul hu oldei weship yu garram ola song,  
\q1 en hu oldei wokwok langa yu lait,  
\q1 olabat na jidan brabli gudbinjiwei.   
\q1
\v 16 Dumaji blanga yu na, olabat oldei sing en toktokbat,  
\q1 en olabat preisim yu blanga det raitwei blanga yu.   
\q1
\v 17 Garram yu pawa yu meigim melabat strongbala blanga win brabliwei.  
\q1 En blanga yu filing im laigimbat melabat olataim en meigim melabat gudbinji.   
\q1
\v 18 YAWEI, yu na bin pikimat det king blanga lukaftumbat melabat jis laiga shild.  
\q1 Yu na, det brabli Holiwan God blanga Isreil bin gibit melabat ronwan king.   
\s1 God bin meigim pramis langa Deibid  
\q1
\v 19 YAWEI, longtaim langa drim yubin tok langa ol yu trubalawan wekinmen,  
\q1 “Aibin meigim dijan solja jidan strongbala garram big neim.  
\q1 Aibin pikimat dijan yangmen brom ola pipul blanga jidan haiwan king.   
\q1
\v 20 Aibin meigim main wekinmen Deibid jidan king wen aibin spilim det seikridwan oil langa im hed.\x + \xo 89:20 \xt 1 Sem 13:14; 16:12; Eks 13:20\x*   
\q1
\v 21 Ai garra oldei album im,  
\q1 en main pawa garra oldei meigim im strongbala.   
\q1
\v 22 Im enami olabat kaan neba win en jidan bos langa im.  
\q1 Ola brabli nogudwan pipul kaan bidim im.   
\q1
\v 23 Ai garra binijimap im enami olabat,  
\q1 en kilim ded ol detlot hu nomo laigim im.   
\q1
\v 24 Ai garra laigim im en jidan trubala langa im.  
\q1 En mowa igin, ai garra oldei meigim im win.   
\q1
\v 25 Ai garra meigim im kantri bigwan, brom det Medatareiniyan solwoda raidap langa det Yufreitis Riba.   
\q1
\v 26 Deibid garra tok langa mi, ‘Yu main dedi en main God.  
\q1 Yu na oldei maindimbat en seibumbat mi jis laiga bigwan ston.’   
\q1
\v 27 Ai garra meigim im main feswan san,  
\q1 en det brabli nambawan king brom ol detlot najalot king.\x + \xo 89:27 \xt Reb 1:5\x*   
\q1
\v 28 Ai garra oldei kipum main pramis langa im,  
\q1 en main strongwan pramis garra jidan olagijawan garram im.   
\q1
\v 29 Im femili neim garra jidan olagijawan wulijim det skai.  
\q1 Brom im femili lain, king garra oldei jidan.   
\b  
\q1
\v 30 “Bat if olabat nomo teiknodis en bulurrum ol detlot lowa blanga main,   
\q1
\v 31 en if olabat nomo dum wanim ai dalim olabat,   
\q1
\v 32 wal ai garra panishim olabat blanga olabat nogudbalawei.  
\q1 Ai garra meigim olabat ardimbat blanga olabat nogudbalawei.   
\q1
\v 33 Bat ai kaan stap laigimbat Deibid,  
\q1 en ai garra kipum main pramis langa im olagijawan.   
\q1
\v 34 Ai kaan breigim main strongwan pramis langa im,  
\q1 o deigimbek eni pramis aibin meigim langa im.   
\b  
\q1
\v 35 “Trubala dijan na det pramis aibin meigim garram main ronwan seikridwan neim.  
\q1 Ai kaan dalim laiya langa Deibid.   
\q1
\v 36 Im femili lain garra kipgon olagijawan.  
\q1 En ai garra oldei maindimbat det kantri weya im jidan bos wulijim det san weya im oldei shain olataim.   
\q1
\v 37 Im garra jidan olagija jis laik det mun,  
\q1 weya im jidan trubalawan witnis blanga mi langa skai.”   
\s1 Soriwan song dumaji ola enami bin bidim det king  
\q1
\v 38 Bat YAWEI, yubin gitwail langa det king weya yubin pikimat.  
\q1 Yubin libum im miselp en yu nomo wandi sabi im enimo.   
\q1
\v 39 Yubin breigim yu strongwan pramis garram yu wekinmen,  
\q1 en yubin tjakamdan im speshalwan het langa graun.   
\q1
\v 40 Yubin breigimap ola wol blanga im taun,  
\q1 en yubin libum ol im strongwan haus breikinwan.   
\q1
\v 41 Enibodi hubin wokpas langa det pleis bin stilim ebrijing blanga im.  
\q1 En ola pipul langa ola gulijapwan kantri bin mokimbat im.   
\q1
\v 42 Yubin meigim im enami olabat bidimbat im,  
\q1 en yubin meigim olabat holot gudbinji nomo lilbit.   
\q1
\v 43 Yubin meigim nogud ola wepan blanga det king,  
\q1 en im nomo bin win wen imbin fait.   
\q1
\v 44 Yubin deigidawei im speshalwan stik weya im oldei holdim,  
\q1 en yubin nokamdan im speshalwan tjeya langa graun.   
\q1
\v 45 Yubin meigim im olmen na, bat im oni yangbala,  
\q1 en yubin meigim im jidan garram sheim.   
\s1 Preya blanga askim God blanga seibum olabat  
\q1
\v 46 YAWEI, haulong yu garra haidim miselp?  
\q1 Haulong yu garra barn binji wulijim faiya weya barn?   
\q1
\v 47 Yu jinggabat na. Main laif kaan jidan longtaim.  
\q1 Yubin meigim pipul blanga dai.   
\q1
\v 48 Nobodi kaan jidan laibala en neba dai.  
\q1 Nobodi kaan stapam miselp brom daidaibat.   
\b  
\q1
\v 49 YAWEI, weya det filing yubin abum bifo blanga laigimbat pipul olagijawan?  
\q1 Weya ola pramis yubin meigim langa Deibid?   
\q1
\v 50 YAWEI, yu sabi hau ol detlot hu nomo weship yu oldei mokimbat en meigimbat fan langa mi, yu wekinmen.   
\q1
\v 51 YAWEI, yu enami olabat tok nogudwei langa yu king weya yubin pikimat.  
\q1 Ebriweya im go dei tok nogudwei blanga im.   
\b  
\q1
\v 52 Preisim YAWEI det trubala God olagijawan.  
\b  
\q1 Yuwai! Trubala!   
\c 90  
\s1 Dijan blanga God en ola pipul  
\s2 Preya blanga Mosis, det men blanga God.  
\q1
\v 1 YAWEI, brom longtaim yubin oldei jidan laiga seifwan pleis blanga melabat.   
\q1
\v 2 Bifo yubin meigim ola hil en meigim dijan wel kamat,  
\q1 yu na bin oldei jidan det olagijawan God,  
\q1 en yu garra jidan God olagija.   
\b  
\q1
\v 3 Wen yu tok, pipul dai en olabat bodi garra gobek langa graun.   
\q1
\v 4 Det 1,000 yiya im laik wanbala dei langa yu.  
\q1 Olabat jis laik yestadei weya im gon olredi,  
\q1 en jis laik lilbit taim naitaim.\x + \xo 90:4 \xt 2 Pida 3:8\x*   
\q1
\v 5 Yu deigidawei melabat jis laik fladwoda.  
\q1 Melabat jidan nomo longtaim, laik drim wen im binij.  
\q1 Melabat jidan laiga purdiwan flawa wen im kamat moningtaim,   
\q1
\v 6 en im binij sangodantaim.   
\b  
\q1
\v 7 Wen yu gitwail, yu binijimap melabat.  
\q1 Melabat brabli bradin langa yu wen yu gitwail nomo lilbit.   
\q1
\v 8 Yu pudum ola nogudbalawei blanga melabat lida langa yu,  
\q1 en ola nogudbala ting weya melabat bin dum sigridwei yu gin luk.   
\b  
\q1
\v 9 Jis laik wen sambodi opinim en jadimap ai kwikbala,  
\q1 en lagijat du melabat laif binij kwikbala wen yu gitwail.   
\q1
\v 10 Melabat laif maitbi jidan oni 70 yiya o maitbi 80 yiya if wi jidan strongbala,  
\q1 bat stil melabat abum loda trabul en soriwan filing langa ol detlot yiya.  
\q1 Detlot yiya binij kwikbala en wi binijap en wi gon.   
\b  
\q1
\v 11 Nobodi sabi det brabliwan pawa wen yu gitwail langa det nogudbalawei blanga pipul.  
\q1 Blanga tharran na melabat garra bradin en rispek yu olataim.   
\q1
\v 12 Yu lenim melabat hau det laif blanga melabat im shotwan,  
\q1 wulijim melabat garra jinggabat brabli gudwei.   
\b  
\q1
\v 13 Haulong mowa yu garra jidan wail lagijat?  
\q1 YAWEI, yu sori langa yu wekinmen olabat.   
\q1
\v 14 Bilimap melabat ebri moning garram det filing blanga yu blanga laigim yu,  
\q1 wulijim melabat garra sing en jidan gudbinji langa melabat laif olataim.   
\q1
\v 15 YAWEI, yu gibit melabat detmatj filing blanga jidan gudbinjiwei na blanga ola yiya weya melabat bin jidan nogudbinjiwei.   
\q1
\v 16 Yu larram melabat yu wekinmen olabat, luk ola brabli haibala ting yu dum.  
\q1 Yu larram melabat biginini olabat hu garra jidan bambai luk yu brabli haibalawan pawa.   
\q1
\v 17 YAWEI, melabat God, larram yu kainbala filing jidan garram melabat.  
\q1 Yu meigim ebrijing melabat wandi dum hepin gudbalawei.   
\c 91  
\s1 God na seibum wi  
\q1
\v 1 Wen pipul go langa YAWEI det Boswan God blanga jidan seifwan,  
\q1 wal im jis laik olabat jidan andanith langa gudwan sheidiwan tri.   
\q1
\v 2 Dei garra tok langa YAWEI det trubala God,  
\q1 “Mi seif wen mi go langa yu.  
\q1 Yu na brabli strongwan en yu lukaftum mi.  
\q1 Yu na main God, en ai trastim yu.”   
\b  
\q1
\v 3 Wen yu enami olabat trai trepam yu,  
\q1 YAWEI na garra seibum yu.  
\q1 Wen yu jidan brabli wikwan o sikwan en gulijap dai,  
\q1 YAWEI na garra kipum yu seifwan.   
\q1
\v 4 God garra lukaftum yu wen detlot trabul kaman langa yu,  
\q1 jis laiga bard lukaftumbat ol im beibi.  
\q1 Wen dei bradin dei blandim miselp andanith langa im wing en dei jidan seif.  
\q1 Wal God oldei dum wanim im pramisim,  
\q1 en im garra kipum yu seif en blokim detlot trabul du.   
\q1
\v 5 Yu kaan bradin blanga olkain nogud ting weya hepin naitaim.  
\q1 If sambodi wandi ardim yu deitaim wal yu kaan bradin.   
\q1
\v 6 If yu brabli sik midulnait,  
\q1 o if yu gulijap gitkil dinataim,  
\q1 yu kaan bradin.   
\q1
\v 7 Nomeda loda pipul wansaid langa yu mait dai,  
\q1 en bigmob pipul mait binij raidaran langa yu,  
\q1 bat nomo enijing kaan ardim yu.   
\q1
\v 8 Yu garra oni luk det trabul,  
\q1 en yu garra wotjim God panishim brabliwei detlot nogudbala pipul.   
\b  
\q1
\v 9 If yu go langa YAWEI blanga jidan seif,  
\q1 en if yu jidan garram det Brabli Haibalawan,   
\q1
\v 10 wal nobodi kaan ardim yu.  
\q1 Nomo eni nogud ting kaan kaman langa yu kemp,   
\q1
\v 11 dumaji im garra jandim im einjul olabat langa yu,  
\q1 en im garra dalim olabat blanga wotjimbat yu ebriweya yu go.\x + \xo 91:11 \xt Meth 4:6; Luk 4:10\x*   
\q1
\v 12 Detlot einjul garra lidimap yu ontop garram olabat bingga wulijim yu kaan ardim miselp.  
\q1 Yu kaan ardim lilbit langa yu fut o eniweya langa yu bodi.\x + \xo 91:12 \xt Meth 4:6; Luk 4:11\x*   
\q1
\v 13 Nomeda yu pudumbut yangwan laiyan o jigiwan sneik,  
\q1 detlot einjul na garra seibum yu brom ol detlot jigiwan ting.\x + \xo 91:13 \xt Luk 10:19\x*   
\b  
\q1
\v 14 YAWEI tok,  
\q1 “Detlot pipul hu laigim mi, ai garra seibum olabat.  
\q1 Ai garra wotjim detlot hu sabi mi.   
\q1
\v 15 Wen dei jingat langa mi, ai garra ensim olabat.  
\q1 Ai garra jidan garram olabat wen dei abum trabul.  
\q1 Ai garra seibum olabat,  
\q1 en ai garra lidimap olabat haibala.   
\q1
\v 16 Ai garra meigim olabat jidan laibala longtaim.  
\q1 Dei garra luk hau mi seibum main pipul.”   
\c 92  
\s1 Song blanga gibit theingks  
\s2 Song blanga det Sebathdei.  
\q1
\v 1 YAWEI, im brabli gudwan blanga gibit theingks langa yu,  
\q1 en sing song blanga preisim yu, brabli haibala God.   
\q1
\v 2 Im brabli gudwan blanga sing ebri moning blanga yu filing blanga laigim pipul olataim,  
\q1 en ebri naitaim blanga yu trubalawei,   
\q1
\v 3 garram myusik brom olkain gita.   
\b  
\q1
\v 4 YAWEI, ola ting weya yu dum garram yu pawa meigim mi gudbinji.  
\q1 Ai sing song gudbinjiwei, blanga wanim yubin dum.   
\b  
\q1
\v 5 Trubala, im nomo lilwan ting weya yu dum, YAWEI.  
\q1 Detlot ting weya yu jinggabat, olabat brabli adwan blanga pipul blanga sabi.   
\q1
\v 6 Siliwan pipul kaan sabi blanga dijan na.   
\q1
\v 7 Wulijim bindiyai weya im gro isibalawei en spredat ebriweya, lagijat du nogudbala pipul nomo abum eni trabul en gajimbat detmatj ebrijing isibalawei tudei,  
\q1 bat bambai yu na YAWEI garra binijimap olabat olagijawan,   
\q1
\v 8 dumaji yu na YAWEI, jidan bos brabli olagijawan.   
\b  
\q1
\v 9 Wi sabi blanga yu enami olabat garra binij,  
\q1 en ola nogudbala pipul kaan win.   
\q1
\v 10 YAWEI, yubin meigim mi strongbala jis laik wailwan bul jidan strongbala.  
\q1 En dumaji yubin gud langa mi,  
\q1 mi jidan gudbinji.   
\q1
\v 11 Aibin luk yubin bidim main enami olabat, en aibin irrim olabat jingat.   
\b  
\q1
\v 12 Detlot pipul hu jidan raitwei garra jidan gudbalawei jis laik detlot tri weya oldei abum detmatj daga,  
\q1 en jis laik detlot sidatri weya oldei jidan strongbala.   
\q1
\v 13 Jis laik ola tri weya gro langa det Serramoni Pleis blanga YAWEI,   
\q1
\v 14 en weya oldei kipgon abumbat detmatj daga raidap olabat brabli olwan,  
\q1 wal lagijat du detlot pipul garra oldei kipgon jidan raitwei,  
\q1 en dei garra oldei tok dijan blanga YAWEI,   
\q1
\v 15 “YAWEI im brabli trubalawan en im nomo garram enijing rong langa im,  
\q1 en im oldei maindimbat mi, jis laiga bigwan ston weya kipum mi seifwan.”   
\c 93  
\s1 God det Boswan  
\q1
\v 1 YAWEI det trubala God im Boswan.  
\q1 Im jidan brabli haibalawan en brabli strongwan.  
\q1 Dijan wel im jidan langa im rait pleis en nomo enijing kaan mubum im.   
\q1
\v 2 YAWEI, yubin oldei jidan boswan bifo enijing bin jidan.   
\b  
\q1
\v 3 YAWEI, det solwoda jinginat adbalawei jis laik thanda.  
\q1 Im jinginat nomo lilbit.   
\q1
\v 4 YAWEI, im jidan langa hebin en im na det Brabli Haibalawan Bos blanga ebrijing.  
\q1 Im mowa strongbala langa det solwoda weya im jingat,  
\q1 en im mowa strongbala langa ola bigwan weib langa solwoda.   
\b  
\q1
\v 5 YAWEI, ola lowa blanga yu jidan olagijawan,  
\q1 en yu Serramoni Pleis im jidan brabli seikridwan olagijawan.   
\c 94  
\s1 God im jadjim ebribodi  
\q1
\v 1 YAWEI, yu det God hu oldei panishim ol detlot jigiwan bos.  
\q1 Yu gitwail en panishim olabat na.   
\q1
\v 2 Yu na oldei jadjimbat melabat holot.  
\q1 Yu gidap en panishim detlot praudbala pipul.   
\q1
\v 3 Haulong detlot nogudbala pipul garra jidanabat gudbinjiwei?  
\q1 Haulong mowa YAWEI?   
\q1
\v 4 Haulong detlot pipul hu dumbat nogudbala ting garra kipgon laigimbat miselp en jidanbat praudbalawei wen dei dumbat detlot nogudbala ting?   
\b  
\q1
\v 5 Dei jidan jigiwan bos en meigim yu pipul olabat adwek brabliwei, YAWEI.  
\q1 Dei ardimbat yu pipul olabat.   
\q1
\v 6 Dei kilim ded ola widogel en detlot biginini hu nomo garram mami en dedi.  
\q1 En dei medrim pipul hubin kaman brom najawan kantri blanga jidan langa wi kantri.   
\q1
\v 7 En dei tok, “YAWEI nomo luk wi. Det God blanga Isreil nomo sabi wanim wi dumbat.”   
\b  
\q1
\v 8 Main pipul olabat, yumob brabli siliwan pipul.  
\q1 Wotaim yumob garra len?   
\q1
\v 9 God bin meigim wi irriwol, bat yumob reken God kaan irrim yumob!  
\q1 Imbin meigim wi ai, bat yumob reken im kaan luk langa yumob!   
\q1
\v 10 Im graulim ola pipul langa najalot kantri, bat yumob reken im kaan panishim ola wikitwan bos blanga wi!  
\q1 Im na titja blanga wi holot, bat yumob reken im nomo sabi enijing!   
\q1
\v 11 YAWEI sabi wanim detlot pipul jinggabat,  
\q1 en im sabi detlot ting nomo garram eni pawa.\x + \xo 94:11 \xt 1 Karin 3:20\x*   
\b  
\q1
\v 12 YAWEI, ol detlot pipul hu irrim yu en weya yubin titjimbat olabat ol yu lowa garra jidan gudbinjiwei.   
\q1
\v 13 Yu larram ol detlot hu irrim yu abum spel brom ola trabul raidap det taim weya yu redi blanga binijimap detlot nogudbala pipul.   
\q1
\v 14 YAWEI kaan neba gibit bekboun langa im pipul olabat.  
\q1 Im kaan neba libum ol im pipul olabat.   
\q1
\v 15 Langa ola kothaus ebribodi garra abum feyago igin,  
\q1 en ola pipul hu dumbat ola rait ting garra bekimap tharran.   
\b  
\q1
\v 16 Hubin jandap blanga mi langa ola nogudbala pipul?  
\q1 Hubin bekimap mi brom ola brabli wikitwan pipul?   
\q1
\v 17 If YAWEI nomo bin album mi, ai bina godan langa det pleis weya ola dedbala pipul oldei go.   
\q1
\v 18 Aibin tok, “Mi buldan”,  
\q1 bat det filing blanga yu weya yu laigimbat pipul olataim bin lidimap mi.   
\q1
\v 19 Wen mi hatjamp en wori,  
\q1 yu lidimap mi en meigim mi gudbinji.   
\b  
\q1
\v 20 Yu nomo laigim ola nogudbala jadj hu oldei gibit adtaim langa pipul.  
\q1 Dei nomo jadjim pipul raitwei garram ol yu lowa.   
\q1
\v 21 Dei meigim plen blanga ardimbat ola gudbala pipul,  
\q1 en kilimbat ded ola pipul hu nomo bin dum enijing rong.   
\q1
\v 22 Bat YAWEI maindimbat mi, jis laiga seifwan haus.  
\q1 Main God lukaftumbat mi jis laik wen mi blandim miselp langa bigwan ston.   
\q1
\v 23 Im garra panishim olabat blanga ola brabli nogudbala ting deibin dumbat en im garra binijimap olabat brabliwei.  
\q1 YAWEI det trubala God blanga wi garra binijimap olabat.   
\c 95  
\s1 Song blanga gibit preis langa YAWEI  
\q1
\v 1 Kaman yumob! Wi garra preisim YAWEI det trubala God.  
\q1 Wi garra sing gudbinjiwei langa God hu oldei seibum wi en maindimbat wi jis laiga bigwan ston kipum wi seifwan.   
\q1
\v 2 Wi garra kaman langa im en tok theingkyu,  
\q1 en preisim im garram ola hepiwan song.   
\q1
\v 3 YAWEI im det brabli haibalawan God.  
\q1 Im haibala bos langa ola najalot drimin.   
\q1
\v 4 Im jidan bos blanga dijan wel.  
\q1 Im bos blanga ebrijing brom ola dipwan keib raidap langa ola haiwan hil.   
\q1
\v 5 Im bos blanga solwoda en dijan graun weya imbin meigim imselp.   
\b  
\q1
\v 6 Kaman yumob! Wi garra nildan langa im en weship im.  
\q1 Wi garra nildan langa YAWEI det trubalawan God hubin meigim wi.\fig |src="MB Ps95.6.tif" size="col" ref="95:6" \fig*   
\q1
\v 7 Im na wi God,  
\q1 en wi na detlot pipul im oldei lukaftumbat,  
\q1 en wi jis laik ola ship blanga im weya im oldei gibit ebrijing.  
\b  
\q1 Irrim tudei wanim YAWEI tok,   
\q1
\v 8 “Nomo jadimap miselp hat wulijim yumob femili olabat bin dum bifo langa det kantri Meriba, en det taim langa Mesa det deset kantri.\x + \xo 95:8 \xt Hib 3:15; 4:7\x*   
\q1
\v 9 Deya na deibin oldei grambulbat en aibin gitwail langa olabat.  
\q1 Dei nomo bin jinggabat wanim aibin oldei dumbat blanga olabat.\x + \xo 95:9 \xt Eksa 17:1-7; Nam 20:2-13\x*   
\q1
\v 10 Blanga 40 yiya ai nomo bin gudbinji langa detlot pipul.  
\q1 Aibin tok, ‘Olabat nomo garram eni rispek blanga mi.  
\q1 Olabat nomo teiknodis langa ol main lowa.’   
\q1
\v 11 Aibin gitwail en aibin meigim dijan strongwan pramis langa olabat,  
\q1 ‘Aibin wandi gibit yumob det kantri blanga jidan gudbinjiwei, bat najing. Yumob kaan go deya na.’”\x + \xo 95:11 \xt Nam 14:20-23; Dyud 1:34-36; 12:9,10; Hib 3:7-11; 4:3-5\x*   
\c 96  
\s1 God det haibala bos  
\r Fes Kranakuls 16:23-33  
\q1
\v 1 Sing nyuwan song langa YAWEI det trubala God.  
\q1 Ola pipul langa dijan wel sing song langa YAWEI.   
\q1
\v 2 Sing langa YAWEI en preisim im.  
\q1 Dalimbat det gudnyus ebridei weya imbin seibum wi.   
\q1
\v 3 Dalimbat pipul langa ebri kantri im brabli haibalawan,  
\q1 en dalimbat olabat blanga ola haibala ting imbin dumbat.   
\b  
\q1
\v 4 YAWEI det trubala God im haibalawan en pipul garra preisim im.  
\q1 Pipul garra abum loda rispek blanga im, mowa den langa ola najalot drimin.   
\q1
\v 5 Detlot drimin blanga najalot kantri olabat laiyawan, weya pipul bin meigimbat,  
\q1 bat YAWEI det trubala God bin meigim ebrijing langa skai.   
\q1
\v 6 Im brabli haibala pawa gaburrumap im raidaran.  
\q1 Im brabli shainiwan lait en pawa jidan langa im Serramoni Pleis.   
\b  
\q1
\v 7 Ola pipul langa dijan wel preisim YAWEI det trubala God.  
\q1 Preisim im haibalawan pawa.   
\q1
\v 8 Preisim det haibala neim blanga YAWEI.  
\q1 Bringim ofring en kaman langa im Serramoni Pleis.   
\q1
\v 9 Ebribodi langa dijan wel garra meigim miselp lobala en weship langa YAWEI det brabli haibalawan.\x + \xo 96:9 \xt Saam 29:1,2\x*   
\b  
\q1
\v 10 Dalim pipul langa ola kantri, “YAWEI im boswan!  
\q1 Dijan graun im jidan langa im rait pleis en najing kaan mubum im.  
\q1 Im garra jadjim ola pipul en gibit olabat feyago.”   
\q1
\v 11 Graun en skai, jidan gudbinji.  
\q1 Solwoda en ola enimul weya jidan insaid langa solwoda jingat gudbinjiwei.   
\q1
\v 12 Ola kantri en ebrijing weya jidan langa olabat, jidan gudbinji.  
\q1 Ola tri langa ola bush kantri sing gudbinjiwei.   
\q1
\v 13 Wen YAWEI kaman blanga jidan boswan langa dijan wel,  
\q1 im garra jidan bos blanga ola pipul brabli trubalawei,  
\q1 en det wei weya im gibitbat pipul feyago.   
\c 97  
\s1 God det Brabli Haibala Bos  
\q1
\v 1 YAWEI det trubala God im Brabli Boswan!  
\q1 Ola pipul langa ebri kantri yumob gudbinji.  
\q1 Jidan gudbinji ola pipul langa ola longweiwan kantri.   
\q1
\v 2 Ola klaud en det dakbala jidan raidaran langa YAWEI.  
\q1 Im jidan bos en dumbat ebrijing raitwei,  
\q1 en im gibitbat ebribodi feyago.   
\q1
\v 3 Det faiya go lida langa im en barnimap ol im enami olabat.   
\q1
\v 4 Ola laitining blanga im shainimap dijan wel, en wen ola pipul luk tharran, im meigim olabat sheik nomo lilbit.   
\q1
\v 5 Ola hil meltap lida langa YAWEI.  
\q1 Im det boswan blanga ebrijing langa dijan graun tudei.   
\q1
\v 6 Ebrijing langa skai shoum det raitwei blanga im.  
\q1 En ebribodi langa ebri kantri luk im pawa en im shainiwan lait.   
\b  
\b  
\q1
\v 7 Ebribodi hu weshipbat ola drimin sheip, en hu jidan praudbala blanga olabat drimin, garra sheim miselp.  
\q1 Ola drimin nildan en weship YAWEI.   
\q1
\v 8 Detlot pipul brom Jerusalem en ola taun langa Juda jidan gudbinji,  
\q1 dumaji yu na, YAWEI det trubala God jadjim pipul raitwei.   
\q1
\v 9 YAWEI, yu na det Boswan God en yu jidan boswan blanga dijan wel.  
\q1 Yu jidan mowa haibala langa ola drimin.   
\b  
\q1
\v 10 YAWEI laigim ol detlot pipul hu nomo laigim dumbat brabli nogudbala ting, en hu nomo laigim wen najalot pipul dumbat nogudbala ting du.  
\q1 Im lukaftum im pipul olabat.  
\q1 Im seibum olabat brom det pawa blanga ola brabli nogudbala pipul.   
\q1
\v 11 God im oldei deya langa det lait seimwei laik im oldei gibit gudbala ting langa detlot pipul hu oldei dumbat ola rait ting,  
\q1 En im meigim ola gudbala pipul jidan gudbinjiwei.   
\q1
\v 12 Ol yumob pipul hu jidan raitwei,  
\q1 yumob garra gudbinji blanga wanim YAWEI bin dum.  
\q1 Jinggabat wanim det brabli holiwan God bin dum en gibit im theingks.   
\c 98  
\s1 God det Boswan blanga dijan wel  
\q1
\v 1 Sing nyuwan song langa YAWEI det trubala God.  
\q1 Imbin dum ola brabli gudwan ting.  
\q1 Garram im ron haibala pawa en strongwan bingga imbin win.   
\q1
\v 2 YAWEI bin shoum im pipul olabat imbin bidim im enami olabat.  
\q1 Imbin shoum ola pipul langa ola kantri im pawa blanga seibum pipul,  
\q1 en blanga panishim im enami olabat.   
\q1
\v 3 Imbin kipum im pramis langa ola Isreil pipul.  
\q1 Imbin rispek en abum det filing blanga laigim im pipul olabat olataim.  
\q1 Pipul brom ebriweya bin luk God bin win garram im pawa.   
\b  
\q1
\v 4 Sing hepiwei ola pipul, langa YAWEI.  
\q1 Preisim im garram ola song en jingat gudbinjiwei.   
\q1
\v 5 Sing preis song langa YAWEI.  
\q1 Plei myusik garram ola gita.   
\q1
\v 6 Blowim ola longwan wisul en hon en jingat gudbinjiwei langa YAWEI det bos blanga wi.   
\b  
\q1
\v 7 Solwoda, en ola enimul weya jidan insaid langa solwoda jingat gudbinjiwei.  
\q1 Kantri en ebrijing weya jidan langa kantri, sing du.   
\q1
\v 8 Ola riba klep bingga,  
\q1 en ola hil sing mijamet blanga preisim YAWEI.   
\q1
\v 9 Ebrijing preisim YAWEI det trubala God,  
\q1 dumaji im kaman blanga jadjim ola pipul langa dijan wel.  
\q1 Im garra jadjim pipul raitwei en gibitbat ebribodi feyago.   
\c 99  
\s1 Det Brabli Boswan God  
\q1
\v 1 YAWEI im Bos en ola pipul sheik nomo lilbit.  
\q1 Im jidan langa im speshalwan tjeya deya langa midul langa det dubala golwan sheip garram wing.  
\q1 En dijan wel im sheiksheik.\x + \xo 99:1 \xt Eksa 25:22\x*   
\q1
\v 2 YAWEI im jidan strongbalawan langa Jerusalem.  
\q1 Im det boswan blanga ebri kantri.   
\q1
\v 3 Ebribodi garra preisim im haibala neim.  
\q1 Im na holiwan!   
\b  
\q1
\v 4 Strongbala king yu laigim wanim im rait.  
\q1 Yubin gibit feyagowan lowa langa Isreil.  
\q1 Yubin dum ebrijing raitwei en gibit feyago langa ola pipul langa Isreil.   
\q1
\v 5 Preisim YAWEI det trubala God blanga wi.  
\q1 Weship im lida langa im speshalwan tjeya.  
\q1 Im na holiwan!   
\b  
\q1
\v 6 Mosis en Eran bin im wekinmen,  
\q1 en Semyul bin tharran hubin prei langa im.  
\q1 Olabat bin jingat langa YAWEI det trubala God en imbin ensim olabat.   
\q1
\v 7 Imbin tok langa olabat brom det longwan klaud.  
\q1 Deibin lisin en teiknodis langa ol im lowa en wed weya imbin dalim olabat.\x + \xo 99:7 \xt Eksa 33:9\x*   
\b  
\q1
\v 8 YAWEI det trubala God blanga wi, yubin ensim yu pipul olabat.  
\q1 Yubin shoum olabat yu na det God hu oldei fil sori en larramgo pipul fri,  
\q1 nomeda yubin panishim olabat blanga ola nogudbala ting deibin dumbat.   
\q1
\v 9 Preisim YAWEI det trubala God blanga wi,  
\q1 en weship im langa im seikridwan hil.  
\q1 YAWEI wi God, im holiwan.   
\c 100  
\s1 Song blanga gibit theingks  
\q1
\v 1 Sing adbala langa YAWEI det trubala God, ol yumob pipul langa ebri kantri!   
\q1
\v 2 Weship YAWEI gudbinjiwei.  
\q1 Kaman langa im en sing ola hepiwan song!   
\b  
\q1
\v 3 Yumob garra sabi dijan brabliwei.  
\q1 YAWEI im God.  
\q1 Imbin meigim wi, en wi na im pipul.  
\q1 Wi blanga im en wi jidan jis laik im ronwan shipmob.   
\b  
\q1
\v 4 Kamap thru det geit en tok theingkyu langa im.  
\q1 Kaman langa im haus en preisim im.  
\q1 Gibit im theingks en preisim im neim.   
\b  
\q1
\v 5 YAWEI im gudwan.  
\q1 Im laigim im pipul olabat olagijawan.  
\q1 Im garra oldei dum wanim imbin pramis.\x + \xo 100:5 \xt 1 Kran 16:34; 2 Kran 5:13; 7:3; Esra 3:11; Saam 106:1; 107:1; 118:1; 136:1; Jera 33:11\x*   
\c 101  
\s1 Song blanga king blanga dum ola raitwan ting  
\s2 Song blanga Deibid.  
\q1
\v 1 Ai garra sing langa yu, YAWEI.  
\q1 Ai wandim jidan trubalawei langa yu,  
\q1 en ai wandim gibit pipul feyago olataim.   
\q1
\v 2 Ai wandim ebrijing ai dum garra jidan nomo garram enijing rong.  
\q1 Wotaim yu garra kaman langa mi?  
\q1 Ai wandim jidan langa main bigwan haus brabli gudbalawei,   
\q1
\v 3 en ai nomo wandim jinggabat eni nogudbala ting.  
\q1 Ai nomo laigim det wei blanga ol detlot pipul hubin tenawei brom God.  
\q1 Ai nomo wandim dum enijing garram olabat.   
\q1
\v 4 Ai nomo wandim dalimbat laiya,  
\q1 en ai nomo wandim tjidimbat pipul.   
\q1
\v 5 Ai garra binijimap enibodi hu tokabat nogudwei blanga najalot pipul.  
\q1 Ai nomo laigim detlot pipul hu jidan praudbalawei en tok haibalawei blanga olabat ron selp.   
\b  
\q1
\v 6 Ai garra gibit feyago langa ol detlot pipul hu jidan trubalawei langa God,  
\q1 en larram olabat jidan langa main bigwan haus.  
\q1 Ol detlot pipul hu jidan brabli trubalawei garra wek blanga mi.   
\b  
\q1
\v 7 Ol detlot pipul hu dalimbat laiya kaan jidan langa main bigwan haus.  
\q1 Ol detlot pipul hu jidan tuwei kaan jidan garram mi.   
\q1
\v 8 Ebridei ai garra binijimap ola nogudwan pipul langa wi kantri.  
\q1 Ai garra andimwei ola brabli nogudwan pipul brom det bigwan taun blanga YAWEI.   
\c 102  
\s1 Preya blanga wanbala yangmen garram trabul  
\s2 Wanbala sikwan men bin jidan miselp en imbin dalim YAWEI blanga ol im trabul.  
\q1
\v 1 YAWEI, yu irrim langa main preya,  
\q1 en yu irrim langa mi jinginat langa yu blanga album mi.   
\q1
\v 2 Wen mi abum trabul, yu nomo tenawei brom mi!  
\q1 Yu irrim langa mi, en ensim mi kwikbala wen mi jinginat.   
\b  
\q1
\v 3 Main laif im gulijap binij jis laik det smok.  
\q1 Main bodi im barnbarn jis laik faiya.   
\q1
\v 4 Mi gulijap binij jis laik draiwan gras.  
\q1 Ai nomo wandim dagat daga enimo.   
\q1
\v 5 Mi jinginat adbala dumaji mi ardim brabliwei.  
\q1 Mi brabli bouniwan, nomo garram bif na.   
\q1
\v 6 Mi jis laiga wailwan bard langa deset kantri,  
\q1 en wulijim mukmuk weya jidan langa olwan haus.   
\q1
\v 7 Wen mi leidan, mi nomo silip,  
\q1 jis laik det bard weya im jidan miselp ontop langa haus.   
\q1
\v 8 Main enami olabat oldei tok nogudwei langa mi.  
\q1 Olabat oldei mokimbat mi en oldei yusum main neim nogudbalawei.   
\b  
\q1
\v 9-10 Dumaji yubin brabli wail langa mi,  
\q1 yubin pikimat mi en yubin tjakidawei mi.  
\q1 Main daga im jis laik eshis,  
\q1 en main tiyas buldan insaid langa main dringk.   
\q1
\v 11 Jis laik det san weya im godan,  
\q1 wal lagijat na main laif im jidan.  
\q1 Mi jidan laik draiwan gras.   
\b  
\q1
\v 12 Bat yu, YAWEI, yu jidan king olagijawan.  
\q1 Ola femili lain garra jinggabat langa yu.   
\q1
\v 13 Yu garra gidap en sori blanga Jerusalem.  
\q1 Det taim bin kaman blanga sori langa im, en dijan na det rait taim.   
\q1
\v 14 Yu wekinmen olabat laigim Jerusalem brabliwei, nomeda imbin binijap.  
\q1 Olabat sori blanga im nomeda im ol bitsap.   
\b  
\q1
\v 15 Ola pipul langa ebri kantri garra rispek langa YAWEI.  
\q1 Ola king langa dijan wel garra rispek im brabliwei blanga im haibala pawa.   
\q1
\v 16 Wen YAWEI garra bildimap Jerusalem igin,  
\q1 im pipul olabat garra luk im strongwan pawa.   
\q1
\v 17 Im garra irrim detlot pipul hu reken imbin libum olabat,  
\q1 en im garra ensim olabat preya.   
\b  
\q1
\v 18 Raidimdan wanim YAWEI bin dum blanga ola biginini olabat hu garra jidan bambai,  
\q1 wulijim olabat garra preisim im du.   
\q1
\v 19 YAWEI bin lukdan brom top brom im seikridwan pleis.  
\q1 Imbin lukdan brom hebin langa dijan wel.   
\q1
\v 20 Imbin irrim ola prisana jinginatbat soribalawei,  
\q1 en imbin larramgo fri ol detlot weya detlot enami bin tok dei garra dai.   
\q1
\v 21 Langa Jerusalem dei garra toktok blanga im neim,  
\q1 en deya na dei garra preisimbat im,   
\q1
\v 22 wen ola pipul brom ebri kantri kaman mijamet en weship im.   
\b  
\q1
\v 23 YAWEI bin meigim mi jidan wikwan wen mi stil yang.  
\q1 Imbin meigim main laif jidan shotwan.   
\q1
\v 24 God, nomo deigidawei mi.  
\q1 Mi nomo olbala yet.  
\b  
\q1 YAWEI, yu jidan olagijawan.   
\q1
\v 25 Longtaim yubin meigim dijan wel,  
\q1 en garram yu ronwan bingga yubin meigim ebrijing langa skai.   
\q1
\v 26 Olabat garra binij bat yu garra stil jidan.  
\q1 Olabat garra binij jis laik olwan klos.  
\q1 Yu garra tjakidawei olabat jis laik olwan klos, en olabat garra binij.   
\q1
\v 27 Bat yu oldei jidan seim en yu laif kaan neba binij.\x + \xo 102:27 \xt Hib 1:10-12\x*   
\q1
\v 28 Melabat biginini olabat garra oldei jidan seifwan,  
\q1 en ola femili hu garra kaman bambai garra jidan seifwan garram yu.   
\c 103  
\s1 Det filing blanga YAWEI det trubala God  
\s2 Song blanga Deibid.  
\q1
\v 1 Trubala, mi preisimbat YAWEI det trubala God.  
\q1 Garram ol main filing mi preisimbat im seikridwan neim.   
\q1
\v 2 Trubala, mi preisimbat YAWEI,  
\q1 en ai kaan fogedabat ola gudbala ting imbin dum blanga mi.   
\q1
\v 3 Wen mi dum nogud ting,  
\q1 im oldei larramgo mi fri.  
\q1 Wen mi git sik,  
\q1 im oldei meigim mi gudwan igin.   
\q1
\v 4 Wen mi oldei abum trabul en gulijap dai,  
\q1 im oldei seibum mi.  
\q1 Im kain langa mi, en im laigim mi detmatj.   
\q1
\v 5 Langa dijan taim weya mi jidan laibala,  
\q1 im oldei gibit mi ola gudbala ting.  
\q1 Im meigim mi strong laik wen aibin yangbala,  
\q1 en strongwan blanga kipgon iya langa graun,  
\q1 jis laik det igul kipgon deya ontop langa det skai.   
\b  
\q1
\v 6 Wen pipul gibit najalot adtaim,  
\q1 YAWEI oldei luk detlot pipul hu oldei abumbat trabul,  
\q1 en gibit olabat feyago.  
\q1 Im oldei tridim pipul raitwei.   
\q1
\v 7 Imbin oldei dum klebabala ting blanga album ola Isreil pipul.  
\q1 Imbin dalim Mosis wanim imbin plen blanga dum.   
\q1
\v 8 YAWEI det trubala God im brabli kainbala, en im laigim im pipul olabat detmatj.  
\q1 Im kaan gitwail kwikbala,  
\q1 en im kipgon laigimbat im pipul.\x + \xo 103:8 \xt Jeims 5:11\x*   
\q1
\v 9 Im kaan kipgon graulbat im pipul olabat,  
\q1 en im kaan kipgon wail langa olabat.   
\q1
\v 10 If im panishim wi olawei blanga ola nogudwan ting, wal im rait.  
\q1 Bat im oldei larramgo wi fri kwikbala.  
\q1 Im nomo kipgon panishimbat wi olataim.   
\b  
\q1
\v 11 If yu lukap blanga lukaran weya det skai im binij,  
\q1 yu kaan faindim.  
\q1 Det skai neba binij.  
\q1 En YAWEI laigim im pipul lagijat du.  
\q1 Im kaan stap laigimbat im pipul hu oldei rispek langa im.   
\q1
\v 12 En yu jinggabat hau det sanraisaid jidan brabli longwei brom det sangodansaid.  
\q1 Wal lagijat du im garra deigidawei ola nogudbalawei longwei brom wi.   
\q1
\v 13 Wen wi luk lilwan biginini garram olabat dedi,  
\q1 im laigim im biginini olabat du.  
\q1 Wal lagijat du YAWEI garram det filing blanga detlot pipul hu oldei rispek langa im.   
\q1
\v 14 Im sabi wi jidan wikwan,  
\q1 en im sabi imbin meigim wi brom det graun.   
\b  
\q1
\v 15-16 Wi pipul, wi nomo jidan laibala longtaim.  
\q1 Wi jis laik det gras weya oldei draiyap en dai kwikbala.  
\q1 Wi bon, wi growap en wi dai kwikbala du.  
\q1 Langa bush kantri ola purdiflawa kamat,  
\q1 bat det win blowimwei olabat,  
\q1 en nomo enijing jidan.  
\q1 Wal blanga wi laif im lagijat du.   
\q1
\v 17-18 Bat wen YAWEI laigim im pipul,  
\q1 im laigim olabat olagijawan.  
\q1 Im kipgon laigimbat olagijawan, detlot pipul hu oldei rispek im,  
\q1 en hu oldei teiknodis langa im strongwan pramis weya imbin meigim.  
\q1 Im dum rait ting blanga olabat biginini,  
\q1 en blanga olabat biginini weya garra kaman bambai.   
\b  
\q1
\v 19 YAWEI det trubala God langa hebin,  
\q1 en im na det king blanga ola boswan ebriweya langa dijan wel.   
\q1
\v 20 Preisim YAWEI, ol yumob einjul blanga im,  
\q1 ol yumob strongbala wekinmen hu oldei duwit langa im.  
\q1 Yumob teiknodis langa ol im wed.   
\q1
\v 21 Preisim YAWEI ol yumob bigismob einjul deya langa hebin.  
\q1 Yumob jidan wekinmen blanga im,  
\q1 en yumob dumbat wanim im wandim.   
\q1
\v 22 Preisim YAWEI, ebrijing weya imbin meigim,  
\q1 langa ola kantri ebriweya.  
\q1 En mi du,  
\q1 trubala, ai garra preisim YAWEI.   
\c 104  
\s1 Gibit preis langa God hubin meigim ebrijing  
\q1
\v 1 Main spirit preisim yu YAWEI.  
\q1 YAWEI, main God, yu brabli haibalawan.  
\q1 Yu jidan brabli haibalawan garram yu brabli shainiwan lait.   
\q1
\v 2 Yu lait jidan raidaran langa yu.  
\q1 Yubin spredimat det skai wulijim tent,   
\q1
\v 3 en yubin bildimap yu kemp ontopwei langa ola woda.  
\q1 Ola klaud jidan jis laiga hos en bagi blanga yu,  
\q1 en det win deigimbat yu weya yu wandi go.   
\q1
\v 4 Det win im laik ol yu mesinja olabat,  
\q1 en det laitining im laik ol yu wekinmen olabat du.\x + \xo 104:4 \xt Hib 1:7\x*   
\b  
\q1
\v 5 Yubin meigim dijan graun jidan strongbala langa im rait pleis en najing kaan mubum im.   
\q1
\v 6 Yubin gaburrumap im garram solwoda laik longwan dres,  
\q1 en woda bin gaburrumap ola bigwan hil.   
\q1
\v 7 Wen yubin tok langa ola woda deibin ranawei.  
\q1 Deibin ranawei wen deibin irrim yu tok adbala.   
\q1
\v 8 Deibin randan brom ontop langa ola bigwan hil raitdan langa ola beli, langa detlot pleis weya yubin meigim blanga olabat.   
\q1
\v 9 Yubin pudumdan bandri weya dei kaan neba pasim,  
\q1 wulijim dei kaan gaburrumap dijan wel igin.   
\b  
\q1
\v 10 Yubin meigim springwoda randan langa ola beli,  
\q1 en ola riba randan thru langa ola hil.   
\q1
\v 11 Dei gibit woda langa ola wailwan enimul,  
\q1 en ola dongki dringgimbat woda deya du.   
\q1
\v 12 Nomo longwei brom deya ola bard meigimbat olabat nes en singsingbat.   
\b  
\q1
\v 13 Brom det skai yu jandimdan rein ontop langa ola hil,  
\q1 en yu gibit dijan kantri ola gudwan ting.   
\q1
\v 14 Yu meigim gras gro blanga ola buligi, en ola plent, wulijim melabat gin growimapbat daga blanga melabat,   
\q1
\v 15 en meigim wain blanga meigim melabat jidan hepiwan,  
\q1 en oliboil blanga meigim melabat luk gudwan,  
\q1 en daga blanga meigim melabat strongbala.   
\b  
\q1
\v 16 Detlot sidatri brom Lebanan oldei gedim loda rein.  
\q1 Olabat ola ronwan tri blanga YAWEI weya imbin plentim.   
\q1
\v 17 Deya na ola bard meigim olabat kemp,  
\q1 en ola waitwan krein kemp ontop langa tri.   
\q1
\v 18 Ola bush nenigout kemp langa ola hil kantri,  
\q1 en ola rok walabi haidim miselp langa ola klifsaid.   
\b  
\q1
\v 19 Yubin meigim det mun blanga shoum ola mant,  
\q1 en det san blanga sabi wotaim blanga godan.   
\q1
\v 20 Yubin meigim naitaim,  
\q1 en wen im dakbala ola wailwan enimul kamat.   
\q1
\v 21 Ola yangwan dinggo jingat wen dei go hanting en lukabat blanga daga weya God gibit olabat.   
\q1
\v 22 Wen det san gidap olabat gobek en leidan langa olabat kemp.   
\q1
\v 23 Brom deya pipul kamat blanga dum olabat wek  
\q1 en dei kipgon wekwekbat raidap leit.   
\b  
\q1
\v 24 YAWEI, yubin meigim loda ting.  
\q1 Garram yu ron sabibalawei yubin meigim olabat brabli gudwei.  
\q1 Dijan wel jidan garram detmatj enimul blanga yu.   
\q1
\v 25 Det solwoda im jidan brabli bigiswan,  
\q1 en olkain bigwan en lilwan enimul jidan deya.   
\q1
\v 26 Ola bigwan bout trebul ontop langa det solwoda,  
\q1 en yubin meigim detlot bigwan krokadail gulum Labaiyathan blanga jidan insaid deya.\x + \xo 104:26 \xt Job 41:1; Saam 74:14; Aisai 27:1\x*   
\b  
\q1
\v 27 Ola pipul en enimul holot weit langa yu blanga gibit olabat daga wen dei wandim.   
\q1
\v 28 Yu gibit olabat en dei dagat.  
\q1 Yu oldei gibit olabat daga garram yu ronwan bingga en dei oldei sedisfaid.   
\q1
\v 29 Wen yu tenimwei yu feis olabat bradin brabliwei.  
\q1 Wen yu stapam olabat win olabat dai en olabat bodi gobek langa graun brom weya yubin meigim olabat.   
\q1
\v 30 Bat wen yu blo win,  
\q1 yu gibit nyuwan laif langa ebrijing langa dijan wel.   
\b  
\q1
\v 31 Larram det brabli haibalawei blanga YAWEI jidan olagijawan.  
\q1 Larram YAWEI jidan gudbinji blanga wanim imbin meigim.   
\q1
\v 32 Wen im luk langa dijan kantri dijan kantri sheik nomo lilbit.  
\q1 Wen im tatjim ola bigwan hil smok kamat.   
\b  
\q1
\v 33 Ebridei mi jidan laibala ai garra sing langa YAWEI.  
\q1 Nomeda haulong ai jidan laibala, ai garra oldei preisim main God garram song.   
\q1
\v 34 Larram im jidan gudbinji garram ebrijing weya mi jinggabat,  
\q1 dumaji mi gudbinji brom im na.   
\q1
\v 35 Larram ola nogudbala pipul binijap brom dijan wel.  
\q1 Larram ola brabli wikitwan pipul nomo jidan eni mowa.  
\b  
\q1 Main spirit, preisim yu YAWEI!  
\q1 Preisim YAWEI det trubala God!   
\c 105  
\s1 God en im pipul olabat  
\r Fes Kranakuls 16:8-22  
\q1
\v 1 Gibit theingks langa YAWEI.  
\q1 Dalimbat ebribodi blanga im haibala pawa.  
\q1 Dalim pipul langa ebri kantri wanim imbin dum.   
\q1
\v 2 Sing preis langa YAWEI.  
\q1 Dalim ebribodi blanga ola gudbala ting weya imbin dumbat.   
\q1
\v 3 Jidan gudbinji dumaji wi blanga im.  
\q1 Larram ol detlot hu oldei weship im jidan gudbinji.   
\q1
\v 4 Go langa YAWEI blanga album yumob,  
\q1 en kipgon weshipbat im.   
\q1
\v 5-6 Ol yumob femilimob blanga Eibrahem im wekinmen,  
\q1 en ol yumob femilimob blanga Jeikob, hu imbin pikimat,  
\q1 yumob jinggabat detlot klebabalawan ting weya God bin dum,  
\q1 en det wei blanga im wen imbin oldei jadjimbat pipul.   
\b  
\q1
\v 7 YAWEI im na wi God.  
\q1 Im lowa jidan blanga ebribodi langa dijan wel.  
\v 8 Im garra kipum im strongwan pramis olagijawan.  
\q1 Im pramis blanga ola pipul hu garra kaman bambai du.   
\q1
\v 9 Im garra kipum im wed weya imbin meigim garram Eibrahem,  
\q1 en im pramis garram Aisik.\x + \xo 105:9 \xt Jen 12:7; 17:8; 26:3\x*   
\q1
\v 10 YAWEI bin meigim strongwan pramis langa Jeikob,  
\q1 en det pramis na garra jidan olagijawan blanga ola Isreil pipul.   
\q1
\v 11 Imbin tok, “Ai garra gibit yu dijan kantri Keinan,  
\q1 en im garra jidan blanga yu en yu femili olabat weya garra kaman bambai.”\x + \xo 105:11 \xt Jen 28:13\x*   
\b  
\q1
\v 12 Ola pipul blanga God bin jidan oni lilbit.  
\q1 Olabat bin streinja langa det kantri Keinan.   
\q1
\v 13 Deibin oldei wokaranbat brom wan kantri raidap langa naja kantri.   
\q1
\v 14 Bat God nomo bin larram enibodi tridim olabat nogudbalawei.  
\q1 Imbin lukaftum olabat en imbin gibit ola king woning.   
\q1
\v 15 Imbin tok, “Nomo ardim ol main pipul weya aibin pikimat.  
\q1 Nomo tatjim ol main mesinjamob.”\x + \xo 105:15 \xt Jen 20:3-7\x*   
\b  
\q1
\v 16 YAWEI bin meigim olabat kantri jidan nomo garram eni rein,  
\q1 en imbin deigidawei ola daga brom olabat.\x + \xo 105:16 \xt Jen 41:53-57\x*   
\q1
\v 17 YAWEI bin jandim wan men lida langa olabat langa Ijip blanga seibum im pipul olabat.  
\q1 Det men bin Josef, en im braja olabat bin selim im blanga jidan wekinmen.\x + \xo 105:17 \xt Jen 37:28; 45:5 \x*   
\q1
\v 18 Im fut bin tjeinap en aiyanwan tjein bin raidaran langa im nek,   
\q1
\v 19 raidap det wed weya YAWEI bin tok bin hepin truwan.  
\q1 Det wed YAWEI bin dalim Josef bin hepin trubalawan.\x + \xo 105:19 \xt Jen 39:20—40:23\x*   
\q1
\v 20 Brom deya, det king blanga Ijip bin larramgo im fri.  
\q1 Det boswan blanga ola kantri bin meigim im fri.\x + \xo 105:20 \xt Jen 41:14\x*   
\q1
\v 21 Imbin meigim im jidan boswan blanga ol im gabman pipul,  
\q1 en imbin meigim im bos blanga ola kantri,\x + \xo 105:21 \xt Jen 41:39-41\x*   
\q1
\v 22 en imbin gibit im pawa oba ol det king wekinmen olabat,  
\q1 en blanga dalimbat olabat wanim blanga dum.   
\b  
\q1
\v 23 Brom deya Jeikob en im femili olabat bin go langa Ijip en bin jidan deya langa det kantri.\x + \xo 105:23 \xt Jen 46:6; 47:11\x*   
\q1
\v 24 YAWEI bin gibit langa im pipul olabat detmatj biginini,  
\q1 en imbin meigim olabat mowa strongbala langa ola Ijip pipul.   
\q1
\v 25 Imbin meigim detlot pipul brom Ijip heidim im pipul olabat,  
\q1 en trikibalawei olabat bin meigim nogudwan plen.\x + \xo 105:25 \xt Eksa 1:7-14\x*   
\b  
\q1
\v 26 Brom deya imbin jandim im wekinmen Mosis en Eran dubala weya imbin pikimat.\x + \xo 105:26 \xt Eksa 3:1—4:17\x*   
\q1
\v 27 Dubala bin dumbat ola klebabalawan ting brom God langa Ijip.   
\q1
\v 28 God bin meigim det kantri jidan dakbala,  
\q1 bat detlot pipul brom Ijip nomo bin teiknodis langa im wed.\x + \xo 105:28 \xt Eksa 10:21-23\x*   
\q1
\v 29 Imbin meigim ola riba blanga olabat jidan blad en kilim ded ola fish.\x + \xo 105:29 \xt Eksa 7:17-21\x*   
\q1
\v 30 Blanga olabat kantri bin jidan garram detmatj frog,  
\q1 en det king bigwan haus bin jidan garram ola frog du.\x + \xo 105:30 \xt Eksa 8:1-6\x*   
\q1
\v 31 Wen God bin tok, ola flai en ola lilwan insek bin gaburrumap ol det kantri.\x + \xo 105:31 \xt Eksa 8:16,17,20-24\x*   
\q1
\v 32 Imbin jandimdan heilston en laitining langa olabat kantri.   
\q1
\v 33 Imbin binijimap olabat greiptri en figtri en imbin breigimap ola tri.\x + \xo 105:33 \xt Eksa 9:22-25\x*   
\q1
\v 34 Imbin tok, en bigismob grashopa bin kamat,   
\q1
\v 35 en deibin dagat ola plent langa det kantri,  
\q1 en deibin dagat ola gadin.\x + \xo 105:35 \xt Eksa 10:12-15\x*   
\q1
\v 36 YAWEI bin kilim ded ola feswan san blanga ola femili langa Ijip.\x + \xo 105:36 \xt Eksa 12:29\x*   
\b  
\q1
\v 37 Imbin lidimat ola Isreil pipul brom Ijip,  
\q1 en deibin garrimap silba en gol,  
\q1 en olabat holot bin strongwan en nomo sikwan.   
\q1
\v 38 Detlot pipul brom Ijip bin bradin langa olabat,  
\q1 en deibin gudbinji wen deibin gowei.\x + \xo 105:38 \xt Eksa 12:33-36\x*   
\q1
\v 39 God bin pudum klaud ontop langa im pipul olabat,  
\q1 en faiya naitaim blanga gibit olabat lait.\x + \xo 105:39 \xt Eksa 13:21,22\x*   
\q1
\v 40 Deibin askim im, en imbin jandimdan ola kweil.  
\q1 Imbin gibit olabat daga brom hebin blanga meigim olabat sedisfaid.\x + \xo 105:40 \xt Eksa 16:2-15\x*   
\q1
\v 41 Imbin opinimap bigwan ston en woda bin kamat en randan thru langa deset kantri wulijim riba.\x + \xo 105:41 \xt Eksa 17:1-7; Nam 20:2-13\x*   
\q1
\v 42 Imbin jinggabat im seikridwan pramis langa Eibrahem, im wekinmen.   
\b  
\q1
\v 43 Imbin lidimat im pipul olabat weya imbin pikimat, en deibin sing en jingat gudbinjiwei.   
\q1
\v 44 Imbin gibit olabat ol detlot kantri blanga najalot pipul, en imbin larram olabat teikoba olabat fam,\x + \xo 105:44 \xt Josh 11:16-23\x*   
\q1
\v 45 dumaji imbin wandim im pipul olabat blanga teiknodis langa ol im lowa en dum ebrijing im dalim olabat blanga dum.  
\b  
\q1 Aleiluya! Preisim YAWEI det trubala God!   
\c 106  
\s1 YAWEI jidan gudbalawei langa im pipul olabat  
\q1
\v 1 Preisim YAWEI det trubala God!  
\q1 Gibit theingks langa YAWEI, dumaji im gudwan.  
\q1 Blanga im filing blanga laigim pipul jidan olagijawan.\x + \xo 106:1 \xt 1 Kran 16:34; 2 Kran 5:13; 7:3; Esra 3:11; Saam 100:5; 107:1; 118:1; 136:1; Jera 33:11\x*   
\q1
\v 2 Hu gin tok blanga ola brabli gudbala ting imbin dum?  
\q1 Hu gin preisim im detmatj?   
\q1
\v 3 Ol detlot pipul hu teiknodis langa im lowa, en hu oldei dumbat ola raitwan ting,  
\q1 olabat na jidan gudbinjiwei.   
\b  
\q1
\v 4 YAWEI, yu jinggabat mi wen yu album yu pipul olabat.  
\q1 Wen yu seibum olabat, yu dum seimwei langa mi du,   
\q1
\v 5 wulijim ai garra jidan gudbinji en preisim yu garram ol yu pipul olabat blanga ola gudbala ting weya yu gibit melabat.   
\b  
\q1
\v 6 Melabat bin dumbat ola nogudbala ting jis laik melabat grengrenfatha olabat bin oldei dumbat.  
\q1 Melabat bin brabli wikitwan en brabli nogudbala pipul.   
\q1
\v 7 Wen melabat grengrenfatha olabat bin jidan langa Ijip,  
\q1 olabat nomo bin sabi detlot brabli gudbala ting weya YAWEI bin oldei dumbat.  
\q1 Deibin fogedabat hau imbin oldei shoum olabat haumatj imbin laigim olabat,  
\q1 en deibin gibit im bekboun deya wansaid langa det Redsi.\x + \xo 106:7 \xt Eksa 14:10-12\x*   
\q1
\v 8 Bat imbin seibum olabat jis laik wen imbin pramisim blanga shoum im haibala pawa.   
\q1
\v 9 YAWEI bin tok langa det Redsi en imbin draiyap streidawei.  
\q1 Imbin deigim im pipul olabat kros langa draiwan graun.   
\q1
\v 10 Imbin seibum olabat brom ol detlot pipul hubin heidimbat olabat.  
\q1 Imbin seibum olabat brom olabat enami olabat.   
\q1
\v 11 Bat woda bin draundim olabat enami olabat.  
\q1 Nomo wanbala bin laib. Holot bin binijap,   
\q1
\v 12 en ol im pipul olabat bin bilib im wed,  
\q1 en deibin sing song blanga preisim im.\x + \xo 106:12 \xt Eksa 14:21-31; 15:1-21 \x*   
\b  
\q1
\v 13 Bat streidawei deibin fogedabat wanim imbin dum,  
\q1 en dei nomo bin weit blanga faindat wanim imbin wandi dalim olabat.   
\q1
\v 14 Deya langa det deset kantri brabliwei olabat bin wandim det gudbala daga laik deibin oldei abum deya langa Ijip,  
\q1 en lagijat na deibin meigim God gitwail langa olabat.   
\q1
\v 15 Imbin gibit olabat wanim deibin wandimbat,  
\q1 bat seimtaim imbin jandim nogudwan siknis langa olabat du.\x + \xo 106:15 \xt Nam 11:4-34\x*   
\b  
\q1
\v 16 Deya na langa det deset kantri deibin git jelas langa Mosis,  
\q1 en deibin git jelas langa Eran det serramonimen weya YAWEI bin pikimat.   
\q1
\v 17 Brom deya det graun bin opinap en julurum Deithan,  
\q1 en gaburrumap Ebiram en im femili olabat.   
\q1
\v 18 Faiya bin kamdan langa ol detlot pipul hubin oldei bulurrumbat olabat,  
\q1 en det faiya bin barnimap ol detlot brabli nogudbala pipul.\x + \xo 106:18 \xt Nam 16:1-35\x*   
\b  
\q1
\v 19 Deibin meigim golwan buligi sheip deya langa Sainai,  
\q1 en deibin weshipbat det laiyawan drimin sheip.   
\q1
\v 20 Deibin libum det pawa en brabli shainiwan lait blanga God,  
\q1 en deibin weshipbat det laiyawan buligi sheip.   
\q1
\v 21 Deibin fogedabat God hubin seibum olabat brom Ijip garram im strongbala pawa.   
\q1
\v 22 Trubala imbin dum ola brabli gudbala ting!  
\q1 Ola brabli klebabalawan ting imbin dum deya langa Redsi!   
\q1
\v 23 God bin tok blanga binijimap im pipul olabat,  
\q1 bat im wekinmen Mosis hu imbin pikimat, bin jandap langa God blanga detlot pipul en imbin stapam im.  
\q1 Imbin stapam im wen imbin gitwail brabliwei.\x + \xo 106:23 \xt Eksa 32:1-14\x*   
\b  
\q1
\v 24 Brom deya deibin nokambek det gudwan kantri,  
\q1 dumaji olabat nomo bin bilib langa God pramis.   
\q1
\v 25 Deibin jidan insaid langa olabat tent en deibin grambulbat,  
\q1 en olabat nomo bin teiknodis langa YAWEI.   
\q1
\v 26 Brabliwei imbin gibit olabat dijan woning,  
\q1 “Yumob garra daidaibat iya langa dijan deset kantri,\x + \xo 106:26 \xt Nam 14:1-35\x*   
\q1
\v 27 en ai garra jandimwei yumob biginini olabat langa ola streinjawan kantri en larram olabat dai deya.”\x + \xo 106:27 \xt Labid 26:33\x*   
\b  
\q1
\v 28 Afta na langa det kantri Piyowa, God pipul olabat bin joinin blanga weship det drimin gulum Beil,  
\q1 en deibin dagat det sekrifais daga weya deibin gibit blanga detlot dedwan drimin sheip.   
\q1
\v 29 Deibin meigim YAWEI brabli wail na,  
\q1 en brabli nogud siknis bin kaman langa olabat.   
\q1
\v 30 Bat Finiyas bin gidap en panishim det dubala giltiwan pipul,  
\q1 en God bin stapam det siknis.   
\q1
\v 31 Brom det taim na pipul oldei jinggabat wanim imbin dum,  
\q1 en dei kaan neba fogedabat wanim imbin dum.\x + \xo 106:31 \xt Nam 25:1-13\x*   
\b  
\q1
\v 32 Langa detlot spring langa Meriba ola pipul bin meigim YAWEI gitwail brabliwei,  
\q1 en Mosis bin abum trabul brom olabat du.   
\q1
\v 33 Deibin meigim im brabli nogud,  
\q1 en imbin gitwail en tok adwei langa olabat.\x + \xo 106:33 \xt Nam 20:2-13\x*   
\q1
\v 34 YAWEI bin dalim olabat blanga kilim ded detlot pipul hu nomo bin bilib langa im,  
\q1 bat olabat nomo bin duwit.   
\q1
\v 35 En olabat bin merriyimbat langa olabat,  
\q1 en deibin bulurrumbat det wei blanga olabat.   
\q1
\v 36 God pipul olabat bin weshipbat ola drimin sheip,  
\q1 en tharran na bin meigim ola nogud ting binijimap olabat.\x + \xo 106:36 \xt Jadj 2:1-3; 3:5,6\x*   
\q1
\v 37 Deibin gibitbat olabat ronwan san en doda olabat blanga sekrifais ofring langa ola drimin sheip langa det kantri Keinan.\x + \xo 106:37 \xt 2 King 17:17\x*   
\q1
\v 38 Deibin kilimbat ded ol detlot biginini hu nomo bin sabi dumbat eni rong ting,  
\q1 en det kantri bin jidan brabli nogudwan brom ol detlot medra.\x + \xo 106:38 \xt Nam 35:33\x*   
\q1
\v 39 Deibin meigim miselp nogud brom dumbat nogudbala ting,  
\q1 en dei nomo bin jidan trubala langa God.   
\b  
\q1
\v 40 Wal YAWEI bin gitwail langa ol im pipul olabat.  
\q1 Imbin brabli sheim en nogudbinji langa olabat.   
\q1
\v 41 Imbin hendimoba olabat langa detlot pipul hu nomo bin bilib langa im,  
\q1 en olabat enami olabat bin bosoba langa olabat.   
\q1
\v 42 Olabat enami olabat bin gibit olabat brabli adtaim,  
\q1 en deibin bosoba langa olabat du.   
\q1
\v 43 Lodataim YAWEI bin seibum im pipul olabat,  
\q1 bat dei nomo bin wandi irrim en teiknodis langa im,  
\q1 en deibin jidan mowa nogudbala.   
\q1
\v 44 Bat stil YAWEI bin oldei irrim olabat wen deibin oldei jingat langa im,  
\q1 en imbin teiknodis blanga olabat trabul.   
\q1
\v 45 Imbin jinggabat im strongbala pramis imbin meigim garram olabat.  
\q1 En dumaji imbin laigim olabat detmatj, imbin holdimbek miselp.   
\q1
\v 46 Imbin meigim detlot krulbala bos fil sori langa olabat du.\x + \xo 106:46 \xt Jadj 2:14-18\x*   
\b  
\q1
\v 47 YAWEI, melabat God, yu seibum melabat,  
\q1 en yu bringimbek melabat brom ola najalot kantri,  
\q1 wulijim melabat garra gibit theingks en preisim yu holiwan neim.   
\q1
\v 48 Preisim YAWEI det trubala God blanga Isreil.  
\q1 Preisim im tudei en olagijawan!  
\q1 Ebribodi tok, “Yuwai! Trubala!”  
\b  
\q1 Preisim YAWEI det trubala God!   
\c 107  
\s1 Preisim God blanga im kainbalawei  
\q1
\v 1 “Gibit theingks langa YAWEI dumaji im gudwan.  
\q1 Blanga im filing blanga laigim pipul jidan olagijawan.”\x + \xo 107:1 \xt 1 Kran 16:34; 2 Kran 5:13; 7:3; Esra 3:11; Saam 100:5; 106:1; 118:1; 136:1; Jera 33:11\x*   
\q1
\v 2 Tok lagijat na blanga preisim YAWEI ol yumob hu imbin seibum.  
\q1 Imbin seibum yumob brom ol yumob enamimob,   
\q1
\v 3 en imbin bringimbek yumob brom ola streinja kantri langa sangidapwei en sangodanwei en brom nowathwei en sauthwei.   
\b  
\q1
\v 4 Sambala pipul bin gitbush langa deset kantri nomo garram eni roud blanga bulurrum,  
\q1 en nomo bin faindim eni bigwan taun blanga jidan deya.   
\q1
\v 5 Olabat bin ol hanggri en thestiwan,  
\q1 en deibin ol gibap na.   
\q1
\v 6 Brom deya langa olabat trabul, deibin jingat langa YAWEI,  
\q1 en imbin seibum olabat brom olabat trabul.   
\q1
\v 7 Imbin deigim olabat langa streitwan roud langa det bigwan taun blanga jidan.   
\q1
\v 8 Dei garra gibit theingks langa YAWEI dumaji im kipgon laigim olabat olagijawan,  
\q1 en blanga ola gudwan ting weya imbin oldei dum blanga olabat.   
\q1
\v 9 Im meigim sedisfaid ol detlot hu jidan thestiwan,  
\q1 en im meigim bulap detlot pipul hu jidan hanggriwan garram ola gudwan daga.   
\b  
\q1
\v 10 Sambala bin jidan nogudbinjiwei langa brabli dakbala pleis.  
\q1 Deibin prisana garram tjein en deibin ardimbat,   
\q1
\v 11 dumaji dei nomo bin teiknodis ola wed blanga det brabli Boswan God,  
\q1 en deibin nokambek wanim imbin tok.   
\q1
\v 12 Olabat bin nokap brom dumbat adwek.  
\q1 Deibin oldei buldan en nobodi bin albumbat olabat.   
\q1
\v 13 Bat deibin jinginat langa YAWEI blanga olabat trabul,  
\q1 en imbin seibum olabat.   
\q1
\v 14 Imbin deigimat olabat brom det dakbala pleis,  
\q1 en imbin breigimap hafenhaf ol detlot tjein blanga olabat.   
\q1
\v 15 Dei garra gibit theingks langa YAWEI dumaji im laigimbat olabat olagijawan,  
\q1 en blanga ola gudwan ting weya imbin oldei dum blanga olabat.   
\q1
\v 16 Im oldei breigimap ola kopawan geit blanga olabat enamimob,  
\q1 en im smeshimap ola aiyanwan ba blanga larram im pipul jidan fri.   
\b  
\q1
\v 17 Sambala pipul bin siliwan,  
\q1 en deibin ardimbat dumaji deibin oldei dumbat brabli nogudbala ting.   
\q1
\v 18 Olabat nomo bin wandi dagat daga en deibin gulijap dai.   
\q1
\v 19 Bat deibin jingat langa YAWEI,  
\q1 en imbin seibum olabat brom olabat trabul.   
\q1
\v 20 Imbin meigim olabat gudwan garram im wed,  
\q1 en imbin seibum olabat brom greibyad.   
\q1
\v 21 Dei garra gibit theingks langa YAWEI dumaji im kipgon laigim olabat olagijawan,  
\q1 en blanga ola gudwan ting weya imbin oldei dum blanga olabat.   
\q1
\v 22 Dei garra gibit theingks langa YAWEI garram sekrifais ofring,  
\q1 en garram ola hepiwan song blanga dalimbat pipul blanga ebrijing imbin dumbat.   
\b  
\q1
\v 23 Sambala pipul bin oldei go langa solwoda garram bigwan bout weya deibin oldei wekwekbat blanga mani.   
\q1
\v 24 Deibin luk wanim YAWEI gin dum wen imbin dum ola gudwan ting langa solwoda.   
\q1
\v 25 Imbin jis tok en strongbala win bin blo,  
\q1 en det solwoda bin sterrimap ola weib.   
\q1
\v 26 Detlot ola bigwan bout bin lidap ontop en deibin kamdan adbala insaid langa det solwoda.  
\q1 Detlot men hubin wek langa detlot bout bin brabli bradin dumaji imbin brabli deinjawan.   
\q1
\v 27 Deibin buldanbat en wokaranbat jis laik drangginbala pipul.  
\q1 Deibin sabi hendulum bout, bat deya na dei nomo bin sabi wanim blanga dum.   
\q1
\v 28 Bat deibin jingat langa YAWEI,  
\q1 en imbin seibum olabat brom olabat trabul.   
\q1
\v 29 Imbin meigim det bigwan win seduldan,  
\q1 en detlot woda bin jidan kwaitwan.   
\q1
\v 30 Deibin gudbinji dumaji ebrijing bin jidan kwaitwan,  
\q1 en imbin meigim olabat kamat seifwan langa det pleis weya deibin wandi go.   
\q1
\v 31 Dei garra gibit theingks langa YAWEI dumaji im kipgon laigim olabat olagijawan,  
\q1 en blanga ola gudwan ting weya imbin oldei dum blanga olabat.   
\q1
\v 32 Dei garra tok blanga im haibalawei langa ola pipul,  
\q1 en preisim im langa ol detlot lidamob.   
\b  
\q1
\v 33 YAWEI bin meigim ola riba draiyap brabliwei,  
\q1 en det kantri bin jidan brabli draiwan.   
\q1
\v 34 Imbin meigim ola gudwan graun jidan garram solt,  
\q1 dumaji ol detlot hubin jidan langa det kantri bin dumbat ola brabli nogudwan ting.   
\q1
\v 35 Bat imbin meigim deset kantri jidan garram ola bilibong,  
\q1 en draiwan graun imbin meigim kamat garram ola springwoda.   
\q1
\v 36 Imbin larram ola hanggriwan pipul blanga jidan deya,  
\q1 en deibin bildimap bigwan taun blanga jidan.   
\q1
\v 37 Deibin growimap ola gadin blanga olabat en deibin plentimbat ola greiptri,  
\q1 en deibin gedimbat detmatj daga brom detlot gadin.   
\q1
\v 38 Imbin dum gudwan ting blanga im pipul olabat en olabat bin abumbat detmatj biginini.  
\q1 Imbin meigim olabat buligimob kipgon abumbat detmatj gabigabi du.   
\b  
\q1
\v 39 Wen detlot enamimob blanga ola pipul blanga God bidim olabat,  
\q1 en kilim ded detmatj pipul, en oni lilbit stil jidan,  
\q1 en detlot enamimob gibitbat olabat adtaim en ardimbat olabat,  
\q1 olabat jidan sheimwan.   
\q1
\v 40 En God garra jidan nogudbinji en panishim detlot enamimob,  
\q1 en meigim olabat wokaranbat langa deset kantri.   
\q1
\v 41 Bat im garra seibum ola powan pipul brom olabat trabul,  
\q1 en meigim olabat femilimob jidan detmatj na, wulijim ship.   
\q1
\v 42 Ola pipul hu jidan trubala langa God sabi dijan,  
\q1 en olabat brabli gudbinji.  
\q1 Bat ola nogudwan pipul kaan tok enijing blanga tharran.   
\b  
\q1
\v 43 Larram ol detlot hu jidan sabibalawei jinggabat dislot ting.  
\q1 Larram olabat jinggabat det filing blanga YAWEI weya im kipgon laigimbat olagijawan.   
\c 108  
\s1 Preya wen melabat enami olabat kaman  
\s2 Song blanga Deibid.  
\r Ola Saam 57:7-11; 60:5-12  
\q1
\v 1 Ai garra kipgon trastimbat yu, God.  
\q1 Trubala, ai garra kipgon trastimbat yu.  
\q1 Ai garra sing en preisim yu!   
\q1
\v 2 Mi dalimbat miselp, “Jidan gudbinji!  
\q1 Gajim yu gita en sing!  
\q1 Ai garra gidap bifo det san en sing!”   
\b  
\q1
\v 3 YAWEI, ai garra gibit yu theingks lida langa ola pipul.  
\q1 Ai garra preisim yu lida langa ola pipul brom ebri kantri.   
\q1
\v 4 Yu filing blanga kipgon laigimbat pipul im jidan ebriweya,  
\q1 brom longwei ontop raitdan langa graun.  
\q1 Yu trubalawei im gajimap det skai.   
\b  
\q1
\v 5 God, yu shoum pipul yu haibala pawa deya ontop langa skai,  
\q1 en yu larram pipul luk yu brabli shainiwan lait ebriweya langa dijan wel.   
\q1
\v 6 Ensim main preya en seibum melabat garram yu pawa,  
\q1 wulijim ola pipul hu yu laigim yu garra jidan seifwan.   
\b  
\q1
\v 7 God bin tok brom im brabli seikridwan pleis,  
\q1 “Gudbinjiwei ai garra kadimat det taun gulum Shekam,  
\q1 en gibit det kantri Sukait Beli langa main pipul olabat.   
\q1
\v 8 Det dubala kantri gulum Giliyad en Manesa blanga main.  
\q1 Det kantri Ifreiyim jidan jis laik main speshalwan het,  
\q1 en det kantri Juda im jidan jis laik main speshalwan stik.   
\q1
\v 9 Bat ai garra meigim det kantri Moweb jidan wulijim rabishwan pleis weya tjakam dardiwan woda,  
\q1 en ai garra tjakam main but langa det kantri Idam blanga shoum mi bos blanga im.  
\q1 Mi jingat gudbinjiwei, dumaji aibin bidim detlot Filistain pipul.”   
\b  
\q1
\v 10 God, hu garra album mi en deigim mi langa det bigwan taun garram haibala wol?  
\q1 Hu garra album mi en deigim mi langa det kantri gulum Idam?   
\q1
\v 11 Maitbi yubin libum melabat olagijawan na God.  
\q1 Yu garra stil go garram melabat ami olabat o najing?   
\q1
\v 12 Yu album melabat fait langa dislot enami.  
\q1 Pipul kaan album melabat. Najing!  
\q1 Olabat nomo strongwan.   
\q1
\v 13 Oni God na garra meigim wi win.  
\q1 Im na garra bidim wi enami olabat.   
\c 109  
\s1 Preya blanga album  
\s2 Preya blanga Deibid.  
\q1
\v 1 God, mi preisim yu.  
\q1 Nomo jidan kwaitbala!   
\q1
\v 2 Ola brabli nogudbala en laiyinbala pipul bin meigim trabul blanga mi.  
\q1 Olabat oldei meigimap laiya stori blanga mi,   
\q1
\v 3 en olabat oldei toktok brabli nogudbalawei blanga mi.  
\q1 Olabat oldei wandi ardim mi fo najing.   
\q1
\v 4 Nomeda olabat oldei wandim blanga ardim mi bat stil mi laigim olabat,  
\q1 en mi oldei preipreibat blanga olabat.   
\q1
\v 5 Nomeda aibin dumbat ola gudbala ting blanga olabat, bat stil dei oldei dumbat nogudbala ting langa mi.  
\q1 Nomeda ai laigim olabat detmatj, bat olabat heidimbat mi.   
\b  
\q1
\v 6 YAWEI yu garra pikimat nogudwan jadj blanga kotim main enami,  
\q1 en yu meigim im ronwan enami kotim im.   
\q1
\v 7 Yu meigim im jidan gilti,  
\q1 en yu meigim im preya shoum im giltiwan du.   
\q1
\v 8 Meigim im laif binijap,  
\q1 en larram najamen teikoba det wek blanga im.\x + \xo 109:8 \xt Eks 1:20\x*   
\q1
\v 9 Meigim im biginini olabat jidan nomo garram enibodi,  
\q1 en meigim im waif jidan widogel.   
\q1
\v 10 Meigim im biginini olabat wokaranbat en askimbat blanga enijing.  
\q1 Meigim olabat gowei brom det breikapwan haus weya olabat jidanabat.   
\q1
\v 11 Meigim detlot pipul weya im owim mani, deigimwei ola ebrijing brom im,  
\q1 en larram ola streinja gedim ola ebrijing weya imbin oldei wekwekbat blanga gedim.   
\q1
\v 12 Nomo larram enibodi kain langa im,  
\q1 en nomo larram enibodi lukaftumbat im biginini olabat weya imbin libum biyain.   
\q1
\v 13 Meigim ol im femili olabat binijap,  
\q1 en nomo larram enibodi jinggabat im neim igin.   
\q1
\v 14 YAWEI, yu garra oldei jinggabat ol detlot nogudbalawei blanga im grengrenfatha olabat,  
\q1 en yu nomo larram im mami go fri brom im nogudbalawei.   
\q1
\v 15 YAWEI, yu garra oldei jinggabat ola nogudbalawei blanga olabat,  
\q1 bat meigim olabat binijap, en nobodi garra jinggabat olabat igin.   
\b  
\q1
\v 16 Det men na nomo bin jinggabat blanga jidan kainbala.  
\q1 Imbin oldei gibitbat adtaim langa ola powan pipul en langa detlot hu nomo bin abum enijing en langa detlot hubin jidan nogudbinjiwei, raidap sambala bin dai.   
\q1
\v 17 Imbin oldei laigim toktokbat nogudbalawei langa najalot pipul.  
\q1 Wal yu meigim nogud ting hepin langa im.  
\q1 Im nomo bin laigim dumbat gudbala ting langa najalot pipul.  
\q1 Wal yu nomo larram enibodi dum gudbala ting langa im.   
\q1
\v 18 Imbin laigim toktokbat nogudbalawei ebridei, jis laik imbin oldei laigim werrimon klos, en dagadagat daga en dringgimbat woda ebridei.   
\q1
\v 19 Larram ol im nogudbala wed gobek langa im igin en gaburrumap im jis laik klos en jidan raidaran im wulijim belt.   
\b  
\q1
\v 20 YAWEI, yu panishim main enami olabat lagijat na,  
\q1 ol detlot na hu tok nogudbalawei langa mi.   
\q1
\v 21 YAWEI main boswan God, yu album mi laik yubin pramis blanga dum.  
\q1 En yu seibum mi, dumaji yu gudwan filing blanga laigimbat im olagijawan.   
\q1
\v 22 Mi powan en nomo garram enijing.  
\q1 Mi brabli nogudbinji insaid jis laik pein weya ardimbat mi.   
\q1
\v 23 Jis laik det san weya im godan, wal lagijat na mi gulijap binij.  
\q1 Mi wulijim insek weya det win blowimwei.   
\q1
\v 24 Main dubala ni brabli wikwan brom det taim weya ai nomo bin dagadagat daga,  
\q1 en mi brabli bouniwan na.   
\q1
\v 25 Wen pipul luk langa mi, olabat laf langa mi,  
\q1 en olabat mokimbat mi.\x + \xo 109:25 \xt Meth 27:39; Mak 15:29\x*   
\b  
\q1
\v 26 YAWEI main God, album mi.  
\q1 Yu seibum mi, dumaji det filing blanga yu blanga laigimbat jidan olataim.   
\q1
\v 27 Yu meigim main enami olabat sabi yu na seibumbat mi.   
\q1
\v 28 Dei gin tok nogudbalawei langa mi bat yu na garra oldei dum gudbala ting blanga mi.  
\q1 Nomo larram main enami olabat win,  
\q1 en yu meigim mi, yu wekinmen, jidan gudbinji.   
\q1
\v 29 Meigim main enami olabat sheim miselp brabliwei.  
\q1 Larram det sheim blanga olabat gaburrumap olabat jis laik dei werrimon kout.   
\b  
\q1
\v 30 Ai garra oldei gibit theingks langa YAWEI brabliwei.  
\q1 Wen ola pipul majurrumap miselp blanga weship, ai garra preisim im,   
\q1
\v 31 dumaji im oldei maindimbat ola powan pipul,  
\q1 en im oldei seibum olabat brom ol detlot hu oldei wandi kilim olabat ded.   
\c 110  
\s1 YAWEI en det king imbin pikimat  
\s2 Song blanga Deibid.  
\q1
\v 1 YAWEI det trubala God bin dalim main Bos,  
\q1 “Jidan iya langa main raidensaid en ai garra bidim ola enami blanga yu en meigim olabat jidan lobala langa yu.”\x + \xo 110:1 \xt Meth 22:44; Mak 12:36; Luk 20:42,43; Eks 2:34,35; 1 Karin 15:25; Ifi 1:20-22; Kalosh 3:1; Hib 1:13; 8:1; 10:12,13\x*   
\q1
\v 2 Brom Saiyan na YAWEI garra meigim yu jidan bos blanga loda kantri.  
\q1 Im tok, “Yu jidan bos blanga yu enami olabat.”   
\q1
\v 3 Langa det dei wen yu garra fait langa yu enami olabat,  
\q1 yu pipul olabat garra kaman en album yu.  
\q1 En jis laik det dyu weya im jidan ailibala,  
\q1 wal seimwei na ola yangbala men garra kaman langa yu deya ontop langa detlot seikridwan hil.   
\b  
\q1
\v 4 YAWEI bin meigim strongbala pramis en im kaan breigim det pramis.  
\q1 Imbin tok, “Yu garra jidan haibala serramonimen olagijawan jis laik Melkisadek.”\x + \xo 110:4 \xt Hib 5:6; 6:20; 7:17,21\x*   
\b  
\q1
\v 5 Det Bos jidan langa yu raidensaid.  
\q1 Wen im garra gitwail im garra binijimap ola king.   
\q1
\v 6 Im garra jadjim ola pipul langa ebri kantri, en im garra gaburrumap det faiting pleis garram ola ded bodi.  
\q1 Im garra bidim ola king oloba langa dijan wel.   
\q1
\v 7 Det king kaan wori blanga im enami olabat na, en im gin dringgim woda brom eni lilwan krik.  
\q1 En im garra jidan brabli strongbala dumaji imbin win.   
\c 111  
\s1 Dijan blanga preisim YAWEI  
\q1
\v 1 Preisim YAWEI det trubala God!  
\b  
\q1 Ai garra gibit theingks langa YAWEI garram ol main hat.  
\q1 Lida langa ol im pipul weya majurrumap miselp,   
\q1
\v 2 Trubala! Ola ting weya YAWEI oldei dumbat, olabat brabli gudwan.  
\q1 Ol detlot pipul hu oldei gudbinji blanga detlot gudwan ting, oldei wandim sabi mowa blanga olabat.   
\q1
\v 3 Garram detmatj rispek en pawa im dum ebrijing,  
\q1 en im trubalawei jidan olagijawan.   
\b  
\q1
\v 4 YAWEI nomo larram wi fogedabat blanga ola gudwan ting weya im oldei dumbat.  
\q1 Im brabli kainbalawan en im garram soribalawan filing blanga pipul.   
\q1
\v 5 Im gibit daga langa ol detlot hu rispek im.  
\q1 Im nomo fogedabat im strongwan pramis.   
\q1
\v 6 Imbin shoum im pawa langa im pipul olabat wen imbin gibit olabat ola kantri blanga ola najalot pipul.   
\b  
\q1
\v 7 Langa ebrijing im dum im trubala,  
\q1 en im oldei gibit feyago langa pipul.  
\q1 Yu gin trastim ol im lowa brabliwei.   
\q1
\v 8 Im lowa jidan olagijawan.  
\q1 Olabat jidan trubala en dei jidan raitwei, nomo garram eni rong.   
\q1
\v 9 Imbin baiyimbek im pipul olabat,  
\q1 en imbin meigim det olagijawan brabli strongwan pramis garram olabat.  
\q1 Im na det holiwan en det haibalawan God.   
\q1
\v 10 Yu garra abum rispek langa YAWEI basdam blanga jidan sabibala,  
\q1 en im garra gibit ol detlot pipul hu teiknodis langa im lowa gudbala main blanga jinggabat raitwei.  
\q1 Pipul garra oldei kipgon preisimbat im olagijawan.\x + \xo 111:10 \xt Job 28:28; Prab 1:7; 9:10\x*   
\c 112  
\s1 God im gudbinji langa im pipul  
\q1
\v 1 Preisim YAWEI det trubalawan God!  
\q1 Im gudbinji langa ol detlot pipul hu weship langa im,  
\q1 en hu teiknodis langa ol im lowa gudbinjiwei.   
\q1
\v 2 Ola bigininimob blanga detlot pipul garra jidan strongbalawan langa olabat kantri,  
\q1 dumaji YAWEI im gibit ebrijing langa ol detlot bigininimob hu bulurrum im.   
\q1
\v 3 Olabat garra jidan ritjwan garram ebrijing,  
\q1 en olabat garra oldei jidan trubalawei.   
\q1
\v 4 Wen ol detlot pipul na jidan langa dakbala pleis,  
\q1 God garra jandim lait langa olabat jis laik wen det san gidap,  
\q1 dumaji olabat jidan brabli kainbalawei,  
\q1 en abum soribalawan filing en jidan gudbinjiwei.   
\b  
\q1
\v 5 Ol detlot hu gibitat enijing gudbinjiwei,  
\q1 en hu nomo ad garram olabat mani,  
\q1 en hu dum ebrijing trubalawei,  
\q1 olabat na garra abum brabli gudwan laif.   
\q1
\v 6 Trabul kaan kaman langa olabat, najing.  
\q1 Nobodi kaan foget blanga ola kainbalawan ting weya deibin oldei dumbat.   
\q1
\v 7 Dei nomo bradin blanga gedim bednyus.  
\q1 Olabat jidan strongwan langa YAWEI en trastim langa im.   
\q1
\v 8 Olabat nomo jinggabat blanga enijing,  
\q1 en nomo bradin du.  
\q1 Olabat sabi brabliwei olabat enamimob kaan win, najing.   
\q1
\v 9 Olabat garra oldei jidan trubalawei.  
\q1 Detlot najalot pipul garra toktokbat olataim blanga olabat,  
\q1 dumaji deibin oldei dumbat ola gudwan ting blanga ola powan pipul.\x + \xo 112:9 \xt 2 Karin 9:9\x*   
\q1
\v 10 Wen ola nogudwan pipul garra luk,  
\q1 olabat garra barn binji brabliwei blanga tharran,  
\q1 en dei garra kipgon lagijat raidap olabat binij.  
\q1 Olabat kaan gedim detlot ting weya deibin wandimbat brabliwei.   
\c 113  
\s1 Preisim YAWEI dumaji im brabli gudwan  
\q1
\v 1 Preisim YAWEI det trubalawan God!  
\b  
\q1 Kaman en preisim im neim ol yumob hu wek blanga im.   
\q1
\v 2 Preisim im neim tudei en olagijawan.   
\q1
\v 3 Wi garra preisim det neim blanga YAWEI brom sangidaptaim raidap sangodantaim.   
\q1
\v 4 YAWEI im jidan mowa haibalawan langa ola pipul langa ebri kantri tudei.  
\q1 Im jidan mowa haibalawan oba ebrijing ontop langa hebin.   
\b  
\q1
\v 5 Nobodi gin jidan wulijim YAWEI det trubalawan God blanga wi.  
\q1 Im jidan brabli haibalawan na.   
\q1
\v 6 Im jukdan blanga luk ebrijing langa skai en langa dijan wel.   
\q1
\v 7 God im album ol detlot powan pipul hu nomo garram enijing,  
\q1 jis laik dei jidan langa det rabishwan pleis,  
\q1 en brom deya im lidimap olabat,   
\q1
\v 8 en im meigim olabat jidan mijamet garram ola bos blanga im pipul olabat.   
\q1
\v 9 Wen det waifwan kaan abum biginini,  
\q1 wal YAWEI larram im blanga abum biginini,  
\q1 en det gel jidan brabli gudbinji.  
\b  
\q1 Preisim YAWEI det trubalawan God.   
\c 114  
\s1 Dijan song blanga Pasoba Serramoni  
\q1
\v 1 Wen detlot Isreil pipul hubin det femilimob blanga Jeikob bin libum det kantri Ijip weya pipul deya tok najawan langgus,\x + \xo 114:1 \xt Eksa 12:51\x*   
\q1
\v 2 ola Juda pipul bin jidan seikridwan blanga YAWEI,  
\q1 en ola Isreil pipul bin jidan ronwan pipul blanga YAWEI.   
\q1
\v 3 God bin kaman langa det Redsi en imbin draiyimap det woda,  
\q1 en det Jodan Riba bin stap randan.\x + \xo 114:3 \xt Eksa 14:21; Josh 3:16\x*   
\q1
\v 4 Detlot bigwan hil bin jampjamp wulijim nenigout,  
\q1 en najalot hil bin jamparanbat wulijim yangwan ship.   
\b  
\q1
\v 5 Wanim bin hepin langa yu solwoda blanga meigim yu draiyap?  
\q1 En yu Jodan Riba, wotfo yubin stap randanbat?   
\q1
\v 6 Ol yumob bigwan hil, wotfo yumob bin jampjamp wulijim nenigout?  
\q1 En ol yumob hil, wotfo yumob bin jamparanbat wulijim yangwan ship?   
\b  
\q1
\v 7 Sheiksheik graun! YAWEI im kaminap.  
\q1 Sheik lida langa YAWEI det God blanga Jeikob.   
\q1
\v 8 Im na bin meigim woda kamat brom bigwan rok,  
\q1 en bin meigim springwoda ranat brom ola adwan rok.\x + \xo 114:8 \xt Eksa 17:1-7; Nam 20:2-13\x*   
\c 115  
\s1 Det wanbala trubala God  
\q1
\v 1 Oni langa yu na YAWEI, oni langa yu melabat garra preisimbat,  
\q1 dumaji yu kipgon laigimbat yu pipul olabat,  
\q1 en yu jidan brabli trubalawan langa olabat.  
\q1 Melabat kaan preisim miselp.   
\b  
\q1
\v 2 Wotfo ola pipul brom najalot kantri askim melabat,  
\q1 “Wujei yumob God?”   
\q1
\v 3 Blanga melabat God im jidan langa hebin.  
\q1 Im gin dum enijing im wandim blanga dum.   
\q1
\v 4 Ola drimin blanga najalot pipul, olabat bin meigim brom silba en gol.  
\q1 Garram olabat ronwan bingga olabat bin meigim detlot drimin.   
\q1
\v 5 Detlot drimin garram mawus bat olabat kaan tok, najing.  
\q1 Olabat garram ai, bat olabat kaan luk, najing.   
\q1
\v 6 Olabat garram irriwol bat olabat kaan lisin enijing,  
\q1 en blanga olabat nos kaan smelim enijing.   
\q1
\v 7 Blanga olabat bingga kaan filim enijing.  
\q1 Blanga olabat leig kaan mubabat blanga wok, najing.  
\q1 Olabat kaan tok du, najing.   
\q1
\v 8 Larram ol detlot pipul hubin meigimbat olabat en hu trastim olabat jidan jis laik detlot drimin sheip weya deibin meigim.\x + \xo 115:8 \xt Saam 135:15-18; Reb 9:20\x*   
\b  
\q1
\v 9 Ola Isreil pipul, yumob garra trastim langa YAWEI.  
\q1 Im na oldei albumbat en maindimbat yumob.   
\q1
\v 10 Ola femili blanga Eran, hu jidan detlot serramonimen blanga YAWEI,  
\q1 yumob garra trastim langa YAWEI.  
\q1 Im na oldei albumbat en maindimbat yumob.   
\q1
\v 11 Ebribodi hu weship langa YAWEI, yumob garra trastim langa YAWEI.  
\q1 Im na oldei albumbat en maindimbat yumob.   
\b  
\q1
\v 12 YAWEI kaan fogedabat langa wi.  
\q1 Im garra albumbat ola Isreil pipul,  
\q1 en ola serramonimen blanga God.   
\q1
\v 13 YAWEI garra albumbat ol detlot hu oldei weshipbat langa im,  
\q1 nomeda im haibala o lobala.\x + \xo 115:13 \xt Reb 11:18; 19:5\x*   
\b  
\q1
\v 14 Mi prei langa YAWEI blanga meigim yumob femili en blanga olabat femilimob blanga jidan bigmob.   
\q1
\v 15 Larram YAWEI gibit ol gudwan ting langa yumob.  
\q1 Im na bin meigim ebrijing langa skai en dijan kantri.   
\b  
\q1
\v 16 Det haibala hebin im jidan blanga YAWEI,  
\q1 bat imbin gibit ola kantri langa dijan wel langa wi.   
\q1
\v 17 Ol detlot hubin binijap kaan preisim YAWEI enimo.   
\q1
\v 18 Oni wi na hu jidan laibala garra gibit im theingks olagijawan.  
\b  
\q1 Aleiluya! Preisim YAWEI!   
\c 116  
\s1 Sambodi hubin gulijap dai bin preisim God  
\q1
\v 1 Mi laigim YAWEI, dumaji im oldei irrim langa mi.  
\q1 Im irrim ol main preya.   
\q1
\v 2 Ai garra jingat langa im ol main laif.   
\q1
\v 3 Deth bin gulijap langa mi.  
\q1 Aibin brabli bradin blanga det greib.  
\q1 Aibin jidan garram bradinwan filing en aibin brabli hatjamp.   
\q1
\v 4 Brom deya aibin jingat langa YAWEI,  
\q1 “YAWEI, album mi! Seibum mi!”   
\b  
\q1
\v 5 YAWEI im oldei soribala en im gudwan.  
\q1 Wi God im garram kainbala filing.   
\q1
\v 6 YAWEI im lukaftumbat ola wikwan pipul.  
\q1 Imbin seibum mi wen aibin abum trabul.   
\q1
\v 7 Main hat jidan kwaitbalawei, dumaji YAWEI bin gudbala langa mi.   
\b  
\q1
\v 8 Aibin gulijap dai, bat YAWEI bin seibum mi.  
\q1 Imbin stapam mi brom kraikraibat, en imbin album mi jidan langa det gudbala roud.   
\q1
\v 9 Blanga tharran na mi oldei wok garram YAWEI iya langa dijan wel weya pipul jidanbat.   
\q1
\v 10 Aibin kipgon bilib, nomeda aibin gulijap binijap.\x + \xo 116:10 \xt 2 Karin 4:13\x*   
\q1
\v 11 Wen aibin apset aibin tok,  
\q1 “Pipul oldei dalim laiya.”   
\b  
\q1
\v 12 Wanim ai garra gibit langa YAWEI blanga ola gudbala ting imbin gibit langa mi?   
\q1
\v 13 Ai garra bringim speshalwan ofring langa YAWEI blanga gibit theingks langa im dumaji imbin seibum mi.   
\q1
\v 14 Deya lida langa ol im pipul olabat ai garra gibit im wanim aibin pramis.   
\b  
\q1
\v 15 Wen wanbala blanga im pipul olabat dai,  
\q1 YAWEI jidan brabli nogudbinji.   
\q1
\v 16 Mi blanga yu wekinmen, YAWEI.  
\q1 Mi wek blanga yu jis laik main mami bin oldei dum.  
\q1 Yubin seibum mi wen aibin gulijap dai.   
\q1
\v 17 Ai garra gibit yu theingks garram sekrifais ofring,  
\q1 en ai garra prei langa yu.   
\q1
\v 18-19 Deya lida langa ol yu pipul olabat langa yu Serramoni Pleis langa Jerusalem,  
\q1 ai garra gibit yu wanim aibin pramis.  
\b  
\q1 Aleiluya! Preisim YAWEI!   
\c 117  
\s1 Preisim YAWEI det trubala God  
\q1
\v 1 Preisim YAWEI ola pipul brom ebri kantri.  
\q1 Kaman preisim im ol yumob pipul dumaji im haibala.\x + \xo 117:1 \xt Rom 15:11\x*   
\q1
\v 2 Im garram brabli strongwan filing blanga laigimbat wi olataim.  
\q1 Blanga im trubalawei im jidan olagijawan.  
\b  
\q1 Preisim YAWEI det trubalawan God!   
\c 118  
\s1 Gibit theingks langa God dumaji im laigim pipul olagijawan en im seibum olabat  
\q1
\v 1 Gibit theingks langa YAWEI dumaji im na gudwan.  
\q1 Im filing blanga laigimbat pipul jidan olagijawan.\x + \xo 118:1 \xt 1 Kran 16:34; 2 Kran 5:13; 7:3; Esra 3:11; Saam 100:5; 106:1; 107:1; 136:1; Jera 33:11\x*   
\q1
\v 2 Larram ola Isreil pipul tok,  
\q1 “Im filing blanga laigimbat pipul jidan olagijawan.”   
\q1
\v 3 Larram ola serramonimen blanga God tok,  
\q1 “Im filing blanga laigimbat pipul jidan olagijawan.”   
\q1
\v 4 Larram ol detlot hu weship im tok,  
\q1 “Im filing blanga laigimbat pipul jidan olagijawan.”   
\q1
\v 5 Wen aibin ardimbat, aibin jingat langa YAWEI,  
\q1 en imbin ensim mi en larramgo mi fri.   
\q1
\v 6 YAWEI im oldei jidan garram mi.  
\q1 Ai kaan bradin langa enibodi blanga ardimbat mi.\x + \xo 118:6 \xt Hib 13:6\x*   
\b  
\q1
\v 7 YAWEI na jidan garram mi en im oldei album mi.  
\q1 En ai garra gudbinji wen ai luk main enamimob kaan win.   
\q1
\v 8 Im mobeda blanga trastimbat YAWEI blanga jidan seifwan,  
\q1 bat im nomo gudwan ting blanga trastim pipul blanga enijing.   
\q1
\v 9 Im mobeda blanga trastimbat YAWEI blanga jidan seifwan,  
\q1 bat im nomo gudwan blanga trastimbat ola lida blanga enijing.   
\b  
\q1
\v 10 Ola enami brom ola kantri bin raidaran langa mi,  
\q1 bat aibin binijimap olabat garram det pawa blanga YAWEI.   
\q1
\v 11 Olabat bin jidan raidaran langa mi,  
\q1 bat aibin binijimap olabat garram det pawa blanga YAWEI.   
\q1
\v 12 Olabat bin jadimap mi jis laik ola honet,  
\q1 bat deibin ol barnap kwikbala jis laik jigiwan gras weya barnap langa bush faiya.  
\q1 Garram det pawa blanga YAWEI aibin binijimap olabat.   
\q1
\v 13 Deibin ranimap langa mi en deibin gulijap binijimap mi,  
\q1 bat YAWEI bin album mi.   
\q1
\v 14 Oni YAWEI na oldei meigim mi jidan brabli strongbala.  
\q1 Oni im na ebrijing langa mi.  
\q1 Oni im na bin seibum mi.\x + \xo 118:14 \xt Eksa 15:2; Aisai 12:2\x*   
\b  
\q1
\v 15 Irrim ola pipul blanga God jinginatbat gudbinjiwei insaid langa olabat tent dumaji deibin win.  
\q1 Det strongwan pawa blanga YAWEI det trubala God bin meigim olabat bidim olabat enami.   
\q1
\v 16 Det strongwan pawa blanga YAWEI bin meigim wi win langa wo.  
\q1 Det strongwan pawa blanga YAWEI bin dum tharran.   
\b  
\q1
\v 17 Ai kaan neba dai. Ai garra jidan laibala,  
\q1 en ai garra dalimbat wanim YAWEI bin dum.   
\q1
\v 18 Imbin panishim mi brabliwei,  
\q1 bat im nomo bin larram mi dai.   
\b  
\q1
\v 19 Opinim ola geit blanga det seikridwan haus blanga mi.  
\q1 Ai garra go en gibit theingks langa YAWEI.   
\b  
\q1
\v 20 Dijan na det geit blanga YAWEI.  
\q1 Oni detlot pipul hu oldei dumbat ola raitwan ting lau gowin insaid.   
\q1
\v 21 Mi preisim yu YAWEI dumaji yubin ensim mi,  
\q1 en yubin seibum mi.   
\b  
\q1
\v 22 Det ston weya detlot kapinta bin tjakidawei,  
\q1 wal tharran bin det meinwan ston na.   
\q1
\v 23 YAWEI na bin dum dijan.  
\q1 Im brabli gudwan orait.\x + \xo 118:23 \xt Meth 21:42; Mak 12:10,11; Luk 20:17; Eks 4:11; 1 Pida 2:7\x*   
\q1
\v 24 Dijan na det dei blanga YAWEI,  
\q1 en wi garra gudbinji brabliwei en abum bigwan padi.   
\q1
\v 25 YAWEI, seibum melabat.  
\q1 Seibum melabat en meigim melabat win.\x + \xo 118:25 \xt Meth 21:9; Mak 11:9; Jon 12:13\x*   
\b  
\q1
\v 26 YAWEI, jidan kainbala langa det king hu kaman langa yu neim.  
\q1 Melabat preisim yu brom det Serramoni Pleis blanga yu.\x + \xo 118:26 \xt Meth 21:9; 23:39; Mak 11:9; Luk 13:35; 19:38; Jon 12:13\x*   
\q1
\v 27 YAWEI im na det trubalawan God, en imbin shainim im lait langa melabat.  
\q1 Garram ola bushis langa yumob bingga, yumob abum det hepiwan serramoni weya yumob wok raidaran langa det teibul blanga ofring.   
\b  
\q1
\v 28 Yu na main God en ai garra gibit yu theingks,  
\q1 en ai garra kipgon tok blanga ebrijing yubin dum blanga meigim yu jidan mowa haibala.   
\b  
\q1
\v 29 Gibit theingks langa YAWEI dumaji im na gudwan.  
\q1 Im filing blanga laigimbat pipul jidan olagijawan.   
\c 119  
\s1 Det lowa blanga YAWEI det trubala God  
\q1
\v 1 YAWEI, ol detlot pipul hu jidan raitwei langa yu garra jidan gudbinji,  
\q1 en ol detlot pipul hu oldei bulurrumbat detlot lowa blanga yu garra jidan gudbinji du.   
\q1
\v 2 Ol detlot pipul hu dum wanim yu tok jidan gudbinjiwei,  
\q1 en olabat teiknodis en duwit brabliwei langa yu brom insaid langa olabat hat.   
\q1
\v 3 Olabat neba dum ola rong ting, najing.  
\q1 Olabat oni bulurrumbat det wei blanga yu, YAWEI.   
\q1
\v 4 YAWEI, yubin gibit melabat ola lowa,  
\q1 en yubin dalim melabat blanga teiknodis langa olabat trubalawei.   
\q1
\v 5 Ai wandim bulurrum ol detlot lowa blanga yu trubalawei.   
\q1
\v 6 Wen mi teiknodis langa detlot lowa blanga yu ai kaan dum eni nogudbala ting blanga meigim mi fil sheim.   
\q1
\v 7 Wen mi len ola raitwei en ola trubalawan lowa blanga yu, ai garra preisim yu garram main klinwan hat brabli trubalawei.   
\q1
\v 8 Ai garra teiknodis langa ola lowa blanga yu.  
\q1 YAWEI, yu jidan garram mi en nomo libum mi.   
\s1 Duwit langa ol detlot lowa blanga YAWEI  
\q1
\v 9 Hau ola yang pipul gin abum brabli gudwan laif?  
\q1 Olabat garra abum det gudwan laif if dei teiknodis en duwit langa detlot lowa blanga yu, YAWEI.   
\q1
\v 10 Mi oldei wandim wek blanga yu garram holbit main filing.  
\q1 Yu meigim mi strongbalawan blanga kipgon teiknodisbat langa ol yu lowa.   
\q1
\v 11 Detlot lowa blanga yu jidan langa main hat,  
\q1 wulijim ai kaan dum eni nogudbala ting langa yu.   
\q1
\v 12 Mi preisim yu YAWEI!  
\q1 Yu lenim mi blanga det wei blanga yu.   
\q1
\v 13 Ai garra toktok adbalawei blanga ola lowa weya yubin gibit langa melabat.   
\q1
\v 14 YAWEI, mi brabli gudbinji wen mi teiknodis langa det lowa blanga yu.  
\q1 Im mobeda blanga abum bigmob ebrijing.   
\q1
\v 15 Mi jinggabat detlot wed blanga yu olataim,  
\q1 en mi bulurrum det wei blanga yu.   
\q1
\v 16 Mi oldei laigim detlot lowa blanga yu brabliwei.  
\q1 Ai kaan neba fogedabat olabat.   
\s1 Jidan gudbinji langa detlot lowa blanga YAWEI  
\q1
\v 17 YAWEI yu gud langa mi, yu wekinmen,  
\q1 wulijim ai garra jidan laibala blanga teiknodis en duwit langa yu wed.   
\q1
\v 18 Yu opinim main ai wulijim ai garra luk en sabi ola brabli gudwan wed blanga yu lowa.   
\q1
\v 19 Mi jidan iya langa dijan kantri nomo blanga longtaim.  
\q1 Yu shoum mi detlot lowa blanga yu, YAWEI,  
\q1 en nomo blandim olabat brom mi.   
\q1
\v 20 Oldei main hat wandim sabi brabliwei blanga detlot lowa blanga yu.   
\q1
\v 21 Yu streitinimap brabliwei ola praudbala pipul hu nomo teiknodis langa detlot lowa blanga yu.   
\q1
\v 22 Nomo larram olabat tisimbat en mokimbat mi dumaji mi oldei bulurrumbat yu lowa.   
\q1
\v 23 Ola boswan oldei majurrumap miselp blanga tok gija blanga dum nogud ting langa mi.  
\q1 Olabat tok gija blanga wanim olabat garra dum langa mi,  
\q1 bat ai garra kipgon jinggabat detlot lowa blanga yu.   
\q1
\v 24 Ol yu lowa meigim mi gudbinji.  
\q1 Olabat titjimbat mi raitwei.   
\s1 Preya blanga wandimbat brabliwei blanga teiknodis en duwit langa det lowa blanga YAWEI  
\q1
\v 25 Mi gulijap dai na.  
\q1 YAWEI meigim mi strongbala igin jis laik yubin pramis.   
\q1
\v 26 YAWEI aibin dalim yu blanga ebrijing weya aibin dum en yubin ensim mi.  
\q1 Yu lenim mi blanga det wei blanga yu.   
\q1
\v 27 YAWEI, album mi blanga sabi detlot lowa blanga yu,  
\q1 en ai garra oldei jinggabat ola brabli gudwan ting weya yu oldei dumbat.   
\q1
\v 28 Mi jidan brabli nogudbinjiwei.  
\q1 Yu meigim mi strongbala laik yubin pramis, YAWEI.   
\q1
\v 29 Nomo larram mi go langa det rongwei. Dumaji yu kainbalawan YAWEI, lenim mi blanga yu lowa.   
\q1
\v 30 Ai wandi duwit en teiknodis langa ola lowa blanga yu.   
\q1
\v 31 YAWEI, aibin kipgon bulurrumbat ola lowa blanga yu.  
\q1 Nomo larram enijing meigim mi sheim.   
\q1
\v 32 Mi wandim blanga len brabliwei ebrijing weya yu wandim mi blanga dum,  
\q1 dumaji ebridei yu na garra meigim mi sabi mowa en mowa.   
\s1 Preya blanga sabi mowa  
\q1
\v 33 YAWEI, yu lenim mi wanim detlot lowa blanga yu min,  
\q1 wulijim ai garra oldei teiknodis langa olabat.   
\q1
\v 34 YAWEI, yu album mi blanga sabi ol yu lowa, en ai garra teiknodis en bulurrum olabat brabliwei garram main laif holbit.   
\q1
\v 35 Meigim mi duwit langa detlot lowa blanga yu olataim,  
\q1 dumaji dei meigim mi brabli gudbinji.   
\q1
\v 36 YAWEI, meigim mi wandi kipgon duwit langa yu lowa brabliwei,  
\q1 mowa den blanga meigim miselp ritjwan garram ebrijing.   
\q1
\v 37 YAWEI, meigim mi nomo wandi teiknodis langa ola nogudwan ting.  
\q1 Yu jidan gudbala langa mi, jis laik yubin pramis.   
\q1
\v 38 YAWEI, yu kipum yu pramis langa mi, yu wekinmen,  
\q1 det pramis weya yubin meigim langa ola pipul hu oldei duwit langa yu.   
\q1
\v 39 YAWEI, seibum mi brom ol detlot hu mokimbat mi,  
\q1 dumaji ol yu lowa brabli gudwan.   
\q1
\v 40 Mi wandi duwit langa detlot lowa blanga yu.  
\q1 YAWEI, meigim mi jidan gudbalawei igin,  
\q1 dumaji yu det brabli trubalawan.   
\s1 Trastim det lowa blanga YAWEI  
\q1
\v 41 YAWEI, shoum mi haumatj yu laigim mi.  
\q1 Yu seibum mi jis laik weya yubin pramis.   
\q1
\v 42 En ai garra ensim ol detlot pipul hu gibit mi adtaim dumaji mi trastimbat yu wed.   
\q1
\v 43 Album mi tok trubalawei olataim,  
\q1 dumaji mi oldei trastim detlot lowa blanga yu.   
\q1
\v 44 Olagijawan na ai garra kipgon bulurrumbat langa yu lowa.   
\q1
\v 45 Ai garra jidan friwan brabliwei dumaji aibin bulurrumbat yu wed.   
\q1
\v 46 Ai garra dalim ola bigwan bos detlot lowa blanga yu,  
\q1 en ai kaan sheim blanga tharran.   
\q1
\v 47 Brabliwei mi laigim dumbat wanim yu dalimbat mi,  
\q1 en tharran na meigim mi jidan gudbinjiwei.   
\q1
\v 48 YAWEI, mi laigim en rispek ol yu lowa.  
\q1 Olataim ai garra jinggabat detlot lowa blanga yu.   
\s1 Det lowa blanga YAWEI im gudbala  
\q1
\v 49 YAWEI, yu jinggabat det pramis yubin meigim garram mi, yu wekinmen.  
\q1 Im meigim mi wandi kipgon olawei.   
\q1
\v 50 Aibin abum trabul bat stil aibin jidan gudbinjiwei,  
\q1 dumaji det pramis blanga yu gibit mi laif.   
\q1
\v 51 Ola praudbala pipul oldei tok nogudbalawei langa mi,  
\q1 bat ai nomo bin libum detlot lowa blanga yu.   
\q1
\v 52 Mi jinggabat detlot lowa blanga yu brom longtaim,  
\q1 en dei meigim mi brabli gudbinji.   
\q1
\v 53 Wen mi luk ola brabli nogudbala pipul hu nomo teiknodis langa ol yu lowa,  
\q1 tharran meigim mi gitwail brabliwei.   
\q1
\v 54 Mi meigim ola song blanga ol yu lowa,  
\q1 nomeda wujei mi jidan.   
\q1
\v 55 YAWEI, wen im naitaim mi jinggabat langa yu en blanga yu lowa.   
\q1
\v 56 Mi jidanabat brabli gudbinjiwei dumaji mi oldei teiknodis langa yu wed.   
\s1 Det strongbala filing blanga detlot lowa blanga YAWEI  
\q1
\v 57 YAWEI oni yu na wanbala mi wandim.  
\q1 Mi pramis blanga lisin en duwit langa ol detlot lowa blanga yu.   
\q1
\v 58 Mi askim yu brabliwei brom insaid langa main hat blanga sori langa mi jis laik weya yubin pramis.   
\q1
\v 59 Aibin jinggabat blanga ola ting weya aibin dumbat,  
\q1 en mi pramis blanga bulurrumbat yu wei.   
\q1
\v 60 Wen yu tok, streidawei mi dum wanim yu wandim.   
\q1
\v 61 Detlot brabli nogudbala pipul bin pudum trep blanga mi,  
\q1 bat ai nomo bin fogedabat yu lowa.   
\q1
\v 62 Mi gidap midulnait blanga preisim yu,  
\q1 dumaji wen yu jadjimbat pipul, yu gibit olabat feyago.   
\q1
\v 63 Mi jidan fren blanga ol detlot pipul hu bulurrum yu,  
\q1 en teiknodis langa detlot lowa blanga yu.   
\q1
\v 64 YAWEI, yu garram det filing blanga oldei laigim pipul langa ola kantri.  
\q1 Yu titjimbat mi blanga ol detlot lowa blanga yu.   
\s1 Blanga yu lowa im brabli gudbala  
\q1
\v 65 Yubin kipum yu pramis YAWEI,  
\q1 en yu jidan brabli gud langa mi, yu wekinmen.   
\q1
\v 66 Meigim mi sabi ebrijing gudwei, dumaji mi trastim detlot wed blanga yu.   
\q1
\v 67 Basdam aibin oldei dum rong ting,  
\q1 bat yubin streitinimap mi en tudei mi teiknodis langa yu wed na.   
\q1
\v 68 Yu brabli gudwan YAWEI en yu brabli kainbalawan du.  
\q1 Yu lenim mi detlot lowa blanga yu.   
\q1
\v 69 Ola praudbala pipul bin dalimbat ola laiyawan stori blanga mi,  
\q1 bat mi teiknodis langa detlot lowa blanga yu brabliwei brom insaid langa main hat.   
\q1
\v 70 Detlot pipul nomo sabi enijing,  
\q1 bat mi oldei gudbinji langa ol yu lowa.   
\q1
\v 71 Wen yubin streitinimap mi blanga main nogudbalawei,  
\q1 tharran na bin brabli gud ting blanga mi.  
\q1 Imbin meigim mi len ola lowa blanga yu.   
\q1
\v 72 Bigmob mani langa dijan wel nomo enijing langa mi.  
\q1 Oni detlot lowa blanga yu na jidan nambawan langa main laif.   
\s1 Det lowa blanga YAWEI im gibit pipul feyago  
\q1
\v 73 YAWEI, yubin meigim mi en yu oldei kipum mi seifwan.  
\q1 Meigim mi sabi brabliwei wulijim ai garra len detlot lowa blanga yu.   
\q1
\v 74 Ol detlot pipul hu rispek yu garra gudbinji wen olabat garra luk langa mi,  
\q1 dumaji mi trastimbat langa yu wed.   
\q1
\v 75 Ai sabi ol yu lowa nomo garram enijing rong en im brabli trubalawan, YAWEI.  
\q1 Yubin panishim mi brabliwei dumaji yu brabli trubalawan.   
\q1
\v 76 Larram yu ron filing blanga laigimbat, meigim mi gudbinji, jis laik yubin pramisim mi, det wekinmen blanga yu.   
\q1
\v 77 Yu sori langa mi en larram mi jidan laibala,  
\q1 dumaji mi laigim teiknodis langa detlot lowa blanga yu brabliwei.   
\q1
\v 78 Larram detlot praudbala pipul sheim miselp dumaji olabat oldei dalimbat laiya stori blanga mi,  
\q1 bat mi, ai garra duwit langa wanim yu titjimbat mi.   
\q1
\v 79 Larram ol detlot pipul hu rispek yu kaman langa mi blanga sabi ol yu lowa.   
\q1
\v 80 Meigim mi teiknodis langa ol yu lowa brabliwei wulijim ai kaan sheim blanga dum enijing.   
\s1 Preya blanga seibum  
\q1
\v 81 YAWEI, mi brabli wikwan na brom weidabat blanga wotaim yu garra seibum mi,  
\q1 bat mi trastimbat oni langa yu wed.   
\q1
\v 82 Mi nokap brom weidabat blanga wanim yubin pramisim.  
\q1 Mi askim yu, “Wotaim yu garra album mi?”   
\q1
\v 83 Mi brabli olwan en kaan wek enimo, jis laiga olwan letha but weya nobodi kaan yusum enimo,  
\q1 bat stil ai nomo bin fogedabat detlot lowa blanga yu.   
\q1
\v 84 Haulong ai garra weidabat?  
\q1 Wotaim yu garra panishim ol detlot pipul hu oldei dumbat nogudbala ting langa mi?   
\q1
\v 85 Detlot praudbala pipul hu nomo teiknodis langa yu lowa bin grajim dipwan hol blanga trepam mi.   
\q1
\v 86 Detlot lowa blanga yu, olabat trubalawan.  
\q1 Ola pipul gibitbat mi adtaim garram ola laiyawan stori.  
\q1 Yu album mi, YAWEI.   
\q1
\v 87 Olabat bin gulijap kilim mi ded,  
\q1 bat ai nomo bin fogedabat detlot lowa blanga yu.   
\q1
\v 88 YAWEI, dumaji yu kipgon laigimbat pipul detmatj,  
\q1 wal yu nomo larram mi dai wulijim ai garra teiknodis langa ol yu lowa.   
\s1 Bilib langa ol detlot lowa blanga YAWEI  
\q1
\v 89 YAWEI, blanga yu wed garra jidan olagijawan.  
\q1 Im olagijawan deya langa hebin.   
\q1
\v 90 Det trubalawei blanga yu im kipgon olagijawan.  
\q1 Yubin meigim dijan wel blanga jidan langa im raitwan pleis,  
\q1 en im jidan lagijat olagijawan.   
\q1
\v 91 YAWEI, garram yu ronwan wed yubin meigim ebrijing  
\q1 en olabat jidan tudei, en ebrijing na wek laik yubin tok.   
\q1
\v 92 If ai nomo bina abum detlot lowa blanga yu blanga meigim mi gudbinji,  
\q1 ai bina dai brom main trabul.   
\q1
\v 93 Ai nomo wandi libum detlot wed weya yubin titjimbat mi,  
\q1 dumaji olabat meigim mi jidan gudbalawei.   
\q1
\v 94 Mi blanga yu YAWEI.  
\q1 Yu seibum mi, dumaji mi oldei teiknodis langa ol yu lowa.   
\q1
\v 95 Ola brabli nogudbala pipul weidabat blanga kilim mi ded,  
\q1 bat ai garra kipgon jinggabat ol yu wed.   
\q1
\v 96 Ai sabi ebrijing weya jidan tudei garra binij,  
\q1 bat yu lowa im jidan brabli trubalawan en kaan neba binij.   
\s1 Yu garra laigim ol detlot lowa blanga YAWEI brabliwei  
\q1
\v 97 Trubala mi laigim detlot lowa blanga yu brabliwei.  
\q1 Mi oldei jinggabat detlot lowa blanga yu.   
\q1
\v 98 Dumaji ai garram yu lowa blanga shoum mi wanim blanga dum,  
\q1 im meigim mi sabi brabliwei, mowa den main enami olabat.  
\q1 Dei nomo sabi enijing.   
\q1
\v 99 YAWEI, ai sabi mowa den main titja olabat,  
\q1 dumaji mi jinggabat wanim yu oldei titjimbat mi.   
\q1
\v 100 Mi sabi mowa den detlot ol pipul,  
\q1 dumaji mi oldei duwit langa detlot lowa blanga yu.   
\q1
\v 101 Ai nomo bulurrum det nogudbalawei,  
\q1 dumaji ai wandi duwit langa yu wed.   
\q1
\v 102 Ai nomo bin libum detlot lowa blanga yu dumaji yu na main titja.   
\q1
\v 103 Detlot shugabeig, olabat switwan,  
\q1 bat detlot lowa blanga yu, olabat brabli switwan.   
\q1
\v 104 Detlot lowa blanga yu meigim mi sabi blanga ebrijing.  
\q1 Blanga tharran na mi nomo laigim ola nogudbalawei.   
\s1 Ol detlot lowa blanga YAWEI jis laiga lait  
\q1
\v 105 YAWEI, yu wed im shain laiga lait blanga shoum mi det wei blanga go,  
\q1 en im laik det lait weya im totjim main roud.   
\q1
\v 106 Ai garra kipum main pramis langa yu blanga teiknodis langa detlot trubalawan lowa blanga yu.   
\q1
\v 107 Mi ardimbat brabliwei brom main enami olabat.  
\q1 YAWEI, yu nomo larram mi dai, jis laik yubin pramis.   
\q1
\v 108 YAWEI, irrim main preya weya mi tok theingkyu langa yu,  
\q1 en lenim mi ol detlot lowa blanga yu.   
\q1
\v 109 Mi oldei jidan redi blanga go thru langa trabul nomeda wanim hepin langa main laif. Ai nomo fogedabat ol yu lowa.   
\q1
\v 110 Ola brabli nogudbala pipul meigim trep blanga mi,  
\q1 bat mi oldei teiknodis langa detlot lowa blanga yu.   
\q1
\v 111 Detlot lowa blanga yu garra jidan olagijawan garram mi,  
\q1 jis laik mi kipumbat main ronwan ebrijing,  
\q1 en dei oldei meigim mi jidan brabli gudbinji.   
\q1
\v 112 Aibin jinggabat blanga kipgon bulurrumbat detlot lowa blanga yu raidap mi dai.   
\s1 Bulurrum ol detlot lowa blanga YAWEI en jidan seifwan  
\q1
\v 113 Ai nomo laigim detlot tufeis pipul hu nomo jidan trubalawei langa yu,  
\q1 bat mi, ai laigim ol yu lowa.   
\q1
\v 114 Yu na tharran hu oldei maindimbat mi en kipumbat mi seifwan.  
\q1 Ai trastimbat yu wed.   
\q1
\v 115 Yumob nogudbala pipul, yumob gowei brom mi.  
\q1 Ai garra teiknodis oni langa detlot lowa blanga main God.   
\q1
\v 116 Meigim mi strongbala jis laik yubin pramisim mi,  
\q1 en ai garra jidan laibala.  
\q1 Nomo larram mi jidan nogudbinji wen mi weidabat blanga yu blanga seibum mi.   
\q1
\v 117 Holdim mi en ai garra jidan seifwan,  
\q1 en ai garra teiknodis langa detlot lowa blanga yu olataim.   
\q1
\v 118 Yu gibit bekboun langa detlot pipul hu nomo duwit langa detlot lowa blanga yu.  
\q1 Ola nogudbalawei blanga olabat nomo enijing.   
\q1
\v 119 YAWEI, langa yu, ola nogudbala pipul jidan jis laik rabish. Blanga tharran na, ai laigim bulurrumbat ol yu lowa.   
\q1
\v 120 YAWEI, mi bradin langa yu en mi sheiksheik nomo lilbit dumaji yu det brabli haibalawan God en ai sabi hau yu jadjim pipul.   
\s1 Duwit langa ol detlot lowa blanga YAWEI  
\q1
\v 121 Aibin dum wanim im rait en gudwan blanga dum.  
\q1 Nomo libum mi langa main enami olabat.   
\q1
\v 122 Yu pramis blanga album mi, yu wekinmen.  
\q1 Nomo larram detlot praudbala pipul dum krulwan ting langa mi.   
\q1
\v 123 Main ai dubala taid na brom lukinatbat wotaim yu garra seibum mi en meigim mi fri weya yubin pramisim mi.   
\q1
\v 124 Yu shoum mi yu kipgon laigimbat mi, yu wekinmen,  
\q1 en yu titjim mi ol yu lowa.   
\q1
\v 125 Mi wek blanga yu, YAWEI.  
\q1 Meigim mi sabi brabliwei wanim yu titjimbat mi.   
\q1
\v 126 YAWEI, im taim blanga yu blanga kaman en panishim ola pipul na,  
\q1 dumaji olabat nomo duwit langa detlot lowa blanga yu.   
\q1
\v 127 Trubala mi laigim brabliwei detlot lowa blanga yu.  
\q1 Olabat mowa gudwan den ola gudwan golwan ston.   
\q1
\v 128 Blanga tharran na ai bulurrum ol detlot lowa blanga yu.  
\q1 Ai nomo laigim ola nogudbalawei.   
\s1 Wandimbat blanga duwit ola lowa blanga YAWEI  
\q1
\v 129 Ol yu lowa brabli gudwan.  
\q1 Mi teiknodis langa detlot lowa blanga yu brom insaid langa main hat.   
\q1
\v 130 YAWEI, yu wed im shoum pipul wanim blanga dum jis laiga lait langa dakbala pleis.  
\q1 Im meigim pipul sabi ebrijing brabliwei.   
\q1
\v 131 Mi oldei wandim ol yu lowa olataim.  
\q1 Brabliwei na mi wandim olabat jis laik wen mi brabli thestibala blanga woda.   
\q1
\v 132 YAWEI, yu kaman en sori langa mi,  
\q1 seimwei laik yu oldei dum langa ol detlot pipul hu laigim yu.   
\q1
\v 133 Garram yu wed, yu album mi blanga wok langa yu wei,  
\q1 en nomo larram eni nogudbalawei jidan bos langa mi.   
\q1
\v 134 Yu seibum mi brom ol detlot pipul hu oldei dum nogudbala ting langa mi,  
\q1 wulijim ai garra teiknodis en duwit langa detlot lowa blanga yu.   
\q1
\v 135 Yu jidan gudbala langa mi YAWEI,  
\q1 en lenim mi blanga ol yu lowa.   
\q1
\v 136 Wen mi krai main tiyas randan jis laik weya riba randan,  
\q1 dumaji ola pipul nomo teiknodis langa ol yu lowa.   
\s1 Ol detlot lowa blanga YAWEI gibit pipul feyago  
\q1
\v 137 YAWEI, yu dum ebrijing raitwei,  
\q1 en ol yu lowa olabat gibit pipul feyago.   
\q1
\v 138 Detlot lowa weya yubin gibit,  
\q1 olabat gibit feyago raitwei.   
\q1
\v 139 Mi gitwail brabliwei laiga faiya weya im barn,  
\q1 dumaji main bedfren olabat nomo teiknodis langa ol yu lowa.   
\q1
\v 140 Blanga yu pramis im tok trubalawan.  
\q1 Mi laigim det pramis brabliwei.   
\q1
\v 141 Mi nomo jidan haibala.  
\q1 Mi nomo enijing, en nobodi laigim mi,  
\q1 bat ai nomo fogedabat wanim yu titjimbat mi.   
\q1
\v 142 Det trubalawei blanga yu garra jidan olagijawan na.  
\q1 Yu lowa im oldei trubalawan.   
\q1
\v 143 Mi jidan garram loda trabul en mi jidan nogudbinjiwei,  
\q1 bat detlot lowa blanga yu meigim mi jidan brabli gudbinji.   
\q1
\v 144 Detlot lowa blanga yu gibit feyago olataim.  
\q1 Meigim mi sabi olabat, en ai garra jidan laibala.   
\s1 Preya blanga seibum  
\q1
\v 145 Mi jingat langa yu garram ol main hat.  
\q1 YAWEI, ensim mi en ai garra duwit langa detlot lowa blanga yu.   
\q1
\v 146 Mi jingat langa yu, YAWEI.  
\q1 Yu seibum mi en ai garra kipum detlot lowa blanga yu.   
\q1
\v 147 Bifo det san gidap mi jingat langa yu blanga album mi.  
\q1 Mi jidan en weidabat langa yu pramis.  
\q1 Mi trastim langa yu wed.   
\q1
\v 148 Naitaim ai nomo silip,  
\q1 dumaji mi wandim jinggabat wanim yu oldei dalimbat mi.   
\q1
\v 149 YAWEI, yu irrim mi, dumaji yu filing blanga laigimbat im olagijawan.  
\q1 Yu sori langa mi en seibum main laif!   
\q1
\v 150 Detlot krulbala pipul kaminap gulijap na,  
\q1 ol detlot pipul na hu nomo bulurrum yu lowa.   
\q1
\v 151 Bat yu jidan gulijap langa mi YAWEI.  
\q1 Det trubalawei blanga yu garra jidan olagijawan na.  
\q1 Yu lowa im oldei trubalawan.   
\q1
\v 152 Longtaim aibin len blanga detlot lowa blanga yu.  
\q1 Yubin meigim detlot lowa blanga jidan olagijawan.   
\s1 Mi jinginat langa YAWEI blanga album mi  
\q1
\v 153 YAWEI, luk langa ol main trabul en seibum mi,  
\q1 dumaji ai nomo bin fogedabat yu lowa.   
\q1
\v 154 Yu lukaftum mi YAWEI, en meigim mi fri.  
\q1 Yu seibum mi jis laik yubin pramis blanga dum.   
\q1
\v 155 YAWEI, dumaji ola wikitwan pipul nomo teiknodis langa detlot lowa blanga yu,  
\q1 yu nomo seibum olabat.   
\q1
\v 156 YAWEI, det kainbalawan filing blanga yu im jidan detmatj na.  
\q1 Yu sori langa mi en yu seibum mi.   
\q1
\v 157 Ai garram loda enami en bedfren hu oldei tridim mi nogudwei,  
\q1 bat ai nomo tenawei brom detlot lowa blanga yu.   
\q1
\v 158 Wen mi luk langa detlot pipul hu nomo bilib langa yu im meigim mi fil brabli nogudbinji,  
\q1 dumaji olabat nomo bulurrum detlot lowa blanga yu.   
\q1
\v 159 Yu luk haumatj mi laigim detlot lowa blanga yu YAWEI.  
\q1 Wen yu laigim pipul, tharran kaan tjeinj. Im olagijawan na.  
\q1 Yu shoum yu laigim mi en yu seibum mi.   
\q1
\v 160 YAWEI, yu wed im trubala,  
\q1 en ebrijing weya yu titjimbat pipul garra jidan olagijawan.   
\s1 Laigim en dum ol detlot lowa blanga YAWEI brabliwei  
\q1
\v 161 YAWEI, ola brabli haibala pipul nomo gibit mi feyago nomo garram risan,  
\q1 bat brabliwei mi rispek yu lowa.   
\q1
\v 162 Dumaji blanga ol yu pramis mi brabli gudbinji,  
\q1 jis laik sambodi hu gudbinji brabliwei wen im faindim samting brabli gudwan.   
\q1
\v 163 Brabliwei ai nomo laigim detlot pipul hu dalimbat laiya,  
\q1 bat mi laigim ol yu lowa.   
\q1
\v 164 Sebenbalataim ebridei mi tok theingkyu langa yu dumaji wen yu jadjim pipul yu gibit olabat feyago.   
\q1
\v 165 Detlot hu laigim yu lowa, olabat jidan brabli gudbalawei.  
\q1 Najing kaan meigim olabat go nogudbalawei.   
\q1
\v 166 YAWEI, mi weit langa yu blanga seibum mi.  
\q1 Mi dum wanim yu dalim mi.   
\q1
\v 167 Mi duwit langa ol yu lowa,  
\q1 en mi laigim olabat insaid langa main hat.   
\q1
\v 168 Mi lisin en bilib blanga ol detlot lowa blanga yu en langa wanim yu tok.  
\q1 Yu sabi ebrijing weya mi dum.   
\s1 Preya langa YAWEI blanga album  
\q1
\v 169 YAWEI, mi jingat langa yu blanga album mi,  
\q1 Yu meigim mi sabi yu wed brabliwei jis laik yubin pramis.   
\q1
\v 170 YAWEI, irrim main preya.  
\q1 Seibum mi jis laik yubin tok langa yu pramis.   
\q1
\v 171 Ai garra oldei preisimbat yu,  
\q1 dumaji yu oldei lenimbat mi blanga ol yu lowa.   
\q1
\v 172 Ai garra sing song blanga ol yu lowa,  
\q1 dumaji ol yu lowa im trubalawan, nomo garram enijing rong.   
\q1
\v 173 YAWEI, jidan redibala blanga album mi,  
\q1 dumaji mi bulurrum detlot lowa blanga yu.   
\q1
\v 174 Mi oldei wandim yu blanga seibum mi brabliwei, YAWEI.  
\q1 Detlot lowa blanga yu meigim mi jidan gudbinjiwei.   
\q1
\v 175 Larram mi jidan laibala, wulijim ai garra oldei preisim yu.  
\q1 Larram detlot lowa blanga yu album mi.   
\q1
\v 176 Mi wokaranbat laiga ship weya imbin los.  
\q1 Wal yu kaman en lukabat mi, yu wekinmen,  
\q1 dumaji ai nomo bin fogedabat ola lowa blanga yu.   
\c 120  
\s1 Dijan preya blanga albumbat  
\q1
\v 1 Wen aibin abum trabul, aibin jingat langa YAWEI,  
\q1 en imbin ensim mi en album mi.   
\q1
\v 2 YAWEI, yu seibum mi brom ola laiyawan pipul,  
\q1 en brom detlot pipul hu nomo jidan trubalawei.   
\b  
\q1
\v 3 Yumob ola laiyawan pipul, wanim God garra dum langa yumob?  
\q1 Hau im garra panishim yumob?   
\q1
\v 4 Im garra panishim yumob brabliwei garram ola shapwan spiya blanga solja,  
\q1 en barnimap yumob garram brabli hotwan eshis.   
\b  
\q1
\v 5 Mi jidanabat garram yumob, en im nogudwan.  
\q1 Im seim laik mi jidan garram detlot krulbala pipul brom det dubala kantri gulum Mishek en Keda.   
\q1
\v 6 Aibin jidan brabli longtaim garram pipul hu nomo laigim blanga jidan gudbinjiwei.   
\q1
\v 7 Wen mi tok blanga jidan kwaitbalawei,  
\q1 olabat wandi fait.   
\c 121  
\s1 God na kipum wi seif  
\q1
\v 1 Ai lukap langa ola hil.  
\q1 Hu garra kaman blanga album mi wen mi abum trabul?\fig |src="UBS Psalm 121.tif" size="col" ref="121:1" \fig*   
\q1
\v 2 YAWEI det trubala God na garra kaman blanga album mi.  
\q1 Im na bin meigim ebrijing langa skai en langa graun.   
\b  
\q1
\v 3 YAWEI, im oldei wotjimbat wi wulijim wi kaan buldan.  
\q1 Im oldei lukaftumbat wi.  
\q1 Im nomo go silip.   
\q1
\v 4 Tharran hu lukaftumbat im pipul langa Isreil,  
\q1 im jidan weik en wotjimbat.  
\q1 Im nomo go silip.   
\b  
\q1
\v 5 YAWEI kipum wi seif brom olkain trabul,  
\q1 jis laiga bigwan tri im gudwan sheid brom det hotwan san.   
\q1
\v 6 YAWEI im blokim ebrijing.  
\q1 Det san kaan ardim wi deitaim,  
\q1 en det mun kaan ardim wi naitaim.  
\q1 Nomo enijing kaan ardim wi deitaim en naitaim.   
\b  
\q1
\v 7 YAWEI garra kipum wi seif.  
\q1 Nomo enijing kaan ardim wi.  
\q1 Im garra wotjimbat wi.   
\q1
\v 8 Wen yu gowei YAWEI garra wotjimbat yu,  
\q1 en wen yu kambek im garra lukaftum yu,  
\q1 tudei na, en tumorro en olagijawan.   
\c 122  
\s1 Preis song blanga Jerusalem  
\s2 Song blanga Deibid.  
\q1
\v 1 Aibin gudbinji wen deibin tok langa mi,  
\q1 “Kaman! Wi ol go langa det haus blanga YAWEI.”   
\q1
\v 2 Wal wi iya na jandapbat insaid langa detlot geit blanga Jerusalem.   
\q1
\v 3 Jerusalem im det taun weya deibin bildimap brabli gudwei,  
\q1 en weya ola pipul kaman mijamet nomo garram eni trabul.   
\q1
\v 4 Dijan na det pleis weya ola klen blanga Isreil kaman mijamet blanga gibit theingks langa YAWEI jis laik imbin tok langa im wed.   
\q1
\v 5 Iya na ola king blanga Isreil jidan blanga kotimbat olabat pipul.   
\b  
\q1
\v 6 Askim God blanga larram ola pipul langa Jerusalem jidan gudbinjiwei.  
\q1 Prei langa God, “God, larram ol detlot pipul hu laigim yu jidan gudbinjiwei.   
\q1
\v 7 Larram ol detlot pipul jidan gudbinjiwei deya insaid langa det wol blanga Jerusalem,  
\q1 en ola boswan jidan seifwan langa olabat bigwan haus.”   
\q1
\v 8 Dumaji ai laigim main femili olabat en ol main fren olabat,  
\q1 ai askim God blanga larram olabat jidan gudbinjiwei.   
\q1
\v 9 En dumaji ai laigim det haus blanga YAWEI, wi God,  
\q1 ai askim im blanga larram ebribodi langa Jerusalem jidan gudbinjiwei.   
\c 123  
\s1 Preya blanga askim God blanga albumbat  
\q1
\v 1 YAWEI ai lukap langa yu deya ontop langa hebin weya yu jidan king langa dijan wel.   
\q1
\v 2 Jis laik det wekinmen lukinat blanga im bos,  
\q1 en jis laik det wekingel lukinat blanga im gelwan bos,  
\q1 wal melabat du garra kipgon lukinat en weidabat blanga yu YAWEI, melabat God, raidap yu garra fil sori langa melabat.   
\b  
\q1
\v 3 YAWEI yu sori langa melabat.  
\q1 Yu sori langa melabat. Najalot pipul bin tridimbat melabat brabli nogudbalawei.   
\q1
\v 4 Ola ritjwan pipul oldei mokimbat melabat,  
\q1 en ola praudbala pipul oldei tok blanga melabat nogudbalawei.   
\c 124  
\s1 God oldei lukaftumbat im pipul  
\s2 Song blanga Deibid.  
\q1
\v 1 If YAWEI nomo bina jidan garram wi, wanim bina hepin langa wi?  
\q1 Yumob Isreil pipul ensim mi!   
\b  
\q1
\v 2 “If YAWEI nomo bina jidan garram wi wen wi enamimob bin kaman blanga fait langa wi,   
\q1
\v 3 dei bina binijimap wi,  
\q1 dumaji deibin wail langa wi detmatj,   
\q1
\v 4 en jis laiga fladwoda, olabat bina deigimwei wi en gaburrumap wi,   
\q1
\v 5 en det fladwoda bina binijimap wi na.”   
\b  
\q1
\v 6 Wi gibit theingks langa YAWEI.  
\q1 Im nomo bin larram wi enamimob kilim wi ded, jis laiga brabli jigiwan dog.   
\q1
\v 7 Wibin ranawei friwan wulijim bard wen im flaiwei brom det breikinwan trep.   
\q1
\v 8 Oni YAWEI na oldei albumbat wi.  
\q1 Im na bin meigim det skai en dijan graun.   
\c 125  
\s1 God oldei maindim im pipul olabat  
\q1
\v 1 Detlot hu trastim langa YAWEI jidan wulijim det bigwan hil gulum Saiyan,  
\q1 weya najing gin sheikim en najing gin mubum im.   
\q1
\v 2 Wulijim ola bigwan hil jadimap Jerusalem raidaran,  
\q1 wal lagijat du YAWEI jadimap im pipul olabat tudei en olagijawan du.   
\b  
\q1
\v 3 Ola nogudbala pipul kaan oldei bosoba langa ola kantri blanga ola pipul hu jidan trubalawei langa yu,  
\q1 dumaji if olabat bosoba, bambai detlot pipul hu jidan trubalawei mait stat dumbat nogudwan ting du.   
\q1
\v 4 YAWEI, yu garra dum gudwan ting langa detlot pipul hu jidan gudwei,  
\q1 langa ol detlot hu teiknodis langa yu wed.   
\q1
\v 5 Bat wen yu panishim detlot nogudbala pipul hu oldei dumbat ola nogudbala ting,  
\q1 yu garra panishim ol detlot pipul hubin libum det wei blanga yu du.  
\b  
\q1 YAWEI, yu garra meigim yu ronwan pipul, ola Isreil pipul, jidan gudbinjiwei.   
\c 126  
\s1 Det preya langa God blanga album Isreil  
\q1
\v 1 Wen YAWEI bin bringimbek melabat langa Jerusalem imbin jis laik melabat bin drim tharran.   
\q1
\v 2 Wibin laflafbat en wibin singsingbat dumaji wibin gudbinji.  
\q1 En ola pipul brom ola najalot kantri bin tok blanga melabat lagijat,  
\q1 “YAWEI bin dum ola brabli gudbala ting langa olabat.”   
\q1
\v 3 Trubala imbin dum ola brabli gudbala ting blanga wi,  
\q1 en wibin brabli gudbinji!   
\b  
\q1
\v 4 YAWEI, yu gibit melabat ebrijing igin,  
\q1 jis laik rein wen im bilimap woda langa ola draiwan riba.   
\q1
\v 5 Larram ol detlot pipul hubin kraikrai wen deibin plentimbat olabat gadin,  
\q1 gajimbat detlot sid daga gudbinjiwei.   
\b  
\q1
\v 6 Ol detlot pipul hubin kraikrai wen deibin go blanga plentimbat ola sid daga,  
\q1 garra kambek singsingbat gudbinjiwei wen olabat bringimbek ola daga.\fig |src="NR_PS104V14.tif" size="col" ref="126:6" \fig*   
\c 127  
\s1 Blanga preisim YAWEI blanga ola gudwan ting  
\s2 Song blanga Salaman.  
\q1
\v 1 If YAWEI nomo albumbat detlot wekinmen bildimap det haus,  
\q1 wal det wek im nomo enijing.  
\q1 If YAWEI nomo maindimbat det taun,  
\q1 wal im nogud blanga detlot solja blanga maindimbat det taun.   
\q1
\v 2 Im nogud blanga wori en adwek brom sangidaptaim raidap sangodantaim blanga gajimbat naf daga,  
\q1 dumaji YAWEI im dumbat ebrijing langa ol detlot pipul hu laigim im en im gibit olabat taim blanga silip du.   
\b  
\q1
\v 3 YAWEI na oldei gibit pipul biginini.  
\q1 Olabat brabli speshalwan brom im.   
\q1
\v 4 Wen det men im yangbala en abum loda san,  
\q1 wal detlot san blanga im, olabat jidan jis laik loda spiya langa solja bingga.   
\q1
\v 5 Wal det men im hepiwan weya im garram loda san,  
\q1 dumaji im enami olabat kaan bidim im wen im midap langa olabat.   
\c 128  
\s1 Blanga detlot pipul hu teiknodis langa YAWEI  
\q1
\v 1 Ol detlot pipul hu teiknodis langa YAWEI en hu bulurrum im wei,  
\q1 olabat na garra jidan gudbinjiwei.   
\b  
\q1
\v 2 Yu garra dum wek blanga gajim ola enijing blanga yu laif,  
\q1 en yu garra jidan gudbalawei.   
\q1
\v 3 Yu waif garra abum detmatj biginini jis laik greiptri weya abum detmatj daga,  
\q1 en olabat garra jidan raidaran langa yu faiya pleis.   
\q1
\v 4 Lagijat na YAWEI im gibit ola gudbala ting langa pipul hu teiknodis en duwit langa im.   
\b  
\q1
\v 5 Ai askim YAWEI blanga gibit yu ola gudbala ting brom im serramoni pleis langa Saiyan,  
\q1 en blanga larram yu luk Jerusalem abum ebrijing brom tudei raidap yu dai.   
\q1
\v 6 Ai prei yu garra jidan laibalawan raidap yu luk yu bigininimob biginini olabat.  
\b  
\q1 YAWEI, yu meigim ola Isreil pipul jidan gudbinjiwei!   
\c 129  
\s1 Detlot Isreil pipul tok blanga hau deibin abum adtaim  
\q1
\v 1 Det serramonimen bin sing, “Yumob Isreil pipul, yumob garra sing blanga hau wi enami olabat bin oldei gibitbat wi adtaim brom wen wibin yang.”   
\b  
\q1
\v 2 En detlot Isreil pipul bin sing,  
\q1 “Brom wen wibin yang wi enami olabat bin oldei gibitbat wi adtaim,  
\q1 bat dei nomo bin bidim wi, najing.   
\q1
\v 3 Deibin beldimbat wi en meigim dipwan mak langa wi bekboun,  
\q1 jis laik det fama weya im kadim det graun blanga growimap daga.   
\q1
\v 4 Bat YAWEI oldei dum wanim rait,  
\q1 en imbin meigim wi fri brom jidanbat prisana blanga wekwekbat blanga ola nogudbala pipul.”   
\s1 Detlot Isreil pipul askim God blanga bidim olabat enami olabat  
\q1
\v 5 YAWEI, wi askim yu blanga bidim ol detlot pipul hu nomo laigim yu serramoni pleis langa Saiyan,  
\q1 en yu meigim olabat sheim miselp en ranawei.   
\q1
\v 6 Meigim olabat jidan jis laik sid daga gras weya grogro ontop langa haus en im draiyap bifo im gro bigwan,   
\q1
\v 7 en nobodi kaan hipimap en deigidawei eni sid daga.   
\q1
\v 8 En dumaji nobodi garra gajimbat eni sid daga wal nobodi kaan tok dijan,  
\q1 “Larram det gudbalawei blanga YAWEI jidan garram yu.”  
\q1 En nobodi kaan ensim,  
\q1 “Wi garra gudbala langa yu garram det neim blanga YAWEI.”   
\c 130  
\s1 Preya blanga albumbat  
\q1
\v 1 YAWEI, mi brabli nogudbinji en im jis laik mi jidanabat langa dakwan pleis.  
\q1 Mi jinginatbat langa yu blanga album mi.   
\q1
\v 2 YAWEI, yu lisin langa mi wen mi jinginatbat langa yu blanga album mi.   
\q1
\v 3 YAWEI, if yu bina raidimdan ol melabat nogudbalawei,  
\q1 ebribodi bina git panish en dai.   
\q1
\v 4 Bat yu nomo bin peiyimbek melabat blanga melabat nogudbalawei,  
\q1 wulijim melabat gin shoum rispek langa yu.   
\b  
\q1
\v 5 Mi weit garram opin hat blanga YAWEI blanga album mi,  
\q1 en mi trastim langa im wed.   
\q1
\v 6 Mi weidabat blanga yu YAWEI garram opin hat brabliwei,  
\q1 jis laik detlot men hu oldei wek wotjimbat olnait,  
\q1 en weidabat blanga wotaim im garra ailibala.\fig |src="HK00227B.TIF" size="col" ref="130:6" \fig*   
\b  
\q1
\v 7 Trastim YAWEI ol yumob Isreil pipul.  
\q1 Im kaan neba stap laigimbat yumob,  
\q1 en im oldei redi blanga seibumbat yumob.   
\q1
\v 8 Oni im na garra seibum ol yumob Isreil pipul brom ol yumob nogudbalawei.\x + \xo 130:8 \xt Meth 1:21; Tai 2:14\x*   
\c 131  
\s1 Preya blanga trastimbat God  
\s2 Preya blanga Deibid.  
\q1
\v 1 YAWEI, aibin libum ol main praudbalawei.  
\q1 Ai nomo reken miselp blanga jinggabat hau blanga dum detlot ting weya im brabli adwan,  
\q1 o hau blanga dum klebabala ting.   
\q1
\v 2 Bat mi jidan kwaitwan jis laiga biginini weya im jidan garram im mami.  
\q1 En main hat im jidan lagijat du.   
\q1
\v 3 Yumob Isreil pipul, yumob trastim langa YAWEI tudei en olagijawan.   
\c 132  
\s1 Gibit preis blanga det Serramoni Pleis blanga God  
\q1
\v 1 YAWEI, yu nomo fogedabat Deibid,  
\q1 en ola adtaim imbin abumbat.   
\q1
\v 2 YAWEI, yu jinggabat wanim imbin pramis langa yu, det haibalawan God blanga Jeikob,   
\q1
\v 3 “Ai kaan gobek langa kemp o gobek blanga leidan langa bed,   
\q1
\v 4 en ai kaan abum spel o silip,   
\q1
\v 5 raidap ai meigim haus blanga YAWEI, det haibalawan God blanga Jeikob.”   
\b  
\q1
\v 6 Wibin irrim stori langa Bethlahem blanga det Seikridwan Boks,  
\q1 en wibin faindim im deya langa det pedik gulijap langa det taun gulum Jerim.   
\q1
\v 7 Melabat bin tok, “Kaman! Wi garra go deya langa det Serramoni Pleis blanga YAWEI  
\q1 en wi garra nildan en weship im lida langa im speshalwan tjeya.”   
\b  
\q1
\v 8 YAWEI, kaman en jidan deya langa yu Serramoni Pleis garram det Seikridwan Boks, weya pipul sabi yu pawa oldei jidan.   
\q1
\v 9 Larram ol detlot serramonimen blanga yu oldei dum wanim rait olataim.  
\q1 Larram ol yu pipul olabat jingat adbala gudbinjiwei.   
\b  
\q1
\v 10 YAWEI, yubin meigim pramis langa yu wekinmen Deibid.  
\q1 Nomo gibit bekboun langa im, det king weya yubin pikimat.\x + \xo 132:10 \xt 2 Kran 6:41,42\x*   
\q1
\v 11 Yubin meigim brabli strongwan pramis langa Deibid, en yu garra oldei kipum det pramis.  
\q1 “Ai garra oldei meigim wan san blanga yu femili lain jidan king.\x + \xo 132:11 \xt 2 Sem 7:12-16; 1 Kran 17:11-14; Saam 89:3,4; Eks 2:30\x*   
\q1
\v 12 If dei jidan trubalawei langa main strongbala pramis,  
\q1 en if dei teiknodis langa wanim ai dalim olabat,  
\q1 wal dei garra kipgon jidan king.”   
\b  
\q1
\v 13 YAWEI bin pikimat Saiyan,  
\q1 en im wandim meigim tharran im kemp.   
\q1
\v 14 “Iya na ai garra jidan olagijawan,  
\q1 en iya na ai wandim jidan bos.   
\q1
\v 15 Ai garra gibit Saiyan ebrijing im wandim,  
\q1 en ai garra meigim ola powan pipul sedisfaid garram daga.   
\q1
\v 16 Ebrijing detlot serramonimen dum ai garra gudbinji langa olabat,  
\q1 en ola pipul garra sing ola song gudbinjiwei.   
\q1
\v 17 Iya na ai garra meigim wanbala jidan haibala king brom det femili lain blanga Deibid,  
\q1 en im garra jidan laiga lait weya im shain olagija.\x + \xo 132:17 \xt 1 King 11:36\x*   
\q1
\v 18 Ai garra meigim ol im enami olabat jidan sheim nomo lilbit,  
\q1 bat det kantri weya im garra jidan bos garra abum detmatj ebrijing.”   
\c 133  
\s1 Wen ola pipul blanga God jidan wanmob  
\s2 Song blanga Deibid.  
\q1
\v 1 Trubala im brabli gudwan wen pipul blanga God jidan wanmob gudbinjiwei!   
\q1
\v 2 Im brabli gudwan jis laik wen deibin spilim det brabli gudwan oil ontop langa det hed blanga Eran,  
\q1 en det oil bin randan brom im hed raitdan langa im speshalwan klos.   
\q1
\v 3 En im brabli gudwan jis laik det dyu ontop langa det bigwan hil gulum Hemen en langa detlot hil langa Saiyan.  
\q1 Deya na YAWEI bin pramisim blanga gibit im pipul olabat det olagijawan laif.   
\c 134  
\s1 Jingat blanga preisim God  
\q1
\v 1 Kaman en preisim YAWEI ola wekinmen blanga im,  
\q1 ol yumob pipul hu wek naitaim langa im Serramoni Pleis.   
\q1
\v 2 Lidimap yumob bingga en prei,  
\q1 en preisim YAWEI.   
\b  
\q1
\v 3 Ai askim YAWEI hu jidan deya langa Saiyan, en hubin meigim hebin en dijan wel,  
\q1 blanga jidan gudbalawei blanga yumob.   
\c 135  
\s1 Dijan preis song  
\q1
\v 1 Preisim YAWEI det trubala God!  
\b  
\q1 Preisim im neim, ol yumob hu wek blanga YAWEI.   
\q1
\v 2 Yumob hu wek deya insaid langa det haus blanga YAWEI wi God,   
\q1
\v 3 preisim im dumaji im gudwan.  
\q1 Sing song blanga preisim im neim dumaji im jidan kainbala.   
\q1
\v 4 Imbin pikimat Jeikob en ola Isreil pipul blanga im ronselp.   
\b  
\q1
\v 5 YAWEI im God blanga wi,  
\q1 en ai sabi im det brabli haibalawan God.  
\q1 Im mowa haibala langa najalot drimin.   
\q1
\v 6 Im dum wanim im wandim langa hebin en langa dijan kantri en insaid langa solwoda raitdan langa bodam.   
\q1
\v 7 Im bringimap rein klaud brom olaran langa ebri kantri.  
\q1 Im meigim laitining blanga ola bigwan rein,  
\q1 en im bringimap win brom det pleis weya im jidan.   
\b  
\q1
\v 8 Langa det kantri Ijip imbin binijimap ola men en ola enimul hubin bon fes.   
\q1
\v 9 Deya na imbin dum ola klebabala ting blanga panishim det king en ol im brabli haibala wekinmen olabat.   
\q1
\v 10 Imbin binijimap detmatj pipul brom najalot kantri,  
\q1 en ola brabli strongbala king,   
\q1
\v 11 det King Saihan blanga det Emarait traib,  
\q1 en King Og brom Beishan,  
\q1 en ola king langa det kantri gulum Keinan.   
\q1
\v 12 Imbin gibit ola kantri blanga olabat langa ola Isreil pipul,  
\q1 detlot pipul blanga im na.   
\b  
\q1
\v 13 YAWEI, pipul garra oldei tok yu jidan God.  
\q1 Brom ola femili tudei raidap langa ola femili hu garra jidan bambai, dei garra oldei jinggabat blanga yu.   
\q1
\v 14 YAWEI garra oldei lukaftumbat im pipul olabat.  
\q1 Im garra oldei jidan kainbala langa im wekinmen olabat.   
\b  
\q1
\v 15 Ola pipul brom najalot kantri bin meigim ola drimin sheip garram gol en silba.  
\q1 Deibin meigim garram olabat ronwan bingga.   
\q1
\v 16 Detlot drimin sheip garram mawus bat dei kaan tok,  
\q1 en dei garram ai bat dei kaan luk.   
\q1
\v 17 Detlot drimin sheip garram irriwol bat dei kaan irrim,  
\q1 en dei nomo blowin.   
\q1
\v 18 Larram ol detlot pipul hubin meigimbat olabat en hu trastimbat olabat,  
\q1 jidan nomo garram eni pawa wulijim detlot drimin sheip.\x + \xo 135:18 \xt Saam 115:4-8; Reb 9:20\x*   
\b  
\q1
\v 19 Ola Isreil pipul, preisim YAWEI!  
\q1 Ola wekinmen blanga God, preisim im.   
\q1
\v 20 Ol yumob Libai klen, preisim YAWEI.  
\q1 Ol yumob hu weship im, preisim im du.   
\q1
\v 21 Preisim YAWEI langa Saiyan deya langa Jerusalem weya im jidan.  
\b  
\q1 Preisim YAWEI det trubala God!   
\c 136  
\s1 Wi preisim YAWEI blanga wanim imbin dum  
\q1
\v 1 YAWEI det trubala God im gudbala langa wi.  
\q1 Dumaji im gudbala langa wi, blanga tharran na wi garra gibit im theingks.  
\q1 Trubala, im laigim wi tudei en olagijawan.\x + \xo 136:1 \xt 1 Kran 16:34; 2 Kran 5:13; 7:3; Esra 3:11; Saam 100:5; 106:1; 107:1; 118:1; Jera 33:11 \x*   
\q1
\v 2 Im na det brabli haibala God.  
\q1 Blanga tharran na, wi garra gibit im theingks.  
\q1 Trubala, im laigim wi tudei en olagijawan.   
\q1
\v 3 Im na det bos.  
\q1 Dumaji im bos, wal wi garra gibit im theingks.  
\q1 Trubala, im laigim wi tudei en olagijawan.   
\b  
\q1
\v 4 Im dum ola brabli klebabala ting weya nobodi iya kaan dum.  
\q1 Trubala, im laigim wi tudei en olagijawan.   
\q1
\v 5 Im na sabi ebrijing brabliwei.  
\q1 Lagijat na imbin meigim det skai.  
\q1 Trubala, im laigim wi tudei en olagijawan.\x + \xo 136:5 \xt Jen 1:1\x*   
\q1
\v 6 Imbin meigim det graun jidan ontop langa det solwoda.  
\q1 Trubala, im laigim wi tudei en olagijawan.\x + \xo 136:6 \xt Jen 1:2\x*   
\q1
\v 7 Imbin meigim ola lait.  
\q1 Trubala, im laigim wi tudei en olagijawan.   
\q1
\v 8 Imbin meigim det san shain deitaim.  
\q1 Trubala, im laigim wi tudei en olagijawan.   
\q1
\v 9 Imbin meigim det mun en ola sta shain naitaim.  
\q1 Trubala, im laigim wi tudei en olagijawan.\x + \xo 136:9 \xt Jen 1:16\x*   
\b  
\q1
\v 10-12 God bin panishim detlot pipul langa Ijip,  
\q1 en imbin kilim ded ola feswan san blanga olabat.  
\q1 Trubala, im laigim wi tudei en olagijawan.  
\q1 Garram im strongwan pawa, imbin seibum ola Isreil pipul brom Ijip.  
\q1 Trubala, im laigim wi tudei en olagijawan.\x + \xo 136:10-12 \xt Eksa 12:29,51\x*   
\q1
\v 13 Imbin kadimat det solwoda gulum Redsi.  
\q1 Trubala, im laigim wi tudei en olagijawan.   
\q1
\v 14 Imbin deigim detlot Isreil pipul thru langa midul.  
\q1 Trubala, im laigim wi tudei en olagijawan.   
\q1
\v 15 Bat imbin draundim Fero en im solja olabat deya langa det Redsi.  
\q1 Trubala, im laigim wi tudei en olagijawan.\x + \xo 136:15 \xt Eksa 14:21-29\x*   
\q1
\v 16 Imbin deigim im pipul thru langa det bush kantri.  
\q1 Trubala, im laigim wi tudei en olagijawan.   
\q1
\v 17 Imbin kilim ded ola strongbala boswan.  
\q1 Trubala, im laigim wi tudei en olagijawan.   
\q1
\v 18 Imbin kilim ded detlot boswan weya ebribodi sabi.  
\q1 Trubala, im laigim wi tudei en olagijawan.   
\q1
\v 19 Imbin kilim ded Saihan, det boswan blanga ola Emarait pipul.  
\q1 Trubala, im laigim wi tudei en olagijawan.\x + \xo 136:19 \xt Nam 21:21-30\x*   
\q1
\v 20 Imbin kilim ded Og, det king blanga ola Beishan pipul.  
\q1 Trubala, im laigim wi tudei en olagijawan.\x + \xo 136:20 \xt Nam 21:31-35\x*   
\q1
\v 21-22 Imbin pulumat olabat kantri,  
\q1 en imbin gibit langa ola Isreil pipul friwan.  
\q1 Trubala, im laigim wi tudei en olagijawan.   
\b  
\q1
\v 23 Imbin jinggabat wi wen wibin jidan brabli nogudbinji.  
\q1 Trubala, im laigim wi tudei en olagijawan.   
\q1
\v 24 Imbin seibum wi brom wi enami olabat.  
\q1 Trubala, im laigim wi tudei en olagijawan.   
\q1
\v 25 Im gibit daga langa ebribodi en langa ola enimul du.  
\q1 Trubala, im laigim wi tudei en olagijawan.   
\b  
\q1
\v 26 Gibit theingks langa YAWEI.  
\q1 Im deya langa hebin.  
\q1 Trubala, im laigim wi tudei en olagijawan.   
\c 137  
\s1 Detlot Isreil pipul bin jidan nogudbinji langa streinja kantri  
\q1
\v 1 Deya gulijap langa detlot riba langa Bebalon wibin jidan,  
\q1 en deya na wibin krai nomo lilbit wen wibin jinggabat Saiyan.   
\q1
\v 2 Wi nomo bin abum filing blanga sing en plei gita, en wibin heingimap olabat langa gulijapwan tri.   
\q1
\v 3 Detlot Bebalon pipul hubin meigim wi prisana bin dalim wi blanga sing,  
\q1 “Yumob sing song langa melabat blanga Saiyan.”   
\b  
\q1
\v 4 Hau wi garra sing song langa YAWEI iya langa dijan streinja kantri?   
\q1
\v 5 Nomo larram mi plei gita igin if mi fogedabat yu, Jerusalem.   
\q1
\v 6 Nomo larram mi sing igin if mi fogedabat yu,  
\q1 en if ai nomo jinggabat yu weya yu jidan det nambawan blanga mi.   
\b  
\q1
\v 7 YAWEI, yu jinggabat wanim detlot pipul blanga Idam bin dum detaim wen deibin teikoba Jerusalem.  
\q1 Yu jinggabat hau deibin kipgon toktok, “Nokamdan im holbit raitdan langa graun.”   
\b  
\q1
\v 8 Pipul blanga Bebalon, bambai yumob garra binijap.  
\q1 Detlot pipul hu garra peiyimbek yumob blanga wanim yumob bin dum langa melabat, garra gudbinji.\x + \xo 137:8 \xt Reb 18:6\x*   
\q1
\v 9 Olabat garra deigim yumob beibimob en smeshimap olabat langa bigwan ston.   
\c 138  
\s1 Song blanga gibit theingks  
\s2 Song blanga Deibid.  
\q1
\v 1 YAWEI, ai gibit theingks langa yu garram ol main hat.  
\q1 Ai sing preis song langa yu lida langa ol detlot najalot drimin.   
\q1
\v 2 Ai weship en preisim yu.  
\q1 Yu filing blanga laigim jidan olagijawan en yu jidan trubalawan.  
\q1 Yu neim en yu wed jidan brabli haibala.   
\q1
\v 3 Yubin ensim mi wen aibin jingat langa yu.  
\q1 Garram yu pawa yubin meigim mi strongbala.   
\b  
\q1
\v 4 YAWEI, ola king langa dijan wel garra preisim yu,  
\q1 dumaji deibin irrim ol yu pramis.   
\q1
\v 5 Olabat garra sing song blanga wanim yubin dum,  
\q1 en blanga yu haibalawanwei.   
\q1
\v 6 Nomeda yu jidan deya langa top,  
\q1 yu kain langa pipul hu jidan lobalawei,  
\q1 en praudbala pipul kaan haidim miselp brom yu.   
\b  
\q1
\v 7 Wen detmatj trabul kaman langa mi,  
\q1 yu kipum mi seifwan.  
\q1 Yu seibum mi garram yu pawa brom ol main enami olabat wen dei wail langa mi.   
\q1
\v 8 Yu garra dum ebrijing yubin pramis.  
\q1 YAWEI, yu filing blanga laigim mi jidan olagijawan.  
\q1 Yu binijim det wek yubin olredi stat dumbat.   
\c 139  
\s1 God sabi ebribodi en im na lukaftumbat olabat  
\s2 Song blanga Deibid.  
\q1
\v 1 YAWEI, yubin luk insaid main hat,  
\q1 en yu sabi ebrijing weya mi dum en jinggabat.   
\q1
\v 2 Yu sabi ebrijing.  
\q1 Wen mi jidan en wen mi jandap, yu sabi.  
\q1 Nomeda yu longwei, bat stil yu sabi wanim mi jinggabat.   
\q1
\v 3 Yu sabi weya mi go en weya mi leidan.  
\q1 Yu sabi ebrijing blanga mi brabliwei.   
\q1
\v 4 Wen mi stil jinggabat wanim ai garra tok,  
\q1 YAWEI, yu sabi tharran du.   
\q1
\v 5 Yu lida langa mi,  
\q1 en yu biyain langa mi,  
\q1 en yu holdim mi garram yu bingga.   
\q1
\v 6 Yu sabi mi brabliwei!  
\q1 Ai kaan sabi hau yu sabi mi lagijat.   
\b  
\q1
\v 7 If ai wandi gowei brom yu, weya ai garra go?  
\q1 Nomo eniweya! Ai kaan gowei eniweya brom yu.   
\q1
\v 8 If ai gowap langa hebin, yu deya.  
\q1 If ai godan langa det pleis weya ola dedbala pipul go, yu deya.   
\q1
\v 9 If ai flaiwei langa weya det san gidap,  
\q1 o if ai jidan weya det solwoda binij weya det san godan,   
\q1
\v 10 wal yu deya du blanga lidim mi en album mi.  
\q1 Yu bingga gin holdim mi langa ebri pleis.   
\q1
\v 11 If ai tok miselp, “Ai garra blandim miselp langa dakbala.  
\q1 If nomo lait deya maitbi YAWEI kaan luk langa mi.”   
\q1
\v 12 Bat nomo eni dakbala jidan langa yu.  
\q1 Yu gin luk naitaim jis laik yu luk deitaim.  
\q1 Dakbala en lait jidan seim langa yu.   
\b  
\q1
\v 13 Trubala, wen aibin insaid langa main mami binji,  
\q1 yubin meigim mi brabliwei.  
\q1 Yubin joinimap mi deya insaid.   
\q1
\v 14 Ai preisim yu dumaji yubin meigim mi klebabalawei.  
\q1 Mi hatjamp wen mi jinggabat tharran.  
\q1 Yu sabi mi brabliwei.   
\q1
\v 15 Yubin luk mi wen main bodi bin grogro,  
\q1 en wen yubin joinimap mi gudwei deya insaid langa main mami.   
\q1
\v 16 Yubin luk mi deya wen ai nomo bin brabli beibi,  
\q1 en det taim na yubin sabi blanga mi brabliwei.  
\q1 Yubin sabi wotaim ai garra bon,  
\q1 en wotaim ai garra dai,  
\q1 en yubin raidimdan tharran langa yu buk bifo aibin bon.\fig |src="MH Grandad 3children.tif" size="col" ref="139:16" \fig*   
\b  
\q1
\v 17 Main God, ebrijing weya yu jinggabat,  
\q1 olabat gudwan langa mi, mowa den enijing.  
\q1 Ai kaan kaundimap ola difrin ting weya yu jinggabat.   
\q1
\v 18 Ai kaan kaundim olabat,  
\q1 dumaji dei jidan mowa den ola sengraun.  
\q1 Bat wen ai go silip en wen ai gidap mi stil garram yu.   
\b  
\q1
\v 19 Bat God, ai wandim yu garra binijimap detlot brabli nogud pipul,  
\q1 ol detlot hu oldei meigimbat plen blanga medrimbat pipul.  
\q1 Yu andimwei olabat brom mi!   
\q1
\v 20 Olabat nomo rispek yu, najing!  
\q1 Olabat tokabat yu brabli nogudwei.   
\q1
\v 21 Ai heidim detlot pipul hu heidim yu, YAWEI.  
\q1 Ai nomo laigim detlot hu gibit yu bekboun.   
\q1
\v 22 Ai nomo laigim detlot pipul,  
\q1 Dumaji olabat main enami.   
\b  
\q1
\v 23 Luk insaid langa main hat, YAWEI,  
\q1 en faindat if mi nogud insaid langa main hat.  
\q1 Luk if mi nogud wen mi jinggabat enijing.   
\q1
\v 24 Faindat if ai bulurrum nogudwei lagijat.  
\q1 Lidim mi en ai garra wok langa det olagijawanwei.   
\c 140  
\s1 Preya blanga jidan seifwan  
\s2 Preya blanga Deibid.  
\q1
\v 1 YAWEI, yu seibum mi brom ola brabli nogudbala pipul.  
\q1 Yu kipum mi seif brom ola jigibala pipul.   
\q1
\v 2 Dei oldei jinggabat blanga dumbat nogudbala ting.  
\q1 Dei oldei meigimap trabul.   
\q1
\v 3 Dei tok nogudwan wed en im jis laik det poisin blanga jigiwan sneik.\x + \xo 140:3 \xt Rom 3:13\x*   
\b  
\q1
\v 4 YAWEI, yu lukaftum mi brom detlot brabli nogudwan pipul,  
\q1 en yu kipum mi seifwan brom detlot pipul hu oldei faitfait,  
\q1 en hu oldei meigim plen blanga binijap mi.   
\q1
\v 5 Detlot praudbala pipul bin meigim trep blanga mi.  
\q1 Deibin pudumdan ola trep olawei langa det roud blanga gajim mi.   
\b  
\q1
\v 6 Mi tok langa YAWEI, “Yu main God.”  
\q1 YAWEI, irrim mi jingat langa yu blanga album mi.   
\q1
\v 7 YAWEI, main boswan God,  
\q1 yu na maindim mi, main strongbalawan.  
\q1 Langa eni fait, yu lukaftum mi jis laiga shild.   
\q1
\v 8 YAWEI, nomo gibit detlot brabli nogudbala pipul wanim dei wandimbat.  
\q1 Nomo larram olabat plen hepin.   
\b  
\q1
\v 9 Nomo larram main enami olabat win.  
\q1 Meigim olabat plen blanga mi hepin langa olabat ronselp.   
\q1
\v 10 Larram brabli hotwan eshis buldan langa olabat.  
\q1 Larram olabat buldan langa faiya langa det dipwan hol,  
\q1 en nomo kamat igin.   
\q1
\v 11 Larram ol detlot pipul hu bleimbat najalot pipul jis fo najing nomo abum enijing gudwan hepin langa olabat.  
\q1 Larram brabli nogudbala ting binijimap ola jigiwan pipul.   
\b  
\q1
\v 12 YAWEI, ai sabi yu maindimbat ola powan pipul,  
\q1 en yu oldei gibit feyago langa detlot pipul hu nomo garram enijing.   
\q1
\v 13 Detlot pipul hu jidan raitwei langa yu garra preisim yu brabli trubalawei orait.  
\q1 Olabat garra jidan garram yu.   
\c 141  
\s1 Preya blanga meigim pipul jidan raitwei  
\s2 Preya blanga Deibid.  
\q1
\v 1 YAWEI, mi prei langa yu.  
\q1 Lisin langa main preya.  
\q1 Kaman kwikbala blanga album mi.   
\q1
\v 2 Jinggabat main preya jis laik im gudsmelwan medisin langa yu.  
\q1 Wen mi lidimap main bingga blanga prei langa yu,  
\q1 jinggabat tharran deya wulijim speshalwan ofring blanga yu.\x + \xo 141:2 \xt Reb 5:8\x*   
\b  
\q1
\v 3 YAWEI, holdim main mawus,  
\q1 en nomo larram mi tok nogudwei.   
\q1
\v 4 Nomo larram mi blanga wandi jinggabat blanga dum nogudwan ting.  
\q1 Nomo larram mi weistimbat taim dumbat nogud ting garram ola nogudwan pipul.  
\q1 Nomo larram mi joinin en dagat daga brom detlot nogudbala pipul.   
\b  
\q1
\v 5 Wen detlot pipul hu jidan trubalawei langa yu streitinimap mi,  
\q1 en panishim mi garram det raitwei blanga yu,  
\q1 ai garra larram olabat.  
\q1 Mi oldei prei blanga stapam ola nogudwan ting weya ola nogudbala pipul oldei dumbat.   
\q1
\v 6 Wen YAWEI garra tjakamdan ola big bosmob brom det haiwan rok,  
\q1 ola nogudbala pipul garra sabi tharran main wed bin trubalawan orait.   
\q1
\v 7 Blanga olabat boun garra leidan ebriweya langa greibyad,  
\q1 jis laik ola ston weya sambodi bin smeshimap.   
\b  
\q1
\v 8 YAWEI, ai luk langa yu.  
\q1 Yu main boswan God.  
\q1 Mi kaman langa yu blanga kipum mi seif.  
\q1 Nomo larram enijing kaman en ardim mi.   
\q1
\v 9 Maindimbat mi brom detlot nogudbala pipul hu wandi trepam mi garram ola nogud ting.   
\q1
\v 10 Meigim olabat buldan langa olabat ron trep weya olabat bin pudum,  
\q1 en seimtaim album mi blanga gidawei seifwan.   
\c 142  
\s1 Dijan preya blanga album  
\s2 Preya blanga Deibid wen imbin insaid langa keib.  
\q1
\v 1 Mi jingat langa yu, YAWEI.  
\q1 Mi askim yu brabliwei blanga album langa mi.   
\q1
\v 2 Mi dalim yu blanga ola main trabul,  
\q1 en blanga wen mi woribat tumatj.   
\q1
\v 3 Wen ai kaan dum enijing mowa,  
\q1 oni yu na sabi det wei blanga mi.  
\q1 Langa det roud weya mi wok,  
\q1 main enamimob bin pudumdan trep blanga mi.   
\q1
\v 4 YAWEI yu lukaran.  
\q1 Nobodi iya hu wandi wokwok garram mi.  
\q1 Nobodi nomo fil sori langa mi, najing!  
\q1 En nomo eni seif pleis blanga go haidim miselp.   
\b  
\q1
\v 5 Mi jingat langa yu, YAWEI.  
\q1 Yu na det seifwan pleis blanga mi.  
\q1 Ai wandim oni yu wanbala langa main laif.   
\q1
\v 6 YAWEI, ensim main preya.  
\q1 Ai kaan dum enijing mowa na!  
\q1 YAWEI, seibum mi brom main enamimob!  
\q1 Olabat tjeisimapbat mi en olabat brabli strongbala.   
\q1
\v 7 Deigimat mi brom dijan jeil wulijim ai gin preisim blanga yu neim.  
\q1 Wen ola pipul blanga yu garra luk yubin brabli kain langa mi,  
\q1 wal olabat garra majurrumap miselp raidaran langa mi.   
\c 143  
\s1 Preya blanga album  
\s2 Preya blanga Deibid.  
\q1
\v 1 YAWEI, yu irrim main preya.  
\q1 Dumaji yu jidan trubala en raitwei,  
\q1 yu irrim main preya en ensim mi.   
\q1
\v 2 Nomo jadjim mi, yu wekinmen,  
\q1 dumaji yu sabi nobodi iya jidan gudbala, najing.\x + \xo 143:2 \xt Rom 3:20; Galei 2:16\x*   
\b  
\q1
\v 3 Main bedfren olabat bin tjeisimbat mi en deibin gajim mi.  
\q1 Deibin pudum mi langa dakwan jeil,  
\q1 en mi jidanbat jis laik detlot pipul hubin dai longtaim.   
\q1
\v 4 Wal mi redi blanga gibap.  
\q1 Mi filim miselp brabli nogudbinji.   
\b  
\q1
\v 5 Mi jinggabat ol detlot dei weya bin binij,  
\q1 en mi jinggabat ebrijing weya yubin dum.   
\q1
\v 6 Mi lidimap main bingga blanga prei langa yu.  
\q1 Jis laik draiwan graun main spirit insaid jidan thestiwan blanga yu.   
\b  
\q1
\v 7 Kwikbala na YAWEI, yu ensim main preya.  
\q1 Ai kaan dum enijing.  
\q1 Nomo libum mi iya miselp bambai mi dai en godan langa det pleis blanga ola dedbala pipul.   
\q1
\v 8 Ebridei yu meigim mi jinggabat blanga yu filing weya yu laigim mi olagijawan,  
\q1 dumaji mi bilib langa yu.  
\q1 Main preya gowap langa yu.  
\q1 Yu shoum mi wujei blanga go.   
\b  
\q1
\v 9 YAWEI mi kaman langa yu blanga kipum mi seif.  
\q1 Yu seibum mi brom main enami olabat.   
\q1
\v 10 Yu na main God.  
\q1 Shoum mi wanim yu wandim mi blanga dum.  
\q1 Yu jidan gudbala langa mi en yu deigim mi langa det seifwan roud.   
\b  
\q1
\v 11 YAWEI, yu seibum mi jis laik yubin pramis.  
\q1 Garram yu gudwan filing yu seibum mi brom ol main trabul.   
\q1
\v 12 YAWEI, dumaji yu laigim mi detmatj,  
\q1 yu binijimap ol main enami olabat,  
\q1 dumaji mi na yu wekinmen.   
\c 144  
\s1 Dijan blanga wanbala king hubin gibit theingks langa God wen imbin win  
\s2 Song blanga Deibid.  
\q1
\v 1 Preisim YAWEI! Im na jis laiga ston weya oldei maindimbat mi.  
\q1 Im treinimbat mi en meigim mi redibala blanga det wofait.   
\q1
\v 2 Im lukaftumbat mi en kipum mi seifwan.  
\q1 Im main seifwan haus en im seibum mi.  
\q1 Mi trastim im blanga kipum mi seifwan jis laiga shild.  
\q1 Im meigim mi jidan bos langa najalot pipul brom najalot kantri.   
\b  
\q1
\v 3 YAWEI, wanim pipul langa yu?  
\q1 Wotfo yu oldei teiknodis langa olabat?\x + \xo 144:3 \xt Job 7:17,18; Saam 8:4\x*   
\q1
\v 4 Melabat jis laik win.  
\q1 Melabat jidan wulijim shedo weya im gopas.   
\b  
\q1
\v 5 YAWEI, opinimap det skai en kamdan.  
\q1 Tatjim ola bigwan hil en meigim smok kamat brom olabat.   
\q1
\v 6 Yu jandim laitining en meigim yu enami olabat ranawei ebriweya.  
\q1 Yu tjakam ola yu erro en meigim olabat ranawei.   
\q1
\v 7 Yu kamdan brom hebin en lidimap mi brom dijan dipwan woda en seibum mi.  
\q1 Seibum mi brom det pawa blanga detlot pipul brom naja kantri.   
\q1
\v 8 Olabat nomo tok trubalawei.  
\q1 Olabat reken dei tok trubalawei, bat najing.  
\q1 Olabat oldei dalimbat laiya.   
\b  
\q1
\v 9 YAWEI ai garra sing nyuwan song langa yu.  
\q1 Ai garra plei gita en sing song langa yu.   
\q1
\v 10 YAWEI yu meigim ola king win,  
\q1 en yu seibum yu wekinmen Deibid.   
\b  
\q1
\v 11 Seibum mi brom det pawa blanga detlot pipul brom naja kantri.  
\q1 Olabat nomo tok trubalawei.  
\q1 Olabat reken dei tok trubalawei, bat najing.  
\q1 Olabat oldei dalimbat laiya.   
\b  
\q1
\v 12 Larram ola yangwan san blanga melabat jidan wulijim tri weya growap strongbala.  
\q1 Larram ola doda blanga melabat jidan wulijim ola brabli purdiwan pos weya jandap langa ola kona blanga det king haus.   
\q1
\v 13 Larram melabat stowahaus jidan fulwan garram olkainaba daga.  
\q1 Larram ola ship langa melabat fam abum detmatj lilwanlilwan ship.   
\q1
\v 14 Larram ola buligi blanga melabat abum detmatj gabigabi gudwei en nomo lujimbat.  
\q1 Nomo larram enibodi jidan soribala en kraikrai langa ola roud blanga melabat.   
\b  
\q1
\v 15 Detlot pipul langa det kantri na garra jidan gudbinjiwei dumaji dijan na im trubala.  
\q1 Detlot pipul hu weship YAWEI det trubala God garra jidan brabli gudbinjiwei.   
\c 145  
\s1 Ebrijing weya God bin meigim garra preisim im  
\s2 Song blanga Deibid.  
\q1
\v 1 Ai garra dalimbat blanga det haibalawei blanga yu, main God, en main king,  
\q1 Ai garra gibitbat theingks langa yu olagijawan.   
\q1
\v 2 Ai garra gibitbat theingks langa yu ebridei.  
\q1 Ai garra preisim yu olagijawan.   
\q1
\v 3 YAWEI im haibalawan en pipul garra preisim im neim brabliwei.  
\q1 Nobodi nomo sabi brabli det haibalawei blanga im.   
\b  
\q1
\v 4 Ola pipul en olabat biginini hu garra jidan bambai garra preisim yu blanga wanim yubin dumbat.  
\q1 Olabat na garra toktokbat blanga ola brabli gudwan ting yubin oldei dumbat.   
\q1
\v 5 Olabat garra toktok blanga yu pawa en blanga yu haibalawei.  
\q1 Ai garra jinggabat ol detlot brabli gudbala ting yubin oldei dumbat.   
\q1
\v 6 Ola pipul garra toktok blanga ola ting weya yubin dumbat,  
\q1 en ai garra dalimbat ebribodi blanga yu haibala pawa.   
\q1
\v 7 Olabat garra dalimbat blanga detlot gudbala ting blanga yu,  
\q1 en olabat garra sing song blanga det kainbalawei blanga yu.   
\q1
\v 8 YAWEI laigim pipul en im garram soriwan filing blanga olabat.  
\q1 Im nomo gitwail kwikbala en olataim im garram det filing blanga laigim pipul olagijawan.   
\q1
\v 9 YAWEI im gudbala langa ebribodi.  
\q1 Im kainbala langa ebrijing weya imbin meigim.   
\b  
\q1
\v 10 Ebrijing yubin meigim garra preisim yu YAWEI,  
\q1 en ola pipul blanga yu garra gibit theingks langa yu.   
\q1
\v 11 Olabat garra tok blanga hau yu jidan haibalawan bos,  
\q1 en dalimbat blanga yu strongwan pawa,   
\q1
\v 12 wulijim ebribodi garra sabi blanga ola gudbala ting yubin dum,  
\q1 en blanga det haibala pleis weya yu jidan boswan.   
\q1
\v 13 Det haibala pleis garra jidan olagijawan, en yu garra jidan boswan olagijawan.  
\b  
\q1 YAWEI oldei kipum im wed trubalawei.  
\q1 Im dum ebrijing garram kainbalawan filing.   
\q1
\v 14 Im album detlot pipul hu abumbat trabul,  
\q1 en im lidimap detlot pipul hu buldan.   
\b  
\q1
\v 15 Ebrijing laibala luk langa yu blanga album olabat,  
\q1 en rait taim yu gibit olabat daga.   
\q1
\v 16 Yu gibit olabat naf ebrijing,  
\q1 en yu meigim olabat sedisfaid brabli.   
\b  
\q1
\v 17 YAWEI oldei dum ebrijing raitwei,  
\q1 en im dum ebrijing garram kainbalawan filing.   
\q1
\v 18 Im oldei jidan gulijap langa ol detlot pipul hu jingat langa im,  
\q1 en langa ol detlot pipul hu prei langa im garram trubalawan hat.   
\q1
\v 19 YAWEI oldei gibit ebrijing langa ol detlot pipul hu rispek im.  
\q1 Im irrim olabat wen dei jingat langa im en im seibum olabat.   
\q1
\v 20 Im lukaftum ol detlot pipul hu laigim im,  
\q1 bat im garra binijimap ol detlot brabli nogudbala pipul.   
\b  
\q1
\v 21 Ai garra preisim YAWEI olataim.  
\q1 Larram ebrijing imbin meigim garram im ronwan wed preisimbat im holiwan neim olagijawan.   
\c 146  
\s1 Preisim YAWEI det gudbala God  
\q1
\v 1 Wi garra preisim YAWEI det trubala God.  
\q1 Garram main laif holbit, ai wandi preisim YAWEI.   
\q1
\v 2 Ai garra preisimbat YAWEI raidap ai binij.  
\q1 Ai garra sing langa main God olawei wen mi jidan laibala.   
\b  
\q1
\v 3 Nomo trastim detlot pipul hu jidan boswan o najalot pipul,  
\q1 dumaji olabat jis pipul en dei kaan seibum yu.   
\q1
\v 4 Wen olabat binijap, dei berrim olabat.  
\q1 En afta, ebrijing olabat bin jinggabat blanga dum garra ol binij du.   
\b  
\q1
\v 5 YAWEI, det God blanga wi grenfatha Jeikob,  
\q1 im na album wi wen wi trastim en weship langa im.  
\q1 Dumaji im lagijat wi jidan hepiwan.   
\q1
\v 6 YAWEI na bin meigim det skai, graun, woda en ola ebrijing weya jidan langa olabat.  
\q1 Im oldei dum wanim imbin pramis.\x + \xo 146:6 \xt Eks 4:24; 14:15\x*   
\q1
\v 7 YAWEI oldei dum wanim rait blanga detlot pipul wen enibodi dum nogudbala ting langa olabat.  
\q1 Im gibit daga langa detlot pipul hu jidan hanggriwan.  
\q1 Im album detlot pipul hu garram enikain trabul,  
\q1 jis laik sambodi larramgo olabat fri brom jidanbat prisana.   
\q1
\v 8 Im meigim blainwan pipul luk.  
\q1 Im album detlot pipul hu garrimap hebiwan loud brom najalot pipul.  
\q1 Im laigim detlot pipul hu bulurrum det wei blanga im.   
\q1
\v 9 YAWEI lukaftumbat ola powan streinja pipul.  
\q1 Im lukaftumbat detlot biginini en widogel hu nomo garram enibodi blanga lukaftum olabat.  
\q1 Im meigim det laif go nogud blanga ola nogudbala pipul.   
\b  
\q1
\v 10 Trubala YAWEI garra jidan bos olagijawan.  
\q1 YAWEI det God blanga ola pipul langa Jerusalem garra jidan bos blanga wi olagijawan.  
\q1 Wi garra preisim YAWEI det trubala God.   
\c 147  
\s1 Dijan blanga preisim God det Haibalawan  
\q1
\v 1 Preisim YAWEI det trubala God!  
\b  
\q1 Im brabli gudwan blanga sing preis song langa wi God.  
\q1 Im brabli gudwan en det raitwei blanga preisim im.   
\q1
\v 2 YAWEI im bildimbek Jerusalem.  
\q1 Im bringimbekbat detlot pipul hubin jidan prisana langa streinja kantri.   
\q1
\v 3 Detlot pipul hu jidan brabli nogudbinji, im meigim olabat jidan gudbinji igin,  
\q1 en im taiyimap olabat sowa garram bendij.   
\b  
\q1
\v 4 Imbin jinggabat haumeni sta garra jidan,  
\q1 en imbin gulum olabat ronwan neim.   
\q1
\v 5 Blanga wi God im brabli haibalawan en strongbalawan.  
\q1 Im sabi blanga ebrijing.  
\q1 Wi kaan sabi brabli blanga im wei.   
\q1
\v 6 Im album ola lobala pipul,  
\q1 bat im tjakamdan ola nogudbala pipul langa graun.   
\b  
\q1
\v 7 Sing preis song langa YAWEI,  
\q1 en plei myusik garram gita langa wi God.   
\q1
\v 8 Im pudum ola klaud ebriweya langa skai.  
\q1 Im meigim rein buldan langa dijan kantri,  
\q1 en im meigim gras gro ebriweya langa ola hil.   
\q1
\v 9 Im gibit daga langa ola enimul,  
\q1 en wen ola bard jingat im gibit olabat daga.   
\b  
\q1
\v 10 Pipul trastimbat ola strongwan hosis,  
\q1 en ola solja hu nomo bradin blanga enijing langa fait,  
\q1 bat YAWEI nomo laigim detkain pipul.   
\q1
\v 11 Bat im jidan gudbinji langa detlot pipul hu gibit im rispek,  
\q1 en hu trastim langa im olagijawan filing blanga laigimbat olataim.   
\b  
\q1
\v 12 Pipul blanga Jerusalem, preisim YAWEI!  
\q1 Preisim yu God, Saiyan!   
\q1
\v 13 Im meigim strongbala ola geit blanga yu, Jerusalem,  
\q1 en im dum ola gudwan ting langa ol yu pipul olabat.   
\q1
\v 14 Im nomo larram enibodi kaman en fait langa yu,  
\q1 en im meigim ebribodi jidan sedisfaid garram ola brabli gudwan sid daga.   
\b  
\q1
\v 15 Im gibit oda langa dijan graun, en im duwit streidawei.   
\q1
\v 16 Im spredimat sno, seimwei laik yu spredimat bleingkit,  
\q1 en im meigim det waitwan ais jidan ebriweya langa graun.   
\q1
\v 17 Im jandimdan heilston wulijim ston.  
\q1 Nobodi kaan jidan womwan wen im jandim det kolwetha.   
\q1
\v 18 Brom deya im tok en ola ais meltap.  
\q1 Im jandim win en det woda im stat randan.   
\b  
\q1
\v 19 Imbin gibit im wed en ol im lowa langa im pipul olabat langa Isreil.   
\q1
\v 20 Im nomo bin dum lagijat blanga najalot pipul brom najalot kantri.  
\q1 Dei nomo sabi ol im lowa.  
\b  
\q1 Preisim YAWEI det trubala God!   
\c 148  
\s1 Ebrijing preisim YAWEI  
\q1
\v 1 Preisim YAWEI det trubala God!  
\b  
\q1 Preisim YAWEI ol yumob hu jidan langa hebin.   
\q1
\v 2 Preisim im, ol im einjul hu wek blanga im deya langa hebin.   
\b  
\q1
\v 3 Preisim im, san en mun.  
\q1 Preisim im, ola shainiwan sta.   
\q1
\v 4 Preisim im, haiwan skai, en ola woda ontop langa skai.   
\b  
\q1
\v 5 Larram olabat holot preisim det neim blanga YAWEI.  
\q1 Imbin tok, en imbin meigim olabat.   
\q1
\v 6 Garram im wed imbin meigim ebrijing jidan langa olabat raitwan pleis olagijawan,  
\q1 en tharran na kaan neba tjeinj.   
\b  
\q1
\v 7 Preisim YAWEI, ola solwoda langa dijan wel,  
\q1 en ola bigwan enimul en ebrijing weya jidan raitdan langa bodam langa solwoda.   
\q1
\v 8 Preisim YAWEI ola laitining en heilston en sno en ola klaud en ola strongwan win hu teiknodis langa im wed.   
\b  
\q1
\v 9 Preisim YAWEI ola hil en ola bigwan hil,  
\q1 en ola frut tri en ola tri langa bush.   
\q1
\v 10 Preisim YAWEI ola wailwan en kwaitwan enimul,  
\q1 en ola enimul weya kraulkraul, en ola bard weya flaiflai.   
\b  
\q1
\v 11 Preisim YAWEI ola king en ola pipul,  
\q1 en ola boswan langa ebri kantri.   
\q1
\v 12 Preisim YAWEI ola yanggel en ola yangboi,  
\q1 en ola ol pipul en ola biginini du.   
\b  
\q1
\v 13 Larram olabat holot preisim det neim blanga YAWEI!  
\q1 Im neim im mowa haibalawan langa ola najalot neim.  
\q1 Im jidan mowa haibalawan langa dijan wel en langa hebin.   
\q1
\v 14 Imbin meigim im pipul olabat jidan strongbala blanga preisim im.  
\q1 Olabat na detlot Isreil pipul hu im laigim brabliwei.  
\b  
\q1 Preisim YAWEI det trubala God!   
\c 149  
\s1 Dijan preis song  
\q1
\v 1 Preisim YAWEI det trubala God!  
\b  
\q1 Sing nyuwan song langa YAWEI garram ol im pipul hu jidan trubalawei.   
\q1
\v 2 Ola Isreil pipul jidan gudbinji blanga yumob God hubin meigim ebrijing.  
\q1 Sing song gudbinjiwei ola pipul brom Saiyan blanga yumob king.   
\q1
\v 3 Dens blanga preisim im neim.  
\q1 Plei ola dram en ola gita blanga preisim im.\fig |src="MB Ps149.3.tif" size="col" ref="149:3" \fig*   
\b  
\q1
\v 4 YAWEI im jidan gudbinji langa im pipul olabat.  
\q1 Garram rispek im meigim ola lobalawan pipul win na.   
\q1
\v 5 Larram ola pipul blanga God sing gudbinjiwei dumaji deibin win,  
\q1 en larram olabat sing song gudbinjiwei olnait.   
\q1
\v 6-7 Preisim God! Jingat adbala langa im en holdim ola bigwan shapwan naif langa bingga redibala blanga bidim en panishim detlot pipul langa najalot kantri,   
\q1
\v 8 en blanga taiyimap ola king en detlot lidamob garram tjein.   
\q1
\v 9 Olabat garra panishim detlot pipul langa najalot kantri jis laik weya God bin tok.  
\q1 Lagijat na ola pipul blanga God garra win.  
\b  
\q1 Preisim YAWEI det trubala God!   
\c 150  
\s1 Preisim YAWEI det trubala God  
\q1
\v 1 Preisim YAWEI det trubala God!  
\b  
\q1 Preisim God langa im Serramoni Pleis!  
\q1 Preisim im blanga im pawa langa hebin!   
\q1
\v 2 Preisim im blanga ola haibalawan ting weya imbin dum.  
\q1 Preisim im dumaji im jidan haibala bos.   
\q1
\v 3 Preisim im garram ola longwan wisul.  
\q1 Preisim im garram olkain gita.   
\q1
\v 4 Preisim im garram ola dram en dens blanga im.  
\q1 Preisim im garram ola klepstik en ola bambu.   
\q1
\v 5 Preisim im garram ola simbul.  
\q1 Hitimbat adbala ola simbul blanga preisim im.   
\q1
\v 6 Ebrijing weya jidan laibala, preisim im.  
\b  
\q1 Preisim YAWEI det trubala God!  
\p Binij na.