\id MRK KRIOL Nth Aust MARK 
\h Mak 
\toc3 Mak 
\toc2 Mak 
\toc1 Mak Bin Dalim Ola Stori Blanga Jisas 
\mt1 Mak  
\mt2 Mak Bin Dalim Ola Stori Blanga Jisas  
\ip Wal dijan stori im det gudnyus blanga Jisas Krais. Wan men brom Jerusalem neim Jon Mak bin raidimdan dijan gudnyus. Nomeda im nomo bin wekinmen blanga im, bat stil imbin luk Jisas, en afta imbin album det dubala mishanri neim Pida en Pol, en imbin irrim ola stori brom dubala na, en afta imbin raidimdan dijan gudnyus.  
\c 1  
\s1 Jon bin beptaisimbat pipul  
\r Methyu 3:1-12; Luk 3:1-18; Jon 1:19-28  
\p
\v 1 Dijan stori na det gudnyus blanga Jisas Krais det San blanga God. \fig |src="MarkBannerKRB.tif" size="col" ref="1:1" \fig*   
\p
\v 2 Longtaim det speshalwan mesinja blanga God neim Aisaiya bin raidimdan langa oltestaman wanim God bin tok, “God garra jandim det mesinja blanga im lida langa det san blanga im, en det mesinja garra meigim ebrijing redi blanga det San blanga go deya.\x + \xo 1:2 \xt Mel 3:1\x*  
\v 3 Det mesinja garra jinginatbat langa deset kantri, dalimbat ola pipul blanga meigim det roud redi blanga det Boswan en blanga streitinimat det wei blanga im wulijim im gin go langa olabat.” Lagijat na Aisaiya bin tok longtaim.\x + \xo 1:3 \xt Aisai 40:3\x*   
\p
\v 4-6 Wal bambai na det mesinja bin kaman. Imbin neim Jon, en imbin go en jidan langa bush kantri, en imbin werrimon detlot klos weya deibin oldei meigim garram kemul heya, en imbin werrimbat lethawan belt, en imbin oldei dagadagat grashopa en shugabeig.  
\p Wal bigmob pipul brom Judiya en brom Jerusalem bin ol go langa Jon, en Jon bin toktok langa olabat. Imbin dalimbat olabat lagijat, “Yumob garra libum ol yumob nogudbalawei, en yumob garra beptais wulijim God garra larramgo yumob fri brom detlot nogudbala ting weya yumob bin oldei dumbat.” Lagijat na Jon bin oldei tok.  
\p Wal detlot pipul bin onap, en deibin dalimbat Jon blanga olabat nogudbalawei, en imbin beptaisimbat olabat langa det Jodan Riba,\x + \xo 1:4-6 \xt 2 King 1:8\x*  
\v 7 en imbin dalim olabat, “Det men weya garra kaman biyain langa mi, im mowa haibala langa mi. Mi lobala langa im, en mi nomo gudinaf blanga dum enijing blanga im.  
\v 8 Ai beptaisim yumob garram woda. Bat im garra beptaisim yumob garram det Holi Spirit.” Lagijat na Jon bin tok.   
\s1 Jon bin beptaisim Jisas  
\r Methyu 3:13—4:11; Luk 3:21,22; 4:1-13  
\p
\v 9 Wal det taim na Jisas bin kaman brom Nesareth deya langa det kantri gulum Gelali, en imbin kaman langa Jon, en Jon bin beptaisim im langa det Jodan Riba,\fig |src="CN01656b.TIF" size="col" ref="1:9" \fig*  
\v 10 en wen Jisas bin gidap brom det woda, imbin luk det skai bin opin, en imbin luk det Holi Spirit bin kamdan langa im jis laik det bard gulum dab,  
\v 11 en God bin tok brom top, “Yu na main ronwan san. Mi laigim yu, en mi brabli gudbinji langa yu.”\x + \xo 1:11 \xt Jen 22:2; Saam 2:7; Aisai 42:1; Meth 3:17; 12:18; Mak 9:7; Luk 3:22\x*   
\p
\v 12 Wal streidawei det Holi Spirit bin meigim Jisas gowei langa bush kantri,  
\v 13 en imbin jidanbat deya 40 dei, en Seitin bin oldei temtimbat im. En olkain wailwan enimul bin deya du. Bat sambala einjul bin kaman en lukaftumbat im.   
\s1 Jisas bin pikimat fobala fishamen  
\r Methyu 4:12-22; Luk 4:14,15; 5:1-11  
\p
\v 14 Bambai na deibin pudum Jon Beptis langa jeil, en afta Jisas bin go langa Gelali, en deya na imbin dalimbat ola pipul det gudnyus blanga God,  
\v 15 “Det speshalwan bosmen weya God garra jandim, imbin kaman na. Wal yu garra libum det nogudbalawei en bilib langa det gudnyus.”\x + \xo 1:15 \xt Meth 3:2\x*   
\p
\v 16 Brom deya Jisas bin wokwok wansaid langa Leik Gelali. Deya na imbin luk det dubala braja gija neim Saiman en Endru. Dubala bin gajimbat fish garram fishnet, dumaji dubala bin fishamen.   
\p
\v 17 Wal Jisas bin tok langa dubala, “Yunbala kaman garram mi. Ai garra lenim yunbala blanga gajimbat pipul blanga God.”   
\p
\v 18 Wal streidawei det dubala braja gija bin libum dubala fishnet en ebrijing, en dubala bin bulurrum Jisas.   
\p
\v 19 Wal Jisas bin kipgon, en imbin faindim naja dubala braja gija, det dubala san blanga Sebadi neim Jeims en Jon. Dubala bin deya insaid langa det bout meigimbat ola fishnet redibala blanga fishing.   
\p
\v 20 Wal wen Jisas bin jingat langa dubala, streidawei dubala bin libum dubala dedi deya langa det bout garram ola wekinmen, en dubala bin bulurrum Jisas.   
\s1 Jisas bin andimwei nogudbala spirit  
\r Luk 4:31-37  
\p
\v 21 Brom deya Jisas en im wekinmen olabat bin go langa det taun gulum Kapeniyam, en wen imbin Sebathdei, Jisas bin go langa det miting pleis blanga ola Juwish pipul, en imbin toktok langa olabat,  
\v 22 en ol detlot pipul deya bin ol hatjamp wen deibin irrim im toktok, dumaji im nomo bin titjimbat olabat seimwei laik detlot lowamen bin oldei titjimbat. Imbin titjimbat olabat garram pawa.\x + \xo 1:22 \xt Meth 7:28,29\x*   
\p
\v 23 Wal wan men bin kaman deya insaid langa det Juwish Miting Pleis, en imbin abum nogudwan spirit insaid langa im, en imbin jingat adbala langa Jisas,  
\v 24 “Jisas brom Nesareth, wotfo yubin kaman iya langa melabat? Yubin kaman blanga binijimap melabat? Ai sabi hu yu. Yu na det Holiwan hubin kaman brom God.”   
\p
\v 25 Wal Jisas bin tok langa det nogudbala spirit na, “Yu jidan kwait en kamat brom det men.”   
\p
\v 26 Wal wen Jisas bin tok lagijat, det nogudbala spirit bin meigim det men deigim fit, en det nogudbala spirit bin jingat adbala, en imbin kamat brom det men.   
\p
\v 27 Wal ol detlot pipul deya bin gida shok, en deibin askim miselp, “Wanim dijan? Im difrinkain ting dijan. Det men im tok garram pawa. Im tok langa nogudbala spirit, en dei duwit langa im.”   
\p
\v 28 Wal streidawei det nyus blanga Jisas bin spredat ebriweya langa Gelali.   
\s1 Jisas bin album bigmob sikbala  
\r Methyu 8:14-17; Luk 4:38-41  
\p
\v 29 Wal Jisas bin gowei brom det Juwish Miting Pleis garram det fobala wekinmen blanga im neim Saiman, Endru, Jeims en Jon. Deibin go langa det kemp blanga Saiman en Endru,  
\v 30 en deya na deibin faindim det olgamen blanga Saiman waif mami bin leidanbat langa im sweig sikwan. Det bodi blanga im bin barnbarn nomo lilbit.  
\p Wal wen Jisas bin kamat deya langa det haus, deibin dalim im blanga det olgamen,  
\v 31 en imbin go langa det olgamen, en imbin holdim im bingga, en imbin lidimap im, en det siknis bin gowei brom im, en afta det olgamen bin gidap, en imbin gibit olabat daga.   
\p
\v 32 Afta na wen det san bin godan, deibin bringimap ola sikbala pipul langa Jisas, en deibin bringimap ol detlot pipul hubin abum nogudwan dibuldibul insaid langa olabat du.  
\v 33 Ebribodi brom det taun bin ol majurrumap miselp atsaid langa det haus,  
\v 34 en Jisas bin meigim ol detlot sikbala pipul gudbala. Imbin deigidawei olkain siknis brom olabat, en imbin andimwei ol detlot nogudbala dibuldibul brom insaid langa olabat du, en Jisas nomo bin larram detlot dibuldibul blanga tok enijing, dumaji deibin sabi hu im.   
\s1 Jisas bin go ebriweya langa Gelali  
\r Luk 4:42-44  
\p
\v 35 Ailibala neksdei na Jisas bin gidap, en imbin gowei brom det haus, en imbin gowei atsaid brom det taun, en imbin jidan miselp blanga prei.   
\p
\v 36 Wal Saiman en im fren olabat bin go lukabat Jisas,  
\v 37 en wen deibin faindim im, deibin tok, “Ebribodi lukabat yu.”   
\p
\v 38 Wal Jisas bin dalim olabat, “Wi garra go langa ol detlot najalot pleis dumaji ai garra dalim ola pipul det gudnyus. Blanga tharran na aibin kaman.”   
\p
\v 39 Brom deya Jisas en im wekinmen olabat bin go ebriweya langa Gelali, en imbin toktok langa ola Juwish Miting Pleis, en langa ola taun imbin andimweibat dibuldibul brom insaid langa pipul.\x + \xo 1:39 \xt Meth 4:23; 9:35\x*   
\s1 Wanbala leprasimen  
\r Methyu 8:1-4; Luk 5:12-16  
\p
\v 40 Wal wanbala sikbala men deya langa wan taun bin abum det brabli nogudwan sowa gulum leprasi ebriweya langa im bodi, en imbin kaman langa Jisas, en imbin baudan lida langa im, en imbin tok, “Jisas, if yu wandim, yu gin meigim mi gudbala brom ol dislot sowa.”   
\p
\v 41 Wal Jisas bin brabli sori blanga det men, en imbin pudum im bingga langa im, en imbin tok, “Yuwai. Mi wandim. Wal yu gudbala na.”  
\v 42 En streidawei ol detlot sowa bin gowei brom det men, en imbin gudbala na.   
\p
\v 43-44 Wal Jisas bin tok adbala langa det men na, “Yu nomo dalim enibodi aibin meigim yu gudbala. Yu garra go streit langa det serramonimen en shoum miselp langa im. Im garra tjekoba langa yu basdam, en afta yu garra abum det sekrifais serramoni blanga shoum ola pipul yu gudbala na. Det lowa na God bin gibit langa Mosis, en yu garra duwit.” Lagijat na Jisas bin tok langa det men, en imbin jandimwei im na.\x + \xo 1:43-44 \xt Labid 14:1-32\x*   
\p
\v 45 Bat det men nomo bin duwit langa Jisas. Imbin go en spredimatbat det nyus blanga Jisas ebriweya, en wen det men bin toktok lagijat, ola pipul bin sabi Jisas na, en dei nomo bin gibit im rum blanga gowin langa eni taun. Imbin lafta stap atsaid langa bush kantri. Bat stil pipul bin kaman langa im brom ebriweya.   
\c 2  
\s1 Leimbala bin gidap  
\r Methyu 9:1-8; Luk 5:17-26  
\p
\v 1 Fyudeis afta Jisas bin gobek langa det taun gulum Kapeniyam, en wen imbin kamat langa det kemp blanga im, det nyus blanga im bin spredat ebriweya langa det taun,  
\v 2 en bigmob pipul bin go langa det kemp blanga im. Detmatj pipul bin hipap deya, en deibin jadimap det kemp, en nomo eni rum bin deya langa det dowa blanga gowin insaid.  
\p Wal Jisas bin insaid langa det haus dalimbat detlot pipul det gudnyus,  
\v 3 en fobala men bin kaman deya langa det kemp. Deibin garrimap wanbala leimbala men garram im sweig.  
\v 4 Bat dei nomo bin go gulijap langa Jisas, dumaji detlot pipul bin jadimap det haus, en detlot fobala men bin lafta galimap ontop langa det haus, en deibin deigimat det ruf rait ontop langa Jisas weya imbin jandap, en wen deibin binij deigimatbat det ruf, deibin pudumdan det leimbala men garram det sweig.   
\p
\v 5 Wal wen Jisas bin luk olabat, imbin sabi deibin bilib langa im brabli, en imbin tok langa det leimbala men, “Main fren, ai larramgo yu fri brom det nogudbalawei blanga yu.” \fig |src="GTMark0204ThroughRoof.tif" size="col" ref="2:5" \fig*   
\p
\v 6 Wal wen sambala lowamen deya bin irrim Jisas tok lagijat, deibin gitwail, en deibin jinggabat en tok miselp,  
\v 7 “Wotfo dijan men im tok lagijat? Im laiya langa God, en im trai en meigim miselp God. Nobodi kaan larramgo enibodi fri brom olabat nogudbalawei. Oni God na gin larramgo enibodi fri.”   
\p
\v 8 Wal streidawei Jisas bin sabi wanim detlot lowamen bin jinggabat, en imbin dalim olabat, “Wotfo yumob jinggabat lagijat?  
\v 9 Yumob reken ai kaan dalim det leimbala men, ‘Ai larramgo yu fri brom det nogudbalawei blanga yu.’ Wal wanim yumob reken? Ai gin dalim im, ‘Yu gidap en gajim yu sweig en wok?’  
\v 10 Ai dalim yumob. Mi na det Speshalwan Men, en ai garra shoum yumob mi bos blanga diskain ting, en ai garra shoum yumob ai gin larramgo enibodi fri brom olabat nogudbalawei.” Lagijat na Jisas bin tok langa detlot lowamen.  
\p Afta na Jisas bin tok langa det leimbala men,  
\v 11 “Ai dalim yu. Yu gidap en gajim yu sweig en gobek langa yu kemp.”   
\p
\v 12 Wal streidawei det leimbala men bin gidap, en imbin gajim im sweig, en imbin gowei na. En wen detlot pipul bin luk det leimbala men bin gidap, deibin ol hatjamp, en deibin jingat langa God gudbalawei dumaji deibin gudbinji, en deibin tok, “Wi nomo bin luk diskain ting bifo!”   
\s1 Libai bin bulurrum Jisas  
\r Methyu 9:9-13; Luk 5:27-32  
\p
\v 13 Brom deya Jisas bin gobek langa Leik Gelali, en bigmob pipul bin kaman langa im, en imbin stat dalimbat olabat det gudnyus,  
\v 14 en wen imbin wokwok, imbin luk wan men neim Libai det san blanga Elfiyas bin jidanbat langa det haus weya imbin oldei gajimbat det teks mani blanga gabman.  
\p Wal Jisas bin go langa Libai, en imbin tok, “Yu bulurrum mi.” En Libai bin gidap, en imbin bulurrum Jisas. \fig |src="GT_Mark02 TaxCollector.tif" size="col" ref="2:14" \fig*   
\p
\v 15 Bambai na Jisas bin go garram im wekinmen olabat blanga dagat daga langa det kemp blanga Libai, en bigmob nogudbala pipul en detlot pipul hubin oldei wek garram Libai bin ol dagat daga deya du, dumaji olabat bin ol bulurrumbat Jisas.   
\p
\v 16 Wal sambala serramonimen gulum Ferasi bin luk Jisas bin dagadagat daga garram detlot nogudbala pipul, en deibin askim detlot wekinmen blanga im, “Wotfo im dagadagat daga garram detlot nogudbala pipul?”   
\p
\v 17 Wal Jisas bin irrim olabat tok lagijat, en imbin dalim olabat, “Yumob jinggabat na. Det dokta nomo luk ola gudbala pipul. Im luk oni sikbala pipul. En mi lagijat du. Ai nomo bin kaman blanga gudbala pipul. Aibin kaman blanga nogudbala pipul. Blanga diskain nogudbala pipul na aibin kaman blanga dalim olabat blanga bulurrum det gudbalawei.”   
\s1 Daga en wain  
\r Methyu 9:14-17; Luk 5:33-39  
\p
\v 18 Wantaim detlot wekinmen blanga Jon Beptis en detlot serramonimen gulum Ferasi bin abum det serramoni weya dei nomo bin dagat daga, en sambala pipul bin kaman langa Jisas, en deibin askim im, “Detlot wekinmen blanga Jon Beptis en blanga detlot Ferasi abum det serramoni weya dei nomo dagat daga. Wal wotfo detlot wekinmen blanga yu nomo abum det serramoni?”   
\p
\v 19 Wal Jisas bin tok, “Wanim yumob reken? Wen dei abum det padi blanga det men weya garra merrit, dei kaan jidan hanggribala wen im deya langa olabat. Dei garra dagat.  
\v 20 En im lagijat langa mi du. Wen det taim garra kaman weya dei garra deigidawei mi, det taim na main wekinmen garra jidan en nomo dagat daga.   
\p
\v 21 “Yumob jinggabat na. Yu kaan mindimap olwan klos garram nyuwan reig, dumaji wen yu washim det nyuwan reig, im garra godan lilwan, en im garra breigim det olwan klos mowa.  
\v 22 En yu kaan pudum nyuwan wain jus insaid langa olwan skinbeig, dumaji wen det wain jus babulap, im garra breigim det olwan skinbeig, en det wain en det skinbeig garra go nogud na. Yu garra pudum det nyuwan wain jus insaid langa nyuwan skinbeig. Yumob sabi? Yu kaan miksimap det olbalawei garram det nyubalawei.” Lagijat na Jisas bin tok.   
\s1 Sebathdei  
\r Methyu 12:1-8; Luk 6:1-5  
\p
\v 23 Bambai na wan Sebathdei Jisas en im wekinmen olabat bin wok thru langa wan fam weya deibin growimap detlot sidgras blanga meigim flauwa, en detlot wekinmen bin gajimbat sambala sid daga, en deibin dagat.\x + \xo 2:23 \xt Dyud 23:25\x*   
\p
\v 24 Wal sambala serramonimen gulum Ferasi bin luk detlot wekinmen blanga Jisas, en deibin go en tok langa Jisas, “Yu luk detlot wekinmen blanga yu. Dei breigim det lowa, dumaji dei gajimbat det sid daga wen im Sebathdei.”   
\p
\v 25-26 Wal Jisas bin tok, “Maitbi yumob nomo bin ridim det longtaimwan stori blanga King Deibid en im wekinmen olabat wen det boswan haibala serramonimen neim Abaiyatha bin jidan laibala. Deibin hanggri, en dei nomo bin abum eni daga blanga dagat, en Deibid bin go langa det haus blanga God, en imbin gajim det serramoni daga weya oni detlot serramonimen bin lau dagat, en imbin dagat det daga, en imbin gibit det daga langa im wekinmen olabat blanga dagat du. Bat God nomo bin panishim olabat wen deibin dagat det daga lagijat.\x + \xo 2:25-26 \xt 1 Sem 21:1-6; Labid 24:9\x*   
\p
\v 27 “Wal yumob irrim mi na. God bin meigim det Sebathdei blanga album men. Im nomo bin meigim det Sebathdei blanga meigim men nogudbinji.  
\v 28 Yumob sabi? Mi na det Speshalwan Men weya God bin jandim, en mi bos blanga det Sebathdei.” Lagijat na Jisas bin tok.   
\c 3  
\s1 Men garram kripulwan bingga  
\r Methyu 12:9-14; Luk 6:6-11  
\p
\v 1 Bambai na wan Sebathdei Jisas bin gowin langa det Miting Pleis blanga ola Juwish pipul deya langa det taun gulum Kapeniyam, en wan men bin deya garram kripulwan bingga.   
\p
\v 2 Wal sambala pipul langa det Miting Pleis bin wandi faindim folt langa Jisas, en deibin lukinat langa im brabliwei if im garra meigim det men garram kripulwan bingga gudbala langa Sebathdei.   
\p
\v 3 Wal Jisas bin jingat langa det men garram kripulwan bingga, “Yu kaman en jandap iya lida langa ebribodi.”   
\p
\v 4 Afta na Jisas bin askim detlot pipul, “Wanim det lowa blanga wi dalim wi blanga dum langa Sebathdei? Im dalim wi blanga album sambodi o blanga ardim im? Im dalim wi blanga seibum sambodi laif o blanga deigidawei im laif?” Bat detlot pipul nomo bin tok enijing langa im. Deibin lafta ol jidan kwaitbala.   
\p
\v 5 Wal Jisas bin lukaran langa detlot pipul, en nomeda imbin gitwail langa olabat, bat imbin stil fil sori blanga olabat, dumaji dei nomo bin wandi lisin langa enijing.  
\p Wal Jisas bin tok langa det men garram det kripulwan bingga na, “Yu pudumat yu bingga.” En det men bin pudumat im bingga, en streidawei im bingga bin gudwan.   
\p
\v 6 Wal detlot serramonimen gulum Ferasi bin gowei brom det Miting Pleis, en streidawei deibin go langa sambala wekinmen blanga det gabman bos neim Herod, en deibin ol dalim miselp, “Hau wi garra kilim Jisas ded?”   
\s1 Bigmob pipul langa Leik Gelali  
\p
\v 7 Brom deya Jisas en im wekinmen olabat bin gowei brom det taun, en deibin go langa Leik Gelali, en bigmob pipul bin kamat langa im deya. Detlot pipul bin kaman brom ebriweya. Deibin kaman brom Gelali en brom Judiya  
\v 8 en brom Jerusalem en brom det kantri gulum Idumiya en brom det kantri sanraisaid langa det Jodan Riba en brom det kantri blanga det dubala taun gulum Taya en Saidan. Ol detlot pipul bin kaman langa Jisas, dumaji deibin irrim imbin dumbat ol detlot gudbala ting.   
\p
\v 9 Wal detmatj pipul bin deya langa Jisas, en imbin lafta dalim im wekinmen olabat blanga meigim bout redi blanga im blanga gowin if detlot pipul kaan gibit im rum.\fig |src="CN01705B.TIF" size="col" ref="3:9" \fig*  
\v 10 Ola sikbala pipul bin trai en lukabat wei blanga tatjimbat im, en imbin meigim olabat gudbala,\x + \xo 3:10 \xt Mak 4:1; Luk 5:1-3\x*  
\v 11 en ol detlot pipul hubin abum nogudbala spirit insaid langa olabat, wen deibin luk Jisas, detlot spirit bin meigim olabat buldan langa im fut, en deibin jingat, “Yu na det San blanga God!”  
\v 12 Bat Jisas bin dalim detlot nogudbala spirit nomo blanga dalim enibodi hu im.   
\s1 Twelbala speshalwan mishanri blanga Jisas  
\r Methyu 10:1-4; Luk 6:12-16  
\p
\v 13 Brom deya Jisas bin gowap langa wan hil, en imbin jingat langa detlot men weya imbin wandim blanga go garram im, en deibin kaman langa im,  
\v 14 en imbin pikimat twelbala wekinmen, en imbin meigim olabat speshalwan mishanri blanga im blanga dalimbat pipul det gudnyus,  
\v 15 en imbin gibit olabat pawa blanga andimwei nogudbala spirit brom enibodi.   
\p
\v 16-18 Jisas bin pikimat dislot men na. Saiman, Jeims en im braja Jon, Endru, Filip, Bathalamyu, Methyu, Tamas, Jeims det san blanga Elfiyas, Thediyas, Saiman Peitriyat en Judas Askeriyat. Jisas bin pikimat dubala Saiman, en imbin gulum det feswan Pida, en det sekanwan deibin gulum im Peitriyat. Det dubala san blanga Sebadi neim Jeims en Jon, Jisas bin gulum dubala Thanda.  
\v 19 En det Judas Askeriyat im na det men hu garra gibitawei Jisas bambai langa detlot pipul hu garra kilim im.   
\s1 Jisas en det boswan dibuldibul  
\r Methyu 12:22-32; Luk 11:14-23; 12:10  
\p
\v 20 Brom deya Jisas bin gobek langa det kemp langa Kapeniyam, en detmatj pipul bin stil wandim im, en deibin majurrumap miselp langa det kemp, en Jisas en im wekinmen olabat nomo bin abum taim blanga dagat daga.   
\p
\v 21 Wal wen detlot femili blanga Jisas bin irrim det nyus blanga im, deibin go blanga gajim im en deigimbek im langa olabat ron kemp, dumaji sambala pipul bin tok, “Det men im granggibala.”   
\p
\v 22 Wal sambala lowamen hubin kaman brom Jerusalem bin deya, en deibin tok, “Det men im garram det boswan dibuldibul neim Belsibul insaid langa im, en det dibuldibul na gibit im det pawa blanga andimwei detlot najalot nogudbala dibuldibul brom enibodi.”\x + \xo 3:22 \xt Meth 9:34; 10:25\x*   
\p
\v 23 Wal Jisas bin jingat langa detlot lowamen blanga kaman langa im, en imbin dalim olabat stori blanga meigim olabat jinggabat. “Wanim yumob reken? Det boswan dibuldibul gin andimwei dibuldibul?  
\v 24 Najing. Im kaan lagijat. Yumob sabi? If ola pipul langa wanbala traib kadimat miselp en faitfait gija, wal detlot pipul blanga det wanbala traib garra binijimap olabat ronwan traib gin.  
\v 25 En if ola femili langa wanbala kemp kadimat miselp en faitfait gija, wal det femili garra binijimap miselp gin.  
\v 26 En im lagijat gin blanga Seitin. If Seitin en im dibuldibul olabat kadimat miselp en faitfait gija, wal dei garra binijimap miselp gin, en afta Seitin kaan jidan boswan na.   
\p
\v 27 “Wal yumob irrim mi na. Nobodi kaan gowin eniwei langa strongbala men haus en pulumat im enijing. Yu garra taiyimap det strongbala men basdam, en afta yu gin pulumat im enijing. En im lagijat du wen mi andimwei dibuldibul.  
\v 28 Trubala ai dalim yumob. God gin larramgo enibodi fri brom ol detlot nogudbala ting weya imbin dumbat en brom ol detlot nogudbala wed weya imbin tok.  
\v 29 Bat if enibodi nomo laigim det Holi Spirit, en im tok nogudbalawei blanga det Holi Spirit, wal God kaan larramgo im fri brom det ting. God kaan bringimbek im, dumaji im garra deigim det panishmen.”\x + \xo 3:29 \xt Luk 12:10\x*   
\p
\v 30 Lagijat na Jisas bin tok langa detlot lowamen, dumaji imbin abum det Holi Spirit insaid langa im. Bat sambala pipul bin tok imbin abum nogudbala spirit insaid langa im.   
\s1 Jisas en im femili  
\r Methyu 12:46-50; Luk 8:19-21  
\p
\v 31 Wal det femili blanga Jisas bin kamat langa det haus weya Jisas bin jidan, en deibin jandap atsaid, en deibin jandim wed blanga im blanga dalim im blanga kamat atsaid langa olabat.   
\p
\v 32 Wal bigmob pipul bin deya insaid garram Jisas, en deibin dalim im, “Yu mami en yu braja en yu sista olabat deya atsaid lukabat yu.”   
\p
\v 33 Wal Jisas bin tok, “Hu main mami en hu main baba?”  
\v 34 En imbin luk langa detlot pipul deya, en imbin tok, “Ai dalim yumob hu main mami en main braja en main sista olabat.  
\v 35 If enibodi dum wanim God wandim im blanga dum, wal im na main femili.”   
\c 4  
\s1 Stori blanga sid  
\r Methyu 13:1-9; Luk 8:4-8  
\p
\v 1 Bambai na Jisas bin gobek langa Leik Gelali blanga titjimbat ola pipul. Detmatj pipul bin kaman blanga lisin langa im, en imbin lafta gowin langa bout. Imbin jidan langa det bout langa woda, en ola pipul bin jandap ebriweya langa bitjsaid lukinat langa im,\x + \xo 4:1 \xt Luk 5:1-3\x*  
\v 2 en imbin dalim olabat stori blanga meigim olabat jinggabat.  
\v 3 “Yumob irrim mi na. Wantaim wan men bin go plentimbat sid,  
\v 4 en imbin tjakambat detlot sid ebriweya. Sambala sid bin buldan langa roud, en ola bard bin kaman en dagat detlot sid.  
\v 5 Sambala sid bin buldan langa stoniwan pleis, en detlot sid bin gro kwikbala, dumaji det graun bin jidan lilbit langa top.  
\v 6 Bat wen det san bin gidap, imbin barnimap detlot plent, en deibin ol draiyap, dumaji detlot rut nomo bin godan insaid langa graun.  
\v 7 Sambala sid bin buldan langa ola jigiwan gras, en wen deibin gro, detlot jigiwan gras bin jugum detlot plent, en detlot plent nomo bin abum eni daga.  
\v 8 Bat sambala sid bin buldan langa gudwan graun, en deibin gro gudwei, en deibin abum loda daga. Sambala bin abum lilbit daga en sambala bin abum bigmob daga en sambala bin abum detmatj.  
\v 9 Wal yumob irrim na. Wen yumob irrim dijan stori, yumob garra jinggabat.” Lagijat na Jisas bin tok.   
\s1 Wanim im toktok langa det stori  
\r Methyu 13:10-17; Luk 8:9,10  
\p
\v 10 Afta na wen Jisas bin jidan miselp, sambala pipul bin kaman langa im garram im wekinmen olabat, en deibin askim im blanga dalim olabat wanim imbin toktok langa det stori.   
\p
\v 11 Wal Jisas bin dalim olabat, “God garra meigim yumob sabi det Nyubalawei blanga kaman langa im. Bat detlot najalot pipul kaan sabi.  
\v 12 Ai garra tok langa detlot pipul garram detkain stori, dumaji dei garra irrim det trubala wed blanga God. Bat dei kaan sabi det wed. En dei garra lukabat det wei langa God. Bat dei kaan faindim det wei. If dei faindim det trubala wed blanga God, en dei sabi det wed, wal dei garra libum det nogudbalawei en bulurrum Godwei, en God garra larram olabat go fri.”\x + \xo 4:12 \xt Aisai 6:9,10\x*   
\s1 Wanim det stori blanga sid im min  
\r Methyu 13:18-23; Luk 8:11-15  
\p
\v 13 Afta na Jisas bin askim detlot pipul hubin kaman langa im, “Yumob nomo sabi det stori blanga detlot sid? If yumob nomo sabi det stori, wal hau yumob garra sabi ola najalot stori?  
\v 14 Wal ai shoum yumob na. Det men weya imbin plentimbat detlot sid, imbin jis laik imbin spredimat det wed blanga God.  
\v 15 En sambala pipul dei jis laik detlot sid weya bin buldan langa roud. Dei irrim det wed. Bat streidawei Seitin im kaman en deigidawei det wed brom olabat.  
\v 16 Sambala pipul dei jis laik detlot sid weya bin buldan langa stoniwan pleis. Dei irrim det wed, en dei lisin langa det wed gudbinjiwei.  
\v 17 Bat det wed im nomo gowin insaid langa olabat, en dei nomo lisin langa det wed fo longtaim. Wen enikain trabul kaman langa olabat dumaji deibin bilib langa det wed, dei gibit bekboun langa det wed na.  
\v 18 Sambala pipul dei jis laik detlot sid weya bin buldan langa detlot jigiwan gras. Dei irrim det wed, en dei bilib langa det wed.  
\v 19 Bat dei wori blanga enijing, en dei jinggabat blanga mani, en dei wandim olkain ting. Dei nomo gibit det wed rum, en det wed kaan wek langa olabat laif.  
\v 20 Sambala pipul dei jis laik detlot sid weya bin buldan langa det gudwan graun. Dei irrim det wed, en dei bilib langa det wed, en det wed im wek langa olabat laif. Blendibala daga bin kamat brom detlot sid weya bin buldan langa det gudwan graun. En lagijat gin wen det wed im wek langa enibodi laif, im meigim im jidan strongbala mowa en mowa ebridei.”   
\s1 Lemp andanith langa dram  
\r Luk 8:16-18  
\p
\v 21 Wal Jisas bin kipgon dalimbat olabat stori, “Wen enibodi laidim lemp, im kaan go en pudum det lemp andanith langa dram o andanith langa im bangk. Im garra heingimap det lemp blanga meigim lait.\x + \xo 4:21 \xt Meth 5:15; Luk 11:33\x*  
\v 22 En im lagijat du langa det wed blanga God. Wen God blandim det wed blanga im, wal im garra shoum det wed afta. En wen im gaburrumap det wed blanga im, wal im garra meigim det wed kamat langa opin afta.\x + \xo 4:22 \xt Meth 10:26; Luk 12:2\x*  
\v 23 Wal yumob irrim na. Wen yumob irrim dijan stori, yumob garra jinggabat.”   
\p
\v 24 Wal Jisas bin kipgon tok langa olabat, “Yumob jinggabat brabliwei ol dislot ting weya mi dalimbat yumob. God garra tridim yumob seimwei jis laik yumob tridim det wed blanga im. Bat mowa strongbalawei im garra lagijat langa yumob.\x + \xo 4:24 \xt Meth 7:2; Luk 6:38\x*  
\v 25 If yumob garram det wed langa yumob laif, wal God garra meigim yumob sabi mowa. Bat if yumob irrim det wed, en yumob nomo duwit, wal God garra deigidawei det wed brom yumob.”\x + \xo 4:25 \xt Meth 13:12; 25:29; Luk 19:26\x*   
\p
\v 26 Wal Jisas bin kipgon tok langa olabat,  
\v 27 “Wen det fama plentimbat ola sid, afta na ebrinait im oldei silip, en deitaim im oldei go en wek langa im fam, en wen im wek lagijat, detlot sid kamat na, en dei gro. Bat det fama nomo sabi hau dei gro.  
\v 28 Det graun na meigim ola sid gro en abum daga. Basdam det plent im kamat lilwan, en wen im gro bigwan, im abum daga na,  
\v 29 en wen det daga im kukwan, im taim blanga gajimbat ola daga, en det fama im go en gajim im naif, en im go kadimbat ola daga. En im lagijat gin langa yumob. If yumob bulurrum det wed blanga God, wal im garra wek langa yumob laif en tjeinjimbat yumob.”\x + \xo 4:29 \xt Jowal 3:13\x*   
\s1 Stori blanga lilwan sid  
\r Methyu 13:31,32,34; Luk 13:18,19  
\p
\v 30 Wal Jisas bin dalim olabat najawan stori na, “Ai garra dalim yumob hau det wed blanga God garra wek.  
\v 31 Im jis laik wen yumob abum det brabli lilwan sid brom det tri gulum mastadtri. Yumob go en plentimbat det lilwan sid,  
\v 32 en afta im gro brabli bigwan tri. Wal lagijat na oni lilbit pipul bin bulurrum det wed blanga God basdam. Bat mowa en mowa garra bulurrum det wed.” \fig |src="GT_Mark0432 Mustard Bush.tif" size="col" ref="4:32" \fig*   
\p
\v 33 Wal Jisas bin tok pitja stori na langa ola pipul. Imbin dalimbat olabat det wed blanga album olabat sabi.  
\v 34 Im nomo bin oldei tok langa olabat eniwei. Imbin oldei yusum detkain stori na. Bat wen imbin jidan miselp garram im wekinmen olabat, imbin oldei dalimbat olabat wanim detlot stori bin tok.   
\s1 Jisas bin stapam win en weib  
\r Methyu 8:23-27; Luk 8:22-25  
\p
\v 35 Aftanuntaim na bifo san bin godan Jisas bin tok langa im wekinmen olabat, “Wi garra krosim najasaid langa dijan woda na.”   
\p
\v 36 Wal deibin libum detlot pipul deya gin, en detlot wekinmen bin gowin langa det bout weya Jisas bin jidan, en deibin stat blanga krosim det woda, en sambala pipul bin bulurrum olabat garram olabat bout.  
\p Wal Jisas bin go en leidan langa bek langa det bout, en imbin pudum im hed ontop langa pila, en imbin silip.   
\p
\v 37 Bambai na bigbala stom bin gidap garram strongbala win, en ola weib bin gidap, en det woda bin gowin insaid langa det bout blanga meigim det bout draun.   
\p
\v 38 Wal detlot wekinmen bin go en weikimap Jisas, en deibin tok, “Titja, wi garra draun! Wotfo yu nomo jinggabat melabat?”   
\p
\v 39 Wal Jisas bin gidap, en imbin dalim det win blanga stap, en imbin dalim det woda blanga jidan kwaitbala, en det win bin stap, en detlot weib bin ol jidan kwaitbala.  
\v 40 En Jisas bin tok langa im wekinmen olabat na, “Wotfo yumob bradin? Maitbi yumob nomo bilib langa mi?” \fig |src="GTMark0439CalmingSttorm.tif" size="col" ref="4:40" \fig*   
\p
\v 41 Wal detlot wekinmen bin bradin brabliwei, en deibin tok miselp, “Wotkain men dijan? Im tok langa win en langa weib, en dubala duwit langa im!”   
\c 5  
\s1 Nogudbala spirit en bigibigi  
\r Methyu 8:28-34; Luk 8:26-39  
\p
\v 1 Bambai na Jisas en im wekinmen olabat bin kamat najasaid langa det bigwan woda gulum Leik Gelali deya langa det kantri gulum Gerasa,  
\v 2 en wen Jisas bin godan brom det bout, wanbala men bin kamat langa im. Det men bin abum nogudbala spirit insaid langa im,  
\v 3 en imbin oldei jidanbat langa detlot keib weya deibin oldei pudumbat ola dedbala pipul. Ola pipul langa det taun bin trai en taiyimap det men garram tjein. Bat nomo enijing kaan holdimap im.\fig |src="LB00303B.TIF" size="col" ref="5:3" \fig*  
\v 4 Nomeda deibin oldei taiyimap im langa bingga en langa fut, bat stil imbin oldei pulumat det tjein brom im bingga en breigim det tjein langa im fut. Nobodi bin strongbala blanga stapam im.  
\v 5 Oldei en olnait imbin oldei wokabat ebriweya langa detlot greib en ebriweya langa det hil kantri, en imbin oldei jinginatbat, en imbin oldei kilimbat miselp garram ston.   
\p
\v 6 Wal wen det men bin luk Jisas brom longwei, imbin ran langa im, en imbin nildan lida langa im,  
\v 7-8 en Jisas bin dalim det nogudbala spirit blanga kamat brom im, en det men bin jingat adbala, “Wanim yu wandim brom mi, Jisas? Ai sabi yu det san blanga det brabli haibala God. Yu meigim pramis langa mi lida langa God nomo blanga ardim mi.” Lagijat na det men bin jingat.   
\p
\v 9 Wal Jisas bin askim det men, “Wanim yu neim?”  
\p En det men bin tok, “Main neim Bigmob, dumaji detmatj nogudbala spirit jidan insaid langa mi.”  
\v 10 En imbin kipgon askimbat Jisas nomo blanga andimwei detlot nogudbala spirit brom det pleis.   
\p
\v 11 Wal bigmob bigibigi bin fidabat deya wansaid langa det hil,  
\v 12 en detlot nogudbala spirit bin askimbat Jisas blanga jandim olabat langa detlot bigibigi.   
\p
\v 13 Wal Jisas bin andimwei ol detlot nogudbala spirit brom det men, en imbin jandim olabat langa detlot bigibigi. Det namba blanga detlot bigibigi bin 2,000, en detlot nogudbala spirit bin gowin insaid langa detlot bigibigi, en deibin meigim detlot bigibigi randan langa det klif, en deibin buldan langa det bigwan woda, en deibin ol draun.   
\p
\v 14 Wal ol detlot pipul hubin lukaftumbat detlot bigibigi bin ranawei, en deibin dalimbat det nyus langa det taun en ebriweya langa det kantri, en ebribodi bin go blanga luk wanim bin hepin,  
\v 15 en wen deibin kamat langa Jisas, deibin luk det men weya bin oldei abum detlot nogudbala spirit insaid langa im. Deibin luk imbin jidanbat deya gudbalawei, en imbin werrimon klos, en imbin jinggabat raitwei. En wen deibin luk im, deibin bradin,  
\v 16 en detlot pipul hubin luk det ting bin hepin bin dalimbat olabat hau detlot nogudbala spirit bin gowei brom det men en gowin langa detlot bigibigi.   
\p
\v 17 Wal ol detlot pipul bin tok langa Jisas na, en deibin dalim im blanga gowei brom det kantri blanga olabat,  
\v 18 en wen Jisas bin gowin langa det bout blanga gowei, det men hubin abum detlot nogudbala spirit bin askim Jisas blanga go garram im.  
\v 19 Bat Jisas nomo bin larram im go garram im. Imbin dalim im, “Yu gobek langa yu femili olabat, en yu dalim olabat wanim God bin dum blanga yu. Yu dalim olabat hau imbin sori langa yu.”   
\p
\v 20 Wal det men bin gowei na, en imbin dalimbat det nyus blanga Jisas langa det tenbala taun langa det kantri gulum Dikapalas, en wen ol detlot pipul bin irrim det nyus, deibin ol hatjamp.   
\s1 Lilgel en olgamen  
\r Methyu 9:18-26; Luk 8:40-56  
\p
\v 21 Brom deya Jisas bin krosim Leik Gelali garram det bout, en wen imbin kamat najasaid, bigmob pipul bin majurrumap miselp langa im wansaid langa det woda.   
\p
\v 22 Bambai na wan lida blanga det Miting Pleis blanga ola Juwish pipul langa det taun bin kaman deya. Imbin neim Jairas. En wen imbin luk Jisas, imbin baudan langa im fut,  
\v 23 en imbin tok langa im brabliwei, “Main lilgel im brabli sik, en im garra dai. Wal yu kaman en pudum yu bingga langa im en meigim im gudbala wulijim im kaan dai.”   
\p
\v 24 Wal Jisas bin go garram Jairas, en bigmob pipul bin bulurrum Jisas, en deibin bambumbat im, dumaji detmatj pipul bin deya.   
\p
\v 25 Wal wan olgamen bin deya du. Det olgamen bin abum siknis twelbala yiya, en imbin lujim loda blad.  
\v 26 Imbin go langa detmatj dokta, en imbin weistimbat im mani blanga trai en meigim miselp gudwan. Bat stil det siknis bin go mowes.   
\p
\v 27 Wal det olgamen bin irrim det nyus blanga Jisas,  
\v 28 en imbin kaman biyain langa im, dumaji imbin jinggabat, “If ai tatjim im klos, im gin meigim mi gudbala.”  
\v 29 En imbin tatjim det klos blanga Jisas, en streidawei det blad bin stap, en imbin filim miselp imbin gudwan insaid.   
\p
\v 30 Wal streidawei Jisas bin sabi pawa bin kamat brom im, en imbin tenim miselp, en imbin lukaran langa detlot pipul, en imbin askim olabat, “Hubin tatjim mi?”   
\p
\v 31 Wal detlot wekinmen blanga im bin tok, “Yu gin luk bigmob pipul iya. Wotfo yu askimbat hubin tatjim yu?”  
\v 32 Bat Jisas bin kipgon lukaran blanga det sambodi hubin tatjim im.   
\p
\v 33 Wal det olgamen bin sabi wanim bin hepin langa im, en imbin kaman langa Jisas. Det olgamen bin brabli bradin, en imbin baudan langa Jisas fut, en imbin dalim im ebrijing,  
\v 34 en afta Jisas bin tok, “Olgamen, yu gudbala na, dumaji yubin bilib brabliwei langa mi. Wal yu gobek gudbalawei na, dumaji yu fri brom det trabul weya yubin abum.”   
\p
\v 35 Wal wen Jisas bin stil toktok langa det olgamen, sambala pipul bin kaman brom det haus blanga Jairas, en deibin dalim Jairas det lilgel blanga im bin dai, en deibin tok, “Yu libum det titja na. Yu nomo askimbat im blanga kaman langa yu kemp.”   
\p
\v 36 Wal Jisas bin irrim olabat tok lagijat. Bat im nomo bin teiknodis langa olabat, en imbin dalim Jairas, “Yu nomo nogudbinji. Yu jis bilib langa mi.”   
\p
\v 37 Wal Jisas nomo bin larram enibodi bulurrum im na. Oni det thribala wekinmen blanga im neim Pida en det dubala braja neim Jeims en Jon, detlot na bin go garram im.  
\v 38 En wen deibin kamat langa det kemp blanga Jairas, Jisas bin luk detlot pipul deya bin nogudbinji en kraikrai detmatj.   
\p
\v 39 Wal Jisas bin gowin insaid, en imbin tok, “Wotfo yumob nogudbinji en kraikraibat? Det lilgel nomo bin dai. Im oni silip tharran.”  
\v 40 Bat deibin ol laf langa im, dumaji det lilgel bin dedwan.  
\p Afta na Jisas bin dalim detlot pipul blanga gowei atsaid, en imbin gedim ola wekinmen blanga im en det lilgel dedi en mami, en deibin gowin insaid weya det lilgel bin leidanbat,  
\v 41 en imbin gajim det lilgel bingga, en imbin tok, “Lilgel, yu gidap!”   
\p
\v 42 Wal streidawei det lilgel bin gidap en wokaran. Det lilgel bin 12 yiya ol. En wen detlot pipul hubin deya insaid langa det rum bin luk wanim bin hepin, deibin ol hatjamp brabliwei,  
\v 43 en Jisas bin tok langa olabat brabli strongbalawei, en imbin dalim olabat nomo blanga dalim enibodi wanim bin hepin insaid langa det haus. En afta imbin dalim olabat blanga gibit det lilgel daga.   
\c 6  
\s1 Jisas langa im ron taun  
\r Methyu 13:53-58; Luk 4:16-30  
\p
\v 1 Afta na Jisas bin gowei brom det pleis garram im wekinmen olabat, en deibin gobek langa im ron kantri langa Nesareth weya imbin growap,  
\v 2 en wen det Sebathdei bin kaman, Jisas bin go langa det Miting Pleis blanga ola Juwish pipul deya langa det taun.  
\p Wal bigmob pipul bin deya langa det Miting Pleis, en Jisas bin stat toktok langa olabat, en wen deibin irrim im tok, deibin ol hatjamp, en deibin askimbat miselp, “Brom weya imbin gajim ol dislot stori? Hubin meigim im kleba lagijat? Weya imbin gajim det pawa blanga toktok lagijat?  
\v 3 Wi sabi im det kapinta, det san blanga Meri. Wi sabi im braja blanga Jeims en Josef en Judas en Saiman. En im sista olabat iya garram wi.” Lagijat na deibin tok, en dei nomo bin teiknodis langa im na.   
\p
\v 4 Wal Jisas bin dalim olabat, “Pipul ebriweya oldei shoum rispek langa ola speshalwan mesinja blanga God. Bat detlot pipul langa olabat ron taun kaan rispek olabat. Olabat ron femili en rileishan kaan teiknodis langa olabat en rispek olabat.” Lagijat na Jisas bin tok.\x + \xo 6:4 \xt Jon 4:44\x*  
\v 5 Wen imbin deya langa detlot pipul langa im ron taun imbin brabli nogudbinji, dumaji dei nomo bin bilib langa im. En im nomo bin dum eni klebabala ting deya. Imbin oni pudum im bingga langa sambala sik pipul en meigim olabat gudbala.   
\s1 Jisas bin dalim im wekinmen blanga dum wek  
\r Methyu 10:5-15; Luk 9:1-6  
\p
\v 6 Afta na Jisas bin gowei brom Nesareth, en imbin go langa ola najalot lilwan taun langa det kantri, en imbin titjimbat ola pipul.   
\p
\v 7 Bambai na Jisas bin tok langa detlot twelbala wekinmen blanga im. Imbin tok, “Yumob garra go ebriweya dubala gija blanga titjimbat ola najalot pipul, en ai gibit yumob pawa blanga andimwei nogudbala spirit. \fig |src="GTMark0607TwoByTwo.tif" size="col" ref="6:7" \fig*   
\p
\v 8 “Wal wen yumob go, yumob kaan deigim enijing garram yumob. Yumob kaan garrimap daga o beig o mani. Oni det wokinstik na yumob gin garrimap.  
\v 9 En yumob gin werrimon but. Bat yumob kaan garrimap eni speyawan klos.  
\v 10 En wen yumob kamat langa eni taun, en olabat welkam yumob, wal yumob garra jidan langa det wan haus raidap yumob gowei brom det taun.  
\v 11 En wen yumob kamat langa eni taun, en dei nomo welkam yumob en dei nomo lisin langa yumob, wal yumob garra gowei brom det taun. Bat bifo yumob gowei, yumob garra sheikim det das brom yumob fut blanga gibit woning langa olabat, dumaji God garra panishim olabat.” Lagijat na Jisas bin tok.\x + \xo 6:11 \xt Luk 10:4-11; Eks 13:51\x*   
\p
\v 12 Wal detlot wekinmen bin go ebriweya, en deibin dalimbat ola pipul blanga tenim miselp brom ola nogudbalawei blanga olabat,  
\v 13 en deibin andimwei dibuldibul brom insaid langa loda pipul, en deibin rabum loda sik pipul garram det oil medisin, en deibin meigim detlot sik pipul gudbala.\x + \xo 6:13 \xt Jeims 5:14\x*   
\s1 Herod bin kilim Jon Beptis  
\r Methyu 14:1-12; Luk 9:7-9  
\p
\v 14 Wal det nyus blanga Jisas bin spredat ebriweya, en King Herod bin irrim det nyus.  
\p Wal sambala pipul bin tok, “Jisas garram pawa blanga dumbat olkain klebabala ting, dumaji im na det Jon Beptis. King Herod bin kilim im ded. Bat imbin gidap laibala.”  
\v 15 Bat najalot pipul bin tok, “Nomo. Im det speshalwan mesinja blanga God hubin jidan longtaim neim Ilaija.” En najalot pipul bin tok, “Nomo. Im speshalwan mesinja jis laik ol detlot najalot mesinja hubin wokaran iya bifo.”\x + \xo 6:15 \xt Meth 16:14; Mak 8:28; Luk 9:19\x*   
\p
\v 16 Wal wen King Herod bin irrim detlot wed, imbin tok, “Im na Jon Beptis. Aibin kadimof im hed. Bat imbin gidap laibala brom dedbala.”   
\p
\v 17 Wal Herod bin jinggabat na wanim imbin dum langa Jon Beptis bifo. Imbin dalim im wekinmen olabat blanga go en grebum im en taiyimap im garram tjein en pudum im langa jeil.  
\v 18 Herod bin dum lagijat langa Jon Beptis, dumaji imbin merrit langa im ron braja Filip waif neim Herodiyas, en Jon Beptis bin dalimbat im, “Yu kaan pulumat det gel brom yu braja en merrit langa im. Im nomo rait.”\x + \xo 6:18 \xt Luk 3:19,20\x*   
\p
\v 19 Wal det gel bin heidim Jon brabliwei, en imbin wandi kilim im. Bat Herod nomo bin larram im kilim im, dumaji imbin bradin langa Jon.  
\v 20 Imbin sabi Jon bin gudbala men en imbin speshalwan wekinmen blanga God, en im nomo bin larram enibodi ardim Jon. Imbin oldei laigim irrim Jon toktok. Bat wen imbin oldei irrim det wed, det wed bin oldei meigim im nogudbinji langa im main.   
\p
\v 21-22 Afta na det gel neim Herodiyas bin abum tjens. Wen King Herod bin abum padi blanga im bethdei, bigmob pipul bin deya, en det doda blanga Herodiyas bin densdens blanga olabat.  
\p Wal King Herod en ola gabman bos en ola ami bos en ola boswan lida brom Gelali, deibin ol gudbinji wen deibin luk det gel dens, en afta King Herod bin tok langa det gel, “Yu gin askim mi enijing yu wandim, en ai garra gibit yu.  
\v 23 Ai pramisim yu enijing yu askim mi. Enijing yu wandim, ai garra gibit langa yu.”   
\p
\v 24 Wal det gel bin go, en imbin askim im mami, “Wanim ai garra askim im, Mami?”  
\p En im mami bin tok, “Yu askim im blanga det hed blanga Jon Beptis.”   
\p
\v 25 Wal streidawei det gel bin go langa King Herod, en imbin askim im lagijat na, “Ai wandim det hed blanga Jon Beptis langa pleit.”   
\p
\v 26 Wal det king bin brabli nogudbinji na. Bat imbin lafta duwit, dumaji imbin meigim det pramis langa det gel wen ol detlot boswan bin deya.   
\p
\v 27 Wal King Herod bin jandim wan solja langa det jeil, en det solja bin kadimof Jon Beptis hed,  
\v 28 en imbin pudum im hed langa pleit, en imbin bringimbek det pleit garram det hed, en imbin gibit langa det gel, en det gel bin gibit langa im mami.   
\p
\v 29 Wal wen detlot wekinmen blanga Jon Beptis bin irrim det bednyus blanga Jon, deibin go en gajim im bodi, en deibin berrim im.   
\s1 Jisas bin fidim 5,000 men  
\r Methyu 14:13-21; Luk 9:10-17; Jon 6:1-14  
\p
\v 30 Bambai na ol detlot speshalwan mishanri blanga Jisas bin kambek langa im, en deibin dalim im blanga ol detlot ting weya olabat bin dumbat en blanga ebrijing weya olabat bin titjimbat langa detlot pipul ebriweya weya deibin go.   
\p
\v 31 Wal bigismob pipul bin kaman deya langa olabat, en olabat nomo bin abum taim blanga dagat daga, en Jisas bin dalim im wekinmen olabat, “Kaman na. Wi lafta gowei samweya langa kwaitwan pleis blanga abum spel.”   
\p
\v 32 Wal deibin gowei garram olabat bout langa kwaitwan pleis.  
\v 33 Bat loda pipul bin luk olabat deya langa det bout, en deibin sabi olabat, en loda pipul brom ol detlot taun bin go futwok lida langa olabat, en detlot pipul bin kamat langa det pleis bifo olabat bin kamat.   
\p
\v 34 Bambai na wen Jisas bin kamat brom det bout, imbin luk detlot bigismob pipul, en imbin fil sori blanga olabat, dumaji wen imbin luk olabat, deibin jis laik ship nomo garram enibodi blanga maindimbat olabat. En Jisas bin stat titjimbat olabat olkain ting.\x + \xo 6:34 \xt Nam 27:17; 1 King 22:17; 2 Kran 18:16; Isik 34:5; Meth 9:36\x*   
\p
\v 35 Wal wen imbin gulijap sangodan, ola wekinmen blanga Jisas bin kaman langa im, en deibin tok, “Dijan im leitbala na, en wi longwei brom taun.  
\v 36 Wal yu jandimwei dislot pipul wulijim dei gin go langa detlot gulijapwan fam en taun blanga baiyim olabat daga.”   
\p
\v 37 Bat Jisas bin tok, “Yumob na garra gibit olabat daga.”  
\p Wal wen Jisas bin tok lagijat, detlot wekinmen bin hatjamp, en deibin tok, “Wanim yubin tok? Yu wandim melabat blanga weistimbat wan yiya weijis blanga baiyim naf daga blanga dismob pipul iya?”   
\p
\v 38 Wal Jisas bin dalim olabat, “Yumob go en luk haumatj daga yumob garram.”  
\p Wal deibin go en luk, en deibin dalim im, “Wi garram faibala damba en dubala fish.”   
\p
\v 39 Wal Jisas bin dalim im wekinmen olabat blanga kadimat detlot pipul en meigim olabat jidan langa lilwanlilwan grup ebriweya langa det grinwan gras,  
\v 40 en detlot pipul bin jidan maitbi 100 o maitbi 50 langa ebri lilwan grup.  
\v 41 En wen deibin jidan lagijat, Jisas bin gajim detlot daga en det dubala fish, en imbin lukap langa top, en imbin gibit theingks langa God, en afta imbin breigim detlot daga, en imbin gibit langa im wekinmen blanga gibitat langa detlot pipul. En seimwei igin imbin dum langa det dubala fish.   
\p
\v 42 Wal ebribodi bin dagat na, en deibin ol sedisfaid,  
\v 43 en afta detlot wekinmen bin bilimap twelbala baskit garram ola leftobawan daga en fish.  
\v 44 En det namba blanga detlot men hubin dagat deya bin 5,000.   
\s1 Jisas bin wok ontop langa woda  
\r Methyu 14:22-33; Jon 6:15-21  
\p
\v 45 Wal wen ol detlot pipul bin binij dagadagat det daga, streidawei Jisas bin meigim im wekinmen olabat gowin langa det bout, en imbin dalim olabat blanga go lida langa det pleis gulum Bethsaida najasaid langa det bigwan woda.  
\p Afta na Jisas bin jandimwei detlot pipul,  
\v 46 en wen imbin tok gudbai langa olabat, imbin gowap langa det hil miselp blanga prei.   
\p
\v 47 Wal wen imbin naitaim, det bout garram ola wekinmen bin langa milwoda, en Jisas bin miselp langa det hil.   
\p
\v 48 Bambai na Jisas bin luk detlot wekinmen blanga im bin adwek pedulumbat det bout, dumaji det win bin blowim langa olabatwei.  
\p Wal wen imbin longwei deilait bifo det san bin gidap, Jisas bin wok ontop langa det woda. Imbin wandi gopas langa im wekinmen olabat.  
\v 49-50 Bat deibin faindim im wokwok ontop langa det woda, en deibin jingat adbala, en deibin bradin brabliwei, dumaji deibin reken im dibuldibul.  
\p Wal Jisas bin jingat langa olabat, “Mi dijan. Yumob nomo bradin.”  
\v 51 En imbin galimap langa det bout garram olabat, en det win bin stap na,  
\v 52 en detlot wekinmen bin hatjamp brabliwei, dumaji wen deibin gowei garram det bout, dei nomo bin sabi wotkain men Jisas wen imbin fidim det bigmob pipul garram det faibala daga. Deibin jadimap olabat hat en main.   
\s1 Sikbala pipul langa Genesaret  
\r Methyu 14:34-36  
\p
\v 53 Wal Jisas en im wekinmen olabat bin krosim det bigwan woda garram det bout, en deibin kamat langa det pleis gulum Genesaret,  
\v 54 en deibin taiyimap det bout, en wen deibin libum det bout, ola pipul bin luk Jisas, en streidawei deibin sabi im.   
\p
\v 55 Wal sambala pipul bin go thru langa det kantri, en deibin dalimbat ebribodi blanga Jisas, en wen detlot pipul bin gedim det nyus blanga wujei Jisas bin jidan, deibin garrimap ola sikbala pipul langa olabat sweig blanga go langa im.   
\p
\v 56 Ebriweya weya Jisas bin go langa taun en langa fam, pipul bin oldei bringimap ola sikbala pipul langa im, en deibin askimbat im blanga larram detlot sikbala tatjim im klos, en imbin meigim detlot pipul hubin tatjim im klos, gudbala.   
\c 7  
\s1 God lowa en olabat grengrenfatha lowa  
\r Methyu 15:1-9  
\p
\v 1-4 Ol detlot Juwish pipul bin abum lowa blanga washimbat olabat bingga bifo dei dagat daga, dumaji longtaim detlot serramonimen bin meigimbat olkain lowa blanga washimbat enijing. Wen dei baiyim eni daga brom shop, dei garra washim det daga bifo olabat dagat, en dei garra washimbat olabat kap en jag en sospen en olabat sweig du. Deibin meigimbat ol detlot lowa, dumaji deibin reken detkain ting garra meigim God gudbinji langa olabat.\fig |src="LB00280B.TIF" size="col" ref="7:1-4" \fig*  
\p Wal sambala serramonimen gulum Ferasi en sambala lowamen bin kaman brom Jerusalem, en deibin midap garram Jisas, en deibin luk sambala wekinmen blanga im bin dagadagat daga garram dardiwan bingga. Dei bina washim olabat bingga basdam. Bat najing.   
\p
\v 5 Wal detlot serramonimen en lowamen bin askim Jisas, “Wotfo yu wekinmen olabat nomo bulurrum det lowa weya bin kamat longtaim brom wi grengrenfatha olabat? Wotfo olabat dagadagat daga garram dardiwan bingga?”   
\p
\v 6 Wal Jisas bin tok, “Longtaim det speshalwan mesinja blanga God neim Aisaiya bin tok trubala wed blanga yumob tufeis pipul. Imbin tok, ‘Dislot pipul tok gudbalawei blanga God garram olabat mawus. Bat insaid langa olabat hat dei nomo jinggabat God.  
\v 7 Nomeda dei weship langa God, bat stil dei nomo teiknodis langa im. Olabat reken dei bulurrum God lowa. Bat najing. Olabat bulurrum olabat ron lowa.’ Lagijat na det speshalwan mesinja bin tok.\x + \xo 7:7 \xt Aisai 29:13\x*   
\p
\v 8 “Wal ol yumob serramonimen, yumob lagijat na. Yumob tjakidawei det lowa blanga God, en yumob bulurrum yumob ron lowa.  
\v 9 Yumob bin faindim klebabalawei blanga libum det lowa blanga God wulijim yumob gin bulurrum yumob ron lowa.  
\v 10 Det lowa weya God bin gibit langa Mosis im tok, ‘Yu garra rispek en teiknodis langa yu mami en dedi dubala.’ En im tok, ‘If enibodi mokimbat im mami en dedi, dei garra kilim im ded.’\x + \xo 7:10 \xt Eksa 20:12; 21:17; Labid 20:9; Dyud 5:16\x*  
\v 11 Bat yumob titjimbat ola pipul nomo blanga bulurrum det wed blanga God. Yumob dalim olabat wen dei abum enijing, dei gin tok langa olabat mami en dedi, ‘Dijan im seikridwan. Im blanga God. Ai kaan gibit yunbala.’  
\v 12 En wen yumob lenim enibodi lagijat, yumob reken im rait weya im nomo album im mami en dedi.  
\v 13 En wen yumob titjim ola pipul blanga dum enijing lagijat, yumob titjim olabat nomo blanga bulurrum det wed blanga God. Olkain nogudbala ting lagijat na yumob oldei dumbat.” Lagijat na Jisas bin tok langa detlot serramonimen.   
\p
\v 14 Afta na Jisas bin jingat langa ola pipul, en imbin dalim olabat, “Yumob irrim mi en jinggabat na.  
\v 15-16 Wen yumob dagat enijing, im nomo meigim yumob nogudwan wen im gowin insaid langa yumob. Oni detlot ting weya kamat brom insaid langa yumob hat, detlot ting na meigim yumob nogudwan.”   
\p
\v 17 Afta wen imbin tok lagijat, Jisas bin libum detlot pipul, en imbin gowin langa haus, en detlot wekinmen blanga im bin askim im blanga dalim olabat wanim imbin toktok,  
\v 18 en Jisas bin dalim olabat, “Wotfo yumob askimbat mi? Yumob bina sabi na. Wen yumob dagat enijing, det daga kaan meigim yu nogudwan wen im gowin insaid langa yumob, dumaji im nomo gowin langa yumob hat.  
\v 19 Im gowin langa yumob binji, en afta im kamat brom yumob bodi.”  
\p Wal wen Jisas bin tok lagijat, imbin dalim im wekinmen olabat dei gin dagat enikain daga.   
\p
\v 20-21 Afta na Jisas bin kipgon tok, “Detlot ting weya kamat brom insaid langa yumob hat, detlot ting na meigim yumob nogudwan, dumaji brom insaid langa yumob hat yumob oldei jinggabat nogudbalawei blanga dum olkain nogudbala ting.  
\v 22 Yumob jinggabat blanga stilimbat en kilimbat en silipsilip garram najamen waif en meigim miselp gridi en dalimbat laiya. Insaid langa yumob hat na yumob oldei jinggabat blanga dumbat olkain nogudbala ting, en yumob jidan nomo garram sheim, en yumob jelasjelas, en yumob tokinabat enibodi, en yumob jidan blasbala. Yumob nomo jinggabat gudbalawei, najing.  
\v 23 Yumob sabi na? Ola nogudbala ting kamat brom insaid langa yumob hat, en detlot ting na meigim yumob nogudwan.” Lagijat na Jisas bin tok.   
\s1 Olgamen brom longwei kantri  
\r Methyu 15:21-28  
\p
\v 24 Afta na Jisas bin gowei brom deya, en imbin go gulijap langa det taun gulum Taya deya langa det kantri gulum Siriyafanisha, en imbin gowin langa wan haus deya, dumaji im nomo bin wandim enibodi blanga sabi imbin deya. Bat nomeda imbin trai en blandim miselp, bat stil pipul bin faindim im.   
\p
\v 25-26 Wal wan olgamen deya bin abum doda hubin abum nogudbala spirit insaid langa im, en wen det olgamen bin irrim det nyus blanga Jisas, nomeda im nomo bin kantrimen blanga im, bat stil imbin go streidawei langa Jisas, en imbin baudan langa im futwei, en imbin askim Jisas blanga andimwei det dibuldibul brom insaid langa im doda.   
\p
\v 27 Wal Jisas bin tok, “Yu irrim mi na, olgamen, dumaji yunmi nomo kantrimen gija. Ai garra gibit daga langa main biginini basdam. Ai kaan pulumat daga brom main biginini en gibit langa dog.” Lagijat na Jisas bin tok, dumaji imbin wandi lukaftumbat im ron kantrimen basdam.   
\p
\v 28 Wal det olgamen bin tok, “Trubala tharran yu tok. En ai sabi yu kantrimen gulum melabat dog. Bat ola dog oldei dagat detlot daga weya detlot biginini meigim buldan langa graun. En nomeda mi nomo kantrimen blanga yu, bat stil ai wandim yu garra album mi.” \fig |src="GTMark0728DogsUnderTable.tif" size="col" ref="7:28" \fig*   
\p
\v 29 Wal Jisas bin tok, “Dumaji yubin ensim mi klebawei yu gin gobek langa yu kemp na. Yu doda im rait. Det dibuldibul bin gowei brom im.”   
\p
\v 30 Wal det olgamen bin gobek langa im kemp, en imbin faindim im doda leidanbat langa im sweig gudbala, en im nomo bin abum det dibuldibul na.   
\s1 Defwan men  
\p
\v 31 Afta na Jisas bin gowei brom det pleis weya imbin jidan, en imbin go thru det taun gulum Saidan, en imbin kipgon langa Leik Gelali, en imbin goran sanraiswei langa det kantri gulum Dikapalas,  
\v 32 en deya na sambala pipul bin bringimap wanbala men langa Jisas. Det men bin def, en im nomo bin oldei tok gudwei, en detlot pipul bin askim Jisas blanga pudum im bingga langa det defwan men.   
\p
\v 33 Wal Jisas bin gajim det men, en dubala bin gowei longwei brom detlot pipul, en Jisas bin pudum im bingga langa det men irriwol, en imbin spit, en imbin tatjim im tang,  
\v 34 en imbin lukap langa top, en imbin fil sori blanga det men, en imbin tok langa det men na. Garram im ron langgus imbin tok, “Opinap na.”  
\v 35 En streidawei wen imbin tok lagijat, det men irriwol bin opin, en det tang blanga im bin go luswan, en imbin tok gudwei na.   
\p
\v 36 Wal Jisas bin dalim detlot pipul nomo blanga dalim enibodi blanga tharran. Bat wen imbin tok lagijat langa olabat, deibin jis kipgon dalimbat enibodi blanga im,  
\v 37 en ebribodi hubin irrim det nyus bin ol hatjamp brabliwei, en deibin tok, “Im meigim defwan irrim, en im meigim damwan tok gudwei. Im dum ebrijing brabli gudbalawei.”   
\c 8  
\s1 Jisas bin fidim 4,000 pipul  
\r Methyu 15:32-39  
\p
\v 1 Bifo Jisas bin gowei brom det pleis, bigmob pipul bin kaman langa im deya langa det bush kantri, en afta thrideistaim dei nomo bin abum eni daga blanga dagat.  
\p Wal Jisas bin jingat langa im wekinmen olabat,  
\v 2 en imbin tok, “Mi fil sori blanga dislot pipul, dumaji deibin jidan iya garram mi 3 dei, en dei nomo garram eni daga blanga dagat na.  
\v 3 En if ai jandimwei olabat langa olabat kemp nomo garram daga, dei mait git wik en buldan langa roud, dumaji sambala pipul garra gobek longwei.”   
\p
\v 4 Wal im wekinmen olabat bin tok, “Weya wi garra faindim naf daga langa dijan bush kantri blanga fidimbat ol dislot pipul?”   
\p
\v 5 Wal Jisas bin tok, “Haumatj daga yumob garram deya?”  
\p En deibin tok, “Wi garram oni sebenbala damba.”   
\p
\v 6 Wal Jisas bin dalim detlot pipul blanga jidan langa graun, en imbin gajim detlot sebenbala damba, en imbin gibit theingks langa God, en afta imbin breigim det daga, en imbin gibit langa im wekinmen olabat blanga gibitat langa detlot pipul, en deibin gibitat na.   
\p
\v 7 Wal deibin abum sambala lilwan fish deya du, en Jisas bin gibit theingks langa God blanga detlot fish, en afta imbin dalim im wekinmen olabat blanga gibitat detlot fish langa detlot pipul, en deibin gibitat na.   
\p
\v 8 Wal detlot pipul bin dagadagat raidap deibin sedisfaid, en afta detlot wekinmen blanga Jisas bin bilimap sebenbala bigwan baskit garram det leftobawan daga.  
\v 9 En det namba blanga detlot pipul bin 4,000.  
\p Afta na Jisas bin jandimwei detlot pipul,  
\v 10 en imbin gowin langa bout garram im wekinmen olabat, en deibin go langa det najawan kantri gulum Dalmanutha.   
\s1 Nogudbalawei blanga serramonimen  
\r Methyu 16:1-4  
\p
\v 11 Bambai na sambala serramonimen gulum Ferasi bin kaman langa Jisas, en deibin stat askimbat im loda kwestjan, en deibin askim im blanga dum klebabala ting blanga shoum olabat imbin gedim im pawa brom God, dumaji deibin wandi testim im.\x + \xo 8:11 \xt Meth 12:38; Luk 11:16\x*   
\p
\v 12 Wal Jisas bin brabli apset langa olabat, en imbin tok, “Wotfo yumob oldei lagijat? Wotfo yumob askim mi blanga dum speshalwan klebabala ting? Yumob irrim mi na. Trubala ai dalim yumob. Yumob kaan gedim pruf brom eniweya.”\x + \xo 8:12 \xt Meth 12:39; Luk 11:29\x*   
\p
\v 13 Afta wen Jisas bin tok lagijat langa detlot serramonimen, imbin libum olabat, en imbin gowin langa bout garram im wekinmen olabat, en deibin go en krosim najasaid langa Leik Gelali.   
\p
\v 14 Wal detlot wekinmen blanga Jisas nomo bin jinggabat blanga bringimap daga. Oni wanbala damba deibin abum langa det bout,  
\v 15 en Jisas bin dalim olabat, “Yumob garra wotjim miselp blanga detlot serramonimen gulum Ferasi en blanga King Herod. Yumob garra meiksho det raising blanga olabat kaan deigidawei yumob.”\x + \xo 8:15 \xt Luk 12:1\x*  
\v 16 Lagijat na Jisas bin tok.  
\p Wal detlot wekinmen blanga Jisas bin toktok miselp na, “Im dalimbat wi blanga raising, dumaji wi nomo garram naf daga.” Lagijat na deibin tok, dumaji deibin reken Jisas bin dalimbat olabat blanga det raising weya yu pudum langa flauwa. Bat nomo. Imbin dalim olabat blanga wotjim miselp blanga det nogudbalawei weya detlot serramonimen en det king bin oldei dumbat.   
\p
\v 17 Wal Jisas bin sabi wanim detlot wekinmen bin toktok, en imbin askim olabat, “Wotfo yumob toktok blanga daga? Wotfo yumob nomo sabi? Wotfo yumob nomo opinim yumob main weya yumob gin andasten?  
\v 18 Yumob garram dubala ai. Bat yumob kaan luk. En yumob garram irriwol. Bat yumob kaan irrim.\x + \xo 8:18 \xt Jera 5:21; Isik 12:2; Mak 4:12\x*  
\v 19 Wotfo yumob kaan jinggabat det taim weya aibin breigim det faibala daga blanga detlot 5,000 men. En haumeni baskit yumob bin bilimap garram ola leftobawan daga?”  
\p Detlot wekinmen bin tok, “Melabat bin bilimap twelbala baskit.”   
\p
\v 20 En Jisas bin kipgon tok, “En yumob jinggabat det taim weya aibin breigim det sebenbala daga blanga detlot 4,000 pipul. Haumeni baskit yumob bin bilimap garram ola leftobawan daga?”  
\p Detlot wekinmen bin tok, “Melabat bin bilimap sebenbala bigwan baskit.”   
\p
\v 21 En Jisas bin tok, “Wal wotfo yumob kaan andasten wanim mi tok wen mi dalim yumob blanga wotjim miselp blanga det raising blanga detlot serramonimen?” Lagijat na Jisas bin tok.   
\s1 Blainwan men bin luk gudwei  
\p
\v 22 Brom deya Jisas en im wekinmen olabat bin krosim Leik Gelali, en deibin kamat langa det taun gulum Bethsaida.  
\p Wal sambala pipul deya bin bringimap wanbala blainwan men langa Jisas, en deibin askim im blanga tatjim im,  
\v 23 en Jisas bin holdim det blain men langa im bingga, en imbin deigim im atsaid brom det taun, en Jisas bin spit langa det blain men ai, en imbin pudum im bingga langa im ai, en afta Jisas bin askim im if im gin luk,  
\v 24 en det men bin tok, “Yuwai, ai gin luk pipul. Bat olabat luk jis laiga tri wokabat.” \fig |src="GTMark0823HealingBlind.tif" size="col" ref="8:24" \fig*   
\p
\v 25 Wal wanmo Jisas bin pudum im bingga langa det blain men ai, en wen det men bin opinim im ai imbin luk gudwei na.   
\p
\v 26 Wal Jisas bin dalim det men, “Yu gobek langa yu kemp na. Bat yu nomo gobek langa det taun.”   
\s1 Pida bin tok Jisas Krais na det Masaiya  
\r Methyu 16:13-20; Luk 9:18-21  
\p
\v 27 Brom deya Jisas en im wekinmen olabat bin go langa ol detlot lilwan taun gulijap langa det taun gulum Sesariya Filapai, en wen deibin wokwok, Jisas bin askim im wekinmen olabat, “Hu ola pipul reken mi?”   
\p
\v 28 Wal detlot wekinmen bin tok, “Sambala pipul reken yu Jon Beptis, en sambala pipul reken yu det speshalwan mesinja blanga God hubin jidan longtaim neim Ilaija, en sambala pipul reken yu najawan speshal mesinja.”\x + \xo 8:28 \xt Mak 6:14,15; Luk 9:7,8\x*   
\p
\v 29 Wal Jisas bin askim olabat, “Wal wotabat yumob? Hu yumob reken mi?”  
\p Wal Pida bin tok, “Yu na Krais, det Boswan gulum Masaiya weya God bin jandim.”\x + \xo 8:29 \xt Jon 6:68,69\x*   
\p
\v 30 Wal Jisas bin dalim olabat nomo blanga dalimbat enibodi hu im.   
\s1 Jisas tok hau im garra abum loda trabul  
\r Methyu 16:21-28; Luk 9:22-27  
\p
\v 31 Afta na Jisas bin stat titjimbat im wekinmen olabat blanga imselp weya im garra dai. Imbin tok, “Mi na det Speshalwan Men, en ai garra abum loda trabul. Ola haibala bos en ola haibala serramonimen en ola lowamen garra ol tjakidawei mi, en dei garra kilim mi ded. Bat thrideistaim ai garra gidap brom dedbala en jidan laibala.”  
\v 32 Lagijat na imbin tok langa olabat streidat.  
\p Wal Pida bin grebum Jisas, en imbin deigim im wansaid, en imbin dalim Jisas nomo blanga toktok im garra dai.  
\v 33 Bat Jisas bin tenaran, en imbin luk langa im wekinmen olabat, en imbin dalimof Pida, dumaji imbin sabi det Seitin bin deya du toktok langa Pida. Jisas bin tok, “Seitin, yu gowei na.” En langa Pida imbin tok, “Pida, yu nomo sabi wanim yu toktok, dumaji yu nomo jinggabat Godwei. Yu oni jinggabat det wei blanga men.”   
\p
\v 34 Afta na Jisas bin jingat langa najalot pipul blanga kaman langa im en im wekinmen olabat, en imbin tok langa olabat na, “If enibodi wandi kaman langa mi, wal im kaan jinggabat imselp. Im garra jidan redi blanga dai blanga mi, en im garra bulurrum mi.\x + \xo 8:34 \xt Meth 10:38; Luk 14:27\x*  
\v 35 If enibodi jinggabat imselp blanga seibum im ron laif, wal wen im dai, im garra dai olagijawan. Bat if enibodi lujim im laif blanga mi en blanga det gudnyus, wal nomeda im dai, bat stil God garra meigim im jidan laibala olagijawan.\x + \xo 8:35 \xt Meth 10:39; Luk 17:33; Jon 12:25\x*  
\v 36-37 Im nogud blanga enibodi if im hipimapbat detmatj enijing blanga imselp iya langa dijan wel en lujim im laif, dumaji wen im lujim im laif, im kaan yusum detlot enijing blanga gedimbek im laif.  
\v 38 If enibodi sheim langa mi en nomo dalimbat det gudnyus langa ol detlot pipul hubin tenawei brom God, wal ai garra sheim langa olabat du wen ai garra kambek garram det brabli shainiwan lait main, garram ola einjul en garram detmatj pawa brom main Dedi.”   
\c 9  
\p
\v 1 Jisas bin kipgon dalimbat olabat, “Trubala ai dalim yumob. Sambala yumob iya, bifo yumob dai, yumob garra luk det pawa blanga God wen mi kambek blanga jidan bos brabli.” Lagijat na Jisas bin tok.   
\s1 Ilaija en Mosis bin tok langa Jisas  
\r Methyu 17:1-13; Luk 9:28-36  
\p
\v 2 Brom deya wanwiktaim Jisas bin deigim im thribala wekinmen neim Pida, Jeims en Jon, en deibin go ontop langa wan haiwan hil, en deya na deibin jidan miselp, en detlot thribala wekinmen bin lukinatbat Jisas bin tjeinj.\x + \xo 9:2 \xt 2 Pida 1:17,18\x*  
\v 3 Det klos blanga im bin go brabli shainiwan en brabli waitwan. Nobodi kaan meigim klos brabli waitwan lagijat langa dijan kantri.   
\p
\v 4 Wal deya na detlot thribala wekinmen bin luk dubala men bin jandap wansaid langa Jisas, en det dubala men bin neim Ilaija en Mosis. Dubala nomo brom distaim. Dubala brom longtaim, en dubala bin toktok garram Jisas.   
\p
\v 5 Wal Pida bin tok na, “Titja, gudwei yubin bringimap melabat iya. Wal melabat garra meigim thribala hampi. Wanbala blanga yu en wanbala blanga Mosis en wanbala blanga Ilaija.”  
\v 6 Lagijat na Pida bin tok, dumaji deibin ol brabli bradin, en im nomo bin sabi wanim im garra tok.   
\p
\v 7 Afta na wan bigwan klaud bin kamat langa olabat, en det shedo bin gaburrumap olabat, en deibin irrim God tok brom det klaud, “Dijan main san, en mi laigim im brabli. Wal yumob garra lisin langa im.” \x + \xo 9:7 \xt Meth 3:17; Mak 1:11; Luk 3:22\x*   
\p
\v 8 Wal detlot wekinmen bin lukaran na. Bat najing. Nobodi bin deya. Oni Jisas bin jandap deya garram olabat.   
\p
\v 9 Wal wen deibin kamdan brom det hil, Jisas bin dalim olabat nomo blanga dalim enibodi wanim deibin luk raidap im garra gidap laibala brom dedbala,  
\v 10 en dei nomo bin dalim enibodi blanga tharran. Bat deibin toktok miselp en askimbat miselp kwestjan blanga wanim imbin min wen imbin tok blanga gidap laibala brom dedbala.   
\p
\v 11 Wal afta na deibin askim Jisas, “Wotfo ola lowamen tok det mesinja neim Ilaija garra kaman lida langa det Speshalwan Men?”\x + \xo 9:11 \xt Mel 4:5; Meth 11:14\x*   
\p
\v 12 Wal Jisas bin tok, “Trubala det mesinja garra kaman lida en meigim ebrijing redi, en im tok langa oltestaman ai garra abum trabul, en dei garra tjakidawei mi.  
\v 13 Wal ai dalim yumob. Det mesinja bin kaman olredi, en ola nogudbala ting weya deibin wandi dum langa im, wal deibin dum jis laik im tok langa oltestaman.” Lagijat na Jisas bin tok.   
\s1 Jisas bin deigimat det nogudbala spirit brom insaid det lilboi  
\r Methyu 17:14-21; Luk 9:37-43  
\p
\v 14 Afta na wen detlot thribala wekinmen bin kambek langa detlot najalot wekinmen, deibin luk bigmob pipul deya langa olabat, en sambala lowamen bin toktok langa olabat du.  
\v 15 En wen detlot pipul bin luk Jisas, deibin ol hatjamp, en deibin ran en tok gudei langa im,  
\v 16 en Jisas bin askim detlot wekinmen blanga im, “Blanga wanim yumob bin toktok langa detlot lowamen?”   
\p
\v 17 Wal wan men deya langa detlot pipul bin tok, “Titja, aibin bringimap main san langa yu, dumaji im garram nogudbala spirit insaid langa im, en im kaan tok.  
\v 18 En wen det nogudbala spirit oldei grebum im, im oldei tjakam im langa graun en meigim spit kamat brom im mawus, en im grandim im tuth, en im bodi oldei go stifwan. Wal aibin askim yu wekinmen olabat blanga andimwei det nogudbala spirit brom im. Bat dei nomo bin abum pawa blanga andimwei det nogudbala spirit.” Lagijat na det men bin tok.   
\p
\v 19 Wal Jisas bin tok, “Wotfo yumob kaan bilib brabliwei? Haulong ai garra stap iya garram yumob? Haulong ai garra kipgon shoumbat yumob? Wal yu bringimap det lilboi langa mi.”   
\p
\v 20 Wal deibin bringimap det lilboi langa Jisas, en wen det nogudbala spirit bin luk Jisas, imbin meigim det lilboi deigim fit, en det lilboi bin buldan langa graun, en imbin rolabat, en spit bin kamat brom im mawus.   
\p
\v 21 Wal wen Jisas bin luk det lilboi lagijat, imbin askim det lilboi dedi, “Haulong dijan lilboi bin lagijat?”   
\p
\v 22 En det dediwan bin tok, “Brom beibitaim. Lodataim det dibuldibul bin tjakambat im langa faiya en langa woda blanga trai en kilim im. Bat if yu gin dum enijing, wal yu sori langa melabat en album melabat.”   
\p
\v 23 Wal Jisas bin dalim det dediwan, “Wal wotabat yu? God gin dum enijing blanga enibodi if dei bilib langa im.”   
\p
\v 24 Wal det men bin tok, “Wal ai bilib. Bat oni lilbit. Wal yu album mi bilib brabliwei.”   
\p
\v 25 Wal wen Jisas bin luk detlot pipul bin hipimapbat miselp deya, imbin tok langa det nogudbala spirit, “Yu defwan en damwan spirit, ai dalim yu blanga kamat brom dijan lilboi, en yu kaan kambek langa im enimo!”   
\p
\v 26 Wal det nogudbala spirit bin jingat adbala na, en imbin meigim det lilboi deigim bigwan fit, en afta imbin kamat brom im, en det lilboi bin luk jis laiga dedbala, en ebribodi bin tok, “Im dedwan na!”   
\p
\v 27 Bat Jisas bin holdim det lilboi langa im bingga, en imbin lidimap im, en imbin meigim im jandap.   
\p
\v 28 Afta na Jisas bin gowin insaid langa haus, en im wekinmen olabat bin askim im miselp, “Wotfo melabat nomo bin andimwei det nogudbala spirit brom det lilboi?”   
\p
\v 29 En Jisas bin tok, “Yu kaan andimwei detkain nogudbala spirit. Oni garram preya yu gin andimwei detkain.”   
\s1 Jisas bin titjimbat im wekinmen olabat  
\r Methyu 17:22,23; Luk 9:43-45  
\p
\v 30 Afta na Jisas en im wekinmen olabat bin gowei brom det pleis, en deibin gobek langa Gelali. Deibin meikin langa det taun gulum Kapeniyam,  
\v 31 en Jisas nomo bin wandim enibodi blanga sabi weya im, dumaji imbin dalimbat im wekinmen olabat im garra dai. Imbin tok, “Mi na det Speshalwan Men, en dei garra gibit mi langa detlot men hu garra kilim mi ded. Bat thrideistaim ai garra gidap laibala brom dedbala.”   
\p
\v 32 Wal detlot wekinmen nomo bin sabi wanim imbin tokinabat, en deibin bradin blanga askim im blanga dalim olabat wanim imbin min.   
\s1 Wujan im mowa haibala langa melabat  
\r Methyu 18:1-5; Luk 9:46-48  
\p
\v 33 Afta na wen deibin kamat langa det taun, deibin gowin insaid langa wan haus, en Jisas bin askim im wekinmen olabat, “Blanga wanim yumob bin toktok langa roud?”  
\v 34 Bat dei nomo bin dalim im, dumaji deibin agamin en askimbat miselp, “Wujan im mowa haibala langa melabat?”\x + \xo 9:34 \xt Luk 22:24\x*  
\v 35 Wal Jisas bin go en jidan, en imbin dalim im wekinmen olabat blanga kaman deya langa im, en wen deibin kaman langa im, imbin tok, “If yu wandi jidan haibala men, wal yu garra meigim miselp lobala, en yu garra jidan seimwei laiga wekinmen blanga album enibodi du.”\x + \xo 9:35 \xt Meth 20:26,27; 23:11; Mak 10:43,44; Luk 22:26\x*   
\p
\v 36 Afta na Jisas bin gajim wanbala biginini, en imbin meigim im jandap rait langa midul langa olabat, en imbin pudum im am raun langa det biginini, en imbin tok langa im wekinmen olabat.  
\v 37 Imbin tok, “If yu album lilwan biginini dumaji yu laigim mi, wal im jis laik yu album mi. En if yu album mi, wal yu nomo oni album mi. Yu album main Dedi hubin jandim mi du.”\x + \xo 9:37 \xt Meth 10:40; Luk 10:16; Jon 13:20\x*   
\p
\v 38 Wal Jon bin tok langa Jisas na, “Titja, melabat bin luk wan men bin oldei andimwei dibuldibul, en imbin yusumbat yu neim. Wal melabat bin dalim im blanga stap, dumaji im nomo wekinmen blanga yu seimwei laik melabat.”   
\p
\v 39 Wal Jisas bin tok, “Yumob nomo wandi stapam im, dumaji if enibodi dumbat klebabala ting, en im yusumbat main neim, wal im kaan tok nogudbalawei blanga mi afta.  
\v 40 En if enibodi nomo tok nogudbalawei blanga mi, wal im langa wi said.\x + \xo 9:40 \xt Meth 12:30; Luk 11:23\x*  
\v 41 Trubala ai dalim yumob. If enibodi gibit yumob enijing dumaji yumob bulurrum mi, wal nomeda det ting im lilwan, bat stil God garra peiyimbek im blanga det ting weya imbin gibit yumob.”\x + \xo 9:41 \xt Meth 10:42\x*   
\p
\v 42 Wal Jisas bin kipgon tok langa olabat, “Yumob luk dijan biginini iya. If enibodi deigidawei diskain biginini brom main wei, wal mobeda im taiyimap bigwan ston langa im nek en tjakam miselp langa woda en kilim miselp bifo im meigim det biginini bulurrum det nogudbalawei.  
\v 43 If det bingga blanga yu oldei meigim yu dum nogudbala ting en deigidawei yu brom main wei, wal mobeda yu libum det nogudbala ting jis laik yu kadimof det bingga. Im nogud blanga yu if yu jidan langa det olagijawan helfaiya garram dubala bingga. Mobeda yu jidan garram det olagijawan laif garram wanbala bingga.\x + \xo 9:43 \xt Meth 5:30\x*  
\v 44-45 If det fut blanga yu oldei meigim yu dum nogudbala ting en deigidawei yu brom main wei, wal mobeda yu libum det nogudbala ting jis laik yu kadimof det fut. Im nogud blanga yu if yu gowin langa det helfaiya garram dubala fut. Mobeda yu jidan garram det olagijawan laif garram oni wanbala fut.  
\v 46-47 If det ai blanga yu oldei meigim yu dum nogudbala ting en deigidawei yu brom main wei, wal mobeda yu libum det nogudbala ting jis laik yu deigimat det ai. Im nogud blanga yu if yu gowin langa det helfaiya garram dubala ai. Mobeda yu jidan garram God garram oni wanbala ai.\x + \xo 9:46-47 \xt Meth 5:29\x*  
\v 48 Dumaji deya langa det nogudbala pleis, detkain wem weya oldei dagat dedbala bodi, olabat deya du, en dei garra dagadagat yu bodi deya du, en dei kaan dai, en det faiya du im kaan neba stap barnbarn.\x + \xo 9:48 \xt Aisai 66:24\x*  
\v 49-50 God garra testim yu blanga faindat if yu garra bulurrum im trubalawei.  
\p “Wal yumob jinggabat solt na. Det solt im gudwan, bat if det brabli soltipat im gowei, wal yu kaan meigim det solt go soltiwan mowa, en im nogudwan na. Wal if yu miksimap gudwan solt langa bif, det bif kaan go nogudwan. En im lagijat du langa yu laif. Yu garra jidan soltiwan. If yu garram solt langa yu laif, yu kaan gowin langa det helfaiya. Yu garra jidan gudbalawei garram ebribodi.” Lagijat na Jisas bin tok.\x + \xo 9:49-50 \xt Meth 5:13; Luk 14:34,35\x*   
\c 10  
\s1 Lowa blanga merrit  
\r Methyu 19:1-12; Luk 16:18  
\p
\v 1 Afta na Jisas en im wekinmen olabat bin gowei brom det pleis, en deibin go langa Judiya, en deibin krosim najasaid langa det Jodan Riba, en loda pipul bin kaman langa im deya, en wen deibin kamat langa im, imbin oldei lenimbat olabat.   
\p
\v 2 Wal sambala serramonimen gulum Ferasi bin kaman deya langa Jisas, en deibin askim im kwestjan blanga trai en trikim im. Deibin tok, “Im rait if men andimwei im waif?”   
\p
\v 3 Wal Jisas bin askim olabat kwestjan du, “Wanim lowa Mosis bin gibit yumob?”   
\p
\v 4-5 Wal detlot serramonimen bin tok, “Mosis bin larram det men andimwei im waif. Bat det men garra gibit im waif det peipa blanga dalim im waif im garra andimwei im.”\x + \xo 10:4-5 \xt Dyud 24:1-4; Meth 5:31\x*   
\p
\v 6 Wal Jisas bin tok, “Wen God bin meigim dijan kantri, imbin meigim dubala pipul, boiwan en gelwan imbin meigim.\x + \xo 10:6 \xt Jen 1:27; 5:2\x*  
\v 7 En blanga tharran na men garra libum im mami en dedi en go langa im waif,  
\v 8 en wen dubala merrit, dubala jidan wanbala na,\x + \xo 10:8 \xt Jen 2:24\x*  
\v 9 en wen God joinimap dubala, nobodi kaan kadimat dubala. Bat yumob nomo wandi duwit langa Godwei. En blanga tharran na Mosis bin lafta gibit yumob det lowa.” Lagijat na Jisas bin tok.   
\p
\v 10 Afta na Jisas en im wekinmen olabat bin gowin langa haus, en detlot wekinmen bin askim im blanga det wed weya imbin tok langa detlot serramonimen,  
\v 11 en Jisas bin tok, “If eni men andimwei im waif, en im merrit langa najawan gel, wal im breigim det pramis weya imbin meigim langa im waif.  
\v 12 En im seimwei lagijat du blanga det gel. If det gel libum im hasbin, en im merrit langa najawan men, wal im breigim det pramis weya imbin meigim langa im hasbin.” Lagijat na Jisas bin tok.\x + \xo 10:12 \xt Meth 5:32; 1 Karin 7:10,11\x*   
\s1 Jisas en ola biginini  
\r Methyu 19:13-15; Luk 18:15-17  
\p
\v 13 Bambai na sambala pipul bin bringimap olabat biginini langa Jisas, dumaji deibin wandim im blanga holdim olabat. Bat detlot wekinmen blanga Jisas bin trai en andimwei olabat. \fig Jesus blessing the children|src="tlc-083.tif" size="col" ref="10:13" \fig*   
\p
\v 14 Wal wen Jisas bin luk detlot wekinmen blanga im bin lagijat, imbin gitwail langa olabat, en imbin tok, “Yumob nomo andimwei ol detlot biginini. Yumob larram olabat kaman iya langa mi, dumaji ola pipul hu meigim miselp lobala jis laik dislot biginini garra jidan garram God. Yumob lisin langa mi na.  
\v 15 If yu wandi jidan garram God, wal yu garra trastim im jis laik biginini trastim im mami en dedi. If yu nomo trastim God lagijat, wal yu kaan go en jidan garram im.” Lagijat na Jisas bin tok.\x + \xo 10:15 \xt Meth 18:3\x*   
\p
\v 16 Afta na Jisas bin gajim detlot biginini, en imbin holdim olabat, en imbin gibit gudbala wed langa olabat, en imbin meigim olabat brabli gudbinji.   
\s1 Woning blanga ola ritjmen  
\r Methyu 19:16-30; Luk 18:18-30  
\p
\v 17 Afta na Jisas en im wekinmen olabat bin gowei, en wan men bin ran langa im, en imbin baudan lida langa im, en imbin askim im, “Gudbala Titja, wanim ai garra dum blanga abum det olagijawan laif?” \fig |src="GTMark1018RichYoungRuler.tif" size="col" ref="10:17" \fig*   
\p
\v 18 Wal Jisas bin dalim im, “Wotfo yu gulum mi gudbala? Oni God imselp im gudbala. Yu kaan gulum enibodi gudbala.  
\v 19 Wal yu sabi detlot lowa, indit? Yu nomo lau medrim enibodi. Yu nomo lau silip garram naja men waif. Yu nomo lau stilimbat. Yu nomo lau dalimbat laiya. Yu nomo lau trikimbat enibodi. Yu garra rispek en teiknodis langa yu mami en dedi.”\x + \xo 10:19 \xt Eksa 20:12-16; Dyud 5:16-20\x*   
\p
\v 20 Wal det men bin tok, “Titja, aibin bulurrum ol detlot lowa brom lilboitaim.”   
\p
\v 21 Wal Jisas bin luk langa det men, en imbin laigim im, en imbin tok, “Oni wan ting deya yu nomo bin dum. Yu garra gobek en selim ola enijing blanga yu, en yu garra gibit ol detlot mani langa ola powan pipul. Wen yu dum lagijat, yu garra jidan ritjwan langa Godwei, en afta yu garra kaman en bulurrum mi.”   
\p
\v 22 Wal wen det men bin lisin Jisas bin tok lagijat, imbin gida shok, en imbin gowei nogudbinji, dumaji imbin ritjwan, en im nomo bin wandi gibitawei ol detlot enijing weya imbin abum.   
\p
\v 23 Wal Jisas bin lukaran langa im wekinmen olabat, en imbin tok, “Im brabli adbala blanga ritj pipul blanga larram God jidan Bos langa olabat.”   
\p
\v 24 Wal wen detlot wekinmen bin irrim Jisas tok lagijat, deibin hatjamp.  
\p Wal Jisas bin kipgon tok langa im wekinmen olabat, “Main biginini olabat, im brabli adbala blanga larram God jidan Bos blanga yu laif.  
\v 25 Yumob jinggabat det kemul. Det kemul kaan go langa det hol blanga nidul. Bat ai dalim yumob. Im isibala blanga det kemul blanga gowin langa det hol. Bat im adbala blanga ritjmen blanga gowin langa hebin.”   
\p
\v 26 Wal wen detlot wekinmen bin irrim Jisas tok lagijat, deibin brabli hatjamp, en deibin tok, “If im adbala lagijat, wal nobodi kaan go langa hebin! God kaan seibum enibodi!”   
\p
\v 27 Wal Jisas bin luk langa olabat, en imbin tok streidat langa olabat, “Men kaan dum miselp. Oni God gin dum, dumaji God gin dum enijing.”   
\p
\v 28 Wal Pida bin tok langa Jisas na, “Melabat bin libum ebrijing blanga bulurrum yu.”   
\p
\v 29 Wal Jisas bin tok, “Ai sabi yumob bin lagijat. Bat ai dalim yumob. If enibodi libum im kemp o im braja o im sista o im mami o im dedi o im biginini o im kantri blanga mi en det gudnyus, wal im garra gedim detmatj mowa igin.  
\v 30 God garra gibit im mowa kemp en braja en sista en mami en kantri iya langa dijan laif. En im garra abum trabul du. Bat bambai God garra gibit im det brabli olagijawan laif.  
\v 31 Bambai loda haibala pipul garra faindim miselp lobala, en loda lobala pipul garra faindim miselp haibala.” Lagijat na Jisas bin tok.\x + \xo 10:31 \xt Meth 20:16; Luk 13:30\x*   
\s1 Jisas bin tok im garra dai  
\r Methyu 20:17-19; Luk 18:31-34  
\p
\v 32 Brom deya Jisas en im wekinmen olabat en sambala najalot pipul bin stat wok blanga go langa Jerusalem. Deibin ol gida shok, dumaji Jisas bin wandi go langa det taun, en imbin wok lida langa olabat, dumaji olabat bin bradin.  
\p Wal Jisas bin gedim det twelbala wekinmen blanga im, en imbin tok langa olabat miselp,  
\v 33 “Yumob irrim mi na. Wi garra go langa Jerusalem, en dei garra gibit mi langa ol detlot haibala serramonimen en lowamen, dumaji mi na det Speshalwan Men. En dei garra tok blanga kilim mi ded. En afta dei garra gibit mi langa najalot pipul,  
\v 34 en dei garra mokim mi, en dei garra spit langa mi, en dei garra beldim mi garram wip, en afta dei garra kilim mi ded. Bat thrideistaim ai garra gidap brom det greib en jidan laibala.” Lagijat na Jisas bin tok.   
\p
\v 35 Wal det dubala san blanga Sebadi neim Jeims en Jon bin kaman langa Jisas, en dubala bin tok langa im, “Titja, minbala garra askim yu blanga dum samting blanga minbala.”   
\p
\v 36 Wal Jisas bin tok, “Wanim yunbala wandim?”   
\p
\v 37 Wal det dubala wekinmen bin tok, “Bambai wen yu garra jidan bos langa yu speshalwan tjeya, yu larram minbala jidan bos garram yu garram det shainiwan lait blanga yu. Yu larram wanbala jidan raidensaid langa yu en wanbala lefthensaid.”   
\p
\v 38 Wal Jisas bin tok, “Yunbala nomo sabi wanim yunbala toktok. Yunbala reken yunbala gin go thru langa det trabul weya ai garra go thru? Yunbala reken yunbala gin dai seimwei laik mi?”\x + \xo 10:38 \xt Luk 12:50\x*   
\p
\v 39 Wal dubala bin tok, “Yuwai.”  
\p Wal Jisas bin tok, “Trubala yunbala garra go thru langa trabul seimwei laik ai garra go thru langa trabul.  
\v 40 Bat ai nomo garram det rait blanga dalim yunbala blanga jidan langa main raidensaid en lefthensaid. Oni God garram det rait blanga pikimat hu garra jidan langa det dubala pleis.”   
\p
\v 41 Wal wen detlot najalot tenbala wekinmen bin irrim wanim det dubala wekinmen bin askim Jisas, olabat bin brabli wail langa dubala.  
\v 42 Bat Jisas bin jingat langa olabat holot, en imbin dalim olabat, “Yumob sabi langa ebri kantri det haibala bos oldei gibit oda langa ebribodi, en im meigim olabat duwit langa im. En yumob sabi ola haibala men oldei meigim ola najalot pipul wek blanga olabat du.  
\v 43 Bat yumob kaan bulurrum detkainwei. If yumob wandi meigim miselp haibala men, wal yumob garra album ola najalot pipul.\x + \xo 10:43 \xt Luk 22:25,26\x*  
\v 44 If yumob wandi meigim miselp lida, wal yumob garra meigim miselp wekinmen jis laiga prisana blanga ola pipul.\x + \xo 10:44 \xt Meth 23:11; Mak 9:35; Luk 22:26\x*  
\v 45 Mi na det Speshalwan Men, en ai nomo bin kaman blanga meigim enibodi album mi. Aibin kaman blanga album olabat. Aibin kaman blanga dai blanga seibum olabat. Aibin kaman blanga baiyimbek olabat garram main laif brom det nogudbalawei weya olabat bin dumbat.” Lagijat na Jisas bin tok.   
\s1 Blain men neim Batameiyas  
\r Methyu 20:29-34; Luk 18:35-43  
\p
\v 46 Bambai na Jisas en im wekinmen olabat bin go thru langa Jeriko. Loda pipul bin deya garram olabat, en wen deibin kamat najasaid langa det taun, deibin luk wanbala men bin jidanbat deya, en imbin blainwan. Det blain men bin san blanga Tameiyas, en imbin neim Batameiyas, en imbin jidanbat deya wansaid langa det roud askimbat enibodi blanga mani.   
\p
\v 47 Wal wen det blain men bin sabi Jisas bin wokwok pas deya, imbin stat jinginat na, “Jisas! Grensan blanga Deibid! Yu sori langa mi!”   
\p
\v 48 Wal sambala pipul bin gitwail langa det blain men, en deibin dalim im blanga jidan kwait en nomo jingat. Bat imbin stil kipgon jinginatbat mowa adbala, “Grensan blanga Deibid! Yu sori langa mi!”   
\p
\v 49 Wal wen Jisas bin irrim det blain men jingat, imbin stap, en imbin dalim detlot pipul blanga jingat langa im, en deibin jingat langa det blain men, “Yu gudbinji na, en yu gidap, dumaji im jinginat langa yu.” \fig |src="GTMark1049BlindMan.tif" size="col" ref="10:49" \fig*   
\p
\v 50 Wal det blain men bin tjakidawei det bleingkit blanga im, en imbin jampap, en imbin go langa Jisas,  
\v 51 en Jisas bin askim im, “Wanim yu wandim mi garra dum blanga yu?”  
\p En det blain men bin tok, “Titja, ai wandi luk.”   
\p
\v 52 Wal Jisas bin tok, “Yu gobek na, dumaji yubin bilib langa mi, en blanga tharran na yu gudbala na.”  
\p Wal streidawei det blain men bin luk, en imbin bulurrum Jisas langa det roud langa Jerusalem.   
\c 11  
\s1 Jisas bin go langa Jerusalem  
\r Methyu 21:1-11; Luk 19:28-40; Jon 12:12-19  
\p
\v 1 Bambai na Jisas en im wekinmen olabat bin kaman gulijap langa Jerusalem. Deibin kaman gulijap langa det dubala lilwan taun gulum Bethfaji en Bethani. Det dubala taun bin jidan wansaid langa det hil gulum Olib.  
\p Wal brom deya na Jisas bin jandim dubala wekinmen blanga im lida,  
\v 2 en imbin dalim dubala, “Yunbala go lida langa det lilwan taun. Deya na yunbala garra faindim wan yangwan dongki taidap weya nobodi bin raidim im bifo. En yunbala garra deigimat det roup en bringimap det dongki iya langa mi.  
\v 3 If enibodi askim yunbala wotfo yunbala deigimatbat det dongki, wal yunbala garra dalim im det boswan wandi yusum im basdam en im garra jandimbek im bambai.”   
\p
\v 4 Wal dubala bin go, en dubala bin faindim det dongki taidap langa wan haus atsaid langa roudwei,  
\v 5 en wen dubala bin deigimat det roup, detlot pipul hubin jandapbat deya bin askim dubala, “Wotfo yunbala deigimatbat det dongki?”  
\v 6 En dubala bin dalim olabat wanim Jisas bin dalim dubala blanga tok, en detlot pipul bin larramgo dubala.   
\p
\v 7 Wal dubala bin bringimap det dongki langa Jisas, en dubala bin deigimat dubala kout, en dubala bin pudum dubala kout langa det dongki bekboun, en Jisas bin raidim det dongki na.   
\p
\v 8 Wal bigmob pipul bin deigimat olabat kout du, en deibin pudumbat olabat kout langa roud weya Jisas garra go, en sambala pipul bin kadimbat bushis en pudumbat langa det roud du.   
\p
\v 9 Brom deya sambala pipul bin go lida langa Jisas, en sambala pipul bin bulurrum biyain, en deibin ol jinginat adbala, “Melabat preisim God, en melabat askim im blanga album dijan iya king en meigim im brabli gudbinji, dumaji God bin jandim im.\x + \xo 11:9 \xt Saam 118:25,26\x*  
\v 10 God garra album dijan grensan blanga King Deibid jidan bos seimwei jis laik Deibid bin jidan. King Deibid bin jis laiga dedi blanga melabat kantri, en melabat preisim God blanga dijan nyubala King blanga melabat. Aleiluya!” Lagijat na detlot pipul bin jinginatbat.   
\p
\v 11 Bambai na Jisas bin kamat langa Jerusalem, en imbin go en lukaran det Serramoni Pleis blanga ola Juwish pipul. Bat imbin leitbala dijan, en imbin lafta gobek langa det lilwan taun gulum Bethani garram det twelbala wekinmen blanga im.   
\s1 Tri nomo garram daga  
\r Methyu 21:18,19  
\p
\v 12 Neksdei na Jisas en im wekinmen olabat bin gowei brom Bethani blanga go langa Jerusalem, en Jisas bin fil hanggri na,  
\v 13 en imbin luk brom longwei wanbala fig tri, en imbin go blanga gajim det daga brom det tri. Bat wen imbin go langa det tri, im nomo bin faindim eni daga, oni fo lif, dumaji im nomo bin taim blanga det tri blanga abum daga.   
\p
\v 14 Wal Jisas bin tok langa det tri na, “Nobodi kaan dagat eni daga brom yu, dumaji yu kaan abum eni daga.” En detlot wekinmen blanga im bin irrim im tok lagijat langa det tri.   
\s1 Jisas langa det Juwish Serramoni Pleis  
\r Methyu 21:12-17; Luk 19:45-48; Jon 2:13-22  
\p
\v 15 Wal wen Jisas en im wekinmen olabat bin kamat langa Jerusalem, deibin go langa det Serramoni Pleis blanga ola Juwish pipul, en deya na Jisas bin luk loda pipul bin baiyimbat en selimbat olkain ting blanga yusum langa det serramoni.  
\p Wal Jisas bin gitwail, en imbin andimwei ol detlot pipul atsaid brom det pleis, en imbin tipimoba ola teibul blanga detlot pipul hubin hendulumbat ola mani, en imbin tjakidawei ola tjeya blanga detlot pipul hubin selimbat ola bard, \fig |src="CN01787B.TIF" size="col" ref="11:15" \fig*  
\v 16 en im nomo bin larram enibodi garrimap enijing thru langa det Serramoni Pleis.   
\p
\v 17 Afta, wen Jisas bin stat titjimbat ola pipul deya, imbin tok, “God bin tok langa oltestaman dijan Serramoni Pleis im blanga im, en enibodi gin kaman iya oni blanga prei. Bat yumob serramonimen bin tenimran dijan pleis, en yumob yusumbat dijan Serramoni Pleis blanga pulumatbat mani brom ola pipul.”\x + \xo 11:17 \xt Aisai 56:7; Jera 7:11\x*   
\p
\v 18 Wal wen detlot haibala serramonimen en lowamen bin irrim Jisas tok lagijat, deibin stat meigimbat plen blanga kilim im ded. Bat deibin bradin langa im, dumaji imbin oldei meigim ola pipul hatjamp en jinggabat wen imbin titjimbat olabat.   
\p
\v 19 Wal wen imbin sangodan, Jisas en im wekinmen olabat bin gowei brom Jerusalem, en deibin gobek langa Bethani.   
\s1 Det tri nomo garram daga bin dai  
\p
\v 20 Ailibala neksdei na Jisas en im wekinmen olabat bin gobek langa det seim roud blanga go langa Jerusalem, en deibin luk det tri nomo garram daga bin draiyap. Holbit det tri bin draiyap.   
\p
\v 21 Wal Pida bin jinggabat na, en imbin dalim Jisas, “Titja, yu luk det tri weya yubin tok langa im yestadei. Imbin dai na.”   
\p
\v 22 Wal Jisas bin tok, “Yumob garra bilib langa God brabliwei, en yumob gin dum detkain ting du.  
\v 23 Trubala ai dalim yumob. If yumob dalim det hil blanga tjakam miselp langa solwoda, en yumob bilib brabliwei insaid langa yumob hat, wal im gin duwit langa yumob.\x + \xo 11:23 \xt Meth 17:20; 1 Karin 13:2\x*  
\v 24 Yumob irrim mi na. Wen yumob prei en askim God blanga enijing, yumob garra bilib brabliwei imbin dum det ting blanga yumob olredi, en yumob gin abum det ting na.  
\v 25-26 En if enibodi bin dum enijing langa yumob blanga meigim yumob abum bedfiling langa im, wal wen yumob prei, yumob garra libum det ting en larramgo im fri. If yumob dum lagijat, wal yumob Dedi langa hebin garra larramgo yumob du brom ola nogudbala ting weya yumob bin dumbat.” Lagijat na Jisas bin tok.\x + \xo 11:25-26 \xt Meth 6:14,15\x*   
\s1 Ola haibala bos bin askimbat Jisas kwestjan  
\r Methyu 21:23-27; Luk 20:1-8  
\p
\v 27 Wal wen Jisas en im wekinmen olabat bin kamat langa Jerusalem, deibin gowin langa det Serramoni Pleis blanga ola Juwish pipul, en detlot haibala serramonimen en lowamen en ol detlot lidamob olmen bin ol kaman langa Jisas,  
\v 28 en deibin askim im, “Hubin gibit yu det rait blanga andimwei enibodi brom dijan Serramoni Pleis? En hubin gibit yu det rait blanga titjimbat ola pipul iya langa dijan pleis?”   
\p
\v 29 Wal Jisas bin tok, “Wal ai garra askim yumob kwestjan du. En if yumob ensim mi, wal ai garra ensim yumob du.  
\v 30 Yumob dalim mi na. Hubin gibit det rait langa Jon Beptis blanga beptaisimbat enibodi? Imbin gedim det rait brom God o brom men?”   
\p
\v 31 Wal detlot bosmen bin tok gija blanga tharran, “Wanim wi garra tok? If wi dalim im Jon bin gedim det rait brom God, wal im garra askim wi wotfo wi nomo bin duwit langa det wed blanga im.  
\v 32 Bat wi kaan dalim im Jon bin gedim det rait brom men.” Lagijat na deibin tok miselp, dumaji deibin bradin blanga detlot pipul hubin reken Jon bin speshalwan mesinja blanga God.  
\v 33 En deibin lafta dalim Jisas lagijat na, “Melabat nomo sabi hubin gibit Jon Beptis det rait blanga beptaisimbat pipul.”  
\p Wal Jisas bin dalim olabat, “Wal ai kaan dalim yumob du hubin gibit mi det rait blanga dumbat ola enijing weya mi dumbat.”   
\c 12  
\s1 Stori blanga detlot fama  
\r Methyu 21:33-46; Luk 20:9-19  
\p
\v 1 Afta na Jisas bin dalim ol detlot pipul deya langa det Serramoni Pleis wan stori, “Wantaim wan men bin meigim ebrijing redi blanga growimap gadin. Imbin pudum fens raun langa det graun weya imbin wandi growimap det gadin, en imbin bildimap lilwan haiwan haus du, en afta imbin gedim sambala fama blanga rentim det pleis, en imbin gowei brom deya.\x + \xo 12:1 \xt Aisai 5:1,2\x*  
\v 2 Bambai na wen imbin taim blanga detlot fama blanga gibit det boswan sambala daga brom det gadin, det boswan bin jandim im wekinmen blanga askim detlot fama blanga det daga.  
\v 3 Bat detlot fama bin beldimap det wekinmen, en deibin jandimbek im langa det boswan nomo garram enijing.  
\v 4 Det boswan bin jandim najawan wekinmen, en detlot fama bin tridim im nogudwei, en deibin kilim im langa hed.  
\v 5 Det boswan bin jandim najawan wekinmen, en detlot fama bin kilim im ded. Det boswan bin kipgon jandimbat im wekinmen olabat, en detlot fama bin kipgon beldimbat sambala, en sambala deibin kilim ded.  
\v 6 Bambai na det boswan nomo bin abum eni wekinmen blanga jandim. Oni im ronwan san imbin abum, en imbin reken maitbi detlot fama garra rispek langa im san. En imbin jandim im langa olabat.  
\v 7 Wal detlot fama bin tok gija, ‘Dijan blanga det boswan san. Wal kaman na. Wi kilim im ded, en afta wi garra abum dijan gadin.’ Lagijat na deibin tok,  
\v 8 en deibin grebum im, en deibin kilim im ded, en deibin tjakam im bodi najasaid langa det fens.”   
\p
\v 9 Jisas bin askim detlot pipul na, “Wal wanim yumob reken det boswan blanga det gadin garra dum? Ai dalim yumob. Im garra kaman en kilim detlot fama ded, en im garra larram najalot fama rentim det gadin.  
\v 10 Wal yumob jinggabat na wanim sambodi bin tok langa oltestaman, ‘Sambala kapinta bin bildimap stonwan haus, en deibin tjakidawei det wan ston, dumaji deibin reken imbin nogudwan. Bat det ston bin det meinwan, en dei nomo bin sabi.  
\v 11 God na bin meigim det meinwan ston. En detlot pipul hu sabi God, olabat gudbinji, dumaji God bin meigim det ston meinwan.’” Lagijat na Jisas bin tok.\x + \xo 12:11 \xt Saam 118:22,23\x*   
\p
\v 12 Wal detlot serramonimen en lowamen bin wandi grebum Jisas en lokimap im, dumaji deibin sabi imbin tokin blanga olabat langa det dubala stori en imbin dalimof olabat. Bat deibin bradin blanga ol detlot pipul hubin lisin langa im, en deibin lafta libum im deya gin, en deibin gowei.   
\s1 Trikiwan kwestjan blanga teksmani  
\r Methyu 22:15-22; Luk 20:20-26  
\p
\v 13 Afta na sambala serramonimen gulum Ferasi en sambala wekinmen blanga det gabman bos neim Herod bin kaman langa Jisas blanga trai en trikim im,  
\v 14 en deibin tok, “Titja, melabat sabi yu oldei tok det trubala wed streidat langa enibodi, en yu nomo teiknodis wanim olabat jinggabat. Nomeda hau hai det men im jidan, bat stil yu oldei dalim im streidat blanga wanim God wandim im blanga dum. Wal yu dalim melabat na. Yu reken im rait det haibala gabman bos gin meigim melabat peiyim teks mani langa im? Melabat garra peiyim det mani o najing?”   
\p
\v 15 Wal Jisas bin sabi deibin wandi trai en trikim im, en imbin tok, “Yumob kaan trikim mi. Yumob bringimap wanbala mani iya langa mi blanga luk.”   
\p
\v 16 Wal deibin bringimap wanbala mani, en imbin askim olabat, “Blanga hu pitja en neim langa dijan mani?”  
\p En deibin tok, “Blanga det haibala gabman bos neim Sisa.”   
\p
\v 17 Wal Jisas bin tok, “Wal yumob garra gibitbek langa Sisa detlot enijing blanga im, en yumob garra gibitbek langa God detlot enijing blanga im du.”  
\p Wal wen deibin irrim Jisas tok lagijat, deibin ol hatjamp brabliwei.   
\s1 Trikiwan kwestjan blanga dedbala  
\r Methyu 22:23-33; Luk 20:27-40  
\p
\v 18 Afta na sambala serramonimen gulum Sedyusi bin kaman langa Jisas. Detlot serramonimen bin reken dedbala pipul kaan gidap laibala, en deibin askim Jisas kwestjan blanga tharran, dumaji deibin wandi trai en trikim im.\x + \xo 12:18 \xt Eks 23:8\x*  
\v 19 Deibin tok, “Titja, Mosis bin gibit melabat wan lowa weya im tok if eni men dai en im waif nomo bin abum biginini, wal im braja garra gedim det gel en merrit langa im en wen dubala abum biginini, detlot biginini garra abum ola enijing blanga det dedbala braja.\x + \xo 12:19 \xt Dyud 25:5\x*  
\v 20 Wal wantaim sebenbala braja gija bin jidan, en det bigiswan bin merrit na, en wen imbin dai, im nomo bin abum eni biginini.  
\v 21 Afta det sekanwan braja blanga im bin merrit det seim gel. Bat imbin dai du, en im nomo bin abum eni biginini.  
\v 22 En lagijat gin imbin hepin langa ol detlot najalot faibala braja blanga dubala. Deibin ol merrit langa det seimwan gel, en wen deibin ol dai, dei nomo bin libum eni biginini, en afta det gel bin dai du.  
\v 23 Wal yu dalim melabat na. Wen det taim kaman weya ola dedbala pipul garra gidap laibala, blanga hu waif det gel garra jidan, dumaji imbin merrit langa ol detlot sebenbala braja gija?” Lagijat na detlot serramonimen bin tok.   
\p
\v 24 Wal Jisas bin tok, “Yumob bin tok rongwei deya, dumaji yumob nomo sabi det oltestaman, en yumob nomo sabi det pawa blanga God du.  
\v 25 Wen ola dedbala pipul garra gidap, dei garra jidan jis laiga detlot einjul, en dei kaan merrit gija.  
\v 26 Wal yumob dalim mi na. Wotfo yumob reken ola dedbala kaan gidap? Yumob bin ridim det oltestaman. Yumob sabi detlot wed weya Mosis bin raidimdan wen imbin faindim det tri weya bin barnbarn garram faiya. Deya na God bin tok langa Mosis blanga detlot pipul hubin dai basdam, ‘Mi na det God blanga Eibrahem en blanga Aisik en blanga Jeikob.’\x + \xo 12:26 \xt Eksa 3:6\x*  
\v 27 Wal yumob jinggabat na. God im nomo God blanga dedbala pipul. Im God blanga laibala pipul. Yumob sabi? Wen yumob tok dedbala pipul kaan gidap en jidan laibala, yumob rong.” Lagijat na Jisas bin tok.   
\s1 Trikiwan kwestjan blanga det haiwan lowa  
\r Methyu 22:34-40; Luk 10:25-28  
\p
\v 28 Wal wan lowamen bin deya, en imbin irrim Jisas bin gibit ol detlot serramonimen gudwan ensa blanga detlot kwestjan weya deibin askimbat im. Wal det lowamen bin wandi trai en trikim Jisas na, en imbin askim im, “Titja, wujan lowa im brabli haiwan?”\x + \xo 12:28 \xt Luk 10:25-28\x*   
\p
\v 29 Wal Jisas bin tok, “Det brabli haiwan lowa im dijan. ‘Ol yumob pipul langa Isreil, yumob irrim na. Nobodi bos. Oni God im brabli Boswan,  
\v 30 en yu garra laigim im brabliwei. Yu garra gibit miselp laif langa im. Holbit yu garra gibit miselp langa im, en yu garra abum filing oni blanga im, en yu garra jinggabat im oldei langa yu main en dum adwek blanga im.’\x + \xo 12:30 \xt Dyud 6:4,5\x*  
\v 31 En det sekanwan haibala lowa im tok, ‘Yu garra laigim ola najalot pipul brabliwei jis laik yu laigim yuselp.’ Yu kaan faindim eni lowa haibala langa dijan dubala lowa.” Lagijat na Jisas bin tok.\x + \xo 12:31 \xt Labid 19:18\x*   
\p
\v 32 Wal det lowamen bin tok, “Gudwan ensa tharran, Titja. Trubala yubin tok oni God im Bos. Nobodi God. Oni im na,\x + \xo 12:32 \xt Dyud 4:35\x*  
\v 33 en ebribodi garra laigim im brabliwei. Dei garra abum filing oni blanga im, en dei garra jinggabat im oldei langa olabat main en adwek blanga im, en dei garra laigim ola najalot pipul brabliwei jis laik dei laigim miselp. Wal im gud blanga gibit ofring langa God. Bat im mobeda yu duwit langa dijan dubala lowa, dumaji dijan dubala lowa na dubala det meinwan lowa blanga God.” Lagijat na det lowamen bin tok.\x + \xo 12:33 \xt Hos 6:6\x*   
\p
\v 34 Wal wen Jisas bin irrim det lowamen bin ensim gudbalawei, imbin tok, “Wal yu sabi na wanim yu garra dum blanga bulurrum det wei blanga God.”  
\p Brom deya nomo enibodi bin wandi trai askim Jisas eni trikiwan kwestjan.   
\s1 Jisas bin askim adwan kwestjan blanga det Masaiya  
\r Methyu 22:41-46; Luk 20:41-44  
\p
\v 35 Wal Jisas bin askimbat olabat kwestjan na deya langa det Serramoni Pleis weya imbin titjimbat olabat. Imbin tok, “Wotfo detlot lowamen tok det speshalwan Bos gulum Masaiya im grensan blanga King Deibid?  
\v 36 Det Holi Spirit bin dalim Deibid blanga raidimdan dijan wed langa oltestaman, ‘God bin dalim main Bos, Yu jidan langa main raidensaid raidap ai bidim ola enami blanga yu en meigim olabat jidan anda yu.’ Lagijat na God bin tok langa det Bos blanga Deibid gulum Masaiya.\x + \xo 12:36 \xt Saam 110:1\x*  
\v 37 Wal yumob dalim mi na. Hau det Masaiya garra jidan grensan blanga Deibid wen Deibid bin gulum im Bos?” Lagijat na Jisas bin tok langa olabat.  
\s1 Jisas bin gibit woning blanga detlot hu reken miselp  
\r Methyu 23:1-36; Luk 20:45-47  
\p Wal bigmob pipul bin deya lisinbat langa Jisas gudbinjiwei wen imbin titjimbat olabat,  
\v 38 en imbin dalim olabat, “Yumob garra wotjim miselp blanga detlot lowamen hu oldei laigim werrimonbat det speshalwan longwan kout. Dei werrimonbat det kout blanga meigim miselp haibala, dumaji dei reken miselp, en dei wandim ola pipul garra teiknodis en shoum rispek langa olabat wen dei go wokabat eniweya.  
\v 39 En dei oldei pikimat ola gudwan tjeya blanga jidan langa det Juwish Miting Pleis, en wen dei abum bigwan padi, dei oldei pikimat ola gudwan pleis blanga jidan.  
\v 40 En dei oldei pulumat mani brom ola widogel, en afta dei oldei abumbat longwan preya dumaji ola pipul gin luk langa olabat en tok olabat gudbala. Bat najing. Olabat nomo gudbala. En God garra panishim olabat brabliwei.” Lagijat na Jisas bin tok.   
\s1 Widogel bin pudum mani  
\r Luk 21:1-4  
\p
\v 41 Wal Jisas bin jidanbat gulijap langa det mani boks deya langa det Serramoni Pleis blanga ola Juwish pipul, en imbin lukinatbat detlot pipul bin pudumbat mani langa det mani boks. Loda ritjmen bin pudum detmatj mani,  
\v 42 en afta wan widogel bin kaman, en imbin pudum oni dubala lilwan mani langa det mani boks.\fig |src="GTLuke21WidowsMite.tif" size="col" ref="12:42" \fig*   
\p
\v 43 Wal Jisas bin jingat langa im wekinmen olabat, en imbin dalim olabat, “Yumob kaman iya langa mi, dumaji ai wandim dalim yumob samting.” En wen deibin kaman langa im, imbin tok, “Ol detlot ritjmen bin pudum oni lilbit mani langa det mani boks. Bat det widogel bin pudum bigmob.  
\v 44 Yumob sabi? Detlot ritjmen bin pudumbat speyawan mani weya olabat bin abum. Bat det widogel bin oni abum det dubala lilwan mani na, en imbin pudum det dubala lilwan mani. Holot imbin pudum, en im nomo garram enijing blanga baiyim im daga na.” Lagijat na Jisas bin tok.   
\c 13  
\s1 Jisas bin tok blanga det taim detlot trabul garra hepin bambai  
\r Methyu 24:1,2; Luk 21:5,6  
\p
\v 1 Afta na Jisas en im wekinmen olabat bin gowei brom det Serramoni Pleis, en wen deibin kamat atsaid brom det pleis, wan wekinmen bin tok langa Jisas, “Titja, yu luk ol dislot ston iya weya deibin bildimbat dijan Serramoni Pleis. Olabat brabli bigwan.”   
\p
\v 2 Wal Jisas bin tok, “Yu luk ol dislot haus iya langa dijan Serramoni Pleis? Nomo eni ston garra jidan ontop gija iya, najing. Dei garra breigimdan ol dislot haus en dei garra tjakamdan ebri ston.”   
\p
\v 3 Brom deya Jisas en im wekinmen olabat bin go langa det hil gulum Olib, en deibin jidanbat deya, en deibin lukinatbat det Serramoni Pleis brom det hil na.  
\p Wal det fobala wekinmen blanga Jisas neim Pida, Jeims, Jon en Endru bin kaman miselp, en deibin askimbat Jisas blanga detlot ston,  
\v 4 “Yu dalim melabat wotaim dijan ting garra hepin en hau melabat garra sabi im rait taim.”   
\p
\v 5-6 Wal Jisas bin tok langa olabat na, “Yumob garra wotjim miselp en nomo larram enibodi meigim yumob jinggabat najawei, dumaji loda men garra kaman en tok, ‘Mi na Jisas Krais. Aibin kambek na.’ En dei garra deigidawei bigmob pipul brom det trubalawei.  
\v 7 En wen yumob irrim eni nyus blanga wo, en yumob lisin olabat faitfait, wal yumob kaan bradin, dumaji detkain ting garra hepin. Bat im no mo det taim blanga God blanga binijimap dijan kantri.  
\v 8 Pipul garra faidabat ebriweya. Ebri kantri garra fait langa najalot kantri, en ebri traib garra fait langa najalot traib, en det graun garra sheik ebriweya, en loda pipul garra jidan hanggriwan nomo garram eni daga. En wen ol detlot ting garra hepin, yumob garra sabi det taim im gulijap na.   
\p
\v 9 “Wal yumob garra wotjim miselp, dumaji dei garra grebum yumob en deigim yumob langa kot, en dei garra beldimbat yumob langa ola Juwish Miting Pleis, en dei garra meigim yumob jandap lida langa ola haibala men en gabman bos. Dei garra dum lagijat langa yumob, dumaji yumob bilib langa mi, en yumob garra dalimbat olabat det gudnyus,  
\v 10 en det gudnyus garra spredat ebriweya langa ola kantri bifo det taim blanga God garra kaman.  
\v 11 En wen dei garra grebum yumob en deigim yumob langa kot, yumob kaan bradin, en yumob kaan jinggabat blanga wanim yumob garra tok, dumaji det Holi Spirit garra dalim yumob wanim blanga tok.\x + \xo 13:11 \xt Meth 10:17-20; Luk 12:11,12\x*  
\v 12-13 Wen det taim garra kaman, ebribodi garra heidim yumob, dumaji yumob laigim mi. Sambala men garra hendimoba olabat ronwan braja langa ola haibala men blanga kilim olabat dumaji dei laigim mi. En sambala dediwan garra hendimoba olabat ronwan biginini langa ola haibala men du blanga kilim olabat dumaji dei laigim mi. En sambala biginini garra lagijat du langa olabat ronwan mami en dedi. Bat if yumob nomo gibap wen ol detkain ting garra hepin langa yumob, wal God garra seibum yumob.” Lagijat na Jisas bin tok langa detlot wekinmen blanga im.\x + \xo 13:12-13 \xt Meth 10:22\x*   
\s1 Det brabli nogudbala ting  
\r Methyu 24:15-28; Luk 21:20-24  
\p
\v 14 Wal enibodi hu ridim dijan buk garra jinggabat dijan woning brabliwei weya Jisas bin gibit langa ola wekinmen blanga im. Imbin tok, “Wen yumob luk det brabli nogudbala ting deya langa det Juwish Serramoni Pleis, wal ol detlot pipul hu bilib langa mi garra ranawei streidawei brom dijan kantri Judiya en go langa najalot hil kantri.\x + \xo 13:14 \xt Den 9:27; 11:31; 12:11\x*  
\v 15 If enibodi jidanbat atsaid langa im haus, wal im kaan gowin insaid langa det haus blanga gajim enijing blanga im. Im garra lafta ranawei streidawei brom deya gin.  
\v 16 En im lagijat du blanga detlot pipul hu wek langa olabat gadin. Dei kaan gobek en gajim enijing langa olabat haus.\x + \xo 13:16 \xt Luk 17:31\x*  
\v 17 En im garra jidan brabli nogudbinji langa det taim blanga detlot gel hu jidan femiliwei en blanga detlot gel hu garrimapbat lilwan beibi.   
\p
\v 18 “Wal yumob garra prei dijan trabul kaan hepin kolwethataim, dumaji dijan trabul na garra jidan mowa weswan.  
\v 19 Pipul bin abum trabul bifo. Deibin abum trabul brom det taim wen God bin meigim dijan kantri raidap tudei. En dei garra kipgon abumbat trabul olawei. Bat im nomo seim laik dijan trabul weya mi tokabat. Dijan im garra jidan mowa brabli weswan trabul.\x + \xo 13:19 \xt Den 12:1; Reb 7:14\x*  
\v 20 Bat God garra stapam dijan trabul. If im nomo stapam dijan trabul, wal nobodi garra jidan laibala afta. Bat God bin olredi pikimat sambala ronwan pipul blanga im, en im garra stapam dijan trabul blanga album olabat jidan laibala.   
\p
\v 21 “Wal wen det taim garra kaman, sambala pipul garra tok, ‘Yu luk! Deya det boswan dei gulum Krais!’ En sambala pipul garra tok, ‘Iya det Boswan dei gulum Masaiya! Yu luk!’  
\v 22 Bat yumob kaan bilib langa olabat wen dei garra tok lagijat, dumaji sambala pipul garra kaman en gulum miselp Krais, en sambala pipul garra kaman en gulum miselp speshalwan mesinja blanga God. En dei garra dumbat olkain klebabala ting, en loda pipul garra teiknodis langa olabat, en dei garra trai en meigim ola pipul hu bulurrum God tenawei brom im en bulurrum olabat.  
\v 23 Wal yumob garra wotjim miselp, dumaji aibin dalimbat yumob ebrijing bifo det taim garra kaman.   
\s1 Jisas garra kamdan garram klaud  
\r Methyu 24:29-31; Luk 21:25-28  
\p
\v 24 “En afta wen ol det trabul bin binij, det san garra go dakbala, en det mun kaan gibit lait du,\x + \xo 13:24 \xt Aisai 13:10; Isik 32:7; Jowal 2:10,31; 3:15; Reb 6:12\x*  
\v 25 en ola sta garra buldan brom skai, en ol detlot strongbala ting weya jidan langa skai garra gowei brom olabat pleis,\x + \xo 13:25 \xt Aisai 34:4; Reb 6:13\x*  
\v 26 en det taim na ai garra kamdan garram klaud. Mi na det Speshalwan Men, en ai garra shain detmatj garram main pawa.\x + \xo 13:26 \xt Den 7:13; Reb 1:7\x*  
\v 27 God bin pikimat sambala pipul langa ebri kantri, en ai garra jandim main einjul olabat ebriweya langa ola kantri blanga gajimbat ol detlot pipul.   
\s1 Stori blanga figtri  
\r Methyu 24:32-35; Luk 21:29-33  
\p
\v 28 “Wal yumob jinggabat na. Wen yumob luk ola nyuwan lif kamat langa det figtri, yumob sabi im gulijap hotwethataim.  
\v 29 En im lagijat du wen yumob luk ol dislot ting garra hepin. Yumob garra sabi na det rait taim im gulijap wen dei garra breigimdan det Serramoni Pleis.  
\v 30 Ai dalim yumob trubala dijan. Ol dislot pipul iya hu jidan laibala tudei, olabat kaan dai raidap ol dislot ting garra hepin.  
\v 31 Trubala ai dalim yumob. Hebin en graun garra tjeinj. Bat main wed kaan neba tjeinj.   
\p
\v 32 “Nobodi sabi wotaim det dei blanga ol dislot ting garra hepin. Ola einjul langa hebin nomo sabi, en ai nomo sabi du. Oni main Dedi langa hebin im sabi.\x + \xo 13:32 \xt Meth 24:36\x*  
\v 33 Wal yumob garra wotjim miselp, en yumob garra meigim miselp redi, dumaji yumob nomo sabi wotaim dislot ting garra hepin.  
\v 34 Yumob jinggabat det men wen im gowei longtaim brom im haus. Im dalim ola wekinmen blanga im blanga lukaftumbat im haus, en im gibit wek langa ebriwan blanga dum, en im dalim wanbala blanga wotjimbat det haus. Dei garra wotjimbat olataim, dumaji dei nomo sabi wotaim det bos blanga olabat garra kambek.\x + \xo 13:34 \xt Luk 12:36-38\x*  
\v 35 Im maitbi garra kambek sangodan o midulnait o longwei deilait o ailibala gin. En im lagijat du blanga yumob. Yumob garra wotjimbat, dumaji yumob nomo sabi wotaim det boswan blanga yumob garra kambek.  
\v 36 Yumob nomo sabi wotaim ai garra kambek. En wen ai kambek, yumob garra jidan redibala blanga mi, nomo laik sambodi weya im silipbat.  
\v 37 Yumob garra weik en wotjimbat olataim. Nomo oni yumob main wekinmen. Bat ai dalim ebribodi lagijat du.” Lagijat na Jisas bin tok.   
\c 14  
\s1 Deibin wandi kilim Jisas  
\r Methyu 26:1-5; Luk 22:1,2; Jon 11:45-53  
\p
\v 1 Wal imbin dubala dei na bifo dei garra abum det serramoni gulum Pasoba weya dei oldei dagat det daga nomo garram raising, en detlot haibala serramonimen en lowamen bin wandi grebum Jisas snikinwei en kilim im ded,\x + \xo 14:1 \xt Eksa 12:1-27\x*  
\v 2 en deibin tok gija, “Wi kaan grebum im wen wi abumbat dijan serramoni, dumaji loda pipul bin kaman blanga dijan serramoni, en dei laigim im, en if wi kilim im, dei mait meigim loda trabul blanga wi.”   
\s1 Jisas en det gel langa Bethani  
\r Methyu 26:6-13; Jon 12:1-8  
\p
\v 3 Wal Jisas en im wekinmen olabat bin jidan langa det lilwan taun gulum Bethani. Deya na deibin jidan langa det haus blanga wan men neim Saiman Lepa, en wantaim wen deibin dagadagat daga, wan gel bin kaman deya langa olabat, en imbin garrimapbat lilwan ston botul. Det botul bin ful garram det diyawan gudsmelwan oil brom det purdiflawa gulum nard, en det gel bin deigimat det lid brom det botul, en imbin spilim det oil ontop langa Jisas hed.\x + \xo 14:3 \xt Luk 7:37,38\x*   
\p
\v 4 Wal detlot pipul hubin deya garram Jisas bin tok gija wailwei na, “Wotfo det gel bin weistimbat det gudsmelwan oil? \fig |src="gw033b.tif" size="col" ref="14:4" \fig*  
\v 5 If im bina selim, im bina gajim loda mani seim laik wan yiya pei, en im bina gibit det mani langa ola po pipul.” En afta deibin graul langa det gel na.   
\p
\v 6 Wal Jisas bin dalim olabat, “Yumob libum det gel. Yumob nomo graul langa im. Imbin dum brabli gudbala ting langa mi.  
\v 7 Yumob gin dum gudbala ting langa ola po pipul enitaim, dumaji dei jidan garram yumob olataim. Bat ai kaan oldei jidan garram yumob.\x + \xo 14:7 \xt Dyud 15:11\x*  
\v 8 Det gel bin pudum det oil langa mi, dumaji imbin sabi. Imbin rabum main bodi redi blanga gowin langa greib.  
\v 9 Trubala ai dalim yumob. Ebriweya langa dijan kantri weya dei garra dalimbat dijan gudnyus blanga mi, dei garra dalim dijan stori blanga dijan gel du blanga jinggabat im.” Lagijat na Jisas bin tok.   
\s1 Judas bin meigim plen blanga hendimoba Jisas  
\r Methyu 26:14-16; Luk 22:3-6  
\p
\v 10 Brom deya det wekinmen blanga Jisas neim Judas Askeriyat bin go, en imbin tok langa detlot haibala serramonimen blanga hendimoba Jisas langa olabat.  
\v 11 Deibin gudbinji wen deibin irrim im tok lagijat, en deibin dalim im dei garra gibit im loda mani.  
\p Wal Judas bin weidabat na blanga det rait taim wen im gin hendimoba Jisas langa olabat.   
\s1 Wekinmen bin meigim serramoni sapa redi  
\r Methyu 26:17-25; Luk 22:7-14,21-23; Jon 13:21-30  
\p
\v 12 Bambai na det taim bin kaman blanga kilim det lilwan ship blanga det serramoni gulum Pasoba, en ola wekinmen blanga Jisas bin askim im, “Weya yu wandim melabat blanga meigim det Pasoba sapa redi blanga yu blanga dagat?”   
\p
\v 13 Wal Jisas bin dalim dubala wekinmen blanga im, “Yunbala go lida langa det taun, en yunbala garra faindim wan olmen deya im garrimapbat woda garram det bakit.  
\v 14 En wen im luk langa yunbala, yunbala bulurrum im langa det kemp weya im garra go, en yunbala tok langa det boswan blanga det kemp. Yunbala garra tok, ‘Det Titja wandi sabi wujei det rum weya im garra abum det Pasoba sapa garram im wekinmen olabat.’  
\v 15 En det men garra shoum yunbala bigwan rum langa top. Det rum garram ebrijing. Bat yunbala garra meigim ebrijing redi blanga wi.” Lagijat na Jisas bin tok.   
\p
\v 16 Wal det dubala wekinmen bin go, en dubala bin faindim ebrijing lagijat gin weya Jisas bin dalim dubala, en dubala bin meigim ebrijing redi blanga det Pasoba sapa,  
\v 17 en wen imbin sangodan, Jisas en im wekinmen olabat bin go langa det haus,  
\v 18 en deibin abum det sapa na, en Jisas bin dalim olabat, “Ai dalim yumob. Wanbala men iya langa yumob garra hendimoba mi langa detlot pipul hu wandi kilim mi ded. Det sambodi im iya na dagadagat daga garram mi.”\x + \xo 14:18 \xt Saam 41:9\x*   
\p
\v 19 Wal detlot wekinmen bin ol nogudbinji, en ebriwan bin tok langa Jisas, “Wal nomo mi.”   
\p
\v 20 Wal Jisas bin dalim olabat, “Im wanbala brom yumob twelbala, en im jidanbat iya na sokumbat im daga garram mi.  
\v 21 Mi na det Speshalwan Men, en ai garra dai jis laik im tok langa oltestaman. Bat det men weya garra hendimoba mi langa detlot serramonimen, im garra pudum imselp langa big trabul, en im mobeda blanga im if im nomo bina bon.”   
\s1 Jisas im abum laswan sapa garram im wekinmenmob  
\r Methyu 26:26-30; Luk 22:14-20; Fes Karinthiyans 11:23-25  
\p
\v 22 Afta na wen deibin dagadagat sapa, Jisas bin gajim det daga, en imbin gibit theingks langa God, en afta imbin breigim det daga, en imbin gibit det daga langa im wekinmenmob, en imbin tok, “Yumob dagat dijan daga, dumaji dijan daga main bodi.”   
\p
\v 23 Afta na imbin gajim det kap garram wain, en imbin gibit theingks langa God, en imbin gibit det wain langa im wekinmen olabat, en deibin dringgim det wain,  
\v 24 en Jisas bin tok, “Dijan wain yumob dringgim im main blad. Ai garra spilim main blad blanga ebribodi blanga opinimap det nyubalawei blanga God.\x + \xo 14:24 \xt Eksa 24:8; Jera 31:31-34\x*  
\v 25 Trubala ai dalim yumob. Ai kaan dringgim dijan wain garram yumob enimo. Bat wen main Dedi jandimbek mi, en ai jidan Boswan brabliwei, det taim na ai garra dringgim det wain Nyubalawei.”   
\p
\v 26 Afta na deibin sing det laswan song blanga det Pasoba Serramoni sapa, en deibin go langa det hil gulum Olib.   
\s1 Jisas bin dalim Pida im garra tok laiyawei  
\r Methyu 26:31-35; Luk 22:31-34; Jon 13:36-38  
\p
\v 27 Wal Jisas bin tok langa im wekinmen olabat, “Yumob garra ol ranawei brom mi en libum mi jis laik im tok langa oltestaman, ‘God garra larram detlot nogudbala pipul kilim det boswan blanga ola ship, en ola ship garra ol ranawei ebriweya.’\x + \xo 14:27 \xt Sek 13:7\x*  
\v 28 Bat afta wen ai garra gidap laibala brom det greib, ai garra go lida langa yumob langa Gelali.” Lagijat na Jisas bin tok.\x + \xo 14:28 \xt Meth 28:16\x*   
\p
\v 29 Wal Pida bin tok langa Jisas na, “Nomeda dislot najalot men ranawei brom yu, bat stil ai kaan libum yu.”   
\p
\v 30 Wal Jisas bin tok langa Pida, “Trubala ai sabi wanim garra hepin tunait na. Yu garra dalim laiya thritaim. Bifo det jukjuk garra jingat sekantaim yu garra tok yu nomo sabi mi.”   
\p
\v 31 Wal Pida bin stil ensim Jisas strongbalawei, “Ai kaan tok lagijat! Nomeda if ai garra dai garram yu, bat stil ai kaan tok ai nomo sabi yu.” En detlot najalot wekinmen blanga Jisas bin ol tok lagijat du.   
\s1 Jisas langa Gesimani  
\r Methyu 26:36-46; Luk 22:39-46  
\p
\v 32 Brom deya Jisas en im wekinmen olabat bin go langa det pleis gulum Gesimani, en deya na Jisas bin dalim olabat, “Yumob weit iya, dumaji ai garra go en prei.”   
\p
\v 33 Wal Jisas bin deigim detlot thribala wekinmen blanga im neim Pida, Jeims en Jon, en deibin go lilbit longwei brom detlot najalot wekinmen, en afta Jisas bin nogudbinji, en imbin brabli apset insaid,  
\v 34 en imbin tok, “Mi brabli nogudbinji. Mi gulijap dai. Wal yumob stap iya en jidan weik en wotjimbat du.”   
\p
\v 35 Brom deya Jisas bin go nomo longwei brom detlot thribala wekinmen, en deya na imbin baudan garram im feis langa graun, en imbin prei langa God blanga deigidawei det trabul brom im.  
\v 36 \fig |src="prayer.tif" size="col" ref="14:36" \fig*Imbin prei, “Main Dedi, ai sabi yu gin dum enijing yu wandim. Wal yu nomo meigim mi dai. Bat yu nomo dum wanim mi wandim. Yu garra dum wanim yu wandim.”   
\p
\v 37 Afta na Jisas bin kambek langa detlot thribala wekinmen, en imbin faindim olabat silip, en imbin weikimap olabat, en imbin tok langa Pida, “Saiman! Yu gidap! Wotfo yu kaan weik?  
\v 38 Yumob garra wotjimbat miselp en prei blanga nomo gobek langa det nogudbalawei. Det hat blanga yumob wandi bulurrum det gudbalawei. Bat det bodi blanga yumob im wikwan, en im wandi gobek langa det nogudbalawei.”   
\p
\v 39 Wal Jisas bin libum detlot thribala wekinmen, en imbin gobek en prei seimwei igin,  
\v 40 en wen imbin kambek langa olabat, imbin faindim olabat stil silip. En dei nomo bin sabi hau blanga ensim im, dumaji deibin ol silipiwan.   
\p
\v 41 Wal Jisas bin gobek blanga prei laswan na, en wen imbin kambek langa detlot thribala wekinmen, imbin weikimap olabat, en imbin tok, “Wotfo yumob kaan weik? Yumob tumatj silip. Wal tuleit na. Im taim na blanga det men garra hendimoba mi langa detlot nogudbala pipul.  
\v 42 Yumob gidap na. Wi garra go, dumaji iya na det men im kaminap blanga hendimoba mi.”   
\s1 Deibin grebum Jisas  
\r Methyu 26:47-56; Luk 22:47-53; Jon 18:3-12  
\p
\v 43 Wal wen Jisas bin stil toktok langa im wekinmen olabat, det najawan wekinmen blanga im neim Judas bin kamat deya langa olabat garram loda pipul. En detlot pipul bin garrimapbat longbala naif en stik, dumaji detlot serramonimen en lowamen en najalot boswan bin jandim olabat blanga grebum Jisas.   
\p
\v 44 Wal Judas bin tok langa detlot pipul bifo deibin kamat langa Jisas, “Det men weya ai garra kis, im na yumob garra grebum im en deigidawei im en nomo larram im ranawei.”   
\p
\v 45 Wal wen Judas bin kamat deya, streidawei imbin go langa Jisas, en imbin tok, “Titja!” En imbin kis langa im,  
\v 46 en detlot pipul bin grebum im, en deibin holdim im adbala. \fig |src="GTMar1443to46JesusArrested.tif" size="col" ref="14:46" \fig*   
\p
\v 47 Wal wanbala wekinmen blanga Jisas bin deigimat im longwan naif, en imbin kadimof wansaid irriwol blanga det wekinmen blanga det boswan haibala serramonimen.   
\p
\v 48 Afta na Jisas bin tok langa detlot pipul, “Ai nomo bin meigim trabul. Wotfo yumob bin kaman garram naif en stik blanga grebum mi?  
\v 49 Ebridei aibin oldei titjimbat yumob deya langa det Serramoni Pleis. Wotfo yumob nomo bin grebum mi deya? Ai dalim yumob wotfo. Yumob nomo bin grebum mi deya, dumaji God bin tok langa oltestaman dijan ting garra hepin lagijat na.”\x + \xo 14:49 \xt Luk 19:47; 21:37\x*   
\p
\v 50 Wal ol detlot wekinmen blanga Jisas bin ol libum im na, en deibin ol ranawei.  
\v 51 Wan yangbala men bin deya bulurrumbat Jisas. Imbin jis werrimon im silipinwan klos, en detlot pipul bin trai en grebum im du.  
\v 52 Bat imbin ranawei, en imbin libum im klos deya gin langa olabat bingga, dumaji deibin bradinim im.   
\s1 Jisas langa det boswan haibala serramonimen haus  
\r Methyu 26:57-68; Luk 22:54,55,63-71; Jon 18:13,14,19-24  
\p
\v 53 Wal detlot pipul hubin grebum Jisas bin deigim im langa det haus blanga det boswan haibala serramonimen, en deya na ola haibala serramonimen en lowamen en najalot boswan bin ol majurrap.   
\p
\v 54 Wal Pida bin bulurrumbat olabat biyain raidap deibin kamat langa det boswan serramonimen haus, en imbin jidan atsaid garram detlot blijiman blanga det kemp, en imbin womimbat miselp langa olabat faiya.   
\p
\v 55 Wal detlot serramonimen en lowamen en najalot boswan bin kotim Jisas na, en deibin trai blanga faindim folt langa im blanga kilim im ded. Bat dei nomo bin faindim eni folt langa im.  
\v 56 Bigmob pipul bin dalimbat laiyawan stori blanga im. Bat detlot stori nomo bin agri gija.   
\p
\v 57 Bambai na sambala men bin jandap, en deibin tok laiyawan wed blanga Jisas,  
\v 58 “Imbin deigim loda men longtaim blanga bildimap det haus langa det Serramoni Pleis, en melabat bin irrim dijan men tok im garra meigim det haus buldan, en thrideistaim im garra bildimap najawan haus igin.”\x + \xo 14:58 \xt Jon 2:19\x*  
\v 59 Bat stil detlot stori nomo bin agri gija.   
\p
\v 60 Wal det boswan haibala serramonimen bin jandap, en imbin askim Jisas, “Wanim yu ensa blanga ol dislot stori weya dislot men toktok blanga yu?”   
\p
\v 61 Bat Jisas bin jandap kwaitbala, en im nomo bin tok enijing langa im.  
\p Wal wanmo det boswan bin askim im, “Hu yu? Yu tharran Masaiya weya dei gulum Krais? Yu San blanga God?”   
\p
\v 62 Wal Jisas bin tok, “Yuwai. Mi na im. En mi det Speshalwan Men du. En yumob garra luk mi jidan langa det raidensaid blanga God langa hebin, en yumob garra luk mi kamdan garram klaud brom im na.”\x + \xo 14:62 \xt Den 7:13\x*   
\p
\v 63 Wal wen Jisas bin tok lagijat, det boswan serramonimen bin breigim im klos, dumaji imbin gitwail, en imbin jingat, “Wi nomo wandim enimo witnis na!  
\v 64 Yumob bin irrim imbin mokim God, en imbin trai en meigim miselp seim laik God du. Wal wanim yumob reken?”\x + \xo 14:64 \xt Labid 24:16\x*  
\p Wal deibin ol tok, “Wi faindim im gilti. Im garra lafta dai.”   
\p
\v 65 Wal sambala pipul bin spit langa Jisas feis na, en afta deibin taiyimap reig langa im dubala ai, en deibin hitimbat im, en deibin tok, “If yu God, wal yu dalim melabat hu hitimbat yu?” En detlot blijiman bin grebum im na, en deibin beldimbat im.   
\s1 Pida bin tok im nomo sabi Jisas  
\r Methyu 26:69-75; Luk 22:56-62; Jon 18:15-18,25-27  
\p
\v 66 Wal wen Pida bin deya atsaid langa det haus blanga det boswan serramonimen, wan wekingel blanga det serramonimen bin wokpas,  
\v 67 en imbin luk Pida deya womimbat miselp langa det faiya, en imbin lukinat langa im, en afta imbin tok, “Yubin deya du garram Jisas brom Nesareth.”   
\p
\v 68 Wal Pida bin dalim laiya, “Mi nomo sabi wanim yu toktok.” En imbin gowei brom deya, en imbin go langa det geit, en det jukjuk bin jingat.   
\p
\v 69 Afta na det wekingel bin luk Pida deya langa det geit, en imbin tok langa detlot pipul hubin jandapbat deya, “Dijan men iya im wekinmen blanga Jisas du.”   
\p
\v 70 Wal Pida bin dalim laiya igin.  
\p Bambai na detlot pipul deya bin dalim Pida, “Trubala yu wekinmen blanga Jisas, dumaji yu kaman brom Gelali.”   
\p
\v 71 Wal Pida bin tok brabli adbalawei langa olabat, “God sabi ai dalim yumob trubala ai nomo sabi det men. En if ai dalim yumob laiya, wal God garra panishim mi.”   
\p
\v 72 Wal streidawei wen Pida bin tok lagijat, det jukjuk bin jingat sekantaim, en streidawei Pida bin jinggabat wanim Jisas bin dalim im. Jisas bin tok, “Bifo det jukjuk garra jingat sekantaim, yu garra tok thritaim yu nomo sabi mi.” En wen Pida bin jinggabat tharran, imbin stat krai na.   
\c 15  
\s1 Deibin deigim Jisas langa Pailat  
\r Methyu 27:1,2,11-14; Luk 23:1-5; Jon 18:28-38  
\p
\v 1 Ailibala neksdei na detlot haibala serramonimen bin majurrumap ola lowamen en ola kaunsala, en deibin meigim plen blanga kilim Jisas, en deibin taiyimap im, en deibin deigim im en hendimoba im langa det gabman bos neim Pailat.   
\p
\v 2 Wal Pailat bin askim Jisas, “Yu det king blanga ola Juwish pipul?”  
\p En Jisas bin tok, “Wal hu yu reken mi?”   
\p
\v 3 En wen Jisas bin tok lagijat, detlot serramonimen bin tok olkain blanga im.   
\p
\v 4 Wal Pailat bin askim Jisas mowa na, “Dislot serramonimen bin tok olkain blanga yu. Yu garra ensimbek olabat?”   
\p
\v 5 Bat Jisas nomo bin ensimbek olabat, en Pailat bin hatjamp blanga tharran.   
\s1 Pailat bin hendimoba Jisas blanga gitkil  
\r Methyu 27:15-26; Luk 23:13-25; Jon 18:39—19:16  
\p
\v 6-7 Wal ebritaim wen deibin abum det Pasoba Serramoni, Pailat bin oldei larramgo wanbala prisana fri, en imbin oldei larram ola pipul pikimat wujan prisana deibin wandim go fri.   
\p
\v 8 Wal bigmob pipul bin hipapbat na, en deibin stat askimbat Pailat blanga larramgo det prisana,  
\v 9 en Pailat bin askim olabat, “Yumob wandim mi larramgo dijan king blanga ola Juwish pipul?”  
\v 10 Lagijat na imbin askimbat olabat, dumaji imbin sabi detlot haibala serramonimen bin jelas langa Jisas, en blanga tharran na deibin hendimoba Jisas langa im.  
\v 11 Bat detlot haibala serramonimen bin dalimbat ola pipul blanga askim Pailat blanga larramgo det najawan prisana neim Barebas. Wal Barebas bin deya langa det jeil, dumaji imbin medrim sambodi wen imbin joinin blanga fait langa det gabman.   
\p
\v 12 Wal Pailat bin askim olabat, “Wal wanim ai garra dum langa dijan men weya yumob gulum king blanga ola Juwish pipul?”   
\p
\v 13 Wal detlot pipul bin jingat adbala, “Kilim im ded!”   
\p
\v 14 En Pailat bin tok, “Wal wanim nogudbala ting imbin dum?”  
\p Bat detlot pipul nomo bin ensim im. Deibin kipgon jinginatbat adbala, en deibin kipgon tok, “Kilim im! Kilim im ded!”   
\p
\v 15 Wal Pailat bin lafta duwit langa detlot pipul blanga meigim olabat sedisfaid. Imbin larramgo Barebas fri, en imbin hendimoba Jisas langa detlot solja blanga beldimbat im en blanga neilimap im langa kros.   
\s1 Ola solja bin mokimbat Jisas  
\r Methyu 27:27-31; Jon 19:2,3  
\p
\v 16 Brom deya detlot solja bin deigim Jisas langa det boswan gabman kemp, en deibin majurrumap ola najalot solja, en deibin ol mokimbat im na.  
\v 17 Deibin meigim Jisas werrimon speshalwan pepulwan klos, en deibin meigim im werrimon het weya deibin meigim garram jigininbala stik,  
\v 18 en deibin kipgon mokimbat im en deibin jinginat, “Haibala bos! Yu haibala king blanga ola Juwish pipul!”  
\v 19 En deibin hitimbat im garram longwan stik langa im hed, en deibin spit langa im, en deibin nildan langa im blanga tisimbat im.   
\p
\v 20 Afta na wen deibin binij mokimbat im, deibin deigimat det pepulwan klos brom im, en deibin meigim im werrimon im ronwan klos, en deibin deigimwei im blanga neilimap im langa det kros blanga kilim im ded.   
\s1 Deibin neilimap Jisas langa kros  
\r Methyu 27:32-44; Luk 23:26-43; Jon 19:17-27  
\p
\v 21 Afta na wen detlot solja bin deigimwei Jisas blanga kilim im, deibin grebum wanbala men deya langa roud, en deibin meigim im garrimap det kros blanga Jisas. Det men bin neim Saiman, en imbin dedi blanga Eliksenda en Rufas, en imbin growap langa det longweiwan kantri gulum Sairini. Imbin jis wokwokpas langa det roud blanga gowin langa Jerusalem wen detlot solja bin grebum im.\x + \xo 15:21 \xt Rom 16:13\x* \fig |src="CN01835B.TIF" size="col" ref="15:21" \fig*   
\p
\v 22 Wal deibin deigim Jisas langa det pleis gulum Hed Boun. Bat garram olabat langgus dei gulum det pleis Golgatha.  
\v 23 En deya na deibin trai en gibit im wain miksap garram medisin gulum mera blanga nomo filim det pein. Bat Jisas nomo bin dringgim det medisin.   
\p
\v 24-25 Wal wen imbin gulijap kabaditaim, deibin neilimap Jisas langa det kros,\x + \xo 15:24-25 \xt Saam 22:18\x*  
\v 26-27 en deibin pudum dubala stilinbala men langa kros du, wanbala raidensaid langa Jisas en wanbala lefthensaid langa im, en detlot solja bin gembul blanga win ola klos blanga Jisas, en deibin pudum lilwan sainbod ontop langa det kros.  
\v 28 Det sainbod bin tok, “Dijan na king blanga ola Juwish pipul.”\x + \xo 15:28 \xt Aisai 53:12\x*   
\p
\v 29 Wal loda pipul bin lukinatbat langa Jisas, en deibin jinginat en meigimbat fan langa im, “Hoi! Yubin tok yu garra meigim buldan det Serramoni Pleis, en yubin tok thrideistaim yu garra bildimbek det haus igin.\x + \xo 15:29 \xt Saam 22:7; 109:25; Mak 14:58; Jon 2:19\x*  
\v 30 Wal yu kamdan brom det kros en seibum miselp.”   
\p
\v 31 Wal detlot haibala serramonimen en lowamen bin mokimbat Jisas lagijat du. Deibin tok gija lagijat, “Imbin oldei album najalot pipul. Bat im kaan album im ronselp.  
\v 32 Dijan iya im gulum miselp Krais. Im reken im det Masaiya, det king blanga ola Isreil pipul. Wal larram im kamdan brom det kros na en wi gin luk en bilib langa im.”  
\p Wal det dubala men hubin heinginap said en said langa Jisas, dubala bin tok nogudbalawei langa im du.   
\s1 Jisas bin dai  
\r Methyu 27:45-56; Luk 23:44-49; Jon 19:28-30  
\p
\v 33 Bambai na wen imbin dinataim, det san bin go dakbala, en det kantri bin jidan dakbala raidap aftanun kabaditaim,  
\v 34 en wen imbin aftanun kabaditaim, Jisas bin jingat adbala garram im ron langgus, “Ilai, Ilai, lama sabaktani?” Detlot wed im tok, “Main God, main God, wotfo yubin libum mi?”\x + \xo 15:34 \xt Saam 22:1\x*   
\p
\v 35 Wal sambala pipul hubin jandap gulijap langa det kros bin irrim Jisas jingat lagijat, en deibin tok, “Yumob irrim im. Im jinginat blanga det speshalwan mesinja neim Ilaija hubin wokaran iya longtaim.”   
\p
\v 36 Wal wan men bin ran garram reig, en imbin sokum det reig langa wain, en imbin pudum det reig langa longwan stik, en imbin gibit langa Jisas na, en imbin tok, “Wi garra luk na if Ilaija garra kaman blanga deigimat im brom det kros.”\x + \xo 15:36 \xt Saam 69:21\x*   
\p
\v 37 Wal Jisas bin jingat adbala wanmo, en afta imbin dai.  
\v 38 En seimtaim wen Jisas bin dai, det bigwan ketin insaid langa det seikridwan rum deya langa det Serramoni Pleis bin breik brom top raitdan langa bodam.\x + \xo 15:38 \xt Eksa 26:31-33\x*   
\p
\v 39 Wal det boswan solja hubin jandapbat deya wotjimbat detlot kros bin luk hau Jisas bin dai, en imbin tok, “Trubala dijan im San blanga God!”   
\p
\v 40 Wal sambala gel bin deya du wotjimbat brom lilbit longwei. Meri Megdalin en det mami blanga Jeims en Josef neim Meri en det najawan gel neim Salomi, deibin ol jandapbat deya wen Jisas bin dai.  
\v 41 Detlot gel na bin oldei bulurrumbat en maindimbat Jisas wen imbin deya langa Gelali bifo imbin dai. En bigmob gel hubin kaman langa Jerusalem garram Jisas bin deya du.\x + \xo 15:41 \xt Luk 8:2,3\x*   
\s1 Josef bin berrim Jisas  
\r Methyu 27:57-61; Luk 23:50-56; Jon 19:38-42  
\p
\v 42-43 Bambai na wen imbin gulijap sangodan, wan men neim Josef bin go langa Pailat, en imbin askim im blanga det bodi blanga Jisas. Det men Josef bin growap langa det taun gulum Eramathiya, en imbin haibala kaunsala en ola pipul bin rispek im, en imbin bilib langa God trubalawei.  
\p Wal Josef bin askim Pailat blanga Jisas bodi, dumaji imbin wandi berrim det bodi bifo imbin Sebathdei,  
\v 44 en wen Pailat bin irrim Jisas bin dai streidawei, imbin hatjamp, en imbin jingat langa det boswan solja, en imbin askim im, “Trubala Jisas bin dai?”  
\v 45 En det boswan solja bin tok, “Imbin dai na.” En Pailat bin dalim Josef blanga gajim im bodi brom det kros.   
\p
\v 46 Wal Josef bin gajim sambala speshalwan bendij, en imbin pulumdan det bodi brom det kros, en imbin repdimap det bodi garram detlot bendij, en imbin pudum det bodi insaid langa nyuwan keib weya deibin grajim wansaid langa det hil, en imbin jadimap det greib garram bigwan ston.   
\p
\v 47 Wal det dubala gel neim Meri Megdalin en det najawan Meri hubin mami blanga Josef, dubala bin luk weya Josef bin pudum det bodi blanga Jisas.   
\c 16  
\s1 Jisas bin gidap laibala brom greib  
\r Methyu 28:1-8; Luk 24:1-12; Jon 20:1-10  
\p
\v 1 Afta na wen det Sebathdei bin binij, detlot thribala gel neim Meri Megdalin en Meri det mami blanga Jeims en det najawan gel neim Salomi, deibin baiyim det gudsmelwan medisin blanga rabum det bodi blanga Jisas,  
\v 2 en Sandei ailibala wen det san bin gidap, deibin go langa det greib,  
\v 3 en langa roud deibin askim miselp, “Hu garra pushumwei det bigwan ston brom det dowa?”   
\p
\v 4 Wal wen detlot gel bin kamat langa det greib deya, deibin luk det bigwan ston nomo bin deya langa det dowa, \fig |src="cn01850B.tif" size="col" ref="16:4" \fig*  
\v 5 en deibin gowin insaid langa det keib. En deibin luk wanbala yangboi deya hubin werrimon longwan waitwan klos, en imbin jidanbat raidensaid langa det keib.  
\p Wal detlot gel bin gida shok brabliwei wen deibin luk im deya langa det dowa,  
\v 6 en imbin tok langa olabat, “Yumob nomo bradin. Ai sabi hu yumob lukabat. Yumob lukabat det bodi blanga Jisas brom Nesareth. Imbin dai langa det kros. Bat imbin gidap laibala na. Yumob luk det pleis weya deibin pudum im bodi. Im nomo deya.  
\v 7 Wal yumob go en dalim detlot wekinmen blanga Jisas. Yumob garra tok, ‘Jisas garra go lida langa yumob langa Gelali. Deya na yumob garra luk im jis laik imbin dalim yumob basdam.’ En yumob garra dalim Pida lagijat du.” Lagijat na det einjul bin tok langa detlot gel.\x + \xo 16:7 \xt Meth 26:32; Mak 14:28\x*   
\p
\v 8 Wal detlot gel bin ranawei brom det greib na, en deibin brabli hatjamp, en deibin sheiksheik nomo lilbit, en dei nomo bin dalim enibodi wanim deibin luk, dumaji olabat bin bradin.   
\s1 Jisas bin shoum miselp langa Meri Megdalin  
\r Methyu 28:9,10; Jon 20:11-18  
\p
\v 9 Wal afta wen Jisas bin gidap laibala, imbin shoum miselp langa Meri Megdalin basdam. Longtaim Jisas bin andimwei sebenbala dibuldibul brom insaid langa det gel.  
\v 10 Wal Meri bin go en dalim detlot pipul hubin oldei wokabat garram Jisas. Olabat bin kraikrai dumaji Jisas bin dai,  
\v 11 bat olabat nomo bin bilib langa Meri wen imbin dalim olabat imbin luk Jisas laibala.   
\s1 Jisas bin shoum miselp langa dubala wekinmen blanga im  
\r Luk 24:13-35  
\p
\v 12 Afta na Jisas bin shoum miselp langa dubala wekinmen blanga im wen dubala bin wokwok langa roud blanga go langa najawan taun. Dubala bin luk Jisas bat dubala nomo bin sabi im.  
\v 13 Afta wen dubala bin gobek en dalim detlot najalot wekinmen, olabat nomo bin bilib langa dubala.   
\s1 Jisas bin shoum miselp langa detlot lebenbala wekinmen  
\r Methyu 28:16-20; Luk 24:36-49; Jon 20:19-23; Eks 1:6-8  
\p
\v 14 Bambai na Jisas bin shoum miselp langa detlot lebenbala wekinmen blanga im wen deibin dagadagat daga. Imbin graul langa olabat, dumaji olabat nomo bin bilib imbin gidap laibala. Dei nomo bin abum irriwol wen detlot pipul hubin luk im bin dalim olabat imbin gidap laibala, en dei nomo bin bilib langa olabat.   
\p
\v 15 Wal Jisas bin tok langa detlot wekinmen blanga im, “Yumob go langa ebri kantri en dalimbat det gudnyus langa ebribodi.\x + \xo 16:15 \xt Eks 1:8\x*   
\p
\v 16 “En God garra panishim detlot pipul hu nomo bilib langa det gudnyus, en im garra seibum detlot pipul hu bilib langa det gudnyus en beptais.  
\v 17 En detlot pipul hu bilib garra dumbat olkain klebabala ting. Dei garra andimwei dibuldibul wen dei yusum main neim, en dei garra tok difrindifrin langgus,  
\v 18 en if sneik baidim olabat wen dei holdim garram olabat bingga, det sneik kaan ardim olabat, en if dei dringgim poisinbala, wal im kaan poisinim olabat, en wen dei garra pudum olabat bingga langa sikbala pipul, God garra meigim olabat gudbala.” Lagijat na Jisas bin tok.   
\s1 God bin deigimwei Jisas langa hebin  
\r Luk 24:50-53; Eks 1:9-11  
\p
\v 19 Wal wen Jisas bin binij toktok langa im wekinmen olabat, God bin deigidawei im langa hebin, en deya na im jidan raidensaid langa God.\x + \xo 16:19 \xt Eks 1:9-11\x* \fig |src="DN00497b.tif" size="col" ref="16:19" \fig*   
\p
\v 20 Wal ol detlot wekinmen bin go, en deibin dalimbat det gudnyus ebriweya na, en Jisas bin deya garram olabat, en imbin gibit olabat im pawa blanga dumbat detlot klebabala ting, en detlot klebabala ting na bin jidan pruf blanga det gudnyus.  
\p Binij na.